(1)

L-iżgurar ta' tassazzjoni ġusta u effettiva fis-suq intern u l-indirizzar tal-evitar u tal-evażjoni tat-taxxa jibqgħu prijoritajiet politiċi għoljin fl-Unjoni. Filwaqt li f'dawn l-aħħar snin sar progress importanti f'dan il-qasam, speċjalment bl-adozzjoni tad-Direttiva tal-Kunsill (UE) 2016/1164 (10) dwar il-ġlieda kontra l-evitar tat-taxxa u l-espansjoni tal-kamp ta' applikazzjoni tad-Direttiva tal-Kunsill 2011/16/UE (11) dwar il-kooperazzjoni amministrattiva, huma meħtieġa aktar miżuri sabiex jiġu indirizzati prattiki identifikati speċifikament ta' evitar u ta' evażjoni tat-taxxa, li ma humiex koperti kompletament mill-qafas legali eżistenti tal-Unjoni. B'mod partikolari, il-gruppi multinazzjonali spiss joħolqu impriżi mingħajr ebda sustanza minima, sabiex inaqqsu l-obbligazzjoni ta' taxxa ġenerali tagħhom, inkluż billi jittrasferixxu l-profitti lil hinn minn ċerti Stati Membri b'taxxa għolja li fihom iwettqu attività ekonomika u joħolqu valur għan-negozju tagħhom. Din il-proposta tikkomplementa l-progress miksub fit-trasparenza korporattiva permezz ta' rekwiżiti li jikkonċernaw l-informazzjoni dwar is-sjieda benefiċjarja introdotta mill-qafas kontra l-ħasil tal-flus, li jindirizza sitwazzjonijiet fejn jinħolqu impriżi sabiex jaħbu sjieda ġenwina, kemm jekk tal-impriżi nfushom kif ukoll jekk tal-assi li jimmaniġġjaw u li għandhom, bħal proprjetà immobbli jew proprjetà ta' valur għoli.

(1)

L-iżgurar ta' tassazzjoni ġusta u effettiva fis-suq intern u l-indirizzar tal-evitar u tal-evażjoni tat-taxxa jibqgħu prijoritajiet politiċi għoljin fl-Unjoni. Filwaqt li f'dawn l-aħħar snin sar progress importanti f'dan il-qasam, speċjalment bl-adozzjoni tad-Direttiva tal-Kunsill (UE) 2016/1164 (10) dwar il-ġlieda kontra l-evitar tat-taxxa u l-espansjoni tal-kamp ta' applikazzjoni tad-Direttiva tal-Kunsill 2011/16/UE (11) dwar il-kooperazzjoni amministrattiva fil-qasam tat-tassazzjoni , huma meħtieġa aktar miżuri sabiex jiġu indirizzati prattiki identifikati speċifikament ta' evitar u ta' evażjoni tat-taxxa, inkluż permezz tal-użu ħażin ta' entitajiet fittizji, li ma humiex koperti kompletament mill-qafas legali eżistenti tal-Unjoni. F'dak ir-rigward, ir-rivelazzjonijiet tal-Pandora Papers irrapportaw dwar il-ħolqien ta' kumpaniji fittizji bil-fini li jittrasferixxu flus bejn kontijiet bankarji, jevitaw it-taxxi u jwettqu reati finanzjarji, inkluż il-ħasil tal-flus, u jevitaw is-sanzjonijiet tal-Unjoni fuq oligarki Russi. B'mod partikolari, il-gruppi multinazzjonali spiss joħolqu impriżi mingħajr ebda sustanza ekonomika minima, sabiex inaqqsu l-obbligazzjoni ta' taxxa ġenerali tagħhom, inkluż billi jittrasferixxu l-profitti lil hinn minn ċerti Stati Membri b'taxxa għolja li fihom iwettqu attività ekonomika u joħolqu valur għan-negozju tagħhom. Din il-proposta tikkomplementa l-progress miksub fit-trasparenza korporattiva permezz ta' rekwiżiti li jikkonċernaw l-informazzjoni dwar is-sjieda benefiċjarja introdotta mill-qafas kontra l-ħasil tal-flus, li jindirizza sitwazzjonijiet fejn jinħolqu impriżi sabiex jaħbu sjieda ġenwina, kemm jekk tal-impriżi nfushom kif ukoll jekk tal-assi li jimmaniġġjaw u li għandhom, bħal proprjetà immobbli jew proprjetà ta' valur għoli.

(1a)

Jista' jkun hemm raġunijiet validi għall-użu ta' kumpaniji b'sustanza ekonomika minima. Għalhekk, huwa importanti li jiġi ggarantit qafas legali proporzjonat li jissalvagwardja l-pożizzjoni tal-intrapriżi żgħar u medji (SMEs) li jużaw strutturi legali biex jippromwovu l-investimenti, jikkonformaw mal-liġijiet nazzjonali jew joperaw fi swieq nazzjonali differenti, u filwaqt li, fl-istess ħin, nilleġiżlaw f'termini konkreti dwar l-użu ħażin ta' entitajiet fittizji biex jevitaw it-tassazzjoni. Il-kwalità u l-kompletezza tad-data huma għalhekk essenzjali sabiex jinkisbu l-akbar benefiċċji minn din id-Direttiva.

(1b)

In-nuqqas ta' strument internazzjonali dwar l-użu ħażin ta' entitajiet fittizji għal finijiet ta' taxxa joħloq lakuna sinifikanti fl-isforzi globali biex jiġu miġġielda l-frodi u l-evażjoni tat-taxxa u l-ippjanar aggressiv tat-taxxa. Barra minn hekk, joħloq kundizzjonijiet mhux ekwi fost in-negozji. In-nuqqas ta' tali strument jikkonferma l-importanza tal-istandards legali stabbiliti f'din id-Direttiva. Huwa essenzjali li jiġi ggarantit li l-obbligi previsti f'din id-Direttiva jkunu proporzjonati u effettivi mil-lat tat-tassazzjoni, filwaqt li tiġi ppreservata l-kompetittività tal-impriżi tal-Unjoni.

(1c)

L-użu ħażin ta' entitajiet fittizji għal finijiet ta' taxxa jwassal għal tnaqqis fl-obbligazzjoni ta' taxxa u t-telf tat-taxxa fl-Unjoni. Għalhekk, huwa essenzjali li din id-Direttiva tistabbilixxi standards ambizzjużi u proporzjonati għad-definizzjoni ta' rekwiżiti minimi komuni ta' sustanza, għat-titjib tal-iskambju ta' informazzjoni bejn l-amministrazzjonijiet tat-taxxa nazzjonali u għad-dissważjoni tal-użu ta' entitajiet fittizji promossi minn ċerti intermedjarji.

(2)

Huwa rikonoxxut li impriżi mingħajr ebda sustanza minima jistgħu jiġu stabbiliti fi Stat Membru bl-objettiv ewlieni li jiksbu benefiċċju fuq it-taxxa, b'mod partikolari billi jimminaw il-bażi tat-taxxa ta' Stat Membru ieħor. Filwaqt li xi Stati Membri żviluppaw qafas leġiżlattiv jew amministrattiv sabiex jipproteġu l-bażi tat-taxxa tagħhom minn skemi bħal dawn, ir-regoli rilevanti spiss ikollhom effett limitat, peress li japplikaw biss fit-territorju ta' Stat Membru wieħed u ma jkoprux b'mod effettiv sitwazzjonijiet li jinvolvu aktar minn Stat Membru wieħed. Barra minn hekk, ir-regoli nazzjonali li japplikaw f'dan il-qasam ivarjaw b'mod sinifikanti madwar l-Unjoni filwaqt li xi Stati Membri ma għandhom l-ebda regola, sabiex jindirizzaw l-użu ħażin ta' impriżi mingħajr ebda sustanza jew ta' sustanza minima għal finijiet ta' taxxa.

