IL-KUMMISSJONI EWROPEA

Brussell, 25.3.2026

COM(2026) 135 final

2026/0078(COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-istabbiliment tal-Programm għall-innovazzjoni aġli u rapida fid-difiża (AGILE)

(Test b’rilevanza għaż-ŻEE)

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

•Konsistenza mad-dispożizzjonijiet eżistenti fil-qasam ta’ politika kkonċernat

•Konsistenza ma’ politiki oħra tal-Unjoni

2.BAŻI LEGALI, SUSSIDJARJETÀ U PROPORZJONALITÀ

•Bażi legali

•Sussidjarjetà (għall-kompetenza mhux esklużiva)

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Konsultazzjonijiet mal-partijiet ikkonċernati

•Ġbir u użu tal-għarfien espert

•Valutazzjoni tal-impatt

•Idoneità regolatorja u simplifikazzjoni

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRA

•Pjanijiet ta’ implimentazzjoni u arranġamenti għall-monitoraġġ, l-evalwazzjoni u r-rapportar

2026/0078 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar l-istabbiliment tal-Programm għall-innovazzjoni aġli u rapida fid-difiża (AGILE)

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 173(3) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 7 ,

Filwaqt li jaġixxu f’konformità mal-proċedura leġiżlattiva ordinarja,

Billi:

(1)Ir-ritorn ta’ gwerra ta’ intensità għolja kkawżata mill-gwerra ta’ aggressjoni mhux provokata u mhux ġustifikata tar-Russja kontra l-Ukrajna jikkostitwixxi sfida eżistenzjali għall-Unjoni, li tirrikjedi żieda sinifikanti u dejjiema fil-kapaċità tal-Istati Membri li jsaħħu l-abbiltajiet tad-difiża u l-prontezza tagħhom. Id-deterjorament fit-tul tas-sigurtà reġjonali u globali jirrikjedi trasformazzjoni profonda tal-Bażi Industrijali u Teknoloġika tad-Difiża Ewropea (EDTIB) biex tiġi żgurata l-kapaċità tagħha li tipprovdi prodotti innovattivi tad-difiża meħtieġa mill-forzi armati tal-Istati Membri fl-iskala u fil-ħin, b’mod partikolari fi żminijiet ta’ gwerra.

(2)L-Istati Membri, fil-laqgħa tal-Kapijiet ta’ Stat jew ta’ Gvern tal-Unjoni f’Versailles fil-11 ta’ Marzu 2022, impenjaw ruħhom li jsaħħu l-abbiltajiet Ewropej tad-difiża u li jżidu n-nefqa tagħhom fid-difiża, iżidu l-kooperazzjoni permezz ta’ proġetti konġunti u akkwist komuni ta’ abbiltajiet ta’ difiża, jindirizzaw in-nuqqasijiet, jagħtu spinta lill-innovazzjoni u jsaħħu u jiżviluppaw l-Industrija tad-Difiża Ewropea.

(3)L-innovazzjoni hija kritika biex tinkiseb u tiġi appoġġata l-prontezza tad-difiża tal-Ewropa, b’mod partikolari fl-era tal-lum ta’ intensifikazzjoni tat-theddid, kompetizzjoni sistemika, u rivalitajiet ġeopolitiċi. Il-proliferazzjoni tat-theddid qanqlet tellieqa tal-armi internazzjonali u kompetizzjoni teknoloġika globali, b’teknoloġiji emerġenti u rivoluzzjonarji f’oqsma bħall-IA, il-kwantistika, ir-robotika, iċ-ċibernetika u l-ispazju, li għandhom rwol deċiżiv fiż-żamma ta’ vantaġġ strateġiku u fl-iżgurar ta’ deterrenza kredibbli. Biex jinkiseb dan huma meħtieġa l-ittestjar, il-validazzjoni u l-integrazzjoni rapidi ta’ dawn it-teknoloġiji fl-abbiltajiet tad-difiża, kif ukoll l-involviment kontinwu mal-ekosistema tat-teknoloġija u tal-innovazzjoni.

(4)Il-gwerra fl-Ukrajna turi kemm qed jevolvu malajr it-teknoloġiji tad-difiża. Iċ-ċikli tal-innovazzjoni qed isiru aktar rapidi, u dan ifisser li l-prodotti tad-difiża jridu jadattaw malajr. Barra minn hekk, dawn il-bidliet qed isawru mill-ġdid id-dinamika tal-kamp tal-battalja. L-SMEs, inklużi l-istart-ups u l-iscale-ups innovattivi, spiss bi sfond ċivili importanti, għandhom rwol ewlieni fl-appoġġ tad-difiża u tal-forzi armati tal-Ukrajna. Dawn l-atturi tad-Difiża l-Ġdida jġibu magħhom innovazzjoni aktar rapida, flessibbiltà akbar, soluzzjonijiet kosteffiċjenti, u ideat u proċessi operazzjonali ġodda. B’riżultat ta’ dan, qed isiru forza mexxejja ewlenija fit-trasformazzjoni tal-EDTIB. Il-White Paper għall-Prontezza tad-Difiża Ewropea 2030 tenfasizza l-importanza ta’ ekosistema tal-innovazzjoni teknoloġika b’saħħitha. Dan huwa essenzjali biex jiġi żgurat li l-industrija tad-difiża tal-Ewropa tkun tista’ żżomm il-pass man-natura tal-gwerra moderna li qed tinbidel malajr.

(5)Biex tipprovdi appoġġ komprensiv għar-riċerka u għall-iżvilupp kollaborattivi (R&Ż) tal-prodotti u tat-teknoloġiji tad-difiża, l-Unjoni stabbiliet il-Fond Ewropew għad-Difiża (EDF). B’baġit ta’ EUR 7,3 biljun fl-ambitu tal-QFP 2021-2027, l-EDF għandu l-għan li jippromwovi l-kompetittività, l-effiċjenza u l-kapaċità tal-innovazzjoni tal-EDTIB, kif ukoll li jnaqqas il-frammentazzjoni fl-EDTIB. Bħala wieħed mill-akbar programmi tar-R&Ż fil-qasam tad-difiża fl-Ewropa, l-EDF jappoġġa l-iżvilupp kollaborattiv tal-aktar sistemi tad-difiża kumplessi li l-ebda Stat Membru ma jista’ jaffordja li jiżviluppa waħdu. Jappoġġa wkoll l-iżvilupp ta’ ktajjen tal-provvista tad-difiża Ewropej ġodda. Bħala parti mill-EDF, l-Iskema tal-UE għall-Innovazzjoni fid-Difiża (EUDIS) ġiet stabbilita fl-2022, biex tipprovdi appoġġ immirat lill-atturi tad-difiża mhux tradizzjonali, b’mod partikolari l-SMEs u l-istart-ups, u biex tnaqqas l-ostakli għad-dħul fis-suq. L-EUDIS tinvolvi diversi inizjattivi, bħal sejħiet immirati għar-R&Ż, aċċellerazzjoni tan-negozju u servizzi ta’ tlaqqigħ, hackathons, u finanzjament mill-bejgħ ta’ ishma, li jammontaw għal madwar 20 % tal-baġit tal-EDF impenjat kull sena. Dawn l-azzjonijiet ikkontribwew b’mod sinifikanti għall-espansjoni tal-EDTIB u għat-trawwim tal-kapaċità tal-innovazzjoni fid-difiża madwar l-Unjoni. Barra minn hekk, l-inizjattiva BraveTech EU tal-EDF tipprovdi aktar appoġġ għall-innovaturi tad-difiża, u toffrilhom aċċess gradwali għall-finanzjament flimkien mal-ittestjar tat-teknoloġija u ċ-ċikli ta’ żvilupp iterattiv. Din tiffoka fuq l-iżvilupp ta’ soluzzjonijiet ibbażati fuq il-ħtiġijiet tad-difiża identifikati mill-Ukrajna, li jagħtu lill-industrija Ukrena opportunità diretta biex tikkollabora mal-innovaturi tad-difiża tal-UE.

(6)Ir-Regolamenti (UE) 2021/695 8 u (UE) 2024/795 9 jippermettu lill-Aċċelleratur tal-Kunsill Ewropew tal-Innovazzjoni (EIC) jappoġġa t-teknoloġiji b’użu doppju u jistimula l-investiment fit-teknoloġiji tad-difiża skont il-Pjattaforma tat-Teknoloġiji Strateġiċi għall-Ewropa (STEP). Barra minn hekk, dan ir-Regolament jippermetti l-appoġġ dirett tal-EIC għat-teknoloġiji tad-difiża fil-forma ta’ finanzjament dirett mill-bejgħ ta’ ishma.

(7)Ir-Regolament (UE) 2025/2653 10 introduċa wkoll bidliet immirati fir-Regolament (UE) 2021/697 11 , b’mod partikolari fir-rigward tal-azzjonijiet dwar it-teknoloġija rivoluzzjonarja għad-difiża. B’mod speċifiku, dawk il-bidliet jipprovdu l-possibbiltà li fil-programm ta’ ħidma jiġu ddefiniti l-aktar forom xierqa ta’ kriterji u proċeduri għall-għażla u għall-aġġudikazzjoni għal kull sejħa għal proposti ta’ proġetti. Barra minn hekk, ir-Regolament (UE) [referenza tal-omnibus dwar il-prontezza tad-difiża], introduċa aktar emendi tar-Regolament (UE) 2021/697, u espanda din il-possibbiltà biex ikopri s-sejħiet kollha mnedija fl-ambitu tal-Fond Ewropew għad-Difiża, b’mod partikolari dawk immirati lejn l-SMEs.

(8)Minbarra dawk l-isforzi sostanzjali, jenħtieġ li jiġi stabbilit programm ġdid (il-Programm AGILE, “il-Programm”) biex jipprovdi appoġġ rapidu, aġli u mmirat lill-SMEs, inklużi l-istart-ups u l-iscale-ups innovattivi sa fejn dawn jissodisfaw ir-rekwiżiti tad-definizzjoni tal-SMEs, biex jiżviluppaw soluzzjonijiet innovattivi tad-difiża. Jenħtieġ li l-programm jiffoka fuq l-appoġġ għall-iżvilupp ta’ prodotti u teknoloġiji emerġenti u rivoluzzjonarji għad-difiża sa livell għoli ta’ prontezza teknoloġika, inkluż l-adattament tat-teknoloġiji ċivili għal applikazzjonijiet tad-difiża, biex jiġu indirizzati l-ħtiġijiet l-aktar urġenti tal-iżvilupp tal-abbiltà tal-Istati Membri u tal-pajjiżi terzi assoċjati, b’enfasi partikolari fuq soluzzjonijiet tad-difiża b’kost baxx.

(9)Sabiex tiġi żgurata l-implimentazzjoni effiċjenti tal-baġit tal-UE, il-Programm AGILE se jkun kompletament komplementari għall-istrumenti eżistenti tal-UE li jappoġġaw l-innovazzjoni fid-difiża. L-EUDIS tappoġġa l-atturi tad-difiża mhux tradizzjonali fil-qafas usa’ tal-EDF, inklużi għotjiet għar-R&Ż għal konsorzji u għal azzjonijiet oħra ta’ appoġġ immirati lejn entitajiet uniċi (l-Aċċelleratur tan-Negozju, it-Tlaqqigħ). Iċ-Ċentru ta’ Innovazzjoni fid-Difiża (HEDI), ġestit mill-Aġenzija Ewropea għad-Difiża (EDA), irawwem il-kooperazzjoni fost l-Istati Membri dwar l-innovazzjoni fid-difiża. L-EIC huwa programm ta’ innovazzjoni ewlieni tal-UE biex jiġu identifikati, żviluppati u miżjuda t-teknoloġiji trasformattivi u l-innovazzjoni rivoluzzjonarja. Wara l-adozzjoni tar-Regolament (UE) 2025/2653, l-Iskema STEP Scale UP tal-EIC se tipprovdi finanzjament dirett mill-bejgħ ta’ ishma biex tgħin lill-kumpaniji tad-difiża u dawk b’użu doppju jżidu l-innovazzjonijiet tagħhom. AGILE jelimina distakk distint, peress li se joffri appoġġ simplifikat u dirett lil SMEs individwali, inklużi start-ups u scale-ups innovattivi, għall-iżvilupp ta’ soluzzjonijiet innovattivi u għall-adozzjoni tiegħu mill-Istati Membri u mill-industrija, bi skedi ta’ żmien qosra ħafna għall-aġġudikazzjoni u b’rabta ċara mal-ħtiġijiet tal-abbiltà tal-Istati Membri. Għalhekk, jenħtieġ li jippermetti lill-Unjoni tippilota approċċi ġodda biex tappoġġa l-innovazzjoni fid-difiża, filwaqt li tikkomplementa l-istrumenti eżistenti tal-UE f’diversi livelli ta’ maturità, daqsijiet ta’ konsorzji, perjodi ta’ żmien u oqsma teknoloġiċi. L-evoluzzjoni rapida tat-theddid għad-difiża teħtieġ bidla lejn approċċ aktar flessibbli biex il-kumpaniji innovattivi (b’mod partikolari l-SMEs, inklużi l-istart-ups u l-iscale-ups innovattivi) ikunu jistgħu jwieġbu malajr għall-isfidi tal-abbiltà identifikati. Għalhekk, jenħtieġ li l-Programm jagħti prijorità lill-attivitajiet ta’ innovazzjoni bbażati fuq l-isfidi b’ċikli ta’ iterazzjoni rapidi, marbuta direttament mar-rekwiżiti operazzjonali prijoritarji tal-Istati Membri.

