Brussell, 9.9.2022

COM(2022) 451 final

Proposta għal

DEĊIŻJONI TAL-KUNSILL

dwar il-pożizzjoni li għandha tittieħed f’isem l-Unjoni Ewropea fid-19-il laqgħa tal-Konferenza tal-Partijiet għall-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CoP19 tas-CITES)

(Il-Belt tal-Panama, il-Panama, 14-25 ta’ Novembru 2022)


MEMORANDUM TA’ SPJEGAZZJONI

1.Suġġett tal-proposta

Din il-proposta tikkonċerna d-deċiżjoni li tistabbilixxi l-pożizzjoni li għandha tittieħed f’isem l-Unjoni fid-19-il laqgħa tal-Konferenza tal-Partijiet għall-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CoP19 tas-CITES) b’konnessjoni mal-adozzjoni prevista ta’ deċiżjonijiet li fost affarijiet oħra, jemendaw l-Appendiċijiet tal-Konvenzjoni.

2.Kuntest tal-proposta

2.1.Il-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu

Il-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (“il-Konvenzjoni” jew CITES) għandha l-għan li tipproteġi l-annimali u l-pjanti selvaġġi minn sfruttament żejjed permezz tal-kummerċ internazzjonali. Il-Konvenzjoni daħlet fis-seħħ fl-1 ta’ Lulju 1975.

L-Unjoni Ewropea u l-Istati Membri kollha tagħha huma Partijiet għall-Konvenzjoni 1 .

2.2.Il-Konferenza tal-Partijiet għall-Konvenzjoni

Il-Konferenza tal-Partijiet (CoP) hija l-korp governattiv tal-Konvenzjoni, stabbilit skont l-Artikolu XI tal-Konvenzjoni. Il-CoP tiltaqa’ kull sentejn jew tlieta biex tagħmel rieżami tal-implimentazzjoni tal-Konvenzjoni. B’mod partikolari, tqis u tadotta proposti biex temenda l-listi tal-ispeċijiet fl-Appendiċijiet I u II tal-Konvenzjoni. Il-CoP tqis ukoll id-dokumenti ta’ diskussjoni u r-rapporti mill-Partijiet, mill-kumitati permanenti, mis-Segretarjat u mill-gruppi ta’ ħidma, u tirrakkomanda miżuri biex il-Konvenzjoni tiġi implimentata b’mod aktar effettiv.

Kemm jista’ jkun, il-CoP tiddeċiedi b’konsensus dwar il-proposti biex l-Appendiċijiet I u II jiġu emendati. Meta l-CoP ma tilħaqx konsensus, id-deċiżjonijiet jitpoġġew għal vot u jistgħu jiġu adottati b’maġġoranza ta’ żewġ terzi tar-rappreżentanti preżenti u li jivvotaw skont l-Artikolu XV(1)(b) tal-Konvenzjoni. Kull Parti għandha vot wieħed, ħlief l-organizzazzjonijiet reġjonali għall-integrazzjoni ekonomika li, fl-oqsma tal-kompetenza tagħhom, għandhom id-“dritt li jivvutaw b’numru ta’ voti ugwali għan-numru tal-Istati Membri tagħhom li huma Partijiet għall-Konvenzjoni” skont l-Artikolu XXI(5) tal-Konvenzjoni. L-Unjoni u l-Istati Membri jeżerċitaw id-drittijiet tal-vot tagħhom b’mod alternattiv, skont is-suġġett tad-deċiżjoni li għandha tittieħed. Dwar id-deċiżjonijiet biex jiġu emendati l-Appendiċijiet, id-drittijiet tal-vot huma eżerċitati mill-Unjoni, minħabba li l-Appendiċijiet tas-CITES huma trasposti fil-leġiżlazzjoni tal-Unjoni rilevanti 2 .

2.3.Id-deċiżjonijiet mistennija tal-Konferenza tal-Partijiet

Bejn l-14 u l-25 ta’ Novembru 2022, matul id-19-il laqgħa tagħha, il-Konferenza tal-Partijiet għandha tiddeċiedi dwar 52 proposta biex temenda l-Appendiċijiet tas-CITES (“proposti ta’ elenkar”). L-iskop li jiġu inklużi speċijiet partikolari jew gruppi ta’ speċijiet fl-Appendiċijiet huwa li jkun hemm monitoraġġ u regolamentazzjoni (Appendiċi II) jew li jkun hemm projbizzjoni ġenerali (Appendiċi I) ta’ negozjar kummerċjali f’dawk l-ispeċijiet.

Bħala partijiet integrali tal-Konvenzjoni, l-Appendiċijiet huma legalment vinkolanti. Skont l-Artikolu XV(1)(c) tal-Konvenzjoni, l-emendi deċiżi mill-CoP isiru applikabbli fi żmien 90 jum wara tmiem il-CoP.

3.Pożizzjoni li għandha tittieħed f’isem l-Unjoni

Bħala Parti għall-Konvenzjoni, l-Unjoni għandha tieħu pożizzjoni dwar kull waħda mill-proposti ta’ elenkar u fuq id-diversi abbozzi ta’ deċiżjonijiet oħra fuq l-aġenda tal-CoP. Il-proposti ta’ elenkar, inkluż dawk li ġew sottomessi mill-Unjoni nnifisha u d-deċiżjonijiet proposti l-oħra tal-CoP, ġew rieżaminati minn esperti mill-Kummissjoni u mill-Istati Membri, inkluż fir-rigward tal-impatti potenzjali tagħhom fuq ir-regoli u l-politiki rilevanti tal-Unjoni. Il-pożizzjoni proposta mill-Kummissjoni hija msejsa fuq dawn id-diskussjonijiet ta’ esperti, li saru fil-kuntest tal-gruppi ta’ esperti rilevanti tal-Kummissjoni.

Il-proposti ta’ elenkar u bosta mill-abbozzi tad-deċiżjonijiet l-oħra tal-CoP jistgħu jaffettwaw ir-regoli tal-UE jew jibdlu l-kamp ta’ applikazzjoni tagħhom, l-aktar minħabba li jkunu jinvolvu emendi għal leġiżlazzjoni rilevanti u r-regoli ta’ implimentazzjoni tal-Unjoni. Bidliet fl-Appendiċijiet tal-Konvenzjoni iridu jiġu riflessi fl-acquis tal-UE, permezz ta’ bidliet korrispondenti fir-Regolament tal-Kunsill (KE) Nru 338/97 u, meta relevanti, fir-Regolamenti ta’ implimentazzjoni. Ir-riżultat ta’ dan se jkun il-ħolqien jew it-tneħħija ta’ restrizzjonijiet għall-kummerċ mill-UE, fiha jew madwarha għall-ispeċijiet effettwati minn dawn il-bidliet.

Il-Kummissjoni tinsab f’kuntatt regolari mal-partijiet ikkonċernati li għandhom interess fi kwistjonijiet koperti mill-Konvenzjoni, bħal organizzazzjonijiet mhux governattivi ambjentali, rappreżentanti ta’ setturi tan-negozju involuti fil-kummerċ jew fl-użu ta’ prodotti tal-organiżmi selvaġġi, u organizzazzjonijiet tal-kaċċa jew tas-sajd. Fil-15 ta’ Lulju 2022, il-Kummissjoni kellha laqgħa konsultattiva mal-partijiet ikkonċernati interessati sabiex tikseb il-fehmiet tagħhom dwar il-kwistjonijiet li qed jiġu diskussi għall-CoP19 tas-CITES. Il-Kummissjoni qieset kif xieraq il-kontribut li taw il-partijiet ikkonċernati fl-iżvilupp tad-Deċiżjoni tal-Kunsill proposta.

L-analiżijiet ulterjuri tal-proposti tal-CoP jitwettqu mis-Segretarjat tas-CITES u minn esperti tal-organizzazzjonijiet speċjalizzati bħall-Unjoni Internazzjonali għall-Konservazzjoni tan-Natura (IUCN), minn TRAFFIC, in-network ta’ monitoraġġ tal-kummerċ tal-organiżmi selvaġġi, u mill-Panel Konsultattiv Espert tal-Organizzazzjoni tal-Ikel u l-Agrikoltura (FAO) għall-valutazzjoni tal-proposti ta’ elenkar għall-ispeċi tas-CITES. Ħafna minn dawn l-analiżijiet ma kinux disponibbli fil-ħin għall-proposta tal-Kummissjoni; jenħtieġ li kollha jiġu kkunsidrati bis-sħiħ meta l-proposta tiġi diskussa mal-Istati Membri fil-Kunsill.

Bosta dokumenti ta’ ħidma għall-CoP19 tas-CITES lanqas ma kienu disponibbli fil-ħin biex il-Kummissjoni tipproponi pożizzjoni tal-Unjoni bħalissa. Il-Kummissjoni għalhekk tipproponi li l-pożizzjonijiet dwar dawk il-kwistjonijiet tiġi stabbilita waqt id-diskussjonijiet fil-grupp ta’ ħidma tal-Kunsill, jew matul il-laqgħa tal-CoP għad-dokumenti li jsiru disponibbli dakinhar.

4.Bażi ġuridika

4.1.Bażi ġuridika proċedurali

4.1.1.Prinċipji

L-Artikolu 218(9) tat-Trattat dwar il-Funzjonament tal-Unjoni Ewropea (TFUE) jipprevedi deċiżjonijiet li jistabbilixxu “l-pożizzjonijiet li għandhom jiġu adottati f’isem l-Unjoni f’sede stabbilita fi ftehim, meta dik is-sede tintalab tadotta atti li jkollhom effetti legali, sakemm dawn ma jkunux atti li jissupplimentaw jew jemendaw il-qafas istituzzjonali tal-ftehim”.

Il-kunċett ta’ “atti li jkollhom effetti legali” jinkludi l-atti li għandhom effetti legali bis-saħħa tar-regoli tad-dritt internazzjonali li jirregolaw il-korp inkwistjoni. Dan jinkludi wkoll l-istrumenti li ma jkollhomx effett vinkolanti skont id-dritt internazzjonali, iżda li “jistgħu jinfluwenzaw b’mod determinanti l-kontenut tal-leġiżlazzjoni adottata mil-leġiżlatur tal-Unjoni” 3 .

4.1.2.Applikazzjoni għall-każ attwali

Il-Konferenza tal-Partijiet hija korp stabbilit bi ftehim, jiġifieri s-CITES.

Bosta mill-atti li l-CoP hija mitluba tadotta jikkostitwixxu atti b’effetti legali. L-Appendiċijiet emendati, li huma parti integrali tal-Konvenzjoni, se jkunu vinkolanti skont il-liġi internazzjonali. Uħud mid-deċiżjonijiet l-oħra tas-CoP se jinfluwenzaw b’mod determinanti l-kontenut tal-leġiżlazzjoni tal-UE, partikolarment ir-Regolament tal-Kummissjoni (KE) Nru 865/2006 4 u r-Regolament ta’ Implimentazzjoni tal-Kummissjoni (UE) Nru 792/2012 5 . Dan għaliex iż-żewġ atti huma allinjati mill-qrib mar-regoli rilevanti għall-implimentazzjoni tal-Konvenzjoni kif deċiż mill-CoP.

L-att previst la jissupplimenta u lanqas jemenda l-qafas istituzzjonali tal-Ftehim.

Għalhekk, il-bażi ġuridika proċedurali għad-Deċiżjoni proposta hija l-Artikolu 218(9) tat-TFUE.

4.2.Bażi ġuridika sostantiva

4.2.1.Prinċipji

Il-bażi ġuridika sostantiva għal deċiżjoni skont l-Artikolu 218(9) tat-TFUE tiddependi qabel xejn mill-objettiv u mill-kontenut tal-att previst li fir-rigward tiegħu tittieħed il-pożizzjoni f’isem l-Unjoni. Jekk l-att previst ikollu żewġ miri jew żewġ komponenti, u jekk waħda minn dawk il-miri jew wieħed minn dawk il-komponenti jkun jista’ jiġi identifikat bħala dak ewlieni, filwaqt li l-ieħor ikun sempliċement inċidentali, id-deċiżjoni skont l-Artikolu 218(9) tat-TFUE trid tissejjes fuq bażi ġuridika sostantiva waħda, jiġifieri dik meħtieġa mill-mira jew mill-komponent ewlieni jew predominanti.

Għal att previst li jsegwi għadd ta’ objettivi f’daqqa, jew li għandu diversi komponenti, li huma marbuta b’mod inseparabbli mingħajr ma wieħed ikun inċidentali għall-ieħor, il-bażi ġuridika sostantiva ta’ deċiżjoni skont l-Artikolu 218(9) tat-TFUE jkollha tinkludi, b’mod eċċezzjonali, id-diversi bażijiet ġuridiċi korrispondenti.

4.2.2.Applikazzjoni għall-każ attwali

Id-deċiżjonijiet previsti tas-CoP għandhom objettivi u komponenti fil-qasam tal-“ambjent” u tal-“kummerċ”. Dawn l-elementi tal-att previst huma marbuta b’mod inseparabbli mingħajr ma wieħed ikun inċidentali għall-ieħor.

Għalhekk, il-bażi ġuridika sostantiva tad-deċiżjoni proposta tikkonsisti mid-dispożizzjonijiet li ġejjin: l-Artikoli 192(1) u 207(3) u (4), l-ewwel subparagrafu.

4.3.Konklużjoni

Il-bażi ġuridika tad-deċiżjoni proposta jenħtieġ li jkunu l-Artikoli 192(1) u 207(3) u (4), l-ewwel subparagrafu flimkien mal-Artikolu 218(9) tat-TFUE.

Proposta għal

DEĊIŻJONI TAL-KUNSILL

dwar il-pożizzjoni li għandha tittieħed f’isem l-Unjoni Ewropea fid-19-il laqgħa tal-Konferenza tal-Partijiet għall-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CoP19 tas-CITES)

(Il-Belt tal-Panama, il-Panama, 14-25 ta’ Novembru 2022)

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikoli 192(1) u 207(3) u (4), l-ewwel subparagrafu, flimkien mal-Artikolu 218(9) tiegħu,

Wara li kkunsidra l-proposta tal-Kummissjoni Ewropea,

Billi:

(1)Il-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (“il-Konvenzjoni”) li l-Unjoni aderixxiet magħha permezz tad-Deċiżjoni tal-Kunsill (UE) 2015/451 tas-6 ta’ Marzu 2015 6 , u daħlet fis-seħħ fl-1 ta’ Lulju 1975. 

(2)Skont l-Artikolu XI(3) tal-Konvenzjoni, il-Konferenza tal-Partijiet tista’, inter alia, tadotta deċiżjonijiet biex ikunu emendati l-Appendiċijiet tal-Konvenzjoni.

(3)Il-Konferenza tal-Partijiet, matul id-19-il laqgħa tagħha mill-14 sal-25 ta’ Novembru 2022, għandha tadotta deċiżjonijiet dwar 52 proposta li jemendaw l-Appendiċijiet tal-Konvenzjoni, kif ukoll dwar bosta kwistjonijiet oħra relatati mal-implimentazzjoni u mal-interpretazzjoni tal-Konvenzjoni.

(4)Jixraq li tiġi stabbilita l-pożizzjoni li għandha tittieħed f’isem l-Unjoni waqt il-Konferenza tal-Partijiet peress li l-emendi għall-Appendiċijiet se jkunu jorbtu lill-Unjoni u bosta deċiżjonijiet oħra se jkunu jistgħu jinfluwenzaw b’mod determinanti l-kontenut tad-dritt tal-Unjoni. Dawn jinkludu, b’mod partikolari, ir-Regolament tal-Kummissjoni (KE) Nru 865/2006 li jistabbilixxi regoli dettaljati dwar l-implimentazzjoni tar-Regolament tal-Kunsill (KE) Nru 338/97 dwar il-protezzjoni ta’ speċi ta’ fawna u flora selvaġġi billi jkun regolat il-kummerċ fihom, u r-Regolament ta’ Implimentazzjoni tal-Kummissjoni (UE) Nru 792/2012 li jistipula regoli għat-tfassil ta’ permessi, ċertifikati u dokumenti oħrajn ipprovduti fir-Regolament tal-Kunsill (KE) Nru 338/97 dwar il-protezzjoni ta’ speċi ta’ fawna u flora selvaġġi billi jkun regolat il-kummerċ fihom u li jemenda r-Regolament tal-Kummissjoni (KE) Nru 865/2006.

(5)Il-pożizzjoni proposta li għandha tittieħed fuq il-proposti differenti qabel il-Konferenza tal-Partijiet hija msejsa fuq analiżi esperta tal-merti tagħhom, filwaqt li jitqiesu d-dispożizzjonijiet tal-Konvenzjoni, fid-dawl tal-aqwa evidenza xjentifika disponibbli, kif ukoll fuq il-livell tal-konsistenza tagħhom mar-regoli u l-politiki rilevanti tal-Unjoni.

