IL-KUMMISSJONI EWROPEA

Brussell, 24.4.2025

COM(2025) 180 final

2025/0097(COD)

Pakkett dwar l-Affidabbiltà Stradali

Proposta għal

DIRETTIVA TAL-PARLAMENT EWROPEW U TAL-KUNSILL

li temenda d-Direttiva 2014/45/UE dwar testijiet perjodiċi tal-affidabbiltà stradali għal vetturi bil-mutur u t-trejlers tagħhom u d-Direttiva 2014/47/UE dwar l-ispezzjonijiet tekniċi waqt it-traġitt tal-affidabbiltà stradali ta’ vetturi kummerċjali li jiċċirkolaw fl-Unjoni

(Test b’rilevanza għaż-ŻEE)

{SEC(2025) 119 final} - {SWD(2025) 96 final} - {SWD(2025) 97 final} - {SWD(2025) 98 final} - {SWD(2025) 99 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

Dan il-memorandum ta’ spjegazzjoni jakkumpanja l-proposta għar-reviżjoni ta’ żewġ Direttivi:

(1)Id-Direttiva 2014/45/UE tal-Parlament Ewropew u tal-Kunsill dwar testijiet perjodiċi tal-affidabbiltà stradali għal vetturi bil-mutur u t-trejlers tagħhom 1 ;

(2)Id-Direttiva 2014/47/UE tal-Parlament Ewropew u tal-Kunsill dwar l-ispezzjonijiet tekniċi waqt it-traġitt tal-affidabbiltà stradali ta’ vetturi kummerċjali li jiċċirkolaw fl-Unjoni 2 .

It-trasport bit-triq għandu rwol vitali fil-konnessjoni bejn in-negozji u l-konsumaturi fl-UE, l-iffaċilitar tal-kummerċ u l-appoġġ għat-tkabbir ekonomiku u l-impjieg. Madankollu, huwa wkoll is-sors ta’ ċerti problemi, bħall-ħabtiet fit-toroq u t-tniġġis tal-arja.

Il-ħabtiet fit-toroq huma waħda mill-aktar konsegwenzi devastanti tat-trasport bit-triq, b’kostijiet sinifikanti għas-soċjetà. Il-kawżi ewlenin tal-ħabtiet fit-toroq huma l-veloċità eċċessiva, is-sewqan taħt l-influwenza tal-alkoħol jew tad-droga, id-distrazzjonijiet waqt is-sewqan, u diversi erruri tas-sewwieq (fosthom li jiġġudika sitwazzjoni b’mod ħażin jew li jsuq meta jkun għajjien). Kawżi oħra jinkludu l-istat jew id-disinn ħażin tal-infrastruttura (bħal uċuħ li jiżolqu, marki inadegwati u manutenzjoni ħażina) u difetti tal-vetturi. Minħabba r-regoli dwar l-approvazzjoni tat-tip tal-UE u sistema żviluppata sew ta’ spezzjonijiet tekniċi matul il-ħajja ta’ vettura, id-difetti tal-vetturi huma l-kawża ta’ perċentwal żgħir biss ta’ ħabtiet fit-toroq fl-UE. Madankollu, dan ifisser ukoll li għadhom iseħħu ħabtiet li jistgħu jiġu evitati kkawżati minn difetti tal-vetturi. L-approċċ ta’ Sistema Sikura jirrikjedi azzjoni fir-rigward ta’ dawn kollha, filwaqt li jirrikonoxxi li l-partijiet differenti tas-sistema kollha — inklużi l-utenti, il-vetturi, l-infrastruttura u r-reazzjoni f’każ ta’ emerġenza — jaħdmu flimkien b’mod ġenerali 3 .

L-emissjonijiet tas-sustanzi niġġiesa tal-arja mit-trasport bit-triq huma s-sors prinċipali tal-ossidi tan-nitroġenu (NOX), responsabbli għal 35,5 % tal-emissjonijiet fl-2021, u jammontaw għal sehem sinifikanti tal-emissjonijiet ta’ materja partikolata (PM, particulate matter) (8,1 % tal-PM2.5 u 9,5 % tal-emissjonijiet ta’ PM10) 4 . B’mod partikolari fl-ibliet, dawn il-perċentwali huma mistennija jkunu saħansitra ogħla u jwasslu għal esponiment għoli għal dawn is-sustanzi niġġiesa mit-trasport bit-triq. Ġie stmat li fl-2018, sa 70 000 mewta prematura fl-UE kienu attribwiti għall-emissjonijiet tat-trasport bit-triq 5 . Biex jitnaqqsu dawn l-emissjonijiet, fid-Direttiva (UE) 2024/2881 6  ġew stabbiliti regoli riveduti dwar il-kwalità tal-arja ambjentali u arja aktar nadifa għall-Ewropa. Id-Direttiva għandha l-għan li tpoġġi lill-UE fit-triq biex tikseb tniġġis żero għall-arja sa mhux aktar tard mill-2050 filwaqt li tallinja l-istandards tal-kwalità tal-arja aktar mill-qrib mal-linji gwida tal-Organizzazzjoni Dinjija tas-Saħħa, li jirrikjedu miżuri aktar stretti biex jitnaqqsu l-emissjonijiet fis-sors tagħhom.

Din l-inizjattiva hija msejsa fuq il-pakkett dwar l-affidabbiltà stradali (RWP, Roadworthiness Package) tal-2014, li huwa magħmul mit-tliet direttivi li ġejjin. 

·Id-Direttiva 2014/45/UE dwar testijiet perjodiċi tal-affidabbiltà stradali tirrikjedi li l-vetturi tat-trasport bit-triq jiġu ttestjati perjodikament biex tiġi żgurata l-konformità ma’ sett ta’ rekwiżiti minimi. Din tapplika għall-karozzi, il-vannijiet, it-trakkijiet, ix-xarabanks, it-trejlers tqal, it-tratturi aktar veloċi, u minn Jannar 2022, għall-vetturi kollha b’żewġ roti bi tlieta u l-kwadriċikli akbar. 

·Id-Direttiva 2014/47/UE dwar l-ispezzjonijiet tekniċi waqt it-traġitt tikkomplementa d-Direttiva 2014/45/UE billi tirrikjedi li l-Istati Membri jwettqu spezzjonijiet waqt it-traġitt ta’ vetturi tqal tal-passiġġieri u tal-merkanzija u t-trejlers tagħhom. 

·Id-Direttiva 2014/46/UE 7 dwar id-dokumenti ta’ reġistrazzjoni għall-vetturi tipprevedi r-reġistrazzjoni elettronika tad-data tal-vetturi kollha rreġistrati f’kull Stat Membru u proċeduri armonizzati għas-sospensjoni tar-reġistrazzjoni ta’ vettura.

L-RWP tal-2014 jikkomplementa r-rekwiżiti tas-sikurezza u dawk ambjentali li l-vetturi jridu jissodisfaw biex ikunu jistgħu jiċċirkolaw fit-toroq tal-UE, jiġifieri r-regolamenti rispettivi tal-approvazzjoni tat-tip 8 tal-UE għall-vetturi bil-mutur. Dawn ir-regolamenti jistabbilixxu wkoll ir-rekwiżiti tas-sorveljanza tas-suq għall-vetturi bil-mutur. Madankollu, l-enfasi tal-RWP huwa differenti. Filwaqt li d-dispożizzjonijiet tas-sorveljanza tas-suq għandhom l-għan li jiżguraw li l-vetturi jkomplu jissodisfaw ir-rekwiżiti tal-approvazzjoni tat-tip tagħhom meta jiġu introdotti fis-suq u għal perjodu limitat 9 wara dan u jiffukaw fuq ir-responsabbiltajiet tal-manifattur, l-RWP jiffoka fuq l-iżgurar li l-istandards minimi jinżammu mis-sidien matul il-ħajja ta’ vettura. Barra minn hekk, filwaqt li s-sorveljanza tas-suq tirrikjedi l-ittestjar ta’ għadd limitat ta’ vetturi għal kull mudell, l-ispezzjonijiet tekniċi perjodiċi (PTIs, periodical technical inspections) japplikaw għal kważi l-vetturi rreġistrati kollha. Għalhekk, l-RWP jikkomplementa l-leġiżlazzjoni dwar is-sorveljanza tas-suq fl-iżgurar tas-sikurezza fit-toroq u l-prestazzjoni ambjentali tal-vetturi matul il-ħajja tagħhom.

Flimkien mal-RWP tal-2014 u l-adozzjoni ta’ leġiżlazzjoni relatata oħra tal-UE minn dak iż-żmien ’l hawn, kien hemm titjib fit-teknoloġija tal-vetturi, inklużi sistemi avvanzati ta’ assistenza u ta’ assistenza għas-sewwieq intelliġenti f’vetturi ġodda. Madankollu, minkejja dan il-progress, il-vetturi mhux sikuri għadhom jiċċirkolaw fit-toroq tal-UE, u jikkontribwixxu għal ħabtiet, jew bħala l-kawża ewlenija jew bħala fattur ta’ kontribuzzjoni. Xi vetturi mhux sikuri jiġu identifikati fil-PTIs jew fl-ispezzjonijiet waqt it-traġitt (RSIs, roadside inspections), jiġifieri vetturi b’nuqqasijiet kbar jew perikolużi. Oħrajn ma jistgħux jiġu identifikati minħabba li l-PTIs jew l-RSIs ma jistgħux jidentifikawhom jew minħabba li mhumiex soġġetti għall-ittestjar. Dawn is-sitwazzjonijiet jinkludu vetturi b’karatteristiċi ta’ sikurezza mbagħbsa u vetturi b’merkanzija li tkun intrabtet b’mod mhux xieraq.

Problema oħra hija l-kontrolli insuffiċjenti fuq l-emissjonijiet tas-sustanzi niġġiesa tal-arja u tal-istorbju tal-vetturi. Uħud mit-testijiet użati fil-PTIs tal-lum ma għadhomx sensittivi biżżejjed biex jidentifikaw il-fallimenti relatati mal-emissjonijiet tal-vetturi moderni, u l-proċeduri attwali tal-ittestjar mhumiex adattati biex jilħqu l-għanijiet ta’ politika tal-UE għat-tniġġis tal-arja u l-istorbju. Il-kejl tal-emissjonijiet NOX jew tal-valuri tan-numru ta’ partikoli (PN, particle number) għal karozzi ġodda għadu mhux kopert mill-RWP attwali, u bħalissa ma hemm l-ebda regola tal-UE dwar l-ittestjar ta’ jekk il-vetturi jkunux ġew imbagħbsa jew ikollhomx sistemi ta’ posttrattament tal-NOX difettużi jew ta’ filtri tal-partikoli tad-diżil. Minħabba dawn in-nuqqasijiet, il-kontribuzzjoni tal-RWP għat-tnaqqis tal-għadd ta’ vetturi b’emissjonijiet għoljin sar inqas effettiv.

Barra minn hekk, id-Direttivi 2014/45/UE u 2014/47/UE mhumiex effettivi biex jgħinu fl-infurzar tar-regoli dwar it-traffiku transfruntier tal-UE u l-kummerċ fil-vetturi.

Għalkemm dawn id-Direttivi ġew kemxejn emendati permezz ta’ atti delegati 10 biex jiġu allinjati ma’ kategoriji ta’ vetturi aġġornati fil-leġiżlazzjoni tal-approvazzjoni tat-tip 11 u biex jiġi introdott l-ittestjar tal-eCall 12 fil-PTIs, ir-regoli ewlenin baqgħu l-istess mill-2014. L-Istrateġija Komprensiva għal Mobbiltà Sostenibbli u Intelliġenti 13 appellat għal aġġustamenti tal-qafas leġiżlattiv tal-affidabbiltà stradali biex tiġi żgurata l-konformità mal-istandards tal-emissjonijiet u tas-sikurezza matul il-ħajja ta’ vettura, u b’hekk tikkontribwixxi għall-qafas ta’ politika tal-UE dwar is-sikurezza fit-toroq 2021-2030 14 u tappoġġa l-objettivi tal-Patt Ekoloġiku Ewropew.

Din l-inizjattiva għandha l-għan li tkompli ttejjeb is-sikurezza fit-toroq fl-UE, tikkontribwixxi għall-mobbiltà sostenibbli u tiffaċilita l-moviment liberu tal-persuni u tal-oġġetti fl-UE. L-objettivi li jiġi sfruttat il-potenzjal sħiħ tal-RWP, b’mod partikolari d-Direttivi 2014/45/UE u 2014/47/UE, huma deskritti hawn taħt.

(1)L-iżgurar tal-konsistenza, l-oġġettività u l-kwalità tal-ittestjar tal-affidabbiltà stradali tal-vetturi tal-lum u ta’ għada. B’mod partikolari, l-ittestjar tal-vetturi elettriċi (EVs, electric vehicles) u s-sikurezza elettronika, inklużi s-sistemi avvanzati ta’ assistenza għas-sewwieq (ADAS, advanced active safety system), iridu jiġu żgurati qabel ma l-biċċa l-kbira tal-vetturi l-ġodda mgħammra b’sistemi bħal dawn ikun imisshom l-ewwel PTI tagħhom. Sabiex tiġi indirizzata l-inabbiltà tat-testijiet tal-emissjonijiet eżistenti li jidentifikaw vetturi b’emissjonijiet għoljin, jeħtieġ li jiġu inkorporati metodi tal-ittestjar żviluppati ġodda fil-PTIs u fl-RSIs.

(2)It-tnaqqis sinifikanti tat-tbagħbis u t-titjib tad-detezzjoni ta’ vetturi difettużi b’sistemi ta’ sikurezza u kontroll tal-emissjonijiet difettużi jew imbagħbsa, kif ukoll odometri mbagħbsa. Dan jista’ jinkiseb billi: (i) jittejjeb l-ittestjar tal-emissjonijiet (it-tniġġis tal-arja u l-istorbju); (ii) jiġu pprovduti għodod aħjar għall-identifikazzjoni ta’ modifikazzjonijiet tal-karatteristiċi ta’ sikurezza, speċjalment tas-software tal-vetturi; u (iii) l-ispezzjonjiet isiru aktar frekwenti u aktar immirati. Illum, xi vetturi difettużi spiss ma jiġux ittestjati biżżejjed jew xejn, u dan jippermetti li tali nuqqasijiet ma jiġux identifikati.

(3)It-titjib tal-ħżin elettroniku u l-iskambju ta’ data rilevanti dwar l-identifikazzjoni u l-istatus tal-vetturi biex tiġi indirizzata l-problema ta’ disponibbiltà insuffiċjenti tad-data u jiġi ffaċilitat ir-rikonoxximent reċiproku mill-awtoritajiet tal-infurzar. Data aktar preċiża dwar l-istatus (bħall-kilometraġġ) u skambju effiċjenti u effettiv ta’ informazzjoni fost l-Istati Membri se jgħinu wkoll biex jiġu identifikati vetturi b’odometri mbagħbsa.

•Konsistenza mad-dispożizzjonijiet eżistenti fil-qasam ta’ politika kkonċernat

Ir-reviżjoni proposta tal-RWP, b’mod partikolari d-Direttivi 2014/45/UE u 2014/47/UE, hija konsistenti mal-objettivi stabbiliti fil-qafas ta’ politika tal-UE dwar is-sikurezza fit-toroq 15 u se tikkontribwixxi biex jintlaħaq l-objettiv li jitnaqqsu l-fatalitajiet u l-korrimenti serji b’50 % sal-2030. Ir-reviżjoni proposta se tiżgura wkoll allinjament mal-pakkett dwar is-sikurezza fit-toroq tal-2023, jiġifieri l-proposti biex tiġi emendata d-Direttiva dwar il-liċenzji tas-sewqan u d-Direttiva dwar l-iffaċilitar tal-iskambju transfruntier ta’ informazzjoni dwar reati tat-traffiku relatati mas-sikurezza fit-toroq 16 . Din il-proposta tistabbilixxi r-regoli dwar id-dokumenti ta’ reġistrazzjoni tal-vetturi, id-diġitalizzazzjoni futura possibbli tad-dokumenti, u l-iskambju ta’ informazzjoni relatata mal-vetturi fost l-Istati Membri għall-infurzar.

Ir-reviżjoni hija konsistenti wkoll mal-objettivi ta’ politika tal-UE dwar l-arja nadifa, inklużi dawk tad-Direttivi dwar il-Kwalità tal-Arja fl-Ambjent 17 u d-Direttiva dwar l-Impenji Nazzjonali għat-Tnaqqis tal-Emissjonijiet 18 , li jirrikjedu li l-Istati Membri jieħdu miżuri biex inaqqsu s-sustanzi niġġiesa tal-arja fl-atmosfera f’konformità mal-għanijiet tal-Pjan ta’ Azzjoni ta’ Tniġġis Żero 19 .

Fil-biċċa l-kbira, l-ittestjar tal-affidabbiltà stradali jiddependi fuq ir-Regolamenti tal-Approvazzjoni tat-Tip 20 . Il-proposta hija allinjata mar-rekwiżiti tas-sikurezza u dawk ambjentali stabbiliti f’dawk ir-regoli, u tinkludi miżuri li għandhom l-għan li jiżguraw li l-istandards minimi jinżammu mis-sidien matul il-ħajja tal-vettura. Hija konsistenti mar-Regolament dwar is-Sikurezza Ġenerali 21 u l-predeċessuri tiegħu, kif ukoll mal-istandards tal-emissjonijiet Euro, u se tiżgura li kwalunkwe tagħmir ġdid introdott li jikkonforma ma’ dawn ir-regolamenti jaħdem kif mistenni u, b’riżultat ta’ dan, iwassal il-benefiċċji mistennija. Il-proposta tiżgura l-allinjament bejn l-ittestjar tal-PTI u tal-RSI u l-proċess tal-approvazzjoni tat-tip, inkluż l-użu ta’ spezzjonijiet tekniċi perjodiċi tas-sistemi elettroniċi (ePTIs, electronic periodic technical inspections). L-użu tat-telerilevament fl-RSIs tal-vetturi kollha huwa partikolarment rilevanti għas-sorveljanza tas-suq peress li jippermetti l-iskrinjar ta’ parti kbira tal-flotta tal-vetturi. Dan jipprovdi għarfien siewi dwar kwistjonijiet rikorrenti fir-rigward ta’ teknoloġiji/soluzzjonijiet speċifiċi użati bħala parti mis-sistemi ta’ kontroll tal-emissjonijiet, il-mudelli tal-vetturi, is-snin tal-mudell eċċ. Huma mistennija wkoll sinerġiji mar-Regolament Euro 7 22 il-ġdid, inkluż l-użu ta’ karatteristiċi ta’ monitoraġġ abbord biex jgħin fil-valutazzjoni tal-emissjonijiet NOX matul il-PTIs u l-RSIs.

•Konsistenza ma’ politiki oħra tal-Unjoni

Ir-reviżjoni tal-RWP, b’mod partikolari d-Direttivi 2014/45/UE u 2014/47/UE, hija konsistenti mar-Regolament dwar il-Gateway Diġitali Unika 23 billi tiffaċilita l-aċċess online għal informazzjoni relatata mal-vetturi, il-proċeduri amministrattivi rilevanti, u s-servizzi ta’ assistenza u ta’ soluzzjoni tal-problemi. Din tikkontribwixxi wkoll għall-objettivi tal-istrateġija tal-UE għad-data 24 għall-iżvilupp ta’ spazji Ewropej tad-data għall-amministrazzjonijiet pubbliċi li jistgħu jappoġġaw l-infurzar tal-leġiżlazzjoni, inklużi s-sikurezza fit-toroq u l-leġiżlazzjoni ambjentali. Ir-regoli dwar il-protezzjoni tad-data personali japplikaw ukoll għall-iskambju ta’ informazzjoni dwar iċ-ċertifikati ta’ reġistrazzjoni tal-vetturi u ċ-ċertifikati tal-affidabbiltà stradali, kif ukoll id-data relatata tar-reġistrazzjoni tal-vetturi, b’mod partikolari r-Regolament (UE) 2016/679 (ir-Regolament Ġenerali dwar il-Protezzjoni tad-Data) 25 .

Bħalissa, il-Kummissjoni qed taħdem ukoll fuq inizjattiva għal aċċess ġust u mhux diskriminatorju għad-data ta’ ġol-vettura, li hija kruċjali għaċ-ċentri ta’ spezzjoni teknika biex ikunu jistgħu jwettqu l-kompiti tagħhom ta’ kuljum. Dik l-inizjattiva se tikkomplementa l-Att dwar id-Data 26 bi gwida, possibbilment segwita minn proposta leġiżlattiva, dwar l-aċċess għad-data, il-funzjonijiet u r-riżorsi tal-vetturi 27 , li huma essenzjali għall-forniment ta’ servizzi li jiddependu mid-data fis-settur awtomobilistiku. Se tistandardizza s-settijiet tad-data rilevanti u tiżgura aċċess effettiv, mhux diskriminatorju u sigur għas-suq ta’ wara l-bejgħ u għas-servizzi ta’ mobbiltà. Firxa ta’ fornituri ta’ servizzi awtomobilistiċi, inklużi kumpaniji u awtoritajiet ta’ tiswija u spezzjoni tal-vetturi appellaw għal proposta ambizzjuża tal-Kummissjoni biex jiġu żgurati kundizzjonijiet ekwi u aċċess mingħajr xkiel għad-data rilevanti ta’ ġol-vettura 28 . Ir-reviżjoni tad-Direttiva 2014/45/UE (u l-att ta’ implimentazzjoni tagħha dwar l-informazzjoni teknika meħtieġa għall-ittestjar tal-affidabbiltà stradali 29 ) se tistabbilixxi dispożizzjonijiet speċifiċi li jiffaċilitaw l-aċċess għad-data meħtieġa għall-ispezzjonijiet tekniċi.

2.BAŻI LEGALI, SUSSIDJARJETÀ U PROPORZJONALITÀ

•Bażi legali

Il-bażi legali tal-proposta huwa l-Artikolu 91(1) tat-Trattat dwar il-Funzjonament tal-UE (“TFUE”) 31 . L-Artikolu 91(1)(c) tat-TFUE jistabbilixxi li l-UE għandha kompetenza fil-qasam tat-trasport li tistabbilixxi miżuri għat-titjib tas-sikurezza tat-trasport, inkluża s-sikurezza fit-toroq.

•Sussidjarjetà (għall-kompetenza mhux esklużiva) 

L-UE diġà għandha kompetenza fil-qasam tal-affidabbiltà stradali, bis-saħħa tad-Direttivi attwali 2014/45/UE u 2014/47/UE. Ġew introdotti diversi miżuri fil-livell tal-UE mill-1977, meta d-Direttiva 77/143/KEE 32 introduċiet ir-rekwiżit li l-vetturi bil-mutur jgħaddu minn testijiet perjodiċi tal-affidabbiltà stradali. L-aħħar bidla f’dan il-qasam seħħet bl-adozzjoni tal-RWP fl-2014. Ir-regoli l-ġodda li għandhom jiġu introdotti f’din il-proposta jibqgħu fil-kompetenzi mogħtija lill-UE skont l-Artikolu 91(1) tat-TFUE, u minħabba r-rabta tagħhom mal-qafas diġà eżistenti tal-affidabbiltà stradali, jistgħu jinkisbu biss b’mod adegwat fil-livell tal-UE.

Peress li t-trasport bit-triq u l-industrija awtomobilistika huma setturi internazzjonali, huwa ħafna aktar effiċjenti u effettiv li l-kwistjonijiet jiġu indirizzati fil-livell tal-UE milli fil-livell nazzjonali. Filwaqt li l-prattiki nazzjonali jvarjaw storikament, livell minimu ta’ armonizzazzjoni fl-ittestjar tal-vetturi u soluzzjonijiet maqbula b’mod komuni biex tiġi skambjata d-data dwar il-vetturi bejn l-Istati Membri huwa aktar effettiv minn soluzzjonijiet nazzjonali multipli mhux ikkoordinati. B’regoli komuni applikati għall-ittestjar tat-teknoloġiji moderni tal-vetturi (EVs, ADAS u t-tagħmir l-aktar reċenti għall-kontroll tal-emissjonijiet), l-Istati Membri se jgawdu minn ekonomiji ta’ skala u l-manifatturi tat-tagħmir tal-ittestjar se jkunu jistgħu joperaw f’suq aktar uniformi. Il-funzjonament tas-suq uniku se jittejjeb ukoll minħabba li l-vetturi se jkunu soġġetti għal testijiet simili f’kundizzjonijiet simili, u l-operaturi tat-trasport se jkollhom kostijiet simili u se jkollhom jissodisfaw rekwiżiti minimi simili.

•Proporzjonalità

F’konformità mal-prinċipju tal-proporzjonalità stabbilit fl-Artikolu 5(4) tat-Trattat dwar l-Unjoni Ewropea, il-miżuri f’din il-proposta ma jmorrux lil hinn minn dak li huwa meħtieġ biex jintlaħqu l-objettivi tat-Trattati — it-titjib tas-sikurezza fit-toroq, il-kontribut għall-mobbiltà sostenibbli u l-iffaċilitar tal-moviment liberu tal-persuni u tal-oġġetti fl-UE.

B’mod ġenerali, il-kamp ta’ applikazzjoni tal-proposta huwa limitat għal dak li jista’ jinkiseb l-aħjar fil-livell tal-UE biex jiġu armonizzati l-metodi u l-ambitu tal-ittestjar. Pereżempju, il-vetturi li jintużaw l-aktar lokalment, bħal mopeds u tratturi mhumiex fil-mira tal-proposta.

