Brussell, 5.6.2025

COM(2025) 278 final

Rakkomandazzjoni għal

DEĊIŻJONI TAL-KUNSILL

li tawtorizza l-ftuħ ta’ negozjati dwar ir-reviżjoni tat-Trattat dwar il-Komunità tat-Trasport


MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

It-Trattat li jistabbilixxi l-Komunità tat-Trasport 1 (TCT, Transport Community Treaty) ġie approvat mill-Unjoni Ewropea 2 u rratifikat minn sitt sħab tal-Balkani tal-Punent – ir-Repubblika tal-Albanija, il-Bożnija-Ħerzegovina, ir-Repubblika tal-Maċedonja ta’ Fuq, il-Kosovo 3*, il-Montenegro u r-Repubblika tas-Serbja (li minn hawn ’il quddiem issir referenza għalihom bħala l-Partijiet tax-Xlokk tal-Ewropa). Dan daħal fis-seħħ fl-1 ta’ Mejju 2019.

Hija tapplika fil-qasam tat-trasport bit-triq, bil-ferrovija, bil-passaġġi fuq l-ilma interni u dak marittimu u tipprevedi l-integrazzjoni progressiva tas-swieq u n-networks tat-trasport, inkluża l-infrastruttura tal-ajruport, abbażi tal-leġiżlazzjoni rilevanti tal-UE, inkluż fl-oqsma tal-istandards tekniċi, l-interoperabbiltà, is-sikurezza, is-sigurtà, il-ġestjoni tat-traffiku, il-kompetizzjoni, il-politika soċjali, l-akkwist pubbliku u l-ambjent.

Mill-2019, il-Komunità tat-Trasport avvanzat dan l-objettiv billi saħħet il-kooperazzjoni reġjonali u offriet assistenza teknika mmirata flimkien ma’ inizjattivi ta’ bini tal-kapaċità. Permezz ta’ dawn l-isforzi, il-Komunità tat-Trasport għamlet progress fl-allinjament tal-leġiżlazzjoni u fl-integrazzjoni tas-swieq tat-trasport kemm fost il-Partijiet tax-Xlokk tal-Ewropa kif ukoll bejnhom u l-UE. Madankollu, jenħtieġ aktar xogħol.

L-Artikolu 42 tat-TCT jipprevedi li t-Trattat għandu jiġi rieżaminat fuq talba ta’ kwalunkwe parti kontraenti u fi kwalunkwe każ 5 snin wara d-dħul fis-seħħ tiegħu.

Fil-15 ta’ Novembru 2022, il-partijiet kontraenti tat-TCT u l-ministri inkarigati mit-trasport mill-Ukrajna, il-Georgia u r-Repubblika tal-Moldova approvaw dikjarazzjoni konġunta dwar il-kooperazzjoni għall-iżvilupp tas-setturi tat-trasport. Dan id-dokument politiku kien jifforma l-bażi tal-involviment ta’ dawn il-pajjiżi bħala parteċipanti osservaturi fix-xogħol tal-Komunità tat-Trasport. Fid-dikjarazzjoni konġunta, ġiet espressa wkoll il-fehma li l-benefiċċji reċiproċi potenzjali li jirriżultaw mill-adeżjoni possibbli tal-Ukrajna, tar-Repubblika tal-Moldova u tal-Georgia mat-TCT għandhom jiġu esplorati kif xieraq.

Din ir-rakkomandazzjoni tipproponi li l-Kunsill jawtorizza lill-Kummissjoni biex tiftaħ negozjati dwar ir-reviżjoni tat-TCT.

L-objettiv ġenerali għandu jkun li jiġu nnegozjati mal-Partijiet tax-Xlokk tal-Ewropa, mal-Ukrajna u mar-Repubblika tal-Moldova emendi għat-TCT biex jiġi appoġġat u msaħħaħ l-allinjament leġiżlattiv tal-partijiet kontraenti kollha mal-acquis rilevanti tal-UE, fid-dawl tal-perspettivi Ewropej rispettivi tagħhom.

Dan għandu jinkludi mekkaniżmi ġodda biex jissaħħu l-impenji vinkolanti li jinsabu fit-TCT billi jiġu previsti sanzjonijiet (bħas-sospensjoni tad-drittijiet tal-vot) f’każijiet ta’ ksur serju u persistenti ta’ dawn l-impenji. Sabiex jissaħħaħ il-mekkaniżmu ta’ allinjament mal-acquis, għandu jiġi mfittex rwol imsaħħaħ għas-Segretarjat Permanenti tat-TCT. Barra minn hekk, l-emendi għandhom jirfinaw ir-rwol tat-TCT fl-appoġġ għall-iżvilupp tal-estensjoni indikattiva tan-network trans-Ewropew tat-trasport (TEN-T, Trans-European Transport Network) għall-Partijiet tax-Xlokk tal-Ewropa, b’mod partikolari billi jitqiesu l-iżviluppi tal-politika fil-qafas leġiżlattiv tat-TEN-T. Barra minn hekk, l-Anness I tat-TCT jeħtieġ ukoll li jiġi revedut, b’mod partikolari biex jiżdied l-acquis tal-UE qabel l-iffirmar tat-TCT u jitqiesu l-iżviluppi tal-politika rilevanti fl-oqsma tat-trasport jew f’oqsma assoċjati msemmija fl-Anness I. Fl-aħħar nett, l-emendi għandu jkollhom l-għan li jtejbu ċerti aspetti operazzjonali li kienu ġew identifikati fl-applikazzjoni tat-TCT u li jirfinaw ir-regoli dwar l-applikazzjoni tal-ġurisprudenza tal-Qorti tal-Ġustizzja dwar kwistjonijiet koperti mit-TCT.

L-emendi għandhom jippermettu wkoll is-sħubija sħiħa tal-Ukrajna u tar-Repubblika tal-Moldova fit-TCT. Barra minn hekk, sabiex tiġi żgurata l-integrazzjoni sħiħa tagħhom fit-TCT, il-Kummissjoni għandha tinnegozja annessi dwar arranġamenti tranżizzjonali, kif imsemmi fl-Artikolu 40 tat-TCT, li għandhom ikunu applikabbli għal dawn iż-żewġ pajjiżi mal-adeżjoni tagħhom. Barra minn hekk, jenħtieġ li l-Kummissjoni tkun tista’ tindirizza d-domandi potenzjali fir-rigward tas-sustanza tat-TCT mill-Ukrajna u mir-Repubblika tal-Moldova.

Fid-dawl tar-rigress demokratiku tal-Georgia, inkluża l-promulgazzjoni tal-Liġi dwar it-trasparenza tal-influwenza barranija, li tipperikola t-triq tal-Georgia lejn l-UE u li de facto wasslet għal waqfien tal-proċess ta’ adeżjoni, id-deċiżjoni li jittieħdu passi konkreti lejn is-sħubija sħiħa tal-Georgia fit-TCT għandha tiġi differita. Dan id-differiment huwa konformi mad-diskussjonijiet li saru fil-Kunsill Ewropew fis-27 ta’ Ġunju 2024 4 , fis-17 ta’ Ottubru 2024 5 , u fid-19 ta’ Diċembru 2024 6 u jirrifletti s-sejbiet tar-rapport tal-Kummissjoni dwar it-tkabbir.

•Konsistenza mad-dispożizzjonijiet eżistenti fil-qasam ta’ politika

L-objettivi ta’ din ir-rakkomandazzjoni huma konformi ma’ u jikkomplementaw l-isforzi usa’ tal-UE biex tappoġġa r-riformi fis-setturi tat-trasport tal-Partijiet tax-Xlokk tal-Ewropa, tal-Ukrajna u tar-Repubblika tal-Moldova, bħala parti mill-proċessi ta’ adeżjoni ġenerali tagħhom. Mid-dħul fis-seħħ tat-TCT, il-Kunsill Ewropew ikkonferma f’bosta okkażjonijiet li l-futur tal-Partijiet tax-Xlokk tal-Ewropa jinsab b’saħħtu fl-UE. F’Marzu 2020, il-membri tal-Kunsill Ewropew approvaw id-deċiżjoni tal-Kunsill Affarijiet Ġenerali 7 li jiftaħ negozjati ta’ adeżjoni mar-Repubblika tal-Maċedonja ta’ Fuq u mar-Repubblika tal-Albanija. F’Marzu 2024, il-Kunsill Ewropew iddeċieda 8 li jiftaħ negozjati ta’ adeżjoni mal-Bożnija-Ħerzegovina. F’Diċembru 2022, il-Kosovo ssottometta l-applikazzjoni tiegħu għas-sħubija fl-UE.

Il-Kunsill Ewropew tal-14-15 ta’ Diċembru 2023 iddeċieda li jiftaħ negozjati ta’ adeżjoni mal-Ukrajna u mar-Repubblika tal-Moldova 9 . In-negozjati ta’ adeżjoni għaż-żewġ pajjiżi tnedew formalment f’żewġ konferenzi intergovernattivi fil-Lussemburgu fil-25 ta’ Ġunju 2024.

Barra minn hekk, l-objettiv li tiġi appoġġata aktar l-integrazzjoni tan-networks tat-trasport huwa konformi mar-Regolament (UE) 2024/1679 tal-Parlament Ewropew u tal-Kunsill 10 . Fost affarijiet oħra, dan ir-Regolament jipprevedi Kurituri Ewropej tat-Trasport iddedikati bil-għan li jsaħħu aktar il-konnettività bejn l-Istati Membri u l-Partijiet tax-Xlokk tal-Ewropa, l-Ukrajna u r-Repubblika tal-Moldova.

