IL-KUMMISSJONI EWROPEA

Brussell, 24.4.2025

COM(2025) 173 final

2025/0090(COD)

Proposta għal

DIRETTIVA TAL-PARLAMENT EWROPEW U TAL-KUNSILL

dwar il-konservazzjoni u l-użu sostenibbli tal-bijodiversità marina fiż-żoni lil hinn mill-ġuriżdizzjoni nazzjonali

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

•Konsistenza mad-dispożizzjonijiet eżistenti fil-qasam ta’ politika kkonċernat

•Konsistenza ma’ politiki oħra tal-Unjoni

2.BAŻI LEGALI, SUSSIDJARJETÀ U PROPORZJONALITÀ

•Bażi legali

•Sussidjarjetà (għall-kompetenza mhux esklużiva) 

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

•Ġbir u użu tal-għarfien espert

•Valutazzjoni tal-impatt

•Idoneità regolatorja u simplifikazzjoni

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRA

•Pjanijiet ta’ implimentazzjoni u arranġamenti għall-monitoraġġ, l-evalwazzjoni u r-rapportar

•Dokumenti ta’ spjegazzjoni (għad-direttivi)

•Spjegazzjoni fid-dettall tad-dispożizzjonijiet speċifiċi tal-proposta

2025/0090 (COD)

Proposta għal

DIRETTIVA TAL-PARLAMENT EWROPEW U TAL-KUNSILL

dwar il-konservazzjoni u l-użu sostenibbli tal-bijodiversità marina fiż-żoni lil hinn mill-ġuriżdizzjoni nazzjonali

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 10 ,

Wara li kkunsidraw l-opinjoni tal-Kumitat tar-Reġjuni 11 ,

Filwaqt li jaġixxu f’konformità mal-proċedura leġiżlattiva ordinarja,

Billi:

(1)Jeħtieġ jiġu indirizzati t-telf tal-bijodiversità u d-degradazzjoni tal-ekosistemi tal-oċeani, b’mod partikolari minħabba l-impatti tat-tibdil fil-klima fuq l-ekosistemi marini, bħat-tisħin u d-deossiġenazzjoni tal-oċeani, l-aċidifikazzjoni tal-oċeani, it-tniġġis (inkluż it-tniġġis mill-plastik) u l-użu mhux sostenibbli tal-oċean. Għal dan l-għan, jeħtieġ jiġu stabbiliti regoli fil-livell tal-UE sabiex jiġu implimentati l-impenji internazzjonali tal-Unjoni u tal-Istati Membri tagħha.

(2)Il-Ftehim fil-qafas tal-Konvenzjoni tan-Nazzjonijiet Uniti dwar il-Liġi tal-Baħar fuq il-konservazzjoni u fuq l-użu sostenibbli tal-bijodiversità marina fiż-żoni lil hinn mill-ġuriżdizzjoni nazzjonali 12 (“il-Ftehim BBNJ” jew “il-Ftehim”) għandu l-għan li jiżgura l-konservazzjoni u l-użu sostenibbli tal-bijodiversità marina fiż-żoni lil hinn mill-ġuriżdizzjoni nazzjonali, issa u fit-tul, permezz tal-implimentazzjoni effettiva tad-dispożizzjonijiet rilevanti tal-Konvenzjoni tan-Nazzjonijiet Uniti dwar il-Liġi tal-Baħar, li l-Unjoni u l-Istati Membri tagħha huma partijiet għaliha, u aktar kooperazzjoni u koordinazzjoni internazzjonali.

(3)Jenħtieġ li din id-Direttiva timplimenta fid-dritt tal-UE l-obbligi li jirriżultaw mill-Ftehim BBNJ fil-qasam tal-ħarsien tal-ambjent, filwaqt li tirrikonoxxi li l-implimentazzjoni ulterjuri tagħha tkun tiddependi wkoll fuq il-kooperazzjoni u l-koordinazzjoni internazzjonali, b’mod partikolari kif previst skont dak il-Ftehim.

(4)L-UE ffirmat il-Ftehim BBNJ fl-20 ta’ Settembru 2023. Fis-17 ta’ Ġunju 2024, il-Kunsill adotta d-Deċiżjoni tal-Kunsill (UE) 2024/1830 13 dwar il-konklużjoni tal-Ftehim BBNJ f’isem l-Unjoni. L-Unjoni għadha ma ddepożitatx l-istrument ta’ approvazzjoni tagħha tal-Ftehim BBNJ. Skont l-Artikolu 68(1) tal-Ftehim BBNJ, dan se jidħol fis-seħħ 120 jum wara d-data li fiha jiġu ddepożitati s-60 strument ta’ ratifika, approvazzjoni, aċċettazzjoni jew adeżjoni.

(5)L-Unjoni hija impenjata li żżid l-isforzi sabiex tindirizza t-tibdil fil-klima u li twettaq l-implimentazzjoni tal-Ftehim ta’ Pariġi adottat skont il-Konvenzjoni Qafas tan-Nazzjonijiet Uniti dwar it-Tibdil fil-Klima (“il-Ftehim ta’ Pariġi”), iggwidata mill-prinċipji tiegħu u abbażi tal-aħjar għarfien xjentifiku disponibbli, fil-kuntest tal-għan fit-tul dwar it-temperatura tal-Ftehim ta’ Pariġi.

(6)Il-Konvenzjoni dwar id-Diversità Bijoloġika ġiet approvata f’isem l-Unjoni f’konformità mad-Deċiżjoni tal-Kunsill 93/626/KEE 14 . Il-Protokoll ta’ Nagoya dwar l-Aċċess għal Riżorsi Ġenetiċi u l-Qsim Ġust u Ekwu ta’ Benefiċċji li Jirriżultaw mill-Użu tagħhom għall-Konvenzjoni dwar id-Diversità Bijoloġika ġie approvat f’isem l-UE f’konformità mad-Deċiżjoni tal-Kunsill 2014/283/UE 15 u mar-Regolament (UE) Nru 511/2014 tal-Parlament Ewropew u tal-Kunsill. Il-Konvenzjoni tistabbilixxi l-qafas għal miżuri li jikkonformaw mal-Protokoll ta’ Nagoya dwar l-Aċċess għal Riżorsi Ġenetiċi u l-Qsim Ġust u Ekwu ta’ Benefiċċji li Jirriżultaw mill-Użu tagħhom fl-Unjoni.

(7)Bħala partijiet għall-Konvenzjoni dwar id-Diversità Bijoloġika, l-Unjoni u l-Istati Membri tagħha huma impenjati li jilħqu l-għanijiet u l-miri tal-Qafas Globali tal-Bijodiversità ta’ Kunming-Montreal, adottat fil-15-il laqgħa tal-Konferenza tal-Partijiet għall-Konvenzjoni dwar id-Diversità Bijoloġika ta’ bejn is-7 u d-19 ta’ Diċembru 2022, u l-viżjoni strateġika fit-tul li, sal-2050, il-bijodiversità trid tiġi stmata, ikkonservata, irrestawrata u użata b’mod għaqli, filwaqt li jiġu ppreservati servizzi tal-ekosistema, tiġi sostnuta pjaneta b’saħħitha u jinġiebu benefiċċji essenzjali għal kulħadd. L-istrateġija tal-UE għall-bijodiversità għall-2030, fil-komunikazzjoni tal-Kummissjoni tal-20 ta’ Mejju 2020 bit-titolu “Strateġija tal-UE għall-Bijodiversità għall-2023 Inreġġgħu n-natura lura f’ħajjitna”, tistabbilixxi diversi objettivi, inkluż l-għan li jiġi rrestawrat l-istatus ambjentali tajjeb tal-ekosistemi marini.

(8)Id-Direttiva (UE) 2019/1024 16 tal-Parlament Ewropew u tal-Kunsill tħeġġeġ lill-korpi tas-settur pubbliku u lill-impriżi pubbliċi sabiex jipproduċu u jagħmlu disponibbli data tar-riċerka f’konformità mal-prinċipju ta’ “ftuħ sa mill-fażi tad-disinn u b’mod awtomatiku” u l-prinċipji FAIR. Din id-Direttiva qed timponi wkoll il-kondiviżjoni ta’ ċerta data tar-riċerka għall-użu mill-ġdid tagħha.

(9)Skont il-Ftehim BBNJ, l-attivitajiet fir-rigward tar-riżorsi ġenetiċi marini u l-informazzjoni diġitali dwar is-sekwenzi ta’ riżorsi ġenetiċi marini fiż-żoni lil hinn mill-ġuriżdizzjoni nazzjonali huma fl-interess tal-Istati kollha u għall-benefiċċju tal-umanità kollha, b’mod partikolari għall-benefiċċju tal-avvanz tal-għarfien xjentifiku tal-umanità u l-promozzjoni tal-konservazzjoni u l-użu sostenibbli tal-bijodiversità marina, filwaqt li jitqiesu l-interessi u l-ħtiġijiet tal-Istati li qed jiżviluppaw.

(10)Huwa meħtieġ, f’konformità mal-Artikolu 9 tal-Ftehim BBNJ, li jitrawwem qsim ġust u ekwu tal-benefiċċji li jirriżultaw minn attivitajiet fir-rigward tar-riżorsi ġenetiċi marini u l-informazzjoni diġitali dwar is-sekwenzi ta’ riżorsi ġenetiċi marini fiż-żoni lil hinn mill-ġuriżdizzjoni nazzjonali għall-konservazzjoni u l-użu sostenibbli tal-bijodiversità marina fiż-żoni lil hinn mill-ġuriżdizzjoni nazzjonali.

(11)L-UE ddepożitat l-Eċċezzjoni 2024/1833 skont l-Artikolu 70 flimkien mal-Artikolu 10(1) tal-Ftehim BBNJ rigward l-effetti retroattivi stabbiliti fit-tieni sentenza ta’ dak l-Artikolu. Dan ifisser li d-dispożizzjonijiet tal-Ftehim se japplikaw għall-Unjoni biss għal attivitajiet fir-rigward tar-riżorsi ġenetiċi marini u l-informazzjoni diġitali dwar is-sekwenzi ta’ riżorsi ġenetiċi marini fiż-żoni lil hinn mill-ġuriżdizzjoni nazzjonali miġbura u ġġenerata wara d-dħul fis-seħħ tal-Ftehim BBNJ għall-Unjoni.

(12)Meta jiġi aċċessat l-għarfien tradizzjonali assoċjat mar-riżorsi ġenetiċi marini miġbura fiż-żoni lil hinn mill-ġuriżdizzjoni nazzjonali li jinżammu minn komunitajiet indiġeni u lokali, jenħtieġ li tali aċċess jsir bil-kunsens jew l-approvazzjoni liberu/a, minn qabel u infurmat(a) u l-involviment ta’ dawn il-komunitajiet indiġeni u lokali kif stabbilit fl-Artikolu 13 tal-Ftehim BBNJ. F’każijiet bħal dawn, jenħtieġ li tapplika kwalunkwe leġiżlazzjoni nazzjonali applikabbli li tippermetti lill-komunitajiet indiġeni u lokali li jkollhom l-għarfien tradizzjonali joħorġu kunsens liberu, minn qabel u infurmat.

(13)Sabiex jitnaqqsu l-piż amministrattiv u l-kostijiet tal-implimentazzjoni, l-Istati Membri jistgħu, meta disponibbli, jużaw pjattaforma diġitali pprovduta mill-Kummissjoni biex tintlaħaq il-fini ta’ din id-Direttiva.

(14)Il-Ftehim BBNJ jippermetti l-istabbiliment ta’ għodod tal-ġestjoni skont iż-żona, inklużi żoni marini protetti, fiż-żoni lil hinn mill-ġuriżdizzjoni nazzjonali. Il-miżuri adottati mill-Konferenza tal-Partijiet skont il-Ftehim BBNJ jenħtieġ li jiġu implimentati u, jekk ikun meħtieġ, trasposti fil-leġiżlazzjoni tal-UE. Sakemm issir it-traspożizzjoni, jenħtieġ li l-Istati Membri ma jimminawx l-effettività tal-miżuri adottati. Huwa meħtieġ li jiġu stabbiliti l-proċeduri meħtieġa sabiex tiġi żgurata l-koordinazzjoni fost l-Istati Membri u l-Kummissjoni qabel is-sottomissjoni ta’ kwalunkwe proposta sabiex jiġu stabbiliti għodod tal-ġestjoni skont iż-żona jew proposta għal miżura ta’ emerġenza lis-Segretarjat tal-BBNJ.