ADOTTA DIN ID-DEĊIŻJONI:

Artikolu 1

Il-pożizzjoni li għandha tittieħed f’isem l-Unjoni fid-19-il laqgħa tal-Konferenza tal-Partijiet (CoP) għall-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu hija stabbilita fl-Annessi.

Artikolu 2

Meta l-pożizzjoni msemmija fl-Artikolu 1 x’aktarx tkun se tiġi affettwata minn informazzjoni xjentifika jew teknika ġdida ppreżentata wara l-adozzjoni ta’ din id-Deċiżjoni u qabel jew matul il-CoP19 tas-CITES, jew meta jsiru proposti riveduti jew ġodda f’dik il-laqgħa li dwarhom l-Unjoni tkun għadha ma ħaditx pożizzjoni, il-pożizzjoni tal-Unjoni għandha tiġi żviluppata permezz ta’ koordinazzjoni fuq il-post qabel ma l-Konferenza tal-Partijiet (CoP) tintalab tiddeċiedi dwar dawk il-proposti. F’tali każijiet, il-pożizzjoni tal-Unjoni għandha tkun konsistenti mal-prinċipji stabbiliti fl-Annessi ta’ din id-Deċiżjoni.

Artikolu 3

Din id-Deċiżjoni hija indirizzata lill-Kummissjoni.

Magħmul fi Brussell,

   Għall-Kunsill

   Il-President

(1)    Id-Deċiżjoni tal-Kunsill (UE) 2015/451 tas-6 ta’ Marzu 2015 dwar l-adeżjoni tal-Unjoni Ewropea għall-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CITES), ĠU L 75, 19.3.2015, p. 1-3.
(2)    Ir-Regolament tal-Kunsill (KE) Nru 338/97 dwar il-protezzjoni ta’ speċi ta’ fawna u flora selvaġġi billi jkun regolat il-kummerċ fihom, ĠU L 61, 3.3.1997, p. 1, u l-atti ta’ implimentazzjoni rilevanti.
(3)    Is-sentenza tal-Qorti tal-Ġustizzja tas-7 ta’ Ottubru 2014, Il-Ġermanja vs Il-Kunsill, C-399/12, ECLI:EU:C:2014:2258, il-paragrafi 61 sa 64.
(4)    Ir-Regolament tal-Kummissjoni (KE) Nru 865/2006 tal-4 ta’ Mejju 2006 li jistabbilixxi regoli dettaljati dwar l-implimentazzjoni tar-Regolament tal-Kunsill (KE) Nru 338/97 dwar il-protezzjoni ta’ speċi ta’ fawna u flora selvaġġi billi jkun regolat il-kummerċ fihom.
(5)    Ir-Regolament ta’ Implimentazzjoni tal-Kummissjoni (UE) Nru 792/2012 tat-23 ta’ Awwissu 2012 li jistipula regoli għat-tfassil ta’ permessi, ċertifikati u dokumenti oħrajn ipprovduti fir-Regolament tal-Kunsill (KE) Nru 338/97 dwar il-protezzjoni ta’ speċi ta’ fawna u flora selvaġġi billi jkun regolat il-kummerċ fihom u li jemenda r-Regolament tal-Kummissjoni (KE) Nru 865/2006.
(6)    ĠU L 75, 19.3.2015, p. 1-3.

Brussell, 9.9.2022

COM(2022) 451 final

ANNESS

tal-

Proposta għal DEĊIŻJONI TAL-KUNSILL

dwar il-pożizzjoni li għandha tittieħed f’isem l-Unjoni Ewropea fid-19-il laqgħa tal-Konferenza tal-Partijiet għall-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CoP19 tas-CITES)









(Panama City, Panama, 14 - 25 November 2022)


ANNESS I

Pożizzjoni tal-Unjoni dwar kwistjonijiet ewlenin li għandhom jiġu diskussi fid-19-il laqgħa tal-Konferenza tal-Partijiet għall-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CITES), il-Belt tal-Panama, il-Panama, 14-25 ta’ Novembru 2022

(Il-Belt tal-Panama, il-Panama, 14-25 ta’ Novembru 2022)

A.Kunsiderazzjonijiet ġenerali

1.L-Unjoni tqis lil CITES bħala konvenzjoni internazzjonali ewlenija għall-konservazzjoni tal-bijodiversità u kontra t-traffikar ta’ organiżmi selvaġġi.

2.L-Unjoni jenħtieġ li tadotta pożizzjoni ambizzjuża fil-CoP19 tas-CITES, f’konformità mal-politiki tal-Unjoni u l-impenji internazzjonali rilevanti tagħha, b’mod partikolari l-miri relatati mal-organiżmi selvaġġi skont l-Għan ta’ Żvilupp Sostenibbli 15, il-Qafas Globali li ġej tal-Bijodiversità għal wara l-2020 skont il-Konvenzjoni dwar id-Diversità Bijoloġika, il-Viżjoni Strateġika tas-CITES u r-Riżoluzzjoni 75/311 tal-Assemblea Ġenerali tan-NU dwar it-traffikar ta’ organiżmi selvaġġi. Il-pożizzjoni tal-Unjoni jenħtieġ li sservi wkoll biex jintlaħqu l-objettivi stabbiliti fil-livell tal-UE permezz tal-Istrateġija għall-Bijodiversità għall-2030, ir-reviżjoni li jmiss tal-Pjan ta’ Azzjoni tal-UE kontra t-Traffikar ta’ Organiżmi Selvaġġi, l-approċċ tal-UE għall-promozzjoni tal-kummerċ u l-iżvilupp sostenibbli, kif rifless fil-politika kummerċjali miftuħa, sostenibbli u assertiva tal-UE, u l-Patt Ekoloġiku Ewropew.

3.Il-prijoritajiet għall-Unjoni fil-CoP19 tas-CITES jenħtieġ li jkunu:

·l-użu sħiħ tal-istrumenti tas-CITES biex jiġi regolat il-kummerċ internazzjonali tal-ispeċijiet ta’ annimali u pjanti fil-periklu li huma soġġetti għal livelli ta’ kummerċ mhux sostenibbli, filwaqt li jiġi segwit approċċ ibbażat fuq ix-xjenza;

·it-tisħiħ tar-rispons għat-traffikar ta’ organiżmi selvaġġi mill-komunità internazzjonali;

·l-iżgurar li l-istatus u d-drittijiet tal-UE bħala Parti għall-Konvenzjoni jibqgħu rispettati għalkollox. L-istatus u d-drittijiet tal-UE huma stabbiliti biss fit-test tas-CITES, inkluż il-paragrafi 2 sa 6 tal-Artikolu XXI;

·l-iżgurar li l-proposti adottati jkunu konsistenti mar-regoli u l-politiki rilevanti tal-Unjoni.

4.Il-pożizzjoni tal-Unjoni jenħtieġ li tqis li l-mekkaniżmi tas-CITES jistgħu jikkontribwixxu biex jittejjeb l-istat ta’ konservazzjoni tal-ispeċijiet u tirrikonoxxi l-ħidma ta’ dawk il-pajjiżi li implimentaw miżuri ta’ konservazzjoni effettivi. L-Unjoni jenħtieġ li tiżgura wkoll li d-deċiżjonijiet meħuda fil-CoP19 jimmassimizzaw l-effiċjenza tas-CITES, billi jimminimizzaw il-piżijiet amministrattivi mhux meħtieġa u billi jiksbu soluzzjonijiet prattiċi, kosteffettivi u fattibbli għall-kwistjonijiet ta’ implimentazzjoni u ta’ monitoraġġ.

5.Il-CoP hija l-korp ta’ tmexxija tas-CITES u għadd ta’ deċiżjonijiet adottati fil-CoP19 tas-CITES se jiġu implimentati mill-Kumitat Permanenti, li huwa l-korp sussidjarju ewlieni tal-CoP. Il-pożizzjoni tal-Unjoni għall-CoP19 tas-CITES għalhekk jenħtieġ li tiggwida wkoll l-approċċ tal-UE fil-75 u fis-76 laqgħa tal-Kumitat Permanenti, li jseħħu eżatt qabel u wara l-CoP19 tas-CITES.

B.Kwistjonijiet speċifiċi

6.Fil-CoP19 tas-CITES tressqu għall-kunsiderazzjoni tnejn u ħamsin proposta għall-emendar tal-Appendiċijiet tas-CITES. Minn dawn il-proposti, tlettax ġew sottomessi mill-Unjoni bħala l-proponent ewlieni jew bħala koproponent, u naturalment jenħtieġ li l-adozzjoni tagħhom tkun appoġġata wkoll mill-Unjoni. Il-pożizzjoni tal-Unjoni dwar il-proposti kollha jenħtieġ li tkun imsejsa fuq l-istat ta’ konservazzjoni tal-ispeċijiet rilevanti u fuq l-impatt li l-kummerċ għandu jew se jkollu fuq dawk l-ispeċijiet, f’konformità mar-Riżoluzzjoni Konf. 9.24 dwar il-kriterji għall-emendar tal-Appendiċijiet I u II. Il-fehmiet tal-Istati taż-żoni tad-distribuzzjoni tal-ispeċijiet ikkonċernati mill-proposti jenħtieġ li jingħataw attenzjoni partikolari. L-Unjoni jidhrilha wkoll li, bħala regola ġenerali, jenħtieġ li jingħata appoġġ lill-proposti biex jiġu emendati l-Appendiċijiet tas-CITES fejn dawn ikunu r-riżultat tal-ħidma mill-Kumitati tal-Annimali u tal-Pjanti tas-CITES u mill-Kumitat Permanenti. Jenħtieġ li meta jkunu disponibbli, jitqiesu wkoll il-valutazzjoni tal-proposti mis-Segretarjat tas-CITES u mill-IUCN/Traffic 1 u, għall-ispeċijiet tal-baħar sfruttati kummerċjalment, il-valutazzjoni mill-panel ta’ esperti ddedikat tal-Organizzazzjoni tal-Ikel u l-Agrikoltura (FAO).

7.Kif miftiehem fid-Deċiżjoni tal-Kunsill 2022/982 tas-16 ta’ Ġunju 2022 2 , l-Unjoni tisħaq favur l-inklużjoni ta’

–Physignathus cocincinus (Dragun tal-ilma Ċiniż) fl-Appendiċi II 

–Cuora galbinifrons (Fekruna tal-qoxra kaxxa tal-Indoċina) fl-Appendiċi I

–Laotriton laoensis (Salamandra tal-Laos) fl-Appendiċi II)

–Agalychnis lemur (Żrinġijiet lemur tas-siġar) fl-Appendiċi II)

–l-ispeċijiet kollha ta’ Sphyrnidae spp. (Kurazzi) li għadhom mhumiex inklużi fl-Appendiċi II

–Thelenota ananas, T. anax, T. rubralineata (Bużżi) fl-Appendiċi II

–Khaya spp. (Siġra tal-kawba tal-Afrika) (Popolazzjonijiet tal-Afrika) fl-Appendiċi II bl-Annotazzjoni #17

–Afzelia spp. (Siġra tal-kawba tal-Pod) (Popolazzjoni tal-Afrika) fl-Appendiċi II bl-Annotazzjoni #17

–Dipteryx spp. fl-Appendiċi II bl-Annotazzjoni #17 + żrieragħ

–Handroanthus spp. (Siġra tal-fjuri tat-trumbetta), Tabebuia spp. u Roseodendron spp. fl-Appendiċi II bl-Annotazzjoni #17

–Pterocarpus spp. (Padauk) (Popolazzjonijiet tal-Afrika) fl-Appendiċi II bl-Annotazzjoni #17

–Rhodiola spp. fl-Appendiċi II tas-CITES bl-Annotazzjoni #2.

L-Unjoni ddeċidiet ukoll li tikkosponsorja l-proposta mill-Panama biex Carcharhinidae spp. (Klieb il-baħar tar-ramel) jitniżżlu fl-Appendiċi II.

8.L-Unjoni tinnota li fl-aħħar snin saret ħidma konsiderevoli biex tinbena l-kapaċità għall-implimentazzjoni tas-CITES, mhux l-inqas fir-rigward tal-ispeċijiet tal-baħar, inkluż permezz tal-appoġġ finanzjarju tal-Unjoni. L-Unjoni tappoġġa li jkun hemm koordinazzjoni aħjar bejn is-CITES, l-organizzazzjonijiet reġjonali għall-ġestjoni tas-sajd u korpi oħrajn relevanti, li jaġixxu fil-mandati rispettivi tagħhom, bil-għan li tittejjeb il-governanza u tiżdied il-komplementarjetà.

9.L-Unjoni tinnota enfasi akbar fi ħdan is-CITES fuq l-ispeċijiet tal-injam, kif rifless ukoll mill-proposti tal-Unjoni biex jiġu elenkati speċijiet addizzjonali ta’ siġar fl-Appendiċi II tas-CITES fil-CoP19. Is-CITES għandha rwol importanti ħafna fil-konservazzjoni tal-foresti u l-Unjoni tappoġġa azzjoni aktar b’saħħitha u aktar konsistenti bejn is-CITES u organizzazzjonijiet u proċessi oħra relatati mal-foresti.

10.Il-pożizzjoni tal-Unjoni dwar proposti relatati mat-traffikar ta’ organiżmi selvaġġi jenħtieġ li tirrifletti l-approċċ komprensiv tal-UE għall-prevenzjoni tat-traffikar ta’ organiżmi selvaġġi billi jiġu indirizzati l-kawżi ewlenin tiegħu, jissaħħu l-oqfsa legali u ta’ politika biex jiġi indirizzat it-traffikar ta’ organiżmi selvaġġi, jiġu infurzati r-regoli eżistenti b’mod effettiv, u jitrawmu sħubijiet globali biex jiġi indirizzat it-traffikar ta’ organiżmi selvaġġi.

11.B’konsistenza ma’ dawn il-prijoritajiet, l-Unjoni tappoġġa li l-ispeċijiet li bħalissa qed jiġu importati fl-UE f’livelli mhux sostenibbli jew b’mod illegali, jiġu protetti aħjar permezz tas-CITES. Għalhekk, l-Unjoni tappoġġa l-proposti biex jiġu emendati l-Appendiċijiet dwar l-ispeċijiet varji ta’ rettili u amfibji, b’mod partikolari id-diversi speċijiet ta’ fkieren tal-ilma li jiġu importati fl-UE bħala annimali domestiċi.

12.L-Unjoni jenħtieġ li tinkoraġġixxi wkoll inizjattivi li jikkontribwixxu għaż-żieda fil-kapaċitajiet tal-awtoritajiet rilevanti, il-kondiviżjoni tal-informazzjoni u tal-aħjar prattiki, bil-għan li s-CITES tiġi implimentata aħjar u tittejjeb il-kooperazzjoni bejn il-pajjiżi ta’ oriġini, ta’ tranżitu u ta’ destinazzjoni.

13.F’dan il-kuntest l-Unjoni tinnota proposti li jappellaw għall-ħolqien ta’ fondi speċifiċi għall-benefiċċju tal-partijiet magħżula. L-Unjoni jidhrilha li l-fondi ġodda jenħtieġ li jinħolqu biss f’każijiet debitament ġustifikati, abbażi ta’ analiżi bir-reqqa tal-fattibbiltà u tal-valur miżjud tagħhom. L-aċċess għall-finanzjament jenħtieġ li ma jkunx limitat għal partijiet jew gruppi ta’ partijiet magħżula.

14.Huwa importanti li l-Unjoni tiżgura li r-riżoluzzjonijiet, l-annotazzjonijiet u r-riżervi kollha jkunu jinftiehmu u jiġu interpretati b’mod uniformi. Peress li għad hemm livelli għoljin ta’ kaċċa illegali tal-iljunfanti u traffikar tal-avorju, jenħtieġ li l-Unjoni tippromwovi speċifikament il-kjarifika tar-regoli dwar il-kummerċ tal-iljunfanti ħajjin, b’mod speċifiku r-Riżoluzzjoni Konf. 11.20 (Rev. CoP18) u r-Riżoluzzjoni Konf. 10.10 (Rev. CoP18). Fl-74 laqgħa tal-Kumitat Permanenti, l-Unjoni u l-Istati Membri tagħha esprimew ix-xewqa tagħhom li joħolqu qafas komuni għall-kummerċ tal-iljunfanti Afrikani ħajjin, imsejjes fuq il-qafas tas-CITES u fuq skrutinju xjentifiku trasparenti u robust. L-armonizzazzjoni tal-kundizzjonijiet għall-kummerċ tal-iljunfanti Afrikani ħajjin u l-promozzjoni tal-azzjonijiet li jindirizzaw direttament il-problema tal-kummerċ illegali tal-iljunfanti u tal-avorju jenħtieġ li jkunu prijorità għall-Unjoni għall-punti kollha relatati mal-iljunfanti fl-aġenda tal-CoP19.

