IL-KUMMISSJONI EWROPEA

Brussell, 15.9.2023

COM(2023) 517 final

RAPPORT TAL-KUMMISSJONI

skont ir-Regolament (UE) 2018/956 li janalizza d-data mibgħuta mill-Istati Membri u mill-manifatturi għall-perjodu ta’ rapportar 2020 dwar l-emissjonijiet ta’ CO2 u l-konsum ta’ fjuwil minn vetturi heavy-duty ġodda

Werrej

1. Bażi legali 2

2. Kontenut tar-rapport 2

3. Bażi tad-data 3

4. Analiżi għall-perjodu ta’ rapportar tal-2020 3

4.1 Emissjonijiet ta’ CO2 u konsum tal-fjuwil 3

4.1.1 Prestazzjoni tal-flotta tal-Unjoni 3

4.1.2 Prestazzjoni tal-flotta tal-Istati Membri 5

4.1.3 Prestazzjoni tal-flotta tal-manifatturi 7

4.1.4 Emissjonijiet ta’ CO2 fi profili tal-missjoni/kombinazzjonijiet ta’ tagħbija utli differenti 9

4.1.5 Emissjonijiet ta’ CO2 u konsum tal-fjuwil skont it-tip ta’ fjuwil 10

4.2 Teknoloġiji avvanzati tas-CO2 u sistemi tal-motopropulsjoni alternattivi 11

4.2.1 Teknoloġiji avvanzati tas-CO2 11

4.2.2 Fjuwils alternattivi 12

4.2.3 Sistemi tal-motopropulsjoni alternattivi 14

5. Konklużjoni 15

5.1 Emissjonijiet tas-CO2 15

5.2 Fjuwils u sistemi tal-motopropulsjoni 15

Anness 17

A.1 Ponderazzjonijiet tal-profili tal-missjoni 17

A.2 Tagħbija utli medja 17

A.3 Emissjonijiet medji ta’ CO2 għal kull Stat Membru 18

1. Bażi legali

F’konformità mal-Artikolu 10 tar-Regolament (UE) 2018/956 tal-Parlament Ewropew u tal-Kunsill tat-28 ta’ Ġunju 2018 dwar il-monitoraġġ u r-rappurtar tal-emissjonijiet ta’ CO2 u tal-konsum ta’ fjuwil minn vetturi heavy-duty ġodda 1 , il-Kummissjoni għandha tippubblika kull sena rapport bl-analiżi tagħha tad-data mibgħuta mill-Istati Membri u mill-manifatturi għall-perjodu ta’ rapportar preċedenti. Dan huwa t-tieni rapport skont dan ir-Regolament, li jipprovdi analiżi tad-data għall-perjodu ta’ rapportar 2020 li jibda mill-1 ta’ Lulju 2020 sat-30 ta’ Ġunju 2021 bi skadenza għar-rapportar tat-30 ta’ Settembru 2021.

L-emissjonijiet ta’ CO2 u tal-konsum ta’ fjuwil ta’ vetturi heavy-duty ġodda jiġu ddeterminati permezz tal-Għodda għall-Kalkolu tal-Konsum tal-Enerġija tal-Vettura (VECTO), għodda ta’ simulazzjoni għall-vetturi heavy-duty żviluppata mill-Kummissjoni Ewropea. Il-prinċipji li fuqhom hija bbażata s-simulazzjoni ta’ vetturi heavy-duty ġodda li jużaw il-VECTO huma previsti mir-Regolament (UE) 2017/2400 fir-rigward tad-determinazzjoni tal-emissjonijiet tas-CO2 u tal-konsum tal-fjuwil tal-vetturi tqal 2 .

2. Kontenut tar-rapport

F’konformità mar-rekwiżiti tal-Artikolu 10 tar-Regolament (UE) 2018/956, din l-analiżi tkopri

1)il-prestazzjoni tal-flotta tal-vetturi heavy-duty tal-Unjoni

2)il-prestazzjoni tal-flotta ta’ vetturi heavy-duty ta’ kull Stat Membru

3)il-prestazzjoni tal-flotta ta’ vetturi heavy-duty ta’ kull manifattur

It-tliet parametri kollha ta’ hawn fuq huma stmati abbażi tal-emissjonijiet ta’ CO2 għal gruppi rappreżentattivi ta’ vetturi heavy-duty magħżula għal kombinazzjonijiet differenti ta’ profili tal-missjoni u ta’ tagħbija utli u fjuwils differenti. Barra minn hekk, huma inklużi valuri magħżula dwar il-konsum medju tal-fjuwil tal-flotta tal-vetturi heavy-duty tal-Unjoni.

L-analiżi tkopri wkoll id-data disponibbli dwar l-adozzjoni ta’ teknoloġiji ġodda u avvanzati li jnaqqsu s-CO2, kif ukoll ta’ sistemi tal-motopropulsjoni alternattivi.

Hija bbażata fuq data kif disponibbli fis-7 ta’ Novembru 2022.

Valuri ta’ prestazzjoni ulterjuri jistgħu jinstabu fir-Reġistru Ċentrali għad-data dwar il-vetturi heavy-duty 3 .

Ir-riżultati tat-testijiet ta’ verifika fit-triq ma setgħux jiżdiedu mar-rapport peress li ma humiex disponibbli għall-Kummissjoni għall-perjodu ta’ rapportar 2020.

3. Bażi tad-data

Dan ir-rapport huwa bbażat fuq data li tinkludi l-vetturi kollha rrapportati mill-manifatturi, korrispondenti ma’ reġistrazzjonijiet fl-Istati Membri matul il-perjodu ta’ rapportar tal-2020. Dawn ikopru t-trakkijiet fil-gruppi ta’ vetturi 1, 2, 3, 4, 5, 9, 10, 11, 12 u 16 4 . It-trakkijiet fil-gruppi 11, 12 u 16 huma koperti għall-ewwel darba 5 .

Dawn it-trakkijiet kollha huma definiti bħala trakkijiet tqal fir-Regolament (UE) 2017/2400. Dan ir-rapport, fejn rilevanti, jiddistingwi bejn trakkijiet taħt jew daqs (il-gruppi 1, 2 u 3) u aktar (4, 5, 9, 10, 11, 12 u 16) minn 16-il tunnellata ta’ piż massimu mgħobbi teknikament permessibbli.

Ix-xarabanks u l-kowċis ma humiex inklużi.

