IL-KUMMISSJONI EWROPEA
Brussell, 28.7.2025
COM(2025) 454 final
2025/0249(NLE)
Proposta għal
DEĊIŻJONI TAL-KUNSILL
dwar il-pożizzjoni li għandha tittieħed f’isem l-Unjoni Ewropea fil-Kumitat ta’ Assoċjazzjoni fil-Konfigurazzjoni tal-Kummerċ stabbilit mill-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u r-Repubblika tal-Moldova, min-naħa l-oħra, rigward it-tnaqqis u t-tneħħija tad-dazji doganali
MEMORANDUM TA’ SPJEGAZZJONI
1.Suġġett tal-proposta
Din il-proposta tikkonċerna d-deċiżjoni li tistabbilixxi l-pożizzjoni li għandha tittieħed f’isem l-Unjoni Ewropea fil-Kumitat ta’ Assoċjazzjoni fil-Konfigurazzjoni tal-Kummerċ taħt il-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u r-Repubblika tal-Moldova (“il-Moldova”), min-naħa l-oħra (“il-Ftehim”) ( 1 ), b’rabta mal-adozzjoni prevista ta’ deċiżjoni dwar it-tnaqqis u t-tneħħija tad-dazji doganali skont l-Artikolu 147(4) tal-Ftehim.
2.Kuntest tal-proposta
2.1.Il-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika, u l-Istati Membri tagħhom, minn naħa waħda, u l-Moldova, min-naħa l-oħra
Il-Ftehim għandu l-għan li jippromwovi d-djalogu politiku u jżid l-assoċjazzjoni tal-Moldova mal-politiki tal-UE u s-sehem tagħha fil-programmi u l-aġenziji tal-UE. Fih ukoll żona ta’ kummerċ ħieles approfondita u komprensiva (DCFTA, Deep and Comprehensive Free Trade Area) biex jiġu stabbiliti kundizzjonijiet għal relazzjonijiet ekonomiċi u kummerċjali msaħħa li jwasslu għall-integrazzjoni gradwali tal-Moldova fis-suq intern tal-UE. Il-Ftehim daħal fis-seħħ fl-1 ta’ Lulju 2016 u d-DCFTA ġiet applikata b’mod proviżorju mill-1 ta’ Settembru 2014.
2.2.Il-Kumitat ta’ Assoċjazzjoni fil-Konfigurazzjoni tal-Kummerċ
Skont l-Artikolu 438(4) tal-Ftehim, il-kwistjonijiet kollha relatati mat-Titolu V tal-Ftehim (dwar il-kummerċ u kwistjonijiet relatati mal-kummerċ) se jiġu indirizzati fil-Kumitat ta’ Assoċjazzjoni fil-Konfigurazzjoni tal-Kummerċ. Skont l-Artikolu 147(4) tal-Ftehim, wara d-dħul fis-seħħ tal-Ftehim, il-Partijiet jistgħu jiftiehmu sabiex jikkunsidraw li jaċċelleraw u jwessgħu l-kamp ta’ applikazzjoni tat-tneħħija tad-dazji doganali fuq il-kummerċ bejniethom. Il-Kumitat ta’ Assoċjazzjoni fil-Konfigurazzjoni tal-Kummerċ jista’ jadotta deċiżjoni għar-rigward.
2.3.L-att previst tal-Kumitat ta’ Assoċjazzjoni fil-Konfigurazzjoni tal-Kummerċ
Il-Kumitat ta’ Assoċjazzjoni fil-Konfigurazzjoni tal-Kummerċ għandu jadotta deċiżjoni dwar it-tnaqqis u t-tneħħija tad-dazji doganali skont l-Artikolu 147(4) tal-Ftehim (“l-att previst”).
L-għan tal-att previst huwa li jwessa’ l-kamp ta’ applikazzjoni tat-tneħħija tad-dazji doganali fil-kummerċ bejn l-UE u l-Moldova.
L-att previst isir vinkolanti fuq il-Partijiet f’konformità mal-Artikolu 438(3) tal-Ftehim, li jipprevedi li: “Dawk id-deċiżjonijiet huma vinkolanti għall-Partijiet, li jieħdu l-miżuri xierqa biex iwettquhom”.
3.Pożizzjoni li għandha tittieħed f’isem l-Unjoni
Il-pożizzjoni li għandha tittieħed f’isem l-Unjoni Ewropea fil-Kumitat ta’ Assoċjazzjoni fil-Konfigurazzjoni tal-Kummerċ se tissejjes fuq l-abbozz tad-Deċiżjoni tal-Kumitat ta’ Assoċjazzjoni fil-Konfigurazzjoni tal-Kummerċ mehmuż ma’ din il-proposta. Hija frott id-diskussjonijiet bejn il-Partijiet fid-dawl tal-iskadenza tal-miżuri unilaterali ta’ liberalizzazzjoni tal-kummerċ tal-Unjoni Ewropea (miżuri kummerċjali awtonomi (ATMs, Autonomous Trade Measures) għall-Moldova tat-18 ta’ Lulju 2022 ( 2 ), li ġew imġedda fl-2023 ( 3 ) u fl-2024 ( 4 ) b’segwitu għall-gwerra ta’ aggressjoni mir-Russja kontra l-Ukrajna.
Il-konsultazzjonijiet irriżultaw fi ftehim bil-parametri segwenti:
–Flussi kummerċjali msaħħa: Il-ftehim rivedut isib bilanċ bejn li jiġi appoġġat il-kummerċ tal-Moldova mal-UE u s-sensittivitajiet ta’ ċerti partijiet ikkonċernati u setturi agrikoli tal-UE. L-aċċess għas-suq negozjat ivarja skont il-prodotti. Għat-tuffieħ, it-TRQ tad-DCFTA żdiedet b’25 %. Għall-għanbaqar, iċ-ċirasa u l-għeneb tal-mejda, iż-żidiet meta mqabbla mat-TRQs tad-DCFTA huma skont l-ogħla esportazzjonijiet tal-Moldova ta’ dawn il-prodotti fis-suq tal-UE fl-aħħar 3 snin, jew aktar għoljin minnhom, li jirriżulta f’żieda fit-TRQs ta’ 300 % (għanbaqar), 200 % (ċirasa) u 100 % (għeneb tal-mejda) apparagun mat-TRQs tad-DCFTA attwali. Għat-tliet prodotti li jifdal, intlaħaq ftehim għal liberalizzazzjoni sħiħa permanenti għat-tewm u l-meraq tal-għeneb, filwaqt li għat-tadam intlaħaq ftehim għal liberalizzazzjoni permanenti iżda d-dazju speċifiku fl-ambitu tas-sistema tal-prezz ta’ dħul għandu jibqa’ fis-seħħ.
–Allinjament mal-istandards tal-UE tal-produzzjonijiet agroalimentari: L-aċċess ġdid għas-suq jiddependi mill-impenn tal-Moldova li tallinja ruħha gradwalment, sal-2027, ma’ ċerti standards tal-UE tal-produzzjoni agroalimentari, bħall-użu tal-pestiċidi. Il-Moldova hija mistennija tirrapporta kull sena dwar il-progress tagħha f’dan ir-rigward. Dan l-approċċ huwa konsistenti mal-perspettiva tal-proċess ta’ adeżjoni tal-Moldova mal-UE u l-adozzjoni tal-acquis tal-UE.
–Klawsola ta’ salvagwardja robusta: Kull Parti se jkollha l-possibbiltà li tattiva mekkaniżmu ta’ salvagwardja li jippermetti l-adozzjoni ta’ miżuri xierqa f’sitwazzjonijiet li fihom l-importazzjonijiet mill-Parti l-oħra jistgħu jikkawżaw jew jheddu li jikkawżaw diffikultajiet ekonomiċi, soċjetali jew ambjentali fit-territorju tagħha. Fil-każ tal-UE, disturb possibbli jista’ jiġi vvalutat fil-livell ta’ Stat Membru wieħed jew aktar.
