IL-KUMMISSJONI EWROPEA

Brussell, 15.3.2024

COM(2024) 460 final

2024/0072(NLE)

Proposta għal

DEĊIŻJONI TAL-KUNSILL

dwar l-għoti ta’ assistenza makrofinanzjarja għal perjodu ta’ żmien qasir lir-Repubblika Għarbija tal-Eġittu

{SWD(2024) 461 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

L-Unjoni Ewropea (“UE”) u l-Eġittu qablu li japprofondixxu r-relazzjoni tagħhom u jiżviluppaw sħubija strateġika u komprensiva għal prosperità, stabbiltà u sigurtà kondiviżi, ibbażata fuq interess konġunt u fiduċja reċiproka u li tibni fuq l-aġenda pożittiva diġà eżistenti fir-relazzjonijiet bejn l-UE u l-Eġittu. Is-Sħubija Strateġika u Komprensiva se tkopri oqsma speċifiċi ta’ kooperazzjoni deskritti fid-Dikjarazzjoni Konġunta, miġbura f’sitt pilastri ta’ intervent, jiġifieri: relazzjonijiet politiċi; stabbiltà ekonomika; investiment u kummerċ; migrazzjoni; kooperazzjoni fis-sigurtà u fl-infurzar tal-liġi; demografija u kapital uman. L-implimentazzjoni tal-kooperazzjoni f’dawn l-oqsma se tisfrutta l-potenzjal sħiħ tar-relazzjoni bejn l-UE u l-Eġittu.

Is-sħubija se tkun issostanzjata minn pakkett finanzjarju li jikkonsisti f’appoġġ għal perjodu ta’ żmien qasir u twil għall-aġenda ta’ riforma makrofiskali u soċjoekonomika meħtieġa, kif ukoll żieda fl-ammonti disponibbli biex jiġu appoġġati l-investimenti fl-Eġittu u appoġġ immirat għall-implimentazzjoni tal-prijoritajiet strateġiċi differenti.

Dan il-pakkett finanzjarju se jiġi pprovdut f’sitwazzjoni ekonomika diffiċli fejn l-Eġittu għad għandu ħtiġijiet ta’ finanzjament imdaqqsa u mhux issodisfati. F’dan il-kuntest, l-awtoritajiet Eġizzjani talbu appoġġ permezz ta’ assistenza makrofinanzjarja (“AMF”) mill-UE fit-12 ta’ Marzu 2024 wara li fis-6 ta’ Marzu 2024, tħabbar ftehim fil-livell tal-persunal tal-Fond Monetarju Internazzjonali (“FMI”) dwar Faċilità ta’ Fond Estiża miżjuda ta’ USD 8 biljun.

Wara li wriet ċertu reżiljenza matul il-pandemija, parzjalment bis-saħħa tar-riformi fil-kuntest ta’ programmi suċċessivi tal-FMI mill-2016, is-sitwazzjoni makrofiskali tal-Eġittu marret ċarament għall-agħar matul dawn l-aħħar xhur. Matul dawn l-aħħar sentejn, il-pressjonijiet esterni intensifikaw u d-dejn tal-Eġittu kompla jiżdied, u dan jirrifletti wkoll implimentazzjoni aktar kajmana tar-riformi maqbula fil-Ftehim fil-Livell tal-Persunal mal-FMI ta’ Ottubru 2022. Ir-riperkussjonijiet tal-gwerra tar-Russja fuq l-Ukrajna u l-attakki terroristiċi tal-Ħamas fl-Iżrael fis-7 ta’ Ottubru 2023 wasslu għal ħruġ ta’ kapital fit-tul u esportazzjonijiet tas-servizzi aktar baxxi, b’mod partikolari mit-turiżmu u mir-rikavati mill-Kanal ta’ Suez. Dan huwa partikolarment ta’ sfida fis-sitwazzjoni fiskali diffiċli tal-Eġittu b’dejn pubbliku li qed jikber u defiċits persistenti, kif ukoll defiċit kroniku fil-kont kurrenti. Minn April 2023, l-aġenziji ta’ klassifikazzjoni ewlenin waqqgħu l-klassifikazzjonijiet tal-Eġittu, u eventwalment assenjaw id-dejn sovran tal-pajjiż għal taħt il-grad ta’ investiment wara li faqqgħet il-gwerra ta’ Gaża. L-Eġittu qed ikompli jiffaċċja sfidi sinifikanti ħafna, inkluż l-inflazzjoni għolja, l-impronta ekonomika stabbilita tal-istat, l-ineffiċjenzi fis-suq tal-kambju, u l-effetti konsegwenzjali mill-kunflitt f’Gaża, li komplew idgħajfu l-istabbiltà ekonomika tal-Eġittu u poġġew pressjoni fuq il-pożizzjoni esterna u fiskali tal-pajjiż filwaqt li żiedu l-vulnerabbiltà ġenerali tal-pajjiż għal xokkijiet esterni.

Fl-isfond tad-deterjorament tal-istabbiltà reġjonali u r-rwol importanti tal-Eġittu fir-reġjun, il-konklużjoni ta’ ftehim fil-livell tal-persunal dwar programm ġdid tal-FMI u wara valutazzjoni fil-fond tas-sitwazzjoni ekonomika fl-Eġittu u fil-kuntest tas-Sħubija Strateġika u Komprensiva bejn l-Eġittu u l-UE, il-Kummissjoni qed tippreżenta lill-Kunsill proposta biex tipprovdi AMF għal perjodu ta’ żmien qasir ġdida sa EUR 1 biljun għall-benefiċċju tal-Eġittu, bħala parti minn pakkett globali tal-AMF sa EUR 5 biljun f’self.

L-AMF proposta tgħin lill-Eġittu jkopri parti mid-diskrepanza fil-finanzjament globali estern tiegħu, li hija stmata għal madwar USD 17,7 biljun, fil-kuntest tal-programm il-ġdid tal-FMI matul il-perjodu 2024-2027. Il-ħtiġijiet ta’ finanzjament huma partikolarment akuti fit-tieni nofs tal-2024, b’diskrepanza fil-finanzjament globali sostanzjali stmata mill-FMI għal USD 9,3 biljun fis-sena fiskali li jmiss (SF, Lulju-Ġunju) 2024/25. Għalhekk, huwa essenzjali li jiġi żgurat li l-ewwel kontribuzzjoni sinifikanti permezz tal-AMF tkun diġà tista’ tiġi pprovduta sa tmiem din is-sena. Din tidher impossibbli jekk id-deċiżjoni tiġi adottata f’konformità mal-Artikolu 212 tat-Trattat dwar il-Funzjonament tal-Unjoni Ewropea (“TFUE”) skont il-proċedura leġiżlattiva ordinarja, b’kont meħud tar-restrizzjonijiet imposti mit-tmiem li jmiss tal-leġiżlatura tal-Parlament flimkien maż-żmien li jkun għadu meħtieġ minn hemm ’il quddiem biex l-AMF tiġi ppromulgata bis-sħiħ, inkluż biex jintlaħaq qbil dwar sett ta’ riformi ta’ politika li jirfdu l-assistenza. Għalhekk huwa ġġustifikat li jintuża b’mod eċċezzjonali l-Artikolu 213 tat-TFUE li jipprevedi l-adozzjoni tad-deċiżjoni mill-Kunsill għall-ewwel parti tal-pakkett tal-MFA attwali biss.

L-iżborż isir f’pagament parzjali wieħed, strettament marbut ma’ progress sodisfaċenti fl-implimentazzjoni kemm tal-programm tal-FMI kif ukoll fir-rigward tal-għadd ta’ miżuri ta’ politika li għandu jintlaħaq qbil dwarhom bejn il-Kummissjoni u l-awtoritajiet Eġizzjani u elenkati f’Memorandum ta’ Qbil (MtQ). Fil-prinċipju, il-MtQ jista’ jinkludi riformi għall-promozzjoni tar-rwol tas-settur privat fl-ekonomija, ir-riformi tal-politika monetarja u dwar ir-rati tal-kambju, it-tkomplija tar-riformi tal-Ġestjoni tal-Finanzi Pubbliċi (ĠFP) u t-titjib tal-mekkaniżmu ta’ appoġġ soċjali.

Kif elaborat aktar fid-Dokument ta’ Ħidma tal-Persunal tal-Kummissjoni li jakkumpanja din il-proposta, il-Kummissjoni tqis, abbażi wkoll tal-valutazzjoni tas-sitwazzjoni politika magħmula mis-Servizz Ewropew għall-Azzjoni Esterna, li l-prekundizzjonijiet ekonomiċi għall-operazzjoni tal-AMF proposta huma ssodisfati, filwaqt li l-progress fir-rigward tal-prekundizzjoni politika se jiġi mmonitorjat kontinwament sabiex jiġi żgurat li l-konformità mal-kriterji timxi f’direzzjoni sodisfaċenti.

•Kuntest ġenerali

It-tkabbir naqas b’konsegwenza ta’ fatturi kemm domestiċi kif ukoll esterni. Wara rkupru qawwi wara l-pandemija ta’ 6,7 % matul is-sena fiskali 21/22, it-tkabbir tal-PDG reali naqas għal 3,8 % fis-sena fiskali 22/23 u kompla jonqos għal 2,6 % sena wara sena matul it-trimestru bejn Lulju u Settembru 2023. L-inflazzjoni għolja, l-inċertezza marbuta mar-rata tal-kambju u l-implimentazzjoni kajmana tar-riforma kienu ta’ piż fuq il-konsum u l-investiment. L-esportazzjonijiet tas-servizzi li qabel kienu b’saħħithom ġew taħt pressjoni hekk kif il-kunflitt fil-Gaża jxekkel it-turiżmu u l-attakki mill-Houthi fil-Baħar l-Aħmar naqqsu r-rikavati mill-Kanal ta’ Suez. L-attività tas-settur privat mhux taż-żejt, imkejla mill-Purchasing Managers’ Index, baqgħet restrittiva f’Jannar 2024 hekk kif iddgħajfu il-kotba tal-ordnijiet u naqas l-output. L-aspettattivi tan-negozju ddeterjoraw taħt id-domanda tal-klijenti f’diffikultà. Sa Diċembru 2023, il-qgħad naqas bi ftit għal 6,9 %.

L-inflazzjoni baqgħet għolja, fost rata tal-kambju parallela volatili, li ddevjat sostanzjalment mir-rata tal-kambju uffiċjali li kienet prattikament stabbli matul il-biċċa l-kbira tal-2023 u l-bidu tal-2024. L-inflazzjoni tal-prezzijiet għall-konsumatur kienet ta’ 29,8 % sena wara sena f’Jannar 2024, wara medja annwali ta’ 33,8 % fl-2023. Sinifikattivament, iż-żidiet fil-prezzijiet tal-ikel immoderaw xi ftit iżda kienu għadhom għoljin, 47,9 % f’Jannar, fejn l-infiq korrispondenti jammonta għal madwar terz tal-qoffa tal-konsumaturi. Qabel il-kriżi attwali, madwar 30 % tal-popolazzjoni diġà kienet fil-faqar, u b’hekk kienet partikolarment affettwata mill-inflazzjoni ogħla tal-prezzijiet tal-ikel. Filwaqt li r-riżervi uffiċjali żdiedu bi ftit sa USD 35,3 biljun jew b’madwar 7 xhur u nofs ta’ importazzjonijiet f’Jannar, u l-assi barranin netti totali tas-sistema finanzjarja laħqu pożizzjoni negattiva ta’ USD 27,2 biljun f’Diċembru 2023, it-tnejn huma mistennija li jitjiebu minħabba l-influssi mill-investiment tal-Emirati Għarab Magħquda (EGħM) ta’ USD 35 biljun imħabbra fit-23 ta’ Frar 2024 u r-reġim flessibbli l-ġdid tar-rata tal-kambju. Peress li r-rata tal-kambju uffiċjali ġiet iffissata għal madwar 31 lira Eġizzjana għal kull dollaru Amerikan mill-aħħar żvalutar fi Frar 2023 sa Marzu 2024, in-nuqqasijiet fil-munita barranija wasslu għal suq parallel li qed jiżdied b’rati li jvarjaw bejn 50 u 70 EGP/USD. Meta fis-6 ta’ Marzu 2024, ġie ffirmat l-FLS mal-FMI, l-awtoritajiet ippromulgaw reġim ta’ munita flessibbli u l-EGP ġie saldat għal madwar 50 EGP/USD. Il-Bank Ċentrali tal-Eġittu (CBE, Central Bank of Egypt) akkumpanja l-bidla għal rata tal-kambju flessibbli b’żieda mdaqqsa fir-rata tal-imgħax ta’ 600 bps f’tentattiv biex titrażżan l-inflazzjoni.

Is-sitwazzjoni tal-finanzi pubbliċi għadha ta’ sfida kbira. Id-defiċit fiskali ddeterjora bħala riżultat tal-pagamenti tal-imgħax li dejjem qed jiżdiedu filwaqt li d-dejn pubbliku għadu għoli. Fis-sena fiskali 22/23, id-defiċit baġitarju globali kien baqa’ ġeneralment stabbli għal madwar 6 % tal-PDG. Madankollu, l-ewwel nofs tas-sena fiskali 23/24 (Lulju-Diċembru 2023) ra żieda ta’ 75,3 % sena wara sena fid-defiċit f’termini nominali hekk kif it-tkabbir fin-nefqa qabeż it-tkabbir fid-dħul, notevolment dovut għall-irduppjar fil-pagamenti tal-imgħax li issa jakkapparaw sa 97,8 % tad-dħul totali tal-baġit matul l-istess perjodu. Għas-sena fiskali 23/24 kollha kemm hi, il-FMI jipprojetta li l-pagamenti tal-imgħax jilħqu 87,2 % tad-dħul totali tal-baġit. Id-defiċit baġitarju globali ta’ 6,3 % tal-PGD fis-sena fiskali 23/24. Id-dejn pubbliku kien ta’ 95,9 % tal-PDG fl-aħħar tas-sena fiskali 22/23, żieda minn 88,5 % tas-sena fiskali ta’ qabel u l-ogħla li qatt kien mill-2017, u huwa pproġettat li jiżdied għal 96,4 % f’din is-sena fiskali.