4. Analiżi għall-perjodu ta’ rapportar tal-2020

4.1 Emissjonijiet ta’ CO2 u konsum tal-fjuwil

Din it-taqsima tipprovdi analiżi tal-emissjonijiet ta’ CO2 mill-Istati Membri, mill-manifatturi, mill-gruppi ta’ vetturi u minn profili tal-missjoni differenti. Barra minn hekk, huma ppreżentati valuri magħżula dwar il-konsum tal-fjuwil, kif ukoll tipi differenti ta’ fjuwil użati mill-vetturi rreġistrati ġodda. Il-vetturi b’sistemi tal-motopropulsjoni alternattivi, jiġifieri vetturi b’emissjonijiet żero, vetturi elettriċi ibridi, u vetturi li jużaw żewġ tipi ta’ fjuwil, huma diskussi separatament fit-taqsima 4.2.

4.1.1 Prestazzjoni tal-flotta tal-Unjoni

L-emissjonijiet ta’ CO2 irrapportati jiddependu ħafna mill-gruppi u mis-sottogruppi tal-vetturi 6 . It-Tabella 1 tipprovdi data dwar il-kompożizzjoni u l-emissjonijiet ta’ CO2 tal-gruppi u tas-sottogruppi ta’ vetturi. B’mod partikolari, din turi l-għadd ta’ vetturi kif ukoll l-emissjonijiet speċifiċi medji ta’ CO2 ta’ gruppi u sottogruppi differenti. Il-vetturi vokazzjonali kollha rreġistrati matul l-ewwel perjodu ta’ rapportar tal-2020 jappartjenu għall-gruppi ta’ vetturi 4, 5 u 9. Il-maġġoranza l-kbira ħafna ta’ trakkijiet imqabbla ta’ piż massimu mgħobbi teknikament permessibbli taħt is-16-il tunnellata jappartjenu għall-gruppi 2 u 3. Fir-rigward ta’ trakkijiet tqal ta’ aktar minn 16-il tunnellata, il-vetturi fis-sottogrupp 5-Distanzi Twal (5-LH) jirrappreżentaw 68 % tat-trakkijiet ġodda kollha ta’ aktar minn 16-il tunnellata. Dawn huma l-aktar vetturi komuni użati għat-trasport tal-merkanzija fuq distanzi twal fl-UE.

L-emissjonijiet speċifiċi medji ta’ CO2 ta’ vettura heavy-duty minn sottogrupp partikolari huma kkalkolati bħala medja ponderata fuq profili tal-missjoni differenti 7 kif iddefinit fl-Anness I tar-Regolament (UE) 2019/1242. Għall-gruppi ta’ vetturi 1, 2, 3, 11, 12 u 16, il-ponderazzjonijiet tal-profili tal-missjoni użati għall-kalkoli kollha f’dan ir-rapport għadhom ma humiex definiti fil-leġiżlazzjoni. Id-definizzjonijiet użati għal dan ir-rapport jistgħu jinstabu fl-Anness A.1.

Tabella 1 tipprovdi wkoll it-tagħbija utli medja f’tunnellati għall-gruppi kollha ta’ vetturi kif ukoll l-emissjonijiet speċifiċi medji ta’ CO2 fi g/tkm, ikkalkolati billi l-emissjonijiet speċifiċi medji ta’ CO2 fi g/km jiġu diviżi bit-tagħbija utli medja f’tunnellati. L-emissjonijiet speċifiċi medji ta’ CO2 fi g/tkm ta’ grupp ta’ vetturi jikkorrispondu għall-emissjonijiet ta’ referenza ta’ CO2 ta’ grupp ta’ vetturi kif iddefiniti fl-Artikolu 2(1), is-subparagrafu 38, is-subpunt (b) 8 tad-Direttiva 1999/62/KE, kif emendata bid-Direttiva 2006/38/KE, bid-Direttiva 2011/76/UE, u bid-Direttiva (UE) 2022/362 9 , u jistgħu jintużaw għall-finijiet deskritti f’din id-Direttiva.

It-Taqsima A.2 tal-Anness tipprovdi deskrizzjoni dwar kif it-tagħbija utli medja ġiet ikkalkolata għall-gruppi kollha ta’ vetturi.

Tabella 1: Għadd ta’ vetturi, emissjonijiet speċifiċi medji ta’ CO2 fi g/km, tagħbija utli medja f’tunnellati u emissjonijiet speċifiċi medji ta’ CO2 fi g/tkm għal kull grupp u sottogrupp ta’ vetturi (nota: RD tfisser vetturi użati l-aktar għall-Kunsinna Reġjonali, LH għal Distanzi Twal, u UD għall-Kunsinna Urbana)

Grupp ta’ vetturi	Sottogrupp ta’ vetturi 10	Għadd ta’ vetturi	Emissjonijiet speċifiċi medji ta’ CO2 (g/km)	Tagħbija utli medja (t)	Emissjonijiet speċifiċi medji ta’ CO2 (g/tkm)
1	-	2 170	592,1	1,44	410,1
2	-	8 876	625,5	2,33	267,9
3	-	8 219	696,3	3.36	207,2
4	4-UD	94	814,7	2,65	307,4
	4-RD	10 816	629,2	3,18	197,9
	4-LH	3 223	758,8	7,42	102,3
	vokazzjonali	583	1390,9	-
5	5-RD	1 318	853,7	10,26	83,2
	5-LH	130 194	773,4	13,84	55,9
	vokazzjonali	1	954,5	-
9	9-RD	13 080	701,5	6,28	111,7
	9-LH	17 287	857,4	13,40	64,0
	vokazzjonali	1 703	1554,5	-
10	10-RD	48	907,4	10,26	88,5
	10-LH	5 573	810,5	13,84	58,6
11	-	2 166	846,3	5,39	157,0
12	-	1 167	1024,5	9,81	104,4
16	-	3 201	1082,5	9,81	110,3
Total tal-UE	-	209 719	773,7

4.1.2 Prestazzjoni tal-flotta tal-Istati Membri

Tabella 2 tipprovdi informazzjoni dwar l-emissjonijiet speċifiċi medji ta’ CO2 fi g/km għal kull Stat Membru. Il-vetturi vokazzjonali ma jitqisux. Għal raġunijiet ta’ konċiżjoni, huma murija biss il-valuri tal-emissjonijiet għall-grupp ta’ vetturi 2, is-sottogrupp 5-Distanzi Twal (5-LH), u l-grupp 16. Dawn it-tliet (sotto)gruppi ntgħażlu bħala l-gruppi rappreżentattivi għat-trakkijiet ta’ inqas minn 16-il tunnellata (il-gruppi 1, 2 u 3) u t-trakkijiet ta’ aktar minn 16-il tunnellata (attwalment soġġetti għall-istandards ta’ CO2: il-gruppi 4, 5, 9 u 10; mhux soġġetti għall-istandards kurrenti ta’ CO2: il-gruppi 11, 12 u 16) rispettivament 11 . It-Taqsima A.3 tal-Anness tipprovdi deskrizzjoni dwar kif jiġu kkalkolati l-emissjonijiet speċifiċi medji ta’ CO2, irrapportati fit-Tabella 2.

