IL-KUMMISSJONI EWROPEA
Strasburgu, 7.10.2025
COM(2025) 726 final
2025/0726(COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jindirizza l-effetti negattivi relatati mal-kummerċ tal-kapaċità żejda globali fuq is-suq tal-azzar tal-Unjoni
{SWD(2025) 780 final}
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u objettivi tal-proposta
L-azzar huwa materjal essenzjali għall-ekonomija tal-Unjoni, inkluż għat-tranżizzjoni ekoloġika tagħha. L-azzar jintuża f’varjetà wiesa’ ta’ setturi, bħall-bini, l-infrastruttura, il-ferroviji, il-karozzi, il-bini tal-vapuri, l-imtieħen tar-riħ, l-għodod u l-makkinarju industrijali, l-apparat domestiku, fost oħrajn. L-azzar huwa wkoll ta’ importanza strateġika għaż-żieda tal-kapaċitajiet militari u tad-difiża tal-Unjoni.
L-industrija tal-produzzjoni tal-azzar tal-UE hija t-tielet l-akbar produttur tal-azzar fid-dinja. Timpjega madwar 300,000 persuna direttament u huwa stmat li tiġġenera 2,5 miljun impjieg (indiretti u indotti). Hemm ħafna siti tal-produzzjoni tal-azzar f’aktar minn 20 Stat Membru tal-UE. L-impjanti tal-azzar isostnu ħafna ekonomiji reġjonali, filwaqt li jenfasizzaw l-importanza soċjoekonomika u politika tagħhom. L-industrija tal-azzar tal-UE qed tiffaċċja sfidi kritiċi li jdgħajfu l-kompetittività tagħha f’suq globali u jheddu serjament il-vijabbiltà fit-tul tagħha, u toħloq riskji kbar għall-eżistenza tal-industrija u l-kapaċità li tagħmel investimenti ġodda.
B’mod partikolari, l-industrija tal-azzar tal-UE qed tiffaċċja sfidi serji relatati mal-kummerċ. B’mod partikolari, pressjoni sinifikanti u sostnuta fuq l-importazzjoni, kemm fil-volumi kif ukoll fil-prezzijiet, li tirriżulta minn livelli mhux sostenibbli ta’ kapaċità żejda globali, li qed ikollhom impatt negattiv fuq il-prestazzjoni ekonomika tal-industrija tal-azzar tal-UE: Il-produzzjoni tal-UE naqset, u l-użu attwali tal-kapaċità tagħha huwa inqas mil-livelli profittabbli, u dan idgħajjef il-kapaċità tal-produtturi tal-azzar tal-UE li jinvestu u bħala tali, jipperikola l-objettivi tad-dekarbonizzazzjoni tal-Unjoni. Fil-fatt, diversi produtturi tal-azzar tal-UE waqqfu investimenti ambizzjużi u għaljin fi proġetti tal-azzar ekoloġiku li huma meħtieġa biex jibqgħu kompetittivi u jiddekarbonizzaw il-produzzjoni bħala parti mill-aġenda ekoloġika tal-UE.
Dawn l-isfidi kritiċi relatati mal-kummerċ qed iseħħu f’kuntest ġeneralment diffiċli, peress li s-settur tal-azzar qed jiffaċċja nuqqas ta’ kundizzjonijiet ekwi, kif ukoll kostijiet ogħla tal-enerġija u tal-manifattura. Din is-sitwazzjoni tippreżenta wkoll riskju għall-awtonomija strateġika tal-UE. Il-kombinazzjoni tal-isfidi qed ikollha impatt qawwi fuq l-impjiegi. Fil-fatt, l-industrija tal-azzar tal-UE naqqset serjament, u tilfet kważi 100 000 impjieg dirett mill-2008 (madwar 25% tal-forza tax-xogħol tagħha) u għalqet jew naqqset il-kapaċità installata f’bosta fabbriki f’ħafna Stati Membri tal-Unjoni. Is-sitwazzjoni attwali hija fraġli ħafna, u tirriskja li tmur għall-agħar b’mod serju jekk l-isfidi ma jiġux indirizzati b’mod effettiv.
Il-Komunikazzjoni tal-Kummissjoni: “Boxxla għall-kompetittività tal-UE”, adottata fid-29 ta’ Jannar 2025, tistabbilixxi l-kompetittività industrijali bħala prijorità ewlenija u tistabbilixxi azzjonijiet transsettorjali għas-snin li ġejjin. Tirrikonoxxi d-dekarbonizzazzjoni bħala mutur qawwi tat-tkabbir meta tkun integrata mal-politiki industrijali, tal-kompetizzjoni, ekonomiċi u kummerċjali. Il-Kummissjoni identifikat l-azzar u l-metalli bħala oqsma ewlenin għall-azzjoni.
Fid-19 ta’ Marzu 2025, il-Kummissjoni adottat Pjan ta’ Azzjoni għall-Azzar u l-Metalli (SMAP, Steel and Metal Action Plan). Is-SMAP iddeskriva l-azzjonijiet f’oqsma ta’ politika differenti, inkluż fil-kummerċ. Is-SMAP irrikonoxxa li s-settur tal-azzar huwa vitali għas-sigurtà ekonomika u l-istabbiltà soċjali tal-UE, u bħala objettiv stabbilixxa wkoll il-promozzjoni u l-protezzjoni tal-kapaċitajiet industrijali tal-UE. Barra minn hekk, is-SMAP iddeskriva l-azzar (kif ukoll metalli oħra) bħala li għandhom “importanza strateġika” għall-kapaċità tad-difiża tal-Ewropa, b’mod partikolari fl-ambjent ġeopolitiku attwali. Huwa rrikonoxxa li ktajjen tal-provvista stabbli u reżiljenti ta’ metalli kritiċi, bħall-azzar, huma essenzjali għad-difiża u għall-ajruspazju. F’dan ir-rigward, is-SMAP indika eżempji konkreti ta’ pjattaformi tad-difiża, bħal tankijiet, artillerija awtopropulsiva, vapuri, ajruplani, li jużaw kwantitajiet kbar ħafna ta’ azzar. L-iżgurar tal-produzzjoni domestika tal-azzar jgħin biex jiġu evitati dipendenzi fuq fornituri minn pajjiżi terzi.
Kif deskritt fis-SMAP, il-miżura ta’ salvagwardja attwali li qed tipproteġi l-industrija tal-azzar tal-UE minn fluss kbir ta’ importazzjonijiet, se tiskadi legalment fit-30 ta’ Ġunju 2026 wara 8 snin fis-seħħ. Madankollu, il-kapaċitajiet żejda strutturali globali u l-impatt negattiv tagħhom relatat mal-kummerċ fuq l-industrija tal-azzar tal-UE, li kienu jeħtieġu l-impożizzjoni tal-miżura ta’ salvagwardja tal-azzar, mhux se jisparixxu fl-1 ta’ Lulju 2026. Għall-kuntrarju, l-effetti negattivi relatati mal-kummerċ imġarrba mis-settur Ewropew tal-azzar komplew jikbru u x’aktarx li jiġu aggravati, peress li għadd dejjem akbar ta’ pajjiżi terzi qed jadottaw miżuri mmirati biex jillimitaw l-importazzjonijiet fis-swieq tagħhom, bir-riżultat li s-suq tal-UE jsir id-destinazzjoni ewlenija tal-kapaċitajiet żejda globali. Meta jitqiesu dawn l-isfidi urġenti, il-Kummissjoni impenjat ruħha fis-SMAP biex tadotta proposta leġiżlattiva li tissostitwixxi s-salvagwardji tal-azzar u li tipprovdi miżura effettiva ħafna biex tipproteġi s-settur Ewropew tal-azzar minn effetti negattivi relatati mal-kummerċ ikkawżati minn kapaċitajiet żejda globali.
•Konsistenza mad-dispożizzjonijiet eżistenti fil-qasam ta’ politika kkonċernat
Ir-Regolament propost joħloq il-kundizzjonijiet abilitanti għall-industrija tal-produzzjoni tal-azzar tal-UE biex ittejjeb il-prestazzjoni ekonomika tagħha, li jippermettulha twettaq l-investimenti sostanzjali meħtieġa għad-dekarbonizzazzjoni effettiva. Huwa jista’ jtejjeb u jippreserva wkoll l-awtonomija strateġika, ir-reżiljenza, is-sigurtà ekonomika, id-difiża u l-istabbiltà soċjali tal-UE, billi jipprevjeni tnaqqis sinifikanti tal-industrija u t-telf ta’ impjiegi li jirriżulta, li jagħmel lill-UE dejjem aktar dipendenti fuq l-importazzjonijiet u jimmina l-bażi industrijali tagħha u l-kapaċità tagħha li tiddefendi lilha nnifisha f’każ ta’ kunflitt. Jista’ jiżgura wkoll li l-operaturi ekonomiċi tal-UE fis-settur ikunu jistgħu jkomplu bl-isforzi ppjanati tagħhom ta’ dekarbonizzazzjoni.
•Konsistenza ma’ politiki oħra tal-Unjoni
Il-proposta hija konsistenti ma’ politiki oħra tal-Unjoni, u b’mod partikolari, tikkontribwixxi b’mod sostanzjali biex ikun hemm kundizzjonijiet ekwi fis-suq tal-azzar tal-UE u għal dekarbonizzazzjoni effettiva ta’ settur li juża ħafna enerġija. Tiżgura wkoll il-preservazzjoni tal-awtonomija strateġika tal-UE fis-settur, inkluż f’konformità mal-Pjan ReArm Europe/Prontezza 2030.
2.BAŻI LEGALI, SUSSIDJARJETÀ U PROPORZJONALITÀ
•Bażi legali
L-Artikolu 207, il-paragrafu 2, tat-Trattat dwar il-Funzjonament tal-Unjoni Ewropea (TFUE).
