Pubblikazzjoni ta’ komunikazzjoni ta’ approvazzjoni ta’ emenda standard għal Speċifikazzjoni tal-Prodott għal isem fis-settur tal-inbid kif imsemmi fl-Artikolu 17(2) u (3) tar-Regolament Delegat tal-Kummissjoni (UE) 2019/33

(2022/C 88/06)

Din il-komunikazzjoni hija ppubblikata f’konformità mal-Artikolu 17(5) tar-Regolament Delegat tal-Kummissjoni (UE) 2019/33 (1).

KOMUNIKAZZJONI TA’ EMENDA STANDARD LI TIMMODIFIKA D-DOKUMENT UNIKU

Rioja

PDO-ES-A0117-AM09

Data tal-komunikazzjoni: 25 ta’ Novembru 2021

DESKRIZZJONI TAL-EMENDA APPROVATA U R-RAĠUNIJIET GĦALIHA

1. Projbizzjoni fuq il-pjantaġġuni mħalltin

Deskrizzjoni:

Il-pjantaġġuni fejn jitkabbru varjetajiet differenti ta’ għeneb li ilhom minn qabel id-dħul fis-seħħ tal-Ordni tat-2 ta’ Ġunju 1976 – fejn, fil-prattika, ma huwiex possibbli li l-varjetajiet differenti jinħasdu kompletament separatament – ġew ipprojbiti.

It-Taqsima 3(a)(1) tal-Ispeċifikazzjoni tal-Prodott u t-Taqsima 5(a) tad-Dokument Uniku ġew emendati skont dan.

Din hija emenda standard, peress li ma tikkorrispondi għall-ebda wieħed mit-tipi elenkati fl-Artikolu 14(1) tar-Regolament Delegat tal-Kummissjoni (UE) 2019/33.

Raġunijiet:

Dawn il-pjantaġġuni mħalltin – fejn il-varjetajiet ma jistgħux jinħasdu separatament – ilhom ipprojbiti b’rabta mal-produzzjoni tal-inbid tad-DOP Rioja mill-1976. Din l-emenda tfisser li l-projbizzjoni hija inkluża fl-istandard xieraq, jiġifieri l-Ispeċifikazzjoni tal-Prodott.

2. Klassifikazzjoni tal-art u rapportar tal-bidliet għall-vinji

Deskrizzjoni:

Ġie speċifikat li l-Bord Regolatorju tad-DOP Rioja huwa responsabbli għall-klassifikazzjoni tal-art fiż-żona tal-produzzjoni li hija adattata għat-tħawwil tal-vinji, u għar-rapportar tal-bidliet minħabba vinji ġodda jew imħawla mill-ġdid u ċirkostanzi mibdula li jistgħu jaffettwaw il-konformità mal-Ispeċifikazzjoni tal-Prodott.

Din l-emenda tikkonċerna t-taqsima 4 tal-Ispeċifikazzjoni tal-Prodott u ma taffettwax id-Dokument Uniku.

Din hija emenda standard, peress li ma tikkorrispondi għall-ebda wieħed mit-tipi elenkati fl-Artikolu 14(1) tar-Regolament Delegat tal-Kummissjoni (UE) 2019/33.

Raġunijiet:

Fil-kapaċità tiegħu bħala l-korp ta’ ġestjoni u monitoraġġ tad-DOP Rioja, il-Bord Regolatorju jrid jivverifika l-kwalitajiet tal-art li fuqha għandhom jitħawlu vinji li l-għeneb tagħhom jista’ jintuża fil-produzzjoni tal-inbid protett. Irid ukoll jivverifika li kwalunkwe tibdil f’dawk il-vinji jikkonforma mal-Ispeċifikazzjoni tal-Prodott.

3. Definizzjoni ta’ unitajiet ġeografiċi iżgħar ġodda msejħa “vinji individwali”

Deskrizzjoni:

Ġew rikonoxxuti għadd ta’ unitajiet ġeografiċi iżgħar ġodda, u ġew imsemmija u ddefiniti fl-Ispeċifikazzjoni tal-Prodott.

Din l-emenda tikkonċerna t-taqsima 4 tal-Ispeċifikazzjoni tal-Prodott u t-taqsima 6 tad-Dokument Uniku.

Din hija emenda standard, peress li ma tikkorrispondi għall-ebda wieħed mit-tipi elenkati fl-Artikolu 14(1) tar-Regolament Delegat tal-Kummissjoni (UE) 2019/33.

