IL-KUMMISSJONI EWROPEA

Brussell, 17.12.2025

COM(2025) 989 final

2025/0419(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2023/956 fir-rigward tal-estensjoni tal-kamp ta’ applikazzjoni tiegħu għal oġġetti downstream u għal miżuri kontra ċ-ċirkomvenzjoni

(Test b’rilevanza għaż-ŻEE)

{SEC(2025) 989 final} - {SWD(2025) 987 final} - {SWD(2025) 988 final} - {SWD(2025) 989 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

Ir-Regolament (UE) 2023/956 li jistabbilixxi Mekkaniżmu ta’ Aġġustament tal-Karbonju fil-Fruntieri (“ir-Regolament CBAM”, Carbon Border Adjustment Mechanism) 1 daħal fis-seħħ fl-1 ta’ Ottubru 2023. Is-CBAM jiżgura li l-ambizzjoni klimatika tal-UE ma tiġix imminata mir-rilokazzjoni tal-emissjonijiet tal-karbonju, li sseħħ meta l-kumpaniji bbażati fl-UE jittrasferixxu l-produzzjoni ta’ oġġetti b’intensità qawwija ta’ karbonju lejn pajjiżi terzi b’politiki dwar it-tibdil fil-klima inqas stretti. Dan jista’ jseħħ ukoll meta l-prodotti tal-UE jiġu ssostitwiti b’importazzjonijiet orħos iżda b’intensità aktar qawwija ta’ karbonju. B’hekk, ir-rilokazzjoni tal-emissjonijiet tal-karbonju tirriżulta fi spostament tal-emissjonijiet mill-UE lejn pajjiżi terzi minflok ma twassal għat-tnaqqis maħsub fl-emissjonijiet globali tal-karbonju. Is-CBAM jindirizza dan ir-riskju billi jagħmel l-oġġetti b’intensità qawwija ta’ karbonju importati fl-UE soġġetti għal prezz tal-karbonju ekwivalenti għal dak iffaċċjat mill-produtturi domestiċi skont is-Sistema tal-UE għall-Iskambju ta’ Kwoti tal-Emissjonijiet (“EU ETS”, Emissions Trading System) 2 . Wara perjodu tranżitorju applikabbli minn Ottubru 2023, il-fażi li jmiss tas-CBAM tibda f’Jannar 2026, b’introduzzjoni gradwali tal-ipprezzar tal-karbonju fuq l-emissjonijiet integrati importati.

L-objettiv ġenerali tal-proposta leġiżlattiva huwa li tissaħħaħ l-effettività tas-CBAM, u b’hekk jitnaqqsu l-emissjonijiet ta’ gassijiet serra (GHG, Greenhouse Gases) u jiġi miġġieled it-tibdil fil-klima globalment.

Sabiex tiġi żgurata implimentazzjoni effettiva tas-CBAM, il-proposta se temenda r-Regolament CBAM biex tindirizza tliet kwistjonijiet ewlenin. L-ewwel nett, il-proposta se testendi l-kamp ta’ applikazzjoni tas-CBAM biex tindirizza r-riskju ta’ rilokazzjoni tal-emissjonijiet tal-karbonju għall-prodotti aktar ’l isfel fil-katina tal-valur tal-prodotti tal-azzar u tal-aluminju li bħalissa jaqgħu fil-kamp ta’ applikazzjoni tas-CBAM. It-tieni, il-proposta se tindirizza t-tentattivi biex tiġi evitata l-konformità mal-obbligu tas-CBAM. It-tielet, il-proposta se ttejjeb ir-regoli tekniċi għall-attribuzzjoni tal-emissjonijiet għall-elettriku bl-għan li tħeġġeġ id-dekarbonizzazzjoni tal-importazzjonijiet tal-elettriku. Fejn meħtieġ, il-proposta se tipprovdi wkoll għadd ta’ simplifikazzjonijiet u titjibiet żgħar fl-applikazzjoni tal-mekkaniżmu u biex tippermetti żona integrata tas-CBAM mal-pajjiżi taż-ŻEE-EFTA (European Free Trade Association).

Is-CBAM bħalissa japplika għal sett limitat ta’ oġġetti materjali bażiċi, elenkati fl-Anness I tar-Regolament CBAM (aluminju, siment, elettriku, fertilizzanti, idroġenu, u ħadid u azzar). Dawn il-materjali bażiċi spiss jintużaw bħala inputs intermedji fil-produzzjoni ta’ oġġetti aktar ’l isfel fil-katina tal-valur (prodotti downstream). Il-produtturi tal-UE ta’ dawn il-prodotti downstream qed jiffaċċjaw żieda doppja fil-kost, li tinċentiva r-rilokazzjoni, u għalhekk l-UE tkun qed “tesporta” l-emissjonijiet tagħha barra minn xtutha, u b’hekk ixxejjen l-effettività tal-politika tal-UE dwar il-klima. L-ewwel nett, iż-żieda fl-ambizzjoni klimatika tal-UE u l-eliminazzjoni gradwali progressiva tal-kwoti bla ħlas skont l-EU ETS huma mistennija jżidu l-kost tal-materjali bażiċi miksuba domestikament 3 . It-tieni, l-introduzzjoni gradwali progressiva tas-CBAM hija mistennija żżid il-kost tal-materjali bażiċi importati fil-kamp ta’ applikazzjoni tiegħu. Bħala riżultat ta’ din iż-żieda doppja fil-kost, hemm diskrepanza dejjem akbar bejn il-kostijiet totali tal-karbonju ffaċċjati mill-produtturi downstream domestiċi u l-kostijiet tal-karbonju ffaċċjati mill-produtturi ta’ pajjiżi terzi. Dan jirriżulta f’riskju sinifikanti ta’ rilokazzjoni tal-emissjonijiet tal-karbonju għal ċerti prodotti downstream.

Filwaqt li jirrikonoxxi dan ir-riskju, l-Artikolu 30(3) tar-Regolament CBAM jirrikjedi li l-Kummissjoni tidentifika prodotti downstream f’riskju ta’ rilokazzjoni tal-emissjonijiet tal-karbonju għall-inklużjoni possibbli fil-kamp ta’ applikazzjoni tas-CBAM. Il-Pjan ta’ Azzjoni Ewropew għall-Azzar u l-Metalli tal-Kummissjoni 4 jistabbilixxi l-objettivi tal-estensjoni tal-kamp ta’ applikazzjoni tas-CBAM, b’enfasi fuq il-prodotti downstream intensivi fl-azzar u fl-aluminju. F’konformità ma’ dan l-objettiv u abbażi ta’ valutazzjoni li tidentifika l-prodotti downstream li huma l-aktar f’riskju ta’ rilokazzjoni tal-emissjonijiet tal-karbonju u li fihom sehem sinifikanti ta’ oġġetti tas-CBAM, din il-proposta se testendi l-kamp ta’ applikazzjoni tas-CBAM għal prodotti downstream magħżula intensivi fl-azzar u fl-aluminju. Fir-rapport ta’ rieżami tal-Kummissjoni stabbilit skont l-Artikolu 30(2) tar-Regolament CBAM, hija diskussa estensjoni potenzjali għall-prodotti downstream f’setturi oħra tas-CBAM, jiġifieri dawk relatati mas-siment, mal-fertilizzanti u mal-idroġenu. F’reviżjoni leġiżlattiva futura, se tiġi kkunsidrata estensjoni għal dawn l-oġġetti.

Il-Pjan ta’ Azzjoni Ewropew għall-Azzar u l-Metalli enfasizza wkoll l-importanza li jiġi indirizzat ir-riskju ta’ ċirkomvenzjoni u ta’ evitar tas-CBAM, li jista’ jimmina l-effettività tas-CBAM fil-prevenzjoni tar-riskju ta’ rilokazzjoni tal-emissjonijiet tal-karbonju. Il-qafas kurrenti tal-infurzar tas-CBAM diġà jipprovdi diversi salvagwardji kontra ċ-ċirkomvenzjoni, inkluż biex jiġu indirizzati r-riskji ta’ klassifikazzjoni ħażina u ta’ oġġetti mhux iddikjarati biżżejjed. Madankollu, matul il-perjodu tranżitorju, diversi partijiet ikkonċernati (inklużi l-awtoritajiet nazzjonali kompetenti, l-awtoritajiet doganali, l-assoċjazzjonijiet tan-negozju, kif ukoll il-kumpaniji individwali) qajmu tħassib li r-Regolament CBAM ma fihx biżżejjed salvagwardji kontra r-riskju ta’ dikjarazzjoni ħażina tal-intensitajiet tal-emissjonijiet u r-riskju ta’ prattiki abbużivi. Il-proposta fiha dispożizzjonijiet immirati lejn l-indirizzar ta’ dawn ir-riskji.

L-esperjenza bl-implimentazzjoni tas-CBAM matul il-perjodu tranżitorju u l-feedback tal-partijiet ikkonċernati wrew li r-regoli għall-importazzjonijiet tal-elettriku huma riġidi żżejjed. B’mod partikolari, il-qafas kurrenti ma jirrikonoxxix biżżejjed il-progress li sar mill-produtturi tal-elettriku mhux tal-UE fid-dekarbonizzazzjoni tal-ġenerazzjoni tal-elettriku tagħhom, u b’hekk jiskoraġġixxi l-kummerċ tal-elettriku b’livell baxx ta’ emissjonijiet tal-karbonju u jipprovdi inċentivi limitati għall-produtturi tal-elettriku ta’ pajjiżi terzi biex inaqqsu l-emissjonijiet. Dawn in-nuqqasijiet huma kkawżati minn żewġ kwistjonijiet ewlenin. L-ewwel nett, f’konformità mar-Regolament CBAM, il-valuri prestabbiliti tal-emissjonijiet 5 għall-importazzjonijiet tal-elettriku jirriflettu biss il-produzzjoni tal-elettriku mill-fjuwils fossili. Għalhekk, dawn il-valuri prestabbiliti jistgħu jissopravalutaw il-kontenut ta’ karbonju tal-elettriku minn pajjiżi terzi li jesportaw enerġija relattivament nadifa lejn l-UE. It-tieni, il-kundizzjonijiet li jridu jiġu ssodisfati biex jiġu ddikjarati l-emissjonijiet reali tal-elettriku wrew li huma diffiċli ħafna biex jiġu ssodisfati fil-prattika. Il-proposta fiha dispożizzjonijiet biex jiġu indirizzati dawn il-kwistjonijiet.

Fl-aħħar nett, il-proposta se tipprovdi wkoll titjib żgħir fl-applikazzjoni tal-mekkaniżmu, bħall-estensjoni tal-possibbiltà li l-awtoritajiet nazzjonali kompetenti jitolbu garanzija, il-kjarifika li l-operaturi jistgħu jikkondividu data verifikata dwar l-emissjonijiet ma’ operaturi oħra, jew is-simplifikazzjoni tal-obbligu taż-żamma tar-rekords tad-dikjarant awtorizzat CBAM.

•Konsistenza mad-dispożizzjonijiet eżistenti fil-qasam ta’ politika kkonċernat

Il-Kummissjoni wettqet ukoll rieżami wiesa’ tas-CBAM f’konformità mal-Artikolu 30(2) tar-Regolament CBAM. Dan ir-rieżami evalwa kif il-mekkaniżmu ħadem s’issa, filwaqt li vvaluta r-relazzjonijiet mal-pajjiżi li qed jiżviluppaw u l-impatti fuqhom inklużi l-pajjiżi l-anqas żviluppati (LDCs, Least Developed Countries) 8 , u jikkunsidra l-passi possibbli li jmiss. Ir-rieżami kkunsidra wkoll il-possibbiltà għal estensjoni futura tas-CBAM għal setturi oħra tal-EU ETS f’riskju ta’ rilokazzjoni tal-emissjonijiet tal-karbonju, kif ukoll prodotti downstream f’setturi oħra (is-siment, il-fertilizzanti u l-idroġenu) 9 . B’mod parallel, il-Kummissjoni Ewropea qed tadotta sensiela ta’ atti ta’ implimentazzjoni u delegati li se jistabbilixxu r-regoli tekniċi għall-funzjonament tas-CBAM fil-kamp ta’ applikazzjoni kurrenti tiegħu 10 .

•Konsistenza ma’ politiki oħra tal-Unjoni

2.BAŻI LEGALI, SUSSIDJARJETÀ U PROPORZJONALITÀ

•Bażi legali

•Sussidjarjetà (għall-kompetenza mhux esklużiva)

Is-CBAM joħloq qafas komuni u uniformi biex jiżgura ekwivalenza bejn il-politika tal-ipprezzar tal-karbonju applikata fis-suq intern tal-UE u l-politika tal-ipprezzar tal-karbonju applikata fuq l-importazzjonijiet. Applikazzjoni uniformi tas-CBAM hija kruċjali biex jiġi evitat li kwalunkwe oġġett rilaxxat għaċ-ċirkolazzjoni libera fl-Unjoni jkun soġġett għas-CBAM. L-effettività tas-CBAM tiddependi minn sinjal uniformi tal-prezz tal-karbonju applikat b’mod konsistenti għas-setturi rilevanti fl-Istati Membri kollha tal-UE. L-emendi proposti tar-Regolament CBAM jirrikjedu bl-istess mod tali applikazzjoni uniformi.

•Proporzjonalità

Il-proposta għandha l-għan li ssaħħaħ l-effettività tar-Regolament CBAM bil-ħsieb li jiġu ppreservati l-effettività u l-integrità tal-politiki tal-UE dwar it-tibdil fil-klima. Fl-istess ħin, l-għażliet ta’ politika tfasslu bil-ħsieb li jiġi limitat l-impatt fuq il-piż amministrattiv tal-kumpaniji, tal-awtoritajiet u ta’ partijiet ikkonċernati oħra.

L-estensjoni proposta tal-kamp ta’ applikazzjoni tas-CBAM għall-prodotti downstream intensivi fl-azzar u fl-aluminju tibni fuq il-loġika tar-Regolament CBAM kurrenti u tal-EU ETS, b’enfasi fuq il-prodotti u fuq is-setturi fejn l-emissjonijiet integrati u r-riskju ta’ rilokazzjoni tal-emissjonijiet tal-karbonju huma l-ogħla. Barra minn hekk, kif deskritt fit-taqsima 8.1 tal-valutazzjoni tal-impatt li takkumpanja l-proposta, l-għażliet ta’ politika ġew ivvalutati fir-rigward tal-impatt possibbli tagħhom f’termini ta’ kumplessità u ta’ piż amministrattiv. Dan ġie evalwat bl-użu ta’ sett ta’ indikaturi tal-effiċjenza u tal-proporzjonalità, inklużi l-emissjonijiet totali tal-produzzjoni u tal-importazzjoni għal kull kodiċi NM u indikatur li jaqbad il-kompożizzjoni materjali tal-prodotti downstream. Il-prodotti b’sehem ogħla ta’ materjali bażiċi fil-piż tagħhom għandhom aktar emissjonijiet integrati meta mqabbla mal-piż totali tal-prodott u, għalhekk, tipikament ikunu l-aktar f’riskju ta’ rilokazzjoni. Barra minn hekk, intużaw indikaturi biex jiġi żgurat li l-għażla tal-oġġetti tqis ukoll il-kumplessità tal-ktajjen tal-provvista. Abbażi ta’ dan, il-proposta tespandi l-kamp ta’ applikazzjoni tas-CBAM għal prodotti downstream magħżula intensivi fl-azzar u fl-aluminju b’mod li jimmassimizza l-benefiċċji ambjentali billi tkopri emissjonijiet addizzjonali, filwaqt li tillimita, sa fejn ikun possibbli, il-piż amministrattiv u l-kumplessità għall-importaturi u għall-operaturi ta’ pajjiżi terzi.

Il-proposta rigward ir-riskju ta’ ċirkomvenzjoni u ta’ evitar tibbilanċja bl-istess mod il-ħtiġijiet li tiġi żgurata l-effettività tas-CBAM u li jiġu limitati l-kumplessità u l-piż amministrattiv tal-mekkaniżmu. Din tuża approċċ flessibbli u mmirat, permezz ta’ atti ta’ implimentazzjoni u delegati, biex tidentifika l-importazzjonijiet f’riskju ta’ ċirkomvenzjoni jew prattiki oħra mmirati lejn l-evitar tal-obbligi tas-CBAM, li għalihom għandhom japplikaw kundizzjonijiet addizzjonali għall-użu tal-emissjonijiet reali.

Il-proposta dwar l-importazzjonijiet tal-elettriku se tissimplifika l-kundizzjonijiet biex jiġu ddikjarati l-valuri reali tal-emissjonijiet. Dan se jtejjeb l-effettività tas-CBAM fl-inċentivar tad-dekarbonizzazzjoni f’pajjiżi terzi filwaqt li jagħmel l-użu tal-valuri reali tal-emissjonijiet aktar fattibbli għall-partijiet ikkonċernati kollha. Il-bidliet fl-approċċ għall-valuri prestabbiliti għall-importazzjonijiet tal-elettriku ma joħolqu l-ebda kumplessità addizzjonali għall-importaturi jew għall-operaturi ta’ pajjiżi terzi.

•Għażla tal-istrument

Il-proposta tirrikjedi l-emendar tar-Regolament CBAM. Din tistabbilixxi r-regoli speċifiċi neċessarji għall-applikazzjoni tar-Regolament CBAM. Barra minn hekk, dan ir-Regolament jirrikjedi applikazzjoni u infurzar uniformi u konsistenti fl-Unjoni kollha sabiex jiġu segwiti l-objettivi tal-Artikoli 32 (rigward approċċ komuni għall-politika estera) u 207 tat-TFUE (rigward politiki kummerċjali komuni).

Għal din ir-raġuni, l-objettivi ta’ din il-proposta jistgħu jiġu segwiti bl-aħjar mod permezz ta’ Regolament. Dan se jiżgura l-applikabbiltà diretta tad-dispożizzjonijiet tagħha.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

Minn meta s-CBAM beda japplika fil-fażi tranżizzjonali tiegħu fl-1 ta’ Ottubru 2023, is-servizzi tal-Kummissjoni kkonsultaw kontinwament lill-partijiet ikkonċernati fl-Unjoni u f’pajjiżi terzi permezz ta’ diversi kanali ta’ komunikazzjoni. Bejn l-1 ta’ Lulju u s-26 ta’ Awwissu 2025 saru Sejħa għal Evidenza u konsultazzjoni pubblika dwar is-suġġetti tal-estensjoni tal-kamp ta’ applikazzjoni għall-prodotti downstream, ir-riskju ta’ ċirkomvenzjoni u l-prattiki li jistgħu jimminaw l-objettivi tas-CBAM, u l-elettriku. Abbażi tar-riżultati tal-konsultazzjoni pubblika, il-biċċa l-kbira tal-partijiet ikkonċernati downstream iqisu li hemm riskju ta’ rilokazzjoni tal-emissjonijiet tal-karbonju minħabba s-CBAM fis-setturi downstream. Dawn fil-biċċa l-kbira jaqblu li l-estensjoni tas-CBAM għall-prodotti downstream tnaqqas dan ir-riskju ta’ rilokazzjoni tal-emissjonijiet tal-karbonju, issaħħaħ il-politika tal-UE dwar it-tibdil fil-klima, tippromwovi l-innovazzjoni b’livell baxx ta’ emissjonijiet tal-karbonju u tħeġġeġ kemm il-konsum tal-UE ta’ prodotti b’livell baxx ta’ emissjonijiet tal-karbonju kif ukoll l-isforzi globali tal-ipprezzar tal-karbonju. Il-biċċa l-kbira tar-rispondenti indikaw li s-CBAM kurrenti jinsab f’riskju ta’ ċirkomvenzjoni, li tista’ timmina l-effettività tiegħu. Il-biċċa l-kbira tar-rispondenti indikaw ukoll li l-metodoloġija kurrenti għall-kalkolu tal-valuri prestabbiliti għall-elettriku ma hijiex xierqa minħabba li ma tqisx l-elettriku prodott minn sorsi ta’ fjuwils nonfossili. Barra minn hekk, il-biċċa l-kbira tar-rispondenti indikaw li l-kundizzjonijiet għall-applikazzjoni tal-emissjonijiet integrati reali fl-elettriku importat jeħtieġ li jiġu ssimplifikati.

