|
30.1.2010 |
MT |
Il-Ġurnal Uffiċjali tal-Unjoni Ewropea |
C 24/75 |
Sentenza tat-Tribunal għas-Servizz Pubbliku (L-Ewwel Awla) tat-30 ta’ Novembru 2009 — Wenig vs Il-Kummissjoni
(Kawża F-80/08) (1)
(Servizz pubbliku - Uffiċjali - Proċedura dixxiplinarja - Sospensjoni ta’ uffiċjal - Tnaqqis mill-paga - Allegazzjoni ta’ nuqqas serju - Drittijiet tad-difiża - Kompetenza - Nuqqas li tiġi ppubblikata delega ta’ poteri - Nuqqas ta’ komptenza tal-awtur tal-att ikkontestat)
2010/C 24/138
Lingwa tal-kawża:Il-Franċiż
Partijiet
Rikorrent: Fritz Harald Wenig (Woluwé-Saint-Pierre, il-Belġju) (rappreżentanti: G.-A. Dal, D. Voillemot, D. Bosquet u S. Woog, avukati)
Konvenuta: Il-Kummissjoni tal-Komunitajiet Ewropej (rappreżentanti: J. Currall u D. Martin, aġenti)
Suġġett
L-annullament tad-deċiżjoni tal-Kummissjoni li tissospendi lir-rikorrent u li tordna t-tnaqqis ta’ EUR 1 000 fix-xahar mill-paga tiegħu.
Dispożittiv
|
(1) |
Id-deċiżjoni tat-18 ta’ Settembru 2008 li permezz tagħha l-Kummissjoni tal-Komunitajiet Ewropej, skont l-Artikoli 23 u 24 tal-Anness IX tar-Regolamenti tal-Persunal, issospendiet lil F. H. Wenig għall-perijodu indeterminat u ordnat it-tnaqqis ta’ EUR 1 000 fix-xahar mil-paga tiegħu għal perijodu massimu ta’ sitt xhur hija annullata. |
|
(2) |
Il-Kummissjoni tal-Komunitajiet Ewropej hija kkundannata għall-ispejjeż tal-kawża prinċipali. |
|
(3) |
Kull parti għandha tbati l-ispejjeż rispettivi tagħha fil-proċeduri ta’ miżuri provviżorji. |
(1) ĠU C 313, 06.12.2008, p. 59