KOMUNIKAZZJONI TAL-KUMMISSJONI
(L-Ewwel) Pjan ta’ Ħidma tas-CPR għall-2026-2029
1Introduzzjoni
1.1Suq uniku għall-prodotti għall-kostruzzjoni
Ir-Regolament dwar il-Prodotti għall-Bini (CPR, Construction Products Regulation) jistabbilixxi regoli armonizzati għall-kummerċjalizzazzjoni ta’ prodotti għall-kostruzzjoni fl-UE. Is-CPR jiżgura l-funzjonament bla xkiel tas-suq uniku u l-moviment liberu tal-prodotti għall-kostruzzjoni fl-UE. Huwa jagħmel dan prinċipalment permezz ta’ speċifikazzjonijiet tekniċi armonizzati, li jipprevedu lingwa teknika komuni dwar kif għandha tiġi vvalutata u kkomunikata l-prestazzjoni tal-prodotti għall-kostruzzjoni (pereżempju, ir-reazzjoni għan-nar, il-konduttività termali jew il-proprjetajiet tal-iżolazzjoni akustika). L-użu tal-istandards huwa obbligatorju wara li jkunu ġew magħmula obbligatorji permezz ta’ att ta’ implimentazzjoni. Is-CPR jiżgura li jkun hemm disponibbli informazzjoni affidabbli għall-professjonisti, għall-awtoritajiet pubbliċi u għall-konsumaturi, sabiex ikunu jistgħu jqabblu l-prestazzjoni tal-prodotti għall-kostruzzjoni minn manifatturi differenti fi Stati Membri differenti tal-UE.
Skont l-Artikolu 4(2) tas-CPR, “il-Kummissjoni għandha tistabbilixxi pjan ta’ ħidma għall-iżvilupp ta’ speċifikazzjonijiet tekniċi armonizzati għall-familji ta’ prodotti elenkati fl-Anness VII, inklużi r-rekwiżiti tal-prodott kif ukoll l-informazzjoni ġenerali dwar il-prodott, l-istruzzjonijiet għall-użu u l-informazzjoni dwar is-sikurezza, li jkopri mill-inqas il-perjodu ta’ tliet snin li jmiss.” Għal dan il-għan, il-Kummissjoni kkonsultat mal-Grupp ta’ Esperti tal-Acquis tas-CPR fl-ewwel nofs tal-2025.
Il-Kummissjoni għandha l-obbligu li tippubblika dan l-ewwel pjan ta’ ħidma mhux aktar tard mit-8 ta’ Jannar 2026. Dan ikopri s-snin mill-2026 sal-2029. Peress li l-Kummissjoni trid iġġedded u taġġorna l-pjan ta’ ħidma mill-inqas kull 3 snin, il-pjan ta’ ħidma li jmiss se jiġi ppubblikat sa mhux aktar tard minn tmiem l-2028.
Il-Kummissjoni se tinforma lill-Parlament Ewropew u lill-Istati Membri kull sena fi tmiem is-sena dwar il-progress li jkun sar fl-implimentazzjoni tal-pjan ta’ ħidma – għall-ewwel darba fi tmiem l-2026.
Dan il-pjan ta’ ħidma se jikkontribwixxi wkoll għall-għanijiet tal-Boxxla għall-Kompetittività adottata reċentement, billi jgħin biex jitnaqqas id-distakk fl-innovazzjoni u biex tingħata spinta lill-kompetittività, lid-dekarbonizzazzjoni u lis-sigurtà ekonomika tal-UE. Barra minn hekk, jista’ jgħin fl-iżvilupp ta’ swieq ewlenin għal prodotti sostenibbli u ċirkolari, f’konformità mal-Patt għal Industrija Nadifa reċenti, mal-Pjan ta’ Azzjoni għall-Azzar u l-Metalli
, mad-Direttiva dwar ir-Rendiment tal-Bini fl-Użu tal-Enerġija, u mal-Istrateġija tal-UE 2025 dwar il-bijoekonomija. Il-Kummissjoni qed tippjana li tadotta l-Att dwar l-Ekonomija Ċirkolari biex tagħti spinta lill-provvista ta’ materjali sekondarji ta’ kwalità għolja u lid-domanda għalihom, u l-Att għall-Aċċeleratur Industrijali biex jikkomplementa dawn l-inizjattivi.
Is-CPR huwa kontribut ewlieni għall-ambizzjoni tal-Patt għal Industrija Nadifa li sal-2030, l-UE ssir mexxejja dinjija fl-ekonomija ċirkolari. L-adozzjoni ta’ speċifikazzjonijiet tekniċi armonizzati skont is-CPR – ikkomplementati minn miżuri li jappoġġaw iċ-ċirkolarità tas-settur tal-kostruzzjoni fl-Att dwar l-Ekonomija Ċirkolari li jmiss – se tkun ċentrali biex l-ekonomiji tagħna jsiru aktar kompetittivi u aktar ċirkolari peress li jipprovdu ambjent regolatorju sħiħ u affidabbli u jippromwovu swieq ewlenin għal prodotti sostenibbli u ċirkolari. Fil-qosor, is-CPR se javvanza b’mod sinifikanti l-għan tagħna ta’ ekonomija tal-UE nadifa, dekarbonizzata u effiċjenti fir-riżorsi.
Is-CPR se jkun ukoll element ewlieni tal-Istrateġija Ewropea għall-Kostruzzjoni tal-Akkomodazzjoni billi jiffaċilita l-innovazzjoni u jsaħħaħ il-kompetittività tal-industrija. Permezz tal-iżvilupp ta’ standards armonizzati ġodda, l-aġġornament ta’ dawk eżistenti sal-ogħla livell ta’ żvilupp tekniku u l-iżvilupp ta’ Dokumenti Ewropej ta’ Valutazzjoni (EADs, European Assessment Documents) għal prodotti innovattivi, is-CPR jista’ jappoġġa l-varar aċċellerat tal-manifattura mhux fuq il-post, li se jżid il-produttività tal-ekosistema ġenerali tal-kostruzzjoni u se jgħin biex jiġi indirizzat in-nuqqas ta’ akkomodazzjoni billi jnaqqas iż-żminijiet tal-kostruzzjoni. L-introduzzjoni tal-Passaport Diġitali tal-Prodott se tappoġġa d-diġitalizzazzjoni tal-ekosistema tal-kostruzzjoni.
1.2Il-proċess tal-Acquis tas-CPR
Fl-2020, il-Kummissjoni bdiet l-hekk imsejjaħ proċess tal-Acquis tas-CPR skont is-CPR-2011 li għandu l-għan li jiġbor il-ħtiġijiet tekniċi u regolatorji mill-partijiet ikkonċernati u mill-Istati Membri biex jinħolqu talbiet ta’ standardizzazzjoni dettaljati, atti delegati, rekwiżiti tal-prodott u informazzjoni dwar il-prodott. Dan jippermetti li jiġu aġġornati l-istandards armonizzati eżistenti kollha skont is-CPR u li jiġi estiż il-kamp ta’ applikazzjoni tagħhom biex ikopru prodotti ġodda.
Fl-2021, il-Kummissjoni stabbiliet il-Grupp ta’ Esperti tal-Acquis tas-CPR u diversi Sottogruppi sabiex tiġi strutturata l-ħidma tal-proċess tal-Acquis tas-CPR. Kull Sottogrupp qed jaħdem fuq waħda jew aktar mill-familji ta’ prodotti issa stabbiliti fl-Anness VII tas-CPR. Barra minn hekk, ġew stabbiliti tliet Sottogruppi orizzontali (dwar is-sostenibbiltà ambjentali, is-sikurezza kontra n-nirien u s-sustanzi perikolużi).
L-Artikolu 4 tas-CPR jifformalizza l-proċess u jiddefinixxi l-kompiti tal-Kummissjoni u r-responsabbiltajiet tal-Istati Membri u ta’ partijiet ikkonċernati oħra fil-proċess. L-istruttura tal-Grupp ta’ Esperti ġiet allinjata mar-regolament il-ġdid fir-rebbiegħa tal-2025. L-assoċjazzjonijiet u l-NGOs Ewropej huma mħeġġa japplikaw biex isiru membri fil-Grupp ta’ Esperti jew f’wieħed jew aktar mis-Sottogruppi biex jikkontribwixxu għall-ħidma.
