Huwa mistenni li din il-miżura ma tagħmilx ħsara sinifikanti lill-objettivi ambjentali skont it-tifsira tal-Artikolu 17 tar-Regolament (UE) 2020/852, filwaqt li jitqiesu d-deskrizzjoni tal-miżura u l-passi ta’ mitigazzjoni stabbiliti fil-Pjan għall-Irkupru u r-Reżiljenza skont il-Gwida Teknika La Tagħmilx Ħsara Sinjifikanti (2021/C58/01). B’mod partikolari, il-miżura tirrikjedi li l-operaturi ekonomiċi li jwettqu x-xogħlijiet ta’ kostruzzjoni jiżguraw li mill-inqas 70 % (skont il-piż) tal-iskart mhux perikoluż tal-kostruzzjoni u d-demolizzjoni (minbarra materjal li jokkorri b’mod naturali msemmi fil-kategorija 17 05 04 fil-Lista Ewropea ta’ Skart stabbilita bid-Deċiżjoni 2000/532/KE tat-3 ta’ Mejju 2000 li tissostitwixxi d-Deċiżjoni 94/3/KE li tistabbilixxi lista ta’ skart skont l-Artikolu 1(a) tad-Direttiva tal-Kunsill 75/442/KEE dwar l-iskart u d-Deċiżjoni tal-Kunsill 94/904/KE li tistabbilixxi lista ta’ skart perikoluż skont l-Artikolu 1(4) tad-Direttiva tal-Kunsill 91/689/KEE dwar skart perikoluż (notifikata taħt id-dokument numru C (2000) 1147)) ġġenerat fis-sit tal-kostruzzjoni għandu jitħejja għall-użu mill-ġdid, għar-riċiklaġġ u għall-irkupru ta’ materjal ieħor, inklużi operazzjonijiet ta’ rdim mill-ġdid bl-użu tal-iskart biex jissostitwixxi materjali oħra, f’konformità mal-ġerarkija tal-iskart, l-Artikolu 11.2 (b) tad-Direttiva 2008/98/KE dwar l-iskart u l-Protokoll tal-UE dwar il-Ġestjoni tal-Iskart mill-Kostruzzjoni u mid-Demolizzjoni.

L-investiment għandu jiġi implimentat sal-31 ta’ Diċembru 2023.

Investiment C1-I5: Investimenti fl-enerġija rinnovabbli fit-toroq u fl-ispazji pubbliċi

L-għan ta’ dan l-investiment huwa li jiġġenera enerġija ekoloġika permezz ta’ sorsi rinnovabbli. Id-daqs żgħir ta’ Malta jillimita l-possibbiltà tal-ġenerazzjoni tal-enerġija fuq l-art. Madankollu, minħabba l-importanza tal-enerġija solari fuq il-gżejjer, ġew esplorati għażliet differenti li jmorru lil hinn mill-investiment tradizzjonali fuq il-bjut.

L-investiment għandu jikkonsisti fl-istallazzjoni ta’ infrastruttura fotovoltajka f’toroq, mogħdijiet għall-mixi u spazji pubbliċi miftuħa oħra b’kapaċità installata ta’ 143kW.

L-investiment għandu jiġi implimentat sat-30 ta’ Ġunju 2024.

A.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju importanti / Mira	Isem	Indikaturi kwalitattivi (għal stadji importanti)	Indikaturi kwantitattivi (għal miri)			Skeda ta’ żmien għat-tlestija		Deskrizzjoni ta’ kull stadju importanti u mira
					Unità tal-kejl	Linja bażi	Mira	Trimestru	Sena
1,1	C1.R.1	Stadju importanti	Dħul fis-seħħ tal-Att dwar l-Awtorità tal-Bini u l-Kostruzzjoni	Dispożizzjoni fl-Att li tindika d-dħul fis-seħħ tal-Att dwar l-Awtorità tal-Bini u l-Kostruzzjoni Nru XIV tal-2021				Q2	2021	Id-dħul fis-seħħ tal-Att dwar il-Bini u l-Kostruzzjoni bil-għan li jiġi stabbilit Regolatur għall-Bini. L-awtorità għandha tkun responsabbli għar-regolamentazzjoni, it-titjib u l-ġestjoni sostenibbli tal-industrija tal-bini u l-kostruzzjoni f’Malta.
1,2	C1.R.1	Stadju importanti	Awtorità tal-Bini u l-Kostruzzjoni – mgħammra b’riżorsi	L-Awtorità tal-Bini u l-Kostruzzjoni hija mgħammra b’riżorsi umani u finanzjarji				Q1	2023	L-Awtorità tal-Bini u l-Kostruzzjoni għandha ssir operattiva billi jiġu kkuntrattati mill-inqas 50 membru tal-persunal u b’baġit ta’ mill-inqas EUR 2 miljun.
1,3	C1.R.1	Stadju importanti	Taħriġ u ċertifikazzjoni ta’ professjonisti fl-industrija tal-kostruzzjoni	Tnedija ta’ taħriġ u ċertifikazzjoni ta’ professjonisti fl-industrija tal-kostruzzjoni				Q4	2022	Sejħa miftuħa għall-applikazzjonijiet għal programm ta’ taħriġ u ċertifikazzjoni għal professjonisti u negozjanti ta’ diversi livelli fl-industrija tal-bini u l-kostruzzjoni biex tissaħħaħ il-kapaċità għal korsijiet ta’ rinnovazzjoni. Għandu fil-mira firxa ta’ professjonisti u negozjanti f’diversi livelli fl-ekosistema tal-kostruzzjoni lokali.
1,4	C1.R.1	Mira	Professjonisti fl-industrija tal-kostruzzjoni eliġibbli għal ċertifikat		Numru	0	500	Q2	2023	L-għadd ta’ professjonisti fl-industrija tal-kostruzzjoni eliġibbli għal ċertifikat.
1,5	C1.R.2	Stadju importanti	Dħul fis-seħħ tal-Att dwar il-Protezzjoni tal-Ambjent aġġornat	Dispożizzjoni fl-Att li tindika d-dħul fis-seħħ tal-Att				Q4	2021	Id-dħul fis-seħħ tal-Att aġġornat dwar il-Protezzjoni tal-Ambjent fejn l-importazzjoni, il-produzzjoni, il-bejgħ u d-distribuzzjoni ta’ ċerti oġġetti tal-plastik li jintużaw darba biss (SUP), jiġifieri basktijiet tal-plastik, pożati, straws u platti għandhom ikunu pprojbiti.
1,6	C1.R.2	Stadju importanti	Studju dwar il-fattibbiltà tal-espansjoni tal-obbligi ta’ Responsabbiltà Estiża tal-Produttur għal flussi addizzjonali ta’ skart	Pubblikazzjoni ta’ studju dwar il-fattibbiltà tal-espansjoni tal-obbligi ta’ Responsabbiltà Estiża tal-Produttur għal flussi addizzjonali ta’ skart				Q4	2024	Pubblikazzjoni ta' studju dwar il-fattibbiltà tal-espansjoni tal-obbligi ta’ Responsabbiltà Estiża tal-Produttur għal flussi addizzjonali ta’ skart. L-għan ta’ dan l-istudju huwa li jivvaluta l-fattibbiltà tal-estensjoni tal-obbligi ta’ Responsabbiltà Estiża tal-Produttur, li bħalissa huma fis-seħħ għal xi flussi ta’ skart, għal flussi ta’ skart addizzjonali, inklużi t-tajers u t-tessuti. L-istudju għandu jitwettaq minn kuntrattur indipendenti, li jintgħażel wara proċedura ta’ akkwist pubbliku.
1,7	C1.R.2	Stadju importanti	Dħul fis-seħħ ta’ leġiżlazzjoni li tista’ titqies xierqa mill-istudju dwar il-fattibbiltà li jiġu mmirati flussi ġodda ta’ skart permezz ta’ Responsabbiltà Estiża tal-Produttur	Dispożizzjoni fl-Att li tindika d-dħul fis-seħħ tal-Att				Q4	2025	Id-dħul fis-seħħ ta’ leġiżlazzjoni ġdida għall-flussi ta’ skart meqjusa xierqa mill-istudju dwar il-fattibbiltà tal-espansjoni tal-obbligi ta’ Responsabbiltà Estiża tal-Produttur għal flussi ta’ skart addizzjonali.
1,8	C1.R.2	Stadju importanti	Adozzjoni tal-Istrateġija dwar l-Iskart tal-Kostruzzjoni u d-Demolizzjoni għal Malta	Il-pubblikazzjoni online tal-Istrateġija dwar l-Iskart tal-Kostruzzjoni u d-Demolizzjoni għal Malta				Q4	2021	L-adozzjoni tal-Istrateġija dwar l-Iskart tal-Kostruzzjoni u d-Demolizzjoni (K&D). L-Istrateġija għandha tkun konformi mal-leġiżlazzjoni tal-UE dwar l-iskart u l-Protokoll u l-Linji Gwida tal-UE dwar l-Iskart tal-Kostruzzjoni u d-Demolizzjoni. L-istrateġija għandha tidentifika miżuri speċifiċi f’erba’ oqsma prijoritarji ewlenin: 1. L-ippjanar u d-disinn: miżuri li jindirizzaw il-problema fis-sors, permezz ta' twaqqigħ u bini sostenibbli; 2. Immaniġġjar tal-iskart: miżuri biex tittejjeb il-loġistika tal-iskart kemm fis-sit tal-iżvilupp kif ukoll barra mis-sit; 3. Immaniġġar tal-kwalità: miżuri assoċjati maż-żieda fil-fiduċja fil-prattiki ta’ ġestjoni tal-iskart K&D kif ukoll mat-titjib tal-kwalità tal-materjali rriċiklati K&D; kif ukoll 4. Qafas ta’ politika u regolamentazzjoni: għandu jiġi propost titjib fil-politika u fil-kundizzjonijiet ta’ qafas sabiex tinkiser ir-rabta bejn l-iżvilupp u l-ġenerazzjoni tal-iskart. Il-qafas regolatorju propost għandu jikkonforma mal-leġiżlazzjoni u l-linji gwida tal-UE dwar l-iskart tal-kostruzzjoni u d-demolizzjoni. Il-miżura ma għandhiex twassal għal żieda sinifikanti fir-rimi tal-iskart, jew toħloq diżinċentivi għat-tħejjija għall-użu mill-ġdid u r-riċiklaġġ tal-iskart.
1,9	C1.R.2	Stadju importanti	Adozzjoni ta’ standards għall-Industrija tal-Kostruzzjoni	L-adozzjoni ta’ standards għall-industrija tal-kostruzzjoni				Q4	2022	L-adozzjoni ta’ standards għall-industrija tal-kostruzzjoni. L-istandards għandhom jikkonċernaw: 1) L-aħjar prattiki għad-(de)kostruzzjoni, li għandhom l-għan li jnaqqsu l-iskart iġġenerat mill-Kostruzzjoni u mid-Demolizzjoni (K&D) u li jiżguraw li l-iskart iġġenerat ikun adattat għat-trattament f’konformità mal-ġerarkija tal-iskart prevista fl-Artikolu 4 tad-Direttiva 2008/98/KE dwar l-iskart. 2) Il-klassifikazzjoni tal-iskart mill-K&D skont it-tip, il-materjal, il-kompożizzjoni u l-piż, bil-għan li tiġi promossa s-separazzjoni fuq il-post kif ukoll tittejjeb il-kwalità tal-flussi tal-iskart għall-użu mill-ġdid jew għar-riċiklaġġ sussegwenti; 3) Xogħlijiet ta’ skavar xierqa, bil-għan li jintuża mill-ġdid blat skavat għall-finijiet ta’ kostruzzjoni; 4) Dimensjonijiet ta’ aperturi interni u esterni ta’ abitazzjonijiet residenzjali mmirati biex jinkoraġġixxu l-użu mill-ġdid ta’ fittings kif ukoll inaqqsu d-diversifikazzjoni li twassal għal ekonomiji ta’ skala. Dawn l-istandards għandhom jiġu inkorporati fil-qafas regolatorju u l-konformità ma’ dawn l-istandards għandha tkun rekwiżit essenzjali qabel il-ħruġ ta’ Permess ta’ Żvilupp eżegwibbli.
1,10	C1.R.2	Stadju importanti	Dħul fis-seħħ ta’ qafas regolatorju ġdid għall-ġestjoni tal-iskart tal-kostruzzjoni u d-demolizzjoni	Dispożizzjoni fil-qafas regolatorju l-ġdid li tindika d-dħul fis-seħħ tal-qafas regolatorju l-ġdid				Q4	2023	Id-dħul fis-seħħ ta’ qafas regolatorju ġdid għall-ġestjoni tal-iskart tal-kostruzzjoni u d-demolizzjoni f’Malta. Il-qafas regolatorju għandu jiġi żviluppat u diskuss ma’ atturi involuti tul il-katina tal-kostruzzjoni u d-demolizzjoni. Il-qafas regolatorju għandu jkun konformi mal-leġiżlazzjoni tal-UE dwar l-iskart u l-Protokoll u l-Linji Gwida tal-UE dwar l-Iskart tal-Kostruzzjoni u d-Demolizzjoni. Il-qafas regolatorju għandu jkun strutturat fuq l-oqsma prijoritarji ewlenin li ġejjin indikati fl-istrateġija biex tiġi żgurata bidla lejn ekonomija aktar ċirkolari: (I)il-prevenzjoni u l-ġestjoni aħjar tal-iskart K&D f’kull stadju tal-iżvilupp, jiġifieri fl-istadji tat-twaqqigħ, it-tħaffir u l-kostruzzjoni; (II)is-separazzjoni tal-iskart fis-sors; (III)il-promozzjoni tal-iżvilupp ta’ swieq sekondarji għar-riżorsi li m’għadhomx jintużaw, kif ukoll l-iżgurar li jkun hemm bidla mill-irkupru u r-rimi għall-użu mill-ġdid u r-riċiklaġġ. Barra minn hekk, ir-regolamenti msemmija għandhom jidentifikaw u jiddefinixxu b’mod ċar ir-rwoli u r-responsabbiltajiet tal-atturi (bħall-iżviluppaturi, il-kuntratturi, il-periti u s-sidien tal-proprjetà) involuti fis-settur.
1,11	C1.R.2	Stadju importanti	Irkupru tal-iskart tal-kostruzzjoni u d-demolizzjoni bil-mili mill-ġdid tal-ispazji vojta (barrieri)	Hemm fis-seħħ kundizzjonijiet għall-irkupru tal-iskart tal-kostruzzjoni u d-demolizzjoni fi spazji vojta				Q4	2022	Il-kundizzjonijiet li ġejjin huma fis-seħħ għall-irkupru tal-iskart tal-kostruzzjoni u d-demolizzjoni fi spazji vojta biex jiġu restawrati fl-istat oriġinali tagħhom bi standards ambjentali għoljin: (i) l-awtorità għall-Ambjent u r-Riżorsi, f’kollaborazzjoni mal-Awtorità tal-Ippjanar, identifikat il-barrieri, li ġew iddikjarati bħala parzjalment eżawriti, eżawriti jew inattivi u ddeterminat il-volum li jinsabu fihom; (ii) sett ta’ termini ta’ referenza għar-restawr ta’ spazji vojta għall-istat oriġinali tagħhom; kif ukoll (iii) mekkaniżmi li jinċentivaw it-tkissir ta’ materjal qabel l-irdim mill-ġdid, bħal pereżempju l-inklużjoni tat-tkissir ta’ materjal qabel l-irdim mill-ġdid bħala rekwiżit meta tiġi ppubblikata sejħa għall-offerti li tinvolvi xogħlijiet ta’ kostruzzjoni minn entitajiet tal-Gvern. Id-definizzjoni ta’ tali mekkaniżmi għandha tiġi determinata wara konsultazzjoni mal-partijiet interessati, inklużi l-benefiċjarji potenzjali, l-awtoritajiet rilevanti kif ukoll partijiet interessati primarji oħra. Il-miżura ma għandhiex twassal għal żieda sinifikanti fir-rimi tal-iskart, jew toħloq diżinċentivi għat-tħejjija għall-użu mill-ġdid u r-riċiklaġġ tal-iskart. L-iskart użat għall-irdim mill-ġdid għandu jkun skart xieraq mhux perikoluż li jissostitwixxi materjali mhux skart u għandu jkun limitat għall-ammont strettament meħtieġ, f’konformità mal-Artikolu 3 (17a) tad-Direttiva 2008/98/KE dwar l-iskart.
1,12	C1.R.2	Stadju importanti	It-twaqqif ta’ sitt korpi reġjonali muniċipali responsabbli għall-ġbir tal-iskart f’Malta u Għawdex	Ir-responsabbiltà għall-ġbir jiġi ttrasferit lejn ir-reġjuni, inkluż il-ġbir ta’ materjal riċiklabbli u ċ-ċentri kollha tal-ġbir tal-iskart huma kompletament operazzjonali				Q4	2022	Ir-responsabbiltà tal-ġbir tal-iskart għandha tinbidel minn 68 Kunsill Lokali għal sitt reġjuni: a) tal-Port (jinkludi 11-il Kunsill Lokali), b) tan-Nofsinhar (12-il Kunsill Lokali), c) tal-Lvant (12-il Kunsill Lokali), d) tal-Punent (10 Kunsilli Lokali) e) tat-Tramuntana (9 Kunsilli Lokali), f) ta' Għawdex (14-il Kunsill Lokali). It-tranżizzjoni tal-ġbir tal-iskart għas-sitt ċentri tlestiet. Is-sitt ċentri huma kompletament operattivi u responsabbli mill-ġbir tal-iskart.
1,13	C1.R.2	Stadju importanti	Dħul fis-seħħ ta’ leġiżlazzjoni riveduta dwar il-materjal tal-imballaġġ biex tippermetti l-ġbir reġjonali tal-iskart mill-imballaġġ	Dispożizzjoni fil-leġiżlazzjoni riveduta li tindika d-dħul fis-seħħ tal-leġiżlazzjoni riveduta				Q4	2022	Id-dħul fis-seħħ ta’ leġiżlazzjoni riveduta dwar il-materjal tal-imballaġġ li tippermetti l-ġbir reġjonali tal-iskart mill-imballaġġ. Dan għandu jibni fuq il-leġiżlazzjoni għall-ġbir reġjonali tal-iskart li ġiet stabbilita permezz tal-Att dwar il-Gvern Lokali. Il-Kunsilli reġjonali għandhom ikunu responsabbli għal-loġistika biex jippermettu ekonomiji ta’ skala, filwaqt li l-produtturi għandhom ikunu responsabbli għall-finanzjament.
1,15	C1.I.1	Stadju importanti	Servizzi kuntrattati għar-rinnovazzjoni ta’ binjiet pubbliċi	Kuntratti ffirmati għall-akkwist ta’ servizzi ta’ rinnovazzjoni għal bini pubbliku magħżul kopert minn dan l-investiment				Q2	2023	Il-kuntratti kollha ffirmati għall-akkwist ta’ servizzi ta’ rinnovazzjoni ta’ bini pubbliku b’erja ta’ mill-inqas 9 232 m2.
1,16	C1.I.1	Mira	Binjiet pubbliċi rinnovati		m2	0	9 232	Q4	2025	Ir-rinnovazzjoni tal-bini pubbliku appoġġat tkun tlestiet, u tkopri mill-inqas 9 232 m2. Ir-rinnovazzjoni għandha tikseb tnaqqis fid-domanda għall-enerġija primarja (PED) ta’ mill-inqas 30 %.
1,17	C1.I.1	Stadju importanti	Tnedija ta’ sejħa għall-applikazzjonijiet għal għotjiet immirati għar-rinnovazzjoni tal-binjiet tas-settur privat	Għotjiet immirati għar-rinnovazzjoni tal-bini tas-settur privat, inkluż bini kummerċjali u bini mhux residenzjali ieħor imnedija				Q1	2022	It-tnedija ta’ sejħa għall-applikazzjonijiet għall-għażla ta’ applikanti għal għotjiet immirati għar-rinnovazzjoni tal-bini tas-settur privat għall-modifika retroattiva u l-effiċjenza enerġetika (inkluż bini kummerċjali/mhux residenzjali). L-erja ffinanzjata taħt dan l-investiment għandha tkun ta’ mill-inqas 40,605m2.
1,18	C1.I.1	Mira	Binjiet tas-settur privat rinnovati		m2	0	40 605	Q2	2026	It-tlestija tar-rinnovazzjoni ta’ mill-inqas 40 605 m2 f’binjiet tas-settur privat appoġġati mill-għotjiet immirati għar-rinnovazzjoni tal-bini tas-settur privat. Ir-rinnovazzjoni għandha tikseb tnaqqis fid-domanda għall-enerġija primarja (PED) ta’ mill-inqas 30 %.
1,19	C1.I.2	Stadju importanti	Awditu tal-Prestazzjoni tal-Enerġija tal-Isptar Pubbliku ta’ Monte Carmeli	It-tlestija tal-awditjar tal-Enerġija u tal-Prestazzjoni Enerġetika tal-Isptar Monte Carmeli				Q2	2022	It-tlestija tal-Awditjar tal-Prestazzjoni Enerġetika fl-Isptar Monte Carmeli f’konformità mad-Direttiva 2010/31/UE biex tiġi stabbilita l-klassi taċ-Ċertifikat tal-Prestazzjoni Enerġetika tal-blokok rispettivi u jiġu identifikati l-miżuri ta’ rinnovazzjoni tal-Effiċjenza Enerġetika applikabbli.
1,20	C1.I.2	Stadju importanti	Servizzi kuntrattati għar-rinnovazzjoni u l-modifika retroattiva tal-Isptar Pubbliku Monte Carmeli	Il-kuntratti kollha ffirmati għar-rinnovazzjoni tal-isptar pubbliku Monte Carmeli				Q4	2024	Il-kuntratti kollha ffirmati għall-akkwist ta’ servizzi ta’ rinnovazzjoni għall-Isptar Pubbliku Monte Carmeli ta’ mill-inqas 5 600m2. Ir-rinnovazzjoni għandha tikseb tnaqqis fid-domanda għall-enerġija primarja (PED) ta’ mill-inqas 30 %.
1,21	C1.I.2	Mira	Blokok tal-Isptar Monte Carmeli rinnovati		m2	0	5 600	Q2	2026	Rinnovazzjoni ta’ blokok fl-Isptar Monte Carmeli li jkopri erja ta’ mill-inqas 5 600m2. Ir-rinnovazzjoni għandha tikseb tnaqqis fid-domanda għall-enerġija primarja (PED) ta’ mill-inqas 30 %.
1,22	C1.I.3	Stadju importanti	Awditjar tal-Prestazzjoni tal-Enerġija ta’ żewġ Skejjel Pubbliċi	It-tlestija tal-awditjar tal-Enerġija u tal-Prestazzjoni Enerġetika ta’ żewġ skejjel pubbliċi				Q4	2021	It-tlestija tal-awditu tal-prestazzjoni tal-enerġija ta’ żewġ binjiet tal-iskejjel pubbliċi (Skola Primarja Għaxaq Kulleġġ San Benedittu u Skola Primarja Kulleġġ Nadur Għawdex) f’konformità mad-Direttiva 2010/31/UE biex tiġi stabbilita l-klassi taċ-Ċertifikat tal-Prestazzjoni Enerġetika tagħhom u jiġu identifikati l-miżuri ta’ rinnovazzjoni tal-Effiċjenza Enerġetika applikabbli. It-tlestija għandha tfisser it-twassil ta’ rapport ta’ awditjar.
1,23	C1.I.3	Stadju importanti	Servizzi kuntrattati għar-rinnovazzjoni ta’ żewġ Skejjel Pubbliċi	Kuntratti ffirmati għar-rinnovazzjoni ta’ żewġ Skejjel Pubbliċi				Q1	2022	Il-kuntratti kollha ffirmati għall-akkwist ta’ rinnovazzjoni ta’ żewġ binjiet ta’ skejjel pubbliċi (Skola Primarja u Kulleġġ San Benedittu u Skola Primarja u Kulleġġ Nadur Għawdex) li jkopru żona totali ta’ aktar minn 9 710 m2. Ir-rinnovazzjoni għandha tikseb tnaqqis fid-domanda għall-enerġija primarja (PED) ta’ mill-inqas 30 %.
1,24	C1.I.3	Mira	Tnaqqis fid-domanda għall-enerġija primarja f’żewġ Skejjel Pubbliċi		baxx	0	30	Q4	2023	Tnaqqis tad-domanda għall-enerġija primarja (PED) ta’ mill-inqas 30 % f’żewġ skejjel pubbliċi (l-Iskola Primarja tal-Kulleġġ ta’ San Benedett Għaxaq u l-Iskola Primarja tal-Kulleġġ ta’ Għawdex Nadur).
1,25	C1.I.4	Stadju importanti	Servizzi kuntrattati għal xogħlijiet ta’ kostruzzjoni ta’ skola kważi newtrali f’termini ta’ emissjonijiet tal-karbonju	Kuntratti ffirmati għall-kostruzzjoni ta’ Skola kważi newtrali f’termini ta’ emissjonijiet tal-karbonju.				Q1	2022	Kuntratti ffirmati għall-akkwist ta’ xogħlijiet ta’ kostruzzjoni għal skola kważi newtrali f’termini ta’ emissjonijiet tal-karbonju. Il-kostruzzjoni għandha tiżgura li tiġi ssodisfata Domanda għall-Enerġija Primarja (PED) li tkun mill-inqas 20 % inqas mir-rekwiżit ta’ NZEB.
1,26	C1.I.4	Mira	Tlestiet il-kostruzzjoni ta’ skola newtrali f’termini ta’ emissjonijiet tal-karbonju		m2	0	14 499	Q4	2023	Ix-xogħlijiet ta’ kostruzzjoni tal-iskola kważi newtrali f’termini ta’ emissjonijiet tal-karbonju tlestew. Huwa meqjus li l-iskola tipprovdi għal madwar 500 student u għandha superfiċje tal-art ta’ mill-inqas 14 499 m2. Il-kostruzzjoni għandha tiżgura li tiġi ssodisfata Domanda għall-Enerġija Primarja (PED) li tkun mill-inqas 20 % inqas mir-rekwiżit ta’ NZEB.
1,27	C1.I.5	Mira	Installazzjoni ta’ infrastruttura fotovoltajka fi spazji pubbliċi miftuħa		kW	0	143	Q2	2024	Kapaċità ta’ ġenerazzjoni installata tal-infrastruttura fotovoltajka fit-toroq, mogħdijiet għall-mixi u spazji pubbliċi miftuħa oħra f’Malta u Għawdex.

B. IL-KOMPONENT 2: Niddekarbonizzaw it-Trasport

Dan il-komponent tal-RRP Malti jikkontribwixxi biex tiġi indirizzata l-isfida tal-konġestjoni tat-traffiku fit-toroq, tal-gassijiet b’effett ta’ serra u tal-emissjonijiet ta’ sustanzi li jniġġsu, u l-ħtieġa li s-settur tat-trasport isir aktar sostenibbli.

L-objettiv tal-komponent huwa li t-traffiku jiġi ttrasferit mit-toroq għal modi aktar sostenibbli u li t-trasport bit-triq jiġi dekarbonizzat permezz tal-elettrifikazzjoni, f’konformità mal-Pjan Nazzjonali għall-Enerġija u l-Klima ta’ Malta għall-2030, mal-Istrateġija ta’ Żvilupp b’Livell Baxx ta’ Emissjonijiet tal-Karbonju tal-2050, mal-Programm Nazzjonali ta’ Riforma ta’ Malta (2020) u mal-Istrateġija Nazzjonali dwar it-Trasport ta’ Malta.

Ir-riformi f’dan il-komponent itejbu l-ippjanar tat-trasport, jespandu l-użu tat-trasport pubbliku u jimplimentaw azzjonijiet tal-Pjan ta’ Mobilità Urbana Sostenibbli għar-reġjun tal-Belt Valletta. Huma jagħżlu wkoll żoni ta’ riġenerazzjoni, jippromwovu t-telexogħol fis-settur pubbliku, u jżidu l-effiċjenza tal-flotta tal-vetturi tas-settur pubbliku. L-investimenti jinkludu skema ta’ skrappjar li tappoġġa x-xiri ta’ vetturi elettriċi mingħajr emissjonijiet fis-settur privat, it-tiġdid tal-flotta tal-vetturi tas-settur pubbliku b’vetturi elettriċi mingħajr emissjonijiet, u x-xiri ta’ karozzi tal-linja elettriċi mingħajr emissjonijiet għat-trasport pubbliku.

Il-komponent jikkontribwixxi biex jiġu indirizzati r-rakkomandazzjonijiet speċifiċi għall-pajjiż biex l-investiment jiġi ffukat fuq it-tranżizzjoni ekoloġika (ir-rakkomandazzjoni speċifika għall-pajjiż 3 tal-2020), it-trasport sostenibbli (ir-rakkomandazzjoni speċifika għall-pajjiż 3 tal-2019 u r-rakkomandazzjoni speċifika għall-pajjiż 3 tal-2020) u t-tnaqqis tal-konġestjoni tat-traffiku (ir-rakkomandazzjoni speċifika għall-pajjiż 3 tal-2019), kif ukoll ir-rakkomandazzjonijiet speċifiċi għall-pajjiż 1 u 4 tal-2022 b’enfasi fuq it-tranżizzjoni ekoloġika, it-trasport sosstenibbli u t-tnaqqis tal-konġestjoni tat-traffiku.

Huwa mistenni li l-ebda miżura f’dan il-komponent ma tagħmel ħsara sinifikanti lill-objettivi ambjentali skont it-tifsira tal-Artikolu 17 tar-Regolament (UE) 2020/852, filwaqt li jitqiesu d-deskrizzjoni tal-miżuri u l-passi ta’ mitigazzjoni stabbiliti fl-RRP f’konformità mal-Gwida Teknika tad-DNSH (2021/C58/01).

B.1. Deskrizzjoni tar-riformi u l-investimenti għall-appoġġ finanzjarju mhux ripagabbli

Riforma C2-R1: L-istimulazzjoni tal-adozzjoni u l-implimentazzjoni tal-politiki li jippromwovu s-sostenibbiltà tas-settur tat-trasport, inkluż permezz tal-inkoraġġiment tal-użu ta’ trasport kollettiv u multimodali

L-għan tar-riforma huwa li tappoġġa d-dekarbonizzazzjoni tas-settur tat-trasport permezz tal-promozzjoni ta’ ppjanar aħjar tat-trasport. Dan għandu jgħin biex titħaffef it-tranżizzjoni tas-settur tat-trasport lejn in-newtralità karbonika, titnaqqas il-konġestjoni u tikkontribwixxi biex tinkiseb in-newtralità klimatika sal-2050.

Ir-riforma għandha tikkonsisti minn: (i) it-tlestija ta’ studju, l-Istħarriġ Nazzjonali dwar l-Ivvjaġġar tal-Pubbliku ta’ Malta, u (ii) kampanja ta’ sensibilizzazzjoni għall-promozzjoni tat-trasport sostenibbli.

L-istudju għandu jikkwantifika x-xejriet attwali tal-ivvjaġġar, l-imġiba u jkejjel l-opinjoni pubblika dwar azzjonijiet potenzjali ġodda li għandhom jiġu inklużi fil-Pjan Regolatorju tat-Trasport aġġornat. It-tlestija tal-istħarriġ tirreferi għall-mument meta l-ġbir u l-analiżi tad-data għall-istħarriġ ikunu twettqu u s-sejbiet ikunu ġew identifikati bil-miktub.

Il-kampanja ta’ sensibilizzazzjoni għandha tkun kampanja nazzjonali mmirata lejn is-setturi kollha tas-soċjetà. Għandha tippromwovi modi ta’ trasport aktar ekoloġiċi, inkluża l-multimodalità għall-ivvjaġġar essenzjali, u sistema ta’ mobilità aktar sostenibbli f’Għawdex u f’Malta. Hija għandha tuża midja differenti, inklużi l-istampa, it-TV u l-midja soċjali.

Ir-riforma għandha tiġi implimentata sal-31 ta’ Diċembru 2025.

Riforma C2-R2: Il-promozzjoni ta’ aktar użu tat-trasport kollettiv pubbliku bit-triq

L-għan ta’ din ir-riforma huwa li tippromwovi l-użu tat-trasport pubbliku bħala mezz biex jitnaqqsu l-emissjonijiet u tiġi indirizzata l-konġestjoni.

Din ir-riforma għandha tikkonsisti mill-iffirmar ta’ addendum għall-ftehim ta’ konċessjoni bejn l-Awtorità Maltija għat-Trasport u l-Operatur li jipprovdi servizzi ta’ trasport pubbliku, li jippermetti aċċess għal trasport pubbliku bit-triq skedat mingħajr ħlas għad-detenturi kollha ta’ Karta ta’ Tallinja personalizzata.