(2)

Huwa rikonoxxut li impriżi mingħajr ebda sustanza minima jistgħu jiġu stabbiliti fi Stat Membru bl-objettiv ewlieni li jiksbu benefiċċju fuq it-taxxa, b'mod partikolari billi jimminaw il-bażi tat-taxxa ta' Stat Membru ieħor u b'hekk joħolqu tieqa ta' opportunità għall-ippjanar aggressiv tat-taxxa . Filwaqt li xi Stati Membri żviluppaw qafas leġiżlattiv jew amministrattiv sabiex jipproteġu l-bażi tat-taxxa tagħhom minn skemi bħal dawn, ir-regoli rilevanti spiss ikollhom effett limitat, peress li japplikaw biss fit-territorju ta' Stat Membru wieħed u ma jkoprux b'mod effettiv sitwazzjonijiet li jinvolvu aktar minn Stat Membru wieħed. Barra minn hekk, ir-regoli nazzjonali li japplikaw f'dan il-qasam ivarjaw b'mod sinifikanti madwar l-Unjoni filwaqt li xi Stati Membri ma għandhom l-ebda regola, sabiex jindirizzaw l-użu ħażin ta' impriżi mingħajr ebda sustanza jew ta' sustanza minima għal finijiet ta' taxxa. Għalhekk, huwa importanti li jinħoloq approċċ legali fl-Unjoni kollha biex jiġi żgurat qafas għas-salvagwardja tal-integrità tas-suq intern, filwaqt li jiġu rrispettati bis-sħiħ l-ogħla standards ta' aċċessibbiltà, sempliċità u trasparenza.

(3)

Huwa meħtieġ li jiġi stabbilit qafas komuni, sabiex tissaħħaħ ir-reżiljenza tal-Istati Membri kontra l-prattiki ta' evitar u ta' evażjoni tat-taxxa marbuta mal-użu ta' impriżi li ma jwettqux attività ekonomika anke jekk preżumibbilment ikunu involuti f'attività ekonomika u għalhekk ma jkollhom l-ebda sustanza jew ikollhom biss sustanza minima għal finijiet ta' taxxa. Dan isir sabiex jiġi żgurat li l-impriżi li ma jkollhomx sustanza minima ma jintużawx bħala strumenti ta' evażjoni tat-taxxa jew ta' evitar tat-taxxa. Peress li dawk l-impriżi jistgħu jiġu stabbiliti fi Stat Membru wieħed iżda jistgħu jintużaw bl-effett tal-imminar tal-bażi tat-taxxa ta' Stat Membru ieħor, huwa importanti li jintlaħaq qbil dwar sett komuni ta' regoli għad-determinazzjoni ta' x'jenħtieġ li jitqies bħala sustanza insuffiċjenti għal finijiet ta' taxxa fis-suq intern kif ukoll għad-delinjazzjoni ta' konsegwenzi speċifiċi tat-taxxa marbuta ma' din is-sustanza insuffiċjenti. Meta impriża tinstab li għandha sustanza suffiċjenti skont din id-Direttiva, dan jenħtieġ li ma jipprevjenix lill-Istati Membri milli jkomplu joperaw regoli kontra l-evitar u l-evażjoni tat-taxxa, sakemm dawn ikunu konsistenti mad-dritt tal-Unjoni.

(3)

Huwa meħtieġ li jiġi stabbilit qafas komuni, sabiex tissaħħaħ ir-reżiljenza tal-Istati Membri kontra l-prattiki ta' evitar u ta' evażjoni tat-taxxa marbuta mal-użu ta' impriżi li ma jwettqux attività ekonomika anke jekk preżumibbilment ikunu involuti f'attività ekonomika u għalhekk ma jkollhom l-ebda sustanza jew ikollhom biss sustanza minima għal finijiet ta' taxxa. Dan isir sabiex jiġi żgurat li l-impriżi li ma jkollhomx sustanza minima ma jintużawx bħala strumenti ta' evażjoni tat-taxxa jew ta' evitar tat-taxxa. Peress li dawk l-impriżi jistgħu jiġu stabbiliti fi Stat Membru wieħed iżda jistgħu jintużaw bl-effett tal-imminar tal-bażi tat-taxxa ta' Stat Membru ieħor, huwa importanti li jintlaħaq qbil dwar sett komuni ta' regoli għad-determinazzjoni ta' x'jenħtieġ li jitqies bħala sustanza insuffiċjenti għal finijiet ta' taxxa fis-suq intern kif ukoll għad-delinjazzjoni ta' konsegwenzi speċifiċi tat-taxxa marbuta ma' din is-sustanza insuffiċjenti. Meta impriża tinstab li għandha sustanza suffiċjenti skont din id-Direttiva, dan jenħtieġ li ma jipprevjenix lill-Istati Membri milli jkomplu joperaw regoli aktar stretti ta' sustanza minima u regoli oħra kontra l-evitar u l-evażjoni tat-taxxa, sakemm dawn ikunu konsistenti mad-dritt tal-Unjoni.

(3a)

Sabiex jintlaħqu l-għanijiet ta' din id-Direttiva, iż-żieda fil-kapaċità tal-amministrazzjonijiet tat-taxxa u t-titjib tal-iskambju ta' -informazzjoni madwar l-Unjoni huma tal-akbar importanza. Huwa meħtieġ li l-Istati Membri jikkondividu l-informazzjoni rilevanti li għandhom aċċess għaliha, jimplimentaw sistemi li jappoġġaw l-iskambju ta' dik l-informazzjoni u, bħala pass finali, jinfurzaw sanzjonijiet proposti kontra entitajiet li ma jikkonformawx. B'appoġġ għal din id-Direttiva, il-Kummissjoni jenħtieġ li tissuġġerixxi attivitajiet speċifiċi fi ħdan il-programm Fiscalis.

(4)

Sabiex jiġi żgurat approċċ komprensiv, ir-regoli jenħtieġ li japplikaw għall-impriżi kollha fl-Unjoni li huma taxxabbli fi Stat Membru, irrispettivament mill-forma u mill-istatus ġuridiċi tagħhom, sakemm ikollhom ir-residenza tagħhom għal finijiet ta' taxxa fi Stat Membru u jkunu eliġibbli sabiex jiksbu ċertifikat ta' residenza fiskali f'dak l-Istat Membru.

(4)

Sabiex jiġi żgurat approċċ komprensiv u proporzjonat , ir-regoli jenħtieġ li japplikaw għall-impriżi fl-Unjoni li huma taxxabbli fi Stat Membru, irrispettivament mill-forma u mill-istatus ġuridiċi tagħhom, sakemm ikollhom ir-residenza tagħhom għal finijiet ta' taxxa fi Stat Membru u jkunu eliġibbli sabiex jiksbu ċertifikat ta' residenza fiskali f'dak l-Istat Membru. Dak il-kamp ta' applikazzjoni wiesa' huwa mmitigat minn sett ta' standards rigward l-attività ekonomika tal-impriżi inklużi fil-kamp ta' applikazzjoni ta' din id-Direttiva.