Illustrazzjoni1: L-Istruttura tal-Grupp ta’ Esperti tal-Acquis tas-CPR u s-Sottogruppi tiegħu
1.3Stadji importanti tal-proċess tal-Acquis tas-CPR
Il-ħidma f’familja ta’ prodotti speċifika ssegwi stadji importanti predefiniti bid-dħul fis-seħħ ta’ speċifikazzjonijiet tekniċi armonizzati (standards armonizzati u atti delegati ta’ akkumpanjament) bħala kunsinna finali. Iċ-ċiklu ta’ ħidma li jmiss f’familja ta’ prodotti speċifika jibda meta l-Istati Membri u partijiet ikkonċernati rilevanti oħra jqisu li jkun hemm bżonn li jiġu aġġornati l-ispeċifikazzjonijiet tekniċi armonizzati rispettivi. L-esperti fl-organizzazzjonijiet tal-istandardizzazzjoni normalment jibdew jikkonsultaw dwar il-ħtieġa għar-reviżjonijiet tal-istandards 5 snin wara li jkunu ppreżentaw l-istandards lill-Kummissjoni. Wara konsultazzjonijiet bħal dawn, il-Kummissjoni se tikkonsulta wkoll mas-Sottogruppi rispettivi tal-Grupp ta’ Esperti tal-Acquis tas-CPR.
Illustrazzjoni2: Stadji importanti tal-proċess tal-Acquis tas-CPR
1.3.1Stadju importanti 0
Dan l-istadju importanti huwa fakultattiv u jittratta l-iżvilupp ta’ metodi ta’ valutazzjoni.
Jekk ma jkun hemm l-ebda metodu ta’ valutazzjoni Ewropew (aġġornat) għal karatteristiċi essenzjali importanti jew għal rekwiżiti tal-prodott u l-iżvilupp jew l-aġġornament tiegħu/tagħhom ikunu jeħtieġu xi żmien u riżorsi addizzjonali barra minn dawk normalment meħtieġa, il-ħidma tal-Acquis tas-CPR ta’ wara tista’ titħaffef billi jinbeda proġett skont sejħa miftuħa tal-Aġenzija Eżekuttiva Ewropea għall-Kunsill Ewropew tal-Innovazzjoni u għall-SMEs (EISMEA, European Innovation Council and SMEs Executive Agency) jew strumenti oħra ta’ finanzjament biex dawn jiġi/jiġu żviluppat(i) jew aġġornat(i).
L-Istadju importanti 0 jista’ jibda qabel id-deċiżjoni tal-Grupp ta’ Esperti tal-Acquis tas-CPR li jibda uffiċjalment il-ħidma fis-Sottogrupp rispettiv.
1.3.2Bidu tal-ħidma f’Sottogrupp:
Il-Kummissjoni taqbel mal-Istati Membri u ma’ membri oħra tal-Grupp ta’ Esperti tal-Acquis tas-CPR biex jinbeda ċ-ċiklu ta’ ħidma relatat ma’ familja ta’ prodotti fis-Sottogrupp rispettiv tal-Grupp ta’ Esperti tal-Acquis tas-CPR fiż-żmien stabbilit fil-pjan ta’ ħidma.
L-ewwel pass huwa li jiġi stabbilit il-programm ta’ ħidma tas-Sottogrupp: Il-membri tas-Sottogrupp se jaqblu fuq ir-riżultati tanġibbli speċifiċi u fuq skeda ta’ żmien indikattiva għat-tħejjija tal-kontenut tekniku għat-talba ta’ standardizzazzjoni u l-atti delegati ta’ akkumpanjament.
1.3.3Stadju importanti I
L-Istadju importanti I jittratta d-definizzjoni tal-kamp ta’ applikazzjoni tal-familja ta’ prodotti. Is-Sottogrupp l-ewwel jiddeċiedi fuq liema prodotti, inkluż liema materjali u użi maħsuba fil-familja ta’ prodotti għandhom jiġu inklużi fil-kamp ta’ applikazzjoni tax-xogħol f’dan iċ-ċiklu ta’ ħidma (eż. mhux il-prodotti kollha immaġinabbli jridu jiġu armonizzati, mhux l-istandards armonizzati eżistenti kollha jridu jiġu aġġornati fl-istess ħin). Din id-deċiżjoni trid tiġi approvata mill-Grupp ta’ Esperti tal-Acquis tas-CPR.
1.3.4Stadju importanti II
L-Istadju importanti II jittratta l-ħolqien ta’ bordijiet tekniċi tas-Sottogrupp (meta rilevanti). Jekk il-kamp ta’ applikazzjoni definit skont l-Istadju importanti I jkun wiesa’ u jinkludi prodotti eteroġenji, il-parteċipanti tas-Sottogrupp jistgħu jaqsmu x-xogħol f’diversi bordijiet tekniċi (gruppi ta’ ħidma fi ħdan is-Sottogrupp).
1.3.5Stadju importanti III
L-Istadju importanti III jittratta t-tħejjija tal-kontenut tekniku (struttura ta’ livell għoli tal-ispeċifikazzjonijiet tekniċi armonizzati) għat-talba ta’ standardizzazzjoni u l-atti delegati ta’ akkumpanjament. Dan huwa l-aktar stadju importanti fejn isseħħ il-ħidma ewlenija. Abbażi tal-ħtiġijiet regolatorji tal-Istati Membri, tal-prijoritajiet tal-Kummissjoni (eż. dawk relatati mal-Patt għal Industrija Nadifa jew mal-Att dwar l-Ekonomija Ċirkolari), tal-kontributi tal-industrija, tal-konsumaturi u ta’ partijiet ikkonċernati oħra, is-Sottogrupp jiġbor u għandu l-għan li jaqbel fuq:
(a)Ir-rekwiżiti bażiċi għax-xogħlijiet ta’ kostruzzjoni (BRCW, basic requirements for construction works) (l-Anness I tas-CPR)
(1)Il-karatteristiċi essenzjali, inkluża l-identifikazzjoni ta’ limiti u klassijiet ta’ prestazzjoni, u metodi ta’ valutazzjoni;
(2)Id-dokumentazzjoni tal-prodott u/jew il-kalkolu biex tiġi espressa l-prestazzjoni tal-imġiba strutturali (meta rilevanti);
(3)Il-klawżoli ta’ valutazzjoni u verifika (AV, assessment and verification) u l-verifiki tal-kontrolli tal-produzzjoni f’fabbrika (FPC, factory production control);
(4)L-inkonsistenzi fir-regolamenti nazzjonali dwar il-kostruzzjoni jew magħhom;
(b)Il-karatteristiċi essenzjali ambjentali stabbiliti minn qabel (l-Anness II tas-CPR)
(c)L-informazzjoni ġenerali dwar il-prodott, l-istruzzjonijiet għall-użu u l-informazzjoni dwar is-sikurezza (l-Anness IV tas-CPR)
(d)Ir-rekwiżiti tal-prodott (l-Anness III tas-CPR)
(1)Ir-rekwiżiti li jiżguraw il-funzjonament u l-prestazzjoni xierqa;
(2)Ir-rekwiżiti għas-sikurezza tal-prodotti;
(3)Ir-rekwiżiti ambjentali tal-prodotti;
(e)Is-sistemi ta’ valutazzjoni u verifika applikabbli (l-Anness IX tas-CPR)
Is-Sottogrupp se jivverifika jekk l-eżitu jirriflettix biżżejjed il-ħtiġijiet regolatorji nazzjonali. L-eżitu tal-Istadju importanti III se jiġi ppreżentat lill-Grupp ta’ Esperti tal-Acquis tas-CPR.
1.3.6Stadju importanti IV
L-Istadju importanti IV jittratta l-proċess finali biex tiġi adottata t-talba ta’ standardizzazzjoni għal standards armonizzati li jittrattaw il-prestazzjoni u l-atti legali addizzjonali relatati magħhom (eż. klassijiet, limiti, dikjarazzjoni obbligatorji jew tikketti).
Wara l-approvazzjoni tal-Istadju importanti III mill-Grupp ta’ Esperti tal-Acquis tas-CPR, il-Kummissjoni se tabbozza t-talba rispettiva ta’ standardizzazzjoni (att ta’ implimentazzjoni bi proċedura ta’ eżami skont ir-Regolament dwar l-Istandardizzazzjoni) abbażi tad-dokument tal-Istadju importanti III. Wara li tikkonsulta mal-Grupp ta’ Esperti tal-Acquis tas-CPR, il-Kummissjoni se tippreżenta formalment it-talba ta’ standardizzazzjoni lill-Kumitat dwar l-Istandards
u se tadottaha wara vot pożittiv tal-Istati Membri.