(10)B’mod partikolari, jenħtieġ li l-Programm ifittex li jaċċellera b’mod sinifikanti ċ-ċikli tal-innovazzjoni tal-prodotti u t-teknoloġiji tad-difiża b’potenzjal rivoluzzjonarju kbir, li mistennija jkunu jistgħu jiġu sfruttati bis-sħiħ mis-sena li ġejja sa 3 snin wara. Jenħtieġ li joffri lill-innovaturi l-akbar flessibbiltà possibbli biex jipproponu soluzzjonijiet ġodda, inkluż minn entitajiet ġuridiċi uniċi, filwaqt li jippermetti s-sottokuntrattar ta’ kompiti speċifiċi jew il-kollaborazzjoni ma’ entitajiet oħra matul l-implimentazzjoni.

(11)Madankollu, l-isfida strutturali persistenti għall-SMEs Ewropej tad-difiża, inklużi l-istart-ups u l-iscale-ups innovattivi, hija d-distakk bejn l-innovazzjoni ta’ suċċess u l-varar operazzjonali mill-forzi armati tal-Istati Membri u tal-pajjiżi terzi assoċjati. Biex jindirizza dak id-distakk, jenħtieġ li l-Programm jallinja mal-ħtiġijiet tad-difiża ġenwini u ta’ prijorità, tal-Istati Membri u tal-pajjiżi terzi assoċjati. B’dan il-mod, jenħtieġ li jappoġġa l-adozzjoni ta’ soluzzjonijiet ta’ innovazzjoni mill-forzi armati u mill-industrija tad-difiża tagħhom, b’mod partikolari l-kuntratturi ewlenin u s-sottokuntratturi tal-ewwel livell. Jenħtieġ li l-Programm jistabbilixxi proċess rapidu li jippermetti lill-Unjoni tappoġġa l-ittestjar u l-varar ta’ mekkaniżmi tal-appoġġ innovattivi li jindirizzaw l-aktar rekwiżiti urġenti tal-prontezza tad-difiża, inkluż b’appoġġ għall-Inizjattivi Emblematiċi għall-Prontezza Ewropea.

(12)Għal dan l-għan, jenħtieġ li l-Programm jappoġġa l-attivitajiet li jinvolvu l-ittestjar, l-esperimentazzjoni u d-dimostrazzjonijiet fuq il-post. Jenħtieġ li dawn l-attivitajiet jippermettu lill-entitajiet jivvalidaw is-soluzzjonijiet innovattivi f’kundizzjonijiet operazzjonali realistiċi, filwaqt li jiġġeneraw il-feedback f’ħin reali li jista’ jintuża biex jiġu rfinati u jittejbu s-soluzzjonijiet permezz ta’ proċess iterattiv. L-involviment attiv tal-Istati Membri huwa kruċjali f’kull stadju ta’ dan il-proċess, mill-istabbiliment ta’ rekwiżiti tal-ttestjar sal-valutazzjoni tal-abbiltajiet murija. Dan se jgħin biex jinħolqu sinjali kredibbli tad-domanda u jiġu ffaċilitati deċiżjonijiet sussegwenti dwar l-akkwist. Barra minn hekk, il-Programm jista’ jappoġġa l-adozzjoni ta’ teknoloġiji u ta’ prodotti ġodda billi jaggrega d-domanda, u juża mekkaniżmi innovattivi tal-akkwist, bħal sħubijiet għall-innovazzjoni. Jistgħu jiġu żviluppati wkoll pjattaformi u servizzi kondiviżi biex jindirizzaw il-ħtiġijiet operazzjonali komuni ta’ diversi utenti finali.

(13)L-abbiltajiet ibbażati fl-ispazju saru faċilitaturi indispensabbli tal-operazzjonijiet moderni tad-difiża u tas-sigurtà, billi jipprovdu funzjonijiet kritiċi inklużi l-intelligence, is-sorveljanza u r-rikonjizzjoni, il-komunikazzjonijiet siguri, il-pożizzjonament, in-navigazzjoni u s-sinkronizzazzjoni, u t-twissija bikrija. Barra minn hekk, id-dipendenza dejjem akbar tal-forzi armati fuq l-assi bbażati fl-ispazju, flimkien mal-vulnerabbiltà dejjem akbar tal-infrastruttura spazjali għat-theddid, jagħmlu r-reżiljenza u r-rispons tas-settur spazjali Ewropew prijorità strateġika. Fil-White Paper għall-Prontezza tad-Difiża Ewropea 2030, l-ispazju huwa identifikat bħala faċilitatur strateġiku ewlieni fl-oqsma tal-abbiltà ta’ prijorità stabbiliti mill-UE u mill-Istati Membri tagħha, u l-Pjan Direzzjonali għall-Prontezza tad-Difiża jipproponi Tarka Spazjali Ewropea bħala inizjattiva emblematika potenzjali. In-natura b’użu doppju tat-teknoloġiji u tas-servizzi spazjali tfisser li l-innovazzjoni fis-settur spazjali għandha implikazzjonijiet diretti u immedjati għall-abbiltajiet tad-difiża, u li d-domanda mmexxija mid-difiża tista’ taċċellera l-iżvilupp u l-kummerċjalizzazzjoni tat-teknoloġiji spazjali Ewropej. Għalhekk, jenħtieġ li l-Programm jappoġġa l-iżvilupp ta’ abbiltajiet tad-difiża innovattivi bbażati fl-ispazju u ffaċilitati mill-ispazju, billi jinkludi lill-entranti ġodda u l-atturi mhux tradizzjonali, ħalli jittejbu l-awtonomija strateġika tal-Unjoni fl-ispazju u l-EDTIB. Dan jinkludi l-kontribut għall-iżvilupp ta’ Servizz Governattiv għall-Osservazzjoni tad-Dinja (EOGS) futur b’abbiltajiet ta’ osservazzjoni tad-dinja awtonomi, reżiljenti u ta’ grad ta’ difiża. Jenħtieġ li l-Programm jappoġġa wkoll l-attivitajiet fid-dominju spazjali biex jaċċellera l-adozzjoni tal-abbiltajiet tad-difiża bbażati fl-ispazju mill-Istati Membri u mill-UE, f’konformità mal-Programm Spazjali, mal-Programm għal Konnettività Sigura jew fir-rigward tal-attivitajiet taċ-Ċentru Satellitari tal-UE (SatCen), filwaqt li jiżgura l-konsistenza mal-inizjattivi rilevanti tal-Unjoni relatati mal-ispazju.

(14)Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata setgħat ta’ implimentazzjoni għall-adozzjoni ta’ programmi ta’ ħidma. Jenħtieġ li dawk is-setgħat jiġu eżerċitati f’konformità mar-Regolament (UE) Nru 182/2011 12 . Sabiex jiġu żgurati l-adozzjoni rapida ta’ dawn il-programmi ta’ ħidma u, fl-aħħar mill-aħħar, l-implimentazzjoni tal-Programm għall-benefiċċju tal-ekosistema tal-SMEs Ewropej tad-difiża, jenħtieġ li l-Kummissjoni tkun tista’ tuża l-proċedura konsultattiva stabbilita fl-Artikolu 4 tar-Regolament imsemmi hawn fuq.

(15)Jenħtieġ li l-programm ta’ ħidma jistabbilixxi sfidi, definiti bħala sejħiet għal proposti, li jindirizzaw ħtiġijiet speċifiċi tad-difiża identifikati f’koordinazzjoni mal-Istati Membri, abbażi ta’ proċess strutturat li jinvolvi lill-Istati Membri sabiex il-proġetti appoġġati jwieġbu għal ħtiġijiet tad-difiża ġenwini u ta’ prijorità tal-Istati Membri. Għal dan l-għan, il-programm ta’ ħidma jista’ jibbaża wkoll fuq il-kontribut mill-industriji ewlenin u l-EDA bil-ħsieb li jiġu indirizzati ħtiġijiet speċifiċi tal-abbiltà mmexxija mill-missjoni. Fil-każijiet kollha, jenħtieġ li tingħata prijorità lill-isfidi li jattiraw l-aktar appoġġ wiesa’ possibbli mill-Istati Membri, u dan jirrifletti domanda komuni ġenwina u allinjament strateġiku, u jikkontribwixxi għall-prontezza tad-difiża tal-UE kollha kemm hi. Sabiex ikopri l-firxa sħiħa tal-innovazzjoni, jenħtieġ li l-Programm jinkludi wkoll sejħiet li jindirizzaw objettivi usa’ tal-innovazzjoni fid-difiża. Fl-għażla tal-proġetti fl-ambitu ta’ tali sejħiet u sfidi, jenħtieġ li l-Kummissjoni tiżgura li l-Programm jikkontribwixxi għat-tisħiħ tal-kapaċità industrijali tad-difiża madwar l-Unjoni kollha kemm hi u għall-indirizzar ta’ theddid urġenti u dejjiem.

(16)Il-Programm għandu l-għan li jappoġġa l-isforzi tal-innovazzjoni tal-atturi tad-difiża mhux tradizzjonali, u primarjament tal-SMEs, inklużi l-istart-ups u l-iscale-ups innovattivi. Billi jipprovdi appoġġ immirat, il-Programm ifittex li jaċċellera l-maturazzjoni u l-irfinar tat-teknoloġiji u tal-prodotti rivoluzzjonarji tagħhom, u jressaqhom eqreb lejn is-suq, u fl-aħħar mill-aħħar itejjeb il-kompetittività u t-tkabbir tagħhom.

(17)Peress li l-Programm AGILE għandu l-għan li jappoġġa l-kapaċità tal-innovazzjoni tal-industrija tad-difiża tal-Unjoni, jenħtieġ li jkunu eliġibbli għall-appoġġ biss l-entitajiet ġuridiċi li huma stabbiliti fl-UE jew f’pajjiżi terzi assoċjati u li ma humiex soġġetti għal kontroll minn pajjiżi terzi mhux assoċjati jew minn entitajiet ta’ pajjiżi terzi mhux assoċjati. Barra minn hekk, biex jiġu protetti l-interessi essenzjali tas-sigurtà u tad-difiża tal-Unjoni u tal-Istati Membri tagħha, l-infrastruttura, il-faċilitajiet, l-assi u r-riżorsi tar-riċevituri u tas-sottokuntratturi involuti f’azzjoni appoġġata mill-Programm jenħtieġ li jkunu jinsabu fit-territorju ta’ Stat Membru jew ta’ pajjiż terz assoċjat għad-durata kollha ta’ azzjoni, u r-riċevituri jenħtieġ li jkollhom l-istrutturi maniġerjali eżekuttivi tagħhom fl-UE jew f’pajjiż terz assoċjat. Sabiex jiġu ssalvagwardjati dawn l-interessi essenzjali tas-sigurtà u tad-difiża, jenħtieġ li dawk il-kriterji tal-eliġibbiltà japplikaw ukoll għall-finanzjament ipprovdut permezz tal-akkwist.

(18)L-evalwazzjoni interim tal-Fond Ewropew għad-Difiża (EDF) uriet li l-piż amministrattiv u ż-żmien meħtieġ biex jiġu pprovduti l-garanziji meta riċevitur stabbilit fl-UE jkun ikkontrollat minn pajjiż terz jew minn entità mhux assoċjata huma inkompatibbli mal-veloċità u mal-flessibbiltà neċessarji għall-implimentazzjoni effettiva tal-programm. Sabiex tiġi indirizzata din l-isfida u tiġi ffaċilitata l-implimentazzjoni rapida tal-Programm, jenħtieġ li ma jkunux permessi derogi mill-prinċipju li r-riċevituri ma għandhomx ikunu kkontrollati minn entitajiet stabbiliti barra mill-UE jew minn pajjiżi assoċjati. Il-prattika minn programmi preċedenti tal-industrija tad-difiża tindika wkoll li l-għoti ta’ garanziji jirriżulta f’kumplessità proċedurali addizzjonali u perjodi ta’ evalwazzjoni itwal, filwaqt li t-tneħħija ta’ din l-eċċezzjoni x’aktarx li ma taffettwax b’mod sinifikanti l-għadd ta’ entitajiet eliġibbli.