(5)

Sabiex jiġi żgurat il-funzjonament xieraq tas-suq intern, il-proporzjonalità u l-effettività tar-regoli potenzjali, ikun tajjeb li l-kamp ta' applikazzjoni tagħhom jiġi llimitat għal impriżi fir-riskju li jinstabu li ma jkollhomx sustanza minima u li jintużaw bl-objettiv ewlieni li jiksbu benefiċċju fuq it-taxxa. Għalhekk, ikun importanti li jiġi stabbilit kriterju primarju (gateway), fil-forma ta' sett ta' tliet kundizzjonijiet kumulattivi u indikattivi, sabiex jiġi konkluż liema impriżi huma fir-riskju biżżejjed kif imsemmi qabel sabiex jiġġustifikaw li jkunu soġġetti għal rekwiżiti ta' rapportar. L-ewwel kundizzjoni jenħtieġ li tippermetti l-identifikazzjoni ta' impriżi preżumibbilment involuti prinċipalment f'attivitajiet ekonomiċi ġeografikament mobbli, peress li l-post fejn jitwettqu dawn l-attivitajiet normalment ikun aktar diffiċli sabiex jiġi identifikat. Attivitajiet bħal dawn normalment iwasslu għal flussi importanti ta' introjtu passiv. Għalhekk, l-impriżi, li l-introjtu tagħhom jikkonsisti fil-biċċa l-kbira fi flussi ta' introjtu passiv, jissodisfaw din il-kundizzjoni. Jenħtieġ li jitqies ukoll li l-entitajiet li għandhom assi għall-użu privat, bħal proprjetà immobbli, jottijiet, ġettijiet, xogħlijiet tal-arti, jew ekwità biss, jista' ma jkollhomx introjtu għal perjodi ta' żmien itwal, iżda xorta waħda jippermettu benefiċċji sinifikanti tat-taxxa permezz tas-sjieda ta' dawk l-assi. Peress li sitwazzjonijiet purament domestiċi ma joħolqux riskju għall-funzjonament tajjeb tas-suq intern u jkunu indirizzati bl-aħjar mod fil-livell domestiku, it-tieni kundizzjoni jenħtieġ li tiffoka fuq impriżi involuti f'attivitajiet transfruntiera. Jenħtieġ li jiġi stabbilit l-involviment f'attivitajiet transfruntiera fir-rigward, minn naħa waħda, tan-natura tat-tranżazzjonijiet tal-impriża, domestiċi jew barranin, u min-naħa l-oħra, tal-proprjetà tagħha, minħabba li l-entitajiet li għandhom biss assi privati, mhux kummerċjali, ma jistgħux jinvolvu ruħhom fi tranżazzjonijiet għal żmien konsiderevoli. Barra minn hekk, it-tielet kundizzjoni jenħtieġ li tindika lil dawk l-impriżi li ma għandhom l-ebda riżorsi proprji jew riżorsi proprji mhux adegwati sabiex iwettqu attivitajiet ta' ġestjoni ewlenin. F'dan ir-rigward, l-impriżi li ma għandhomx riżorsi proprji adegwati għandhom it-tendenza li jinvolvu lil fornituri terzi ta' amministrazzjoni, ta' ġestjoni, ta' servizzi ta' korrispondenza u ta' konformità legali jew li jidħlu fi ftehimiet rilevanti ma' intrapriżi assoċjati għall-provvista ta' dawn is-servizzi sabiex jistabbilixxu u jżommu preżenza legali u tat-taxxa. L-esternalizzazzjoni ta' ċerti servizzi anċillari biss, bħas-servizzi taż-żamma tal-kotba biss , filwaqt li l-attivitajiet ewlenin jibqgħu f'idejn l-impriża, fiha nnifisha ma tkunx biżżejjed sabiex impriża tissodisfa din il-kundizzjoni. Filwaqt li dawn il-fornituri ta' servizzi jistgħu jiġu rregolati għal finijiet oħrajn, mhux tat-taxxa, l-obbligi tagħhom għal dawn il-finijiet oħrajn ma jistgħux dejjem itaffu r-riskju li jippermettu l-istabbiliment u l-manutenzjoni ta' impriżi użati ħażin għal prattiki ta' evitar u ta' evażjoni tat-taxxa.

(5)

Sabiex jiġi żgurat il-funzjonament xieraq tas-suq intern, il-proporzjonalità u l-effettività tar-regoli potenzjali, ikun tajjeb li l-kamp ta' applikazzjoni tagħhom jiġi llimitat għal impriżi fir-riskju li jinstabu li ma jkollhomx sustanza minima u li jintużaw prinċipalment biex jiksbu benefiċċju fuq it-taxxa. Għalhekk, ikun importanti li jiġi stabbilit kriterju primarju (gateway), fil-forma ta' sett ta' tliet kundizzjonijiet kumulattivi u indikattivi, sabiex jiġi konkluż liema impriżi huma fir-riskju biżżejjed kif imsemmi qabel sabiex jiġġustifikaw li jkunu soġġetti għal rekwiżiti ta' rapportar. L-impriżi jenħtieġ li jwettqu t-test gateway waħedhom fil-forma ta' awtovalutazzjoni. L-ewwel kundizzjoni jenħtieġ li tippermetti l-identifikazzjoni ta' impriżi preżumibbilment involuti prinċipalment f'attivitajiet ekonomiċi ġeografikament mobbli, peress li l-post fejn jitwettqu dawn l-attivitajiet normalment ikun aktar diffiċli sabiex jiġi identifikat. Attivitajiet bħal dawn normalment iwasslu għal flussi importanti ta' introjtu passiv. Għalhekk, l-impriżi, li l-introjtu tagħhom jikkonsisti fil-biċċa l-kbira fi flussi ta' introjtu passiv, jissodisfaw din il-kundizzjoni. Jenħtieġ li jitqies ukoll li l-entitajiet li għandhom assi għall-użu privat, bħal proprjetà immobbli, jottijiet, ġettijiet, arti jew ekwità biss, jista' ma jkollhomx introjtu għal perjodi ta' żmien itwal, iżda xorta waħda jippermettu benefiċċji sinifikanti tat-taxxa permezz tas-sjieda ta' dawk l-assi. Peress li sitwazzjonijiet purament domestiċi ma joħolqux riskju għall-funzjonament tajjeb tas-suq intern u jkunu indirizzati bl-aħjar mod fil-livell domestiku, it-tieni kundizzjoni jenħtieġ li tiffoka fuq impriżi involuti f'attivitajiet transfruntiera. Jenħtieġ li jiġi stabbilit l-involviment f'attivitajiet transfruntiera fir-rigward, minn naħa waħda, tan-natura tat-tranżazzjonijiet tal-impriża, domestiċi jew barranin, u min-naħa l-oħra, tal-proprjetà tagħha, minħabba li l-entitajiet li għandhom biss assi għall-użu privat ma jistgħux jinvolvu ruħhom fi tranżazzjonijiet għal żmien konsiderevoli. Barra minn hekk, it-tielet kundizzjoni jenħtieġ li tindika lil dawk l-impriżi li ma għandhom l-ebda riżorsi proprji jew riżorsi proprji mhux adegwati sabiex iwettqu attivitajiet ta' ġestjoni ewlenin. F'dan ir-rigward, l-impriżi li ma għandhomx riżorsi proprji adegwati għandhom it-tendenza li jinvolvu lil fornituri terzi ta' amministrazzjoni, ta' ġestjoni, ta' servizzi ta' korrispondenza u ta' konformità legali jew li jidħlu fi ftehimiet rilevanti ma' intrapriżi assoċjati għall-provvista ta' dawn is-servizzi sabiex jistabbilixxu u jżommu preżenza legali u tat-taxxa. L-esternalizzazzjoni ta' ċerti servizzi anċillari biss, bħas-servizzi taż-żamma tal-kotba, filwaqt li l-attivitajiet ewlenin jibqgħu f'idejn l-impriża, fiha nnifisha ma tkunx biżżejjed sabiex impriża tissodisfa din il-kundizzjoni. Filwaqt li dawn il-fornituri ta' servizzi jistgħu jiġu rregolati għal finijiet oħrajn, mhux tat-taxxa, l-obbligi tagħhom għal dawn il-finijiet oħrajn ma jistgħux dejjem itaffu r-riskju li jippermettu l-istabbiliment u l-manutenzjoni ta' impriżi użati ħażin għal prattiki ta' evitar u ta' evażjoni tat-taxxa.

