IL-KUMMISSJONI EWROPEA

Brussell, 13.7.2023

COM(2023) 451 final

2023/0284(COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar ir-rekwiżiti taċ-ċirkolarità għad-disinn tal-vetturi u dwar il-ġestjoni ta’ vetturi li ma għadhomx jintużaw, li jemenda r-Regolamenti (UE) 2018/858 u 2019/1020 u li jħassar id-Direttivi 2000/53/KE u 2005/64/KE

(Test b’rilevanza għaż-ŻEE)

{SEC(2023) 292 final} - {SWD(2023) 255 final} - {SWD(2023) 256 final} - {SWD(2023) 257 final}

MEMORANDUM TA’ SPJEGAZZJONI

1.KUNTEST TAL-PROPOSTA

• Raġunijiet u objettivi tal-proposta

Il-Patt Ekoloġiku Ewropew huwa l-istrateġija ta’ tkabbir tal-Ewropa, li għandha l-għan li tiżgura sal-2050 ekonomija newtrali għall-klima, nadifa u ċirkolari, fejn il-ġestjoni tar-riżorsi tiġi ottimizzata u jiġi mminimizzat it-tniġġis. Il-pjan ta’ azzjoni dwar l-ekonomija ċirkolari 1 u l-istrateġija industrijali l-ġdida għall-Ewropa 2 jistabbilixxu l-pjan direzzjonali biex l-industrija Ewropea tilħaq l-objettivi tal-Patt Ekoloġiku. Il-pjan ta’ azzjoni jinkludi impenn biex tiġi rieżaminata l-leġiżlazzjoni dwar il-vetturi li ma għadhomx jintużaw (ELVs) bil-għan li “jiġu promossi mudelli tan-negozju aktar ċirkolari billi l-kwistjonijiet tad-disinn jintrabtu mat-trattament fi tmiem il-ħajja, filwaqt li jitqiesu r-regoli dwar il-kontenut riċiklat obbligatorju għal ċerti materjali u tittejjeb l-effiċjenza tar-riċiklaġġ”. Il-pjan ta’ azzjoni tal-UE “Lejn Tniġġis Żero għall-Arja, għall-Ilma u għall-Ħamrija” 3 saħaq ukoll fuq il-ħtieġa li l-Kummissjoni tipproponi miżuri ġodda biex tindirizza l-impronta ambjentali esterna tal-UE marbuta mal-esportazzjoni tal-ELVs u tal-vetturi użati.

Kemm il-Kunsill Ewropew 4 kif ukoll il-Parlament 5 irrikonoxxew l-importanza ta’ din l-inizjattiva. Il-komunikazzjoni li takkumpanja l-proposta dwar l-Att Ewropew dwar il-Materja Prima Kritika 6 saħqet ukoll fuq l-importanza tas-settur awtomobilistiku biex tiġi żgurata provvista sostenibbli ta’ materja prima kritika u biex tiżdied l-awtonomija strateġika tal-UE.

Il-produzzjoni tal-vetturi hija waħda mill-aktar industriji intensivi fir-riżorsi. Is-settur awtomobilistiku tal-Ewropa huwa responsabbli għal 19 % tad-domanda għall-industrija tal-azzar tal-UE (aktar minn 7 miljun tunnellata/sena), 10 % tal-konsum kumplessiv tal-plastik (6 miljun tunnellata/sena), sehem sinifikanti tad-domanda għall-aluminju (42 % għat-tagħmir kollu tat-trasport, madwar 2 miljun tunnellata/sena), ir-ram (6 % għall-partijiet tal-karozzi), il-gomma (65 % tal-produzzjoni ta’ oġġetti tal-gomma ġenerali) u l-ħġieġ (1,5 miljun tunnellata ta’ ħġieġ ċatt prodotti fl-UE).

Hekk kif is-settur awtomobilistiku jinbidel għal mobbiltà b’emissjonijiet żero, u l-vetturi jintegraw dejjem aktar l-elettronika, se jkun hemm żieda fid-domanda għar-ram u għall-materja prima kritika. Dawn jinkludu l-materjali tal-art rari li jintużaw f’kalamiti permanenti ta’ muturi tat-trazzjoni elettrika, li s-settur awtomobilistiku huwa wieħed mill-akbar utenti tagħhom. Is-settur awtomobilistiku qed juża wkoll materjali aktar avvanzati u ħfief bħal plastik kompost, azzar ta’ grad għoli u ligi tal-aluminju.

Ir-riżultat huwa li l-produzzjoni tal-vetturi jista’ jkollha impronta ambjentali għolja. Dan huwa primarjament dovut għall-emissjonijiet tal-gassijiet serra tal-enerġija meħtieġa biex jiġu estratti u pproċessati materjali primarji bħall-faħam u l-mineral tal-ħadid (għall-azzar), il-boksajt (għall-aluminju), ir-ram u ż-żejt (għall-plastik). Barra minn hekk, l-użu dejjem akbar ta’ materjali sofistikati u komposti jippreżenta sfidi partikolari għaż-żarmar, l-użu mill-ġdid u r-riċiklaġġ ta’ vetturi li ma għadhomx jintużaw.

Fid-dawl ta’ dan, l-għan ta’ din il-proposta huwa li tiffaċilita t-tranżizzjoni tas-settur awtomobilistiku lejn l-ekonomija ċirkolari, fl-istadji kollha tal-vettura - mid-disinn sat-trattament finali fi tmiem il-ħajja. Il-proposta hija bbażata fuq evalwazzjoni tal-leġiżlazzjoni kurrenti, li tikkonsisti f’żewġ direttivi (id-Direttiva 2000/53/KE dwar vetturi li ma għadhomx jintużaw (“id-Direttiva dwar l-ELV”) u 7 d-Direttiva 2005/64/KE dwar l-approvazzjoni tat-tip ta’ vetturi bil-mutur fir-rigward tal-possibbiltajiet tal-użu mill-ġdid, tar-riċiklaġġ u tal-irkupru tagħhom (“id-Direttiva dwar l-approvazzjoni tat-tip 3R”) 8 .

Id-Direttiva dwar l-ELV ġiet adottata fl-2000 u kienet l-ewwel qafas armonizzat tal-UE mfassal biex jiżgura li l-vetturi li jilħqu t-tmiem tal-ħajja tagħhom u li jitqiesu bħala skart jiġu ttrattati b’mod li ma jagħmilx ħsara lill-ambjent. Id-Direttiva tistabbilixxi dispożizzjonijiet dwar il-ġbir u t-tindif mit-tniġġis tal-ELVs, tillimita s-sustanzi perikolużi f’vetturi ġodda u tistabbilixxi miri dwar l-użu mill-ġdid u r-riċiklaġġ (85 %) u dwar l-użu mill-ġdid u l-irkupru (95 %), abbażi tal-piż medju tal-ELVs għal kull vettura u sena. Minn mindu ġiet adottata, il-leġiżlazzjoni ma ġietx emendata sostanzjalment.

Matul ir-reviżjoni tad-Direttiva Qafas dwar l-Iskart fl-2018, il-koleġiżlaturi qablu 9 li l-Kummissjoni “għandha tirrieżamina id-Direttiva dwar [l-ELV], sal-31 ta’ Diċembru 2020, u għal dan il-għan, għandha tippreżenta rapport lill-Parlament Ewropew u lill-Kunsill, akkumpanjat, jekk xieraq, minn proposta leġiżlattiva”. Din indikat li l-proċess għar-reviżjoni tad-Direttiva dwar l-ELV jenħtieġ li jagħmel enfasi fuq il-fattibbiltà li jiġu stabbiliti miri ta’ riċiklaġġ għal materjali speċifiċi u l-problema li tinħoloq minħabba li “mhux magħruf fejn jinsabu” l-vetturi li ma għadhomx jintużaw. 

Id-Direttiva dwar l-approvazzjoni tat-tip 3R, adottata fl-2005, tistabbilixxi rabta mill-qrib ħafna bejn id-dispożizzjonijiet tad-Direttiva dwar l-ELV u d-dispożizzjonijiet tad-disinn dwar il-possibbiltajiet ta’ użu mill-ġdid, ta’ riċiklaġġ u ta’ rkupru tal-proċess tal-approvazzjoni tat-tip għat-tipi ta’ vetturi. B’mod partikolari, id-Direttiva dwar l-approvazzjoni tat-tip 3R tiddikjara li l-vetturi jenħtieġ li jinbnew b’mod li jkunu 85 % riċiklabbli/riutilizzabbli u 95 % riutilizzabbli/rekuperabbli u d-Direttiva dwar l-ELV fiha l-istess miri għall-Istati Membri fir-rigward tar-riutilizzabbiltà, tar-riċiklabbiltà u tar-rekuprabilità tal-vetturi. Id-Direttiva dwar l-approvazzjoni tat-tip 3R tagħmel parti mal-qafas tal-approvazzjoni tat-tip 10 , li fl-ambitu ta’ dan, tipi ġodda ta’ vetturi jiġu ttestjati u mogħtija l-approvazzjoni tat-tip qabel ma jitqiegħdu fis-suq tal-UE, dment li jissodisfaw sett ta’ rekwiżiti tekniċi.

Ir-regolament propost iħassar kemm id-Direttiva dwar l-approvazzjoni tat-tip 3R kif ukoll id-Direttiva dwar l-ELV u jissostitwixxihom bi strument legali wieħed. L-objettiv ġenerali tiegħu huwa li jimmodernizza l-leġiżlazzjoni eżistenti tal-UE u li jtejjeb il-funzjonament tas-suq uniku tal-UE filwaqt li jnaqqas l-impatti ambjentali negattivi marbuta mad-disinn, il-produzzjoni, il-ħajja tas-servizz u t-trattament fi tmiem il-ħajja tal-vetturi u li jagħti kontribut għas-sostenibbiltà tas-setturi tal-karozzi u tar-riċiklaġġ.

Din hija inizjattiva fil-Programm dwar l-Idoneità u l-Prestazzjoni tar-Regolamentazzjoni (REFIT).  

• Konsistenza mad-dispożizzjonijiet eżistenti fil-qasam ta’ politika

• Konsistenza ma’ politiki oħra tal-Unjoni

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

Il-proposta leġiżlattiva hija bbażata fuq l-Artikolu 114 tat-Trattat dwar il-Funzjonament tal-Unjoni Ewropea (TFUE), li għandu l-għan li jiżgura l-funzjonament tas-suq uniku 24 . Dan huwa essenzjali peress li l-proposta tistabbilixxi rekwiżiti ċari u uniformi li jirregolaw kemm it-tqegħid ta’ vetturi fis-suq tal-UE kif ukoll il-ġbir u t-trattament tagħhom fi tmiem il-ħajja, li huma meħtieġa biex tiġi ffaċilitata t-tranżizzjoni tas-settur lejn ekonomija ċirkolari. L-Artikolu 114 tat-TFUE huwa l-bażi ġuridika tal-qafas regolatorju ġenerali dwar l-approvazzjoni tat-tip ta’ vetturi bil-mutur, inkluża d-Direttiva dwar l-approvazzjoni tat-tip 3R, filwaqt li d-Direttiva dwar l-ELV għandha bażi ġuridika ambjentali (l-Artikolu 192 tat-TFUE).

Il-proposta tindirizza għadd ta’ problemi ewlenin relatati mas-suq uniku. Dawn jinkludu: i) implimentazzjoni mhux uniformi tad-Direttivi dwar l-approvazzjoni tat-tip 3R u l-ELV, peress li d-dispożizzjonijiet tagħhom huma soġġetti għal interpretazzjoni, li twassal għal sitwazzjonijiet differenti għall-operaturi skont fejn iqiegħdu l-vetturi fis-suq u jittrattaw l-ELVs, ii) suq tal-UE sottożviluppat għall-materjali sekondarji destinati għas-settur awtomobilistiku, iii) ostakoli għall-funzjonament tas-swieq tar-riċiklaġġ u għat-titjib fl-ekonomiji ta’ skala, iv) il-problema persistenti ta’ “vetturi neqsin” u n-nuqqas ta’ ċarezza biex issir distinzjoni bejn l-ELVs u l-vetturi użati fil-każ tal-esportazzjoni u v) il-ħtieġa ta’ qafas regolatorju stabbli u kompletament armonizzat biex jippermetti li tittejjeb il-prestazzjoni, inklużi l-investimenti meħtieġa, tal-operaturi ekonomiċi kollha involuti fil-produzzjoni u t-trattament fi tmiem il-ħajja tal-vetturi.

Fl-istess ħin, l-objettiv ewlieni tal-proposta huwa li tistabbilixxi rabta aktar mill-qrib bejn ir-rekwiżiti tad-disinn għall-vetturi u d-dispożizzjonijiet li jikkonċernaw il-ġestjoni tal-ELV, u b’hekk tippermetti li s-suq uniku jkun jista’ jiffunzjona mingħajr xkiel. Għalhekk, ir-rekwiżiti tad-disinn tal-vettura huma fformulati sabiex ikunu effettivament prerekwiżiti għall-eżekuzzjoni xierqa tad-dispożizzjonijiet dwar il-ġestjoni tal-ELV. Eżempji ta’ tali ġemellaġġ ta’ rekwiżiti jinkludu r-rati ta’ użu mill-ġdid, ir-rati ta’ riċiklaġġ u rkupru kontra l-miri għall-użu mill-ġdid, l-irkupru u r-riċiklaġġ, ir-rekwiżiti rigward is-sustanzi preżenti fil-vetturi kontra l-obbligu li jitneħħew il-partijiet u l-komponenti li fihom tali sustanzi qabel it-tqattigħ tal-ELVs, ir-rekwiżiti tal-kontenut riċiklat kontra l-mira tar-riċiklaġġ tal-plastik u d-disinn għat-tneħħija tal-partijiet kontra l-obbligu li jitneħħew il-partijiet qabel it-tqattigħ tal-ELVs.

Għalhekk, l-Artikolu 114 tat-TFUE huwa l-bażi ġuridika xierqa għal din il-proposta peress li jippermetti li r-rekwiżiti relatati mal-ambjent jiffurmaw l-elementi ewlenin tal-kundizzjonijiet li jirregolaw l-approvazzjoni tat-tip u b’hekk it-tqegħid ta’ vetturi fis-suq tal-UE, kif ukoll li jiġu armonizzati r-rekwiżiti dwar it-trattament fi tmiem il-ħajja tal-vetturi. Ir-raġunament jew iċ-ċentru tal-gravità tal-proposta huwa li tagħmel ir-rekwiżiti għat-tqegħid fis-suq uniformi (biex inkunu aktar preċiżi – ir-rekwiżiti għall-approvazzjoni tat-tip tal-vetturi) u, konsegwentement, biex tiżgura li meta l-vetturi jilħqu l-istadju ta’ tmiem il-ħajja tagħhom, dawn jiġu ttrattati b’mod li ma jagħmilx ħsara lill-ambjent, u li minn dawn tkun tista’ tiġi rkuprata b’mod effettiv materja prima sekondarja ta’ kwalità. Għalhekk, fil-każ ta’ din il-proposta, l-objettiv ambjentali ma huwiex indipendenti, iżda pjuttost l-ixprunatur għall-armonizzazzjoni tar-rekwiżiti tad-disinn dwar il-possibbiltajiet ta’ użu mill-ġdid, riċiklaġġ u rkupru tal-vetturi.

• Sussidjarjetà (għall-kompetenza mhux esklużiva)

Li jinkiseb suq uniku tal-UE armonizzat u li jiffunzjona tajjeb u li jippermetti tranżizzjoni bla xkiel tas-settur awtomobilistiku lejn l-ekonomija ċirkolari, f’konformità mal-għan stabbilit fil-Patt Ekoloġiku Ewropew, huwa essenzjali biex jiġi stabbilit sett komuni ta’ regoli fil-livell tal-UE b’rekwiżiti u obbligi ċari għall-Istati Membri u n-negozji. L-objettivi tal-ħidma biex jiġu riveduti r-regoli tal-UE dwar vetturi li ma għadhomx jintużaw ma jistgħux jintlaħqu biżżejjed b’azzjoni individwali mill-Istati Membri; minħabba l-iskala u l-effetti tal-miżuri, dawn jinkisbu l-aħjar permezz ta’ azzjoni li tittieħed fil-livell tal-UE.

L-armonizzazzjoni tar-rekwiżiti tindirizza l-problemi ta’ implimentazzjoni kkawżati minn interpretazzjonijiet differenti tal-leġiżlazzjoni eżistenti. Mingħajr azzjoni madwar l-UE, hemm riskju ta’ frammentazzjoni tas-suq tal-UE u r-riskju li l-progress fuq l-ekonomija ċirkolari jsir jiddependi minn azzjoni volontarja min-negozji jew mill-Istati Membri individwali.

•Proporzjonalità

Il-prinċipju tal-proporzjonalità huwa rifless fit-tfassil tal-miżuri kollha li jinsabu fir-regolament propost. Pereżempju, dan jestendi l-ambitu tal-leġiżlazzjoni eżistenti għal vetturi ġodda b’mod progressiv, b’perjodi ta’ tranżizzjoni għar-rekwiżiti l-ġodda kollha biex l-operaturi ekonomiċi jingħataw żmien ħalli jadattaw għar-regoli l-ġodda.

Deskrizzjoni aktar dettaljata tal-valutazzjoni tal-proporzjonalità abbażi ta’ kull għażla ta’ politika hija pprovduta fl-Anness 8 tar-rapport tal-valutazzjoni tal-impatt.

• Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

• Evalwazzjonijiet ex post/kontrolli tal-idoneità tal-leġiżlazzjoni eżistenti

L-evalwazzjonijiet tad-Direttiva dwar l-ELV 25 u tad-Direttiva dwar l-approvazzjoni tat-tip 3R 26 identifikaw in-natura ġenerika tad-dispożizzjonijiet tagħhom bħala wieħed min-nuqqasijiet ewlenin tagħhom li jipprevjenu t-tranżizzjoni tal-katina tal-provvista globali tal-karozzi lejn ekonomija ċirkolari. Dawn in-nuqqasijiet ġew diskussi fl-opinjoni tal-Pjattaforma Fit for Future (F4F) 27 . B’riżultat ta’ dan, il-problemi li ġejjin ġew identifikati bħala li jfixklu l-funzjonament tas-suq uniku tal-UE u li ma jaqgħux taħt il-livell ta’ protezzjoni tal-ambjent li l-UE għandha l-għan li tikseb:

–Id-disinn u l-produzzjoni ta’ vetturi ġodda ma jikkontribwux biżżejjed għall-ambizzjonijiet tal-Patt Ekoloġiku Ewropew għal ekonomija newtrali għall-klima, nadifa u ċirkolari;

–It-trattament tal-vetturi fi tmiem il-ħajja tagħhom huwa subottimali meta mqabbel mal-potenzjal tiegħu li jikkontribwixxi għal ekonomija newtrali għall-klima, nadifa u ċirkolari;

–Sehem importanti ta’ vetturi soġġetti għad-Direttiva dwar l-ELV ma jinġabrux biex jiġu ttrattati f’kundizzjonijiet ambjentali sodi fl-UE, li potenzjalment jikkontribwixxi għat-tniġġis f’pajjiżi terzi;

–Ma hemm l-ebda approċċ armonizzat fil-livell tal-UE għad-disinn, il-produzzjoni u t-trattament ta’ tmiem il-ħajja ta’ vetturi li bħalissa ma humiex fl-ambitu tad-Direttiva dwar l-ELV, li jirriżulta f’potenzjal mhux sfruttat għall-objettivi tal-ekonomija ċirkolari tal-Patt Ekoloġiku Ewropew.

Sabiex jiġu indirizzati dawn il-problemi, ir-regolament propost jagħmel enfasi fuq tliet aspetti ewlenin: ir-rekwiżiti taċ-ċirkolarità għall-approvazzjoni tat-tip ta’ vetturi, il-ġestjoni ta’ vetturi li ma għadhomx jintużaw u l-esportazzjoni ta’ vetturi użati.

•Konsultazzjonijiet mal-partijiet ikkonċernati

• Ġbir u użu tal-għarfien espert

Biex tirfed l-analiżi ta’ għażliet regolatorji differenti, il-Kummissjoni involviet konsulenti esterni taħt kuntratt ta’ appoġġ 29 .

Ġiet ikkompilata evidenza mir-rapporti ta’ evalwazzjoni tad-Direttiva dwar l-ELV 30 u mill-evalwazzjoni mmirata tad-Direttiva dwar l-approvazzjoni tat-tip 3R, li twettqet b’mod parallel mal-valutazzjoni tal-impatt u ġiet ippreżentata fl-Anness 11 tar-rapport dwar il-valutazzjoni tal-impatt.

Iċ-Ċentru Konġunt tar-Riċerka (JRC), is-servizz tax-xjenza u l-għarfien tal-Kummissjoni Ewropea, fassal rapport tekniku dwar il-miri għall-kontenut tal-plastik riċiklat f’karozzi ġodda tal-passiġġieri 31 u rapport dwar il-materja prima kritika fis-settur awtomobilistiku 32 . Ir-riżultati ta’ dawn ir-rapporti kkontribwew għall-valutazzjoni tal-impatt li tirfed il-proposta għal regolament.

Il-proposta tqis ukoll is-suġġerimenti pprovduti fl-opinjoni tal-Pjattaforma Fit for Future (F4F) 33 .

Evidenza addizzjonali ta’ appoġġ ikkontribwiet għall-proċess permezz ta’ studji speċifiċi fuq il-post u ġbir tad-data, integrati wkoll fil-ħidma ġenerali tal-valutazzjoni tal-impatt.

•Valutazzjoni tal-impatt

Il-valutazzjoni tal-impatt identifikat erba’ oqsma problematiċi biex jiġu indirizzati fil-livell tal-UE:

1.Hemm nuqqas ta’ integrazzjoni taċ-ċirkolarità fid-disinn u l-produzzjoni tal-vetturi li jwassal għal dipendenzi għoljin għall-materja prima primarja;

2.Il-kwalità tat-trattament tal-vetturi fi tmiem il-ħajja tagħhom hija subottimali meta mqabbla mal-potenzjal li jinżamm valur aktar ambjentali u ekonomiku;

3.Sehem importanti ta’ “vetturi neqsin” soġġetti għad-Direttiva dwar l-ELV ma jinġabrux biex jiġu ttrattati f’kundizzjonijiet ambjentali xierqa u volum kbir ta’ vetturi użati li ma jkollhomx affidabbiltà stradali u li jniġġsu jiġi esportat mill-UE kull sena;

4.Hemm potenzjal ta’ ċirkolarità mhux sfruttat tal-vetturi li bħalissa huma barra mill-ambitu tad-Direttiva dwar l-ELV biex jikkontribwixxu għall-objettivi tal-Patt Ekoloġiku Ewropew.

Sabiex tiġi indirizzata kull waħda minn dawn il-problemi, tfasslu u ġew analizzati għażliet ta’ politika speċifiċi għal kull wieħed mill-oqsma li ġejjin:

1.“Iddisinja b’mod ċirkolari”: agħmel id-disinn u l-produzzjoni ċirkolari;

2.“Uża kontenut riċiklat”: żid il-kontenut riċiklat f’vetturi ġodda;

3.“Wettaq trattament aħjar”: tejjeb it-trattament tal-ELVs;

4.“Iġbor aktar”: iġbor aktar ELVs fl-UE u ttejjeb il-kwalità tal-vetturi użati esportati;

5.“EPR”: ipprovdi l-inċentivi t-tajba biex jiżdied il-ġbir tal-ELVs u jittejjeb it-trattament tal-iskart permezz ta’ skemi ta’ responsabbiltà estiża tal-produtturi;

6.“Kopri aktar vetturi”: estendi l-ambitu tal-leġiżlazzjoni għal kategoriji ta’ vetturi addizzjonali.

Il-pakkett ta’ politika preferut fih taħlita tal-għażliet li ġejjin.

Iddisinja b’mod ċirkolari. L-għażla ppreferuta fiha obbligi għal żmien qasir għall-manifatturi tal-vetturi biex jagħmlu disponibbli informazzjoni dettaljata u faċli għall-utent dwar iż-żarmar u r-riċiklaġġ, inklużi l-użu u l-post tas-CRMs fil-vetturi u informazzjoni dwar is-sehem ta’ kontenut riċiklat f’vetturi ġodda. L-azzjonijiet għat-terminu medju jinkludu r-reviżjoni tal-metodoloġija biex jiġu kkalkolati l-possibbiltajiet ta’ riċiklaġġ u użu mill-ġdid ta’ vetturi ġodda fl-istadju tal-approvazzjoni tat-tip u l-iżvilupp ta’ passaport taċ-ċirkolarità tal-vettura. B’mod ġenerali, dan jistabbilixxi r-rekwiżiti ta’ ċirkolarità fl-approvazzjoni tat-tip ta’ tipi ġodda ta’ vetturi.

Kontenut riċiklat. L-għażla ppreferuta hija li jiġi stabbilit livell medju ta’ ambizzjoni b’mira għall-kontenut tal-plastik riċiklat ta’ 25 % sal-2030, li 25 % minnu huwa mit-trattament tal-ELV b’ċirkwit magħluq. Għall-azzar, din l-għażla tagħti s-setgħa lill-Kummissjoni tistabbilixxi mira għall-kontenut tal-azzar riċiklat f’vetturi approvati ġodda fi żmien 3 snin wara li r-regolament jidħol fis-seħħ, abbażi ta’ studju ta’ fattibbiltà. L-għażla li jiġu stabbiliti miri tal-kontenut riċiklat għal materjali oħra bħall-aluminju u s-CRMs se tiġi vvalutata fil-futur, abbażi tal-bidliet fid-disinji tal-karozzi u d-disponibbiltà tal-kapaċità ta’ riċiklaġġ.

Wettaq trattament aħjar. L-għażla ppreferuta tinkludi definizzjoni aktar stretta tar-riċiklaġġ, projbizzjoni fuq il-landfills għall-frazzjonijiet tar-residwi tat-tqattigħ tal-karozzi u livell medju ta’ ambizzjoni dwar l-obbligi tat-tneħħija biex jittejjeb l-irkupru ta’ komponenti ewlenin mill-ELVs mingħajr kostijiet sproporzjonati fuq l-operaturi tat-trattament. Dan se jżid l-irkupru ta’ materja prima (kritika) u jtejjeb il-kwalità tal-frazzjonijiet tal-plastik, tal-azzar u tal-aluminju.

Iġbor aktar. L-għażla ppreferuta hija l-aktar għażla politika ambizzjuża. Miżuri bħall-allokazzjoni aktar ċara tar-responsabbiltà għaċ-ċertifikati ta’ qerda, kriterji vinkolanti biex issir distinzjoni bejn il-vetturi u l-ELVs, u dispożizzjonijiet ġodda ta’ infurzar se jżidu b’mod sinifikanti l-għadd ta’ ELVs ittrattati legalment fl-UE. Din se tipprojbixxi wkoll l-esportazzjoni ta’ vetturi li ma għadhomx tajbin għat-triq, f’konformità mal-prinċipju ta’ “ebda ħsara sinifikanti”.

Ipprovdi inċentivi biex jiżdied il-ġbir tal-ELVs u jittejjeb it-trattament tal-iskart. L-għażla ppreferuta tinkludi inċentivi finanzjarji u ta’ organizzazzjoni billi jiġu stabbiliti rekwiżiti tal-EPR ħalli jiżdied il-ġbir tal-ELVs u biex jiġu kkumpensati l-kostijiet ta’ kwalità mtejba tat-trattament li ma jistgħux jiġu kkumpensati bil-valur tal-materjali u tal-komponenti rkuprati.

Irkupra aktar vetturi. L-għażla ppreferuta hija approċċ ta’ introduzzjoni gradwali biex gradwalment jiġu koperti aktar vetturi skont ir-regoli l-ġodda tal-UE billi l-manifatturi jintalbu jipprovdu informazzjoni dwar il-kompożizzjoni tal-vetturi tagħhom. Dan iġib ukoll sett ta’ rekwiżiti minimi ta’ trattament għal vetturi, trakkijiet, karozzi tal-linja u trejlers li ma għadhomx jintużaw tal-kategorija L3e-L7e. L-għażla ppreferuta hija mistennija li jkollha impatt pożittiv fuq l-ambjent billi tnaqqas l-impronta ambjentali marbuta mar-rekwiżiti tal-produzzjoni u ta’ tmiem il-ħajja tal-vetturi.

Il-benefiċċji ambjentali ġenerali huma vvalutati bħala tnaqqis annwali ta’ 12,3-il miljun tunnellata ta’ CO2-eq fl-2035 (10,8 miljun tunnellata fl-2030 għal 14,0-il miljun tunnellata fl-2040), kruċjali għad-dekarbonizzazzjoni tal-industrija tal-karozzi. Dan l-iffrankar tas-CO2 jirrappreżenta EUR 2,8 biljun meta mqabbel mal-valur monetarju. Dan huwa marbut ma’ valorizzazzjoni aħjar ta’ 5,4 miljun tunnellata ta’ materjali (plastik, azzar, aluminju, ram, CRMs) li jew jiġu riċiklati fi kwalità ogħla jew jintużaw mill-ġdid, u mal-fatt li sa 3,8 miljun tunnellata ta’ emissjonijiet addizzjonali jinġabru u jiġu ttrattati fl-UE. 350 tunnellata ta’ materjali tal-art rari f’materjali tal-kalamiti permanenti jinġabru separatament għall-użu mill-ġdid u għar-riċiklaġġ fl-2035 (u 1 500 tunnellata fl-2040), li jikkontribwixxu ħafna għall-għan tal-UE li tikseb awtonomija strateġika għall-materja prima kritika. L-għażla ppreferuta tikkontribwixxi l-aktar għall-għanijiet ta’ żvilupp sostenibbli tal-innovazzjonijiet sostenibbli (SDG9), il-konsum u l-produzzjoni responsabbli (SDG12) u l-azzjoni klimatika (SDG13).

Id-dħul annwali totali għall-għażla ppreferuta huwa ta’ EUR 5,2 biljun fl-2035, inklużi EUR 2,8 biljun ta’ ffrankar tas-CO2 imsarraf fi flus, meta mqabbel ma’ kost ta’ rendiment ta’ EUR 3,3 biljun għal EUR 1,8 biljun fi dħul nett.

Il-kost tal-għażla ppreferuta huwa stmat li jilħaq EUR 66 għal kull vettura mqiegħda fis-suq fl-2035. Huwa stmat li se jinħolqu 22 100 impjieg addizzjonali, li minnhom 14 200 fl-SMEs, l-aktar persuni li jżarmaw u riċiklaturi.

Filwaqt li se jkun hemm xi kostijiet fuq perjodu ta’ żmien qasir għall-industrija tal-karozzi tal-UE, l-għażla ppreferuta se tiġġenera wkoll iffrankar tal-enerġija, tnaqqas id-dipendenza tal-UE minn materjali miksuba minn pajjiżi terzi u tiżgura li t-tranżizzjoni lejn l-elettrifikazzjoni tal-vetturi ssir abbażi ta’ mudelli kummerċjali sostenibbli u ċirkolari, li lkoll jikkontribwixxu għall-kompetittività fit-tul tas-settur.

L-għażla ppreferuta se tiġġenera kemm kostijiet (marbuta mal-investiment f’teknoloġiji ġodda) kif ukoll dħul (marbuta ma’ valuri ogħla ta’ spare parts u materjali riċiklati) għas-settur tal-immaniġġar tal-iskart. Filwaqt li s-sitwazzjoni se tvarja bejn l-Istati Membri u operaturi differenti minħabba d-differenzi fit-teknoloġiji li jintużaw u l-kostijiet tax-xogħol, il-bidliet ippjanati se jsaħħu u jimmodernizzaw b’mod sinifikanti l-industrija tal-UE taż-żarmar, tat-tqattigħ u tar-riċiklaġġ.

L-awtoritajiet tal-Istati Membri huma mistennija jiffaċċjaw kostijiet limitati assoċjati mal-monitoraġġ u l-infurzar tal-konformità mal-leġiżlazzjoni l-ġdida. Il-kostijiet se jkunu primarjament dovuti għal spezzjonijiet, kontrolli fuq l-esportazzjoni tal-ELVs u vetturi użati u l-ħtieġa li jiġu adattati s-sistemi ta’ reġistrazzjoni. Min-naħa tiegħu, iż-żieda fid-diġitalizzazzjoni (għar-rapportar dwar iċ-ċertifikat tal-qerda, għall-iskambju ta’ informazzjoni mir-reġistri nazzjonali tar-reġistrazzjoni tal-vetturi dwar l-esportazzjoni tal-ELVs u l-vetturi użati u b’interoperabbiltà ma’ sistema ta’ twieqi uniċi) se żżid l-effiċjenza kemm għall-awtoritajiet tal-infurzar kif ukoll għan-negozji u se tnaqqas ukoll il-piż tagħhom. Il-kost kumplessiv stmat għall-awtoritajiet pubbliċi biex jissorveljaw l-iskemi tal-EPR, iwettqu xogħol ta’ infurzar u jadattaw is-sistemi nazzjonali ta’ reġistrazzjoni tal-vetturi hija ta’ madwar EUR 24 miljun, inqas minn EUR 2 għal kull vettura.

Il-konsumaturi jistgħu jiffaċċjaw żieda fil-prezzijiet ta’ vetturi ġodda ta’ madwar EUR 39 għal kull vettura, u prezzijiet aktar baxxi (bi EUR 12 għal kull vettura) meta jbigħu karozzi użati minħabba t-tnaqqis fl-esportazzjonijiet. Min-naħa l-oħra, il-miżuri li jappoġġaw l-irkupru u l-bejgħ ta’ spare parts użati huma mistennija li jirriżultaw fi prezzijiet tax-xiri aktar baxxi u f’tiswija u manutenzjoni orħos għall-konsumaturi, li huwa benefiċċju.

• Idoneità regolatorja u simplifikazzjoni

•Drittijiet fundamentali

Il-proposta ma għandhiex konsegwenzi għall-protezzjoni tad-drittijiet fundamentali.

4.IMPLIKAZZJONIJIET BAĠITARJI

L-implimentazzjoni tal-proposta se tirrikjedi li l-persunal u r-riżorsi finanzjarji jixtru s-servizzi. Uħud mir-rekwiżiti f’termini ta’ persunal huma mistennija li jiġu ssodisfati bħala parti mill-allokazzjonijiet eżistenti għall-Kummissjoni, għalkemm xi ħtiġijiet għal persunal estern addizzjonali huma ppreżentati fid-dikjarazzjoni finanzjarja leġiżlattiva ta’ akkumpanjament. Huwa mistenni li tinħoloq il-ħtieġa ta’ riżorsi żejda limitati fl-Aġenzija Ewropea għas-Sustanzi Kimiċi, li se tiġi prevista fi proposta leġiżlattiva sussegwenti li tkopri l-leġiżlazzjoni dwar is-Sustanzi Kimiċi.

Il-proposta tinkludi diversi artikoli li jispjegaw fid-dettall il-flussi ta’ ħidma ulterjuri li se jkollhom jitwettqu biex jikkomplementaw ir-regolament. Din il-ħidma se tinvolvi l-adozzjoni ta’ atti ta’ implimentazzjoni/delegati matul il-perjodu ta’ bejn sena u 8 snin ta’ wara.

Il-kompiti tekniċi ewlenin jinkludu:

–it-titjib tal-metodoloġija għall-kalkolu tar-rati fuq il-possibbiltajiet ta’ riċiklaġġ użu mill-ġdid u rkupru (rati tat-tliet R);

–it-titjib tal-valutazzjoni tar-riskju tal-eżenzjonijiet li jifdal mis-sustanzi perikolużi (appoġġ tal-ECHA);

–il-kalkolu u l-verifika tar-regoli għall-kontenut riċiklat tal-plastik, studju ta’ fattibbiltà għall-istabbiliment ta’ miri ta’ kontenut riċiklat għall-azzar f’applikazzjonijiet tal-karozzi u studju ta’ fattibbiltà usa’, inkluża valutazzjoni ekonomika għall-istabbiliment ta’ miri ta’ kontenut riċiklat għal materjali oħra u formati ta’ dikjarazzjoni (abbażi tal-għarfien espert u l-metodoloġija tal-JRC għalkemm mhux neċessarjament imwettqa mill-JRC););

–l-ispeċifikazzjoni tar-rekwiżiti tal-kapaċità ta’ tneħħija għall-batteriji tal-EV u għall-muturi tat-trazzjoni elettrika, informazzjoni ġenerali dwar it-tneħħija għal komponenti rilevanti oħra u l-allinjament tar-rekwiżiti għall-Att dwar is-CRM mar-Regolament dwar il-Batteriji (bħal hawn fuq, abbażi tal-għarfien espert tal-JRC);

–l-aġġornament tal-formati tal-approvazzjoni tat-tip u tal-fowlder ta’ informazzjoni li għandu jiġi pprovdut lill-awtoritajiet tal-approvazzjoni tat-tip;

–l-iżvilupp ta’ kriterji għall-passaport taċ-ċirkolarità tal-vettura;

–l-istabbiliment ta’ mekkaniżmi transfruntiera tal-EPR;

–l-emendar tar-regoli ta’ kalkolu u ta’ verifika għall-kwalità fil-prestazzjoni tat-trattament tal-vetturi (kif imsemmi hawn fuq, abbażi tal-għarfien espert tal-JRC);

–id-diġitalizzazzjoni: il-ħolqien ta’ reġistri interoperabbli tal-vetturi u ta’ kontrolli tal-esportazzjoni f’ħin reali permezz tal-Ambjent ta’ Tieqa Unika tal-UE għad-Dwana, l-ewwel nett abbażi ta’ rekwiżiti validi tal-affidabilità stradali u valutazzjoni bbażata fuq ir-riskju bħala t-tieni pass (kooperazzjoni mill-qrib bejn id-DĠ ENV, id-DĠ MOVE u d-DĠ TAXUD);

–it-teħid ta’ approċċ ta’ introduzzjoni gradwali għall-estensjoni tal-ambitu tal-kategoriji tal-vetturi u t-tħejjija għal rieżami 8 snin wara d-dħul fis-seħħ.

Il-Kummissjoni se tirrikjedi persunal addizzjonali biex iwettaq dawn il-kompiti tekniċi kif ġej:

–0,5 aġenti kuntrattwali ekwivalenti għal full-time (FTE) fl-2024;

–3,0 aġenti kuntrattwali FTE fl-2025;

–4,0 aġenti kuntrattwali FTE fl-2026 u l-2027, flimkien ma’ espert nazzjonali sekondat wieħed FTE.

B’mod ġenerali, il-kostijiet totali tal-implimentazzjoni, inklużi l-kostijiet għall-persunal tal-Kummissjoni, huma stmati għal EUR 4,346 miljun, abbażi tal-skali tas-salarju reċenti.

5.ELEMENTI OĦRA

• Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

L-implimentazzjoni tar-regolament propost se tiġi mmonitorjata minn diversi indikaturi li jsegwu l-informazzjoni bħall-volum ta’ materjali riċiklati li jintużaw f’vetturi ġodda, ir-rati ta’ riċiklaġġ għal materjali speċifiċi mill-ELVs, il-materjali/il-komponenti/il-partijiet mneħħija qabel it-tqattigħ, is-sehem mis-suq tal-ispare parts użati, l-għadd ta’ ELVs miġbura u pproċessati f’konformità mar-rekwiżiti tal-ELV u l-volum ta’ vetturi użati esportati. Aktar informazzjoni dwar dawn l-indikaturi tista’ tinstab fir-rapport tal-valutazzjoni tal-impatt.

Rieżami ġenerali ta’ regolament huwa ppjanat 8 snin wara li jidħol fis-seħħ.

• Spjegazzjoni fid-dettall tad-dispożizzjonijiet speċifiċi tal-proposta

L-Artikolu 3 jistabbilixxi d-definizzjonijiet meħtieġa għall-finijiet ta’ dan ir-Regolament. Diversi definizzjonijiet jiġu riportati mid-Direttivi 2000/53/KE u 2005/64/KE mħassra jew mil-leġiżlazzjoni eżistenti tal-UE, bħad -Direttivi 1999/37/KE , 2008/98/KE u 2014/45/UE jew ir-Regolament (UE) 2018/858.

Il-Kapitolu III jistabbilixxi rekwiżiti ta’ informazzjoni u tikkettar għall-manifatturi.

L-Artikolu 8 jistabbilixxi l-mod li bih il-manifatturi jeħtiġilhom jagħtu prova tal-konformità tat-tipi ta’ vetturi tagħhom mar-rekwiżiti stabbiliti f’dan ir-Regolament matul il-proċess tal-approvazzjoni tat-tip.

L-Artikolu 9 jistabbilixxi l-obbligu li titħejja strateġija għaċ-ċirkolarità għal kull tip ta’ vettura ġdida, li jkun fiha l-aspetti elenkati fl-Anness IV. Il-manifatturi jenħtieġ li jaġġornaw l-istrateġiji kull 5 snin, billi jiġbru fil-qosor l-eżitu tal-azzjonijiet meħuda biex jissodisfaw l-impenji tagħhom.

L-Artikolu 10 jobbliga lill-manifatturi jiddikjaraw fid-dokumentazzjoni tal-approvazzjoni tat-tip is-sehem tal-kontenut riċiklat tal-materjali indikati preżenti fil-vetturi.

L-Artikolu 11 jobbliga lill-manifatturi jipprovdu informazzjoni dwar it-tneħħija sikura u s-sostituzzjoni ta’ partijiet, komponenti u materjali li jinsabu fil-vetturi. Din l-informazzjoni trid tkun aċċessibbli mingħajr ħlas għall-operaturi tal-immaniġġar tal-iskart u għall-operaturi tat-tiswija u l-manutenzjoni.

L-Artikolu 12 ikopri t-tikkettar ta’ partijiet, komponenti u materjali preżenti fil-vetturi f’konformità mal-istandards tal-ikkowdjar tal-materjali. Regoli dettaljati dwar it-tikkettar ta’ muturi tat-trazzjoni elettrika li fihom kalamiti permanenti huma stabbiliti fl-Anness VI.

L-Artikolu 13 jistabbilixxi passaport taċ-ċirkolarità tal-vetturi, għodda diġitali li tintuża biex jittejjeb l-għoti ta’ informazzjoni dwar it-tneħħija sikura u s-sostituzzjoni tal-partijiet u l-komponenti tal-vetturi b’mod li jkun konsistenti ma’ għodod u pjattaformi ta’ informazzjoni diġitali oħra li diġà jeżistu jew li huma fi żvilupp ulterjuri fis-settur awtomobilistiku.

Il-Kapitolu IV jistabbilixxi regoli dwar il-ġestjoni ta’ vetturi li ma għadhomx jintużaw.

It-Taqsima 1 fiha dispożizzjonijiet li jirrikjedu li l-Istati Membri jaħtru l-awtoritajiet responsabbli għall-implimentazzjoni u l-infurzar tal-Kapitolu IV u V (l-Artikolu 14) u għall-istabbiliment tal-kundizzjonijiet ġenerali għall-ħruġ ta’ permessi għal faċilitajiet ta’ trattament awtorizzati (l-Artikolu 15).

It-Taqsima 2 tistabbilixxi r-rekwiżiti għar-responsabbiltà estiża tal-produtturi.

L-Artikolu 16 jistabbilixxi obbligu ġenerali tal-produtturi fuq ir-responsabbiltà u jindika l-ambitu tiegħu. L-Artikolu 17 jirrikjedi li l-Istati Membri joħolqu reġistru li se jimmonitorja l-konformità tal-produtturi ma’ dawn ir-rekwiżiti. Il-produtturi li ma humiex irreġistrati ma għandhomx jagħmlu vetturi disponibbli fis-suq f’territorju ta’ Stat Membru. L-Artikolu 18 jikkonċerna l-organizzazzjonijiet b’kompetenza fil-qasam tar-responsabbiltà tal-produtturi. L-Artikolu 19 jistabbilixxi l-kundizzjonijiet għall-awtorizzazzjoni tal-produtturi, f’każ ta’ twettiq individwali ta’ obbligi ta’ responsabbiltà estiża tal-produtturi, u organizzazzjonijiet b’responsabbiltà tal-produtturi. L-Artikolu 20 jindika l-kostijiet relatati mal-ġestjoni ta’ vetturi li ma għadhomx jintużaw li jenħtieġ li jkunu koperti minn kontribuzzjonijiet finanzjarji tal-produtturi. L-Artikolu 21 jistabbilixxi kriterji armonizzati għall-modulazzjoni ta’ dawn it-tariffi. L-Artikolu 22 jistabbilixxi regoli dwar il-mekkaniżmu tal-allokazzjoni tal-kostijiet għall-vetturi li jsiru vetturi li ma għadhomx jintużaw fi Stat Membru ieħor. Dan jagħti s-setgħa lill-Kummissjoni li tadotta atti delegati dwar regoli dettaljati dwar l-applikazzjoni ta’ kriterji ta’ modulazzjoni tat-tariffi u dwar il-mekkaniżmu ta’ allokazzjoni tal-kostijiet tar-responsabbiltà estiża tal-produtturi transfruntiera.

It-Taqsima 3 tkopri l-ġbir ta’ vetturi li ma għadhomx jintużaw.

L-Artikolu 23 jistabbilixxi obbligu għall-produtturi biex jistabbilixxu u jipparteċipaw f’sistemi ta’ ġbir għal vetturi li ma għadhomx jintużaw u jistabbilixxi r-rekwiżiti ta’ dawn is-sistemi. Dan jobbliga wkoll lill-Istati Membri jiżguraw li dawn is-sistemi jiffunzjonaw kif suppost.

L-Artikolu 24 jistabbilixxi obbligu li l-vetturi kollha li ma għadhomx jintużaw jitwasslu fil-faċilitajiet ta’ trattament awtorizzati.

L-Artikolu 25 jispeċifika l-obbligu tal-faċilitajiet ta’ trattament awtorizzati li joħorġu ċertifikati ta’ qerda għall-vetturi kollha li ma għadhomx jintużaw li ġew trattati.