(19)Sabiex jiġi żgurat li l-forzi armati tal-Istati Membri jkunu jistgħu jibbenefikaw minn teknoloġiji u innovazzjoni mill-aktar avvanzati, jenħtieġ li l-Programm ikun jista’ jipprovdi inċentivi biex jattira l-SMEs, inklużi l-istart-ups u l-iscale-ups innovattivi, stabbiliti barra mill-UE jew minn pajjiżi terzi assoċjati iżda li jkollhom il-potenzjal li jikkontribwixxu b’mod sinifikanti għall-kisba tal-objettivi tal-Programm.  Għal dan l-għan, jenħtieġ li l-programm ta’ ħidma jkun jista’ jidentifika ċerti proċeduri ta’ aġġudikazzjoni li fihom tali SMEs jistgħu jipparteċipaw fil-programm AGILE anke jekk ikunu għadhom ma jissodisfawx ir-rekwiżiti tal-eliġibbiltà relatati mal-istabbiliment tagħhom jew mal-istabbiliment tal-istruttura maniġerjali eżekuttiva tagħhom fl-UE jew f’pajjiż terz assoċjat (intervent inċentivanti). Fl-ambitu ta’ dan l-approċċ, ir-riċevituri jingħataw rinunzja temporanja u kundizzjonali ta’ tali rekwiżiti tal-eliġibbiltà, li jkollhom jikkonformaw magħhom fl-iskeda taż-żmien speċifikata fl-impenn legali biex jirċievu l-appoġġ tal-Unjoni. Jenħtieġ li l-interessi finanzjarji tal-Unjoni jiġu protetti kif xieraq, u jenħtieġ li l-pagamenti jsiru biss ladarba r-rekwiżiti tal-eliġibbiltà jkunu ġew issodisfati sa tmiem il-perjodu ta’ rinunzja.

(20)Sabiex l-intervent inċentivanti jkun jista’ jikseb l-iskop maħsub tiegħu, jenħtieġ li jkun possibbli li ssir deroga mir-rekwiżit tal-eliġibbiltà li r-riċevituri jkunu stabbiliti u jkollhom l-istruttura maniġerjali eżekuttiva tagħhom fl-UE jew f’pajjiż terz assoċjat biex jirċievu l-appoġġ tal-Unjoni, dment li tali appoġġ ikollu l-għan speċifiku li jiffaċilita l-konformità ma’ dawk ir-rekwiżiti tal-eliġibbiltà, inkluż billi jkopri l-kostijiet assoċjati mar-rilokazzjoni tal-kumpanija jew l-istabbiliment tal-istruttura maniġerjali eżekuttiva tagħha fl-UE jew f’pajjiż terz assoċjat.

(21)Minħabba l-ħtieġa li l-azzjonijiet appoġġati fl-ambitu tal-Programm AGILE jiġu implimentati f’perjodu ta’ żmien qasir, filwaqt li jiġi mminimizzat il-piż amministrattiv fuq l-applikanti, jenħtieġ li jintuża finanzjament mhux marbut mal-kost, jew għażliet ta’ kostijiet simplifikati, inklużi somom f’daqqa uniċi, meta l-appoġġ tal-Unjoni jiġi pprovdut fil-forma ta’ għotja. Jenħtieġ li l-appoġġ tal-Unjoni jingħata biss fil-forma ta’ rimborż tal-kostijiet eliġibbli reali meta l-objettivi ta’ azzjoni speċifika ma jkunux jistgħu jinkisbu b’xi mod ieħor.

(22)Il-funzjonament tas-settur tal-industrija tad-difiża ma jsegwix ir-regoli konvenzjonali u l-mudelli kummerċjali li jirregolaw swieq aktar tradizzjonali. Id-domanda tiġi kważi esklużivament mill-gvernijiet nazzjonali, li jikkontrollaw ukoll l-akkwist kollu ta’ prodotti u ta’ teknoloġiji relatati mad-difiża, inklużi l-esportazzjonijiet. Għalhekk, l-industrija tad-difiża, b’mod partikolari l-innovaturi tad-difiża żgħar u mhux tradizzjonali, ma tinvolvix ruħha fi proġetti ta’ innovazzjoni awtofinanzjati sostanzjali, u l-Istati Membri u l-pajjiżi terzi assoċjati spiss jiffinanzjaw bis-sħiħ il-kostijiet relatati kollha. Barra minn hekk, dawn l-atturi jiffaċċjaw ostakli persistenti fl-aċċess għall-finanzjament, inkluż il-kofinanzjament, b’mod partikolari l-finanzjament privat għall-investimenti, minħabba r-riskji li l-atturi tas-suq jassoċjaw ma’ tali investimenti. Għalhekk, l-ingranaġġ tal-investiment pubbliku għas-settur tad-difiża tal-Unjoni huwa vitali, minħabba l-ħtieġa urġenti li tingħata spinta lill-investiment fl-innovazzjoni fid-difiża. Peress li dawn il-miżuri ma jitwettqux mod ieħor, jidher iġġustifikat li l-appoġġ finanzjarju tal-Unjoni jista’ jkopri sa 100 % tal-kostijiet eliġibbli għal azzjonijiet eliġibbli fl-ambitu tal-Programm AGILE.

(23)Sabiex jiġi ssimplifikat u aċċellerat aktar il-proċess ta’ sottomissjoni u evalwazzjoni, jenħtieġ li l-appoġġ tal-Unjoni jiġi pprovdut permezz ta’ proċedura tal-evalwazzjoni apposta, li tinvolvi ċerti kontrolli wara li tkun ittieħdet id-deċiżjoni ta’ aġġudikazzjoni. Jenħtieġ li l-applikanti jiġu mistiedna jissottomettu proposti flimkien ma’ sommarju qasir. Jenħtieġ li dan is-sommarju jiġi evalwat qabel ma l-proposti jiġu evalwati bis-sħiħ skont il-kriterji għall-aġġudikazzjoni rilevanti stabbiliti fil-programm ta’ ħidma. Dan l-approċċ huwa maħsub biex inaqqas il-piż amministrattiv fuq l-applikanti u jipprovdi ċertezza finanzjarja malajr kemm jista’ jkun, filwaqt li jiġi aċċettat livell raġonevoli ta’ riskju finanzjarju jew legali għall-Unjoni, proporzjonat għall-objettivi segwiti. Jenħtieġ li l-interess finanzjarju tal-Unjoni jiġi protett kif xieraq, u jenħtieġ li ma jiġi pprovdut l-ebda finanzjament sakemm titlesta l-evalwazzjoni sħiħa.

(24)Għall-istess għan, jenħtieġ li jkun possibbli li ssir deroga minn ċerti obbligi skont ir-Regolament (UE, Euratom) 2024/2509 li jikkonċernaw il-kontenut tal-applikazzjonijiet għal għotja, il-kriterji għall-għażla, u l-proċedura tal-evalwazzjoni. Dan jippermetti li d-deċiżjoni ta’ aġġudikazzjoni tiġi adottata u li l-ftehim ta’ għotja jiġi ffirmat abbażi ta’ valutazzjoni preliminari tal-kriterji tal-eliġibbiltà u dawk għall-għażla, li tibbaża b’mod partikolari fuq id-dikjarazzjonijiet tal-applikanti fuq l-unur, inkluż fir-rigward tar-rekwiżiti ta’ kontroll. Jenħtieġ li l-Kummissjoni tadotta deċiżjonijiet ta’ aġġudikazzjoni mingħajr dewmien u tlesti l-evalwazzjoni finali tal-kriterji rilevanti fi żmien 4 xhur mill-iskadenza tal-applikazzjoni. Jenħtieġ li l-interessi finanzjarji tal-Unjoni jiġu protetti kif xieraq, u jenħtieġ li l-pagamenti jiġu pprovduti biss ladarba titlesta l-evalwazzjoni finali.

(25)Bħala alternattiva għal din il-proċedura ta’ evalwazzjoni aċċellerata, u sabiex l-Unjoni tappoġġa s-soluzzjoni innovattiva mingħajr tnaqqis jew limitazzjoni artifiċjali inizjali marbuta mal-forma speċifika meħuda mill-appoġġ tal-Unjoni, jenħtieġ li l-Programm AGILE jippermetti approċċ aktar flessibbli u aċċessibbli għall-identifikazzjoni, għall-għażla u għall-appoġġ ta’ proġetti u ta’ ideat innovattivi, inkluż permezz ta’ proċeduri ta’ aġġudikazzjoni newtrali għall-istrumenti. Fl-ambitu ta’ tali approċċ, jenħtieġ li l-ideat jiġu vvalutati u jintgħażlu abbażi tal-mertu tagħhom bħala kontribut għall-objettivi tal-Programm AGILE. L-aktar strument ta’ implimentazzjoni baġitarja xieraq u effettiv fl-ambitu tal-Programm, kemm jekk għotja, akkwist jew forma oħra ta’ appoġġ, jenħtieġ li jiġi ddeterminat biss wara l-għażla, abbażi tal-karatteristiċi, tar-rekwiżiti u tal-merti speċifiċi tal-proġett individwali.

(26)Sabiex il-Programm jibqa’ attraenti għal firxa usa’ ta’ applikanti potenzjali u sabiex jiġi indirizzat distakk eżistenti fiċ-ċiklu tal-innovazzjoni fid-difiża, huwa neċessarju u proporzjonat li l-kostijiet imġarrba qabel ma tiġi sottomessa l-applikazzjoni għal għotja jkunu eliġibbli għall-finanzjament, kif previst fl-Artikolu 196(2) tar-Regolament (UE, Euratom) 2024/2509. Il-Programm AGILE jiffoka fuq l-attivitajiet ta’ żvilupp fi stadju avvanzat li jnaqqsu d-distakk kritiku bejn il-kummerċjalizzazzjoni u l-akkwist, u jqarrbu l-prodotti u t-teknoloġiji emerġenti u rivoluzzjonarji għad-difiża lejn il-prontezza tas-suq u l-varar operazzjonali. Il-kumpaniji innovattivi, b’mod partikolari l-SMEs, spiss jibdew xogħol ta’ żvilupp u jiffinanzjawh huma stess qabel ma jsiru disponibbli opportunitajiet ta’ finanzjament formali. B’hekk, il-Programm se jkun jista’ jappoġġa l-azzjonijiet tal-innovazzjoni kritiċi li jkunu bdew sa 3 xhur qabel l-għeluq tas-sejħa għal proposti, biex dawn jirċievu l-appoġġ tal-UE u jaċċelleraw it-tlestija tagħhom, filwaqt li jiġi żgurat it-twassil f’waqtu tar-riżultati li jindirizzaw l-aktar sfidi urġenti li jiffaċċjaw il-forzi armati tal-Istati Membri u l-pajjiżi terzi assoċjati.

(27)Id-Direttiva 2009/81/KE tal-Parlament Ewropew u tal-Kunsill 13 tipprevedi esklużjoni speċifika mill-obbligi li tipprevedi għall-kuntratti mogħtija fl-ambitu ta’ ċerti programmi kooperattivi bbażati fuq ir-riċerka u fuq l-iżvilupp. Wara l-adozzjoni tad-Direttiva XXX [id-Direttiva Omnibus 2025/0177 (COD)], id-Direttiva dwar l-Akkwist Pubbliku fl-Oqsma tad-Difiża u tas-Sigurtà tagħmilha ċara li l-proġett ta’ riċerka u ta’ żvilupp ġestit mill-istituzzjonijiet jew mill-korpi tal-UE u implimentat f’konformità mar-regoli tal-Unjoni u ffinanzjat mill-baġit tal-Unjoni, jikkostitwixxi programm kooperattiv imwettaq b’mod konġunt minn mill-inqas żewġ Stati Membri u jista’ jitkompla għall-fażijiet ta’ wara l-fażi tar-riċerka u tal-iżvilupp. F’dan il-każ, il-kuntratti aġġudikati skont il-programm ta’ segwitu jistgħu jkunu esklużi wkoll. Din l-eżenzjoni tapplika, b’mod partikolari, għal kuntratti aġġudikati fil-qafas ta’ proġetti appoġġati mill-Programm AGILE.

(28)Sabiex tiġi żgurata s-sigurtà tal-informazzjoni klassifikata fil-livell meħtieġ, huwa essenzjali li jkun hemm konformità mal-istandards minimi dwar is-sigurtà industrijali meta jiġu ffirmati ftehimiet klassifikati ta’ fondi u ta’ finanzjament. Għal dak l-għan, u f’konformità mal-liġijiet nazzjonali applikabbli, l-Istati Membri u l-pajjiżi terzi assoċjati li r-riċevituri huma stabbiliti fit-territorju tagħhom, jenħtieġ li jistabbilixxu qafas ta’ sigurtà –– li jinkludi Struzzjonijiet ta’ Sigurtà ta’ Proġett u Gwida tal-Klassifikazzjoni ta’ Sigurtà relatata –– f’każijiet fejn l-implimentazzjoni tal-Programm AGILE tkun tinvolvi jew tiġġenera informazzjoni li tiġġustifika livell ta’ klassifikazzjoni.