(6)

Ikun ġust li jiġu esklużi mir-regoli previsti impriżi li l-attivitajiet tagħhom huma soġġetti għal livell adegwat ta' trasparenza u għalhekk ma jippreżentawx riskju ta' nuqqas ta' sustanza għal finijiet ta' taxxa. Kumpaniji li għandhom titolu trasferibbli ammess għan-negozjar jew elenkat f'suq regolat jew f'faċilità multilaterali tan-negozjar kif ukoll ċerti impriżi finanzjarji li huma regolati ħafna fl-Unjoni, direttament jew indirettament, u soġġetti għal aktar rekwiżiti ta' trasparenza u superviżjoni, jenħtieġ li bl-istess mod jiġu esklużi mill-kamp ta' applikazzjoni ta' din id-Direttiva. Impriżi azzjonarji puri li jinsabu fl-istess ġuriżdizzjoni tas-sussidjarja operazzjonali u tas-sid(ien) benefiċjarju(i) tagħhom lanqas ma huma probabbli li jservu l-objettiv li jiksbu benefiċċju fuq it-taxxa. Każ simili huwa dak ta' impriżi subazzjonarji li jinsabu fl-istess ġuriżdizzjoni tal-azzjonist tagħhom jew tal-entità prinċipali aħħarija. Abbażi ta' dan, jenħtieġ li dawn ukoll jiġu esklużi. L-impriżi li jinvolvu numru adegwat ta' persuni, full-time u esklużivament, sabiex iwettqu l-attivitajiet tagħhom jenħtieġ li bl-istess mod ma jitqisux li ma għandhomx sustanza minima. Filwaqt li ma humiex raġonevolment mistennija li jgħaddu mill-kriterju primarju (gateway), jenħtieġ li dawn jiġu esklużi b'mod espliċitu għal finijiet ta' ċertezza legali.

(6)

Huwa ġust u proporzjonat li jiġu esklużi mir-regoli previsti impriżi li l-attivitajiet tagħhom huma soġġetti għal livell adegwat ta' trasparenza u  superviżjoni fiskali u għalhekk ma jippreżentawx riskju ta' nuqqas ta' sustanza għal finijiet ta' taxxa. Kumpaniji li għandhom titolu trasferibbli ammess għan-negozjar jew elenkat f'suq regolat jew f'faċilità multilaterali tan-negozjar kif ukoll ċerti impriżi finanzjarji li huma regolati ħafna fl-Unjoni, direttament jew indirettament, u soġġetti għal aktar rekwiżiti ta' trasparenza u superviżjoni, jenħtieġ li bl-istess mod jiġu esklużi mill-kamp ta' applikazzjoni ta' din id-Direttiva. Impriżi azzjonarji puri li jinsabu fl-istess ġuriżdizzjoni tas-sussidjarja operazzjonali u tas-sid(ien) benefiċjarju(i) tagħhom lanqas ma huma probabbli li jservu l-objettiv li jiksbu benefiċċju fuq it-taxxa. Każ simili huwa dak ta' impriżi subazzjonarji li jinsabu fl-istess ġuriżdizzjoni tal-azzjonist tagħhom jew tal-entità prinċipali aħħarija. Abbażi ta' dan, jenħtieġ li dawn ukoll jiġu esklużi. Dik l-esklużjoni tapplika espressament għall-impriżi li huma regolati jew li jippreżentaw ftit riskju li jkunu nieqsa minn sustanza. L-esklużjoni jenħtieġ li titqies bħala entità b'entità u jenħtieġ li ma titwessax biex tkopri grupp sħiħ.

(8)

Sabiex tiġi ffaċilitata l-implimentazzjoni ta' din id-Direttiva, l-impriżi fir-riskju li jinstabu li ma għandhomx sustanza u li jintużaw bl-objettiv ewlieni li jiksbu benefiċċju fuq it-taxxa jenħtieġ li jiddikjaraw, fid-dikjarazzjoni tat-taxxa annwali tagħhom, li għandhom livell minimu ta' riżorsi bħal persuni u bini fl-Istat Membru tar-residenza fiskali u jipprovdu evidenza dokumentarja jekk dan ikun il-każ. Filwaqt li huwa rikonoxxut li attivitajiet differenti jistgħu jeħtieġu livell jew tip differenti ta' riżorsi, ikun mistenni livell minimu komuni ta' riżorsi fiċ-ċirkostanzi kollha. Din il-valutazzjoni jenħtieġ li timmira biss li tidentifika s-sustanza tal-impriżi għal finijiet ta' taxxa u ma tiddubitax ir-rwol li “fornituri ta' servizzi ta' trusts jew kumpaniji”, kif definit fid-Direttiva (UE) 2015/849 tal-Parlament Ewropew u tal-Kunsill (12), għandhom fl-identifikazzjoni tal-ħasil tal-flus, ir-reati predikati tagħhom u l-finanzjament tat-terroriżmu. Min-naħa l-oħra, in-nuqqas ta' livell minimu ta' riżorsi jista' jitqies bħala indikazzjoni li ma hemmx sustanza meta impriża tkun diġà fir-riskju li tinstab li ma għandhiex sustanza għal finijiet ta' taxxa. Sabiex tiġi żgurata l-kompatibbiltà mal-istandards internazzjonali rilevanti, livell minimu komuni jenħtieġ li jibbaża fuq l-istandards eżistenti tal-Unjoni u dawk internazzjonali dwar attività ekonomika sostanzjali fil-kuntest ta' reġimi tat-taxxa preferenzjali jew fin-nuqqas ta' tassazzjoni korporattiva (13), kif żviluppat fil-kuntest tal-Forum dwar il-Prattiki ta' Taxxa Dannużi. Huwa meħtieġ li tiġi prevista l-preżentazzjoni ta' evidenza dokumentarja mad-dikjarazzjoni tat-taxxa b'appoġġ għad-dikjarazzjoni tal-impriża li għandha minimu ta' riżorsi. Huwa meħtieġ ukoll sabiex l-amministrazzjoni tkun tista' tifforma opinjoni bbażata fuq il-fatti u ċ-ċirkostanzi tal-impriża u tiddeċiedi jekk tinbediex proċedura tal-awditjar.

(8)

Sabiex tiġi ffaċilitata l-implimentazzjoni ta' din id-Direttiva, l-impriżi inklużi fil-kamp ta' applikazzjoni ta' din id-Direttiva u fir-riskju li jinstabu li ma għandhomx sustanza u li jintużaw bl-objettiv ewlieni li jiksbu benefiċċju fuq it-taxxa jenħtieġ li jiddikjaraw, fid-dikjarazzjoni tat-taxxa annwali tagħhom, li għandhom livell minimu ta' riżorsi , jiġifieri persuni u bini fl-Istat Membru tar-residenza fiskali, u jipprovdu evidenza dokumentarja jekk dan ikun il-każ. Ir-rekwiżit relatat mal-bini fi Stat Membru jenħtieġ li jqis il-prevalenza dejjem akbar ta' xogħol remot, li minħabba fih intrapriżi leġittimi jnaqqsu l-bini tagħhom u jitbiegħdu minn sitwazzjoni fejn iżommu bini esklużiv . Filwaqt li huwa rikonoxxut li attivitajiet differenti jistgħu jeħtieġu livell jew tip differenti ta' riżorsi, ikun mistenni livell minimu komuni ta' riżorsi fiċ-ċirkostanzi kollha. Din il-valutazzjoni jenħtieġ li timmira biss li tidentifika s-sustanza tal-impriżi għal finijiet ta' taxxa u ma tiddubitax ir-rwol li “fornituri ta' servizzi ta' trusts jew kumpaniji”, kif definit fid-Direttiva (UE) 2015/849 tal-Parlament Ewropew u tal-Kunsill (12), għandhom fl-identifikazzjoni tal-ħasil tal-flus, ir-reati predikati tagħhom u l-finanzjament tat-terroriżmu. Min-naħa l-oħra, in-nuqqas ta' livell minimu ta' riżorsi jista' jitqies bħala indikazzjoni li ma hemmx sustanza meta impriża tkun diġà fir-riskju li tinstab li ma għandhiex sustanza għal finijiet ta' taxxa. Sabiex tiġi żgurata l-kompatibbiltà mal-istandards internazzjonali rilevanti, livell minimu komuni jenħtieġ li jibbaża fuq l-istandards eżistenti tal-Unjoni u dawk internazzjonali dwar attività ekonomika sostanzjali fil-kuntest ta' reġimi tat-taxxa preferenzjali jew fin-nuqqas ta' tassazzjoni korporattiva (13), kif żviluppat fil-kuntest tal-Forum dwar il-Prattiki ta' Taxxa Dannużi. Huwa meħtieġ li tiġi prevista l-preżentazzjoni ta' evidenza dokumentarja mad-dikjarazzjoni tat-taxxa b'appoġġ għad-dikjarazzjoni tal-impriża li għandha minimu ta' riżorsi. Huwa meħtieġ ukoll sabiex l-amministrazzjoni tkun tista' tifforma opinjoni bbażata fuq il-fatti u ċ-ċirkostanzi tal-impriża u tiddeċiedi jekk tinbediex proċedura tal-awditjar.

