Sentenza tal-Qorti tal-Prim’Istanza (Il-Ħames Awla Estiża) tal-25 ta’ Ottubru 2007 – Ferriere Nord vs Il-Kummissjoni
(Kawża T-94/03)
“Akkordji – Produtturi ta’ vireg tal-ħadid li jsaħħu l-konkrit – Deċiżjoni li tikkonstata ksur ta’ l-Artikolu 65 KEFA – Deċiżjoni bbażata fuq it-Trattat KEFA wara l-iskadenza ta’ l-imsemmi Trattat – Nuqqas ta’ kompetenza tal-Kummissjoni”
1. KEFA - Akkordji - Deċiżjoni tal-Kummissjoni li tikkonstata ksur ta’ l-Artikolu 65 KEFA wara l-iskadenza ta’ l-imsemmi Trattat (Artikolu 65(1), (4) u (5) KEFA; Regolament tal-Kunsill Nru 17, Artikoli 3 u 15(2)) (ara l-punti 58, 60, 75-76, 79)
2. KEFA - Akkordji - Kompetenza tal-Kummissjoni skond l-Artikolu 65(4) u (5) KEFA li tikkonstata u tippenalizza ksur ta’ l-Artikolu 65(1) KEFA - Tmiem ta’ eżistenza fl-iskadenza tat-Trattat KEFA (Artikoli 65(1), (4) u 5 u 97 KEFA; Artikolu 305(1) KE; Trattat li jgħaqqad) (ara l-punti 91-94, 96, 98)
Suġġett
Talba għall-annullament tad-Deċiżjoni tal-Kummissjoni C (2002) 5087 finali, tas-17 ta’ Diċembru 2002, dwar proċedura skond l-Artikolu 65 KEFA (COMP/37.956 – Vireg tal-ħadid li jsaħħu l-konkrit). |
Dispożittiv
1) |
Id-Deċiżjoni tal-Kummissjoni C (2002) 5087 finali, tas-17 ta’ Diċembru 2002, dwar proċedura skond l-Artikolu 65 KEFA (COMP/37.956 – Vireg tal-ħadid li jsaħħu l-konkrit), hija annullata fir-rigward ta’ Ferriere Nord SpA. |
2) |
Il-Kummissjoni għandha tbati l-ispejjeż tagħha kif ukoll dawk ta’ Ferriere Nord. |
3) |
Ir-Repubblika Taljana għandha tbati l-ispejjeż tagħha. |