IL-KUMMISSJONI EWROPEA

Brussell, 1.4.2025

COM(2025) 140 final

2025/0073(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2021/691 fir-rigward tal-appoġġ għall-ħaddiema affettwati minn sensji imminenti f’intrapriżi li għaddejjin minn ristrutturar

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

L-għan ta’ din il-proposta huwa li tippermetti lill-Fond Ewropew ta’ Aġġustament għall-Globalizzazzjoni għall-Ħaddiema Ssensjati (“il-FEG”) mhux biss jappoġġa lill-ħaddiema ssensjati, iżda wkoll lill-ħaddiema affettwati minn spostament imminenti tal-impjiegi.

L-impjegati tal-intrapriżi li jkunu għaddejjin minn ristrutturar għandhom ikunu jistgħu jibbenefikaw minn pakketti personalizzati ta’ miżuri f’każ li jkunu affettwati minn spostament imminenti tal-impjiegi. Sabiex l-impjegati tagħhom ikunu jistgħu jibbenefikaw minn tali appoġġ, l-intrapriżi li jkunu għaddejjin minn ristrutturar jistgħu jitolbu lill-Istat Membru rilevanti biex jissottometti applikazzjoni għall-assistenza tal-FEG, jekk jiġu ssodisfati l-kriterji ta’ intervent u jekk l-intrapriża tkun tixtieq toffri assistenza kofinanzjata mill-FEG.

Avvenimenti ta’ ristrutturar spiss iseħħu f’serje ta’ mewġiet ta’ sensji. Bl-istruttura attwali tiegħu, il-FEG jista’ jgħin biss lill-ħaddiema li diġà tilfu l-impjieg tagħhom. Madankollu, jekk ikun diġà magħruf meta lott li jmiss ta’ ħaddiema jkunu se jitilfu l-impjieg tagħhom, dawn għandhom jiġu megħjuna b’reazzjoni għal din it-theddida imminenti sabiex jittaffa l-impatt tagħha.

Filwaqt li l-assistenza antiċipatorja fit-tul taqa’ taħt il-Fond Soċjali Ewropew Plus (FSE+), il-FEG huwa strument ta’ emerġenza biex jirrispondi għal avvenimenti ta’ ristrutturar. Din il-proposta tappoġġa u ssaħħaħ il-karattru ta’ emerġenza tal-FEG. Fuq perjodu qasir ta’ żmien, spiss ma jkunx possibbli li l-finanzjament tal-FSE+ jiġi riprogrammat, u l-intrapriżi li jkunu għaddejjin minn ristrutturar ikollhom mezzi limitati biex jappoġġaw lill-ħaddiema affettwati mis-sensji. Il-FEG jista’ jimla din il-lakuna billi jirrispondi għal avvenimenti ta’ ristrutturar li jseħħu fuq perjodu ta’ żmien medju.

Skont it-Tbassir Ekonomiku tal-Ħarifa 2024, it-tkabbir fl-UE mistenni jiżdied għal 1,5 % fl-2025, hekk kif il-konsum iħaffef il-pass u l-investiment huwa mistenni li jirpilja mill-kontrazzjoni tal-2024. Madankollu, l-inċertezza għolja u l-bidliet strutturali mistennija jkunu ta’ piż fuq xi segmenti tal-ekonomija, b’mod partikolari fil-manifattura. Filwaqt li l-UE esperjenzat fażi ta’ tkabbir straordinarju fl-impjiegi matul dawn l-aħħar ftit snin, id-data mill-Osservatorju Ewropew tar-Ristrutturar tal-Eurofound turi li x-xejra ilha ddur sa mill-2024. It-tnaqqis fl-għadd ta’ impjiegi mħabbar għall-futur qrib relatat ma’ ristrutturar fuq skala kbira fl-UE issa jaqbeż bil-kbir l-għadd ta’ ħolqien ta’ impjiegi.

Skont id-data miġbura mill-Osservatorju Ewropew tar-Ristrutturar, ir-ristrutturar fuq skala kbira fil-pajjiżi kollha osservati u fis-setturi kollha dam aktar minn sena (387 jum). Aktar ma jkun kbir l-avveniment ta’ ristrutturar, aktar tkun twila d-durata. Fil-każ ta’ avvenimenti ta’ ristrutturar li jinvolvu aktar minn 3 000 ħaddiem, id-durata medja hija ta’ kważi 1 000 jum.

It-tfixkil ekonomiku, pereżempju dak ikkawżat mit-tranżizzjoni doppja jew mill-globalizzazzjoni, għandu effetti negattivi fuq il-ħaddiema li l-ħiliet tagħhom ma għadhomx meħtieġa. Madankollu, it-tnaqqis fl-impjiegi jista’ jimxi id f’id man-nuqqas ta’ ħaddiema u ħiliet. Għalhekk, il-ħaddiema kkonċernati jridu jiġu appoġġati minn aċċess għal miżuri ta’ politika attiva tas-suq tax-xogħol, bħall-edukazzjoni u t-taħriġ mill-ġdid, biex ikunu jistgħu jiksbu l-ħiliet meħtieġa biex jidħlu għal rwoli jew impjiegi ġodda.

Fid-dawl tat-tranżizzjoni doppja u l-isfidi ġeopolitiċi ġodda, huwa vitali li jissaħħaħ it-tkabbir tal-produttività filwaqt li tiġi żgurata l-inklużjoni soċjali u tiġi ppreservata l-ekwità, biex jiġi żgurat li l-ħaddiema jibbenefikaw mis-solidarjetà tal-UE.

Għalhekk, din il-proposta hija meħtieġa biex jittaffew l-effetti negattivi li t-tfixkil ekonomiku għandu fuq il-forza tax-xogħol, u biex tingħata spinta lill-kompetittività ekonomika tal-UE. Tissottolinja l-karattru tal-FEG bħala strument reattiv ta’ rispons ta’ emerġenza biex jgħin lill-ħaddiema affettwati minn spostament imminenti tal-impjiegi f’intrapriżi li għaddejjin minn ristrutturar.

L-appoġġ ipprovdut lil dawk il-ħaddiema jkun jikkonsisti f’pakketti ta’ servizzi personalizzati biex jiġu mgħammra bil-ħiliet meħtieġa ħalli jidħlu fi rwol differenti, jew biex ibiddlu l-impjiegi. L-iskemi ta’ xogħol b’ħinijiet iqsar mhumiex eliġibbli minħabba li huma ffinanzjati mill-baġits nazzjonali tal-Istati Membri. L-estensjoni tas-solidarjetà tal-UE għal dawk il-ħaddiema permezz ta’ tali appoġġ tqis l-appoġġ eżistenti li huwa disponibbli għalihom fil-livell nazzjonali.

Il-ħaddiema affettwati minn spostament imminenti tal-impjiegi jew li jantiċipaw l-ispostament tal-impjiegi f’intrapriżi li għaddejjin minn ristrutturar jistgħu jibbenefikaw minn appoġġ tal-FEG skont id-dispożizzjonijiet li jistabbilixxu l-appoġġ disponibbli għall-ħaddiema ssensjati.

Fil-kuntest attwali ta’ tfixkil ekonomiku, huwa vitali li jiġu appoġġati kemm il-ħaddiema li jingħataw is-sensja kif ukoll il-ħaddiema li jantiċipaw l-ispostament imminenti tal-impjiegi billi titħaffef il-proċedura biex jiġi mobilizzat l-appoġġ tal-FEG. Biex jinkiseb dan, ir-Regolament (UE) 2021/691 jista’ jistabbilixxi proċedura li permezz tagħha l-Kummissjoni, taħt kundizzjonijiet stretti, tista’ titlob lill-Parlament Ewropew u lill-Kunsill jimmobilizzaw il-baġit tal-ammont annwali massimu sħiħ fil-bidu ta’ kull sena. Jekk dik il-mobilizzazzjoni tiġi approvata, il-Kummissjoni tadotta deċiżjonijiet ta’ finanzjament individwali fir-rigward tal-applikazzjonijiet introdotti mill-pajjiżi tal-UE kkonċernati. Il-Kummissjoni se tinforma minnufih lill-Parlament Ewropew u lill-Kunsill bl-adozzjoni tagħha, inklużi l-kundizzjonijiet li wasslu lill-Kummissjoni biex tadotta d-deċiżjonijiet ta’ finanzjament, kif ukoll l-ammonti korrispondenti.

Jekk l-ammont annwali massimu sħiħ ma jintużax mill-Kummissjoni f’sena partikolari, dak l-ammont jiskadi fi tmiem is-sena finanzjarja.

L-emenda proposta se tiġi akkomodata bis-sħiħ fid-dispożizzjonijiet eżistenti tar-Regolament QFP (l-Artikolu 8 tar-Regolament tal-Kunsill 2020/2093 tas-17 ta’ Diċembru (kif emendat bir-Regolament tal-Kunsill 2024/765 tad-29 ta’ Frar 2024), kif ukoll bid-dispożizzjonijiet eżistenti tal-Ftehim Interistituzzjonali bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar id-dixxiplina baġitarja, il-kooperazzjoni f’materji baġitarji, il-ġestjoni finanzjarja tajba, u r-riżorsi proprji ġodda tas-16 ta’ Diċembru 2020 (il-Punt 9) (il-FII).

Din il-proposta tgħin ukoll lill-intrapriżi li għaddejjin minn ristrutturar fil-ġestjoni attiva tat-tranżizzjonijiet ekonomiċi b’mod soċjalment responsabbli.

•Konsistenza mad-dispożizzjonijiet eżistenti fil-qasam ta’ politika kkonċernat u ma’ politiki oħra tal-Unjoni

2.BAŻI LEGALI, SUSSIDJARJETÀ U PROPORZJONALITÀ

•Bażi legali

Il-bażi legali hija t-Trattat dwar il-Funzjonament tal-Unjoni Ewropea (TFUE), u b’mod partikolari l-Artikolu 175, it-tielet paragrafu.