(15)Skont din id-Direttiva, għal kwalunkwe proposta għall-istabbiliment ta’ għodod tal-ġestjoni skont iż-żona jew kwalunkwe proposta għal miżura ta’ emerġenza skont l-Artikolu 19 u l-Artikolu 24(3) tal-Ftehim BBNJ, jenħtieġ li l-Kummissjoni twettaq valutazzjoni legali preliminari. Jenħtieġ li din il-valutazzjoni tinkludi valutazzjoni tal-ħtieġa li l-Unjoni tressaq tali proposta lis-Segretarjat tal-BBNJ.

(16)Il-Ftehim BBNJ jistabbilixxi dispożizzjonijiet li jikkonċernaw il-valutazzjoni tal-impatt ambjentali fiż-żoni lil hinn mill-ġuriżdizzjoni nazzjonali biex jirriflettu l-iżviluppi fil-livell internazzjonali. Huwa meħtieġ li jiġu previsti dispożizzjonijiet minimi dwar kif dawn l-obbligi jiġu implimentati fl-Unjoni, fid-dawl tal-obbligi li jirriżultaw mill-Ftehim BBNJ, biex b’hekk jiġu żgurati kundizzjonijiet ekwi bejn l-Istati Membri u jiġu evitati rekwiżiti kunfliġġenti. Jenħtieġ li l-effetti tal-attivitajiet ippjanati li jseħħu fiż-żoni lil hinn mill-ġuriżdizzjoni nazzjonali fuq l-ambjent marin jiġu vvalutati sabiex jitqies it-tħassib fir-rigward tal-ħarsien tas-saħħa tal-bniedem, tat-titjib tal-kwalità tal-ħajja permezz tal-ħolqien ta’ ambjent aħjar, taż-żamma tad-diversità tal-ispeċijiet u taż-żamma tal-kapaċità riproduttiva tal-ekosistema bħala riżorsa bażika għall-ħajja.

(17)L-Unjoni hija parti għall-Konvenzjoni tal-Kummissjoni Ekonomika għall-Ewropa tan-Nazzjonijiet Uniti dwar l-aċċess għall-informazzjoni, il-parteċipazzjoni tal-pubbliku fit-teħid ta’ deċiżjonijiet u l-aċċess għall-ġustizzja fi kwistjonijiet ambjentali, iffirmata f’Aarhus fil-25 ta’ Ġunju 1998 u ratifikata fis-17 ta’ Frar 2005. L-Unjoni hija parti għall-Konvenzjoni tal-Kummissjoni Ekonomika għall-Ewropa tan-Nazzjonijiet Uniti dwar il-valutazzjoni tal-impatt ambjentali f’kuntest transkonfinali, iffirmata f’Espoo fil-25 ta’ Frar 1991 u ratifikata fl-24 ta’ Ġunju 1997. Jenħtieġ li l-obbligi skont dawn il-Konvenzjonijiet jibqgħu applikabbli fl-oqsma li jaqgħu fil-kamp ta’ applikazzjoni ta’ din id-Direttiva. Il-Konvenzjoni ta’ Espoo għandha l-għan li ttejjeb il-kooperazzjoni internazzjonali fil-valutazzjoni tal-impatt ambjentali b’mod partikolari f’kuntest transkonfinali. L-objettivi tal-Konvenzjoni ta’ Aarhus jinkludu l-garanzija tad-drittijiet ta’ parteċipazzjoni pubblika fit-teħid ta’ deċiżjonijiet fi kwistjonijiet ambjentali sabiex tikkontribwixxi għall-ħarsien tad-dritt li wieħed jgħix f’ambjent li huwa adegwat għas-saħħa u l-benesseri personali. Fil-kamp ta’ applikazzjoni ta’ din id-Direttiva, id-drittijiet ta’ parteċipazzjoni pubblika fit-teħid ta’ deċiżjonijiet fi kwistjonijiet ambjentali jenħtieġ li jiġu eżerċitati skont l-istess prinċipji bħal dawk stabbiliti skont il-Konvenzjoni ta’ Aarhus.

(18)Filwaqt li l-fini ta’ din id-Direttiva hija li tipprevedi qafas legali li jirregola l-attivitajiet li jseħħu fiż-żoni lil hinn mill-ġuriżdizzjoni nazzjonali, kwalunkwe attività li għandha titwettaq fiż-żoni fi ħdan il-ġuriżdizzjoni nazzjonali li x’aktarx ikollhom effetti sinifikanti fuq l-ambjent marin fiż-żoni lil hinn mill-ġuriżdizzjoni nazzjonali jenħtieġ li tkun soġġetta għal valutazzjoni f’konformità mad-Direttiva 2011/92/UE tal-Parlament Ewropew u tal-Kunsill 17 , liġijiet rilevanti oħra tal-UE li fihom dispożizzjonijiet relatati mal-valutazzjonijiet ambjentali għall-attivitajiet ippjanati 18 u l-liġijiet nazzjonali li jittrasponu l-leġiżlazzjoni tal-UE. F’konformità mal-Artikolu 28(2) tal-Ftehim BBNJ, fl-UE tali attivitajiet imwettqa fiż-żoni fi ħdan il-ġuriżdizzjoni nazzjonali jenħtieġ li jiġu vvalutati skont ir-regoli stabbiliti tal-UE. F’dawk il-każijiet, l-Istati Membri jenħtieġ li jiżguraw li jissodisfaw l-obbligi skont il-Ftehim BBNJ.

(19)Peress li strumenti jew oqfsa legali applikabbli oħra jew korpi globali, reġjonali, subreġjonali jew settorjali jipprovdu qafas għall-valutazzjoni tal-impatti tal-attivitajiet ippjanati taħt il-ġuriżdizzjoni jew il-kontroll nazzjonali li jseħħu fiż-żoni lil hinn mill-ġuriżdizzjoni nazzjonali, jenħtieġ li l-Istati Membri ma jkunux meħtieġa jwettqu skrinjar jew valutazzjoni tal-impatt ambjentali f’konformità ma’ din id-Direttiva skont il-kundizzjonijiet stabbiliti fl-Artikolu 29(4) tal-Ftehim BBNJ. F’każijiet bħal dawn, l-Istat Membru kkonċernat jenħtieġ li jiżgura li r-rapport ta’ valutazzjoni tal-impatt ambjentali jiġi ppubblikat permezz tal-Mekkaniżmu ta’ Skambju ta’ Informazzjoni tal-BBNJ.

(20)Kwalunkwe pjan jew programm imħejji jew adottat mill-awtoritajiet nazzjonali, reġjonali jew lokali tal-Istati Membri li x’aktarx ikollu effetti sinifikanti fuq l-ambjent marin fiż-żoni lil hinn mill-ġuriżdizzjoni nazzjonali jenħtieġ li jkun soġġett għal valutazzjoni f’konformità mad-Direttiva 2001/42/KE tal-Parlament Ewropew u tal-Kunsill 19 u mal-liġijiet nazzjonali li jittrasponu dik id-Direttiva.

(21)Meta jiddeterminaw il-probabbiltà ta’ effetti sinifikanti tal-attivitajiet ippjanati, jenħtieġ li l-Istati Membri jqisu kemm l-effetti jistgħu jkunu notevoli jew importanti. Jenħtieġ li jqisu wkoll il-kriterji stabbiliti fid-Direttiva 2011/92/UE meta jagħmlu din id-determinazzjoni.

(22)Sabiex jiġi ddeterminat jekk attività ppjanata tistax tikkawża tniġġis sostanzjali jew bidliet sinifikanti u ta’ ħsara fl-ambjent marin, l-iskrinjar jew il-valutazzjoni tal-impatt ambjentali ta’ tali attività jenħtieġ li, fil-prinċipju, jitwettqu fl-aktar stadju bikri possibbli fil-proċess tat-teħid ta’ deċiżjonijiet bil-ħsieb li jiġu identifikati u vvalutati l-effetti probabbli kollha li l-attività ppjanata jista’ jkollha fuq l-ambjent marin. Dan huwa partikolarment importanti sabiex jiġu identifikati u vvalutati l-effetti mhux magħrufa jew mhux mifhuma sew tal-attivitajiet ippjanati.

(23)Id-deċiżjonijiet li jawtorizzaw attivitajiet ippjanati li jseħħu fiż-żoni lil hinn mill-ġuriżdizzjoni nazzjonali li jittieħdu mill-awtorità jew mill-awtoritajiet kompetenti jistgħu jieħdu l-forma ta’ firxa wiesgħa ta’ atti legali (bħal permessi għall-iżvilupp, deċiżjonijiet, permessi u forom oħra ta’ awtorizzazzjoni), skont il-proċeduri nazzjonali applikabbli fl-Istati Membri. Irrispettivament mill-forma, it-titolu jew il-proċedura għall-adozzjoni ta’ tali deċiżjonijiet skont id-dritt nazzjonali, jenħtieġ li l-Istati Membri jiżguraw li l-attivitajiet ippjanati li jseħħu fiż-żoni lil hinn mill-ġuriżdizzjoni nazzjonali li jistgħu jikkawżaw tniġġis sostanzjali jew bidliet sinifikanti u ta’ ħsara fl-ambjent marin isiru soġġetti għal valutazzjoni qabel ma jiġu awtorizzati.

(24)Din id-Direttiva hija konformi mal-Artikolu 47 tal-Karta tad-Drittijiet Fundamentali u timplimenta l-obbligu skont il-Konvenzjoni ta’ Aarhus li tiggarantixxi l-aċċess għall-ġustizzja fi kwistjonijiet ambjentali. Jenħtieġ li jkun possibbli għall-pubbliku kkonċernat, inklużi l-organizzazzjonijiet nongovernattivi li jippromwovu l-ħarsien tal-ambjent u li jissodisfaw kwalunkwe rekwiżit skont id-dritt nazzjonali, li jkollhom aċċess għal rieżami tad-deċiżjonijiet meħuda mill-Istati Membri skont din id-Direttiva.

(25)Jenħtieġ li l-effettività ta’ din id-Direttiva tirrikjedi li l-persuni fiżiċi jew ġuridiċi, jew l-organizzazzjonijiet debitament kostitwiti tagħhom, ikunu jistgħu jiċċitawha fi proċedimenti legali u l-qrati nazzjonali jenħtieġ li jkunu jistgħu jqisu din id-Direttiva bħala element tad-dritt tal-UE, pereżempju meta jirrevedu d-deċiżjonijiet ta’ awtorità nazzjonali. Barra minn hekk, skont il-ġurisprudenza stabbilita tal-Qorti tal-Ġustizzja, fl-ambitu tal-prinċipju tal-kooperazzjoni leali stabbilit fl-Artikolu 4(3) tat-Trattat dwar l-Unjoni Ewropea (TUE), huma l-qrati tal-Istati Membri li għandhom jiżguraw il-protezzjoni ġudizzjarja tad-drittijiet ta’ persuna skont id-dritt tal-UE. L-Artikolu 19(1) tat-TUE jirrikjedi li l-Istati Membri jipprovdu r-rimedji meħtieġa sabiex jassiguraw protezzjoni legali effettiva fl-oqsma koperti mid-dritt tal-Unjoni. Barra minn hekk, skont il-Konvenzjoni ta’ Aarhus, jenħtieġ li l-membri tal-pubbliku jkollhom aċċess għall-ġustizzja sabiex jipproteġu d-dritt tagħhom li jgħixu f’ambjent adegwat għas-saħħa u l-benesseri personali tagħhom. 

(26)Din id-Direttiva tirrispetta d-drittijiet fundamentali u tosserva l-prinċipji kif rikonoxxuti b’mod partikolari mill-Karta, inklużi l-libertà tal-espressjoni u tal-informazzjoni, il-libertà ta’ intrapriża, id-dritt għal rimedju effettiv u għal proċess imparzjali, il-prinċipji ta’ legalità u proporzjonalità. Din id-Direttiva għandha l-għan li tiżgura li dawn id-drittijiet u l-prinċipji jiġu rispettati bis-sħiħ u jenħtieġ li tiġi implimentata kif meħtieġ.