L-Artikolu 26 jelenka l-obbligi tas-sidien tal-vetturi li jwasslu l-vetturi tagħhom f’faċilità ta’ trattament awtorizzata meta din tilħaq l-istadju ta’ tmiem il-ħajja u li jippreżentaw iċ-ċertifikat ta’ qerda sussegwenti għat-tneħħija tar-reġistrazzjoni tal-vettura.

It-Taqsima 4 tkopri t-trattament ta’ vetturi li ma għadhomx jintużaw.

L-Artikolu 27 jistabbilixxi obbligi ta’ faċilitajiet awtorizzati ta’ trattament dwar l-azzjoni speċifika meħtieġa biex il-vetturi jiġu ttrattati kif suppost.

L-Artikolu 28 jistabbilixxi r-rekwiżiti ġenerali applikabbli għat-tqattigħ ta’ vetturi li ma għadhomx jintużaw. Dan jipprojbixxi wkoll it-taħlit ta’ vetturi li ma għadhomx jintużaw, il-partijiet, il-komponenti u l-materjali tagħhom mal-iskart mill-imballaġġ u l-iskart ta’ tagħmir elettriku u elettroniku. 

L-Artikolu 29 jistabbilixxi r-rekwiżiti għat-tindif mit-tniġġis ta’ vetturi li ma għadhomx jintużaw, li jindika li l-fluwidi u l-likwidi mneħħija jridu jinħażnu separatament, bl-istess mod bħall-partijiet, il-komponenti u l-materjali li fihom iċ-ċomb, il-kadmju, il-merkurju u l-kromu eżavalenti. Dan jenfasizza wkoll li l-batteriji tal-vetturi elettriċi mneħħija jeħtieġ li jinħażnu u jiġu ttrattati f’konformità mar-Regolament (UE) 2023/[Batteriji].

L-Artikolu 30 jobbliga lill-faċilitajiet ta’ trattament awtorizzati biex ineħħu l-partijiet u l-komponenti elenkati fil-Parti C tal-Anness VII qabel it-tqattigħ u jistabbilixxi l-kundizzjonijiet li jawtorizzaw eżenzjoni minn dan ir-rekwiżit.

L-Artikolu 31 jistabbilixxi l-obbligi dwar il-partijiet u l-komponenti mneħħija biex tiġi vvalutata l-idoneità tagħhom għall-użu mill-ġdid, ir-rimanifattura, ir-rinnovazzjoni, ir-riċiklaġġ, jew operazzjonijiet oħra ta’ trattament u kif jenħtieġ li jiġu ttikkettati. Dan jipprovdi wkoll lista ta’ partijiet li jenħtieġ li ma jerġgħux jintużaw, jiġu rimanifatturati jew rinnovati.

L-Artikolu 32 jistabbilixxi r-rekwiżiti li jirregolaw in-negozjar ta’ partijiet u komponenti użati, rimanifatturati u rinnovati. Dawn il-partijiet u l-komponenti jridu jkunu ttikkettati u koperti b’garanzija kif suppost.

L-Artikolu 33 jiddikjara li l-Istati Membri jeħtiġilhom jadottaw inċentivi biex jippromwovu l-użu mill-ġdid, ir-rimanifattura u r-rinnovazzjoni ta’ partijiet u komponenti.

L-Artikolu 34 jistabbilixxi tliet miri: dwar l-użu mill-ġdid u r-riċiklaġġ ta’ vetturi li ma għadhomx jintużaw, dwar l-użu mill-ġdid u l-irkupru tagħhom u dwar ir-riċiklaġġ tal-plastik.

L-Artikolu 35 jintroduċi projbizzjoni għar-rimi fil-landfills ta’ skart mhux inerti li ma jiġix ipproċessat permezz ta’ teknoloġija post shredder.

L-Artikolu 36 jistabbilixxi regoli għall-kalkolu tal-miri tal-użu mill-ġdid, tar-riċiklaġġ u tal-irkupru f’sitwazzjonijiet meta l-vetturi li ma għadhomx jintużaw jintbagħtu lejn pajjiż ieħor għat-trattament.

Il-Kapitolu V jipprovdi regoli dwar vetturi użati u l-esportazzjoni tagħhom.

It-Taqsima 1 tikkonċerna l-istatus tal-vetturi użati. L-Artikolu 37 jobbliga lis-sid tal-vettura li jkun qed jittrasferixxi s-sjieda tal-vettura biex ikun jista’ juri li l-vettura soġġetta għat-trasferiment ma hijiex vettura li ma għadhiex tintuża.

It-Taqsima 2 fiha diversi dispożizzjonijiet li jirregolaw l-esportazzjoni ta’ vetturi użati.

L-Artikolu 38 jistabbilixxi l-kundizzjonijiet għall-esportazzjoni ta’ vetturi użati: dawn jenħtieġ li ma jkunux vetturi li ma għadhomx jintużaw skont il-kriterji stabbiliti fl-Anness I u jrid ikollhom affidabbiltà stradali. Dan jispjega wkoll kif l-awtoritajiet doganali se jivverifikaw jekk il-vetturi jikkonformawx ma’ dawn ir-rekwiżiti u kif jagħmlu dan.

L-Artikolu 39 jobbliga lill-awtoritajiet doganali jivverifikaw b’mod awtomatiku u elettroniku l-konformità tal-vetturi li għandhom jiġu esportati mar-rekwiżiti tal-esportazzjoni.

L-Artikolu 40 jistabbilixxi meta l-awtoritajiet doganali jenħtieġ li jwettqu kontrolli fuq vetturi użati għall-esportazzjoni.

L-Artikolu 41 jindika meta l-awtoritajiet doganali jenħtieġ li jissospendu l-esportazzjoni ta’ vettura użata mir-rilaxx għall-esportazzjoni, l-Artikolu 42 jikkonċerna sitwazzjonijiet fejn vettura użata għandha tiġi rilaxxata għall-esportazzjoni u l-Artikolu 43 jipprevedi raġunijiet għar-rifjut tar-rilaxx tal-vettura għall-esportazzjoni.

L-Artikolu 44 ikopri l-kooperazzjoni bejn l-awtoritajiet u l-iskambju ta’ informazzjoni relatata mad-dwana u l-Artikolu 45 jindika s-sistema elettronika li għandha tintuża għal dan il-għan.

Il-Kapitolu VI fih dispożizzjonijiet dwar l-infurzar tar-regoli li jinsabu fir-regolament.

L-Artikolu 46 jobbliga lill-Istati Membri jwettqu spezzjonijiet regolari ta’ faċilitajiet awtorizzati ta’ trattament, ta’ operaturi tat-tiswija u tal-manutenzjoni u ta’ faċilitajiet u ta’ operaturi ekonomiċi oħra li jistgħu jittrattaw vetturi li ma għadhomx jintużaw.

L-Artikolu 47 jobbliga lill-Istati Membri jistabbilixxu mekkaniżmi ta’ kooperazzjoni effettivi fil-livell nazzjonali u internazzjonali, li jippermettu l-iskambju tad-data meħtieġa skont dan ir-regolament.

L-Artikolu 48 jirrikjedi li l-Istati Membri jistabbilixxu penali effettivi, proporzjonati u dissważivi għall-ksur ta’ dan ir-Regolament.

L-Artikolu 49 jistabbilixxi regoli dwar ir-rapportar mill-Istati Membri lill-Kummissjoni dwar data li tikkonċerna l-ġbir u t-trattament ta’ vetturi li ma għadhomx jintużaw, kif ukoll dwar l-implimentazzjoni tal-obbligi tar-responsabbiltà estiża tal-produtturi.

Il-Kapitolu VII huwa kapitolu standard b’artikoli dwar l-atti delegati (l-Artikolu 50) u dwar l-atti ta’ implimentazzjoni (l-Artikolu 51).  

Il-Kapitolu VIII jistabbilixxi emendi għar-Regolament (UE) 2019/1020 u r-Regolament (UE) 2018/858.

Il-Kapitolu IX huwa kapitolu standard dwar id-dispożizzjonijiet finali, b’artikoli li jkopru r-rekwiżit li jiġi evalwat ir-Regolament 8 snin wara l-adozzjoni (l-Artikolu 55), dwar it-tħassir u dispożizzjonijiet tranżizzjonali (l-Artikolu 56) u d-dħul fis-seħħ (l-Artikolu 57). 

2023/0284 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar ir-rekwiżiti taċ-ċirkolarità għad-disinn tal-vetturi u dwar il-ġestjoni ta’ vetturi li ma għadhomx jintużaw, li jemenda r-Regolamenti (UE) 2018/858 u 2019/1020 u li jħassar id-Direttivi 2000/53/KE u 2005/64/KE

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 114 tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 35 ,

Wara li kkunsidraw l-opinjoni tal-Kumitat tar-Reġjuni 36 ,

Filwaqt li jaġixxu skont il-proċedura leġiżlattiva ordinarja,

Billi:

(1)Il-Komunikazzjoni tal-Kummissjoni tal-11 ta’ Diċembru 2019 dwar “Il-Patt Ekoloġiku Ewropew” 37 (il-“Patt Ekoloġiku Ewropew”) hija l-istrateġija ta’ tkabbir tal-Ewropa li għandha l-għan li tittrasforma l-Unjoni f’soċjetà ġusta u prospera, b’ekonomija moderna, effiċjenti fir-riżorsi u kompetittiva, fejn ma jkun hemm l-ebda emissjoni netta ta’ gassijiet b’effett ta’ serra fl-2050 u fejn it-tkabbir ekonomiku jkun diżakkoppjat mill-użu tar-riżorsi. Sabiex il-politiki tal-Unjoni dwar il-prodotti jikkontribwixxu għat-tnaqqis tal-emissjonijiet tal-karbonju fil-livell globali, jeħtieġ li jiġi żgurat li l-prodotti kkummerċjalizzati u mibjugħa fl-Unjoni jiġu akkwistati, manifatturati u ttrattati fi tmien il-ħajja tagħhom b’mod sostenibbli.

(2)Is-settur awtomobilistiku huwa kontributur importanti għall-użu tar-riżorsi tal-enerġija u tal-materjal mill-Unjoni, u għalhekk għall-ġenerazzjoni ta’ gassijiet serra. Il-produzzjoni ta’ vetturi f’pajjiżi terzi li jitqiegħdu fis-suq tal-Unjoni tikkontribwixxi għall-ġenerazzjoni ta’ gassijiet serra globali, li min-naħa tagħha għandha impatt ambjentali negattiv fuq l-Unjoni. Bidla mill-użu tal-fjuwils fossili fil-vetturi għal mobilità b’emissjonijiet żero, kif previst fil-pakkett “Lesti għall-Mira ta’ 55 %”, hija waħda mill-prerekwiżiti biex jintlaħaq l-għan tan-newtralità klimatika fl-2050. Dan se jnaqqas l-emissjonijiet tal-gassijiet serra mis-settur awtomobilistiku marbuta mal-fażi tal-użu tal-vetturi. L-industrija tal-karozzi hija waħda mill-akbar utenti tal-aluminju primarju, tal-azzar u tal-plastik, marbuta mal-manifattura ta’ vetturi ġodda mqiegħda fis-suq tal-Unjoni. Dan jista’ jirrappreżenta impatt ambjentali sinifikanti, marbut mal-enerġija meħtieġa għall-estrazzjoni u l-ipproċessar ta’ dawn il-materjali. L-impronta ambjentali marbuta mal-manifattura ta’ vetturi ġodda tista’ tiżdied bl-elettrifikazzjoni li għaddejja bħalissa tal-flotta, kif ukoll minħabba użu aktar mifrux tal-elettronika f’mudelli futuri, li t-tnejn jeħtieġu ammont konsiderevoli ta’ materja prima kritika u strateġika u metalli prezzjużi, bħar-ram u elementi tal-art rari. Ir-riżultat ta’ dawn il-bidliet huwa li l-fażi tal-produzzjoni jista’ jkollha impronta ambjentali akbar mill-fażi tal-użu tal-vetturi. Barra minn hekk, ir-rekwiżiti kurrenti fid-dritt tal-Unjoni dwar l-immaniġġar tal-iskart jirriżultaw f’irkupru subottimali tar-riżorsi minn vetturi li ma għadhomx jintużaw, u hemm potenzjal għoli li jiżdiedu l-kwantità u l-kwalità tal-partijiet, il-komponenti u l-materjali li għandhom jintużaw mill-ġdid, jiġu rimanifatturati, rinnovati jew riċiklati minn vetturi li ma għadhomx jintużaw. Sabiex jiġu indirizzati dawn l-impatti ambjentali u jingħata kontribut għad-dekarbonizzazzjoni tas-settur, jeħtieġ li jittejjeb il-funzjonament tas-suq uniku u li tissaħħaħ it-tranżizzjoni tal-industrija tal-karozzi lejn ekonomija ċirkolari. Dan huwa konformi mal-Komunikazzjoni tal-Kummissjoni tal-11 ta’ Marzu 2020 dwar “Pjan ta’ Azzjoni ġdid dwar l-Ekonomija Ċirkolari – Għal Ewropea aktar nadifa u kompetittiva” 38 li talbet reviżjoni tar-regoli kurrenti biex “jiġu promossi mudelli tan-negozju aktar ċirkolari billi l-kwistjonijiet tad-disinn jiġu marbuta mat-trattament fi tmiem il-ħajja, jiġu kkunsidrati regoli dwar il-kontenut riċiklat obbligatorju għal ċerti materjali, u tittejjeb l-effiċjenza tar-riċiklaġġ”. Il-Kunsill 39 u l-Parlament 40 saħqu wkoll fuq il-ħtieġa ta’ regoli ġodda tal-Unjoni dwar dawn il-kwistjonijiet, li jissostitwixxu r-regoli eżistenti dwar l-approvazzjoni tat-tip ta’ vetturi fir-rigward tal-possibbiltajiet tal-użu mill-ġdid, ir-riċiklaġġ u l-irkupru u dwar vetturi li ma għadhomx jintużaw.

(3)Id-Direttiva 2000/53/KE tal-Parlament Ewropew u tal-Kunsill 41 tistabbilixxi rekwiżiti armonizzati ta’ trattament għal vetturi li ma għadhomx jintużaw u miri għall-użu mill-ġdid u r-riċiklaġġ u l-użu mill-ġdid u l-irkupru tal-vetturi. Din tistabbilixxi obbligi dwar il-ġbir ta’ vetturi li ma għadhomx jintużaw, kif ukoll obbligi għall-operaturi ekonomiċi, b’mod partikolari r-restrizzjoni tal-użu ta’ metalli tqal fil-vetturi. Dan joħloq ukoll regoli bażiċi dwar ir-responsabbiltà estiża tal-produtturi, li jirrikjedu li l-produtturi tal-vetturi jkopru parti mill-kostijiet tal-ġbir ta’ vetturi li ma għadhomx jintużaw.

(4)L-evalwazzjoni tal-Kummissjoni tad-Direttiva 2000/53/KE 42 enfasizzat li kienet effettiva fl-ilħuq ta’ ħafna mill-objettivi inizjali tagħha, speċjalment l-eliminazzjoni tal-kadmju, taċ-ċomb, tal-merkurju u tal-kromu eżavalenti mill-vetturi, żieda fil-punti ta’ ġbir għal vetturi li ma għadhomx jintużaw u l-ilħuq tal-miri ta’ rkupru u riċiklaġġ. Madankollu, l-evalwazzjoni sabet li d-Direttiva ma kinitx tindirizza biżżejjed kwistjonijiet importanti marbuta mal-ġbir ta’ vetturi li ma għadhomx jintużaw u ma kinitx adattata aktar biex tiżgura kwalità għolja ta’ trattament ta’ dawn il-vetturi.

(5)Id-Direttiva 2005/64/KE tal-Parlament Ewropew u tal-Kunsill 43 tirregola l-approvazzjoni tat-tip ta’ vetturi fir-rigward tal-possibbiltajiet ta’ użu mill-ġdid, riċiklaġġ u rkupru tagħhom, sabiex dawn il-vetturi jkunu jistgħu jilħqu l-miri stabbiliti fid-Direttiva 2000/53/KE fl-istadju ta’ tmiem il-ħajja tagħhom. Dik id-Direttiva ma kinitx effettiva biex ittejjeb b’mod sostanzjali il-possibbiltajiet tal-użu mill-ġdid, tar-riċiklaġġ u tal-irkupru ta’ vetturi ġodda u ma hijiex adattata għall-karatteristiċi ta’ vetturi ġodda, li nbidlu b’mod konsiderevoli mid-dħul fis-seħħ ta’ dik id-Direttiva.

(6)Ir-Regolament (UE) 2018/858 tal-Parlament Ewropew u tal-Kunsill 44 introduċa sistema komprensiva ta’ approvazzjoni tat-tip u ta’ sorveljanza tas-suq għall-vetturi bil-mutur, it-trejlers, u għal sistemi, komponenti u unitajiet tekniċi separati maħsuba għal tali vetturi bil-għan li jiġi żgurat il-funzjonament xieraq tas-suq uniku u sabiex jiġi offrut livell għoli ta’ prestazzjoni ambjentali. Hemm bżonn ta’ att regolatorju separat għall-finijiet tal-proċedura tal-approvazzjoni tat-tip tal-UE stipulata fl-Anness II tar-Regolament (UE) 2018/858. Huwa meħtieġ li jiġu stabbiliti dispożizzjonijiet u rekwiżiti dwar iċ-ċirkolarità tal-vetturi fil-proċess tal-approvazzjoni tat-tip tal-UE. Sabiex tiġi żgurata l-konformità tal-vetturi ma’ dawk ir-rekwiżiti, huwa meħtieġ li tiġi żgurata l-verifika tagħhom fil-proċess tal-approvazzjoni tat-tip tal-UE. Id-dispożizzjonijiet amministrattivi tar-Regolament (UE) 2018/858, inklużi d-dispożizzjonijiet dwar is-sorveljanza tas-suq, il-miżuri korrettivi u l-penali, japplikaw għall-approvazzjonijiet tat-tip maħruġa minn dan ir-Regolament. Id-dispożizzjonijiet amministrattivi tar-Regolament (UE) 2018/858, inklużi d-dispożizzjonijiet dwar is-sorveljanza tas-suq, il-miżuri korrettivi u l-penali, japplikaw għall-approvazzjonijiet tat-tip maħruġa f’konformità mar-rekwiżiti ta’ dan ir-Regolament.

(7)Sabiex jittejjeb il-funzjonament tas-suq uniku, filwaqt li jiġi żgurat livell għoli ta’ protezzjoni tal-ambjent, huwa essenzjali li jiġu armonizzati l-kundizzjonijiet għall-approvazzjoni tat-tip ta’ vetturi fir-rigward tal-possibbiltajiet ta’ użu mill-ġdid, riċiklaġġ u rkupru tagħhom, kif ukoll il-kundizzjonijiet li jirregolaw l-immaniġġar tal-iskart fis-settur awtomobilistiku. Hemm rabtiet intrinsiċi bejn l-istadju tal-produzzjoni u t-trattament fi tmiem il-ħajja tal-vetturi, peress li t-trattament ambjentalment san tal-vetturi li ma għadhomx jintużaw jiddependi ħafna minn kif il-vetturi jiġu ddisinjati u mibnija fl-ewwel post. Għalhekk, l-aktar mod effiċjenti biex tiġi ffaċilitata t-tranżizzjoni tas-settur awtomobilistiku lejn ekonomija ċirkolari huwa li jiġi stabbilit qafas regolatorju uniformi fil-livell tal-Unjoni, li jkopri b’mod integrat u konsistenti d-disinn, il-manifattura, it-tqegħid fis-suq fl-Unjoni u t-trattament ta’ tmiem il-ħajja tal-vetturi. Dan huwa essenzjali wkoll għall-iżvilupp tas-suq tal-Unjoni għall-materja prima sekondarja li hija inkluża f’vetturi ġodda mqiegħda fis-suq, kif ukoll biex jiġu evitati l-ostakli għall-kummerċ u d-distorsjonijiet tal-kompetizzjoni, tiġi żgurata ċ-ċarezza legali u jittejbu l-prestazzjonijiet ambjentali tal-operaturi ekonomiċi kollha involuti fid-disinn, fil-produzzjoni u fit-trattament ta’ tmiem il-ħajja tal-vetturi. Sabiex jintlaħqu dawn l-objettivi u l-ħtieġa li jkun hemm regoli uniformi għas-suq uniku xprunati minn tħassib ambjentali, u f’konformità mal-leġiżlazzjoni ġenerali tal-Unjoni dwar l-approvazzjoni tat-tip għall-vetturi bil-mutur, id-Direttiva 2000/53/KE u d-Direttiva 2005/64/KE jenħtieġ li jiġu sostitwiti b’Regolament, abbażi tal-Artikolu 114 dwar il-Funzjonament tal-Unjoni Ewropea (TFUE).

(8)Id-Direttivi 2000/53/KE u 2005/64/KE japplikaw biss għall-vetturi tal-passiġġieri (M1) u għall-vetturi kummerċjali ħfief (N1), li jikkostitwixxu madwar 85 % tal-vetturi kollha rreġistrati fl-Unjoni. Il-bqija tal-vetturi, jiġifieri vetturi b’żewġ roti u bi tliet roti, trakkijiet, karozzi tal-linja u trejlers, ma huma soġġetti għall-ebda leġiżlazzjoni tal-Unjoni dwar l-ekodisinn u l-ġestjoni tagħhom fl-istadji ta’ tmiem il-ħajja tagħhom. Għalhekk, sabiex jiġi żgurat qafas ċirkolari għall-vetturi kollha rreġistrati fl-Unjoni, inkluż it-trattament tagħhom li ma jagħmilx ħsara lill-ambjent, kif ukoll biex tiġi evitata l-frammentazzjoni tas-suq uniku, dan ir-Regolament jenħtieġ li japplika mhux biss għall-vetturi tal-kategoriji M1 u N1, iżda, parzjalment, anki għal ċerti vetturi tal-kategorija L (L3e-L7e), vetturi heavy-duty u t-trejlers tagħhom (M2, M3, N2, N3, O). Hemm nuqqas ta’ informazzjoni komprensiva dwar it-trattament ta’ tali vetturi fi tmiem il-ħajja tagħhom fl-Unjoni, li jipprevjeni li għalihom jiġi applikat l-istess reġim bħal dak li japplika għall-vetturi M1 u N1 mad-dħul fis-seħħ ta’ dan ir-Regolament. Madankollu, ir-rekwiżiti rigward il-ġbir ta’ vetturi li ma għadhomx jintużaw, it-twassil obbligatorju tagħhom f’faċilitajiet awtorizzati ta’ trattament għat-trattament kif ukoll it-tindif mit-tniġġis tagħhom jenħtieġ li japplikaw għal vetturi tal-kategorija L (L3e-L7e) u vetturi heavy-duty u t-trejlers tagħhom (M2, M3, N2, N3, O). Sabiex jiġi ffaċilitat it-trattament ta’ dawn il-vetturi li ma għadhomx jintużaw, il-manifatturi tagħhom jenħtieġ li jkunu meħtieġa jipprovdu informazzjoni dwar it-tneħħija u s-sostituzzjoni ta’ partijiet, komponenti u materjali minn tali vetturi. Barra minn hekk, id-dispożizzjonijiet li jirregolaw ir-responsabbiltà estiża tal-produttur jenħtieġ li japplikaw għal dawn il-kategoriji ta’ vetturi, li jkopru l-kostijiet tal-ġbir u tat-tindif mit-tniġġis tagħhom fi tmiem il-ħajja tagħhom.

(9)Il-problemi bl-esportazzjoni ta’ vetturi użati jikkonċernaw mhux biss il-vetturi tal-passiġġieri (M1) u l-vetturi kummerċjali ħfief (N1), iżda wkoll, kif juru l-istudji 45 , vetturi akbar. Għalhekk, dawn id-dispożizzjonijiet jenħtieġ li japplikaw ukoll għal vetturi heavy-duty u t-trejlers tagħhom (M2, M3, N2, N3, O).

(10)Vetturi bi skop speċjali huma ddisinjati sabiex iwettqu funzjoni speċifika u jeħtieġu arranġamenti speċjali ta’ karrozzerija li ma humiex kompletament taħt il-kontroll tal-manifattur. Għalhekk, ir-rati tal-possibbiltajiet ta’ użu mill-ġdid, ta’ riċiklaġġ u ta’ rkupru ma jistgħux jiġu kkalkolati kif suppost. Għal dawk il-vetturi jenħtieġ li japplikaw biss id-dispożizzjonijiet dwar il-ġbir, it-tindif mit-tniġġis u t-tneħħija obbligatorja għall-partijiet u l-komponenti. Il-kostijiet tat-twettiq ta’ dawn l-attivitajiet jenħtieġ li jkunu koperti mill-produtturi fi ħdan l-iskema ta’ responsabbiltà estiża tal-produttur. Id-dispożizzjonijiet dwar is-sustanzi fil-vetturi jenħtieġ li japplikaw ukoll għal vetturi bi skop speċjali, kif inhu skont id-Direttiva 2000/53/KE. Il-manifattur tat-tieni stadju ta’ vetturi li jkunu ngħataw approvazzjoni tat-tip f’approvazzjoni tat-tip f’diversi stadji ma huwiex f’pożizzjoni li jikkalkula r-rati tal-possibbiltajiet ta’ użu mill-ġdid, ta’ riċiklaġġ u ta’ rkupru għall-vetturi kompluti. Huwa għalhekk xieraq li l-obbligu ta’ konformità ma’ din id-Direttiva jiġi stabbilit biss fir-rigward tal-vettura bażi.

(11)Waħda mill-akbar sfidi prattiċi relatati mal-applikazzjoni tad-Direttiva 2000/53/KE tikkonċerna d-determinazzjoni ta’ jekk vettura tkunx saret vettura li ma għadhiex tintuża, b’mod partikolari f’każijiet ta’ vjeġġi transfruntieri ta’ vetturi. Minkejja l-ħruġ ta’ gwida 46 dwar din il-kwistjoni, tali valutazzjoni tibqa’ problematika. Għalhekk huwa meħtieġ li jiġu pprovduti kriterji preċiżi legalment vinkolanti li jippermettu li tiġi ddeterminata vettura li ma għadhiex tintuża. Dawk il-kriterji jenħtieġ li jintużaw mill-operaturi ekonomiċi kollha u mis-sidien tal-vetturi li jittrattaw vetturi li ma għadhomx jintużaw.

(12)L-evalwazzjoni tad-Direttiva 2000/53/KE kkonkludiet li d-dispożizzjonijiet f’din id-Direttiva dwar id-disinn ta’ vetturi mmirati biex jiffaċilitaw iż-żarmar tagħhom u l-użu ta’ materjali riċiklati kellhom impatt limitat ħafna fuq id-disinn u l-manifattura ta’ vetturi ġodda, peress li ma kinux dettaljati, speċifiċi u li jistgħu jitkejlu biżżejjed.

(13)L-indirizzar tad-disinn tal-vetturi kollha mqiegħda fis-suq tal-Unjoni kif ukoll l-istadju ta’ tmiem il-ħajja tagħhom jeħtieġ li jiġu stabbiliti rekwiżiti ta’ ċirkolarità armonizzati vverifikati fl-istadju tal-approvazzjoni tat-tip. Id-disinn u l-manifattura tal-vetturi biex jiġi żgurat li l-partijiet u l-komponenti tagħhom ikunu jistgħu jerġgħu jintużaw, u l-materjali li jkun fihom ikunu riċiklabbli, huma essenzjali biex jiġi evitat li dawn il-partijiet, il-komponenti u l-materjali ma jkunux jistgħu jiġu vvalorizzati kif xieraq meta vettura tilħaq tmiem il-ħajja tagħha. Għalhekk, il-manifatturi tal-vetturi u l-fornituri tagħhom jenħtieġ li jintegraw strateġiji ta’ disinn li jtejbu l-possibbiltajiet ta’ użu mill-ġdid u ta’ riċiklaġġ fi stadju bikri fl-iżvilupp ta’ vetturi ġodda. Għaldaqstant, jenħtieġ li jkomplu jinbnew tipi ġodda ta’ vetturi sabiex ikunu jistgħu jerġgħu jintużaw jew jiġu riċiklati għal mill-inqas 85 % skont il-massa u jkunu jistgħu jerġgħu jintużaw jew jiġu rkuprati għal mill-inqas 95 % skont il-massa, kif diġà huwa previst fid-Direttiva 2005/64/KE. Sabiex jiġi żgurat li l-kalkolu tar-rati tal-possibbiltajiet ta’ użu mill-ġdid, ta’ riċiklaġġ u ta’ rkupru jsir b’mod uniformi u jkun jista’ jiġi mmonitorjat, jenħtieġ li tiġi stabbilita metodoloġija ġdida għall-kalkolu u għall-verifika tar-rati tal-possibbiltajiet ta’ użu mill-ġdid, tar’ riċiklaġġ u ta’ rkupru ta’ vettura. Din il-metodoloġija jenħtieġ li tirrifletti aħjar il-potenzjal kurrenti ta’ vettura ġdida biex tiġi riċiklata, użata mill-ġdid u rkuprata fi tmiem il-ħajja, filwaqt li jitqies il-progress teknoloġiku li jkun għaddej. Sabiex ikunu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata setgħat ta’ implimentazzjoni biex tistabbilixxi tali metodoloġija. Sakemm tiġi stabbilita tali metodoloġija, ir-rati tal-possibbiltajiet ta’ użu mill-ġdid, ta’ riċiklaġġ u ta’ rkupru jenħtieġ li jkomplu jiġu kkalkolati f’konformità mal-istandard ISO 22628:2002, bħal fid-Direttiva 2005/64/KE.

(14)Il-vetturi jenħtieġ li jitfasslu u jiġu manifatturati b’tali mod li tiġi limitata l-preżenza ta’ sustanzi ta’ tħassib. Fil-Komunikazzjoni tagħha tal-14 ta’ Ottubru 2020 dwar “Strateġija dwar is-Sustanzi Kimiċi għas-Sostenibbiltà – Lejn Ambjent Ħieles mit-Tossiċità” (l-“Istrateġija dwar is-Sustanzi Kimiċi għas-Sostenibbiltà”) 47 , il-Kummissjoni ddikjarat li s-sustanzi ta’ tħassib għandhom jiġu mminimizzati u ssostitwiti kemm jista’ jkun, u b’mod gradwali jitneħħew dawk l-aktar dannużi għall-użu mhux essenzjali mis-soċjetà, b’mod partikolari fil-prodotti għall-konsumatur. Għaldaqstant, is-sustanzi ta’ tħassib bħala kostitwenti tal-materjali li jintużaw fil-vetturi jew ta’ kwalunkwe waħda mill-partijiet jew wieħed mill-komponenti tal-vetturi jenħtieġ li jiġu mminimizzati kemm jista’ jkun, bl-objettiv li jiġi żgurat li l-vetturi, kif ukoll il-materjali riċiklati mill-vetturi, ma jkollhomx effett negattiv fuq is-saħħa tal-bniedem jew fuq l-ambjent, matul iċ-ċiklu tal-ħajja tagħhom.

(15)Id-Direttiva 2000/53/KE diġà tirrestrinġi l-użu taċ-ċomb, tal-merkurju, tal-kadmju u tal-kromu eżavalenti fil-vetturi u tipprovdi eżenzjonijiet, fejn tali sustanzi jistgħu jintużaw f’ċerti applikazzjonijiet. Dan ir-Regolament jenħtieġ li jinkludi dawn ir-regoli eżistenti. Madankollu, sabiex tiġi żgurata l-koerenza tal-leġiżlazzjoni dwar is-sustanzi kimiċi, ir-restrizzjonijiet rigward it-tqegħid fis-suq u l-użu ta’ sustanzi oħra fil-vetturi jenħtieġ li jiġu indirizzati skont ir-Regolament (KE) Nru 1907/2006 tal-Parlament Ewropew u tal-Kunsill 48 . Bl-istess mod, jenħtieġ li jiġu introdotti restrizzjonijiet fuq l-użu ta’ sustanzi rregolati fir-Regolament (UE) 2019/1021 tal-Parlament Ewropew u tal-Kunsill 49 abbażi tad-dispożizzjonijiet ta’ dak ir-Regolament. Għalhekk, dan ir-Regolament jenħtieġ li ma jipprovdix il-possibbiltà li tiġi ristretta kwalunkwe sustanza oħra għajr iċ-ċomb, il-merkurju, il-kadmju u l-kromu eżavalenti fil-vetturi.

(16)Id-Direttiva 2000/53/KE tipprovdi eżenzjonijiet għar-restrizzjonijiet fuq l-użu taċ-ċomb u l-kadmju fil-batteriji użati fil-vetturi, li ġew inklużi f’dan ir-Regolament. Madankollu, l-użu ta’ sustanzi fil-batteriji huwa regolat b’mod komprensiv fir-Regolament (UE) Nru 2023/[Batteriji] tal-Parlament Ewropew u tal-Kunsill 50 . Għalhekk, jenħtieġ li tali sustanzi jiġu indirizzati u eventwalment ir-restrizzjonijiet tagħhom u l-eżenzjonijiet relatati ttrasferiti, kif xieraq, għal dak ir-Regolament u jenħtieġ li ma jiġux regolati f’dan ir-Regolament. Qabel ma jiġu introdotti tali restrizzjonijiet skont ir-Regolament (UE) Nru 2023/[Batteriji], jenħtieġ li titwettaq valutazzjoni komprensiva skont dak ir-Regolament biex jiġi evalwat, jekk eżenzjoni tkunx għadha meħtieġa u f’liema ambitu.

(17)Sabiex jitqies il-progress xjentifiku u tekniku, is-setgħa ta’ adozzjoni ta’ atti delegati f’konformità mal-Artikolu 290 tat-Trattat dwar il-Funzjonament tal-Unjoni Ewropea jenħtieġ li tkompli tiġi ddelegata lill-Kummissjoni fir-rigward tal-emendar ta’ eżenzjonijiet minn restrizzjonijiet fuq l-użu taċ-ċomb, il-merkurju, il-kadmju u l-kromu eżavalenti fil-vetturi skont dan ir-Regolament. Il-modifika jew it-tħassir ta’ tali eżenzjonijiet jenħtieġ li jkunu ppreċeduti minn valutazzjoni tal-impatti soċjoekonomiċi ta’ tali bidla, li hija nieqsa fid-Direttiva 2000/53/KE, inkluża l-kunsiderazzjoni tad-disponibbiltà ta’ sustanzi alternattivi u l-impatti fuq is-saħħa tal-bniedem u fuq l-ambjent tul iċ-ċiklu tal-ħajja tal-vetturi. Sabiex jiġu żgurati t-teħid ta’ deċiżjonijiet, il-koordinazzjoni u l-ġestjoni effettivi tal-aspetti tekniċi, xjentifiċi u amministrattivi tal-emendar ta’ dan ir-Regolament fir-rigward tar-restrizzjonijiet fuq l-użu ta’ sustanzi fil-vetturi, l-Aġenzija Ewropea għas-Sustanzi Kimiċi jenħtieġ li tassisti lill-Kummissjoni f’tali valutazzjoni.

(18)Sabiex tiżdied iċ-ċirkolarità fis-settur awtomobilistiku, il-vetturi jenħtieġ li jiġu ddisinjati u mmanifatturati progressivament b’tali mod li jinkorporaw il-materja prima riċiklati minflok il-materja prima primarja. L-użu ta’ materjali riċiklati jippermetti użu aktar effiċjenti fir-riżorsi tal-materjali, jiddekarbonizza l-produzzjoni u jnaqqas l-impatti ambjentali negattivi relatati mal-użu ta’ materja prima primarja. Iż-żieda fiċ-ċirkolarità għall-vetturi manifatturati f’pajjiżi terzi li jitqiegħdu fis-suq tal-Unjoni se tikkontribwixxi wkoll għat-tnaqqis globali tal-emissjonijiet tal-gassijiet serra fuq livell globali, inkluża l-Unjoni. Dan inaqqas ukoll id-dipendenzi milll-materja prima u l-enerġija marbuta mal-provvista tal-materja prima primarja u fl-istess ħin isaħħaħ is-suq għall-materja prima sekondarja. Għalkemm ma hemm l-ebda rekwiżit dwar l-użu ta’ kontenut riċiklat fuq livell globali, ħafna manifatturi diġà inkorporaw materjali riċiklati fil-vetturi tagħhom. L-istabbiliment ta’ miri u dispożizzjonijiet uniformi dwar kif għandu jiġi kkalkolat il-kontenut riċiklat se jipprovdi ċertezza legali u jikkontribwixxi għall-ħolqien ta’ kompetizzjoni ġusta bejn il-manifatturi. Ir-rekwiżiti se japplikaw għall-manifatturi kollha li beħsiebhom iqiegħdu vetturi fis-suq tal-Unjoni, irrispettivament minn fejn ikunu bbażati. Filwaqt li jirrikonoxxi l-importanza tal-ktajjen tal-valur globali fis-settur awtomobilistiku, ir-Regolament jenħtieġ li jippermetti l-akkwist tal-materja prima sekondarja minn barra l-Unjoni.

(19)Fid-dawl tar-rata baxxa ta’ riċiklaġġ għall-plastik, speċjalment minn vetturi li ma għadhomx jintużaw, u l-impatti negattivi ġenerali ta’ forom oħra ta’ trattament tal-iskart tal-plastik, huwa xieraq li jiżdied l-użu ta’ plastik riċiklat fil-vetturi. Għal dan il-għan, jenħtieġ li tiġi inkluża mira obbligatorja għall-plastik riċiklat mill-iskart ta’ wara l-użu mill-konsumatur f’vetturi ġodda. Għaldaqstant, kull tip ta’ vettura jenħtieġ li jkun fiha ħamsa u għoxrin fil-mija ta’ plastik riċiklat mill-iskart tal-plastik ta’ wara l-użu mill-konsumatur. Ħamsa u għoxrin fil-mija ta’ din il-mira ta’ kontenut riċiklat għall-plastik jenħtieġ li tinkiseb billi l-plastik riċiklat jiġi inkluż minn vetturi li ma għadhomx jintużaw fit-tip ta’ vettura kkonċernat. Sabiex jiġu żgurati kundizzjonijiet uniformi għall-implimentazzjoni ta’ dan l-obbligu, jenħtieġ li l-Kummissjoni tingħata setgħat ta’ implimentazzjoni biex tistabbilixxi metodoloġija għall-kalkolu u l-verifika tas-sehem tal-plastik irkuprat mill-iskart ta’ wara l-użu mill-konsumatur, u minn vetturi li ma għadhomx jintużaw rispettivament, preżenti u inkorporati fit-tip ta’ vettura.

(20)Is-settur awtomobilistiku huwa wieħed mill-akbar utenti tal-azzar u l-użu kurrenti tal-azzar riċiklat f’vetturi ġodda għadu baxx. Sabiex tikkontribwixxi għat-tnaqqis tal-impronta tal-karbonju marbuta mal-produzzjoni ta’ vetturi ġodda u tappoġġa l-bidla tal-industrija tal-karozzi lejn in-newtralità klimatika, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-istabbiliment ta’ sehem minimu ta’ azzar riċiklat minn skart tal-azzar ta’ wara l-użu mill-konsumatur li għandu jkun preżenti u inkorporat fit-tipi ta’ vetturi. L-istabbiliment ta’ mira futura jenħtieġ li jkun preċedut minn studju ddedikat mill-Kummissjoni li jkopri l-fatturi tekniċi, ambjentali u ekonomiċi rilevanti kollha marbuta mal-fattibbiltà ta’ tali mira. Sabiex jiġu żgurati kundizzjonijiet uniformi għall-implimentazzjoni ta’ dan l-obbligu, jenħtieġ li l-Kummissjoni tingħata setgħat ta’ implimentazzjoni biex tistabbilixxi metodoloġija għall-kalkolu u l-verifika tas-sehem tal-azzar irkuprat mill-iskart tal-azzar ta’ wara l-użu mill-konsumatur preżenti fit-tip ta’ vettura u inkorporat fih.

(21)Hemm potenzjal li jiżdied l-użu ta’ kontenut riċiklat fil-vetturi għal materjali oħra li jintużaw b’mod komuni mill-industrija tal-karozzi li għalihom is-swieq għall-materja prima sekondarja ma humiex żviluppati biżżejjed, l-impronta marbuta mal-produzzjoni tal-materja prima primarja hija għolja jew il-livelli ta’ riċiklaġġ huma limitati, filwaqt li t-teknoloġiji tas-separazzjoni u r-riċiklaġġ qed jittejbu. Għalhekk huwa xieraq li l-Kummissjoni tivvaluta x-xewqa, il-fattibbiltà u l-impatti li jiġu stabbiliti miri dwar il-kontenut riċiklat tan-neodimju, id-disprożju, il-praseodimju, it-terbju, is-samarju, il-boron li jintużaw f’kalamiti permanenti kif ukoll għall-aluminju u l-ligi tiegħu, jew il-manjeżju u l-ligi tiegħu. Għall-fattibbiltà tal-iffissar potenzjali ta’ miri dwar tipi speċifiċi ta’ ligi tal-aluminju u tal-manjeżju, l-istudju jenħtieġ li jindirizza t-tqabbil tad-domanda mal-provvista sekondarja b’mod ġenerali u b’mod partikolari jinvestiga l-kompromess bejn il-massimizzazzjoni tal-ekonomiji ta’ skala billi jiġi speċifikat l-għadd minimu ta’ familji ta’ ligi meta mqabbla mal-massimizzazzjoni taż-żamma tal-valur billi jiġu sseparati f’firxa usa’ ta’ tipi ta’ ligi speċifiċi.

(22)Sabiex tingħata spinta lis-swieq sottożviluppati għall-materja prima sekondarja, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-istabbiliment ta’ sehem minimu ta’ aluminju u l-ligi tiegħu, il-manjeżju u l-ligi tiegħu, in-neodimju, id-disprożju, il-praseodimju, it-terbju, is-samarju jew l-boron riċiklati minn skart ta’ wara l-użu mill-konsumatur li għandu jkun preżenti fit-tipi ta’ vetturi u inkorporat fihom. Sabiex jiġu żgurati kundizzjonijiet uniformi għall-implimentazzjoni ta’ dan l-obbligu, jenħtieġ li l-Kummissjoni tingħata setgħat ta’ implimentazzjoni biex tistabbilixxi metodoloġija għall-kalkolu u l-verifika tal-ishma tal-materjali riċiklati mill-iskart ta’ wara l-użu mill-konsumatur fit-tipi ta’ vetturi. Il-metodoloġija hija meħtieġa biex jiġu ċċarati d-definizzjonijiet tar-ruttam ta’ wara l-użu mill-konsumatur u tar-ruttam ta’ qabel l-użu mill-konsumatur. Dan huwa rilevanti biex jiġi inċentivat it-titjib tal-kwalità u ż-żamma tal-valur, b’mod partikolari għall-frazzjonijiet ta’ wara l-użu mill-konsumatur. Sabiex tiġi promossa d-dekarbonizzazzjoni permezz tal-użu ta’ aktar kontenut riċiklat, huma meħtieġa definizzjonijiet ċari biex jiġi inċentivat ir-riċiklaġġ tar-ruttam ta’ wara l-użu mill-konsumatur, filwaqt li jiġi mminimizzat l-użu tar-ruttam ta’ qabel l-użu mill-konsumatur, li normalment ikollu l-istess impronta tal-karbonju bħall-materja prima primarja.

(23)F’konformità mar-rekwiżiti tar-Regolament (UE) [l-Att dwar is-CRM] tal-Parlament Ewropew u tal-Kunsill 51 , u meta jitqies li huwa meħtieġ li f’dan ir-Regolament jiġu stabbiliti dispożizzjonijiet dwar il-kontenut riċiklat fil-vetturi u dwar il-materja prima kritika użata f’partijiet u komponenti tal-vetturi, dawk id-dispożizzjonijiet jenħtieġ li japplikaw bħala l-implimentazzjoni speċifika għas-settur tad-dispożizzjonijiet li jinsabu fir-Regolament (UE) [l-Att dwar is-CRM]. Dan se jiżgura s-simplifikazzjoni u l-integrazzjoni ta’ diversi obbligi ta’ informazzjoni, tikkettar u tneħħija skont il-proċeduri ta’ dan ir-Regolament ma’ dawk għal partijiet, komponenti u materjali oħra.

(24)Sabiex jiġi żgurat li l-batteriji jiġu riċiklati f’konformità mar-rekwiżiti tar-Regolament (UE) 2023/[Batteriji], u li l-muturi tat-trazzjoni elettrika, li fihom kwantitajiet importanti ta’ elementi tal-materjali tal-art rari, jistgħu jiġu ssostitwiti u riċiklati wkoll, huwa meħtieġ li jiġu introdotti rekwiżiti tad-disinn għal tipi ta’ vetturi ġodda, filwaqt li jiġi żgurat li dawn il-batteriji u l-muturi tat-trazzjoni elettrika jkunu jistgħu jitneħħew faċilment minn faċilitajiet ta’ trattament awtorizzati jew minn operaturi ta’ tiswija u manutenzjoni matul kwalunkwe fażi taċ-ċiklu tal-ħajja ta’ vettura. Sabiex jitqies il-progress tekniku u xjentifiku, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-emendar ta’ dan ir-Regolament billi tiġi riveduta l-lista ta’ partijiet u komponenti li għandhom jitfasslu għat-tneħħija u s-sostituzzjoni mill-vetturi. Sabiex jiġu żgurati kundizzjonijiet uniformi għall-implimentazzjoni ta’ dan ir-rekwiżit tad-disinn, jenħtieġ li jingħataw setgħat ta’ implimentazzjoni lill-Kummissjoni.

