IL-KUMMISSJONI EWROPEA

Brussell, 10.5.2022

COM(2022) 200 final

2022/0142(NLE)

Proposta għal

DEĊIŻJONI TAL-KUNSILL

dwar il-konklużjoni tal-Ftehim ta’ Sħubija Volontarja bejn l-Unjoni Ewropea u r-Repubblika Kooperattiva tal-Guyana dwar l-infurzar tal-liġi fis-settur forestali, it-tmexxija u l-kummerċ ta’ prodotti tal-injam lejn l-Unjoni Ewropea

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

Il-pjan ta’ azzjoni dwar l-infurzar tal-liġi, it-tmexxija u l-kummerċ fis-settur forestali (FLEGT) 1 , approvat mill-Kunsill fl-2003 2 , jipproponi sett ta’ miżuri biex jitwaqqaf il-qtugħ illegali tas-siġar għall-injam. Dawn il-miżuri jinkludu appoġġ għall-pajjiżi li jipproduċu l-injam, kollaborazzjoni multilaterali biex jiġi indirizzat il-kummerċ tal-injam illegali, appoġġ għal inizjattivi tas-settur privat, u azzjoni biex jiġi skoraġġut l-investiment f’attivitajiet li jinkoraġġixxu l-qtugħ illegali tas-siġar għall-injam. Il-qofol tal-pjan ta’ azzjoni huwa l-istabbiliment ta’ sħubijiet FLEGT bejn l-UE u l-pajjiżi li jipproduċu l-injam. Fl-2005, il-Kunsill adotta r-Regolament (KE) Nru 2173/2005 dwar l-istabbiliment ta’ skema ta’ liċenzjar FLEGT għall-importazzjoni ta’ injam fil-Komunità Ewropea 3 , li tippermetti l-verifika tal-legalità tal-injam importat fl-UE taħt is-sħubijiet FLEGT.

Fl-2005, il-Kunsill awtorizza lill-Kummissjoni biex tinnegozja ftehimiet ta’ sħubija FLEGT ma’ pajjiżi li jipproduċu l-injam 4 .

Il-Kummissjoni daħlet f’negozjati mar-Repubblika Kooperattiva tal-Guyana fl-2013. Il-Kummissjoni żammet lill-Kunsill aġġornat regolarment dwar il-progress, b’rapporti lill-Grupp ta’ Ħidma dwar il-Foresti, u lill-Kumitat FLEGT/UE tar-Regolament dwar l-injam. Il-Kummissjoni żammet ukoll lill-Parlament Ewropew u lill-partijiet ikkonċernati infurmati dwar in-negozjati.

Il-Ftehim ta’ Sħubija Volontarja bejn l-UE u l-Guyana jindirizza l-elementi kollha tad-direttivi ta’ negozjati tal-Kunsill. B’mod partikolari, huwa jistabbilixxiskema ta’ liċenzjar li tiċċekkja u tikkonferma l-legalità tal-prodotti tal-injam esportati lejn pajjiżi tal-UE u mhux tal-UE, kif ukoll l-injam mibjugħ domestikament.  Għall-injam importat, il-Guyana timpenja ruħha li tiżgura li dan l-injam ikun ġie maħsud skont il-liġi tal-pajjiż tal-oriġini. Biex tagħmel dan, il-Guyana se tadotta leġiżlazzjoni speċifika bbażata fuq prinċipji ta’ diliġenza dovuta. Id-definizzjoni tal-legalità hija bbażata fuq sett komprensiv ta’ liġijiet nazzjonali kif ukoll internazzjonali ratifikati mill-Guyana, li jirriflettu t-tliet oqsma tal-ġestjoni sostenibbli tal-foresti. 

Il-Guyana timpenja ruħha wkoll li tirrevedi l-liġijiet tagħha dwar il-forestrija u ssaħħaħhom fejn meħtieġ. Hija stabbiliet ukoll qafas għall-monitoraġġ tal-konformità u għall-evalwazzjonijiet indipendenti tas-sistema. Biex iwettqu dawn il-miżuri, il-partijiet qablu dwar skeda ta’ żmien ambizzjuża ta’ 6 snin (mid-dħul fis-seħħ). Dawn l-elementi huma stabbiliti fl-annessi tal-Ftehim, li jipprovdu deskrizzjoni dettaljata tal-istrutturi li se jappoġġaw l-iżvilupp tas-Sistema ta’ Garanzija tal-Legalità tal-Injam tal-Guyana, kif ukoll kriterji biex tittieħed deċiżjoni futura dwar il-bidu tal-iskema ta’ liċenzjar FLEGT.

Il-Ftehim jistabbilixxi Kumitat Konġunt ta’ Monitoraġġ u Reviżjoni għad-djalogu u l-kooperazzjoni bejn l-UE u l-Guyana dwar l-iskema ta’ liċenzjar. Huwa jistabbilixxi qafas għall-involviment tal-partijiet ikkonċernati, is-salvagwardji soċjali, u r-responsabbiltà u t-trasparenza. Jiddeskrivi wkoll kif l-ilmenti jiġu ttrattati u kif se jitwettqu l-monitoraġġ u r-rappurtar.

Minbarra l-prodotti stipulati fl-Anness II tar-Regolament (KE) Nru 2173/2005, il-Ftehim ikopri wkoll il-prodotti kollha tal-injam attwalment prodotti fil-Guyana, importati lejha u esportati minnha.

Il-Ftehim huwa mirfud mill-prinċipju tan-nondiskriminazzjoni, li jfisser li l-partijiet ikkonċernati se jkunu involuti kemm fis-settur tal-forestrija kif ukoll barra minnu. Dawn jinkludu dawk mis-settur privat, is-soċjetà ċivili, il-komunitajiet lokali u indiġeni, kif ukoll persuni oħra dipendenti fuq il-foresti.

Il-Ftehim jipprevedi kontrolli tal-importazzjoni fil-fruntieri tal-UE skont ir-Regolament (KE) Nru 2173/2005 dwar l-istabbiliment ta’ skema ta’ liċenzjar FLEGT u fir-Regolament (KE) Nru 1024/2008 li jistabbilixxi miżuri ddettaljati għall-implimentazzjoni tiegħu. Il-Ftehim jiddeskrivi l-liċenzja FLEGT tal-Guyana, li tuża l-format preskritt fir-Regolament ta’ Implimentazzjoni.

•Konsistenza mad-dispożizzjonijiet eżistenti fil-qasam ta’ politika

•Konsistenza ma’ politiki oħra tal-Unjoni

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Sussidjarjetà (għall-kompetenza mhux esklużiva)

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

••Evalwazzjonijiet ex post/kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

•Ġbir u użu tal-għarfien espert

•Valutazzjoni tal-impatt

•Idoneità regolatorja u simplifikazzjoni

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRA

••Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

•Dokumenti ta’ spjegazzjoni (għad-direttivi)

•Spjegazzjoni fid-dettall tad-dispożizzjonijiet speċifiċi tal-proposta

2022/0142 (NLE)

Proposta għal

DEĊIŻJONI TAL-KUNSILL

dwar il-konklużjoni tal-Ftehim ta’ Sħubija Volontarja bejn l-Unjoni Ewropea u r-Repubblika Kooperattiva tal-Guyana dwar l-infurzar tal-liġi fis-settur forestali, it-tmexxija u l-kummerċ ta’ prodotti tal-injam lejn l-Unjoni Ewropea

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel sottoparagrafu tal-Artikolu 207(3) u l-ewwel sottoparagrafu tal-Artikolu 207(4), flimkien mal-Artikolu 218(6)(a)(v) u mal-Artikolu 218(7) tiegħu,

Wara li kkunsidra l-proposta tal-Kummissjoni Ewropea,

Wara li kkunsidra l-kunsens tal-Parlament Ewropew 5 ,

Billi:

(1)F’Mejju 2003, il-Kummissjoni adottat Komunikazzjoni lill-Kunsill u lill-Parlament Ewropew intitolata “Infurzar tal-Liġi, Tmexxija u Kummerċ fis-Settur Forestali (FLEGT): Proposta għal Pjan ta’ Azzjoni tal-UE 6 , li għamlet appell biex jittieħdu miżuri sabiex jiġi indirizzat il-qtugħ illegali tas-siġar għall-injam billi jiġu żviluppati ftehimiet ta’ sħubija volontarji ma’ pajjiżi li jipproduċu l-injam. Il-konklużjonijiet tal-Kunsill dwar il-pjan ta’ azzjoni ġew adottati f’Ottubru 2003 7 u ġiet adottata riżoluzzjoni tal-Parlament Ewropew dwar dan is-suġġett fil-11 ta’ Lulju 2005 8 ,

(2)F’konformità mad-Deċiżjoni tal-Kunsill (UE) 2020/XX 9 , il-Ftehim ta’ Sħubija Volontarja bejn l-Unjoni Ewropea u r-Repubblika Kooperattiva tal-Guyana dwar l-infurzar tal-liġi fis-settur forestali, it-tmexxija u l-kummerċ fi prodotti tal-injam (minn hawn ’il quddiem “il-Ftehim”) ġie ffirmat fi [ ]  10 , soġġett għall-konklużjoni tiegħu f’data iktar tard.

(3)Jenħtieġ li l-Ftehim jiġi approvat f’isem l-Unjoni Ewropea,

ADOTTA DIN ID-DEĊIŻJONI:

Artikolu 1

Il-Ftehim ta’ Sħubija Volontarja bejn l-Unjoni Ewropea u r-Repubblika Kooperattiva tal-Guyana dwar l-infurzar tal-liġi fis-settur forestali, it-tmexxija u l-kummerċ fi prodotti tal-injam huwa approvat f’isem l-Unjoni.

Il-Ftehim huwa mehmuż ma’ din id-Deċiżjoni.

Artikolu 2

Il-Kummissjoni għandha tipproċedi, f'isem l-Unjoni, għan-notifika prevista fl-Artikolu 31 tal-Ftehim, sabiex jiġi espress il-kunsens tal-Unjoni li tintrabat bil-Ftehim.

Artikolu 3

L-Unjoni għandha tkun rappreżentata mill-Kummissjoni fil-Kumitat Konġunt ta’ Monitoraġġ u Rieżami stabbilit skont l-Artikolu 19 tal-Ftehim.

L-Istati Membri jistgħu jipparteċipaw fil-laqgħat tal-Kumitat Konġunt ta’ Monitoraġġ u Rieżami bħala membri tad-delegazzjoni tal-Unjoni.

Artikolu 4

Bl-għan li jiġu emendati l-Annessi tal-Ftehim skont l-Artikolu 25 tiegħu, il-Kummissjoni hija awtorizzata, f’konformità mal-proċedura msemmija fl-Artikolu 11(3) tar-Regolament tal-Kunsill (KE) Nru 2173/2005 11 , li tapprova kwalunkwe tali emenda f’isem l-Unjoni.

Artikolu 5

Din id-Deċiżjoni għandha tidħol fis-seħħ fil-jum tal-adozzjoni tagħha.

Magħmul fi Brussell,

(1)    COM(2003) 251.

(2)    ĠU C 268, 7.11.2003, p. 1.

(3)    ĠU L 347, 30.12.2005, p. 1.

(4)    Id-dokument ristrett tal-Kunsill 10229/2/05 (deklassifikat fl-24 ta’ Settembru 2015).

(5)    ĠU C , , p. .

(6)    COM(2003) 251.

(7)    ĠU C 268, 7.11.2003, p. 1.

(8)    ĠU C 157E, 6.7.2006, p. 482.

(9)    Id-Deċiżjoni tal-Kunsill (UE) 2018/XX dwar l-iffirmar, f’isem l-Unjoni Ewropea, tal-Ftehim ta’ Sħubija Volontarja bejn l-Unjoni Ewropea u r-Repubblika Kooperattiva tal-Guyana dwar l-infurzar tal-liġi fis-settur forestali, it-tmexxija u l-kummerċ fi prodotti tal-injam lejn l-Unjoni Ewropea (ĠU L [...], […], p. […]). ĠU: daħħal in-numru, id-data u r-referenza ta’ pubblikazzjoni tad-dokument

(10)    ĠU: daħħal id-data tal-firma

(11)    Ir-Regolament tal-Kunsill (KE) Nru 2173/2005 tal-20 ta’ Diċembru 2005 dwar l-istabbiliment ta’ skema ta’ liċenzjar FLEGT għall-importazzjoni ta’ injam fil-Komunità Ewropea (ĠU L 347, 30.12.2005, p. 1).

IL-KUMMISSJONI EWROPEA

Brussell, 10.5.2022

COM(2022) 200 final

ANNESS

tal-

Proposta għal

DEĊIŻJONI TAL-KUNSILL

dwar il-konklużjoni tal-Ftehim ta' Sħubija Volontarja bejn l-Unjoni Ewropea u r-Repubblika Kooperattiva tal-Guyana dwar l-infurzar tal-liġi tal-foresti, it-tmexxija u l-kummerċ fil-prodotti tal-injam lejn l-Unjoni Ewropea

FTEHIM TA’ SĦUBIJA VOLONTARJA
BEJN L-UNJONI EWROPEA U
R-REPUBBLIKA KOOPERATTIVA TAL-GUYANA
DWAR L-INFURZAR TAL-LIĠI TAL-FORESTI, IT-TMEXXIJA U
L-KUMMERĊ FIL-PRODOTTI TAL-INJAM

LEJN L-UNJONI EWROPEA

L-UNJONI EWROPEA, minn hawn ’il quddiem imsejħa “l-Unjoni”,

u

R-REPUBBLIKA KOOPERATTIVA TAL-GUYANA, minn hawn ’il quddiem imsejħa “il-Guyana”,

Minn hawn ’il quddiem imsejħa flimkien bħala “il-Partijiet”,

FILWAQT LI JIKKUNSIDRAW ir-relazzjoni ta’ ħidma mill-qrib bejn l-Unjoni u l-Guyana, b’mod partikolari fil-kuntest tal-Ftehim ta’ Sħubija bejn il-membri tal-Grupp ta’ Stati Afrikani, tal-Karibew u tal-Paċifiku, minn naħa waħda, u l-Komunità Ewropea u l-Istati Membri tagħha, min-naħa l-oħra, iffirmat f’Cotonou fit-23 ta' Ġunju 2000 1 , rivedut fil-Lussemburgu fil-25 ta’ Ġunju 2005 u f’Ouagadougou fit-22 ta’ Ġunju 2010 (minn hawn ’il quddiem imsejjaħ “il-Ftehim ta’ Cotonou”);

FILWAQT LI JIKKUNSIDRAW l-Istrateġija ta’ Sħubija Konġunta bejn il-Karibew u l-UE żviluppata abbażi tad-deċiżjoni tas-Summit ta’ Mejju 2010 tal-Forum tal-UE u tal-Karibew tal-Istati tal-Afrika, il-Karibew u l-Paċifiku (CARIFORUM), li sar f’Madrid, u elaborata b’mod konġunt mill-Unjoni u mill-Istati tal-CARIFORUM;

FILWAQT LI JIKKUNSIDRAW il-ftehim reġjonali dwar l-aċċess għall-informazzjoni, il-parteċipazzjoni pubblika u l-ġustizzja f’materji ambjentali fl-Amerika Latina u l-Karibew adottat f’Escazú, il-Costa Rica, fl-4 ta’ Marzu 2018;

FILWAQT LI JIKKUNSIDRAW il-Ftehim ta’ Sħubija Ekonomika bejn l-Istati tal-CARIFORUM, minn naħa waħda, u l-Komunità Ewropea u l-Istati Membri tagħha, min-naħa l-oħra 2 ;

FILWAQT LI JIKKUNSIDRAW il-Komunikazzjoni mill-Kummissjoni lill-Kunsill tal-Unjoni Ewropea u lill-Parlament Ewropew intitolata “L-Infurzar tal-Liġi, it-Tmexxija u l-Kummerċ fis-Settur Forestali (FLEGT) – Proposta għal Pjan ta’ Azzjoni tal-UE” bħala l-ewwel pass lejn l-indirizzar tal-kwistjonijiet urġenti tal-qtugħ illegali tas-siġar għall-injam u l-kummerċ assoċjat;

FILWAQT li JAFFERMAW MILL-ĠDID l-impenn tal-Partijiet lejn il-Karta tan-Nazzjonijiet Uniti u wara li kkunsidraw il-prinċipji artikolati fid-Dikjarazzjoni Universali tad-Drittijiet tal-Bniedem u d-Dikjarazzjoni tan-Nazzjonijiet Uniti dwar id-Drittijiet tal-Popli Indiġeni;

FILWAQT li JAFFERMAW MILL-ĠDID l-impenn tal-Partijiet għall-Patt Internazzjonali dwar id-Drittijiet Ċivili u Politiċi, il-Konvenzjoni Internazzjonali dwar l-Eliminazzjoni tal-Forom Kollha ta’ Diskriminazzjoni Razzjali u l-Patt Internazzjonali dwar id-Drittijiet Ekonomiċi, Soċjali u Kulturali;

FILWAQT LI JAFFERMAW MILL-ĠDID l-importanza tal-prinċipji u tal-impenji stabbiliti fid-Dikjarazzjoni tal-Aġenda 2030 għall-Iżvilupp Sostenibbli tal-2015, b’mod partikolari l-impenn biex jinkiseb żvilupp sostenibbli fit-tliet dimensjonijiet tagħha – ekonomika, soċjali u ambjentali – b’mod ibbilanċjat u integrat;

FILWAQT LI JFAKKRU, f’dan ir-rigward, fl-Għanijiet ta’ Żvilupp Sostenibbli u l-miri tagħhom, b’mod partikolari mira 15.2 li tippromwovi sal-2020 l-implimentazzjoni tal-ġestjoni sostenibbli tat-tipi kollha ta’ foresti, il-waqfien tad-deforestazzjoni, ir-restawr ta’ foresti degradati u ż-żieda sostanzjalment fl-afforestazzjoni u r-riforestazzjoni madwar id-dinja;