(27)F’konformità mad-Dikjarazzjoni Politika Konġunta tat-28 ta’ Settembru 2011 tal-Istati Membri u l-Kummissjoni dwar id-dokumenti ta’ spjegazzjoni 20 , l-Istati Membri impenjaw ruħhom li jipprovdu, f’każijiet ġustifikati, notifika tal-miżuri ta’ traspożizzjoni tagħhom flimkien ma’ dokument wieħed jew aktar li jispjegaw ir-relazzjoni bejn il-komponenti ta’ direttiva u l-partijiet korrispondenti tal-istrumenti ta’ traspożizzjoni nazzjonali. Fir-rigward ta’ din id-Direttiva, il-leġiżlaturi jqisu t-trażmissjoni ta’ tali dokumenti bħala ġustifikata, b’mod partikolari wara s-sentenza tal-Qorti Ewropea tal-Ġustizzja fil-Kawża Il-Kummissjoni Ewropea vs Ir-Renju tal-Belġju 21 (il-kawża C-543/17),

ADOTTAW DIN ID-DIRETTIVA:

KAPITOLU 1

Dispożizzjonijiet Ġenerali

Artikolu 1

Suġġett

Din id-Direttiva tistabbilixxi regoli minimi dwar l-implimentazzjoni fi ħdan l-Unjoni Ewropea tal-Ftehim (“il-Ftehim BBNJ” jew “il-Ftehim”) fil-qafas tal-Konvenzjoni tan-Nazzjonijiet Uniti dwar il-Liġi tal-Baħar fuq il-konservazzjoni u fuq l-użu sostenibbli tad-bijodiversità marina fiż-żoni lil hinn mill-ġuriżdizzjoni Nazzjonali.

Artikolu 2

Definizzjonijiet

Għall-finijiet ta’ din id-Direttiva, japplikaw id-definizzjonijiet li ġejjin:

(a) “żoni lil hinn mill-ġuriżdizzjoni nazzjonali” tfisser l-ibħra internazzjonali u ż-Żona kif definiti fl-Artikolu 1(1) tal-Konvenzjoni tan-Nazzjonijiet Uniti dwar il-Liġi tal-Baħar;

(b) “ġbir in situ”, fir-rigward tar-riżorsi ġenetiċi marini, tfisser il-ġbir jew il-kampjunar ta’ riżorsi ġenetiċi marini fiż-żoni lil hinn mill-ġuriżdizzjoni nazzjonali;

(c) “Konferenza tal-Partijiet” tfisser il-Konferenza tal-Partijiet stabbilita skont l-Artikolu 47 tal-Ftehim BBNJ;

(d) “riżorsi ġenetiċi marini” tfisser kwalunkwe materjal tal-baħar li joriġina mill-pjanti, mill-annimali jew mill-mikrobi, jew ta’ xi oriġini oħra, li jkun fih unitajiet funzjonali ta’ eredità ta’ valur reali jew potenzjali;

(e) “użu ta’ riżorsi ġenetiċi marini” tfisser it-twettiq ta’ riċerka u żvilupp dwar il-kompożizzjoni ġenetika u/jew bijokimika ta’ riżorsi ġenetiċi marini, inkluż permezz tal-applikazzjoni tal-bijoteknoloġija;

(f) “Mekkaniżmu ta’ Skambju ta’ Informazzjoni tal-BBNJ” tfisser il-pjattaforma stabbilita skont l-Artikolu 51 tal-Ftehim BBNJ;

(g) “Korp Xjentifiku u Tekniku tal-BBNJ” tfisser il-korp stabbilit skont l-Artikolu 49 tal-Ftehim BBNJ;

(h) “Segretarjat tal-BBNJ” tfisser is-segretarjat stabbilit skont l-Artikolu 50 tal-Ftehim BBNJ;

(i) “attività ppjanata” tfisser attività li tinvolvi l-eżekuzzjoni ta’ xogħlijiet ta’ kostruzzjoni, installazzjonijiet, skemi jew interventi oħra fl-ambjent marin, inklużi attivitajiet regolari mmirati lejn l-użu ta’ riżorsi naturali;

(j) “attivitajiet taħt il-ġuriżdizzjoni jew il-kontroll” tfisser attivitajiet imwettqa kemm minn entitajiet pubbliċi kif ukoll privati, li fuqhom l-Istat Membru jista’, f’konformità mad-dritt internazzjonali, jeżerċita l-kompetenza jew l-awtorità tiegħu;

(k) “pjanijiet u programmi” tfisser il-pjanijiet u l-programmi definiti fl-Artikolu 2(a) tad-Direttiva 2001/42/KE u kwalunkwe modifika li saritilhom li huma soġġetti għat-tħejjija u/jew l-adozzjoni minn awtorità fil-livell globali, nazzjonali, reġjonali, subreġjonali jew lokali jew li huma ppreparati minn awtorità għall-adozzjoni, permezz ta’ proċedura leġiżlattiva mill-Parlament jew mill-Gvern, u li huma meħtieġa minn dispożizzjonijiet leġiżlattivi, regolatorji jew amministrattivi;

(l) “deċiżjoni għall-awtorizzazzjoni” tfisser deċiżjoni meħuda mill-awtorità jew l-awtoritajiet kompetenti li tippermetti t-twettiq ta’ attività ppjanata;

(m) “pubbliku kkonċernat” tfisser persuni fiżiċi u ġuridiċi affettwati jew li x’aktarx jiġu affettwati mill-proċeduri ta’ teħid ta’ deċiżjonijiet ambjentali msemmija fil-Kapitolu 3 ta’ din id-Direttiva, jew li għandhom interess fihom, inklużi organizzazzjonijiet nongovernattivi li jippromwovu l-ħarsien tal-ambjent u li jissodisfaw kwalunkwe rekwiżit skont id-dritt nazzjonali;

(n) “pubbliku” tfisser il-pubbliku kkonċernat kif ukoll il-komunitajiet indiġeni u lokali b’għarfien tradizzjonali rilevanti u l-korpi globali, reġjonali, subreġjonali u settorjali rilevanti u l-komunità xjentifika;

(o) “awtorità jew awtoritajiet kompetenti” tfisser l-awtorità jew l-awtoritajiet li l-Istati Membri jinnominaw bħala responsabbli għat-twettiq tad-dmirijiet li jirriżultaw minn din id-Direttiva;

(p) “valutazzjoni tal-impatt ambjentali” tfisser proċess sabiex jitħejja rapport tal-valutazzjoni tal-impatt ambjentali, jitwettqu konsultazzjonijiet, jitqies ir-rapport tal-valutazzjoni tal-impatt ambjentali u r-riżultati tal-konsultazzjonijiet fit-teħid ta’ deċiżjonijiet u tingħata informazzjoni dwar id-deċiżjoni f’konformità mal-Kapitolu 3 ta’ din id-Direttiva;

(q) “rapport tal-valutazzjoni tal-impatt ambjentali” tfisser dokumentazzjoni li jkun fiha l-informazzjoni meħtieġa fl-Artikolu 10(4) ta’ din id-Direttiva;

(r) “impatti kumulattivi” tfisser l-impatti kkombinati u inkrementali li jirriżultaw minn attivitajiet differenti, inklużi attivitajiet magħrufa tal-passat u tal-preżent u raġonevolment prevedibbli, jew mir-ripetizzjoni ta’ attivitajiet simili maż-żmien, u l-konsegwenzi tat-tibdil fil-klima, l-aċidifikazzjoni tal-oċeani u l-impatti relatati;

(s) “effetti minuri jew tranżitorji” tfisser effetti li ma jkollhomx impatt ta’ ħsara sinifikanti fuq l-ambjent marin.

Artikolu 3

Kamp ta’ applikazzjoni

1. Din id-Direttiva tapplika għall-attivitajiet ippjanati taħt il-ġuriżdizzjoni jew il-kontroll tal-Istati Membri li jseħħu fiż-żoni lil hinn mill-ġuriżdizzjoni nazzjonali.

2. Din id-Direttiva ma għandha tapplika għall-ebda bastiment tal-gwerra, inġenju tal-ajru militari jew awżiljarju navali. Għajr għall-Kapitolu 2, din id-Direttiva ma tapplikax għal bastimenti jew inġenji tal-ajru oħra li huma proprjetà ta’ Stat Membru jew operati minnu u li għalissa jintużaw biss għal servizz mhux kummerċjali tal-gvern.

3. Din id-Direttiva ma għandhiex tapplika għal attivitajiet ippjanati taħt il-ġuriżdizzjoni jew il-kontroll tal-Istati Membri li jseħħu fiż-żoni fi ħdan il-ġuriżdizzjoni nazzjonali ħlief għad-dispożizzjonijiet fl-Artikolu 8(6) ta’ din id-Direttiva.

4. Din id-Direttiva ma taffettwax l-obbligu tal-awtoritajiet kompetenti li jirrispettaw il-limitazzjonijiet stabbiliti skont il-liġijiet, ir-regolamenti u d-dispożizzjonijiet amministrattivi nazzjonali u l-prattiki legali aċċettati fir-rigward tal-kunfidenzjalità kummerċjali u industrijali, inkluża l-proprjetà intellettwali, u s-salvagwardja tal-interess pubbliku.

KAPITOLU 2

Riżorsi ġenetiċi marini u informazzjoni diġitali dwar is-sekwenzi fiż-żoni lil hinn mill-ġuriżdizzjoni nazzjonali

Artikolu 4

Dispożizzjonijiet ġenerali

1. Dan il-Kapitolu japplika biss għal attivitajiet fir-rigward tar-riżorsi ġenetiċi marini u l-informazzjoni diġitali dwar is-sekwenzi ta’ riżorsi ġenetiċi marini fiż-żoni lil hinn mill-ġuriżdizzjoni nazzjonali miġbura u ġġenerata minn XX [wara d-dħul fis-seħħ tal-Ftehim BBNJ għall-UE u l-Istati Membri tagħha — il-ĠU għandu jdaħħal id-data].

2. Dan il-Kapitolu ma japplikax għal dawn li ġejjin:

(a) għas-sajd irregolat skont id-dritt internazzjonali applikabbli u l-attivitajiet relatati mas-sajd; u

(b) għall-ħut jew riżorsi ħajjin tal-baħar oħra magħrufa li jkunu ttieħdu f’attivitajiet tas-sajd u relatati mas-sajd minn żoni lil hinn mill-ġuriżdizzjoni nazzjonali, sakemm tali ħut jew riżorsi ħajjin tal-baħar ma jkunux regolati skont l-użu stabbilit fil-Parti II tal-Ftehim BBNJ.

Artikolu 5

Attivitajiet fir-rigward tar-riżorsi ġenetiċi marini fiż-żoni lil hinn mill-ġuriżdizzjoni nazzjonali

L-Istati Membri għandhom jiżguraw li l-ġbir in situ tar-riżorsi ġenetiċi marini fiż-żoni lil hinn mill-ġuriżdizzjoni nazzjonali jitwettaq b’kunsiderazzjoni xierqa għad-drittijiet u għall-interessi leġittimi tal-istati kostali fiż-żoni fi ħdan il-ġuriżdizzjoni nazzjonali tagħhom u b’kunsiderazzjoni xierqa għall-interessi ta’ stati oħra fiż-żoni lil hinn mill-ġuriżdizzjoni nazzjonali, f’konformità mal-Konvenzjoni tan-Nazzjonijiet Uniti dwar il-Liġi tal-Baħar. Għal dan l-għan, l-Istati Membri għandhom jikkooperaw, kif xieraq, inkluż bl-użu tal-Mekkaniżmu ta’ Skambju ta’ Informazzjoni tal-BBNJ, sabiex jimplimentaw id-dispożizzjonijiet ta’ dan il-Kapitolu.

Artikolu 6

Notifika dwar attivitajiet fir-rigward tar-riżorsi ġenetiċi marini u tal-informazzjoni diġitali dwar is-sekwenzi ta’ riżorsi ġenetiċi marini fiż-żoni lil hinn mill-ġuriżdizzjoni nazzjonali

1. L-Istati Membri għandhom jiżguraw li l-informazzjoni elenkata fil-paragrafu 2, u kwalunkwe aġġornament tal-paragrafu 3, tiġi nnotifikata lill-Mekkaniżmu ta’ Skambju ta’ Informazzjoni tal-BBNJ. L-Istati Membri għandhom jiżguraw il-koordinazzjoni bejn is-sistema użata għan-notifika tal-paragrafu 2 u sistemi oħra ta’ notifika previsti skont leġiżlazzjonijiet oħra tal-Unjoni.