Il-kont kurrenti tjieb iżda l-kriżijiet reġjonali joħolqu riskji sostanzjali. Fl-istess ħin, il-ftehim ta’ investiment tal-EGħM probabbilment se jżid l-importazzjonijiet. Wara defiċit ta’ 3,5 % fis-sena fiskali 21/22, id-defiċit tal-kont kurrenti naqas għal 1,2 % fl-aħħar sena fiskali u tjieb bi 12 % oħra sena b’sena f’termini nominali matul it-trimestru ta’ Lulju-Settembru tal-2023. Filwaqt li t-turiżmu u r-rikavati mill-Kanal ta’ Suez ipprovdew appoġġ qawwi, l-esportazzjonijiet tal-oġġetti battew. Ir-rimessi naqsu b’mod qawwi hekk kif l-Eġizzjani barra mill-pajjiż evitaw ir-rata tal-kambju uffiċjali sopravalutata. Kompressjoni qawwija tal-importazzjoni għenet biex id-defiċit globali jinżamm taħt kontroll. Id-data ta’ frekwenza għolja tindika li r-rikavati mit-turiżmu u mill-Kanal ta’ Suez, li normalment huma sors ta’ introjtu qawwi, minn dak iż-żmien ’l hawn intlaqtu partikolarment ħażin mill-kunflitt f’Gaża u l-attakki tal-Baħar l-Aħmar u r-riskji negattivi korrispondenti għadhom sostanzjali. L-unifikazzjoni tas-sistema tar-rata tal-kambju li qabel kienet frammentata x’aktarx li tgħin biex ir-rimessi jerġgħu lura f’kanali uffiċjali. Fl-istess ħin, l-implimentazzjoni tal-ftehim ta’ investiment tal-EGħM fuq il-post fil-bidu tal-2025 probabbilment se żżid l-importazzjonijiet.

Fis-sena fiskali 22/23, l-Eġittu kważi laħaq l-għan tiegħu ta’ USD 10 biljun f’influssi ta’ IDB, żieda ta’ 12,3 % fuq is-sena fiskali 21/22. Dan kien jinkludi l-bejgħ ta’ assi pubbliċi skont il-politika l-ġdida dwar is-sjieda tal-istat. Il-ftehim ta’ investiment tal-EGħM se jipprovdi spinta ulterjuri lill-IDB, għalkemm għadu mhux ċar jekk l-investiment immexxi mill-istat mill-fond sovran tal-Emirati hux se jwassal ukoll għal investiment immexxi mis-suq minn bnadi oħra. Il-flussi ta’ investiment tal-portafoll, li għalkemm volatili, qabel kienu sors sinifikanti ta’ munita b’saħħitha, għadhom ma rritornawx lejn l-Eġittu wara l-ħruġ massiv li beda meta bdiet il-gwerra tar-Russja kontra l-Ukrajna, li jirriflettu vulnerabbiltà ewlenija għall-Eġittu. Ix-xogħol b’lura eżistenti sa issa ta’ riformi domestiċi, inkluża l-unifikazzjoni tar-rata tal-kambju tant mistennija u, aktar reċentement, l-inċertezza minħabba l-gwerra f’Gaża x’aktarx li komplew jiskoraġġixxu l-influssi tal-kapital. Moody’s naqqset il-prospettiva tal-kreditu sovran tal-Eġittu minn stabbli għal negattiva f’nofs Jannar 2024, u kkwotat ir-riskji minn żieda fis-servizz tal-imgħax, ir-riekwilibriju tar-rata tal-kambju u l-pressjonijiet esterni li dejjem jiżdiedu. Aktar kmieni f’Ottubru 2023, Moody’s, S&P u Fitch kollha deklassifikaw id-dejn sovran tal-Eġittu għal taħt il-grad ta’ investiment minħabba inflazzjoni rekord, nuqqas kroniku ta’ munita barranija u d-dejn pubbliku li qed jikber tal-gvern.

•Konsistenza mad-dispożizzjonijiet eżistenti fil-qasam ta’ politika

L-ebda

•Konsistenza ma’ politiki oħra tal-Unjoni

2.BAŻI LEGALI, SUSSIDJARJETÀ U PROPORZJONALITÀ

•Bażi legali

Il-bażi legali għal din il-proposta hija l-Artikolu 213 tat-Trattat dwar il-Funzjonament tal-Unjoni Ewropea (“TFUE”). Il-ħtiġijiet ta’ finanzjament tal-Eġittu huma partikolarment akuti fit-tieni nofs tal-2024, fid-dawl tad-diskrepanza fil-finanzjament globali sostanzjali stmata għal USD 9,3 biljun fis-sena fiskali li jmiss 2024/25, u għalhekk huwa essenzjali li jkun jista’ jiġi żborżat l-appoġġ tal-AMF sa tmiem is-sena. Dan jiżgura li jekk id-deċiżjoni tiġi adottata mill-Parlament u mill-Kunsill f’konformità mal-Artikolu 212 tat-TFUE skont il-proċedura leġiżlattiva ordinarja, b’kont meħud tar-restrizzjonijiet imposti mit-tmiem li jmiss tal-leġiżlatura tal-Parlament flimkien maż-żmien li jkun għadu meħtieġ minn hemm ’il quddiem, ikun impossibbli li l-AMF tiġi ppromulgata bis-sħiħ, inkluż biex jintlaħaq qbil dwar sett ta’ riformi ta’ politika li jirfdu l-assistenza. Għalhekk huwa ġġustifikat li jintuża l-Artikolu 213 tat-TFUE li jipprevedi l-adozzjoni tad-deċiżjoni mill-Kunsill, mingħajr preġudizzju għall-operazzjonijiet futuri tal-AMF.

•Sussidjarjetà (għal kompetenza mhux esklużiva)

Il-prinċipju tas-sussidjarjetà japplika peress li l-objettivi tar-restawr tal-istabbiltà makroekonomika għal perjodu ta’ żmien qasir fl-Eġittu ma jistgħux jintlaħqu biżżejjed mill-Istati Membri waħedhom u jistgħu għalhekk jintlaħqu aħjar mill-Unjoni Ewropea. Ir-raġunijiet ewlenin huma r-restrizzjonijiet baġitarji ffaċċati fil-livell nazzjonali u l-ħtieġa għal koordinazzjoni b’saħħitha tad-donaturi sabiex l-iskala u l-effikaċja tal-assistenza jiġu kemm jista’ jkun massimizzati.

•Proporzjonalità

Il-proposta hija konformi mal-prinċipju tal-proporzjonalità: hija tillimita ruħha għall-minimu meħtieġ sabiex jintlaħqu l-objettivi tal-istabbiltà makroekonomika għal perjodu ta’ żmien qasir u ma tmurx lil hinn minn dak li huwa meħtieġ għal dak l-iskop.

Kif imsemmi hawn fuq, l-operazzjoni tal-AMF proposta f’din id-deċiżjoni tkun l-ewwel parti ta’ pakkett ta’ appoġġ tal-AMF globali sa EUR 5 biljun, maqsuma fl-operazzjoni attwali tal-AMF sa EUR 1 biljun, u t-tieni operazzjoni regolari tal-AMF sa EUR 4 biljun. 1 Kif identifikat mill-Kummissjoni, fuq il-bażi tal-istimi tal-FMI fil-kuntest tal-Faċilità ta' Fond Estiża futura, l-ammont taż-żewġ operazzjonijiet tal-AMF proposti ġodda jikkorrispondi għal 56,7 % tad-diskrepanza fil-finanzjament residwu stmata għall-perjodu bejn is-sena fiskali 24/25 u s-sena fiskali 26/27. Dan huwa konsistenti mal-prattiki standard dwar il-kondiviżjoni tal-piżijiet għall-operazzjonijiet tal-AMF (għal pajjiż bi Ftehim ta’ Assoċjazzjoni, il-limitu massimu jkun ta’ 60 % skont il-konklużjonijiet tal-Kunsill tat-8 ta’ Ottubru 2002), filwaqt li titqies l-assistenza mwiegħda lill-Eġittu minn donaturi bilaterali u multilaterali oħra.

•Għażla tal-istrument

Il-finanzjament jew l-assistenza teknika għall-proġetti ma jkunux adattati jew suffiċjenti biex jindirizzaw l-objettivi makroekonomiċi. Il-valur miżjud ewlieni tal-AMF, meta mqabbel ma’ strumenti oħrajn tal-UE, huwa li din l-assistenza ttaffi r-restrizzjoni finanzjarja esterna u tgħin sabiex jinħoloq qafas makroekonomiku stabbli, inkluż billi tippromwovi bilanċ tal-pagamenti u sitwazzjoni baġitarja sostenibbli, kif ukoll qafas xieraq għat-trawwim ta’ riformi strutturali fuq bażi wiesa’. Billi tgħin biex jiġi stabbilit qafas ta’ politika ġenerali xieraq, l-AMF tista’ żżid l-effikaċja tal-azzjonijiet iffinanzjati fl-Eġittu permezz ta’ strumenti oħrajn tal-UE aktar iffukati.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Konsultazzjonijiet mal-partijiet ikkonċernati

L-AMF qed tingħata bħala parti integrali mill-appoġġ internazzjonali għall-istabbilizzazzjoni ekonomika tal-Eġittu. Fit-tħejjija ta’ din il-proposta għall-AMF, is-servizzi tal-Kummissjoni kkonsultaw mal-FMI u mal-Bank Dinji, li diġà waqqfu programmi ta’ finanzjament konsiderevoli u qed iħejju oħrajn ġodda. Il-Kummissjoni kkonsultat il-Kumitat Ekonomiku u Finanzjarju Supplenti fit-12 ta’ Marzu 2024, fejn ingħatat approvazzjoni għall-abozz ta’ proposta. Il-Kummissjoni tinsab ukoll f’kuntatt regolari mal-awtoritajiet Eġizzjani.

•Ġbir u użu tal-għarfien espert

F’konformità mar-rekwiżiti tar-Regolament (UE, Euratom) 2018/1046 2 (“ir-Regolament Finanzjarju”), is-servizzi tal-Kummissjoni se jwettqu fil-ħin għall-implimentazzjoni tal-assistenza, Valutazzjoni Operazzjonali (OA, Operational Assessment) taċ-ċirkwiti finanzjarji u amministrattivi tal-Eġittu sabiex jiżguraw li l-proċeduri stabbiliti għall-ġestjoni tal-programm, inkluża l-assistenza makrofinanzjarja, jipprovdu garanziji adegwati.

•Valutazzjoni tal-impatt

L-assistenza makrofinanzjarja tal-UE hija strument ta’ emerġenza eċċezzjonali li għandu l-għan li jindirizza d-diffikultajiet kritiċi għall-pagament tal-bilanċ f’pajjiżi terzi. Għalhekk, din il-proposta dwar l-AMF hija eżentata mir-rekwiżit li titwettaq Valutazzjoni tal-Impatt skont il-Linji Gwida għal Regolamentazzjoni Aħjar tal-Kummissjoni (SWD(2015)111 final) peress li hemm l-eżiġenza politika li jsir progress malajr f’sitwazzjoni li tkun teħtieġ reazzjoni rapida.

B’mod aktar ġenerali, il-proposti tal-AMF tal-Kummissjoni jibnu fuq it-tagħlimiet meħuda minn evalwazzjonijiet ex post imwettqa fuq operazzjonijiet tal-passat fil-viċinat tal-UE. L-operazzjoni attwali tal-AMF u l-programm ta’ riformi u aġġustamenti ekonomiċi assoċjati magħha, għandhom jgħinu sabiex tittaffa d-diskrepanza fil-finanzjament tal-Eġittu għal perjodu ta’ żmien qasir, filwaqt li jappoġġaw il-miżuri ta’ politika maħsuba biex isaħħu l-bilanċ tal-pagamenti għal perjodu ta’ żmien medju u s-sostenibbiltà fiskali, u biex jiżdied it-tkabbir sostenibbli, biex b’hekk jikkomplimentaw il-programm li għandu jiġi adottat mill-Bord Eżekuttiv tal-FMI. Jenħtieġ li dawn il-kundizzjonijiet ta’ politika jindirizzaw xi wħud mid-dgħufijiet fundamentali murija matul is-snin mill-ekonomija Eġizzjana u mis-sistema tal-governanza ekonomika. Fil-prinċipju, oqsma possibbli ta’ miżuri ta’ riforma tal-politika jistgħu, jinkludu riformi dwar l-għoti tas-setgħa lis-settur privat, ir-riformi tal-politika monetarja u dwar ir-rati tal-kambju, it-tkomplija tar-riformi tal-Ġestjoni tal-Finanzi Pubbliċi (ĠFP) u t-tisħiħ tal-mekkaniżmu ta’ appoġġ soċjali, filwaqt li jwittu t-triq għat-tieni parti tal-pakkett tal-AMF u jikkomplementaw sforzi oħra appoġġati skont is-Sħubija Komprensiva u Strateġika.