Raġunijiet:

Skont il-leġiżlazzjoni tal-UE (l-Artikolu 55(2) tar-Regolament Delegat tal-Kummissjoni (UE) 2019/33), l-unitajiet ġeografiċi iżgħar iridu jkunu ddefiniti sew fl-Ispeċifikazzjoni tal-Prodott u fid-Dokument Uniku.

4. Rekwiżiti applikabbli għall-faċilitajiet tal-maturazzjoni

Deskrizzjoni:

L-Ispeċifikazzjoni tal-Prodott ġiet issupplimentata biex tinkludi r-rekwiżiti applikabbli għall-faċilitajiet fejn l-inbejjed għandhom jiġu mqaddma, jiġifieri l-vibrazzjonijiet iridu jiġu evitati, il-faċilitajiet iridu jkunu ventilati tajjeb, u japplikaw ċerti limiti tat-temperatura u l-umdità. Bl-istess mod, ġew stabbiliti rekwiżiti fir-rigward tal-livelli minimi tal-istokk, in-numru minimu ta’ btieti u kemm jesgħu l-btieti.

Din l-emenda tikkonċerna t-taqsima 8(b)(10)(11) tal-Ispeċifikazzjoni tal-Prodott u ma taffettwax id-Dokument Uniku.

Din hija emenda standard, peress li ma tikkorrispondi għall-ebda wieħed mit-tipi elenkati fl-Artikolu 14(1) tar-Regolament Delegat tal-Kummissjoni (UE) 2019/33.

Raġunijiet:

Ġew stabbiliti rekwiżiti għal dawn il-faċilitajiet ta’ maturazzjoni għal skopijiet ta’ monitoraġġ u kwalità.

DOKUMENT UNIKU

1. Isem/ismijiet għar-reġistrazzjoni

Rioja

2. Tip ta’ indikazzjoni ġeografika

DOP – Denominazzjoni ta’ Oriġini Protetta

3. Kategoriji tal-prodotti tad-dwieli

Inbid

5.	Inbid spumanti ta’ kwalità

4. Deskrizzjoni tal-inbid/inbejjed

1. Inbejjed bojod u rożè (xotti u nofshom misjura)

DESKRIZZJONI TESTWALI KONĊIŻA

Inbejjed bojod: ta’ kulur isfar lewn it-tiben bi ħjiel ta’ lajm, nodfa u jgħajtu. Aroma ta’ frott aħdar, fjuri u ħxejjex, tipika tal-varjetà. Aċidità moderata b’sensazzjoni ta’ freskezza.

Inbejjed rożè: ta’ kulur il-frawli b’laqta ta’ lampun (lewn is-salamun fil-każ tal-inbejjed ta’ “Crianza”), jgħajtu u nodfa. Aroma ta’ frott aħmar u noti ta’ fjuri. Bilanċ bejn l-aċidità u t-togħma ta’ frott fil-ħalq, b’sensazzjoni ta’ freskezza.

Fiż-żewġ każijiet, il-proċess tal-maturazzjoni jwassal biex l-aromi jitħalltu ma’ oħrajn tal-injam tal-ballut (noti tal-vanilla, mixwija u affumikati) u l-aċidità tiġi integrata man-noti tal-injam mixwi.

*	Il-kontenut tal-alkoħol ivarja skont iż-żona sekondarja u l-maturazzjoni.

*	Volatilità akbar fl-inbejjed li għandhom aktar minn sena.

*	SO2 massimu 180 mg/l jekk iz-zokkor huwa < 5 g/l.

*	Għal kwalunkwe limitu li mhux kopert, tapplika l-leġiżlazzjoni attwali.

Karatteristiċi analitiċi
Qawwa alkoħolika totali massima (f’% tal-volum)
Qawwa alkoħolika proprja minima (f’% tal-volum)	10,5
Aċidità totali minima	3,5 grammi għal kull litru, espressi bħala aċidu tartariku
Aċidità volatili massima (f’milliekwivalenti għal kull litru)	13,3
Total massimu ta’ diossidu tal-kubrit (f’milligrammi għal kull litru)	240

2. Inbejjed bojod u rożè (ħelu mezzan u ħelu)

DESKRIZZJONI TESTWALI KONĊIŻA

Inbejjed bojod: ta’ kulur isfar lewn it-tiben bi ħjiel ta’ lajm, nodfa u jgħajtu. Aroma ta’ frott aħdar, fjuri u ħxejjex, tipika tal-varjetà. Aċidità moderata, sensazzjoni ta’ freskezza u ħlewwa fil-ħalq skont it-tip.