Minbarra dawn, is-servizzi tal-Kummissjoni kienu involuti f’konsultazzjonijiet estensivi mal-awtoritajiet pubbliċi fl-UE u f’pajjiżi terzi, kif ukoll ma’ rappreżentanti tal-industrija, ma’ rappreżentanti tas-soċjetà ċivili u ma’ organizzazzjonijiet internazzjonali jew intergovernattivi. Dawn ħadu l-forma ta’ laqgħat bilaterali, ta’ diskussjonijiet fil-grupp ta’ esperti tas-CBAM, ta’ intervisti fil-kuntest ta’ studji dedikati għall-estensjoni tal-kamp ta’ applikazzjoni għall-prodotti downstream u għall-elettriku, kif ukoll stħarriġiet tal-awtoritajiet nazzjonali kompetenti u tal-awtoritajiet doganali fil-kuntest tal-qafas ta’ ġestjoni tar-riskju tas-CBAM.

•Ġbir u użu tal-għarfien espert

•Valutazzjoni tal-impatt

Il-valutazzjoni tal-impatt tiddeskrivi l-għażliet ta’ politika kkunsidrati għal estensjoni downstream, għal salvagwardji addizzjonali kontra ċ-ċirkomvenzjoni u l-prattiki li jistgħu jimminaw l-objettivi tas-CBAM u għal regoli riveduti dwar il-kundizzjonijiet għall-applikazzjoni tal-emissjonijiet integrati reali fl-elettriku importat. Il-valutazzjoni tevalwa l-għażliet kollha f’termini tal-effettività tagħhom fl-indirizzar tal-kwistjonijiet rilevanti. Barra minn hekk, tiddeskrivi l-impatt tal-għażliet ta’ politika possibbli fuq l-indikaturi ekonomiċi u soċjali kif ukoll fuq il-piż amministrattiv, qabel ma tikkonkludi dwar għażla ppreferuta. L-għażliet ta’ politika jitqabblu ma’ xenarju bażi li jirrifletti s-CBAM kif inhu lleġiżlat bħalissa. Ix-xenarju bażi jinkludi wkoll l-implimentazzjoni tal-pakkett ta’ miżuri klimatiċi tal-UE “Lesti għall-mira ta’ 55 %”, inkluża l-eliminazzjoni gradwali tal-kwoti bla ħlas skont l-EU ETS. Barra minn hekk, ix-xenarju bażi jassumi l-implimentazzjoni tas-simplifikazzjoni tas-CBAM kif adottata f’Ottubru 2025, inkluż is-soll de minimis ibbażat fuq il-massa għal kull importatur fis-sena ta’ 50 tunnellata ta’ oġġetti tas-CBAM (għal erba’ kategoriji ta’ oġġetti tas-CBAM).

Għal prattiki ta’ ċirkomvenzjoni li jistgħu jimminaw l-objettivi tas-CBAM, tqiesu żewġ għażliet ta’ politika, li t-tnejn għandhom sett komuni ta’ miżuri.

Is-sett komuni ta’ miżuri jikkonsisti l-ewwel nett fl-għoti ta’ setgħa lill-Kummissjoni biex tforni aktar dettalji għall-kodiċijiet NM sabiex ikopru aħjar il-kompożizzjoni speċifika tal-prodotti differenti li jinsabu fi kwalunkwe kodiċi NM partikolari li jaqa’ taħt il-kamp ta’ applikazzjoni tas-CBAM. B’din is-setgħa, se jkun possibbli li jinqabdu l-kompożizzjonijiet rilevanti tal-prodotti fl-istess kodiċi NM. It-tieni, jipprovdi lill-Kummissjoni b’setgħa li torbot kundizzjonijiet addizzjonali mal-użu ta’ emissjonijiet reali għal ċerti kodiċijiet NM/installazzjonijiet ta’ pajjiżi terzi f’każ ta’ riskju għoli ta’ prattiki abbużivi. Dan se jippermetti l-introduzzjoni ta’ kundizzjonijiet addizzjonali li għandhom jiġu ssodisfati għall-użu ta’ valuri reali verifikati relatati ma’ każijiet speċifiċi ta’ oġġetti, kif ukoll evidenza li turi li l-prattiki abbużivi ma mmaterjalizzawx. Dawn il-kundizzjonijiet u l-evidenza għandhom jitfasslu b’mod li jkun proporzjonat, u li ma jkunx ta’ piż bla bżonn fuq l-operaturi u fuq l-importaturi.

L-Għażla 1 tipproponi l-inklużjoni tar-ruttam ta’ qabel il-konsum tal-aluminju u tal-azzar bħala prekursur, u b’hekk tippermetti li l-emissjonijiet jiġu attribwiti għar-ruttam bħala prekursur. Din tagħti wkoll is-setgħa lill-Kummissjoni li titlob evidenza addizzjonali bħala prova tal-post tal-produzzjoni, u b’hekk tindirizza r-riskju ta’ dikjarazzjoni ħażina tal-intensitajiet tal-emissjonijiet minħabba n-nuqqas ta’ traċċabbiltà. Ir-rekwiżit li tiġi pprovduta evidenza addizzjonali jkun immirat lejn l-importazzjonijiet ta’ kodiċijiet NM u oriġini speċifiċi, bl-aktar riskju materjali ta’ ċirkomvenzjoni minħabba dikjarazzjoni ħażina tal-intensità tal-emissjonijiet.

L-Għażla 2 tibni fuq l-Għażla 1 iżda tkompli testendi l-kamp ta’ applikazzjoni tal-miżuri ta’ politika tagħha. Minbarra r-ruttam ta’ qabel il-konsum, din l-għażla tinkludi wkoll ir-ruttam ta’ wara l-konsum bħala prekursur tas-CBAM. Ir-rekwiżit li tiġi pprovduta evidenza tal-post tal-produzzjoni jkun japplika għall-kodiċijiet NM/oriġini kollha. Għalhekk, dan jaffettwa d-dikjarazzjonijiet CBAM kollha li jibbażaw fuq valuri reali għall-emissjonijiet.

L-għażla ppreferuta hija l-Għażla 1 minħabba l-approċċ ibbilanċjat u proporzjonat tagħha li jippermetti li jiġu indirizzati b’mod effettiv ir-riskji ta’ ċirkomvenzjoni.

Ġew ikkunsidrati erba’ għażliet biex jiġu indirizzati n-nuqqasijiet fit-trattament tal-importazzjonijiet tal-elettriku. Dawn l-għażliet ivarjaw fir-rigward tal-metodoloġija użata għall-kalkolu tal-fattur ta’ emissjoni u l-kundizzjonijiet biex jiġu ddikjarati l-valuri reali. Dawn ikopru d-diversi kombinazzjonijiet ta’ żewġ għażliet ta’ politika ewlenin: (i) iż-żamma tal-approċċ kurrenti għal fattur ta’ emissjoni tas-CO2 ibbażat fuq il-fjuwils fossili tal-pajjiż esportatur jew il-bidla lejn fattur medju ta’ emissjoni tal-grilja tal-pajjiż esportatur; (ii) il-modifika tal-kriterju relatat mal-konġestjoni billi ssir referenza għan-nuqqas ta’ konġestjoni strutturali, jew it-tneħħija totali tiegħu. Barra minn hekk, hemm żewġ elementi li japplikaw għall-għażliet kollha wkoll. L-ewwel nett, hemm kriterju modifikat li jiċċara li l-ftehimiet dwar ix-xiri tal-enerġija (PPAs, Power Purchase Agreements) jinkludu biss PPAs fiżiċi filwaqt li jippermettu wkoll l-użu ta’ PPAs indiretti. It-tieni, il-kundizzjoni relatata man-nomina tal-kapaċità hija modifikata, u tapplika biss fil-każ ta’ allokazzjoni espliċita tal-kapaċità.

L-għażla ppreferuta għall-importazzjonijiet tal-elettriku hija li jkun hemm bidla lejn fattur medju ta’ emissjoni tal-grilja għall-pajjiżi esportaturi u li jitneħħa l-kriterju għall-użu tal-valuri reali tal-emissjonijiet relatati mal-konġestjoni. Il-fattur ta’ emissjoni medju tal-grilja jirrifletti aħjar ix-xejra tad-dekarbonizzazzjoni tal-pajjiż ta’ oriġini, peress li jitqies ukoll l-elettriku prodott minn sorsi rinnovabbli. Flimkien mal-bidliet fil-kundizzjonijiet relatati mal-PPAs u fin-nomina tal-kapaċità, it-tneħħija tal-kundizzjoni tan-nuqqas ta’ konġestjoni tan-network se tkompli tiffaċilita r-rapportar tal-valuri reali.

•Idoneità regolatorja u simplifikazzjoni

L-estensjoni tal-kamp ta’ applikazzjoni tas-CBAM għall-prodotti downstream intensivi fl-azzar u fl-aluminju tibbenefika mis-simplifikazzjoni tal-mekkaniżmu kif adottat f’Ottubru 2025 13 . Is-soll de minimis ta’ 50 tunnellata ta’ oġġetti importati tas-CBAM jeskludi madwar 182 000 importatur mill-kamp ta’ applikazzjoni kurrenti tas-CBAM, u jnaqqas il-kost amministrattiv għall-importaturi b’madwar EUR 1 123 miljun fis-sena 14 . Is-soll de minimis huwa ta’ benefiċċju wkoll għall-importaturi downstream, b’aktar minn 90 % tal-importaturi attivi f’setturi koperti mill-estensjoni skont din il-proposta esklużi mill-obbligi tas-CBAM filwaqt li jinżammu aktar minn 99 % tal-emissjonijiet fil-kamp ta’ applikazzjoni.

L-impatt tal-għażliet ta’ politika kollha kkunsidrati (kif deskritt fit-taqsima tal-valutazzjoni tal-impatt) ġie vvalutat bir-reqqa fir-rigward tal-impatt tagħhom fuq il-piż amministrattiv. Il-pakkett ta’ politika kif inkluż f’din il-proposta ntgħażel billi l-benefiċċji ambjentali tqiesu mal-ħtieġa li jiġi limitat il-piż amministrattiv addizzjonali u li jiġi evitat li s-CBAM isir aktar kumpless. Dan ġie deskritt ukoll fit-taqsima dwar il-proporzjonalità u s-sommarju tal-valutazzjoni tal-impatt f’dan il-memorandum.

L-estensjoni downstream tas-CBAM għandha impatt moderat fuq l-għadd ta’ importaturi SMEs (u produtturi SMEs ta’ pajjiżi terzi) li jiddaħħlu fil-kamp ta’ applikazzjoni tas-CBAM, b’madwar nofs l-importaturi l-ġodda fil-kamp ta’ applikazzjoni tas-CBAM li jkunu SMEs. B’kollox, dan jirriżulta f’madwar 3 800 sa 3 900 SME addizzjonali li jiffaċċjaw obbligi tas-CBAM.

•Drittijiet fundamentali

Il-proposta tirrispetta d-drittijiet fundamentali u tosserva l-prinċipji rikonoxxuti b’mod partikolari mill-Karta tad-Drittijiet Fundamentali tal-Unjoni Ewropea. B’mod partikolari, tikkontribwixxi għall-objettiv ta’ livell għoli ta’ protezzjoni tal-ambjent f’konformità mal-prinċipju ta’ żvilupp sostenibbli kif stabbilit fl-Artikolu 37 tal-Karta.

4.IMPLIKAZZJONIJIET BAĠITARJI

L-estensjoni downstream ma għandhiex l-għan li tiġġenera dħul iżda pjuttost li ssaħħaħ l-effettività klimatika tas-CBAM fil-prevenzjoni tar-rilokazzjoni tal-emissjonijiet tal-karbonju. Skont il-valutazzjoni tal-impatt, il-proposta hija pproġettata li tiġġenera madwar EUR 0,58 biljun fi dħul annwali sal-2030. Lil hinn mill-2030, peress li l-allokazzjonijiet bla ħlas taħt l-EU ETS se jiġu eliminati gradwalment u s-CBAM se jiġi introdott gradwalment, id-dħul għandu jkompli jiżdied, u jilħaq madwar EUR 0,69 biljun sal-2035. L-impatt fuq il-baġit tal-UE huwa stmat għal medja ta’ EUR 0,2 biljun fis-sena matul il-perjodu 2028-2034 skont il-proposta tal-Kummissjoni għall-Qafas Finanzjarju Pluriennali 2028-2034.

Il-miżuri meħuda biex jiġu indirizzati r-riskji ta’ evitar u ta’ ċirkomvenzjoni se jikkontribwixxu biex jiġi żgurat li d-dħul ipproġettat jimmaterjalizza fil-prattika.

5.ELEMENTI OĦRA

•Pjanijiet ta’ implimentazzjoni u arranġamenti għall-monitoraġġ, l-evalwazzjoni u r-rapportar

Il-perjodu tranżitorju tas-CBAM huwa applikabbli sa tmiem l-2025, u l-fażi definittiva tibda fl-2026.

Qabel tmiem il-perjodu tranżitorju, u f’konformità mal-Artikolu 30(2) tar-Regolament CBAM, il-Kummissjoni għandha tirrapporta lill-Parlament Ewropew u lill-Kunsill b’rapport ta’ rieżami komprensiv dwar it-tagħlimiet meħuda mill-perjodu tranżitorju. Dan ir-rapport se jiddeskrivi wkoll il-passi futuri possibbli għal aktar reviżjonijiet u estensjonijiet tal-kamp ta’ applikazzjoni. Barra minn hekk, il-Kummissjoni Ewropea qed tħejji l-adozzjoni ta’ sensiela ta’ atti ta’ implimentazzjoni u delegati li se jistabbilixxu r-regoli tekniċi għall-funzjonament tas-CBAM fil-kamp ta’ applikazzjoni kurrenti tiegħu.

Il-Kummissjoni se tkompli timmonitorja u tevalwa l-implimentazzjoni tas-CBAM u se tirrapporta dwar dan f’konformità mar-rekwiżiti tar-Regolament CBAM.

•Spjegazzjoni fid-dettall tad-dispożizzjonijiet speċifiċi tal-proposta

Dan ir-Regolament jagħmel l-emendi li ġejjin tar-Regolament (UE) 2023/956:

L-Artikolu 1(1) jiċċara l-applikazzjoni tar-Regolament (UE) 2023/956 mal-inkorporazzjoni tiegħu fil-Ftehim ŻEE u jagħti s-setgħa lill-Kummissjoni li tadotta atti ta’ implimentazzjoni biex timmodifika l-Anness III ta’ dak ir-Regolament kif xieraq.

L-Artikolu 1(1), il-punti (c) u (d), jipprovdi l-possibbiltà li tiġi rikonoxxuta t-traspożizzjoni tal-acquis rilevanti tas-suq tal-elettriku, għall-fini li tintalab l-integrazzjoni tas-suq tal-elettriku ta’ pajjiż terz f’dak tal-Unjoni permezz tal-akkoppjament tas-swieq, permezz ta’ Memorandum ta’ Qbil bejn il-Kummissjoni u l-pajjiżi terzi.

L-Artikolu 1(1), il-punt (e) u (19), jipprevedu l-possibbiltà li jiġu adottati atti delegati fi proċedura ta’ urġenza għall-fini taż-żieda ta’ pajjiż terz jew ta’ territorju fil-lista ta’ pajjiżi terzi jew ta’ territorji eżentati fl-Anness III tar-Regolament (UE) 2023/956.

L-Artikolu 1(1), il-punt (e), jipprovdi l-possibbiltà li l-Unjoni tikkonkludi ftehimiet ma’ pajjiżi terzi biex jitqies il-mekkaniżmu tal-ipprezzar tal-karbonju u għar-rikonoxximent reċiproku tal-korpi ta’ akkreditazzjoni.

L-Artikolu 1(3), (5), il-punti (a)(2) u (c), u (8), il-punti (b) u (c), jagħtu s-setgħa lill-Kummissjoni li tadotta atti delegati li jirrikjedu, f’każijiet fejn ikun hemm biżżejjed evidenza li tindika riskju għoli ta’ prattiki abbużivi, għal subsett ta’ kodiċijiet NM u ta’ oriġini, li tiġi pprovduta evidenza addizzjonali biex jintwera li tali prattiki abbużivi ma mmaterjalizzawx.

L-Artikolu 1(2), (6), il-punt (c), (21) sa (23), il-punt (b), jestendu l-kamp ta’ applikazzjoni tar-Regolament (UE) 2023/956 għal ċerti oġġetti downstream intensivi fl-azzar u fl-aluminju u jipprovdu l-possibbiltà li jiġi applikat marġni kummerjali introdott gradwalment għal xi wħud minn dawn l-oġġetti.

L-Artikolu 1(4) iżid rekwiżit għar-rappreżentant doganali indirett li japplika għall-awtorizzazzjoni biex jindika, fl-applikazzjoni tiegħu, in-numru EORI jew numru ta’ identifikazzjoni nazzjonali ieħor tal-importaturi rappreżentati.

L-Artikolu 1(5), il-punt (a)(1), u (8), il-punt (a), jipprevedu r-reġistrazzjoni tal-operatur fir-reġistru tas-CBAM għad-determinazzjoni tal-emissjonijiet integrati abbażi tal-emissionijiet reali verifikati.

L-Artikolu 1(5), il-punti (b) u (c), jirrikjedu li d-dikjarant awtorizzat tas-CBAM jipprovdi, fejn applikabbli, evidenza tal-post u tal-ħin tal-produzzjoni tal-oġġetti ddikjarati abbażi tal-emissjonijiet reali.

L-Artikolu 1(5), il-punt (b), jiċċara li l-Kummissjoni għandha s-setgħa li tadotta atti ta’ implimentazzjoni dwar il-proċeduri għar-rieżami tad-dikjarazzjonijiet CBAM.

L-Artikolu 1(6), il-punt (a), u (24) jipprevedu l-inklużjoni ta’ materjali ta’ input (prekursuri) fil-metodoloġija għad-determinazzjoni tal-emissjonijiet integrati fl-oġġetti.

L-Artikolu 1(6), il-punt (b), (8), il-punt (d), u (23), jipprovdu possibbiltà għall-operatur li jiżvela lid-dikjarant awtorizzat tas-CBAM biss subsett tal-elementi tad-data meħtieġa għar-rapportar, għall-kalkolu u għall-verifika tal-emissjonijiet reali.

L-Artikolu 1(7) jiċċara li l-Kummissjoni għandha s-setgħa li tadotta atti ta’ implimentazzjoni dwar il-kundizzjonijiet biex jiġu aċċertati l-kwalifiki tal-persuna indipendenti responsabbli għaċ-ċertifikazzjoni tal-prezz tal-karbonju mħallas, inkluż l-għoti ta’ akkreditazzjoni minn korp nazzjonali ta’ akkreditazzjoni.

L-Artikolu 1(9), il-punt (b) jiċċara li l-Kummissjoni għandha s-setgħa li tadotta atti ta’ implimentazzjoni għall-kontabbiltà tal-prezz tal-karbonju mħallas barra mill-pajjiż abbażi tal-prinċipju tal-ekwivalenza u meta jitqiesu l-isforzi li saru dwar il-krediti ta’ karbonju.

L-Artikolu 1(8), il-punt (c), jiċċara li operatur jista’ jiżvela informazzjoni relatata mal-verifika tal-emissjonijiet integrati fil-materjali ta’ input (prekursuri) ma’ operatur ieħor.

L-Artikolu 1(9) jippermetti lill-awtoritajiet kompetenti jirrikjedu l-għoti ta’ garanzija f’każijiet addizzjonali u jużawha, meta d-dikjarant awtorizzat tas-CBAM ma jċedix l-ammont suffiċjenti ta’ ċertifikati CBAM, biex jirkupraw kwalunkwe aġġustament finanzjarju pendenti.

L-Artikolu 1(10) jiċċara li l-Kummissjoni għandha s-setgħa li tadotta atti ta’ implimentazzjoni li jistabbilixxu l-proċeduri ta’ verifika li għandhom jintużaw mill-verifikaturi.

L-Artikolu 1(11) jiċċara li l-Kummissjoni jew l-awtorità kompetenti tista’, bħala parti mir-rieżami tad-dikjarazzjoni CBAM, jitolbu lid-dikjarant awtorizzat tas-CBAM jipprovdi evidenza li l-oġġetti importati ġew prodotti fl-installazzjoni ddikjarata, u għall-perjodu ta’ produzzjoni ddikjarat.