L-Unjoni Ewropea kkundannat bil-qawwa l-gwerra ta’ aggressjoni tar-Russja kontra l-Ukrajna u ħadet passi bla preċedent biex tappoġġa lill-Moldova f’dan il-kuntest ta’ eċċezzjoni u fi triqitha lejn l-adeżjoni. Dan jinkludi l-appoġġ fit-tul għar-riformi u t-tkabbir ekonomiku skont il-Pjan Ġdid ta’ Tkabbir għall-Moldova li jiswa EUR 1,9 biljun. Il-Moldova ngħatat l-istatus ta’ kandidat tal-UE f’Ġunju 2022 u n-negozjati tal-adeżjoni nfetħu f’Diċembru 2023. L-att previst għaldaqstant jikkonforma mal-obbligi tal-Unjoni skont l-Artiklu 21(3) tat-Trattat dwar l-Unjoni Ewropea (TUE) u huwa segwitu tagħhom biex tkun aċċertata l-konsistenza bejn l-oqsma differenti tal-azzjoni esterna tagħha, kif ukoll mal-Artikolu 207(1) tat-Trattat dwar il-Funzjonament tal-Unjoni Ewropea (TFUE) li jipprevedi li l-politika kummerċjali komuni għandha titwettaq fil-kuntest tal-prinċipji u l-objettivi tal-azzjoni esterna tal-Unjoni.
Sabiex tinforma lill-pubbliku u tiġbor l-opinjonijiet tal-partijiet ikkonċernati, il-Kummissjoni Ewropea ħarġet sejħa għal evidenza ( 5 ) bejn it-30 ta’ Ottubru 2024 u s-27 ta’ Novembru 2024. Il-Kummissjoni rċeviet 4 risponsi, u rispons minnhom ġie riċevut mingħand membru individwali tal-pubbliku u 3 minn kumpaniji u assoċjazzjonijiet tal-UE. F’dawn il-kontributi ġie espress sodisfazzjon mifrux għall-appoġġ tal-Unjoni Ewropea lill-Moldova filwaqt li saret enfasi fuq l-importanza li jinstab ftehim ta’ benefiċċju reċiproku, filwaqt li s-sensittivitajiet tas-settur agroalimentari tal-UE ma jingħatawx il-ġenb. Issemmiet ukoll l-importanza għall-produtturi u l-esportaturi tal-Moldova li jallinjaw ruħhom mal-istandards tal-produzzjoni tal-UE, kif ukoll il-ħtieġa għal klawsola ta’ salvagwardja. Tnejn mis-sottomissjonijiet talbu wkoll biex jinżamm il-mekkaniżmu kontra ċ-ċirkomvenzjoni għall-prodotti li diġà jaqgħu taħt dak il-mekkaniżmu (pereż. iz-zokkor tal-pitravi).
4.Bażi legali
4.1.Bażi legali proċedurali
4.1.1.Prinċipji
L-Artikolu 218(9) TFUE jipprevedi deċiżjonijiet li jistabbilixxu “l-pożizzjonijiet li għandhom jiġu adottati f’isem l-Unjoni f’sede stabbilita fi ftehim, meta dik is-sede tintalab tadotta atti li jkollhom effetti legali, sakemm dawn ma jkunux atti li jissupplimentaw jew jemendaw il-qafas istituzzjonali tal-ftehim.”
Il-kunċett ta’ “atti li jkollhom effetti legali” jinkludi l-atti li jkollhom effetti legali skont ir-regoli tad-dritt internazzjonali li jirregolaw il-korp inkwistjoni. Jinkludi wkoll l-istrumenti li ma jkollhomx effett vinkolanti skont id-dritt internazzjonali, iżda li “jistgħu jinfluwenzaw b’mod determinanti l-kontenut tal-leġiżlazzjoni adottata mil-leġiżlatur tal-Unjoni” 6 .
4.1.2.Applikazzjoni għall-każ attwali
Il-Kumitat ta’ Assoċjazzjoni fil-Konfigurazzjoni tal-Kummerċ huwa korp stabbilit permezz ta’ ftehim, jiġifieri, il-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika, u l-Istati Membri tagħhom, minn naħa waħda, u l-Moldova, min-naħa l-oħra.
L-att li l-Kumitat ta’ Assoċjazzjoni fil-Konfigurazzjoni tal-Kummerċ huwa mitlub jadotta jikkostitwixxi att li għandu effetti legali. L-att previst ikun vinkolanti skont id-dritt internazzjonali f’konformità mal-Artikolu 438(3) tal-Ftehim.
L-att previst la jissupplimenta u lanqas jemenda l-qafas istituzzjonali tal-Ftehim.
Għalhekk, il-bażi legali proċedurali għad-deċiżjoni proposta hija l-Artikolu 218(9) TFUE.
4.2.Bażi legali sostantiva
4.2.1.Prinċipji
Il-bażi legali sostantiva għal deċiżjoni skont l-Artikolu 218(9) TFUE tiddependi primarjament mill-objettiv u l-kontenut tal-att previst li fir-rigward tiegħu tittieħed pożizzjoni f’isem l-Unjoni. Jekk l-att previst isegwi żewġ għanijiet jew ikollu żewġ komponenti, u jekk wieħed minn dawk l-għanijiet jew il-komponenti jkun identifikabbli bħala dak ewlieni, filwaqt li l-ieħor ikun sempliċement inċidentali, id-deċiżjoni skont l-Artikolu 218(9) TFUE trid tissejjes fuq bażi legali sostantiva unika, jiġifieri dik meħtieġa mill-għan jew mill-komponent ewlieni jew predominanti.
4.2.2.Applikazzjoni għall-każ attwali
L-objettiv prinċipali u l-kontenut tal-att previst jirrigwardaw il-politika kummerċjali komuni
Għalhekk, il-bażi legali sostantiva tad-Deċiżjoni proposta hija l-ewwel subparagrafu tal-Artikolu 207(4) TFUE.
4.3.Konklużjoni
Il-bażi legali tad-Deċiżjoni proposta għandha tkun l-ewwel subparagrafu tal-Artikolu 207(4) TFUE, flimkien mal-Artikolu 218(9) TFUE.
5.Pubblikazzjoni tal-att previst
Billi l-att tal-Kumitat ta’ Assoċjazzjoni fil-Konfigurazzjoni tal-Kummerċ se jemenda l-Ftehim, huwa xieraq li dan jiġi ppubblikat f’Il-Ġurnal Uffiċjali tal-Unjoni Ewropea wara l-adozzjoni tiegħu.
2025/0249 (NLE)
Proposta għal
DEĊIŻJONI TAL-KUNSILL
dwar il-pożizzjoni li għandha tittieħed f’isem l-Unjoni Ewropea fil-Kumitat ta’ Assoċjazzjoni fil-Konfigurazzjoni tal-Kummerċ stabbilit mill-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u r-Repubblika tal-Moldova, min-naħa l-oħra, rigward it-tnaqqis u t-tneħħija tad-dazji doganali
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(4), l-ewwel subparagrafu flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
(1)Il-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, min-naħa waħda, u r-Repubblika tal-Moldova, min-naħa l-oħra (il-“Ftehim”) ġie konkluż mill-Unjoni permezz tad-Deċiżjoni tal-Kunsill (UE) 2014/492 ( 7 ) u daħal fis-seħħ fl-1 ta’ Lulju 2016.
(2)Skont l-Artikolu 147(4) u l-Artikolu 438(3) u (4) tal-Ftehim, il-Kumitat ta’ Assoċjazzjoni fil-Konfigurazzjoni tal-Kummerċ jista’ jadotta deċiżjoni dwar it-tnaqqis u t-tneħħija ta’ dazju doganali fuq prodott li tħassar kwalunkwe rata ta’ dazju jew kategorija tal-fażi determinata skont l-Iskedi tal-Unjoni Ewropea jew tal-Moldova inklużi fl-Anness XV tal-Ftehim għal dak il-prodott.
(3)B’segwitu għall-gwerra ta’ aggressjoni mir-Russja kontra l-Ukrajna, l-Unjoni Ewropea adottat miżuri unilaterali ta’ liberalizzazzjoni tal-kummerċ għall-Moldova permezz tal-miżuri kummerċjali awtonomi (ATMs, Autonomous Trade Measures) tagħha fit-18 ta’ Lulju 2022 ( 8 ), li ġew imġedda fl-2023 ( 9 ) u fl-2024 ( 10 ). B’segwitu għall-iskadenza tal-ATMs fl-24 ta’ Lulju 2025, id-diskussjonijiet bejn il-partijiet wasslu għal ftehim biex jitwessa’ l-kamp ta’ applikazzjoni tad-dazji doganali u jiġi appoġġat l-allinjament tal-Moldova mal-acquis tal-UE li hija parti importanti min-negozjati tal-adeżjoni tal-Moldova mal-UE.
(4)Il-Kumitat ta’ Assoċjazzjoni fil-Konfigurazzjoni tal-Kummerċ għandu jadotta deċiżjoni dwar it-tnaqqis u t-tneħħija tad-dazji doganali skont l-Artikolu 147(4) tal-Ftehim matul l-2025.