Tabella 2: Emissjonijiet speċifiċi medji ta’ CO2 fi g/km tal-gruppi/tas-sottogruppi ta’ vetturi 2, 5-LH u 16, kif ukoll l-għadd ta’ trakkijiet irreġistrati f’kull Stat Membru f’ċerti gruppi

	Gruppi 1, 2, 3 Għadd ta’ vetturi	Grupp 2 Emissjonijiet speċifiċi medji ta’ CO2 (g/km)	Gruppi ta’ vetturi 4, 5, 9, 10 Għadd ta’ vetturi	Sottogrupp 5-LH Emissjonijiet speċifiċi medji ta’ CO2 (g/km)	Gruppi 11, 12, 16 Għadd ta’ vetturi	Grupp 16 Emissjonijiet speċifiċi medji ta’ CO2 (g/km)
L-Awstrija	396	614,6	3 896	780,7	312	1 080,3
Il-Belġju	834	622,0	4 432	784,2	506	1 050,3
Il-Bulgarija	29	635,5	1 689	759,4	6	1 102,4
Il-Kroazja	63	614,7	500	774,8	14	1 084,1
Ċipru	5	573,3	17	789,8	4	Mhux disponibbli
Iċ-Ċekja	748	644,5	5 610	767,3	214	1 080,2
Id-Danimarka	225	619,4	2 428	763,1	280	1 083,9
L-Estonja	3	711,9	542	750,1	41	1 074,1
Il-Finlandja	169	614,5	1 081	795,5	694	1 113,9
Franza	3 407	599,2	30 182	781,3	1 369	1 080,5
Il-Ġermanja	7 157	624,4	40 601	778,7	1 048	1 048,6
Il-Greċja	85	615,0	135	792,3	7	1 108,2
L-Ungerija	44	629,7	1 828	765,3	2	1 009,7
L-Irlanda	147	629,2	1 401	761,6	91	1 044,8
L-Italja	1 780	687,4	16 785	780,3	80	1 093,4
Il-Latvja	27	635,1	996	760,7	31	987,6
Il-Litwanja	18	629,9	6 389	771,4	41	Mhux disponibbli
Il-Lussemburgu	4	580,2	601	792,5	2	Mhux disponibbli
Malta	3	640,7	4	790,6	0	Mhux disponibbli
In-Netherlands	833	609,5	8 128	768,0	211	1 050,4
Il-Polonja	992	628,7	23 277	763,2	203	1 094,9
Il-Portugall	207	662,0	3 455	767,4	88	1 127,4
Ir-Rumanija	73	613,6	3 821	771,2	40	1 094,5
Is-Slovakkja	163	626,1	1 943	764,0	27	1 044,0
Is-Slovenja	35	659,3	1 254	764,3	21	1 108,3
Spanja	1 331	622,8	17 057	769,2	118	1 077,0
L-Iżvezja	477	588,0	3 463	784,4	1 078	1 098,2
Mhux magħruf 12	10	599,1	118	742,8	6	974,2
Total tal-UE	19 265	625,5	181 633	773,4	6 534	1 082,5

4.1.3 Prestazzjoni tal-flotta tal-manifatturi

Tabella 3 tippreżenta l-emissjonijiet speċifiċi medji ta’ CO2 fi g/km, għall-manifatturi kollha, f’konformità mad-data ppreżentata fit-Tabella 2. Il-vetturi vokazzjonali ma jitqisux.

Tabella 3: Emissjonijiet speċifiċi medji ta’ CO2 fi g/km tal-sottogruppi/tas-sottogruppi ta’ vetturi 2, 5-LH u 16

	Trakkijiet ta’ inqas minn 16-il tunnellata	Trakkijiet ta’ aktar minn 16-il tunnellata
	Grupp 2 Emissjonijiet speċifiċi medji ta’ CO2 (g/km)	Sottogrupp 5-LH Emissjonijiet speċifiċi medji ta’ CO2 (g/km)	Grupp 16 Emissjonijiet speċifiċi medji ta’ CO2 (g/km)
DAF Trucks N.V.	669,3	778,4	1 031,1
Daimler Truck AG	628,7	780,5	1 126,1
Ford Otomotiv Sanayi A.S.	-	812,4	-
ISUZU MOTORS LIMITED	751,2	-	-
Iveco S.p.A.	706,1	-	-
Iveco-Magirus A.G.	-	797,2	1 112,7
MAN Truck & Bus AG	602,2	771,1	1 040,4
RENAULT TRUCKS	576,2	794,7	1 086,5
SCANIA CV AB	-	736,5	1 094,0
VOLVO TRUCK CORPORATION	592,6	771,8	1 088,1
Total tal-UE	625,5	773,4	1 082,5

Tabella 4 u Tabella 5 jippreżentaw l-għadd ta’ vetturi rreġistrati, għall-manifatturi kollha, fi gruppi u f’sottogruppi differenti, rispettivament. Il-vetturi vokazzjonali ma humiex inklużi.