L-Artikolu 1(12) jipprovdi regola ta’ kalkolu speċifika għall-prezz taċ-ċertifikati CBAM meta jkun hemm irkant wieħed biss li jseħħ fuq il-pjattaforma tal-irkant.

L-Artikolu 1(13) jiċċara li r-rekwiżit għad-dikjaranti awtorizzati tas-CBAM li jiżguraw li l-għadd ta’ ċertifikati CBAM fil-kont tagħhom fir-reġistru tas-CBAM fi tmiem kull trimestru jikkorrispondi għal mill-inqas 50 % huwa bbażat fuq ċiklu annwali, u għalhekk għandu jeskludi mill-kalkolu trimestrali ċ-ċertifikati mixtrija matul snin oħra għajr is-sena kalendarja.

L-Artikolu 1(14) jissimplifika l-proċess ta’ xiri mill-ġdid billi jneħħi l-involviment mill-Kummissjoni mill-proċess ta’ xiri mill-ġdid.

L-Artikolu 1(15), il-punt (a), jiċċara li r-rwol tan-numru tal-kont tas-CBAM fid-determinazzjoni tal-persuna responsabbli biex tassumi l-obbligi tas-CBAM.

L-Artikolu 1(15), il-punti (b) u (c), jippermetti lill-awtoritajiet kompetenti jitolbu verifika tal-korrettezza tad-data u tal-informazzjoni doganali rilevanti kkomunikati permezz tar-reġistru tas-CBAM, jagħti s-setgħa lill-Kummissjoni tadotta atti ta’ implimentazzjoni li jidentifikaw il-kompożizzjonijiet materjali u kimiċi ta’ oġġett u jippermetti lill-awtoritajiet doganali jikkomunikaw din l-informazzjoni lill-Kummissjoni.

L-Artikolu 1(15), il-punti (a) u (d), jagħti s-setgħa lill-Kummissjoni li tadotta atti ta’ implimentazzjoni li jidentifikaw il-kompożizzjonijiet materjali u kimiċi ta’ oġġett u jippermettu lill-awtoritajiet doganali jikkomunikaw din l-informazzjoni lill-Kummissjoni.

L-Artikolu 1(16) jiddefinixxi prattika ġdida ta’ ċirkomvenzjoni li tikkonsisti fl-aġġustament artifiċjali tal-ktajjen tal-provvista tal-oġġetti biex jibbenefikaw minn valur prestabbilit aktar baxx.

L-Artikolu 1(17) jagħti s-setgħa lill-Kummissjoni biex tadotta atti delegati biex tneħħi oġġett mill-Anness I f’każ ta’ ċirkostanzi serji u mhux previsti li jikkawżaw ħsara serja lis-suq intern tal-Unjoni.

L-Artikolu 1(18) jemenda s-setgħat mogħtija lill-Kummissjoni mill-koleġiżlaturi biex tadotta atti delegati fid-dawl tal-bidliet li saru minn din il-proposta.

L-Artikolu 1(20) jiċċara li r-rapport li jevalwa l-funzjonament tas-CBAM għandu jivvaluta l-impatt tas-CBAM fuq is-setturi li għandhom jiġu koperti fil-futur, u li r-rapport jista’, fejn xieraq, ikun akkumpanjat minn proposta leġiżlattiva.

L-Artikolu 1(22) jibdel il-fattur ta’ emissjoni għall-elettriku importat biex iqis l-elettriku prodott mis-sorsi kollha. Dan jibdel ukoll il-kundizzjonijiet għall-applikazzjoni tal-emissjonijiet integrati reali fl-elettriku importat biex jagħmilhom aktar flessibbli.

L-Artikolu 2 fih dispożizzjonijiet dwar id-dħul fis-seħħ u l-applikazzjoni tal-miżuri proposti. Sabiex tkun tista’ ssir il-preżentazzjoni f’waqtha tal-ewwel dikjarazzjonijiet CBAM sat-30 ta’ Settembru 2027, il-bidliet fil-metodu użat għall-kalkolu tal-fattur ta’ emissjoni għall-elettriku importat u fil-kundizzjonijiet għall-applikazzjoni tal-emissjonijiet integrati reali fl-elettriku importat se japplikaw għall-importazzjonijiet tal-elettriku li seħħew mill-1 ta’ Jannar 2026. Il-bidliet li jirrikjedu implimentazzjoni fir-reġistru tas-CBAM jew tnedija fil-bidu tas-sena kalendarja, inkluża l-estensjoni tal-kamp ta’ applikazzjoni għall-prodotti downstream, se japplikaw fl-1 ta’ Jannar 2028.

2025/0419 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2023/956 fir-rigward tal-estensjoni tal-kamp ta’ applikazzjoni tiegħu għal oġġetti downstream u għal miżuri kontra ċ-ċirkomvenzjoni

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 15 ,

Wara li kkonsultaw lill-Kumitat tar-Reġjuni 16 ,

Filwaqt li jaġixxu f’konformità mal-proċedura leġiżlattiva ordinarja,

Billi:

(1)Ir-Regolament (UE) 2023/956 tal-Parlament Ewropew u tal-Kunsill 17 inizjalment tfassal b’kamp ta’ applikazzjoni limitat, li jkopri dawk l-oġġetti li huma l-aktar skoperti għar-riskju ta’ rilokazzjoni tal-emissjonijiet tal-karbonju u bl-aktar intensità ta’ karbonju. Jenħtieġ li l-kamp ta’ applikazzjoni ta’ dak ir-Regolament jiġi estiż gradwalment biex ikopri prodotti aktar ’l isfel fil-katina tal-valur tal-oġġetti elenkati fl-Anness I ta’ dak ir-Regolament.

(2)Fil-Komunikazzjoni tagħha intitolata “Pjan ta’ Azzjoni Ewropew għall-Azzar u l-Metalli” 18 , il-Kummissjoni stabbiliet l-objettivi li testendi l-kamp ta’ applikazzjoni tal-mekkaniżmu ta’ aġġustament tal-karbonju fil-fruntieri (“CBAM”, Carbon Border Adjustment Mechanism) għal ċerti prodotti downstream intensivi fl-azzar u fl-aluminju, kif ukoll li tindirizza r-riskju ta’ ċirkomvenzjoni u ta’ prattiki li jistgħu jimminaw l-objettivi tas-CBAM, inkluża r-ridirezzjonar minn pajjiżi terzi ta’ oġġetti b’intensità baxxa ta’ emissjonijiet lejn is-suq tal-Unjoni fin-nuqqas ta’ sforzi għad-dekarbonizzazzjoni tal-produzzjoni kollha tagħhom.

(3)Peress li s-CBAM għandu l-għan li joħloq inċentivi għat-tnaqqis tal-emissjonijiet mill-operaturi f’pajjiżi terzi, l-Unjoni hija impenjata li taħdem ma’ pajjiżi terzi b’introjtu baxx u medju u tappoġġahom fi triqithom lejn id-dekarbonizzazzjoni tal-industriji tal-manifattura tagħhom bħala parti mid-dimensjoni esterna tal-Patt Ekoloġiku Ewropew 19 u f’konformità mal-Ftehim ta’ Pariġi 20 . Jenħtieġ li l-Unjoni tkompli tappoġġa lil dawk il-pajjiżi permezz tal-baġit tal-Unjoni, speċjalment lill-pajjiżi l-anqas żviluppati, bil-għan li tikkontribwixxi biex tiżgura l-adattament tagħhom għall-obbligi skont dan ir-Regolament. Jenħtieġ li l-Unjoni tkompli tappoġġa l-azzjonijiet ta’ mitigazzjoni u ta’ adattament għat-tibdil fil-klima f’dawn il-pajjiżi, inkluż fl-isforzi tagħhom lejn id-dekarbonizzazzjoni u t-trasformazzjoni tal-industriji tagħhom fil-limitu massimu tal-qafas finanzjarju pluriennali u l-appoġġ finanzjarju pprovdut mill-Unjoni għall-finanzjament internazzjonali għall-klima. Dan huwa msaħħaħ aktar fil-viżjoni globali tal-UE dwar il-klima u l-enerġija 21 , li tindika li l-UE se tinvolvi ruħha b’mod proattiv mas-sħab biex tiżgura koerenza aħjar bejn il-politiki interni u esterni tal-UE. Filwaqt li s-CBAM jidħol fis-seħħ gradwalment, l-Unjoni beħsiebha ssaħħaħ is-sħubijiet u tappoġġa sforzi usa’ ta’ mitigazzjoni tat-tibdil fil-klima, inkluż billi tipprovdi appoġġ finanzjarju għall-isforzi ta’ dekarbonizzazzjoni tal-pajjiżi.

(4)Mal-inkorporazzjoni tar-Regolament (UE) 2023/956 fil-Ftehim ŻEE, jenħtieġ li l-Istati tal-Assoċjazzjoni Ewropea tal-Kummerċ Ħieles (EFTA, European Free Trade Association) li japplikaw is-CBAM ma jitqisux bħala pajjiżi terzi għall-finijiet ta’ dan ir-Regolament u jenħtieġ li jitħassru mill-Anness III tiegħu. Tinħoloq żona komuni tas-CBAM meta s-soll skont l-Artikolu 2a tar-Regolament (UE) 2023/956 isir applikabbli b’mod konġunt għall-importazzjoni fl-Unjoni u fit-territorji doganali tal-Istati tal-EFTA li japplikaw is-CBAM.

(5)Mal-inkorporazzjoni tar-Regolament (UE) 2023/956 fil-Ftehim ŻEE, jenħtieġ li dak ir-Regolament japplika għall-prodotti pproċessati mill-oġġetti elenkati fl-Anness I li joriġinaw minn pajjiż terz li jirriżultaw mill-proċedura ta’ proċessar attiv imsemmija fl-Artikolu 256 tar-Regolament (UE) Nru 952/2013, meta jiġu esportati mill-ġdid lejn it-territorju doganali ta’ Stat tal-EFTA li jkun inkorpora s-CBAM, dment li jiġu importati f’wieħed minn dawk it-territorji doganali. Jenħtieġ li l-Kummissjoni tingħata setgħat ta’ implimentazzjoni biex tistabbilixxi kundizzjonijiet dettaljati għall-applikazzjoni tas-CBAM għal oġġetti bħal dawn.

(6)Mal-inkorporazzjoni tar-Regolament (UE) 2023/956 fil-Ftehim ŻEE, jenħtieġ li jiġi ċċarat li dak ir-Regolament ma għandux japplika għal oġġetti li qabel kienu rilaxxati għaċ-ċirkolazzjoni libera fit-territorju doganali tal-Istati tal-EFTA li inkorporaw is-CBAM, dment li fid-dikjarazzjoni doganali sussegwenti d-dikjarant doganali jindika li l-oġġetti qabel kienu ġew rilaxxati għaċ-ċirkolazzjoni libera fit-territorju doganali tal-Istati tal-EFTA.

(7)Mal-inkorporazzjoni tar-Regolament (UE) 2023/956 fil-Ftehim ŻEE, jenħtieġ li l-Istati tal-Assoċjazzjoni Ewropea tal-Kummerċ Ħieles (EFTA, European Free Trade Association) li japplikaw is-CBAM ma jitqisux bħala pajjiżi terzi għall-finijiet ta’ dan ir-Regolament u jenħtieġ li jitħassru mill-Anness III tiegħu. Tinħoloq żona komuni tas-CBAM meta s-soll skont l-Artikolu 2a tar-Regolament (UE) 2023/956 isir applikabbli b’mod konġunt għall-importazzjoni fl-Unjoni u fit-territorji doganali tal-Istati tal-EFTA li japplikaw is-CBAM.

(8)Il-flussi tal-elettriku minn pajjiżi terzi li jirriżultaw minn azzjonijiet li l-operaturi ta’ sistema tat-trażmissjoni jieħdu biex jiżguraw it-tħaddim sikur u sigur tan-networks tagħhom, inkluż it-trattament ta’ emerġenzi u ta’ flussi mhux skedati, jenħtieġ li ma jkunux soġġetti għal dan ir-Regolament.

(9)Ir-rikonoxximent dovut tal-progress li sar mill-pajjiżi terzi rilevanti lejn l-akkoppjament tas-swieq tas-sistemi tal-elettriku jiżgura li kwalunkwe eżenzjoni limitata fiż-żmien kif previst f’dan ir-Regolament tallinja bis-sħiħ mal-objettivi strateġiċi tal-Unjoni u mal-kisbiet speċifiċi ta’ dawk il-pajjiżi terzi. L-użu effiċjenti tal-infrastruttura tal-elettriku eżistenti u l-integrazzjoni tas-swieq tal-elettriku ta’ pajjiżi terzi fis-suq intern tal-elettriku tal-Unjoni huma essenzjali biex jitnaqqsu l-kostijiet kemm għall-Istati Membri kif ukoll għall-pajjiżi terzi rilevanti, kif ukoll biex tiġi żgurata s-sigurtà tal-provvista. Jenħtieġ li tali rikonoxximent jitressaq permezz ta’ Memorandum ta’ Qbil bejn il-Kummissjoni u l-pajjiżi terzi li ttrasponew bis-sħiħ l-acquis rilevanti tas-suq tal-elettriku, kif ivverifikat mill-Kummissjoni. Jenħtieġ li l-Memorandum ta’ Qbil jistabbilixxi l-iskeda ta’ żmien għall-applikazzjoni tal-eżenzjoni prevista fir-Regolament (UE) 2023/956, filwaqt li jqis l-aderenza mar-regoli rilevanti tas-suq u mal-istituzzjonijiet tal-operatur ta’ sistema tat-trażmissjoni (TSO, Transmission System Operator) f’konformità mar-Regolament (UE) 2019/943 tal-Parlament Ewropew u tal-Kunsill 22 u mar-Regolament tal-Kummissjoni (UE) 2015/1222 23 , u l-progress li sar mill-pajjiżi rilevanti dwar l-istrumenti tal-ipprezzar tal-karbonju ekwivalenti għas-Sistema tal-UE għall-Iskambju ta’ Kwoti tal-Emissjonijiet (EU ETS, Emissions Trading System) f’dak li għandu x’jaqsam mal-ġenerazzjoni tal-elettriku.

(10)Sabiex jiġi żgurat li s-soll uniku bbażat fuq il-massa ma jaqbiżx il-1 % tal-emissjonijiet integrati fl-oġġetti importati u fil-prodotti pproċessati wara l-estensjoni tar-Regolament (UE) 2023/956 għall-prodotti downstream, jenħtieġ li l-valutazzjoni annwali fis-sena 2027 tas-soll titwettaq abbażi tad-data dwar l-importazzjoni li tkopri l-oġġetti downstream koperti minn din l-estensjoni.

(11)Is-CBAM ifittex li jindirizza r-riskju ta’ rilokazzjoni tal-emissjonijiet tal-karbonju billi jiżgura li l-prodotti, irrispettivament minn jekk humiex importati jew prodotti fl-Unjoni, ikunu soġġetti għal prezz tal-karbonju ekwivalenti. Madankollu, sakemm għadd sinifikanti ta’ sħab internazzjonali tal-Unjoni jkollhom approċċi ta’ politika li ma jiksbux l-istess livell ta’ ambizzjoni klimatika, hemm riskju ta’ rilokazzjoni tal-emissjonijiet tal-karbonju, li jirriżulta f’emissjonijiet globali ogħla milli jkunu fin-nuqqas ta’ rilokazzjoni tal-emissjonijiet tal-karbonju.

(12)Jistgħu jseħħu prattiki abbużivi meta l-atturi jisfruttaw il-possibbiltà li jużaw l-emissjonijiet reali għall-fini li jevitaw bla bżonn, kompletament jew parzjalment, ir-responsabbiltà finanzjarja tas-CBAM u b’hekk jimminaw l-effettività tas-CBAM fl-indirizzar tar-riskju ta’ rilokazzjoni tal-emissjonijiet tal-karbonju fl-Unjoni u l-ilħuq tal-objettivi tal-politika tal-Unjoni dwar it-tibdil fil-klima.

(13)Jenħtieġ li l-Kummissjoni timmonitorja l-impatt tas-CBAM fuq is-suq intern tal-Unjoni bil-ħsieb li tivvaluta r-riskju ta’ prattiki abbużivi li jimminaw l-effettività tas-CBAM u l-impatt potenzjali fuq is-suq intern tal-Unjoni, inkluż permezz ta’ analiżi tad-dikjarazzjonijiet doganali tal-importazzjoni u d-dikjarazzjonijiet CBAM jew abbażi ta’ kwalunkwe sors rilevanti ta’ informazzjoni, inkluż mill-Istati Membri permezz ta’ skambji fil-Grupp ta’ Esperti dwar is-CBAM jew skambji rilevanti oħra.

(14)Sabiex tiġi ffaċilitata reazzjoni rapida fil-każ ta’ evidenza li tindika riskju għoli ta’ prattiki abbużivi, jenħtieġ li l-Kummissjoni tingħata s-setgħa li tadotta atti delegati biex tistabbilixxi, għall-użu ta’ emissjonijiet reali għal kombinazzjoni ta’ oġġetti u ta’ oriġini, l-informazzjoni li għandha tiġi ddikjarata kif ukoll l-evidenza li turi li tali prattiki abbużivi ma mmaterjalizzawx. Meta l-Kummissjoni ssib biżżejjed evidenza li tindika riskju għoli ta’ prattiki abbużivi, jenħtieġ li l-Kummissjoni tkun meħtieġa taġixxi permezz ta’ atti delegati fi żmien 3 xhur wara s-sejba. Jenħtieġ li dawn il-kundizzjonijiet u l-evidenza jitfasslu b’mod proporzjonat u jenħtieġ li ma jpoġġux piż bla bżonn fuq l-operaturi u fuq l-importaturi.

(15)Sabiex jiġu identifikati l-importaturi rrappreżentati minn rappreżentant doganali indirett, jenħtieġ li l-applikazzjoni għal awtorizzazzjoni tinkludi n-numru tar-Reġistrazzjoni u tal-Identifikazzjoni tal-Operaturi Ekonomiċi (EORI, Economic Operators Registration and Identification), jew kwalunkwe tip ieħor ta’ numru ta’ identifikazzjoni nazzjonali, tal-importaturi rappreżentati.

(16)Sabiex jiġi indirizzat ir-riskju ta’ dikjarazzjoni ħażina tal-emissjonijiet integrati ddeterminati abbażi tal-emissjonijiet reali, jenħtieġ li l-Kummissjoni u l-awtorità kompetenti jitħallew jitolbu lid-dikjarant awtorizzat CBAM jipprovdi evidenza li l-oġġetti importati ġew prodotti fl-installazzjoni ddikjarata, u għall-perjodu ta’ produzzjoni ddikjarat. Għal ċerti oġġetti, bħal dawk soġġetti għal eteroġenità ogħla tal-intensitajiet tal-emissjonijiet, jew f’ċerti każijiet biss, jenħtieġ li l-evidenza tkun meħtieġa bħala parti mid-dikjarazzjoni CBAM. Jenħtieġ li l-Kummissjoni tingħata s-setgħa li tadotta atti ta’ implimentazzjoni biex tidentifika l-oġġetti li għalihom jenħtieġ li tkun meħtieġa tali evidenza bħala parti mid-dikjarazzjoni CBAM kif ukoll it-tip speċifiku ta’ evidenza li għandha tiġi pprovduta.

(17)Sabiex jiġi ffaċilitat l-ipproċessar tal-informazzjoni dwar l-operaturi f’pajjiżi terzi, jitnaqqas il-piż amministrattiv għall-operatur u għad-dikjarant awtorizzat CBAM u jiġi ffaċilitat ir-rieżami tad-dikjarazzjonijiet CBAM, jenħtieġ li r-reġistrazzjoni tal-operaturi tkun pass neċessarju għad-determinazzjoni tal-emissjonijiet integrati abbażi tal-emissjonijiet reali verifikati.