•Sussidjarjetà (għall-kompetenza mhux esklużiva)
Skont l-Artikolu 5(3) tat-TUE, il-prinċipju tas-sussidjarjetà ma japplikax fl-oqsma tal-kompetenza esklużiva tal-Unjoni. Il-politika doganali u kummerċjali komuni huma elenkati fost l-oqsma ta’ kompetenza esklużiva tal-Unjoni fl-Artikolu 3 tat-TFUE. Din il-politika tinkludi l-adozzjoni ta’ miżuri ta’ politika kummerċjali inklużi t-tariffi skont, fost l-oħrajn, l-Artikolu 207 TFUE.
•Proporzjonalità
Il-proposta tal-Kummissjoni hija konformi mal-prinċipju tal-proporzjonalità. Dan huwa partikolarment meħtieġ fid-dawl tal-kapaċitajiet żejda strutturali globali u l-miżuri protezzjonisti ta’ pajjiżi terzi li qed ikollhom effett detrimentali fuq il-prestazzjoni ekonomika tal-industrija tal-azzar tal-UE, u b’mod aktar ġenerali, fuq il-funzjonament tas-suq intern. Tali impatt jirriskja li jimmina l-objettivi ta’ dekarbonizzazzjoni tal-UE kif ukoll l-awtonomija strateġika tagħha, inklużi d-dekarbonizzazzjoni u l-isforzi tagħha biex iżżid il-kapaċitajiet ta’ difiża tagħha.
•Għażla tal-istrument
Regolament tal-Parlament Ewropew u tal-Kunsill.
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
•Evalwazzjonijiet ex post/kontrolli tal-idoneità tal-leġiżlazzjoni eżistenti
Mhux applikabbli.
•Konsultazzjonijiet mal-partijiet ikkonċernati
Il-Kummissjoni fittxet fehmiet mill-partijiet ikkonċernati permezz ta’ sejħa għal evidenza 1 u konsultazzjoni mmirata li saru mit-18 ta’ Lulju sat-18 ta’ Awwissu 2025. Il-feedback riċevut fil-konsultazzjonijiet huwa mqassar fid-dettall fid-Dokument ta’ Ħidma tal-Persunal 2 li jakkumpanja din il-proposta. Saru 143 sottomissjoni bi tweġiba għas-sejħa għal evidenza u 373 risposta għall-parti tal-kwestjonarju tal-konsultazzjoni mmirata. Ir-rispondenti kienu fil-biċċa l-kbira kumpaniji bbażati fl-UE, parti mill-katina tal-provvista tal-azzar, b’parteċipazzjoni ġenerali limitata minn partijiet ikkonċernati ta’ pajjiżi terzi u kumpaniji u assoċjazzjonijiet oħra attivi f’setturi oħra.
Ġbir u użu tal-għarfien espert
Mhux applikabbli
•Valutazzjoni tal-impatt
Fil-pjan ta’ Azzjoni dwar l-Azzar u l-Metalli, il-Kummissjoni impenjat ruħha li tadotta proposta għal miżura effettiva sat-tielet kwart tal-2025. Dan il-perjodu ta’ żmien aċċellerat kien meħtieġ minħabba l-kobor tal-isfidi ffaċċjati mill-industrija, inkluż ir-riskju li jirriżulta mill-kapaċità żejda globali u l-effetti negattivi tagħha relatati mal-kummerċ. Is-sitwazzjoni tas-settur kompliet saret aktar gravi permezz tal-impożizzjoni ta’ tariffi fuq l-importazzjonijiet tal-azzar mill-Istati mill-Istati Uniti minn Marzu 2025. Il-protezzjoni attwali offruta mill-miżura ta’ salvagwardja tal-azzar se tiskadi wara t-30 ta’ Ġunju 2026 iżda l-effettività tagħha diġà qed tiddgħajjef minn dawn l-interventi ġodda fis-suq. Xi Stati Membri u xi partijiet ikkonċernati, b’mod partikolari l-produtturi tal-UE kienu qed jappellaw lill-Kummissjoni biex taċċellera l-ħidma fuq il-proposta sabiex tidħol fis-seħħ malajr kemm jista’ jkun. Minħabba l-urġenza, it-twettiq ta’ valutazzjoni tal-impatt sħiħa jirriskja serjament li jħalli distakk bejn it-tmiem tas-salvagwardja u l-applikazzjoni tar-regolament attwali, li l-għan tiegħu hu li jżomm il-protezzjoni effettiva tas-settur tal-azzar. Għalhekk, f’konformità mal-Linji Gwida għal Regolamentazzjoni Aħjar u s-Sett ta’ Għodod tal-Kummissjoni Ewropea (ara SWD (2021) 305 final) fejn valutazzjoni tal-impatt kompluta mhijiex possibbli minħabba l-urġenza, u tingħata deroga, tħejja dokument analitiku fil-forma ta’ Dokument ta’ Ħidma tal-Persunal (“SWD”) li jippreżenta l-evidenza wara l-proposta. L-SWD jipprovdi analiżi ekonomika u se jippreżenta analiżi oġġettiva tal-evidenza inklużi l-impatti potenzjali ta’ diversi għażliet biex jiġu indirizzati l-problemi identifikati li din il-proposta leġiżlattiva għandha l-għan li tindirizza.
•Idoneità regolatorja u simplifikazzjoni
Mhux applikabbli.
•Drittijiet fundamentali
Il-proposta hija koerenti mal-politika tal-Unjoni dwar id-drittijiet tal-bniedem u hija konsistenti mal-Karta tad-Drittijiet Fundamentali. Meta l-impożizzjoni jew iż-żieda ta’ dazji fuq l-importazzjoni taffettwa l-libertà li wieħed jidħol f’kummerċ internazzjonali bħala parti mil-libertà tal-attività professjonali, id-dritt tal-proprjetà jew drittijiet fundamentali oħra inkluż it-trattament ugwali, din hija azzjoni leġittima mill-Unjoni skont il-Karta tad-Drittijiet Fundamentali. Dan għaliex din l-azzjoni tittieħed f’konformità mar-rekwiżiti li l-azzjoni tittieħed fuq il-bażi ta’ bażi legali xierqa, mill-awtoritajiet kompetenti, biex jintlaħaq l-objettiv leġittimu li l-industrija tal-azzar tiġi protetta kontra importazzjonijiet kompetituri li jirriżultaw minn kapaċitajiet żejda globali u mill-effetti ta’ miżuri restrittivi tal-kummerċ f’pajjiżi terzi, u f’konformità mal-prinċipju tal-proporzjonalità.
4.IMPLIKAZZJONIJIET BAĠITARJI
Il-miżura proposta tippermetti l-kontinwazzjoni tal-importazzjonijiet ħielsa mid-dazju tal-prodotti koperti minnha sa ċertu livell. Jekk l-importazzjonijiet jaqbżu dak il-limitu, japplika dazju ta’ 50%. Skont il-volum tal-importazzjonijiet li jistgħu jidħlu fl-Unjoni barra mill-kwoti mingħajr dazju, il-baġit tal-UE jista’ jara żieda fid-dħul permezz tal-ġbir ta’ tali dazji.
5.ELEMENTI OĦRA
•Pjanijiet ta’ implimentazzjoni u arranġamenti għall-monitoraġġ, l-evalwazzjoni u r-rapportar
Il-proposta tipprevedi evalwazzjoni qabel l-1 ta’ Lulju 2031 bil-ħsieb li tiġi vvalutata l-effettività ta’ din il-miżura, filwaqt li jitqiesu kemm il-persistenza taċ-ċirkostanzi li ġġustifikaw l-adozzjoni ta’ dan ir-Regolament kif ukoll ir-robustezza ekonomika u l-livell ta’ dekarbonizzazzjoni tal-industrija Ewropea tal-manifattura tal-azzar.
•Dokumenti ta’ spjegazzjoni (għad-direttivi)
Mhux applikabbli.
•Spjegazzjoni fid-dettall tad-dispożizzjonijiet speċifiċi tal-proposta
L-Artikolu 1 jipprevedi l-ftuħ ta’ kwoti tariffarji u l-livell ta’ dazju applikabbli lil hinn minn dawn il-kwoti.
L-Artikolu 1a jeżenta l-importazzjonijiet li joriġinaw min-Norveġja, mill-Iżlanda u mil-Liechtenstein mill-Artikolu 1.
L-Artikolu 2 jistabbilixxi l-qafas ta’ ġestjoni tal-kwoti tariffarji miftuħa skont l-Artikolu 1.
L-Artikolu 3 jistabbilixxi r-rekwiżiti speċifiċi għall-identifikazzjoni tal-post tad-tidwib u tat-tferrigħ.
L-Artikolu 4 jipprevedi l-għoti tas-setgħa lill-Kummissjoni biex tadotta atti ta’ implimentazzjoni li jistabbilixxu u jaġġustaw l-allokazzjoni tal-kwoti tariffarji għall-pajjiżi.
L-Artikolu 4a jipprevedi l-possibbiltà li jiġu adottati miżuri ta’ salvagwardja bilaterali applikabbli għall-importazzjonijiet li joriġinaw f’pajjiżi li magħhom l-Unjoni għandha ftehim ta’ kummerċ ħieles li jipprevedi tali possibbiltà.
L-Artikolu 5 jipprovdi l-proċedura tal-Kumitat li għandha tiġi segwita għall-adozzjoni tal-att ta’ implimentazzjoni dwar l-istabbiliment u l-aġġustament tal-allokazzjoni tal-kwoti tariffarji għall-pajjiżi.
L-Artikolu 6 jipprevedi s-setgħa tal-Kummissjoni li tadotta atti delegati li jemendaw il-volum tal-kwoti tariffarji miftuħa minn dan ir-Regolament u li jissupplimentaw dan ir-Regolament jiġu supplimentat f’konformità mal-Artikolu 3.
