|
20.6.2009 |
MT |
Il-Ġurnal Uffiċjali tal-Unjoni Ewropea |
C 141/19 |
Sentenza tal-Qorti tal-Ġustizzja (Is-Seba’ Awla) tat-2 ta’ April 2009 — Il-Kummissjoni tal-Komunitajiet Ewropej vs Ir-Repubblika tal-Awstrija
(Kawża C-401/08) (1)
(Nuqqas ta’ Stat li jwettaq obbligu - Direttiva 96/82/KE - Perikoli ta’ aċċidenti kbar fl-użu ta’ sustanzi perikolużi - Artikolu 11(1)(ċ) - Ttfassil ta’ ċerti pjani ta’ emerġenza esterna għall-miżuri li għandhom jittieħdu barra l-istabbilimenti - Nuqqas ta’ traspożizzjoni fit-terminu previst)
2009/C 141/32
Lingwa tal-kawża: Il-Ġermaniż
Partijiet
Rikorrenti: Il-Kummissjoni tal-Komunitajiet Ewropej (rappreżentanti: B. Schima u A. Sipos, aġenti)
Konvenuta: Ir-Repubblika tal-Awstrija (rappreżentant: E. Riedl, aġent)
Suġġett
Nuqqas ta’ Stat li jwettaq obbligu — Ksur tal-Artikolu 11(1)(ċ) tad-Direttiva tal-Kunsill 96/82/KE tad-9 ta’ Diċembru 1996 dwar il-kontroll ta’ perikoli ta’ aċċidenti kbar fl-użu ta’ sustanzi perikolużi, kif emendata bid-Direttiva 2003/105/KE (ĠU 1997, L 10, p. 13) — Nuqqas ta’ tfassil ta’ ċerti pjani ta’ emerġenza esterna għall-miżuri li għandhom jittieħdu barra l-istabbilimenti.
Dispożittiv
|
1) |
Peress li ma żguratx it-tfassil ta’ pjani ta’ emerġenza esterna għall-istabbilimenti kollha li jaqgħu taħt il-kamp ta’ applikazzjoni tal-Artikolu 9 tad-Direttiva tal-Kunsill 96/82/KE tad-9 ta’ Diċembru 1996 dwar il-kontroll ta’ perikoli ta’ aċċidenti kbar fl-użu ta’ sustanzi perikolużi, kif emendata bid-Direttiva 2003/105/KE tal-Parlament Ewropew u tal-Kunsill tas-16 ta’ Diċembru 2003, ir-Repubblika tal-Awstrija naqset milli twettaq l-obbligi tagħha taħt l-Artikolu 11(1)(ċ) ta’ din id-direttiva. |
|
2) |
Ir-Repubblika tal-Awtrija hija kkundannata għall-ispejjeż. |