2. L-informazzjoni li ġejja għandha tiġi nnotifikata lill-Mekkaniżmu ta’ Skambju ta’ Informazzjoni tal-BBNJ 6 xhur qabel il-ġbir in situ tar-riżorsi ġenetiċi marini fiż-żoni lil hinn mill-ġuriżdizzjoni nazzjonali:

(a) in-natura tal-ġbir u l-objettivi tiegħu, inkluż, kif xieraq, kwalunkwe programm li jifforma parti minnu;

(b) is-suġġett tar-riċerka jew, jekk ikunu magħrufa, ir-riżorsi ġenetiċi marini li għandhom ikunu fil-mira jew jinġabru, u l-finijiet li għalihom se jinġabru tali riżorsi;

(c) iż-żoni ġeografiċi li fihom għandu jitwettaq il-ġbir;

(d) sommarju tal-metodu u tal-mezzi li għandhom jintużaw għall-ġbir, inkluż l-isem, it-tunnellaġġ, it-tip u l-klassi tal-bastimenti, it-tagħmir xjentifiku u/jew il-metodi ta’ studju użati;

(e) informazzjoni dwar kwalunkwe kontribuzzjoni oħra għall-programmi ewlenin proposti;

(f) id-data mistennija tal-ewwel dehra u tat-tluq finali tal-bastimenti tar-riċerka, jew tal-varar tat-tagħmir u t-tneħħija tiegħu, kif xieraq;

(g) l-isem/ismijiet tal-istituzzjoni(jiet) sponsor u l-persuna responsabbli għall-proġett ta’ riċerka;

(h) opportunitajiet għal xjentisti mill-Istati kollha, b’mod partikolari xjentisti minn Stati li qed jiżviluppaw, sabiex ikunu involuti fil-proġett ta’ riċerka jew assoċjati miegħu;

(i) il-punt sa fejn jitqies li l-Istati partijiet għall-Ftehim BBNJ li jistgħu jeħtieġu u jitolbu assistenza teknika, b’mod partikolari l-Istati li qed jiżviluppaw, jenħtieġ li jkunu jistgħu jipparteċipaw jew ikunu rappreżentati fil-proġett ta’ riċerka;

(j) pjan ta’ ġestjoni tad-data mħejji skont governanza tad-data miftuħa u responsabbli, filwaqt li titqies il-prattika internazzjonali attwali.

3. Meta jkun hemm bidla materjali fl-informazzjoni pprovduta lill-Mekkaniżmu ta’ Skambju ta’ Informazzjoni tal-BBNJ qabel il-ġbir ippjanat, l-informazzjoni aġġornata għandha tiġi nnotifikata lill-Mekkaniżmu ta’ Skambju ta’ Informazzjoni tal-BBNJ f’perjodu ta’ żmien raġonevoli u mhux aktar tard mill-bidu tal-ġbir in situ, meta jkun prattikabbli.

4. L-Istati Membri għandhom jiżguraw li l-informazzjoni li ġejja, flimkien mal-identifikatur tal-lott standardizzat “BBNJ”, tiġi nnotifikata lill-Mekkaniżmu ta’ Skambju ta’ Informazzjoni tal-BBNJ hekk kif tkun disponibbli, iżda mhux aktar tard minn sena mill-ġbir in situ tar-riżorsi ġenetiċi marini fiż-żoni lil hinn mill-ġuriżdizzjoni nazzjonali:

(a) ir-repożitorju jew il-bażi tad-data fejn tiġi ddepożitata jew se tiġi ddepożitata informazzjoni diġitali dwar is-sekwenzi ta’ riżorsi ġenetiċi marini;

(b) il-post fejn ir-riżorsi ġenetiċi marini kollha miġbura in situ huma jew se jiġu ddepożitati jew miżmuma;

(c) rapport li jiddeskrivi ż-żona ġeografika minn fejn inġabru r-riżorsi ġenetiċi marini, inkluża informazzjoni dwar il-latitudni, il-lonġitudni u l-fond tal-ġbir, u, sa fejn disponibbli, is-sejbiet mill-attività;

(d) kwalunkwe aġġornament meħtieġ għall-pjan ta’ ġestjoni tad-data pprovdut skont il-paragrafu 2, il-punt (j).

5. L-Istati Membri għandhom jiżguraw li l-kampjuni tar-riżorsi ġenetiċi marini u l-informazzjoni diġitali dwar is-sekwenzi ta’ riżorsi ġenetiċi marini fiż-żoni lil hinn mill-ġuriżdizzjoni nazzjonali li jkunu f’repożitorji jew bażijiet tad-data taħt il-ġuriżdizzjoni tagħhom ikunu jistgħu jiġu identifikati bħala li joriġinaw minn żoni lil hinn mill-ġuriżdizzjoni nazzjonali, f’konformità mal-prattika xjentifika internazzjonali attwali u sa fejn prattikabbli.

6. L-Istati Membri għandhom jiżguraw li r-repożitorji, sa fejn ikun prattikabbli, u l-bażijiet tad-data taħt il-ġuriżdizzjoni tagħhom jippreparaw, fuq bażi biennali, rapport aggregat dwar l-aċċess għar-riżorsi ġenetiċi marini u l-informazzjoni diġitali dwar is-sekwenzi marbuta mal-identifikatur tal-lott standardizzat tal-BBNJ tagħhom, u jagħmlu r-rapport disponibbli għall-kumitat dwar l-aċċess u qsim ta’ benefiċċji stabbilit skont l-Artikolu 15 tal-Ftehim BBNJ.

7. Meta r-riżorsi ġenetiċi marini fiż-żoni lil hinn mill-ġuriżdizzjoni nazzjonali, u fejn prattikabbli, l-informazzjoni diġitali dwar is-sekwenzi ta’ tali riżorsi jkunu soġġetti għall-użu, inkluża l-kummerċjalizzazzjoni, minn persuni fiżiċi jew ġuridiċi taħt il-ġuriżdizzjoni tagħhom, l-Istati Membri għandhom jiżguraw li l-informazzjoni li ġejja, inkluż l-identifikatur tal-lott standardizzat tal-BBNJ, jekk disponibbli, tiġi nnotifikata lill-Mekkaniżmu ta’ Skambju ta’ Informazzjoni tal-BBNJ hekk kif tkun disponibbli:

(a) il-post tar-riżultati ta’ dan l-użu, bħal pubblikazzjonijiet, privattivi mogħtija, jekk disponibbli u sa fejn ikun possibbli, u prodotti żviluppati;

(b) fejn disponibbli, id-dettalji tan-notifika ta’ wara l-ġbir lill-Mekkaniżmu ta’ Skambju ta’ Informazzjoni tal-BBNJ relatati mar-riżorsi ġenetiċi marini li kienu s-suġġett tal-użu;

(c) il-post fejn jinżamm il-kampjun oriġinali li huwa s-suġġett tal-użu;

(d) l-arranġamenti previsti għall-aċċess għar-riżorsi ġenetiċi marini u l-informazzjoni diġitali dwar is-sekwenzi ta’ riżorsi ġenetiċi marini li qed jintużaw, u pjan ta’ ġestjoni tad-data għalihom;

(e) ladarba jiġu kkummerċjalizzati, l-informazzjoni, jekk disponibbli, dwar il-bejgħ ta’ prodotti rilevanti u kwalunkwe żvilupp ulterjuri.

8. Fejn disponibbli u xieraq, l-Istati Membri jistgħu jużaw pjattaforma diġitali pprovduta mill-Kummissjoni biex iħejju u jissottomettu l-informazzjoni speċifikata fil-paragrafi 2 u 4.

Artikolu 7

Depożizzjoni ta’ riżorsi ġenetiċi marini u informazzjoni diġitali dwar is-sekwenzi ta’ riżorsi ġenetiċi marini

1. L-Istati Membri għandhom jiżguraw li l-persuni fiżiċi jew ġuridiċi taħt il-ġuriżdizzjoni tagħhom li jużaw riżorsi ġenetiċi marini u informazzjoni diġitali dwar is-sekwenzi ta’ riżorsi ġenetiċi marini fiż-żoni lil hinn mill-ġuriżdizzjoni nazzjonali jiddepożitaw dawn ir-riżorsi ġenetiċi marini u l-informazzjoni diġitali dwar is-sekwenzi ta’ riżorsi ġenetiċi marini fiż-żoni lil hinn mill-ġuriżdizzjoni nazzjonali, flimkien mal-identifikaturi tal-lottijiet standardizzati tal-BBNJ tagħhom, f’repożitorji u bażijiet tad-data aċċessibbli għall-pubbliku, miżmuma fil-livell nazzjonali jew internazzjonali, mhux aktar tard minn 3 snin mill-bidu ta’ tali użu, jew malli jkunu disponibbli.

2. L-Istati Membri għandhom jiżguraw ukoll li l-persuni fiżiċi jew ġuridiċi msemmija fil-paragrafu 1 jipprovdu l-konfermi tad-depożiti lill-awtorità kompetenti.

Jekk diversi persuni fiżiċi jew ġuridiċi jkunu involuti fl-użu, il-persuna responsabbli għas-sorveljanza tal-proġett ta’ riċerka għandha tipprovdi l-konfermi tad-depożiti lill-awtorità kompetenti fl-Istat Membru li l-persuna responsabbli għas-sorveljanza tal-proġett ta’ riċerka tkun stabbilita jew tirrisjedi fih.

Jekk il-persuna responsabbli għas-sorveljanza tal-proġett ta’ riċerka ma tkunx stabbilita jew residenti fl-Unjoni, l-Istati Membri għandhom jiżguraw li l-persuni fiżiċi jew ġuridiċi taħt il-ġuriżdizzjoni tagħhom u involuti fil-proġett ta’ riċerka jidentifikaw persuna fil-proġett ta’ riċerka li tkun stabbilita fi Stat Membru jew li tirrisjedi fih sabiex tipprovdi l-konfermi tad-depożiti lill-awtorità kompetenti.

3. L-Istati Membri għandhom jiżguraw, inkluż permezz tal-koordinazzjoni, tal-kooperazzjoni u tal-iskambju ta’ informazzjoni rilevanti, li l-informazzjoni fil-paragrafi 1 u 2 tiġi kondiviża b’mod simplifikat, mingħajr ma jiżdied bla bżonn il-piż amministrattiv fuq l-awtorità jew l-awtoritajiet kompetenti jew fuq il-persuni fiżiċi jew ġuridiċi li jipprovdu l-konfermi tad-depożiti.

KAPITOLU 3

Valutazzjonijiet ambjentali

Artikolu 8

Dispożizzjonijiet ġenerali

1. L-Istati Membri għandhom jiżguraw li l-impatti potenzjali fuq l-ambjent marin tal-attivitajiet ippjanati taħt il-ġuriżdizzjoni jew il-kontroll tagħhom li jseħħu fiż-żoni lil hinn mill-ġuriżdizzjoni nazzjonali jkunu soġġetti għal valutazzjoni qabel tittieħed deċiżjoni li tawtorizzahom (kunsens għall-iżvilupp) mill-awtorità jew l-awtoritajiet kompetenti f’konformità ma’ din id-Direttiva.

2. Il-valutazzjoni msemmija fil-paragrafu 1 tista’ tiġi integrata fil-proċeduri eżistenti tal-Istati Membri għall-awtorizzazzjoni tal-attivitajiet ippjanati.

3. Sabiex jikkoordinaw u jiffaċilitaw il-proċeduri ta’ valutazzjoni għall-attivitajiet ippjanati taħt il-ġuriżdizzjoni jew il-kontroll tal-Istati Membri li jseħħu fiż-żoni lil hinn mill-ġuriżdizzjoni nazzjonali, u, b’mod partikolari, ħalli jwettqu konsultazzjonijiet f’konformità mal-Artikolu 11, l-Istati Membri kkonċernati jistgħu jistabbilixxu, abbażi ta’ rappreżentanza ugwali, korp konġunt.

4. Fejn għandha titwettaq valutazzjoni tal-impatt ambjentali għal attività ppjanata, l-Istati Membri għandhom iqisu, fejn disponibbli, ir-riżultati tal-valutazzjonijiet ambjentali strateġiċi rilevanti, b’mod partikolari dawk imwettqa skont l-Artikolu 15.

5. Dan il-Kapitolu ma japplikax għall-attivitajiet ippjanati taħt il-ġuriżdizzjoni jew il-kontroll tal-Istati Membri li jseħħu fiż-żoni lil hinn mill-ġuriżdizzjoni nazzjonali u li għandhom effett minuri jew tranżitorju fuq l-ambjent marin.