L-Artikolu 7 jistabbilixxi l-kondizzjonijiet għall-eżerċizzju tad-delega tas-setgħa stabbilita skont l-Artikolu 6.
L-Artikolu 8 jipprevedi l-proċedura ta’ urġenza li tippermetti li atti delegati jiġu implimentati immedjatament u f’ċerti ċirkostanzi.
L-Artikolu 9 jipprevedi żewġ evalwazzjonijiet mill-Kummissjoni. L-ewwel waħda li għandha titwettaq kull sentejn għandha tivvaluta l-ħtieġa li jiġi emendat l-ambitu tal-prodott. It-tieni evalwazzjoni, li għandha ssir sal-1 ta’ Lulju 2031 u wara kull ħames snin, tkopri l-effettività tal-miżura.
L-Artikolu 10 jipprevedi d-dħul fis-seħħ ta’ dan ir-Regolament.
2025/0726 (COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jindirizza l-effetti negattivi relatati mal-kummerċ tal-kapaċità żejda globali fuq is-suq tal-azzar tal-Unjoni
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u partikolarment l-Artikolu 207(2) tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Filwaqt li jaġixxu f’konformità mal-proċedura leġiżlattiva ordinarja,
Billi:
(1)Is-settur tal-azzar huwa ċentrali għall-kompetittività u s-sigurtà tal-Unjoni. L-Unjoni wriet b’mod inekwivoku l-importanza strateġika li hija tagħti lil dak is-settur u l-impenn tagħha li tiżgura l-vijabbiltà u s-sostenibbiltà fit-tul tas-settur.
(2)L-industriji tal-azzar fil-pajjiżi u r-reġjuni kollha, inkluża l-Unjoni, qed isofru impatt negattiv li jirriżulta miż-żieda fil-kapaċità strutturali żejda globali. Din l-isfida globali taffettwa s-suq domestiku tal-Unjoni u s-swieq ta’ pajjiżi oħra jew direttament, permezz tal-importazzjonijiet minn pajjiżi b’kapaċità żejda, jew indirettament, riżultat tal-effett ta’ esklużjoni (“push-out”), jew biż-żewġ modi. Ir-riżoluzzjoni effettiva tal-kapaċità żejda globali teħtieġ sforzi konġunti msaħħa tal-Unjoni u tas-sħab tal-istess fehma li ma jikkontribwixxux għall-kapaċità żejda globali. L-Unjoni se tkompli tmexxi l-ħidma internazzjonali, inkluż fil-qafas tal-Forum Globali dwar il-Kapaċità Żejda tal-Azzar, dwar l-indirizzar tal-kawżi ewlenin tal-kapaċità żejda u l-implimentazzjoni ta’ soluzzjonijiet li jsaħħu t-trasparenza tas-suq globali tal-azzar u b’kunsiderazzjoni tat-tekniki moderni ta’ produzzjoni u provvista, inkluż permezz tal-applikazzjoni tal-prinċipju “tat-tidwib u tat-tferrigħ” kif ukoll permezz tal-monitoraġġ tal-importazzjonijiet u l-esportazzjonijiet. L-Unjoni u l-pajjiżi tal-istess fehma jenħtieġ li jaħdmu flimkien bil-ħsieb li jiddelimitaw l-ekonomiji tagħhom mill-kapaċità żejda globali filwaqt li jiżguraw ktajjen tal-provvista sikuri u jżidu l-aċċess għas-suq bejniethom.
(3)Analiżi fil-fond konkluża mill-Kummissjoni diġà fl-2019 uriet li l-industrija tal-azzar tal-Unjoni kienet f’sitwazzjoni ta’ theddida ta’ dannu serju u li s-sitwazzjoni x’aktarx li tiżviluppa f’dannu serju reali fil-futur prevedibbli, fin-nuqqas ta’ miżuri ta’ salvagwardja.
(4)Għalhekk, il-Kummissjoni kkonkludiet li jkun fl-interess tal-Unjoni li tadotta miżuri xierqa biex tevita żieda ulterjuri fl-importazzjonijiet.
(5)Fil-31 ta’ Jannar 2019, il-Kummissjoni adottat Regolament ta’ Implimentazzjoni (UE) 2019/159 3 li jimponi miżuri definittivi ta’ salvagwardja kontra ċerti importazzjonijiet tal-azzar, u b’hekk tindirizza r-riskju ta’ devjazzjoni tal-kummerċ u ta’ dannu li x’aktarx kien isegwi għall-prodotti koperti mir-Regolament ta’ Implimentazzjoni (UE) 2019/159. Ir-Regolament ta’ Implimentazzjoni (UE) 2019/159 se jiskadi fit-30 ta’ Ġunju 2026.
(6)F’Novembru 2024, il-mexxejja tal-Unjoni adottaw id-Dikjarazzjoni ta’ Budapest 4 li tenfasizza l-ħtieġa u d-determinazzjoni urġenti li l-Unjoni ssir aktar kompetittiva permezz ta’ patt ġdid dwar il-kompetittività Ewropea. Barra minn hekk, il-mexxejja ddikjaraw l-impenn tagħhom li jiżguraw tiġdid industrijali u dekarbonizzazzjoni li jippermettu lill-Unjoni tibqa’ mutur industrijali u teknoloġiku. Il-mexxejja tal-Unjoni rrikonoxxew ukoll il-ħtieġa li jiżdiedu l-prontezza u l-kapaċitajiet tad-difiża, b’mod partikolari billi tissaħħaħ il-bażi teknoloġika u industrijali tad-difiża kif xieraq. Għal dak il-għan, il-mexxejja impenjaw ruħhom li jiżviluppaw politika industrijali għall-Unjoni biex jiġi żgurat it-tkabbir tat-teknoloġiji ewlenin ta’ għada, filwaqt li jagħtu attenzjoni partikolari lill-industriji tradizzjonali fi tranżizzjoni.
(7)Il-kompetittività industrijali hija prijorità ewlenija u d-dekarbonizzazzjoni tikkostitwixxi mutur qawwi tat-tkabbir meta tkun integrata mal-politiki industrijali, tal-kompetizzjoni, ekonomiċi u kummerċjali.
(8)L-industriji li jużaw ħafna enerġija huma setturi ewlenin li jeħtieġu appoġġ urġenti għad-dekarbonizzazzjoni, l-elettrifikazzjoni, u li jħabbtu wiċċhom ma’ kostijiet għoljin tal-enerġija, il-kompetizzjoni globali inġusta u regolamenti kumplessi, li jagħmlu ħsara lill-kompetittività tagħhom.
(9)Barra minn hekk, kif rikonoxxut fil-Pjan ta’ Azzjoni dwar l-Azzar u l-Metalli 5 , l-azzar jirrappreżenta metall ta’ importanza strateġika għall-kapaċità tad-difiża tal-Unjoni. Minħabba l-ambjent ġeopolitiku attwali, il-ktajjen tal-provvista stabbli u reżiljenti ta’ metalli kritiċi, bħall-azzar, u l-produzzjoni domestika huma essenzjali għad-difiża u l-ajruspazju, u biex jiġu evitati dipendenzi mhux mixtieqa fuq fornituri minn pajjiżi terzi.
(10)L-Unjoni diġà adottat diversi miżuri ta’ difiża kummerċjali fis-setturi tal-metalli, inkluż fis-setturi tal-ħadid u tal-azzar, kontra kompetizzjoni globali inġusta. Minkejja dan, l-industrija qed tiġi affettwata dejjem aktar b’mod negattiv mill-kapaċitajiet strutturali żejda globali u minn distorsjonijiet globali, inklużi politiki u prattiki mhux tas-suq f’ċerti pajjiżi li jappoġġaw b’mod artifiċjali l-industriji domestiċi tagħhom jew jevitaw il-miżuri u s-sanzjonijiet tad-difiża tal-kummerċ tal-Unjoni. L-Unjoni hi l-uniku reġjun ewlieni tal-produzzjoni tal-azzar li qed jara tnaqqis fil-kapaċità. Madankollu, dawn l-isforzi qed jiġu kkumpensati kompletament minn żidiet kontinwi kbar fil-kapaċità f’reġjuni oħra, kompletament distakkati mill-evoluzzjoni tad-domanda domestika u globali. Il-kapaċità żejda globali hija mistennija li tiżdied mis-602 miljun tunnellata attwali (ekwivalenti għal ħames darbiet id-domanda tal-Unjoni) għal 721 miljun tunnellata sal-2027.
(11)Barra minn hekk, l-evoluzzjoni reċenti tal-miżuri restrittivi għall-kummerċ ta’ pajjiżi terzi qed tkompli żżid il-pressjoni fuq l-importazzjoni, kemm f’termini ta’ volumi kif ukoll ta’ prezzijiet, fuq il-produtturi tal-Unjoni. Tali pressjoni bħal din hija mistennija li tkompli żżid.
(12)B’riżultat ta’ dan, l-industrija tal-azzar tal-Unjoni tinsab f’sitwazzjoni mwiegħra b’telf bla preċedent tal-kapaċità tal-produzzjoni li ammonta għal aktar minn 30 miljun tunnellata mill-2018, rata storikament baxxa tal-użu tal-kapaċità li laħqet 67% fl-2024, u madwar 30000 impjieg mitlufa mill-2018, b’diversi eluf ta’ impjiegi mħabbra fl-2024. L-industrija tal-azzar tal-Unjoni rreġistrat telf fl-2024.
