IL-KUMMISSJONI EWROPEA

Brussell, 17.2.2026

COM(2026) 93 final

Rakkomandazzjoni għal

DEĊIŻJONI TAL-KUNSILL

li tapprova l-konklużjoni, mill-Kummissjoni Ewropea, tal-Ftehim fir-rigward ta’ Ġibiltà bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

Il-Ftehim dwar il-Kummerċ u l-Kooperazzjoni konkluż bejn l-Unjoni Ewropea u r-Renju Unit ġie ffirmat fit-30 ta’ Diċembru 2020, ġie applikat b’mod proviżorju mill-1 ta’ Jannar 2021 u daħal fis-seħħ fl-1 ta’ Mejju 2021.

F’konformità mad-direttivi ta’ negozjati tal-25 ta’ Frar 2020 (id-Deċiżjoni tal-Kunsill (UE, Euratom) 2020/266 1 ), il-Ftehim dwar il-Kummerċ u l-Kooperazzjoni ma jinkludix lil Ġibiltà u ma għandu l-ebda effett fuqha. Dan ma jipprekludix il-possibbiltà li jkun hemm ftehimiet separati bejn l-Unjoni u r-Renju Unit fir-rigward ta’ Ġibiltà f’konformità mad-Dikjarazzjoni tal-Kunsill Ewropew u tal-Kummissjoni Ewropea inkluża fil-minuti tal-laqgħa tal-Kunsill Ewropew (l-Artikolu 50) tal-25 ta’ Novembru 2018 2 .

Fil-31 ta’ Diċembru 2020, Spanja u r-Renju Unit qablu dwar qafas politiku għal Ftehim futur fir-rigward ta’ Ġibiltà bejn l-Unjoni Ewropea u r-Renju Unit.

Fil-5 ta’ Ottubru 2021, il-Kunsill adotta d-Deċiżjoni li tawtorizza l-ftuħ tan-negozjati għal ftehim mar-Renju Unit tal-Gran Brittanja u l-Irlanda ta’ Fuq fir-rigward ta’ Ġibiltà. Il-Kummissjoni kienet innominata bħala n-negozjatur tal-Unjoni. Id-Deċiżjoni tal-Kunsill inkludiet ukoll addendum mad-direttivi għan-negozjar ta’ tali ftehim (“direttivi ta’ negozjati”).

Fir-rigward tan-nukleari ċivili, id-direttivi ta’ negozjati jipprevedu l-possibbiltà li l-Ftehim previst ikopri kwistjonijiet skont it-Trattat Euratom u l-kamp ta’ applikazzjoni tal-leġiżlazzjoni sekondarja tiegħu, b’mod partikolari, iżda mhux limitat għal, dispożizzjonijiet relatati mas-saħħa u s-sikurezza, is-suq komuni nukleari u s-salvagwardji nukleari.

Il-Kummissjoni wettqet in-negozjati f’konsultazzjoni mal-Grupp ta’ Ħidma tal-Kunsill dwar ir-Renju Unit u żammet lill-Parlament Ewropew infurmat bis-sħiħ, b’mod partikolari permezz tal-Grupp ta’ Koordinazzjoni dwar ir-Renju Unit tagħha.

In-negozjati tlestew fit-12 ta’ Diċembru 2025, wara aktar minn 4 snin ta’ negozjati. In-negozjati setgħu jiġu ffinalizzati biss fi stadju tard ħafna minħabba l-kwistjonijiet politiċi u legali kumplessi li għandhom jiġu solvuti fl-oqsma tal-moviment tal-persuni u l-merkanzija koperti mill-Ftehim.

Peress li l-Ftehim fih biss dispożizzjoni waħda dwar il-kooperazzjoni nukleari ċivili li għaliha l-Komunità Ewropea tal-Enerġija Atomika hija parti, din id-dispożizzjoni nżammet fil-korp tal-Ftehim bejn l-Unjoni Ewropea u r-Renju Unit tal-Gran Brittanja u l-Irlanda ta’ Fuq.

Id-dħul fis-seħħ tal-Ftehim huwa kwistjoni ta’ urġenza speċjali. Il-Ftehim jipprevedi t-tneħħija tal-ostakli fiżiċi kollha bejn it-territorju tal-Unjoni u Ġibiltà. Is-Sistema ta’ Dħul/Ħruġ il-ġdida tal-Unjoni Ewropea, li tissostitwixxi l-ittimbrar manwali tal-passaporti b’reġistrazzjoni diġitali taċ-ċittadini ta’ pajjiżi terzi li jidħlu fiż-żona Schengen, bħalissa tinsab fi tnedija progressiva b’varar operazzjonali sħiħ mistenni fil-fruntieri esterni kollha tad-29 pajjiż parteċipant sal-10 ta’ April 2026. Jekk il-Ftehim fir-rigward ta’ Ġibiltà ma japplikax sal-10 ta’ April 2026, se jkun meħtieġ li jiġi stabbilit kontroll daqslikieku fuq fruntiera konvenzjonali bejn it-territorju tal-Unjoni u Ġibiltà. Dan se jfixkel b’mod sinifikanti lill-individwi, lin-negozji u lil partijiet ikkonċernati oħra li joperaw fiż-żona ta’ Campo del Gibraltar u jmur kontra l-iskop proprju tal-Ftehim, li huwa li joħloq żona ta’ prosperità kondiviża għall-benefiċċju kemm tal-Unjoni kif ukoll ta’ Ġibiltà.

Fid-dawl ta’ dawn iċ-ċirkostanzi eċċezzjonali, il-Kummissjoni tirrakkomanda li l-Ftehim jiġi applikat, fir-rigward ta’ kwistjonijiet li jaqgħu fil-kompetenza tal-Euratom, fuq bażi proviżorja għal perjodu qasir mid-data tal-varar sħiħ tas-Sistema ta’ Dħul/Ħruġ sal-ewwel jum tax-xahar wara dak li fih il-Partijiet ikunu nnotifikaw lil xulxin li lestew ir-rekwiżiti u l-proċeduri interni rispettivi tagħhom għall-istabbiliment tal-kunsens tagħhom li jintrabtu.

•Konsistenza mad-dispożizzjonijiet eżistenti fil-qasam ta’ politika kkonċernat

Il-Ftehim dwar il-Kummerċ u l-Kooperazzjoni stabbilixxa relazzjoni ġdida bejn l-Unjoni u r-Renju Unit wara l-ħruġ tar-Renju Unit mill-Unjoni Ewropea u mill-Komunità Ewropea tal-Enerġija Atomika – mingħajr ma ġiet inkluża Ġibiltà. Huwa akkumpanjat minn Ftehim bejn il-Gvern tar-Renju Unit tal-Gran Brittanja u l-Irlanda ta’ Fuq u l-Komunità Ewropea tal-Enerġija Atomika għall-Kooperazzjoni dwar l-Użi Sikuri u Paċifiċi tal-Enerġija Nukleari.

Il-Ftehim jikkomplementa l-Ftehim dwar il-Kummerċ u l-Kooperazzjoni minn dik il-perspettiva u jikkostitwixxi l-aħħar parti tas-sħubija mill-qrib bejn l-Unjoni u r-Renju Unit li l-Kunsill Ewropew appella għaliha wara l-ħruġ tar-Renju Unit.

•Konsistenza ma’ politiki oħrajn tal-Unjoni u l-Komunità tal-Euratom

2.BAŻI LEGALI

•Bażi legali

3.ELEMENTI OĦRAJN

•Spjegazzjoni fid-dettall tad-dispożizzjonijiet speċifiċi tal-proposta

Rakkomandazzjoni għal

DEĊIŻJONI TAL-KUNSILL

li tapprova l-konklużjoni, mill-Kummissjoni Ewropea, tal-Ftehim fir-rigward ta’ Ġibiltà bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra

IL-KUNSILL TAL-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea għall-Enerġija Atomika, u b’mod partikolari l-Artikolu 101, it-tieni paragrafu tiegħu,

Wara li kkunsidra r-rakkomandazzjoni mill-Kummissjoni Ewropea,

Billi:

(1)Ir-Riżoluzzjonijiet tal-Assemblea Ġenerali tan-Nazzjonijiet Uniti dwar id-dekolonizzazzjoni tat-territorju ta’ Ġibiltà (minn hawn ’il quddiem “Ġibiltà”) jelenkaw lil Ġibiltà bħala “Territorju Mhux Awtonomu Amministrat mir-Renju Unit tal-Gran Brittanja u l-Irlanda ta’ Fuq” b’applikazzjoni tal-Kapitolu XI tal-Karta tan-Nazzjonijiet Uniti.

(2)Fil-5 ta’ Ottubru 2021, il-Kunsill awtorizza lill-Kummissjoni Ewropea biex tiftaħ negozjati għal ftehim mar-Renju Unit fir-rigward ta’ Ġibiltà. Wara n-negozjati, il-Partijiet qablu fil-livell tan-negozjaturi dwar Ftehim fir-rigward ta’ Ġibiltà bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra.

(3)Il-Ftehim ikopri kwistjonijiet li jaqgħu fil-kamp ta’ applikazzjoni tal-Komunità Ewropea tal-Enerġija Atomika, jiġifieri d-dispożizzjonijiet dwar il-kooperazzjoni nukleari ċivili. Għalhekk, jenħtieġ li l-Ftehim jiġi konkluż f’isem il-Komunità fir-rigward ta’ kwistjonijiet li jaqgħu taħt it-Trattat Euratom. L-iffirmar u l-konklużjoni tal-Ftehim f’isem l-Unjoni huwa soġġett għal proċedura separata.

(4)Il-konklużjoni, mill-Kummissjoni, li taġixxi f’isem il-Komunità Ewropea tal-Enerġija Atomika, tal-Ftehim jenħtieġ li tiġi approvata.

(5)Il-Ftehim, jew kwalunkwe attività jew miżura meħuda fl-applikazzjoni jew bħala riżultat tiegħu, ma jimplika l-ebda modifika tal-pożizzjoni legali tar-Renju ta’ Spanja fir-rigward tas-sovranità u l-ġuriżdizzjoni fir-rigward ta’ Ġibiltà.

(6)Peress li l-awtoritajiet ta’ Ġibiltà għandhom karattru lokali u jeżerċitaw esklużivament kompetenzi interni, kwalunkwe parteċipazzjoni ta’ dawn l-awtoritajiet fl-applikazzjoni ta’ dan il-Ftehim jenħtieġ li titqies bħala mwettqa esklużivament fil-kompetenzi interni ta’ Ġibiltà, sakemm ma jkunx previst speċifikament mod ieħor.

(7)Il-Ftehim jipprevedi t-tneħħija tal-ostakli fiżiċi kollha bejn it-territorju tal-Unjoni u Ġibiltà. Jenħtieġ li s-Sistema ta’ Dħul/Ħruġ tal-Unjoni tiġi varata bis-sħiħ fil-fruntieri esterni kollha taż-żona Schengen sal-10 ta’ April 2026. Jekk il-Ftehim ma jidħolx fis-seħħ sal-10 ta’ April 2026, jenħtieġ li tiġi stabbilita fruntiera konvenzjonali bejn l-Unjoni u Ġibiltà. Dan se jfixkel b’mod sinifikanti lill-individwi, lin-negozji u lil partijiet ikkonċernati oħra li joperaw fiż-żona u jmur kontra l-għan tal-Ftehim li joħloq żona ta’ prosperità kondiviża. Tali tfixkil jista’ jiġi limitat permezz tal-applikazzjoni proviżorja tal-Ftehim.

(8)Għalhekk, minħabba s-sitwazzjoni eċċezzjonali tar-Renju Unit fir-rigward ta’ Ġibiltà u l-urġenza tas-sitwazzjoni bis-Sistema ta’ Dħul/Ħruġ varata bis-sħiħ fuq il-fruntieri esterni kollha sal-10 ta’ April 2026, jenħtieġ li l-Ftehim jiġi applikat fuq bażi proviżorja, għal perjodu qasir, f’konformità mal-Artikolu 336 tiegħu, sakemm jitlestew il-proċeduri meħtieġa għad-dħul fis-seħħ tiegħu,

ADOTTA DIN ID-DEĊIŻJONI:

Artikolu 1

Il-konklużjoni, mill-Kummissjoni, Ewropea, f’isem il-Komunità Ewropea tal-Enerġija Atomika, tal-Ftehim fir-rigward ta’ Ġibiltà bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, inkluż id-dispożizzjonijiet tiegħu dwar l-applikazzjoni proviżorja, hija b’dan approvata, fir-rigward tal-kwistjonijiet li jaqgħu fil-kamp ta’ applikazzjoni tat-Trattat li jistabbilixxi l-Komunità Ewropea tal-Enerġija Atomika.

It-test tal-Ftehim huwa mehmuż ma’ din id-Deċiżjoni.

Artikolu 2

Din id-Deċiżjoni hija indirizzata lill-Kummissjoni u għandha tidħol fis-seħħ fil-jum tal-adozzjoni tagħha.

Magħmul fi Brussell,

(1)

   Id-Deċiżjoni tal-Kunsill (UE, Euratom) 2020/266 li tawtorizza l-ftuħ tan-negozjati mar-Renju Unit tal-Gran Brittanja u l-Irlanda ta’ Fuq għal ftehim ta’ sħubija ġdid (ĠU L 58, 27.2.2020, p. 53)

(2)    EUCO XT 20017/18.

IL-KUMMISSJONI EWROPEA

Brussell, 17.2.2026

COM(2026) 93 final

ANNESS

tar-

Rakkomandazzjoni għal DEĊIŻJONI TAL-KUNSILL

li tapprova l-konklużjoni, mill-Kummissjoni Ewropea, tal-Ftehim fir-rigward ta’ Ġibiltà bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra

FTEHIM
FIR-RIGWARD TA’ ĠIBILTÀ
BEJN L-UNJONI EWROPEA
U L-KOMUNITÀ EWROPEA TAL-ENERĠIJA ATOMIKA,
MINN NAĦA WAĦDA,
IR-RENJU UNIT TAL-GRAN BRITTANJA U L-IRLANDA TA’ FUQ,
MIN-NAĦA L-OĦRA

Werrej

PREAMBOLU    5

L-EWWEL PARTI – DISPOŻIZZJONIJIET KOMUNI U ISTITUZZJONALI    9

TITOLU I – DISPOŻIZZJONIJIET ĠENERALI    9

TITOLU II – BAŻI GĦALL-KOOPERAZZJONI    14

TITOLU III – KOOPERAZZJONI NUKLEARI ĊIVILI    24

TITOLU IV – PRINĊIPJI TA’ INTERPRETAZZJONI U DEFINIZZJONIJIET    27

TITOLU V – QAFAS ISTITUZZJONALI    31

IT-TIENI PARTI – ĊIRKOLAZZJONI TA’ PERSUNI    36

TITOLU I – PRINĊIPJI U OBJETTIVI ĠENERALI    36

TITOLU II – QSIM TAL-FRUNTIERA    47

TITOLU III – SALVAGWARDJI    60

KAPITOLU 1 – RESIDENZA F’ĠIBILTÀ, REGOLI SPEĊJALI,
ĦRUĠ TA’ PERMESSI TA’ RESIDENZA U TA’ VIŻI    60

KAPITOLU 2 – APPLIKAZZJONIJIET
GĦALL-PROTEZZJONI INTERNAZZJONALI U R-RITORN    82

KAPITOLU 3 – KOOPERAZZJONI TAL-PULIZIJA    87

TITOLU IV – IMPLIMENTAZZJONI, APPLIKAZZJONI,
EVALWAZZJONI U INFURZAR    95

TITOLU V – INFURZAR TAL-LIĠI U KOOPERAZZJONI ĠUDIZZJARJA    103

KAPITOLU 1 – KOOPERAZZJONI MAL-EUROPOL    104

KAPITOLU 2 – KOOPERAZZJONI MAL-EUROJUST    118

KAPITOLU 3 – SKAMBJU TA’ INFORMAZZJONI TA’ REKORDS KRIMINALI    128

KAPITOLU 4 – KONSENJA    136

KAPITOLU 5 – ASSISTENZA REĊIPROKA    182

KAPITOLU 6 – IFFRIŻAR U KONFISKA    194

TITOLU VI – IL-ĠLIEDA KONTRA L-ĦASIL TAL-FLUS
U L-FINANZJAMENT TAT-TERRORIŻMU    233

IT-TIELET PARTI – EKONOMIJA U KUMMERĊ    236

TITOLU I – KUNDIZZJONIJIET EKWI GĦAL KOMPETIZZJONI MIFTUĦA U ĠUSTA
U ŻVILUPP SOSTENIBBLI    236

KAPITOLU 1 – PRINĊIPJI ĠENERALI    236

KAPITOLU 2 – KONTROLL TAL-GĦAJNUNA MILL-ISTAT    238

KAPITOLU 3 – TASSAZZJONI    251

KAPITOLU 4 – STANDARDS TAX-XOGĦOL U SOĊJALI    253

KAPITOLU 5 – AMBJENT U KLIMA    256

KAPITOLU 6 – STRUMENTI OĦRA GĦALL-KUMMERĊ
U ŻVILUPP SOSTENIBBLI    262

KAPITOLU 7 – DISPOŻIZZJONIJIET ORIZZONTALI U ISTITUZZJONALI    272

TITOLU II – ARRANĠAMENTI DWAR ID-DWANA,
IT-TASSAZZJONI INDIRETTA U L-KWISTJONIJIET RELATATI MAL-KUMMERĊ    278

KAPITOLU 1 – PRINĊIPJI U OBJETTIVI ĠENERALI    278

KAPITOLU 2 – L-UNJONI DOGANALI    279

KAPITOLU 3 – OĠĠETTI MAGĦMULA JEW IMQIEGĦDA FIS-SUQ
F’ĠIBILTÀ    295

KAPITOLU 4 – TABAKK    305

KAPITOLU 5 – DISPOŻIZZJONIJIET APPLIKABBLI
GĦAL ĊERTI KATEGORIJI TA’ MERKANZIJA    306

KAPITOLU 6 – IMPLIMENTAZZJONI, APPLIKAZZJONI,
SUPERVIŻJONI U INFURZAR    315

KAPITOLU 7 – ARRANĠAMENTI TRANŻIZZJONALI    318

TITOLU III – TRASPORT    320

KAPITOLU 1 – AVVJAZZJONI    320

KAPITOLU 2 – TRASPORT BIT-TRIQ    326

KAPITOLU 3 – TRASPORT MARITTIMU    335

TITOLU IV – EĊĊEZZJONIJIET    336

IR-RABA’ PARTI – ĦADDIEMA FRUNTALIERA    343

TITOLU I – KAMP TA’ APPLIKAZZJONI PERSONALI    343

TITOLU II – DRITTIJIET TAL-ĦADDIEMA FRUNTALIERA U DRITTIJIET ANĊILLARI    345

TITOLU III – KOORDINAZZJONI TAS-SIGURTÀ SOĊJALI    353

IL-ĦAMES PARTI – DISPOŻIZZJONIJIET FINANZJARJI    353

IS-SITT PARTI – SOLUZZJONI TAT-TILWIM    354

KAPITOLU 1 – DISPOŻIZZJONIJIET ĠENERALI    354

KAPITOLU 2 – PROĊEDURI    358

KAPITOLU 3 – KONFORMITÀ    367

KAPITOLU 4 – DISPOŻIZZJONIJIET PROĊEDURALI KOMUNI    372

IS-SEBA’ PARTI – DISPOŻIZZJONIJIET FINALI    379

PREAMBOLU

L-UNJONI EWROPEA

U

IR-RENJU UNIT TAL-GRAN BRITTANJA U L-IRLANDA TA’ FUQ, FIR-RIGWARD TA’ ĠIBILTÀ

1.    FILWAQT LI JIRRIAFFERMAW l-impenn tagħhom lejn il-prinċipji demokratiċi, l-istat tad-dritt, id-drittijiet tal-bniedem, il-ġlieda kontra l-proliferazzjoni tal-armi tal-qerda tal-massa, u l-ġlieda kontra t-tibdil fil-klima, li jikkostitwixxu elementi essenzjali ta’ dan il-ftehim u tal-ftehimiet supplimentari,

2.    FILWAQT LI JIRRIKONOXXU l-importanza tal-kooperazzjoni dinjija sabiex jiġu indirizzati kwistjonijiet ta’ interess kondiviż,

3.    FILWAQT LI JINNUTAW li r-Renju Unit ħareġ mill-Unjoni Ewropea u li Ġibiltà mhijiex inkluża fil-kamp ta’ applikazzjoni territorjali tal-Ftehimiet dwar il-Kummerċ u l-Kooperazzjoni konklużi bejn l-Unjoni Ewropea u l-Komunità Atomika Ewropea, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, magħmula f’Londra u fi Brussell fit-30 ta’ Diċembru 2020,

4.    FILWAQT LI JFITTXU li jistabbilixxu relazzjoni ġdida ta’ kooperazzjoni reċiproka bejn l-Unjoni Ewropea u r-Renju Unit tal-Gran Brittanja u l-Irlanda ta’ Fuq, fir-rigward ta’ Ġibiltà (“il-Partijiet”), li tippromwovi wkoll prosperità kondiviża u relazzjonijiet mill-qrib u kostruttivi fir-rigward ta’ Ġibiltà u ż-żona kontigwa fir-Renju ta’ Spanja, b’mod partikolari t-territorju tal-muniċipalitajiet li jiffurmaw il-Mancomunidad de Municipios del Campo de Gibraltar,

5.    FILWAQT LI JIKKUNSIDRAW li, sabiex jiġu żgurati l-implimentazzjoni effiċjenti u l-interpretazzjoni u l-applikazzjoni korretti ta’ dan il-Ftehim u ta’ kwalunkwe ftehim supplimentari, kif ukoll il-konformità mal-obbligi skont dawk il-ftehimiet, huwa essenzjali li jiġu stabbiliti regoli għall-governanza, b’mod partikolari regoli għas-soluzzjoni tat-tilwim u għall-infurzar,

6.    FILWAQT LI JIKKUNSIDRAW li l-ostakli fiżiċi attwali kollha għaċ-ċirkolazzjoni ta’ persuni bejn Ġibiltà u ż-żona Schengen jenħtieġ li jitneħħew, filwaqt li tiġi ppreservata l-integrità taż-żona Schengen permezz ta’ kontrolli, miżuri u salvagwardji xierqa, u filwaqt li jitqies li Ġibiltà ma tipparteċipax fl-acquis ta’ Schengen u mhijiex assoċjata miegħu,

7.    FILWAQT LI JIKKUNSIDRAW li, sabiex tissaħħaħ is-sigurtà tal-Partijiet, it-tneħħija tal-ostakli fiżiċi għaċ-ċirkolazzjoni tal-persuni u l-kontrolli, il-miżuri u s-salvagwardji stabbiliti jenħtieġ li jiġu kkomplementati b’kooperazzjoni bejn il-Partijiet b’rabta mal-prevenzjoni, l-investigazzjoni, is-sejbien jew il-prosekuzzjoni ta’ reati kriminali u mal-eżekuzzjoni ta’ pieni kriminali, inkluż is-salvagwardja kontra u l-prevenzjoni ta’ theddid għas-sigurtà pubblika,

8.    FILWAQT LI JAFFERMAW MILL-ĠDID, minħabba l-prossimità ġeografika bejn il-Partijiet, l-impenn ta’ kooperazzjoni għall-prevenzjoni u l-ġlieda kontra l-ħasil tal-flus u l-finanzjament tat-terroriżmu kif ukoll l-evażjoni tat-taxxa u l-evitar tat-taxxa, u biex tiġi żgurata l-implimentazzjoni ta’ standards internazzjonali ta’ governanza tajba fil-qasam tat-taxxa,

9.    FILWAQT LI JIRRIKONOXXU l-ħtieġa għal sħubija ekonomika bbilanċjata li tkun mirfuda fuq kundizzjonijiet ekwi għal kompetizzjoni miftuħa u ġusta u żvilupp sostenibbli, permezz ta’ oqfsa effettivi għall-kontroll tal-għajnuna mill-Istat u impenn biex jinżammu l-livelli għoljin rispettivi ta’ protezzjoni tal-Partijiet fl-oqsma tal-istandards tax-xogħol u dawk soċjali, l-ambjent, il-ġlieda kontra t-tibdil fil-klima, u t-tassazzjoni,

10.    FILWAQT LI JIKKUNSIDRAW li l-ostakli fiżiċi kollha għall-moviment tal-merkanzija bl-art bejn Ġibiltà u l-Unjoni jenħtieġ li jitneħħew, filwaqt li tiġi protetta l-integrità tas-Suq Uniku tal-Unjoni u l-interessi finanzjarji tal-Partijiet, inkluż permezz:

–    tal-iżgurar tal-ġlieda kontra l-frodi doganali permezz ta’ kontrolli u proċeduri doganali xierqa kif ukoll miżuri oħra;

–    tal-provvediment ta’ mekkaniżmi ta’ kooperazzjoni bejn il-Partijiet u ta’ salvagwardji, li bl-istess mod jipprevjenu u jiġġieldu l-frodi, l-evażjoni u l-evitar tat-taxxa;

–    tal-applikazzjoni ta’ regoli rilevanti tal-Unjoni li jirregolaw il-moviment, il-produzzjoni u t-tqegħid fis-suq ta’ oġġetti, inklużi Projbizzjonijiet u Restrizzjonijiet u regoli dwar l-aċċess għas-suq,

11.    FILWAQT LI JFITTXU, minħabba l-prossimità ġeografika bejn il-Partijiet, li jikkooperaw fi kwistjonijiet ta’ sikurezza u sigurtà nukleari ċivili,

12.    FILWAQT LI JIKKUNSIDRAW l-importanza li jiġi żgurat it-trasport bit-triq tal-passiġġieri u tal-merkanzija bejn Ġibiltà u żona tal-fruntiera kontigwa limitata fit-territorju tal-Unjoni, u t-trasport bit-triq tal-merkanzija bejn Ġibiltà u r-Renju Unit mit-territorju tal-Unjoni Ewropea, kif ukoll ċertu aċċess għall-portijiet tal-Partijiet,

13.    FILWAQT LI JFITTXU li jistabbilixxu regoli applikabbli għall-ajruport ta’ Ġibiltà u l-operat tiegħu,

14.    FILWAQT LI JFITTXU li jistabbilixxu regoli ċari u kooperazzjoni mill-qrib u effettiva bejn l-istituzzjonijiet kompetenti tar-Renju ta’ Spanja u ta’ Ġibiltà biex jipproteġu u jipprovdu malajr u taħt l-aħjar kundizzjonijiet biex jiżguraw id-drittijiet tal-ħaddiema fruntaliera li jiċċaqilqu bejn ir-Renju ta’ Spanja u Ġibiltà biex jaħdmu u l-koordinazzjoni korrispondenti tad-drittijiet tas-sigurtà soċjali, kif ukoll jiżguraw id-drittijiet għall-membri tal-familja tagħhom,

15.    FILWAQT LI JIRRIKONOXXU l-importanza ta’ mekkaniżmu finanzjarju biex jippromwovi l-koeżjoni bejn Ġibiltà u l-Campo de Gibraltar, filwaqt li jipproteġi l-interessi finanzjarji tal-Partijiet,

16.    FILWAQT LI JIXTIEQU li jiġi konkluż ftehim bejn ir-Renju Unit, fir-rigward ta’ Ġibiltà, u l-Unjoni biex tiġi pprovduta bażi legali għal tali kooperazzjoni,

17.    FILWAQT LI JIRRIKONOXXU li l-Partijiet jistgħu jissupplimentaw dan il-Ftehim bi ftehimiet oħra li jiffurmaw parti integrali mir-relazzjonijiet bilaterali ġenerali tagħhom kif irregolati minn dan il-Ftehim,

FTIEHMU KIF ĠEJ:

L-EWWEL PARTI

DISPOŻIZZJONIJIET KOMUNI U ISTITUZZJONALI

TITOLU I

DISPOŻIZZJONIJIET ĠENERALI

ARTIKOLU 1

Għan

L-objettiv ta’ dan il-Ftehim huwa li jistabbilixxi kooperazzjoni reċiproka bejn il-Partijiet, li tippromwovi wkoll prosperità kondiviża u relazzjonijiet mill-qrib u kostruttivi fir-rigward ta’ Ġibiltà u taż-żona kontigwa fir-Renju ta’ Spanja, b’mod partikolari t-territorju tal-muniċipalitajiet li jiffurmaw il-Mancomunidad de Municipios del Campo de Gibraltar.

ARTIKOLU 2

Sovranità

Dan il-Ftehim, kwalunkwe ftehim supplimentari kif imsemmi fl-Artikolu 3, kwalunkwe arranġament amministrattiv jew arranġament ieħor relatat ma’ dan il-Ftehim, u kwalunkwe miżura jew strument jew imġiba meħuda fl-applikazzjoni jew bħala riżultat ta’ dan il-Ftehim, jew skont tiegħu, għandhom ikunu mingħajr preġudizzju għall-pożizzjonijiet legali rispettivi tar-Renju Unit tal-Gran Brittanja u l-Irlanda ta’ Fuq jew tar-Renju ta’ Spanja fir-rigward tas-sovranità u l-ġuriżdizzjoni, u ma għandhomx jikkostitwixxu l-bażi għal kwalunkwe dikjarazzjoni jew ċaħda tas-sovranità inkluż fi proċedimenti legali jew b’xi mod ieħor.

ARTIKOLU 3

Definizzjonijiet

1.    Għall-finijiet ta’ dan il-Ftehim u ta’ kwalunkwe ftehim supplimentari, u sakemm ma jkunx speċifikat mod ieħor, japplikaw id-definizzjonijiet li ġejjin:

(a)    “Parti” jew “Partijiet” tfisser l-Unjoni Ewropea u r-Renju Unit, fir-rigward ta’ Ġibiltà;

(b)    “liġi ta’ Parti” jew “il-liġijiet tal-Partijiet” tfisser, b’referenza għar-Renju Unit, fir-rigward ta’ Ġibiltà, il-liġijiet applikabbli f’Ġibiltà, sakemm ma jkunx speċifikament previst mod ieħor;

(c)    “soġġett tad-data” tfisser persuna fiżika identifikata jew identifikabbli; persuna identifikabbli hija persuna li tista’ tiġi identifikata, direttament jew indirettament, b’mod partikolari b’referenza għal identifikatur bħal isem, numru ta’ identifikazzjoni, data ta’ lokalizzazzjoni jew identifikatur online jew għal fattur wieħed jew aktar speċifiċi għall-identità fiżika, fiżjoloġika, ġenetika, mentali, ekonomika, kulturali jew soċjali ta’ dik il-persuna fiżika;

(d)    “jum” tfisser jum kalendarju;

(e)    “Stat Membru” tfisser Stat Membru tal-Unjoni Ewropea;

(f)    “data personali” tfisser kwalunkwe informazzjoni relatata ma’ soġġett tad-data;

(g)    “Żona kontigwa tal-fruntiera” tfisser il-muniċipalitajiet li jiffurmaw il-Mancomunidad de Municipios del Campo de Gibraltar, fir-Renju ta’ Spanja.

2.    Kwalunkwe referenza għal “l-Unjoni” f’dan il-Ftehim jew kwalunkwe ftehim supplimentari għandha tinftiehem li tinkludi lill-Komunità Ewropea tal-Enerġija Atomika, sakemm ma jkunx speċifikat mod ieħor jew ħlief fejn il-kuntest jeżiġi mod ieħor.

3.    Kwalunkwe referenza għar-“Renju Unit” f’dan il-Ftehim jew kwalunkwe ftehim supplimentari għandha tinftiehem bħala li tirreferi għar-Renju Unit bħala l-Istat responsabbli għar-relazzjonijiet esterni ta’ Ġibiltà.

ARTIKOLU 4

Ftehimiet supplimentari

1.    Jekk l-Unjoni u r-Renju Unit jikkonkludu ftehimiet bilaterali oħra bejniethom fir-rigward ta’ Ġibiltà, dawn il-ftehimiet għandhom jikkostitwixxu ftehimiet supplimentari għal dan il-Ftehim sakemm ma jkunx previst mod ieħor f’dawk il-ftehimiet. Tali ftehimiet supplimentari għandhom ikunu parti integrali mir-relazzjonijiet bilaterali ġenerali bejn l-Unjoni u r-Renju Unit, fir-rigward ta’ Ġibiltà, kif irregolati minn dan il-Ftehim u għandhom jiffurmaw parti mill-qafas ġenerali.

2.    Il-paragrafu 1 japplika wkoll għal:

(a)    ftehimiet bejn l-Unjoni u l-Istati Membri tagħha, minn naħa, u r-Renju Unit, fir-rigward ta’ Ġibiltà, min-naħa l-oħra;

(b)    ftehimiet bejn il-Komunità Ewropea tal-Enerġija Atomika, minn naħa, u r-Renju Unit, fir-rigward ta’ Ġibiltà, min-naħa l-oħra.

ARTIKOLU 5

Bona fide

1.    Il-Partijiet għandhom, b’rispett reċiproku sħiħ u in bona fide, jassistu lil xulxin fit-twettiq tal-kompiti li jirriżultaw minn dan il-Ftehim u minn kwalunkwe ftehim supplimentari.

2.    Huma għandhom jieħdu l-miżuri xierqa kollha, ġenerali jew partikolari, biex jiżguraw l-issodisfar tal-obbligi li jirriżultaw minn dan il-Ftehim u kwalunkwe ftehim supplimentari, u għandhom joqogħdu lura minn kwalunkwe miżura li tista’ tipperikola l-kisba tal-objettivi ta’ dan il-Ftehim jew ta’ kwalunkwe ftehim supplimentari.

ARTIKOLU 6

Komunikazzjonijiet u notifiki

1.    Il-komunikazzjonijiet u d-deċiżjonijiet formali li għandhom jiġu nnotifikati, magħmula mill-awtoritajiet kompetenti ta’ Ġibiltà jew indirizzati lilhom, għandhom jiġu trażmessi permezz tal-Uffiċċju tal-Affarijiet Barranin, tal-Commonwealth u tal-Iżvilupp tal-Gvern tar-Renju Unit (minn hawn ’il quddiem, “il-FCDO”, Foreign, Commonwealth and Development Office of the Government of the United Kingdom), jew tali korp ieħor tar-Renju Unit, it-tnejn ibbażati fir-Renju Unit, kif il-Gvern tar-Renju Unit jista’ jiddeċiedi li jaħtar.

2.    Il-FCDO għandu jiċċertifika bħala dokumenti awtentiċi maħruġa mill-awtoritajiet kompetenti ta’ Ġibiltà fejn id-deċiżjonijiet għandhom jiġu eżegwiti direttament quddiem qorti jew awtorità ta’ infurzar oħra fi Stat Membru mingħajr il-ħtieġa ta’ notifika formali preċedenti.

3.    In-notifika mir-Renju Unit tal-awtoritajiet kompetenti f’Ġibiltà skont dan il-Ftehim jew kwalunkwe ftehim supplimentari għandha tinkludi wkoll referenza għall-FCDO jew korp ieħor tar-Renju Unit imsemmi fil-paragrafu 2.

ARTIKOLU 7

Tneħħija tal-ostakli fiżiċi

L-ostakli fiżiċi kollha għandhom jitneħħew f’konformità mal-pjan ta’ implimentazzjoni li jinsab fl-arranġament amministrattiv rilevanti bejn ir-Renju Unit, fir-rigward ta’ Ġibiltà, u r-Renju ta’ Spanja.

TITOLU II

BAŻI GĦALL-KOOPERAZZJONI

ARTIKOLU 8

Demokrazija, stat tad-dritt u drittijiet tal-bniedem

1.    Il-Partijiet għandhom ikomplu jħaddnu l-valuri u l-prinċipji kondiviżi tad-demokrazija, tal-istat tad-dritt u tar-rispett għad-drittijiet tal-bniedem, li huma l-bażi tal-politiki domestiċi u internazzjonali tagħhom. F’dan ir-rigward, il-Partijiet itennu r-rispett tagħhom għad-Dikjarazzjoni Universali tad-Drittijiet tal-Bniedem u għat-trattati internazzjonali dwar id-drittijiet tal-bniedem li huma partijiet fihom.

2.    Il-Partijiet għandhom jippromwovu dawn il-valuri u l-prinċipji komuni f’fora internazzjonali. Il-Partijiet għandhom jikkooperaw fil-promozzjoni ta’ dawk il-valuri u l-prinċipji, inkluż ma’ jew f’pajjiżi terzi.

ARTIKOLU 9

Ġlieda kontra t-tibdil fil-klima

1.    Il-Partijiet iqisu li t-tibdil fil-klima jirrappreżenta theddida eżistenzjali għall-umanità u jtennu l-impenn tagħhom li jsaħħu r-rispons globali għal din it-theddida. Il-ġlieda kontra t-tibdil fil-klima kkawżat mill-bniedem kif elaborata fil-proċess tal-Konvenzjoni Qafas tan-Nazzjonijiet Uniti dwar it-Tibdil fil-Klima (United Nations Framework Convention on Climate Change, “UNFCCC”), u, b’mod partikolari, fil-Ftehim ta’ Pariġi adottat fil-Konferenza tal-Partijiet għall-Konvenzjoni Qafas dwar it-Tibdil tal-Klima fil-21 sessjoni tagħha (“il-Ftehim ta’ Pariġi”), tispira l-politiki domestiċi u esterni tal-Unjoni u tar-Renju Unit. Għaldaqstant, kull Parti għandha tirrispetta l-Ftehim ta’ Pariġi u l-proċess stabbilit mill-UNFCCC u żżomm lura minn atti jew ommissjonijiet li jkunu jistgħu jmorru kontra l-objettiv u l-iskop tal-Ftehim ta’ Pariġi.

2.    Il-Partijiet għandhom jippromwovu l-ġlieda kontra t-tibdil fil-klima f’fora internazzjonali, inkluż billi jinvolvu ruħhom ma’ pajjiżi u ma’ reġjuni oħra sabiex iżidu l-livell ta’ ambizzjoni tagħhom fit-tnaqqis tal-emissjonijiet ta’ gassijiet serra.

ARTIKOLU 10

Ġlieda kontra l-proliferazzjoni ta’ armi ta’ qerda massiva

1.    Il-Partijiet iqisu li l-proliferazzjoni ta’ armi ta’ qerda massiva (“AQM”) u tal-mezzi tat-twassil tagħhom, kemm lil atturi statali kif ukoll lil dawk mhux statali, tirrappreżenta waħda mill-aktar theddidiet serji għall-istabbiltà u għas-sigurtà internazzjonali. Għalhekk, il-Partijiet jaqblu li jikkooperaw u jikkontribwixxu għall-ġlieda kontra l-proliferazzjoni ta’ armi ta’ qerda massiva u tal-mezzi tat-twassil tagħhom permezz ta’ konformità sħiħa mal-obbligi eżistenti tagħhom skont it-trattati u l-ftehimiet dwar id-diżarm internazzjonali u n-nonproliferazzjoni u permezz tal-implimentazzjoni nazzjonali tagħhom.

2.    Barra minn hekk, il-Partijiet jaqblu wkoll li jikkooperaw u jikkontribwixxu sabiex jikkumbattu l-proliferazzjoni ta’ armi ta’ qerda massiva u tal-mezzi tat-twassil tagħhom billi:

(a)    jieħdu passi biex jiffirmaw, jirratifikaw, jew jaderixxu ma’, kif xieraq, u jimplimentaw bis-sħiħ l-istrumenti internazzjonali rilevanti l-oħra kollha sal-punt li dawk l-istrumenti jkunu miftuħa għall-iffirmar, ir-ratifika jew l-adeżjoni mill-Partijiet; u

(b)    jistabbilixxu sistema effettiva ta’ kontrolli nazzjonali tal-esportazzjoni, li tikkontrolla l-esportazzjoni kif ukoll it-tranżitu ta’ merkanzija li tkun relatata mal-AQM, li tkun tinkludi kontroll tal-użu aħħari tal-AQM fuq it-teknoloġiji b’użu doppju u li jkun fiha sanzjonijiet effettivi għall-ksur tal-kontrolli tal-esportazzjoni.

3.    Il-Partijiet jaqblu li jistabbilixxu djalogu regolari fuq dawn il-kwistjonijiet.

ARTIKOLU 11

Armi ħfief u ta’ kalibru żgħir u armi konvenzjonali oħra

1.    Il-Partijiet jirrikonoxxu li l-manifattura, it-trasferiment u ċ-ċirkolazzjoni illeċiti ta’ armi ħfief u ta’ kalibru żgħir (“SALW”, small arms and light weapons), inklużi l-munizzjon, l-akkumulazzjoni eċċessiva, il-ġestjoni ħażina, il-ħażniet mhux siguri biżżejjed u t-tixrid mhux ikkontrollat tagħhom, għadhom joħolqu theddida serja għall-paċi u għas-sigurtà internazzjonali.

2.    Il-Partijiet jaqblu li josservaw u jimplimentaw bis-sħiħ l-obbligi rispettivi tagħhom fil-każ tar-Renju Unit, kif estiżi għal Ġibiltà, sabiex jittrattaw il-kummerċ illeċitu ta’ armi SALW, inkluż il-munizzjon tagħhom, skont il-ftehimiet internazzjonali eżistenti u r-riżoluzzjonijiet tal-Kunsill tas-Sigurtà tan-NU, kif ukoll l-impenji rispettivi tagħhom fil-qafas ta’ strumenti internazzjonali oħrajn applikabbli f’dan il-qasam, bħall-Programm ta’ Azzjoni tan-NU għall-prevenzjoni, għall-ġlieda kontra l-kummerċ illeċitu tal-SALW u għall-qerda tiegħu fl-aspetti kollha tiegħu.

3.    Il-Partijiet jirrikonoxxu l-importanza ta’ sistemi domestiċi ta’ kontroll għat-trasferiment ta’ armi konvenzjonali f’konformità mal-istandards internazzjonali eżistenti. Il-Partijiet jirrikonoxxu l-importanza li japplikaw dawn il-kontrolli b’mod responsabbli, bħala kontribut għall-paċi, għas-sigurtà u għall-istabbiltà internazzjonali u reġjonali, u għat-tnaqqis tat-tbatija tal-bnedmin, kif ukoll għall-prevenzjoni tad-diverżjoni ta’ armi konvenzjonali.

4.    Il-partijiet jimpenjaw ruħhom, f’dak ir-rigward, li jikkooperaw ma’ xulxin fil-qafas tat-Trattat dwar il-Kummerċ tal-Armi, inkluż fil-promozzjoni tal-universalizzazzjoni u l-implimentazzjoni sħiħa ta’ dak it-Trattat mill-istati membri kollha tan-NU.

5.    Għalhekk, il-Partijiet jimpenjaw ruħhom li jikkooperaw fl-isforzi tagħhom sabiex jirregolaw jew itejbu r-regolamentazzjoni tal-kummerċ internazzjonali f’armi konvenzjonali u li jipprevjenu, jiġġieldu kontra u jeqirdu l-kummerċ illeċitu fl-armi. Il-Partijiet għandhom jieħdu passi biex jiffirmaw, jirratifikaw, jew jaderixxu ma’, kif xieraq, u jimplimentaw bis-sħiħ l-istrumenti internazzjonali elenkati fl-Anness 1 sal-punt li dawk l-istrumenti jkunu miftuħa għall-iffirmar, ir-ratifika jew l-adeżjoni mill-Partijiet.

6.    Il-Partijiet jaqblu li jistabbilixxu djalogu regolari fuq dawn il-kwistjonijiet.

ARTIKOLU 12

L-aktar reati serji li huma ta’ tħassib għall-komunità internazzjonali

1.    Il-Partijiet itennu li l-aktar reati serji ta’ tħassib għall-komunità internazzjonali fis-sħuħija tagħha ma jistgħux ma jiġux issanzjonati u li l-prosekuzzjoni effettiva tagħhom trid tiġi żgurata billi jittieħdu miżuri fil-livell nazzjonali u billi tiżdied il-kooperazzjoni internazzjonali, fosthom mal-Qorti Kriminali Internazzjonali. Il-Partijiet jaqblu li jappoġġaw bis-sħiħ l-universalità u l-integrità tal-Istatut ta’ Ruma tal-Qorti Kriminali Internazzjonali u ta’ strumenti relatati.

2.    Il-Partijiet jaqblu li jistabbilixxu djalogu regolari fuq dawn il-kwistjonijiet.

ARTIKOLU 13

Ġlieda kontra t-terroriżmu

1.    Il-Partijiet għandhom jikkooperaw fil-livelli bilaterali, reġjonali u internazzjonali sabiex jipprevjenu u jikkumbattu l-atti ta’ terroriżmu fil-forom u fil-manifestazzjonijiet kollha tiegħu f’konformità mal-liġi internazzjonali, inklużi, fejn applikabbli, l-ftehimiet internazzjonali relatati mal-ġlieda kontra t-terroriżmu, il-liġi umanitarja internazzjonali u l-liġi internazzjonali dwar id-drittijiet umani, kif ukoll skont il-prinċipji tal-Karta tan-Nazzjonijiet Uniti. Il-Partijiet għandhom jieħdu passi biex jiffirmaw, jirratifikaw, jew jaderixxu ma’, kif xieraq, u jimplimentaw bis-sħiħ l-istrumenti internazzjonali elenkati fl-Anness 2 sal-punt li dawk l-istrumenti jkunu miftuħa għall-iffirmar, ir-ratifika jew l-adeżjoni mill-Partijiet.

2.    Il-Partijiet għandhom itejbu l-kooperazzjoni fil-ġlieda kontra t-terroriżmu, inklużi l-prevenzjoni u l-ġlieda kontra l-estremiżmu vjolenti u l-finanzjament tat-terroriżmu, bl-għan li javvanzaw l-interessi tas-sigurtà komuni tagħhom, filwaqt li jqisu l-Istrateġija Globali tan-Nazzjonijiet Uniti kontra t-Terroriżmu u r-riżoluzzjonijiet rilevanti tal-Kunsill tas-Sigurtà tan-Nazzjonijiet Uniti, mingħajr preġudizzju għall-infurzar tal-liġi u għall-kooperazzjoni ġudizzjarja f’materji kriminali u għall-iskambji ta’ intelligence.

3.    Il-Partijiet jaqblu li jistabbilixxu djalogu regolari fuq dawn il-kwistjonijiet. Dan id-djalogu, fost l-oħrajn, ikollu l-għan li jippromwovi u jiffaċilita:

(a)    il-kondiviżjoni ta’ valutazzjonijiet dwar it-theddid terroristiku;

(b)    l-iskambju tal-aħjar prattiċi u tal-għarfien espert dwar il-ġlieda kontra t-terroriżmu;

(c)    il-kooperazzjoni operazzjonali u l-iskambju ta’ informazzjoni; u

(d)    skambji dwar il-kooperazzjoni fil-qafas ta’ organizzazzjonijiet multilaterali.

ARTIKOLU 14

Protezzjoni tad-data personali

1.    Dan l-Artikolu japplika għall-protezzjoni ta’ persuni fiżiċi fir-rigward tad-data personali tagħhom meta tiġi pproċessata kompletament jew parzjalment b’mezzi awtomatizzati, jew b’mezzi oħra għajr dawk awtomatizzati meta jiffurmaw parti minn sistema ta’ arkivjar jew ikunu maħsuba biex jiffurmaw parti minn sistema ta’ arkivjar (minn hawn ’il quddiem “protezzjoni tad-data”).

2.    L-Anness 3 għandu jifforma parti integrali minn dan l-Artikolu. Dan l-Anness ma għandux jinkludi d-dispożizzjonijiet tar-Regolament (UE) 2016/679 tal-Parlament Ewropew u tal-Kunsill 1 li jirregolaw il-kompetenza u r-rwol tal-awtorità superviżorja ewlenija u tal-awtorità superviżorja kkonċernata.

3.    L-Artikolu 19 għandu japplika għall-Anness 3.

4.    Mingħajr preġudizzju għall-Artikolu 20, id-dispożizzjonijiet tar-Renju Unit, fir-rigward ta’ Ġibiltà, imsemmija fil-paragrafu 1 tal-Artikolu 18 fil-qasam kopert mill-Anness 3 għandhom jiġu interpretati f’konformità mal-atti rilevanti tal-Bord Ewropew għall-Protezzjoni tad-Data (minn hawn ’il quddiem “il-Bord”) bl-istess mod u taħt l-istess kondizzjonijiet li japplikaw għall-Istati Membri. Dan jinkludi l-opinjonijiet li l-awtorità superviżorja tal-protezzjoni tad-data tar-Renju Unit, fir-rigward ta’ Ġibiltà, titlob jew tirċievi skont l-Artikolu 64 tar-Regolament (UE) 2016/679, fir-rigward tar-regoli applikabbli għar-Renju Unit, fir-rigward ta’ Ġibiltà, li huma l-istess bħar-regoli li jinsabu fl-Anness 3.

5.    L-awtorità superviżorja tal-protezzjoni tad-data tar-Renju Unit, fir-rigward ta’ Ġibiltà, għandha tqis bis-sħiħ id-deċiżjonijiet meħuda mill-awtorità superviżorja kompetenti skont l-Artikolu 60 tar-Regolament (UE) 2016/679 u d-deċiżjonijiet meħuda mill-Bord skont l-Artikolu 65 tar-Regolament (UE) 2016/679, meta tiddeċiedi dwar każijiet li jqajmu kwistjonijiet simili ta’ interpretazzjoni u applikazzjoni tal-istess regoli bħal dawk li jinsabu fir-Regolament (UE) 2016/679.

6.    Ir-referenza għall-Istati Membri fl-Artikolu 68(3) tar-Regolament (UE) 2016/679 ma għandhiex tinqara bħala li tinkludi lir-Renju Unit, fir-rigward ta’ Ġibiltà. L-awtorità superviżorja tal-protezzjoni tad-data tar-Renju Unit, fir-rigward ta’ Ġibiltà, tista’ tiġi mistiedna għal-laqgħat tal-Bord biss f’każijiet fejn jiġu diskussi deċiżjonijiet indirizzati lil dik l-awtorità superviżorja jew il-preżenza ta’ dik l-awtorità superviżorja tkun meħtieġa u fl-interess tal-Unjoni biex tiġi żgurata l-applikazzjoni effettiva tal-istess regoli bħall-atti tal-Unjoni fil-qasam tal-protezzjoni tad-data msemmija fil-paragrafu 1 tal-Artikolu 18 f’Ġibiltà. F’każijiet bħal dawn, l-awtorità superviżorja tal-protezzjoni tad-data tar-Renju Unit, fir-rigward ta’ Ġibiltà għandha tipparteċipa bħala espert jew mistieden skont ir-Regoli ta’ proċedura rilevanti tal-Bord. Il-parteċipazzjoni tagħha għandha tkun strettament limitata għall-punti rilevanti tal-aġenda u għandha ssir referenza għaliha fid-dokumenti rilevanti, bħal fil-minuti tal-laqgħa, bħala l-awtorità superviżorja tar-Renju Unit, fir-rigward ta’ Ġibiltà.

7.    Għall-finijiet ta’ dan il-Ftehim, ir-referenzi kollha għal pajjiżi terzi u l-awtoritajiet kompetenti tagħhom li jinsabu fid-dispożizzjonijiet tad-dritt tal-Unjoni elenkati fl-Anness 3 għandhom jinftiehmu bħala li ma jinkludux lir-Renju Unit, fir-rigward ta’ Ġibiltà, u l-awtoritajiet kompetenti tiegħu dment li jkun hemm konformità mal-paragrafu 2 f’konformità mal-paragrafu 1 tal-Artikolu 19.

8.    Kull meta l-Unjoni jkollha l-ħsieb li tadotta deċiżjoni ta’ adegwatezza skont l-Artikolu 45 tar-Regolament (UE) 2016/679 jew l-Artikolu 36 tad-Direttiva (UE) 2016/680 tal-Parlament Ewropew u tal-Kunsill 2 , ir-Renju Unit, fir-rigward ta’ Ġibiltà, għandu jinżamm infurmat kif xieraq.

ARTIKOLU 15

Kooperazzjoni globali fi kwistjonijiet ta’ interess ekonomiku, ambjentali u soċjali kondiviż

1.    Il-Partijiet jirrikonoxxu l-importanza tal-kooperazzjoni dinjija sabiex jiġu indirizzati kwistjonijiet ta’ interess kondiviż ekonomiku, ambjentali u soċjali. Jekk ikun fl-interess reċiproku tagħhom, huma għandhom jippromwovu soluzzjonijiet multilaterali għal problemi komuni.

2.    Filwaqt li jippreservaw l-awtonomija tagħhom fit-teħid ta’ deċiżjonijiet, u mingħajr preġudizzju għal dispożizzjonijiet oħra ta’ dan il-Ftehim jew għal kwalunkwe ftehim supplimentari, il-Partijiet għandhom jagħmlu ħilithom sabiex jikkooperaw fi kwistjonijiet globali attwali u emerġenti ta’ interess komuni bħall-paċi u s-sigurtà, it-tibdil fil-klima, l-iżvilupp sostenibbli, it-tniġġis transfruntier, il-ħarsien tal-ambjent, id-diġitalizzazzjoni, is-saħħa pubblika u l-protezzjoni tal-konsumatur, it-tassazzjoni, l-istabbiltà finanzjarja u l-kummerċ u l-investiment ħielsa u ġusti. Għal dan il-għan, għandhom jagħmlu ħilithom sabiex iżommu djalogu kostanti u effettiv u biex jikkoordinaw il-pożizzjonijiet tagħhom f’organizzazzjonijiet u f’fora multilaterali li fihom jipparteċipaw il-Partijiet, bħan-Nazzjonijiet Uniti, il-Grupp ta’ Sebgħa (G-7) u l-Grupp ta’ Għoxrin (G-20), l-Organizzazzjoni għall-Kooperazzjoni u l-Iżvilupp Ekonomiċi, il-Fond Monetarju Internazzjonali, il-Bank Dinji u l-Organizzazzjoni Dinjija tal-Kummerċ.

ARTIKOLU 16

Elementi essenzjali

1.    Il-paragrafu 1 tal-Artikolu 8, il-paragrafu 1 tal-Artikolu 9 l-paragrafu 1 tal-Artikolu 10 jikkostitwixxu elementi essenzjali tal-kooperazzjoni stabbilita b’dan il-Ftehim u bi kwalunkwe ftehim supplimentari.

2.    Jekk xi waħda mill-Partijiet tqis li jkun twettaq nuqqas serju u sostanzjali mill-Parti l-oħra biex tissodisfa xi wieħed mill-obbligi li huma deskritti bħala elementi essenzjali fil-paragrafu 1, tista’ tiddeċiedi li ttemm jew tissospendi l-operat ta’ dan il-Ftehim jew xi ftehim supplimentari fl-intier tiegħu jew parti minnu.

3.    Qabel ma tagħmel dan, il-Parti li tinvoka l-applikazzjoni ta’ dan l-Artikolu għandha titlob li l-Kunsill ta’ Kooperazzjoni jiltaqa’ minnufih bil-ħsieb li tinstab soluzzjoni f’waqtha u aċċettabbli għat-tnejn. Jekk ma tinstab l-ebda soluzzjoni aċċettabbli għat-tnejn fi żmien 30 jum mid-data tat-talba lill-Kunsill ta’ Kooperazzjoni, il-Parti tista’ tieħu l-miżuri msemmija fil-paragrafu 2.

4.    Il-miżuri msemmijin fil-paragrafu 2 għandhom jittieħdu b’rispett sħiħ tad-dritt internazzjonali u għandhom ikunu proporzjonati. Għandha tingħata prijorità lil dawk il-miżuri li l-anqas ifixklu l-funzjonament ta’ dan il-Ftehim u ta’ kwalunkwe ftehim supplimentari.