(5)Huwa xieraq li tiġi stabbilita l-pożizzjoni li għandha tittieħed f’isem l-Unjoni fil-Kumitat ta’ Assoċjazzjoni fil-Konfigurazzjoni tal-Kummerċ, peress li d-deċiżjoni ta’ dak il-Kumitat se tkun vinkolanti fir-rigward tal-Unjoni,
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni fil-Kumitat ta’ Assoċjazzjoni fil-Konfigurazzjoni tal-Kummerċ skont il-Ftehim għandha tissejjes fuq l-abbozz tad-deċiżjoni tal-Kumitat ta’ Assoċjazzjoni fil-Konfigurazzjoni tal-Kummerċ mehmuż ma’ din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell,
Għall-Kunsill
Il-President
DIKJARAZZJONI FINANZJARJA LEĠIŻLATTIVA “DĦUL” – GĦAL PROPOSTI LI GĦANDHOM IMPATT BAĠITARJU FUQ IN-NAĦA TAD-DĦUL TAL-BAĠIT
1. ISEM IL-PROPOSTA
Proposta għal Deċiżjoni tal-Kunsill dwar il-pożizzjoni li għandha tittieħed f’isem l-Unjoni Ewropea fil-Kumitat ta’ Assoċjazzjoni fil-Konfigurazzjoni tal-Kummerċ stabbilit mill-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u r-Repubblika tal-Moldova, min-naħa l-oħra, rigward it-tnaqqis u t-tneħħija tad-dazji doganali
2. LINJI BAĠITARJI
Linja tad-dħul (Kapitolu/Artikolu/Partita): Il-Kapitolu 12, l-Artikolu 120
Ammont ibbaġitjat għall-2026: EUR 21 368 300 000
3. IMPATT FINANZJARJU
Il-proposta ma għandha l-ebda implikazzjoni finanzjarja
X Il-proposta ma għandha l-ebda impatt finanzjarju fuq in-nefqa iżda għandha impatt finanzjarju fuq id-dħul
Il-proposta għandha impatt finanzjarju fuq id-dħul assenjat
L-effett huwa kif ġej:
(miljuni ta’ EUR għal pożizzjoni deċimali waħda)
|
Linja tad-dħul |
L-1 ta’ Ottubru 2025 sal-31 ta’ Diċembru 2025 |
2026 |
2027 |
|
|
Il-Kapitolu 12, l-Artikolu 120 |
Impatt fuq ir-riżorsi proprji |
1,8 |
2,3 |
2,3 |
4. MIŻURI KONTRA L-FRODI
Sabiex tiġi evitata l-frodi, l-intitolament għat-tnaqqis fid-dazji doganali stabbilit permezz tad-Deċiżjoni proposta huwa bil-kundizzjoni li l-Moldova tkun ikkonformat mal-kundizzjonijiet rilevanti kollha għall-ksib tal-benefiċċji skont il-Ftehim ta’ Assoċjazzjoni, inkluż ir-regoli tal-oriġini tal-prodotti kkonċernati u l-proċeduri relatati magħhom, kif ukoll l-involviment tal-Moldova f’kooperazzjoni amministrattiva mill-qrib mal-Unjoni, kif previst fil-Ftehim.
5. RIMARKI OĦRA
L-impatt mistenni fuq id-dħul jikkonsisti mis-somma tad-dazji doganali tan-nazzjon l-aktar iffavorit li jiġu applikati fuq il-volum kopert mill-konċessjoni addizzjonali skont ir-rieżami tal-Ftehim.
IL-KUMMISSJONI EWROPEA
Brussell, 28.7.2025
COM(2025) 454 final
ANNESS
tal-
Proposta għal Deċiżjoni tal-Kunsill
dwar il-pożizzjoni li għandha tittieħed f’isem l-Unjoni Ewropea fil-Kumitat ta’ Assoċjazzjoni fil-Konfigurazzjoni tal-Kummerċ stabbilit mill-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u r-Repubblika tal-Moldova, min-naħa l-oħra, rigward it-tnaqqis u t-tneħħija tad-dazji doganali
ANNESS
ABBOZZ TA’
DEĊIŻJONI Nru …/2025
TAL-KUMITAT TA’ ASSOĊJAZZJONI UE-MOLDOVA
FIL-KONFIGURAZZJONI TAL-KUMMERĊ
ta’ …
dwar it-tnaqqis u t-tneħħija tad-dazji doganali skont l-Artikolu 147(4) tal-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika
u l-Istati Membri tagħhom, minn naħa waħda, u r-Repubblika tal-Moldova, min-naħa l-oħra
IL-KUMITAT TA’ ASSOĊJAZZJONI UE-MOLDOVA FIL-KONFIGURAZZJONI TAL-KUMMERĊ,
Wara li kkunsidra l-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, min-naħa waħda, u l-Moldova, min-naħa l-oħra ( 1 ), u b’mod partikolari l-Artikolu 147(4) u l-Artikolu 438(3) u (4) tiegħu,
Billi:
(1)Il-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, min-naħa waħda, u r-Repubblika tal-Moldova, min-naħa l-oħra (il-“Ftehim”) ġie ffirmat fis-27 ta’ Ġunju 2014, applikat proviżorjament mill-1 ta’ Settembru 2014 u daħal fis-seħħ kompletament fl-1 ta’ Lulju 2016.
(2)L-Artikolu 147(4) tal-Ftehim stabbilixxa li, wara d-dħul fis-seħħ ta’ dan il-Ftehim, il-Partijiet jistgħu jiftiehmu sabiex jikkunsidraw li jaċċelleraw u jwessgħu il-kamp ta’ applikazzjoni tat-tneħħija tad-dazji doganali fuq il-kummerċ bejn il-Partijiet. Kif stabbilit fl-Artikolu 438(4) ta’ dan il-Ftehim, deċiżjoni tal-Kumitat ta’ Assoċjazzjoni fil-Konfigurazzjoni tal-Kummerċ, dwar l-aċċellerazzjoni jew it-tneħħija ta’ dazju doganali fuq oġġett għandha tħassar kwalunkwe rata ta’ dazju jew kategorija tal-fażi determinata skont l-Anness XV ta’ dan il-Ftehim.
(3)B’segwitu għall-gwerra ta’ aggressjoni mir-Russja kontra l-Ukrajna, l-Unjoni Ewropea adottat miżuri unilaterali ta’ liberalizzazzjoni tal-kummerċ għall-Moldova permezz tal-Miżuri Kummerċjali Awtonomi (ATMs, Autonomous Trade Measures) tagħha fit-18 ta’ Lulju 2022 ( 2 ), li ġew imġedda fl-2023 ( 3 ) u fl-2024 ( 4 ). B’segwitu għall-iskadenza tal-ATMs fl-24 ta’ Lulju 2025, id-diskussjonijiet bejn il-partijiet wasslu għall-ftehim tagħhom biex jitwessa’ l-kamp ta’ applikazzjoni tad-dazji doganali u jiġi appoġġat l-allinjament tal-Moldova mal-acquis tal-UE li hija parti importanti min-negozjati tal-adeżjoni tal-Moldova mal-UE.
(4)Il-Partijiet għandhom l-għan li jwessgħu ulterjorment il-kamp ta’ applikazzjoni tat-tneħħija tad-dazji doganali skont il-Ftehim. Għaldaqstant huwa xieraq li jiġu stabbiliti l-impenji ta’ kull Parti biex tnaqqas jew tneħħi d-dazji doganali fuq il-merkanzija oriġinarja tal-Parti l-oħra fl-Iskedi stabbiliti f’Anness XV-E ġdid, li se jiġi inkorporat fil-Ftehim u jifforma parti integrali minnu. L-Iskedi li jinsabu fl-Anness XV-A, XV-B u XV-D tal-Ftehim se jitħassru bl-Anness XV-E l-ġdid tal-Ftehim, soġġett għall-kundizzjonijiet stabbiliti fl-Anness XV-E.
(5)Il-Partijiet jirrikonoxxu n-natura dinamika tar-relazzjonijiet kummerċjali bejn l-UE u l-Moldova bi kważi 150 fil-mija żieda fil-kummerċ sa mill-applikazzjoni proviżorja taż-Żona ta’ kummerċ ħieles approfondita u komprensiva tal-Ftehim. In-negozjati tal-adeżjoni tal-Moldova mal-UE, l-integrazzjoni gradwali tal-Moldova f’partijiet tas-suq uniku tal-UE qabel l-adeżjoni se jkomplu wkoll isaħħu r-relazzjonijiet kummerċjali.