•Konsistenza ma’ politiki oħra tal-Unjoni

Ir-rakkomandazzjoni hija konformi ma’ politiki oħrajn tal-UE, b’mod partikolari fir-rigward tat-tkabbir u l-politika tal-viċinat. Fit-8 ta’ Novembru 2023, il-Kummissjoni adottat il-Pjan ta’ Tkabbir ġdid għall-Balkani tal-Punent 11 , bil-għan li ġġib xi wħud mill-benefiċċji tas-sħubija fl-UE fir-reġjun qabel l-adeżjoni, tagħti spinta lit-tkabbir ekonomiku u taċċellera l-konverġenza soċjoekonomika tant meħtieġa. L-għan huwa li s-sħab ikunu jistgħu jżidu r-riformi u l-investimenti biex jaċċelleraw b’mod sinifikanti l-veloċità tal-proċess ta’ tkabbir u t-tkabbir tal-ekonomiji tagħhom.

Bl-istess mod, fil-15 ta’ April 2024, il-Kummissjoni approvat il-Pjan tal-Ukrajna 12 , li jgħin lill-Ukrajna fl-irkupru, ir-rikostruzzjoni u l-modernizzazzjoni, u b’mod partikolari jappoġġa l-isforzi ta’ riforma tal-pajjiż fi triqitha lejn is-sħubija fl-UE. Fl-aħħar nett, fl-10 ta’ Ottubru 2024, il-Kummissjoni adottat komunikazzjoni dwar il-Pjan ta’ Tkabbir għall-Moldova 13 , bil-għan li tagħti spinta lill-ekonomija tal-Moldova u tressaq lill-pajjiż eqreb lejn is-sħubija fl-UE billi taċċellera r-riformi u tipprovdi assistenza finanzjarja.

2.BAŻI LEGALI, SUSSIDJARJETÀ U PROPORZJONALITÀ

•Bażi legali

L-għan tat-Trattat dwar il-Komunità tat-Trasport huwa l-ħolqien ta’ Komunità tat-Trasport fl-oqsma tat-trasport bit-triq, bil-ferrovija, bil-passaġġi fuq l-ilma interni u marittimu, kif ukoll l-iżvilupp tan-network tat-trasport bejn l-Unjoni Ewropea u l-Partijiet tax-Xlokk tal-Ewropa. L-Artikolu 91 tat-TFUE jipprevedi li għandhom jiġu adottati miżuri li jikkonċernaw it-trasport bil-ferrovija, bit-triq u bil-passaġġi fuq l-ilma interni fil-qafas tal-politika komuni tat-trasport f’konformità mal-proċedura leġiżlattiva ordinarja. L-Artikolu 100(2) jipprevedi li għandhom jiġu adottati wkoll dispożizzjonijiet xierqa għat-trasport bil-baħar f’konformità mal-proċedura leġiżlattiva ordinarja. Il-bażi legali sostantiva għad-deċiżjoni prevista li tawtorizza l-ftuħ tan-negozjati dwar ftehim u li tindirizza d-direttivi lin-negozjatur hija għalhekk l-Artikolu 91 u l-Artikolu 100(2) tat-TFUE.

L-Artikolu 218 tat-Trattat dwar il-Funzjonament tal-Unjoni Ewropea (TFUE) jistabbilixxi l-proċedura għan-negozjar u l-konklużjoni ta’ ftehimiet bejn l-UE u pajjiżi terzi jew organizzazzjonijiet internazzjonali. B’mod partikolari, il-paragrafu 3 ta’ dan l-Artikolu jipprevedi li l-Kummissjoni tissottometti rakkomandazzjonijiet lill-Kunsill, li jadotta deċiżjoni li tawtorizza l-ftuħ tan-negozjati u, skont is-suġġett tal-ftehim previst, jinnomina n-negozjatur tal-UE jew il-kap tat-tim tan-negozjati tal-UE. L-Artikolu 218(4) jipprevedi l-possibbiltà li l-Kunsill jindirizza direttivi lin-negozjatur u jaħtar kumitat speċjali li b’konsultazzjoni miegħu jridu jsiru n-negozjati. Il-bażi legali proċedurali għad-deċiżjoni prevista li tawtorizza l-ftuħ tan-negozjati dwar ftehim u li tindirizza d-direttivi lin-negozjatur hija l-Artikolu 218(3) u (4) tat-TFUE.

•Kompetenza tal-Unjoni

L-Artikolu 216(1) tat-TFUE jistipula:

“L-Unjoni tista’ tikkonkludi ftehim ma’ pajjiż terz wieħed jew aktar jew ma’ organizzazzjonijiet internazzjonali meta t-Trattati jipprovdu għal dan jew meta l-konklużjoni ta’ ftehim tkun jew meħtieġa sabiex jinkiseb, fil-qafas tal-politika tal-Unjoni, wieħed mill-objettivi stabbiliti mit-Trattati, jew inkella tkun prevista f’att tal-Unjoni legalment vinkolanti jew inkella x’aktarx tolqot regoli komuni jew tbiddel il-kamp tal-applikazzjoni tagħhom.”

It-TCT ġie konkluż mill-Unjoni bis-saħħa tad-Deċiżjoni tal-Kunsill (UE) 2019/392 14 . Billi t-TCT huwa ftehim bejn l-UE u l-Partijiet tax-Xlokk tal-Ewropa, għandha tiġi nnegozjata modifika ta’ dak il-ftehim fil-livell tal-UE.

Il-Komunità tat-Trasport hija bbażata fuq l-integrazzjoni progressiva tas-swieq tat-trasport tal-Partijiet tax-Xlokk tal-Ewropa fis-suq tat-trasport tal-UE abbażi tal-acquis rilevanti, inkluż fl-oqsma tal-istandards tekniċi, l-interoperabbiltà, is-sikurezza, is-sigurtà, il-ġestjoni tat-traffiku, il-politika soċjali, l-akkwist pubbliku u l-ambjent, għall-modi kollha ta’ trasport eskluż it-trasport bl-ajru.

Din il-proposta tikkonċerna l-ftuħ ta’ negozjati bil-ħsieb li jiġi emendat it-TCT biex: (i) jiġi appoġġat u msaħħaħ l-allinjament leġiżlattiv tal-Partijiet tax-Xlokk tal-Ewropa; (ii) jissaħħaħ ir-rwol tas-Segretarjat Permanenti tat-TCT; (iii) jiġi rieżaminat l-Anness I tat-TCT, b’mod partikolari biex jiżdied l-acquis tal-UE qabel l-iffirmar tat-TCT u jitqiesu l-iżviluppi tal-politika rilevanti fil-qasam tat-trasport jew f’oqsma assoċjati koperti minn dak l-Anness; (iv) jittejbu ċerti aspetti operazzjonali; (v) jiġu rfinati r-regoli dwar l-interpretazzjoni tat-TCT fid-dawl tal-ġurisprudenza tal-Qorti tal-Ġustizzja, skont l-Artikolu 19 tat-TCT, sabiex tiġi koperta wkoll il-ġurisprudenza mogħtija wara d-data tal-iffirmar tat-TCT; u (vi) tkun permessa s-sħubija sħiħa tal-Ukrajna u tar-Repubblika tal-Moldova fit-TCT, inkluż billi jiġu nnegozjati annessi dwar arranġamenti tranżizzjonali għal kull wieħed minn dawn il-pajjiżi. Għalhekk, il-proposta ma taffettwax il-kamp ta’ applikazzjoni materjali tal-ftehim, hija konsistenti mal-objettivi ta’ politika segwiti minnha u ma tbiddilx il-kompetenza tal-UE b’rabta magħha.

Għalhekk, l-UE għandha kompetenza esklużiva biex tikkonkludi ftehim internazzjonali biex temenda t-TCT u l-annessi dwar arranġamenti tranżizzjonali li għandhom ikunu applikabbli mal-adeżjoni possibbli tal-Ukrajna u tar-Repubblika tal-Moldova.

•Proporzjonalità

L-emendi li għandhom jiġu nnegozjati ma jimmodifikawx il-kamp ta’ applikazzjoni materjali tat-TCT, u huma limitati għal miżuri li huma meħtieġa biex tiġi żgurata l-implimentazzjoni aktar effettiva tiegħu u jippermettu s-sħubija sħiħa tal-Ukrajna u tar-Repubblika tal-Moldova.

Il-ftehim previst huwa l-aktar strument effiċjenti biex jittejbu r-relazzjonijiet tat-trasport bejn l-UE, il-Partijiet tax-Xlokk tal-Ewropa, l-Ukrajna u r-Repubblika tal-Moldova. Ir-rakkomandazzjoni ma tmurx lil hinn minn dak li huwa meħtieġ biex jintlaħqu l-objettivi segwiti, f’konformità mal-Artikolu 5(4) tat-Trattat dwar l-Unjoni Ewropea.