Ir-riforma għandha tiġi implimentata sal-31 ta’ Diċembru 2023.

Riforma C2-R3: It-tħaffif tal-finalizzazzjoni u l-implimentazzjoni ta’ Pjan ta’ Mobilità Urbana Sostenibbli (SUMP) għar-Reġjun tal-Belt Valletta

L-għan ta’ din ir-riforma huwa li trawwem il-mobilità sostenibbli f’Malta permezz ta’ ppjanar aħjar tat-trasport u l-implimentazzjoni ta’ soluzzjonijiet ta’ mobilità sostenibbli.

Ir-riforma għandha tikkonsisti fil-pubblikazzjoni online tal-Pjan ta’ Mobilità Urbana Sostenibbli (SUMP) għar-Reġjun tal-Belt Valletta u l-implimentazzjoni tiegħu. Il-pjan għandu jiffoka fuq ir-reġjuni tal-portijiet tat-Tramuntana u tan-Nofsinhar li jaqbdu aktar minn 40 % tal-popolazzjoni totali tal-Gżejjer Maltin. L-SUMP għandu jfittex li jtejjeb il-kwalità tal-ħajja u l-mobilità f’Malta billi jiffaċilita l-mobilità kosteffettiva, effiċjenti fl-użu tal-enerġija u bla xkiel. Il-pubblikazzjoni għandha tikkonsisti fil-pubblikazzjoni tal-SUMP fuq is-sit web tal-Ministeru tat-Trasport.

Sabiex timplimenta l-SUMP, ir-riforma għandha timplimenta miżuri mill-SUMP f’mill-inqas disa’ unitajiet amministrattivi lokali fir-reġjun tal-Belt Valletta, b’mill-inqas miżura waħda għal kull unità amministrattiva lokali. It-tipi eliġibbli ta’ interventi huma: skemi ta’ parkeġġ periferali li jinkoraġġixxu modi ta’ trasport aktar sostenibbli inkluż iċ-ċikliżmu u l-mixi fil-qalba tal-belt, il-lokalizzazzjoni u l-implimentazzjoni taċ-ċentri tat-trasport lokali, l-infrastruttura taċ-ċikliżmu, il-kondiviżjoni tal-karozzi bejn diversi persuni u s-servizzi tat-trasport fuq talba, l-introduzzjoni u l-użu ta’ vetturi elettriċi u l-infrastrutturi tal-iċċarġjar f’żoni urbani b’densità għolja ta’ popolazzjoni, u l-loġistika urbana, bħal permezz tal-implimentazzjoni ta’ soluzzjonijiet tal-aħħar mil, inkluż għal finijiet kummerċjali u l-appoġġ għal soluzzjonijiet ta’ mobilità alternattivi.

Ir-riforma għandha tiġi implimentata sat-30 ta’ Ġunju 2025.

Riforma C2-R4: It-tnaqqis tal-impatt soċjoekonomiku u ambjentali tal-vetturi fiż-żoni urbani

L-għan ta’ din ir-riforma huwa li jiġu stabbiliti spazji ħielsa mill-karozzi madwar Malta u Għawdex li huma miftuħa għall-pubbliku. L-għan ta’ din ir-riforma huwa li tippromwovi r-riġenerazzjoni tal-pjazez pubbliċi u l-ispazji komunitarji fil-qalba tal-villaġġi u l-ibliet u tnaqqas id-dipendenza tal-vetturi privati. Permezz tat-tlestija taż-żoni ta’ riġenerazzjoni, din ir-riforma għandha trawwem spazju sikur u silenzjuż għar-residenti, l-anzjani, it-tfal u l-familji, fost l-oħrajn, biex iqattgħu l-ħin liberu tagħhom barra fil-miftuħ. Għandha toħloq aktar opportunitajiet għan-negozji u n-negozjanti lokali u spazji għall-artisti u l-organizzazzjonijiet lokali biex jorganizzaw attivitajiet.

L-azzjonijiet għandhom ikunu permanenti, iżda d-disponibbiltà tagħhom tista’ tkun limitata għal perjodi magħżula. Il-perjodi magħżula jistgħu jkunu ċerti perjodi fis-sena, ċerti ġranet tal-ġimgħa, jew ċerti sigħat tal-ġurnata.

Ir-riforma għandha tikkonsisti fit-tlestija ta’ mill-inqas tliet żoni ta’ riġenerazzjoni f’żoni urbani fuq medda ta’ tliet snin, b’mill-inqas żona waħda fis-sena. Żona ta’ riġenerazzjoni hija żona mingħajr karozzi fejn il-Kunsilli Lokali għandhom jippromwovu l-mixi, iċ-ċikliżmu u t-trasport pubbliku, b’mod parallel ma’ kampanji edukattivi oħra biex jiġi evitat l-ivvjaġġar bla bżonn, li għandu jirriżulta fi spazju pubbliku miftuħ liberu u bla xkiel addizzjonali. F’dawn iż-żoni, għandha tingħata prijorità lill-persuni mexjin fit-triq u lir-roti għall-ivvjaġġar essenzjali li jwassal għal bidla lejn modi ta’ trasport aktar nodfa u sostenibbli. L-għażla taż-żoni ta’ riġenerazzjoni għandha tkun konsistenti mal-miżuri deskritti fil-Pjan Regolatorju tat-Trasport ta’ Malta.

Ir-riforma għandha tiġi implimentata sat-30 ta’ Ġunju 2025.

Riforma C2-R5: Il-promozzjoni tat-telexogħol fis-servizz pubbliku

L-għan ta’ din ir-riforma huwa li jissaħħaħ it-telexogħol fis-settur pubbliku. Il-possibbiltà li wieħed jaħdem mid-dar jew permezz ta’ ċentri reġjonali hija mistennija li tnaqqas il-vjaġġi lejn u mix-xogħol u għalhekk il-konġestjoni tat-traffiku.

L-ewwel nett, din ir-riforma għandha tikkonsisti fl-istabbiliment ta’ 15-il faċilità ta’ uffiċċji li jippermettu t-telexogħol għall-uffiċjali tas-servizz pubbliku madwar il-Gżejjer Maltin. Tali spazji għall-uffiċċji huma mistennija li jkunu operazzjonali għat-telexogħol u għandhom jakkomodaw mill-inqas 140 stazzjon tax-xogħol b’kollox fuq 15-il faċilità tal-uffiċċju.

It-tieni, din ir-riforma għandha tikkonsisti fil-pubblikazzjoni tal-Politika tat-telexogħol għal Impjegati tal-Gvern. Il-politika għandha tiddeskrivi l-kriterji tal-eliġibbiltà, il-kundizzjonijiet, ir-rekwiżiti għall-approvazzjoni u l-linji gwida għall-applikazzjoni li jirregolaw din l-inizjattiva li tippromwovi l-bilanċ bejn ix-xogħol u l-ħajja privata u tikkontribwixxi għas-sostenibbiltà.

Ir-riforma għandha tiġi implimentata sal-31 ta’ Marzu 2022.

Riforma C2-R6: Ġestjoni mtejba tal-mobilità fis-servizz pubbliku

L-għan ta’ din ir-riforma huwa li ttejjeb il-ġestjoni tal-mobilità fis-servizz pubbliku Malti, li twassal għal servizz ta’ mobilità pubblika aktar effiċjenti u aktar ekoloġiku.

L-ewwel azzjoni ta’ din ir-riforma għandha tinvolvi studju biex tiġi vvalutata l-infrastruttura tat-trasport tas-servizz pubbliku attwalment fis-seħħ fis-Servizz Pubbliku Malti. L-istudju għandu jeżamina s-sitwazzjoni attwali u jistabbilixxi linja bażi tal-mobilità kondiviża eżistenti fis-servizz pubbliku. Huwa għandu jagħmel rakkomandazzjonijiet biex jerġa’ jinbena l-proċess ta’ kondiviżjoni tal-karozzi li jwassal għal effiċjenza akbar u jidentifika, f’termini ta’ numru u tip, flotta aktar nadifa ta’ vetturi tal-gvern li jintużaw b’mod ġenerali. L-istudju għandu jitwettaq minn kuntrattur indipendenti wara proċedura ta’ akkwist pubbliku.

It-tieni azzjoni ta’ din ir-riforma għandha tikkonsisti f’miżuri biex tiżdied il-mobilità kondiviża fis-servizz pubbliku, pereżempju l-iżvilupp u l-promozzjoni ta’ mekkaniżmi ta’ kondiviżjoni tar-rikbiet. L-objettiv huwa li tiżdied il-mobilità kondiviża fis-servizz pubbliku b’10 % mil-linja bażi ddeterminata fl-istudju indipendenti dwar it-titjib tal-ġestjoni tal-mobilità fis-servizz pubbliku Malti. Il-mobilità kondiviża titkejjel f’termini ta’ vjaġġi kkoordinati bejn mill-inqas żewġ Dipartimenti tal-Gvern.

Ir-riforma għandha tiġi implimentata sat-30 ta’ Ġunju 2025.

Investiment C2-I2: It-tisħiħ tal-użu ta’ vetturi elettriċi fis-settur privat

L-objettiv ta’ dan l-investiment huwa li jħeġġeġ bidla usa’ lejn il-mobilità elettrika u jnaqqas l-emissjonijiet li jirriżultaw mis-settur tat-trasport bit-triq f’Malta billi jippromwovi l-użu ta’ vetturi elettriċi fis-settur privat, inkluż is-settur kummerċjali.

L-investimenti għandhom jikkonsistu fi skema ta’ għotjiet għax-xiri ta’ vetturi elettriċi permezz ta’ 5 600 għotja. L-iskema għandha tappoġġa x-xiri ta’ vetturi ġodda tal-passiġġieri, tal-kura tal-passiġġieri u tal-merkanzija, minibuses/coaches, kwadriċikli/muturi u pedelecs.

L-istruttura tal-iskema tal-għotjiet għandha tkun iddisinjata biex iżżid is-sehem tal-vetturi elettriċi fost il-flotta totali tal-vetturi. L-iskema għandha tqis il-fatturi li ġejjin:

-Il-prezzijiet attwali tas-suq ta’ vetturi elettriċi ħfief, ġodda u użati;

-Id-differenza fil-prezz bejn il-vetturi ħfief elettriċi użati u l-vetturi ħfief elettriċi ġodda;

-Differenzjali fil-prezz bejn mudelli ta’ vetturi komparabbli għall-vetturi ħfief elettriċi u vetturi b’magna tal-kombustjoni interna;

-Il-provvista tas-suq / id-disponibbiltà tal-mudell ta’ vetturi elettriċi ħfief ġodda disponibbli bl-istering fuq il-lemin;

-Id-domanda tas-suq kif indikata mill-użu annwali tal-għotjiet li saru disponibbli mill-2016.

Fit-tfassil u l-implimentazzjoni tal-iskema, għandha tingħata attenzjoni partikolari biex jiżdied l-użu ta’ vetturi elettriċi f’Għawdex, f’konformità mal-objettiv li titħaffef it-tranżizzjoni ta’ Għawdex lejn in-newtralità klimatika.

L-investiment għandu jiġi implimentat sal-31 ta’ Diċembru 2025.

Investiment C2-I3: Id-dekarbonizzazzjoni tal-flotta tas-servizz pubbliku

L-objettiv ta’ dan l-investiment huwa d-dekarbonizzazzjoni tas-settur tat-trasport f’Malta permezz tal-promozzjoni tal-użu ta’ vetturi elettriċi fis-servizz pubbliku.

L-investiment jikkonsisti fix-xiri ta’ vetturi elettriċi sabiex jissostitwixxu vetturi b’magna b’kombustjoni interna u sabiex iżidu l-għadd ta’ vetturi elettriċi fil-flotta tas-servizz pubbliku użata mid-dipartimenti tal-Gvern minn 12 għal 262. L-investiment għandu jirriżulta fi flotta ta’ vetturi tas-servizz pubbliku aktar nadifa fin-network tat-toroq, li jnaqqas l-emissjonijiet.

L-investiment għandu jiġi implimentat sat-30 ta’ Settembru 2025.

Investiment C2-I4: Sostituzzjoni parzjali tal-flotta tat-trasport pubbliku

L-objettiv ta’ dan l-investiment huwa li jiddekarbonizza parti mis-settur tat-trasport pubbliku bit-triq f’Malta.

L-investiment jikkonsisti fix-xiri ta’ 102 karozzi tal-linja elettrika (12m) għall-flotta tat-trasport pubbliku bit-triq. Il-finanzjament għandu jkopri d-differenza fil-prezz tax-xiri bejn karozzi tal-linja b’magna tal-kombustjoni interna (12m) u xarabanks elettriċi (12m). Dawn il-karozzi tal-linja b’emissjonijiet żero għandhom jissostitwixxu l-karozzi tal-linja tad-diżil fl-istokk attwali tat-trasport pubbliku (karozzi tal-linja Euro 5). Dan l-investiment huwa kkumplimentat mill-provvista ta’ trasport pubbliku b’xejn lil persuni f’koorti ta’ età differenti biex ikompli jittejjeb l-użu tat-trasport kollettiv (ir-riforma C2.R2).

L-investiment għandu jiġi implimentat sat-30 ta’ Ġunju 2025.

B.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju Importanti / Mira	Isem	Indikaturi kwalitattivi (għal stadji importanti)	Indikaturi kwantitattivi (għal miri)			Skeda ta’ żmien għat-tlestija		Deskrizzjoni ta’ kull stadju importanti u mira
					Unità tal-kejl	Linja bażi	Mira	Trimestru	Sena
2,1	C2.R.1	Stadju importanti	Stħarriġ Nazzjonali dwar l-Ivvjaġġar tal-Unitajiet Domestiċi	It-tlestija tal-Istħarriġ Nazzjonali dwar l-Ivvjaġġar tal-Pubbliku				Q4	2021	Ikun tlesta l-Istħarriġ Nazzjonali dwar l-Ivvjaġġar tal-Pubbliku. L-istudju għandu jkollu l-għan li jikkwantifika x-xejriet attwali tal-ivvjaġġar, l-imġiba u jkejjel l-opinjoni pubblika dwar miżuri potenzjali ġodda li għandhom jiġu inklużi fil-Pjan Regolatorju tat-Trasport aġġornat. It-tlestija tal-istħarriġ tirreferi għall-mument meta l-ġbir u l-analiżi tad-data għall-istħarriġ ikunu twettqu u s-sejbiet ikunu ġew identifikati f’rapport bil-miktub.
2,2	C2.R.1	Stadju importanti	Tlestija ta’ Kampanja ta’ Sensibilizzazzjoni dwar trasport sostenibbli b’livell żero u baxx ta’ karbonju	It-tlestija tal-kampanja ta’ sensibilizzazzjoni				Q4	2025	Il-kampanja ta’ sensibilizzazzjoni għall-pubbliku ġenerali tkun tlestiet. Il-kampanja għandha tkun inizjattiva nazzjonali mmirata lejn is-setturi kollha tas-soċjetà. Għandhom tintuża midja differenti inklużi l-istampa, it-TV u l-midja soċjali. L-għan tal-kampanja għandu jkun li tippromwovi bidla fl-imġiba fl-użu tal-modi tat-trasport. Għandha tippromwovi modi ta’ trasport aktar ekoloġiċi, inkluża l-multimodalità għall-ivvjaġġar essenzjali, u sistema ta’ mobilità aktar sostenibbli f’Għawdex u f’Malta.
2,3	C2.R.2	Stadju importanti	Aċċess għal trasport pubbliku bit-triq skedat mingħajr ħlas għad-detenturi kollha ta’ Tallinja Card personalizzata	Addendum għall-ftehim ta’ konċessjoni ffirmat				Q4	2023	L-iffirmar tal-addendum għall-ftehim ta’ konċessjoni bejn l-Awtorità Maltija għat-Trasport u l-Operatur li jipprovdi servizzi ta’ trasport pubbliku, li jippermetti aċċess għal trasport pubbliku bit-triq skedat mingħajr ħlas għad-detenturi kollha ta’ Tallinja Card personalizzata.
2,4	C2.R.3	Stadju importanti	Pubblikazzjoni tal-Pjan ta’ Mobilità Urbana Sostenibbli għar-Reġjun tal-Belt Valletta	Pubblikazzjoni online tal-Pjan ta’ Mobilità Urbana Sostenibbli għar-Reġjun tal-Belt Valletta				Q4	2022	Pubblikazzjoni online tal-Pjan ta’ Mobilità Urbana Sostenibbli għar-Reġjun tal-Belt Valletta, li jistabbilixxi interventi eliġibbli li għandhom jiġu implimentati permezz tal-Pjan ta’ Mobilità Urbana Sostenibbli. It-tipi eliġibbli ta’ interventi huma: skemi ta’ parkeġġ periferali li jinkoraġġixxu modi ta’ trasport aktar sostenibbli inkluż iċ-ċikliżmu u l-mixi fil-qalba tal-belt; il-lokalizzazzjoni u l-implimentazzjoni taċ-ċentri tat-trasport lokali, l-infrastruttura taċ-ċikliżmu, il-kondiviżjoni tal-karozzi bejn diversi persuni u s-servizzi tat-trasport fuq talba; it-tnedija u l-użu ta’ vetturi elettriċi u l-infrastrutturi tal-iċċarġjar f’żoni urbani b’densità għolja ta’ popolazzjoni u l-loġistika urbana, bħal permezz tal-implimentazzjoni ta’ soluzzjonijiet tal-aħħar fażi, inkluż għal skopijiet kummerċjali u l-appoġġ għal soluzzjonijiet ta’ mobilità alternattivi.
2,5	C2.R.3	Mira	Unitajiet Amministrattivi Lokali fir-Reġjun tal-Belt Valletta b’soluzzjonijiet ta’ mobilità urbana mtejba skont il-Pjan ta’ Mobilità Urbana Sostenibbli		Numru	0	9	Q2	2025	F’mill-inqas disa’ unitajiet amministrattivi lokali fir-Reġjun tal-Belt Valletta, mill-inqas tip wieħed eliġibbli ta’ interventi mill-Pjan ta’ Mobilità Urbana Sostenibbli għar-Reġjun tal-Belt Valletta jiġi implimentat bis-sħiħ.
2,6	C2.R.4	Stadju importanti	Ftehim mal-Assoċjazzjoni tal-Kunsilli Lokali dwar iż-żoni ta’ riġenerazzjoni f’żoni urbani	It-tlestija ta’ tliet żoni ta’ riġenerazzjoni f’żoni urbani				Q2	2021	L-iffirmar tal-ftehim bejn Transport Malta u l-Assoċjazzjoni tal-Kunsilli Lokali għall-għażla ta’ żoni ta’ riġenerazzjoni f’żoni urbani. Żona ta’ riġenerazzjoni hija żona mingħajr karozzi fejn il-Kunsilli Lokali għandhom jippromwovu l-mixi, iċ-ċikliżmu u t-trasport pubbliku, b’mod parallel ma’ kampanji edukattivi oħra biex jiġi evitat l-ivvjaġġar bla bżonn, li għandu jirriżulta fi spazju pubbliku miftuħ liberu u bla xkiel addizzjonali. L-għażla taż-żoni ta’ riġenerazzjoni għandha tkun konsistenti mal-miżuri deskritti fil-Pjan Regolatorju tat-Trasport ta’ Malta.
2,7	C2.R.4	Mira	Żoni ta’ riġenerazzjoni maħluqa f’żoni urbani għal spazji miftuħa u mingħajr karozzi		Numru	0	3	Q2	2025	It-tlestija ta’ tliet żoni ta’ riġenerazzjoni f’żoni urbani.
2,8	C2.R.5	Stadju importanti	Pubblikazzjoni tal-Politika ta’ Xogħol mill-Bogħod għall-Impjegati tal-Gvern	Pubblikazzjoni tad-Dokument tat-telexogħol dwar il-Politika għall-Impjegati tal-Gvern				Q1	2022	Pubblikazzjoni ta’ Politika tat-telexogħol għall-impjegati tal-Gvern. Il-politika għandha tiddeskrivi l-kriterji tal-eliġibbiltà, il-kundizzjonijiet, ir-rekwiżiti għall-approvazzjoni u l-linji gwida għall-applikazzjoni li jirregolaw din l-inizjattiva li tippromwovi l-bilanċ bejn ix-xogħol u l-ħajja privata u tikkontribwixxi għas-sostenibbiltà.
2,9	C2.R.5	Mira	15-il faċilità tal-uffiċċju operattivi li jippermettu xogħol mill-bogħod għall-uffiċjali tas-servizz pubbliku madwar il-Gżejjer Maltin		Numru	0	15	Q4	2021	Għadd ta’ uffiċċji f’lokalitajiet differenti li jkunu operazzjonali b’faċilitajiet li jippermettu t-telexogħol mill-forza tax-xogħol tas-servizz pubbliku fil-Ministeri kollha. Tali spazji għall-uffiċċji għandhom jakkomodaw mill-inqas 140 stazzjon tax-xogħol b’kollox fuq 15-il faċilità tal-uffiċċju.
2,10	C2.R.6	Stadju importanti	Tlestija tal-istudju dwar it-titjib tal-ġestjoni tal-mobilità fis-servizz pubbliku Malti	Studju b’rakkomandazzjonijiet lesti				Q1	2023	It-tlestija tal-istudju dwar il-bidla fil-ġestjoni tal-mobilità fis-Servizz Pubbliku Malti. L-istudju għandu jeżamina s-sitwazzjoni attwali u jistabbilixxi linja bażi tal-mobilità kondiviża eżistenti (vjaġġi kkoordinati bejn mill-inqas żewġ dipartimenti tal-Gvern) fis-servizz pubbliku; jagħmel rakkomandazzjonijiet biex jerġa’ jinbena l-proċess li jwassal għal effiċjenza akbar; u jidentifika n-numru u t-tip ta’ flotta aktar nadifa ta’ vetturi tal-gvern li jintużaw b’mod ġenerali. L-istudju għandu jitwettaq minn kuntrattur indipendenti wara proċedura ta’ akkwist pubbliku. L-istudju għandu jiġi kondiviż mal-Kummissjoni Ewropea.
2,11	C2.R.6	Mira	Żieda fil-mobilità kondiviża fis-servizz pubbliku		% (Perċentwal)	0	10	Q2	2025	Din il-mira tkejjel it-titjib fil-mobilità kondiviża (vjaġġi kkoordinati bejn mill-inqas żewġ Dipartimenti tal-Gvern) fis-servizz pubbliku mil-linja bażi ddeterminata fl-istudju indipendenti dwar it-titjib tal-ġestjoni tal-mobilità fis-servizz pubbliku ta’ Malta.
2,15	C2.I.2	Stadju importanti	Sejħa miftuħa għall-applikazzjonijiet għal vetturi elettriċi u roti fis-settur privat, inkluża l-iskema tal-iskrappjar	Tnediet sejħa miftuħa għal applikazzjonijiet għal vetturi elettriċi u roti fis-settur privat, inkluża l-iskema tal-iskrappjar				Q1	2022	It-tnedija ta’ sejħa miftuħa għall-applikazzjonijiet għal appoġġ għax-xiri ta’ vetturi elettriċi u roti ġodda fis-settur privat, inklużi skemi ta’ skrappjar għal unitajiet domestiċi u impriżi kummerċjali. Is-sejħiet għandhom jinkludu appoġġ għax-xiri ta’ vetturi ġodda tal-passiġġieri, tal-kura tal-passiġġieri u tal-merkanzija, minibuses/coaches, kwadriċikli/muturi u pedelecs.
2,16	C2.I.2	Mira	Numru ta’ għotjiet mogħtija għal vetturi elettriċi taħt l-iskema għas-settur privat		Numru	0	1 000	Q2	2023	Din il-mira tkejjel l-għadd ta’ għotjiet mogħtija taħt l-Iskema tal-Vetturi Elettriċi fis-settur privat.
2,17	C2.I.2	Mira	Numru ta’ għotjiet mogħtija għal vetturi elettriċi taħt l-iskema għas-settur privat		Numru	1 000	5 600	Q4	2024	Din il-mira tkejjel l-għadd ta’ għotjiet mogħtija taħt l-Iskema tal-Vetturi Elettriċi fis-settur privat.
2,18	C2.I.3	Stadju importanti	Servizzi kuntrattati għall-provvista ta’ vetturi elettriċi għall-flotta tas-servizz pubbliku	Kuntratti ffirmati				Q3	2023	Servizzi kuntrattati għall-provvista ta’ vetturi elettriċi għall-flotta tas-servizz pubbliku.
2,19	C2.I.3	Mira	Għadd ta’ vetturi elettriċi fil-flotta ta’ vetturi ta’ użu ġenerali tal-Gvern (GUV)		Numru	12	262	Q3	2025	Is-sostituzzjoni ta’ vetturi b’kombustjoni interna fil-flotta tal-Gvern GUV b’vetturi kompletament elettriċi (b’emissjonijiet żero) biex jintlaħaq total ta’ 262 vettura kompletament elettrika (b’emissjonijiet żero).
2,20	C2.I.4	Stadju importanti	Memorandum ta’ Qbil għas-sostituzzjoni parzjali tal-flotta Maltija tat-trasport pubbliku	Ġie ffirmat Memorandum ta' Qbil				Q2	2022	Ġie ffirmat Memorandum ta’ Qbil bejn il-Ministeru responsabbli għat-Trasport u t-Trasport Pubbliku ta’ Malta, li jaqbel dwar ix-xiri ta’ 102 xarabanks kompletament elettriċi għas-sostituzzjoni parzjali tal-flotta tat-trasport pubbliku.
2,21	C2.I.4	Mira	Karozzi tal-linja elettriċi operattivi b’emissjonijiet żero introdotti għas-sostituzzjoni parzjali tal-flotta tat-trasport pubbliku		Numru	0	102	Q2	2025	Il-mira tkejjel l-għadd ta’ xarabanks kompletament elettriċi f’servizz attiv mit-Trasport Pubbliku ta’ Malta.

C. KOMPONENT 3: Diġitalizzazzjoni

Dan il-komponent tal-RRP ta’ Malta jindirizza l-isfidi relatati maż-żieda ulterjuri tad-diġitalizzazzjoni fis-setturi pubbliċi u privati, b’mod partikolari f’termini ta’ titjib tar-reżiljenza, il-kapaċità u s-sigurtà tan-network diġitali tal-gvern, l-aċċess għat-teknoloġija diġitali, il-firxa u l-kwalità tas-servizzi tal-gvern elettroniku, l-użu ta’ dawk is-servizzi miċ-ċittadini u n-negozji, u d-diġitalizzazzjoni tas-settur privat. Il-komponent jikkontribwixxi wkoll biex tiġi indirizzata l-isfida tat-titjib tal-prestazzjoni ta’ Malta fir-riċerka u l-innovazzjoni (R&I), fejn Malta hija kklassifikata bħala “innovatur moderat”, skont it-Tabella ta’ Valutazzjoni tal-Innovazzjoni Ewropea 2021. 1

L-objettiv tal-komponent huwa li jħaffef it-tranżizzjoni diġitali, b’mod partikolari billi jsaħħaħ il-qafas ta’ politika nazzjonali, jinvesti f’aktar diġitalizzazzjoni tal-amministrazzjoni pubblika u s-servizzi pubbliċi (biex jiżdiedu l-firxa, il-kwalità u l-użu tagħhom), kif ukoll jappoġġa d-diġitalizzazzjoni tal-SMEs. Il-komponent għandu wkoll l-għan li jtejjeb il-prestazzjoni ta’ R&I ta’ Malta.

L-ewwel riforma f’dan il-komponent tikkonċerna l-iżvilupp u l-implimentazzjoni tal-inizjattivi rigward it-tliet aspetti ewlenin li ġejjin tal-Istrateġija Diġitali ta’ Malta 2022-2027: li jitnaqqas id-distakk diġitali, li jiġu promossi l-ħiliet diġitali, u li jittejbu s-servizzi pubbliċi diġitali. L-implimentazzjoni tal-istrateġiji għall-iżvilupp tal-ħiliet diġitali għandha tiġi appoġġata permezz tal-użu ta’ programmi oħra ta’ finanzjament tal-UE, bħall-Fond Soċjali Ewropew Plus. It-tieni riforma hija relatata mal-implimentazzjoni tal-istrateġija ta’ speċjalizzazzjoni intelliġenti ta’ Malta, b’enfasi partikolari fuq it-trawwim tar-R&I tan-negozju u t-tisħiħ tal-kooperazzjoni pubblika-privata. L-investimenti huma mmirati lejn it-tisħiħ tas-sinsla diġitali u s-soluzzjonijiet diġitali tal-gvern, id-diġitalizzazzjoni tad-Direttorat tal-Bastimenti Merkantili, id-diġitalizzazzjoni ulterjuri tal-amministrazzjoni pubblika u l-implimentazzjoni ta’ miżuri ta’ appoġġ għad-diġitalizzazzjoni tas-settur privat (jiġifieri l-SMEs).

Il-komponent jikkontribwixxi biex jiġu indirizzati r-rakkomandazzjonijiet speċifiċi għall-pajjiż relatati mat-tranżizzjoni diġitali (ir-rakkomandazzjoni speċifika għall-pajjiż 3 tal-2020 u r-rakkomandazzjoni speċifika għall-pajjiż 1 tal-2022) u mar-riċerka u l-innovazzjoni (ir-rakkomandazzjoni speċifika għall-pajjiż 3 tal-2019 u r-rakkomandazzjoni speċifika għall-pajjiż 3 tal-2020).

C.1. Deskrizzjoni tar-riformi u l-investimenti għall-appoġġ finanzjarju mhux ripagabbli

Riforma C3-R1: Approfondiment tat-trasformazzjoni diġitali permezz ta’ riforma tal-politika, b’enfasi fuq it-tnaqqis tad-distakk diġitali u l-promozzjoni tal-ħiliet diġitali

L-objettiv tar-riforma huwa li jiġu żviluppati u implimentati strateġiji u inizjattivi li jiffukaw fuq it-tnaqqis tad-distakk diġitali, il-promozzjoni tal-ħiliet diġitali, it-tisħiħ tal-koeżjoni soċjoekonomika u t-titjib tas-servizzi pubbliċi diġitali.

Ir-riforma għandha tinkludi l-implimentazzjoni tal-miżuri stabbiliti fl-Istrateġija Diġitali ta’ Malta 2022-2027. B’mod partikolari, ir-riforma għandha tinvolvi t-tnedija ta’ programm biex jappoġġa familji b’introjtu baxx biex ikollhom aċċess għall-kompjuters kif ukoll biex ikunu eliġibbli għal aċċess għall-internet u taħriġ u gwida dwar l-użu tal-kompjuter fuq bażi ta’ min jiġi l-ewwel jinqeda l-ewwel. Barra minn hekk, ir-riforma għandha ssaħħaħ u tippromwovi l-kapaċità tar-riżorsi umani permezz tat-tnedija ta’ skema ta’ boroż ta’ studju biex tħeġġeġ lill-istudenti jsiru professjonisti fil-qasam diġitali, inkluż f’teknoloġiji innovattivi bħall-intelliġenza artifiċjali.

Ir-riforma għandha tiġi implimentata sal-31 ta’ Diċembru 2023.

Riforma C3-R2: Tiffinalizza u timplimenta l-istrateġija ta’ speċjalizzazzjoni intelliġenti ta’ Malta, b’enfasi partikolari fuq it-trawwim tar-riċerka u l-innovazzjoni tan-negozju u t-tisħiħ tal-kooperazzjoni pubblika-privata

L-għan tar-riforma huwa li tistabbilixxi u timplimenta qafas ta’ politika ġdid għall-ispeċjalizzazzjoni intelliġenti, b’enfasi fuq it-trawwim tar-riċerka u l-innovazzjoni tan-negozju u t-tisħiħ tal-kooperazzjoni pubblika-privata.

Ir-riforma għandha tinkludi l-adozzjoni tal-istrateġija ta’ speċjalizzazzjoni intelliġenti ta’ Malta 2021-2027, li l-inizjattivi ewlenin tagħha għandhom jinkludu l-promozzjoni ta’ kollaborazzjoni bejn l-aġenziji b’appoġġ għall-intrapriżi u l-koordinazzjoni bejn l-aġenziji sabiex titqajjem kuxjenza dwar l-iskemi ta’ finanzjament tar-riċerka u l-innovazzjoni, kif ukoll is-simplifikazzjoni tal-proċeduri relatati mal-applikazzjoni għall-finanzjament u l-għoti ta’ gwida lill-benefiċjarji potenzjali b’mod aktar immirat u effettiv. Ir-riforma għandha tinkoraġġixxi wkoll il-kooperazzjoni pubblika-privata biex tittrasforma r-riżultati tar-riċerka f’soluzzjonijiet lesti għas-suq. Din ir-riforma għandha tikkomplementa l-isforzi fir-riċerka u l-innovazzjoni mwettqa permezz tal-fondi tal-politika ta’ koeżjoni tal-Unjoni.