Tabella 4: Għadd ta’ vetturi għal kull grupp ta’ vetturi għal kull manifattur, għall-gruppi 1, 2, 3, 11, 12 u 16 13

	Grupp ta’ Vetturi						Subtotal
	1	2	3	11	12	16
DAF Trucks N.V.	94	881	705	46	49	91	1 866
Daimler Truck AG	548	2 832	2 752	163	186	233	6 714
Ford Otomotiv Sanayi A.S.	0	0	0	0	0	0	0
ISUZU MOTORS LIMITED	0	9	13	0	0	0	22
Iveco S.p.A.	427	1 097	1 366	0	0	0	2 890
Iveco-Magirus A.G.	0	0	0	135	26	108	269
MAN Truck & Bus AG	832	2 101	1 184	274	128	633	5 152
Mitsubishi Fuso Truck & Bus Corporation	246	0	0	0	0	0	246
RENAULT TRUCKS	0	1 482	1543	160	37	221	3 443
SCANIA CV AB	0	0	0	545	232	1 048	1 825
VOLVO TRUCK CORPORATION	23	474	656	843	509	867	3 372
Total	2170	8 876	8 219	2 166	1 167	3 201	25 799

Tabella 5: Għadd ta’ vetturi għal kull sottogrupp ta’ vetturi għal kull manifattur, għall-gruppi 4, 5, 9 u 10

	Sottogrupp ta’ vetturi									Subtotal
	4-UD	4-RD	4-LH	5-RD	5-LH	9-RD	9-LH	10-RD	10-LH
DAF Trucks N.V.	34	854	310	83	26 170	173	1 703	8	820	30 155
Daimler Truck AG	0	1 782	876	385	22 505	3 074	3 859	13	549	33 043
Ford Otomotiv Sanayi A.S.	0	152	24	2	1 152	59	19	0	0	1 408
ISUZU MOTORS LIMITED	0	0	0	0	0	0	0	0	0	0
Iveco S.p.A.	11	951	0	0	0	0	0	0	0	962
Iveco-Magirus A.G.	0	311	119	100	11 251	1 599	1 284	0	121	14 785
MAN Truck & Bus AG	0	1 937	539	244	17 824	2 577	2 908	12	504	26 545
Mitsubishi Fuso Truck & Bus Corporation	0	0	0	0	0	0	0	0	0	0
RENAULT TRUCKS	0	2 120	503	84	10 461	1 904	771	1	230	16 074
SCANIA CV AB	49	1 510	546	343	20 283	2 241	3 663	6	1 817	30 458
VOLVO TRUCK CORPORATION	0	1 199	306	77	20 548	1 453	3 080	8	1 532	28 203
Total	94	10 816	3 223	1 318	130 194	13 080	17 287	48	5573	181 633

4.1.4 Emissjonijiet ta’ CO2 fi profili tal-missjoni/kombinazzjonijiet ta’ tagħbija utli differenti

Fil-VECTO, il-vetturi kollha jiġu simulati fuq profili tal-missjoni differenti u b’żewġ tagħbijiet utli differenti (baxxi jew rappreżentattivi). Kull grupp ta’ vetturi jiġi simulat fuq għadd definit ta’ profili tal-missjoni korrispondenti.

Tabella 6 tippreżenta l-emissjonijiet speċifiċi medji fi g/km u fi g/tkm mill-gruppi ta’ vetturi 2, mis-sottogrupp 5-LH u mill-grupp 16.

Tabella 6: Emissjonijiet speċifiċi medji ta’ CO2 fi g/km u fi g/tkm tal-gruppi ta’ vetturi 2, 5, u 16 għal kull profil tal-missjoni

	Trakkijiet ta’ inqas minn 16-il tunnellata		Trakkijiet ta’ aktar minn 16-il tunnellata
	Grupp ta’ vetturi 2		Sottogrupp ta’ vetturi 5 LH		Grupp ta’ vetturi 16
Profil tal-missjoni / tagħbija utli	Emissjonijiet speċifiċi medji ta’ CO2 (g/km)	Emissjonijiet speċifiċi medji ta’ CO2 (g/tkm)	Emissjonijiet speċifiċi medji ta’ CO2 (g/km)	Emissjonijiet speċifiċi medji ta’ CO2 (g/tkm)	Emissjonijiet speċifiċi medji ta’ CO2 (g/km)	Emissjonijiet speċifiċi medji ta’ CO2 (g/tkm)
RDL	508,0	849,8	663,2	255,1	-	-
RDR	546,7	182,9	824,5	63,9	-	-
LHL	668,3	514,8	636,3	244,7	-	-
LHR	771,8	78,8	831,8	43,1	-	-
UDL	644,0	1 077,3	1 046,7	402,6	-	-
UDR	743,8	248,8	1 437,9	111,5	-	-
REL	-	-	838,7	239,6	-	-
RER	-	-	1 064,2	60,8	-	-
LEL	-	-	801,3	228,9	-	-
LER	-	-	1 079,2	40,7	-	-
MUL	-	-	-	-	-	-
MUR	-	-	-	-	-	-
COL	-	-	-	-	908,8	349,5
COR	-	-	-	-	1 156,9	89,7

4.1.5 Emissjonijiet ta’ CO2 u konsum tal-fjuwil skont it-tip ta’ fjuwil

Tabella 7 tipprovdi l-emissjonijiet speċifiċi medji ta’ CO2 skont it-tip ta’ fjuwil. B’mod simili għal Tabella 2 u Tabella 3, din tippreżenta valuri għall-gruppi/għas-sottogruppi ta’ vetturi 2, 5-LH u 16, minbarra l-vetturi vokazzjonali. L-ebda vettura rreġistrata matul il-perjodu ta’ rapportar tal-2020 ma użat Petrol (PI), Etanol (PI), jew LPG (PI) 14 . Analiżi aktar dettaljata tal-fjuwils differenti użati minn vetturi rreġistrati ġodda tingħata fit-taqsima 4.2.2.

Tabella 7: Għadd ta’ vetturi, emissjonijiet speċifiċi medji ta’ CO2 fi g/km u konsum medju tal-fjuwil tal-gruppi/tas-sottogruppi ta’ vetturi 2,5-LH u 16 skont it-tip ta’ fjuwil

	Trakkijiet ta’ inqas minn 16-il tunnellata			Trakkijiet ta’ aktar minn 16-il tunnellata
	Grupp ta’ vetturi 2			Sottogrupp ta’ vetturi 5-LH			Grupp ta’ vetturi 16
Tip ta’ fjuwil (magna)	Għadd ta’ vetturi	Emissjonijiet speċifiċi medji ta’ CO2 (g/km)	Konsum medju tal-fjuwil	Għadd ta’ vetturi	Emissjonijiet speċifiċi medji ta’ CO2 (g/km)	Konsum medju tal-fjuwil	Għadd ta’ vetturi	Emissjonijiet speċifiċi medji ta’ CO2 (g/km)	Konsum medju tal-fjuwil
Diżil (CI)	8 798	625,5	24 l/100km	124 406	774,1	30 l/100km	3 161	1 082,8	41 l/100km
Etanol (CI)	-	-	-	5	720,4	49 l/100km	-	-	-
LNG (PI)	-	-	-	5 003	757,8	274 g/km	-	-	-
CNG (PI)	78	620,0	230 g/km	770	765,2	284 g/km	40	1 054,8	392 g/km
NG (PI)	-	-	-	9	749,8	295 g/km	-	-	-

Għal disa’ vetturi tal-gass naturali mis-sottogrupp 5-LH simulati b’verżjonijiet bikrija tal-VECTO, ma hija disponibbli l-ebda speċifikazzjoni dwar it-tip ta’ gass naturali, kemm jekk jintuża gass naturali likwifikat (LNG), kif ukoll jekk jintuża gass naturali kkompressat (CNG). Dawn il-vetturi huma kklassifikati hawnhekk bħala NG.

