Sentenza tal-Qorti tal-Ġustizzja (It-Tielet Awla) tal-15 ta’ Lulju 2010 (talba għal deċiżjoni preliminari mill-Verwaltungsgerichtshof — L-Awstrija) — Alexander Hengartner, Rudolf Gasser vs Landesregierung Vorarlberg

(Kawża C-70/09) (1)

(Ftehim bejn il-Komunità Ewropea u l-Istati Membri tagħha, minn naħa, u l-Konfederazzjoni Svizzera, min-naħa l-oħra, dwar il-moviment liberu tal-persuni - Kiri ta’ art għall-kaċċa - Taxxa reġjonali - Kunċett ta’ attività ekonomika - Prinċipju ta’ trattament ugwali)

2010/C 246/08

Lingwa tal-kawża: il-Ġermaniż

Qorti tar-rinviju

Verwaltungsgerichtshof

Partijiet fil-kawża prinċipali

Rikorrenti: Alexander Hengartner, Rudolf Gasser

Konvenuta: Landesregierung Vorarlberg

Suġġett

Talba għal deċiżjoni preliminari — Verwaltungsgerichtshof (l-Awstrija) — Interpretazzjoni tal-Artikolu 43 KE — Kunċett ta’ attività ekonomika — Kaċċa b’għan sportiv u mingħajr skop ta’ lukru — Bejgħ ta’ selvaġġina sabiex jiġu koperti parti mill-ispejjeż relatati mal-kaċċa — Nuqqas ta’ benefiċċji

Dispożittiv

Id-dispożizzjonijiet tal-Ftehim bejn il-Komunità Ewropea u l-Istati Membri tagħha, minn naħa, u l-Konfederazzjoni Svizzera, min-naħa l-oħra, dwar il-moviment liberu tal-persuni, iffirmat fil-Lussemburgu fil-21 ta’ Ġunju 1999 ma jipprekludux illi ċittadin ta’ waħda mill-partijiet kontraenti jkun suġġett, fit-territorju tal-parti kontraenti l-oħra, bħala destinatarju ta’ servizzi, għal trattament differenti minn dak mogħti lill-persuni li għandhom ir-residenza prinċipali tagħhom fl-imsemmi territorju, liċ-ċittadini tal-Unjoni kif ukoll lill-persuni simili għalihom bis-saħħa tad-dritt tal-Unjoni, fir-rigward tal-ġbir ta’ taxxa dovuta għal-prestazzjoni ta’ servizzi, bħat-tqegħid għad-dispożizzjoni ta’ liċenzja ta’ kaċċa.

(1)  ĠU C 102, 01/05/2009.