5.    Il-Partijiet jikkunsidraw li, sabiex sitwazzjoni tikkostitwixxi nuqqas serju u sostanzjali li jiġi ssodisfat xi wieħed mill-obbligi deskritti bħala elementi essenzjali fil-paragrafu 1, il-gravità u n-natura tagħha jkollhom ikunu ta’ tip eċċezzjonali li jhedded il-paċi u s-sigurtà jew li jkollu riperkussjonijiet internazzjonali. Għal aktar ċertezza, att jew ommissjoni li materjalment imorru kontra l-objettiv u l-għan tal-Ftehim ta’ Pariġi għandhom dejjem jitqiesu bħala falliment serju u sostanzjali għall-finijiet ta’ dan l-Artikolu.

TITOLU III

KOOPERAZZJONI NUKLEARI ĊIVILI

ARTIKOLU 17

Kooperazzjoni nukleari ċivili

1.    Il-partijiet jirrikonoxxu l-importanza tal-kooperazzjoni internazzjonali għal arranġamenti effettivi tas-sikurezza nukleari u għandhom jaħdmu flimkien fuq it-titjib kontinwu tal-istandards u l-Konvenzjonijiet internazzjonali tas-sikurezza nukleari, u tal-implimentazzjoni tagħhom. Sakemm dan ma jkunx f’kunflitt mal-iżviluppi fl-istandards internazzjonali legalment vinkolanti tas-sikurezza nukleari, ir-Renju Unit, fir-rigward ta’ Ġibiltà, u l-Unjoni ma għandhomx idgħajfu jew inaqqsu l-livelli ta’ protezzjoni taħt dawk previsti mill-istandards ta’ protezzjoni, u mill-infurzar tagħhom, kondiviżi mill-Partijiet u applikati fir-rigward ta’ Ġibiltà sal-31 ta’ Diċembru 2020 fir-rigward tas-sikurezza nukleari, il-protezzjoni mir-radjazzjoni, il-ġestjoni sikura tal-iskart radjuattiv u tal-fjuwil użat, id-dekummissjonar, il-vjeġġ sikur ta’ materjal nukleari, it-tħejjija u r-rispons għal emerġenza, u l-kontroll effettiv ta’ materjal radjuattiv u sorsi radjuattivi.

2.    Ir-Renju Unit, fir-rigward ta’ Ġibiltà, għandu jimplimenta sistema robusta u effettiva ta’ kontabbiltà u kontroll tal-materjal nukleari bl-għan li jiżgura li l-materjal nukleari (kif definit fl-Artikolu XII tal-Istatut tal-Aġenzija Internazzjonali tal-Enerġija Atomika) jintuża esklużivament għal skopijiet paċifiċi f’tali żmien li dawn l-arranġamenti jkunu meħtieġa.

3.    Ir-Renju Unit, fir-rigward ta’ Ġibiltà, għandu jimplimenta arranġamenti ta’ sikurezza u sigurtà, f’konformità mal-ftehimiet internazzjonali rilevanti, fir-rigward ta’ kwalunkwe faċilità nukleari ċivili u sors radjuattiv rilevanti f’Ġibiltà, f’tali żmien li dawn l-arranġamenti jkunu meħtieġa.

4.    Ir-Renju Unit, fir-rigward ta’ Ġibiltà, għandu jimplimenta, f’tali żmien li dawn l-arranġamenti jkunu meħtieġa, ftehim innegozjat mal-IAEA għall-applikazzjoni ta’ salvagwardji f’Ġibiltà, u għandu jieħu passi biex jiffirma, jirratifika jew jaderixxi, kif xieraq, u jimplimenta bis-sħiħ l-istrumenti internazzjonali elenkati fil-Parti 1 tal-Anness 4 kif ukoll, fejn rilevanti, l-emendi futuri tagħhom sa fejn jiġu ratifikati mir-Renju Unit. Barra minn hekk, ir-Renju Unit, fir-rigward ta’ Ġibiltà, għandu jieħu passi biex isegwi, kif xieraq, id-dokumenti ta’ gwida elenkati fil-Parti 2 tal-Anness 4 kif ukoll l-emendi futuri tagħhom sa fejn jintużaw mir-Renju Unit.

5.    Il-partijiet jirrikonoxxu l-importanza tal-kooperazzjoni internazzjonali għal arranġamenti effettivi tas-sigurtà nukleari u għandhom jaħdmu flimkien fuq it-titjib kontinwu tal-istandards u l-konvenzjonijiet internazzjonali tas-sigurtà nukleari. L-Unjoni u r-Renju Unit, fir-rigward ta’ Ġibiltà, ma għandhomx idgħajfu jew inaqqsu l-livelli ta’ protezzjoni taħt dawk previsti mill-istandards ta’ protezzjoni, u mill-infurzar tagħhom, applikati mill-Unjoni u mir-Renju Unit, fir-rigward ta’ Ġibiltà, sal-31 ta’ Diċembru 2020 fir-rigward tal-protezzjoni fiżika.

6.    Ir-Renju Unit estenda l-applikazzjoni tal-Konvenzjoni dwar ir-Responsabbiltà ta’ Partijiet Terzi fil-Qasam tal-Enerġija Nukleari konkluża f’Pariġi fid-29 ta’ Lulju 1960, kif emendata mill-Protokoll Addizzjonali tat-28 ta’ Jannar 1964 u l-Protokoll tas-6 ta’ Novembru 1982 għal Ġibiltà. Il-partijiet jinnotaw li r-Renju Unit se jkompli jieħu passi biex jestendi l-Protokoll tat-12 ta’ Frar 2004 (li daħal fis-seħħ fl-1 ta’ Jannar 2022 fir-Renju Unit) kif ukoll kwalunkwe emenda ulterjuri, sakemm Parti ma tkunx innotifikat lill-Parti l-oħra bil-miktub li ma taċċettax l-emenda.

7.    Ir-Renju Unit, f’isem Ġibiltà, għandu jkompli jżomm u jirrieżamina perjodikament l-arranġamenti operazzjonali fir-rigward ta’ avvenimenti f’Ġibiltà jew li jaffettwawha, il-Konvenzjoni dwar in-Notifika Bikrija ta’ Inċident Nukleari adottata mill-Konferenza Ġenerali tal-Aġenzija Internazzjonali tal-Enerġija Atomika li ltaqgħet f’sessjoni speċjali fi Vjenna fis-26 ta’ Settembru 1986 u l-Konvenzjoni dwar l-Assistenza fil-Każ ta’ Inċident Nukleari jew Emerġenza Radjoloġika adottata mill-Konferenza Ġenerali tal-Aġenzija Internazzjonali tal-Enerġija Atomika li ltaqgħet f’sessjoni speċjali fi Vjenna fis-26 ta’ Settembru 1986, jekk iseħħ avveniment bħal dan. Dawn l-arranġamenti operazzjonali huma spjegati fid-dettall fl-Anness 5 u l-aġġornamenti tagħhom għandhom jiġu nnotifikati lill-Parti l-oħra mill-aktar fis possibbli, iżda mhux aktar tard minn 3 xhur wara d-dħul fis-seħħ tagħhom, u l-Anness 5 għandu jiġi emendat kif xieraq.

8.    Fir-rigward tal-kontroll effettiv ta’ materjal radjuattiv u sorsi radjuattivi, ir-Renju Unit, fir-rigward ta’ Ġibiltà, għandu jiżgura mill-inqas effettività u kopertura ekwivalenti għal dawk previsti kemm fid-Direttiva 2008/68/KE tal-Parlament Ewropew u tal-Kunsill tal-24 ta’ Settembru 2008 dwar it-trasport intern ta’ oġġetti perikolużi kif ukoll fid-Direttiva tal-Kunsill 2013/59/Euratom tal-5 ta’ Diċembru 2013, li tistabbilixxi standards bażiċi ta’ sikurezza għal protezzjoni kontra l-perikli li jirriżultaw minn esponiment għal radjazzjoni jonizzanti, inkluż kif emendata jew sostitwita fil-futur.

TITOLU IV

PRINĊIPJI TA’ INTERPRETAZZJONI U DEFINIZZJONIJIET

ARTIKOLU 18

Dritt Internazzjonali Pubbliku

1.    Id-dispożizzjonijiet ta’ dan il-Ftehim u ta’ kull ftehim supplimentari għandhom jiġu interpretati in bona fede fis-sens ordinarju tagħhom fil-kuntest tagħhom u fid-dawl tal-oġġettiv u l-iskop tal-ftehim f’konformità mar-regoli konswetudinarji ta’ interpretazzjoni tad-liġi internazzjonali pubblika, inkluż dawk kodifikati fil-Konvenzjoni ta’ Vjenna dwar il-Liġi tat-Trattati, magħmula fi Vjenna fit-23 ta’ Mejju tal-1969.

2.    Għal aktar ċertezza, ħlief kif previst fil-paragrafi 1 u 4 tal-Artikolu 19 fl-Artikolu 20, la dan il-Ftehim u lanqas kwalunkwe ftehim supplimentari ma jistabbilixxi obbligu li d-dispożizzjonijiet tagħhom jiġu interpretati f’konformità mal-liġi domestika ta’ xi waħda mill-Partijiet.

3.    Mingħajr preġudizzju għall-Artikolu 20, għal aktar ċertezza, interpretazzjoni ta’ dan il-Ftehim jew ta’ xi ftehim supplimentari ieħor li ssir mill-qrati ta’ xi Parti ma għandhiex tkun vinkolanti fuq il-qrati tal-Parti l-oħra.

ARTIKOLU 19

Id-dritt tal-Unjoni applikabbli mir-Renju Unit, fir-rigward ta’ Ġibiltà

1.    Ir-Renju Unit, fir-rigward ta’ Ġibiltà, għandu jkollu fis-seħħ fil-liġi domestika tiegħu, u japplika b’mod effettiv, l-istess dispożizzjonijiet bħal dawk li jinsabu:

(a)    fl-atti tal-Unjoni elenkati fid-dispożizzjonijiet jew f’dawk l-Annessi ta’ dan il-Ftehim li għalihom japplika dan l-Artikolu, jew

(b)    skont il-kundizzjonijiet stabbiliti fil-paragrafi 2 sa 4, f’att sussegwenti tal-Unjoni, jiġifieri:

(i)    att tal-Unjoni li jemenda jew jissostitwixxi att tal-Unjoni kif imsemmi fis-subparagrafu (a);

(ii)    att tal-Unjoni li jissupplimenta jew jimplimenta att tal-Unjoni kif imsemmi fis-subparagrafu (a); jew

(iii)    att ieħor tal-Unjoni dwar is-soġġett ta’ att tal-Unjoni kif imsemmi fis-subparagrafu (a).

2.    Meta l-Unjoni tadotta att sussegwenti tal-Unjoni, hija għandha tinnotifika minnufih lir-Renju Unit, fir-rigward ta’ Ġibiltà, bl-adozzjoni ta’ tali att.

3.    Fi żmien tletin jum min-notifika msemmija fil-paragrafu 2, ir-Renju Unit, fir-rigward ta’ Ġibiltà, għandu jinnotifika lill-Unjoni bid-deċiżjoni tiegħu dwar jekk jaċċettax il-kontenut tal-att sussegwenti tal-Unjoni u jekk jaċċettax li jimplimentah fil-liġi domestika tiegħu. L-aċċettazzjoni mir-Renju Unit, fir-rigward ta’ Ġibiltà, tal-kontenut ta’ att sussegwenti tal-Unjoni għandha toħloq drittijiet u obbligi bejn ir-Renju Unit, fir-rigward ta’ Ġibiltà, u l-Unjoni.

4.    Jekk l-implimentazzjoni fid-dritt domestiku tal-att sussegwenti tal-Unjoni tirrikjedi l-issodisfar ta’ rekwiżiti kostituzzjonali, ir-Renju Unit, fir-rigward ta’ Ġibiltà, għandu jinforma lill-Unjoni b’dan fiż-żmien tan-notifika msemmija fil-paragrafu 3. Ir-Renju Unit, fir-rigward ta’ Ġibiltà, għandu jinforma minnufih lill-Unjoni bil-miktub malli jissodisfa r-rekwiżiti kostituzzjonali kollha. Mid-dħul fis-seħħ tal-att sussegwenti tal-Unjoni u sal-informazzjoni malli jiġu ssodisfati r-rekwiżiti kostituzzjonali, ir-Renju Unit, fir-rigward ta’ Ġibiltà, għandu japplika proviżorjament, kemm jista’ jkun, l-istess regoli bħal dawk li jinsabu fl-att sussegwenti tal-Unjoni.

5.    Jekk ir-Renju Unit, fir-rigward ta’ Ġibiltà:

(a)    jinnotifika d-deċiżjoni tiegħu li ma jaċċettax il-kontenut ta’ att sussegwenti tal-Unjoni; jew

(b)    ma jagħmilx notifika fil-limitu ta’ żmien stabbilit fil-paragrafu 3; jew

(c)    ma jinformax lill-Unjoni, mhux aktar tard minn sitt ġimgħat wara d-dħul fis-seħħ ta’ att sussegwenti tal-Unjoni, dwar l-implimentazzjoni ta’ dak l-att fil-liġi domestika tiegħu

dan il-Ftehim għandu jitqies bħala mitmum sakemm il-Kunsill ta’ Kooperazzjoni, wara eżami bir-reqqa tal-modi biex jitkompla l-Ftehim, ma jiddeċidix mod ieħor fi żmien disgħin jum. It-terminazzjoni ta’ dan il-Ftehim għandha tidħol fis-seħħ 3 xhur wara li jiskadi l-perjodu ta’ 90 jum.

ARTIKOLU 20

Interpretazzjoni konsistenti

Id-dispożizzjonijiet imsemmija fil-paragrafu 1 tal-Artikolu 19 għandhom jiġu interpretati u applikati f’konformità mal-metodi u l-prinċipji ġenerali tad-dritt tal-Unjoni u fl-implimentazzjoni u l-applikazzjoni tagħhom għandhom jiġu interpretati f’konformità mal-ġurisprudenza rilevanti tal-Qorti tal-Ġustizzja tal-Unjoni Ewropea.

ARTIKOLU 21

Drittijiet privati

1.    Mingħajr preġudizzju għall-paragrafi 1 u 2 tal-Artikolu 19, l-Artikolu SSC.70 u t-Titoli I u II tar-Raba’ Parti, u bl-eċċezzjoni, fir-rigward tal-Unjoni, tat-Titolu V tat-Tieni Parti, xejn f’dan il-Ftehim jew fi kwalunkwe ftehim supplimentari ma għandu jiġi interpretat bħala li jagħti drittijiet jew jimponi obbligi fuq persuni għajr dawk maħluqa bejn il-Partijiet skont id-dritt internazzjonali pubbliku, u lanqas bħala li jippermetti li dan il-Ftehim jew kwalunkwe ftehim supplimentari jiġi invokat direttament fis-sistemi legali domestiċi tal-Partijiet.

2.    Parti ma għandhiex tipprevedi dritt ta’ azzjoni skont il-liġi tagħha kontra l-Parti l-oħra għax il-Parti l-oħra tkun aġixxiet bi ksur ta’ dan il-Ftehim jew ta’ xi ftehim supplimentari.

TITOLU V

QAFAS ISTITUZZJONALI

ARTIKOLU 22

Kunsill ta’ Kooperazzjoni

1.    Kunsill Konġunt huwa b’dan stabbilit. Għandu jkun magħmul minn rappreżentanti tal-Unjoni u tar-Renju Unit, fir-rigward ta’ Ġibiltà. Il-Kunsill ta’ Kooperazzjoni jista’ jiltaqa’ f’konfigurazzjonijiet differenti skont il-kwistjonijiet li jkunu qed jiġu diskussi.

2.    Il-Kunsill ta’ Kooperazzjoni għandu jkun kopresedut minn Membru tal-Kummissjoni Ewropea u minn rappreżentant tal-Gvern tar-Renju Unit fil-livell Ministerjali. Għandu jiltaqa’ meta jintalab mill-Unjoni jew mir-Renju Unit, fir-rigward ta’ Ġibiltà u fi kwalunkwe każ mill-inqas darba fis-sena, u għandu jistabbilixxi l-iskeda tal-laqgħat tiegħu u l-aġenda tiegħu b’kunsens reċiproku.

3.    Il-Kunsill ta’ Kooperazzjoni għandu jissorvelja l-kisba tal-objettivi ta’ dan il-Ftehim u ta’ kwalunkwe ftehim supplimentari. Huwa għandu jissupervizza u jiffaċilita l-implimentazzjoni u l-applikazzjoni ta’ dan il-Ftehim u ta’ kwalunkwe ftehim supplimentari. Kull Parti tista’ tirreferi lill-Kunsill ta’ Sħubija kull kwistjoni relatata mal-implimentazzjoni, l-applikazzjoni u l-interpretazzjoni ta’ dan il-Ftehim jew ta’ xi ftehim supplimentari.

4.    Il-Kunsill ta’ Kooperazzjoni għandu jkollu s-setgħa li:

(a)    jadotta deċiżjonijiet fir-rigward tal-materji kollha fejn dan ikun previst f’dan il-Ftehim jew f’xi ftehim supplimentari;

(b)    jagħmel rakkomandazzjonijiet lill-Partijiet rigward l-implimentazzjoni u l-applikazzjoni ta’ dan il-Ftehim jew ta’ kwalunkwe ftehim supplimentari;

(c)    jadotta, permezz ta’ deċiżjoni, emendi għal dan il-Ftehim jew għal kwalunkwe ftehim supplimentari fil-każijiet previsti f’dan il-Ftehim jew f’xi ftehim supplimentari;

(d)    għajr b’rabta mat-Titolu IV tal-Ewwel Parti, sa tmiem ir-raba’ sena wara d-dħul fis-seħħ ta’ dan il-Ftehim, jadotta deċiżjonijiet li jemendaw dan il-Ftehim jew kwalunkwe ftehim supplimentari, dment li dawn l-emendi jkunu meħtieġa biex jikkoreġu żbalji, jindirizzaw ommissjonijiet jew nuqqasijiet oħra;

(e)    jiddiskuti kwalunkwe materja relatata mal-oqsma koperti minn dan il-Ftehim jew minn kwalunkwe ftehim supplimentari;

(f)    jiddelega wħud mis-setgħat tiegħu lil Kumitat Speċjalizzat, ħlief dawk is-setgħat u r-responsabbiltajiet imsemmija fil-punt (g) ta’ dan il-paragrafu;

(g)    permezz ta’ deċiżjoni, jistabbilixxi Kumitati Speċjalizzati u jassenjalhom kompiti, ixolji kwalunkwe Kumitat Speċjalizzat, jew jibdel il-kompiti assenjati lilhom.

5.    Il-ħidma tal-Kunsill ta’ Kooperazzjoni għandha tkun regolata mir-regoli ta’ proċedura stabbiliti fl-Anness 6. Il-Kunsill ta’ Kooperazzjoni jista’ jemenda dan l-Anness.

ARTIKOLU 23

Kumitati Speċjalizzati

1.    B’dan huma stabbiliti l-Kumitati Speċjalizzati li ġejjin:

(a)    il-Kumitat Speċjalizzat dwar iċ-Ċirkolazzjoni tal-Persuni;

(b)    il-Kumitat Speċjalizzat dwar l-Ekonomija u l-Kummerċ;

(c)    il-Kumitat Speċjalizzat dwar l-Avjazzjoni.

2.    Rigward il-kwistjonijiet relatati mal-qasam ta’ kompetenza tagħhom, il-Kumitati Speċjalizzati għandu jkollhom is-setgħa li:

(a)    jimmonitorjaw u jirrieżaminaw l-implimentazzjoni ta’ dan il-Ftehim jew ta’ xi ftehim supplimentari u jiżguraw il-funzjonament tajjeb tagħhom;

(b)    jassistu lill-Kunsill ta’ Kooperazzjoni fit-twettiq tal-kompiti tiegħu u, b’mod partikolari, jirrapportaw lill-Kunsill ta’ Kooperazzjoni u jwettqu il-kompiti assenjati lilhom minn dan tal-aħħar;

(c)    jadotta deċiżjonijiet u rakkomandazzjonijiet fir-rigward tal-kwistjonijiet kollha li għalihom il-Kunsill ta’ Kooperazzjoni jkun iddelega s-setgħat tiegħu lil Kumitat Speċjalizzat f’konformità mal-punt (f) tal-paragrafu 1 tal-Artikolu 22 jew fejn il-Ftehim jipprevedi dan;

(d)    jiddiskutu kwistjonijiet tekniċi li jirriżultaw mill-implimentazzjoni ta’ dan il-Ftehim jew ta’ kwalunkwe ftehim supplimentari;

(e)    jipprovdu forum għall-Partijiet biex jiskambjaw informazzjoni, jiddiskutu l-aqwa prattiki u jaqsmu l-esperjenza tal-implimentazzjoni.

3.    Il-Kumitati Speċjalizzati għandhom jiġu infurmati kif meħtieġ dwar l-implimentazzjoni tal-arranġamenti amministrattivi konklużi mir-Renju Unit, fir-rigward ta’ Ġibiltà, u r-Renju ta’ Spanja dwar kwistjonijiet relatati mal-implimentazzjoni ta’ dan il-Ftehim.

4.    Il-Kumitati Speċjalizzati għandu jkollhom rappreżentanti ta’ kull Parti. Kull Parti għandha tiżgura li r-rappreżentanti tagħha fil-Kumitati Speċjalizzat jkollhom l-għarfien espert xieraq b’rabta mal-kwistjonijiet diskussi.

5.    Il-Kumitati Speċjalizzati għandhom ikunu kopreseduti minn rappreżentant tal-Unjoni u rappreżentant tar-Renju Unit, fir-rigward ta’ Ġibiltà.

6.    Sakemm ma jkunx previst mod ieħor f’dan il-Ftehim, jew sakemm il-kopresidenti ma jiddeċidux mod ieħor, dawn għandhom jiltaqgħu mill-inqas darba fis-sena.

7.    Il-Kumitati Speċjalizzati għandhom jistabbilixxu l-iskeda u l-aġenda tal-laqgħat tagħhom b’kunsens reċiproku.

8.    Il-ħidma tal-Kumitati Speċjalizzati għandha tkun regolata mir-regoli ta’ proċedura stabbiliti fl-Anness 6.

9.    B’deroga mill-paragrafu 8, Kumitat Speċjalizzat jista’ jadotta u sussegwentement jemenda r-regoli tiegħu stess li għandhom jirregolaw il-ħidma tiegħu.

ARTIKOLU 24

Deċiżjonijiet u rakkomandazzjonijiet

1.    Id-deċiżjonijiet adottati mill-Kunsill ta’ Kooperazzjoni jew, skont il-każ, minn Kumitat Speċjalizzat, għandhom ikunu vinkolanti għall-Partijiet u għall-korpi kollha stabbiliti skont dan il-Ftehim u skont kwalunkwe ftehim supplimentari, inkluż it-tribunal tal-arbitraġġ imsemmi fit-Titolu I tas-Sitt Parti. Ir-rakkomandazzjonijiet ma għandu jkollhom l-ebda forza vinkolanti.

2.    Il-Kunsill ta’ Kooperazzjoni jew, skont il-każ, xi Kumitat Speċjalizzat, għandu jadotta deċiżjonijiet u jagħmel rakkomandazzjonijiet b’kunsens reċiproku.

IT-TIENI PARTI

ĊIRKOLAZZJONI TA’ PERSUNI

TITOLU I

PRINĊIPJI U OBJETTIVI ĠENERALI

ARTIKOLU 25

Il-ħarsien tad-drittijiet tal-bniedem u l-libertajiet fundamentali

1.    Il-kooperazzjoni prevista f’din il-Parti hija bbażata fuq ir-rispett fit‑tul tal-Partijiet u tal-Istati Membri għad-demokrazija, l-istat tad-dritt u l-protezzjoni tad-drittijiet u l-libertajiet fundamentali tal-individwi, inkluż kif stabbiliti fid-Dikjarazzjoni Universali tad-Drittijiet tal-Bniedem u fil-Konvenzjoni Ewropea dwar id-Drittijiet tal-Bniedem, u fuq l-importanza li d-drittijiet u l-libertajiet f’dik il-Konvenzjoni jingħataw effett domestikament.

2.    Xejn f’din il-Parti ma jimmodifika l-obbligu tar-rispett tad-drittijiet fundamentali u tal-prinċipji legali kif riflessi, b’mod partikolari, fil-Konvenzjoni Ewropea dwar id-Drittijiet tal-Bniedem u, fil-każ tal-Unjoni u l-Istati Membri tagħha, fil-Karta tad-Drittijiet Fundamentali tal-Unjoni Ewropea.

ARTIKOLU 26

Definizzjonijiet

Għall-finijiet ta’ din il-Parti, id-definizzjonijiet li ġejjin japplikaw:

(a)    “Verifiki fuq il-fruntiera” tfisser il-verifiki mwettqa f’punti tal-qsim tal-fruntiera, sabiex ikun żgurat li persuni, il-mezzi tat-trasport tagħhom u l-oġġetti fil-pussess tagħhom jistgħu jiġu awtorizzati jidħlu fit-territorju tal-Istati Membri u Ġibiltà jew jitilqu minnu;

(b)    “Kontroll fuq il-fruntieri” tfisser l-attività mwettqa fi fruntiera, f’konformità ma’ dan il-Ftehim u għall-finijiet tiegħu, bħala risposta esklużivament għal xi intenzjoni ta’ qsim jew l-att ta’ qsim ta’ dik il-fruntiera, irrispettivament minn kull konsiderazzjoni oħra, li tikkonsisti f’verifiki fuq il-fruntiera u sorveljanza fil-fruntiera;

(c)    “Sorveljanza fuq il-fruntiera” tfisser is-sorveljanza tal-fruntieri bejn il-punti ta’ qsim tal-fruntiera u s-sorveljanza ta’ punti ta’ qsim tal-fruntiera barra mill-ħinijiet stabbiliti ta’ ftuħ, għall-prevenzjoni jew id-detezzjoni ta’ qsim mhux awtorizzat tal-fruntieri jew taċ-ċirkomvenzjoni tal-verifiki fuq il-fruntiera, biex tikkontribwixxi għas-sensibilizzazzjoni tas-sitwazzjoni, biex tiġi miġġielda l-kriminalità transfruntiera u biex jittieħdu miżuri kontra persuni li jkunu qasmu l-fruntiera b’mod illegali;

(d)    “Komponent ċivili” tfisser persuni ċivili li huma impjegati mill-Gvern tar-Renju Unit jew ikkuntrattati minnu u li mhumiex persuni residenti f’Ġibiltà jew fl-Unjoni, bl-eċċezzjoni ta’ persuni li għandhom id-dritt li jirrisjedu fir-Renju Unit jew fiż-Żona Komuni għall-Ivvjaġġar;

(e)    “Azzjoni koerċittiva” tfisser miżuri li għandhom jittieħdu fir-rigward ta’ persuna jew oġġett fit-twettiq ta’ funzjonijiet relatati mal-kontroll tal-fruntieri, inkluż bħala segwitu għal allerti f’bażijiet ta’ data u sistemi ta’ informazzjoni użati fil-kuntest tal-kontroll fuq il-fruntieri inkluż, iżda mhux limitat għal, limitazzjoni temporanja tal-moviment, detenzjoni, arrest, tqegħid taħt protezzjoni, inkjesti, tiftix u sekwestru ta’ oġġetti, u kwalunkwe forma oħra ta’ azzjoni b’reazzjoni għal allerti bl-għan li tiġi investigata jew miġbura evidenza li twettaq reat jew ġie ppjanat, kif ukoll rifjuti ta’ dħul;

(f)    “Membri tal-familja li jiffurmaw parti mill-unità domestika” tfisser il-konjuġi jew is-sieħeb/sieħba ta’ membru mhux residenti tal-Forzi tar-Renju Unit jew ta’ komponent ċivili jew il-wild ta’ tali membru li jiddependu fuqhom għall-manteniment u li mhumiex persuni residenti fl-Unjoni Ewropea jew f’Ġibiltà;

(g)    “Protezzjoni internazzjonali” tfisser status ta’ rifuġjat skont il-Konvenzjoni dwar l-Istatus tar-Rifuġjati magħmula f’Ġinevra fit-28 ta’ Lulju 1951, kif emendata bil-Protokoll ta’ New York tal-31 ta’ Jannar 1967 u status ta’ protezzjoni sussidjarja fejn ċittadin nazzjonali ta’ pajjiż terz jew persuna apolida li ma tikkwalifikax bħala rifuġjat iżda li fir-rigward tagħha ntwerew raġunijiet sostanzjali sabiex jitwemmen li l-persuna kkonċernata, jekk tintbagħat lura lejn il-pajjiż ta’ oriġini tagħha, jew fil-każ ta’ persuna apolida, lejn il-pajjiż ta’ residenza abitwali ta’ qabel tagħha, tiffaċċja riskju reali li ssofri dannu serju u ma tistax, jew minħabba f’dan ir-riskju, ma tixtieqx tapprofitta ruħha mill-protezzjoni ta’ dak il-pajjiż;

(h)    “Stati Membri li japplikaw l-acquis ta’ Schengen b’mod sħiħ” tfisser l-Istati Membri li neħħew il-verifiki fuq persuni fuq il-fruntieri komuni tagħhom;

(i)    “Forzi mhux residenti tar-Renju Unit” tfisser persuni li jservu fil-Forzi tar-Renju Unit, jew fl-armata regulari jew fir-riżerva, li huma ċittadini tar-Renju Unit, ċittadini tal-Commonwealth, ċittadini tal-Irlanda jew li għandhom id-dritt jirrisjedu fir-Renju Unit jew fiż-Żona Komuni għall-Ivvjaġġar u li mhumiex persuni residenti f’Ġibiltà;

(j)    “Persuni residenti f’Ġibiltà” tfisser persuni li għandhom id-dritt legali jirrisjedu f’Ġibiltà irrispettivament min-nazzjonalità tagħhom, bl-eċċezzjoni ta’ ċittadini tal-Unjoni u ċittadini tal-Iżlanda, il-Prinċipat tal-Liechtenstein, ir-Renju tan-Norveġja, il-Konfederazzjoni Żvizzera kif ukoll ċittadini tal-Prinċipat ta’ Andorra u r-Repubblika ta’ San Marino wara d-dħul fis-seħħ ta’ ftehimiet li jagħtu lil dawn iċ-ċittadini drittijiet ta’ moviment liberu;

(k)    “Verifika tat-Tieni Linja” tfisser verifika ulterjuri li tista’ titwettaq f’lok speċjali lil hinn mil-lok li fih titwettaq verifika fuq kull persuna (l-ewwel linja);

(l)    “Żona ta’ Verifiki tat-Tieni Linja” tfisser post speċjali, kif delimitat f’konformità mal-arranġamenti magħmula mir-Renju Unit, fir-rigward ta’ Ġibiltà, u r-Renju ta’ Spanja skont l-Artikolu 33, fejn iseħħu attivitajiet li jinkludu verifiki tat-tieni linja u kooperazzjoni operazzjonali bejn l-awtoritajiet kompetenti;

(m)    “Ċittadin ta’ pajjiż terz” tfisser kwalunkwe persuna li ma tkunx:

(i)    ċittadin tal-Unjoni skont it-tifsira tal-Artikolu 20(1) tat-Trattat dwar il-Funzjonament tal-Unjoni Ewropea jew membru tal-familja ta’ ċittadin tal-Unjoni, irrispettivament min-nazzjonalità tiegħu, kif imsemmi fl-Artikoli 2 u 3 tad-Direttiva 2004/38/KE tal-Parlament Ewropew u tal-Kunsill 3 ;

(ii)    ċittadin tal-Iżlanda, tal-Prinċipat tal-Liechtenstein, tar-Renju tan-Norveġja, tal-Konfederazzjoni Żvizzera, tal-Prinċipat ta’ Andorra jew tar-Repubblika ta’ San Marino u tal-membri tal-familja tagħhom, irrispettivament min-nazzjonalità tagħhom, li, skont ftehimiet bejn l-Unjoni u dawk il-pajjiżi rispettivi, igawdu drittijiet ta’ moviment liberu ekwivalenti għal dawk imsemmija fis-subparagrafu (a);

(n)    “Forzi mistiedna ta’ pajjiżi terzi” tfisser persuni li jservu jew li huma impjegati mas-servizzi armati ta’ membru tan-NATO jew ikkuntrattati minnhom jew ta’ sħab magħżula li mhumiex persuni residenti fl-Unjoni, jew f’Ġibiltà, u li se jaslu f’Ġibiltà fuq stedina tar-Renju Unit.

ARTIKOLU 27

Referenzi għal ċerti atti tal-Unjoni

Għall-fini ta’ din il-Parti, ir-referenzi għall-atti tal-Unjoni fl-Artikolu 26, 29 u l-Anness imsemmi fihom, 32, 33, 35, 36, 37, 42, 43, 46, 47, 48, 50, 51, 52, 53, 55, 61, 64, 74, 76, 86, 90, 96, 104 u 151 għandhom jinftiehmu li jinkludu dawk l-atti tal-Unjoni kif emendati jew sostitwiti fil-futur kif ukoll kwalunkwe att tal-Unjoni li jimplimenta jew jissupplimenta dawk l-atti tal-Unjoni.

ARTIKOLU 28

Tneħħija tal-ostakli fiżiċi

L-ostakli fiżiċi kollha relatati maċ-ċirkolazzjoni ta’ persuni bejn l-Unjoni u Ġibiltà għandhom jitneħħew.

ARTIKOLU 29

Postijiet ta’ qsim bejn il-fruntieri

1.    Għall-finijiet ta’ dan il-Ftehim, ir-Renju Unit, fir-rigward ta’ Ġibiltà, u r-Renju ta’ Spanja għandhom jistabbilixxu punti ta’ qsim tal-fruntiera fil-port u l-ajruport ta’ Ġibiltà, fejn għandhom jitwettqu l-verifiki fuq il-fruntiera kif imsemmi fil-paragrafu 2.

2.    Il-passiġġieri kollha li jidħlu f’Ġibiltà mill-port jew mill-ajruport ta’ Ġibiltà għandhom ikunu soġġetti għal verifiki fuq il-fruntiera fil-punti ta’ qsim tal-fruntiera stabbiliti skont il-paragrafu 1.

3.    B’deroga mill-paragrafu 1, il-verifiki fuq il-fruntiera jistgħu jitwettqu fil-punt ta’ qsim tal-fruntiera tal-ajruport, jekk il-volum tat-traffiku li jgħaddi mill-port jippermetti livell effiċjenti, għoli u uniformi ta’ kontroll fil-punt ta’ qsim tal-fruntiera tal-ajruport. F’dan il-każ, ir-Renju Unit fir-rigward ta’ Ġibiltà, u r-Renju ta’ Spanja għandhom jiżguraw li l-passiġġieri u l-membri tal-ekwipaġġ li jaslu fil-port jiġu skortati mill-port sal-punt ta’ qsim tal-fruntiera tal-ajruport, għall-finijiet li jgħaddu mill-verifiki msemmija fl-Artikoli 33(1) u (2). Il-modalitajiet għall-applikazzjoni ta’ din id-deroga għandhom jiġu stabbiliti f’arranġament amministrattiv bejn ir-Renju Unit, fir-rigward ta’ Ġibiltà, u r-Renju ta’ Spanja.

4.    Ir-Renju Unit, fir-rigward ta’ Ġibiltà, u r-Renju ta’ Spanja għandhom jippermettu l-użu ta’ sistemi awtomatizzati ta’ kontroll fuq il-fruntieri f’dawn il-punti ta’ qsim tal-fruntieri għall-verifiki rispettivi tagħhom ta’ persuni residenti f’Ġibiltà u ċittadini tal-Unjoni u l-membri tal-familja tagħhom minn pajjiżi terzi u l-benefiċjarji tad-drittijiet ta’ moviment liberu skont ftehimiet konklużi mill-Unjoni, f’konformità mad-dritt domestiku u tal-Unjoni.

5.    Il-verifiki fuq il-fruntieri mad-dħul għandhom jitwettqu mill-awtoritajiet kompetenti tar-Renju Unit, fir-rigward ta’ Ġibiltà, u sussegwentement mill-awtoritajiet kompetenti tar-Renju ta’ Spanja. Il-verifiki fuq il-fruntieri mal-ħruġ għandhom jitwettqu mill-awtoritajiet kompetenti tar-Renju ta’ Spanja u sussegwentement mill-awtoritajiet kompetenti tar-Renju Unit, fir-rigward ta’ Ġibiltà.

6.    Kwalunkwe verifika tat-tieni linja trid jitwettaq fiż-Żona ta’ Verifika tat-Tieni Linja.

7.    Mingħajr preġudizzju għall-Artikoli 32(3) u 43, il-kondizzjonijiet tad-dħul meħtieġa mill-awtoritajiet kompetenti tar-Renju Unit, fir-rigward ta’ Ġibiltà, u l-awtoritajiet kompetenti tar-Renju ta’ Spanja għandhom ikunu kumulattivi. Ir-Renju Unit, fir-rigward ta’ Ġibiltà, jimpenja ruħu li jallinja l-kundizzjonijiet tad-dħul skont id-dritt tar-Renju Unit, fir-rigward ta’ Ġibiltà, ma’ dawk applikabbli skont id-dritt tal-Unjoni.

8.    Ir-Renju Unit, fir-rigward ta’ Ġibiltà, u r-Renju ta’ Spanja għandhom jiżguraw li d-dħul f’Ġibiltà minn barra ż-żona Schengen mingħajr kontrolli fil-fruntieri interni jista’ jseħħ biss permezz tal-punti ta’ qsim tal-fruntiera msemmija fil-paragrafu 1.

9.    Minkejja l-paragrafi 2, 5, u 8, l-awtoritajiet kompetenti tar-Renju Unit, fir-rigward ta’ Ġibiltà, u tar-Renju ta’ Spanja jistgħu jippermettu d-dħul f’Ġibiltà għajr permezz tal-punti ta’ qsim tal-fruntiera, fil-każijiet previsti fl-Artikolu 5(2)(a), (b), (c) tar-Regolament (UE) 2016/399 tal-Parlament Ewropew u tal-Kunsill 4 (il-Kodiċi tal-Fruntieri ta’ Schengen) jew fl-Artikolu 38 ta’ dan il-Ftehim.

10.    Ir-Renju Unit, fir-rigward ta’ Ġibiltà, u r-Renju ta’ Spanja għandhom jiżguraw li l-infrastruttura meħtieġa tkun fis-seħħ u miżmuma b’tali mod li tippermetti li l-punti ta’ qsim tal-fruntiera msemmija fil-paragrafu 1 jitħaddmu b’mod xieraq għall-volum tal-flussi tat-traffiku biex jiġi żgurat livell effiċjenti, għoli u uniformi ta’ kontroll f’konformità mal-Kodiċi tal-Fruntieri ta’ Schengen. Dik l-infrastruttura għandha tikkonforma mar-rekwiżiti msemmija fl-Anness 7 ta’ dan il-Ftehim u għandha tiġi stabbilita fl-arranġament amministrattiv bejn ir-Renju Unit, fir-rigward ta’ Ġibiltà, u r-Renju ta’ Spanja msemmi fl-Artikolu 33(5).

11.    Fir-rigward tal-Anness VI tal-Kodiċi tal-Fruntieri ta’ Schengen, il-Punti 2.3.1., 3.1.2, 3.1.4, 3.1.5, 3.2.1, 3.2.5 u 3.2.6 ta’ dak l-Anness għandhom japplikaw fir-rigward tal-verifiki fuq il-fruntieri mwettqa mill-awtoritajiet kompetenti tar-Renju ta’ Spanja fil-punti ta’ qsim tal-fruntiera stabbiliti fl-Artikolu 29(1). Kwalunkwe informazzjoni li trid tiġi pprovduta skont dawk il-punti għandha tiġi pprovduta simultanjament u mingħajr dewmien kemm lill-awtoritajiet kompetenti tar-Renju Unit, fir-rigward ta’ Ġibiltà, kif ukoll lill-awtoritajiet kompetenti tar-Renju ta’ Spanja.

ARTIKOLU 30

Ċirkolazzjoni ta’ persuni bejn Ġibiltà u l-Istati Membri

1.    Il-partijiet għandhom jiżguraw li l-persuni jkunu jistgħu jiċċirkolaw bejn Ġibiltà u l-Istati Membri li japplikaw l-acquis ta’ Schengen b’mod sħiħ mingħajr ma jitwettqu verifiki fuq il-fruntieri, mingħajr preġudizzju għad-dispożizzjonijiet dwar il-fruntieri tal-baħar fl-Anness VI tal-Kodiċi tal-Fruntieri ta’ Schengen, irrispettivament min-nazzjonalità tagħhom.

2.    Minkejja l-ewwel paragrafu, fejn ikun hemm theddida serja għall-ordni pubbliku, is-saħħa pubblika jew is-sigurtà interna, l-Istati Membri li japplikaw l-acquis ta’ Schengen b’mod sħiħ jew ir-Renju Unit, fir-rigward ta’ Ġibiltà, skont il-każ, jistgħu eċċezzjonalment jerġgħu jdaħħlu l-kontrolli fuq il-fruntieri bejn Ġibiltà u t-territorju tal-Istati Membri li japplikaw l-acquis ta’ Schengen b’mod sħiħ għal perjodu limitat ta’ mhux aktar minn 10 ijiem. Dak il-perjodu jista’ jiġi estiż b’perjodu ta’ 20 jum u b’perjodi sussegwenti ta’ xahar sa massimu ta’ sitt xhur. Il-kontrolli fil-fruntieri bejn Ġibiltà u t-territorju tal-Istati Membri li japplikaw l-acquis ta’ Schengen b’mod sħiħ għandhom jerġgħu jiġu introdotti biss bħala l-aħħar alternattiva, u l-kamp ta’ applikazzjoni u t-tul ta’ żmien ta’ din l-introduzzjoni mill-ġdid ma għandux jaqbeż dak li huwa strettament meħtieġ f’reazzjoni għat-theddida serja.

3.    Meta xi Stat Membru li japplika l-acquis ta’ Schengen b’mod sħiħ jew ir-Renju Unit, fir-rigward ta’ Ġibiltà, jiddeċiedi li jerġa’ jdaħħal jew jestendi l-kontrolli fuq il-fruntiera bejn Ġibiltà u t-territorju ta’ dak l-Istat Membru f’konformità mal-paragrafu 2, l-Unjoni, fejn il-kontroll fuq il-fruntiera jerġa’ jiddaħħal minn Stat Membru, jew ir-Renju Unit, fir-rigward ta’ Ġibiltà, fejn il-kontroll fuq il-fruntiera jerġa’ jiddaħħal minn dan tal-aħħar, għandha tinforma lill-Parti l-oħra b’dan:

(a)    mhux aktar tard minn 4 ġimgħat qabel l-introduzzjoni mill-ġdid jew estensjoni ppjanata jew mill-aktar fis possibbli fejn iċ-ċirkostanzi li jwasslu għall-ħtieġa li jerġgħu jiġu introdotti jew jiġu estiżi l-kontrolli fuq il-fruntieri jsiru magħrufa inqas minn 4 ġimgħat qabel l-introduzzjoni mill-ġdid jew l-estensjoni ppjanata;

(b)    immedjatament u mhux aktar tard minn 48 siegħa wara deċiżjoni biex jerġgħu jiddaħħlu jew jiġu estiżi l-kontrolli fuq il-fruntieri b’reazzjoni għal theddida serja li tkun teħtieġ li tittieħed azzjoni immedjata.

4.    Meta tinforma lill-Parti l-oħra dwar deċiżjoni biex jerġgħu jiddaħħlu jew jiġu estiżi l-kontrolli fuq il-fruntieri bejn Ġibiltà u t-territorju ta’ Stat Membru li japplika l-acquis ta’ Schengen b’mod sħiħ f’konformità mal-paragrafu 3, l-Unjoni, fejn il-kontrolli fuq il-fruntieri jerġgħu jiddaħħlu minn Stat Membru, jew ir-Renju Unit, fir-rigward ta’ Ġibiltà, fejn il-kontrolli fuq il-fruntieri jerġgħu jiddaħħlu minn dan tal-aħħar, għandhom jipprovdu lill-Parti l-oħra bl-informazzjoni li ġejja:

(a)    jekk l-introduzzjoni mill-ġdid jew l-estensjoni sseħħx fuq il-bażi ta’ theddida serja għall-ordni pubbliku, is-saħħa pubblika jew is-sigurtà interna tagħha;

(b)    dettalji rilevanti tar-raġuni jew raġunijiet sakemm ma jkunx hemm raġunijiet prevalenti ta’ sigurtà jew kunfidenzjalità biex dan ma jsirx;

(c)    l-ismijiet tal-punti ta’ qsim awtorizzati;

(d)    id-data tal-bidu u d-durata tal-introduzzjoni mill-ġdid jew tal-estensjoni; u

(e)    fejn xieraq, il-miżuri li jistgħu jittieħdu mill-Parti l-oħra.

5.    Il-partijiet għandhom jiżguraw li l-pubbliku jkun infurmat b’mod koordinat dwar deċiżjoni biex jerġa’ jiddaħħal jew jiġi estiż il-kontroll fuq il-fruntieri bejn Ġibiltà u t-territorju tal-Istati Membri li japplikaw l-acquis ta’ Schengen b’mod sħiħ, b’mod partikolari d-dati tal-bidu u tat-tmiem u l-ambitu tal-introduzzjoni mill-ġdid, sakemm ma jkunx hemm raġunijiet prevalenti ta’ sigurtà biex dan ma jsirx.

ARTIKOLU 31

Bażijiet tad-data tal-Unjoni

Skont dan il-Ftehim, l-awtoritajiet kompetenti tar-Renju Unit, fir-rigward ta’ Ġibiltà, ma għandux ikollhom aċċess għal sistemi ta’ informazzjoni u bażijiet ta’ data stabbiliti abbażi tad-dritt tal-Unjoni.

TITOLU II

QSIM TAL-FRUNTIERA

ARTIKOLU 32

Il-kontroll fil-fruntieri mill-awtoritajiet kompetenti tar-Renju Unit,
fir-rigward ta’ Ġibiltà

1.    Għall-finijiet ta’ dan il-Ftehim, l-awtoritajiet kompetenti tar-Renju Unit, fir-rigward ta’ Ġibiltà, għandhom jeżerċitaw kontroll fuq il-fruntiera, li jinkludi verifiki fuq il-fruntiera u sorveljanza fuq il-fruntiera, f’konformità mal-Att dwar l-Immigrazzjoni, l-Ażil u r-Refuġjati ta’ Ġibiltà, kif emendat jew sostitwit.

2.    Meta, wara verifiki fil-fruntieri mwettqa mir-Renju Unit, fir-rigward ta’ Ġibiltà, u mir-Renju ta’ Spanja kif imsemmi fl-Artikolu 29(2), l-awtoritajiet kompetenti tar-Renju Unit, fir-rigward ta’ Ġibiltà, ikollhom l-intenzjoni li jirrifjutaw id-dħul lil persuna u ma jkun hemm l-ebda rekwiżit li tittieħed azzjoni koerċittiva oħra f’konformità mal-Artikolu 34(3), huma għandhom jinformaw minnufih lill-awtoritajiet kompetenti tar-Renju ta’ Spanja fil-punt ta’ qsim tal-fruntiera u jeskortaw lill-persuna lejn iż-Żona ta’ Verifika tat-Tieni Linja, fejn l-awtoritajiet kompetenti tar-Renju ta’ Spanja għandhom jirrieżaminaw jekk il-kundizzjonijiet tad-dħul skont id-dritt tal-Unjoni humiex issodisfati, f’konformità mal-Artikolu CIRCPERS.33 u mingħajr preġudizzju għall-possibbiltà li r-Renju ta’ Spanja jawtorizza d-dħul b’applikazzjoni tal-Artikolu 6(5) tal-Kodiċi tal-Fruntieri ta’ Schengen.

3.    Fejn, abbażi tar-rieżami msemmi fil-paragrafu 2, isir evidenti għall-awtoritajiet kompetenti tar-Renju ta’ Spanja li l-persuna kkonċernata hija persuna li jkollha d-dritt ta’ moviment liberu skont id-dritt tal-Unjoni, inkluż benefiċjarju tad-drittijiet ta’ moviment liberu skont ftehimiet konklużi mill-Unjoni, jew ċittadin ta’ pajjiż terz li jkollu viża għal soġġorn twil jew permess ta’ residenza maħruġ minn Stat Membru li japplika l-acquis ta’ Schengen b’mod sħiħ, u li jissodisfa l-kundizzjonijiet tad-dħul u tas-soġġorn skont id-dritt tal-Unjoni, l-awtoritajiet kompetenti tar-Renju ta’ Spanja għandhom jippermettu lill-persuna tidħol fl-Istati Membri li japplikaw l-acquis ta’ Schengen b’mod sħiħ, mingħajr preġudizzju għall-possibbiltà li jittieħdu miżuri skont l-Artikolu 33(4)(c)(ii). L-awtoritajiet kompetenti tar-Renju Unit, fir-rigward ta’ Ġibiltà, għandhom jippermettu lil tali persuna tidħol fir-Renju ta’ Spanja jew fi Stat Membru li japplika l-acquis ta’ Schengen b’mod sħiħ.

ARTIKOLU 33

Il-kontroll fuq il-fruntieri mill-awtoritajiet kompetenti tar-Renju ta’ Spanja

1.    Għall-fini ta’ dan il-Ftehim, l-awtoritajiet kompetenti tar-Renju ta’ Spanja għandhom iwettqu kwalunkwe funzjoni li hija meħtieġa biex jeżerċitaw kontroll fuq il-fruntiera, inklużi verifiki fuq il-fruntiera u sorveljanza tal-fruntiera, kif stabbilit fil-Kodiċi tal-Fruntieri ta’ Schengen u kompiti relatati skont id-dritt tal-Unjoni.

2.    Il-verifiki fuq il-fruntiera għandhom jitwettqu fil-punti tal-qsim tal-fruntiera, stabbiliti fl-Artikolu 29(1), sabiex ikun żgurat li persuni, inklużi l-mezzi tat-trasport tagħhom u l-oġġetti fil-pussess tagħhom ikunu jistgħu jiġu awtorizzati jidħlu fit-territorju tar-Renju ta’ Spanja jew jitilqu minnu.

3.    Is-sorveljanza fuq il-fruntiera għandha titwettaq bejn il-punti ta’ qsim tal-fruntiera f’Ġibiltà inkluża s-sorveljanza tal-punti ta’ qsim tal-fruntiera barra mill-ħinijiet tal-ftuħ stabbiliti, biex ħadd ma jitħalla jevita l-verifiki fuq il-fruntieri u biex jipprevjenu jew jidentifikaw qsim mhux awtorizzat tal-fruntiera.

4.    Il-funzjonijiet kif imsemmija fil-paragrafu 1 għandhom jinkludu:

(a)    Funzjonijiet ta’ verifiki fuq il-fruntiera fost l-oħrajn jinkludu d-dritt li:

(i)    jitwettqu verifiki fuq il-fruntieri fuq persuni, inklużi verifiki tat-tieni linja, f’konformità mal-Kodiċi tal-Fruntieri ta’ Schengen;

(ii)    jiġi rrifjutat id-dħul lil ċittadini ta’ pajjiżi terzi li ma jissodisfawx il-kondizzjonijiet ta’ dħul stabbiliti fl-Artikolu 6(1) tal-Kodiċi tal-Fruntieri ta’ Schengen, minbarra persuni residenti f’Ġibiltà, u persuni li jappartjenu għall-kategoriji stabbiliti fl-Artikolu 6(5) tal-Kodiċi tal-Fruntieri ta’ Schengen. Meta ċ-ċittadin ta’ pajjiż terz li jkun ġie miċħud id-dħul ikun inġieb fil-fruntiera minn trasportatur u sakemm titkompla t-trasportazzjoni skont l-obbligi tat-trasportaturi msemmija fl-Artikolu 36, jittieħdu miżuri xierqa biex jipprevjenu liċ-ċittadin ta’ pajjiż terz li jkun ġie miċħud id-dħul milli jidħol illegalment;

(b)    Funzjonijiet ta’ sorveljanza fuq il-fruntiera fost l-oħrajn jinkludu d-dritt li:

(i)    jiġi impedit qsim mhux awtorizzat tal-fruntieri, u li jittieħdu miżuri kontra persuni li jkunu qasmu l-fruntiera illegalment, inkluż l-arrest ta’ tali persuni u l-iżgurar tar-ritorn tagħhom f’konformità mad-dispożizzjonijiet li jirrispettaw id-Direttiva 2008/115/KE tal-Parlament Ewropew u tal-Kunsill 5 ;

(ii)    titwettaq sorveljanza fuq il-fruntiera b’tali mod li tipprevjeni u tiskoraġġixxi lill-persuni milli jevitaw il-verifiki fil-punti ta’ qsim tal-fruntiera, permezz ta’ unitajiet stazzjonarji jew mobbli;

(c)    Funzjonijiet imwettqa kemm għal verifiki fuq il-fruntiera kif ukoll għal sorveljanza fuq il-fruntiera fost l-oħrajn jinkludu d-dritt għal:

(i)    użu ta’ sistemi tal-IT u sistemi ta’ informazzjoni li jipproċessaw data personali f’konformità mad-dritt nazzjonali, tal-Unjoni u internazzjonali, it-teħid tal-azzjonijiet ta’ segwitu jew l-azzjonijiet kollha meħtieġa li għandhom jittieħdu f’konformità mad-dritt nazzjonali, tal-Unjoni u internazzjonali u t-twaqqif tal-miżuri tekniċi u organizzattivi ta’ sigurtà meħtieġa mid-dritt nazzjonali, tal-Unjoni u internazzjonali biex jipproteġu d-data personali kontra l-qerda aċċidentali jew illegali jew it-telf aċċidentali, l-alterazzjoni u l-iżvelar jew l-aċċess mhux awtorizzati, inkluż l-aċċess minn awtoritajiet ta’ pajjiżi terzi;

(ii)    l-arrest, it-tiftix, id-detenzjoni, l-intervista, it-tqegħid ta’ persuna taħt protezzjoni, jew is-sekwestru jew it-tiftix ta’ proprjetà, fejn dan ikun iġġustifikat matul il-kontroll fuq il-fruntieri mwettaq mill-awtoritajiet kompetenti tar-Renju ta’ Spanja u f’konformità mad-dritt Spanjol, tal-Unjoni u internazzjonali;

(iii)    l-aċċettar ta’ applikazzjonijiet għall-protezzjoni internazzjonali ppreżentati minn kwalunkwe ċittadin ta’ pajjiż terz jew persuna apolida lill-awtoritajiet kompetenti tar-Renju ta’ Spanja.

5.    L-awtoritajiet kompetenti tar-Renju Unit, fir-rigward ta’ Ġibiltà, għandhom, fejn meħtieġ, jassistu lill-awtoritajiet kompetenti tar-Renju ta’ Spanja fl-eżerċizzju tal-funzjonijiet tagħhom imsemmija f’dan l-Artikolu u jiffaċilitaw l-eżerċizzju ta’ dawn il-funzjonijiet.

6.    L-arranġamenti amministrattivi bejn ir-Renju Unit, fir-rigward ta’ Ġibiltà, u r-Renju ta’ Spanja għandhom jistabbilixxu l-arranġamenti prattiċi dwar it-twettiq tad-dmirijiet tal-awtoritajiet kompetenti tar-Renju ta’ Spanja, l-aspetti ta’ kooperazzjoni operazzjonali relatati mal-kontroll fuq il-fruntieri u t-tqassim ta’ kif se jitwettqu l-verifiki fuq il-fruntieri fil-punti ta’ qsim tal-fruntiera.

ARTIKOLU 34

Azzjonijiet ta’ segwitu għall-verifiki fuq il-fruntieri — allerti fis-sistemi ta’ informazzjoni

1.    Fit-twettiq tal-kompiti f’konformità mal-Artikoli 32 u 33, l-awtoritajiet kompetenti tar-Renju Unit, fir-rigward ta’ Ġibiltà, u l-awtoritajiet kompetenti tar-Renju ta’ Spanja għandhom, rispettivament, isegwu l-allerti fil-bażijiet tad-data u fis-sistemi ta’ informazzjoni rispettivi tagħhom, f’konformità mad-dritt domestiku u tal-Unjoni applikabbli.