(13)Minħabba s-sitwazzjoni li qed tmur għall-agħar b’rata mgħaġġla tal-industrija domestika tal-azzar u l-progress mhux sodisfaċenti li sar s’issa biex tinstab soluzzjoni kollettiva li tindirizza l-kapaċità strutturali żejda globali, jeħtieġ li tiġi adottata miżura ġdida li tissostitwixxi r-Regolament ta’ Implimentazzjoni (UE) 2019/159. Fit-18 ta’ Lulju 2025, il-Kummissjoni nediet sejħa għal evidenza u konsultazzjoni mmirata biex tfittex il-fehmiet tal-partijiet ikkonċernati dwar diversi aspetti tal-miżura l-ġdida, inklużi l-forma, il-livell, l-ambitu ġeografiku u d-durata tagħha, kif ukoll karatteristiċi speċifiċi oħra bħar-regoli tal-oriġini. Il-proċess dam għaddej sat-18 ta’ Awwissu 2025 u waslu aktar minn ħames mitt tweġiba: 143 sottomissjoni għas-sejħa għal evidenza u 373 tweġiba għall-kwestjonarju ta’ konsultazzjoni mmirata. Sommarju dettaljat tal-feedback riċevut huwa disponibbli fid-Dokument ta’ Ħidma tal-Persunal li jakkumpanja din il-proposta leġiżlattiva.
(14)B’mod parallel mal-proċedura leġiżlattiva ordinarja li din il-proposta se tkun soġġetta għaliha, l-Unjoni biħsiebha tiftaħ negozjati skont l-Artikolu XXVIII tal-Ftehim Ġenerali dwar it-Tariffi u l-Kummerċ tal-1994 bil-ħsieb li timmodifika ċerti konċessjonijiet tad-WTO għall-prodotti kkonċernati minn dan ir-Regolament u tiżgura li l-livell ta’ dazji doganali li jirriżulta jiżgura r-reżiljenza tal-industrija tal-azzar tal-Unjoni f’kuntest ta’ kapaċitajiet żejda strutturali globali, miżuri kummerċjali ta’ pajjiżi terzi li qed jikbru fuq is-settur tal-azzar, u l-impatt negattiv tagħhom relatat mal-kummerċ fuq l-industrija tal-azzar tal-Unjoni.
(15)Filwaqt li skont ir-Regolament ta’ Implimentazzjoni (UE) 2019/159 it-tariffa barra mill-kwota hija stabbilita għal 25%, b’kunsiderazzjoni tal-livell tat-tariffi fis-settur tal-azzar fi swieq ewlenin oħra, huwa xieraq li l-livell ta’ tariffa barra mill-kwota jiġi stabbilit għal dazju ta’ 50% biex jiġi mminimizzat ir-riskju ta’ devjazzjoni tal-kummerċ. Dan id-dazju jiżdied ma’ dazji oħra li japplikaw għall-kategoriji ta’ prodotti koperti minn dan ir-Regolament.
(16)Jenħtieġ li l-Unjoni tiftaħ kwoti tariffarji mingħajr dazju, li jkopru l-importazzjonijiet mill-oriġinijiet kollha ta’ pajjiżi terzi, f’livelli ekwivalenti għas-sehem mis-suq tal-importazzjoni li kien prevalenti fis-suq tal-azzar tal-Unjoni qabel l-impatt tal-kapaċità żejda globali. Għal dan il-għan, il-Kummissjoni qieset, wara li analizzat id-data rilevanti għad-dispożizzjoni tagħha, li s-sena 2013 tirrappreżenta l-aktar bażi xierqa għall-kalkolu. Ir-raġuni hija li din is-sena ma kinitx affettwata mit-tifqigħa globali tal-kapaċità żejda, li laħqet il-quċċata tagħha fl-2015, iżda li l-effetti tagħha kienu diġà viżibbli, f’termini ta’ żieda rilevanti fil-penetrazzjoni tal-importazzjoni fl-2014. Barra minn hekk, il-Kummissjoni għandha data dwar il-konsum kif ukoll dwar il-prestazzjoni ekonomika mill-industrija tal-Unjoni disponibbli u vverifikata fil-qafas tal-proċediment ta’ salvagwardja oriġinali, kif ippubblikat fir-Regolament ta’ Implimentazzjoni tal-Kummissjoni (UE) 2019/159 6 . Fid-dawl tat-tfixkil serju fis-settur tal-azzar u s-sitwazzjoni li qed taggrava malajr tal-industrija domestika tal-azzar, l-importazzjonijiet li joriġinaw f’pajjiżi li magħhom l-Unjoni għandha ftehimiet dwar żona ta’ kummerċ ħieles jenħtieġ li jkunu soġġetti wkoll għal tali kwoti tariffarji. Dan huwa mingħajr preġudizzju għal soluzzjoni komplementari xierqa li tista’ tinstab skont il-ftehim rispettiv, inkluż permezz ta’ miżuri ta’ salvagwardja bilaterali f’konformità ma’ dan ir-Regolament.
(17)Fid-dawl tal-integrazzjoni mill-qrib u unika skont il-Ftehim dwar iż-Żona Ekonomika Ewropea 7 , l-importazzjonijiet tal-Unjoni min-Norveġja, mill-Iżlanda, u mil-Liechtenstein jenħtieġ li jiġu esklużi mill-applikazzjoni tad-dazju barra mill-kwota.
(18)Il-volum totali tal-kwoti tariffarji jenħtieġ li jiġi kkalkulat bl-applikazzjoni tas-sehem mis-suq tal-importazzjonijiet fis-suq tal-Unjoni fis-sena 2013 bħala referenza (madwar 13% tas-sehem mis-suq), għall-konsum globali fis-suq tal-azzar tal-Unjoni fl-2024 (l-aħħar sena li għaliha hija disponibbli data sħiħa disponibbli). Dan jirriżulta f’volum ta’ kwota tariffarja annwali totali ta’ 18 345 922-il tunnellata. Il-kalkolu ma għandux jalloka l-proporzjon tal-importazzjonijiet li joriġinaw mill-Federazzjoni Russa u l-Belarussja, li bħalissa huma soġġetti għal projbizzjonijiet fuq l-importazzjoni.
(19)Il-kwoti tariffarji jenħtieġ li jiġu allokati għal kull kategorija ta’ prodotti abbażi tas-sehem tal-importazzjonijiet li kull kategorija ta’ prodott kellha matul il-perjodu 2022-2024. Dak il-perjodu ta’ referenza għall-allokazzjoni tas-sehem tal-kwota jitqies xieraq peress li jirrifletti b’mod preċiż il-flussi kummerċjali aktar reċenti.
(20)Jenħtieġ li l-kwoti tariffarji jiġu amministrati fuq bażi trimestrali f’konformità mas-sistema ta’ ġestjoni prevista fl-Artikoli 49 sa 54 tar-Regolament ta’ Implimentazzjoni tal-Kummissjoni (UE) 2015/2447 8 . Dik it-tip ta’ amministrazzjoni tiżgura li l-miżura tkun effettiva billi tevita volumi kbar b’mod sproporzjonat ta’ importazzjonijiet f’perjodu qasir ħafna, filwaqt li ma tfixkilx bla bżonn il-flussi kummerċjali. Jenħtieġ li dawk il-kwoti tariffarji li ma jintużawx fi żmien trimestru ma jiġux riportati għat-trimestru ta’ wara.
(21)Sabiex jiġi żgurat li l-miżura tkun effettiva fl-indirizzar tal-effetti tal-kapaċità żejda globali, u fid-dawl tal-ispeċifiċitajiet tal-prodotti tal-azzar u tat-tekniki moderni tal-produzzjoni u tal-provvista, huwa importanti li jiġi identifikat il-pajjiż “tat-tidwib u tat-tferrigħ”. Il-pajjiż “tat-tidwib u tat-tferrigħ” jirreferi għall-post oriġinali fejn l-azzar mhux maħdum u l-ħadid huma inizjalment prodotti f’forma likwida f’forn li jagħmel l-azzar jew il-ħadid u sussegwentement fondut fl-istat solidu primarju tiegħu. Dan l-istat solidu primarju jista’ jinkludi jew prodott nofsu lest, inkluż iżda mhux limitat għal ċangaturi, billetti, jew ingotti, jew prodott lest ta’ fabbrika tal-azzar. It-talba għal evidenza tal-pajjiż “tat-tidwib u tat-tferrigħ” se tevita li l-azzar prodott f’ċerti pajjiżi li jikkontribwixxi għall-kapaċità żejda globali jidħol bla bżonn fis-suq tal-Unjoni wara trasformazzjoni ulterjuri f’pajjiżi oħra u se jżid it-trasparenza fil-katina tal-provvista domestika għall-importazzjonijiet tal-azzar.
(22)Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li jiġu konferiti setgħat ta’ implimentazzjoni lill-Kummissjoni biex tistabbilixxi l-allokazzjoni ta’ kwoti tariffarji lill-pajjiżi miftuħa skont dan ir-Regolament. Jenħtieġ li dawk is-setgħat ikunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill 9 .
(23)Jenħtieġ li l-Kummissjoni tingħata s-setgħa li tadotta permezz ta’ atti ta’ implimentazzjoni, fejn meħtieġ, miżuri ta’ salvagwardja fuq l-importazzjonijiet ta’ prodotti fil-kamp ta’ applikazzjoni ta’ dan ir-Regolament li joriġinaw f’dawk il-pajjiżi li magħhom l-Unjoni Ewropea kkonkludiet ftehim ta’ kummerċ ħieles. Dawk il-miżuri ta’ salvagwardja jenħtieġ li jikkonformaw mar-rekwiżiti tal-ftehim applikabbli u jissostitwixxu l-miżuri tariffarji imposti skont dan ir-Regolament.