L-Istadju importanti III jista’ jidentifika wkoll il-ħtieġa li jiġu stabbiliti rekwiżiti tal-prodott. F’dan il-każ, il-Kummissjoni se tadotta att delegat li jistabbilixxi r-rekwiżiti tal-prodott wara li tkun għamlet obbligatorju l-istandard armonizzat tal-prestazzjoni rispettiv (ara
1.3.8
) u, jekk ikun meħtieġ, toħroġ talba separata ta’ standardizzazzjoni għall-iżvilupp ta’ standards armonizzati (volontarji) biex tipprovdi preżunzjoni ta’ konformità mar-rekwiżiti tal-prodott.
1.3.7Abbozzar tal-istandard armonizzat tal-prestazzjoni
It-talbiet ta’ standardizzazzjoni adottati se jiġu ppreżentati lill-organizzazzjoni tal-istandardizzazzjoni rilevanti għall-aċċettazzjoni (normalment lill-Kumitat Ewropew għall-Istandardizzazzjoni (CEN) iżda jista’ jkun ukoll lill-Kumitat Ewropew għall-Istandardizzazzjoni Elettroteknika (CENELEC) għal prodotti elettriċi bħal kejbils). L-organizzazzjoni tal-istandardizzazzjoni se taċċetta, se tħejji l-istandards, se tippubblikahom u se tippreżentahom lill-Kummissjoni għall-iskrutinju. Sabiex jiġi żgurat tfassil f’waqtu, il-ħidma hija soġġetta għal skadenzi definiti fit-talba ta’ standardizzazzjoni.
1.3.8L-istandard isir obbligatorju
Il-Kummissjoni se tivverifika jekk l-istandards humiex konformi mat-talba ta’ standardizzazzjoni u jekk humiex allinjati mal-qafas legali Ewropew u mbagħad se tadotta att ta’ implimentazzjoni bi proċedura konsultattiva biex l-istandard isir obbligatorju. Fl-istess ħin, il-Kummissjoni tadotta att delegat biex tapprova l-klassijiet, il-limiti u d-dikjarazzjonijiet obbligatorji applikabbli inklużi fl-istandards li se jidħlu fis-seħħ fl-istess ħin bħall-att ta’ implimentazzjoni.
1.4Ħidma tal-Acquis tas-CPR fuq il-Familji ta’ Prodotti 2020-2025
Bejn l-2020 u l-ewwel trimestru tal-2025, bdiet il-ħidma f’14-il Sottogrupp li jittrattaw il-familji ta’ prodotti. Ġie deċiż li jingħaqdu l-flussi tax-xogħol fuq prodotti tal-injam strutturali/elementi u prodotti anċillari (il-familja ta’ prodotti 13) ma’ pannelli tal-injam u elementi (il-familja ta’ prodotti 14). Sa issa, il-Kummissjoni adottat tliet talbiet ta’ standardizzazzjoni abbażi ta’ din il-ħidma għal 21 standard armonizzat, erba’ standards ta’ appoġġ u rapport tekniku wieħed (l-ewwel tnejn li għadhom skont is-CPR-2011):
-Prodotti tal-konkrit mogħtija l-forma minn qabel normali/ħfief/li jinqasmu waħedhom u mogħtija l-arja (il-familja ta’ prodotti 1)
-Prodotti metalliċi strutturali u prodotti anċillari (il-familja ta’ prodotti 20)
-Siment, ġir tal-bini u binders idrawliċi oħrajn (il-familja ta’ prodotti 15)
Bħalissa qed jitħejjew erba’ talbiet oħra ta’ standardizzazzjoni:
-Ħadid għar-rinfurzar u l-prestressing tal-konkos (u prodotti anċillari) - Kittijiet tal-post tensioning (il-familja ta’ prodotti 16)
-Bibien, twieqi, kontraporti, gradi u aċċessorji relatati mal-bini (il-familja ta’ prodotti 2)
-Prodotti ta’ iżolament termali - kittijiet/sistemi komposti ta’ iżolament (il-familja ta’ prodotti 4)
-Prodotti ta’ ħġieġ ċatt, ħġieġ profilat u blokok tal-ħġieġ (il-familja ta’ prodotti 30)
2Metodoloġija u Ffissar tal-Prijoritajiet għall-Pjan ta’ Ħidma tas-CPR
Is-CPR jistabbilixxi fl-Artikolu 4(2) li “l-Kummissjoni għandha tistabbilixxi l-prijoritajiet tal-pjan ta’ ħidma b’metodoloġija trasparenti u bbilanċjata, li għandu jiġi ppubblikat flimkien mal-pjan ta’ ħidma. Dik il-metodoloġija għandha mill-inqas tirrifletti l-ħtiġijiet regolatorji tal-Istati Membri, il-kwistjonijiet ta’ sikurezza relatati max-xogħlijiet u l-prodotti għall-bini u l-għanijiet klimatiċi u tal-ekonomija ċirkolari tal-Unjoni.”
Il-pjan ta’ ħidma tas-CPR isegwi approċċ simili għall-pjan ta’ ħidma għar-Regolament dwar l-Ekodisinn għal Prodotti Sostenibbli (ESPR, Ecodesign for Sustainable Products Regulation). Madankollu, hemm differenza ewlenija fil-kontenut: Il-pjan ta’ ħidma tas-CPR jistabbilixxi prinċipalment l-iskeda ta’ żmien tal-iżvilupp ta’ speċifikazzjonijiet tekniċi armonizzati ġodda għall-familji ta’ prodotti kollha tal-Anness VII tas-CPR. Matul il-ħidma fis-Sottogruppi speċifiċi tal-Grupp ta’ Esperti tal-Acquis tas-CPR dwar il-familji ta’ prodotti rispettivi, se jiġi identifikat u deċiż liema prodotti, karatteristiċi essenzjali, klassijiet, limiti, rekwiżiti tal-prodott, tikketti, informazzjoni dwar il-prodott eċċ. għandhom jiġu regolati.
Għalhekk, il-metodoloġija trasparenti u bbilanċjata meħtieġa tiffoka l-aktar fuq l-ordni t-tajba tal-familji ta’ prodotti li fihom għandhom jiġu żviluppati jew aġġornati speċifikazzjonijiet tekniċi armonizzati.
Il-parti ewlenija ta’ din il-metodoloġija hija li jiġi ddeterminat kif għandha tiġi stabbilita ordni ta’ prijorità għat-tnedija tal-ħidma tas-Sottogruppi sussegwenti. Il-punt tat-tluq huwa l-ordni stabbilita fl-2020. Dan kien ibbażat fuq konsultazzjoni tal-prijoritajiet tal-Istati Membri għall-Acquis tas-CPR skont is-CPR-2011. L-Istati Membri ntalbu jindikaw is-sekwenza li fiha għandha tibda l-ħidma fuq 34 familja ta’ prodotti. Din il-konsultazzjoni rriżultat fl-ordni ta’ prijoritizzazzjoni ppreżentata abbażi tat-tmien kriterji li ġejjin:
1.Il-ħtiġijiet regolatorji tal-Istati Membri,
2.Kwistjonijiet ta’ sikurezza relatati mar-rekwiżiti bażiċi għax-xogħlijiet ta’ kostruzzjoni,
3.Kwistjonijiet inerenti ta’ sikurezza tal-prodotti għall-kostruzzjoni,
4.Kwistjonijiet ambjentali, inklużi l-enerġija u s-sostenibbiltà,
5.Id-daqs tas-suq tal-UE fil-volum,
6.Il-kummerċ transfruntier,
7.Il-kummerċ transfruntier potenzjali, u
8.Nuqqas ta’ kompletezza jew nuqqas ta’ eżistenza ta’ standards armonizzati.