Inbejjed rożè: ta’ kulur il-frawli b’laqta ta’ lampun (lewn is-salamun fil-każ tal-inbejjed ta’ “Crianza”), jgħajtu u nodfa. Aroma ta’ frott aħmar u noti ta’ fjuri. Bilanċ bejn l-aċidità/it-togħma ta’ frott, sensazzjoni ta’ freskezza u ħlewwa fil-ħalq skont it-tip.

*	Il-kontenut tal-alkoħol ivarja skont iż-żona sekondarja u l-maturazzjoni.

*	Volatilità akbar fl-inbejjed li għandhom aktar minn sena.

*	SO2 massimu 180 mg/l jekk iz-zokkor huwa < 5 g/l.

*	Għal kwalunkwe limitu li mhux kopert, tapplika l-leġiżlazzjoni attwali.

Karatteristiċi analitiċi
Qawwa alkoħolika totali massima (f’% tal-volum)
Qawwa alkoħolika proprja minima (f’% tal-volum)	10,5
Aċidità totali minima	3,5 grammi għal kull litru, espressi bħala aċidu tartariku
Aċidità volatili massima (f’milliekwivalenti għal kull litru)	25
Total massimu ta’ diossidu tal-kubrit (f’milligrammi għal kull litru)	240

3. Inbejjed ħomor (xotti u nofshom misjurin)

DESKRIZZJONI TESTWALI KONĊIŻA

L-inbejjed mhux imqaddmin huma ta’ kulur vjola bi sfumaturi ta’ vjola ċar. L-inbejjed “Crianza’ huma ta’ kulur marun u aħmar lewn iċ-ċirasa. L-inbejjed “Reserva” huma ta’ kulur aħmar lewn iċ-ċirasa bi ħjiel ta’ aħmar lewn ir-rubin. L-inbejjed “Gran Reserva” huma aħmar lewn ir-rubin bi sfumaturi ta’ aħmar samrani. Aroma: qawwija ta’ frott, varjetali, ta’ fjuri, b’aromi tal-injam tal-ballut mixwi fil-każ tal-inbejjed “Crianza”. L-inbejjed “Reserva” u “Gran Reserva” huma aktar kumplessi b’aromi pikkanti. Togħma: mimlija togħma b’bilanċ bejn l-aċidità/il-kontenut ta’ alkoħol/tannini. Il-maturazzjoni żżid is-sottillezza u testendi l-persistenza fil-ħalq.

*	Il-limiti tal-kontenut tal-alkoħol ivarjaw skont iż-żona u l-maturazzjoni.

*	Aċidità volatili: inbejjed xotti ta’ aktar minn sena, massimu ta’ 1 g/l sa 10 % vol. u 0,06 g/l għal kull grad ta’ alkoħol ’il fuq minn 10 % vol.

*	SO2: massimu ta’ 140 mg/l jekk iz-zokkor ikun < 5 g/l.

*	Għal kwalunkwe limitu li mhux kopert, tapplika l-leġiżlazzjoni attwali.

Karatteristiċi analitiċi
Qawwa alkoħolika totali massima (f’% tal-volum)
Qawwa alkoħolika proprja minima (f’% tal-volum)	11,5
Aċidità totali minima	3,5 grammi għal kull litru, espressi bħala aċidu tartariku
Aċidità volatili massima (f’milliekwivalenti għal kull litru)	13,3
Total massimu ta’ diossidu tal-kubrit (f’milligrammi għal kull litru)	180

4. Inbejjed spumanti ta’ kwalità (bojod jew rożè)

DESKRIZZJONI TESTWALI KONĊIŻA

Inbid li kontinwament jerħi d-diossidu tal-karbonju, li jieħu l-forma viżwali ta’ bżieżaq fini meta jitferra.

L-inbid spumanti ta’ kwalità, bħall-inbid bażi wara l-ewwel fermentazzjoni, huwa ċar, mingħajr partikoli sospiżi, u bi sfumaturi differenti ta’ isfar u roża fil-kulur.

L-aroma tiegħu għandha attributi pożittivi ta’ freskezza u frott, bil-kumplessità li tirriżulta mill-fatt li jinżamm fuq il-karfa matul it-tieni fermentazzjoni. Din tidher l-aktar fl-inbejjed “Reserva” u “Gran Añada”. Irid ikun mingħajr difetti, speċjalment dawk li jirriżultaw mill-ossidazzjoni jew it-tnaqqis.

*	Għal kwalunkwe limitu li mhux kopert, tapplika l-leġiżlazzjoni attwali.

*	Qawwa alkoħolika proprja massima: 13 %.