15.L-Unjoni tinnota li l-Partijiet ressqu diversi proposti b’rabta mal-kummerċ legali fl-avorju tal-iljunfanti. Il-kummerċ internazzjonali fl-avorju bħalissa huwa pprojbit skont il-qafas tas-CITES. L-Unjoni jidhrilha li l-kundizzjonijiet biex dan il-kummerċ jerġa’ jiġi awtorizzat mhumiex issodisfati u ma tappoġġax il-proposti għall-CoP19 biex dan jerġa’ jinfetaħ. Fir-rigward tas-swieq domestiċi tal-avorju, l-Unjoni jenħtieġ li tkompli tappoġġa miżuri proporzjonati u effettivi msejsa fuq l-aqwa evidenza disponibbli, fil-kamp ta’ applikazzjoni tal-Konvenzjoni.

16.L-Unjoni tirrikonoxxi li l-kummerċ internazzjonali fl-organiżmi selvaġġi jista’ jkun ta’ riskju biex ifeġġ mard żoonotiku. Is-CITES jenħtieġ li jkollha rwol, f’konformità mal-mandat tagħha, fit-tnaqqis tar-riskji potenzjali għas-saħħa tal-annimali u tan-nies. L-ebda organizzazzjoni ma tista’ tindirizza waħedha l-isfidi multipli li jistgħu jwasslu għat-tifqigħa u t-tixrid ta’ mard relatat mal-organiżmi selvaġġi. Għalhekk, l-Unjoni jenħtieġ li tħeġġeġ lis-CITES biex tkompli ssaħħaħ il-kollaborazzjoni attiva tagħha ma’ organizzazzjonijiet intergovernattivi oħra, inkluż dawk involuti fis-saħħa tal-annimali jew dik pubblika, il-kummerċ, l-ikel u t-trasport, f’konformità mal-“approċċ saħħa waħda”. L-Unjoni tappoġġa bis-sħiħ l-impenn imġedded bejn l-Organizzazzjoni Dinjija għas-Saħħa tal-Annimali u s-CITES biex jaħdmu flimkien fuq kwistjonijiet ta’ saħħa u benessri tal-annimali madwar id-dinja biex jissalvagwardjaw il-bijodiversità u jipproteġu l-annimali.

17.Il-kriżi tat-traffikar tal-organiżmi selvaġġi, flimkien mal-estensjoni tal-kamp ta’ applikazzjoni tas-CITES għal speċijiet u Partijiet ġodda, tfisser li f’dawn l-aħħar snin iddaħħlu aktar attivitajiet fil-kamp ta’ applikazzjoni tal-umbrella tas-CITES u li l-piż tax-xogħol tas-Segretarjat tas-CITES żdied b’mod konsiderevoli. L-Unjoni jenħtieġ li tqis dawn l-iżviluppi meta tiddeċiedi dwar il-prijoritajiet tagħha fil-CoP19 u dwar il-baġit futur għas-Segretarjat tas-CITES.

(1)    L-Unjoni Internazzjonali għall-Konservazzjoni tan-Natura (IUCN) u TRAFFIC huma speċjalizzati fi kwistjonijiet dwar il-kummerċ tal-organiżmi selvaġġi u jipprovdu valutazzjoni bir-reqqa tal-proposti għall-emendar tal-Appendiċijiet tas-CITES qabel kull CoP.
(2)    https://eur-lex.europa.eu/legal-content/EN/TXT/PDF/?uri=uriserv:OJ.L_.2022.167.01.0095.01.ENGhttps://eur-lex.europa.eu/legal-content/MT/TXT/PDF/?uri=CELEX:32022D0982&from=EN

Brussell, 9.9.2022

COM(2022) 451 final

ANNESS

tal-

Proposta għal DEĊIŻJONI TAL-KUNSILL

dwar il-pożizzjoni li għandha tittieħed f’isem l-Unjoni Ewropea fid-19-il laqgħa tal-Konferenza tal-Partijiet għall-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CoP19 tas-CITES)






(Panama City, Panama, 14 - 25 November 2022)


Pożizzjoni tal-Unjoni dwar ċerti proposti sottomessi fid-19-il laqgħa tal-Konferenza tal-Partijiet għall-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CITES)

(Il-Belt tal-Panama, il-Panama, 14-25 ta’ Novembru 2022)

“+”

jindika pożizzjoni favur

“–“

jindika pożizzjoni kontra

“0”

jindika pożizzjoni miftuħa minħabba n-nuqqas ta’ informazzjoni suffiċjenti biex tiġi stabbilita pożizzjoni

“(+)”

jindika appoġġ kondizzjonali fuq id-disponibbiltà ta’ aktar informazzjoni u/jew emendi għall-proposta

“(-)”

jindika oppożizzjoni li għandha tiġi kkunsidrata mill-ġdid jekk tiġi pprovduta evidenza ta’ sostenn u/jew jekk il-proposta tiġi emendata b’mod sinifikanti

1.Dokumenti ta’ Ħidma

Nru.

Punt fl-aġenda

Proponent 1

Kummenti

Pożizzjoni

Ċerimonja tal-ftuħ

L-ebda dokument

Diskorsi ta’ merħba

L-ebda dokument

Kwistjonijiet amministrattivi u finanzjarji

1.

Elezzjoni tal-President u tal-Viċi President tal-laqgħa u tal-Presidenti tal-Kumitati I u II

L-ebda dokument

2.

Adozzjoni tal-aġenda

CoP19 Dok. 2

Seg.

 

3.

Adozzjoni tal-programm ta’ ħidma

CoP19 Dok. 3

 

 

4.

Regoli ta’ Proċedura tal-Konferenza tal-Partijiet

 

 

 

4.1

Rapport tal-Kumitat Permanenti CoP19 Dok. 4.1

SC

Appoġġa l-emendi rakkomandati għall-Artikolu 7. Appoġġa l-emendi rakkomandati għall-Artikolu 25.6 u isħaq fuq l-importanza li kwalunkwe bidla fl-ordni tal-votazzjoni trid tkun eċċezzjonali u ġġustifikata kif xieraq mill-President fil-laqgħa. 

+

 

4.2

Emenda proposta għall-Artikolu 26

CoP19 Dok. 4.2

Il-Botswana u ż-Żimbabwe

Irrifjuta l-proposta peress li tmur kontra l-Artikolu XV tal-Konvenzjoni, li jimplika vot wieħed għal kull parti. Din il-bidla tirriżulta f’negozjati kkumplikati ħafna qabel kull votazzjoni.

-

5.

Kumitat tal-Kredenzjali

 

 

5.1

L-istabbiliment tal-Kumitat tal-Kredenzjali 

L-ebda dokument

 

5.2

Rapport tal-Kumitat tal-Kredenzjali 

L-ebda dokument

6.

Ammissjoni tal-osservaturi

CoP19 Dok. 6

 

7.

Amministrazzjoni, finanzi u baġit tas-Segretarjat u tal-laqgħat tal-Konferenza tal-Partijiet

 

 

7.1

Amministrazzjoni tas-Segretarjat 
CoP19 Dok. 7.1

Seg.

 

7.2

Rapport tad-Direttur Eżekuttiv tal-UNEP dwar kwistjonijiet amministrattivi u oħrajn

CoP19 Dok. 7.2

UNEP

 

 

7.3

Rapporti finanzjarji għall-2020-2022 
CoP19 Dok. 7.3

 

7.4

Baġit u programm ta’ ħidma għall-2023 sal-2025

CoP19 Dok. 7.4

 

7.5

Aċċess għall-finanzjament

CoP19 Dok. 7.5

 

7.6

Proġett tad-delegati sponsorjati  
CoP19 Dok. 7.6

Seg.

Appoġġa l-proposta peress li l-ħidma amministrattiva relatata mal-espansjoni tal-Programm għall-SC u għall-Kumitati tal-Annimali u tal-Pjanti se tkun ta’ piż akbar għas-Segretarjat.

+

8.

Strateġija lingwistika għall-Konvenzjoni 
CoP19 Dok. 8

Dokument mhux disponibbli fil-ħin biex jilħaq jiġi analizzat.

Kwistjonijiet strateġiċi

9.

Rapporti u rakkomandazzjonijiet tal-Kumitat

 

 

 

9.1

Il-Kumitat Permanenti

 

 

 

 

9.1.1

Rapport tal-President  
CoP19 Dok. 9.1.1

 

 

9.1.2

Elezzjoni ta’ membri reġjonali ġodda u ta’ membri reġjonali sostituti

L-ebda dokument

 

9.2

Il-Kumitat tal-Annimali

 

 

 

9.2.1

Rapport tal-President

CoP19 Dok. 9.2.1

AC

 

 

9.2.2

Elezzjoni ta’ membri reġjonali ġodda u ta’ membri reġjonali sostituti

L-ebda dokument

 

9.3

Il-Kumitat tal-Pjanti

 

 

 

9.3.1

Rapport tal-President  
CoP19 Dok. 9.3.1

PC

 

 

9.3.2

Elezzjoni ta’ membri reġjonali ġodda u ta’ membri reġjonali sostituti

L-ebda dokument

10.

Viżjoni Strateġika tas-CITES  
CoP19 Dok. 10

SC

Appoġġa s-sett ta’ deċiżjonijiet. L-indikaturi jistgħu jiġu mmodifikati aktar skont l-iżviluppi fil-Qafas Globali tal-Bijodiversità għal wara l-2020.

(+)

11.

Speċijiet elenkati fl-Appendiċi-I

CoP19 Dok. 11

AC, PC

Appoġġa l-proposta, filwaqt li tibqa’ miftuħ għal diskussjoni dwar l-aġġustamenti għall-proċess propost jekk jiġu ssuġġeriti minn Partijiet oħra.

+

12.

Rapport dwar il-Kummerċ Dinji fil-Fawna u Flora Selvaġġa  
CoP19 Dok. 12

L-Afrika t’Isfel

L-idea tar-rapport u tal-grupp ta’ ħidma intersessjonali ġeneralment hija appoġġata. Madankollu, għad hemm xi inċertezzi fil-proposta. Għalhekk, tista’ tiġi appoġġata biss jekk jinbeda proċess, permezz ta’ sett ta’ deċiżjonijiet, biex jiġi ddefinit aħjar ir-rapport bil-għan li tittieħed deċiżjoni fil-CoP20, jew jekk il-proposta tittejjeb matul is-CoP biex tiġi pprovduta aktar ċarezza dwar il-kontenut tar-rapport.

(+)

13.

L-involviment tal-popli indiġeni u tal-komunitajiet lokali

CoP19 Dok. 13

SC

Appoġġa r-rakkomandazzjoni li jiġu adottati d-deċiżjonijiet riveduti li jinsabu fl-Anness 1 tad-dokument.

+

14.

Għajxien

CoP19 Dok. 14

SC

Appoġġa l-adozzjoni tad-deċiżjonijiet riveduti u t-tħassir tad-Deċiżjonijiet 18.37 u 18.36.

+

15.

Mekkaniżmi parteċipattivi għall-komunitajiet rurali fis-CITES

CoP19 Dok. 15

L-Eswatini, in-Namibja u ż-Żimbabwe

Opponi l-proposti bħala dokument awtonomu. Filwaqt li s-suġġett huwa importanti, diġà hemm żewġ proċessi separati taħt is-CITES li jiffukaw fuq l-IPLC (ara l-punti 13 u 14 tal-aġenda).

Sabiex ikunu aktar effiċjenti u konsistenti fir-rigward tal-involviment tal-popli indiġeni u tal-komunitajiet lokali kif ukoll rurali, il-proponenti għandhom jallinjaw il-proposta tagħhom mal-proċessi taħt il-punti 13 u 14 tal-aġenda, u għandhom jissottomettuha fil-grupp ta’ ħidma rispettiv jew fiż-żewġ gruppi ta’ ħidma, kif xieraq, għall-kunsiderazzjoni.

(-)

16.

Bini tal-kapaċitajiet

CoP19 Dok. 16

SC

Appoġġa l-abbozz ta’ riżoluzzjoni u s-sett ta’ proposti biex titkompla l-ħidma fuq qafas integrat għall-bini tal-kapaċitajiet. Jistgħu jkunu meħtieġa xi kjarifiki żgħar b’mod partikolari biex jiġi ċċarat il-kamp ta’ applikazzjoni tal-punt 2b fl-abbozz ta’ riżoluzzjoni.

+

17.

Kooperazzjoni mal-organizzazzjonijiet u ftehimiet ambjentali multilaterali

 

 

 

17.1

Kooperazzjoni ma’ konvenzjonijiet oħrajn marbuta mal-bijodiversità 

CoP19 Dok. 17.1

SC

Appoġġa, peress li s-sinerġiji fost l-MEAs tal-bijodiversità għandhom ikomplu jissaħħu u jixraq li l-SC jirrieżamina regolarment il-kwistjonijiet.

+

 

17.2

Kooperazzjoni mal-Istrateġija Globali għall-Konservazzjoni tal-Pjanti  
CoP19 Dok. 17.2

PC

Appoġġa l-abbozzi tad-Deċiżjonijiet il-ġodda.

+

 

17.3

Kooperazzjoni mal-Pjattaforma Intergovernattiva tal-Politika tax-Xjenza dwar il-Bijodiversità u s-Servizzi Ekosistemiċi 

 
CoP19 Dok. 17.3

SC

Appoġġa l-abbozzi tad-deċiżjonijiet li jinsabu fl-Anness I tad-dokument.

+

17.4

Inizjattiva Konġunta dwar il-Karnivori tal-Afrika tas-CITES u s-CMS

CoP19 Dok. 17.4

Seg.

Appoġġa dan l-abbozz tad-deċiżjoni biex tiġi pprovduta l-informazzjoni rilevanti lill-AC u biex is-Segretarjat jingħata pariri xierqa dwar l-Inizjattiva dwar il-Karnivori tal-Afrika, kif issuġġerit mill-AC u minn diversi organizzazzjonijiet tal-osservaturi.

+

17.5

Konsorzju Internazzjonali dwar  
il-Ġlieda Kontra l-Kriminalità fil-Ħajja Selvaġġa

CoP19 Dok. 17.5

Dokument mhux disponibbli fil-ħin biex jilħaq jiġi analizzat.

18.

Jum Dinji tal-Ispeċijiet Selvaġġi tan-Nazzjonijiet Uniti

CoP19 Dok. 18

Seg.

Appoġġa t-tħassir tad-Deċiżjoni 18.38 dwar il-Jum Dinji tal-Ispeċijiet Selvaġġi kif ġiet implimentata.

+

19.

CITES u l-foresti

CoP19 Dok. 19

Seg.

Appoġġa l-proposta iżda meħtieġa valutazzjoni ulterjuri. Issuġġerixxi li l-PC jista’ jiġi kkonsultat dwar it-termini ta’ referenza tal-istudju (possibbilment permezz tal-President biex il-proċess isir aktar sempliċi).

(+)

20.

Il-programm tal-ispeċijiet tas-siġar

CoP19 Dok. 20

Seg.

Appoġġa l-abbozzi tad-deċiżjonijiet u ħeġġeġ lill-partijiet kollha jibnu fuq ir-riżultati tal-Programm tal-Ispeċijiet tas-Siġar tas-CITES iffinanzjat mill-UE u jkomplu jikkontribwixxu għall-implimentazzjoni tas-CITES fir-rigward tal-ispeċijiet tas-siġar elenkati.

+

21.

Rieżami tal-programm ETIS 
CoP19 Dok. 21

SC

Ir-rakkomandazzjonijiet kollha jistgħu jiġu appoġġati. L-UE minn dejjem kienet tappoġġa bil-qawwa l-programm ETIS u għandha tagħti appoġġ b’mod attiv.

+

22.

Il-programmi MIKE u ETIS 
CoP19 Dok. 22

SC

Appoġġa l-proposta, iżda għandu jiġi enfasizzat li għandha tingħata aktar attenzjoni lill-vijabbiltà finanzjarja fit-tul tal-MIKE u tal-ETIS.

+

23.

Ir-rwol tas-CITES fit-tnaqqis tar-riskju li jfeġġ mard żoonotiku fil-futur assoċjat mal-kummerċ internazzjonali ta’ organiżmi selvaġġi

CoP19 Dok. 23

 

23.1

Rapport tal-Kumitat Permanenti 
CoP19 Dok. 23.1

SC

Ilqa’ l-ħidma li saret mill-grupp ta’ ħidma intersessjonali. Appoġġa d-deċiżjonijiet u l-emendi proposti għar-Riżoluzzjoni Konf. 10.21 (Rev. CoP16) dwar it-trasport ta’ eżemplari ħajjin.