(18)Sabiex jitrawwem approċċ armonizzat għar-rieżami tad-dikjarazzjonijiet CBAM, jenħtieġ li jiġi ċċarat li l-Kummissjoni tista’, bħala parti mill-att ta’ implimentazzjoni dwar il-format standard tad-dikjarazzjoni CBAM, tistabbilixxi proċeduri għar-rieżami tad-dikjarazzjonijiet CBAM.

(19)L-emissjonijiet mill-produzzjoni tar-ruttam ta’ qabel il-konsum fl-Unjoni huma soġġetti għal prezz tal-karbonju peress li, skont l-EU ETS, l-emissjonijiet jitkejlu fil-livell tal-installazzjoni. Peress li r-ruttam tal-aluminju ta’ qabel il-konsum u r-ruttam tal-azzar ta’ qabel il-konsum skont ir-Regolament (UE) 2023/956 huma assenjati emissjonijiet żero, l-oġġetti importati li jużaw ir-ruttam tal-aluminju ta’ qabel il-konsum u r-ruttam tal-azzar ta’ qabel il-konsum bħala materjal ta’ input huma soġġetti għal prezz tal-karbonju aktar baxx meta mqabbla mal-oġġetti prodotti fl-Unjoni, u b’hekk idgħajfu l-effettività tas-CBAM fl-indirizzar tar-riskju ta’ rilokazzjoni tal-emissjonijiet tal-karbonju tal-oġġetti elenkati fl-Anness I.

(20)Bil-ħsieb li tissaħħaħ l-effettività tas-CBAM biex jiġi indirizzat ir-riskju ta’ rilokazzjoni tal-emissjonijiet tal-karbonju tal-oġġetti, jenħtieġ li, għall-kalkolu tal-emissjonijiet integrati tal-oġġetti, jitqiesu l-emissjonijiet tar-ruttam tal-aluminju ta’ qabel il-konsum u tar-ruttam tal-azzar ta’ qabel il-konsum. Peress li r-ruttam ta’ qabel il-konsum huwa koprodott iġġenerat b’mod mhux intenzjonat fil-proċess tal-produzzjoni ta’ oġġetti tal-metall u li jista’ jerġa’ jintuża immedjatament fi proċess tal-produzzjoni, ma jitqiesx f’riskju ta’ rilokazzjoni tal-emissjonijiet tal-karbonju fih innifsu. Għalhekk, jenħtieġ li l-emissjonijiet tar-ruttam tal-aluminju ta’ qabel il-konsum u tar-ruttam tal-azzar ta’ qabel il-konsum jitqiesu biss meta jintużaw bħala prekursur għall-oġġetti elenkati fl-Anness I ta’ dan ir-Regolament. Jenħtieġ li l-Kummissjoni tiżgura li l-monitoraġġ, ir-rapportar u l-verifika tal-emissjonijiet integrati fir-ruttam ta’ qabel il-konsum użat bħala materjal ta’ input (prekursur) ma jiġux evitati, inkluż billi jiġi rrapportat ħażin ir-ruttam ta’ qabel il-konsum bħala ruttam ta’ wara l-konsum biex titnaqqas id-determinazzjoni tal-emissjonijiet integrati.

(21)Sabiex tiffaċilita l-applikazzjoni tar-Regolament (UE) 2023/956, fil-kuntest tar-Regolament ta’ Implimentazzjoni għall-kontabbiltà tal-prezz tal-karbonju mħallas barra minn xtutha, l-Unjoni tista’ tikkunsidra l-krediti ta’ karbonju skont l-Artikolu 6 tal-Ftehim ta’ Pariġi.

(22)Jenħtieġ li jiġi ċċarat li, minħabba n-natura kummerċjalment sensittiva ta’ xi elementi tad-data meħtieġa għar-rapportar, għall-kalkolu u għall-verifika tal-emissjonijiet reali, l-operatur jista’ jagħżel li jiżvela biss sommarju ta’ dawn l-elementi li jkunu neċessarji għad-determinazzjoni u għall-verifika tal-emissjonijiet integrati, u għall-applikazzjoni tal-kundizzjonijiet għall-użu tal-emissjonijiet reali għall-kombinazzjonijiet rilevanti ta’ oġġetti u ta’ oriġini. Jenħtieġ li d-dikjarant awtorizzat tas-CBAM ikun meħtieġ biss li jżomm rekords tal-informazzjoni żvelata.

(23)Jinħolqu sfidi speċifiċi għall-użu tal-emissjonijiet reali integrati f’oġġetti downstream prodotti b’materjal ta’ input multiplu (prekursuri), u meta dawk il-materjali jappartjenu għal setturi differenti tas-CBAM jew għal setturi mhux koperti fil-kamp ta’ applikazzjoni ta’ dan ir-Regolament. Dawn l-oġġetti tipikament ikollhom ktajjen tal-valur globali itwal u aktar kumplessi, u l-produzzjoni tagħhom tinvolvi diversi stadji tal-produzzjoni. Il-kisba ta’ informazzjoni verifikata dwar l-emissjonijiet reali tal-materjali ta’ input tagħhom (prekursuri) se tkun diffiċli mil-lat amministrattiv, u dan jiddiżinċentiva l-użu tal-emissjonijiet reali. Sabiex jiġu indirizzati dawn l-isfidi, jenħtieġ li l-użu ta’ valuri prestabbiliti għal dawn l-oġġetti speċifiċi jiġi ffaċilitat min-nuqqas ta’ applikazzjoni tal-marġni kummerċjali, mingħajr preġudizzju għall-integrità ambjentali tas-CBAM.

(24)Peress li ċ-ċertifikazzjoni tad-dokumentazzjoni tal-prezz tal-karbonju tista’ ssir qabel l-importazzjoni tal-oġġett fl-Unjoni, ma huwiex xieraq li l-persuna li tiċċertifika l-informazzjoni li tinsab fid-dokumentazzjoni tal-prezz tal-karbonju tintalab tkun indipendenti mid-dikjarant awtorizzat CBAM.

(25)Peress li t-tnaqqis tal-prezz tal-karbonju effettivament imħallas f’pajjiż terz jirrikjedi li l-emissjonijiet integrati jkunu bbażati fuq emissjonijiet reali verifikati, u peress li ċ-ċertifikazzjoni tad-dokumentazzjoni tal-prezz tal-karbonju trid tiddependi fuq il-verifika minn qabel tal-emissjonijiet integrati, il-verifika tal-emissjonijiet integrati u ċ-ċertifikazzjoni tal-prezz tal-karbonju mħallas fuq dawk l-emissjonijiet huma relatati mill-qrib u jistgħu possibbilment jitwettqu mill-istess persuna. Barra minn hekk, jenħtieġ li ċ-ċertifikazzjoni tal-prezz tal-karbonju tkun soġġetta għal kontroll u għal sorveljanza simili għal dawk eżerċitati għall-verifika tal-emissjonijiet. Għalhekk, jenħtieġ li jiġi ċċarat li l-Kummissjoni għandha s-setgħa li tadotta atti ta’ implimentazzjoni dwar il-kundizzjonijiet biex jiġu aċċertati l-kwalifiki tal-persuna responsabbli għaċ-ċertifikazzjoni, permezz tar-reġistru tas-CBAM, tal-informazzjoni li tinsab fid-dokumentazzjoni tal-prezz tal-karbonju, inkluż l-għoti ta’ akkreditazzjoni minn korp nazzjonali ta’ akkreditazzjoni, u tkopri l-proċeduri ta’ ċertifikazzjoni u l-iskambju ta’ informazzjoni neċessarji.

(26)Sabiex tiġi ffaċilitata l-verifika tal-emissjonijiet integrati fil-każ ta’ oġġetti kumplessi, jenħtieġ li jiġi ċċarat li operatur jenħtieġ li jkun jista’ jikkondividi informazzjoni, inkluż dwar il-verifika tal-emissjonijiet integrati fil-materjali ta’ input (prekursuri) ma’ operatur ieħor.

(27)Sabiex tiġi żgurata l-pożizzjoni finanzjarja ta’ applikant jew ta’ dikjarant awtorizzat tas-CBAM, jenħtieġ li l-awtoritajiet kompetenti jitħallew jirrikjedu l-għoti ta’ garanzija f’każijiet oħra għajr meta applikant ma jkunx ġie stabbilit fis-sentejn finanzjarji ta’ qabel is-sena meta tkun ġiet ippreżentata l-applikazzjoni. Sabiex jiġi ssalvagwardjat il-ġbir xieraq tad-dħul, huwa xieraq ukoll li l-awtoritajiet kompetenti jkunu jistgħu jużaw il-garanzija pprovduta, meta d-dikjarant awtorizzat tas-CBAM jonqos milli jikkonforma mal-obbligu tiegħu li jkollu, fi tmiem kull trimestru, l-għadd ta’ ċertifikati CBAM li jikkorrispondi għal 50 % tal-emissjonijiet integrati fl-oġġetti li jkuu importati fl-Unjoni mill-bidu tas-sena.

(28)Jenħtieġ li jiġi ċċarat li, sabiex il-korpi nazzjonali ta’ akkreditazzjoni, il-Kummissjoni u l-awtoritajiet kompetenti jkunu jistgħu jikkontrollaw u jimmonitorjaw il-verifikaturi, huwa neċessarju li jiġu stabbiliti l-proċeduri ta’ verifika li għandhom jintużaw mill-verifikaturi.

(29)Sabiex tiġi ppreservata l-effettività tiegħu bħala miżura għall-prevenzjoni tar-rilokazzjoni tal-emissjonijiet tal-karbonju, il-prezz taċ-ċertifikati CBAM għandu jiġi kkalkolat mill-Kummissjoni abbażi tal-medji ta’ kull ġimgħa tal-kwoti rkantati fis-Sistema tal-Unjoni għall-Iskambju ta’ Kwoti tal-Emissjonijiet (“EU ETS”). Sabiex jiġi żgurat li l-prezz taċ-ċertifikat CBAM dejjem jirrifletti mill-qrib il-prezzijiet tal-ETS, huwa xieraq li tiġi pprovduta regola speċifika tal-kalkolu għall-ġimgħat kalendarji li matulhom ikun hemm irkant wieħed biss li jseħħ fuq il-pjattaforma tal-irkant.

(30)Mill-2027 ’il quddiem, id-dikjaranti awtorizzati tas-CBAM li jaqbżu s-soll uniku bbażat fuq il-massa għandhom jiżguraw li l-għadd ta’ ċertifikati CBAM fil-kont tagħhom fir-reġistru tas-CBAM fi tmiem kull trimestru jikkorrispondi għal mill-inqas 50 % tal-emissjonijiet integrati fl-oġġetti importati mill-bidu ta’ dik is-sena. Peress li din ir-regola hija bbażata fuq ċiklu annwali, li fuqu huwa bbażat il-limitu ta’ xiri mill-ġdid taċ-ċertifikati CBAM, huwa xieraq li jiġu esklużi, mill-għadd ta’ ċertifikati CBAM affettwati mill-kalkolu trimestrali, iċ-ċertifikati mixtrija matul snin oħra għajr dik is-sena kalendarja.

(31)Sabiex jiġi ssimplifikat il-proċess ta’ xiri mill-ġdid, tiżdied l-effiċjenza tal-proċess u jitnaqqas il-piż amministrattiv filwaqt li jinżammu l-integrità tas-sigurtà u sorveljanza robusta, jenħtieġ li tingħata tal-possibbiltà li ċ-ċertifikati CBAM żejda ta’ dikjarant awtorizzat tas-CBAM ikunu jistgħu jinxtraw mill-ġdid direttament mill-awtorità kompetenti.

(32)Għal ċerti oġġetti, bħall-kontenut ta’ klinker tas-siment, il-kontenut ta’ nitroġenu tal-fertilizzanti jew l-elementi ta’ lligar tal-azzar, il-kompożizzjonijiet materjali u kimiċi tal-oġġett huma fattur determinanti importanti tal-emissjonijiet integrati. Sabiex jiġi indirizzat ir-riskju ta’ dikjarazzjoni ħażina tal-emissjonijiet integrati ddeterminati abbażi tal-emissjonijiet reali għal ċerti oġġetti li huma soġġetti għal eteroġenità ogħla tal-intensitajiet tal-emissjonijiet, jenħtieġ li l-Kummissjoni tingħata s-setgħa li tadotta atti ta’ implimentazzjoni biex tidentifika l-kompożizzjonijiet materjali u kimiċi ta’ oġġett fid-dikjarazzjoni doganali.

(33)Sabiex jiġi żgurat li l-awtoritajiet kompetenti u l-Kummissjoni jiġu pprovduti bl-informazzjoni u bid-data doganali kollha neċessarji għall-implimentazzjoni tar-Regolament (UE) 2023/956 mill-awtoritajiet doganali, huwa neċessarju li jiġu speċifikati d-dokumenti ta’ sostenn, l-informazzjoni u d-data rilevanti, inkluża l-polza ta’ verifika, li għandhom jiġu kkomunikati mill-awtoritajiet doganali.

(34)Jenħtieġ li jiġi ċċarat li n-numru tal-kont tas-CBAM inkluż fid-dikjarazzjoni doganali, il-polza ta’ verifika, id-dikjarazzjoni tal-wasla, jew kwalunkwe dokument doganali rilevanti ieħor fiż-żmien meta l-oġġetti jiġu rilaxxati għaċ-ċirkolazzjoni libera, jenħtieġ li jintużaw biex tiġi ddeterminata l-persuna responsabbli biex tassumi l-obbligi stabbiliti f’dan ir-Regolament.

(35)Sabiex tiġi żgurata l-akkuratezza tad-data u tal-informazzjoni doganali disponibbli għall-awtoritajiet kompetenti fir-reġistru tas-CBAM, jenħtieġ li l-awtoritajiet kompetenti jitħallew jitolbu lill-awtoritajiet doganali jew lill-Kummissjoni tivvalida din l-informazzjoni. Jenħtieġ li l-Kummissjoni tingħata s-setgħa li tadotta atti ta’ implimentazzjoni li jiddefinixxu l-ambitu tal-informazzjoni u tal-perjodiċità, it-twaqqit u l-mezzi għall-komunikazzjoni ta’ dik l-informazzjoni.

(36)Għall-prevenzjoni ta’ prattiki li jistgħu jimminaw il-kisba tal-objettivi tas-CBAM, jenħtieġ li l-Kummissjoni timmonitorja kontinwament fil-livell tal-Unjoni l-prattiki ta’ ċirkomvenzjoni li jikkonsistu fl-aġġustament artifiċjali tal-katina tal-provvista tal-oġġetti biex jiġu evitati l-obbligi stabbiliti fir-Regolament (UE) 2023/956.

(37)Sabiex tiġi ffaċilitata reazzjoni rapida fil-każ ta’ konsegwenzi serji u imprevedibbli mill-inklużjoni ta’ oġġett fil-kamp ta’ applikazzjoni tas-CBAM, li jwasslu għal ħsara serja għas-suq intern tal-Unjoni, jenħtieġ li l-Kummissjoni tingħata s-setgħa li tadotta atti delegati biex tneħħi oġġett mill-kamp ta’ applikazzjoni tar-Regolament (UE) 2023/956.

(38)Sabiex jiġi żgurat allinjament aħjar man-Nomenklatura Magħquda (“NM”) stabbilita fir-Regolament tal-Kunsill (KEE) Nru 2658/87 24 , jenħtieġ li tiġi ċċarata d-deskrizzjoni ta’ ċerti kodiċijiet NM fl-Anness I tar-Regolament (UE) 2023/956.

(39)Bl-eliminazzjoni gradwali progressiva tal-allokazzjoni bla ħlas tranżizzjonali tal-kwoti skont id-Direttiva 2003/87/KE tal-Parlament Ewropew u tal-Kunsill 25 , li tistabbilixxi sistema għall-iskambju ta’ kwoti ta’ emissjonijiet ta’ gassijiet serra fl-Unjoni (“EU ETS”), u l-introduzzjoni gradwali progressiva tas-CBAM, ir-riskju ta’ rilokazzjoni tal-emissjonijiet tal-karbonju x’aktarx li jimxi mis-setturi upstream li bħalissa huma koperti mis-CBAM għall-prodotti downstream. Għalhekk, sabiex tiġi ppreservata l-effettività tal-objettivi tas-CBAM, huwa neċessraju li l-kamp ta’ applikazzjoni tar-Regolament (UE) 2023/956 jiġi estiż għal prodotti aktar ’l isfel fil-katina tal-valur.

(40)F’konformità mal-Pjan ta’ Azzjoni Ewropew għall-Azzar u l-Metalli, l-estensjoni tal-kamp ta’ applikazzjoni tar-Regolament (UE) 2023/956 jenħtieġ li tiffoka fuq is-setturi tal-metall u fuq l-oġġetti li fihom sehem sinifikanti ta’ prodotti tas-CBAM. Għalhekk, jenħtieġ li tkopri oġġetti downstream intensivi fl-azzar u fl-aluminju li huma l-aktar importati fl-Unjoni f’termini ta’ numri, ta’ valur u ta’ volum, u li jiffaċċjaw l-ogħla riskju ta’ rilokazzjoni tal-emissjonijiet tal-karbonju. Is-setturi tal-azzar u tal-aluminju juru wkoll l-ogħla fattibbiltà teknika għall-kalkolu tal-emissjonijiet reali integrati fl-oġġetti. 

(41)L-għażla tal-oġġetti downstream intensivi fl-azzar u fl-aluminju jenħtieġ li tkun ibbażata fuq kriterji u sollijiet definiti b’mod ċar, li jirriflettu r-riskju ta’ rilokazzjoni tal-emissjonijiet tal-karbonju assoċjat ma’ kull prodott, inkluż is-sehem tagħhom ta’ emissjonijiet integrati, ir-rilevanza klimatika tagħhom u l-fattibbiltà teknika tal-inklużjoni tagħhom fil-kamp ta’ applikazzjoni tar-Regolament (UE) 2023/956. Jenħtieġ li r-riskju ta’ rilokazzjoni tal-emissjonijiet tal-karbonju jiġi apprezzat fir-rigward kemm tan-negozjabbiltà tal-prodott kif ukoll tat-tqabbil bejn il-kost tal-karbonju integrat fil-materjali ta’ inputs tal-prodott (prekursuri) u l-valur miżjud globali tal-prodott. Abbażi tal-istess kriterji, jenħtieġ li fil-futur il-Kummissjoni tivvaluta l-estensjoni tal-kamp ta’ applikazzjoni ta’ dak ir-Regolament għal oġġetti downstream addizzjonali u tippreżenta l-konklużjonijiet tagħha f’rapport lill-Parlament Ewropew u lill-Kunsill.

(42)Skont il-prinċipji u l-metodi ta’ kalkolu applikabbli għal oġġetti oħra, l-emissjonijiet integrati fl-oġġetti downstream jenħtieġ li jiġu kkalkolati abbażi tal-emissjonijiet reali verifikati minn verifikatur, jew b’referenza għall-valuri prestabbiliti kkalkolati u magħmula disponibbli mill-Kummissjoni. Peress li l-konfini tas-sistema tal-proċessi tal-produzzjoni huma limitati għall-konfini tas-sistema tal-proċessi tal-produzzjoni koperti mill-EU ETS, jenħtieġ li l-attribuzzjoni tal-emissjonijiet integrati fl-oġġetti downstream tkun limitata għall-emissjonijiet li jinsabu fil-materjali ta’ input (prekursuri). Jenħtieġ li fil-kalkolu tal-emissjonijiet integrati jitqiesu l-materjali ta’ input (prekursuri) ta’ oġġetti downstream li ma humiex elenkati fl-Anness II tar-Regolament (UE) 2023/956.

(43)Għal għadd limitat ta’ oġġetti downstream, l-emissjonijiet integrati jistgħu, skont il-kompożizzjoni materjali tal-oġġett, jaqgħu kompletament barra mill-kamp ta’ applikazzjoni tas-CBAM. Għalhekk, huwa neċessarju li jiġi speċifikat li jenħtieġ li l-oġġetti downstream li jkunu magħmula esklużivament minn materjali li jaqgħu barra mill-kamp ta’ applikazzjoni tas-CBAM ma jkunux koperti fil-kamp ta’ applikazzjoni tal-Anness I tar-Regolament (UE) 2023/956.