(29)Jenħtieġ li dan ir-Regolament japplika mingħajr preġudizzju għar-regoli tal-kompetizzjoni tal-UE, b’mod partikolari l-Artikoli 101 sa 109 TFUE u l-atti legali li jagħtu effett lil dawk l-Artikoli.

(30)Minħabba l-ħtieġa urġenti li jiġu appoġġati investimenti kruċjali fl-abbiltajiet tad-difiża u b’mod partikolari fl-innovazzjoni fid-difiża fil-kuntest ta’ sfidi ġeopolitiċi urġenti, jixraq li tiġi prevista eċċezzjoni għall-perjodu ta’ 8 ġimgħat imsemmi fl-Artikolu 4 tal-Protokoll Nru 1 dwar ir-rwol tal-Parlamenti nazzjonali fl-Unjoni Ewropea, anness mat-TUE, mat-Trattat dwar il-Funzjonament tal-Unjoni Ewropea u mat-Trattat li jistabbilixxi l-Komunità Ewropea tal-Enerġija Atomika. Fuq l-istess bażi, jenħtieġ li dan ir-Regolament jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

(31)Jixraq li jiġi stabbilit pakkett finanzjarju indikattiv għall-Programm AGILE.

(32)Ir-Regolament (UE, Euratom) 2024/2509 14 japplika għall-Programm. Dan jistabbilixxi r-regoli dwar l-istabbiliment u l-implimentazzjoni tal-baġit ġenerali tal-Unjoni, inkluż ir-regoli dwar l-għotjiet, il-premjijiet, id-donazzjonijiet mhux finanzjarji, l-akkwist, il-ġestjoni indiretta, l-assistenza finanzjarja, l-istrumenti finanzjarji u l-garanziji baġitarji.

(33)F’konformità mar-Regolament (UE, Euratom) 2024/2509, ir-Regolament (UE, Euratom) Nru 883/2013 tal-Parlament Ewropew u tal-Kunsill 15 , ir-Regolament tal-Kunsill (KE, Euratom) Nru 2988/95 16 , ir-Regolament tal-Kunsill (Euratom, KE) Nru 2185/96 17 u r-Regolament tal-Kunsill (UE) 2017/1939 18 , l-interessi finanzjarji tal-Unjoni jridu jiġu protetti permezz ta’ miżuri proporzjonati, inklużi l-prevenzjoni, id-detezzjoni, il-korrezzjoni u l-investigazzjoni ta’ irregolaritajiet u ta’ frodi, l-irkupru ta’ fondi mitlufa, imħallsa bi żball jew użati b’mod mhux korrett u, fejn xieraq, l-impożizzjoni ta’ penali amministrattivi.

(34)B’mod partikolari, f’konformità mar-Regolamenti (UE, Euratom) Nru 883/2013 u (Euratom, KE) Nru 2185/96, l-Uffiċċju Ewropew ta’ Kontra l-Frodi (OLAF) jista’ jwettaq investigazzjonijiet, inklużi verifiki u spezzjonijiet fuq il-post, bil-ħsieb li jistabbilixxi jekk kienx hemm frodi, korruzzjoni jew kwalunkwe attività illegali oħra li taffettwa l-interessi finanzjarji tal-Unjoni. F’konformità mar-Regolament (UE) 2017/1939, l-Uffiċċju tal-Prosekutur Pubbliku Ewropew (UPPE) jista’ jinvestiga u jieħu azzjoni kriminali kontra każijiet ta’ frodi u attivitajiet illegali oħrajn li jaffettwaw l-interessi finanzjarji tal-Unjoni, kif previst fid-Direttiva (UE) 2017/1371 19 .

(35)F’konformità mar-Regolament (UE, Euratom) 2024/2509, kwalunkwe persuna jew entità li tirċievi fondi tal-Unjoni trid tikkoopera bis-sħiħ fil-protezzjoni tal-interessi finanzjarji tal-Unjoni, tagħti d-drittijiet u l-aċċess meħtieġa lill-Kummissjoni, lill-OLAF, lill-UPPE u lill-Qorti Ewropea tal-Awdituri u tiżgura li kwalunkwe parti terza involuta fl-implimentazzjoni tal-fondi tal-Unjoni tagħti drittijiet ekwivalenti.

ADOTTAW DAN IR-REGOLAMENT:

Artikolu 1

Suġġett

Dan ir-Regolament jistabbilixxi l-Programm għall-innovazzjoni aġli u rapida fid-difiża (il-Programm AGILE) għall-perjodu mill-1 ta’ Jannar 2027 sal-31 ta’ Diċembru 2027, u jistabbilixxi l-objettivi u l-baġit tiegħu, il-forom ta’ finanzjament fl-ambitu tal-Programm u r-regoli għall-għoti ta’ tali finanzjament.

Artikolu 2

Definizzjonijiet

Għall-finijiet ta’ dan ir-Regolament, japplikaw id-definizzjonijiet li ġejjin:

(1)“entità ġuridika” tfisser persuna ġuridika maħluqa u rikonoxxuta bħala tali skont id-dritt tal-Unjoni, id-dritt nazzjonali jew internazzjonali, inklużi Strutturi għall-Programm Ewropew dwar l-Armamenti (SEAP), stabbilita f’konformità mar-Regolament (UE) 2025/2643, li għandha personalità ġuridika u l-kapaċità li taġixxi f’isimha stess, teżerċita drittijiet u tkun soġġetta għal obbligi, jew entità li ma għandhiex personalità ġuridika kif imsemmi fl-Artikolu 200(2), il-punt (c), tar-Regolament (UE, Euratom) 2024/2509;

(2)“kontroll” tfisser il-kapaċità li tiġi eżerċitata influwenza deċiżiva fuq entità ġuridika direttament, jew indirettament permezz ta’ entità ġuridika intermedja waħda jew aktar;

(3)“prodott tad-difiża” tfisser oġġetti, servizzi u xogħlijiet li huma fil-kamp ta’ applikazzjoni tal-Artikolu 2 tad-Direttiva 2009/81/KE;

(4)“prodott jew teknoloġija emerġenti u rivoluzzjonarja għad-difiża” tfisser prodott jew teknoloġija tad-difiża li ġġib magħha bidla radikali, inkluża bidla fundamentali fil-kunċett u fit-twettiq tal-affarijiet tad-difiża, inkluż billi tissostitwixxi t-teknoloġiji tad-difiża eżistenti jew tagħmilhom obsoleti, u li hija mistennija li tkun tista’ tiġi sfruttata bis-sħiħ fi tmiem l-azzjoni;

(5)“intrapriżi żgħar u ta’ daqs medju” jew “SMEs” tfisser intrapriżi żgħar u ta’ daqs medju kif definiti fl-Artikolu 2 tal-Anness tar-Rakkomandazzjoni tal-Kummissjoni 2003/361/KE.

(6)“informazzjoni ġenerali” tfisser kwalunkwe informazzjoni neċessarja għall-implimentazzjoni tal-Programm, jew utli għaliha, iġġenerata qabel il-qafas tal-Azzjoni jew barra minnu, u pprovduta u użata għall-finijiet tal-Azzjoni.

(7)“informazzjoni ġġenerata” tfisser data, għarfien prattiku jew informazzjoni ġġenerata fl-operazzjoni tal-Programm, tkun xi tkun il-forma jew in-natura tagħha.

Artikolu 3

Objettivi

1.L-objettiv ġenerali tal-Programm huwa li jappoġġa l-kapaċità tal-innovazzjoni rapida tal-SMEs, inklużi l-istart-ups u l-iscale-ups innovattivi, bil-ħsieb li jappoġġa t-twassil rapidu ta’ prodotti u ta’ teknoloġiji emerġenti u rivoluzzjonarji għad-difiża, jindirizza l-aktar sfidi reċenti u li qed jevolvu malajr li jiffaċċjaw il-forzi armati tal-Istati Membri, b’mod partikolari dawk li jirriżultaw mill-gwerra ta’ aggressjoni tar-Russja kontra l-Ukrajna, b’enfasi fuq il-kosteffiċjenza. B’hekk, il-Programm għandu jrawwem il-kompetittività tal-Bażi Industrijali u Teknoloġika tad-Difiża Ewropea (EDTIB) u jikkontribwixxi għat-tisħiħ tal-prontezza tad-difiża tal-Unjoni, filwaqt li jnaqqas id-dipendenzi strateġiċi minn pajjiżi terzi mhux assoċjati.

2.Il-Programm għandu l-objettivi speċifiċi li ġejjin:

(a)li jaċċellera b’mod sinifikanti ċ-ċikli tal-innovazzjoni ta’ prodotti u ta’ teknoloġiji emerġenti u rivoluzzjonarji għad-difiża żviluppati madwar l-Unjoni mill-SMEs, inklużi l-istart-ups, filwaqt li jqis il-ħtiġijiet urġenti tal-Istati Membri u jisfrutta l-potenzjal tal-innovazzjoni tal-industrija tal-Unjoni kollha kemm hi.

(b)li jappoġġa l-adozzjoni mill-forzi armati tal-Istati Membri, u mill-kuntratturi industrijali tad-difiża ewlenin Ewropej ta’ prodotti u teknoloġiji emerġenti u rivoluzzjonarji għad-difiża żviluppati mill-SMEs, inklużi l-istart-ups u l-iscale-ups innovattivi, u ż-żieda tagħhom madwar l-Ewropa, biex b’hekk jissaħħaħ il-vantaġġ teknoloġiku tal-forzi armati tal-Istati Membri u jittejbu r-reżiljenza u s-sigurtà tal-provvista għal tali prodotti u teknoloġiji tad-difiża madwar l-UE.

Artikolu 4

Baġit

1.Il-pakkett finanzjarju indikattiv għall-implimentazzjoni tal-Programm, bejn l-1 ta’ Jannar 2027 u l-31 ta’ Diċembru 2027, għandu jkun ta’ EUR 115 000 000 fi prezzijiet attwali.

2.L-impenji baġitarji għal attivitajiet mifruxa fuq aktar minn sena finanzjarja waħda jistgħu jinqasmu fuq diversi snin f’pagamenti parzjali annwali.

3.L-approprjazzjonijiet jistgħu jiddaħħlu fil-baġit tal-Unjoni lil hinn mill-2027 biex ikopru l-ispejjeż neċessarji u biex jippermettu l-ġestjoni ta’ azzjonijiet li ma jkunux tlestew sa tmiem il-Programm, kif ukoll l-ispejjeż li jkopru attivitajiet u servizzi operazzjonali kritiċi.

4.Il-pakkett finanzjarju msemmi fil-paragrafu 1 ta’ dan l-Artikolu u l-ammonti ta’ riżorsi addizzjonali msemmija fl-Artikolu 5 jistgħu jintużaw ukoll għal assistenza teknika u amministrattiva għall-implimentazzjoni tal-Programm bħal attivitajiet preparatorji, ta’ monitoraġġ, ta’ kontroll, ta’ awditjar u ta’ evalwazzjoni, inkluż it-tfassil, l-istabbiliment, l-ittestjar u ċ-ċertifikazzjoni, l-operazzjoni u l-manutenzjoni ta’ sistemi u pjattaformi korporattivi tat-teknoloġija tal-informazzjoni, kif ukoll attivitajiet tal-informazzjoni u l-komunikazzjoni, inkluża l-komunikazzjoni korporattiva dwar il-prijoritajiet politiċi tal-Unjoni, u l-assistenza teknika u amministrattiva l-oħra kollha jew l-ispejjeż relatati mal-persunal imġarrba mill-Kummissjoni fil-ġestjoni tal-Programm.

Artikolu 5

Riżorsi addizzjonali

1.L-Istati Membri, l-istituzzjonijiet, il-korpi u l-aġenziji tal-UE, il-pajjiżi terzi, l-organizzazzjonijiet internazzjonali, l-istituzzjonijiet finanzjarji internazzjonali, jew partijiet terzi oħra, jistgħu jagħmlu kontribuzzjonijiet finanzjarji jew mhux finanzjarji addizzjonali disponibbli għall-Programm, jew għal kwalunkwe waħda mill-attivitajiet jew mill-objettivi speċifiċi tiegħu msemmija fl-Artikolu 3. Il-kontribuzzjonijiet finanzjarji addizzjonali għandhom jikkostitwixxu dħul assenjat estern skont it-tifsira tal-Artikolu 21(2), il-punti (a), (d), jew (e) jew l-Artikolu 21(5) tar-Regolament (UE, Euratom) 2024/2509.