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

Fl-2023, il-Kummissjoni wettqet evalwazzjoni tal-RWP tal-2014, li vvalutat ir-rilevanza, il-valur miżjud tal-UE, il-koerenza, l-effettività u l-effiċjenza tiegħu. L-evalwazzjoni kkonkludiet li l-RWP irnexxielu parzjalment jilħaq l-objettivi tiegħu, jikkontribwixxi għal sikurezza aħjar fit-toroq u jgħin biex jitnaqqsu l-emissjonijiet ta’ sustanzi niġġiesa tal-arja mit-trasport bit-triq. Madankollu, il-vetturi difettużi xorta mhux dejjem jistgħu jiġu identifikati peress li xi kategoriji ta’ vetturi mhumiex soġġetti għal PTIs jew RSIs f’xi Stati Membri jew il-frekwenza jew il-kamp ta’ applikazzjoni tal-ittestjar mhuwiex adattat għar-riskji ogħla għas-sikurezza u għall-ambjent ta’ dawk il-kategoriji. Id-dgħufijiet identifikati fl-RWP attwali, b’mod partikolari d-Direttivi 2014/45/UE u 2014/47/UE, jirrikjedu li d-Direttivi jiġu adattati biex jindirizzaw mhux biss il-ħtiġijiet attwali iżda wkoll l-isfidi futuri.

Il-konklużjonijiet tal-evalwazzjoni huma deskritti hawn taħt.

(1)L-RWP mhuwiex adattat għall-aħħar teknoloġiji, bħal sistemi avvanzati ta’ assistenza għas-sewwieq u karatteristiċi ta’ sikurezza elettroniċi. Huwa nieqes minn protokolli ta’ ttestjar speċifiċi li jiżguraw il-konformità u l-manutenzjoni ta’ vetturi elettriċi u ibridi, inklużi aġġornamenti tas-software. L-ispezzjonijiet tekniċi jkollhom jiġu aġġornati biex tinkiseb data importanti relatata mas-sikurezza b’mod effiċjenti u biex jiġu mmonitorjati sensuri u karatteristiċi ġodda.

(2)Dwar l-emissjonijiet, xi testijiet u tagħmir tal-PTI jridu jiġu adattati peress li ma għadhomx kapaċi jidentifikaw il-fallimenti relatati mal-emissjonijiet fl-aktar vetturi reċenti b’magna tal-kombustjoni interna. Il-kejl tal-opaċità ma għadux validu peress li ma jistax jidentifika vetturi li jaħdmu bid-diżil b’filtri tal-partikoli difettużi jew katalizzatur imbagħbas, li jwassal għal emissjonijiet għoljin ta’ partikoli u ta’ NOX. Minflok, il-kejl tal-PN u tal-NOX għandu jintuża biex il-vetturi tad-diżil u tal-petrol aktar ġodda jiġu ċċekkjati għal difetti u tbagħbis fis-sistemi ta’ kontroll tal-emissjonijiet.

(3)Il-qafas attwali għall-iskambju tal-informazzjoni dwar ir-riżultati tat-testijiet bejn l-Istati Membri ma kienx effettiv. Għalkemm il-leġiżlazzjoni ssemmi l-iskambji elettroniċi tad-data bejn l-awtoritajiet tal-Istati Membri bħala possibbiltà, mhux kollha jimplimentawha. Anke jekk l-armonizzazzjoni tad-dokumenti tar-reġistrazzjoni tal-vetturi għamlitha aktar faċli għan-nies biex jirreġistraw il-vetturi minn Stati Membri oħra u miż-ŻEE, hemm lok biex jittejjeb il-proċess tal-iskambju tad-data u tad-diġitalizzazzjoni. Ir-reġistrazzjoni mill-ġdid xorta tista’ tkun ikkumplikata, u hemm lok biex jittejjeb ir-rikonoxximent reċiproku tal-PTIs bejn l-Istati Membri.

(4)L-RWP għandu jagħmel użu aħjar mill-benefiċċji tal-iskambju tad-data diġitali u jarmonizza d-dokumenti tal-vetturi aktar biex inaqqas il-piż u l-kostijiet amministrattivi. Barra minn hekk, id-dokumenti diġitali tar-reġistrazzjoni tal-vetturi jistgħu jiffaċilitaw aktar id-diġitalizzazzjoni tal-proċessi tar-reġistrazzjoni tal-vetturi u taż-żamma tad-data u jgħinu biex jitnaqqsu l-kostijiet.

•Konsultazzjonijiet mal-partijiet ikkonċernati

Il-konsultazzjonijiet kellhom żewġ objettivi. L-ewwel kien li ssir valutazzjoni tal-prestazzjoni tal-RWP skont il-ħames kriterji ta’ evalwazzjoni, jiġu identifikati kwistjonijiet possibbli fil-qafas legali eżistenti u, fuq din il-bażi, jinsiltu konklużjonijiet għal azzjoni futura. It-tieni objettiv kien li ssir ħidma mal-partijiet ikkonċernati biex jiġi vvalidat il-fehim tal-Kummissjoni tal-kwistjonijiet ikkonċernati, titfassal lista ta’ miżuri ta’ politika possibbli u jiġi vvalutat l-impatt probabbli tagħhom fuq id-diversi kategoriji ta’ partijiet ikkonċernati.

Il-konsultazzjonijiet ġabru wkoll l-evidenza dwar il-kostijiet u l-benefiċċji mistennija tal-miżuri ta’ politika li qed jiġu kkunsidrati. Dawn għenu biex jiġu identifikati l-lakuni fil-loġika tal-intervent jew l-oqsma li jeħtieġu aktar attenzjoni. L-attivitajiet ta’ konsultazzjoni kienu jikkonsistu f’konsultazzjonijiet pubbliċi (permezz ta’ valutazzjoni tal-impatt tal-bidu u konsultazzjoni pubblika miftuħa ppubblikata fuq is-sit web tal-Kummissjoni Semma’ Leħnek) u konsultazzjonijiet immirati, inklużi stħarriġiet u intervisti. L-attivitajiet ta’ konsultazzjoni mmirati twettqu matul il-proċess tal-evalwazzjoni u tal-valutazzjoni tal-impatt u koprew l-aspetti rilevanti kollha. L-enfasi tal-istħarriġ u l-intervisti kien fuq it-tfassil tal-miżuri ta’ politika differenti biex jintlaħqu l-objettivi stabbiliti bħala parti mir-reviżjoni tal-RWP, b’mod partikolari biex jiġu identifikati u kkwantifikati l-kostijiet u l-impatt potenzjali ta’ dawn il-miżuri. Il-fatturi ewlenin tal-problema u l-miżuri ta’ politika possibbli tal-RWP ġew diskussi wkoll b’mod estensiv mal-partijiet ikkonċernati, eż. fil-Grupp ta’ Esperti dwar l-Affidabbiltà Stradali, u huma wkoll riżultat tal-attivitajiet ta’ konsultazzjoni mal-partijiet ikkonċernati tal-evalwazzjoni.

•Ġbir u użu tal-għarfien espert

•Valutazzjoni tal-impatt

Din il-proposta hija akkumpanjata minn valutazzjoni tal-impatt, li abbozz tagħha ġie ppreżentat lill-Bord tal-Iskrutinju Regolatorju (RSB, Regulatory Scrutiny Board) fl-20 ta’ Novembru 2023. Fil-15 ta’ Diċembru 2023, l-RSB ħareġ opinjoni pożittiva b’riżervi 37 . Il-valutazzjoni tal-impatt ġiet aġġustata kif xieraq biex tindirizza l-kummenti tal-RSB. L-għażliet ta’ politika analizzati huma miġbura fil-qosor hawn taħt.

Tfasslu erba’ għażliet ta’ politika (PO1a, PO1b, PO2, PO3) biex jindirizzaw il-problemi identifikati. L-għażliet ta’ politika kollha jinkludu l-miżuri li ġejjin:

–l-adattament tal-PTIs għall-vetturi elettriċi u l-inklużjoni ta’ elementi ġodda tat-test permezz tal-ePTIs (inkluż l-ittestjar tal-integrità tas-software tas-sistemi rilevanti għas-sikurezza u l-emissjonijiet);

–metodi ġodda ta’ ttestjar tal-emissjonijiet għall-partikoli u l-NOX, li huma meħtieġa biex jadattaw għal teknoloġiji aktar reċenti tal-kontroll tal-emissjonijiet u biex jidentifikaw il-vetturi b’emissjonijiet għoljin, inklużi dawk li ġew imbagħbsa;

–il-ħtieġa ta’ test tal-affidabbiltà stradali wara kwalunkwe bidla sinifikanti, pereżempju, fis-sistema ta’ propulsjoni jew fil-klassi tal-emissjonijiet;

–id-diġitalizzazzjoni taċ-ċertifikati tal-affidabbiltà stradali;

–ir-rabta bejn ir-reġistri nazzjonali tal-vetturi u l-estensjoni tas-sett tad-data armonizzata dwar il-vetturi f’dawk ir-reġistri;

–il-ħtieġa li l-Istati Membri jirreġistraw il-qari tal-odometru fil-bażijiet tad-data nazzjonali u jagħmlu dawk ir-rekords disponibbli għal Stati Membri oħra meta vettura tiġi rreġistrata mill-ġdid.

Minbarra l-miżuri komuni, l-għażla ta’ politika PO1a tiffoka fuq użu aktar effiċjenti tad-data tal-vetturi (reġistrazzjoni u status), inkluż il-ħruġ ta’ ċertifikati ta’ reġistrazzjoni f’format diġitali. L-għażla ta’ politika PO1b tiffoka fuq spezzjonijiet tekniċi aktar effettivi bl-użu tat-teknoloġija ta’ telerilevament, li tgħin biex jiġu identifikati vetturi potenzjalment b’emissjonijiet għoljin li jistgħu jkunu jew: (i) spezzjonati f’kontroll sussegwenti waqt it-traġitt immedjatament wara li jiġu identifikati; jew (ii) mistiedna f’ċentru tal-affidabbiltà stradali għal test tal-emissjonijiet. Barra minn hekk, din l-għażla: (i) tneħħi l-possibbiltà li l-muturi jiġu eżentati mill-PTIs; (ii) tirrikjedi ttestjar annwali tal-emissjonijiet ta’ vetturi kummerċjali ħfief; (iii) tagħmel l-ispezzjoni tal-irbit tal-merkanzija obbligatorja; u (iv) iddaħħal PTIs annwali obbligatorji għal vetturi li għandhom aktar minn 10 snin. Il-PO1b tiffaċilita l-moviment liberu tal-persuni billi tirrikjedi li l-Istat Membru li jirreġistra vettura jirrikonoxxi ċ-ċertifikat tal-PTI maħruġ minn Stat Membru ieħor għal perjodu ta’ mhux aktar minn 6 xhur, dment li l-PTI li jmiss titwettaq fl-Istat Membru tar-reġistrazzjoni.

L-għażla ta’ politika PO2 tikkombina l-biċċa l-kbira tal-miżuri proposti fil-PO1a u l-PO1b. Din tinkludi miżura addizzjonali dwar il-governanza tad-data, bl-għan li jiġu stabbiliti l-proċeduri u l-mezzi ta’ aċċess għall-informazzjoni teknika dwar il-vetturi (inkluża d-data ta’ ġol-vettura). Il-PO2 tintroduċi wkoll spezzjonijiet waqt it-traġitt għal vetturi kummerċjali ħfief.

L-għażla ta’ politika PO3 hija l-aktar għażla ta’ politika ambizzjuża peress li tmur saħansitra lil hinn fl-armonizzazzjoni tal-kamp ta’ applikazzjoni u l-metodi tal-ittestjar tal-affidabbiltà stradali u r-rikonoxximent reċiproku taċ-ċertifikati tal-PTI. Minbarra l-miżuri tal-PO2, il-PO3: (i) testendi l-kamp ta’ applikazzjoni tal-PTI biex ikopri l-muturi kollha, mingħajr eċċezzjoni, u t-trejlers ħfief; (ii) testendi l-RSI għall-muturi kollha; u (iii) tirrikjedi li ċ-ċertifikati tal-PTI maħruġa fi kwalunkwe Stat Membru ieħor jiġu rikonoxxuti mill-Istat Membru tar-reġistrazzjoni mingħajr restrizzjonijiet.

Il-valutazzjoni tal-impatt tikkonkludi li l-għażla ppreferuta hija l-għażla ta’ politika PO2. Din l-għażla hija kkunsidrata effettiva fl-ilħuq tal-objettivi ta’ politika maħsuba, filwaqt li tippreżenta effiċjenza għolja u benefiċċji netti għoljin u filwaqt li hija proporzjonata mal-objettivi tal-inizjattiva. Hija koerenti wkoll mal-politiki nazzjonali stabbiliti sew fil-qasam.

L-għażliet ta’ politika huma mistennija li jtejbu s-sikurezza fit-toroq fl-UE billi jidentifikaw b’mod aktar effettiv il-vetturi b’difetti kbar u perikolużi, u dan għandu jwassal għal tnaqqis fil-ħabtiet fit-toroq ikkawżati minn difetti tekniċi. B’riżultat ta’ dan, l-għadd ta’ fatalitajiet u korrimenti (kemm serji kif ukoll ħfief) għandu jonqos. L-għażliet ta’ politika jinkludu wkoll miżuri oħra li jikkontribwixxu għas-sikurezza fit-toroq, li huma relatati ma’ implimentazzjoni u infurzar aħjar tal-leġiżlazzjoni dwar l-affidabbiltà stradali (bħall-iskambju ta’ data fost l-awtoritajiet tal-Istati Membri).

Skont l-għażla ta’ politika ppreferuta PO2, huwa stmat li se jiġu salvati 7 000 ħajja u se jiġu evitati 65 000 korriment serju bejn l-2026 u l-2050, meta mqabbla max-xenarju bażi. F’termini monetarji, it-tnaqqis fil-kostijiet esterni tal-aċċidenti huwa stmat għal madwar EUR 74,2 biljun, espress bħala valur preżenti matul l-istess perjodu, meta mqabbel max-xenarju bażi.

L-għażliet ta’ politika kollha se jikkontribwixxu wkoll għall-mobbiltà sostenibbli billi jnaqqsu l-emissjonijiet tas-sustanzi niġġiesa tal-arja u tal-istorbju. Dan se jwassal għal tnaqqis fil-kostijiet esterni ta’ dawn l-emissjonijiet: l-iffrankar fil-PO2 huwa stmat għal EUR 83,4 biljun.

L-għażliet ta’ politika kollha se jiffaċilitaw il-moviment liberu tal-persuni u tal-oġġetti fl-UE billi jneħħu l-ostakli għar-reġistrazzjoni mill-ġdid tal-vetturi fi Stat Membru ieħor. Il-PO1a, il-PO2 u l-PO3 huma mistennija jkunu effettivi bl-istess mod, filwaqt li l-għażla PO1b hija mistennija li tkun inqas effettiva minħabba n-nuqqas ta’ miżuri dwar iċ-ċertifikati diġitali tar-reġistrazzjoni tal-vetturi u data addizzjonali inkluża fir-reġistru tal-vetturi.

Fir-rigward tat-tneħħija tal-ostakli relatati mal-ittestjar tal-affidabbiltà stradali, il-PO3 hija mistennija li tkun l-aktar għażla effettiva minħabba li testendi r-rikonoxximent fl-UE kollha, mill-Istat Membru tar-reġistrazzjoni, taċ-ċertifikati tal-PTI maħruġa fi Stat Membru ieħor għall-vetturi kollha, segwita mill-PO2 u l-PO1b (rikonoxximent limitat fl-UE kollha taċ-ċertifikati tal-PTI). Il-PO1a hija mistennija li tkun l-inqas effettiva, u tiddependi fuq ftehimiet bilaterali għar-rikonoxximent taċ-ċertifikati tal-PTI.

•Idoneità regolatorja u simplifikazzjoni

Bħala parti mill-programm dwar l-idoneità tar-regolamentazzjoni (REFIT, regulatory fitness and performance programme) 40 , din il-proposta tikkontribwixxi biex tiżdied l-effiċjenza tal-leġiżlazzjoni eżistenti b’diversi modi billi: (i) tissostitwixxi metodi tal-ittestjar obsoleti b’soluzzjonijiet tal-ogħla livell ta’ żvilupp tekniku kemm f’kontrolli perjodiċi kif ukoll f’kontrolli waqt it-traġitt billi teħtieġ l-użu tal-aktar tekniki u teknoloġija tal-kejl reċenti biex jiġi identifikat b’mod aktar effettiv għadd kbir ta’ vetturi b’emissjonijiet għoljin; (ii) tintroduċi testijiet sempliċi iżda utli biex jiġu vvalutati s-sikurezza u l-prestazzjoni ambjentali ta’ vetturi moderni b’mod armonizzat; u (iii) toħloq konnessjoni bejn il-bażijiet tad-data nazzjonali biex tgħin fil-kondiviżjoni u fl-aċċess għad-data tal-vetturi, aktar milli tiddependi fuq proċeduri aktar ikkumplikati. L-inizjattiva hija mistennija li tnaqqas b’mod sinifikanti l-frodi relatata mas-sistemi rilevanti għalll-emissjonijiet u għas-sikurezza, kif ukoll it-tbagħbis tal-kilometraġġ f’vetturi użati, speċjalment fil-bejgħ transfruntier. Dan iwassal għal iffrankar sinifikanti fil-kostijiet esterni kif ukoll fil-kost u l-ħsara evitati għall-konsumaturi.

L-applikazzjoni tal-approċċ ta’ “one in, one out”

L-approċċ ta’ “one in, one out” jikkumpensa kwalunkwe piż ġdid għan-nies u għan-negozji li jirriżulta mill-proposti tal-Kummissjoni billi jitneħħa piż eżistenti ekwivalenti fl-istess qasam ta’ politika. Din il-proposta hija parti mill-pakkett tal-RWP, li huwa mistenni li jirriżulta f’kostijiet amministrattivi għaċ-ċentri tal-PTI u għall-manifatturi tal-vetturi minħabba l-miżura ta’ governanza tad-data, filwaqt li l-garaxxijiet, in-negozjanti tal-vetturi bil-mutur, l-istazzjonijiet tas-servizz tat-tajers u tat-tiswija se jiffaċċjaw kostijiet relatati mal-miżura tal-qari tal-odometru. B’mod ġenerali, il-kostijiet amministrattivi addizzjonali ta’ darba relattivi għax-xenarju bażi rilevanti għall-approċċ ta’ “one in, one out” fl-għażla ppreferuta huma stmati għal EUR 218 miljun fl-2026. Espressi bħala valur nett preżenti annwalizzat matul il-perjodu rilevanti jammontaw għal EUR 25,5 miljun. Barra minn hekk, il-kostijiet amministrattivi rikorrenti relattivi għax-xenarju bażi jammontaw għal EUR 26,4 miljun fis-sena. Għalhekk, il-kostijiet amministrattivi addizzjonali totali (ta’ darba u rikorrenti) rilevanti għall-approċċ ta’ “one in, one out” huma stmati għal EUR 51,9 miljun fis-sena meta mqabbla max-xenarju bażi.

•Drittijiet fundamentali

Il-proposta fiha miżuri li jgħinu biex jitnaqqas il-livell tal-emissjonijiet tas-sustanzi niġġiesa tal-arja mill-vetturi (l-ittestjar annwali tal-emissjonijiet għall-vetturi kummerċjali ħfief, l-ittestjar annwali tal-vetturi li għandhom 10 snin jew aktar u l-kejl tal-NOX fl-RSI permezz tat-telerilevament u l-insegwiment tad-dħaħen). Dawn il-miżuri se jgħinu biex tittejjeb il-kwalità tal-ambjent, f’konformità mal-Artikolu 37 tal-Karta. L-adattament tal-metodi tal-PTI biex jiġu ttestjati l-vetturi elettriċi, inkluż it-taħriġ tal-ispetturi, u li l-ispezzjonijiet tal-irbit tal-merkanzija fl-RSI jsiru obbligatorji se jipprovdu ambjent tax-xogħol aktar sikur għall-ispetturi tal-vetturi u għas-sewwieqa professjonali (l-Artikolu 31). Il-miżuri mfassla biex jiġġieldu l-frodi relatata mal-odometru se jgħinu biex tiżdied il-protezzjoni tal-konsumatur f’konformità mal-Artikolu 38 tal-Karta. Li jiġu previsti r-rikonoxximent reċiproku taċ-ċertifikati tal-affidabbiltà stradali u d-diġitalizzazzjoni tal-proċess ta’ reġistrazzjoni, se jkun ta’ kontribuzzjoni għal-libertà ta’ moviment u ta’ residenza, f’konformità mal-Artikolu 45 tal-Karta. Miżuri li jiżguraw li s-sidien ta’ vetturi mhux imbagħbsa ma jkunux żvantaġġati meta mqabbla ma’ dawk ta’ vetturi mbagħbsa se jgħinu biex jippromwovu l-ugwaljanza f’għajnejn il-liġi f’konformità mal-Artikolu 3 tal-Karta.

Il-proposta tinkludi miżura dwar il-qari tal-odometru, li għandha impatt fuq id-dritt għall-protezzjoni tad-data personali meta d-data tinħażen u tiġi skambjata. Din tirrikjedi li l-Istati Membri jirreġistraw il-qari tal-odometru f’bażi tad-data nazzjonali u jagħmlu r-rekords disponibbli għal Stati Membri oħra fil-każ ta’ reġistrazzjoni mill-ġdid. Barra minn hekk, tistabbilixxi rekwiżit biex iċ-ċertifikati tal-affidabbiltà stradali jinħareġ f’format elettroniku, b’kopja stampata bħala għażla. Mill-perspettiva tas-sikurezza fit-toroq, l-aċċessibbiltà awtomatika taċ-ċertifikati permezz ta’ sistema kondiviża għandha vantaġġi sinifikanti, b’mod partikolari fl-iffaċilitar tal-ispezzjonijiet transfruntiera u fit-tisħiħ tal-konvenjenza tal-konsumatur. L-ipproċessar tad-data relatat ma’ dawn il-miżuri ġie vvalutat bħala meħtieġ u proporzjonat, u jista’ jintuża biss għal skopijiet speċifiċi speċifikati fil-proposta.

4.IMPLIKAZZJONIJIET BAĠITARJI

5.ELEMENTI OĦRA

•Pjanijiet ta’ implimentazzjoni u arranġamenti għall-monitoraġġ, l-evalwazzjoni u r-rapportar

Il-Kummissjoni se timmonitorja l-implimentazzjoni u l-effettività ta’ din l-inizjattiva permezz ta’ diversi azzjonijiet u sett ta’ indikaturi ewlenin li se jkejlu l-progress lejn l-ilħuq tal-objettivi operazzjonali. Biex jitkejjel is-suċċess tal-inizjattiva, huma stabbiliti l-objettivi operazzjonali li ġejjin: (i) l-applikazzjoni ta’ metodi ġodda disponibbli ta’ ttestjar tas-sikurezza u tal-emissjonijiet; (ii) l-interkonnessjoni bejn ir-reġistri tal-vetturi u l-bażijiet tad-data tal-odometri tal-Istati Membri permezz ta’ hub komuni; (iii) id-diġitalizzazzjoni tad-dokumenti tal-vetturi; u (iv) it-tnaqqis tal-għadd ta’ vetturi difettużi u mbagħbsa fit-toroq tal-UE. Id-data għall-valutazzjoni ta’ dawn l-objettivi operazzjonali se tibbaża fuq rapportar regolari mill-Istati Membri kif ukoll fuq sforzi tal-ġbir tad-data ad hoc, inkluż l-użu ta’ sistemi tal-iskambju tad-data, bħal MOVE-HUB.

Ħames snin wara li tidħol fis-seħħ il-leġiżlazzjoni riveduta, il-Kummissjoni se twettaq evalwazzjoni biex tivvaluta sa liema punt intlaħqu l-objettivi tal-inizjattiva.

•Dokumenti ta’ spjegazzjoni (għad-direttivi)

•Spjegazzjoni fid-dettall tad-dispożizzjonijiet speċifiċi tal-proposta

L-Artikolu 1(1) jemenda l-Artikolu 2 tad-Direttiva 2014/45/UE dwar il-kamp ta’ applikazzjoni

L-Artikolu 1(2) jemenda l-Artikolu 3 tad-Direttiva 2014/45/UE dwar id-definizzjonijiet

L-Artikolu 1(3) jissostitwixxi l-Artikolu 4 tad-Direttiva 2014/45/UE dwar ir-responsabbiltajiet

L-Artikolu 1(4) idaħħal Artikolu 4a ġdid fid-Direttiva 2014/45/UE dwar ir-reġistrazzjoni tal-qari tal-odometru

L-Artikolu 1(5) jemenda l-Artikolu 5 tad-Direttiva 2014/45/UE dwar id-data u l-frekwenza tal-ittestjar

L-Artikolu 1(6) jemenda l-Artikolu 6 tad-Direttiva 2014/45/UE dwar il-kontenut u l-metodi tal-ittestjar

L-Artikolu 1(7) jissostitwixxi l-Artikolu 8 tad-Direttiva 2014/45/UE dwar iċ-ċertifikati tal-affidabbiltà stradali

L-Artikolu 1(8) jemenda l-Artikolu 9 tad-Direttiva 2014/45/UE dwar is-segwitu tan-nuqqasijiet

L-Artikolu 1(9) jissostitwixxi l-Artikolu 16 tad-Direttiva 2014/45/UE bl-Artikolu 16 il-ġdid dwar l-iskambju tad-data bejn l-awtoritajiet tal-Istati Membri

L-Artikolu 1(10) jemenda l-Artikolu 17 tad-Direttiva 2014/45/UE dwar l-atti delegati

L-Artikolu 1(11) jissostitwixxi l-Artikolu 20 tad-Direttiva 2014/45/UE dwar ir-rapportar

L-Artikolu 1(12) idaħħal Artikolu 20a ġdid fid-Direttiva 2014/45/UE dwar il-komunikazzjoni tal-informazzjoni lill-Kummissjoni

L-Artikolu 1(13) jissostitwixxi l-Artikolu 22 tad-Direttiva 2014/45/UE dwar l-estensjoni tal-validità taċ-ċertifikati tal-affidabbiltà stradali f’każ ta’ kriżi

L-Artikolu 2(1) jissostitwixxi l-Artikolu 1 tad-Direttiva 2014/47/UE dwar is-suġġett

L-Artikolu 2(2) jemenda l-Artikolu 2 tad-Direttiva 2014/47/UE dwar il-kamp ta’ applikazzjoni

L-Artikolu 2(3) jemenda l-Artikolu 3 tad-Direttiva 2014/47/UE dwar id-definizzjonijiet

L-Artikolu 2(4) jissostitwixxi l-Artikolu 4 tad-Direttiva 2014/47/UE dwar is-sistemi ta’ spezzjoni waqt it-traġitt

L-Artikolu 2(5) idaħħal Artikolu 4a ġdid dwar it-telerilevament

L-Artikolu 2(6) jemenda l-Artikolu 5 tad-Direttiva 2014/47/KE dwar il-perċentwal ta’ vetturi li għandhom jiġu spezzjonati

L-Artikolu 2(7) jemenda l-Artikolu 6 tad-Direttiva 2014/47/UE dwar is-sistema ta’ klassifikazzjoni tar-riskju

L-Artikolu 2(8) jemenda l-Artikolu 7 tad-Direttiva 2014/47/UE dwar ir-responsabbiltajiet

L-Artikolu 2(9) jissostitwixxi l-Artikolu 9 tad-Direttiva 2014/47/UE dwar l-għażla tal-vetturi għall-ispezzjoni teknika inizjali waqt it-traġitt

L-Artikolu 2(10) jemenda l-Artikolu 10 tad-Direttiva 2014/47/UE dwar il-kontenut u l-metodi tal-ispezzjonijiet tekniċi waqt it-traġitt

Il-punti (a) u (c) huma emendati biex jiġu allinjati mal-emendi relatati maċ-ċertifikati tal-affidabbiltà stradali u mar-rekwiżiti tal-irbit tal-merkanzija.