Ir-riforma għandha tiġi implimentata sal-31 ta’ Diċembru 2024.

Investiment C3-I1: It-tisħiħ tar-reżiljenza, is-sigurtà u l-effiċjenza tal-qafas diġitali tal-gvern u l-investiment f’soluzzjonijiet, apparati u għodod diġitali xierqa

L-objettiv tal-investiment huwa li jtejjeb ir-reżiljenza u s-sigurtà tal-qafas diġitali tal-gvern u jżid l-omoġeneità, l-istandardizzazzjoni u l-kondiviżjoni tas-servizzi madwar il-gvern. Il-qafas diġitali għandu l-għan li jservi wkoll bħala l-pedament interoperabbli orizzontali biex jippermetti, pereżempju, l-implimentazzjoni tal-prinċipju ta’ darba biss u l-kondiviżjoni tad-data. Minbarra l-effett pożittiv fuq is-servizzi pubbliċi diġitali, l-investiment għandu l-għan li jtejjeb l-interfaċċa man-negozji, pereżempju, billi jiffaċilita l-liċenzji.

L-investiment għandu jikkonsisti fl-akkwist fi ħdan il-qafas diġitali ta’ diversi soluzzjonijiet u komponenti diġitali biex ikomplu jittejbu s-sigurtà, ir-reżiljenza u l-kapaċità ġenerali tal-qafas (pereżempju, billi jittejbu l-kapaċità u r-reżiljenza taċ-ċentri tad-data, jiġu implimentati għodod għall-monitoraġġ tas-sigurtà tal-cloud, il-klassifikazzjoni tad-data, il-ġestjoni privileġġata tal-kontijiet, l-implimentazzjoni ta’ Ċentru tal-Operazzjonijiet tas-Sigurtà u l-investiment f’għodod u infrastruttura oħra għaċ-ċibersigurtà). L-investiment fl-għodod għandu jiġi kkomplementat minn taħriġ diġitali pprovdut lill-uffiċjali pubbliċi u minn kampanji ta’ sensibilizzazzjoni, b’mod partikolari dwar iċ-ċibersigurtà.

L-investiment għandu jiġi implimentat sal-31 ta’ Diċembru 2025.

Investiment C3-I2: Id-diġitalizzazzjoni tad-Direttorat tal-Bastimenti Merkantili fi ħdan Transport Malta

L-investiment għandu l-għan li jkompli jiddiġitalizza s-settur tat-trasport marittimu merkantili, li huwa ta’ importanza kbira għal Malta. L-investiment fis-servizzi diġitali u infrastruttura bbażata fuq il-cloud għandhom jgħinu biex jiġu żgurati prattiki regolatorji aktar effiċjenti u jittejbu l-operazzjonijiet interni, ir-relazzjonijiet mal-klijenti u l-amministrazzjoni fi ħdan id-Direttorat tal-Bastimenti Merkantili ta’ Malta.

L-investiment għandu jikkonsisti fl-iżvilupp tal-għodod u s-sistemi tal-IT li ġejjin: is-sistema ta’ ġestjoni tad-dokumenti, inkluża d-diġitalizzazzjoni tal-fajls fiżiċi, is-sistema ta’ ġestjoni tal-bastimenti, l-interfaċċa marittima diġitali (kemm interfaċċa tal-utent pubbliku kif ukoll interfaċċa tal-utent privat), is-sistema ta’ ġestjoni tal-baħħara, l-għodda analitika marittima u l-modulu tal-kontijiet. Barra minn hekk, il-persunal għandu jkollu l-ħiliet imtejba u mħarrġa mill-ġdid biex juża s-sistemi u l-għodod żviluppati tal-IT. L-investiment għandu jippermetti wkoll lill-klijenti aħħarin japplikaw għal servizzi direttament permezz tas-sistema. Barra minn hekk, l-investiment għandu jinkludi d-diġitalizzazzjoni tal-fajls tal-vapuri. Dan l-investiment għandu jibni fuq il-ħidma teknika preċedenti mwettqa taħt il-Programm ta’ Appoġġ għal Riformi Strutturali u l-Istrument ta’ Appoġġ Tekniku tal-Unjoni.

L-investiment għandu jiġi implimentat sal-31 ta’ Diċembru 2025.

Investiment C3-I3: Aktar diġitalizzazzjoni u modernizzazzjoni tal-amministrazzjoni pubblika

L-objettiv tal-investiment huwa li l-amministrazzjoni pubblika tipprovdi esperjenza aħjar tal-konsumatur liċ-ċittadini u lill-organizzazzjonijiet tan-negozju, li żżid l-użu ta’ servizzi online u fl-aħħar mill-aħħar li ssaħħaħ il-kompetittività tal-ekonomija Maltija. Dan l-investiment għandu wkoll l-għan li jiżviluppa mezzi moderni u ta’ telexogħol għall-uffiċjali pubbliċi, li huwa mistenni li jippermetti lill-amministrazzjoni pubblika tkun impjegatur mudell, filwaqt li jipprovdi għall-kontinwità tan-negozju, jippromwovi l-ugwaljanza bejn il-ġeneri (pereżempju, billi jżid il-flessibbiltà) u jieħu ħsieb l-ambjent.

L-investiment għandu jikkonsisti f’għadd ta’ miżuri li għandhom l-għan li jtejbu l-esperjenza tal-klijenti bis-servizzi online:

-it-tfassil mill-ġdid ta’ servizzi pubbliċi u interfaċċati biex jitjieb il-proċess ta’ twassil tagħhom, b’mod partikolari billi jiġu ttrasformati fi flussi tax-xogħol, jiġu massimizzati l-opportunitajiet ta’ awtomatizzazzjoni u jiġu integrati ma’ sistemi back-end. Il-proċess ta’ tfassil mill-ġdid għandu jinvolvi wkoll lill-klijenti biex jindirizzaw il-ħtiġijiet u l-isfidi ewlenin tagħhom.

-it-tisħiħ tal-esperjenza tal-klijenti minn ta’ quddiem fiċ-ċentri fiżiċi (pereżempju, billi l-uffiċjali tal-kura tal-klijenti jiġu pprovduti bl-għodod diġitali meħtieġa u bl-implimentazzjoni tas-sistema tal-kjuwijiet ġestita ċentralment) u online (pereżempju, bl-użu ta’ soluzzjonijiet ta’ intelliġenza artifiċjali biex jiġu ffaċilitati l-proċessi permezz ta’ għodod ta’ analiżi tas-sentiment test-to-speech/speech-to-text u magni għall-ipproċessar tal-lingwa naturali).

-il-ħolqien ta’ pjattaforma, li tgħaqqad il-partijiet interessati kollha kkonċernati fil-proċess tat-trasferiment tal-proprjetà (bħal banek, nutara, reġistru tal-artijiet, reġistru pubbliku, u utilitajiet) u hija bbażata fuq teknoloġija tar-reġistru distribwit, biex jiġi ffaċilitat il-proċess tat-trasferiment tas-sjieda tal-proprjetà.

-l-istabbiliment ta’ reġistri ta’ bażi u amministrattivi għal skopijiet ta’ kondiviżjoni u użu mill-ġdid tad-data f’konformità mad-Direttiva (UE) 2019/1024 dwar id-Data Miftuħa, biex jikkontribwixxu għas-simplifikazzjoni tal-proċessi amministrattivi u l-kisba tal-prinċipju ta’ darba biss; kif ukoll

-l-introduzzjoni tal-Punt Uniku ta’ Servizz Nazzjonali għad-dwana biex tikkontribwixxi għad-diġitalizzazzjoni u l-awtomatizzazzjoni sħiħa tal-proċess tal-approvazzjoni tal-merkanzija.

L-investiment għandu jservi wkoll biex ikompli jiżviluppa soluzzjonijiet ta’ telexogħol għall-uffiċjali pubbliċi, inkluż billi jsaħħaħ il-Post tax-Xogħol Diġitali Modern, pjattaforma tat-telexogħol implimentata f’Malta mill-2019. Din il-parti tal-investiment għandha tkun magħmula mill-forniment tal-hardware u s-software meħtieġa biex ikun jista’ jsir it-telexogħol mill-uffiċjali pubbliċi.

L-investiment għandu jiġi implimentat sal-31 ta’ Diċembru 2025.

Investiment C3-I4: L-introduzzjoni ta’ miżuri biex tiġi intensifikata d-diġitalizzazzjoni tas-settur privat

L-investiment għandu l-għan li jappoġġa lill-kumpaniji fl-isforzi tagħhom ta’ diġitalizzazzjoni billi jindirizza l-lakuni fl-opportunitajiet ta’ finanzjament. L-investiment għandu jappoġġa lill-intrapriżi biex jiksbu kapaċitajiet diġitali ġodda u jiddiġitalizzaw il-proċessi operazzjonali bħad-disinn tal-prodott u tal-proċess, l-akkwist minn tarf sa tarf, il-katina/id-distribuzzjoni tal-provvista u wara l-bejgħ.

L-investiment għandu jikkonsisti fi skemi ta’ għotjiet għan-negozji biex jinvestu fid-diġitalizzazzjoni (inklużi hardware, software u soluzzjonijiet diġitali) biex itejbu l-operazzjonijiet tagħhom u jesploraw opportunitajiet ġodda ta’ negozju. L-iskemi ta’ għotjiet għandhom jappoġġaw primarjament lill-SMEs (inklużi l-mikrointrapriżi u dawk li jaħdmu għal rashom), u b’hekk jiżguraw komplementarjetajiet mal-appoġġ ipprovdut taħt programmi oħra ta’ finanzjament tal-UE.

L-appoġġ għandu jsir disponibbli għall-kumpaniji li joperaw f’setturi ekonomiċi differenti, inkluż il-bejgħ bl-ingrossa u bl-imnut, it-turiżmu (inkluża l-kultura) u l-manifattura. Il-kamp ta’ applikazzjoni tal-investimenti appoġġati f’setturi differenti għandu jkopri wkoll il-ġestjoni taċ-ċiklu tal-ħajja tal-prodott, l-analiżi taċ-ċiklu tal-ħajja, l-Internet tal-Oġġetti, iċ-ċibersigurtà u l-protezzjoni tad-data, is-sistemi ċiberfiżiċi, ir-realtà awmentata, l-intelliġenza artifiċjali, il-manifattura ċirkolari, is-soluzzjonijiet awtonomi, il-ġestjoni tal-big data u tad-data, u s-sistemi ta’ appoġġ għad-deċiżjonijiet.

Sabiex jiġi żgurat li l-miżura tikkonforma mal-Gwida Teknika “La tagħmilx ħsara sinifikanti” (2021/C58/01), il-kriterji ta’ eliġibbiltà li jinsabu f’termini ta’ referenza għal sejħiet għal proġetti li ġejjin għandhom jeskludu l-lista ta’ attivitajiet li ġejja: (i) attivitajiet relatati mal-fjuwils fossili, inkluż l-użu downstream 2 ; (ii) attivitajiet taħt l-Iskema tal-UE għall-Iskambju ta’ Kwoti tal-Emissjonijiet (ETS) li jiksbu emissjonijiet projettati ta’ gassijiet serra li mhumiex inqas mill-parametri referenzjarji rilevanti 3 ; (iii) attivitajiet relatati ma’ miżbliet tal-iskart, inċineraturi 4 u impjanti mekkaniċi tat-trattament bijoloġiku 5 ; u (iv) attivitajiet fejn ir-rimi fit-tul tal-iskart jista’ jagħmel ħsara lill-ambjent. It-termini ta’ referenza għandhom jirrikjedu wkoll li jintgħażlu biss attivitajiet li jikkonformaw mal-leġiżlazzjoni ambjentali rilevanti tal-UE u nazzjonali.

L-investiment għandu jiġi implimentat sat-30 ta’ Ġunju 2026.

C.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju Importanti / Mira	Isem	Indikaturi kwalitattivi (għal stadji importanti)	Indikaturi kwantitattivi (għal miri)			Skeda ta’ żmien għat-tlestija		Deskrizzjoni ta’ kull stadju importanti u mira
					Unità tal-kejl	Linja bażi	Mira	Trimestru	Sena
3,1	C3.R.1	Stadju importanti	Tnedija ta’ skema ta’ boroż ta’ studju għall-istudenti biex isiru professjonisti tal-ICT	Pubblikazzjoni online tal-iskema				Q1	2022	F’konformità mal-Istrateġija Diġitali ta’ Malta 2022-2027, iftaħ skema ta’ boroż ta’ studju biex tħeġġeġ lill-istudenti jsegwu karriera f’oqsma speċjalizzati tal-ICT bħall-intelliġenza artifiċjali.
3,2	C3.R.1	Mira	Individwi appoġġati biex itaffu d-distakk diġitali		Numru	0	1 000	Q4	2023	Fl-2021 għandha titnieda skema pilota biex tanalizza l-impatt ta’ konnessjoni tal-internet fid-dar u aċċess għal kompjuter fuq familji bi dħul baxx fir-rigward tal-litteriżmu diġitali, il-konnettività, l-integrazzjoni tat-teknoloġija diġitali u l-ħiliet tal-kompjuter. L-iskema pilota għandha timmira lejn applikanti b’introjtu baxx u b’mezzi limitati. Il-benefiċjarji għandhom jiġu pprovduti b’kompjuter. Barra minn hekk, il-benefiċjarji għandhom jiġu infurmati dwar l-eliġibbiltà tagħhom għall-aċċess għall-internet, kif ukoll dwar il-possibbiltà li japplikaw għal taħriġ u gwida dwar l-użu tal-kompjuter fuq bażi ta’ min jiġi l-ewwel jinqeda l-ewwel.
3,3	C3.R.2	Stadju importanti	Adozzjoni tal-Istrateġija ta’ Speċjalizzazzjoni Intelliġenti ta’ Malta	Pubblikazzjoni online tal-istrateġija				Q4	2021	Pubblikazzjoni ta’ strateġija nazzjonali ta’ speċjalizzazzjoni intelliġenti. L-istrateġija għandha tiffoka fuq għadd ta’ inizjattivi ewlenin li jinkludu: - investiment fl-infrastruttura tar-riċerka; - l-appoġġ għall-internazzjonalizzazzjoni, inkluż permezz tal-parteċipazzjoni f’Orizzont Ewropa; - il-promozzjoni ta’ kollaborazzjoni bejn l-aġenziji b’appoġġ għall-intrapriżi; kif ukoll - inċentivi għal partijiet interessati tal-industrija biex jinnovaw ruħhom.
3,4	C3.R.2	Mira	Ġestjoni tal-kontijiet bejn l-aġenziji bejn Malta Enterprise u l-Kunsill Malti għax-Xjenza u t-Teknoloġija		Numru	0	50	Q4	2024	Għadd ta’ impriżi appoġġati permezz tal-ġestjoni tal-kontijiet bejn l-aġenziji bejn Malta Enterprise u l-Kunsill Malti għax-Xjenza u t-Teknoloġija (MCST). L-intrapriżi għandhom jiġu pprovduti b’informazzjoni, gwida u appoġġ fir-rigward tal-attivitajiet tar-R&Ż kif ukoll l-esplorazzjoni tal-internazzjonalizzazzjoni permezz tal-parteċipazzjoni fi programmi Ewropej, fost l-oħrajn.
3,5	C3.I.1	Mira	Żieda fiż-żmien operazzjonali tas-Sinsla Diġitali		% (Perċentwal)	99,7	99,8	Q4	2023	Il-perċentwal ta’ uptime (il-ħin totali li fih ikun żdied dak is-servizz, diviż bl-għadd totali ta’ sigħat matul dak il-perjodu, eskluż il-waqfien skedat) tal-qafas diġitali (in-Network tal-Gvern imsejjaħ MAGNET u ċ-Ċentri tad-Data Korporattiva MITA) imkejjel mill-Aġenzija Maltija tat-Teknoloġija tal-Informatika (MITA).
3,6	C3.I.1	Stadju importanti	Livell imtejjeb fil-qafas taċ-ċibersigurtà tan-NIST	Il-livell tan-NIST ivvalutat bħala livell 4 f’rapport intern kif ivvalidat minn korp estern				Q4	2025	Valutazzjoni interna li tiċċertifika li l-infrastruttura tal-MITA tilħaq livell ġenerali 4 fin-NIST. Ir-rapport għandu jkun rigoruż u dettaljat, li juri b’mod ċar kif jintlaħaq il-livell fuq kull miżura preskritta mill-qafas. Ir-rapport għandu jiġi vvalidat minn korp estern.
3,7	C3.I.2	Mira	Diġitalizzazzjoni tal-fajls tal-Bastimenti		Numru	0	15 000	Q4	2024	Jikkonvertu l-fajls fiżiċi f’fajls diġitali u jagħmluhom disponibbli elettronikament fuq is-Sistema ta’ Informazzjoni ta’ Ġestjoni. Mill-inqas 15 000 fajl skennjati u magħmula aċċessibbli għat-tiftix u l-użu diġitali.
3,8	C3.I.2	Stadju importanti	It-tnedija u d-disponibbiltà għall-utenti tal-għodod u s-sistemi żviluppati tal-IT	L-għodod u s-sistemi żviluppati tal-IT jitnedew u jsiru disponibbli għall-użu				Q4	2025	Ikun tlesta l-iżvilupp tal-għodod u s-sistemi tal-IT li ġejjin; dawn jiġu varati u jsiru kompletament disponibbli għall-użu mill-utenti fi ħdan u, fejn xieraq, barra mid-Direttorat tal-Bastimenti Merkantili: • Sistema ta’ Ġestjoni tad-Dokumenti, inkluża d-diġitalizzazzjoni tal-fajls fiżiċi • Sistema ta’ Ġestjoni tal-Bastimenti • Interfaċċa Marittima Diġitali (tinkludi interfaċċa tal-utent pubbliku u interfaċċa tal-utent privat) • Sistema ta’ Ġestjoni tal-Baħħara • Analiżi Marittima • Modulu tal-Kontijiet. Dan għandu jiġi attestat permezz ta’ rapport fis-Sistema ta’ Ġestjoni tal-Informazzjoni.
3,9	C3.I.2	Mira	Għoti ta’ Taħriġ Tekniku lill-persunal		Numru	0	135	Q4	2025	L-għadd ta’ persunal (aġenti tal-bidla u persunal operazzjonali) imħarreġ fl-użu tal-għodod u s-sistemi żviluppati tal-IT, jiġifieri: • Sistema ta’ Ġestjoni tad-Dokumenti, inkluża d-diġitalizzazzjoni tal-fajls fiżiċi • Sistema ta’ Ġestjoni tal-Bastimenti • Interfaċċa Marittima Diġitali (tinkludi interfaċċa tal-utent pubbliku u interfaċċa tal-utent privat) • Sistema ta’ Ġestjoni tal-Baħħara • Analiżi Marittima • Modulu tal-Kontijiet.
3,10	C3.I.3	Mira	In-nefqa mġarrba b’rabta mal-post tax-xogħol diġitali modern u s-soluzzjonijiet biex titjieb l-esperjenza tal-klijenti avvanzati		EUR	0	2 500 000	Q4	2022	Mill-inqas tħallas valur ta’ EUR 2 500 000 għal obbligi kuntrattwali relatati ma’ miżuri b’rabta mal-post tax-xogħol diġitali modern u soluzzjonijiet biex titjieb l-esperjenza tal-klijenti minn ta’ quddiem.
3,11	C3.I.3	Mira	Akkwist ta’ liċenzji addizzjonali tal-Microsoft 365 (jew ekwivalenti)		Numru	20 000	23 500	Q4	2025	L-MITA ilha mill-2019 timplimenta l-Proġett Modern Desktop li, sa tmiem l-2019, ippermetta lil 12 000 uffiċjal pubbliku jużaw għodod tal-Microsoft 365 inklużi Teams u OneDrive. Iċ-ċifra żdiedet għal 20 000 sa tmiem l-2020. L-MITA għandha takkwista wkoll 3 500 liċenzja addizzjonali ta’ Microsoft 365 (jew ekwivalenti) sa tmiem l-2025.
3,12	C3.I.3	Mira	Akkwist ta’ oġġetti addizzjonali ta’ hardware u software tal-IT		Numru	0	2 000	Q4	2024	Sabiex utenti addizzjonali jkunu jistgħu jwettqu t-telexogħol, għadd ta’ utenti għandu jkollhom il-laptop tagħhom sostitwit (2 000) peress li l-magni kurrenti ma jappoġġawx it-teknoloġija l-ġdida. L-MITA għandha timplimenta wkoll prova ta’ kunċetti biex iżżid karatteristiċi ġodda bħat-telefonija (liċenzji li għandhom jiġu akkwistati għal 2 000 utent) u desktop virtwali (liċenzji li għandhom jiġu akkwistati għal 2 000 utent). Biex jappoġġa din l-implimentazzjoni l-MITA għandu jimplimenta wkoll il-verifika tal-identità online u s-sigurtà għal funzjonijiet kritiċi fl-applikazzjonijiet tan-negozju.
3,13	C3.I.3	Mira	Żieda fl-użu tas-servizzi online		% (Perċentwal)	63	71	Q4	2025	Indikatur tad-DESI: Individwi li użaw l-Internet, f’dawn l-aħħar 12-il xahar, għall-interazzjoni mal-awtoritajiet pubbliċi, espressi bħala perċentwal tal-utenti tal-Internet.
3,14	C3.I.4	Stadju importanti	Tnedija tas-sejħiet għall-applikazzjonijiet	Pubblikazzjoni tas-sejħa				Q1	2022	It-tnedija ta’ sejħiet għal applikazzjonijiet biex in-negozji jirċievu appoġġ ta’ għotja għad-diġitalizzazzjoni, inklużi s-setturi tal-bejgħ bl-ingrossa u bl-imnut, tat-turiżmu (inkluża l-kultura) u tal-manifattura. It-termini ta’ referenza għandhom jinkludu kriterji ta’ eliġibbiltà li jiżguraw li l-proġetti magħżula jikkonformaw mal-Gwida Teknika “La tagħmilx ħsara sinifikanti” (2021/C58/01) permezz tal-użu ta’ lista ta’ esklużjoni u r-rekwiżit ta’ konformità mal-leġiżlazzjoni ambjentali rilevanti tal-UE u nazzjonali.
3,15	C3.I.4	Mira	Impriżi appoġġati f’investimenti fid-diġitalizzazzjoni		Numru	0	360	Q2	2026	L-għadd minimu ta’ impriżi li rċevew appoġġ għad-diġitalizzazzjoni, inklużi s-setturi tal-ingrossa u tal-bejgħ bl-imnut, tat-turiżmu (inkluż il-kultura) u tal-manifattura, bil-konklużjoni ta’ ftehimiet ta’ għotja għal EUR 15 000 000 u b’mill-inqas 90 % tal-baġit li jitħallas lill-benefiċjarji wara t-tlestija tal-proġetti ta’ diġitalizzazzjoni tagħhom. L-investimenti appoġġati għandhom jinkludu investimenti f’hardware, software u soluzzjonijiet diġitali mill-SMEs; appoġġ għall-industrija tat-turiżmu biex jissaħħu l-operazzjonijiet, inklużi l-loġistika operattiva, l-effiċjenza tar-riżorsi u l-introduzzjoni ta’ għodod analitiċi u l-IA; u appoġġ għall-intrapriżi tal-manifattura inkluż fl-ottimizzazzjoni tal-użu ta’ teknoloġiji eżistenti u l-isfruttar ta’ teknoloġiji u xejriet emerġenti, ġestjoni tad-data u sistemi ta’ appoġġ għad-deċiżjonijiet, fost l-oħrajn. L-għoti tal-kuntratti għall-proġetti magħżula taħt is-sejħiet għall-applikazzjonijiet imsemmija fl-istadju 3.14, f’konformità mal-Gwida Teknika “La tagħmilx ħsara sinifikanti” (2021/C58/01) permezz tal-użu ta’ lista ta’ esklużjoni u r-rekwiżit ta’ konformità mal-leġiżlazzjoni ambjentali rilevanti tal-UE u nazzjonali.

D. KOMPONENT 4: Is-Saħħa

Dan il-komponent tal-Pjan ta’ Rkupru u Reżiljenza Malti jindirizza l-isfidi li qed jiffaċċja s-settur tal-kura tas-saħħa ta’ Malta b’mod partikolari biex jissodisfa d-domandi ta’ popolazzjoni li qed tixjieħ. L-objettiv tal-komponent huwa li jżid ir-reżiljenza u s-sostenibbiltà tas-settur tas-saħħa filwaqt li jiżgura aċċess universali, kwalità għolja tal-kura u servizzi sostenibbli.

L-ewwel riforma għandha l-għan li ttejjeb il-ġestjoni tal-forza tax-xogħol. Tindirizza l-ostakli għar-reklutaġġ u ż-żamma ta’ ħaddiema tal-kura tas-saħħa barranin, anke billi ttejjeb il-benessri tagħhom. Tikkontribwixxi wkoll għall-prevenzjoni tal-mard relatat mas-saħħa tat-tfal. It-tieni riforma tindirizza l-ostakli regolatorji li jistgħu jfixklu l-isfruttament sħiħ taċ-Ċentru tad-Demm, tat-Tessuti u taċ-Ċelloli.

L-ewwel investiment jikkonsisti fl-istabbiliment ta’ Ċentru tad-Demm, tat-Tessuti u taċ-Ċelloli qrib ħafna tal-isptar ewlieni f’Malta. It-tieni investiment jikkonsisti f’żewġ proġetti li jsaħħu r-reżiljenza tas-sistema tas-saħħa permezz tad-diġitalizzazzjoni u t-teknoloġiji l-ġodda.

Dan il-komponent jibni fuq azzjonijiet preċedenti mmirati biex iżidu l-varjetà ta’ servizzi offruti lill-popolazzjoni f’Malta u biex jissimplifikaw l-interazzjonijiet bejn servizzi differenti biex tiġi żgurata l-kontinwità tal-kura.

Il-komponent jikkontribwixxi biex jiġu indirizzati r-rakkomandazzjonijiet speċifiċi għall-pajjiż dwar it-titjib tar-reżiljenza u s-sostenibbiltà fiskali tas-sistema tal-kura tas-saħħa (rakkomandazzjoni speċifika għall-pajjiż 1 tal-2019) u (rakkomandazzjoni speċifika għall-pajjiż 1 tal-2020), speċjalment fid-dawl tal-pandemija globali. Il-miżuri f’dan il-komponent huma kkumplimentati minn inizjattivi ffinanzjati taħt programmi oħra tal-UE biex jappoġġaw il-bini tal-kapaċità għall-professjonisti tas-saħħa u aktar investiment fiċ-ċentri tal-kura primarja.

D.1. Deskrizzjoni tar-riformi u l-investimenti għall-appoġġ finanzjarju mhux ripagabbli

Riforma C4-R1: L-iżvilupp u l-implimentazzjoni ta’ qafas ta’ politika tas-saħħa mmirat biex jagħmel is-sistema tas-saħħa aktar sostenibbli u reżiljenti, b’enfasi partikolari fuq il-prevenzjoni tas-saħħa u forza tax-xogħol b’saħħitha

L-għan ta’ din ir-riforma huwa li trawwem ir-reżiljenza fis-settur tas-saħħa billi tiżgura forza tax-xogħol b’saħħitha u sostenibbli, u li ssaħħaħ il-prevenzjoni tal-mard relatat mas-saħħa tat-tfal.

Ir-riforma għandha tikkonsisti fl-iżvilupp ta’ għodda personalizzata għall-ippjanar tal-forza tax-xogħol. L-għodda għandha tinkludi karatteristiċi relatati mal-ibbaġitjar tar-riżorsi umani, il-ġestjoni tal-pożizzjonijiet vakanti u l-iffaċilitar tar-reklutaġġ.

Ir-riforma għandha timplimenta wkoll miżuri biex ittejjeb il-benessri u l-integrazzjoni tal-ħaddiema barranin fis-settur tas-saħħa. Il-miżuri għandhom jiġu identifikati fuq il-bażi ta’ studju li għandu jitwettaq minn kuntrattur indipendenti. L-istudju għandu jistabbilixxi l-valur bażi tal-indikaturi tal-benesseri MH1 u MH2 tal-metodoloġija tal-istħarriġ dwar is-saħħa tal-SF36 6 . Il-miżuri għandhom iwasslu għal titjib ta’ 10 % tal-indikaturi tal-benesseri fuq il-valur bażi stabbilit mill-istudju.

Ir-riforma għandha wkoll: (i) tivvaluta s-sitwazzjoni bil-prevalenza tal-obeżità fost it-tfal ta’ bejn l-4 u l-5 snin, li huwa parti mill-programm ta’ sorveljanza tal-obeżità fost it-tfal tal-iskola (ii) tintroduċi programm ta’ skrinjar tas-smigħ ta’ trabi tat-twelid biex jiġu identifikati trabi bi problemi ta’ smigħ kmieni fil-ħajja.

Ir-riforma għandha tiġi implimentata sal-31 ta’ Diċembru 2025.

Riforma C4-R2: Rieżami tal-qafas leġiżlattiv nazzjonali relatat mat-twaqqif ta’ Ċentru tad-Demm, tat-Tessuti u taċ-Ċelloli għal Malta.

L-għan ta’ din ir-riforma huwa li ttejjeb il-qafas leġiżlattiv nazzjonali relatat mat-twaqqif ta’ Ċentru tad-Demm, tat-Tessuti u taċ-Ċelloli għal Malta.

Ir-riforma għandha tikkonsisti fid-dħul fis-seħħ ta’ leġiżlazzjoni speċifika li tindirizza kwalunkwe lakuna, ostaklu jew konġestjoni li jistgħu jfixklu l-isfruttament sħiħ taċ-Ċentru tad-Demm, tat-Tessuti u taċ-Ċelloli ġdid (ara l-investiment C4-I1) u li jeħtieġu li tinbidel il-leġiżlazzjoni nazzjonali. Studju indipendenti minn qabel għandu jidentifika tali lakuni, ostakli u konġestjonijiet filwaqt li jqis il-leġiżlazzjoni u l-linji gwida Ewropej rilevanti.

Ir-riforma għandha tiġi implimentata sat-30 ta’ Ġunju 2024.

Investiment C4-I1: It-twaqqif ta’ Ċentru tad-Demm, tat-Tessuti u taċ-Ċelloli għal Malta

L-objettiv ta’ dan l-investiment huwa li jtaffi d-dipendenza ta’ Malta fuq pajjiżi oħra għall-provvista ta’ terapiji tad-demm, tat-tessuti u taċ-ċelloli meħtieġa f’interventi u trattamenti mediċi, bil-ħsieb li titnaqqas il-ħtieġa għal terapiji fit-tul, jitnaqqsu l-ispejjeż tas-saħħa u jitjieb il-benesseri soċjali billi jiġu offruti servizzi lokalment.

L-investiment għandu jikkonsisti fl-istabbiliment ta’ Ċentru tad-Demm, tat-Tessuti u taċ-Ċelloli. Dan għandu jinkludi d-disinn u l-kostruzzjoni tal-bini u l-akkwist ta’ tagħmir mediku u għamara medika. Iċ-Ċentru għandu jipprovdi mill-inqas is-servizzi li ġejjin: bank tad-demm, bank tat-tessuti (għadam, kornea, membrana amnjotika), trapjant awtologu taċ-ċelloli staminali.

L-investiment għandu jiġi implimentat sal-31 ta’ Diċembru 2025.

Investiment C4-I2: It-tisħiħ tar-reżiljenza tas-sistema tas-saħħa permezz tad-diġitalizzazzjoni u t-teknoloġiji l-ġodda

L-għan ta’ dan l-investiment huwa li titħaffef it-tranżizzjoni diġitali tas-sistema tal-kura tas-saħħa ta’ Malta. Id-diġitalizzazzjoni u d-dipendenza fuq teknoloġiji ġodda għandhom itejbu l-kwalità tal-kura tal-pazjenti, itejbu l-esperjenza tal-pazjenti billi jipprovdu informazzjoni f’waqtha u trasparenti, u jnaqqsu l-ħin ta’ stennija.

L-investiment għandu jikkonsisti minn: (i) it-trasformazzjoni tal-fluss tax-xogħol u r-rappurtar tal-istopatoloġija tal-analiżi tat-tessuti fi pjattaforma diġitali avvanzata faċilment aċċessibbli; (ii) it-titjib tat-twassil tar-radjoterapija bl-akkwist ta’ magna moderna ta’ Aċċelleratur Lineari tar-Reżonanza Manjetika li għandha tipprovdi kwalità ta’ immaġni superjuri flimkien ma’ twassil imtejjeb tat-terapija, u b’hekk jitnaqqsu l-volumi u l-ħinijiet tal-kura u l-effetti sekondarji għall-pazjenti. Il-magna tal-Aċċelleratur tar-Reżonanza Manjetika Lineari tikkombina t-teknoloġija għal-lokalizzazzjoni preċiża tat-tumuri u l-organi f’riskju u l-aċċeleraturi lineari biex twassal ir-radjoterapija, b’titjib notevoli fil-kura tal-pazjenti.

