20.6.2009   

MT

Il-Ġurnal Uffiċjali tal-Unjoni Ewropea

C 141/25

1)

L-Artikoli 1, 2(1) u 6(1) tad-Direttiva tal-Kunsill 2000/78/KE, tas-27 ta’ Novembru 2000, li tistabbilixxi qafas ġenerali għall-ugwaljanza fit-trattament fl-impjieg u fix-xogħol (1), għandhom jiġu interpretati fis-sens li jipprekludu dispożizzjoni legali nazzjonali, li daħlet fis-seħħ fl-1 ta’ Jannar 2001, li abbażi tagħha jistgħu jiġu konklużi kuntratti ta’ xogħol għal żmien fiss mingħajr kundizzjonijiet oħra ma’ ħaddiema sempliċement għaliex dawn laħqu l-età ta’ 58 sena?

2)

Il-punt 1 tal-klawżola 5 tal-ftehim qafas dwar xogħol għal żmien fiss konkluż mill-ETUC, mill-UNICE u mis-CEEP, implementat permezz tad-Direttiva tal-Kunsill 1999/70/KE, tat-28 ta’ Ġunju 1999 (2), għandu jiġi interpretat fis-sens li huwa jipprekludi dispożizzjoni legali nazzjonali li tawtorizza, mingħajr kundizzjonijiet oħra u mingħajr limitu ta’ żmien, il-konklużjoni ta’ numru illimitat ta’ kuntratti ta’ xogħol għal żmien fiss konsekuttivi fin-nuqqas ta’ raġuni oġġettiva sempliċement għaliex, fil-mument li fih tibda r-relazzjoni kuntrattwali għal żmien fiss, il-ħaddiem ikun laħaq l-età ta’ 58 sena u ma jkun hemm l-ebda rabta oġġettiva stretta ma’ relazzjoni preċedenti ta’ xogħol għal żmien indefinit mal-istess persuna li timpjega?

3)

Fil-każ li l-ewwel żewġ domandi jingħataw risposta fl-affermattiv:

Il-qrati nazzjonali huma marbuta li ma japplikawx id-dispożizzjoni tad-dritt nazzjonali?