2.Fuq talba tal-Istat Membru kkonċernat, ir-riżorsi allokati lill-Istati Membri taħt ġestjoni kondiviża jistgħu jiġu ttrasferiti għall-Programm soġġetti għall-kundizzjonijiet stabbiliti fid-dispożizzjonijiet rilevanti tar-Regolament (UE) 2021/1060. Il-Kummissjoni għandha timplimenta dawk ir-riżorsi direttament f’konformità mal-Artikolu 62(1), l-ewwel subparagrafu, il-punt (a), tar-Regolament (UE, Euratom) 2024/2509 jew indirettament f’konformità mal-punt (c) ta’ dak is-subparagrafu. Dawk ir-riżorsi għandhom jintużaw għall-benefiċċju tal-Istat Membru kkonċernat. Meta l-Kummissjoni ma tkunx daħlet f’impenn legali taħt ġestjoni diretta jew indiretta għal ammonti addizzjonali li b’hekk ikunu saru disponibbli għall-Istrument, l-ammonti mhux impenjati korrispondenti jistgħu, fuq talba tal-Istat Membru kkonċernat, jiġu ttrasferiti lura għall-programmi sors, f’konformità mal-kundizzjonijiet stabbiliti fir-Regolament (UE) 2021/1060.

Artikolu 6

Finanzjament alternattiv, kombinat u kumulattiv

1.Il-Programm għandu jiġi implimentat f’sinerġija ma’ programmi oħrajn tal-Unjoni. Azzjoni li tkun irċeviet kontribuzzjoni tal-Unjoni minn programm ieħor tista’ tirċievi wkoll kontribuzzjoni fl-ambitu tal-Programm. Ir-regoli tal-programm rilevanti tal-Unjoni għandhom japplikaw għall-kontribuzzjoni korrispondenti, jew jista’ jiġi applikat sett wieħed ta’ regoli għall-kontribuzzjonijiet kollha, u jista’ jiġi konkluż impenn legali wieħed. Jekk il-kontribuzzjoni tal-Unjoni tkun ibbażata fuq il-kostijiet eliġibbli, l-appoġġ kumulattiv mill-baġit tal-Unjoni ma għandux jaqbeż it-total tal-kostijiet eliġibbli tal-azzjoni u jista’ jiġi kkalkolat fuq bażi pro rata f’konformità mad-dokumenti li jistabbilixxu l-kundizzjonijiet għall-appoġġ.

2.Il-proċeduri ta’ aġġudikazzjoni fl-ambitu tal-Programm jistgħu jitwettqu b’mod konġunt taħt ġestjoni diretta jew indiretta mal-Istati Membri, mal-istituzzjonijiet, mal-korpi u l-aġenziji tal-UE, mal-pajjiżi terzi, mal-organizzazzjonijiet internazzjonali, mal-istituzzjonijiet finanzjarji internazzjonali, jew ma’ partijiet terzi oħra, dment li l-interessi finanzjarji tal-Unjoni jkunu protetti. Tali proċeduri għandhom ikunu soġġetti għal sett uniku ta’ regoli u jwasslu għall-konklużjoni ta’ impenn legali uniku. Għal dak l-għan, is-sħab għall-proċedura ta’ aġġudikazzjoni konġunta jistgħu jagħmlu r-riżorsi disponibbli għall-Programm f’konformità mal-Artikolu 5 ta’ dan ir-Regolament, jew is-sħab jistgħu jiġu fdati bl-implimentazzjoni tal-proċedura ta’ aġġudikazzjoni, meta applikabbli, f’konformità mal-Artikolu 62(1)(c) tar-Regolament (UE, Euratom) 2024/2509. Għall-finijiet tal-Artikolu 153(3) tar-Regolament (UE, Euratom) 2024/2509, fil-proċeduri ta’ aġġudikazzjoni konġunti, il-kumitat tal-evalwazzjoni jista’ jkun parzjalment magħmul minn membri li huma rappreżentanti tas-sħab f’dik il-proċedura.

Artikolu 7

Pajjiżi terzi assoċjati mal-Programm

1.Il-Programm jista’ jinfetaħ għall-parteċipazzjoni tal-pajjiżi terzi li ġejjin permezz ta’ assoċjazzjoni sħiħa jew parzjali mal-Programm, f’konformità mal-objettivi stabbiliti fl-Artikolu 3 u f’konformità mal-ftehimiet internazzjonali rilevanti jew ma’ kwalunkwe deċiżjoni adottata skont dawk il-ftehimiet u applikabbli għal dawn:

(a)il-membri tal-Assoċjazzjoni Ewropea tal-Kummerċ Ħieles, li huma membri taż-Żona Ekonomika Ewropea;

(b)l-Ukrajna, f’konformità mal-kundizzjonijiet stabbiliti fil-Ftehim ta’ Assoċjazzjoni bejn l-UE u l-Ukrajna.

2.Il-ftehimiet ta’ assoċjazzjoni għall-parteċipazzjoni fil-Programmi mal-pajjiżi msemmija fl-Artikolu 7(1) għandhom:

(a)jiżguraw bilanċ ġust fir-rigward tal-kontribuzzjonijiet u tal-benefiċċji tal-pajjiż terz li jkun qiegħed jipparteċipa fil-Programm;

(b)jistabbilixxu l-kundizzjonijiet tal-parteċipazzjoni fil-Programm, inkluż il-kalkolu tal-kontribuzzjonijiet finanzjarji, li jikkonsistu f’kontribuzzjoni operazzjonali u f’tariffa ta’ parteċipazzjoni, għal programm u għall-kostijiet amministrattivi ġenerali tiegħu;

(c)ma għandhomx jagħtu lill-pajjiż terz xi setgħa ta’ teħid ta’ deċiżjonijiet fil-Programm;

(d)jiggarantixxu d-drittijiet tal-Unjoni biex tiġi żgurata ġestjoni finanzjarja tajba u jiġu protetti l-interessi finanzjarji tagħha;

(e)fejn rilevanti, jiżguraw il-protezzjoni tas-sigurtà u l-interessi tal-ordni pubbliku tal-Unjoni.

3.Għall-finijiet tal-punt (d), il-pajjiż terz assoċjat għandu jagħti d-drittijiet u l-aċċess neċessarji skont ir-Regolamenti (UE, Euratom) 2024/2509 u (UE, Euratom) Nru 883/2013, u jiggarantixxi li d-deċiżjonijiet ta’ infurzar li jimponu obbligu pekunarju abbażi tal-Artikolu 299 tat-TFUE, kif ukoll is-sentenzi u l-ordnijiet tal-Qorti tal-Ġustizzja tal-Unjoni Ewropea, ikunu eżegwibbli u jiżgura li l-awtoritajiet kompetenti tiegħu jikkooperaw mal-Uffiċċju tal-Prosekutur Pubbliku Ewropew (UPPE) fl-investigazzjonijiet u fil-prosekuzzjonijiet ta’ reati kriminali li jaffettwaw l-interessi finanzjarji tal-Unjoni f’konformità mal-ftehimiet internazzjonali applikabbli jew ma’ regoli applikabbli oħra.

Artikolu 8

Implimentazzjoni u forom ta’ finanzjament tal-Unjoni

1.Il-Programm għandu jiġi implimentat f’konformità mar-Regolament (UE, Euratom) 2024/2509, taħt ġestjoni diretta jew taħt ġestjoni indiretta mal-entitajiet imsemmija fl-Artikolu 62(1)(c) ta’ dak ir-Regolament.

2.Il-finanzjament tal-Unjoni jista’ jiġi pprovdut fi kwalunkwe forma f’konformità mar-Regolament (UE, Euratom) 2024/2509.

3.F’konformità mal-punt (a) tal-Artikolu 196(2) tar-Regolament (UE, Euratom) 2024/2509, il-kontribuzzjonijiet finanzjarji jistgħu, fejn rilevanti u neċessarju għall-implimentazzjoni ta’ azzjoni, ikopru l-azzjonijiet mibdija u l-kostijiet imġarrba qabel id-data tas-sottomissjoni tal-proposta għal dawk l-azzjonijiet, dment li dawk l-azzjonijiet ma jkunux bdew aktar minn 3 xhur qabel l-għeluq tas-sejħa għal proposti u ma jkunux tlestew qabel l-iffirmar tal-ftehim ta’ għotja.

4.Meta l-finanzjament tal-Unjoni jiġi pprovdut fil-forma ta’ għotja, il-finanzjament għandu jiġi pprovdut bħala finanzjament mhux marbut mal-kostijiet jew għażliet ta’ kostijiet simplifikati, f’konformità mar-Regolament (UE, Euratom) 2024/2509. Il-finanzjament jista’ jingħata fil-forma ta’ rimborż reali tal-kost eliġibbli biss meta l-objettivi ta’ azzjoni ma jkunux jistgħu jintlaħqu mod ieħor.

5.F’konformità mal-Artikolu 153(3) tar-Regolament (UE, Euratom) 2024/2509, il-kumitat ta’ evalwazzjoni jista’ jkun magħmul parzjalment jew kompletament minn esperti esterni indipendenti.

Artikolu 9

Eliġibbiltà

1.Għandhom jiġu stabbiliti kriterji tal-eliġibbiltà biex jgħinu fil-kisba tal-objettivi stabbiliti fl-Artikolu 3, f’konformità mar-Regolament (UE, Euratom) 2024/2509 u għandhom japplikaw għall-proċeduri ta’ aġġudikazzjoni kollha fl-ambitu tal-Programm.

2.Fi proċeduri ta’ aġġudikazzjoni taħt ġestjoni diretta u indiretta, waħda jew aktar mill-entitajiet ġuridiċi li ġejjin jistgħu jkunu eliġibbli biex jirċievu finanzjament mill-Unjoni:

(a)entitajiet stabbiliti fi Stat Membru;

(b)entitajiet stabbiliti f’pajjiż terz assoċjat;

(c)organizzazzjonijiet internazzjonali;

3.Għall-azzjonijiet appoġġati fl-ambitu tal-Programm kif elenkati fl-Artikolu 10, bl-eċċezzjoni tal-azzjonijiet imsemmija fl-Artikolu 10(1), il-punt (d), ir-riċevituri tal-finanzjament tal-Unjoni għandhom ikunu SMEs, inklużi start-ups u scale-ups innovattivi, u għandhom jikkonformaw mar-rekwiżiti ta’ eliġibbiltà stabbiliti f’dan l-Artikolu.

4.Ħlief għall-azzjonijiet imsemmija fl-Artikolu 10(1), il-punt (c), ir-riċevituri għandhom ikunu stabbiliti fl-UE jew f’pajjiż terz assoċjat, ikollhom l-istrutturi maniġerjali eżekuttivi tagħhom fl-UE jew f’pajjiż terz assoċjat.

5.Ir-riċevituri ma għandhomx ikunu soġġetti għal kontroll minn pajjiż terz mhux assoċjat jew minn entità ta’ pajjiż terz mhux assoċjat.

6.L-infrastruttura, il-faċilitajiet, l-assi u r-riżorsi tar-riċevituri tal-finanzjament tal-Unjoni li jintużaw għall-finijiet tal-azzjoni ffinanzjata għandhom ikunu jinsabu fit-territorju ta’ Stat Membru jew ta’ pajjiż terz assoċjat għad-durata kollha tal-azzjoni.

7.Meta r-riċevituri tal-finanzjament tal-Unjoni involuti f’azzjoni ma jkollhom l-ebda alternattiva jew infrastruttura, faċilitajiet, assi u riżorsi rilevanti disponibbli faċilment fl-Unjoni jew f’pajjiż terz assoċjat, dawn jistgħu jużaw l-infrastruttura, il-faċilitajiet, l-assi jew ir-riżorsi tagħhom li jinsabu jew li jinżammu barra mit-territorju tal-Istati Membri jew tal-pajjiżi terzi assoċjati, dment li dan l-użu ma jmurx kontra l-interessi tas-sigurtà u tad-difiża tal-UE u tal-Istati Membri tagħha, inkluż ir-rispett għall-prinċipju ta’ relazzjonijiet tajbin ta’ viċinat, u jkun konsistenti mal-objettivi stabbiliti fl-Artikolu 3. Il-kostijiet relatati mal-attivitajiet li jużaw tali infrastruttura, faċilitajiet, assi jew riżorsi ma għandhomx ikunu eliġibbli għal appoġġ mill-Programm.