KONXJI mill-importanza tal-prinċipji ta’ ġestjoni sostenibbli tal-foresti stabbiliti fid-Dikjarazzjoni ta’ Rio dwar l-Ambjent u l-Iżvilupp tal-1992 u, b’mod partikolari, tal-Prinċipju 10 dwar l-importanza tas-sensibilizzazzjoni, l-involviment u l-parteċipazzjoni fi kwistjonijiet ambjentali, tal-Prinċipju 20 dwar ir-rwol tan-nisa fil-ġestjoni u l-iżvilupp ambjentali, u tal-Prinċipju 22 dwar ir-rwol vitali tal-popli indiġeni u tal-komunitajiet tagħhom u ta’ komunitajiet lokali oħrajn fil-ġestjoni u l-iżvilupp ambjentali;

FILWAQT li JIRRIKONOXXU r-rwol tal-foresti bħala soluzzjoni ewlenija għall-mitigazzjoni tat-tibdil fil-klima u l-adattament għaliha, u

FILWAQT LI JFAKKRU f’dan il-kuntest, fil-Ftehim ta’ Pariġi dwar it-Tibdil fil-Klima, b’mod partikolari l-Artikolu 5 tiegħu, li jitlob li jitnaqqsu l-emissjonijiet mid-deforestazzjoni u d-degradazzjoni tal-foresti, filwaqt li jissaħħu l-konservazzjoni u l-ġestjoni sostenibbli;

FILWAQT LI JQISU l-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CITES) u, b’mod partikolari, ir-rekwiżit li l-permessi tal-esportazzjoni ta’ CITES maħruġa mill-Partijiet għal CITES għal eżemplari tal-ispeċijiet elenkati fl-Appendiċijiet I, II u III tal-Konvenzjoni jingħataw biss taħt ċerti kundizzjonijiet, b’mod partikolari li tali eżemplari ma jkunux inkisbu bi ksur tal-liġijiet rilevanti għall-protezzjoni tal-fawna u tal-flora;

FILWAQT LI JAFFERMAW MILL-ĠDID l-importanza mogħtija mill-Partijiet lill-prinċipji u lir-regoli li jirregolaw il-kummerċ multilaterali, b’mod partikolari d-drittijiet u l-obbligi stipulati fil-Ftehim Ġenerali dwar it-Tariffi u l-Kummerċ (GATT) tal-1994 u fi ftehimiet multilaterali oħrajn elenkati fl-Anness 1A għall-Ftehim ta’ Marrakesh tal-15 ta’ April 1994 li jistabbilixxi l-Organizzazzjoni Dinjija tal-Kummerċ (WTO), kif ukoll il-ħtieġa li jiġu applikati b’mod trasparenti u mhux diskriminatorju;

FILWAQT LI JQISU r-Regolament tal-Kunsill (KE) Nru 2173/2005 tal-20 ta’ Diċembru 2005 dwar l-istabbiliment ta’ skema ta’ liċenzjar ta’ FLEGT għall-importazzjonijiet tal-injam fil-Komunità Ewropea;

FILWAQT LI JIRRIKONOXXU l-impenn tal-Guyana li tkompli tippromwovi t-tmexxija tajba, il-ġestjoni sostenibbli tal-foresti, l-infurzar tal-liġi u l-kummerċ fl-injam legali;

FILWAQT LI JIRRIKONOXXU li l-implimentazzjoni ta’ Ftehim ta’ Sħubija Volontarja ta’ FLEGT se ssaħħaħ aktar il-ġestjoni sostenibbli tal-foresti u tikkontribwixxi għall-ġlieda kontra t-tibdil fil-klima permezz ta’ inqas emissjonijiet mid-deforestazzjoni u mid-degradazzjoni tal-foresti, kif ukoll ir-rwol tal-konservazzjoni, il-ġestjoni sostenibbli tal-foresti u t-tisħiħ tal-ħażniet ta’ karbonju tal-foresti fil-pajjiżi li qegħdin jiżviluppaw (REDD+);

FILWAQT LI JIRRIKONOXXU li s-Sistema ta’ Garanzija tal-Legalità tal-Injam tal-Guyana hija mfassla biex tiżgura l-legalità tal-prodotti kollha tal-injam koperti minn dan il-Ftehim, irrispettivament mid-destinazzjoni;

FILWAQT LI JIRRIKONOXXU l-importanza li jinvolvu fl-implimentazzjoni ta’ dan il-Ftehim lill-partijiet interessati rilevanti kollha, permezz tal-istituzzjonijiet rappreżentattivi tagħhom stess, kemm mis-settur tal-forestrija kif ukoll barra minnu, irrispettivament mill-ġeneru, l-età, il-post, ir-reliġjon jew it-twemmin, l-oriġini etnika, il-kulur, il-lingwa, diżabbiltà jew kwalunkwe status ieħor, inklużi dawk mis-settur privat, is-soċjetà ċivili u l-komunitajiet lokali u indiġeni, kif ukoll persuni oħrajn li jiddependu fuq il-foresti;

FILWAQT LI TAFFERMA MILL-ĠDID l-impenji tagħha skont il-Kostituzzjoni, il-leġiżlazzjoni nazzjonali u l-istrumenti internazzjonali, il-Guyana se tistabbilixxi mekkaniżmi effettivi biex tippermetti lill-partijiet involuti kollha jikkontribwixxu fl-implimentazzjoni ta’ dan il-dan il-Ftehim;

FILWAQT LI JIRRIKONOXXU li l-pubblikazzjoni ta’ informazzjoni mhux kunfidenzjali hija essenzjali biex tiġi ffaċilitata l-parteċipazzjoni sħiħa u effettiva tal-partijiet interessati rilevanti u kkonċernati kollha fis-settur tal-forestrija u barra minnu, irrispettivament mill-ġeneru, l-età, il-post, ir-reliġjon jew it-twemmin, l-oriġini etnika, il-kulur, il-lingwa, diżabbiltà jew kwalunkwe status ieħor, u li l-forniment tal-informazzjoni huwa għalhekk ċentrali għall-implimentazzjoni ta’ dan il-Ftehim;

DEĊIŻI li jimminimizzaw kwalunkwe effett negattiv fuq il-partijiet interessati rilevanti fis-settur tal-forestrija u barra minnu li jista’ jinħoloq bħala konsegwenza tal-implimentazzjoni ta’ dan il-Ftehim,

B’DAN JAQBLU KIF ĠEJ:

ARTKOLU 1

Objettiv

L-objettiv ta’ dan il-Ftehim, konsistenti mal-impenn komuni tal-Partijiet għall-ġestjoni sostenibbli tat-tipi kollha ta’ foresti, huwa li jiġi pprovdut qafas legali li jkollu l-għan li jiżgura li l-importazzjonijiet kollha fl-Unjoni mill-Guyana ta’ prodotti tal-injam koperti minn dan il-Ftehim ikunu ġew prodotti legalment u, b’hekk, tingħata promozzjoni lill-kummerċ ta’ prodotti tal-injam.

Barra minn hekk, dan il-Ftehim jipprovdi bażi għal djalogu u kooperazzjoni bejn il-Partijiet għall-faċilitazzjoni u l-promozzjoni tal-implimentazzjoni sħiħa ta’ dan il-Ftehim u t-tisħiħ tal-infurzar u l-governanza tal-liġi tal-foresti.

ARTKOLU 2

Definizzjonijiet

Għall-finijiet ta’ dan il-Ftehim, japplikaw id-definizzjonijiet li ġejjin:

(a)    Awtorita(jiet) kompetenti tfisser l-awtorita(jiet) maħtura mill-Istati Membri tal-Unjoni biex tirċievi/jirċievu, tivverifika/jivverifikaw u taċċetta/jaċċettaw il-liċenzji FLEGT;

(b)    “esportazzjoni” tfisser it-tneħħija jew it-teħid fiżiċi ta’ prodotti tal-injam minn kwalunkwe parti tat-territorju ġeografiku tal-Guyana; ħlief fil-każ ta’ prodotti tal-injam li jkunu fi tranzitu fil-Guyana;

(c)    “liċenzja FLEGT” tfisser dokument, kif hemm fl-Appendiċi 1 tal-Anness IV, li jikkonferma li vjeġġ inkiseb legalment u ġie vverifikat f’konformità mal-kriterji stipulati f’dan il-Ftehim;

(d)    “kodiċi SA” jirreferi għall-kodiċi b’erba’ jew b’sitt ċifri kif stipulat fin-nomenklatura tas-Sistema Armonizzata għad-Deskrizzjoni u l-Kodifikazzjoni tal-Merkanzija stabbilita mill-Konvenzjoni Internazzjonali dwar is-Sistema Armonizzata għad-Deskrizzjoni u l-Kodifikazzjoni tal-Merkanzija tal-Organizzazzjoni Dinjija Doganali;

(e)    “importazzjoni fl-Unjoni” tfisser ir-rilaxx għal ċirkolazzjoni ħielsa fl-Unjoni, skont it-tifsira tal-Artikolu 201 tar-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni, ta’ prodotti tal-injam li ma jistgħux jiġu kklassifikati bħala “merkanzija ta’ natura mhux kummerċjali”, kif definit fil-punt 21 tal-Artikolu 1 tar-Regolament Delegat tal-Kummissjoni (UE) 2015/2446 tat-28 ta’ Lulju 2015 li jissupplimenta r-Regolament (UE) Nru 952/2013 tal-Parlament Ewropew u tal-Kunsill fir-rigward ta’ regoli dettaljati li jikkonċernaw uħud mid-dispożizzjonijiet tal-Kodiċi Doganali tal-Unjoni;

(f)    “Awditur indipendenti” tfisser il-persuna jew l-entità li, kull tant żmien, għandha tevalwa l-operat, il-kredibbiltà u l-effiċjenza tas-SIstema ta’ Garanzija tal-Legalità tal-Injam tal-Guyana;

(g)    “Il-Kumitat Konġunt ta’ Monitoraġġ u Rieżami” tfisser il-Kumitat stabbilit mill-Partijiet li jiffaċilita l-ġestjoni, il-monitoraġġ u r-rieżami ta’ dan il-Ftehim, inkluż il-ġestjoni tal-awditjar indipendenti u għandu wkoll jiffaċilita d-djalogu u l-iskambju tal-informazzjoni bejn il-Partijiet;

(h)    “injam prodott legalment” (minn hawn ’il quddiem imsejjaħ “injam legali”) tfisser prodotti tal-injam akkwistati, maħsuda, prodotti, ipproċessati, ittrasportati u nnegozjati f’konformità mal-leġiżlazzjoni fis-seħħ fil-Guyana, kif stabbilit fl-Anness II u f’dispożizzjonijiet rilevanti oħrajn ta’ dan il-Ftehim; u, fil-każ ta’ injam importat, tfisser prodotti tal-injam maħsuda, prodotti, ipproċessati, ittrasportati u esportati f’konformità mal-leġiżlazzjoni rilevanti tal-pajjiż tal-ħsad u mal-proċeduri deskritti fl-Anness V;

(i)    “Awtorità tal-Ħruġ tal-Liċenzji” tfisser l-awtorità maħtura mill-Guyana biex toħroġ u tivvalida l-liċenzji FLEGT;

(j)    “rilaxx għal ċirkolazzjoni ħielsa” tfisser proċedura doganali tal-Unjoni li tikkonferixxi l-istatus doganali ta’ merkanzija tal-Unjoni lil merkanzija li ma tkunx mill-Unjoni (f’konformità mar-Regolament (UE) Nru 952/2013), u li timplika l-ġbir ta’ kwalunkwe dazju fuq l-importazzjoni dovut; il-ġbir, kif ikun xieraq, ta’ tariffi oħrajn; l-applikazzjoni ta’ miżuri ta’ politika kummerċjali, kif ukoll ta’ projbizzjonijiet u ta’ restrizzjonijiet; u t-tlestija ta’ formalitajiet oħrajn stipulati fir-rigward tal-importazzjoni tal-merkanzija;

(k)    “vjeġġ” tfisser kwantità ta’ prodotti tal-injam koperta b’liċenzja FLEGT li tintbagħat minn speditur jew minn konsenjatur mill-Guyana u li tiġi ppreżentata għar-rilaxx għal ċirkolazzjoni ħielsa f’uffiċċju doganali fl-Unjoni;

(l)    “prodotti tal-injam fi tranżitu” tfisser kwalunkwe prodott tal-injam li joriġina minn pajjiż terz, li jidħol fit-territorju tal-Guyana taħt il-kontroll doganali u li joħroġ minnu fl-istess forma, filwaqt li jibqa’ jżomm il-pajjiż tal-oriġini tiegħu;

(m)    “prodotti tal-injam” tfisser il-prodotti elenkati fl-Anness I;

ARTKOLU 3

Skema ta’ liċenzjar FLEGT

1.    B’dan qed tiġi stabbilita skema ta’ liċenzjar għall-infurzar tal-liġi, it-tmexxija u l-kummerċ fis-settur forestali (Forest Law Enforcement Governance and Trade, FLEGT) bejn il-Partijiet. L-iskema ta’ liċenzjar FLEGT tistabbilixxi sett ta’ proċeduri u ta’ rekwiżiti bl-għan li jiġi vverifikat u attestat, permezz tal-liċenzji FLEGT, li l-prodotti tal-injam ittrasportati bil-baħar lejn l-Unjoni mill-Guyana ġew prodotti legalment. F’konformità mar-Regolament (KE) Nru 2173/2005 u ma’ dan il-Ftehim, l-Unjoni għandha taċċetta tali vjeġġi mill-Guyana għall-importazzjoni fl-Unjoni biss jekk ikunu koperti b’liċenzji FLEGT.

2.    L-iskema ta’ liċenzjar FLEGT għandha tapplika għall-prodotti tal-injam elenkati fl-Anness I.

3.    Il-Partijiet jaqblu li jieħdu l-miżuri kollha meħtieġa biex jimplimentaw l-iskema ta’ liċenzjar FLEGT.

ARTKOLU 4

Awtorità tal-ħruġ tal-liċenzji

1.    Il-Guyana għandha taħtar awtorità biex tkun l-awtorità tal-ħruġ tal-liċenzji FLEGT u tinnotifika bil-miktub lill-Kummissjoni Ewropea bid-dettalji ta’ kuntatt tagħha. Il-Partijiet għandhom jagħmlu dik l-informazzjoni disponibbli għall-pubbliku.

2.    L-awtorità tal-ħruġ tal-liċenzji għandha tivverifika li l-prodotti tal-injam ikunu ġew prodotti legalment f’konformità mal-leġiżlazzjoni elenkata fl-Anness II. L-awtorità tal-ħruġ tal-liċenzji għandha toħroġ liċenzji FLEGT li jkopru kull vjeġġ ta’ prodotti tal-injam li jkunu prodotti legalment fil-Guyana u li jkunu destinati sabiex jiġu esportati lejn l-Unjoni.

3.    Fir-rigward tal-injam importat, l-awtorità tal-ħruġ tal-liċenzji ma għandhiex toħroġ liċenzji FLEGT għal prodotti li ma jkunux ġew maħsuda, prodotti jew esportati f’konformità mal-leġiżlazzjoni tal-pajjiż tal-ħsad u tal-pajjiż tal-produzzjoni.

4.    L-awtorità tal-ħruġ tal-liċenzji għandha żżomm il-proċeduri tagħha għall-ħruġ tal-liċenzji FLEGT u tagħmilhom disponibbli għall-pubbliku.

5.    L-awtorità tal-ħruġ tal-liċenzji għandha żżomm rekords tal-vjeġġi kollha koperti bil-liċenzji FLEGT li jkunu konsistenti mad-diversi liġijiet u politiki nazzjonali dwar il-protezzjoni tad-data u l-kunfidenzjalità tal-informazzjoni u għandha tipprovdi dawn ir-rekords għall-finijiet ta’ awditjar indipendenti, kif imsemmi fl-Artikolu 11, filwaqt li tirrispetta l-kunfidenzjalità tal-informazzjoni proprjetarja tal-esportaturi.

ARTKOLU 5

Awtoritajiet kompetenti tal-Unjoni

1.    Il-Kummissjoni Ewropea għandha tinforma lill-Guyana bil-miktub bid-dettalji ta’ kuntatt tal-awtoritajiet kompetenti maħtura mill-Istati Membri tal-Unjoni. Il-Partijiet għandhom jagħmlu din l-informazzjoni disponibbli għall-pubbliku.

2.    L-awtoritajiet kompetenti għandhom jivverifikaw li kull vjeġġ ikun kopert b’liċenzja FLEGT valida qabel ir-rilaxx ta’ dak il-vjeġġ għaċ-ċirkolazzjoni ħielsa fl-Unjoni. Dan ir-rilaxx għaċ-ċirkolazzjoni ħielsa jista’ jiġi sospiż u l-vjeġġ jista’ jinżamm jekk ikun hemm xi dubju dwar il-validità tal-liċenzja FLEGT f’konformità mal-Anness III.

3.    L-awtoritajiet kompetenti għandhom iżommu u jippubblikaw kull sena rekord tal-liċenzji FLEGT li jkunu rċevew.

4.    F’konformità mal-leġiżlazzjoni nazzjonali dwar il-protezzjoni tad-datal-awtoritajiet kompetenti għandhom jagħtu aċċess għad-dokumenti u d-data rilevanti lill-persuni u l-korpi maħtura mill-Guyana bħala l-awditur indipendenti.

5.    L-Artikolu 5(2) ma għandux japplika għall-prodotti tal-injam mill-ispeċijiet elenkati fl-Appendiċijiet tas-CITES, sakemm dawn il-prodotti jkunu koperti mill-proċeduri ta’ eżami stipulati fir-Regolament tal-Kunsill (KE) Nru 338/97 tad-9 ta’ Diċembru 1996 dwar il-protezzjoni ta’ speċi ta’ fawna u flora selvaġġi billi jkun irregolat il-kummerċ fihom. Madankollu, il-prodotti tal-injam koperti minn dawk il-proċeduri ta’ eżami huma soġġetti għall-verifika tal-legalità skont is-Sistema ta’ Garanzija tal-Legalità tal-Injam tal-Guyana msemmija fl-Artikolu 8.

ARTKOLU 6

Liċenzji FLEGT

1.    Il-liċenzji FLEGT għandhom jinħarġu mill-awtorità tal-ħruġ tal-liċenzji bħala mezz ta’ attestazzjoni li l-prodotti tal-injam ikunu ġew prodotti legalment.

2.    Il-liċenzji FLEGT għandhom jitfasslu u jimtlew bl-Ingliż fuq il-formola speċifikata fl-Anness IV.

3.    Bi ftehim, il-Partijiet jistgħu jistabbilixxu sistemi elettroniċi sabiex joħorġu, jibagħtu u jirċievu l-liċenzji FLEGT.