L-Artikolu 2(11) jissostitwixxi l-Artikolu 13 tad-Direttiva 2014/47/UE dwar l-ispezzjoni tal-irbit tal-merkanzija

L-Artikolu 2(12) tad-Direttiva 2014/47/UE jissostitwixxi l-Artikolu 14 tad-Direttiva 2014/47/UE dwar is-segwitu f’każ ta’ nuqqasijiet kbar jew perikolużi

L-Artikolu 2(13) jemenda l-Artikolu 16 tad-Direttiva 2014/47/UE dwar ir-rapport tal-ispezzjoni u l-bażijiet tad-data dwar spezzjonijiet tekniċi waqt it-traġitt

L-Artikolu 2(14) tad-Direttiva 2014/47/UE jemenda l-Artikolu 18 tad-Direttiva 2014/47/UE dwar il-kooperazzjoni bejn l-Istati Membri.

L-Artikolu 2(15) idaħħal Artikolu 18a ġdid fid-Direttiva 2014/47/UE dwar l-iskambju tad-data bejn l-awtoritajiet tal-Istati Membri

L-Artikolu 2(16) jissostitwixxi l-Artikolu 20 dwar il-komunikazzjoni tal-informazzjoni lill-Kummissjoni

L-Artikolu 2(17) tad-Direttiva 2014/47/UE jemenda l-Artikolu 21 tad-Direttiva 2014/47/UE dwar atti delegati

L-Artikolu 2(18) jissostitwixxi l-Artikolu 24 tad-Direttiva 2014/47/KE dwar ir-rapportar.

L-Anness I jemenda l-annessi tad-Direttiva 2014/45/UE li ġejjin.

·Anness I – REKWIŻITI MINIMI LI JIKKONĊERNAW IL-KONTENUTI U L-METODI TAL-ITTESTJAR RAKKOMANDATI

·Anness III – REKWIŻITI MINIMI LI JIKKONĊERNAW IL-FAĊILITAJIET TAL-AFFIDABBILTÀ STRADALI U T-TAGĦMIR TA’ TTESTJAR

·Anness IV – REKWIŻITI MINIMI LI JIKKONĊERNAW IL-KOMPETENZA, IT-TAĦRIĠ U Ċ-ĊERTIFIKAZZJONI TAL-ISPETTURI

L-Anness II jemenda l-annessi tad-Direttiva 2014/47/UE li ġejjin.

·Anness II – AMBITU TAL-ISPEZZJONI TEKNIKA WAQT IT-TRAĠITT

·Anness III – IRBIT TAL-MERKANZIJA

L-ewwel sentenza fil-Kapitolu II. It-Taqsima 3 hija emendata biex ir-regoli li jispezzjonaw l-elementi speċifiċi tal-irbit tal-merkanzija elenkati fit-Tabella 1 isiru obbligatorji.

·Anness IV – RAPPORT TAL-ISPEZZJONI TEKNIKA WAQT IT-TRAĠITT AKTAR DETTALJAT LI JINKLUDI LISTA TA’ KONTROLL

·Anness V — FORMOLA STANDARD GĦAR-RAPPORTAR LILL-KUMMISSJONI

2025/0097 (COD)

Proposta għal

DIRETTIVA TAL-PARLAMENT EWROPEW U TAL-KUNSILL

li temenda d-Direttiva 2014/45/UE dwar testijiet perjodiċi tal-affidabbiltà stradali għal vetturi bil-mutur u t-trejlers tagħhom u d-Direttiva 2014/47/UE dwar l-ispezzjonijiet tekniċi waqt it-traġitt tal-affidabbiltà stradali ta’ vetturi kummerċjali li jiċċirkolaw fl-Unjoni

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 91(1) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 43 ,

Wara li kkunsidraw l-opinjoni tal-Kumitat tar-Reġjuni 44 ,

Filwaqt li jaġixxu f’konformità mal-proċedura leġiżlattiva ordinarja,

Billi:

(1)Id-dispożizzjonijiet dwar l-ittestjar tal-affidabbiltà stradali ilhom parti mil-leġiżlazzjoni tal-Unjoni għal għexieren ta’ snin. Madankollu, dawn huma soġġetti għal armonizzazzjoni gradwali. Id-dritt tal-Unjoni għal dak l-għan ġie rivedut l-aħħar fl-2014 bil-“Pakkett dwar l-Affidabbiltà Stradali” 45 .. Sabiex jittejjeb l-infurzar, ir-reviżjonijiet konsekuttivi ta’ dawk ir-regoli gradwalment estendew il-kamp ta’ applikazzjoni tal-vetturi li għandhom jiġu ttestjati u l-kamp ta’ applikazzjoni tar-regoli armonizzati, inklużi dawk dwar l-ispezzjonijiet waqt it-traġitt u d-dokumenti ta’ reġistrazzjoni tal-vetturi. Dawn speċifikaw u aġġornaw il-metodi, il-proċeduri u d-dokumenti relatati tal-ittestjar meħtieġa biex jirriflettu l-progress teknoloġiku.

(2)Id-Direttiva 2014/45/UE tistabbilixxi l-kontenut minimu u l-frekwenza tal-ittestjar għal kull kategorija ta’ vetturi, ħlief għall-muturi, fejn l-Istati Membri għandhom diskrezzjoni usa’. Dik id-Direttiva tistabbilixxi wkoll ir-rekwiżiti minimi għall-indipendenza taċ-ċentri tal-ittestjar u t-taħriġ tal-ispetturi, it-tagħmir tal-ittestjar, u l-kontenut taċ-ċertifikati tal-affidabbiltà stradali. Il-validità ta’ dak iċ-ċertifikat, kif ukoll kwalunkwe prova oħra tal-ittestjar, trid tiġi rikonoxxuta mill-Istati Membri għall-finijiet taċ-ċirkolazzjoni libera u r-reġistrazzjoni mill-ġdid ta’ vettura diġà rreġistrata fi Stat Membru ieħor.

(3)Id-Direttiva 2014/47/UE tikkomplementa d-Direttiva 2014/45/UE billi tirrikjedi li l-Istati Membri jwettqu spezzjonijiet waqt it-traġitt fuq vetturi kummerċjali tqal ta’ aktar minn 3,5 tunnellati, inklużi xarabanks, trakkijiet, u t-trejlers tagħhom bl-għan li jispezzjonaw 5 % tal-flotta tal-Unjoni kull sena. Dawk l-ispezzjonijiet jinkludu spezzjoni inizjali waqt it-traġitt u, jekk jitqies meħtieġ mill-ispettur, spezzjoni teknika aktar dettaljata waqt it-traġitt. L-elementi ttestjati fl-ispezzjonijiet dettaljati huma l-istess bħal dawk ittestjati f’testijiet perjodiċi u jistgħu jinkludu wkoll l-ispezzjoni tal-irbit tal-merkanzija. Meta jinstab nuqqas kbir jew perikoluż waqt spezzjoni waqt it-traġitt, l-Istat Membru fejn tkun saret l-ispezzjoni huwa meħtieġ jinnotifika lill-Istat Membru tar-reġistrazzjoni sabiex jinforza t-tiswija tal-vettura li tkun ġiet sospiża mit-traffiku.

(4)Minħabba l-progress teknoloġiku rapidu, uħud mir-regoli attwali għall-ittestjar tal-vetturi ma għadhomx validi u jenħtieġ li jiġu emendati biex jiġu adattati għal teknoloġiji u vetturi aktar ġodda. Il-qafas tal-ittestjar jenħtieġ li jkompli jikkontribwixxi biex jitnaqqsu l-emissjonijiet mit-trasport u titħaffef id-diġitalizzazzjoni u jinħasdu l-benefiċċji tagħha fis-settur tat-trasport. Jenħtieġ ukoll li l-qafas jiġi adattat aħjar għall-iżviluppi fit-teknoloġija tal-vetturi, il-kompożizzjoni tal-flotta u l-metodi tal-ittestjar li qed jevolvu.

(5)It-tranżizzjoni diġitali hija waħda mill-prijoritajiet tal-Unjoni. Fil-kuntest tal-aġġornament tar-regoli attwali dwar l-ittestjar tal-vetturi, huwa importanti wkoll li l-proċeduri amministrattivi jiġu armonizzati, issimplifikati u diġitalizzati u li jitneħħew l-ostakli li fadal għall-moviment liberu. Dawn l-ostakli jinkludu n-nuqqas ta’ rikonoxximent ta’ spezzjonijiet tekniċi perjodiċi mwettqa fi Stati Membri għajr l-Istat Membru tar-reġistrazzjoni. Dan jista’ jimpedixxi l-moviment liberu tal-persuni fl-Unjoni u d-dritt tagħhom li jirresjedu fi Stat Membru differenti minn dak fejn il-vettura tkun attwalment irreġistrata.

(6)Uħud mill-metodi attwali ta’ ttestjar tal-emissjonijiet mhumiex adegwati għall-ittestjar ta’ vetturi b’teknoloġija moderna għall-kontroll tal-emissjonijiet tas-sustanzi niġġiesa tal-arja u bażijiet tal-emissjonijiet baxxi. Hemm ukoll il-potenzjal li jkomplu jitnaqqsu l-emissjonijiet tas-sustanzi niġġiesa permezz ta’ testijiet u kontrolli aktar xierqa. L-applikazzjoni tal-aħjar metodi tal-ittestjar disponibbli tgħin lill-Istati Membri jilħqu standards tal-kwalità tal-arja aktar stretti, jiġifieri l-valuri ta’ limitu għall-protezzjoni tas-saħħa tal-bniedem stabbiliti mid-Direttiva (UE) 2024/2881 tal-Parlament Ewropew u tal-Kunsill 46 , speċjalment għall-materja partikolata fina u l-ossidi tan-nitroġenu (NOX).

(7)L-għadd ta’ fatalitajiet u korrimenti serji fit-toroq tal-Unjoni għadu f’livell għoli b’mod inaċċettabbli, b’20 400 mewta fl-2023. Għalhekk, hija meħtieġa azzjoni ulterjuri sabiex jintlaħqu l-miri għas-sikurezza fit-toroq stabbiliti fil-qafas ta’ politika tal-UE dwar is-sikurezza fit-toroq 2021-2030 47 .

(8)L-ittestjar tal-affidabbiltà stradali tal-muturi għandu benefiċċji ċari għas-sikurezza fit-toroq. Dan intwera wkoll min-numru ta’ Stati Membri li diġà jinkludu l-muturi fis-sistemi ta’ ttestjar tal-affidabbiltà stradali tagħhom. B’riżultat ta’ dan, il-possibbiltà attwali ta’ nonparteċipazzjoni għal muturi b’ċilindrata tal-magna ta’ aktar minn 125 cm3 ma għadhiex xierqa, u l-ittestjar perjodiku jenħtieġ li jkun obbligatorju għal tali vetturi mingħajr eċċezzjoni.

(9)Skont il-feedback li jasal mingħand l-Istati Membri u r-rappreżentanti tal-industrija, ir-rekwiżiti legali attwali li għandhom l-għan li jiżguraw li d-data teknika meħtieġa biex jitwettqu spezzjonijiet tekniċi perjodiċi tkun disponibbli għaċ-ċentri tal-ittestjar urew li huma ineffettivi. Għalhekk huwa meħtieġ li jiġi speċifikat li sett minimu ta’ informazzjoni jenħtieġ li jkun disponibbli mingħajr ħlas u mingħajr dewmien żejjed għall-awtoritajiet kompetenti, li mbagħad jenħtieġ li jiżguraw li ċ-ċentri tal-ittestjar awtorizzati minnhom ikollhom ukoll l-aċċess meħtieġ.

(10)L-Istat Membru tar-reġistrazzjoni jenħtieġ li jirrikonoxxi ċertifikat temporanju ta’ affidabbiltà stradali maħruġ minn Stat Membru ieħor għal perjodu ta’ mhux aktar minn 6 xhur, dment li l-ispezzjoni teknika perjodika sussegwenti titwettaq fl-Istat Membru tar-reġistrazzjoni. Dan se jikkontribwixxi biex jiġi ffaċilitat il-moviment liberu tal-persuni filwaqt li jiġi rrispettat ir-rekwiżit bażiku li l-vetturi għandhom ġeneralment jiġu ttestjati fl-Istat Membru tar-reġistrazzjoni.

(11)Għall-istess raġuni, jenħtieġ li Stat Membru ta’ reġistrazzjoni jkun jista’ jagħżel li jirrikonoxxi ċ-ċertifikati tal-affidabbiltà stradali maħruġa minn Stat Membru ieħor. Jekk jagħmel dan, jenħtieġ li jinforma lill-Istati Membri l-oħra u lill-Kummissjoni. Iċ-ċertifikati tal-affidabbiltà stradali kkonċernati jenħtieġ li jitqiesu mill-Istati Membri kollha bħala ekwivalenti għaċ-ċertifikati maħruġa mill-Istat Membru tar-reġistrazzjoni.

(12)Sabiex tiġi miġġielda l-frodi relatata mal-kilometraġġ ta’ vetturi użati, ir-reġistrazzjoni tal-qari tal-odometru hija inkluża fl-ittestjar perjodiku tal-affidabbiltà stradali. Madankollu, l-effettività tal-miżura ġiet limitata minħabba li l-ewwel test jitwettaq biss 4 snin wara l-ewwel reġistrazzjoni fil-biċċa l-kbira tal-Istati Membri u kull sentejn biss wara dan f’ħafna minnhom. Biex ikomplu jindirizzaw il-frodi tal-odometru, l-Istati Membri jenħtieġ li jiżguraw li l-qari tal-odometru jittieħed kull meta fornitur ta’ servizz iwettaq xogħol ta’ manutenzjoni jew tiswija fuq vettura u li l-qari jiġi rreġistrat f’bażi tad-data jew reġistru nazzjonali. L-Istati Membri jenħtieġ li jagħmlu dak il-qari disponibbli f’format anonimizzat għall-ispetturi, l-awtoritajiet kompetenti u d-detentur taċ-ċertifikat ta’ reġistrazzjoni. Barra minn hekk, jenħtieġ li l-Istati Membri jirrikjedu li l-manifatturi jittrażmettu l-qari tal-odometru tal-vetturi konnessi kull 3 xhur. Sabiex il-konsumaturi jkunu jistgħu jidentifikaw frodi tal-odometru qabel ma jixtru vettura, l-Istati Membri jenħtieġ li jinfurmaw ukoll lill-konsumaturi dwar id-disponibbiltà tal-istorja tal-odometru lid-detentur taċ-ċertifikat ta’ reġistrazzjoni, b’mod partikolari fil-kuntest tal-bejgħ tal-vetturi. Sabiex tissaħħaħ id-disponibbiltà tal-istatistika dwar l-użu tal-vetturi mingħajr piż addizzjonali ta’ rapportar fuq l-amministrazzjonijiet nazzjonali, jenħtieġ li l-Istati Membri jagħmlu l-qari tal-odometru disponibbli, f’forma anonimizzata, għall-uffiċċji nazzjonali tal-istatistika u għall-Kummissjoni (il-Eurostat).

(13)Għalkemm il-vetturi elettriċi, inklużi l-vetturi elettriċi ibridi, ilhom fiċ-ċirkolazzjoni għal ħafna snin, u l-għadd tagħhom qed jiżdied b’mod kostanti, ma hemm l-ebda regola armonizzata dwar l-ittestjar tal-affidabbiltà stradali tas-sistemi b’vultaġġ għoli ta’ tali vetturi, li jirriżulta fl-iżvilupp ta’ protokolli ta’ ttestjar differenti fl-Istati Membri. Sabiex jiġi żgurat it-tħaddim sikur ta’ tali vetturi matul il-ħajja utli tagħhom u jiġu evitati prattiki tal-ittestjar konfliġġenti fl-Istati Membri, jenħtieġ li l-elementi tat-test rilevanti jiġu inklużi fir-rekwiżiti minimi għall-kontenut tal-ittestjar u l-metodi rakkomandati għall-ittestjar.

(14)Ir-Regolament (UE) 2019/2144 tal-Parlament Ewropew u tal-Kunsill 48 jirrikjedi l-installazzjoni ta’ varjetà ta’ sistemi avvanzati ta’ assistenza għas-sewwieq, imfassla biex jevitaw il-ħabtiet u jnaqqsu l-vittmi u l-korrimenti serji. Madankollu, il-benefiċċji mistennija mhux se jinkisbu jekk dawn is-sistemi jiddeterjoraw maż-żmien jew ikunu soġġetti għal tbagħbis. Għalhekk, dawk is-sistemi elettroniċi ġodda jenħtieġ li jiġu inklużi fi spezzjonijiet perjodiċi u waqt it-traġitt biex jiġi żgurat li dawn iwasslu l-benefiċċji tas-sikurezza mistennija tagħhom. Sabiex jiġi żgurat it-tħaddim sikur tal-vetturi awtomatizzati u l-ittestjar tas-sistemi tas-sikurezza elettroniċi matul il-ħajja utli tagħhom, jenħtieġ li l-elementi rilevanti li għandhom jiġu ttestjati jiġu inklużi fir-rekwiżiti minimi li jikkonċernaw il-kontenut u l-metodi rakkomandati għall-ittestjar stabbiliti fl-Annessi rispettivi tad-Direttivi 2014/45/UE u 2014/47/UE.

(15)Filwaqt li t-trasport bit-triq jikkontribwixxi għal ishma sinifikanti ta’ emissjonijiet dannużi ta’ sustanzi niġġiesa tal-arja b’mod partikolari l-NOX u l-partikoli fini, il-metodi attwali tal-ittestjar għall-emissjonijiet tal-egżost mhumiex adattati għal vetturi u teknoloġiji aktar reċenti. Ir-Rakkomandazzjoni tal-Kummissjoni (UE) 2023/688 49 kienet l-ewwel pass fl-armonizzazzjoni tal-kejl tan-numru ta’ partikoli waqt l-ittestjar tal-affidabbiltà stradali. Fl-interess tas-saħħa pubblika, il-protezzjoni ambjentali u l-kompetizzjoni ġusta, l-elementi rilevanti li għandhom jiġu ttestjati matul l-ispezzjonijiet tekniċi perjodiċi stabbiliti fl-annessi tad-Direttivi 2014/45/UE u 2014/47/UE issa jenħtieġ li jinkludu l-kejl tan-numru ta’ partikoli u l-kejl tal-NOX.

(16)Vetturi aktar qodma għandhom it-tendenza li jkollhom aktar difetti, ikunu involuti f’ħabtiet aktar spiss , u jirrappreżentaw proporzjon ogħla ta’ vetturi b’emissjonijiet għoljin. L-ispezzjoni ta’ karozzi u vetturi kummerċjali ħfief aktar qodma kull sena tista’ tikkontribwixxi b’mod sinifikanti biex jitnaqqsu l-ħabtiet u l-emissjonijiet dannużi. Għalhekk, il-karozzi u l-vetturi kummerċjali ħfief jenħtieġ li jiġu spezzjonati kull sena, mhux aktar tard minn 10 snin mid-data tal-ewwel reġistrazzjoni.

(17)Barra minn hekk, peress li l-vetturi kummerċjali ħfief jintużaw b’mod aktar intensiv mill-karozzi privati, spiss f’żoni b’densità għolja ta’ popolazzjoni, dawn jenħtieġ li jiġu spezzjonati għall-emissjonijiet kull sena, wara sena mid-data tal-ewwel reġistrazzjoni.

(18)Minbarra l-ispezzjonijiet tekniċi perjodiċi skedati, il-vetturi jenħtieġ li jkunu soġġetti wkoll għal test tal-affidabbiltà stradali jekk is-sistemi u l-komponenti ta’ sikurezza jew ambjentali tal-vettura jkunu ġew mibdula jew modifikati b’mod sinifikanti. Dan jinkludi każijiet fejn ikun hemm bidla fil-kategorija tal-vettura jew fil-livelli tal-emissjonijiet, pereżempju wara l-installazzjoni ta’ filtru tal-partikoli jew meta vettura tiġi kkonvertita biex taħdem bi fjuwil alternattiv.

(19)Sabiex tiġi ffaċilitata t-tranżizzjoni diġitali u jitnaqqsu l-kostijiet għaċ-ċentri tal-ittestjar, iċ-ċertifikati tal-affidabbiltà stradali jenħtieġ li jinħarġu f’format elettroniku standardizzat. Jenħtieġ ukoll li tinħareġ kopja stampata taċ-ċertifikati tal-affidabbiltà stradali lill-persuna li ppreżentat il-vettura għall-ittestjar fuq talba. L-Istati Membri jenħtieġ li jaċċettaw iż-żewġ formati meta tinbidel is-sjieda tal-vettura jew meta l-vettura tiġi rreġistrata mill-ġdid fi Stat Membru ieħor. Għal raġunijiet simili, ir-rapport tal-ispezzjoni waqt it-traġitt aktar dettaljat jenħtieġ li jinħareġ f’format elettroniku.

(20)Jenħtieġ li jiġi żgurat li l-ipproċessar tad-data personali għall-implimentazzjoni ta’ din id-Direttiva jikkonforma mal-qafas tal-protezzjoni tad-data tal-Unjoni, b’mod partikolari r-Regolament (UE) 2016/679 tal-Parlament Ewropew u tal-Kunsill 50 . F’konformità mal-prinċipju tal-protezzjoni tad-data b’mod awtomatiku, jenħtieġ li jintużaw tekniki ta’ verifika li ma jeħtiġux it-trażmissjoni ta’ data personali fuq ċertifikati individwali għall-verifika taċ-ċertifikati tal-affidabbiltà stradali.

(21)Sabiex jiġi previst segwitu adegwat tan-nuqqasijiet meta vettura ma tgħaddix minn spezzjoni teknika perjodika minħabba nuqqas kbir wieħed jew aktar fi Stat Membru għajr l-Istat Membru tar-reġistrazzjoni, ir-riżultat tat-test u l-iskadenza għat-test sussegwenti jenħtieġ li jiġu nnotifikati lill-Istat Membru tar-reġistrazzjoni u rreġistrati fir-reġistru tal-vetturi. L-iskadenza għat-test sussegwenti jenħtieġ li ma tkunx ta’ aktar minn xahrejn u jenħtieġ li ssir fi kwalunkwe wieħed mill-Istati Membri. Barra minn hekk, biex jiġu evitati r-riskji immedjati għas-sikurezza fit-toroq jew għall-ambjent, meta vettura ma tkunx għaddiet mill-ispezzjoni teknika perjodika minħabba nuqqas perikoluż wieħed jew aktar l-Istat Membru jew l-awtorità kompetenti jenħtieġ li tkun tista’ tiddeċiedi li l-vettura inkwistjoni ma għandhiex tintuża fit-toroq pubbliċi u titlob lill-Istat Membru tar-reġistrazzjoni jissospendi l-awtorizzazzjoni tal-vettura għall-użu fit-traffiku fit-toroq, sakemm in-nuqqasijiet jiġu rettifikati. Is-sospensjoni jenħtieġ li tiġi rreġistrata fir-reġistru tal-vetturi tal-Istat Membru tar-reġistrazzjoni.

(22)It-tbagħbis jew il-manipulazzjoni ta’ kwalunkwe komponent ta’ vettura jenħtieġ li titqies bħala nuqqas kbir jew perikoluż u għalhekk jenħtieġ li tkun punibbli b’pieni effettivi, proporzjonati, dissważivi u mhux disriminatorji.

(23)Ir-rekwiżiti attwali stabbiliti fid-Direttivi 2014/45/UE u 2014/47/UE għall-Istati Membri biex jikkooperaw ma’ xulxin meta jimplimentaw dawk id-Direttivi ma jippermettux lill-Istati Membri jiċċekkjaw l-istatus legali u tekniku ta’ vettura f’sitwazzjonijiet transfruntiera. Sabiex tiġi żgurata aktar effettività, inkluż f’sitwazzjonijiet bħal dawn, l-Istati Membri jenħtieġ li jassistu lil xulxin fl-implimentazzjoni tad-Direttiva b’mod aktar sistematiku. Għalhekk, huwa meħtieġ li jiġu stabbiliti regoli dwar l-iskambju tal-informazzjoni u d-data dwar il-vetturi biex l-Istati Membri jkunu jistgħu jikkonsultaw ir-reġistri tal-vetturi u l-bażijiet tad-data tal-affidabbiltà stradali ta’ xulxin, inkluż il-kontenut taċ-ċertifikati tal-affidabbiltà stradali u r-rapporti tal-ispezzjoni teknika waqt it-traġitt.