4.2 Teknoloġiji avvanzati tas-CO2 u sistemi tal-motopropulsjoni alternattivi

Din it-taqsima tiffoka fuq l-użu ta’ teknoloġiji avvanzati u alternattivi fi ħdan il-vetturi rreġistrati matul l-ewwel perjodu ta’ rapportar. B’mod partikolari, din telenka l-għadd totali ta’ vetturi u s-sehem tal-flotta mgħammra b’teknoloġija partikolari. Din it-taqsima tqabbel il-flotot ta’ manifatturi u ta’ Stati Membri differenti.

4.2.1 Teknoloġiji avvanzati tas-CO2

Matul il-perjodu ta’ rapportar tal-2020, il-manifatturi setgħu, iżda ma kinux obbligati, jindikaw “teknoloġiji avvanzati tas-CO2” addizzjonali 15 . Din l-informazzjoni ma kellha l-ebda influwenza fuq ir-riżultati tas-simulazzjoni tal-VECTO.

Mill-vetturi l-ġodda kollha tal-manifattur li rrapporta dwar tali teknoloġiji, 66 % kienu mgħammra bi gradilja attiva fuq quddiem, ikklassifikata bħala miżura ajrudinamika avvanzata. Barra minn hekk, madwar 94 % tal-vetturi l-ġodda tagħha kienu mgħammra b’teknoloġija “pulse and glide”, li twassal għal sewqan aktar effiċjenti fl-enerġija.

Ma tista’ tinstilet l-ebda konklużjoni dwar teknoloġiji avvanzati tas-CO2 fil-flotta kollha tal-Unjoni.

Minbarra din l-informazzjoni fakultattiva dwar “teknoloġiji avvanzati tas-CO2”, il-manifatturi kellhom jindikaw, jekk il-vettura rreġistrata hijiex mgħammra b’teknoloġija ta’ sistemi avvanzati ta’ assistenza għas-sewwieqa (ADAS) 16 . Tabella 8 tippreżenta l-għadd totali ta’ vetturi mgħammra b’teknoloġija ADAS.

Tabella 8: Għadd ta’ vetturi għal kull grupp ta’ vetturi mgħammra b’teknoloġija ADAS

	Grupp ta’ vetturi										Total
Teknoloġija ADAS	1	2	3	4	5	9	10	11	12	16
Eco-roll mingħajr stop-start tal-magna	287	2 047	1 818	4 500	102 002	15 050	3 385	765	504	974	131 330
Kontroll awtomatiku tal-veloċità predittiv	0	0	0	2 569	83 993	9 294	2 258	381	375	522	99 392
Sehem ta’ vetturi mgħammra b’tal-anqas ADAS waħda (%)	13	23	22	31	78	47	60	37	51	32	60

L-ebda vettura rreġistrata matul il-perjodu ta’ rapportar tal-2020 ma kienet mgħammra bit-teknoloġiji ADAS “stop-start tal-magna matul il-waqfien tal-vettura” jew “eco-roll bi stop-start tal-magna”.

4.2.2 Fjuwils alternattivi

Il-fjuwil u t-tip ta’ magna ta’ vettura rreġistrata kienu speċifikazzjonijiet obbligatorji matul il-perjodu ta’ rapportar peress li għandhom impatt fuq id-determinazzjoni tal-emissjonijiet permezz tal-VECTO. Minkejja li kważi 98 % tal-vetturi rreġistrati jużaw id-Diżil, ammont żgħir ta’ vetturi rreġistrati ġodda jużaw l-etanol, l-LNG, jew is-CNG. Tabella 9 tagħti ħarsa ġenerali lejn il-fjuwils u l-magni differenti fi ħdan il-gruppi ta’ vetturi.

	Grupp ta’ vetturi										Total
Tip ta’ fjuwil (magna)	1	2	3	4	5	9	10	11	12	16
Diżil (CI)	2 166	8 798	8 117	14 268	125 685	30 615	5 602	2 164	1 166	3 161	201 742
Etanol (CI)	0	0	0	8	5	14	1	0	0	0	28
LNG (PI)	0	0	0	27	5 013	401	9	0	0	0	5 450
CNG (PI)	4	78	99	405	800	999	9	2	1	40	2 437
NG (PI)	0	0	0	0	9	2	0	0	0	0	11
Sehem tal-vetturi li jużaw l-AF (%)	0	1	1	3	4	4	0	0	0	1	4

Tabella 9: Għadd ta’ vetturi għal kull grupp ta’ vetturi skont it-tip ta’ fjuwil (AF: Fjuwils Alternattivi)

Għal 11-il vettura tal-gass naturali ssimulati b’verżjonijiet bikrija tal-VECTO, ma hemm disponibbli l-ebda speċifikazzjoni dwar it-tip ta’ gass naturali (LNG jew CNG). Fit-Tabella 9 dawn il-vetturi huma kklassifikati bħala NG.

It-Tabella 10 turi data għal kull Stat Membru f’termini tal-għadd ta’ vetturi li jużaw fjuwils alternattivi. Id-data hija miġbura fil-qosor fl-aktar żewġ kategoriji importanti: trakkijiet ta’ inqas minn 16-il tunnellata (jiġifieri l-gruppi 1, 2, u 3), kif ukoll trakkijiet ta’ aktar minn 16-il tunnellata (jiġifieri l-gruppi 4, 5, 9, 10, 11, 12 u 16) u jeskludu l-motopropulsjonijiet alternattivi ppreżentati fit-taqsima li jmiss.