8.L-entitajiet ġuridiċi jistgħu jitqiesu li jissodisfaw il-kundizzjonijiet tal-eliġibbiltà msemmija f’dan il-paragrafu meta jkunu ssodisfaw kundizzjonijiet ekwivalenti skont ir-Regolamenti (UE) 2018/1092 20 , (UE) 2021/697 21 , (UE) 2023/1525 22 , jew (UE) 2023/2418 23 tal-Parlament Ewropew u tal-Kunsill jew skont ir-Regolament (UE) 2025/1106 24 u dment li l-ebda bidla sussegwenti ma tqajjem dubji dwar l-issodisfar ta’ dawk il-kundizzjonijiet.

9.Fil-proċeduri ta’ aġġudikazzjoni, l-azzjonijiet li ġejjin ma għandhomx ikunu eliġibbli għall-finanzjament:

(a)azzjonijiet jew partijiet minnhom, li diġà huma ffinanzjati kompletament minn sorsi pubbliċi jew privati oħrajn, bl-eċċezzjoni ta’ kontribuzzjonijiet mill-Unjoni fil-kuntest tal-azzjonijiet ta’ sinerġija msemmija fl-Artikolu 6;

(b)azzjonijiet għall-iżvilupp ta’ prodotti u ta’ teknoloġiji li l-użu, l-iżvilupp jew il-produzzjoni tagħhom hija pprojbita mid-dritt internazzjonali applikabbli.

Artikolu 10

Azzjonijiet ta’ AGILE

1.L-azzjonijiet eliġibbli għall-finanzjament fl-ambitu tal-Programm għandhom jimplimentaw l-objettivi stabbiliti fl-Artikolu 3 ta’ dan ir-Regolament u jistgħu jieħdu waħda mill-forom li ġejjin, jew kombinazzjoni tagħhom:

(a)l-appoġġ għall-iżvilupp rapidu ta’ prodotti u teknoloġiji emerġenti u rivoluzzjonarji għad-difiża, inkluż fejn dan ikun ibbażat fuq l-integrazzjoni u l-adattament tat-teknoloġiji ċivili b’potenzjal ta’ użu doppju għall-finijiet tad-difiża;

(b)l-appoġġ għall-adozzjoni mis-suq ta’ prodotti u ta’ teknoloġiji emerġenti u rivoluzzjonarji għad-difiża, inkluż permezz tal-ittestjar u d-dimostrazzjonijiet fuq il-post apposta u iterattivi u inkluż permezz ta’ appoġġ għall-aggregazzjoni tad-domanda;

(c)l-appoġġ għall-istabbiliment ta’ entità jew tal-istruttura maniġerjali eżekuttiva tagħha fl-UE jew f’pajjiż terz assoċjat għall-implimentazzjoni effettiva tal-azzjonijiet skont il-punti (a) u (b);

(d)l-appoġġ għall-azzjoni neċessarja għall-implimentazzjoni effettiva tal-azzjonijiet skont il-punti (a) u (b), inkluż iżda mhux limitat għall-kwalifiki, għaċ-ċertifikazzjoni, għall-aċċess għall-infrastruttura, għall-aċċess għal kapaċitajiet u għal proċessi innovattivi ta’ manifattura, għall-iżvilupp tal-ħiliet, għall-akkwist ta’ studji u għall-attivitajiet ta’ bini u ta’ tisħiħ tal-ekosistema.

2.Il-Programm jista’ jipprovdi appoġġ għall-azzjonijiet li jkopru l-aġġornament rapidu ta’ prodotti u ta’ teknoloġiji eżistenti dment li l-użu ta’ informazzjoni, ta’ proprjetà intellettwali, jew ta’ drittijiet oħra preeżistenti neċessarji biex titwettaq l-azzjoni ma jkunux soġġetti għal restrizzjoni minn pajjiż terz mhux assoċjat jew minn entità ta’ pajjiż terz mhux assoċjat direttament, jew indirettament permezz ta’ entità ġuridika intermedjarja waħda jew aktar, li tipprevjeni l-implimentazzjoni effettiva tal-azzjoni.

3.Ir-riċevituri tal-Programm għandhom jibbenefikaw, fejn possibbli u xieraq, minn aċċess rapidu għall-faċilitajiet tal-ittestjar u tal-esperimentazzjoni tal-UE u għall-Aċċelleratur tan-Negozju tal-EUDIS.

Artikolu 11

Kriterji għall-aġġudikazzjoni

1.Fejn rilevanti u xieraq skont in-natura tal-proċedura ta’ aġġudikazzjoni, u f’konformità mar-Regolament (UE, Euratom) 2024/2509, il-kriterji għall-aġġudikazzjoni għandhom jiġu stabbiliti fil-programmi ta’ ħidma msemmija fl-Artikolu 16 u għandhom iqisu l-prinċipji li ġejjin:

(a)il-potenzjal rivoluzzjonarju;

(b)il-kwalità tal-proposta u l-ħila li tiġi implimentata l-azzjoni;

(c)l-impatt fil-qasam tad-difiża, filwaqt li jitqiesu l-ħtiġijiet tal-Istati Membri u tal-pajjiżi terzi assoċjati, inkluż fir-rigward tal-kosteffiċjenza, il-veloċità tat-twassil, u l-prontezza għall-użu operazzjonali.

2.Il-programm ta’ ħidma msemmi fl-Artikolu 16 għandu jistabbilixxi dettalji addizzjonali dwar l-applikazzjoni tal-kriterji għall-aġġudikazzjoni stabbiliti fil-paragrafu 1, filwaqt li jitqiesu l-objettivi tas-sejħa għal proposti, kif ukoll il-proċedura ta’ għażla u ta’ evalwazzjoni.

Artikolu 12

Proċedura ta’ għażla u ta’ aġġudikazzjoni

1.Sabiex jiġi żgurat li l-azzjonijiet elenkati fl-Artikolu 10 jistgħu jiġu implimentati b’mod effettiv mingħajr dewmien żejjed, il-programm ta’ ħidma jista’ jidentifika proċeduri ta’ aġġudikazzjoni, taħt ġestjoni diretta jew indiretta, li jibbenefikaw minn proċedura ta’ aġġudikazzjoni aċċellerata u simplifikata.

2.B’deroga mill-Artikoli 199, 201 u 203 tar-Regolament (UE, Euratom) 2024/2509 dwar l-għotjiet, u l-Artikolu 170(1), il-punti (b) u (c), u (2) dwar l-akkwist għall-proċeduri ta’ aġġudikazzjoni identifikati fil-programm ta’ ħidma, jistgħu japplikaw il-kundizzjonijiet li ġejjin:

(a)Il-limitazzjoni tar-rekwiżiti għad-deċiżjoni ta’ aġġudikazzjoni u l-iffirmar ta’ impenji legali għal evalwazzjoni preliminari tal-kriterji għall-aġġudikazzjoni u għall-esklużjoni; id-deċiżjoni ta’ aġġudikazzjoni tista’ tittieħed biss abbażi ta’ awtodikjarazzjoni tal-applikanti u tal-offerenti dwar il-kriterji għall-għażla u dawk tal-eliġibbiltà, speċjalment fir-rigward tal-kontroll, mingħajr talba għal dokumenti ta’ sostenn korrispondenti matul l-evalwazzjoni preliminari. Il-Kummissjoni għandha tiffinalizza l-evalwazzjoni finali mingħajr dewmien żejjed.

(b)In-notifika tar-riżultati tal-evalwazzjoni preliminari lill-applikanti u lill-offerenti għandha titlesta f’perjodu speċifikat fil-programm ta’ ħidma; id-deċiżjoni ta’ aġġudikazzjoni għandha tittieħed f’perjodu speċifikat fil-programm ta’ ħidma.

3.Meta l-evalwazzjoni finali msemmija fil-punt (a) tal-paragrafu 2 tikkonkludi li r-riċevitur ma jissodisfax il-kriterji kollha tal-eliġibbiltà u dawk għall-għażla, l-impenn legali għandu jiġi tterminat.

4.Il-programm ta’ ħidma jista’ jistabbilixxi proċeduri mmirati ta’ aġġudikazzjoni minn isfel għal fuq f’żewġ stadji f’konformità mar-regoli li ġejjin:

(a)matul l-ewwel stadju, tista’ titnieda sejħa għal espressjoni ta’ interess mingħajr ma jiġi speċifikat it-tip ta’ attivitajiet jew l-istrument ta’ implimentazzjoni tal-baġit li għandu jintuża, biex l-applikanti u l-offerenti jkunu jistgħu jissottomettu proposti għal proġetti jew offerti għal oġġetti, għal xogħlijiet jew għal servizzi li jistgħu jikkontribwixxu għall-objettivi ta’ dan ir-Regolament, kif stabbilit fil-Programm ta’ Ħidma msemmi fl-Artikolu 16.

Il-proposti u l-offerti għandhom jiġu evalwati u kklassifikati abbażi ta’ kriterji komuni għall-aġġudikazzjoni, stabbiliti fil-Programm ta’ Ħidma, bħall-kontribut komparattiv tagħhom għall-objettivi. Il-kumitat ta’ evalwazzjoni għandu jiddetermina l-aktar strument xieraq ta’ implimentazzjoni tal-baġit taħt ġestjoni diretta jew indiretta, kif ukoll jipproponi l-ammont massimu u l-forma tal-kontribuzzjoni tal-Unjoni.

(b)matul it-tieni stadju, fil-baġit disponibbli, il-proġetti jew l-offerti evalwati b’suċċess għandhom jiġu mistiedna jaġġustaw u jlestu l-proposta jew l-offerta tagħhom f’konformità mal-konklużjonijiet tal-kumitat ta’ evalwazzjoni.

Inkella, il-proċedura ta’ aġġudikazzjoni għandha tipproċedi f’konformità mar-regoli kif stabbiliti fir-Regolament (UE, Euratom) 2024/2509 applikabbli għall-istrument rispettiv tal-implimentazzjoni tal-baġit.

Artikolu 13

Intervent inċentivanti

1.B’deroga mill-Artikolu 9 ta’ dan ir-Regolament, il-programm ta’ ħidma jista’ jispeċifika li proċedura ta’ aġġudikazzjoni tieħu l-forma ta’ intervent inċentivanti biex tippermetti rinunzja temporanja u kundizzjonali tal-konformità mar-rekwiżiti tal-eliġibbiltà relatati mal-post tal-istabbiliment jew mal-ġestjoni eżekuttiva.

2.Il-konformità mal-kriterji tal-eliġibbiltà li jkunu ġew rinunzjati temporanjament f’konformità mal-paragrafu 1 ta’ dan l-Artikolu għandha tinkiseb u tiġi evalwata f’perjodu ta’ żmien speċifikat fl-impenn legali. L-appoġġ tal-Unjoni għandu jingħata ladarba r-rekwiżiti kollha jkunu ġew issodisfati.

3.Jekk il-kriterji tal-eliġibbiltà li jkunu ġew rinunzjati temporanjament f’konformità mal-paragrafu 1 ta’ dan l-Artikolu ma jiġux irrispettati fil-perjodu ta’ żmien speċifiku speċifikat fl-impenn legali, l-azzjoni għandha titqies ineliġibbli u kwalunkwe finanzjament tal-Unjoni għandu jiġi rkuprat kompletament.

4.Għall-finijiet ta’ dan l-Artikolu, ma għandu jitħallas l-ebda prefinanzjament.

Artikolu 14

Rati ta’ finanzjament

Mingħajr preġudizzju għall-Artikolu 193 tar-Regolament (UE, Euratom) 2024/2509, il-Programm jista’ jiffinanzja sa 100 % tal-kostijiet eliġibbli.

Artikolu 15

Sjieda tar-riżultati

1.Ir-riżultati tal-azzjonijiet appoġġati mill-Programm ma għandhom ikunu soġġetti għall-ebda kontroll jew restrizzjoni minn pajjiżi terzi mhux assoċjati jew minn entitajiet ta’ pajjiżi terzi mhux assoċjati, direttament, jew indirettament permezz ta’ entità ġuridika intermedjarja waħda jew aktar, inkluż f’termini tat-trasferiment tat-teknoloġija.

2.Dan ir-Regolament ma għandux jaffettwa d-diskrezzjoni tal-Istati Membri fir-rigward tal-politika tagħhom dwar l-esportazzjoni ta’ teknoloġija u ta’ tagħmir militari.

3.It-trasferimenti tat-teknoloġija għandhom jitwettqu f’konformità sħiħa mad-dispożizzjonijiet stabbiliti fid-Direttiva 2009/43/KE dwar l-issimplifikar tat-termini u l-kundizzjonijiet tat-trasferimenti ta’ prodotti relatati mad-difiża fil-Komunità u, fejn rilevanti, fir-Regolament (UE) 2021/821 li jistabbilixxi reġim tal-Unjoni għall-kontroll tal-esportazzjonijiet, is-senserija, l-assistenza teknika, it-tranżitu u t-trasferiment ta’ oġġetti b’użu doppju.