4.    L-ispeċifikazzjonijiet tekniċi u l-format tal-liċenzji FLEGT, kif ukoll il-proċedura li biha jinħarġu, huma mfissra fl-Anness IV.

ARTKOLU 7

Definizzjoni ta’ “injam prodott legalment”

1.    Għall-finijiet ta’ dan il-Ftehim, tingħata definizzjoni ta’ “injam prodott legalment” fl-Artikolu 2(h) u tiġi speċifikata fl-Anness II li jfisser il-qafas legali nazzjonali tal-Guyana, kif ukoll il-prinċipji, il-kriterji, l-indikaturi u l-verifikaturi li magħhom irid ikun hemm konformità sabiex il-prottoi tal-injam ikunu koperti b’liċenza FLEGT.

2.    Il-Guyana se twettaq rieżami tal-qafas ġuridiku nazzjonali applikabbli għas-settur forestali, kif ippreżentat fl-Anness II, bl-għan li ssaħħaħ, fejn meħtieġ, u timplimenta l-politiki, il-liġijiet, ir-regolamenti, l-istatuti, l-istrateġiji, il-linji gwida, il-miżuri volontarji u l-kodiċijiet ta’ prattika rilevanti kollha.

ARTKOLU 8

Sistema ta’ Garanzija tal-Legalità tal-Injam tal-Guyana (Guyana Timber Legality Assurance System, GTLAS)

1.    Il-Guyana għandha tuża u ttejjeb, fejn meħtieġ, is-sistema eżistenti sabiex tivverifika li l-prodotti tal-injam ikunu ġew prodotti legalment u li huma biss dawk il-vjeġġi li jkunu ġew ivverifikati bħala tali li jiġu esportati lejn l-Unjoni billi tistabbilixxi Sistema ta’ Garanzija tal-Legalità tal-Injam tal-Guyana (GTLAS), kif stabbilit fl-Anness V.

2.    Il-GTLAS għandha tinkludi kontrolli tal-konformità sabiex tipprovdi garanzija li l-prodotti tal-injam ikunu ġew prodotti legalment, irrispettivament mis-suq intenzjonat, u li ma jinħarġux liċenzji FLEGT għal vjeġġi ta’ prodotti tal-injam li ma jkunux ġew prodotti legalment, jew li l-oriġini tagħhom ma tkunx magħrufa.

ARTKOLU 9

L-applikazzjoni tas-Sistema ta’ Garanzija tal-Legalità tal-Injam tal-Guyana (GTLAS) għall-prodotti tal-injam koperti minn dan il-Ftehim

1.    Billi tuża l-GTLAS, il-Guyana għandha tivverifika l-legalità tal-prodotti tal-injam esportati lejn is-swieq mhux tal-Unjoni u tal-prodotti tal-injam mibjugħa fis-suq domestiku tagħha, u għandha tivverifika l-legalità tal-prodotti tal-injam importati billi tuża s-sistema żviluppata għall-implimentazzjoni ta’ dan il-Ftehim.

2.    B’appoġġ għall-applikazzjoni tal-GTLAS, l-Unjoni għandha tinkoraġġixxi l-użu tas-sistema fir-rigward tal-kummerċ fi swieq internazzjonali oħrajn u ma’ pajjiżi terzi.

3.    L-Unjoni għandha timplimenta miżuri biex tipprevjeni t-tqegħid fis-suq tal-Unjoni ta’ injam maħsud illegalment u ta’ prodotti derivati minnu f’konformità mal-leġiżlazzjoni applikabbli tagħha.

ARTKOLU 10

Rilaxx ta’ vjeġġi koperti b’liċenzja FLEGT

1.    Il-proċeduri li jirregolaw ir-rilaxx għaċ-ċirkolazzjoni ħielsa fl-Unjoni tal-vjeġġi koperti b’liċenzja FLEGT huma deskritti fl-Anness III.

2.    Meta awtorità kompetenti jkollha bażi raġonevoli biex tissuspetta li liċenzja ma tkunx valida jew awtentika jew ma tkunx konformi mal-vjeġġ li suppost tkun qed tkopri, hija tista’ tapplika l-proċeduri deskritti fl-Anness III.

3.    Fejn ikun hemm nuqqas ta’ qbil jew diffikultajiet persistenti bejn l-awtorità tal-ħruġ tal-liċenzji u l-awtoritajiet kompetenti dwar il-liċenzji FLEGT, il-kwistjoni għandha tiġi riferuta lill-Kumitat Konġunt ta’ Monitoraġġ u Rieżami msemmi fl-Artikolu 20.

ARTKOLU 11

Awditur indipendenti

1.    Il-Partijiet jaqblu fuq il-ħtieġa li jitolbu s-servizzi ta’ Awditur Indipendenti f’intervalli miftiehma biex jivvalutaw l-operat, il-kredibbiltà u l-effiċjenza tal-GTLAS.

2.    Il-Guyana għandha tuża s-servizzi ta’ Awditur Indipendenti, b’konsultazzjoni mal-Unjoni, għall-finijiet tal-kompiti elenkati fl-Anness VI.

3.    L-Awditur Indipendenti għandu jkun persuna fiżika jew ġuridika, jew grupp ta’ persuni bħal dawn, li ma jkollhom l-ebda kunflitt ta’ interess, inkluż iżda mhux limitat għal kunflitti li jirriżultaw minn relazzjoni organizzattiva jew kummerċjali mal-Unjoni jew mal-awtoritajiet regolatorji tas-settur tal-forestrija tal-Guyana, mal-awtorità tal-ħruġ tal-liċenzji jew ma’ kull min jingħata r-responsabbiltà li jivverifika l-legalità tal-produzzjoni tal-injam, jew ma’ kwalunkwe operatur li jeżerċita attività kummerċjali fis-settur tal-forestrija tal-pajjiż.

4.    L-Awditur Indipendenti għandu jopera f’konformità ma’ struttura ta’ ġestjoni ddokumentata, u mal-politiki, il-metodi u l-proċeduri ppubblikati li jikkorrespondu mal-aħjar prattiki aċċettati fil-livell internazzjonali.

5.    L-Awditur Indipendenti għandu jirreferi l-ilmenti li jirriżultaw mill-ħidma tiegħu lill-Kumitat Konġunt ta’ Monitoraġġ u Rieżami msemmi fl-Artikolu 20.

6.    L-Awditur Indipendenti għandu jissottometti l-osservazzjonijiet tiegħu lill-Partijiet f’rapporti f’konformità mal-manwal tal-proċeduri deskritt fl-Anness VI. Ir-rapporti mill-Awditur Indipendenti għandhom jiġu ppubblikati f’konformità mal-proċeduri stabbiliti fl-Anness IX.

7.    Il-Parties għandhom, f’konformità mal-liġijiet u politiki nazzjonali varji rispettivi tagħhom dwar il-protezzjoni tad-data u l-kunfidenzjalità tal-informazzjoni, jiffaċilitaw il-ħidma tal-Awditur Indipendenti, u jiżguraw b’mod partikolari li:

−    jkollu aċċess għad-dokumenti, l-informazzjoni u l-materjali l-oħra neċessarji fit-twettiq tal-funzjonijiet tiegħu;

−    ikun jista’ jirreġistra u jiddupplika dokumenti, informazzjoni u materjali oħra kif meħtieġ.

ARTKOLU 12

Irregolaritajiet

Il-Partijiet għandhom jinnotifikaw bil-miktub lil xulxin f’konformità mal-Artikolu 22 jekk huma jkollhom suspett raġonevoli jew evidenza ta’ kwalunkwe ċirkomvenzjoni tal-iskema ta’ liċenzjar FLEGT, inkluża iżda mhux limitata għal:

(a)    ċirkomvenzjoni tal-kummerċ, inkluż permezz tar-ridirezzjonar tal-kummerċ mill-Guyana lejn l-Unjoni minn pajjiż terz, fejn ikun hemm raġuni biex wieħed jemmen li dan isir bl-intenzjoni li jiġu evitati r-rekwiżiti tal-ħruġ tal-liċenzji;

(b)    liċenzji FLEGT li jkopru prodotti tal-injam li jkun fihom injam minn pajjiżi terzi li jkun issuspettat li jkun qed jiġi prodott illegalment;

(c)    frodi fil-kisba jew fl-użu tal-liċenzji FLEGT.

ARTKOLU 13

Data tat-tħaddim tal-iskema ta’ liċenzjar FLEGT

1.    Il-Partijiet għandhom jinnotifikaw lil xulxin permezz tal-Kumitat Konġunt ta’ Monitoraġġ u Rieżami msemmi fl-Artikolu 20 meta jqisu li jkunu kkonkludew it-tħejjijiet meħtieġa sabiex l-iskema ta’ liċenzjar FLEGT issir operazzjonali għal kollox.

2.    Il-Partijiet għandhom, permezz tal-Kumitat Konġunt ta’ Monitoraġġ u Rieżami, jikkummissjunaw evalwazzjoni indipendenti tal-liċenzjar FLEGT. Il-valutazzjoni għandha tiddetermina jekk il-GTLAS tissodisfax il-funzjonijiet tagħha abbażi tal-kriterji stabbiliti fl-Anness VIII u jekk is-sistemi fl-Unjoni biex jirċievu, jivverifikaw u jaċċettaw il-liċenzji FLEGT humiex fis-seħħ.

3.    Il-Kumitat Konġunt ta’ Monitoraġġ u Rieżami għandu, abbażi tal-valutazzjoni msemmija fil-paragrafu 2, joħroġ rakkomandazzjoni għall-bidu tal-iskema ta’ liċenzjar FLEGT, jew biex ma tibdiex.

4.    Abbażi ta’ rakkomandazzjoni tal-Kumitat Konġunt ta’ Monitoraġġ u Reviżjoni għall-bidu tal-iskema ta’ liċenzjar FLEGT, il-Partijiet għandhom jinnotifikaw lil xulxin bil-miktub dwar data li fiha l-iskema ta’ liċenzjar FLEGT għandha ssir operattiva.

5.    Abbażi ta’ rakkomandazzjoni tal-Kumitat Konġunt ta’ Monitoraġġ u Rieżami għan-nuqqas ta’ bidu tal-iskema ta’ liċenzjar FLEGT, il-Partijiet għandhom jaqblu permezz tal-Kumitat Konġunt ta’ Monitoraġġ u Reviżjoni dwar il-miżuri meħtieġa lejn il-bidu.

ARTKOLU 14

Skeda għall-implimentazzjoni ta’ dan il-Ftehim

Il-Kumitat Konġunt ta’ Monitoraġġ u Rieżami msemmi fl-Artikolu 20 għandu jiżviluppa skeda għall-implimentazzjoni ta’ dan il-Ftehim u għandu jevalwa l-progress tal-implimentazzjoni b’referenza għal dik l-iskeda.

ARTKOLU 15

Miżuri ta’ appoġġ

1.    Il-Partijiet identifikaw l-oqsma, elenkati fl-Anness VII, fejn huma meħtieġa riżorsi tekniċi u finanzjarji addizzjonali għall-implimentazzjoni ta’ dan il-Ftehim.

2.    Il-forniment tar-riżorsi msemmija fil-paragrafu 1 għandu jkun soġġett għall-proċeduri normali tal-Unjoni u tal-Istati Membri tagħha għall-programmazzjoni tal-assistenza lill-Guyana u għall-proċeduri baġitarji tal-Guyana.

3.    Il-Guyana għandha tiżgura li t-tisħiħ tal-kapaċità tagħha li timplimenta dan il-Ftehim jiġi inkluż fl-istrumenti tal-ippjanar nazzjonali tagħha, bħall-istrateġiji u l-baġits għat-tnaqqis tal-faqar.

4.    Il-Partijiet għandhom jiżguraw li l-attivitajiet assoċjati mal-implimentazzjoni ta’ dan il-Ftehim jiġu kkoordinati mal-inizjattivi ta’ żvilupp eżistenti u futuri rilevanti, bħal dawk li jappoġġjaw l-azzjoni biex jitnaqqsu l-emissjonijiet mid-deforestazzjoni u mid-degradazzjoni tal-foresti u r-rwol tal-konservazzjoni, il-ġestjoni sostenibbli tal-foresti u t-titjib tal-ħażniet ta’ karbonju tal-foresti fil-pajjiżi li qegħdin jiżviluppaw.

ARTKOLU 16

L-involviment tal-partijiet interessati fl-implimentazzjoni ta’ dan il-Ftehim

1.    Il-Guyana għandha tiżgura li l-implimentazzjoni u l-monitoraġġ ta’ dan il-Ftehim isiru b’mod trasparenti u parteċipattiv flimkien mal-partijiet interessati rilevanti kollha permezz tal-istituzzjonijiet tagħhom stess, irrispettivament mill-ġeneru, l-età, il-post, ir-reliġjon jew it-twemmin, l-oriġini etnika, il-kulur, il-lingwa, diżabbiltà jew kwalunkwe status ieħor, inklużi dawk mis-settur privat, is-soċjetà ċivili, u l-komunitajiet lokali u indiġeni, kif ukoll persuni oħrajn li jiddependu fuq il-foresti.

2.    Il-Guyana għandha tiżgura li l-Grupp ta’ Ħidma Nazzjonali għall-Implimentazzjoni (NIWG) ikun fis-seħħ biex jissorvelja l-implimentazzjoni ta’ dan il-Ftehim u huwa magħmul minn rappreżentanti ta’ aġenziji tal-Gvern rilevanti u rappreżentanti tal-partijiet interessati rilevanti kollha.

3.    Il-Guyana għandha tagħmel konsultazzjonijiet regolari dwar l-implimentazzjoni ta’ dan il-Ftehim mal-partijiet interessati rilevanti kollha, irrispettivament mill-ġeneru, l-età, il-post, ir-reliġjon jew it-twemmin, l-oriġini etnika, il-kulur, il-lingwa, diżabbiltà jew kwalunkwe status ieħor, inklużi dawk mis-settur privat, is-soċjetà ċivili, u l-komunitajiet lokali u indiġeni, kif ukoll persuni oħrajn li jiddependu fuq il-foresti. F’dak ir-rigward, il-Guyana għandha tiżviluppa u tuża strateġiji, modalitajiet u programmi biex tikkonsulta b’mod sinifikanti mal-partijiet interessati tagħha.

4.    L-Unjoni għandha tagħmel konsultazzjonijiet regolari mal-partijiet interessati tagħha dwar l-implimentazzjoni ta’ dan il-Ftehim, billi tqis l-obbligi tagħha skont il-Konvenzjoni tal-1998 dwar l-Aċċess għall-Informazzjoni, il-Parteċipazzjoni Pubblika fit-Teħid tad-Deċiżjonijiet u l-Aċċess għall-Ġustizzja fi Kwistjonijiet Ambjentali (il-Konvenzjoni ta’ Aarhus).

ARTKOLU 17

Salvagwardji soċjali

1.    Il-Partijiet jaqblu li b’mod regolari jivvalutaw l-impatt ta’ dan il-Ftehim sabiex jiġu mminimizzati l-effetti negattivi potenzjali fuq il-partijiet interessati fis-settur tal-foresti u barra minnu, irrispettivament mill-ġeneru, l-età, il-post, ir-reliġjon jew it-twemmin, l-oriġini etnika, il-kulur, il-lingwa, diżabbiltà jew kwalunkwe status ieħor.

2.    Il-Partijiet għandhom jimmonitorjaw l-impatt ta’ dan il-Ftehim fuq il-partijiet ikkonċernati u jieħdu passi raġonevoli u xierqa biex itaffu kwalunkwe effett negattiv u fejn meħtieġ, il-Partijiet għandhom jaqblu dwar miżuri addizzjonali biex jindirizzaw dawk l-effetti negattivi.

ARTKOLU 18

Sforzi biex jiġu implimentati jew ratifikati ftehimiet oħra

Il-Partijiet jaffermaw mill-ġdid l-impenn tagħhom lejn l-implimentazzjoni effettiva ta’ ftehimiet, trattati u konvenzjonijiet internazzjonali u reġjonali li għalihom huma Parti, inklużi ftehimiet ambjentali multilaterali u ftehimiet dwar l-azzjoni klimatika, trattati dwar id-drittijiet tal-bniedem u tal-popli indiġeni, ftehimiet dwar ix-xogħol u l-kummerċ. Il-Partijiet se jagħmlu sforzi kontinwi u sostnuti lejn ir-ratifika u l-implimentazzjoni ulterjuri tal-ftehimiet, it-trattati u l-konvenzjonijiet internazzjonali u reġjonali.

ARTKOLU 19

Inċentivi tas-suq

Filwaqt li tqis dan il-Ftehim u obbligi internazzjonali rilevanti oħrajn, l-Unjoni għandha tagħmel ħilitha biex tippromwovi l-aċċess favorevoli għas-suq tagħha għall-prodotti tal-injam koperti minn dan il-Ftehim. Tali sforzi għandhom jinkludu:

(a)    l-inkoraġġiment tal-politiki ta’ akkwist pubbliku u privat li jirrikonoxxu l-isforzi biex tiġi żgurata provvista ta’ prodotti tal-injam li jiġu prodotti legalment; kif ukoll

(b)    perċezzjoni aktar favorevoli ta’ prodotti b’liċenzja FLEGT fis-suq tal-Unjoni.

ARTKOLU 20

Kumitat Konġunt ta’ Monitoraġġ u Rieżami

1.    Fi żmien tliet xhur mid-dħul fis-seħħ ta’ dan il-Ftehim, il-Partijiet għandhom jistabbilixxu Kumitat Konġunt ta’ Monitoraġġ u Rieżami (minn hawn ’il quddiem imsejjaħ “KKMR”) biex jiffaċilita l-ġestjoni, il-monitoraġġ u r-rieżami ta’ dan il-Ftehim, inkluża l-ġestjoni tal-awditjar indipendenti. Il-KKMR għandu jiffaċilita wkoll id-djalogu u l-iskambji ta’ informazzjoni bejn il-Partijiet.

2.    Kull Parti għandha taħtar ir-rappreżentanti tagħha fuq il-KKMR, li għandu jieħu d-deċiżjonijiet tiegħu b’kunsens. Il-KKMR għandu jkun kopresedut minn tnejn mill-membri tiegħu, wieħed maħtur mill-Guyana u l-ieħor maħtur mill-Unjoni.