(25)Is-sistema tal-approvazzjoni tat-tip stabbilita fir-Regolament (UE) 2018/858 tirrikjedi li l-manifatturi jibnu l-vetturi, is-sistemi, il-komponenti u l-unitajiet tekniċi separati tagħhom f’konformità ma’ tip ta’ vettura approvat. Sabiex jiġi żgurat li l-manifatturi jikkonformaw mar-rekwiżiti taċ-ċirkolarità li huma applikabbli għalihom fl-istadju tal-approvazzjoni tat-tip u li huma stabbiliti f’dan ir-Regolament, u li l-awtoritajiet tal-approvazzjoni tat-tip ikunu jistgħu jivverifikaw il-konformità, huwa meħtieġ li l-manifatturi jinkludu l-informazzjoni meħtieġa għall-proċedura tal-approvazzjoni tat-tip fil-fowlder ta’ informazzjoni. Biex tiżdied it-trasparenza u jiġi żgurat li l-informazzjoni meħtieġa dwar l-approvazzjoni tat-tip tiġi ppreżentata b’mod koerenti mar-rekwiżiti f’leġiżlazzjoni oħra li tirregola r-rekwiżiti tal-approvazzjoni tat-tip għall-vetturi, il-Kummissjoni jenħtieġ li temenda r-regoli stabbiliti fir-Regolament ta’ Implimentazzjoni tal-Kummissjoni (UE) 2020/683 52 li jistandardizzaw id-dokumenti u l-informazzjoni li għandhom jiġu inklużi fil-fowlder ta’ informazzjoni u b’hekk jispeċifikaw ir-rekwiżiti amministrattivi għall-approvazzjoni tat-tip.

(26)Sabiex jiġi żgurat li l-manifatturi tal-karozzi tal-passiġġieri u tal-vetturi kummerċjali ħfief jistabbilixxu azzjonijiet biex jiżguraw li jissodisfaw ir-rekwiżiti taċ-ċirkolarità skont dan ir-Regolament, u biex jinċentivawhom itejbu ċ-ċirkolarità tat-tipi ta’ vetturi li jqiegħdu fis-suq, jenħtieġ li jfasslu strateġija għaċ-ċirkolarità komprensiva għal kull tip ġdid u jipprovduha lill-awtorità tal-approvazzjoni tat-tip. Din l-istrateġija jenħtieġ li tkun ibbażata fuq teknoloġiji pruvati, li jkunu disponibbli jew li jkunu qegħdin jiġu żviluppati fiż-żmien meta tkun qiegħda ssir l-applikazzjoni għall-approvazzjoni tat-tip tal-vettura u tiġi aġġornata perjodikament. Il-Kummissjoni jenħtieġ li tirrapporta regolarment dwar iċ-ċirkolarità tas-settur awtomobilistiku abbażi tal-istrateġiji taċ-ċirkolarità pprovduti mill-manifatturi. Sabiex jitqies il-progress tekniku u xjentifiku fil-manifattura u l-ġestjoni tal-vetturi li ma għadhomx jintużaw, l-iżviluppi tas-suq fis-settur awtomobilistiku u l-bidliet regolatorji, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-emendar tal-anness li fih rekwiżiti dwar il-kontenut tal-istrateġija għaċ-ċirkolarità u l-aġġornamenti tagħha.

(27)Sabiex tiżdied it-trasparenza dwar l-użu ta’ materjali riċiklati mis-settur awtomobilistiku u jiġu pprovduti inċentivi biex jiżdiedu l-livelli ta’ kontenut riċiklat, il-manifatturi tal-vetturi jenħtieġ li jkunu meħtieġa jipprovdu dokumentazzjoni teknika li turi l-perċentwal ta’ materjali riċiklati preżenti f’tipi ġodda ta’ vetturi li jiġu sottomessi għall-approvazzjoni tat-tip. Dan ir-rekwiżit jenħtieġ li japplika għal għażla ta’ materjali li għalihom żieda fil-livell ta’ kontenut riċiklat fil-vetturi twassal għal benefiċċji ambjentali partikolarment importanti. Id-dikjarazzjoni obbligatorja jenħtieġ li tiġi ppreżentata lill-awtorità tal-approvazzjoni tat-tip flimkien ma’ dokumenti oħra bħala parti mill-applikazzjoni għall-approvazzjoni tat-tip.

(28)L-aċċess għal informazzjoni aġġornata u komunikazzjoni f’waqtha bejn il-manifatturi tal-vetturi u l-operaturi tal-immaniġġar tal-iskart tul il-katina tal-valur tal-karozzi huma essenzjali biex jiġu mmassimizzati l-użu mill-ġdid, ir-rimanifattura u r-rinnovazzjoni ta’ partijiet u komponenti ta’ vettura u biex jiġi żgurat riċiklaġġ ta’ kwalità għolja ta’ vetturi li ma għadhomx jintużaw. Għalhekk, jenħtieġ li l-manifatturi jipprovdu lill-operaturi tal-immaniġġar tal-iskart u lill-operaturi tat-tiswija u tal-manutenzjoni aċċess mhux ristrett, standardizzat u mhux diskriminatorju għal informazzjoni li jippermetti t-tneħħija u s-sostituzzjoni sikuri ta’ ċerti partijiet, komponenti u materjali preżenti f’vettura. L-informazzjoni jenħtieġ li tiggwida lill-operaturi tal-immaniġġar tal-iskart u lill-operaturi tat-tiswija u tal-manutenzjoni tul il-passi u tipprovdi struzzjonijiet ċari dwar l-użu ta’ għodod jew teknoloġiji meħtieġa għall-aċċess u t-tneħħija ta’ batteriji tal-vetturi elettriċi, inklużi l-għodod jew it-teknoloġiji li jippermettu r-rimi sikur tagħhom, u l-muturi tat-trazzjoni elettrika. Din l-informazzjoni jenħtieġ li tgħin ukoll biex jiġu identifikati, lokalizzati u jitneħħew il-partijiet, il-komponenti u l-materjali, li jenħtieġ li jkunu soġġetti għat-tindif mit-tniġġis u li jitneħħew mill-vettura qabel it-tqattigħ, kif ukoll il-partijiet u l-komponenti, li fihom il-materja prima kritika f’kalamiti permanenti msemmija fir-Regolament (UE) [l-Att dwar is-CRM]. Dan jenħtieġ li jsir permezz ta’ pjattaformi ta’ komunikazzjoni stabbiliti mill-manifatturi u l-informazzjoni jenħtieġ li tiġi pprovduta mingħajr ħlas, esklużi l-kostijiet amministrattivi. L-awtoritajiet tal-approvazzjoni tat-tip jenħtieġ li jivverifikaw li l-informazzjoni meħtieġa tkun ġiet sottomessa mill-manifatturi. Sabiex l-ambitu tal-informazzjoni li għandha tiġi pprovduta mill-manifatturi lill-operaturi tal-immaniġġar tal-iskart u lill-operaturi tat-tiswija u l-manutenzjoni jiġi aġġornat regolarment, is-setgħa ta’ adozzjoni ta’ atti delegati f’konformità mal-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi ddelegata lill-Kummissjoni fir-rigward tal-emendar tal-Anness V.

(29)Filwaqt li l-ikkowdjar diġitali qed jintuża dejjem aktar biex jiġu kkontrollati partijiet u komponenti differenti fil-vettura, l-evalwazzjoni tad-Direttiva 2000/53/KE identifikat li tali ikkowdjar jista’ jxekkel il-potenzjal ta’ użu mill-ġdid, rimanifattura u rinnovazzjoni ta’ ċerti partijiet u komponenti. Għalhekk huwa essenzjali li l-manifatturi tal-vetturi jintalbu jipprovdu informazzjoni li tippermetti lill-operaturi professjonali tal-immaniġġar tal-iskart jegħlbu l-problemi li joħolqu dawn il-partijiet u l-komponenti b’kodiċi diġitali f’vettura, fejn tali ikkowdjar jipprevjeni t-tiswija, il-manutenzjoni jew l-operazzjonijiet ta’ sostituzzjoni f’vettura oħra.

(30)Il-manifatturi u l-fornituri tagħhom jenħtieġ li jużaw standards ta’ ikkowdjar tal-komponenti u tal-materjali, li ġew stabbiliti inizjalment fid-Deċiżjoni tal-Kummissjoni 2003/138/KE 53 , għat-tikkettar u l-identifikazzjoni tal-partijiet, il-komponenti u l-materjali tal-plastik u tal-elastomer tal-vetturi. Huma jenħtieġ li jiżguraw li l-partijiet u l-komponenti kollha tal-vetturi jiġu mmarkati f’konformità ma’ leġiżlazzjoni applikabbli oħra tal-Unjoni, b’mod partikolari dwar it-tikkettar tal-batteriji u tal-kalamiti permanenti inklużi fil-vetturi li jqiegħdu fis-suq. Sabiex jitqies il-progress tekniku u xjentifiku, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-emendar tal-Anness VI filwaqt li jiġi speċifikat kif il-partijiet u l-komponenti tal-vetturi jenħtieġ li jiġu ttikkettati.

(31)Sabiex jiġi ffaċilitat it-trattament fi tmiem il-ħajja tal-vetturi, il-manifatturi tal-vetturi jenħtieġ li jipprovdu, permezz ta’ għodod diġitali, informazzjoni akkurata, kompluta u aġġornata dwar it-tneħħija u s-sostituzzjoni sikuri tal-partijiet u l-komponenti tal-vetturi. Għalhekk jenħtieġ li jiġi żviluppat u jsir disponibbli Passaport taċ-Ċirkolarità tal-Vetturi bħala trasportatur tad-data għal tali informazzjoni, b’mod li jkun konsistenti ma’ għodod u pjattaformi ta’ informazzjoni diġitali oħra li diġà jeżistu jew li qed jiġu żviluppati ulterjorment fis-settur awtomobilistiku dwar il-prestazzjoni ambjentali tal-vetturi u allinjati mad-dispożizzjonijiet korrispondenti fir-Regolament (UE) 2023 [Batteriji], ir-Regolament [ESPR] tal-Parlament Ewropew u tal-Kunsill 54 u r-Regolament [Euro 7] tal-Parlament Ewropew u tal-Kunsill 55 . Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata setgħat ta’ implimentazzjoni biex tistabbilixxi r-rekwiżiti tekniċi tad-disinn u tal-operat għall-passaport u r-regoli dwar il-post tat-trasportatur tad-data jew identifikatur ieħor li jippermettu l-aċċess għall-passaport fuq il-vettura.

(32)Sabiex jiġi żgurat li l-produtturi u operaturi ekonomiċi oħra jkunu soġġetti għall-istess regoli madwar l-Istati Membri, jeħtieġ li jiġu stabbiliti regoli armonizzati għall-immaniġġar tal-iskart ta’ vetturi li ma għadhomx jintużaw. Dan għandu jwassal għal livell għoli ta’ protezzjoni tas-saħħa tal-bniedem u tal-ambjent madwar l-Unjoni. Dan jirriżulta wkoll f’aktar armonizzazzjoni tal-kwalità tas-servizzi tal-immaniġġar tal-iskart ipprovduti mill-operaturi ekonomiċi u jiffaċilita l-funzjonament tas-suq għall-materja prima sekondarja.

(33)Sabiex jiġi garantit it-trattament sikur u li ma jagħmilx ħsara lill-ambjent ta’ vetturi li ma għadhomx jintużaw, kwalunkwe stabbiliment jew impriża li jkollha l-ħsieb li twettaq operazzjonijiet ta’ trattament tal-iskart għal dawn il-vetturi jenħtieġ li tikseb awtorizzazzjoni mill-awtorità kompetenti. L-awtorizzazzjoni jenħtieġ li tingħata biss jekk l-istabbiliment jew l-impriża jkollha l-kapaċità teknika, finanzjarja u organizzazzjonali meħtieġa biex twettaq l-operazzjonijiet ta’ trattament fi tmiem il-ħajja għall-vetturi b’mod li jikkonforma mal-liġi applikabbli tal-UE u dik nazzjonali, inklużi r-rekwiżiti speċifiċi ta’ trattament stabbiliti f’dan ir-Regolament. Barra minn hekk, il-faċilitajiet ta’ trattament awtorizzati jenħtieġ li jkollhom il-kompetenza li joħorġu ċertifikati ta’ qerda f’konformità ma’ dan ir-Regolament.

(34)Id-Direttiva 2000/53/KE tistabbilixxi obbligu bażiku għall-produtturi tal-vetturi biex ikopru parti mill-kostijiet tal-ġbir ta’ vetturi li ma għadhomx jintużaw. Filwaqt li jibnu fuq dan l-obbligu, f’konformità mal-prinċipju ta’ min iniġġes iħallas u konsistenti mar-rekwiżiti minimi ġenerali għal skemi ta’ responsabbiltà estiża tal-produtturi stabbiliti fid-Direttiva 2008/98/KE tal-Parlament Ewropew u tal-Kunsill 56 , huwa xieraq li jiġu stabbiliti rekwiżiti fil-livell tal-Unjoni dwar ir-responsabbiltajiet tal-manifatturi tal-vetturi relatati mal-ġestjoni ta’ vetturi li ma għadhomx jintużaw. Jenħtieġ li l-produtturi jkunu estendew ir-responsabbiltà tal-produtturi għall-vetturi li jkunu qiegħdu fis-suq ladarba jilħqu l-istadju ta’ tmiem il-ħajja tagħhom. Ir-responsabbiltà estiża tal-produttur jenħtieġ li tkopri l-obbligi li jiġi żgurat li l-vetturi li jsiru disponibbli mill-produtturi fis-suq fi Stat Membru jinġabru u jiġu ttrattati f’konformità ma’ dan ir-Regolament u li l-operaturi tal-immaniġġar tal-iskart li jittrattaw tali vetturi jissodisfaw il-miri ta’ riċiklaġġ stabbiliti b’dan ir-Regolament.

(35)Sabiex jiġi ffaċilitat il-monitoraġġ tal-konformità tal-produtturi mal-obbligi ta’ responsabbiltà estiża tal-produtturi tagħhom, l-Istati Membri jenħtieġ li jistabbilixxu reġistru tal-produtturi. Ir-rekwiżiti ta’ reġistrazzjoni jenħtieġ li jiġu armonizzati madwar l-Unjoni sabiex tiġi ffaċilitata r-reġistrazzjoni b’mod partikolari meta l-produtturi jagħmlu l-vetturi disponibbli fi Stati Membri differenti. Ir-reġistru jenħtieġ li jintuża wkoll għall-finijiet ta’ rapportar lill-awtoritajiet kompetenti dwar it-twettiq tal-obbligi ta’ responsabbiltà estiża tal-produtturi. Il-karatteristiċi u l-aspetti proċedurali marbuta ma’ dan ir-reġistru jenħtieġ li jkunu konsistenti wkoll mar-reġistru tal-produtturi stabbilit bir-Regolament (UE) 2023/[Uffiċċju tal-Pubblikazzjonijiet: Batteriji], biex il-produtturi tal-vetturi u l-produtturi tal-batteriji jkunu jistgħu jużaw l-istess reġistru.

(36)F’każ li l-produttur jagħmel il-vetturi disponibbli fis-suq għall-ewwel darba f’territorju ta’ Stat Membru, fejn il-produttur ma jkunx stabbilit, il-produttur jenħtieġ li jinnomina rappreżentant maħtur għar-responsabbiltà estiża tal-produttur.

(37)Il-produtturi jenħtieġ li jkunu jistgħu jagħżlu jekk humiex se jeżerċitaw l-obbligi tar-responsabbiltà estiża tal-produtturi tagħhom individwalment jew kollettivament, permezz ta’ organizzazzjonijiet b’responsabbiltà tal-produtturi li jieħdu r-responsabbiltà f’isimhom. L-organizzazzjonijiet b’responsabbiltà tal-produtturi jenħtieġ li jiżguraw il-kunfidenzjalità tad-data pprovduta lilhom mill-produtturi. Sabiex jiġi żgurat li l-interessi tal-operaturi ekonomiċi kollha jitqiesu kif xieraq u jiġi evitat li l-operaturi tal-immaniġġar tal-iskart jitqiegħdu fi żvantaġġ fid-deċiżjonijiet meħuda fi skemi ta’ responsabbiltà estiża tal-produtturi, jenħtieġ li tiġi żgurata rappreżentanza ġusta tal-produtturi u tal-operaturi tal-immaniġġar tal-iskart fil-korpi governattivi ta’ tali organizzazzjonijiet.

(38)Il-produtturi jenħtieġ li jiffinanzjaw parti mill-kostijiet tal-ġbir u t-trattament ta’ vetturi li ma għadhomx jintużaw meħtieġa biex jissodisfaw ir-rekwiżiti stabbiliti f’dan ir-Regolament, b’mod partikolari l-obbligi mmirati biex jiżguraw kwalità ogħla ta’ materja prima sekondarja miksuba mill-vetturi. Jenħtieġ li jiġi ddeterminat il-livell eżatt tal-kostijiet ta’ tali operazzjonijiet li jenħtieġ li jkunu koperti mill-produtturi filwaqt li jitqies id-dħul ta’ faċilitajiet ta’ trattament awtorizzati u ta’ operaturi oħra tal-immaniġġar tal-iskart li jinkiseb mill-bejgħ ta’ partijiet jew komponenti ta’ spare parts użati u ta’ materja prima sekondarja rkuprata minn vetturi li ma għadhomx jintużaw. Għal dan il-għan, l-awtoritajiet kompetenti, f’kooperazzjoni mal-produtturi u mal-operaturi tal-immaniġġar tal-iskart, jenħtieġ li jimmonitorjaw il-kostijiet medji tal-ġbir, l-operazzjonijiet ta’ riċiklaġġ u trattament kif ukoll il-livell ta’ kontribuzzjonijiet finanzjarji mħallsa mill-produtturi sabiex jiġi żgurat li jkun hemm allokazzjoni ġusta tal-kostijiet bejn l-operaturi interessati kollha.

(39)Il-kontribuzzjonijiet finanzjarji tal-produtturi jenħtieġ li jkopru wkoll il-kostijiet tal-kampanji edukattivi mmirati biex iżidu l-ġbir ta’ vetturi li ma għadhomx jintużaw, l-istabbiliment tas-sistema ta’ notifika għall-ħruġ u t-trasferiment ta’ ċertifikati ta’ qerda u l-ġbir u r-rapportar ta’ data lill-awtoritajiet kompetenti. Dawn l-azzjonijiet kollha huma indispensabbli biex tiġi żgurata ġestjoni xierqa tal-vetturi li ma għadhomx jintużaw, b’mod partikolari biex jiġu traċċati l-vetturi li għalihom il-produtturi huma responsabbli f’konformità ma’ dan ir-Regolament.

(40)Il-produtturi li jagħżlu li jissodisfaw l-obbligi tar-responsabbiltà estiża tal-produtturi tagħhom individwalment jenħtieġ li jipprovdu wkoll garanzija li għandha tintuża biex tkopri l-kostijiet tal-ġestjoni tal-vetturi li ma għadhomx jintużaw. Tali garanziji jistgħu jintużaw b’mod partikolari f’każijiet fejn il-produtturi kkonċernati jsiru insolventi jew iwaqqfu l-operazzjonijiet tagħhom b’mod permanenti.

(41)F’każ li produttur jeżerċita l-obbligi tar-responsabbiltà estiża tal-produttur tiegħu b’mod kollettiv ma’ organizzazzjoni b’responsabbiltà tal-produttur, il-kontribuzzjonijiet finanzjarji mħallsa mill-produttur jenħtieġ li jiġu modulati abbażi ta’ kriterji armonizzati. Tali kriterji jenħtieġ li joħolqu inċentivi ekonomiċi għall-manifatturi biex iżidu ċ-ċirkolarità fid-disinn u l-produzzjoni ta’ vetturi ġodda, filwaqt li jitqies l-ammont ta’ materjali primarji u riċiklati f’vettura, sa liema punt fiha partijiet, komponenti u materjali li huma diffiċli biex jitneħħew, jiġu żmantellati, jintużaw mill-ġdid jew jiġu riċiklati, kif ukoll l-ammont ta’ sustanzi perikolużi li jkun fiha. Sabiex tiġi evitata d-distorsjoni tas-suq uniku, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tas-supplimentazzjoni ta’ dan ir-Regolament billi jiġu stabbiliti regoli dettaljati dwar kif jenħtieġ li jiġu applikati l-kriterji għall-modulazzjoni tal-kontribuzzjonijiet finanzjarji mħallsa lill-organizzazzjonijiet b’kompetenza fil-qasam tar-responsabbiltà tal-produttur.

(42)Peress li l-vetturi spiss isiru vetturi li ma għadhomx jintużaw fi Stat Membru differenti milli fl-Istat Membru fejn ikunu ġew irreġistrati għall-ewwel darba, huwa meħtieġ li jiġu introdotti regoli dwar ir-responsabbiltà estiża transfruntiera tal-produtturi. Dawn ir-regoli jenħtieġ li jiżguraw li r-responsabbiltà tal-produttur tkopri kif xieraq il-kostijiet tal-ġbir u t-trattament imġarrba mill-operaturi tal-immaniġġar tal-iskart fl-Istat Membru fejn il-vettura ssir vettura li ma tibqax tintuża. Għal dan il-għan, jenħtieġ li l-produttur jaħtar rappreżentant għar-responsabbiltà estiża tal-produttur f’kull Stat Membru u jistabbilixxi mekkaniżmi għall-kooperazzjoni transfruntiera mal-operaturi rilevanti tal-immaniġġar tal-iskart. L-introduzzjoni ta’ tali mekkaniżmu tikkontribwixxi għall-ħolqien ta’ kundizzjonijiet ekwi bejn il-faċilitajiet ta’ trattament awtorizzati madwar l-Unjoni u tiffaċilita l-iżvilupp ta’ approċċi għall-Unjoni kollha f’każ ta’ responsabbiltà individwali tal-produttur.

(43)Sabiex tiġi żgurata l-konformità ma’ dawn l-obbligi u biex tiġi evitata d-distorsjoni tas-suq uniku, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-istabbiliment ta’ regoli dettaljati ulterjuri dwar l-obbligi tal-produtturi, l-Istati Membri u l-operaturi tal-immaniġġar tal-iskart u l-karatteristiċi tal-mekkaniżmi transfruntiera.

(44)Prerekwiżit ewlieni għat-trattament tajjeb ta’ vetturi li ma għadhomx jintużaw huwa li jinġabru l-vetturi kollha li ma għadhomx jintużaw. Għalhekk, dan ir-Regolament jenħtieġ li jimponi ċerti obbligi marbuta mal-ġbir primarjament fuq il-produtturi u, b’mod sekondarju, fuq l-Istati Membri. Jenħtieġ li l-produtturi jistabbilixxu jew jipparteċipaw fl-istabbiliment tas-sistemi ta’ ġbir, u jenħtieġ li l-Istati Membri jadottaw il-miżuri kollha meħtieġa biex jiżguraw li s-sistemi jkunu fis-seħħ u li dawk is-sistemi jippermettu li jintlaħqu l-objettivi ta’ dan ir-Regolament. Is-sistemi ta’ ġbir jenħtieġ li jippermettu lis-sidien tal-vetturi u lil detenturi oħra tal-vetturi jwasslu l-vettura f’faċilità awtorizzata mingħajr sforzi jew kostijiet bla bżonn. Dan ifisser fil-prattika li tali sistemi jenħtieġ li jkopru b’mod xieraq it-territorju kollu ta’ kull Stat Membru. Jenħtieġ li dawn jippermettu wkoll il-ġbir tal-marki kollha ta’ vetturi li ma għadhomx jintużaw, kif ukoll ta’ partijiet ta’ skart mit-tiswija tal-vetturi.

(45)Il-vetturi li ma għadhomx jintużaw jenħtieġ li jiġu ttrattati biss f’faċilitajiet ta’ trattament awtorizzati, u għalhekk tali faċilitajiet għandhom rwol vitali fil-ġbir tal-vetturi li ma għadhomx jintużaw. Sabiex jiġi ffaċilitat il-ġbir u tiġi żgurata d-disponibbiltà adegwata tal-faċilitajiet li jiġbru vetturi li ma għadhomx jintużaw, dan ir-Regolament jipprevedi l-possibbiltà li jiġu stabbiliti punti ta’ ġbir. Ir-rwol ta’ tali punti jkun limitat għall-ġbir ta’ vetturi li ma għadhomx jintużaw, għall-ħżin tagħhom f’kundizzjonijiet xierqa u għat-trasport tagħhom lejn il-faċilità ta’ trattament awtorizzata. It-tħaddim ta’ tali punt jeħtieġ permess speċifiku. Il-punti ta’ ġbir jenħtieġ li jkunu meħtieġa li jwasslu l-vetturi kollha miġbura li ma għandhomx jintużaw f’faċilitajiet ta’ trattament awtorizzati.

(46)Sabiex il-vetturi kollha li ma għadhomx jintużaw jinġabru b’mod effettiv, huwa meħtieġ li l-pubbliku jiġi infurmat dwar l-eżistenza tas-sistemi ta’ ġbir. Is-sidien tal-vetturi jenħtieġ li jkunu konxji li fil-prinċipju jistgħu jwasslu vettura li ma għadhiex tintuża, bil-batterija tal-vettura elettrika jew mingħajrha, f’punt ta’ ġbir jew faċilità awtorizzata ta’ trattament mingħajr ħlas. Il-kampanja edukattiva mill-produtturi jew mill-organizzazzjonijiet b’kompetenza fil-qasam tar-responsabbiltà tal-produtturi jenħtieġ li tippreżenta wkoll il-konsegwenzi għall-ambjent u għas-saħħa tal-bniedem ta’ ġbir u trattament mhux xieraq ta’ vetturi li ma għadhomx jintużaw.

(47)Il-faċilità ta’ trattament awtorizzata jenħtieġ li toħroġ ċertifikat ta’ qerda biex tiddokumenta li ġiet trattata vettura li ma għadhiex tintuża. Dan huwa meħtieġ biex tiġi żgurata superviżjoni xierqa tal-ġestjoni tal-vetturi li ma għadhomx jintużaw. Ir-rekwiżiti minimi għal dan iċ-ċertifikat bħalissa huma stabbiliti fid-Deċiżjoni tal-Kummissjoni 2002/151/KE 57 u l-kontenut ta’ din id-Deċiżjoni jenħtieġ li jiġi inkluż f’dan ir-Regolament, bl-adattamenti meħtieġa. Dan iċ-ċertifikat jenħtieġ li jinħareġ f’format elettroniku u jingħata lill-aħħar sid ta’ vettura li ma għadhiex tintuża, u mbagħad jintbagħat mill-faċilitajiet awtorizzati ta’ trattament u mill-aħħar sid lill-awtoritajiet rilevanti tal-Istat Membru, peress li l-preżentazzjoni tiegħu tippermetti li tiġi kkanċellata r-reġistrazzjoni ta’ vettura. Is-sistema elettronika ta’ notifika jenħtieġ li tippermetti t-trażmissjoni kemm tad-dokument li jikkonferma l-ġbir ta’ vetturi li ma għadhomx jintużaw kif ukoll taċ-ċertifikat ta’ qerda.

(48)Minkejja l-obbligu fid-Direttiva 2000/53/KE li l-vetturi kollha li ma għadhomx jintużaw jiġu ttrasferiti f’faċilità ta’ trattament awtorizzata, hemm sehem sinifikanti ħafna ta’ vetturi li l-post fejn jinsabu ma jkunx magħruf, u li setgħu ġew ittrattati jew esportati illegalment bħala vetturi li ma għadhomx jintużaw, jew li l-istatus tagħhom ma jiġix irrapportat kif xieraq lill-awtoritajiet ta’ reġistrazzjoni tal-Istati Membri. Tali vetturi jissejħu “vetturi neqsin”. L-Istati Membri jenħtieġ li jsaħħu l-kooperazzjoni tagħhom sabiex inaqqsu l-għadd ta’ vetturi neqsin. Ir-rikonoxximent taċ-ċertifikati ta’ qerda maħruġa fi Stat Membru ieħor u l-obbligu li l-awtoritajiet tal-Istati Membri jiġu infurmati, fejn il-vettura tkun irreġistrata, li jinħareġ ċertifikat ta’ qerda, jenħtieġ li jippermettu traċċar aħjar tal-post fejn jinsabu l-vetturi li ma għadhomx jintużaw.

(49)Sabiex jiġi żgurat il-ġbir effettiv ta’ vetturi li ma għadhomx jintużaw, jenħtieġ li jiġu indirizzati obbligi espliċiti lis-sidien tal-vetturi. Huma jenħtieġ li jwasslu l-vettura tagħhom, meta tilħaq l-istadju ta’ tmiem il-ħajja, f’punti ta’ ġbir jew f’faċilitajiet ta’ trattament awtorizzati u jippreżentaw iċ-ċertifikat tal-qerda lill-awtoritajiet ta’ reġistrazzjoni sabiex jikkanċellaw ir-reġistrazzjoni tal-vettura tagħhom.

(50)Sabiex jiġi żgurat trattament uniformi u li ma jagħmilx ħsara lill-ambjent ta’ vetturi li ma għadhomx jintużaw fl-Unjoni, huwa essenzjali li jiġi żgurat li l-faċilitajiet awtorizzati tat-trattament jaċċettaw u jittrattaw il-vetturi, il-partijiet, il-komponenti u l-materjali kollha li ma għadhomx jintużaw, inklużi l-partijiet tal-iskart mit-tiswijiet tal-vetturi, f’konformità mal-kundizzjonijiet stabbiliti fil-permessi tagħhom, kif ukoll f’konformità mar-rekwiżiti stabbiliti f’dan ir-Regolament, l-aħjar tekniki disponibbli, u d-Direttiva 2010/75/UE tal-Parlament Ewropew u tal-Kunsill 58 .

(51)Fid-dawl tar-rwol ewlienita’ faċilitajiet ta’ trattament awtorizzati fil-ġestjoni ta’ vetturi li ma għadhomx jintużaw b’mod li ma jaffettwax ħażin l-ambjent jew is-saħħa tal-bniedem u jikkontribwixxi għall-ilħuq tal-objettivi tal-ekonomija ċirkolari tal-Unjoni, huwa meħtieġ li jiġu stabbiliti obbligi li japplikaw għal tali faċilitajiet u li jkopru l-attivitajiet kollha tagħhom, mill-aċċettazzjoni u mill-ħżin ta’ vettura li ma għadhiex tintuża sat-trattament finali tagħha.

(52)Sabiex tiġi żgurata t-traċċabbiltà tal-attivitajiet tagħhom, jenħtieġ li l-faċilitajiet ta’ trattament awtorizzati jiddokumentaw l-operazzjonijiet ta’ trattament imwettqa u jaħżnu r-rekord b’mod elettroniku għal mill-inqas 3 snin, u jkunu jistgħu jippreżentawh, fuq talba, lill-awtoritajiet nazzjonali rilevanti.

(53)It-tindif mit-tniġġis ta’ vettura fi tmiem il-ħajja hija l-ewwel pass lejn il-prevenzjoni tal-ħsara lill-ambjent, lis-saħħa tal-bniedem u lir-riskji għas-sikurezza tax-xogħol. Għalhekk huwa essenzjali li vettura li ma tibqax tintuża tgħaddi mill-operazzjonijiet meħtieġa ta’ tindif mit-tniġġis mill-aktar fis possibbli wara li titwassal fil-faċilità awtorizzata ta’ trattament, qabel ma l-vettura li ma għadhiex tintuża tiġi ttrattata aktar. F’din il-fażi, iż-żjut għar-rimi jenħtieġ li jinġabru u jinħażnu separatament mill-fluwidi u l-likwidi l-oħra, u għandhom jiġu ttrattati aktar f’konformità mad-Direttiva 2008/98/KE. Barra minn hekk, il-partijiet, il-komponenti u l-materjali li fihom iċ-ċomb, il-kadmju, il-merkurju u l-kromu eżavalenti, jenħtieġ li jitneħħew mill-vettura fi tmiem il-ħajja, biex jiġu evitati effetti negattivi fuq il-bnedmin jew fuq l-ambjent.

(54)Sabiex tiġi żgurata implimentazzjoni xierqa tar-Regolament (UE) 2023/ [Uffiċċju tal-Pubblikazzjonijiet: ir-Regolament dwar il-batteriji], il-batteriji kollha inkorporati fil-vetturi għandhom jitneħħew separatament minn vettura li ma għadhiex tintuża u jinħażnu f’żona ddeżinjata għal aktar trattament.

(55)Sabiex jiġi mmassimizzat il-potenzjal tal-użu mill-ġdid, tar-rimanifattura u tar-rinnovazzjoni ta’ partijiet u ta’ komponenti, u jiġi ppreservat valur għoli għall-materjali sekondarji li jirriżultaw minn vetturi li ma għadhomx jintużaw, ċerti partijiet u komponenti jenħtieġ li jitneħħew b’mod obbligatorju minn vettura li ma tkunx għadha tintuża qabel it-tqattigħ. Il-partijiet u l-komponenti kkonċernati jenħtieġ li jitneħħew fi proċess manwali ta’ żarmar jew fi proċess semiawtomatizzat ta’ żarmar. Sabiex jiġi stimolat il-progress fit-teknoloġiji għaż-żarmar, l-għażla, it-tqattigħ u ta’ wara t-tqattigħ, jenħtieġ li jkun possibbli li ssir devjazzjoni mir-rekwiżit dwar it-tneħħija obbligatorja ta’ partijiet u komponenti f’ċerti każijiet eċċezzjonali. Jenħtieġ li jintwera li l-partijiet u l-komponenti kkonċernati jistgħu jitneħħew b’mod effettiv b’dawk it-teknoloġiji milli bi proċessi manwali jew semiawtomatizzati u mingħajr ma titnaqqas il-kwalità tal-frazzjonijiet tat-trattament li jirriżultaw. Sabiex jitqies il-progress tekniku u xjentifiku, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-emendar tal-Anness VII.

(56)Ladarba l-faċilitajiet ta’ trattament awtorizzati jkunu neħħew partijiet u komponenti minn vettura li ma għadhiex tintuża, huma jenħtieġ li jivvalutaw bir-reqqa u jiddeterminaw jekk dawk il-partijiet u l-komponenti humiex tajbin għall-użu mill-ġdid, għar-rimanifattura jew għar-rinnovazzjoni, abbażi ta’ kriterji oġġettivi marbuta mal-karatteristiċi tekniċi tal-partijiet u l-komponenti u r-rekwiżiti dwar is-sikurezza tal-vettura.

(57)Ir-Regolament (UE) 2023/[Batteriji] jistabbilixxi regoli dwar is-sostenibbiltà, il-prestazzjoni, is-sikurezza, il-ġbir, ir-riċiklaġġ u t-tieni ħajja tal-batteriji kif ukoll dwar l-informazzjoni rigward it-tneħħija dwar il-batteriji għall-operaturi ekonomiċi. Il-potenzjal għat-tieni ħajja tal-batteriji jenħtieġ li jitqies f’dan ir-Regolament billi tiġi eskluża l-batterija tal-vettura elettrika mill-partijiet jew mill-komponenti essenzjali biex il-vettura tkun tista’ tiġi kkonsenjata għat-trattament, mingħajr ħlas, mingħajr il-batterija tal-vettura elettrika.

(58)Filwaqt li jiġi rikonoxxut il-potenzjal ta’ rimanifattura u ta’ rinnovazzjoni fis-settur awtomobilistiku, u l-kontribut tagħhom lejn l-ekonomija ċirkolari, huwa meħtieġ li tiġi pprovduta ċarezza legali lill-operaturi ekonomiċi involuti f’dan is-settur. Għalhekk jenħtieġ li jiġi ċċarat li l-partijiet u l-komponenti mneħħija minn vettura li ma għadhiex tintuża, li huma xierqa għall-użu mill-ġdid, ir-rimanifattura jew ir-rinnovazzjoni, jenħtieġ li jitqisux bħala skart. Dan huwa meħtieġ biex jiġi ffaċilitat il-vjeġġ, it-trasport jew kwalunkwe trasferiment ieħor ta’ tali partijiet u komponenti. L-awtoritajiet nazzjonali rilevanti jenħtieġ li jkunu f’pożizzjoni li jitolbu dokumentazzjoni, mill-faċilità ta’ trattament awtorizzata li tkun neħħiet il-parti jew il-komponent ikkonċernat, li tikkonferma, permezz ta’ valutazzjoni ddedikata, l-adegwatezza teknika tal-partijiet u l-komponenti rilevanti għar-rimanifattura, ir-rinnovazzjoni jew l-użu mill-ġdid.

(59)Fl-evalwazzjoni tagħha tad-Direttiva 2000/53/KE, il-Kummissjoni sabet li l-ispare parts u l-komponenti użati jiġu offruti lill-pubbliku minn fornituri mhux identifikati u spiss jiġu minn attivitajiet illegali. Għalhekk, jenħtieġ li jiġu stabbiliti rekwiżiti ġodda dwar in-negozjar ta’ partijiet u komponenti użati, rimanifatturati jew rinnovati. Jenħtieġ li, fuq kollox, dawn il-partijiet u l-komponenti jiġu mmarkati b’tikketta li tindika n-numru ta’ identifikazzjoni tal-vettura tal-vettura li minnha jkun tneħħa l-komponent jew il-parti u d-dettalji tal-operatur li jkun neħħihom, u jkunu akkumpanjati minn garanzija.

(60)Fl-interess tas-sikurezza fit-toroq u tal-protezzjoni tal-ambjent, ċerti komponenti u partijiet li jkunu tneħħew minn vetturi li ma għadhomx jintużaw jenħtieġ li ma jerġgħux jintużaw, jiġu rimanifatturati jew rinnovati. Tali partijiet u komponenti jenħtieġ li jintużaw la għall-kostruzzjoni ta’ vetturi ġodda, u lanqas f’vetturi li jkunu diġà tqiegħdu fis-suq.

(61)Sabiex jiġu mħeġġa l-iżvilupp u l-funzjonament xieraq tas-suq għal partijiet u komponenti riutilizzabbli, rinnovati u rimanifatturati fl-Unjoni, l-Istati Membri jenħtieġ li jiġu mħeġġa jieħdu l-inċentivi meħtieġa fil-livell nazzjonali biex jippromwovu l-użu mill-ġdid, ir-rinnovazzjoni u r-rimanifattura ta’ partijiet u komponenti, kemm jekk jitneħħew matul il-fażi tal-użu jew tat-tmiem tal-ħajja ta’ vettura. Il-Kummissjoni jenħtieġ li tiffaċilita l-iskambju ta’ informazzjoni fost l-Istati Membri billi taqsam l-aħjar prattiki tagħhom dwar l-inċentivi meħuda fil-livell nazzjonali, bil-għan li timmonitorja l-effettività tagħhom.

(62)Fl-evalwazzjoni tagħha tad-Direttiva 2000/53/KE, il-Kummissjoni sabet li d-definizzjoni tar-riċiklaġġ f’dik id-Direttiva hija wiesgħa wisq u ma hijiex konsistenti mad-Direttiva 2008/98/KE, peress li tqis r-“radam mill-ġdid” bħala operazzjoni ta’ riċiklaġġ. Għalhekk, ir-Regolament jenħtieġ li jallinja d-definizzjoni ta’ riċiklaġġ mad-Direttiva 2008/98/KE, minbarra r-radam mill-ġdid mill-ambitu tiegħu.

(63)Ir-riċiklaġġ tal-plastik kollu minn vetturi li ma għadhomx jintużaw jenħtieġ li jittejjeb kontinwament, u huwa importanti li tiġi żgurata provvista suffiċjenti ta’ materjali riċiklati biex tiġi ssodisfata d-domanda għall-plastik riċiklat fil-vetturi. Għalhekk huwa meħtieġ li tiġi stabbilita mira speċifika ta’ riċiklaġġ ta’ 30 % tal-plastik minn vetturi li ma għadhomx jintużaw. Din il-mira tkun komplementari għall-miri għal (85 %) ta’ vetturi li ma għadhomx jintużaw kif ukoll għall-użu mill-ġdid u għall-irkupru (95 %) ta’ vetturi li ma għadhomx jintużaw skont il-piż medju għal kull vettura u għal kull sena. Sabiex tiġi ffaċilitata l-implimentazzjoni ta’ dawk ir-rekwiżiti mill-operaturi tal-immaniġġar tal-iskart, huwa meħtieġ perjodu tranżitorju ta’ 3 snin. Sadanittant, il-miri kurrenti għall-użu mill-ġdid u r-riċiklaġġ (85 %) kif ukoll l-użu mill-ġdid u l-irkupru (95 %) ta’ vetturi li ma għadhomx jintużaw, kif stabbilit bid-Direttiva 2000/53/KE, u abbażi tad-definizzjoni ta’ riċiklaġġ f’dik id-Direttiva, jenħtieġ li jkomplu japplikaw.

(64)Huwa importanti li jiżdied l-irkupru ta’ materjali sekondarji ta’ kwalità għolja billi jittejbu l-proċessi tat-tqattigħ ta’ vetturi li ma għadhomx jintużaw. Għalhekk, il-vetturi li ma għadhomx jintużaw, il-partijiet, il-komponenti u l-materjali tagħhom jenħtieġ li ma jiġux pproċessati fi shredder flimkien mal-iskart mill-imballaġġ u l-iskart ta’ tagħmir elettriku u elettroniku, b’mod partikolari biex tittejjeb is-separazzjoni tar-ram mill-frazzjonijiet tal-azzar.

(65)Sabiex tkompli tittejjeb il-kwalità tat-trattament tal-vetturi li ma għadhomx jintużaw, jenħtieġ li ma jkunx possibbli li jintremew f’landfill il-frazzjonijiet tal-iskart li jirriżultaw minn vetturi li ma għadhomx jintużaw li jkunu tqattgħu, li jkun fihom skart mhux inerti u li ma jiġux ipproċessati b’teknoloġija post-shredder.

(66)Il-vetturi li ma għadhomx jintużaw huma kklassifikati bħala skart perikoluż u ma jistgħux jiġu esportati lejn pajjiżi li ma humiex fl-OECD. Il-vetturi li ma għadhomx jintużaw li jkunu ġew soġġetti għat-tindif mit-tniġġis xorta jistgħu jiġu ttrattati barra mill-Unjoni, dment li dawk il-vetturi li ma għadhomx jintużaw li jkunu ġew soġġetti għat-tindif mit-tniġġis jiġu ttrasportati f’konformità mar-Regolament (UE) 1013/2006.

(67)F’każ li vettura li ma għadhiex tintuża tiġi ttrasportata mill-Unjoni lejn pajjiż terz, l-esportatur jenħtieġ li jipprovdi prova dokumentarja approvata mill-awtorità kompetenti fil-pajjiż tad-destinazzjoni, filwaqt li jikkonferma li l-kundizzjonijiet tat-trattament huma ġeneralment ekwivalenti għar-rekwiżiti ta’ dan ir-Regolament u għar-rekwiżiti tas-saħħa tal-bniedem u tal-protezzjoni ambjentali stabbiliti f’leġiżlazzjoni oħra tal-Unjoni, f’konformità mar-Regolament (UE) [ir-Regolament il-ġdid dwar il-Vjeġġi ta’ Skart].

(68)Sabiex jiġi żgurat li l-vetturi li ma għadhomx jintużaw jiġu ttrattati b’mod li ma jagħmilx ħsara lill-ambjent, huwa importanti li tiġi stabbilita ċarezza dwar l-istatus ta’ vettura tul il-ħajja kollha tagħha, b’mod partikolari f’sitwazzjonijiet meta jkun hemm il-ħtieġa li ssir distinzjoni bejn il-vetturi użati u l-vetturi li ma għadhomx jintużaw. Sid ta’ vettura li jkollu l-ħsieb li jittrasferixxi s-sjieda ta’ vettura użata, jenħtieġ li b’mod partikolari jintalab juri li l-vettura ma hijiex vettura li ma għadhiex tintuża. Sabiex jiġi vvalutat l-istatus ta’ vettura użata, is-sid tal-vettura, operaturi ekonomiċi oħra u l-awtoritajiet kompetenti jenħtieġ li jivverifikaw jekk ġewx issodisfati ċerti kriterji li jiddeterminaw jekk il-vettura kkonċernata hijiex vettura li ma għadhiex tintuża. Sabiex jitqies il-progress tekniku u xjentifiku, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-emendar tal-Anness I li jiddetermina l-kriterji dwar meta vettura tkun vettura li ma għadhiex tintuża.

(69)Il-Pjan ta’ Azzjoni tal-UE: “Lejn Tniġġis Żero għall-Arja, għall-Ilma u għall-Ħamrija” 59 saħaq fuq il-ħtieġa li l-Kummissjoni tipproponi miżuri ġodda biex tindirizza l-impronta ambjentali esterna tal-Unjoni marbuta mal-esportazzjoni ta’ vetturi li ma għadhomx jintużaw u ta’ vetturi użati. Filwaqt li jitqies li l-esportazzjoni ta’ vetturi użati tqajjem sfidi ambjentali u tas-saħħa pubblika importanti kif dokumentati mill-Programm Ambjentali tan-NU 60 , u li l-Unjoni hija l-akbar esportatur ta’ vetturi użati madwar id-dinja, huwa meħtieġ li jiġu stabbiliti rekwiżiti speċifiċi fil-livell tal-Unjoni li jirregolaw l-esportazzjoni ta’ vetturi użati [mill-Unjoni]. Ir-rekwiżiti jenħtieġ li jkunu bbażati fuq kriterji oġġettivi skont liema vettura użata ma tkunx vettura li ma għadhiex tintuża u li jkollha l-affidabbiltà stradali skont id-Direttiva 2014/45/UE tal-Parlament Ewropew u tal-Kunsill 61 . Dan jenħtieġ li jiżgura li l-vetturi użati li huma xierqa biex jinstaqu fit-toroq tal-Unjoni biss jistgħu jiġu esportati lejn pajjiż terz, u b’hekk jitnaqqsu r-riskji li l-esportazzjoni ta’ vetturi użati mill-Unjoni tikkontribwixxi għat-tniġġis tal-arja jew għall-aċċidenti fit-triq f’pajjiżi terzi. Biex l-awtoritajiet doganali jitħallew jivverifikaw li dawk ir-rekwiżiti jiġu ssodisfati mal-esportazzjoni, kwalunkwe persuna li tesporta vettura użata jenħtieġ li tintalab tipprovdi lil dawk l-awtoritajiet in-numru ta’ identifikazzjoni tal-vettura u dikjarazzjoni li tikkonferma li l-vettura użata ma hijiex vettura li ma għadhiex tintuża u li titqies li għandha affidabbiltà stradali.