(24)Għall-iskambju tal-informazzjoni dwar il-vetturi rreġistrati fl-Unjoni, il-pjattaforma għall-iskambju tal-messaġġi MOVE-HUB ġiet żviluppata mill-Kummissjoni biex jiġu interkonnessi r-reġistri elettroniċi nazzjonali tal-Istati Membri 51 . Il-pjattaforma bħalissa tospita l-interkonnessjoni tar-reġistri tal-impriżi tat-trasport bit-triq (ERRU, European registers of road transport undertakings), ir-reġistri tal-liċenzji tas-sewqan (RESPER), ir-reġistri tat-taħriġ professjonali tas-sewwieqa (ProDriveNet), ir-reġistri tal-kards tat-takografu tas-sewwieqa (TACHOnet), u n-notifika tal-fallimenti tal-ispezzjonijiet tal-vetturi waqt it-traġitt (RSI, roadside inspection failures) 52 .

(25)Il-funzjonalitajiet tas-sistema MOVE-HUB jenħtieġ li jiġu estiżi biex jippermettu l-iskambju meħtieġ ta’ informazzjoni u data dwar il-vetturi għall-finijiet tad-Direttivi 2014/45/UE u 2014/47/UE. Għalhekk, l-Istati Membri jenħtieġ li jikkonnettjaw is-sistemi elettroniċi tagħhom li jkun fihom informazzjoni dwar iċ-ċertifikati tal-affidabbiltà stradali u l-istorja tal-odometru mas-sistema MOVE-HUB. L-iskambju tal-informazzjoni u d-data permezz tas-sistema MOVE-HUB jenħtieġ li jkun operazzjonali fi żmien sena wara l-adozzjoni tal-atti ta’ implimentazzjoni korrispondenti skont l-Artikolu 16 tad-Direttiva 2014/45/UE u l-Artikolu 18a tad-Direttiva 2014/47/UE.

(26)Il-kriżijiet ikkawżati minn avvenimenti serji, li jseħħu ġewwa l-Unjoni jew barra minnha, jistgħu jfixklu b’mod sinifikanti t-tħaddim tas-sistema tal-affidabbiltà stradali tagħha. Matul iż-żminijiet ta’ kriżi, l-Istati Membri jenħtieġ li jkunu jistgħu jestendu l-validità taċ-ċertifikati tal-affidabbiltà stradali, inklużi ċ-ċertifikati temporanji ta’ affidabbiltà stradali. Soġġett għall-awtorizzazzjoni tal-Kummissjoni, l-Istati Membri jenħtieġ li jitħallew jestendu l-validità amministrattiva taċ-ċertifikati tal-affidabbiltà stradali u ċ-ċertifikati temporanji ta’ affidabbiltà stradali li jiskadu b’6 xhur. Fejn il-kriżi tippersisti, jenħtieġ li jkun possibbli li l-validità tiġi estiża aktar.

(27)Minħabba ż-żieda fl-għadd ta’ vetturi kummerċjali ħfief fiċ-ċirkolazzjoni fl-Unjoni, biex jiġu promossi kundizzjonijiet ekwi għall-operaturi kummerċjali fl-Unjoni u biex ikomplu jittejbu s-sikurezza u l-prestazzjoni ambjentali tagħhom, il-vetturi kummerċjali ħfief jenħtieġ li jkunu soġġetti wkoll għal spezzjonijiet waqt it-traġitt.

(28)Għall-ispezzjonijiet waqt it-traġitt, l-iskrinjar tal-emissjonijiet tal-egżost ta’ għadd kbir ta’ vetturi bl-użu ta’ tagħmir ta’ telerilevament huwa miżura effettiva għall-identifikazzjoni tal-vetturi b’emissjonijiet għoljin. Dan iżid ir-rati ta’ detezzjoni b’mod sinifikanti meta mqabbel mal-metodi ta’ ttestjar obbligatorji. Għalhekk, jenħtieġ li l-Istati Membri jużaw it-tagħmir ta’ telerilevament b’mod sistematiku biex jiskrinjaw ishma kbar tal-flotta tal-vetturi f’kundizzjonijiet reali fit-triq. Kejl wieħed ta’ telerilevament li jindika emissjonijiet għoljin ogħla mil-limiti legali jista’ jkun relatat ma’ diversi fatturi, bħal aċċellerazzjoni temporanja jew magna kiesħa. Madankollu, kejl multiplu li jindika b’mod sistematiku emissjonijiet ferm ogħla mill-medja jista’ jindika sistema difettuża ta’ kontroll tal-emissjonijiet jew modifiki mhux awtorizzati, bħal tbagħbis. Peress li tali difetti u modifiki jiġġeneraw emissjonijiet eċċessivi li joħolqu riskji għas-saħħa tal-bniedem u għall-ambjent, jenħtieġ li dawn jissewwew, u kwalunkwe tbagħbis jenħtieġ li jiġi sanzjonat.

(29)B’riżultat ta’ dan, tali skrinjar permezz tat-telerilevament jenħtieġ li jifforma parti mis-sistema ta’ spezzjoni waqt it-traġitt ta’ kull Stat Membru. Sabiex l-iskrinjar ikun effettiv, jenħtieġ li kull Stat Membru jiskrinja l-ekwivalenti ta’ mill-inqas 30 % tal-flotta rreġistrata tiegħu ta’ vetturi bil-mutur, inklużi karozzi u muturi. Abbażi ta’ dik id-data tat-telerilevament, l-Istati Membri jenħtieġ li jiċċekkjaw l-emissjonijiet tal-egżost u l-livell ta’ storbju ta’ kwalunkwe vettura li hija suspettata li temetti aktar mid-doppju tal-livell medju ta’ vetturi simili, jew aktar minn 3 dB ogħla mil-livell medju. Dak il-kontroll jista’ jitwettaq fi spezzjoni waqt it-traġitt immedjatament wara kejl tat-telerilevament jew f’ċentru tal-ittestjar tal-affidabbiltà stradali fl-Istat Membru tar-reġistrazzjoni. Għall-vetturi rreġistrati fi Stat Membru ieħor, l-awtorità kompetenti fejn ikun sar il-kejl tat-telerilevament jenħtieġ li tinnotifika r-riżultat tal-kejl u r-riżultat ta’ kwalunkwe spezzjoni sussegwenti waqt it-traġitt lill-awtorità kompetenti tal-Istat Membru tar-reġistrazzjoni.

(30)Id-Direttiva 2014/47/UE tispeċifika sehem minimu ta’ vetturi kummerċjali tqal li għandhom jiġu ttestjati waqt it-traġitt kull sena fl-Unjoni iżda ma tistabbilixxi l-ebda mira fil-livell tal-Istati Membri, li jirriżulta f’diffikultà fl-infurzar ta’ dak is-sehem minimu. Sabiex jiġi żgurat li l-ispezzjonijiet waqt it-traġitt ta’ vetturi kummerċjali jikkontribwixxu għal sikurezza mtejba fit-toroq u tnaqqis fit-tniġġis tal-arja fl-Unjoni, jenħtieġ li kull Stat Membru jwettaq għadd totali ta’ spezzjonijiet tekniċi inizjali waqt it-traġitt kull sena, li jikkorrispondi għal mill-inqas 5 % tal-għadd totali ta’ vetturi kummerċjali tqal irreġistrati fit-territorju tiegħu.

(31)Sabiex tiġi promossa t-trasformazzjoni diġitali u jitnaqqsu l-kostijiet fis-settur tat-trasport, jenħtieġ li l-Istati Membri jirrikjedu li l-awtoritajiet kompetenti tagħhom jaċċettaw l-evidenza elettronika tal-ispezzjonijiet waqt it-traġitt.

(32)Minħabba li l-irbit tal-merkanzija inadegwat jew perikoluż jista’ jkun ta’ theddida serja għas-sikurezza fit-toroq u għall-ambjent, l-ispezzjonijiet tal-irbit tal-merkanzija jenħtieġ li jkunu parti obbligatorja mill-ispezzjonijiet waqt it-traġitt fl-Istati Membri kollha.

(33)Sabiex jiġu żgurati kundizzjonijiet uniformi għall-implimentazzjoni ta’ din id-Direttiva, jenħtieġ li l-Kummissjoni tingħata setgħat ta’ implimentazzjoni biex tispeċifika: (a) is-sett ta’ informazzjoni teknika u d-data meħtieġa għall-ittestjar tal-affidabbiltà stradali li jridu jkunu disponibbli għall-awtoritajiet kompetenti, (b) il-karatteristiċi tal-interoperabbiltà u l-miżuri ta’ sigurtà applikabbli għall-kodiċijiet QR introdotti fiċ-ċertifikati tal-affidabbiltà stradali, (c) il-karatteristiċi u r-rekwiżiti meħtieġa għall-format u l-kontenut tal-informazzjoni u d-data li għandhom jiġu skambjati, u (d) il-format li fih trid tiġi kkomunikata d-data dwar l-ittestjar perjodiku u l-ispezzjonijiet waqt it-traġitt. Jenħtieġ li dawk is-setgħat ikunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill 53 .

(34)Sabiex jintlaħqu l-objettivi ta’ din id-Direttiva, b’mod partikolari biex l-annessi tad-Direttivi 2014/45/UE u 2014/17/UE jiġu adattati għal kwalunkwe żvilupp tekniku, operazzjonali jew xjentifiku, jenħtieġ li l-Kummissjoni tingħata s-setgħa li tadotta l-atti f’konformità mal-Artikolu 290 tat-TFUE biex (a) tispeċifika l-metodi għall-kejl tal-PN tal-magni ta’ tqabbid bi spark u għall-kejl tal-NOX tal-magni ta’ tqabbid bil-kompressjoni u bi spark; u (b) tistabbilixxi l-limiti komuni għall-emissjonijiet tal-egżost jew tal-istorbju jew it-tnejn li huma li jenħtieġ li jintużaw biex jiġu identifikati l-vetturi b’emissjonijiet għoljin. Huwa partikolarment importanti li l-Kummissjoni twettaq konsultazzjonijiet xierqa matul il-ħidma preparatorja tagħha, anke fil-livell tal-esperti, u li dawk il-konsultazzjonijiet jitwettqu f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet 54 . B’mod partikolari, sabiex tiġi żgurata parteċipazzjoni ugwali fit-tħejjija ta’ atti delegati, jenħtieġ li l-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom jenħtieġ li jkollhom aċċess sistematiku għal-laqgħat tal-gruppi ta’ esperti tal-Kummissjoni li jittrattaw it-tħejjija tal-atti delegati.

(35)L-objettivi ta’ din id-Direttiva, jiġifieri, li tittejjeb is-sikurezza fit-toroq, jiġi ffaċilitat il-moviment liberu tal-persuni u jitnaqqsu l-emissjonijiet tas-sustanzi niġġiesa ma jistgħux jintlaħqu b’mod suffiċjenti mill-Istati Membri li jaġixxu waħedhom peress li r-regoli nazzjonali li jirregolaw dawk il-kontrolli tal-vetturi jwasslu għal rekwiżiti diverġenti. Għaldaqstant, tali objettivi jintlaħqu aħjar fil-livell tal-Unjoni billi jiġu stabbiliti rekwiżiti komuni minimi u regoli armonizzati dwar l-ispezzjonijiet tekniċi perjodiċi u l-ispezzjonijiet tekniċi waqt it-traġitt tal-vetturi li jiċċirkolaw fl-Unjoni. Għaldaqstant, l-UE tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal- proporzjonalità kif stabbilit f’dak l-Artikolu, din id-Direttiva ma tmurx lil hinn minn dak li huwa meħtieġ sabiex jinkisbu dawk l-objettivi.

(36)Għalkemm id-data dwar it-tħaddim tar-reġimi tal-ittestjar tal-affidabbiltà stradali hija disponibbli fil-livell nazzjonali, tali data mhijiex disponibbli fil-livell tal-Unjoni. Dan in-nuqqas ta’ data jxekkel l-analiżi u l-evalwazzjoni tas-sistema tal-ittestjar tal-affidabbiltà stradali. Sabiex jiġu indirizzati dawk in-nuqqasijiet, jenħtieġ li l-Istati Membri, fl-implimentazzjoni tad-Direttiva 2014/45/UE, jirrapportaw regolarment lill-Kummissjoni d-data ewlenija dwar l-għadd ta’ ċentri tal-ittestjar f’kull Stat Membru, l-għadd totali ta’ vetturi spezzjonati għal kull kategorija, l-aspetti ċċekkjati, l-elementi li ma għaddewx, u l-informazzjoni dwar it-testijiet tal-affidabbiltà stradali mwettqa fuq vetturi rreġistrati fi Stat Membru ieħor. Fir-rigward tal-ispezzjonijiet waqt it-traġitt, l-obbligi ta’ rapportar attwali fuq l-Istati Membri jenħtieġ li jitnaqqsu u jiġu ssimplifikati, b’rapportar inqas frekwenti meħtieġ.

(37)Sabiex jiġi minimizzat il-piż amministrattiv filwaqt li tiġi żgurata l-utilità tal-informazzjoni rrapportata, jenħtieġ li l-Istati Membri jirrapportaw dwar l-implimentazzjoni tad-Direttivi 2014/45/UE u 2014/47/UE kull 3 snin.

(38)Is-sistema tal-affidabbiltà stradali għandha impatt dirett fuq is-sikurezza fit-toroq, l-istorbju u l-emissjonijiet u għalhekk jenħtieġ li tiġi rieżaminata perjodikament. Abbażi tal-kontribut mill-awtoritajiet tal-Istati Membri, jenħtieġ li l-Kummissjoni tirrapporta lill-Parlament Ewropew u lill-Kunsill dwar l-effettività tad-dispożizzjonijiet tad-Direttiva 2014/45/UE, inklużi dawk dwar il-kamp ta’ applikazzjoni, il-frekwenza tal-ittestjar u r-rikonoxximent taċ-ċertifikati temporanji ta’ affidabbiltà stradali, u d-Direttiva 2014/47/UE, inkluż dik dwar it-telerilevament.

(39)Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 u ta l-opinjoni tiegħu fil-[JJ/XX/SSSS].

(40)F’konformità mad-Dikjarazzjoni Politika Konġunta tat-28 ta’ Settembru 2011 tal-Istati Membri u tal-Kummissjoni dwar id-dokumenti ta’ spjegazzjoni 55 , l-Istati Membri impenjaw ruħhom li, f’każijiet ġustifikati, iżidu man-notifika tal-miżuri ta’ traspożizzjoni tagħhom dokument wieħed jew aktar li jispjegaw ir-relazzjoni bejn il-komponenti ta’ direttiva u l-partijiet korrispondenti tal-istrumenti nazzjonali ta’ traspożizzjoni. Fir-rigward ta’ din id-Direttiva, il-leġiżlatur jidhirlu li t-trażmissjoni ta’ tali dokumenti hija ġustifikata.

(41)Għalhekk, jenħtieġ li d-Direttivi 2014/45/UE u 2014/47/UE jiġu emendati kif xieraq,

ADOTTAW DIN ID-DIRETTIVA:

Artikolu 1

Emendi tad-Direttiva 2014/45/UE

Id-Direttiva 2014/45/UE hija emendata kif ġej:

(1)L-Artikolu 2 huwa emendat kif ġej:

(a)fil-paragrafu 1, is-sitt inċiż huwa sostitwit b’dan li ġej:

“–    vetturi b’żewġ jew tliet roti – kategoriji ta’ vetturi L3e, L4e, L5e u L7e, b’ċilindrata tal-magna ta’ aktar minn 125 cm3, jew b’potenza netta jew nominali kontinwa massima ta’ aktar minn 11 kW;

–    tratturi bir-roti tal-kategoriji T1b, T2b, T3b, T4.1b, T4.2b u T4.3b li l-użu tagħhom iseħħ l-aktar f’toroq pubbliċi b’veloċità massima tad-disinn li ma taqbiżx l-40 km/h.”;

(b)fil-paragrafu 2, jitħassar is-seba’ inċiż;

(2)L-Artikolu 3 huwa emendat kif ġej:

(a)jiddaħħal il-punt (6a) li ġej:

“(6a) ‘vettura konnessa’ tfisser kwalunkwe vettura b’apparat installat iddisinjat biex jippermetti l-konnessjoni jew il-komunikazzjoni mingħajr fili ma’ apparati, vetturi, networks jew servizzi esterni;”;

(b)il-punt (10) huwa sostitwit b’dan li ġej:

“(10) ‘approvazzjoni’ tfisser proċedura li biha Stat Membru jiċċertifika li vettura tissodisfa d-dispożizzjonijiet amministrattivi u r-rekwiżiti tekniċi rilevanti msemmija fir-Regolamenti (UE) Nru 167/2013, (UE) Nru 168/2013 u (UE) 2018/858;”;

(c)il-punt (12) huwa sostitwit b’dan li ġej:

“(12) ‘ċertifikat tal-affidabbiltà stradali’ tfisser rapport tat-test tal-affidabbiltà stradali maħruġ mill-awtorità kompetenti jew ċentru tal-ittestjar;”;

(d)jiddaħħal il-punt (12a) li ġej:

(12a) “ċertifikat temporanju tal-affidabbiltà stradali” tfisser ċertifikat tal-affidabbiltà stradali maħruġ mill-awtorità kompetenti, jew ċentru tal-ittestjar stabbilit fi Stat Membru li mhuwiex l-Istat Membru tar-reġistrazzjoni tal-vettura f’konformità mal-Artikolu 4(3);”;

(3)L-Artikolu 4 huwa sostitwit b’dan li ġej:

“Artikolu 4

Responsabbiltajiet

1.Kull Stat Membru għandu jiżgura li l-vetturi rreġistrati fit-territorju tiegħu jiġu ttestjati perjodikament f’konformità ma’ din id-Direttiva.

2.Mingħajr preġudizzju għall-paragrafi 3 u 4, it-testijiet tal-affidabbiltà stradali għandhom jitwettqu mill-Istat Membru tar-reġistrazzjoni tal-vettura, minn korp pubbliku fdat b’dak il-kompitu minn dak l-Istat Membru jew minn korpi jew stabbilimenti deżinjati u ssorveljati minn dak l-Istat Membru, inklużi korpi pubbliċi jew privati awtorizzati.

3.Fil-każ ta’ vetturi M1, it-testijiet tal-affidabbiltà stradali jistgħu jitwettqu wkoll fi Stat Membru li mhuwiex l-Istat Membru tar-reġistrazzjoni tal-vettura. Ir-riżultat ta’ tali test tal-affidabbiltà stradali għandu jiġi inkluż f’ċertifikat temporanju tal-affidabbiltà stradali, li għandu jkun validu għal 6 xhur. L-awtorità kompetenti għandha tikkomunika r-riżultat tat-test lill-Istat Membru tar-reġistrazzjoni, li għandu jirreġistrah fir-reġistru nazzjonali tal-vetturi. Madankollu, sakemm l-Istat Membru tar-reġistrazzjoni ma jirrikonoxxix iċ-ċertifikati tal-affidabbiltà stradali maħruġa mill-Istat Membru kkonċernat f’konformità mal-paragrafu 4, it-test tal-affidabbiltà stradali sussegwenti għandu jsir fl-Istat Membru tar-reġistrazzjoni tal-vettura.

4.L-Istati Membri jistgħu jirrikonoxxu ċertifikat tal-affidabbiltà stradali, minbarra ċ-ċertifikat temporanju tal-affidabbiltà stradali msemmi fil-paragrafu 3, maħruġ minn Stat Membru li mhuwiex l-Istat Membru tar-reġistrazzjoni tal-vettura. F’każijiet bħal dawn, dak iċ-ċertifikat tal-affidabbiltà stradali għandu jitqies ekwivalenti għaċ-ċertifikat tal-affidabbiltà stradali maħruġ mill-Istat Membru tar-reġistrazzjoni. L-Istati Membri li jiddeċiedu li jirrikonoxxu ċertifikat tal-affidabbiltà stradali maħruġ minn Stat Membru ieħor għandhom jinfurmaw lill-Kummissjoni u lill-Istati Membri l-oħra b’dan.

5.Il-Kummissjoni għandha tadotta atti ta’ implimentazzjoni biex tispeċifika s-sett ta’ informazzjoni teknika meħtieġa għall-ittestjar tal-affidabbiltà stradali tal-elementi li għandhom jiġu ttestjati, dwar l-użu tal-metodi tal-ittestjar rakkomandati, u tistabbilixxi regoli dettaljati dwar il-format tad-data, u l-proċeduri għall-aċċess għall-informazzjoni teknika rilevanti. Tali informazzjoni teknika tista’ tinkludi, b’mod partikolari, l-istruzzjonijiet u d-data dwar l-użu tal-interfaċċa tal-vettura elettronika, dwar il-kodiċijiet dijanjostiċi tal-problema, il-verżjonijiet tas-software, id-deskrizzjoni u l-illustrazzjoni tal-indikaturi ta’ twissija jew tal-indikaturi operatorji.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 19(2).

6.F’konformità mal-prinċipji stabbiliti fir-Regolament (UE) 2018/858, il-manifatturi tal-vetturi għandhom jagħmlu disponibbli s-sett ta’ informazzjoni teknika msemmi fil-paragrafu 5 mingħajr ħlas, u mingħajr dewmien żejjed, lill-awtoritajiet kompetenti rilevanti, b’mod mhux diskriminatorju u f’format li jinqara mill-magni. Dawk l-awtoritajiet kompetenti għandhom jagħmlu dik l-informazzjoni teknika disponibbli għaċ-ċentri tal-ittestjar awtorizzati minnhom.

7.L-Istati Membri għandhom jiżguraw li r-responsabbiltajiet għaż-żamma ta’ vettura f’kundizzjoni ta’ sikurezza u ta’ affidabbiltà stradali huma stabbiliti fil-liġi nazzjonali.”;

(4)jiddaħħal l-Artikolu 4a li ġej:

“Artikolu 4a

Reġistrazzjoni tal-qari tal-odometru

1.Kull Stat Membru għandu jieħu l-miżuri meħtieġa biex jippermetti r-reġistrazzjoni tal-qari tal-odometru f’bażi tad-data nazzjonali jew fir-reġistru nazzjonali tal-vetturi. Dawn għandhom jirrikjedu li, minbarra ċ-ċentri tal-ittestjar, kwalunkwe fornitur ta’ servizz li joħroġ fattura jew dokument ieħor b’rabta ma’ kwalunkwe xogħol ta’ tiswija jew manutenzjoni mwettaq fuq vettura, jirreġistra l-qari tal-odometru f’dik il-bażi tad-data jew fir-reġistru nazzjonali tal-vetturi meta jitwettaq dak ix-xogħol. L-Istati Membri għandhom jirrikjedu wkoll li l-manifatturi tal-vetturi jittrażmettu l-qari tal-odometru tal-vetturi konnessi li jkunu pproduċew kull 3 xhur mid-data tal-ewwel reġistrazzjoni tal-vettura.

2.L-Istati Membri għandhom jagħmlu l-istorja tal-odometru tal-vetturi rreġistrati minnhom disponibbli għall-ispetturi, għad-detentur taċ-ċertifikat ta’ reġistrazzjoni u għall-awtoritajiet kompetenti fl-Istati Membri responsabbli għall-ittestjar tal-affidabbiltà stradali, ir-reġistrazzjoni tal-vetturi, u l-approvazzjoni tal-vettura.

3.L-Istati Membri għandhom jieħdu miżuri xierqa biex jinfurmaw lix-xerrejja potenzjali ta’ vetturi użati, dwar id-disponibbiltà tal-istorja tal-odometru msemmija fil-paragrafu 2.

4.L-Istati Membri għandhom jagħmlu disponibbli wkoll id-data tal-odometru maħżuna fil-bażijiet tad-data nazzjonali u fir-reġistri nazzjonali tal-vetturi msemmija fil-paragrafu 1, f’forma anonimizzata li tinkludi biss l-ewwel 10 karattri tan-numru ta’ identifikazzjoni tal-vettura, għall-uffiċċji nazzjonali tal-istatistika u għall-Kummissjoni (Eurostat) f’konformità mal-Artikoli 17a u 17b tar-Regolament (KE) 223/2009*.

* Ir-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea u li jħassar ir-Regolament (Euratom, KE) Nru 1101/2008 tal-Parlament Ewropew u tal-Kunsill dwar it-trażmissjoni ta’ data suġġetta għall-kunfidenzjalità statistika lill-Uffiċċju tal-Istatistika tal-Komunitajiet Ewropej, ir-Regolament tal-Kunsill (KE) Nru 322/97 u d-Deċiżjoni tal-Kunsill 89/382/KEE, Euratom li tistabbilixxi Kumitat dwar il-Programmi tal-Istatistika tal-Komunitajiet Ewropej (ĠU L 87, 31.3.2009, p. 164, ELI: http://data.europa.eu/eli/reg/2009/223/oj ).’;

(5)L-Artikolu 5 huwa sostitwit b’dan li ġej:

“Artikolu 5

Data u frekwenza tal-ittestjar

1.Il-vetturi għandhom ikunu soġġetti għal test tal-affidabbiltà stradali tal-inqas fl-intervalli li ġejjin, mingħajr preġudizzju għall-perjodu ta’ flessibilità applikat fl-Istati Membri skont il-paragrafu 4:

(a)il-vetturi tal-kategorija M1 u N1: 4 snin wara d-data li fiha l-vettura kienet ġiet irreġistrata għall-ewwel darba u minn dakinhar, kull sentejn sa 10 snin wara d-data li fiha l-vettura kienet ġiet irreġistrata għall-ewwel darba, u minn dakinhar, kull sena; madankollu, il-vetturi tal-kategorija N1 għandhom ikunu soġġetti wkoll għal test tal-affidabbiltà stradali għall-elementi elenkati fit-Taqsima 8.2 tal-Anness I, sena wara d-data li fiha l-vettura kienet ġiet irreġistrata għall-ewwel darba, u minn dakinhar, kull sena;

(b)il-vetturi tal-kategorija M1 użati bħala taksis jew ambulanzi, il-vetturi tal-kategoriji M2, M3, N2, N3, O3 u O4: sena wara d-data li fiha l-vettura kienet irreġistrata għall-ewwel darba, u minn dakinhar, kull sena;

(c)it-tratturi bir-roti tal-kategoriji T1b, T2b, T3b, T4.1b, T4.2b u T4.3b li l-użu tagħhom iseħħ l-aktar f’toroq pubbliċi għal skopijiet kummerċjali ta’ trasport tal-merkanzija bit-triq: 4 snin wara d-data li fiha l-vettura kienet ġiet irreġistrata għall-ewwel darba, u minn dakinhar, kull sentejn.