(44)Jinħolqu sfidi speċifiċi għall-użu tal-emissjonijiet reali integrati f’oġġetti downstream prodotti b’materjal ta’ input multiplu (prekursuri), u meta dawk il-materjali jappartjenu għal setturi differenti tas-CBAM jew għal setturi mhux koperti fil-kamp ta’ applikazzjoni ta’ dan ir-Regolament. Dawn l-oġġetti tipikament ikollhom ktajjen tal-valur globali itwal u aktar kumplessi, u l-produzzjoni tagħhom tinvolvi diversi stadji tal-produzzjoni. Il-kisba ta’ informazzjoni verifikata dwar l-emissjonijiet reali tal-materjali ta’ input tagħhom (prekursuri) se tkun diffiċli mil-lat amministrattiv, u dan jiddiżinċentiva l-użu tal-emissjonijiet reali. Sabiex jiġu indirizzati dawn l-isfidi, jenħtieġ li l-użu ta’ valuri prestabbiliti għal dawn l-oġġetti speċifiċi jiġi ffaċilitat min-nuqqas ta’ applikazzjoni tal-marġni kummerċjali, mingħajr preġudizzju għall-integrità ambjentali tas-CBAM.

(45)Jinħolqu sfidi speċifiċi għall-użu tal-emissjonijiet reali integrati fl-oġġetti downstream koperti fis-setturi “Ħadid u Azzar”, “Aluminju” u “Oġġetti tal-Metall Ikkombinati” msemmija fl-Anness I tar-Regolament (UE) 2023/956. Minħabba l-isfidi fil-ġbir tad-data tul il-katina tal-provvista ta’ xi wħud mill-komponenti ta’ dawn l-oġġetti, jenħtieġ li l-emissjonijiet integrati speċifiċi tal-oġġetti kollha koperti f’dawn it-taqsimiet jiġu kkalkolati bħala funzjoni tal-emissjonijiet integrati tal-materjali ta’ input (prekursuri) li jinsabu fl-oġġetti.

(46)Il-metodu użat għall-kalkolu tal-fattur ta’ emissjoni għall-elettriku importat jenħtieġ li jiġi mmodifikat sabiex iqis l-elettriku prodott mis-sorsi kollha, inklużi sorsi ta’ fjuwils nonfossili. B’riżultat ta’ dan, jenħtieġ li l-valuri prestabbiliti riveduti għall-elettriku importat jiġu kkalkolati u jitqiegħdu għad-dispożizzjoni mill-Kummissjoni.

(47)Sabiex jiġi żgurat approċċ metodoloġiku konsistenti fir-rigward tal-valuri prestabbiliti applikati għall-emissjonijiet indiretti, jenħtieġ li jiġi ċċarat li l-valur prestabbilit alternattiv għall-emissjonijiet indiretti li pajjiż terz, jew grupp ta’ pajjiżi terzi, jista’ juri li jkun aktar baxx minn dak stabbilit mill-Kummissjoni, jenħtieġ li jkun ibbażat fuq l-istess metodu ta’ kalkolu bħall-valuri prestabbiliti għall-emissjonijiet indiretti ddeterminati mill-Kummissjoni.

(48)Sabiex tiġi ffaċilitata d-determinazzjoni tal-emissjonijiet integrati tal-elettriku abbażi tal-emissjonijiet reali, jenħtieġ li l-kundizzjonijiet għall-applikazzjoni tal-emissjonijiet integrati reali fl-elettriku importat isiru aktar flessibbli. Jenħtieġ li jiġi ċċarat li jistgħu jintużaw ċerti ftehimiet dwar ix-xiri tal-enerġija konklużi bejn l-intermedjarji. Barra minn hekk, fid-dawl tad-diffikultajiet prattiċi biex jintwera n-nuqqas ta’ konġestjoni fiżika tan-network fi kwalunkwe punt tan-network fil-mument tal-importazzjoni, jenħtieġ li jitneħħew dan il-kriterju kif ukoll il-kriterju alternattiv li tiġi pprovata l-konnessjoni diretta mas-sistema ta’ trażmissjoni tal-Unjoni. Fl-aħħar nett, jenħtieġ li ma jkunx neċessarju li tintwera nomina soda tal-kapaċità ta’ interkonnessjoni allokata fejn il-kapaċità ta’ trażmissjoni tiġi allokata permezz ta’ allokazzjoni impliċita tal-kapaċità.

(49)Minħabba n-natura kummerċjalment sensittiva ta’ xi elementi tad-data li jirfdu l-verifika tal-emissjonijiet integrati, jenħtieġ li r-rapport ta’ verifika jkun fih biss l-informazzjoni li hija meħtieġa biex jiġu stabbiliti l-emissjonijiet integrati tal-oġġetti. Jenħtieġ li l-informazzjoni dwar l-emissjonijiet rilaxxati mill-installazzjoni jew dwar oġġetti li ma humiex inklużi fil-kamp ta’ applikazzjoni ta’ dan ir-Regolament, filwaqt li madankollu tkun soġġetta għal rieżami mill-verifikatur, ma tiġix inkluża fir-rapport ta’ verifika.

(50)Sabiex jiġu emendati ċerti elementi mhux essenzjali tar-Regolament (UE) 2023/956, jenħtieġ li s-setgħa li jiġu adottati atti f’konformità mal-Artikolu 290 tat-Trattat dwar il-Funzjonament tal-Unjoni Ewropea tiġi ddelegata lill-Kummissjoni fir-rigward tat-tneħħija tal-oġġetti mill-kamp ta’ applikazzjoni tal-Anness I, fejn neċessarju, minħabba ħsara serja lis-suq intern tal-Unjoni kkawżata minn ċirkostanzi serji u imprevedibbli, u sakemm ikunu għaddew dawn iċ-ċirkostanzi serji u imprevedibbli. B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, jenħtieġ li l-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u jenħtieġ li l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(51)Peress li l-objettivi ta’ dan ir-Regolament ma jistgħux jinkisbu b’mod suffiċjenti mill-Istati Membri, jiġifieri l-estensjoni tal-mekkaniżmu li l-Unjoni adottat biex tipprevjeni r-riskju ta’ rilokazzjoni tal-emissjonijiet tal-karbonju u b’hekk tnaqqas l-emissjonijiet globali tal-karbonju kif ukoll l-indirizzar tar-riskju ta’ ċirkomvenzjoni u ta’ prattiki li jistgħu jimminaw l-objettivi tas-CBAM, iżda pjuttost jistgħu, minħabba l-iskala jew l-effetti tal-azzjoni, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa neċessarju sabiex jinkisbu dawk l-objettivi.

(52)Għaldaqstant, jenħtieġ li r-Regolament (UE) 2023/956 jiġi emendat skont dan,

(53)Għad-determinazzjoni tal-emissjonijiet integrati tal-elettriku, biex tkun tista’ ssir il-preżentazzjoni tal-ewwel dikjarazzjonijiet CBAM sat-30 ta’ Settembru 2027 abbażi ta’ dan ir-Regolament, jenħtieġ li l-bidliet fil-metodu użat għall-kalkolu tal-fattur ta’ emissjoni għall-elettriku importat u fil-kundizzjonijiet għall-applikazzjoni tal-emissjonijiet integrati reali fl-elettriku importat japplikaw għall-importazzjonijiet tal-elettriku li seħħew mill-1 ta’ Jannar 2026. Sabiex tiġi pprovduta prevedibbiltà suffiċjenti, jenħtieġ li l-estensjoni tal-kamp ta’ applikazzjoni tal-Anness I tar-Regolament (UE) 2023/956 u għall-materjali ta’ input (prekursuri) elenkati fl-Anness VIII tapplika mill-1 ta’ Jannar 2028,

(54)Għaldaqstant, jenħtieġ li r-Regolament (UE) 2023/956 jiġi emendat skont dan,

ADOTTAW DAN IR-REGOLAMENT:

Artikolu 1

Emendi tar-Regolament (UE) 2023/956

Ir-Regolament (UE) Nru 2023/956 huwa emendat kif ġej: 

(1)l-Artikolu 2 huwa emendat kif ġej: 

(a)jiddaħħal il-paragrafu 2a li ġej:

“2a. Mal-inkorporazzjoni tiegħu fil-Ftehim ŻEE, dan ir-Regolament japplika wkoll għal prodotti pproċessati minn oġġetti elenkati fl-Anness I li joriġinaw f’pajjiż terz li jirriżultaw mill-proċedura ta’ proċessar attiv imsemmija fl-Artikolu 256 tar-Regolament (UE) Nru 952/2013, meta jiġu esportati mill-ġdid lejn it-territorju doganali tan-Norveġja jew tal-Iżlanda, dment li jiġu importati lejn dawk il-pajjiżi.

Il-Kummissjoni tista’ tadotta atti ta’ implimentazzjoni li jistabbilixxu l-kundizzjonijiet dettaljati għall-applikazzjoni tas-CBAM għal tali prodotti. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 29(2) ta’ dan ir-Regolament.”;

(b)fil-paragrafu 4, jiżdied is-subparagrafu li ġej:

“Mal-inkorporazzjoni tiegħu fil-Ftehim ŻEE, b’deroga mill-paragrafi 1 u 2, dan ir-Regolament ma għandux japplika għal oġġetti li joriġinaw minn pajjiżi terzi li qabel kienu rilaxxati għaċ-ċirkolazzjoni libera fit-territorju doganali tal-Istati tal-EFTA li inkorporaw is-CBAM, dment li d-dikjarant doganali jindika fid-dikjarazzjoni doganali sussegwenti ppreżentata fit-territorju doganali tal-Unjoni li l-oġġetti jkunu ġew rilaxxati qabel għaċ-ċirkolazzjoni libera fit-territorju doganali ta’ dawk l-Istati tal-EFTA u dment li, fuq talba tal-awtorità doganali, id-dikjarant doganali jagħmel disponibbli dokumentazzjoni jew informazzjoni li tagħti prova li l-oġġetti jkunu ġew rilaxxati qabel għaċ-ċirkolazzjoni libera fit-territorju doganali tal-Istati tal-EFTA rispettivi. Id-dikjarant doganali għandu jġorr ir-responsabbiltà għad-disponibbiltà ta’ din il-prova fil-ħin tal-preżentazzjoni tad-dikjarazzjoni doganali.”;

(c)jiddaħħal il-paragrafu 7a li ġej:

“Meta pajjiż terz ikun talab li jintegra s-suq tal-elettriku tiegħu f’dak tal-Unjoni permezz tal-akkoppjament tas-swieq skont ftehim internazzjonali, il-Kummissjoni tista’, meta tistabbilixxi li l-pajjiż terz rilevanti jkun ittraspona bis-sħiħ l-acquis tas-suq tal-elettriku, tikkonkludi Memorandum ta’ Qbil ma’ dak il-pajjiż terz.

Il-Memorandum ta’ Qbil imsemmi fl-ewwel subparagrafu għandu jistabbilixxi l-iskeda ta’ żmien għall-applikazzjoni tal-eżenzjoni prevista fl-Artikolu 2(7) u l-iskeda ta’ żmien għall-implimentazzjoni ta’ strument tal-ipprezzar tal-karbonju ekwivalenti għall-EU ETS, f’dak li għandu x’jaqsam mal-ġenerazzjoni tal-elettriku.”;

(d)il-paragrafu 8 huwa sostitwit b’dan li ġej:

“Pajjiż terz jew territorju li jissodisfa l-kundizzjonijiet kollha stabbiliti fil-paragrafu 7, għandu jiġi elenkat fil-punt 2 tal-Anness III. Meta tivvaluta jekk il-kundizzjonijiet stabbiliti fil-paragrafu 7 ta’ dan l-Artikolu humiex issodisfati, il-Kummissjoni għandha tqis l-avvanzi f’konformità mal-iskeda ta’ żmien stabbilita f’Memorandum ta’ Qbil skont l-Artikolu 2(7a).

(e)il-paragrafi 11 u 12 huma sostitwiti b’dan li ġej:

“11. Il-Kummissjoni għandha s-setgħa li tadotta atti delegati f’konformità mal-Artikolu 28 sabiex temenda l-listi ta’ pajjiżi terzi jew ta’ territorji elenkati fil-punt 1 jew 2 tal-Anness III billi żżid jew tneħħi pajjiż terz jew territorju, skont jekk il-kundizzjonijiet stabbiliti fil-paragrafu 6, 7 jew 9 ta’ dan l-Artikolu humiex issodisfati fir-rigward ta’ dak il-pajjiż terz jew it-territorju, jew bħala konsegwenza tal-inkorporazzjoni tas-CBAM fil-Ftehim ŻEE. Meta, fil-każ taż-żieda ta’ pajjiż terz fil-lista ta’ pajjiżi terzi jew ta’ territorji elenkati fil-punt 2 tal-Anness III, ikun hemm raġunijiet imperattivi ta’ urġenza li jkunu jirrikjedu dan, il-proċedura prevista fl-Artikolu 28a għandha tapplika għall-atti delegati adottati skont dan il-paragrafu.

L-Unjoni tista’ tikkonkludi ftehimiet ma’ pajjiżi jew ma’ territorji terzi bil-ħsieb li jitqies il-mekkaniżmi tal-ipprezzar tal-karbonju f’tali pajjiżi jew territorji għall-finijiet tal-applikazzjoni tal-Artikolu 9 kif ukoll ir-rikonoxximent reċiproku ta’ korpi ta’ akkreditazzjoni ta’ pajjiżi terzi għall-akkreditazzjoni ta’ persuna ġuridika biex tkun verifikatur skont l-Artikolu 18.”;

(2)fl-Artikolu 2a(3), jiżdied is-subparagrafu li ġej:

“Għall-valutazzjoni tagħha tal-2027 li għandha ssir sat-30 ta’ April 2027, il-Kummissjoni għandha tuża d-data tal-importazzjoni tal-oġġetti li jinsabu fl-Anness I ta’ dan ir-Regolament u fl-Anness I tar-Regolament (UE) XX/XX [ir-Regolament Emendatorju]”;

(3)fl-Artikolu 3, jiżdied il-punt (35) li ġej:

“(35) “prattiki abbużivi” huma prattiki mwettqa minn attur bl-għan li jikseb benefiċċju billi jevita bla bżonn, kompletament jew parzjalment, ir-responsabbiltà finanzjarja tas-CBAM u b’hekk jimmina l-effettività tas-CBAM biex jindirizza r-riskju ta’ rilokazzjoni tal-emissjonijiet tal-karbonju fl-UE.”;

(4)fl-Artikolu 5(5), il-punt (h) huwa sostitwit b’dan li ġej:

“(h) in-numru EORI jew numru ta’ identifikazzjoni nazzjonali ieħor, l-ismijiet u l-informazzjoni ta’ kuntatt tal-persuni li f’isimhom ikun qed jaġixxi l-applikant, jekk applikabbli.”;

(5)l-Artikolu 6 huwa emendat kif ġej: 

(a)il-paragrafu 2 huwa emendat kif ġej:

(1)il-punt (b) huwa sostitwit b’dan li ġej:

“(b) l-emissjonijiet integrati totali fl-oġġetti msemmija fil-punt (a) ta’ dan il-paragrafu, espressi f’tunnellati ta’ emissjonijiet ta’ CO2e għal kull megawatt siegħa ta’ elettriku jew, għal oġġetti oħra, f’tunnellati ta’ emissjonijiet ta’ CO2e għal kull tunnellata ta’ kull tip ta’ oġġett, ikkalkolati f’konformità mal-Artikolu 7 u, meta l-emissjonijiet integrati jiġu ddeterminati abbażi tal-emissjonijiet reali pprovduti mill-operatur permezz tar-reġistru CBAM f’konformità mal-Artikolu 10, ivverifikati f’konformità mal-Artikolu 8;”;

(2)jiżdiedu l-punti (e) u (f) li ġejjin:

“(e) fejn applikabbli għall-fini li jiġi indirizzat ir-riskju ta’ dikjarazzjoni ħażina li tirriżulta min-nuqqas ta’ traċċabbiltà tal-katina tal-provvista, evidenza li l-oġġetti importati matul is-sena kalendarja preċedenti ġew prodotti fl-installazzjoni ddikjarata u fiż-żmien reali tal-produzzjoni msemmi fid-dikjarazzjoni CBAM;

(f) meta, f’konformità ma’ att delegat adottat f’konformità mal-paragrafu 7, l-emissjonijiet integrati jiġu ddeterminati abbażi tal-emissjonijiet reali għal kombinazzjoni ta’ oġġetti u ta’ oriġini li huma soġġetti għal riskju għoli ta’ prattiki abbużivi, evidenza li turi li r-riskju għoli ta’ prattiki abbużivi ma mmaterjalizzax.”;

(b)fil-paragrafu 6, l-ewwel sentenza hija sostitwita b’dan li ġej:

“Il-Kummissjoni tingħata s-setgħa li tadotta atti ta’ implimentazzjoni dwar il-format standard tad-dikjarazzjoni CBAM, inkluża informazzjoni dettaljata għal kull installazzjoni u pajjiż ta’ oriġini jew pajjiż terz ieħor u t-tip ta’ oġġetti li għandu jiġi rrapportat, li jiġġustifikaw it-totali msemmija fil-paragrafu 2 ta’ dan l-Artikolu, b’mod partikolari fir-rigward tal-emissjonijiet integrati, tal-prezz tal-karbonju mħallas, tal-prezz tal-karbonju prestabbilit għall-fini tal-Artikolu 9(4), tal-proċedura għas-sottomissjoni tad-dikjarazzjoni CBAM permezz tar-reġistru tas-CBAM, inklużi l-proċeduri għar-rieżami tad-dikjarazzjonijiet CBAM f’konformità mal-Artikolu 19, u l-arranġamenti għaċ-ċediment taċ-ċertifikati CBAM imsemmija fil-paragrafu 2, il-punt (c), ta’ dan l-Artikolu, f’konformità mal-Artikolu 22(1), b’mod partikolari fir-rigward tal-proċess u tal-għażla mid-dikjarant awtorizzat tas-CBAM taċ-ċertifikati li għandhom jiġu ċeduti.”;

(c)jiżdiedu l-paragrafi 6a u 7 li ġejjin:

“6a. Il-Kummissjoni għandha s-setgħa li tadotta atti ta’ implimentazzjoni dwar l-identifikazzjoni ta’ oġġetti jew kombinazzjoni ta’ oġġetti u ta’ oriġini li għalihom għandha tiġi inkluża evidenza fid-dikjarazzjoni CBAM skont il-paragrafu 2, il-punt (e), kif ukoll it-tip speċifiku ta’ evidenza li għandha tiġi pprovduta. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 29(2).

7. Il-Kummissjoni għandha timmonitorja fil-livell tal-Unjoni l-impatt tas-CBAM fuq is-suq intern tal-Unjoni. Meta l-Kummissjoni, filwaqt li tqis l-informazzjoni rilevanti, inkluż mid-dikjarazzjonijiet doganali tal-importazzjoni u mid-dikjarazzjonijiet CBAM, issib li hemm biżżejjed evidenza li tindika riskju għoli ta’ prattiki abbużivi għal kombinazzjoni ta’ oġġetti u ta’ oriġini, hija tista’ tinforma lill-importaturi u lid-dikjaranti awtorizzati tas-CBAM dwar dawn ir-riskji, hija tista’ tinforma lill-awtoritajiet kompetenti u lill-awtoritajiet doganali dwar dawn ir-riskji bil-ħsieb li żżid il-livell ta’ kontroll tagħhom, u għandha s-setgħa li tadotta atti delegati f’konformità mal-Artikolu 28 biex tissupplimenta dan ir-Regolament billi tistabbilixxi l-metodi għall-identifikazzjoni tal-kombinazzjoni ta’ oġġetti u ta’ oriġini, l-informazzjoni li għandha tiġi ddikjarata għall-użu ta’ emissjonijiet reali għal dawk il-kombinazzjonijiet ta’ oġġetti u ta’ oriġini kif ukoll l-evidenza li għandha tiġi pprovduta biex jintwera li ma seħħ l-ebda abbuż.