Karatteristiċi analitiċi
Qawwa alkoħolika totali massima (f’% tal-volum)
Qawwa alkoħolika proprja minima (f’% tal-volum)	11
Aċidità totali minima	5,5 grammi għal kull litru, espressi bħala aċidu tartariku
Aċidità volatili massima (f’milliekwivalenti għal kull litru)	10,83
Total massimu ta’ diossidu tal-kubrit (f’milligrammi għal kull litru)	140

5. Prattiki tal-produzzjoni tal-inbid

5.1. Prattiki enoloġiċi speċifiċi

Prattika ta’ kultivazzjoni

Il-vinji huma kkunsidrati li jibdew jipproduċu fir-raba’ ċiklu ta’ tkabbir tagħhom (jew qabel, soġġett għal awtorizzazzjoni).

Il-pjantaġġuni mħalltin fejn mhux possibbli li l-varjetajiet jinħasdu b’mod kompletament separat huma pprojbiti, ħlief f’ċerti każijiet.

Densità: min. 2 850–mass. 10 000 dielja/ha.

Sistemi ta’ rmondar/tħarriġ: irmondar f’forma ta’ sġajriet u varjanti, cordon doppju, virga u behem, cordon wieħed jew unilaterali, Guyot doppju (għal Chardonnay, Sauvignon Blanc, Verdejo, Maturana Blanca, Tempranillo Blanco u Turruntés biss).

Tagħbija massima: 12-il blanzun/dielja; 16 għall-varjetajiet bojod imsemmija u 14 għal Garnacha. Eċċezzjonijiet possibbli.

Tisqija: Permessa bejn il-15 ta’ Awwissu u l-ħsad bl-użu ta’ sistemi lokalizzati biss u soġġett għas-sottomissjoni ta’ notifika bil-miktub 24 siegħa bil-quddiem; it-tisqija bil-friefet hija permess jekk jingħata l-permess; huma pprojbiti metodi oħra.

Fil-każ tal-inbejjed spumanti ta’ kwalità, l-għeneb irid jinħasad bl-idejn (il-ħsad mekkaniku huwa pprojbit).

Prattika enoloġika speċifika

Il-proporzjon tal-varjetajiet skont it-tip ta’ nbid:

ĦOMOR: min. 95 % varjetajiet ħomor jekk l-għeneb jitneħħielu z-zokk u 85 % jekk ikun f’għenieqed sħaħ.

BOJOD: 100 % għeneb abjad.

ROŻÈ: min. 25 % għeneb aħmar.

INBEJJED SPUMANTI TA’ KWALITÀ (BOJOD U ROŻÈ): b’għeneb abjad u/jew aħmar. L-inbejjed rożè jrid ikollhom mill-inqas 25 % għeneb aħmar.

It-taħlit fakultattiv tal-kuluri tal-għeneb irid isir wara l-kunsinna.

Karatteristiċi tal-għeneb: f’saħħtu u b’saħħa naturali minima ta’ 11 % vol. għall-inbejjed ħomor, 10,5 % vol. għall-inbejjed bojod u 9,5 % vol. għall-inbejjed spumanti ta’ kwalità.

Rendiment massimu ta’ proċessar:

—	70 litru għal kull 100 kg maħsud f’każ ta’ nbejjed. Dan jista’ jvarja f’ċerti limiti f’każijiet eċċezzjonali.

—	62 litru għal kull 100 kg maħsud f’każ ta’ nbejjed spumanti ta’ kwalità. Dan jista’ jvarja f’ċerti limiti f’każijiet eċċezzjonali.

—	65 litru għal kull 100 kg maħsud f’każ ta’ nbejjed li se jkollhom l-indikazzjoni “viñedo singular” (vinja individwali). Ma hija permessa l-ebda varjazzjoni.

Restrizzjoni rilevanti fuq il-produzzjoni tal-inbejjed

Projbizzjonijiet:

—	L-użu ta’ frazzjonijiet tal-most jew tal-inbid miksuba minn pressjonijiet inadegwati fl-inbejjed protetti

—	L-użu ta’ pressi bil-kamin kontinwi, magni tat-tgħaffiġ b’azzjoni ċentrifuga, it-tisħin minn qabel tal-għeneb jew it-tisħin tal-most jew tal-inbid fil-preżenza tal-karfa sabiex tiġi sfurzata l-estrazzjoni ta’ materjal koloranti

—	L-użu ta’ biċċiet tal-injam tal-ballut fil-produzzjoni, il-maturazzjoni u l-ħażna

—	It-taħlit ta’ tipi differenti ta’ nbid biex jinkiseb inbid li huwa differenti mill-inbejjed imħalltin

Kundizzjonijiet speċifiċi tal-produzzjoni tal-inbid:

—	Fermentazzjoni fil-bittija: fil-każ ta’ nbejjed bojod u rożè biss, li jridu jibqgħu fil-bittija għal mill-inqas xahar.