•Sussidjarjetà (għall-kompetenza mhux esklużiva)

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

4.IMPLIKAZZJONIJIET BAĠITARJI

5.ELEMENTI OĦRA

•Spjegazzjoni fid-dettall tad-dispożizzjonijiet speċifiċi tal-proposta

2025/0073 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2021/691 fir-rigward tal-appoġġ għall-ħaddiema affettwati minn sensji imminenti f’intrapriżi li għaddejjin minn ristrutturar

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 175, it-tielet paragrafu, tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 1 ,

Wara li kkunsidraw l-opinjoni tal-Kumitat tar-Reġjuni 2 ,

Filwaqt li jaġixxu f’konformità mal-proċedura leġiżlattiva ordinarja,

Billi:

(1)Ir-Regolament (KE) Nru 1927/2006 tal-Parlament Ewropew u tal-Kunsill 3 stabbilixxa l-Fond Ewropew ta’ Aġġustament għall-Globalizzazzjoni (FEG) għall-qafas finanzjarju pluriennali mill-1 ta’ Jannar 2007 sal-31 ta’ Diċembru 2013. Il-FEG ġie stabbilit biex jippermetti lill-Unjoni turi solidarjetà mal-ħaddiema li tilfu l-impjiegi tagħhom b’riżultat ta’ bidliet strutturali kbar fix-xejriet tal-kummerċ dinji minħabba l-globalizzazzjoni.

(2)Il-kamp ta’ applikazzjoni tal-FEG twessa’ fl-2009 bħala parti mill-Pjan Ewropew ta’ Rkupru Ekonomiku biex jinkludi appoġġ lill-ħaddiema li ngħataw is-sensja bħala konsegwenza diretta tal-kriżi finanzjarja u ekonomika globali.

(3)Ir-Regolament (UE) Nru 1309/2013 tal-Parlament Ewropew u tal-Kunsill 4 stabbilixxa l-FEG għall-perjodu tal-qafas finanzjarju pluriennali mill-1 ta’ Jannar 2014 sal-31 ta’ Diċembru 2020. Huwa estenda wkoll il-kamp ta’ applikazzjoni tal-FEG biex ikopri s-sensji li jirriżultaw minn kwalunkwe kriżi finanzjarja u ekonomika globali ġdida. Barra minn hekk, ir-Regolament (UE) Nru 1309/2013 ġie emendat biex jintroduċi regoli li jippermettu lill-FEG biex eċċezzjonalment ikopri applikazzjonijiet kollettivi li jinvolvu intrapriżi żgħar u ta’ daqs medju li jinsabu f’reġjun wieħed u li joperaw f’setturi ekonomiċi differenti definiti fil-livell tad-diviżjoni NACE Reviżjoni 2 5 , fejn l-Istat Membru applikant juri li l-intrapriżi żgħar u ta’ daqs medju huma t-tip ewlieni ta’ negozju f’dak ir-reġjun, jew l-uniku wieħed.

(4)Ir-Regolament (UE) 2021/691 tal-Parlament Ewropew u tal-Kunsill stabbilixxa l-FEG għall-perjodu tal-qafas finanzjarju pluriennali mill-1 ta’ Jannar 2021 sal-31 ta’ Diċembru 2027. Sabiex il-FEG jirreaġixxi aktar għall-isfidi ekonomiċi li qed jinbidlu malajr f’ekonomija globalizzata, il-kamp ta’ applikazzjoni tal-FEG reġa’ twessa’ biex ikopri kwalunkwe tip ta’ avveniment ta’ ristrutturar fuq skala kbira, irrispettivament mill-kawża. Livell limitu aktar baxx jirrifletti aħjar ir-realtajiet f’reġjuni b’popolazzjoni aktar baxxa. Fid-dawl tat-tranżizzjoni doppja diġitali u ekoloġika, il-miżuri li jħejju lill-benefiċjarji għat-tranżizzjoni doppja tqiesu bħala elementi obbligatorji għal kull pakkett ikkoordinat ta’ miżuri personalizzati offruti lill-benefiċjarji. Barra minn hekk, ir-rati ta’ kofinanzjament ġew allinjati mal-ogħla rata ta’ kofinanzjament tal-Fond Soċjali Ewropew Plus (FSE+) stabbilita bir-Regolament (UE) 2021/1057 tal-Parlament Ewropew u tal-Kunsill 6 fl-Istat Membru rispettiv. Barra minn hekk, ġie introdott stħarriġ obbligatorju dwar il-benefiċjarji.

(5)L-istrument ewlieni tal-Unjoni biex jassisti lil dawk il-ħaddiema li ġew affettwati huwa l-FSE+, li tfassal biex joffri assistenza b’mod antiċipatorju. Il-FEG tfassal ukoll biex joffri assistenza b’reazzjoni għal avvenimenti kbar ta’ ristrutturar. Madankollu, din l-istruttura ma tirriflettix b’mod xieraq il-fatt li avvenimenti ta’ ristrutturar fuq skala kbira ġeneralment iseħħu fuq perjodu ta’ żmien twil. L-Istati Membri jistgħu jużaw l-FSE+ biex itejbu u jġeddu l-ħiliet tal-ħaddiema, iżda l-FSE+ ma jipprovdix appoġġ għat-titjib tal-ħiliet u t-taħriġ mill-ġdid tal-ħaddiema f’sitwazzjonijiet ta’ emerġenza bħal dawk li fihom ikun jinsabu l-ħaddiema affettwati minn spostament imminenti tal-impjiegi. L-intrapriżi fejn il-ħaddiema kkonċernati huma impjegati spiss ikunu f’diffikultà ekonomika u għalhekk ma jkunux jistgħu joffru tali assistenza waħedhom.

(6)L-irwol tal-FEG għadu importanti bħala fond flessibbli li jappoġġa lill-ħaddiema li jitilfu l-impjiegi tagħhom f’avvenimenti ta’ ristrutturar fuq skala kbira u li jgħinhom biex isibu impjiegi oħra kemm jista’ jkun malajr. Jenħtieġ li l-Unjoni tkompli tipprovdi appoġġ speċifiku u ta’ darba biex il-ħaddiema ssensjati f’oqsma, setturi, territorji jew swieq tax-xogħol li jkunu qed ibatu minn xokk ikkawżat minn tfixkil ekonomiku serju jsibuha faċli jintegraw mill-ġdid f’impjieg deċenti u sostenibbli. L-UE trid tiżgura l-prosperità u l-kompetittività sostenibbli tagħha, filwaqt li tippreserva l-ekonomija soċjali tas-suq unika tagħha, tirnexxi fit-tranżizzjoni doppja, u tissalvagwardja d-demokrazija, is-sigurtà ekonomika u l-pożizzjoni ġeopolitika tagħha. Sabiex jiġu ssalvagwardjati l-futur tal-UE bħala mutur ekonomiku, u l-progress fit-tranżizzjoni doppja diġitali u ekoloġika tagħha, huwa vitali li jiġu appoġġati l-ħaddiema affettwati minn spostament imminenti tal-impjiegi f’intrapriżi li jkunu għaddejjin minn ristrutturar sabiex ikunu jistgħu jiksbu l-ħiliet li jgħinuhom jittrasferixxu fi rwol differenti, jew jibdlu l-impjieg.

(7)Għalhekk jeħtieġ jiġi emendat ir-Regolament (UE) 2021/691 sabiex il-FEG ikun jista’ joffri wkoll assistenza lill-ħaddiema affettwati minn spostament imminenti ta’ impjiegi f’intrapriżi li jkunu għaddejjin minn ristrutturar. Peress li dawn il-ħaddiema għadhom f’impjieg attiv, l-impjegatur jista’ jitlob assistenza permezz tal-awtoritajiet rilevanti tal-Istati Membri. Peress li l-FEG huwa ġestit b’mod kondiviż, huma l-awtoritajiet tal-Istati Membri li jistgħu jitolbu kofinanzjament mill-FEG malli jirċievu talba minn intrapriża, dment li l-intrapriża taqbel li tipprovdi l-kofinanzjament nazzjonali. Jekk tingħata l-kontribuzzjoni finanzjarja mill-FEG, l-Istat Membru kkonċernat jenħtieġ li jagħmel il-fondi mitluba disponibbli għall-intrapriża fi żmien ġimagħtejn minn meta jirċevihom. B’mod partikolari, l-intrapriża jenħtieġ li tqiegħed għad-dispożizzjoni tal-Istat Membru l-informazzjoni kollha meħtieġa biex tħejji r-rapport finali dwar l-implimentazzjoni tal-kontribuzzjoni finanzjarja rilevanti, mhux aktar tard minn 6 xhur wara t-tmiem tal-implimentazzjoni tal-assistenza. Il-Kummissjoni se tħejji stħarriġ tal-benefiċjarji u l-intrapriża jenħtieġ li taqsam l-aċċess għall-istħarriġ fost il-ħaddiema li pparteċipaw fil-programm.

(8)Minħabba l-objettiv li jiġu appoġġati l-ħaddiema, il-pakketti mmirati li jappoġġaw lill-ħaddiema affettwati minn spostament imminenti tal-impjiegi jridu jitfasslu b’mod li jeskludi kwalunkwe diskrezzjoni ta’ Stat Membru dwar il-kriterji ta’ eliġibbiltà jew l-għażla tal-benefiċjarji. Jekk l-Istati Membri kellhom diskrezzjoni dwar l-użu tar-riżorsi tal-FEG, b’mod partikolari fir-rigward tal-għażla tal-intrapriżi li l-ħaddiema tagħhom jibbenefikaw minn programmi mmirati, ir-riżorsi tal-FEG jitqiesu bħala riżorsi tal-Istat, u għalhekk għandhom ikunu soġġetti għar-regoli tal-UE dwar l-għajnuna mill-Istat.