(9)

Sabiex tiġi żgurata ċ-ċertezza tat-taxxa, huwa essenzjali li jiġu stabbiliti regoli komuni dwar il-kontenut tad-dikjarazzjonijiet tal-impriżi. Jenħtieġ li l-impriżi li jissodisfaw il-kriterju primarju (gateway) u konsegwentement ikunu soġġetti għal rekwiżiti ta' rapportar jiġu preżunti li ma jkollhomx sustanza suffiċjenti għal finijiet ta' taxxa jekk jiddikjaraw ukoll li ma jkollhomx wieħed jew aktar mill-elementi li b'mod kumulattiv jikkostitwixxu livell minimu ta' sustanza, jew ma jipprovdux l-evidenza ta' sostenn meħtieġa. L-impriżi li jiddikjaraw li għandhom l-elementi kollha tal-livell minimu ta' sustanza u li jipprovdu d-dokumentazzjoni ta' sostenn meħtieġa jenħtieġ li minflok jiġu preżunti li għandhom sustanza minima għal finijiet ta' taxxa u jenħtieġ li ma jġarrbu l-ebda obbligu u konsegwenza ulterjuri skont din id-Direttiva. Madankollu, dan jenħtieġ li jkun mingħajr preġudizzju għal kwalunkwe liġi applikabbli u d-dritt tal-amministrazzjoni li twettaq awditu, inkluż abbażi tad-dokumentazzjoni ta' sostenn, u li possibbilment tasal għal konklużjoni differenti .

(9)

Sabiex tiġi żgurata ċ-ċertezza u l-istabbiltà tat-taxxa, huwa essenzjali li jiġu stabbiliti regoli komuni dwar il-kontenut tad-dikjarazzjonijiet tal-impriżi. Jenħtieġ li l-impriżi li jissodisfaw il-kriterju primarju (gateway) u konsegwentement ikunu soġġetti għal rekwiżiti ta' rapportar jiġu preżunti li ma jkollhomx sustanza suffiċjenti għal finijiet ta' taxxa jekk jiddikjaraw ukoll li ma jkollhomx wieħed jew aktar mill-elementi li b'mod kumulattiv jikkostitwixxu livell minimu ta' sustanza, jew ma jipprovdux l-evidenza ta' sostenn meħtieġa. L-impriżi li jiddikjaraw li għandhom l-elementi kollha tal-livell minimu ta' sustanza u li jipprovdu d-dokumentazzjoni ta' sostenn meħtieġa jenħtieġ li minflok jiġu preżunti li għandhom sustanza minima għal finijiet ta' taxxa u jenħtieġ li ma jġarrbu l-ebda obbligu u konsegwenza ulterjuri skont din id-Direttiva. Madankollu, dan jenħtieġ li jkun mingħajr preġudizzju għal kwalunkwe liġi applikabbli u d-dritt tal-amministrazzjoni li twettaq awditu, inkluż abbażi tad-dokumentazzjoni ta' sostenn . Sabiex l-Istati Membri jkunu jistgħu jallokaw ir-riżorsi tal-amministrazzjoni tat-taxxa tagħhom b'mod effiċjenti, l-Istati Membri jenħtieġ li jkunu jistgħu jiddeterminaw perjodu li matulu l-impriża tkun preżunta li jkollha sustanza minima, dment li ċ-ċirkostanzi fattwali u legali tal-impriża jibqgħu l-istess matul dak il-perjodu.

(10)

Huwa rikonoxxut li jekk impriża hijiex qiegħda twettaq attivitajiet ekonomiċi għal finijiet ta' taxxa jew jekk isservix l-aktar għal finijiet ta' evitar jew ta' evażjoni tat-taxxa fl-aħħar mill-aħħar hija kwistjoni ta' fatti u ċirkostanzi. Dan jenħtieġ li jiġi vvalutat fuq bażi ta' każ b'każ fir-rigward ta' kull impriża speċifika. Għalhekk, l-impriżi preżunti li ma għandhomx sustanza minima għal finijiet ta' taxxa jenħtieġ li jkunu intitolati li jipprovaw il-kuntrarju, inkluż li jipprovaw li ma jaqdux primarjament objettivi ta' taxxa, u jikkonfutaw din il-preżunzjoni. Wara li jissodisfaw l-obbligi ta' rapportar tagħhom skont din id-Direttiva, jenħtieġ li jipprovdu informazzjoni addizzjonali lill-amministrazzjoni tal-Istat Membru fejn jirrisjedu għal finijiet ta' taxxa. Filwaqt li jistgħu jipprovdu kwalunkwe informazzjoni addizzjonali li jqisu xierqa, huwa essenzjali li jiġu stabbiliti rekwiżiti komuni ta' dak li jista' jikkostitwixxi evidenza addizzjonali xierqa u għalhekk jenħtieġ li jkunu meħtieġa fil-każijiet kollha. Fejn l-Istat Membru, abbażi ta' din l-evidenza addizzjonali, iqis li impriża tkun ikkonfutat preżunzjoni ta' nuqqas ta' sustanza b'mod sodisfaċenti, jenħtieġ li jkun jista' joħroġ deċiżjoni sabiex jiċċertifika li l-impriża għandha sustanza minima għal finijiet ta' taxxa f'konformità ma' din id-Direttiva. Din id-deċiżjoni tista' tibqa' valida għall-perjodu li matulu ċ-ċirkostanzi fattwali u legali tal-impriża jibqgħu l-istess u sa sitt snin minn meta tinħareġ id-deċiżjoni. Dan se jippermetti li jiġu llimitati r-riżorsi allokati għal każijiet li jkunu ġew ipprovati li ma humiex fittizji għall-finijiet tad-Direttiva.

(10)

L-evalwazzjoni dwar jekk impriża hijiex qiegħda twettaq attivitajiet ekonomiċi għal finijiet ta' taxxa jew jekk isservix l-aktar għal finijiet ta' evitar jew ta' evażjoni tat-taxxa fl-aħħar mill-aħħar hija kwistjoni ta' fatti u ċirkostanzi. Dan jenħtieġ li jiġi vvalutat fuq bażi ta' każ b'każ fir-rigward ta' kull impriża speċifika. Għalhekk, l-impriżi preżunti li ma għandhomx sustanza minima għal finijiet ta' taxxa jenħtieġ li jkunu intitolati li jipprovaw il-kuntrarju, inkluż li jipprovaw li ma jaqdux primarjament objettivi ta' taxxa, u jikkonfutaw din il-preżunzjoni. Wara li jissodisfaw l-obbligi ta' rapportar tagħhom skont din id-Direttiva, jenħtieġ li jipprovdu l-informazzjoni neċessarja lill-amministrazzjoni tal-Istat Membru fejn jirrisjedu għal finijiet ta' taxxa. Filwaqt li jistgħu jipprovdu kwalunkwe informazzjoni addizzjonali li jqisu xierqa, huwa essenzjali li jiġu stabbiliti rekwiżiti komuni ta' dak li jista' jikkostitwixxi evidenza addizzjonali xierqa u għalhekk jenħtieġ li jkunu meħtieġa fil-każijiet kollha. Fejn l-Istat Membru, abbażi ta' din l-evidenza addizzjonali, iqis li impriża tkun ikkonfutat preżunzjoni ta' nuqqas ta' sustanza b'mod sodisfaċenti, jenħtieġ li jkun jista' joħroġ deċiżjoni sabiex jiċċertifika li l-impriża għandha sustanza minima għal finijiet ta' taxxa f'konformità ma' din id-Direttiva. Din id-deċiżjoni tista' tibqa' valida għall-perjodu li matulu ċ-ċirkostanzi fattwali u legali tal-impriża jibqgħu l-istess u sa ħames snin minn meta tinħareġ id-deċiżjoni. Dan se jippermetti li jiġu llimitati r-riżorsi allokati għal każijiet li jkunu ġew ipprovati li ma humiex fittizji għall-finijiet tad-Direttiva.