•Drittijiet fundamentali

L-isfidi tad-drittijiet tal-bniedem fl-Eġittu għadhom sinifikanti, b’mod partikolari fir-rigward tal-protezzjoni tal-libertajiet fundamentali, il-governanza u l-istat tad-dritt. Madankollu, f’dawn l-aħħar ftit snin, it-tmexxija politika fl-Eġittu ħadet diversi passi li jagħmlu enfasi akbar fuq l-importanza tar-rispett tad-drittijiet tal-bniedem; aboliet l-istat ta’ emerġenza (minbarra f’żoni fis-Sinaj), nediet l-ewwel Strateġija Nazzjonali għad-Drittijiet tal-Bniedem li qatt saret, reġgħet nediet il-Kumitat Presidenzjali tal-Amnestija, li ħeles aktar minn 1000 priġunier politiku u bdiet id-Djalogu Nazzjonali. Barra minn hekk, l-Eġittu intensifika l-impenn tiegħu dwar id-drittijiet tal-bniedem mal-UE, u ppermetta għall-ewwel darba ż-żjara tar-Rappreżentant Speċjali tal-Unjoni Ewropea għad-Drittijiet tal-Bniedem fil-Kajr fl-2022. Dan l-aħħar l-Eġittu beda wkoll jinvolvi ruħu f’fora internazzjonali u qed jikkoopera mal-OHCHR tan-NU fi proġett iffinanzjat mill-UE li għandu l-għan li jistabbilixxi sħubija bejn l-UE u n-NU, li tgħaqqad is-sinerġiji biex tissaħħaħ kultura tad-drittijiet tal-bniedem fl-Eġittu. L-Eġittu ddikjara wkoll fl-Istrateġija Nazzjonali tiegħu għad-Drittijiet tal-Bniedem l-intenzjoni tiegħu li jirriforma l-liġi dwar l-arrest preventiv, itejjeb il-kundizzjonijiet ta’ detenzjoni, jillimita l-għadd ta’ atti kriminali kkastigati bil-mewt u jsaħħaħ il-kultura tad-drittijiet tal-bniedem fl-istituzzjonijiet kollha tal-gvern. Jeħtieġ implimentazzjoni effettiva, peress li sa issa sar progress fl-aspetti istituzzjonali.

Fid-dawl ta’ dan ta’ hawn fuq jista’ jiġi vvalutat li l-Eġittu ħa xi passi rilevanti biex jissodisfa l-kriterji. Fl-istess ħin, jeħtieġ li jitkompla l-progress effettiv fl-implimentazzjoni, b’mod partikolari fil-qafas tal-Istrateġija Nazzjonali għad-Drittijiet tal-Bniedem tal-Eġittu stess. Il-progress se jiġi mmonitorjat kontinwament matul l-implimentazzjoni tal-AMF sabiex jiġi żgurat li l-konformità mal-kriterji timxi f’direzzjoni sodisfaċenti.

4.IMPLIKAZZJONIJIET BAĠITARJI

Peress li hija l-ewwel parti ta’ pakkett tal-AMF globali sa EUR 5 biljun f’self, l-operazzjoni tal-AMF proposta għall-Eġittu sa EUR 1 biljun hija prevista li tiġi żborżata f’pagament parzjali wieħed, li għandu jiġi rilaxxat fit-tieni nofs tal-2024. Se jiġu pprovduti dispożizzjonijiet skont il-Garanzija għall-Azzjoni Esterna għal rata ta’ proviżjonament ta’ 9 %, li se jkun ipprogrammat skont l-NDICI-Ewropa Globali, għal ammont totali ta’ EUR 90 miljun (linja baġitarja 14 02 01 70 “NDICI – Ewropa Globali – Proviżjonament tal-Fond ta’ Proviżjonament Komuni”).

Is-self għandu jingħata fil-forma ta’ self ta’ amortizzazzjoni b’perjodu ta’ grazzja u ripagamenti kapitali sussegwenti f’porzjonijiet ugwali fuq perjodu itwal. Tali struttura ta’ self se tkun ta’ benefiċċju kemm għall-benefiċjarju, fis-sens li tiffaċilita r-ripagamenti, kif ukoll għall-baġit, billi tifrex l-obbligazzjonijiet kontinġenti fuq perjodu ta’ żmien twil.

5.ELEMENTI OĦRAJN

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

L-Unjoni Ewropea għandha tagħmel l-AMF disponibbli għall-Eġittu b’ammont totali sa EUR 1 biljun, ipprovduta f’forma ta’ selfiet b’perjodu ta’ żmien minn medju sa twil, li se tikkontribbwixxi biex jiġu koperti l-ħtiġijiet ta’ finanzjament residwi tal-2024 tal-Eġittu. L-assistenza hija ppjanata li tiġi żborżata f’pagamenti parzjali wieħed, dment li l-miżuri ta’ politika jkunu ġew implimentati fil-ħin u li l-prekundizzjonijiet rilevanti oħra jibqgħu ssodisfati.

L-assistenza se tkun ġestita mill-Kummissjoni. Japplikaw dispożizzjonijiet speċifiċi dwar il-prevenzjoni tal-frodi u ta’ irregolaritajiet oħrajn, b’mod konsistenti mar-Regolament Finanzjarju.

Il-Kummissjoni u l-awtoritajiet Eġizzjani se jaqblu dwar Memorandum ta’ Qbil li jistipula l-miżuri ta’ riforma strutturali assoċjati mal-operazzjoni tal-AMF proposta, inklużi aspetti ta’ żmien u sekwenzjar. Barra minn hekk, kif normalment ikun il-każ bl-AMF, l-iżborżi jkunu fost l-oħrajn kundizzjonali fuq rieżamijiet sodisfaċenti skont il-programm tal-FMI. Il-Kummissjoni se taħdem mill-qrib mal-awtoritajiet Eġizzjani biex timmonitorja l-progress fl-azzjonijiet ta’ politika u l-prekundizzjonijiet, kif speċifikat hawn fuq.

2024/0072 (NLE)

Proposta għal

DEĊIŻJONI TAL-KUNSILL

dwar l-għoti ta’ assistenza makrofinanzjarja għal perjodu ta’ żmien qasir lir-Repubblika Għarbija tal-Eġittu

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 213 tiegħu,

Wara li kkunsidraw il-proposta mill-Kummissjoni Ewropea,

Billi:

(1)L-Eġittu esperjenza pressjoni akbar ta’ finanzjament estern fost tensjonijiet reġjonali li żdiedu. F’dan il-kuntest, huwa ta’ importanza kbira li tiġi żgurata assistenza finanzjarja rapida u f’waqtha fid-dawl tal-ħtiġijiet finanzjarji partikolarment akuti tal-Eġittu fit-tieni nofs tal-2024. Sabiex l-assistenza finanzjarja tkun tista’ tasal għand l-Eġittu fl-2024, l-użu eċċezzjonali tal-proċedura ta’ urġenza skont l-Artikolu 213 tat-TFUE huwa xieraq, anke sabiex l-awtoritajiet Eġizzjani jingħataw biżżejjed żmien biex jimplimentaw il-miżuri ta’ riforma ta’ akkumpanjament li jeħtieġ li jiġu vvalutati mill-Kummissjoni Ewropea qabel l-eżekuzzjoni tal-iżborż.

(2)Ir-relazzjonijiet bejn l-Unjoni Ewropea u r-Repubblika Għarbija tal-Eġittu (“l-Eġittu”) huma żviluppati fil-qafas tal-Ftehim ta’ Assoċjazzjoni UE-Eġittu, li ilu fis-seħħ sa mill-2004. L-UE u l-Eġittu adottaw l-aħħar Prijoritajiet tas-Sħubija UE-Eġittu (2021-2027) fid-disa’ Kunsill ta’ Assoċjazzjoni UE-Eġittu fid-19 ta’ Ġunju 2022. Il-Prijoritajiet tas-Sħubija jikkonfermaw mill-ġdid l-għan konġunt li jiġu indirizzati l-isfidi komuni li qed jiffaċċjaw l-UE u l-Eġittu, jiġu promossi l-interessi konġunti u jiġu garantiti l-istabbiltà fit-tul u l-iżvilupp sostenibbli fuq iż-żewġ naħat tal-Mediterran. L-impenn kondiviż għall-valuri universali tad-demokrazija, l-istat tad-dritt u r-rispett għad-drittijiet tal-bniedem ikompli jirfed il-Prijoritajiet tas-Sħubija, kif rifless ukoll fil-Programm Indikattiv Pluriennali UE-Eġittu għall-perjodu 2021-2027.

(3)Il-Prijoritajiet tas-Sħubija jirriflettu l-impenn kondiviż tal-UE u l-Eġittu biex isaħħu l-kooperazzjoni b’appoġġ għall-“Viżjoni dwar l-Istrateġija għall-Iżvilupp Sostenibbli għall-2030” tal-Eġittu u d-determinazzjoni tal-UE li taġixxi fuq impetu mġedded biex issaħħaħ is-sħubija mal-Viċinat tan-Nofsinhar tagħha. B’mod aktar preċiż, fil-Konklużjonijiet tal-Kunsill Ewropew tal-10 u l-11 ta’ Diċembru 2020 3 , l-UE identifikat Viċinat tan-Nofsinhar demokratiku, aktar stabbli, aktar ekoloġiku u aktar prosperu bħala prijorità strateġika. L-Aġenda tal-UE għall-Mediterran u l-Pjan Ekonomiku u ta’ Investiment tagħha għall-Ġirien tan-Nofsinhar stabbiliti fil-Komunikazzjoni Konġunta tal-UE dwar il-Viċinat tan-Nofsinhar tad-9 ta’ Frar 2021, jippreżentaw l-objettivi tal-UE biex jinkisbu rkupru soċjoekonomiku u reżiljenza fit-tul u sostenibbli u biex isir progress fit-tranżizzjoni doppja ekoloġika u diġitali fir-reġjun.

(4)F’konformità mal-Prijoritajiet tas-Sħubija, l-UE u l-Eġittu huma impenjati li jiżguraw ir-responsabbiltà, l-istat tad-dritt, ir-rispett sħiħ tad-drittijiet tal-bniedem, il-libertajiet fundamentali, il-promozzjoni tad-demokrazija, l-ugwaljanza bejn il-ġeneri u l-opportunitajiet indaqs bħala drittijiet kostituzzjonali taċ-ċittadini kollha tagħhom. Dawn l-impenji jikkontribwixxu għall-avvanz tas-sħubija u għall-iżvilupp sostenibbli u l-istabbiltà tal-Eġittu. L-impenn akbar u kostruttiv bejn l-UE u l-Eġittu fl-aħħar perjodu fetaħ it-triq għal djalogu aktar sinifikanti dwar kwistjonijiet relatati mad-drittijiet tal-bniedem. Is-sottokumitat dwar Kwistjonijiet Politiċi, id-Drittijiet tal-Bniedem u d-Demokrazija, Kwistjonijiet Internazzjonali u Reġjonali ta’ Diċembru 2022 u l-Kumitat ta’ Assoċjazzjoni ta’ Mejju 2023 ipprovdew il-pjattaformi istituzzjonali għal skambju dwar firxa ta’ kwistjonijiet tad-drittijiet tal-bniedem, li l-UE tixtieq tkompli u tibni fuqu. It-titjib tas-sitwazzjoni tad-drittijiet tal-bniedem fl-Eġittu se jkollu wkoll impatt pożittiv fuq ir-relazzjonijiet bejn l-UE u l-Eġittu.

(5)L-assistenza lill-Eġittu hija ffinanzjata prinċipalment permezz tal-Istrument ta’ Viċinat, ta’ Kooperazzjoni għall-Iżvilupp u ta’ Kooperazzjoni Internazzjonali – Ewropa Globali (NDICI-GE) il-ġdid. L-allokazzjoni indikattiva tal-Unjoni għall-Eġittu skont l-NDICI-Ewropa Globali għall-ewwel perjodu (2021-2024) tal-Programm Indikattiv Pluriennali (MIP, Multiannual Indicative Programme) hija ta’ EUR 240 miljun. Dan minbarra l-portafoll ta’ kooperazzjoni li għaddej bħalissa ta’ EUR 1,3 biljun u miżuri oħra ta’ appoġġ baġitarju u ta’ emerġenza b’rispons għall-pandemija u l-gwerra tar-Russja kontra l-Ukrajna li jammontaw għal EUR 307 miljun. Il-prijoritajiet tas-sħubija għall-2021-2027 huma stabbiliti fl-MIP tal-UE-Eġittu, li tħejja f’konsultazzjoni mill-qrib mal-partijiet ikkonċernati rilevanti kollha, u jkopri tliet oqsma wesgħin: i) Ekonomija Moderna Sostenibbli u Żvilupp Soċjali; ii) Sħubija fil-Politika Barranija, u iii) Tisħiħ tal-Istabbiltà. L-istrument NDICI-Ewropa Globali jissostitwixxi l-Istrument Ewropew ta’ Viċinat (ENI, European Neighbourhood Instrument) li skontu l-assistenza bilaterali tal-UE lill-Eġittu għall-perjodu 2014 – 2020 ammontat għal EUR 756 miljun.

(6)L-UE tirrikonoxxi r-rwol ewlieni tal-Eġittu għas-sigurtà u l-istabbiltà reġjonali. It-terroriżmu, il-kriminalità organizzata u l-kunflitti huma theddid komuni kontra s-sigurtà tagħna u n-nisġa soċjali tan-nazzjonijiet madwar iż-żewġ naħat tal-Mediterran. Għalhekk, l-UE u l-Eġittu għandhom interess komuni fit-tisħiħ tal-kooperazzjoni enfasizzata fil-Prijoritajiet tas-Sħubija, f’konformità sħiħa mad-dritt internazzjonali, inkluż id-drittijiet tal-bniedem u d-dritt umanitarju internazzjonali.