—	Maċerazzjoni karbonika: il-perċentwal massimu ta’ għeneb abjad permess fil-produzzjoni ta’ nbejjed ħomor huwa ta’ 5 % jekk l-għeneb ikun tneħħielu z-zokk u 15 % jekk ikun f’għenieqed sħaħ.

—

Inbid spumanti ta’ kwalità: skont il-metodu tradizzjonali. Mill-inqas 15-il xahar konsekuttivi bejn it-tirage u l-isbokkament, fl-istess flixkun. Il-proċess kollu tal-produzzjoni, inkluż it-tikkettar, isir fl-istess kantina tal-inbid. Fil-fermentazzjoni sekondarja, il-qawwa alkoħolika proprja ma għandhiex taqbeż il-1,5 % vol. Il-likur ta’ spedizzjoni ma għandux iżid il-qawwa alkoħolika proprja b’aktar minn 0,5 % vol. Wara l-isbokkament, it-trasferiment mingħajr il-filtrazzjoni lejn fliexken tal-ħġieġ b’kapaċità ta’ inqas minn 0,75 l jew 3 l jew aktar huwa permess. L-aċidifikazzjoni u t-tneħħija tal-kulur huma pprojbiti.

5.2. Rendimenti massimi għal kull ettaru

1.	Varjetajiet tal-għeneb aħmar

6 500 kilogramma għeneb għal kull ettaru

2.	Varjetajiet tal-għeneb aħmar

45,5 ettolitru għal kull ettaru

3.	Varjetajiet tal-għeneb abjad

9 000 kilogramma għeneb għal kull ettaru

4.	Varjetajiet tal-għeneb abjad

63 ettolitru għal kull ettaru

5.	Għeneb aħmar maħsub għall-produzzjoni tal-inbid “viñedo singular” (vinja individwali)

5 000 kilogramma għeneb għal kull ettaru

6.	Għeneb aħmar maħsub għall-produzzjoni tal-inbid “viñedo singular”

32,5 ettolitru għal kull ettaru

7.	Għeneb abjad maħsub għall-produzzjoni tal-inbid “viñedo singular”

6 922 kilogramma għeneb għal kull ettaru

8.	Għeneb abjad maħsub għall-produzzjoni tal-inbid “viñedo singular”

44,99 ettolitru għal kull ettaru

6. Definizzjoni taż-żona demarkata

RIOJA ALTA

Il-Komunità Awtonoma ta’ La Rioja

Ábalos

Alesanco

Alesón

Anguciana

Arenzana de Abajo

Arenzana de Arriba

Azofra

Badarán

Bañares

Baños de Río Tobía

Baños de Rioja

Berceo

Bezares

Bobadilla

Briñas

Briones

Camprovín

Canillas

Cañas

Cárdenas

Casalarreina

Castañares de Rioja

Cellórigo

Cenicero

Cidamón

Cihuri

Cirueña

Cordovín

Cuzcurrita de Río Tirón

Daroca de Rioja

Entrena

Estollo

Foncea

Fonzaleche

Fuenmayor

Galbárruli

Gimileo

Haro

Hervías

Herramélluri

Hormilla

Hormilleja

Hornos de Moncalvillo

Huércanos

Lardero

Leiva

Logroño

Manjarrés

Matute

Medrano

Nájera

Navarrete

Ochánduri

Ollauri

Rodezno

Sajazarra

San Asensio

San Millán de Yécora

San Torcuato

San Vicente de la Sonsierra

Santa Coloma

Sojuela

Sorzano

Sotés

Tirgo

Tormantos

Torrecilla sobre Alesanco

Torremontalbo

Treviana

Tricio

Uruñuela

Ventosa

Villalba de Rioja

Villar de Torre

Villarejo

Zarratón

Il-Provinċja ta’ Burgos (Miranda de Ebro): El Ternero (enklav)

RIOJA ORIENTAL

Il-Komunità Awtonoma ta’ La Rioja

Agoncillo

Aguilar del Río Alhama

Albelda

Alberite

Alcanadre

Aldeanueva de Ebro

Alfaro

Arnedillo

Arnedo

Arrúbal

Ausejo

Autol

Bergasa

Bergasilla

Calahorra

Cervera del Río Alhama

Clavijo

Corera

Cornago

El Redal

El Villar de Arnedo

Galilea

Grávalos

Herce

Igea

Lagunilla de Jubera

Leza del Río Leza

Molinos de Ocón

Murillo de Río Leza

Muro de Aguas

Nalda

Ocón (La Villa)

