|
11.10.2008 |
MT |
Il-Ġurnal Uffiċjali ta’ l-Unjoni Ewropea |
C 260/6 |
Talba għal deċiżjoni preliminari magħmula mill-Corte suprema di cassazione (L-Italja) fil-15 ta' Lulju 2008 — Latex srl vs Agenzia delle Entrate, Amministrazione dell'Economia e delle Finanze
(Kawża C-316/08)
(2008/C 260/09)
Lingwa tal-kawża: It-Taljan
Qorti tar-rinviju
Corte Suprema di Cassazione
Partijiet fil-kawża prinċipali
Rikorrenti: Latex srl
Konvenuta: Agenzia delle Entrate, Amministrazione dell'Economia e delle Finanze
Domandi preliminari
|
1) |
L-Artikolu 18(4) tas-Sitt Direttiva (1) għandu, fid-dawl tan-newtralità tal-VAT, jiġi interpretat bħala li jippermetti lill-Istati Membri li jeskludu kompletament id-dritt għal tnaqqis tat-taxxa, anki fil-perijodu ta' wara s-snin in kwistjoni, u jipprovdu biss għal rifużjoni? |
|
2) |
Jekk ir-risposta għall-ewwel domanda hija fl-affermattiv, l-Artikolu 18(4) u l-prinċipju ta' l-effettività tal-protezzjoni tad-drittijiet li jirriżultaw mis-sistema legali Komunitarja għandhom jiġu kkunsidrati bħala li jimponu l-obbligu li l-Istati Membri għandhom xorta waħda jiggarantixxu li din ir-rifużjoni ssir fi żmien raġjonevoli? |
(1) Direttiva 388/77/KEE, ĠU L 145, p. 1.