6. Dan il-Kapitolu ma japplikax għall-attivitajiet ippjanati taħt il-ġuriżdizzjoni jew il-kontroll tal-Istati Membri li jseħħu fiż-żoni lil hinn mill-ġuriżdizzjoni nazzjonali li għalihom ikunu twettqu skrinjar jew valutazzjoni tal-impatt ambjentali f’konformità mar-rekwiżiti ta’ strumenti jew oqfsa legali internazzjonali rilevanti oħra jew minn korpi globali, reġjonali, subreġjonali jew settorjali rilevanti. Għal attivitajiet li tkun saritilhom valutazzjoni tal-impatt ambjentali f’konformità mar-rekwiżiti ta’ strumenti jew oqfsa legali rilevanti oħra jew minn korpi globali, reġjonali, subreġjonali jew settorjali rilevanti, l-Istati Membri għandhom jiżguraw li jiġu ssodisfati l-kundizzjonijiet fl-Artikolu 29(4) tal-Ftehim BBNJ. F’każijiet bħal dawn, l-Istat Membru kkonċernat għandu jiżgura li r-rapport tal-valutazzjoni tal-impatt ambjentali jiġi ppubblikat permezz tal-Mekkaniżmu ta’ Skambju ta’ Informazzjoni tal-BBNJ u li l-attività tiġi mmonitorjata.

7. Għal attivitajiet ippjanati taħt il-ġuriżdizzjoni jew il-kontroll tal-Istati Membri li jseħħu fiż-żoni fi ħdan il-ġuriżdizzjoni nazzjonali u li x’aktarx ikollhom effetti sinifikanti fuq l-ambjent marin fiż-żoni lil hinn mill-ġuriżdizzjoni nazzjonali, l-Istati Membri għandhom japplikaw id-Direttiva 2011/92/UE u liġijiet rilevanti oħra tal-UE li fihom dispożizzjonijiet relatati mal-valutazzjonijiet ambjentali għall-attivitajiet ippjanati. Għal dawn l-attivitajiet, l-Istati Membri għandhom jagħmlu l-informazzjoni rilevanti disponibbli permezz tal-Mekkaniżmu ta’ Skambju ta’ Informazzjoni tal-BBNJ fil-ħin, matul il-proċess skont id-Direttiva 2011/92/UE u liġijiet rilevanti oħra tal-UE li fihom dispożizzjonijiet relatati mal-valutazzjonijiet ambjentali għall-attivitajiet ippjanati u jiżguraw li l-attività tiġi mmonitorjata b’mod konsistenti mar-rekwiżiti ta’ dik id-Direttiva u mal-leġiżlazzjoni nazzjonali.

Artikolu 9

Skrinjar

1. Jekk attività ppjanata jista’ jkollha aktar minn effett minuri jew tranżitorju fuq l-ambjent marin fiż-żoni lil hinn mill-ġuriżdizzjoni nazzjonali, jew l-effetti tal-attività ma jkunux magħrufa jew mifhuma sew, l-Istat Membru bil-ġuriżdizzjoni jew il-kontroll tal-attività għandu jwettaq skrinjar sabiex jiddetermina jekk l-attività tistax tikkawża tniġġis sostanzjali jew bidliet sinifikanti u ta’ ħsara fl-ambjent marin u għalhekk għandha tkun soġġetta għal valutazzjoni.

2. L-iskrinjar għandu jitwettaq f’perjodu ta’ żmien raġonevoli u għandu jkun dettaljat biżżejjed ħalli l-Istat Membru jivvaluta jekk għandux raġunijiet raġonevoli sabiex jiddetermina li l-attività ppjanata tista’ tikkawża tniġġis sostanzjali jew bidliet sinifikanti u ta’ ħsara fl-ambjent marin.

3. Meta jwettqu l-iskrinjar, l-Istati Membri għandhom jikkunsidraw mill-inqas id-deskrizzjoni tal-attività ppjanata, inklużi l-fini, il-post, it-tul u l-intensità tagħha, l-analiżi inizjali tal-impatti potenzjali, inkluża l-kunsiderazzjoni tal-impatti kumulattivi u, kif xieraq, alternattivi għall-attività ppjanata.

4. Għall-finijiet tal-iskrinjar, l-Istati Membri għandhom iqisu mill-inqas il-fatturi li ġejjin:

(a) it-tip ta’ attività ppjanata, it-teknoloġija użata għall-attività u l-mod kif għandha titwettaq l-attività;

(b) it-tul tal-attività ppjanata;

(c) il-post tal-attività ppjanata;

(d) il-karatteristiċi u l-ekosistema tal-post (inklużi żoni b’sinifikanza jew vulnerabbiltà ekoloġika jew bijoloġika partikolari) tal-attività ppjanata;

(e) l-impatti potenzjali tal-attività ppjanata, inklużi l-impatti kumulattivi potenzjali u l-impatti potenzjali f’żoni fi ħdan il-ġuriżdizzjoni nazzjonali;

(f) il-punt sa fejn l-effetti tal-attività ppjanata ma jkunux magħrufa jew mifhuma sew;

(g) fatturi ekoloġiċi jew bijoloġiċi rilevanti oħra.

5. Fejn, bħala riżultat tal-iskrinjar, jiġi ddeterminat li l-attività ppjanata tista’ tikkawża tniġġis sostanzjali jew bidliet sinifikanti u ta’ ħsara fl-ambjent marin, għandha titwettaq valutazzjoni tal-impatt ambjentali f’konformità ma’ dan il-Kapitolu.

6. L-awtorità kompetenti għandha tieħu deċiżjoni dwar l-iskrinjar abbażi tal-fatturi msemmija fil-paragrafu 4. Id-deċiżjoni dwar l-iskrinjar, inklużi r-raġunijiet ewlenin għall-ħtieġa jew għan-nuqqas ta’ ħtieġa ta’ valutazzjoni b’referenza għall-fatturi rilevanti elenkati fil-paragrafu 4, għandha ssir disponibbli għall-pubbliku, inkluż permezz tal-Mekkaniżmu ta’ Skambju ta’ Informazzjoni tal-BBNJ.

7. Jekk, wara l-pubblikazzjoni tad-deċiżjoni dwar l-iskrinjar imsemmija fil-paragrafu 6, Parti għall-Ftehim BBNJ jew il-Korp Xjentifiku u Tekniku tal-BBNJ tqajjem xi tħassib jew rakkomandazzjoni fi żmien 40 jum wara l-pubblikazzjoni tad-deċiżjoni dwar l-iskrinjar fir-rigward ta’ determinazzjoni li attività ppjanata ma tistax tikkawża tniġġis sostanzjali jew bidliet sinifikanti u ta’ ħsara fl-ambjent marin, l-Istat Membru li jkun għamel din id-determinazzjoni għandu jqis dan it-tħassib. B’riżultat ta’ dan, l-Istat Membru jista’ jirrevedi l-konklużjoni tiegħu.

Artikolu 10

Identifikazzjoni tal-ambitu u rapport

1. Meta jkollha titwettaq valutazzjoni tal-impatt ambjentali għal attività ppjanata, l-Istati Membri għandhom jiżguraw li jitħejja rapport ta’ valutazzjoni tal-impatt ambjentali.

2. Ir-rapport ta’ valutazzjoni tal-impatt ambjentali għandu jkun ibbażat fuq opinjoni dwar il-kamp ta’ applikazzjoni tiegħu maħruġa minn awtorità kompetenti.

3. L-awtorità kompetenti għandha toħroġ l-opinjoni msemmija fil-paragrafu 2 filwaqt li tqis l-aħjar xjenza u informazzjoni xjentifika disponibbli u, fejn disponibbli, l-għarfien tradizzjonali rilevanti tal-komunitajiet indiġeni u lokali, kif ukoll informazzjoni dwar l-impatti ambjentali ewlenin u kwalunkwe impatt assoċjat tal-attività ppjanata, bħall-impatti ekonomiċi, soċjali, kulturali u fuq is-saħħa tal-bniedem, inklużi l-impatti kumulattivi potenzjali u l-impatti fiż-żoni fi ħdan il-ġuriżdizzjoni nazzjonali, kif ukoll alternattivi raġonevoli għall-attività ppjanata.

4. Ir-rapport ta’ valutazzjoni tal-impatt ambjentali msemmi fil-paragrafu 1 għandu jinkludi mill-inqas l-informazzjoni li ġejja:

(a) deskrizzjoni tal-attività ppjanata, inkluż il-post fejn isseħħ;

(b) l-opinjoni maħruġa skont il-paragrafu 3;

(c) valutazzjoni bażi tal-ambjent marin li x’aktarx jiġi affettwat mill-attività ppjanata;

(d) deskrizzjoni tal-impatti potenzjali tal-attività ppjanata, inklużi l-impatti kumulattivi potenzjali u kwalunkwe impatt tal-attività fiż-żoni fi ħdan il-ġuriżdizzjoni nazzjonali;

(e) deskrizzjoni tal-miżuri ta’ prevenzjoni, mitigazzjoni u ġestjoni;

(f) deskrizzjoni tal-inċertezzi u tal-lakuni fl-għarfien;

(g) informazzjoni dwar il-proċess ta’ konsultazzjoni pubblika;

(h) deskrizzjoni tal-kunsiderazzjoni ta’ alternattivi raġonevoli għall-attività ppjanata;

(i) deskrizzjoni tal-azzjonijiet ta’ segwitu, inkluż pjan ta’ ġestjoni ambjentali li għandu jiġi implimentat matul it-twettiq u l-operat tal-attività;

(j) sommarju mhux tekniku tal-informazzjoni msemmija fil-punti (a) sa (i).

5. Sabiex tiġi żgurata l-kompletezza u l-kwalità tar-rapporti ta’ valutazzjoni tal-impatt ambjentali, l-Istati Membri għandhom jiżguraw li r-rapporti jitħejjew minn esperti kompetenti u li l-awtoritajiet kompetenti jkollhom kompetenza esperta suffiċjenti, jew aċċess kif meħtieġ għaliha, sabiex jeżaminaw dawn ir-rapporti.

Artikolu 11

Konsultazzjonijiet

1. L-Istati Membri għandhom jiżguraw li, f’perjodi ta’ żmien raġonevoli, l-informazzjoni li ġejja ssir disponibbli għall-pubbliku, inkluż permezz tal-Mekkaniżmu ta’ Skambju ta’ Informazzjoni tal-BBNJ u s-Segretarjat tal-BBNJ:

(a) ir-rapport ta’ valutazzjoni tal-impatt ambjentali msemmi fl-Artikolu 10(1);

(b) it-talba għall-awtorizzazzjoni tal-attività ppjanata;

(c) il-fatt li l-attività ppjanata hija soġġetta għal valutazzjoni tal-impatt ambjentali;

(d) id-dettalji tal-awtoritajiet kompetenti responsabbli għat-teħid tad-deċiżjoni li tawtorizza l-attività, li mingħandhom tista’ tinkiseb l-informazzjoni rilevanti, u li lilhom jistgħu jiġu ppreżentati l-kummenti jew il-mistoqsijiet, kif ukoll id-dettalji tal-perjodu ta’ żmien għas-sottomissjoni tal-kummenti jew il-mistoqsijiet;

(e) indikazzjoni dwar meta u fejn se ssir disponibbli l-informazzjoni u b’liema mezz;

(f) dettalji tal-arranġamenti għall-parteċipazzjoni pubblika magħmula skont il-paragrafu 4.

2. Il-partijiet għall-Ftehim BBNJ, b’mod partikolari l-partijiet kostali kontigwi mal-attività ppjanata u kwalunkwe parti kontigwa oħra mal-attività ppjanata, u l-pubbliku kkonċernat għandhom jingħataw opportunitajiet bikrin u effettivi sabiex jipparteċipaw fi proċeduri għall-awtorizzazzjoni tal-attivitajiet ippjanati msemmija fl-Artikolu 12(2) u għandhom, għal dak l-għan, ikunu intitolati li jesprimu kummenti u opinjonijiet qabel ma tittieħed deċiżjoni biex tiġi awtorizzata attività ppjanata meta l-għażliet kollha jkunu miftuħa għall-awtorità jew l-awtoritajiet kompetenti.

3. Għall-finijiet tal-paragrafu 2, l-Istati Membri għandhom jiddeterminaw il-partijiet li potenzjalment ġew l-aktar affettwati billi jqisu n-natura u l-effetti potenzjali tal-attività ppjanata fuq l-ambjent marin. Dawn il-partijiet għandhom jinkludu:

(a) il-partijiet kostali li l-eżerċizzju tad-drittijiet sovrani tagħhom għall-fini tal-esplorazzjoni, l-isfruttament, il-konservazzjoni jew il-ġestjoni tar-riżorsi naturali jista’ raġonevolment jitqies li ġie affettwat mill-attività ppjanata;

(b) partijiet li jwettqu, fiż-żona tal-attività ppjanata, attivitajiet tal-bniedem, inklużi attivitajiet ekonomiċi, li jistgħu raġonevolment jitqiesu li ġew affettwati mill-attività ppjanata.