•Għażla tal-istrument

Rakkomandazzjoni tal-Kummissjoni għal Deċiżjoni tal-Kunsill li tawtorizza l-ftuħ tan-negozjati hija konformi mal-Artikolu 218(3) tat-TFUE, li jipprevedi li l-Kummissjoni għandha tippreżenta rakkomandazzjonijiet lill-Kunsill, li għandu jadotta deċiżjoni li tawtorizza l-ftuħ tan-negozjati.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post / kontrolli tal-idoneità tal-leġiżlazzjoni eżistenti

Fuq talba tal-Kummissjoni, f’Jannar 2024 is-Segretarjat Permanenti waqqaf grupp ta’ ħidma informali biex iwettaq valutazzjoni preliminari tal-implimentazzjoni attwali tat-TCT u jidentifika oqsma potenzjali għal titjib sostantiv u operazzjonali bħala parti mir-rieżami tat-TCT.

Il-grupp ta’ ħidma informali, li kien immexxi mis-Segretarjat Permanenti, kien jikkonsisti minn rappreżentanti tal-Kummissjoni, tal-Istati Membri u tal-Partijiet tax-Xlokk tal-Ewropa, kif ukoll rappreżentanti tal-parteċipanti osservaturi. Dan kellu l-kompitu li jidentifika:

·bidliet sostantivi potenzjali li x’aktarx iwasslu għal kontribut pożittiv għall-għan tat-TCT ta’ integrazzjoni aktar mill-qrib tas-suq tat-trasport tal-Partijiet tax-Xlokk tal-Ewropa, abbażi tal-acquis rilevanti tal-UE;

·il-ħtieġa potenzjali li jittejjeb l-appoġġ għall-monitoraġġ tal-iżvilupp tan-network trans-Ewropew tat-trasport (TEN-T, Trans-European Transport Network) indikattiv fir-reġjun;

·linji ta’ xogħol / kompiti ġodda biex jiġu indirizzati l-iżviluppi fir-relazzjonijiet tal-UE mal-Partijiet tax-Xlokk tal-Ewropa; u

·bidliet operazzjonali potenzjali li x’aktarx itejbu l-funzjonament u l-implimentazzjoni xierqa tat-TCT.

Ir-riflessjonijiet ġew konklużi u s-Segretarjat Permanenti ħejja rapport finali li fih sommarju tax-xogħol u l-konklużjonijiet ewlenin tiegħu, u li jenfasizza l-oqsma ewlenin li jistgħu jiġu indirizzati matul il-proċess ta’ rieżami.

Bħala parti mill-proċedimenti tal-grupp ta’ ħidma informali, il-Kosovo talab li jbiddel id-denominazzjoni tiegħu kif riflessa bħalissa fit-TCT (il-Kosovo*) għal “ir-Repubblika tal-Kosovo”. Il-Kosovo jixtieq ukoll li jbiddel il-mod kif il-fruntieri tiegħu huma murija fil-mapep indikattivi tat-TEN-T fl-Anness I tat-TCT. Ir-Repubblika tal-Maċedonja ta’ Fuq qajmet il-ħtieġa li jiġu eżaminati mill-ġdid il-protokolli bilaterali mehmuża mat-TCT u li dawn jiġu adattati għas-sitwazzjoni speċifika tal-partijiet mingħajr kosta, b’mod partikolari fir-rigward tad-dispożizzjonijiet relatati mat-trasport marittimu. Il-Montenegro osserva li ċerti regolamenti elenkati fl-Anness I tat-TCT ikunu jeħtieġu aġġornament.

•Konsultazzjonijiet mal-partijiet ikkonċernati

Matul l-2023, is-servizzi tal-Kummissjoni kellhom għadd ta’ diskussjonijiet bilaterali mal-Partijiet tax-Xlokk tal-Ewropa dwar l-involviment aktar mill-qrib tal-parteċipanti osservaturi mill-Ukrajna u mir-Repubblika tal-Moldova fil-ħidma tat-TCT 15 .

Mingħajr preġudizzju għall-formalizzazzjoni tal-pożizzjonijiet rispettivi tal-gvernijiet tagħhom, b’mod ġenerali hemm appoġġ qawwi għall-inizjattiva li l-Ukrajna u r-Repubblika tal-Moldova jiġu integrati aktar mill-qrib fil-ħidma tat-TCT bil-ħsieb ta’ sħubija sħiħa, bi twissija notevoli dwar ir-relazzjonijiet bilaterali bejn sieħeb partikolari wieħed tal-Balkani tal-Punent (il-Kosovo) u l-parteċipanti osservaturi.

L-Albanija ma qajmet l-ebda kwistjoni partikolari bl-involviment aktar mill-qrib tal-parteċipanti osservaturi fil-ħidma tat-TCT u ddikjarat li hija tappoġġa l-estensjoni tat-TCT għall-Ukrajna u r-Repubblika tal-Moldova.

Il-Bożnija-Ħerzegovina esprimiet l-appoġġ tagħha għall-estensjoni tat-TCT għall-Ukrajna u r-Repubblika tal-Moldova.

Il-Kosovo enfasizza li ma għandu l-ebda kwistjoni maġġuri dwar is-sħubija sħiħa fit-TCT għall-parteċipanti osservaturi, filwaqt li qajjem ċertu tħassib bħan-nuqqas ta’ rikonoxximent tad-dikjarazzjoni ta’ indipendenza tal-Kosovo mill-Ukrajna u mir-Repubblika tal-Moldova.

Il-Montenegro ma qajjem l-ebda kwistjoni dwar l-involviment aktar mill-qrib tal-parteċipanti osservaturi fil-ħidma tat-TCT u esprima appoġġ għall-parteċipanti osservaturi li jissieħbu fit-TCT bħala membri sħaħ.

Il-Maċedonja ta’ Fuq ma qajmet l-ebda kwistjoni dwar l-involviment aktar mill-qrib tal-parteċipanti osservaturi fil-ħidma tat-TCT u ddikjarat li hija tappoġġa l-adeżjoni tal-Ukrajna u tar-Repubblika tal-Moldova mat-TCT.

Is-Serbja ma qajmet l-ebda kwistjoni dwar l-involviment aktar mill-qrib tal-Ukrajna u tar-Repubblika tal-Moldova fil-ħidma tat-TCT; madankollu, hija nnotat ukoll li bħalissa ma hemm l-ebda pożizzjoni uffiċjali tal-gvern tas-Serbja rigward is-sħubija sħiħa fit-TCT għall-parteċipanti osservaturi. Tali pożizzjoni tiġi ddeterminata wara approċċ aktar formali mill-UE dwar l-adeżjoni possibbli tal-Ukrajna u tar-Repubblika tal-Moldova mat-TCT.

Fi skambji bilaterali li saru fl-2023, is-servizzi tal-Kummissjoni ppreżentaw lill-Ukrajna u lir-Repubblika tal-Moldova l-pożizzjonijiet preliminari tal-Partijiet tax-Xlokk tal-Ewropa dwar il-prospetti ta’ sħubija sħiħa għall-parteċipanti osservaturi. Is-servizzi tal-Kummissjoni semmew ukoll l-implikazzjonijiet finanzjarji possibbli (jiġifieri l-kontribuzzjonijiet għall-baġit tat-TCT). F’dawn l-iskambji, l-Ukrajna u r-Repubblika tal-Moldova esprimew l-interess qawwi tagħhom li jissieħbu fit-TCT bħala membri sħaħ.

Barra minn hekk, il-Kummissjoni ppubblikat sejħa għal evidenza li saret bejn is-6 ta’ Novembru u l-4 ta’ Diċembru 2024. Il-Kummissjoni rċeviet kontribuzzjoni anonima waħda għas-sejħa għal evidenza, li esprimiet appoġġ ġenerali għall-inizjattiva biex jiġu integrati aktar in-networks tat-trasport fil-viċinat, iżda enfasizzat li għandha tiġi mfittxija kooperazzjoni aktar mill-qrib biss ma’ dawk is-sħab li diġà jikkooperaw mill-qrib ma’ sħab Ewropej.

•Valutazzjoni tal-impatt

Ir-Rakkomandazzjoni ma tikkommettix lill-Kummissjoni għal xi pożizzjoni speċifika f’dan l-istadju minħabba li fiha biss rakkomandazzjoni għal awtorizzazzjoni biex tidħol f’negozjati mal-Partijiet tax-Xlokk tal-Ewropa, mal-Ukrajna u mar-Repubblika tal-Moldova. Dawn in-negozjati jikkonċernaw emendi mmirati ta’ natura teknika għal ftehim internazzjonali diġà eżistenti u l-estensjoni tiegħu għall-Ukrajna u r-Repubblika tal-Moldova. L-eżitu tal-proċess ta’ reviżjoni se jiġi ddeterminat abbażi ta’ negozjati internazzjonali ma’ pajjiżi terzi. L-adeżjoni proposta tal-Ukrajna u tar-Repubblika tal-Moldova mat-TCT hija bbażata fuq sinjal politiku ċar mill-Kunsill Ewropew, li ta l-istatus ta’ kandidat tal-UE lil dawn il-pajjiżi u nieda formalment in-negozjati ta’ adeżjoni magħhom. Barra minn hekk, l-Artikolu 42 tat-TCT jirrikjedi li dak il-Ftehim jiġi rieżaminat 5 snin wara d-dħul fis-seħħ tiegħu. Il-Kummissjoni għandha tadotta rakkomandazzjoni għal Deċiżjoni tal-Kunsill li tawtorizza l-ftuħ ta’ negozjati għal dak il-għan. Għalhekk, proċess formali ta’ valutazzjoni tal-impatt ma huwiex ġustifikat.