Pradejón

Préjano

Quel

Ribafrecha

Rincón de Soto

Santa Engracia de Jubera (iż-żona tat-Tramuntana)

Santa Eulalia Bajera

Tudelilla

Villamediana de Iregua

Villarroya

Il-Komunità Awtonoma ta’ Navarre

Andosilla

Aras

Azagra

Bargota

Mendavia

San Adrián

Sartaguda

Viana

RIOJA ALAVESA

Il-Provinċja ta’ Álava

Baños de Ebro

Barriobusto

Cripán

Elciego

Elvillar de Álava

Labastida

Labraza

Laguardia

Lanciego

Lapuebla de La barca

Leza

Moreda de Álava

Navaridas

Oyón

Salinillas de Buradón

Samaniego

Villabuena de Álava

Yécora

Il-vinji li jinsabu fil-muniċipalità ta’ Lodosa fuq ix-xatt tal-lemin tal-Ebro li ddaħħlu fir-reġistru tad-dwieli tal-Bord fid-29 ta’ April 1991 se jibqgħu reġistrati sakemm jibqgħu jeżistu.

Kwalunkwe bidla fil-konfini ta’ muniċipalità inkluża fiż-żona tal-produzzjoni ma tirriżultax fit-tneħħija tal-vinji rreġistrati mir-reġistru tad-dwieli.

Iż-żona tal-produzzjoni tinkludi unitajiet ġeografiċi iżgħar li huma identifikati bħala “viñedos singulares” (vinji individwali). Dawn huma iżgħar minn muniċipalità u jistgħu jikkonsistu f’roqgħa katastali waħda jew diversi differenti. Id-dwieli jrid ikollhom mill-inqas 35 sena.

Il-vinji individwali rikonoxxuti huma demarkati fl-Anness għall-Ordni APA/816/2019 tat-28 ta’ Ġunju 2019 (Gazzetta Uffiċjali tal-Istat 181 tat-30 ta’ Lulju 2019) (https://www.boe.es/boe/dias/2019/07/30/pdfs/BOE-A-2019-11186.pdf), l-Anness għall-Ordni APA/780/2020 tat-3 ta’ Awwissu 2020 (Gazzetta Uffiċjali tal-Istat 214 tat-8 ta’ Awwissu 2020) (https://www.boe.es/boe/dias/2020/08/08/pdfs/BOE-A-2020-9446.pdf), l-Anness għall-Ordni APA/468/2021 tal-5 ta’ Mejju 2021 (Gazzetta Uffiċjali tal-Istat 115 tal-14 ta’ Mejju 2021) (https://www.boe.es/boe/dias/2021/05/14/pdfs/BOE-A-2021-8011.pdf) u r-Rettifika għall-Ordni APA/468/2021 tal-5 ta’ Mejju 2021 (Gazzetta Uffiċjali tal-Istat 137 tad-9 ta’ Ġunju 2021) (https://www.boe.es/boe/dias/2021/06/09/pdfs/BOE-A-2021-9611.pdf).

