18.12.2010 |
MT |
Il-Ġurnal Uffiċjali tal-Unjoni Ewropea |
C 346/14 |
Sentenza tal-Qorti tal-Ġustizzja (It-Tieni Awla) tal-21 ta’ Ottubru 2010 (talba għal deċiżjoni preliminari tas-Szombathelyi Városi Bíróság — Ir-Repubblika tal-Ungerija) — proċeduri kriminali kontra Emil Eredics, Mária Vassné Sápi
(Kawża C-205/09) (1)
(Kooperazzjoni mill-pulizija u ġudizzjarja f’materji kriminali - Deċiżjoni Qafas 2001/220/JHA - Status tal-vittmi fil-kuntest tal-proċeduri kriminali - Kunċett ta’ “vittma” - Persuna ġuridika - Medjazzjoni kriminali fil-kuntest tal-proċeduri kriminali - Metodi ta’ applikazzjoni)
2010/C 346/23
Lingwa tal-kawża: l-Ungeriż
Qorti tar-rinviju
Szombathelyi Városi Bíróság
Partijiet fil-proċeduri kriminali prinċipali
Emil Eredics, Mária Vassné Sápi
Suġġett
Talba għal deċiżjoni preliminari — Szombathelyi Városi Bíróság — Interpretazzjoni tal-Artikoli 1(a) u 10 tad-Deċiżjoni Kwadru [Qafas] tal-Kunsill 2001/220/JHA, tal-15 ta’ Marzu 2001, dwar id-drittijiet [l-istatus] tal-vittmi fil-proċeduri kriminali — Proċeduri kriminali li fihom il-vittma hija persuna ġuridika u li fihom l-applikazzjoni tal-medjazzjoni kriminali hija eżkluża mid-dritt nazzjonali — Kunċett ta’ “vittma” tad-Deċiżjoni Qafas — Inklużjoni, għal dak li jirrigwarda d-dispożizzjonijiet dwar il-medjazzjoni kriminali, ta’ persuni oħra minbarra persuni fiżiċi? — Kundizzjonijiet għall-applikazzjoni tal-medjazzjoni penali fil-kuntest tal-proċeduri kriminali
Dispożittiv
(1) |
L-Artikoli 1(a) u 10 tad-Deċiżjoni Kwadru [Qafas] tal-Kunsill 2001/220/JHA, tal-15 ta’ Marzu 2001, dwar id-drittijiet [l-istatus] tal-vittmi fil-proċeduri kriminali, għandhom jiġu interpretati fis-sens li l-kunċett ta’ “vittma” ma jinkludix lill-persuni ġuridiċi għall-finijiet tal-promozzjoni tal-medjazzjoni fil-kawżi kriminali msemmija fl-imsemmi Artikolu 10(1). |
(2) |
L-Artikolu 10 tad-Deċiżjoni Kwadru [Qafas] 2001/220 għandu jiġi interpretat fis-sens li dan ma jobbligax lill-Istati Membri jippermettu l-użu tal-medjazzjoni għar-reati kollha li l-element materjali tagħhom iddefinit mil-leġiżlazzjoni nazzjonali jikkorrispondi essenzjalment għal dak tar-reati li fir-rigward tagħhom il-medjazzjoni hija espressament prevista mill-imsemmija leġiżlazzjoni. |