(70)Huwa importanti li jiġi stabbilit mekkaniżmu fejn il-konformità tal-vetturi użati mar-rekwiżiti tal-esportazzjoni tista’ tiġi vverifikata b’mod effettiv mingħajr ma jiġi mfixkel il-kummerċ bejn l-Unjoni u pajjiżi terzi. Għalhekk jenħtieġ li tiġi stabbilita sistema elettronika mill-Kummissjoni, li tippermetti lill-awtoritajiet fl-Istati Membri jiskambjaw informazzjoni f’ħin reali dwar in-numru ta’ identifikazzjoni tal-vettura u l-istatus tal-affidabilità stradali tal-vetturi użati għall-esportazzjoni. Fid-dawl tal-karatteristiċi u l-funzjonalitajiet eżistenti tagħha marbuta mal-kondiviżjoni, bejn l-awtoritajiet tar-reġistrazzjoni tal-vetturi, ta’ informazzjoni relatata mal-vetturi rreġistrati fl-Unjoni, il-Kummissjoni żviluppat pjattaforma ta’ skambju ta’ messaġġi, il-MOVE-HUB, għall-iskambju ta’ messaġġi biex jiġu interkonnessi r-reġistri elettroniċi nazzjonali tal-Istati Membri. Il-pjattaforma bħalissa tospita l-interkonnessjoni tar-reġistri tal-impriżi tat-trasport bit-triq (ERRU), ir-reġistri tal-liċenzji tas-sewqan (RESPER), l-interkonnessjoni tar-reġistri tat-taħriġ professjonali tas-sewwieqa (ProDriveNet), in-notifika ta’ ħsarat matul l-ispezzjoni maġenb it-triq tal-vetturi (RSI) u l-interkonnessjoni tar-reġistri tal-kards tat-takografu tas-sewwieqa. Għalhekk, jenħtieġ li l-funzjonalitajiet tal-MOVE-Hub jiġu estiżi aktar biex jippermettu l-iskambju ta’ informazzjoni dwar in-numru ta’ identifikazzjoni tal-vettura u l-istatus tal-affidabilità stradali tal-vetturi użati għall-esportazzjoni. Sabiex id-dwana tkun tista’ tivverifika b’mod elettroniku u awtomatiku jekk vettura użata għall-esportazzjoni tikkonformax mar-rekwiżiti tal-esportazzjoni, is-sistema elettronika mħaddma permezz ta’ MOVE-HUB jenħtieġ li tkun interkonnessa mal-Ambjent ta’ Tieqa Unika tal-UE għad-Dwana, f’konformità mar-Regolament (UE) 2022/2399 tal-Parlament Ewropew u tal-Kunsill 62 . Dak ir-Regolament jipprevedi qafas komprensiv ta’ kontrolli awtomatizzati, li japplikaw għal formalità mhux doganali speċifika tal-Unjoni. Għalhekk, jenħtieġ li dan ir-Regolament jistabbilixxi l-elementi ewlenin li għandhom jiġu kkontrollati, filwaqt li l-aspetti tekniċi tal-implimentazzjoni ta’ dan il-kontroll jiġu stabbiliti skont ir-Regolament (UE) 2022/2399.

(71)Sabiex jiġu żgurati kundizzjonijiet uniformi għall-implimentazzjoni tar-rekwiżiti tal-esportazzjoni, jenħtieġ li l-Kummissjoni tingħata setgħat ta’ implimentazzjoni biex tiżviluppa s-sistemi elettroniċi meħtieġa u tagħmilhom operattivi mas-sistemi nazzjonali.

(72)L-Istati Membri jenħtieġ li jikkollaboraw ma’ xulxin biex jiżguraw implimentazzjoni effettiva tar-rekwiżiti li jirregolaw l-esportazzjoni ta’ vetturi użati u biex jipprovdu assistenza reċiproka. Din l-assistenza jenħtieġ li tinkludi l-iskambju ta’ informazzjoni biex jiġi vverifikat l-istatus tal-vetturi qabel l-esportazzjoni tagħhom, inkluża l-konferma tal-informazzjoni ta’ reġistrazzjoni fl-Istat Membru fejn kienu rreġistrati qabel. Barra minn hekk, sabiex tinkiseb kooperazzjoni komprensiva, l-Istati Membri jenħtieġ li jikkooperaw mal-awtoritajiet minn pajjiżi terzi.

(73)Huwa importanti li l-awtoritajiet doganali jkunu jistgħu jwettqu kontrolli fuq vetturi użati għall-esportazzjoni f’konformità mar-Regolament (UE) Nru 952/2013 tal-Parlament Ewropew u tal-Kunsill 63 . Sehem sinifikanti ta’ vetturi użati li jitilqu mill-Unjoni huma destinati għal pajjiżi fejn huma stabbiliti jew jistgħu jiġu stabbiliti rekwiżiti tal-importazzjoni, bħal rekwiżiti fir-rigward tal-età tal-vettura jew tal-emissjonijiet tagħha. Huwa importanti li l-awtoritajiet doganali jkunu jistgħu jivverifikaw b’mod elettroniku u awtomatiku, permezz tal-Ambjent ta’ Tieqa unika tal-UE għad-Dwana, jekk vettura użata għall-esportazzjoni tikkonformax ma’ dawk ir-rekwiżiti, meta l-informazzjoni dwar dawn ir-rekwiżiti tiġi kkomunikata uffiċjalment lill-Kummissjoni mill-pajjiżi terzi kkonċernati. Sabiex jiġu protetti l-ambjent u s-sikurezza fit-toroq f’pajjiżi terzi, is-setgħa li jiġu adottati atti delegati f’konformità mal-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi ddelegata lill-Kummissjoni fir-rigward tal-istabbiliment ta’ dawn ir-rekwiżiti.

(74)Biex jiġi evitat ir-riskju li l-vetturi jiġu esportati mingħajr id-dokumenti meħtieġa billi jiġi indikat in-numru ta’ identifikazzjoni tal-vettura u l-affidabbiltà stradali tal-vettura u li n-nuqqas ta’ konformità mar-rekwiżiti tal-esportazzjoni jiġi identifikat biss meta l-vettura tkun diġà telqet mill-Unjoni, jenħtieġ li l-applikazzjoni tal-proċeduri doganali simplifikati stabbiliti fir-Regolament (UE) Nru 952/2013 ma tkunx permessa. Dawk il-proċeduri jipprevjenu lill-awtoritajiet doganali milli jwettqu kontrolli f’ħin reali permezz tal-Ambjent ta’ Tieqa Unika tal-UE għad-Dwana, li jżid ir-riskju ta’ ksur tar-regoli tal-Unjoni dwar l-esportazzjoni ta’ vetturi użati.

(75)Fl-evalwazzjoni tagħha tad-Direttiva 2000/53/KE, il-Kummissjoni qieset in-nuqqas ta’ rekwiżiti dwar l-ispezzjonijiet obbligatorji bħala nuqqas tad-Direttiva. Għalhekk, dan ir-Regolament jenħtieġ li jistabbilixxi rekwiżiti minimi li jikkonċernaw il-frekwenza tal-ispezzjonijiet, l-ambitu u l-karatteristiċi tagħhom ta’ faċilitajiet soġġetti għal tali spezzjonijiet. Għalhekk, il-kompetittività tal-faċilitajiet ta’ trattament awtorizzati fir-rigward tal-operaturi illegali tiġi ssalvagwardjata u tiġi żgurata konformità kontinwa mal-kundizzjonijiet tal-permessi u r-rekwiżiti dwar il-ġbir u t-trattament ta’ vetturi li ma għadhomx jintużaw.

(76)L-ispezzjonijiet jenħtieġ li jkopru l-konformità mad-dispożizzjonijiet dwar l-esportazzjoni ta’ vetturi użati u dwar it-trattament ta’ vetturi li ma għadhomx jintużaw. Kull sena, l-ispezzjonijiet jenħtieġ li jkopru mill-inqas 10 % tal-faċilitajiet u l-operaturi awtorizzati ta’ trattament. Is-siti tal-operaturi tat-tiswija u tal-manutenzjoni jenħtieġ li jkunu soġġetti wkoll għal spezzjoni. Jeħtieġ li jiġi enfasizzat li l-ispezzjonijiet imwettqa skont dan ir-Regolament jenħtieġ li jkunu komplementari għall-ispezzjonijiet fuq il-vjeġġ ta’ vetturi li ma għadhomx jintużaw, li huma rregolati b’mod komprensiv fir-Regolament [Uffiċċju tal-Pubblikazzjonijiet: ir-Regolament ġdid dwar Vjeġġi ta’ Skart].

(77)L-Istati Membri jenħtieġ li jistabbilixxu mekkaniżmi ta’ kooperazzjoni fil-livell nazzjonali u internazzjonali sabiex l-ispezzjonijiet ikunu jistgħu jsiru b’mod effiċjenti. Tali mekkaniżmi jenħtieġ li jippermettu l-iskambju tad-data dwar ir-reġistrazzjoni tal-vetturi, meħtieġa għat-traċċar tal-vetturi u għall-verifika ta’ jekk dawn ikunux ġew ittrattati kif suppost meta jilħqu l-istadju ta’ tmiem il-ħajja.

(78)Jenħtieġ li l-Istati Membri jieħdu l-miżuri ta’ infurzar kollha meħtieġa biex jindirizzaw it-trattament illegali ta’ vetturi li ma għadhomx jintużaw, sabiex jipprevjenu d-danni lill-ambjent jew lis-saħħa tal-bniedem minħabba tali attivitajiet. Kwalunkwe stabbiliment jew impriża li tittratta vetturi li ma għadhomx jintużaw mingħajr permess validu, jew bi ksur tal-kundizzjonijiet jew tar-rekwiżiti stabbiliti fil-permess, jenħtieġ għalhekk li tkun soġġetta għal penali. Barra minn hekk, miżuri oħra, bħall-irtirar tal-permess jew is-sospensjoni tal-operazzjonijiet ta’ operatur jenħtieġ li jiġu kkunsidrati mill-Istati Membri biex tiġi żgurata konformità effettiva ma’ dan ir-Regolament.

(79)L-Istati Membri jenħtieġ li jistabbilixxu regoli dwar il-penali applikabbli għall-ksur ta’ dan ir-Regolament u jiżguraw li jiġu implimentati dawk ir-regoli. Il-penali jenħtieġ li jiġu stabbiliti b’mod partikolari għall-ksur tad-dispożizzjonijiet dwar l-esportazzjoni ta’ vetturi użati, mal-konsenja ta’ vetturi li ma għadhomx jintużaw f’faċilitajiet ta’ trattament jew punti ta’ ġbir awtorizzati u dwar in-negozjar ta’ partijiet u komponenti użati, rimanifatturati jew rinnovati. Jenħtieġ li l-penali previsti jkunu effettivi, proporzjonati u dissważivi.

(80)L-istabbiliment ta’ obbligi ta’ rapportar huwa meħtieġ biex jiġu żgurati implimentazzjoni, monitoraġġ u evalwazzjoni xierqa tal-leġiżlazzjoni tal-Unjoni u biex is-swieq jingħataw informazzjoni aġġornata dwar it-trasparenza. Data korretta u valida hija indispensabbli għall-Kummissjoni biex tivvaluta jekk il-miżuri previsti fir-Regolament jaħdmux kif suppost u biex tipproponi, fejn meħtieġ, aktar aġġustamenti mmirati lejn l-iżgurar ta’ trattament li jagħmilx ħsara lill-ambjent ta’ vetturi li ma għadhomx jintużaw jew lejn is-simplifikazzjoni tal-implimentazzjoni tar-Regolament. Bil-għan li jiġi limitat il-piż marbut mar-rapportar, jenħtieġ li tiġi rrapportata biss data li hija indispensabbli għall-finijiet tal-implimentazzjoni ta’ dan ir-Regolament u r-rapportar jenħtieġ li jiġi ffaċilitat permezz ta’ għodod diġitali. Abbażi ta’ dawn l-elementi, jenħtieġ li jiġi speċifikat liema data għandha tiġi rrapportata mill-operaturi ekonomiċi lill-awtoritajiet rilevanti u mill-Istati Membri lill-Kummissjoni. Sabiex jiġu żgurati kundizzjonijiet uniformi għall-implimentazzjoni tar-rekwiżiti tar-rapportar, jenħtieġ li l-Kummissjoni tingħata setgħat ta’ implimentazzjoni. L-atti ta’ implimentazzjoni, li jenħtieġ li jissostitwixxu d-Deċiżjoni tal-Kummissjoni 2005/293/KE 64 , jenħtieġ li jistabbilixxu wkoll metodoloġija għall-kalkolu u l-verifika ta’ jekk intlaħqux il-miri tal-użu mill-ġdid, tar-riċiklaġġ u tal-irkupru.

(81)L-awtoritajiet kompetenti tal-Istati Membri għandhom rwol importanti biex jivverifikaw il-konformità mal-obbligi stabbiliti skont dan ir-Regolament relatati mal-ġbir u l-ġestjoni ta’ vetturi li ma għadhomx jintużaw, inkluż it-traċċar aħjar minn dawk l-awtoritajiet tal-post fejn jinsabu l-vetturi u l-ġlieda kontra l-ġestjoni illegali ta’ vetturi li ma għadhomx jintużaw. Għalhekk, l-Istati Membri jenħtieġ li jirrikjedu li l-operaturi tal-immaniġġar tal-iskart u operaturi ekonomiċi rilevanti oħra jagħtu lill-awtoritajiet kompetenti data li tippermettilhom jimmonitorjaw aħjar kif qed jiġu implimentati d-dispożizzjonijiet dwar il-ġbir u l-ġestjoni ta’ vetturi li ma għadhomx jintużaw.

(82)Jenħtieġ li s-setgħat ta’ implimentazzjoni mogħtija lill-Kummissjoni jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill 65 .

(83)Meta tadotta atti delegati skont dan ir-Regolament, huwa partikolarment importanti li l-Kummissjoni twettaq konsultazzjonijiet xierqa waqt il-ħidma preparatorja tagħha, inkluż fil-livell tal-esperti, u li dawk il-konsultazzjonijiet jitwettqu f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet 66 . Biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(84)L-Anness II tar-Regolament (UE) 2019/1020, li jelenka l-leġiżlazzjoni tal-Unjoni dwar l-armonizzazzjoni mingħajr dispożizzjonijiet dwar il-penali, jenħtieġ li jiġi emendat biex jitħassru d-Direttivi 2000/53/KE u 2005/64/KE minn dik il-lista peress li huwa meħtieġ li r-Regolament kurrenti jinkludi dispożizzjonijiet dwar il-penali.

(85)Huwa meħtieġ li jiġi żgurat li d-dispożizzjonijiet u r-rekwiżiti relatati mal-approvazzjoni tat-tip ta’ dan ir-Regolament jiġu vverifikati matul il-proċess tal-approvazzjoni tat-tip tal-UE. Għaldaqstant, jenħtieġ li r-Regolament (UE) 2018/858 jiġi emendat kif xieraq.

(86)Il-vetturi neqsin ġew rikonoxxuti bħala waħda mill-isfidi ewlenin relatati mal-implimentazzjoni tad-Direttiva 2000/53/KE. In-nuqqas ta’ sistema effiċjenti li tippermetti skambju f’ħin reali ta’ informazzjoni bejn l-Istati Membri dwar l-istatus tar-reġistrazzjoni tal-vetturi jxekkel it-traċċabbiltà u ġie identifikat bħala raġuni għall-għadd għoli ta’ “vetturi neqsin” fl-Unjoni. Sabiex tindirizza dan, il-Kummissjoni jenħtieġ li tipproponi reviżjoni tad-Direttiva tal-Kunsill 1999/37/KE dwar id-dokumenti ta’ reġistrazzjoni għall-vetturi 67 . Din ir-reviżjoni jenħtieġ li tirrikjedi li l-Istati Membri jirreġistraw b’mod elettroniku, għal vetturi rreġistrati fit-territorju tagħhom, data li tippermetti li jiġu ddokumenti kif xieraq ir-raġunijiet għall-kanċellazzjoni ta’ reġistrazzjoni ta’ vettura, speċjalment jekk vettura tkun ġiet trattata bħala vetturi li ma għadhomx jintużaw f’faċilità ta’ trattament awtorizzata, irreġistrata mill-ġdid fi Stat Membru ieħor, esportata lejn pajjiż terz barra mill-Unjoni, jew tkun insterqet. Barra minn hekk, sabiex jiġi evitat iż-żarmar jew l-esportazzjoni illegali ta’ vetturi li temporanjament ikunu tneħħew mir-reġistru, is-sidien tal-vetturi jenħtieġ li jkunu obbligati jirrapportaw minnufih kwalunkwe bidla fis-sjieda tagħhom lill-awtorità nazzjonali tar-reġistrazzjoni tal-vetturi. Dawn l-emendi jikkomplementaw u jibnu fuq ir-rekwiżiti eżistenti għall-Istati Membri biex jirreġistraw b’mod elettroniku d-data dwar il-vetturi kollha rreġistrati fit-territorju tagħhom.

(87)Fid-dawl tal-ħtieġa li jiġi żgurat livell għoli ta’ protezzjoni ambjentali u li jitqies il-progress xjentifiku, jenħtieġ li l-Kummissjoni tippreżenta lill-Parlament Ewropew u lill-Kunsill rapport dwar l-applikazzjoni ta’ dan ir-Regolament u l-impatt tiegħu fuq il-funzjonament tas-suq uniku u l-ambjent. Il-Kummissjoni jenħtieġ li tinkludi, fir-rapport tagħha, evalwazzjoni tad-dispożizzjonijiet dwar id-disinn ta’ vetturi ġodda, inklużi l-miri għall-użu mill-ġdid, ir-riċiklabbiltà u l-irkupru, il-ġestjoni ta’ vetturi li ma għadhomx jintużaw, inklużi l-miri ta’ riċiklaġġ, u dwar il-penali kif ukoll valutazzjoni tal-ħtieġa u l-fattibbiltà li l-ambitu ta’ dan ir-Regolament jiġi estiż ulterjorment għal ċerti vetturi tal-kategorija L, vetturi heavy-duty u t-trejlers tagħhom. Din il-valutazzjoni jenħtieġ li ma tagħmilx enfasi biss fuq aspetti li jikkonċernaw it-trattament ta’ vetturi li ma għadhomx jintużaw, iżda wkoll fuq ir-rilevanza u l-valur miżjud li jiġu stabbiliti rekwiżiti tad-disinn.

(88)Ir-rapport mill-Kummissjoni jenħtieġ li jinkludi wkoll valutazzjoni tal-miżuri li jikkonċernaw l-għoti ta’ informazzjoni dwar sustanzi ta’ tħassib preżenti fil-vetturi u jekk hemmx bżonn li tittejjeb it-traċċabbiltà ta’ tali sustanzi. Dan jenħtieġ li jivvaluta wkoll jekk hemmx bżonn li jiġu introdotti miżuri li jindirizzaw is-sustanzi li jistgħu jaffettwaw it-trattament tal-vetturi meta jilħqu l-istadju ta’ tmiem il-ħajja tagħhom, sabiex jiġu allinjata aktar mill-qrib mar-Regolament (UE) [Ekodisinn għal Prodotti sostenibbli].

(89)Hemm bżonn li jkun hemm biżżejjed żmien għall-operaturi ekonomiċi biex jikkonformaw mal-obbligi tagħhom skont dan ir-Regolament, u għall-Istati Membri biex jistabbilixxu l-infrastruttura amministrattiva neċessarja għall-applikazzjoni tiegħu. Għalhekk, jenħtieġ li l-applikazzjoni ta’ dan ir-Regolament tiġi differita.

(90)Sabiex l-Istati Membri jkunu jistgħu jieħdu l-miżuri amministrattivi meħtieġa rigward l-istabbiliment ta’ sistemi ta’ ġbir, filwaqt li tinżamm il-kontinwità għall-operaturi ekonomiċi u għall-operaturi tal-immaniġġar tal-iskart, ir-revoka tad-Direttiva 2000/53/KE jenħtieġ li tiġi differita.

(91)Dan ir-Regolament ma jbiddilx ir-regoli dwar ir-restrizzjonijiet fuq l-użu taċ-ċomb, il-kadmju tal-merkurju u l-kromu eżavalenti fil-vetturi stabbiliti skont id-Direttiva 2000/53/KE jew eżenzjonijiet minn dawk ir-restrizzjonijiet. Madankollu, dan jistabbilixxi regoli aktar ċari dwar kif il-konformità ma’ dawn ir-restrizzjonijiet, kif ukoll ma’ rekwiżiti oħra taċ-ċirkolarità, għandhom jiġu vverifikati matul il-proċess tal-approvazzjoni tat-tip. Sabiex jiġi żgurat li l-manifatturi jkollhom biżżejjed żmien biex jikkonformaw ma’ dawk ir-regoli, l-applikazzjoni tagħhom jenħtieġ li tiġi differita. Għalhekk, jenħtieġ li d-dispożizzjonijiet tad-Direttiva 2000/53/KE dwar ir-restrizzjonijiet fuq l-użu taċ-ċomb, tal-kadmju tal-merkurju u tal-kromu eżavalenti jibqgħu fis-seħħ sakemm dawk ir-regoli jsiru applikabbli, sabiex tiġi żgurata l-kontinwità u sabiex jiġi żgurat li l-vetturi mqiegħda fis-suq tal-Unjoni ma jkunx fihom tali sustanzi, f’każijiet għajr dawk previsti f’dik id-Direttiva.

(92)Dan ir-Regolament jipprovdi wkoll dispożizzjonijiet aktar ċari dwar ir-responsabbiltà estiża tal-produttur mid-Direttiva 2000/53/KE. Peress li l-istabbiliment ta’ tali skemi u d-dispożizzjonijiet nazzjonali meħtieġa dwar l-awtorizzazzjoni tal-produtturi u tal-organizzazzjonijiet għar-responsabbiltà tal-produttur jeħtieġu xi żmien, l-applikazzjoni ta’ dawk id-dispożizzjonijiet jenħtieġ li tiġi differita. Id-dispożizzjonijiet korrispondenti tad-Direttiva 2000/53/KE jenħtieġ li jibqgħu fis-seħħ sakemm dawk id-dispożizzjonijiet isiru applikabbli sabiex tiġi żgurata l-kontinwità fir-rigward tal-finanzjament tal-produtturi tal-kostijiet tal-ġbir ta’ vetturi li ma għadhomx jintużaw.

(93)Bl-istess mod, dan ir-Regolament fih rekwiżiti ġodda dwar it-trattament ta’ vetturi li ma għadhomx jintużaw, b’mod partikolari dwar it-tneħħija ta’ partijiet u komponenti sabiex jiġu promossi l-użu mill-ġdid, ir-rimanifattura jew ir-rinnovazzjoni tagħhom kif ukoll biex tittejjeb il-kwalità tal-proċessi ta’ riċiklaġġ. L-operaturi tal-immaniġġar tal-iskart jeħtieġu ż-żmien biex jaġġustaw għal dawk ir-rekwiżiti l-ġodda u l-applikazzjoni tagħhom jenħtieġ li għalhekk tiġi differita. Id-dispożizzjonijiet korrispondenti tad-Direttiva 2000/53/KE jenħtieġ li jibqgħu fis-seħħ sakemm dawk ir-rekwiżiti jsiru applikabbli sabiex tiġi żgurata l-kontinwità fir-rigward tat-trattament ta’ vetturi li ma għadhomx jintużaw.

(94)L-obbligi skont id-Direttiva 2000/53/KE dwar ir-rapportar u l-obbligi relatati għat-trażmissjoni tad-data lill-Kummissjoni jenħtieġ li jibqgħu fis-seħħ għal perjodu ta’ żmien sabiex tiġi żgurata l-kontinwità sakemm ir-regoli l-ġodda dwar il-kalkolu u l-formati tar-rapportar jiġu adottati mill-Kummissjoni skont dan ir-Regolament.

(95)L-applikazzjoni tad-dispożizzjonijiet kollha dwar il-vettura tal-kategoriji L3e-L7e, M2, M3, N2, N3 u O jenħtieġ li tiġi differita sabiex l-operaturi jingħataw żmien biżżejjed ħalli jikkonformaw mar-rekwiżiti l-ġodda. Dan huwa partikolarment importanti fir-rigward tal-permessi għal faċilitajiet ta’ trattament awtorizzati li huma kapaċi jwettqu t-tindif mit-tniġġis u t-trattament ulterjuri ta’ tali vetturi.

(96)Fl-interess taċ-ċarezza, tar-razzjonalità u tas-simplifikazzjoni, peress li r-regoli dwar l-approvazzjoni tat-tip ta’ vetturi bil-mutur fir-rigward tal-possibbiltajiet ta’ użu mill-ġdid, ta’ riċiklaġġ u ta’ rkupru tagħhom kollha jinsabu f’dan ir-Regolament, ir-revoka tad-Direttiva 2005/65/KE jenħtieġ li tiġi differita. Dan iż-żmien jipprovdi biżżejjed żmien lill-manifatturi biex jiżguraw li t-tipi ta’ vetturi li jiddisinjaw u jibnu jikkonformaw mar-rekwiżiti taċ-ċirkolarità u lill-awtoritajiet tal-approvazzjoni biex jimplimentaw ir-regoli l-ġodda.

(97)Billi l-objettivi ta’ dan ir-Regolament, jiġifieri li jikkontribwixxi għall-funzjonament tas-suq uniku, li jipprevjeni u jnaqqas l-impatti negattivi mill-ġestjoni tal-vetturi li ma għadhomx jintużaw u li jiżgura livell għoli ta’ protezzjoni tas-saħħa tal-bniedem u tal-ambjent, ma jistgħux jintlaħqu biżżejjed mill-Istati Membri, iżda pjuttost jistgħu jintlaħqu aħjar fil-livell tal-Unjoni, minħabba l-ħtieġa li jkun hemm armonizzazzjoni, l-Unjoni tista’ tadotta miżuri f’konformità mal-prinċipji tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stipulat f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħqu dawk l-objettivi.

ADOTTAW DAN IR-REGOLAMENT:

KAPITOLU I
DISPOŻIZZJONIJIET ĠENERALI

Artikolu 1
Suġġett

Dan ir-Regolament jistabbilixxi r-rekwiżiti taċ-ċirkolarità dwar id-disinn u l-produzzjoni tal-vetturi relatati mal-possibbiltajiet ta’ użu mill-ġdid, riċikaġġ u rkupru u l-użu ta’ kontenut riċiklat, li għandhom jiġu vverifikati fl-approvazzjoni tat-tip tal-vetturi, u dwar ir-rekwiżiti ta’ informazzjoni u tikkettar dwar partijiet, komponenti u materjali fil-vetturi. Dan jistabbilixxi wkoll ir-rekwiżiti dwar ir-responsabbiltà estiża tal-produtturi, il-ġbir u t-trattament ta’ vetturi li ma għadhomx jintużaw, kif ukoll dwar l-esportazzjoni ta’ vetturi użati mill-Unjoni lejn pajjiżi terzi.

Artikolu 2
Ambitu

1.Dan ir-Regolament għandu japplika:

(a)għal vetturi u vetturi li ma għadhomx jintużaw tal-kategoriji M1 u N1 kif stabbilit fl-Artikolu 4(1)(a)(i) u (b)(i) tar-Regolament (UE) 2018/858;

(b)minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 60 xahar wara d-data tad-dħul fis-seħħ ta’ dan ir-Regolament] għall-vetturi u għall-vetturi li ma għadhomx jintużaw tal-kategoriji M2, M3, N2,N 3 u O kif stabbilit fl-Artikolu 4(1) tar-Regolament (UE) 2018/858;

(c)minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 60 xahar wara d-data tad-dħul fis-seħħ ta’ dan ir-Regolament] għall-vetturi u għal vetturi li ma għadhomx jintużaw u tal-kategoriji L3e, L4e, L5e, L6e u L7e kif stabbiliti fl-Artikolu 4(2)(c) sa (g), tar-Regolament (UE) 168/2013.

2.Dan ir-Regolament ma għandux japplika għal:

(a)vetturi bi skop speċjali kif definiti fl-Artikolu 3(31) tar-Regolament (UE) 2018/858;

(b)partijiet oħra ta’ vettura li jkunu ngħataw approvazzjoni tat-tip f’approvazzjoni tat-tip f’diversi stadji tal-kategorija N1, N2, N3, M2 jew M3 għajr il-vettura bażi;

(c)vetturi prodotti f’serje żgħira, kif definiti fl-Artikolu 3(30) tar-Regolament 2018/858;

(d)vetturi ta’ interess storiku kif definiti fl-Artikolu 3(7) tad-Direttiva 2014/45/UE.

3.Minkejja l-paragrafu 1(b), id-dispożizzjonijiet li ġejjin ma għandhomx japplikaw għall-vetturi u għall-vetturi li ma għadhomx jintużaw tal-kategoriji M2, M3, N2, N3 u O:

(a)L-Artikolu 4 dwar il-possibbiltajiet ta’ użu mill-ġdid, riċiklaġġ u rkupru tal-vetturi;

(b)L-Artikolu 5 dwar ir-rekwżiti għal sustanzi fil-vetturi;

(c)L-Artikolu 6 dwar il-kontenut minimu riċiklat fil-vetturi;

(d)L-Artikolu 7 dwar id-disinn li jippermetti t-tneħħija u s-sostituzzjoni ta’ ċerti partijiet u komponenti fil-vetturi;

(e)L-Artikolu 8 dwar obbligi ġenerali;

(f)L-Artikolu 9 dwar l-istrateġija għaċ-ċirkolarità;

(g)L-Artikolu 10 dwar id-dikjarazzjoni dwar il-kontenut riċiklat preżenti fil-vetturi;

(h)L-Artikolu 12 dwar it-tikkettar ta’ partijiet, komponenti u materjali preżenti fil-vetturi;

(i)L-Artikolu 13 dwar il-passaport taċ-ċirkolarità tal-vetturi;

(j)L-Artikolu 21 dwar il-modulazzjoni tat-tariffi;

(k)L-Artikolu 22 dwar il-mekkaniżmu għall-allokazzjoni tal-kostijiet għall-vetturi li jsiru vetturi li ma għadhomx jintużaw fi Stat Membru ieħor;

(l)L-Artikolu 28 dwar ir-rekwiżiti ġenerali għat-tqattigħ;

(m)L-Artikolu 30 dwar it-tneħħija obbligatorja ta’ partijiet u komponenti għall-użu mill-ġdid u għar-riċiklaġġ qabel it-tqattigħ;

(n)L-Artikolu 31 dwar ir-rekwiżiti li jikkonċernaw il-partijiet u l-komponenti mneħħija;

(o)L-Artikolu 32 dwar il-kummerċ ta’ partijiet u komponenti użati, rimanifatturati jew rinnovati;

(p)L-Artikolu 33 dwar l-użu mill-ġdid, ir-rimanifattura u r-rinnovazzjoni ta’ partijiet u komponenti;

(q)L-Artikolu 34 dwar il-miri għall-użu mill-ġdid, ir-riċiklaġġ u l-irkupru;

(r)L-Artikolu 35 dwar il-projbizzjoni tar-rimi fil-landfills ta’ skart mhux inerti;

(s)L-Artikolu 36 dwar il-vjeġġi ta’ vetturi li ma għadhomx jintużaw.

4.Minkejja l-paragrafu 1(c), id-dispożizzjonijiet li ġejjin ma għandhomx japplikaw għall-vetturi u għall-vetturi li ma għadhomx jintużaw tal-kategoriji L3e, L4e, L5e, L6e u L7e:

(a)L-artikoli elenkati fil-paragrafu 3;

(b)L-Artikolu 38 dwar il-kontrolli u r-rekwiżiti fuq l-esportazzjoni ta’ vetturi użati;

(c)L-Artikolu 39 dwar il-verifika awtomatizzata tan-Numru ta’ Identifikazzjoni tal-Vettura u l-informazzjoni dwar l-istatus tal-vettura;

(d)L-Artikolu 40 dwar il-ġestjoni tar-riskju u l-kontrolli doganali;

(e)L-Artikolu 41 dwar is-sospensjoni;

(f)L-Artikolu 42 dwar ir-rilaxx għall-esportazzjoni;

(g)L-Artikolu 43 dwar ir-rifjut tar-rilaxx għall-esportazzjoni;

(h)L-Artikolu 44 dwar il-kooperazzjoni fost l-awtoritajiet u l-iskambju ta’ informazzjoni;

(i)L-Artikolu 45 dwar is-sistemi elettroniċi.

5.Minkejja l-paragrafu 2(a), id-dispożizzjonijiet li ġejjin għandhom japplikaw għal vetturi bi skop speċjali:

(a)L-Artikolu 5 dwar ir-rekwżiti għal sustanzi fil-vetturi;

(b)L-Artikolu 16 dwar ir-responsabbiltà estiża tal-produttur;

(c)L-Artikolu 20 dwar ir-responsabbiltà finanzjarja tal-produtturi;

(d)L-Artikolu 23 dwar il-ġbir ta’ vetturi li ma għadhomx jintużaw;

(e)L-Artikolu 24 dwar il-konsenja ta’ vetturi li ma għadhomx jintużaw fil-faċilitajiet awtorizzati ta’ trattament;

(f)L-Artikolu 25 dwar iċ-ċertifikat tal-qerda;

(g)L-Artikolu 26 dwar l-obbligi għas-sid tal-vettura;

(h)L-Artikolu 29 dwar it-tindif mit-tniġġis;

(i)L-Artikolu 30 dwar it-tneħħija obbligatorja ta’ partijiet u komponenti għall-użu mill-ġdid u r-riċiklaġġ qabel it-tqattigħ.

6.Minkejja l-paragrafu 1(b) u (c), l-Artikoli 16, 19, 20, 27 u 46 sa 49 għandhom japplikaw għall-vetturi u għall-vetturi li ma għadhomx jintużaw tal-kategoriji L3, L4, L5, L6 L7, M2, M3, N2, N3 u O bil-modifiki li ġejjin:

(a)ir-responsabbiltà estiża tal-produttur, imsemmija fl-Artikolu 16, għandha tinkludi l-obbligu tal-produtturi ta’ tali vetturi li jiżguraw li l-vetturi, li jkunu qiegħdu fis-suq għall-ewwel darba fit-territorju ta’ Stat Membru u li jsiru vetturi li ma għadhomx jintużaw:

(i) jinġabru f’konformità mal-Artikolu 23;

(ii) ikunu soġġetti għat-tindif mit-tniġġis f’konformità mal-Artikolu 29;

(b)l-awtorizzazzjoni, imsemmija fl-Artikolu 19, għandha tingħata malli jintwera li l-applikant jissodisfa l-kriterji stabbiliti fl-Artikolu 19(2) fir-rigward tal-ġbir u t-tindif mit-tniġġis tal-vetturi;

(c)il-kontribuzzjonijiet finanzjarji li għandhom jitħallsu mill-produtturi f’konformità mal-Artikolu 20(1)(a), għandhom ikopru l-kostijiet tal-ġbir u tat-tneħħija mit-tniġġis ta’ vetturi ta’ tali kategoriji, li ma humiex koperti mid-dħul tal-operaturi tal-immaniġġar tal-iskart marbut mal-bejgħ ta’ spare parts użati u ta’ komponenti ta’ riżerva użati, ta’ vetturi li ma għadhomx jintużaw u li jkunu soġġetti għat-tindif mit-tniġġis, jew ta’ materja prima sekondarja rriċiklata minn vetturi li ma għadhomx jintużaw;

(d)L-Artikolu 27 għandu japplika ħlief għall-paragrafu 3(c) u (d);

(e)L-Artikoli 46 sa 49 għandhom japplikaw biss fir-rigward tal-infurzar tal-obbligi applikabbli għal tali kategoriji ta’ vetturi.

Artikolu 3
Definizzjonijiet

1.Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)“vettura” tfisser kwalunkwe vettura kif definita fl-Artikolu 3(15) tar-Regolament (UE) 2018/858 jew elenkata fl-Artikolu 4(2)(c) sa (g) tar-Regolament (UE) 168/2013;

(2)“vettura li ma għadhiex tintuża” tfisser vettura li hija skart kif definit fl-Artikolu 3(1), tad-Direttiva 2008/98/KE, jew vetturi li huma irreparabbli skont il-kriterji tal-Parti A, il-punti 1 u 2 tal-Anness I;

(3)“tip ta’ vettura” tfisser kwalunkwe tip ta’ vettura kif definit fl-Artikolu 3(32), tar-Regolament (UE) 2018/858 jew it-tip ta’ vettura kif definit fl-Artikolu 3(73), tar-Regolament (UE) Nru 168/2013;

(4)“possibbiltà ta’ użu mill-ġdid” tfisser il-possibbiltà ta’ użu mill-ġdid ta’ partijiet komponenti meħuda minn vettura li ma għadhiex tintuża;

(5)“użu mill-ġdid” tfisser kwalunkwe operat li permezz tiegħu l-partijiet jew il-komponenti tal-vetturi li ma għadhomx jintużaw, jintużaw għall-istess għan li għalih kienu maħsuba;

(6)“possibbiltà ta’ riċiklaġġ” tfisser il-possibbiltà ta’ riċiklaġġ ta’ partijiet komponenti meħuda minn vettura li ma għadhiex tintuża;

(7)“possibbiltà ta’ rkupru” tfisser il-possibbiltà ta’ rkupru ta’ partijiet, komponenti, jew materjali meħuda minn vettura li ma għadhiex tintuża;

(8)“fornitur” tfisser kwalunkwe persuna fiżika jew ġuridika li tforni partijiet, komponenti jew materjali lil manifattur li jużahom għall-manifattura tal-vetturi;

(9)“plastik” tfisser polimeru skont it-tifsira tal-Artikolu 3(5), tar-Regolament (KE) Nru 1907/2006, li miegħu setgħu ġew miżjuda addittivi jew sustanzi oħra;

(10)“materja prima kritika” tfisser materja prima kritika kif definita fl-Artikolu 2(2) tar-Regolament (UE) [l-Att dwar il-Materja Prima Kritika];

(11)“skart tal-plastik wara l-użu mill-konsumatur” tfisser skart tal-plastik li jiġi ġġenerat minn prodotti wara li jkunu tqiegħdu fis-suq;

(12)“tneħħija” tfisser trattament manwali, mekkaniku, kimiku, termali jew metalluriku bir-riżultat li l-partijiet, il-komponenti jew il-materjali fil-mira minn vetturi li ma għadhomx jintużaw ikunu identifikabbli individwalment bħala fluss ta’ output separat jew parti minn fluss ta’ output;

(13)“mutur tat-trazzjoni elettrika” tfisser mutur elettriku li jikkonverti l-potenza elettrika tal-input f’potenza mekkanika tal-output biex jipprovdi trazzjoni lil vettura;

(14)“batterija ta’ vettura elettrika” tfisser batterija ta’ vettura elettrika kif definita fl-Artikolu 3(14) tar-Regolament (UE) 2023/ [Batteriji u skart ta’ batteriji];

(15)“faċilità ta’ trattament awtorizzata” tfisser kwalunkwe stabbiliment jew impriża li hija permessa f’konformità mad-Direttiva 2008/98/KE u dan ir-Regolament biex twettaq il-ġbir u t-trattament ta’ vetturi li ma għadhomx jintużaw;

(16)“trattament” tfisser kwalunkwe attività wara li l-vetturi li ma għadhomx jintużaw jkunu ġew mogħtija lil faċilità biex ikunu soġġetti għat-tindif mit-tniġġis, għaż-żarmar, għall-kumpattazzjoni, għall-ispostament, għat-tqattigħ, għall-irkupru jew għall-preparazzjoni għar-rimi ta’ skart mit-tqattigħ, u kwalunkwe operat ieħor li jitwettaq għall-irkupru u/jew ir-rimi ta’ vettura li ma għadhiex tintuża u l-partijiet, il-komponenti u l-materjali tagħha;

(17)“tqattigħ” tfisser kwalunkwe operat li jintuża biex il-vetturi li ma għadhomx jintużaw jitqattgħu f’biċċiet jew jiġu fframmentati;

(18)“operatur ta’ tiswija u ta’ manutenzjoni” tfisser kwalunkwe persuna fiżika jew ġuridika li, relatata mal-kummerċ, man-negozju, mas-sengħa jew mal-professjoni ta’ dik il-persuna, tipprovdi servizzi ta’ tiswija jew ta’ manutenzjoni, kemm jekk indipendentement mill-manifatturi kif ukoll jekk awtorizzati minnhom;

(19)“tqegħid fis-suq” tfisser it-tqegħid ta’ vettura fis-suq tal-Unjoni għall-ewwel darba;

(20)“tqegħid fis-suq” tfisser kwalunkwe provvista ta’ vettura għad-distribuzzjoni jew għall-użu fis-suq matul l-attività kummerċjali, kemm jekk issir bi ħlas kif ukoll jekk le;

(21)“operatur tal-immaniġġar tal-iskart” tfisser kwalunkwe persuna fiżika jew ġuridika li tittratta fuq bażi professjonali l-ġbir jew it-trattament ta’ vetturi li ma għadhomx jintużaw;

(22)“produttur” tfisser kwalunkwe manifattur, importatur jew distributur, li, irrispettivament mit-teknika ta’ bejgħ użata, inkluż permezz ta’ kuntratti mill-bogħod kif definit fl-Artikolu 2(7) tad-Direttiva 2011/83/UE, iforni vettura għall-ewwel darba għad-distribuzzjoni jew għall-użu, f’territorju ta’ Stat Membru fuq bażi professjonali;

(23)“organizzazzjoni b’kompetenza fil-qasam tar-responsabbiltà tal-produtturi” tfisser entità ġuridika li torganizza b’mod finanzjarju jew operazzjonali t-twettiq tal-obbligi ta’ responsabbiltà estiża tal-produttur f’isem diversi produtturi;

(24)“rappreżentant maħtur għar-responsabbiltà estiża tal-produttur” tfisser persuna ġuridika jew fiżika stabbilita fi Stat Membru fejn il-produttur jagħmel il-vettura disponibbli fis-suq għall-ewwel darba, għajr l-Istat Membru fejn ikun stabbilit il-produttur, u li tinħatar mill-produttur f’konformità mat-tielet subparagrafu tal-Artikolu 8a(5) tad-Direttiva 2008/98/KE biex tissodisfa l-obbligi ta’ dak il-produttur skont il-Kapitolu IV ta’ dan ir-Regolament;

(25)“materja prima sekondarja” tfisser materjali li jkunu nkisbu permezz ta’ proċessi ta’ riċiklaġġ u li jistgħu jissostitwixxu materja prima primarja;

(26)“sid ta’ vettura” tfisser kwalunkwe persuna fiżika jew ġuridika li jkollha d-dritt ta’ sjieda ta’ vettura u, jekk ma jkunx speċifikat mod ieħor, kwalunkwe detentur taċ-ċertifikat ta’ reġistrazzjoni;

(27)“teknoloġija post-shredder” tfisser it-tekniki u t-teknoloġiji li jintużaw għall-ipproċessar tal-materjali minn vetturi li ma għadhomx jintużaw, wara li jkunu tqattgħu, għal aktar irkupru;

(28)“rimanifattura” tfisser operat li fih parti jew komponent ġdid jiġi mmanifatturat minn partijiet u komponenti li jew jitneħħew minn vetturi jew vetturi li ma għadhomx jintużaw u li fih issir mill-inqas bidla waħda fil-parti jew fil-komponent li taffettwa s-sikurezza, il-prestazzjoni, l-iskop jew it-tip tiegħu;

(29)“rinnovazzjoni” tfisser azzjonijiet imwettqa għat-tħejjija, it-tindif, l-ittestjar u, fejn meħtieġ, it-tiswija ta’ parti jew ta’ komponent li jitneħħa minn vetturi jew minn vetturi li ma għadhomx jintużaw sabiex terġa’ tinkiseb il-prestazzjoni jew il-funzjonalità ta’ dik il-parti jew ta’ dak il-komponent fl-użu maħsub u fil-firxa ta’ prestazzjoni oriġinarjament maħsuba fl-istadju tad-disinn applikabbli fiż-żmien tat-tqegħid tiegħu fis-suq;

(30)“skart mill-imballaġġ” tfisser skart mill-imballaġġ kif definit fl-Artikolu 3(2) tad-Direttiva tal-Parlament Ewropew u tal-Kunsill 94/62/KE 68 [l-Artikolu 3(20), tar-Regolament (UE) [ir-Regolament dwar l-Imballaġġ u l-Iskart mill-Imballaġġ]];

(31)“skart ta’ tagħmir elettriku u elettroniku” tfisser skart ta’ tagħmir elettriku u elettroniku kif definit fl-Artikolu 3(1)(e) tad-Direttiva 2012/19/UE tal-Parlament Ewropew u tal-Kunsill 69 ;

(32)“skart mhux inerti” tfisser skart li ma jissodisfax il-kundizzjonijiet tad-definizzjoni ta’ “skart inerti” stabbiliti fl-Artikolu 2(e) tad-Direttiva tal-Kunsill 1999/31/KE 70 ;

(33)“vettura użata” tfisser vettura li tkun ġiet irreġistrata fi Stat Membru jew fi kwalunkwe pajjiż ieħor u li ma tkunx vettura fi tmiem il-ħajja tagħha;

(34)“vettura użata għall-esportazzjoni” tfisser vettura użata li għandha titqiegħed taħt il-proċedura doganali stabbilita fl-Artikolu 269 tar-Regolament (UE) Nru 952/2013;

(35)“operaturi ekonomiċi” tfisser produtturi, kolletturi, kumpaniji tal-assigurazzjoni tal-vetturi, fornituri, operaturi tat-tiswija u tal-manutenzjoni, operaturi tal-ġestjoni tal-iskart u kwalunkwe operatur ieħor involut fid-disinn tal-vetturi, fil-kummerċ ta’ vetturi użati, jew fil-ġestjoni ta’ vetturi li ma għadhomx jintużaw.

