Sentenza tal-Qorti tal-Ġustizzja (It-Tieni Awla) tas-17 ta' April 2008 (talba għal deċiżjoni preliminari tar-Rechtbank van koophandel Hasselt, il-Belġju) — Confederatie van immobiliën-beroepen België, Beroepsinstituut van vastgoedmakelaars vs Willem Van Leuken

(Kawża C-197/06) (1)

(Rikonoxximent ta' diplomi - Direttiva 89/48/KEE - Aġent ta' proprjetà immobbli)

(2008/C 142/04)

Lingwa tal-kawża: L-Olandiż

Qorti tar-rinviju

Rechtbank van koophandel Hasselt

Partijiet fil-kawża prinċipali

Rikorrenti: Confederatie van immobiliën-beroepen België, Beroepsinstituut van vastgoedmakelaars

Konvenut: Willem Van Leuken

Suġġett

Talba għal deċiżjoni preliminari — Rechtnabk van Koophandel Hasselt — Interpretazzjoni ta' l-Artikoli 3 u 4 tad-Direttiva tal-Kunsill 89/48/KEE, tal-21 ta' Diċembru 1988, dwar sistema ġenerali għar-rikonoxximent ta' diplomi ta' edukazzjoni ogħla mogħtija mal-kompletar ta' l-edukazzjoni u t-taħriġ professjonali ta' mill-inqas tliet snin (ĠU 1989, L 19, p. 16) — Obbligu ta' aġent ta' proprjetà immobbli stabbilit fi Stat Membru u li jeżerċità attività ta' senserija fi Stat Membru ieħor li jissodisfa l-kundizzjonijiet għall-eżerċizzju ta' din il-professjoni imposti mil-leġiżlazzjoni ta' dan l-Istat Membru fl-implementazzjoni ta' din id-direttiva — L-istess obbligu fil-każ ta' ftehim ta' kollaborazzjoni bejn dan l-aġent u aġent awtorizzat mill-Istat Membru kkonċernat

Dispożittiv

L-Artikoli 3 u 4 tad-Direttiva tal-Kunsill 89/48/KEE, tal-21 ta' Diċembru 1988, dwar sistema ġenerali għar-rikonoxximent ta' diplomi ta' edukazzjoni ogħla mogħtija mal-kompletar ta' l-edukazzjoni u t-taħriġ professjonali ta' mill-inqas tliet snin, kif emendata mid-Direttiva 2001/19/KE tal-Parlament Ewropew u tal-Kunsill ta' l-14 ta' Mejju 2001, jipprekludu liġi ta' Stat Membru li tissuġġetta t-twettiq, fit-territorju tiegħu, ta' attivitajiet bħal dawk in kwistjoni fil-kawża prinċipali minn prestatarju stabbilit fi Stat Membru ieħor u li jkun jinsab f'sitwazzjoni bħal dik tal-konvenut fil-kawża prinċipali għal awtorizzazzjoni li l-ħruġ tagħha jkun suġġett għal eżitu pożittiv ta' test ta' kapaċità fil-liġi.

(1)  ĠU C 165, 15.7.2006.