(24)Sabiex jiġi żgurat li l-livell ta’ kwoti miftuħa fir-rigward tal-importazzjonijiet fl-Unjoni jiġi adattat għaċ-ċirkostanzi li qed jinbidlu fis-swieq tal-prodotti koperti minn dan ir-Regolament kif ukoll biex jiġu pprovduti speċifikazzjonijiet tekniċi għall-implimentazzjoni tar-rekwiżit tat-tidwib u tat-tferrigħ, jenħtieġ li l-Kummissjoni tingħata s-setgħa li tadotta atti f’konformità mal-Artikolu 290 tat-Trattat dwar il-Funzjonament tal-Unjoni Ewropea biex tissupplimenta dan ir-Regolament billi tistabbilixxi r-regoli dettaljati għall-identifikazzjoni tal-pajjiż li fih l-azzar użat fil-produzzjoni tal-prodott jiġi mdewweb u mferra’ u biex jiġi emendat l-Anness II ta’ dan ir-Regolament. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta’ tħejjija, ukoll fil-livell ta’ esperti, u li dawk il-konsultazzjonijiet jiġu mwettqa f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet 10 . B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.
(25)L-allokazzjonijiet preċedenti tal-kwoti tariffarji u b’mod partikolari dawk stabbiliti skont ir-Regolament ta’ Implimentazzjoni tal-Kummissjoni (UE) 2023/1331 11 u r-Regolament ta’ Implimentazzjoni tal-Kummissjoni (UE) 2023/2840 12 dwar il-flussi kummerċjali tal-prodotti tal-azzar li joriġinaw mir-Renju Unit u li jiddaħħlu fl-Irlanda ta’ Fuq permezz ta’ trasport dirett minn partijiet oħra tar-Renju Unit jenħtieġ li jservu bħala bażi għall-allokazzjoni tal-kwoti tal-pajjiżi li għandhom jiġu stabbiliti mill-Kummissjoni. L-interessi ta’ pajjiż kandidat li qed jiffaċċja sitwazzjoni ta’ sigurtà eċċezzjonali u immedjata, bħall-Ukrajna, jenħtieġ li jiġu riflessi wkoll meta tittieħed deċiżjoni dwar l-allokazzjonijiet tal-kwoti, mingħajr ma tiddgħajjef l-effettività tal-miżura.
(26)Jenħtieġ li l-Kummissjoni tivvaluta sa mhux aktar tard minn sentejn wara l-adozzjoni ta’ dan ir-Regolament il-ħtieġa li taġġusta l-ambitu tal-prodotti koperti minn dan ir-Regolament u jekk jitqies meħtieġ, jenħtieġ li tikkunsidra li tagħmel proposta leġiżlattiva biex iżżid prodotti tal-azzar addizzjonali, inklużi prodotti li huma magħmula minn jew li fihom ammont sinifikanti ta’ azzar.
(27)Qabel l-1 ta’ Lulju 2031, u kull ħames snin minn hemm ’il quddiem, jenħtieġ li l-Kummissjoni tevalwa l-evoluzzjoni tal-parametri ewlenin li ġġustifikaw l-adozzjoni ta’ dan ir-Regolament, inklużi l-evoluzzjoni u x-xejriet tal-kapaċità żejda globali, kif ukoll l-effetti tagħha fuq is-suq tal-azzar. Jenħtieġ li l-Kummissjoni tirrieżamina wkoll is-sitwazzjoni tal-miżuri restrittivi għall-kummerċ ta’ pajjiżi terzi fuq l-azzar u l-implikazzjonijiet u l-effetti li jista’ jkollhom, jew li x’aktarx ikollhom, f’termini ta’ riskju ta’ devjazzjoni tal-kummerċ fis-suq tal-Unjoni. Barra minn hekk, jenħtieġ li l-Kummissjoni tanalizza wkoll is-sitwazzjoni li tikkonċerna l-eżistenza ta’ politiki u prattiki mhux tas-suq f’pajjiżi terzi u l-impatt tagħhom fuq is-suq tal-azzar tal-Unjoni. Jenħtieġ li l-Kummissjoni tivvaluta wkoll l-evoluzzjoni tal-prestazzjoni ekonomika tal-industrija tal-azzar tal-Unjoni kif ukoll l-evoluzzjoni tal-proġetti ta’ dekarbonizzazzjoni tagħha,
ADOTTAW DAN IR-REGOLAMENT:
Artikolu 1
1.Il-kwoti tariffarji tal-Unjoni jinfetħu, fuq bażi annwali, fir-rigward tal-importazzjonijiet fl-Unjoni ta’ kull waħda mill-kategoriji ta’ prodotti koperti minn dan ir-Regolament kif speċifikat fl-Anness I (definit b’referenza għall-kodiċijiet NM).
2.Għal kull kategorija ta’ prodotti, jinfetaħ volum speċifiku ta’ kwota tariffarja kif previst fl-Anness II fuq bażi annwali.
3.Meta l-kwota tariffarja rilevanti tiġi eżawrita jew meta l-importazzjonijiet tal-kategoriji ta’ prodotti ma jibbenefikawx mill-kwota tariffarja rilevanti, l-importazzjonijiet tal-kategoriji ta’ prodotti stabbiliti fl-Anness I għandhom ikunu soġġetti għal dazju doganali bir-rata ta’ 50% ad valorem.
Artikolu 1a
L-Artikolu 1 ma għandux japplika għal prodotti li joriġinaw fin-Norveġja, fl-Iżlanda jew fil-Liechtenstein.
Artikolu 2
1.Il-kwoti tariffarji stabbiliti fl-Artikolu 1 għandhom jiġu ġestiti mill-Kummissjoni u mill-Istati Membri f’konformità mas-sistema ta’ ġestjoni għall-kwoti tariffarji pprovduti fl-Artikoli 49 sa 54 tar-Regolament ta’ Implimentazzjoni (UE) 2015/2447.
2.Il-kwoti tariffarji għandhom jiġu amministrati kull trimestru.
3.Il-ġbid minn kull kwota trimestrali għandu jitwaqqaf fl-għoxrin jum ta’ xogħol tal-Kummissjoni wara t-tmiem tal-perjodu ta’ tliet xhur.
4.Il-volumi tal-kwota tariffarja mhux użati fi tliet xhur ma għandhomx jiġu riportati għat-trimestru ta’ wara.
Artikolu 3
1.Għall-finijiet ta’ dan ir-Regolament, il-pajjiż li fih l-azzar użat fil-produzzjoni tal-prodott jiġi mdewweb u mferra’ għandu jiġi identifikat. Il-pajjiż “tat-tidwib u tat-tferrigħ” għandu jkun il-post oriġinali fejn l-azzar mhux maħdum u l-ħadid huma inizjalment prodotti f’forma likwida f’forn li jagħmel l-azzar jew il-ħadid u sussegwentement fondut fl-ewwel stat solidu tiegħu.
2.Fil-mument tal-importazzjoni, l-importaturi għandhom jipprovdu evidenza xierqa, bħal ċertifikat tal-fabbrika li jagħti prova tal-pajjiż “tat-tidwib u tat-tferrigħ” tal-azzar użat fil-produzzjoni tal-prodott.
Artikolu 4
1.Il-Kummissjoni għandha tadotta atti ta’ implimentazzjoni li jistabbilixxu l-allokazzjoni tal-pajjiżi tal-kwoti tariffarji stabbiliti fl-Anness II biex jirriflettu l-elementi li ġejjin, kif applikabbli:
(a)il-livelli tal-kwoti tariffarji ekwivalenti għas-sehem mis-suq tal-importazzjoni li kien prevalenti fis-suq tal-azzar tal-Unjoni fl-2013 qabel l-impatt tal-kapaċità żejda globali fis-suq tal-Unjoni;
(b)il-kwoti tariffarji għal kull kategorija ta’ prodotti bbażati fuq is-sehem tal-importazzjonijiet li kellha kull kategorija ta’ prodotti matul il-perjodu 2022-2024, ikkalkulati bħala sehem mil-livelli tal-kwoti tariffarji msemmija fil-punt (a);
(c)ftehimiet eżistenti u futuri ta’ kummerċ ħieles li jkopru fil-kamp ta’ applikazzjoni tagħhom kwalunkwe wieħed mill-prodotti elenkati fl-Anness I;
(d)kwalunkwe ftehim internazzjonali konkluż mill-Unjoni skont l-Artikolu XXVIII tal-Ftehim Ġenerali dwar it-Tariffi u l-Kummerċ tal-1994 dwar il-kwoti tariffarji miftuħa fir-rigward tal-prodotti elenkati fl-Anness I;
(e)kwalunkwe ftehim internazzjonali jew fehim mhux vinkolanti li jindirizza l-livelli ta’ kapaċitajiet żejda globali għall-prodotti kkonċernati minn dan ir-Regolament;
(f) diversifikazzjoni ta’ sorsi tal-provvista;
(g) is-sitwazzjoni ta’ pajjiż kandidat li qed jiffaċċja sitwazzjoni ta’ sigurtà eċċezzjonali u immedjata.
Dawk l-atti ta’ implimentazzjoni għandhom jiġu adottati f’konformità mal-proċedura msemmija fl-Artikolu 5(2).
2.Għal raġunijiet imperattivi ta’ urġenza debitament ġustifikati relatati mal-ħtieġa li tiġi żgurata l-koinċidenza bejn id-dħul fis-seħħ ta’ dan ir-Regolament u l-allokazzjoni tal-pajjiżi tal-kwoti tariffarji stabbiliti fl-Anness II, il-Kummissjoni għandha tadotta minnufih atti ta’ implimentazzjoni applikabbli f’konformità mal-proċedura msemmija fl-Artikolu 5(3).