2.Addizzjonalment għad-definizzjonijiet imsemmija fil-paragrafu 1, għandhom japplikaw id-definizzjonijiet li ġejjin:

(a)“skart”, “żjut għar-rimi”, “detentur tal-iskart”, “immaniġġar tal-iskart”, “ġbir”, “prevenzjoni”, “riċiklaġġ”, “irkupru”, “radam mill-ġdid”, “rimi” u “skema ta’ responsabbiltà estiża tal-produttur” stabbiliti fl-Artikolu 3(1), (3), (6), (9), (10), (12), (15), (17), (17a), (19) u (21), tad-Direttiva 2008/98/KE;

(b)“approvazzjoni tat-tip”,“approvazzjoni tat-tip f’diversi stadji”, “komponent”, “partijiet”, “spare parts”, “vettura bażi”, “vettura prodotta f’serje żgħira”, “vettura bi skop speċjali”, “awtorità tas-sorveljanza tas-suq”, “awtorità tal-approvazzjoni” “manifattur”, “importatur” u “distributur” stabbiliti fl-Artikolu 3(1), (8), (19), (21), (23), (24) (28), (30), (31), (35), (36), (40), (42) u (43), tar-Regolament (UE) 2018/858;

(c)“reġistrazzjoni”, “ċertifikat ta’ reġistrazzjoni”, “sospensjoni”, “detentur taċ-ċertifikat ta’ reġistrazzjoni” u “kanċellazzjoni tar-reġistrazzjoni” stabbiliti fl-Artikolu 2(b), (c), (d), (e) u (f), tad-Direttiva 1999/37/KE;

(d)“vettura ta’ interess storiku”, “test tal-affidabilità stradali” u “ċertifikat tal-affidabilità stradali” stabbiliti fl-Artikolu 3(7), (9) u (12) tad-Direttiva 2014/45/UE;

(e)“sustanza ta’ tħassib” u “mezz ta’ data” stabbiliti fl-Artikolu 2(28) u (30) tar-Regolament [Ekodisinn għal prodotti sostenibbli].

KAPITOLU II
REKWIŻITI TAĊ-ĊIRKOLARITÀ

Artikolu 4
Possibbiltajiet ta’ użu mill-ġdid, riċiklaġġ u rkupru tal-vetturi

1.Kull vettura li tappartjeni għal tip ta’ vettura li jkollha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 72 xahar wara d-data tad-dħul fis-seħħ ta’ dan ir-Regolament], skont ir-Regolament (UE) 2018/858 għandha tinbena biex tkun:

(a)riutilizzabbli jew riċiklabbli għal mill-inqas 85 % skont il-piż;

(b)riutilizzabbli jew rekuperabbli għal mill-inqas 95 % skont il-piż.

2.Għal kull tip ta’ vettura msemmija fil-paragrafu 1, il-manifatturi għandhom jieħdu l-miżuri li ġejjin:

(a)jiġbru d-data meħtieġa permezz tal-katina sħiħa tal-provvista, b’mod partikolari n-natura u l-massa tal-materjali kollha użati fil-kostruzzjoni tal-vetturi, biex jiżguraw konformità kontinwa mar-rekwiżiti;

(b)iżommu d-data l-oħra kollha xierqa dwar il-vettura meħtieġa mill-proċess ta’ kalkolu msemmi fil-punt (e);

(c)jivverifikaw il-korrettezza u l-kompletezza tal-informazzjoni riċevuta mill-fornituri;

(d)id-diżaggregazzjoni tal-materjali għandha tiġi ġestita u ddokumentata;

(e)jikkalkulaw ir-rati tal-possibbiltajiet ta’ użu mill-ġdid, ta’ riċiklaġġ u ta’ rkupru għall-finijiet tal-paragrafu 1 f’konformità mal-metodoloġija stabbilita mill-Kummissjoni skont il-paragrafu 3 jew, qabel ma tkun ġiet adottata tali metodoloġija, f’konformità mal-istandard ISO 22628:2002 flimkien mal-elementi stabbiliti fil-Parti A tal-Anness II;

(f)jimmarkaw il-partijiet u l-komponenti tal-vetturi magħmula minn polimeri u elastomeri f’konformità mal-Artikolu 12(1);

(g)jiżguraw li l-partijiet u l-komponenti elenkati fil-Parti E tal-Anness VII ma jerġgħux jintużaw fil-kostruzzjoni ta’ vetturi ġodda.

3.Il-Kummissjoni għandha, sa [Uffiċċju tal-Pubblikazzjonijiet: jekk jogħġbok daħħal id-data = l-aħħar jum tax-xahar wara 35 xahar wara d-data tad-dħul fis-seħħ ta’ dan ir-Regolament], tadotta att ta’ implimentazzjoni li jistabbilixxi metodoloġija ġdida għall-kalkolu u l-verifika tar-rati tal-possibbiltajiet ta’ użu mill-ġdid, riċiklaġġ u rkupru ta’ vettura, filwaqt li jitqiesu l-elementi stabbiliti fl-Anness II.

Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 51(2).

Artikolu 5
Rekwiżiti għas-sustanzi fil-vetturi

1.Il-preżenza ta’ sustanzi ta’ tħassib fil-vetturi u fil-partijiet u l-komponenti tagħhom għandha tiġi mminimizzata kemm jista’ jkun.

2.Minbarra r-restrizzjonijiet stabbiliti fl-Anness XVII tar-Regolament (KE) Nru 1907/2006 u, kif applikabbli, ir-restrizzjonijiet stabbiliti fl-Annessi I u II tar-Regolament (UE) 2019/1021 u fir-Regolament (UE) 2023/[Uffiċċju tal-Pubblikazzjonijiet: Batteriji], kwalunkwe tip ta’ vettura li għandha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 72 xahar wara d-data tad-dħul fis-seħħ ta’ dan ir-Regolament], skont ir-Regolament (UE) 2018/858 ma għandux ikun fiha ċomb, merkurju, kadmju jew kromu eżavalenti.

3.B’deroga mill-paragrafu 2, it-tipi ta’ vetturi jista’ jkun fihom ċomb, merkurju, kadmju jew kromu eżavalenti skont il-kundizzjonijiet u sal-valuri massimi ta’ konċentrazzjoni stabbiliti fl-Anness III.

4.Il-Kummissjoni għandha s-setgħa tadotta atti delegati f’konformità mal-Artikolu 50 biex temenda l-Anness III sabiex tadattah għall-progress xjentifiku u tekniku billi:

(a)tistabbilixxi valuri massimi ta’ konċentrazzjoni sa fejn għandha tiġi ttolerata l-preżenza taċ-ċomb, tal-merkurju, tal-kadmju jew tal-kromu eżavalenti f’partijiet, komponenti u materjali omoġenji speċifiċi tal-vetturi;

(b)    teżenta ċerti partijiet, komponenti u materjali omoġenji tal-vetturi mill-projbizzjoni fuq il-preżenza taċ-ċomb, tal-merkurju, tal-kadmju jew tal-kromu eżavalenti stabbilita fil-paragrafu 2 fejn jiġu ssodisfati l-kundizzjonijiet li ġejjin:

(i) l-użu ta’ dawk is-sustanzi huwa inevitabbli;

(ii) jintwera li l-benefiċċji soċjoekonomiċi jisbqu r-riskju għas-saħħa tal-bniedem jew għall-ambjent li jirriżulta mill-użu ta’ dawk is-sustanzi;

(iii) ma hemm l-ebda sustanza jew teknoloġija alternattiva xierqa.

(c)    it-tħassir ta’ partijiet, komponenti u materjali omoġenji tal-vetturi mill-Anness III, jekk l-użu taċ-ċomb, tal-merkurju, tal-kadmju jew tal-kromu eżavalenti jkun jista’ jiġi evitat;

(d)id-deżinjazzjoni ta’ dawk il-partijiet, il-komponenti u l-materjali omoġenji tal-vetturi li għandhom jitneħħew qabel trattament ulterjuri u l-ħtieġa li dawn jiġu ttikkettati jew magħmula identifikabbli b’mezzi xierqa oħra.

Il-Kummissjoni għandha s-setgħa li tadotta atti delegati f’konformità mal-Artikolu 50 biex temenda l-Anness III, b’mod partikolari billi tneħħi ċerti eżenzjonijiet għal materjali u komponenti omoġenji mil-lista, f’każ li l-eżenzjoni speċifika tiġi indirizzata skont leġiżlazzjoni oħra tal-Unjoni.

5.Fuq talba tal-Kummissjoni, u fi żmien 12-il xahar mit-talba, l-Aġenzija Ewropea għas-Sustanzi Kimiċi (l-“Aġenzija”) għandha tħejji rapport dwar il-fattibbiltà teknika u ekonomika ta’ alternattivi li jappartjenu għall-eżenzjonijiet eżistenti elenkati fl-Anness III u, abbażi ta’ tali valutazzjoni, proposta motivata għall-emenda speċifika tal-eżenzjoni.

6.Hekk kif tirċievi t-talba mill-Kummissjoni, l-Aġenzija għandha tippubblika fuq is-sit web tagħha avviż li se jitħejja rapport dwar emenda possibbli ta’ eżenzjoni fl-Anness III u tistieden lill-partijiet interessati kollha jissottomettu kummenti fi żmien tmien ġimgħat mid-data tal-pubblikazzjoni tal-avviż. L-Aġenzija għandha tippubblika fuq is-sit web tagħha l-kummenti kollha riċevuti mill-partijiet interessati.

7.Mhux aktar tard minn 9 xhur wara s-sottomissjoni tar-rapport imsemmi fil-paragrafu 4 lill-Kummissjoni, il-Kumitat għall-Analiżi Soċjoekonomika tal-Aġenzija, stabbilit skont l-Artikolu 76(1)(d) tar-Regolament (KE) Nru 1907/2006, għandu jadotta opinjoni dwar ir-rapport u dwar l-emendi speċifiċi proposti. L-Aġenzija għandha tissottometti dik l-opinjoni lill-Kummissjoni mingħajr dewmien.

8.Il-Kummissjoni għandha tadotta l-atti delegati msemmija fil-paragrafu 4 u għandha tqis l-impatt soċjoekonomiku tal-introduzzjoni, il-modifika jew it-tħassir ta’ eżenzjoni għar-restrizzjoni fl-użu taċ-ċomb, tal-merkurju, tal-kadmju jew tal-kromu eżavalenti fit-tipi ta’ vetturi, inklużi d-disponibbiltà ta’ alternattivi u l-impatti fuq is-saħħa tal-bniedem u fuq l-ambjent tul iċ-ċiklu tal-ħajja kollu tal-vetturi.

Artikolu 6
Kontenut minimu riċiklat fil-vetturi

1.Il-plastik li jinsab f’kull tip ta’ vettura li għandha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 72 xahar wara d-data tad-dħul fis-seħħ tar-Regolament] skont ir-Regolament (UE) 2018/858 għandu jkun fiha mill-inqas 25 % ta’ plastik riċiklat skont il-piż mill-iskart tal-plastik ta’ wara l-użu mill-konsumatur.

Mill-inqas 25 % tal-mira stabbilita fl-ewwel subparagrafu għandha tinkiseb billi jiġi inkluż plastik riċiklat minn vetturi li ma għadhomx jintużaw fit-tip ta’ vettura kkonċernat.

2.Sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 23 xahar wara d-data tad-dħul fis-seħħ ta’ dan ir-Regolament], il-Kummissjoni għandha tadotta att ta’ implimentazzjoni skont l-Artikolu 51(2) biex jissupplimenta dan ir-Regolament billi jistabbilixxi l-metodoloġija għall-kalkolu u l-verifika, għall-finijiet tal-paragrafu 1 ta’ dan l-Artikolu, tas-sehem tal-plastik irkuprat mill-iskart ta’ wara l-użu mill-konsumatur, u minn vetturi li ma għadhomx jintużaw rispettivament, preżenti u inkorporati fit-tip ta’ vettura.

3.Il-Kummissjoni għandha s-setgħa li tadotta atti delegati, f’konformità mal-Artikolu 50, biex tissupplimenta dan ir-Regolament billi tistabbilixxi sehem minimu ta’ azzar riċiklat minn skart tal-azzar ta’ wara l-użu mill-konsumatur li għandu jkun preżenti u inkorporat fit-tipi ta’ vetturi li għandhom jiġu approvati għat-tip f’konformità ma’ dan ir-Regolament u mar-Regolament (UE) 2018/858.

Is-sehem minimu tal-azzar riċiklat imsemmi fl-ewwel subparagrafu għandu jkun ibbażat fuq studju ta’ fattibbiltà, imwettaq mill-Kummissjoni. L-istudju għandu jiġi ffinalizzat minn [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 23 xahar wara d-data tad-dħul fis-seħħ ta’ dan ir-Regolament], filwaqt li jeżamina b’mod partikolari l-aspetti li ġejjin:

(a)id-disponibbiltà kurrenti u prevista tal-azzar riċiklat minn sorsi ta’ skart tal-azzar wara l-użu mill-konsumatur;

(b)is-sehem kurrenti tal-iskart ta’ wara l-użu mill-konsumatur f’diversi prodotti sekondarji u intermedji tal-azzar li jintużaw fil-vetturi;

(c)l-adozzjoni potenzjali ta’ azzar riċiklat wara l-użu mill-konsumatur mill-manifatturi f’vetturi li għandhom jiġu approvati għat-tip fil-futur;

(d)id-domanda relattiva tas-settur awtomobilistiku meta mqabbla mad-domanda għall-iskart tal-azzar ta’ wara l-użu mill-konsumatur ta’ setturi oħra;

(e)il-vijabbiltà ekonomika, il-progress tekniku u xjentifiku, inklużi l-bidliet fid-disponibbiltà tat-teknoloġiji tar-riċiklaġġ li jikkonċernaw ir-rati tar-riċiklaġġ tal-azzar;

(f)il-kontribut ta’ sehem minimu ta’ kontenut riċiklat tal-azzar fil-vetturi għall-awtonomija strateġika miftuħa tal-Unjoni, għall-objettivi klimatiċi u ambjentali;

(g)il-ħtieġa li jiġu evitati impatti negattivi sproporzjonati fuq l-affordabbiltà tal-vetturi; u

(h)l-influwenza fuq il-kostijiet kumplessivi u l-kompetittività tas-settur awtomobilistiku.

Il-Kummissjoni tista’ tadotta att ta’ implimentazzjoni li jistabbilixxi l-metodoloġija għall-kalkolu u l-verifika tas-sehem tal-azzar riċiklat mill-iskart tal-azzar ta’ wara l-użu mill-konsumatur preżenti fit-tipi ta’ vetturi u inkorporat fihom.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 51(2).

4.Sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 35 xahar wara d-data tad-dħul fis-seħħ ta’ dan ir-Regolament], il-Kummissjoni għandha tivvaluta l-fattibbiltà li tistabbilixxi rekwiżit dwar is-sehem minimu ta’:

(a)l-aluminju u l-ligi tiegħu, il-manjeżju u l-ligi tiegħu, riċiklati mill-iskart ta’ wara l-użu mill-konsumatur u inkorporati fit-tipi ta’ vetturi; u

(b)in-neodimju, id-disprożju, il-praseodimju, it-terbju, is-samarju jew il-boron riċiklat mill-iskart ta’ wara l-użu mill-konsumatur u inkorporat f’kalamiti permanenti f’muturi tat-trazzjoni elettrika.

Wara l-finalizzazzjoni tal-valutazzjoni msemmija fl-ewwel subparagrafu, il-Kummissjoni għandha s-setgħa li tadotta atti delegati, f’konformità mal-Artikolu 50, biex tissupplimenta dan ir-Regolament billi tistabbilixxi sehem minimu ta’ aluminju u l-ligi tiegħu, manjeżju u l-ligi tiegħu, neodimju, disprożju, praseodimju, terbju, samarju jew boron riċiklat minn skart ta’ wara l-użu mill-konsumatur li għandu jkun preżenti fit-tipi ta’ vetturi u inkorporat fihom li għandhom jiġu approvati skont it-tip skont dan ir-Regolament u r-Regolament (UE) 2018/858.

Is-sehem minimu tal-kontenut riċiklat tal-materjali msemmija fit-tieni subparagrafu għandu jkun ibbażat fuq l-istudju ta’ fattibbiltà msemmi fl-ewwel subparagrafu, filwaqt li jitqies dan kollu li ġej:

(a)id-disponibbiltà kurrenti u prevista tal-materjali elenkati fit-tieni subparagrafu riċiklati mill-iskart ta’ wara l-użu mill-konsumatur;

(b)l-ishma kurrenti tal-kontenut riċiklat mill-iskart ta’ wara l-użu mill-konsumatur fil-materjali elenkati fit-tieni subparagrafu f’vetturi mqiegħda fis-suq;

(c)il-vijabbiltà ekonomika, il-progress tekniku u xjentifiku, inklużi l-bidliet fid-disponibbiltà tat-teknoloġiji tar-riċiklaġġ li jikkonċernaw it-tip ta’ materjali riċiklati, u r-rati ta’ riċiklaġġ tagħhom;

(d)il-kontribut ta’ sehem minimu f’vetturi ta’ kontenut riċiklat tal-materjali elenkati fit-tieni subparagrafu għall-awtonomija strateġika tal-Unjoni u l-objettivi klimatiċi u ambjentali tagħha;

(e)l-impatti possibbli fuq il-funzjonament tal-vetturi mill-inkorporazzjoni ta’ kontenut riċiklat tal-materjali elenkati fit-tieni subparagrafu fil-partijiet u l-komponenti tal-vetturi;

(f)il-ħtieġa li jiġu evitati impatti negattivi sproporzjonati fuq l-affordabbiltà tal-vetturi li fihom il-materjali elenkati fit-tieni subparagrafu;

(g)l-influwenza fuq il-kostijiet kumplessivi u l-kompetittività tas-settur awtomobilistiku.

Il-Kummissjoni tista’ tadotta att ta’ implimentazzjoni li jistabbilixxi l-metodoloġija għall-kalkolu u l-verifika tas-sehem tal-materjali riċiklati mill-iskart ta’ wara l-użu -konsumatur fit-tipi ta’ vetturi.

Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 51(2).

Artikolu 7
Disinn li jippermetti t-tneħħija u s-sostituzzjoni ta’ ċerti partijiet u komponenti fil-vetturi

1.Kull vettura li tappartjeni għal tip ta’ vettura li jkollha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar ta’ wara 72 xahar wara d-data tad-dħul fis-seħħ ta’ dan ir-Regolament] għandha titfassal b’mod li ma jfixkilx it-tneħħija mill-faċilitajiet awtorizzati ta’ trattament tal-partijiet u l-komponenti elenkati fil-Parti C tal-Anness VII mill-vettura kkonċernata matul il-fażi tal-iskart tal-vettura.

2.Kull vettura li tappartjeni għal tip ta’ vettura li jkollha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 72 xahar wara d-data tad-dħul fis-seħħ ta’ dan ir-Regolament] skont ir-Regolament (UE) 2018/858 għandha titfassal, fir-rigward tal-elementi tat-tgħaqqid, tal-irbit u tal-issiġillar, sabiex ikunu jistgħu jsiru b’mod faċli u mhux distruttiv, it-tneħħija u s-sostituzzjoni ta’ batteriji tal-vetturi elettriċi u ta’ muturi tat-trazzjoni elettrika mill-vettura b’faċilitajiet ta’ trattament awtorizzati jew operaturi tat-tiswija u tal-manutenzjoni matul il-fażi tal-użu u l-fażi tal-iskart tal-vettura.

3.Il-Kummissjoni għandha s-setgħa li tadotta atti delegati f’konformità mal-Artikolu 50 biex temenda l-paragrafu 2 billi tirrevedi l-lista ta’ partijiet u komponenti li għandhom jitfasslu għat-tneħħija u għas-sostituzzjoni mill-vetturi, sabiex f’dak il-paragrafu jiġu inklużi partijiet u komponenti addizzjonali elenkati fil-Parti C tal-Anness VII, filwaqt li jitqies il-progress tekniku u xjentifiku.

4.Il-Kummissjoni tista’ tadotta atti ta’ implimentazzjoni li jistabbilixxu l-kundizzjonijiet għad-disinn għat-tneħħija u s-sostituzzjoni tal-partijiet u l-komponenti msemmija fil-paragrafu 2 fejn meħtieġ biex tiġi żgurata l-implimentazzjoni armonizzata tal-obbligu stabbilit fil-paragrafu 2.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 51(2).

KAPITOLU III
OBBLIGI TAL-MANIFATTURI

Artikolu 8
Obbligi ġenerali

1.Il-manifatturi għandhom juru li vetturi ġodda li jkunu mmanifatturaw u li jitqiegħdu fis-suq, għandhom approvazzjoni tat-tip f’konformità mar-rekwiżiti tar-Regolament (UE) 2018/858 u ta’ dan ir-Regolament.

2.Għall-finijiet tal-approvazzjoni tat-tip ta’ vetturi li għalihom japplikaw ir-rekwiżiti fl-Artikoli 4, 5, 6 jew 7, il-manifattur għandu jipprovdi d-dokumentazzjoni li turi l-konformità ma’ dawk ir-rekwiżiti u għandu:

(a)jinkludiha fil-fowlder tal-informazzjoni imsemmi fl-Artikolu 24 tar-Regolament (UE) 2018/858; u

(b)jissottomettiha lill-awtorità tal-approvazzjoni tat-tip f’konformità mal-Artikolu 23 tar-Regolament (UE) 2018/858.

3.Għall-finijiet tal-approvazzjoni tat-tip ta’ vetturi li għalihom japplika r-rekwiżit fl-Artikolu 9, il-manifattur għandu jissottometti l-istrateġija għaċ-ċirkolarità lill-awtorità tal-approvazzjoni tat-tip flimkien mal-applikazzjoni għall-approvazzjoni tat-tip imsemmija fl-Artikolu 23 tar-Regolament (UE) 2018/858.

4.Għall-finijiet tal-approvazzjoni tat-tip ta’ vetturi li għalihom japplikaw ir-rekwiżiti stabbiliti fl-Artikolu 10, il-manifattur għandu jfassal l-informazzjoni msemmija fl-Artikolu 10(1) u jissottomettiha, f’konformità mal-Artikolu 24(1)(a) tar-Regolament (UE) 2018/858, lill-awtorità tal-approvazzjoni tat-tip flimkien mal-applikazzjoni għall-approvazzjoni tat-tip imsemmija fl-Artikolu 23 ta’ dak ir-Regolament.

5.Għall-finijiet tal-approvazzjoni tat-tip ta’ vetturi li għalihom japplikaw ir-rekwiżiti stabbiliti fl-Artikolu 11, il-manifattur għandu jissottometti d-dikjarazzjoni li tikkonferma l-konformità mar-rekwiżit stabbilit fl-Artikolu 11(1), f’konformità mal-Artikolu 24(1)(a) tar-Regolament (UE) 2018/858, lill-awtorità tal-approvazzjoni tat-tip flimkien mal-applikazzjoni għall-approvazzjoni tat-tip imsemmija fl-Artikolu 23 ta’ dak ir-Regolament.

Artikolu 9
Strateġija għaċ-ċirkolarità

1.Għal kull tip ta’ vettura li għandha approvazzjoni tat-tip skont ir-Regolament (UE) 2018/858 minn [Uffiċċju tal-Pubblikazzjonijiet: jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament], il-manifattur għandu jfassal strateġija għaċ-ċirkolarità.

2.L-istrateġija għaċ-ċirkolarità għandha tiddeskrivi liema azzjonijiet se jieħdu l-manifatturi biex isegwu l-obbligi tagħhom ħalli jiżguraw li jiġu ssodisfati r-rekwiżiti taċ-ċirkolarità fil-Kapitolu II, li huma vverifikati fil-proċeduri tal-approvazzjoni tat-tip u li huma applikabbli għat-tip ta’ vettura kkonċernat.

3.L-istrateġija għaċ-ċirkolarità għandu jkun fiha l-elementi stabbiliti fil-Parti A tal-Anness IV.

4.Il-manifattur għandu jipprovdi kopja tal-istrateġija għaċ-ċirkolarità lill-Kummissjoni fi żmien 30 jum wara li tkun ingħatat l-approvazzjoni tat-tip għat-tip ta’ vettura kkonċernat.

5.Il-manifattur għandu jimmonitorja u jsegwi l-azzjonijiet li jinsabu fl-istrateġija għaċ-ċirkolarità u jaġġorna l-istrateġija kull 5 snin f’konformità mal-Parti B tal-Anness IV. L-istrateġija aġġornata taċ-ċirkolarità għandha tiġi pprovduta lill-awtorità tal-approvazzjoni tat-tip li tkun ħarġet l-approvazzjoni tat-tip għat-tip ta’ vettura u lill-Kummissjoni.

6.Il-Kummissjoni għandha tagħmel l-istrateġiji taċ-ċirkolarità u kwalunkwe aġġornament għal dawk l-istrateġiji disponibbli għall-pubbliku, ħlief għal informazzjoni kunfidenzjali.

7.Il-Kummissjoni għandha s-setgħa li tadotta atti delegati f’konformità mal-Artikolu 50 biex temenda l-Parti B tal-Anness IV billi tadatta r-rekwiżiti dwar il-kontenut tal-istrateġija għaċ-ċirkolarità u l-aġġornamenti għal dik l-istrateġija għall-progress tekniku u xjentifiku fil-manifattura u l-ġestjoni tal-vetturi li ma għadhomx jintużaw, għall-iżviluppi tas-suq fis-settur awtomobilistiku u għall-bidliet regolatorji.

8.Sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 83 xahar wara d-data tad-dħul fis-seħħ ta’ dan ir-Regolament] u kull 6 snin wara dan, il-Kummissjoni għandha tfassal u tippubblika rapport dwar iċ-ċirkolarità tas-settur awtomobilistiku. Ir-rapport għandu jkun ibbażat b’mod partikolari fuq l-istrateġiji taċ-ċirkolarità u l-aġġornamenti għal tali strateġiji.

Artikolu 10
Dikjarazzjoni dwar il-kontenut riċiklat preżenti fil-vetturi

1.Il-manifatturi għandhom jiddikjaraw, għal kull tip ta’ vettura li għandha approvazzjoni tat-tip minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-dħul fis-seħħ tar-Regolament] skont ir-Regolament (UE) 2018/858, is-sehem rispettiv tal-kontenut riċiklat ta’:

(a)neodimju, disprożju, praseodimju, terbju, samarju, boron f’kalamiti permanenti f’muturi tat-trazzjoni elettrika;

(b)aluminju u l-ligi tiegħu;

(c)manjeżju u l-ligi tiegħu;

(d)azzar.

Id-dikjarazzjoni għandha tikkonċerna l-kontenut riċiklat ta’ dawn il-materjali preżenti fit-tip ta’ vettura u tindika, għal kull sehem materjali, jekk il-materjal huwiex riċiklat mill-iskart ta’ qabel l-użu mill-konsumatur jew mill-iskart ta’ wara l-użu mill-konsumatur.

2.L-awtoritajiet tal-approvazzjoni tat-tip għandhom jivverifikaw li d-dokumentazzjoni meħtieġa tkun ġiet sottomessa mill-manifatturi u li jkun fiha l-informazzjoni msemmija fil-paragrafu 1.

3.B’deroga mill-paragrafu 1, ir-rekwiżit li jiġi ddikjarat is-sehem tal-kontenut riċiklat ta’ ċertu materjal ma għandux japplika fejn tkun ġiet stabbilita mira għal dak il-materjal skont l-Artikolu 6(3) jew (4).

Artikolu 11
Informazzjoni dwar it-tneħħija u s-sostituzzjoni ta’ partijiet, komponenti u materjali preżenti fil-vetturi

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament], il-manifatturi għandhom jipprovdu aċċess mhux ristrett, standardizzat u mhux diskriminatorju lill-operaturi tal-immaniġġar tal-iskart u lill-operaturi tat-tiswija u l-manutenzjoni għall-informazzjoni elenkata fl-Anness V, filwaqt li jiffaċilitaw l-aċċess għal dawn li ġejjin u t-tneħħija u s-sostituzzjoni sikura tagħhom:

(a)batteriji tal-vetturi elettriċi inkorporati fil-vettura;

(b)il-muturi tat-trazzjoni elettrika inkorporati fil-vettura;

(c)partijiet, komponenti u materjali li fihom il-fluwidi u l-likwidi elenkati fil-Parti B tal-Anness VII u li jinsabu fil-vetturi;

(d)il-partijiet u l-komponenti elenkati fil-Parti C tal-Anness VII li jinsabu fil-vetturi;

(e)il-partijiet u l-komponenti, li fihom il-materja prima kritika kif imsemmija fl-Artikolu 27(1)(b) tar-Regolament (UE) [l-Att dwar is-CRM] fil-ħin tal-approvazzjoni tat-tip tal-vettura;

(f)il-komponenti u l-partijiet b’kodiċi diġitali f’vettura, fejn tali ikkowdjar jipprevjeni t-tiswija, il-manutenzjoni jew is-sostituzzjoni tagħhom f’vettura oħra.

2.Il-manifatturi għandhom jiżguraw kooperazzjoni mal-operaturi awtorizzati tat-trattament u mal-operaturi tat-tiswija u l-manutenzjoni billi jistabbilixxu pjattaformi ta’ komunikazzjoni meħtieġa biex jipprovdu u jżommu aġġornata l-informazzjoni msemmija fil-paragrafu 1 u l-informazzjoni speċifikata fl-Anness V.

Il-manifatturi għandhom jipprovdu l-informazzjoni msemmija fl-ewwel subparagrafu mingħajr ħlas. Il-manifatturi jistgħu jiġbru l-imposti mill-operaturi tal-immaniġġar tal-iskart u mill-operaturi tat-tiswija u tal-manutenzjoni sal-ammont meħtieġ ħalli jkopru l-kostijiet amministrattivi biex l-informazzjoni meħtieġa ssir aċċessibbli permezz ta’ pjattaformi ta’ komunikazzjoni.

3.Il-Kummissjoni għandha s-setgħa li tadotta atti delegati f’konformità mal-Artikolu 50 biex temenda l-Anness V billi tirrevedi l-lista ta’ partijiet, komponenti u materjali tal-vetturi u l-ambitu tal-informazzjoni li għandha tiġi pprovduta mill-manifatturi.

Artikolu 12
Tikkettar tal-partijiet, tal-komponenti u tal-materjali preżenti fil-vetturi

1.Il-manifatturi u l-fornituri tagħhom għandhom jużaw in-nomenklatura tal-istandards tal-ikkowdjar tal-komponenti u tal-materjali elenkati fil-punti 1 sa 3 tal-Anness VI għat-tikkettar u l-identifikazzjoni ta’ partijiet, komponenti u materjali tal-vetturi.

2.Il-manifatturi għandhom jiżguraw li l-muturi tat-trazzjoni elettrika li jkun fihom kalamiti permanenti jkollhom tikketta li tidher sew, li tinqara b’mod ċar u li ma titħassarx, li tindika l-informazzjoni elenkata fil-punt 4 tal-Anness VI.

3.Il-Kummissjoni għandha s-setgħa tadotta atti delegati f’konformità mal-Artikolu 50 biex temenda l-Anness VI bil-għan li tadattah għall-progress tekniku.

Artikolu 13
Passaport taċ-Ċirkolarità tal-Vettura

1.Minn [Uffiċċju tal-Pubblikazzjonijiet:jekk jogħġbok daħħal data = l-ewwel jum tax-xahar wara 84 xahar wara d-dħul fis-seħħ tar-Regolament] kull vettura mqiegħda fis-suq għandu jkollha passaport taċ-ċirkolarità tal-vettura, li għandu jiġi allinjat ma’ u, fejn possibbli, integrat f’passaporti ambjentali oħra relatati mal-vetturi stabbiliti skont id-dritt tal-Unjoni.  

2.Il-passaport taċ-ċirkolarità tal-vettura għandu jkun fih l-informazzjoni msemmija fl-Artikolu 11 ta’ dan ir-Regolament f’format diġitali u għandu jkun aċċessibbli mingħajr ħlas.

3.Il-manifattur li jqiegħed il-vettura fis-suq għandu jiżgura li l-informazzjoni fil-passaport tal-vettura ċirkolari tkun akkurata, kompluta u aġġornata.

4.L-informazzjoni kollha inkluża fil-passaport taċ-ċirkolarità tal-vettura għandha tikkonforma mar-regoli stabbiliti mill-Kummissjoni skont il-paragrafu 6 u għandha tkun:

(a)ibbażata fuq standards miftuħa;

(b)żviluppata b’format interoperabbli;

(c)trasferibbli permezz ta’ network ta’ skambju ta’ data interoperabbli miftuħ mingħajr intrappolament tal-klijentela;

(d)tinqaea mill-magni, strutturata u li wieħed jista’ jfittixha.

5.Il-passaport taċ-ċirkolarità tal-vettura ta’ vettura li tkun saret vettura li ma għadhiex tintuża għandu jieqaf jeżisti mhux aktar kmieni minn 6 xhur wara li jkun inħareġ iċ-ċertifikat tal-qerda għal dik il-vettura li ma tkunx għadha qed tintuża. 

6.Il-Kummissjoni għandha tadotta atti ta’ implimentazzjoni li jistipulaw dan li ġej: 

(a)il-mod u l-ispeċifikazzjoni teknika tas-soluzzjoni li għandha tintuża biex jiġi aċċessat il-passaport tal-vettura ċirkolarità;

(b)    ir-rekwiżiti tekniċi tad-disinn u tal-operat għall-passaport taċ-ċirkolarità tal-vettura, inklużi regoli dwar:

(i)l-interoperabbiltà tal-passaport taċ-ċirkolarità tal-vettura ma’ passaporti oħra meħtieġa mil-leġiżlazzjoni tal-Unjoni;

(ii)il-ħżin u l-ipproċessar ta’ informazzjoni inkluża fil-passaport taċ-ċirkolarità tal-vettura;

(iii)id-disponibbiltà tal-passaport taċ-ċirkolarità tal-vettura wara li l-manifattur responsabbli biex jiġu ssodiosfati l-obbligi stabbiliti fil-paragrafu 3 ma jibqax jeżisti jew iwaqqaf l-attività tiegħu fl-Unjoni;

(c)l-introduzzjoni, il-modifika u l-aġġornament ta’ informazzjoni inkluża fil-passaport taċ-ċirkolarità tal-vettura minn partijiet terzi għajr il-manifattur; 

(d)il-post tat-trasportatur tad-data jew identifikatur ieħor li jippermetti aċċess għall-passaport taċ-ċirkolarità tal-vettura tal-vettura.

Meta tistabbilixxi r-regoli msemmija fl-ewwel subparagrafu, il-Kummissjoni għandha tqis il-ħtieġa li jiġi żgurat livell għoli ta’ sigurtà u privatezza.

L-atti ta’ implimentazzjoni msemmija fl-ewwel subparagrafu ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 51(2). 

KAPITOLU IV
ĠESTJONI TA’ VETTURI LI MA GĦADHOMX JINTUŻAW

TAQSIMA 1
Dispożizzjonijiet ġenerali

Artikolu 14
Awtorità kompetenti

1.L-Istati Membri għandhom jaħtru awtorità kompetenti waħda jew aktar responsabbli għall-obbligi skont dan il-Kapitolu, b’mod partikolari għall-monitoraġġ u l-verifika tal-konformità tal-produtturi u tal-organizzazzjonijiet b’kompetenza fil-qasam tar-responsabbiltà tal-produtturi mal-obbligi tagħhom kif stabbilit fl-Artikoli 15 sa 36.

2.Kull Stat Membru jista’ jaħtar punt ta’ kuntatt wieħed, fost l-awtoritajiet kompetenti msemmija fil-paragrafu 1, għall-fini ta’ komunikazzjoni mal-Kummissjoni.

3.L-Istati Membri għandhom jistabbilixxu d-dettalji tal-organizzazzjoni u tal-operat tal-awtoritajiet kompetenti, inklużi r-regoli amministrattivi u proċedurali:

(a)għar-reġistrazzjoni tal-produtturi f’konformità mal-Artikolu 17;

(b)għall-awtorizzazzjoni tal-produtturi u tal-organizzazzjonijiet b’kompetenza fil-qasam tar-responsabbiltà tal-produtturi f’konformità mal-Artikolu 19;

(c)għas-sorveljanza tal-implimentazzjoni tal-obbligi tar-responsabbiltà estiża tal-produttur f’konformità mal-Artikoli 16 u 20;

(d)għall-ġbir ta’ data dwar vetturi u vetturi li ma għadhomx jintużaw f’konformità mal-Artikoli 17(12) u 49(6);

(e)għad-disponibbiltà tal-informazzjoni f’konformità mal-Artikolu 49.

4.Sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xaħar wara 3 xhur wara d-data tad-dħul fis-seħħ ta’ dan ir-Regolament], l-Istati Membri għandhom jinnotifikaw lill-Kummissjoni bl-ismijiet u l-indirizzi tal-awtoritajiet kompetenti maħtura skont il-paragrafu 1. L-Istati Membri għandhom jinformaw lill-Kummissjoni mingħajr dewmien żejjed bi kwalunkwe bidla fl-ismijiet jew fl-indirizzi ta’ dawk l-awtoritajiet kompetenti.

Artikolu 15
Faċilitajiet ta’ trattament awtorizzati

1.Mingħajr preġudizzju għad-Direttiva 2010/75/UE, kwalunkwe stabbiliment jew impriża li jkollha l-ħsieb li twettaq operazzjonijiet ta’ trattament fuq vetturi li ma għadhomx jintużaw għandha tikseb permess mill-awtorità kompetenti f’konformità mal-Artikolu 23 tad-Direttiva 2008/98/KE u għandha tikkonforma mal-kundizzjonijiet stabbiliti f’dak il-permess.

2.Sabiex toħroġ permess imsemmi fil-paragrafu 1, l-awtorità kompetenti għandha tivverifika jekk l-istabbiliment jew l-impriża għandhiex il-kapaċità teknika, finanzjarja u organizzattiva li hija meħtieġa sabiex tikkonforma mal-obbligi stabbiliti fl-Artikolu 27.

3.Il-permessi msemmija fil-paragrafu 1 għandhom jindikaw li l-faċilitajiet ta’ trattament għandhom il-kompetenza li joħorġu ċertifikat ta’ qerda, kif imsemmi fl-Artikolu 25.

4.L-awtorità kompetenti għandha tiżgura li l-kundizzjonijiet tal-permess u l-proċeduri għall-għoti tiegħu jkunu kkoordinati bis-sħiħ meta aktar minn awtorità kompetenti waħda jew aktar minn stabbiliment jew impriża waħda li jkollha l-ħsieb li twettaq operazzjonijiet ta’ trattament fuq vetturi li ma għadhomx jintużaw ikunu involuti f’dawk il-proċeduri ta’ permessi.

TAQSIMA 2
Responsabbiltà Estiża tal-Produttur

Artikolu 16
Responsabbiltà estiża tal-produttur

Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament], il-produtturi għandu jkollhom responsabbiltà estiża tal-produttur għall-vetturi li huma jqiegħdu fis-suq għall-ewwel darba fit-territorju ta’ Stat Membru. L-iskema stabbilita mill-produtturi biex jeżerċitaw dik ir-responsabbiltà għandha tkun konsistenti mal-Artikoli 8 u 8a tad-Direttiva 2008/98/KE u tikkonforma mar-rekwiżiti ta’ dan il-Kapitolu.

Ir-responsabbiltà estiża tal-produttur għandha tinkludi l-obbligu għall-produtturi li jiżguraw li:

(a)il-vetturi li huma jkunu qiegħdu fis-suq għall-ewwel darba fit-territorju ta’ Stat Membru u li jsiru vetturi li ma għadhomx jintużaw

(i) jinġabru f’konformità mal-Artikolu 23;

(ii) jiġu ttrattati f’konformità mal-Artikolu 27;

(b)l-operaturi tal-immaniġġar tal-iskart li jittrattaw vetturi li ma għadhomx jintużaw imsemmija fil-punt (a) jissodisfaw il-miri stabbiliti fl-Artikolu 34.

Artikolu 17
Reġistru tal-produtturi

1.Sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 35 xahar wara d-data tad-dħul fis-seħħ ta’ dan ir-Regolament] l-Istati Membri għandhom jistabbilixxu reġistru ta’ produtturi li għandu jservi biex tiġi ssorveljata l-konformità tal-produtturi mar-rekwiżiti ta’ dan il-Kapitolu.

Ir-reġistru għandu jipprovdi links għal reġistri nazzjonali oħrajn tas-siti web tal-produtturi biex jiffaċilita, fl-Istati Membri kollha, ir-reġistrazzjoni tal-produtturi jew tar-rappreżentanti maħtura għar-responsabbiltà estiża tal-produttur.

2.Il-produtturi għandhom jirreġistraw fir-reġistru msemmi fil-paragrafu 1. Huma għandhom, għal dak il-għan, jippreżentaw applikazzjoni għar-reġistrazzjoni f’kull Stat Membru fejn jagħmlu vettura disponibbli fis-suq għall-ewwel darba.

Il-produtturi għandhom jissottomettu l-applikazzjoni għar-reġistrazzjoni permezz ta’ sistema elettronika għall-ipproċessar tad-data kif imsemmi fil-paragrafu 8(a).

Il-produtturi għandhom jagħmlu l-vetturi disponibbli fis-suq ta’ Stat Membru biss, jekk ikunu jew, fil-każ ta’ awtorizzazzjoni, ir-rappreżentanti maħtura tagħhom għar-responsabbiltà estiża tal-produttur, irreġistrati f’tali Stat Membru.

3.L-applikazzjoni għar-reġistrazzjoni għandha tinkludi l-informazzjoni elenkata fl-Anness VIII. L-Istati Membri jistgħu jitolbu informazzjoni jew dokumenti addizzjonali, kif meħtieġ, biex jużaw ir-reġistru tal-produtturi b’mod effiċjenti.

4.B’deroga mill-paragrafu 3, l-informazzjoni msemmija fil-punt 1(d) tal-Anness VIII għandha tiġi pprovduta jew fl-applikazzjoni għar-reġistrazzjoni skont il-paragrafu 3 jew fl-applikazzjoni għall-awtorizzazzjoni skont l-Artikolu 19.

5.Meta produttur ikun ħatar organizzazzjoni b’kompetenza fil-qasam tar-responsabbiltà tal-produtturi skont l-Artikolu 18, l-obbligi skont dan l-Artikolu għandhom jiġu ssodisfati minn dik l-organizzazzjoni mutatis mutandis sakemm ma jkunx speċifikat mod ieħor mill-Istat Membru li fih il-vettura tkun saret disponibbli fis-suq għall-ewwel darba.

6.L-obbligi skont dan l-Artikolu jistgħu, f’isem il-produttur, jiġu ssodisfati minn rappreżentant maħtur għar-responsabbiltà estiża tal-produttur.

7.L-Istati Membri jistgħu jiddeċiedu li l-proċedura ta’ reġistrazzjoni skont dan l-Artikolu u l-proċedura ta’ awtorizzazzjoni skont l-Artikolu 19 jikkostitwixxu proċedura unika, dment li l-applikazzjoni għall-awtorizzazzjoni tissodisfa r-rekwiżiti stabbiliti fil-paragrafi 3 sa 6 ta’ dan l-Artikolu.

8.L-awtorità kompetenti għandha:

(a)tagħmel disponibbli fuq is-sit web tagħha informazzjoni dwar il-proċess ta’ applikazzjoni permezz ta’ sistema elettronika għall-ipproċessar tad-data;

(b)tapprova reġistrazzjonijiet u tipprovdi numru tar-reġistrazzjoni f’perjodu massimu ta’ 12-il ġimgħa mill-mument li tiġi pprovduta l-informazzjoni kollha mitluba skont il-paragrafi 2 u 3.

9.L-awtorità kompetenti tista’:

(a)tistabbilixxi modalitajiet fir-rigward tar-rekwiżiti u l-proċess tar-reġistrazzjoni mingħajr ma żżid rekwiżiti sostantivi ma’ dawk stabbiliti fil-paragrafi 2 u 3;

(b)titlob tariffi bbażati fuq il-kostijiet u proporzjonati mingħand il-produtturi għall-ipproċessar tal-applikazzjonijiet imsemmija fil-paragrafu 2.

10.L-awtorità kompetenti tista’ tirrifjuta li tirreġistra produttur jew tirtira r-reġistrazzjoni tal-produttur meta l-informazzjoni msemmija fil-paragrafu 3 u l-prova dokumentarja relatata ma jiġux ipprovduti jew ma jkunux biżżejjed, jew meta l-produttur ma jibqax jissodisfa r-rekwiżiti stabbiliti fil-punt 1(d) tal-Anness VIII.    

L-awtorità kompetenti għandha tirtira r-reġistrazzjoni tal-produttur jekk il-produttur ma jkunx għadu jeżisti.

11.Il-produttur, jew, meta applikabbli, ir-rappreżentant maħtur tal-produttur għar-responsabbiltà estiża tal-produttur jew l-organizzazzjoni b’kompetenza fil-qasam tar-responsabbiltà li tinħatar f’isem il-produtturi li tirrappreżenta għandha tinnotifika mingħajr dewmien żejjed lill-awtorità kompetenti bi kwalunkwe bidla fl-informazzjoni li tinsab fir-reġistrazzjoni u bi kwalunkwe waqfien permanenti mit-tqegħid fis-suq fit-territorju tal-Istat Membru tal-vetturi msemmi fir-reġistrazzjoni.

12.Il-produttur jew, fejn applikabbli, ir-rappreżentant maħtur mill-produttur għar-responsabbiltà estiża tal-produttur jew l-organizzazzjoni b’kompetenza fil-qasam tar-responsabbiltà tal-produttur għandha tirrapporta lill-awtorità kompetenti responsabbli għar-reġistru dwar it-twettiq tal-obbligi estiżi tar-responsabbiltà tal-produttur.

Artikolu 18
Organizzazzjoni b’Kompetenza fil-Qasam tar-Responsabbiltà tal-Produtturi

1.Il-produtturi jistgħu jagħżlu li jissodisfaw l-obbligi tar-responsabbiltà estiża tal-produtturi tagħhom individwalment, jew jistgħu jinkarigaw organizzazzjoni b’responsabbiltà tal-produtturi awtorizzata f’konformità mal-Artikolu 19 biex tissodisfa l-obbligi tar-responsabbiltà estiża tal-produtturi f’isimhom.