ADOTTA DIN ID-DEĊIŻJONI:
Artikolu 1
L-Anness ta’ din id-Deċiżjoni inklużi l-appendiċijiet tiegħu jiżdied bħala l-Anness XV-E tal-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u l-Moldova, min-naħa l-oħra.
Artikolu 2
Fl-2027, il-partijiet għandhom jivvalutaw il-livell ta’ tnaqqis u tneħħija tad-dazji doganali maqbul fil-proċess ta’ rieżami skont l-Artikolu 147(4) tal-Ftehim. Dan għandu jsir bl-għan li tiġi prevista liberalizzazzjoni ulterjuri fid-dawl tal-progress fil-proċess ta’ adeżjoni tal-Moldova, l-evoluzzjoni tal-kapaċitajiet ta’ produzzjoni u ta’ assorbiment tal-importazzjonijiet tal-partijiet, ix-xejriet kummerċjali bilaterali fi prodotti li għadhom mhux kompletament liberalizzati, l-użu tal-kwoti rilevanti fil-passat, kif ukoll l-interessi u s-sensittivitajiet partikolari taż-żewġ naħat.
Artikolu 3
Din id-Deċiżjoni tfasslet bil-lingwa Bulgara, Ċeka, Daniża, Estonjana, Finlandiża, Franċiża, Ġermaniża, Griega, Ingliża, Irlandiża, Kroata, Latvjana, Litwana, Maltija, Olandiża, Pollakka, Portugiża, Rumena, Slovakka, Slovena, Spanjola, Żvediża, Taljana u Ungeriża, b’kull test ugwalment awtentiku.
Artikolu 4
Din id-Deċiżjoni għandha tidħol fis-seħħ fil-15-il jum wara d-data tal-adozzjoni tagħha.
Magħmul fi …, …
Għall-Kumitat ta’ Assoċjazzjoni
fil-Konfigurazzjoni tal-Kummerċ
Il-President
Is-Segretarji
ANNESS
L-Anness il-ġdid segwenti bl-appendiċijiet tiegħu jiddaħħal fil-Ftehim wara l-Anness XV-D.
ANNESS XV-E
Artikolu 1 – It-tneħħija tad-dazji doganali
Kull Parti għandha tnaqqas jew tneħħi d-dazji doganali fuq il-merkanzija oriġinarja tal-Parti l-oħra f’konformità mal-Appendiċi A ta’ dan l-Anness, li jħassar ir-rati tad-dazji doganali stabbiliti fl-Annessi XV-A, XV-B u XV-D ta’ dan il-Ftehim. Fl-eventwalità ta’ sospensjoni tal-Appendiċi A ta’ dan l-Anness jew partijiet minnu f’konformità mal-Artikolu 2(5) jew l-Artikolu 3 ta’ dan l-Anness, ir-rati tad-dazji doganali stabbiliti fl-Annessi XV-A, XV-B u XV-D għandhom japplikaw għall-perjodu tas-sospensjoni.
Artikolu 2 – Standards tal-produzzjoni
1.Il-Moldova għandha tallinja l-leġiżlazzjoni tagħha mal-leġiżlazzjoni tal-Unjoni elenkata fl-Appendiċi B ta’ dan l-Anness sal-31 ta’ Diċembru 2027.
2.Il-Moldova għandha tirrapporta kull sena dwar il-progress tagħha fir-rigward tal-allinjament regolatorju. Ir-rapport għandu jiġi diskuss fil-Kumitat ta’ Assoċjazzjoni fil-Konfigurazzjoni tal-Kummerċ.
3.Sa mhux aktar tard mill-31 ta’ Diċembru 2027 (il-31 ta’ Diċembru 2028 għar-Regolament (UE) 2017/625 elenkat fl-Appendiċi B ta’ dan l-Anness), il-Moldova għandha tibgħat rapport finali lill-Kummissjoni li jiddeskrivi l-konformità tagħha mal-paragrafu 1. Id-dokumenti ppreżentati lill-Kummissjoni għandhom dejjem jinkludu verżjoni bl-Ingliż. Ir-rapport finali ppreżentat mill-Moldova għandu jinkludi:
a.l-att intern b’tabella ta’ paragun trażversali (“tabella ta’ traspożizzjoni”) li turi fid-dettall il-korrispondenza ma’ kull Artikolu tal-leġiżlazzjoni tal-Unjoni; u
b.jekk applikabbli, lista ta’ leġiżlazzjoni Moldovana li kellha tiġi emendata jew annullata sabiex tiġi implimentata l-leġiżlazzjoni tal-Unjoni.
4.Jekk, abbażi tar-rapport finali msemmi fil-paragrafu 3 jew informazzjoni disponibbli rilevanti oħra, il-Kummissjoni ma tkunx tista’ tikkonkludi li l-Moldova ssodisfat l-obbligu tagħha skont il-paragrafu 1, l-Unjoni għandha tinnotifika lill-Kumitat ta’ Assoċjazzjoni fil-Konfigurazzjoni tal-Kummerċ u l-Partijiet għandhom jidħlu f’konsultazzjonijiet mingħajr dewmien żejjed, filwaqt li l-Moldova tingħata xahrejn biex tipprovdi elementi addizzjonali biex turi l-konformità tagħha mal-paragrafu 1.
5.Jekk, minkejja l-paragrafu 4, il-Kummissjoni ma tkunx tista’ tikkonkludi li l-Moldova ssodisfat l-obbligu tagħha skont il-paragrafu 1, l-Unjoni tista’ tissospendi l-preferenzi kollha jew parti minnhom mogħtija skont l-Artikolu 1 għall-prodotti rilevanti. L-Unjoni għandha, mingħajr dewmien, tibgħat notifika lill-Moldova li tistabbilixxi l-intenzjoni tagħha li tissospendi l-preferenzi. Is-sospensjoni ma tistax tapplika qabel 30 jum wara d-data tal-wasla tan-notifika lill-Moldova.
6.Fuq talba tal-Moldova u b’segwitu għall-wasla ta’ informazzjoni ġdida, il-Kummissjoni għandha twettaq rieżami tal-konformità tal-Moldova mal-paragrafu 1 fir-rigward tal-leġiżlazzjoni rilevanti tal-Unjoni. Ir-rieżami ma għandux jieħu aktar minn 4 ġimgħat u jista’ jinvolvi konsultazzjonijiet bejn il-Partijiet. Jekk il-Kummissjoni tikkonkludi li l-Moldova kkonformat mal-paragrafu 1, l-Unjoni għandha tintroduċi mill-ġdid il-parti sospiża tal-preferenzi skont l-Artikolu 1 fi żmien xahrejn.
7.L-Unjoni għandha tinforma lill-Moldova kull sena dwar l-iżviluppi relatati mal-atti legali elenkati fl-Appendiċi C ta’ dan l-Anness fis-Sottokumitat Sanitarju u Fitosanitarju ta’ bejn l-UE u l-Moldova.
Artikolu 3 – Miżuri ta’ salvagwardja
1.Jekk jinqalgħu jew ikun hemm riskju li jinqalgħu diffikultajiet ekonomiċi, soċjetali jew ambjentali serji ta’ natura settorjali jew reġjonali, li huwa probabbli li jippersistu fi kwalunkwe waħda mill-Partijiet, inkluż fil-każ tal-Unjoni, fi Stat Membru wieħed jew f’diversi Stati Membri, kaġun ta’ importazzjonijiet ta’ prodott kopert mil-liberalizzazzjoni addizzjonali skont l-Artikolu 1, il-Parti kkonċernata tista’ tieħu miżuri ta’ salvagwardja xierqa fir-rigward tal-preferenzi mogħtija skont l-Artikolu 1.
2.Il-Parti kkonċernata għandha, mingħajr dewmien, tinnotifika lill-Parti l-oħra dwar l-intenzjoni tagħha li tieħu miżuri ta’ salvagwardja u għandha tipprovdi l-informazzjoni rilevanti kollha. Il-Partijiet għandhom minnufih jidħlu f’konsultazzjonijiet bl-għan li tinstab soluzzjoni aċċettabbli reċiprokament.
3.Il-Parti kkonċernata ma tistax tieħu miżuri ta’ salvagwardja qabel ma jkun għadda xahar mid-data ta’ notifika skont il-paragrafu 2, sakemm il-proċedura ta’ konsultazzjoni skont il-paragrafu 2 ma tkunx ġiet konkluża qabel l-iskadenza tal-perjodu ta’ żmien iddikjarat. Meta ċirkostanzi ta’ eċċezzjoni li jirrikjedu azzjoni immedjata jeskludu l-eżami minn qabel, il-Parti kkonċernata tista’ tapplika minnufih il-miżuri ta’ salvagwardja strettament meħtieġa biex tiġi rimedjata s-sitwazzjoni.