Għall-finijiet tal-punt (a) tal-ewwel subparagrafu, fil-każ tat-testijiet tal-affidabbiltà stradali msemmija fl-Artikolu 4(3), id-data tal-iskadenza taċ-ċertifikat tal-affidabbiltà stradali sussegwenti għandha tingħadd mid-data ta’ skadenza taċ-ċertifikat temporanju tal-affidabbiltà stradali maħruġ bħala riżultat ta’ dak it-test.

2.L-Istati Membri għandhom jistabbilixxu intervalli xierqa li fihom il-vetturi tal-kategoriji L3e, L4e, L5e u L7e b’ċilindrata tal-magna ta’ aktar minn 125 cm³ jew b’potenza netta jew nominali kontinwa massima ta’ aktar minn 11 kW, iridu jkunu soġġetti għal test tal-affidabbiltà stradali.

3.Minkejja d-data tal-aħħar test tal-affidabbiltà stradali ta’ vettura, il-vetturi għandhom jgħaddu minn test tal-affidabbiltà stradali meta s-sistemi u l-komponenti tas-sikurezza u ambjentali tal-vettura jkunu nbidlu jew ġew modifikati b’mod sinifikanti.

4.L-Istati Membri jew l-awtoritajiet kompetenti jistgħu jistabbilixxu perjodu raġonevoli li matulu jrid jitwettaq it-test tal-affidabbiltà stradali, li ma jaqbiżx l-intervalli stabbiliti fil-paragrafu 1.”;

(6)L-Artikolu 6 huwa emendat kif ġej:

(a)il-paragrafu 1 huwa sostitwit b’dan li ġej:

“1.    Għall-kategorija tal-vetturi li jaqgħu taħt il-kamp ta’ applikazzjoni ta’ din id-Direttiva, bl-eċċezzjoni tal-kategoriji L3e, L4e, L5e u L7e, l-Istati Membri għandhom jiżguraw li t-test tal-affidabbiltà stradali jkopri l-oqsma msemmija fil-punt 2 tal-Anness I.”;

(b)il-paragrafu 3 huwa sostitwit b’dan li ġej:

“3.    Għall-kategoriji ta’ vetturi L3e, L4e, L5e u L7e, b’ċilindrata tal-magna ta’ aktar minn 125 cm3 jew b’potenza netta jew nominali kontinwa massima ta’ aktar minn 11 kW, l-Istati Membri għandhom jiddeterminaw iż-żoni, l-elementi u l-metodi xierqa tal-ittestjar.”;

(c)jiżdied il-paragrafu 4 li ġej:

“4.    L-Istat Membru tar-reġistrazzjoni jista’ jiddeċiedi li ma jeħtieġx l-ittestjar tal-elementi 8.1 jew 8.2 tal-punt 3 tal-Anness I ta’ din id-Direttiva matul it-test tal-affidabbiltà stradali ta’ vettura fejn dik il-vettura tkun għaddiet minn test tal-egżost jew test tal-istorbju korrispondenti, jew tat-tnejn li huma, li jinvolvu l-kontroll tal-elementi 8.1 jew 8.2 jew it-tnejn li huma tal-punt 3 tal-Anness tad-Direttiva 2014/47/UE matul is-6 xhur ta’ qabel id-data ta’ skadenza tat-test tal-affidabbiltà stradali.”;

(7)L-Artikolu 8 huwa sostitwit b’dan li ġej:

“Artikolu 8

Ċertifikat tal-affidabbiltà stradali

1.L-Istati Membri għandhom jiżguraw li ċ-ċentru tal-ittestjar jew, fejn rilevanti, l-awtoritajiet kompetenti, li jkunu wettqu test tal-affidabbiltà stradali fuq vettura joħorġu ċertifikat tal-affidabbiltà stradali għal dik il-vettura li jindika, tal-inqas, l-elementi standardizzati tal-kodiċijiet armonizzati korrispondenti tal-Unjoni kif stabbiliti fl-Anness II. L-Istati Membri għandhom jiżguraw li ċ-ċertifikati tal-affidabbiltà stradali jinħarġu bħala attestazzjonijiet elettroniċi tal-attributi għall-Kartieri Ewropej tal-Identità Diġitali f’konformità mar-Regolament (UE) Nru 910/2014 tal-Parlament Ewropew u tal-Kunsill**.

L-Istati Membri għandhom jiżguraw li ċ-ċertifikati tal-affidabbiltà stradali jkun fihom l-informazzjoni meħtieġa għall-awtentikazzjoni u l-validazzjoni ta’ dawn iċ-ċertifikat.

L-Istati Membri għandhom jinfurmaw lill-Kummissjoni dwar emittenti fdati ta’ ċertifikati tal-affidabbiltà stradali li huma għandhom iżommu aġġornati. Il-Kummissjoni għandha tagħmel lista ta’ dawk l-emittenti disponibbli pubblikament permezz ta’ kanal sigur u f’forma ffirmata jew issiġillata elettronikament adatta għall-ipproċessar awtomatizzat.

2.L-Istati Membri għandhom jirrikjedu li ċ-ċentri tal-ittestjar jew, fejn rilevanti, l-awtoritajiet kompetenti, jipprovdu, fuq talba, kopja stampata ċċertifikata taċ-ċertifikat tal-affidabbiltà stradali lill-persuna li tippreżenta l-vettura għall-ittestjar. Dawk il-kopji stampati għandhom ikunu faċli għall-utent u għandu jkun fihom [barcode] [kodiċi QR] interoperabbli, li jippermetti l-verifika tal-awtentiċità, tal-validità u tal-integrità tiegħu. Sa 6 xhur wara l-adozzjoni tal-atti ta’ implimentazzjoni msemmija fil-paragrafu 9, il-[barcode] [kodiċi QR] għandu jikkonforma mal-ispeċifikazzjonijiet tekniċi stabbiliti f’dawk l-atti ta’ implimentazzjoni. L-informazzjoni li tinsab fiċ-ċertifikat għandha tintwera wkoll f’forma li tinqara mill-bniedem u għandha tiġi pprovduta mill-inqas bil-lingwa jew bil-lingwi uffiċjali tal-Istat Membru emittenti.

3.Minkejja l-Artikolu 5, fil-każ ta’ reġistrazzjoni mill-ġdid ta’ vettura diġà rreġistrata fi Stat Membru ieħor, kull Stat Membru għandu jirrikonoxxi ċ-ċertifikat tal-affidabbiltà stradali maħruġ minn dak l-Istat Membru l-ieħor, kemm jekk f’format elettroniku kif ukoll stampat, daqslikieku ħareġ dak iċ-ċertifikat huwa stess, dment li ċ-ċertifikat tal-affidabbiltà stradali jkun għadu validu f’termini tal-intervalli tal-frekwenza stabbiliti għat-testijiet perjodiċi tal-affidabbiltà stradali mill-Istat Membru tar-reġistrazzjoni mill-ġdid. L-Istati Membri għandhom jikkomunikaw kwalunkwe mudell ġdid taċ-ċertifikat tal-affidabbiltà stradali, u d-deskrizzjoni tas-sett tad-data maħruġa għaċ-ċertifikati tal-affidabbiltà stradali bħala attestazzjonijiet elettroniċi tal-attributi lill-Kummissjoni u lill-Istati Membri l-oħra mingħajr dewmien żejjed. Il-Kummissjoni għandha tippubblika dawk il-mudelli u d-deskrizzjonijiet tas-settijiet tad-data.

4.Minbarra d-dispożizzjonijiet tal-paragrafu 3, l-Istati Membri għandhom jirrikonoxxu l-validità ta’ ċertifikat tal-affidabbiltà stradali, kemm jekk f’format elettroniku kif ukoll stampat, fejn ikun hemm bidla fis-sjieda ta’ vettura li jkollha prova valida ta’ test perjodiku tal-affidabbiltà stradali.

5.L-Istat Membru tar-reġistrazzjoni għandu jirrikonoxxi l-validità ta’ ċertifikat temporanju tal-affidabbiltà stradali maħruġ fi Stat Membru ieħor.

6.Iċ-ċentri tal-ittestjar għandhom jikkomunikaw elettronikament, lill-awtorità kompetenti tal-Istat Membru kkonċernat, l-informazzjoni inkluża fiċ-ċertifikati tal-affidabbiltà stradali li joħorġu. Tali komunikazzjoni għandha sseħħ fi żmien raġonevoli wara l-ħruġ ta’ kull ċertifikat tal-affidabbiltà stradali. L-Istati Membri għandhom jiddeterminaw il-perjodu li matulu l-awtorità kompetenti trid iżżomm dik l-informazzjoni. Dak il-perjodu ma għandux ikun ta’ inqas minn 36 xahar, mingħajr preġudizzju għas-sistemi fiskali nazzjonali tal-Istati Membri.

7.L-Istati Membri għandhom jiżguraw li l-informazzjoni inkluża fiċ-ċertifikat tal-affidabbiltà stradali preċedenti tkun disponibbli għall-ispetturi.

8.L-Istati Membri għandhom jiżguraw li r-riżultati tat-test tal-affidabbiltà jiġu nnotifikati jew isiru disponibbli elettronikament malajr kemm jista’ jkun għall-awtorità responsabbli għar-reġistrazzjoni tal-vettura. Dik in-notifika għandu jkun fiha l-informazzjoni inkluża fiċ-ċertifikat tal-affidabbiltà stradali.

9.Sa [data tad-dħul fis-seħħ + sentejn], il-Kummissjoni għandha tadotta atti ta’ implimentazzjoni biex tistabbilixxi l-ispeċifikazzjonijiet tekniċi u r-regoli rigward dan li ġej:

(a)il-ħruġ u l-verifika b’mod sigur taċ-ċertifikati msemmija fil-paragrafi 1 u 2;

(b)l-iżgurar tal-protezzjoni u s-sigurtà tad-data personali;

(c)l-istabbiliment tal-istruttura komuni tad-data taċ-ċertifikati tal-affidabbiltà stradali;

(d)il-ħruġ u l-verifika ta’ [barcode][kodiċi QR] validu, sigur u interoperabbli;

(e)in-notifika ta’ emittenti fdati ta’ ċertifikati tal-affidabbiltà stradali.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 19(2).

________________________________

** Ir-Regolament (UE) Nru 910/2014 tal-Parlament Ewropew u tal-Kunsill tat-23 ta’ Lulju 2014 dwar l-identifikazzjoni elettronika u s-servizzi fiduċjarji għal transazzjonijiet elettroniċi fis-suq intern u li jħassar id-Direttiva 1999/93/KE (ĠU L 257, 28.8.2014, p. 73, ELI: http://data.europa.eu/eli/reg/2014/910/oj)’;

(8)L-Artikolu 9 huwa sostitwit b’dan li ġej:

“Artikolu 9

Segwitu tan-nuqqasijiet

1.Fil-każ ta’ nuqqasijiet minuri biss, it-test għandu jitqies li jkun tlesta b’suċċess, in-nuqqasijiet għandhom jiġu rrettifikati, u l-vettura ma għandhiex tiġi ttestjata mill-ġdid.

2.Fil-każ ta’ nuqqasijiet kbar, it-test għandu jitqies li ma jkunx irnexxa. L-Istat Membru jew l-awtorità kompetenti għandhom jiddeċiedu dwar il-perjodu li matulu l-vettura inkwistjoni tista’ tintuża qabel ma tkun meħtieġa tgħaddi minn test ieħor tal-affidabbiltà stradali, li għandu jsir mhux aktar tard minn xahrejn wara t-test inizjali. Ir-riżultat tat-test u l-limitu ta’ żmien sat-test sussegwenti għandhom jiġu nnotifikati lill-Istat Membru tar-reġistrazzjoni u rreġistrati fir-reġistru tal-vetturi f’konformità mal-Artikolu 3a(1) tad-Direttiva tal-Kunsill 1999/37/KE***. Dak it-test sussegwenti jista’ jsir fl-Istat Membru fejn il-vettura ma tkunx għaddiet mit-test inizjali, jew fl-Istat Membru tar-reġistrazzjoni.

3.Fil-każ ta’ nuqqasijiet perikolużi, it-test għandu jitqies li ma jkunx irnexxa. L-Istat Membru jew l-awtorità kompetenti jistgħu jiddeċiedu li l-vettura inkwistjoni ma għandhiex tintuża fit-toroq pubbliċi u li l-awtorizzazzjoni għall-użu tagħha fit-traffiku fit-toroq trid tiġi sospiża għal perjodu ta’ żmien limitat, mingħajr il-ħtieġa ta’ proċess ġdid ta’ reġistrazzjoni. Tali talba għal sospensjoni għandha tiġi nnotifikata lill-Istat Membru tar-reġistrazzjoni u s-sospensjoni għandha tiġi rreġistrata fir-reġistru tal-vetturi f’konformità mal-Artikolu 3a(1) tad-Direttiva 1999/37/KE. Meta n-nuqqasijiet jiġu rettifikati, għandu jinħareġ mingħajr dewmien ċertifikat ġdid tal-affidabbiltà stradali li jixhed li l-vettura tinsab f’kundizzjoni tajba tal-affidabbiltà stradali. Iċ-ċertifikat il-ġdid għandu jinħareġ mill-awtorità kompetenti li tkun talbet is-sospensjoni.

4.Fil-każ ta’ tbagħbis jew manipulazzjoni ovvji ta’ kwalunkwe komponent tal-vettura, inklużi s-sistema ta’ kontroll tal-emissjonijiet, is-silenzjatur, is-sistemi relatati mas-sikurezza, jew l-odometri, bl-għan li jitnaqqas jew jiġi rrappreżentat ħażin ir-rekord tad-distanza ta’ vettura, tali tbagħbis jew manipulazzjoni għandhom jitqiesu bħala nuqqasijiet kbar jew perikolużi u għandhom ikunu punibbli b’penali effettivi, proporzjonati, dissważivi u mhux diskriminatorji.

***    Id-Direttiva tal-Kunsill 1999/37/KE tad-29 ta’ April 1999 dwar id-dokumenti ta’ reġistrazzjoni għall-vetturi (ĠU L 138, 1.6.1999, p. 57, ELI: http://data.europa.eu/eli/dir/1999/37/oj )’;

(9)L-Artikolu 16 huwa sostitwit b’dan li ġej:

“Artikolu 16

Skambju tad-data bejn l-awtoritajiet tal-Istati Membri

1.L-Istati Membri għandhom jassistu lil xulxin fl-implimentazzjoni ta’ din id-Direttiva. Huma għandhom jiskambjaw l-informazzjoni u d-data b’mod partikolari bl-għan li jivverifikaw, fil-ħin tal-ittestjar tal-affidabbiltà stradali, l-istatus legali u tekniku tagħhom, fejn meħtieġ fl-Istat Membru li fih tkun irreġistrata.

L-Istati Membri għandhom jipprovdu aċċess għad-data tar-reġistrazzjoni tal-vetturi, għad-data dwar il-kontenut taċ-ċertifikati ta’ konformità, għall-aħħar ċertifikat tal-affidabbiltà stradali, għal kwalunkwe rapport tal-ispezzjoni teknika waqt it-traġitt, u għall-istorja tal-odometru tal-vettura maħżuna fil-bażijiet tad-data nazzjonali, lill-awtoritajiet kompetenti u liċ-ċentri tal-ittestjar awtorizzati minn Stati Membri oħra.

L-Istati Membri għandhom jinterkonnettjaw is-sistemi elettroniċi tagħhom taċ-ċertifikati tal-affidabbiltà stradali u l-istorja tal-odometru permezz tas-sistema elettronika MOVE-HUB żviluppata mill-Kummissjoni b’tali mod li l-awtoritajiet kompetenti u ċ-ċentri tal-ittestjar awtorizzati ta’ kwalunkwe Stat Membru jkunu jistgħu jikkonsultaw il-bażi tad-data rilevanti jew ir-reġistru nazzjonali tal-vetturi ta’ kwalunkwe Stat Membru ieħor f’ħin reali.

2.Sa [JEKK JOGĦĠBOK DAĦĦAL ID-DATA: sentejn wara d-dħul fis-seħħ ta’ din id-direttiva], il-Kummissjoni għandha tadotta atti ta’ implimentazzjoni li jistabbilixxu l-arranġamenti meħtieġa għall-implimentazzjoni tal-funzjonalitajiet tas-sistema elettronika MOVE-HUB u li jispeċifikaw ir-rekwiżiti minimi għall-format u l-kontenut tal-informazzjoni u d-data li għandhom jiġu skambjati mill-Istati Membri fir-rigward tal-vetturi soġġetti għall-ittestjar tal-affidabbiltà stradali. Dawk l-atti ta’ implimentazzjoni għandhom jiżguraw il-protezzjoni tad-data personali u għandhom jiġu adottati f’konformità mal-proċedura ta’ eżami msemmija fl-Artikolu 19(2).

3.L-interkonnessjonijiet tas-sistemi elettroniċi previsti fil-paragrafu 1 għandhom ikunu operazzjonali fi żmien sena wara l-adozzjoni tal-atti ta’ implimentazzjoni msemmija fil-paragrafu 2.”;

(10)L-Artikolu 17 huwa emendat kif ġej:

(a)l-ewwel inċiż huwa sostitwit b’dan li ġej:

“–    taġġorna biss id-deżinjazzjonijiet tal-kategorija ta’ vetturi msemmija fl-Artikolu 2(1), l-Artikolu 5(1) u (2), u l-Artikolu 6(1) u (2) kif xieraq f’każ ta’ bidliet fil-kategoriji ta’ vetturi li jirriżultaw minn emendi tal-leġiżlazzjoni tal-approvazzjoni tat-tip imsemmija fl-Artikolu 2(1), mingħajr ma jiġu affettwati l-kamp ta’ applikazzjoni u l-frekwenzi tat-testijiet;”;

(b)it-tielet inċiż huwa sostitwit b’dan li ġej:

“–    tadatta l-punt 3 tal-Anness I, wara l-valutazzjoni pożittiva tal-kostijiet u l-benefiċċji involuti, fir-rigward tal-lista tal-elementi tat-test, il-metodi, ir-raġunijiet għalfejn l-element ma jgħaddix mit-test u l-valutazzjoni tan-nuqqasijiet;”;

(c)jiżdied ir-raba’ inċiż li ġej:

“–    tispeċifika l-metodi għall-kejl tan-numru ta’ partikoli (PN) ta’ magni ta’ tqabbid bi spark u għall-kejl tal-ossidu tan-nitroġenu (NOX) tal-magni ta’ tqabbid bil-kompressjoni u bi spark previsti fit-Taqsima 8.2 tal-punt 3 tal-Anness I.”;

(11)L-Artikolu 20 huwa sostitwit b’dan li ġej:

“Artikolu 20

Rapportar

Sa [sentejn mid-data msemmija fl-Artikolu 20a(1)], il-Kummissjoni għandha tissottometti rapport lill-Parlament Ewropew u lill-Kunsill dwar l-implimentazzjoni u l-effetti ta’ din id-Direttiva, b’mod partikolari fir-rigward tal-effettività tad-dispożizzjonijiet dwar il-kamp ta’ applikazzjoni tagħha, b’mod partikolari fir-rigward tal-vetturi tal-kategorija L, il-frekwenza tal-ittestjar, ir-rikonoxximent reċiproku taċ-ċertifikati tal-affidabbiltà stradali f’każijiet ta’ reġistrazzjoni mill-ġdid ta’ vetturi li joriġinaw minn Stat Membru ieħor, u r-rikonoxximent ta’ ċertifikati temporanji tal-affidabbiltà stradali. Ir-rapport għandu janalizza wkoll jekk huwiex meħtieġ li l-Annessi jiġu aġġornati, b’mod partikolari fid-dawl tal-progress u l-prattiki tekniċi.”;

(12)jiddaħħal l-Artikolu 20a li ġej:

“Artikolu 20a

Komunikazzjoni tal-informazzjoni lill-Kummissjoni

1.Sal-31 ta’ Marzu 2030, u sal-31 ta’ Marzu kull 3 snin minn dakinhar, l-Istati Membri għandhom jikkomunikaw lill-Kummissjoni permezz tal-pjattaforma ta’ rapportar online msemmija fl-Artikolu 28 tar-Regolament (UE) 2018/1999 tal-Parlament Ewropew u tal-Kunsill**** (“pjattaforma elettronika”), id-data miġbura relatata ma’ kull waħda mit-3 snin kalendarji preċedenti u li tikkonċerna l-vetturi spezzjonati fit-territorju tagħhom. Dik id-data għandha tinkludi dan li ġej (għal kull sena kalendarja):

(a)l-għadd ta’ ċentri tal-ittestjar għal kull Stat Membru;

(b)l-għadd totali ta’ vetturi spezzjonati;

(c)l-għadd ta’ vetturi spezzjonati għal kull kategorija;

(d)l-aspetti ċċekkjati, u l-elementi li ma għaddewx, f’konformità mal-punt 3 tal-Anness I ta’ din id-Direttiva;

(e)l-għadd, il-kategorija u [ir-rata ta’ falliment] [ir-riżultat tat-test] ta’ vetturi ttestjati rreġistrati fi Stat Membru ieħor.

L-ewwel rapport għandu jkopri s-snin 2027, 2028 u 2029, separatament.

2.Il-Kummissjoni għandha tadotta atti ta’ implimentazzjoni li jistabbilixxu l-format li għandu jintuża mill-Istati Membri għall-komunikazzjoni tad-data msemmija fil-paragrafu 1 permezz tal-pjattaforma elettronika. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 19(2).

****    Ir-Regolament (UE) 2018/1999 tal-Parlament Ewropew u tal-Kunsill tal-11 ta’ Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, li jemenda r-Regolamenti (KE) Nru 663/2009 u (KE) Nru 715/2009 tal-Parlament Ewropew u tal-Kunsill, id-Direttivi 94/22/KE, 98/70/KE, 2009/31/KE, 2009/73/KE, 2010/31/UE, 2012/27/UE u 2013/30/UE tal-Parlament Ewropew u tal-Kunsill, id-Direttivi tal-Kunsill 2009/119/KE u (UE) 2015/652 u li jħassar ir-Regolament (UE) Nru 525/2013 tal-Parlament Ewropew u tal-Kunsill (ĠU L 328, 21.12.2018, p. 1, ELI: http://data.europa.eu/eli/reg/2018/1999/oj ).’;

(13)L-Artikolu 22 huwa sostitwit b’dan li ġej:

“Artikolu 22

Estensjoni tal-validità taċ-ċertifikati tal-affidabbiltà stradali f’każ ta’ kriżi

1.Għall-finijiet ta’ dan l-Artikolu għandhom japplikaw id-definizzjonijiet li ġejjin:

(a)“sitwazzjoni ta’ kriżi” tfisser avveniment eċċezzjonali, mhux mistenni u f’daqqa, naturali jew ikkawżat mill-bniedem ta’ natura u skala straordinarja li jseħħ fl-Unjoni jew barra minnha, b’impatti diretti jew indiretti sinifikanti fuq il-qasam tat-trasport bit-triq u li jipprevjeni wkoll jew ifixkel b’mod sinifikanti l-possibbiltà għas-sidien jew għad-detenturi ta’ vetturi rreġistrati fl-Istati Membri jew għall-awtoritajiet nazzjonali rilevanti li jwettqu testijiet tal-affidabbiltà stradali;

(b)“perjodu ta’ kriżi” tfisser il-perjodu li matulu Stat Membru jkun awtorizzat mill-Kummissjoni, f’konformità mal-proċedura msemmija fil-paragrafu 2, biex jadotta l-miżuri msemmija f’dan l-Artikolu.

2.Fil-każ ta’ sitwazzjoni ta’ kriżi li tkopri t-territorju kollu ta’ Stat Membru jew parti minnu, dak l-Istat Membru jista’ jirreferi l-kwistjoni lill-Kummissjoni, permezz ta’ talba debitament motivata, bil-ħsieb tal-adozzjoni ta’ deċiżjoni li tawtorizza lil dak l-Istat Membru jadotta l-miżuri msemmija f’dan l-Artikolu għat-territorju kollu tiegħu jew parti minnu. Dawn il-miżuri jistgħu jiġu applikati għal perjodu massimu ta’ 6 xhur. Il-Kummissjoni tista’ tawtorizza l-estensjoni tal-miżuri, fuq talba tal-Istat Membru, għal perjodi addizzjonali ta’ 6 xhur, sakemm is-sitwazzjoni ta’ kriżi tippersisti.

3.Il-Kummissjoni tista’ tiddeċiedi li l-perjodu ta’ kriżi beda qabel ma l-kwistjoni ġiet riferuta mill-Istat Membru inkwistjoni skont il-paragrafu 2.

4.Jekk il-Kummissjoni tirċievi talbiet debitament motivati minn żewġ Stati Membri jew aktar relatati ma’ sitwazzjoni ta’ kriżi unika li tkopri t-territorji kollha tagħhom jew parti minnhom, tista’ tadotta deċiżjoni unika li tapplika għal dawk l-Istati Membri kollha.

5.Minkejja l-Artikolu 5(1), l-Artikolu 10(1) u l-punt 8 tal-Anness II, l-awtoritajiet kompetenti tal-Istati Membri jistgħu jestendu l-perjodu ta’ validità taċ-ċertifikati tal-affidabbiltà stradali tal-vetturi kollha jew ta’ ċerti kategoriji ta’ vetturi li jkunu skadew jew li kieku jiskadu matul il-perjodu ta’ kriżi, għal perjodu massimu ta’ 6 xhur. Dak il-perjodu jista’ jiġġedded għal perjodi addizzjonali suċċessivi ta’ 6 xhur, sakemm il-kriżi tippersisti, u l-Kummissjoni tawtorizzah.