2.L-organizzazzjonijiet b’kompetenza fil-qasam tar-responsabbiltà tal-produtturi għandhom jiżguraw il-kunfidenzjalità tad-data fil-pussess tagħhom fir-rigward ta’ informazzjoni proprjetarja jew informazzjoni direttament attribwibbli lil produtturi individwali jew lir-rappreżentanti maħtura tagħhom għar-responsabbiltà estiża tal-produtturi.

3.Minbarra l-informazzjoni msemmija fl-Artikolu 8a(3)(e), tad-Direttiva 2008/98/KE, l-organizzazzjonijiet b’kompetenza fil-qasam tar-responsabbiltà tal-produtturi għandhom jippubblikaw fuq is-siti web tagħhom tal-anqas kull sena, soġġett għall-kunfidenzjalità kummerċjali u industrijali, l-informazzjoni dwar il-ġbir ta’ vetturi li ma għadhomx jintużaw u l-ilħuq ta’ miri dwar l-użu mill-ġdid u r-riċiklaġġ, l-użu mill-ġdid u l-irkupru u r-riċiklaġġ tal-plastik mill-produtturi li jkunu inkarigaw lill-organizzazzjoni b’kompetenza fil-qasam responsabbiltà tal-produtturi.

4.L-organizzazzjonijiet b’kompetenza fil-qasam tar-responsabbiltà tal-produtturi għandhom jiżguraw rappreżentanza ġusta tal-produtturi u tal-operaturi tal-immaniġġar tal-iskart fil-korpi governattivi tagħhom.

Artikolu 19
Awtorizzazzjoni dwar it-twettiq ta’ responsabbiltà estiża tal-produttur

1.Produttur, fil-każ ta’ twettiq individwali tal-obbligi tar-responsabbiltà estiża tal-produttur, jew l-organizzazzjonijiet b’kompetenza fil-qasam tar-responsabbiltà tal-produtturi li jinħatru fil-każ ta’ twettiq kollettiv tal-obbligi tar-responsabbiltà estiża tal-produttur, għandu japplika għal awtorizzazzjoni mill-awtorità kompetenti.

2.L-awtorizzazzjoni għandha tingħata biss meta jintwera li r-rekwiżiti stabbiliti fl-Artikolu 8a(3)(a) sa (d), tad-Direttiva 2008/98/KE huma rrispettati u l-miżuri stabbiliti mill-organizzazzjoni tal-produtturi jew mill-organizzazzjoni b’kompetenza fil-qasam tar-responsabbiltà tal-produttur huma biżżejjed biex jiġu ssodisfati l-obbligi stabbiliti f’dan il-Kapitolu fir-rigward tal-għadd ta’ vetturi li jitqiegħdu fis-suq għall-ewwel darba fit-territorju ta’ Stat Membru mill-produttur jew mill-produtturi li f’isimhom taġixxi l-organizzazzjoni b’kompetenza fil-qasam tar-responsabbiltà tal-produtturi.

3.Fil-miżuri tagħhom li jistabbilixxu r-regoli amministrattivi u proċedurali msemmija fl-Artikolu 14(3)(b), l-Istati Membri għandhom jinkludu d-dettalji tal-proċedura ta’ awtorizzazzjoni, li jistgħu jkunu differenti skont jekk din tkunx relatata mat-twettiq individwali jew kollettiv tar-responsabbiltà estiża tal-produttur, u l-modalitajiet għall-verifika tal-konformità tal-produtturi jew tal-organizzazzjonijiet b’kompetenza fil-qasam tar-responsabbiltà tal-produtturi, inkluża l-informazzjoni li għandha tiġi pprovduta mill-produtturi jew mill-organizzazzjonijiet b’kompetenza fil-qasam tar-responsabbiltà tal-produtturi għal dak il-għan.

4.Il-produttur jew l-organizzazzjonijiet b’kompetenza fil-qasam tar-responsabbiltà tal-produtturi għandhom jinnotifikaw lill-awtorità kompetenti mingħajr dewmien bla bżonn dwar kwalunkwe bidla fl-informazzjoni li tinsab fl-awtorizzazzjoni, dwar kwalunkwe bidla li tikkonċerna t-termini tal-awtorizzazzjoni jew dwar il-waqfien permanenti tal-operazzjonijiet.

5.Il-mekkaniżmu ta’ awtokontroll previst fl-Artikolu 8a(3)(d) tad-Direttiva 2008/98/KE għandu jitwettaq regolarment, u mill-inqas kull 3 snin, u fuq talba mill-awtorità kompetenti, sabiex jiġi vverifikat li d-dispożizzjonijiet f’dak il-punt huma ssodisfati u li l-kundizzjonijiet għall-awtorizzazzjoni msemmija fil-paragrafu 2 għadhom jiġu ssodisfati. Il-produttur jew l-organizzazzjoni b’kompetenza fil-qasam tar-responsabbiltà tal-produtturi għandhom, fuq talba, jippreżentaw rapport ta’ awtokontroll u, fejn meħtieġ, l-abbozz ta’ pjan ta’ azzjoni korrettiva lill-awtorità kompetenti. Mingħajr preġudizzju għall-kompetenzi skont il-paragrafu 6, l-awtorità kompetenti tista’ tagħmel osservazzjonijiet dwar ir-rapport ta’ awtokontroll u dwar l-abbozz tal-pjan ta’ azzjoni korrettiva, u għandha tikkomunika kwalunkwe tali osservazzjoni lill-produttur jew lill-organizzazzjoni b’kompetenza fil-qasam tar-responsabbiltà tal-produtturi. L-organizzazzjoni tal-produtturi jew dik b’kompetenza fil-qasam tar-responsabbiltà tal-produtturi għandha tfassal u timplimenta l-pjan ta’ azzjoni korrettiva abbażi ta’ dawk l-osservazzjonijiet.

6.L-awtorità kompetenti tista’ tiddeċiedi li tirrevoka l-awtorizzazzjoni jekk il-produttur jew l-organizzazzjoni b’kompetenza fil-qasam tar-responsabbiltà tal-produtturi ma tibqax tissodisfa r-rekwiżiti fir-rigward tal-organizzazzjoni tal-ġbir u tat-trattament fi tmiem il-ħajja, tonqos milli tirrapporta lill-awtorità kompetenti, tonqos milli tinnotifika lill-awtorità kompetenti rigward kwalunkwe bidla li tikkonċerna t-termini tal-awtorizzazzjoni, jew tkun waqqfet l-operazzjonijiet.

Artikolu 20
Responsabbiltà finanzjarja tal-produtturi

1.Il-kontribuzzjonijiet finanzjarji mħallsa mill-produtturi għandhom ikopru l-kostijiet li ġejjin relatati mal-vetturi li l-produttur jagħmel disponibbli fis-suq:

(a)il-kostijiet tal-ġbir ta’ vetturi li ma għadhomx jintużaw li huma meħtieġa biex jiġu ssodisfati r-rekwiżiti fl-Artikoli 23 sa 26 u l-kostijiet tat-trattament ta’ vetturi li ma għadhomx jintużaw li huma meħtieġa biex jiġu ssodisfati r-rekwiżiti fl-Artikoli 27 sa 30, 34 u 35, dment li ma jkunux koperti mid-dħul tal-operaturi tal-immaniġġar tal-iskart marbut mal-bejgħ ta’ spare parts użati u ta’ komponenti tal-bdil użati, ta’ vetturi li ma għadhomx jintużaw u li jkunu ġew soġġetti għat-tindif mit-tniġġis, jew ta’ materja prima sekondarja rriċiklata minn vetturi li ma għadhomx jintużaw;

(b)il-kostijiet tat-twettiq ta’ kampanji ta’ sensibilizzazzjoni mmirati biex itejbu l-ġbir ta’ vetturi li ma għadhomx jintużaw;

(c)il-kostijiet tal-istabbiliment tas-sistema ta’ notifika msemmija fl-Artikolu 25;

(d)il-kostijiet tal-ġbir u tar-rapportar tad-data lill-awtoritajiet kompetenti.

2.L-awtorità kompetenti għandha, f’kooperazzjoni mill-qrib mal-produtturi, mal-organizzazzjonijiet b’kompetenza fil-qasam tar-responsabbiltà tal-produtturi u mal-operaturi tal-immaniġġar tal-iskart, timmonitorja:

(a)il-kostijiet medji tal-operazzjonijiet ta’ ġbir, riċiklaġġ u trattament u d-dħul tal-operaturi tal-immaniġġar tal-iskart;

(b)il-livell ta’ kontribuzzjonijiet finanzjarji li għandhom jitħallsu mill-produtturi lill-organizzazzjonijiet b’kompetenza fil-qasam tar-responsabbiltà tal-produtturi maħtura fil-każ tat-twettiq kollettiv tal-obbligi ta’ responsabbiltà estiża tal-produtturi sabiex il-kostijiet jiġu allokati b’mod ġust bejn l-operaturi interessati kollha.

3.Il-kontribuzzjonijiet finanzjarji mħallsa mill-produtturi li jagħmlu disponibbli fis-suq vetturi bi skop speċjali għandhom ikopru biss dawn il-kostijiet imsemmija fil-punt (a) tal-paragrafu 1 li jikkonċernaw il-ġbir u t-tneħħija tat-tniġġis ta’ tali vetturi.

4.Fil-każ tat-twettiq individwali tal-obbligi tar-responsabbiltà estiża tal-produttur, il-produtturi għandhom jipprovdu garanzija għall-vetturi li huma jqiegħdu fis-suq għall-ewwel darba fit-territorju ta’ Stat Membru. Dik il-garanzija għandha tiżgura li l-operati msemmija fil-paragrafu 1 li għandhom x’jaqsmu ma’ dawk il-vetturi se jiġu ffinanzjati.

L-ammont tal-garanzija għandu jiġi ddeterminat mill-Istati Membri li fihom il-vettura tkun saret disponibbli fis-suq għall-ewwel darba filwaqt li jitqiesu l-kriterji stabbiliti fl-Artikolu 21.

Il-garanzija tista’ tieħu l-forma ta’ parteċipazzjoni mill-produttur fi skemi xierqa għall-finanzjament tal-ġestjoni ta’ vetturi li ma għadhomx jintużaw, assigurazzjoni ta’ riċiklaġġ jew kont tal-bank ibblokkat.

Artikolu 21
Modulazzjoni tat-tariffi

1.Fil-każ ta’ twettiq kollettiv tal-obbligi tar-responsabbiltà estiża tal-produtturi, l-organizzazzjonijiet b’kompetenza fil-qasam tar-responsabbiltà tal-produtturi għandhom jiżguraw li l-kontribuzzjonijiet finanzjarji mħallsa lilhom mill-produtturi jkunu modulati billi jqisu dan li ġej:

(a)il-piż tal-vettura;

(b)it-tip ta’ sistema tal-mototrażmissjoni;

(c)ir-rata tal-possibbiltajiet ta’ riċiklaġġ u użu mill-ġdid tat-tip ta’ vettura li għalih tappartjeni l-vettura, abbażi tal-informazzjoni sottomessa lill-awtorità tal-approvazzjoni tat-tip f’konformità mal-Artikolu 4;

(d)il-ħin meħtieġ biex il-vettura tiġi żmuntata f’faċilità awtorizzata għat-trattament, speċjalment għal partijiet u komponenti li jeħtieġ li jitneħħew qabel ma l-vettura titqatta’ skont l-Artikolu 30;

(e)is-sehem ta’ materjali u sustanzi li jipprevjenu proċess ta’ riċiklaġġ ta’ kwalità għolja, bħal adeżivi, plastik kompost, jew materjali msaħħa bil-karbonju; 

(f)il-perċentwal ta’ kontenut riċiklat ta’ materjali elenkati fl-Artikoli 6 u 10 użati fil-vettura;

(g)il-preżenza u l-ammont ta’ sustanzi msemmija fl-Artikolu 5(2). 

2.Il-Kummissjoni għandha s-setgħa li tadotta atti delegati f’konformità mal-Artikolu 50 li jissupplimentaw dan ir-Regolament billi jistabbilixxu regoli dettaljati dwar kif għandhom jiġu applikati l-kriterji previsti fil-paragrafu 1.

Artikolu 22
Mekkaniżmu għall-allokazzjoni tal-kostijiet għall-vetturi li jsiru vetturi li ma għadhomx jintużaw fi Stat Membru ieħor

1.Meta vettura ssir vettura li ma għadhiex tintuża fi Stat Membru ieħor għajr l-Istat Membru li fit-territorju tiegħu l-vettura tkun saret disponibbli fis-suq għall-ewwel darba, il-produttur ta’ dik il-vettura jew, fejn tkun maħtura skont l-Artikolu 18, l-organizzazzjoni b’kompetenza fil-qasam tar-responsabbiltà tal-produtturi għandha tiżgura li jkunu koperti l-kostijiet netti tal-operazzjonijiet tal-immaniġġar tal-iskart imsemmija fl-Artikolu 20 imġarrba mill-operaturi tal-immaniġġar tal-iskart fi Stati Membri oħra.

2.Produttur jew, fejn maħtura f’konformità mal-Artikolu 18, organizzazzjoni b’kompetenza fil-qasam tar-responsabbiltà tal-produtturi għandha:

(a)taħtar b’mandat bil-miktub rappreżentant maħtur għar-responsabbiltà estiża tal-produttur f’kull Stat Membru;

(b)tistabbilixxi mekkaniżmi ta’ kooperazzjoni transfruntiera mal-operaturi tal-immaniġġar tal-iskart li jwettqu operazzjonijiet ta’ mmaniġġar tal-iskart imsemmija fl-Artikolu 20.

3.L-Istat Membru fejn il-vettura tkun saret vettura li ma għadhiex tintuża għandu jimmonitorja l-konformità tal-produtturi jew, fejn maħtura f’konformità mal-Artikolu 18, tal-organizzazzjonijiet b’kompetenza fil-qasam tar-responsabbiltà tal-produtturi mal-paragrafi 1 u 2. Il-monitoraġġ għandu jkun ibbażat fuq l-informazzjoni rrapportata u vverifikata mill-produtturi jew, fejn maħtura f’konformità mal-Artikolu 18, mill-organizzazzjonijiet b’kompetenza fil-qasam tar-responsabbiltà tal-produtturi, lill-awtoritajiet kompetenti dwar l-implimentazzjoni tal-paragrafi 1 u 2, b’mod partikolari dwar il-kalkolu u l-allokazzjoni tal-kostijiet għall-ġestjoni ta’ vetturi li ma għadhomx jintużaw imsemmija fil-paragrafu 1, filwaqt li jitqiesu kif xieraq il-kunfidenzjalità kummerċjali u tħassib ieħor dwar il-kompetittività.

4.Fejn meħtieġ biex tiġi żgurata l-konformità ma’ dan l-Artikolu u tiġi evitata d-distorsjoni tas-suq uniku, il-Kummissjoni għandha s-setgħa li tadotta atti delegati f’konformità mal-Artikolu 50 ta’ dan ir-Regolament billi tistabbilixxi regoli dettaljati dwar l-obbligi tal-produtturi, tal-Istati Membri u tal-operaturi tal-immaniġġar tal-iskart u l-karatteristiċi tal-mekkaniżmi msemmija fil-paragrafu 1.

SECTION 3
Ġbir ta’ vetturi li ma għadhomx jintużaw

Artikolu 23
Ġbir ta’ vetturi li ma għadhomx jintużaw

1.Il-produtturi jew, fejn maħtura f’konformità mal-Artikolu 18, l-organizzazzjonijiet b’kompetenza fil-qasam tar-responsabbiltà tal-produtturi għandhom jistabbilixxu, jew jipparteċipaw fl-istabbiliment ta’ sistemi ta’ ġbir, inklużi punti ta’ ġbir, għall-vetturi kollha li ma għadhomx jintużaw li jappartjenu għall-kategoriji ta’ vetturi li jkunu qiegħdu għad-dispożizzjoni għall-ewwel darba fis-suq fit-territorju ta’ Stat Membru.

L-Istati Membri għandhom jadottaw il-miżuri meħtieġa biex jiżguraw li l-produtturi jew, fejn maħtura f’konformità mal-Artikolu 18, l-organizzazzjonijiet b’kompetenza fil-qasam tar-responsabbiltà tal-produtturi jistabbilixxu sistemi ta’ ġbir għall-vetturi kollha li ma għadhomx jintużaw.

2.Il-produtturi jew, fejn maħtura f’konformità mal-Artikolu 18, l-organizzazzjonijiet b’kompetenza fil-qasam tar-responsabbiltà tal-produtturi għandhom jiżguraw li s-sistemi ta’ ġbir imsemmija fil-paragrafu 1:

(a)ikopru t-territorju kollu tal-Istat Membru;

(b)jiżguraw disponibbiltà adegwata ta’ faċilitajiet ta’ trattament awtorizzati, filwaqt li jqisu d-daqs u d-densità tal-popolazzjoni, il-volum mistenni ta’ vetturi li ma għadhomx jintużaw, li ma jkunx limitat għal żoni fejn il-ġbir u l-ġestjoni sussegwenti jkunu l-aktar profittabbli;

(c)jiżguraw il-ġbir ta’ partijiet ta’ skart mit-tiswijiet tal-vetturi;

(d)jippermettu l-ġbir ta’ vetturi li ma għadhomx jintużaw ta’ kull marka, irrispettivament mill-oriġini tagħhom;

(e)jippermettu l-konsenja tal-vetturi kollha li ma għadhomx jintużaw mingħajr ħlas f’faċilitajiet ta’ trattament awtorizzati kif previst fl-Artikolu 24(2).

3.Il-produtturi jew, fejn maħtura f’konformità mal-Artikolu 18, l-organizzazzjonijiet b’kompetenza fil-qasam tar-responsabbiltà tal-produtturi għandhom iwettqu kampanji edukattivi li jippromwovu s-sistema ta’ ġbir għal vetturi li ma għadhomx jintużaw u li jinfurmaw dwar il-konsegwenzi ambjentali tal-ġbir u l-immaniġġar mhux xieraq ta’ vetturi li ma għadhomx jintużaw.

4.L-Istati Membri jistgħu jawtorizzaw lill-operaturi tal-immaniġġar tal-iskart għajr il-faċilitajiet awtorizzati ta’ trattament biex jistabbilixxu punti ta’ ġbir għal vetturi li ma għadhomx jintużaw.

L-operatur tal-immaniġġar tal-iskart li jopera l-punt tal-ġbir għandu:

(a)jiżgura li l-punt tal-ġbir jissodisfa l-kundizzjonijiet għall-ħżin ta’ vetturi li ma għadhomx jintużaw, stabbiliti fil-Parti A tal-Anness VII;

(b)ikun awtorizzat mill-awtoritajiet kompetenti msemmija fl-Artikolu 14 biex jiġbor vetturi li ma għadhomx jintużaw u jkun irreġistrat fir-reġistru rispettiv;

(c)jiggarantixxi li l-vetturi kollha miġbura li ma għadhomx jintużaw jiġu ttrasferiti lejn faċilità ta’ trattament awtorizzata fi żmien sena minn meta jirċievu l-vettura li ma għadhiex tintuża; u

(d)jissodisfa l-kundizzjonijiet applikabbli l-oħra kollha għall-ħżin tal-iskart stabbiliti fil-liġi nazzjonali.

5.L-operaturi tal-immaniġġar tal-iskart, inklużi l-faċilitajiet ta’ trattament awtorizzati, għandhom joħorġu dokument f’format elettroniku, li jikkonferma l-wasla ta’ vettura li ma għadhiex tintuża, lis-sid il-vettura, u jipprovduh permezz ta’ proċedura elettronika ta’ notifika stabbilita f’konformità mal-Artikolu 25(2) lill-awtoritajiet rilevanti tal-Istat Membru, inklużi l-awtoritajiet kompetenti maħtura skont l-Artikolu 14. 

Artikolu 24
Konsenja ta’ vetturi li ma għadhomx jintużaw f’faċilitajiet ta’ trattament awtorizzati

1.Il-vetturi kollha li ma għadhomx jintużaw għandhom jiġu kkonsenjati għat-trattament lil faċilitajiet ta’ trattament awtorizzati.

2.Il-konsenja ta’ vettura li ma għadhiex tintuża f’faċilità ta’ trattament awtorizzata għandha tkun mingħajr ħlas għall-aħħar sid ta’ vettura sakemm il-vettura li ma għadhiex tintuża ma tkunx nieqsa minn xi parti jew minn komponenti essenzjali tal-vettura, ħlief il-batterija tal-vettura elettrika, jew ikun fih skart li ġie miżjud mal-vettura li ma għadhiex tintuża.

Artikolu 25
Ċertifikat ta’ qerda

1.Il-faċilitajiet ta’ trattament awtorizzati għandhom joħorġu ċertifikat ta’ qerda għal kull vettura li ma għadhiex tintuża li ġiet trattata lill-aħħar sid tal-vettura li ma għadhiex tintuża. Iċ-ċertifikat ta’ qerda għandu jkun fih l-informazzjoni elenkata fl-Anness IX.

2.Iċ-ċertifikat ta’ qerda għandu jinħareġ f’format elettroniku u jiġi pprovdut permezz ta’ proċedura elettronika ta’ notifika lill-awtoritajiet rilevanti tal-Istat Membru, inklużi l-awtoritajiet kompetenti maħtura skont l-Artikolu 14. 

3.F’każ li l-vettura li ma għadhiex tintuża, li għaliha jkun inħareġ ċertifikat ta’ qerda fi Stat Membru, tkun irreġistrata fi Stat Membru ieħor, l-awtoritajiet ta’ reġistrazzjoni tal-vettura tal-Istat Membru fejn ikun inħareġ iċ-ċertifikat ta’ qerda għandhom jinformaw lill-awtoritajiet rilevanti għar-reġistrazzjoni tal-vettura tal-Istat Membru fejn tkun irreġistrata l-vettura li jkun inħareġ ċertifikat ta’ qerda għall-vettura inkwistjoni.

4.L-awtoritajiet rilevanti ta’ Stat Membru għandhom jikkanċellaw ir-reġistrazzjoni ta’ vettura li ma għadhiex tintuża biss wara li jirċievu ċ-ċertifikat ta’ qerda għal dik il-vettura.  

5.Iċ-ċertifikati ta’ qerda maħruġa fi Stat Membru għandhom jiġu rikonoxxuti fl-Istati Membri l-oħra kollha. 

Artikolu 26
Obbligi għal sid il-vettura

Is-sid ta’ vettura li ssir vettura li ma għadhiex tintuża għandu:

(a)iwassal il-vettura li ma għadhiex tintuża f’faċilità awtorizzata ta’ trattament jew, fil-każijiet imsemmija fl-Artikolu 23(4), f’punt ta’ ġbir, mingħajr dewmien żejjed wara li jirċievi informazzjoni li l-vettura tissodisfa kwalunkwe wieħed mill-kriterji għan-natura irreparabbli stabbiliti fil-Parti A, fil-punti 1 u 2 tal-Anness I;

(b)jippreżenta ċertifikat ta’ qerda lill-awtorità ta’ reġistrazzjoni rilevanti.

TAQSIMA 4
Ġbir ta’ vetturi li ma għadhomx jintużaw

Artikolu 27
Obbligi għal faċilitajiet ta’ trattament awtorizzati

1.Il-faċilitajiet ta’ trattament awtorizzati għandhom jiżguraw li l-vetturi kollha li ma għadhomx jintużaw u l-partijiet, il-komponenti u l-materjali tagħhom, kif ukoll il-partijiet tal-iskart mit-tiswijiet tal-vetturi, jiġu aċċettati u ttrattati f’konformità mal-kundizzjonijiet stabbiliti fil-permessi tagħhom, kif ukoll f’konformità ma’ dan ir-Regolament.

2.Il-faċilitajiet ta’ trattament awtorizzati għandhom jiżguraw li t-trattament kollu għall-vetturi li ma għadhomx jintużaw ikun konformi, bħala minimu, mal-Artikoli 28, 29, 30, 31, 34 u 35 u l-Anness VII ta’ dan ir-Regolament, u għandhom japplikaw l-aħjar tekniki disponibbli kif iddefiniti fl-Artikolu 3(10) tad-Direttiva 2010/75/UE.

3.Il-faċilitajiet ta’ trattament awtorizzati għandhom:

(a)jaħżnu, anki temporanjament, il-vetturi kollha li ma għadhomx jintużaw u l-partijiet, il-komponenti u l-materjali tagħhom f’konformità mar-rekwiżiti minimi stabbiliti fil-Parti A tal-Anness VII;

(b)iniddfu mit-tniġġis il-vetturi kollha li ma għadhomx jintużaw, f’konformità mal-Artikolu 29 u mar-rekwiżiti minimi stabbiliti fil-Parti B tal-Anness VII;

(c)ineħħu l-partijiet u l-komponenti elenkati fil-Parti C tal-Anness VII mill-vettura li ma għadhiex tintuża, qabel it-tqattigħ jew il-kumpattazzjoni permezz ta’ żarmar manwali jew żarmar (semi)awtomatizzat b’mod mhux distruttiv għall-komponenti b’potenzjal ta’ użu mill-ġdid, ta’ rimanifattura jew ta’ rinnovazzjoni;

(d)jittrattaw il-vetturi kollha li ma għadhomx jintużaw u l-partijiet, il-komponenti u l-materjali tagħhom f’konformità mal-ġerarkija tal-iskart u mar-rekwiżiti ġenerali stabbiliti fl-Artikolu 4 tad-Direttiva 2008/98/KE, u mal-Artikoli 32, 34, 35 u 36 ta’ dan ir-Regolament.

Minbarra r-rekwiżiti stabbiliti fl-Artikolu 35 tad-Direttiva 2008/98/KE, il-faċilitajiet ta’ trattament awtorizzati għandhom jaħżnu b’mod elettroniku r-rekord tal-operazzjonijiet ta’ trattament imwettqa ta’ vetturi li ma għadhomx jintużaw għal 3 snin, u jkunu jistgħu jippreżentaw din l-informazzjoni, fuq talba mill-awtoritajiet nazzjonali rilevanti.

4.Il-Kummissjoni għandha s-setgħa li tadotta atti delegati f’konformità mal-Artikolu 50 biex temenda l-Anness VII billi tadatta r-rekwiżiti minimi ta’ trattament għal vetturi li ma għadhomx jintużaw għall-progress xjentifiku u tekniku. 

5.L-Istati Membri għandhom jinkoraġġixxu faċilitajiet ta’ trattament awtorizzati biex jintroduċu sistemi ċċertifikati ta’ ġestjoni ambjentali f’konformità mar-Regolament (KE) Nru 1221/2009.

Artikolu 28
Rekwiżiti ġenerali għat-tqattigħ

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar ta’ wara 36 xahar wara d-data tad-dħul fis-seħħ ta’ dan ir-Regolament], il-faċilitajiet ta’ trattament awtorizzati u operaturi oħra tal-immaniġġar tal-iskart għandhom jitolbu li l-vetturi li ma għadhomx jintużaw ikkonsenjati lilhom għat-tqattigħ ikunu akkumpanjati minn dawn li ġejjin:

(a)dokumentazzjoni li tinkludi n-Numru ta’ Identifikazzjoni tal-Vettura (VIN) għall-vettura kkonċernata li ma għadhiex tintuża;

(b)kopja taċ-ċertifikat ta’ qerda li jkun inħareġ għall-vettura kkonċernata li ma għadhiex tintuża.

2.Il-faċilitajiet ta’ trattament awtorizzati u l-operaturi tal-immaniġġar tal-iskart li jirċievu vetturi li ma għadhomx jintużaw li ma humiex konformi mar-rekwiżiti stabbiliti fil-paragrafu 1 għandhom:

(a)jirrapportaw in-nuqqas ta’ konformità lill-awtorità kompetenti;

(b)iżommu lura milli jużaw dawk il-vetturi li ma għadhomx jintużaw fl-operazzjonijiet ta’ tqattigħ tagħhom sakemm l-awtorità kompetenti ma tawtorizzax tali operazzjonijiet.

3.L-operaturi tal-immaniġġar tal-iskart li jwettqu tqattigħ ta’ vetturi li ma għadhomx jintużaw ma għandhomx iħalltu vetturi li ma għadhomx jintużaw, il-partijiet, il-komponenti u l-materjali tagħhom mal-iskart mill-imballaġġ u mal-iskart ta’ tagħmir elettriku u elettroniku.

Artikolu 29
Tindif mit-tniġġis ta’ vettura fi tmiem il-ħajja

1.Kemm jista’ jkun malajr wara l-konsenja ta’ vettura li ma għadhiex tintuża f’faċilità ta’ trattament awtorizzata, dik il-faċilità għandha tnaddaf mit-tniġġis dawk il-vetturi qabel ma jiġu ttrattati aktar, f’konformità mar-rekwiżiti minimi stabbiliti fil-Parti B tal-Anness VII.

2.Il-fluwidi u l-likwidi elenkati fil-Parti B tal-Anness VII għandhom jinġabru u jinħażnu separatament, f’konformità mar-rekwiżiti stabbiliti fil-Parti A tal-Anness VII. Iż-żjut għar-rimi għandhom jinġabru u jinħażnu separatament mill-fluwidi u l-likwidi l-oħra u għandhom jiġu ttrattati f’konformità mal-Artikolu 21 tad-Direttiva 2008/98/KE.

3.Il-partijiet, il-komponenti u l-materjali li fihom is-sustanzi msemmija fl-Artikolu 5(2) għandhom jitneħħew mill-vetturi li ma għadhomx jintużaw, u jiġu ttrattati f’konformità mal-Artikolu 17 tad-Direttiva 2008/98/KE.

4.Il-batteriji għandhom jitneħħew separatament minn vetturi li ma għadhomx jintużaw u jinħażnu f’żona apposta għal trattament ulterjuri f’konformità mal-Artikolu 70(3) tar-Regolament (UE) 2023/ [Uffiċċju tal-Pubblikazzjonijiet: Regolament dwar il-Batteriji].

5.Il-partijiet, il-komponenti u l-materjali, li jkunu tnaddfu mit-tniġġis, għandhom jiġu ttrattati u ttikkettati f’konformità mal-Artikoli 18 u 19 tad-Direttiva 2008/98/KE.

6.Il-faċilità ta’ trattament awtorizzata għandha tiddokumenta t-tindif mit-tniġġis ta’ vetturi li ma għadhomx jintużaw, billi tirreġistra l-informazzjoni elenkata fil-Parti B, il-punt 3, tal-Anness VII.

Artikolu 30
   Tneħħija obbligatorja ta’ partijiet u komponenti għall-użu mill-ġdid u għar-riċiklaġġ qabel it-tqattigħ

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament], il-faċilitajiet ta’ trattament awtorizzati għandhom jiżguraw li l-partijiet u l-komponenti elenkati fil-Parti C tal-Anness VII, jitneħħew minn vettura li ma għadhiex tintuża qabel it-tqattigħ, wara li jkunu tlestew l-operazzjonijiet ta’ tindif mit-tniġġis imsemmija fl-Artikolu 29.

2.Il-paragrafu 1 ma għandux japplika jekk faċilità ta’ trattament awtorizzata turi li t-teknoloġiji postshredder jisseparaw il-materjali mill-partijiet u l-komponenti elenkati fil-Parti C, l-entrati 13 sa 19, tal-Anness VII, b’mod daqstant effiċjenti bħall-proċessi manwali ta’ żarmar jew proċessi semiawtomatizzati ta’ żarmar.

Għall-finijiet tal-ewwel subparagrafu, il-faċilità ta’ trattament awtorizzata għandha tipprovdi l-informazzjoni elenkata fil-Parti G tal-Anness VII.

3.Minbarra l-obbligi stabbiliti fl-Artikolu 35 tad-Direttiva 2008/98/KE, il-faċilitajiet ta’ trattament awtorizzati għandhom iżommu rekords tal-vetturi li ma għadhomx jintużaw li jiġu pproċessati mingħajr it-tneħħija minn qabel ta’ partijiet, komponenti u materjali f’konformità mal-paragrafu 2, inklużi l-isem u l-indirizz tal-faċilitajiet ta’ trattament, u n-Numru ta’ Identifikazzjoni tal-Vettura (VIN) tal-vetturi kkonċernati li ma għadhomx jintużaw.

Il-faċilitajiet ta’ trattament awtorizzati għandhom jipprovdu l-informazzjoni fir-rekords imsemmija fl-ewwel subparagrafu lill-awtorità kompetenti f’konformità mal-Artikolu 49(6).

Artikolu 31
Rekwiżiti li jikkonċernaw il-partijiet u l-komponenti mneħħija

1.Il-partijiet u l-komponenti kollha li jkunu tneħħew minn vettura li ma għadhiex tintuża skont l-Artikolu 30(1), għandhom jiġu vvalutati biex jiġi ddeterminat jekk humiex tajbin għal:

(a)l-użu mill-ġdid, skont il-Parti D, il-punt 1(a), tal-Anness VII;

(b)ir-rimanifattura jew ir-rinnovazzjoni, f’konformità mal-Parti D, il-punt 1(b), tal-Anness VII;

(c)ir-riċiklaġġ; jew

(d)operazzjonijiet oħra ta’ trattament, filwaqt li jitqiesu r-rekwiżiti speċifiċi ta’ trattament fil-Parti F tal-Anness VII

Il-partijiet u l-komponenti li huma tajbin għall-użu mill-ġdid, ir-rimanifattura jew ir-rinnovazzjoni ma għandhomx jitqiesu bħala skart.

Il-valutazzjoni għandha titwettaq billi titqies b’mod partikolari l-fattibbiltà teknika tat-twettiq tal-proċessi msemmija fl-ewwel subparagrafu u r-rekwiżiti tas-sikurezza tal-vetturi.

Id-dokumentazzjoni li tikkonferma l-valutazzjoni mwettqa għandha, fuq talba, issir disponibbli għall-awtoritajiet nazzjonali rilevanti, inkluż meta l-partijiet u l-komponenti jiġu ttrasportati għall-finijiet ta’ użu mill-ġdid, rimanifattura jew rinnovazzjoni.

2.Il-partijiet u l-komponenti mneħħija tajbin għall-użu mill-ġdid, ir-rimanifattura jew ir-rinnovazzjoni għandhom ikunu:

(e)ittikkettati f’konformità mal-Parti D, il-punt 2, tal-Anness VII;

(f)akkumpanjati minn garanzija, jekk il-partijiet u l-komponenti jiġu ttrasferiti lil persuna oħra jew jintużaw minn persuna oħra.

3.Il-partijiet u l-komponenti elenkati fil-Parti E tal-Anness VII ma għandhomx jerġgħu jintużaw.

Artikolu 32
Kummerċ ta’ partijiet u komponenti użati, rimanifatturati jew rinnovati

Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar ta’ wara 36 xahar wara d-data tad-dħul fis-seħħ ta’ dan ir-Regolament] kwalunkwe persuna li tinnegozja, timmanifattura mill-ġdid jew tirrinnova spare parts u komponenti għandha, fil-punt tal-bejgħ:

(a)tiżgura li l-partijiet u l-komponenti jkunu ttikkettati f’konformità mal-Parti D, il-punt 2, tal-Anness VII;

(b)tipprovdi garanzija għall-partijiet u l-komponenti użati, rimanifatturati jew rinnovati.

Artikolu 33
Użu mill-ġdid, rimanifattura u rinnovazzjoni ta’ partijiet u komponenti

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament], l-Istati Membri għandhom jieħdu l-inċentivi meħtieġa biex jippromwovu l-użu mill-ġdid, ir-rimanifattura u r-rinnovazzjoni ta’ partijiet u komponenti, kemm jekk jitneħħew matul il-fażi tal-użu kif ukoll matul il-fażi ta’ tmiem il-ħajja ta’ vettura.

L-inċentivi msemmija fl-ewwel subparagrafu jistgħu jinkludu:

(a)rekwiżit għall-operaturi tal-manutenzjoni u tat-tiswija biex joffru lill-klijenti l-possibbiltà li jsewwu vettura bi spare parts u komponenti użati, rimanifatturati jew rinnovati flimkien ma’ offerta biex isewwu l-vettura b’partijiet u komponenti ġodda, dment li tali rekwiżit jiġi fformulat biex ma jinħolqux kostijiet eċċessivi jew piżijiet amministrattivi għall-intrapriżi mikro u żgħar;

(b)l-użu ta’ inċentivi ekonomiċi, inkluż l-istabbiliment ta’ rata mnaqqsa ta’ taxxa fuq il-valur miżjud għal spare parts u komponenti użati, rimanifatturati jew rinnovati.

Il-Kummissjoni għandha tiffaċilita l-iskambju ta’ informazzjoni u l-kondiviżjoni tal-aħjar prattiki fost l-Istati Membri dwar tali inċentivi.

2.Il-Kummissjoni għandha timmonitorja l-effettività tal-inċentivi mogħtija mill-Istati Membri.

Artikolu 34
Miri għall-użu mill-ġdid, ir-riċiklaġġ u l-irkupru

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tas-sena kalendarja wara 36 xahar wara d-data tad-dħul fis-seħħ tar-Regolament], l-Istati Membri għandhom jiżguraw li l-operaturi tal-immaniġġar tal-iskart jilħqu l-miri li ġejjin:

(a)l-użu mill-ġdid u l-irkupru, kif ikkalkolati flimkien, għandhom ikunu tal-anqas 95 %, skont il-piż medju għal kull vettura, minbarra l-batteriji, u fis-sena;

(b)l-użu mill-ġdid u r-riċiklaġġ, kif ikkalkolati flimkien, għandhom ikunu tal-anqas 85 %, skont il-piż medju għal kull vettura, minbarra l-batteriji, u fis-sena.

2.Minn [Uffiċċju tal-Pubblikazzjonijiet:jekk jogħġbok daħħal data = l-ewwel jum tas-sena kalendarja wara 60 xahar wara d-data tad-dħul fis-seħħ tar-Regolament], l-Istati Membri għandhom jiżguraw li l-operaturi tal-immaniġġar tal-iskart jilħqu mira annwali għar-riċiklaġġ tal-plastik ta’ mill-inqas 30 % tal-piż totali tal-plastik li jinsab fil-vetturi kkonsenjati lill-operaturi tal-immaniġġar tal-iskart.

Artikolu 35
Projbizzjoni fuq ir-rimi fil-landfills ta’ skart mhux inerti

Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament] frazzjonijiet minn vetturi li ma għadhomx jintużaw imqattgħin u li fihom skart mhux inerti, li ma jiġux ipproċessati bit-teknoloġija postshredder, ma għandhomx jiġu aċċettati f’landfill.

Artikolu 36
Vjeġġi ta’ vetturi li ma għadhomx jintużaw

1.It-trattament ta’ vetturi li ma għadhomx jintużaw jista’ jsir barra mill-Unjoni, dment li l-vjeġġ ta’ vetturi li ma għadhomx jintużaw ikun konformi mar-Regolament (KE) Nru 1013/2006.

2.Il-vjeġġi ta’ vetturi li ma għadhomx jintużaw mill-Unjoni lejn pajjiż terz f’konformità mal-paragrafu 1 għandhom jgħoddu biss lejn l-issodisfar tal-obbligi u l-miri stabbiliti fl-Artikolu 34 jekk l-esportatur tal-vetturi li ma għadhomx jintużaw jipprovdi prova dokumentarja approvata mill-awtorità kompetenti tad-destinazzjoni li turi li dan it-trattament seħħ f’kundizzjonijiet li huma ġeneralment ekwivalenti għar-rekwiżiti stabbiliti f’dan ir-Regolament u għar-rekwiżiti tas-saħħa tal-bniedem u tal-protezzjoni tal-ambjent stabbiliti f’leġiżlazzjoni oħra tal-Unjoni.

KAPITOLU V
VETTURI UŻATI U L-ESPORTAZZJONI TAGĦHOM

TAQSIMA 1
L-istatus tal-vetturi użati

Artikolu 37
Distinzjoni bejn vetturi użati u vetturi li ma għadhomx jintużaw

Għall-fini tat-trasferiment tas-sjieda ta’ vettura użata, is-sid tal-vettura għandu jkun jista’ juri lil kwalunkwe persuna fiżika jew ġuridika interessata li takkwista s-sjieda tal-vettura kkonċernata jew lill-awtoritajiet kompetenti li l-vettura ma hijiex vettura fi ma għadhiex tintuża. Meta jiġi vvalutat l-istatus ta’ vettura użata, is-sid tal-vettura, operaturi ekonomiċi oħra u l-awtoritajiet kompetenti għandhom jivverifikaw jekk il-kriterji stabbiliti fl-Anness I humiex issodisfati sabiex jiġi ddeterminat jekk hijiex vettura li ma għadhiex tintuża.

TAQSIMA 2
Esportazzjoni ta’ vetturi użati

Artikolu 38
Kontrolli u rekwiżiti dwar l-esportazzjoni ta’ vetturi użati

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament], il-vetturi użati għall-esportazzjoni għandhom ikunu soġġetti għall-kontrolli u r-rekwiżiti stabbiliti f’din it-Taqsima.

2.Din it-Taqsima hija mingħajr preġudizzju għal kwalunkwe dispożizzjoni oħra ta’ dan ir-Regolament kif ukoll għal leġiżlazzjoni oħra tal-Unjoni li tirregola r-rilaxx għall-esportazzjoni ta’ merkanzija, b’mod partikolari r-Regolament (UE) Nru 952/2013 u l-Artikoli 46, 47, 267 u 269 tiegħu.

3.Il-vetturi użati jistgħu jiġu esportati biss jekk ikunu:

(a)vetturi li ma għadhomx jintużaw abbażi tal-kriterji elenkati fl-Anness I;

(b)meqjusa li għandhom affidabbiltà stradali fl-Istat Membru fejn il-vetturi ġew irreġistrati l-aħħar, f’konformità mal-Artikolu 5(1)(a) u (b), u l-Artikolu 8 tad-Direttiva 2014/45/UE.

4.L-informazzjoni li ġejja għandha tiġi pprovduta jew għandha ssir disponibbli għall-awtoritajiet doganali għal kull vettura użata għall-esportazzjoni:

(a)in-Numru ta’ Identifikazzjoni tal-Vettura (VIN) tal-vettura użata u l-identifikazzjoni tal-Istat Membru fejn il-vettura kienet irreġistrata l-aħħar;

(b) dikjarazzjoni li tikkonferma li l-vettura użata tissodisfa r-rekwiżiti stabbiliti fil-paragrafu.

5.Sabiex tiġi vverifikata l-konformità ma’ din it-Taqsima dwar il-permess li vettura użata tiġi rilaxxata għall-esportazzjoni:

(a)sakemm l-interkonnessjoni msemmija fl-Artikolu 45(4) tkun operazzjonali, l-awtoritajiet doganali għandhom jiskambjaw informazzjoni u jikkooperaw mal-awtoritajiet kompetenti f’konformità mal-Artikolu 44, u, fejn meħtieġ, għandhom iqisu tali skambju ta’ informazzjoni u kooperazzjoni sabiex jippermettu li vettura użata tiġi rilaxxata għall-esportazzjoni; 

(b)ladarba l-interkonnessjoni msemmija fl-Artikolu 45(4) tkun operazzjonali, għandhom japplikaw l-Artikoli 39, 40(2) u (3) u 42(3), u n-notifiki u skambji oħra skont l-Artikoli 41 sa 43 għandhom isiru permezz ta’ dawk is-sistemi elettroniċi. 

6.Vettura użata għall-esportazzjoni ma għandhiex:

(a)titqiegħed taħt proċedura doganali bbażata fuq dikjarazzjoni simplifikata stabbilita skont l-Artikolu 166 tar-Regolament (UE) Nru 952/2013;

(b)tkun soġġetta għal entrata fir-rekords tad-dikjarant skont l-Artikolu 182 tar-Regolament (UE) Nru 952/2013;

(c)tkun soġġetta għal awtovalutazzjoni skont l-Artikolu 185 tar-Regolament (UE) Nru 952/2013.

7.Il-Kummissjoni għandha s-setgħa li tadotta atti delegati, f’konformità mal-Artikolu 50 ta’ dan ir-Regolament, biex temenda l-kriterji elenkati fl-Anness I li jiddeterminaw jekk vettura użata hijiex vettura li ma għadhiex tintuża.

Artikolu 39
Verifika awtomatizzata tal-informazzjoni dwar l-istatus tal-vettura

1.Qabel ma jiġu rilaxxati vetturi użati għall-esportazzjoni, id-dwana għandha tivverifika b’mod elettroniku u awtomatiku permezz tas-sistemi elettroniċi msemmija fl-Artikolu 45, li abbażi tan-Numru ta’ Identifikazzjoni tal-Vettura u l-informazzjoni dwar l-Istat Membru tal-aħħar reġistrazzjoni, il-vettura titqies bħala li għandha affidabbiltà stradali f’konformità mal-Artikolu 38(3)(b).

2.Meta l-informazzjoni pprovduta jew li ssir disponibbli għad-dwana ma tikkorrispondix mal-informazzjoni fir-reġistri nazzjonali tal-vetturi u fis-sistemi elettroniċi nazzjonali dwar l-affidabilità stradali skont il-paragrafu 1, l-awtoritajiet doganali ma għandhomx jirrilaxxaw dik il-vettura għall-esportazzjoni u għandhom jinformaw lill-operatur ekonomiku kkonċernat b’dan permezz ta’ dawn is-sistemi.

Artikolu 40
Ġestjoni tar-riskji u kontrolli doganali

1.Għall-finijiet tal-infurzar tad-dispożizzjonijiet stabbiliti fl-Artikolu 38, l-awtoritajiet doganali għandhom iwettqu kontrolli fuq vetturi użati għall-esportazzjoni f’konformità mal-Artikoli 46 u 47 tar-Regolament (UE) Nru 952/2013. Mingħajr preġudizzju għall-Artikolu 39, tali kontrolli għandhom ikunu primarjament ibbażati fuq analiżi tar-riskju, kif stabbilit fl-Artikolu 46(2) tar-Regolament (UE) Nru 952/2013.

2.Minbarra l-ġestjoni tar-riskju msemmija fil-paragrafu 1, ladarba l-interkonnessjoni msemmija fl-Artikolu 45 tkun operattiva, id-dwana għandha tuża dawn is-sistemi elettroniċi msemmija fl-Artikolu 45(1) biex tiddetermina jekk vettura użata għall-esportazzjoni tikkonformax ma’ kundizzjonijiet speċifiċi marbuta mal-protezzjoni tal-ambjent jew tas-sikurezza fit-toroq f’konformità mal-paragrafu 3 ta’ dan l-Artikolu.