Il-Kummissjoni għandha tadotta l-atti delegati msemmija fl-ewwel subparagrafu fi żmien 3 xhur minn meta ssib li hemm biżżejjed evidenza li tindika riskju għoli ta’ prattiki abbużivi”;

(6)l-Artikolu 7 huwa emendat kif ġej: 

(a)jiddaħħal il-paragrafu 2a li ġej:

“2a. L-emissjonijiet integrati fil-materjali ta’ input (prekursuri) elenkati fl-Anness VIII għandhom jitqiesu fid-determinazzjoni tal-emissjonijiet integrati fl-oġġetti.”;

(b)il-paragrafu 5 huwa sostitwit b’dan li ġej:

“5. Id-dikjarant awtorizzat tas-CBAM għandu jżomm rekords tal-informazzjoni żvelata f’konformità mal-Artikolu 10(7) li tkun meħtieġa għall-kalkolu tal-emissjonijiet integrati f’konformità mar-rekwiżiti stabbiliti fl-Anness V. Dawk ir-rekords għandhom ikunu dettaljati biżżejjed biex jippermettu lill-Kummissjoni u lill-awtorità kompetenti jirrieżaminaw id-dikjarazzjoni CBAM f’konformità mal-Artikolu 19(2).”;

(c)fil-paragrafu 7, jiżdied is-subparagrafu li ġej:

“L-atti ta’ implimentazzjoni msemmija fl-ewwel subparagrafu jistgħu jipprovdu lista ta’ oġġetti downstream li għalihom, minħabba l-kumplessità tal-katina tal-provvista u mingħajr preġudizzju għall-integrità ambjentali tas-CBAM, ma għandha tapplika l-ebda marġni kummerċjali.”;

(7)l-Artikolu 9 huwa emendat kif ġej: 

(a)il-paragrafu 2 huwa emendat kif ġej:

(1)it-tielet sentenza hija sostitwita b’dan li ġej:

“L-informazzjoni li tinsab f’dik id-dokumentazzjoni għandha tiġi ċċertifikata minn persuna li tkun indipendenti mill-awtoritajiet tal-pajjiż terz.”;

(2)jiżdied is-subparagrafu li ġej:

“Il-persuna indipendenti msemmija fl-ewwel subparagrafu tista’ tkun persuna ġuridika akkreditata minn korp nazzjonali ta’ akkreditazzjoni għall-ambitu rilevanti tal-akkreditazzjoni.”;

(b)il-paragrafu 5 huwa emendat kif ġej:

(1)l-ewwel subparagrafu huwa sostitwit b’dan li ġej:

“Il-Kummissjoni għandha s-setgħa li tadotta atti ta’ implimentazzjoni, abbażi tal-prinċipju ta’ ekwivalenza, dwar il-konverżjoni tal-prezz medju annwali tal-karbonju effettivament imħallas f’konformità mal-paragrafu 1 ta’ dan l-Artikolu u tal-prezzijiet prestabbiliti annwali tal-karbonju ddeterminati f’konformità mal-paragrafu 4 ta’ dan l-Artikolu fi tnaqqis korrispondenti tal-għadd ta’ ċertifikati CBAM li għandhom jiġu ċeduti. Dawk l-atti għandhom jirregolaw ukoll il-konverżjoni f’euro tal-prezz tal-karbonju espress f’munita barranija bir-rata tal-kambju medja annwali, l-evidenza meħtieġa tal-pagament reali tal-prezz tal-karbonju, eżempji ta’ kwalunkwe ribass rilevanti jew forma oħra ta’ kumpens imsemmija fil-paragrafu 1 ta’ dan l-Artikolu, il-kwalifiki tal-persuna indipendenti msemmija fil-paragrafu 2 ta’ dan l-Artikolu u l-kundizzjonijiet biex jiġu aċċertati l-kwalifiki u l-indipendenza ta’ dik il-persuna. Il-kwalifiki msemmija fil-paragrafu preċedenti għandhom jinkludu l-għoti ta’ akkreditazzjoni minn korp nazzjonali ta’ akkreditazzjoni, l-ispeċifikazzjoni tal-proċeduri ta’ ċertifikazzjoni, u l-iskambji xierqa ta’ informazzjoni bejn il-persuna indipendenti, il-korpi nazzjonali ta’ akkreditazzjoni, il-Kummissjoni Ewropea u l-awtoritajiet kompetenti. Il-Kummissjoni għandha wkoll is-setgħa li tirregola l-kundizzjonijiet għat-tnaqqis tal-krediti ta’ karbonju skont l-Artikolu 6 tal-Ftehim ta’ Pariġi. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 29(2).

(2)jiżdied is-subparagrafu li ġej:

“Il-kwalifiki msemmija fl-ewwel subparagrafu għandhom jinkludu l-għoti ta’ akkreditazzjoni minn korp nazzjonali ta’ akkreditazzjoni, l-ispeċifikazzjoni tal-proċeduri ta’ ċertifikazzjoni u l-iskambji xierqa ta’ informazzjoni bejn il-persuna indipendenti, il-korpi nazzjonali ta’ akkreditazzjoni, il-Kummissjoni u l-awtoritajiet kompetenti.”;

(8)l-Artikolu 10 huwa emendat kif ġej:

(a)il-paragrafu 1 huwa sostitwit b’dan li ġej:

“1. Sabiex tkun tista’ ssir il-verifika tal-emissjonijiet integrati abbażi tal-emissjonijiet reali kif ukoll id-determinazzjoni, fejn applikabbli, tal-prezz tal-karbonju mħallas f’pajjiż terz, il-Kummissjoni għandha, fuq talba minn operatur ta’ installazzjoni li tinsab f’pajjiż terz, tirreġistra l-informazzjoni dwar dak l-operatur u dwar l-installazzjoni tiegħu fir-reġistru CBAM imsemmi fl-Artikolu 14.”;

(b)fil-paragrafu 5, jiżdied il-punt (e) li ġej:

“(e) jiżgura, fejn applikabbli skont l-Artikolu 6(7), li jiġu ssodisfati l-kundizzjonijiet stabbiliti għall-użu tal-emissjonijiet reali, għall-kombinazzjonijiet rilevanti ta’ oġġetti u ta’ oriġini.”;

(c)fil-paragrafu 7, l-ewwel sentenza hija sostitwita b’dan li ġej:

“Operatur jista’ jiżvela l-informazzjoni dwar il-kundizzjonijiet għall-użu tal-emissjonijiet reali, għall-kombinazzjonijiet rilevanti ta’ oġġetti u ta’ oriġini skont l-Artikolu 6(7), il-verifika tal-emissjonijiet integrati u l-prezz tal-karbonju mħallas f’pajjiż terz imsemmi fil-paragrafu 5 ta’ dan l-Artikolu lil dikjarant awtorizzat tas-CBAM jew lil operatur ieħor.

(d)fil-paragrafu 7, it-tieni sentenza hija sostitwita b’dan li ġej:

“L-operatur jista’ jiżvela biss lid-dikjarant awtorizzat tas-CBAM sommarju tal-informazzjoni li tinsab fil-paragrafu 5, il-punti (a), (b), (c) u (e). Id-dikjarant awtorizzat tas-CBAM għandu jkun intitolat li juża dik l-informazzjoni żvelata sabiex jissodisfa l-obbligu msemmi fl-Artikolu 8.

Meta d-dikjarant awtorizzat tas-CBAM jagħżel li jippreżenta d-dikjarazzjoni CBAM abbażi ta’ din l-informazzjoni żvelata, id-dikjarant awtorizzat tas-CBAM għandu jibqa’ responsabbli għaċ-ċediment tal-għadd korrett ta’ ċertifikati CBAM skont l-Artikolu 22(1).”;

(9)l-Artikolu 17 huwa emendat kif ġej:

(a)jiddaħħal il-paragrafu 5a li ġej:

“5a. B’deroga mill-paragrafu 5, meta l-awtorità kompetenti ssib li l-applikant jew id-dikjarant awtorizzat tas-CBAM ma jurix il-kapaċità finanzjarja tiegħu li jissodisfa l-obbligi tiegħu skont dan ir-Regolament, inkluż billi jonqos milli jikkonforma mar-rekwiżit stabbilit fl-Artikolu 22(2), l-awtorità kompetenti tista’ tirrikjedi l-għoti ta’ garanzija.

L-awtorità kompetenti għandha tiffissa l-ammont ta’ tali garanzija għall-ammont, ikkalkolat bħala l-valur aggregat tal-għadd ta’ ċertifikati CBAM li d-dikjarant awtorizzat tas-CBAM ikollu jċedi f’konformità mal-Artikolu 22 fir-rigward ta’ wieħed minn dawn li ġejjin:

(a)    l-importazzjonijiet ta’ oġġetti rrapportati f’konformità mal-Artikolu 5(5), il-punt (g);

(b)    l-ammont ta’ oġġetti importati ddikjarati fid-dikjarazzjoni doganali u informazzjoni rilevanti oħra disponibbli għall-awtorità kompetenti mis-sentejn kalendarji preċedenti; jew

(c)    stima daqslikieku s-soll uniku bbażat fuq il-massa nqabeż b’medja li tikkorrispondi għas-setturi rilevanti koperti minn dan ir-Regolament.

Il-garanzija pprovduta għandha tkun garanzija bankarja, pagabbli mal-ewwel talba, minn istituzzjoni finanzjarja li topera fl-Unjoni jew forma oħra ta’ garanzija li tipprovdi assigurazzjoni ekwivalenti.”;

(b)il-paragrafu 7 huwa sostitwit b’dan li ġej:

“7. Meta tkun meħtieġa garanzija f’konformità mal-paragrafu 5, l-awtorità kompetenti għandha tirrilaxxa l-garanzija immedjatament wara t-30 ta’ Settembru tat-tieni sena li fiha d-dikjarant awtorizzat tas-CBAM ikun ċeda ċ-ċertifikati CBAM f’konformità mal-Artikolu 22.

Meta tkun meħtieġa garanzija f’konformità mal-paragrafu 5a, l-awtorità kompetenti għandha tirrilaxxa l-garanzija immedjatament wara t-30 ta’ Settembru tat-tieni sena li fiha d-dikjarant awtorizzat tas-CBAM ikun ċeda ċ-ċertifikati CBAM f’konformità mal-Artikolu 22. Minkejja dan ta’ hawn fuq, l-awtorità kompetenti tista’ tiddeċiedi li testendi d-durata tal-garanzija meta estensjoni bħal din tkun debitament ġustifikata.

Meta d-dikjarant awtorizzat tas-CBAM ma jċedix l-ammont suffiċjenti ta’ ċertifikati CBAM f’konformità mal-Artikolu 22 wara deċiżjoni f’konformità mal-Artikolu 19(5), l-awtorità kompetenti għandha tuża l-garanzija pprovduta biex tirkupra l-aġġustament finanzjarju pendenti.

L-awtorità kompetenti għandha tiddetermina l-ammont li għandu jiġi rkuprat abbażi tal-għadd ta’ ċertifikati li kellhom jiġu ċeduti u l-prezz taċ-ċertifikati fid-data meta ttieħdet id-deċiżjoni.”;

(10)fl-Artikolu 18(3), tiżdied is-sentenza li ġejja:

“Dawk l-atti delegati għandhom jispeċifikaw ukoll il-proċeduri ta’ verifika li għandhom jintużaw mill-verifikaturi.”;

(11)fl-Artikolu 19, jiddaħħal il-paragrafu 2a li ġej:

“2a. Meta l-emissjonijiet integrati jiġu ddeterminati abbażi tal-emissjonijiet reali, il-Kummissjoni jew l-awtorità kompetenti tal-Istat Membru fejn ikun stabbilit id-dikjarant tas-CBAM tista’, bħala parti mir-rieżami tad-dikjarazzjoni CBAM, titlob lid-dikjarant awtorizzat tas-CBAM jipprovdi evidenza li l-oġġetti importati ġew prodotti fl-installazzjoni msemmija fid-dikjarazzjoni CBAM.”;

(12)l-Artikolu 21 huwa emendat kif ġej:

(a)fil-paragrafu 1, it-tieni subparagrafu huwa sostitwit b’dan li ġej:

“Għal dawk il-ġimgħat kalendarji li fihom ma jkun hemm l-ebda rkant fuq il-pjattaforma tal-irkant, il-prezz taċ-ċertifikati CBAM għandu jkun il-medja tal-prezzijiet tal-għeluq tal-kwoti tal-EU ETS tal-aħħar ġimgħa li fiha jkunu saru l-irkantijiet fuq il-pjattaforma tal-irkant. Għal dawk il-ġimgħat kalendarji li fihom isir irkant wieħed biss fuq il-pjattaforma tal-irkant, il-prezz taċ-ċertifikati CBAM għandu jkun il-medja ta’ dak il-prezz tal-għeluq u l-prezzijiet tal-għeluq tal-aħħar ġimgħa li fiha jkunu saru diversi rkantijiet fuq il-pjattaforma tal-irkant.”;

(b)fil-paragrafu 2, l-ewwel sentenza hija sostitwita b’dan li ġej:

“Il-Kummissjoni għandha tippubblika l-prezz taċ-ċertifikati CBAM fuq is-sit web tagħha jew bi kwalunkwe mod xieraq ieħor fl-ewwel jum tax-xogħol tal-ġimgħa kalendarja ta’ wara.”;

(13)fl-Artikolu 22(2), għandu jiżdied is-subparagrafu li ġej:

“Mill-2028, il-kalkolu msemmi fl-ewwel subparagrafu għandu jkun ibbażat biss fuq iċ-ċertifikati CBAM mixtrija mid-dikjarant awtorizzat tas-CBAM matul dik l-istess sena.”;

(14)fl-Artikolu 23(1), it-tieni subparagrafu, l-ewwel sentenza hija sostitwita b’dan li ġej:

“Iċ-ċertifikati CBAM żejda għandhom jinxtraw mill-ġdid permezz tal-pjattaforma ċentrali komuni msemmija fl-Artikolu 20.”;

(15)l-Artikolu 25 huwa emendat kif ġej:

(a)il-paragrafu 2 huwa sostitwit b’dan li ġej:

“2. L-awtoritajiet doganali għandhom perjodikament u awtomatikament, b’mod partikolari permezz tal-mekkaniżmu ta’ sorveljanza stabbilit skont l-Artikolu 56(5) tar-Regolament (UE) Nru 952/2013, jikkomunikaw lill-Kummissjoni informazzjoni speċifika dwar l-oġġetti ddikjarati għall-importazzjoni. Dik l-informazzjoni għandha tinkludi n-numru EORI jew il-forma ta’ identifikazzjoni ddikjarata f’konformità mal-Artikolu 6(2) tar-Regolament Delegat (UE) 2015/2446, tal-importatur jew tad-dikjarant awtorizzat tas-CBAM kif ukoll in-numru tal-kont tas-CBAM tad-dikjarant awtorizzat tas-CBAM, il-kodiċi NM bi tmien ċifri tal-oġġetti, il-kwantità, il-pajjiż tal-oriġini, id-data tad-dikjarazzjoni doganali u l-proċedura doganali, kif ukoll kwalunkwe data oħra rilevanti għall-konformità ma’ dan ir-Regolament, inklużi, fejn applikabbli, il-poloz ta’ verifika, id-dikjarazzjonijiet ta’ esportazzjoni mill-ġdid u d-dokumentazzjoni doganali ekwivalenti. Meta l-importatur ma jkollu l-ebda numru EORI, l-awtoritajiet doganali għandhom jikkomunikaw ukoll l-isem, l-indirizz u, fejn disponibbli, l-informazzjoni ta’ kuntatt tal-importatur lill-Kummissjoni.

In-numru tal-kont tas-CBAM ipprovdut fid-dikjarazzjoni doganali jew fi kwalunkwe dokument rilevanti ieħor meta jiġu ddikjarati l-oġġetti elenkati fl-Anness I jew il-prodotti pproċessati miksuba minn tali oġġetti għall-importazzjoni, għandu jiddetermina d-dikjarant awtorizzat tas-CBAM li jassumi l-obbligi stabbiliti f’dan ir-Regolament.”;

(b)fil-paragrafu 3, jiżdied is-subparagrafu li ġej:

“Meta l-awtorità kompetenti tqis li l-informazzjoni ma tkunx korretta jew akkurata, l-awtorità kompetenti tista’ titlob lill-awtoritajiet doganali jew lill-Kummissjoni jivverifikaw il-korrettezza jew l-akkuratezza ta’ dik l-informazzjoni.”;

(c)fil-paragrafu 6, l-ewwel sentenza hija sostitwita b’dan li ġej:

“Il-Kummissjoni għandha s-setgħa li tadotta atti ta’ implimentazzjoni li jiddefinixxu l-kamp ta’ applikazzjoni tal-informazzjoni u l-perjodiċità, it-twaqqit u l-mezzi għall-komunikazzjoni ta’ dik l-informazzjoni skont il-paragrafi 2 u 3 ta’ dan l-Artikolu.”;

(d)jiżdied il-paragrafu 7 li ġej:

“7. Il-Kummissjoni għandha s-setgħa li tadotta atti ta’ implimentazzjoni biex tidentifika l-kompożizzjonijiet materjali u kimiċi tal-oġġetti elenkati fl-Anness I. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 29(2).”;

(16)fl-Artikolu 27(2), jiżdied il-punt (c) li ġej:

“(c) l-aġġustament artifiċjali tal-ktajjen tal-provvista biex l-oġġetti jibbenefikaw minn valuri prestabbiliti aktar baxxi.”;

(17)jiddaħħal l-Artikolu 27a li ġej:

“Artikolu 27a

Ċirkostanzi serji u mhux previsti

Il-Kummissjoni għandha timmonitorja s-sitwazzjoni fil-livell tal-Unjoni bil-ħsieb li timmonitorja l-impatt tas-CBAM fuq is-suq intern tal-Unjoni. Meta l-Kummissjoni, filwaqt li tqis l-evidenza rilevanti, tqis li l-inklużjoni ta’ oġġett fl-Anness I tikkawża ħsara serja lis-suq intern tal-Unjoni minħabba ċirkostanzi serji u mhux previsti relatati mal-impatt fuq il-prezzijiet tal-oġġetti, hija għandha s-setgħa li tadotta atti delegati f’konformità mal-Artikolu 28 biex tneħħi dan l-oġġett mill-Anness I sakemm jgħaddu dawk iċ-ċirkostanzi serji u mhux prevedibbli.”;

(18)l-Artikolu 28 huwa emendat kif ġej:

(a)il-paragrafi 2 u 3 huma sostitwiti b’dan li ġej:

“2. Il-Kummissjoni għandha tingħata s-setgħa li tadotta l-atti delegati msemmija fl-Artikolu 2(10) u (11), fl-Artikolu 2a(3), fl-Artikolu 6(7), fl-Artikolu 18(3), fl-Artikolu 20(5a) u (6), fl-Artikolu 27(6) u fl-Artikolu 27a għal perjodu ta’ 5 snin minn [id-data tad-dħul fis-seħħ ta’ dan ir-Regolament emendatorju]. Il-Kummissjoni għandha tfassal rapport fir-rigward tad-delega tas-setgħa mhux aktar tard minn disa’ xhur qabel it-tmiem tal-perjodu ta’ 5 snin. Id-delega tas-setgħa għandha tiġi estiża awtomatikament għal perjodi ulterjuri ta’ durata identika, ħlief jekk il-Parlament Ewropew jew il-Kunsill joġġezzjonaw għal tali estensjoni mhux aktar tard minn 3 xhur qabel it-tmiem ta’ kull perjodu.

3. Id-delega tas-setgħa msemmija fl-Artikolu 2(10) u (11), fl-Artikolu 2a(3), fl-Artikolu 6(7), fl-Artikolu 18(3), fl-Artikolu 20(5a) u (6), fl-Artikolu 27(6) u fl-Artikolu 27a tista’ tiġi rrevokata fi kwalunkwe ħin mill-Parlament Ewropew jew mill-Kunsill.”;

(b) il-paragrafu 7 huwa sostitwit b’dan li ġej:

“7. Att delegat adottat skont l-Artikolu 2(10) u (11), l-Artikolu 2a(3), l-Artikolu 6(7), l-Artikolu 18(3), l-Artikolu 20(5a) u (6), l-Artikolu 27(6) u l-Artikolu 27a għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex se joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.”;

(19)jiddaħħal l-Artikolu 28a li ġej:

“Artikolu 28

Proċedura ta’ urġenza

1. L-atti delegati adottati skont dan l-Artikolu għandhom jidħlu fis-seħħ mingħajr dewmien u għandhom japplikaw sakemm ma tiġi espressa l-ebda oġġezzjoni f’konformità mal-paragrafu 2. In-notifika ta’ att delegat lill-Parlament Ewropew u lill-Kunsill għandha tagħti r-raġunijiet li għalihom tkun intużat il-proċedura ta’ urġenza.