(7)Filwaqt li tfakkar fl-isfidi ġeopolitiċi, bħall-konsegwenzi tal-attakki terroristiċi tal-Ħamas fl-Iżrael fis-7 ta’ Ottubru 2023 kif ukoll il-konflitt fis-Sudan, u l-importanza strateġika tal-Eġittu bħala l-akbar pajjiż fir-reġjun u pilastru ta’ stabbiltà għal-Lvant Nofsani kollu, l-Unjoni qed tibda tikkonkludi Sħubija Strateġika u Komprensiva mal-Eġittu kif deskritt fid-Dikjarazzjoni Konġunta.

(8)L-objettiv tas-Sħubija Strateġika u Komprensiva mal-Eġittu huwa li r-relazzjonijiet politiċi bejn l-UE u l-Eġittu jiġu elevati għal sħubija strateġika u li l-Eġittu jkun jista’ jwettaq ir-rwol ewlieni tiegħu li jipprovdi stabbiltà fir-reġjun. Is-sħubija għandha l-għan li tikkontribwixxi għall-appoġġ tar-reżiljenza makroekonomika tal-Eġittu u tippermetti l-implimentazzjoni ta’ riformi soċjoekonomiċi ambizzjużi b’mod li jikkomplementa u jsaħħaħ il-proċess ta’ riforma previst skont il-programm tal-FMI għall-Eġittu. Kif deskritt fid-Dikjarazzjoni Konġunta, is-sħubija se tindirizza sett wiesa’ ta’ miżuri ta’ politika miġbura f’sitt pilastri ta’ intervent, jiġifieri: relazzjonijiet politiċi; stabbiltà ekonomika; investiment u kummerċ; migrazzjoni; kooperazzjoni fis-sigurtà u fl-infurzar tal-liġi; demografija u kapital uman.

(9)Is-sħubija se tkun issostanzjata minn pakkett finanzjarju ta’ EUR 7,4 biljun li jikkonsisti f’appoġġ fuq terminu qasir u twil għall-aġenda ta’ riforma makrofiskali u soċjoekonomika meħtieġa, kif ukoll żieda fl-ammonti disponibbli biex jappoġġaw l-investimenti fl-Eġittu u appoġġ immirat għall-implimentazzjoni tal-prijoritajiet strateġiċi differenti. Parti mill-pakkett ta’ appoġġ hemm il-pakkett tal-AMF tal-UE sa EUR 5 biljun f’self, magħmul minn żewġ operazzjonijiet tal-AMF, waħda għal perjodu ta’ żmien qasir sa EUR 1 biljun u oħra għal perjodu ta’ żmien aktar medju sa EUR 4 biljun, strumenti finanzjarji, bħal garanziji u strumenti ta’ taħlit, immirati lejn il-mobilizzazzjoni ta’ investimenti pubbliċi u privati bl-objettiv li jiġġeneraw investimenti ġodda sostanzjali. Dan se jiġi kkomplementat minn programmi li jappoġġaw prijoritajiet speċifiċi skont is-Sħubija Strateġika u Komprensiva permezz ta’ proġetti individwali u assistenza teknika implimentati skont l-Istrument ta’ Viċinat, ta’ Kooperazzjoni għall-Iżvilupp u ta’ Kooperazzjoni Internazzjonali 4 .

(10)Is-sitwazzjoni makrofiskali tal-Eġittu ffaċċjat sfidi sinifikanti u ddeterjorat sostanzjalment matul dawn l-aħħar xhur, hekk kif il-pressjonijiet esterni intensifikaw u d-dejn pubbliku kompla jiżdied, b’riskji negattivi sostanzjali għall-prospettiva ekonomika persistenti. Ir-riperkussjonijiet tal-gwerra tar-Russja fuq l-Ukrajna u l-attakki terroristiċi tal-Ħamas kontra l-Iżrael wasslu għal ħruġ ta’ kapital fit-tul u riċevuti ta’ munita barranija aktar baxxi, b’mod partikolari minħabba il-waqgħa qawwija fl-introjtu mit-turiżmu u mir-rikavati mill-Kanal ta’ Suez. Dan huwa partikolarment ta’ sfida fost is-sitwazzjoni fiskali diffiċli tal-Eġittu, li hija kkaratterizzata minn defiċits fiskali kostanti u proporzjonijiet għoljin u dejjem akbar ta’ dejn għall-PDG.

(11)L-Eġittu għamel sforzi konsiderevoli ta’ riforma matul l-impenn tiegħu mal-FMI fl-2016-2021. Ir-riformi kienu jinkludu żvalutar sinifikanti tal-munita, akkumpanjat minn riformi tal-politika monetarja ffukati fuq kuritur fil-mira tal-inflazzjoni. Ir-riforma tas-sussidju tal-fjuwil kienet akkumpanjata minn tisħiħ sinifikanti ta’ sistema ta’ trasferiment soċjali mmirata. Il-ġestjoni tal-finanzi pubbliċi ssaħħet bl-iżvilupp ta’ strateġiji tal-immaniġjar tad-dħul u tad-dejn għal perjodu ta’ żmien medju. L-awtoritajiet bdew ukoll itejbu l-governanza tal-intrapriżi tal-istat (SOEs, state-owned enterprises).

(12)Wara l-adozzjoni ta’ programm ta’ segwitu tal-FMI f’Diċembru 2022, il-progress fir-riforma kien inqas notevoli, għalkemm l-Eġittu implimenta passi biex joħloq kundizzjonijiet ekwivalenti ta’ kompetizzjoni bejn il-kumpaniji pubbliċi u privati permezz ta’ liġi biex jiġu aboliti l-privileġġi tat-taxxa tal-SOEs, għalkemm b’eżenzjonijiet abbażi tas-sigurtà nazzjonali, u permezz tal-adozzjoni ta’ politika ta’ sjieda tal-istat, bl-għan li titnaqqas il-preżenza tal-istat fl-ekonomija, li għadha qawwija u li toħloq distorsjoni minkejja l-progress limitat reċenti u tiċċara r-raġunament tal-involviment kontinwu tal-istat f’ċerti setturi strateġiċi. Madankollu, l-Eġittu ma implimentax l-impenn tiegħu li jagħmel il-munita flessibbli b’mod durabbli fl-2023, u dan wassal għal rata tal-kambju uffiċjali fil-biċċa l-kbira stabbli u suq tal-munita parallel sostanzjali b’rata tal-kambju deprezzata b’mod sinifikanti u volatili ħafna. Din il-frammentazzjoni kienet ta’ piż kbir fuq l-investiment barrani u l-attività tan-negozju domestiku.

(13)L-Eġittu reġa’ impenja ruħu mal-FMI fil-bidu tal-2024 u laħaq ftehim fil-livell tal-persunal fis-6 ta’ Marzu 2024 dwar programm imġedded tal-Faċilità ta’ Fond Estiża li tela’ għal USD 8 biljun. Il-programm il-ġdid huwa mistenni li jiġi adottat mid-deċiżjoni tal-Bord Eżekuttiv tal-FMI f’Marzu 2024 u għandu l-għan li jindirizza l-oqsma ta’ 1) il-flessibbiltà kredibbli tar-rata tal-kambju, 2) l-issikkar sostenibbli tal-politika monetarja, 3) il-konsolidazzjoni fiskali biex tiġi ppreservata s-sostenibbiltà tad-dejn, 4) qafas ġdid biex jitrażżan l-infiq fuq l-infrastruttura, 5) l-għoti ta’ livelli adegwati ta’ nfiq soċjali biex jiġu protetti l-gruppi vulnerabbli, u 6) l-implimentazzjoni tal-Politika tas-Sjieda tal-Istat u r-riformi biex ikun hemm kundizzjonijiet ekwivalenti ta’ kompetizzjoni. Flimkien mal-iffirmar tal-ftehim fil-livell tal-persunal, l-Eġittu wettaq ukoll flessibilizzazzjoni tar-rata tal-kambju, u żied ir-rata ta’ politika ewlenija tal-bank ċentrali b’600 punt bażi mdaqqsa, f’konformità mal-prijoritajiet tal-programm tal-FMI.

(14)Fid-dawl tas-sitwazzjoni ekonomika li sejra għall-agħar u l-prospettiva mxekkla minn riskji negattivi sostanzjali fir-rigward ta’ xokkijiet esterni li għaddejjin bħalissa, l-Eġittu talab assistenza makrofinanzjarja komplementari mill-Unjoni fit-12 ta’ Marzu 2024.

(15)Il-kriżi attwali fl-Eġittu u fir-reġjun aggravat il-ħtiġijiet ta’ finanzjament tal-pajjiż, b’diskrepanza fil-finanzjament globali sostanzjali fis-sena fiskali li jmiss (SF, Lulju-Ġunju) 2024/25, b’mod partikolari fit-tieni nofs tal-2024. Għalhekk, huwa essenzjali li jiġi żgurat li l-ewwel kontribuzzjoni sinifikanti permezz tal-AMF tkun diġà tista’ tiġi pprovduta sa tmiem l-2024. Din tidher impossibbli jekk id-deċiżjoni tiġi adottata f’konformità mal-Artikolu 212 tat-TFUE skont il-proċedura leġiżlattiva ordinarja, b’kont meħud tar-restrizzjonijiet imposti mit-tmiem li jmiss tal-leġiżlatura tal-Parlament flimkien maż-żmien li jkun għadu meħtieġ minn hemm ’il quddiem biex l-AMF tiġi ppromulgata bis-sħiħ, inkluż biex jintlaħaq qbil dwar sett ta’ riformi ta’ politika li jirfdu l-assistenza. Għalhekk huwa ġġustifikat li jintuża b’mod eċċezzjonali l-Artikolu 213 tat-TFUE li jipprevedi l-adozzjoni tad-deċiżjoni mill-Kunsill għall-ewwel parti tal-pakkett tal-MFA attwali biss. L-użu tal-Artikolu 213 tat-TFUE se jibqa’ eċċezzjonali u ma jikkostitwix preċedent għal kwalunkwe proposta futura tal-AMF, li fil-prinċipju se tkompli tkun ibbażata fuq l-Artikolu 212 tat-TFUE.

(16)Minħabba li l-Eġittu huwa pajjiż kopert mill-Politika Ewropea tal-Viċinat, jenħtieġ li jitqies bħala eliġibbli biex jirċievi l-assistenza makrofinanzjarja mill-Unjoni.

(17)Jenħtieġ li l-assistenza makrofinanzjarja mill-Unjoni tkun strument eċċezzjonali ta’ appoġġ mingħajr irbit u mhux speċifikat għall-bilanċi tal-pagamenti, bl-għan li tindirizza l-ħtiġijiet finanzjarji esterni immedjati tal-benefiċjarju u jenħtieġ li tirfed l-implimentazzjoni ta’ programm ta’ politika li fih miżuri qawwija ta’ riforma strutturali u ta’ aġġustament immedjat maħsuba biex itejbu l-pożizzjoni tal-bilanċ tal-pagamenti.

(18)Minħabba li għad hemm diskrepanza sinifikanti fil-finanzjament estern residwu tal-bilanċ tal-pagamenti tal-Eġittu lil hinn mir-riżorsi pprovduti mill-FMI u minn istituzzjonijiet multilaterali oħrajn, l-assistenza makrofinanzjarja tal-Unjoni li għandha tingħata lill-Eġittu, fiċ-ċirkostanzi eċċezzjonali attwali qed titqies bħala tweġiba xierqa għat-talba tal-Eġittu li tiġi appoġġata l-istabilizzazzjoni ekonomika flimkien mal-programm tal-FMI. Il-pakkett ta’ assistenza makrofinanzjarja tal-Unjoni, inkluża l-AMF sa EUR 1 biljun skont din il-proposta, jappoġġa l-istabbilizzazzjoni ekonomika u lill-aġenda ta’ riforma strutturali tal-Eġittu, filwaqt li jissupplimenta r-riżorsi magħmula disponibbli skont l-arranġament finanzjarju tal-FMI.

(19)Jenħtieġ li l-assistenza makrofinanzjarja tal-Unjoni jkollha l-għan li tappoġġa l-ħolqien mill-ġdid ta’ sitwazzjoni finanzjarja esterna sostenibbli għall-Eġittu, u b’hekk tappoġġa l-iżvilupp ekonomiku u soċjali tiegħu.

(20)Id-determinazzjoni tal-ammont tal-assistenza makrofinanzjarja tal-Unjoni hija bbażata fuq valutazzjoni kwantitattiva kompleta tal-ħtiġijiet ta’ finanzjament estern residwu tal-Eġittu, u tqis il-kapaċità tiegħu ta’ awtofinanzjament bir-riżorsi proprji tiegħu, partikolarment ir-riżervi internazzjonali għad-dispożizzjoni tiegħu. L-assistenza makrofinanzjarja tal-Unjoni hija parti minn sforz internazzjonali konġunt, li tikkomplementa b’mod effettiv il-programmi u r-riżorsi pprovduti mill-FMI u mill-Bank Dinji. Id-determinazzjoni tal-ammont tal-assistenza tqis ukoll il-kontribuzzjonijiet finanzjarji mistennija mingħand donaturi multilaterali u l-ħtieġa li tiġi żgurata l-kondiviżjoni ġusta tal-piżijiet bejn l-Unjoni u donaturi oħrajn, kif ukoll l-implimentazzjoni diġà eżistenti tal-istrumenti ta’ finanzjament esterni l-oħrajn tal-Unjoni fl-Eġittu l-valur miżjud tal-involviment ġenerali tal-Unjoni.