•Idoneità regolatorja u simplifikazzjoni

Mhux applikabbli.

•Drittijiet fundamentali

L-inizjattiva tirrispetta bis-sħiħ il-Karta tad-Drittijiet Fundamentali tal-Unjoni Ewropea.

4.IMPLIKAZZJONIJIET BAĠITARJI

Filwaqt li l-impatt fuq il-baġit tal-UE huwa limitat, jista’ jirrappreżenta żieda sa 34 % (EUR 0,8 miljun) tal-kontribuzzjoni annwali tal-UE għat-TCT, skont l-eżitu tan-negozjati dwar il-kalkolu tal-kontribuzzjonijiet rispettivi tas-sħab reġjonali, u investiment bil-quddiem ta’ darba ta’ EUR 0,2 miljun.

F’konformità mal-Artikolu 35 tat-TCT, il-baġit tal-Komunità tat-Trasport ikopri biss l-ispejjeż operazzjonali meħtieġa għall-funzjonament tal-korpi tagħha.

L-impatt fuq il-perjodu tal-qafas finanzjarju pluriennali f’termini ta’ baġit u riżorsi umani stmati meħtieġa huwa spjegat fid-dettall fid-dikjarazzjoni finanzjarja leġiżlattiva annessa ma’ din ir-rakkomandazzjoni.

5.    ELEMENTI OĦRA

•    Pjanijiet ta’ implimentazzjoni u arranġamenti ta’ monitoraġġ, evalwazzjoni u rapportar

Il-proċess tan-negozjati huwa mistenni li jibda fl-2025.

•    Spjegazzjoni dettaljata tad-dispożizzjonijiet speċifiċi tar-rakkomandazzjoni

L-Artikolu 1 jinkludi l-awtorizzazzjoni biex jitwettqu n-negozjati, f’isem l-Unjoni, fuq ftehim internazzjonali dwar ir-reviżjoni tat-Trattat li jistabbilixxi l-Komunità tat-Trasport (TCT).

L-Artikolu 2 jistabbilixxi li n-negozjati għandhom jitwettqu abbażi tad-direttivi tal-Kunsill dwar in-negozjati mehmuża fl-anness tad-Deċiżjoni.

L-Artikolu 3 jipprevedi li n-negozjati għandhom jitwettqu b’konsultazzjoni ma’ kumitat speċjali.

L-Artikolu 4 jipprevedi li d-Deċiżjoni hija indirizzata lill-Kummissjoni.

•    L-għażla tan-negozjatur

Billi n-negozjati jaqgħu esklużivament fil-qasam tal-Politika Estera u ta’ Sigurtà mhux Komuni, il-Kummissjoni trid tinħatar bħala n-negozjatur skont l-Artikolu 218(3) tat-TFUE.

Rakkomandazzjoni għal

DEĊIŻJONI TAL-KUNSILL

li tawtorizza l-ftuħ ta’ negozjati dwar ir-reviżjoni tat-Trattat dwar il-Komunità tat-Trasport

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea u, b’mod partikolari l-Artikoli 91 u 100(2) tat-TFUE, flimkien mal-Artikolu 218(3) u (4) tiegħu,

Wara li kkunsidra r-rakkomandazzjoni mill-Kummissjoni Ewropea,

Billi:

(1)It-Trattat dwar il-Komunità tat-Trasport (TCT, Transport Community Treaty) ġie ffirmat mill-Unjoni f’konformità mad-Deċiżjoni tal-Kunsill (UE) 2017/1937 16 . Fl-4 ta’ Marzu 2019, dan ġie approvat f’isem l-Unjoni permezz tad-Deċiżjoni tal-Kunsill (UE) 2019/392 17 . Dan daħal fis-seħħ fl-1 ta’ Mejju 2019.

(2)It-TCT imexxi ’l quddiem l-iżvilupp tan-network tat-trasport bejn l-Unjoni u r-Repubblika tal-Albanija, il-Bożnija-Ħerzegovina, ir-Repubblika tal-Maċedonja ta’ Fuq, il-Kosovo 18 *, il-Montenegro u r-Repubblika tas-Serbja (minn hawn ’il quddiem imsejħa l-Partijiet tax-Xlokk tal-Ewropa) fil-qasam tat-trasport bit-triq, bil-ferrovija, bil-passaġġi fuq l-ilma interni u marittimu, u huwa bbażat fuq l-integrazzjoni progressiva tas-swieq tat-trasport tal-Partijiet tax-Xlokk tal-Ewropa fis-suq tat-trasport tal-Unjoni abbażi tad-dispożizzjonijiet rilevanti tal-acquis tal-Unjoni.

(3)L-Artikolu 42 tat-TCT jipprevedi li t-Trattat għandu jiġi rieżaminat fuq talba ta’ kwalunkwe parti kontraenti u, fi kwalunkwe każ, 5 snin wara d-dħul fis-seħħ tiegħu.

(4)F’Jannar 2024, twaqqaf grupp ta’ ħidma biex jorganizza taħditiet esploratorji dwar ir-rieżami tat-TCT. Il-grupp ta’ ħidma kien magħmul minn rappreżentanti tal-Kummissjoni, tal-Istati Membri, tal-Partijiet tax-Xlokk tal-Ewropa u tal-parteċipanti osservaturi attwali. Huwa kkonkluda d-diskussjonijiet tiegħu dwar il-ħtieġa li jiġi aġġornat it-TCT.

(5)Inkiseb progress konsiderevoli fl-involviment aktar mill-qrib bejn il-Komunità tat-Trasport u l-parteċipanti osservaturi mill-Ukrajna u mir-Repubblika tal-Moldova.

(6)Jenħtieġ li l-Unjoni tipparteċipa fin-negozjati dwar l-emenda tat-TCT.

ADOTTA DIN ID-DEĊIŻJONI:

Artikolu 1

Il-Kummissjoni hija b’dan awtorizzata twettaq negozjati, f’isem l-Unjoni, fuq ftehim internazzjonali dwar ir-reviżjoni tat-Trattat li jistabbilixxi l-Komunità tat-Trasport (TCT, Treaty establishing the Transport Community).

Artikolu 2

Id-direttivi dwar in-negozjati huma stabbiliti fl-Anness.

Artikolu 3

In-negozjati għandhom jitwettqu b’konsultazzjoni ma’ [l-isem tal-kumitat speċjali li għandu jiddaħħal mill-Kunsill].

Artikolu 4

Din id-Deċiżjoni hija indirizzata lill-Kummissjoni.

Magħmul fi Brussell,

   Għall-Kunsill

   Il-President

(1)    ĠU L 278, 27.10.2017, p. 3, ELI: http://data.europa.eu/eli/agree_internation/2017/1937/oj .
(2)    Id-Deċiżjoni tal-Kunsill (UE) 2019/392 tal-4 ta’ Marzu 2019 dwar il-konklużjoni, f’isem l-Unjoni Ewropea, tat-Trattat li jistabbilixxi l-Komunità tat-Trasport (ĠU L 71, 13.3.2019, p. 1, ELI: http://data.europa.eu/eli/dec/2019/392/oj ).
(3) *    Din id-deżinjazzjoni hija mingħajr preġudizzju għall-pożizzjonijiet dwar l-istatus, u hija konformi mal-UNSCR 1244 (1999) u mal-Opinjoni tal-Qorti Internazzjonali tal-Ġustizzja (QIĠ) dwar id-dikjarazzjoni tal-indipendenza tal-Kosovo.
(4)     https://www.consilium.europa.eu/media/qa3lblga/euco-conclusions-27062024-en.pdf .
(5)     https://www.consilium.europa.eu/media/2pebccz2/20241017-euco-conclusions-en.pdf .
(6)     https://www.consilium.europa.eu/media/jhlenhaj/euco-conclusions-19122024-en.pdf .
(7)     https://data.consilium.europa.eu/doc/document/ST-7002-2020-INIT/mt/pdf .
(8)     https://www.consilium.europa.eu/media/70880/euco-conclusions-2122032024.pdf .
(9)     https://www.consilium.europa.eu/media/68967/europeancouncilconclusions-14-15-12-2023-en.pdf .
(10)    Ir-Regolament (UE) 2024/1679 tal-Parlament Ewropew u tal-Kunsill tat-13 ta’ Ġunju 2024 dwar linji gwida tal-Unjoni għall-iżvilupp tan-network trans-Ewropew tat-trasport, li jemenda r-Regolamenti (UE) 2021/1153 u (UE) Nru 913/2010 u li jħassar ir-Regolament (UE) Nru 1315/2013 (ĠU L, 2024/1679, 28.6.2024, ELI: http://data.europa.eu/eli/reg/2024/1679/oj ).
(11)     https://neighbourhood-enlargement.ec.europa.eu/enlargement-policy/new-growth-plan-western-balkans_en .
(12)     https://neighbourhood-enlargement.ec.europa.eu/proposal-council-implementing-decision-approval-assessment-ukraine-plan_en .
(13)     https://neighbourhood-enlargement.ec.europa.eu/growth-plan-moldova-commission-proposal_en .
(14)    Id-Deċiżjoni tal-Kunsill (UE) 2019/392 tal-4 ta’ Marzu 2019 dwar il-konklużjoni, f’isem l-Unjoni Ewropea, tat-Trattat li jistabbilixxi l-Komunità tat-Trasport (ĠU L 71, 13.3.2019, p. 1, ELI: http://data.europa.eu/eli/dec/2019/392/oj ).
(15)    Dawn id-diskussjonijiet bilaterali kienu jikkonċernaw ukoll l-involviment aktar mill-qrib possibbli tal-Georgia, bħala parteċipant osservatur attwali fil-Komunità tat-Trasport.
(16)    Id-Deċiżjoni tal-Kunsill (UE) 2017/1937 tal-11 ta’ Lulju 2017 dwar l-iffirmar, f’isem l-Unjoni Ewropea, u l-applikazzjoni provviżorja tat-Trattat li jistabbilixxi l-Komunità tat-Trasport (ĠU L 278, 27.10.2017, p. 1).
(17)    Id-Deċiżjoni tal-Kunsill (UE) 2019/392 tal-4 ta’ Marzu 2019 dwar il-konklużjoni, f’isem l-Unjoni Ewropea, tat-Trattat li jistabbilixxi l-Komunità tat-Trasport (ĠU L 71, 13.3.2019, p. 1).
(18) *    Din id-deżinjazzjoni hija mingħajr preġudizzju għall-pożizzjonijiet dwar l-istatus, u hija konformi mal-UNSCR 1244 (1999) u mal-Opinjoni tal-Qorti Internazzjonali tal-Ġustizzja (QIĠ) dwar id-dikjarazzjoni tal-indipendenza tal-Kosovo.