Tabella 10: Għadd ta’ vetturi għal kull Stat Membru skont il-fjuwil. Dawk li jaħdmu bil-gass jinkludu l-LNG u s-CNG

	Trakkijiet ta’ inqas minn 16-il tunnellata			Trakkijiet ta’ aktar minn 16-il tunnellata			Għadd totali ta’ vetturi (minbarra ZEV)	Sehem tal-vetturi li jużaw l-AF (%)
	Diżil (CI)			Etanol (CI)
Stat Membru	Diżil (CI)	Etanol (CI)	Jaħdmu bil-gass	Diżil (CI)	Etanol (CI)	Jaħdmu bil-gass
L-Awstrija	393	0	3	4 181	0	62	4 639	1
Il-Belġju	827	0	7	4 931	0	186	5 951	3
Il-Bulgarija	29	0	0	1 531	0	167	1 727	10
Il-Kroazja	63	0	0	515	0	1	579	0
Ċipru	5	0	0	22	0	0	27	0
Iċ-Ċekja	746	0	2	5 764	0	98	6 610	2
Id-Danimarka	225	0	0	2 771	0	64	3 060	2
L-Estonja	3	0	0	576	0	8	587	1
Il-Finlandja	165	0	4	1 716	0	64	1 949	3
Franza	3 345	0	62	30 432	6	1 426	35 271	4
Il-Ġermanja	7 151	0	6	40 134	0	2 080	4 9371	4
Il-Greċja	85	0	0	159	0	0	244	0
L-Ungerija	44	0	0	1 832	0	3	1 879	0
L-Irlanda	147	0	0	1 497	0	14	1 658	1
L-Italja	1 747	0	33	15 926	0	1 181	18 887	6
Il-Latvja	27	0	0	948	0	79	1 054	7
Il-Litwanja	18	0	0	6 360	0	70	6 448	1
Il-Lussemburgu	4	0	0	596	0	8	608	1
Malta	3	0	0	8	0	0	11	0
In-Netherlands	831	0	1	8 463	0	249	9 544	3
Il-Polonja	981	0	11	22 600	0	1 000	24 592	4
Il-Portugall	198	0	9	3 526	0	46	3 779	1
Ir-Rumanija	70	0	3	3 770	0	107	3 950	3
Is-Slovakkja	163	0	0	1 931	0	43	2 137	2
Is-Slovenja	35	0	0	1 250	0	26	1 311	2
Spanja	1 296	0	35	16 688	0	545	18 564	3
L-Iżvezja	470	0	5	4 409	22	188	5 094	4
Mhux magħruf 17	10	0	0	125	0	2	137	1
Total tal-UE	19 081	0	181	182 661	28	7717	209 668	4

Id-differenzi bejn l-Istati Membri jistgħu jirriżultaw minn infrastrutturi ta’ mili mill-ġdid żviluppati b’mod differenti għal fjuwils alternattivi, eż. CNG/LNG. Madankollu, l-għadd ta’ vetturi rreġistrati li jużaw fjuwils alternattivi huwa baxx madwar l-UE kollha.

4.2.3 Sistemi tal-motopropulsjoni alternattivi

Ir-Regolament (UE) 2019/1242 jiddefinixxi vettura heavy-duty b’emissjonijiet żero (ZEV) bħala vettura mingħajr magna tal-kombustjoni interna, jew b’magna tal-kombustjoni interna li tirrilaxxa anqas minn 1 g CO2/kWh, jew anqas minn 1 g CO2/km.

Ma ġiet irreġistrata l-ebda vettura elettrika ibrida 18 jew li tuża żewġ tipi ta’ fjuwil 19 fil-perjodu ta’ rapportar tal-2020 fil-gruppi ta’ vetturi koperti mir-rapport. Xi wħud ġew irreġistrati fil-grupp 0 (bejn 3,5 u 7,5 tunnellati)

Tabella 11 turi li l-għadd ta’ vetturi b’emissjonijiet żero rreġistrati matul il-perjodu ta’ rapportar kien limitat ħafna.

Tabella 11: Għadd ta’ vetturi b’sistemi tal-motopropulsjoni alternattivi mill-manifatturi (ZEV: Vetturi b’Emissjonijiet Żero)

Manifattur	ZEV	Sehem ta’ ZEV
DAF NV	1	0,00 %
DAIMLER TRUCK AG	0	0,00 %
FORD OTOMOTIV SANAYI AS	0	0,00 %
ISUZU MOTORS LIMITED	0	0,00 %
IVECO SPA	0	0,00 %
IVECO MAGIRUS AG	0	0,00 %
MAN TRUCK AND BUS SE	14	0,04 %
MITSUBISHI FUSO TRUCK & BUS CORPORATION	0	0,00 %
RENAULT TRUCK SA	11	0,06 %
SCANIA CV AB	1	0,00 %
VOLVO TRUCK CORPORATION	24	0,08 %
Għadd totali ta’ vetturi	51	0,02 %

Il-maġġoranza ta’ dawn il-51 vettura jappartjenu għas-sottogrupp 9-LH u 9-RD (24 u 15 ZEV, rispettivament), filwaqt li l-oħrajn jappartjenu għall-gruppi/għas-sottogruppi 3, 4-LH u 5-LH.

5. Konklużjoni

Dan it-tieni rapport għandu l-għan ewlieni li jippreżenta l-istatus quo tal-flotta tal-vetturi heavy-duty tal-UE.

Ir-rapport iqabbel il-prestazzjoni tal-flotot ta’ Stati Membri, manifatturi u gruppi ta’ vetturi differenti. Dan jipprovdi valuri magħżula dwar l-emissjonijiet tas-CO2, il-konsum tal-fjuwil, kif ukoll is-sehem ta’ teknoloġiji alternattivi f’vetturi heavy-duty irreġistrati matul it-tieni perjodu ta’ rapportar. Din it-taqsima tiġbor fil-qosor l-osservazzjonijiet ewlenin mid-data rrapportata.

5.1 Emissjonijiet tas-CO2

It-tqabbil ġust tal-prestazzjoni ta’ Stati Membri u manifatturi differenti f’termini tal-emissjonijiet speċifiċi medji ta’ CO2 tal-flotot tagħhom huwa possibbli biss fi grupp jew sottogruppi partikolari (għal trakkijiet fil-gruppi 4, 5, 9 u 10).