2. Il-Parlament Ewropew jew il-Kunsill jistgħu joġġezzjonaw għal att delegat f’konformità mal-proċedura msemmija fil-paragrafu 7 tal-Artikolu 28. F’każ bħal dan, il-Kummissjoni għandha tħassar l-att immedjatament wara n-notifika tad-deċiżjoni ta’ oġġezzjoni mill-Parlament Ewropew jew mill-Kunsill.”;

(20)fl-Artikolu 30(6), it-tieni subparagrafu huwa sostitwit b’dan li ġej:

“Qabel l-1 ta’ Jannar 2028, kif ukoll kull sentejn wara dan, il-Kummissjoni għandha tippreżenta rapport lill-Parlament Ewropew u lill-Kunsill dwar l-applikazzjoni ta’ dan ir-Regolament u l-funzjonament tas-CBAM. Fejn xieraq, dan ir-rapport jista’ jkun akkumpanjat minn proposta leġiżlattiva jew minn atti ta’ implimentazzjoni jew delegati adottati skont dan ir-Regolament. Ir-rapport għandu jkun fih mill-inqas dawn li ġejjin:

(a) valutazzjoni tal-impatt tas-CBAM fuq:

(i) ir-rilokazzjoni tal-emissjonijiet tal-karbonju, inkluż fir-rigward tal-esportazzjonijiet;

(ii) is-setturi koperti;

(iii) l-impatt fuq is-suq intern, ekonomiku u territorjali fl-Unjoni kollha;

(iv) l-inflazzjoni u l-prezz tal-komoditajiet;

(v) l-effett fuq l-industriji li jużaw l-oġġetti elenkati fl-Anness I;

(vi) il-kummerċ internazzjonali, inkluża r-riorganizzazzjoni tar-riżorsi; u

(vii) il-pajjiżi l-anqas żviluppati (LDCs, Least Developed Countries).

(b) valutazzjoni ta’ dawn:

(i) is-sistema ta’ governanza, inklużi valutazzjoni tal-implimentazzjoni u tal-amministrazzjoni tal-garanziji u l-awtorizzazzjoni tad-dikjaranti CBAM mill-Istati Membri;

(ii) il-kamp ta’ applikazzjoni ta’ dan ir-Regolament, inkluża l-possibbiltà li l-kamp ta’ applikazzjoni ta’ dan ir-Regolament jiġi estiż għal oġġetti addizzjonali f’riskju ta’ rilokazzjoni tal-emissjonijiet tal-karbonju;

(iia) l-adegwatezza tal-atti ta’ implimentazzjoni u tal-atti delegati adottati skont dan ir-Regolament;

(iib) l-adegwatezza tal-metodi għall-iffissar tal-valuri prestabbiliti u l-marġni kummerċjali applikat għall-valuri prestabbiliti;

(iii) il-prattiki ta’ ċirkomvenzjoni;

(iv) l-applikazzjoni ta’ penali fl-Istati Membri;

(v) l-applikazzjoni tas-soll uniku bbażat fuq il-massa, inkluża l-possibbiltà li jiżdied dak is-soll u li jiġi introdott soll supplimentari bbażat fuq il-kunsinna;

(c) ir-riżultati tal-investigazzjonijiet u l-penali imposti;

(d) l-informazzjoni aggregata dwar l-intensità tal-emissjonijiet għal kull pajjiż ta’ oriġini għall-oġġetti differenti elenkati fl-Anness I.;”

(21)l-Anness I huwa emendat f’konformità mal-Anness I ta’ dan ir-Regolament;

(22)l-Anness IV huwa emendat f’konformità mal-Anness II ta’ dan ir-Regolament;

(23)fl-Anness VI, il-punt 2 huwa emendat kif ġej:

(a)jitħassru l-punti (g) sa (j);

(b)jiddaħħal il-punt (ka) li ġej:

“(ka) il-kompożizzjoni tal-materjal ta’ kull oġġett downstream;”;

(24)jiżdied Anness VIII ġdid kif stabbilit fl-Anness III ta’ dan ir-Regolament.

Artikolu 2

Dħul fis-seħħ u applikazzjoni

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Il-punti 1 u 6 tal-Anness II, għandhom japplikaw mill-1 ta’ Jannar 2026.

Madankollu, l-Artikolu 1(6), il-punt (a), l-Artikolu 1(8), il-punti (a), (b) u (c), l-Artikolu 1(21), (23), u (24), u l-punt 2 tal-Anness II għandhom japplikaw mill-1 ta’ Jannar 2028.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

DIKJARAZZJONI FINANZJARJA U DIĠITALI LEĠIŻLATTIVA

1.QAFAS TAL-PROPOSTA/TAL-INIZJATTIVA3

1.1.Titolu tal-proposta/tal-inizjattiva3

1.2.Qasam/Oqsma ta’ politika kkonċernat(i)3

1.3.Objettiv(i)3

1.3.1.Objettiv(i) ġenerali3

1.3.2.Objettiv(i) speċifiku/speċifiċi3

1.3.3.Riżultat(i) u impatt mistennija3

1.3.4.Indikaturi tal-prestazzjoni3

1.4.Il-proposta/L-inizjattiva hija relatata ma’:4

1.5.Raġunijiet għall-proposta/għall-inizjattiva4

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva4

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.4

1.5.3.Tagħlimiet meħuda minn esperjenzi simili fl-imgħoddi4

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra5

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni5

1.6.Durata tal-proposta/tal-inizjattiva u tal-impatt finanzjarju tagħha6

1.7.Metodu/i tal-implimentazzjoni tal-baġit ippjanat(i)6

2.MIŻURI TA’ ĠESTJONI8

2.1.Regoli ta’ monitoraġġ u ta’ rapportar8

2.2.Sistema/i ta’ ġestjoni u ta’ kontroll8

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta8

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom8

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)8

2.3.Miżuri għall-prevenzjoni ta’ frodi u ta’ irregolaritajiet9

3.IMPATT FINANZJARJU STMAT TAL-PROPOSTA/TAL-INIZJATTIVA10

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i10

3.2.Impatt finanzjarju stmat tal-proposta fuq l-approprjazzjonijiet12

3.2.1.Sommarju tal-impatt stmat fuq l-approprjazzjonijiet operazzjonali12

3.2.1.1.Approprjazzjonijiet mill-baġit ivvutat12

3.2.1.2.Approprjazzjonijiet minn dħul assenjat estern17

3.2.2.Output stmat iffinanzjat minn approprjazzjonijiet operazzjonali22

3.2.3.Sommarju tal-impatt stmat fuq l-approprjazzjonijiet amministrattivi24

3.2.3.1. Approprjazzjonijiet mill-baġit ivvutat24

3.2.3.2.Approprjazzjonijiet minn dħul assenjat estern24

3.2.3.3.Total tal-approprjazzjonijiet24

3.2.4.Rekwiżiti stmati ta’ riżorsi umani25

3.2.4.1.Iffinanzjati mill-baġit ivvutat25

3.2.4.2.Iffinanzjati minn dħul assenjat estern26

3.2.4.3.Rekwiżiti totali ta’ riżorsi umani26

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali28

3.2.6.Kompatibbiltà mal-qafas finanzjarju pluriennali attwali28

3.2.7.Kontribuzzjonijiet ta’ partijiet terzi28

3.3.Impatt stmat fuq id-dħul29

4.Dimensjonijiet diġitali29

4.1.Rekwiżiti ta’ rilevanza diġitali30

4.2.Data30

4.3.Soluzzjonijiet diġitali31

4.4.Valutazzjoni tal-interoperabbiltà31

4.5.Miżuri li jappoġġaw l-implimentazzjoni diġitali32

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.Il-proposta/L-inizjattiva hija relatata ma’: 

 azzjoni ġdida 

 azzjoni ġdida b’segwitu għal proġett pilota/azzjoni preparatorja 27  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

Id-diżaggregazzjoni tal-persunal totali, inkluż il-persunal tal-IT, mill-2023 għall-2027 tkun kif ġej:

L-importanza strateġika, id-daqs u l-kumplessità tal-proġett tal-IT tas-CBAM jirrikjedu li jiġi stabbilit tim tal-IT tas-CBAM iddedikat biex jiġġestixxi l-implimentazzjoni u l-operazzjonijiet ġenerali tal-proġett.

It-tim tal-IT tas-CBAM jikkonsisti minn 16-il membru ta’ profili tal-IT speċjalizzat għad-definizzjoni u għall-ġestjoni tal-Arkitettura tas-Sistema tal-IT tas-CBAM u tal-Organizzazzjoni u l-ippjanar tal-Proġetti, l-attivitajiet f’termini tal-iżvilupp, tal-varar, tal-organizzazzjoni tal-Mudell ta’ Servizz, tal-ġestjoni tal-operazzjonijiet u tal-appoġġ quddiem il-Kummerċ, is-servizzi tal-Kummissjoni, l-awtoritajiet klimatiċi u Doganali, b’mod parallel mas-Sistemi tal-IT tranżizzjonali u definittivi tas-CBAM.

Il-pjan propost ta’ varar tat-tim tal-IT tas-CBAM huwa dan li ġej:

Se jiġi rreklutat persunal estern addizzjonali (PXE, External Staff) mill-baġit tal-IT tas-CBAM skont il-ħtiġijiet.

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

 durata limitata

–    fis-seħħ minn [JJ/XX]SSSS sa [JJ/XX]SSSS

–    impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

 durata mhux limitata

–Implimentazzjoni b’perjodu ta’ tnedija minn SSSS sa SSSS,

–segwita minn operazzjoni fuq skala sħiħa.

1.7.Metodu/i tal-implimentazzjoni tal-baġit ippjanat(i)

 Ġestjoni diretta mill-Kummissjoni

– mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

– mill-aġenziji eżekuttivi

 Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni tal-baġit:

– lill-pajjiżi terzi jew lill-korpi nnominati minnhom

– lill-organizzazzjonijiet internazzjonali u lill-aġenziji tagħhom (għandhom jiġu speċifikati)

– lill-Bank Ewropew tal-Investiment u lill-Fond Ewropew tal-Investiment

– lill-korpi msemmija fl-Artikoli 70 u 71 tar-Regolament Finanzjarju

– lill-korpi tad-dritt pubbliku

– lill-korpi rregolati mid-dritt privat b’missjoni ta’ servizz pubbliku sakemm dawn ikollhom garanziji finanzjarji adegwati

– lill-korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati

– lill-korpi jew lill-persuni fdati bl-implimentazzjoni ta’ azzjonijiet speċifiċi fil-Politika Estera u ta’ Sigurtà Komuni skont it-Titolu V tat-Trattat dwar l-Unjoni Ewropea, u identifikati fl-att bażiku rilevanti

–lill-korpi stabbiliti fi Stat Membru, irregolati mid-dritt privat ta’ Stat Membru jew mid-dritt tal-Unjoni u eliġibbli biex jiġu fdati, f’konformità mar-regoli speċifiċi għas-settur, bl-implimentazzjoni ta’ fondi tal-Unjoni jew ta’ garanziji baġitarji, sa fejn tali korpi jkunu kkontrollati minn korpi tad-dritt pubbliku jew minn korpi rregolati mid-dritt privat b’missjoni ta’ servizz pubbliku, u jkunu pprovduti b’garanziji finanzjarji adegwati fil-forma ta’ responsabbiltà in solidum mill-korpi kontrollanti jew b’garanziji finanzjarji ekwivalenti, li jistgħu, għal kull azzjoni, ikunu limitati għall-ammont massimu tal-appoġġ tal-Unjoni.

Kummenti

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

2.3.Miżuri għall-prevenzjoni ta’ frodi u ta’ irregolaritajiet 

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

·Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta fuq l-approprjazzjonijiet 

3.2.1.Sommarju tal-impatt stmat fuq l-approprjazzjonijiet operazzjonali 

–    Il-proposta/L-inizjattiva ma teħtieġx l-użu ta’ approprjazzjonijiet operazzjonali

–    Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

L-ammonti relatati mal-perjodu ta’ programmazzjoni 2028-2034 huma indikattivi u ma jippreġudikawx l-eżitu tan-negozjati li għaddejjin dwar il-QFP li jmiss.

3.2.1.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

DĠ: TAXUD						Sena		Sena		Sena		Sena	TOTAL QFP 2021-2027
						2024		2025		2026		2027
Approprjazzjonijiet operazzjonali
Linja baġitarja 09 20 04 01 (CBAM)	Impenji		(1a)			28,090		34,750		33,700		35,150	131,690
	Pagamenti		(2a)			17,530		21,157		32,090		34,067	104,844
Linja baġitarja	Impenji		(1b)										0,000
	Pagamenti		(2b)										0,000
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi
Linja baġitarja			(3)										0,000
TOTAL tal-approprjazzjonijiet għad-DĠ TAXUD	Impenji		=1a+1b+3			28,090		34,750		33,700		35,150	131,690
	Pagamenti		=2a+2b+3			17,530		21,157		32,090		34,067	104,844
					Sena		Sena		Sena		Sena			TOTAL QFP 2021-2027
					2024		2025		2026		2027
TOTAL tal-approprjazzjonijiet operazzjonali		Impenji		(4)	28,090		34,750		33,700		35,150			131,690
		Pagamenti		(5)	17,530		21,157		32,090		34,067			104,844
TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi				(6)	0,000		0,000		0,000		0,000			0,000
TOTAL tal-approprjazzjonijiet taħt l-INTESTATURA 3		Impenji		=4+6	28,090		34,750		33,700		35,150			131,690
tal-qafas finanzjarju pluriennali		Pagamenti		=5+6	17,530		21,157		32,090		34,067			104,844

		Sena	Sena	Sena	Sena	Sena	Sena	Sena	TOTAL QFP 2028-2034
		2028	2029	2030	2031	2032	2033	2034
• TOTAL tal-approprjazzjonijiet operazzjonali (l-intestaturi operazzjonali kollha)	Impenji	29,100	24,823	25,568	26,335	27,125	27,939	28,777	189,667
	Pagamenti	18,042	15,142	15,852	16,064	25,769	26,542	31,367	148,778
• TOTAL tal-approprjazzjonijiet ta' natura amministrattiva ffinanzjati mill-pakkett għal programmi speċifiċi (l-intestaturi operazzjonali kollha)
TOTAL tal-approprjazzjonijiet Taħt l-Intestaturi 1 sa 3	Impenji	29,100	24,823	25,568	26,335	27,125	27,939	28,777	189,667
tal-qafas finanzjarju pluriennali  (Ammont ta’ referenza)	Pagamenti	18,042	15,142	15,852	16,064	25,769	26,542	31,367	148,778

* Iċ-ċifri relatati mal-QFP 2028-2034 fit-tabella ta’ hawn fuq huma kollha strettament indikattivi sakemm joħroġ l-eżitu tan-negozjati li ma jistax jiġi ppreġudikat.

Intestatura tal-qafas finanzjarju pluriennali		7	“Nefqa amministrattiva”
DĠ TAXUD						Sena	Sena	Sena	Sena	TOTAL QFP 2021-2027
						2024	2025	2026	2027
Riżorsi umani						8,572	6,271	8,740	11,700	35,283
Nefqa amministrattiva oħra						0,600	0,300	0,306	0,312	1,518
TOTAL TAD-DĠ TAXUD	Approprjazzjonijiet					9,172	6,571	9,046	12,012	36,801
TOTAL tal-approprjazzjonijiet skont l-INTESTATURA 7 tal-qafas finanzjarju pluriennali				(Total tal-impenji = Total tal-pagamenti)		9,172	6,571	9,046	12,012	36,801

miljuni ta’ EUR (sa tliet pożizzjonijiet deċimali)

DĠ TAXUD				Sena	Sena	Sena	Sena	Sena	Sena	Sena	TOTAL QFP 2028-2034
				2028	2029	2030	2031	2032	2033	2034
Riżorsi umani				13,293	13,293	13,293	13,293	13,293	13,293	13,293	93,051
Nefqa amministrattiva oħra				0,310	0,319	0,329	0,339	0,349	0,359	0,370	2,375
TOTAL TAD-DĠ TAXUD	Approprjazzjonijiet
TOTAL tal-approprjazzjonijiet taħt l-INTESTATURA 4 tal-qafas finanzjarju pluriennali		(Total tal-impenji = Total tal-pagamenti)

* Iċ-ċifri relatati mal-QFP 2028-2034 fit-tabella ta’ hawn fuq huma kollha strettament indikattivi sakemm joħroġ l-eżitu tan-negozjati li ma jistax jiġi ppreġudikat.

APPROPRJAZZJONIJIET IVVUTATI	Sena  2024	Sena  2025	Sena  2026	Sena  2027	Sena 2028	Sena 2029	Sena 2030	Sena 2031	Sena 2032	Sena 2033	Sena 2034	TOTAL
INTESTATURA 7 (perjodu ta’ programmazzjoni 2021-2027); INTESTATURA 4 (perjodu ta’ programmazzjoni 2028-2034)
Riżorsi umani	8,572	6,271	8,740	11,700	13,293	13,293	13,293	13,293	13,293	13,293	13,293	128,334
Nefqa amministrattiva oħra - missjonijiet	0,600	0,300	0,306	0,312	0,310	0,319	0,329	0,339	0,349	0,359	0,370	3,893
Total tal-INTESTATURA 7 (perjodu ta’ programmazzjoni 2021-2027); INTESTATURA 4 (perjodu ta’ programmazzjoni 2028-2034)	9,172	6,571	9,046	12,012	13,603	13,612	13,622	13,632	13,642	13,652	13,663	132,227

* Iċ-ċifri relatati mal-QFP 2028-2034 fit-tabella ta’ hawn fuq huma kollha strettament indikattivi sakemm joħroġ l-eżitu tan-negozjati li ma jistax jiġi ppreġudikat.

miljuni ta’ EUR (sa tliet pożizzjonijiet deċimali)

* Iċ-ċifri relatati mal-QFP 2028-2034 fit-tabella ta’ hawn fuq huma kollha strettament indikattivi sakemm joħroġ l-eżitu tan-negozjati li ma jistax jiġi ppreġudikat.

		Sena  2024	Sena  2025	Sena  2026	Sena  2027	Sena 2028	Sena 2029	Sena 2030	Sena 2031	Sena 2032		Sena 2033	Sena 2034	TOTAL LFDS
TOTAL tal-approprjazzjonijiet skont l-INTESTATURI 1 sa 7 tal-qafas finanzjarju pluriennali	Impenji	37,262	41,321	42,746	47,162	42,703	38,435	39,190	39,967	40,767	41,591		42,440	453,584
	Pagamenti	26,702	27,728	41,136	46,079	29,892	26,904	26,257	26,778	39,136	39,928		44,986	375,526

3.2.2.Output stmat iffinanzjat mill-approprjazzjonijiet operazzjonali (din it-taqsima ma għandhiex timtela mill-aġenziji deċentralizzati)

Approprjazzjonijiet ta’ impenn f’miljuni ta’ EUR (sa tliet pożizzjonijiet deċimali)

3.2.3.Sommarju tal-impatt stmat fuq l-approprjazzjonijiet amministrattivi 

–    Il-proposta/L-inizjattiva ma teħtieġx l-użu ta’ approprjazzjonijiet ta’ natura amministrattiva

–    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.3.1. Approprjazzjonijiet mill-baġit ivvutat

3.2.4.Rekwiżiti stmati ta’ riżorsi umani 

–    Il-proposta/L-inizjattiva ma teħtieġx l-użu ta’ riżorsi umani

–    Il-proposta/L-inizjattiva teħtieġ l-użu ta’ riżorsi umani, kif spjegat hawn taħt

3.2.4.1.Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs, Full-Time Equivalent) 32

APPROPRJAZZJONIJIET IVVUTATI		Sena	Sena	Sena	Sena	QFP 2028-34
		2024	2025	2026	2027
Pożizzjonijiet fit-tabella tal-persunal (uffiċjali u persunal temporanju)
20 01 02 01 (Kwartieri Ġenerali u Uffiċċji tar-Rappreżentanza tal-Kummissjoni)		21	21	25	30	30 fis-sena
20 01 02 03 (Delegazzjonijiet tal-UE)		0	0	0	0
01 01 01 01 (Riċerka indiretta)		0	0	0	0
01 01 01 11 (Riċerka diretta)		0	0	0	0
Linji baġitarji oħra (speċifika)		0	0	0	0
• Persunal estern (f’FTEs)
20 02 01 (AC, END mill-“pakkett globali”)		12	23	40	60	60 fis-sena
20 02 03 (AC, AL, END u JPD fid-Delegazzjonijiet tal-UE)		0	0	0	0
Linja ta’ appoġġ Ammin.  [XX.01.YY.YY]	- fil-Kwartieri Ġenerali	0	0	0	0
	- fid-Delegazzjonijiet tal-UE	0	0	0	0
01 01 01 02 (AC, END - Riċerka indiretta)		0	0	0	0
01 01 01 12 (AC, END - Riċerka diretta)		0	0	0	0
Linji baġitarji oħra (speċifika) - Intestatura 7		0	0	0	0
Linji baġitarji oħra (speċifika) - Barra mill-Intestatura 7		0	0	0	0
TOTAL		33	44	65	90	90 fis-sena

Il-persunal meħtieġ għall-implimentazzjoni tal-proposta (f’FTEs):

Deskrizzjoni tal-kompiti li jridu jitwettqu minn:

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

Obbligatorju: fit-tabella ta’ hawn taħt għandha tiġi inkluża l-aħjar stima tal-investimenti relatati mat-teknoloġija diġitali li jirriżultaw mill-proposta/mill-inizjattiva.