L-investiment għandu jiġi implimentat sat-30 ta’ Ġunju 2025.

D.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju Importanti / Mira	Isem	Indikaturi kwalitattivi (għal stadji importanti)	Indikaturi kwantitattivi (għal miri)			Skeda ta’ żmien għat-tlestija		Deskrizzjoni ta’ kull stadju importanti u mira
					Unità tal-kejl	Linja bażi	Mira	Trimestru	Sena
4,1	C4.R.1	Stadju importanti	Studju dwar l-ostakli u l-faċilitaturi għal integrazzjoni u benesseri aħjar tal-forza tax-xogħol barranija	Pubblikazzjoni tal-istudju dwar l-ostakli u l-faċilitaturi għal integrazzjoni u benesseri aħjar tal-forza tax-xogħol barranija				Q2	2022	Pubblikazzjoni ta’ studju dwar l-integrazzjoni u l-benessri tal-forza tax-xogħol barranija fi ħdan is-settur Pubbliku. L-istudju għandu: (i) jistudja l-ostakli u l-faċilitaturi għal integrazzjoni u benesseri aħjar tal-forza tax-xogħol barranija (inklużi l-aspettattivi, it-tħassib, ir-relazzjoni mal-pari) (ii) jikkonsulta lill-partijiet ikkonċernati rilevanti kollha (inklużi JobsPlus u Identity Malta) (iii) jipproponi rakkomandazzjonijiet ta’ politika dwar miżuri biex jittejbu l-integrazzjoni u l-benesseri tal-forza tax-xogħol barranija. L-istudju għandu juża għodod ta’ valutazzjoni u metodoloġija xierqa għall-kejl tal-benesseri. L-istudju għandu jeżamina s-sitwazzjoni attwali u jistabbilixxi linja bażi tal-benessri eżistenti ta’ ħaddiema barranin, abbażi tal-punteġġi MH1 jew MH2 tal-kwestjonarju tal-SF36, li huwa stħarriġ tas-saħħa tal-pazjenti rrappurtat minn 36 punt. L-indikaturi MH1 u MH2 huma kkalkulati abbażi tat-tweġibiet għall-mistoqsijiet korrispondenti fit-taqsima tas-Saħħa Mentali tal-istħarriġ. L-istudju għandu jitwettaq minn kuntrattur indipendenti involut permezz ta’ proċeduri ta’ akkwist pubbliku. L-istudju għandu jkun disponibbli għall-Kummissjoni permezz tas-Sistema ta’ Ġestjoni tal-Informazzjoni.
4,2	C4.R.1	Stadju importanti	Għodda personalizzata għall-ippjanar tal-forza tax-xogħol	Għodda personalizzata għall-ippjanar tal-forza tax-xogħol fis-seħħ u magħmula disponibbli għall-użu				Q2	2023	L-għodda għall-ippjanar tal-forza tax-xogħol tas-saħħa inklużi karatteristiċi relatati mar-riżorsi umani, l-ibbaġitjar, il-ġestjoni tal-pożizzjonijiet vakanti u l-iffaċilitar tar-reklutaġġ, hija żviluppata u operazzjonali.
4,3	C4.R.1	Stadju importanti	Rapportar dwar l-implimentazzjoni tal-miżuri u tqabbil tal-benesseri wara l-intervent meta mqabbel mal-valutazzjoni inizjali	Pubblikazzjoni online tar-rapport dwar l-implimentazzjoni tal-miżuri u t-tqabbil tal-benesseri wara l-intervent meta mqabbel mal-valutazzjoni inizjali				Q4	2025	Pubblikazzjoni ta’ rapport dwar l-implimentazzjoni tar-rakkomandazzjonijiet ta’ politika elaborati fl-objettiv 4.1 u dwar it-titjib miksub tal-benesseri tal-ħaddiema barranin, abbażi tal-metodoloġija stabbilita fl-objettiv 4.1
4,4	C4.R.1	Mira	Titjib tal-benesseri rrappurtat ta’ ħaddiema barranin		% (perċentwal)	0	10	Q4	2025	Din il-mira tkejjel it-titjib fil-benesseri rrapportat ta’ ħaddiema barranin meta mqabbel mal-linja bażi stabbilita fl-objettiv 4.1 imkejla f’termini tal-punteġġi medji MH1 jew MH2 fit-taqsima rispettiva tal-kwestjonarju tal-SF36.
4,5	C4.R.1	Stadju importanti	Rapport dwar il-prevalenza tal-obeżità fost dawk ta’ età ta’ bejn l-4 u l-5 snin fil-popolazzjoni Maltija	Pubblikazzjoni online tar-rapport dwar il-prevalenza tal-obeżità fost dawk bejn l-4 u l-5 snin fil-popolazzjoni Maltija				Q4	2022	Pubblikazzjoni ta’ rapport dwar l-obeżità fit-tfal, li għandu jikkontribwixxi għall-programm ta’ sorveljanza tal-obeżità fost it-tfal. L-istudju għandu jeżamina l-prevalenza tal-obeżità fost dawk bejn l-4 u l-5 snin fil-popolazzjoni Maltija. 10 % tat-tfal fis-Snin Skolastiċi minn 1 sa 11 għandhom jiġu kkampjunati flimkien mat-tfal kollha li jattendu 50 % taċ-ċentri Kindergarten 2. Din il-valutazzjoni għandha tistabbilixxi linja bażi għal dan il-grupp ta’ età żgħira biss u tqabbel ma’ koorti aktar anzjani. Dan għandu jwassal għal rakkomandazzjonijiet ta’ politika, li jistgħu jinkludu kampanji ta’ sensibilizzazzjoni.
4,6	C4.R.1	Mira	Implimentazzjoni ta’ programm ta’ skrining ta’ smigħ neonatali		% (perċentwal)	40	85	Q4	2023	Il-programm għandu jidentifika l-problemi tas-smigħ fis-snin bikrin (Programm ta’ Skrinjar tas-Smigħ tat-Twieled). Il-programm għandu jikkonsisti fl-identifikazzjoni ta’ dawk it-trabi li jinsabu f’riskju ta’ indeboliment tas-smigħ, sabiex tinkiseb identifikazzjoni bikrija u riabilitazzjoni. Biex tintlaħaq il-mira, mill-inqas 85 % tat-trabi li twieldu matul is-sena 2023 għandhom jiġu skrinjati.
4,7	C4.R.2	Stadju importanti	Rieżami tal-qafas regolatorju relatat maċ-Ċentru tal-Bank tad-Demm, tat-Tessuti u taċ-Ċelloli	Pubblikazzjoni online tar-rieżami tal-qafas regolatorju relatat maċ-Ċentru tad-Demm, tat-Tessuti u taċ-Ċelloli				Q1	2022	Ir-rieżami għandu: (i) jiskrutinizza l-qafas regolatorju relatat mad-demm, it-tessuti u ċ-ċelloli; u (ii) jidentifika l-bidliet legali meħtieġa biex jitneħħew l-ostakli regolatorji u l-punti ta’ konġestjoni li jistgħu jaffettwaw il-funzjonament taċ-Ċentru. L-istudju għandu jinkludi rieżami tal-oqsma regolatorji li ġejjin: 1. Il-leġiżlazzjoni dwar id-Demm, it-Tessuti u ċ-Ċelloli; 2.Leġiżlazzjoni ambjentali rilevanti; 3 Leġiżlazzjoni organizzattiva rilevanti (opportunitajiet indaqs, protezzjoni tad-data, etika u drittijiet tal-pazjenti, aċċessibbiltà); u 4. Leġiżlazzjoni dwar l-għajnuna mill-istat. Ir-rieżami għandu jqis l-Inizjattiva tal-UE dwar Reviżjoni tal-leġiżlazzjoni tal-Unjoni dwar id-demm, it-tessuti u ċ-ċelloli (https://ec.europa.eu/info/law/better-regulation/have-your-say/initiatives/12734-Blood-tissues-and-cells-for-medical-treatments-&-therapies-revised-EU-rules_en). Ir-rieżami għandu jitwettaq minn kuntrattur indipendenti magħżul permezz ta’ proċeduri ta’ akkwist pubbliku.
4,8	C4.R.2	Stadju importanti	Dħul fis-seħħ tal-qafas regolatorju rivedut relatat maċ-Ċentru tal-Bank tad-Demm, tat-Tessuti u taċ-Ċelloli	Dispożizzjoni fil-liġi li tindika d-dħul fis-seħħ tal-qafas regolatorju rivedut relatat maċ-Ċentru tad-Demm, tat-Tessuti u taċ-Ċelloli				Q2	2024	Dħul fis-seħħ tal-qafas regolatorju rivedut relatat maċ-Ċentru tad-Demm, tat-Tessuti u taċ-Ċelloli. Il-qafas rivedut ineħħi kwalunkwe ostaklu regolatorju u ostakli li jistgħu jaffettwaw il-funzjonament taċ-Ċentru.
4,9	C4.I.1	Stadju importanti	Servizzi kuntrattati għall-kostruzzjoni ta’ Ċentru tad-Demm, tat-Tessuti u taċ-Ċelloli	Kuntratt iffirmat għall-kostruzzjoni ta’ Ċentru tad-Demm, tat-Tessuti u taċ-Ċelloli				Q1	2023	Wara l-akkwist pubbliku, ġie ffirmat kuntratt għall-kostruzzjoni ta’ Ċentru tad-Demm, tat-Tessuti u taċ-Ċelloli.
4,10	C4.I.1	Stadju importanti	Ċentru tad-Demm, tat-Tessuti u taċ-Ċelloli miftuħ għall-utenti	Ċentru tad-Demm, tat-Tessuti u taċ-Ċelloli miftuħ għall-utenti				Q4	2025	Il-faċilità tkun tlestiet, tiġi ċċertifikata biex tipproċessa d-demm, it-tessuti u ċ-ċelloli. Tkun miftuħa għall-utenti u mogħtija r-riżorsi operattivi biex tipprovdi s-servizzi previsti. Il-kapaċità tal-faċilità tinkludi mill-inqas: - 17,000 unità ta’ konċentrati taċ-ċelloli ħomor tad-demm; - 2,000 unità ta’ pjastrini (miġbura flimkien) u 200 pjastrini ta’ aferesi; and - 100 unità ta’ għadam.
4,11	C4.I.2	Stadju importanti	Kuntratt iffirmat għall-akkwist ta’ soluzzjoni ta’ tagħmir tal-Aċċelleratur tar-Reżonanza Manjetika Lineari fiċ-Ċentru tal-Onkoloġija Sir Anthony Mamo	Kuntratt iffirmat għall-akkwist ta’ soluzzjoni ta’ tagħmir tal-Aċċelleratur tar-Reżonanza Manjetika Lineari (MR Linac) fiċ-Ċentru tal-Onkoloġija Sir Anthony Mamo				Q2	2022	Wara l-akkwist pubbliku, ġie ffirmat kuntratt għall-akkwist ta’ tagħmir tal-Aċċelleratur tar-Reżonanza Manjetika Lineari fiċ-Ċentru tal-Onkoloġija Sir Anthony Mamo fl-Isptar Mater Dei
4,12	C4.I.2	Stadju importanti	Tagħmir ta’ Aċċelleratur Lineari b’Reżonanza Manjetika operattiv u miftuħ għall-utenti	Tagħmir tal-Aċċelleratur tar-Reżonanza manjetika Lineari kompletament operattiv u miftuħ għall-utenti				Q2	2023	L-Aċċelleratur tar-Reżonanza Manjetika Lineari huwa operattiv u jintuża għall-kura tal-pazjenti fiċ-Ċentru tal-Onkoloġija Sir Anthony Mamo.
4,13	C4.I.2	Stadju importanti	Il-kuntratti kollha ffirmati għas-servizzi tal-patoloġija diġitali fid-dipartiment tal-istopatoloġija fl-isptar Mater Dei	Il-kuntratti kollha ffirmati għas-servizzi tal-patoloġija diġitali fid-dipartiment tal-istopatoloġija fl-isptar Mater Dei				Q2	2022	Wara l-akkwist pubbliku, il-kuntratti ffirmati għal servizz diġitali ta’ patoloġija turnkey fid-dipartiment tal-istopatoloġija tal-Isptar Mater Dei. Il-proċess ta’ akkwist għandu jinkludi: (a) software li jittratta l-fażi preanalitika u jipprovdi awtomatizzazzjoni bla xkiel ta’ proċessi ta’ kampjuni (inkluż traċċar tal-każijiet f’ħin reali) li jintegra mas-sistema attwali ta’ ġestjoni tal-informazzjoni tal-laboratorju (LIMS); (b) faċilitajiet tal-immaġini tal-kampjun gross u software abilitanti; (c) skeners diġitali bi fluss għoli u sistema diġitali ta’ ġestjoni tal-każijiet; (d) soluzzjonijiet tas-server tan-networking, biex jiġu ffaċilitati l-faċilitajiet ta’ ħżin online f’ħin reali u l-arkivjar ta’ slajds kif ukoll punti tan-network f’diversi stazzjonijiet fi ħdan il-kmamar tas-sezzjoni u tal-ipproċessar; u (e) hardware, inklużi l-kompjuters personali f’postijiet li mhumiex il-laboratorju biex ikunu jistgħu jsiru telefonati għall-konferenzi u laqgħat ta’ timijiet multidixxiplinari.
4,14	C4.I.2	Stadju importanti	Servizzi ta’ patoloġija diġitali pprovduti fid-dipartiment tal-istopatoloġija fl-isptar Mater Dei	Servizzi ta’ patoloġija diġitali pprovduti fid-dipartiment tal-istopatoloġija fl-isptar Mater Dei				Q2	2024	Servizzi diġitali ta’ patoloġija pprovduti fid-dipartiment tal-istopatoloġija fl-Isptar Mater Dei operazzjonali u użati mill-pazjenti. Il-Faċilità għandha tinkludi l-kapaċitajiet minimi li ġejjin: sistema elettronika ta’ traċċar mir-riċeviment tal-kampjuni sal-awtorizzazzjoni eventwali tal-każ; id-diġitalizzazzjoni ta’ każijiet istoloġiċi; l-integrazzjoni ta’ makro-immaġnijiet u r-rikonoxximent tal-vuċi fid-dissezzjoni tal-kampjun; l-awtomatizzazzjoni tal-proċessi ta’ verifika f’kull stadju tal-proċessi tal-laboratorju; u l-awtomatizzazzjoni tal-assenjazzjoni tal-każijiet lill-konsulenti rispettivi.

E. KOMPONENT 5: It-titjib tal-Edukazzjoni ta’ Kwalità u t-Trawwim tas-Sostenibbiltà Soċjoekonomika

Dan il-komponent tal-Pjan għall-Irkupru u r-Reżiljenza Malti jikkontribwixxi biex jiġu indirizzati l-isfidi ta’ ishma għoljin ta’ persuni li jħallu l-iskola kmieni u adulti b’livell baxx ta’ ħiliet, nuqqas prevalenti ta’ ħiliet, u l-ħtieġa li jittejbu l-kwalità u l-inklużività tas-sistema tal-edukazzjoni u t-taħriġ. Huwa jivvaluta aktar is-sistema attwali tal-pensjonijiet u l-benefiċċji tal-qgħad bil-ħsieb li jkompli jsegwi r-riformi ta’ politika biex tiżgura l-adegwatezza u s-sostenibbiltà tagħhom. L-objettiv tiegħu huwa li trawwem ir-reżiljenza tal-forza tax-xogħol u tas-soċjetà ta’ Malta, anke fid-dawl tat-tranżizzjonijiet ekoloġiċi u diġitali.

Ir-riformi f’dan il-komponent isaħħu l-miżuri ta’ intervent u ta’ prevenzjoni tat-tluq bikri mill-iskola, jespandu l-gwida u l-opportunitajiet għat-titjib tal-ħiliet u t-taħriġ mill-ġdid għall-adulti kollha u b’mod partikolari għal dawk b’livell baxx ta’ ħiliet, itejbu l-edukazzjoni inklużiva ta’ kwalità għall-istudenti bi bżonnijiet speċjali, itejbu s-sistema ta’ monitoraġġ tal-politika tal-edukazzjoni u jkomplu jiżviluppaw l-analiżi u l-monitoraġġ regolari tas-sistema tal-pensjonijiet u tal-benefiċċji tal-qgħad biex jappoġġaw l-adegwatezza u s-sostenibbiltà tagħha.

Il-komponent jikkontribwixxi biex jiġu indirizzati r-rakkomandazzjonijiet speċifiċi għall-pajjiż relatati mal-edukazzjoni ta’ kwalità u inklużiva (ir-rakkomandazzjoni speċifika għall-pajjiż 2 tal-2020 u r-rakkomandazzjoni speċifika għall-pajjiż 3 tal-2019), is-suq tax-xogħol (rakkomandazzjoni speċifika għall-pajjiż 2 2020), u s-sistema tal-pensjonijiet (rakkomandazzjoni speċifika għall-pajjiż 1 tal-2019).

E.1. Deskrizzjoni tar-riformi u l-investimenti għall-appoġġ finanzjarju mhux ripagabbli

Riforma C5-R1: Jissaħħu l-miżuri ta’ prevenzjoni tat-tluq bikri mill-iskola, b’enfasi fuq l-akkwist tal-ħiliet

L-objettiv ta’ din ir-riforma huwa li jissaħħu l-miżuri ta’ intervent u ta’ prevenzjoni tat-tluq bikri mill-iskola, li jikkontribwixxi għat-tnaqqis tar-rata attwalment għolja ta’ tluq bikri mill-iskola (MT 16,7 % vs. UE 9,9%; 2020) għall-mira nazzjonali ta’ 12,7 % sal-2025.

Ir-riforma għandha tinkludi l-forniment ta’ programm ta’ appoġġ għal-litteriżmu (Programm għall-Irkupru tal-Qari (RR)) għall-istudenti. Il-programm għandu l-għan li jippermetti li t-tfal fil-bżonn jilħqu livelli ta’ età mistennija fil-qari bażiku. L-għalliema għandhom jirċievu t-taħriġ rispettiv.

Wara l-adozzjoni tal-Istrateġija għall-Ħiliet Bażiċi, ir-riforma għandha tinvolvi wkoll l-implimentazzjoni ta’ mill-inqas tliet (3) miżuri mill-erbgħa u għoxrin (24) miżura deskritti fl-Istrateġija għall-Ħiliet Bażiċi għal studenti ta’ kull età.

Barra minn hekk, ir-riforma għandha tikkonsisti fl-introduzzjoni ta’ sistema ta’ traċċar ta’ persuni li jitilqu mill-iskola qabel iż-żmien, il-proġett tal-Maħżen tad-Data, b’aċċess għad-data għall-istituzzjonijiet li jaħdmu fuq il-monitoraġġ u l-gwida tal-politika.

Ir-riforma għandha tiġi implimentata sal-31 ta’ Diċembru 2024.

Riforma C5-R2: It-tisħiħ tal-iżvilupp u r-rikonoxximent tal-ħiliet, b’enfasi partikolari fuq l-adulti b’livell baxx ta’ ħiliet

L-objettiv ta’ din ir-riforma huwa li tespandi l-opportunitajiet ta’ titjib tal-ħiliet u taħriġ mill-ġdid għall-adulti kollha irrispettivament mill-istatus tal-impjieg tagħhom, inklużi dawk b’livell baxx ta’ ħiliet li l-parteċipazzjoni tagħhom fit-tagħlim tul il-ħajja hija partikolarment baxxa.

Ir-riforma għandha tikkonsisti fit-twaqqif ta’ Kulleġġ elettroniku li joffri korsijiet online komprensivi kif ukoll kowċijiet online u helpdesk biex jgħin lill-istudenti. Il-kulleġġ elettroniku għandu jkun ikkomplementat minn faċilità ta’ hub li tipprovdi spazju fiżiku b’tagħmir tekniku u kkowċjar fuq il-persuna għal adulti li ma jkollhomx ħiliet jew tagħmir diġitali biex jaċċessaw korsijiet online. Għandha tiġi stabbilita wkoll unità ta’ gwida għat-tagħlim għall-adulti biex tipprovdi servizzi ta’ gwida lill-adulti li jfittxu l-aħjar trajettorja edukattiva biex jissodisfaw il-ħtiġijiet tagħhom ta’ titjib tal-ħiliet u ta’ taħriġ mill-ġdid.

Ir-riforma għandha tinkludi wkoll l-implimentazzjoni ta’ tliet (2) miżuri inklużi fil-Pjan Direzzjonali dwar l-iżvilupp ta’ sistema ta’ gwida għat-tagħlim għall-adulti, inkluż il-bini tal-kapaċità għall-professjonisti tat-tagħlim għall-adulti u l-istabbiliment ta’ networks ta’ gwida.

Ir-riforma għandha tiġi implimentata sal-31 ta’ Diċembru 2024.

Riforma C5-R3: L-iżvilupp ta’ mogħdijiet edukattivi ġodda lejn edukazzjoni inklużiva u ta’ kwalità

L-għan ta’ din ir-riforma huwa li tissaħħaħ l-edukazzjoni inklużiva ta’ kwalità.

Ir-riforma għandha tikkonsisti fit-tnedija ta’ kmamar għat-tagħlim multi-sensorju (MSLR) għal studenti bi bżonnijiet severi f’kulleġġi (Klassifikazzjoni Standard Internazzjonali tal-Edukazzjoni (ISCED) tal-livell 1, tal-edukazzjoni primarja) u l-istabbiliment ta’ żewġ unitajiet tal-awtiżmu fl-iskejjel sekondarji (livell ISCED 2, edukazzjoni sekondarja baxxa), biex b’hekk tkun tista’ ssir aktar integrazzjoni ta’ studenti bi bżonnijiet speċjali fl-ambjent tal-iskola prinċipali. Il-miżura għandha tkun akkumpanjata minn taħriġ kontinwu fil-pedagoġija inklużiva għall-għalliema u l-edukaturi ta’ appoġġ għat-tagħlim.

Ir-riforma għandha tinvolvi wkoll l-implimentazzjoni ta’ mill-inqas għoxrin (20) miżura (li jammontaw għal mill-inqas 50 % tal-miżuri kollha) tal-Istrateġija tal-Politika Nazzjonali dwar l-Inklużjoni aġġornata li twassal għall-kisba ta’ miri intelliġenti identifikati fl-Istrateġija.

Ir-riforma għandha tiġi implimentata sal-31 ta’ Diċembru 2025.

Riforma C5-R4: L-implimentazzjoni ta’ sistema effettiva ta’ monitoraġġ tal-politika tal-edukazzjoni

L-għan ta’ din ir-riforma huwa li tiġi stabbilita u implimentata sistema effettiva ta’ monitoraġġ tal-politika tal-edukazzjoni.

Din ir-riforma għandha tinvolvi l-istabbiliment ta’ pjan ta’ ħidma b’indikaturi ewlenin tal-prestazzjoni u arranġamenti ta’ monitoraġġ relatati kif ukoll lista ta’ miżuri ta’ politika li għandhom jiġu evalwati kull sena, li jiffaċilitaw il-monitoraġġ tal-progress li jkun sar fl-implimentazzjoni tal-qafas tal-politika tal-edukazzjoni. Il-pjan ta’ ħidma għandu jiddeskrivi wkoll sistema komprensiva ta’ evalwazzjoni marbuta mal-proċessi ta’ evalwazzjoni interna tal-iskejjel u li tinvolvi lill-partijiet ikkonċernati rilevanti kollha, inkluż il-persunal tal-iskola. Hija tinkludi wkoll ir-reklutaġġ ta’ persunal ġdid għad-Direttorat tal-Monitoraġġ u tal-Evalwazzjoni tal-Politika li ġie stabbilit fi ħdan il-Ministeru responsabbli għall-Edukazzjoni. Is-sidien tal-politika għandhom jirrapportaw il-progress tagħhom fl-implimentazzjoni tal-miżuri speċifiċi skont il-pjan ta’ ħidma stabbilit fuq bażi ta’ kull xahar. Din l-informazzjoni għandha tiddaħħal fil-laqgħa ta’ kull tliet xhur tal-Bord ta’ Ġestjoni Strateġika tal-Ministeru għal diskussjoni li tiffaċilita l-proċess tal-implimentazzjoni tal-politika. Kull sena għandu jitħejja rapport intern dwar l-istatus tal-proċess ta’ implimentazzjoni tal-politika.

Ir-riforma għandha tiġi implimentata sal-31 ta’ Diċembru 2025.

Riforma C5-R5: It-tisħiħ tar-reżiljenza tas-suq tax-xogħol

L-għan ta’ din ir-riforma huwa li tivvaluta u timmonitorja perjodikament l-adegwatezza u l-kopertura tal-benefiċċji tal-qgħad f’Malta, biex issaħħaħ ir-reżiljenza tas-suq tax-xogħol kif ukoll biex ittejjeb l-ugwaljanza bejn il-ġeneri b’mod ġenerali.

Din ir-riforma għandha tinkludi studju li jivvaluta l-adegwatezza u l-kopertura tal-benefiċċji tal-qgħad u jirrakkomanda għażliet ta’ politika biex jinkisbu adegwatezza u kopertura aħjar tal-benefiċċji, kemm f’termini ta’ tul ta’ żmien kif ukoll ta’ aċċess effettiv, filwaqt li jissaħħaħ l-inċentiv għax-xogħol. B’kont meħud tar-rakkomandazzjonijiet tal-istudju, għandu jiġi varat proċess ta’ monitoraġġ sabiex perjodikament jittieħed kont tal-effettività tal-miżuri ta’ politika li jkunu fis-seħħ. L-ewwel rapport għandu jitlesta sa tmiem l-2024, u għandu jiffissa data għall-pubblikazzjoni tar-rapport li jkun imiss fi żmien ħames (5) snin.

Wara l-adozzjoni tal-Istrateġija dwar l-Impjiegi, ir-riforma għandha tinvolvi wkoll l-implimentazzjoni tal-Istrateġija dwar l-Impjiegi li tikkonċerna mill-inqas: (i) ħaddiema akbar fl-età (minn 55 sa 64 sena), b’mod partikolari l-attivazzjoni ta’ nisa akbar fl-età; (ii) adulti b’livell baxx ta’ ħiliet; u (iii) id-differenza bejn il-ġeneri fl-impjiegi.

Wara l-adozzjoni tal-Pjan ta’ Azzjoni tal-Istrateġija għall-Ugwaljanza bejn il-Ġeneri u l-Integrazzjoni, ir-riforma għandha tinkludi wkoll l-implimentazzjoni ta’ miżuri ewlenin tal-Pjan ta’ Azzjoni tal-Istrateġija għall-Ugwaljanza bejn il-Ġeneri u l-Integrazzjoni.

Ir-riforma għandha tiġi implimentata sal-31 ta’ Diċembru 2025.

Riforma C5-R6: Rieżami tas-sostenibbiltà u l-offerta tas-sistema tal-pensjonijiet ta’ Malta

L-għan ta’ din ir-riforma huwa li ttejjeb is-sostenibbiltà u l-adegwatezza fit-tul tas-sistema tal-pensjonijiet.

Din ir-riforma għandha tikkonsisti fil-pubblikazzjoni ta’ Pjan ta’ Azzjoni li jiddeskrivi l-proposti ta’ politika, inklużi bidliet leġiżlattivi fejn rilevanti, biex jittejbu s-sostenibbiltà u l-adegwatezza tas-sistema tal-pensjonijiet, bħala segwitu għar-Rapport ta’ Rieżami tal-Pensjonijiet li jivvaluta s-sistema tal-pensjonijiet attwali u jirrakkomanda azzjonijiet ta’ politika, u r-rispons ta’ wara l-konsultazzjoni.

Ir-riforma għandha tiġi implimentata sal-31 ta’ Diċembru 2022.