4.Mingħajr preġudizzju għall-paragrafu 2 ta’ dan l-Artikolu, kwalunkwe trasferiment tas-sjieda jew għoti ta’ liċenzji esklużivi lil pajjiż terz mhux assoċjat jew lil entità ta’ pajjiż terz mhux assoċjat għar-riżultati ġġenerati permezz tal-Programm, li jseħħ fi żmien 3 snin wara l-pagament finali tal-azzjoni, għandu jkun soġġett għal notifika u għal approvazzjoni minn qabel mill-Kummissjoni jew mill-awtoritajiet rilevanti tal-Istat Membru jew tal-pajjiż terz assoċjat skont kundizzjonijiet li jiżguraw il-protezzjoni tal-interessi tas-sigurtà u tad-difiża tal-Unjoni. Meta tali trasferiment tas-sjieda jmur kontra l-interessi tas-sigurtà u tad-difiża tal-UE u tal-Istati Membri tagħha jew l-objettivi stabbiliti fl-Artikolu 3, l-appoġġ ipprovdut mill-Programm għandu jiġi rimborżat.

5.Meta l-appoġġ tal-Unjoni jingħata fil-forma ta’ akkwist pubbliku ta’ studju, ir-riżultati għandhom ikunu proprjetà tal-UE u l-Istati Membri jew il-pajjiżi terzi assoċjati kollha għandu jkollhom id-dritt, mingħajr ħlas, għal liċenzja mhux esklużiva għall-użu tal-istudju fuq talba bil-miktub.

6.Meta l-appoġġ tal-Unjoni jiġi pprovdut fil-forma ta’ għotja, l-istituzzjonijiet, il-korpi, l-uffiċċji jew l-aġenziji tal-UE kif ukoll l-awtoritajiet tal-għoti għandhom igawdu, fuq talba, drittijiet ta’ aċċess għar-riżultati mingħajr royalties, mingħajr ma jkollhom impatt fuq is-sjieda tar-riżultati, inklużi d-drittijiet tal-proprjetà intellettwali (DPI) fuq l-informazzjoni ġenerali, għall-uniku skop ta’ żvilupp, ta’ implimentazzjoni u ta’ monitoraġġ tal-politiki jew tal-programmi eżistenti tal-Unjoni fl-oqsma tal-kompetenza tagħha u tad-dritt ta’ għoti.

Artikolu 16

Programm ta’ Ħidma

1.Il-Programm għandu jiġi implimentat permezz ta’ programm ta’ ħidma kif imsemmi fl-Artikolu 110(2) tar-Regolament (UE, Euratom) 2024/2509.

2.Il-programm ta’ ħidma għandu jistabbilixxi fid-dettall il-kategoriji ta’ azzjonijiet li għandhom jiġu appoġġati mill-Programm. Dawk il-kategoriji għandhom ikunu konformi mal-objettivi msemmija fl-Artikolu 3.

3.Bl-eċċezzjoni tal-proċedura ta’ aġġudikazzjoni definita fl-Artikolu 12(5), il-programm ta’ ħidma għandu jkun fih rekwiżiti funzjonali fejn xieraq u għandu jispeċifika l-forma ta’ finanzjament tal-Unjoni skont l-Artikolu 8, filwaqt li ma jipprevjenix il-kompetizzjoni fost is-sejħiet għal proposti.

4.Il-Kummissjoni għandha tadotta l-programm ta’ ħidma permezz ta’ att ta’ implimentazzjoni. Dan l-att ta’ implimentazzjoni għandu jiġi adottat f’konformità mal-proċedura konsultattiva msemmija fl-Artikolu 17(3).

Artikolu 17

Proċedura ta’ Kumitat

1.Il-Kummissjoni għandha tkun megħjuna minn kumitat. Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.L-Aġenzija Ewropea għad-Difiża (EDA) għandha tiġi mistiedna tipprovdi l-fehmiet u l-għarfien espert tagħha lill-kumitat bħala osservatur. Is-Servizz Ewropew għall-Azzjoni Esterna għandu jiġi mistieden ukoll jassisti fil-ħidma tal-kumitat.

3.Fejn issir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

Artikolu 18

Relazzjoni mad-Direttiva 2009/81/KE

Il-kuntratt tal-akkwist ta’ Stat Membru li jikkonċerna kwalunkwe prodott tad-difiża li jirriżulta minn azzjoni appoġġata fl-ambitu tal-Programm għandu jitqies bħala kuntratt mogħti fil-qafas ta’ programm kooperattiv ibbażat fuq ir-riċerka u fuq l-iżvilupp kif imsemmi fl-Artikolu 13(c) tad-Direttiva 2009/81/KE [wara l-adozzjoni tad-Direttiva Omnibus 2025/0177 (COD)].

Artikolu 19

Applikazzjoni tar-regoli dwar informazzjoni klassifikata

1.Fil-kamp ta’ applikazzjoni ta’ dan ir-Regolament:

(a)L-Istati Membri u l-pajjiżi terzi assoċjati li fit-territorju tagħhom ikunu stabbiliti r-riċevituri għandhom jivvalutaw in-natura sensittiva tal-informazzjoni ġenerali u tal-informazzjoni ġġenerata ttrattata matul l-implimentazzjoni tal-azzjonijiet iffinanzjati.

(b)Jekk tali informazzjoni jkollha livell ta’ klassifikazzjoni nazzjonali, l-Istati Membri u l-pajjiżi terzi assoċjati msemmija fil-punt (a) għandhom jistabbilixxu l-qafas ta’ sigurtà adegwat, f’konformità mal-liġijiet u mar-regolamenti nazzjonali.

(c)Kull Stat Membru għandu jiżgura li joffri livell ta’ protezzjoni tal-informazzjoni klassifikata tal-UE ekwivalenti għal dak ipprovdut mir-regoli ta’ sigurtà tal-Kunsill stabbiliti fid-Deċiżjoni 2013/488/UE;

(d)Il-Kummissjoni għandha tipproteġi l-informazzjoni klassifikata riċevuta fir-rigward tal-Programm f’konformità mar-regoli tas-sigurtà stabbiliti fid-Deċiżjoni (UE, Euratom) 2015/444.

2.Il-Kummissjoni għandha tagħmel disponibbli sistema akkreditata ta’ skambju sigur sabiex tiffaċilita l-iskambju ta’ informazzjoni klassifikata u sensittiva bejn il-Kummissjoni u l-Istati Membri u l-pajjiżi terzi assoċjati u, fejn xieraq, mal-applikanti u mar-riċevituri. Dik is-sistema għandha tqis ir-regolamenti tas-sigurtà nazzjonali tal-Istati Membri.

Artikolu 20

Awditi

L-awditi dwar l-użu tal-kontribuzzjoni tal-Unjoni mwettqa minn persuni jew entitajiet, inkluż minn persuni jew entitajiet għajr dawk li l-mandat tagħhom ingħata mill-istituzzjonijiet, mill-korpi, mill-uffiċċji jew mill-aġenziji tal-UE, għandhom jiffurmaw il-bażi tal-aċċertazzjoni globali skont l-Artikolu 127 tar-Regolament (UE, Euratom) 2024/2509. Il-Qorti Ewropea tal-Awdituri għandha teżamina l-kontijiet tad-dħul u tan-nefqa kollha tal-Unjoni f’konformità mal-Artikolu 287 tat-TFUE.

Artikolu 21

Informazzjoni, komunikazzjoni u pubbliċità

1.Ir-riċevituri tal-finanzjament tal-Unjoni għandhom jirrikonoxxu l-oriġini tal-fondi u jiżguraw il-viżibbiltà ta’ dak il-finanzjament, inkluż meta jippromwovu l-azzjonijiet u r-riżultati tagħhom, billi jipprovdu informazzjoni mmirata koerenti, effettiva u proporzjonata lil diversi udjenzi, inkluż lill-media u lill-pubbliku.

2.Il-Kummissjoni għandha timplimenta azzjonijiet ta’ informazzjoni u komunikazzjoni relatati ma’ dan ir-Regolament, mal-azzjonijiet meħuda skont dan ir-Regolament, u mar-riżultati miksuba.

3.Ir-riżorsi finanzjarji allokati għall-Programm jistgħu jikkontribwixxu għall-organizzazzjoni ta’ attivitajiet ta’ disseminazzjoni, avvenimenti ta’ tlaqqigħ u attivitajiet ta’ sensibilizzazzjoni, inkluż biex jinfetħu ktajjen tal-provvista biex titrawwem il-parteċipazzjoni transfruntiera tal-SMEs.

Artikolu 22

Dħul fis-seħħ u applikazzjoni

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

DIKJARAZZJONI FINANZJARJA U DIĠITALI LEĠIŻLATTIVA

1.QAFAS TAL-PROPOSTA/TAL-INIZJATTIVA3

1.1.Titolu tal-proposta/tal-inizjattiva3

1.2.Qasam/Oqsma ta’ politika kkonċernat(i)3

1.3.Objettiv(i)3

1.3.1.Objettiv(i) ġenerali3

1.3.2.Objettiv(i) speċifiku/speċifiċi3

1.3.3.Riżultat(i) u impatt mistennija3

1.3.4.Indikaturi tal-prestazzjoni3

1.4.Il-proposta/L-inizjattiva hija relatata ma’:4

1.5.Raġunijiet għall-proposta/għall-inizjattiva4

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva4

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.4

1.5.3.Tagħlimiet meħuda minn esperjenzi simili fl-imgħoddi4

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra5

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni5

1.6.Durata tal-proposta/tal-inizjattiva u tal-impatt finanzjarju tagħha6

1.7.Metodu/i tal-implimentazzjoni tal-baġit ippjanat(i)6

2.MIŻURI TA’ ĠESTJONI8

2.1.Regoli ta’ monitoraġġ u ta’ rapportar8

2.2.Sistema/i ta’ ġestjoni u ta’ kontroll8

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta8

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom8

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)8

2.3.Miżuri għall-prevenzjoni ta’ frodi u ta’ irregolaritajiet9

3.IMPATT FINANZJARJU STMAT TAL-PROPOSTA/TAL-INIZJATTIVA10

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i10

3.2.Impatt finanzjarju stmat tal-proposta fuq l-approprjazzjonijiet12

3.2.1.Sommarju tal-impatt stmat fuq l-approprjazzjonijiet operazzjonali12

3.2.1.1.Approprjazzjonijiet mill-baġit ivvutat12

3.2.1.2.Approprjazzjonijiet minn dħul assenjat estern17

3.2.2.Output stmat iffinanzjat minn approprjazzjonijiet operazzjonali22

3.2.3.Sommarju tal-impatt stmat fuq l-approprjazzjonijiet amministrattivi24

3.2.3.1. Approprjazzjonijiet mill-baġit ivvutat24

3.2.3.2.Approprjazzjonijiet minn dħul assenjat estern24

3.2.3.3.Total tal-approprjazzjonijiet24

3.2.4.Rekwiżiti stmati ta’ riżorsi umani25

3.2.4.1.Iffinanzjati mill-baġit ivvutat25

3.2.4.2.Iffinanzjati minn dħul assenjat estern26

3.2.4.3.Rekwiżiti totali ta’ riżorsi umani26

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali28

3.2.6.Kompatibbiltà mal-qafas finanzjarju pluriennali attwali28

3.2.7.Kontribuzzjonijiet ta’ partijiet terzi28

3.3.Impatt stmat fuq id-dħul29

4.Dimensjonijiet diġitali29

4.1.Rekwiżiti ta’ rilevanza diġitali30

4.2.Data30

4.3.Soluzzjonijiet diġitali31

4.4.Valutazzjoni tal-interoperabbiltà31

4.5.Miżuri li jappoġġaw l-implimentazzjoni diġitali32

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.Il-proposta/L-inizjattiva hija relatata ma’: 

 azzjoni ġdida 

 azzjoni ġdida b’segwitu għal proġett pilota/azzjoni preparatorja 25  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

 durata limitata

–    b’effett minn XX/XX/XX sa XX/XX/XX

–    impatt finanzjarju mill-2027 għall-approprjazzjonijiet ta’ impenn u mill-2027 sal-2029 għall-approprjazzjonijiet ta’ pagament.

 durata mhux limitata

–Implimentazzjoni b’perjodu ta’ tnedija minn SSSS sa SSSS,

–segwita minn operazzjoni fuq skala sħiħa.