APPENDIĊI A SAL-ANNESS XV-E
PRODOTTI SOĠĠETTI GĦAL KWOTI TARIFFARJI ANNWALI MINGĦAJR DAZJU (L-UNJONI)
|
Nru tal-Ordni |
Kodiċi NM 2025 |
Deskrizzjoni tal-Prodott |
Volum (f’tunnellati) |
Rata ta’ dazju |
|
1 |
0806 10 10 |
Għeneb tal-mejda frisk, |
40 000 |
eżenti |
|
2 |
0808 10 80 |
Tuffieħ frisk (eskluż it-tuffieħ tas-sidru, sfużi, mis-16 ta’ Settembru sal-15 ta’ Diċembru) |
50 000 |
eżenti |
|
3 |
0809 29 00 |
Ċirasa friska (eskluża ċ-ċirasa qarsa) |
4 500 |
eżenti |
|
4 |
0809 40 05 |
Għanbaqar frisk |
61 000 |
eżenti |
PRODOTTI SOĠĠETTI GĦALL-PREZZ TA’ DĦUL ( 5 )
li għalihom il-komponent ad valorem tad-dazju tal-importazzjoni huwa eżentat (UNJONI)
|
Kodiċi NM 2025 |
Deskrizzjoni tal-prodott |
|
0702 00 10 |
Tadam sħiħ, b’dijametru massimu ta’ <47mm, frisk jew imkessaħ |
|
0702 00 91 |
Tadam f’għenieqed, b’dijametru massimu ta’ =>47mm, frisk jew imkessaħ |
|
0702 00 99 |
Tadam, frisk jew imkessaħ (eskluż f’għenieqed, u tadam sħiħ b’dijametru massimu ta’ <47mm) |
|
0707 00 05 |
Ħjar, frisk jew imkessaħ |
|
0709 91 00 |
Qaqoċċ frisk jew imkessaħ |
|
0709 93 10 |
Zukkini friski jew imkessħin |
|
0805 10 22 |
Larinġ taż-żokra frisk |
|
0805 10 24 |
Larinġ abjad frisk |
|
0805 10 28 |
Larinġ ħelu frisk (eskluż il-larinġ taż-żokra u abjad) |
|
0805 21 10 |
Satsumas friski jew imnixxfin |
|
0805 21 90 |
Mandolin frisk jew imnixxef inkluż tanġerini (eskluż klementini u satsumas) |
|
0805 22 00 |
Klementini friski jew imnixxfin inkluż il-monreales |
|
0805 29 00 |
Wilkings u ibridi oħrajn simili taċ-ċitru friski jew imnixxfin |
|
0805 50 10 |
Lumi frisk jew imnixxef (Citrus limon, Citrus limonum) |
|
0808 30 90 |
Lanġas frisk (eskluż il-lanġas tal-Perry sfuż mill-1 ta’ Awwissu sal-31 ta’ Diċembru) |
|
0809 10 00 |
Berquq frisk |
|
0809 21 00 |
Ċirasa qarsa friska (Prunus cerasus) |
|
0809 30 20 |
Ħawħ ċatt (Prunus persica var. platycarpa) u nuċiprisk ċatt (Prunus persica var. platerina) |
|
0809 30 30 |
Nuċiprisk frisk |
|
0809 30 80 |
Ħawħ frisk (eskluż in-nuċiprisk) |
|
2204 30 92 |
Most tal-għeneb, mhux iffermentat, ikkonċentrat fis-sens tan-Nota Addizzjonali 7 tal-Kapitolu 22, ta’ densità ta’ <= 1,33 g/cm3 f’temperatura ta’ 20 °C u b’qawwa alkoħolika effettiva <= 1 % vol iżda > 0,5 % vol (eskluż il-most tal-għeneb li l-fermentazzjoni tiegħu tmewtet biż-żieda tal-alkoħol) |
|
2204 30 94 |
Most tal-għeneb, mhux iffermentat, mhux ikkonċentrat, ta’ densità ta’ <= 1,33 g/cm3 f’temperatura ta’ 20 °C u b’qawwa alkoħolika effettiva <= 1 % vol iżda > 0,5 % vol (eskluż il-most tal-għeneb li l-fermentazzjoni tiegħu tmewtet biż-żieda tal-alkoħol) |
|
2204 30 96 |
Most tal-għeneb, mhux iffermentat, ikkonċentrat fis-sens tan-Nota Addizzjonali 7 tal-Kapitolu 22, ta’ densità ta’ > 1,33 g/cm3 f’temperatura ta’ 20 °C u b’qawwa alkoħolika effettiva <= 1 % vol iżda > 0,5 % vol (eskluż il-most tal-għeneb li l-fermentazzjoni tiegħu tmewtet biż-żieda tal-alkoħol) |
|
2204 30 98 |
Most tal-għeneb, mhux iffermentat, mhux ikkonċentrat, ta’ densità ta’ > 1,33 g/cm3 f’temperatura ta’ 20 °C u b’qawwa alkoħolika effettiva <= 1 % vol iżda > 0,5 % vol (eskluż il-most tal-għeneb li l-fermentazzjoni tiegħu tmewtet biż-żieda tal-alkoħol) |
L-ISKEDA TA’ KONĊESSJONIJIET (IR-REPUBBLIKA TAL-MOLDOVA)
|
In-nomenklatura tal-2022 tar-Repubblika tal-Moldova |
Deskrizzjoni |
Dazju applikat tal-MFN |
Kategorija |
|
0203 11 10 |
Karkassi u nofs karkassi friski jew imkessħa ta' majjal domestiku |
20 % + 200 EUR/t |
TRQ 1 (5 500 t) |
|
0203 12 11 |
Frisk jew imkessaħ bl-għadma, tal-majjal domestiku Ġarretti u qatgħat tagħhom |
20 % + 200 EUR/t |
|
|
0203 12 19 |
Spalel u qatgħat minnhom friski jew imkessħa, bl-għadma, tal-majjal domestiku |
20 % + 200 EUR/t |
|
|
0203 19 11 |
Truf ta' quddiem u qatgħat minnhom friski jew imkessħa, tal-majjal domestiku |
20 % + 200 EUR/t |
|
|
0203 19 13 |
Flettijiet u qatgħat minnhom friski jew imkessħa, tal-majjal domestiku |
20 % + 200 EUR/t |
|
|
0203 19 15 |
Laħam taż-żaqq (strixxjati) u qatgħat minnhom friski jew imkessħa, tal-majjal domestiku |
20 % + 200 EUR/t |
|
|
0203 19 55 |
Laħam bla għadam, frisk jew imkessaħ tal-majjal domestiku (minbarra laħam taż-żaqq u qatgħat minnhom) |
20 % + 200 EUR/t |
|
|
0203 19 59 |
Laħam frisk jew imkessaħ tal-majjal domestiku, bl-għadma (minbarra karkassi u nofs karkassi, prieżet, spalel u qatgħat minnhom, u truf ta' quddiem, flettijiet, żquq u qatgħat minnhom) |
20 % + 200 EUR/t |
|
|
0203 21 10 |
Karkassi u nofs karkassi ffriżati tal-majjal domestiku |
20 % + 200 EUR/t |
|
|
0203 22 11 |
Perżut u qatgħat minnu, iffriżat, tal-majjal domestiku, bil-għadma |
20 % + 200 EUR/t |
TRQ 1 (5 500 t) TRQ 1a (għall-2026: 500 t; għall-2027: 650 t; għall-2028: 800 t; mill-2029: 1 000 t) |
|
0203 22 19 |
Spalel u qatgħat minnhom, iffriżati, tal-majjal domestiku, bil-għadma |
20 % + 200 EUR/t |
|
|
0203 29 11 |
Truf ta' quddiem u qatgħat minnhom iffriżati, tal-majjal domestiku |
10 % + 200 EUR/t |
|
|
0203 29 13 |
Flettijiet iffriżati u qatgħat minnhom tal-majjal domestiku, bil-għadma |
10 % + 200 EUR/t |
|
|
0203 29 15 |
Laħam taż-żaqq “strixxjati” u qatgħat minnhom iffriżati tal-majjal domestiku |
10 % + 200 EUR/t |
|
|
0203 29 55 |
Laħam iffriżat bla għadam ta' majjal domestiku (minbarra żquq u qatgħat minnhom) |
10 % + 200 EUR/t |
|
|
0203 29 59 |
Laħam iffriżat mingħajr għadam ta' majjal domestiku, bl-għadam (minbarra karkassi u nofsijiet tal-karkassi, prieżet, spalel u qatgħat tagħhom, u truf ta' quddiem, flettijiet, żquq u qatgħat minnhom) |
10 % + 200 EUR/t |
|
|
0207 11 10 |
Tjur tal-ispeċi Gallus domesticus imnittfa u mnaddfa, friski jew imkessħa bl-irjus u s-saqajn, magħrufa bħala “83 % tiġieġ” |
20 % + 100 EUR/t |
TRQ 2 (għall-2025: 6 000 t; għall-2026: 6 500 t; għall-2027: 6 650 t; għall-2028: 6 800 t; mill-2029: 7 000 t) |