Tabella 1 - Lista ta’ prijorità inizjali, familji ta’ prodotti u mandati
|
Prijorità fl-2020
|
Nru tal-Familja ta’ Prodotti
|
Familja ta’ Prodotti
|
Mandat ta’ Standardizzazzjoni Antik
|
Kodiċi bl-Ittri
|
|
01
|
01
|
Prodotti tal-konkrit mogħtija l-forma minn qabel normali/ħfief/li jinqasmu waħedhom u mogħtija l-arja
|
M100 Prodotti tal-konkrit mogħtija l-forma minn qabel
|
PCP
|
|
02
|
20
|
Prodotti metalliċi strutturali u prodotti anċillari
|
M120 prodotti metalliċi strutturali
|
SMP
|
|
03
|
16
|
Ħadid għar-rinfurzar u l-prestressing tal-konkos (u prodotti anċillari) - Kittijiet tal-post tensioning
|
M115 Ħadid għar-rinfurzar
|
RPS
|
|
04
|
02
|
Bibien, twieqi, kontraporti, gradi u aċċessorji relatati mal-bini
|
M101 Bibien, twieqi
|
DWS
|
|
05
|
15
|
Siment, ġir tal-bini u binders idrawliċi oħrajn
|
M114 Siment
|
CEM
|
|
06
|
04
|
Prodotti ta’ iżolament termali [- Kittijiet/sistemi komposti ta’ iżolament]
|
M103 Prodotti ta’ iżolament termali
|
TIP
|
|
07
|
13
|
Prodotti tal-injam strutturali/elementi u prodotti anċillari
|
M112 Prodotti tal-injam strutturali u prodotti anċillari
|
STP
|
|
08
|
26
|
Prodotti relatati mal-konkrit, tikħil u ħalib tat-tikħil
|
M128 Konkrit, tikħil u ħalib tat-tikħil
|
CMG
|
|
09
|
17
|
Bini bil-ġebel u prodotti relatati - unitajiet ta’ bini bil-ġebel, tikħil u prodotti anċillari
|
M116 Bini bil-ġebel
|
MAS
|
|
10
|
24
|
Aggregati
|
M125 Aggregati
|
AGG
|
|
11
|
10
|
Tagħmir fiss ta’ tifi tan-nar (prodotti ta’ twissija tan-nar/rilevament tan-nar, ta’ tifi tan-nar fiss, ta’ kontroll tan-nar u d-dħaħen u ta’ trażżin ta’ splużjonijiet)
|
M109 Tagħmir fiss ta’ tifi tan-nar
|
FFF
|
|
12
|
23
|
Prodotti għall-bini tat-toroq
|
M124 Prodotti għall-bini tat-toroq
|
RCP
|
|
13
|
19
|
Pavimentar
|
M119 Pavimentar
|
FLO
|
|
14
|
04
|
[Prodotti ta’ iżolament termali] - Kittijiet/sistemi komposti ta’ iżolament
|
M489 ETICS
|
|
|
15
|
09
|
Kittijiet ta’ ħitan minn barra/kisi/sistemi ta’ glejżjar siġillant strutturali
|
M108 Kittijiet ta’ ħitan minn barra
|
CWP
|
|
16
|
14
|
Pannelli tal-injam u elementi
|
M113 Pannelli tal-injam
|
WBP
|
|
17
|
05
|
Kuxxinetti strutturali - Pinnijiet għal ġonot strutturali
|
M104 Kuxxinetti strutturali
|
SBE
|
|
18
|
34
|
Kittijiet tal-bini, unitajiet u elementi prefabbrikati
|
Kittijiet u prodotti assemblati tal-familji ta’ hawn fuq
|
KAS
|
|
19
|
21
|
Kisi intern u estern tal-ħitan u tas-soqfa - Kittijiet ta’ diviżjoni interna
|
M121 Kisi tal-ħitan u tas-soqfa
|
WCF
|
|
20
|
27
|
Apparat li jsaħħan l-ambjent
|
M129 Apparat li jsaħħan l-ambjent
|
SHA
|
|
21
|
22
|
Kisi tal-bjut, tamboċċi, twieqi fis-soqfa u prodotti anċillari - Kittijiet għas-soqfa
|
M122 Kisi tal-bjut
|
ROC
|
|
22
|
12
|
Attrezzaturi fissi għal ċirkolazzjoni stradali: tagħmir għat-toroq
|
M111 Attrezzaturi fissi għal ċirkolazzjoni stradali
|
CIF
|
|
23
|
18
|
Prodotti tal-inġinerija tal-ilma mormi
|
M118 Rimi tal-ilma mormi
|
WWD
|
|
24
|
25
|
Adeżivi tal-kostruzzjoni
|
M127 Adeżiv
|
ADH
|
|
25
|
07
|
Prodotti tal-ġibs
|
M106 Ġibs
|
GYP
|
|
26
|
33
|
Fissaġġi
|
M/A
|
FIX
|
|
27
|
03
|
Membrani, inklużi dawk applikati bħala likwidu u kittijiet (għall-kontroll tal-ilma u/jew tal-fwar mill-ilma)
|
M102 Membrani
|
MEM
|
|
28
|
30
|
Prodotti ta’ ħġieġ ċatt, ħġieġ profilat u blokok tal-ħġieġ
|
M135 Ħġieġ
|
GLA
|
|
29
|
08
|
Ġeotessili, ġeomembrani, u prodotti relatati
|
M107 Ġeotessili
|
GEO
|
|
30
|
11
|
Apparat sanitarju
|
M110 Apparat sanitarju
|
SAP
|
|
31
|
28
|
Pajpijiet, tankijiet u prodotti anċillari li mhumiex f’kuntatt ma’ ilma intiż għall-konsum mill-bniedem
|
M131 Pajpijiet, tankijiet li mhumiex f’kuntatt mal-ilma tax-xorb
|
PTA
|
|
32
|
31
|
Kejbils tal-elettriku, ta’ kontroll u ta’ komunikazzjoni
|
M443 Kejbils tal-elettriku, ta’ kontroll u ta’ komunikazzjoni
|
CAB
|
|
33
|
06
|
Ċmieni, tubi ta’ ġo fihom u prodotti speċifiċi
|
M105 Ċumnija
|
CHI
|
|
34
|
32
|
Siġillanti għall-ġonot
|
M474 Siġillanti għal użu mhux strutturali fil-ġonot fil-bini u fil-bankini
|
SEA
|
|
M/A
|
29
|
Prodotti għall-bini f’kuntatt ma’ ilma intiż għall-konsum mill-bniedem
|
M/A
|
DWP
|
|
M/A
|
35
|
Prodotti ta’ twaqqif tan-nar, siġillanti tan-nar u prodotti għal protezzjoni kontra n-nar - Prodotti li jittardjaw in-nar
|
M/A
|
FPP
|
|
M/A
|
36
|
Slielem imwaħħlin
|
M/A
|
LAD
|
Billi l-ħidma li bdiet skont is-CPR-2011 għadha għaddejja, il-Kummissjoni pproponiet lill-Grupp ta’ Esperti tal-Acquis tas-CPR fil-bidu tal-2025 biex iżomm il-biċċa l-kbira tal-ordni stabbilita fl-2020, peress li xorta waħda kienet tirrifletti l-ħtiġijiet regolatorji tal-Istati Membri, il-kwistjonijiet ta’ sikurezza relatati max-xogħlijiet u l-prodotti għall-kostruzzjoni, u l-għanijiet klimatiċi u tal-ekonomija ċirkolari tal-Unjoni. Il-Kummissjoni pproponiet li taġġorna kemxejn l-ordni stabbilita qabel biex:
(1)tadatta għall-bidliet fil-prijoritajiet tal-Istati Membri fir-rigward tal-ħtiġijiet regolatorji tagħhom;
(2)tirrifletti fuq il-prijoritajiet kurrenti tal-Kummissjoni, speċjalment fir-rigward tal-Pjan Ewropew għal Akkomodazzjoni Affordabbli, l-Istrateġija Ewropea għall-Kostruzzjoni tal-Akkomodazzjoni, il-Patt għal Industrija Nadifa, l-Att dwar l-Ekonomija Ċirkolari u l-Istrateġija tal-UE dwar il-bijoekonomija dwar kif tali inizjattivi jistgħu jiġu kkomplementati mis-CPR.
(3)tiżgura li l-kamp ta’ applikazzjoni tas-CPR ikun rifless bis-sħiħ billi jiġu inklużi l-familji ta’ prodotti kollha elenkati fl-Anness VII.
(4)tissinkronizza l-attivitajiet ta’ implimentazzjoni tar-Regolament dwar l-Ekodisinn għal Prodotti Sostenibbli mal-ħidma fuq l-Acquis tas-CPR, filwaqt li tiżgura li l-ħidma għal prodotti (simili) koperti miż-żewġ regolamenti sseħħ fl-istess ħin.