3.    Il-KKMR għandu jistabbilixxi r-regoli ta’ proċedura tiegħu stess.

4.    Il-KKMR għandu jiltaqa’ mill-inqas darbtejn fis-sena, f’dati u f’postijiet miftiehma mill-Partijiet.

5.    Il-KKMR għandu jiżgura li l-ħidma tiegħu tkun trasparenti u li l-informazzjoni rilevanti dwar il-ħidma u d-deċiżjonijiet tiegħu tkun disponibbli għall-pubbliku.

6.    Il-KKMR għandu jippubblika rapport annwali f’konformità mal-kriterji stabbiliti fl-Anness X.

7.    Il-funzjonijiet speċifiċi tal-KKMR huma deskritti fl-Anness IX.

ARTKOLU 21

Rapportar u divulgazzjoni pubblika tal-informazzjoni

1.    L-aċċess pubbliku għall-informazzjoni huwa essenzjali biex tittejjeb il-governanza u, għalhekk, l-għoti ta’ informazzjoni rilevanti lill-partijiet interessati għandu jkun ċentrali għal dan il-Ftehim. L-informazzjoni għandha ssir disponibbli lill-pubbliku għall-faċilitazzjoni tal-implimentazzjoni u l-monitoraġġ tas-sistemi, u b’hekk ittejjeb il-fiduċja tal-partijiet interessati u tal-konsumaturi, kif ukoll biex tiżgura r-responsabbiltà tal-Partijiet. Id-dettalji tal-informazzjoni li għandha tiġi ppubblikata huma stabbiliti fl-Anness IX.

2.    Kull Parti għandha tqis l-aktar mekkaniżmi xierqa, inkluż fost oħrajn, il-midja, dokumenti, l-Internet, workshops, rapporti annwali biex ixxerred l-informazzjoni msemmija fil-paragrafu 1 lill-pubbliku. B’mod partikolari, il-Partijiet għandhom jagħmlu ħilithom biex jipprovdu informazzjoni affidabbli, rilevanti u aġġornata lid-diversi partijiet interessati assoċjati mas-settur tal-forestrija billi jużaw il-metodi ta’ implimentazzjoni li jsir provvediment għalihom fl-Anness IX.

ARTKOLU 22

Komunikazzjoni dwar l-implimentazzjoni ta’ dan il-Ftehim

1.    Ir-rappreżentanti tal-Partijiet responsabbli għall-komunikazzjoni uffiċjali dwar l-implimentazzjoni ta’ dan il-Ftehim għandhom ikunu:

−    Għall-(a) Guyana: il-Ministru responsabbli għall-Finanzi;

−    Għall-(b)Unjoni: il-Kap tad-Delegazzjoni tal-Unjoni fil-Guyana.

2.    Il-Partijiet għandhom jikkomunikaw l-informazzjoni meħtieġa għall-implimentazzjoni ta’ dan il-Ftehim lil xulxin b’mod f’waqtu, inklużi l-bidliet fir-rigward tar-rappreżentanti msemmija fil-paragrafu 1.

ARTKOLU 23

Informazzjoni kunfidenzjali

Kull Parti timpenja ruħha, fil-limiti tal-liġijiet tagħha stess, li ma tiddivulgax l-informazzjoni kunfidenzjali skambjata skont dan il-Ftehim. L-ebda Parti ma għandha tiddivulga lill-pubbliku sigrieti kummerċjali jew informazzjoni kummerċjali kunfidenzjali skambjata skont dan il-Ftehim.

ARTKOLU 24

Applikazzjoni territorjali

Dan il-Ftehim għandu japplika għat-territorji fejn jiġi applikat it-Trattat dwar il-Funzjonament tal-Unjoni Ewropea skont il-kundizzjonijiet stipulati f’dak it-Trattat, minn naħa, u għall-Guyana, min-naħa l-oħra.

ARTKOLU 25

Konsultazzjonijiet u medjazzjoni

1.    Il-Partijiet għandhom f’kull ħin jagħmlu ħilithom biex jilħqu qbil rigward l-interpretazzjoni u l-applikazzjoni ta’ dan il-Ftehim, u li jirrisolvu kull disputa billi l-ewwel jidħlu f’konsultazzjonijiet u medjazzjoni in bona fede bl-għan li tinstab soluzzjoni maqbula b’mod reċiproku.

2.    Parti li tixtieq tibda konsultazzjonijiet għandha tinnotifika lill-Parti l-oħra u lill-KKMR bil-miktub, inkluża l-identifikazzjoni tas-suġġett u l-argumenti fil-qosor b’appoġġ għat-talba.

3.    Il-konsultazzjonijiet għandhom ikunu inizjalati fi żmien 40 jum u jitqies li jkunu ġew konklużi fi żmien sittin (90) jum mid-data meta tressqet it-talba, sakemm iż-żewġ Partijiet ma jaqblux mod ieħor. Minkejja l-konsultazzjonijiet preċedenti, kull Parti tista’ fil-każ ta’ kwistjonijiet urġenti tibda konsultazzjonijiet fi żmien 15-il jum. Tali konsultazzjonijiet iridu jiġu konklużi fi żmien sittin (30) jum mid-data meta tressqet it-talba, sakemm iż-żewġ Partijiet ma jaqblux mod ieħor.

4.    Jekk il-konsultazzjonijiet ma jirnexxilhomx jaslu għal soluzzjoni miftiehma b'mod reċiproku, iż-żewġ Partijiet jistgħu, bi qbil, jirriferu għal medjatur. Madankollu, kull waħda mill-partijiet tista’ tissottometti t-tilwima għall-arbitraġġ mingħajr rikors għall-medjazzjoni.

5.    Il-Partijiet għandhom jagħżlu medjatur b’mod konġunt fi żmien 15-il jum mid-data meta jkunu ftehmu li jitolbu medjazzjoni. Il-medjatur għandu jirċievi sottomissjonijiet miż-żewġ Partijiet u jsejjaħ laqgħa ta’ medjazzjoni. Sakemm iż-żewġ Partijiet ma jaqblux mod ieħor, il-medjatur għandu jinnotifika opinjoni dwar kif isolvi t-tilwima b’mod konsistenti mad-dispożizzjonijiet ta’ dan il-Ftehim mhux aktar tard minn 60 jum wara li jkun intgħażel.

6.    L-opinjoni tal-medjatur mhijiex vinkolanti.

ARTKOLU 26

L-arbitraġġ

1.    Meta l-Partijiet ikunu naqsu milli jsolvu t-tilwima billi jirrikorru għal konsultazzjonijiet u medjazzjoni kif previst fl-Artikolu 25, issir talba minn waħda mill-Partijiet għall-istabbiliment ta’ bord tal-arbitraġġ billi tiġi nnotifikata lill-Parti l-oħra u lill-Uffiċċju Internazzjonali tal-Qorti Permanenti tal-Arbitraġġ (FSK) bil-miktub. It-talba għandha tidentifika l-miżuri speċifiċi in kwistjoni u għandha tispjega kif tali miżuri jikkostitwixxu ksur tad-dispożizzjonijiet ta' dan il-Ftehim.

2.    L-arbitraġġ għandu jkun magħmul minn tliet arbitri maħtura skont ir-regoli tal-arbitraġġ tal-Qorti Permanenti tal-Arbitraġġ (QPA) tal-2012.

3.    Il-bord tal-arbitraġġ għandha tkun vinkolanti fuq il-Partijiet li għandhom jieħdu kwalunkwe miżura meħtieġa biex jikkonformaw in bona fede mad-deċiżjoni tal-bord tal-arbitraġġ.

4.    Il-Partijiet għandhom jinfurmaw lil xulxin u lill-KKMR dwar il-miżuri li jkunu ħadu biex jikkonformaw mad-deċiżjoni tal-bord tal-arbitraġġ. Il-KKMR għandu jirrieżamina l-miżuri meħuda mill-partijiet biex jikkonformaw mad-deċiżjoni u fejn meħtieġ jirrakkomanda miżuri addizzjonali jew korrettivi biex tiġi żgurata konformità sħiħa mad-deċiżjoni tal-bord ta’ arbitraġġ. Kull Parti tista’ titlob lill-bord tal-arbitraġġ biex jiddeċiedi dwar il-konformità mad-deċiżjoni oriġinali.

5.    Il-KKMR għandu jistabbilixxi l-proċeduri ta’ ħidma għall-arbitraġġ.

ARTKOLU 27

Emendi

1.    Kull Parti li tkun tixtieq temenda dan il-Ftehim għandha tissottometti proposta lill-Parti l-oħra mill-inqas xahar wieħed (1) qabel il-laqgħa li jkun imiss tal-KKMR. Il-KKMR għandu jiddiskuti l-proposta u, jekk jintlaħaq kunsens, għandu jagħmel rakkomandazzjoni dwar l-emenda proposta. Kull Parti għandha tikkunsidra r-rakkomandazzjoni u, jekk taqbel, tapprovaha f’konformità mal-proċeduri legali tagħha stess.

2.    Kwalunkwe emenda approvata miż-żewġ Partijiet f’konformità mal-paragrafu 1 għandha tidħol fis-seħħ fl-ewwel jum tax-xahar wara d-data li fiha l-Partijiet jinnotifikaw lil xulxin bit-tlestija tal-proċeduri meħtieġa għal dan l-iskop.

3.    Il-KKMR jista’ jadotta emendi għall-Annessi għal dan il-Ftehim.

4.    Notifika ta’ kwalunkwe emenda għandha tintbagħat lid-depożitarji konġunti għal dan il-Ftehim.

ARTKOLU 28

Sospensjoni

1.    Kull Parti li tkun tixtieq tissospendi dan il-Ftehim għandha tinnotifika lill-Parti l-oħra bil-miktub bl-intenzjoni tagħha u din il-kwistjoni għandha tiġi diskussa sussegwentement bejn il-Partijiet fi żmien xahar wieħed (1) wara li tkun waslet din in-notifika.

2.    Kwalunkwe waħda miż-żewġ Partijiet tista’ tissospendi l-applikazzjoni ta’ dan il-Ftehim fil-każ ta’ ksur materjali tal-ftehim mill-Parti l-oħra:

3.    Id-deċiżjoni dwar is-sospensjoni u r-raġunijiet għal dik id-deċiżjoni għandhom jiġu nnotifikati lill-Parti l-oħra bil-miktub.

4.    Il-kundizzjonijiet ta’ dan il-Ftehim ma għandhomx jibqgħu japplikaw tletin (30) jum tal-kalendarju wara li tingħata n-notifika kif imsemmi fit-tielet paragrafu.

5.    L-applikazzjoni ta’ dan il-Ftehim għandha terġa’ tkompli 30 jum kalendarju wara li l-Parti li tkun issospendiet l-applikazzjoni tiegħu tinforma lill-Parti l-oħra li r-raġunijiet għas-sospensjoni ma għadhomx japplikaw.

ARTKOLU 29

Terminazzjoni

Kull Parti tista’ tinnotifika bil-miktub lill-Parti l-oħra bl-intenzjoni tagħha u l-kwistjoni għandha sussegwentement tiġi diskussa mill-KKMR.

Dan il-Ftehim ma għandux jibqa’ japplika tnax-il (12) xahar wara d-data ta’ notifika bħal din.

ARTKOLU 30

Durata

1.    Dan il-Ftehim għandu jibqa’ fis-seħħ għal perjodu ta’ għaxar (10) snin, sakemm il-Partijiet ma jissospenduhx jew ma jitterminawhx f’konformità mal-Artikolu 28 jew 29, rispettivament.

2.    Il-Ftehim għandu jiġi estiż awtomatikament għal perjodi konsekuttivi ta’ ħames (5) snin, sakemm Parti ma tirrinunzjax għall-estensjoni billi tinnotifika lill-Parti l-oħra bil-miktub mill-inqas tnax-il (12) xahar qabel ma jiskadi dan il-Ftehim.

ARTKOLU 31

Annessi

L-Annessi għal dan il-Ftehim għandhom jifformaw parti integrali minnu.

ARTKOLU 32

Testi awtentiċi

Dan il-Ftehim għandu jitfassal f’żewġ kopji bil-Bulgaru, biċ-Ċek, bil-Kroat, bid-Daniż, bl-Olandiż, bl-Ingliż, bl-Estonjan, bil-Finlandiż, bil-Franċiż, bil-Ġermaniż, bil-Grieg, bl-Ungeriż, bl-Irlandiż, bit-Taljan, bil-Latvjan, bil-Litwan, bil-Malti, bil-Pollakk, bil-Portugiż, bir-Rumen, bis-Slovakk, bis-Sloven, bl-Ispanjol u bl-Iżvediż, b’kull wieħed minn dawn it-testi jkollhom l-istess awtentiċità. Fil-każ ta’ diverġenza fl-interpretazzjoni, għandu jipprevali t-test bl-Ingliż.

ARTKOLU 33

Dħul fis-seħħ

1.    Dan il-Ftehim għandu jidħol fis-seħħ fl-ewwel jum tax-xahar wara d-data li fiha l-Partijiet jinnotifikaw lil xulxin bil-miktub li l-proċeduri rispettivi tagħhom meħtieġa għal dan l-iskop tlestew.

2.    In-notifika msemmija fil-paragrafu 1 għandha tintbagħat lill-Ministru responsabbli mill-finanzi fil-Guyana u lis-Segretarju Ġenerali tal-Kunsill tal-Unjoni Ewropea, li għandhom ikunu d-depożitarji konġunti għal dan il-Ftehim.

B’XHIEDA TA’ DAN, il-firmatarji ta’ hawn taħt, debitament awtorizzati li jagħmlu dan, iffirmaw dan il-Ftehim.

MAGĦMUL fi ...........

Għar-Repubblika Kooperattiva tal-Guyana    Għall-Unjoni Ewropea

ANNESSI

1.    Anness I: Kopertura tal-prodotti: il-kodiċijiet armonizzati tal-merkanzija għall-prodotti tal-injam koperti fil-qafas tal-iskema ta’ liċenzjar FLEGT

2.    Anness II: Definizzjoni tal-Legalità

3.    Anness III: Kundizzjonijiet li jirregolaw ir-rilaxx għaċ-ċirkolazzjoni ħielsa fl-Unjoni tal-prodotti tal-injam esportati mill-Guyana u koperti b’liċenzja FLEGT

4.    Anness IV: Rekwiżiti u speċifikazzjonijiet tekniċi għal-liċenzji FLEGT

5.    Anness V: Sistema ta’ Garanzija tal-Legalità tal-Injam tal-Guyana (GTLAS)

6.    Anness VI: Termini ta’ referenza għall-awditjar indipendenti tal-GTLAS

7.    Anness VII: Miżuri ta’ appoġġ u mekkaniżmi ta’ finanzjament

8.    Anness VIII: Kriterji għall-valutazzjoni tal-operabbiltà tas-Sistema ta’ Garanzija tal-Legalità tal-Injam tal-Guyana (Guyana Timber Legality Assurance System, GTLAS)

9.    Anness IX L-aċċess pubbliku għal informazzjoni dwar l-iskema ta’ liċenzjar FLEGT

10.    Anness X: Kumitat Konġunt ta’ Monitoraġġ u Rieżami

ANNESS I

KOPERTURA TAL-PRODOTTI
IL-KODIĊIJIET ARMONIZZATI TAL-MERKANZIJA GĦALL-PRODOTTI TAL-INJAM
KOPERTI FIL-QAFAS TAL-ISKEMA TA’ LIĊENZJAR FLEGT

Il-lista f’dan l-Anness tirreferi għas-Sistema Armonizzata għad-Deskrizzjoni u l-Kodifikazzjoni tal-Merkanzija stabbilita mill-Konvenzjoni Internazzjonali dwar is-Sistema Armonizzata għad-Deskrizzjoni u l-Kodifikazzjoni tal-Merkanzija tal-Organizzazzjoni Dinjija Doganali.

Kodiċijiet SA	Deskrizzjoni
4403	Injam għadu aħrax, kemm jekk bil-qoxra jew bl-ilbieba mneħħija jew le, jew magħmul kwadru raff.
4404	Injam għaċ-ċrieki; arbli maqsumin; puntali, pali u bsaten tal-injam, bil-ponta iżda mhux isserrati mit-tul; bsaten tal-injam, mirqumin raff iżda mhux inturnati, milwijin jew maħdumin mod ieħor, tajbin għall-manifattura tal-bsaten tal-mixi, umbrelel, mankijiet tal-għodod jew bħalhom; injam magħmul minn laqx tal-injam (chipwood) u bħalu.
4406	Travi tal-injam mimdudin (sleepers, cross-ties) għal-linji tal-ferrovija jew tat-tramm.
4407	Injam isserrat jew imlaqqax mit-tul, imfellel jew imqaxxar, inċanat jew le, xkatlat jew imminċottat fit-truf, ta’ ħxuna aktar minn 6 mm.
4408	Folji għall-fuljetta (inklużi dawk magħmulin bit-tiflil ta’ injam laminat), għat-triplaj jew għal injam simili laminat u injam ieħor, isserrat mit-tul, imfellel jew imqaxxar, inċanat, xkatlat, impalellat jew imminċottat fit-truf, mhux eħxen minn 6 mm
4409	Injam (inklużi strixxi u freġji għal kisi ta' art bil-parkè, mhux immuntat) b'forma kontinwa (mudullun, gruvjat, irbattut, iċċanfrinat, ingastat-V, imżebbeġ, iffurmat, ittundjat jew hekk) tul xi xifer, tarf jew wiċċ tiegħu, inċanat, xkatlat jew imminċottat fit-truf jew le.
4412	Triplaj, pannelli miksijin bil-fuljetta u injam laminat simili.
4418	Xogħol tal-mastrudaxxa u partijiet ta’ strutturi tal-kostruzzjoni, inklużi pannelli tal-injam ċellulari, pannelli mmuntati għall-art, twavel tal-kisi (‘shingles’ u ‘shakes’).