3.Il-Kummissjoni għandha s-setgħa li tadotta atti delegati f’konformità mal-Artikolu 50 biex tissupplimenta dan ir-Regolament billi tistabbilixxi l-kundizzjonijiet ta’ konformità msemmija fil-paragrafu 2, inklużi kundizzjonijiet speċifiċi applikati għall-importazzjoni ta’ vetturi użati mill-pajjiż terz tal-importazzjoni marbuta mal-protezzjoni tal-ambjent u s-sikurezza fit-toroq, meta tali kundizzjonijiet ikunu ġew innotifikati minn dak il-pajjiż terz lill-Kummissjoni. Dawk il-kundizzjonijiet għandhom ikunu verifikabbli abbażi tal-informazzjoni disponibbli fis-sistemi elettroniċi msemmija fl-Artikolu 45(1).

Artikolu 41
Sospensjoni

1.Meta jkun hemm raġunijiet raġonevoli biex wieħed jemmen li vettura użata għall-esportazzjoni tista’ ma tikkonformax mar-rekwiżiti ta’ din it-Taqsima, l-awtoritajiet doganali għandhom jissospendu r-rilaxx għall-esportazzjoni ta’ dik il-vettura użata. Huma għandhom jinnotifikaw minnufih ukoll lill-awtoritajiet kompetenti bis-sospensjoni u jibagħtu l-informazzjoni rilevanti kollha meħtieġa biex jiġi ddeterminat jekk il-vettura użata tikkonformax mar-rekwiżiti ta’ dan ir-Regolament u tistax tiġi rilaxxata għall-esportazzjoni.  

2.Sabiex jiġi ddeterminat jekk vettura użata, soġġetta għal sospensjoni kif imsemmi fil-paragrafu 1, tikkonformax ma’ dan ir-Regolament, l-awtoritajiet kompetenti jistgħu jitolbu, minn kwalunkwe persuna involuta fl-esportazzjoni ta’ dik il-vettura użata, informazzjoni addizzjonali, inkluża informazzjoni dwar il-bejgħ jew it-trasferiment tas-sjieda tal-vettura, bħal kopja tal-fattura jew tal-kuntratt, u prova dokumentarja li dik il-vettura użata hija maħsuba għal użu ulterjuri.  

Artikolu 42
Rilaxx għall-esportazzjoni

1.Meta r-rilaxx ta’ vettura użata għall-esportazzjoni jkun ġie sospiż f’konformità mal-Artikolu 41, dik il-vettura użata għandha tiġi rrilaxxata għall-esportazzjoni meta jkunu ġew issodisfati r-rekwiżiti u l-formalitajiet l-oħra kollha relatati ma’ tali rilaxx u meta tiġi ssodisfata kwalunkwe waħda mill-kundizzjonijiet li ġejjin: 

(a)l-awtoritajiet kompetenti ma talbux, fi żmien 4 ijiem tax-xogħol mill-bidu tas-sospensjoni, lill-awtoritajiet doganali biex iżommu s-sospensjoni, jew 

(b)l-awtoritajiet kompetenti jkunu infurmaw lill-awtoritajiet doganali bl-approvazzjoni tagħhom għar-rilaxx għall-esportazzjoni skont din it-Taqsima.

2.Ir-rilaxx għall-esportazzjoni ma għandux jitqies bħala prova ta’ konformità mad-dritt tal-Unjoni u ma’ dan ir-Regolament jew ir-Regolament (UE) Nru 952/2013. 

3.Wara kull rilaxx għall-esportazzjoni ta’ vettura użata, l-awtoritajiet doganali għandhom jinnotifikaw dak ir-rilaxx għall-esportazzjoni lill-awtorità kompetenti tal-Istat Membru fejn il-vettura inkwistjoni tkun ġiet irreġistrata fil-ħin tal-esportazzjoni. 

Artikolu 43
Rifjut ta’ rilaxx għall-esportazzjoni

1.Meta l-awtorità kompetenti tikkonkludi li vettura użata li għaliha tkun ġiet innotifikata s-sospensjoni f’konformità mal-Artikolu 41 ma tikkonformax ma’ din it-Taqsima, hija għandha titlob minnufih lill-awtoritajiet doganali biex ma jirrilaxxawhiex għall-esportazzjoni u jinnotifikawha b’dan. 

2.Man-notifika mill-awtorità kompetenti skont il-paragrafu 1, l-awtoritajiet doganali ma għandhomx jirrilaxxaw il-vettura użata għall-esportazzjoni.  

Artikolu 44
Kooperazzjoni fost l-awtoritajiet u l-iskambju ta’ informazzjoni

1.L-Istati Membri għandhom jassistu lil xulxin b’mod reċiproku fl-implimentazzjoni ta’ din it-Taqsima permezz ta’ skambju ta’ informazzjoni fil-livell bilaterali, b’mod partikolari biex jiġi vverifikat l-istatus ta’ vettura, inkluża l-verifika tal-istatus ta’ reġistrazzjoni tagħha fl-Istat Membru li fih tkun ġiet irreġistrata qabel.

2.Fejn xieraq, l-awtoritajiet kompetenti tal-Istati Membri għandhom jikkooperaw ukoll mal-awtoritajiet amministrattivi minn pajjiżi terzi. Tali kooperazzjoni tista’ tinkludi l-kondiviżjoni ta’ informazzjoni rilevanti, it-twettiq ta’ spezzjonijiet konġunti, u forom oħra ta’ assistenza reċiproka kif meqjus meħtieġ biex tiġi żgurata l-konformità mal-liġijiet u r-regolamenti applikabbli li jirregolaw l-esportazzjoni ta’ vetturi użati.

3.L-awtoritajiet doganali u l-awtoritajiet kompetenti tal-Istati Membri għandhom jikkooperaw f’konformità mal-Artikolu 47(2) tar-Regolament (UE) Nru 952/2013 u jiskambjaw informazzjoni meħtieġa għat-twettiq tal-funzjonijiet tagħhom skont dan ir-Regolament, inkluż permezz ta’ mezzi elettroniċi. L-awtoritajiet doganali jistgħu jikkomunikaw, f’konformità mal-Artikolu 12(1) u l-Artikolu 16(1) tar-Regolament (UE) Nru 952/2013, informazzjoni kunfidenzjali miksuba mill-awtoritajiet doganali matul il-qadi ta’ dmirijiethom, jew ipprovduta lill-awtoritajiet doganali fuq bażi kunfidenzjali, lill-awtorità kompetenti tal-Istat Membru li fih ikun stabbilit l-operatur jew in-negozjant.

4.Meta l-awtoritajiet kompetenti jkunu rċevew informazzjoni f’konformità mal-paragrafi 1 sa 3 ta’ dan l-Artikolu, dawk l-awtoritajiet kompetenti jistgħu jikkomunikaw dik l-informazzjoni lill-awtoritajiet kompetenti minn Stati Membri oħra.

5.L-informazzjoni relatata mar-riskji għandha tiġi skambjata kif ġej:

(a)bejn l-awtoritajiet doganali f’konformità mal-Artikolu 46(5) tar-Regolament (UE) Nru 952/2013;

(b)bejn l-awtoritajiet doganali u l-Kummissjoni f’konformità mal-Artikolu 47(2) tar-Regolament (UE) Nru 952/2013;

(c)bejn l-awtoritajiet doganali u l-awtoritajiet kompetenti, inklużi l-awtoritajiet kompetenti ta’ Stati Membri oħra, f’konformità mal-Artikolu 47(2) tar-Regolament (UE) Nru 952/2013.

Artikolu 45
Sistemi elettroniċi

1.Is-sistema elettronika MOVE-HUB żviluppata mill-Kummissjoni għandha tintuża għall-iskambju tan-Numru ta’ Identifikazzjoni tal-Vettura u l-informazzjoni dwar l-istatus tar-reġistrazzjoni tal-vettura u tal-affidabilità stradali bejn ir-reġistri nazzjonali tal-vetturi u s-sistemi elettroniċi dwar l-affidabilità stradali tal-Istati Membri, kif ukoll, għal-interkonnessjoni mal-Ambjent ta’ Tieqa Unika tal-UE għad-Dwana, fejn meħtieġ għall-kontrolli u r-rekwiżiti stabbiliti f’din it-Taqsima.

2.Is-sistema elettronika MOVE-HUB , imsemmija fil-paragrafu 1, għandha tipprovdi mill-inqas il-funzjonalitajiet li ġejjin:  

(a)tiskambja d-data f’ħin reali mar-reġistri nazzjonali tal-vetturi, mas-sistemi elettroniċi nazzjonali dwar l-affidabbiltà stradali tal-Istati Membri interkonnessi magħha; 

(b)tippermetti li jsir kontroll elettroniku awtomatizzat tad-data pprovduta f’ċertifikat tal-affidabilità stradali kif imsemmi fl-Anness II tad-Direttiva 2014/45/UE tad-data tal-ewwel reġistrazzjoni ta’ vettura, kif ukoll tal-Istat Membru fejn vettura kienet irreġistrata l-aħħar, kif imsemmi fid-Direttiva 1999/37/KE, biex jiġi ddeterminat jekk vettura użata għall-esportazzjoni tikkonformax mar-rekwiżiti stabbiliti fl-Artikolu 38, fl-Artikolu 39(1) u fl-Artikolu 40; 

(c)toħloq interkonnessjoni mal-Ambjent Uniku tal-UE għad-Dwana, f’konformità mar-Regolament (UE) 2022/2399 għall-fini tal-iskambju ta’ data u l-appoġġ tal-proċess ta’ skambju ta’ informazzjoni msemmi fl-Artikoli 39(1) u l-Artikolu 40(2), kif ukoll l-appoġġ tan-notifiki msemmija fl-Artikoli 41 sa 43;

(d)għall-finijiet ta’ kooperazzjoni ma’ pajjiżi terzi skont l-Artikolu 44(2), tippermetti li jsir skambju elettroniku ta’ informazzjoni mal-awtoritajiet kompetenti ta’ pajjiżi terzi li jkunu nnotifikaw lill-Kummissjoni skont l-Artikolu 40(2) il-kundizzjonijiet speċifiċi għall-importazzjoni ta’ vetturi użati li japplikaw.

3.L-Istati Membri għandhom jagħmlu interkonnessjoni bejn ir-reġistri nazzjonali tal-vetturi tagħhom u s-sistemi elettroniċi nazzjonali dwar l-affidabilità stradali mas-sistema elettronika MOVE-HUB imsemmija fil-paragrafu 1. Dik l-interkonnessjoni għandha tkun operattiva fi żmien sentejn wara l-adozzjoni tal-att ta’ implimentazzjoni msemmi fil-paragrafu 5.

4.Il-Kummissjoni għandha tgħaqqad is-sistema MOVE-HUB imsemmija fil-paragrafu 1 mas-Sistema ta’ Skambju ta’ Ċertifikati tat-Tieqa Unika tal-UE għad-Dwana stabbilita fl-Artikolu 4 tar-Regolament (UE) 2022/2399, sabiex ikunu jistgħu jitwettqu l-kontrolli awtomatizzati msemmija fl-Artikolu 39 u fl-Artikolu 40(2) u n-notifiki msemmija fl-Artikoli 41, 42 u 43. Dik l-interkonnessjoni għandha tkun operattiva fi żmien 4 snin wara l-adozzjoni tal-att ta’ implimentazzjoni msemmi fil-paragrafu 5. 

5.Il-Kummissjoni għandha tadotta l-atti ta’ implimentazzjoni li jistabbilixxu l-arranġamenti meħtieġa għall-implimentazzjoni tal-funzjonalitajiet tal-MOVE-HUB imsemmi fil-paragrafu 2, inklużi l-aspetti tekniċi meħtieġa għall-interkonnessjoni tas-sistemi elettroniċi nazzjonali mal-MOVE-HUB, il-kundizzjonijiet tal-konnessjoni mal-MOVE-HUB, id-data li għandha tintbagħat mis-sistemi nazzjonali u l-format għat-trażmissjoni ta’ dik id-data permezz tas-sistemi nazzjonali interkonnessi.

L-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 51(2).  

KAPITOLU VI
INFURZAR

Artikolu 46
Spezzjonijiet

1.L-Istati Membri għandhom, għall-finijiet tal-infurzar ta’ dan ir-Regolament, jispezzjonaw:

(a)faċilitajiet ta’ trattament awtorizzati;

(b)l-operaturi tat-tiswija u tal-manutenzjoni;

(c)faċilitajiet u operaturi ekonomiċi oħrajn, li jistgħu jittrattaw vetturi li ma għadhomx jintużaw.

2.L-ispezzjonijiet għandhom ikopru mill-inqas 10 % tal-operaturi elenkati fil-paragrafu 1(a) u (c), f’kull sena kalendarja.

3.L-Istati Membri għandhom iwettqu wkoll spezzjonijiet dwar l-esportazzjoni ta’ vetturi użati sabiex jivverifikaw il-konformità mal-Artikolu 38.

Artikolu 47
Kooperazzjoni fl-infurzar fil-livell nazzjonali u bejn l-Istati Membri

1.L-Istati Membri għandhom jistabbilixxu, fir-rigward tal-awtoritajiet kompetenti rilevanti kollha involuti fl-infurzar ta’ dan ir-Regolament, mekkaniżmi effettivi li jippermettu lil dawk l-awtoritajiet jikkooperaw u jikkoordinaw domestikament dwar l-iżvilupp u l-implimentazzjoni ta’ politiki u attivitajiet ta’ infurzar relatati mal-monitoraġġ tar-reġistrazzjoni tal-vetturi, it-tneħħija tar-reġistrazzjoni, is-sospensjoni u l-kanċellazzjoni tar-reġistrazzjoni kif ukoll il-prevenzjoni tat-trattament illegali ta’ vetturi li ma għadhomx jintużaw.

2.L-Istati Membri għandhom jikkooperaw ma’ xulxin, fuq livell bilaterali u multilaterali, sabiex jiffaċilitaw il-prevenzjoni u l-kxif ta’ trattament illegali ta’ vetturi li ma għadhomx jintużaw. Huma għandhom jiskambjaw l-informazzjoni rilevanti dwar ir-reġistrazzjoni tal-vetturi, it-tneħħija tar-reġistrazzjoni u s-sospensjoni u l-kanċellazzjoni tar-reġistrazzjoni, permezz tas-sistema ta’ skambju elettroniku msemmija fl-Artikolu 45. Huma għandhom jiskambjaw ukoll informazzjoni rilevanti dwar il-faċilitajiet ta’ trattament awtorizzati u l-operaturi tat-tiswija u l-manutenzjoni mhux permessi bħala faċilitajiet awtorizzati ta’ trattament, u faċilitajiet u operaturi ekonomiċi oħra, li jistgħu jwettqu operazzjonijiet li jikkonċernaw it-trattament ta’ vetturi li ma għadhomx jintużaw. Huma għandhom jaqsmu l-esperjenza u l-għarfien dwar il-miżuri ta’ infurzar fi ħdan strutturi stabbiliti.

L-iskambju tad-data dwar ir-reġistrazzjoni tal-vetturi għandu jinkludi l-aċċess għal u l-iskambju ta’ data dwar il-prestazzjoni, u n-natura u r-riżultati tal-kontrolli mwettqa, mal-awtoritajiet kompetenti tal-Istati Membri l-oħra biex jiġi ffaċilitat l-infurzar ta’ dan ir-Regolament.

3.L-Istati Membri għandhom jinnotifikaw lill-Kummissjoni min huma l-membri tal-persunal permanenti tagħhom responsabbli għall-kooperazzjoni msemmija fil-paragrafu 2 ta’ dan l-Artikolu u fl-Artikolu 44.

Artikolu 48
Penali

Sa [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament] l-Istati Membri għandhom jistabbilixxu r-regoli dwar il-penali applikabbli għall-ksur tal-Artikolu 15(1), l-Artikolu 16, l-Artikolu 19(1), l-Artikolu 22(1) u (2), l-Artikoli 23 u 24, l-Artikolu 25(1) u (2), l-Artikoli 26 sa 32, u l-Artikoli 34, 35, 37 u 38 ta’ dan ir-Regolament, u għandhom jieħdu l-miżuri kollha meħtieġa biex jiżguraw li jiġu implimentati. Il-penali previsti għandhom ikunu effettivi, proporzjonati u dissważivi. L-Istati Membri għandhom, mingħajr dewmien, jinnotifikaw lill-Kummissjoni b’dawk ir-regoli u b’dawk il-miżuri u għandhom jinnotifikawha, mingħajr dewmien, bi kwalunkwe emenda sussegwenti li taffettwahom.

Artikolu 49
Rapportar lill-Kummissjoni

1.Minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 36 xahar wara d-data tad-dħul fis-seħħ ta’ dan ir-Regolament] l-Istati Membri għandhom jagħmlu disponibbli għall-pubbliku f’forma aggregata għal kull sena kalendarja u fil-format stabbilit mill-Kummissjoni skont il-paragrafu 5, id-data li ġejja, li għandha tkun ibbażata fuq l-informazzjoni u d-data li jaslu mingħand il-produtturi, l-organizzazzjonijiet b’kompetenza fil-qasam tar-responsabbiltà tal-produtturi u l-operaturi tal-ġestjoni tal-iskart:

(a)in-numru ta’ negozji reġistrati fl-Istat Membru;

(b)l-għadd ta’ vetturi mqiegħda fis-suq għall-ewwel darba fit-territorju tal-Istat Membru;

(c)l-għadd u l-piż ta’ vetturi li ma għadhomx jintużaw li jkunu nġabru u tnaddfu mit-tniġġis fl-Istat Membru;

(d)l-għadd u l-piż ta’ vetturi li ma għadhomx jintużaw riċiklati fit-territorju tal-Istat Membru;

(e)l-għadd u l-piż ta’ vetturi li ma għadhomx jintużaw esportati jew ittrasportati għal trattament ulterjuri lejn Stat Membru ieħor jew pajjiż terz;

(f)l-għadd ta’ ċertifikati ta’ qerda maħruġa;

(g)l-ammont totali u l-piż tal-partijiet, tal-komponenti u tal-materjali mneħħija minn vetturi li ma għadhomx jintużaw għall-finijiet ta’;

(i)użu mill-ġdid;

(ii)rimanifattura jew rinnovazzjoni;

(iii)riċiklaġġ;

(iv)irkupru, inkluż l-irkupru tal-enerġija;

(v)rimi;

(h)l-ammont u l-piż tal-vetturi li ma għadhomx jintużaw ittrattati b’mod differenti minn dak indikat fil-punt (d);

(i)l-ammont u l-piż tal-vetturi li ma għadhomx jintużaw li jintużaw għar-radam mill-ġdid;

(j)ir-rati tal-miri stabbiliti fl-Artikolu 34 miksuba mill-operaturi kollha tal-immaniġġar tal-iskart li huma attivi fl-Istat Membru;

(k)l-użu tal-eżenzjoni prevista fl-Artikolu 30(2), u kif din ġiet immonitorjata mill-Istat Membru relatur;

(l) id-data dwar l-organizzazzjonijiet b’kompetenza fil-qasam tar-responsabbiltà tal-produtturi, inklużi l-ismijiet tal-persuni ġuridiċi li jirrappreżentaw;

(m)id-data dwar l-implementazzjoni ta’ l-Artikolu 21.

L-Istati Membri għandhom jagħmlu d-data msemmija fil-paragrafi 1 u 2 disponibbli għall-pubbliku fi żmien 18-il xahar minn tmiem is-sena ta’ rapportar li għaliha din tkun inġabret. Id-data għandha tkun tista’ tinqara minn magna, tiġi ssortjata u titfittex, u għandha tirrispetta l-istandards miftuħa għall-użu minn partijiet terzi. L-Istati Membri għandhom jinnotifikaw lill-Kummissjoni meta d-data msemmija fl-ewwel subparagrafu ssir disponibbli.

L-ewwel perjodu ta’ rapportar għandu jkun l-ewwel sena kalendarja wara l-adozzjoni tal-att ta’ implimentazzjoni msemmi fil-paragrafu 5.

2.Id-data li ssir disponibbli mill-Istati Membri f’konformità mal-paragrafu 1 għandha tkun akkumpanjata minn rapport ta’ kontroll tal-kwalità. Dik l-informazzjoni għandha tiġi ppreżentata fil-format stabbilit mill-Kummissjoni f’konformità mal-paragrafu 5.

3.Kull 5 snin, l-Istati Membri għandhom ifasslu rapport li jiġbor fil-qosor:

(n)l-inċentivi introdotti biex jippromwovu l-użu mill-ġdid, ir-rimanifattura u r-rinnovazzjoni ta’ partijiet u komponenti f’konformità mal-Artikolu 33;

(a)l-applikazzjoni ta’ penali u sanzjonijiet oħra previsti fil-liġi nazzjonali tagħhom għall-ksur ta’ dan ir-Regolament adottati f’konformità mal-Artikolu 48, inkluża lista tat-tip ta’ ksur innotifikat u t-tipi ta’ miżuri meħuda;

(b)ir-riżultati tal-ispezzjonijiet imwettqa f’konformità mal-Artikolu 46;

(c)il-mod tal-applikazzjoni tad-definizzjonijiet ta’ “vettura li ma għadhiex tintuża” u “vettura użata”, inklużi d-diffikultajiet prattiċi li wieħed jiltaqa’ magħhom f’dak il-kuntest.

L-Istati Membri għandhom jippreżentaw ir-rapport lill-Kummissjoni fi żmien 6 xhur mit-tmiem tal-perjodu ta’ 5 snin li dan ikopri. L-ewwel rapport għandu jiġi ssottomess lill-Kummissjoni sa [Uffiċċju tal-Pubblikazzjonijiet: jekk jogħġbok daħħal id-data = l-ewwel jum tax-xahar wara 6 xhur wara d-data tad-dħul fis-seħħ ta’ dan ir-Regolament].

Il-Kummissjoni għandha tirrieżamina r-rapporti ppreżentati mill-Istati Membri u, jekk ikun xieraq, tfassal rapporti dwar l-informazzjoni riċevuta sabiex tiffaċilita l-iskambju ta’ informazzjoni dwar l-aħjar prattiki applikati fl-Istati Membri.

4.Għall-finijiet tal-monitoraġġ tal-implimentazzjoni ta’ dan ir-Regolament, il-Kummissjoni għandha tiġbor u tirrieżamina l-informazzjoni li ssir disponibbli f’konformità ma’ dan l-Artikolu.

5.Il-Kummissjoni għandha tadotta atti ta’ implimentazzjoni li jistabbilixxu:

(a)il-metodoloġija u r-regoli għall-kalkolu, il-verifika u r-rapportar tad-data f’konformità mal-paragrafu 1, inklużi:

(i)il-metodoloġija għad-determinazzjoni tal-ammont u l-piż tal-partijiet, tal-komponenti u tal-materjali mneħħija għall-finijiet imsemmija fil-paragrafu 1(g), (h) u (i);

(ii)il-metodoloġija għad-determinazzjoni tal-piż tal-iskart riċiklat, inkluża d-determinazzjoni tal-punti ta’ kalkolu u tal-punti ta’ kejl, u, jekk ikun meħtieġ, il-possibbiltajiet li jiġu applikati rati medji ta’ telf;

(iii)il-metodoloġija għall-kalkolu u l-verifika tal-ilħuq tal-miri rigward il-possibbiltajiet ta’ użu mill-ġdid, riċiklaġġ u rkupru msemmija fl-Artikolu 34.

(b)il-format għar-rapportar lill-Kummissjoni msemmi fil-paragrafu 1, kif ukoll il-format għar-rapport tal-kontroll tal-kwalità.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 51(2).

6.Il-produtturi, l-organizzazzjonijiet b’kompetenza fil-qasam tar-responsabbiltà tal-produtturi, l-operaturi tal-immaniġġar tal-iskart u operaturi ekonomiċi rilevanti oħra jipprovdu lill-awtoritajiet kompetenti b’data akkurata u affidabbli li tippermetti lill-Istati Membri jissodisfaw l-obbligi ta’ rapportar tagħhom skont dan l-Artikolu.

KAPITOLU VII
SETGĦAT DELEGATI U PROĊEDURA TA’ KUMITAT

Artikolu 50
Eżerċizzju tad-delega

1.Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kundizzjonijiet stabbiliti f’dan l-Artikolu.

2.Is-setgħa ta’ adozzjoni ta’ atti delegati msemmija fl-Artikoli 5(4), 6(3), 6(4), 7(3), 9(7), 11(3), 12(3), 21(2), 22(4), 27(4), 38(7) u 40(3) għandha tingħata lill-Kummissjoni għal perjodu ta’ 5 snin minn [Uffiċċju tal-Pubblikazzjonijiet: Jekk jogħġbok daħħal id-data = id-data tad-dħul fis-seħħ ta’ dan ir-Regolament]. Il-Kummissjoni għandha tfassal rapport fir-rigward tad-delega ta’ setgħa mhux aktar tard minn 9 xhur qabel it-tmiem tal-perjodu ta’ 5 snin. Id-delega ta’ setgħa għandha tiġi estiża awtomatikament għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux aktar tard minn 3 xhur qabel it-tmiem ta’ kull perjodu.

3.Id-delega tas-setgħa msemmija fl-Artikoli 5(4), 6(3), 6(4), 7(3), 9(7), 11(3), 12(3), 21(2), 22(4), 27(4), 38(7) u 40(3) tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva l-għada tal-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandhiex taffettwa l-validità ta’ kwalunkwe att delegat li jkun diġà fis-seħħ.

4.Qabel ma tadotta att delegat, il-Kummissjoni għandha tikkonsulta esperti maħtura minn kull Stat Membru f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

5.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.Att delegat adottat skont l-Artikoli 5(4), 6(3), 6(4), 7(3), 9(7), 11(3), 12(3), 21(2), 22(4), 27(4), 38(7) u 40(3) għandu jidħol fis-seħħ biss jekk ma tkun ġiet espressa l-ebda oġġezzjoni la mill-Parlament Ewropew u lanqas mill-Kunsill fi żmien perjodu ta’ xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li ma humiex se joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

Artikolu 51
Proċedura ta’ Kumitat

1.Il-Kummissjoni għandha tkun assistita mill-kumitat stabbilit mill-Artikolu 39 tad-Direttiva 2008/98/KE. Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

KAPITOLU VIII
EMENDI

Artikolu 53
Emendi għar-Regolament (UE) 2019/1020

Fir-Regolament (UE) 2019/1020, jitħassru l-punti 10 u 11 tal-Anness II.

Artikolu 54
Emendi għar-Regolament (UE) 2018/858

L-Anness II tar-Regolament (UE) 2018/858 huwa emendat f’konformità mal-Anness X ta’ dan ir-Regolament.

KAPITOLU IX
DISPOŻIZZJONIJIET FINALI

Artikolu 55
Rieżami

1.Sal-31 ta’ Diċembru 203* [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tas-sena ta’ wara 95 xahar wara d-data tad-dħul fis-seħħ ta’ dan ir-Regolament], il-Kummissjoni għandha tirrieżamina u tfassal rapport dwar l-applikazzjoni ta’ dan ir-Regolament u l-impatt tiegħu fuq l-ambjent, is-saħħa tal-bniedem u l-funzjonament tas-suq uniku u tippreżentah lill-Parlament Ewropew u lill-Kunsill.

2.Filwaqt li tqis il-progress tekniku u l-esperjenza prattika miksuba fl-Istati Membri kif ukoll kwalunkwe reviżjoni tar-Regolament (KE) Nru 1907/2006, il-Kummissjoni għandha tinkludi fir-rapport tagħha evalwazzjoni dwar l-aspetti li ġejjin ta’ dan ir-Regolament:

(a)il-ħtieġa li jiġi estiż l-ambitu ta’ dan ir-Regolament, b’mod partikolari d-dispożizzjonijiet tal-Kapitoli II u III, kif ukoll il-Kapitolu IV it-Taqsima II, għall-vetturi tal-kategoriji L3e, L4e, L5e, L6e u L7e kif definiti fl-Artikolu 4(2)(c) sa (g), tar-Regolament (UE) 168/2013 u l-vetturi tal-kategoriji M2, M3, N2, N3 u O kif definiti fl-Artikolu 4(1) tar-Regolament (UE) 2018/858;

(b)il-miżuri li jikkonċernaw l-għoti ta’ informazzjoni dwar sustanzi ta’ tħassib preżenti fil-vetturi u l-ħtieġa li jiġu introdotti aktar dispożizzjonijiet li jindirizzaw sustanzi ta’ tħassib li jistgħu jaffettwaw ir-riċiklaġġ ta’ kwalità għolja tal-vetturi fi tmiem il-ħajja tagħhom;

(c)il-miżuri rigward il-ġestjoni ta’ vetturi li ma għadhomx jintużaw stabbiliti fil-Kapitolu IV, inklużi l-livelli ta’ miri stabbiliti fl-Artikolu 34 u l-ħtieġa li dawn jiġu riveduti;

(d)il-ksur u l-effettività, il-proporzjonalità u d-dissważività tal-penali kif stabbilit fl-Artikolu 48;

(e)il-ħtieġa li jiġi emendat l-Artikolu 5 ta’ dan ir-Regolament.

Artikolu 56
Tħassir u dispożizzjonijiet tranżizzjonali

1.Id-Direttiva 2000/53/KE titħassar b’effett minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 12-il xahar wara d-data tad-dħul fis-seħħ ta’ dan ir-Regolament].    

Madankollu, id-dispożizzjonijiet li ġejjin tad-Direttiva 2000/53/KE għandhom ikomplu japplikaw:

(a)L-Artikolu 4(2) sa [Uffiċċju tal-Pubblikazzjonijiet: Jekk jogħġbok daħħal id-data l-aħħar jum tax-xahar wara 71 xahar wara d-data tad-dħul fis-seħħ ta’ dan ir-Regolament];

(b)l-Artikolu 5(4), it-tieni subparagrafu, l-Artikolu 6(3), it-tieni subparagrafu, l-Artikolu 7(1), l-Artikolu 8(3) u (4), sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 35 xahar wara d-data tad-dħul fis-seħħ ta’ dan ir-Regolament];

(c)L-Artikolu 7(2)(b), sal-31 ta’ Diċembru 20** [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 35 xahar wara d-data tad-dħul fis-seħħ ta’ dan ir-Regolament];

(d)l-Artikolu 9, il-paragrafi (1a), is-subparagrafi 1 u 3, (1b) u (1d) sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 35 xahar wara d-data tad-dħul fis-seħħ ta’ dan ir-Regolament];

(e)l-Artikolu 9(1a), it-tieni subparagrafu, sa [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 59 xahar wara d-data tad-dħul fis-seħħ ta’ dan ir-Regolament].

2.Id-Direttiva 2005/64/KE titħassar b’effett minn [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 71 xahar wara d-data tad-dħul fis-seħħ ta’ dan ir-Regolament].

Madankollu, l-Artikolu 6(3) tiegħu jitħassar b’effett minn [Uffiċċju tal-Pubblikazzjonijiet: Jekk jogħġbok daħħal id-data = l-aħħar jum tax-xahar wara 35 xahar wara d-data tad-dħul fis-seħħ ta’ dan ir-Regolament].

3.Ir-referenzi għad-Direttiva mħassra għandhom jinftiehmu bħala referenzi għal dan ir-Regolament u għandhom jinqraw f’konformità mat-tabella ta’ korrelazzjoni fl-Anness XI.

Artikolu 57
Dħul fis-seħħ u applikazzjoni

1.Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

2.Għandu japplika minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 12-il xahar wara d-data tad-dħul fis-seħħ ta’ dan ir-Regolament].

Madankollu, l-Artikolu 54 għandu japplika minn [Uffiċċju tal-Pubblikazzjonijiet: Jekk jogħġbok daħħal id-data = l-ewwel jum tax-xahar wara 72 xahar wara d-data tad-dħul fis-seħħ ta’ dan ir-Regolament].

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i)

1.3.Il-proposta/l-inizjattiva hija relatata ma’:

1.4.Objettiv(i)

1.4.1.Objettiv(i) ġenerali

1.4.2.Objettiv(i) speċifiku/speċifiċi

1.4.3.Riżultat(i) u impatt mistennija

1.4.4.Indikaturi tal-prestazzjoni

1.5.Raġunijiet għall-proposta/għall-inizjattiva

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadanji mill-koordinazzjoni, iċ-ċertezza legali, effettività akbar jew il-komplementarjetajiet). Għall-finijiet ta’ dan il-punt, il-“valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata u impatt finanzjarju tal-proposta/tal-inizjattiva

1.7.Metodu/i ta’ implimentazzjoni tal-baġit ippjanat(i)

2.MIŻURI TA’ ĠESTJONI

2.1.Regoli ta’ monitoraġġ u ta’ rapportar

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontroll ÷ il-valur tal-fondi relatati ġestiti”) u valutazzjoni tal-livelli mistennija tar-riskju ta’ errur (mal-ħlas u fl-għeluq)

2.3.Miżuri għall-prevenzjoni ta’ frodi u ta’ irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

3.2.Impatt finanzjarju stmat tal-proposta fuq l-approprjazzjonijiet

3.2.1.Sommarju tal-impatt stmat fuq l-approprjazzjonijiet operazzjonali

3.2.2.Output stmat iffinanzjat bl-approprjazzjonijiet operazzjonali

3.2.3.Sommarju tal-impatt stmat fuq l-approprjazzjonijiet amministrattivi

3.2.3.1.Rekwiżiti stmati ta’ riżorsi umani

3.2.4.Kompatibbiltà mal-qafas finanzjarju pluriennali attwali

3.2.5.Kontribuzzjonijiet ta’ partijiet terzi

3.3.Impatt stmat fuq id-dħul

QAFAS TAL-PROPOSTA/TAL-INIZJATTIVA

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Il-proposta/l-inizjattiva hija relatata ma’: 

 azzjoni ġdida 

 azzjoni ġdida b’segwitu għal proġett pilota/azzjoni preparatorja 71  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida 

1.4.Objettiv(i)

1.4.1.Objettiv(i) ġenerali

1.4.2.Objettiv(i) speċifiku/speċifiċi

1.4.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.4.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadanji mill-koordinazzjoni, iċ-ċertezza legali, effettività akbar jew il-komplementarjetajiet). Għall-finijiet ta’ dan il-punt, il-“valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata u impatt finanzjarju tal-proposta/tal-inizjattiva

 durata limitata

–    fis-seħħ minn [JJ/XX]SSSS sa [JJ/XX]SSSS

–    Impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

 durata mhux limitata

–Implimentazzjoni b’perjodu ta’ bidu mill-2025 sal-2028,

–segwita minn operazzjoni fuq skala sħiħa u implimentazzjoni sħiħa bejn wieħed u ieħor fl-2032.

1.7.Metodu/i ta’ implimentazzjoni tal-baġit ippjanat(i) 72  

 Ġestjoni diretta mill-Kummissjoni

– mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–    mill-aġenziji eżekuttivi

 Ġestjoni kondiviża mal-Istati Membri

 Ġestjoni indiretta billi jiġu inkarigati b’kompiti ta’ implimentazzjoni baġitarja:

– lill-pajjiżi terzi jew lill-korpi nnominati minnhom;

– lill-organizzazzjonijiet internazzjonali u lill-aġenziji tagħhom (iridu jiġu speċifikati);

– lill-BEI u lill-Fond Ewropew tal-Investiment;

– lill-korpi msemmija fl-Artikoli 70 u 71 tar-Regolament Finanzjarju;

– lill-korpi tal-liġi pubblika;

– lill-korpi rregolati mil-liġi privata b’missjoni ta’ servizz pubbliku sakemm dawn ikollhom garanziji finanzjarji adegwati;

– lill-korpi rregolati mil-liġi privata ta’ Stat Membru li jkunu inkarigati bl-implimentazzjoni ta’ sħubija pubblika-privata u li jkollhom garanziji finanzjarji adegwati;

– lill-korpi jew lill-persuni inkarigati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk jiġi indikat iżjed minn mod ta’ ġestjoni wieħed, jekk jogħġbok ipprovdi d-dettalji fit-taqsima "Kummenti".

Kummenti

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

Speċifika l-frekwenza u l-kundizzjonijiet.

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontroll ÷ il-valur tal-fondi relatati ġestiti”) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

2.3.Miżuri għall-prevenzjoni ta’ frodi u ta’ irregolaritajiet 

Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

·Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta fuq l-approprjazzjonijiet 

3.2.1.Sommarju tal-impatt stmat fuq l-approprjazzjonijiet operazzjonali 

–    Il-proposta/l-inizjattiva ma teħtieġx l-użu ta’ approprjazzjonijiet operazzjonali

–    Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

miljuni ta’ EUR (għal tliet pożizzjonijiet deċimali)

DĠ: DG GROW	03.02.01.01		2024 N-1	2025 N	2026 N+1	2027 N+2	TOTAL 2024-2027
Nefqa operazzjonali, studji ta’ appoġġ	Impenji	(1a)	-	0,250	-	0,250	0,500
	Pagamenti	(2a)	-	0,250	-	0,250	0,500
TOTAL tal-approprjazzjonijiet għad-DĠ GROW	Impenji	=1a+1b +3	-	0,250	-	0,250	0,500
	Pagamenti	=2a+2b +3	-	0,250	-	0,250	0,500

Id-DĠ GROW ikkalkula li l-iżvilupp tal-metodoloġija aġġornata għar-rati tat-tliet R, il-kriterji tal-possibbiltà ta’ tneħħija għall-batteriji u l-muturi tat-trazzjoni elettrika u l-iskambju ta’ informazzjoni elettronika għall-Passaport taċ-Ċirkolarità tal-Vetturi propost jeħtieġu rispettivament (EUR 0.250, EUR 0.250 M).

Fil-perjodu ta’ bejn l-2028 u l-2033 se jkunu meħtieġa xi riżorsi addizzjonali biex isir progress fil-ħidma wara t-tmiem tal-QFP kurrenti fl-2027: għad-DĠ GROW, huwa skedat ammont totali għall-perjodu mill-2028 sal-implimentazzjoni sħiħa bejn wieħed u ieħor fl-2032 ta’ EUR 0,150 M għall-istudji tekniċi.

L-ammont irrapportat hawn fuq ikun meħtieġ ukoll biex jiġi ffinanzjat is-sehem rilevanti tal-arranġamenti amministrattivi, li għandu jiġi diskuss bejn id-DĠ ENV/DĠ GROW u l-JRC u għall-akkwist ta’ studji u data relatati mad-dispożizzjonijiet tad-DĠ GROW (metodoloġija aġġornata għar-rati tat-tliet R, il-kriterji tal-possibbiltà ta’ tneħħija għall-batteriji u għall-muturi tat-trazzjoni elettrika u l-iskambju ta’ informazzjoni elettronika għall-Passaport propost taċ-Ċirkolarità tal-Vetturi). Se jitqiesu sinerġiji sinifikanti mal-appoġġ politiku li għaddej mill-JRC għall-Att dwar is-CRM.

miljuni ta’ EUR (għal tliet pożizzjonijiet deċimali)

DĠ: ENV	09.02.02		2024 N-1	2025 N	2026 N+1	2027 N+2	TOTAL 2024-2027
Spejjeż operazzjonali DĠ ENV, studji ta’ appoġġ	Impenji	(1a)	0,025	0,200	0,050	0,300	0,575
	Pagamenti	(2a)	0,025	0,200	0,050	0,300	0,575
Kodelega lid-DĠ TAXUD, l-iżvilupp tat-Tieqa Unika għad-Dwana	Impenji	(1b)	-	0,030	0,260	0,260	0,550
	Pagamenti	(2b)	-	0,030	0,260	0,260	0,550
Kodelega lid-DĠ MOVE, appoġġ tal-IT	Impenji	(1a)	0,225	0,080	0,080	0,080	0,465
	Pagamenti	(2a)	0,225	0,080	0,080	0,080	0,465
Ftehim amministrattiv mal-JRC	Impenji	(1a)	-	0,209	0,293	0,335	0,837
	Pagamenti	(2a)	-	0,209	0,293	0,335	0,837
TOTAL tal-approprjazzjonijiet għad-DĠ ENV	Impenji	=1a+1b +3	0,250	0,519	0,683	0,975	2,427
	Pagamenti	=2a+2b +3	0,250	0,519	0,683	0,975	2,427

Id-DĠ ENV ikkalkula l-ħtieġa li jsiru studji ta’ appoġġ tekniku (mill-2024 sal-2031) għall-kontenut riċiklat tal-plastik u għall-prospetti ta’ riċiklaġġ kimiku (EUR 0,100 M), l-istudju għad-determinazzjoni tal-livelli fil-mira tal-kontenut riċiklat tal-azzar (EUR 0,100 M), l-istudju usa’ ta’ fattibbiltà għas-CRMs, il-kontenut riċiklat tal-aluminju u l-manjeżju (EUR 0,100 M fl-2027), il-kriterji għall-modulazzjoni tat-tariffi tal-EPR (EUR 0,050 M), ir-rekwiżiti tal-kwalità għat-teknoloġiji tal-PST (EUR 0,050 m), il-mekkaniżmu ta’ kooperazzjoni transfruntiera tal-EPR (EUR 0,100 M), it-tħejjija għar-rieżami tal-eżenzjonijiet tar-restrizzjoni fuq is-sustanzi (EUR 0,075 M) u r-regoli għall-kalkolu u l-verifika tal-prestazzjoni tar-riċiklaġġ li jammontaw (EUR 0,575 M) għall-perjodu ta’ bejn l-2024 u l-2027.

Il-JRC x’aktarx li jkollu rwol importanti fl-appoġġ lill-Kummissjoni b’xi ħidma teknika meħtieġa kif imsemmi hawn fuq għall-iżvilupp tal-ispeċifikazzjoni tal-kontenut riċiklat, il-possibbiltà ta’ tneħħija tal-batteriji u tal-muturi tat-trazzjoni elettrika rikki fis-CRM u r-regoli ta’ kalkolu u ta’ verifika relatati mat-trattament. Arranġament amministrattiv possibbli jista’ jkopri l-ħtiġijiet stmati (EUR 0,837 M għall-2024-2027), filwaqt li jimmassimizza s-sinerġiji ma’ kompiti relatati skont l-Att dwar is-CRM, l-ESPR, l-SuP u l-proposti dwar il-PPWR.

Il-kodelega tiġi applikata mid-DĠ ENV lid-DĠ TAXUD u lid-DĠ MOVE biex jiddiġitalizzaw l-informazzjoni dwar ir-reġistrazzjoni tal-vetturi billi jestendu s-sistemi tal-IT ħalli joħolqu l-interoperabbiltà tad-diġitalizzazzjoni tar-reġistri tal-vetturi u bħala t-tieni pass biex jistabbilixxu kontrolli tal-esportazzjoni f’ħin reali billi jorbtu mas-Sistema ta’ Tieqa Unika għad-Dwana għall 2024 -2027.

Fil-perjodu ta’ bejn l-2028 u l-2033 se jkunu meħtieġa xi riżorsi addizzjonali biex isir progress fil-ħidma wara t-tmiem tal-QFP kurrenti fl-2027:

(c)Għad-DĠ ENV, huwa skedat ammont totali għall-perjodu mill-2028 sal-implimentazzjoni sħiħa bejn wieħed u ieħor fl-2032 ta’ EUR 0,550 M fi studji tekniċi.

(d)Għad-DĠ TAXUD, huwa skedat ammont totali għall-perjodu mill-2028 sal-implimentazzjoni sħiħa bejn wieħed u ieħor fl-2032 ta’ EUR 0,500 M għall-varar tal-IT.

(e)Riżorsi għall-JRC fil-forma ta’ arranġamenti amministrattivi addizzjonali possibbli għal ammont totali ta’ EUR 0,335 M għall-2028 - 2032.

TOTAL tal-approprjazzjonijiet  skont l-INTESTATURI minn 1 sa 6 tal-qafas finanzjarju pluriennali (Ammont ta’ referenza)	Impenji	=4+ 6	0,250	0,769	0,683	1,225	2,927
	Pagamenti	=5+ 6	0,250	0,769	0,683	1,225	2,927

miljuni ta’ EUR (għal tliet pożizzjonijiet deċimali)

DĠ ENV, DĠ TAXUD			2024 N-1	2025 N	2026 N+1	2027 N+2	TOTAL 2024-2027
Riżorsi Umani, DĠ ENV	Impenji	(1a)	0,139	0,275	0,321	0,321	1,055
	Pagamenti	(2a)	0,139	0,275	0,321	0,321	1,055
Riżorsi Umani, DĠ TAXUD	Impenji	(1a)	-	0,091	0,137	0,137	0,364
	Pagamenti	(2a)	-	0,091	0,137	0,137	0,364
TOTAL tal-approprjazzjonijiet skont l-INTESTATURA 7 tal-qafas finanzjarju pluriennali għad-DĠ GROW, id-DĠ TAXUD	Impenji	=1a+1b +3	0,139	0,366	0,457	0,457	1,419
	Pagamenti	=2a+2b +3	0,139	0,366	0,457	0,457	1,419

Jekk jogħġbok ara l-ġustifikazzjoni għall-ħtiġijiet tal-persunal fit-taqsima 3.2.3 hawn taħt.

			2024 N-1	2025 N	2026 N+1	2027 N+2	TOTAL 2024-2027
TOTAL tal-approprjazzjonijiet  skont l-INTESTATURI minn 1 sa 7 tal-qafas finanzjarju pluriennali	Impenji		0,389	1,135	1,140	1,682	4,346
	Pagamenti		0,389	1,135	1,140	1,682	4,346

3.2.2.Output stmat iffinanzjat bl-approprjazzjonijiet operazzjonali 

Approprjazzjonijiet ta’ impenn f’miljuni ta’ EUR (għal tliet pożizzjonijiet deċimali)

3.2.3.Sommarju tal-impatt stmat fuq l-approprjazzjonijiet amministrattivi 

3.2.3.1.Rekwiżiti stmati dwar l-approprjazzjonijiet amministrattivi fil-Kummissjoni

–    Il-proposta/l-inizjattiva ma teħtieġx l-użu ta’ riżorsi umani.

