Digriet tal-Qorti tal-Ġustizzja (It-Tmien Awla) tas-16 ta' April 2008 (talba għal deċiżjoni preliminari tat-Tribunal Superior de Justicia de Canarias — Spanja) — Club Náutico de Gran Canaria vs Comunidad Autónoma de Canarias

(Kawża C-186/07) (1)

(Talba għal deċiżjoni preliminari - Sitt Direttiva tal-VAT - Eżenzjonijiet - Servizzi li għandhom rabta mal-prattika ta' l-isport jew ta' l-edukazzjoni fiżika - Applikazzjoni għall-Gżejjer Kanarji - Sitwazzjoni purament nazzjonali - Rinviju - Inammissibbiltà manifesta tat-talba għal deċiżjoni preliminari)

(2008/C 209/21)

Lingwa tal-kawża: L-Ispanjol

Qorti tar-rinviju

Tribunal Superior de Justicia de Canarias

Partijiet fil-kawża prinċipali

Rikorrent: Club Náutico de Gran Canaria

Konvenuta: Comunidad Autónoma de Canarias

Suġġett

Talba għal deċiżjoni preliminari — Tribunal Superior de Justicia de Canarias — Interpretazzjoni tas-sentenza tal-Qorti tal-Ġustizzja fil-kawża C-124/96 li kkonstatat l-inkompatibbiltà ma' l-Artikolu 13A(1)(m) tas-Sitt Direttiva tal-Kunsill 77/388/KEE, tas-17 ta' Mejju 1977, fuq l-armonizzazzjoni tal-liġijiet ta' l-Istati Membri dwar taxxi fuq id-dħul mill-bejgħ — Sistema komuni ta' taxxa fuq il-valur miżjud: bażi uniformi ta' stima (ĠU L 145, p. 1) ta' leġiżlazzjoni nazzjonali li tipprovdi restrizzjonijiet għall-eżenzjoni mill-VAT ta' ċerti provvisti ta' servizzi li għandhom rabta stretta mal-prattika ta' l-isport jew ta' l-edukazzjoni fiżika — Applikazzjoni għall-Gżejjer Kanarji

Dispożittiv

It-talba għal deċiżjoni preliminari mressqa mit-Tribunal Superior de Justicia de Canarias, permezz ta' deċiżjoni tas-26 ta' Novembru 2006, hija inammissibbli.

(1)  ĠU C 129, 9.6.2007.