_______________

ANNESS II

DEFINIZZJONI TAL-LEGALITÀ

1.    Lista ta’ akronimi

2.    Introduzzjoni

3.    Definizzjoni tat-termini

4.    Matriċijiet tal-legalità

4.1    Matriċi tal-legalità A (sabiex FSO jwettaq l-operazzjonijiet forestali legalment)

4.2    Matriċi tal-legalità B għall-awtorizzazzjonijiet Statali għall-foresti (konċessjonijiet kbar)

4.3    Matriċi tal-legalità Ċ għall-awtorizzazzjonijiet Statali għall-foresti (konċessjonijiet żgħar)

4.4    Matriċi tal-legalità D għall-Villaġġi Amerindjani

4.5    Matriċi tal-legalità E għall-artijiet privati

4.6    Matriċi tal-legalità F għall-prodotti tal-injam salvati minn artijiet tal-Istat f’konverżjoni

4.7    Matriċi tal-legalità G għall-prodotti tal-injam maqbuda

4.8    Matriċi tal-legalità H għall-ipproċessar u l-bejgħ ta’ prodotti tal-injam

4.9    Matriċi tal-legalità I għall-esportazzjoni u l-importazzjoni ta’ prodotti tal-injam

5.    Glossarju

6.    Appendiċi: Referenzi legali applikabbli

1.    Lista ta’ akronimi

AOP    Pjan annwali tal-operat

EPA    l-Aġenzija għall-Protezzjoni tal-Ambjent

UE    l-Unjoni Ewropea

FCA    Ftehim ta’ konċessjoni għall-foresti

DF    id-Diviżjoni tal-Finanzi

FLEGT    l-Infurzar tal-liġi, tmexxija u kummerċ fis-settur forestali

FMP    il-Pjan għall-ġestjoni tal-foresti

FMD    id-Diviżjoni għall-Monitoraġġ tal-Foresti

FRMD    id-Diviżjoni għall-Ġestjoni tar-Riżorsi tal-Foresti

FSO    Operatur fis-settur tal-foresti

GFC     Il-Kummissjoni tal-Forestrija tal-Guyana

GGMC    Il-Kummissjoni tal-Ġeoloġija u l-Minjieri tal-Guyana

GLSC    Il-Kummissjoni tal-Artijiet u l-Istħarriġ tal-Guyana

AD    l-Awtorità tad-Dħul

GTLAS    Is-Sistema ta’ Garanzija tal-Legalità tal-Injam tal-Guyana

DL    id-Definizzjoni tal-Legalità

MISD    Id-Database ta’ Sistemi ta’ Informazzjoni dwar il-Ġestjoni

MOL    Il-Ministeru responsabbli mill-Protezzjoni Soċjali

MAA    Il-Ministeru responsabbli għall affarijiet Amerindjani

MPW    Il-Ministeru responsabbli mix-Xogħlijiet Pubbliċi

NAREI    l-Istitut Nazzjonali għall-Estensjoni u r-Riċerka Agrikola

NIB    Il-Bord Nazzjonali tal-Assigurazzjoni

NTWG    Il-Grupp ta’ Ħidma Tekniku Nazzjonali

PPE    Apparat għall-protezzjoni personali

SFA    Awtorizzazzjoni Statali għall-foresti

KV    il-Kunsill tal-Villaġġ

VPA    Ftehim ta’ Sħubija Volontarja

WTA    Sistema ta’ Rintraċċar tal-Injam

2.    Introduzzjoni

Dan l-Anness jistabbilixxi d-Definizzjoni tal-Legalità (DL) għall-“injam legali” applikabbli għal dan il-Ftehim. Id-DL tista’ tiġi aġġornata kif u meta jkun meħtieġ matul l-implimentazzjoni ta’ dan il-Ftehim f’konformità mad-dispożizzjonijiet tal-Artikolu 27 tal-Ftehim.

Id-DL tifforma parti integrali mis-Sistema ta’ Garanzija tal-Legalità tal-Injam tal-Guyana (GTLAS) deskritta fl-Anness V.

Id-DL hija bbażata fuq il-qafas legali u regolatorju nazzjonali rilevanti fis-seħħ u tistabbilixxi l-prinċipji, il-kriterji, l-indikaturi u l-verifikaturi meħtieġa biex jagħtu prova tal-konformità ma’ tali qafas.

Id-DL tinkludi wkoll referenzi legali addizzjonali li huma rilevanti għall-implimentazzjoni ta’ dan il-Ftehim u għall-funzjonament ġenerali tal-GTLAS. Dawn ir-referenzi u liġijiet u regolamenti applikabbli oħrajn jistgħu jinstabu fl-Appendiċi ta’ dan l-Anness. Id-DL tapplika għall-operaturi kollha fis-settur tal-foresti (FSOs) fil-pajjiż kollu u għall-prodotti kollha tal-injam elenkati fl-Anness I u tkopri l-kummerċ domestiku u internazzjonali.

Id-DL ġiet żviluppata permezz ta’ proċess parteċipattiv b’diversi partijiet interessati, ikkoordinat mill-Grupp ta’ Ħidma Tekniku Nazzjonali (NTWG), li fih kienu rrappreżentati l-maġġoranza kbira tal-partijiet interessati ewlenin fis-settur tal-forestrija tal-Guyana, kif ukoll gruppi ta’ interess oħrajn. L-iżvilupp tad-DL involva diversi workshops fil-pajjiż kollu, li matulhom il-partijiet interessati ewlenin ingħataw informazzjoni dwar il-proċess tal-ftehim ta’ sħubija volontarja (FSV). Il-partijiet interessati ġew ikkonsultati wkoll u ntalbet l-approvazzjoni tagħhom fuq id-dettalji tad-diversi elementi tad-DL.

Il-partijiet interessati fil-mira kienu jinkludu lil dawk li jaqtgħu s-siġar bis-serrieq, it-taħħana, il-manifatturi, in-negozjanti tal-injam, l-esportaturi tal-injam, l-importaturi tal-injam, it-trasportaturi, is-sensara tad-dwana, kif ukoll rappreżentanti mill-assoċjazzjonijiet tal-qtugħ tas-siġar, il-villaġġi u l-komunitajiet Amerindjani, l-organizzazzjonijiet mhux governattivi, inklużi dawk indiġeni, u l-Ministeri u/jew l-Aġenziji Governattivi.

Struttura u kontenut tal-matriċijiet tad-Definizzjoni tal-Legalità

Id-DL hija maqsuma f’disa’ matriċijiet assoċjati mat-tipi differenti ta’ operat. Kull matriċi tinkludi sett ta’ prinċipji li jidentifikaw l-obbligi legali primarji bi kriterji korrispondenti li jiddeskrivu fid-dettall ir-rekwiżiti legali li jiggarantixxu l-konformità ma’ kull prinċipju. Kull kriterju jinkludi indikaturi li jikkorrespondu għall-miżuri li jissodisfaw il-kriterju. Barra minn hekk, il-verifikaturi jipprovdu l-evidenza biex juru l-issodisfar ta’ kull indikatur u huma mirfuda mil-qafas legali nazzjonali (referenzi legali) li jippreskrivu r-rekwiżiti legali u proċedurali li jeħtieġ li jiġu osservati għall-kisba tal-verifikatur.

Il-konformità tal-FSO mal-indikaturi sservi biex turi l-konformità tiegħu mad-DL. L-aġenzija responsabbli fil-matriċijiet ta’ hawn taħt hija l-Ministeri u/jew l-Aġenziji Governattiva li se jwettqu l-verifika tal-konformità ta’ FSO mal-indikaturi tad-DL

Il-verifikaturi huma assoċjati ma’ kull indikatur. Hemm żewġ tipi ta’ verifikaturi:

Xi verifikaturi jinħarġu mill-Ministeri u/jew mill-Aġenziji Governattivi wara l-proċeduri interni u l-kontrolli interni tagħhom għall-ħruġ tagħhom. F’dawn il-każijiet, l-FSO jkun konformi mal-indikaturi meta jkollu l-verifikatur validu meħtieġ.

Verifikaturi oħrajn jinħarġu wkoll mill-Ministeri u/jew mill-Aġenziji Governattivi bħala parti mill-mandat tagħhom, iżda permezz ta’ spezzjonijiet regolari tal-operazzjonijiet tal-FSOs. Ir-rapporti ta’ spezzjoni li jinħarġu b’riżultat ta’ dawn l-ispezzjonijiet huma l-verifikaturi. F’dawn il-każijiet, l-indikaturi jiddeskrivu r-rekwiżiti li magħhom għandu jkun konformi l-FSO. Il-konformità tiġi vvalutata permezz tal-ispezzjoni u r-rapport ta’ spezzjoni jkun fih ir-riżultat tal-valutazzjoni.

Sabiex tiġi ffaċilitata aktar l-implimentazzjoni tal-Manwal tal-Proċeduri għall-verifika tal-GTLAS, li se jiġi elaborat matul il-fażi ta’ żvilupp tal-GTLAS, issir distinzjoni bejn verifikaturi statiċi u dinamiċi:

Il-verifikaturi statiċi jappoġġaw il-wiri tal-konformità legali għall-kriterji tad-DL li mhumiex relatati direttament mal-moviment tal-injam permezz tal-katina tal-provvista u/jew li huma assoċjati mal-operazzjonijiet fit-tul tal-FSOs. Huma jinħarġu jew fuq bażi ta’ darba jew fuq bażi perjodika u jkunu validi għal dak il-perjodu. Il-verifikaturi statiċi se jiġu vverifikati għal perjodu sħiħ (il-ħajja tal-konċessjoni jew il-perjodu ta’ validità regolatorja).

Il-verifikaturi dinamiċi jinkludu, iżda mhumiex limitati għal, dawk direttament relatati mal-moviment tal-prodotti tal-injam tul il-katina tal-provvista fil-Guyana. Huma suġġetti għar-rekwiżiti applikabbli f’kull punt kritiku tal-katina ta’ provvista. Il-verifikaturi dinamiċi jinħarġu u huma validi għal vjeġġ uniku, u huma għalhekk sorveljati u vverifikati regolarment matul il-katina ta’ provvista.

Lista tal-matriċijiet li jagħtu dettalji tar-rekwiżiti ta’ kull FSO assoċjat mat-tipi ta’ operazzjonijiet li ġejjin:

Tipi ta' operazzjoni:	Nru. tal-matriċi	Titolu
L-FSOs kollha	A	Matriċi tal-legalità sabiex FSO jwettaq l-operazzjonijiet forestali legalment
Konċessjonijiet kbar	B	Matriċi tal-legalità għall-awtorizzazzjoni Statali għall-foresti (konċessjonijiet kbar)
Konċessjoni żgħira	C	Matriċi tal-legalità għall-awtorizzazzjoni Statali għall-foresti (konċessjonijiet żgħar)
Villaġġ Amerindjan	D	Matriċi tal-legalità għal Villaġġ Amerindjan
Artijiet privati	E	Matriċi tal-legalità għall-art privata
Prodotti tal-injam salvati minn artijiet tal-Istat f’konverżjoni	F	Matriċi tal-legalità għall-prodotti tal-injam salvati minn artijiet tal-Istat f’konverżjoni
FSOs li jiksru l-Att dwar il-Foresti Nru 6 tal-2009	G	Matriċi tal-legalità għall-prodotti tal-injam maqbuda
L-ipproċessar u l-bejgħ ta’ prodotti tal-injam	H	Matriċi tal-legalità għall-ipproċessar u l-bejgħ ta’ prodotti tal-injam
L-esportazzjoni u l-importazzjoni ta’ prodotti tal-injam	I	Matriċi tal-legalità għall-esportazzjoni u l-importazzjoni ta’ prodotti tal-injam

Il-kategoriji kollha ta’ FSO għandhom jikkonformaw mar-rekwiżiti rilevanti deskritti fil-matriċi tal-legalità A sabiex FSO jwettaq l-operazzjonijiet forestali legalment, u l-matriċijiet l-oħrajn li jkopru l-operazzjonijiet tagħhom. FIl-każ ta’ sekwestru minħabba ksur possibbli tal-Att dwar il-Foresti Nru 6 tal-2009, l-FSO jrid jissodisfa r-rekwiżiti rilevanti deskritti fil-matriċi tal-legalità G għall-prodotti tal-injam maqbuda.

3.    Definizzjoni tat-termini

FSO huwa persuna fiżika jew entità korporattiva rreġistrata mal-Kummissjoni tal-Forestrija tal-Guyana u approvata minnha biex twettaq operazzjoni(jiet) tal-forestrija.

Il-persuna fiżika jew il-korp korporattiv jista’ jiġi definit bħala negozjant (i) uniku (i), u/jew dawk irreġistrati skont l-Ismijiet tan-Negozju (l-Att dwar ir-Reġistrazzjoni), Kap. 90:05, l-Att dwar is-Sħubija, Kap. 89:02, l-Att dwar il-Kumpaniji, Kap. 89:01, l-Att dwar is-Soċjetajiet ta’ għajnuna reċiproka, Kap. 36:04 l‑Att dwar is-Soċjetajiet Kooperattivi, il-Kap. 88:01.

L-FSOs jiġu kkategorizzati abbażi ta’:

–    Konċessjonijiet kbar — kif definiti fit-taqsima 8 tal-Att dwar il-Foresti Nru 6 tal-2009 bħala erja akbar minn 8097 ettaru.

L-FSOs ta’ konċessjonijiet kbar irid ikollhom awtorizzazzjoni Statali tal-foresti mogħtija mill-GFC. Dawn l-awtorizzazzjonijiet Statali għall-foresti jistgħu jkunu jew ftehim ta’ konċessjoni għall-foresti jew permess esploratorju. Il-ftehimiet ta’ konċessjoni għall-foresti jistgħu jkunu ftehimiet għall-bejgħ tal-injam jew lokazzjonijiet għall-qtugħ tal-injam, li jingħataw għal perjodu massimu ta’ 40 sena jew ikunu soġġetti għal tiġdid kundizzjonali. Ftehim ta’ konċessjoni għall-foresti jinħareġ biss wara li l-FSO jkun kiseb permess esploratorju.

–    Konċessjonijiet żgħar — –kif definiti fit-taqsima 7 tal-Att dwar il-Foresti Nru 6 tal-2009 bħala żona ta’ 8097 ettaru jew inqas.

L-FSOs ta’ konċessjonijiet żgħar irid ikollhom awtorizzazzjoni Statali għall-foresti, li tista’ tkun jew permess mill-Istat għall-foresti jew ftehim komunitarju dwar il-ġestjoni tal-foresti. Dawn l-awtorizzazzjonijiet Statali għall-foresti jingħataw mill-GFC għal massimu ta’ sentejn, soġġetti għal tiġdid kundizzjonali.

–    Villaġġ Amerindjan – It-Taqsima 2 tal-Att dwar l-Amerindjani Kap 29:01 tiddefinixxi Villaġġ jew Villaġġ Amerindjan bħala “grupp ta’ Amerindjani li jokkupaw jew li jużaw l-artijiet tal-Villaġġ” u tiddefinixxi l-artijiet tal-Villaġġ bħala “artijiet li huma proprjetà komunali ta’ Villaġġ taħt titolu mogħtija lill-Kunsill tal-Villaġġ (KV) biex jinżammu għall-benefiċċju tal-Villaġġ”.

Tingħata għotja assoluta jew ċertifikat ta’ titolu lil Kunsill tal-Villaġġ biex tintwera s-sjieda tal-art. Villaġġ Amerindjan isir FSO meta jidħol f’kuntratt mal-GFC biex iwettaq ħsad kummerċjali fil-konfini tal-Villaġġ Amerindjan.

–    Art privata– it-Taqsima 2 tal-Att dwar il-Foresti Nru 6 tal-2009 tiddefinixxi art privata bħala “art li la hija art pubblika u lanqas art tal-Villaġġ”.

Art privata hija legalment miżmuma minn individwu jew korp korporattiv b’titolu rreġistrat, trasport jew għotja assoluta. Sid tal-art privata jsir FSO meta jidħol f’kuntratt mal-GFC biex iwettaq ħsad kummerċjali fil-konfini tal-art privata.

–    Artijiet tal-Istat f’konverżjoni – Il-prodotti tal-injam jistgħu jiġu salvati mill-artijiet tal-Istat li huma approvati mill-Ministeri u l-Aġenziji Governattivi rilevanti biex jiġu kkonvertiti għal użi ta’ art mhux forestali taħt l-awtorizzazzjonijiet li ġejjin:

a)    Liċenzja jew permess għall-estrazzjoni – liċenzja jew permess għall-estrazzjoni jinħarġu mill-Kummissjoni tal-Ġeoloġija u l-Minjieri tal-Guyana fuq żona fl-artijiet tal-Istat għat-tiftix, l-estrazzjoni, it-teħid u l-approprjazzjoni ta’ kwalunkwe minerali. Detentur ta’ liċenzja jew permess għall-estrazzjoni jsir FSO meta jkun awtorizzat mill-GFC biex isalva l-prodotti tal-injam fil-konfini ta’ dik iż-żona.

b)    Lokazzjonijiet – lokazzjoni tinħareġ mill-Kummissjoni tal-Artijiet u l-Istħarriġ tal-Guyana fuq żona fi ħdan l-artijiet tal-Istat għall-finijiet tal-agrikoltura jew ta’ attivitajiet oħrajn. Detentur ta’ lokazzjoni jsir FSO meta jkun awtorizzat mill-GFC biex isalva l-prodotti tal-injam fil-konfini ta’ dik iż-żona.

c)    Infrastruttura (toroq, impjanti idroelettriċi, digi, eċċ.)– L-Uffiċċju tal-President jagħti l-approvazzjoni tiegħu għall-bini ta’ impjanti idroelettriċi, filwaqt li l-Ministeru tax-Xogħlijiet Pubbliċi jagħti awtorizzazzjonijiet biex jitwettqu x-xogħlijiet infrastrutturali l-oħrajn kollha, bħal toroq u pontijiet. Detentur ta’ approvazzjoni infrastrutturali jsir FSO meta jiġi awtorizzat mill-GFC biex isalva l-prodotti tal-injam fil-konfini ta’ dik iż-żona.

–    Parti terza tkun persuna fiżika, jew entità korporattiva li jkollha ftehim legali mal-FSO biex twettaq operazzjonijiet kummerċjali fis-settur tal-forestrija fil-konfini taż-żona approvata. L-FSO, li huwa rreġistrat mal-GFC, huwa responsabbli biex jiżgura li l-parti terza hija konformi mar-rekwiżiti tad-DL.