+

 

23.2

Saħħa Waħda u CITES:

Ir-riskji għas-saħħa tal-bnedmin u tal-annimali mill-kummerċ ta’ organiżmi selvaġġi 
CoP19 Dok. 23.2

Il-Kosta tal-Avorju, il-Gabon, il-Gambja, il-Liberja, in-Niġerja u s-Senegal

Appoġġa wħud mill-elementi fl-abbozz ta’ riżoluzzjoni, bħall-użu ta’ definizzjonijiet internazzjonali, u l-kooperazzjoni mal-awtoritajiet tas-saħħa tal-annimali u tas-saħħa pubblika, u ssuġġerixxi l-integrazzjoni tagħhom fid-Dok 23.1.

Opponi l-elementi l-oħra li jmorru lil hinn mill-mandat tas-CITES jew li ma humiex ċari.

(-)

24.

L-implikazzjonijiet tal-pandemija tal-COVID-19 fuq l-implimentazzjoni tal-Konvenzjoni

CoP19 Dok. 24

Seg.

Appoġġa r-rakkomandazzjonijiet proposti mis-Segretarjat biex jiġi żgurat li l-laqgħat u l-ħidma intersessjonali tas-CITES ikunu jistgħu jsiru wkoll meta jkunu qegħdin jiġu ffaċċjati kwistjonijiet operattivi eċċezzjonali.

+

25.

Pjan ta’ azzjoni dwar kwistjonijiet relatati mal-ġeneru 
CoP19 Dok. 25

Il-Panama

Huwa ġeneralment appoġġat li jiġu esplorati u indirizzati kwistjonijiet relatati mal-ġeneru b’mod effettiv. Madankollu, għandu jiġi ddefinit minn qabel liema rwol u liema forma għandu jieħu pjan ta’ azzjoni fil-kuntest tas-CITES.

(+)

Kwistjonijiet ta’ interpretazzjoni u implimentazzjoni

Riżoluzzjonijiet u Deċiżjonijiet Eżistenti

 

 

26.

Rieżami tar-Riżoluzzjonijiet  
CoP19 Dok. 26

Seg.

Appoġġa l-bidliet fir-Riżoluzzjonijiet u t-tħassir tad-Deċiżjoni 14.81 jekk il-bidla rilevanti għar-Riżoluzzjoni Konf. 14.8 (Rev. CoP17) tiġi adottata.

+

27.

Rieżami tad-Deċiżjonijiet

CoP19 Dok. 27

Dokument mhux disponibbli fil-ħin biex jilħaq jiġi analizzat.

Konformità u infurzar ġenerali

 

 

28.

Liġijiet nazzjonali għall-implimentazzjoni tal-Konvenzjoni

CoP19 Dok. 28

Seg.

Appoġġa l-adozzjoni tal-abbozzi tad-deċiżjonijiet li jinsabu fl-Anness 1 għad-dokument CoP18 Dok. 26, kif ukoll it-tħassir tad-Deċiżjonijiet 18.62-18.67.

+

29.

Kwistjonijiet ta’ konformità tas-CITES

29.1

L-implimentazzjoni tal-Artikolu XIII u tar-Riżoluzzjoni Konf. 14.3 (Rev. CoP18)

dwar il-proċeduri ta’ konformità tas-CITES

CoP19 Dok. 29.1

Dokument mhux disponibbli fil-ħin biex jilħaq jiġi analizzat.

29.2

Totoaba (Totoaba macdonaldi)

CoP19 Dok. 29.2

29.2.1

Rapport tas-Segretarjat

CoP19 Dok. 29.2.1

Dokument mhux disponibbli fil-ħin biex jilħaq jiġi analizzat.

29.2.2

Deċiżjonijiet imġedda u aġġornati għas-CoP19

CoP19 Dok. 29.2.2

L-Istati Uniti tal-Amerka

Għandu jitqies flimkien mad-Dok. 29.2.1, li ma kienx disponibbli fit-22/07/2022.

29.3

Ebanu tal-Madagascar (Diospyros spp.) u palissandri u injam dagħmi  
(Dalbergia spp.)

CoP19 Dok. 29.3

Seg. f’konsultazzjoni mal-President tal-SC

Appoġġa l-abbozzi tad-deċiżjonijiet; b’mod partikolari, biex il-Madagascar jiżgura l-ħażniet kollha u biex il-Partijiet ma jaċċettawx esportazzjonijiet (mill-ġdid) għal skopijiet kummerċjali mill-Madagascar ta’ eżemplari ta’ Diospyros spp (#5) jew Dalbergia spp (#15) sakemm il-Madagascar ikun għamel Sejba ta’ Akkwist Legali u Sejba ta’ Nuqqas ta’ Detriment għal dawn l-ispeċijiet fil-livell nazzjonali li jissodisfaw lis-Segretarjat.

+

30.

Programm ta’ Assistenza dwar il-Konformità

CoP19 Dok. 30

SC

Appoġġa d-deċiżjonijiet dwar l-implimentazzjoni tal-Programm ta’ Assistenza dwar il-Konformità. Itlob iż-żieda tal-baġit preliminari u tas-sorsi ta’ finanzjament.

+

31.

Rieżamijiet tal-Kummerċ ta’ Livell Sinifikanti madwar il-pajjiżi kollha CoP19 Dok. 31

SC, jinkorpora l-abbozzi tad-deċiżjonijiet proposti

mill-Presidenti tal-AC u tal-PC

Appoġġa, peress li hija meħtieġa evalwazzjoni ta’ jekk il-kwistjonijiet identifikati fir-Rieżami tal-Kummerċ ta’ Livell Sinifikanti madwar il-pajjiż kollu għall-Madagascar humiex indirizzati biżżejjed.

+

32.

Rieżami tar-Riżoluzzjoni Konf. 11.3 (Rev. CoP18) dwar il-Konformità u l-infurzar

CoP19 Dok. 32

SC

Appoġġa l-adozzjoni tal-emendi proposti għar-Riżoluzzjoni Konf. 11.3 (Rev. CoP18).

+

33.

Kwistjonijiet ta’ infurzar 

CoP19 Dok. 33

Seg.

Appoġġa r-rakkomandazzjonijiet, filwaqt li tisħaq fuq l-importanza li jkompli jiġi promoss l-infurzar attiv tal-Konvenzjoni fil-livell nazzjonali u fil-livell internazzjonali li jiddependi fuq kollox mill-fatt li l-istituzzjonijiet tal-infurzar ikollhom biżżejjed kapaċità u mill-ispeċjalizzazzjoni tal-unitajiet tagħhom.

+

34.

Rapporti annwali dwar il-kummerċ illegali

CoP19 Dok. 34

Dokument mhux disponibbli fil-ħin biex jilħaq jiġi analizzat.

35.

Task Force dwar il-kummerċ illegali ta’ eżemplari ta’ speċijiet ta’ siġar elenkati mis-CITES

CoP19 Dok. 35

SC

Appoġġa r-rakkomandazzjonijiet: a) ħu nota tad-dokument, inkluż l-emenda proposta għall-abbozz tad-deċiżjoni 19.CC dwar l-Identifikazzjoni tal-injam u ta’ prodotti oħra tal-injam, kif ippreżentata mill-PC fid-dokument CoP19 Dok 44.2; b) it-tħassir tad-Deċiżjonijiet 18.79 u 18.80 dwar l-infurzar.

+

36.

Appoġġ għall-infurzar kontra l-kriminalità marbuta mal-organiżmi selvaġġi fl-Afrika tal-Punent u fl-Afrika Ċentrali

 

36.1

Rapport tal-Kumitat Permanenti

CoP19 Dok. 36.1

SC

Appoġġa d-deċiżjonijiet proposti. Ħeġġeġ lill-Partijiet fl-Afrika tal-Punent u l-Afrika Ċentrali biex jagħmlu sforzi biex isaħħu l-implimentazzjoni u l-infurzar tas-CITES. Ħeġġeġ lill-Partijiet l-oħra, lill-organizzazzjonijiet governattivi, intergovernattivi u mhux governattivi u lill-partijiet ikkonċernati interessati biex jipprovdu appoġġ lil dawn is-subreġjuni.

+

 

36.2

Il-kriminalità marbuta mal-organiżmi selvaġġi u l-appoġġ tas-CITES għall-infurzar

fl-Afrika tal-Punent u l-Afrika Ċentrali

CoP19 Dok. 36.2

Il-Kosta tal-Avorju, il-Gambja, il-Liberja, in-Niġerja u s-Senegal

Appoġġa b’mod ġenerali l-idea iżda taqbilx mal-prijoritizzazzjoni ta’ reġjun wieħed. Il-fond possibbli għandu jkun miftuħ għall-Partijiet kollha. Irid jiġi evalwat jekk jeżistux għażliet oħra biex il-kwistjonijiet jiġu indirizzati aktar malajr. Aqbel fil-prinċipju mal-abbozzi tad-deċiżjonijiet 19.CC u 19.DD, li madankollu jeħtieġu kjarifika. Taqbilx ma’ 19.EE - is-Segretarjat tas-CITES ma għandux ikun involut fil-ġbir ta’ fondi għal laqgħat organizzati minn organizzazzjonijiet oħra.

Toġġezzjonax għall-istabbiliment ta’ grupp ta’ ħidma intersessjonali jekk il-pajjiżi tal-ECOWAS iqisuh utli u mixtieq.

0

37.

Il-kriminalità marbuta mal-organiżmi selvaġġi b’rabta mal-Internet

CoP19 Dok. 37

Seg.

Appoġġa l-bidliet fir-Riżoluzzjoni Konf. 11.3 (Rev. CoP18) u l-abbozzi tad-Deċiżjonijiet. Issuġġerixxi li flimkien mal-aħjar prattiki, għandhom jiġu identifikati wkoll “liġijiet nazzjonali” implimentati mill-Partijiet (minbarra d-Deċiżjoni 19.AA proposta).

+

38.

Tnaqqis fid-domanda biex jiġi miġġieled il-kummerċ illegali

CoP19 Dok. 38

SC

Appoġġa l-adozzjoni tal-gwida fil-CoP19. Appoġġa wkoll l-adozzjoni ta’ abbozzi ta’ deċiżjonijiet u emendi għar-Riżoluzzjoni Konf. 17.4 biex tittejjeb id-disponibbiltà tal-gwida għall-Partijiet fil-lingwi kollha tas-CITES u biex il-Partijiet jiġu mħeġġa jużawha.

+

39.

Swieq domestiċi għall-eżemplari li spiss isir kummerċ illegali tagħhom

CoP19 Dok. 39

SC

Appoġġa r-rakkomandazzjonijiet.

+

Regolament dwar il-kummerċ

 

 

40.

Gwida biex isiru sejbiet ta’ akkwist legali

CoP19 Dok. 40

SC

Il-pożizzjoni tal-UE se tiġi żviluppata wara li jkun sar il-workshop ippjanat dwar is-Sejbiet ta’ Akkwist Legali (Awwissu 2022), u ladarba d-dokument aġġornat isir disponibbli.

41.

Is-sistemi elettroniċi u t-teknoloġiji tal-informazzjoni u l-Awtentikazzjoni u l-kontroll tal-permessi

CoP19 Dok. 41

SC

Appoġġa l-konklużjoni tal-istudju dwar l-awtentikazzjoni u l-kontroll tal-permessi. Appoġġa l-emendi proposti għar-Riżoluzzjoni Konf. 12.3 (Rev. CoP18) dwar il-permessi u ċ-ċertifikati bis-suġġeriment li jiġu kkunsidrati aktar is-sistemi organizzati fuq arkitettura ta’ hub. Appoġġa l-emendi proposti għar-riżoluzzjoni Konf.11.3 (Rev. COP18) dwar il-konformità u l-infurzar b’mod partikolari biex id-dwana tkun tista’ taċċessa informazzjoni fil-bażijiet tad-data tal-permessi tal-Awtoritajiet ta’ Ġestjoni.

(+)

42.

Kodiċijiet tal-iskopijiet fuq il-permessi u ċ-ċertifikati tas-CITES

CoP19 Dok. 42

SC

Aqbel mal-emendi ssuġġeriti għar-riżoluzzjonijiet rilevanti u appoġġa l-adozzjoni tal-abbozzi tad-deċiżjonijiet proposti biex jiġi stabbilit mill-ġdid grupp ta’ ħidma intersessjonali konġunt ħalli jiġi rieżaminat aktar l-użu ta’ kodiċijiet tal-iskopijiet tat-tranżazzjonijiet mill-Partijiet u biex jitkomplew fost l-oħrajn id-diskussjonijiet dwar il-kodiċijiet tal-iskopijiet P u T.

+

43.

Sejbiet mhux ta’ detriment

 

43.1

Rapport tal-Kumitati tal-Annimali u l-Pjanti

CoP19 Dok. 43.1

AC, PC

Appoġġa l-abbozzi tad-deċiżjonijiet miftiehma fl-AC31 u l-PC25.

+

43.2

Is-sejbiet mhux ta’ detriment għall-eżemplari tal-ispeċijiet tal-Appendiċi II meħuda fl-ambjent tal-baħar mhux taħt il-ġuriżdizzjoni ta’ kwalunkwe Stat

CoP19 Dok. 43.2

Ir-Renju Unit tal-Gran Brittanja u l-Irlanda ta’ Fuq

Appoġġa l-abbozzi tad-deċiżjonijiet, peress li dawn jallinjaw mal-inizjattiva li għaddejja biex jissaħħu s-sinerġiji bejn is-CITES u s-sajd bil-għan li tittejjeb il-konservazzjoni tal-klieb il-baħar u r-raj elenkati fis-CITES u mhedda.

+

44.

Materjali ta’ identifikazzjoni

 

 

 

44.1

Rieżami tar-Riżoluzzjoni Konf. 11.19 (Rev. CoP16)

CoP19 Dok. 44.1

SC

Appoġġa r-rakkomandazzjonijiet.

+

44.2

L-identifikazzjoni ta’ njam u prodotti oħra tal-injam

CoP19 Dok. 44.2

PC

Appoġġa l-abbozzi tad-deċiżjonijiet peress li matul is-snin inġabret ħafna informazzjoni u jkun utli li tinġabar f’post wieħed.

+

45.

Sistema ta’ tikkettar għall-kummerċ tal-kavjar

CoP19 Dok. 45

SC

Appoġġa l-abbozzi tad-deċiżjonijiet proposti u t-tħassir tad-Deċiżjoni 18.146.

Issuġġerixxi li jiġi stabbilit grupp ta’ ħidma intersessjonali tal-SC li jista’ jibda l-ħidma tiegħu ladarba jkunu disponibbli l-analiżi u r-rakkomandazzjonijiet tas-Segretarjat.

+

46.

Kummerċ tal-qroll ġebli

CoP19 Dok. 46

L-Unjoni Ewropea u l-Istati Membri tagħha

Dokument ippreżentat mill-UE u mill-Istati Membri tagħha.

+

47.

Eżemplari prodotti permezz tal-bijoteknoloġija

CoP19 Dok. 47

SC, Seg.

Appoġġa r-rakkomandazzjonijiet, speċjalment għal laqgħa ta’ speċjalisti biex tiġi żviluppata ċ-ċarezza dwar id-definizzjonijiet u l-kwistjonijiet tal-konservazzjoni.

+

48.

Definizzjoni tat-terminu “destinazzjonijiet xierqa u aċċettabbli”

CoP19 Dok. 48

SC

Appoġġa l-approvazzjoni taż-żewġ dokumenti ta’ gwida mhux vinkolanti.

Appoġġa l-abbozz ta’ deċiżjoni fl-Anness 3.

+

49.

Introduzzjoni mill-baħar

CoP19 Dok. 49

SC

Appoġġa d-deċiżjonijiet proposti.

+

50.

Rimi ta’ eżemplari kkonfiskati

CoP19 Dok. 50

SC

Appoġġa l-abbozz propost tad-deċiżjonijiet tal-CoP19 kif irrakkomandat mill-SC74 u t-tħassir tad-Deċiżjonijiet 18.159 sa 18.164.

+

51.

Kwoti għat-trofej tal-kaċċa tal-leopardi (Panthera pardus)

CoP19 Dok. 51

SC

Appoġġa l-emendar tal-paragrafu 1a) tar-Riżoluzzjoni Konf. 10.14 (Rev. CoP16).

+

52.

Trasport ta’ eżemplari ħajjin:

it-titjib tal-implimentazzjoni tar-regolamenti dwar it-trasport

CoP19 Dok. 52

Il-Kanada, il-Kosta tal-Avorju, il-Kenja, il-Messiku, in-Niġerja, is-Senegal u l-Istati Uniti tal-Amerka

Appoġġa d-deċiżjonijiet proposti u l-bidliet fir-riżoluzzjonijiet, speċjalment fir-rigward tal-aċċess għar-Regolamenti tal-IATA. Kjarifika tal-iskop tal-ewwel bidla (minuri) fir-Riż. Konf 10.21 (l-inklużjoni ta’ “irrispettivament mill-metodu tat-trasport”).