4. L-Istati Membri għandhom jistabbilixxu l-arranġamenti dettaljati sabiex jinfurmaw lill-partijiet ikkonċernati msemmija fil-paragrafu 2 u l-perjodi ta’ żmien raġonevoli għall-konsultazzjoni mal-partijiet ikkonċernati msemmija fil-paragrafu 2, li ma għandhomx ikunu iqsar minn 30 jum iżda ma għandhomx ikunu itwal minn 85 jum. Għal dak l-għan, l-Istati Membri jistgħu jużaw l-arranġamenti eżistenti li jirriżultaw mid-Direttiva 2011/92/UE u minn liġijiet rilevanti oħra tal-UE li fihom dispożizzjonijiet relatati mal-valutazzjonijiet ambjentali għall-attivitajiet ippjanati.

5. L-Istati Membri għandhom jiżguraw li r-riżultati tal-konsultazzjoni, inklużi l-kummenti u l-opinjonijiet rilevanti espressi mill-partijiet u mill-pubbliku kkonċernat kif ukoll dawk tal-Korp Xjentifiku u Tekniku tal-BBNJ, jitqiesu u jiġu indirizzati kif xieraq fil-proċess tat-teħid ta’ deċiżjonijiet.

Artikolu 12

Teħid ta’ deċiżjonijiet

1. L-Istati Membri għandhom jiżguraw li l-awtorità jew awtoritajiet kompetenti jieħdu d-deċiżjoni li jawtorizzaw attività ppjanata meta, filwaqt li jqisu l-miżuri ta’ mitigazzjoni jew ta’ ġestjoni, ikunu ddeterminaw li jkunu saru l-isforzi raġonevoli kollha sabiex jiġi żgurat li l-attività ppjanata tkun tista’ titwettaq b’mod konsistenti mal-prevenzjoni ta’ impatti negattivi sinifikanti fuq l-ambjent marin.

2. Id-deċiżjoni li tiġi awtorizzata attività ppjanata għandha tkun ibbażata fuq ir-riżultati tal-konsultazzjonijiet imsemmija fl-Artikolu 11 u għandha tinkorpora mill-inqas dan li ġej:

(a) konklużjoni tal-awtorità kompetenti dwar l-impatti sinifikanti probabbli tal-attività ppjanata fuq l-ambjent marin u r-raġunijiet ewlenin għall-awtorizzazzjoni;

(b) kwalunkwe kundizzjoni marbuta mad-deċiżjoni, deskrizzjoni ta’ kwalunkwe karatteristika tal-attività ppjanata u/jew miżuri previsti għall-evitar, il-prevenzjoni jew it-tnaqqis ta’ kwalunkwe tniġġis sostanzjali jew bidliet sinifikanti u ta’ ħsara fl-ambjent marin kif ukoll miżuri ta’ monitoraġġ. Fejn xieraq, dawn il-miżuri jistgħu jiġu inkorporati fi pjan ta’ ġestjoni ambjentali.

3. Deċiżjoni li ma tiġix awtorizzata attività ppjanata għandha tiddikjara r-raġunijiet ewlenin għaliex ma ġietx awtorizzata.

4. Meta tittieħed deċiżjoni li tiġi awtorizzata jew li ma tiġix awtorizzata attività ppjanata, l-Istati Membri għandhom jiżguraw minnufih li d-deċiżjoni ssir disponibbli għall-pubbliku, inkluż permezz tal-Mekkaniżmu ta’ Skambju ta’ Informazzjoni tal-BBNJ u tas-Segretarjat tal-BBNJ. Għal dan l-għan, l-Istati Membri għandhom jagħmlu disponibbli l-kummenti u l-opinjonijiet li jirċievu matul il-konsultazzjonijiet imsemmija fl-Artikolu 11 u deskrizzjoni tal-mod li bih dawn il-kummenti u l-opinjonijiet ikunu tqiesu jew ġew indirizzati b’xi mod ieħor.

Artikolu 13

Monitoraġġ

1. L-Istati Membri għandhom, billi jużaw l-aħjar xjenza u informazzjoni xjentifika disponibbli u, fejn disponibbli, l-għarfien tradizzjonali rilevanti tal-komunitajiet indiġeni u lokali, jimmonitorjaw l-impatti tal-attivitajiet awtorizzati fiż-żoni lil hinn mill-ġuriżdizzjoni nazzjonali sabiex jiddeterminaw jekk dawn l-attivitajiet x’aktarx jikkawżaw tniġġis jew bidliet sinifikanti u ta’ ħsara fl-ambjent marin. B’mod partikolari, kull Stat Membru għandu jimmonitorja l-impatti ambjentali u kwalunkwe impatt assoċjat, bħall-impatti ekonomiċi, soċjali, kulturali u fuq is-saħħa tal-bniedem, ta’ attività awtorizzata taħt il-ġuriżdizzjoni jew il-kontroll tiegħu f’konformità mal-kundizzjonijiet marbuta mad-deċiżjoni li tiġi awtorizzata l-attività ppjanata.

2. Meta Stat Membru li jkollu ġuriżdizzjoni jew kontroll fuq attività awtorizzata jidentifika bidliet sinifikanti u ta’ ħsara għall-ambjent marin li jew in-natura jew is-severità tagħhom ma kinitx prevista fil-valutazzjoni tal-impatt ambjentali, jew li jirriżultaw minn ksur ta’ kwalunkwe waħda mill-kundizzjonijiet imsemmija fl-Artikolu 12(2)(b) jew meta parti għall-Ftehim BBNJ jew il-Korp Xjentifiku u Tekniku tal-BBNJ iqajmu xi tħassib jew rakkomandazzjoni, l-Istat Membru kkonċernat għandu jirrieżamina d-deċiżjoni tiegħu. Għal dak l-għan, għandu:

(a) jirrikjedi li jiġu proposti u implimentati miżuri li jipprevjenu, jimmitigaw u/jew jiġġestixxu dawk l-impatti jew jieħu kwalunkwe azzjoni oħra meħtieġa u/jew iwaqqaf l-attività kif xieraq; u

(b) jevalwa, fil-ħin, kwalunkwe miżura implimentata jew azzjoni meħuda skont il-punt (a).

F’dak il-każ, l-Istati Membri għandhom jinnotifikaw minnufih lill-Konferenza tal-Partijiet tal-BBNJ, lill-Partijiet l-oħra għall-Ftehim BBNJ u lill-pubbliku kkonċernat, inkluż permezz tal-Mekkaniżmu ta’ Skambju ta’ Informazzjoni tal-BBNJ.

3. L-Istati Membri għandhom, perjodikament, iżda mhux inqas minn kull 3 snin, jippubblikaw rapport dwar l-impatti tal-attivitajiet awtorizzati u r-riżultati tal-monitoraġġ meħtieġ skont il-paragrafu 1.

4. L-Istati Membri għandhom jiżguraw li dan li ġej isir disponibbli għall-pubbliku, inkluż permezz tal-Mekkaniżmu ta’ Skambju ta’ Informazzjoni tal-BBNJ:

(a) rapporti ta’ monitoraġġ;

(b) rapporti dwar ir-rieżami tal-impatti tal-attività awtorizzata;

(c) meta tkun inbidlet deċiżjoni li tawtorizza l-attività, id-deċiżjonijiet li jkunu għadhom kif ittieħdu, inkluża l-informazzjoni msemmija fl-Artikolu 12(2).

Artikolu 14

Aċċess għall-ġustizzja

L-Istati Membri għandhom jiżguraw, f’konformità mas-sistema legali nazzjonali rilevanti, li l-membri tal-pubbliku kkonċernati jkollhom aċċess għal proċedura ta’ rieżami quddiem qorti tal-ġustizzja jew korp indipendenti u imparzjali ieħor stabbilit bil-liġi sabiex jikkontestaw il-legalità sostantiva jew proċedurali tad-deċiżjonijiet, tal-atti jew tal-ommissjonijiet skont l-Artikoli 8 sa 13.

Artikolu 15

Valutazzjoni ambjentali strateġika tal-pjanijiet u tal-programmi

L-Istati Membri jistgħu, individwalment jew f’kooperazzjoni ma’ Stati Membri oħra jew ma’ Partijiet oħra għall-Ftehim BBNJ, iwettqu valutazzjonijiet ambjentali strateġiċi għal pjanijiet u programmi relatati ma’ attivitajiet ippjanati taħt il-ġuriżdizzjoni jew il-kontroll tagħhom li għandhom jitwettqu fiż-żoni lil hinn mill-ġuriżdizzjoni nazzjonali, sabiex jivvalutaw l-effetti potenzjali ta’ tali pjanijiet jew programmi fuq l-ambjent marin. Meta d-Direttiva 2001/42/KE tipprevedi obbligu li titwettaq valutazzjoni ambjentali strateġika, l-Istati Membri għandhom jikkonformaw mad-dispożizzjonijiet ta’ dik id-Direttiva meta jwettqu tali valutazzjonijiet.

KAPITOLU 4

Miżuri bħal għodod tal-ġestjoni skont iż-żona, inklużi żoni marini protetti

Artikolu 16

Proposta għall-istabbiliment ta’ għodod tal-ġestjoni skont iż-żona

1. L-Istati Membri għandhom, irrispettivament minn jekk jaġixxux individwalment jew kollettivament, jibagħtu l-abbozz ta’ proposta skont l-Artikolu 19 tal-Ftehim BBNJ jew ta’ miżura ta’ emerġenza skont l-Artikolu 24(3) ta’ dak il-Ftehim lill-Kummissjoni qabel kwalunkwe sottomissjoni lis-Segretarjat tal-BBNJ. Malli tirċeviha, il-Kummissjoni għandha tinforma lill-Istati Membri kollha u taqsam l-abbozz ta’ proposta. Jekk Stati Membri oħra jkollhom kummenti, huma għandhom jippreżentaw dawn il-kummenti lill-Kummissjoni fi żmien 30 jum minn meta jirċievu l-abbozz ta’ proposta jew qabel jekk ikun iġġustifikat mill-miżura ta’ emerġenza. Il-Kummissjoni għandha tibgħat il-kummenti li tirċievi lill-Istati Membri l-oħra.

2. Il-Kummissjoni għandha tippreżenta valutazzjoni preliminari tal-abbozz ta’ proposta jew tal-abbozz ta’ miżuri ta’ emerġenza li jaslulha skont il-paragrafu 1 qabel ma l-Istati Membri jippreżentaw kwalunkwe proposta jew abbozz lis-Segretarjat tal-BBNJ. L-għan tal-valutazzjoni preliminari huwa li tgħin sabiex jiġi ddeterminat jekk il-proposta jew il-miżura ta’ emerġenza jenħtieġx li tiġi ppreżentata f’isem l-Unjoni, jew l-Unjoni u l-Istati Membri tagħha.

3. Il-Kummissjoni għandha tippreżenta valutazzjoni preliminari dwar jekk l-abbozz ta’ proposta jew l-abbozz ta’ miżura ta’ emerġenza li jaslulha skont il-paragrafu 1 jenħtieġx li jiġi ppreżentat lis-Segretarjat tal-BBNJ mill-Kummissjoni f’isem l-Unjoni. Sakemm issir tali valutazzjoni preliminari, u jekk il-valutazzjoni preliminari tikkonkludi li s-sottomissjoni jenħtieġ li ssir f’isem l-Unjoni, l-Istati Membri għandhom joqogħdu lura milli jippreżentaw il-proposta jew il-miżura ta’ emerġenza msemmija fil-paragrafu 1 lis-Segretarjat tal-BBNJ.

Artikolu 17

Kontenut tal-proposti

1. Il-proposti skont l-Artikolu 19 tal-Ftehim BBNJ dwar l-istabbiliment ta’ għodod tal-ġestjoni skont iż-żona, inklużi iż-żoni marini protetti, jew il-miżura ta’ emerġenza skont l-Artikolu 24(3) ta’ dak il-Ftehim għandhom jiġu fformulati abbażi tal-aħjar xjenza u informazzjoni xjentifika disponibbli u, fejn disponibbli, abbażi tal-għarfien tradizzjonali rilevanti tal-komunitajiet indiġeni u lokali, skont l-approċċ prekawzjonarju u approċċ ekosistemiku.

2. Il-partijiet ikkonċernati, inklużi l-istati u l-korpi globali, reġjonali, subreġjonali u settorjali, kif ukoll is-soċjetà ċivili, il-komunità xjentifika, is-settur privat u l-komunitajiet indiġeni u lokali, għandhom jiġu kkonsultati, kif xieraq, dwar l-iżvilupp tal-proposti msemmija f’dan il-Kapitolu.