1.7.Metodu/i tal-implimentazzjoni tal-baġit ippjanat(i) 

Ġestjoni diretta mill-Kummissjoni

– mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

– mill-aġenziji eżekuttivi

 Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni tal-baġit:

– lill-pajjiżi terzi jew lill-korpi nnominati minnhom

– lill-organizzazzjonijiet internazzjonali u lill-aġenziji tagħhom (għandhom jiġu speċifikati)

– lill-Bank Ewropew tal-Investiment u lill-Fond Ewropew tal-Investiment

– lill-korpi msemmija fl-Artikoli 70 u 71 tar-Regolament Finanzjarju

– lill-korpi tad-dritt pubbliku

– lill-korpi rregolati mid-dritt privat b’missjoni ta’ servizz pubbliku sakemm dawn ikollhom garanziji finanzjarji adegwati

– lill-korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati

–lill-korpi jew lill-persuni fdati bl-implimentazzjoni ta’ azzjonijiet speċifiċi fil-Politika Estera u ta’ Sigurtà Komuni skont it-Titolu V tat-Trattat dwar l-Unjoni Ewropea, u identifikati fl-att bażiku rilevanti

–lill-korpi stabbiliti fi Stat Membru, irregolati bid-dritt privat ta’ Stat Membru jew bid-dritt tal-Unjoni u eliġibbli biex jiġu fdati, f’konformità mar-regoli speċifiċi għas-settur, bl-implimentazzjoni ta’ fondi jew ta’ garanziji baġitarji tal-Unjoni, sa fejn tali korpi jkunu kkontrollati minn korpi rregolati bid-dritt pubbliku jew minn korpi rregolati bid-dritt privat b’missjoni ta’ servizz pubbliku, u jkunu pprovduti b’garanziji finanzjarji adegwati fil-forma ta’ responsabbiltà in solidum mill-korpi kontrollanti jew b’garanziji finanzjarji ekwivalenti u li jistgħu, għal kull azzjoni, ikunu limitati għall-ammont massimu tal-appoġġ tal-Unjoni.

Kummenti

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

2.3.Miżuri għall-prevenzjoni ta’ frodi u ta’ irregolaritajiet 

IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

·Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta fuq l-approprjazzjonijiet 

3.2.1.Sors ta’ finanzjament tal-approprjazzjonijiet fl-ambitu tal-Programm għall-innovazzjoni aġli u rapida fid-difiża (AGILE)

3.2.2.Sommarju tal-impatt stmat fuq l-approprjazzjonijiet operazzjonali 

–    Il-proposta/L-inizjattiva ma teħtieġx l-użu ta’ approprjazzjonijiet operazzjonali

–    Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

3.2.2.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

miljuni ta’ EUR (sa tliet pożizzjonijiet deċimali)

3.2.3.Sommarju tal-impatt stmat fuq l-approprjazzjonijiet amministrattivi 

–    Il-proposta/L-inizjattiva ma teħtieġx l-użu ta’ approprjazzjonijiet ta’ natura amministrattiva

–    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.3.1. Approprjazzjonijiet mill-baġit ivvutat

3.2.3.2.Total tal-approprjazzjonijiet

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ diġà assenjati għall-ġestjoni tal-azzjoni u/jew diġà riallokati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.4.Rekwiżiti stmati ta’ riżorsi umani 

–    Il-proposta/L-inizjattiva ma teħtieġx l-użu ta’ riżorsi umani

–Il-proposta/l-inizjattiva teħtieġ l-użu ta’ riżorsi umani, kif spjegat hawn taħt

3.2.4.1.Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs, Full-Time Equivalent)

Il-persunal meħtieġ għall-implimentazzjoni tal-proposta (f’FTEs):

Deskrizzjoni tal-kompiti li jridu jitwettqu minn:

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

3.2.6.Kompatibbiltà mal-qafas finanzjarju pluriennali attwali 

Il-proposta/L-inizjattiva:

–    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-qafas finanzjarju pluriennali (QFP)

–    tirrikjedi l-użu tal-marġni mhux allokat skont l-intestatura rilevanti tal-QFP u/jew l-użu tal-istrumenti speċjali kif definiti fir-Regolament QFP

–    tirrikjedi reviżjoni tal-QFP

3.2.7.Kontribuzzjonijiet ta’ partijiet terzi 

Il-proposta/L-inizjattiva:

–    ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

 
3.3.    Impatt stmat fuq id-dħul 

–    Il-proposta/L-inizjattiva ma għandha l-ebda impatt finanzjarju fuq id-dħul.

–    Il-proposta/L-inizjattiva għandha l-impatt finanzjarju li ġej:

–    fuq ir-riżorsi proprji

–    fuq dħul ieħor

–    indika jekk id-dħul huwiex assenjat għal-linji tan-nefqa

miljuni ta’ EUR (sa tliet pożizzjonijiet deċimali)

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (pereż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

4.Dimensjonijiet diġitali

4.1.Rekwiżiti ta’ rilevanza diġitali

4.2.Data

4.3.Soluzzjonijiet diġitali

4.4.Valutazzjoni tal-interoperabbiltà

4.5. Miżuri li jappoġġaw l-implimentazzjoni diġitali

(1)    Mingħajr preġudizzju għar-regoli tal-kompetizzjoni tal-Unjoni, b’mod partikolari l-Artikolu 101 tat-TFUE

(2)     Il-Pjan Direzzjonali għall-Prontezza 2030 Inseddqu l-Paċi – Nippreparaw id-Difiża

(3)     Il-White Paper għall-Prontezza tad-Difiża Ewropea 2030

(4)     Il-Pjan Direzzjonali għat-Trasformazzjoni tad-Difiża Ewropea

(5)     Ir-Regolament - UE - 2025/2653 - MT - EUR-Lex

(6)     L-Omnibus dwar il-Prontezza tad-Difiża - l-Industrija tad-Difiża u l-Ispazju

(7)    ĠU C , , p. .

(8)

   Ir-Regolament (UE) 2021/695 tal-Parlament Ewropew u tal-Kunsill tat-28 ta’ April 2021 li jistabbilixxi l-Orizzont Ewropa – il-Programm Qafas għar-Riċerka u l-Innovazzjoni, li jistabbilixxi r-regoli tiegħu għall-parteċipazzjoni u d-disseminazzjoni, u li jħassar ir-Regolamenti (UE) Nru 1290/2013 u (UE) Nru 1291/2013 (ĠU L 170, 12.5.2021, p. 1–68, ELI:  http://data.europa.eu/eli/reg/2021/695/oj ).

(9)

   Ir-Regolament (UE) 2024/795 tal-Parlament Ewropew u tal-Kunsill tad-29 ta’ Frar 2024 li jistabbilixxi l-Pjattaforma tat-Teknoloġiji Strateġiċi għall-Ewropa (“STEP”), u li jemenda d-Direttiva 2003/87/KE u r-Regolamenti (UE) 2021/1058, (UE) 2021/1056, (UE) 2021/1057, (UE) 1303/2013, (UE) 223/2014, (UE) 2021/1060, (UE) 2021/523, (UE) 2021/695, (UE) 2021/697 u (UE) 2021/241, (ĠU L, 2024/795, 29.2.2024, ELI:  http://data.europa.eu/eli/reg/2024/795/oj ).

(10)

   Ir-Regolament (UE) 2025/2653 tal-Parlament Ewropew u tal-Kunsill tad-19 ta’ Diċembru 2025 li jemenda r-Regolamenti (UE) 2021/694, (UE) 2021/695, (UE) 2021/697, (UE) 2021/1153 u (UE) 2024/795, fir-rigward tal-inċentivar ta’ investiment relatat mad-difiża fil-baġit tal-UE biex jiġi implimentat il-Pjan ReArm Europe (ĠU L, 2025/2653, 22.12.2025, ELI:  http://data.europa.eu/eli/reg/2025/2653/oj ).

(11)

   Ir-Regolament (UE) 2021/697 tal-Parlament Ewropew u tal-Kunsill tad-29 ta’ April 2021 li jistabbilixxi l-Fond Ewropew għad-Difiża u li jħassar ir-Regolament (UE) 2018/1092 (ĠU L 170, 12.5.2021, p. 149–177, ELI:  http://data.europa.eu/eli/reg/2021/697/oj ).

(12)     Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni

(13)

   Id-Direttiva 2009/81/KE tal-Parlament Ewropew u tal-Kunsill tat-13 ta’ Lulju 2009 dwar il-koordinazzjoni tal-proċeduri għall-għoti ta’ ċerti kuntratti ta’ xogħlijiet, provvisti u servizzi minn awtoritajiet jew entitajiet kontraenti fl-oqsma tad-difiża u s-sigurtà, u li temenda d-Direttiva 2004/17/KE u d-Direttiva 2004/18/KE

(14)    Ir-Regolament (UE, Euratom) 2024/2509 tal-Parlament Ewropew u tal-Kunsill tat-23 ta’ Settembru 2024 dwar ir-regoli finanzjarji applikabbli għall-baġit ġenerali tal-Unjoni (ĠU L, 2024/2509, 26.9.2024, ELI: http://data.europa.eu/eli/reg/2024/2509/oj).

(15)    Ir-Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament tal-Parlament Ewropew u tal-Kunsill (KE) Nru 1073/1999 u r-Regolament tal-Kunsill (Euratom) Nru 1074/1999 (ĠU L 248, 18.9.2013, p. 1., ELI:  http://data.europa.eu/eli/reg/2013/883/oj )

(16)    Ir-Regolament tal-Kunsill (KE, Euratom) Nru 2988/95 tat-18 ta’ Diċembru 1995 dwar il-protezzjoni tal-interessi finanzjarji tal-Komunità Ewropea (ĠU L 312, 23.12.95, p. 1, ELI:  http://data.europa.eu/eli/reg/1995/2988/oj ).

(17)    Ir-Regolament tal-Kunsill (Euratom, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolaritajiet oħra (ĠU L 292,15.11.96, p. 2, ELI:  http://data.europa.eu/eli/reg/1996/2185/oj )

(18)    Ir-Regolament tal-Kunsill (UE) 2017/1939 tat-12 ta’ Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”) (ĠU L 283, 31.10.2017, p. 1, ELI: http://data.europa.eu/eli/reg/2017/1939/oj).

(19)    Id-Direttiva (UE) 2017/1371 tal-Parlament Ewropew u tal-Kunsill tal-5 ta’ Lulju 2017 dwar il-ġlieda kontra l-frodi tal-interessi finanzjarji tal-Unjoni permezz tal-liġi kriminali (ĠU L 198, 28.7.2017, p. 29, ELI:  http://data.europa.eu/eli/dir/2017/1371/oj ).

(20)

   Ir-Regolament (UE) 2018/1092 tal-Parlament Ewropew u tal-Kunsill tat-18 ta’ Lulju 2018 li jistabbilixxi l-Programm Ewropew għall-Iżvilupp fl-Industrija tad-Difiża bil-għan li jappoġġa l-kompetittività u l-kapaċità ta’ innovazzjoni tal-industrija tad-difiża tal-Unjoni (ĠU L 200, 7.8.2018, p. 30, ELI: http://data.europa.eu/eli/reg/2018/1092/oj).

(21)

   Ir-Regolament (UE) 2021/697 tal-Parlament Ewropew u tal-Kunsill tad-29 ta’ April 2021 li jistabbilixxi l-Fond Ewropew għad-Difiża u li jħassar ir-Regolament (UE) 2018/1092 (ĠU L 170, 12.5.2021, p. 149, ELI: http://data.europa.eu/eli/reg/2021/697/oj).

(22)

   Ir-Regolament (UE) 2023/1525 tal-Parlament Ewropew u tal-Kunsill tal-20 ta’ Lulju 2023 dwar l-appoġġ għall-produzzjoni tal-munizzjon (ASAP) (ĠU L 185, 24.7.2023, p. 7, ELI: http://data.europa.eu/eli/reg/2023/1525/oj).

(23)

   Ir-Regolament (UE) 2023/2418 tal-Parlament Ewropew u tal-Kunsill tat-18 ta’ Ottubru 2023 dwar l-istabbiliment ta’ strument għat-tisħiħ tal-industrija Ewropea tad-Difiża permezz tal-Akkwist Komuni (EDIRPA) (ĠU L, 2023/2418, 26.10.2023, ELI: http://data.europa.eu/eli/reg/2023/2418/oj).

(24)

   Ir-Regolament tal-Kunsill (UE) 2025/1106 tas-27 ta’ Mejju 2025 li jistabbilixxi l-Istrument ta’ Azzjoni għas-Sigurtà tal-Ewropa (SAFE) permezz tat-Tisħiħ tal-Industrija Ewropea tad-Difiża, ĠU L, 2025/1106, 28.5.2025, ELI: http://data.europa.eu/eli/reg/2025/1106/oj

(25)    Kif imsemmi fl-Artikolu 58(2), il-punt (a) jew (b) tar-Regolament Finanzjarju.

(26)    Diff. = Approprjazzjonijiet differenzjati/Mhux diff. = Approprjazzjonijiet mhux differenzjati.

(27)    EFTA: Assoċjazzjoni Ewropea tal-Kummerċ Ħieles.

(28)    Pajjiżi kandidati u, meta jkun applikabbli, kandidati potenzjali mill-Balkani tal-Punent.

(29)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % għall-kostijiet tal-ġbir.