2.    Fejn l-allerti fil-bażijiet tad-data u s-sistemi ta’ informazzjoni rispettivi jeħtieġu li tittieħed azzjoni koerċittiva, il-persuna kkonċernata għandha tiġi skortata lejn iż-Żona ta’ Verfiki tat-Tieni Linja, bl-eċċezzjoni tas-sitwazzjoni skont it-tieni subparagrafu.

Meta jkun meħtieġ ġbir diskret ta’ informazzjoni abbażi ta’ allert f’bażi tad-data jew f’sistema ta’ informazzjoni mħaddma mill-awtoritajiet kompetenti tar-Renju Unit, fir-rigward ta’ Ġibiltà, u mill-awtoritajiet kompetenti tar-Renju ta’ Spanja, l-iskortar tal-persuna għaż-Żona ta’ Verifiki tat-Tieni Linja tista’ tipperikola n-natura diskreta ta’ kwalunkwe miżura li għandha tittieħed, l-awtorità li identifikat l-allert għandha tkun awtorizzata tiġbor kemm jista’ jkun informazzjoni matul il-verifiki ta’ rutina fuq il-fruntieri.

3.    Fejn tkun meħtieġa azzjoni koerċittiva abbażi ta’ allerti li jeżistu biss fil-bażijiet tad-data u fis-sistemi ta’ informazzjoni operati mir-Renju Unit, fir-rigward ta’ Ġibiltà, l-awtoritajiet kompetenti tar-Renju Unit, fir-rigward ta’ Ġibiltà, għandhom jieħdu l-azzjonijiet ta’ segwitu xierqa skont id-dritt domestiku applikabbli tar-Renju Unit, fir-rigward ta’ Ġibiltà.

4.    Meta tkun meħtieġa azzjoni koerċittiva abbażi ta’ allerti li jeżistu biss fil-bażijiet tad-data u fis-sistemi ta’ informazzjoni operati mir-Renju ta’ Spanja, l-awtoritajiet kompetenti tar-Renju ta’ Spanja għandhom jieħdu l-azzjonijiet ta’ segwitu xierqa skont id-dritt nazzjonali u tal-Unjoni.

5.    Meta tkun meħtieġa azzjoni koerċittiva għall-arrest jew għad-detenzjoni ta’ persuna abbażi tal-paragrafi 3 u 4, għandha tapplika l-proċedura li ġejja, kif xieraq:

(a)    Matul il-verifiki fuq il-fruntieri tad-dħul, il-persuna ma għandhiex toġġezzjona għall-arrest jew għad-detenzjoni; jew inkella l-persuna għandha tingħata l-għażla li ma titħalliex tidħol;

(b)    Matul il-verifiki fuq il-fruntieri tal-ħruġ, il-persuna ma għandhiex toġġezzjona għall-arrest jew għad-detenzjoni; jew inkella, il-persuna għandha tingħata l-għażla li tkun meħtieġa toħroġ.

6.    Meta tkun meħtieġa azzjoni koerċittiva kemm abbażi ta’ allerti eżistenti fil-bażijiet tad-data u fis-sistemi ta’ informazzjoni operati mill-awtoritajiet kompetenti tar-Renju Unit, fir-rigward ta’ Ġibiltà, kif ukoll dawk tar-Renju ta’ Spanja, l-awtoritajiet kompetenti tar-Renju Unit, fir-rigward ta’ Ġibiltà, u tar-Renju ta’ Spanja għandhom jaqblu dwar l-awtorità li tkun se twettaq l-azzjoni inkwistjoni jew li tkun se twettaqha l-ewwel, u, fejn xieraq, dwar kwalunkwe segwitu, bl-eċċezzjoni tas-sitwazzjonijiet skont il-paragrafi 7 u 9.

7.    Fejn tkun meħtieġa azzjoni koerċittiva għall-arrest u d-detenzjoni ta’ persuni jew is-sekwestru ta’ oġġetti kemm abbażi ta’ allerti eżistenti fil-bażijiet tad-data u fis-sistemi ta’ informazzjoni operati mill-awtoritajiet kompetenti tar-Renju Unit, fir-rigward ta’ Ġibiltà, kif ukoll mill-awtoritajiet kompetenti tar-Renju ta’ Spanja, u tali azzjoni koerċittiva tista’ titwettaq biss minn waħda minn dawn l-awtoritajiet, l-azzjoni għandha tittieħed mill-awtoritajiet kompetenti ta’ Spanja, f’konformità mal-liġi nazzjonali u tal-Unjoni applikabbli. Madankollu, f’każijiet eċċezzjonali, l-awtorità kompetenti rilevanti tista’ titlob is-sospensjoni tal-arrest u d-detenzjoni meta jkun hemm tħassib individwali dwar id-drittijiet tal-bniedem jew fejn ikun hemm obbligi internazzjonali konfliġġenti dwar l-estradizzjoni. F’każ bħal dan, il-kwistjonijiet iridu jiġu solvuti mill-awtoritajiet rilevanti qabel ma sseħħ kwalunkwe tneħħija.

8.    L-awtoritajiet kompetenti tar-Renju Unit, fir-rigward ta’ Ġibiltà, jew tar-Renju ta’ Spanja, għandhom jinnotifikaw lill-awtoritajiet kompetenti l-oħra bit-terminazzjoni tal-azzjoni koerċittiva mwettqa skont il-paragrafi 6 u 7 bil-ħsieb li l-awtoritajiet kompetenti l-oħra, fejn xieraq, u bl-eċċezzjoni tas-sitwazzjonijiet skont il-paragrafu 9, ikunu jistgħu jwettqu azzjoni ta’ segwitu abbażi tal-allerti eżistenti fil-bażijiet tad-data u fis-sistemi ta’ informazzjoni operati mill-awtoritajiet kompetenti.

9.    Meta azzjoni koerċittiva għall-arrest jew għad-detenzjoni tkun meħtieġa mill-awtoritajiet kompetenti tar-Renju ta’ Spanja, u l-persuna kkonċernata tkun persuna residenti f’Ġibiltà, l-azzjoni tista’ titwettaq biss mill-awtoritajiet kompetenti tar-Renju Unit, fir-rigward ta’ Ġibiltà. L-awtoritajiet kompetenti tar-Renju Unit, fir-rigward ta’ Ġibiltà għandhom, fuq talba mill-awtoritajiet kompetenti tar-Renju ta’ Spanja u wara li jirċievu tali informazzjoni li tkun meħtieġa biex tippermetti l-eżekuzzjoni legali tal-azzjoni koerċittiva, iwettqu l-azzjoni mitluba bil-ħsieb li jippermettu lir-Renju ta’ Spanja jieħu azzjoni ta’ segwitu li tkun se titwettaq abbażi ta’ allerti eżistenti f’bażijiet tad-data u sistemi ta’ informazzjoni operati mill-awtoritajiet kompetenti tiegħu. L-awtoritajiet kompetenti tar-Renju Unit, fir-rigward ta’ Ġibiltà, għandhom jinnotifikaw lill-awtoritajiet kompetenti tar-Renju ta’ Spanja bl-azzjoni koerċittiva mwettqa bil-ħsieb ta’ estradizzjoni rapida skont l-ewwel paragrafu.

10.    Fil-każijiet kollha ta’ arrest skont dan l-Artikolu, il-persuna għandha tingħata salvagwardji proċedurali xierqa qabel kwalunkwe deċiżjoni jew għażla.

11.    Dan l-Artikolu huwa mingħajr preġudizzju għall-obbligi tar-Renju Unit, fir-rigward ta’ Ġibiltà, u tar-Renju ta’ Spanja skont l-Istatut tal-Qorti Kriminali Internazzjonali.

ARTIKOLU 35

Azzjonijiet ta’ segwitu għall-kontroll tal-fruntieri — rifjuti ta’ dħul

1.    L-awtoritajiet kompetenti tar-Renju Unit, fir-rigward ta’ Ġibiltà, għandhom jinfurzaw rifjut ta’ dħul fir-rigward ta’ ċittadini ta’ pajjiżi terzi li ma jissodisfawx il-kundizzjonijiet għad-dħul skont id-dritt tar-Renju Unit, fir-rigward ta’ Ġibiltà, biss, f’konformità mal-Artikolu 32.

2.    L-awtoritajiet kompetenti tar-Renju ta’ Spanja għandhom jinfurzaw ċaħda ta’ dħul fir-rigward ta’ ċittadini ta’ pajjiżi terzi li ma jissodisfawx il-kondizzjonijiet ta’ dħul taħt il-liġi tal-Unjoni, biss, f’konformità mal-Artikolu 33(4)(a)(ii), u li ma ġewx awtorizzati jidħlu f’applikazzjoni tal-Artikolu 6(5) tal-Kodiċi tal-Fruntieri ta’ Schengen.

3.    L-awtoritajiet kompetenti tar-Renju Unit, fir-rigward ta’ Ġibiltà, u tar-Renju ta’ Spanja, għandhom jinfurzaw b’mod konġunt rifjut ta’ dħul fir-rigward ta’ ċittadini ta’ pajjiżi terzi li ma jissodisfawx il-kundizzjonijiet tad-dħul kemm skont id-dritt tar-Renju Unit, fir-rigward ta’ Ġibiltà, kif ukoll skont id-dritt tal-Unjoni, f’konformità mal-Artikoli CIRCPERS.32 u CIRCPERS.33(4)(a)(ii).

4.    Ir-rifjuti ta’ dħul f’konformità ma’ dan l-Artikolu għandhom jiġu infurzati wara kwalunkwe azzjoni li setgħet ittieħdet bħala segwitu għal allert eżistenti fil-bażijiet tad-data u fis-sistemi ta’ informazzjoni tal-awtoritajiet kompetenti tar-Renju Unit, fir-rigward ta’ Ġibiltà, u tar-Renju ta’ Spanja f’konformità mal-Artikolu 34.

ARTIKOLU 36

Responsabbiltà tat-Trasportaturi

L-Artikolu 26 tal-Konvenzjoni li Timplimenta l-Ftehim ta’ Schengen u d-Direttiva tal-Kunsill 2001/51/KE tat-28 ta’ Ġunju 2001 6 għandhom japplikaw għar-Renju Unit, fir-rigward ta’ Ġibiltà, u f’Ġibiltà, għat-trasport lejn Ġibiltà bil-baħar jew bl-ajru minn pajjiż terz ta’ persuni għajr ċittadini tal-Unjoni, ċittadini tal-Iżlanda, ir-Renju tan-Norveġja, il-Konfederazzjoni Żvizzera, il-Prinċipat tal-Liechtenstein, u ċittadini tal-Prinċipat ta’ Andorra u r-Repubblika ta’ San Marino wara d-dħul fis-seħħ ta’ ftehimiet li jikkonferixxu tali ċittadini bi drittijiet ta’ moviment liberu, ċittadini ta’ pajjiżi terzi li ma jkollhomx id-dokumenti tal-ivvjaġġar meħtieġa għad-dħul fl-Istati Membri ħlief l-Irlanda.

Għandu japplika l-Artikolu 19.

ARTIKOLU 37

Informazzjoni bil-Quddiem dwar il-Passiġġieri

Ir-Renju Unit, fir-rigward ta’ Ġibiltà, għandu jiżgura li t-trasportaturi jittrasferixxu l-Informazzjoni bil-Quddiem dwar il-Passiġġieri (Advance Passenger Information, API) dwar titjiriet li joriġinaw barra miż-żona Schengen u li jaslu fl-ajruport lill-awtoritajiet tar-Renju ta’ Spanja. Id-data tal-API kif ukoll it-trasferiment tagħha għandhom jikkonformaw mar-rekwiżiti tad-Direttiva tal-Kunsill 2004/82/KE 7 .

Għandu japplika l-Artikolu 19.

ARTIKOLU 38

Id-dħul u l-ħruġ ta’ forzi mhux residenti tar-Renju Unit,
il-komponent ċivili tagħhom, il-membri tal-familja tagħhom li jagħmlu parti mill-unità domestika
u forzi mistiedna ta’ pajjiżi terzi

1.    Bil-kondizzjonijiet speċifikati fil-paragrafu 2 u soġġett għall-konformità mal-formalitajiet stabbiliti f’dan il-Ftehim relatati mad-dħul u l-ħruġ ta’ membri tal-Forzi mhux residenti tar-Renju Unit jew ta’ forzi mistiedna ta’ pajjiżi terzi, tali persuni għandhom ikunu eżentati mir-regolamenti dwar il-passaporti u l-viża u l-verifiki fuq il-fruntieri ta’ Schengen f’konformità mal-Artikolu 33 fil-punti ta’ qsim tal-fruntiera ta’ Schengen imsemmija fl-Artikolu 29(1), iżda ma għandhomx jitqiesu bħala li jiksbu xi dritt għal residenza jew domiċilju permanenti fiż-żona Schengen.

2.    Għandhom ikunu meħtieġa d-dokumenti li ġejjin biss għar-reġistrazzjoni ta’ membri tal-Forzi mhux residenti tar-Renju Unit jew ta’ forzi mistiedna ta’ pajjiżi terzi, li jridu jiġu ppreżentati fil-punti ta’ qsim tal-fruntiera ta’ Schengen:

(a)    karta tal-identità personali maħruġa mill-Ministeru tad-Difiża tar-Renju Unit jew mill-Ministeru tad-Difiża tal-forza tal-pajjiż terz viżitatur li turi l-ismijiet, id-data tat-twelid, il-grad u n-numru (jekk ikun hemm), is-servizz, u ritratt;

(b)    ordni ta’ moviment individwali jew kollettiv, bil-lingwa Spanjola u Ingliża, maħruġa mill-Ministeru tad-Difiża tar-Renju Unit u li tiċċertifika l-istatus tal-individwu jew tal-grupp bħala membru jew membri ta’ Forza mhux residenti tar-Renju Unit jew ta’ forza mistiedna tal‑pajjiż terz u tal-moviment ordnat;

Kwalunkwe data miġbura għall-finijiet ta’ dan il-paragrafu għandha tintuża esklużivament għas-sigurtà tal-fruntieri fil-punti ta’ qsim tal-fruntiera stabbiliti skont l-Artikolu CIRCPERS.29.

3.    Fir-rigward tad-dħul u l-ħruġ tal-Forzi mhux residenti tar-Renju Unit, ta’ dawk id-detenturi ta’ permess ta’ residenza li huma intitolati għad-dispożizzjoni fl‑Artikolu 50(13) u 51(12), ta’ forzi mistiedna ta’ pajjiżi terzi u tal-komponent ċivili li jaslu u joħorġu abbord inġenji tal-ajru tal-Istat jew bastimenti tal-Istat, ir-Renju Unit għandu jagħmel l-informazzjoni disponibbli meħtieġa għall-identifikazzjoni ta’ tali persuni għar-Renju ta’ Spanja. L-identifikazzjoni ta’ dawn il-persuni mal-wasla jew mat-tluq għandha ssir mill-Uffiċjali ta’ Kollegament maħtura f’konformità ma’ arranġament amministrattiv bejn ir-Renju ta’ Spanja u r-Renju Unit. Il-membri tal-familja li jiffurmaw parti mill-unità domestika għandhom jiġu diretti lejn il-punti ta’ qsim tal-fruntiera.

4.    Bil-kundizzjonijiet speċifikati fil-paragrafu 5 u soġġett għall-konformità mal-formalitajiet stabbiliti f’dan il-Ftehim relatati mad-dħul u l-ħruġ tal-membri tal-komponent ċivili tal-Forzi mhux residenti tar-Renju Unit u l-membri tal-familja li jiffurmaw parti mill-unità domestika, tali persuni għandhom ikunu eżentati mir-regolamenti dwar il-passaport u l-viża u l-ispezzjoni tal-immigrazzjoni fil-verifiki fuq il-fruntieri ta’ Schengen f’konformità mal-Artikolu 33 fil-punti ta’ qsim tal-fruntiera ta’ Schengen imsemmija fl-Artikolu 29(1), iżda ma għandhomx jitqiesu li jiksbu xi dritt għal residenza jew domiċilju permanenti fiż-żona Schengen.

5.    Għandhom ikunu meħtieġa d-dokumenti li ġejjin biss għar-reġistrazzjoni tal-membri tal-komponent ċivili tal-Forzi mhux residenti tar-Renju Unit u tal-membri tal-familja li jiffurmaw parti mill-unità domestika li huma ċittadini tar-Renju Unit jew li għandhom id-dritt ta’ residenza fir-Renju Unit jew fiż-Żona Komuni għall-Ivvjaġġar. Dawn għandhom jiġu ppreżentati fil-punti ta’ qsim tal-fruntiera ta’ Schengen imsemmija fl-Artikolu 29(1):

(a)    passaport validu tar-Renju Unit jew dokument tal-ivvjaġġar jew permess ta’ residenza validu tar-Renju Unit;

(b)    ordni ta’ moviment individwali jew kollettiv, bil-lingwa Spanjola u Ingliża, maħruġa mill-Ministeru tad-Difiża tar-Renju Unit u li tiċċertifika l-istatus tal-individwu jew tal-grupp bħala membru jew membri tal-komponent ċivili tal-Forzi mhux residenti tar-Renju Unit jew membri tal-familja li jiffurmaw parti mill-unità domestika, u għall-moviment ordnat;

Kwalunkwe data miġbura għall-finijiet ta’ dan il-paragrafu għandha tintuża esklużivament għas-sigurtà tal-fruntieri fil-punti ta’ qsim tal-fruntiera msemmija fl-Artikolu 29(1).

6.    Il-membri tal-komponent ċivili jew il-membri tal-familja li jiffurmaw parti mill-unità domestika li mhumiex ċittadini tar-Renju Unit jew li ma għandhomx id-dritt ta’ residenza fir-Renju Unit jew fiż-Żona Komuni għall-Ivvjaġġar għandhom ikunu soġġetti għal verifiki fuq il-fruntieri ta’ Schengen kif previst fl-Artikolu 33. Dawn il-persuni ma għandhomx jgħaddu minn verifiki addizzjonali fuq il-fruntieri ta’ Schengen biex joħorġu jew jidħlu fi Stat Membru li japplika l-acquis ta’ Schengen skont il-paragrafu 7 dment li d-dħul jew il-ħruġ tagħhom ikun ġie awtorizzat skont dan il-paragrafu.

7.    Dawk il-membri tal-Forzi mhux residenti tar-Renju Unit, ta’ forzi mistiedna ta’ pajjiżi terzi, tal-komponent ċivili u l-membri tal-familja li jiffurmaw parti mill-unità domestika tagħhom, li jixtiequ joħorġu jew jidħlu fi Stat Membru li japplika l-acquis ta’ Schengen b’mod sħiħ għandhom ikunu soġġetti għall-verifiki fuq il-fruntieri ta’ Schengen f’konformità mal-Artikolu 33 fil-punti ta’ qsim tal-fruntiera ta’ Schengen imsemmija fl-Artikolu 29(1). Ir-Renju Unit u r-Renju ta’ Spanja għandhom jinfurmaw lil dawn il-persuni bl-obbligu li jgħaddu minn tali verifiki u bil-possibbiltà li jistgħu jkunu soġġetti għal azzjoni dixxiplinari jekk jonqsu milli jagħmlu dan, mingħajr preġudizzju għall-applikazzjoni tal-atti tal-Unjoni li jirregolaw ir-ritorn ta’ ċittadini ta’ pajjiżi terzi li jkunu qegħdin fil-pajjiż illegalment. Unitajiet jew formazzjonijiet kostitwiti regolarment ma għandhomx jitħallew jidħlu jew joħorġu miż-żona Schengen mill-punti ta’ qsim tal-fruntiera msemmija fl-Artikolu 29(1).

TITOLU III

SALVAGWARDJI

KAPITOLU 1

RESIDENZA F’ĠIBILTÀ,
REGOLI SPEĊJALI, ĦRUĠ TA’ PERMESSI TA’ RESIDENZA U TA’ VIŻI

ARTIKOLU 39

Kamp ta’ applikazzjoni

Għall-fini ta’ dan il-Kapitolu, ir-referenzi għall-Istati Membri għandhom jinftiehmu bħala referenzi għall-Istati Membri kollha ħlief l-Irlanda.

ARTIKOLU 40

Relazzjoni mal-liġi tal-UE

Dan il-Ftehim għandu jkun mingħajr preġudizzju għal kwalunkwe dritt jew obbligu li persuni residenti f’Ġibiltà jista’ jkollhom skont id-dritt tal-Unjoni.

ARTIKOLU 41

Vjaġġar mingħajr viża

1.    Iċ-ċittadini tal-Unjoni, il-membri tal-familja tagħhom minn pajjiżi terzi li jkollhom karta ta’ residenza skont id-Direttiva 2004/38/KE tal-Parlament Ewropew u tal-Kunsill, u ċ-ċittadini ta’ pajjiżi terzi li jirrisjedu legalment fl-Istati Membri li japplikaw l-acquis ta’ Schengen b’mod sħiħ jistgħu jidħlu u jibqgħu f’Ġibiltà mingħajr viża għal perjodu massimu ta’ 90 jum fi kwalunkwe perjodu ta’ 180 jum.

Persuni residenti f’Ġibiltà jistgħu jidħlu u jibqgħu, mingħajr viża għal perjodu massimu ta’ 90 jum fi kwalunkwe perjodu ta’ 180 jum, fit-territorju tal-Istati Membri li japplikaw l-acquis ta’ Schengen b’mod sħiħ.

Għal dħul u soġġorn mingħajr viża għal perjodu massimu ta’ 90 jum fi kwalunkwe perjodu ta’ 180 jum fit-territorju ta’ Stati Membri minbarra dawk li japplikaw l-acquis ta’ Schengen b’mod sħiħ, il-perjodu awtorizzat tas-soġġorn għandu jiġi kkalkulat separatament għal kull wieħed minn dawn l-Istati Membri.

2.    Minkejja t-tieni subparagrafu tal-paragrafu 1, kull Stat Membru jista’ jiddeċiedi li jimponi rekwiżit ta’ viża fuq persuni residenti f’Ġibiltà li jivvjaġġaw bl-għan li jwettqu attività bi ħlas.

Minkejja l-ewwel subparagrafu tal-paragrafu 1, għall-persuni msemmija f’dak is-subparagrafu, ir-Renju Unit, fir-rigward ta’ Ġibiltà, jista’ jiddeċiedi li jimponi rekwiżit ta’ viża fuq tali persuni li jivvjaġġaw għall-finijiet ta’ twettiq ta’ attività bi ħlas.

ARTIKOLU 42

Faċilitazzjonijiet fuq il-fruntieri esterni

1.    Meta jinqasmu l-fruntieri esterni ta’ Stat Membru, inklużi l-punti ta’ qsim tal-fruntiera msemmija fl-Artikolu 29(1), id-dokumenti tal-ivvjaġġar ta’ persuni residenti f’Ġibiltà ma għandhomx jiġu ttimbrati għad-dħul jew għal-ħruġ.

Persuni residenti f’Ġibiltà għandhom ikunu eżentati mir-rekwiżiti tas-Sistema ta’ Dħul/Ħruġ.

2.    Meta jaqsmu l-fruntieri esterni ta’ Stat Membru, inklużi l-punti ta’ qsim tal-fruntiera msemmija fl-Artikolu 29(1), persuni residenti f’Ġibiltà għandhom ikunu eżentati mir-rekwiżit li jkunu fil-pussess ta’ awtorizzazzjoni għall-ivvjaġġar valida skont ir-Regolament (UE) 2018/1240 tal-Parlament Ewropew u tal-Kunsill 8 .

ARTIKOLU 43

Dħul f’Ġibiltà

1.    Persuni residenti f’Ġibiltà ma għandhomx ikunu soġġetti għal verifiki fir-rigward tal-issodisfar tal-kundizzjonijiet stabbiliti fil-punt (c) tal-Artikolu 6(1) tal-Kodiċi tal-Fruntieri ta’ Schengen fil-punti ta’ qsim tal-fruntiera stabbiliti skont l-Artikolu CIRCPERS.29 (1), għall-finijiet tad-dħul f’Ġibiltà.

2.    Il-persuni residenti f’Ġibiltà li ma jissodisfawx il-kundizzjonijiet l-oħra tad-dħul stabbiliti fl-Artikolu 6(1) tal-Kodiċi tal-Fruntieri ta’ Schengen, fi kwalunkwe każ ma għandhomx jinżammu milli jaqsmu l-punti ta’ qsim tal-fruntiera stabbiliti skont l-Artikolu 29(1) għall-finijiet tad-dħul f’Ġibiltà.

ARTIKOLU 44

Dħul fl-Istati Membri għal skopijiet ta’ tranżitu

Persuni residenti f’Ġibiltà li ma jissodisfawx il-kondizzjonijiet ta’ dħul kollha stabbiliti fl-Artikolu 6(1) tal-Kodiċi tal-Fruntieri ta’ Schengen għandhom ikunu awtorizzati jidħlu fit-territorju tal-Istati Membri għal finijiet ta’ transitu sabiex ikunu jistgħu jaslu Ġibiltà, sakemm isimhom ma jkunx fuq il-lista nazzjonali ta’ allerti tal-Istat Membru li tiegħu jkunu qed jippruvaw jaqsmu l-fruntieri esterni u l-allert ma jkunx akkumpanjat minn struzzjonijiet biex jiġi rrifjutat id-dħul jew it-tranżitu.

ARTIKOLU 45

Dritt ta’ residenza f’Ġibiltà

1.    Dritt legali ta’ residenza f’Ġibiltà għandu jiġi ppruvat abbażi ta’ persuna li jkollha karta tal-identità valida jew permess ta’ residenza validu maħruġ f’Ġibiltà mill-awtoritajiet kompetenti tar-Renju Unit, fir-rigward ta’ Ġibiltà, u soġġett għall-kundizzjonijiet stabbiliti f’dan l-Artikolu.

2.    Ir-Renju Unit, fir-rigward ta’ Ġibiltà, għandu jiżgura li l-karti tal-identità u l-permessi ta’ residenza maħruġa f’Ġibiltà jinħarġu biss lil persuni li jissodisfaw il-kundizzjonijiet għall-intitolament għal tali karta tal-identità jew permess ta’ residenza stabbiliti fil-leġiżlazzjoni fis-seħħ fid-data tad-dħul fis-seħħ ta’ dan il-Ftehim.

3.    Ir-Renju Unit, fir-rigward ta’ Ġibiltà, għandu jiżgura li l-kundizzjonijiet għall-intitolament għal karta tal-identità maħruġa f’Ġibiltà fil-leġiżlazzjoni msemmija fil-paragrafu 2 ikunu konsistenti mad-dritt internazzjonali.

4.    Ir-Renju Unit, fir-rigward ta’ Ġibiltà, għandu jinforma lill-Kunsill ta’ Kooperazzjoni kull meta jiġi propost li jsiru bidliet fil-kundizzjonijiet fil-leġiżlazzjoni msemmija fil-paragrafu 2 wara d-data tad-dħul fis-seħħ ta’ dan il-Ftehim. Il-Kunsill ta’ Kooperazzjoni għandu, fi żmien xahar minn meta jiġi infurmat b’dan, jipprovdi l-opinjoni tiegħu dwar jekk dawn il-bidliet humiex kompatibbli jew le ma’ dan il-Ftehim. Tali bidliet ma għandhomx, fi kwalunkwe każ, jagħmluha possibbli għal persuna li tkun tista’ tikseb:

(a)    karta tal-identità maħruġa f’Ġibiltà, abbażi ta’ residenza preċedenti f’Ġibiltà, sakemm ma kinitx residenti f’Ġibiltà għal perjodu kontinwu ta’ mill-inqas għaxar snin immedjatament qabel id-data tal-applikazzjoni għall-karta;

(b)    permess ta’ residenza maħruġ f’Ġibiltà sakemm ma tkunx kapaċi turi konnessjoni ġenwina ma’ Ġibiltà.

5.    Il-kundizzjoni fil-punt (b) tal-paragrafu 4 għandha tiġi stabbilita fuq il-bażi li persuna tkun tista’ turi preżenza fiżika attwali u regolari f’Ġibiltà fuq perjodu ta’ żmien xieraq jew fuq il-bażi ta’ kriterji oġġettivi u verifikabbli oħrajn.

6.    Il-kundizzjonijiet għall-intitolament għal karta tal-identità maħruġa mill-awtoritajiet kompetenti tar-Renju Unit fir-rigward ta’ Ġibiltà fuq bażi għajr residenza preċedenti kif ukoll il-kundizzjoni għall-intitolament għal permess ta’ residenza msemmi fil-punt (b) tal-paragrafu 4 ma għandhomx jiġu ssodisfati:

(a)    fuq il-bażi ta’ investimenti predeterminati li jkunu saru fl-ekonomija jew fil-proprjetà immobbli ta’ Ġibiltà; jew

(b)    bħala riżultat ta’ kwalunkwe pagamenti finanzjarji predeterminati li jkunu saru lill-awtoritajiet ta’ Ġibiltà.

7.    Soġġett biss għall-Artikolu 52, ir-Renju Unit, fir-rigward ta’ Ġibiltà, għandu jiżgura li l-permessi ta’ residenza maħruġa f’Ġibiltà jinħarġu jew jiġġeddu biss f’konformità mal-proċedura stabbilita fl-Artikoli 50 u 51.

8.    Permessi ta’ residenza maħruġa lil persuni li ma jkunux għadhom jissodisfaw il-kundizzjonijiet fil-punt (b) tal-paragrafu 4 għandhom jiġu rtirati.

ARTIKOLU 46

Notifika mtejba għal persuni residenti f’Ġibiltà

1.    Ir-Renju Unit, fir-rigward ta’ Ġibiltà, għandu jirrieżamina regolarment ir-riskji potenzjali li jirriżultaw mill-possibbiltà li persuni residenti f’Ġibiltà jivvjaġġaw lejn it-territorju tal-Istati Membri fejn l-acquis ta’ Schengen jiġi applikat bis-sħiħ, u għandu regolarment, u mill-inqas, kull 3 xhur, jipprovdi tali valutazzjoni tar-riskju lir-Renju ta’ Spanja. Fit-twettiq ta’ tali valutazzjoni tar-riskju, ir-Renju Unit, fir-rigward ta’ Ġibiltà, għandu jqis l-informazzjoni rilevanti kollha għad-dispożizzjoni tiegħu, inkluż b’rabta mal-infurzar u l-investigazzjonijiet u l-operazzjonijiet kontra t-terroriżmu.

Meta r-Renju Unit, fir-rigward ta’ Ġibiltà, ikollu raġunijiet biex iqis li persuna residenti f’Ġibiltà tista’ tkun ta’ theddida serja għall-ordni pubbliku jew għas-sigurtà interna, għas-saħħa pubblika jew għar-relazzjonijiet internazzjonali ta’ Stat Membru, huwa għandu jinforma lir-Renju ta’ Spanja mingħajr dewmien billi jistabbilixxi r-raġunijiet li fuqhom tkun ibbażata dik il-valutazzjoni.

L-Artikolu 6(1) ma għandux japplika għall-iskambju ta’ informazzjoni skont it-tieni subparagrafu.

2.    Jekk, abbażi ta’ informazzjoni riċevuta skont il-paragrafu 1, jew abbażi ta’ kwalunkwe informazzjoni oħra, ir-Renju ta’ Spanja jqis li persuna residenti f’Ġibiltà tikkostitwixxi theddida serja biżżejjed għall-ordni pubbliku jew għas-sigurtà interna, is-saħħa pubblika jew ir-relazzjonijiet internazzjonali tagħha, u għal dawn ir-raġunijiet jiddeċiedi li l-individwu huwa pprojbit milli jitlaq minn Ġibiltà biex jivvjaġġa lejn it-territorju tal-Istati Membri li japplikaw l-acquis ta’ Schengen b’mod sħiħ, huwa għandu jinnotifika lill-awtoritajiet tar-Renju Unit, fir-rigward ta’ Ġibiltà, b’dik il-projbizzjoni.

In-notifika għandha tistabbilixxi r-raġunijiet għall-projbizzjoni, kif ukoll il-mezzi li bihom il-persuna kkonċernata tista’ tappella l-projbizzjoni quddiem qorti nazzjonali tar-Renju ta’ Spanja. Il-preżentazzjoni ta’ appell ma għandhiex tkun meħtieġa jkollha effett sospensiv fuq deċiżjoni li tipprojbixxi d-dħul.

L-Artikolu 6(1) ma għandux japplika għall-iskambju ta’ informazzjoni skont it-tieni subparagrafu.

3.    Meta r-Renju Unit, fir-rigward ta’ Ġibiltà, ikun irċieva notifika msemmija fil-paragrafu 2, huwa għandu:

(a)    jinforma lill-persuna kkonċernata dwar in-notifika u l-kontenut tagħha;

(b)    jieħu l-passi kollha meħtieġa biex jipprevjeni l-ivvjaġġar ipprojbit lejn iż-żona Schengen, inkluż permezz tal-kooperazzjoni tal-pulizija u ġudizzjarja mar-Renju ta’ Spanja.

4.    Dan l-Artikolu ma għandux japplika għal:

(a)    membri tal-familja ta’ ċittadini tal-Unjoni, irrispettivament min-nazzjonalità tagħhom, imsemmija fl-Artikoli 2 u 3 tad-Direttiva 2004/38/KE;

(b)    il-membri tal-familja, irrispettivament min-nazzjonalità tagħhom, ta’ ċittadini tal-Iżlanda, tal-Prinċipat tal-Liechtenstein, tar-Renju tan-Norveġja, tal-Konfederazzjoni Żvizzera, tal-Prinċipat ta’ Andorra u tar-Repubblika ta’ San Marino, li skont ftehimiet konklużi mill-Unjoni jgawdu minn drittijiet ta’ moviment liberu ekwivalenti għal dawk imsemmija fil-punt (a).

ARTIKOLU 47

Viżi għal soġġorn qasir fir-rigward ta’ Ġibiltà

1.    Ċittadini ta’ pajjiżi terzi li huma meħtieġa jkollhom viża għal soġġorn qasir biex jidħlu u jibqgħu fl-Istati Membri f’konformità mad-dritt tal-Unjoni għandhom ikunu meħtieġa wkoll li jkollhom viża biex jidħlu u jibqgħu f’Ġibiltà.

2.    Ċittadini ta’ pajjiżi terzi eżentati mir-rekwiżit li jkunu fil-pussess ta’ viża għal soġġorn qasir biex jidħlu u jibqgħu fl-Istati Membri f’konformità mad-dritt tal-Unjoni ma għandhomx ikunu meħtieġa jkunu fil-pussess ta’ viża biex jidħlu u jibqgħu f’Ġibiltà.

3.    Il-viżi għal soġġorn qasir maħruġa f’konformità mad-dritt tal-Unjoni, b’mod partikolari r-Regolamenti (KE) Nru 810/2009 tal-Parlament Ewropew u tal-Kunsill 9 u (UE) 2018/1806 tal-Parlament Ewropew u tal-Kunsill 10 , għandhom ikunu validi wkoll għad-dħul u s-soġġorn f’Ġibiltà għal perjodu massimu ta’ 90 jum fi kwalunkwe perjodu ta’ 180 jum. Fejn l-għan ewlieni huwa li wieħed jibqa’ f’Ġibiltà, ir-Renju ta’ Spanja, l-Istat Membru ġar, għandu joħroġ il-viża.

4.    Ir-Renju ta’ Spanja għandu jinnotifika lir-Renju Unit, fir-rigward ta’ Ġibiltà, meta jkollu l-ħsieb joħroġ viża skont it-tieni sentenza tal-paragrafu 3. Meta r-Renju Unit, fir-rigward ta’ Ġibiltà, jikkunsidra li ma għandhiex tinħareġ viża skont it-tieni sentenza tal-paragrafu 3, minħabba raġunijiet serji biżżejjed li jappartjenu għall-ordni pubbliku, is-sigurtà interna jew is-saħħa pubblika, inkluż abbażi ta’ allert maħruġ f’Ġibiltà, ir-Renju Unit għandu jinforma lir-Renju ta’ Spanja. F’dak il-każ, kwalunkwe viża maħruġa mir-Renju ta’ Spanja, b’deroga mill-paragrafu 3, ma għandhiex tkun valida għad-dħul u s-soġġorn f’Ġibiltà, u għandha tkun immarkata fit-taqsima “kummenti” tal-viża. L-Artikolu 6(1) ma għandux japplika għan-notifiki skont dan il-paragrafu.

5.    Viżi minbarra dawk maħruġa skont il-paragrafu 3 u skont l-Artikolu 47 ma għandhomx ikunu validi għad-dħul u s-soġġorn f’Ġibiltà.

ARTIKOLU 48

Viżi eċċezzjonali għall-fruntieri esterni fir-rigward ta’ Ġibiltà

1.    Dan l-Artikolu japplika meta, wara li jsiru l-verifiki fuq il-fruntieri, persuna li ma jkollhiex viża valida meħtieġa biex tidħol f’Ġibiltà jew fl-Istati Membri, tesprimi x-xewqa li tidħol u tibqa’ f’Ġibiltà biss.

2.    Fil-każ imsemmi fil-paragrafu 1, l-awtoritajiet kompetenti tar-Renju Unit, fir-rigward ta’ Ġibiltà, jistgħu b’mod eċċezzjonali joħorġu viża għal soġġorn qasir fil-punti ta’ qsim tal-fruntieri esterni stabbiliti skont l-Artikolu 29(1) meta jkun hemm raġunijiet konvinċenti biex isir dan għal raġunijiet umanitarji, jekk jiġu ssodisfati l-kundizzjonijiet li ġejjin:

(a)    l-applikant jissottometti dokumenti ta’ sostenn jew evidenza oħra li tissostanzja raġunijiet imprevedibbli u imperattivi għad-dħul għal raġunijiet umanitarji;

(b)    l-applikant jissodisfa l-kundizzjonijiet għad-dħul, għajr il-konformità ma’ waħda jew aktar mill-kundizzjonijiet li ġejjin:

(i)    ikollu viża, meħtieġa mill-awtoritajiet kompetenti tar-Renju Unit, fir-rigward ta’ Ġibiltà, u mill-awtoritajiet kompetenti tar-Renju ta’ Spanja;

(ii)    ikun qagħad fit-territorju tal-Istati Membri għal mhux aktar minn 90 jum fi kwalunkwe perjodu ta’ 180 jum;

(iii)    ikun fil-pussess ta’ dokument tal-ivvjaġġar validu li jintitola lid-detentur jaqsam il-fruntiera u li jissodisfa l-kriterji li ġejjin:

a)    il-validità tiegħu taqbeż b’mill-inqas 3 xhur wara d-data prevista tat-tluq;

b)    ikun inħareġ fl-10 snin preċedenti; u

(c)    ir-ritorn tal-applikant lejn il-pajjiż tal-oriġini tiegħu jew tar-residenza jew tat-tranżitu minn Stati li mhumiex Stati Membri li japplikaw l-acquis ta’ Schengen b’mod sħiħ ikun ivvalutat bħala ċert.

3.    Viża maħruġa eċċezzjonalment fil-fruntieri esterni skont il-paragrafu 2 għandha tkun valida biss għat-territorju ta’ Ġibiltà, u tintitola lid-detentur jibqa’ hemm għal tul ta’ żmien massimu ta’ 15-il jum, skont l-iskop u l-kundizzjonijiet tas-soġġorn intenzjonat. Il-perjodu tad-durata tas-soġġorn jista’ sussegwentement jiġi estiż b’massimu ta’ 15-il jum jekk l-awtoritajiet kompetenti tar-Renju Unit, fir-rigward ta’ Ġibiltà, jikkunsidraw li d-detentur tal-viża jkun ipprovda prova ta’ force majeure jew raġunijiet umanitarji li ma ħallewx jitlaq. Ma għandux jagħti lid-detentur id-dritt li jidħol fit-territorju tal-Istati Membri.

4.    Meta r-Renju ta’ Spanja jikkunsidra li ma għandhiex tinħareġ viża jew tiġi estiża f’konformità mal-paragrafi 2 u 3 minħabba li hemm raġunijiet serji biżżejjed li jappartjenu għall-ordni pubbliku, is-sigurtà interna jew is-saħħa pubblika, inkluż abbażi ta’ allert maħruġ fis-Sistema ta’ Informazzjoni ta’ Schengen, huwa għandu jinforma lir-Renju Unit, fir-rigward ta’ Ġibiltà, bl-oġġezzjoni tiegħu għall-ħruġ ta’ tali viża. F’dak il-każ, ir-Renju Unit, fir-rigward ta’ Ġibiltà, għandu jżomm lura milli joħroġ viża fil-fruntieri esterni f’konformità mal-paragrafu 2.

5.    Meta r-Renju Unit, fir-rigward ta’ Ġibiltà, jiddeċiedi li joħroġ jew jestendi viża f’konformità mal-paragrafi 2 jew 3, huwa għandu jippermetti lill-awtoritajiet kompetenti tar-Renju ta’ Spanja jirreġistraw id-data tal-applikant, inklużi l-identifikaturi bijometriċi, li hija meħtieġa għall-ħruġ jew l-estensjoni tal-viża f’konformità mad-dritt tal-Unjoni, b’mod partikolari mad-dispożizzjonijiet tar-Regolament (UE) 2018/1806 tal-Parlament Ewropew u tal-Kunsill, tar-Regolament (KE) Nru 810/2009 tal-Parlament Ewropew u tal-Kunsill u tar-Regolament (KE) Nru 767/2008 tal-Parlament Ewropew u tal-Kunsill 11 . Ir-Renju ta’ Spanja għandu jdaħħal din id-data fis-Sistema ta’ Informazzjoni dwar il-Viża, filwaqt li jżid informazzjoni li tindika li l-viża nħarġet b’validità territorjali limitata għat-territorju ta’ Ġibiltà skont dan l-Artikolu.

6.    L-għadd ta’ viżi skont il-paragrafu 2 ma għandux jaqbeż l-15 f’kull sena kalendarja. Dak l-għadd ta’ viżi maħruġa kull sena kalendarja jista’ jiġi emendat b’deċiżjoni tal-Kunsill ta’ Kooperazzjoni.

7.    Il-Viżi maħruġa skont il-paragrafu 2 għandhom jinħarġu f’format li għandu jiġi ddeterminat mill-awtoritajiet kompetenti tar-Renju Unit, fir-rigward ta’ Ġibiltà. Ir-Renju Unit, fir-rigward ta’ Ġibiltà, għandu jipprovdi lir-Renju ta’ Spanja b’kampjuni ta’ tali viżi u kwalunkwe modifika sussegwenti għalihom għal finijiet ta’ informazzjoni.

ARTIKOLU 49

Viżi għal soġġorn twil validi għal Ġibiltà

Ma għandhomx jinħarġu viżi għal soġġorn twil validi għal Ġibiltà.

ARTIKOLU 50

Permessi ta’ residenza fir-rigward ta’ Ġibiltà

1.    L-awtoritajiet kompetenti tar-Renju Unit, fir-rigward ta’ Ġibiltà, għandhom ikunu responsabbli għall-ħruġ jew għat-tiġdid ta’ permessi ta’ residenza fir-rigward ta’ Ġibiltà. Tali permessi ta’ residenza jistgħu jinħarġu jew jiġġeddu biss, meta jiġu ssodisfati l-kundizzjonijiet rilevanti skont l-Artikolu 45.

2.    Qabel ma joħorġu jew iġeddu permess ta’ residenza, l-awtoritajiet kompetenti tar-Renju Unit, fir-rigward ta’ Ġibiltà, għandhom jinnotifikaw lill-awtoritajiet kompetenti tar-Renju ta’ Spanja.

3.    Fi żmien 28 jum kalendarju min-notifika skont il-paragrafu 2, l-awtoritajiet kompetenti tar-Renju ta’ Spanja jistgħu jinfurmaw lill-awtoritajiet kompetenti tar-Renju Unit, fir-rigward ta’ Ġibiltà, bl-oġġezzjoni tagħhom għall-ħruġ jew it-tiġdid ta’ permess ta’ residenza fejn l-applikant jitqies, f’konformità mal-acquis ta’ Schengen, bħala theddida għall-ordni pubbliku 12 , is-sigurtà interna, is-saħħa pubblika jew ir-relazzjonijiet internazzjonali ta’ kwalunkwe wieħed mill-Istati Membri, inkluż abbażi ta’ allert maħruġ fis-Sistema ta’ Informazzjoni ta’ Schengen. F’dak il-każ, l-awtoritajiet kompetenti tar-Renju Unit, fir-rigward ta’ Ġibiltà, ma għandhomx joħorġu jew iġeddu l-permess ta’ residenza, u għandhom jinfurmaw lill-applikant bl-eżitu u jipprovdu lill-applikant bid-dettalji ta’ kuntatt tal-awtoritajiet kompetenti tar-Renju ta’ Spanja. Fuq talba tal-applikant, l-awtoritajiet kompetenti tar-Renju ta’ Spanja għandhom, b’kunsiderazzjoni xierqa tal-obbligi tagħhom skont il-liġi nazzjonali u tal-Unjoni, jinfurmaw lill-applikant dwar:

(a)    id-deċiżjoni tagħhom li joġġezzjonaw għall-ħruġ jew it-tiġdid ta’ permess ta’ residenza;

(b)    ir-raġunijiet għall-oġġezzjoni għall-ħruġ jew it-tiġdid tal-permess ta’ residenza, minħabba li l-applikant jitqies ta’ theddida għall-ordni pubbliku, jew għas-sigurtà interna, għas-saħħa pubblika jew għar-relazzjonijiet internazzjonali, flimkien, fejn xieraq, mal-essenza tar-raġunijiet; u

(c)    ir-rimedji xierqa f’konformità mal-liġi nazzjonali u tal-Unjoni.

L-Artikolu 6(1) ma għandux japplika għan-notifiki skont dan il-paragrafu.

4.    L-awtoritajiet kompetenti tar-Renju ta’ Spanja jistgħu jinnotifikaw lill-awtoritajiet kompetenti tar-Renju Unit, fir-rigward ta’ Ġibiltà, li l-perjodu ta’ 28 jum kalendarju msemmi fil-paragrafu 3 huwa estiż b’massimu ta’ 14-il jum kalendarju. In-nuqqas ta’ tweġiba sal-iskadenza ta’ dak il-perjodu ta’ 28 jum kalendarju għandu jitqies bħala tweġiba pożittiva. Fi kwalunkwe każ, l-awtoritajiet kompetenti tar-Renju Unit, fir-rigward ta’ Ġibiltà, għandhom joqogħdu lura milli joħorġu jew iġeddu permess ta’ residenza qabel tmiem il-perjodu previst f’dan il-paragrafu.

L-Artikolu 6(1) ma għandux japplika għal dan il-paragrafu.

5.    Fejn ikun hemm raġunijiet biex issir oġġezzjoni għal persuna li jkollha permess ta’ residenza, inkluż meta d-detentur jitqies bħala theddida għall-politika pubblika, is-sigurtà interna, is-saħħa pubblika jew ir-relazzjonijiet internazzjonali ta’ Stat Membru, inkluż abbażi ta’ twissija maħruġa fis-Sistema ta’ Informazzjoni ta’ Schengen, l-awtoritajiet kompetenti tar-Renju ta’ Spanja għandhom jitolbu lill-awtoritajiet kompetenti tar-Renju Unit, fir-rigward ta’ Ġibiltà, biex jirtiraw dak il-permess ta’ residenza. F’dak il-każ, l-awtoritajiet kompetenti tar-Renju Unit, fir-rigward ta’ Ġibiltà, għandhom jirtiraw il-permess ta’ residenza mingħajr dewmien u għandhom jipprovdu lid-detentur bid-dettalji ta’ kuntatt tal-awtoritajiet kompetenti tar-Renju ta’ Spanja. Fuq talba tad-detentur, l-awtoritajiet kompetenti tar-Renju ta’ Spanja għandhom, b’kunsiderazzjoni xierqa tal-obbligi tagħhom skont il-liġi nazzjonali u tal-Unjoni, jinfurmaw lid-detentur dwar:

(a)    id-deċiżjoni tagħhom li jitolbu l-irtirar ta’ permess ta’ residenza;

(b)    ir-raġunijiet għalfejn id-detentur jitqies ta’ theddida għall-ordni pubbliku, jew għas-sigurtà interna, għas-saħħa pubblika jew għar-relazzjonijiet internazzjonali, flimkien, fejn xieraq, mal-essenza tar-raġunijiet; u

(c)    ir-rimedji xierqa f’konformità mal-liġi nazzjonali u tal-Unjoni.

L-Artikolu 6(1) ma għandux japplika għan-notifiki skont dan il-paragrafu.

6.    Meta permess ta’ residenza jinħareġ, jew ma jiġix irtirat, minħabba li l-awtoritajiet kompetenti tar-Renju ta’ Spanja ma jkunux oġġezzjonaw għalih skont il-paragrafi 3 jew 5 u minkejja allert fis-Sistema ta’ Informazzjoni ta’ Schengen għall-finijiet ta’ rifjut ta’ dħul, jew għall-finijiet ta’ ritorn, dak il-permess ta’ residenza ma jagħtix lid-detentur id-dritt li jidħol fit-territorju tal-Istati Membri.

7.    Permess ta’ residenza fir-rigward ta’ Ġibiltà għandu jikkonforma mal-format uniformi stabbilit fid-dritt tal-Unjoni u għandu jkollu indikazzjonijiet ċari li huwa validu għal Ġibiltà.

8.    Ir-Renju Unit, fir-rigward ta’ Ġibiltà, għandu jipprovdi lir-Renju ta’ Spanja b’kampjuni ta’ permessi fir-rigward ta’ Ġibiltà u kwalunkwe modifika sussegwenti għalihom bl-għan li Spanja tinnotifikahom lill-Kummissjoni f’konformità mal-proċedura fl-Artikolu 39(1)(a) tal-Kodiċi tal-Fruntieri ta’ Schengen.

9.    Ir-Renju ta’ Spanja għandu jaħtar, f’konformità mal-Artikolu 68, l-awtorità responsabbli biex tirċievi l-informazzjoni skont dan l-Artikolu. Ir-Renju Unit, fir-rigward ta’ Ġibiltà, għandu jinnotifika, f’konformità mal-Artikolu 68, lill-awtorità responsabbli biex tirċievi applikazzjonijiet għal permessi ta’ residenza, toħroġ jew iġġedded permessi ta’ residenza fir-rigward ta’ Ġibiltà u tippreżenta informazzjoni lir-Renju ta’ Spanja skont dan l-Artikolu.

10.    Dan l-Artikolu għandu japplika sad-data li fiha jibdew l-operazzjonijiet tas-Sistema ta’ Informazzjoni dwar il-Viża (VIS) skont ir-Regolament (UE) 2021/1134 tal-Parlament Ewropew u tal-Kunsill 13 . Minn dik id-data, għandu japplika l-Artikolu 51.

11.    L-Unjoni għandha tinforma lir-Renju Unit, fir-rigward ta’ Ġibiltà, bid-data li fiha se jibdew l-operazzjonijiet imsemmija fil-paragrafu 9, qabel dik id-data.

12.    Il-paragrafi minn 2 sa 6 ma għandhomx japplikaw għal:

(a)    membri tal-familja ta’ ċittadini tal-Unjoni, irrispettivament min-nazzjonalità tagħhom, imsemmija fl-Artikoli 2 u 3 tad-Direttiva 2004/38/KE;

(b)    ċittadin tal-Iżlanda, tal-Prinċipat tal-Liechtenstein, tar-Renju tan-Norveġja, tal-Konfederazzjoni Żvizzera, tal-Prinċipat ta’ Andorra jew tar-Repubblika ta’ San Marino u tal-membri tal-familja tagħhom, irrispettivament min-nazzjonalità tagħhom li skont ftehimiet mal-Unjoni jgawdu drittijiet ta’ moviment liberu ekwivalenti għal dawk imsemmija fil-punt (a).

13.    Fil-każ ta’ persuni u membri tal-familja li jifformaw parti mill-unità domestika tagħhom stazzjonati f’servizz mal-forzi tar-Renju Unit jew mar-Renju Unit, fir-rigward ta’ Ġibiltà, fejn l-awtoritajiet kompetenti tar-Renju ta’ Spanja jkunu oġġezzjonaw għall-ħruġ tal-permess ta’ residenza f’konformità mal-paragrafu 3, għandu jinħarġilhom permess ta’ residenza b’validità territorjali limitata għal Ġibiltà.

ARTIKOLU 51

Permessi ta’ residenza fir-rigward ta’ Ġibiltà

1.    L-awtoritajiet kompetenti tar-Renju Unit, fir-rigward ta’ Ġibiltà, għandhom ikunu responsabbli għall-ħruġ jew għat-tiġdid ta’ permessi ta’ residenza fir-rigward ta’ Ġibiltà. Tali permessi ta’ residenza jistgħu jinħarġu jew jiġġeddu biss, meta jiġu ssodisfati l-kundizzjonijiet rilevanti skont l-Artikolu 45.

2.    Qabel ma joħorġu jew iġeddu permess ta’ residenza, l-awtoritajiet kompetenti tar-Renju Unit, fir-rigward ta’ Ġibiltà, għandhom jinnotifikaw lill-awtoritajiet kompetenti tar-Renju ta’ Spanja.

3.    Mingħajr preġudizzju għall-paragrafu 1, l-awtoritajiet kompetenti tar-Renju Unit, fir-rigward ta’ Ġibiltà, għandhom jiżguraw li d-data meħtieġa biex ir-Renju ta’ Spanja jkun jista’ jikkonforma mal-Kapitolu III tar-Regolament (KE) Nru 767/2008 fir-rigward tal-applikazzjonijiet għal permessi ta’ residenza magħmula f’Ġibiltà, tinġabar u tiġi ttrasferita lill-awtoritajiet kompetenti tar-Renju ta’ Spanja fi żmien jumejn tax-xogħol minn meta ssir l-applikazzjoni.

F’dan ir-rigward, l-awtoritajiet kompetenti tar-Renju Unit, fir-rigward ta’ Ġibiltà, għandhom jiżguraw li:

(a)    id-data miġbura tkun preċiża, aġġornata u ta’ kwalità u kompletezza ta’ livell adegwat;

(b)    tkun inġabret legalment, filwaqt li jiġu rrispettati s-salvagwardji stabbiliti f’dak il-Kapitolu;

(c)    l-applikant ikun ingħata l-informazzjoni msemmija fl-Artikoli 37(1) u (2) tar-Regolament (KE) Nru 767/2008; u

(d)    meta japplika, l-applikant ikun ipprovda l-kunsens għall-ipproċessar tad-data tiegħu f’konformità mad-dispożizzjonijiet tar-Regolament (KE) Nru 767/2008.