3. Il-proposti għandhom jinkludu l-elementi ewlenin li ġejjin fir-rigward taż-żona identifikata li hija s-suġġett tal-proposta:

(a) deskrizzjoni ġeografika jew spazjali taż-żona identifikata b’referenza għall-kriterji indikattivi speċifikati fl-Anness I tal-Ftehim BBNJ;

(b) informazzjoni dwar kwalunkwe kriterju speċifikat fl-Anness I tal-Ftehim BBNJ;

(c) l-attivitajiet tal-bniedem li jseħħu fiż-żona identifikata, inklużi l-użi mill-komunitajiet indiġeni u lokali, u l-impatt possibbli tagħhom, jekk ikun hemm;

(d) deskrizzjoni tal-istat tal-ambjent marin u tal-bijodiversità;

(e) deskrizzjoni tal-objettivi ta’ konservazzjoni u, fejn xieraq, ta’ użu sostenibbli li jridu jiġu applikati għaż-żona;

(f) abbozz ta’ pjan ta’ ġestjoni li jinkludi l-miżuri proposti u li jiddeskrivi l-attivitajiet proposti ta’ monitoraġġ, riċerka u rieżami sabiex jintlaħqu l-objettivi speċifikati;

(g) it-tul ta’ żmien taż-żona proposta u l-miżuri, jekk ikun hemm;

(h) informazzjoni dwar kwalunkwe konsultazzjoni mwettqa ma’ stati, inklużi stati kostali kontigwi u/jew korpi globali, reġjonali, subreġjonali u settorjali rilevanti, jekk ikun hemm;

(i) informazzjoni dwar għodod tal-ġestjoni skont iż-żona, inklużi żoni marini protetti, implimentati skont strumenti u oqfsa legali rilevanti u korpi globali, reġjonali, subreġjonali u settorjali rilevanti;

(j) kontribut xjentifiku rilevanti u, meta disponibbli, l-għarfien tradizzjonali tal-komunitajiet indiġeni u lokali.

4. L-Istati Membri għandhom jagħmlu ħilithom biex jikkollaboraw u jaqsmu informazzjoni dwar il-proposti, inklużi l-elementi elenkati fil-paragrafu 3.

Artikolu 18

Implimentazzjoni

1. L-Istati Membri għandhom jiżguraw li l-attivitajiet taħt il-ġuriżdizzjoni jew il-kontroll tagħhom li jseħħu fiż-żoni lil hinn mill-ġuriżdizzjoni nazzjonali jitwettqu f’konformità mad-deċiżjonijiet tal-Konferenza tal-Partijiet adottati skont il-Parti III tal-Ftehim BBNJ.

2. L-Istati Membri għandhom jippromwovu, kif xieraq, l-adozzjoni ta’ miżuri skont strumenti u oqfsa legali rilevanti u korpi globali, reġjonali, subreġjonali u settorjali rilevanti li huma membri tagħhom, ħalli jappoġġaw l-implimentazzjoni tad-deċiżjonijiet u r-rakkomandazzjonijiet magħmula mill-Konferenza tal-Partijiet skont il-Parti III tal-Ftehim BBNJ.

Artikolu 19

Parteċipazzjoni pubblika

L-Istati Membri għandhom jiżguraw li l-pubbliku jingħata l-opportunità li jipparteċipa fit-tħejjija ta’ proposti sabiex jiġu stabbiliti għodod tal-ġestjoni skont iż-żona, inklużi żoni marini protetti, skont l-Artikolu 15 f’ konformità mar-rekwiżiti tal-Artikoli 6 u 7 tad-Direttiva 2001/42/KE.

Kapitolu 5

Dispożizzjonijiet finali

Artikolu 20

Awtoritajiet kompetenti

1. Sa xx [l-iskadenza tat-traspożizzjoni mnaqqsa b’4 xhur — l-OP għandu jdaħħal id-data] l-Istati Membri għandhom jidentifikaw l-awtoritajiet kompetenti li se jwettqu d-dmirijiet skont il-Kapitoli 2 sa 5 ta’ din id-Direttiva u jinnotifikawhom lill-Kummissjoni.

2. L-Istati Membri għandhom jiżguraw li l-awtoritajiet kompetenti li jwettqu dmirijiet skont din id-Direttiva jkollhom għadd suffiċjenti ta’ persunal kwalifikat u riżorsi finanzjarji, tekniċi u teknoloġiċi suffiċjenti biex iwettqu l-kompiti tagħhom b’mod effettiv.

Artikolu 21

Evalwazzjoni, rapportar u rieżami

1. Sa [5 snin mid-data tad-dħul fis-seħħ — l-OP għandu jdaħħal id-data], il-Kummissjoni għandha tippreżenta rapport lill-Parlament Ewropew u lill-Kunsill li jivvaluta sa liema punt l-Istati Membri jkunu ħadu l-miżuri meħtieġa biex jikkonformaw ma’ din id-Direttiva. L-Istati Membri għandhom jipprovdu l-informazzjoni meħtieġa lill-Kummissjoni għat-tħejjija ta’ dak ir-rapport.

2. Sa [3 snin wara l-iskadenza skont il-paragrafu 1 — l-OP għandu jdaħħal id-data], il-Kummissjoni għandha twettaq evalwazzjoni tal-impatt ta’ din id-Direttiva [filwaqt li tqis ukoll kwalunkwe żvilupp skont il-Ftehim BBNJ] u tippreżenta rapport lill-Parlament Ewropew u lill-Kunsill. L-Istati Membri għandhom jipprovdu lill-Kummissjoni l-informazzjoni meħtieġa għat-tħejjija ta’ dak ir-rapport, inkluż sommarju tal-implimentazzjoni ta’ din id-Direttiva u l-azzjonijiet meħuda, u data statistika, b’attenzjoni partikolari għall-valutazzjonijiet tal-impatt ambjentali mwettqa skont il-Kapitolu 3. Jekk ikun meħtieġ, dak ir-rapport għandu jkun akkumpanjat minn proposta leġiżlattiva.

Artikolu 22

Traspożizzjoni

1. L-Istati Membri għandhom jadottaw u jippubblikaw, sa mhux aktar tard minn [6 xhur wara d-data tad-dħul fis-seħħ — l-OP għandu jdaħħal id-data], il-liġijiet, ir-regolamenti u d-dispożizzjonijiet amministrattivi neċessarji sabiex jikkonformaw ma’ din id-Direttiva. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.

Huma għandhom japplikaw dawk id-dispożizzjonijiet minn […].

Meta l-Istati Membri jadottaw dawk id-dispożizzjonijiet, fihom għandu jkun hemm referenza għal din id-Direttiva jew għandhom ikunu akkumpanjati minn din ir-referenza fid-data tal-pubblikazzjoni uffiċjali tagħhom. L-Istati Membri għandhom jiddeċiedu kif trid issir tali referenza.

2. L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tad-dritt nazzjonali li jadottaw fil-qasam kopert minn din id-Direttiva.

Artikolu 23

Dħul fis-seħħ

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 24

Destinatarji

Din id-Direttiva hija indirizzata lill-Istati Membri f’konformità mat-Trattati.

Magħmul fi Brussell,

DIKJARAZZJONI FINANZJARJA U DIĠITALI LEĠIŻLATTIVA

WERREJ

1.KUNTEST TAL-PROPOSTA

•Raġunijiet u objettivi tal-proposta

•Konsistenza mad-dispożizzjonijiet eżistenti fil-qasam ta’ politika kkonċernat

•Konsistenza ma’ politiki oħra tal-Unjoni

2.BAŻI LEGALI, SUSSIDJARJETÀ U PROPORZJONALITÀ

•Bażi legali

•Sussidjarjetà (għall-kompetenza mhux esklużiva)

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

•Ġbir u użu tal-għarfien espert

•Valutazzjoni tal-impatt

•Idoneità regolatorja u simplifikazzjoni

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRA

•Pjanijiet ta’ implimentazzjoni u arranġamenti għall-monitoraġġ, l-evalwazzjoni u r-rapportar

•Dokumenti ta’ spjegazzjoni (għad-direttivi)

•Spjegazzjoni fid-dettall tad-dispożizzjonijiet speċifiċi tal-proposta

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i)

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Riżultat(i) u impatt mistennija

1.3.4.Indikaturi tal-prestazzjoni

1.4.Il-proposta/L-inizjattiva hija relatata ma’:

1.5.Raġunijiet għall-proposta/għall-inizjattiva

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

1.7.Metodu/i ta’ implimentazzjoni tal-baġit ippjanat(i)

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

3.2.Impatt finanzjarju stmat tal-proposta fuq l-approprjazzjonijiet

3.2.1.Sommarju tal-impatt stmat fuq l-approprjazzjonijiet operazzjonali

3.2.1.1.Approprjazzjonijiet mill-baġit ivvutat

3.2.2.Output stmat iffinanzjat mill-approprjazzjonijiet operazzjonali (din it-taqsima ma għandhiex timtela mill-aġenziji deċentralizzati)

3.2.3.Sommarju tal-impatt stmat fuq l-approprjazzjonijiet amministrattivi

3.2.3.1. Approprjazzjonijiet mill-baġit ivvutat

3.2.4.Rekwiżiti stmati ta’ riżorsi umani

3.2.4.1.Iffinanzjati mill-baġit ivvutat

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

3.2.6.Kompatibbiltà mal-qafas finanzjarju pluriennali attwali

3.2.7.Kontribuzzjonijiet ta’ partijiet terzi

3.3.Impatt stmat fuq id-dħul

4.Dimensjonijiet diġitali

4.1.Rekwiżiti ta’ rilevanza diġitali

4.2.Data

4.3.Soluzzjonijiet diġitali

4.4.Valutazzjoni tal-interoperabbiltà

4.5.Miżuri li jappoġġaw l-implimentazzjoni diġitali

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Objettiv(i)

1.3.1.Objettiv(i) ġenerali

1.3.2.Objettiv(i) speċifiku/speċifiċi

1.3.3.Riżultat(i) u impatt mistennija

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.Il-proposta/L-inizjattiva hija relatata ma’: 

 azzjoni ġdida 

 azzjoni ġdida b’segwitu għal proġett pilota/azzjoni preparatorja 22  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

 durata limitata

–    fis-seħħ minn [JJ/XX]SSSS sa [JJ/XX]SSSS

–    impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

 durata mhux limitata

–Implimentazzjoni b’perjodu ta’ tnedija mill-2025

–segwita minn operazzjoni fuq skala sħiħa.

1.7.Metodu/i ta’ implimentazzjoni tal-baġit ippjanat(i) 23   

 Ġestjoni diretta mill-Kummissjoni

– mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

– mill-aġenziji eżekuttivi

 Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni tal-baġit:

– lill-pajjiżi terzi jew lill-korpi nnominati minnhom

– lill-organizzazzjonijiet internazzjonali u lill-aġenziji tagħhom (għandhom jiġu speċifikati)

– lill-Bank Ewropew tal-Investiment u lill-Fond Ewropew tal-Investiment

– lill-korpi msemmija fl-Artikoli 70 u 71 tar-Regolament Finanzjarju

– lill-korpi tad-dritt pubbliku

– lill-korpi rregolati mid-dritt privat b’missjoni ta’ servizz pubbliku sakemm dawn ikollhom garanziji finanzjarji adegwati

– lill-korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati

– lill-korpi jew lill-persuni fdati bl-implimentazzjoni ta’ azzjonijiet speċifiċi fil-Politika Estera u ta’ Sigurtà Komuni skont it-Titolu V tat-Trattat dwar l-Unjoni Ewropea, u identifikati fl-att bażiku rilevanti

–lill-korpi stabbiliti fi Stat Membru, irregolati mid-dritt privat ta’ Stat Membru jew mid-dritt tal-Unjoni u eliġibbli biex jiġu fdati, f’konformità mar-regoli speċifiċi għas-settur, bl-implimentazzjoni ta’ fondi tal-Unjoni jew ta’ garanziji baġitarji, sa fejn tali korpi jkunu kkontrollati minn korpi tad-dritt pubbliku jew minn korpi rregolati mid-dritt privat b’missjoni ta’ servizz pubbliku, u jkunu pprovduti b’garanziji finanzjarji adegwati fil-forma ta’ responsabbiltà in solidum mill-korpi kontrollanti jew b’garanziji finanzjarji ekwivalenti, li jistgħu, għal kull azzjoni, ikunu limitati għall-ammont massimu tal-appoġġ tal-Unjoni.

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

Specify frequency and conditions.