6.Il-miżuri adottati mill-Istati Membri abbażi ta’ dan l-Artikolu għandhom jiġu nnotifikati minnufih lill-Kummissjoni, li għandha tinforma lill-Istati Membri l-oħra u tippubblika avviż f’Il-Ġurnal Uffiċjali tal-Unjoni Ewropea.”;

(14)L-Anness I, l-Anness III u l-Anness IV huma emendati f’konformità mal-Anness I ta’ din id-Direttiva.

Artikolu 2

Emendi tad-Direttiva 2014/47/UE

Id-Direttiva 2014/47/UE hija emendata kif ġej:

(1)L-Artikolu 1 huwa sostitwit b’dan li ġej:

“Artikolu 1

Suġġett

Din id-Direttiva tistabbilixxi rekwiżiti minimi għal reġim ta’ spezzjonijiet tekniċi waqt it-traġitt tal-affidabbiltà stradali ta’ vetturi kummerċjali, u għat-telerilevament ta’ vetturi, li jiċċirkolaw fit-territorju tal-Istati Membri.”;

(2)L-Artikolu 2 huwa emendat kif ġej:

(a)il-paragrafu 1 huwa emendat kif ġej:

(i)    jiddaħħal il-punt (aa) li ġej:

“(aa) vetturi bil-mutur iddisinjati u mibnija primarjament għall-ġarr tal-oġġetti, u b’massa massima li ma taqbiżx it-3,5 tunnellati – kategorija tal-vetturi N1;”;

(ii)    jiżdied it-tieni subparagrafu li ġej:

*****    Ir-Regolament (UE) Nru 167/2013 tal-Parlament Ewropew u tal-Kunsill tal-5 ta’ Frar 2013 dwar l-approvazzjoni u s-sorveljanza tas-suq ta’ vetturi għall-agrikoltura u għall-forestrija (ĠU L 60, 2.3.2013, p. 1, ELI:  http://data.europa.eu/eli/reg/2013/167/oj ).’;

(b)il-paragrafu 2 huwa sostitwit b’dan li ġej:

“2. Din id-Direttiva ma għandhiex taffettwa d-dritt tal-Istati Membri li jwettqu spezzjonijiet tekniċi waqt it-traġitt fuq vetturi mhux imsemmija fil-paragrafu 1, u li jiċċekkjaw aspetti oħra tat-trasport bit-triq u s-sikurezza, jew li jwettqu spezzjonijiet f’postijiet li mhumiex toroq pubbliċi. Xejn f’din id-Direttiva ma għandu jipprevjeni lil Stat Membru milli jillimita l-użu ta’ tip partikolari ta’ vettura għal ċerti partijiet tan-network tat-toroq tiegħu għal raġunijiet ta’ sikurezza fit-toroq.”;

(3)L-Artikolu 3 huwa emendat kif ġej:

(a)il-punt (11) huwa sostitwit b’dan li ġej:

“(11) ‘ċertifikat tal-affidabbiltà stradali’ tfisser rapport ta’ test tal-affidabbiltà stradali kif definit fl-Artikolu 3, il-punt (12), tad-Direttiva 2014/45/UE;”;

(b)il-punt 18 jitħassar;

(c)jiżdiedu l-punti (21) u (22) li ġejjin:

“(21) “telerilevament” tfisser l-iskrinjar tal-vetturi billi jitkejlu l-emissjonijiet tal-egżost fit-triq, inklużi l-ossidi tan-nitroġenu u l-materja partikolata, jew il-livelli ta’ storbju tal-vetturi li jgħaddu qrib tagħmir fiss jew mobbli waqt it-traġitt, jew permezz tal-insegwiment tad-dħaħen fil-każ tal-iskrinjar tal-vetturi għall-emissjonijiet ta’ sustanzi niġġiesa tal-arja;

(22) “insegwiment tad-dħaħen” tfisser il-kejl tal-emissjonijiet ta’ sustanzi niġġiesa tal-arja fit-triq ta’ vetturi segwiti minn vettura li ssegwi mgħammra b’apparat tal-kampjunar u strument tal-kejl xierqa.”;

(4)L-Artikolu 4 huwa sostitwit b’dan li ġej:

“Artikolu 4

Sistema tal-ispezzjonijiet waqt it-traġitt

Is-sistema tal-ispezzjonijiet tekniċi waqt it-traġitt għandha tinkludi l-użu tat-telerilevament kif imsemmi fl-Artikolu 4a, spezzjonijiet tekniċi inizjali waqt it-traġitt kif imsemmi fl-Artikolu 10(1), u spezzjonijiet tekniċi aktar dettaljati waqt it-traġitt kif imsemmi fl-Artikolu 10(2).”

(5)jiddaħħal l-Artikolu 4a li ġej:

“Artikolu 4a

Telerilevament

1.L-Istati Membri għandhom jużaw it-teknoloġija ta’ telerilevament biex jiskrinjaw il-vetturi bil-mutur għall-emissjonijiet tagħhom tas-sustanzi niġġiesa tal-arja u tal-istorbju. Kull sena, kull Stat Membru għandu jieħu l-miżuri meħtieġa biex jiskrinja l-ekwivalenti ta’ mill-inqas 30 % tal-flotta tal-vetturi bil-mutur irreġistrati fit-territorju tiegħu li jużaw dik it-teknoloġija.

2.L-Istati Membri għandhom jużaw ir-riżultati ta’ tali telerilevament biex jidentifikaw il-vetturi b’emissjonijiet għoljin. Madankollu, vettura ma għandhiex titqies li ma tkunx għaddiet jew li tkun għaddiet minn spezzjoni waqt it-traġitt abbażi ta’ kejl wieħed tat-telerilevament.

L-Istati Membri għandhom jieħdu l-miżuri meħtieġa biex jivverifikaw l-emissjonijiet tal-egżost, il-livell ta’ storbju jew it-tnejn li huma ta’ kwalunkwe vettura li, abbażi tad-data tat-telerilevament ta’ mill-inqas tliet kejliet ta’ dik il-vettura fi żmien perjodu ta’ 6 xhur, tkun issuspettata li temetti ’l fuq minn ċertu livell. Għall-emissjonijiet tal-egżost, dak il-livell għandu jkun id-doppju tal-livell medju għall-vetturi li jappartjenu għall-istess kategorija ta’ vetturi, klassi tal-emissjonijiet, u li għandhom l-istess tip ta’ tqabbid, jiġifieri tqabbid bi spark jew tqabbid bil-kompressjoni. Għall-istorbju, il-livell għandu jkun 3 dB ogħla mil-livell medju għall-vetturi li jappartjenu għall-istess kategorija ta’ vetturi.

Tali verifika mill-Istati Membri tista’ ssir kif ġej:

(a)immedjatament wara kejl tat-telerilevament, bħala parti minn spezzjoni teknika waqt it-traġitt imwettqa f’konformità mal-Artikolu 10, inkluż test tal-emissjonijiet tal-istorbju jew tal-egżost jew it-tnejn li huma f’konformità mal-punt 3, l-element 8 tal-Anness II;

(b)fi żmien 15-il jum mill-aħħar kejl tat-telerilevament f’ċentru tal-ittestjar imsemmi fl-Artikolu 12 tad-Direttiva 2014/45/UE, għall-vetturi rreġistrati fl-Istat Membru fejn ikun sar il-kejl tat-telerilevament, wara n-notifika tas-sid mill-awtorità kompetenti fi żmien 5 ijiem mill-aħħar kejl tat-telerilevament.

3.Fir-rigward tal-vetturi rreġistrati fi Stat Membru ieħor, l-awtorità kompetenti għandha tinnotifika lill-awtorità kompetenti tal-Istat Membru tar-reġistrazzjoni bil-kejl tat-telerilevament u bi kwalunkwe spezzjoni teknika sussegwenti waqt it-traġitt, permezz tal-punti ta’ kuntatt imsemmija fl-Artikolu 17 ta’ din id-Direttiva. Fejn ma tkun saret l-ebda spezzjoni sussegwenti waqt it-traġitt, l-Istati Membri tar-reġistrazzjoni għandhom jitolbu lid-detentur taċ-ċertifikat ta’ reġistrazzjoni tal-vettura jippreżenta l-vettura fi kwalunkwe ċentru tal-ittestjar imsemmi fl-Artikolu 12 tad-Direttiva 2014/45/UE mhux aktar tard minn 45 jum wara n-notifika li tasal mingħand l-Istat Membru fejn ikun sar il-kejl tat-telerilevament.

4.L-Istati Membri jistgħu jivverifikaw ukoll l-emissjonijiet tal-egżost, il-livell tal-istorbju, jew it-tnejn li huma, ta’ kwalunkwe vettura li hija suspettata li temetti aktar mid-doppju ta’, jew aktar minn 3 dB ogħla mil-livelli medji msemmija fil-paragrafu 2 abbażi ta’ kejl wieħed jew tnejn biss tat-telerilevament. Tali verifika għandha ssir f’konformità mal-paragrafu 3.”;

(6)fl-Artikolu 5, il-paragrafi 1 u 2 huma sostitwiti b’dan li ġej:

“1.    Għall-vetturi msemmija fl-Artikolu 2(1), il-punti (a), (b), (c) u (d), l-Istati Membri għandhom iwettqu għadd totali ta’ spezzjonijiet tekniċi inizjali waqt it-traġitt, għal kull sena kalendarja, li jikkorrispondi għal mill-inqas 5 % tal-għadd totali ta’ dawk il-vetturi li jkunu rreġistrati fit-territorju tagħhom.

2.    Għall-vetturi msemmija fl-Artikolu 2(1), il-punt (aa), l-Istati Membri għandhom iwettqu għadd totali ta’ spezzjonijiet tekniċi inizjali waqt it-traġitt, għal kull sena kalendarja, li jikkorrispondi għal mill-inqas 2 % tal-għadd totali ta’ dawk il-vetturi li jkunu rreġistrati fit-territorju tagħhom.”;

(7)fl-Artikolu 6, il-paragrafu 1 huwa sostitwit b’dan li ġej:

“Għall-attribuzzjoni ta’ profil tar-riskju lil impriża, l-Istati Membri jistgħu jużaw il-kriterji stabbiliti fl-Anness I. Dik l-informazzjoni għandha tintuża biex jitwettqu kontrolli fuq l-impriżi b’punteġġ għoli ta’ klassifikazzjoni tar-riskju aktar mill-qrib u aktar ta’ spiss. Is-sistema ta’ klassifikazzjoni tar-riskju għandha titħaddem mill-awtoritajiet kompetenti tal-Istati Membri.

Għall-vetturi msemmija fl-Artikolu 2(1), il-punti (a) sa (c), l-Istati Membri għandhom jiżguraw li l-informazzjoni dwar l-għadd u s-severità tan-nuqqasijiet stabbiliti fl-Anness II u, fejn applikabbli, fl-Anness III ta’ din id-Direttiva li jinstabu fuq vetturi mħaddma minn impriżi individwali tiġi introdotta fis-sistema ta’ klassifikazzjoni tar-riskju stabbilita skont l-Artikolu 9 tad-Direttiva 2006/22/KE.”;

(8)fl-Artikolu 7, il-paragrafu 1 huwa sostitwit b’dan li ġej:

“1.    L-Istati Membri għandhom jirrikjedu li s-sewwieqa jkollhom għad-dispożizzjoni tagħhom iċ-ċertifikat tal-affidabbiltà stradali li jikkorrispondi għat-test perjodiku tal-affidabbiltà stradali l-aktar reċenti f’format elettroniku, jew kopja stampata ċċertifikata tiegħu, u r-rapport tal-ispezzjoni teknika waqt it-traġitt l-aktar reċenti. L-Istati Membri għandhom jirrikjedu li l-awtoritajiet tagħhom jaċċettaw evidenza elettronika ta’ tali testijiet u spezzjonijiet tal-affidabbiltà stradali.”;

(9)L-Artikolu 9 huwa sostitwit b’dan li ġej:

“Artikolu 9

Għażla tal-vetturi għall-ispezzjoni teknika inizjali waqt it-traġitt

Meta jkunu qed jiġu identifikati l-vetturi li għandhom ikunu soġġetti għal spezzjoni teknika inizjali waqt it-traġitt, l-ispetturi jistgħu jagħżlu, bħala prijorità, il-vetturi mħaddma minn impriżi bi profil ta’ riskju għoli f’konformità mal-kriterji stabbiliti fl-Anness I ta’ din id-Direttiva jew kif imsemmi fid-Direttiva 2006/22/KE. Il-vetturi jistgħu jintgħażlu wkoll b’mod aleatorju għall-ispezzjoni, jew fejn ikun hemm suspett raġonevoli li l-vettura tippreżenta riskju għas-sikurezza fit-toroq jew għall-ambjent, inkluż abbażi tat-telerilevament.”;

(10)fl-Artikolu 10, il-paragrafu 1, it-tieni subparagrafu huwa emendat kif ġej:

(a)il-punt (a) huwa sostitwit b’dan li ġej:

“(a) għandu jiċċekkja l-aħħar ċertifikat tal-affidabbiltà stradali u r-rapport tal-ispezzjoni teknika waqt it-traġitt, fejn disponibbli, f’konformità mal-Artikolu 7(1) u l-Artikolu 18a(1);”;

(b) il-punt (c) huwa sostitwit b’dan li ġej:

“(c) għandu jwettaq valutazzjoni viżiva tal-irbit tal-merkanzija tal-vettura f’konformità mal-Artikolu 13;”;

(11)L-Artikolu 13 huwa sostitwit b’dan li ġej:

“Artikolu 13

Spezzjoni tal-irbit tal-merkanzija

1.Matul l-ispezzjonijiet waqt it-traġitt, il-vetturi għandhom ikunu soġġetti għal spezzjoni tal-irbit tal-merkanzija tagħhom f’konformità mal-Anness III, sabiex jiġi żgurat li l-merkanzija tkun marbuta b’tali mod li ma tinterferix mas-sewqan sikur, jew tkun ta’ theddida għall-ħajja, għas-saħħa, għall-proprjetà jew għall-ambjent. Il-kontrolli għandhom jitwettqu biex jiġi vverifikat li matul kull tip ta’ tħaddim tal-vettura, inkluż sitwazzjonijiet ta’ emerġenza jew manuvri ta’ startjar f’telgħa:

(a)it-tagħbijiet jistgħu jibdlu l-pożizzjoni tagħhom b’mod minimu biss fir-rigward ta’ xulxin, tal-ħitan jew tal-uċuħ tal-vettura;

(b)it-tagħbijiet ma jistgħux iħallu l-ispazju tal-merkanzija jew jiċċaqalqu ’l barra mill-wiċċ tat-tagħbija.

2.Mingħajr preġudizzju għar-rekwiżiti applikabbli għat-trasport ta’ ċerti kategoriji ta’ oġġetti, bħall-oġġetti koperti mid-Direttiva 2008/68/KE tal-Parlament Ewropew u tal-Kunsill******, l-irbit tal-merkanzija u l-ispezzjoni tal-irbit tal-merkanzija għandhom jitwettqu f’konformità mal-prinċipji u, fejn xieraq, mal-istandards stabbiliti fit-Taqsima I tal-Anness III ta’ din id-Direttiva. Tista’ tintuża l-aħħar verżjoni tal-istandards stabbiliti fil-punt 5 ta’ dik it-Taqsima.

3.Il-proċeduri ta’ segwitu msemmija fl-Artikolu 14 għandhom japplikaw ukoll fil-każ ta’ nuqqasijiet kbar jew perikolużi relatati mal-irbit tal-merkanzija.

4.L-Istati Membri għandhom jiżguraw li l-persunal involut fil-kontrolli tal-irbit tal-merkanzija jkun imħarreġ kif xieraq għal dak l-għan.

******    Id-Direttiva 2008/68/KE tal-Parlament Ewropew u tal-Kunsill tal-24 ta’ Settembru 2008 dwar it-trasport intern ta’ oġġetti perikolużi (ĠU L 260, 30.9.2008, p. 13, ELI: http://data.europa.eu/eli/dir/2008/68/oj ).’;

(12)fl-Artikolu 14, jiżdied il-paragrafu 4 li ġej:

“4. It-tbagħbis jew il-manipulazzjoni ovvji ta’ kwalunkwe komponent tal-vettura, inkluż is-sistema ta’ kontroll tal-emissjonijiet tagħha, is-silenzjatur u s-sistemi relatati mas-sikurezza, għandhom jitqiesu bħala nuqqasijiet kbar jew perikolużi u għandhom ikunu punibbli b’penali effettivi, proporzjonati, dissważivi u mhux diskriminatorji.”;

(13)fl-Artikolu 16, il-paragrafu 2 huwa sostitwit b’dan li ġej:

“2.    Mat-tlestija tal-ispezzjoni aktar dettaljata, l-ispettur għandu jfassal rapport f’konformità mal-Anness IV. L-Istati Membri għandhom jiżguraw li s-sewwieq tal-vettura tingħatalu kopja elettronika tar-rapport tal-ispezzjoni.”;

(14)fl-Artikolu 18, il-paragrafu 1 huwa sostitwit b’dan li ġej:

“1. Meta jinstabu nuqqasijiet kbar jew perikolużi, jew nuqqasijiet li jirriżultaw f’limitazzjoni jew fi projbizzjoni tal-użu tal-vettura, f’vettura li mhijiex irreġistrata fl-Istat Membru tal-ispezzjoni, il-punt ta’ kuntatt għandu jinnotifika r-riżultati tal-ispezzjoni lill-punt ta’ kuntatt tal-Istat Membru tar-reġistrazzjoni tal-vettura. Dik in-notifika għandu jkun fiha l-elementi tar-rapport tal-ispezzjoni waqt it-traġitt kif stabbilit fl-Anness IV u għandha tiġi kkomunikata lill-punt ta’ kuntatt tal-Istat Membru tar-reġistrazzjoni permezz tas-sistema ta’ messaġġi (is-sistema RSI) imsemmija fl-Artikolu 3 tar-Regolament ta’ Implimentazzjoni tal-Kummissjoni (UE) 2017/2205*******.

*******Ir-Regolament ta’ Implimentazzjoni tal-Kummissjoni (UE) 2017/2205 tad-29 ta’ Novembru 2017 dwar regoli dettaljati rigward il-proċeduri għan-notifika ta’ vetturi kummerċjali b’nuqqasijiet kbar jew perikolużi identifikati matul spezzjoni teknika waqt it-traġitt (ĠU L 314, 30.11.2017, p. 3, ELI: http://data.europa.eu/eli/reg_impl/2017/2205/oj ).”;

(15)jiddaħħal l-Artikolu 18a li ġej:

“Artikolu 18a

Skambju tad-data bejn l-awtoritajiet tal-Istati Membri

1.L-Istati Membri għandhom jassistu lil xulxin fl-implimentazzjoni ta’ din id-Direttiva. Dawn għandhom jiskambjaw l-informazzjoni u d-data b’mod partikolari bl-għan li jiċċekkjaw, fil-ħin tal-ispezzjoni waqt it-traġitt ta’ vettura, l-istatus legali u tekniku tagħha, fejn meħtieġ, fl-Istat Membru li fih tkun irreġistrata.

L-Istati Membri għandhom jipprovdu aċċess għad-data dwar il-kontenut taċ-ċertifikati ta’ konformità, l-aħħar ċertifikat tal-affidabbiltà stradali, kwalunkwe rapport tal-ispezzjoni teknika waqt it-traġitt, u l-istorja tal-odometru tal-vettura, maħżuna fil-bażijiet tad-data nazzjonali, lill-awtoritajiet kompetenti ta’ Stati Membri oħra.

L-Istati Membri għandhom jinterkonnettjaw is-sistemi elettroniċi tagħhom dwar iċ-ċertifikati tal-affidabbiltà stradali u dwar l-istorja tal-odometru permezz tas-sistema elettronika MOVE-HUB żviluppata mill-Kummissjoni, b’tali mod li l-awtoritajiet kompetenti ta’ kwalunkwe Stat Membru jkunu jistgħu jikkonsultaw il-bażi tad-data jew ir-reġistru nazzjonali tal-vetturi rilevanti ta’ kwalunkwe Stat Membru ieħor f’ħin reali.

2.Sa [JEKK JOGĦĠBOK DAĦĦAL ID-DATA: sentejn wara d-dħul fis-seħħ ta’ din id-direttiva], il-Kummissjoni għandha tadotta atti ta’ implimentazzjoni biex tistabbilixxi l-arranġamenti meħtieġa għall-implimentazzjoni tal-funzjonalitajiet tas-sistema elettronika MOVE-HUB u tispeċifika r-rekwiżiti minimi għall-format u l-kontenut tal-informazzjoni u d-data li għandhom jiġu skambjati mill-Istati Membri fir-rigward tal-vetturi soġġetti għal spezzjonijiet waqt it-traġitt. Dawk l-atti ta’ implimentazzjoni għandhom jiżguraw il-protezzjoni tad-data personali u għandhom jiġu adottati f’konformità mal-proċedura ta’ eżami msemmija fl-Artikolu 23(2).

3.L-interkonnessjonijiet tas-sistemi elettroniċi previsti fil-paragrafu 1 għandhom ikunu operazzjonali fi żmien sena wara l-adozzjoni tal-atti ta’ implimentazzjoni msemmija fil-paragrafu 2.”;

(16)L-Artikolu 20 huwa sostitwit b’dan li ġej:

“Artikolu 20

Komunikazzjoni tal-informazzjoni lill-Kummissjoni

1.Sal-31 ta’ Marzu 2030, u sal-31 ta’ Marzu kull 3 snin minn dakinhar, l-Istati Membri għandhom jikkomunikaw lill-Kummissjoni permezz tal-pjattaforma ta’ rapportar online msemmija fl-Artikolu 28 tar-Regolament (UE) 2018/1999 tal-Parlament Ewropew u tal-Kunsill********, (“pjattaforma elettronika”), id-data miġbura relatata ma’ kull waħda mit-3 snin kalendarji preċedenti u li tikkonċerna l-vetturi spezzjonati fit-territorju tagħhom. Dik id-data għandha tinkludi l-informazzjoni li ġejja, għal kull sena kalendarja:

(a)l-għadd totali ta’ vetturi spezzjonati;

(b)l-għadd ta’ vetturi spezzjonati għal kull kategorija;

(c)il-pajjiż ta’ reġistrazzjoni ta’ kull vettura spezzjonata;

(d)f’każ ta’ spezzjonijiet aktar dettaljati, l-aspetti ċċekkjati u l-elementi li ma għaddewx, f’konformità mal-punt 10 tal-Anness IV ta’ din id-Direttiva;

(e)ir-riżultati tal-kejl tat-telerilevament imwettaq f’konformità mal-Artikolu 4a ta’ din id-Direttiva.

L-ewwel rapport għandu jkopri s-snin 2027, 2028 u 2029, separatament.

2.Il-Kummissjoni għandha tadotta atti ta’ implimentazzjoni li jistabbilixxu regoli dettaljati dwar il-format għall-komunikazzjoni tad-data msemmija fil-paragrafu 1 permezz tal-pjattaforma elettronika. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 23(2). Sad-dħul fis-seħħ ta’ tali regoli, l-Istati Membri għandhom jużaw il-formola standard tar-rapportar stabbilita fl-Anness V.

********    Ir-Regolament (UE) 2018/1999 tal-Parlament Ewropew u tal-Kunsill tal-11 ta’ Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, li jemenda r-Regolamenti (KE) Nru 663/2009 u (KE) Nru 715/2009 tal-Parlament Ewropew u tal-Kunsill, id-Direttivi 94/22/KE, 98/70/KE, 2009/31/KE, 2009/73/KE, 2010/31/UE, 2012/27/UE u 2013/30/UE tal-Parlament Ewropew u tal-Kunsill, id-Direttivi tal-Kunsill 2009/119/KE u (UE) 2015/652 u li jħassar ir-Regolament (UE) Nru 525/2013 tal-Parlament Ewropew u tal-Kunsill (ĠU L 328, 21.12.2018, p. 1, ELI: http://data.europa.eu/eli/reg/2018/1999/oj ).’;

(17)L-Artikolu 21 huwa emendat kif ġej:

(a)it-tieni u t-tielet inċiżi qed jiġu sostitwiti b’dan li ġej:

“–    taġġorna l-punt 3 tal-Anness II, fir-rigward tal-metodi f’każ li jsiru disponibbli metodi ta’ ttestjar aktar effettivi u effiċjenti, mingħajr ma tiġi estiża l-lista ta’ elementi li għandhom jiġu ttestjati;

–    tadatta l-punt 3 tal-Anness II, wara l-valutazzjoni pożittiva tal-kostijiet u l-benefiċċji involuti, fir-rigward tal-lista tal-elementi tat-test, il-metodi, ir-raġunijiet għalfejn l-element ma jgħaddix mit-test u l-valutazzjoni tan-nuqqasijiet f’każijiet ta’ modifikazzjoni ta’ rekwiżiti obbligatorji rilevanti għal leġiżlazzjoni tal-Unjoni dwar is-sikurezza jew l-ambjent għal approvazzjoni tat-tip;”;

(b)jiżdiedu r-raba’ u l-ħames inċiżi li ġejjin:

“–    tistabbilixxi limiti komuni ta’ [telerilevament] għall-emissjonijiet tal-egżost jew tal-istorbju, jew għat-tnejn li huma, li għandhom jintużaw biex jiġu identifikati vetturi b’emissjonijiet għoljin, abbażi tar-riżultati kkomunikati mill-Istati Membri lill-Kummissjoni f’konformità mal-Artikolu 20(1), il-punt (e); jistgħu jiġu stabbiliti limiti differenti għall-identifikazzjoni ta’ vetturi b’sistemi ta’ kontroll tal-emissjonijiet difettużi u vetturi b’sistemi ta’ kontroll tal-emissjonijiet mbagħbsa;

–     tispeċifika l-metodi għall-kejl tan-numru ta’ partikoli (PN) ta’ magni ta’ tqabbid bi spark u għall-kejl tal-ossidu tan-nitroġenu (NOX) tal-magni ta’ tqabbid bil-kompressjoni u bi spark meħtieġa skont it-Taqsima 8.2 tal-punt 3 tal-Anness II.”;

(18)L-Artikolu 24 huwa sostitwit b’dan li ġej:

“Artikolu 24

Rapportar

Sa [sentejn mid-data msemmija fl-Artikolu 20(1)], il-Kummissjoni għandha tippreżenta rapport lill-Parlament Ewropew u lill-Kunsill dwar l-implimentazzjoni u l-effetti ta’ din id-Direttiva. Ir-rapport għandu janalizza, b’mod partikolari, l-effett tiegħu f’termini ta’ titjib tas-sikurezza fit-toroq u tnaqqis fl-emissjonijiet.”;

(19)L-Annessi II, III, IV, u V huma emendati f’konformità mal-Anness II ta’ din id-Direttiva.