–    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

3.2.4.Kompatibbiltà mal-qafas finanzjarju pluriennali attwali 

Il-proposta/l-inizjattiva:

–    tista’ tiġi ffinanzjata kollha kemm hi taħt l-intestatura rilevanti tal-Qafas Finanzjarju Pluriennali (QFP).

–    teħtieġ l-użu tal-marġni mhux allokat taħt l-intestatura rilevanti tal-QFP u/jew l-użu tal-istrumenti speċjali ddefiniti fir-Regolament dwar il-QFP.

–    teħtieġ reviżjoni tal-QFP.

3.2.5.Kontribuzzjonijiet ta’ partijiet terzi 

Il-proposta/l-inizjattiva:

–    ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi kif stmat hawn taħt:

Approprjazzjonijiet f’miljuni ta’ EUR (għal tliet pożizzjonijiet deċimali)

3.3.Impatt stmat fuq id-dħul 

–    Il-proposta/l-inizjattiva ma għandha l-ebda impatt finanzjarju fuq id-dħul.

–    Il-proposta/L-inizjattiva għandha l-impatt finanzjarju li ġej:

–    fuq ir-riżorsi proprji

–    fuq dħul ieħor

–indika, jekk id-dħul hux assenjat għal-linji tan-nefqa    

miljuni ta’ EUR (għal tliet pożizzjonijiet deċimali)

Għal dħul assenjat, speċifika l-linja/i baġitarja/i tan-nefqa affettwata/i.

Rimarki oħra (eż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).

(1)     https://environment.ec.europa.eu/strategy/circular-economy-action-plan_mt .   

(2)     https://commission.europa.eu/strategy-and-policy/priorities-2019-2024/european-green-deal/industry-and-green-deal_mt  .

(3)    https://environment.ec.europa.eu/strategy/zero-pollution-action-plan_mt

(4)     https://data.consilium.europa.eu/doc/document/ST-13852-2020-INIT/mt/pdf  .

(5)     https://www.europarl.europa.eu/doceo/document/TA-9-2021-0040_MT.html .

(6)    COM/2023/165 final.

(7)    Id-Direttiva 2000/53/KE tal-Parlament Ewropew u tal-Kunsill tat-18 ta’ Settembru 2000 dwar vetturi li m’għadhomx jintużaw.

(8)    Id-Direttiva 2005/64/KE tal-Parlament Ewropew u tal-Kunsill tas-26 ta’ Ottubru 2005 dwar l-approvazzjoni tat-tip ta’ vetturi bil-mutur fir-rigward tal-possibbiltajiet tal-użu mill-ġdid, tar-riċiklaġġ u tal-irkupru tagħhom.

(9)    Ara l-Artikolu 10a tad-Direttiva 2018/849/UE, ĠU 150, 30.5.2018, p. 93.

(10)    Ir-Regolament (UE) 2018/858 dwar l-approvazzjoni u s-sorveljanza tas-suq ta’ vetturi bil-mutur u l-karrijiet tagħhom, u ta’ sistemi, komponenti u unitajiet tekniċi separati maħsuba għal tali vetturi.

(11)    Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1).

(12)    Manifattur jista’ jikseb ċertifikazzjoni għal tip ta’ vettura f’pajjiż wieħed tal-UE u jqiegħdha fis-suq fl-UE kollha mingħajr aktar testijiet. Iċ-ċertifikazzjoni tinħareġ minn awtorità nazzjonali tal-approvazzjoni tat-tip u t-testijiet jitwettqu mis-servizzi tekniċi deżinjati: https://single-market-economy.ec.europa.eu/sectors/automotive-industry/technical-harmonisation/technical-harmonisation-eu_en

(13)    Proposta għal Regolament tal-Parlament Ewropew u tal-Kunsill dwar il-batteriji u l-iskart tal-batteriji, li jħassar id-Direttiva 2006/66/KE u li jemenda r-Regolament (UE) 2019/1020 2020/0353(COD). 

(14)    Proposta għal regolament li jistabbilixxi kondizzjonijiet armonizzati għall-kummerċjalizzazzjoni ta’ prodotti għall-bini (COM(2022)144)

(15)    https://environment.ec.europa.eu/strategy/textiles-strategy_mt

(16)    Proposta għal Regolament tal-Parlament Ewropew u tal-Kunsill li jistabbilixxi qafas għall-iffissar ta’ rekwiżiti għall-ekodisinn għal prodotti sostenibbli u li jħassar id-Direttiva 2009/125/KE, COM(2022)142 final, 2022/0095 (COD).

(17)    Proposta għal Regolament tal-Parlament Ewropew u tal-Kunsill dwar vjeġġi ta’ skart u li jemenda r-Regolamenti (UE) Nru 1257/2013 u (UE) Nru 2020/1056, COM(2021) 709 final, 2021/0367(COD). 

(18)    https://climate.ec.europa.eu/eu-action/european-green-deal/european-climate-law_mt

(19)    Aktar informazzjoni dwar il-pakkett hija disponibbli fuq: https://ec.europa.eu/commission/presscorner/detail/mt/IP_21_3541 .

(20)    Ir-Regolament (UE) 2023/851 tal-Parlament Ewropew u tal-Kunsill tad-19 ta’ April 2023 li jemenda r-Regolament (UE) 2019/631 fir-rigward tat-tisħiħ tal-istandards ta’ rendiment fir-rigward tal-emissjonijiet ta’ CO2 għall-karozzi ġodda tal-passiġġieri u għall-vetturi kummerċjali ħfief ġodda f’konformità mal-ambizzjoni klimatika akbar tal-Unjoni (ĠU L 110, 25.4.2023, p.).

(21)    Proposta għal Regolament tal-Parlament Ewropew u tal-Kunsill dwar l-approvazzjoni tat-tip ta’ vetturi bil-mutur u magni u ta’ sistemi, komponenti u unitajiet tekniċi separati maħsuba għal tali vetturi, fir-rigward tal-emissjonijiet u d-durabbiltà tal-batteriji tagħhom (Euro 7).

(22)     https://ec.europa.eu/info/law/better-regulation/have-your-say/initiatives/13132-Is-sikurezza-tal-vetturi-revizjoni-tal-pakkett-tal-UE-dwar-l-affidabbilta-stradali_mt .  

(23)    Proposta għal Regolament tal-Parlament Ewropew u tal-Kunsill li jistabbilixxi qafas li jiżgura provvista sigura u sostenibbli tal-materja prima kritika u li jemenda r-Regolamenti 168/2013, (UE) 2018/858, 2018/1724 u (UE) 2019/1020, COM(2023)160 final, 2023/0079 (COD).

(24)    Huwa nnotat li din il-proposta ssegwi eżempji oħra ta’ proposti leġiżlattivi mressqa mill-Kummissjoni dan l-aħħar, li għandhom l-għan li jkopru r-rekwiżiti ta’ sostenibbiltà/ċirkolarità li japplikaw għaċ-ċiklu tal-ħajja kollu tal-prodotti taħt biċċa leġiżlazzjoni waħda u li għandhom l-Artikolu 114 bħala l-bażi ġuridika tagħhom. Eżempji huma l-proposta għal Regolament tal-Parlament Ewropew u tal-Kunsill dwar il-batteriji u l-iskart ta’ batteriji, il- proposta għal Regolament tal-Parlament Ewropew u tal-Kunsill li jistabbilixxi qafas għall-iffissar ta’ rekwiżiti għall-ekodisinn għal prodotti sostenibbli u l-proposta għal Regolament tal-Parlament Ewropew u tal-Kunsill dwar l-imballaġġ u l-iskart mill-imballaġġ.

(25)     https://ec.europa.eu/info/law/better-regulation/have-your-say/initiatives/1912-Vetturi-li-ma-g%C4%A7adhomx-jintuzaw-evalwazzjoni-tar-regoli-tal-UE_mt .  

(26)    Ara l-Anness 11 tar-rapport tal-valutazzjoni tal-impatt.

(27)     https://cor.europa.eu/en/our-work/Pages/Fit-for-Future-opinion-on-End-of-life-vehicles-and-3R-type-approval.aspx .   

(28)    Saret konsultazzjoni pubblika matul l-evalwazzjoni tad-Direttiva( https://ec.europa.eu/info/law/better-regulation/have-your-say/initiatives/1912-Vetturi-li-ma-g%C4%A7adhomx-jintuzaw-evalwazzjoni-tar-regoli-tal-UE_mt ). Fil-15 ta’ Ottubru 2020 ġiet ippubblikata valutazzjoni tal-impatt tal-bidu għall-feedback pubbliku u mbagħad matul il-valutazzjoni tal-impatt, saret konsultazzjoni pubblika miftuħa li damet sejra 14-il ġimgħa bejn l-20 ta’ Lulju 2021 u s-26 ta’ Ottubru 2021 ( https://ec.europa.eu/info/law/better-regulation/have-your-say/initiatives/12633-End-of-life-vehicles-revision-of-EU-rules/public-consultation_en ).

(29)    Baron, Y.; Kosińska-Terrade, I.; Loew, C.; Köhler, A.; Moch, K.; Sutter, J.; Graulich, K.; Adjei, F.; Mehlhart, G.: Studju biex jappoġġa l-valutazzjoni tal-impatt għar-rieżami tad-Direttiva 2000/53/KE dwar Vetturi li Ma Għadhomx Jintużaw minn Oeko-Institut, Ġunju 2023.

(30)    SWD(2021) 60 final.

(31)    Maury, T., Tazi, N., Torres De Matos, C., Nessi, S., Antonopoulos, I., Pierri, E., Baldassarre, B., Garbarino, E., Gaudillat, P. u Mathieux, F., Towards recycled plastic content targets in new passenger cars, EUR 31047 EN, Uffiċċju tal-Pubblikazzjonijiet tal-Unjoni Ewropea, il-Lussemburgu, 2022,, ISBN 978-92-76-51784-9 (online), doi:10.2838/834615 (online), JRC129008. 

(32)    N. Tazi, M. Orefice, C. Marmy, Y. Baron, M Ljunggren, P Wäger, F. Mathieux, Initial analysis of selected measures to improve the circularity of Critical Raw Materials and other materials in passenger cars, EUR 31468 EN, Uffiċċju tal-Pubblikazzjonijiet tal-Unjoni Ewropea, il-Lussemburgu, 2023, ISBN 978-92-68-01625-1, doi: 10.2760/207541, JRC132821.

(33)     https://cor.europa.eu/en/our-work/Pages/Fit-for-Future-opinion-on-End-of-life-vehicles-and-3R-type-approval.aspx .

(34)    Għal aktar informazzjoni dwar is-suġġerimenti magħżula mill-opinjoni ta’ F4F, ara l-Annessi 1 u 5 tar-Rapport tal-Valutazzjoni tal-Impatt.

(35)    ĠU C , , p. .

(36)    ĠU C , , p. .

(37)    Il-Komunikazzjoni tal-Kummissjoni lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, Il-Patt Ekoloġiku Ewropew (COM (2019) 640 final).

(38)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni tal-11 ta’ Marzu 2020, Pjan ta’ Azzjoni ġdid dwar l-Ekonomija Ċirkolari Għal Ewropa aktar nadifa u kompetittiva, (COM(2020)98 final).

(39)    Il-konklużjonijiet tal-Kunsill tas-17 ta’ Diċembru 2020, Nagħmlu l-Irkupru Ċirkolari u Ekoloġiku.

(40)    Ir-Riżoluzzjoni tal-Parlament Ewropew tal-10 ta’ Frar 2021 dwar il-Pjan ta’ Azzjoni l-Ġdid dwar l-Ekonomija Ċirkolari.

(41)    Id-Direttiva 2000/53/KE tal-Parlament Ewropew u tal-Kunsill tat-18 ta’ Settembru 2000 dwar vetturi li ma għadhomx jintużaw (ĠU L 269, 21.10.2000, p. 34).

(42)    Evalwazzjoni tad-Direttiva (KE) 2000/53 tat-18 ta’ Settembru 2000 dwar vetturi li ma għadhomx jintużaw, SWD(2021) 61 final.

(43)    Id-Direttiva 2005/64/KE tal-Parlament Ewropew u tal-Kunsill tas-26 ta’ Ottubru 2005 dwar l-approvazzjoni tat-tip ta’ vetturi bil-mutur fir-rigward tal-possibbiltajiet tal-użu mill-ġdid, tar-riċiklaġġ u tal-irkupru tagħhom, u li temenda d-Direttiva tal-Kunsill 70/156/KEE (ĠU L 310, 25.11.2005, p. 10).

(44)    Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1).

(45)     https://www.unep.org/resources/report/global-trade-used-vehicles-report  

(46)    Linji Gwida tal-Korrispondenti Nru 9 dwar il-vjeġġi ta’ vetturi tal-iskart, https://ec.europa.eu/environment/pdf/waste/shipments/correspondents_guidelines9_en.pdf

(47)        Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni tal-14 ta’ Novembru 2020, Strateġija dwar is-Sustanzi Kimiċi għas-Sostenibbiltà – Lejn Ambjent Ħieles mit-Tossiċità, (COM/2020/667 final).

(48)    Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE (ĠU L 396, 30.12.2006, p. 1).

(49)    Ir-Regolament (UE) 2019/1021 tal-Parlament Ewropew u tal-Kunsill tal-20 ta’ Ġunju 2019 dwar il-pollutanti organiċi persistenti (ĠU L 169, 25.6.2019, p. 45).

(50)    Ir-Regolament tal-Parlament Ewropew u tal-Kunsill ta’ [data] 2023 dwar il-batteriji u l-iskart ta’ batteriji, li jemenda d-Direttiva 2008/98/KE u r-Regolament (UE) 2019/1020 u li jħassar id-Direttiva 2006/66/KE (ĠU L […]).

(51)    Proposta għal Regolament tal-Parlament Ewropew u tal-Kunsill li jistabbilixxi qafas li jiżgura provvista sigura u sostenibbli tal-materja prima kritika u li jemenda r-Regolamenti (UE) 168/2013, (UE) 2018/858, 2018/1724 u (UE) 2019/1020 (COM(2023) 160 final).

(52)    Ir-Regolament ta’ Implimentazzjoni tal-Kummissjoni (UE) 2020/683 tal-15 ta’ April 2020 li jimplimenta r-Regolament (UE) 2018/858 tal-Parlament Ewropew u tal-Kunsill fir-rigward tar-rekwiżiti amministrattivi għall-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsubin għat-tali vetturi (ĠU L 163, 26.5.2020, p. 1).

(53)    Id-Deċiżjoni tal-Kummissjoni 2003/138/KE tas-27 ta’ Frar 2003 li tistabbilixxi l-istandards tal-kodifikazzjoni tal-komponenti u tal-kodifikazzjoni tal-materjali tal-vetturi skont id-Direttiva 2000/53/KE tal-Parlament Ewropew u tal-Kunsill dwar it-tmiem tal-ħajja tal-vetturi, (ĠU L 53, 28.2.2003, p. 58–59).

(54)    Proposta għal Regolament tal-Parlament Ewropew u tal-Kunsill li jistabbilixxi qafas għall-iffissar ta’ rekwiżiti għall-ekodisinn għal prodotti sostenibbli u li jħassar id-Direttiva 2009/125/KE.

(55)    Proposta għal Regolament tal-Parlament Ewropew u tal-Kunsill dwar l-approvazzjoni tat-tip ta’ vetturi bil-mutur u magni u ta’ sistemi, komponenti u unitajiet tekniċi separati maħsuba għal tali vetturi, fir-rigward tal-emissjonijiet u d-durabbiltà tal-batteriji tagħhom (Euro 7) u li jħassar ir-Regolament (KE) Nru 715/2007 u r-Regolament (KE) Nru 595/2009.

(56)    Id-Direttiva 2008/98/KE tal-Parlament Ewropew u tal-Kunsill tad-19 ta’ Novembru 2008 dwar l-iskart u li tħassar ċertu Direttivi (ĠU L 312, 22.11.2008, p. 3).

(57)    Id-Deċiżjoni tal-Kummissjoni 2002/151/KE tad-19 ta’ Frar 2002 fuq il-ħtiġijiet minimi għaċ-ċertifikat tal-qerda maħruġ skont l-Artikolu 5(3) tad-Direttiva 2000/53/KE tal-Parlament Ewropew u tal-Kunsill dwar vetturi li m’għadhomx jintużaw (ĠU L 50, 21.2.2002, p. 94–95).

(58)    Id-Direttiva 2010/75/UE tal-Parlament Ewropew u tal-Kunsill tal-24 ta’ Novembru 2010 dwar l-emissjonijiet industrijali (ĠU L 334, 17.12.2010, p. 17).

(59)    COM(2021)400

(60)     https://www.unep.org/resources/report/global-trade-used-vehicles-report  

(61)    Id-Direttiva 2014/45/UE tal-Parlament Ewropew u tal-Kunsill tat-3 ta’ April 2014 dwar testijiet perjodiċi tal-affidabbiltà stradali għal vetturi bil-mutur u t-trejlers tagħhom u li tħassar id-Direttiva 2009/40/KE, (ĠU L 127, 29.4.2014, p. 51-128).

(62)    Ir-Regolament (UE) 2022/2399 tal-Parlament Ewropew u tal-Kunsill tat-23 ta’ Novembru 2022 li jistabbilixxi l-Ambjent ta’ Tieqa Unika tal-Unjoni Ewropea għad-Dwana u li jemenda r-Regolament (UE) Nru 952/2013 (ĠU L 317, 9.12.2022, p. 1).

(63)    Ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1).

(64)    Id-Deċiżjoni tal-Kummissjoni 2005/293/KE tal-1 ta’ April 2005 li tistabilixxi regoli dettaljati dwar il-monitoraġġ tal-użu mill-ġdid/rkupru u l-miri tal-użu mill-ġdid/riċiklaġġ stipulati fid-Direttiva 2000/53/KE tal-Parlament Ewropew u tal-Kunsill dwar vetturi li ma għadhomx jintużaw (ĠU L 94, 13.4.2005, p. 30–33).

(65)    Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

(66)    ĠU L 123, 12.5.2016, p. 1.

(67)    Id-Direttiva tal-Kunsill 1999/37/KE tad-29 ta’ April 1999 dwar id-dokumenti ta’ reġistrazzjoni għall-vetturi (ĠU L 138, 1.6.1999, p. 57).

(68)    Id-Direttiva tal-Parlament Ewropew u tal-Kunsill 94/62/KE tal-20 ta’ Diċembru 1994 dwar l-imballaġġ u l-iskart mill-imballaġġ (ĠU L 365, 31.12.1994, p. 10).

(69)    Id-Direttiva 2012/19/UE tal-Parlament Ewropew u tal-Kunsill tal-4 ta’ Lulju 2012 dwar skart ta’ tagħmir elettriku u elettroniku (WEEE) (ĠU L 197, 24.7.2012, p. 38).

(70)    Id-Direttiva tal-Kunsill 1999/31/KE tas-26 ta’ April 1999 dwar ir-rimi ta’ skart f’terraferma (ĠU L 182, 16.7.1999, p. 1–19).

(71)    Kif imsemmi fl-Artikolu 58(2)(a) jew (b) tar-Regolament Finanzjarju.

(72)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jistgħu jinstabu fuq is-sit tal-BUDGpedia: https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx

(73)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(74)    EFTA: Assoċjazzjoni Ewropea tal-Kummerċ Ħieles.

(75)    Pajjiżi kandidati u, fejn applikabbli, pajjiżi kandidati potenzjali mill-Balkani tal-Punent.

(76)    L-outputs huma l-prodotti u s-servizzi li jridu jiġu pprovduti (eż.: l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(77)    Kif deskritt fil-punt 1.4.2. “Objettiv(i) speċifiku/speċifiċi …”

(78)    Is-Sena N hija s-sena li fiha tibda l-implimentazzjoni tal-proposta/tal-inizjattiva. Issostitwixxi l-“N” bl-ewwel sena ta’ implimentazzjoni prevista (pereżempju: 2021). Agħmel l-istess għas-snin ta’ wara.

IL-KUMMISSJONI EWROPEA

Brussell, 13.7.2023

COM(2023) 451 final

ANNESSI

tal-Proposta għal

REGOLAMENT TAL-PARLAMENT EWROPEW U TAL-KUNSILL

dwar ir-rekwiżiti taċ-ċirkolarità għad-disinn tal-vetturi u dwar il-ġestjoni ta’ vetturi li ma għadhomx jintużaw, li jemenda r-Regolamenti (UE) 2018/858 u 2019/1020 u li jħassar id-Direttivi 2000/53/KE u 2005/64/KE

{SEC(2023) 292 final} - {SWD(2023) 255 final} - {SWD(2023) 256 final} - {SWD(2023) 257 final}

ANNESS I

KRITERJI GĦAD-DETERMINAZZJONI TA’ JEKK VETTURA UŻATA HIJIEX VETTURA LI MA GĦADHIEX TINTUŻA

PARTI A

KRITERJI GĦALL-VALUTAZZJONI TAL-POSSIBBILTÀ TA’ TISWIJA TAL-VETTURI

1.Vettura tkun teknikament irreparabbli jekk tissodisfa wieħed jew aktar mill-kriterji li ġejjin:

(a)tkun ġiet imqatta’ f’biċċiet jew żarmata;

(b)tkun ġiet iwweldjata jew ingħalqet permezz ta’ fowm iżolanti;

(c)tkun inħarqet kompletament sal-punt li jinqerdu l-kompartiment tal-magna jew il-kompartiment tal-passiġġieri;

(d)tkun tgħaddset fl-ilma sa livell ogħla mid-dashboard;

(e)wieħed jew aktar mill-komponenti li ġejjin tal-vettura ma jistgħux jissewwew jew jiġu ssostitwiti:

(i) il-komponenti tal-akkoppjament mal-art (bħat-tajers u r-roti), is-sospensjoni, l-istering, il-brejkijiet, u l-komponenti ta’ kontroll tagħhom;

(ii) il-fixings u l-ġonot tas-sits;

(iii) l-airbags, il-pretensjonaturi, iċ-ċinturini tas-sikurezza, u l-komponenti periferali ta’ tħaddim tagħhom;

(iv) il-korp u x-xażi tal-vettura;

(f)il-komponenti strutturali u ta’ sikurezza tagħha għandhom difetti tekniċi li huma irriversibbli u li jagħmluhom mhux sostitwibbli, bħal tiqdim tal-metall, xquq multipli fil-primers, jew korrużjoni perforanti eċċessiva;

(g)it-tiswija tagħha teħtieġ is-sostituzzjoni tal-magna, tal-gearbox, tal-qafas jew tal-assemblaġġ tax-xażi, li tirriżulta fit-telf tal-identità oriġinali tal-vettura.

2.Il-vettura tkun ekonomikament irreparabbli jekk il-valur tas-suq tagħha jkun aktar baxx mill-kost tat-tiswijiet neċessarji biex tiġi rrestawrata fl-Unjoni għal kundizzjoni teknika li tkun biżżejjed biex jinkiseb ċertifikat tal-affidabbiltà stradali fl-Istat Membru fejn il-vettura tkun ġiet irreġistrata qabel it-tiswija.

3.Vettura tista’ titqies bħala teknikament irreparabbli meta:

(a)tkun tgħaddset fl-ilma sa livell taħt id-dashboard, u tkun seħħetilha ħsara lill-magna jew lis-sistema elettrika;

(b)il-bibien tagħha ma jkunux imwaħħlin magħha;

(c)il-fjuwil jew il-fwar tal-fjuwil tagħha jkun qed inixxi u joħloq riskju ta’ nar u splużjoni;

(d)il-gass ikun ħareġ mis-sistema tal-gass likwidu tagħha u joħloq riskju ta’ nar u splużjoni;

(e)il-likwidi ta’ tħaddim tagħha (fjuwil, fluwidu tal-brejkijiet, likwidu kontra l-inġazz, aċidu tal-batterija, likwidu tat-tkessiħ) ikunu qed inixxu b’riskju ta’ tniġġis tal-ilma; jew

(f)il-brejkijiet u l-komponenti tal-istering tagħha jkunu ttieklu b’mod eċċessiv.

Jekk tiġi ssodisfata waħda minn dawk il-kundizzjonijiet, għandha titwettaq valutazzjoni teknika individwali sabiex jiġi vvalutat jekk l-istatus tekniku ta’ vettura jkunx biżżejjed biex jinkiseb ċertifikat tal-affidabbiltà stradali fl-Istat Membru fejn il-vettura tkun ġiet irreġistrata qabel it-tiswija.

PARTI B

LISTA INDIKATTIVA TA’ KRITERJI GĦALL-VETTURI LI MA GĦADHOMX JINTUŻAW

Il-kriterji li ġejjin jistgħu jintużaw ukoll bħala ġustifikazzjoni addizzjonali biex jiġi ddeterminat jekk vettura użata hijiex vettura li ma għadhiex tintuża:

(a)nuqqas ta’ mezzi li jippermettu l-identifikazzjoni ta’ vettura, b’mod partikolari n-Numru ta’ Identifikazzjoni tal-Vettura;

(b)is-sid tagħha ma jkunx magħruf;

(c)ma kellhiex it-test tekniku nazzjonali meħtieġ tagħha tal-affidabilità stradali għal aktar minn sentejn mid-data meta dan kien meħtieġ l-aħħar;

(d)ma tkunx protetta kif xieraq kontra l-ħsara matul il-ħżin, it-trasport, it-tagħbija u l-ħatt; jew

(e)din ġiet ittrasferita għat-trattament f’punt ta’ ġbir awtorizzat jew f’faċilità ta’ trattament tal-iskart awtorizzata.

ANNESS II

KALKOLU TAR-RATI TAR-RIUTILIZZABBILTÀ, TAR-RIĊIKLABBILTÀ U TAR-REKUPRABILITÀ

Għall-finijiet ta’ dan l-Anness, “vettura ta’ referenza” tfisser il-verżjoni fi ħdan tip ta’ vettura, identifikata mill-awtorità tal-approvazzjoni, b’konsultazzjoni mal-manifattur u f’konformità mal-kriterji stabbiliti fl-Anness II, il-Parti A, bħala l-iktar problematika fir-rigward tar-riutilizzabbiltà, tar-riċiklabbiltà u tar-rekuprabilità.

PARTI A

1.Il-materjali preżenti fil-vettura u l-ishma u l-postijiet rispettivi tagħhom għandhom jiġu speċifikati, flimkien ma’ kwalunkwe informazzjoni rilevanti neċessarja biex jiġu kkalkulati b’mod korrett ir-rati tar-riċiklabbiltà u tar-rekuprabilità.

2.Il-massa għandha tiġi espressa f’kg b’pożizzjoni deċimali waħda. Ir-rati għandhom jiġu kalkolati bħala perċentwali b’pożizzjoni deċimali waħda, u mbagħad ittondjati kif ġej:

(a)jekk iċ-ċifra ta’ wara l-punt deċimali tkun bejn 0 u 4, it-total jiġi ttondjat ’l isfel;

(b)jekk iċ-ċifra ta’ wara l-punt deċimali tkun bejn 5 u 9, it-total jiġi ttondjat ’il fuq.

3.Għall-finijiet tas-selezzjoni tal-vetturi ta’ referenza, għandu jittieħed kont tal-kriterji li ġejjin:

(a)it-tip tal-karozzerija;

(b)il-livelli ta’ finitura (trim) disponibbli;

(c)l-aċċessorji disponibbli li jistgħu jiġu installati taħt ir-responsabbiltà tal-manifattur.

4.Jekk l-awtorità tal-approvazzjoni tat-tip u l-manifattur flimkien ma jirnexxilhomx jidentifikaw il-verżjoni l-aktar problematika ta’ tip ta’ vettura, fir-rigward tar-riutilizzabbiltà, tar-riċiklabbiltà u tar-rekuprabilità, għandha tintgħażel vettura waħda ta’ referenza, fi ħdan:

(a)kull “tip ta’ karozzerija”, kif definit fil-punt 2 tal-parti C tal-Anness I tar-Regolament (UE) 2018/858 fil-każ ta’ vetturi M1;

(b)kull “tip ta’ karozzerija”, jiġifieri, vann, xażi b’kabina, pick up, eċċ, fil-każ ta’ vetturi N1.

5.Sabiex jiġu vverifikati l-materjali u l-mases tal-partijiet komponenti, il-manifattur għandu jagħmel disponibbli vetturi kif ukoll partijiet komponenti skont kif meqjus neċessarju mill-awtorità tal-approvazzjoni tat-tip.

PARTI B

1.Sabiex jitqiesu bħala riutilizzabbli, il-komponenti jew il-partijiet għandhom ikunu jistgħu jitneħħew b’mod faċli u mhux distruttiv.

2.Il-massa totali ta’ partijiet, komponenti u materjali riutilizzabbli għandha titqies bħala 100 % riutilizzabbli, riċiklabbli u rekuperabbli.

3.Il-partijiet u l-komponenti elenkati fil-Parti B, il-punti 1 u 2, tal-Anness VII għandhom jitqiesu bħala 0 % riutilizzabbli u 100 % riċiklabbli u rekuperabbli. Il-partijiet u l-komponenti elenkati fil-Parti E tal-Anness VII għandhom jitqiesu bħala 0 % riutilizzabbli u 100 % riċiklabbli u rekuperabbli. Il-metodoloġija għandha tiżgura li, fil-każ li l-emendar tal-Anness VII jirriżulta fl-estensjoni tal-lista ta’ partijiet u ta’ komponenti elenkati fil-Parti E ta’ dak l-Anness, dawn il-partijiet u l-komponenti miżjuda ġodda għandhom jitqiesu bħala 0 % riutilizzabbli u 100 % riċiklabbli u rekuperabbli.

4.Il-kalkolu tar-rati tar-riutilizzabbiltà, tar-riċiklabbiltà u tar-rekuprabilità għandu jkun koerenti mal-istrateġija taċ-ċirkolarità, li tirrifletti l-progress teknoloġiku fit-teknoloġiji tat-trattament fi tmiem il-ħajja.

ANNESS III

KUNDIZZJONIJIET U VALURI MASSIMI TA’ KONĊENTRAZZJONI GĦALL-PREŻENZA TAĊ-ĊOMB, TAL-MERKURJU, TAL-KADMJU U TAL-KROMU EŻAVALENTI F’MATERJALI, F’PARTIJIET U F’KOMPONENTI

Għandu jiġi ttollerat valur massimu ta’ konċentrazzjoni tas-sustanzi ta’ mhux aktar minn 0,1 % skont il-piż f’materjal omoġenu għaċ-ċomb, għall-kromu eżavalenti u għall-merkurju u ta’ mhux aktar minn 0,01 % skont il-piż f’materjal omoġenu għall-kadmju.

L-ispare parts introdotti fis-suq wara l-1 ta’ Lulju 2003 li jintużaw għall-vetturi introdotti fis-suq qabel l-1 ta’ Lulju 2003, għajr għall-piżijiet għall-ibbilanċjar tar-roti, għall-ixkupilji tal-karbonju għall-muturi elettriċi u għall-firrodi tal-brejkijiet, għandhom jiġu eżentati mill-Artikolu 5(2) tar-Regolament.

Materjali, partijiet u komponenti omoġeni	Ambitu u data tal-iskadenza tal-eżenzjoni	Għandu jkollhom tikketta jew għandhom jiġu magħmula identifikabbli f’konformità mal-Artikolu 5(4), il-punt (d)
Ċomb bħala element ta’ lligar
1(a). Azzar għal immaxinjar u komponenti tal-azzar galvanizzat f’banju sħun f’lott li fihom mhux aktar minn 0,35 % ċomb skont il-piż
1(b). Folja tal-azzar galvanizzat kontinwament li fiha mhux aktar minn 0,35 % ċomb skont il-piż	Vetturi b’approvazzjoni tat-tip maħruġa qabel l-1 ta’ Jannar 2016 u l-ispare parts għal tali vetturi
2(a). Aluminju għal immaxinjar, b’kontenut ta’ ċomb ta’ mhux aktar minn 2 % skont il-piż	Bħala spare parts għall-vetturi introdotti fis-suq qabel l-1 ta’ Lulju 2005
2(b). Aluminju b’kontenut ta’ ċomb ta’ mhux aktar minn 1,5 % skont il-piż	Bħala spare parts għall-vetturi introdotti fis-suq qabel l-1 ta’ Lulju 2008
2(c)(i). Ligi tal-aluminju għal immaxinjar b’kontenut ta’ ċomb ta’ mhux aktar minn 0,4 % skont il-piż	Vetturi b’approvazzjoni tat-tip maħruġa qabel l-1 ta’ Jannar 2028 u l-ispare parts għal tali vetturi
2(c)(ii). Ligi tal-aluminju mhux inklużi fl-entrata 2(c)(i) b’kontenut ta’ ċomb ta’ mhux aktar minn 0,4 % skont il-piż (2)	(1)
3. Ligi tar-ram b’kontenut ta’ ċomb ta’ mhux aktar minn 4 % tal-piż	(3)
4(a). Ċilindri ta’ ġewwa u ta’ barra tal-bearings	Bħala spare parts għall-vetturi introdotti fis-suq qabel l-1 ta’ Lulju 2008
4(b). Ċilindri ta’ ġewwa u ta’ barra tal-bearings fil-magni, fit-trażmissjonijiet u fil-kompressuri tal-arja kundizzjonata	Bħala spare parts għall-vetturi introdotti fis-suq qabel l-1 ta’ Lulju 2011
Ċomb u komposti taċ-ċomb fil-komponenti
5(a). Ċomb fil-batteriji użati f’sistemi b’voltaġġ għoli (4) li jintużaw biss għall-propulsjoni fil-vetturi M1 u N1	Vetturi b’approvazzjoni tat-tip maħruġa qabel l-1 ta’ Jannar 2019 u l-ispare parts għal tali vetturi	X
5(b)(i). Ċomb fil-batteriji: (1) użati f’applikazzjonijiet ta’ 12 V (2) użati f’applikazzjonijiet ta’ 24 V f’vetturi bi skop speċjali kif definiti fl-Artikolu 3 tar-Regolament (UE) 2018/858	(3)	X
5(b)(ii). Ċomb fil-batteriji użati f’applikazzjonijiet mhux inklużi fl-entrata 5(a) jew fl-entrata 5(b)(i)	Vetturi b’approvazzjoni tat-tip maħruġa qabel l-1 ta’ Jannar 2024 u l-ispare parts għal tali vetturi	X
6. Smorzaturi kontra l-vibrazzjoni	Vetturi b’approvazzjoni tat-tip maħruġa qabel l-1 ta’ Jannar 2016 u l-ispare parts għal tali vetturi	X
7(a). Aġenti għall-ivvulkanizzar u stabbilizzaturi għall-elastomeri f’pajpijiet tal-brejkijiet, pajpijiet tal-fjuwil, pajpijiet tal-ventilazzjoni tal-arja, partijiet tal-elastomeri/tal-metall fl-applikazzjonijiet tax-xażi, u l-muntaturi tal-magna	Bħala spare parts għall-vetturi introdotti fis-suq qabel l-1 ta’ Lulju 2005
7(b). Aġenti għall-ivvulkanizzar u stabbilizzaturi għall-elastomeri f’pajpijiet tal-brejkijiet, pajpijiet tal-fjuwil, pajpijiet tal-ventilazzjoni tal-ajru, partijiet tal-elastomeru jew tal-metall fl-applikazzjonijiet tax-xażi, u l-muntaturi tal-magna li fihom mhux aktar minn 0,5 % ċomb skont il-piż	Bħala spare parts għall-vetturi introdotti fis-suq qabel l-1 ta’ Lulju 2006
7(c). Legaturi għall-elastomeri f’applikazzjonijiet tas-sistema tal-motopropulsjoni li fihom mhux aktar minn 0,5 % ċomb skont il-piż	Bħala spare parts għall-vetturi introdotti fis-suq qabel l-1 ta’ Lulju 2009
8(a). Ċomb fis-saldaturi għat-twaħħil tal-komponenti elettriċi u elettroniċi mal-bordijiet taċ-ċirkwiti elettroniċi u ċ-ċomb fil-finituri tat-terminali tal-komponenti apparti l-kapaċitaturi elettrolitiċi tal-aluminju, fuq il-pinnijiet tal-komponenti u fuq il-bordijiet taċ-ċirkwiti elettroniċi	Vetturi b’approvazzjoni tat-tip maħruġa qabel l-1 ta’ Jannar 2016 u l-ispare parts għal tali vetturi	X(5)
8(b). Ċomb fis-saldaturi fl-applikazzjonijiet elettriċi għajr l-issaldjar fuq il-bordijiet taċ-ċirkwiti elettroniċi jew fuq il-ħġieġ	Vetturi b’approvazzjoni tat-tip maħruġa qabel l-1 ta’ Jannar 2011 u l-ispare parts għal tali vetturi	X(5)
8(c). Ċomb fil-finituri fuq it-terminali tal-kapaċitaturi elettrolitiċi tal-aluminju	Vetturi b’approvazzjoni tat-tip maħruġa qabel l-1 ta’ Jannar 2013 u l-ispare parts għal tali vetturi	X(5)
8(d). Ċomb użat fl-issaldjar fuq il-ħġieġ fis-sensuri tal-fluss tal-arja tal-massa	Vetturi b’approvazzjoni tat-tip maħruġa qabel l-1 ta’ Jannar 2015 u l-ispare parts għal dawn il-vetturi	X(5)
8(e). Ċomb fis-saldaturi tat-tip li jiddewweb f’temperaturi għoljin (jiġifieri l-ligi b’bażi ta’ ċomb li jkun fihom 85 % jew aktar ċomb skont il-piż)	(1)	X(5)
8(f)(i). Ċomb fis-sistemi ta’ konnetturi tal-pinnijiet konformi	Vetturi b’approvazzjoni tat-tip maħruġa qabel l-1 ta’ Jannar 2017 u l-ispare parts għal tali vetturi	X(5)
8(f)(ii). Ċomb fis-sistemi ta’ konnetturi tal-pinnijiet konformi apparti dawk il-punti fejn jitqabbdu l-konnetturi tal-faxx tal-wajers tal-vetturi	Vetturi b’approvazzjoni tat-tip maħruġa qabel l-1 ta’ Jannar 2024 u l-ispare parts għal tali vetturi	X(5)
8(g)(i). Ċomb fis-saldaturi li jikkompletaw konnessjoni elettrika vijabbli bejn il-folja taċ-ċipep iffurmata b’mastra tas-semikonduttur u l-qafas fi ħdan ċirkwit integrat ta’ pakketti flip chip	Vetturi b’approvazzjoni tat-tip maħruġa qabel l-1 ta’ Ottubru 2022 u l-ispare parts għal tali vetturi	X(5)
8(g)(ii). Ċomb fis-saldaturi li jikkompletaw konnessjoni elettrika vijabbli bejn il-folja taċ-ċipep iffurmata b’mastra tas-semikonduttur u l-qafas fi ħdan ċirkwit integrat ta’ pakketti flip chip meta dik il-konnessjoni elettrika tkun tikkonsisti f’xi waħda minn dawn li ġejjin: (1) nodu tat-teknoloġija tas-semikondutturi ta’ 90 nm jew iktar; (2) folja taċ-ċipep iffurmata b’mastra unika ta’ 300 mm₂ jew iktar f’xi nodu tat-teknoloġija tas-semikondutturi; (3) pakketti ta’ folji taċ-ċipep iffurmati b’mastra stivati b’folji taċ-ċipep iffurmati b’mastra ta’ 300 mm₂ jew iktar, jew interposers tas-siliċju ta’ 300 mm₂ jew iktar.	(1) Vetturi b’approvazzjoni tat-tip maħruġa qabel l-1 ta’ Ottubru 2022 u l-ispare parts għal tali vetturi	X(5)
8(h). Ċomb fis-saldaturi għat-twaħħil tad-distributuri tas-sħana mad-dissipatur tas-sħana fl-assemblaġġi tas-semikondutturi tal-potenza b’ċippa b’daqs ta’ mhux inqas minn 1 cm² b’erja ta’ projezzjoni u densità tal-kurrent nominali li tkun tal-inqas 1 A/mm2 tal-erja taċ-ċippa tas-siliċju	Vetturi b’approvazzjoni tat-tip maħruġa qabel l-1 ta’ Jannar 2016 u l-ispare parts għal tali vetturi	X(5)
8(i). Ċomb fis-saldaturi fl-applikazzjonijiet tal-igglejżjar bl-elettriku fuq il-ħġieġ bl-eċċezzjoni tal-issaldjar fl-igglejżjar laminat	Vetturi b’approvazzjoni tat-tip maħruġa qabel l-1 ta’ Jannar 2016 u l-ispare parts għal tali vetturi	X(5)
8(j). Ċomb fis-saldaturi għall-issaldjar tal-igglejżjar laminat	Vetturi b’approvazzjoni tat-tip maħruġa qabel l-1 ta’ Jannar 2020 u l-ispare parts għal tali vetturi	X(5)
8(k). L-issaldjar tal-applikazzjonijiet tat-tisħin b’kurrent tas-sħana ta’ 0,5 A jew iktar għal kull ġonta tas-saldaturi fuq il-panewijiet uniċi tal-igglejżjar laminat li ma jaqbiżx ħxuna ta’ 2,1 mm. Din l-eżenzjoni ma tkoprix l-issaldjar tal-kuntatti inkorporati fil-polimeru intermedju.	Vetturi b’approvazzjoni tat-tip maħruġa qabel l-1 ta’ Jannar 2024 u l-ispare parts għal tali vetturi	X(5)
9. Sitijiet tal-valvijiet	Bħala spare parts għal tipi ta’ magni żviluppati qabel l-1 ta’ Lulju 2003
10(a). Komponenti elettriċi u elettroniċi, li fihom iċ-ċomb fil-ħġieġ jew fiċ-ċeramika, f’komposti matriċi tal-ħġieġ jew taċ-ċeramika, f’materjal tal-ħġieġ u taċ-ċeramika, jew f’komposti matriċi tal-ħġieġ u taċ-ċeramika. Din l-eżenzjoni ma tkoprix l-użu taċ-ċomb: (I)fil-ħġieġ fil-bozoz u fil-glejż tal-ispark plugs, (II)fil-materjali dielettriċi taċ-ċeramika ta’ komponenti elenkati taħt 10(b), 10(c) u 10(d).		X(6) (għal komponenti għajr il-piezo fil-magni)
10(b). Ċomb fil-materjali taċ-ċeramika dielettrika bbażati fuq PZT tal-kapaċitaturi li huma parti minn ċirkwiti integrati jew semikondutturi diskreti
10(c). Ċomb f’materjali taċ-ċeramika dielettrika f’kapaċitaturi b’voltaġġ nominali ta’ anqas minn 125 V AC jew 250 V DC	Vetturi b’approvazzjoni tat-tip maħruġa qabel l-1 ta’ Jannar 2016 u l-ispare parts għal tali vetturi
10(d). Ċomb fil-materjali taċ-ċeramika dielettrika ta’ kapaċitaturi li jagħmel tajjeb għad-devjazzjonijiet relatati mat-temperatura tas-sensuri f’sistemi tas-sonar ultrasoniċi	Vetturi b’approvazzjoni tat-tip maħruġa qabel l-1 ta’ Jannar 2017 u l-ispare parts għal tali vetturi
11. Inizjaturi pirotekniċi	Vetturi b’approvazzjoni tat-tip maħruġa qabel l-1 ta’ Lulju 2006 u l-ispare parts għal tali vetturi
12. Materjali termoelettriċi li fihom iċ-ċomb u li jintużaw f’applikazzjonijiet elettriċi tal-vetturi biex jitnaqqsu l-emissjonijiet ta’ CO2 permezz tal-irkupru tas-sħana mill-egżost	Vetturi b’approvazzjoni tat-tip maħruġa qabel l-1 ta’ Jannar 2019 u l-ispare parts għal tali vetturi	X
Kromu eżavalenti
13(a). Kisi kontra l-korrużjoni	Bħala spare parts għall-vetturi introdotti fis-suq qabel l-1 ta’ Lulju 2007
13(b). Kisi preventiv kontra l-korrużjoni relatat mal-assemblaġġi tal-boltijiet u l-iskorfini għall-applikazzjonijiet tax-xażi	Bħala spare parts għall-vetturi introdotti fis-suq qabel l-1 ta’ Lulju 2008
14. Il-kromu eżavalenti bħala prodott kontra l-korrużjoni fis-sistema tat-tkessiħ tal-azzar bil-karbonju, sa 0,75 % tal-piż tas-soluzzjoni tat-tkessiħ, fil-friġġijiet tal-assorbiment: (a)maħsubin biex jaħdmu għalkollox jew b’mod parzjali b’ħiter tal-elettriku li juża input medju tal-potenza elettrika ta’ < 75 W f’kundizzjonijiet ta’ tħaddim kontinwu; (b)maħsubin biex jaħdmu għalkollox jew b’mod parzjali b’ħiter tal-elettriku li juża input medju tal-potenza elettrika ta’ ≥ 75 W f’kundizzjonijiet ta’ tħaddim kontinwu; (c)maħsubin biex jaħdmu għalkollox b’ħiter mhux elettriku.	Għal (a): Vetturi b’approvazzjoni tat-tip maħruġa qabel l-1 ta’ Jannar 2020 u l-ispare parts għal tali vetturi Għal (b): Vetturi b’approvazzjoni tat-tip maħruġa qabel l-1 ta’ Jannar 2026 u l-ispare parts għal tali vetturi	X
Merkurju
15(a). Lampi ta’ skariku elettriku għall-applikazzjonijiet tal-fanali ta’ quddiem	Vetturi b’approvazzjoni tat-tip maħruġa qabel l-1 ta’ Lulju 2012 u l-ispare parts għal tali vetturi	X
15(b). Tubi fluworexxenti użati fil-pannelli tal-wiri tal-istrumenti	Vetturi b’approvazzjoni tat-tip maħruġa qabel l-1 ta’ Lulju 2012 u l-ispare parts għal tali vetturi	X
Kadmju
16. Batteriji għall-vetturi elettriċi	Bħala spare parts għall-vetturi introdotti fis-suq qabel il-31 ta’ Diċembru 2008