(9)L-appoġġ ipprovdut lill-ħaddiema affettwati minn spostament imminenti tal-impjiegi f’intrapriżi li jkunu għaddejjin minn ristrutturar jenħtieġ li jqis il-forom eżistenti ta’ appoġġ disponibbli skont il-miżuri nazzjonali. L-iskemi ta’ xogħol b’ħinijiet iqsar jenħtieġ li ma jkunux eliġibbli għall-appoġġ mill-FEG peress li mhumiex relatati mal-ispostament tal-impjiegi, iżda mas-sospensjoni temporanja tagħhom. L-intrapriża rikjedenti tista’ tissottokuntratta l-konsenja tal-pakkett ikkoordinat ta’ miżuri personalizzati, jew partijiet minnhom, jekk il-miżuri nazzjonali jippermettu.

(10)Ir-rata ta’ kofinanzjament għal tali miżuri mmirati lejn ħaddiema affettwati minn spostament imminenti ta’ impjiegi f’intrapriżi li għaddejjin minn ristrutturar jenħtieġ li tkun ugwali għar-rata ta’ kofinanzjament għall-assistenza mill-FEG lill-ħaddiema ssensjati. L-intrapriżi li jitolbu appoġġ mill-FEG jenħtieġ li jipprovdu l-kofinanzjament nazzjonali.

(11)Ir-rata ta’ kofinanzjament għan-nefqa mġarrba mill-Istat Membru b’rabta mal-applikazzjonijiet għall-appoġġ tal-FEG, inkluż it-tħejjija tal-applikazzjonijiet kif ukoll il-monitoraġġ u l-kontroll tal-assistenza mogħtija, u fir-rigward tal-miżuri ta’ informazzjoni u pubbliċità, jenħtieġ li tkun ta’ 100 %.

(12)Peress li l-ħaddiema affettwati minn spostament imminenti tal-impjiegi jkunu għadhom f’impjieg attiv, jenħtieġ li jkunu eliġibbli biss dawk il-miżuri ta’ politika attiva tas-suq tax-xogħol li jgħinuhom iġeddu jew itejbu l-ħiliet tagħhom, li jagħtu gwida jew mentoraġġ, inklużi miżuri mmirati lejn il-ħaddiema li jistgħu jipprevedu li xi darba jibdew in-negozju tagħhom stess. Għalhekk, la l-allowances u lanqas l-għotjiet tal-bidu ma jenħtieġ li jkunu eliġibbli.

(13)Il-ħaddiema affettwati minn spostament imminenti ta’ impjieg li jirċievu assistenza mill-FEG jenħtieġ li jibqgħu eliġibbli anke jekk ir-relazzjoni tax-xogħol tagħhom tintemm. Jenħtieġ li jibqgħu eliġibbli wkoll għal applikazzjonijiet ta’ segwitu possibbli mill-Istati Membri rispettivi b’appoġġ għall-ħaddiema ssensjati mill-istess intrapriża.

(14)Minħabba l-kompiti dejjem jiżdiedu tal-Kummissjoni fir-Regolament ta’ Implimentazzjoni (UE) 2021/691, jenħtieġ li l-Kummissjoni tkun tista’ titlob assistenza teknika sa 1,5 % tal-ammont massimu annwali totali tal-FEG. Ir-rata ogħla hija ġġustifikata wkoll peress li l-ammont massimu annwali tal-FEG tnaqqas fil-kuntest tar-reviżjoni ta’ nofs it-terminu tal-qafas finanzjarju pluriennali.

(15)Sabiex jingħata appoġġ aktar malajr lill-ħaddiema affettwati minn spostament imminenti tal-impjiegi f’intrapriżi li jkunu għaddejjin minn ristrutturar jew ħaddiema li jkunu ngħataw is-sensja u sabiex dawn ikunu jistgħu jibbenefikaw mis-solidarjetà tal-Unjoni fil-kuntest attwali ta’ tfixkil ekonomiku u bidliet rapidi, hemm bżonn li jiġi aċċellerat l-appoġġ mogħti lill-ħaddiema. Wieħed mill-modi kif isir dan huwa billi l-Kummissjoni tintalab titlob lill-Parlament Ewropew u lill-Kunsill jimmobilizzaw l-ammont annwali massimu sħiħ fil-bidu ta’ kull sena, jekk jiġu ssodisfati kundizzjonijiet speċifiċi. Għalhekk, il-proposta tal-Kummissjoni jenħtieġ li tindika li ġew issodisfati ċ-ċirkostanzi li wasslu lill-Kummissjoni biex tikkonkludi li l-kundizzjonijiet ħalli tintalab mobilizzazzjoni sħiħa tal-ammont annwali massimu. Il-proposta tal-Kummissjoni jenħtieġ li tkun ibbażata fuq informazzjoni pprovduta mill-Istati Membri fl-aħħar ta’ kull sena. Il-proposta jenħtieġ li tinkludi l-għadd ta’ applikazzjonijiet potenzjali minn kull Stat Membru kkonċernat, is-setturi ta’ attivitajiet ikkonċernati, l-għadd stmat ta’ intrapriżi li jistgħu jitolbu lill-Istati Membri japplikaw għal appoġġ mill-FEG, u l-għadd stmat ta’ ħaddiema f’riskju ta’ spostament imminenti ta’ impjiegi jew li ġew issensjati. L-identità tal-intrapriżi kkonċernati jenħtieġ li ma tiġix żvelata jekk l-informazzjoni tkun għadha mhix magħrufa pubblikament.

(16)Ladarba l-mobilizzazzjoni sħiħa tal-ammont annwali massimu tiġi approvata mill-Parlament Ewropew u mill-Kunsill, jenħtieġ li l-Kummissjoni tadotta deċiżjonijiet ta’ finanzjament dwar applikazzjonijiet individwali u jenħtieġ li tkun meħtieġa tinforma minnufih lill-Parlament Ewropew u lill-Kunsill dwar l-adozzjoni ta’ dawk id-deċiżjonijiet. Jekk f’sena partikolari l-Kummissjoni ma tużax l-ammont annwali massimu mobilizzat kollu, dak l-ammont jiskadi fi tmiem is-sena finanzjarja.

(17)L-emendi proposti se jiġu akkomodati bis-sħiħ bl-Artikolu 8 tar-Regolament tal-Kunsill 2020/2093 7 , kif ukoll bil-punt 9 tal-Ftehim Interistituzzjonali tas-16 ta’ Diċembru 2020 8 .

(18)Dan ir-Regolament jenħtieġ li jidħol fis-seħħ b’urġenza sabiex jipprovdi malajr appoġġ lill-ħaddiema affettwati fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea,

ADOTTAW DAN IR-REGOLAMENT:

Artikolu 1

Ir-Regolament (UE) 2021/691 huwa emendat kif ġej:

(1)Fl-Artikolu 1, il-paragrafu 2 huwa sostitwit b’dan li ġej:

‘‘2.    F’konformità mal-Artikolu 4, il-FEG għandu joffri appoġġ lill-ħaddiema ssensjati u lill-persuni li jaħdmu għal rashom li l-attività tagħhom tkun waqfet waqt avvenimenti ta’ ristrutturar kbar u lill-ħaddiema affettwati minn spostament imminenti tal-impjiegi f’intrapriżi li jkunu għaddejjin minn ristrutturar.”;

(2)L-Artikolu 2 huwa sostitwit b’dan li ġej:

“Artikolu 2

Missjoni u objettivi

‘‘1. Il-FEG għandu jappoġġa trasformazzjonijiet soċjoekonomiċi li huma r-riżultat tal-globalizzazzjoni u tal-bidliet teknoloġiċi u ambjentali billi jgħin lill-ħaddiema ssensjati u lill-persuni li jaħdmu għal rashom li l-attività tagħhom tkun waqfet biex jadattaw għall-bidla strutturali. Il-FEG għandu jikkostitwixxi fond ta’ emerġenza. Bħala tali, il-FEG għandu jikkontribwixxi għall-implimentazzjoni tal-prinċipji stabbiliti fil-Pilastru Ewropew tad-Drittijiet Soċjali u għandu jsaħħaħ il-koeżjoni soċjali u ekonomika fost ir-reġjuni u l-Istati Membri.

2. L-objettivi tal-FEG huma li tintwera solidarjetà u jiġi promoss l-impjieg deċenti u sostenibbli fl-Unjoni billi joffri assistenza f’każ ta’ avvenimenti ta’ ristrutturar kbar, b’mod partikolari dawk ikkawżati minn sfidi relatati mal-globalizzazzjoni, bħal bidliet fix-xejriet tal-kummerċ dinji, tilwim kummerċjali, tibdil sinifikanti fir-relazzjonijiet kummerċjali tal-Unjoni jew fil-kompożizzjoni tas-suq intern u kriżijiet finanzjarji jew ekonomiċi, kif ukoll it-tranżizzjoni lejn ekonomija b’livell baxx ta’ emissjonijiet ta’ karbonju, jew bħala konsegwenza tad-diġitizzazzjoni jew l-awtomatizzazzjoni. Il-FEG għandu jappoġġa lill-benefiċjarji biex jerġgħu lura kemm jista’ jkun malajr għal impjieg deċenti u sostenibbli. Għandu jsir enfasi partikolari fuq miżuri li jgħinu lill-aktar gruppi żvantaġġati. Il-FEG għandu jappoġġa wkoll lill-ħaddiema affettwati minn spostament imminenti tal-impjiegi biex jiksbu l-ħiliet meħtieġa li jgħinuhom jittrasferixxu fi rwol differenti jew ibiddlu l-impjiegi.”;

(3)L-Artikolu 3 huwa emendat kif ġej:

(a)jiddaħħal il-punt li ġej

“(1a)    “ħaddiem affettwat minn spostament imminenti tal-impjieg” tfisser ħaddiem, irrispettivament mit-tip jew mid-durata tar-relazzjoni ta’ impjieg tiegħu, li l-kuntratt jew ir-relazzjoni ta’ impjieg tiegħu mistenni(ja) jintemm/tintemm permezz ta’ sensja mid-data li fiha l-impjegatur jinnotifika lill-awtorità pubblika kompetenti bil-miktub dwar is-sensji kollettivi pproġettati f’konformità mal-Artikolu 3(1) tad-Direttiva 98/59/KE;”;