Artikolu 3

1.L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva sa [JEKK JOGĦĠBOK DAĦĦAL ID-DATA: sentejn wara d-dħul fis-seħħ ta’ din id-Direttiva]. Dawn għandhom jikkomunikaw minnufih it-test ta’ dawk il-miżuri lill-Kummissjoni.

Meta l-Istati Membri jadottaw dawk il-miżuri, dawn għandu jkollhom referenza għal din id-Direttiva jew ikunu akkumpanjati minn tali referenza fl-okkażjoni tal-pubblikazzjoni uffiċjali tagħhom. Huma l-Istati Membri li għandhom jiddeċiedu kif trid issir dik ir-referenza.

2.L-Istati Membri għandhom jikkomunikaw lill-Kummissjoni t-test tal-miżuri ewlenin tad-dritt nazzjonali li huma jadottaw fil-qasam kopert minn din id-Direttiva.

Artikolu 4

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 5

Din id-Direttiva hija indirizzata lill-Istati Membri.

Magħmul fi Brussell,

DIKJARAZZJONI FINANZJARJA U DIĠITALI LEĠIŻLATTIVA

Werrej

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i)

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Riżultat(i) u impatt mistennija

1.3.4.Indikaturi tal-prestazzjoni

1.4.Il-proposta/L-inizjattiva hija relatata ma’:

1.5.Raġunijiet għall-proposta/għall-inizjattiva

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom..

1.5.3. Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

1.7.Metodu/i ta’ implimentazzjoni tal-baġit ippjanat(i)

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1. Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

3.2.Impatt finanzjarju stmat tal-proposta fuq l-approprjazzjonijiet

3.2.1.Sommarju tal-impatt stmat fuq l-approprjazzjonijiet operazzjonali

3.2.1.1.Approprjazzjonijiet mill-baġit ivvutat

3.2.2.Output stmat iffinanzjat mill-approprjazzjonijiet operazzjonali (din it-taqsima ma għandhiex timtela mill-aġenziji deċentralizzati)

3.2.3.Sommarju tal-impatt stmat fuq l-approprjazzjonijiet amministrattivi

3.2.3.1. Approprjazzjonijiet mill-baġit ivvutat

3.2.4.Rekwiżiti stmati ta’ riżorsi umani

3.2.4.1.Iffinanzjati mill-baġit ivvutat

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali..

3.2.6.Kompatibbiltà mal-qafas finanzjarju pluriennali attwali

3.2.7.Kontribuzzjonijiet ta’ partijiet terzi

3.3. Impatt stmat fuq id-dħul

4.DIMENSJONIJIET DIĠITALI

4.1.Rekwiżiti ta’ rilevanza diġitali

4.2.Data

4.3. Soluzzjonijiet diġitali

4.4.Valutazzjoni tal-interoperabbiltà

4.5.Miżuri li jappoġġaw l-implimentazzjoni diġitali

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.Il-proposta/L-inizjattiva hija relatata ma’: 

 azzjoni ġdida 

 azzjoni ġdida b’segwitu għal proġett pilota/azzjoni preparatorja 56  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

 durata limitata

–    fis-seħħ minn [JJ/XX]SSSS sa [JJ/XX]SSSS

–    impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

 durata mhux limitata

–Implimentazzjoni b’perjodu ta’ tnedija minn SSSS sa SSSS,

–segwita minn operazzjoni fuq skala sħiħa.

1.7.Metodu/i ta’ implimentazzjoni tal-baġit ippjanat(i) 57   

 Ġestjoni diretta mill-Kummissjoni

– mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

– mill-aġenziji eżekuttivi

 Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni tal-baġit:

– lill-pajjiżi terzi jew lill-korpi nnominati minnhom

– lill-organizzazzjonijiet internazzjonali u lill-aġenziji tagħhom (għandhom jiġu speċifikati)

– lill-Bank Ewropew tal-Investiment u lill-Fond Ewropew tal-Investiment

– lill-korpi msemmija fl-Artikoli 70 u 71 tar-Regolament Finanzjarju

– lill-korpi tad-dritt pubbliku

– lill-korpi rregolati mid-dritt privat b’missjoni ta’ servizz pubbliku sakemm dawn ikollhom garanziji finanzjarji adegwati

– lill-korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati

– lill-korpi jew lill-persuni fdati bl-implimentazzjoni ta’ azzjonijiet speċifiċi fil-Politika Estera u ta’ Sigurtà Komuni skont it-Titolu V tat-Trattat dwar l-Unjoni Ewropea, u identifikati fl-att bażiku rilevanti

–lill-korpi stabbiliti fi Stat Membru, irregolati mid-dritt privat ta’ Stat Membru jew mid-dritt tal-Unjoni u eliġibbli biex jiġu fdati, f’konformità mar-regoli speċifiċi għas-settur, bl-implimentazzjoni ta’ fondi tal-Unjoni jew ta’ garanziji baġitarji, sa fejn tali korpi jkunu kkontrollati minn korpi tad-dritt pubbliku jew minn korpi rregolati mid-dritt privat b’missjoni ta’ servizz pubbliku, u jkunu pprovduti b’garanziji finanzjarji adegwati fil-forma ta’ responsabbiltà in solidum mill-korpi kontrollanti jew b’garanziji finanzjarji ekwivalenti, li jistgħu, għal kull azzjoni, ikunu limitati għall-ammont massimu tal-appoġġ tal-Unjoni.

Kummenti

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

2.3.Miżuri għall-prevenzjoni ta’ frodi u ta’ irregolaritajiet 

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

·Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta fuq l-approprjazzjonijiet 

3.2.1.Sommarju tal-impatt stmat fuq l-approprjazzjonijiet operazzjonali 

–    Il-proposta/L-inizjattiva ma teħtieġx l-użu ta’ approprjazzjonijiet operazzjonali

–    Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

3.2.1.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

DĠ: MOVE									Sena			Sena			Sena			Sena			TOTAL QFP 2021-2027
									2024			2025			2026			2027 62
Approprjazzjonijiet operazzjonali
Linja baġitarja 02 20 04 01		Impenji			(1a)													0,25			0,250
		Pagamenti			(2 a)													0,25			0,250
Linja baġitarja		Impenji			(1b)																0,000
		Pagamenti			(2b)																0,000
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi 63
Linja baġitarja					(3)																0,000
TOTAL tal-approprjazzjonijiet għad-DĠ MOVE		Impenji			=1a+1b+3				0,000			0,000			0,000			0,250			0,250
		Pagamenti			=2 a+2b+3				0,000			0,000			0,000			0,250			0,250
								Sena			Sena			Sena			Sena			TOTAL QFP 2021-2027
								2024			2025			2026			2027
TOTAL tal-approprjazzjonijiet operazzjonali	Impenji			(4)				0,000			0,000			0,000			0,250			0,250
	Pagamenti			(5)				0,000			0,000			0,000			0,250			0,250
TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi				(6)				0,000			0,000			0,000			0,000			0,000
Total tal-approprjazzjonijiet skont l-INTESTATURA 1	Impenji			=4+6				0,000			0,000			0,000			0,250			0,250
tal-qafas finanzjarju pluriennali	Pagamenti			=5+6				0,000			0,000			0,000			0,250			0,250
										Sena			Sena			Sena			Sena			TOTAL QFP 2021-2027
										2024			2025			2026			2027
• TOTAL tal-approprjazzjonijiet operazzjonali (l-intestaturi operazzjonali kollha)			Impenji			(4)				0,000			0,000			0,000			0,000			0,250
			Pagamenti			(5)				0,000			0,000			0,000			0,000			0,250
• TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi (l-intestaturi operazzjonali kollha)						(6)				0,000			0,000			0,000			0,000			0,000
TOTAL tal-approprjazzjonijiet skont l-INTESTATURI 1 sa 6			Impenji			=4+6				0,000			0,000			0,000			0,250			0,250
tal-qafas finanzjarju pluriennali (Ammont ta’ referenza)			Pagamenti			=5+6				0,000			0,000			0,000			0,250			0,250

miljuni ta’ EUR (sa tliet pożizzjonijiet deċimali)

3.2.2.Output stmat iffinanzjat mill-approprjazzjonijiet operazzjonali (din it-taqsima ma għandhiex timtela mill-aġenziji deċentralizzati)

Approprjazzjonijiet ta’ impenn f’miljuni ta’ EUR (sa tliet pożizzjonijiet deċimali)

3.2.3.Sommarju tal-impatt stmat fuq l-approprjazzjonijiet amministrattivi 

–    Il-proposta/L-inizjattiva ma teħtieġx l-użu ta’ approprjazzjonijiet ta’ natura amministrattiva

–    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.3.1. Approprjazzjonijiet mill-baġit ivvutat

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ diġà assenjati għall-ġestjoni tal-azzjoni u/jew diġà riallokati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ ta' ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.4.Rekwiżiti stmati ta’ riżorsi umani 

–    Il-proposta/L-inizjattiva ma teħtieġx l-użu ta’ riżorsi umani

–    Il-proposta/L-inizjattiva teħtieġ l-użu ta’ riżorsi umani, kif spjegat hawn taħt

3.2.4.1.Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs, Full-Time Equivalent)

APPROPRJAZZJONIJIET IVVUTATI		Sena	Sena	Sena	Sena
		2024	2025	2026	2027 67
 Pożizzjonijiet fit-tabella tal-persunal (uffiċjali u persunal temporanju)
20 01 02 01 (Kwartieri Ġenerali u Uffiċċji tar-Rappreżentanza tal-Kummissjoni)		0	0	0	1
20 01 02 03 (Delegazzjonijiet tal-UE)		0	0	0	0
01 01 01 01 (Riċerka indiretta)		0	0	0	0
01 01 01 11 (Riċerka diretta)		0	0	0	0
Linji baġitarji oħra (speċifika)		0	0	0	0
• Persunal estern (f’FTEs)
20 02 01 (AC, END mill-“pakkett globali”)		0	0	0	0
20 02 03 (AC, AL, END u JPD fid-Delegazzjonijiet tal-UE)		0	0	0	0
Linja ta’ appoġġ amministrattiv [XX.01.YY.YY]	- fil-Kwartieri Ġenerali	0	0	0	0
	- fid-Delegazzjonijiet tal-UE	0	0	0	0
01 01 01 02 (AC, END - Riċerka indiretta)		0	0	0	0
01 01 01 12 (AC, END - Riċerka diretta)		0	0	0	0
Linji baġitarji oħra (speċifika) - Intestatura 7		0	0	0	0
Linji baġitarji oħra (speċifika) - Barra mill-Intestatura 7		0	0	0	0
TOTAL		0	0	0	1

Meta titqies is-sitwazzjoni ġenerali taħt pressjoni fl-Intestatura 7, kemm f’termini ta’ persunal kif ukoll fil-livell ta’ approprjazzjonijiet, ir-riżorsi umani meħtieġa se jiġu ssodisfati minn persunal mid-DĠ li diġà huwa assenjat għall-ġestjoni tal-azzjoni u/jew ġie riallokat fid-DĠ jew f’servizzi oħra tal-Kummissjoni.

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

Obbligatorju: fit-tabella ta’ hawn taħt għandha tiġi inkluża l-aħjar stima tal-investimenti relatati mat-teknoloġija diġitali li jirriżultaw mill-proposta/mill-inizjattiva.

B’mod eċċezzjonali, meta jkun meħtieġ għall-implimentazzjoni tal-proposta/tal-inizjattiva, l-approprjazzjonijiet skont l-Intestatura 7 għandhom jiġu ppreżentati fil-linja ddeżinjata.

L-approprjazzjonijiet skont l-Intestaturi 1 sa 6 għandhom jiġu riflessi bħala “Nefqa tal-IT marbuta mal-politika fil-qafas ta’ programmi operazzjonali”. Din in-nefqa tirreferi għall-baġit operazzjonali li għandu jintuża għall-użu mill-ġdid/għax-xiri/għall-iżvilupp ta’ pjattaformi/għodod tal-IT relatati direttament mal-implimentazzjoni tal-inizjattiva u mal-investimenti assoċjati tagħhom (pereż. liċenzji, studji, ħżin ta’ data eċċ.). L-informazzjoni pprovduta f’din it-tabella għandha tkun konsistenti mad-dettalji ppreżentati fit-Taqsima 4 “Dimensjonijiet diġitali”.

3.2.6.Kompatibbiltà mal-qafas finanzjarju pluriennali attwali 

Il-proposta/L-inizjattiva:

–    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-qafas finanzjarju pluriennali (QFP)

–    tirrikjedi l-użu tal-marġni mhux allokat skont l-intestatura rilevanti tal-QFP u/jew l-użu tal-istrumenti speċjali kif definiti fir-Regolament QFP

–    tirrikjedi reviżjoni tal-QFP

3.2.7.Kontribuzzjonijiet ta’ partijiet terzi 

Il-proposta/L-inizjattiva:

–    ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

3.3.    Impatt stmat fuq id-dħul 

–    Il-proposta/L-inizjattiva ma għandha l-ebda impatt finanzjarju fuq id-dħul.

–    Il-proposta/L-inizjattiva għandha l-impatt finanzjarju li ġej:

–    fuq ir-riżorsi proprji

–    fuq dħul ieħor

–    indika jekk id-dħul huwiex assenjat għal-linji tan-nefqa

miljuni ta’ EUR (sa tliet pożizzjonijiet deċimali)

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

4.Dimensjonijiet diġitali

4.1.Rekwiżiti ta’ rilevanza diġitali

4.2.Data

4.3.Soluzzjonijiet diġitali

4.4.Valutazzjoni tal-interoperabbiltà

4.5.Miżuri li jappoġġaw l-implimentazzjoni diġitali

(1)    Id-Direttiva 2014/45/UE tal-Parlament Ewropew u tal-Kunsill tat-3 ta’ April 2014 dwar testijiet perjodiċi tal-affidabbiltà stradali għal vetturi bil-mutur u t-trejlers tagħhom u li tħassar id-Direttiva 2009/40/KE (ĠU L 127 29.4.2014, p. 51, ELI: http://data.europa.eu/eli/dir/2014/45/2023-05-20 ).

(2)    Id-Direttiva 2014/47/UE tal-Parlament Ewropew u tal-Kunsill tat-3 ta’ April 2014 dwar l-ispezzjonijiet tekniċi waqt it-traġitt tal-affidabilità stradali ta’ vetturi kummerċjali li jiċċirkolaw fl-Unjoni u li jirrevoka d-Direttiva 2000/30/KE, (ĠU L 127, 29.4.2014, p. 134, ELI: http://data.europa.eu/eli/dir/2014/47/2022-09-27 ).

(3)    Il-Kummissjoni Ewropea (2020), id-Direttorat Ġenerali għall-Mobbiltà u t-Trasport, Next steps towards “Vision Zero” – EU road safety policy framework 2021-2030, l-Uffiċċju tal-Pubblikazzjonijiet, 2020, https://data.europa.eu/doi/10.2832/391271 .

(4)     Il-viżwalizzatur nazzjonali tad-data dwar l-emissjonijiet tas-sustanzi niġġiesa tal-arja 2005-2022 | Il-paġna ewlenija tal-Aġenzija Ewropea għall-Ambjent , EEA (2024), Air Pollution in Europe; 2024 reporting status, https://www.eea.europa.eu/publications/national-emission-reduction-commitments-directive-2024 .

(5)    SWD(2022) 359 Il-Valutazzjoni tal-Impatt li takkumpanja l-proposta tal-Euro 7: https://single-market-economy.ec.europa.eu/publications/euro-7-standard-proposal_en?prefLang=mt  

(6)    Id-Direttiva (UE) 2024/2881 tal-Parlament Ewropew u tal-Kunsill tat-23 ta’ Ottubru 2024 dwar il-kwalità tal-arja ambjentali u arja iktar nadifa għall-Ewropa (ĠU L, 2024/2881, 20.11.2024,   http://data.europa.eu/eli/dir/2024/2881/oj ).

(7)    Id-Direttiva 2014/46/UE tal-Parlament Ewropew u tal-Kunsill tat-3 ta’ April 2014 li temenda d-Direttiva tal-Kunsill 1999/37/KE dwar id-dokumenti ta’ reġistrazzjoni għall-vetturi (ĠU L 127, 29.4.2014, p. 129, ELI: http://data.europa.eu/eli/dir/2014/46/oj ).

(8)    Ara pereżempju https://eur-lex.europa.eu/MT/legal-content/summary/eu-approval-and-market-surveillance-measures-for-motor-vehicles-and-their-trailers.html .

(9)    Bħalissa 5 snin u 100 000 km, li għandhom jiġu estiżi fl-ambitu tar-Regolament (UE) 2024/1257 (Euro 7)

(10)    Id-Direttiva Delegata tal-Kummissjoni (UE) 2021/1717 tad-9 ta’ Lulju 2021 li temenda d-Direttiva 2014/45/UE tal-Parlament Ewropew u tal-Kunsill fir-rigward tal-aġġornament ta’ ċerti nominazzjonijiet tal-kategorija ta’ vetturi u ż-żieda tal-eCall mal-lista tal-elementi ta’ test, il-metodi, ir-raġunijiet għal falliment u l-valutazzjoni tan-nuqqasijiet fl-Anness I u fl-Anness III ta’ dik id-Direttiva (ĠU L 342, 27.9.2021, p. 48, ELI:  http://data.europa.eu/eli/dir_del/2021/1717/oj ) u d-Direttiva Delegata tal-Kummissjoni (UE) 2021/1716 tad-29 ta’ Ġunju 2021 li temenda d-Direttiva 2014/47/UE tal-Parlament Ewropew u tal-Kunsill fir-rigward ta’ modifiki fid-deżinjazzjonijiet tal-kategoriji tal-vetturi li jirriżultaw minn emendi għal-leġiżlazzjoni dwar l-approvazzjoni tat-tip (ĠU L 342, 27/09/2021, p. 45 ELI: http://data.europa.eu/eli/dir_del/2021/1716/oj ).

(11)    Ir-Regolamenti (UE) Nru 168/2013, (UE) Nru 167/2013 u (UE) Nru 2018/858 tal-Parlament Ewropew u tal-Kunsill.

(12)    Ir-Regolament (UE) 2015/758 tal-Parlament Ewropew u tal-Kunsill tad-29 ta’ April 2015 li jikkonċerna rekwiżiti għall-approvazzjoni skont it-tip għall-iskjerament tas-sistema eCall immuntata fil-vettura bbażata fuq is-servizz 112 u li jemenda d-Direttiva 2007/46/KE (ĠU L 123, 19.5.2015, p. 77 ELI: http://data.europa.eu/eli/reg/2015/758/oj ).

(13)    COM(2020) 789 final,   EUR-Lex - 52020DC0789 - MT - EUR-Lex (europa.eu) .

(14)     http://eur-lex.europa.eu/resource.html?uri=cellar%3A0e8b694e-59b5-11e8-ab41-01aa75ed71a1.0003.02/DOC_2&format=PDF .

(15)    SWD(2019) 283 final, https://transport.ec.europa.eu/system/files/2021-10/SWD2190283.pdf .

(16)    COM(2023) 127 u COM(2023) 126 final, https://transport.ec.europa.eu/news-events/news/european-commission-proposes-updated-requirements-driving-licences-and-better-cross-border-2023-03-01_mt .

(17)    Id-Direttiva (UE) 2024/2881 tal-Parlament Ewropew u tal-Kunsill tat-23 ta’ Ottubru 2024 dwar il-kwalità tal-arja ambjentali u arja iktar nadifa għall-Ewropa (tfassil mill-ġdid), (ĠU L, 2024/2881, 20.11.2024, ELI: http://data.europa.eu/eli/dir/2024/2881/oj ).

(18)    Id-Direttiva (UE) 2016/2284 tal-Parlament Ewropew u tal-Kunsill tal-14 ta’ Diċembru 2016 dwar it-tnaqqis tal-emissjonijiet nazzjonali ta’ ċerti inkwinanti atmosferiċi, li temenda d-Direttiva 2003/35/KE u li tħassar id-Direttiva 2001/81/KE, (ĠU L 344, 17.12.2016, p. 1. ELI: http://data.europa.eu/eli/dir/2016/2284/oj ).

(19)     https://environment.ec.europa.eu/strategy/zero-pollution-action-plan_mt

(20)    Pereżempju, ir-Regolament (UE) 2018/858 għall-biċċa l-kbira tal-vetturi tal-passiġġieri u tal-merkanzija u t-trejlers tagħhom, ir-Regolament (UE) Nru 167/2013 għat-tratturi, u r-Regolament (UE) Nru 168/2013 għal vetturi b’żewġ roti jew bi tlieta u kwadriċikli.

(21)    Ir-Regolament (UE) 2019/2144 tal-Parlament Ewropew u tal-Kunsill tas-27 ta’ Novembru 2019 dwar rekwiżiti tal-approvazzjoni tat-tip għall-vetturi bil-mutur u t-trejlers tagħhom, kif ukoll għas-sistemi, għall-komponenti u għall-unitajiet tekniċi separati maħsubin għat-tali vetturi, fir-rigward tas-sikurezza ġenerali tagħhom u tal-protezzjoni tal-okkupanti tal-vetturi u l-utenti vulnerabbli tat-triq, li jemenda r-Regolament (UE) 2018/858 tal-Parlament Ewropew u tal-Kunsill u li jħassar ir-Regolamenti (KE) Nru 78/2009, (KE) Nru 79/2009 u (KE) Nru 661/2009 tal-Parlament Ewropew u tal-Kunsill u tar-Regolamenti tal-Kummissjoni (KE) Nru 631/2009, (UE) Nru 406/2010, (UE) Nru 672/2010, (UE) Nru 1003/2010, (UE) Nru 1005/2010, (UE) Nru 1008/2010, (UE) Nru 1009/2010, (UE) Nru 19/2011, (UE) Nru 109/2011, (UE) Nru 458/2011, (UE) Nru 65/2012, (UE) Nru 130/2012, (UE) Nru 347/2012, (UE) Nru 351/2012, (UE) Nru 1230/2012 u (UE) 2015/166, (ĠU L 325, 16.12.2019, p. 1, ELI: http://data.europa.eu/eli/reg/2019/2144/oj ).

(22)    Ir-Regolament (UE) 2024/1257 tal-Parlament Ewropew u tal-Kunsill tal-24 ta’ April 2024 dwar l-approvazzjoni tat-tip ta’ vetturi bil-mutur u magni u ta’ sistemi, komponenti u unitajiet tekniċi separati maħsuba għal tali vetturi, fir-rigward tal-emissjonijiet u d-durabbiltà tal-batterija tagħhom (Euro 7), (ĠU L, 2024/1257, 8.5.2024, ELI: http://data.europa.eu/eli/reg/2024/1257/oj ).

(23)    Ir-Regolament (UE) 2018/1724 tal-Parlament Ewropew u tal-Kunsill tat-2 ta’ Ottubru 2018 li jistabbilixxi gateway diġitali unika li tipprovdi aċċess għal informazzjoni, għal proċeduri u għas-servizzi ta’ assistenza u ta’ soluzzjoni tal-problemi u li jemenda r-Regolament (UE) Nru 1024/2012 (ĠU L 295, 21.11.2018, p. 1. ELI: http://data.europa.eu/eli/reg/2018/1724/oj ).

(24)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni – Strateġija Ewropea għad-data (COM/2020/66 final).

(25)    Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (ĠU L 119, 4.5.2016, p. 1, ELI: http://data.europa.eu/eli/reg/2016/679/oj ).

(26)    Ir-Regolament (UE) 2023/2854 tal-Parlament Ewropew u tal-Kunsill tat-13 ta’ Diċembru 2023 dwar regoli armonizzati dwar l-aċċess ġust għad-data u l-użu tagħha u li jemenda r-Regolament (UE) 2017/2394 u d-Direttiva (UE) 2020/1828 (ĠU L, 2023/2854, 22.12.2023, ELI: http://data.europa.eu/eli/reg/2023/2854/oj ).

(27)     https://transport.ec.europa.eu/document/download/89b3143e-09b6-4ae6-a826-932b90ed0816_en?filename=Communication%20-%20Action%20Plan.pdf .

(28)    Ara, pereżempju, l-ittra miftuħa mis-CITA: https://citainsp.org/wp-content/uploads/2023/03/L2023-006-Data-Act.pdf .

(29)     https://eur-lex.europa.eu/eli/reg_impl/2019/621/oj .

(30)    Id-Deċiżjoni (UE) 2022/2481 tal-Parlament Ewropew u tal-Kunsill tal-14 ta’ Diċembru 2022 li tistabbilixxi l-Programm ta’ Politika tal-2030 dwar id-Deċennju Diġitali (ĠU L 323, 19.12.2022, p. 4, ELI: http://data.europa.eu/eli/dec/2022/2481/oj ).

(31)    ĠU C 115, 9.5.2008, p. 85, ELI: http://data.europa.eu/eli/treaty/tfeu_2008/art_91/oj .