4.    Fi żmien 28 jum kalendarju min-notifika skont il-paragrafu 2, l-awtoritajiet kompetenti tar-Renju ta’ Spanja jistgħu jinfurmaw lill-awtoritajiet kompetenti tar-Renju Unit, fir-rigward ta’ Ġibiltà, bl-oġġezzjoni tagħhom għall-ħruġ jew it-tiġdid ta’ permess ta’ residenza fejn l-applikant jitqies, f’konformità mal-acquis ta’ Schengen, bħala theddida għall-ordni pubbliku 14 , is-sigurtà interna, is-saħħa pubblika jew ir-relazzjonijiet internazzjonali ta’ kwalunkwe wieħed mill-Istati Membri, inkluż abbażi ta’ allert maħruġ fis-Sistema ta’ Informazzjoni ta’ Schengen. F’dak il-każ, l-awtoritajiet kompetenti tar-Renju Unit, fir-rigward ta’ Ġibiltà, ma għandhomx joħorġu jew iġeddu l-permess ta’ residenza, u għandhom jinfurmaw lill-applikant bl-eżitu u jipprovdu lill-applikant bid-dettalji ta’ kuntatt tal-awtoritajiet kompetenti tar-Renju ta’ Spanja. Fuq talba tal-applikant, l-awtoritajiet kompetenti tar-Renju ta’ Spanja għandhom, b’kunsiderazzjoni xierqa tal-obbligi tagħhom skont il-liġi nazzjonali u tal-Unjoni, jinfurmaw lill-applikant dwar:

(a)    id-deċiżjoni tagħhom li joġġezzjonaw għall-ħruġ jew it-tiġdid ta’ permess ta’ residenza;

(b)    ir-raġunijiet għall-oġġezzjoni għall-ħruġ jew it-tiġdid tal-permess ta’ residenza, minħabba li l-applikant jitqies ta’ theddida għall-ordni pubbliku, jew għas-sigurtà interna, għas-saħħa pubblika jew għar-relazzjonijiet internazzjonali, flimkien, fejn xieraq, mal-essenza tar-raġunijiet; u

(c)    ir-rimedji xierqa f’konformità mal-liġi nazzjonali u tal-Unjoni.

L-Artikolu 6(1) ma għandux japplika għan-notifiki skont dan il-paragrafu.

5.    L-awtoritajiet kompetenti tar-Renju ta’ Spanja jistgħu jinnotifikaw lill-awtoritajiet kompetenti tar-Renju Unit, fir-rigward ta’ Ġibiltà, li l-perjodu ta’ 28 jum kalendarju msemmi fil-paragrafu 3 huwa estiż b’massimu ta’ 14-il jum kalendarju. In-nuqqas ta’ tweġiba sal-iskadenza ta’ dak il-perjodu ta’ 28 jum kalendarju għandu jitqies bħala tweġiba pożittiva. Fi kwalunkwe każ, l-awtoritajiet kompetenti tar-Renju Unit, fir-rigward ta’ Ġibiltà, għandhom joqogħdu lura milli joħorġu jew iġeddu permess ta’ residenza qabel tmiem il-perjodu previst f’dan il-paragrafu.

L-Artikolu 6(1) ma għandux japplika għan-notifiki skont dan il-paragrafu.

6.    Fejn ikun hemm raġunijiet biex issir oġġezzjoni għal persuna li jkollha permess ta’ residenza, inkluż meta d-detentur jitqies bħala theddida għall-politika pubblika, is-sigurtà interna, is-saħħa pubblika jew ir-relazzjonijiet internazzjonali ta’ Stat Membru, inkluż abbażi ta’ twissija maħruġa fis-Sistema ta’ Informazzjoni ta’ Schengen, l-awtoritajiet kompetenti tar-Renju ta’ Spanja għandhom jitolbu lill-awtoritajiet kompetenti tar-Renju Unit, fir-rigward ta’ Ġibiltà, biex jirtiraw dak il-permess ta’ residenza. F’dak il-każ, l-awtoritajiet kompetenti tar-Renju Unit, fir-rigward ta’ Ġibiltà, għandhom jirtiraw il-permess ta’ residenza mingħajr dewmien u għandhom jipprovdu lid-detentur bid-dettalji ta’ kuntatt tal-awtoritajiet kompetenti tar-Renju ta’ Spanja. Fuq talba tad-detentur, l-awtoritajiet kompetenti tar-Renju ta’ Spanja għandhom, b’kunsiderazzjoni xierqa tal-obbligi tagħhom skont il-liġi nazzjonali u tal-Unjoni, jinfurmaw lid-detentur dwar:

(a)    id-deċiżjoni tagħhom li jitlobu l-irtirar ta’ permess ta’ residenza;

(b)    ir-raġunijiet għalfejn id-detentur jitqies ta’ theddida għall-ordni pubbliku, jew għas-sigurtà interna, għas-saħħa pubblika jew għar-relazzjonijiet internazzjonali, flimkien, fejn xieraq, mal-essenza tar-raġunijiet; u

(c)    ir-rimedji xierqa f’konformità mal-liġi nazzjonali u tal-Unjoni.

L-Artikolu 6(1) ma għandux japplika għan-notifiki skont dan il-paragrafu.

7.    Meta permess ta’ residenza jinħareġ, jew ma jiġix irtirat, minħabba li l-awtoritajiet kompetenti tar-Renju ta’ Spanja ma jkunux oġġezzjonaw għalih skont il-paragrafi 4 jew 6 u minkejja allert fis-Sistema ta’ Informazzjoni ta’ Schengen għall-finijiet ta’ rifjut ta’ dħul, jew għall-finijiet ta’ ritorn, dak il-permess ta’ residenza ma jagħtix lid-detentur id-dritt li jidħol fit-territorju tal-Istati Membri.

8.    Permess ta’ residenza fir-rigward ta’ Ġibiltà għandu jikkonforma mal-format uniformi stabbilit fid-dritt tal-Unjoni u għandu jkollu indikazzjonijiet ċari li huwa validu għal Ġibiltà.

9.    Ir-Renju Unit, fir-rigward ta’ Ġibiltà, għandu jipprovdi lil Spanja b’kampjuni ta’ permessi fir-rigward ta’ Ġibiltà u kwalunkwe modifika sussegwenti għalihom bl-għan li r-Renju ta’ Spanja jinnotifikahom lill-Kummissjoni f’konformità mal-proċedura fl-Artikolu 39(1)(a) tal-Kodiċi tal-Fruntieri ta’ Schengen.

10.    Ir-Renju ta’ Spanja għandu jaħtar, f’konformità mal-Artikolu 68, l-awtorità responsabbli biex tirċievi l-informazzjoni skont dan l-Artikolu. Ir-Renju Unit, fir-rigward ta’ Ġibiltà, għandu jinnotifika, f’konformità mal-Artikolu 68, l-awtorità responsabbli biex tirċievi applikazzjonijiet għal permessi ta’ residenza, toħroġ jew iġġedded permessi ta’ residenza fir-rigward ta’ Ġibiltà u tippreżenta informazzjoni lir-Renju ta’ Spanja skont dan l-Artikolu.

11.    Il-paragrafi minn 2 sa 7 ma għandhomx japplikaw għal:

(a)    membri tal-familja ta’ ċittadini tal-Unjoni, irrispettivament min-nazzjonalità tagħhom, imsemmija fl-Artikoli 2 u 3 tad-Direttiva 2004/38/KE;

(b)    ċittadin tal-Iżlanda, tal-Prinċipat tal-Liechtenstein, tar-Renju tan-Norveġja, tal-Konfederazzjoni Żvizzera, tal-Prinċipat ta’ Andorra jew tar-Repubblika ta’ San Marino u tal-membri tal-familja tagħhom, irrispettivament min-nazzjonalità tagħhom li skont ftehimiet mal-Unjoni jgawdu drittijiet ta’ moviment liberu ekwivalenti għal dawk imsemmija fil-punt (a).

12.    Fil-każ ta’ persuni u membri tal-familja li jifformaw parti mill-unità domestika tagħhom stazzjonati f’servizz mal-forzi tar-Renju Unit jew mar-Renju Unit, fir-rigward ta’ Ġibiltà, fejn l-awtoritajiet kompetenti tar-Renju ta’ Spanja jkunu oġġezzjonaw għall-ħruġ tal-permess ta’ residenza f’konformità mal-paragrafu 4, għandu jinħarġilhom permess ta’ residenza b’validità territorjali limitata għal Ġibiltà.

ARTIKOLU 52

Regola tranżizzjonali għall-permessi ta’ residenza

1.    Il-permessi ta’ residenza maħruġa mill-awtoritajiet kompetenti tar-Renju Unit, fir-rigward ta’ Ġibiltà, qabel id-data tad-dħul fis-seħħ ta’ dan il-Ftehim għandhom jibqgħu validi għal perjodu ta’ sentejn kalendarji wara dik id-data jew sad-data ta’ skadenza tagħhom, skont liema tiġi l-ewwel.

2.    Ir-Renju Unit, fir-rigward ta’ Ġibiltà, għandu jipprovdi lil Spanja b’kampjuni ta’ dawn il-permessi u kwalunkwe modifika sussegwenti għalihom bl-għan li r-Renju ta’ Spanja jinnotifikahom lill-Kummissjoni f’konformità mal-Artikolu 39(1)(a) tal-Kodiċi tal-Fruntieri ta’ Schengen.

3.    L-awtoritajiet kompetenti tar-Renju Unit, fir-rigward ta’ Ġibiltà, għandhom jinnotifikaw lill-awtoritajiet kompetenti tar-Renju ta’ Spanja dwar id-detenturi tal-permessi ta’ residenza fis-seħħ fiż-żmien tad-dħul fis-seħħ ta’ dan il-Ftehim. L-awtoritajiet kompetenti tar-Renju ta’ Spanja jistgħu, abbażi ta’ kontrolli fuq tali persuni fil-bażijiet tad-data rilevanti tal-Unjoni, nazzjonali u internazzjonali, inkluża s-Sistema ta’ Informazzjoni ta’ Schengen, jitolbu lill-awtoritajiet kompetenti tar-Renju Unit, fir-rigward ta’ Ġibiltà, biex jirtiraw permess ta’ residenza meta l-applikant jitqies, f’konformità mal-acquis ta’ Schengen, bħala theddida għall-ordni pubbliku 15 , għas-sigurtà interna, għas-saħħa pubblika jew għar-relazzjonijiet internazzjonali ta’ kwalunkwe wieħed mill-Istati Membri. Malli jirċievu tali talba, l-awtoritajiet kompetenti tar-Renju Unit, fir-rigward ta’ Ġibiltà, għandhom jirtiraw il-permess ta’ residenza rilevanti soġġett għal dritt ta’ appell quddiem qorti nazzjonali.

L-Artikolu 6(1) ma għandux japplika għan-notifiki skont dan il-paragrafu.

4.    Il-paragrafu 3 ma għandux japplika għal:

(a)    membri tal-familja ta’ ċittadini tal-Unjoni, irrispettivament min-nazzjonalità tagħhom, imsemmija fl-Artikoli 2 u 3 tad-Direttiva 2004/38/KE;

(b)    ċittadin tal-Iżlanda, tal-Prinċipat tal-Liechtenstein, tar-Renju tan-Norveġja, tal-Konfederazzjoni Żvizzera, tal-Prinċipat ta’ Andorra jew tar-Repubblika ta’ San Marino u tal-membri tal-familja tagħhom, irrispettivament min-nazzjonalità tagħhom li skont ftehimiet mal-Unjoni jgawdu drittijiet ta’ moviment liberu ekwivalenti għal dawk imsemmija fil-punt (a).

KAPITOLU 2

APPLIKAZZJONIJIET GĦALL-PROTEZZJONI INTERNAZZJONALI U R-RITORN

ARTIKOLU 53

Applikanti għall-protezzjoni internazzjonali

1.    Soġġett għall-paragrafi 6 sa 10, meta persuna tagħmel applikazzjoni għal protezzjoni internazzjonali f’Ġibiltà, l-awtoritajiet kompetenti tar-Renju Unit, fir-rigward ta’ Ġibiltà, għandhom ikunu responsabbli għall-eżami ta’ dik l-applikazzjoni.

2.    Meta ssir applikazzjoni għal protezzjoni internazzjonali skont il-paragrafu 1, l-applikant għandu jiġi skortat mill-awtoritajiet kompetenti tar-Renju Unit, fir-rigward ta’ Ġibiltà, lejn iż-Żona ta’ Kontroll tat-Tieni Linja għall-finijiet tar-reġistrazzjoni tal-applikazzjoni, soġġett għall-paragrafu 5. L-awtoritajiet kompetenti tar-Renju Unit, fir-rigward ta’ Ġibiltà, għandhom jinfurmaw minnufih lill-awtoritajiet kompetenti tar-Renju ta’ Spanja, soġġett għall-paragrafu 5.

3.    Mingħajr preġudizzju għall-paragrafu 1, meta persuna tkun għaddejja mill-verifiki fuq il-fruntiera mwettqa skont l-Artikolu 29, hija tista’ tagħmel applikazzjoni għal protezzjoni internazzjonali quddiem l-awtoritajiet kompetenti tar-Renju Unit, fir-rigward ta’ Ġibiltà jew quddiem dawk tar-Renju ta’ Spanja.

4.    Meta persuna tagħmel applikazzjoni għall-protezzjoni internazzjonali qabel jew matul it-twettiq ta’ verifiki fuq il-fruntieri mwettqa skont l-Artikolu 29, il-verifiki għandhom jitlestew.

Fil-każ li l-verifiki fuq il-fruntieri jiskattaw il-ħtieġa li tittieħed azzjoni ta’ segwitu kif imsemmi fl-Artikolu 34, tali azzjoni għandha tittieħed sa fejn tirrispetta u ma ddgħajjifx id-dritt għall-protezzjoni internazzjonali u l-prinċipju ta’ non-refoulement.

Meta ssir applikazzjoni għal protezzjoni internazzjonali skont il-paragrafu 3, l-applikant għandu jiġi skortat mill-awtoritajiet kompetenti li quddiemhom ikun għamel l-applikazzjoni lejn iż-Żona ta’ Kontroll tat-Tieni Linja għall-finijiet tar-reġistrazzjoni tal-applikazzjoni, soġġett għall-paragrafu 5.

Meta persuna tagħmel applikazzjoni għall-protezzjoni internazzjonali quddiem l-awtoritajiet kompetenti tar-Renju ta’ Spanja, ir-Renju ta’ Spanja għandu jkun responsabbli għall-eżami ta’ dik l-applikazzjoni f’konformità mal-liġi tal-Unjoni u dik domestika.

Meta persuna tagħmel applikazzjoni għal protezzjoni internazzjonali quddiem l-awtoritajiet kompetenti tar-Renju Unit, fir-rigward ta’ Ġibiltà, għandu jkun responsabbli għall-eżami ta’ dik l-applikazzjoni f’konformità mal-liġi domestika, u soġġett għall-paragrafi 6 sa 10.

5.    Għall-finijiet tal-eżami ta’ applikazzjonijiet individwali u wara li tkun ittieħdet deċiżjoni finali dwar l-applikazzjoni, l-awtoritajiet kompetenti ma għandhomx:

(a)    jiżvelaw informazzjoni dwar applikazzjonijiet individwali għall-protezzjoni internazzjonali, jew il-fatt li tkun saret applikazzjoni, lill-persuna/i li allegatament ikun(u) l-awtur(i) tal-persekuzzjoni jew ħsara serja;

(b)    jiksbu kwalunkwe informazzjoni mill-allegat(i) l-awtur(i) tal-persekuzzjoni jew tal-ħsara serja b’mod li jirriżulta li tali awtur(i) jiġi/u informat(i) direttament bil-fatt li saret applikazzjoni mill-applikant ikkonċernat, u li dan jhedded l-integrità fiżika tal-applikant jew tad-dipendenti tiegħu, jew il-libertà u s-sigurtà tal-membri tal-familja tiegħu li jkunu għadhom jgħixu fil-pajjiż ta’ oriġini.

6.    Meta r-Renju Unit, fir-rigward ta’ Ġibiltà, ikun responsabbli għall-eżami ta’ applikazzjoni għall-protezzjoni internazzjonali, l-applikazzjoni għandha tiġi pproċessata f’konformità mal-istandards li jkunu mill-inqas ekwivalenti għal dawk applikabbli fl-Unjoni fir-rigward tal-kriterji ta’ eliġibbiltà għall-protezzjoni internazzjonali u l-kontenut tagħha, kif ukoll fir-rigward tal-proċeduri applikabbli għall-eżami tal-applikazzjonijiet għall-protezzjoni internazzjonali u l-kundizzjonijiet ta’ akkoljenza tal-applikanti.

7.    Meta l-awtoritajiet kompetenti tar-Renju ta’ Spanja jiġu infurmati b’applikazzjoni għal protezzjoni internazzjonali f’konformità mal-paragrafu 2, huma jistgħu jinfurmaw lill-awtoritajiet kompetenti tar-Renju Unit, fir-rigward ta’ Ġibiltà, fi żmien 14-il jum kalendarju mill-oġġezzjoni tagħhom għall-għoti ta’ protezzjoni internazzjonali mir-Renju Unit, fir-rigward ta’ Ġibiltà. F’dak il-każ, l-awtoritajiet kompetenti tar-Renju Unit, fir-rigward ta’ Ġibiltà, għandhom joqogħdu lura milli jagħtu protezzjoni internazzjonali sakemm ikunu taw kunsiderazzjoni sħiħa lil kwalunkwe informazzjoni pprovduta mill-awtoritajiet kompetenti tar-Renju ta’ Spanja. L-awtoritajiet kompetenti tar-Renju Unit, fir-rigward ta’ Ġibiltà, għandhom jinnotifikaw lill-awtoritajiet kompetenti tar-Renju ta’ Spanja bid-deċiżjoni finali u r-raġunijiet għaliha, soġġett għall-paragrafu 5.

L-awtoritajiet kompetenti tar-Renju ta’ Spanja għandhom jinnotifikaw lill-awtoritajiet kompetenti tar-Renju Unit, fir-rigward ta’ Ġibiltà, jekk il-perjodu ta’ 14-il jum kalendarju msemmi fl-ewwel sentenza jkun se jiġi estiż b’massimu ta’ 14-il jum kalendarju. In-nuqqas ta’ tweġiba sal-iskadenza ta’ dak il-perjodu ta’ 14-il jum kalendarju għandu jitqies bħala tweġiba pożittiva. Fi kwalunkwe każ, l-awtoritajiet kompetenti tar-Renju Unit, fir-rigward ta’ Ġibiltà, għandhom joqogħdu lura milli jagħtu protezzjoni internazzjonali qabel tmiem il-perjodu previst f’dan il-paragrafu.

8.    Meta r-Renju Unit, fir-rigward ta’ Ġibiltà, ikun responsabbli għall-eżami ta’ applikazzjoni għal protezzjoni internazzjonali, huwa għandu jieħu l-miżuri kollha meħtieġa biex jiżgura li applikant, għajr ċittadin tal-Unjoni, ma jingħatax permess jidħol, u ma jitħalliex jidħol, fit-territorju tal-Istati Membri għat-tul tal-proċedura għal protezzjoni internazzjonali u sakemm tittieħed deċiżjoni finali dwar l-applikazzjoni.

L-awtoritajiet kompetenti tar-Renju ta’ Spanja għandhom mill-aktar fis possibbli u mhux aktar tard minn 72 siegħa wara l-iskortar tal-persuna lejn iż-Żona ta’ Kontroll tat-Tieni Linja, jieħdu u jittrażmettu d-data ta’ persuni, minbarra ċittadini tal-Unjoni, li jkunu għamlu applikazzjoni għall-protezzjoni internazzjonali skont il-paragrafu 1 u jittrażmettu dik id-data fl-EURODAC.

9.    Meta persuna tingħata protezzjoni internazzjonali mir-Renju Unit, fir-rigward ta’ Ġibiltà, għandu jinħarġilha permess ta’ residenza, li għandu jkollu validità territorjali limitata għal Ġibiltà.

Meta tkun ittieħdet deċiżjoni finali li tirrifjuta applikazzjoni għal protezzjoni internazzjonali, l-awtoritajiet kompetenti tar-Renju Unit, fir-rigward ta’ Ġibiltà, għandhom jieħdu l-miżuri kollha meħtieġa biex jiżguraw li l-persuna kkonċernata titneħħa minn Ġibiltà, f’konformità mar-regoli u s-salvagwardji li jiżguraw standards ekwivalenti għal dawk stabbiliti fid-Direttiva 2008/115/KE tal-Parlament Ewropew u tal-Kunsill 16 .

10.    Meta r-Renju Unit, fir-rigward ta’ Ġibiltà, ikun responsabbli għal applikazzjoni għal protezzjoni internazzjonali u fejn l-applikant ikun ivvjaġġa b’mod irregolari lejn Stat Membru jew Stat li jkun ikkonkluda ftehim mal-Unjoni dwar il-kriterji u l-mekkaniżmi biex jiġi stabbilit l-Istat responsabbli għall-eżami ta’ talba għall-ażil, l-applikant għandu jintbagħat lura lejn Ġibiltà.

KAPITOLU 3

KOOPERAZZJONI TAL-PULIZIJA

ARTIKOLU 54

Skambju tal-informazzjoni

1.    L-objettiv ta’ dan l-Artikolu huwa li jiżgura li l-awtoritajiet kompetenti tal-Istati Membri u tar-Renju Unit, fir-rigward ta’ Ġibiltà, ikunu jistgħu, soġġett għall-kundizzjonijiet tal-liġi domestika tagħhom u fil-kamp ta’ applikazzjoni tas-setgħat tagħhom, u sa fejn dan ma jkunx previst f’dan il-Kapitolu u fil-Kapitolu 4 ta’ dan it-Titolu, jassistu lil xulxin billi jagħtu l-informazzjoni rilevanti għall-finijiet ta’:

(a)    il-prevenzjoni, l-investigazzjoni, is-sejbien jew il-prosekuzzjoni ta’ reati kriminali, inkluża l-ġlieda kontra l-kriminalità organizzata u t-traffikar illegali;

(b)    l-eżekuzzjoni ta’ pieni kriminali;

(c)    is-salvagwardja kontra, u l-prevenzjoni ta’, theddid għas-sikurezza pubblika; u

(d)    il-prevenzjoni u l-ġlieda kontra l-ħasil tal-flus u l-finanzjament tat-terroriżmu.

2.    Għall-finijiet ta’ dan l-Artikolu, “awtorità kompetenti” tfisser pulizija domestika, awtorità doganali jew awtorità oħra li hija kompetenti skont il-liġi domestika biex twettaq attivitajiet għall-finijiet stabbiliti fil-paragrafu 1.

3.    Informazzjoni, inkluż dwar persuni mfittxija u neqsin kif ukoll oġġetti, tista’ tintalab minn awtorità kompetenti tar-Renju Unit, fir-rigward ta’ Ġibiltà, jew ta’ Stat Membru, jew tingħata spontanjament lil awtorità kompetenti tar-Renju Unit, fir-rigward ta’ Ġibiltà, jew ta’ Stat Membru. L-informazzjoni tista’ tiġi pprovduta bi tweġiba għal talba jew spontanjament, soġġett għall-kundizzjonijiet tal-liġi domestika li tapplika għall-awtorità kompetenti li tipprovdi u fl-ambitu tas-setgħat tagħha.

4.    L-informazzjoni tista’ tintalab u tingħata sa fejn il-kundizzjonijiet tal-liġi domestika li tapplika għall-awtorità kompetenti rikjedenti jew l-awtorità kompetenti li tipprovdi ma jistipulawx li t-talba jew l-għoti ta’ informazzjoni għandhom isiru jew jiġu mgħoddija permezz tal-awtoritajiet ġudizzjarji.

5.    F’każijiet urġenti, l-awtorità kompetenti li tipprovdi għandha twieġeb għal talba, jew tipprovdi informazzjoni spontanjament, malajr kemm jista’ jkun.

6.    Awtorità rikjedenti ta’ kwalunkwe waħda mill-Partijiet tista’, f’konformità mal-liġi domestika rilevanti, fil-mument li tagħmel it-talba jew aktar tard, titlob il-kunsens mill-awtorità li tipprovdi ta’ kwalunkwe waħda mill-Partijiet biex l-informazzjoni tintuża għal finijiet evidenzjali fi proċedimenti quddiem awtorità ġudizzjarja. L-awtorità li tipprovdi l-informazzjoni tista’, soġġetta għall-kundizzjonijiet stabbiliti fid-dispożizzjonijiet imsemmija fil-Kapitolu 5 tat-Titolu V ta’ din il-Parti u fil-liġi domestika tagħha, tagħti l-kunsens tagħha biex l-informazzjoni tintuża għal finijiet evidenzjali quddiem awtorità ġudizzjarja fi Stat Membru, meta l-awtorità rikjedenti tkun tappartjeni għal din tal-aħħar, jew fir-Renju Unit, fir-rigward ta’ Ġibiltà, meta l-awtorità rikjedenti tkun tappartjeni għal din tal-aħħar. Bl-istess mod, fejn l-informazzjoni tiġi pprovduta spontanjament, l-awtorità li tipprovdi l-informazzjoni tista’ tagħti l-kunsens tagħha biex l-informazzjoni tintuża għal finijiet evidenzjali fi proċedimenti quddiem awtorità ġudizzjarja fi Stat Membru, fejn l-informazzjoni tiġi pprovduta lil awtorità kompetenti ta’ din tal-aħħar, jew fir-Renju Unit, fir-rigward ta’ Ġibiltà, fejn l-informazzjoni tiġi pprovduta lil awtorità kompetenti ta’ din tal-aħħar. Jekk il-kunsens ma jingħatax skont dan il-paragrafu, l-informazzjoni riċevuta ma għandhiex tintuża għal finijiet evidenzjali fi proċedimenti quddiem awtorità ġudizzjarja.

7.    L-awtorità li tipprovdi tista’, skont il-liġi domestika rilevanti, timponi kundizzjonijiet dwar l-użu tal-informazzjoni pprovduta.

8.    Skont dan l-Artikolu, awtorità kompetenti tista’ tipprovdi kwalunkwe tip ta’ informazzjoni li jkollha, soġġett għall-kundizzjonijiet tal-liġi domestika li tapplika għaliha u fl-ambitu tas-setgħat tagħha. Din tista’ tinkludi informazzjoni minn sorsi oħra, biss jekk it-trasferiment ulterjuri ta’ dik l-informazzjoni jkun permess fil-qafas li fih tkun inkisbet mill-awtorità kompetenti li tkun qed tipprovdi l-informazzjoni.

9.    L-informazzjoni tista’ tiġi pprovduta skont dan l-Artikolu permezz ta’ kwalunkwe mezz ta’ komunikazzjoni adatt, inkluża l-linja ta’ komunikazzjoni sigura għall-fini tal-għoti ta’ informazzjoni permezz tal-Europol, soġġett għall-Artikolu 73.

10.    Mingħajr preġudizzju għall-paragrafu 5, il-komunikazzjonijiet u n-notifiki formali kollha skont dan l-Artikolu għandhom jitwettqu f’konformità mal-Artikolu 6(1). Dan ma jinkludix komunikazzjonijiet u deċiżjonijiet li għandhom x’jaqsmu ma’ kwistjonijiet urġenti operazzjonali jew loġistiċi.

ARTIKOLU 55

Issoktar tas-sorveljanza

1.    L-awtoritajiet kompetenti tar-Renju Unit, fir-rigward ta’ Ġibiltà, jew tar-Renju ta’ Spanja li, bħala parti minn investigazzjoni kriminali, qed iżommu taħt sorveljanza fir-Renju ta’ Spanja jew f’Ġibiltà, skont il-każ, persuna li hija preżunta li pparteċipat f’reat kriminali elenkat fl-Anness 8 jew persuna taħt sorveljanza li tista’ tassisti fl-identifikazzjoni jew it-traċċar ta’ tali persuna, jistgħu jkomplu s-sorveljanza tagħhom, f’konformità mal-acquis rilevanti ta’ Schengen, f’Ġibiltà jew fi Spanja, rispettivament.

2.    L-arranġamenti amministrattivi bejn ir-Renju Unit, fir-rigward ta’ Ġibiltà, u r-Renju ta’ Spanja għandhom jistabbilixxu l-modalitajiet prattiċi li jikkonċernaw it-twettiq tad-dmirijiet tal-awtoritajiet kompetenti u l-aspetti ta’ kooperazzjoni operazzjonali relatati mas-sorveljanza kontinwa msemmija fil-paragrafu 1.

ARTIKOLU 56

Insegwiment mhux interrott

1.    L-uffiċjali tar-Renju Unit, fir-rigward ta’ Ġibiltà, jew tar-Renju ta’ Spanja li jkunu qed isegwu individwu maqbud fl-att tat-twettiq jew tal-parteċipazzjoni f’wieħed mir-reati elenkati fl-Anness 8 jistgħu jkomplu bl-insegwiment, f’konformità mal-acquis ta’ Schengen rilevanti, f’Ġibiltà jew fi Spanja, rispettivament.

L-istess għandu japplika meta l-persuna li warajha jkunu qegħdin jiġru tkun ħarbet minn kustodja temporanja jew waqt li tkun qiegħda tiskonta sentenza li tinvolvi ċ-ċaħda tal-libertà.

2.    L-arranġamenti amministrattivi bejn ir-Renju Unit, fir-rigward ta’ Ġibiltà, u r-Renju ta’ Spanja għandhom jistabbilixxu l-modalitajiet prattiċi li jikkonċernaw it-twettiq tad-dmirijiet tal-awtoritajiet kompetenti u l-aspetti ta’ kooperazzjoni operazzjonali relatati mal-insegwiment mhux interrott imsemmi fil-paragrafu 1.

ARTIKOLU 57

Komunikazzjoni

1.    Ir-Renju Unit, fir-rigward ta’ Ġibiltà, u r-Renju ta’ Spanja għandhom jinstallaw u jżommu fis-seħħ linji ta’ komunikazzjoni u rabtiet diretti oħra biex jiffaċilitaw il-kooperazzjoni tal-pulizija u doganali bejn ir-Renju Unit, fir-rigward ta’ Ġibiltà, u r-Renju ta’ Spanja, b’mod partikolari għat-trażmissjoni f’waqtha ta’ informazzjoni għall-finijiet ta’ sorveljanza kontinwa u insegwiment mhux interrott.

2.    Barra minn hekk, ir-Renju Unit, fir-rigward ta’ Ġibiltà, u r-Renju ta’ Spanja għandhom jikkunsidraw possibbiltajiet ulterjuri għat-tisħiħ tal-komunikazzjoni diretta bejn il-pulizija u s-servizzi doganali tagħhom. Id-dettalji ta’ dawn l-arranġamenti għandhom jiġu stabbiliti bilateralment.

ARTIKOLU 58

Operazzjonijiet konġunti

1.    Sabiex tiżdied il-kooperazzjoni tal-pulizija, l-awtoritajiet kompetenti tal-Unjoni u tal-Istati Membri, minn naħa waħda, u tar-Renju Unit, fir-rigward ta’ Ġibiltà, min-naħa l-oħra, jistgħu, fiż-żamma tal-ordni pubbliku u s-sigurtà pubblika u fil-prevenzjoni ta’ reati kriminali, jintroduċu pattulji konġunti u operazzjonijiet konġunti oħra li fihom uffiċjali maħtura jew uffiċjali oħra minn xi naħa jipparteċipaw f’operazzjonijiet fl-Istati Membri jew f’Ġibiltà, skont il-każ.

2.    L-Unjoni fir-rigward tal-Istati Membri tagħha u r-Renju Unit, fir-rigward ta’ Ġibiltà, għandhom jippreżentaw dikjarazzjonijiet rigward l-awtoritajiet kompetenti għall-fini ta’ dan l-Artikolu u jistabbilixxu l-kundizzjonijiet għall-kooperazzjoni u l-aspetti prattiċi tagħha f’konformità mad-dritt tal-Unjoni. Tali kundizzjonijiet għandhom fost l-oħrajn jispeċifikaw jekk l-uffiċjali maħtura jew uffiċjali oħra msemmija fil-paragrafu 1 jistgħux jeżerċitaw setgħat eżekuttivi, ir-responsabbiltà għal azzjonijiet imwettqa mill-uffiċjali tan-naħa li qed tissekonda, kif ukoll il-liġi applikabbli.

3.    Kwalunkwe operazzjoni konġunta, inkluż fejn tieħu l-forma ta’ pattulja konġunta, li sseħħ fit-territorju ta’ Stat Membru jew fit-territorju ta’ Ġibiltà għandha tkun awtorizzata b’mod espliċitu, qabel l-operazzjoni konġunta, rispettivament minn dak l-Istat Membru jew mir-Renju Unit, fir-rigward ta’ Ġibiltà, li għandu wkoll jieħu sehem fiha.

ARTIKOLU 59

Bażijiet tad-data rilevanti

1.    L-Unjoni għandha tiżgura li l-uffiċjali maħtura jew uffiċjali oħra tar-Renju Unit, fir-rigward ta’ Ġibiltà, li jipparteċipaw f’operazzjonijiet konġunti kif imsemmi fl-Artikolu 58, ikunu jistgħu jikkonsultaw il-bażijiet tad-data domestiċi u internazzjonali rilevanti tagħhom stess, kif permess skont id-dritt tar-Renju Unit, fir-rigward ta’ Ġibiltà, matul operazzjoni konġunta fi Stat Membru.

2.    Ir-Renju Unit, fir-rigward ta’ Ġibiltà, għandu jiżgura li l-uffiċjali tal-Istati Membri li jipparteċipaw f’operazzjonijiet konġunti kif imsemmi fl-Artikolu 58, ikunu jistgħu jikkonsultaw il-bażijiet tad-data nazzjonali, tal-Unjoni u internazzjonali rilevanti tagħhom stess, kif permess skont il-liġi domestika tagħhom, matul operazzjoni konġunta f’Ġibiltà.

ARTIKOLU 60

Protezzjoni u assistenza waqt operazzjoni konġunta

L-Istati Membri li jipparteċipaw f’operazzjoni konġunta u r-Renju Unit, fir-rigward ta’ Ġibiltà, għandhom ikunu meħtieġa jipprovdu lill-uffiċjali ta’ xulxin li jipparteċipaw f’dik l-operazzjoni konġunta fit-territorju tagħhom f’konformità mal-Artikolu 58 bl-istess protezzjoni u assistenza matul id-dmirijiethom bħall-uffiċjali tagħhom stess.

ARTIKOLU 61

Data tar-Reġistru tal-Ismijiet tal-Passiġġieri

Ir-Renju Unit, fir-rigward ta’ Ġibiltà, għandu jiżgura li t-trasportaturi jittrasferixxu d-data tar-Reġistru tal-Ismijiet tal-Passiġġieri (PNR) tat-titjiriet li jaslu f’Ġibiltà lill-awtoritajiet kompetenti tar-Renju ta’ Spanja. Dawn it-trasferimenti għandhom jikkonformaw mar-rekwiżiti tad-Direttiva (UE) 2016/681 tal-Parlament Ewropew u tal-Kunsill 17 .

Għandu japplika l-Artikolu 19.

ARTIKOLU 62

Verifiki msaħħa tal-pulizija

1.    Fejn meħtieġ, abbażi ta’ valutazzjoni tar-riskju, sabiex jiġu evitati reati kriminali u migrazzjoni irregolari, l-awtoritajiet kompetenti tar-Renju Unit, fir-rigward ta’ Ġibiltà, u tar-Renju ta’ Spanja għandhom iwettqu verifiki msaħħa tal-pulizija f’Ġibiltà u fiż-żona tal-fruntiera kontigwa, rispettivament.

2.    Verifiki msaħħa tal-pulizija kif imsemmi fil-paragrafu 1 jistgħu jieħdu l-forma ta’ operazzjonijiet konġunti f’konformità mal-Artikolu 58.

ARTIKOLU 63

Dispożizzjonijiet applikabbli tad-dritt tal-Unjoni

Id-dispożizzjonijiet tad-dritt tal-Unjoni elenkati fl-Anness 9 ta’ dan il-Ftehim għandhom japplikaw għar-Renju Unit, fir-rigward ta’ Ġibiltà, u f’Ġibiltà.

Japplika l-Artikolu 19.

TITOLU IV

IMPLIMENTAZZJONI, APPLIKAZZJONI, EVALWAZZJONI U INFURZAR

ARTIKOLU 64

Evalwazzjonijiet ta’ Schengen

Ir-Renju Unit, fir-rigward ta’ Ġibiltà, għandu jħalli jidħlu rappreżentanti u esperti tal-Unjoni u tal-Istati Membri maħtura minn aġenziji tal-Unjoni li jwettqu evalwazzjonijiet tal-applikazzjoni tal-acquis ta’ Schengen minn Spanja skont din il-Parti. Ir-Renju Unit, fir-rigward ta’ Ġibiltà, għandu jassisti u jiffaċilita lil dawn ir-rappreżentanti fl-eżerċitar tal-kompiti tagħhom, kif stabbilit fir-Regolament tal-Kunsill (UE) 2022/922 18 inkluż, iżda mhux limitat, għaż-żjarat u l-ispezzjoni tal-infrastruttura li tinsab f’Ġibiltà.

Ir-Renju ta’ Spanja għandu, malli jirċievi notifika għal dawn iż-żjarat skont l-Artikolu 19(3) u (4) tar-Regolament tal-Kunsill (UE) 2022/922, jinforma lir-Renju Unit, fir-rigward ta’ Ġibiltà.

ARTIKOLU 65

Evalwazzjoni tal-implimentazzjoni

Il-Kumitat Speċjalizzat dwar iċ-Ċirkolazzjoni tal-Persuni għandu jlesti evalwazzjoni tal-implimentazzjoni ta’ din il-Parti, inklużi l-arranġamenti amministrattivi msemmija fl-Artikolu 33(5) sa mhux aktar tard minn 4 snin wara li din il-Parti tal-Ftehim tidħol fis-seħħ. Sa dak iż-żmien, il-Kumitat Speċjalizzat dwar iċ-Ċirkolazzjoni tal-Persuni għandu, wara konsultazzjonijiet, jindirizza rapport dwar l-evalwazzjoni lill-Kunsill ta’ Kooperazzjoni li għandu jinkludi valutazzjoni tal-arranġamenti amministrattivi stabbiliti fl-Artikolu 33(5). Dak ir-rapport għandu jistabbilixxi l-valutazzjoni komuni tar-rappreżentanti tal-Partijiet jew, alternattivament, il-valutazzjoni tar-rappreżentanti ta’ kull Parti.

ARTIKOLU 66

Terminazzjoni tal-ftehim wara l-evalwazzjoni tal-implimentazzjoni

1.    Wara t-tlestija tal-evalwazzjoni msemmija fl-Artikolu 65 mingħajr preġudizzju għall-Artikolu 334, l-Unjoni, inkluż fuq talba tar-Renju ta’ Spanja, u r-Renju Unit jistgħu jtemmu dan il-Ftehim permezz ta’ notifika bil-miktub permezz ta’ mezzi diplomatiċi. Dan il-Ftehim u kull ftehim supplimentari ma għandhomx jibqgħu fis-seħħ fl-ewwel jum tat-tnax-il xahar wara d-data tan-notifika.

2.    Meta r-Renju ta’ Spanja jkun talab lill-Unjoni ttemm dan il-Ftehim, f’konformità mal-paragrafu 1, l-Unjoni tipproċedi għal tali terminazzjoni.

ARTIKOLU 67

Sospensjoni tal-obbligi

1.    Minkejja l-Artikolu 334, u b’rispett sħiħ tal-eżerċizzju tar-responsabbiltajiet li jaqgħu fuq il-Partijiet fir-rigward tal-liġi u l-ordni, is-salvagwardja tas-sigurtà interna u l-ġestjoni tat-taqsima tagħhom tal-fruntieri esterni, f’każ ta’ nuqqas serju ta’ rispett tal-impenji skont din il-Parti, jew fejn kwalunkwe Parti tqis li hija esposta għal theddida serja u persistenti għas-sigurtà interna minħabba n-nuqqas ta’ kontrolli bejn l-Unjoni u Ġibiltà, kwalunkwe Parti, wara konsultazzjonijiet ma’ xulxin, tista’ tissospendi temporanjament l-implimentazzjoni tal-obbligi tagħha skont it-Titoli I sa V ta’ din il-Parti. L-Unjoni se tqis kif xieraq l-opinjoni tar-Renju ta’ Spanja.

2.    Meta xi waħda mill-Partijiet ikollha l-ħsieb li tissospendi l-obbligi tagħha skont il-paragrafu 1, hija għandha mingħajr dewmien tinnotifika lill-parti l-oħra, permezz tal-Kunsill ta’ Kooperazzjoni. Tali notifika għandha tindika l-perjodu li matulu l-Parti jkollha l-ħsieb tapplika s-sospensjoni temporanja tal-obbligi tagħha. Is-sospensjoni temporanja tal-obbligi tal-Parti għandha tidħol fis-seħħ fit-tmien jum tan-notifika jew fi kwalunkwe data aktar tard kif speċifikat fiha. Fuq din il-bażi, l-Istati Membri u r-Renju Unit, fir-rigward ta’ Ġibiltà, għandhom jerġgħu jdaħħlu l-kontrolli fuq il-fruntieri bejn l-Unjoni u Ġibiltà.

ARTIKOLU 68

Notifiki, dikjarazzjonijiet, riżervi u deżinjazzjonijiet

1.    Sad-data tad-dħul fis-seħħ ta’ dan il-Ftehim, ir-Renju ta’ Spanja u r-Renju Unit, fir-rigward ta’ Ġibiltà, għandhom jagħmlu n-notifiki u d-deżinjazzjonijiet previsti fl-Artikoli 50(9) u 51(10).

2.    Sa dik l-istess data, l-Unjoni fir-rigward tal-Istati Membri, u r-Renju Unit, fir-rigward ta’ Ġibiltà, għandhom jagħmlu d-dikjarazzjonijiet imsemmija fl-Artikolu 58(2).

3.    Sad-data tad-dħul fis-seħħ ta’ dan il-Ftehim, l-Unjoni u r-Renju Unit, fir-rigward ta’ Ġibiltà, għandhom jagħmlu kwalunkwe waħda min-notifiki previsti fl-Artikolu 121(2), l-Artikolu 122(2) u l-Artikolu 130(4).

4.    Sa fejn tali notifika ma tkunx saret, fil-mument imsemmi fl-ewwel paragrafu, in-notifiki jistgħu jsiru malajr kemm jista’ jkun u mhux aktar tard minn xahrejn wara d-dħul fis-seħħ ta’ dan il-Ftehim.

Matul dak il-perjodu interim, kwalunkwe Stat Membru jew ir-Renju Unit, fir-rigward ta’ Ġibiltà, li fir-rigward tiegħu ma tkun saret l-ebda notifika prevista fl-Artikoli 121(2), 122(2) u 130(4), u li ma kienx is-soġġett ta’ indikazzjoni li tali notifika ma għandhiex issir, jista’ jagħmel użu mill-possibbiltajiet previsti f’dak l-Artikolu daqslikieku tali notifika kienet saret fir-rigward ta’ dak l-Istat Membru jew ir-Renju Unit, fir-rigward ta’ Ġibiltà. Fil-każ tal-Artikolu 122(2), Stat Membru jew ir-Renju Unit, fir-rigward ta’ Ġibiltà, jistgħu jagħmlu użu biss mill-possibbiltajiet previsti f’dak l-Artikolu sa fejn dan ikun kompatibbli mal-kriterji biex issir notifika.

5.    In-notifiki previsti fid-dispożizzjonijiet li ġejjin jistgħu jsiru fi kwalunkwe ħin:

(a)    l-Artikolu 118(4);

(b)    l-Artikolu 124(1);

(c)    l-Artikolu 125(2);

(d)    l-Artikolu 144(1);

(e)    l-Artikolu 145(1);

(f)    l-Artikolu 165(4);

(g)    l-Artikolu 166(5);

(h)    l-Artikolu167(5);

(i)    l-Artikolu 176(2); u

(j)    l-Artikolu 184(3) u (7).

6.    In-notifiki u d-dispożizzjonijiet previsti fid-dispożizzjonijiet li ġejjin jistgħu jiġu mmodifikati fi kwalunkwe ħin:

(a)    l-Artikolu 58(2);

(b)    l-Artikolu 124(1);

(c)    l-Artikolu 125(2); u

(d)    l-Artikolu 184(3) u (7).

7.    In-notifiki previsti fid-dispożizzjonijiet li ġejjin jistgħu jiġu rtirati fi kwalunkwe ħin:

(a)    l-Artikolu 121(2);

(b)    l-Artikolu 122(2);

(c)    l-Artikolu 124(1);

(d)    l-Artikolu 130(4);

(e)    l-Artikolu 165(4);

(f)    l-Artikolu 166(5); u

(g)    l-Artikolu167(5).

8.    Sad-data tad-dħul fis-seħħ ta’ dan il-Ftehim, ir-Renju Unit, fir-rigward ta’ Ġibiltà għandu jinnotifika lill-Unjoni bl-identità tal-awtoritajiet li ġejjin:

(a)    l-awtorità meqjusa bħala l-awtorità kompetenti għall-finijiet tal-Kapitolu 1 tat-Titolu V ta’ din il-Parti kif imsemmi fil-punt (b) tal-Artikolu 74 u deskrizzjoni qasira tal-kompetenzi tagħha;

(b)    l-awtorità meqjusa bħala l-awtorità kompetenti għall-finijiet tal-Kapitolu 2 tat-Titolu V ta’ din il-Parti, kif imsemmi fil-Punt (b) tal-Artikolu 90, u deskrizzjoni qasira tal-kompetenzi tagħha;

(c)    l-awtorità kompetenti bis-saħħa tal-liġi domestika tar-Renju Unit, fir-rigward ta’ Ġibiltà, biex teżegwixxi mandat ta’ arrest kif imsemmi fil-punt (c) tal-Artikolu 117;

(d)    l-awtorità kompetenti bis-saħħa tal-liġi domestika tar-Renju Unit, fir-rigward ta’ Ġibiltà, biex toħroġ mandat ta’ arrest kif imsemmi fil-punt (d) tal-Artikolu 117;

(e)    l-awtorità taħt l-Artikolu 142; u

(f)    l-awtorità notifikata taħt l-Artikolu 182.

9.    Sad-data tad-dħul fis-seħħ ta’ dan il-Ftehim, l-Unjoni għandha, f’isimha jew f’isem l-Istati Membri tagħha, skont il-każ, tinnotifika lir-Renju Unit dwar l-identità tal-awtoritajiet li ġejjin:

(a)    l-awtorità kompetenti bis-saħħa tal-liġi domestika ta’ kull Stat Membru, biex teżegwixxi mandat ta’ arrest kif imsemmi fil-punt (c) tal-Artikolu 117;

(b)    l-awtorità kompetenti bis-saħħa tal-liġi domestika ta’ kull Stat Membru, biex toħroġ mandat ta’ arrest kif imsemmi fil-punt (d) tal-Artikolu 117;

(c)    l-awtorità għal kull Stat Membru skont l-Artikolu 142;

(d)    il-korp tal-Unjoni msemmi fl-Artikolu 153;

(e)    l-awtorità ċentrali ta’ kull Stat Membru skont l-Artikolu 182(1); u

(f)    kwalunkwe korp tal-Unjoni nnotifikat skont l-ewwel sentenza tal-Artikolu 182(3) u jekk huwiex maħtur ukoll bħala awtorità ċentrali skont l-aħħar sentenza ta’ dak il-paragrafu.

10.    Meta l-Unjoni tagħmel notifika jew dikjarazzjoni msemmija f’dan l-Artikolu, hija għandha tindika għal liema mill-Istati Membri tagħha tapplika n-notifika jew id-dikjarazzjoni jew jekk hijiex qed tagħmel in-notifika jew id-dikjarazzjoni f’isimha stess.

11.    L-Unjoni, Spanja u r-Renju Unit, fir-rigward ta’ Ġibiltà, jistgħu jinnotifikaw aktar minn awtorità waħda fir-rigward tal-paragrafi 2, 7 u 8, skont il-każ, u jistgħu jillimitaw tali notifiki għal finijiet partikolari biss.

12.    In-notifiki msemmija fil-paragrafi 7 u 8 jistgħu jiġu modifikati fi kwalunkwe ħin.

13.    In-notifiki, id-dikjarazzjonijiet, ir-riżervi u d-deżinjazzjonijiet kollha msemmija f’dan l-Artikolu għandhom isiru permezz tal-mekkaniżmu stabbilit f’konformità mal-Artikolu 19.

ARTIKOLU 69

Eċċezzjoni dwar is-sigurtà

Xejn fit-Titoli I sa IV ta’ din il-Parti ma għandu jipprevjeni lill-Partijiet jew lill-Istati Membri milli jieħdu l-miżuri meħtieġa biex jissalvagwardjaw is-sigurtà nazzjonali tagħhom.

TITOLU V

INFURZAR TAL-LIĠI U KOOPERAZZJONI ĠUDIZZJARJA

ARTIKOLU 70

Objettiv

1.    L-objettiv ta’ dan it-Titolu huwa li jipprevedi l-infurzar tal-liġi u l-kooperazzjoni ġudizzjarja bejn l-Istati Membri u l-istituzzjonijiet, il-korpi, l-uffiċċji u l-aġenziji tal-Unjoni, minn naħa, u r-Renju Unit, fir-rigward ta’ Ġibiltà, min-naħa l-oħra, fir-rigward tal-prevenzjoni, l-investigazzjoni, id-detezzjoni u l-prosekuzzjoni ta’ reati kriminali u l-prevenzjoni tal-ħasil tal-flus u l-finanzjament tat-terroriżmu u l-ġlieda kontrihom.

2.    Dan it-Titolu japplika biss għall-infurzar tal-liġi u l-kooperazzjoni ġudizzjarja f’materji kriminali li jseħħu esklużivament bejn l-Unjoni u l-Istati Membri, minn naħa, u r-Renju Unit, fir-rigward ta’ Ġibiltà, min-naħa l-oħra. Ma japplikax għal sitwazzjonijiet li jinqalgħu bejn l-Istati Membri, jew bejn l-Istati Membri u l-istituzzjonijiet, il-korpi, l-uffiċċji u l-aġenziji tal-Unjoni, u lanqas ma japplika għall-attivitajiet tal-awtoritajiet b’responsabbiltajiet għas-salvagwardja tas-sigurtà nazzjonali meta jaġixxu f’dan il-qasam.

ARTIKOLU 71

Ambitu tal-kooperazzjoni jekk Stat Membru ma jibqax jipparteċipa
f’miżuri analogi skont id-dritt tal-Unjoni

1.    Dan l-Artikolu japplika jekk Stat Membru ma jibqax jipparteċipa fid-dispożizzjonijiet tal-liġi tal-Unjoni relatati mal-infurzar tal-liġi u l-kooperazzjoni ġudizzjarja f’materji kriminali analogi għal kwalunkwe dispożizzjoni rilevanti ta’ dan it-Titolu, jew igawdi drittijiet skont dawn id-dispożizzjonijiet.

2.    Ir-Renju Unit, fir-rigward ta’ Ġibiltà, jista’ jinnotifika lill-Unjoni bil-miktub bl-intenzjoni tiegħu li jieqaf jopera d-dispożizzjonijiet rilevanti ta’ din il-Parti fir-rigward ta’ dak l-Istat Membru.

3.    Notifika mogħtija skont il-paragrafu 2 tidħol fis-seħħ fid-data speċifikata fih, li ma għandhiex tkun qabel id-data li fiha l-Istat Membru ma jibqax jipparteċipa fid-dispożizzjonijiet tad-dritt tal-Unjoni msemmija fil-paragrafu 1 jew igawdi drittijiet skonthom.

KAPITOLU 1

KOOPERAZZJONI MAL-EUROPOL

ARTIKOLU 72

Objettiv

L-objettiv ta’ dan il-Kapitolu huwa li jistabbilixxi relazzjonijiet kooperattivi bejn il-Europol u l-awtoritajiet kompetenti tar-Renju Unit, fir-rigward ta’ Ġibiltà, sabiex jiġu sostnuti u jissaħħu l-azzjoni mill-Istati Membri u mir-Renju Unit, fir-rigward ta’ Ġibiltà, kif ukoll il-kooperazzjoni reċiproka bejniethom fil-prevenzjoni u fil-ġlieda kontra reati serji, terroriżmu u forom ta’ kriminalità li jaffettwaw interess komuni kopert minn politika tal-Unjoni, kif imsemmi fl-Artikolu 75.

ARTIKOLU 73

Komunikazzjoni

Il-komunikazzjonijiet u n-notifiki kollha msemmija f’dan il-Kapitolu għandhom jitwettqu permezz tal-punt ta’ kuntatt nazzjonali kif stabbilit fl-Artikolu 77(1) jew tal-uffiċjali ta’ kollegament kif stabbiliti fl-Artikoli 77(4) tar-Renju Unit lill-Europol ħlief fejn japplika l-Artikolu 77(2).

ARTIKOLU 74

Definizzjonijiet

Għall-finijiet ta’ dan il-Kapitolu, japplikaw id-definizzjonijiet li ġejjin:

(a)    “awtorità kompetenti” tfisser, għall-Unjoni, l-Europol u, għar-Renju Unit, fir-rigward ta’ Ġibiltà, awtorità domestika tal-infurzar tal-liġi, responsabbli skont il-liġi domestika għall-prevenzjoni u l-ġlieda kontra reati kriminali f’Ġibiltà;

(b)    “Europol” tfisser l-Aġenzija tal-Unjoni Ewropea għall-Kooperazzjoni fl-Infurzar tal-Liġi, stabbilita skont ir-Regolament (UE) 2016/794 tal-Parlament Ewropew u tal-Kunsill 19 (ir-“Regolament Europol”).

ARTIKOLU 75

Forom ta’ reati

1.    Il-kooperazzjoni stabbilita skont dan il-Kapitolu hija relatata mal-forom ta’ kriminalità fil-kompetenza tal-Europol, kif elenkati fl-Anness 10, inklużi reati kriminali relatati.

2.    Reati kriminali relatati huma reati kriminali mwettqa sabiex jinkisbu l-mezzi bl-għan li jitwettqu l-forom ta’ reati msemmija fil-paragrafu 1, reati kriminali mwettqa sabiex jiġu ffaċilitati jew jitwettqu tali reati, u reati kriminali mwettqa sabiex tiġi żgurata l-impunità ta’ tali reati.

3.    Meta l-lista ta’ forom ta’ kriminalità li għalihom hija kompetenti l-Europol skont id-dritt tal-Unjoni tinbidel, il-Kumitat Speċjalizzat dwar iċ-Ċirkolazzjoni tal-Persuni jista’, fuq proposta mill-Unjoni, jemenda l-Anness 10 kif xieraq mid-data meta tidħol fis-seħħ il-bidla fil-kompetenza tal-Europol.

ARTIKOLU 76

Ambitu tal-kooperazzjoni

Il-kooperazzjoni tista’, flimkien mal-iskambju ta’ data personali skont il-kundizzjonijiet stabbiliti f’dan il-Kapitolu u f’konformità mal-kompiti tal-Europol kif definiti fir-Regolament tal-Europol, b’mod partikolari tinkludi:

(a)    l-iskambju ta’ informazzjoni bħal għarfien speċjalizzat;

(b)    rapporti ġenerali dwar is-sitwazzjoni;

(c)    ir-riżultati tal-analiżi strateġika;

(d)    informazzjoni dwar proċeduri ta’ investigazzjoni kriminali;

(e)    informazzjoni dwar metodi ta’ prevenzjoni tal-kriminalità;

(f)    parteċipazzjoni fl-attivitajiet tat-taħriġ; u

(g)    l-għoti ta’ pariri u appoġġ f’investigazzjonijiet kriminali individwali kif ukoll kooperazzjoni operazzjonali.

ARTIKOLU 77

Punt ta’ kuntatt nazzjonali u uffiċjali ta’ kollegament

1.    Il-punt ta’ kuntatt nazzjonali tar-Renju Unit għall-Europol, maħtur skont l-Artikolu 568(1) tal-Ftehim dwar il-Kummerċ u l-Kooperazzjoni, għandu jaġixxi bħala l-punt ċentrali ta’ kuntatt bejn l-Europol u l-awtoritajiet kompetenti tar-Renju Unit, fir-rigward ta’ Ġibiltà.

2.    L-iskambju ta’ informazzjoni u notifiki bejn l-Europol u l-awtoritajiet kompetenti tar-Renju Unit, fir-rigward ta’ Ġibiltà, għandu jseħħ bejn l-Europol u l-punt ta’ kuntatt nazzjonali msemmi fil-paragrafu 1, ħlief meta l-iskambju dirett ta’ informazzjoni jkun meħtieġ f’każijiet urġenti u jitqies xieraq kemm mill-Europol kif ukoll mill-awtorità kompetenti rilevanti tar-Renju Unit, fir-rigward ta’ Ġibiltà.