+

Eżenzjonijiet u dispożizzjonijiet speċjali dwar il-kummerċ

 

 

 

53.

Rieżami tad-dispożizzjonijiet tas-CITES relatati mal-kummerċ ta’ eżemplari tal-annimali

u tal-pjanti mhux ta’ oriġini selvaġġa

CoP19 Dok. 53

SC

Appoġġa l-kontinwazzjoni tal-grupp ta’ ħidma intersessjonali minħabba li l-kwistjonijiet indirizzati huma kumplessi u ma kienx hemm biżżejjed żmien biex jiġu diskussi l-punti kollha fil-mandat.

+

54.

Rieżami tad-dispożizzjonijiet tar-Riżoluzzjoni Konf. 17.7 dwar ir-Rieżami tal-kummerċ

ta’ eżemplari tal-annimali rrapportati bħala mrobbija fil-magħluq

CoP19 Dok. 54

Seg. f’isem l-SC u f’konsultazzjoni mal-President tal-AC.

Appoġġa b’mod ġenerali iżda hemm bżonn ta’ aktar ħidma biex tiġi skrutinizzata l-formulazzjoni tal-emendi tar-Riżoluzzjoni u tal-abbozzi tad-deċiżjonijiet u l-impatt tagħhom.

(+)

55.

Reġistrazzjoni ta’ operazzjonijiet li jnisslu

Appendiċi-I speċijiet ta’ annimali miżmuma fil-magħluq għal skopijiet kummerċjali

CoP19 Dok. 55

L-Istati Uniti tal-Amerka

Appoġġa b’mod ġenerali l-proposta peress li l-bidliet issuġġeriti jistgħu jkunu utli, madankollu huwa meħtieġ aktar skrutinju.

(+)

56.

Gwida dwar it-terminu “propagat artifiċjalment”

CoP19 Dok. 56

PC

Appoġġa l-proposta, madankollu, għad hemm mistoqsijiet dwar l-injam tal-agar, l-użu tal-kodiċi tas-sors Y, u kwistjonijiet oħra li jridu jiġu ċċarati.

(+)

57.

Eżemplari mkabbra minn żrieragħ jew spori miġbura mis-selvaġġ li jitqiesu li huma propagati artifiċjalment

CoP19 Dok. 57

PC f’konsultazzjoni mal-President tal-SC

Appoġġa t-tħassir tad-Deċiżjonijiet 18.179 - 18.181 hekk kif jitlesta x-xogħol.

+

Kwistjonijiet speċifiċi skont l-ispeċijiet

58.

Avultuni tal-Afrika tal-Punent (Accipitridae spp.)

CoP19 Dok. 58

SC f’konsultazzjoni mas-Seg.

Aqbel li jiġu adottati l-abbozzi tad-Deċiżjonijiet 19.AA sa 19.FF li jissostitwixxu d-Deċiżjonijiet 18.186 sa 18.192.

+

59.

Kummerċ illegali taċ-ċiti  
(Acinonyx jubatus)

CoP19 Dok. 59

L-Etjopja

Appoġġa r-rakkomandazzjonijiet peress li huwa meħtieġ li jiġi ċċarat il-kompitu tat-Task Force tal-Qtates il-Kbar u tal-pajjiżi tal-medda, tat-tranżitu u tad-destinazzjoni implikati biex isir aktar progress.

+

60.

Konservazzjoni tal-amfibji  
(Amphibia spp.)

CoP19 Dok. 60

AC

Appoġġa r-rakkomandazzjonijiet peress li ma nġabritx biżżejjed data dwar l-ispeċijiet amfibji fil-kummerċ internazzjonali.

+

61.

Sallur  
(Anguilla spp.)

CoP19 Dok. 61

SC f’konsultazzjoni mal-President tal-AC

Appoġġa r-rakkomandazzjonijiet tal-SC biex jiġu adottati l-abbozzi tad-deċiżjonijiet 19.AA sa 19.DD ippreżentati fl-Anness 1.

+

62.

Tassonomija li tipproduċi l-injam tal-agar 

(Aquilaria spp. u Gyrinops spp.)

 

 

62.1

Rapport tal-Kumitat tal-Pjanti

CoP19 Dok. 62.1

PC

Appoġġa l-abbozz tad-Deċiżjoni. Madankollu, agħmilha ċara li r-Riż. 10.13 dwar l-Implimentazzjoni tal-Konvenzjoni għall-ispeċijiet ta’ siġar u Riżoluzzjonijiet potenzjali oħra ma għandhomx jiddgħajfu fir-rigward tad-definizzjonijiet u l-ispeċifikazzjonijiet tal-propagazzjoni artifiċjali.

+

 

62.2

L-istorja u l-isfidi tal-injam tal-agar u s-CITES

CoP19 Dok. 62.2

Ir-Renju Unit tal-Gran Brittanja u l-Irlanda ta’ Fuq.

Appoġġaha wara li jiġi ċċarat min huwa intenzjonat li jikkoordina l-istudji proposti.

(+)

63.

Siġar tal-Boswellia  
(Boswellia spp.)

CoP19 Dok. 63

PC

Appoġġa. L-Abbozzi tad-Deċiżjonijiet jipprovdu perkors raġonevoli ’l quddiem biex jingħalqu l-lakuni fl-għarfien u għal proposti potenzjali ta’ elenkar fil-futur mill-partijiet.

+

64.

Fkieren tal-baħar  
(Cheloniidae spp. u  
Dermochelyidae spp.)

 

 

 

64.1

Rapport tas-Segretarjat u tal-Kumitat Permanenti

CoP19 Dok. 64.1

SC, Seg.

Appoġġa. Żewġ speċijiet ta’ fkieren tal-baħar jinsabu f’periklu kritiku, waħda hija fil-periklu, u l-valutazzjonijiet kollha tal-IUCN ibassru xejra negattiva għall-popolazzjoni. Huma meħtieġa sforzi akbar biex jiġu evitati aktar tnaqqis u estinzjoni.

+

64.2

Il-konservazzjoni tal-fkieren tal-baħar

CoP19 Dok. 64.2

Il-Brażil, il-Kolombja, il-Costa Rica, il-Perù u l-Istati Uniti tal-Amerka

Hemm bżonn ta’ aktar analiżi biex tiġi mifhuma l-ħtieġa ta’ riżoluzzjoni ġdida. Għandu jitqies jekk xi elementi jistgħux jiġu miżjuda fid-deċiżjonijiet imġedda dwar il-fkieren tal-baħar.

0

65.

Klieb il-baħar u raji  
(Elasmobranchii spp.)

CoP19 Dok. 65

SC, AC, f’konsultazzjoni

mas-Seg. u mal-AC

Appoġġa r-rakkomandazzjonijiet tal-Kumitat Permanenti u tal-Kumitat tal-Annimali biex jiġu adottati l-abbozzi tad-deċiżjonijiet 19.AA sa 19.FF li jinsabu fl-Anness 4 tad-dokument.

+

66.

Iljunfanti (Elephantidae spp.)

 

66.1

Implimentazzjoni tar-Riżoluzzjoni Konf. 10.10 (Rev. CoP 18) dwar il-Kummerċ ta’ eżemplari tal-iljunfanti

CoP19 Dok. 66.1

Seg. fuq talba tal-SC

Appoġġa s-sett ta’ deċiżjonijiet fl-Anness 1 sal-Anness 4 tad-dokument relatat mal-għeluq tas-swieq domestiċi tal-avorju, il-kummerċ tal-avorju tal-mammuti, il-kummerċ tal-iljunfanti Ażjatiċi, l-istokkijiet u l-ħażniet tal-avorju tal-iljunfanti u l-implimentazzjoni tal-proċess tal-Pjan ta’ Azzjoni Nazzjonali dwar l-Avorju.

+

66.2

Ħażniet tal-avorju

66.2.1

Ħażniet tal-avorju:

implimentazzjoni tar-Riżoluzzjoni Konf. 10.10 (Rev. CoP 18) dwar il-Kummerċ ta’ eżemplari tal-iljunfanti

CoP19 Dok. 66.2.1

Il-Benin, il-Burkina Faso, il-Guinea Ekwatorjali, l-Etjopja, il-Gabon, il-Kenja,

il-Liberja, in-Niġer, is-Senegal u t-Togo

Irrikonoxxi l-ħtieġa ta’ rapportar xieraq iżda tal-fehma li l-abbozzi tad-deċiżjonijiet il-ġodda ssuġġeriti li jinsabu fl-Anness 4 tal-CoP19 Dok. 66.1 huma biżżejjed.

0

66.2.2

L-istabbiliment ta’ fond aċċessibbli għall-Istati tal-medda

mad-disponiment mhux kummerċjali tal-ħażniet tal-avorju

CoP19 Dok. 66.2.2

Il-Kenja

Hija meħtieġa valutazzjoni ulterjuri. L-opinjoni tal-istati tal-medda – dawk l-aktar affettwati mill-proposta – ma hijiex ċara. Id-disponiment mhux kummerċjali tal-avorju huwa ġeneralment appoġġat iżda hemm dubju dwar jekk huwiex meħtieġ proċess istituzzjonalizzat ta’ finanzjament biex jappoġġa wieħed mill-metodi ta’ disponiment għal tip wieħed biss ta’ eżemplari maqbuda.

0

66.3

Implimentazzjoni ta’ aspetti tar-Riżoluzzjoni Konf. 10.10 (Rev. CoP18)

dwar l-għeluq tas-swieq domestiċi tal-avorju

CoP19 Dok. 66.3

Il-Benin, il-Burkina Faso, il-Guinea Ekwatorjali, l-Etjopja, il-Gabon, il-Liberja,

in-Niġer, is-Senegal u t-Togo

Appoġġa l-abbozz tar-riżoluzzjoni.

+

66.4

Kummerċ ta’ ljunfanti Afrikani ħajjin

66.4.1

Kummerċ internazzjonali ta’ eżemplari ta’ ljunfanti Afrikani ħajjin: Reviżjoni proposta għar-Riżoluzzjoni Konf. 10.10 (Rev. CoP18)

dwar il-Kummerċ ta’ eżemplari tal-iljunfanti

CoP19 Dok. 66.4.1

Il-Benin, il-Burkina Faso, il-Guinea Ekwatorjali, l-Etjopja, il-Liberja, in-Niġer,

is-Senegal u t-Togo

Opponi. Hemm bżonn li tinstab soluzzjoni usa’ dwar dawn l-elementi differenti (interpretazzjoni tal-annotazzjoni 2, regoli speċifiċi relatati mal-kummerċ ta’ ljunfanti Afrikani ħajjin li jqisu t-trasferimenti ex situ eċċezzjonali kif ukoll il-gwida mhux vinkolanti dwar “akkomodazzjoni u kura” kif ukoll “benefiċċji ta’ konservazzjoni in situ”). L-għan ta’ dan id-dokument jikkorrispondi mal-objettiv kondiviż mill-UE (ara d-dok. 66.4.2) li huwa li l-kummerċ ta’ ljunfanti ħajjin jiġi ristrett għal programmi ta’ konservazzjoni in situ bi ftit eċċezzjonijiet biss, u li jkun miftuħ għad-diskussjoni dwar it-triq ’il quddiem mal-proponenti biex jintlaħaq l-objettiv.

(-)

66.4.2

Kjarifika tal-qafas:

Proposta tal-Unjoni Ewropea.

CoP19 Dok. 66.4.2

L-Unjoni Ewropea u l-Istati Membri tagħha

Dokument ippreżentat mill-UE u mill-Istati Membri tagħha.

+

66.5

Rapport dwar il-Monitoraġġ tal-Qtil Illegali tal-Iljunfanti (MIKE)

CoP19 Dok. 66.5

Seg.

Ma hija meħtieġa l-ebda deċiżjoni.

66.6

Rapport dwar is-Sistema ta’ Informazzjoni tal-Kummerċ tal-Iljunfanti (ETIS)

CoP19 Dok. 66.6

Seg.

Hija meħtieġa analiżi ulterjuri dwar l-impatt tal-bidla fid-data tas-sottomissjoni.

0

66.7

Rieżami tal-proċess tal-Pjan ta’ Azzjoni Nazzjonali dwar l-Avorju

CoP19 Dok. 66.7

Il-Malawi, is-Senegal u l-Istati Uniti tal-Amerka

L-UE għandha tappoġġa l-proċess ta’ rieżami dment li jkun iffukat fuq il-kwistjonijiet speċifiċi li ġew identifikati fid-dokument (prinċipalment kwistjonijiet ta’ rapportar), mhux fuq il-proċess kollu.

(+)

67.

It-Task Force tal-Qtates il-Kbar tas-CITES (Felidae spp.)

CoP19 Dok. 67

SC

Appoġġa l-abbozzi tad-deċiżjonijiet proposti dwar it-termini ta’ referenza u l-modus operandi riveduti għat-Task Force tal-Qtates il-Kbar tas-CITES kif maqbul fl-SC74 u t-tħassir tad-Deċiżjonijiet 18.245 u 18.248

+

68.

Qtates kbar Ażjatiċi (Felidae spp.)

CoP19 Dok. 68

 

Dokument mhux disponibbli fil-ħin biex jilħaq jiġi analizzat.

69.

Żwiemel il-baħar (Hippocampus spp.)

 

69.1

Rapport tal-Kumitat Permanenti

CoP19 Dok. 69.1

SC

Appoġġa r-rakkomandazzjonijiet tal-Kumitat Permanenti li jiġu adottati l-abbozzi tad-deċiżjonijiet 19.AA sa 19.CC li jinsabu fl-Anness 1 tad-dokument.

+

 

69.2

Il-passi li jmiss lejn l-implimentazzjoni b’suċċess tal-elenkar taż-żwiemel il-baħar fl-Appendiċi-II

CoP19 Dok. 69.2

Il-Maldivi, Monaco, in-Niġerja, il-Perù, is-Senegal, is-Sri Lanka, it-Togo, ir-Renju Unit tal-Gran Brittanja u l-Irlanda ta’ Fuq u l-Istati Uniti tal-Amerka

Il-proposti jeħtieġ li jiġu analizzati ulterjorment, hemm bżonn aktar informazzjoni.

0

70.

Speċijiet tal-injam dagħmi  
[Leguminosae (Fabaceae)]

CoP19 Dok. 70

PC

Appoġġa l-abbozzi tad-deċiżjonijiet kif maqbula mill-Kumitat tal-Pjanti dwar is-Siġra tal-Injam Dagħmi.

+

71.

Pangolini  
(Manis spp.)

71.1

Rapport tal-Kumitat Permanenti

u l-Kumitat tal-Annimali

CoP19 Dok. 71.1

SC f’konsultazzjoni mal-President tal-AC

Appoġġa r-rakkomandazzjonijiet, madankollu jistgħu jiżdiedu l-punti addizzjonali mqajma fid-dok. 71.2.

+

71.2

Emendi proposti għar-Riżoluzzjoni Konf. 17.10

CoP19 Dok. 71.2

Ir-Renju Unit tal-Gran Brittanja u l-Irlanda ta’ Fuq

Appoġġa l-emendi proposti peress li hija meħtieġa azzjoni ulterjuri biex jiġi evitat il-kummerċ illegali tal-pangolini.

+

72.

Iljuni tal-Afrika 
(Panthera leo) 
CoP19 Dok. 72

Seg. f’konsultazzjoni mal-President tal-SC

Appoġġa s-suġġeriment tal-AC, għal aktar ħidma intersessjonali dwar l-iljuni Afrikani (Panthera leo) u l-adozzjoni ta’ Deċiżjoni ġdida.

+

73.

Ġagwars  
(Panthera onca)

73.1

Rapport tal-
Kumitat Permanenti

CoP19 Dok. 73.1

SC

Appoġġa l-implimentazzjoni tad-Deċiżjonijiet 18.251 u 18.253 irrakkomandati mill-SC u adotta l-abbozzi tad-deċiżjonijiet dwar il-ġagwars fl-Anness 1 ta’ dan id-dokument.

+

 

73.2

Emendi proposti għall-abbozzi tad-deċiżjonijiet

dwar il-ġagwars maqbula fl-SC74

CoP19 Dok. 73.2

Il-Costa Rica, El Salvador, il-Messiku u l-Perù

Appoġġa, fil-prinċipju, l-emendi proposti għad-deċiżjonijiet tal-74 laqgħa tal-Kumitat Permanenti murija fl-Anness ta’ dan id-dokument, iżda huma meħtieġa aktar informazzjoni u diskussjoni biex jiġi żgurat l-aħjar qafas għal azzjonijiet effettivi relatati mal-ġagwars.

Opponi l-ħolqien tal-grupp ta’ ħidma l-ġdid peress li l-ġagwar hija speċi ta’ prijorità tat-Task Force tal-Qtates il-Kbar tas-CITES. L-istabbiliment ta’ grupp ta’ ħidma intersessjonali ieħor dwar il-Ġagwar jirdoppja x-xogħol.