(32)    Id-Direttiva tal-Kunsill 77/143/KEE tad-29 ta’ Diċembru 1976 dwar l-approssimazzjoni tal-liġijiet tal-Istati Membri relatati mat-testijiet tal-affidabbiltà stradali għal vetturi bil-mutur u t-trejlers tagħhom (ĠU L 47, 18.2.1977, p. 47, ELI:  http://data.europa.eu/eli/dir/1977/143/oj ).

(33)    L-Assoċjazzjoni ta’ Awtoritajiet Ewropej tar-Reġistrazzjoni tal-Vetturi u tas-Sewwieq, https://www.ereg-association.eu/ .

(34)    Il-Konfederazzjoni tal-Organizzazzjonijiet fl-Infurzar tat-Trasport bit-Triq, https://www.corte.be/ .

(35)    L-Assoċjazzjoni dinjija ta’ awtoritajiet u kumpaniji awtorizzati attivi fil-qasam tal-konformità tal-vetturi, https://citainsp.org/ .

(36)    L-Assoċjazzjoni Ewropea tat-Tagħmir tal-Garaxxijiet, https://www.egea-association.eu/ .

(37)    Ares (2023)8616336.

(38)     https://www.roadsafetysweden.com/contentassets/b37f0951c837443eb9661668d5be439e/stockholm-declaration-english.pdf .

(39)    Ir-Regolament (UE) 2021/1119 tal-Parlament Ewropew u tal-Kunsill tat-30 ta’ Ġunju 2021 li jistabbilixxi l-qafas biex tinkiseb in-newtralità klimatika u li jemenda r-Regolamenti (KE) Nru 401/2009 u (UE) 2018/1999 (ĠU L 243, 9.7.2021, p. 1, ELI: http://data.europa.eu/eli/reg/2021/1119/oj ).

(40)     Il-Programm ta’ Ħidma tal-Kummissjoni 2023 – dokumenti ewlenin (europa.eu) , l-Anness II: Inizjattivi REFIT, inizjattiva ewlenija A – Patt Ekoloġiku Ewropew.

(41)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni – Il-Kumpass Diġitali tal-2030: l-approċċ Ewropew għad-Deċennju Diġitali, COM(2021) 118.

(42)     https://commission.europa.eu/aid-development-cooperation-fundamental-rights/your-rights-eu/eu-charter-fundamental-rights_mt .

(43)    ĠU C , , p. .

(44)    ĠU C , , p. .

(45)    Id-Direttiva 2014/45/UE tal-Parlament Ewropew u tal-Kunsill tat-3 ta’ April 2014 dwar testijiet perjodiċi tal-affidabbiltà stradali għal vetturi bil-mutur u t-trejlers tagħhom u li tħassar id-Direttiva 2009/40/KE (ĠU L 127 29.4.2014, p. 51, ELI: http://data.europa.eu/eli/dir/2014/45/oj), id-Direttiva 2014/47/UE tal-Parlament Ewropew u tal-Kunsill tat-3 ta’ April 2014 dwar l-ispezzjonijiet tekniċi waqt it-traġitt tal-affidabilità stradali ta’ vetturi kummerċjali li jiċċirkolaw fl-Unjoni u li jirrevoka d-Direttiva 2000/30/KE (ĠU L 127, 29.4.2014, p. 134, ELI: http://data.europa.eu/eli/dir/2014/47/oj ) u d-Direttiva 2014/46/UE tal-Parlament Ewropew u tal-Kunsill tat-3 ta’ April 2014 li temenda d-Direttiva tal-Kunsill 1999/37/KE dwar id-dokumenti ta’ reġistrazzjoni għall-vetturi (ĠU L 127, 29.4.2014, p. 129, ELI: http://data.europa.eu/eli/dir/2014/46/oj ).

(46)    Id-Direttiva (UE) 2024/2881 tal-Parlament Ewropew u tal-Kunsill tat-23 ta’ Ottubru 2024 dwar il-kwalità tal-arja ambjentali u arja iktar nadifa għall-Ewropa (tfassil mill-ġdid) (ĠU L, 2024/2881, 20.11.2024, ELI:  http://data.europa.eu/eli/dir/2024/2881/oj ).

(47)    SWD(2019) 283 final https://transport.ec.europa.eu/system/files/2021-10/SWD2190283.pdf .

(48)    Ir-Regolament (UE) 2019/2144 tal-Parlament Ewropew u tal-Kunsill tas-27 ta’ Novembru 2019 dwar rekwiżiti tal-approvazzjoni tat-tip għall-vetturi bil-mutur u t-trejlers tagħhom, kif ukoll għas-sistemi, għall-komponenti u għall-unitajiet tekniċi separati maħsubin għat-tali vetturi, fir-rigward tas-sikurezza ġenerali tagħhom u tal-protezzjoni tal-okkupanti tal-vetturi u l-utenti vulnerabbli tat-triq, li jemenda r-Regolament (UE) 2018/858 tal-Parlament Ewropew u tal-Kunsill u li jħassar ir-Regolamenti (KE) Nru 78/2009, (KE) Nru 79/2009 u (KE) Nru 661/2009 tal-Parlament Ewropew u tal-Kunsill u tar-Regolamenti tal-Kummissjoni (KE) Nru 631/2009, (UE) Nru 406/2010, (UE) Nru 672/2010, (UE) Nru 1003/2010, (UE) Nru 1005/2010, (UE) Nru 1008/2010, (UE) Nru 1009/2010, (UE) Nru 19/2011, (UE) Nru 109/2011, (UE) Nru 458/2011, (UE) Nru 65/2012, (UE) Nru 130/2012, (UE) Nru 347/2012, (UE) Nru 351/2012, (UE) Nru 1230/2012 u (UE) 2015/166 (ĠU L 325, 16.12.2019, p. 1, ELI:  http://data.europa.eu/eli/reg/2019/2144/oj ).

(49)    Ir-Rakkomandazzjoni tal-Kummissjoni (UE) 2023/688 tal-20 ta’ Marzu 2023 dwar il-kejl tan-numru ta’ partikoli għall-ispezzjoni teknika perjodika ta’ vetturi mgħammra b’magni ta’ tqabbid bil-kompressjoni (ĠU L 90, 28.3.2023, p. 46, ELI: http://data.europa.eu/eli/reco/2023/688/oj ).

(50)    Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (ĠU L 119, 4.5.2016, p. 1, ELI: http://data.europa.eu/eli/reg/2016/679/oj ).

(51)    Ir-Regolament ta’ Implimentazzjoni tal-Kummissjoni (UE) 2016/480 tal-1 ta’ April 2016 li jistabbilixxi regoli komuni li jikkonċernaw l-interkonnessjoni tar-reġistri elettroniċi nazzjonali tal-impriżi tat-trasport bit-triq u li jħassar ir-Regolament (UE) Nru 1213/2010 (ĠU L 87, 2.4.2016, p. 4. ELI: http://data.europa.eu/eli/reg_impl/2016/480/oj ).

(52)    Ir-Regolament ta’ Implimentazzjoni tal-Kummissjoni (UE) 2017/2205 tad-29 ta’ Novembru 2017 dwar regoli dettaljati rigward il-proċeduri għan-notifika ta’ vetturi kummerċjali b’nuqqasijiet kbar jew perikolużi identifikati matul spezzjoni teknika waqt it-traġitt (ĠU L 314, 30.11.2017, p. 3, ELI: http://data.europa.eu/eli/reg_impl/2017/2205/oj ).

(53)    Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13, ELI: http://data.europa.eu/eli/reg/2011/182/oj ).

(54)    ĠU L 123, 12.5.2016, p. 1, ELI:  http://data.europa.eu/eli/agree_interinstit/2016/512/oj .

(55)    ĠU C 369, 17.12.2011, p. 14.

(56)    Kif imsemmi fl-Artikolu 58(2), il-punt (a) jew (b) tar-Regolament Finanzjarju.

(57)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jinsabu fuq is-sit BUDGpedia: https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx .

(58)    Ir-Regolament (UE) 2018/1999 tal-Parlament Ewropew u tal-Kunsill tal-11 ta’ Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, li jemenda r-Regolamenti (KE) Nru 663/2009 u (KE) Nru 715/2009 tal-Parlament Ewropew u tal-Kunsill, id-Direttivi 94/22/KE, 98/70/KE, 2009/31/KE, 2009/73/KE, 2010/31/UE, 2012/27/UE u 2013/30/UE tal-Parlament Ewropew u tal-Kunsill, id-Direttivi tal-Kunsill 2009/119/KE u (UE) 2015/652 u li jħassar ir-Regolament (UE) Nru 525/2013 tal-Parlament Ewropew u tal-Kunsill (ĠU L 328, 21.12.2018, p. 1).

(59)    Diff. = Approprjazzjonijiet differenzjati/Mhux diff. = Approprjazzjonijiet mhux differenzjati.

(60)    EFTA: Assoċjazzjoni Ewropea tal-Kummerċ Ħieles.

(61)    Pajjiżi kandidati u, meta jkun applikabbli, kandidati potenzjali mill-Balkani tal-Punent.

(62)    Is-sena 2027 hija s-sena li fiha tibda l-implimentazzjoni tal-proposta/inizjattiva. Għas-snin sussegwenti, il-kostijiet ta’ aġġustament kontinwi huma stmati fil-livell ta’ EUR 0,05 miljun, mingħajr preġudizzju għall-QFP li jmiss.

(63)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta, riċerka diretta.

(64)    Il-qafas tekniku u diġitali jeħtieġ riżorsi umani addizzjonali fil-livell ta’ 1 FTE/sena mill-2027 ’il quddiem. Għas-snin sussegwenti, dan huwa mingħajr preġudizzju għall-QFP li jmiss.

(65)    L-outputs huma l-prodotti u s-servizzi li jridu jiġu pprovduti (pereż. l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(66)    Kif deskritt fit-Taqsima 1.3.2. “Objettiv(i) speċifiku/speċifiċi”

(67)    Il-qafas tekniku u diġitali jeħtieġ riżorsi umani addizzjonali fil-livell ta’ 1 FTE/sena mill-2027 ’il quddiem. Għas-snin sussegwenti, dan huwa mingħajr preġudizzju għall-QFP li jmiss.

(68)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % għall-kostijiet tal-ġbir.

(69)    Ir-Regolament (UE) 2018/1999 tal-Parlament Ewropew u tal-Kunsill tal-11 ta’ Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, li jemenda r-Regolamenti (KE) Nru 663/2009 u (KE) Nru 715/2009 tal-Parlament Ewropew u tal-Kunsill, id-Direttivi 94/22/KE, 98/70/KE, 2009/31/KE, 2009/73/KE, 2010/31/UE, 2012/27/UE u 2013/30/UE tal-Parlament Ewropew u tal-Kunsill, id-Direttivi tal-Kunsill 2009/119/KE u (UE) 2015/652 u li jħassar ir-Regolament (UE) Nru 525/2013 tal-Parlament Ewropew u tal-Kunsill (ĠU L 328, 21.12.2018, p. 1).

IL-KUMMISSJONI EWROPEA

Brussell, 24.4.2025

COM(2025) 180 final

Pakkett dwar l-Affidabbiltà Stradali

ANNESSI

tal-proposta għal Direttiva tal-Parlament Ewropew u tal-Kunsill li temenda d-Direttiva 2014/45/UE dwar testijiet perjodiċi tal-affidabbiltà stradali għal vetturi bil-mutur u t-trejlers tagħhom u d-Direttiva 2014/47/UE dwar l-ispezzjonijiet tekniċi waqt it-traġitt tal-affidabbiltà stradali ta' vetturi kummerċjali li jiċċirkolaw fl-Unjoni

{SEC(2025) 119 final} - {SWD(2025) 96 final} - {SWD(2025) 97 final} - {SWD(2025) 98 final} - {SWD(2025) 99 final}

ANNESS I

L-Annessi I, III u IV tad-Direttiva 2014/45/UE huma emendati kif ġej:

(1)L-Anness I huwa emendat kif ġej:

(a)fil-punt 1, it-tieni paragrafu huwa sostitwit b’dan li ġej:

“It-test irid ikopri mill-inqas l-elementi elenkati fil-punt 3 sakemm is-sistemi u l-komponenti jkunu mwaħħla mal-vettura. It-test jista’ jinkludi wkoll verifika dwar jekk il-partijiet u l-komponenti rilevanti ta’ dik il-vettura jikkorrispondux għall-karatteristiċi tas-sikurezza u ambjentali meħtieġa li kienu fis-seħħ fiż-żmien tal-approvazzjoni jew, fejn applikabbli, fiż-żmien tal-modifika retroattiva.”;

(b)fil-punt 2, jiżdied il-punt li ġej:

“(10)    Sistemi tas-sikurezza elettroniċi.”;

(c)il-punt 3 huwa emendat kif ġej:

(i) l-intestatura u l-introduzzjoni huma sostitwiti b’dan li ġej:

“3.    KONTENUT U METODI TAL-ITTESTJAR, RAĠUNIJIET GĦALFEJN L-ELEMENT MA JGĦADDIX MIT-TEST, VALUTAZZJONI TAN-NUQQASIJIET TAL-VETTURI

It-test għandu jkopri mill-inqas l-elementi, u juża l-istandards minimi u l-metodi rakkomandati, elenkati fit-tabella stabbilita f’dan il-punt.

Il-komponenti u s-sistemi tal-vettura għandhom jiġu spezzjonati viżwalment jew permezz tal-interfaċċa elettronika, jew it-tnejn li huma, fejn applikabbli, bl-użu tal-kriterji ta’ spezzjoni li ġejjin:

(a)l-ispezzjoni tal-muntatura tinkludi l-evalwazzjoni ta’ kwalunkwe kodiċi dijanjostiku tal-problema rilevanti u eżami ta’ jekk is-sistemi u l-komponenti mwaħħla jikkonformawx pereżempju, ma’ dawn li ġejjin:

–id-disinn mogħti, l-aċċessorji/in-numru speċifikat, iċ-ċirkwit speċifikat, l-immarkar meħtieġ;

–il-verżjoni valida tas-software inkluża l-karatteristika tal-integrità;

(b)l-ispezzjoni tal-kundizzjoni tinkludi eżami ta’ jekk is-sistemi u l-komponenti mwaħħla humiex pereżempju:

–bil-ħsara, imsadda, jew antiki;

–issikkati, marbuta, assemblati u mgħoddija sew;

–joperaw liberament u faċilment;

–jindikaw ħsara permezz tal-lampa indikatur tal-ħsara (MIL) jew, fejn applikabbli, permezz tas-sistema ta’ monitoraġġ abbord (OBM);

–lesti biex jiġu spezzjonati (prontezza);

(c)l-ispezzjoni tat-tħaddim tinkludi eżami tal-attwazzjoni u/jew l-attivazzjoni inkluż dik tal-pedali, il-livers, l-iswiċċijiet, jew l-apparati operazzjonali, li jibdew azzjoni u tas-sistemi u l-komponenti kkontrollati elettronikament, pereżempju, l-attwaturi, sabiex jiġi żgurat li jkunu qed jaħdmu b’mod korrett f’termini ta’ ħin u funzjoni;

(d)l-ispezzjoni tal-prestazzjoni u l-effiċjenza hija spezzjoni metroloġika ta’ komponent jew sistema għall-konformità mal-valuri limitu speċifikati jew il-kisba tagħhom, li tista’ tinkludi wkoll kalkolu, bħal dawn li ġejjin:

–l-ittestjar tal-brejkijiet fuq tester tal-brejkijiet u l-kalkolu tal-effiċjenza (fejn applikabbli permezz ta’ valuri ta’ referenza);

–l-attivazzjoni ta’ sistema tas-sikurezza u l-evalwazzjoni tal-valuri tas-sensuri u/jew il-kejl tal-prestazzjoni b’tagħmir estern tat-test.

Fir-rigward tal-ispezzjoni teknika perjodika tas-sistemi elettroniċi (ePTI, electronic periodic technical inspection) bl-użu tal-interfaċċa elettronika tal-vettura, lista tas-sistema tal-ePTI hija definita fl-EN ISO 20730-3: 2021. Dawk is-sistemi tas-sikurezza elettroniċi huma msemmija fil-punt 10 tat-tabella stabbilita f’dan il-punt.

Għal kull sistema tal-vettura u komponent soġġett għall-ittestjar, il-valutazzjoni tan-nuqqasijiet għandha titwettaq, fuq bażi ta’ każ b’każ f’konformità mal-kriterji stabbiliti fit-tabella stabbilita f’dan il-punt.

In-nuqqasijiet mhux elenkati f’dan l-Anness għandhom jiġu vvalutati f’termini tar-riskji li joħolqu għas-sikurezza fit-toroq.”;

(ii) fit-tabella, il-punti 1.1.3 sa 1.1.6 huma sostitwiti b’dan li ġej:

“

1.1.6.    Brejk tal-ipparkjar (l-attivatur, il-kontroll tal-liver, il-krikk tal-brejk tal-ipparkjar)	Spezzjoni viżwali tal-komponenti waqt li tkun qed titħaddem is-sistema tal-ibbrejkjar.	(a) Il-krikk mhux jorbot sew.		X
		(b) Tkagħbir bl-użu fil-pern tal-liver jew fil-mekkaniżmu tal-krikk. Tkagħbir żejjed bl-użu.	X	X
		(c) Ċaqliq eċċessiv tal-liver li jindika aġġustament skorrett.		X
		(d) L-attivatur huwa nieqes, bil-ħsara jew ma jaħdimx.		X
		(e) Funzjonament skorrett,    l-indikatur ta’ twissija    juri ħsara		X

”;

(iii) fit-tabella, il-punt 1.1.13 huwa sostitwit b’dan li ġej:

“

		(b) Il-firrodu jew il-pedd ikkontaminati (żejt, griż, eċċ.). Il-prestazzjoni tal-ibbrejkjar affettwata.		X	X
		(c) Il-firrodu jew il-pedd neqsin jew immuntati ħażin, jew ta’ tip li jidher ċar li hu skorrett.			X
		(d) L-indikatur tat-tkagħbir bl-użu tal-faxx elettriku skonnettjat jew bil-ħsara	X

”;

(iv) fit-tabella, il-punt 1.1.18 huwa sostitwit b’dan li ġej:

“

”;

(v) fit-tabella, jitħassar il-punt 1.1.19;

(vi) fit-tabella, il-punt 1.1.23 huwa sostitwit b’dan li ġej:

“

”;

(vii) fit-tabella, il-punti 1.2.1 u 1.2.2 huma sostitwiti b’dan li ġej:

“

1.2.2.    Effiċjenza	Test b’tester tal-brejkijiet jew, jekk dan ma jistax jintuża għal raġunijiet tekniċi, permezz ta’ test fit-triq bl-użu ta’ strument li jirreġistra d-deċellerazzjoni sabiex jiġi stabbilit il-proporzjon tal-ibbrejkjar relatat (a)mal-massa massima awtorizzata jew, (b)fil-każ tas-semitrejlers, mas-somma tat-tagħbijiet awtorizzati tal-fusien, jew (c)għall-valuri ta’ referenza. Il-vetturi jew trejler b’massa massima permissibbli ogħla minn 3,5 tunnellati iridu jiġu spezzjonati skont l-istandards mogħtija mill- ISO 21069 jew metodi ekwivalenti. Għal vetturi mhux spezzjonati skont l-istandards mogħtija mill-ISO 21069 jew metodi ekwivalenti, jekk iċ-ċifra minima tal-proporzjon ta’ bbrejkjar ma tintlaħaqx, irid isir mill-inqas ittestjar sinifikanti tal-brejkijiet. L-ittestjar sinifikanti tal-brejkijiet isir jekk l-effiċjenza tal-brejk tkun taħt il-valuri ta’ servizz, sekondarji jew tal-ipparkjar preskritti f’ 1.2.2 jew 1.3.2 jew 1.4.2 iżda jiġu ssodisfati l-kundizzjonijiet kollha li ġejjin: —is-sistema tal-ibbrejkjar tkun f’kundizzjoni tajba mingħajr difetti li jidhru ċari, —ir-roti tal-fusien kollha jilokkjaw minħabba li l-aderenza bejn il-wiċċ tat-tajer u tat-tester tal-brejkijiet tkun ġiet eżawrita matul it-test tal-brejkijiet; jekk ir-roti fuq xi fusien ma jillokkjawx, irid jiġi konkluż b’mod sikur li l-valuri tal-effiċjenza tal-ibbrejkjar preskritti f’1.2.2 jew 1.3.2 jew 1.4.2 jinkisbu meta l-vettura tkun mgħobbija, —il-livell tal-attwazzjoni tal-brejk mill-ispettur irid dejjem ikun proporzjonali għat-tagħbija kurrenti tal-fus. L-informazzjoni dwar il-valuri tas-sistema tista’ tiġi rkuprata bl-użu tal-interfaċċa elettronika tal-vettura. Jenħtieġ li t-testijiet fit-triq isiru f’kundizzjonijiet xotti fuq triq ċatta u dritta. F’każijiet fejn il-vetturi tal-kategorija R jew T jiġu ttestjati fit-triq, jitwettaq ittestjar sinifikanti tal-brejkijiet jekk jiġu ssodisfati l-kundizzjonijiet kollha ta’ hawn fuq. F’każ ta’ dubju, l-effiċjenza tal-ibbrejkjar għandha tintwera f’kundizzjoni mgħobbija jew mgħobbija parzjalment.	Ma tirriżultax, mill-inqas, iċ-ċifra minima kif ġej (1): 1. Vetturi rreġistrati għall-ewwel darba wara 1/1/2012: —Kategorija M1: 58 % —Kategoriji M2 u M3: 50 % —Kategorija N1: 50 % —Kategoriji N2 u N3: 50 % —Kategoriji O2, O3 u O4: —għas-semitrejlers: 45 % (2) —għat-trejlers bl-iżbarra tal-irmonk: 50 %		X
		2.Vetturi rreġistrati għall-ewwel darba qabel l-1/1/2012: —Kategoriji M1, M2 u M3: 50 % (3) —Kategorija N1: 45 % —Kategoriji N2 u N3: 43 % (4) —Kategoriji O2, O3 u O4: 40 % (5)		X
		3.Kategoriji oħra Kategoriji L (iż-żewġ brejkijiet flimkien): —Kategorija L1e: 42 % —Kategoriji L2e, L6e: 40 % —Kategorija L3e: 50 % —Kategorija L4e: 46 % —Kategoriji L5e, L7e: 44 % Kategorija L (brejk tar-rota ta’ wara): il-kategoriji kollha: 25 % tal-massa totali tal-vettura Kategorija T: 40 % Inqas minn 50 % tal-valuri ta’ hawn fuq milħuqa.		X	X

”;

(viii) fit-tabella, il-punt 1.3.1 huwa sostitwit b’dan li ġej:

“

”;

(ix) fit-tabella, il-punt 1.4.1 huwa sostitwit b’dan li ġej:

“

”;

(x) fit-tabella, il-punt 1.5 huwa sostitwit b’dan li ġej:

“

”;

(xi) fit-tabella, jitħassar il-punt 1.6;

(xii) fit-tabella, il-punt 1.7 huwa sostitwit b’dan li ġej:

“

”;

(xiii) fit-tabella, jitħassar il-punt 2.6;

(xiv) fit-tabella, il-punti 4.1.1, 4.1.2 u 4.1.3 huma sostitwiti b’dan li ġej:

“

4.1.3.    Bdil	Spezzjoni viżwali u bit-tħaddim	(a) Is-swiċċ ma jaħdimx f’konformità mar-rekwiżiti1 (Għadd ta’ fanali ta’ quddiem jixegħlu fl-istess ħin) Tinqabeż il-luminożità massima permessa ta’ dawl ’il quddiem.	X	X
		(b) Funzjoni mdgħajfa tal-apparat ta’ kontroll.		X

”;

(xv) fit-tabella, il-punt 4.1.5 huwa sostitwit b’dan li ġej:

“

”;

(xvi) fit-tabella, il-punt 4.2.1 huwa sostitwit b’dan li ġej:

“

”;

(xvii) fit-tabella, il-punti 4.3.1 u 4.3.2 huma sostitwiti b’dan li ġej:

“

4.3.1.    Kundizzjoni u tħaddim	Spezzjoni viżwali u bit-tħaddim.	(a) Is-sors tad-dawl difettuż jew nieqes. Sorsi tad-dawl multipli; fil-każ tal-LED sa 1/3 mhux qed jiffunzjonaw. Sorsi tad-dawl uniku; fil-każ tal-LED inqas minn 2/3 qed jiffunzjonaw. L-ebda sors tad-dawl mhu qed jiffunzjona.	X	X	X
		(b) Lenti kemxejn difettuża (l-ebda influwenza fuq id-dawl emess). Lenti difettuża ħafna (dawl emess affettwat).	X	X
		(c) Il-lampa mhix imqabbda sew. Periklu serju ħafna li taqa’.	X	X
4.3.2.    Bdil	Spezzjoni viżwali u bit-tħaddim	(a) Is-swiċċ ma jaħdimx f’konformità mar-rekwiżiti1. Tħaddim imdewwem. L-ebda tħaddim.	X	X	X
		(b) Funzjoni mdgħajfa tal-apparat ta’ kontroll.		X

”;

(xviii) fit-tabella, il-punt 4.4.1 huwa sostitwit b’dan li ġej:

“

”;

(xix) fit-tabella, il-punt 4.5.1 huwa sostitwit b’dan li ġej:

”;

(xx) fit-tabella, il-punt 4.6.1 huwa sostitwit b’dan li ġej:

“

”;

(xxi) fit-tabella, il-punt 4.7.1 huwa sostitwit b’dan li ġej:

“

”;

(xxii) fit-tabella, il-punt 4.11, it-titolu fl-ewwel kolonna tat-tabella huwa sostitwit b’dan li ġej:

“Wiring elettriku (għajr wiring b’vultaġġ għoli)”;

(xxiii) fit-tabella, il-punt 4.13, it-titolu fl-ewwel kolonna tat-tabella huwa sostitwit b’dan li ġej:

“Batterija (jew batteriji, ħlief batteriji b’vultaġġ għoli)”;

(xxiv) jiddaħħal il-punt 4.14 li ġej:

“