4.    Matriċijiet tal-legalità

4.1    Matriċi tal-legalità A (sabiex FSO jwettaq l-operazzjonijiet forestali legalment)

Prinċipju 1	Il-persuna fiżika jew l-entità korporattiva tkun legali
Kriterju 1.1	Il-persuna fiżika jew l-entità ġuridika jkollha identità legali
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
A.1.1.1 (obbligatorju) 3	Il-persuna fiżika jew l-entità korporattiva jkollha Numru ta’ Identifikazzjoni tat-Taxxa.	Ċertifikat validu tan-numru ta’ identifikazzjoni tat-taxxa (Awtorità tad-Dħul)	It-Taqsima 60A tal-Att dwar it-Taxxa fuq l-Introjtu, Kap 81:01	Statiku
A.1.1.2 Fakultattiv (minbarra A.1.1.1)	Il-persuna fiżika jew l-entità korporattiva jkollha isem tan-negozju rreġistrat skont l-Att dwar l-Ismijiet tan-Negozju (Reġistrazzjon), Kap 90:05.	Ċertifikat tar-reġistrazzjoni (l-Awtorità tal-Atti u r-Reġistri Kummerċjali)	It-Taqsimiet 5 u 13 tal-Att dwar l-Ismijiet tan-Negozju (Reġistrazzjoni), Kap 90:05, it-Taqsima 3 u 6 tal-Att dwar is-Sħubija, Kap 89:02	Statiku
A.1.1.3 Fakultattiv (minbarra A.1.1.1)	Fil-każ ta’ kumpanija lokali:l-entità korporattiva jkollha ċertifikat tal-inkorporazzjoni Fil-każ ta’ kumpanija barranija: l-entità korporattiva jkollha ċertifikat tar-reġistrazzjoni	(i)    Ċertifikat tal-inkorporazzjoni (kumpanija lokali) (l-Awtorità tal-Atti u r-Reġistri Kummerċjali) (ii)    Ċertifikat tar-reġistrazzjoni (kumpanija barranija) (l-Awtorità tal-Atti u r-Reġistri Kummerċjali)	(i)    It-Taqsima 8 tal-Att dwar il-Kumpaniji, Kap 89:01 (ii)    It-Taqsima 321 tal-Att dwar il-Kumpaniji, Kap 89:01	Statiku
A.1.1.4 Fakultattiv (minbarra A.1.1.1)	Il-Kunsill tal-Villaġġ jinħatar legalment f’konformità mal-Att dwar l-Amerindjani, Kap 29:01.	Dikjarazzjoni tar-riżultati tal-elezzjonijiet (il-Ministeru tal-Affarijiet Amerinjarni)	It-Taqsima 72(13) tal-Att dwar l-Amerindjani, Kap 29:01	Statiku
A.1.1.5 Fakultattiv (minbarra A.1.1.1)	Is-soċjetà ta’ għajnuna reċiproka jkollha rikonoxximent tar-reġistrazzjoni.	Rikonoxximent tar-reġistrazzjoni (Reġistru tas-Soċjetajiet ta’ għajnuna reċiproka)	It-Taqsima 15 tal-Att dwar is-Soċjetajiet ta’ għajnuna reċiproka, Kap 36:04	Statiku
A.1.1.6 Fakultattiv (minbarra A.1.1.1)	Is-soċjetà kooperattiva jkollha ċertifikat tar-reġistrazzjoni.	Ċertifikat tar-reġistrazzjoni (Kummissarju tas-Soċjetajiet Kooperattivi)	It-Taqsimiet 7 u 9 tal-Att dwar is-Soċjetajiet Kooperattivi, Kap 88:01	Statiku

4.1    Matriċi tal-legalità B għall-awtorizzazzjonijiet Statali għall-foresti (konċessjonijiet kbar)

Prinċipju 1	L-FSO jkollu d-dritt legali li jaħsad u jirrispetta d-drittijiet legali tal-utenti tal-partijiet l-oħrajn
Kriterju 1.1	L-FSO jkollu d-dritt legali li jaħsad
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
B.1.1.1	L-FSO jkollu ittra ta’ approvazzjoni sabiex tiġi allokata l-konċessjoni għall-foresti.	Ittra ta’ approvazzjoni (GFC/Diviżjoni għall-Ġestjoni tar-Riżorsi tal-Foresti (FRMD))	It-Taqsimiet 6 u 8 tal-Att dwar il-Foresti Nru 6 tal-2009, Il-Linji Gwida dwar is-Sistema ta’ Rintraċċar tal-Injam 4	Statiku
B.1.1.2	L-FSO jkun id-detentur ta’ wieħed minn dawn li ġejjin: (i)    permess esploratorju validu (ii)    ftehim ta’ konċessjoni għall-foresti (FCA)	L-FSO jkollu wieħed mill-verifikaturi li ġejjin: (i)    permess esploratorju (GFC/FRMD) (ii)    FCA (GFC/FRMD)	(i)    It-Taqsima 9 tal-Att dwar il-Foresti Nru 6 tal-2009, ir-Regolamenti 4 u 5 tar-Regolamenti dwar il-Foresti tal-2018 (ii)    It-Taqsimiet 6 u 8 tal-Att dwar il-Foresti Nru 6 tal-2009, ir-Regolamenti 7, 8, 9 u 11 tar-Regolamenti dwar il-Foresti tal-2018	Statiku
B.1.1.3 Fakultattiv	L-FSO għandu ftehim ta’ kiri ma’ partijiet terzi approvat mill-GFC li jippermetti l-ħsad u/jew l-estrazzjoni fi ħdan il-konċessjoni tal-FSO.	Ftehim ta’ kiri ma’ partijiet terzi approvat mill-GFC (GFC/id-Diviżjoni għall-Monitoraġġ tal-Foresti (FMD)	It-Taqsima 16 tal-Att dwar il-Foresti Nru 6 tal-2009	Statiku
Kriterju 1.2	L-FSO jirrispetta d-drittijiet legali tal-utenti tal-partijiet l-oħrajn
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
B.1.2.1	L-FSO jaħsad il-prodotti tal-injam fil-konfini tal-konċessjoni.	Rapport ta’ spezzjoni tal-FMD (GFC/FMD)	It-Taqsima 6(2) tal-Att dwar il-Foresti Nru 6 tal-2009	Statiku
B.1.2.2	L-FSO ma jfixkilx l-eżerċitar tad-drittijiet tradizzjonali tal-popli Amerindjani.	Rapport ta’ spezzjoni tal-FMD (GFC/FMD)	It-Taqsima 5(2)(e) tal-Att dwar il-Foresti Nru 6 tal-2009, It-Taqsimiet 55 u 57 tal-Att dwar l-Amerindjani, Kap 29:01, ir-Regolamenti 8 l-Ewwel Skeda Formola B taqsima 4.3 tar-Regolamenti dwar il-Foresti tal-2018, Regolamenti 4 l-Ewwel Skeda Formola A taqsima 8 tar-Regolament dwar il-Foresti 2018	Statiku
B.1.2.3	L-FSO ma jfixkilx l-eżerċitar tad-drittijiet legali tal-utenti ta’ gruppi individwali oħrajn.	Rapport ta’ spezzjoni tal-FMD (GFC/FMD)	It-Taqsima 5(2) tal-Att dwar il-Foresti Nru 6 tal-2009, Regolamenti 8 l-Ewwel Skeda Formola B taqsima 4.2 tar-Regolamenti dwar il-Foresti tal-2018	Statiku
Prinċipju 2	L-FSO jkun konformi mal-obbligi tal-operat tal-foresti
Kriterju 2.1	L-FSO jikkonforma mar-rekwiżiti tal-ġestjoni tal-foresti, tal-ambjent u tas-Sistema ta’ Rintraċċar tal-Injam (WTS)
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
B.2.1.1	L-FSO jkollu awtorizzazzjoni ambjentali.	Wieħed mill-verifikaturi li ġejjin: (i)    permess ambjentali (l-Aġenzija għall-Protezzjoni tal-Ambjent Agency (EPA)) (ii)    permess tal-operat (EPA)	Għaż-żewġ verifikaturi: It-Taqsimiet 11, 12, 13, 15 u 21 (1)(b) tal-Att dwar il-Protezzjoni tal-Ambjent, Kap 20:05, Regolamenti 18 u 19 tar-Regolamenti dwar il-Protezzjoni tal-Ambjent (Awtorizzazzjonijiet)	Statiku
B.2.1.2	L-FSO jikkonforma mal-qtugħ annwali permessibbli approvat u/jew mal-qtugħ massimu permessibbli.	Rapport dwar il-ġestjoni tat-tikketti (GFC/FMD)	It-Taqsimiet 6(2)(b) u 9(2)(b) tal-Att dwar il-Foresti Nru 6 tal-2009, il-Paragrafu 2.2.2 tal-Kodiċi ta’ Prattika Nru. 1 tal-2018	Dinamiku
B.2.1.3	L-FSO jkun konformi mar-rekwiżiti tad-WTS.	Rapport ta’ verifika tad-WTS 5 (GFC/FMD)	Ir-Regolamenti 23, 24, 25, 26 u 27 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam	Dinamiku
B.2.1.4	L-FSO jkollu pjan għall-ġestjoni tal-foresti (FMP) approvat ta’ mill-inqas ħames snin flimkien ma’ pjan tal-operat annwali (AOP) għaż-żona ta’ konċessjoni.	Iż-żewġ verifikaturi li ġejjin: (i)    FMP (GFC/FRMD) (ii)    AOP (GFC/FRMD)	Għaż-żewġ verifikaturi: It-Taqsima 8(2)(a) tal-Att dwar il-Foresti Nru 6tal-2009, Paragrafi 2.2 u 2.3 tal-Kodiċi ta’ Prattika Nru. 1 tal-2018, il-Linji Gwida għall-Operazzjonijiet Forestali (konċessjonijiet kbar)	Statiku
B.2.1.5	L-FSO ma jaħsad l-ebda speċi ristretta u protetta mingħajr il-permess tal-GFC.	Ittra ta’ approvazzjoni tal-GFC (GFC/FMD)	Ir-Regolament 15 tar-Regolamenti dwar il-Foresti tal-2018, it-Taqsima 4 (4.4.1 u 4.4.2) tal-Kodiċi ta’ Prattika Nru. 1 tal-2018	Dinamiku
Prinċipju 3	L-FSO jkun konformi mal-obbligi fiskali u soċjali tiegħu
Kriterju 3.1	L-FSO jkun konformi mal-ħlas tat-tariffi, id-debiti u l-imposti meħtieġa
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
B.3.1.1	L-FSO jkun konformi mar-rekwiżiti għall-ħlasijiet tat-tariffi, id-debiti u l-imposti tal-ġestjoni.	Wieħed mill-verifikaturi li ġejjin: (i)    irċevuti fuq l-iskedi tal-pagamenti (GFC/Diviżjoni tal-Finanzi(DF)) (ii)    irċevuti għall-pagamenti sħaħ (GFC/FD)	Għaż-żewġ verifikaturi: Ir-Regolamenti 38, 40, 41 u 53 tar-Regolamenti dwar il-Foresti tal-2018	Dinamiku
B.3.1.2	L-FSO jkun konformi mar-rekwiżiti tat-taxxa tal-iskeda tat-taxxa applikabbli ppubblikata mill-RA.	Wieħed mill-verifikaturi li ġejjin: (i)    ċertifikat validu tan-numru ta’ identifikazzjoni tat-taxxa (għall-FSOs li jkunu ilhom inqas minn sena joperaw) (RA) (ii)    irċevuta ta’ preżentazzjoni (għall-FSOs li jkunu ilhom aktar minn sena joperaw) (RA)	Għaż-żewġ verifikaturi: It-Taqsima 4 tal-Att dwar it-Taxxa Korporattiva, Kap 81:03, Taqsima 60A tal-Att dwar it-Taxxa fuq l-Introjtu, Kap 81:01	Statiku
Kriterju 3.2	L-FSO jikkonforma mal-obbligi tiegħu b’rabta mal-liġi dwar l-impjiegi u r-rekwiżiti tas-sigurtà soċjali
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
B.3.2.1	L-FSO jkollu ċertifikat ta’ konformità.	Ċertifikat ta’ konformità (il-Bord Nazzjonali tal-Assigurazzjoni (NIB))	It-Taqsima 16 tal-Att Nazzjonali dwar l-Assigurazzjoni u s-Sigurtà Soċjali, Kap 36:01, Ir-Regolamenti 4, 5, 14, 15 u 19 tar-Regolamenti Nazzjonali dwar l-Assigurazzjoni u s-Sigurtà Soċjali (il-Ġbir ta’ Kontribuzzjonijiet)	Statiku
B.3.2.2	L-FSO jimpjega persuni ’l fuq mill-etajiet statutorji rilevanti f’konformità mal-operazzjonijiet li jkunu qed jitwettqu.	Rapport ta’ spezzjoni (Ministeru tax-Xogħol) (MOL)	It-Taqsima 41 tal-Att dwar is-Saħħa u s-Sikurezza Okkupazzjonali, Kap 99:10, It-Taqsimiet 2 u 3 tal-Att dwar l-Impjieg taż-Żgħażagħ u tat-Tfal, Kap 99:01	Statiku
B.3.2.3	L-FSO jħallas lill-impjegati bil-paga minima statutorja jew ogħla.	Rapport ta’ spezzjoni (MOL)	It-Taqsimiet 8 u 11 tal-Att dwar ix-Xogħol, Kap 98:01, il-Paragrafu 4 u l-Iskeda tal-Ordni Nazzjonali tax-Xogħol (Paga Minima) Nru. 15 tal-2016	Statiku
B.3.2.4	L-FSO jiżgura li l-faċilitajiet tal-ewwel għajnuna jkunu disponibbli jew fornuti fuq il-post tax-xogħol.	Rapport ta’ spezzjoni (MOL)	It-Taqsima 17 tal-Att dwar il-Foresti Nru 6 tal-2009 It-Taqsima 47(1)(n) tal-Att dwar is-Saħħa u s-Sikurezza Okkupazzjonali, Kap 99:10	Statiku
B.3.2.5	L-FSO jiżgura li l-ħaddiema jiġu pprovduti bit-tagħmir protettiv personali (PPE) applikabbli.	Rapport ta’ spezzjoni (MOL)	It-Taqsima 46 tal-Att dwar is-Saħħa u s-Sikurezza Okkupazzjonali, Kap 99:10, it-Taqsima 17 tal-Att dwar il-Foresti Nru 6 tal-2009	Statiku
B.3.2.6	L-FSO jirrapporta u jirreġistra l-inċidenti kollha ta’ aċċidenti u korrimenti fuq il-post tax-xogħol.	Rapport ta’ spezzjoni (MOL)	It-Taqsima 69 tal-Att dwar is-Saħħa u s-Sikurezza Okkupazzjonali, Kap 99:10	Statiku
B.3.2.7	L-FSO jkun konformi mal-leġiżlazzjoni dwar in-nondiskriminazzjoni.	Rapport ta’ spezzjoni (MOL)	It-Taqsimiet 4(2) u 5 tal-Att dwar il-Prevenzjoni tad-Diskriminazzjoni, Kap 99:09	Statiku