(5)tissimplifika l-attivitajiet jekk il-ħidma fuq żewġ familji ta’ prodotti tista’ tiġi kkombinata f’Sottogrupp wieħed.
Il-konsultazzjoni mal-Grupp ta’ Esperti tal-Acquis tas-CPR irriżultat fl-ordni li ġejja biex tinbeda l-ħidma f’Sottogruppi speċifiċi.
Tabella 2 - Lista ta’ prijorità ġdida ta’ familji ta’ prodotti
|
Prijorità ġdida/
status
|
Prijorità fl-2020
|
Nru tal-Familja ta’ Prodotti
|
Familja ta’ Prodotti
|
Kodiċi bl-Ittri
|
Ħidma tal-Acquis tas-CPR Mibdija
|
|
SReq. adottat
|
01
|
01
|
Prodotti tal-konkrit mogħtija l-forma minn qabel normali/ħfief/li jinqasmu waħedhom u mogħtija l-arja
|
PCP
|
Iva
|
|
SReq. adottat
|
02
|
20
|
Prodotti metalliċi strutturali u prodotti anċillari
|
SMP
|
Iva
|
|
SReq. adottat
|
03
|
16
|
Ħadid għar-rinfurzar u l-prestressing tal-konkos (u prodotti anċillari) - Kittijiet tal-post tensioning
|
RPS
|
Iva
|
|
Tħejjija tal-SReq.
|
04
|
02
|
Bibien, twieqi, kontraporti, gradi u aċċessorji relatati mal-bini
|
DWS
|
Iva
|
|
SReq. adottat
|
05
|
15
|
Siment, ġir tal-bini u binders idrawliċi oħrajn
|
CEM
|
Iva
|
|
Tħejjija tal-SReq.
|
06
|
04
|
Prodotti ta’ iżolament termali - Kittijiet/sistemi komposti ta’ iżolament
|
TIP
|
Iva
|
|
Tħejjija tal-SReq.
|
28
|
30
|
Prodotti ta’ ħġieġ ċatt, ħġieġ profilat u blokok tal-ħġieġ
|
GLA
|
Iva
|
|
01
|
07
|
13
|
Prodotti tal-injam strutturali/elementi u prodotti anċillari
|
STP
|
Iva
|
|
|
16
|
14
|
Pannelli tal-injam u elementi
|
WBP
|
Iva
|
|
02
|
08
|
26
|
Prodotti relatati mal-konkrit, tikħil u ħalib tat-tikħil
|
CMG
|
Iva
|
|
03
|
09
|
17
|
Bini bil-ġebel u prodotti relatati - unitajiet ta’ bini bil-ġebel, tikħil u prodotti anċillari
|
MAS
|
Iva
|
|
04
|
10
|
24
|
Aggregati
|
AGG
|
Iva
|
|
05
|
15
|
09
|
Kittijiet ta’ ħitan minn barra/kisi/sistemi ta’ glejżjar siġillant strutturali
|
CWP
|
Iva
|
|
06
|
11
|
10
|
Tagħmir fiss ta’ tifi tan-nar (prodotti ta’ twissija tan-nar/rilevament tan-nar, ta’ tifi tan-nar fiss, ta’ kontroll tan-nar u d-dħaħen u ta’ trażżin ta’ splużjonijiet)
|
FFF
|
Nru
|
|
07
|
12
|
23
|
Prodotti għall-bini tat-toroq
|
RCP
|
Nru
|
|
08
|
13
|
19
|
Pavimentar
|
FLO
|
Nru
|
|
09
|
18
|
34
|
Kittijiet tal-bini, unitajiet u elementi prefabbrikati
|
KAS
|
Nru
|
|
|
M/A
|
36
|
Slielem imwaħħlin
|
LAD
|
Nru
|
|
10
|
19
|
21
|
Kisi intern u estern tal-ħitan u tas-soqfa - Kittijiet ta’ diviżjoni interna
|
WCF
|
Nru
|
|
11
|
25
|
07
|
Prodotti tal-ġibs
|
GYP
|
Nru
|
|
12
|
17
|
05
|
Kuxxinetti strutturali - Pinnijiet għal ġonot strutturali
|
SBE
|
Nru
|
|
13
|
20
|
27
|
Apparat li jsaħħan l-ambjent
|
SHA
|
Nru
|
|
14
|
21
|
22
|
Kisi tal-bjut, tamboċċi, twieqi fis-soqfa u prodotti anċillari - Kittijiet għas-soqfa
|
ROC
|
Nru
|
|
15
|
22
|
12
|
Attrezzaturi fissi għal ċirkolazzjoni stradali: tagħmir għat-toroq
|
CIF
|
Nru
|
|
16
|
23
|
18
|
Prodotti tal-inġinerija tal-ilma mormi
|
WWD
|
Nru
|
|
17
|
24
|
25
|
Adeżivi tal-kostruzzjoni
|
ADH
|
Nru
|
|
|
34
|
32
|
Siġillanti għall-ġonot
|
SEA
|
Nru
|
|
18
|
M/A
|
35
|
Prodotti ta’ twaqqif tan-nar, siġillanti tan-nar u prodotti għal protezzjoni kontra n-nar - Prodotti li jittardjaw in-nar
|
FPP
|
Nru
|
|
19
|
26
|
33
|
Fissaġġi
|
FIX
|
Nru
|
|
20
|
27
|
03
|
Membrani, inklużi dawk applikati bħala likwidu u kittijiet (għall-kontroll tal-ilma u/jew tal-fwar mill-ilma)
|
MEM
|
Nru
|
|
21
|
29
|
08
|
Ġeotessili, ġeomembrani, u prodotti relatati
|
GEO
|
Nru
|
|
22
|
30
|
11
|
Apparat sanitarju
|
SAP
|
Nru
|
|
23
|
31
|
28
|
Pajpijiet, tankijiet u prodotti anċillari li mhumiex f’kuntatt ma’ ilma intiż għall-konsum mill-bniedem
|
PTA
|
Nru
|
|
24
|
M/A
|
29
|
Prodotti għall-bini f’kuntatt ma’ ilma intiż għall-konsum mill-bniedem
|
DWP
|
Nru
|
|
25
|
32
|
31
|
Kejbils tal-elettriku, ta’ kontroll u ta’ komunikazzjoni
|
CAB
|
Nru
|
|
26
|
M/A
|
M/A
|
Żebgħat dekorattivi u wallpapers
|
DPW
|
Nru
|
|
27
|
33
|
06
|
Ċmieni, tubi ta’ ġo fihom u prodotti speċifiċi
|
CHI
|
Iva
|
3Miżuri orizzontali
Il-Kapitolu 3 u 4 jiddeskrivu l-azzjonijiet konkreti ppjanati għas-snin 2026 sa 2029.
3.1Emenda tal-Anness VII (lista ta’ familji ta’ prodotti)
Il-Kummissjoni se temenda l-Anness VII biex tadattah għall-progress tekniku:
-Dan se jinkludi l-fużjoni ta’ familji ta’ prodotti 34 “Kittijiet tal-bini, unitajiet, u elementi prefabbrikati” u 36 “Slielem imwaħħlin”, peress li dawn tal-aħħar ma jikkostitwux familja ta’ prodotti weqfin waħedhom.
-Barra minn hekk, se tinħoloq familja ġdida ta’ prodotti bl-isem ta’ “Żebgħat dekorattivi u wallpapers”. Bħalissa l-wallpaper huwa inkluż fil-familja ta’ prodotti 21 iżda huwa aktar adattat li jaqa’ taħt grupp separat flimkien maż-żebgħat dekorattivi. Meta l-ESPR jirregola ż-żebgħat, il-Kummissjoni għandha l-għan li tirregola ż-żebgħat tal-kostruzzjoni b’mod komplementari fil-qafas regolatorju tas-CPR.
-L-emenda se tinkludi wkoll it-twessigħ tal-isem tal-familja ta’ prodotti 27 “Apparat li jsaħħan l-ambjent” għal “Apparat tat-tisħin u tat-tkessiħ” biex tinkludi l-apparat kollu tat-tisħin u tat-tkessiħ, u tal-familja ta’ prodotti 31 “Kejbils tal-elettriku, ta’ kontroll u ta’ komunikazzjoni” għal “Kejbils tal-elettriku, ta’ kontroll u ta’ komunikazzjoni, prodotti u aċċessorji elettriċi u elettroniċi”.