3.    Il-punt ta’ kuntatt nazzjonali msemmi fil-paragrafu 1 għandu jkun ukoll il-punt ta’ kuntatt ċentrali fir-rigward tar-rieżami, il-korrezzjoni u t-tħassir ta’ data personali.

4.    L-uffiċjali ta’ kollegament issekondati mir-Renju Unit lill-Europol, skont l-Artikolu 568(4) tal-Ftehim dwar il-Kummerċ u l-Kooperazzjoni, jistgħu jiffaċilitaw ukoll il-kooperazzjoni stabbilita skont dan il-Kapitolu fir-rigward tar-Renju Unit, fir-rigward ta’ Ġibiltà. Uffiċjal ta’ kollegament issekondat mill-Europol lir-Renju Unit jista’ jiffaċilita wkoll il-kooperazzjoni fir-rigward tar-Renju Unit, fir-rigward ta’ Ġibiltà.

5.    Ir-Renju Unit għandu jiżgura li l-uffiċjali ta’ kollegament imsemmija fil-paragrafu 4 ikollhom aċċess rapidu għall-bażijiet tad-data domestiċi rilevanti tar-Renju Unit, fir-rigward ta’ Ġibiltà, li huma meħtieġa biex iwettqu l-kompiti tagħhom.

6.    Id-dettalji tal-kompiti tal-uffiċjali ta’ kollegament responsabbli għal Ġibiltà, kif imsemmija fil-paragrafu 4, id-drittijiet u l-obbligi tagħhom u l-kostijiet involuti għandhom ikunu rregolati minn arranġamenti ta’ ħidma konklużi bejn l-Europol u l-awtoritajiet kompetenti tar-Renju Unit, fir-rigward ta’ Ġibiltà, kif imsemmija fl-Artikolu 86.

7.    L-uffiċjali ta’ kollegament responsabbli għal Ġibiltà, kif imsemmija fil-paragrafu 4, u r-rappreżentanti tal-awtoritajiet kompetenti tar-Renju Unit, fir-rigward ta’ Ġibiltà, jistgħu jiġu mistiedna għal laqgħat operazzjonali. L-uffiċjali ta’ kollegament tal-Istati Membri u l-uffiċjali ta’ kollegament ta’ pajjiżi terzi, ir-rappreżentanti tal-awtoritajiet kompetenti mill-Istati Membri u minn pajjiżi terzi, il-persunal tal-Europol u partijiet ikkonċernati oħra jistgħu jattendu laqgħat organizzati mill-uffiċjali ta’ kollegament responsabbli għal Ġibiltà, kif imsemmija fil-paragrafu 4, jew mill-awtoritajiet kompetenti tar-Renju Unit, fir-rigward ta’ Ġibiltà.

ARTIKOLU 78

Skambji ta’ informazzjoni

1.    L-iskambji ta’ informazzjoni bejn l-awtoritajiet kompetenti għandhom jikkonformaw mal-objettiv u d-dispożizzjonijiet ta’ dan il-Kapitolu. Id-data personali għandha tiġi pproċessata biss għall-finijiet speċifiċi msemmija fil-paragrafu 2.

2.    L-awtoritajiet kompetenti għandhom jindikaw b’mod ċar, mhux aktar tard mill-mument tat-trasferiment ta’ data personali, l-iskop jew l-iskopijiet speċifiċi li għalihom tkun qed tiġi ttrasferita d-data personali. Għal trasferimenti lill-Europol, l-iskop jew l-iskopijiet ta’ tali trasferiment għandu/għandhom ikun(u) speċifikat(i) f’konformità mal-iskopijiet speċifiċi tal-proċessar stabbiliti fir-Regolament tal-Europol. Jekk l-awtorità trasferenti kompetenti ma tkunx għamlet dan, l-awtorità kompetenti riċeventi, bi qbil mal-awtorità trasferenti, għandha tipproċessa d-data personali sabiex tiddetermina r-rilevanza tagħha kif ukoll il-fini jew il-finijiet li għalihom għandha tiġi pproċessata ulterjorment. L-awtoritajiet kompetenti jistgħu jipproċessaw id-data personali għal skop ieħor għajr l-iskop li għalih tkun ġiet ipprovduta biss jekk ikunu awtorizzati li jagħmlu dan mill-awtorità trasferenti kompetenti.

3.    L-awtoritajiet kompetenti li jirċievu d-data personali għandhom jieħdu impenn li fih jiddikjaraw li tali data tiġi pproċessata biss għall-iskop li għalih tkun ġiet ittrasferita. Id-data personali għandha titħassar malli ma tibqax meħtieġa għall-iskop li għalih tkun ġiet ittrasferita.

4.    L-Europol u l-awtoritajiet kompetenti tar-Renju Unit, fir-rigward ta’ Ġibiltà, għandhom jiddeterminaw mingħajr dewmien żejjed, u fi kwalunkwe każ mhux aktar tard minn sitt xhur wara li jirċievu d-data personali, jekk u sa liema punt dik id-data personali tkun meħtieġa għall-fini li għalih tkun ġiet ittrasferita u jinformaw lill-awtorità trasferenti kif xieraq.

ARTIKOLU 79

Restrizzjonijiet fuq l-aċċess għal data personali trasferita u fuq l-użu ulterjuri ta’ din

1.    L-awtorità trasferenti kompetenti tista’ tindika, meta titrasferixxi data personali, kwalunkwe restrizzjoni fuq l-aċċess għaliha jew fuq l-użu li għandu jsir minnha, f’termini ġenerali jew speċifiċi, inkluż fir-rigward tat-trasferiment ulterjuri, tat-tħassir jew tal-qerda tagħha wara ċertu perjodu ta’ żmien, jew il-proċessar ulterjuri tagħha. Jekk il-ħtieġa għal tali restrizzjonijiet issir evidenti wara li d-data personali tkun ġiet ittrasferita, l-awtorità trasferenti kompetenti għandha tinforma lill-awtorità riċeventi kompetenti kif xieraq.

2.    L-awtorità riċeventi kompetenti għandha tikkonforma ma’ kwalunkwe restrizzjoni fuq l-aċċess jew fuq l-użu ulterjuri tad-data personali indikata mill-awtorità trasferenti kompetenti kif deskritt fil-paragrafu 1.

3.    Kull Parti għandha tiżgura li l-informazzjoni trasferita taħt dan il-Kapitolu nġabret, inħażnet u ġiet trasferita skont il-qafas legali rispettiv tagħha. Kull Parti għandha tiżgura, sa fejn ikun possibbli, li tali informazzjoni ma tkunx inkisbet bi ksur tad-drittijiet tal-bniedem. Lanqas ma għandha tiġi trasferita tali informazzjoni jekk, sa fejn ikun raġonevolment prevedibbli, tista’ tintuża biex tintalab, tingħata jew tiġi eżegwita piena tal-mewt jew kwalunkwe forma ta’ trattament krudili jew inuman.

ARTIKOLU 80

Kategoriji differenti ta’ soġġetti tad-data

1.    It-trasferiment ta’ data personali fir-rigward ta’ vittmi ta’ reat kriminali, ta’ xhieda jew ta’ persuni oħra li jistgħu jipprovdu informazzjoni dwar reati kriminali, jew fir-rigward ta’ persuni taħt it-18-il sena, għandu jkun ipprojbit sakemm tali trasferiment ma jkunx strettament meħtieġ u proporzjonat f’każijiet individwali għall-prevenzjoni jew għall-ġlieda kontra reat kriminali.

2.    Ir-Renju Unit, fir-rigward ta’ Ġibiltà, u l-Europol għandhom jiżguraw kull wieħed li l-ipproċessar ta’ data personali skont il-paragrafu 1 ikun soġġett għal salvagwardji addizzjonali, inklużi restrizzjonijiet fuq l-aċċess, miżuri ta’ sigurtà addizzjonali u limitazzjonijiet fuq trasferimenti ulterjuri.

ARTIKOLU 81

Il-faċilitazzjoni tal-fluss ta’ data personali bejn ir-Renju Unit,
fir-rigward ta’ Ġibiltà, u l-Europol

Fl-interess tal-benefiċċji operazzjonali reċiproċi, il-Partijiet għandhom jagħmlu ħilithom biex jikkooperaw fil-futur bil-ħsieb li jiżguraw li l-iskambji ta’ data bejn l-Europol u l-awtoritajiet kompetenti tar-Renju Unit, fir-rigward ta’ Ġibiltà, ikunu jistgħu jsiru malajr kemm jista’ jkun, u biex jikkunsidraw l-inkorporazzjoni ta’ kwalunkwe proċess u żvilupp tekniku ġdid li jista’ jassisti f’dak l-objettiv, filwaqt li jitqies il-fatt li r-Renju Unit mhuwiex Stat Membru u b’rispett sħiħ għar-reġim ta’ notifiki u komunikazzjonijiet stabbilit skont l-Artikolu 73.

ARTIKOLU 82

Valutazzjoni tal-affidabbiltà tas-sors u l-preċiżjoni tal-informazzjoni

1.    L-awtoritajiet kompetenti għandhom jindikaw kemm jista’ jkun, mhux aktar tard minn meta jsir it-trasferiment tal-informazzjoni, l-affidabbiltà tas-sors tal-informazzjoni fuq il-bażi tal-kriterji li ġejjin:

(a)    fejn ma hemm ebda dubju dwar l-awtentiċità, l-affidabbiltà u l-kompetenza tas-sors, jew jekk l-informazzjoni tiġi pprovduta minn sors li ta prova li huwa dejjem affidabbli;

(b)    fejn l-informazzjoni hija pprovduta minn sors li fil-biċċa l-kbira tad-drabi wera li huwa affidabbli;

(c)    fejn l-informazzjoni hija pprovduta minn sors li fil-biċċa l-kbira tad-drabi wera li mhuwiex affidabbli;

(d)    meta l-affidabbiltà tal-informazzjoni ma tkunx tista’ tiġi vvalutata.

2.    L-awtoritajiet kompetenti għandhom jindikaw kemm jista’ jkun, sa mhux aktar tard mit-trasferiment tal-informazzjoni, il-preċiżjoni tal-informazzjoni abbażi tal-kriterji li ġejjin:

(a)    informazzjoni li ma hemmx dubju dwar il-preċiżjoni tagħha;

(b)    informazzjoni magħrufa personalment mis-sors iżda li mhijiex magħrufa personalment mill-uffiċjal li qed jgħaddiha;

(c)    informazzjoni li mhijiex magħrufa personalment mis-sors iżda kkorroborata minn informazzjoni oħra diġà rreġistrata;

(d)    informazzjoni li mhijiex magħrufa personalment mis-sors u li ma tistax tiġi korroborata.

3.    Meta l-awtorità riċeventi kompetenti, fuq il-bażi ta’ informazzjoni diġà fil-pussess tagħha, tasal għall-konklużjoni li l-valutazzjoni tal-informazzjoni jew tas-sors tagħha pprovduta mill-awtorità trasferenti kompetenti f’konformità mal-paragrafi 1 u 2 teħtieġ korrezzjoni, hija għandha tinforma lil dik l-awtorità kompetenti u għandha tipprova taqbel dwar emenda għall-valutazzjoni. L-awtorità riċeventi kompetenti ma għandhiex tbiddel il-valutazzjoni tal-informazzjoni riċevuta jew tas-sors tagħha mingħajr tali ftehim.

4.    Jekk awtorità kompetenti tirċievi informazzjoni mingħajr valutazzjoni, hija għandha tipprova kemm jista’ jkun u fejn possibbli bi ftehim mal-awtorità trasferenti kompetenti tivvaluta l-affidabbiltà tas-sors jew il-preċiżjoni tal-informazzjoni fuq il-bażi tal-informazzjoni li diġà tkun fil-pussess tagħha.

5.    Jekk ma tkun tista’ ssir l-ebda valutazzjoni affidabbli, l-informazzjoni għandha tiġi evalwata kif previst fil-punt (d) tal-paragrafu 1 u fil-punt (d) tal-paragrafu 2.

ARTIKOLU 83

Sigurtà tal-iskambju ta’ informazzjoni

1.    Il-miżuri tekniċi u organizzazzjonali stabbiliti biex jiżguraw is-sigurtà tal-iskambju ta’ informazzjoni skont dan il-Kapitolu għandhom jiġu stabbiliti f’arranġamenti amministrattivi kif imsemmi fl-Artikolu 86.

2.    Il-partijiet jaqblu dwar l-istabbiliment, l-implimentazzjoni u t-tħaddim ta’ linji ta’ komunikazzjoni siguri għall-fini tal-iskambju ta’ informazzjoni skont dan il-Kapitolu.

3.    L-arranġamenti amministrattivi kif imsemmija fl-Artikolu 85 għandhom jirregolaw it-termini u l-kundizzjonijiet tal-użu tal-linji ta’ komunikazzjoni siguri.

ARTIKOLU 84

Responsabbiltà għall-proċessar mhux awtorizzat jew skorrett ta’ data personali

1.    L-awtoritajiet kompetenti għandhom ikunu responsabbli, f’konformità mal-oqfsa legali rispettivi tagħhom, għal kwalunkwe dannu kkawżat lil individwu bħala riżultat ta’ żbalji legali jew fattwali fl-informazzjoni skambjata. Sabiex tiġi evitata r-responsabbiltà skont l-oqfsa legali rispettivi tagħhom fir-rigward ta’ parti li ġġarrab dannu, la l-Europol u lanqas l-awtoritajiet kompetenti tar-Renju Unit fir-rigward ta’ Ġibiltà ma jistgħu jasserixxu li l-awtorità kompetenti l-oħra tkun ittrasferiet informazzjoni impreċiża.

2.    Jekk danni jingħataw jew kontra l-Europol jew kontra l-awtoritajiet kompetenti tar-Renju Unit, fir-rigward ta’ Ġibiltà, minħabba l-użu minn kwalunkwe waħda minnhom ta’ informazzjoni li ġiet ikkomunikata bi żball mill-oħra, jew ikkomunikata bħala riżultat ta’ nuqqas min-naħa tal-parti l-oħra li tikkonforma mal-obbligi tagħhom, l-ammont imħallas bħala kumpens skont il-paragrafu 1 mill-Europol jew mill-awtoritajiet kompetenti tar-Renju Unit, fir-rigward ta’ Ġibiltà, għandu jitħallas lura mill-ieħor, sakemm l-informazzjoni ma ntużatx bi ksur ta’ dan il-Kapitolu.

3.    Il-Eurojust u l-awtoritajiet kompetenti tar-Renju Unit, fir-rigward ta’ Ġibiltà, ma għandhomx jitolbu lil xulxin iħallsu għal danni punittivi jew mhux kompensatorji skont il-paragrafi 1 u 2.

ARTIKOLU 85

Skambju ta’ informazzjoni klassifikata u ta’ informazzjoni sensittiva mhux klassifikata

L-iskambju u l-protezzjoni ta’ informazzjoni klassifikata u sensittiva mhux klassifikata, jekk meħtieġ skont dan il-Kapitolu, għandhom jiġu rregolati f’arranġamenti ta’ ħidma u amministrattivi kif imsemmi fl-Artikolu 86.

ARTIKOLU 86

Arranġamenti tax-xogħol u amministrattivi

1.    Id-dettalji tal-kooperazzjoni bejn ir-Renju Unit, fir-rigward ta’ Ġibiltà, u l-Europol, kif xieraq sabiex jikkomplementaw u jimplimentaw id-dispożizzjonijiet ta’ dan il-Kapitolu għandhom ikunu s-soġġett ta’ arranġamenti tax-xogħol f’konformità mal-Artikolu 23(4) tar-Regolament Europol u ta’ arranġamenti amministrattivi f’konformità mal-Artikolu 25(1) tar-Regolament Europol konklużi bejn il-Europol u l-awtoritajiet kompetenti tar-Renju Unit.

2.    Minflok ma jikkonkludu arranġamenti ta’ ħidma u amministrattivi skont il-paragrafu 1, l-awtoritajiet kompetenti tar-Renju Unit u l-Europol jistgħu jaqblu li kwalunkwe arranġament ta’ ħidma jew amministrattiv eżistenti konkluż bejn l-awtoritajiet kompetenti tar-Renju Unit u l-Europol skont l-Artikolu 577 tal-Ftehim dwar il-Kummerċ u l-Kooperazzjoni għandu japplika wkoll fir-rigward ta’ Ġibiltà.

3.    Is-sustanza tal-arranġamenti tax-xogħol u amministrattivi tista’ tiġi stabbilita flimkien f’dokument wieħed.

ARTIKOLU 87

Notifika ta’ implimentazzjoni

1.    Ir-Renju Unit, fir-rigward ta’ Ġibiltà, u l-Europol għandhom jagħmlu disponibbli għall-pubbliku dokument li jistabbilixxi f’forma li tinftiehem id-dispożizzjonijiet dwar il-proċessar ta’ data personali ttrasferita skont dan il-Kapitolu inklużi l-mezzi disponibbli għall-eżerċizzju tad-drittijiet tas-soġġetti tad-data u kull wieħed għandu jiżgura li kopja ta’ dak id-dokument tiġi pprovduta lill-ieħor.

2.    Fejn mhux diġà fis-seħħ, ir-Renju Unit, fir-rigward ta’ Ġibiltà, u l-Europol għandhom jadottaw arranġamenti prattiċi li jispeċifikaw kif il-konformità mad-dispożizzjonijiet rigward l-ipproċessar ta’ data personali se tiġi infurzata fil-prattika. Ir-Renju Unit, fir-rigward ta’ Ġibiltà, u l-Europol għandhom kull wieħed jibagħtu kopja ta’ dawk l-arranġamenti prattiċi lill-ieħor u lill-awtoritajiet superviżorji rispettivi.

ARTIKOLU 88

Setgħat tal-Europol

Xejn f’dan il-Kapitolu ma għandu jiġi interpretat li joħloq obbligu fuq il-Europol li tikkoopera mal-awtoritajiet kompetenti tar-Renju Unit, fir-rigward ta’ Ġibiltà, lil hinn mill-kompetenza tal-Europol kif stabbilita fil-liġi rilevanti tal-Unjoni.

KAPITOLU 2

KOOPERAZZJONI MAL-EUROJUST

ARTIKOLU 89

Objettiv

L-objettiv ta’ dan il-Kapitolu huwa li jistabbilixxi kooperazzjoni bejn l-Eurojust u l-awtoritajiet kompetenti tar-Renju Unit, fir-rigward ta’ Ġibiltà, fil-ġlieda kontra reati serji kif imsemmi fl-Anness 11.

ARTIKOLU 90

Definizzjonijiet

Għall-finijiet ta’ dan il-Kapitolu, japplikaw id-definizzjonijiet li ġejjin:

(a)    “Assistent” tfisser persuna li tista’ tassisti lil Membru Nazzjonali u lid-Deputat tal-Membru Nazzjonali, jew lill-Prosekutur ta’ Kollegament, kif imsemmi fir-Regolament tal-Eurojust u fl-Artikolu 95(3) rispettivament;

(b)    “Kulleġġ” tfisser il-Kulleġġ tal-Eurojust, kif imsemmi fir-Regolament Eurojust;

(c)    “awtorità kompetenti” tfisser, għall-Unjoni, il-Eurojust, irrappreżentata mill-Kulleġġ jew minn Membru Nazzjonali u, għar-Renju Unit, fir-rigward ta’ Ġibiltà, awtorità domestika b’responsabbiltajiet skont id-dritt domestiku relatati mal-investigazzjoni u mal-prosekuzzjoni ta’ reati kriminali f’Ġibiltà;

(d)    “Korrispondent Domestiku għal Kwistjonijiet dwar it-Terroriżmu” tfisser il-punt ta’ kuntatt magħżul mir-Renju Unit f’konformità mal-Artikolu 94, responsabbli għat-trattament ta’ korrispondenza relatata ma’ kwistjonijiet ta’ terroriżmu;

(e)    “Eurojust” tfisser l-Aġenzija tal-Unjoni Ewropea għall-Kooperazzjoni fil-Ġustizzja Kriminali, imwaqqfa skont ir-Regolament (UE) 2018/1727 tal-Parlament Ewropew u tal-Kunsill 20 (ir-“Regolament Eurojust”);

(f)    “Maġistrat ta’' Kollegament” tfisser il-maġistrat mibgħut mill-Eurojust fir-Renju Unit f'konformità mal-Artikolu 96;

(g)    “Prosekutur ta’ Kollegament” tfisser il-prosekutur pubbliku ssekondat mir-Renju Unit lill-Eurojust u soġġett għal-liġi domestika tar-Renju Unit fir-rigward tal-istatus tal-prosekutur pubbliku, f’konformità mal-Artikolu 95(3);

(h)    “Membru Nazzjonali” tfisser il-Membru Nazzjonali ssekondat lill-Eurojust minn kull Stat Membru, kif imsemmi fir-Regolament Eurojust.

ARTIKOLU 91

Komunikazzjoni

Il-komunikazzjonijiet u n-notifiki kollha msemmija taħt dan il-Kapitolu għandhom jitwettqu permezz tal-punti ta' kuntatt nazzjonali kif stabbilit fl-Artikolu 94 u l-prosekuturi ta' kollegament kif stabbilit fl-Artikolu 95.

ARTIKOLU 92

Forom ta’ reati

1.    Il-kooperazzjoni stabbilita skont dan il-Kapitolu hija relatata mal-forom ta’ kriminalità serja fil-kompetenza tal-Eurojust, kif elenkati fl-Anness 11, inklużi reati kriminali relatati.

2.    Reati kriminali relatati huma reati kriminali mwettqa sabiex jinkisbu l-mezzi bil-għan li jitwettqu l-forom ta’ reati serji msemmija fil-paragrafu 1, reati kriminali mwettqa sabiex jiġu ffaċilitati jew jitwettqu tali reati serji, u reati kriminali mwettqa sabiex tiġi żgurata l-impunità ta’ tali reati serji.

3.    Meta l-lista ta’ forom ta’ kriminalità serja li għalihom hija kompetenti l-Eurojust skont id-dritt tal-Unjoni tinbidel, il-Kumitat Speċjalizzat dwar iċ-Ċirkolazzjoni tal-Persuni jista’, fuq proposta mill-Unjoni, jemenda l-Anness 11 kif xieraq mid-data li fiha tidħol fis-seħħ il-bidla fil-kompetenza tal-Eurojust.

ARTIKOLU 93

Ambitu tal-kooperazzjoni

Il-partijiet għandhom jiżguraw li l-Eurojust u l-awtoritajiet kompetenti tar-Renju Unit, fir-rigward ta’ Ġibiltà, jikkooperaw fl-oqsma ta’ attività stabbiliti fl-Artikoli 2 u 54 tar-Regolament dwar l-Eurojust u f’dan il-Kapitolu.

ARTIKOLU 94 DEFINIZZJONIJIET

Punt ta’ kuntatt tal-Eurojust

Il-punt(i) ta’ kuntatt tal-Eurojust, maħtur(a) jew stabbilit(i) mir-Renju Unit skont l-Artikolu 584 tal-Ftehim dwar il-Kummerċ u l-Kooperazzjoni, inklużi l-punti ta’ kuntatt maħtura bħala l-Korrispondent Domestiku tar-Renju Unit għal Kwistjonijiet dwar it-Terroriżmu, għandhom iservu wkoll bħala punt(i) ta’ kuntatt tal-Eurojust għar-Renju Unit, fir-rigward ta’ Ġibiltà.

ARTIKOLU 95

Prosekutur ta’ Kollegament

1.    Il-Prosekutur ta’ Kollegament u l-Assistenti tal-Prosekutur ta’ Kollegament tar-Renju Unit għall-Eurojust, issekondati skont l-Artikolu 585(1) u (3) tal-Ftehim dwar il-Kummerċ u l-Kooperazzjoni, għandhom jiffaċilitaw il-kooperazzjoni stabbilita skont dan il-Kapitolu, fir-rigward ta’ Ġibiltà, fl-ambitu tal-kompetenza tagħhom. Meta jkun meħtieġ, l-Assistenti jistgħu jissostitwixxu lill-Prosekutur ta’ Kollegament jew jaġixxu f’ismu.

2.    Id-dettalji tal-kompiti tal-Prosekutur ta’ Kollegament u tal-Assistenti tal-Prosekutur ta’ Kollegament imsemmija fil-paragrafu 1, id-drittijiet u l-obbligi tagħhom u l-kostijiet involuti għandhom ikunu rregolati minn arranġament ta’ ħidma, kif imsemmi fl-Artikolu 104.

3.    Ir-Renju Unit għandu jinforma lill-Eurojust dwar in-natura u l-firxa tar-rwol tal-Prosekutur ta’ Kollegament u l-Assistenti tal-Prosekutur ta’ Kollegament, imsemmija fil-paragrafu 1, sabiex iwettqu l-kompiti tagħhom li jiffaċilitaw il-kooperazzjoni f’konformità ma’ dan il-Kapitolu.

4.    Il-Prosekutur ta’ Kollegament u l-Assistenti tal-Prosekutur ta’ Kollegament imsemmija fil-paragrafu 1 għandu jkollhom aċċess għall-informazzjoni li tinsab fir-rekord kriminali domestiku, jew fi kwalunkwe reġistru ieħor tal-awtoritajiet kompetenti tar-Renju Unit, fir-rigward ta’ Ġibiltà, f’konformità mal-liġi domestika fil-każ ta’ prosekutur jew persuna ta’ kompetenza ekwivalenti.

5.    Il-Prosekutur ta’ Kollegament u l-Assistenti tiegħu msemmija fil-paragrafu 1 għandu jkollhom is-setgħa li jikkuntattjaw direttament lill-awtoritajiet kompetenti tar-Renju Unit, fir-rigward ta’ Ġibiltà.

6.    Id-dokumenti ta’ ħidma tal-Prosekutur ta’ Kollegament u tal-Assistenti tiegħu msemmija fil-paragrafu 1 għandhom jitqiesu invjolabbli mill-Eurojust.

ARTIKOLU 96

Maġistrat ta’ Kollegament

1.    Il-Maġistrat ta’ Kollegament tal-Eurojust stazzjonat fir-Renju Unit, skont l-Artikolu 586(1) tal-Ftehim dwar il-Kummerċ u l-Kooperazzjoni, jista’ jiffaċilita l-kooperazzjoni ġudizzjarja fir-rigward ta’ Ġibiltà, f’każijiet li fihom l-Eurojust tipprovdi assistenza, f’konformità mal-Artikolu 53 tar-Regolament dwar l-Eurojust.

2.    Id-dettalji tal-kompiti tal-Maġistrat ta’ Kollegament imsemmija fil-paragrafu 1, id-drittijiet u l-obbligi tal-Maġistrat ta’ Kollegament u l-kostijiet involuti, għandhom ikunu rregolati minn arranġament ta’ ħidma kif imsemmi fl-Artikolu 104.

ARTIKOLU 97

Laqgħat operazzjonali u strateġiċi

1.    Il-Prosekutur ta’ Kollegament u l-Assistenti tal-Prosekutur ta’ Kollegament imsemmija fl-Artikolu 95(1) u l-punt ta’ kuntatt għall-Eurojust imsemmi fl-Artikolu 94 jistgħu jipparteċipaw f’laqgħat fir-rigward ta’ kwistjonijiet strateġiċi fuq stedina tal-President tal-Eurojust u f’laqgħat fir-rigward ta’ kwistjonijiet operazzjonali bl-approvazzjoni tal-Membri Nazzjonali kkonċernati.

2.    Il-Membri Nazzjonali, id-Deputati u l-Assistenti tagħhom, id-Direttur Amministrattiv tal-Eurojust u l-persunal tal-Eurojust jistgħu jattendu laqgħat organizzati mill-Prosekutur ta’ Kollegament u l-Assistenti tal-Prosekutur ta’ Kollegament imsemmija fl-Artikolu 95(1) u l-punt ta’ kuntatt għall-Eurojust imsemmi fl-Artikolu 94.

ARTIKOLU 98

Skambju ta’ data mhux personali

L-Eurojust u l-awtoritajiet kompetenti tar-Renju Unit, fir-rigward ta’ Ġibiltà, jistgħu jiskambjaw kwalunkwe data mhux personali sa fejn dik id-data tkun rilevanti għall-kooperazzjoni skont dan il-Kapitolu, u soġġett għal kwalunkwe restrizzjoni skont l-Artikolu 103.

ARTIKOLU 99

Skambju ta’ data personali

1.    Id-data personali mitluba u riċevuta mill-awtoritajiet kompetenti skont dan il-Kapitolu għandha tiġi pproċessata minnhom biss għall-objettivi stabbiliti fl-Artikolu 89, għall-finijiet speċifiċi msemmija fil-paragrafu 2 u soġġett għar-restrizzjonijiet fuq l-aċċess jew l-użu ulterjuri msemmija fil-paragrafu 3.

2.    L-awtorità trasferenti kompetenti għandha tindika b’mod ċar, mhux aktar tard minn meta tittrasferixxi data personali, il-fini jew il-finijiet speċifiċi li għalihom tkun qed tiġi ttrasferita d-data.

3.    L-awtorità trasferenti kompetenti, meta titrasferixxi data personali, tista’ tindika kwalunkwe restrizzjoni fuq l-aċċess għaliha jew fuq l-użu li għandu jsir minnha, f’termini ġenerali jew speċifiċi, inkluż fir-rigward tat-trasferiment ulterjuri, tat-tħassir jew tal-qerda tagħha wara ċertu perjodu ta’ żmien, jew il-proċessar ulterjuri tagħha. Jekk il-ħtieġa għal tali restrizzjonijiet issir evidenti wara li d-data personali tkun ġiet provduta, l-awtorità trasferenti għandha tinforma lill-awtorità riċeventi kif xieraq.

4.    L-awtorità riċeventi kompetenti għandha tikkonforma ma’ kwalunkwe restrizzjoni fuq l-aċċess jew fuq l-użu ulterjuri tad-data personali indikata mill-awtorità trasferenti kompetenti kif previst fil-paragrafu 3.

ARTIKOLU 100

Kanali ta’ trażmissjoni

1.    L-informazzjoni għandha tiġi skambjata, soġġett għall-paragrafu 3, bejn il-Prosekutur ta’ Kollegament jew l-Assistenti tal-Prosekutur ta’ Kollegament imsemmija fl-Artikolu 95(1) jew, jekk ma jkunx hemm wieħed maħtur jew b’xi mod disponibbli, il-punt ta’ kuntatt tar-Renju Unit għall-Eurojust imsemmi fl-Artikolu 94 u l-Membri Nazzjonali kkonċernati jew il-Kulleġġ.

2.    L-Eurojust u l-awtoritajiet kompetenti tar-Renju Unit, fir-rigward ta’ Ġibiltà, għandhom it-tnejn li huma jiżguraw li r-rappreżentanti rispettivi tagħhom ikunu awtorizzati jiskambjaw informazzjoni fil-livell xieraq u f’konformità mal-oqfsa legali rispettivi tagħhom, u jiġu skrinjati b’mod adegwat.

3.    Fejn meħtieġ f’każijiet urġenti, jekk l-Eurojust tkun stazzjonat Maġistrat ta’ Kollegament fir-Renju Unit, u fejn jitqies xieraq kemm mill-Maġistrat ta’ Kollegament kif ukoll mill-awtorità kompetenti rilevanti, informazzjoni tista’ tiġi skambjata, bejn il-Maġistrat ta’ Kollegament u kwalunkwe awtorità kompetenti tar-Renju Unit fir-rigward ta’ Ġibiltà; f’dak il-każ, il-Prosekutur ta’ Kollegament kif stipulat fl-Artikolu 95(1) jew l-Assistenti tal-Prosekutur ta’ Kollegament għandhom jiġu infurmati dwar dan l-iskambju ta’ informazzjoni.

ARTIKOLU 101

Trasferimenti ulterjuri

L-awtoritajiet kompetenti tar-Renju Unit, fir-rigward ta’ Ġibiltà, u l-Eurojust ma għandhom jikkomunikaw l-ebda informazzjoni pprovduta mill-parti l-oħra lil kwalunkwe pajjiż terz jew organizzazzjoni internazzjonali mingħajr il-kunsens tal-awtoritajiet kompetenti kkonċernati tar-Renju Unit, fir-rigward ta’ Ġibiltà, jew tal-Eurojust li tkun ipprovdiet l-informazzjoni u mingħajr salvagwardji xierqa rigward il-protezzjoni ta’ data personali.

ARTIKOLU 102

Responsabbiltà għall-proċessar mhux awtorizzat jew skorrett ta’ data personali

1.    L-awtoritajiet kompetenti għandhom ikunu responsabbli, f’konformità mal-oqfsa legali rispettivi tagħhom, għal kwalunkwe dannu kkawżat lil individwu bħala riżultat ta’ żbalji legali jew fattwali fl-informazzjoni skambjata. Sabiex tiġi evitata r-responsabbiltà skont l-oqfsa legali rispettivi tagħhom fir-rigward ta’ parti li ġġarrab dannu, la l-Europol u lanqas l-awtoritajiet kompetenti tar-Renju Unit fir-rigward ta’ Ġibiltà ma jistgħu jasserixxu li l-awtorità kompetenti l-oħra tkun ittrasferiet informazzjoni impreċiża.

2.    Jekk jingħataw danni kontra kwalunkwe awtorità kompetenti minħabba li tuża informazzjoni li tkun ġiet ikkomunikata b’mod żbaljat mill-parti l-oħra, jew ikkomunikata bħala riżultat ta’ nuqqas min-naħa tal-parti oħra li tikkonforma mal-obbligi tagħha, l-ammont imħallas bħala kumpens skont il-paragrafu 1 mill-awtorità kompetenti għandu jitħallas lura mill-parti oħra, sakemm l-informazzjoni ma tkunx intużat bi ksur ta’ dan il-Kapitolu.

3.    Il-Eurojust u l-awtoritajiet kompetenti tar-Renju Unit, fir-rigward ta’ Ġibiltà, ma għandhomx jitolbu lil xulxin iħallsu danni punittivi jew mhux kompensatorji skont il-paragrafi 1 u 2.

ARTIKOLU 103

Skambju ta’ informazzjoni klassifikata u ta’ informazzjoni sensittiva mhux klassifikata

L-iskambju u l-protezzjoni ta’ informazzjoni klassifikata u sensittiva mhux klassifikata, jekk meħtieġ skont dan il-Kapitolu, għandhom jiġu rregolati f’arranġament ta’ ħidma msemmi fl-Artikolu 104.

ARTIKOLU 104

Arranġament tax-xogħol

1.    Il-modalitajiet ta’ kooperazzjoni bejn ir-Renju Unit, fir-rigward ta’ Ġibiltà, u l-Eurojust, kif xieraq biex jiġu implimentati d-dispożizzjonijiet ta’ dan il-Kapitolu għandhom ikunu s-soġġett ta’ arranġament ta’ ħidma konkluż bejn l-Eurojust u l-awtoritajiet kompetenti tar-Renju Unit f’konformità mal-Artikoli 47(3) u 56(3) tar-Regolament dwar l-Eurojust.

2.    Minflok ma jikkonkludu arranġament ta’ ħidma skont il-paragrafu 1, l-awtoritajiet kompetenti tar-Renju Unit u l-Eurojust jistgħu jaqblu li kwalunkwe arranġament ta’ ħidma eżistenti bejn l-awtoritajiet kompetenti tar-Renju Unit u l-Eurojust skont l-Artikolu 594 tal-Ftehim dwar il-Kummerċ u l-Kooperazzjoni għandu japplika wkoll fir-rigward ta’ Ġibiltà.

ARTIKOLU 105

Setgħat tal-Eurojust

Xejn f’dan il-Kapitolu ma għandu jiġi interpretat li joħloq obbligu fuq il-Eurojust li tikkoopera mal-awtoritajiet kompetenti tar-Renju Unit, fir-rigward ta’ Ġibiltà, lil hinn mill-kompetenzi tal-Eurojust kif stabbiliti fil-liġi rilevanti tal-Unjoni.

KAPITOLU 3

SKAMBJU TA’ INFORMAZZJONI TA’ REKORDS KRIMINALI

ARTIKOLU 106

Objettiv

1.    L-objettiv ta’ dan il-Kapitolu huwa li jippermetti l-iskambju ta’ informazzjoni estratta mir-rekord kriminali bejn l-Istati Membri, minn naħa, u r-Renju Unit, fir-rigward ta’ Ġibiltà, min-naħa l-oħra.

2.    Fir-relazzjonijiet bejn ir-Renju Unit, fir-rigward ta’ Ġibiltà, u l-Istati Membri, id-dispożizzjonijiet ta’ dan il-Kapitolu jissupplimentaw id-dispożizzjonijiet tal-Kapitolu 5 tat-Titolu V ta’ din il-Parti fir-rigward tal-iskambju ta’ informazzjoni ta’ rekords kriminali.

ARTIKOLU 107

Definizzjonijiet

Għall-finijiet ta’ dan il-Kapitolu, japplikaw id-definizzjonijiet li ġejjin:

(a)    “kundanna” tfisser kwalunkwe deċiżjoni finali ta’ qorti kriminali kontra persuna fiżika fir-rigward ta’ reat kriminali, sakemm dik id-deċiżjoni tiddaħħal fir-rekord kriminali tal-Istat Membru tal-kundanna jew tar-Renju Unit, fir-rigward ta’ Ġibiltà;

(b)    “proċedimenti kriminali” tfisser l-istadju ta’ qabel il-proċess kriminali, l-istadju tal-proċess u l-eżekuzzjoni ta’ kundanna;

(c)    “rekord kriminali” tfisser ir-reġistru jew ir-reġistri nazzjonali li jiġbor jew jiġbru l-kundanni skont id-dritt domestiku.

ARTIKOLU 108

Awtoritajiet ċentrali

L-awtoritajiet ċentrali tar-Renju Unit, fir-rigward ta’ Ġibiltà, u tal-Istati Membri kompetenti għall-iskambju ta’ informazzjoni estratta mir-rekord kriminali skont dan il-Kapitolu u għall-iskambji msemmija fl-Artikolu 22(2) tal-Konvenzjoni Ewropea dwar Assistenza Reċiproka f’Materji Kriminali fir-rigward tar-Renju Unit, fir-rigward ta’ Ġibiltà, għandha tfisser dawk maħtura u nnotifikati mir-Renju Unit u mill-Istati Membri, skont l-Artikolu 645 tal-Ftehim dwar il-Kummerċ u l-Kooperazzjoni, għall-iskambju ta’ informazzjoni estratta mir-rekord kriminali bejn ir-Renju Unit u l-Istati Membri.

ARTIKOLU 109

Notifiki

1.    Kull Stat Membru u r-Renju Unit, fir-rigward ta’ Ġibiltà, għandhom jieħdu l-miżuri meħtieġa biex jiżguraw li l-kundanni kollha mogħtija mill-qrati kriminali tiegħu jkunu jinkludu, meta pprovduti lir-rekord kriminali tiegħu, informazzjoni dwar in-nazzjonalità jew in-nazzjonalitajiet tal-persuna kkundannata.

2.    L-awtorità ċentrali ta’ kull Stat Membru għandha tinforma lill-awtorità ċentrali tar-Renju Unit, fir-rigward ta’ Ġibiltà, dwar il-kundanni kriminali kollha mogħtija mill-qrati kriminali tagħha fir-rigward ta’ ċittadini tar-Renju Unit li jkollhom karta tal-identità valida jew permess ta’ residenza validu maħruġ f’Ġibiltà mill-awtoritajiet kompetenti tar-Renju Unit, fir-rigward ta’ Ġibiltà, kif ukoll dwar kwalunkwe alterazzjoni jew tħassir sussegwenti ta’ informazzjoni li tinsab fir-rekord kriminali, kif imdaħħla fir-rekord kriminali. L-awtorità ċentrali tar-Renju Unit, fir-rigward ta’ Ġibiltà, għandha tinforma lill-awtorità ċentrali ta’ kwalunkwe Stat Membru dwar il-kundanni kriminali kollha mogħtija mill-qrati kriminali tiegħu fir-rigward ta’ ċittadini ta’ dak l-Istat Membru, kif ukoll dwar kwalunkwe alterazzjoni jew tħassir sussegwenti ta’ informazzjoni li tinsab fir-rekord kriminali, kif imdaħħla fir-rekord kriminali. L-awtoritajiet ċentrali tal-Istati Membri u tar-Renju Unit, fir-rigward ta’ Ġibiltà, għandhom jikkomunikaw tali informazzjoni lil xulxin mill-inqas darba fix-xahar.

3.    Jekk l-awtorità ċentrali ta’ Stat Membru jew tar-Renju Unit, fir-rigward ta’ Ġibiltà, issir konxja mill-fatt li persuna kkundannata tkun ċittadin ta’ żewġ Stati Membri jew aktar jew ċittadin ta’ Stat Membru wieħed jew aktar u ċittadini tar-Renju Unit li jkollhom karta tal-identità valida jew permess ta’ residenza validu maħruġ f’Ġibiltà, hija għandha tibgħat l-informazzjoni rilevanti lil kull wieħed minnhom, anki jekk il-persuna kkundannata tkun ċittadin tal-Istat Membru li fit-territorju tiegħu dik il-persuna tkun ġiet ikkundannata jew ċittadin tar-Renju Unit li jkollu karta tal-identità valida jew permess ta’ residenza validu maħruġ f’Ġibiltà, li jkun ġie kkundannat f’Ġibiltà.

ARTIKOLU 110

Ħżin ta’ kundanni

1.    L-awtorità ċentrali ta’ kull Stat Membru u tar-Renju Unit, fir-rigward ta' Ġibiltà, għandha taħżen l-informazzjoni kollha nnotifikata skont l-Artikolu 109.

2.    L-awtorità ċentrali ta’ kull Stat Membru u tar-Renju Unit, fir-rigward ta’ Ġibiltà, għandha tiżgura li jekk jiġu nnotifikati alterazzjoni jew tħassir sussegwenti skont l-Artikolu 109, isiru alterazzjoni jew tħassir identiċi fl-informazzjoni maħżuna f’konformità mal-paragrafu 1.

3.    L-awtorità ċentrali ta’ kull Stat Membru u tar-Renju Unit, fir-rigward ta’ Ġibiltà, għandha tiżgura li tiġi pprovduta biss informazzjoni li tkun ġiet aġġornata f’konformità mal-paragrafu 2 ta’ dan l-Artikolu meta twieġeb għat-talbiet magħmula skont l-Artikolu 111.

ARTIKOLU 111

Talbiet għal informazzjoni

1.    Jekk informazzjoni mir-rekord kriminali ta’ Stat Membru jew tar-Renju Unit, fir-rigward ta’ Ġibiltà, tintalab fil-livell domestiku għall-finijiet ta’ proċedimenti kriminali kontra persuna jew għal kwalunkwe fini ieħor għajr dak ta’ proċedimenti kriminali, l-awtorità ċentrali ta’ dak l-Istat Membru jew tar-Renju Unit, fir-rigward ta’ Ġibiltà, skont il-każ, tista’, f’konformità mal-liġi domestika tagħha, tippreżenta lill-awtorità ċentrali ta’ Stat Membru ieħor jew tar-Renju Unit, fir-rigward ta’ Ġibiltà, skont il-każ, talba għal informazzjoni u data relatata biex tiġi estratta mir-rekord kriminali.

2.    Jekk persuna tindirizza talba għal informazzjoni dwar ir-rekord kriminali tagħha stess lill-awtorità ċentrali ta’ Stat Membru jew tar-Renju Unit, fir-rigward ta’ Ġibiltà, li tagħha ma tkunx ċittadin, dik l-awtorità ċentrali għandha tippreżenta lill-awtorità ċentrali tal-Istat Membru tan-nazzjonalità tal-persuna jew tar-Renju Unit, fir-rigward ta’ Ġibiltà, jekk il-persuna tkun ċittadin tar-Renju Unit, talba għal informazzjoni u data relatata li għandhom jiġu estratti mir-rekord kriminali sabiex tkun tista’ tinkludi dik l-informazzjoni u data relatata fl-estratt li jkun se jiġi pprovdut lill-persuna kkonċernata.

ARTIKOLU 112

Tweġibiet għat-talbiet

1.    It-tweġibiet għat-talbiet għal informazzjoni għandhom jiġu trażmessi mill-awtorità ċentrali rikjesta ta’ Stat Membru u tar-Renju Unit, fir-rigward ta’ Ġibiltà, lill-awtorità ċentrali rikjedenti ta’ Stat Membru jew tar-Renju Unit, fir-rigward ta’ Ġibiltà, malajr kemm jista’ jkun u fi kwalunkwe każ fi żmien 20 jum ta’ xogħol mid-data li fiha tkun waslet it-talba.

2.    L-awtorità ċentrali ta’ kull Stat Membru u tar-Renju Unit, fir-rigward ta’ Ġibiltà, għandha twieġeb għal talbiet magħmula għal finijiet oħra għajr dawk ta’ proċedimenti kriminali f’konformità mal-liġi domestika tagħha.

3.    Minkejja l-paragrafu 2, meta jwieġbu għal talbiet magħmula għall-finijiet ta’ reklutaġġ għal attivitajiet professjonali jew volontarji organizzati li jinvolvu kuntatti diretti u regolari ma’ tfal, l-Istat Membru u r-Renju Unit, fir-rigward ta’ Ġibiltà, għandhom jinkludu informazzjoni dwar l-eżistenza ta’ kundanni kriminali għal reati relatati mal-abbuż sesswali jew l-isfruttament sesswali tat-tfal, il-pedopornografija, is-solleċitazzjoni tat-tfal għal finijiet sesswali, inkluż l-inċitament, l-għajnuna u l-kompliċità jew it-tentattiv li jitwettaq kwalunkwe wieħed minn dawk ir-reati, kif ukoll informazzjoni dwar l-eżistenza ta’ kwalunkwe skwalifika mill-eżerċitar ta’ attivitajiet li jinvolvu kuntatti diretti u regolari mat-tfal li jirriżultaw minn dawk il-kundanni kriminali.

ARTIKOLU 113

Mezz ta’ komunikazzjoni

L-iskambju bejn l-Istati Membri u r-Renju Unit, fir-rigward ta’ Ġibiltà, ta’ informazzjoni estratta mir-rekord kriminali għandu jsir b’mod elettroniku f’konformità mal-ispeċifikazzjonijiet tekniċi u proċedurali stabbiliti fl-Anness 12.

ARTIKOLU 114

Kundizzjonijiet għall-użu ta’ data personali

1.    Kull Stat Membru u r-Renju Unit, fir-rigward ta’ Ġibiltà, jistgħu jużaw data personali riċevuta bi tweġiba għat-talba tiegħu skont l-Artikolu 112 biss għall-finijiet li għalihom tkun intalbet.

2.    Jekk tkun intalbet informazzjoni għal kwalunkwe skop ieħor għajr dak tal-proċedimenti kriminali, id-data personali riċevuta skont l-Artikolu 112 tista’ tintuża minn Stat Membru jew mir-Renju Unit, fir-rigward ta’ Ġibiltà, f’konformità mal-liġi domestika tiegħu biss fil-limiti speċifikati mill-awtorità ċentrali rikjesta fil-formola stabbilita fil-Kapitolu 2 tal-Anness 12.

3.    Minkejja l-paragrafi 1 u 2, id-data personali pprovduta minn awtorità ċentrali rikjesta bi tweġiba għal talba skont l-Artikolu 112 tista’ tintuża mill-Istat Membru jew mir-Renju Unit, fir-rigward ta’ Ġibiltà, li minnu tkun saret it-talba għall-prevenzjoni ta’ theddida immedjata u serja għas-sigurtà pubblika.

4.    Kull Stat Membru u r-Renju Unit, fir-rigward ta’ Ġibiltà, għandhom jiżguraw li l-awtoritajiet ċentrali tagħhom ma jiżvelawx data personali nnotifikata skont l-Artikolu 109 lill-awtoritajiet f’pajjiżi terzi sakemm ma jiġux issodisfati l-kundizzjonijiet li ġejjin:

(a)    id-data personali tiġi żvelata biss fuq bażi ta’ każ b’każ;

(b)    id-data personali tiġi żvelata lill-awtoritajiet li l-funzjonijiet tagħhom huma direttament relatati mal-finijiet li għalihom id-data personali tiġi żvelata skont il-punt (c) ta’ dan il-paragrafu;

(c)    id-data personali tiġi żvelata biss jekk dan ikun meħtieġ:

(i)    għall-finijiet ta’ proċedimenti kriminali;

(ii)    jew kwalunkwe fini ieħor apparti dak ta’ proċedimenti kriminali; jew

(iii)    għall-prevenzjoni ta’ theddida immedjata u serja għall-ordni pubbliku;

(d)    id-data personali tista’ tintuża mill-pajjiż terz rikjedenti biss għall-finijiet li għalihom tkun intalbet l-informazzjoni u fil-limiti speċifikati mill-Istat Membru jew mir-Renju Unit, fir-rigward ta’ Ġibiltà, skont il-każ, li tkun innotifikat id-data personali skont l-Artikolu 109; u

(e)    id-data personali tiġi żvelata biss jekk l-awtorità ċentrali, wara li tkun ivvalutat iċ-ċirkostanzi kollha tat-trasferiment tad-data personali lejn il-pajjiż terz, tikkonkludi li jeżistu salvagwardji xierqa li jipproteġu d-data personali.

5.    Dan l-Artikolu ma japplikax għal data personali miksuba minn Stat Membru jew mir-Renju Unit, fir-rigward ta’ Ġibiltà, skont il-każ, taħt dan il-Kapitolu u li toriġina minn dak l-Istat Membru jew mir-Renju Unit, fir-rigward ta’ Ġibiltà, skont il-każ.

KAPITOLU 4

KONSENJA

ARTIKOLU 115

Objettiv

L-objettiv ta’ dan il-Kapitolu huwa li jiżgura li s-sistema ta’ estradizzjoni bejn l-Istati Membri, minn naħa, u r-Renju Unit, fir-rigward ta’ Ġibiltà, min-naħa l-oħra, tkun ibbażata fuq mekkaniżmu ta’ konsenja skont mandat ta’ arrest f’konformità mat-termini ta’ dan il-Kapitolu.

ARTIKOLU 116

Prinċipju tal-proporzjonalità

Il-kooperazzjoni permezz tal-mandat ta’ arrest għandha tkun meħtieġa u proporzjonata, filwaqt li jitqiesu d-drittijiet tal-persuna rikjesta u l-interessi tal-vittmi, u filwaqt li titqies is-serjetà tal-att, il-piena probabbli li tiġi imposta u l-possibbiltà li l-Istat Membru jew ir-Renju Unit, fir-rigward ta’ Ġibiltà, jieħdu miżuri inqas koerċittivi mill-konsenja tal-persuna rikjesta b’mod partikolari bil-ħsieb li jiġu evitati perjodi twal bla bżonn ta’ arrest preventiv.

ARTIKOLU 117

Definizzjonijiet

Għall-finijiet ta’ dan il-Kapitolu, japplikaw id-definizzjonijiet li ġejjin:

(a)    “mandat ta’ arrest” tfisser deċiżjoni ġudizzjarja maħruġa minn Stat Membru jew mir-Renju Unit, fir-rigward ta’ Ġibiltà, bil-ħsieb tal-arrest u l-konsenja mir-Renju Unit, fir-rigward ta’ Ġibiltà, jew Stat Membru ta’ persuna rikjesta għall-finijiet tat-tmexxija ta’ prosekuzzjoni kriminali jew l-eżekuzzjoni ta’ sentenza ta’ kustodja jew ordni ta’ detenzjoni;

(b)    “awtorità ġudizzjarja ta’ eżekuzzjoni” tfisser l-awtorità ġudizzjarja tal-Istat Membru ta’ eżekuzzjoni, jew tar-Renju Unit, fir-rigward ta’ Ġibiltà, meta jkun l-attur eżekuttiv, li tkun kompetenti biex teżegwixxi l-mandat ta’ arrest bis-saħħa tad-dritt domestiku ta’ dak l-Istat Membru jew tar-Renju Unit, fir-rigward ta’ Ġibiltà;

(c)    “awtorità ġudizzjarja emittenti” tfisser l-awtorità ġudizzjarja tal-Istat Membru jew tar-Renju Unit, fir-rigward ta’ Ġibiltà, li tkun kompetenti sabiex toħroġ mandat ta’ arrest permezz tal-liġi domestika ta’ dak l-Istat Membru jew tar-Renju Unit, fir-rigward ta’ Ġibiltà;

(d)    “awtorità ġudizzjarja” tfisser awtorità li hija, skont il-liġi domestika ta’ Stat Membru jew tar-Renju Unit, fir-rigward ta’ Ġibiltà, imħallef, qorti jew prosekutur pubbliku; prosekutur pubbliku jitqies bħala awtorità ġudizzjarja biss sa fejn il-liġi domestika tistabbilixxi hekk;

(e)    “pajjiż terz” tfisser pajjiż li mhuwiex Stat Membru jew ir-Renju Unit, fir-rigward ta’ Ġibiltà.

ARTIKOLU 118

Kamp ta’ applikazzjoni

1.    Mandat ta’ arrest jista’ jinħareġ għal atti li huma punibbli bil-liġi tal-Istat Membru emittenti jew tar-Renju Unit fir-rigward ta’ Ġibiltà, meta jkun l-attur emittenti, minn sentenza ta’ kustodja jew ordni ta’ detenzjoni għal perjodu massimu ta’ mill-inqas 12-il xahar jew, fejn ingħatat sentenza jew saret ordni ta’ detenzjoni, għal sentenzi jew ordnijiet ta’ detenzjoni ta’ mill-inqas 4 xhur.

2.    Mingħajr preġudizzju għall-paragrafi 3 u 4, il-konsenja hija soġġetta għall-kundizzjoni li l-atti li għalihom ikun inħareġ il-mandat ta’ arrest jikkostitwixxu reat skont id-dritt tal-Istat Membru jew tar-Renju Unit fir-rigward ta’ Ġibiltà, meta jkun l-attur eżekuttiv, ikunu xi jkunu l-elementi kostitwenti tiegħu jew il-mod li bih ikun deskritt.

3.    Soġġett għall-Artikolu 119, il-punti (b) sa (h) tal-Artikolu 120(1), u l-Artikoli 121, 122 u 123, l-awtoritajiet kompetenti tar-Renju Unit, fir-rigward ta’ Ġibiltà, jekk ikun l-attur eżekuttiv, jew tal-Istat Membru ta’ eżekuzzjoni ma għandux jirrifjuta li jeżegwi mandat ta’ arrest maħruġ fir-rigward tal-imġiba li ġejja fejn tali mġiba hija punibbli b’ċaħda tal-libertà jew ordni ta’ detenzjoni ta’ perjodu massimu ta’ mill-inqas 12-il xahar:

(a)    l-imġiba ta’ kwalunkwe persuna li tikkontribwixxi għat-twettiq minn grupp ta’ persuni li jaġixxu bi skop komuni ta’ reat wieħed jew aktar fil-qasam tat-terroriżmu msemmi fl-Artikoli 1 u 2 tal-Konvenzjoni Ewropea dwar is-Soppressjoni tat-Terroriżmu, magħmula fi Strasburgu fis-27 ta’ Jannar 1977, jew fir-rigward ta’ traffikar illeċitu ta’ drogi narkotiċi u ta’ sustanzi psikotropiċi, jew ta’ omiċidju volontarju, ta’ ħtif ta’ persuna, ta’ żamma illegali, ta’ teħid ta’ ostaġġi jew ta’ stupru, anki meta dik il-persuna ma tiħux sehem fl-eżekuzzjoni proprja tar-reat jew tar-reati konċernati; tali kontribuzzjoni għandha tkun intenzjonata u ssir bl-għarfien li l-parteċipazzjoni se tikkontribwixxi għall-kisba tal-attivitajiet kriminali tal-grupp; jew

(b)    terroriżmu kif definit fl-Anness 13.