E.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju Importanti / Mira	Isem	Indikaturi kwalitattivi (għal stadji importanti)	Indikaturi kwantitattivi (għal miri)			Skeda ta’ żmien għat-tlestija		Deskrizzjoni ta’ kull stadju importanti u mira
					Unità tal-kejl	Linja bażi	Mira	Trimestru	Sena
5,1	C5.R.1	Mira	Għadd ta’ studenti imħarrġa fil-Programm ta’ Rkupru tal-Qari (RR)		Numru	0	1 000	Q4	2024	Total ta’ mill-inqas 1 000 student għandhom ikunu temmew b’suċċess il-Programm RR kif jixhed iċ-ċertifikati.
5,2	C5.R.1	Mira	Għalliema mħarrġa fil-Programm ta’ Rkupru tal-Qari (RR)		Numru	0	58	Q4	2023	58 għalliem għandhom jitħarrġu fil-Programm ta’ Rkupru tal-Qari (RR) kif jixhed iċ-ċertifikati.
5,3	C5.R.1	Stadju importanti	Implimentazzjoni ta’ miżuri inklużi fl-Istrateġija għall-Ħiliet Bażiċi	Wara l-adozzjoni tagħha, jiġu implimentati miżuri inklużi fl-Istrateġija għall-Ħiliet Bażiċi				Q4	2024	Wara l-adozzjoni tagħha, għandhom jiġu implimentati mill-inqas tliet (3) miżuri mill-erbgħa u għoxrin (24) miżura deskritti fl-Istrateġija għall-Ħiliet Bażiċi għal studenti ta’ kull età, inklużi: (i) L-introduzzjoni ta’ “Kontroll tal-Ħiliet” mid-Direttorat għar-Riċerka, it-Tagħlim tul il-Ħajja u l-Impjegabbiltà (DRLLE) fil-forma ta’ applikazzjoni elettronika u wkoll fuq is-sit web tad-Direttorat għall-awtokejl tal-livelli ta’ litteriżmu, numeriżmu u ħiliet diġitali (Il-Kontroll tal-Ħiliet għandu jkun rilevanti sal-livell 3 MQF (Malta Qualifications Framework)) bħala indikatur u assistenza biex tiġi pproġettata trajettorja edukattiva ulterjuri; (ii) taħriġ edukattiv fi speċjalizzazzjoni fil-pedagoġija tal-ħiliet bażiċi (mill-inqas 120 għalliema għandhom jiġu pprovduti b’taħriġ); kif ukoll (iii) mill-inqas erba’ (4) offerti ta’ gwida għall-karriera u ta’ taħriġ ġenerali għall-benesseri pprovduti mill-Università ta’ Malta, inkluż għal studenti b’ħiliet bażiċi li juru interess fit-titjib tal-livell tal-ħiliet tagħhom u li jixtiequ jingħaqdu f’kors mad-DRLLE.
5,4	C5.R.1	Stadju importanti	Sistema ġenerali ta’ traċċar tal-Proġett tal-Maħżen tad-Data / tluq bikri mill-iskola (ESL)	Sistema ġenerali ta’ traċċar tal-Proġett tal-Maħżen tad-Data / tluq bikri mill-iskola (ESL) tkun tlestiet u qed titħaddem				Q3	2024	Il-Maħżen tad-Data għandu jkun operattiv, b’aċċess għad-data għall-istituzzjonijiet li jaħdmu fuq il-monitoraġġ u l-gwida tal-politika. L-għan ewlieni ta’ dan il-proġett huwa li jiffoka fuq data tal-iskejjel tal-Istat bil-possibbiltà li tiġi inkluża wkoll data skolastika mhux statali, soġġett għall-kooperazzjoni tagħhom.
5,5	C5.R.2	Stadju importanti	Implimentazzjoni ta’ elementi inklużi fil-Pjan Direzzjonali dwar l-iżvilupp ta’ sistema ta’ gwida, il-bini tal-kapaċità għall-professjonisti tat-tagħlim għall-adulti u t-twaqqif ta’ networks ta’ gwida	Jiġu implimentati elementi inklużi fil-Pjan Direzzjonali dwar l-iżvilupp ta’ sistema ta’ gwida, il-bini tal-kapaċità għall-professjonisti tat-tagħlim għall-adulti u l-istabbiliment ta’ networks ta’ gwida				Q2	2023	Għandhom jiġu implimentati l-elementi li ġejjin inklużi fil-Pjan Direzzjonali dwar l-iżvilupp ta’ sistema ta’ gwida, inkluż il-bini tal-kapaċità għall-professjonisti tat-tagħlim għall-adulti u l-istabbiliment ta’ networks ta’ gwida: (i) Id-deżinjazzjoni ta’ ċentru nazzjonali, fejn kwalunkwe adult jista’ jitlob gwida għat-trajettorja lejn it-titjib tal-ħiliet u t-taħriġ mill-ġdid; (ii) Joffru l-possibbiltà li jkun hemm gwida dwar il-karriera u t-tagħlim fiċ-ċentri tat-tagħlim għall-adulti.
5,6	C5.R.2	Stadju importanti	Tnedija tal-Kulleġġ elettroniku	Il-Kulleġġ elettroniku huwa operattiv, inkluż unità ta’ gwida, hub u desk online				Q2	2022	Il-Kulleġġ elettroniku għandu jkun legalment u prattikament operattiv b’mill-inqas għaxar (10) korsijiet li jkopru oqsma ta’ suġġetti differenti. Il-Kulleġġ elettroniku għandu jkollu mill-inqas sistema ta’ ġestjoni tat-tagħlim, unità ta’ mentoraġġ u gwida, ċentru online u kowċijiet online li jassistu lill-istudenti.
5,7	C5.R.2	Mira	Studenti attratti lejn l-użu tal-pjattaforma l-ġdida tal-Kulleġġ elettroniku		Numru	0	4 800	Q4	2024	Mill-inqas 4 800 student għandhom ikunu qed jużaw is-servizzi pprovduti permezz tal-pjattaforma l-ġdida tal-Kulleġġ elettroniku. Il-grupp fil-mira huwa magħmul minn adulti minn sfondi soċjoekonomiċi differenti, li għandhom minn 15-il sena 'l fuq u li m’għandhomx kwalifiki tal-livell 3 tal-MQF (il-Qafas Malti tal-Kwalifiki) jew ogħla.
5,8	C5.R.3	Mira	It-twaqqif ta’ żewġ unitajiet tal-awtiżmu (spazji fiżiċi mgħammra b’tagħmir u persunal tal-edukazzjoni mħarreġ) fl-iskejjel tan-nofs		Numru	0	2	Q4	2021	Żewġ unitajiet tal-awtiżmu ġodda (spazji fiżiċi) jkunu tlestew u jitħaddmu. Dawn l-unitajiet għandhom ikunu disponibbli għall-użu tal-istudenti kif meħtieġ (kamra bajda - sodda tal-ilma u bubble tube). Massimu ta’ 16-il student jistgħu jibbenefikaw mill-ewwel żewġ Unitajiet tal-Awtiżmu stabbiliti. Żewġ (2) għalliema u sitt (6) Edukaturi tal-Appoġġ għat-Tagħlim għandhom jirċievu taħriġ addizzjonali fil-pedagoġija inklużiva u fit-twassil ta’ kurrikulu funzjonali b’mill-inqas għalliem wieħed (1) u żewġ (2) Edukaturi tal-Appoġġ għat-Tagħlim (LSEs) f’kull klassi. It-taħriġ tal-għalliema u tal-LSEs għandu jingħata internament minn prattikanti fis-Servizzi Nazzjonali ta’ Appoġġ għall-Iskejjel (NSSS).
5,9	C5.R.3	Mira	L-istabbiliment ta’ żewġ kmamar ġodda għat-tagħlim multisensorju (MSLR) (spazji fiżiċi mgħammra b’tagħmir u persunal tal-edukazzjoni mħarreġ) fil-kulleġġi		Numru	0	2	Q1	2022	Għandhom jitlestew u jitħaddmu żewġ kmamar ġodda għat-tagħlim multi-sensorju (MSLR). Tali kmamar għandhom ikunu disponibbli għall-użu tal-istudenti kif meħtieġ. Kamra waħda għandha tintuża bħala żona sensorja u għandha tinkludi elementi bħal: pixxina tal-blalen, trampolin, peanut ball; u oħra għandha tkun għal attività ġenerali u għandha tinkludi elementi bħal: kċina żgħira, żona tal-kompjuter u żona għall-kalma. Għandu jkun hemm mill-inqas għalliem wieħed f’kull klassi. It-taħriġ tal-għalliema għandu jingħata internament minn prattikanti fis-Servizzi Nazzjonali ta’ Appoġġ għall-Iskejjel (NSSS).
5,10	C5.R.3	Stadju importanti	Implimentazzjoni ta’ miżuri tal-Istrateġija tal-Politika Nazzjonali dwar l-Inklużjoni aġġornata	Wara l-adozzjoni tagħha, jiġu implimentati miżuri inklużi fl-Istrateġija tal-Politika Nazzjonali dwar l-Inklużjoni aġġornata				Q4	2025	L-implimentazzjoni ta’ mill-inqas għoxrin (20) miżura (li jammontaw għal mill-inqas 50 % tal-miżuri kollha) tal-Istrateġija tal-Politika Nazzjonali dwar l-Inklużjoni aġġornata li jwasslu għall-kisba ta’ miri intelliġenti identifikati fl-Istrateġija. Fost dawn il-miżuri hemm: (i) Jiġi żgurat li l-Pjanijiet ta’ Edukazzjoni Individwali (IEPs) annwali għall-istudenti bi bżonnijiet speċjali fl-iskejjel Statali kollha jkunu mfasslin sew biex jiġi ddeterminat il-mudell ta’ tagħlim f’qafas kurrikulari xieraq għall-età, li l-istruzzjoni pprovduta mill-edukaturi (għalliema/form teachers/delegati u Edukaturi ta’ Appoġġ għat-Tagħlim (LSEs, Learning Support Educators)) tindirizza l-ħtiġijiet tal-istudenti individwali, u li l-modifiki u l-akkomodazzjonijiet huma rrakkomandati sabiex l-istudenti jkollhom aċċess għall-programm ta’ tagħlim. Iridu jsiru rieżamijiet xierqa fl-aħħar ta’ kull sena skolastika. L-IEPs jiġu kkompilati mil-LSE f’kollaborazzjoni mal-għalliem. Il-Kapijiet tad-Dipartimenti (tal-Inklużjoni) jiżguraw u jimmonitorjaw li l-IEPs jissodisfaw il-kriterji tal-kwalità; (ii) Dħul fis-seħħ tal-obbligu għall-iskejjel kollha tal-Istat li jorganizzaw attivitajiet mill-inqas darba kull terminu li jirrikonoxxu u jiċċelebraw id-diversità u joħolqu sensibilizzazzjoni bħala miżura preventiva u proattiva kontra kwalunkwe forma ta’ bullying li jirriżulta minn nuqqas ta’ tolleranza. Mingħajr ma jkunu limitati għalihom, dawn jistgħu jinkludu suġġetti relatati mal-oriġini razzjali jew etnika, mar-reliġjon jew it-twemmin, mad-diżabbiltà, jew l-orjentazzjoni sesswali; kif ukoll (iii) Dħul fis-seħħ tal-obbligu li l-istqarrijiet tal-missjoni kollha tal-iskejjel tal-Istat jinkludu evidenza ta’ valuri ta’ diversità u inklużjoni li jagħtu importanza kbira lill-ekwità u eżiti mtejba għall-istudenti kollha.
5,11	C5.R.4	Stadju importanti	L-implimentazzjoni tal-pjan ta’ ħidma ta’ evalwazzjoni u monitoraġġ li għadu kif ġie introdott	L-ewwel pubblikazzjoni tar-rapport intern annwali dwar l-istatus tal-implimentazzjoni tal-pjan ta’ ħidma tal-evalwazzjoni u l-monitoraġġ				Q4	2025	Wara l-adozzjoni tal-pjan ta’ ħidma ta’ evalwazzjoni u monitoraġġ li jiddeskrivi l-indikaturi ewlenin tal-prestazzjoni u l-arranġamenti ta’ monitoraġġ relatati kif ukoll lista ta’ miżuri ta’ politika li jridu jiġu evalwati kull sena, is-sidien tal-politika għandhom jirrapportaw dwar il-progress tagħhom fl-implimentazzjoni tal-miżuri skont il-pjan ta’ ħidma fuq bażi ta’ kull xahar. Din l-informazzjoni għandha tiddaħħal fil-laqgħa ta’ kull tliet xhur tal-Bord ta’ Ġestjoni Strateġika tal-Ministeru għad-diskussjoni u l-iffaċilitar tal-proċess ta’ implimentazzjoni tal-politika. Kull sena għandu jitħejja rapport intern dwar l-istatus tal-proċess ta’ implimentazzjoni tal-politika. Dan għandu jkopri l-politiki kollha dwar l-edukazzjoni li ġew riveduti u jkopru l-perjodu 2021–2030. Għandhom jiġu ingaġġati żewġ uffiċjali biex jiffurmaw parti mid-Direttorat tal-Monitoraġġ u tal-Evalwazzjoni tal-Politika.
5,12	C5.R.5	Stadju importanti	Valutazzjoni tal-benefiċċji tal-qgħad	Pubblikazzjoni online ta’ studju dwar il-valutazzjoni tal-benefiċċji tal-qgħad				Q2	2022	Għandu jitlesta u jiġi ppubblikat studju li jivvaluta l-benefiċċji tal-qgħad f’Malta. L-istudju għandu jivvaluta s-sitwazzjoni u jagħmel rakkomandazzjonijiet konkreti u dettaljati lill-Gvern dwar kif itejjeb il-kopertura effettiva u jikseb adegwatezza aħjar tal-benefiċċji, kemm f’termini ta’ tul ta’ żmien kif ukoll ta’ aċċess effettiv, filwaqt li jsaħħaħ l-inċentiv għax-xogħol.
5,13	C5.R.5	Stadju importanti	Proċess ta’ monitoraġġ tal-isfidi u l-miżuri ta’ politika relatati mal-benefiċċji tal-qgħad	Pubblikazzjoni online tal-ewwel rapport ta’ monitoraġġ bl-informazzjoni statistika rilevanti				Q4	2024	Għandu jiġi varat proċess ta’ monitoraġġ b’informazzjoni statistika rilevanti sabiex perjodikament jittieħed kont tal-effettività tal-miżuri ta’ politika li jkunu fis-seħħ fir-rigward tal-benefiċċji tal-qgħad. L-ewwel rapport għandu jitlesta sa tmiem l-2024, u għandu jiffissa data għall-pubblikazzjoni tar-rapport li jkun imiss fi żmien ħames (5) snin.
5,14	C5.R.5	Stadju importanti	Implimentazzjoni ta’ miżuri fl-Istrateġija dwar l-Impjiegi li għadha kif ġiet adottata	Wara l-adozzjoni tal-Istrateġija dwar l-Impjiegi, jiġu implimentati miżuri li joħorġu mill-Istrateġija, inkluż id-dħul fis-seħħ tal-leġiżlazzjoni meta jkun rilevanti				Q3	2025	Wara l-adozzjoni tagħha, l-implimentazzjoni tal-miżuri fl-Istrateġija dwar l-Impjiegi li jikkonċernaw mill-inqas: (i) Ħaddiema akbar fl-età (minn 55 sa 64 sena), b’mod partikolari l-involviment ta’ nisa akbar fl-età; (ii) adulti b’livell baxx ta’ ħiliet; kif ukoll (iii) id-differenza bejn il-ġeneri fl-impjiegi.
5,15	C5.R.5	Stadju importanti	Implimentazzjoni tal-miżuri stabbiliti fil-Pjan ta’ Azzjoni tal-Istrateġija dwar l-Integrazzjoni u l-Ugwaljanza bejn il-Ġeneri li għadu kif ġie adottat	Wara l-adozzjoni tal-Pjan ta’ Azzjoni tal-Istrateġija dwar l-Integrazzjoni u l-Ugwaljanza bejn il-Ġeneri, jiġu implimentati miżuri li joħorġu mill-Pjan ta’ Azzjoni tal-Istrateġija				Q4	2025	L-implimentazzjoni tal-miżuri fil-Pjan ta’ Azzjoni tal-Istrateġija dwar l-Integrazzjoni u l-Ugwaljanza bejn il-Ġeneri li tikkonċerna mill-inqas dan li ġej: (i) Għandhom isiru emendi fil-leġiżlazzjoni f’każijiet/dispożizzjonijiet li jiddistingwu bla bżonn bejn l-irġiel u n-nisa; (ii) għandu jiġi implimentat programm ta’ taħriġ għall-persunal edukattiv (Senior Leadership Teams (SLT)) fl-iskejjel Statali obbligatorji kollha li jindirizza kwistjonijiet ta’ diskriminazzjoni bejn il-ġeneri u ta’ sterjotipi; kif ukoll (iii) għandu jiġi implimentat ġbir sistematiku ta’ data diżaggregata skont is-sessi biex jiġi appoġġat aktar approċċ għat-tfassil tal-politika bbażat fuq l-evidenza.
5,16	C5.R.6	Stadju importanti	Segwitu tar-Rapport ta’ Rieżami tal-Pensjonijiet bi proposti ta’ politika	Pubblikazzjoni online ta’ Pjan ta’ Azzjoni li jiddeskrivi l-proposti ta’ politiki, inklużi bidliet leġiżlattivi meta jkun rilevanti, bħala segwitu għar-Rapport ta’ Rieżami tal-Pensjonijiet u r-rispons ta’ wara l-konsultazzjoni				Q4	2022	Pubblikazzjoni ta’ Pjan ta’ Azzjoni li jiddeskrivi l-proposti ta’ politiki, inklużi bidliet leġiżlattivi meta jkun rilevanti, bħala segwitu għar-Rapport ta’ Rieżami tal-Pensjonijiet u r-rispons ta’ wara l-konsultazzjoni, bl-objettiv li jittejbu s-sostenibbiltà u l-adegwatezza fit-tul tas-sistema tal-pensjonijiet.

F. KOMPONENT 6: Tisħiħ tal-Qafas Istituzzjonali

Dan il-komponent tal-RRP Malti jindirizza għadd ta’ sfidi istituzzjonali u ta’ governanza fil-qasam tal-ġustizzja, il-ġlieda kontra l-korruzzjoni u l-ħasil tal-flus, u t-tassazzjoni. Dwar is-sistema ġudizzjarja, ġew identifikati dgħufijiet fir-rigward tal-indipendenza tal-ġudikatura, in-nuqqas ta’ servizz ta’ prosekuzzjoni separat mill-fergħa investigattiva, kif ukoll ineffiċjenzi. Id-diġitalizzazzjoni ulterjuri tas-sistema ġudizzjarja mistennija wkoll tikkontribwixxi biex jiġu indirizzati dawn l-ineffiċjenzi. Ġew identifikati wkoll sfidi fil-qafas ta’ governanza biex ikun hemm l-identifikazzjoni u l-prosekuzzjoni effettivi tal-korruzzjoni inkluż, fost l-oħrajn, difetti strutturali li pprevenew il-funzjonament indipendenti u effettiv tal-Kummissjoni Permanenti Kontra l-Korruzzjoni ta’ Malta. Fir-rigward tal-isfidi tal-ħasil tal-flus, l-isfidi huma relatati ma’ investigazzjoni u prosekuzzjoni dgħajfa ta’ każijiet ta’ ħasil tal-flus u reġim insuffiċjenti ta’ traċċar tal-assi u ta’ konfiska tar-rikavat mill-kriminalità. Is-sitwazzjoni hija aggravata mill-iskemi ta’ ċittadinanza u residenza ta’ Malta u tkabbir rapidu f’dawn l-aħħar snin ta’ attivitajiet orjentati internazzjonalment bħas-servizzi finanzjarji, l-assi virtwali u l-logħob tal-azzard mill-bogħod. Dwar it-tassazzjoni, in-nuqqas ta’ dispożizzjonijiet nazzjonali li jipprevedu t-tassazzjoni effettiva ta’ pagamenti ta’ dividendi, imgħax u royalties li jidħlu u joħorġu, l-iskemi ta’ ċittadinanza u ta’ residenza ta’ Malta, u n-nuqqas ta’ regoli tal-ipprezzar ta’ trasferiment jipprovdu lok għal prattiki ta’ ppjanar aggressiv tat-taxxa kemm għall-kumpaniji kif ukoll għall-individwi.

L-objettiv huwa li jittejbu l-kapaċità u l-governanza tas-sistema ġudizzjarja, jissaħħaħ il-qafas istituzzjonali għall-ġlieda kontra l-korruzzjoni, jissaħħaħ ir-reġim kontra l-ħasil tal-flus u jiġi indirizzat l-ippjanar aggressiv tat-taxxa. Bosta elementi ta’ dan il-komponent huma retroattivi, peress li diġà ġew implimentati parzjalment fl-2020 u fil-bidu tal-2021.

Ir-riformi biex titjieb is-sistema ġudizzjarja jinkludu bidliet fil-metodu tal-ħatra u t-tneħħija tal-ġudikatura filwaqt li tiġi vvalutata u implimentata wkoll l-azzjoni korrettiva meħtieġa biex tiġi żgurata l-indipendenza tat-tribunali speċjalizzati. Il-kapaċità tal-qafas istituzzjonali għall-ġlieda kontra l-korruzzjoni mistennija tissaħħaħ permezz tal-implimentazzjoni tal-elementi tal-bini tal-kapaċità tal-istrateġija nazzjonali kontra l-frodi u l-korruzzjoni, ir-riforma tal-uffiċċju għall-irkupru tal-assi u permezz ta’ riformi mmirati lejn korp importanti kontra l-korruzzjoni, jiġifieri l-Kummissjoni Permanenti Kontra l-Korruzzjoni (PCAC). Biex tissaħħaħ l-investigazzjoni ta’ reati kriminali, inklużi l-korruzzjoni u l-ħasil tal-flus, ir-riformi jinkludu proċedura ta’ ħatra ġdida għall-Kummissarju tal-Pulizija. Fil-qasam tal-prosekuzzjoni, il-komponent jipproponi l-ħolqien ta’ servizz ta’ prosekuzzjoni separat, filwaqt li jimplimenta wkoll rieżami ġudizzjarju ta’ deċiżjonijiet biex ma ssirx prosekuzzjoni mill-Avukat Ġenerali. F’dan il-komponent qed jitressqu wkoll miżuri biex jissaħħaħ ir-reġim għall-ġlieda kontra l-ħasil tal-flus u l-finanzjament tat-terroriżmu. Barra minn hekk, erba’ riformi jindirizzaw l-ippjanar aggressiv tat-taxxa (ATP), jiġifieri billi jillimitaw l-eżenzjoni mit-taxxa għal dividendi ġejjin minn pajjiżi elenkati fil-lista tal-“Grupp dwar il-Kodiċi ta’ Kondotta” ta’ ġuriżdizzjonijiet li ma jikkooperawx, jintroduċu leġiżlazzjoni dwar l-ipprezzar ta’ trasferiment, iwettqu studju segwit minn emendi leġiżlattivi dwar miżuri relatati ma’ pagamenti ta’dividendi, imgħax u royalties, li jidħlu u joħorġu, u finalment jiskambjaw b’mod spontanju informazzjoni dwar applikanti futuri li jirċievu ċittadinanza Maltija taħt l-iskema taċ-ċittadinanza mal-ġuriżdizzjonijiet tat-taxxa oriġinali tagħhom.

Dan il-komponent jinkludi wkoll investiment wieħed li għandu l-għan li jtejjeb il-kwalità u l-effiċjenza tas-sistema ġudizzjarja permezz tad-diġitalizzazzjoni tagħha.

Il-komponent jikkontribwixxi biex jiġu indirizzati r-rakkomandazzjonijiet speċifiċi għall-pajjiż relatati mal-indipendenza ġudizzjarja, il-ġlieda kontra l-ħasil tal-flus u l-ippjanar aggressiv tat-taxxa (ir-rakkomandazzjoni speċifika għall-pajjiż 4 tal-2020, (ir-rakkomandazzjonijiet speċifiċi għall-pajjiż 4 tal-2020, 2 tal-2019 u 3 tal-2022).

F.1. Deskrizzjoni tar-riformi u l-investimenti għall-appoġġ finanzjarju mhux ripagabbli

Riforma C6-R1: Riforma tal-metodu tal-ħatra u t-tkeċċija tal-ġudikatura

L-għan ta’ din il-miżura huwa li tissaħħaħ l-indipendenza tal-ġudikatura.

Ir-riforma għandha tikkonsisti fid-dħul fis-seħħ tal-Atti XLV u XLIII tal-2020 biex jipprevedu l-ħatra tal-Prim Imħallef bl-approvazzjoni ta’ żewġ terzi tal-Membri kollha tal-Kamra tar-Rappreżentanti filwaqt li tinbidel ukoll il-kompożizzjoni tal-Kumitat għall-Ħatriet fil-Ġudikatura (JAC) sabiex aktar minn nofs il-membri tiegħu jkunu membri tal-ġudikatura. Permezz ta’ din ir-riforma, is-sejħiet pubbliċi għall-pożizzjonijiet vakanti fil-ġudikatura għandhom jibdew ikunu possibbli anke meta persuni eliġibbli jkunu jistgħu jesprimu l-interess tagħhom quddiem il-JAC. Din il-proċedura ddaħħlet fis-seħħ għall-ħatra ta’ erba’ Mħallfin u erba’ Maġistrati fl-2021. Barra minn hekk, deċiżjonijiet dwar it-tneħħija mill-kariga ta’ mħallfin u maġistrati għandhom ikunu l-prerogattiva tal-Kummissjoni għall-Amministrazzjoni tal-Ġustizzja, b’maġġoranza magħmula minn membri tal-ġudikatura. Peress li l-metodu tal-ħatriet u l-governanza tat-tribunali speċjalizzati huwa differenti minn dak tal-ġudikatura ordinarja, għandu jsir ukoll rieżami tal-indipendenza tat-tribunali speċjalizzati b’komunikazzjoni mal-Kummissjoni ta’ Venezja tal-Kunsill tal-Ewropa. Ir-rapport għandu jinkludi (i) valutazzjoni tal-garanziji tal-indipendenza għall-ħatriet tal-membri ta’ dawk it-tribunali speċjalizzati, (ii) valutazzjoni tal-garanziji li jipprevedu li d-deċiżjonijiet tat-tribunali jiġu rieżaminati bis-sħiħ mill-qrati ordinarji tal-appell, u (iii) rakkomandazzjonijiet ta’ politika konkreti u preċiżi. L-emendi leġiżlattivi għandhom jiġu introdotti f’konformità mar-rakkomandazzjonijiet tal-istudju u wara li tiġi kkunsidrata kif xieraq l-opinjoni tal-Kummissjoni ta’ Venezja tal-Kunsill tal-Ewropa.

Din ir-riforma għandha tiġi implimentata sal-31 ta’ Marzu 2026.

Riforma C6-R2: Il-ħolqien ta’ servizz tal-prosekuzzjoni separat

L-għan ta’ din il-miżura huwa li tissaħħaħ il-funzjonalità tas-servizzi tal-prosekuzzjoni f’Malta.

Din ir-riforma għandha tibni fuq il-pass inizjali li ttieħed fl-2019, meta nħoloq l-Uffiċċju tal-Avukat tal-Istat biex jieħu f’idejh il-funzjonijiet mhux ta’ prosekuzzjoni tal-Avukat Ġenerali (AĠ), billi jimplimenta l-emendi legali meħtieġa u jħaddem it-trasferiment tal-prosekuzzjoni tal-każijiet serji kollha, jiġifieri li jkollhom sentenza ta’ aktar minn sentejn priġunerija (inkluż il-ħasil tal-flus u l-korruzzjoni), mingħand il-pulizija għal għand is-Servizz tal-Prosekuzzjoni (immexxi mill-AĠ). L-Att Nru XXVIII tal-2021 jiddelinea l-fatt li l-Avukat Ġenerali jista’, flimkien mal-Pulizija Eżekuttiva, imexxi l-prosekuzzjoni quddiem il-Qorti tal-Maġistrati, apparti li għandu l-kompetenza li jmexxi prosekuzzjoni quddiem il-Qorti Kriminali. Huwa jispjega wkoll il-proċedimenti mill-AĠ u l-Pulizija Eżekuttiva ex officio, quddiem il-Qorti tal-Maġistrati bħala Qorti ta’ ġudikatura kriminali. It-trasferiment ta’ każijiet serji għandu jsegwi tranżizzjoni gradwali li bdiet f’Ottubru 2020 u għandha titlesta għalkollox fl-2024 permezz ta’ kollaborazzjoni mill-qrib bejn il-pulizija u l-uffiċċju tal-AĠ u l-istabbiliment ta’ Proċeduri Operattivi Standard bejn iż-żewġ entitajiet. Ir-riforma għandha tiżgura wkoll li għandu jiġi reklutat il-persunal addizzjonali meħtieġ biex jassumi r-responsabbiltà akbar fl-uffiċċju tal-AĠ. Għandha ssir ukoll valutazzjoni indipendenti biex jitkejjel kif id-delitti inqas serji l-oħra kollha, li jistgħu jwasslu għal multa jew sentenza ta’ priġunerija ta’ inqas minn sentejn, għandhom jiġu ttrasferiti mill-forza tal-pulizija għall-uffiċċju tal-AĠ. L-emendi leġiżlattivi li jirriżultaw minn dan ir-rieżami għandhom jiġu implimentati wkoll.

Ir-riforma għandha tiġi implimentata sal-31 ta’ Marzu 2026.

Riforma C6-R3: It-tisħiħ tal-kapaċità tal-qafas istituzzjonali għall-ġlieda kontra l-korruzzjoni; Implimentazzjoni tal-Istrateġija Nazzjonali Kontra l-Frodi u l-Korruzzjoni (NAFCS)

L-għan ta’ din ir-riforma huwa li taġġorna l-Istrateġija Nazzjonali Kontra l-Frodi u l-Korruzzjoni tal-2008 (NAFCS), sabiex iżżid il-kapaċità, l-awtorità u r-responsabbiltà pubblika tal-istituzzjonijiet tal-Istat fdati b’funzjonijiet regolatorji u ta’ kontroll fir-rigward tal-ġestjoni tar-riżorsi pubbliċi, u biex timplimenta wħud mill-azzjonijiet identifikati mill-istrateġija.

L-istrateġija ppubblikata tippreżenta tlieta u għoxrin azzjoni maqsuma f’erba’ objettivi strateġiċi, jiġifieri (i) il-bini tal-kapaċità, (ii) l-istrateġija ta’ komunikazzjoni, (iii) il-massimizzazzjoni tal-kooperazzjoni nazzjonali, u (iv) il-massimizzazzjoni tal-kooperazzjoni tal-UE u dik internazzjonali. Ir-riforma għandha timplimenta tliet punti ta’ azzjoni, li jindirizzaw miżuri speċifiċi relatati mal-bini tal-kapaċità taħt l-objettiv. L-ewwel nett, f’konformità mal-punt ta’ azzjoni tlieta, għandha titħejja u tiġi ppubblikata valutazzjoni tar-riskju nazzjonali u strateġija ta’ segwitu dwar il-frodi u l-korruzzjoni bl-għan li jinżamm reġim effettiv ibbażat fuq ir-riskju biex jiġu miġġielda l-frodi u l-korruzzjoni, għandhom jiġu prijoritizzati u allokati r-riżorsi tas-settur pubbliku b’mod effiċjenti, għandhom jiġu megħjuna l-awtoritajiet nazzjonali fil-valutazzjoni tal-adegwatezza tal-kontrolli tagħhom u biex, meta jkun meħtieġ, isaħħuhom, u għandu jiġi aġġornat il-pjan ta’ azzjoni attwali. It-tieni, f’konformità mal-punt ta’ azzjoni sitta, għandhom jitfasslu u jingħataw żewġ korsijiet ta’ taħriġ immirati għall-uffiċjali fl-awtoritajiet nazzjonali, li jiġġieldu l-frodi u l-korruzzjoni. L-ewwel wieħed għandu jipprovdi korsijiet bażiċi għall-uffiċjali maħtura mill-awtoritajiet nazzjonali u t-tieni għandu jindirizza l-ħtiġijiet ta’ taħriġ tal-entitajiet ikkonċernati. Dawn jinkludu (a) id-Dipartiment tal-Awditjar Intern u l-Investigazzjonijiet, (b) l-Uffiċċju tal-Avukat Ġenerali, (c) l-Uffiċċju tal-Avukat tal-Istat, (d) l-Uffiċċju Nazzjonali tal-Awditjar, (e) il-Forza tal-Pulizija ta’ Malta, (f) id-Dipartiment tad-Dwana, (g) l-Awtoritajiet Maniġerjali tal-UE, (h) l-Unità tal-Analiżi tal-Intelligence Finanzjarja, (i) il-Kummissarju tat-Taxxi, (j) il-Ministeru għall-Familja, Drittijiet tat-Tfal u Solidarjetà Soċjali, (k). Dipartiment tal-Kuntratti, (l) Uffiċċju għall-Irkupru tal-Assi, u (m) l-Kummissjoni Permanenti Kontra l-Korruzzjoni. It-tielet, f’konformità mal-punti ta’ azzjoni 13 u 14, għandha titfassal u tinħoloq sistema ta’ repożitorju dokumentarju biex tissaħħaħ il-kollaborazzjoni bejn it-tlettax-il istituzzjoni li jiffurmaw parti mill-kumitat ta’ koordinazzjoni dwar il-ġlieda kontra l-korruzzjoni u l-frodi. Din is-sistema għandha (i) taħżen dokumenti elettroniċi, (ii) toffri aċċess ċentralizzat għad-dokumenti li jistgħu jinstabu faċilment mill-istituzzjonijiet li jiffurmaw parti mill-Kumitat ta’ koordinazzjoni, u (iii) tipprovdi s-sigurtà meħtieġa għal informazzjoni sensittiva. It-taħriġ previst taħt il-punt ta’ azzjoni sitta għandu jiżgura wkoll il-ħiliet meħtieġa fis-seħħ biex isir użu adegwat mis-sistema ta’ repożitorju dokumentarju. Ir-riforma għandha tiżgura wkoll il-ħolqien ta’ bażi tad-data dwar id-data tal-informaturi li għandha tkun operattiva u aċċessibbli mill-entitajiet kollha kontra l-korruzzjoni. Din għandha tinkludi data aġġornata regolarment dwar (i) l-għadd ta’ lmenti li jaslu; (ii) meta jaslu; (iii) meta jkunu ġew ittrattati; (iv) meta l-informatur jiġi infurmat bl-eżitu; (v) is-setturi rrappurtati. Filwaqt li dan mhuwiex wieħed mill-punti ta’ azzjoni tal-NAFCS, il-qasam tal-protezzjoni tal-informaturi huwa ta’ importanza kbira fil-ġlieda kontra l-frodi u l-korruzzjoni.

Ir-riforma għandha tiġi implimentata sal-31 ta’ Diċembru 2024.

Riforma C6-R4: Riforma tal-Kummissjoni Permanenti Kontra l-Korruzzjoni (PCAC)

L-objettiv tal-miżura huwa li tippermetti funzjonament aktar indipendenti u effettiv tal-Kummissjoni Permanenti Kontra l-Korruzzjoni (PCAC), permezz ta’ emendi legali, bini ta’ kapaċità u proċeduri operazzjonali msaħħin.

L-emendi legali għandhom ibiddlu l-mod kif jinħatru l-President u l-membri tal-Kummissjoni. Hija għandha temenda wkoll ir-rekord tar-rapportar tal-PCAC li r-rapporti tiegħu jiġu trażmessi direttament lill-Kap Prosekutur minflok lill-Ministru għall-Ġustizzja, kif kien isir qabel, u b’hekk jissaħħaħ il-funzjonament indipendenti tal-PCAC. Ir-riforma għandha tinkludi wkoll l-adozzjoni ta’ baġit ta’ tliet snin u pjan ta’ riżorsi umani biex tissaħħaħ il-kapaċità organizzattiva tal-PCAC, il-promulgazzjoni ta’ Proċeduri Operattivi Standard biex jgħinu lill-ħaddiema jwettqu operazzjonijiet ta’ rutina, u l-ħolqien ta’ reġistru diġitali ta’ każijiet ta’ informazzjoni miżmuma mill-PCAC li jkun aċċessibbli mill-istituzzjonijiet nazzjonali l-oħra kollha ta’ kontra l-korruzzjoni.

Ir-riforma għandha tiġi implimentata sal-31 ta’ Diċembru 2024.

Riforma C6-R5: Riforma tal-Uffiċċju għall-Irkupru tal-Assi

L-objettiv ta’ din il-miżura huwa li jiżdiedu s-setgħat u l-kapaċità tal-Uffiċċju għall-Irkupru tal-Assi sabiex jissaħħaħ ir-rwol tal-awtoritajiet tal-infurzar tal-liġi fil-ġlieda kontra l-ħasil tal-flus u l-kriminalità finanzjarja.

Ir-riforma għandha tikkonsisti fid-dħul fis-seħħ tal-Att dwar ir-Rikavat mill-Kriminalità (l-Att Nru V tal-2021), li jinkludi emendi leġiżlattivi biex tissaħħaħ l-indipendenza tal-Uffiċċju għall-Irkupru tal-Assi mill-gvern u biex l-Uffiċċju jintalab jistabbilixxi relazzjonijiet ma’ istituzzjonijiet ekwivalenti barra minn Malta. Ir-riforma għandha ssaħħaħ ukoll il-kapaċità tal-Uffiċċju billi timpjega persunal addizzjonali.

