|
22.11.2008 |
MT |
Il-Ġurnal Uffiċjali ta’ l-Unjoni Ewropea |
C 301/34 |
Digriet tal-Qorti tal-Prim'Istanza tat-12 ta' Settembru 2008 — Patrick Rousseaux vs Il-Kummissjoni tal-Komunitajiet Ewropej
(Kawża T-125/04) (1)
(“Servizz pubbliku - Uffiċjali - Sentenza interlokutorja - M'hemmx lok li tingħata deċiżjoni’)
(2008/C 301/56)
Lingwa tal-kawża: Il-Franċiż
Partijiet
Rikorrent: Patrick Rousseaux (Brussell, il-Belġju) (rappreżentant: N. Lhoëst, avocat)
Konvenuta: Il-Kummissjoni tal-Komunitajiet Ewropej (rappreżentanti: J. Curral u H. Krämer, aġenti, assistiti minn B. Wägenbaur, avocat)
Suġġett
Minn naħa, talba għall-annullament tad-deċiżjoni tal-Kummissjoni tal-14 ta' April 2003, li bidlet il-klassifikazzjoni fil-grad tar-rikorrent, safejn din tiffissa l-klassifikazzjoni tiegħu fl-iskala, fid-data tal-ħatra tiegħu, għall-grad A6, it-tieni skala, safejn tiffissa l-5 ta' Ottubru 1995 bħala d-data li fiha hija tibda tipproduċi l-effetti pekunjarji tagħha u safejn ma terġax tistabbilixxi l-karriera fil-grad tar-rikorrent kif ukoll talba għall-annullament tad-deċiżjoni li tiċħad l-ilment tar-rikorrent u, min-naħa l-oħra, talba għall-kumpens għad-dannu allegat derivanti minn din id-deċiżjoni.
Dispożittiv
|
1) |
M'hemmx lok li tingħata deċiżjoni fir-rigward ta' dan ir-rikors. |
|
2) |
Il-Kummissjoni għandha tbati l-ispejjeż kollha. |