Fi ħdan il-grupp rappreżentattiv għat-trakkijiet ta’ inqas minn 16-il tunnellata, jiġifieri l-grupp 2, jistgħu jiġu osservati differenzi sinifikanti fost il-flotot ta’ Stati Membri u manifatturi differenti. Madankollu, dawn huma dovuti wkoll għall-għadd limitat ta’ vetturi rreġistrati f’xi pajjiżi jew prodotti minn xi manifatturi. Minbarra dawk il-pajjiżi u manifatturi, id-differenza relattiva bejn il-flotta tal-Istati Membri bl-aħjar prestazzjoni u bl-agħar prestazzjoni hija ta’ aktar minn 15 % (ara Tabella 2). Għall-manifatturi, id-differenza relattiva tammonta għal madwar 20 % (ara Tabella 3).

Fir-rigward tat-trakkijiet tqal ta’ aktar minn 16-il tunnellata, il-prestazzjonijiet tal-flotot ta’ 5-Long Haul u tal-grupp 16 ta’ Stati Membri u manifatturi differenti huma aktar allinjati.

Il-varjazzjoni ogħla tal-emissjonijiet speċifiċi medji ta’ CO2 ta’ trakkijiet ta’ inqas minn 16-il tunnellata meta mqabbla ma’ dawk ta’ aktar minn 16-il tunnellata tista’ tiġi spjegata mill-fatt li trakkijiet ta’ inqas minn 16-il tunnellata huma simulati b’tagħbijiet utli kemxejn differenti skont il-massa massima mgħobbija teknikament permissibbli tagħhom, filwaqt li t-tagħbija utli użata fis-simulazzjonijiet ta’ trakkijiet ta’ aktar minn 16-il tunnellata ma tiddependix fuq il-karatteristiċi tekniċi tal-vettura individwali.

Barra minn hekk, id-data dwar l-adozzjoni ta’ teknoloġiji avvanzati tindika li kważi nofs il-vetturi rreġistrati ġodda huma mgħammra b’sistemi avvanzati ta’ assistenza għas-sewwieqa. Id-data dwar it-teknoloġiji avvanzati addizzjonali tas-CO2 hija limitata, iżda tissuġġerixxi li sehem għoli ta’ vetturi jista’ jkun mgħammar ukoll b’miżuri ajrudinamiċi avvanzati jew b’teknoloġija “pulse and glide”.

5.2 Fjuwils u sistemi tal-motopropulsjoni

Fil-preżent, il-vetturi diżil għadhom jammontaw għal aktar minn 96 % tal-vetturi heavy-duty reġistrati ġodda kollha koperti f’dan ir-rapport. Għadd limitat biss ta’ vetturi jużaw fjuwils alternattivi jew sistemi tal-motopropulsjoni alternattivi, l-aktar l-LNG u s-CNG.

Is-sehem ta’ vetturi li jużaw fjuwils alternattivi, jiġifieri l-etanol, is-CNG, jew l-LNG, ivarja b’mod sinifikanti bejn l-Istati Membri. Filwaqt li huwa baxx ħafna (anqas minn 0,5 %) fil-Kroazja, f’Ċipru, fil-Greċja, fl-Ungerija u f’Malta, dan is-sehem jilħaq l-10 % fil-Bulgarija (ara Tabella 10). Dan huwa dovut għal sehem relattivament għoli ta’ vetturi tal-gass naturali, li jirrifletti infrastruttura ta’ mili mill-ġdid tal-gass pjuttost żviluppata sew f’dan il-pajjiż.

Bħalissa, l-għadd ta’ vetturi heavy-duty b’emissjonijiet żero madwar l-UE huwa żgħir, b’51 vettura biss imqabbla matul l-perjodu ta’ rapportar tal-2020 (ara Tabella 11). Madankollu jista’ jkun hemm xi ZEV li ma jiġux irrapportati u għalhekk ma jiġux inklużi.

Anness

A.1 Ponderazzjonijiet tal-profili tal-missjoni

Il-valuri pprovduti fit-Tabella 12 jintużaw fil-VECTO għad-determinazzjoni tal-emissjonijiet speċifiċi ta’ CO2 ta’ vetturi individwali indikati fiċ-Ċertifikat tal-Konformità (CoC).

Tabella 12: Ponderazzjonijiet tal-profili tal-missjoni għall-gruppi ta’ vetturi 1, 2, 3, 11, 12 u 16

Grupp ta’ vetturi	RDL	RDR	UDL	UDR	COL	COR
1	0,1	0,3	0.18	0,42	0	0
2	0,125	0,375	0,15	0,35	0	0
3	0,125	0,375	0,15	0,35	0	0
11	0,15	0,35	0	0	0,15	0,35
12	0,21	0,49	0	0	0,09	0,21
16	0	0	0	0	0,3	0,7

A.2 Tagħbija utli medja

Għall-gruppi 4, 5, 9,10, 11, 12 u 16, it-tagħbija utli medja hija stabbilita f’kull sottogrupp.

Għall-gruppi 1, 2, u 3, il-valuri tat-tagħbija utli ma humiex stabbiliti iżda jvarjaw skont il-massa massima mgħobbija teknikament permissibbli (TPMLM) tal-vettura individwali. Għalhekk, sabiex tiġi kkalkolata t-tagħbija utli medja fi ħdan grupp, wieħed irid iqis it-tagħbijiet utli speċifiċi għall-vettura 20 . It-tagħbija utli medja għall-gruppi 1, 2, u 3 hija kkalkolata kif ġej:

Fiha, hemm is-somma fuq il-vetturi kollha mill-grupp , is-somma fuq il-profili kollha tal-missjoni, il-valur tat-tagħbija utli attribwit lill-vettura għall-profil tal-missjoni , u l-għadd totali ta’ vetturi mill-grupp ta’ vetturi .

hemm l-istess ponderazzjonijiet tal-profili tal-missjoni li jintużaw għall-kalkolu tal-emissjonijiet speċifiċi ta’ CO2 tal-gruppi 1, 2, 3 (ara Tabella 12).

A.3 Emissjonijiet medji ta’ CO2 għal kull Stat Membru

L-emissjonijiet speċifiċi medji ta’ CO2 fi g/km (sotto)grupp ta’ vettura 21 għal kull Stat Membru huma kkalkolati kif ġej:

Fiha, hemm is-somma fuq il-vetturi kollha minn (sotto)grupp u Stat Membru partikolari u hemm l-emissjonijiet speċifiċi medji ta’ CO2 ta’ vettura heavy-duty ġdida minn grupp u Stat Membru , kif iddefiniti fil-punt 2.1. fl-Anness I tar-Regolament (UE) 2019/1242 (ara Tabella 12). huwa l-għadd totali ta’ vetturi minn grupp irreġistrat fl-Istat Membru .