(21)Jenħtieġ li l-Kummissjoni tiżgura li l-assistenza makrofinanzjarja tal-Unjoni tkun legalment u sostanzjalment konformi mal-prinċipji, l-objettivi u l-miżuri ewlenin meħuda fl-oqsma differenti tal-azzjoni esterna u politiki oħrajn rilevanti tal-Unjoni.

(22)Jenħtieġ li l-assistenza makrofinanzjarja tal-Unjoni tappoġġa l-politika esterna tal-Unjoni fil-konfront tal-Eġittu. Jenħtieġ li s-servizzi tal-Kummissjoni u s-Servizz Ewropew għall-Azzjoni Esterna (SEAE) jaħdmu mill-qrib matul l-operazzjoni ta’ assistenza makrofinanzjarja kollha bil-għan li jikkoordinaw il-politika esterna tal-Unjoni u jiggarantixxu l-konsistenza tagħha.

(23)Jenħtieġ li l-assistenza makrofinanzjarja tal-Unjoni tappoġġa l-impenn tal-Eġittu li jrawwem valuri kondiviżi mal-Unjoni, fosthom id-demokrazija, l-istat tad-dritt, il-governanza tajba, ir-rispett għad-drittijiet tal-bniedem, l-iżvilupp sostenibbli u t-tnaqqis tal-faqar, kif ukoll l-impenn tiegħu lejn il-prinċipji ta’ kummerċ miftuħ, ibbażat fuq regoli, u ġust.

(24)Prekundizzjoni għall-għoti tal-assistenza makrofinanzjarja tal-Unjoni lill-Eġittu jenħtieġ li tkun li l-pajjiż jkompli jagħmel passi konkreti u kredibbli sabiex jiġu rrispettati l-mekkaniżmi demokratiċi effettivi – inklużi sistema parlamentari multipartitika – u l-istat tad-dritt, u li tiggarantixxi r-rispett għad-drittijiet tal-bniedem. Barra minn hekk, jenħtieġ li l-objettivi speċifiċi tal-assistenza makrofinanzjarja tal-Unjoni jsaħħu l-effiċjenza, it-trasparenza u r-responsabbiltà tas-sistemi tal-ġestjoni tal-finanzi pubbliċi, il-governanza u s-superviżjoni tas-settur finanzjarju fl-Eġittu u jippromwovu riformi strutturali bl-għan li jappoġġaw it-tkabbir sostenibbli u inklużiv, il-ħolqien tal-impjiegi diċenti u l-konsolidazzjoni fiskali. Jenħtieġ li l-issodisfar tal-prekundizzjoni kif ukoll il-ksib tal-objettivi speċifiċi jkunu mmonitorjati regolarment mis servizzi tal-Kummissjoni u mis-Servizz Ewropew għall-Azzjoni Esterna.

(25)Biex ikun żgurat li l-interessi finanzjarji tal-Unjoni marbutin mal-assistenza makrofinanzjarja tal-Unjoni jiġu mħarsa b’mod effiċjenti, jenħtieġ li l-Eġittu jieħu miżuri xierqa fir-rigward tal-prevenzjoni tal-frodi, il-korruzzjoni u ta’ kull irregolarità oħra marbuta mal-assistenza u l-ġlieda kontrihom. Barra minn hekk, ftehim ta’ self li għandu jiġi konkluż bejn il-Kummissjoni u l-awtoritajiet Eġizzjani jenħtieġ li jkun fih dispożizzjonijiet li jawtorizzaw lill-Uffiċċju Ewropew Kontra l-Frodi (OLAF, European Anti-Fraud Office) iwettaq investigazzjonijiet, inklużi verifiki fuq il-post u spezzjonijiet, f’konformità mad-dispożizzjonijiet u l-proċeduri stabbiliti fir-Regolament (UE, Euratom) Nru 883/2013 tal-Parlament Ewropew u tal-Kunsill 5 u r-Regolament tal-Kunsill (Euratom, KE) Nru 2185/96 6 , lill-Kummissjoni u lill-Qorti tal-Awdituri biex iwettqu awditi u lill-Uffiċċju tal-Prosekutur Pubbliku Ewropew biex jeżerċita l-kompetenzi tiegħu fir-rigward tal-għoti tal-assistenza makrofinanzjarja tal-Unjoni matul u wara l-perjodu ta’ disponibbiltà tagħha.

(26)Ir-rilaxx tal-assistenza makrofinanzjarja tal-Unjoni huwa mingħajr preġudizzju għas-setgħat tal-Parlament Ewropew u tal-Kunsill bħala awtorità baġitarja.

(27)L-ammonti li għandhom jiġu pprovduti meħtieġa għall-assistenza makrofinanzjarja fl-għamla ta’ self jenħtieġ li jkunu konsistenti mal-approprjazzjonijiet baġitarji definiti fil-qafas finanzjarju pluriennali.

(28)Jenħtieġ li l-assistenza makrofinanzjarja tal-Unjoni tiġi ġestita mill-Kummissjoni. Sabiex ikun żgurat li l-Parlament Ewropew u l-Kunsill ikunu jistgħu jsegwu l-implimentazzjoni ta’ din id-Deċiżjoni, jenħtieġ li l-Kummissjoni tinfurmahom regolarment bl-iżviluppi marbutin mal-assistenza u tipprovdilhom id-dokumenti rilevanti.

(29)Sabiex jiġu żgurati kundizzjonijiet uniformi għall-implimentazzjoni ta’ din id-Deċiżjoni, il-Kummissjoni jenħtieġ li tingħata s-setgħat ta’ implimentazzjoni. Jenħtieġ li dawn is-setgħat jitħaddmu skont ir-Regolament (UE) Nru 182/2011 tal-Parlament Ewropew u tal-Kunsill 7 .

(30)Jenħtieġ li l-assistenza makrofinanzjarja tal-Unjoni tkun soġġetta għal kundizzjonijiet ta’ politika ekonomika, li għandhom jiġu stabbiliti f’Memorandum ta’ Qbil. Sabiex jiġu żgurati kundizzjonijiet uniformi għall-implimentazzjoni u għal raġunijiet ta’ effiċjenza, jenħtieġ li l-Kummissjoni tingħata s-setgħa li tinnegozja dawn il-kundizzjonijiet mal-awtoritajiet Eġizzjani taħt is-superviżjoni tal-kumitat tar-rappreżentanti tal-Istati Membri skont ir-Regolament (UE) Nru 182/2011. Skont dan ir-Regolament, jenħtieġ li bħala regola ġenerali tapplika l-proċedura konsultattiva fil-każijiet kollha ħlief kif previst f’dan ir-Regolament. Meta jiġi kkunsidrat l-impatt potenzjalment importanti tal-assistenza ta’ aktar minn EUR 90 miljun, huwa xieraq li l-proċedura ta’ eżami tintuża għal operazzjonijiet li jeċċedu dak il-livell limitu. Meta jitqies l-ammont ta’ assistenza makrofinanzjarja tal-Unjoni lill-Eġittu, jenħtieġ li l-proċedura ta’ eżami tapplika għall-adozzjoni tal-Memorandum ta’ Qbil, jew għal kwalunkwe tnaqqis, suspensjoni jew tħassir tal-assistenza.

ADOTTA DIN ID-DEĊIŻJONI:

Artikolu 1

1.L-Unjoni għandha tagħmel assistenza makrofinanzjarja ta’ ammont massimu sa EUR 1 biljun disponibbli għall-Eġittu (“l-assistenza makrofinanzjarja tal-Unjoni”), bil-ħsieb li tappoġġa l-istabbilizzazzjoni ekonomika tal-Eġittu u aġenda ta’ riforma sostantiva. L-assistenza għandha tikkontribwixxi biex tkopri l-ħtiġijiet tal-bilanċ tal-pagamenti tal-Eġittu kif identifikati fil-programm tal-FMI.

2.Sabiex tiffinanzja l-assistenza makrofinanzjarja tal-Unjoni, il-Kummissjoni għandha tingħata s-setgħa, f’isem l-Unjoni, li tissellef il-fondi meħtieġa mis-swieq kapitali jew minn istituzzjonijiet finanzjarji u li ssellifhom lill-Eġittu.

3.Ir-rilaxx tal-assistenza makrofinanzjarja tal-Unjoni għandu jiġi ġestit mill-Kummissjoni b’mod konsistenti mal-ftehimiet jew l-arranġamenti milħuqa bejn l-FMI u l-Eġittu, u mal-prinċipji u l-objettivi prinċipali tar-riformi ekonomiċi stabbiliti fil-Ftehim ta’ Assoċjazzjoni UE-Eġittu.

Il-Kummissjoni għandha tinforma regolarment lill-Parlament Ewropew u lill-Kunsill bi kwalunkwe żvilupp fir-rigward tal-assistenza makrofinanzjarja tal-Unjoni, inklużi l-iżborżi tagħha, u għandha tipprovdi lil dawk l-istituzzjonijiet bid-dokumenti rilevanti fi żmien xieraq.

4.    L-assistenza makrofinanzjarja tal-Unjoni għandha ssir disponibbli mill-ewwel jum wara d-dħul fis-seħħ tal-Memorandum ta’ Qbil imsemmi fl-Artikolu 3(1) għal perjodu ta’ 9 xhur.

5.Fejn il-ħtiġijiet ta’ finanzjament tal-Eġittu jonqsu b’mod fundamentali matul il-perjodu ta’ ħlas tal-assistenza makrofinanzjarja tal-Unjoni meta mqabbel mal-previżjonijiet inizjali, il-Kummissjoni, filwaqt li taġixxi f’konformità mal-proċedura ta’ eżami msemmija fl-Artikolu 7(2), għandha tnaqqas l-ammont tal-assistenza jew tissospendiha jew tħassarha.

Artikolu 2

1.    Prekundizzjoni għall-għoti tal-assistenza makrofinanzjarja tal-Unjoni għandha tkun li l-Eġittu kompli jagħmel passi konkreti u kredibbli sabiex jiġu rrispettati l-mekkaniżmi demokratiċi effettivi – inklużi sistema parlamentari multipartitika – u l-istat tad-dritt, u li tiggarantixxi r-rispett għad-drittijiet tal-bniedem.

2.Is-servizzi tal-Kummissjoni u s-Servizz Ewropew għall-Azzjoni Esterna għandhom jimmonitorjaw li din il-prekundizzjoni tiġi ssodisfata matul iċ-ċiklu tal-ħajja sħiħ tal-assistenza makrofinanzjarja tal-Unjoni.

3.Il-paragrafi 1 u 2 għandhom jiġu applikati f’konformità mad-Deċiżjoni tal-Kunsill 2010/427/UE 8 .

Artikolu 3

1.Il-Kummissjoni, f’konformità mal-proċedura ta’ eżami msemmija fl-Artikolu 7(2), għandha tilħaq ftehim mal-awtoritajiet Eġizzjani dwar politika ekonomika u kundizzjonijiet finanzjarji definiti b’mod ċar, ikkonċentrati fuq riformi strutturali u finanzi pubbliċi sodi, li l-assistenza makrofinanzjarja tal-Unjoni għandha tkun soġġetta għalihom, li għandhom jitniżżlu f’Memorandum ta’ Qbil (“il-Memorandum ta’ Qbil”) li għandu jinkludi perjodu ta’ żmien għat-twettiq ta’ dawk il-kundizzjonijiet. Il-politika ekonomika u l-kundizzjonijiet finanzjarji stabbiliti fil-Memorandum ta’ Qbil għandhom ikunu konsistenti mal-ftehimiet jew mal-arranġamenti msemmija fl-Artikolu 1(3), inklużi l-programmi ta’ aġġustament makroekonomiku u ta’ riforma strutturali implimentati mill-Eġittu bl-appoġġ tal-FMI.

2.Il-kundizzjonijiet imsemmija fil-paragrafu 1 għandhom jimmiraw, b’mod partikolari, li jtejbu l-effiċjenza, it-trasparenza u r-responsabbiltà tas-sistemi ta’ ġestjoni tal-finanzi pubbliċi fl-Eġittu, inkluż għall-użu tal-assistenza makrofinanzjarja tal-Unjoni. Il-progress fil-ftuħ reċiproku tas-swieq, l-iżvilupp ta’ kummerċ ġust u bbażat fuq ir-regoli, u prijoritajiet oħrajn fil-kuntest tal-politika esterna tal-Unjoni għandhom ukoll jitqiesu bil-mod dovut fit-tfassil tal-miżuri ta’ politika. Il-progress fl-ilħuq ta’ dawn l-objettivi għandu jiġi mmonitorjat regolarment mill-Kummissjoni.

3.It-termini finanzjarji dettaljati tal-assistenza makrofinanzjarja tal-Unjoni għandhom jiġu stabbiliti fi ftehim ta’ self li għandu jintlaħaq bejn il-Kummissjoni u l-awtoritajiet Eġizzjani (il-“Ftehim ta’ Self”).

4.Il-Kummissjoni għandha tivverifika, f’intervalli regolari, li l-kundizzjonijiet imsemmijin fl-Artikolu 4(3) jibqgħu jiġu ssodisfati, inkluż jekk il-linji ta’ politika ekonomiċi tal-Eġittu jkunux f’konformità mal-objettivi tal-assistenza makrofinanzjarja tal-Unjoni. Għal din il-verifika, il-Kummissjoni għandha tikkoordina mill-qrib mal-FMI u mal-Bank Dinji u, fejn meħtieġ, mal-Parlament Ewropew u l-Kunsill.