7. Varjetà jew varjetajiet tad-dwieli li minnhom jinkiseb l-inbid / jinkisbu l-inbejjed

ALARIJE - MALVASÍA RIOJANA

ALBILLO MAYOR - TURRUNTÉS

CHARDONNAY

GARNACHA BLANCA

GARNACHA TINTA

GRACIANO

MACABEO - VIURA

MATURANA BLANCA

MATURANA TINTA

MAZUELA

SAUVIGNON BLANC

TEMPRANILLO

TEMPRANILLO BLANCO

VERDEJO

8. Deskrizzjoni tar-rabta/rabtiet

8.1. Inbid

L-inbejjed magħmulin minn għeneb imkabbar f’Rioja Alta huma kkaratterizzati mill-influwenza speċjali tal-klima Atlantika, li tagħtihom qawwa alkoħolika moderata, korpożità u aċidità għolja. Dawn il-kwalitajiet jagħmlu l-inbejjed tajbin għall-maturazzjoni fil-btieti. Iż-żona jkollha inqas sigħat ta’ dawl matul il-ġurnata waqt iċ-ċiklu tat-tkabbir miż-żona aktar fin-Nofsinhar koperta mid-denominazzjoni. Tagħmel ukoll aktar xita, li għandha effett dirett fuq l-aċidità tal-inbejjed. Dawn il-fatturi, flimkien mal-protezzjoni mogħtija minn Sierra de Cantabria, itejbu l-karatteristiċi tal-inbejjed deskritti hawn fuq, sew jekk waħedhom jew jekk imħallta ma’ nbejjed minn żoni oħra. Fil-każ taż-żona ta’ Rioja Alavesa, il-konverġenza tal-klimi tal-Atlantiku u tal-Mediterran tfisser li l-inbejjed għandhom qawwa alkoħolika kemxejn ogħla minn dawk imsemmija qabel. Għandhom ukoll aċidità kemxejn aktar baxxa u huma aktar versatili peress li jistgħu jitgawdew mhux imqaddmin iżda huma wkoll tajbin għall-maturazzjoni. Din iż-żona hija protetta saħansitra aktar minn Sierra de Cantabria, fit-Tramuntana. Is-sigħat ta’ dawl matul il-ġurnata huma simili għal dawk ta’ Rioja Alta filwaqt li tagħmel kemxejn inqas xita. Il-versatilità tagħhom tagħmilhom ukoll ideali għall-użu fil-produzzjoni ta’ nbejjed imħalltin. Fl-aħħar nett, fil-każ taż-żona l-aktar fin-Nofsinhar, Rioja Oriental, insibu inqas xita u klima notevolment Mediterranja ġeneralment ikkaratterizzata minn aktar xemx. L-inbejjed għandhom qawwa alkoħolika ogħla, għandhom ħafna estratti u huma ideali għat-taħlit biex jipproduċu nbejjed maħsuba għall-maturazzjoni. Jistgħu wkoll jitgawdew mhux imqaddmin.

L-analiżi tal-ħamrija turi li hemm tliet tipi ewlenin. L-ewwel nett, hemm il-ħamrija taflija u tal-ġebla tal-ġir li tinsab fl-aktar parti fit-Tramuntana taż-żona koperta mid-denominazzjoni. Din hija r-riżorsa bażika għat-tkabbir tad-dwieli f’Rioja Alavesa u Rioja Alta. Imbagħad, f’din tal-aħħar u f’Rioja Oriental, hemm ukoll ħamrija taflija alluvjali u b’ħafna ħadid li tipproduċi nbejjed b’palat aktar baxx minn dawk imsemmija qabel.

F’termini ekonomiċi, l-inbid jammonta għal 20 % tal-PDG tar-reġjun. Dan, flimkien mal-fatt li l-inbid ilu jitkabbar fir-reġjun minn żmien il-qedem, ifisser li r-reġjun huwa dipendenti fuq is-sostenibbiltà tat-tkabbir tal-inbid u li jittieħed vantaġġ sħiħ mill-kundizzjonijiet naturali deskritti. B’mod partikolari, hemm l-ispeċjalità tal-maturazzjoni tal-inbejjed, li rriżultat f’waħda mill-ogħla konċentrazzjonijiet ta’ btieti tal-ballut fid-dinja.

8.2. Inbid spumanti ta’ kwalità

Filwaqt li d-denominazzjoni hija assoċjata l-aktar mal-produzzjoni ta’ nbejjed bla gass, xi kantini tal-inbid madankollu ilhom jipproduċu nbejjed spumanti ta’ kwalità bil-metodu tradizzjonali minn nofs is-seklu dsatax, u għalhekk għandhom l-għarfien u l-esperjenza.

Il-freskezza u l-aċidità huma żewġ elementi ewlenin fil-produzzjoni tal-inbejjed spumanti ta’ kwalità. Iż-żona koperta mid-denominazzjoni tinsab f’żona ta’ temperaturi aktar friski fuq l-iskala Winkler. Dan jikkontribwixxi għal ċikli qosra ta’ tkabbir li jirriżultaw f’sajran fenoliku korrett mingħajr livelli għoljin ta’ qawwa alkoħolika: karatteristiċi li jipprovdu l-punt tat-tluq ideali għall-produzzjoni ta’ dawn l-inbejjed.

9. Rekwiżiti oħra applikabbli (ippakkjar, tikkettar, rekwiżiti addizzjonali)

Qafas legali:

Fil-leġiżlazzjoni nazzjonali

Tip ta’ rekwiżit ieħor:

L-ippakkjar fiż-żona ġeografika demarkata

Deskrizzjoni tar-rekwiżit:

L-inbejjed li għandhom jiġu kkummerċjalizzati bid-denominazzjoni ta’ oriġini kkwalifikata Rioja jridu jiġu bbottiljati f’kantini tal-inbid irreġistrati li huma awtorizzati mill-Bord Regolatorju. Inkella, ma jistgħux jużaw id-denominazzjoni.