Brussell, 5.6.2025

COM(2025) 278 final

ANNESSI

ta'

Rakkomandazzjoni għal DEĊIŻJONI TAL-KUNSILL

li tawtorizza l-ftuħ ta’ negozjati dwar ir-reviżjoni tat-Trattat dwar il-Komunità tat-Trasport


ANNESS 1

DIRETTIVI GĦAN-NEGOZJAR TA’ FTEHIM INTERNAZZJONALI

DWAR IR-REVIŻJONI TAT-TRATTAT DWAR IL-KOMUNITÀ TAT-TRASPORT

1.KAMP TA’ APPLIKAZZJONI TAL-FTEHIM PREVIST

It-Trattat li jistabbilixxi l-Komunità tat-Trasport (TCT, Treaty establishing the Transport Community) imexxi ’l quddiem l-iżvilupp tan-network tat-trasport bejn l-UE u r-Repubblika tal-Albanija, il-Bożnija-Ħerzegovina, ir-Repubblika tal-Maċedonja ta’ Fuq, il-Kosovo 1*, il-Montenegro u r-Repubblika tas-Serbja (minn hawn ’il quddiem imsejħa l-Partijiet tax-Xlokk tal-Ewropa) fil-qasam tat-trasport bit-triq, bil-ferrovija, bil-passaġġi fuq l-ilma interni u dak marittimu, u huwa bbażat fuq l-integrazzjoni progressiva tas-swieq tat-trasport tal-Partijiet tax-Xlokk tal-Ewropa fis-suq tat-trasport tal-UE abbażi tad-dispożizzjonijiet rilevanti tal-acquis tal-UE. L-objettiv ġenerali tal-emendi previsti huwa li jappoġġaw u jsaħħu l-allinjament leġiżlattiv tal-Partijiet tax-Xlokk tal-Ewropa, iżda wkoll li jtejbu u jiċċaraw ċerti aspetti operazzjonali li ġew identifikati fl-applikazzjoni tiegħu.

L-emendi jeħtieġ li jippermettu wkoll is-sħubija sħiħa tal-Ukrajna u tar-Repubblika tal-Moldova fit-TCT. Barra minn hekk, sabiex tiġi żgurata l-integrazzjoni sħiħa tagħhom fit-TCT, il-Kummissjoni jeħtieġ li tinnegozja annessi dwar arranġamenti tranżizzjonali, kif imsemmi fl-Artikolu 40 tat-TCT, li għandhom ikunu applikabbli għal dawn iż-żewġ pajjiżi mal-adeżjoni tagħhom.

2.OBJETTIVI TAN-NEGOZJATI

Matul in-negozjati, il-Kummissjoni jeħtieġ li timmira li tilħaq l-objettivi stabbiliti fid-dettall hawn taħt.

(1)L-objettiv ġenerali tal-emendi għandu jkun li jappoġġaw u jsaħħu l-allinjament leġiżlattiv tal-partijiet kontraenti kollha mal-acquis rilevanti tal-UE, fid-dawl tal-perspettivi Ewropej rispettivi tagħhom, u wkoll li jagħtu spinta lill-integrazzjoni progressiva tas-swieq tat-trasport tagħhom fis-suq tat-trasport tal-UE.

(2)L-emendi jeħtieġ li jippermettu wkoll is-sħubija sħiħa tal-parteċipanti osservaturi mill-Ukrajna u mir-Repubblika tal-Moldova fit-Trattat dwar il-Komunità tat-Trasport. Barra minn hekk, sabiex tiġi żgurata l-integrazzjoni sħiħa tagħhom fit-TCT, il-Kummissjoni jeħtieġ li tinnegozja annessi dwar arranġamenti tranżizzjonali, kif imsemmi fl-Artikolu 40 tat-TCT, li għandhom ikunu applikabbli għal dawn iż-żewġ pajjiżi mal-adeżjoni tagħhom. Barra minn hekk, il-Kummissjoni jeħtieġ li tkun tista’ tindirizza t-talbiet potenzjali fir-rigward tas-sustanza tat-TCT mill-Ukrajna u mir-Repubblika tal-Moldova.

(3)F’dan ir-rigward, l-emendi jistgħu jinkludu wkoll rieżami tad-dispożizzjonijiet li jirreferu speċifikament għall-Balkani tal-Punent, sabiex dawn id-dispożizzjonijiet jirreferu wkoll, fejn rilevanti, għall-pajjiżi msemmija hawn fuq, kif ukoll rieżami tal-formula tal-kondiviżjoni tal-piżijiet baġitarji stabbilita fl-Anness V tat-Trattat biex jitqies in-numru estiż ta’ partijiet kontraenti u tiġi żgurata distribuzzjoni ekwa kontinwata tal-kontribuzzjonijiet.

(4)L-emendi li l-għan tagħhom huwa li jagħtu spinta lill-allinjament leġiżlattiv jeħtieġ li jinkludu l-aspetti addizzjonali li ġejjin:

(a)isaħħu l-impenji vinkolanti dwar l-allinjament tal-acquis li jinsabu fit-TCT billi jipprevedu sanzjonijiet (bħas-sospensjoni tad-drittijiet tal-vot) f’każijiet ta’ ksur serju jew persistenti;

(b)jirrikonoxxu u jistituzzjonalizzaw il-pjanijiet ta’ azzjoni attwali u futuri tat-TCT dwar l-appoġġ għall-allinjament leġiżlattiv;

(c)isaħħu u jiffokaw aħjar ir-rwol tas-Segretarjat Permanenti skont l-Artikolu 28 biex jappoġġaw aħjar il-perspettivi Ewropej tal-Partijiet tax-Xlokk tal-Ewropa; u

(d)jiċċaraw u jiżviluppaw ir-regoli dwar il-limiti ta’ żmien biex id-dispożizzjonijiet rilevanti tal-leġiżlazzjoni stabbiliti fl-Anness I tat-TCT isiru vinkolanti għall-Partijiet tax-Xlokk tal-Ewropa, b’mod partikolari fir-rigward tal-Artikolu 3(2)(b).

(5)L-emendi jeħtieġ li jiżguraw li l-Anness I tat-TCT jiġi aġġornat, b’mod partikolari biex jiżdied l-acquis tal-UE ta’ qabel l-iffirmar tat-TCT u biex jitqiesu l-iżviluppi tal-politika rilevanti. Jekk ikun xieraq, dan jista’ jinvolvi l-inklużjoni ta’ leġiżlazzjoni ġdida fil-qasam tat-trasport jew f’oqsma assoċjati msemmija f’dak l-Anness.

(6)L-emendi jeħtieġ li jaġġornaw, fejn meħtieġ, id-dispożizzjonijiet tal-Artikoli 8 u 9 dwar l-iżvilupp tal-estensjoni indikattiva tan-network trans-Ewropew tat-trasport (TEN-T, Trans-European Transport Network) għall-Partijiet tax-Xlokk tal-Ewropa u l-pjan ta’ ħidma kontinwu ta’ 5 snin korrispondenti, sabiex jitqiesu l-iżviluppi tal-politika fil-qafas leġiżlattiv tat-TEN-T.

(7)L-emendi jeħtieġ li jiżguraw mod inqas ikkumplikat ta’ kif l-esperti mill-Partijiet tax-Xlokk tal-Ewropa jiġu kkonsultati dwar l-obbligi li bħalissa huma stabbiliti fil-punt 4 tal-Anness II tat-TCT.

(8)L-emendi jeħtieġ li jirriflettu l-ftehimiet diġà milħuqa dwar id-denominazzjoni uffiċjali tar-Repubblika tal-Maċedonja ta’ Fuq.

(9)Il-Kummissjoni għandha tesplora wkoll il-ħtieġa li tadatta l-protokolli bilaterali eżistenti bħalissa, fejn rilevanti, pereżempju fir-rigward tas-sitwazzjoni speċifika tal-partijiet mingħajr kosta u d-dispożizzjonijiet attwali dwar it-trasport marittimu.