B’mod eċċezzjonali, meta jkun meħtieġ għall-implimentazzjoni tal-proposta/tal-inizjattiva, l-approprjazzjonijiet skont l-Intestatura 7 għandhom jiġu ppreżentati fil-linja ddeżinjata.

L-approprjazzjonijiet skont l-Intestaturi 1 sa 6 għandhom jiġu riflessi bħala “Nefqa tal-IT marbuta mal-politika fil-qafas ta’ programmi operazzjonali”. Din in-nefqa tirreferi għall-baġit operazzjonali li għandu jintuża għall-użu mill-ġdid/għax-xiri/għall-iżvilupp ta’ pjattaformi/għodod tal-IT relatati direttament mal-implimentazzjoni tal-inizjattiva u mal-investimenti assoċjati tagħhom (pereż. liċenzji, studji, ħżin ta’ data eċċ.). L-informazzjoni pprovduta f’din it-tabella għandha tkun konsistenti mad-dettalji ppreżentati fit-Taqsima 4 “Dimensjonijiet diġitali”.

3.2.6.Kompatibbiltà mal-qafas finanzjarju pluriennali attwali 

Il-proposta/L-inizjattiva:

–    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-qafas finanzjarju pluriennali (QFP)

–     tirrikjedi l-użu tal-marġni mhux allokat taħt l-intestatura rilevanti tal-QFP u/jew l-użu tal-istrumenti speċjali kif definiti fir-Regolament QFP

–    tirrikjedi reviżjoni tal-QFP

3.2.7.Kontribuzzjonijiet ta’ partijiet terzi 

Il-proposta/L-inizjattiva:

– ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

 
3.3.    Impatt stmat fuq id-dħul 

–    Il-proposta/L-inizjattiva ma għandha l-ebda impatt finanzjarju fuq id-dħul.

–    Il-proposta/L-inizjattiva għandha l-impatt finanzjarju li ġej:

–    fuq ir-riżorsi proprji

–    fuq dħul ieħor

–    indika jekk id-dħul huwiex assenjat għal-linji tan-nefqa

miljuni ta’ EUR (sa tliet pożizzjonijiet deċimali)

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (pereż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

4.Dimensjonijiet diġitali

4.1.Rekwiżiti ta’ rilevanza diġitali

4.2.Data

4.3.Soluzzjonijiet diġitali

4.4.Valutazzjoni tal-interoperabbiltà

4.5.Miżuri li jappoġġaw l-implimentazzjoni diġitali

(1)    Ir-Regolament (UE) 2023/956 tal-Parlament Ewropew u tal-Kunsill tal-10 ta’ Mejju 2023 li jistabbilixxi mekkaniżmu ta’ aġġustament tal-karbonju fil-fruntieri (ĠU L 130, 16.5.2023, p. 52, ELI:   http://data.europa.eu/eli/reg/2023/956/oj ).

(2)    Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità u li temenda d-Direttiva 96/61/KE (ĠU L 275, 25.10.2003, p. 32, ELI: http://data.europa.eu/eli/dir/2003/87/oj ).

(3)    L-eliminazzjoni gradwali tal-kwoti bla ħlas tal-ETS se tirriżulta f’żieda fid-domanda għall-kwoti rkantati, li hija mistennija żżid il-prezz tal-karbonju mħallas fl-UE.

(4)    Il-Komunikazzjoni dwar Pjan ta’ Azzjoni Ewropew għall-Azzar u l-Metalli, COM(2025) 125.

(5)    Fil-każ tal-elettriku importat, ir-Regolament 2023/956 jirrikjedi l-użu tal-valuri prestabbiliti għall-kalkolu tal-emissjonijiet integrati. Jekk jiġu ssodisfati ċerti kundizzjonijiet, ikunu jistgħu jiġu ddikjarati l-emissjonijiet reali assoċjati mal-produzzjoni tal-elettriku.

(6)    Ir-Regolament (UE) 2021/1119 tal-Parlament Ewropew u tal-Kunsill tat-30 ta’ Ġunju 2021 li jistabbilixxi l-qafas biex tinkiseb in-newtralità klimatika u li jemenda r-Regolamenti (KE) Nru 401/2009 u (UE) 2018/1999 (“il-Liġi Ewropea dwar il-Klima”) (ĠU L 243, 9.7.2021, p. 1–17, ELI: ELI:  http://data.europa.eu/eli/reg/2021/1119/oj ).

(7)    Ir-Regolament (UE) 2025/2083 tal-Parlament Ewropew u tal-Kunsill tat-8 ta’ Ottubru 2025 li jemenda r-Regolament (UE) 2023/956 fir-rigward tas-simplifikazzjoni u tat-tisħiħ tal-mekkaniżmu ta’ aġġustament tal-karbonju fil-fruntieri (ĠU L 2025/2083, 17.10.2025, ELI:  http://data.europa.eu/eli/reg/2025/2083/oj ).

(8)    Din il-valutazzjoni se tagħti dettalji dwar l-impatti tal-kamp ta’ applikazzjoni kurrenti tas-CBAM fuq sett aktar granulari ta’ pajjiżi. Il-valutazzjoni tal-impatt kurrenti tħares ukoll lejn l-impatti fuq pajjiżi terzi fit-Taqsima 6.

(9)    Il-prodotti downstream tal-elettriku ma humiex ikkunsidrati minħabba li l-elettriku jintuża fil-proċess tal-produzzjoni ta’ kważi l-oġġetti kollha, u b’hekk id-determinazzjoni tas-sehem tal-input u tal-emissjonijiet integrati tal-elettriku fl-oġġetti importati kollha possibbli ma hijiex fattibbli.

(10)    L-aspetti ewlenin indirizzati jinkludu regoli għall-monitoraġġ, għall-kalkolu u għall-verifika tal-emissjonijiet integrati għall-oġġetti fil-kamp ta’ applikazzjoni tal-mekkaniżmu, ir-regoli għall-aġġustament tal-obbligu tas-CBAM li jitqiesu l-livelli ta’ allokazzjoni bla ħlas fis-setturi tal-EU ETS koperti mis-CBAM, u r-regoli għall-kontabbiltà tal-prezzijiet tal-karbonju effettivament imħallsa f’pajjiżi terzi.

(11)    Il-Komunikazzjoni dwar il-Patt għal Industrija Nadifa: Pjan direzzjonali konġunt għall-kompetittività u d-dekarbonizzazzjoni, COM(2025) 85 final .

(12)    Għal prodott partikolari, il-valur tal-kummerċ (l-esportazzjonijiet flimkien mal-importazzjonijiet) ta’ prodott diviż bil-valur tal-konsum totali ta’ dak il-prodott fl-UE.

(13)    ĠU L 2025/2083.

(14)    Il-valutazzjoni tal-impatt li takkumpanja l-Proposta għal Regolament tal-Parlament Ewropew u tal-Kunsill li jemenda r-Regolament (UE) 2023/956 fir-rigward tas-simplifikazzjoni u t-tisħiħ tal-mekkaniżmu ta’ aġġustament tal-karbonju fil-fruntieri, COM/2025/87 final.

(15)    ĠU C , , p. .

(16)    ĠU C , , p. .

(17)    Ir-Regolament (UE) 2023/956 tal-Parlament Ewropew u tal-Kunsill tal-10 ta’ Mejju 2023 li jistabbilixxi mekkaniżmu ta’ aġġustament tal-karbonju fil-fruntieri (ĠU L 130, 16.5.2023, p. 52, ELI: http://data.europa.eu/eli/reg/2023/956/oj).

(18)    Il-Komunikazzjoni dwar Pjan ta’ Azzjoni Ewropew għall-Azzar u l-Metalli, COM/2025/125 final https://eur-lex.europa.eu/legal-content/MT/TXT/?uri=celex:52025DC0085 .

(19)    Il-Komunikazzjoni: Il-Patt Ekoloġiku Ewropew, COM/2019/640 final .

(20)    ĠU L 282, 19.10.2016, p. 4.

(21)    Il-Komunikazzjoni Konġunta: Il-viżjoni globali tal-UE għall-klima u għall-enerġija: l-iżgurar tar-rwol kompetittiv tal-Ewropa fis-swieq dinjin u l-aċċellerazzjoni tat-tranżizzjoni lejn enerġija nadifa, JOIN(2025) 25 final .

(22)    Ir-Regolament (UE) 2019/943 tal-Parlament Ewropew u tal-Kunsill tal-5 ta’ Ġunju 2019 dwar is-suq intern tal-elettriku (riformulazzjoni) (ĠU L 158, 14.6.2019, p. 54–124, ELI: http://data.europa.eu/eli/reg/2019/943/oj ).

(23)    Ir-Regolament tal-Kummissjoni (UE) 2015/1222 tal-24 ta’ Lulju 2015 li jistabbilixxi Linji Gwida dwar l-Allokazzjoni tal-Kapaċità u l-Ġestjoni tal-Konġestjoni (ĠU L 197, 25.7.2015, p. 24–72, ELI: http://data.europa.eu/eli/reg/2015/1222/oj ).

(24)    Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1, ELI: http://data.europa.eu/eli/reg/1987/2658/oj ).

(25)    Id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità u li temenda d-Direttiva 96/61/KE (ĠU L 275, 25.10.2003, p. 32, ELI: http://data.europa.eu/eli/dir/2003/87/oj).

(26)    Ir-rati ta’ rilokazzjoni huma definiti bħala żidiet fl-emissjonijiet f’setturi downstream barra mill-UE meta mqabbla mat-tnaqqis fl-emissjonijiet f’dawk is-setturi fl-UE.

(27)    Kif imsemmi fl-Artikolu 58(2), il-punt (a) jew (b) tar-Regolament Finanzjarju applikabbli għall-baġit ġenerali tal-Unjoni.

(28)    Diff. = Approprjazzjonijiet differenzjati/Mhux diff. = Approprjazzjonijiet mhux differenzjati.

(29)    EFTA: Assoċjazzjoni Ewropea tal-Kummerċ Ħieles.

(30)    L-outputs huma l-prodotti u s-servizzi li għandhom jiġu pprovduti (pereż. l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(31)    Kif deskritt fit-Taqsima 1.3.2. “Objettiv(i) speċifiku/speċifiċi”

(32)    Speċifika taħt it-tabella, kemm mill-FTEs fl-għadd indikat huma diġà assenjati għall-ġestjoni tal-azzjoni u/jew jistgħu jiġu riallokati fid-DĠ tiegħek, u x’inhuma l-ħtiġijiet netti tiegħek.

(33)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 25 % għall-kostijiet tal-ġbir.

IL-KUMMISSJONI EWROPEA

Brussell, 17.12.2025

COM(2025) 989 final

ANNESSI

tal-

Proposta għal Regolament tal-Parlament Ewropew u tal-Kunsill

li jemenda r-Regolament (UE) 2023/956 fir-rigward tal-estensjoni tal-kamp ta’ applikazzjoni tiegħu għal oġġetti downstream u għal miżuri kontra ċ-ċirkomvenzjoni

{SEC(2025) 989 final} - {SWD(2025) 987 final} - {SWD(2025) 988 final} - {SWD(2025) 989 final}

ANNESS I

L-Anness I huwa emendat kif ġej:

(1)fil-punt 2, it-tabella “Ħadid u Azzar” hija sostitwita b’dan li ġej:

‘[Ħadid u azzar

”

(2)tiżdied it-tabella li ġejja:

“[Prodotti tal-metall ikkombinati

]”

ANNESS II

L-Anness IV huwa emendat kif ġej:

(1)fil-punt 1, il-punti (e) u (f) jinbidlu b’dan li ġej:

“(e) “fattur ta’ emissjoni għall-elettriku” tfisser il-medja ponderata tal-intensità tas-CO2 tal-elettriku prodott f’żona ġeografika;

(f) “ftehim dwar ix-xiri tal-enerġija” tfisser kuntratt li bih persuna taqbel li tixtri l-elettriku direttament mingħand produttur tal-elettriku u li jinvolvi t-twassil dirett tal-elettriku;”;

(2)il-punt 3 huwa sostitwit b'dan li ġej:

“L-emissjonijiet integrati reali speċifiċi ta’ oġġetti kumplessi li jkunu saru f’installazzjoni partikolari għandhom jiġu kkalkolati permezz tal-ekwazzjoni li ġejja:

Fejn:

–    AttrEmg huma l-emissjonijiet attribwiti tal-oġġetti g;

–    ALg huwa l-livell ta’ attività tal-oġġetti, jiġifieri l-kwantità ta’ oġġetti li jkunu saru fil-perjodu ta’ rapportar f’dik l-installazzjoni, u

–    EEInpMat huma l-emissjonijiet integrati tal-materjali ta’ input (prekursuri) ikkonsmati fil-proċess tal-produzzjoni. Għandhom jiġu kkunsidrati biss il-materjali ta’ input (prekursuri) elenkati fl-Anness I u l-Anness VIII u li joriġinaw f’pajjiżi u territorji terzi li mhumiex eżentati skont l-Anness III, it-Taqsima 1. L-EEInpMat rilevanti huma kkalkolati kif ġej:

Fejn:

–    Mi hija l-massa tal-materjal ta’ input (prekursur) i użat fil-proċess tal-produzzjoni, u

–    SEEi huma l-emissjonijiet integrati speċifiċi għall-materjal ta’ input (prekursur) i. Għal SEEi l-operatur tal-installazzjoni għandu juża l-valur tal-emissjonijiet li jirriżultaw mill-installazzjoni fejn ġie prodott il-materjal ta’ input (prekursur), dment li d-data ta’ dik l-installazzjoni tkun tista’ titkejjel b’mod adegwat.

Madankollu, għall-oġġetti elenkati fit-taqsimiet “Ħadid u Azzar”, “Aluminju” u “Oġġetti tal-Metall Ikkombinat” tal-Anness I, Mi hija funzjoni tal-kontenut tal-oġġetti użati bħala materjali ta’ input (prekursuri) fil-manifattura tal-oġġett.”;

(3)il-punt 4.2.1 huwa sostitwit b’li ġej:

“4.2.1. Valuri prestabbiliti speċifiċi għal pajjiż terz, grupp ta’ pajjiżi terzi jew reġjun f’pajjiż terz

Il-valuri prestabbiliti speċifiċi għandhom jiġu stabbiliti għall-fattur ta’ emissjoni għall-elettriku fil-pajjiż terz, fil-grupp ta’ pajjiżi terzi jew fir-reġjun f’pajjiż terz, abbażi tal-aħjar data disponibbli għall-Kummissjoni.”;

(4)il-punt 4.2.2 huwa sostitwit b’li ġej:

“4.2.2. Valuri prestabbiliti alternattivi

Meta valur prestabbilit speċifiku ma jkunx disponibbli għal pajjiż terz, grupp ta’ pajjiżi terzi, jew reġjun f’pajjiż terz, il-valur prestabbilit alternattiv għall-elettriku għandu jiġi stabbilit għall-fattur ta’ emissjoni għall-elettriku fl-Unjoni.

Meta jista’ jintwera, fuq il-bażi ta’ data affidabbli, li l-fattur ta’ emissjoni għall-elettriku f’pajjiż terz, fi grupp ta’ pajjiżi terzi, jew reġjun f’pajjiż terz, ikun anqas mill-valur prestabbilit speċifiku determinat mill-Kummissjoni jew inqas mill-fattur ta’ emissjoni għall-elettriku fl-Unjoni, jista’ jintuża valur prestabbilit alternattiv ibbażat fuq dak il-fattur ta’ emissjoni għall-elettriku għal dak il-pajjiż terz, grupp ta’ pajjiżi terzi jew reġjun f’pajjiż terz.”;

(5)fil-punt 4.3, it-tieni paragrafu huwa sostitwit b'dan li ġej:

Meta pajjiż terz, jew grupp ta’ pajjiżi terzi, juru lill-Kummissjoni, fuq il-bażi ta’ data affidabbli, li l-fattur medju ta’ emissjoni tat-taħlita tal-enerġija elettrika jew il-fattur ta’ emissjoni ta’ CO2 ta’ sorsi li jiffissaw il-prezzijiet fil-pajjiż terz jew fil-grupp ta’ pajjiżi terzi jkun anqas mill-valur prestabbilit għall-emissjonijiet indiretti, għandu jiġi stabbilit valur prestabbilit alternattiv ibbażat fuq il-fattur medju ta’ emissjonijiet tat-taħlita tal-elettriku jew fuq dak fuq dak il-fattur medju ta’ emissjonijiet ta’ CO2 għal dan il-pajjiż jew grupp ta’ pajjiżi.”;

(6)il-punt 5 huwa emendat kif ġej:

(a)    il-punt (a) huwa sostitwit b’dan li ġej:

“(a) il-kwantità ta’ elettriku li għaliha jintalab l-użu ta’ emissjonijiet integrati reali tkun koperta minn ftehim dwar ix-xiri tal-enerġija bejn l-importatur jew id-dikjarant awtorizzat CBAM u produttur tal-elettriku li jinsab f’pajjiż terz. Il-ftehimiet dwar ix-xiri tal-enerġija li jinvolvu l-intermedjarji għandhom ikunu permessi wkoll, dment li tkun tista’ tintwera relazzjoni kuntrattwali verifikabbli bejn il-produttur tal-elettriku, l-intermedjarji, u l-importatur, jew id-dikjarant CBAM, fir-rigward tal-elettriku li għalih jintalab l-użu tal-emissjonijiet reali;”;

(b)    il-punt (b) jitħassar;

(c)    il-punt (d) huwa sostitwit b’dan li ġej:

“(d) il-kwantità ta’ elettriku li għaliha jintalab l-użu tal-emissjonijiet integrati reali jkun ġie nnominat b’mod deċiż għall-kapaċità ta’ interkonnessjoni allokata mill-operaturi tas-sistemi ta’ trażmissjoni responsabbli kollha fil-pajjiż tal-oriġini, il-pajjiż tad-destinazzjoni u, jekk rilevanti, kull pajjiż ta’ tranżitu, u l-kapaċità nominata u l-produzzjoni tal-elettriku mill-installazzjoni jirreferu għall-istess perjodu ta’ żmien li ma għandux ikun itwal minn siegħa. Dan il-kriterju ma għandux jiġi sodisfatt f’każijiet fejn il-kapaċità ta’ trażmissjoni għall-importazzjoni tal-elettriku tkun allokata permezz ta’ allokazzjoni impliċita tal-kapaċità;”.

ANNESS III

Jiżdied l-Anness VIII li ġej:

‘ANNESS VIII

Lista ta’ oġġetti u gassijiet serra mhux tas-CBAM meqjusa bħala materjali ta’ input (prekursuri)

Ħadid u azzar

Aluminju

”