Dan ir-rekwiżit ġie stabbilit b’reazzjoni għall-fatt li hemm riskju akbar li tiġi affettwata ħażin il-kwalità tal-prodott finali jekk jiġi ttrasportat u bbottiljat barra ż-żona tal-produzzjoni milli kieku dawk l-operazzjonijiet iseħħu f’dik iż-żona. Ir-rekwiżit iservi biex jipproteġi r-reputazzjoni tajba tal-inbid ta’ La Rioja billi jissaħħaħ il-kontroll tal-karatteristiċi speċjali u tal-kwalità tiegħu. Dan jipproteġi d-denominazzjoni ta’ oriġini kkwalifikata li jibbenefikaw minnha l-produtturi kkonċernati kollha. Id-deċiżjoni ġiet ikkonfermata b’sentenza tal-Qorti tal-Ġustizzja tal-Unjoni Ewropea tas-16 ta’ Mejju 2000.

Qafas legali:

Fil-leġiżlazzjoni nazzjonali

Tip ta’ rekwiżit ieħor:

Dispożizzjonijiet addizzjonali relatati mat-tikkettar

Deskrizzjoni tar-rekwiżit:

Il-kelma RIOJA trid tidher b’mod prominenti fuq it-tikkettar. L-elementi li ġejjin iridu jidhru taħt il-kelma RIOJA: il-kliem “Denominación de Origen Calificada” (Denominazzjoni ta’ Oriġini Kkwalifikata); is-siġill tal-Bord Regolatorju; l-isem tad-ditta; l-isem jew l-isem tan-negozju ta’ kantina tal-inbid irreġistrata jew isem kummerċjali.

It-termini “bittija” u “injam” ma għandhomx jintużaw fil-kummerċjalizzazzjoni, ir-reklamar jew it-tikkettar tal-inbejjed sakemm jitlesta l-proċess ta’ maturazzjoni.

L-isem ta’ żona jew muniċipalità jista’ jintuża jekk l-għeneb ikun minn hemm u l-inbid ikun ġie prodott, imqaddem (jekk applikabbli) u bbottiljat hemmhekk. 15 % (mass.) tal-għeneb użat biex isir l-inbid jista’ jiġi minn vinji rreġistrati li jinsabu f’muniċipalitajiet li jmissu maż-żona jew il-muniċipalità fejn ikun ibbażat l-operatur. Għandha tiġi pprovduta evidenza li dak il-perċentwal ta’ għeneb se jkun disponibbli fuq bażi esklużiva għal perjodu ta’ mill-inqas 10 snin konsekuttivi.

Fil-każ tal-inbejjed spumanti ta’ kwalità, l-espressjoni “Método Tradicional” [Metodu Tradizzjonali] trid tidher eżatt taħt it-terminu li jirreferi għall-kontenut taz-zokkor, b’daqs tat-tipa li ma jkunx akbar minn dak użat għall-isem Rioja.

Fuq it-tikketta li jkun fiha l-informazzjoni obbligatorja, id-daqs tat-tipa tal-espressjoni “Método Tradicional” ma għandux ikun iżgħar minn 0,3 cm.

It-terminu “viñedo singular” [vinja individwali] irid jidher immedjatament taħt l-isem tal-vinja rreġistrata bħala trademark, b’daqs tat-tipa, wisa’ u kulur li huma l-aktar l-aktar ekwivalenti għal dawk użati għall-isem Rioja.

Qafas legali:

Fil-leġiżlazzjoni nazzjonali

Tip ta’ rekwiżit ieħor:

Dispożizzjonijiet addizzjonali relatati mat-tikkettar

Deskrizzjoni tar-rekwiżit:

Mingħajr preġudizzju għal dan ta’ hawn fuq, ir-rekwiżiti minimi dwar it-tikkettar stipulati f’konformità mal-Artikolu 17(h)(4) tal-Liġi 6/2015 tat-12 ta’ Mejju 2015 dwar denominazzjonijiet ta’ oriġini u indikazzjonijiet ġeografiċi protetti fil-livell sovra-Komunità Awtonoma għandhom jiġu osservati.

Link għall-ispeċifikazzjoni tal-prodott

https://www.mapa.gob.es/es/alimentacion/temas/calidad-diferenciada/dop-igp/htm/dop_rioja.aspx

(1) ĠU L 9, 11.1.2019, p. 2.