(10)L-emendi jeħtieġ li jirrevedu r-regoli dwar l-applikazzjoni tal-ġurisprudenza tal-Qorti tal-Ġustizzja, b’mod partikolari biex ikopru wkoll il-ġurisprudenza mogħtija wara d-data tal-iffirmar tat-TCT.

(11)L-emendi jaf jinkludu wkoll kwistjonijiet tekniċi minuri li ma kinux inklużi f’xi waħda mid-direttivi dwar in-negozjar preċedenti (eż. żbalji tipografiċi eżistenti, ċerti referenzi skorretti jew skaduti).

3.TMEXXIJA TAN-NEGOZJATI

Il-Kummissjoni se tmexxi n-negozjati skont dawn id-direttivi u se tiżgura koordinazzjoni xierqa man-negozjati li għaddejjin u dawk futuri f’oqsma rilevanti oħrajn.

ANNESS 2

DIKJARAZZJONI FINANZJARJA U DIĠITALI LEĠIŻLATTIVA

1.QAFAS TAL-PROPOSTA/TAL-INIZJATTIVA3

1.1.Titolu tal-proposta/tal-inizjattiva3

1.2.Qasam/Oqsma ta’ politika kkonċernat(i)3

1.3.Objettiv(i)3

1.3.1.Objettiv(i) ġenerali3

1.3.2.Objettiv(i) speċifiku/speċifiċi3

1.3.3.Riżultat(i) u impatt mistennija3

1.3.4.Indikaturi tal-prestazzjoni3

1.4.Il-proposta/L-inizjattiva hija relatata ma’:4

1.5.Raġunijiet għall-proposta/għall-inizjattiva4

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva4

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.4

1.5.3.Tagħlimiet meħuda minn esperjenzi simili fl-imgħoddi4

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra5

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni5

1.6.Durata tal-proposta/tal-inizjattiva u tal-impatt finanzjarju tagħha5

1.7.Metodu/i tal-implimentazzjoni tal-baġit ippjanat(i)5

2.MIŻURI TA’ ĠESTJONI7

2.1.Regoli ta’ monitoraġġ u ta’ rapportar7

2.2.Sistema/i ta’ ġestjoni u ta’ kontroll7

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta7

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom7

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)7

2.3.Miżuri għall-prevenzjoni ta’ frodi u ta’ irregolaritajiet8

3.IMPATT FINANZJARJU STMAT TAL-PROPOSTA/TAL-INIZJATTIVA9

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i9

3.2.Impatt finanzjarju stmat tal-proposta fuq l-approprjazzjonijiet10

3.2.1.Sommarju tal-impatt stmat fuq l-approprjazzjonijiet operazzjonali10

3.2.1.1.Approprjazzjonijiet mill-baġit ivvutat10

3.2.2.Output stmat iffinanzjat minn approprjazzjonijiet operazzjonali11

3.2.3.Sommarju tal-impatt stmat fuq l-approprjazzjonijiet amministrattivi13

3.2.3.1. Approprjazzjonijiet mill-baġit ivvutat13

3.2.4.Rekwiżiti stmati ta’ riżorsi umani13

3.2.4.1.Iffinanzjati mill-baġit ivvutat13

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali13

3.2.6.Kompatibbiltà mal-qafas finanzjarju pluriennali attwali13

3.2.7.Kontribuzzjonijiet ta’ partijiet terzi13

3.3.Impatt stmat fuq id-dħul13

4.Dimensjonijiet diġitali14

4.1.Rekwiżiti ta’ rilevanza diġitali14

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

Rakkomandazzjoni tal-Kummissjoni għal Deċiżjoni tal-Kunsill li tawtorizza l-ftuħ tan-negozjati dwar ir-reviżjoni tat-Trattat dwar il-Komunità tat-Trasport

1.2.Qasam/Oqsma ta’ politika kkonċernat(i) 

Trasport

1.3.Objettiv(i)

1.3.1.Objettiv(i) ġenerali

L-għan tal-inizjattiva proposta huwa li tirrieżamina t-Trattat dwar il-Komunità tat-Trasport (TCT), kif awtorizzat fl-Artikolu 42 tat-Trattat. Dan l-artikolu jipprevedi li t-Trattat għandu jiġi rieżaminat fuq talba ta’ kwalunkwe parti kontraenti u, fi kwalunkwe każ, 5 snin wara d-dħul fis-seħħ tiegħu. Barra minn hekk, ir-reviżjoni għandha tippermetti s-sħubija sħiħa tal-Ukrajna u tar-Repubblika tal-Moldova fit-TCT.

1.3.2.Objettiv(i) speċifiku/speċifiċi

Objettiv speċifiku Nru 1

Jiġi appoġġat u msaħħaħ l-allinjament leġiżlattiv li diġà għaddej tas-sitt sħab tal-Balkani tal-Punent (ir-Repubblika tal-Albanija, il-Bożnija-Ħerzegovina, ir-Repubblika tal-Maċedonja ta’ Fuq, il-Kosovo 2*, il-Montenegro u r-Repubblika tas-Serbja – minn hawn ’il quddiem imsejħa l-Partijiet tax-Xlokk tal-Ewropa) mal-acquis rilevanti tal-UE, fid-dawl tal-perspettivi Ewropej rispettivi tagħhom, u jittejbu ċerti aspetti oħrajn tal-funzjonament tat-TCT.

Objettiv speċifiku Nru 2

Soġġetta għall-qbil tal-partijiet rilevanti, ir-reviżjoni għandha tippermetti wkoll is-sħubija sħiħa tal-Ukrajna u tar-Repubblika tal-Moldova fit-TCT.

1.3.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

Filwaqt li l-għan tar-reviżjoni tat-Trattat huwa li tappoġġa u ssaħħaħ l-allinjament leġiżlattiv tal-Partijiet tax-Xlokk tal-Ewropa, l-emendi previsti huma ta’ natura teknika u ma jimmodifikawx il-kamp ta’ applikazzjoni jew l-objettiv oriġinali tat-Trattat. Il-kisba ta’ dan l-objettiv oriġinali u l-iżgurar tal-allinjament leġiżlattiv fis-settur tat-trasport, inkluż għall-Ukrajna u r-Repubblika tal-Moldova, huma mistennija li jkollhom impatti ekonomiċi, soċjali u ambjentali pożittivi fuq iċ-ċittadini u n-negozji fl-UE u fil-pajjiżi kkonċernati.

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

L-effettività tad-Deċiżjoni proposta se tiġi evalwata billi jiġi kkunsidrat l-ammont ta’ appoġġ immirat ipprovdut mis-Segretarjat Permanenti tal-Komunità tat-Trasport lill-Partijiet tax-Xlokk tal-Ewropa għall-Objettiv Speċifiku Nru 1, u għall-Ukrajna u r-Repubblika tal-Moldova għall-Objettiv Speċifiku Nru 2. Dan l-appoġġ għandu jippromwovi l-integrazzjoni progressiva tas-swieq u n-networks tat-trasport tal-Partijiet tax-Xlokk tal-Ewropa abbażi tal-leġiżlazzjoni rilevanti tal-UE, inkluż fl-oqsma tal-istandards tekniċi, l-interoperabbiltà, is-sikurezza, is-sigurtà, il-ġestjoni tat-traffiku, il-kompetizzjoni, il-politika soċjali, l-akkwist pubbliku u l-ambjent. L-appoġġ ipprovdut huwa deskritt fir-rapporti operazzjonali annwali mħejjija mis-Segretarjat Permanenti tal-Komunità tat-Trasport. Dawn ir-rapporti għandhom jiġu approvati mill-Kumitat tat-Tmexxija Reġjonali, li jikkonsisti f’rappreżentant ta’ kull waħda mill-Partijiet Kontraenti għat-TCT.

1.4.Il-proposta/L-inizjattiva hija relatata ma’: 

 azzjoni ġdida 

 azzjoni ġdida b’segwitu għal proġett pilota/azzjoni preparatorja 3  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

L-objettivi għan-negozjati tat-Trattat li jinsabu f’din ir-Rakkomandazzjoni huma soġġetti għal negozjati ma’ pajjiżi terzi. Għalhekk, l-objettiv ta’ terminu qasir huwa li jintlaħaq ftehim dwar emendi li jappoġġaw l-Objettiv Speċifiku Nru 1, bil-għan li jiġi appoġġat u msaħħaħ l-allinjament leġiżlattiv li diġà għaddej, u dwar l-Objettiv Speċifiku Nru 2, bil-għan li tinkiseb is-sħubija sħiħa tal-Ukrajna u tar-Repubblika tal-Moldova fit-TCT.

Fuq medda ta’ żmien itwal, dawn l-emendi għat-TCT għandhom itejbu l-effettività tal-appoġġ ipprovdut mit-TCT u jippromwovu l-allinjament leġiżlattiv tal-Partijiet tax-Xlokk tal-Ewropa, inklużi l-Ukrajna u r-Repubblika tal-Moldova, mal-acquis rilevanti tal-UE.

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

It-TCT huwa ftehim bejn l-UE u l-Partijiet tax-Xlokk tal-Ewropa. Għalhekk, modifika tal-ftehim għandha tinvolvi lill-UE u lil dawk il-Partijiet.