4.    L-Unjoni, li taġixxi f’isem kwalunkwe mill-Istati Membri tagħha u r-Renju Unit, fir-rigward ta’ Ġibiltà, jistgħu jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni li, fuq il-bażi tar-reċiproċità, il-kundizzjoni tal-kriminalità doppja msemmija fil-paragrafu 2 ma tiġix applikata dment li r-reat li fuqu huwa bbażat il-mandat ikun:

(a)    wieħed mir-reati elenkati fil-paragrafu 5, kif definit mil-liġi tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti; u

(b)    punibbli fl-Istat Membru emittenti jew fir-Renju Unit, fir-rigward ta’ Ġibiltà, jekk ikun l-attur emittenti permezz ta’ sentenza ta’ priġunerija jew ordni ta’ detenzjoni għal perjodu massimu ta’ mill-inqas 3 snin.

5.    Ir-reati msemmija fil-paragrafu 4 huma:

(a)    il-parteċipazzjoni f’organizzazzjoni kriminali;

(b)    terroriżmu kif definit fl-Anness 13;

(c)    it-traffikar tal-bnedmin;

(d)    l-isfruttament sesswali ta’ tfal u l-pornografija tat-tfal;

(e)    it-traffikar illeċitu fi drogi narkotiċi u f’sustanzi psikotropiċi;

(f)    it-traffikar illeċitu f’armi, f’munizzjon u fi splużivi;

(g)    korruzzjoni, inkluż tixħim;

(h)    frodi, inkluża dik li taffettwa l-interessi finanzjarji tar-Renju Unit, fir-rigward ta’ Ġibiltà, ta’ Stat Membru jew tal-Unjoni;

(i)    il-ħasil ta’ rikavat tal-kriminalità;

(j)    falsifikazzjoni ta’ flus;

(k)    kriminalità tal-informatika;

(l)    reati ambjentali, inkluż it-traffikar illeċitu ta’ speċi ta’ annimali fil-periklu u ta’ speċi u varjetajiet ta’ pjanti fil-periklu;

(m)    faċilitazzjoni ta’ dħul u residenza mhux awtorizzati;

(n)    qtil;

(o)    offiża gravi fuq il-persuna;

(p)    il-kummerċ illeċitu ta’ organi u ta’ tessuti tal-bniedem;

(q)    il-ħtif ta’ persuni, iż-żamma illegali u t-teħid ta’ ostaġġi;

(r)    razziżmu u ksenofobija;

(s)    serq organizzat jew bl-użu ta’ armi;

(t)    traffikar illeċitu ta’ oġġetti kulturali, inklużi antikitajiet u opri tal-arti;

(u)    truffa;

(v)    rikattar organizzat u estorsjoni;

(w)    falsifikazzjoni u piraterija ta’ prodotti;

(x)    il-falsifikazzjoni ta’ dokumenti amministrattivi u t-traffikar ta’ dawn;

(y)    il-falsifikazzjoni ta’ mezzi ta’ pagament;

(z)    it-traffikar illeċitu ta’ sustanzi ormonali u ta’ promoturi oħrajn ta’ tkabbir;

(aa)    it-traffikar illeċitu ta’ materjali nukleari jew radjoattivi;

(bb)    traffikar ta’ vetturi misruqin;

(cc)    stupru;

(dd)    ħruq doluż;

(ee)    reati li jaqgħu fil-ġuriżdizzjoni tal-Qorti Kriminali Internazzjonali;

(ff)    ħtif illegali ta’ inġenji tal-ajru, bastimenti jew inġenji spazjali; u

(gg)    sabotaġġ.

ARTIKOLU 119

Raġunijiet għan-nuqqas obbligatorju ta’ eżekuzzjoni tal-mandat ta’ arrest

L-eżekuzzjoni tal-mandat ta’ arrest għandha tiġi rifjutata:

(a)    jekk ir-reat li fuqu huwa bbażat il-mandat ta’ arrest ikun kopert minn amnestija fl-Istat Membru ta’ eżekuzzjoni jew fir-Renju Unit, fir-rigward ta’ Ġibiltà, meta jkun l-attur eżekuttiv, fejn l-awtoritajiet kompetenti ta’ dak l-Istat Membru jew tar-Renju Unit, fir-rigward ta’ Ġibiltà, kellhom ġuriżdizzjoni biex jipproċedu kontra r-reat skont id-dritt kriminali tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv;

(b)    jekk l-awtorità ġudizzjarja ta’ eżekuzzjoni tkun infurmata li l-persuna rikjesta ġiet finalment iġġudikata minn Stat Membru jew mir-Renju Unit jew mir-Renju Unit, fir-rigward ta’ Ġibiltà fir-rigward tal-istess atti, dment li, jekk tkun ġiet imposta piena, din tkun ġiet infurzata, tkun fil-proċess li tiġi infurzata jew ma tkunx tista’ tiġi infurzata aktar skont il-liġi tal-Istat Membru li permezz tiegħu l-persuna rikjesta tkun ġiet ikkundannata jew tar-Renju Unit jew tar-Renju Unit, fir-rigward ta’ Ġibiltà, fejn il-persuna rikjesta tkun ġiet ikkundannata minn kwalunkwe wieħed minn dawn; jew

(c)    jekk il-persuna li hija s-suġġett tal-mandat ta’ arrest ma tkunx tista, minħabba l-età tal-persuna, tinżamm kriminalment responsabbli għall-atti li fuqhom huwa bbażat il-mandat ta’ arrest taħt il-liġi tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv.

ARTIKOLU 120

Raġunijiet oħrajn għan-nuqqas ta’ eżekuzzjoni tal-mandat ta’ arrest

1.    L-eżekuzzjoni tal-mandat ta’ arrest għandha tiġi rifjutata:

(a)    jekk, f’wieħed mill-każijiet imsemmija fl-Artikolu 118(2), l-att li fuqu jkun ibbażat il-mandat ta’ arrest ma jikkostitwixxix reat skont il-liġi tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv; madankollu, fir-rigward ta’ taxxi jew dazji, dazji doganali u kambju, l-eżekuzzjoni tal-mandat għall-arrest ma tistax tiġi rifjutata għar-raġuni li l-liġi fl-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, ma timponix l-istess xorta ta’ taxxa jew dazju jew ma fihiex l-istess tip ta’ regoli għal dak li għandu x’jaqsam ma’ taxxi jew dazji, dazji doganali u regolamenti ta’ kambju bħal-liġi tar-r-Renju Unit, fir-rigward ta’ Ġibiltà, meta jkun l-attur emittenti jew tal-Istat Membru emittenti;

(b)    jekk il-persuna li tkun is-suġġett tal-mandat ta’ arrest tkun qed tiġi mħarrka fl-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, għall-istess att bħal dak li fuqu jkun ibbażat il-mandat ta’ arrest;

(c)    jekk l-awtoritajiet ġudizzjarji tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-awtur eżekuttiv, ikunu ddeċidew jew li ma jiħdux azzjoni kriminali għar-reat li fuqu jkun ibbażat il-mandat ta’ arrest jew li jwaqqfu l-proċedimenti, jew fejn sentenza finali li ma tħallix li jsiru proċedimenti oħra tkun ingħatat lill-persuna rikjesta fi Stat Membru jew tar-Renju Unit, fir-rigward ta’ Ġibiltà, fir-rigward tal-istess atti;

(d)    jekk il-prosekuzzjoni kriminali jew il-piena tal-persuna rikjesta tkun preskritta skont il-liġi tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, u l-atti jaqgħu taħt il-ġuriżdizzjoni ta’ dak l-Istat Membru jew tar-Renju Unit, fir-rigward ta’ Ġibiltà, skont il-liġi kriminali tiegħu stess;

(e)    jekk l-awtorità ġudizzjarja eżekuttiva tiġi informata li l-persuna rikjesta tkun finalment ġiet iġġudikata minn pajjiż terz jew mir-Renju Unit fir-rigward tal-istess atti dment li, jekk tkun ġiet imposta piena, din tkun ġiet eżegwita, tkun fil-proċess li tiġi eżegwita jew ma tkunx tista’ tibqa’ tiġi eżegwita skont il-liġi tal-pajjiż fejn tinqata’ s-sentenza;

(f)    jekk il-mandat ta’ arrest ikun inħareġ għall-finijiet ta’ eżekuzzjoni ta’ sentenza ta’ kustodja jew ordni ta’ detenzjoni u:

(i)    jekk l-attur eżekuttiv ikun Stat Membru, il-persuna rikjesta tkun qed toqgħod fi, jew tkun ċittadina, jew residenti, ta’ dak l-Istat Membru; jew

(ii)    jekk l-attur eżekuttiv ikun ir-Renju Unit, fir-rigward ta’ Ġibiltà, il-persuna rikjesta tkun ċittadina tar-Renju Unit li jkollha karta tal-identità valida jew permess ta’ residenza validu maħruġ f’Ġibiltà mill-awtoritajiet kompetenti tar-Renju Unit, fir-rigward ta’ Ġibiltà jew tkun persuna li toqgħod f’Ġibiltà jew li tkun residenti fiha,

u awtorità kompetenti ta’ dak l-Istat Membru jew tar-Renju Unit, fir-rigward ta’ Ġibiltà, timpenja ruħha li teżegwixxi s-sentenza jew l-ordni ta’ detenzjoni f’konformità mal-liġi domestika tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv; jekk ikun meħtieġ il-kunsens tal-persuna rikjesta għat-trasferiment tal-piena jew tal-ordni ta’ detenzjoni lill-Istat Membru ta’ eżekuzzjoni jew lir-Renju Unit, fir-rigward ta’ Ġibiltà, meta jkun l-attur eżekuttiv, l-awtoritajiet kompetenti tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, jistgħu jirrifjutaw li jeżegwu l-mandat ta’ arrest biss wara li l-persuna rikjesta tagħti l-kunsens għat-trasferiment tal-piena jew tal-ordni ta’ detenzjoni;

(g)    jekk il-mandat ta’ arrest ikun relatat ma’ reati li:

(i)    huma meqjusa mil-liġi tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, bħala li twettqu kompletament jew parzjalment fl-Istat Membru ta’ eżekuzzjoni jew f’Ġibiltà meta r-Renju Unit, fir-rigward ta’ Ġibiltà, ikun l-attur eżekuttiv, jew f’post trattat bħala tali; jew

(ii)    ikunu twettqu barra mill-Istat Membru emittenti jew Ġibiltà meta r-Renju Unit, fir-rigward ta’ Ġibiltà, ikun l-attur emittenti, u l-liġi tar-Renju Unit, fir-rigward ta’ Ġibiltà, meta jkun l-attur eżekuttiv jew tal-Istat Membru ta’ eżekuzzjoni, ma tippermettix prosekuzzjoni għall-istess reati jekk jitwettqu barra mit-territorju tiegħu;

(h)    jekk ikun hemm raġunijiet biex wieħed jemmen abbażi ta’ elementi oġġettivi li l-mandat ta’ arrest inħareġ għall-fini ta’ prosekuzzjoni jew kastig ta’ persuna fuq il-bażi tas-sess, ir-razza, ir-reliġjon, l-oriġini etnika, in-nazzjonalità, il-lingwa, l-opinjonijiet politiċi jew l-orjentazzjoni sesswali ta’ dik il-persuna, jew li l-pożizzjoni ta’ dik il-persuna tista’ tiġi ppreġudikata għal kwalunkwe waħda minn dawk ir-raġunijiet;

(i)    jekk il-mandat ta’ arrest ikun inħareġ għall-fini ta’ eżekuzzjoni ta’ piena li ċċaħħad il-libertà jew ta’ ordni ta’ detenzjoni, u l-persuna rikjesta ma dehritx personalment fil-proċess li wassal għad-deċiżjoni, sakemm il-mandat ta’ arrest ma jiddikjarax li l-persuna, f’konformità ma’ rekwiżiti proċedurali ulterjuri ddefiniti fil-liġi domestika tal-Istat Membru jew tar-Renju Unit, fir-rigward ta’ Ġibiltà, jekk ikun l-attur emittenti:

(i)    fi żmien debitu:

(A)    jew tħarrket personalment u għaldaqstant kienet informata bid-data u bil-post tal-proċess li wassal għad-deċiżjoni, jew b’mezzi oħra rċiviet informazzjoni uffiċjali dwar id-data u l-post skedati ta’ dak il-proċess b’tali mod li ġie stabbilit inekwivokabbilment li l-persuna kienet konxja tad-data u l-post tal-proċess skedat;

u

(B)    kienet informata li tista’ tingħata deċiżjoni jekk dik il-persuna ma dehritx għall-kawża;

jew

(ii)    kienet konxja tad-data u l-post tal-proċess skedat, kienet tat mandat lil avukat, li kien jew appuntat mill-persuna konċernata jew minn awtorità kompetenti tal-Istat Membru jew tar-Renju Unit, fir-rigward ta’ Ġibiltà, sabiex jiddefendiha fil-proċess, u ġiet tabilħaqq difiża minn dak l-avukat fil-proċess;

jew

(iii)    wara li kienet innotifikata bid-deċiżjoni u wara li kienet informata espliċitament dwar id-dritt ta’ proċess ġdid, jew appell, li fih il-persuna għandha d-dritt li tipparteċipa u li jippermetti li jiġu eżaminati mill-ġdid il-merti tal-kawża, inkluża evidenza ġdida, u li jista’ jwassal sabiex tinbidel id-deċiżjoni oriġinali:

(A)    iddikjarat espressament li l-persuna ma kkontestatx id-deċiżjoni;

jew

(B)    ma talbitx proċess ġdid jew appell fil-perjodu ta’ żmien applikabbli;

jew

(iv)    ma kinitx innotifikata personalment bid-deċiżjoni iżda:

(A)    se tkun innotifikata personalment biha mingħajr dewmien wara l-konsenja u se tkun informata b’mod espliċitu dwar id-dritt għal proċess ġdid, jew appell, li fih il-persuna jkollha d-dritt li tipparteċipa u li jippermetti li jiġu eżaminati mill-ġdid il-merti tal-kawża, inkluża evidenza ġdida, u li jista’ jwassal sabiex tinbidel id-deċiżjoni oriġinali;

u

(B)    se tiġi informata dwar il-perjodu ta’ żmien li fih il-persuna għandha titlob tali proċess ġdid jew appell, kif imsemmi fil-mandat ta’ arrest rilevanti.

2.    Jekk il-mandat ta’ arrest jinħareġ għall-fini tal-eżekuzzjoni ta’ piena li ċċaħħad il-libertà jew ta’ ordni ta’ detenzjoni taħt il-kundizzjonijiet tal-punti (i) u (iv) tal-paragrafu 1 u l-persuna konċernata ma tkunx irċiviet minn qabel xi informazzjoni uffiċjali dwar l-eżistenza tal-proċedimenti kriminali kontriha, dik il-persuna, meta tiġi informata bil-kontenut tal-mandat ta’ arrest, titlob li tirċievi kopja tas-sentenza qabel il-konsenja tagħha. Minnufih wara li tkun ġiet informata bit-talba, l-awtorità emittenti għandha tipprovdi lill-persuna konċernata l-kopja tas-sentenza permezz tal-awtorità tal-eżekuzzjoni. It-talba tal-persuna konċernata la għandha ddewwem il-proċedura ta’ konsenja u lanqas id-deċiżjoni ta’ eżekuzzjoni tal-mandat ta’ arrest. Il-forniment tas-sentenza lill-persuna konċernata għandu jkun għal finijiet biss ta’ informazzjoni; ma għandux jitqies bħala notifika formali tas-sentenza u lanqas ma jistabbilixxi xi limiti ta’ żmien applikabbli biex jintalab proċess ġdid jew appell.

3.    Meta persuna tiġi kkonsenjata skont il-kundizzjonijiet fil-punt (i) (iv) tal-paragrafu 1 u dik il-persuna tkun talbet proċess mill-ġdid jew appell, sakemm dawk il-proċedimenti jiġu ffinalizzati, id-detenzjoni ta’ dik il-persuna li tkun qed tistenna tali kawża mill-ġdid jew appell għandha tiġi rieżaminata f’konformità mal-liġi domestika tal-Istat Membru jew tar-Renju Unit, fir-rigward ta’ Ġibiltà, jekk ikun l-attur emittenti, jew fuq bażi regolari jew fuq talba tal-persuna kkonċernata. Rieżami bħal dan għandu b’mod partikolari jinkludi l-possibbiltà ta’ sospensjoni jew ta’ interruzzjoni tad-detenzjoni. Il-proċess ġdid jew l-appell għandu jibda fi żmien debitu wara l-konsenja.

ARTIKOLU 121

Eċċezzjoni għal reati politiċi

1.    L-eżekuzzjoni ta’ mandat ta’ arrest ma tistax tiġi rrifjutata fuq il-bażi li r-reat jista’ jitqies mill-awtoritajiet kompetenti tal-Istat Membru eżekuttiv jew tar-Renju Unit, fir-rigward ta’ Ġibiltà, meta jkun l-attur eżekuttiv, bħala reat politiku, bħala reat marbut ma’ reat politiku jew reat ispirat minn motivi politiċi.

2.    Madankollu, ir-Renju Unit, fir-rigward ta’ Ġibiltà, u l-Unjoni, li taġixxi f’isem kwalunkwe wieħed mill-Istati Membri tagħha, jistgħu jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni li l-paragrafu 1 se jiġi applikat biss fir-rigward ta’:

(a)    ir-reati msemmija fl-Artikoli 1 u 2 tal-Konvenzjoni Ewropea dwar is-Soppressjoni tat-Terroriżmu;

(b)    reati ta’ konfoffa jew assoċjazzjoni biex jitwettaq wieħed jew aktar mir-reati msemmija fl-Artikoli 1 u 2 tal-Konvenzjoni Ewropea dwar it-Trażżin tat-Terroriżmu, jekk dawk ir-reati ta’ kospirazzjoni jew assoċjazzjoni jikkorrispondu għad-deskrizzjoni tal-imġiba msemmija fl-Artikolu 118(3) ta’ dan il-Ftehim; u

(c)    terroriżmu kif definit fl-Anness 13.

3.    Fejn mandat ta’ arrest ikun inħareġ minn Stat Membru li f’ismu tkun saret notifika kif imsemmi fil-paragrafu 2 jew fejn ikun inħareġ mandat ta’ arrest mir-Renju Unit, fir-rigward ta’ Ġibiltà, u fejn dan tal-aħħar ikun għamel tali notifika, ir-Renju Unit, fir-rigward ta’ Ġibiltà, meta jkun l-attur eżekuttiv, jew l-Istat Membru ta’ eżekuzzjoni, jista’ japplika r-reċiproċità.

ARTIKOLU 122

Eċċezzjoni minħabba n-nazzjonalità

1.    L-eżekuzzjoni ta’ mandat ta’ arrest ma tistax tiġi rrifjutata għar-raġuni li l-persuna rikjesta tkun ċittadin tal-Istat Membru ta’ eżekuzzjoni jew, f’każijiet fejn l-attur eżekuttiv ikun ir-Renju Unit, fir-rigward ta’ Ġibiltà, ċittadin tar-Renju Unit.

2.    Ir-Renju Unit, fir-rigward ta’ Ġibiltà, u l-Unjoni, li taġixxi f’isem kwalunkwe wieħed mill-Istati Membri tagħha, jistgħu jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni li ċ-ċittadini tar-Renju Unit stess jew iċ-ċittadini ta’ dak l-Istat Membru stess, skont il-każ, mhux se jiġu kkonsenjati jew li l-konsenja tagħhom se tiġi awtorizzata biss taħt ċerti kundizzjonijiet speċifikati. In-notifika għandha tkun ibbażata fuq raġunijiet relatati mal-prinċipji jew il-prattika fundamentali tal-ordni legali domestiku tar-Renju Unit fir-Rigward ta’ Ġibiltà jew tal-Istat Membru li f’ismu tkun saret notifika. F’każ bħal dan, l-Unjoni, f’isem kwalunkwe wieħed mill-Istati Membri tagħha jew ir-Renju Unit, fir-rigward ta’ Ġibiltà, skont il-każ, tista’ tinnotifika lill-Kumitat Speċjalizzat dwar iċ-Ċirkolazzjoni tal-Persuni fi żmien raġonevoli wara li tirċievi n-notifika tal-Parti l-oħra li l-awtoritajiet ġudizzjarji ta’ eżekuzzjoni tal-Istat Membru jew tar-Renju Unit, fir-rigward ta’ Ġibiltà, skont il-każ, jistgħu jirrifjutaw li jikkonsenjaw liċ-ċittadini tagħhom kif imsemmi fil-paragrafu 1 lil dak l-Istat Membru jew lir-Renju unit fir-rigward ta’ Ġibiltà jew dik il-konsenja għandha tiġi awtorizzata biss taħt ċerti kundizzjonijiet speċifikati.

3.    F’ċirkostanzi fejn Stat Membru jew ir-Renju Unit, fir-rigward ta’ Ġibiltà, ikun irrifjuta li jeżegwi mandat ta’ arrest fuq il-bażi li, fil-każ tar-Renju Unit, fir-rigward ta’ Ġibiltà, ir-Renju Unit ikun għamel notifika jew, fil-każ ta’ Stat Membru, l-Unjoni tkun għamlet notifika f’ismu, kif imsemmi fil-paragrafu 2, l-awtoritajiet kompetenti ta’ dak l-Istat Membru jew tar-Renju Unit, fir-rigward ta’ Ġibiltà, għandhom jikkunsidraw li jibdew proċedimenti kontra ċ-ċittadin tar-Renju Unit jew tal-Istat Membru, skont il-każ, li jkunu proporzjonati mas-suġġett tal-mandat ta’ arrest, wara li jkunu qiesu l-fehmiet tal-awtoritajiet kompetenti tar-Renju Unit, fir-rigward ta’ Ġibiltà, jekk ikun l-attur emittenti jew tal-Istat Membru emittenti. F’ċirkostanzi fejn awtorità ġudizzjarja tiddeċiedi li ma tibdiex tali proċedimenti, il-vittma tar-reat li fuqu huwa bbażat il-mandat ta’ arrest għandha tkun tista’ tirċievi informazzjoni dwar id-deċiżjoni f’konformità mal-liġi domestika applikabbli.

4.    Meta, f’konformità mal-paragrafu 3, l-awtoritajiet kompetenti ta’ Stat Membru jew tar-Renju Unit, fir-rigward ta’ Ġibiltà, jibdew proċedimenti kontra ċ-ċittadini proprji kif imsemmi fil-paragrafu 1, l-awtoritajiet kompetenti ta’ dak l-Istat Membru jew tar-Renju Unit, fir-rigward ta’ Ġibiltà, għandhom ikunu jistgħu jieħdu miżuri xierqa biex jassistu lill-vittmi u lix-xhieda, b’mod partikolari fir-rigward tal-mod li bih jitmexxew il-proċedimenti, fiċ-ċirkostanzi li ġejjin:

(a)    meta l-proċedimenti jkunu qed jinbdew fi Stat Membru, u jkunu jikkonċernaw residenti fir-Renju Unit jew f’Ġibiltà jew fi Stat Membru ieħor;

(b)    meta l-proċedimenti jkunu qed jinbdew fir-Renju Unit, fir-rigward ta’ Ġibiltà, u jkunu jikkonċernaw residenti ta’ Stat Membru.

ARTIKOLU 123

Garanziji li għandhom jingħataw mill-awtoritajiet kompetenti tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti f’każijiet partikolari

1.    L-eżekuzzjoni tal-mandat ta’ arrest mill-awtorità ġudizzjarja ta’ eżekuzzjoni tista’ tkun suġġetta għall-garanziji li ġejjin:

(a)    jekk ir-reat li fuqu huwa bbażat il-mandat ta’ arrest ikun punibbli b’sentenza ta’ għomor il-ħabs jew ordni ta’ detenzjoni tul il-ħajja fl-Istat Membru emittenti jew fir-Renju Unit, fir-rigward ta’ Ġibiltà, jekk ikun l-attur emittenti, l-awtoritajiet kompetenti tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, jistgħu jagħmlu l-eżekuzzjoni tal-mandat ta’ arrest soġġetta għall-kundizzjoni li l-awtoritajiet kompetenti tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti, jagħtu garanzija meqjusa suffiċjenti mill-awtoritajiet kompetenti tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, li l-awtoritajiet kompetenti tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti, jirrieżaminaw il-piena jew il-miżura imposta, fuq talba jew mhux aktar tard minn 20 snin wara, jew se jinkoraġġixxu l-applikazzjoni ta’ miżuri ta’ klemenza li għalihom il-persuna tkun intitolata li tapplika skont il-liġi jew il-prattika tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti, bl-għan li tali piena jew miżura ma tiġix eżegwita;

(b)    jekk persuna li tkun is-suġġett ta’ mandat ta’ arrest għall-finijiet ta’ prosekuzzjoni tkun ċittadin jew residenti tal-Istat Membru ta’ eżekuzzjoni jew, fejn l-attur eżekuttiv jkun ir-Renju Unit, fir-rigward ta’ Ġibiltà, ċittadin tar-Renju Unit jew persuna residenti f’Ġibiltà, il-konsenja ta’ dik il-persuna tista’ tkun soġġetta għall-kundizzjoni li l-persuna, wara li tkun instemgħet, tiġi rritornata lill-Istat Membru ta’ eżekuzzjoni jew lil Ġibiltà meta r-Renju Unit, fir-rigward ta’ Ġibiltà, ikun l-attur eżekuttiv, sabiex tiskonta hemmhekk il-piena ta’ kustodja jew l-ordni ta’ detenzjoni mogħtija kontriha fl-Istat Membru emittenti jew f’Ġibiltà meta l-attur emittenti jkun ir-Renju Unit, fir-rigward ta’ Ġibiltà; jekk ikun meħtieġ il-kunsens tal-persuna rikjesta għat-trasferiment tal-piena jew tal-ordni ta’ detenzjoni lill-Istat Membru ta’ eżekuzzjoni jew lil Ġibiltà meta r-Renju Unit, fir-rigward ta’ Ġibiltà, ikun l-attur eżekuttiv, il-garanzija li l-persuna tiġi rritornata lill-Istat Membru ta’ eżekuzzjoni jew lil Ġibiltà meta r-Renju Unit, fir-rigward ta’ Ġibiltà, ikun l-attur eżekuttiv, biex tiskonta l-piena tagħha hemmhekk tkun soġġetta għall-kundizzjoni li l-persuna rikjesta, wara li tkun instemgħet, tagħti l-kunsens biex tiġi rritornata lill-Istat Membru ta’ eżekuzzjoni jew lil Ġibiltà meta r-Renju Unit, fir-rigward ta’ Ġibiltà, ikun l-attur eżekuttiv;

(c)    jekk ikun hemm raġunijiet sostanzjali biex wieħed jemmen li hemm riskju reali għall-protezzjoni tad-drittijiet fundamentali tal-persuna rikjesta, l-awtorità ġudizzjarja ta’ eżekuzzjoni tista’ titlob, kif xieraq, garanziji addizzjonali fir-rigward tat-trattament tal-persuna rikjesta wara l-konsenja tal-persuna qabel ma tiddeċiedi jekk teżegwix il-mandat ta’ arrest.

2.    Il-Kumitat Speċjalizzat dwar iċ-Ċirkolazzjoni tal-persuni għandu jkollu s-setgħa li jadotta kwalunkwe modifika f’dan l-Artikolu kif jista’ jkun meħtieġ biex jirrifletti l-bidliet li saru fil-Ftehim dwar il-Kummerċ u l-Kooperazzjoni.

ARTIKOLU 124

Rikors għall-awtorità ċentrali

1.    Ir-Renju Unit, fir-rigward ta’ Ġibiltà, għandu jinnotifika lill-Kumitat Speċjalizzat dwar iċ-Ċirkolazzjoni tal-Persuni tal-awtorità ċentrali tar-Renju Unit, fir-rigward ta’ Ġibiltà, u l-Unjoni, li taġixxi f’isem kwalunkwe wieħed mill-Istati Membri tagħha, tista’ tinnotifika lill-Kumitat Speċjalizzat dwar iċ-Ċirkolazzjoni tal-Persuni tal-awtorità ċentrali għal kull Stat Membru li jkun ħatar tali awtorità, jew, jekk is-sistema legali tal-Istat Membru rilevanti jew tar-Renju Unit, fir-rigward ta’ Ġibiltà, tipprevedi dan, ta’ aktar minn awtorità ċentrali waħda biex tassisti lill-awtoritajiet ġudizzjarji kompetenti.

2.    Meta jinnotifikaw lill-Kumitat Speċjalizzat dwar iċ-Ċirkolazzjoni tal-Persuni skont il-paragrafu 1, ir-Renju Unit fir-rigward ta’ Ġibiltà, u l-Unjoni, li taġixxi f’isem kwalunkwe wieħed mill-Istati Membri tagħha, kull wieħed minnhom jista’ jindika li, bħala riżultat tal-organizzazzjoni tas-sistema ġudizzjarja interna tal-Istat Membru rilevanti jew tar-Renju Unit fir-rigward ta’ Ġibiltà, l-awtorità ċentrali jew l-awtoritajiet ċentrali huma responsabbli għat-trażmissjoni amministrattiva u r-riċeviment ta’ mandati ta’ arrest kif ukoll għall-korrispondenza uffiċjali l-oħra kollha relatata mat-trażmissjoni amministrattiva u r-riċevuta ta’ mandati ta’ arrest. Trażmissjoni ta’ mandati ta’ arrest bħal din għandha ssir f’konformità mal-Artikolu 126, għaldaqstant, l-Artikolu 6(1). Indikazzjoni bħal din għandha tkun vinkolanti fuq l-awtoritajiet kollha tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti.

ARTIKOLU 125

Kontenut u forma tal-mandat ta’ arrest

1.    Il-mandat ta’ arrest għandu jkun fih l-informazzjoni li ġejja stabbilita skont il-formola li tinsab fl-Anness 14:

(a)    l-identità u n-nazzjonalità tal-persuna rikjesta;

(b)    l-isem, l-indirizz, in-numri tat-telefown u tal-fax u l-indirizz tal-posta elettronika tal-awtorità ġudizzjarja emittenti;

(c)    evidenza ta’ sentenza eżegwibbli, mandat ta’ arrest jew kwalunkwe deċiżjoni ġudizzjarja eżegwibbli oħra li jkollha l-istess effett li taqa’ fil-kamp ta’ applikazzjoni tal-Artikolu 118;

(d)    in-natura u l-klassifikazzjoni legali tar-reat, b’mod partikolari fir-rigward tal-Artikolu 118;

(e)    deskrizzjoni taċ-ċirkustanzi li fihom twettaq ir-reat, inklużi l-ħin, il-post u l-grad ta’ parteċipazzjoni fir-reat mill-persuna rikjesta;

(f)    il-piena imposta, jekk hemm sentenza finali, jew l-iskala ta’ pieni preskritta għall-offiża taħt il-liġi tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti; u

(g)    jekk possibbli, konsegwenzi oħrajn tar-reat.

2.    Il-Kumitat Speċjalizzat dwar iċ-Ċirkolazzjoni tal-Persuni jista’ jemenda l-formoli msemmija fl-Anness 14 kif ikun meħtieġ.

Il-Kumitat Speċjalizzat dwar iċ-Ċirkolazzjoni tal-Persuni għandu jadotta kwalunkwe modifika għall-formola fl-Anness 14 kif jista’ jkun meħtieġ biex tirrifletti l-bidliet li jkunu saru fl-Anness 43 tal-Ftehim dwar il-Kummerċ u l-Kooperazzjoni.

3.    Il-mandat ta’ arrest għandu jiġi tradott fil-lingwa uffiċjali jew f’waħda mil-lingwi uffiċjali tal-Istat Membru ta’ eżekuzzjoni jew bl-Ingliż meta r-Renju Unit, fir-rigward ta’ Ġibiltà, ikun l-attur eżekuttiv. L-Unjoni, li taġixxi f’isem kwalunkwe wieħed mill-Istati Membri tagħha, tista’ tinnotifika lill-Kumitat Speċjalizzat dwar iċ-Ċirkolazzjoni tal-Persuni li se tiġi aċċettata traduzzjoni b’waħda jew aktar mil-lingwi uffiċjali ta’ Stat Membru.

ARTIKOLU 126

Trażmissjoni ta’ mandat ta’ arrest

1.    L-Artikolu 6(1) għandu japplika biss fir-rigward tat-trażmissjoni inizjali tal-mandat ta’ arrest, li għandha ssir f’konformità ma’ dak l-Artikolu u d-dispożizzjonijiet ta’ dan il-Kapitolu.

2.    Jekk il-post fejn tinsab il-persuna rikjesta jkun magħruf, l-awtorità ġudizzjarja emittenti tista’ tittrażmetti, f’konformità mal-Artikolu 6(1), il-mandat ta’ arrest lill-awtorità kompetenti tal-Istat Membru ta’ eżekuzzjoni, jew lir-Renju Unit, fir-rigward ta’ Ġibiltà, meta jkun l-attur eżekuttiv, li jippermetti lil dik l-awtorità tistabbilixxi l-awtentiċità tal-mandat ta’ arrest.

ARTIKOLU 127

Proċeduri dettaljati għat-trażmissjoni ta’ mandat ta’ arrest

1.    Jekk l-awtorità ġudizzjarja emittenti ma tkunx taf liema awtorità hija l-awtorità ġudizzjarja ta’ eżekuzzjoni kompetenti, hija għandha tagħmel l-inkjesti meħtieġa sabiex tikseb dik l-informazzjoni mill-awtoritajiet kompetenti tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv.

2.    Bħala alternattiva għall-Artikolu 126, l-awtorità ġudizzjarja emittenti tista’ titlob lill-Organizzazzjoni Internazzjonali ta’ Pulizija Kriminali (l-“Interpol”) sabiex tittrażmetti mandat ta’ arrest.

3.    Id-diffikultajiet kollha dwar it-trażmissjoni jew l-awtentiċità ta’ kwalunkwe dokument meħtieġ għall-eżekuzzjoni tal-mandat ta’ arrest għandhom jiġu ttrattati b’kuntatti diretti bejn l-awtoritajiet ġudizzjarji involuti, jew, fejn adatt, bl-involviment tal-awtoritajiet ċentrali tal-Istati Membri u tar-Renju Unit, fir-rigward ta’ Ġibiltà.

4.    Jekk l-awtorità li tirċievi mandat ta’ arrest ma tkunx kompetenti sabiex taġixxi fuqu, hija għandha awtomatikament tgħaddi l-mandat ta’ arrest lill-awtorità kompetenti tal-Istat Membru eżekuttiv jew tar-Renju Unit, fir-rigward ta’ Ġibiltà fejn ikun l-attur eżekuttiv, u għandha tinforma lill-awtorità ġudizzjarja emittenti kif meħtieġ.

ARTIKOLU 128

Drittijiet ta’ persuna rikjesta

1.    Jekk persuna rikjesta tiġi arrestata għall-fini tal-eżekuzzjoni ta’ mandat ta’ arrest, l-awtorità ġudizzjarja ta’ eżekuzzjoni, f’konformità mal-liġi domestika tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, għandha tinforma lil dik il-persuna dwar il-mandat ta’ arrest u l-kontenut tiegħu, kif ukoll dwar il-possibbiltà li tagħti kunsens għall-konsenja lir-Renju Unit, fir-rigward ta’ Ġibiltà, jekk ikun l-attur emittenti jew l-Istat Membru emittenti.

2.    Persuna rikjesta li tiġi arrestata għall-fini tal-eżekuzzjoni ta’ mandat ta’ arrest u li ma titkellimx jew ma tifhimx il-lingwa tal-proċedimenti tal-mandat ta’ arrest għandu jkollha d-dritt li tkun assistita minn interpretu u li tiġi pprovduta bi traduzzjoni bil-miktub fil-lingwa nattiva tagħha jew fi kwalunkwe lingwa oħra li dik il-persuna titkellem jew tifhem, skont il-liġi domestika tal-Istat Membru jew tar-Renju Unit, fir-rigward ta’ Ġibiltà, meta jkun l-attur eżekuttiv.

3.    Persuna rikjesta għandu jkollha d-dritt li tkun assistita minn avukat mal-arrest, f’konformità mal-liġi domestika tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv.

4.    Il-persuna rikjesta għandha tiġi infurmata bid-dritt tal-persuna li taħtar avukat fl-Istat Membru emittenti jew fir-Renju Unit, fir-rigward ta’ Ġibiltà, meta jkun l-attur emittenti, għall-fini li jassisti lill-persuna rikjesta fir-Renju Unit, fir-rigward ta’ Ġibiltà, meta jkun l-attur eżekuttiv jew fl-Istat Membru ta’ eżekuzzjoni fil-proċedimenti ta’ mandat ta’ arrest. Dan il-paragrafu huwa mingħajr preġudizzju għal-limiti ta’ żmien stabbiliti fl-Artikolu 140.

5.    Persuna rikjesta li tiġi arrestata għandu jkollha d-dritt li l-awtoritajiet konsulari tal-Istat taċ-ċittadinanza ta’ dik il-persuna, jew jekk dik il-persuna tkun apolida, l-awtoritajiet konsulari tal-Istat fejn tirrisjedi s-soltu dik il-persuna, jiġu informati bl-arrest mingħajr dewmien żejjed u jikkomunikaw ma’ dawk l-awtoritajiet, jekk dik il-persuna tkun tixtieq hekk.

ARTIKOLU 129

Żamma tal-persuna f’detenzjoni

Meta persuna tiġi arrestata fuq il-bażi ta’ mandat ta’ arrest, l-awtorità ġudizzjarja eżekuttiva għandha tieħu deċiżjoni dwar jekk il-persuna rikjesta jenħtieġx li tibqa’ f’detenzjoni, f’konformità mad-dritt tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà meta jkun l-attur eżekuttiv. Il-persuna tista’ tiġi rilaxxata proviżorjament fi kwalunkwe ħin f’konformità mal-liġi domestika tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv dment li dak l-Istat Membru jew ir-Renju Unit, fir-rigward ta’ Ġibiltà, jieħu l-miżuri kollha li jqis meħtieġa biex jipprevjeni lill-persuna milli taħrab.

ARTIKOLU 130

Kunsens għall-konsenja

1.    Jekk il-persuna arrestata tindika l-kunsens tagħha għal konsenja, dak il-kunsens u, jekk meħtieġ, ir-rinunzja espliċita għad-dritt għar-“regola ta’ speċjalità”, imsemmija fl-Artikolu 144(2), irid jingħata quddiem l-awtorità ġudizzjarja eżekuttiva, skont id-dritt nazzjonali tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv.

2.    Kull Stat Membru u tar-Renju Unit, fir-rigward ta’ Ġibiltà għandu jadotta l-miżuri meħtieġa sabiex jiżgura li l-kunsens u, fejn xieraq, ir-rinunzja, kif imsemmija fil-paragrafu 1, ikunu stabbiliti b’tali mod li juri li l-persuna konċernata tkun esprimiethom volontarjament u b’għarfien sħiħ tal-konsegwenzi. Għal dak l-għan, il-persuna rikjesta għandu jkollha d-dritt għal avukat.

3.    Il-kunsens u, fejn adatt, ir-rinunzja, kif imsemmija fil-paragrafu 1, għandhom ikunu rreġistrati formalment f’konformità mal-proċedura stabbilita mil-liġi domestika tal-Istat Membru eżekuttiv jew mir-Renju Unit, fir-rigward ta’ Ġibiltà, meta jkun l-attur eżekuttiv.

4.    Fil-prinċipju, il-kunsens ma jistax jiġi rrevokat. Stat Membru jew ir-Renju Unit, fir-rigward ta’ Ġibiltà jista’ jipprevedi li l-kunsens u, jekk xieraq, ir-rinunzja, msemmija fil-paragrafu 1 jistgħu jiġu rrevokati, f’konformità mar-regoli applikabbli skont il-liġi domestika tiegħu. F’tali każ, il-perjodu bejn id-data tal-kunsens u dik tar-revoka tiegħu ma għandux jiġi kkunsidrat fl-istabbiliment tal-limiti ta’ żmien stabbiliti fl-Artikolu 140. Ir-Renju Unit, fir-rigward ta’ Ġibiltà, u l-Unjoni, li taġixxi f’isem kwalunkwe wieħed mill-Istati Membri tagħha, jistgħu jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni li jixtiequ jirrikorru għal din il-possibbiltà, filwaqt li jispeċifikaw il-proċeduri li bihom ir-revoka tal-kunsens hija possibbli u kwalunkwe emenda għal dawk il-proċeduri.

ARTIKOLU 131

Smigħ tal-persuna rikjesta

Meta l-persuna arrestata ma tagħtix il-kunsens tagħha għall-konsenja kif imsemmi fl-Artikolu 130, dik il-persuna għandha tkun intitolata li tinstema’ mill-awtorità ġudizzjarja ta’ eżekuzzjoni, skont il-liġi tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv.

ARTIKOLU 132

Deċiżjoni ta’ konsenja

1.    L-awtorità ġudizzjarja eżekutorja għandha tiddeċiedi jekk il-persuna għandhiex tiġi kkonsenjata fil-limiti ta’ żmien u skont il-kundizzjonijiet definiti f’dan it-Titolu, b’mod partikolari l-prinċipju tal-proporzjonalità kif stabbilit fl-Artikolu 116.

2.    Jekk l-awtorità ġudizzjarja eżekuttiva ssib li l-informazzjoni kkomunikata mill-awtorità kompetenti tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti, ma tkunx biżżejjed biex tkun tista’ tiddeċiedi dwar il-konsenja, hija għandha titlob li l-informazzjoni supplementari meħtieġa, b’mod partikolari fir-rigward tal-Artikolu 116, l-Artikoli 119 sa 121, l-Artikolu 123 u l-Artikolu 125, tiġi pprovduta b’urġenza u tista’ tiffissa limitu ta’ żmien biex tirċeviha, b’kont meħud tal-ħtieġa li jiġu osservati l-limiti ta’ żmien previsti fl-Artikolu 134.

3.    L-awtorità ġudizzjarja emittenti tista’ tibgħat kwalunkwe informazzjoni utli addizzjonali lill-awtorità ġudizzjarja eżekutorja fi kwalunkwe ħin.

ARTIKOLU 133

Deċiżjoni fil-każ ta’ talbiet multipli

1.    Jekk l-awtoritajiet ġudizzjarji ta’ żewġ Stati Membri jew aktar jew Stat Membru wieħed jew aktar u r-Renju Unit, fir-rigward ta’ Ġibiltà, ikunu ħarġu mandat ta’ arrest Ewropew jew mandat ta’ arrest għall-istess persuna, id-deċiżjoni dwar liema minn dawk il-mandati ta’ arrest għandu jiġi eżegwit għandha tittieħed mill-awtorità ġudizzjarja ta’ eżekuzzjoni, b’kunsiderazzjoni xierqa taċ-ċirkostanzi kollha, speċjalment is-serjetà relattiva tar-reati u l-post tar-reati, id-dati rispettivi tal-mandati ta’ arrest jew tal-mandati ta’ arrest Ewropej u jekk inħarġux għall-finijiet ta’ prosekuzzjoni jew għall-eżekuzzjoni ta’ sentenza ta’ kustodja jew ordni ta’ detenzjoni, u ta’ obbligi legali tal-Istati Membri li jirriżultaw mid-dritt tal-Unjoni rigward, b’mod partikolari, il-prinċipji tal-libertà ta’ moviment u n-nondiskriminazzjoni għal raġunijiet ta’ nazzjonalità.

2.    L-awtorità ġudizzjarja ta’ eżekuzzjoni ta’ Stat Membru tista’ titlob il-parir tal-Eurojust sabiex tagħmel l-għażla msemmija fil-paragrafu 1.

3.    Fil-każ ta’ kunflitt bejn mandat ta’ arrest u talba għall-estradizzjoni ppreżentata minn pajjiż terz jew mandat ta’ arrest ippreżentat mir-Renju Unit skont il-Ftehim dwar il-Kummerċ u l-Kooperazzjoni (“mandat ta’ arrest tat-TCA”), id-deċiżjoni dwar jekk il-mandat ta’ arrest jew it-talba għall-estradizzjoni jew il-mandat ta’ arrest tat-TCA jiħux preċedenza għandha tittieħed mill-awtorità kompetenti tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv b’kunsiderazzjoni xierqa taċ-ċirkostanzi kollha, b’mod partikolari dawk imsemmija fil-paragrafu 1 u dawk imsemmija fil-konvenzjoni applikabbli.

4.    Dan l-Artikolu huwa mingħajr preġudizzju għall-obbligi tal-Istati Membri u tar-Renju Unit, fir-rigward ta’ Ġibiltà, skont l-Istatut tal-Qorti Kriminali Internazzjonali.

ARTIKOLU 134

Termini preskrittivi u proċeduri għad-deċiżjoni ta’ eżekuzzjoni tal-mandat ta’ arrest

1.    Mandat ta’ arrest għandu jiġi ttrattat bħala kwistjoni ta’ urġenza.

2.    F’każijiet fejn il-persuna rikjesta tagħti l-kunsens tagħha għall-konsenja, id-deċiżjoni finali dwar l-eżekuzzjoni tal-mandat ta’ arrest għandha tittieħed fi żmien 10 ijiem wara li jkun ingħata l-kunsens.

3.    F’każijiet oħra, id-deċiżjoni finali dwar l-eżekuzzjoni tal-mandat ta’ arrest Ewropew għandha tittieħed 60 jum wara l-arrest tal-persuna rikjesta.

4.    Fejn f’każijiet speċifiċi l-mandat ta’ arrest ma jkunx jista’ jiġi eżegwit fit-termini preskrittivi stabbiliti fil-paragrafu 2 jew 3, l-awtorità ġudizzjarja ta’ eżekuzzjoni għandha tinforma minnufih lill-awtorità ġudizzjarja emittenti dwar dak il-fatt, filwaqt li tagħti r-raġunijiet għad-dewmien. F’każijiet bħal dan, it-termini preskrittivi jistgħu jiġu estiżi bi 30 jum ieħor.

5.    Sakemm l-awtorità ġudizzjarja ta’ eżekuzzjoni ma tkunx ħadet deċiżjoni finali dwar il-mandat ta’ arrest, hija għandha tiżgura li l-kundizzjonijiet materjali meħtieġa għall-konsenja effettiva tal-persuna jibqgħu ssodisfati.

6.    Iridu jingħataw raġunijiet għal kwalunkwe rifjut ta’ eżekuzzjoni ta’ mandat ta’ arrest.

ARTIKOLU 135

Sitwazzjoni sakemm tittieħed deċiżjoni

1.    Meta l-mandat ta’ arrest jkun inħareġ għall-fini tat-tmexxija ta’ proċedimenti kriminali, l-awtorità ġudizzjarja ta’ eżekuzzjoni għandha:

(a)    taqbel li l-persuna rikjesta jenħtieġ li tinstema’ skont l-Artikolu SURRENDER.22 (Smigħ tal-persuna sakemm tittieħed id-deċiżjoni); jew

(b)    taqbel mat-trasferiment temporanju tal-persuna rikjesta.

2.    Il-kundizzjonijiet u d-durata tat-trasferiment temporanju għandhom jiġu ddeterminati bi ftehim reċiproku bejn l-awtorità ġudizzjarja emittenti u dik ta’ eżekuzzjoni.

3.    Fil-każ ta’ trasferiment temporanju, il-persuna għandha tkun tista’ tirritorna fl-Istat Membru eżekuttiv jew f’Ġibiltà fejn ir-Renju Unit, fir-rigward ta’ Ġibiltà, ikun l-attur eżekuttiv, biex tattendi seduti li jikkonċernaw lil dik il-persuna bħala parti mill-proċedura ta’ konsenja.

ARTIKOLU 136

Smigħ tal-persuna sakemm tittieħed id-deċiżjoni

1.    Il-persuna rikjesta għandha tinstema’ minn awtorità ġudizzjarja. Għal dak l-għan, il-persuna rikjesta għandha tiġi assistita minn avukat maħtur f’konformità mal-liġi tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti.

2.    Il-persuna rikjesta għandha tinstema’ skont il-liġi tal-Istat Membru eżekuttiv jew tar-Renju Unit, fir-rigward ta’ Ġibiltà, meta jkun l-attur eżekuttiv, u bil-kundizzjonijiet stabbiliti bi ftehim reċiproku bejn l-awtoritajiet ġudizzjarji li joħorġu u dawk li jesegwixxu l-mandat.

3.    L-awtorità ġudizzjarja ta’ eżekuzzjoni kompetenti tista’ tassenja awtorità ġudizzjarja oħra tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, li tieħu sehem fis-smigħ tal-persuna rikjesta sabiex tiġi żgurata l-applikazzjoni xierqa ta’ dan l-Artikolu.

ARTIKOLU 137

Privileġġi u immunitajiet

1.    Meta l-persuna mitluba tgawdi minn privileġġ jew immunità rigward ġuriżdizzjoni jew eżekuzzjoni fl-Istat Membru eżekuttiv jew fir-Renju Unit, fir-rigward ta’ Ġibiltà, meta jkun l-attur eżekuttiv, il-limiti ta’ żmien imsemmija fl-Artikolu 134 jibdew jiddekorru biss meta, jew jekk, l-awtorità ġudizzjarja ta’ eżekuzzjoni tkun infurmata bil-fatt li l-privileġġ jew l-immunità tkun ġiet irtirata.

2.    L-awtoritajiet kompetenti tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, għandhom jiżguraw li l-kundizzjonijiet materjali meħtieġa għal konsenja effettiva jiġu ssodisfati meta l-persuna ma tibqax tgawdi minn tali privileġġ jew immunità.

3.    Meta s-setgħa ta’ rinunzja tal-privileġġ jew tal-immunità tkun ta’ awtorità tal-Istat Membru ta’ eżekuzzjoni jew tar-Renju Unit, jew tar-Renju Unit, fir-rigward ta’ Ġibiltà, meta jkun l-attur eżekuttiv, l-awtorità ġudizzjarja ta’ eżekuzzjoni għandha titlob lil dik l-awtorità teżerċita dik is-setgħa mingħajr dewmien. Meta s-setgħa ta’ rinunzja tal-privileġġ jew tal-immunità tkun ta’ awtorità ta’ Stat Membru ieħor, tar-Renju Unit, tar-Renju Unit, fir-rigward ta’ Ġibiltà, ta’ pajjiż terz jew ta’ organizzazzjoni internazzjonali, l-awtorità ġudizzjarja emittenti għandha titlob dik l-awtorità biex teżerċita dik is-setgħa.

ARTIKOLU 138

Obbligi internazzjonali f’kompetizzjoni

1.    Dan il-Ftehim ma jippreġudikax l-obbligi tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, meta l-persuna rikjesta tkun ġiet estradita lejn dak l-Istat Membru jew lejn ir-Renju Unit, fir-rigward ta’ Ġibiltà, minn pajjiż terz jew mir-Renju Unit u meta dik il-persuna tkun protetta minn dispożizzjonijiet tal-arranġament li skontu dik il-persuna tkun ġiet estradita fir-rigward tar-regola tal-ispeċjalità. L-Istat Membru ta’ eżekuzzjoni jew ir-Renju Unit, fir-rigward ta’ Ġibiltà, meta jkun l-attur eżekuttiv, għandu jieħu l-miżuri kollha meħtieġa biex jitlob mingħajr dewmien il-kunsens tal-pajjiż terz jew tar-Renju Unit li minnu l-persuna rikjesta tkun ġiet estradita sabiex il-persuna rikjesta tkun tista’ tiġi kkonsenjata lill-Istat Membru emittenti jew lir-Renju Unit, fir-rigward ta’ Ġibiltà, jekk ikun l-attur emittenti. Il-limiti ta’ żmien imsemmija fl-Artikolu 134 ma jibdewx jiddekorru qabel il-jum li fih ma tibqax tapplika din ir-regola tal-ispeċjalità.

2.    Sakemm tittieħed id-deċiżjoni tal-pajjiż terz jew tar-Renju Unit li minnu l-persuna rikjesta ġiet estradita, l-Istat Membru ta’ eżekuzzjoni jew ir-Renju Unit, fir-rigward ta’ Ġibiltà, meta jkun l-attur eżekuttiv, għandu jiżgura li l-kundizzjonijiet materjali meħtieġa għal konsenja effettiva jibqgħu ssodisfati.

ARTIKOLU 139

Notifika tad-deċiżjoni

L-awtorità ġudizzjarja ta’ eżekuzzjoni għandha tinnotifika immedjatament lill-awtorità ġudizzjarja emittenti bid-deċiżjoni dwar l-azzjoni li għandha tittieħed dwar il-mandat ta’ arrest.

ARTIKOLU 140

Termini preskrittivi għall-konsenja tal-persuna

1.    Il-persuna rikjesta għandha tiġi konsenjata malajr kemm jista’ jkun f’data miftehma bejn l-awtoritajiet ikkonċernati.

2.    Il-persuna rikjesta għandha tiġi kkonsenjata mhux aktar tard minn 10 ijiem wara d-deċiżjoni finali dwar l-eżekuzzjoni tal-mandat ta’ arrest.

3.    Jekk il-konsenja tal-persuna rikjesta fil-limitu ta’ żmien fil-paragrafu 2 ma tħallietx minħabba ċirkustanzi li mhumiex fil-kontroll ta’ xi wieħed mill-Istat Membri jew tar-Renju Unit, fir-rigward ta’ Ġibiltà, meta jkun l-attur eżekuttiv, l-awtoritajiet ġudizzjarji ta’ eżekuzzjoni u dawk li joħroġu l-mandat għandhom jikkuntattjaw lil xulxin immedjatament u jiftiehmu dwar data ġdida ta’ konsenja. F’dak il-każ, il-konsenja għandha sseħħ fi żmien 10 ijiem mid-data l-ġdida hekk miftiehma.

4.    Il-konsenja tista’ eċċezzjonalment tiġi posposta temporanjament għal raġunijiet umanitarji serji, pereżempju jekk hemm raġunijiet sostanzjali biex jitwemmen li l-konsenja tpoġġi manifestament f’periklu l-ħajja jew is-saħħa tal-persuna rikjesta. L-eżekuzzjoni tal-mandat ta’ arrest għandha sseħħ malli dawk ir-raġunijiet ma jibqgħux jeżistu. L-awtorità ġudizzjarja ta’ eżekuzzjoni għandha tinforma minnufih lill-awtorità ġudizzjarja emittenti u tiftiehem dwar data ġdida ta’ konsenja. F’dak il-każ, il-konsenja għandha ssir fi żmien 10 ijiem mid-data l-ġdida miftiehma.

5.    Mal-iskadenza tal-limiti ta’ żmien imsemmija fil-paragrafi minn 2 sa 4, jekk il-persuna rikjesta għadha qed tinżamm f’kustodja, dik il-persuna għandha tinħeles. L-awtoritajiet ġudizzjarji eżekutorji u emittenti għandhom jikkuntattjaw lil xulxin malli jidher li persuna għandha tiġi rilaxxata skont dan il-paragrafu u jaqblu dwar l-arranġamenti għall-konsenja ta’ dik il-persuna.

ARTIKOLU 141

Konsenja posposta jew kundizzjonali

1.    Wara li tiddeċiedi li teżegwixxi l-mandat ta’ arrest, l-awtorità ġudizzjarja ta’ eżekuzzjoni tista’ tipposponi l-konsenja tal-persuna rikjesta sabiex tkun tista' tittieħed azzjoni kriminali kontra l-persuna rikjesta fl-Istat Membru ta’ eżekuzzjoni jew fir-Renju Unit, fir-rigward ta’ Ġibiltà, meta jkun l-attur ta’ eżekuzzjoni jew, jekk il-persuna rikjesta tkun diġà ġiet ikkundannata, sabiex il-persuna rikjesta tkun tista’ tiskonta, sentenza mogħtija għal att differenti minn dak imsemmi fil-mandat ta’ arrest fl-Istat Membru ta’ eżekuzzjoni jew fir-Renju Unit, fir-rigward ta’ Ġibiltà, meta jkun l-attur ta’ eżekuzzjoni.