4.3    Matriċi tal-legalità Ċ għall-awtorizzazzjonijiet Statali għall-foresti (konċessjonijiet żgħar)

Prinċipju 1	L-FSO jkollu d-dritt legali li jaħsad u jirrispetta d-drittijiet legali tal-utenti tal-partijiet l-oħrajn
Kriterju 1.1	L-FSO jkollu d-dritt legali li jaħsad
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
C.1.1.1	L-FSO jkollu ittra ta’ approvazzjoni sabiex tiġi allokata l-konċessjoni għall-foresti.	Ittra ta’ approvazzjoni (GFC/FRMD)	It-Taqsimiet 6 u 7 tal-Att dwar il-Foresti Nru 6 tal-2009, Il-Linji Gwida dwar is-Sistema ta’ Rintraċċar tal-Injam 6	Statiku
C.1.1.2	L-FSO jkollu FCA.	FCA (GFC/FRMD)	It-Taqsimiet 6, 7, 11(3) tal-Att dwar il-Foresti Nru 6 tal-2009, ir-Regolamenti 7, 8, 9 u 11 tar-Regolamenti dwar il-Foresti tal-2018	Statiku
C.1.1.3 Fakultattiv	L-FSO għandu ftehim ta’ kiri ma’ partijiet terzi approvat mill-GFC li jippermetti l-ħsad u/jew l-estrazzjoni fi ħdan il-konċessjoni tal-FSO.	Ftehim ta’ kiri ma’ partijiet terzi approvat mill-GFC (GFC/FMD)	It-Taqsima 6(16) tal-Att dwar il-Foresti Nru 6 tal-2009	Statiku
Kriterju 1.2	L-FSO jirrispetta d-drittijiet legali tal-utenti tal-partijiet l-oħrajn
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
C.1.2.1	L-FSO jaħsad il-prodotti tal-injam fil-konfini tal-konċessjoni.	Rapport ta’ spezzjoni tal-FMD (GFC/FMD)	It-Taqsima 6(2) tal-Att dwar il-Foresti Nru 6 tal-2009	Statiku
C.1.2.2	L-FSO ma jfixkilx l-eżerċitar tad-drittijiet tradizzjonali tal-popli Amerindjani.	Rapport ta’ spezzjoni tal-FMD (GFC/FMD)	It-Taqsima 5(2)(e) tal-Att dwar il-Foresti Nru 6 tal-2009, Regolament 8, paragrafu 4.3 tal-Formola C fl-Ewwel Skeda tar-Regolamenti dwar il-Foresti tal-2018, it-Taqsimiet 55 u 57 tal-Att dwar l-Amerindjani, Kap 29:01	Statiku
C.1.2.3	L-FSO ma jfixkilx l-eżerċitar tad-drittijiet legali tal-utenti ta’ gruppi individwali oħrajn.	Rapport ta’ spezzjoni tal-FMD (GFC/FMD)	It-Taqsima 5(2) tal-Att dwar il-Foresti Nru 6 tal-2009, Regolament 8, paragrafu 4.3 tal-Formola C fl-Ewwel Skeda tar-Regolamenti dwar il-Foresti tal-2018	Statiku
Prinċipju 2	L-FSO jkun konformi mal-obbligi tal-operat tal-foresti
Kriterju 2.1	L-FSO jkun konformi mar-rekwiżiti tal-ġestjoni tal-foresti, tal-ambjent u tad-WTS.
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
C.2.1.1	L-FSO jkollu awtorizzazzjoni ambjentali.	Permess tal-operat (EPA)	It-Taqsima 21 (1) (b) tal-Att dwar il-Protezzjoni tal-Ambjent, Kap 20:05, Regolamenti 18 u 19 tar-Regolamenti dwar il-Protezzjoni tal-Ambjent (Awtorizzazzjonijiet)	Statiku
C.2.1.2	L-FSO jkun konformi mal-kwota approvata.	Rapport dwar il-ġestjoni tat-tikketti (GFC/FMD)	It-Taqsimiet 6(2)(b) u 9(2)(b) tal-Att dwar il-Foresti Nru 6 tal-2009, Il-Paragrafu 2.4 tal-Kodiċi ta’ Prattika Nru. 1 tal-2018	Dinamiku
C.2.1.3	L-FSO jkun konformi mar-rekwiżiti tad-WTS.	Rapport ta’ verifika tad-WTS (GFC/FMD)	Ir-Regolamenti 23, 24, 25, 26 u 27 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam	Dinamiku
C.2.1.4	L-FSO ma jaħsad l-ebda speċi ristretta u protetta mingħajr il-permess tal-GFC.	Ittra ta’ approvazzjoni tal-GFC (GFC/FMD)	Ir-Regolament 15 tar-Regolamenti dwar il-Foresti tal-2018, Paragrafu 4 (4.4.1 u 4.4.2) tal-Kodiċi ta’ Prattika Nru. 1 tal-2018	Dinamiku
Prinċipju 3	L-FSO jkun konformi mal-obbligi fiskali u soċjali tiegħu
Kriterju 3.1	L-FSO jkun konformi mal-ħlas tat-tariffi, id-debiti u l-imposti meħtieġa
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
C.3.1.1	L-FSO jkun konformi mar-rekwiżiti għall-ħlasijiet tat-tariffi, id-debiti u l-imposti tal-ġestjoni.	Wieħed mill-verifikaturi li ġejjin: (i)    riċevuti fuq l-iskeda ta’ pagaments (GFC/FD) (ii)    riċevuti għal pagamenti sħaħ (GFC/FD)	Għaż-żewġ verifikaturi: Ir-Regolamenti 38, 40, 41 u 53 tar-Regolamenti dwar il-Foresti tal-2018	Dinamiku
C.3.1.2	L-FSO jkun konformi mar-rekwiżiti tat-taxxa tal-iskeda tat-taxxa applikabbli ppubblikata mill-RA 7 .	Wieħed mill-verifikaturi li ġejjin: (i)    ċertifikat validu tan-numru ta’ identifikazzjoni tat-taxxa (għall-FSOs li jkunu ilhom inqas minn sena joperaw) (RA) (ii)    irċevuta ta’ preżentazzjoni (għall-FSOs li jkunu ilhom aktar minn sena joperaw) (RA)	Għaż-żewġ verifikaturi: It-Taqsima 4 tal-Att dwar it-Taxxa Korporattiva, Kap 81:03, Taqsima 60A tal-Att dwar it-Taxxa fuq l-Introjtu, Kap 81:01	Statiku
Kriterju 3.2	L-FSO jikkonforma mal-obbligi tiegħu b’rabta mal-liġi dwar l-impjiegi u r-rekwiżiti tas-sigurtà soċjali
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
C.3.2.1	L-FSO jkollu ċertifikat ta’ konformità.	Ċertifikat ta’ konformità (NIB)	It-Taqsima 16 tal-Att Nazzjonali dwar l-Assigurazzjoni u s-Sigurtà Soċjali, Kap 36:01, Ir-Regolamenti 4, 5, 14, 15 u 19 tar-Regolamenti Nazzjonali dwar l-Assigurazzjoni u s-Sigurtà Soċjali (il-Ġbir ta’ Kontribuzzjonijiet)	Statiku
C.3.2.2	L-FSO jimpjega persuni ’l fuq mill-etajiet statutorji rilevanti f’konformità mal-operazzjonijiet li jkunu qed jitwettqu.	Rapport ta’ spezzjoni (MOL)	It-Taqsima 41 tal-Att dwar is-Saħħa u s-Sikurezza Okkupazzjonali, Kap 99:10, It-Taqsimiet 2 u 3 tal-Att dwar l-Impjieg taż-Żgħażagħ u tat-Tfal, Kap 99:01	Statiku
C.3.2.3	L-FSO jħallas lill-impjegati bil-paga minima statutorja jew ogħla.	Rapport ta’ spezzjoni (MOL)	It-Taqsima 8 u 11 tal-Att dwar ix-Xogħol, Kap 98:01 It-Taqsima 4 u l-Iskeda tal-Ordni Nazzjonali tax-Xogħol (Paga Minima) Nru. 15 tal-2016	Statiku
C.3.2.4	L-FSO jiżgura li l-faċilitajiet tal-ewwel għajnuna jkunu disponibbli jew fornuti fuq il-post tax-xogħol.	Rapport ta’ spezzjoni (MOL)	It-Taqsima 17 tal-Att dwar il-Foresti Nru 6 tal-2009, it-Taqsima 47 (1) (n) tal-Att dwar is-Saħħa u s-Sikurezza Okkupazzjonali, Kap 99:10	Statiku
C.3.2.5	L-FSO jiżgura li l-ħaddiema jiġu pprovduti bil-PPE applikabbli.	Rapport ta’ spezzjoni (MOL)	It-Taqsima 46 tal-Att dwar is-Saħħa u s-Sikurezza Okkupazzjonali, Kap 99:10, it-Taqsima 17 tal-Att dwar il-Foresti Nru 6 tal-2009	Statiku
C.3.2.6	L-FSO jirrapporta u jirreġistra l-inċidenti kollha ta’ aċċidenti u korrimenti fuq il-post tax-xogħol.	Rapport ta’ spezzjoni (MOL)	It-Taqsima 69 tal-Att dwar is-Saħħa u s-Sikurezza Okkupazzjonali, Kap 99:10	Statiku
C.3.2.7	L-FSO jkun konformi mal-leġiżlazzjoni dwar in-nondiskriminazzjoni.	Rapport ta’ spezzjoni (MOL)	It-Taqsimiet 4(2) u 5 tal-Att dwar il-Prevenzjoni tad-Diskriminazzjoni, Kap 99:09	Statiku

4.4    Matriċi tal-legalità D għall-Villaġġi Amerindjani

Prinċipju 1	L-FSO jkollu d-dritt legali li jaħsad u jirrispetta d-drittijiet legali tal-utenti tal-partijiet l-oħrajn
Kriterju 1.1	L-FSO jkollu d-dritt legali li jaħsad
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
D.1.1.1	L-FSO jkollu titolu legali għall-art forestali fejn ikunu qed jitwettqu attivitajiet kummerċjali.	Wieħed mill-verifikaturi li ġejjin: (i)    ċertifikat tat-titolu (Reġistrazzjoni tal-Artijiet) (ii)    għotja assoluta (GL&SC)	(i)    it-Taqsima 71 tal-Att dwar ir-Reġistrazzjoni tal-Artijiet, Kap 5:02 (ii)    it-Taqsima 63 tal-Att dwar l-Amerindjani, Kap 29:01, it-Taqsima 3 tal-Att dwar l-Artijiet tal-Istat, Kap 62:01	Statiku
D.1.1.2 Fakultattiv	Ir-resident tal-Villaġġ Amerindjan ikollu permess bil-miktub mal-FSO biex jinvolvi ruħu f’attivitajiet kummerċjali relatati mal-ħsad jew l-estrazzjoni fl-artijiet tal-villaġġ.	Permess bil-miktub bejn il-KV u l-FSO (residenti) (GFC)	It-Taqsima 54 tal-Att dwar l-Amerindjani, Kap 29:01	Statiku
D.1.1.3 Fakultattiv	L-individwu mhux residenti jkollu kunsens bil-miktub mal-FSO biex jinvolvi ruħu f’attivitajiet kummerċjali relatati mal-ħsad jew l-estrazzjoni fl-artijiet tal-villaġġ.	Kunsens bil-miktub bejn il-KV u l-FSO (mhux residenti) (GFC)	It-Taqsima 55 tal-Att dwar l-Amerindjani, Kap 29:01	Statiku
Kriterju 1.2	L-FSO jirrispetta d-drittijiet legali tal-utenti tal-partijiet l-oħrajn
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
D.1.2.1	L-FSO jaħsad il-prodotti tal-injam fil-konfini tal-artijiet tal-villaġġ.	Rapport ta’ spezzjoni (GFC/FMD)	It-Taqsima 55 tal-Att dwar l-Amerindjani, Kap 29:01	Statiku
D.1.2.2	L-FSO ma jfixkilx l-eżerċitar tad-drittijiet tradizzjonali tal-popli Amerindjani.	Rapport ta’ spezzjoni (GFC/FMD)	It-Taqsima 5(2)(e) tal-Att dwar il-Foresti Nru 6 tal-2009, It-Taqsimiet 55 u 57 tal-Att dwar l-Amerindjani, Kap 29:01	Statiku
Prinċipju 2	L-FSO jkun konformi mal-obbligi tal-operat tal-foresti
Kriterju 2.1	L-FSO jkun konformi mar-rekwiżiti tal-ġestjoni tal-foresti, tal-ambjent u tad-WTS
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
D.2.1.1	L-FSO jkun konformi mar-rekwiżiti tad-WTS.	Rapport ta’ verifika tad-WTS (GFC/FMD)	Ir-Regolamenti 23, 24, 25, 26 u 27 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam 8	Dinamiku
Prinċipju 3	L-FSO jkun konformi mal-obbligi fiskali u soċjali tiegħu
Kriterju 3.1	L-FSO jikkonforma mar-rekwiżiti tat-taxxa applikabbli
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
D.3.1.1	L-FSO jkun konformi mar-rekwiżiti tat-taxxa tal-iskeda tat-taxxa applikabbli ppubblikata mill-RA.	Wieħed mill-verifikaturi li ġejjin: (i)    ċertifikat validu tan-numru ta’ identifikazzjoni tat-taxxa (għall-FSOs li jkunu ilhom inqas minn sena joperaw) (RA) (ii)    irċevuta ta’ preżentazzjoni (għall-FSOs li jkunu ilhom aktar minn sena joperaw) (RA)	Għaż-żewġ verifikaturi: It-Taqsima 4 tal-Att dwar it-Taxxa Korporattiva, Kap 81:03, Taqsima 60A tal-Att dwar it-Taxxa fuq l-Introjtu, Kap 81:01	Statiku
Kriterju 3.2	L-FSO jikkonforma mal-obbligi tiegħu b’rabta mal-liġi dwar l-impjiegi u r-rekwiżiti tas-sigurtà soċjali
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
D.3.2.1	L-FSO jkollu ċertifikat ta’ konformità.	Ċertifikat ta’ konformità (NIB)	It-Taqsima 16 tal-Att Nazzjonali dwar l-Assigurazzjoni u s-Sigurtà Soċjali, ir-Regolamenti 4, 5, 14, 15 u 19 tar-Regolamenti dwar l-Assigurazzjoni Nazzjonali u s-Sigurtà Soċjali (Ġbir ta’ Kontribuzzjonijiet)	Statiku
D.3.2.2	L-FSO jimpjega persuni ’l fuq mill-etajiet statutorji rilevanti f’konformità mal-operazzjonijiet li jkunu qed jitwettqu.	Rapport ta’ spezzjoni (MOL)	It-Taqsima 41 tal-Att dwar is-Saħħa u s-Sikurezza Okkupazzjonali, Kap 99:10, It-Taqsimiet 2 u 3 tal-Att dwar l-Impjieg taż-Żgħażagħ u tat-Tfal, Kap 99:01	Statiku
D.3.2.3	L-FSO jħallas lill-impjegati bil-paga minima statutorja jew ogħla.	Rapport ta’ spezzjoni (MOL)	It-Taqsimiet 8 u 11 tal-Att dwar ix-Xogħol, Kap 98:01, it-Taqsima 4 u l-Iskeda tal-Ordni Nazzjonali tax-Xogħol (Paga Minima) Nru. 15 tal-2016	Statiku
D.3.2.4	L-FSO jiżgura li l-faċilitajiet tal-ewwel għajnuna jkunu disponibbli jew fornuti fuq il-post tax-xogħol.	Rapport ta’ spezzjoni (MOL)	It-Taqsima 47(1)(n) tal-Att dwar is-Saħħa u s-Sikurezza Okkupazzjonali, Kap 99:10	Statiku
D.3.2.5	L-FSO jiżgura li l-ħaddiema jiġu pprovduti bil-PPE applikabbli.	Rapport ta’ spezzjoni (MOL)	It-Taqsima 46 tal-Att dwar is-Saħħa u s-Sikurezza Okkupazzjonali, Kap 99:10, it-Taqsima 17 tal-Att dwar il-Foresti Nru 6 tal-2009	Statiku
D.3.2.6	L-FSO jirrapporta u jirreġistra l-inċidenti kollha ta’ aċċidenti u korrimenti fuq il-post tax-xogħol.	Rapport ta’ spezzjoni (MOL)	It-Taqsima 69 tal-Att dwar is-Saħħa u s-Sikurezza Okkupazzjonali, Kap 99:10	Statiku
D.3.2.7	L-FSO jkun konformi mal-leġiżlazzjoni dwar in-nondiskriminazzjoni.	Rapport ta’ spezzjoni (MOL)	It-Taqsimiet 4(2) u 5 tal-Att dwar il-Prevenzjoni tad-Diskriminazzjoni, Kap 99:09	Statiku

4.5    Matriċi tal-legalità E għall-artijiet privati

Prinċipju 1	L-FSO jkollu d-dritt legali li jaħsad
Kriterju 1.1	L-FSO jkollu d-dritt legali li jaħsad
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
E.1.1.1	L-FSO jkollu titolu legali għall-art forestali fejn ikunu qed iseħħu l-attivitajiet kummerċjali.	Wieħed mill-verifikaturi li ġejjin: (i)    titolu assolut (Reġistru tal-Artijiet) (ii)    trasport (Reġistru tal-Atti) (iii)    għotja assoluta (GL&SC)	(i)    it-Taqsimiet 65 u 66 tal-Att dwar ir-Reġistru tal-Artijiet, Kap. 5:02 (ii)    it-Taqsima 22 (1) tal-Att dwar ir-Reġistru tal-Atti, Kap. 5:01 (iii)    it-Taqsima 3(1)(a) tal-Att dwar l-Artijiet tal-Istat, Kap. 62:01	Statiku
E.1.1.2 Fakultattiv	L-FSO jkollu ftehim legali ma’ parti terza għall-ħsad u/jew l-estrazzjoni fi ħdan l-art privata.	Ftehim bejn l-FSO u parti terza (GFC/FMD)	It-Taqsima 16 tal-Att dwar il-Foresti Il-Linji Gwida dwar is-Sistema ta’ Rintraċċar tal-Injam 9	Statiku
Prinċipju 2	L-FSO jkun konformi mal-obbligi tal-operat tal-foresti
Kriterju 2.1	L-FSO jikkonforma mar-rekwiżiti tad-WTS
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
E.2.1.1	L-FSO jkun konformi mar-rekwiżiti tad-WTS.	Rapport ta’ verifika tad-WTS (GFC/FMD)	Ir-Regolamenti 23, 24, 25, 26 u 27 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam	Dinamiku
E.2.1.2	L-FSO jaħsad il-prodotti tal-injam fil-konfini tal-art privata.	Rapport ta’ spezzjoni tal-FMD (GFC/FMD)	It-Taqsima 21 tal-Att dwar l-Artijiet tal-Istat, Kap 62:01, il-Linji Gwida dwar is-Sistema ta’ Rintraċċar tal-Injam	Statiku
Prinċipju 3	L-FSO jkun konformi mal-obbligi fiskali u soċjali tiegħu
Kriterju 3.1	L-FSO jikkonforma mar-rekwiżiti tat-taxxa applikabbli
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
E.3.1.1	L-FSO jkun konformi mar-rekwiżiti tat-taxxa tal-iskeda tat-taxxa applikabbli ppubblikata mill-RA.	Wieħed mill-verifikaturi li ġejjin: (i)    ċertifikat validu tan-numru ta’ identifikazzjoni tat-taxxa (għall-FSOs li jkunu ilhom inqas minn sena joperaw) (RA) (ii)    irċevuta ta’ preżentazzjoni (għall-FSOs li jkunu ilhom aktar minn sena joperaw) (RA)	Għaż-żewġ verifikaturi: It-Taqsima 4 tal-Att dwar it-Taxxa Korporattiva, Kap 81:03, Taqsima 60A tal-Att dwar it-Taxxa fuq l-Introjtu, Kap 81:01	Statiku
Kriterju 3.2	L-FSO jikkonforma mal-obbligi tiegħu b’rabta mal-liġi dwar l-impjiegi u r-rekwiżiti tas-sigurtà soċjali
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
E.3.2.1	L-FSO jkollu ċertifikat ta’ konformità.	Ċertifikat ta’ konformità (NIB)	It-Taqsima 16 tal-Att Nazzjonali dwar l-Assigurazzjoni u s-Sigurtà Soċjali, ir-Regolamenti 4, 5, 14, 15 u 19 tar-Regolamenti dwar l-Assigurazzjoni Nazzjonali u s-Sigurtà Soċjali (Ġbir ta’ Kontribuzzjonijiet)	Statiku
E.3.2.2	L-FSO jimpjega persuni ’l fuq mill-etajiet statutorji rilevanti f’konformità mal-operazzjonijiet li jkunu qed jitwettqu.	Rapport ta’ spezzjoni (MOL)	It-Taqsima 41 tal-Att dwar is-Saħħa u s-Sikurezza Okkupazzjonali, Kap 99:10, It-Taqsimiet 2 u 3 tal-Att dwar l-Impjieg taż-Żgħażagħ u tat-Tfal, Kap 99:01	Statiku
E.3.2.3	L-FSO jħallas lill-impjegati bil-paga minima statutorja jew ogħla.	Rapport ta’ spezzjoni (MOL)	It-Taqsima 8 u 11 tal-Att dwar ix-Xogħol, Kap 98:01 It-Taqsima 4 u l-Iskeda tal-Ordni Nazzjonali tax-Xogħol (Paga Minima) Nru. 15 tal-2016	Statiku
E.3.2.4	L-FSO jiżgura li l-faċilitajiet tal-ewwel għajnuna jkunu disponibbli jew fornuti fuq il-post tax-xogħol.	Rapport ta’ spezzjoni (MOL)	It-Taqsima 47(1)(n) tal-Att dwar is-Saħħa u s-Sikurezza Okkupazzjonali, Kap 99:10	Statiku
E.3.2.5	L-FSO jiżgura li l-ħaddiema jiġu pprovduti bil-PPE applikabbli.	Rapport ta’ spezzjoni (MOL)	It-Taqsima 46 tal-Att dwar is-Saħħa u s-Sikurezza Okkupazzjonali, Kap 99:10, it-Taqsima 17 tal-Att dwar il-Foresti Nru 6 tal-2009	Statiku
E.3.2.6	L-FSO jirrapporta u jirreġistra l-inċidenti kollha ta’ aċċidenti u korrimenti fuq il-post tax-xogħol.	Rapport ta’ spezzjoni (MOL)	It-Taqsima 69 tal-Att dwar is-Saħħa u s-Sikurezza Okkupazzjonali, Kap 99:10	Statiku
E.3.2.7	L-FSO jkun konformi mal-leġiżlazzjoni dwar in-nondiskriminazzjoni.	Rapport ta’ spezzjoni (MOL)	It-Taqsimiet 4(2) u 5 tal-Att dwar il-Prevenzjoni tad-Diskriminazzjoni, Kap 99:09	Statiku