1.5.3.Tagħlimiet meħuda minn esperjenzi simili fl-imgħoddi

It-TCT ilu fis-seħħ mill-2019. F’dan il-perjodu, saret ħidma biex jintlaħqu l-objettivi msemmija hawn fuq ta’ integrazzjoni progressiva tas-swieq u n-networks tat-trasport fil-Balkani tal-Punent, u bejn il-Balkani tal-Punent u l-UE. Filwaqt li nkiseb xi progress f’termini ta’ allinjament leġiżlattiv u żvilupp tan-networks tat-trasport, jistgħu jittieħdu xi tagħlimiet biex tiżdied l-effettività tat-TCT. Eżempji ta’ dan jinkludu l-ħtieġa għal dispożizzjonijiet vinkolanti dwar l-impenji li jinsabu fit-TCT, kif ukoll skedi ta’ żmien ċari għall-implimentazzjoni tagħhom. Dawn it-tagħlimiet meħuda tqiesu fl-iżvilupp tad-direttivi dwar in-negozjar għal din ir-Rakkomandazzjoni.

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

It-TCT iservi l-integrazzjoni progressiva tas-swieq u n-networks tat-trasport tal-Partijiet tax-Xlokk tal-Ewropa ma’ dawk tal-UE, u b’hekk jappoġġa konverġenza soċjoekonomika akbar fit-triq lejn is-sħubija fl-Unjoni. B’hekk, it-TCT jikkomplementa forom (proposti) oħrajn ta’ assistenza li jaħdmu lejn dan l-għan f’sens usa’, bħall-Pjan ta’ Tkabbir ġdid għall-Balkani tal-Punent 4 , il-pjan tal-Ukrajna 5 , u l-proposta tal-Kummissjoni għall-Pjan ta’ Tkabbir tal-Moldova 6 .

In-negozjati għat-tkabbir tat-Trattat biex jiġu inklużi l-Ukrajna u r-Repubblika tal-Moldova jistgħu jwasslu għal żieda fil-kontribuzzjoni tas-sħubija mill-UE, li tista’ taqbeż l-ammonti allokati għat-TCT fl-ipprogrammar finanzjarju attwali. Filwaqt li l-kontribuzzjoni tal-UE għat-TCT hija stmata li tiżdied b’madwar 34 %, l-ipprogrammar finanzjarju jipprevedi biss żieda annwali ta’ 2 %. Barra minn hekk, il-kostijiet tal-istabbiliment għall-bażijiet tad-data applikabbli se jkunu meħtieġa matul l-ewwel sena tal-implimentazzjoni tat-TCT imkabbar. Stima dettaljata hija pprovduta fit-Taqsima 3.

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

Iż-żmien eżatt ta’ meta se jkunu meħtieġa fondi addizzjonali jibqa’ inċert minħabba d-durata u l-eżitu imprevedibbli tan-negozjati. Fil-każ tad-dħul fis-seħħ tat-TCT rivedut sal-bidu tal-2027, il-kontribuzzjoni għal TCT imkabbar għandha tkun iffinanzjata primarjament, lil hinn mill-ammont previst fl-ipprogrammar finanzjarju, billi jintużaw fondi mhux minfuqa mill-kontribuzzjoni tal-UE għall-baġit attwali tat-TCT (2026).

1.6.Durata tal-proposta/tal-inizjattiva u tal-impatt finanzjarju tagħha

 durata limitata

 durata mhux limitata

–Implimentazzjoni b’perjodu ta’ bidu wara l-iffirmar tar-Reviżjoni tat-Trattat, ippjanata mill-bidu tal-2027,

–segwita minn operazzjoni fuq skala sħiħa.

1.7.Metodu/i ta’ implimentazzjoni tal-baġit ippjanat(i) 7   

 Ġestjoni diretta mill-Kummissjoni

 Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni tal-baġit:

– lill-organizzazzjonijiet internazzjonali u lill-aġenziji tagħhom (għandhom jiġu speċifikati)

Kummenti

Implimentati mis-Segretarjat Permanenti tal-Komunità tat-Trasport

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

Il-Kunsill Ministerjali tat-TCT, li jiltaqa’ kull sena, għandu l-kompitu li jirrieżamina l-progress tal-implimentazzjoni tat-TCT. Barra minn hekk, il-Kumitat tat-Tmexxija Reġjonali, li jiltaqa’ mill-inqas darbtejn fis-sena ma’ rappreżentanti minn kull parti kontraenti tat-TCT, għandu l-kompitu li jirrieżamina l-funzjonament ġenerali tat-TCT. Fl-aħħar nett, is-Segretarjat Permanenti tal-Komunità tat-Trasport iħejji rapporti operazzjonali annwali, rapporti dwar l-allinjament tal-acquis, dwar l-implimentazzjoni tan-Network Trans-Ewropew tat-Trasport (TEN-T) fil-Partijiet tax-Xlokk tal-Ewropa, kif ukoll dwar l-eżekuzzjoni tal-baġit. Dawn ir-rapporti huma approvati mill-Kunsill Ministerjali jew mill-Kumitat tat-Tmexxija Reġjonali. Dawn l-istrutturi stabbiliti mit-Trattat se jinżammu għall-monitoraġġ futur.

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

Is-Segretarjat Permanenti tal-Komunità tat-Trasport ilu jimplimenta l-baġit tat-TCT mid-dħul fis-seħħ tat-Trattat fl-2019. Is-Segretarjat Permanenti tal-Komunità tat-Trasport jinsab fl-aħjar pożizzjoni biex ikompli jwettaq l-attivitajiet tat-TCT, meta wieħed iqis li għandu għarfien lokali, network lokali, u jista’ jibbenefika minn bosta snin ta’ esperjenza miksuba permezz tat-TCT eżistenti.

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

Ir-riskju ewlieni identifikat b’rabta mal-implimentazzjoni tal-baġit propost għat-TCT huwa relatat mal-użu ineffettiv possibbli ta’ dan il-baġit biex jiġu ffinanzjati l-attivitajiet ta’ appoġġ għall-Partijiet tax-Xlokk tal-Ewropa li jippromwovu l-integrazzjoni progressiva tas-swieq u n-networks tat-trasport. Il-miżuri biex jittaffa dan ir-riskju diġà huma fis-seħħ fit-Trattat eżistenti, u jikkonċernaw it-tħejjija ta’ rapporti operazzjonali annwali, rapporti dwar l-allinjament tal-acquis, dwar l-implimentazzjoni tan-Network Trans-Ewropew tat-Trasport (TEN-T) fil-Partijiet tax-Xlokk tal-Ewropa, kif ukoll dwar l-eżekuzzjoni tal-baġit. Dawn ir-rapporti jeħtieġ li jiġu approvati mill-Kumitat tat-Tmexxija Reġjonali tat-TCT.

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

Is-Segretarjat Permanenti għandu responsabbiltà sħiħa għall-implimentazzjoni tal-baġit tagħhom, filwaqt li d-DĠ MOVE huwa responsabbli għall-pagament regolari tal-kontribuzzjonijiet stabbiliti mill-Awtorità Baġitarja. Il-livell mistenni ta’ riskju ta’ żball fil-pagament u fl-għeluq huwa simili għal dak marbut mas-sussidji tal-baġit ipprovduti lil organizzazzjonijiet internazzjonali oħrajn.

Il-kompiti addizzjonali li jirriżultaw mir-reviżjoni proposta ma humiex mistennija jiġġeneraw kontrolli addizzjonali speċifiċi. Għalhekk, il-kost tal-kontroll għad-DĠ MOVE (imkejjel skont il-valur tal-fondi ġestiti) huwa mistenni li jibqa’ stabbli.

2.3.Miżuri għall-prevenzjoni ta’ frodi u ta’ irregolaritajiet 

Ir-regoli finanzjarji u l-proċeduri tal-awditjar applikabbli għall-Komunità tat-Trasport, adottati mill-Kumitat tat-Tmexxija Reġjonali, jistabbilixxu l-proċedura għall-implimentazzjoni tal-baġit tat-TCT u għall-preżentazzjoni u l-awditjar tal-kontijiet f’konformità mal-Artikolu 35 tat-TCT. Skont dawn ir-regoli finanzjarji u l-proċeduri tal-awditjar, b’mod partikolari l-Artikoli 61 u 62, kull sena, l-uffiċjal tal-kontabilità għandu jistabbilixxi l-kontijiet tas-sena preċedenti. Dawn il-kontijiet għandhom jiġu vvalidati mid-Direttur tas-Segretarjat Permanenti tal-Komunità tat-Trasport. L-awdituri esterni indipendenti, li għandhom jinħatru mill-Kumitat tat-Tmexxija Reġjonali, għandhom iwettqu l-awditjar annwali tal-Komunità tat-Trasport. It-termini tas-servizz tal-awdituri esterni jistgħu jiġġeddu kull sena, sakemm ma jkunx speċifikat mod ieħor mill-Kumitat tat-Tmexxija Reġjonali. L-awdituri esterni għandhom jippreżentaw rapport lill-Kumitat tat-Tmexxija Reġjonali, flimkien mad-dikjarazzjoni tal-assi u l-obbligazzjonijiet u l-kontijiet iċċertifikati, sa mhux aktar tard minn 8 xhur wara t-tmiem tas-sena finanzjarja li huma relatati magħha.

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

Intestatura tal-qafas finanzjarju pluriennali

Linja baġitarja

Tip ta’ nefqa

Kontribuzzjoni

Numru

Diff./Mhux diff. 8

mill-pajjiżi tal-EFTA 9

minn pajjiżi kandidati u minn kandidati potenzjali 10

Minn pajjiżi terzi oħra

dħul assenjat ieħor

06

14.20.03.06 – Organizzazzjonijiet u ftehimiet internazzjonali

Diff./Mhux diff.