Ir-riforma għandha titlesta sal-31 ta’ Diċembru 2025.

Riforma C6-R6: Proċedura ġdida ta’ ħatra tal-Kummissarju tal-Pulizija

L-għan ta’ din il-miżura huwa li ssaħħaħ is-sistema ġudizzjarja, b’mod aktar speċifiku l-fergħa tal-investigazzjoni, billi tirriforma l-mod kif jinħatar il-Kummissarju tal-Pulizija.

Ir-riforma tikkonsisti fid-dħul fis-seħħ tal-Att XIX tal-2020 li jemenda l-Att dwar il-Pulizija (il-Kapitolu 164 tal-Liġijiet ta’ Malta) u l-Artikolu 92 tal-Kostituzzjoni biex jiġi stabbilit proċess trasparenti u kompetittiv ta’ ħatra għall-kariga ta’ Kummissarju tal-Pulizija. Skont il-proċess il-ġdid, il-Kummissjoni dwar is-Servizz Pubbliku għandha toħroġ sejħa pubblika għall-applikazzjonijiet, għandha tevalwa l-applikazzjonijiet sottomessi u mbagħad għandha tifformula lista mqassra li tindika l-aktar żewġ kandidati adattati. Il-Kummissjoni dwar is-Servizz Pubbliku għandha mbagħad tirreferi din il-lista mqassra lill-Kabinett tal-Ministri. Il-Kabinett għandu jikkunsidra ż-żewġ kandidati u mbagħad għandu jirreferi l-aktar kandidat adattat għal smigħ quddiem il-Kumitat Parlamentari dwar il-Ħatriet Pubbliċi. Jekk dan il-Kumitat jagħti parir favur il-ħatra tal-kandidat magħżul, il-Prim Ministru għandu jaħtar il-kandidat magħżul wara konsultazzjoni mal-Kummissjoni dwar is-Servizz Pubbliku.

Din hija miżura retroattiva li ġiet approvata mill-Parlament f’April 2020.

Riforma C6-R7: Implimentazzjoni tar-riforma li tikkonċerna r-rieżami ġudizzjarju ta’ deċiżjonijiet li ma ssirx prosekuzzjoni u deċiżjonijiet oħrajn tal-Avukat Ġenerali. Dan jinkludi l-assenjazzjoni tal-istatus ta’ parti offiża fil-liġi lil istituzzjonijiet speċifiċi meta jirrapportaw prattika korrotti

L-għan ta’ din ir-riforma huwa li ssaħħaħ il-prosekuzzjoni tal-kawżi billi tiżgura li d-deċiżjonijiet tal-Prosekutur Pubbliku, b’mod partikolari d-deċiżjoni li ma ssirx prosekuzzjoni, ikunu soġġetti għal rieżami ġudizzjarju.

L-ewwel parti ta’ din ir-riforma għandha tikkonsisti fid-dħul fis-seħħ tal-Att XLI tal-2020 biex ikun previst rieżami ġudizzjarju ta’ deċiżjonijiet mill-Avukat Ġenerali li ma ssirx prosekuzzjoni fuq il-bażi ta’ illegalità jew nuqqas ta’ raġonevolezza. Il-korpi responsabbli għar-rappurtar ta’ prattiki korrotti, inklużi l-Kummissjoni Permanenti Kontra l-Korruzzjoni (PCAC), l-Ombudsman, il-Kummissarju għall-Istandards tal-Ħajja Pubblika u l-Awditur Ġenerali kollha għandhom jingħataw l-istatus ta’ parti offiża fil-liġi. L-Att XLI tal-2020 għandu jippermetti li dawn l-istituzzjonijiet jitolbu rieżami ġudizzjarju biss f’dawk il-każijiet meta jkunu huma li talbu lill-Avukat Ġenerali jmexxi, bl-istess mod bħall-parti offiża.

It-tieni parti tar-riforma għandha tivvaluta, permezz ta’ rieżami indipendenti, l-effettività tad-dispożizzjoni legali introdotta bl-ewwel parti bil-ħsieb li jitwessa’ l-kamp ta’ applikazzjoni tagħha. Dan jippermetti li l-“partijiet offiżi” ta’ hawn fuq ikunu jistgħu jitolbu rieżami ġudizzjarju fuq il-każijiet kollha, mhux biss fuq dawk il-każijiet irrappurtati mill-partijiet ikkonċernati, iżda wkoll fuq dawk il-każijiet meta ma tkun saret l-ebda prosekuzzjoni fi żmien raġonevoli. L-emendi leġiżlattivi għandhom jiġu introdotti f’konformità mar-rakkomandazzjonijiet li joħorġu mir-rieżami.

Ir-riforma għandha tiġi implimentata sal-31 ta’ Marzu 2026.

Riforma C6-R8: It-tisħiħ tal-ġlieda kontra l-ħasil tal-flus/tal-ġlieda kontra l-finanzjament tat-terroriżmu/tas-sanzjonijiet finanzjarji mmirati (AML/CFT/TFS) ta’ Malta

L-objettiv ta’ din il-miżura huwa li jiġi żgurat qafas sostenibbli, proattiv, reattiv u effettiv kontra l-ħasil tal-flus li jista’ jirreaġixxi għar-riskji dejjem jinbidlu tal-ħasil tal-flus u tal-finanzjament tat-terroriżmu.

Ir-riforma għandha tikkonsisti fl-implimentazzjoni tal-istrateġija u l-pjan ta’ azzjoni nazzjonali għall-2021-2023 dwar il-ġlieda kontra l-ħasil tal-flus/il-ġlieda kontra l-finanzjament tat-terroriżmu/is-sanzjonijiet finanzjarji mmirati (AML/CFT/TFS), li tissostitwixxi l-Istrateġija implimentata għall-2017-2020. Ir-riforma għandha timplimenta l-azzjonijiet kollha, li jiffokaw fuq seba’ għanijiet ta’ politika ddefiniti fl-istrateġija u l-pjan ta’ azzjonali nazzjonali dwar l-AML/CMT/TFS għall-2021-2023.

Ir-riforma għandha tipprovdi wkoll taħriġ u sensibilizzazzjoni adegwati għall-membri rilevanti tal-NCC. Fl-aħħar nett, ir-riforma teħtieġ ukoll il-konklużjoni bil-miktub tal-FATF li Malta ma għadhiex soġġetta għall-proċess ta’ monitoraġġ akbar tal-FATF.

L-implimentazzjoni tar-riforma għandha titlesta sal-31 ta’ Diċembru 2023.

Riforma C6-R9: Ippjanar aggressiv tat-taxxa (ATP) - Grupp dwar il-Kodiċi ta’ Kondotta

L-objettiv ta’ dawn il-miżuri huwa li titneħħa l-possibbiltà li d-dividendi derivati minn korpi ta’ persuni residenti f’ġuriżdizzjonijiet elenkati fil-lista tal-Grupp dwar il-Kodiċi ta’ Kondotta ta’ ġuriżdizzjonijiet li ma jikkooperawx jiġu eżentati milli jiġu intaxxati Malta.

Ir-riforma għandha tabolixxi l-hekk imsejħa eżenzjoni tal-parteċipazzjonijiet li tippermetti li l-introjtu mid-dividendi jew il-qligħ kapitali derivat minn investiment ta’ parteċipazzjoni (normalment parteċipazzjoni azzjonarja ta’ ekwità ta’ mill-inqas 5 %) ikun eżentati mit-taxxa f’Malta. B’mod speċifiku, id-dividendi derivati mill-korp ta’ persuni residenti f’ġuriżdizzjonijiet li ġew elenkati fil-lista tal-“Grupp dwar il-Kodiċi ta’ Kondotta” ta’ ġuriżdizzjonijiet li ma jikkooperawx għal mill-inqas tliet xhur ma għandhomx jikkwalifikaw għal tali eżenzjoni. Biex tiġi applikata din id-dispożizzjoni l-ġdida, ir-riforma għandha żżid ukoll l-għadd ta’ investigaturi ddedikati għall-iskrutinju tad-dikjarazzjonijiet tal-kontribwenti.

Ir-riforma għandha tiġi implimentata sat-30 ta’ Settembru 2022.

Riforma C6-R10: Leġiżlazzjoni Speċifika dwar l-Ipprezzar tat-Trasferimenti

L-għan tal-miżura huwa li tipprevjeni t-telf ta’ dħul pubbliku permezz ta’ arbitraġġ internazzjonali tat-taxxa.

Ir-riforma għandha tintroduċi dispożizzjonijiet ta’ abilitazzjoni għal-leġiżlazzjoni dwar l-ipprezzar tat-trasferimenti fil-qafas leġiżlattiv ta’ Malta. Dawn għandhom ikunu segwiti minn proċess ta’ konsultazzjoni qabel ma jiġu proposti regoli speċifiċi dwar l-ipprezzar tat-trasferiment relatati mal-prinċipju ta’ distakkament u ftehimiet ta’ pprezzar avvanzati. Fl-aħħar nett, dawn ir-regoli speċifiċi għat-trasferiment dwar l-ipprezzar tat-trasferimenti għandhom jidħlu fis-seħħ. It-taħriġ tal-partijiet involuti (pereżempju prattikanti privati tat-taxxa u r-rappreżentanti tal-kumpaniji) għandu jitwettaq ukoll qabel mar-regoli jibdew japplikaw.

Ir-riforma għandha tiġi ffinalizzata sal-31 ta’ Diċembru 2023.

Riforma C6-R11: Studju dwar ir-rilevanza ta’ miżuri relatati ma’ pagamenti ta’ dividendi, imgħax u royalties li jidħlu u joħorġu

L-objettiv tal-miżura huwa li tipprovdi lill-gvern bi gwida għall-formulazzjoni ta’ politika biex jittaffew ir-riskji ta’ ppjanar aggressiv tat-taxxa fil-qasam ta’ pagamenti ta’ dividendi, imgħax u royalties li jidħlu u joħorġu.

Ir-riforma għandha tinkludi studju indipendenti li janalizza s-sitwazzjoni attwali u jipprovdi rakkomandazzjonijiet għall-miżuri legali meħtieġa biex jiġu indirizzati l-pagamenti ta’ dividendi, imgħax u royalties ħerġin u deħlin, bejn kumpaniji stabbiliti Malta u kumpaniji relatati stabbiliti f’ġuriżdizzjonijiet li jew jiffurmaw parti mil-lista tal-UE ta’ ġuriżdizzjonijiet li ma jikkooperawx jew li huma kkunsidrati bħala ġuriżdizzjonijiet b’rata żero tat-taxxa jew b’rata baxxa tat-taxxa. L-istudju għandu jinkludi proposti konkreti biex jissaħħu l-miżuri kontra l-Erożjoni tal-Bażi u t-Trasferiment tal-Profitti għall-prevenzjoni tal-frodi tat-taxxa u tal-evażjoni tat-taxxa u għall-promozzjoni tat-tassazzjoni ġusta. Il-gvern għandu jipprosegwi b’leġiżlazzjoni biex itaffi r-riskji identifikati mill-istudju.

Ir-riforma għandha tiġi implimentata sat-30 ta’ Settembru 2024.

Riforma C6-R12: Mitigazzjoni kontra r-riskji ta’ ATP minn individwi

L-objettiv tal-miżura huwa li jittaffew ir-riskji ta’ ppjanar aggressiv tat-taxxa li ġejjin mill-iskema ta’ ċittadinanza b’investiment.

Ir-riforma għandha timplimenta proċedura ta’ diliġenza dovuta biex tiddetermina l-ġuriżdizzjonijiet oriġinali tar-residenza tat-taxxa tal-applikanti għaċ-Ċittadinanza b’Naturalizzazzjoni għal Servizzi Eċċezzjonali b’Investiment Dirett u tinforma lill-awtoritajiet tat-taxxa bil-ġuriżdizzjonijiet oriġinali tar-residenza tat-taxxa tal-applikanti li jkunu qed jingħataw iċ-ċittadinanza Maltija. Id-dħul fis-seħħ tal-proċedura għandu jiġi ddeterminat mill-pubblikazzjoni tal-linji gwida u l-formoli ta’ applikazzjoni riveduti rispettivi.

Il-miżura għandha tiġi implimentata sal-31 ta’ Marzu 2022.

Investiment C6-I1: Diġitalizzazzjoni fis-sistema ġudizzjarja

L-għan ta’ din il-miżura huwa li l-amministrazzjoni tal-ġustizzja tkun iktar effiċjenti. L-investiment għandu l-għan li jimplimenta għadd ta’ soluzzjonijiet u għodod diġitali siguri biex jappoġġaw lill-utenti tas-settur tal-ġustizzja f’konformità mal-Istrateġija tal-Ġustizzja Diġitali. Il-partijiet ikkonċernati ewlenin huma l-Qrati tal-Ġustizzja, il-Korp tal-Pulizija ta’ Malta, l-Avukat tal-Istat, l-Avukat Ġenerali, l-Għajnuna Legali u l-Uffiċċju għall-Irkupru tal-Assi.

Bi tħejjija għan-nefqa tal-investiment, l-atti legali dwar id-diġitalizzazzjoni tal-qrati tal-ġustizzja għandhom jidħlu fis-seħħ biex ikun possibbli li l-proċedimenti ċivili jsiru permezz ta’ faċilitajiet tal-vidjokonferenzi diretti u li l-atti ġudizzjarji kriminali jiġu ppreżentati b’mod elettroniku. L-investiment imbagħad għandu jikkonsisti f’żewġ partijiet (a) immappjar u tfassil mill-ġdid tal-proċessi lejn proċessi diġitali minn tarf sa tarf, ġestjoni tal-proġetti, konsulenza legali u ġenerali u appoġġ għall-analiżi tal-ispejjeż u l-benefiċċji - dan ikopri r-rekwiżiti orizzontali biex jiġi appoġġat l-investiment inkluż is-software ta’ appoġġ kif ukoll is-servizzi ta’ esternalizzazzjoni biex jiġi garantit li jkunu żgurati riżorsi, ħiliet u għarfien espert adegwati; u (b) għadd ta’ soluzzjonijiet diġitali għas-sistema ġudizzjarja. Din tal-aħħar għandha tinkludi (i) soluzzjoni għall-integrazzjoni u l-interoperabbiltà fit-trasferiment ta’ każ diġitali, (ii) portal ġudizzjarju b’dashboards, (iii) Aġenzija tal-Qrati tal-Ġustizzja: laptops u stazzjonijiet tax-xogħol għal mobilità akbar tal-utenti, (iv) l-Aġenzija tal-Qrati tal-Ġustizzja: soluzzjoni ta’ seduti virtwali, (v) Aġenzija tal-Qrati tal-Ġustizzja: Wi-Fi, (vi) ċertifikati ta’ kondotta permezz ta’ Sistema Nazzjonali ta’ Informazzjoni ta’ Rekords Kriminali, (vii) integrazzjoni tal-pjattaforma tad-Dipartiment tal-Ġustizzja ta’ appoġġ għall-vittmi ma’ partijiet ikkonċernati nazzjonali, (viii) ċentru ta’ tagħlim elettroniku “I Belong” (Direttorat għad-Drittijiet tal-Bniedem), (ix) sistemi ta’ ġestjoni tal-każijiet tal-Avukat Ġenerali u l-Avukat tal-Istat, (x) sistema ta’ ġestjoni ta’ każijiet ta’ għajnuna legali, (xi) sistema tal-libertà tal-informazzjoni, (xii) sistema ta’ rkupru tal-assi, (xiii) soluzzjoni ta’ terminazzjoni tal-mandati tal-Nutar tal-Gvern, (xiv) sistema tas-sigurtà u ta’ televiżjoni b’ċirkwit magħluq integrat b’funzjonijiet avvanzati, (xv) tagħmir u software għall-kmamar tat-taħriġ u tal-konferenzi, (xvi) inizjattivi ta’ sperimentazzjoni u speċjalizzazzjoni li jikkomplementaw t-tagħmir addizzjonali tal-vidjokonferenzi u kwistjonijiet relatati mal-iskenjar possibbli.

L-investiment għandu jiġi implimentat sat-30 ta’ Ġunju 2026.