-Fl-aħħar nett, il-familja ta’ prodotti 22 “Kisi tal-bjut, tamboċċi, twieqi fis-soqfa u prodotti anċillari - Kittijiet għas-soqfa” se tingħata l-isem ġdid ta’ “Kisi tal-bjut, u prodotti anċillari - Kittijiet tas-soqfa u pannelli fotovoltajċi” peress li t-tamboċċi u t-twieqi fis-soqfa diġà huma inklużi fil-familja ta’ prodotti 2 “Bibien, twieqi, kontraporti, gradi u aċċessorji relatati mal-bini” u l-pannelli fotovoltajċi sa issa ma ssemmewx.
3.2Ħidma fis-Sottogruppi orizzontali (nirien, sostenibbiltà ambjentali u sustanzi perikolużi)
3.2.1Nirien
Il-Kummissjoni se tadotta atti delegati għar-reżistenza u għar-reazzjoni għan-nar tal-prodotti għall-kostruzzjoni. Barra minn hekk, l-att delegat għall-esponiment għan-nar estern – soqfa u tisqif se jiġi rieżaminat fl-2026 biex jiġi esplorat kif il-ħtiġijiet potenzjali mill-familja ta’ prodotti 2 “Bibien, twieqi, kontraporti, gradi u aċċessorji relatati mal-bini” jista’ jkollhom impatt fuq l-arranġamenti tal-ittestjar u tal-klassifikazzjoni (twieqi fis-soqfa u tamboċċi). Il-Kummissjoni se tibda l-ħidma fuq talba ta’ standardizzazzjoni għal standard(s) għall-ittestjar tal-faċċati kontra n-nirien li għandu/għandhom jiġi/jiġu adottat(i) fl-2027. Din il-ħidma se tkun ibbażata fuq il-finalizzazzjoni tal-proġett ta’ approċċ Ewropew għall-valutazzjoni tal-prestazzjoni tal-faċċati kontra n-nirien .
3.2.2Sostenibbiltà ambjentali
Skont l-Artikolu 15 tas-CPR, id-dikjarazzjoni tal-prestazzjoni u tal-konformità trid tinkludi l-prestazzjoni tas-sostenibbiltà ambjentali tal-prodott matul iċ-ċiklu tal-ħajja tiegħu fir-rigward tal-karatteristiċi essenzjali ambjentali stabbiliti minn qabel elenkati fl-Anness II bħall-potenzjal ta’ tisħin globali (totali, fossili, bijoġeniku u l-użu tal-art u l-bidla fl-użu tal-art). Dan l-approċċ jipprovdi kundizzjonijiet ekwi peress li l-metodi ta’ valutazzjoni se japplikaw għall-prodotti għall-kostruzzjoni kollha inklużi materjali b’bażi bijoloġika.
Il-Kummissjoni qed tappoġġa l-abbozzar ta’ regoli komplementari dwar il-kategorija tal-prodotti (c-PCR, complementary product category rules). Dan se jħaffef l-iżvilupp tal-kontenut tekniku meħtieġ għall-implimentazzjoni tad-dispożizzjonijiet dwar is-sostenibbiltà ambjentali tas-CPR u se jiżgura l-konsistenza u t-tfassil f’waqtu tal-istandards. Il-ħidma se tintuża f’talbiet futuri ta’ standardizzazzjoni u f’regoli dwar il-kategorija tal-prodotti. L-għan aħħari huwa li jinkiseb qafas tekniku konsistenti għall-valutazzjoni tas-sostenibbiltà ambjentali tal-prodotti għall-kostruzzjoni.
Il-Kummissjoni nediet sejħa għall-offerti għas-settijiet ta’ data tal-isfond għall-kalkolu tal-prestazzjoni ambjentali. Il-proġett għandu l-għan li jistabbilixxi settijiet ta’ data tal-isfond Ewropej għall-manifatturi. Se jibda jipprovdi data għall-ewwel standards armonizzati li jinkludu s-sostenibbiltà ambjentali u se jiġi estiż għal aktar familji ta’ prodotti matul is-snin li ġejjin.
Is-settijiet ta’ data tal-isfond huma maħsuba biex jintużaw b’mod obbligatorju f’dawk il-każijiet fejn id-data speċifika għall-kumpaniji, inkluża wkoll id-data ta’ kwalità għolja ġġenerata fl-implimentazzjoni tas-sistema tal-UE għall-iskambju ta’ kwoti tal-emissjonijiet (ETS, emissions trading system) għal installazzjonijiet kbar, ma tkunx disponibbli faċilment jew tkun għalja biex tinkiseb. Sabiex jiġi evitat “xiri ta’ data” (jiġifieri l-għażla ta’ dik id-data li tippermetti li l-prodott jidher bl-aqwa mod), is-settijiet ta’ data tal-isfond għandhom ikunu ta’ natura konservattiva.
Is-Sottogrupp dwar is-sostenibbiltà ambjentali qed jiddiskuti wkoll l-implimentazzjoni tal-valutazzjoni tas-sostenibbiltà ambjentali, b’mod partikolari fir-rigward tal-implimentazzjoni omoġenja tal-AVS 3+ u l-iżvilupp tar-regoli għal atti delegati futuri għad-dikjarazzjoni mingħajr ittestjar tal-karatteristiċi essenzjali relatati mas-sostenibbiltà ambjentali.
Il-Kummissjoni se tadotta att delegat li jirrikonoxxi l-użu tad-data tal-ETS bħala input għall-valutazzjoni tas-sostenibbiltà ambjentali għal dawk il-gruppi ta’ prodotti, fejn id-data u l-metodoloġija tal-ETS jippermettu li jiġi kopert sehem konsiderevoli mill-emissjonijiet tul iċ-ċiklu tal-ħajja. Dan se jiżgura approċċ armonizzat tal-leġiżlazzjoni rilevanti tal-UE u se jnaqqas il-piż amministrattiv għall-manifatturi.
3.2.3Sustanzi perikolużi
Fl-2026, il-Kummissjoni se tadotta talba ta’ standardizzazzjoni biex tinkludi metodi ta’ valutazzjoni addizzjonali li jikkomplementaw l-istrumenti eżistenti biex tivvaluta l-kontenut jew l-emissjonijiet fi prodotti għall-kostruzzjoni jew minnhom. Din il-ħidma se tiffoka fuq iż-żieda ta’ sustanzi u materjali addizzjonali (eż. mikroplastiks) u metodi ta’ valutazzjoni (biex jiġu kkomplementati/irfinati l-metodi eżistenti għall-emissjonijiet/il-kontenut ta’ sustanzi perikolużi) biex jiġu adattati għal-leġiżlazzjoni l-ġdida tal-UE kif ukoll għar-rekwiżiti nazzjonali.
3.3Il-passaport diġitali tal-prodott (DPP, digital product passport) - informazzjoni dwar il-partijiet kollha tal-katina tal-valur
Pilastru ewlieni tal-CPR huwa l-passaport diġitali tal-prodott. Kull prodott regolat minn speċifikazzjonijiet tekniċi armonizzati jew EADs skont is-CPR (mhux is-CPR-2011) se jkollu passaport diġitali tal-prodott ladarba d-DPP jiffunzjona u jsir obbligatorju permezz ta’ att delegat. Id-DPP se jipprovdi aċċess għad-data għan-negozji, għall-konsumaturi u għall-awtoritajiet pubbliċi, abbażi ta’ standards internazzjonali miftuħa u nonproprjetarji. Il-Kummissjoni bdiet il-proċess ta’ standardizzazzjoni biex tistabbilixxi regoli dwar il-mezzi ta’ data, l-infrastruttura u l-interoperabbiltà tad-data, li huma meħtieġa biex is-sistema tal-passaport tal-prodott tkun tista’ tiżviluppa. Il-passaport diġitali tal-prodott se jiżgura t-traċċabbiltà tul il-katina tal-valur wara li l-prodott ikun ġie introdott fis-suq. Dan se jkun kontribut importanti għal diġitalizzazzjoni koerenti tal-ekosistema tal-kostruzzjoni. Se jappoġġa l-implimentazzjoni tad-Direttiva dwar ir-Rendiment tal-Bini fl-Użu tal-Enerġija, l-użu ta’ Reġistru Diġitali tal-Bini, u ta’ Mudelli ta’ Informazzjoni dwar il-Bini (BIM, Building Information Models). Se tiġi inkluża informazzjoni dwar il-karatteristiċi u l-materjali essenzjali, flimkien ma’ informazzjoni dwar kif il-prodott jista’ jintuża b’mod sikur, jissewwa, jintuża mill-ġdid, jiġi rriċiklat u jintrema. Dan se jiffaċilita l-ġestjoni taċ-ċiklu tal-ħajja tal-prodott minn tarf sa tarf.