(b)jiżdied il-punt li ġej:

“(6) “intrapriża li tkun għaddejja minn ristrutturazzjoni” tfisser intrapriża li tkun għaddejja minn proċess li jinvolvi sensji kollettivi kif imsemmi fid-Direttiva 98/59/KE.”;

(4)L-Artikolu 4(1) huwa emendat kif ġej:

(a)il-paragrafu 1 huwa sostitwit b’dan li ġej:

‘‘1. L-Istati Membri jistgħu japplikaw għal kontribuzzjonijiet finanzjarji mill-FEG għal miżuri mmirati lejn ħaddiema ssensjati, ħaddiema affettwati minn spostament imminenti tal-impjiegi, u persuni li jaħdmu għal rashom f’konformità mad-dispożizzjonijiet stabbiliti f’dan l-Artikolu.”;

(b)filparagrafu 2, jiżdied il-punt li ġej:

“(d)    mill-inqas 200 ħaddiem affettwati minn spostament imminenti ta’ impjieg f’intrapriża li tkun għaddejja minn ristrutturar fi Stat Membru.”;

(5)L-Artikolu 5 huwa emendat kif ġej:

(a)fl-ewwel paragrafu, it-tieni sentenza hija sostitwita b’dan li ġej:

“L-Istat Membru applikant għandu jispeċifika l-metodu użat għall-kalkolu tan-numru ta’ ħaddiema ssensjati, ħaddiema affettwati minn spostament imminenti tal-impjiegi u persuni li jaħdmu għal rashom għall-fini tal-Artikolu 4 f’waħda jew aktar mid-dati li ġejjin:”;

(b)it-tieni paragrafu huwa sostitwit b’dan li ġej:

“Fil-każijiet imsemmija fl-ewwel paragrafu, il-punt (a), l-Istat Membru applikant għandu jipprovdi lill-Kummissjoni b’informazzjoni addizzjonali dwar l-għadd reali ta’ sensji li ngħataw f’konformità mal-Artikolu 4, qabel it-tlestija tal-valutazzjoni tal-Kummissjoni, għall-applikazzjonijiet kollha li jikkonċernaw il-benefiċjarji msemmija fl-Artikolu 6, l-ewwel paragrafu, il-punti (a) u (b).”;

(6)fl-Artikolu 6, l-ewwel paragrafu, jiżdied il-punt li ġej:

“(c) ħaddiema affettwati minn spostament imminenti ta’ impjieg f’intrapriża li tkun għaddejja minn ristrutturar. Il-ħaddiema għandhom jibqgħu eliġibbli anki f’każ ta’ terminazzjoni reali tar-relazzjoni tax-xogħol. Dawk l-avvenimenti ta’ ristrutturar biss għandhom ikunu eliġibbli li jikkwalifikaw bħala sensji kollettivi skont id-Direttiva 98/59/KE.”;

(7)L-Artikolu 7 huwa emendat kif ġej:

(a)il-paragrafu 1 huwa sostitwit b’dan li ġej:

‘‘1.    Tista’ ssir kontribuzzjoni finanzjarja mill-FEG għal miżuri ta’ politika attiva tas-suq tax-xogħol li jiffurmaw parti minn pakkett ikkoordinat, imfassla biex jiffaċilitaw ir-riintegrazzjoni tal-benefiċjarji fil-mira, b’mod partikolari dawk l-aktar żvantaġġati fosthom, f’impjieg jew f’impjieg indipendenti, jew biex tgħin lill-ħaddiema msemmija fl-Artikolu 6, l-ewwel paragrafu, il-punt (c), jiksbu l-ħiliet li jeħtieġu biex jittrasferixxu fi rwol differenti mal-impjegatur attwali tagħhom jew imorru ma’ impjegatur differenti.”;

(b)fil-paragrafu 2, it-tieni subparagrafu, jiżdied il-punt li ġej:

“(c) “Għall-benefiċjarji msemmija fl-Artikolu 6, l-ewwel paragrafu, il-punt (c), il-pakkett ikkoordinat jista’ jinkludi taħriġ u taħriġ mill-ġdid, imfassla apposta għall-ħtiġijiet tal-ħaddiem individwali, inkluż dwar it-teknoloġija tal-informazzjoni u tal-komunikazzjoni u ħiliet oħra meħtieġa fl-era diġitali, ċertifikazzjoni tal-għarfien u l-ħiliet miksuba, servizzi ta’ assistenza individwali għat-tfittix ta’ impjieg u l-attivitajiet għall-gruppi fil-mira, gwida okkupazzjonali, servizzi ta’ konsulenza, mentoraġġ, assistenza għar-rikollokament, promozzjoni tal-intraprenditorija u attivitajiet ta’ kooperazzjoni. Dan ma jistax jinkludi skemi ta’ xogħol b’ħinijiet iqsar.”;

(8)L-Artikolu 8 huwa emendat kif ġej:

(a)it-titolu huwa sostitwit b’dan li ġej:

“Artikolu 8

Applikazzjonijiet għal assistenza mill-FEG lil ħaddiema ssensjati u persuni li jaħdmu għal rashom li l-attività tagħhom tkun waqfet”;

(b)il-paragrafu 6 huwa sostitwit b’dan li ġej:

‘‘6.    Abbażi tal-informazzjoni mogħtija mill-Istat Membru applikant, il-Kummissjoni għandha tlesti l-valutazzjoni tagħha tal-konformità tal-applikazzjoni mal-kundizzjonijiet biex tingħata kontribuzzjoni finanzjarja fi żmien 30 jum ta’ xogħol minn meta tasal l-applikazzjoni kompluta jew, fejn applikabbli mit-traduzzjoni tal-applikazzjoni.

Meta l-Kummissjoni ma tkunx tista’ tirrispetta dik l-iskadenza, għandha tinforma lill-Istat Membru qabel dik l-iskadenza u tistabbilixxi data ġdida għat-tlestija tal-valutazzjoni tagħha. Dik id-data l-ġdida ma għandhiex tkun aktar tard minn 20 jum ta’ xogħol wara l-iskadenza li tinsab fl-ewwel subparagrafu.”;

(c)fil-paragrafu 7, il-punt (l) huwa sostitwit b’dan li ġej:

“l) dikjarazzjoni motivata li l-appoġġ mitlub mill-FEG huwa konformi mar-regoli proċedurali u materjali tal-Unjoni dwar l-għajnuna mill-Istat kif ukoll dikjarazzjoni li tiddeskrivi r-raġuni għaliex il-pakkett ikkoordinat ma jiħux post il-miżuri li huma r-responsabbiltà tal-impjegaturi skont il-liġi nazzjonali jew il-ftehimiet kollettivi.”;

(9)Jiddaħħal l-Artikolu 8a li ġej:

“Artikolu 8a

Applikazzjonijiet għal assistenza mill-FEG lil ħaddiema affettwati minn spostament imminenti ta’ impjieg

1.    L-intrapriżi li jkunu għaddejjin minn ristrutturar jistgħu jitolbu lill-Istat Membru kkonċernat jissottometti applikazzjoni għal kontribuzzjoni finanzjarja mill-FEG, jekk jiġu ssodisfati l-kriterji ta’ intervent stabbiliti fl-Artikolu 4(2), il-punt (d), u jekk l-intrapriża tkun tixtieq toffri assistenza kofinanzjata mill-FEG lil dawk il-partijiet tal-forza tax-xogħol tagħha affettwati minn spostament imminenti tal-impjiegi, f’konformità mal-Artikolu 6, l-ewwel paragrafu, il-punt (c). Talba bħal din għandha titressaq mill-intrapriża fi żmien ġimagħtejn mid-data li fiha tkun innotifikat lill-awtoritajiet pubbliċi bil-miktub dwar is-sensji kollettivi proġettati f’konformità mal-Artikolu 3(1) tad-Direttiva 98/59/KE.

2.    L-Istati Membri kollha għandhom jiddeżinjaw Punt ta’ Dħul Uniku li l-intrapriżi jistgħu jidderieġu lejh it-talbiet imsemmija fil-paragrafu 1, u jippubblikaw linji gwida u mudelli rilevanti. L-informazzjoni miġbura minn dawn il-mudelli għandha tkopri l-informazzjoni kollha meħtieġa għal applikazzjoni għal kontribuzzjoni finanzjarja mill-FEG kif stabbilit fil-paragrafu ta’ hawn taħt.

3.    L-Istati Membri għandhom jittrattaw it-talbiet kollha b’mod ugwali fl-ordni li jaslu mingħajr ma jeżerċitaw l-ebda diskrezzjoni rigward l-ammissibbiltà u l-eliġibbiltà ta’ dawn it-talbiet, u għandhom jissottomettu applikazzjonijiet għal assistenza li jaslu mingħand l-intrapriżi. L-Istati Membri ma għandhom jintroduċu l-ebda rekwiżit addizzjonali jew ibiddlu r-rekwiżiti stabbiliti f’dan ir-Regolament.

4.    L-Istat Membru applikant għandu jissottometti lill-Kummissjoni applikazzjoni għal kontribuzzjoni finanzjarja mill-FEG fi żmien ġimgħa mid-data li fiha jkun irċieva t-talba ta’ intrapriża.

5.    Fuq talba tal-intrapriża, l-Istat Membru kkonċernat għandu jipprovdi gwida lill-intrapriża matul il-proċedura tal-applikazzjoni.

6.    Fuq talba mill-Istat Membru applikant, il-Kummissjoni għandha tipprovdi gwida lill-Istat Membru matul il-proċedura tal-applikazzjoni.

7.    Fi żmien 10 ijiem ta’ xogħol mid-data tal-preżentazzjoni tal-applikazzjoni, jew, fejn applikabbli, fi żmien 10 ijiem ta’ xogħol mid-data li fiha l-Kummissjoni jkollha f’idejha traduzzjoni tal-applikazzjoni, tkun liema tkun l-aħħar waħda li tasal, il-Kummissjoni għandha tikkonferma li rċeviet l-applikazzjoni u titlob lill-Istat Membru applikant kwalunkwe informazzjoni addizzjonali li jkollha bżonn sabiex tivvaluta l-applikazzjoni.