2.    Minflok li tipposponi l-konsenja, l-awtorità ġudizzjarja eżekuttiva tista’ tikkonsenja temporanjament il-persuna rikjesta lill-Istat Membru emittenti jew lir-Renju Unit, fir-rigward ta’ Ġibiltà, jekk ikun l-attur emittenti, taħt kundizzjonijiet li għandhom jiġu stabbiliti bi ftehim reċiproku bejn l-awtoritajiet ġudizzjarji li jesegwixxu u li joħorġu l-mandat. Il-ftehim għandu jkun magħmul fil-kitba u l-kundizzjonijiet għandhom ikunu vinkolanti fuq l-awtoritajiet kollha fl-Istat Membru emittenti jew fir-Renju Unit, fir-rigward ta’ Ġibiltà, jekk ikun l-attur emittenti.

ARTIKOLU 142

Tranżitu

1.    Kull Stat Membru, ir-Renju Unit u r-Renju Unit, fir-rigward ta’ Ġibiltà, għandhom jippermettu t-tranżitu mit-territorju tagħhom ta’ persuna rikjesta li tkun qed tiġi kkonsenjata dment li jkunu ngħataw informazzjoni dwar:

(a)    l-identità u n-nazzjonalità tal-persuna suġġetta għall-mandat ta’ arrest;

(b)    l-eżistenza ta’ mandat ta’ arrest;

(c)    in-natura u l-klassifikazzjoni legali tar-reat; u

(d)    id-deskrizzjoni taċ-ċirkustanzi tar-reat, inklużi d-data u l-post.

2.    Fejn tkun saret notifika mir-Renju Unit, fir-rigward ta’ Ġibiltà, f’konformità mal-Artikolu 122(2) fis-sens li ċ-ċittadini tar-Renju Unit mhux se jiġu kkonsenjati jew li l-konsenja se tiġi awtorizzata biss taħt ċerti kundizzjonijiet speċifikati, ir-Renju Unit jew ir-Renju Unit, fir-rigward ta’ Ġibiltà, skont il-każ, jistgħu jirrifjutaw it-tranżitu ta’ ċittadini tar-Renju Unit taħt l-istess termini jew jissottomettuh għall-istess kundizzjonijiet.

3.    L-Istat Membru, li f’ismu tkun saret notifika skont l-Artikolu 122(2) fis-sens li ċ-ċittadini tiegħu ma jiġux ikkonsenjati jew li l-konsenja tiġi awtorizzata biss taħt ċerti kundizzjonijiet speċifiċi, jista’ jirrifjuta t-tranżitu taċ-ċittadini tiegħu stess mit-territorju tiegħu taħt l-istess termini jew jissottomettih għall-istess: termini jew jissottomettih għall-istess kundizzjonijiet.

4.    L-Istati Membri, ir-Renju Unit u r-Renju Unit, fir-rigward ta’ Ġibiltà, għandhom jinnotifikaw lill-Kumitat Speċjalizzat dwar iċ-Ċirkolazzjoni tal-Persuni bl-awtoritajiet responsabbli biex jirċievu talbiet għal tranżitu u d-dokumenti meħtieġa, kif ukoll kwalunkwe korrispondenza uffiċjali oħra relatata mat-talbiet għal tranżitu.

5.    Ir-rikjesta għat-tranżitu u l-informazzjoni msemmija fil-paragrafu 1 jistgħu jiġu indirizzati lill-awtorità nnominata skont il-paragrafu 4 bi kwalunkwe mezz li jista’ jipproduċi rekord bil-miktub. Id-Deċiżjoni tal-awtorità notifikata tal-Istat Membru rikjest jew tar-Renju Unit jew tar-Renju Unit, fir-rigward ta’ Ġibiltà, meta jkun l-attur rikjest għandha tiġi nnotifikata bl-istess proċedura.

6.    Dan l-Artikolu ma japplikax fil-każ ta’ trasport bl-ajru mingħajr waqfa skedata. Madankollu, jekk iseħħ inżul mhux skedat, l-awtoritajiet kompetenti tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti, għandhom jipprovdu lill-awtorità nnotifikata skont il-paragrafu 4 bl-informazzjoni msemmija fil-paragrafu 1.

7.    Meta tranżitu jikkonċerna persuna li għandha tiġi estradita, jew ikkonsenjata, minn pajjiż terz jew mir-Renju Unit lejn Stat Membru jew lejn ir-Renju Unit, fir-rigward ta’ Ġibiltà, jew bejn Stati Membri, dan l-Artikolu japplika mutatis mutandis. B’mod partikolari, ir-referenzi għal “mandat ta’ arrest” għandhom jiġu ttrattati bħala referenzi għal “talba għal estradizzjoni” jew “Mandat ta’ Arrest Ewropew”, jew “mandat ta’ arrest tat-TCA”, skont il-każ.

ARTIKOLU 143

Deduzzjoni fil-perjodu ta’ detenzjoni mgħoddi
fl-Istat Membru eżekuttiv jew f’Ġibiltà

1.    L-Istat Membru emittenti jew ir-Renju Unit, fir-rigward ta’ Ġibiltà, jekk ikun l-attur emittenti, għandu jnaqqas il-perjodi kollha ta’ detenzjoni li jirriżultaw mill-eżekuzzjoni ta’ mandat ta’ arrest Ewropew mill-perjodu totali ta’ detenzjoni li għandu jiġi skontat fl-Istat Membru emittenti jew f’Ġibiltà, jekk ir-Renju Unit fir-rigward ta’ Ġibiltà, ikun l-attur emittenti bħala riżultat ta’ sentenza ta’ kustodja jew ordni ta’ detenzjoni li qed tiġi mogħtija.

2.    L-informazzjoni kollha li tikkonċerna d-durata tad-detenzjoni tal-persuna mitluba abbażi tal-mandat ta’ arrest għandha tintbagħat mill-awtorità ġudizzjarja ta’ eżekuzzjoni jew mill-awtorità ċentrali nnominata taħt l-Artikolu 124 lill-awtorità ġudizzjarja emittenti fil-mument tal-konsenja.

ARTIKOLU 144

Prosekuzzjoni possibbli għal reati oħrajn

1.    Ir-Renju Unit, fir-rigward ta’ Ġibiltà, jista’ jinnotifika lill-Kumitat Speċjalizzat dwar iċ-Ċirkolazzjoni tal-Persuni li, f’relazzjonijiet ma’ Stati Membri oħra li għalihom l-Unjoni tat in-notifika msemmija fil-paragrafu 2, il-kunsens tiegħu ikun preżunt li ngħata għall-prosekuzzjoni, għas-sentenzjar jew għad-detenzjoni ta’ persuna bil-ħsieb li tiġi eżegwita piena li ċċaħħad il-libertà jew ordni ta’ detenzjoni għal reat imwettaq qabel il-konsenja ta’ persuna, minbarra dak li għalih ġiet ikkonsenjata, sakemm f’każ partikolari l-awtorità ġudizzjarja eżekuttiva tar-Renju Unit, fir-rigward ta’ Ġibiltà, ma tiddikjarax mod ieħor fid-deċiżjoni tagħha dwar il-konsenja.

2.    L-Unjoni, li taġixxi f’isem kwalunkwe wieħed mill-Istati Membri tagħha, tista’ tinnotifika lill-Kumitat Speċjalizzat dwar iċ-Ċirkolazzjoni tal-Persuni li, fejn ir-Renju Unit, fir-rigward ta’ Ġibiltà, ikun ta n-notifika msemmija fil-paragrafu 1, il-kunsens ta’ dawk l-Istati Membri jkun preżunt li ngħata għall-prosekuzzjoni, għas-sentenzjar jew għad-detenzjoni ta’ persuna bil-ħsieb li tiġi eżegwita piena li ċċaħħad il-libertà jew ordni ta’ detenzjoni għal reat imwettaq qabel il-konsenja ta’ persuna, minbarra dak li għalih ġiet ikkonsenjata, sakemm f’każ partikolari l-awtorità ġudizzjarja eżekuttiva tal-Istat Membru ma tiddikjarax mod ieħor fid-deċiżjoni tagħha dwar il-konsenja.

3.    Ħlief fil-każijiet imsemmija fil-paragrafi 1, 2 u 4, persuna kkonsenjata ma tistax tiġi mħarrka, sentenzjata jew b’xi mod ieħor imċaħħda mil-libertà għal reat imwettaq qabel il-konsenja ta’ dik il-persuna minbarra dak li għalih il-persuna ġiet ikkonsenjata.

4.    Il-paragrafu 3 ma japplikax fil-każijiet li ġejjin:

(a)    il-persuna, wara li kellha l-opportunità li titlaq mill-Istat Membru li lilu ġiet ikkonsenjata dik il-persuna jew minn Ġibiltà meta ġiet ikkonsenjata lir-Renju Unit, fir-rigward ta’ Ġibiltà, ma għamlitx dan fi żmien 45 jum mir-rilaxx finali ta’ dik il-persuna jew irritornat lejn dak l-Istat Membru jew Ġibiltà, skont il-każ, wara li telqet minnu;

(b)    ir-reat ma jkunx punibbli b’piena li ċċaħħad il-libertà jew b’ordni ta’ detenzjoni;

(c)    il-proċedimenti kriminali ma jwasslux għall-applikazzjoni ta’ miżura li tillimita l-libertà personali;

(d)    il-persuna tista’ tkun suġġetta għal piena jew miżura li ma tinvolvix iċ-ċaħda tal-libertà, b’mod partikolari piena finanzjarja jew miżura minflok penali finanzjarja, anke jekk il-piena jew il-miżura tista’ twassal għal restrizzjoni tal-libertà personali tal-persuna;

(e)    il-persuna tat il-kunsens biex tiġi kkonsenjata, fejn xieraq fl-istess ħin li l-persuna rrinunzjat għar-regola tal-ispeċjalità, f’konformità mal-Artikolu 130;

(f)    il-persuna, wara l-konsenja tal-persuna, irrinunzjat espressament għall-benefiċċju tar-regola tal-ispeċjalità fir-rigward ta’ reati speċifiċi qabel il-konsenja tal-persuna; trid tingħata rinunzja quddiem l-awtorità ġudizzjarja kompetenti tal-Istat Membru emittenti, jew tar-Renju Unit, fir-rigward ta’ Ġibiltà, jekk ikun l-attur emittenti, u tkun reġistrata f’konformità mal-liġi domestika ta’ dak l-Istat Membru jew tar-Renju Unit, fir-rigward ta’ Ġibiltà, skont il-każ; ir-rinunzja trid issir b’mod li jkun jidher ċar li l-persuna tagħtu volontarjament u b’għarfien sħiħ tal-konsegwenzi; għal dan il-għan, il-persuna rikjesta għandu jkollha d-dritt għal avukat; u

(g)    l-awtorità ġudizzjarja ta’ eżekuzzjoni li kkonsenjat il-persuna tagħti l-kunsens tagħha skont il-paragrafu 4.

5.    Talba għal kunsens għandha tiġi ppreżentata lill-awtorità ġudizzjarja ta’ eżekuzzjoni, flimkien mal-informazzjoni msemmija fl-Artikolu 125(1) u traduzzjoni kif imsemmija fl-Artikolu 125(2). Il-kunsens għandu jingħata meta r-reat li għalih jintalab fih innifsu jkun suġġett għal konsenja f’konformità mad-dispożizzjonijiet ta’ dan il-Kapitolu. Il-kunsens għandu jiġi miċħud għar-raġunijiet imsemmijin fl-Artikolu 119 u mill-bqija jista’ jiġi miċħud biss għar-raġunijiet imsemmijin fl-Artikolu 120, jew l-Artikolu 121(2) u l-Artikolu 122(2). Id-deċiżjoni għandha tittieħed mhux aktar tard minn 30 jum wara li tiġi rċevuta t-talba. Għas-sitwazzjonijiet stabbiliti fl-Artikolu 123, l-awtoritajiet kompetenti tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti, iridu jagħtu l-garanziji previsti fih.

ARTIKOLU 145

Konsenja jew estradizzjoni sussegwenti

1.    Ir-Renju Unit, fir-rigward ta’ Ġibiltà, jista’ jinnotifika lill-Kumitat Speċjalizzat dwar iċ-Ċirkolazzjoni tal-Persuni li, fir-relazzjonijiet mal-Istati Membri li f’isimhom l-Unjoni tat in-notifika msemmija fil-paragrafu 2, il-kunsens tiegħu għall-konsenja sussegwenti minn wieħed minn dawk l-Istati Membri, ta’ persuna inizjalment ikkonsenjata lil dak l-Istat Membru mir-Renju Unit, fir-rigward ta’ Ġibiltà, skont mandat ta’ arrest, lil wieħed ieħor minn dawk l-Istati Membri skont mandat ta’ arrest Ewropew maħruġ għal reat imwettaq qabel il-konsenja ta’ dik il-persuna, huwa preżunt li ngħata, sakemm f’każ partikolari l-awtorità ġudizzjarja ta’ eżekuzzjoni tar-Renju Unit, fir-rigward ta’ Ġibiltà, ma tiddikjarax mod ieħor fid-deċiżjoni tagħha dwar il-konsenja lill-Istat Membru li jiddeċiedi dwar il-konsenja sussegwenti.

2.    L-Unjoni, filwaqt li taġixxi f’isem kwalunkwe wieħed mill-Istati Membri tagħha, tista’ tinnotifika lill-Kumitat Speċjalizzat dwar iċ-Ċirkolazzjoni tal-Persuni li, fejn ir-Renju Unit, fir-rigward ta’ Ġibiltà, ikun ta n-notifika msemmija fil-paragrafu 1, il-kunsens ta’ dawk l-Istati Membri għall-konsenja sussegwenti mir-Renju Unit, fir-rigward ta’ Ġibiltà, ta’ persuna inizjalment ikkonsenjata lir-Renju Unit, fir-rigward ta’ Ġibiltà, minn wieħed minn dawk l-Istati Membri skont mandat ta’ arrest, lil Stat Membru ieħor minn dawk l-Istati Membri skont mandat ta’ arrest maħruġ għal reat imwettaq qabel il-konsenja ta’ dik il-persuna, huwa preżunt li ngħata, sakemm f’każ partikolari l-awtorità ġudizzjarja ta’ eżekuzzjoni tal-Istat Membru li inizjalment ikkonsenja l-persuna lir-Renju Unit, fir-rigward ta’ Ġibiltà, ma tiddikjarax mod ieħor fid-deċiżjoni tagħha dwar dik il-konsenja.

3.    Fi kwalunkwe każ, persuna li ġiet konsenjata lill-Istat Membru emittenti jew ir-Renju Unit, fir-rigward ta’ Ġibiltà, jekk ikun l-attur emittenti, skont mandat ta’ arrest jew mandat ta’ arrest Ewropew tista’ tiġi kkonsenjata lil Stat Membru li mhux l-Istat Membru eżekuttiv jew lir-Renju Unit, fir-rigward ta’ Ġibiltà, skont mandat ta’ arrest jew mandat ta’ arrest Ewropew maħruġ għal kwalunkwe reat imwettaq qabel il-konsenja tal-persuna mingħajr il-kunsens tal-awtorità ġudizzjarja eżekuttiva fil-każijiet li ġejjin:

(a)    il-persuna rikjesta, wara li kellha l-opportunità li titlaq mill-Istat Membru li lilu ġiet ikkonsenjata dik il-persuna jew minn Ġibiltà meta ġiet ikkonsenjata lir-Renju Unit, fir-rigward ta’ Ġibiltà, ma għamlitx dan fi żmien 45 jum mir-rilaxx finali ta’ dik il-persuna, jew irritornat lejn dak l-Istat Membru jew lejn Ġibiltà wara li telqet minnu;

(b)    il-persuna rikjesta tagħti l-kunsens biex tiġi kkonsenjata lil Stat Membru minbarra l-Istat Membru eżekuttiv jew lir-Renju Unit fir-rigward ta’ Ġibiltà, skont mandat ta’ arrest jew mandat ta’ arrest Ewropew; Irid jingħata kunsens quddiem l-awtoritajiet ġudizzjarji kompetenti tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti, li jkun irreġistrat f’konformità mal-liġi domestika ta’ dak l-Istat Membru jew tar-Renju Unit, fir-rigward ta’ Ġibiltà; għandu jsir b’mod li jkun jidher ċar li l-persuna tagħtu volontarjament u b’għarfien sħiħ tal-konsegwenzi; għal dan il-għan, il-persuna rikjesta għandu jkollha d-dritt għal avukat; u

(c)    il-persuna rikjesta mhijiex soġġetta għar-regola tal-ispeċjalità, f’konformità mal-punti (a), (e), (f) jew (g) tal-Artikolu 144(3).

4.    L-awtorità ġudizzjarja ta’ eżekuzzjoni għandha tagħti l-kunsens għall-konsenja lil Stat Membru ieħor jew lir-Renju Unit, fir-rigward ta’ Ġibiltà, f’konformità mar-regoli li ġejjin:

(a)    it-talba għall-kunsens għandha tiġi ppreżentata skont l-Artikolu 126, flimkien mal-informazzjoni stabbilita fl-Artikolu 125(1) u t-traduzzjoni kif imsemmija fl-Artikolu 125(2);

(b)    il-kunsens għandu jingħata fejn ir-reat li għalih jintalab minnu nnifsu jkun suġġett għal konsenja f’konformità mad-dispożizzjonijiet ta’ dan il-Ftehim;

(c)    id-deċiżjoni għandha tittieħed mhux aktar tard minn 30 jum wara li tiġi rċevuta t-talba; u

(d)    il-kunsens għandu jiġi miċħud għar-raġunijiet imsemmijin fl-Artikolu 119 u mill-bqija jista’ jiġi miċħud biss għar-raġunijiet imsemmijin fl-Artikolu 120, l-Artikolu 121(2) u l-Artikolu 122(2).

5.    Għas-sitwazzjonijiet imsemmija fl-Artikolu 123, l-awtoritajiet kompetenti tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti, iridu jagħtu l-garanziji previsti fih.

6.    Minkejja l-paragrafi 1 u 2, persuna li ġiet ikkonsenjata skont mandat ta’ arrest ma għandhiex tiġi estradita f’pajjiż terz jew ikkonsenjata lir-Renju Unit mingħajr il-kunsens tal-awtorità kompetenti tal-Istat Membru li kkonsenja l-persuna jew tar-Renju Unit, fir-rigward ta’ Ġibiltà, jekk dan ikun ikkonsenja lill-persuna. Tali kunsens għandu jingħata f’konformità mal-Konvenzjonijiet li bihom huwa marbut dak l-Istat Membru jew ir-Renju Unit, fir-rigward ta’ Ġibiltà, skont il-każ, kif ukoll mal-liġi domestika ta’ dak l-Istat Membru jew tar-Renju Unit, fir-rigward ta’ Ġibiltà.

ARTIKOLU 146

Trasferiment ta’ proprjetà

1.    Fuq it-talba tal-awtorità ġudizzjarja emittenti jew fuq l-inizjattiva tagħha stess, l-awtorità ġudizzjarja ta’ eżekuzzjoni għandha, f’konformità mal-liġi domestika tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv, tissekwestra u tikkonsenja proprjetà li:

(a)    tista’ tkun meħtieġa bħala evidenza; jew

(b)    tkun inkisbet mill-persuna rikjesta bħala riżultat tar-reat.

2.    Il-proprjetà msemmija fil-paragrafu 1 għandha tiġi ttrasferita anki jekk il-mandat ta’ arrest ma jkunx jista’ jiġi eżegwit minħabba l-mewt jew il-ħarba tal-persuna rikjesta.

3.    Jekk il-proprjetà msemmija fil-paragrafu 1 tkun soġġetta għal sekwestru jew konfiska fl-Istat Membru ta’ eżekuzzjoni jew f’Ġibiltà jekk ir-Renju Unit, fir-rigward ta’ Ġibiltà, ikun l-attur eżekuttiv, l-awtoritajiet ta’ dak l-Istat Membru jew tar-Renju Unit, fir-rigward ta’ Ġibiltà, jistgħu, jekk il-proprjetà tkun meħtieġa b’rabta ma’ proċedimenti kriminali pendenti, iżommuha temporanjament jew jgħadduha lir-Renju Unit, fir-rigward ta’ Ġibiltà, jekk ikun l-attur emittenti jew lill-Istat Membru emittenti bil-kundizzjoni li tiġi rritornata.

4.    Kwalunkwe dritt li l-awtoritajiet tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, jekk ikun l-attur eżekuttiv, jew partijiet terzi setgħu akkwistaw fil-proprjetà msemmija fil-paragrafu 1 għandu jiġi ppreservat. Fejn jeżistu tali drittijiet, l-awtorità kompetenti tar-Renju Unit, fir-rigward ta’ Ġibiltà, jekk ikun l-attur emittenti jew tal-Istat Membru emittenti, għandha tirritorna l-proprjetà mingħajr ħlas lill-Istat Membru ta’ eżekuzzjoni jew lil Ġibiltà jekk ir-Renju Unit, fir-rigward ta’ Ġibiltà, ikun l-attur eżekuttiv, hekk kif il-proċedimenti kriminali jkunu ġew itterminati.

ARTIKOLU 147

Spejjeż

1.    L-ispejjeż imġarrba fl-Istat Membru ta’ eżekuzzjoni jew f’Ġibiltà fejn ir-Renju Unit, fir-rigward ta’ Ġibiltà, huwa l-attur eżekuttiv għall-eżekuzzjoni ta’ mandat ta’ arrest għandhom jitħallsu mill-awtoritajiet tal-Istat Membru ta’ eżekuzzjoni jew tar-Renju Unit, fir-rigward ta’ Ġibiltà, meta jkun l-attur eżekuttiv.

2.    Il-kostijiet kollha l-oħra għandhom jiġu koperti mill-awtoritajiet tal-Istat Membru emittenti jew tar-Renju Unit, fir-rigward ta’ Ġibiltà, jekk ikun l-attur emittenti.

ARTIKOLU 148

Relazzjoni ma’ strumenti legali oħrajn

1.    Mingħajr preġudizzju għall-applikazzjoni tagħhom fir-relazzjonijiet bejn l-Istati Membri jew ir-Renju Unit, fir-rigward ta’ Ġibiltà, min-naħa l-waħda, u l-pajjiżi terzi min-naħa l-oħra, dan il-Kapitolu, mid-data tad-dħul fis-seħħ ta’ dan il-Ftehim, jissostitwixxi d-dispożizzjonijiet korrispondenti tal-konvenzjonijiet li ġejjin applikabbli fil-qasam tal-estradizzjoni fir-relazzjonijiet bejn ir-Renju Unit, fir-rigward ta’ Ġibiltà minn naħa waħda, u l-Istati Membri, min-naħa l-oħra:

(a)    il-Konvenzjoni Ewropea dwar l-Estradizzjoni, magħmula f’Pariġi fit-13 ta’ Diċembru 1957, u l-protokolli addizzjonali tagħha; u

(b)    il-Konvenzjoni Ewropea dwar is-Soppressjoni tat-Terroriżmu f’dak li għandu x’jaqsam mal-estradizzjoni.

2.    Jekk il-Konvenzjonijiet imsemmijin fil-paragrafu 1 ikunu japplikaw għat-territorji ta’ Stati jew għat-territorji li Stat ikun responsabbli għar-relazzjonijiet esterni tagħhom, u li għalihom ma japplikax dan it-Titolu, dawk il-Konvenzjonijiet ikomplu jirregolaw ir-relazzjonijiet eżistenti bejn dawk it-territorji u r-Renju Unit, fir-rigward ta’ Ġibiltà.

ARTIKOLU 149

Rieżami tan-notifiki

Meta jwettqu r-rieżami konġunt ta’ dan il-Ftehim f’konformità mal-Artikolu 330, il-Partijiet għandhom jikkunsidraw il-ħtieġa li jżommu n-notifiki magħmula skont l-Artikolu 118(4), l-Artikolu 121(2) u l-Artikolu 122(2). Jekk in-notifiki msemmija fl-Artikolu 122(2) ma jiġġeddux, dawn għandhom jiskadu fl-aħħar waħda mid-dati ta’ 4 snin wara d-data tad-dħul fis-seħħ ta’ dan il-Ftehim jew it-tlestija tar-rieżami konġunt ta’ dan il-Ftehim skont l-Artikolu 330. In-notifiki kif imsemmija fl-Artikolu 122(2) jistgħu jiġġeddu jew isiru ġodda biss matul it-3 xhur qabel ir-raba’ anniversarju tad-dħul fis-seħħ ta’ dan il-Ftehim u, sussegwentement, kull 5 snin minn hemm ’il quddiem, sakemm il-kundizzjonijiet stabbiliti fl-Artikolu 122(2) jiġu ssodisfati f’dak iż-żmien.

ARTIKOLU 150

Mandati ta’ arrest kurrenti f’każ ta’ diżapplikazzjoni

Minkejja l-Artikoli 66, 67 u 334, id-dispożizzjonijiet ta’ dan il-Kapitolu japplikaw fir-rigward ta’ mandati ta’ arrest fejn il-persuna rikjesta tkun ġiet arrestata qabel id-diżapplikazzjoni ta’ dan il-Kapitolu għall-finijiet tal-eżekuzzjoni ta’ mandat ta’ arrest, irrispettivament mid-deċiżjoni tal-awtorità ġudizzjarja ta’ eżekuzzjoni dwar jekk il-persuna rikjesta għandhiex tibqa’ f’detenzjoni jew tiġix rilaxxata proviżorjament.

ARTIKOLU 151

Applikazzjoni għal mandati ta’ arrest Ewropew eżistenti

Dan il-Kapitolu għandu japplika fir-rigward ta’ mandati ta’ arrest Ewropej maħruġa f’konformità mad-Deċiżjoni Qafas tal-Kunsill 2002/584/ĠAI 21 mill-awtoritajiet kompetenti ta’ Stat Membru jew tar-Renju Unit, fir-rigward ta’ Ġibiltà, qabel il-31 ta’ Diċembru 2020 fejn il-persuna rikjesta ma tkunx ġiet arrestata għall-fini tal-eżekuzzjoni tagħha sad-data tad-dħul fis-seħħ ta’ dan il-Ftehim.

KAPITOLU 5

ASSISTENZA REĊIPROKA

ARTIKOLU 152

Objettiv

1.    L-objettiv ta’ dan il-Kapitolu huwa li jissupplimenta d-dispożizzjonijiet u jiffaċilita l-applikazzjoni bejn l-Istati Membri, minn naħa waħda, u r-Renju Unit, fir-rigward ta’ Ġibiltà, min-naħa l-oħra, ta’:

(a)    il-Konvenzjoni Ewropea dwar l-Assistenza Reċiproka f’Materji Kriminali, magħmula fi Strasburgu fl-20 ta’ April 1959 (il-“Konvenzjoni Ewropea dwar l-Assistenza Reċiproka”);

(b)    il-Protokoll Addizzjonali għall-Konvenzjoni Ewropea dwar l-Assistenza Reċiproka, magħmul fi Strasburgu fis-17 ta’ Marzu 1978;

(c)    it-Tieni Protokoll Addizzjonali għall-Konvenzjoni Ewropea dwar l-Assistenza Reċiproka, magħmul fi Strasburgu fit-8 ta’ Novembru 2001; u

(d)    it-Tieni Protokoll Addizzjonali għall-Konvenzjoni Ewropea dwar l-Assistenza Reċiproka, magħmul fil-Belt Valletta fid-19 ta’ Settembru 2025.

2.    Dan il-Kapitolu huwa mingħajr preġudizzju għad-dispożizzjonijiet tal-Kapitolu 3 ta’ dan it-Titolu, li jieħu preċedenza fuq dan il-Kapitolu.

ARTIKOLU 153

Definizzjoni ta’ awtorità kompetenti

Għall-finijiet ta’ dan il-Kapitolu, “awtorità kompetenti” tfisser kwalunkwe awtorità ta’ Stat Membru jew tar-Renju Unit, fir-rigward ta’ Ġibiltà, li hija kompetenti li tibgħat jew tirċievi talbiet għal assistenza reċiproka f’konformità mad-dispożizzjonijiet tal-Konvenzjoni Ewropea dwar l-Assistenza Reċiproka u mal-Protokolli tagħha, u fejn applikabbli, kif iddefinita mill-Istati Membri jew mir-Renju Unit, fir-rigward ta’ Ġibiltà, fid-dikjarazzjonijiet rispettivi tagħhom indirizzati lis-Segretarju Ġenerali tal-Kunsill tal-Ewropa. “Awtorità kompetenti” tinkludi wkoll il-korpi tal-Unjoni notifikati skont l-Artikolu 68; fir-rigward ta’ tali korpi tal-Unjoni, id-dispożizzjonijiet ta’ dan il-Kapitolu japplikaw kif xieraq.

ARTIKOLU 154

Formola għal talba għal assistenza reċiproka

1.    It-talbiet għall-assistenza reċiproka għandhom isiru bl-użu tal-formola standard stabbilita fl-Anness 15.

2.    Il-Kumitat Speċjalizzat dwar iċ-Ċirkolazzjoni tal-Persuni jista’ jemenda l-formola fl-Anness 15 kif jista’ jkun meħtieġ.

3.    Il-Kumitat Speċjalizzat dwar iċ-Ċirkolazzjoni tal-Persuni għandu jadotta kwalunkwe modifika għall-formola fl-Anness 15 kif jista’ jkun meħtieġ biex jirrifletti l-bidliet li jkunu saru fil-formola għat-talbiet għal assistenza reċiproka bejn ir-Renju Unit u l-Istati Membri skont il-Ftehim dwar il-Kummerċ u l-Kooperazzjoni.

4.    Il-Kumitat Speċjalizzat dwar iċ-Ċirkolazzjoni tal-Persuni jista’ jimpenja ruħu wkoll li jistabbilixxi formola standard għan-notifiki bħal dawk imsemmija fil-paragrafu 2 tal-Artikolu 3 tat-Tielet Protokoll Addizzjonali għall-Konvenzjoni Ewropea dwar l-Assistenza Reċiproka. Il-Kumitat Speċjalizzat dwar iċ-Ċirkolazzjoni tal-Persuni jista’ jemenda tali formola standard għan-notifiki kif jista’ jkun meħtieġ.

ARTIKOLU 155

Kundizzjonijiet għal talba għal assistenza reċiproka

1.    L-awtorità kompetenti tal-Istat Membru rikjedenti jew tar-Renju Unit, fir-rigward ta’ Ġibiltà, jekk ikun l-attur rikjedenti, tista’ tagħmel talba għal assistenza reċiproka biss jekk tkun sodisfatta li ġew issodisfati l-kundizzjonijiet li ġejjin:

(a)    it-talba tkun meħtieġa u proporzjonata għall-fini tal-proċedimenti filwaqt li jitqiesu d-drittijiet tal-persuna suspettata jew akkużata; u

(b)    il-miżura investigattiva jew il-miżuri investigattivi indikati fit-talba setgħu ġew ordnati taħt l-istess kundizzjonijiet f’każ domestiku simili.

2.    L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, jista’ jikkonsulta lill-Istat Membru rikjedenti jew lir-Renju Unit, fir-rigward ta’ Ġibiltà, jekk dan ikun għamel it-talba, jekk l-awtorità kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, tkun tal-fehma li l-kundizzjonijiet fil-paragrafu 1 ma jkunux issodisfati. Wara l-konsultazzjoni, l-awtorità kompetenti tal-Istat Membru rikjedenti jew tar-Renju Unit, fir-rigward ta’ Ġibiltà, jekk dan ikun għamel it-talba, tista’ tiddeċiedi li tirtira t-talba għal assistenza reċiproka.

ARTIKOLU 156

Rikors għal tip differenti ta’ miżura investigattiva

1.    Kull fejn ikun possibbli, l-awtorità kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, għandha tikkunsidra li tirrikorri għal miżura investigattiva għajr il-miżura indikata fit-talba għal assistenza reċiproka jekk:

(a)    Il-miżura investigattiva indikata fit-talba ma teżistix skont il-liġi tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest; jew

(b)    il-miżura investigattiva indikata fit-talba ma tkunx disponibbli f’każ domestiku simili.

2.    Mingħajr preġudizzju għar-raġunijiet għal rifjut disponibbli skont il-Konvenzjoni Ewropea dwar l-Assistenza Reċiproka u l-Protokolli tagħha u skont l-Artikolu 158, il-paragrafu 1 ta’ dan l-Artikolu ma japplikax għall-miżuri investigattivi li ġejjin, li għandhom dejjem ikunu disponibbli skont il-liġi tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest:

(a)    il-kisba ta’ informazzjoni li tinsab f’bażijiet ta’ data miżmuma mill-pulizija jew mill-awtoritajiet ġudizzjarji li tkun aċċessibbli mill-awtorità kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, fil-qafas tal-proċedimenti kriminali;

(b)    is-smigħ ta’ xhud, espert, vittma, persuna suspettata jew akkużata jew parti terza fl-Istat Membru rikjest jew f’Ġibiltà, jekk ir-Renju Unit, fir-rigward ta’ Ġibiltà, ikun l-attur rikjest;

(c)    Kwalunkwe miżura investigattiva mhux koerċittiva, kif definit mil-liġi tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest; u

(d)    l-identifikazzjoni ta’ persuni li jkollhom abbonament għal numru tat-telefown speċifiku jew indirizz IP speċifiku.

3.    L-awtorità kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, tista’ tirrikorri wkoll għal miżura investigattiva għajr il-miżura indikata fit-talba għal assistenza reċiproka jekk il-miżura investigattiva magħżula mill-awtorità kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, tikseb l-istess riżultat b’mezzi inqas intrużivi mill-miżura investigattiva indikata fit-talba.

4.    Jekk l-awtorità kompetenti tal-Istat Membru li ssirlu t-talba jew tar-Renju Unit, fir-rigward ta’ Ġibiltà, jekk ikun l-attur li ssirlu t-talba, tiddeċiedi li tirrikorri għal miżura differenti minn dik indikata fit-talba għal assistenza reċiproka kif imsemmi fil-paragrafi 1 jew 3, hija għandha l-ewwel tinforma lill-awtorità kompetenti tar-Renju Unit, fir-rigward ta’ Ġibiltà, jekk ikun għamel it-talba, jew tal-Istat Membru rikjedenti, li jista’ jiddeċiedi li jirtira jew jissupplimenta t-talba.

5.    Jekk il-miżura investigattiva indikata fit-talba ma tkunx teżisti skont id-dritt tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, jew ma tkunx disponibbli f’każ domestiku simili, u ma jkun hemm l-ebda miżura investigattiva oħra li jkollha l-istess riżultat bħall-miżura investigattiva mitluba, l-awtorità kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, għandha tinforma lill-awtorità kompetenti tar-Renju Unit, fir-rigward ta’ Ġibiltà, jekk ikun għamel it-talba, jew tal-Istat Membru rikjedenti, li ma jkunx possibbli li tingħata l-assistenza mitluba.

ARTIKOLU 157

Obbligu li tingħata informazzjoni

L-awtorità kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, għandha tinforma lill-awtorità kompetenti tar-Renju Unit, fir-rigward ta’ Ġibiltà, jekk ikun għamel it-talba, jew tal-Istat Membru rikjedenti, bi kwalunkwe mezz u mingħajr dewmien żejjed jekk:

(a)    ikun impossibbli li tiġi eżegwita t-talba għal assistenza reċiproka minħabba li t-talba ma tkunx kompluta jew tkun manifestament żbaljata; jew

(b)    l-awtorità kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, matul l-eżekuzzjoni tat-talba għal assistenza reċiproka, tqis mingħajr aktar domandi li jista’ jkun xieraq li jitwettqu miżuri investigattivi mhux previsti inizjalment, jew li ma setgħux jiġu speċifikati meta saret it-talba għal assistenza reċiproka, sabiex l-awtorità kompetenti tar-Renju Unit fir-rigward ta’ Ġibiltà, jekk tkun għamlet it-talba, jew tal-Istat Membru rikjedenti tkun tista’ tieħu azzjoni ulterjuri fil-każ speċifiku.

ARTIKOLU 158

Ne bis in idem

L-assistenza reċiproka tista’ tiġi rrifjutata, flimkien mar-raġunijiet għal rifjut previsti skont il-Konvenzjoni Ewropea dwar l-Assistenza Reċiproka u l-Protokolli tagħha, għar-raġuni li l-persuna li fir-rigward tagħha tintalab l-assistenza u li tkun soġġetta għal investigazzjonijiet, prosekuzzjonijiet jew proċedimenti kriminali oħra, inklużi proċedimenti ġudizzjarji, fl-Istat Membru rikjedenti jew fir-Renju Unit, fir-rigward ta’ Ġibiltà, jekk ikun għamel it-talba, tkun ġiet iġġudikata b’mod finali minn awtorità tar-Renju Unit, tar-Renju Unit, fir-rigward ta’ Ġibiltà, jew ta’ Stat Membru, skont il-każ, fir-rigward tal-istess atti, dment li, jekk tkun ġiet imposta piena, tkun ġiet infurzata, tkun fil-proċess li tiġi infurzata jew ma tkunx tista’ tiġi infurzata aktar, skont il-każ, skont id-dritt tar-Renju Unit, tar-Renju Unit, fir-rigward ta’ Ġibiltà, jew tal-Istat Membru li fih il-persuna tkun qed tiġi kkundannata.

ARTIKOLU 159

Termini preskrittivi

1.    L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jiddeċiedi jekk jeżegwix it-talba għal assistenza reċiproka malajr kemm jista’ jkun u fi kwalunkwe każ mhux aktar tard minn 45 jum wara li jirċievi t-talba u għandu jinforma lill-awtorità kompetenti tar-Renju Unit, fir-rigward ta’ Ġibiltà, jekk ikun għamel it-talba, jew tal-Istat Membru rikjedenti, bid-deċiżjoni tiegħu.

2.    Talba għal assistenza reċiproka għandha tiġi eżegwita malajr kemm jista’ jkun u fi kwalunkwe każ mhux aktar tard minn 90 jum wara li tkun saret id-deċiżjoni msemmija fil-paragrafu 1 jew wara li tkun saret il-konsultazzjoni msemmija fl-Artikolu 155(2).

3.    Jekk fit-talba għal assistenza reċiproka jkun indikat li, minħabba skadenzi proċedurali, is-serjetà tar-reat jew ċirkostanzi oħra partikolarment urġenti, ikun meħtieġ limitu ta’ żmien iqsar minn dak previst fil-paragrafu 1 jew 2, jew jekk fit-talba jkun indikat li miżura għal assistenza reċiproka għandha titwettaq f’data speċifika, l-awtorità kompetenti tal-Istat Membru jew tar-Renju Unit fir-rigward ta’ Ġibiltà, jekk ikun l-attur rikjest, għandha tieħu kont kemm jista’ jkun sħiħ ta’ dak ir-rekwiżit.

4.    Fejn applikabbli, jekk issir talba għal assistenza reċiproka biex jittieħdu miżuri proviżorji skont l-Artikolu 24 tat-Tieni Protokoll Addizzjonali għall-Konvenzjoni Ewropea dwar l-Assistenza Reċiproka, l-awtorità kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, għandha tiddeċiedi dwar il-miżura proviżorja, u għandha tikkomunika dik id-deċiżjoni lill-awtorità kompetenti tar-Renju Unit, fir-rigward ta’ Ġibiltà, jekk dan ikun għamel it-talba, jew tal-Istat Membru rikjedenti malajr kemm jista’ jkun wara li tkun irċeviet it-talba. Qabel ma tneħħi kwalunkwe miżura proviżorja meħuda skont dan l-Artikolu, l-awtorità kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, kull fejn ikun possibbli, għandha tagħti lill-awtorità kompetenti tar-Renju Unit rikjedenti, fir-rigward ta’ Ġibiltà, jekk ikun għamel it-talba, jew tal-Istat Membru rikjedenti, opportunità biex tippreżenta r-raġunijiet tagħha favur it-tkomplija tal-miżura.

5.    Jekk f’każ speċifiku, il-limitu ta’ żmien previst fil-paragrafu 1 jew 2, jew il-limitu ta’ żmien jew id-data speċifika msemmija fil-paragrafu 3 ma jkunux jistgħu jiġu rrispettati, jew id-deċiżjoni dwar it-teħid ta’ miżuri proviżorji f’konformità mal-paragrafu 4 tiġi ttardjata, l-awtorità kompetenti tal-Istat Membru jew tar-Renju Unit fir-rigward ta’ Ġibiltà, jekk ikun l-attur rikjest, għandha, mingħajr dewmien, tinforma lill-awtorità kompetenti tar-Renju Unit, fir-rigward ta’ Ġibiltà, jekk dan ikun għamel it-talba, jew tal-Istat Membru rikjedenti bi kwalunkwe mezz, filwaqt li tagħti r-raġunijiet għad-dewmien u għandha tikkonsulta mal-awtorità kompetenti tar-Renju Unit fir-rigward ta’ Ġibiltà, jekk dan ikun għamel it-talba, jew tal-Istat Membru rikjedenti dwar it-twaqqit xieraq għall-eżekuzzjoni tat-talba għal assistenza reċiproka.

6.    Għal aktar ċertezza, id-dispożizzjonijiet ta’ dan l-Artikolu jieħdu preċedenza fuq l-Artikolu 6 tat-Tielet Protokoll Addizzjonali għall-Konvenzjoni Ewropea dwar l-Assistenza Reċiproka.

ARTIKOLU 160

Trażmissjoni ta’ talbiet għal assistenza reċiproka

1.    L-Artikolu 6(1) għandu japplika biss fir-rigward tat-trażmissjoni inizjali ta’ talbiet għal assistenza reċiproka u tat-trażmissjoni inizjali ta’ komunikazzjonijiet relatati ma’ informazzjoni u notifiki spontanji msemmija fl-Artikoli 3 u 4 tat-Tielet Protokoll Addizzjonali għall-Konvenzjoni Ewropea dwar l-Assistenza Reċiproka, li għandhom jiġu trażmessi f’konformità ma’ dak l-Artikolu u d-dispożizzjonijiet rispettivi tal-Konvenzjoni Ewropea dwar l-Assistenza Reċiproka u l-Protokolli tagħha.

2.    Minbarra l-kanali ta’ komunikazzjoni previsti fil-Konvenzjoni Ewropea dwar l-Assistenza Reċiproka u l-Protokolli tagħha, jekk tiġi pprovduta trażmissjoni diretta, skont id-dispożizzjonijiet rispettivi tagħhom, għal talbiet għal assistenza reċiproka, u komunikazzjonijiet relatati ma’ informazzjoni u notifiki spontanji msemmija fl-Artikoli 3 u 4 tat-Tielet Protokoll Addizzjonali għall-Konvenzjoni Ewropea dwar l-Assistenza Reċiproka, dawn jistgħu jiġu trażmessi wkoll direttament mill-prosekuturi pubbliċi tar-Renju Unit, fir-rigward ta’ Ġibiltà, lill-awtoritajiet kompetenti tal-Istati Membri. L-Artikolu 6(1) għandu japplika għat-trażmissjoni inizjali ta’ tali talbiet għal assistenza reċiproka, u għat-trażmissjoni inizjali ta’ tali komunikazzjonijiet relatati ma’ informazzjoni u notifiki spontanji msemmija fl-Artikoli 3 u 4 tat-Tielet Protokoll Addizzjonali għall-Konvenzjoni Ewropea dwar l-Assistenza Reċiproka minn prosekuturi pubbliċi tar-Renju Unit, fir-rigward ta’ Ġibiltà.

3.    Minbarra l-kanali ta’ komunikazzjoni previsti fil-Konvenzjoni Ewropea dwar l-Assistenza Reċiproka u l-Protokolli tagħha, f’każijiet urġenti jew fejn l-awtoritajiet kompetenti ta’ żewġ Stati Membri jew aktar u r-Renju Unit, fir-rigward ta’ Ġibiltà, jeħtieġ li jikkoordinaw il-proċeduri ta’ kooperazzjoni ġudizzjarja, kwalunkwe talba għal assistenza reċiproka, kif ukoll informazzjoni spontanja, jew notifika msemmija fl-Artikoli 3 u 4 tat-Tielet Protokoll Addizzjonali għall-Konvenzjoni Ewropea dwar l-Assistenza Reċiproka, u b’deroga mill-paragrafu 1, jistgħu jiġu trażmessi permezz tal-Europol jew l-Eurojust f’konformità mad-dispożizzjonijiet fil-Kapitoli rispettivi ta’ dan il-Ftehim.

ARTIKOLU 161

Skwadri ta’ Investigazzjoni Konġunti

Jekk l-awtoritajiet kompetenti tal-Istati Membri u tar-Renju Unit, fir-rigward ta’ Ġibiltà, jistabbilixxu Skwadra ta’ Investigazzjoni Konġunta, ir-relazzjoni bejn l-Istati Membri fl-Iskwadra ta’ Investigazzjoni Konġunta għandha tkun irregolata bid-dritt tal-Unjoni, minkejja l-bażi legali msemmija fil-Ftehim dwar l-istabbiliment ta’ Skwadra ta’ Investigazzjoni Konġunta.

KAPITOLU 6

IFFRIŻAR U KONFISKA

ARTIKOLU 162

Għanijiet u prinċipji tal-kooperazzjoni

1.    L-objettiv ta’ dan it-il-Kapitolu huwa li jipprevedi kooperazzjoni bejn ir-Renju Unit, fir-rigward ta’ Ġibiltà minn naħa waħda, u l-Istati Membri, min-naħa l-oħra, sa fejn ikun l-aktar possibbli għall-finijiet ta’ investigazzjonijiet u proċedimenti mmirati lejn l-iffriżar ta’ proprjetà bil-ħsieb tal-konfiska sussegwenti tagħha u investigazzjonijiet u proċedimenti mmirati lejn il-konfiska ta’ proprjetà fil-qafas tal-proċedimenti f’materji kriminali. Dan ma jipprekludix kooperazzjoni oħra skont l-Artikolu 171(5) u (6). Dan il-Kapitolu jipprevedi wkoll kooperazzjoni ma’ korpi tal-Unjoni maħtura mill-Unjoni għall-finijiet ta’ dan il-Kapitolu.

2.    Ir-Renju Unit, fir-rigward ta’ Ġibiltà, u l-Istati Membri għandhom jikkonformaw, skont il-kundizzjonijiet previsti f’dan il-Kapitolu, ma’ talbiet minn Stat Membru jew mir-Renju Unit, fir-rigward ta’ Ġibiltà:

(a)    għall-konfiska ta’ elementi speċifiċi ta’ proprjetà, kif ukoll għall-konfiska tar-rikavat li tikkonsisti f’rekwiżit li titħallas somma flus li tikkorrispondi għall-valur tar-rikavat;

(b)    għal assistenza investigattiva u miżuri proviżorji bil-ħsieb ta’ kwalunkwe forma ta’ konfiska msemmija fil-punt (a).

3.    Assistenza investigattiva u miżuri proviżorji mfittxija fil-punt (b) tal-paragrafu 2 għandhom jitwettqu f’konformità u kif permess mil-liġi domestika tal-Istat Membru rikjest jew tar-Renju Unit fir-rigward ta’ Ġibiltà jekk ikun l-attur rikjest. Meta t-talba li tikkonċerna waħda minn dawn il-miżuri tispeċifika l-formalitajiet jew il-proċeduri li huma meħtieġa skont il-liġi domestika tal-Istat Membru rikjedenti jew tar-Renju Unit, fir-rigward ta’ Ġibiltà, jekk ikun l-attur rikjedenti, anki jekk ma tkunx familjari mal-Istat Membru rikjest jew mar-Renju Unit, fir-rigward ta’ Ġibiltà, jekk ikun l-attur rikjest, dan tal-aħħar għandu jikkonforma ma’ tali talbiet sa fejn l-azzjoni mfittxija ma tmurx kontra l-prinċipji fundamentali tal-liġi domestika tiegħu.

4.    L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jiżgura li t-talbiet li jkunu ġejjin minn Stat Membru ieħor jew mir-Renju Unit, fir-rigward ta’ Ġibiltà, għall-identifikazzjoni, għat-traċċar, għall-iffriżar jew għall-konfiska tar-rikavat u tal-mezzi strumentali, jirċievu l-istess prijorità bħal dawk magħmula fil-qafas tal-proċeduri domestiċi.

5.    Meta jitlob konfiska, assistenza investigattiva u miżuri proviżorji għall-finijiet ta’ konfiska, l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, għandu jiżgura li l-prinċipji tan-neċessità u tal-proporzjonalità jiġu rispettati.

6.    Id-dispożizzjonijiet ta’ dan il-Kapitolu għandhom japplikaw minflok il-Kapitoli tal-“kooperazzjoni internazzjonali” tal-Konvenzjoni tal-Kunsill tal-Ewropa dwar il-Ħasil tal-Flus, it-Tiftix, il-Qbid u l-Konfiska tar-Rikavati mill-Kriminalità u dwar il-Finanzjament tat-Terroriżmu, magħmula f’Varsavja fis-16 ta’ Mejju 2005 (“il-Konvenzjoni tal-2005”) u l-Konvenzjoni dwar il-Ħasil, it-Tiftix, is-Sekwestru u l-Konfiska tar-Rikavati mill-Kriminalità, magħmula fi Strasburgu fit-8 ta’ Novembru 1990 (“il-Konvenzjoni tal-1990”). L-Artikolu 163 ta’ dan il-Ftehim għandu jissostitwixxi d-definizzjonijiet korrispondenti fl-Artikolu 1 tal-Konvenzjoni tal-2005 u l-Artikolu 1 tal-Konvenzjoni tal-1990. Id-dispożizzjonijiet ta’ dan il-Kapitolu ma għandhomx jaffettwaw l-obbligi tar-Renju Unit, fir-rigward ta’ Ġibiltà, jew tal-Istati Membri skont id-dispożizzjonijiet l-oħra tal-Konvenzjoni tal-2005 u tal-Konvenzjoni tal-1990.

ARTIKOLU 163

Definizzjonijiet

Għall-finijiet ta’ dan il-Kapitolu, japplikaw id-definizzjonijiet li ġejjin:

(a)    “konfiska” tfisser penali jew miżura, ordnata minn qorti b’segwitu għal proċedimenti fir-rigward ta’ reat kriminali jew reati kriminali, li jirriżultaw fil-privazzjoni finali ta’ proprjetà;

(b)    “iffriżar” jew “qbid” tfisser il-projbizzjoni temporanja tat-trasferiment, il-qerda, il-konverżjoni, id-disponiment jew il-moviment ta’ proprjetà jew l-assunzjoni temporanja tal-kustodja jew tal-kontroll ta’ proprjetà fuq il-bażi ta’ ordni maħruġa minn qorti jew awtorità kompetenti oħra;

(c)    “mezzi strumentali” tfisser kwalunkwe proprjetà użata jew maħsuba biex tintuża, bi kwalunkwe mod, kompletament jew parzjalment, biex jitwettaq reat kriminali jew biex jitwettqu reati kriminali;

(d)    “awtorità ġudizzjarja” tfisser awtorità li, skont id-il-liġi domestika, tkun imħallef, qorti jew prosekutur pubbliku; prosekutur pubbliku jitqies bħala awtorità ġudizzjarja biss sa fejn il-liġi domestika tistabbilixxi hekk;

(e)    “rikavat” tfisser kwalunkwe benefiċċju ekonomiku, derivat minn jew miksub, direttament jew indirettament, minn reati kriminali, jew ammont ta’ flus ekwivalenti għal dak il-benefiċċju ekonomiku; tista’ tikkonsisti minn kwalunkwe proprjetà kif definita f’dan l-Artikolu;

(f)    “proprjetà” tinkludi proprjetà ta’ kwalunkwe deskrizzjoni, kemm jekk materjali kif ukoll jekk immaterjali, mobbli jew immobbli, u d-dokumenti jew l-istrumenti legali li jixhdu dritt jew interess fi proprjetà bħal din, li l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, jikkunsidra li jkun:

(i)    ir-rikavat minn reat kriminali, jew l-ekwivalenti tiegħu, sew l-ammont sħiħ tal-valur ta’ tali rikavat jew parti biss minn tali rikavat;

(ii)    il-mezzi strumentali ta’ reat kriminali, jew il-valur tali mezzi strumentali;

(iii)    soġġett għall-konfiska skont kwalunkwe dispożizzjoni oħra relatata mas-setgħat ta’ konfiska skont il-liġi tal-Istat Membru rikjedenti jew tar-Renju Unit, fi-rigward ta’ Ġibiltà jekk ikun l-attur rikjedenti, wara proċedimenti fir-rigward ta’ reat kriminali, inklużi l-konfiska ta’ terza persuna, il-konfiska u l-konfiska estiża mingħajr kundanna finali.

ARTIKOLU 164

Obbligu ta’ assistenza

Ir-Renju Unit, fir-rigward ta’ Ġibiltà, u l-Istati Membri għandhom jagħtu lil xulxin, b’talba, l-aktar miżura wiesgħa possibbli ta’ assistenza fl-identifikazzjoni u fit-traċċar tal-istrumenti, tar-rikavat u ta’ proprjetà oħra li tista’ tiġi konfiskata. Tali assistenza għandha tinkludi kull miżura li tipprovdi u tiżgura evidenza dwar l-eżistenza, il-post jew il-moviment, in-natura, l-istatus legali jew il-valur ta’ dawk il-mezzi strumentali, rikavati jew proprjetà oħra.

ARTIKOLU 165

Talbiet għal informazzjoni dwar kontijiet bankarji u kaxex ta’ depożitu sikur

1.    L-Istat Membru rikjest jew ir-Renju Unit fir-rigward ta’ Ġibiltà jekk ikun l-attur rikjedenti, għandu, bil-kundizzjonijiet stabbiliti f’dan l-Artikolu, jieħu l-miżuri meħtieġa biex jiddetermina, bi tweġiba għal talba mibgħuta mir-Renju Unit, fir-rigward ta’ Ġibiltà jew Stat Membru, jekk persuna fiżika jew ġuridika li hija s-suġġett ta’ investigazzjoni kriminali għandhiex jew tikkontrollax kont wieħed jew aktar, ta’ kwalunkwe natura, fi kwalunkwe bank li jinsab fit-territorju tal-Istat Membru rispettiv jew f’Ġibiltà u jekk iva, jipprovdi d-dettalji tal-kontijiet identifikati. Dawn id-dettalji għandhom jinkludu b’mod partikolari l-isem tad-detentur tal-kont tal-klijent u n-numru IBAN, u fil-każ ta’ kaxex ta’ depożitu sikur l-isem tal-lokatarju jew numru ta’ identifikazzjoni uniku.

2.    L-obbligu stabbilit fil-paragrafu 1 japplika biss sa fejn l-informazzjoni tkun fil-pussess tal-bank li jkun qiegħed iżomm il-kont.

3.    Barra mir-rekwiżiti ta’ Artikolu 186, l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, fir-rikjesta għandu:

(a)    jindika għaliex jikkunsidra li l-informazzjoni mitluba x’aktarx li hija ta’ valur sostanzjali għall-finijiet tal-investigazzjoni kriminali dwar ir-reat;

(b)    jiddikjara għal liema raġunijiet jippreżumi li l-banek fl-Istat Membru rikjest jew f’Ġibiltà, jekk ir-Renju Unit, fir-rigward ta’ Ġibiltà, ikun l-attur rikjest, iżomm il-kont u jispeċifika, sa fejn ikun l-aktar possibbli, liema banek u kontijiet jistgħu jkunu involuti; u

(c)    jinkludi kwalunkwe informazzjoni addizzjonali li tkun disponibbli li tista’ tiffaċilita l-eżekuzzjoni tat-talba.

