|
3.7.2010 |
MT |
Il-Ġurnal Uffiċjali tal-Unjoni Ewropea |
C 179/29 |
Sentenza tal-Qorti Ġenerali tad-19 ta’ Mejju 2010 — IMI et vs Il-Kummissjoni
(Kawża T-18/05) (1)
(“Kompetizzjoni - Akkordji - Settur tal-pajpijiet tar-ram għall-plumbing - Deċiżjoni li tikkonstata ksur tal-Artikolu 81 KE - Ksur kontinwu u f’diversi forom - Interruzzjoni tal-parteċipazzjoni - Multi - Parteċipazzjoni limitata fl-akkordju”)
(2010/C 179/48)
Lingwa tal-kawża: l-Ingliż
Partijiet
Rikorrenti: IMI plc (Birmingham, Warwickshire, ir-Renju Unit); IMI Kynoch Ltd (Birmingham); u Yorkshire Copper Tube (Liverpool, Merseyside, ir-Renju Unit) (rappreżentanti: M. Struys u D. Arts, avukati)
Konvenuta: Il-Kummissjoni Ewropea (rappreżentanti: É. Gippini Fournier u S. Noë, aġenti)
Suġġett
Minn naħa waħda, talba għall-annullament tal-Artikolu 1(h) sa (j) tad-Deċiżjoni tal-Kummissjoni C(2004) 2826, tat-3 ta’ Settembre 2004, dwar proċedura skont l-Artikolu 81 [KE] u l-Artikolu 53 tal-Ftehim ŻEE (Każ COMP/E-1/38.069 — (Pajpijiet tar-ram għall-plumbing), u min-naħa l-oħra, sussidjarjament, talba għal t-tnaqqis tal-multa imposta b’din id-deċiżjoni fuq ir-rikorrenti.
Dispożittiv
|
(1) |
L-Artikolu 1(h) sa (j) tad-Deċiżjoni tal-Kummissjoni C(2004) 2826, tat-3 ta’ Settembru 2004, dwar proċedura skont l-Artikolu 81 [KE] u l-Artikolu 53 tal-Ftehim ŻEE (Każ COMP/E-1/38.069 — Pajpijiet tar-ram għall-plumbing), huwa annullat inkwantu jirrigwarda l-perijodu mill-1 ta’ Diċembru 1994 sal-11 ta’ April 1996. |
|
(2) |
L-ammont tal-multa imposta in solidum fuq IMI plc, fuq IMI Kynoch Ltd u fuq Yorkshire Copper Tube fl-Artikolu 2(f) tad-Deċiżjoni C(2004) 2826 huwa ffissat bħala EUR 38.556 miljun. |
|
(3) |
Il-kumplament tar-rikors huwa miċħud. |
|
(4) |
Il-Kummissjoni Ewropea għandha tbati l-ispejjeż tagħha u 40 % tal-ispejjeż sostnuti minn IMI, IMI Kynoch u Yorkshire Copper Tube. |
|
(5) |
IMI, IMI Kynoch u Yorkshire Copper Tube għandhom ibatu 60 % tal-ispejjeż tagħhom. |