(11)

Peress li l-objettiv ta' din id-Direttiva huwa li tipprevjeni l-evitar u l-evażjoni tat-taxxa li huwa probabbli li jiffjorixxu permezz ta' azzjonijiet minn impriżi mingħajr sustanza minima, u sabiex tiġi żgurata ċ-ċertezza tat-taxxa u jittejjeb il-funzjonament xieraq tas-suq intern, huwa ta' importanza kbira li tiġi prevista l-possibbiltà ta' eżenzjonijiet għal impriżi li jissodisfaw il-kriterju primarju iżda li madankollu l-interpożizzjoni tagħhom ma għandha l-ebda impatt vantaġġjuż reali fuq il-pożizzjoni tat-taxxa ġenerali tal-grupp tal-impriża jew tas-sid(ien) benefiċjarju/i. Għal dik ir-raġuni, dawn l-impriżi jenħtieġ li jkunu intitolati jitolbu lill-amministrazzjoni tal-Istat Membru, fejn jirrisjedu għal finijiet ta' taxxa, sabiex joħorġu deċiżjoni li teżentahom milli jikkonformaw mar-regoli proposti kompletament u bil-quddiem. Din l-eżenzjoni jenħtieġ li tkun limitata wkoll fiż-żmien, sabiex l-amministrazzjoni tkun tista' tivverifika fuq bażi regolari li ċ-ċirkostanzi fattwali u legali li jiġġustifikaw id-deċiżjoni ta' eżenzjoni jibqgħu validi. Fl-istess ħin, durata potenzjali estiża ta' din id-deċiżjoni se tippermetti li jiġu limitati r-riżorsi allokati għal każijiet li jenħtieġ li jiġu eżentati mill-kamp ta' applikazzjoni tad-Direttiva.

(11)

Peress li l-objettiv ta' din id-Direttiva huwa li tipprevjeni l-evitar u l-evażjoni tat-taxxa permezz ta' azzjonijiet minn impriżi mingħajr sustanza minima, u sabiex tiġi żgurata ċ-ċertezza tat-taxxa u jittejjeb il-funzjonament xieraq tas-suq intern, huwa ta' importanza kbira li tiġi prevista l-possibbiltà ta' eżenzjonijiet għal impriżi li jissodisfaw il-kriterju primarju iżda li madankollu l-interpożizzjoni tagħhom ma għandha l-ebda impatt vantaġġjuż reali fuq il-pożizzjoni tat-taxxa ġenerali tal-grupp tal-impriża jew tas-sid(ien) benefiċjarju/i. Għal dik ir-raġuni, dawn l-impriżi jenħtieġ li jkunu intitolati jitolbu lill-amministrazzjoni tal-Istat Membru, fejn jirrisjedu għal finijiet ta' taxxa, sabiex joħorġu deċiżjoni li teżentahom milli jikkonformaw mar-regoli proposti kompletament u bil-quddiem , mingħajr ma l-impriża tkun meħtieġa twettaq it-test tas-sustanza, jekk tkun tista' tipprova n-nuqqas ta' benefiċċju tat-taxxa għall-entità kkonċernata . Din l-eżenzjoni jenħtieġ li tkun limitata wkoll fiż-żmien, sabiex l-amministrazzjoni tkun tista' tivverifika fuq bażi regolari li ċ-ċirkostanzi fattwali u legali li jiġġustifikaw id-deċiżjoni ta' eżenzjoni jibqgħu validi. Fl-istess ħin, durata potenzjali estiża ta' din id-deċiżjoni se tippermetti li jiġu limitati r-riżorsi allokati għal każijiet li jenħtieġ li jiġu eżentati mill-kamp ta' applikazzjoni tad-Direttiva.

(13)

Sabiex tiġi żgurata l-effettività tal-qafas propost, huwa meħtieġ li jiġu stabbiliti konsegwenzi tat-taxxa xierqa għall-impriżi li ma għandhomx sustanza minima għal finijiet ta' taxxa. L-impriżi li jkunu ssodisfaw il-kriterju primarju u li huma preżunti li ma għandhomx sustanza għal finijiet ta' taxxa filwaqt li, barra minn hekk, ma pprovdewx evidenza għall-kuntrarju jew evidenza li ma jaqdux l-objettiv li jinkiseb benefiċċju fuq it-taxxa, jenħtieġ li ma jitħallewx jibbenefikaw mid-dispożizzjonijiet ta' ftehimiet u ta' konvenzjonijiet li jipprevedu l-eliminazzjoni tat-tassazzjoni doppja tal-introjtu, u fejn applikabbli, il-kapital, li għalih l-Istat Membru tar-residenza fiskali tagħhom ikun parti u minn kwalunkwe ftehim ieħor, inklużi dispożizzjonijiet fi ftehimiet internazzjonali għall-promozzjoni u għall-protezzjoni tal-investimenti, b'għan jew effett ekwivalenti. Dawn l-impriżi jenħtieġ li ma jitħallewx jibbenefikaw mid-Direttiva tal-Kunsill 2011/96/UE (14) u mid-Direttiva tal-Kunsill 2003/49/KE (15). Għaldaqstant, dawk l-impriżi jenħtieġ li ma jkunux intitolati għal ċertifikat ta' residenza fiskali sal-punt li dan iservi sabiex jinkisbu dawk il-benefiċċji. L-Istat Membru fejn l-impriża tkun residenti fiskali jenħtieġ li għalhekk jirrifjuta li joħroġ ċertifikat ta' residenza fiskali . Inkella, jenħtieġ li dak l-Istat Membru jkun jista' joħroġ dan iċ-ċertifikat filwaqt li jindika, permezz ta' twissija, li jenħtieġ li ma jintużax mill-impriża sabiex jinkisbu benefiċċji tat-taxxa bħal ta' hawn fuq . Jenħtieġ li dan ir-rifjut ta' ċertifikat ta' residenza fiskali , jew inkella tal-ħruġ ta' ċertifikat speċjali ta' residenza fiskali, ma jwarrabx ir-regoli nazzjonali tal-Istat Membru tal-impriża fir-rigward tar-residenza fiskali u l-obbligi rilevanti marbuta magħhom. Pjuttost iservi sabiex jikkomunika lil Stati Membri oħrajn, u lil pajjiżi terzi, li jenħtieġ li ma tingħata l-ebda ħelsien jew rifużjoni fir-rigward ta' tranżazzjonijiet li jinvolvu lil din l-impriża abbażi ta' kwalunkwe trattat mal-Istat Membru tal-impriża jew tad-Direttivi tal-Unjoni, jekk applikabbli.

