IL-KUMMISSJONI EWROPEA
Brussell, 11.7.2022
COM(2022) 339 final
2016/0399(COD)
KOMUNIKAZZJONI TAL-KUMMISSJONI LILL-PARLAMENT EWROPEW
skont l-Artikolu 294(6) tat-Trattat dwar il-Funzjonament tal-Unjoni Ewropea
dwar
il-pożizzjoni tal-Kunsill dwar l-adozzjoni ta’ Regolament tal-Parlament Ewropew u tal-Kunsill li jemenda r-Regolament (KE) Nru 805/2004 fir-rigward tal-użu tal-proċedura regolatorja bi skrutinju sabiex jiġi adattat għall-Artikolu 290 tat-Trattat dwar il-Funzjonament tal-Unjoni Ewropea
2016/0399 (COD)
KOMUNIKAZZJONI TAL-KUMMISSJONI LILL-PARLAMENT EWROPEW
skont l-Artikolu 294(6) tat-Trattat dwar il-Funzjonament tal-Unjoni Ewropea
dwar
il-pożizzjoni tal-Kunsill dwar l-adozzjoni ta’ Regolament tal-Parlament Ewropew u tal-Kunsill li jemenda r-Regolament (KE) Nru 805/2004 fir-rigward tal-użu tal-proċedura regolatorja bi skrutinju sabiex jiġi adattat għall-Artikolu 290 tat-Trattat dwar il-Funzjonament tal-Unjoni Ewropea
1.Sfond
|
Id-data ta’ meta l-proposta ntbagħtet lill-Parlament Ewropew u lill-Kunsill
(dokument COM(2016) 798 final – 2016/0399 COD):
|
13 ta’ Marzu 2017
|
|
Data tal-pożizzjoni tal-Parlament Ewropew, fl-ewwel qari:
|
17 ta’ April 2019
|
|
|
|
|
Data tal-adozzjoni tal-pożizzjoni tal-Kunsill:
|
28 ta’ Ġunju 2022
|
2.L-objettiv tal-proposta tal-Kummissjoni
L-għan ta’ din il-proposta huwa li tadatta tliet atti fil-qasam tal-ġustizzja li għadhom jirreferu għall-proċedura regolatorja bi skrutinju, għall-Artikolu 290 tat-Trattat dwar il-Funzjonament tal-UE.
3.Kummenti dwar il-pożizzjoni tal-Kunsill
Il-pożizzjoni tal-Kunsill kif adottata fl-ewwel qari tirrifletti bis-sħiħ il-qbil milħuq fil-livell tekniku u kkonfermat f’email tat-8 ta’ Ġunju 2022 bejn is-servizzi tal-Parlament Ewropew u tal-Kunsill, li ġiet iffaċilitata mill-Kummissjoni. Tqies li ma kien hemm bżonn ta’ ebda trilogi. Il-punti ewlenin ta’ dan il-ftehim jinkludu dan li ġej:
–It-test ta’ kompromess jindirizza l-allinjament biss tar-Regolament (KE) Nru 805/2004 tat-tliet atti inklużi fil-proposta inizjali tal-Kummissjoni. Iż-żewġ atti l-oħra, ir-Regolament tal-Kunsill (KE) Nru 1206/2001 u r-Regolament (KE) Nru 1393/2007, sadanittant tħassru u għalhekk mhumiex inklużi fit-test finali maqbul.
–Il-premessi 1 u 2 dwar il-bidliet introdotti mit-Trattat ta’ Liżbona fir-rigward ta’ atti li l-Kummissjoni tista’ tadotta ġew allinjati mal-premessi tar-Regolament (UE) 2019/1243.
–Ġew proposti żewġ premessi biex tiġi ċċarata l-applikabbiltà tar-Regolament fir-rigward tad-Danimarka u l-Irlanda rispettivament.
–L-unika dispożizzjoni fir-Regolament (KE) Nru 805/2004 li tipprevedi l-użu tal-proċedura regolatorja bi skrutinju se tiġi allinjata mal-atti delegati, kif kien ġie propost mill-Kummissjoni.
–Is-setgħa li tadotta atti delegati tingħata lill-Kummissjoni għal perjodi rinnovabbli ta’ ħames snin, flimkien ma’ obbligu li l-Kummissjoni tippreżenta rapporti, disa’ xhur qabel l-iskadenza ta’ kull perjodu ta’ dan it-tip, dwar kif tkun użat is-setgħa. Oriġinarjament, il-Kummissjoni kienet ipproponiet durata indeterminata tal-għoti tas-setgħa, iżda l-limitazzjoni tad-durata hija konformi ma’ dak li ntlaħaq qbil dwaru għal ħafna setgħat allinjati oħrajn, inkluż għaż-żewġ fajls l-oħra li kienu ġew inklużi fil-proposta tal-Kummissjoni u li sadanittant tħassru u ġew sostitwiti b’atti oħrajn.
Il-Kummissjoni tappoġġa l-ftehim milħuq fil-livell tekniku.
4.Konklużjoni
Il-Kummissjoni taċċetta l-pożizzjoni meħuda mill-Kunsill.