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

2.3.Miżuri għall-prevenzjoni ta’ frodi u ta’ irregolaritajiet 

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

·Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta fuq l-approprjazzjonijiet 

3.2.1.Sommarju tal-impatt stmat fuq l-approprjazzjonijiet operazzjonali 

–Il-proposta/L-inizjattiva ma teħtieġx l-użu ta’ approprjazzjonijiet operazzjonali

–    Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

3.2.1.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

================================================================================================

Mandatory table

====================================================================================================

miljuni ta’ EUR (sa tliet pożizzjonijiet deċimali)

=================================================================================================

3.2.2.Output stmat iffinanzjat mill-approprjazzjonijiet operazzjonali (din it-taqsima ma għandhiex timtela mill-aġenziji deċentralizzati)

Approprjazzjonijiet ta’ impenn f’miljuni ta’ EUR (sa tliet pożizzjonijiet deċimali)

3.2.3.Sommarju tal-impatt stmat fuq l-approprjazzjonijiet amministrattivi 

–    Il-proposta/L-inizjattiva ma teħtieġx l-użu ta’ approprjazzjonijiet ta’ natura amministrattiva

–    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.3.1. Approprjazzjonijiet mill-baġit ivvutat

===================================================================

3.2.4.Rekwiżiti stmati ta’ riżorsi umani 

–    Il-proposta/L-inizjattiva ma teħtieġx l-użu ta’ riżorsi umani

–    Il-proposta/L-inizjattiva teħtieġ l-użu ta’ riżorsi umani, kif spjegat hawn taħt

3.2.4.1.Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs, Full-Time Equivalent) 31

===================================================================

Considering the overall strained situation in Heading 7, in terms of both staffing and the level of appropriations, the human resources required will be met by staff from the DG who are already assigned to the management of the action and/or have been redeployed within the DG or other Commission services.

Il-persunal meħtieġ għall-implimentazzjoni tal-proposta (f’FTEs):

Deskrizzjoni tal-kompiti li jridu jitwettqu minn:

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

Obbligatorju: fit-tabella ta’ hawn taħt għandha tiġi inkluża l-aħjar stima tal-investimenti relatati mat-teknoloġija diġitali li jirriżultaw mill-proposta/mill-inizjattiva.

B’mod eċċezzjonali, meta jkun meħtieġ għall-implimentazzjoni tal-proposta/tal-inizjattiva, l-approprjazzjonijiet skont l-Intestatura 7 għandhom jiġu ppreżentati fil-linja ddeżinjata.

L-approprjazzjonijiet skont l-Intestaturi 1 sa 6 għandhom jiġu riflessi bħala “Nefqa tal-IT marbuta mal-politika fil-qafas ta’ programmi operazzjonali”. Din in-nefqa tirreferi għall-baġit operazzjonali li għandu jintuża għall-użu mill-ġdid/għax-xiri/għall-iżvilupp ta’ pjattaformi/għodod tal-IT relatati direttament mal-implimentazzjoni tal-inizjattiva u mal-investimenti assoċjati tagħhom (pereż. liċenzji, studji, ħżin ta’ data, eċċ.). L-informazzjoni pprovduta f’din it-tabella għandha tkun konsistenti mad-dettalji ppreżentati fit-Taqsima 4 “Dimensjonijiet diġitali”.

3.2.6.Kompatibbiltà mal-qafas finanzjarju pluriennali attwali 

Il-proposta/L-inizjattiva:

–    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-qafas finanzjarju pluriennali (QFP)

–    tirrikjedi l-użu tal-marġni mhux allokat skont l-intestatura rilevanti tal-QFP u/jew l-użu tal-istrumenti speċjali kif definiti fir-Regolament QFP

–    tirrikjedi reviżjoni tal-QFP

3.2.7.Kontribuzzjonijiet ta’ partijiet terzi 

Il-proposta/L-inizjattiva:

–    ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

 
3.3.    Impatt stmat fuq id-dħul 

–    Il-proposta/L-inizjattiva ma għandha l-ebda impatt finanzjarju fuq id-dħul.

–    Il-proposta/L-inizjattiva għandha l-impatt finanzjarju li ġej:

–    fuq ir-riżorsi proprji

–    fuq dħul ieħor

–    indika jekk id-dħul huwiex assenjat għal-linji tan-nefqa

miljuni ta’ EUR (sa tliet pożizzjonijiet deċimali)

4.Dimensjonijiet diġitali

4.1.Rekwiżiti ta’ rilevanza diġitali

4.2.Data

Allinjament mal-Istrateġija Ewropea għad-Data

Spjega kif ir-rekwiżit(i) huma allinjati mal-Istrateġija Ewropea għad-Data

Allinjament mal-prinċipju ta’ darba biss

Spjega kif il-prinċipju ta’ darba biss ġie kkunsidrat u kif ġiet esplorata l-possibbiltà li d-data eżistenti terġa’ tintuża

Spjega kif id-data li għadha kif inħolqot hija traċċabbli, aċċessibbli, interoperabbli u riutilizzabbli, u tissodisfa standards ta’ kwalità għolja

Flussi ta’ data

4.3.Soluzzjonijiet diġitali

For each digital solution, please provide the reference to the requirement(s) of digital relevance concerning it, a description of the digital solution's mandated functionality, the body that will be responsible for it, and other relevant aspects such as reusability and accessibility. Finally, explain whether the digital solution intends to make use of AI technologies.

For each digital solution, explain how the digital solution complies with the requirements and obligations of the EU cybersecurity framework, and other applicable digital policies and legislative enactments (such as eIDAS, Single Digital Gateway, etc.).

Soluzzjoni diġitali #2

4.4.Valutazzjoni tal-interoperabbiltà

Describe the digital public service(s) affected by the requirements

Assess the impact of the requirement(s) on cross-border interoperability

Monitoraġġ ta’ proġetti ta’ riċerka fil-qasam tal-bijoloġija marina u t-tixrid ta’ informazzjoni relatata

4.5.Miżuri li jappoġġaw l-implimentazzjoni diġitali

(1)

    Deċiżjoni - UE - 2024/1830 - MT - EUR-Lex  

(2)    Il-Konvenzjoni tan-Nazzjonijiet Uniti dwar il-Liġi tal-Baħar, adottata fl-10 ta’ Diċembru 1982, daħlet fis-seħħ fis-16 ta’ Novembru 1994, 1833 UNTS 396: https://treaties.un.org/pages/ViewDetailsIII.aspx?src=TREATY&mtdsg_no=XXI-6&chapter=21&Temp=mtdsg3&clang=_en  

(3)     ĠU L 309, 13.12.1993, p. 3 .

(4)    Il-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC) (il-“Ftehim ta’ Pariġi”), daħlet fis-seħħ fl-4 ta’ Novembru 2016.

(5)    Il-Ftehim ta’ Pariġi, adottat fit-12 ta’ Diċembru 2015 skont il-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC) (il-“Ftehim ta’ Pariġi”), daħal fis-seħħ fl-4 ta’ Novembru 2016.

(6)     It-Test tal-Konvenzjoni | NUKEE

(7)     It-Test tal-Konvenzjoni | NUKEE

(8)     https://eur-lex.europa.eu/legal-content/MT/TXT/?uri=OJ:L_202401833  

(9)     Direttiva - 2011/92 - MT - VIA - EUR-Lex

(10)    ĠU C , , p. .

(11)    ĠU C , , p. .

(12)    Il-Ftehim fil-qafas tal-Konvenzjoni tan-Nazzjonijiet Uniti dwar il-Liġi tal-Baħar fuq il-Konservazzjoni u fuq l-Użu Sostenibbli tal-Bijodiversità Marina fiż-Żoni lil hinn mill-Ġuriżdizzjoni Nazzjonali, adottat fid-19 ta’ Ġunju 2023: https://treaties.un.org/Pages/ViewDetails.aspx?src=TREATY&mtdsg_no=XXI-10&chapter=21&clang=_en  

(13)    Id-Deċiżjoni tal-Kunsill (UE) 2024/1830 tas-17 ta’ Ġunju 2024 dwar il-konklużjoni, f’isem l-Unjoni Ewropea, tal-Ftehim fil-qafas tal-Konvenzjoni tan-Nazzjonijiet Uniti dwar il-Liġi tal-Baħar fuq il-konservazzjoni u fuq l-użu sostenibbli tal-bijodiversità marina fiż-żoni lil hinn mill-ġuriżdizzjoni nazzjonali, ĠU L 2024/1830, 19.7.2024

(14)    Id-Deċiżjoni tal-Kunsill 93/626/KEE tal-25 ta’ Ottubru 1993 dwar il-konklużjoni tal-Konvenzjoni dwar id-Diversità Bijoloġika, ĠU L 309, 13.12.1993, p. 1

(15)    Id-Deċiżjoni tal-Kunsill 2014/283/UE tal-14 ta’ April 2014 dwar il-konklużjoni, f’isem l-Unjoni Ewropea, tal-Protokoll ta’ Nagoya dwar l-Aċċess għal Riżorsi Ġenetiċi u l-Qsim Ġust u Ekwu ta’ Benefiċċji li Jirriżultaw mill-Użu tagħhom għall-Konvenzjoni dwar id-Diversità Bijoloġika

(16)    Id-Direttiva (UE) 2019/1024 tal-Parlament Ewropew u tal-Kunsill tal-20 ta’ Ġunju 2019 dwar id-data miftuħa u l-użu mill-ġdid tal-informazzjoni tas-settur pubbliku (riformulazzjoni), ĠU L 172, 26.6.2019, p. 56

(17)    ĠU L 26, 28.1.2012, p. 1

(18)    Pereżempju d-Direttiva (UE) 2023/2413 tal-Parlament Ewropew u tal-Kunsill tat-18 ta’ Ottubru 2023 li temenda d-Direttiva (UE) 2018/2001, ir-Regolament (UE) 2018/1999 u d-Direttiva 98/70/KE fir-rigward tal-promozzjoni tal-enerġija minn sorsi rinnovabbli, u li tħassar id-Direttiva tal-Kunsill (UE) 2015/652, ir-Regolament (UE) 2024/1252 tal-Parlament Ewropew u tal-Kunsill tal-11 ta’ April 2024 li jistabbilixxi qafas li jiżgura provvista sigura u sostenibbli tal-materja prima kritika u li jemenda r-Regolamenti (UE) Nru 168/2013, (UE) 2018/858, (UE) 2018/1724 u (UE) 2019/1020, ir-Regolament (UE) 2024/1735 tal-Parlament Ewropew u tal-Kunsill tat-13 ta’ Ġunju 2024 dwar l-istabbiliment ta’ qafas ta’ miżuri għat-tisħiħ tal-ekosistema Ewropea tal-manifattura ta’ teknoloġija b’emissjonijiet żero netti u li jemenda r-Regolament (UE) 2018/1724

(19)    ĠU L 197, 21.7.2001, p. 30

(20)    ĠU L 369, 17.12.2011, p. 14

(21)    Is-Sentenza tal-Qorti tal-Ġustizzja tat-8 ta’ Lulju 2019, Il-Kummissjoni vs Ir-Renju tal-Belġju, C-543/17, ECLI:EU:C:2019:573

(22)    Kif imsemmi fl-Artikolu 58(2), il-punt (a) jew (b) tar-Regolament Finanzjarju.

(23)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jinsabu fuq is-sit BUDGpedia: https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx .

(24)    Diff. = Approprjazzjonijiet differenzjati/Mhux diff. = Approprjazzjonijiet mhux differenzjati.

(25)    EFTA: Assoċjazzjoni Ewropea tal-Kummerċ Ħieles.

(26)    Pajjiżi kandidati u, meta jkun applikabbli, kandidati potenzjali mill-Balkani tal-Punent.

(27)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta, riċerka diretta.

(28)    Sabiex jiġu ddeterminati l-approprjazzjonijiet meħtieġa għandhom jintużaw iċ-ċifri relatati mal-kostijiet medji annwali, disponibbli fuq il-paġna web rilevanti tal-BUDGpedia.

(29)    L-outputs huma l-prodotti u s-servizzi li għandhom jiġu fornuti (pereż. l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(30)    Kif deskritt fit-Taqsima 1.3.2. “Objettiv(i) speċifiku/speċifiċi”

(31)    Speċifika taħt it-tabella, kemm mill-FTEs fl-għadd indikat huma diġà assenjati għall-ġestjoni tal-azzjoni u/jew jistgħu jiġu riallokati fid-DĠ tiegħek, u x’inhuma l-ħtiġijiet netti tiegħek.

(32)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % għall-kostijiet tal-ġbir.