3.4Għoti tas-setgħa lill-konsumaturi u lill-professjonisti: informazzjoni ġenerali dwar il-prodott, struzzjonijiet għall-użu u informazzjoni dwar is-sikurezza u tikketti informattivi
Is-CPR jiffoka ħafna fuq l-informazzjoni dwar il-prodott. L-Anness IV jiddefinixxi l-kontenut tal-informazzjoni dwar il-prodott. Il-Kummissjoni se titlob lill-organizzazzjonijiet tal-istandardizzazzjoni fit-talbiet ta’ standardizzazzjoni biex jabbozzaw gwida għall-manifatturi dwar kif għandhom jissodisfaw l-obbligi legali.
Għall-prodotti li jintgħażlu mill-konsumaturi, is-CPR jistabbilixxi li jistgħu jiġu introdotti tikketti obbligatorji ta’ sostenibbiltà ambjentali biex jgħinu lill-konsumaturi jagħmlu għażliet infurmati u jistimulaw it-tibdil fl-imġiba. Dan jista’ jgħin biex jiġu sfruttati l-benefiċċji tas-sostenibbiltà ambjentali tas-CPR lil hinn mil-livell li jista’ jinkiseb billi jiġu regolati l-prestazzjonijiet minimi.
Fil-futur, din l-informazzjoni ġeneralment se tiġi pprovduta fil-passaport diġitali tal-prodott. Xi prodotti jista’ jkollhom ukoll tikketta tal-ESPR u/jew tikketti oħra regolati minn leġiżlazzjoni speċifika tal-UE. Dawn it-tikketti se jipprovdu informazzjoni ċara u affidabbli dwar il-karatteristiċi jew dwar il-prestazzjoni rilevanti tal-prodott bħall-impronta tal-karbonju, il-bijokontenut, il-konsum tal-ilma, id-durabbiltà, il-possibbiltà ta’ tiswija jew ir-riċiklabbiltà.
Se jkun il-kompitu tas-Sottogruppi tal-Acquis tas-CPR bħala parti mill-ħidma tagħhom fuq il-familji ta’ prodotti u tas-Sottogrupp orizzontali dwar is-sostenibbiltà ambjentali li jidentifikaw il-prodotti għall-kostruzzjoni li għalihom għandhom jiġu stabbiliti tali tikketti. F’din il-valutazzjoni, is-Sottogruppi se jqisu t-tikketti eżistenti bbażati fuq il-leġiżlazzjoni tal-UE biex jiġu evitati d-duplikazzjonijiet u l-messaġġi li joħolqu konfużjoni għall-konsumaturi.
Il-Patt għal Industrija Nadifa ħabbar l-introduzzjoni ta’ tikketta obbligatorja fuq is-siment (wiri tal-potenzjal ta’ tisħin globali) meta l-istandards il-ġodda tas-siment isiru obbligatorji.
3.5Akkwist pubbliku ekoloġiku
Is-CPR jipprevedi l-possibbiltà li jiġu adottati atti delegati li jistabbilixxu rekwiżiti minimi obbligatorji relatati mas-sostenibbiltà ambjentali għall-prodotti għall-kostruzzjoni fi proċeduri ta’ akkwist pubbliku kull meta l-prodotti regolati minn standards armonizzati jkunu rilevanti għax-xerrejja pubbliċi u jkun ekonomikament fattibbli għalihom li jixtru l-aħjar prodotti ambjentalment sostenibbli. Dawn il-miżuri huma mfassla biex irawmu l-ħolqien ta’ swieq ewlenin, jistimulaw l-investimenti u jgħinu lill-industrija tal-UE ttejjeb il-kompetittività tagħha f’konformità mal-objettivi tal-Patt għal Industrija Nadifa. Il-Kummissjoni se tniedi l-ewwel valutazzjoni tal-impatt sa tmiem l-2026.
Il-miżuri possibbli se jkollhom iqisu r-reviżjoni tal-qafas legali tal-akkwist pubbliku u l-Att għall-Aċċellerazzjoni Industrijali li jmiss.
4Miżuri relatati ma’ familji ta’ prodotti
Il-qalba tax-xogħol hija relatata mal-familji ta’ prodotti. It-tabella 3 li ġejja tippreżenta l-azzjonijiet ippjanati u kontinwi kollha matul il-perjodu tal-pjan ta’ ħidma mill-2026 sal-2029 għall-familji ta’ prodotti kollha magħżula skont l-ordni stabbilita fit-tabella 2. Il-familji ta’ prodotti huma organizzati mill-bidu (ipproġettat) tal-ħidma tal-Acquis. Id-dati kollha huma indikattivi.
Spjegazzjoni tat-tabella:
¾Kodiċi tal-familja ta’ prodotti - kodiċi bi tliet ittri assenjat fl-Acquis tas-CPR
¾Stadju importanti I - it-tfassil tad-dokument tal-Istadju importanti I: prodotti li għandhom jiġu koperti
¾Stadju importanti III - it-tfassil tad-dokument tal-Istadju importanti III: il-karatteristiċi essenzjali, il-klassijiet, il-limiti, l-informazzjoni ġenerali dwar il-prodott, l-istruzzjonijiet għall-użu u l-informazzjoni dwar is-sikurezza u l-kontenut preliminari għar-rekwiżiti tal-prodott (meta applikabbli).
¾Talba ta’ standardizzazzjoni - l-abbozz ta’ talba ta’ standardizzazzjoni ppreżentat għall-vot tal-Kumitat dwar l-Istandards.
¾Skadenza tat-tfassil tal-istandards - it-tfassil mistenni tal-ewwel standards inklużi fit-talba ta’ standardizzazzjoni, id-dati speċifiċi għal kull prodott li għandhom jiġu diskussi
¾Standard magħmul obbligatorju u adozzjoni tal-att delegat (DA, delegated act) - id-data tal-adozzjoni tal-att ta’ implimentazzjoni li jagħmel l-istandards obbligatorji u l-att delegat li jistabbilixxi l-klassijiet, il-limiti, id-dikjarazzjoni obbligatorja, eċċ. relatati miegħu.
¾Att delegat dwar ir-rekwiżiti tal-prodott - id-data tal-adozzjoni tal-att delegat li jistabbilixxi r-rekwiżiti tal-prodott. Dan jista’ jiġi segwit minn talba ta’ standardizzazzjoni separata għall-iżvilupp ta’ standards armonizzati volontarji biex tiġi pprovduta preżunzjoni ta’ konformità mar-rekwiżiti
¾Informazzjoni addizzjonali - informazzjoni rilevanti oħra li għandha titqies bħall-ħidma preparatorja fl-Istadju importanti 0 mniedi f’xi gruppi.
Tabella 3: Miżuri relatati ma’ familji ta’ prodotti
|
Nru tal-Familja ta’ Prodotti fl-Anness VII.