Artikolu 4

1.Soġġett għar-rekwiżiti msemmija fil-paragrafu 3, l-assistenza makrofinanzjarja tal-Unjoni għandha ssir disponibbli mill-Kummissjoni f’pagament parzjali uniku, fil-forma ta’ self. Il-Kummissjoni għandha tiddeċiedi dwar il-perjodu ta’ żmien għall-iżborż tal-pagament parzjali. Il-pagament parzjali jista’ jiġi żborżat f’parti waħda jew iktar.

2.L-ammonti tal-assistenza makrofinanzjarja tal-Unjoni mogħtija f’forma ta’ self għandhom jiġu pprovduti, fejn meħtieġ, f’konformità mar-Regolament (UE) 2021/947 tal-Parlament Ewropew u tal-Kunsill.

3.Il-Kummissjoni għandha tiddeċiedi dwar ir-rilaxx tal-pagament parzjali soġġett għat-twettiq tal-kundizzjonijiet li ġejjin:

(a)il-prekundizzjoni stipulata fl-Artikolu 2(1);

(b)rekord sodisfaċenti kontinwu fl-implimentazzjoni ta’ programm ta’ politika li jkun fih miżuri ta’ aġġustament u ta’ riforma strutturali b’saħħithom appoġġati minn arranġament ta’ kreditu tal-FMI mhux prekawzjonarju;

(c)l-implimentazzjoni sodisfaċenti tal-kundizzjonijiet tal-politika ekonomika u tal-kundizzjonijiet finanzjarji miftiehma fil-Memorandum ta’ Qbil.

4.Meta l-kundizzjonijiet tal-paragrafu 3 ma jiġux issodisfati, il-Kummissjoni għandha temporanjament tissospendi jew tikkanċella l-iżborż tal-assistenza makrofinanzjarja tal-Unjoni. F’każijiet bħal dawn, hija għandha tinforma lill-Parlament Ewropew u lill-Kunsill bir-raġunijiet għal din is-sospensjoni jew il-kanċellazzjoni.

5.L-assistenza makrofinanzjarja tal-Unjoni għandha tiġi żborżata lill-Bank Ċentrali tal-Eġittu. Soġġetti għad-dispożizzjonijiet li għandhom jiġu mifthiema fil-Memorandum ta’ Qbil, inkluża konferma tal-ħtiġijiet finanzjarji baġitarji residwi, il-fondi tal-Unjoni jistgħu jiġu ttrasferiti mill-Bank Ċentrali tal-Eġittu lill-Ministeru tal-Finanzi Eġizzjan bħala l-benefiċjarju aħħari.

Artikolu 5

1.Sabiex tiffinanzja l-appoġġ taħt l-assistenza makrofinanzjarja fil-forma ta’ self, il-Kummissjoni għandha tingħata s-setgħa, f’isem l-Unjoni, li tissellef il-fondi meħtieġa mis-swieq kapitali jew minn istituzzjonijiet finanzjarji f’konformità mal-Artikolu 220a tar-Regolament (UE, Euratom) 2018/1046.

2.Il-Kummissjoni għandha tidħol fi ftehim ta’ self mal-Eġittu fir-rigward tal-ammont imsemmi fl-Artikolu 1. It-termini dettaljati tal-appoġġ taħt l-AMF fil-forma ta’ self għandhom jiġu stabbiliti fi ftehim ta’ self f’konformità mal-Artikolu 220 tar-Regolament Finanzjarju, li għandu jiġi konkluż bejn il-Kummissjoni u l-awtoritajiet Eġizzjani. Il-ftehim tas-self għandu jistabbilixxi l-perjodu ta’ disponibbiltà u t-termini dettaljati tal-appoġġ taħt l-assistenza makrofinanzjarja fil-forma ta’ self, inkluż fir-rigward tas-sistemi ta’ kontroll intern. Is-self għandu jingħata b’termini li jippermettu lill-Eġittu jħallas lura s-self fuq perjodu twil. Il-perjodu massimu tas-self għandu jkun ta’ 35 sena.  

3.Il-Kummissjoni għandha tinforma lill-Parlament Ewropew u lill-Kunsill dwar kwalunkwe żvilupp fl-operazzjonijiet imsemmi fil-paragrafu 2.

Artikolu 6

1.L-assistenza makrofinanzjarja tal-Unjoni għandha tiġi implimentata f’konformità mar-Regolament (UE, Euratom) Nru 2018/1046 tal-Parlament Ewropew u tal-Kunsill 9 .

2.L-implimentazzjoni tal-assistenza makrofinanzjarja tal-Unjoni għandha tkun taħt ġestjoni diretta.

3.Qabel l-implimentazzjoni tal-assistenza makrofinanzjarja tal-Unjoni, il-Kummissjoni għandha tivvaluta, permezz ta’ valutazzjoni operazzjonali, is-solidità tal-arranġamenti finanzjarji tal-Eġittu, il-proċeduri amministrattivi, u l-mekkaniżmi ta’ kontroll interni u esterni li huma rilevanti għall-assistenza.

Artikolu 7

1.Il-Kummissjoni għandha tkun megħjuna minn kumitat. Dak il-kumitat għandu jkun kumitat fis-sens tar-Regolament (UE) Nru 182/2011.

2.Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 8

1.Sat-30 ta’ Ġunju ta’ kull sena, il-Kummissjoni għandha tibgħat lill-Parlament Ewropew u lill-Kunsill rapport dwar l-implimentazzjoni ta’ din id-Deċiżjoni fis-sena ta’ qabel, inkluża evalwazzjoni ta’ dik l-implimentazzjoni. Ir-rapport għandu:

(a)jeżamina l-progress li sar fl-implimentazzjoni tal-assistenza makrofinanzjarja tal-Unjoni;

(b)jivvaluta s-sitwazzjoni ekonomika u l-prospetti tal-Eġittu, kif ukoll il-progress li jkun sar fl-implimentazzjoni tal-miżuri ta’ politika msemmija fl-Artikolu 3(1);

(c)jindika r-rabta bejn ir-riforma tal-politika ekonomika stipulata fil-Memorandum ta’ Qbil, il-prestazzjoni ekonomika u fiskali attwali tal-Eġittu u d-deċiżjonijiet tal-Kummissjoni li tirrilaxxa l-pagamenti parzjali tal-assistenza makrofinanzjarja tal-Unjoni.

2.Sa mhux aktar tard minn sentejn wara li jiskadi l-perjodu ta’ disponibbiltà msemmi fl-Artikolu 1(4), il-Kummissjoni għandha tibgħat rapport ta’ evalwazzjoni ex post lill-Parlament Ewropew u lill-Kunsill, li jivvaluta r-riżultati u l-effiċjenza tal-assistenza makrofinanzjarja kompleta tal-Unjoni u sa liema punt din ikkontribwiet għall-għanijiet tal-assistenza.

Artikolu 9

Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i)

1.3.Il-proposta/l-inizjattiva hija relatata ma’:

1.4.Objettiv(i)

1.4.1.Objettiv(i) ġenerali

1.4.2.Objettiv(i) speċifiku/speċifiċi

1.4.3.Riżultat(i) u impatt mistennija

1.4.4.Indikaturi tal-prestazzjoni

1.5.Raġunijiet għall-proposta/għall-inizjattiva

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew fit-tul inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, eż. il-qligħ mill-koordinazzjoni, iċ-ċertezza legali, effettività akbar jew il-komplementarjetajiet). Għall-finijiet ta’ dan il-punt, il-“valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur illi kieku kien b’mod ieħor jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata u impatt finanzjarju tal-proposta/tal-inizjattiva

1.7.Mod(i) ta’ ġestjoni ppjanat/i

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontroll ÷ il-valur tal-fondi relatati ġestiti”) u valutazzjoni tal-livelli mistennija tar-riskju ta’ errur (mal-ħlas u fl-għeluq)

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

3.2.Impatt finanzjarju stmat tal-proposta dwar l-approprjazzjonijiet

3.2.1.Sommarju tal-impatt stmat dwar l-approprjazzjonijiet operazzjonali

3.2.2.Output stmat iffinanzjat bl-approprjazzjonijiet operazzjonali

3.2.3.Sommarju tal-impatt stmat fuq l-approprjazzjonijiet amministrattivi

3.2.4.Kompatibbiltà mal-qafas finanzjarju pluriennali attwali

3.2.5.Kontribuzzjonijiet ta’ partijiet terzi

3.3.Impatt stmat fuq id-dħul

–QAFAS TAL-PROPOSTA/TAL-INIZJATTIVA

–1.1.    Titolu tal-proposta/tal-inizjattiva

–1.2.    Qasam/Oqsma ta’ politika kkonċernat(i) 

–1.3.    Il-proposta/l-inizjattiva hija relatata ma’: 

X azzjoni ġdida 

 azzjoni ġdida b’segwitu għal proġett pilota/azzjoni preparatorja 10  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida 

–1.4.    Objettiv(i)

–1.4.1.    Objettiv(i) ġenerali

–1.4.2.    Objettiv(i) speċifiku/speċifiċi

–1.4.3.    Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

–1.4.4.    Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

(a)    Effettività u puntwalità: jenħtieġ li l-indikaturi jippermettu l-monitoraġġ tal-prestazzjoni billi jipprovdu informazzjoni dwar il-progress fuq bażi regolari u dwar il-kisbiet matul il-perjodu ta’ programmazzjoni.

(b)    Effiċjenza: jenħtieġ li l-proċessi jiġu ottimizzati għall-ġbir u l-ipproċessar tad-data, filwaqt li jiġu evitati t-talbiet mhux meħtieġa jew duplikati għal informazzjoni

(c)    Ir-rilevanza tal-indikaturi u l-ħtieġa li jiġi limitat il-piż amministrattiv assoċjat.

(d)    Ċarezza: jenħtieġ li l-indikaturi jingħataw f’forma ċara u li tinftiehem, b’metadata ta’ appoġġ u f’forma li tiffaċilita interpretazzjoni xierqa u komunikazzjoni sinifikanti.

–1.5.    Raġunijiet għall-proposta/għall-inizjattiva 

–1.5.1.    Rekwiżit(i) li jrid(u) jiġi/u ssodisfat(i) fuq terminu qasir jew fit-tul inkluża kronoloġija dettaljata għat-tnedija tal-implimentazzjoni tal-inizjattiva

–1.5.2.    Valur miżjud tal-involviment tal-Unjoni (dan jista’ jirriżulta minn fatturi differenti, eż. il-qligħ mill-koordinazzjoni, iċ-ċertezza legali, effettività akbar jew il-komplementarjetajiet). Għall-finijiet ta’ dan il-punt, il-“valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur illi kieku b’mod ieħor kien jinħoloq mill-Istati Membri waħedhom.

–1.5.3.    Tagħlimiet meħuda minn esperjenzi simili fl-imgħoddi

–1.5.4.    Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

–1.5.5.    Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

–1.6.    Durata u impatt finanzjarju tal-proposta/tal-inizjattiva

X durata limitata

·X Fis-seħħ mill-2024 sal-2025

·    Impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

 durata illimitata

Implimentazzjoni b’perjodu ta’ tnedija minn SSSS sa SSSS,

segwita b’operazzjoni fuq skala sħiħa.

–1.7.    Metodu/i tal-implimentazzjoni tal-baġit ippjanat(i) 11  

X Ġestjoni diretta mill-Kummissjoni

·X mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

·    mill-aġenziji eżekuttivi

 Ġestjoni kondiviża mal-Istati Membri

 Ġestjoni indiretta billi jiġu fdati kompiti ta’ implimentazzjoni baġitarja:

· lil pajjiżi terzi jew lill-korpi nnominati minnhom;

· lill-organizzazzjonijiet internazzjonali u lill-aġenziji tagħhom (iridu jiġu speċifikati);

· lill-BEI u lill-Fond Ewropew tal-Investiment;

· lill-korpi msemmija fl-Artikoli 70 u 71 tar-Regolament Finanzjarju;

· lill-korpi tal-liġi pubblika;

· lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;

· lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

· lill-persuni jew korpi fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–2.    MIŻURI TA’ ĠESTJONI 

–2.1.    Regoli ta’ monitoraġġ u ta’ rapportar 

Speċifika l-frekwenza u l-kundizzjonijiet.

–2.2.    Sistema/i ta’ ġestjoni u ta’ kontroll 

–2.2.1.    Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

–2.2.2.    Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

–2.2.3.    Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontroll ÷ il-valur tal-fondi relatati ġestiti”) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

–2.3.    Miżuri għall-prevenzjoni ta’ frodi u ta’ irregolaritajiet 

Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.

–3.    IMPATT FINANZJARJU STMAT TAL-PROPOSTA/TAL-INIZJATTIVA 

–3.1.    Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

Intestatura tal-qafas finanzjarju pluriennali	Linja baġitarja	Tip ta’ nefqa	Kontribuzzjoni
	Numru	Diff./Mhux diff. 12	mill-pajjiżi tal-EFTA 13	minn pajjiżi kandidati u pajjiżi kandidati potenzjali 14	minn pajjiżi terzi oħra	dħul assenjat ieħor
	14 02 01 70 NDICI — Ewropa Globali — Proviżjonament tal-fond ta’ proviżjonament komuni [self tal-AMF — EAG]	Diff.	LE	LE	LE	LE

·Linji baġitarji ġodda mitluba - Mhux applikabbli

Skont l-ordni tal-intestaturi tal-qafas finanzjarju pluriennali u tal-linji baġitarji.