Artikolu 4a
1.Il-Kummissjoni tista’ tadotta atti ta’ implimentazzjoni li jimponu miżuri ta’ salvagwardja bilaterali fuq l-importazzjonijiet ta’ prodotti fil-kamp ta’ applikazzjoni ta’ dan ir-Regolament li joriġinaw f’dawk il-pajjiżi li magħhom l-Unjoni Ewropea tkun ikkonkludiet ftehim ta’ kummerċ ħieles. Dawk il-miżuri ta’ salvagwardja għandhom jikkonformaw mar-rekwiżiti tal-ftehim applikabbli u għandhom jissostitwixxu l-miżuri tariffarji imposti skont dan ir-regolament.
2.Dawk l-atti ta’ implimentazzjoni għandhom jiġu adottati f’konformità mal-proċedura msemmija fl-Artikolu 5(2).
3.Għal raġunijiet imperattivi ta’ urġenza debitament ġustifikati relatati mal-ħtieġa li tiġi żgurata li l-miżuri ta’ salvagwardja bilaterali jistgħu jidħlu fis-seħħ immedjatament mad-dħul fis-seħħ ta’ dan ir-Regolament, il-Kummissjoni għandha tadotta minnufih atti ta’ implimentazzjoni applikabbli f’konformità mal-proċedura msemmija fl-Artikolu 5(3).
Artikolu 5
1.Il-Kummissjoni għandha tkun megħjuna mill-Kumitat dwar l-Ostakoli għall-Kummerċ stabbilit permezz tal-Artikolu 7 tar-Regolament (UE) Nru 2015/1843 tal-Parlament Ewropew u tal-Kunsill 13 .
2.Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.
Meta l-Kumitat ma jagħti l-ebda opinjoni, il-Kummissjoni għandha tadotta l-abbozz ta’ att ta’ implimentazzjoni, soġġett għad-dispożizzjonijiet tat-tielet subparagrafu tal-Artikolu 5(4) tar-Regolament (UE) Nru 182/2011.
3.Meta ssir referenza għal dan il-paragrafu, għandu japplika l-Artikolu 8 tar-Regolament (UE) Nru 182/2011, flimkien mal-Artikolu 5 tiegħu.
Artikolu 6
1.Il-Kummissjoni għandha s-setgħa li tadotta atti delegati f’konformità mal-Artikolu 7 biex temenda l-volumi ta’ kwoti tariffarji stabbiliti fl-Anness II filwaqt li tqis l-elementi li ġejjin:
(a)l-evoluzzjoni tad-domanda;
(b)il-bidliet fl-ishma tas-suq tal-importazzjoni;
(c) żviluppi sinifikanti fil-kapaċità żejda;
(d)l-evoluzzjoni u l-firxa tal-miżuri ta’ pajjiżi terzi li għandhom impatt fuq l-importazzjonijiet tal-azzar;
(e)kwistjonijiet potenzjali ta’ disponibbiltà tal-provvista f’ċerti kategoriji ta’ prodotti;
(f)effetti ta’ esklużjoni bla bżonn f’ċerti kwoti tariffarji;
(g)il-miżuri ta’ salvagwardja bilaterali imposti skont l-Artikolu 4a.
2.Il-Kummissjoni għandha s-setgħa li tadotta atti delegati f’konformità mal-Artikolu 7 li jissupplimentaw dan ir-Regolament billi tistabbilixxi r-regoli dettaljati għall-applikazzjoni tal-Artikolu 3.
3.Meta, fil-każ ta’ bidliet f’daqqa fis-swieq tal-prodotti koperti minn dan ir-Regolament, jew sabiex tiġi żgurata l-applikazzjoni f’waqtha tal-Artikolu 3 jew biex jitqiesu l-miżuri ta’ salvagwardja imposti skont l-Artikolu 4a(3), ikun meħtieġ li dan ir-Regolament jiġi emendat jew issupplimentat malajr u raġunijiet imperattivi ta’ urġenza jkunu jirrikjedu dan, il-proċedura prevista fl-Artikolu 8 għandha tapplika għall-atti delegati adottati skont dan l-Artikolu.
Artikolu 7
1.Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kundizzjonijiet stabbiliti f’dan l-Artikolu.
2.Is-setgħa ta’ adozzjoni ta’ atti delegati msemmija fl-Artikolu 6 għandha tiġi mogħtija lill-Kummissjoni għal perjodu ta’ żmien indeterminat minn [Uffiċċju tal-Pubblikazzjonijiet: daħħal id-dħul fis-seħħ ta’ dan ir-Regolament].
3.Id-delega tas-setgħa msemmija fl-Artikolu 6 tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva fil-jum wara dak tal-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandhiex taffettwa l-validità ta’ kwalunkwe att delegat li jkun diġà fis-seħħ.
4.Qabel ma tadotta att delegat, il-Kummissjoni għandha tikkonsulta esperti nnominati minn kull Stat Membru f’konformità mal-prinċipji stipulati fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016.
5.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.
6.Att delegat adottat skont l-Artikolu 6 għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.
Artikolu 8
1.Meta atti delegati jiġu adottati skont dan l-Artikolu, huma għandhom jidħlu fis-seħħ mingħajr dewmien u għandhom japplikaw ladarba ma tkun ġiet espressa l-ebda oġġezzjoni f’konformità mal-paragrafu 2. In-notifika ta’ att delegat lill-Parlament Ewropew u lill-Kunsill għandha tagħti r-raġunijiet li għalihom tkun intużat il-proċedura ta’ urġenza.
2.Il-Parlament Ewropew jew il-Kunsill jistgħu joġġezzjonaw għal att delegat skont il-proċedura msemmija fl-Artikolu 7.
3.F’dan il-każ, il-Kummissjoni għandha tirrevoka l-att minnufih wara n-notifika tad-deċiżjoni ta’ oġġezzjoni mill-Parlament Ewropew jew mill-Kunsill.
Artikolu 9
1.Sa [l-Uffiċċju tal-Pubblikazzjonijiet: daħħal id-data 2 snin wara l-adozzjoni ta’ dan l-abbozz ta’ Regolament] il-Kummissjoni għandha tivvaluta l-ħtieġa li jiġi emendat l-kamp ta’ applikazzjoni tal-prodott ta’ dan ir-Regolament, u tista’ tissottometti proposta leġiżlattiva biex temenda dan ir-Regolament. Din il-valutazzjoni għandha titwettaq perjodikament kull sentejn wara l-ewwel rieżami.
2.Qabel l-1 ta’ Lulju 2031, u kull ħames snin wara dan, il-Kummissjoni għandha tevalwa l-effettività ta’ dan ir-Regolament. Tali evalwazzjoni għandha tqis il-persistenza taċ-ċirkostanzi li ġġustifikaw l-adozzjoni ta’ dan ir-Regolament u s-sitwazzjoni tal-industrija tal-manifattura tal-azzar tal-Unjoni. Fuq il-bażi ta’ dik l-evalwazzjoni, il-Kummissjoni tista’ tippreżenta proposta leġiżlattiva biex temenda jew tħassar dan ir-Regolament.
Artikolu 10
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu,
Għall-Parlament Ewropew Għall-Kunsill
Il-President Il-President
DIKJARAZZJONI FINANZJARJA LEĠIŻLATTIVA “DĦUL” - GĦAL PROPOSTI LI GĦANDHOM IMPATT BAĠITARJU FUQ IN-NAĦA TAD-DĦUL TAL-BAĠIT
1.ISEM IL-PROPOSTA: Proposta għal Regolament tal-Parlament Ewropew u tal-Kunsill li jindirizza l-effetti negattivi relatati mal-kummerċ tal-kapaċità żejda globali fuq is-suq tal-azzar tal-Unjoni
2.LINJI BAĠITARJI:
Linja tad-dħul (Kapitolu/Artikolu/Partita):
Ammont ibbaġitjat għas-sena kkonċernata:
(fil-każ ta’ dħul assenjat biss):
Id-dħul jiġi assenjat għal-linja tan-nefqa li ġejja (Kapitolu/Artikolu/Partita):
3.IMPATT FINANZJARJU
◻ Il-proposta ma għandha l-ebda implikazzjoni finanzjarja
◻ Il-proposta ma għandha l-ebda impatt finanzjarju fuq in-nefqa iżda għandha impatt finanzjarju fuq id-dħul
⌧ Il-proposta għandha impatt finanzjarju fuq id-dħul assenjat
L-effett huwa kif ġej:
(miljuni ta’ EUR sa pożizzjoni deċimali waħda)
|
Linja tad-dħul |
perjodu ta’ XX xhur li jibda minn jj/xx/ssss (jekk japplika) |
Sena N |
|
|
Kapitolu/Artikolu/Partita … |
|||
|
Kapitolu/Artikolu/Partita … |
|
Sitwazzjoni wara l-azzjoni |
|||||
|
Linja tad-dħul |
[N+1] |
[N+2] |
[N+3] |
[N+4] |
[N+5] |
|
Kapitolu/Artikolu/Partita … |
|||||
|
Kapitolu/Artikolu/Partita … |
|||||
(Fil-każ ta’ dħul assenjat biss, bil-kundizzjoni li l-linja baġitarja tkun diġà magħrufa):
|
Linja tan-nefqa 16 |
Sena N |
Sena N+1 |
|
Kapitolu/Artikolu/Partita … |
||
|
Kapitolu/Artikolu/Partita … |
|
Linja tan-nefqa |
[N+2] |
[N+3] |
[N+4] |
[N+5] |
|
Kapitolu/Artikolu/Partita … |
||||
|
Kapitolu/Artikolu/Partita … |
4.MIŻURI KONTRA L-FRODI
5.RIMARKI OĦRA
Il-miżura tieħu l-forma ta’ kwoti tariffarji mingħajr dazju, u meta din il-kwota tiġi eżawrita, japplika dazju ta’ 50%. Għalhekk, huwa mistenni li mill-inqas xi volumi jidħlu s-suq tal-UE li jħallas id-dazju. Madankollu, mhuwiex possibbli li jiġi stmat l-ammont ta’ volum u l-prezz li bih se jseħħu tali importazzjonijiet potenzjali bid-dazji. Għal din ir-raġuni, ma nistgħux nistmaw l-impatt fuq id-dħul.