LE

IVA

LE

LE

3.2.Impatt finanzjarju stmat tal-proposta fuq l-approprjazzjonijiet 

3.2.1.Sommarju tal-impatt stmat fuq l-approprjazzjonijiet operazzjonali 

–    Il-proposta/L-inizjattiva ma teħtieġx l-użu ta’ approprjazzjonijiet operazzjonali

–    Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

3.2.1.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

Intestatura tal-qafas finanzjarju pluriennali

Numru

06 - Il-Viċinat u d-Dinja

DĠ: MOVE 11

Sena

Sena

Sena

Sena

TOTAL QFP 2021-2027

2024

2025

2026

2027

Approprjazzjonijiet operazzjonali

Linja baġitarja

Impenji

(1a)

 

 

 

1,008

1,008

Pagamenti

(2 a)

 

 

 

1,008

1,008

Linja baġitarja

Impenji

(1b)

 

 

 

 

0,000

Pagamenti

(2b)

 

 

 

 

0,000

Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi 12

Linja baġitarja

 

(3)

 

 

 

 

0,000

TOTAL tal-approprjazzjonijiet

għad-DĠ MOVE

Impenji

=1a+1b+3

0,000

0,000

0,000

1,008

1,008

Pagamenti

=2 a+2b+3

0,000

0,000

0,000

1,008

1,008

 

Sena

Sena

Sena

Sena

TOTAL QFP 2021-2027

2024

2025

2026

2027

TOTAL tal-approprjazzjonijiet operazzjonali

Impenji

(4)

0,000

0,000

0,000

1,008

1,008

Pagamenti

(5)

0,000

0,000

0,000

1,008

1,008

TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi

(6)

0,000

0,000

0,000

0,000

0,000

TOTAL tal-approprjazzjonijiet taħt l-INTESTATURA 6

Impenji

=4+6

0,000

0,000

0,000

1,008

1,008

tal-qafas finanzjarju pluriennali

Pagamenti

=5+6

0,000

0,000

0,000

1,008

1,008

miljuni ta’ EUR (sa tliet pożizzjonijiet deċimali)

 

Sena

Sena

Sena

Sena

TOTAL QFP 2021-2027

2024

2025

2026

2027

TOTAL tal-approprjazzjonijiet skont l-INTESTATURI 1 sa 7

Impenji

0,000

0,000

0,000

1,008

1,008

tal-qafas finanzjarju pluriennali 

Pagamenti

0,000

0,000

0,000

1,008

1,008

3.2.2.    Output stmat iffinanzjat mill-approprjazzjonijiet operazzjonali (ma għandux jimtela għal aġenziji deċentralizzati)

Approprjazzjonijiet ta’ impenn f’miljuni ta’ EUR (sa tliet pożizzjonijiet deċimali)

Indika l-objettivi u l-outputs

Sena
2024

Sena
2025

Sena
2026

Sena
2027

Daħħal is-snin kollha li hemm bżonn biex turi d-durata tal-impatt (ara t-Taqsima 1.6)

TOTAL

OUTPUTS

Tip 13

Kost medju

Nru

Kost

Nru

Kost

Nru

Kost

Nru

Kost

Nru

Kost

Nru

Kost

Nru

Kost

Nru totali

Kost totali

OBJETTIV SPEĊIFIKU Nru 1 14 …

- Output

- Output

- Output

Subtotal tal-objettiv speċifiku Nru 1

OBJETTIV SPEĊIFIKU Nru 2 ...

- Output

Subtotal tal-objettiv speċifiku Nru 2

TOTALI

3.2.3.Sommarju tal-impatt stmat fuq l-approprjazzjonijiet amministrattivi 

–    Il-proposta/L-inizjattiva ma teħtieġx l-użu ta’ approprjazzjonijiet ta’ natura amministrattiva

–    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.4.Rekwiżiti stmati ta’ riżorsi umani 

–    Il-proposta/L-inizjattiva ma teħtieġx l-użu ta’ riżorsi umani

–    Il-proposta/L-inizjattiva teħtieġ l-użu ta’ riżorsi umani, kif spjegat hawn taħt

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

TOTAL tal-approprjazzjonijiet diġitali u tal-IT

Sena

Sena

Sena

Sena

TOTAL QFP 2021 - 2027

2024

2025

2026

2027

INTESTATURA 7

Nefqa tal-IT (korporattiva) 

0,000

0,000

0,000

0,000

0,000

Subtotal tal-INTESTATURA 7

0,000

0,000

0,000

0,000

0,000

Barra mill-INTESTATURA 7

Nefqa tal-IT marbuta mal-politika fil-qafas ta’ programmi operazzjonali

0,000

0,000

0,000

0,000

0,000

Subtotal barra mill-INTESTATURA 7

0,000

0,000

0,000

0,000

0,000

 

TOTAL

0,000

0,000

0,000

0,000

0,000

3.2.6.Kompatibbiltà mal-qafas finanzjarju pluriennali attwali 

Il-proposta/L-inizjattiva:

–    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-qafas finanzjarju pluriennali (QFP)

Iż-żmien eżatt ta’ meta se jkunu meħtieġa fondi addizzjonali għadu inċert minħabba d-durata u l-eżitu imprevedibbli tan-negozjati. Fil-każ tad-dħul fis-seħħ tat-TCT rivedut sal-bidu tal-2027, it-tisħiħ tal-linja 14 20 03 06 għandu jkun iffinanzjat primarjament, lil hinn mill-ammont previst fl-ipprogrammar finanzjarju, billi jintużaw fondi mhux minfuqa mill-kontribuzzjoni tal-UE għall-baġit attwali tat-TCT (2026). Kwalunkwe finanzjament addizzjonali huwa soġġett għad-disponibbiltà ddeterminata permezz tal-proċedura tal-Abbozz tal-Baġit għall-2027.

–    tirrikjedi l-użu tal-marġni mhux allokat skont l-intestatura rilevanti tal-QFP u/jew l-użu tal-istrumenti speċjali kif definiti fir-Regolament QFP

–    tirrikjedi reviżjoni tal-QFP

3.2.7.Kontribuzzjonijiet ta’ partijiet terzi 

Il-proposta/L-inizjattiva:

–    ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

3.3.    Impatt stmat fuq id-dħul 

–    Il-proposta/L-inizjattiva ma għandha l-ebda impatt finanzjarju fuq id-dħul.

–    Il-proposta/L-inizjattiva għandha l-impatt finanzjarju li ġej:

–    fuq ir-riżorsi proprji

–    fuq dħul ieħor

–    indika, jekk id-dħul hux assenjat għal-linji tan-nefqa

4.Dimensjonijiet diġitali

4.1.Rekwiżiti ta’ rilevanza diġitali

L-inizjattiva ta’ politika tikkonċerna r-reviżjoni tat-Trattat dwar il-Komunità tat-Trasport eżistenti. L-implimentazzjoni ta’ dan it-Trattat, flimkien ma’ kwalunkwe mezz diġitali biex tittejjeb l-implimentazzjoni tiegħu, hija r-responsabbiltà tas-Segretarjat Permanenti tal-Komunità tat-Trasport. Għalhekk, l-inizjattiva hija vvalutata bħala li ma għandha l-ebda rekwiżit ta’ rilevanza diġitali għall-Kummissjoni.

(1) *    Din id-deżinjazzjoni hija mingħajr preġudizzju għall-pożizzjonijiet dwar l-istatus, u hija konformi mal-UNSCR 1244 (1999) u mal-Opinjoni tal-QIĠ (Qorti Internazzjonali tal-Ġustizzja) dwar id-dikjarazzjoni tal-indipendenza tal-Kosovo.
(2) *    Din id-deżinjazzjoni hija mingħajr preġudizzju għall-pożizzjonijiet dwar l-istatus, u hija konformi mal-UNSCR 1244 (1999) u mal-Opinjoni tal-QIĠ dwar id-dikjarazzjoni tal-indipendenza tal-Kosovo.
(3)    Kif imsemmi fl-Artikolu 58(2), il-punt (a) jew (b) tar-Regolament Finanzjarju.
(4)     https://neighbourhood-enlargement.ec.europa.eu/enlargement-policy/new-growth-plan-western-balkans_en
(5)     https://neighbourhood-enlargement.ec.europa.eu/proposal-council-implementing-decision-approval-assessment-ukraine-plan_en
(6)     https://neighbourhood-enlargement.ec.europa.eu/growth-plan-moldova-commission-proposal_en  
(7)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jinsabu fuq is-sit BUDGpedia: https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx .
(8)    Diff. = Approprjazzjonijiet differenzjati/Mhux diff. = Approprjazzjonijiet mhux differenzjati.
(9)    EFTA: Assoċjazzjoni Ewropea tal-Kummerċ Ħieles.
(10)    Pajjiżi kandidati u, meta jkun applikabbli, kandidati potenzjali mill-Balkani tal-Punent.
(11)    Baġit kontrodelegat mid-DĠ INTPA
(12)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta, riċerka diretta.
(13)    L-outputs huma l-prodotti u s-servizzi li għandhom jiġu pprovduti (pereż. l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).
(14)    Kif deskritt fit-Taqsima 1.3.2. “Objettiv(i) speċifiku/speċifiċi”