|
0207 11 30 |
Tjur imnittfa u mnaddfa, tal-ispeċi Gallus domesticus, frisk jew imkessaħ, bla rjus u bla saqajn iżda bl-għenuq, bil-qlub, bil-fwied u bil-qnieżaħ, magħrufa bħala “70 % tiġieġ” |
20 % + 100 EUR/t |
|
|
0207 11 90 |
Tjur imnittfa u mnaddfa, tal-ispeċi Gallus domesticus, frisk jew imkessaħ, bla rjus, saqajn, għenuq, qlub, fwied u qnieżaħ, magħrufa bħala “65 % tiġieġ”, u forom oħra ta' tjur friski jew imkessħa, mhux maqtugħin f'biċċiet (minbarra “83 % u 70 % tiġieġ”) |
20 % + 100 EUR/t |
|
|
0207 12 10 |
Tjur tal-ispeċi Gallus domesticus, iffrizati, imnittfa u mnaddfa, mingħajr irjus u saqajn imma bl-għenuq, il-qlub, il-fwied u l-qnieżaħ, magħrufa bħala “70 % tiġieġ” |
15 % + 100 EUR/t |
|
|
0207 12 90 |
Tjur tal-ispeċi Gallus domesticus iffriżati, imnittfa u miftuħa, mingħajr irjus, saqajn, għenuq, qlub, fwied, u qnieżaħ, magħrufa bħala “papri 65 %”, u tipi oħra ta' papri, mhux imqattgħa biċċiet (minbarra “70 % tiġieġ”) |
15 % + 100 EUR/t |
|
|
0207 13 10 |
Qatgħat mingħajr għadam friski u iffriżati tat-tjur tal-ispeċi Gallus domesticus |
20 % + 100 EUR/t |
|
|
0207 13 20 |
Nofsijiet jew kwarti friski jew imkessħa ta' tjur tal-ispeċi Gallus domesticus |
20 % + 100 EUR/t |
|
|
0207 13 30 |
Ġwienaħ sħaħ, bit-truf jew mingħajrhom, friski jew imkessħa, ta' tjur tal-ispeċi Gallus domesticus |
20 % + 100 EUR/t |
|
|
0207 13 50 |
Sdieri u qatgħat minnhom friski jew imkessħa ta' tjur tal-ispeċi Gallus domesticus, bl-għadam magħhom |
20 % + 100 EUR/t |
|
|
0207 13 60 |
Saqajn u qatgħat minnhom friski jew imkessħa ta' tjur tal-ispeċi Gallus domesticus, bl-għadam magħhom |
20 % + 100 EUR/t |
|
|
0207 13 99 |
Ġewwieni li jittiekel frisk jew imkessaħ ta' tjur tal-ispeċi Gallus domesticus (minbarra l-fwied) |
20 % + 100 EUR/t |
|
|
0207 14 10 |
Qatgħat mingħajr għadam u ffriżati ta' tjur tal-ispeċi Gallus domesticus |
15 % + 100 EUR/t |
|
|
0207 14 20 |
Nofsijiet jew kwarti ta' tjur iffrizati tal-ispeċi Gallus domesticus |
15 % + 100 EUR/t |
|
|
0207 14 30 |
Ġwienaħ sħaħ iffriżati, bit-truf jew mingħajrhom, ta' tjur tal-ispeċi Gallus domesticus |
15 % + 100 EUR/t |
|
|
0207 14 40 |
Dhur, għenuq, dhur bl-għenuq magħhom, biċċiet tad-denb u truf tal-ġwienaħ ta' tjur tal-ispeċi Gallus domesticus |
15 % + 100 EUR/t |
|
|
0207 14 50 |
Sdieri u qatgħat minnhom, iffriżati ta' tjur tal-ispeċi Gallus domesticus, bl-għadam |
15 % + 100 EUR/t |
|
|
0207 14 60 |
Saqajn u qatgħat minnhom iffriżati ta' tjur tal-ispeċi Gallus domesticus, bl-għadam |
15 % + 100 EUR/t |
|
|
0207 14 70 |
Qatgħat iffriżati ta' tjur tal-ispeċi Gallus domesticus, bl-għadam (esklużi nofsijiet jew kwarti, ġwienaħ sħaħ, bit-truf jew mingħajrhom, dhur, għenuq, dhur bl-għenuq imwaħħlin, biċċiet tad-denb u truf tal-ġwienaħ, sdieri, saqajn u qatgħat minnhom) |
15 % + 100 EUR/t |
|
|
0207 14 91 |
Fwied iffriżat li jittiekel ta' tjur tal-ispeċi Gallus domesticus |
15 % + 100 EUR/t |
|
|
0207 14 99 |
Ġewwieni li jittiekel iffriżat ta' tjur tal-ispeċi Gallus domesticus (minbarra fwied) |
15 % + 100 EUR/t |
|
|
0401 10 10 |
Ħalib u krema b'kontenut ta' xaħam skont il-piż ta' <= 1 %, f'pakketti direttti ta' <= 2 l, mhux ikkonċentrati u mingħajr żieda ta' zokkor jew xi materjal ieħor biex iżid il-ħlewwa |
15 |
TRQ 3 (2 000 t) |
|
0401 10 90 |
Ħalib u krema, b'kontenut ta' xaħam skont il-piż, ta' <= 1 %, mhux ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa (minbarra f'pakketti diretti ta' <= 2 l) |
15 |
|
|
0401 20 11 |
Ħalib u krema b'kontenut ta' xaħamskont il-piż ta' <= 3 % iżda > 1 %, f'pakketti diretti ta' <= 2 l, mhux ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa |
15 |
|
|
0401 20 19 |
Ħalib u krema, b'kontenut ta' xaħam skont il-piż, ta' <= 3 % iżda > 1 %, mhuxi ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa, (minbarra f'pakketti diretti ta' <= 2 l) |
15 |
|
|
0401 20 91 |
Ħalib u krema b'kontenut ta' xaħam skont il-piż ta' > 3 % iżda <= 6 %, f'pakketti diretti ta' <= 2 l, mhux ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa |
15 |
TRQ 3 (2 000 t) TRQ 3 a (għall-2026: 500 t; għall-2027: 650 t; għall-2028: 800 t; mill-2029: 1 000 t) |
|
0401 20 99 |
Ħalib u krema, b'kontenut ta' xaħam skont il-piż, ta' > 3 % iżda <= 6 %, mhux ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa, (minbarra f'pakketti diretti ta' <= 2 l) |
15 |
|
|
0401 40 10 |
Ħalib u krema b'kontenut ta' xaħamskont il-piż ta' <= 10 % iżda > 6 %, f'pakketti diretti ta' <= 2 l, mhux ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa |
15 |
TRQ 3 (2 000 t) |
|
0401 40 90 |
Ħalib u krema, b'kontenut ta' xaħam skont il-piż, ta' <= 10 % iżda > 6 %, f'pakketti diretti ta’ <= 2 l, mhux ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa (minbarra f'pakketti diretti ta' <= 2 l) |
15 |
|
|
0401 50 11 |
Ħalib u krema b'kontenut ta' xaħamskont il-piż ta' <= 21 % iżda > 10 %, f'pakketti diretti ta' <= 2 l, mhux ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa |
15 |
|
|
0401 50 19 |
Ħalib u krema, b'kontenut ta' ta' xaħam skont il-piż, ta' <= 21 % iżda > 10 %, mhuxi ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa, (minbarra f'pakketti diretti ta' <= 2 l) |
15 |
|
|
0401 50 31 |
Ħalib u krema b'kontenut ta' xaħam skont il-piż ta' > 21 % iżda <= 45 %, f'pakketti diretti ta' <= 2 l, mhux ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa |
15 |
|
|
0401 50 39 |
Ħalib u krema, b'kontenut ta' xaħam skont il-piż, ta' > 21 % iżda <= 45 %, mhux ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa, (minbarra f'pakketti diretti ta' <= 2 l) |
15 |
|
|
0401 50 91 |
Ħalib u krema b'kontenut ta' xaħam skont il-piż ta' > 45 %, f'pakketti direttti ta' <= 2 l, mhux ikkonċentrati u mingħajr żieda ta' zokkor jew xi materjal ieħor biex iżid il-ħlewwa |
15 |