IL-KUMMISSJONI EWROPEA
Strasburgu, 7.10.2025
COM(2025) 726 final
ANNESSI
tal-
Proposta għal REGOLAMENT TAL-PARLAMENT EWROPEW U TAL-KUNSILL
li jindirizza l-effetti negattivi relatati mal-kummerċ tal-kapaċità globali żejda fuq is-suq tal-azzar tal-Unjoni
{SWD(2025) 780 final}
ANNESS I
Kategoriji ta’ prodotti koperti minn dan ir-Regolament
|
Numru tal-kategorija tal-prodott |
Isem il-kategorija tal-prodott |
Kodiċi NΜ |
|
1A |
Folji u Strixxi Mhux Illigati u Oħrajn Illigati Llaminati bis-Sħana |
7208 10 00, 7208 25 00, 7208 26 00, 7208 27 00, 7208 36 00, 7208 37 00, 7208 38 00, 7208 39 00, 7208 40 00, 7208 52 99, 7208 53 90, 7208 54 00, 7211 14 00, 7211 19 00, 7225 19 10, 7225 30 10, 7225 30 30, 7225 30 90, 7225 40 15, 7225 40 90, 7226 19 10, 7226 91 20, 7226 91 91, 7226 91 99 |
|
1B |
Folji u Strixxi Mhux Illigati u Oħrajn Illigati Llaminati bis-Sħana |
7212 60 00 |
|
2 |
Folji Mhux Illigati u Oħrajn Illigati Llaminati bil-Kesħa |
7209 15 00, 7209 16 90, 7209 17 90, 7209 18 91, 7209 25 00, 7209 26 90, 7209 27 90, 7209 28 90, 7209 90 20, 7209 90 80, 7211 23 20, 7211 23 30, 7211 23 80, 7211 29 00, 7211 90 20, 7211 90 80, 7225 50 20, 7225 50 80, 7226 20 00, 7226 92 00 |
|
3.A |
Folji Elettriċi (għajr GOES) |
7209 16 10, 7209 17 10, 7209 18 10, 7209 26 10, 7209 27 10, 7209 28 10 |
|
3.B |
7225 19 90, 7226 19 80 |
|
|
4A |
Folji Miksija Metalliċi |
7210 20 00, 7210 30 00, 7210 41 00, 7210 49 00, 7210 61 00, 7210 69 00, 7210 90 80, 7212 20 00, 7212 30 00, 7212 50 20, 7212 50 30, 7212 50 40, 7212 50 61, 7212 50 69, 7212 50 90, 7225 91 00, 7225 92 00, 7225 99 00, 7226 99 10, 7226 99 30, 7226 99 70 |
|
4B |
Folji Miksija Metalliċi |
Kodiċijiet NM: 7210 20 00, 7210 30 00, 7210 90 80, 7212 20 00, 7212 50 30, 7212 50 40, 7212 50 90, 7225 91 00, 7226 99 10 Kodiċijiet TARIC: 7210 41 00 80, 7210 49 00 80, 7210 61 00 80, 7210 69 00 80, 7212 30 00 80, 7212 50 61 80, 7212 50 69 80, 7225 92 00 80, 7225 99 00 25, 7225 99 00 95, 7226 99 30 90, 7226 99 70 19, 7226 99 70 96 |
|
5 |
Folji Miksija Organiċi |
7210 70 80, 7212 40 80, |
|
6 |
Prodotti Stanjati |
7209 18 99, 7210 11 00, 7210 12 20, 7210 12 80, 7210 50 00, 7210 70 10, 7210 90 40, 7212 10 10, 7212 10 90, 7212 40 20 |
|
7 |
Pjanċi Kwarto Mhux Illigati u Oħrajn Illigati |
7208 51 20, 7208 51 91, 7208 51 98, 7208 52 91, 7208 90 20, 7208 90 80, 7210 90 30, 7225 40 12, 7225 40 40, 7225 40 60, 7225 99 00 |
|
8 |
Folji u Strixxi tal-Azzar Inossidabbli Llaminati bis-Sħana |
7219 11 00, 7219 12 10, 7219 12 90, 7219 13 10, 7219 13 90, 7219 14 10, 7219 14 90, 7219 22 10, 7219 22 90, 7219 23 00, 7219 24 00, 7220 11 00, 7220 12 00 |
|
9 |
Folji u Strixxi tal-Azzar Inossidabbli Llaminati bil-Kesħa |
7219 31 00, 7219 32 10, 7219 32 90, 7219 33 10, 7219 33 90, 7219 34 10, 7219 34 90, 7219 35 10, 7219 35 90, 7219 90 20, 7219 90 80, 7220 20 21, 7220 20 29, 7220 20 41, 7220 20 49, 7220 20 81, 7220 20 89, 7220 90 20, 7220 90 80 |
|
10 |
Pjanċi Kwatro Inossidabbli Llaminati bis-Sħana |
7219 21 10, 7219 21 90 |
|
12 |
Forom tal-Metall u Forom Ħfief Mhux Illigati u Oħrajn Illigati |
7214 30 00, 7214 91 10, 7214 91 90, 7214 99 31, 7214 99 39, 7214 99 50, 7214 99 71, 7214 99 79, 7214 99 95, 7215 90 00, 7216 10 00, 7216 21 00, 7216 22 00, 7216 40 10, 7216 40 90, 7216 50 10, 7216 50 91, 7216 50 99, 7216 99 00, 7228 10 20, 7228 20 10, 7228 20 91, 7228 30 20, 7228 30 41, 7228 30 49, 7228 30 61, 7228 30 69, 7228 30 70, 7228 30 89, 7228 60 20, 7228 60 80, 7228 70 10, 7228 70 90, 7228 80 00 |
|
13 |
Vireg tar-rinforz |
7214 20 00, 7214 99 10 |
|
14 |
Żbarri Inossidabbli u Forom Ħfief |
7222 11 11, 7222 11 19, 7222 11 81, 7222 11 89, 7222 19 10, 7222 19 90, 7222 20 11, 7222 20 19, 7222 20 21, 7222 20 29, 7222 20 31, 7222 20 39, 7222 20 81, 7222 20 89, 7222 30 51, 7222 30 91, 7222 30 97, 7222 40 10, 7222 40 50, 7222 40 90 |
|
15 |
Vireg tal-Wajer Inossidabbli |
7221 00 10, 722 10 90 |
|
16 |
Vireg tal-Wajer Mhux Illigati u Oħrajn Illigati |
7213 10 00, 7213 20 00, 7213 91 10, 7213 91 20, 7213 91 41, 7213 91 49, 7213 91 70, 7213 91 90, 7213 99 10, 7213 99 90, 7227 10 00, 7227 20 00, 7227 90 10, 7227 90 50, 7227 90 95 |
|
17 |
Angoli, Forom u Qatgħat tal-Ħadid jew tal-Azzar Mhux Illigat |
7216 31 10, 7216 31 90, 7216 32 11, 7216 32 19, 7216 32 91, 7216 32 99, 7216 33 10, 7216 33 90 |
|
18 |
Gzuz ta’ Pjanċi |
7301 10 00 |
|
19 |
Materjali tal-Ferrovija |
7302 10 22, 7302 10 28, 7302 10 40, 7302 10 50, 7302 40 00 |
|
20 |
Pajpijiet tal-gass |
7306 30 41, 7306 30 49, 7306 30 72, 7306 30 77 |
|
21 |
Profili kavati |
7306 61 10, 7306 61 92, 7306 61 99 |
|
22 |
Tubi u Pajpijiet Inossidabbli Mingħajr Saldatura |
7304 11 00, 7304 22 00, 7304 24 00, 7304 41 00, 7304 49 83, 7304 49 85, 7304 49 89 |
|
24 |
Tubi Oħrajn Mingħajr Saldatura |
7304 19 10, 7304 19 30, 7304 19 90, 7304 23 00, 7304 29 10, 7304 29 30, 7304 29 90, 7304 31 20, 7304 31 80, 7304 39 10, , 7304 39 50, 7304 39 82, 7304 39 83, 7304 39 88, 7304 51 81, 7304 51 89, , 7304 59 30, 7304 59 82, 7304 59 83, 7304 59 89, 7304 90 00 |
|
25.A |
Tubi wweldjati kbar |
7305 11 00,7305 12 00 |
|
25.B |
7305 19 00, 7305 20 00, 7305 31 00, 7305 39 00, 7305 90 00 |
|
|
26 |
Pajpijiet Iwweldjati Oħra |
7306 11 00, 7306 19 00, , 7306 21 00, 7306 29 00, 7306 30 12, 7306 30 18, 7306 30 80, 7306 40 20, 7306 40 80, 7306 50 21, 7306 50 29, 7306 50 80, 7306 69 10, 7306 69 90, 7306 90 00 |
|
27 |
Żbarri mhux Illigati u oħrajn illigati b’finatura bil-kesħa |
7215 10 00, 7215 50 11, 7215 50 19, 7215 50 80, 7228 10 90, 7228 20 99, 7228 50 20, 7228 50 40, 7228 50 61, 7228 50 69, 7228 50 80 |
|
28 |
Wajer Mhux Illigat |
7217 10 10, 7217 10 31, 7217 10 39, 7217 10 50, 7217 10 90, 7217 20 10, 7217 20 30, 7217 20 50, 7217 20 90, 7217 30 41, 7217 30 49, 7217 30 50, 7217 30 90, 7217 90 20, 7217 90 50, 7217 90 90 |
ANNESS II
Volumi ta’ kwoti għal kull kategorija ta’ prodotti
|
Numru tal-kategorija tal-prodott |
Isem il-kategorija tal-prodott |
Kodiċi NΜ |
