15.8.2008 |
MT |
Il-Ġurnal Uffiċjali ta’ l-Unjoni Ewropea |
C 209/55 |
Rikors ippreżentat fit-12 ta' Mejju 2008 — Rui Manuel Alves dos Santos vs Il-Kummissjoni
(Kawża T-184/08)
(2008/C 209/99)
Lingwa tal-kawża: Il-Portugiż
Partijiet
Rikorrent: Rui Manuel Alves dos Santos (Rominha, Alvaiázere, Il-Portugall) (rappreżentant: A. Marques Fernandes, avukat)
Konvenuta: Il-Kummissjoni tal-Komunitajiet Ewropej
Talbiet tar-rikorrent
— |
Tannulla d-deċiżjoni tal-Kummissjoni Ewropea (KE), mogħtija fil-kuntest tal-każ 890 488 P1, notifikata lir-rikorrent fit-3 ta' Marzu 2008, li tobbliga lir-rikorrent iħallas lura l-ammont ta' EUR 25 485,02, li jikkorrispondi għal PTE 5 109 287. |
Motivi u argumenti prinċipali
L-attività ta' taħriġ twettqet kollha kemm hi.
L-awdituri għamlu użu minn kriterji li ma jirriflettux ir-realtà u kkonkludew li l-ispejjeż ma kinux eliġibbli għal raġunijiet totalment estranji għar-rikorrent.
L-ispejjeż kollha kellhom jiġu kkunsidrati eliġibbli u kellhom jittieħdu in kunsiderazzjoni fil-bilanċ finali.
Peress li għaddew kważi għoxrin sena, il-ħlas lura ta' kwalunkwe somma jikkostitwixxi inġustizzja flagranti u jmur kontra l-prinċipji fundamentali ta' proporzjonalità u ta' ċertezza legali taċ-ċittadini fil-konfront ta' l-istituzzjonijiet.