F.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju Importanti / Mira	Isem	Indikaturi kwalitattivi (għal stadji importanti)	Indikaturi kwantitattivi (għal miri)			Skeda ta’ żmien għat-tlestija		Deskrizzjoni ta’ kull stadju importanti u mira
					Unità tal-kejl	Linja bażi	Mira	Trimestru	Sena
6,1	C6.R.1	Stadju importanti	Dħul fis-seħħ tal-Att XLV tal-2020; u l-Att XLIII tal-2020	Dispożizzjoni fil-liġi li tindika d-dħul fis-seħħ tal-Att XLV tal-2020 u l-Att XLIII tal-2020				Q3	2020	Il-Kostituzzjoni ġiet emendata bl-għan li tipprevedi l-ħatra tal-Prim Imħallef bl-approvazzjoni ta’ żewġ terzi tal-Membri kollha tal-Kamra tar-Rappreżentanti; għal bidla fil-kompożizzjoni tal-Kumitat għall-Ħatriet Ġudizzjarji sabiex il-maġġoranza tal-membri tiegħu jkunu membri tal-ġudikatura; u biex tipprevedi l-ħruġ ta’ sejħiet pubbliċi għal pożizzjonijiet vakanti fil-ġudikatura. L-Att XLV tal-2020 jistabbilixxi proċedura ġdida li permezz tagħha l-membri tal-ġudikatura jkunu jistgħu jitneħħew mill-kariga jew jgħaddu minn proċeduri dixxiplinari.
6,2	C6.R.1	Mira	Membri addizzjonali tal-ġudikatura		Numru	42	47	Q2	2021	Wara l-adozzjoni tal-Att XLIII tal-2020, fit-12 ta’ Frar 2021 ġiet ippubblikata sejħa għall-applikazzjonijiet għall-ħatra ta’ erba’ mħallfin fil-Gazzetta tal-Gvern u nħatru fil-kariga f’nofs April 2021 u b’hekk kien hemm żieda ta’ tlieta fl-għadd ta’ Mħallfin. Barra minn hekk, is-sejħa għall-applikazzjonijiet għall-ħatra ta’ erba’ Maġistrati ġiet ippubblikata fl-20 ta’ April 2021 u dawn inħatru f’Ġunju 2021 u b’hekk kien hemm żieda ta’ tnejn fl-għadd ta’ Maġistrati. Dan jirriżulta f’żieda netta ta’ ħames membri tal-ġudikatura.
6,3	C6.R.1	Stadju importanti	Rieżami indipendenti tal-indipendenza tat-tribunali speċjalizzati	Pubblikazzjoni online ta’ rieżami indipendenti tat-tribunali speċjalizzati				Q4	2024	Għandu jiġi ingaġġat kuntrattur indipendenti permezz tal-proċeduri ta’ akkwist pubbliku, sabiex tiġi vvalutata l-indipendenza tat-tribunali speċjalizzati fil-livell nazzjonali. Din il-valutazzjoni għandha titwettaq f’komunikazzjoni mal-Kummissjoni ta’ Venezja tal-Kunsill tal-Ewropa.
6,4	C6.R.1	Stadju importanti	Dħul fis-seħħ ta’ bidliet leġiżlattivi meqjusa neċessarji mir-rieżami indipendenti tal-indipendenza tat-tribunali speċjalizzati	Dispożizzjoni fil-liġi li tindika d-dħul fis-seħħ tal-liġi li tintroduċi bidliet leġiżlattivi meqjusa neċessarji mir-rieżami indipendenti tat-tribunali speċjalizzati				Q1	2026	Il-bidliet leġiżlattivi għandhom jieħdu azzjoni korrettiva bbażata fuq ir-riżultanzi/rakkomandazzjonijiet magħmulin mir-rieżami indipendenti dwar l-indipendenza tat-tribunali speċjalizzati.
6,5	C6.R.2	Stadju importanti	Rieżami indipendenti dwar it-trasferiment ta’ kawżi sommarji mingħand il-Pulizija għal għand l-Uffiċċju tal-Avukat Ġenerali (AĠ)	Pubblikazzjoni online tas-sommarju eżekuttiv tar-rieżami indipendenti dwar it-trasferiment ta’ kawżi sommarji mingħand il-Pulizija għal għand l-Uffiċċju tal-AĠ				Q4	2024	Għandu jsir rieżami minn kuntrattur indipendenti dwar it-trasferiment tal-prosekuzzjoni ta’ reati inqas serji mingħand il-Pulizija għal għand l-Uffiċċju tal-Avukat Ġenerali, wara d-dħul fis-seħħ tar-Regolamenti tal-2020 dwar Prosekuzzjoni ta’ Reati (Dispożizzjonijiet Tranżitorji) (A.L. 378 tal-2020). Ir-rieżami għandu jifformula għażliet u rakkomandazzjonijiet ta’ politika għat-trasferiment tal-kawżi li jifdal (jiġifieri kawżi sommarji). Dan għandu jiġi kondiviż mal-Kummissjoni Ewropea.
6,6	C6.R.2	Stadju importanti	Id-dħul fis-seħħ tal-bidliet leġiżlattivi li jitqiesu li jkunu meħtieġa mir-rieżami indipendenti dwar it-trasferiment ta’ kawżi sommarji mingħand il-Pulizija għal għand l-Uffiċċju tal-AĠ	Id-dħul fis-seħħ tal-emendi legali li jitqiesu li jkunu meħtieġa mir-rieżami indipendenti dwar it-trasferiment ta’ kawżi sommarji mingħand il-Pulizija għal għand l-Uffiċċju tal-AĠ				Q1	2026	Il-bidliet leġiżlattivi għandhom ikunu bbażati fuq ir-riżultanzi/rakkomandazzjonijiet li jsiru mir-rieżami indipendenti dwar it-trasferiment ta’ kawżi sommarji mingħand il-Pulizija għal għand l-Uffiċċju tal-AĠ.
6,7	C6.R.2	Mira	Il-bini tal-kapaċità fl-Uffiċċju tal-AĠ		Numru	56	87	Q4	2022	Skont il-Pjan tar-Riżorsi Umani tal-Uffiċċju tal-Avukat Ġenerali (2021), sal-aħħar tal-2022 għandhom jiġu impjegati t-total ta’ 31 uffiċjal ġdid fl-Uffiċċju. Dawn għandhom jinkludu ż-żieda ta’ avukati ġodda, Prokuraturi Legali, maniġers - inklużi maniġers superjuri - uffiċjali tal-ICT, kif ukoll persunal amministrattiv u ta’ appoġġ ieħor.
6,8	C6.R.2	Stadju importanti	It-trasferiment tal-kawżi mhux sommarji kollha lill-Uffiċċju tal-AĠ	It-trasferiment tal-kawżi mhux sommarji kollha lill-Uffiċċju tal-AĠ				Q4	2024	Għandha titlesta t-tranżizzjoni gradwali li bdiet fl-2020 biex il-kawżi mhux sommarji kollha jiġu ttrasferiti mingħand il-korp tal-pulizija għal għand l-Uffiċċju tal-AĠ.
6,9	C6.R.2	Stadju importanti	Dħul fis-seħħ tal-Att Nru XXVIII tal-2021 intitolat Att li jemenda l-Kodiċi Kriminali (Emenda Nru 5)	Dispożizzjoni fil-liġi li tindika d-dħul fis-seħħ tal-Att Nru XXVIII tal-2021 intitolat Att li jemenda l-Kodiċi Kriminali (Emenda Nru 5)				Q2	2021	L-Att Nru XXVIII tal-2021 intitolat Att li jemenda l-Kodiċi Kriminali (Emenda Nru 5), li daħal fis-seħħ fl-4 ta’ Ġunju 2021, jipprevedi l-bidliet meħtieġa li jridu jsiru fil-Kodiċi Kriminali sabiex ikun hemm aktar ċarezza leġiżlattiva wara li l-prosekuzzjonijiet ta’ reati serji jittieħdu mill-Avukat Ġenerali.
6,10	C6.R.3	Stadju importanti	Aġġornament tal-Istrateġija Nazzjonali tal-2008 Kontra l-Frodi u l-Korruzzjoni	Pubblikazzjoni online tal-Istrateġija Nazzjonali Kontra l-Frodi u l-Korruzzjoni Aġġornata				Q2	2021	L-istrateġija Nazzjonali Kontra l-Frodi u l-Korruzzjoni għandha l-għan li tiżgura qafas normattiv, istituzzjonali u operazzjonali għall-ġlieda effettiva u effiċjenti kontra l-frodi u l-korruzzjoni f’Malta, u dan jirrifletti r-rekwiżiti lokali u l-obbligi internazzjonali. L-istrateġija aġġornata ġiet ippubblikata meta ġiet ippreżentata fil-Parlament fit-tieni kwart tal-2021.
6,11	C6.R.3	Stadju importanti	Valutazzjoni tar-Riskju Nazzjonali u strateġija ta’ segwitu dwar il-frodi u l-korruzzjoni.	Pubblikazzjoni online tal-Valutazzjoni tar-Riskju tal-Frodi Nazzjonali.				Q3	2022	F’konformità mal-Punt ta’ Azzjoni 3 tal-NAFCS, għandha ssir u tiġi ppubblikata Valutazzjoni tar-Riskju Nazzjonali (NRA) mill-Kumitat ta’ Koordinazzjoni stabbilit skont l-Att dwar Awditjar Intern u Investigazzjonijiet Finanzjarji (Kap. 461 tal-Liġijiet ta’ Malta). L-għan tal-NRA huwa li (i) jinżamm reġim effettiv ibbażat fuq ir-riskju biex jiġu miġġielda l-frodi u l-korruzzjoni; (ii) ir-riżorsi tas-settur pubbliku jingħataw prijorità u jiġu allokati b’mod effiċjenti; (iii) l-Awtoritajiet Nazzjonali jingħataw għajnuna biex jivvalutaw l-adegwatezza tal-kontrolli tagħhom u jsaħħuhom meta jkun meħtieġ; (iv) tiżdied is-sensibilizzazzjoni fost il-pubbliku ġenerali; u (v) jiġi aġġornat il-Pjan ta’ Azzjoni preżenti li huwa parti integrali mill-NAFCS.
6,12	C6.R.3	Mira	Żewġ programmi ta’ taħriġ għall-uffiċjali maħtura mill-Awtoritajiet Nazzjonali		Numru	0	52	Q1	2024	F’konformità mal-punt ta’ azzjoni 6 tal-NAFCS, mill-inqas żewġ parteċipanti minn 13-il istituzzjoni li jiffurmaw parti mill-Kumitat ta’ Koordinazzjoni għandhom jipparteċipaw f’kull wieħed miż-żewġ programmi ta’ taħriġ. L-ewwel taħriġ għandu jipprovdi korsijiet bażiċi għall-uffiċjali maħtura mill-Awtoritajiet Nazzjonali dwar l-isfond legali, it-tekniki ta’ investigazzjoni, l-intelligence, it-teknika analitika, il-kontabilità forensika u l-għodod tas-sistema ta' informazzjoni. Dawn il-korsijiet ta’ taħriġ għandhom jiffurmaw parti minn programm ta’ taħriġ li għandu jiġi konkluż fi żmien sena. It-tieni taħriġ għandu jkun ibbażat fuq analiżi tal-ħtiġijiet ta’ taħriġ.
6,13	C6.R.3	Stadju importanti	Sistema ta’ Repożitorju Dokumentarju Ċentrali	Sistema ta’ Repożitorju Dokumentarju Ċentrali aċċessibbli għall-istituzzjonijiet li jiffurmaw parti mill-Kumitat ta’ Koordinazzjoni				Q4	2024	F’konformità mal-punti ta’ azzjoni 13 u 14 tal-NAFCS, għandha tinħoloq sistema ċentrali ta’ repożitorju dokumentarju. Din għandha (i) taħżen dokumenti elettroniċi; (ii) toffri aċċess ċentralizzat għad-dokumenti li jistgħu jinstabu faċilment mill-istituzzjonijiet li jiffurmaw parti mill-Kumitat ta’ Koordinazzjoni stabbiliti f’konformità mal-Att dwar Awditjar Intern u Investigazzjonijiet Finanzjarji; u (iii) tipprovdi s-sigurtà meħtieġa għal informazzjoni sensittiva.
6,14	C6.R.3	Stadju importanti	Bażi tad-data li tiġbor id-data dwar l-iżvelar ta’ informazzjoni protetta	Bażi tad-data/repożitorju tad-data dwar l-iżvelar ta’ informazzjoni protetta operazzjonali u aċċessibbli mill-entitajiet kollha kontra l-korruzzjoni				Q4	2024	Id-data/l-istatistika trid tkun aċċessibbli billi tiġi ppubblikata informazzjoni regolari dwar (i) l-għadd ta’ lmenti li jaslu; (ii) meta jaslu; (iii) meta jkunu ġew ittrattati; (iv) meta l-informatur jiġi infurmat bl-eżitu; u (v) is-setturi rrappurtati.
6,15	C6.R.4	Stadju importanti	Dħul fis-seħħ tal-Att XLVI tal-2020	Dispożizzjoni fil-liġi li tindika d-dħul fis-seħħ tal-Att XLVI tal-2020				Q3	2020	L-Att XLVI tal-2020 jagħti aktar tisħiħ statutorju lill-Kummissjoni Permanenti Kontra l-Korruzzjoni. L-Att jispeċifika d-dispożizzjonijiet dwar kif jinħatru l-President u l-membri tal-Kummissjoni. L-Att jispeċifika li jekk fl-opinjoni tal-PCAC l-imġiba li tkun qed tiġi investigata tkun korrotta jew marbuta ma’ għal prattiki korrotti jew twassal għal prattiki korrotti, ir-rapport irid jintbagħat lill-Avukat Ġenerali.
6,16	C6.R.4	Stadju importanti	Pjanijiet Baġitarji u għar-Riżorsi Umani tal-PCAC	Implimentazzjoni tal-Pjanijiet Baġitarji għar-Riżorsi Umani				Q4	2024	Sal-31 ta’ Diċembru 2021, il-PCAC għandu jfassal pjan baġitarju kif ukoll Pjan għar-Riżorsi Umani għat-tliet snin li ġejjin, li jżid il-kapaċità tal-persunal. Il-pjan għandu jinkludi l-ħtiġijiet (baġit, operazzjonijiet, riżorsi umani) u jistabbilixxi kif jiġu ssodisfati l-ħtiġijiet. Il-pjan għandu jiġi implimentat sa Q4 2024.
6,17	C6.R.4	Stadju importanti	Il-ħolqien ta’ reġistru diġitali ta’ informazzjoni dwar każijiet ta’ korruzzjoni miżmum mill-PCAC	Ir-reġistru diġitali tal-PCAC dwar każijiet ta’ korruzzjoni operazzjonali				Q4	2024	Għandu jinħoloq reġistru diġitali biex tinġabar informazzjoni dwar każijiet ta’ korruzzjoni, azzjonijiet/proċeduri sabiex tissaħħaħ l-effiċjenza tal-operazzjonijiet tal-PCAC u biex tiġi appoġġata l-ħidma ta’ awtoritajiet pubbliċi oħrajn dwar kwistjonijiet li jaqgħu taħt il-mandat tal-PCAC.
6,18	C6.R.4	Stadju importanti	L-adozzjoni ta’ Proċedura Operattiva Standard interna mill-PCAC	Tapplika Proċedura Operattiva Standard Interna				Q4	2024	Proċedura Operattiva Standard Interna għandha tipprovdi sett ta’ struzzjonijiet pass pass biex tgħin lill-ħaddiema jwettqu operazzjonijiet ta’ rutina. Dan għandu jinkludi: (i) l-objettiv; (ii) leġiżlazzjoni, kamp ta’ applikazzjoni u applikabbiltà; (iii) id-dettalji ta’ politika; (iv) definizzjonijiet relatati mal-korruzzjoni, il-kollużjoni u l-protezzjoni tal-informaturi; (v) konformità mal-politika; (vi) żamma ta’ rekords/reġistru; (vii) proċeduri interni (fażijiet, kompetenza tal-uffiċċju, kooperazzjoni interistituzzjonali); u (viii) taħriġ u komunikazzjoni.
6,19	C6.R.5	Mira	Żieda fl-għadd ta’ persunal fl-Uffiċċju għall-Irkupru tal-Assi		Numru	0	27	Q4	2023	Total ta’ 27 uffiċjal (ekwivalenti għal full-time) għandhom jiġu reklutati fi ħdan l-Uffiċċju għall-Irkupru tal-Assi, inklużi uffiċjali tar-riċerka, uffiċjali fil-livell maniġerjali kif ukoll persunal amministrattiv u ta’ appoġġ.
6.19a	C6.R.5	Mira	Żieda fl-għadd ta’ persunal fl-Uffiċċju għall-Irkupru tal-Assi		Numru	27	34	Q4	2025	Għandhom jiġu reklutati seba’ uffiċjali addizzjonali (ekwivalenti għal full-time) fl-Uffiċċju għall-Irkupru tal-Assi.
6,20	C6.R.5	Stadju importanti	Dħul fis-seħħ tal-Att dwar ir-Rikavat tal-Kriminalità V tal-2021	Dispożizzjoni fil-liġi li tindika d-dħul fis-seħħ tal-Att V tal-2021 dwar ir-Rikavat tal-Kriminalità				Q1	2021	L-Att dwar ir-Rikavati tal-Kriminalità (Att Nru V tal-2021) jiddefinixxi mill-ġdid l-istruttura tal-Uffiċċju għall-Irkupru tal-Assi, filwaqt li jiddeskrivi r-relazzjoni tiegħu mal-Gvern u jsaħħaħ l-indipendenza tiegħu minnu.
6,21	C6.R.6	Stadju importanti	Dħul fis-seħħ tal-Att XIX tal-2020 li jemenda l-Att dwar il-Pulizija	Dispożizzjoni fil-liġi li tindika d-dħul fis-seħħ tal-Att XIX tal-2020 li jemenda l-Att dwar il-Pulizija				Q2	2020	L-Att XIX tal-2020 jemenda l-Att dwar il-Pulizija (il-Kapitolu 164 tal-Liġijiet ta’ Malta) u l-Artikolu 92 tal-Kostituzzjoni ta’ Malta biex jiġi stabbilit proċess trasparenti u kompetittiv ta’ ħatra għall-kariga ta’ Kummissarju tal-Pulizija.
6,22	C6.R.7	Stadju importanti	Dħul fis-seħħ tal-Att Nru XLI tal-2020 dwar ir-rieżami ġudizzjarju ta’ deċiżjonijiet li ma ssirx prosekuzzjoni mill-Avukat Ġenerali	Dħul fis-seħħ tal-Att Nru XLI tal-2020				Q3	2020	L-Att XLI tal-2020 jemenda l-Kostituzzjoni, il-Kodiċi Kriminali, u l-Kodiċi ta’ Organizzazzjoni u Proċedura Ċivili. Huwa jipprevedi rieżami ġudizzjarju tad-deċiżjonijiet tal-Avukat Ġenerali sabiex ma ssirx prosekuzzjoni fuq il-bażi ta’ illegalità jew ta’ nuqqas ta’ raġonevolezza. Il-Kummissjoni Permanenti Kontra l-Korruzzjoni (PCAC), l-Ombudsman, il-Kummissarju għall-Istandards tal-Ħajja Pubblika u l-Awditur Ġenerali kollha għandhom jingħataw l-istatus ta’ parti offiża fil-liġi. Dawn l-istituzzjonijiet jistgħu għalhekk jitolbu rieżami ġudizzjarju individwali biss f’każijiet meta jkunu huma li talbu lill-Avukat Ġenerali jmexxi, bl-istess mod bħall-parti offiża.
6,23	C6.R.7	Stadju importanti	Rieżami indipendenti tad-dispożizzjoni għall-partijiet offiżi (fl-Att XLI tal-2020) biex jappellaw id-deċiżjoni tal-Avukat Ġenerali li ma ssirx prosekuzzjoni.	Finalizzazzjoni tar-rieżami indipendenti tad-dispożizzjoni għall-partijiet offiżi (fl-Att XLI tal-2020) biex jappellaw id-deċiżjoni tal-Avukat Ġenerali li ma ssirx prosekuzzjoni				Q2	2024	Ir-rieżami kwalitattiv għandu jivvaluta l-implimentazzjoni tar-riforma tar-rieżami ġudizzjarju. Din għandha titwettaq minn kuntrattur indipendenti ingaġġat permezz ta’ proċedura ta’ akkwist pubbliku. Ir-rieżami għandu jivvaluta l-effetti tal-Att XLI tal-2020 u jekk appell kontra n-nuqqas ta’ prosekuzzjoni mill-AG jew mill-Pulizija għandux ikun possibbli wkoll meta ma jkunx hemm prosekuzzjoni fi żmien raġonevoli. Ir-rieżami għandu jivvaluta wkoll jekk il-“partijiet li ġarrbu l-ħsara” msemmija fl-Att XLI tal-2020 għandhomx ikunu jistgħu wkoll jappellaw kontra n-nonprosekuzzjoni fil-każijiet kollha u mhux biss meta jkunu rrappurtaw dawn l-atti lill-Avukat Ġenerali. L-istudju għandu jiġi kondiviż mal-Kummissjoni Ewropea.
6,24	C6.R.7	Stadju importanti	Dħul fis-seħħ ta’ bidliet leġiżlattivi li jemendaw ir-rieżami ġudizzjarju għal partijiet li ġarrbu ħsara biex jappellaw id-deċiżjoni tal-Avukat Ġenerali li ma ssirx prosekuzzjoni	Dħul fis-seħħ ta’ bidliet leġiżlattivi li jemendaw ir-rieżami ġudizzjarju għal partijiet li ġarrbu ħsara biex jappellaw id-deċiżjoni tal-Avukat Ġenerali li ma ssirx prosekuzzjoni				Q1	2026	Abbażi tas-sejbiet/rakkomandazzjonijiet tar-rieżami indipendenti tad-dispożizzjoni għal partijiet offiżi (fl-Att XLI tal-2020) biex jappellaw id-deċiżjoni tal-Avukat Ġenerali li ma ssirx prosekuzzjoni, l-emendi leġiżlattivi għandhom jidħlu fis-seħħ sabiex tiġi aġġustata l-possibbiltà li l-“partijiet offiżi” msemmija fl-Att XLI tal-2020 ikunu jistgħu: (i) jappellaw kontra n-nuqqas ta’ prosekuzzjoni mill-AĠ u mill-Pulizija meta ma jkunx hemm prosekuzzjoni fi żmien raġonevoli; (ii) jappellaw kontra n-nonprosekuzzjoni fil-każijiet kollha u mhux biss meta jkunu rrappurtaw dawn l-atti lill-Avukat Ġenerali.
6,25	C6.R.8	Stadju importanti	Implimentazzjoni kompluta tal-istrateġija u l-pjan ta’ azzjoni għall-2021–2023 tal-pjan ta’ azzjoni nazzjonali kontra l-ħasil tal-flus/il-ġlieda kontra l-finanzjament tat-terroriżmu/sanzjonijiet finanzjarji mmirati (AML/CFT/TFS)	Pubblikazzjoni online tar-rapport finali li juri li l-pjan ta’ azzjoni tal-istrateġija nazzjonali AML/CMT/TFS u l-pjan ta’ azzjoni għall-2021–2023 ġie implimentat bis-sħiħ				Q4	2023	L-azzjonijiet kollha skont is-seba’ Għanijiet ta’ Politika definiti fl-istrateġija nazzjonali tal-AML/CMT/TFS u l-pjan ta’ azzjoni għall-2021–2023 (inkluż iterazzjoni ġdida tal-valutazzjoni tar-riskju nazzjonali) ġew implimentati bis-sħiħ. Dan għandu jintwera f’rapport finali ippubblikat mill-Kumitat Nazzjonali ta’ Koordinazzjoni dwar il-Ġlieda Kontra l-Ħasil tal-Flus u l-Finanzjament tat-Terroriżmu (NCC) wara konsultazzjoni mal-partijiet ikkonċernati ewlenin. Il-partijiet ikkonċernati ewlenin għandhom jinkludu l-Ministeri responsabbli għall-Finanzi u l-Ġustizzja, l-Uffiċċju għall-Irkupru tal-Assi, il-Bank Ċentrali ta’ Malta, il-Kummissarju għad-Dħul, l-Unità tal-Analiżi tal-Intelligence Finanzjarja (FIAU), l-Awtorità għas-Servizzi Finanzjarji ta’ Malta (MFSA), l-Awtorità Maltija tal-Logħob tal-Azzard (MGA), il-Forza tal-Pulizija ta’ Malta u l-Avukat Ġenerali.
6,26	C6.R.8	Mira	Għadd ta’ taħriġ annwali ta’ AML/CFT		Numru	5	10	Q2	2022	10 taħriġiet tal-AML/CFT għandhom jiġi pprovduti fl-2021. Il-kontenut speċifiku tal-korsijiet għandu jiġi speċifikat abbażi tal-ħtiġijiet ta’ taħriġ identifikati mis-sottokumitat speċifiku tal-NCC li jikkoordina t-taħriġ u l-inizjattivi ta’ sensibilizzazzjoni tal-AML/CFT/CPF. It-taħriġ għandu jkun miftuħ b’mod partikolari għall-membri tal-istess sottokumitat. Il-membri ta’ dan is-sottokumitat huma: - Unità tal-Analiżi tal-Intelligence Finanzjarja (FIAU) - L-Awtorità għas-Servizzi Finanzjarji ta’ Malta (MFSA) - L-Awtorità Maltija tal-Logħob tal-Azzard (MGA) - Il-Korp tal-Pulizija ta’ Malta (MPF) - L-Uffiċċju tal-Avukat Ġenerali (AGO) - L-Uffiċċju tal-Kummissarju tat-Taxxi (OCfR) - Is-Servizzi tas-Sigurtà ta’ Malta (MSS) - Ir-Reġistru tan-Negozju ta’ Malta (MBR) - Id-Dipartiment tad-Dwana - L-Uffiċċju għall-Irkupru tal-Assi (ARB) - L-Uffiċċju tal-Kummissarju għall-Għaqdiet Volontarji (OCVO) - Bord għall-Monitoraġġ tas-Sanzjonijiet (SMB).
6,27	C6.R.8	Stadju importanti	Tneħħija tal-proċess ta’ monitoraġġ miżjud mill-FATF	Il-konklużjoni bil-miktub tal-FATF li Malta ma għadhiex soġġetta għall-proċess ta’ monitoraġġ akbar tal-FATF				Q4	2023	It-Task Force ta’ Azzjoni Finanzjarja (FATF) pprovdiet evalwazzjoni tal-qafas tal-AML ta’ Malta f’Ġunju 2021 u ħarġet pjan ta’ azzjoni. L-istadju importanti jirrikjedi l-konklużjoni bil-miktub tal-FATF li Malta ma għadhiex soġġetta għall-proċess ta’ monitoraġġ akbar tal-FATF.
6,28	C6.R.9	Stadju importanti	Id-dħul fis-seħħ ta’ dikjarazzjoni tat-taxxa korporattiva riveduta biex tinġabar informazzjoni dwar dividendi derivati minn korpi ta’ persuni residenti f’ġuriżdizzjonijiet elenkati fil-lista ta’ ġuriżdizzjonijiet li ma jikkooperawx tal-Grupp dwar il-Kodiċi tal-Kondotta.	Dħul fis-seħħ ta’ dikjarazzjoni tat-taxxa korporattiva riveduta				Q2	2022	Dħul fis-seħħ tad-dikjarazzjoni tat-taxxa korporattiva riveduta għas-sena fiskali 2021. Din hija miżura amministrattiva li permezz tagħha d-dikjarazzjoni tat-taxxa għandha titlob data relatata ma’ dividendi derivati minn korpi ta’ persuni residenti f’ġuriżdizzjonijiet elenkati fil-lista tal-Grupp dwar il-Kodiċi tal-Kondotta ta’ ġuriżdizzjonijiet li ma jikkooperawx.
6,29	C6.R.9	Mira	Assenjazzjoni ta’ persunal iddedikat għall-iskrutinju tal-kontribwenti f’dan il-qasam tat-tassazzjoni	Assenjazzjoni ta’ persunal iddedikat għall-iskrutinju tal-kontribwenti f’dan il-qasam tat-tassazzjoni	Numru	0	2	Q3	2022	Żewġ investigaturi huma assenjati biex jaħdmu full-time għall-iskrutinju tal-kontribwenti fir-rigward ta’ holdings f’korpi ta’ persuni residenti f’ġuriżdizzjonijiet elenkati fil-lista tal-Grupp dwar il-Kodiċi tal-Kondotta ta’ ġuriżdizzjonijiet li ma jikkooperawx.
6,30	C6.R.10	Stadju importanti	Dħul fis-seħħ tad-dispożizzjoni rilevanti ta’ abilitazzjoni għall-introduzzjoni ta’ regoli dwar l-ipprezzar ta’ trasferiment	Dispożizzjoni fil-liġi li tindika d-dħul fis-seħħ tad-dispożizzjoni rilevanti tad-dispożizzjoni għall-introduzzjoni ta’ regoli dwar l-ipprezzar ta’ trasferiment				Q2	2021	Id-dispożizzjonijiet legali (l-Att dwar l-Implimentazzjoni tal-Miżuri Baġitarji) meħtieġa għall-introduzzjoni tal-ipprezzar ta’ trasferiment huma promulgati u kompletament fis-seħħ.
6,31	C6.R.10	Stadju importanti	Konsultazzjoni mal-partijiet ikkonċernati u abbozzar ta’ regoli speċifiċi dwar l-ipprezzar tat-trasferimenti	Konsultazzjoni mal-partijiet ikkonċernati u abbozzar ta’ regoli speċifiċi dwar l-ipprezzar tat-trasferimenti kkompletati u l-abbozz ta’ avviż legali trażmess lill-Kabinett għall-approvazzjoni				Q2	2022	Il-konsultazzjoni mal-partijiet ikkonċernati tkun tlestiet. L-abbozz ta’ avviż legali dwar regoli speċifiċi dwar l-ipprezzar ta’ trasferiment huwa trażmess lill-Kabinett għall-approvazzjoni. Il-konsultazzjoni għandu jkollha l-għan li tikseb informazzjoni li għandha rilevanza għall-kamp ta’ applikazzjoni u l-proċedura relatata mal-ftehimiet antiċipati dwar il-prezzijiet. Il-partijiet ikkonċernati ewlenin għandhom ikunu magħmula minn korpi rappreżentattivi ta’ professjonisti li jittrattaw kwistjonijiet ta’ tassazzjoni u għandhom jinkludu kontabilisti, avukati u prattikanti tat-taxxa oħrajn.
6,32	C6.R.10	Stadju importanti	Dħul fis-seħħ ta’ regoli speċifiċi dwar l-ipprezzar tat-trasferimenti	Dħul fis-seħħ ta’ regoli speċifiċi dwar l-ipprezzar tat-trasferimenti				Q4	2022	Dħul fis-seħħ ta’ regoli speċifiċi relatati mal-prinċipju ta’ distakkament u ftehimiet ta’ pprezzar avvanzati. Dawn ir-regoli għandhom jibdew japplikaw mill-ewwel trimestru tal-2024.
6,33	C6.R.10	Mira	L-għoti ta’ kompiti u t-taħriġ tal-persunal mill-awtoritajiet tat-taxxa biex jispeċjalizzaw fl-applikazzjoni tar-regoli dwar l-ipprezzar ta’ trasferiment		Numru	2	8	Q2	2023	Sitt uffiċjali addizzjonali jingħataw il-kompitu li jaħdmu fuq l-ipprezzar ta’ trasferiment. It-tmien uffiċjali kollha li jaħdmu fuq l-applikazzjoni tar-regoli tal-ipprezzar ta’ trasferiment huma mħarrġa biex jaħdmu mal-Uffiċċju tal-Kummissarju għad-Dħul. Huwa previst li t-taħriġ għandu jieħu l-forma ta’ korsijiet li permezz tagħhom kull uffiċjal għandu jirċievi minimu ta’ 80 siegħa ta’ taħriġ dwar l-ipprezzar ta’ trasferiment.
6,34	C6.R.10	Mira	Avvenimenti ta’ taħriġ għall-prattikanti tat-taxxa u r-rappreżentanti tal-kumpaniji		Numru	0	2	Q4	2023	Għandhom jiġu pprovduti mill-inqas żewġ avvenimenti ta’ taħriġ li jkopru total ta’ 12 siegħa u għandhom ikopru suġġetti bħal, iżda mhux limitati għal, il-kamp ta’ applikazzjoni, il-Ftehimiet ta’ Prezzijiet bil-Quddiem u l-metodi tal-ipprezzar ta’ trasferiment. Udjenza fil-mira totali ta’ mill-inqas 250 prattikant tat-taxxa u rappreżentanti tal-kumpaniji huma mistiedna għal dawn l-avvenimenti.
6,35	C6.R.11	Stadju importanti	Studju dwar miżuri relatati ma’ pagamenti ta’ dividendi, imgħax u royalties li jidħlu u joħorġu	L-istudju sħiħ dwar il-miżuri relatati ma’ pagamenti ta’ dividendi, imgħax u royalties li jidħlu u joħorġu huwa kondiviż mal-Kummissjoni Ewropea				Q4	2022	L-istudju għandu jiġi pprovdut minn kuntrattur indipendenti involut permezz ta’ proċeduri ta’ akkwist pubbliku. L-istudju għandu janalizza s-sitwazzjoni attwali u jipprovdi rakkomandazzjonijiet għal miżuri legali meħtieġa biex jindirizzaw pagamenti ta’ dividendi, imgħax u royalties deħlin u ħerġin, bejn kumpaniji stabbiliti f’Malta u kumpaniji relatati stabbiliti f’ġuriżdizzjonijiet li jew jiffurmaw parti mil-lista tal-UE ta’ ġuriżdizzjonijiet li ma jikkooperawx jew li huma kkunsidrati bħala ġuriżdizzjonijiet b’taxxa żero jew b’taxxa baxxa. Ir-rakkomandazzjonijiet għandhom jipprovdu analiżi u proposti konkreti biex jissaħħu l-miżuri kontra l-Erożjoni tal-Bażi u t-Trasferiment tal-Profitt għall-prevenzjoni tal-frodi tat-taxxa u l-evażjoni tat-taxxa. Is-sommarju Eżekuttiv għandu jiġi ppubblikat fuq is-sit web tal-gvern u l-istudju sħiħ għandu jinqasam mal-Kummissjoni Ewropea.
6,36	C6.R.11	Stadju importanti	Dħul fis-seħħ ta’ leġiżlazzjoni relatata ma’ pagamenti li jidħlu u joħorġu	Dħul fis-seħħ ta’ leġiżlazzjoni relatata ma’ pagamenti li jidħlu u joħorġu				Q3	2024	Din il-leġiżlazzjoni għandha tiġi introdotta bl-għan li jitnaqqsu r-riskji identifikati mill-istudju dwar il-pagamenti li jidħlu u joħorġu (bħal dividendi, imgħax u royalties).
6,37	C6.R.12	Stadju importanti	Dħul fis-seħħ tal-iskambju spontanju ta’ informazzjoni (SEOI)	Pubblikazzjoni tal-linji gwida u tal-formoli tal-applikazzjoni li jeħtieġu skambju spontanju ta’ informazzjoni				Q1	2022	Id-dħul fis-seħħ ta’ mekkaniżmu ta’ skambju spontanju ta’ informazzjoni, fejn l-awtoritajiet tat-taxxa ta’ Malta jiskambjaw informazzjoni mal-ġuriżdizzjonijiet oriġinali tar-residenza tat-taxxa ta’ applikanti b’suċċess għaċ-Ċittadinanza b’Naturalizzazzjoni għal Servizzi Eċċezzjonali b’Investiment Dirett (Regolamenti dwar iċ-Ċittadinanza) li huma parti għall-Konvenzjoni tal-OECD dwar l-Assistenza Reċiproka fi Kwistjonijiet tat-Taxxa u f’ġuriżdizzjonijiet oħra li mhumiex parti għal din il-Konvenzjoni iżda li magħhom Malta għandha mekkaniżmu ta’ skambju bilaterali ta’ informazzjoni fis-seħħ, dwar persuni li għandhom jingħataw ċittadinanza skont din l-iskema fil-futur. Id-dħul fis-seħħ huwa ddeterminat mill-pubblikazzjoni tal-linji gwida u l-formoli ta’ applikazzjoni riveduti rispettivi.
6,38	C6.I.1	Stadju importanti	Dħul fis-seħħ ta’ (i) Att Nru LIII tal-2020 (Emenda Nru 2); u (ii) l-Att Nru III tal-2021 (Emenda Nru 2) dwar id-diġitalizzazzjoni tal-qrati.	Dħul fis-seħħ ta’ (i) Att Nru LIII tal-2020 (Emenda Nru 2) u (ii) Att Nru III tal-2021 (Emenda Nru 2) dwar id-diġitalizzazzjoni tal-Qrati tal-Liġi				Q1	2021	L-Att LIII tal-2020 (Emenda Nru 2) emenda l-Kodiċi ta’ Organizzazzjoni u Proċedura Ċivili u għamilha possibbli li l-proċedimenti ċivili jsiru permezz ta’ faċilitajiet ta’ vidjokonferenzi diretti. L-Att III tal-2021 (Emenda Nru 2) emenda l-Kodiċi Kriminali u għamilha possibbli li atti ġudizzjarji kriminali jiġu ppreżentati elettronikament.
6,39	C6.I.1	Mira	Nefqa mġarrba għad-diġitalizzazzjoni tas-sistema ġudizzjarja		EUR	0	2 000 000	Q4	2023	Mill-inqas EUR 2 000 000 tħallsu f’konformità mal-obbligi kuntrattwali fir-rigward tad-diġitalizzazzjoni tas-sistema tal-Ġustizzja.
6,40	C6.I.1	Stadju importanti	It-tnedija u d-disponibbiltà għall-utenti tal-għodod u s-sistemi żviluppati tal-IT	It-tnedija u d-disponibbiltà għall-utenti tal-għodod u s-sistemi żviluppati tal-IT				Q2	2026	L-iżvilupp tal-għodod u s-sistemi kollha tal-IT ikun tlesta, tnieda u sar kompletament disponibbli għall-partijiet ikkonċernati primarji.

G. Komponent 7: REPowerEU

Il-kapitolu REPowerEU jindirizza l-isfida tat-tnaqqis tad-dipendenza fuq il-fjuwils fossili. L-għanijiet tal-komponent huma li jiġi ffaċilitat l-użu ta’ sorsi tal-enerġija rinnovabbli u li tiżdied il-kapaċità tan-network ta’ distribuzzjoni tal-elettriku filwaqt li tingħata għajnuna biex jiġu integrati sorsi ta’ enerġija rinnovabbli.

L-investiment fit-tisħiħ u t-twessigħ tan-network tal-elettriku għandu dimensjoni transfruntiera, speċjalment fir-reġjun tal-Mediterran. L-investiment huwa mistenni li jippermetti li tinbena konnessjoni alimentatriċi mat-tieni interkonnettur tal-elettriku Malta-Italja, u b’hekk dan jikkontribwixxi għal suq komuni tal-enerġija aktar integrat, jiżgura l-provvista tal-enerġija fl-Unjoni kollha kemm hi u joħloq valur miżjud Ewropew.

Il-kapitolu REPowerEU jikkontribwixxi biex tiġi indirizzata r-Rakkomandazzjoni Speċifika għall-Pajjiż (ir-Rakkomandazzjoni Speċifika għall-Pajjiż 4 tal-2022) u b’mod partikolari, titnaqqas id-dipendenza ġenerali fuq il-fjuwils fossili billi jiġi aċċellerat l-użu ta’ sorsi ta’ enerġija rinnovabbli, jiġu promossi u ffaċilitati investimenti fl-enerġija eolika u solari, ikomplu jittejbu l-grilji tat-trażmissjoni u tad-distribuzzjoni tal-elettriku ta’ Malta, u jinħolqu inċentivi għall-ħżin tal-elettriku biex tiġi pprovduta enerġija affidabbli, flessibbli u li tirrispondi malajr.

Huwa mistenni li l-ebda miżura f’dan il-komponent ma tagħmel ħsara sinifikanti lill-objettivi ambjentali skont it-tifsira tal-Artikolu 17 tar-Regolament (UE) 2020/852, filwaqt li jitqiesu d-deskrizzjoni tal-miżuri u l-passi ta’ mitigazzjoni stabbiliti fil-pjan għall-irkupru u r-reżiljenza f’konformità mal-Gwida Teknika 'La tagħmilx ħsara sinifikanti' (2021/C58/01).

G.1. Deskrizzjoni tar-riformi u l-investimenti għall-appoġġ finanzjarju mhux ripagabbli

Riforma C7-R1: Rieżami tas-sistemi eżistenti tal-għoti tal-permessi biex jiġu ssimplifikati l-proċessi u jiġu aċċellerati l-proċeduri tal-għoti tal-permessi għall-proġetti tal-enerġija rinnovabbli

L-objettiv ta’ din ir-riforma huwa li tgħin biex jiġu aċċellerati l-proċeduri tal-għoti tal-permessi għal proġetti tal-enerġija rinnovabbli u tintroduċi l-obbligu li jiġu installati panelli solari fuq il-bjut fuq ċerti binjiet ġodda. Din ir-riforma għandha l-għan li żżid is-sehem tal-enerġija rinnovabbli fit-taħlita tal-enerġija ta’ Malta, u b’hekk tikkontribwixxi għat-tranżizzjoni ekoloġika.

Ir-riforma għandha tikkonsisti mir-rieżami tal-qafas tal-għoti tal-permessi u: (1) bidliet leġiżlattivi li jobbligaw l-installazzjoni ta’ pannelli solari fuq binjiet residenzjali u mhux residenzjali ġodda li jilħqu l-għoli massimu tagħhom stabbilit fil-Pjanijiet Lokali u fil-Politika, fil-Gwida u fl-Istandards ta’ Kontroll tal-Iżvilupp tad-Disinn (Anness 2) approvati mill-Awtorità tal-Ippjanar (ħlief għall-binjiet f’Żoni Urbani ta’ Konservazzjoni u l-binjiet ta’ wirt storiku); (2) il-pubblikazzjoni online ta’ skedi ta’ żmien imqassra vinkolanti għall-proċeduri tal-applikazzjoni u tal-għoti tal-permessi ta’ installazzjonijiet tal-enerġija rinnovabbli fuq is-serer; (3) il-pubblikazzjoni online ta’ skedi ta’ żmien imqassra vinkolanti għall-proċeduri tal-applikazzjoni u tal-għoti tal-permessi tal-proġetti tal-enerġija rinnovabbli.

Ir-riforma għandha tiġi implimentata sal-31 ta’ Diċembru 2024.

Investiment C7-I1: It-tisħiħ u t-twessigħ tan-network tad-distribuzzjoni tal-elettriku, permezz ta’ investimenti fil-grilja, fis-servizzi ta’ distribuzzjoni u l-ħżin fil-batteriji

L-objettiv ta’ dan l-investiment huwa li jsaħħaħ u jwessa’ n-network tad-distribuzzjoni tal-elettriku permezz ta’ investimenti fil-grilja, fis-servizzi ta’ distribuzzjoni u l-ħżin fil-batteriji. L-investiment għandu l-għan li jikkontribwixxi għall-indirizzar tal-konġestjonijiet fid-distribuzzjoni tat-trażmissjoni interna tal-elettriku, filwaqt li jiffaċilita l-integrazzjoni tal-enerġija rinnovabbli permezz ta’ grilja aktar xierqa.

L-investiment għandu jikkonsisti fil-bidu tat-tħaddim tal-faċilitajiet li ġejjin: 1) linja alimentatriċi (feeder line) ġdida ta’ 132 kV bejn il-Magħtab u l-Mosta, bi tħejjija għat-tieni interkonnettur ma’ Sqallija (l-Italja); 2) substazzjon primarju ġdid ta’ 33 kV/11kV fin-Naxxar; 3) substazzjon primarju ġdid ta’ 33 kV/11kV fis-Siggiewi; 4) aġġornament taċ-ċentru ta’ distribuzzjoni tal-Isptar 33 kV/11kV eżistenti fl-Imsida; 5) aġġornament taċ-ċentru ta’ distribuzzjoni eżistenti ta’ St. Andrew f’Pembroke; 6) 15-il substazzjon ġdid ta’ 11kV/415V u rinforz ta’ 15-il km; 7) tagħmir għall-ħżin fil-batteriji.

L-investiment għandu jiġi implimentat sat-30 ta’ Ġunju 2026.

G.2. Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju Importanti / Mira	Isem	Indikaturi kwalitattivi (għal stadji importanti)	Indikaturi kwantitattivi (għal miri)			Skeda ta’ żmien għat-tlestija		Deskrizzjoni ta’ kull stadju importanti u mira
					Unità tal-kejl	Linja bażi	Mira	Trimestru	Sena
7,1	C7.R1	Stadju importanti	Dħul fis-seħħ ta’ leġiżlazzjoni li tobbliga l-installazzjoni ta’ pannelli solari fuq ċerti binjiet ġodda	Dispożizzjoni fil-liġi li tindika d-dħul fis-seħħ ta’ leġiżlazzjoni li tobbliga l-installazzjoni ta’ pannelli solari fuq ċerti binjiet ġodda				Q2	2024	Il-qafas tal-permessi ġie rieżaminat u daħlu fis-seħħ leġiżlazzjoni u linji gwida għall-ippjanar li jobbligaw l-installazzjoni ta’ pannelli solari fuq binjiet residenzjali u mhux residenzjali ġodda li jilħqu l-għoli massimu permess tagħhom stabbilit fil-Pjanijiet Lokali u fil-Politika, fil-Gwida u fl-Istandards ta’ Kontroll tal-Iżvilupp tad-Disinn (Anness 2) approvati mill-Awtorità tal-Ippjanar (ħlief għall-binjiet f’Żoni ta’ Konservazzjoni Urbana u binjiet ta’ wirt storiku).
7,2	C7.R1	Stadju importanti	Il-pubblikazzjoni online ta’ skedi ta’ żmien imqassra għall-proċeduri tal-applikazzjoni u tal-għoti tal-permessi ta’ installazzjonijiet tal-enerġija rinnovabbli fuq is-serer	Il-pubblikazzjoni online ta’ skedi ta’ żmien imqassra għall-proċeduri tal-applikazzjoni u tal-għoti tal-permessi ta’ installazzjonijiet tal-enerġija rinnovabbli fuq is-serer				Q2	2024	Skedi ta’ żmien vinkolanti u mqassra għall-proċeduri tal-applikazzjoni u tal-għoti ta’ permessi ta’ installazzjonijiet tal-enerġija rinnovabbbli fuq is-serer huma ppubblikati fuq is-sit web tal-Awtorità tal-Ippjanar fuq il-bażi ta’ valutazzjoni mwettqa minn grupp ta’ esperti, inklużi rappreżentanti tal-entitajiet kollha involuti fl-għoti tal-permessi, li tivvaluta l-effiċjenza tal-proċeduri eżistenti u tipproponi rakkomandazzjonijiet għal riforma.
7,3	C7.R1	Stadju importanti	Il-Pubblikazzjoni online ta’ skedi ta’ żmien imqassra għall-proċeduri tal-applikazzjoni u tal-għoti tal-permessi tal-proġetti tal-enerġija rinnovabbli	Il-Pubblikazzjoni online ta’ skedi ta’ żmien imqassra għall-proċeduri tal-applikazzjoni u tal-għoti tal-permessi tal-proġetti tal-enerġija rinnovabbli				Q4	2024	Daħlu fis-seħħ u ġew ippubblikati skedi ta’ żmien vinkolanti u mqassra għall-proċeduri tal-applikazzjoni u tal-għoti tal-permessi ta’ proġetti tal-enerġija rinnovabbli fuq is-sit web tal-Awtorità tal-Ippjanar fuq il-bażi ta’ valutazzjoni mwettqa minn grupp ta’ esperti, inklużi rappreżentanti tal-entitajiet kollha involuti fl-għoti tal-permessi, li tivvaluta l-effiċjenza tal-proċeduri eżistenti u tipproponi rakkomandazzjonijiet għal riforma.
7,4	C7.I1	Stadju importanti	L-iffirmar ta’ kuntratti għal a) l-akkwist ta’ xogħlijiet/servizzi għat-tisħiħ u t-twessigħ tan-network tad-distribuzzjoni tal-elettriku permezz ta’ investiment fil-grilja, servizzi ta’ distribuzzjoni u b) id-disinn tal-ħżin fil-batteriji	L-iffirmar ta’ kuntratti għal a) l-akkwist ta’ xogħlijiet/servizzi għat-tisħiħ u t-twessigħ tan-network tad-distribuzzjoni tal-elettriku permezz ta’ investiment fil-grilja, servizzi ta’ distribuzzjoni u b) id-disinn ta’ faċilità għall-ħżin fil-batteriji ta’ mill-inqas 10MWh				Q4	2024	Kuntratti ffirmati għal: a)iI-kostruzzjonijiet tal-faċilitajiet li ġejjin: 1) linja alimentatriċi (feeder line) ġdida ta’ 132 kV bejn il-Magħtab u l-Mosta, bi tħejjija għat-tieni interkonnettur ma’ Sqallija (l-Italja); 2) substazzjon primarju ġdid ta’ 33 kV/11kV fin-Naxxar; 3) substazzjon primarju ġdid ta’ 33 kV/11kV fis-Siggiewi; 4) aġġornament taċ-Ċentru ta’ Distribuzzjoni tal-Isptar eżistenti ta’ 33 kV/11kV fl-Imsida; 5) titjib taċ-ċentru ta’ distribuzzjoni eżistenti ta’ St.Andrew f’Pembroke; 6) 15-il substazzjoni ġdid ta’ 11kV/415V u 15-il km ta’ rinforz; b)Id-disinn ta’ Faċilità għall-Ħżin tal-Batterji ta’ mill-inqas 10MWh.
7,5	C7.I1	Mira	Nefqa mġarrba b’rabta ma’ a) ix-xogħlijiet/servizzi għat-tisħiħ u t-twessigħ tan-network tad-distribuzzjoni tal-elettriku u b) tagħmir għall-ħżin fil-batteriji		EUR	0	19 000 000	Q3	2025	Ikun tħallas mill-inqas valur ta’ EUR 19 000 000 għal obbligi kuntrattwali relatati mal-faċilitajiet speċifikati fl-istadju importanti 7.4.
7,6	C7.I1	Stadju importanti	Il-bidu tat-tħaddim ta’ faċilitajiet li jsaħħu u jwessgħu n-network tad-distribuzzjoni tal-elettriku	Il-bidu tat-tħaddim ta’ faċilitajiet li jsaħħu u jwessgħu n-network tad-distribuzzjoni tal-elettriku				Q2	2026	Il-faċilitajiet li ġejjin għandhom jibdew joperaw: 1) linja alimentatriċi (feeder line) ġdida ta’ 132 kV bejn il-Magħtab u l-Mosta, bi tħejjija għat-tieni interkonnettur ma’ Sqallija (l-Italja); 2) substazzjon primarju ġdid ta’ 33 kV/11kV fin-Naxxar; 3) substazzjon primarju ġdid ta’ 33 kV/11kV fis-Siggiewi; 4) aġġornament taċ-Ċentru ta’ distribuzzjoni tal-isptar ta’ 33 kV/11kV fl-Imsida; 5) titjib fid-distribuzzjoni taċ-ċentru tad-distribuzzjoni ta’ St.Andrew f’Pembroke; 6) 15-il substazzjoni ġdid ta’ 11kV/415V u 15-il km ta’ rinforz; 7)Faċilità għall-Ħżin fil-Batteriji ta’ mill-inqas 10MWh.