0

74.

Il-ġestjoni tal-kummerċ u l-konservazzjoni tal-għasafar tal-għana  
(Passeriformes spp.)

CoP19 Dok. 74

AC

Appoġġa r-rakkomandazzjonijiet tal-Kumitat tal-Annimali biex jiġġeddu d-Deċiżjonijiet 18.256 sa 18.259 dwar il-ġestjoni tal-kummerċ u l-konservazzjoni tal-Għasafar tal-għana (Passeriformes spp.) hekk kif il-finanzjament isir disponibbli.

+

75.

Rinoċeronti  
(Rhinocerotidae spp.)

CoP19 Dok. 75

Dokument mhux disponibbli fil-ħin biex jilħaq jiġi analizzat.

76.

Antilopi Saiga  
(Saiga spp.)

CoP19 Dok. 76

SC.

Appoġġa d-deċiżjonijiet proposti mill-AC kif emendati mis-Segretarjat.

+

77.

Bronja reġina  
(Strombus gigas)

CoP19 Dok. 77

Seg.

Appoġġa l-abbozzi tad-deċiżjonijiet 19.AA sa 19.DD fl-Anness 1 ta’ dan id-dokument u t-tħassir tad-Deċiżjonijiet 18.275 sa 18.280.

+

78.

Fkieren tal-art u fkieren tal-ilma ħelu  
(Testudines spp.)

CoP19 Dok. 78

Seg.

Aqbel li d-Deċiżjonijiet 18.286 sa 18.291 ġew implimentati u jistgħu jitħassru. Ipproponi Deċiżjoni ta’ segwitu li titlob lill-Madagascar jippreżenta strateġija komprensiva ta’ konservazzjoni għall-ispeċi ta’ fkieren mhedda tiegħu.

+

79.

Speċijiet ta’ siġar Afrikani

CoP19 Dok. 79

PC

Appoġġa. L-aġġornament tal-lista tal-ispeċijiet ta’ siġar Afrikani u tal-proċessi tas-CITES relatati li jinsabu fl-Anness tad-dokument PC25 Dok. 28 huwa pass meħtieġ.

+

80.

Ħut ornamentali tal-baħar

CoP19 Dok. 80

AC

Appoġġa l-adozzjoni tal-abbozzi tad-deċiżjonijiet 19.AA sa 19.BB fl-Anness 1 ta’ dan id-dokument u t-tħassir tad-Deċiżjonijiet 18.263 sa 18.265.

+

81.

Speċijiet ta’ siġar neotropikali

CoP19 Dok. 81

PC

Appoġġa. L-aġġornament tal-lista tal-ispeċi ta’ siġar neotropikali u tal-proċessi tas-CITES relatati inklużi fl-Anness tad-dokument PC25 Dok. 29 huwa pass neċessarju.

+

82.

Il-kummerċ ta’ speċijiet ta’ pjanti mediċinali u aromatiċi

CoP19 Dok. 82

PC

Appoġġa, madankollu, enfasizza li Riżoluzzjoni ġdida potenzjali ma għandhiex tkun limitata għall-prodotti mediċinali, iżda għandha tinkorpora t-tipi kollha ta’ prodotti li fihom eżemplari ta’ speċijiet ta’ pjanti mediċinali u aromatiċi.

+

83.

Identifikazzjoni tal-ispeċijiet f’riskju ta’ estinzjoni għall-Partijiet tas-CITES

CoP19 Dok. 83

Il-Gambja, il-Liberja, in-Niġerja u s-Senegal

Opponi l-istabbiliment ta’ bażi tad-data ġdida, peress li l-Lista l-Ħamra eżistenti tal-IUCN hija bażi suffiċjenti għall-valutazzjoni.

-

Manutenzjoni tal-Appendiċijiet

 

 

84.

Nomenklatura standard

 

84.1

Rapport tal-Kumitati tal-Annimali u l-Pjanti

CoP19 Dok. 84.1

AC, imħejji mill-ispeċjalisti rispettivi tal-AC

dwar in-nomenklatura

Appoġġa l-adozzjoni tad-Deċiżjonijiet proposti u t-tiġdid tad-Deċiżjonijiet mill-CoP18 kif deskritti fid-Dok. 84.1 u appoġġa l-adozzjoni tar-Riżoluzzjoni Konf. 12.11 (Rev. CoP18) riveduta fir-rigward kemm tal-Flora kif ukoll tal-Fawna.

+

84.2

Nomenklatura standard għal  
Dipteryx spp.

CoP19 Dok. 84.2

L-Unjoni Ewropea u l-Istati Membri tagħha

Dokument ippreżentat mill-UE u mill-Istati Membri tagħha.

+

84.3

Nomenklatura standard għal  
Khaya spp.

CoP19 Dok. 84.3

L-Unjoni Ewropea u l-Istati Membri tagħha

Dokument ippreżentat mill-UE u mill-Istati Membri tagħha.

+

 

84.4

Nomenklatura standard għal  
Rhodiola spp.

CoP19 Dok. 84.4

L-Unjoni Ewropea u l-Istati Membri tagħha

Dokument ippreżentat mill-UE u mill-Istati Membri tagħha.

+

85.

Annotazzjonijiet

85.1

Rapport tal-Kumitat Permanenti

CoP19 Dok. 85.1

Appoġġa d-dokument li ġie ppreżentat mill-SC, u appoġġa l-istabbiliment mill-ġdid tal-Grupp ta’ Ħidma.

+

85.2

Sistema ta’ informazzjoni għall-kummerċ

ta’ eżemplari ta’  
speċijiet tas-siġar elenkati mis-CITES

CoP19 Dok. 85.2

Appoġġa, peress li huwa importanti li tiġi identifikata l-ħidma eżistenti u li jinbena fuqha.

+

85.3

Mekkaniżmu informali ta’ rieżami tal-annotazzjonijiet eżistenti u proposti

CoP19 Dok. 85.3

Appoġġa d-deċiżjoni proposta relatata mal-mekkaniżmu informali ta’ rieżami għall-annotazzjonijiet eżistenti u proposti.

+

86.

Prodotti li fihom eżemplari tal-orkidi tal-Appendiċi-II

CoP19 Dok. 86

SC

Appoġġa l-abbozzi tad-deċiżjonijiet u t-tħassir tad-Deċiżjonijiet 18.327 sa 18.330.

+

87.

Emendi għar-Riżoluzzjoni Konf. 9.24 (Rev. CoP17)

87.1

Emendi proposti għar-Riżoluzzjoni Konf. 9.24 (Rev. CoP17)

CoP19 Dok. 87.1

L-Eswatini

Din il-proposta tirrikjedi aktar valutazzjoni. Ċerti elementi huma b’saħħithom, iżda l-abbozz ta’ riżoluzzjoni jirrikjedi kjarifika u jeħtieġ riformulazzjoni parzjali.

(-)

87.2

Speċijiet akkwatiċi elenkati fl-Appendiċijiet tas-CITES:

proposti għal approċċ ġdid għall-elenkar tal-klieb il-baħar u r-raji

CoP19 Dok. 87.2

Dokument mhux disponibbli fil-ħin biex jilħaq jiġi analizzat.

88.

Riżervi ppreżentati wara t-18-il laqgħa tal-Konferenza tal-Partijiet

CoP19 Dok. 88

Dokument mhux disponibbli fil-ħin biex jilħaq jiġi analizzat.

Proposti biex jiġu emendati l-Appendiċijiet

89.

Proposti biex jiġu emendati l-Appendiċijiet I u II

 

Proposti għall-elenkar huma indirizzati fil-Parti 2 ta’ dan id-dokument, hawn taħt.

89.1

Il-valutazzjoni tas-Segretarjat tal-proposti biex jiġu emendati l-Appendiċijiet I u II

CoP19 Dok. 89.1

Dokument mhux disponibbli fil-ħin biex jilħaq jiġi analizzat.

89.2

Kummenti mill-Partijiet

CoP19 Dok. 89.2

Dokument mhux disponibbli fil-ħin biex jilħaq jiġi analizzat.

89.3

Kummenti minn persuni statutorji kkonsultati

CoP19 Dok. 89.3

Dokument mhux disponibbli fil-ħin biex jilħaq jiġi analizzat.

Konklużjoni tal-laqgħa

90.

Determinazzjoni tal-ħin u l-post tal-laqgħa regolari li jmiss tal-Konferenza tal-Partijiet

 L-ebda dokument

91.

Rimarki tal-aħħar (Osservaturi, Partijiet, Segretarju Ġenerali tas-CITES, Gvern Ospitanti)

 L-ebda dokument



2.Proposti għall-Elenkar

Nru.

Unità tassonomika / Dettalji

Proposta

Proponent

Kummenti

Pożizzjoni

FAWNA - MAMMALIA

1.

Hippopotamus amphibius  
(Hippopotamus)

II – I

Trasferiment mill-Appendiċi II għall-Appendiċi I

Il-Benin, il-Burkina Faso, ir-Repubblika Ċentru-Afrikana, il-Gabon, il-Guinea, il-Liberja, il-Mali, in-Niġer, is-Senegal, it-Togo

Opponi. Il-popolazzjoni ma tissodisfax il-kriterji tal-elenkar fl-Appendiċi I.

-

2.

Ceratotherium simum simum 
(Rinoċeronte abjad tan-Nofsinhar jew bix-xufftejn kwadri tan-Nofsinhar) (il-popolazzjoni tan-Namibja)

I – II

Il-popolazzjoni tan-Namibja għandha tiġi ttrasferita mill-App. I għall-App. II bl-annotazzjoni li ġejja:

Għall-għan waħdieni li jippermetti l-kummerċ internazzjonali ta’:

a) annimali ħajjin għall-konservazzjoni in situ biss; u

b) trofej tal-kaċċa.

L-eżemplari l-oħrajn kollha għandhom jitqiesu li huma eżemplari tal-ispeċijiet inklużi fl-Appendiċi I u l-kummerċ tagħhom għandu jiġi rregolat skont dan.

Il-Botswana,  
in-Namibja

Il-kriterji bijoloġiċi għall-elenkar ’l isfel jidhru li ġew issodisfati. Minħabba l-elenkar ’l isfel ristrett, il-miżuri ta’ prekawzjoni jidhru li ġew issodisfati wkoll. Madankollu, id-data dwar ir-riproduzzjoni, l-istruttura tal-popolazzjoni, u d-daqs effettiv tal-popolazzjoni huma nieqsa, li hija ta’ ostaklu għal valutazzjoni finali.

0

3.

Ceratotherium simum simum (Rinoċeronte abjad tan-Nofsinhar jew bix-xufftejn kwadri tan-Nofsinhar) (il-popolazzjoni tal-Eswatini)

Għandha titneħħa l-annotazzjoni eżistenti dwar l-elenkar fl-Appendiċi II tal-popolazzjoni tal-Eswatini

L-Eswatini

Opponi. Il-popolazzjoni tkompli tissodisfa l-kriterji għall-elenkar fl-App. II, iżda t-tneħħija tal-annotazzjoni kif proposta ma tissodisfax is-salvagwardji ta’ prekawzjoni stabbiliti fil-Para A. 2. a) fl-Anness 4 tar-Riż. Konf. 9.24. It-tkomplija tal-kummerċ tal-qrun tar-rinoċeronti tibgħat sinjal ħażin f’dan il-mument, minħabba l-livell għoli ta’ kaċċa illegali u kummerċ illegali. Din iddgħajjef ukoll l-azzjoni għat-tnaqqis tad-domanda minn ħafna Partijiet għal din l-ispeċi.

-

4.

Loxodonta  
africana  
(iljunfant Afrikan) (popolazzjonijiet tal-Botswana, in-Namibja, l-Afrika t’Isfel u ż-Żimbabwe)

Tiġi emendata l-Annotazzjoni 2 relatata mal-popolazzjonijiet tal-Botswana, in-Namibja, l-Afrika t’Isfel u ż-Żimbabwe

L-emendi proposti huma murija b’test maqtugħ:

Għall-għan esklużiv li jiġi permess:

a) kummerċ fi trofej tal-kaċċa għal għanijiet mhux kummerċjali

b) kummerċ f’annimali ħajjin għal destinazzjonijiet xierqa u aċċettabbli kif iddefiniti f’Riżoluzzjoni Konf 11.20 (Rev. CoP17) għall-Botswana u ż-Żimbabwe u għal programmi ta’ konservazzjoni in situ għan-Namibja u l-Afrika t’Isfel;

c) kummerċ fil-ġlud;

d) kummerċ fix-xagħar;

e) kummerċ f’oġġetti tal-ġild għal għanijiet kummerċjali u mhux kummerċjali għall-Botswana, in-Namibja, l-Afrika t’isfel u għal għanijiet mhux kummerċjali fiż-Zimbabwe;

f) kummerċ f’Ekipas immarkati u ċċertifikati individwalment inkorporati f’ġojjellerija finali għal għanijiet mhux kummerċjali għan-Namibja u tinqix fl-avorju għal għanijiet mhux kummerċjali fiż-Zimbabwe;

g) kummerċ f’avorju mhux maħdum irreġistrat (għall-Botswana, in-Namibja, l-Afrika t’Isfel u ż-Żimbabwe, sinniet u biċċiet sħaħ) soġġetti għal li ġej:

i) stokks proprjetà tal-gvern irreġistrati biss, li joriġinaw fl-Istat (minbarra avorju kkonfiskat jew avorju ta’ oriġini mhux magħrufa);

ii) biss għal imsieħba kummerċjali li ġew ivverifikati mis-Segretarjat, b’konsultazzjoni mal-Kumitat Permanenti, li għandhom leġiżlazzjoni nazzjonali suffiċjenti u kontrolli kummerċjali domestiċi sabiex jiżguraw li l-avorju impurtat ma jiġix esportat mill-ġdid u jkun ġestit f’konformità mar-rekwiżiti kollha tar-Riżoluzzjoni Conf. 10.10 (Rev. CoP17) dwar manifattura u kummerċ domestiku;

iii) mhux qabel ma s-Segretarjat ikun ivverifika l-pajjiżi prospettivi tal-importazzjoni u l-istokks proprjetà tal-gvern irreġistrati;

iv) avorju mhux maħdum skont il-bejgħ kundizzjonali ta’ stokkijiet tal-avorju tal-gvern irreġistrati maqbula f’CoP12 li huma 20,000 kg (il-Botswana), 10,000 kg (in-Namibja), u 30,000 kg (l-Afrika t’Isfel);

v) flimkien mal-kwantitajiet maqbula f’CoP12, l-avorju tal-gvern mill-Botswana, in-Namibja, l-Afrika t’Isfel u ż-Żimbabwe irreġistrat sal-31 ta’ Jannar 2007 u vverifikat mis-Segretarjat jista’ jiġi kkumerċjalizzat u ttrasportat, mal-avorju fil-paragrafu (g)(iv) hawn fuq f’bejgħ uniku għal kull destinazzjoni taħt superviżjoni stretta tas-Segretarjat;

vi) ir-rikavati mill-kummerċ jintużaw esklussivament għall-konservazzjoni tal-iljunfanti u għal programmi komunitarji ta’ konservazzjoni u żvilupp fi ħdan jew maġenb iż-żona fejn jimirħu l-iljunfanti; u

vii) il-kwantitajiet addizzjonali speċifikati fil-paragrafu g) v) hawn fuq għandhom jiġu kkummerċjalizzati biss wara li l-Kumitat Permanenti jkun qabel li ġew issodisfati l-kundizzjonijiet imsemmija fuq; u

h) l-ebda proposta ulterjuri li tippermetti l-kummerċ fl-avorju tal-iljunfanti minn popolazzjonijiet diġà fl-Appendiċi II m’għandha titressaq lill-Konferenza tal-Partijiet għall-perjodu minn CoP14 u li jispiċċa disa’ snin mid-data tal-bejgħ uniku tal-avorju li għandu jseħħ f’konformità mad-dispożizzjonijiet fil-paragrafu g) i), g) ii), g) iii), g) vi) u g) vii). Barra minn hekk, dawn il-proposti ulterjuri għandhom jiġu ttrattati f’konformità mad-Deċiżjonijiet 16.55 u 14.78 (Rev. CoP16).

Fuq proposta mis-Segretarjat, il-Kumitat Permanenti jista’ jiddeċiedi li jwaqqaf dan il-kummerċ parzjalment jew għalkollox fil-każ ta’ nuqqas ta’ konformità mill-pajjiżi esportaturi jew importaturi, jew fil-każ ta’ impatti ta’ detriment ippruvati tal-kummerċ fuq popolazzjonijiet oħra tal-iljunfanti.

L-eżemplari l-oħrajn kollha għandhom jitqiesu li huma eżemplari tal-ispeċijiet inklużi fl-Appendiċi I u l-kummerċ tagħhom għandu jiġi rregolat skont dan.