volum allokat ta’ TRQ (f’tunnellati) |
Livell ta’ dazju barra mill-kwota |
|
1A |
Folji u Strixxi Mhux Illigati u Oħrajn Illigati Illaminati bis-Sħana |
7208 10 00, 7208 25 00, 7208 26 00, 7208 27 00, 7208 36 00, 7208 37 00, 7208 38 00, 7208 39 00, 7208 40 00, 7208 52 99, 7208 53 90, 7208 54 00, 7211 14 00, 7211 19 00, 7225 19 10, 7225 30 10, 7225 30 30, 7225 30 90, 7225 40 15, 7225 40 90, 7226 19 10, 7226 91 20, 7226 91 91, 7226 91 99 |
5,198,712 |
50% |
|
1B |
Folji u Strixxi Mhux Illigati u Oħrajn Illigati Illaminati bis-Sħana |
7212 60 00 |
4,581 |
50% |
|
2 |
Folji Mhux Illigati u Oħrajn Illigati Llaminati bil-Kesħa |
7209 15 00, 7209 16 90, 7209 17 90, 7209 18 91, 7209 25 00, 7209 26 90, 7209 27 90, 7209 28 90, 7209 90 20, 7209 90 80, 7211 23 20, 7211 23 30, 7211 23 80, 7211 29 00, 7211 90 20, 7211 90 80, 7225 50 20, 7225 50 80, 7226 20 00, 7226 92 00 |
1,544,759 |
50% |
|
3.A |
Folji Elettriċi (għajr GOES) |
7209 16 10, 7209 17 10, 7209 18 10, 7209 26 10, 7209 27 10, 7209 28 10 |
612 |
50% |
|
3.B |
7225 19 90, 7226 19 80 |
199,079 |
50% |
|
|
4A |
Folji Miksija Metalliċi |
7210 20 00, 7210 30 00, 7210 41 00, 7210 49 00, 7210 61 00, 7210 69 00, 7210 90 80, 7212 20 00, 7212 30 00, 7212 50 20, 7212 50 30, 7212 50 40, 7212 50 61, 7212 50 69, 7212 50 90, 7225 91 00, 7225 92 00, 7225 99 00, 7226 99 10, 7226 99 30, 7226 99 70 |
1,620,686 |
50% |
|
4B |
Folji Miksija Metalliċi |
Kodiċijiet NM: 7210 20 00, 7210 30 00, 7210 90 80, 7212 20 00, 7212 50 30, 7212 50 40, 7212 50 90, 7225 91 00, 7226 99 10 Kodiċijiet TARIC: 7210 41 00 80, 7210 49 00 80, 7210 61 00 80, 7210 69 00 80, 7212 30 00 80, 7212 50 61 80, 7212 50 69 80, 7225 92 00 80, 7225 99 00 25, 7225 99 00 95, 7226 99 30 90, 7226 99 70 19, 7226 99 70 96 |
1,238,995 |
50% |
|
5 |
Folji Miksija Organiċi |
7210 70 80, 7212 40 80, |
627,871 |
50% |
|
6 |
Prodotti Stanjati |
7209 18 99, 7210 11 00, 7210 12 20, 7210 12 80, 7210 50 00, 7210 70 10, 7210 90 40, 7212 10 10, 7212 10 90, 7212 40 20 |
542,840 |
50% |
|
7 |
Pjanċi Kwarto Mhux Illigati u Oħrajn Illigati |
7208 51 20, 7208 51 91, 7208 51 98, 7208 52 91, 7208 90 20, 7208 90 80, 7210 90 30, 7225 40 12, 7225 40 40, 7225 40 60, 7225 99 00 |
1,196,903 |
50% |
|
8 |
Folji u Strixxi tal-Azzar Inossidabbli Llaminati bis-Sħana |
7219 11 00, 7219 12 10, 7219 12 90, 7219 13 10, 7219 13 90, 7219 14 10, 7219 14 90, 7219 22 10, 7219 22 90, 7219 23 00, 7219 24 00, 7220 11 00, 7220 12 00 |
153,186 |
50% |
|
9 |
Folji u Strixxi tal-Azzar Inossidabbli Llaminati bil-Kesħa |
7219 31 00, 7219 32 10, 7219 32 90, 7219 33 10, 7219 33 90, 7219 34 10, 7219 34 90, 7219 35 10, 7219 35 90, 7219 90 20, 7219 90 80, 7220 20 21, 7220 20 29, 7220 20 41, 7220 20 49, 7220 20 81, 7220 20 89, 7220 90 20, 7220 90 80 |
496,342 |
50% |
|
10 |
Pjanċi Kwatro Inossidabbli Llaminati bis-Sħana |
7219 21 10, 7219 21 90 |
17,025 |
50% |
|
12 |
Forom tal-Metall u Forom Ħfief Mhux Illigati u Oħrajn Illigati |
7214 30 00, 7214 91 10, 7214 91 90, 7214 99 31, 7214 99 39, 7214 99 50, 7214 99 71, 7214 99 79, 7214 99 95, 7215 90 00, 7216 10 00, 7216 21 00, 7216 22 00, 7216 40 10, 7216 40 90, 7216 50 10, 7216 50 91, 7216 50 99, 7216 99 00, 7228 10 20, 7228 20 10, 7228 20 91, 7228 30 20, 7228 30 41, 7228 30 49, 7228 30 61, 7228 30 69, 7228 30 70, 7228 30 89, 7228 60 20, 7228 60 80, 7228 70 10, 7228 70 90, 7228 80 00 |
881,735 |
50% |
|
13 |
Vireg tar-rinforz |
7214 20 00, 7214 99 10 |
844,526 |
50% |
|
14 |
Żbarri Inossidabbli u Forom Ħfief |
7222 11 11, 7222 11 19, 7222 11 81, 7222 11 89, 7222 19 10, 7222 19 90, 7222 20 11, 7222 20 19, 7222 20 21, 7222 20 29, 7222 20 31, 7222 20 39, 7222 20 81, 7222 20 89, 7222 30 51, 7222 30 91, 7222 30 97, 7222 40 10, 7222 40 50, 7222 40 90 |
133,595 |
50% |
|
15 |
Vireg tal-Wajer Inossidabbli |
7221 00 10, 722 10 90 |
40,462 |
50% |
|
16 |
Vireg tal-Wajer Mhux Illigati u Oħrajn Illigati |
7213 10 00, 7213 20 00, 7213 91 10, 7213 91 20, 7213 91 41, 7213 91 49, 7213 91 70, 7213 91 90, 7213 99 10, 7213 99 90, 7227 10 00, 7227 20 00, 7227 90 10, 7227 90 50, 7227 90 95 |
1,569,532 |
50% |
|
17 |
Angoli, Forom u Qatgħat tal-Ħadid jew tal-Azzar Mhux Illigat |
7216 31 10, 7216 31 90, 7216 32 11, 7216 32 19, 7216 32 91, 7216 32 99, 7216 33 10, 7216 33 90 |
184,607 |
50 % |
|
18 |
Gzuz ta’ Pjanċi |
7301 10 00 |
31,263 |
50% |
|
19 |
Materjali tal-Ferrovija |
7302 10 22, 7302 10 28, 7302 10 40, 7302 10 50, 7302 40 00 |
16,472 |
50% |
|
20 |
Pajpijiet tal-gass |
7306 30 41, 7306 30 49, 7306 30 72, 7306 30 77 |
222,413 |
50% |
|
21 |
Profili kavati |
7306 61 10, 7306 61 92, 7306 61 99 |
499,493 |
50% |
|
22 |
Tubi u Pajpijiet Inossidabbli Mingħajr Saldatura |
7304 11 00, 7304 22 00, 7304 24 00, 7304 41 00, 7304 49 83, 7304 49 85, 7304 49 89 |
32,967 |
50% |
|
24 |
Tubi Oħrajn Mingħajr Saldatura |
7304 19 10, 7304 19 30, 7304 19 90, 7304 23 00, 7304 29 10, 7304 29 30, 7304 29 90, 7304 31 20, 7304 31 80, 7304 39 10, , 7304 39 50, 7304 39 82, 7304 39 83, 7304 39 88, 7304 51 81, 7304 51 89, , 7304 59 30, 7304 59 82, 7304 59 83, 7304 59 89, 7304 90 00 |
268,901 |
50% |
|
25.A |
Tubi wweldjati kbar |
7305 11 00,7305 12 00 |
28,749 |
50% |
|
25.B |
7305 19 00, 7305 20 00, 7305 31 00, 7305 39 00, 7305 90 00 |
83,616 |
50% |
|
|
26 |
Pajpijiet Iwweldjati Oħra |
7306 11 00, , 7306 19 00, , 7306 21 00, 7306 29 00, 7306 30 12, 7306 30 18, 7306 30 80, 7306 40 20, 7306 40 80, 7306 50 21, 7306 50 29, 7306 50 80, 7306 69 10, 7306 69 90, 7306 90 00 |
250,757 |
50% |
|
27 |
Żbarri mhux Illigati u oħrajn illigati b’finatura bil-kesħa |
7215 10 00, 7215 50 11, 7215 50 19, 7215 50 80, 7228 10 90, 7228 20 99, 7228 50 20, 7228 50 40, 7228 50 61, 7228 50 69, 7228 50 80 |
97,315 |
50% |
|
28 |
Wajer Mhux Illigat |
7217 10 10, 7217 10 31, 7217 10 39, 7217 10 50, 7217 10 90, 7217 20 10, 7217 20 30, 7217 20 50, 7217 20 90, 7217 30 41, 7217 30 49, 7217 30 50, 7217 30 90, 7217 90 20, 7217 90 50, 7217 90 90 |
317,886 |
50% |