|
3.7.2010 |
MT |
Il-Ġurnal Uffiċjali tal-Unjoni Ewropea |
C 179/14 |
Digriet tal-Qorti tal-Ġustizzja tat-18 ta’Marzu 2010 (talba għal deċiżjoni preliminari mill-Areios Pagos — il-Greċja) — Organismos Sillogikis Diacheirisis Dimiourgon Theatrikon kai Optikoakoustikon Ergon vs Divani Akropolis Anonimi Xenodocheiaki kai Touristiki Etaireia
(Kawża C-136/09) (1)
(“Artikolu 104(3) tar-Regoli tal-Proċedura - Drittijiet tal-awtur u drittijiet relatati fis soċjetà tal-informazzjoni - Direttiva 2001/29/KE - Artikolu 3 - Kunċett ta’ ‘komunikazzjoni lill-pubbliku’ - Xogħlijiet imxandra permezz ta’ settijiet tat-televiżjoni fil-kmamar tal-lukanda”)
(2010/C 179/23)
Lingwa tal-kawża: il-Grieg
Qorti tar-rinviju
Areios Pagos
Partijiet fil-kawża prinċipali
Rikorrenti: Organismos Sillogikis Diacheirisis Dimiourgon Theatrikon kai Optikoakoustikon Ergon
Konvenuti: Divani Akropolis Anonimi Xenodocheiaki kai Touristiki Etaireia
fil-preżenza ta’: Xenodocheiako Epimelitirio tis Ellados
Suġġett
Talba għal deċiżjoni preliminari — Areios Pagos — Interpretazzjoni tal-Artikolu 3(1) tad-Direttiva 2001/29/KE tal-Parlament Ewropew u tal-Kunsill, tat-22 ta’ Mejju 2001, dwar l-armonizzazzjoni ta’ ċerti aspetti ta’ drittijiet tal-awtur u drittijiet relatati fis soċjetà tal-informazzjoni (ĠU Edizzjoni Speċjali bil-Malti, Kapitolu 17, Vol. 1, p 230) — Kunċett ta’ “komunikazzjoni lill-pubbliku” — Xogħlijiet imxandra permezz ta’ settijiet tat-televiżjoni fil-kmamar tal-lukanda u konnessi mal-antenna ċentrali tal-lukanda mingħajr ebda intervent ieħor min-naħa tal-lukanda sabiex is-sinjal jiġi rċevut mill-klijenti
Dispożittiv
Il-lukandier, meta jinstalla s-settijiet tat televiżjoni fil-kmamar tal-lukanda tiegħu u meta jagħmel il-konnessjoni ta’ dawn is-settijiet mal-antenna ċentrali installata fl-istess lukanda, jagħmel, b’dan il-fatt biss, att ta’ komunikazzjoni lill-pubbliku fis-sens tal-Artikolu 3(1) tad-Direttiva 2001/29/KE tal-Parlament Ewropew u tal-Kunsill, tat-22 ta’ Mejju 2001, dwar l-armonizzazzjoni ta’ ċerti aspetti ta’ drittijiet tal-awtur u drittijiet relatati fis soċjetà tal-informazzjoni.