8.    Meta l-Kummissjoni titlob informazzjoni addizzjonali, l-Istat Membru għandu jwieġeb fi żmien 15-il jum ta’ xogħol mid-data tat-talba. Il-Kummissjoni għandha testendi dik l-iskadenza b’10 ijiem ta’ xogħol fuq it-talba tal-Istat Membru applikant. Kwalunkwe talba għal estensjoni ta’ din ix-xorta għandha tkun debitament motivata.

9.    Abbażi tal-informazzjoni mogħtija mill-Istat Membru applikant, il-Kummissjoni għandha tlesti l-valutazzjoni tagħha tal-konformità tal-applikazzjoni mal-kundizzjonijiet biex tingħata kontribuzzjoni finanzjarja, fi żmien 30 jum ta’ xogħol minn meta tasal l-applikazzjoni kompluta jew, fejn applikabbli, mit-traduzzjoni tal-applikazzjoni.

Meta l-Kummissjoni ma tkunx tista’ tirrispetta dik l-iskadenza, għandha tinforma lill-Istat Membru applikant qabel dik l-iskadenza u tistabbilixxi data ġdida għat-tlestija tal-valutazzjoni tagħha. Dik id-data l-ġdida ma għandhiex tkun aktar tard minn 20 jum ta’ xogħol wara l-iskadenza li tinsab fl-ewwel subparagrafu.

10.    Applikazzjoni għandu jkun fiha l-informazzjoni li ġejja: 

(a)    l-identifikazzjoni tal-intrapriża kkonċernata;

(b)    valutazzjoni tal-għadd ta’ impjiegi affettwati mill-issensjar f’konformità mal-Artikolu 6, l-ewwel paragrafu, il-punt (c);

(c)    deskrizzjoni qasira tal-avvenimenti li wasslu għar-ristrutturar;

(d)     konferma li l-intrapriża kkonformat u qed tkompli tikkonforma mal-obbligi legali jew mal-ftehimiet kollettivi tagħha li jirregolaw dawk is-sensji pproġettati u qed tipprovdi għall-ħaddiema tagħha kif xieraq, u deskrizzjoni tal-proċeduri segwiti mill-intrapriża biex jiġu kkonsultati l-benefiċjarji fil-mira jew ir-rappreżentanti tagħhom;

(e)    diżaggregazzjoni stmata tal-kompożizzjoni tal-benefiċjarji fil-mira skont il-ġeneru, il-grupp ta’ età u l-livell edukattiv, użata fit-tfassil tal-pakkett ikkoordinat;

(f)    deskrizzjoni dettaljata tal-pakkett ikkoordinat u n-nefqa relatata, inkluż kwalunkwe miżura li tappoġġa inizjattivi ta’ impjiegi għall-benefiċjarji żvantaġġati, żgħażagħ u ta’ età akbar;

(g)    il-baġit stmat għal kull wieħed mill-komponenti tal-pakkett ikkoordinat li jappoġġaw il-benefiċjarji fil-mira li jkunu se jiġu offruti mill-intrapriża;

(h)    id-dati li fihom inbdew jew għad iridu jinbdew l-għoti ta’ pakkett ikkoordinat lill-benefiċjarji speċifikati u l-attivitajiet biex jiġi implimentat il-FEG, kif stabbilit fl-Artikolu 7;

(i)    il-baġit stmat għal kwalunkwe attività ta’ tħejjija, ġestjoni, informazzjoni u pubbliċità, kontroll u rapportar mill-Istat Membru applikant fir-rigward ta’ tali applikazzjoni;

(j)    dikjarazzjoni motivata li l-appoġġ mitlub mill-FEG huwa konformi mar-regoli proċedurali u materjali tal-Unjoni dwar l-għajnuna mill-Istat kif ukoll dikjarazzjoni motivata li tiddeskrivi r-raġuni għaliex il-pakkett ikkoordinat ma jiħux post il-miżuri li huma r-responsabbiltà tal-impjegaturi skont il-liġi nazzjonali jew il-ftehimiet kollettivi;

(k)    il-konferma li l-intrapriża kkonċernata se tikkofinanzja l-miżuri u li hija l-uniku sors għall-kofinanzjament nazzjonali.”;

(10)Fl-Artikolu 11, il-paragrafu 1 huwa sostitwit b’dan li ġej:

‘‘1. Fuq inizjattiva tal-Kummissjoni, perċentwal ta’ mhux aktar minn 1,5 % tal-limitu massimu annwali tal-FEG jista’ jintuża għan-nefqa teknika u amministrattiva għall-implimentazzjoni tiegħu, bħal attivitajiet ta’ tħejjija, ta’ monitoraġġ, ta’ kontroll, ta’ awditjar u ta’ evalwazzjoni, kif ukoll ġbir ta’ data, inkluż fir-rigward ta’ sistemi tat-teknoloġija tal-informazzjoni korporattiva, attivitajiet ta’ komunikazzjoni u dawk li jsaħħu l-viżibbiltà tal-FEG bħala fond jew fil-każ ta’ proġetti speċifiċi u miżuri oħrajn u ta’ assistenza teknika. Tali miżuri jistgħu jkopru perjodi ta’ programmazzjoni futuri u preċedenti.”;

(11)L-Artikolu 13 huwa emendat kif ġej:

(a)il-paragrafu 1 huwa sostitwit b’dan li ġej:

‘‘1. Abbażi tal-valutazzjoni mwettqa f’konformità mal-Artikolu 8 jew l-Artikolu 8a, filwaqt li jitqies, b’mod partikolari, l-għadd ta’ benefiċjarji speċifikati, il-miżuri proposti u l-istima tal-ispejjeż, il-Kummissjoni għandha tevalwa u tiddetermina l-ammont ta’ kontribuzzjoni finanzjarja mill-FEG, jekk teżisti, li tista’ ssir fil-limiti tar-riżorsi disponibbli.”;

(b)jiddaħħal il-paragrafu li ġej:

“2a. Ir-rata ta’ kofinanzjament għan-nefqa mġarrba mill-Istat Membru għall-benefiċjarji msemmija fl-Artikolu 6, l-ewwel paragrafu, il-punt (c), relatata mal-miżuri stabbiliti fl-Artikolu 7(6), għandha tkun ta’ 100 %.”;

(c)il-paragrafu 3 huwa sostitwit b’dan li ġej:

“3. Fejn, abbażi tal-valutazzjoni mwettqa f’konformità mal-Artikolu 8 jew l-Artikolu 8a, il-Kummissjoni tikkonkludi li l-kundizzjonijiet għal kontribuzzjoni finanzjarja skont dan ir-Regolament ikunu ġew issodisfati, hija għandha tadotta minnufih deċiżjoni dwar kontribuzzjoni finanzjarja kif jistipula l-Artikolu 15(6).”;

(12)Fl-Artikolu 14, il-paragrafi (1) u (2) huma sostitwiti b’dan li ġej:

‘‘1.    In-nefqa għandha tkun eliġibbli għal kontribuzzjoni finanzjarja mill-FEG mid-dati stabbiliti fl-applikazzjoni f’konformità mal-Artikolu 8(7), il-punt (j), jew l-Artikolu 8a(10), il-punt (h), li fihom l-Istat Membru jew l-intrapriża kkonċernata jibdew, jew mistennija jibdew, jipprovdu l-pakkett ikkoordinat lill-benefiċjarji fil-mira jew li fihom l-Istat Membru iġarrab in-nefqa amministrattiva biex jiġi implimentat il-FEG f’konformità mal-Artikolu 7(1) u (5).

2.    L-Istat Membru jew l-intrapriża għandhom jibdew jimplimentaw il-miżuri eliġibbli stabbiliti fl-Artikolu 7 mingħajr dewmien żejjed u għandhom iwettqu dawk il-miżuri kemm jista’ jkun malajr, u fi kwalunkwe każ fi żmien 24 xahar mid-data tad-dħul fis-seħħ tad-deċiżjoni dwar il-kontribuzzjoni finanzjarja.”;

(13)L-Artikolu 15 huwa sostitwit b’dan li ġej:

“Artikolu 15

Proċedura baġitarja u implimentazzjoni

‘‘1. Sabiex jiġi żgurat li l-għajnuna tingħata malajr kemm jista’ jkun lill-benefiċjarji eliġibbli, il-Kummissjoni għandha tippreżenta proposta għall-mobilizzazzjoni tal-FEG lill-Parlament Ewropew u lill-Kunsill f’konformità mal-paragrafi 2 jew 3.

2. Il-Kummissjoni għandha tippreżenta l-proposta tagħha għal deċiżjoni biex jiġi mobilizzat il-FEG lill-Parlament Ewropew u lill-Kunsill meta tkun irċeviet applikazzjoni waħda għall-appoġġ mill-FEG u tkun issodisfata mill-inqas waħda mill-kundizzjonijiet li ġejjin:

a)    Il-Kummissjoni tivvaluta, wara applikazzjoni jew informazzjoni li tasal mingħand l-Istati Membri, li waħda mill-kundizzjonijiet stabbiliti fl-Artikolu 4, il-paragrafi (2), (3) jew (4), hija ssodisfata;

b)    Il-Kummissjoni hija infurmata dwar il-waqfien tal-attivitajiet li jwasslu għat-telf ta’ impjiegi ta’ aktar minn 1 000 ħaddiem;

c)    Il-Kummissjoni hija infurmata dwar avvenimenti ta’ ristrutturar fuq skala kbira bi spostament imminenti li jaffettwa aktar minn 1 000 ħaddiem.