Iż-Żimbabwe

Opponi l-istat attwali peress li l-bidla mitluba se tirriżulta fil-ftuħ tal-kummerċ internazzjonali tal-avorju, u għalhekk ma tissodisfax il-miżuri ta’ prekawzjoni fl-Anness 4 tar-Riż. Konf. 9.24. Jekk ikun hemm ftehim fil-CoP19 dwar l-effetti ta’ riżerva għal bidliet f’annotazzjoni (l-annotazzjoni preċedenti tibqa’ fis-seħħ), u l-bidliet fl-annotazzjoni jkunu limitati għat-tħassir ta’ partijiet żejda dwar il-bejgħ ta’ darba preċedenti u/jew it-tħassir tar-referenza għar-riżoluzzjoni b’tali mod li huwa konformi mad-dokument propost tal-UE 66.4.2, l-UE tista’ tivvota favur bidla.

(-)

5.

Loxodonta  
africana  
(iljunfant Afrikan) (popolazzjonijiet tal-Botswana, in-Namibja, l-Afrika t’Isfel u ż-Żimbabwe)

II – I

It-trasferiment tal-popolazzjonijiet tal-Botswana, tan-Namibja, tal-Afrika t’Isfel u taż-Żimbabwe mill-Appendiċi II għall-Appendiċi I

Il-Burkina Faso, il-Guinea Ekwatorjali, il-Mali, is-Senegal

Dawn l-4 popolazzjonijiet ma jissodisfawx il-kriterji għall-elenkar fl-Appendiċi I.

-

6.

Cynomyrys mexicanus  
(Kelb tal-praterija Messikan)

I – II

Trasferiment mill-Appendiċi I għall-Appendiċi II

Il-Messiku

Il-kriterji għall-elenkar fl-Appendiċi I ma għadhomx issodisfati. Minn meta l-ispeċi ġiet elenkata fl-Appendiċi I tas-CITES fl-1975, ġew irreġistrati biss żewġ tranżazzjonijiet ta’ kummerċ internazzjonali (li t-tnejn li huma kienu jinvolvu eżemplari għal skopijiet xjentifiċi). L-Awtorità tal-infurzar tal-Liġi tal-Messiku (PROFEPA) irrapportat li mill-2013 sal-2019, inqabdu disa’ eżemplari fil-livell nazzjonali. Ma hemm l-ebda rekord uffiċjali tal-bejgħ ta’ eżemplari ta’ din l-ispeċi, u lanqas ma hemm suq nazzjonali jew internazzjonali li jhedded il-popolazzjonijiet selvaġġi tagħha.

+

FAWNA – AVES

7.

Branta canadensis leucopareia (wiżża Alewtina)

I - II

Trasferiment mill-Appendiċi I għall-Appendiċi II

L-Istati Uniti tal-Amerka

Appoġġa l-proposta. Il-popolazzjoni ta’ din is-sottospeċi rkuprat sew minn meta kienet kważi estinta fis-snin sittin għal popolazzjoni ta’ 162 000 illum, li hija ġestita tajjeb permezz tal-kaċċa rregolata. Ma huwa rrapportat l-ebda kummerċ illegali.

+

8.

Kittacincla  
malabarica  
(White-rumped Shama)

Għandha tiġi inkluża fl-Appendiċi II

Il-Malażja,  
Singapore

Appoġġa l-proposta, peress li l-ispeċi tissodisfa l-kriterji tal-elenkar fl-Appendiċi II. Minħabba l-kapaċità tagħha li tkanta, din l-ispeċi hija waħda mill-ispeċi li għandha l-aktar valur fil-kummerċ tal-għasafar tal-gaġġa tal-Asja tax-Xlokk u tappartjeni għall-aktar speċijiet importanti użati fil-kompetizzjonijiet tal-kant.

+

9.

Pycnonotus zeylanicus  
(Straw-headed bulbul)

II - I

Trasferiment mill-Appendiċi II għall-Appendiċi I

Il-Malażja,  
Singapore,  
l-Istati Uniti tal-Amerka

Appoġġa l-proposta. Din l-ispeċi tissodisfa l-kriterji bijoloġiċi fl-Anness 1 tar-Riżoluzzjoni Konf. 9.24 (Rev. CoP17).

+

10.

Phoebastria  
albatrus  
(Short-tailed albatross)

I - II

Trasferiment mill-Appendiċi I għall-Appendiċi II

L-Istati Uniti tal-Amerka

Appoġġa l-proposta peress li l-kummerċ internazzjonali ma għadux theddida u ma għadx hemm domanda sinifikanti għall-ispeċi. Madankollu, peress li l-popolazzjoni għadha żgħira u vulnerabbli ħafna, l-Istati Uniti tal-Amerka u l-istati tal-medda l-oħrajn għandhom jiġu mħeġġa jiżguraw li jittieħdu miżuri ta’ konservazzjoni xierqa biex tiġi żgurata popolazzjoni stabbli u li tiżdied.

+

FAWNA – RETTILI

11.

Caiman latirostris (Kajman imnieħru wiesa’) (il-popolazzjoni tal-Brażil)

I - II

Il-popolazzjoni tal-Brażil għandha tiġi ttrasferita mill-Appendiċi I għall-Appendiċi II

Il-Brażil

Appoġġa, peress li l-kriterji f’konformità mal-Artikolu II, il-paragrafu 2. a), tal-Konvenzjoni u mar-Riżoluzzjoni Konf. 9.24 (Rev. CoP17), l-Anness 4, il-paragrafu A. 2. A, ii) huma ssodisfati. L-ispeċi tinsab fi stat tajjeb, hemm sistema ta’ ġestjoni tajba, u l-ispeċi rkuprat malajr.

+

12.

Crocodylus  
porosus  
(Kukkudrill tal-ilma salmura) (il-popolazzjoni tal-Gżejjer tal-Palawan (il-Filippini)

I - II

Il-popolazzjoni tal-Gżejjer tal-Palawan (il-Filippini) għandha tiġi ttrasferita mill-Appendiċi I għall-Appendiċi II bi kwota ta’ esportazzjonijiet żero għall-eżemplari selvaġġi

Il-Filippini

Appoġġa l-proposta, peress li l-kriterji tal-Appendiċi I ma għadhomx issodisfati. Hija meħtieġa xi analiżi ulterjuri fir-rigward tal-isforzi ta’ konservazzjoni mill-proponent.

(+)

13.

Crocodylus  
siamensis  
(Kukkudrill Sjamiż) (il-popolazzjoni tat-Tajlandja)

I - II

Il-popolazzjoni tat-Tajlandja għandha tiġi ttrasferita mill-Appendiċi I għall-Appendiċi II bi kwota żero għall-eżemplari selvaġġi

It-Tajlandja

Opponi din il-proposta, peress li l-kriterji bijoloġiċi għal elenkar fl-Appendiċi I għadhom issodisfati. It-trasferiment ta’ din is-sottospeċi għall-Appendiċi II ma huwiex f’konformità mal-Miżuri ta’ Prekawzjoni fl-Anness 4 tar-Riżoluzzjoni tas-CITES Konf. 9.24 (Rev. CoP17).

-

14.

Physignathus cocincinus  
(Dragun tal-Ilma Indo-Ċiniż)

0 - II

Għandha tiġi inkluża fl-Appendiċi II

L-Unjoni Ewropea, il-Vjetnam

Proposta tal-UE

+

15.

Cyrtodactylus jeyporensis (wiżgħa tal-għoljiet ta’ Jeypore)

0 - II

Għandha tiġi inkluża fl-Appendiċi II

L-Indja

Appoġġa, peress li l-kriterji tal-Appendiċi II huma ssodisfati. Hemm ħafna kummerċ f’distribuzzjoni relattivament baxxa tal-ispeċi.

+

16.

Tarentola chazaliae  
(wiżgħa helmethead)

0 - II

Għandha tiġi inkluża fl-Appendiċi II

Il-Mauritania,  
is-Senegal

Il-proposta tissodisfa l-kriterji tal-elenkar fl-Appendiċi II, madankollu, għandha tintalab aktar informazzjoni b’mod partikolari dwar l-eżiti tal-konsultazzjoni ma’ pajjiżi tal-medda oħrajn u d-data aġġornata dwar id-daqs, l-istruttura u x-xejriet tal-popolazzjoni,

(+)

17.

Phrynosoma platyrhinos  
(Gremxula muqrana tad-deżert)

0 - II

Għandha tiġi inkluża fl-Appendiċi II

L-Istati Uniti tal-Amerka

Hija meħtieġa valutazzjoni ulterjuri. Jidher li l-livelli tal-kummerċ baqgħu relattivament stabbli matul dawn l-aħħar snin u li l-kummerċ jista’ ma joħloqx theddida serja bħalissa.

0

18.

Phrynosoma spp. (Gremxul Muqran)

0 - II

Għandha tiġi inkluża fl-Appendiċi II

Il-Messiku

Hija meħtieġa valutazzjoni ulterjuri. Il-kriterju A ma huwiex issodisfat, peress li l-ispeċi ma tinsabx mhedda, u l-ebda data speċifika ma turi li tista’ tiġi pperikolata mill-kummerċ fil-futur qrib. Il-kriterju B tal-Anness 2a Konf. 9.24 (Rev. CoP17) jista’ japplika peress li l-esportazzjonijiet legali jista’ jkollhom effett taħt strateġiji ta’ ħsad estremament negattivi.

0

19.

Tiliqua adelaidensis  
(Gremxula Nana b’Ilsien Blu)

0 - I

Għandha tiġi inkluża fl-Appendiċi I

L-Awstralja

Appoġġa. L-ispeċi tissodisfa diversi kriterji tal-elenkar deskritti fl-Anness 1, il-paragrafi B u C.

+

20.

Epicrates  
inornatus 
(Boa ta’ Puerto Rico)

I - II

Trasferiment mill-Appendiċi I għall-Appendiċi II

L-Istati Uniti tal-Amerka

Appoġġa l-proposta. Din l-ispeċi ma għadhiex tissodisfa l-kriterji tal-Appendiċi I.

+

21.

Crotalus horridus (Lifgħa tal-Injam)

0 - II

Għandha tiġi inkluża fl-Appendiċi II

L-Istati Uniti tal-Amerka

Opponi. Din l-ispeċi ma tissodisfax il-kriterji għall-elenkar fl-Appendiċi II. Il-kummerċ internazzjonali huwa baxx ħafna, l-elenkar fl-Appendiċi II jista’ ma jgħinx il-protezzjoni tal-ispeċi fil-pajjiż. Il-proposta tista’ tiġi kkunsidrata mill-ġdid jekk tiġi pprovduta evidenza ta’ sostenn addizzjonali.

(-)

22.

Chelus fimbriata u C. orinocensis  
(Amazon matamata u Orinoco matamata)

0 - II

Għandha tiġi inkluża fl-Appendiċi II

Il-Brażil, il-Kolombja, il-Costa Rica, il-Perù

Il-proposta tippreżenta data inkonsistenti dwar is-sors tal-eżemplari fil-kummerċ legali u illegali u ma fihiex data attwali dwar il-popolazzjoni. Fil-forma attwali tagħha, il-proposta la turi li l-ispeċi hija mhedda, u lanqas li l-kummerċ għandu influwenza detrimentali fuq is-sopravivenza tagħha. Il-proposta tista’ tiġi appoġġata jekk il-proponenti jipprovdu evidenza li l-eżemplari fil-kummerċ illegali oriġinaw mis-selvaġġ u/jew li l-eżemplari mrobbija illegalment ikunu ddaħħlu b’mod illeċitu fil-farms tat-tnissil, u dan ma jistax jiġi evitat mingħajr ma l-ispeċi tiġi elenkata fl-Appendiċi II.

0

23.

Macrochelys temminckii u Chelydra serpentine  
(Aligator Snapping Turtle u Common Snapping Turtle)

0 - II

Għandha tiġi inkluża fl-Appendiċi II

L-Istati Uniti tal-Amerka

L-elenkar ta’ Macrochelys temmincki fl-Appendiċi II jista’ jiġi appoġġat, peress li l-ispeċi tissodisfa l-kriterji. Madankollu, dan ma huwiex il-każ għal Chelydra serpentine. L-UE tista’ tappoġġa proposta aktar ristretta jekk il-proponenti jiddeċiedu li jillimitawha għal Macrochelys temmincki.

(+)

24.

Graptemys barbouri, G. ernsti, G. gibbonsi, G. pearlensis u G. pulchra  
(fekruna tal-mappa ta’ Barbour, fekruna tal-mappa ta’ Escambia, fekruna tal-mappa ta’ Pascagoula, fekruna tal-mappa ta’ Pearl River, fekruna tal-mappa ta’ Alabama)

0 - II

Għandha tiġi inkluża fl-Appendiċi II

L-Istati Uniti tal-Amerka

Il-kriterji tal-Appendiċi II ma jidhrux li huma ssodisfati. Filwaqt li ntwera li l-ispeċijiet kollha huma affettwati minn bosta theddidiet, ma hemm l-ebda indikazzjoni li l-kummerċ huwa waħda minnhom. Id-deċiżjoni tista’ tiġi kkunsidrata mill-ġdid jekk il-proponent jirnexxielu jispjega għaliex l-elenkar fl-Appendiċi III tas-CITES ma huwiex biżżejjed u kif l-elenkar fl-Appendiċi II tas-CITES itejjeb is-sitwazzjoni.

0

25.

Batagur kachuga (fekruna bil-quċċata ħamra)

II - I

Trasferiment mill-Appendiċi II għall-Appendiċi I

L-Indja

Appoġġa l-proposta. Din l-ispeċi tissodisfa l-kriterji għall-elenkar fl-Appendiċi I. L-ispeċi hija mhedda u huwa diffiċli li jiġi protett il-ħabitat naturali tagħha.

+

26.

Cuora galbinifrons  
(Fekruna Kkaxxjata Indo-Ċiniża)

I - II

Trasferiment mill-Appendiċi II għall-Appendiċi I

L-Unjoni Ewropea, il-Vjetnam

Proposta tal-UE

+

27.

Rhinoclemmys spp.  
(Fkieren tal-injam tat-tropiċi l-ġodda)

0 - II

Għandha tiġi inkluża fl-Appendiċi II

Il-Brażil, il-Kolombja, il-Costa Rica,  
il-Panama

Hija meħtieġa valutazzjoni ulterjuri. L-elenkar fl-Appendiċi II ta’ R. diademata, R. nasuta, u R. rubida huwa ġġustifikat mill-medda relattivament żgħira tagħhom, u ta’ R. pulcherrima minħabba l-volum tal-kummerċ għoli fil-passat. Madankollu, ma huwiex ċar jekk speċijiet oħra jissodisfawx il-kriterji tal-Appendiċi II.

0

28.

Claudius  
angustatus  
(Fekruna Miska Dejqa)

0 - II

Għandha tiġi inkluża fl-Appendiċi II

Il-Messiku

Appoġġa l-proposta. Il-kriterju B tal-Anness 2a huwa ssodisfat peress li l-ħsad legali u illegali mis-selvaġġ probabbilment għandu volum rilevanti għall-konservazzjoni.

+

29.

Kinosternon spp. (Fkieren tat-tajn)

0 - I

0 - II

Għandhom jiġu inklużi Kinosternon cora u K. vogti fl-Appendiċi I, u kull speċi oħra ta’ Kinosternon spp. għandha tiġi inkluża fl-Appendiċi II

Il-Brażil, il-Kolombja, il-Costa Rica,  
El Salvador,  
il-Messiku, il-Panama, l-Istati Uniti tal-Amerka

L-UE tista’ tappoġġa proposta aktar ristretta jekk il-proponenti jiddeċiedu li jillimitawha għal dawk l-ispeċijiet li għalihom jista’ jintwera li jissodisfaw il-kriterji għall-elenkar, speċjalment minħabba li dawn l-ispeċijiet huma kkummerċjalizzati b’mod sinifikanti. K. cora u K. vogti jidhru li jikkwalifikaw għall-elenkar fl-Appendiċi I; aktar speċijiet tal-ġeneru jidhru li jikkwalifikaw għall-elenkar fl-Appendiċi II, iżda ħafna speċijiet la huma mhedda u lanqas ma hemm kummerċ tagħħhom irrapportat.

(+)

30.

Staurotypus salvinii u S. triporcatus 
(Fekruna miska ġganta tal-Messiku)

0 - II

Għandha tiġi inkluża fl-Appendiċi II

El Salvador,  
il-Messiku

Appoġġa. L-elenkar ta’ Staurotypus triporcatus huwa ġġustifikat, peress li hemm domanda kbira għaliha fil-kummerċ. Ma huwiex ċar jekk Staurotypus Salvinii tissodisfax il-kriterji bijoloġiċi għall-Appendiċi II, iżda d-distinzjoni bejnha u Staurotypus triporcatus hija diffiċli, u għalhekk x’aktarx li xorta tissodisfa l-kriterju tax-xebh fir-Riż. 9.24 (kriterju A tal-Anness 2 b).