(13)

Sabiex tiġi żgurata l-effettività tal-qafas propost, huwa meħtieġ li jiġu stabbiliti konsegwenzi tat-taxxa xierqa għall-impriżi li ma għandhomx sustanza minima għal finijiet ta' taxxa. L-impriżi li jkunu ssodisfaw il-kriterju primarju u li huma preżunti li ma għandhomx sustanza għal finijiet ta' taxxa filwaqt li, barra minn hekk, ma pprovdewx evidenza għall-kuntrarju jew evidenza li ma jaqdux l-objettiv li jinkiseb benefiċċju fuq it-taxxa, jenħtieġ li ma jitħallewx jibbenefikaw mid-dispożizzjonijiet ta' ftehimiet u ta' konvenzjonijiet li jipprevedu l-eliminazzjoni tat-tassazzjoni doppja tal-introjtu, u fejn applikabbli, il-kapital, li għalih l-Istat Membru tar-residenza fiskali tagħhom ikun parti u minn kwalunkwe ftehim ieħor, inklużi dispożizzjonijiet fi ftehimiet internazzjonali għall-promozzjoni u għall-protezzjoni tal-investimenti, b'għan jew effett ekwivalenti. Dawn l-impriżi jenħtieġ li ma jitħallewx jibbenefikaw mid-Direttiva tal-Kunsill 2011/96/UE (14) u mid-Direttiva tal-Kunsill 2003/49/KE (15). Għaldaqstant, dawk l-impriżi jenħtieġ li ma jkunux intitolati għal ċertifikat ta' residenza fiskali sal-punt li dan iservi sabiex jinkisbu dawk il-benefiċċji. L-Istat Membru fejn l-impriża tkun residenti fiskali jenħtieġ li għalhekk jirrifjuta li joħroġ ċertifikat ta' residenza fiskali u joħroġ dikjarazzjoni li tindika l-bażi li fuqha tkun ittieħdet id-deċiżjoni . Jenħtieġ li dan ir-rifjut ta' ċertifikat ta' residenza fiskali ma jwarrabx ir-regoli nazzjonali tal-Istat Membru tal-impriża fir-rigward tar-residenza fiskali u l-obbligi rilevanti marbuta magħhom. Pjuttost iservi sabiex jikkomunika lil Stati Membri oħrajn, u lil pajjiżi terzi, li jenħtieġ li ma tingħata l-ebda ħelsien jew rifużjoni fir-rigward ta' tranżazzjonijiet li jinvolvu lil din l-impriża abbażi ta' kwalunkwe trattat mal-Istat Membru tal-impriża jew tad-Direttivi tal-Unjoni, jekk applikabbli.

(13a)

Jenħtieġ li l-Kummissjoni u l-Istati Membri jiżguraw li dawk il-konsegwenzi tat-taxxa jiġu artikolati b'mod konsistenti mal-ftehimiet bilaterali tat-taxxa eżistenti konklużi bejn l-Istati Membri u pajjiżi terzi.

(15)

Għalhekk jenħtieġ li d-Direttiva 2011/16/UE tiġi emendata skont dan.

(15)

Fid-dawl tal-fatt li d-Direttiva 2011/16/UE dwar il-Kooperazzjoni Amministrattiva (DAC) stabbiliet ir-regoli u l-proċeduri għall-kooperazzjoni bejn l-Istati Membri dwar l-iskambju ta' informazzjoni bejn l-amministrazzjonijiet tat-taxxa tal-Istati Membri, b'mod partikolari l-iskambju awtomatiku ta' informazzjoni għal finijiet ta' taxxa, jenħtieġ għalhekk li din id-Direttiva tiġi emendata skont dan u tippermetti lill-Istati Membri jiskambjaw awtomatikament l-informazzjoni li jirċievu fil-qafas ta' din id-Direttiva .

(16)

Sabiex tittejjeb l-effettività, jenħtieġ li l-Istati Membri jistabbilixxu penali kontra l-ksur tar-regoli nazzjonali li jittrasponu din id-Direttiva. Dawn il-penali jenħtieġ li jkunu effettivi, proporzjonati u dissważivi. Sabiex jiġu żgurati ċ-ċertezza tat-taxxa u livell minimu ta' koordinazzjoni fl-Istati Membri kollha, huwa meħtieġ li tiġi stabbilita penali monetarja minima, filwaqt li titqies ukoll is-sitwazzjoni ta' kull impriża speċifika. Ir-regoli previsti jiddependu fuq l-awtovalutazzjoni mill-impriżi fir-rigward ta' jekk jissodisfawx il-kriterji primarji jew le. Sabiex tinkiseb l-effettività tad-dispożizzjonijiet, l-inċentivar ta' konformità adegwata madwar l-Unjoni, filwaqt li jitqies li impriża fittizja fi Stat Membru wieħed tista' tintuża sabiex timmina l-bażi tat-taxxa ta' Stat Membru ieħor, huwa importanti li kwalunkwe Stat Membru jkollu d-dritt li jitlob lil Stat Membru ieħor iwettaq awditi tat-taxxa ta' impriżi fir-riskju li ma jissodisfawx is-sustanza minima kif definita f'din id-Direttiva. Għaldaqstant, sabiex tissaħħaħ l-effettività, huwa essenzjali li l-Istat Membru li lilu ssir it-talba jkollu obbligu li jwettaq dan l-awditjar u li jikkondividi informazzjoni dwar l-eżitu, anke fejn ma jkun hemm l-ebda sejba ta' entità “fittizja”.

(16)

Sabiex tittejjeb l-effettività, jenħtieġ li l-Istati Membri jistabbilixxu penali kontra l-ksur tar-regoli nazzjonali li jittrasponu din id-Direttiva. Dawn il-penali jenħtieġ li jkunu effettivi, proporzjonati u dissważivi. Sabiex jiġu żgurati ċ-ċertezza tat-taxxa u livell minimu ta' koordinazzjoni fl-Istati Membri kollha, huwa meħtieġ li tiġi stabbilita penali monetarja minima, filwaqt li titqies ukoll is-sitwazzjoni ta' kull impriża speċifika. Ir-regoli previsti jiddependu fuq awtovalutazzjoni mwettqa mill-impriżi biex jiġi determinat jekk jissodisfawx il-kriterji primarji jew le. Sabiex tinkiseb l-effettività tad-dispożizzjonijiet, l-inċentivar ta' konformità adegwata madwar l-Unjoni, filwaqt li jitqies li impriża fittizja fi Stat Membru wieħed tista' tintuża sabiex timmina l-bażi tat-taxxa ta' Stat Membru ieħor, huwa importanti li kwalunkwe Stat Membru jkollu d-dritt li jitlob lil Stat Membru ieħor iwettaq awditi tat-taxxa ta' impriżi fir-riskju li ma jissodisfawx is-sustanza minima kif definita f'din id-Direttiva. L-awditi konġunti jippermettu l-ġbir flimkien ta' għarfien espert, u b'hekk jiżguraw determinazzjoni sħiħa tal-fatti u jippromwovu l-aċċettazzjoni tar-riżultati tal-awditjar. Id-Direttiva tal-Kunsill (UE) 2021/514  (16) ħolqot qafas uniformi għall-awditi konġunti u għalhekk, f'każijiet xierqa, jenħtieġ li jintużaw.

(18)

Sabiex tiġi evalwata l-effettività tar-regoli l-ġodda proposti, jenħtieġ li l-Kummissjoni tħejji evalwazzjoni abbażi tal-informazzjoni pprovduta mill-Istati Membri u minn data oħra disponibbli. Ir-rapport tal-Kummissjoni jenħtieġ li jiġi ppubblikat.

(18)

Sabiex tiġi evalwata l-effettività tar-regoli l-ġodda proposti, kif ukoll l-impatt tagħhom fuq id-dħul mit-taxxa fl-Istati Membri u fuq il-kapaċità tal-amministrazzjonijiet tat-taxxa, jenħtieġ li l-Kummissjoni tħejji evalwazzjoni abbażi tal-informazzjoni pprovduta mill-Istati Membri u minn data oħra disponibbli. Ir-rapport tal-Kummissjoni jenħtieġ li jiġi ppubblikat u, jekk xieraq, ikun akkumpanjat minn rieżami bil-ħsieb li tiżdied l-effettività ta' din id-Direttiva u minn proposta leġiżlattiva li temenda din id-Direttiva .