3. Il-Kummissjoni tista’ titlob il-mobilizzazzjoni sħiħa tal-ammont annwali massimu għall-FEG sal-aħħar ta’ Frar ta’ kull sena. Il-proposta tal-Kummissjoni għandha tinkludi l-elementi li ġejjin, abbażi tal-informazzjoni pprovduta mill-Istati Membri:

(i) l-għadd ta’ applikazzjonijiet potenzjali minn kull Stat Membru kkonċernat;

(ii) is-setturi ta’ attivitajiet ikkonċernati;

(iii) l-għadd stmat ta’ intrapriżi li jistgħu jitolbu lill-Istati Membri japplikaw għall-assistenza tal-FEG;

(iv) l-għadd stmat ta’ ħaddiema ssensjati jew f’riskju ta’ spostament imminenti ta’ impjieg.

Fl-istess waqt li tippreżenta l-proposta għal deċiżjoni biex jiġi mobilizzat il-FEG, il-Kummissjoni għandha tippreżenta proposta lill-Parlament Ewropew u lill-Kunsill għal trasferiment tal-ammont massimu annwali lejn il-linji baġitarji rilevanti.

Meta l-ammont annwali massimu ma jkunx ġie mobilizzat skont l-ewwel subparagrafu ta’ dan il-paragrafu, il-Kummissjoni għandha titlob il-mobilizzazzjoni tal-FEG għal kull applikazzjoni li tasal. Il-proposta tal-Kummissjoni għal deċiżjoni biex jiġi mobilizzat il-FEG għal kull applikazzjoni għandha tinkludi l-valutazzjoni mwettqa f’konformità mal-Artikolu 8(6) jew 8(a) (9), flimkien ma’ sommarju tal-informazzjoni li fuqha hija bbażata dik il-valutazzjoni u r-raġunijiet li jiġġustifikaw l-ammonti proposti. Fl-istess waqt li tippreżenta l-proposta għal deċiżjoni biex jiġi mobilizzat il-FEG, il-Kummissjoni għandha tippreżenta proposta lill-Parlament Ewropew u lill-Kunsill għal trasferiment lejn il-linji baġitarji rilevanti.

4. L-Istati Membri għandhom jipprovdu lill-Kummissjoni bl-informazzjoni msemmija fil-paragrafu 2 sal-aħħar ta’ Diċembru ta’ kull sena.

5. Id-Deċiżjoni biex jiġi mobilizzat il-FEG għandha tittieħed b’mod konġunt mill-Parlament Ewropew u mill-Kunsill. It-trasferiment baġitarju b’rabta mal-FEG għandhom isiru f’konformità mal-Artikolu 31 tar-Regolament Finanzjarju.

6. Meta l-Kummissjoni tkun ikkonkludiet li l-kundizzjonijiet biex tingħata kontribuzzjoni finanzjarja mill-FEG skont l-Artikolu 4 jkunu ssodisfati, hija għandha tadotta deċiżjoni dwar il-kontribuzzjon finanzjarja. Dik id-deċiżjoni għandha tikkostitwixxi deċiżjoni ta’ finanzjament fis-sens tal-Artikolu 110 tar-Regolament Finanzjarju.

7. Meta l-ammont annwali massimu jkun ġie mobilizzat skont il-paragrafu 3, l-ewwel subparagrafu, il-Kummissjoni għandha tinforma lill-Parlament Ewropew u lill-Kunsill immedjatament mal-adozzjoni ta’ kull deċiżjoni dwar il-kontribuzzjoni finanzjarja.”

(14)L-Artikolu 16 huwa sostitwit b’dan li ġej: 

“Artikolu 16

Fondi insuffiċjenti

Jekk l-approprjazzjonijiet ta’ impenn li jifdal disponibbli fil-FEG ma jkunuxsuffiċjenti biex ikopru l-ammont ta’ assistenza li hija meħtieġa għal kontribuzzjoni finanzjarja, il-Kummissjoni tista’ tipposponi l-adozzjoni ta’ deċiżjoni dwar il-kontribuzzjoni finanzjarja sakemm l-approprjazzjonijiet ta’ impenn ikunu disponibbli fis-sena ta’ wara. Il-limitu baġitarju massimu annwali tal-FEG għandu jiġi rispettat fiċ-ċirkostanzi kollha.”

(1)Fl-Artikolu 17, jiżdied il-paragrafu li ġej:

‘‘6. Fi żmien ġimgħa minn meta jirċievi l-pagament ta’ prefinanzjament tal-Kummissjoni, l-Istat Membru kkonċernat għandu jagħmel disponibbli għall-intrapriża kkonċernata dik il-parti tal-pagament ta’ prefinanzjament relatata mal-pakkett ikkoordinat ta’ miżuri implimentati mill-intrapriża. L-Istat Membru għandu jżomm il-parti tal-prefinanzjament relatata mal-miżuri msemmija fl-Artikolu 7(5).”;

(2)Fl-Artikolu 20, jiżdied il-paragrafu li ġej:

‘‘3. F’każijiet fejn intrapriża tkun qed timplimenta kontribuzzjoni finanzjarja mill-FEG għall-ħaddiema affettwati minn spostament imminenti ta’ impjieg, l-intrapriża għandha, sa tmiem is-6 xahar wara li jiskadi l-perjodu ta’ implimentazzjoni, tipprovdi lill-Istat Membru kkonċernat l-informazzjoni rilevanti kollha speċifikata fil-paragrafu 1.”;

(3)Fl-Artikolu 22, il-paragrafu 4 huwa sostitwit b’dan li ġej:

‘‘4. Stħarriġ tal-benefiċjarji għandu jitnieda matul is-6 xahar wara tmiem kull perjodu ta’ implimentazzjoni. L-istħarriġ tal-benefiċjarji għandu jkun miftuħ għall-parteċipazzjoni għal mill-inqas 4 ġimgħat. L-Istati Membri għandhom iqassmu l-istħarriġ tal-benefiċjarji lill-benefiċjarji, jibagħtu mill-inqas tfakkira waħda u jinfurmaw lill-Kummissjoni bid-distribuzzjoni u t-tfakkira li tkun intbagħtet. F’każijiet li jinvolvu assistenza implimentata minn intrapriża lill-benefiċjarji skont l-Artikolu 6, l-ewwel paragrafu, il-punt (c), dik l-intrapriża hija responsabbli mid-distribuzzjoni tal-istħarriġ imħejji mill-Kummissjoni fost il-ħaddiema li pparteċipaw fil-miżuri. It-tweġibiet għall-istħarriġ tal-benefiċjarji għandhom jinġabru u jiġu analizzati mill-Kummissjoni għall-użu f’evalwazzjonijiet futuri.”

(4)Jiddaħħal l-Artikolu l-ġdid li ġej:

“Artikolu 28a

Miżuri tranżizzjonali

B’deroga mill-Artikolu 15(1), il-Kummissjoni tista’ tippreżenta proposta għall-mobilizzazzjoni tal-bqija tal-ammont annwali massimu għall-2025 għall-FEG lill-Parlament Ewropew u lill-Kunsill, soġġett għall-kundizzjonijiet stabbiliti fl-Artikolu 15, minn.... [id-data tad-dħul fis-seħħ ta’ dan ir-Regolament].”

Artikolu 2

Dħul fis-seħħ

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

DIKJARAZZJONI FINANZJARJA U DIĠITALI LEĠIŻLATTIVA

1.QAFAS TAL-PROPOSTA/TAL-INIZJATTIVA3

1.1.Titolu tal-proposta/tal-inizjattiva3

1.2.Qasam/oqsma ta’ politika kkonċernat(i)3

1.3.Objettivi 3

1.3.1.Objettivi ġenerali3

1.3.2.Objettivi speċifiċi3

1.3.3.Riżultat u impatt mistennija3

1.3.4.Indikaturi tal-prestazzjoni3

1.4.Il-proposta/l-inizjattiva hija relatata ma’4

1.5.Raġunijiet għall-proposta/għall-inizjattiva4

1.5.1.Rekwiżiti li jridu jiġu ssodisfati fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva4

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.4

1.5.3.Tagħlimiet meħuda minn esperjenzi simili fl-imgħoddi5

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra5

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni5

1.6.Durata tal-proposta/tal-inizjattiva u tal-impatt finanzjarju tagħha6

1.7.Metodu/i ta’ implimentazzjoni tal-baġit ippjanat(i)6

2.MIŻURI TA’ ĠESTJONI 7

2.1.Regoli ta’ monitoraġġ u ta’ rapportar7

2.2.Sistema/i ta’ ġestjoni u ta’ kontroll7

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta7

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom7

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)8

2.3.Miżuri għall-prevenzjoni ta’ frodi u ta’ irregolaritajiet8

3.IMPATT FINANZJARJU STMAT TAL-PROPOSTA/TAL-INIZJATTIVA9

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i9

3.2.Impatt finanzjarju stmat tal-proposta fuq l-approprjazzjonijiet10

3.2.1.Sommarju tal-impatt stmat fuq l-approprjazzjonijiet operazzjonali10

3.2.1.1.Approprjazzjonijiet mill-baġit ivvutat11

3.2.1,2.Approprjazzjonijiet minn dħul assenjat estern12

3.2.2.Output stmat iffinanzjat minn approprjazzjonijiet operazzjonali13

3.2.3.Sommarju tal-impatt stmat fuq l-approprjazzjonijiet amministrattivi13

3.2.3,1. Approprjazzjonijiet mill-baġit ivvutat13

3.2.4.Rekwiżiti stmati ta’ riżorsi umani13

3.2.4,1.Iffinanzjati mill-baġit ivvutat14

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali14

3.2.6.Kompatibbiltà mal-qafas finanzjarju pluriennali attwali15

3.2.7.Kontribuzzjonijiet ta’ partijiet terzi15

3.3.Impatt stmat fuq id-dħul15

4.Dimensjonijiet diġitali16

4.1.Rekwiżiti ta’ rilevanza diġitali16

4.2.Data16

4.3.Soluzzjonijiet diġitali16

4.4.Valutazzjoni tal-interoperabbiltà16

4.5.Miżuri li jappoġġaw l-implimentazzjoni diġitali16

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/oqsma ta’ politika kkonċernat(i)

1.3.Objettivi

1.3.1.Objettivi ġenerali

1.3.2.Objettivi speċifiċi

1.3.3.Riżultat u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.Il-proposta/L-inizjattiva hija relatata ma’:

 azzjoni ġdida

 azzjoni ġdida b’segwitu għal proġett pilota/azzjoni preparatorja 9

 l-estensjoni ta’ azzjoni eżistenti

⌧ fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

⌧ durata limitata

–Fis-seħħ sal-iskadenza tar-Regolament (UE) 2021/691

 durata mhux limitata

–Implimentazzjoni b’perjodu ta’ tnedija minn SSSS sa SSSS,

–segwita minn operazzjoni fuq skala sħiħa.