+

31.

Sternothrus spp. (Fekruna Miska)

0 - II

Għandha tiġi inkluża fl-Appendiċi II

L-Istati Uniti tal-Amerka

Hija meħtieġa valutazzjoni ulterjuri. Jista’ jiġi kkunsidrat li jingħata appoġġ għal xi speċijiet, speċjalment S. depressus.

(+)

32.

Apalone spp. (Fekruna Qoxritha ratba)

0 - II

Għandha tiġi inkluża fl-Appendiċi II (ħlief is-sottospeċijiet inklużi fl-Appendiċi I)

L-Istati Uniti tal-Amerka

Il-kriterju B tal-Anness 2a jista’ jkun li huwa ssodisfat, madankollu hemm nuqqas ta’ data rilevanti dwar il-popolazzjoni, li jagħmilha diffiċli li jiġi evalwat l-impatt tal-kummerċ fuq il-popolazzjonijiet selvaġġi. Hemm biss ftit evidenza ta’ kaċċa illegali ta’ Apalone spp. selvaġġa. Madankollu, il-karatteristiċi tal-istorja tal-ħajja u t-theddid addizzjonali jagħmlu lill-fkieren qoxrithom ratba potenzjalment vulnerabbli għall-isfruttament, u dan jirrikjedi miżuri ta’ prekawzjoni.

(+)

33.

Nilssonia leithii (Fekruna Qoxritha Ratba ta’ Leith)

II – I

Trasferiment mill-Appendiċi II għall-Appendiċi I

L-Indja

Appoġġa l-proposta peress li l-kriterji għall-elenkar fl-Appendiċi I huma ssodisfati.

+

FAWNA - AMFIBJI

34.

Centrolenidae spp. (Żrinġijiet Trasparenti)

0 - II

Għandha tiġi inkluża fl-Appendiċi II

L-Arġentina, il-Brażil, il-Costa Rica,  
il-Kosta tal-Avorju,  
ir-Repubblika Dominicana, l-Ekwador, El Salvador, il-Gabon, il-Guinea, in-Niġer, il-Panama, il-Perù, it-Togo, l-Istati Uniti tal-Amerka

Hija meħtieġa valutazzjoni ulterjuri. Huwa ċar li l-kriterju tal-elenkar għall-elenkar fl-Appendiċi II ma huwiex issodisfat mill-familja kollha bil-158 speċi tagħha.

0

35.

Agalychnis lemur (Żrinġ lemur tas-siġar)

0 - II

Għandha tiġi inkluża fl-Appendiċi II bi kwota annwali ta’ esportazzjonijiet żero għall-eżemplari maqbuda mis-selvaġġ li jiġu kkumerċjalizzati għal skopijiet kummerċjali

Il-Kolombja, il-Costa Rica, l-Unjoni Ewropea, il-Panama

Proposta tal-UE

+

36.

Laotriton laoensis (Salamandra tal-Laos)

0 - II

Għandha tiġi inkluża fl-Appendiċi II bi kwota ta’ esportazzjonijiet żero għall-eżemplari maqbuda mis-selvaġġ li jiġu kkumerċjalizzati għal skopijiet kummerċjali

Unjoni Ewropea

Proposta tal-UE

+

FAWNA – ELAŻMOBRANKI (Klieb il-baħar)

37.

Carcharhinidae spp. (Kelb il-baħar griż tal-iskoll, kelb il-baħar dusky, kelb il-baħar denbu żgħir, kelb il-baħar tal-Ganges, kelb il-baħar griż, kelb il-baħar ta’ Borneo, kelb il-baħar ta’ Pondicherry shark, kelb il-baħar smoothtooth blacktip, kelb il-baħar sharptooth lemon, kelb il-baħar tal-iskoll tal-Karibew, kelb il-baħar daggernose, kelb il-baħar ta’ billejl, kelb il-baħar imnieħru abjad, kelb il-baħar imnieħru iswed, kelb il-baħar whitecheek, kelb il-baħar lost, kelb il-baħar denbu żgħir tal-Paċifiku, kelb il-baħar b’xewka wiesgħa ta’ Borneo u kelb il-baħar b’xewka wiesgħa)

0 - II

Għandha tiġi inkluża fl-Appendiċi II

Il-Bangladesh,  
il-Kolombja,  
ir-Repubblika Dominicana, l-Ekwador, El Salvador, 
l-Unjoni Ewropea, il-Gabon, Iżrael, il-Maldivi,  
il-Panama, is-Senegal, is-Seychelles,  
is-Sri Lanka, ir-Repubblika Għarbija Sirjana, ir-Renju Unit tal-Gran Brittanja u l-Irlanda ta’ Fuq

Proposta konġunta mill-UE

+

38.

Sphyrnidae spp. (Kurazza)

0 - II

Għandha tiġi inkluża fl-Appendiċi II

Il-Brażil, il-Kolombja, l-Ekwador,  
l-Unjoni Ewropea, il-Panama

Proposta tal-UE

+

39.

Potamotrygon albimaculata,  
P. henlei,  
P. jabuti,  
P. leopoldi,  
P. marquesi,  
P. signata u P. wallacei 
 (boll tal-ilma ħelu ta’ Tapajós, boll tax-xmara bigtooth, boll tal-ilma ħelu tal-perli, boll tax-xmara b’tikek bojod, boll tal-ilma ħelu ta’ Marques, boll tax-xmara Parnaiba, boll tal-cururu)

0 - II

Għandhom jiġu inklużi fl-Appendiċi II

Il-Brażil

Hija meħtieġa valutazzjoni ulterjuri. Ma huwiex ċar jekk il-kriterji għall-elenkar humiex issodisfati mill-ispeċijiet kollha, u jekk l-elenkar jgħinx fil-ġlieda kontra l-kummerċ illegali. Hija meħtieġa aktar informazzjoni dwar kif l-istati tal-medda jinterpretaw u jippożizzjonaw ruħhom fir-rigward tal-proposta.

0

40.

Rhinobatidae spp. (Guitarfish)

0 - II

Għandha tiġi inkluża fl-Appendiċi II

Iżrael, il-Kenja, il-Panama, is-Senegal

Appoġġa, peress li l-biċċa l-kbira tal-ispeċijiet huma fil-periklu u soġġetti għal pressjoni intensiva tas-sajd. L-elenkar fl-Appendiċi II mhux biss se jiżgura li l-kummerċ internazzjonali ma jkunx ta’ detriment għas-sopravivenza ta’ dawn l-ispeċijiet, iżda jippermetti wkoll il-ġbir aħjar tad-data dwar il-kummerċ. Diversi speċijiet jistgħu jsiru eliġibbli għall-inklużjoni fl-Appendiċi I fil-futur jekk il-kummerċ ma jiġix irregolat.

+

41.

Hypancistrus zebra (pleco bajda u sewda)

0 - I

Għandha tiġi inkluża fl-Appendiċi I

Il-Brażil

Il-proposta fil-forma attwali tagħha ma għandhiex tiġi appoġġata. Madankollu, l-UE tista’ tappoġġa proposta għall-elenkar fl-Appendiċi II bi kwota ta’ esportazzjonijiet żero għall-eżemplari selvaġġi. Jista’ jkun li l-ispeċi tissodisfa l-kriterji bijoloġiċi għall-Appendiċi I, madankollu, filwaqt li jidher li jeżisti xi kummerċ illegali mill-Brażil, ma huwiex ċar kif dan il-kummerċ jinfluwenza l-popolazzjonijiet selvaġġi.

(+)

FAWNA – BUŻŻI

42.

Thelenota spp. (Bużżu ananas, bużżu ġgant, bużżu miksi bl-aħmar)

0 - II

Għandha tiġi inkluża fl-Appendiċi II

L-Unjoni Ewropea, is-Seychelles,  
l-Istati Uniti tal-Amerka

Proposta tal-UE

+

FLORA (PJANTI)

43.

Apocynaceae, Cactaceae, Cycadaceae, Dicksoniaceae, Euphorbiaceae, Gnetaceae, Liliaceae, Magnoliaceae, Nepenthaceae, Orchidaceae, Papaveraceae, Podocarpaceae, Sarraceniaceae, Trochodendraceae, Zamiaceae, Zingiberaceae

Speċijiet ta’ flora bl-annotazzjoni #1, #4, #14 u speċijiet ta’ Orchidaceae elenkati fl-Appendiċi-I (orkidi)    

L-annotazzjoni #1 għandha tiġi emendata biex taqra kif ġej: Il-partijiet u d-derivattivi kollha, ħlief għal: […] b) il-kulturi tan-nebbieta jew tat-tessuti tal-pjanti miksubin in vitro, f’midja solida jew likwida, ittrasportati f’kontenituri sterili;

L-annotazzjoni #4 għandha tiġi emendata biex taqra kif ġej: Il-partijiet u d-derivattivi kollha, ħlief għal: […] b) il-kulturi tan-nebbieta jew tat-tessuti tal-pjanti miksubin in vitro, f’midja solida jew likwida, ittrasportati f’kontenituri sterili;

L-annotazzjoni #14 għandha tiġi emendata biex taqra kif ġej: Il-partijiet u d-derivattivi kollha, ħlief għal: […] b) il-kulturi tan-nebbieta jew tat-tessuti tal-pjanti miksubin in vitro, f’midja solida jew likwida, ittrasportati f’kontenituri sterili; […] b) prodotti finali, ippakkjati u lesti għall-bejgħ bl-imnut.; din l-eżenzjoni ma tapplikax għal-laqx tal-injam, iż-żibeġ, iż-żibeġ tar-rużarju u t-tinqix.

Għandu jiġi emendat il-paragrafu f) tat-test bil-Franċiż tal-Annotazzjoni #14 biex jaqra kif ġej: f) les produits finis conditionnés et prêts pour la vente au détail; cette dérogation ne s’applique pas aux copeaux en de bois, aux perles, aux grains de chapelets et aux gravures.

Għandha tiġi emendata l-annotazzjoni fil-parenteżi għall-Appendiċi I Orchidaceae fl-Appendiċijiet biex taqra kif ġej: ORCHIDACEAE Orkidi (Għall-ispeċijiet kollha tal-Appendiċi-I li ġejjin, kulturi ta’ nebbieta jew ta’ tessuti tal-pjanti miksuba in vitro, f’midja solida jew likwida, u ttrasportati f’kontenituri sterili, ma humiex soġġetti għad-dispożizzjonijiet tal-Konvenzjoni biss jekk l-eżemplari jissodisfaw id-definizzjoni ta’ “ppropagati artifiċjalment” maqbula mill-Konferenza tal-Partijiet).

Il-Kanada

Appoġġa, peress li hija emenda meħtieġa biex jiġu armonizzati l-okkorrenzi kollha tal-frażi “f’midja solida jew likwida” fl-Appendiċijiet tas-CITES u fl-annotazzjonijiet tal-hash-series.

+

FLORA – BIGNONIACEAE

44.

Hadroanthus spp., Roseodendron spp. and Tabebuia spp. (Siġar tal-fjuri tat-trumbetta)

0 - II

Għandhom jiġu inklużi fl-Appendiċi II bl-annotazzjoni #17 (Zkuk, injam isserat, folji tal-fuljetta, plywood u njam ittrasformat.)

Il-Kolombja,  
l-Unjoni Ewropea,  
il-Panama

Proposta tal-UE

+

FLORA – CRASSULACEAE

45.

Rhodiola spp. (Rhodiola ta’ fjuri kbar, Rhodiola)

0 - II

Għandha tiġi inkluża fl-Appendiċi II bl-annotazzjoni #2 (Il-partijiet u d-derivattivi kollha, ħlief għal: a) iż-żrieragħ u l-għabra tad-dakra; u b) il-prodotti finali, ippakkjati u lesti għall-bejgħ bl-imnut.)

Iċ-Ċina, l-Unjoni Ewropea, l-Ukrajna, ir-Renju Unit tal-Gran Brittanja u l-Irlanda ta’ Fuq, l-Istati Uniti tal-Amerka

Proposta tal-UE

+

FLORA – LEGUMI

46.

Afzelia spp.

(popolazzjonijiet Afrikani) (siġra tal-kawba Afrikana)

0 – II

Għandhom jiġu inklużi l-popolazzjonijiet Afrikani fl-Appendiċi II bl-annotazzjoni #17 (Zkuk, injam isserat, folji tal-fuljetta, plywood u njam ittrasformat.)

Il-Benin, il-Kosta tal-Avorju,  
l-Unjoni Ewropea, il-Liberja, is-Senegal

Proposta tal-UE

+

47.

Dalbergia sissoo (injam dagħmi tat-Tramuntana tal-Indja)

II - 0

Għandha titħassar mill-Appendiċi II

L-Indja, in-Nepal

Fil-prinċipju, opponi l-proposta peress li d-distinzjoni bejn din l-ispeċi u oħrajn tirrikjedi għarfien espert speċjalizzat. Jekk il-proponenti jistgħu jipprovdu evidenza addizzjonali dwar it-tekniki ta’ identifikazzjoni, il-pożizzjoni tista’ tiġi kkunsidrata mill-ġdid.

(-)

48.

Dipteryx spp. (Cumaru, Tonka)

0 - II

Għandhom jiġu inklużi fl-Appendiċi II bl-annotazzjoni “Zkuk, injam isserat, folji tal-fuljetta, plywood, injam ittrasformat u żrieragħ”

Il-Kolombja,  
l-Unjoni Ewropea, il-Panama

Proposta tal-UE

+

49.

Paubrasilia echinata (injam ta’ Pernambuco, Brazilwood)

II – I

Trasferiment mill-Appendiċi II għall-Appendiċi I bl-annotazzjoni “Il-partijiet, id-derivattivi u l-prodotti lesti kollha, inkluż l-ispag ta’ strumenti mużikali, għajr strumenti mużikali u l-partijiet tagħhom li jiffurmaw orkestri li jivvjaġġaw, u mużiċisti individwali b’passaporti mużikali f’konformità mar-Riż. 16.8.”

Il-Brażil

Din il-proposta ma tikkonformax mad-dispożizzjonijiet tal-Artikolu I(b)(iii) tal-Konvenzjoni li jipprevedi li ma huwiex possibbli li jkun hemm annotazzjoni għal speċi ta’ pjanta elenkata fl-Appendiċi I. Barra minn hekk, it-test tal-annotazzjoni ma huwiex ċar.

0

50.

Pterocarpus spp.

(popolazzjonijiet Afrikani) (injam aħmar tal-Afrika, injam aħmar ta’ Eared, injam dagħmi tal-Afrika, injam aħmar b’weraq żgħir, injam aħmar b’weraq tond, padauk tal-Afrika)

0 - II

Għandhom jiġu inklużi l-popolazzjonijiet Afrikani kollha fl-Appendiċi II bl-annotazzjoni #17 (Zkuk, injam isserat, folji tal-fuljetta, plywood u njam ittrasformat), u l-annotazzjonijiet ta’ Pterocarpus erinaceus u P. tinctorius, li diġà huma elenkati fl-Appendiċi II, għandhom jiġu emendati għall-annotazzjoni #17

Il-Kosta tal-Avorju, l-Unjoni Ewropea, il-Liberja, is-Senegal, it-Togo

Proposta tal-UE

+

FLORA – MELIACEAE

51.

Khaya spp. (is-siġra tal-kawba tal-Afrika)

Għandhom jiġu inklużi l-popolazzjonijiet Afrikani fl-Appendiċi II bl-annotazzjoni #17 (Zkuk, injam isserat, folji tal-fuljetta, plywood u njam ittrasformat.)

Il-Benin, il-Kosta tal-Avorju,  
l-Unjoni Ewropea, il-Liberja, is-Senegal

Proposta tal-UE

+

FLORA – ORCHIDACEAE

52.

Orchidaceae spp. (Orkidi)

Għandha tiġi emendata l-Annotazzjoni #4, biż-żieda ta’ paragrafu ġdid g), biex taqra: “g) il-prodotti finali, ippakkjati u lesti għall-bejgħ bl-imnut ta’ kożmetiċi li fihom partijiet u derivattivi ta’ Bletilla striata, Cycnoches cooperi, Gastrodia elata, Phalaenopsis amabilis jew P. lobbii”

L-Iżvizzera

Opponi sakemm l-Annotazzjoni ma tinbidilx biex jiġu esklużi l-kodiċijiet tas-sors “W” u “Y”. Il-proposta attwali hija problematika fir-rigward tar-riskju tal-ħasil tad-dħul illeċitu tal-organiżmi selvaġġi.

(-)

ANNESS […]

(1)    Seg. = Is-Segretarjat tas-CITES
SC = Il-Kumitat Permanenti
AC = Il-Kumitat tal-Annimali
PC = Il-Kumitat tal-Pjanti