|
15.11.2022 |
MT |
Il-Ġurnal Uffiċjali tal-Unjoni Ewropea |
C 433/50 |
L-informazzjoni li ġejja qed tinġieb għall-attenzjoni ta' - ABDOLLAHI Hamed, AL-NASSER Abdelkarim Hussein Mohamed, AL-YACOUB Ibrahim Salih Mohammed, ARBABSIAR Manssor, ASSADI Assadollah, BOUYERI Mohammed, EL HAJJ Hassan Hassan, AL-DIN Izz Hasan, MELIAD Farah, MOHAMMED Khalid Sheikh, SHAHLAI Abdul Reza, SHAKURI Ali Gholam, il-Brigata tal-Martri ta' Al-Aqsa, il-Partit Komunista tal-Filippini, inkluż l-“Armata l-Ġdida tal-Poplu” – “NPA”, il-Fergħa Militari tal-Hizbollah, Ejército de Liberación Nacional (“Armata għal-Liberazzjoni Nazzjonali”), il-Front Popolari għal-Liberazzjoni tal-Palestina – “PFLP”, il-Front Popolari għal-Liberazzjoni tal-Palestina - Kmand Ġenerali, Sendero Luminoso – “SL” (“Triq li Tiddi”), u Teyrbazen Azadiya Kurdistan' – “TAK” persuni u gruppi inklużi fil-lista ta' persuni, gruppi u entitajiet soġġetti għall-Artikoli 2, 3 u 4 tal-Pożizzjoni Komuni tal-Kunsill 2001/931/PESK dwar l-applikazzjoni ta' miżuri speċifiċi fil-ġlieda kontra t-terroriżmu u għar-Regolament tal-Kunsill (KE) Nru 2580/2001 dwar miżuri restrittivi speċifiċi diretti kontra ċerti persuni u entitajiet bil-għan li jiġi miġġieled it-terroriżmu
(2022/C 433/16)
L-informazzjoni li ġejja qed tinġieb għall-attenzjoni tal-persuni u l-gruppi msemmija hawn fuq elenkati fid-Deċiżjoni tal-Kunsill (PESK) 2022/1241 (1) u fir-Regolament ta' Implimentazzjoni tal-Kunsill (UE) 2022/1230 (2).
Ir-Regolament tal-Kunsill (KE) Nru 2580/2001 (3) jipprevedi l-iffriżar tal-fondi kollha, l-assi finanzjarji u r-riżorsi ekonomiċi l-oħrajn li jappartjenu lill-persuni u l-gruppi kkonċernati u li l-ebda fond, assi finanzjarju u riżorsa ekonomika oħra ma jistgħu jsiru disponibbli għalihom, kemm direttament jew indirettament.
Il-Kunsill ingħata tagħrif ġdid rilevanti għall-elenkar tal-persuni u l-gruppi msemmijin hawn fuq. Wara li kkunsidra dan it-tagħrif ġdid, il-Kunsill beħsiebu jemenda d-dikjarazzjonijiet tar-raġunijiet kif meħtieġ.
Il-persuni u l-gruppi kkonċernati jistgħu jippreżentaw talba fl-indirizz li ġej biex jiksbu d-dikjarazzjonijiet tar-raġunijiet maħsuba li jispjegaw għaliex dawn inżammu fuq il-lista msemmija hawn fuq:
|
Kunsill tal-Unjoni Ewropea (Attn: deżinjazzjonijiet tal-COMET) |
|
Rue de la Loi/Wetstraat 175 |
|
1048 Bruxelles/Brussel |
|
BELGIQUE/BELGIË |
|
Indirizz elettroniku: sanctions@consilium.europa.eu |
It-tali talba għandha tiġi ppreżentata sat-22 ta' Novembru 2022.
Il-persuni u l-gruppi jistgħu fi kwalunkwe ħin jippreżentaw talba lill-Kunsill, flimkien ma' kwalunkwe dokumentazzjoni ta' appoġġ, biex id-deċiżjoni li jiġu inklużi u jinżammu fuq il-lista tiġi kkunsidrata mill-ġdid, fl-indirizz ipprovdut hawn fuq. Tali talbiet ser ikunu kkunsidrati meta jiġu riċevuti. F'dan ir-rigward, qed tinġibed l-attenzjoni tal-persuni u l-gruppi kkonċernati għar-reviżjoni regolari tal-lista f'konformità mal-Artikolu 1(6) tal-Pożizzjoni Komuni 2001/931/PESK (4).
Qed tinġibed l-attenzjoni tal-persuni u l-gruppi kkonċernati għall-possibbiltà li ssir applikazzjoni quddiem l-awtoritajiet kompetenti tal-Istat(i) Membru/i rilevanti kif elenkati fl-Anness għar-Regolament, sabiex tinkiseb awtorizzazzjoni biex il-fondi ffriżati jintużaw għal ħtiġijiet essenzjali jew ħlasijiet speċifiċi, skont l-Artikolu 5(2) ta' dak ir-Regolament.
(1) ĠU L 190, 19.7.2022, p. 133.
(2) ĠU L 190, 19.7.2022, p. 1.