1.7.Metodu/i ta’ implimentazzjoni tal-baġit ippjanat(i) 10

 Ġestjoni diretta mill-Kummissjoni

– mid-dipartimenti tagħha, inkluż mill-persunal tagħha fid-delegazzjonijiet tal-UE;

– mill-aġenziji eżekuttivi

⌧ Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni tal-baġit:

– lill-pajjiżi terzi jew lill-korpi nnominati minnhom

– lill-organizzazzjonijiet internazzjonali u lill-aġenziji tagħhom (għandhom jiġu speċifikati)

– lill-Bank Ewropew tal-Investiment u lill-Fond Ewropew tal-Investiment

– lill-korpi msemmija fl-Artikoli 70 u 71 tar-Regolament Finanzjarju

– lill-korpi tad-dritt pubbliku

– lill-korpi rregolati mid-dritt privat b’missjoni ta’ servizz pubbliku sakemm dawn ikollhom garanziji finanzjarji adegwati

– lill-korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati

– lill-korpi jew lill-persuni fdati bl-implimentazzjoni ta’ azzjonijiet speċifiċi fil-Politika Estera u ta’ Sigurtà Komuni skont it-Titolu V tat-Trattat dwar l-Unjoni Ewropea, u identifikati fl-att bażiku rilevanti

–lill-korpi stabbiliti fi Stat Membru, irregolati mid-dritt privat ta’ Stat Membru jew mid-dritt tal-UE u eliġibbli biex jiġu fdati, f’konformità mar-regoli speċifiċi għas-settur, bl-implimentazzjoni ta’ fondi tal-UE jew ta’ garanziji baġitarji, sa fejn tali korpi jkunu kkontrollati minn korpi tad-dritt pubbliku jew minn korpi rregolati mid-dritt privat b’missjoni ta’ servizz pubbliku, u jkunu pprovduti b’garanziji finanzjarji adegwati fil-forma ta’ responsabbiltà in solidum mill-korpi kontrollanti jew b’garanziji finanzjarji ekwivalenti, li jistgħu, għal kull azzjoni, ikunu limitati għall-ammont massimu tal-appoġġ tal-UE.

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

Intestatura tal-qafas finanzjarju pluriennali	Linja baġitarja	Tip ta’ nefqa	Kontribuzzjoni
	Numru	Diff./Mhux diff 11 .	mill-pajjiżi tal-EFTA 12	minn pajjiżi kandidati u minn kandidati potenzjali 13	Minn pajjiżi terzi oħra	dħul assenjat ieħor
S-Mekkaniżmi ta’ solidarjetà fl-Unjoni u barra minnha (Strumenti speċjali)	30,0402 Riżerva għall-Fond Ewropew ta’ Aġġustament għall-Globalizzazzjoni għall-Ħaddiema Ssenjati (FEG)	Diff.	LE	LE	LE	LE
S-Mekkaniżmi ta’ solidarjetà fl-Unjoni u barra minnha (Strumenti speċjali)	16,0202 Il-Fond Ewropew ta’ Aġġustament għall-Globalizzazzjoni għall-Ħaddiema Ssensjati (FEG)	Diff.	LE	LE	LE	LE

3.2.Impatt finanzjarju stmat tal-proposta fuq l-approprjazzjonijiet

3.2.1.Sommarju tal-impatt stmat fuq l-approprjazzjonijiet operazzjonali

–    Il-proposta/L-inizjattiva ma teħtieġx l-użu ta’ approprjazzjonijiet operazzjonali

–⌧    Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

3.2.1.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

Intestatura tal-qafas finanzjarju pluriennali

<…>

Strument speċjali barra mil-limiti massimi tal-QFP

L-approprjazzjonijiet totali ta’ impenn u ta’ pagament għall-FEG ma jistgħux jaqbżu ammont annwali massimu ta’ EUR 30 miljun (fi prezzijiet tal-2018). Din il-proposta ma timmodifikax dan l-ammont annwali massimu tal-FEG. L-istimi tal-approprjazzjonijiet ta’ pagament ta’ hawn taħt huma relatati speċifikament mal-livelli stmati ta’ pagamenti għal azzjonijiet speċifiċi skont din il-proposta, fil-limiti tal-ammont annwali massimu tal-FEG.

L-emenda proposta se tiġi akkomodata bis-sħiħ fid-dispożizzjonijiet eżistenti tar-Regolament QFP (l-Artikolu 8 tar-Regolament tal-Kunsill 2020/2093 tas-17 ta’ Diċembru (kif emendat bir-Regolament tal-Kunsill 2024/765 tad-29 ta’ Frar 2024), kif ukoll mad-dispożizzjonijiet eżistenti tal-Ftehim Interistituzzjonali tas-16 ta’ Diċembru 2020 (il-Punt 9).

			2025	2026	2027	TOTAL
16.02.02 Linja operazzjonali għall-Fond Ewropew ta’ Aġġustament għall-Globalizzazzjoni	Impenji	(1)	p.m.	p.m.	p.m.	p.m.
	Pagamenti	(2)		7 460	30 775	38 235
30.04.02 Riżerva għall-Fond Ewropew ta’ Aġġustament għall-Globalizzazzjoni 14	Impenji	(1)
	Pagamenti	(2)	p.m.	p.m.	p.m.	p.m.
Approprjazzjonijiet ta’ natura amministrattiva ffinanzjati mill-pakkett tal-programm 15	Impenji = Pagamenti	(3)	p.m.	p.m.	p.m.	mhux applikabbli
TOTAL tal-approprjazzjonijiet	Impenji	=1+3
	Pagamenti	=2+3		7 460	30 775	38 235

Intestatura tal-qafas finanzjarju pluriennali

7

“Nefqa amministrattiva”

miljuni ta’ EUR (sa tliet pożizzjonijiet deċimali)

		2025	2026	2027	TOTAL
Riżorsi umani		1 431	1 431	1 431	4 293
Nefqa amministrattiva oħra		mhux applikabbli	mhux applikabbli	mhux applikabbli	mhux applikabbli
TOTAL tal-approprjazzjonijiet skont l-INTESTATURA 7 tal-qafas finanzjarju pluriennali	(Total tal-impenji = Total tal-pagamenti)	1 431	1 431	1 431	4 293

miljuni ta’ EUR (sa tliet pożizzjonijiet deċimali)

			2025	2026	2027	TOTAL
TOTAL tal-approprjazzjonijiet fl-INTESTATURI kollha tal-qafas finanzjarju pluriennali għall-pagamenti u barra mill-qafas finanzjarju pluriennali għall-impenji	Impenji
	Pagamenti			7 460	30 775	38 235

Għal nefqa amministrattiva oħra, il-pakkett globali kollu jidher fid-dikjarazzjoni finanzjarja leġiżlattiva tal-FSE+.

3.2.2.Output stmat iffinanzjat mill-approprjazzjonijiet operazzjonali (din it-taqsima ma għandhiex timtela mill-aġenziji deċentralizzati)

Approprjazzjonijiet ta’ impenn f’miljuni ta’ EUR (sa tliet pożizzjonijiet deċimali)

Indika l-objettivi u l-outputs 

Sena 2024

Sena 2025

Sena 2026

Sena 2027

Daħħal is-snin kollha li hemm bżonn biex turi d-durata tal-impatt (ara t-Taqsima 1.6)

TOTAL

OUTPUTS

Tip 16

Kost medju

Nru

Kost

Nru

Kost

Nru

Kost

Nru

Kost

Nru

Kost

Nru

Kost

Nru

Kost

Nru totali

Kost totali

OBJETTIV SPEĊIFIKU Nru 1 17 …

- Output

- Output

- Output

Subtotal tal-objettiv speċifiku Nru 1

OBJETTIV SPEĊIFIKU Nru 2…

- Output

Subtotal tal-objettiv speċifiku Nru 2

TOTALI

3.2.3.Sommarju tal-impatt stmat fuq l-approprjazzjonijiet amministrattivi

–    Il-proposta/L-inizjattiva ma teħtieġx l-użu ta’ approprjazzjonijiet ta’ natura amministrattiva

–⌧    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.3,1. Approprjazzjonijiet mill-baġit ivvutat

APPROPRJAZZJONIJIET IVVUTATI	Sena	Sena	Sena	Sena	TOTAL 2021-2027
	2024	2025	2026	2027
INTESTATURA 7
Riżorsi umani	mhux applikabbli	1 431	1 431	1 431	4 293
Nefqa amministrattiva oħra	mhux applikabbli	0 000	0 000	0 000	0 000
Subtotal tal-INTESTATURA 7	mhux applikabbli	1 431	1 431	1 431	4 293
Riżorsi umani	mhux applikabbli	0 000	0 000	0 000	0 000
Nefqa oħra ta’ natura amministrattiva	mhux applikabbli	0 000	0 000	0 000	0 000
Subtotal barra mill-INTESTATURA 7	mhux applikabbli	0 000	0 000	0 000	0 000
TOTAL	mhux applikabbli	1 431	1 431	1 431	4 293

===================================================================

L-approprjazzjonijiet meħtieġa għar-riżorsi umani u għal nefqa amministrattiva oħra se jiġu koperti mill-approprjazzjonijiet tad-Direttorat Ġenerali (DĠ) tal-Kummissjoni diġà assenjat għall-ġestjoni tal-azzjoni u/jew diġà riallokat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

Uffiċjali u persunal temporanju

Janalizzaw u jiddiskutu l-applikazzjonijiet tal-FEG sottomessi mill-Istati Membri. Iħejju d-dokumentazzjoni għall-applikazzjonijiet tal-FEG li qed jiġu ppreżentati lill-Kummissjoni u lill-Awtorità Baġitarja. Jikkonsultaw u jiddiskutu mad-DĠ rilevanti tal-Kummissjoni matul il-fluss tax-xogħol. Jimmonitorjaw l-implimentazzjoni tal-kontribuzzjonijiet finanzjarji. Iħejju u/jew jiddiskutu l-modifiki rilevanti għall-applikazzjonijiet sottomessi.