(5)

“sid benefiċjarju” tfisser sid benefiċjarju kif definit fil-Artikolu 3(6) tad-Direttiva (UE) 2015/849 tal-Parlament Ewropew u tal-Kunsill ;

(5)

“sid benefiċjarju” tfisser sid benefiċjarju kif definit fl-Artikolu 2, il-punt 22, ta' [jekk jogħġbok daħħal ir-referenza – proposta għal regolament dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu – (COM(2021)0420) final] ;

(6a)

(a)

aktar minn 75  % tad-dħul li jakkumula għall-impriża fis-sentejn tat-taxxa preċedenti huwa introjtu rilevanti;

(a)

aktar minn 65  % tad-dħul li jakkumula għall-impriża fis-sentejn tat-taxxa preċedenti huwa introjtu rilevanti;

(i)

aktar minn 60  % tal-valur kontabilistiku tal-assi tal-impriża li jaqgħu fil-kamp ta' applikazzjoni tal-Artikolu 4(e) u (f) kien jinsab barra mill-Istat Membru tal-impriża fis-sentejn tat-taxxa preċedenti;

(i)

aktar minn 55  % tal-valur kontabilistiku tal-assi tal-impriża li jaqgħu fil-kamp ta' applikazzjoni tal-Artikolu 4(e) u (f) kien jinsab barra mill-Istat Membru tal-impriża fis-sentejn tat-taxxa preċedenti;

(ii)

mill-anqas 60 % tal-introjtu rilevanti tal-impriża jinkiseb jew jitħallas permezz ta' tranżazzjonijiet transfruntiera;

(ii)

aktar minn 55  % tal-introjtu rilevanti tal-impriża jinkiseb jew jitħallas permezz ta' tranżazzjonijiet transfruntiera;

(c)

fis-sentejn tat-taxxa preċedenti, l-impriża esternalizzat l-amministrazzjoni tal-operazzjonijiet ta' kuljum u t-teħid tad-deċiżjonijiet dwar funzjonijiet sinifikanti.

(c)

fis-sentejn tat-taxxa preċedenti, l-impriża esternalizzat l-amministrazzjoni tal-operazzjonijiet ta' kuljum u t-teħid tad-deċiżjonijiet dwar funzjonijiet sinifikanti lil parti terza .

(e)

impriżi b'mill-anqas ħames impjegati jew membri tal-persunal ekwivalenti full-time proprji li esklużivament iwettqu l-attivitajiet li jiġġeneraw l-introjtu rilevanti;

(a)

l-impriża għandha l-bini tagħha stess fl-Istat Membru, jew bini għall-użu esklużiv tagħha;

(a)

l-impriża għandha l-bini tagħha stess fl-Istat Membru, bini għall-użu esklużiv tagħha jew bini maqsum ma' entitajiet tal-istess grupp ;

(b)

l-impriża għandha mill-anqas kont bankarju wieħed proprju u attiv fl-Unjoni;

(b)

l-impriża għandha mill-anqas kont bankarju wieħed proprju u attiv jew kont ta' flus elettroniċi fl-Unjoni li permezz tiegħu l-introjtu rilevanti jiġi riċevut ;

(2)

huma kwalifikati u awtorizzati jieħdu deċiżjonijiet fir-rigward tal-attivitajiet li jiġġeneraw introjtu rilevanti għall-impriża jew fir-rigward tal-assi tal-impriża;

(2)

huma awtorizzati jieħdu deċiżjonijiet fir-rigward tal-attivitajiet li jiġġeneraw introjtu rilevanti għall-impriża jew fir-rigward tal-assi tal-impriża;

(3)

(4)

(ii)

il-maġġoranza tal-impjegati ekwivalenti full-time tal-impriża huma residenti fiskali fl-Istat Membru tal-impriża, jew f'distanza minn dak l-Istat Membru li tkun kompatibbli mat-twettiq xieraq tad-dmirijiet tagħhom, u dawn l-impjegati jkunu kwalifikati sabiex iwettqu l-attivitajiet li jiġġeneraw introjtu rilevanti għall-impriża.

(ii)

il-maġġoranza tal-impjegati ekwivalenti full-time tal-impriża jkollhom residenza abitwali kif stabbilit fir-Regolament (KE) Nru 593/2008 fl-Istat Membru tal-impriża, jew f'distanza minn dak l-Istat Membru li tkun kompatibbli mat-twettiq xieraq tad-dmirijiet tagħhom, u dawn l-impjegati jkunu kwalifikati sabiex iwettqu l-attivitajiet li jiġġeneraw introjtu rilevanti għall-impriża.

(ga)

ħarsa ġenerali lejn l-istruttura tal-impriża u l-intrapriżi assoċjati u kwalunkwe arranġament sinifikanti ta' esternalizzazzjoni, inkluż ir-raġunament wara l-istruttura, deskritt fil-kuntest ta' format standardizzat;

(gb)

rapport sommarju tal-evidenza dokumentarja ppreżentata skont dan il-paragrafu, li jkun jinkludi b'mod partikolari:

(a)

dokument li jippermetti li tiġi aċċertata r-raġuni kummerċjali għall-istabbiliment tal-impriża;

(a)

dokument li jippermetti li tiġi aċċertata r-raġuni tan-negozju għall-istabbiliment tal-impriża fl-Istat Membru fejn titwettaq l-attività ;

(b)

informazzjoni dwar il-profili tal-impjegati, inklużi l-livell tal-esperjenza tagħhom, is-setgħa tat-teħid tad-deċiżjonijiet tagħhom fl-organizzazzjoni, ir-rwol u l-pożizzjoni ġenerali fl-organigramma, it-tip tal-kuntratt tal-impjieg tagħhom, il-kwalifiki u d-durata tal-impjieg tagħhom;

(b)

informazzjoni dwar il-profili tal-impjegati full-time , part-time u freelance, jiġifieri l-livell tal-esperjenza tagħhom, is-setgħa tat-teħid tad-deċiżjonijiet tagħhom fl-organizzazzjoni, ir-rwol u l-pożizzjoni ġenerali fl-organigramma, it-tip tal-kuntratt tal-impjieg tagħhom, il-kwalifiki u d-durata tal-impjieg tagħhom , is-salvagwardja ta' livelli għoljin ta' protezzjoni u privatezza tad-data ;

(a)

jirrifjuta talba għal ċertifikat ta' residenza fiskali lill-impriża għall-użu barra mill-ġuriżdizzjoni ta' dan l-Istat Membru;

(b)

jagħti ċertifikat ta' residenza fiskali li jippreskrivi li l-impriża ma hijiex intitolata għall-benefiċċji ta' ftehimiet u konvenzjonijiet li jipprevedu l-eliminazzjoni tat-tassazzjoni doppja tal-introjtu, u fejn applikabbli, tal-kapital, u ta' ftehimiet internazzjonali b'fini jew effett simili u tal-Artikoli 4, 5 u 6 tad-Direttiva 2011/96/UE u l-Artikolu 1 tad-Direttiva 2003/49/KE.

(b)

in-numru tal-VAT, fejn disponibbli, tal-impriża meħtieġa li tirrapporta skont l-Artikolu 6 tad-Direttiva [OP];

(b)

fil-każ ta' nuqqas ta' TIN, in-numru tal-VAT, fejn disponibbli, tal-impriża meħtieġa li tirrapporta skont l-Artikolu 6 tad-Direttiva [OP];

(g)

sommarju tal-evidenza pprovduta mill-impriża f'konformità mal-Artikolu 7(2).

(g)

sommarju tad-dikjarazzjoni u, fejn xieraq, l-evidenza pprovduta mill-impriża f'konformità mal-Artikolu 7(2).

(f)

in-numru ta' awditi ta' impriżi li jissodisfaw il-kundizzjonijiet stabbiliti fl-Artikolu 6(1),

(f)

in-numru ta' awditi ta' impriżi li jissodisfaw il-kundizzjonijiet stabbiliti fl-Artikolu 6(1), imqassma f'awditi konġunti u awditi regolari,