|
Familja ta’ Prodotti
|
Kodiċi
|
Stadju importanti I
|
Stadju importanti III
|
Talba ta’ standardizzazzjoni
|
Skadenza tat-tfassil
tal-istandards
|
Standard isir obbligatorju u adozzjoni tal-att delegat
|
Att delegat dwar ir-rekwiżiti tal-prodott
|
Informazzjoni addizzjonali
|
|
1
|
prodotti tal-konkrit mogħtija l-forma minn qabel normali/ħfief/li jinqasmu waħedhom u mogħtija l-arja
|
PCR
|
lest
|
lest
|
Q2 2025
|
Q4 2025
|
Q4 2025
|
le
|
ċitazzjoni skont is-CPR-2011
|
|
20
|
prodotti metalliċi strutturali u prodotti anċillari
|
SMP
|
lest
|
lest
|
Q3 2025
|
Q4 2025
|
Q2 2026
|
le
|
ċitazzjoni skont is-CPR-2011; għall-istandards mhux imfassla jew mhux konformi se jkun hemm SReq. ġdid skont is-CPR fi Q2 2026 bi skadenza tat-tfassil fi Q3 2027
|
|
2
|
bibien, twieqi, kontraporti, gradi u aċċessorji relatati mal-bini
|
DWS
|
lest
|
lest
|
Q1 2026
|
2028
|
2029
|
2029
|
ġew identifikati r-rekwiżiti tal-prodott għall-aċċessorji tal-bini u se jiġu stabbiliti permezz ta’ att delegat. Dan huwa relatat mar-rekwiżiti għar-rotot tal-ħrib
|
|
16
|
ħadid għar-rinfurzar u l-prestressing tal-konkos (u prodotti anċillari) - kittijiet tal-post tensioning
|
RPS
|
lest
|
Q4 2025
|
Q2 2026
|
2029
|
2029
|
qed jiġi diskuss
|
|
|
15
|
siment, ġir tal-bini u binders idrawliċi oħrajn
|
CEM
|
lest
|
lest
|
Q3 2025
|
Q3 2027
|
Q4 2027
|
le
|
il-Kummissjoni titlob EADs għas-siment innovattiv u attivat bl-alka
Q1 2026
talba ta’ standardizzazzjoni għas-siment attivat bl-alkali
Q4 2027
|
|
4
|
prodotti ta’ iżolament termali - kittijiet/sistemi komposti ta’ iżolament
|
TIP
|
lest
|
għadu għaddej
|
Q3 2026
|
2029
|
2029
|
qed jiġi diskuss
|
|
|
30
|
prodotti ta’ ħġieġ ċatt, ħġieġ profilat u blokok tal-ħġieġ
|
GLA
|
lest
|
għadu għaddej
|
Q1 2026
|
2028
|
2029
|
2028
|
ġew identifikati r-rekwiżiti tal-prodott u se jiġu stabbiliti permezz ta’ att delegat
|
|
6
|
ċmieni, tubi ta’ ġo fihom u prodotti speċifiċi
|
CHI
|
lest
|
għadu għaddej
|
Q3 2026
|
2028
|
2028
|
|
iċ-ċmieni weqfin waħedhom esklużi
|
|
13
|
prodotti tal-injam strutturali/elementi u prodotti anċillari
|
STP
|
għadu għaddej
|
Q1 2026
|
Q3 2026
|
2029
|
2029
|
|
|
|
14
|
pannelli tal-injam u elementi
|
WBP
|
|
|
|
|
|
|
|
|
26
|
prodotti relatati mal-konkrit, tikħil u ħalib tat-tikħil
|
CMG
|
għadu għaddej
|
Q1 2026
|
Q4 2026
|
2029
|
|
|
|
|
17
|
bini bil-ġebel u prodotti relatati - unitajiet ta’ bini bil-ġebel, tikħil u prodotti anċillari
|
MAS
|
għadu għaddej
|
Q2 2026
|
Q1 2027
|
|
|
|
|
|
24
|
aggregati
|
AGG
|
għadu għaddej
|
Q2 2026
|
Q1 2027
|
2029
|
|
|
|
|
9
|
kittijiet ta’ ħitan minn barra/kisi/sistemi ta’ glejżjar siġillant strutturali
|
CWP
|
lest
|
Q2 2026
|
Q4 2026
|
2029
|
|
|
|
|
10
|
tagħmir fiss ta’ tifi tan-nar (prodotti ta’ twissija tan-nar/rilevament tan-nar, ta’ tifi tan-nar fiss, ta’ kontroll tan-nar u d-dħaħen u ta’ trażżin ta’ splużjonijiet)
|
FFF
|
Q2 2026
|
Q1 2027
|
Q3 2027
|
|
|
|
|
|
23
|
prodotti għall-bini tat-toroq (asfalt, eċċ.)
|
RCP
|
Q1 2026
|
Q3 2026
|
2027
|
|
|
|
|
|
19
|
pavimentar
|
FLO
|
Q2 2026
|
Q4 2026
|
2027
|
|
|
|
l-istadju importanti 0 diġà qed jaħdem fuq metodi ta’ ttestjar għar-reżistenza għaż-żliq
|
|
34
|
kittijiet tal-bini, unitajiet u elementi prefabbrikati
|
KAS
|
Q2 2026
|
Q2 2027
|
2027
|
|
|
|
inkluża l-familja 36. Jekk ikun xieraq, dan ix-xogħol jinqasam f’diversi flussi tax-xogħol bi skedi ta’ żmien differenti. Barra minn hekk, il-Kummissjoni tista’ titlob EADs għal kittijiet innovattivi
|
|
21
|
kisi intern u estern tal-ħitan u tas-soqfa - kittijiet ta’ diviżjoni interna
|
WCF
|
Q3 2026
|
Q3 2027
|
2028
|
|
|
|
|
|
7
|
prodotti tal-ġibs
|
GYP
|
Q3 2026
|
Q3 2027
|
2028
|
|
|
|
|
|
5
|
kuxxinetti strutturali - pinnijiet għal ġonot strutturali
|
SBE
|
Q4 2026
|
Q4 2027
|
2028
|
|
|
|
|
|
27
|
apparat li jsaħħan l-ambjent u apparat ieħor tat-tisħin u tat-tkessiħ
|
SHA
|
Q4 2026
|
Q4 2027
|
2028
|
|
|
|
parti mill-prodotti hija regolata wkoll mill-Ekodisinn/ESPR, il-ħidma se tiġi allinjata mal-attivitajiet hemmhekk
|
|
22
|
kisi tal-bjut, tamboċċi, twieqi fis-soqfa u prodotti anċillari - kittijiet għas-soqfa, pannelli fotovoltajċi
|
ROC
|
2027
|
2027
|
2028
|
|
|
|
Il-pannelli fotovoltajċi huma regolati mill-Ekodisinn/ESPR, il-ħidma se tiġi allinjata mal-attivitajiet hemmhekk
|
|
12
|
attrezzaturi fissi għal ċirkolazzjoni stradali: tagħmir għat-toroq (żebgħat, sinjali tat-traffiku, sistemi ta’ trażżin fit-toroq)
|
CIF
|
2027
|
2027
|
2028
|
|
|
|
l-istadju importanti 0 diġà għaddej biex jiġi żviluppat metodu ta’ valutazzjoni għas-sistemi ta’ trażżin fit-toroq
|
|
18
|
prodotti tal-inġinerija tal-ilma mormi
|
WWD
|
2027
|
2028
|
|
|
|
|
|
|
25
|
adeżivi tal-kostruzzjoni
|
ADH
|
2027
|
2028
|
2029
|
|
|
|
|
|
32
|
siġillanti għall-ġonot
|
SEA
|
2027
|
2028
|
2029
|
|
|
|
|
|
35
|
prodotti ta’ twaqqif tan-nar, siġillanti tan-nar u prodotti għal protezzjoni kontra n-nar - prodotti li jittardjaw in-nar
|
FPP
|
2028
|
2028
|
2029
|
|
|
|
|
|
33
|
fissaġġi
|
FIX
|
2028
|
2028
|
|
|
|
|
|
|
3
|
membrani, inklużi dawk applikati bħala likwidu u kittijiet (għall-kontroll tal-ilma u/jew tal-fwar mill-ilma)
|
MEM
|
2028
|
2028
|
|
|
|
|
|
|
8
|
ġeotessili, ġeomembrani, u prodotti relatati
|
GEO
|
2028
|
2028
|
|
|
|
|
|
|
11
|
apparat sanitarju
|
SAP
|
2028
|
2029
|
|
|
|
|
|
|
28
|
pajpijiet, tankijiet u prodotti anċillari li mhumiex f’kuntatt ma’ ilma intiż għall-konsum mill-bniedem
|
PTA
|
2028
|
2029
|
|
|
|
|
|
|
29
|
prodotti għall-bini f’kuntatt ma’ ilma intiż għall-konsum mill-bniedem
|
DWP
|
|
|
|
|
|
|
|
|
31
|
kejbils tal-elettriku, ta’ kontroll u ta’ komunikazzjoni
|
CAB
|
2029
|
2029
|
|
|
|
|
|
|
ġdida
|
żebgħat dekorattivi u wallpapers
|
|
2029
|
|
|
|
|
|
il-ħidma se tiġi allinjata mat-tieni pjan ta’ ħidma tal-ESPR
|
|
6
|
ċmieni, tubi ta’ ġo fihom u prodotti speċifiċi
|
CHI
|
2029
|
|
|
|
|
|
tinkludi biss iċ-ċmieni weqfin waħedhom
|