|
|
0401 50 99 |
Ħalib u krema, b'kontenut ta' xaħam skont il-piż, ta' > 45 %, mhux ikkonċentrati u mingħajr iż-żieda ta' zokkor jew ta' xi materjal ieħor biex iżid il-ħlewwa (minbarra f'pakketti diretti ta' <= 2 l) |
15 |
|
|
0405 10 11 |
Butir naturali b'kontenut ta' xaħam, bil-piż, ta' >= 80 % iżda <= 85 %, f'pakketti immedjati ta' kontenut nett ta' <= 1 kg (minbarra butir u ghee diżidratati) |
15 % + 500 EUR/t |
TRQ 3 (2 000 t) TRQ 3b (għall-2026: 200 t; għall-2027: 300 t; għall-2028: 400 t; mill-2029: 500 t) |
|
0405 10 19 |
Butir naturali b’kontenut ta’ xaħam, bil-piż, ta’ >= 80 % imma <= 85 % (ħlief f’pakki diretti ta’ kontenut nett ta’ <= 1 kg, u butir u ghee diżidratati) |
15 % + 500 EUR/t |
|
|
0405 10 30 |
Butir rikombinat b'kontenut ta' xaħam, bil-piż, ta' >= 80 % imma <= 85 % (minbarra butir u ghee diżidratati) |
15 % + 500 EUR/t |
|
|
0405 10 50 |
Butir tax-xorrox b'kontenut ta' xaħam, bil-piż, ta' >= 80 % imma <= 85 % (minbarra butir u ghee diżidratati) |
15 % + 500 EUR/t |
|
|
0405 10 90 |
Butir b'kontenut ta' xaħam, bil-piż, ta' > 85 % iżda <= 95 % (minbarra butir u ghee diżidratati) |
15 % + 500 EUR/t |
|
|
0405 20 10 |
Tidlik magħmul mill-ħalib b'kontenut ta' grass, bħala toqol, ta' >= 39 % iżda < 60 % |
20 % + 500 EUR/t |
TRQ 3 (2 000 t) |
|
0405 20 30 |
Pejst magħmul mill-ħalib b'kontenut ta' grass, skont il-piż, ta' >= 60 % iżda <=75 % |
20 % + 500 EUR/t |
|
|
0405 20 90 |
Tidlik magħmul mill-ħalib b'kontenut ta' grass, bħala toqol, ta' > 75 % iżda < 80 % |
20 % + 500 EUR/t |
|
|
0405 90 10 |
Xaħmijiet u żjut derivati mill-ħalib, b'kontenut ta' xaħam skont il-piż, ta' >= 99,3 % u b'kontenut ta' ilma skont il-piż ta' <= 0,5 % |
20 % + 500 EUR/t |
TRQ 3 (2 000t) TRQ 3b (għall-2026: 200 t; għall-2027: 300 t; għall-2028: 400 t; mill-2029: 500 t) |
|
0405 90 90 |
Xaħmijiet u żjut derivati mill-ħalib, butir u ghee diżidratati (minbarra dawk b'kontenut ta' xaħam skont il-piż ta' >= 99,3 % u b'kontenut ta' ilma skont il-piż, ta' <= 0,5 %, u butir naturali, butir rikombinat u butir tax-xorrox) |
20 % + 500 EUR/t |
|
|
1601 00 10 |
Zalzett tal-fwied u prodotti simili u preparazzjonijiet tal-ikel ibbażati fuqhom |
15 |
TRQ 4 (1 700 t) |
|
1601 00 91 |
Zalzett mhux imsajjar u prodotti simili tal-laħam, ġewwieni jew demm u preparazzjonijiet tal-ikel ibbażati fuqhom (minbarra l-fwied) |
15 |
|
|
1601 00 99 |
Zalzett u prodotti simili tal-laħam, ġewwieni jew demm u preparazzjonijiet tal-ikel ibbażati fuqhom (minbarra z-zalzett tal-fwied u zalzett mhux imsajjar) |
15 |
|
|
1602 32 11 |
Laħam jew ġewwieni mhux imsajjar, ippreparat jew ippreservat ta' tjur tal-ispeċi Gallus domesticus li fih >= 57 % laħam jew ġewwieni ta' pollam (minbarra zalzett u prodotti simili, u preparazzjonijiet ta' fwied) |
20 |
TRQ 4 (1 700 t) |
|
1602 32 19 |
Laħam jew ġewwieni tal-laħam mhux imsajjar, ippreparat jew ippreservat ta' tjur tal-ispeċi Gallus domesticus li fih >= 57 % laħam jew ġewwieni ta' pollam (minbarra zalzett u prodotti simili, preparazzjonijiet omoġenizzati sew li jitqiegħdu għall-bejgħ bl-imnut bħala ikel għat-trabi jew għal skopijiet djetetiċi, f'kontenituri ta' piż nett ta' <= 250 g, preparazzjonijiet tal-fwied u estratti tal-laħam) |
20 |
|
|
1602 32 30 |
Laħam jew ġewwieni tal-laħam ta' tjur tal-ispeċi Gallus domesticus, ippreparat jew ippreservat li fih >= 25 % iżda < 57 % ta' laħam jew ġewwieni tal-pollam (minbarra dundjan u farawni, zalzett u prodotti simili, preparazzjonijiet omoġenizzati sew li jitqiegħdu għall-bejgħ bl-imnut bħala ikel għat-trabi jew għal skopijiet djetetiċi, f'kontenituri ta' piż nett ta' <= 250 g, preparazzjonijiet tal-fwied u estratti tal-laħam) |
20 |
|
|
1602 32 90 |
Laħam jew ġewwieni tal-laħam ippreparat jew ippreservat ta' tjur tal-ispeċi Gallus domesticus (minbarra dak li fih >= 25 % ta' laħam jew ġewwieni tal-pollam, laħam jew ġewwieni ta' dundjani jew fargħawni, zalzett u prodotti simili, preparazzjonijiet omoġenizzati sew impoġġija fis-suq bħala ikel għat-trabi jew għal raġunijiet djetetiċi, f'kontenituri ta' piż nett ta' <= 250 g, preparazzjonijiet ta' fwied u estratti u meraq ta' laħam) |
20 |
|
|
1602 41 10 |
Prieżet u qatgħat minnhom, ta' majjali domestiċi, ippreparati jew ippreservati |
20 |
TRQ 4 (1 700 t) |
|
1602 42 10 |
Spalel ippreparati jew ippriservati u qatgħat minnhom, tal-majjal domestiku |
20 |
|
|
1602 49 11 |
Flettijiet ippreparati jew ippreservati u partijiet minnhom tal-majjal domestiku, inklużi taħlitiet ta' flettijiet jew ta' prieżet (minbarra għenuq) |
15 |
|
|
1602 49 13 |
Għenuq u partijiet minnhom, ippreparati jew ippreservati tal-majjal domestiku inklużi taħlitiet ta' għenuq u spalel |
15 |
|
|
1602 49 15 |
Taħlitiet ta' prieżet, spalel, flettijiet, għenuq u partijiet minnhom ippreparati jew ippreservati ta' majjal domestiku (minbarra taħlitiet ta' flettijiet u prieżet biss jew għenuq u spalel biss) |
15 |
|
|
1602 49 19 |
Laħam jew ġewwieni, inkluż taħlit, ta' majjal domestiku, ippreparat jew ippreservat, li fih, bil-piż, >= 80 % laħam jew ġewwieni ta' kull xorta, inklużi xaħam tal-majjal u xaħam ta' kull tip jew oriġini (minbarra prieżet, spalel, flettijiet, għenuq u partijiet minnhom, zalzett u prodotti simili, preparazzjonijiet omoġenizzati sew li jitpoġġew għall-bejgħ bl-imnut bħala ikel għat-trabi jew għal skopijiet djetetiċi, f'kontenituri ta' piż nett ta' <= 250 g, preparazzjonijiet tal-fwied u estratti tal-laħam) |
15 |
|
|
1602 49 30 |
Laħam, ġewwieni u taħlit, ippreparat jew ippreservat, tal-majjal domestiku, li fih >= 40 % iżda < 80 % laħam jew ġewwieni ta' kwalunkwe tip u xaħmijiet ta' kull tip (minbarra zalzett u prodotti simili, preparazzjonijiet omoġenizzati sew li jitpoġġew għall-bejgħ bl-imnut bħala ikel għat-trabi jew għal skopijiet djetetiċi, f'kontenituri ta' piż nett ta' <= 250 g, preparazzjonijiet tal-fwied u estratti tal-laħam) |