Intestatura tal-qafas finanzjarju pluriennali	Linja baġitarja	Tip ta’ nefqa	Kontribuzzjoni
	Numru	Diff./Mhux diff.	mill-pajjiżi tal-EFTA	minn pajjiżi kandidati u pajjiżi kandidati potenzjali	minn pajjiżi terzi oħra	dħul assenjat ieħor
	[XX.YY.YY.YY]		IVA/LE	IVA/LE	IVA/LE	IVA/LE

–3.2.    Impatt finanzjarju stmat tal-proposta dwar l-approprjazzjonijiet 

–3.2.1.    Sommarju tal-impatt stmat dwar l-approprjazzjonijiet operazzjonali 

    Il-proposta/l-inizjattiva ma teħtieġx l-użu ta’ approprjazzjonijiet operazzjonali

X    Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

miljuni ta’ EUR (aġġustati għal tliet pożizzjonijiet deċimali)

Intestatura tal-qafas finanzjarju pluriennali

6

Intestatura 6 - “Il-Viċinat u d-Dinja”

DĠ: ECFIN				Sena 2024	Sena 2025	Sena 2026	Sena 2027	Daħħal is-snin kollha li hemm bżonn biex turi d-durata tal-impatt (ara l-punt 1.6)			TOTAL
□ Approprjazzjonijiet operazzjonali
Linja baġitarja 15 14 02 01 70 NDICI — Ewropa Globali — Proviżjonament tal-fond ta’ proviżjonament komuni [self tal-AMF — EAG] 16	Impenji	(1a)		90							90
	Pagamenti	(2a)		90							90
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi 17
Linja baġitarja
TOTAL tal-approprjazzjonijiet għad-DĠ ECFIN	Impenji	=1a+1b +3		90							90
	Pagamenti	=2a+2b +3		90							90

□ TOTAL tal-approprjazzjonijiet operazzjonali	Impenji	(4)	90							90
	Pagamenti	(5)	90							90
□ TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi		(6)
TOTAL tal-approprjazzjonijiet taħt l-INTESTATURA 6 tal-qafas finanzjarju pluriennali	Impenji	=4+ 6	90							90
	Pagamenti	=5+ 6	90							90

Jekk il-proposta/l-inizjattiva taffettwa iżjed minn intestatura operazzjonali waħda, irrepeti t-taqsima ta’ hawn fuq:

□ TOTAL tal-approprjazzjonijiet operazzjonali (l-intestaturi operazzjonali kollha)	Impenji	(4)
	Pagamenti	(5)
TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi (l-intestaturi operazzjonali kollha)		(6)
TOTAL tal-approprjazzjonijiet taħt l-INTESTATURI 1 sa 6 tal-qafas finanzjarju pluriennali (Ammont ta’ referenza)	Impenji	=4+ 6
	Pagamenti	=5+ 6

Intestatura tal-qafas finanzjarju pluriennali

7

“Nefqa amministrattiva”

Din it-taqsima jenħtieġ li timtela bl-użu tad-“data baġitarja ta’ natura amministrattiva” li qabel xejn trid tiddaħħal fl- Anness tad-Dikjarazzjoni Finanzjarja Leġiżlattiva (l-Anness 5 tad-Deċiżjoni tal-Kummissjoni dwar ir-regoli interni għall-implimentazzjoni tat-taqsima tal-Kummissjoni tal-baġit ġenerali tal-Unjoni Ewropea), imtella’ fid-DECIDE għall-finijiet ta’ konsultazzjoni bejn is-servizzi.

miljuni ta’ EUR (aġġustati għal tliet pożizzjonijiet deċimali)

			Sena 2024	Sena 2025	Sena 2026	Sena 2027	TOTAL
DĠ:ECFIN
□ Riżorsi umani			1,424	1,424	1,424	1,424	5,696
□ Nefqiet amministrattivi oħra			0,005	0,005	0,005	0,005	0,020
TOTAL DĠ ECFIN	Approprjazzjonijiet		1,429	1,429	1,429	1,429	5,716

TOTAL tal-approprjazzjonijiet taħt l-INTESTATURA 7 tal-qafas finanzjarju pluriennali

(Total ta’ impenji = Total ta’ pagamenti)

1,429

1,429

1,429

1,429

5,716

miljuni ta’ EUR (aġġustati għal tliet pożizzjonijiet deċimali)

			Sena 2024	Sena 2025	Sena 2026	Sena 2027	TOTAL
TOTAL tal-approprjazzjonijiet taħt l-INTESTATURI 1 sa 7 tal-qafas finanzjarju pluriennali	Impenji		91,429	1,429	1,429	1,429	95,716
	Pagamenti		91,429	1,429	1,429	1,429	95,716

–3.2.2.    Output stmat iffinanzjat bl-approprjazzjonijiet operazzjonali 

Approprjazzjonijiet ta’ impenn f’miljuni ta’ EUR (sa tliet pożizzjonijiet deċimali)

   

Indika l-objettivi u l-outputs 		Sena 2024		Sena 2025		Sena 2026		Sena 2027		TOTAL
	Tip 18	Numru	Kost	Numru	Kost	Numru	Kost	Numru	Kost	Numru totali	Kost totali
- Output 1	Proviżjonament tal-Garanzija għall-Azzjoni Esterna	1	90							1	90
- Output 2	Evalwazzjoni ex post
Subtotal tal-objettiv speċifiku Nru 1		1	90	-	-	-	-			1	90
KOST TOTALI		1	90	-	-	-	-			1	90

   

–3.2.3.    Sommarju tal-impatt stmat fuq l-approprjazzjonijiet amministrattivi 

X    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

miljuni ta’ EUR (aġġustati għal tliet pożizzjonijiet deċimali)

Sena 2024

Sena 2025

Sena 2026

Sena 2027

TOTAL

INTESTATURA 7 tal-qafas finanzjarju pluriennali
Riżorsi umani	1,424	1,424	1,424	1,424	5,696
Nefqa amministrattiva oħra	0,005	0,005	0,005	0,005	0,020
Subtotal tal-INTESTATURA 7 tal-qafas finanzjarju pluriennali	1,429	1,429	1,429	1,429	5,716

Barra mill-INTESTATURA 7 19 tal-qafas finanzjarju pluriennali
Riżorsi umani
Nefqa oħra ta’ natura amministrattiva
Subtotal barra mill-INTESTATURA 7 tal-qafas finanzjarju pluriennali

TOTAL

1,429

1,429

1,429

1,429

5,716

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

–3.2.3.1.    Rekwiżiti stmati ta’ riżorsi umani

    Il-proposta/l-inizjattiva ma teħtieġx l-użu ta’ riżorsi umani.

    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

		Sena 2024	Sena 2025	Sena 2026	Sena 2027
20 01 02 01 (Kwartieri Ġenerali u Uffiċċji tar-Rappreżentanza tal-Kummissjoni)		8	8	8	8
20 01 02 03 (Delegazzjonijiet)
01 01 01 01 (Riċerka indiretta)
01 01 01 11 (Riċerka diretta)
Linji baġitarji oħra (speċifika)
20 02 01 (AC, END, INT mill-“pakkett globali”)
20 02 03 (AC, AL, END, INT u JPD fid-delegazzjonijiet)
XX 01 xx yy zz   20	- fil-Kwartieri Ġenerali
	- fid-Delegazzjonijiet
01 01 01 02 (AC, END, INT — Riċerka indiretta)
01 01 01 12 (AC, END, INT — Riċerka diretta)
Linji baġitarji oħra (speċifika)
TOTAL		8	8	8	8

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

Uffiċjali u persunal temporanju

Direttur Dir. D: Jissorvelja u jimmaniġġa l-operazzjoni, jikkoordina mal-Kunsill u l-Parlament għall-adozzjoni tad-Deċiżjoni u l-approvazzjoni tal-Memorandum ta’ Qbil (MtQ), jinnegozja l-MtQ mal-awtoritajiet tal-Eġittu, janalizza r-rapporti, imexxi l-missjonijiet u jivvaluta l-progress bl-implimentazzjoni tal-miżuri ta’ riforma. Kap tal-Unità/DKap tal-Unità Dir. D: Assistenza lid-Direttur fil-ġestjoni tal-operazzjoni, koordinazzjoni mal-Kunsill u mal-Parlament għall-adozzjoni tad-Deċiżjoni u l-approvazzjoni tal-MtQ, negozjar tal-MtQ u tal-Ftehim ta’ Self (flimkien mad-DĠ BAĠIT) mal-awtoritajiet tal-Eġittu, analiżi tar-rapporti u valutazzjoni tal-progress bl-implimentazzjoni tal-miżuri ta’ riforma. Ekonomisti skont il-pajjiż, is-settur tal-AMF (Dir. D): Tħejjija tad-Deċiżjoni u tal-MtQ, koordinazzjoni mal-awtoritajiet u mal-IFIs, twettiq ta’ missjonijiet ta’ analiżi, tħejjija tar-rapporti tal-persunal tal-Kummissjoni u proċeduri tal-Kummissjoni marbuta mal-ġestjoni tal-assistenza, koordinazzjoni ma’ esperti esterni għall-valutazzjoni operattiva u l-evalwazzjoni ex post.  5 AD, 1 AST se jkunu koperti minn persunal li bħalissa qed jaħdem fuq attivitajiet tal-AMF u ma’ ekonomisti skont il-pajjiż li attwalment qed jaħdmu fuq l-Eġittu. Madankollu, l-ammont ta’ xogħol ġenerali tal-attivitajiet tal-AMF se jiżdied b’mod partikolari biex jappoġġa l-istabbiliment u l-ġestjoni ta’ mekkaniżmu ta’ kooperazzjoni strutturata u biex jiġu żviluppati metodoloġiji u għodod għall-monitoraġġ tal-implimentazzjoni tar-riformi marbuta mal-assistenza tal-AMF. Għal din ir-raġuni, huma meħtieġa kariga 1 ta’ AD u kariga 1 ta’ AST addizzjonali. DĠ BUDGET: Tħejjija tal-Ftehim ta’ Self, negozjar mal-awtoritajiet tal-Eġittu u żgurar li dan jiġi approvat mis-servizzi responsabbli tal-Kummissjoni u ffirmat miż-żewġ partijiet. Segwitu tad-dħul fis-seħħ tal-Ftehim ta’ Self. Tħejjija tad-deċiżjoni(jiet) tal-Kummissjoni dwar it-tranżazzjoni(jiet) ta’ self, segwiment tal-preżentazzjoni tat-Talba/iet għal Fondi, għażla ta’ banek, tħejjija u eżekuzzjoni tat-tranżazzjoni(jiet) ta’ finanzjament u żborż tal-fondi lill-pajjiż. Twettiq ta’ attivitajiet ta’ back-office għas-segwitu tar-rimborż tas-self(iet). Tħejjija tar-rapporti korrispondenti dwar dawn l-attivitajiet.

Persunal estern

–3.2.4.    Kompatibbiltà mal-qafas finanzjarju pluriennali attwali 

Il-proposta/l-inizjattiva:

X    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-Qafas Finanzjarju Pluriennali (QFP).

    teħtieġ l-użu tal-marġni mhux allokat taħt l-intestatura rilevanti tal-QFP u/jew l-użu tal-istrumenti speċjali kif ddefiniti fir-Regolament QFP.

    teħtieġ reviżjoni tal-QFP.

–3.2.5.    Kontribuzzjonijiet ta’ partijiet terzi 

Il-proposta/l-inizjattiva:

X ma tipprevedix kofinanzjament minn partijiet terzi

    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (aġġustati għal tliet pożizzjonijiet deċimali)

	Sena N 21	Sena N+1	Sena N+2	Sena N+3	Daħħal is-snin kollha li hemm bżonn biex turi d-durata tal-impatt (ara l-punt 1.6)			Total
Speċifika l-korp ta’ kofinanzjament
TOTAL tal-approprjazzjonijiet kofinanzjati

–3.3.    Impatt stmat fuq id-dħul 

X    Il-proposta/l-inizjattiva ma għandha l-ebda impatt finanzjarju fuq id-dħul.

    Il-proposta/l-inizjattiva għandha l-impatt finanzjarju li ġej:

·    fuq ir-riżorsi proprji

·    fuq dħul ieħor

·indika jekk id-dħul hux assenjat għal-linji tan-nefqa     

miljuni ta’ EUR (aġġustati għal tliet pożizzjonijiet deċimali)

Linja baġitarja tad-dħul:	Approprjazzjonijiet disponibbli għas-sena finanzjarja attwali	Impatt tal-proposta/tal-inizjattiva 22
		Sena N	Sena N+1	Sena N+2	Sena N+3	Daħħal is-snin kollha li hemm bżonn biex turi d-durata tal-impatt (ara l-punt 1.6)
Artikolu ………….