4.    Ir-Renju Unit, fir-rigward ta’ Ġibiltà, u l-Unjoni, li taġixxi f’isem kwalunkwe wieħed mill-Istati Membri tagħha, jistgħu jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni li dan l-Artikolu se jiġi estiż għal kontijiet miżmuma f’istituzzjonijiet finanzjarji mhux bankarji. Tali notifiki jistgħu jsiru suġġetti għall-prinċipju ta’ reċiproċità.

ARTIKOLU 166

Talbiet għal informazzjoni dwar tranżazzjonijiet bankarji

1.    B’talba minn Stat Membru ieħor jew mir-Renju Unit, fir-rigward ta’ Ġibiltà, l-Istat Membru rikjest jew ir-Renju Unit fir-rigward ta’ Ġibiltà, jekk ikun l-attur rikjest, għandu jipprovdi d-dettalji tal-kontijiet bankarji speċifikati u tal-operazzjonijiet bankarji li jkunu twettqu matul perjodu speċifikat permezz ta’ kont wieħed jew aktar speċifikat fit-talba, inklużi d-dettalji ta’ kwalunkwe kont li jibgħat jew jirċievi.

2.    L-obbligu stabbilit fil-paragrafu 1 japplika biss sa fejn l-informazzjoni tkun fil-pussess tal-bank li jkun qiegħed iżomm il-kont.

3.    Minbarra r-rekwiżiti tal-Artikolu 186, fit-talba tiegħu l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, għandu jindika fit-talba tiegħu għaliex iqis l-informazzjoni mitluba rilevanti għall-finijiet tal-investigazzjoni kriminali dwar ir-reat.

4.    L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, jista’ jagħmel l-eżekuzzjoni ta’ tali talba dipendenti fuq l-istess kundizzjonijiet li japplika fir-rigward ta’ talbiet għal tfittxija u qbid.

5.    Ir-Renju Unit, fir-rigward ta’ Ġibiltà, u l-Unjoni, li taġixxi f’isem kwalunkwe wieħed mill-Istati Membri tagħha, jistgħu jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni li dan l-Artikolu se jiġi estiż għal kontijiet miżmuma f’istituzzjonijiet finanzjarji mhux bankarji. Tali notifiki jistgħu jsiru suġġetti għall-prinċipju ta’ reċiproċità.

ARTIKOLU 167

Talbiet għall-monitoraġġ ta’ tranżazzjonijiet bankarji

1.    L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jiżgura li, fuq talba tar-Renju Unit, fir-rigward ta’ Ġibiltà, jew ta’ Stat Membru, ikun jista’ jimmonitorja, matul perjodu speċifikat, l-operazzjonijiet bankarji li jkunu qed jitwettqu permezz ta’ kont wieħed jew aktar speċifikati fit-talba u jikkomunika r-riżultati tal-monitoraġġ lill-Istat Membru rikjedenti jew lir-Renju Unit, fir-rigward ta’ Ġibiltà, jekk ikun l-attur rikjedenti.

2.    Minbarra r-rekwiżiti tal-Artikolu 186, fit-talba tiegħu l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, għandu jindika fit-talba tiegħu għaliex iqis l-informazzjoni mitluba rilevanti għall-finijiet tal-investigazzjoni kriminali dwar ir-reat.

3.    Id-Deċiżjoni ta’ monitoraġġ għandha tittieħed f’kull każ individwali mill-awtoritajiet kompetenti tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, f’konformità mal-liġi domestika tiegħu.

4.    Id-dettalji prattiċi rigward il-monitoraġġ għandhom jiġu deċiżi b’mod konġunt mill-Istat Membru rikjedenti u dak rikjest jew mir-Renju Unit, fir-rigward ta’ Ġibiltà, bħala l-attur rikjedenti jew dak rikjest, skont il-każ.

5.    Ir-Renju Unit, fir-rigward ta’ Ġibiltà u l-Unjoni, li taġixxi f’isem kwalunkwe wieħed mill-Istati Membri tagħha, jistgħu jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni li dan l-Artikolu se jiġi estiż għal kontijiet miżmuma f’istituzzjonijiet finanzjarji mhux bankarji. Tali notifiki jistgħu jsiru suġġetti għall-prinċipju ta’ reċiproċità.

ARTIKOLU 168

Informazzjoni spontanja

Mingħajr preġudizzju għall-investigazzjonijiet jew il-proċedimenti tiegħu stess, Stat Membru jew ir-Renju Unit, fir-rigward ta’ Ġibiltà, jista’ mingħajr talba minn qabel jibgħat lir-Renju Unit, fir-rigward ta’ Ġibiltà, jew lil Stat Membru informazzjoni dwar mezzi strumentali, rikavat u proprjetà oħra li tista’ tiġi kkonfiskata, fejn iqis li d-żvelar ta’ tali informazzjoni tista’ tassisti lill-Istat Membru riċeventi jew lir-Renju Unit, fir-rigward ta’ Ġibiltà, jekk ikun l-attur riċeventi, biex jibda jew iwettaq investigazzjonijiet jew proċedimenti jew tista’ twassal għal talba minn dak l-Istat Membru jew mir-Renju Unit, fir-rigward ta’ Ġibiltà, skont dan il-Kapitolu.

ARTIKOLU 169

Obbligu li jittieħdu miżuri proviżorji

1.    B’talba tar-Renju Unit, fir-rigward ta’ Ġibiltà, jew ta’ Stat Membru ieħor li jkun fetaħ investigazzjoni jew proċedimenti kriminali, jew investigazzjoni jew proċedimenti għall-fini ta’ konfiska, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjedenti, għandu jieħu l-miżuri proviżorji meħtieġa, bħall-iffriżar jew is-sekwestru, biex jipprevjeni kwalunkwe negozjar fi, trasferiment jew disponiment ta’ proprjetà li, fi stadju aktar tard, tista’ tkun is-suġġett ta’ talba għal konfiska jew li tista’ tissodisfa t-talba.

2.    Stat Membru jew ir-Renju Unit, fir-rigward ta’ Ġibiltà, li jkun irċieva talba għal konfiska skont l-Artikolu 171 għandu, jekk ikun mitlub, jieħu l-miżuri msemmija fil-paragrafu 1 ta’ dan l-Artikolu fir-rigward ta’ kwalunkwe proprjetà li tkun is-suġġett tat-talba jew li tista’ tissodisfa t-talba.

3.    Meta tasal talba skont dan l-Artikolu, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jieħu l-miżuri kollha meħtieġa biex jikkonforma mat-talba mingħajr dewmien u bl-istess veloċità u prijorità bħal fil-każ ta’ każ domestiku simili u jibgħat konferma mingħajr dewmien u bi kwalunkwe mezz ta’ produzzjoni ta’ rekord bil-miktub lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti.

4.    Meta l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, jiddikjara li l-iffriżar immedjat huwa meħtieġ peress li hemm raġunijiet leġittimi biex wieħed jemmen li l-proprjetà inkwistjoni se titneħħa jew tinqered immedjatament, ir-Renju Unit, fir-rigward ta’ Ġibiltà, jekk ikun l-attur rikjest, jew l-Istat Membru rikjest għandu jieħu l-miżuri kollha meħtieġa biex jikkonforma mat-talba fi żmien 96 siegħa minn meta jirċievi t-talba u jibgħat konferma lill-Istat Membru rikjedenti jew lir-Renju Unit, fir-rigward ta’ Ġibiltà, jekk ikun l-attur rikjedenti, bi kwalunkwe mezz biex jipproduċi rekord bil-miktub u mingħajr dewmien.

5.    Meta l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, ma jkunx jista’ jikkonforma mal-limiti ta’ żmien skont il-paragrafu 4, l-Istat Membru rikjest jew ir-Renju Unit, fir-rigward ta’ Ġibiltà, jekk huwa l-attur rikjest, għandu jinforma minnufih lir-Renju Unit, fir-rigward ta’ Ġibiltà, jekk huwiex l-attur rikjedenti, jew l-Istat Membru rikjedenti u jikkonsulta mar-Renju Unit, fir-rigward ta’ Ġibiltà, jekk huwiex l-attur rikjedenti, jew l-Istat Membru rikjedenti dwar il-passi xierqa li jmiss.

6.    Kwalunkwe skadenza tal-limiti ta’ żmien skont il-paragrafu 4 ma ttemmx ir-rekwiżiti mqiegħda fuq l-Istat Membru rikjest jew fuq ir-Renju Unit, fir-rigward ta’ Ġibiltà, jekk ikun l-attur rikjest, minn dan l-Artikolu.

ARTIKOLU 170

Eżekuzzjoni tal-miżuri proviżorji

1.    Wara l-eżekuzzjoni tal-miżuri proviżorji mitluba f’konformità mal-Artikolu 169(1), l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, għandu jipprovdi spontanjament u malajr kemm jista’ jkun lir-Renju Unit, fir-rigward ta’ Ġibiltà, jekk ikun l-attur rikjest, jew l-Istat Membru rikjest l-informazzjoni kollha li tista’ tikkontesta jew timmodifika l-firxa ta’ dawk il-miżuri. L-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, għandu jipprovdi wkoll mingħajr dewmien l-informazzjoni komplementari kollha meħtieġa mir-Renju Unit, fir-rigward ta’ Ġibiltà, jekk ikun l-attur rikjest, jew l-Istat Membru rikjest, u li tkun meħtieġa għall-implimentazzjoni tal-miżuri proviżorji u għas-segwitu tagħhom.

2.    Qabel ma titneħħa kwalunkwe miżura proviżorja meħuda skont l-Artikolu, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu, kull fejn ikun possibbli, jagħti lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti, opportunità li jippreżenta r-raġunijiet tiegħu favur it-tkomplija tal-miżura.

ARTIKOLU 171

Obbligu ta’ konfiska

1.    Jekk Stat Membru jew ir-Renju Unit, fir-rigward ta’ Ġibiltà, ikun irċieva talba għall-konfiska ta’ proprjetà li tinsab fit-territorju tal-Istat Membru rispettiv jew f’Ġibiltà, jekk ir-Renju Unit, fir-rigward ta’ Ġibiltà, ikun l-attur rikjest, huwa għandu:

(a)    jinforza ordni ta’ konfiska magħmula minn qorti fl-Istat Membru rikjedenti jew f’Ġibiltà, jekk ir-Renju Unit, fir-rigward ta’ Ġibiltà jkun l-attur rikjedenti, fir-rigward ta’ tali proprjetà; jew

(b)    jippreżenta t-talba lill-awtoritajiet kompetenti tiegħu għall-fini li jikseb ordni ta’ konfiska u, jekk tingħata tali ordni, jinfurzaha.

3.    Għall-finijiet tal-punt (b) tal-paragrafu 1, l-Istati Membri jew ir-Renju Unit, fir-rigward ta’ Ġibiltà għandhom, kull meta jkun meħtieġ, ikollhom il-kompetenza li jibdew proċedimenti ta’ konfiska skont il-liġi domestika tagħhom stess.

4.    Il-paragrafu 1 japplika wkoll għall-konfiska li tikkonsisti f’rekwiżit li titħallas somma ta’ flus li tikkorrispondi għall-valur tar-rikavat, jekk il-proprjetà li għaliha tista’ tiġi eżegwita l-konfiska tkun tinsab fit-territorju tal-Istat Membru rikjest jew f’Ġibiltà, jekk ir-Renju Unit, fir-rigward ta’ Ġibiltà, ikun l-attur rikjest. F’dawn il-każijiet, jekk tiġi infurzata l-konfiska skont il-paragrafu 1, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu, jekk ma jinkisibx il-pagament, jissodisfa t-talba dwar kwalunkwe proprjetà disponibbli għal dak il-għan.

5.    Jekk talba għal konfiska tikkonċerna oġġett speċifiku ta’ proprjetà, l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, u r-Renju Unit, fir-rigward ta’ Ġibiltà, jekk ikun l-attur rikjest, jew l-Istat Membru rikjest, jistgħu jiddeċiedu li r-Renju Unit, fir-rigward ta’ Ġibiltà, jekk ikun l-attur rikjest, jew l-Istat Membru rikjest jista’ jinforza l-konfiska fil-forma ta’ rekwiżit li titħallas somma flus li tikkorrispondi għall-valur tal-proprjetà.

6.    Ir-Renju Unit, fir-rigward ta’ Ġibiltà, u l-Istati Membri għandhom jikkooperaw kemm jista’ jkun skont il-liġi domestika tagħhom ma’ Stat Membru jew mar-Renju Unit, fir-rigward ta’ Ġibiltà, li jitlob l-eżekuzzjoni ta’ miżuri ekwivalenti għal konfiska ta’ proprjetà, jekk it-talba ma tkunx inħarġet fil-qafas ta’ proċedimenti f’materji kriminali, sa fejn tali miżuri jkunu ordnati minn awtorità ġudizzjarja tal-Istati Membri rikjedenti jew tar-Renju Unit, fir-rigward ta’ Ġibiltà, fir-rigward ta’ reat kriminali, dment li jkun ġie stabbilit li l-proprjetà tikkostitwixxi rikavat jew:

(a)    proprjetà oħra li fiha r-rikavat ikun ġie ttrasformat jew ikkonvertit;

(b)    proprjetà akkwistata minn sorsi leġittimi, jekk ir-rikavat ikun ġie mħallat, kompletament jew parzjalment, ma’ dik il-proprjetà, sal-valur ivvalutat tar-rikavat imħallat; jew

(c)    introjtu jew benefiċċju ieħor derivat mir-rikavat, minn proprjetà li fiha r-rikavat minn reat ikun ġie ttrasformat jew ikkonvertit jew minn proprjetà li magħha ikun ġie mħallat ir-rikavat ta’ reat, sal-valur ivvalutat tar-rikavat imħallat, bl-istess mod u sal-istess livell bħar-rikavat.

7.    Il-miżuri msemmija fil-paragrafu 5 jinkludu miżuri li jippermettu l-qbid, id-detenzjoni u s-sekwestru ta’ proprjetà u assi permezz ta’ rikorsi lill-qrati ċivili.

8.    L-Istat Membru rikjest jew ir-Renju Unit fir-rigward ta’ Ġibiltà, jekk ikun l-attur rikjest, għandu jieħu d-deċiżjoni dwar l-eżekuzzjoni tal-ordni ta’ konfiska mingħajr dewmien, u, mingħajr preġudizzju għall-paragrafu 8 ta’ dan l-Artikolu, mhux aktar tard minn 45 jum wara li jirċievi t-talba. L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jibgħat konferma lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti bi kwalunkwe mezz ta’ produzzjoni ta’ rekord bil-miktub u mingħajr dewmien. Sakemm ma jeżistux raġunijiet għal posponiment skont l-Artikolu 178, l-Istat Membru rikjest jew ir-Renju Unit fir-rigward ta’ Ġibiltà jekk ikun l-attur rikjest, għandu jieħu l-miżuri konkreti meħtieġa għall-eżekuzzjoni tal-ordni ta’ konfiska mingħajr dewmien u, tal-anqas, bl-istess ħeffa u prijorità bħal fil-każ ta’ każ domestiku simili.

9.    Meta l-Istat Membru rikjest jew ir-Renju Unit fir-rigward ta’ Ġibiltà jekk ikun l-attur rikjest, ma jkunx jista’ jikkonforma mal-limitu ta’ żmien skont il-paragrafu 7, huwa għandu jinforma minnufih lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti u jikkonsulta mar-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti dwar il-passi xierqa li jmiss.

10.    Kwalunkwe skadenza tal-limitu ta’ żmien skont il-paragrafu 7 ma ttemmx ir-rekwiżiti mqiegħda fuq l-Istat Membru rikjest jew ir-Renju Unit fir-rigward ta’ Ġibiltà jekk ikun l-attur rikjest, minn dan l-Artikolu.

ARTIKOLU 172

Eżekuzzjoni ta’ konfiska

1.    Il-proċeduri għall-kisba u l-infurzar tal-konfiska skont l-Artikolu 171 għandhom ikunu rregolati mil-liġi domestika tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest.

2.    L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jkun marbut bis-sejbiet dwar il-fatti sa fejn dawn ikunu ddikjarati f’kundanna jew f’deċiżjoni ġudizzjarja maħruġa minn qorti fir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti jew sa fejn tali kundanna jew deċiżjoni ġudizzjarja tkun ibbażata b’mod impliċitu fuqhom.

3.    Jekk il-konfiska tikkonsisti fir-rekwiżit li titħallas somma ta’ flus, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandhom jikkonvertu l-ammont tagħha fil-munita rispettiva tagħhom bir-rata tal-kambju applikabbli fiż-żmien meta tittieħed id-deċiżjoni li tiġi infurzata l-konfiska.

ARTIKOLU 173

Proprjetà konfiskata

1.    Soġġett għall-paragrafi 2 u 3 ta’ dan l-Artikolu, il-proprjetà kkonfiskata skont l-Artikoli 171 u 172 għandha tintrema mill-Istat Membru rikjest jew mir-Renju Unit, fir-rigward ta’ Ġibiltà, jekk ikun l-attur rikjest, f’konformità mal-liġi domestika u l-proċeduri amministrattivi tiegħu.

2.    Meta jaġixxi fuq it-talba magħmula mir-Renju Unit, fir-rigward ta’ Ġibiltà, jew minn Stat Membru skont l-Artikolu 171, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu, sa fejn ikun permess mil-liġi domestika tagħhom u jekk jintalab jagħmel dan, jagħti kunsiderazzjoni prijoritarja lir-ritorn tal-proprjetà kkonfiskata lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti sabiex ikun jista’ jagħti kumpens lill-vittmi tar-reat jew jirritorna tali proprjetà lis-sidien leġittimi tagħhom.

3.    Meta jaġixxi fuq it-talba magħmula mir-Renju Unit, fir-rigward ta’ Ġibiltà, jew minn Stat Membru f’konformità mal-Artikolu 171, u wara li jkun qies id-dritt ta’ vittma għar-restituzzjoni jew għall-kumpens ta’ proprjetà skont il-paragrafu 2 ta’ dan l-Artikolu, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jiddisponi mill-flus miksuba bħala riżultat tal-eżekuzzjoni ta’ ordni ta’ konfiska kif ġej:

(a)    jekk l-ammont ikun ta’ EUR 10 000 jew anqas, l-ammont għandu jakkumula għall-Istat Membru rikjest jew għar-Renju Unit, fir-rigward ta’ Ġibiltà, jekk ikun l-attur rikjest; jew

(b)    jekk l-ammont ikun akbar minn EUR 10 000, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jittrasferixxi 50 % tal-ammont irkuprat lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti.

4.    Minkejja l-paragrafu 3, ir-Renju Unit, fir-rigward ta’ Ġibiltà, u l-Istati Membri jistgħu, fuq bażi ta’ każ b’każ, jagħtu kunsiderazzjoni speċjali lill-konklużjoni ta’ tali ftehimiet jew arranġamenti oħra dwar id-disponiment ta’ proprjetà kif iqisu xieraq.

ARTIKOLU 174

Dritt ta’ infurzar u ammont massimu ta’ konfiska

1.    Talba għal konfiska magħmula skont l-Artikolu 171 ma taffettwax id-dritt tal-Istat Membru rikjedenti jew tar-Renju Unit, fir-rigward ta’ Ġibiltà, jekk ikun l-attur rikjedenti, li jeżegwi l-ordni ta’ konfiska huwa stess.

2.    Xejn f’dan il-Kapitolu ma għandu jiġi interpretat li jippermetti li l-valur totali tal-konfiska jaqbeż l-ammont tas-somma ta’ flus speċifikata fl-ordni ta’ konfiska. Jekk Stat Membru jew ir-Renju Unit, fir-rigward ta’ Ġibiltà, isib li dan jista’ jseħħ, ir-Renju Unit, fir-rigward ta’ Ġibiltà, u l-Istati Membri kkonċernati, għandhom jidħlu f’konsultazzjonijiet biex jevitaw tali effett.

ARTIKOLU 175

Priġunerija f’każ ta’ inadempjenza

l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, ma għandux jimponi priġunerija f’każ ta’ inadempjenza jew kwalunkwe miżura oħra li tirrestrinġi l-libertà ta’ persuna bħala riżultat ta’ talba skont l-Artikolu 171 mingħajr il-kunsens tar-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti.

ARTIKOLU 176

Raġunijiet għar-rifjut

1.    Il-kooperazzjoni skont dan il-Kapitolu tista’ tiġi rrifjutata jekk:

(a)    l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, iqis li l-eżekuzzjoni tat-talba tmur kontra l-prinċipju ta’ ne bis in idem; jew

(b)    ir-reat li għalih tirreferi t-talba ma jikkostitwixxix reat skont il-liġi domestika tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, jekk jitwettaq fil-ġuriżdizzjoni tiegħu; madankollu, din ir-raġuni għal rifjut tapplika għall-kooperazzjoni skont l-Artikoli CONFISC.3 (Obbligu ta’ assistenza) sa CONFISC.7 (Informazzjoni spontanja) biss sa fejn l-assistenza mitluba tkun tinvolvi azzjoni kostretta.

2.    Ir-Renju Unit, fir-rigward ta’ Ġibiltà, u l-Unjoni, li taġixxi f’isem kwalunkwe wieħed mill-Istati Membri tagħha, jistgħu jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni li, abbażi tar-reċiproċità, il-kundizzjoni tal-kriminalità doppja msemmija fil-punt (e) tal-paragrafu 1 ta’ dan l-Artikolu mhux se tiġi applikata dment li r-reat li jwassal għat-talba jkun:

(a)    wieħed mir-reati elenkati fl-Artikolu 118(5), kif definit mil-liġi tal-Istat Membru rikjedenti jew tar-Renju Unit, fir-rigward ta’ Ġibiltà, jekk ikun l-attur rikjedenti; u

(b)    punibbli mill-Istat Membru rikjedenti jew mir-Renju Unit, fir-rigward ta’ Ġibiltà, jekk ikun l-attur rikjedenti, b’sentenza ta’ kustodja jew ordni ta’ detenzjoni għal perjodu massimu ta’ mill-inqas 3 snin.

3.    Il-kooperazzjoni skont l-Artikoli 164 sa 168, sa fejn l-assistenza mitluba tinvolvi azzjoni koerċittiva, u skont l-Artikoli 169 u 170 tista’ tiġi rrifjutata wkoll jekk il-miżuri mitluba ma setgħux jittieħdu skont il-liġi domestika tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, għall-finijiet ta’ investigazzjonijiet jew proċedimenti f’każ domestiku simili.

4.    Meta l-liġi domestika tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, tkun teħtieġ hekk, il-kooperazzjoni skont l-Artikoli 164 sa 168, sa fejn l-assistenza mitluba tinvolvi azzjoni li tkun koerċittiva, u skont l-Artikoli 169 u 170 tista’ tiġi rrifjutata wkoll jekk il-miżuri mitluba jew kwalunkwe miżura oħra li jkollha effetti simili ma tkunx permessa skont il-liġi domestika tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, jew, jekk it-talba ma tkunx awtorizzata minn awtorità ġudizzjarja li taġixxi fir-rigward ta’ reati kriminali.

5.    Il-kooperazzjoni skont l-Artikoli 171 sa 175 tista’ wkoll tiġi rrifjutata jekk:

(a)    skont il-liġi domestika tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, il-konfiska ma tkunx prevista fir-rigward tat-tip ta’ reat li għalih tirreferi t-talba;

(b)    mingħajr preġudizzju għall-obbligu skont l-Artikolu 171(3), dan imur kontra l-prinċipji tal-liġi domestika tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, fir-rigward tal-limiti ta’ konfiska fir-rigward tar-relazzjoni bejn reat u:

(i)    vantaġġ ekonomiku li jista’ jiġi kkwalifikat bħala l-profitti tiegħu; jew

(ii)    proprjetà li tista’ tiġi kkwalifikata bħala l-istrumenti tiegħu;

(c)    skont il-liġi domestika tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, il-konfiska ma tistax tibqa’ tiġi imposta jew infurzata minħabba li jkun għadda ż-żmien;

(d)    mingħajr preġudizzju għall-Artikolu 171(5) u (6), it-talba ma tirrigwardax kundanna preċedenti, jew deċiżjoni ta’ natura ġudizzjarja jew dikjarazzjoni f’tali deċiżjoni li reat jew diversi reati twettqu, li fuq il-bażi tagħhom il-konfiska ġiet ordnata jew mitluba;

(e)    il-konfiska jew ma tkunx infurzabbli fl-Istat Membru rikjedenti jew f’Ġibiltà, jekk ir-Renju Unit, fir-rigward ta’ Ġibiltà, ikun l-attur rikjedenti, jew ikun għadu soġġett għal mezzi ordinarji ta’ appell; jew

(f)    it-talba tirrigwarda ordni ta’ konfiska li tirriżulta minn deċiżjoni mogħtija in absentia tal-persuna li kontriha nħarġet l-ordni u, fl-opinjoni tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, il-proċedimenti mwettqa mir-Renju Unit, fir-rigward ta’ Ġibiltà, jekk ikun l-attur rikjedenti, jew jekk l-Istat Membru rikjedenti li jwassal għal tali deċiżjoni ma jkunx issodisfa d-drittijiet minimi ta’ difiża rikonoxxuti bħala dovuti lil kull persuna li kontriha ssir akkuża kriminali.

6.    Għall-fini tal-punt (f) tal-paragrafu 5, deċiżjoni ma titqiesx li ngħatat in absentia jekk:

(a)    tkun ġiet ikkonfermata jew iddikjarata wara oppożizzjoni mill-persuna konċernata; jew

(b)    tkun saret fl-appell, sakemm l-appell ikun ġie ppreżentat mill-persuna konċernata.

7.    Meta jikkunsidraw, għall-finijiet tal-punt (f) tal-paragrafu 5, jekk id-drittijiet minimi tad-difiża ġewx issodisfati, l-Istat Membru rikjest jew ir-Renju Unit, fir-rigward ta’ Ġibiltà, jekk huwiex l-attur rikjest, għandhom iqisu l-fatt li l-persuna kkonċernata fittxet deliberatament li tevadi l-ġustizzja jew il-fatt li dik il-persuna, wara li kellha l-possibbiltà li tippreżenta rimedju legali kontra d-deċiżjoni meħuda in absentia, għażlet li ma tagħmilx dan. L-istess japplika meta l-persuna kkonċernata, wara li tkun ġiet debitament innotifikata biċ-ċitazzjoni biex tidher, tkun iddeċidiet li ma tagħmilx dan jew li titlob għal aġġornament.

8.    L-Istati Membri jew ir-Renju Unit, fir-rigward ta’ Ġibiltà, ma għandhomx jinvokaw is-segretezza bankarja bħala raġuni biex jirrifjutaw kwalunkwe kooperazzjoni skont dan il-Kapitolu. Meta d-dritt domestiku tiegħu jirrikjedi dan, Stat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, jista’ jirrikjedi li talba għal kooperazzjoni li tinvolvi t-tneħħija tas-segretezza bankarja tiġi awtorizzata minn awtorità ġudizzjarja li taġixxi fir-rigward ta’ reati kriminali.

9.    l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, ma għandux jinvoka l-fatt li:

(a)    il-persuna taħt investigazzjoni mill-Istat Membru rikjedenti jew mir-Renju Unit, jew soġġetta għal ordni ta’ konfiska tagħhom, fir-rigward ta’ Ġibiltà, jekk ikun l-attur rikjedenti, tkun persuna ġuridika bħala ostaklu għall-għoti ta’ kwalunkwe kooperazzjoni skont dan il-Kapitolu;

(b)    il-persuna fiżika li kontriha tkun inħarġet ordni ta’ konfiska tar-rikavat tkun mietet jew persuna ġuridika li kontriha tkun inħarġet ordni ta’ konfiska tar-rikavat sussegwentement tkun ġiet xolta bħala ostaklu għall-għoti ta’ assistenza skont il-punt (a) tal-Artikolu 171(1); jew

(c)    il-persuna taħt investigazzjoni mill-Istat Membru rikjedenti jew mir-Renju Unit, jew soġġetta għal ordni ta’ konfiska tagħhom, fir-rigward ta’ Ġibiltà, jekk ikun l-attur rikjest, tissemma fit-talba kemm bħala l-awtur tar-reat kriminali sottostanti kif ukoll tar-reat tal-ħasil tal-flus bħala ostaklu għall-għoti ta’ kwalunkwe kooperazzjoni skont dan il-Kapitolu.

ARTIKOLU 177

Konsultazzjoni u informazzjoni

Fejn ikun hemm raġunijiet sostanzjali biex wieħed jemmen li l-eżekuzzjoni ta’ ordni ta’ ffriżar jew ta’ konfiska tkun tinvolvi riskju reali għall-protezzjoni tad-drittijiet fundamentali, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu, qabel ma jiddeċiedi dwar l-eżekuzzjoni tal-ordni ta’ ffriżar jew ta’ konfiska, jikkonsulta lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti u jista’ jirrikjedi li tiġi pprovduta kwalunkwe informazzjoni meħtieġa.

ARTIKOLU 178

Posponiment

l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, jista’ jipposponi azzjoni fuq talba jekk tali azzjoni tippreġudika l-investigazzjonijiet jew il-proċedimenti ta’ dak l-Istat Membru jew tar-Renju Unit, fir-rigward ta’ Ġibiltà.

ARTIKOLU 179

L-għoti parzjali jew kundizzjonali ta’ talba

Qabel ma jirrifjuta jew jipposponi l-kooperazzjoni skont dan il-Kapitolu, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, fejn xieraq wara li jkun ikkonsultaw lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti, għandu jikkunsidra jekk it-talba tistax tingħata parzjalment jew soġġetta għal tali kundizzjonijiet li jqisu meħtieġa.

ARTIKOLU 180

Notifika tad-dokumenti

1.    Ir-Renju Unit, fir-rigward ta’ Ġibiltà, u l-Istati Membri għandhom jagħtu lil xulxin l-aktar miżura wiesgħa ta’ assistenza reċiproka fin-notifika ta’ dokumenti ġudizzjarji lil persuni affettwati minn miżuri proviżorji u konfiska.

2.    Xejn f’dan l-Artikolu ma huwa maħsub biex jinterferixxi ma’:

(a)    il-possibbiltà li jintbagħtu dokumenti ġudizzjarji, permezz ta’ mezzi postali, direttament lil persuni barra mill-pajjiż; u

(b)    il-possibbiltà li uffiċjali ġudizzjarji, uffiċjali jew awtoritajiet kompetenti oħra tal-Istat Membru ta’ oriġini, jew ir-Renju Unit, fir-rigward ta’ Ġibiltà, fejn ikun l-attur li jibgħat, iwettqu notifika ta’ dokumenti ġudizzjarji direttament permezz tal-awtoritajiet konsulari ta’ dak l-Istat Membru jew ir-Renju Unit, skont il-każ, jew permezz tal-awtoritajiet ġudizzjarji, inklużi uffiċjali ġudizzjarji u uffiċjali, jew awtoritajiet kompetenti oħra, tal-Istat Membru ta’ destinazzjoni, jew ir-Renju Unit, fir-rigward ta’ Ġibiltà, jekk ikun l-attur riċeventi.

3.    Meta jinnotifika dokumenti ġudizzjarji lil persuni barra mill-pajjiż affettwati minn miżuri proviżorji jew ordnijiet ta’ konfiska maħruġa fl-Istat Membru emittenti jew fir-Renju Unit, fir-rigward ta’ Ġibiltà, jekk ikunu ntbagħtu minnu, dak l-Istat Membru jew ir-Renju Unit, fir-rigward ta’ Ġibiltà, għandu jindika liema rimedji legali huma disponibbli skont il-liġi domestika tiegħu għal tali persuni. L-awtorità ċentrali tar-Renju Unit, fir-rigward ta’ Ġibiltà, jekk il-persuna li lilha jintbagħtu d-dokumenti ġudizzjarji tirrisjedi f’Ġibiltà, jew fl-Istat Membru li fih tirrisjedi l-persuna li lilha jintbagħtu d-dokumenti ġudizzjarji, skont il-każ, għandha tirċievi kopja ta’ dawn id-dokumenti ġudizzjarji b’mod parallel.

ARTIKOLU 181

Rikonoxximent ta’ deċiżjonijiet barranin

1.    Meta jittratta talba għal kooperazzjoni skont l-Artikoli 169 sa 175, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jirrikonoxxi kwalunkwe deċiżjoni maħruġa minn awtorità ġudizzjarja meħuda fir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti rigward drittijiet mitluba minn partijiet terzi.

2.    Ir-rikonoxximent jista’ jiġi rrifjutat jekk:

(a)    terzi persuni ma kellhomx opportunità adegwata biex jasserixxu d-drittijiet tagħhom;

(b)    id-Deċiżjoni tkun inkompatibbli ma’ deċiżjoni diġà meħuda fl-Istat Membru rikjest jew f’Ġibiltà, jekk ir-Renju Unit, fir-rigward ta’ Ġibiltà, ikun l-attur rikjest, dwar l-istess kwistjoni;

(c)    ikun inkompatibbli mal-ordre public tar-Renju Unit, fir-rigward ta’ Ġibiltà, jew tal-Istat Membru, skont il-każ; jew

(d)    id-Deċiżjoni ttieħdet kontra d-dispożizzjonijiet dwar il-ġuriżdizzjoni esklużiva previsti mil-liġi domestika tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest.

ARTIKOLU 182

Awtoritajiet

1.    Ir-Renju Unit, fir-rigward ta’ Ġibiltà, u l-Istati Membri għandhom jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni b’awtorità ċentrali li għandha tkun responsabbli biex tibgħat u twieġeb talbiet magħmula skont dan il-Kapitolu, l-eżekuzzjoni ta’ tali talbiet jew it-trażmissjoni tagħhom lill-awtoritajiet kompetenti għall-eżekuzzjoni tagħhom.

2.    L-Unjoni tista’ taħtar korp tal-Unjoni li jista’, minbarra l-awtoritajiet kompetenti tal-Istati Membri, jagħmel talbiet skont dan il-Kapitolu, jekk ikun xieraq, jeżegwi tali talbiet. Kull talba bħal din għandha tiġi ttrattata għall-finijiet ta’ dan il-Kapitolu bħala talba minn Stat Membru. L-Unjoni tista’ wkoll taħtar dan il-korp tal-Unjoni bħala l-awtorità ċentrali responsabbli għall-finijiet biex tibgħat u twieġeb talbiet magħmula skont dan il-Kapitolu minn, jew lil, dan il-korp.

ARTIKOLU 183

Komunikazzjoni

1.    L-Artikolu 6(1) għandu japplika biss fir-rigward ta’ talbiet inizjali magħmula skont dan il-Kapitolu, li għandhom jiġu trażmessi f’konformità ma’ dak l-Artikolu.

2.    Bla ħsara għall-paragrafu 1, l-awtoritajiet ċentrali għandhom jikkomunikaw direttament ma’ xulxin.

3.    Soġġett għall-paragrafu 1, f’każijiet urġenti, talbiet jew komunikazzjonijiet skont dan il-Kapitolu jistgħu jintbagħtu direttament mill-awtoritajiet ġudizzjarji tal-Istat Membru rikjedenti jew tar-Renju Unit, fir-rigward ta’ Ġibiltà, jekk ikun l-attur rikjedenti, lill-awtoritajiet ġudizzjarji tar-Renju Unit, fir-rigward ta’ Ġibiltà, jekk ikun l-attur rikjest jew l-Istat Membru rikjest. F’każijiet bħal dawn, għandha tintbagħat kopja fl-istess ħin lill-awtorità ċentrali tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest permezz tal-awtorità ċentrali tar-Renju Unit, fir-rigward ta’ Ġibiltà, jekk ikun l-attur rikjedenti jew l-Istat Membru rikjedenti.

4.    Meta ssir talba skont il-paragrafu 3 u l-awtorità ma tkunx kompetenti biex tittratta t-talba, hija għandha tirreferi t-talba lill-awtorità domestika kompetenti u għandha tinforma direttament lill-Istat Membru rikjedenti jew lir-Renju Unit, fir-rigward ta’ Ġibiltà, jekk ikun l-attur rikjedenti li tkun għamlet dan.

5.    Soġġett għall-paragrafu 1, talbiet jew komunikazzjonijiet skont l-Artikoli 164 sa 168, li ma jinvolvux azzjoni koerċittiva, jistgħu jiġu trażmessi direttament mill-awtoritajiet kompetenti tal-Istat Membru rikjedenti jew tar-Renju Unit, fir-rigward ta’ Ġibiltà, jekk ikun l-attur rikjedenti lir-Renju Unit, fir-rigward ta’ Ġibiltà, jekk ikun l-attur rikjest jew l-Istat Membru rikjest.

6.    Abbozzi ta’ talbiet jew komunikazzjonijiet skont dan il-Kapitolu jistgħu jintbagħtu direttament mill-awtoritajiet ġudizzjarji tal-Istat Membru rikjedenti jew tar-Renju Unit, fir-rigward ta’ Ġibiltà, jekk ikun l-attur rikjedenti lill-awtoritajiet ġudizzjarji tar-Renju Unit, fir-rigward ta’ Ġibiltà, jekk ikun l-attur rikjest jew l-Istat Membru rikjest qabel talba formali biex jiġi żgurat li t-talba formali tkun tista’ tiġi ttrattata b’mod effiċjenti mal-wasla u li jkun fiha biżżejjed informazzjoni u dokumentazzjoni ta’ sostenn biex tissodisfa r-rekwiżiti tal-liġi tar-Renju Unit, fir-rigward ta’ Ġibiltà, jekk ikun l-attur rikjest jew l-Istat Membru rikjest.

ARTIKOLU 184

Forma tat-talba u lingwi

1.    It-talbiet kollha skont dan il-Kapitolu għandhom isiru bil-miktub. Dawn jistgħu jiġu trażmessi b’mod elettroniku, jew bi kwalunkwe mezz ieħor ta’ telekomunikazzjoni, dment li l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, ikun lest, fuq talba, li jipproduċi rekord bil-miktub ta’ tali komunikazzjoni u l-oriġinal fi kwalunkwe ħin.

2.    It-talbiet skont il-paragrafu 1 għandhom isiru f’waħda mil-lingwi uffiċjali tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, jew fi kwalunkwe lingwa oħra nnotifikata minn jew f’isem l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, f’konformità mal-paragrafu 3.

3.    Ir-Renju Unit, fir-rigward ta’ Ġibiltà, u l-Unjoni, li taġixxi f’isem kwalunkwe wieħed mill-Istati Membri tagħha, jistgħu jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni bil-lingwa jew bil-lingwi li, minbarra l-lingwa jew il-lingwi uffiċjali ta’ dak l-Istat Membru jew tar-Renju Unit, fir-rigward ta’ Ġibiltà, jistgħu jintużaw biex isiru talbiet skont dan il-Kapitolu.

4.    Talbiet skont l-Artikolu 169 għal miżuri proviżorji għandhom isiru bl-użu tal-formola preskritta fl-Anness 16.

5.    Talbiet skont l-Artikolu 171 għal konfiska għandhom isiru bl-użu tal-formola preskritta fl-Anness 16.

6.    Il-Kumitat Speċjalizzat dwar iċ-Ċirkolazzjoni tal-Persuni jista’ jemenda l-formoli fl-Anness 16 msemmija fil-paragrafi 4 u 5 skont kif ikun meħtieġ.

7.    Il-Kumitat Speċjalizzat dwar iċ-Ċirkolazzjoni tal-Persuni għandu jadotta kwalunkwe modifika għall-formoli fl-Anness 16 kif jista’ jkun meħtieġ biex jirrifletti l-bidliet li jkunu saru fl-Anness 46 tal-Ftehim dwar il-Kummerċ u l-Kooperazzjoni.

8.    Ir-Renju Unit, fir-rigward ta’ Ġibiltà, u l-Unjoni, li taġixxi f’isem kwalunkwe wieħed mill-Istati Membri tagħha, jistgħu jinnotifikaw kull wieħed lill-Kumitat Speċjalizzat dwar iċ-Ċirkolazzjoni tal-Persuni li jeħtieġu t-traduzzjoni ta’ kwalunkwe dokument ta’ sostenn f’waħda mil-lingwi uffiċjali tal-Istat Membru rikjest jew fi kwalunkwe lingwa oħra indikata f’konformità mal-paragrafu 3. Fil-każ ta’ talbiet skont l-Artikolu 169(4), tali traduzzjoni ta’ dokumenti ta’ sostenn tista’ tiġi pprovduta lill-Istat Membru rikjest jew lir-Renju Unit, fir-rigward ta’ Ġibiltà, jekk ikun l-attur rikjest fi żmien 48 siegħa wara t-trażmissjoni tat-talba, mingħajr preġudizzju għal-limiti ta’ żmien previsti fl-Artikolu 169(4).

ARTIKOLU 185

Legalizzazzjoni

Id-dokumenti trażmessi f’applikazzjoni ta’ dan il-Kapitolu għandhom ikunu eżentati mill-formalitajiet kollha tal-legalizzazzjoni.

ARTIKOLU 186

Kontenut tat-talba

1.    Kull talba għal kooperazzjoni skont dan il-Kapitolu għandha tispeċifika:

(a)    l-awtorità li tagħmel it-talba u l-awtorità li twettaq l-investigazzjonijiet jew il-proċedimenti;

(b)    l-għan u r-raġuni tat-talba;

(c)    il-kwistjonijiet, inklużi l-fatti rilevanti (bħad-data, il-post u ċ-ċirkostanzi tar-reat) li magħhom huma relatati l-investigazzjonijiet jew il-proċedimenti, ħlief fil-każ ta’ talba għal notifika;

(d)    sa fejn il-kooperazzjoni tinvolvi azzjoni li hija koerċittiva:

(i)    it-test tad-dispożizzjonijiet statutorji jew, jekk dan ma jkunx possibbli, dikjarazzjoni tal-liġi applikabbli rilevanti; u

(ii)    indikazzjoni li l-miżura mitluba jew kwalunkwe miżura oħra li jkollha effetti simili tista’ tittieħed fil-ġuriżdizzjoni tal-Istat Membru rikjedenti jew tar-Renju Unit, fir-rigward ta’ Ġibiltà, jekk ikun l-attur rikjedenti, skont il-liġi domestika tiegħu stess;

(e)    jekk ikun meħtieġ u sa fejn ikun possibbli:

(i)    dettalji tal-persuna jew tal-persuni konċernati, inklużi l-isem, id-data u l-post tat-twelid, in-nazzjonalità u l-post, u, fil-każ ta’ persuna ġuridika, is-sede tagħha; u

(ii)    l-proprjetà li fir-rigward tagħha tintalab il-kooperazzjoni, il-post fejn tinsab, il-konnessjoni tagħha mal-persuna jew mal-persuni kkonċernati, kwalunkwe konnessjoni mar-reat, kif ukoll kull informazzjoni disponibbli dwar persuni, interessi fil-proprjetà; u

(f)    kwalunkwe proċedura partikolari li l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, jixtieq li tiġi segwita.

2.    Talba għal miżuri proviżorji skont l-Artikolu 169 fir-rigward tas-sekwestru ta’ proprjetà li fuqha tista’ titwettaq ordni ta’ konfiska li tikkonsisti fir-rekwiżit li titħallas somma ta’ flus għandha tindika wkoll ammont massimu li għalih jintalab l-irkupru f’dik il-proprjetà.

3.    Minbarra l-informazzjoni msemmija fil-paragrafu 1 ta’ dan l-Artikolu, kull talba skont l-Artikolu 171 għandu jkun fiha:

(a)    fil-każ tal-Artikolu 171(1), il-punt (a):

(i)    kopja awtentika ċċertifikata tal-ordni ta’ konfiska magħmula mill-qorti fl-Istat Membru rikjedenti jew f’Ġibiltà, jekk ir-Renju Unit, fir-rigward ta’ Ġibiltà, ikun l-attur rikjedenti, u dikjarazzjoni tar-raġunijiet li abbażi tagħhom tkun saret l-ordni, jekk ma jkunux indikati fl-ordni nnifisha;

(ii)    attestazzjoni mill-Istat Membru rikjedenti jew mir-Renju Unit, fir-rigward ta’ Ġibiltà, jekk ikun l-attur rikjedenti, li l-ordni ta’ konfiska hija infurzabbli u mhijiex soġġetta għal mezzi ordinarji ta’ appell;

(iii)    informazzjoni dwar sa fejn jintalab l-infurzar tal-ordni; u

(iv)    informazzjoni dwar il-ħtieġa li tittieħed kwalunkwe miżura proviżorja;

(b)    fil-każ tal-punt (b) tal-Artikolu 171(1), dikjarazzjoni tal-fatti invokati mill-Istat Membru rikjedenti jew mir-Renju Unit, fir-rigward ta’ Ġibiltà, jekk ikun l-attur rikjedenti, li tkun biżżejjed biex tippermetti lir-Renju Unit, fir-rigward ta’ Ġibiltà, jekk ikun l-attur rikjest, jew l-Istat Membru rikjest ifittex l-ordni skont il-liġi domestika tiegħu;

(c)    fejn terzi persuni kellhom l-opportunità li jitolbu drittijiet, dokumenti li juru li dan kien il-każ.

ARTIKOLU 187

Talbiet difettużi

1.    Jekk talba ma tikkonformax mad-dispożizzjonijiet ta’ dan il-Kapitolu jew l-informazzjoni pprovduta ma tkunx biżżejjed biex tippermetti lill-Istat Membru rikjest jew lir-Renju Unit, fir-rigward ta’ Ġibiltà, jekk ikun l-attur rikjest, biex jittrattaw it-talba, dak l-Istat Membru jew ir-Renju Unit, fir-rigward ta’ Ġibiltà, jista’ jitlob lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti biex jemenda t-talba jew biex jikkompletaha b’informazzjoni addizzjonali.

2.    L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, jista’ jistabbilixxi limitu ta’ żmien għar-riċevuta ta’ tali emendi jew informazzjoni.

3.    Sakemm jaslu l-emendi jew l-informazzjoni mitluba fir-rigward ta’ talba skont l-Artikolu 171, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, jista’ jieħu kwalunkwe waħda mill-miżuri msemmija fl-Artikoli 164 sa 170.

ARTIKOLU 188

Il-pluralità tat-talbiet

1.    Meta l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, jirċievi aktar minn talba waħda skont l-Artikolu 169 jew l-Artikolu 171 fir-rigward tal-istess persuna jew proprjetà, il-pluralità tat-talbiet ma għandhiex twaqqaf lil dak l-Istat Membru jew lir-Renju Unit, fir-rigward ta’ Ġibiltà, milli jittrattaw it-talbiet li jinvolvu t-teħid ta’ miżuri proviżorji.

2.    Fil-każ ta’ pluralità ta’ talbiet skont 171, l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jikkunsidra li jikkonsulta lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti.

ARTIKOLU 189

Obbligu li jingħataw raġunijiet

L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jagħti r-raġunijiet għal kwalunkwe deċiżjoni li jirrifjuta, jipposponi jew jagħmel kundizzjonali kwalunkwe kooperazzjoni skont dan il-Kapitolu.

ARTIKOLU 190

Informazzjoni

1.    L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, għandu jinforma minnufih lir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti dwar:

(a)    l-azzjoni mibdija fuq il-bażi ta’ talba skont dan il-Kapitolu;

(b)    ir-riżultat finali tal-azzjoni mwettqa fuq il-bażi tat-talba skont dan il-Kapitolu;

(c)    deċiżjoni li tiġi rrifjutata, posposta jew kundizzjonali, kompletament jew parzjalment, kwalunkwe kooperazzjoni skont dan il-Kapitolu;

(d)    kwalunkwe ċirkostanza li tagħmel impossibbli t-twettiq tal-azzjoni mfittxija jew li x’aktarx tittardjaha b’mod sinifikanti; u

(e)    fil-każ ta’ miżuri proviżorji meħuda skont talba skont l-Artikoli 164 sal-Artikolu 169, tali dispożizzjonijiet tal-liġi domestika tagħha li awtomatikament iwasslu għat-tneħħija tal-miżura proviżorja.

2.    L-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, għandu jinforma minnufih lir-Renju Unit, fir-rigward ta’ Ġibiltà, jekk ikun l-attur rikjest, jew l-Istat Membru rikjest dwar:

(a)    kwalunkwe rieżami, deċiżjoni jew kwalunkwe fatt ieħor li minħabba fih l-ordni ta’ konfiska ma tibqax kompletament jew parzjalment infurzabbli; u

(b)    kwalunkwe żvilupp, fattwali jew legali, li minħabba fih kwalunkwe azzjoni skont dan il-Kapitolu ma tibqax iġġustifikata.

3.    Fejn ir-Renju Unit, fir-rigward ta’ Ġibiltà, abbażi tal-istess ordni ta’ konfiska, jitlob konfiska f’aktar minn Stat Membru wieħed, huwa għandu jinforma lill-Istati Membri kollha li huma affettwati mill-infurzar tal-ordni dwar it-talba.

4.    Meta Stat Membru, abbażi tal-istess ordni ta’ konfiska, jitlob konfiska fir-Renju Unit, fir-rigward ta’ Ġibiltà, u fi Stat Membru wieħed jew aktar, huwa għandu jinforma lir-Renju Unit, fir-rigward ta’ Ġibiltà, u lill-Istat Membri kollha li huma affettwati mill-infurzar tal-ordni dwar it-talba.

ARTIKOLU 191

Restrizzjonijiet tal-użu

1.    L-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, jista’ jagħmel l-eżekuzzjoni ta’ talba dipendenti fuq il-kundizzjoni li l-informazzjoni jew l-evidenza miksuba ma għandhiex, mingħajr il-kunsens minn qabel tiegħu, tintuża jew tiġi trażmessa mir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti, għal investigazzjonijiet jew proċedimenti għajr dawk speċifikati fit-talba.

2.    Mingħajr il-kunsens minn qabel tal-Istat Membru rikjest jew tar-Renju Unit, fir-rigward ta’ Ġibiltà, jekk ikun l-attur rikjest, l-informazzjoni jew l-evidenza pprovduta minnu skont dan il-Kapitolu ma għandhiex tintuża jew tiġi trażmessa mir-Renju Unit, fir-rigward ta’ Ġibiltà, jekk ikun l-attur rikjedenti, jew l-Istat Membru rikjedenti, f’investigazzjonijiet jew proċedimenti għajr dawk speċifikati fit-talba.

3.    Id-data personali kkomunikata skont dan il-Kapitolu tista’ tintuża mill-Istat Membru li lilu tkun ġiet ittrasferita jew mir-Renju Unit, fir-rigward ta’ Ġibiltà, jekk tiġi ttrasferita lilu:

(a)    għall-finijiet tal-proċedimenti li għalihom japplika dan il-Kapitolu;

(b)    għal proċedimenti ġudizzjarji u amministrattivi oħra direttament relatati mal-proċedimenti msemmija fil-punt (a);

(c)    sabiex jiġi evitat theddid gravi u immedjat għas-sigurtà pubblika; jew

(d)    għal kwalunkwe skop ieħor, biss bil-kunsens minn qabel tal-Istat Membru komunikanti jew tar-Renju Unit, fir-rigward ta’ Ġibiltà, jekk ikun għamel il-komunikazzjoni, sakemm l-Istat Membru kkonċernat jew ir-Renju Unit, fir-rigward ta’ Ġibiltà, skont il-każ, ma jkunx kiseb il-kunsens tas-suġġett tad-data.

4.    Dan l-Artikolu għandu japplika wkoll għal data personali mhux ikkomunikata iżda miksuba mod ieħor skont dan il-Kapitolu.

5.    Dan l-Artikolu ma japplikax għal data personali miksuba mir-Renju Unit, fir-rigward ta’ Ġibiltà, jew Stat Membru skont dan il-Kapitolu u, fil-każ tar-Renju Unit, li toriġina minn Ġibiltà jew, fil-każ ta’ Stat Membru, li toriġina minn dak l-Istat Membru.

ARTIKOLU 192

Kunfidenzjalità

1.    L-Istat Membru rikjedenti jew ir-Renju Unit, fir-rigward ta’ Ġibiltà, jistgħu jirrikjedu li r-Renju Unit, fir-rigward ta’ Ġibiltà, jekk ikun l-attur rikjest, jew l-Istat Membru rikjest iżomm kunfidenzjali l-fatti u s-sustanza tat-talba, ħlief sa fejn ikun meħtieġ biex tiġi eżegwita t-talba. Jekk l-Istat Membru rikjest jew ir-Renju Unit, fir-rigward ta’ Ġibiltà, jekk ikun l-attur rikjest, ma jkunx jista’ jikkonforma mar-rekwiżit ta’ kunfidenzjalità, huwa għandu jinforma minnufih lill-Istat Membru rikjedenti jew lir-Renju Unit, fir-rigward ta’ Ġibiltà, jekk ikun l-attur rikjedenti.

2.    l-Istat Membru rikjedenti jew ir-Renju Unit, fir-rigward ta’ Ġibiltà, jekk ikun l-attur rikjedenti, għandu, jekk ma jmurx kontra l-prinċipji bażiċi tal-liġi domestika tiegħu u jekk jintalab jagħmel dan, iżomm kunfidenzjali kwalunkwe evidenza u informazzjoni pprovduta mir-Renju Unit, fir-rigward ta’ Ġibiltà, jekk ikun l-attur rikjest, jew l-Istat Membru rikjest, ħlief sa fejn id-żvelar tagħha tkun meħtieġa għall-investigazzjonijiet jew il-proċedimenti deskritti fit-talba.

3.    Soġġett għad-dispożizzjonijiet tal-liġi domestika tiegħu, Stat Membru jew ir-Renju Unit, fir-rigward ta’ Ġibiltà, li jkun irċieva informazzjoni spontanja skont l-Artikolu 168 għandu jikkonforma ma’ kwalunkwe rekwiżit ta’ kunfidenzjalità kif meħtieġ mill-Istat Membru li jforni l-informazzjoni jew mir-Renju Unit, fir-rigward ta’ Ġibiltà, jekk ikun il-fornitur. Jekk l-Istat Membru riċeventi jew ir-Renju Unit, fir-rigward ta’ Ġibiltà, jekk ikun ir-riċevitur tal-informazzjoni, ma jkunx jista’ jikkonforma ma’ tali rekwiżit, huwa għandu jinforma minnufih lir-Renju Unit, fir-rigward ta’ Ġibiltà, jekk ikun dak li jittrażmetti l-informazzjoni, jew l-Istat Membru trażmittenti.

ARTIKOLU 193

Kostijiet

Il-kostijiet ordinarji tal-konformità ma’ talba għandhom jitħallsu mill-Istat Membru rikjest jew mir-Renju Unit, fir-rigward ta’ Ġibiltà, jekk ikun l-attur rikjest. Jekk ikunu meħtieġa kostijiet ta’ natura sostanzjali jew straordinarja biex ikun hemm konformità ma’ talba, l-Istat Membru rikjedenti u l-Istat Membru rikjest għandhom jikkonsultaw sabiex jaqblu dwar il-kundizzjonijiet li fuqhom għandha tiġi eżegwita t-talba u kif se jitħallsu l-kostijiet.

ARTIKOLU 194

Danni

1.    Meta azzjoni legali dwar ir-responsabbiltà għad-danni li jirriżultaw minn att jew ommissjoni fir-rigward tal-kooperazzjoni skont dan il-Kapitolu tkun inbdiet minn persuna, l-Istati Membri kkonċernati jew ir-Renju Unit, fir-rigward ta’ Ġibiltà, skont il-każ, għandhom jikkunsidraw li jikkonsultaw lil xulxin, fejn xieraq, biex jiddeterminaw kif għandha titqassam kwalunkwe somma ta’ danni dovuta.

2.    Meta r-Renju Unit, fir-rigward ta’ Ġibiltà, jew Stat Membru jkun sar is-suġġett ta’ litigazzjoni għad-danni, huwa għandu jagħmel ħiltu biex jinforma lill-Istat(i) Membru/i l-ieħor/l-oħrajn jew lir-Renju Unit, fir-rigward ta’ Ġibiltà, b’tali litigazzjoni jekk jista’ jkollhom interess fil-każ.