|
3.7.2023 |
MT |
Il-Ġurnal Uffiċjali tal-Unjoni Ewropea |
C 234/6 |
Avviż minn qabel ta’ konċentrazzjoni
(Il-Każ M.11175 – IBERDROLA / GIC / NEOENERGIA TRANSMISSORA)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2023/C 234/04)
1.
Fil-21 ta’ Ġunju 2023, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Iberdrola S.A. (“Iberdrola”) u s-sussidjarja tagħha kkontrollata esklużivament, Neoenergia (Spanja). |
|
— |
GIC (Ventures) Pte Ltd (“GIC”) (Singapore) u s-sussidjarja tagħha kkontrollata esklużivament, Warrington |
|
— |
Neoenergia Transmissora (il-Brażil), kumpanija li bħalissa hija kkontrollata esklużivament minn Neoenergia (Spanja). |
Iberdrola u GIC se jakkwistaw indirettament, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll bi sħab ta’ Neoenergia Transmissora, li bħalissa hija kkontrollata esklużivament indirettament minn Iberdrola.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma dawn li ġejjin:|
— |
Iberdrola hija attiva fil-ġenerazzjoni, it-trażmissjoni, il-kummerċjalizzazzjoni, u d-distribuzzjoni tal-elettriċità fi Spanja, il-Brażil u madwar id-dinja. Neoenergia hija attiva fil-ġenerazzjoni, it-trażmissjoni, il-kummerċjalizzazzjoni u d-distribuzzjoni tal-elettriċità fil-Brażil. |
|
— |
GIC hija attiva, permezz ta’ GIC Special Investments Pte Ltd (“GICSI”), fil-ġestjoni ta’ portafoll globali diversifikat ta’ investimenti f’ekwità privata, kapital ta’ riskju u infrastruttura kif ukoll investiment dirett f’kumpaniji privati. Warrington hija veikolu ta’ investiment nominat ta’ GICSI. |
|
— |
Neoenergia Transmissora hija attiva fit-trażmissjoni tal-elettriċità fil-Brażil. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.11175 – IBERDROLA / GIC / NEOENERGIA TRANSMISSORA
Il-kummenti jistgħu jintbagħtu lill-Kummissjoni permezz tal-email jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Indirizz Postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).