2. Kost totali stmat tal-pjan għall-irkupru u r-reżiljenza

Il-kostijiet totali stmati tal-RRP modifikat inkluż il-kapitolu REPowerEU ta’ Malta huma ta’ EUR 336 319 658.

Il-kostijiet totali stmati tal-kapitolu REPowerEU huma ta’ EUR 69 955 027. B’mod partikolari, l-kostijiet totali stmati tal-miżuri msemmija fil-punt (a) tal-Artikolu 21c(3) tar-Regolament (UE) 2023/435 huma ta’ EUR 0 filwaqt li l-kostijiet tal-miżuri l-oħra fil-kapitolu tar-REPowerEU huma ta’ EUR 69 955 027.

TAQSIMA 2: APPOĠĠ FINANZJARJU

1.Kontribuzzjoni finanzjarja

Il-pagamenti msemmija fl-Artikolu 2(2) għandhom jiġu organizzati kif ġej:

1.1.L-Ewwel Pagament (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
1,1	C1.R.1	Stadju importanti	Dħul fis-seħħ tal-Att dwar l-Awtorità tal-Bini u l-Kostruzzjoni
1,5	C1.R.2	Stadju importanti	Dħul fis-seħħ tal-Att dwar il-Protezzjoni tal-Ambjent aġġornat
1,8	C1.R.2	Stadju importanti	Adozzjoni tal-Istrateġija dwar l-Iskart tal-Kostruzzjoni u d-Demolizzjoni għal Malta
1,22	C1.I.3	Stadju importanti	Awditjar tal-Prestazzjoni tal-Enerġija ta’ żewġ Skejjel Pubbliċi
2,1	C2.R.1	Stadju importanti	Stħarriġ Nazzjonali dwar l-Ivvjaġġar tal-Unitajiet Domestiċi
2,6	C2.R.4	Stadju importanti	Ftehim mal-Assoċjazzjoni tal-Kunsilli Lokali dwar iż-żoni ta’ riġenerazzjoni f’żoni urbani
2,9	C2.R.5	Mira	15-il faċilità tal-uffiċċju operattivi li jippermettu xogħol mill-bogħod għall-uffiċjali tas-servizz pubbliku madwar il-Gżejjer Maltin
3,3	C3.R.2	Stadju importanti	Adozzjoni tal-Istrateġija ta’ Speċjalizzazzjoni Intelliġenti ta’ Malta
5,8	C5.R.3	Mira	It-twaqqif ta’ żewġ unitajiet tal-awtiżmu (spazji fiżiċi mgħammra b’tagħmir u persunal tal-edukazzjoni mħarreġ) fl-iskejjel tan-nofs
6,1	C6.R.1	Stadju importanti	Dħul fis-seħħ tal-Att XLV tal-2020; u l-Att XLIII tal-2020
6,2	C6.R.1	Mira	Membri addizzjonali tal-ġudikatura
6,9	C6.R.2	Stadju importanti	Dħul fis-seħħ tal-Att Nru XXVIII tal-2021 intitolat Att li jemenda l-Kodiċi Kriminali (Emenda Nru 5)
6,10	C6.R.3	Stadju importanti	Aġġornament tal-Istrateġija Nazzjonali tal-2008 Kontra l-Frodi u l-Korruzzjoni
6,15	C6.R.4	Stadju importanti	Dħul fis-seħħ tal-Att XLVI tal-2020
6,20	C6.R.5	Stadju importanti	Dħul fis-seħħ tal-Att dwar ir-Rikavat tal-Kriminalità V tal-2021
6,21	C6.R.6	Stadju importanti	Dħul fis-seħħ tal-Att XIX tal-2020 li jemenda l-Att dwar il-Pulizija
6,22	C6.R.7	Stadju importanti	Dħul fis-seħħ tal-Att Nru XLI tal-2020 dwar ir-rieżami ġudizzjarju ta’ deċiżjonijiet li ma ssirx prosekuzzjoni mill-Avukat Ġenerali
6,30	C6.R.10	Stadju importanti	Dħul fis-seħħ tad-dispożizzjoni rilevanti ta’ abilitazzjoni għall-introduzzjoni ta’ regoli dwar l-ipprezzar ta’ trasferiment
6,38	C6.I.1	Stadju importanti	Dħul fis-seħħ ta’ (i) Att Nru LIII tal-2020 (Emenda Nru 2); u (ii) l-Att Nru III tal-2021 (Emenda Nru 2) dwar id-diġitalizzazzjoni tal-qrati
		Ammont ta’ Pagament	EUR 60 116 664

1.2.It-Tieni Pagament (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
1,3	C1.R.1	Stadju importanti	Taħriġ u ċertifikazzjoni ta’ professjonisti fl-industrija tal-kostruzzjoni
1,9	C1.R.2	Stadju importanti	Adozzjoni ta’ standards għall-Industrija tal-Kostruzzjoni
1,11	C1.R.2	Stadju importanti	Irkupru tal-iskart tal-kostruzzjoni u d-demolizzjoni bil-mili mill-ġdid tal-ispazji vojta (barrieri)
1,12	C1.R.2	Stadju importanti	It-twaqqif ta’ ħames korpi reġjonali muniċipali responsabbli għall-ġbir tal-iskart f’Malta u Għawdex
1,13	C1.R.2	Stadju importanti	Dħul fis-seħħ ta’ leġiżlazzjoni riveduta dwar il-materjal tal-imballaġġ biex tippermetti l-ġbir reġjonali tal-iskart mill-imballaġġ
1,17	C1.I.1	Stadju importanti	Tnedija ta’ sejħa għall-applikazzjonijiet għal għotjiet immirati għar-rinnovazzjoni tal-binjiet tas-settur privat
1,19	C1.I.2	Stadju importanti	Awditu tal-Prestazzjoni tal-Enerġija tal-Isptar Pubbliku ta’ Monte Carmeli
1,23	C1.I.3	Stadju importanti	Servizzi kuntrattati għar-rinnovazzjoni ta’ żewġ Skejjel Pubbliċi
1,25	C1.I.4	Stadju importanti	Servizzi kuntrattati għal xogħlijiet ta’ kostruzzjoni ta’ skola kważi newtrali f’termini ta’ emissjonijiet tal-karbonju
2,4	C2.R.3	Stadju importanti	Pubblikazzjoni tal-Pjan ta’ Mobilità Urbana Sostenibbli għar-Reġjun tal-Belt Valletta
2,8	C2.R.5	Stadju importanti	Pubblikazzjoni tal-Politika ta’ Xogħol mill-Bogħod għall-Impjegati tal-Gvern
2,15	C2.I.2	Stadju importanti	Sejħa miftuħa għall-applikazzjonijiet għal vetturi elettriċi u roti fis-settur privat, inkluża l-iskema tal-iskrappjar
2,20	C2.I.4	Stadju importanti	Memorandum ta’ Qbil għas-sostituzzjoni parzjali tal-flotta Maltija tat-trasport pubbliku
3,1	C3.R.1	Stadju importanti	Tnedija ta’ skema ta’ boroż ta’ studju għall-istudenti biex isiru professjonisti tal-ICT
3,10	C3.I.3	Mira	In-nefqa mġarrba b’rabta mal-post tax-xogħol diġitali modern u s-soluzzjonijiet biex titjieb l-esperjenza tal-klijenti avvanzati
3,14	C3.I.4	Stadju importanti	Tnedija tas-sejħiet għall-applikazzjonijiet
4,1	C4.R.1	Stadju importanti	Studju dwar l-ostakli u l-faċilitaturi għal integrazzjoni u benesseri aħjar tal-forza tax-xogħol barranija
4,5	C4.R.1	Stadju importanti	Rapport dwar il-prevalenza tal-obeżità fost dawk ta’ età ta’ bejn l-4 u l-5 snin fil-popolazzjoni Maltija
4,7	C4.R.2	Stadju importanti	Rieżami tal-qafas regolatorju relatat maċ-Ċentru tal-Bank tad-Demm, tat-Tessuti u taċ-Ċelloli
4,11	C4.I.2	Stadju importanti	Kuntratt iffirmat għall-akkwist ta’ soluzzjoni ta’ tagħmir tal-Aċċelleratur tar-Reżonanza Manjetika Lineari fiċ-Ċentru tal-Onkoloġija Sir Anthony Mamo
4,13	C4.I.2	Stadju importanti	Il-kuntratti kollha ffirmati għas-servizzi tal-patoloġija diġitali fid-dipartiment tal-istopatoloġija fl-isptar Mater Dei
5,6	C5.R.2	Stadju importanti	Tnedija tal-Kulleġġ elettroniku
5,9	C5.R.3	Mira	L-istabbiliment ta’ żewġ kmamar ġodda għat-tagħlim multisensorju (MSLR) (spazji fiżiċi mgħammra b’tagħmir u persunal tal-edukazzjoni mħarreġ) fil-kulleġġi
5,12	C5.R.5	Stadju importanti	Valutazzjoni tal-benefiċċji tal-qgħad
5,16	C5.R.6	Stadju importanti	Segwitu tar-Rapport ta’ Rieżami tal-Pensjonijiet bi proposti ta’ politika
6,7	C6.R.2	Mira	Il-bini tal-kapaċità fl-Uffiċċju tal-AĠ
6,11	C6.R.3	Stadju importanti	Valutazzjoni tar-Riskju Nazzjonali u strateġija ta’ segwitu dwar il-frodi u l-korruzzjoni
6,26	C6.R.8	Mira	Għadd ta’ taħriġ annwali ta’ AML/CFT
6,28	C6.R.9	Stadju importanti	Id-dħul fis-seħħ ta’ dikjarazzjoni tat-taxxa korporattiva riveduta biex tinġabar informazzjoni dwar dividendi derivati minn korpi ta’ persuni residenti f’ġuriżdizzjonijiet elenkati fil-lista ta’ ġuriżdizzjonijiet li ma jikkooperawx tal-Grupp dwar il-Kodiċi tal-Kondotta
6,29	C6.R.9	Mira	Assenjazzjoni ta’ persunal iddedikat għall-iskrutinju tal-kontribwenti f’dan il-qasam tat-tassazzjoni
6,31	C6.R.10	Stadju importanti	Konsultazzjoni mal-partijiet ikkonċernati u abbozzar ta’ regoli speċifiċi dwar l-ipprezzar tat-trasferimenti
6,32	C6.R.10	Stadju importanti	Dħul fis-seħħ ta’ regoli speċifiċi dwar l-ipprezzar tat-trasferimenti
6,35	C6.R.11	Stadju importanti	Studju dwar miżuri relatati ma’ pagamenti ta’ dividendi, imgħax u royalties li jidħlu u joħorġu
6,37	C6.R.12	Stadju importanti	Dħul fis-seħħ tal-iskambju spontanju ta’ informazzjoni (SEOI)
		Ammont ta’ Pagament	EUR 78 055 270

1.3.It-Tielet Pagament (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
1,2	C1.R.1	Stadju importanti	Awtorità tal-Bini u l-Kostruzzjoni mgħammra b’riżorsi
1,4	C1.R.1	Mira	Professjonisti fl-industrija tal-kostruzzjoni eliġibbli għal ċertifikat
1,10	C1.R.2	Stadju importanti	Dħul fis-seħħ ta’ qafas regolatorju ġdid għall-ġestjoni tal-iskart tal-kostruzzjoni u d-demolizzjoni
1,15	C1.I.1	Stadju importanti	Servizzi kuntrattati għar-rinnovazzjoni ta’ binjiet pubbliċi
1,24	C1.I.3	Mira	Tnaqqis fid-domanda għall-enerġija primarja f’żewġ Skejjel Pubbliċi
1,26	C1.I.4	Mira	Tlestiet il-kostruzzjoni ta’ skola newtrali f’termini ta’ emissjonijiet tal-karbonju
2,3	C2.R.2	Stadju importanti	Aċċess għal trasport pubbliku bit-triq skedat mingħajr ħlas għad-detenturi kollha ta’ Tallinja Card personalizzata
2,10	C2.R.6	Stadju importanti	Tlestija tal-istudju dwar it-titjib tal-ġestjoni tal-mobilità fis-servizz pubbliku Malti
2,16	C2.I.2	Mira	Numru ta’ għotjiet mogħtija għal vetturi elettriċi taħt l-iskema għas-settur privat
2,18	C2.I.3	Stadju importanti	Servizzi kuntrattati għall-provvista ta’ vetturi elettriċi għall-flotta tas-servizz pubbliku
3,2	C3.R.1	Mira	Individwi appoġġati biex itaffu d-distakk diġitali
3,5	C3.I.1	Mira	Żieda fiż-żmien operazzjonali tas-Sinsla Diġitali
4,2	C4.R.1	Stadju importanti	Għodda personalizzata għall-ippjanar tal-forza tax-xogħol
4,6	C4.R.1	Mira	Implimentazzjoni ta’ programm ta’ skrining ta’ smigħ neonatali
4,9	C4.I.1	Stadju importanti	Servizzi kuntrattati għall-kostruzzjoni ta’ Ċentru tad-Demm, tat-Tessuti u taċ-Ċelloli
4,12	C4.I.2	Stadju importanti	Tagħmir ta’ Aċċelleratur Lineari b’Reżonanza Manjetika operattiv u miftuħ għall-utenti
5,2	C5.R.1	Mira	Għalliema mħarrġa fil-Programm ta’ Rkupru tal-Qari (RR)
5,5	C5.R.2	Stadju importanti	Implimentazzjoni ta’ miżuri inklużi fil-Pjan Direzzjonali dwar l-iżvilupp ta’ sistema ta’ gwida, il-bini tal-kapaċità għall-professjonisti tat-tagħlim għall-adulti u t-twaqqif ta’ networks ta’ gwida
6,19	C6.R.5	Mira	Żieda fl-għadd ta’ persunal fl-Uffiċċju għall-Irkupru tal-Assi
6,25	C6.R.8	Stadju importanti	Implimentazzjoni kompluta tal-istrateġija u l-pjan ta’ azzjoni għall-2021–2023 tal-pjan ta’ azzjoni nazzjonali kontra l-ħasil tal-flus/il-ġlieda kontra l-finanzjament tat-terroriżmu/sanzjonijiet finanzjarji mmirati (AML/CFT/TFS)
6,27	C6.R.8	Stadju importanti	Tneħħija tal-proċess ta’ monitoraġġ miżjud mill-FATF
6,33	C6.R.10	Mira	L-għoti ta’ kompiti u t-taħriġ tal-persunal mill-awtoritajiet tat-taxxa biex jispeċjalizzaw fl-applikazzjoni tar-regoli dwar l-ipprezzar ta’ trasferiment
6,34	C6.R.10	Mira	Avvenimenti ta’ taħriġ għall-prattikanti tat-taxxa u r-rappreżentanti tal-kumpaniji
6,39	C6.I.1	Mira	Nefqa mġarrba għad-diġitalizzazzjoni tas-sistema ġudizzjarja
		Ammont ta’ Pagament	EUR 57 165 752

1.4.Ir-Raba’ Pagament (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
1,6	C1.R.2	Stadju importanti	Studju dwar il-fattibbiltà tal-espansjoni tal-obbligi ta’ Responsabbiltà Estiża tal-Produttur għal flussi addizzjonali ta’ skart
1,20	C1.I.2	Stadju importanti	Servizzi kuntrattati għar-rinnovazzjoni u l-modifika retroattiva tal-Isptar Pubbliku Monte Carmeli
1,27	C1.I.5	Mira	Installazzjoni ta’ infrastruttura fotovoltajka fi spazji pubbliċi miftuħa
2,17	C2.I.2	Mira	Numru ta’ għotjiet mogħtija għal vetturi elettriċi taħt l-iskema għas-settur privat
3,4	C3.R.2	Mira	Ġestjoni tal-kontijiet bejn l-aġenziji bejn Malta Enterprise u l-Kunsill Malti għax-Xjenza u t-Teknoloġija
3,7	C3.I.2	Mira	Diġitalizzazzjoni tal-fajls tal-Bastimenti
3,12	C3.I.3	Mira	Akkwist ta’ oġġetti addizzjonali ta’ hardware u software tal-IT
4,8	C4.R.2	Stadju importanti	Dħul fis-seħħ tal-qafas regolatorju rivedut relatat maċ-Ċentru tal-Bank tad-Demm, tat-Tessuti u taċ-Ċelloli
4,14	C4.I.2	Stadju importanti	Servizzi ta’ patoloġija diġitali pprovduti fid-dipartiment tal-istopatoloġija fl-isptar Mater Dei
5,1	C5.R.1	Mira	Għadd ta’ studenti imħarrġa fil-Programm ta’ Rkupru tal-Qari (RR)
5,3	C5.R.1	Stadju importanti	Implimentazzjoni ta’ miżuri inklużi fl-Istrateġija għall-Ħiliet Bażiċi
5,4	C5.R.1	Stadju importanti	Sistema ġenerali ta’ traċċar tal-Proġett tal-Maħżen tad-Data / tluq bikri mill-iskola (ESL)
5,7	C5.R.2	Mira	Studenti attratti lejn l-użu tal-pjattaforma l-ġdida tal-Kulleġġ elettroniku
5,13	C5.R.5	Stadju importanti	Proċess ta’ monitoraġġ tal-isfidi u l-miżuri ta’ politika relatati mal-benefiċċji tal-qgħad
6,3	C6.R.1	Stadju importanti	Rieżami indipendenti tal-indipendenza tat-tribunali speċjalizzati
6,5	C6.R.2	Stadju importanti	Rieżami indipendenti dwar it-trasferiment ta’ kawżi sommarji mingħand il-Pulizija għal għand l-Uffiċċju tal-Avukat Ġenerali (AĠ)
6,8	C6.R.2	Stadju importanti	It-trasferiment tal-kawżi mhux sommarji kollha lill-Uffiċċju tal-AĠ
6,12	C6.R.3	Mira	Żewġ programmi ta’ taħriġ għall-uffiċjali maħtura mill-Awtoritajiet Nazzjonali
6,13	C6.R.3	Stadju importanti	Sistema ta’ Repożitorju Dokumentarju Ċentrali
6,14	C6.R.3	Stadju importanti	Bażi tad-data li tiġbor id-data dwar l-iżvelar ta’ informazzjoni protetta
6,16	C6.R.4	Stadju importanti	Pjanijiet Baġitarji u għar-Riżorsi Umani tal-PCAC
6,17	C6.R.4	Stadju importanti	Il-ħolqien ta’ reġistru diġitali ta’ informazzjoni dwar każijiet ta’ korruzzjoni miżmum mill-PCAC
6,18	C6.R.4	Stadju importanti	L-adozzjoni ta’ Proċedura Operattiva Standard interna mill-PCAC
6,23	C6.R.7	Stadju importanti	Rieżami indipendenti tad-dispożizzjoni għall-partijiet offiżi (fl-Att XLI tal-2020) biex jappellaw id-deċiżjoni tal-Avukat Ġenerali li ma ssirx prosekuzzjoni
6,36	C6.R.11	Stadju importanti	Dħul fis-seħħ ta’ leġiżlazzjoni relatata ma’ pagamenti li jidħlu u joħorġu
7,1	C7.R.1	Stadju importanti	Dħul fis-seħħ ta’ leġiżlazzjoni li tobbliga l-installazzjoni ta’ pannelli solari fuq ċerti binjiet ġodda
7,2	C7.R.1	Stadju importanti	Il-pubblikazzjoni online ta’ skedi ta’ żmien imqassra għall-proċeduri tal-applikazzjoni u tal-għoti tal-permessi ta’ installazzjonijiet tal-enerġija rinnovabbli fuq is-serer
7,3	C7.R.1	Stadju importanti	Il-Pubblikazzjoni online ta’ skedi ta’ żmien imqassra għall-proċeduri tal-applikazzjoni u tal-għoti tal-permessi tal-proġetti tal-enerġija rinnovabbli
7,4	C7.I.1	Stadju importanti	L-iffirmar ta’ kuntratti għal a) l-akkwist ta’ xogħlijiet/servizzi għat-tisħiħ u t-twessigħ tan-network tad-distribuzzjoni tal-elettriku permezz ta’ investiment fil-grilja, servizzi ta’ distribuzzjoni u b) id-disinn tal-ħżin fil-batteriji
		Ammont ta’ Pagament	EUR 74 831 558

1.5.Il-Ħames Pagament (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
1,7	C1.R.2	Stadju importanti	Dħul fis-seħħ ta’ leġiżlazzjoni li tista’ titqies xierqa mill-istudju dwar il-fattibbiltà li jiġu mmirati flussi ġodda ta’ skart permezz ta’ Responsabbiltà Estiża tal-Produttur
1,16	C1.I.1	Mira	Binjiet pubbliċi rinnovati
1,18	C1.I.1	Mira	Binjiet tas-settur privat rinnovati
1,21	C1.I.2	Mira	Blokok tal-Isptar Monte Carmeli rinnovati
2,2	C2.R.1	Stadju importanti	Tlestija ta’ Kampanja ta’ Sensibilizzazzjoni dwar trasport sostenibbli b’livell żero u baxx ta’ karbonju
2,5	C2.R.3	Mira	Unitajiet Amministrattivi Lokali fir-Reġjun tal-Belt Valletta b’soluzzjonijiet ta’ mobilità urbana mtejba skont il-Pjan ta’ Mobilità Urbana Sostenibbli
2,7	C2.R.4	Mira	Żoni ta’ riġenerazzjoni maħluqa f’żoni urbani għal spazji miftuħa u mingħajr karozzi
2,11	C2.R.6	Mira	Żieda fil-mobilità kondiviża fis-servizz pubbliku
2,19	C2.I.3	Mira	Għadd ta’ vetturi elettriċi fil-flotta ta’ użu ġenerali tal-Gvern
2,21	C2.I.4	Mira	Karozzi tal-linja elettriċi operattivi b’emissjonijiet żero introdotti għas-sostituzzjoni parzjali tal-flotta tat-trasport pubbliku
3,6	C3.I.1	Stadju importanti	Livell imtejjeb fil-qafas taċ-ċibersigurtà tan-NIST
3,8	C3.I.2	Stadju importanti	It-tnedija u d-disponibbiltà għall-utenti tal-għodod u s-sistemi żviluppati tal-IT
3,9	C3.I.2	Mira	Għoti ta’ Taħriġ Tekniku lill-persunal
3,11	C3.I.3	Mira	Akkwist ta’ liċenzji addizzjonali tal-Microsoft 365 (jew ekwivalenti)
3,13	C3.I.3	Mira	Żieda fl-użu tas-servizzi online
3,15	C3.I.4	Mira	Impriżi appoġġati f’investimenti fid-diġitalizzazzjoni
4,3	C4.R.1	Stadju importanti	Rapportar dwar l-implimentazzjoni tal-miżuri u tqabbil tal-benesseri wara l-intervent meta mqabbel mal-valutazzjoni inizjali
4,4	C4.R.1	Mira	Titjib tal-benesseri rrappurtat ta’ ħaddiema barranin
4,10	C4.I.1	Stadju importanti	Ċentru tad-Demm, tat-Tessuti u taċ-Ċelloli miftuħ għall-utenti
5,10	C5.R.3	Stadju importanti	Implimentazzjoni ta’ miżuri tal-Istrateġija tal-Politika Nazzjonali dwar l-Inklużjoni aġġornata
5,11	C5.R.4	Stadju importanti	L-implimentazzjoni tal-pjan ta’ ħidma ta’ evalwazzjoni u monitoraġġ li għadu kif ġie introdott
5,14	C5.R.5	Stadju importanti	Implimentazzjoni ta’ miżuri fl-Istrateġija dwar l-Impjiegi li għadha kif ġiet adottata
5,15	C5.R.5	Stadju importanti	Implimentazzjoni tal-miżuri stabbiliti fil-Pjan ta’ Azzjoni tal-Istrateġija dwar l-Integrazzjoni u l-Ugwaljanza bejn il-Ġeneri li għadu kif ġie adottat
6,4	C6.R.1	Stadju importanti	Dħul fis-seħħ ta’ bidliet leġiżlattivi meqjusa neċessarji mir-rieżami indipendenti tal-indipendenza tat-tribunali speċjalizzati
6,6	C6.R.2	Stadju importanti	Id-dħul fis-seħħ tal-bidliet leġiżlattivi li jitqiesu li jkunu meħtieġa mir-rieżami indipendenti dwar it-trasferiment ta’ kawżi sommarji mingħand il-Pulizija għal għand l-Uffiċċju tal-AĠ
6.19a	C6.R.5	Mira	Żieda fl-għadd ta’ persunal fl-Uffiċċju għall-Irkupru tal-Assi
6,24	C6.R.7	Stadju importanti	Dħul fis-seħħ ta’ bidliet leġiżlattivi li jemendaw ir-rieżami ġudizzjarju għal partijiet li ġarrbu ħsara biex jappellaw id-deċiżjoni tal-Avukat Ġenerali li ma ssirx prosekuzzjoni
6,40	C6.I.1	Stadju importanti	It-tnedija u d-disponibbiltà għall-utenti tal-għodod u s-sistemi żviluppati tal-IT
7,5	C7.I.1	Mira	Nefqa mġarrba b’rabta max-xogħlijiet/servizzi għat-tisħiħ u t-twessigħ tan-network tad-distribuzzjoni tal-elettriku
7,6	C7.I.1	Stadju importanti	Il-bidu tat-tħaddim ta’ faċilitajiet li jsaħħu u jwessgħu n-network tad-distribuzzjoni tal-elettriku
		Ħlas parzjali Ammont	EUR 58 061 684

TAQSIMA 3: ARRANĠAMENTI ADDIZZJONALI

1.Arranġamenti għall-monitoraġġ u l-implimentazzjoni tal-pjan għall-irkupru u r-reżiljenza

Il-monitoraġġ u l-implimentazzjoni tal-RRP Malti għandhom isiru skont l-arranġamenti li ġejjin:

Il-Ministeru responsabbli għall-ġestjoni tal-fondi tal-UE huwa l-awtorità inkarigata mill-koordinazzjoni, il-ġestjoni u l-kontroll tal-proċess ta’ implimentazzjoni ġenerali tal-RRP. Hija għandha tiżgura r-rispett tar-regoli nazzjonali u tal-UE stabbiliti, tieħu miżuri biex tipprovdi kapaċità amministrattiva adegwata u twettaq l-attivitajiet meħtieġa ta’ konsultazzjoni, komunikazzjoni u informazzjoni relatati mar-Regolament (UE) 2021/241. Fi ħdan il-Ministeru responsabbli għall-ġestjoni tal-fondi tal-UE, id-Diviżjoni tal-Ippjanar u l-Koordinazzjoni tal-Prijoritajiet (PPCD) hija fdata bl-implimentazzjoni effettiva tal-RRP, b’mod partikolari bil-funzjoni identifikata fl-Artikolu 22(2) u (3) u għandha tieħu l-miżuri xierqa kollha biex tipproteġi l-interessi finanzjarji tal-Unjoni u biex tiżgura li l-użu tal-fondi fir-rigward tal-miżuri fl-RRP Malti jikkonforma mal-liġi applikabbli tal-UE u dik nazzjonali. Huwa għandu jkun responsabbli wkoll għat-tfassil u l-iffirmar ta’ dikjarazzjoni ta’ ġestjoni li takkumpanja t-talbiet għal pagament. L-istituzzjonijiet responsabbli involuti fl-eżekuzzjoni ta’ kull riforma u investiment għandhom jikkollaboraw fuq bażi regolari mal-Ministeru responsabbli għall-ġestjoni tal-fondi tal-UE. Id-dipartiment tal-Awditjar Intern u tal-Investigazzjonijiet inħatar bħala l-awtorità tal-awditjar għall-finijiet tal-RRP, bħala korp indipendenti. L-awtorità tal-awditjar għandha tkun responsabbli għat-tfassil u l-iffirmar tas-Sommarju tal-awditi li jakkumpanja t-talba għall-pagament. L-istrateġija tal-awtorità tal-awditjar tinkludi kemm awditi tas-sistema, li jiffukaw fuq is-sistema fis-seħħ għar-rappurtar tal-istadji importanti u l-miri, kif ukoll fuq is-sistema għall-prevenzjoni tal-identifikazzjoni u l-korrezzjoni ta’ irregolaritajiet serji, inkluża s-sistema tal-IT, kif ukoll ittestjar sostantiv ibbażat fuq kampjunar adegwat.

2.Arranġamenti għall-għoti ta’ aċċess sħiħ mill-Kummissjoni għad-data sottostanti

Il-Ministeru responsabbli għall-ġestjoni tal-Fondi tal-UE, bħala l-korp ċentrali ta’ koordinazzjoni għall-implimentazzjoni tal-RRP Malti huwa l-punt ta’ kuntatt għall-Kummissjoni. Huwa jaġixxi bħala korp ta’ koordinazzjoni għall-monitoraġġ tal-progress dwar l-istadji importanti u l-miri u jipprovdi l-arranġamenti kollha meħtieġa għall-preżentazzjoni tat-talbiet għall-pagament. Jikkoordina r-rapportar tal-istadji importanti u l-miri, l-indikaturi rilevanti, iżda wkoll informazzjoni finanzjarja kwalitattiva u data oħra, bħal dwar ir-riċevituri finali. Is-sistema ta’ ġestjoni u informazzjoni miżmuma mill-PPCD għandha tintuża biex tinġabar l-informazzjoni meħtieġa biex jiġi mmonitorjat iċ-ċiklu tal-ħajja sħiħ tar-riformi u l-investimenti, inklużi l-istadji importanti, il-miri u l-informazzjoni li tappoġġa l-monitoraġġ tal-implimentazzjoni finanzjarja tagħhom.

Skont l-Artikolu 24(2) tar-Regolament (UE) 2021/241, malli jitlestew l-istadji importanti u l-miri rilevanti maqbula fit-Taqsima 2.1 ta’ dan l-Anness, Malta għandha tressaq talba debitament ġustifikata għall-ħlas tal-kontribuzzjoni finanzjarja lill-Kummissjoni. Malta għandha tiżgura li, fuq talba, il-Kummissjoni jkollha aċċess sħiħ għad-data sottostanti rilevanti li tappoġġa l-ġustifikazzjoni dovuta tat-talba għal pagament, kemm għall-valutazzjoni tat-talba għal pagament skont l-Artikolu 24(3) tar-Regolament (UE) 2021/241 kif ukoll għal finijiet ta’ awditjar u kontroll.