15 |
|
|
1602 49 50 |
Laħam, ġewwieni u taħlit tal-majjal domestiku, ippreparat u ippreservat li fih < 40 % laħam u ġewwieni ta' kwalunkwe tip u xaħmijiet ta' kull tip (minbarra zalzett u prodotti simili, preparazzjonijiet omoġenizzati sew li jitpoġġew għall-bejgħ bl-imnut bħala ikel għat-trabi jew għal skopijiet djetetiċi, f'kontenituri ta' piż nett ta' <= 250 g, preparazzjonijiet tal-fwied u estratti u meraq tal-laħam) |
15 |
|
|
1602 90 51 |
Laħam jew ġewwieni tal-laħam ippreparat u ippreservat li fih laħam jew ġewwieni tal-majjal domestiku (minbarra pollam, annimali bovini, ċriev, annimali tal-kaċċa jew fniek, zalzett u prodotti simili, preparazzjonijiet omoġenizzati sew li jitpoġġew għall-bejgħ bl-imnut bħala ikel għat-trabi jew għal skopijiet djetetiċi, f'kontenituri ta' piż nett ta' <= 250 g, preparazzjonijiet tal-fwied u estratti tal-laħam) |
15 |
TRQ 4 (1 700 t) |
|
1701 12 10 |
Zokkor mhux maħdum tal-pitravi (minbarra bi ħwawar jew kulur miżjud) |
75 |
TRQ 5 (9 000 t) |
|
1701 12 90 |
Zokkor mhux maħdum tal-pitravi (minbarra għar-raffinar u bi ħwawar jew kulur miżjud) |
75 |
|
|
1701 13 10 |
Zokkor mhux maħdum tal-kannamieli, għar-raffinar (minbarra bi ħwawar jew kulur miżjud) |
75 |
|
|
1701 13 90 |
Zokkor mhux maħdum tal-kannamiel (minbarra għar-raffinar u bi ħwawar jew kulur miżjud) |
75 |
|
|
1701 91 00 |
Zokkor tal-kannamiela jew tal-pitravi, li fihom ħwawar jew kulur miżjud, f'forma solida |
75 |
|
|
1701 99 10 |
Zokkor abjad, li fih fl-istat xott, >= 99,5 % sukrożju (minbarra bil-ħwawar jew ikkulurit) |
75 |
|
|
1701 99 90 |
Zokkor tal-kannamiela jew tal-pitravi u sukrożju kimikament pur, f'forma solida (minbarra zokkor tal-kannamiela u tal-pitravi, li fih ħwawar jew kulur miżjud u zokkor mhux raffinat u zokkor abjad) |
75 |
|
|
1702 30 10 |
Iżoglukożju fil-forma solida, li ma fihx fruttożju jew li fl-istat xott fih < 20 % tal-piż ta' fruttożju |
75 |
TRQ 6 (640 t) |
|
1702 30 50 |
Glukożju u ġulepp tal-glukożju, fil-forma ta' trab abjad kristallin, mgħaqqda jew le, li ma fihomx fruttożju jew li fl-istat xott fihom inqas minn 20 % tal-piż ta' fruttożju (minbarra l-iżoglukożju) |
75 |
|
|
1702 30 90 |
Glukożju u ġulepp tal-glukożju, li ma fihomx fruttożju jew li fl-istat xott fihom inqas minn 20 % tal-piż ta' fruttożju (minbarra l-iżoglukożju u glukożju u ġulepp tal-glukożju f'forma ta' trab abjad kristallin, mgħaqqda jew le) |
75 |
|
|
1702 40 10 |
Iżoglukożju f'forma solida, li fl-istat xott fih, >= 20 % u < 50 % tal-piż ta' fruttożju (minbarra zokkor invertit) |
75 |
|
|
1702 40 90 |
Glukożju f'forma solida u ġulepp tal-glukożju, li ma fihomx ħwarar jew materjal biex jagħti l-kulur miżjudin u li fl-istat xott fihom >= 20 % u < 50 % tal-piż ta' fruttożju (minbarra iżoglukożju u zokkor invertit) |
75 |
|
|
1702 50 00 |
Fruktows kimikalment pur f'forma solida |
75 |
|
|
1702 60 10 |
Iżoglukożju f'forma solida, li fl-istat xott fih, > 50 % bil-piż ta' fruttożju (minbarra fruttożju kimikament pur u zokkor invertit) |
75 |
|
|
1702 60 95 |
Fruttożju f'forma solida u ġulepp tal-fruttożju, li ma fihx ħwawar jew kulur miżjud, u fih fl-istat xott > 50 % bil-piż ta' fruttożju (minbarra iżoglukożju, ġulepp tal-inulina, fruttożju kimikament pur u zokkor invertit) |
75 |
|
|
1702 90 10 |
Maltożju kimikament pur, f'forma solida |
75 |
|
|
1702 90 30 |
Iżoglukożju f'forma solida, li fl-istat xott fih 50 % bil-piż tal-fruttożju, miksub minn polimeri tal-glukożju |
75 |
|
|
1702 90 71 |
Zokkor u ġulepp magħqud, ikkaramellizzat, li fl-istat xott fih, >= 50 % bil-piż ta' sukrożju |
75 |
|
|
1702 90 75 |
Zokkor u ġulepp magħqud, ikkaramellizzat, li fl-istat xott fih, < 50 % bil-piż ta' sukrożju, f'forma ta' trab, mgħaqqad jew le |
75 |
|
|
1702 90 79 |
Zokkor u ġulepp magħqud, ikkaramellizzat, li fl-istat xott fih < 50 % bil-piż ta' sukrożju (minbarra zokkor u ġulepp magħqud f'forma ta' trab, mgħaqqad jew le) |
75 |
|
|
1702 90 95 |
Zokkor f'forma solida, inkluż zokkor invertit u zokkor u taħlitiet ta' ġulepp taz-zokkor li fl-istat xott fihom 50 % bil-piż fruttożju, li ma fihx ħwawar jew kulur miżjud (minbarra zokkor tal-kannamieli jew tal-pitravi, sukrożju u maltożju kimikament puri, lattożju, zokkor tal-aġġru, glukożju, fruttożju, maltodestrina, u ġuleppi tiegħu, iżoglukożju, ġulepp tal-inulina u karamella) |
75 |
Appendiċi B sal-Anness XV-E Lista tal-istandards tal-produzzjoni
Dikjarazzjoni ta’ ċaħda ta’ responsabbiltà: din il-lista tinkludi biss l-atti bażiċi legali attwali rilevanti. L-atti delegati u ta’ implimentazzjoni adottati taħt dawk l-atti, minkejja li mhumiex inklużi hawn taħt, għandha tinżamm konformità magħhom.
L-atti legali elenkati għandhom jinftiehmu li jinkludu l-emendi tagħhom u l-atti suċċessuri tagħhom li jidħlu fis-seħħ wara d-data tad-dħul fis-seħħ ta’ din l-appendiċi.
–Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1, ELI: http://data.europa.eu/eli/reg/2009/1107/oj)-
–Id-Direttiva 2009/128/KE tal-Parlament Ewropew u tal-Kunsill tal-21 ta’ Ottubru 2009 li tistabbilixxi qafas għal azzjoni Komunitarja biex jinkiseb użu sostenibbli tal-pestiċidi (ĠU L 309, 24.11.2009, p. 71, ELI: http://data.europa.eu/eli/dir/2009/128/oj )
–Ir-Regolament (UE) 2017/625 tal-Parlament Ewropew u tal-Kunsill tal-15 ta’ Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta’ regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali) (ĠU L 95, 7.4.2017, p. 1, ELI: http://data.europa.eu/eli/reg/2017/625/oj )
–Id-Direttiva tal-Kunsill tat-12 ta’ Diċembru 1991 dwar il-protezzjoni tal-ilma kontra t-tniġġis ikkawżat min-nitrati minn sorsi agrikoli (91/676/KEE) (ĠU L 375, 31.12.1991, p. 1, ELI: http://data.europa.eu/eli/dir/1991/676/oj )