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

ANNESS
tad-DIKJARAZZJONI FINANZJARJA LEĠIŻLATTIVA

1.    NUMRU u KOST tar-RIŻORSI UMANI KKUNSIDRATI MEĦTIEĠA

2.    KOST ta’ NEFQA AMMINISTRATTIVA OĦRA

3.    KOSTIJIET AMMINISTRATTIVI TOTALI

4.    METODI tal-KALKOLU UŻATI għall-ISTIMI tal-KOSTIJIET

4.1.    Riżorsi umani

4.2.    Nefqa amministrattiva oħra

1.    Kost tar-riżorsi umani kkunsidrati neċessarji

    Il-proposta/l-inizjattiva ma teħtieġx l-użu ta’ riżorsi umani

X    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

miljuni ta’ EUR (aġġustati għal tliet pożizzjonijiet deċimali)

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

   

INTESTATURA 7 tal-qafas finanzjarju pluriennali		Sena 2024		Sena 2025			Sena 2026			Sena 2027			-			-			-			TOTAL
		FTE	Approprjazzjonijiet	FTE	Approprjazzjonijiet		FTE	Approprjazzjonijiet		FTE	Approprjazzjonijiet		FTE	Approprjazzjonijiet		FTE	Approprjazzjonijiet		FTE	Approprjazzjonijiet		FTE	Approprjazzjonijiet
• Pożizzjonijiet fit-tabella tal-persunal (uffiċjali u persunal temporanju)
20 01 02 01 - Kwartieri Ġenerali u Uffiċċji ta’ rappreżentanza	AD	6	1,068	6	1,068		6	1,068		6	1,068												24	4,272
	AST	2	0,356	2	0,356		2	0,356		2	0,356												8	1,424
20 01 02 03 - Delegazzjonijiet tal-Unjoni	AD
	AST
• Persunal estern 23
20 02 01 u 20 02 02 – Persunal estern – Kwartieri Ġenerali u Uffiċċji tar-Rappreżentanza	AC
	END
	INT
20 02 03 – Persunal estern - Delegazzjonijiet tal-Unjoni	AC
	AL
	END
	INT
	JPD
Linji baġitarji oħrajn relatati mar-riżorsi umani (speċifika)
Subtotal tal-HR - INTESTATURA 7		8	1,424		8	1,424		8	1,424		8	1,424										24	5,696

miljuni ta’ EUR (aġġustati għal tliet pożizzjonijiet deċimali)

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

   

Barra mill-INTESTATURA 7 tal-qafas finanzjarju pluriennali

Sena N 24

Sena N+1

Sena N+2

Sena N+3

Sena N+4

Sena N+5

Sena N+7

TOTAL

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

FTE

Approprjazzjonijiet

• Pożizzjonijiet fit-tabella tal-persunal (uffiċjali u persunal temporanju)

01 01 01 01 Riċerka Indiretta 25 01 01 01 11 Riċerka Diretta Oħrajn (jekk jogħġbok speċifika)

AD

AST

• Persunal estern 26

Persunal estern minn approprjazzjonijiet operazzjonali (li qabel kienu l-linji “BA”).

- fil-Kwartieri Ġenerali

AC

END

INT

- fid-delegazzjonijiet tal-Unjoni

AC

AL

END

INT

JPD

01 01 01 02 Riċerka Indiretta 01 01 01 12 Riċerka Diretta Oħrajn (jekk jogħġbok speċifika) 27

AC

END

INT

Linji baġitarji oħrajn relatati mar-riżorsi umani (speċifika)

Subtotal tal-HR – Barra mill-INTESTATURA 7

Total tal-HR (l-Intestaturi kollha tal-QFP)

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

2.    Kost ta’ nefqa amministrattiva oħra

    Il-proposta/l-inizjattiva ma teħtieġx l-użu ta’ approprjazzjonijiet operazzjonali

    Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

miljuni ta’ EUR (aġġustati għal tliet pożizzjonijiet deċimali)

INTESTATURA 7 tal-qafas finanzjarju pluriennali	2024	2025	2026	2027	-	-	-	Total
Fil-kwartieri ġenerali jew fit-territorju tal-UE:
20 02 06 01 - Spejjeż ta’ missjonijiet u ta’ rappreżentanza	0,005	0,005	0,005	0,005				0,020
20 02 06 02 - Kostijiet tal-konferenzi u tal-laqgħat
20 02 06 03 - Kumitati 28
20 02 06 04 Studji u konsultazzjonijiet
20 04 – Nefqa tal-IT (korporattiva) 29
Linji baġitarji oħrajn mhux relatati mal-HR (speċifika fejn meħtieġ)
Fid-delegazzjonijiet tal-Unjoni
20 02 07 01 - Spejjeż ta’ missjonijiet, ta’ konferenzi u ta’ rappreżentanza
20 02 07 02 - Taħriġ ulterjuri tal-persunal
20 03 05 – Infrastruttura u loġistika
Linji baġitarji oħrajn mhux relatati mal-HR (speċifika fejn meħtieġ)
Subtotal ta’ Oħrajn - INTESTATURA 7 tal-qafas finanzjarju pluriennali	0,005	0,005	0,005	0,005				0,020

miljuni ta’ EUR (aġġustati għal tliet pożizzjonijiet deċimali)

Barra mill-INTESTATURA 7  tal-qafas finanzjarju pluriennali	2024	2025	2026	2027	-	-	-	Total
Nefqa fuq assistenza teknika u amministrattiva (ma tinkludix il-persunal estern) minn approprjazzjonijiet operazzjonali (li qabel kienu l-linji “BA”):
- fil-Kwartieri Ġenerali
- fid-delegazzjonijiet tal-Unjoni
Nefqa oħra ta’ tmexxija għar-riċerka
Nefqa politika tal-IT fuq programmi operazzjonali 30
Nefqa korporattiva tal-IT fuq programmi operazzjonali 31
Linji baġitarji oħrajn mhux relatati mal-HR (speċifika fejn meħtieġ)
Subtotal ta’ Oħrajn – Barra mill-INTESTATURA 7 tal-qafas finanzjarju pluriennali
Total ta’ nefqa amministrattiva oħra (l-Intestaturi kollha tal-QFP)	0,005	0,005	0,005	0,005				0,020

3.    Kostijiet amministrattivi totali (l-Intestaturi kollha tal-QFP)

miljuni ta’ EUR (aġġustati għal tliet pożizzjonijiet deċimali)

Sommarju	2024	2025	2026		2027		-		-		-	Total
Intestatura 7 - Riżorsi Umani	1,424	1,424	1,424		1,424							5,696
Intestatura 7 – Nefqa amministrattiva oħra	0,005	0,005	0,005		0,005							0,020
Subtotal ta’ Intestatura 7	1,429	1,429	1,424		1,424							5,716
Barra mill-Intestatura 7 – Riżorsi Umani
Barra mill-Intestatura 7 – Nefqa amministrattiva oħra
Subtotal ta’ Intestaturi Oħrajn
TOTAL INTESTATURA 7 u Barra mill-INTESTATURA 7	1,429	1,429		1,424		1,424						5,706

L-approprjazzjonijiet amministrattivi meħtieġa se jiġu ssodisfati mill-approprjazzjonijiet li diġà huma assenjati għall-ġestjoni tal-azzjoni u/jew li ġew riallokati, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tar-restrizzjonijiet baġitarji eżistenti.

4.    Metodi tal-kalkolu użati għall-istimi tal-kostijiet

4.1.    Riżorsi umani

Din il-parti tispjega l-metodu tal-kalkolu li ntuża sabiex jiġu stmati r-riżorsi umani kkunsidrati meħtieġa (assunzjonijiet tal-ammont ta’ xogħol, inklużi karigi speċifiċi (il-profili tax-xogħol tas-Sysper 2), il-kategoriji tal-persunal u l-kostijiet medji korrispondenti)

INTESTATURA 7 tal-qafas finanzjarju pluriennali

NB: Il-kostijiet medji għal kull kategorija tal-persunal fil-Kwartieri Ġenerali jinsabu fuq BUDGpedia: https://myintracomm.ec.europa.eu/corp/budget/financial-rules/budget-implementation/Pages/financial-statement.aspx

□ Uffiċjali u persunal temporanju

□ Persunal estern

Barra mill-INTESTATURA 7 tal-qafas finanzjarju pluriennali

□ Pożizzjonijiet iffinanzjati mill-baġit tar-riċerka biss

□ Persunal estern

4.2.    Nefqa amministrattiva oħra

Agħti dettalji dwar il-metodu tal-kalkolu użat għal kull linja baġitarja

u partikolarment l-assunzjonijiet sottostanti (eż. in-numru ta’ laqgħat kull sena, il-kostijiet medji, eċċ.)

INTESTATURA 7 tal-qafas finanzjarju pluriennali

Il-kostijiet tal-missjonijiet huma relatati mar-rieżamijiet fil-pajjiż benefiċjarju, bl-għan li jiġi vvalutat il-progress li jkun sar mill-pajjiż benefiċjarju dwar il-kundizzjonalitajiet tal-AMF mehmuża.

Barra mill-INTESTATURA 7 tal-qafas finanzjarju pluriennali

(1)    Proposta għal Deċiżjoni tal-Parlament Ewropew u tal-Kunsill dwar l-għoti ta’ assistenza makrofinanzjarja lir-Repubblika Għarbija tal-Eġittu - COM(2024) 461

(2)    ĠU L 193, 30.7.2018, p. 1–222.

(3)    Il-laqgħa tal-Kunsill Ewropew, Brussell, l-10-11 ta’ Diċembru 2020, EUCO 22/20, https://www.consilium.europa.eu/mt/press/press-releases/2020/12/11/european-council-conclusions-10-11-december-2020/

(4)    Stabbilit permezz tar-Regolament (UE) 2021/947 tal-Parlament Ewropew u tal-Kunsill tad-9 ta’ Ġunju 2021 li jistabbilixxi l-Istrument ta’ Viċinat, ta’ Kooperazzjoni għall-Iżvilupp u ta’ Kooperazzjoni Internazzjonali – Ewropa Globali, li jemenda u li jħassar id-Deċiżjoni Nru 466/2014/UE u jħassar ir-Regolament (UE) 2017/1601 u r-Regolament tal-Kunsill (KE, Euratom) Nru 480/2009 (ĠU L 209, 14.6.2021, p. 1).

(5)    Ir-Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta' Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament tal-Parlament Ewropew u tal-Kunsill (KE) Nru 1073/1999 u r-Regolament tal-Kunsill (Euratom) Nru 1074/1999 (ĠU L 248, 18.9.2013, p. 1).

(6)    Ir-Regolament tal-Kunsill (Euratom, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolaritajiet oħra (ĠU L 292, 15.11.1996, p. 2).

(7)    Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

(8)    Id-Deċiżjoni tal-Kunsill 2010/427/UE tas-26 ta’ Lulju 2010 li tistabbilixxi l-organizzazzjoni u l-funzjonament tas-Servizz Ewropew għall-Azzjoni Esterna (ĠU L 201, 3.8.2010, p. 30).

(9)    Ir-Regolament (UE, Euratom) Nru 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament (UE, Euratom) Nru 966/2012 (ĠU L 193, 30.07.2018, p. 1).

(10)    Kif imsemmi fl-Artikolu 58(2)(a) jew (b) tar-Regolament Finanzjarju.

(11)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jinsabu fis-sit BUDGpedia: https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx

(12)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(13)    EFTA: Assoċjazzjoni Ewropea tal-Kummerċ Ħieles.

(14)    Pajjiżi kandidati u, meta jkun applikabbli, pajjiżi kandidati potenzjali mill-Balkani tal-Punent.

(15)    Skont in-nomenklatura tal-baġit uffiċjali.

(16)

   Li għandu jissaħħaħ mill-Viċinat tan-Nofsinhar tal-NDICI, linja baġitarja 14 02 01 10.

(17)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta, riċerka diretta.

(18)    L-outputs huma l-prodotti u s-servizzi li jridu jiġu pprovduti (eż.: l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(19)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(20)    Sublimitu għall-persunal estern kopert minn approprjazzjonijiet operazzjonali (li qabel kienu l-linji “BA”).

(21)    Is-Sena N hija s-sena li fiha tibda l-implimentazzjoni tal-proposta/tal-inizjattiva. Issostitwixxi l-“N” bl-ewwel sena ta’ implimentazzjoni mistennija (pereżempju: 2021). Agħmel l-istess għas-snin ta’ wara.

(22)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri l-ammonti grossi wara t-tnaqqis ta’ 20 % għall-kostijiet tal-ġbir.

(23)    AC= Persunal bil-Kuntratt; AL = Persunal Lokali; END = Espert Nazzjonali Sekondat; INT = persunal tal-aġenziji; JPD = Professjonisti Subalterni f’Delegazzjonijiet.

(24)    Is-Sena N hija s-sena li fiha tibda l-implimentazzjoni tal-proposta/tal-inizjattiva. Issostitwixxi l-“N” bl-ewwel sena ta’ implimentazzjoni mistennija (pereżempju: 2021). Agħmel l-istess għas-snin ta’ wara.

(25)    Agħżel il-linja baġitarja rilevanti, jew speċifika oħra jekk ikun meħtieġ; f’każ li jkunu kkonċernati aktar linji baġitarji, jenħtieġ li l-persunal ikun differenzjat minn kull linja baġitarja kkonċernata.

(26)    AC= Persunal bil-Kuntratt; AL = Persunal Lokali; END = Espert Nazzjonali Sekondat; INT = persunal tal-aġenziji; JPD = Professjonisti Subalterni f’Delegazzjonijiet.

(27)    Agħżel il-linja baġitarja rilevanti, jew speċifika oħra jekk ikun meħtieġ; f’każ li jkunu kkonċernati aktar linji baġitarji, jenħtieġ li l-persunal ikun differenzjat minn kull linja baġitarja kkonċernata.

(28)    Speċifika t-tip ta’ kumitat u l-grupp li għalih jappartjeni.

(29)    Hija meħtieġa l-opinjoni tad-DĠ DIGIT – Tim tal-Investimenti fl-IT (ara l-Linji Gwida dwar il-Finanzjament tal-IT, C(2020)6126 final tal-10.9.2020, paġna 7).

(30)    Hija meħtieġa l-opinjoni tad-DĠ DIGIT – Tim tal-Investimenti fl-IT (ara l-Linji Gwida dwar il-Finanzjament tal-IT, C(2020)6126 final tal-10.9.2020, paġna 7).

(31)    Din il-partita tinkludi sistemi amministrattivi lokali u kontribuzzjonijiet għall-kofinanzjament ta’ sistemi korporattivi tal-IT (ara l-Linji Gwida dwar il-Finanzjament tal-IT, C(2020)6126 final tal-10.9.2020).