Persunal estern

Janalizza u jiddiskuti l-applikazzjonijiet tal-FEG sottomessi mill-Istati Membri. Iħejji d-dokumentazzjoni għall-applikazzjonijiet tal-FEG li qed jiġu ppreżentati lill-Kummissjoni u lill-Awtorità Baġitarja. Jikkonsulta u jiddiskuti mad-DĠ rilevanti tal-Kummissjoni matul il-fluss tax-xogħol tagħhom. Jimmonitorja l-implimentazzjoni tal-kontribuzzjonijiet finanzjarji. Iħejju u/jew jiddiskutu l-modifiki rilevanti għall-applikazzjonijiet sottomessi.

3.2.4.Rekwiżiti stmati ta’ riżorsi umani

–    Il-proposta/L-inizjattiva ma teħtieġx l-użu ta’ riżorsi umani

–⌧    Il-proposta/L-inizjattiva teħtieġ l-użu ta’ riżorsi umani, kif spjegat hawn taħt

3.2.4,1.Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs, Full-Time Equivalent) 18

APPROPRJAZZJONIJIET IVVUTATI		Sena	Sena	Sena	Sena
		2024	2025	2026	2027
Pożizzjonijiet fit-tabella tal-persunal (uffiċjali u persunal temporanju)
20 01 02 01 (Kwartieri Ġenerali u Uffiċċji tar-Rappreżentanza tal-Kummissjoni)		0	6	6	6
20 01 02 03 (Delegazzjonijiet tal-UE)		0	0	0	0
01 01 01 01 (Riċerka indiretta)		0	0	0	0
01 01 01 11 (Riċerka diretta)		0	0	0	0
Linji baġitarji oħra (speċifika)		0	0	0	0
• Persunal estern (f’FTEs)
20 02 01 (AC, END mill-“pakkett globali”)		0	3	3	3
20 02 03 (AC, AL, END u JPD fid-Delegazzjonijiet tal-UE)		0	0	0	0
Ammin. Linja ta’ appoġġ [XX.01.YY.YY]	- fil-Kwartieri Ġenerali	0	0	0	0
	- fid-Delegazzjonijiet tal-UE	0	0	0	0
01 01 01 02 (AC, END - Riċerka indiretta)		0	0	0	0
01 01 01 12 (AC, END - Riċerka diretta)		0	0	0	0
Linji baġitarji oħra (speċifika) - Intestatura 7		0	0	0	0
Linji baġitarji oħra (speċifika) - Barra mill-Intestatura 7		0	0	0	0
TOTAL		0	9	9	9

Meta titqies is-sitwazzjoni ġenerali ta’ tensjoni fl-Intestatura 7, f’termini kemm ta’ persunal kif ukoll ta’ livell ta’ approprjazzjonijiet, ir-riżorsi umani meħtieġa se jintlaħqu minn persunal mid-DĠ li diġà huwa assenjat għall-ġestjoni tal-azzjoni u/jew ġie riallokat fi ħdan id-DĠ jew DĠ ieħor tal-Kummissjoni.

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

	Għandu jiġi kopert mill-persunal attwali disponibbli fid-DĠ tal-Kummissjoni	Persunal addizzjonali eċċezzjonali *
		Għandu jiġi ffinanzjat skont l-Intestatura 7 jew mir-Riċerka	Għandu jiġi ffinanzjat mil-linja BA	Għandu jiġi ffinanzjat mit-tariffi
Pożizzjonijiet fit-tabella tal-persunal	6		Mhux applikabbli
Persunal estern (CA, SNEs, INT)	3

3.2.6.Kompatibbiltà mal-qafas finanzjarju pluriennali attwali

Il-proposta/L-inizjattiva:

–⌧    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-qafas finanzjarju pluriennali (QFP) għall-pagamenti u għall-kostijiet tal-persunal

–⌧    tirrikjedi użu tal-istrumenti speċjali kif iddefinit fir-Regolament QFP

–    tirrikjedi reviżjoni tal-QFP

3.2.7.Kontribuzzjonijiet ta’ partijiet terzi

Il-proposta/L-inizjattiva:

–⌧    ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (sa tliet pożizzjonijiet deċimali)

	Sena 2024	Sena 2025	Sena 2026	Sena 2027	Total
Speċifika l-korp ta’ kofinanzjament
TOTAL tal-approprjazzjonijiet kofinanzjati

3.3.    Impatt stmat fuq id-dħul

–⌧    Il-proposta/L-inizjattiva ma għandha l-ebda impatt finanzjarju fuq id-dħul.

–    Il-proposta/L-inizjattiva għandha l-impatt finanzjarju li ġej:

–    fuq ir-riżorsi proprji

–    fuq dħul ieħor

–    indika, jekk id-dħul huwiex assenjat għal-linji tan-nefqa

   miljuni ta’ EUR (sa tliet pożizzjonijiet deċimali)

Linja baġitarja tad-dħul:	Approprjazzjonijiet disponibbli għas-sena finanzjarja kurrenti	Impatt tal-proposta/tal-inizjattiva 19
		Sena 2024	Sena 2025	Sena 2026	Sena 2027
Artikolu …………

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

4.Dimensjonijiet diġitali

4.1.Rekwiżiti ta’ rilevanza diġitali

L-emenda proposta ma twassalx għal rekwiżiti diġitali ġodda.

4.2.Data

L-emenda proposta ma twassalx għal assi tad-data ġodda li għandhom jiġu ttrattati.

4.3.Soluzzjonijiet diġitali

L-emenda proposta ma twassalx għal soluzzjonijiet diġitali ġodda; il-FEG jagħmel użu mis-soluzzjonijiet diġitali stabbiliti fir-Regolament (UE) 2021/1060.

4.4.Valutazzjoni tal-interoperabbiltà

L-emenda proposta ma tbiddilx il-mod attwali ta’ skambju ta’ data bejn l-Istati Membri u l-Kummissjoni, li huwa bbażat fuq il-miżuri definiti fir-Regolament (UE) 2021/1060.

4.5.Miżuri li jappoġġaw l-implimentazzjoni diġitali

L-emenda proposta ma għandha l-ebda impatt diġitali fuq ix-xenarju diġitali stabbilit u għalhekk ma twassalx għal miżuri li jappoġġaw l-implimentazzjoni diġitali.

NB: Fil-każ li l-proposta tal-Kummissjoni tevolvi b’mod sinifikanti matul in-negozjati leġiżlattivi, l-informazzjoni stipulata fid-Dikjarazzjoni Finanzjarja u Diġitali Leġiżlattiva (LFDS, Legislative Financial and Digital Statement) għal kwalunkwe aspetti finanzjarji u/jew diġitali jaf ikollha bżonn tiġi aġġornata biex tappoġġa l-proċess tan-negozjar u toħloq ċarezza għall-partijiet kollha kkonċernati.

(1)    ĠU C , , p. .

(2)    ĠU C , , p. .

(3)    r-Regolament (KE) Nru 1927/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-Fond Ewropew ta’ Aġġustament għall-Globalizzazzjoni ( ĠU 406, 30.12.2006, p. 1 ).

(4)    Ir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006 ( ĠU L 347, 20.12.2013, p. 855 ).

(5)    Ir-Regolament (KE) Nru 1893/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti Regolamenti tal-KE dwar setturi speċifiċi tal-istatistika ( ĠU L 393, 30.12.2006, p. 1 ).

(6)    Ir-Regolament (UE) 2021/1057 tal-Parlament Ewropew u tal-Kunsill tal-24 ta’ Ġunju 2021 li jistabbilixxi l-Fond Soċjali Ewropew Plus (FSE+) u li jħassar ir-Regolament (UE) Nru 1296/2013 (ĠU L 231, 30.6.2021, p. 21, ELI:  http://data.europa.eu/eli/reg/2021/1057/oj ).

(7)    ĠU L 433 I, 22.12.2020, p. 11.

(8)    ĠU L 433 I, 22.12.2020, p. 28.

(9)    L-Artikolu 58(2), il-punt (a) jew (b) tar-Regolament Finanzjarju.

(10)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jinsabu fuq is-sit BUDGpedia: https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx .

(11)    Diff. = Approprjazzjonijiet differenzjati/Mhux diff. = Approprjazzjonijiet mhux differenzjati.

(12)    EFTA: Assoċjazzjoni Ewropea tal-Kummerċ Ħieles.

(13)    Pajjiżi kandidati u, meta jkun applikabbli, kandidati potenzjali mill-Balkani tal-Punent.

(14)    Iċ-ċifri indikati hawn fuq jippreżentaw biss l-impatt mistenni tal-proposta għall-Fond Ewropew ta’ Aġġustament għall-Globalizzazzjoni għall-Ħaddiema Ssensjati.

(15)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta, riċerka diretta.

(16)    L-outputs huma l-prodotti u s-servizzi li għandhom jiġu pprovduti (pereż. l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(17)    Kif deskritt fit-Taqsima 1.3.2. “Objettiv(i) speċifiku/speċifiċi”.

(18)    Speċifika taħt it-tabella, kemm mill-FTEs fl-għadd indikat huma diġà assenjati għall-ġestjoni tal-azzjoni u/jew jistgħu jiġu riallokati fid-DĠ tiegħek, u x’inhuma l-ħtiġijiet netti tiegħek.

(19)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 20 % għall-kostijiet tal-ġbir.