(1)

Ir-Regolament (UE) 2018/956 tal-Parlament Ewropew u tal-Kunsill tat-28 ta’ Ġunju 2018 dwar il-monitoraġġ u r-rappurtar tal-emissjonijiet ta’ CO2 u tal-konsum ta’ fjuwil minn vetturi heavy-duty ġodda (ĠU L 173, 9.7.2018, p. 1).

(2)

Ir-Regolament tal-Kummissjoni (UE) 2017/2400 tat-12 ta’ Diċembru 2017 li jimplimenta r-Regolament (KE) Nru 595/2009 tal-Parlament Ewropew u tal-Kunsill fir-rigward tad-determinazzjoni tal-emissjonijiet tas-CO2 u tal-konsum tal-fjuwil tal-vetturi tqal u li jemenda d-Direttiva 2007/46/KE tal-Parlament Ewropew u tal-Kunsill u r-Regolament tal-Kummissjoni (UE) Nru 582/2011 (ĠU L 349, 29.12.2017, p. 1).

(3)

Kif previst fl-Artikolu 6 tar-Regolament (UE) 2018/956. Ir-Reġistru Ċentrali huwa ppubblikat mill-EEA taħt https://discomap.eea.europa.eu/app/CO2HDV/.

(4)

Kif stabbilit fl-Artikolu 4 tar-Regolament (UE) 2017/2400

(5)

L-għadd ta’ vetturi rreġistrati fil-gruppi 11, 12 u 16 jista’ ma jkunx rappreżentattiv ta’ perjodu ta’ rapportar tipiku. Peress li ma kinux iċċertifikati qabel il-bidu tal-perjodu ta’ rapportar, xi vetturi setgħu ġew irreġistrati mingħajr ma ġew irrapportati minn manifattur.

(6)

Is-sottogruppi tal-vetturi jirriflettu l-mudell tipiku tal-użu tal-vetturi u l-karatteristiċi tekniċi speċifiċi. Dawn huma definiti mill-Anness I tar-Regolament (UE) 2019/1242.

(7)

Ir-Regolament (UE) 2019/1242 jiddefinixxi profil tal-missjoni bħala “kombinazzjoni ta’ ċiklu tal-veloċità mmirata, ċifra tat-tagħbija utli, konfigurazzjoni tal-karozzerija jew tat-trejler, u parametri oħra, jekk applikabbli, li jirrifletti l-użu speċifiku ta’ vettura”.

(8)

Dik id-definizzjoni tirreferi għall-valur medju tal-emissjonijiet kollha tas-CO2 tal-vetturi fi grupp ta’ vetturi, li huwa ekwivalenti għall-emissjonijiet speċifiċi medji ta’ CO2 fi g/tkm ta’ grupp ta’ vetturi.

(9)

Id-Direttiva 1999/62/KE tal-Parlament Ewropew u tal-Kunsill tas-17 ta’ Ġunju 1999 dwar il-ħlas li jrid isir minn vetturi ta’ merkanzija tqila għall-użu ta’ ċerti infrastrutturi (ĠU L 187, 20.7.1999, p. 42)

(10)

Kif definit fir-Regolament (UE) 2019/1242

(11)

Għat-trakkijiet ta’ inqas minn 16-il tunnellata, il-gruppi 2 u 3 fihom għadd komparabbli ta’ vetturi. Fir-rigward tal-emissjonijiet speċifiċi medji ta’ CO2 u tat-tagħbija utli medja, il-grupp 2 huwa “bejn” il-gruppi 1 u 3 (ara t-Tabella 2), u għalhekk jirrappreżenta bl-aħjar mod dawn it-trakkijiet. Is-sottogrupp 5-LH u l-grupp 16 huma grupp rappreżentattiv, peress li jirrappreżentaw l-ogħla sehem ta’ trakkijiet irreġistrati ġodda li jaqbżu s-16-il tunnellata fil-gruppi li huma u ma humiex soġġetti għall-istandards attwali ta’ CO2, rispettivament. F’xi pajjiżi, ma ġiet irreġistrata l-ebda vettura tal-grupp 16 fil-perjodu ta’ rapportar, u għalhekk l-emissjonijiet medji tagħhom ma humiex disponibbli.

(12)

Vetturi mhux magħrufa huma dawk irreġistrati f’aktar minn Stat Membru wieħed, u għalhekk ma setgħux jiġu attribwiti għal Stat Membru wieħed preċiż.

(13)

Ara n-nota 5 f’qiegħ il-paġna

(14)

PI tfisser magna ta’ Tqabbid bi Spark u CI tfisser Magna ta’ Tqabbid bil-Kompressjoni.

(15)

Il-kaxxa 74 tat-Tabella 2 fl-Anness I tar-Regolament (UE) 2018/956.

(16)

L-oqsma 97-100 tat-Tabella 2 fl-Anness I tar-Regolament (UE) 2018/956.

(17)

Vetturi mhux magħrufa huma dawk irreġistrati f’aktar minn Stat Membru wieħed, u għalhekk ma setgħux jiġu attribwiti għal Stat Membru wieħed preċiż.

(18)

Vettura elettrika ibrida hija vettura b’kombinazzjoni ta’ magna ta’ kombustjoni interna u mutur elettriku

(19)

Vettura li tuża żewġ tipi ta’ fjuwil hija vettura b’magna ta’ kombustjoni interna li hija ddisinjata biex topera b’żewġ fjuwils differenti fl-istess ħin

(20)

Il-Kummissjoni Ewropea. (2017). VECTO tool development: Completion of methodology to simulate Heavy Duty Vehicles' fuel consumption and CO2 emissions. Upgrades to the existing version of VECTO and completion of certification methodology to be incorporated into a Commission legislative proposal (pp. 71-73).

(21)

Il-gruppi ta’ vetturi kif iddefiniti fil-punt 1 tal-Anness I tar-Regolament (UE) 2017/2400 huma: 1, 2, 3, 4, 5, 9, 10. Is-sottogruppi tal-vetturi kif iddefiniti fil-punt 1 tal-Anness I tar-Regolament 2019/1242 huma: 4-UD, 4-RD, 4-LH, 5-RD, 5-LH, 9-RD, 9-LH, 10-RD, 10-LH. L-ewwel ċifra ta’ sottogrupp ta’ vettura tindika l-grupp ta’ vetturi li tappartjeni għalih.