4.6    Matriċi tal-legalità F għall-prodotti tal-injam salvati minn artijiet tal-Istat f’konverżjoni

Prinċipju 1	L-FSO jkollu d-drittijiet legali li jaħsad u jirrispetta d-drittijiet tal-użu legali tal-partijiet l-oħrajn
Kriterju 1.1	L-FSO jkollu d-dritt legali li jaħsad
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
F.1.1.1	L-FSO jkun id-detentur ta’: (i)    lokazzjoni (ii)    permess jew liċenzja għall-estrazzjoni (iii)    awtorizzazzjoni għad-dħul fi kwalunkwe art u għat-twettiq tax-xogħlijiet għall-finijiet tal-kostruzzjoni u l-manutenzjoni ta’ kwalunkwe triq; inkluż it-tqattigħ u t-tneħħija ta’ prodotti tal-injam, jew finijiet oħrajn (iv)    liċenzja għall-kostruzzjoni u l-manutenzjoni ta’ impjant idroelettriku.	Wieħed mill-verifikaturi li ġejjin: (i)    lokazzjoni (GLSC) (ii)    permess/liċenzja għall-estrazzjoni (GGMC) (iii)     permess bil-miktub mill-Ministeru tal-Infrastruttura Pubblika (MPW) (iv)    Idroliċenzja (l-Uffiċċju tal-President)	(i)    it-Taqsima 3(1)(a) tal-Att dwar l-Artijiet tal-Istat, Kap. 62:01 (ii)    It-Taqsima 7 tal-Att dwar il-Estrazzjoni, Kap. 65:01 (iii)    It-Taqsimiet 3 u 4 tal-Att dwar l-Artijiet Pubbliċi (Toroq Privati), Kap. 62:03, Regolament 2 tar-Regolamenti dwar l-Artijiet Pubbliċi u t-Toroq Privati (il-Qtugħ tas-Siġar) (iv)    It-Taqsimiet 5, 6 u 7 tal-Att dwar l-Enerġija Idroelettrika, Kap. 56:03	Statiku
F.1.1.2 Fakultattiv	L-FSO jkollu ftehim legali ma’ parti terza għall-ħsad u/jew l-estrazzjoni fil-proprjetà tal-FSO.	Ftehim bejn l-FSO u parti terza (GFC/FMD)	It-Taqsima 16 tal-Att dwar il-Kumpaniji Il-Linji Gwida dwar is-Sistema ta’ Rintraċċar tal-Injam 10	Statiku
Kriterju 1.2	L-FSO jirrispetta d-drittijiet legali tal-utenti tal-partijiet l-oħrajn
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
F.1.2.1	L-FSO jaħsad fil-konfini ta’ waħda minn dawn li ġejjin: (i)    lokazzjoni (ii)    permess jew liċenzja għall-estrazzjoni (iii)    f’żona fejn l-MPW u/jew l-Aġenzija tal-Enerġija tal-Guyana ġew awtorizzati kif xieraq biex iwettqu proġetti	Rapport ta’ spezzjoni tal-FMD (GFC/FMD)	(i)    it-Taqsima 3 tal-Att dwar l-Artijiet tal-Istat, Kap 62:01 (ii)    It-Taqsimiet 7 u 135(2)(zc) tal-Att dwar l-Estrazzjoni, Kap 65:01 (iii)    It-Taqsimiet 3 u 4 tal-Att dwar l-Artijiet Pubbliċi (Toroq Privati), Kap. 62:03, it-Taqsima 6(2) tal-Att dwar l-Enerġija Idroelettrika, Kap. 56:03	Statiku
F.1.2.2	L-FSO ma jfixkilx l-eżerċitar tad-drittijiet tradizzjonali tal-popli Amerindjani.	Rapport ta’ spezzjoni tal-FMD (GFC/FMD)	It-Taqsima 5(2)(e) tal-Att dwar il-Foresti Nru 6 tal-2009, It-Taqsimiet 55 u 57 tal-Att dwar l-Amerindjani, Kap 29:01	Statiku
F.1.2.3	L-FSO ma jfixkilx l-eżerċitar tad-drittijiet legali tal-utenti ta’ gruppi individwali oħrajn.	Rapport ta’ spezzjoni tal-FMD (GFC/FMD)	It-Taqsima 5(2) tal-Att dwar il-Foresti Nru 6 tal-2009	Statiku
Prinċipju 2	L-FSO jkun konformi mal-obbligi tal-operat tal-foresti
Kriterju 2.1	L-FSO jkun konformi mar-rekwiżiti tal-ġestjoni tal-foresti, tal-ambjent u tad-WTS
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
F.2.1.1	L-FSO jkun konformi mar-rekwiżiti tad-WTS.	Rapport ta’ verifika tad-WTS (GFC/FMD)	Ir-Regolamenti 23, 24, 25, 26 u 27 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam	Dinamiku
F.2.1.2 (applikabbli għal FSO li huwa meħtieġ li jkun konformi ma’ IV ta’ F.1.1.1)	L-FSO jkollu awtorizzazzjoni ambjentali biex jibni u jagħmel il-manutenzjoni ta’ impjant idroelettriku.	Permess tal-kostruzzjoni (EPA)	It-Taqsima 21(1)(a) tal-Att dwar il-Protezzjoni tal-Ambjent, Kap 20:05, Regolamenti 18 u 19 tar-Regolamenti dwar il-Protezzjoni tal-Ambjent (Awtorizzazzjonijiet)	Statiku
Prinċipju 3	L-FSO jkun konformi mal-obbligi fiskali u soċjali tiegħu
Kriterju 3.1	L-FSO jkun konformi mal-ħlas tat-tariffi, id-debiti u l-imposti meħtieġa
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
F.3.1.1	L-FSO jkun konformi mar-rekwiżiti għall-ħlasijiet tat-tariffi, id-debiti u l-imposti tal-ġestjoni.	Wieħed miż-żewġ verifikaturi li ġejjin: (i)    irċevuti fuq l-iskedi tal-pagamenti (GFC/FD) (ii)    irċevuti għall-pagamenti sħaħ (GFC/FD)	Għaż-żewġ verifikaturi: Il-Linji Gwida dwar is-Sistema ta’ Rintraċċar tal-Injam	Dinamiku
F.3.1.2	L-FSO jkun konformi mar-rekwiżiti tat-taxxa tal-iskeda tat-taxxa applikabbli ppubblikata mill-RA.	Wieħed mill-verifikaturi li ġejjin: (i)    ċertifikat validu tan-numru ta’ identifikazzjoni tat-taxxa (għall-FSOs li jkunu ilhom inqas minn sena joperaw) (RA) (ii)    irċevuta ta’ preżentazzjoni (għall-FSOs li jkunu ilhom aktar minn sena joperaw) (RA)	Għaż-żewġ verifikaturi: It-Taqsima 4 tal-Att dwar it-Taxxa Korporattiva, Kap 81:03, Taqsima 60A tal-Att dwar it-Taxxa fuq l-Introjtu, Kap 81:01	Statiku
Kriterju 3.2	L-FSO jikkonforma mal-obbligi tiegħu b’rabta mal-liġi dwar l-impjiegi u r-rekwiżiti tas-sigurtà soċjali
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
F.3.2.1	L-FSO jkollu ċertifikat ta’ konformità.	Ċertifikat ta’ konformità (NIB)	It-Taqsima 16 tal-Att Nazzjonali dwar l-Assigurazzjoni u s-Sigurtà Soċjali, ir-Regolamenti 4, 5, 14, 15 u 19 tar-Regolamenti dwar l-Assigurazzjoni Nazzjonali u s-Sigurtà Soċjali (Ġbir ta’ Kontribuzzjonijiet)	Statiku
F.3.2.2	L-FSO jimpjega persuni ’l fuq mill-etajiet statutorji rilevanti f’konformità mal-operazzjonijiet li jkunu qed jitwettqu.	Rapport ta’ spezzjoni (MOL)	It-Taqsima 41 tal-Att dwar is-Saħħa u s-Sikurezza Okkupazzjonali, Kap 99:10, It-Taqsimiet 2 u 3 tal-Att dwar l-Impjieg taż-Żgħażagħ u tat-Tfal, Kap 99:01	Statiku
F.3.2.3	L-FSO jħallas lill-impjegati bil-paga minima statutorja jew ogħla.	Rapport ta’ spezzjoni (MOL)	It-Taqsimiet 8 u 11 tal-Att dwar ix-Xogħol, Kap 98:01, it-Taqsima 4 u l-Iskeda tal-Ordni Nazzjonali tax-Xogħol (Paga Minima) Nru. 15 tal-2016	Statiku
F.3.2.4	L-FSO jiżgura li l-faċilitajiet tal-ewwel għajnuna jkunu disponibbli jew fornuti fuq il-post tax-xogħol.	Rapport ta’ spezzjoni (MOL)	It-Taqsima 47(1)(n) tal-Att dwar is-Saħħa u s-Sikurezza Okkupazzjonali, Kap 99:10	Statiku
F.3.2.5	L-FSO jiżgura li l-ħaddiema jiġu pprovduti bil-PPE applikabbli.	Rapport ta’ spezzjoni (MOL)	It-Taqsima 46 tal-Att dwar is-Saħħa u s-Sikurezza Okkupazzjonali, Kap 99:10, it-Taqsima 17 tal-Att dwar il-Foresti Nru 6 tal-2009	Statiku
F.3.2.6	L-FSO jirrapporta u jirreġistra l-inċidenti kollha ta’ aċċidenti u korrimenti fuq il-post tax-xogħol.	Rapport ta’ spezzjoni (MOL)	It-Taqsima 69 tal-Att dwar is-Saħħa u s-Sikurezza Okkupazzjonali, Kap 99:10	Statiku
F.3.2.7	L-FSO jkun konformi mal-leġiżlazzjoni dwar in-nondiskriminazzjoni.	Rapport ta’ spezzjoni (MOL)	It-Taqsimiet 4(2) u 5 tal-Att dwar il-Prevenzjoni tad-Diskriminazzjoni, Kap 99:09	Statiku

4.7    Matriċi tal-legalità G għall-prodotti tal-injam maqbuda 11

Prinċipju 1	Il-prodotti tal-injam maqbuda jiġu ġestiti skont ir-rekwiżiti legali
Kriterju 1.1	L-FSO jkun konformi mar-regoli għall-użu tal-prodotti tal-injam maqbuda.
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
G.1.1.1	L-FSO huwa d-detentur ta’ waħda minn dawn li ġejjin għall-prodotti tal-injam maqbuda: (i)    formola ta’ sekwestru (ii)    formola ta’ kustodja	Wieħed mill-verifikaturi li ġejjin: (i)    formola ta’ sekwestru (GFC/FMD) (ii)    formola ta’ kustodja (GFC/FMD)	It-Taqsima 58 tal-Att dwar il-Foresti Nru 6 tal-2009, Il-Linji Gwida dwar is-Sistema ta’ Rintraċċar tal-Injam 12	Dinamiku
G.1.1.2	L-FSO jkun konformi mal-obbligi legali kollha relatati mal-prodotti tal-injam maqbuda biex jerġgħu jiddaħħlu fil-katina tal-provvista.	Il-pass tal-approvazzjoni tal-GFC (GFC/FMD)	It-Taqsimiet 58(5), 58(7), 60, 70(5) u 71 tal-Att dwar il-Foresti Nru 6 tal-2009, Il-Linji Gwida dwar is-Sistema ta’ Rintraċċar tal-Injam	Dinamiku

4.8    Matriċi tal-legalità H għall-ipproċessar u l-bejgħ ta’ prodotti tal-injam

Prinċipju 1	L-FSO jkun konformi mar-rekwiżiti tal-ipproċessar u l-bejgħ tal-injam
Kriterju 1.1	L-FSO jkun konformi mar-rekwiżiti tal-ħruġ tal-liċenzji applikabbli
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
H.1.1.1	L-FSO jkollu liċenzja operattiva annwali.	Liċenzja operattiva annwali (GFC/FMD)	It-Taqsima 39 tal-Att dwar il-Foresti Nru 6 tal-2009, Ir-Regolamenti 29, 30 u 31 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam 13	Statiku
H.1.1.2 fakultattiv	L-FSO jkollu liċenzja valida ta’ negozjant tal-prodotti tal-foresti.	Liċenzja ta’ negozjant tal-prodotti tal-foresti (GFC/FMD)	It-Taqsima 41 tal-Att dwar il-Foresti Nru 6 tal-2009, Ir-Regolamenti 32, 33 u 34 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam	Statiku
H.1.1.3 fakultattiv	L-FSO jkollu liċenzja valida għal impjant għall-ipproċessar tal-injam.	Liċenzja ta’ impjant għall-ipproċessar tal-injam (GFC/FMD)	It-Taqsima 40 tal-Att dwar il-Foresti Nru 6 tal-2009 Il-Linji Gwida dwar is-Sistema ta’ Rintraċċar tal-Injam	Statiku
Prinċipju 2	L-FSO jkun konformi mal-obbligi tal-operat tal-foresti
Kriterju 2.1	L-FSO jkun konformi mar-rekwiżiti tal-ġestjoni tal-foresti, tal-ambjent u tad-WTS
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
H.2.1.1	L-FSO jkollu awtorizzazzjoni ambjentali.	Wieħed mill-verifikaturi li ġejjin: (i)    permess ambjentali (EPA) (ii)    permess tal-operat (EPA)	Għaż-żewġ verifikaturi: It-Taqsimiet 11, 12, 13, 15 u 21 (1)(b) tal-Att dwar il-Protezzjoni tal-Ambjent, Kap 20:05, Regolamenti 18 u 19 tar-Regolamenti dwar il-Protezzjoni tal-Ambjent (Awtorizzazzjonijiet)	Statiku
H.2.1.2	L-FSO jkun konformi mar-rekwiżiti tad-WTS.	Rapport ta’ verifika tad-WTS (GFC/FMD)	Il-Linji Gwida dwar is-Sistema ta’ Rintraċċar tal-Injam	Dinamiku
Prinċipju 3	L-FSO jkun konformi mal-obbligi fiskali u soċjali tiegħu
Kriterju 3. 1	L-FSO jkun konformi mal-ħlas tat-tariffi, id-debiti u l-imposti meħtieġa
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
H.3.1.1	L-FSO jkun konformi mar-rekwiżiti għall-pagamenti tat-tariffi tal-ġestjoni.	Wieħed miż-żewġ verifikaturi li ġejjin: (i)    irċevuti fuq l-iskedi tal-pagamenti (GFC/FD) (ii)    irċevuti għall-pagamenti sħaħ (GFC/FD)	Għaż-żewġ verifikaturi: Ir-Regolament 53 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam	Dinamiku
H.3.1.2	L-FSO jkun konformi mar-rekwiżiti tat-taxxa tal-iskeda tat-taxxa applikabbli ppubblikata mill-RA.	Wieħed mill-verifikaturi li ġejjin: (i)    ċertifikat validu tan-numru ta’ identifikazzjoni tat-taxxa (għall-FSOs li jkunu ilhom inqas minn sena joperaw) (RA) (ii)    irċevuta ta’ preżentazzjoni (għall-FSOs li jkunu ilhom aktar minn sena joperaw) (RA)	Għaż-żewġ verifikaturi: It-Taqsima 4 tal-Att dwar it-Taxxa Korporattiva, Kap 81:03, Taqsima 60A tal-Att dwar it-Taxxa fuq l-Introjtu, Kap 81:01	Statiku
Kriterju 3.2	L-FSO jikkonforma mal-obbligi tiegħu b’rabta mal-liġi dwar l-impjiegi u r-rekwiżiti tas-sigurtà soċjali
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
H.3.2.1	L-FSO jkollu ċertifikat ta’ konformità.	Ċertifikat ta’ konformità (NIB)	It-Taqsima 16 tal-Att Nazzjonali dwar l-Assigurazzjoni u s-Sigurtà Soċjali, Kap 36:01, Ir-Regolamenti 4, 5, 14, 15 u 19 tar-Regolamenti Nazzjonali dwar l-Assigurazzjoni u s-Sigurtà Soċjali (il-Ġbir ta’ Kontribuzzjonijiet)	Statiku
H.3.2.2	L-FSO jimpjega persuni ’l fuq mill-etajiet statutorji rilevanti f’konformità mal-operazzjonijiet li jkunu qed jitwettqu.	Rapport ta’ spezzjoni (MOL)	It-Taqsima 41 tal-Att dwar is-Saħħa u s-Sikurezza Okkupazzjonali, Kap 99:10, It-Taqsimiet 2 u 3 tal-Att dwar l-Impjieg taż-Żgħażagħ u tat-Tfal, Kap 99:01	Statiku
H.3.2.3	L-FSO jħallas lill-impjegati bil-paga minima statutorja jew ogħla.	Rapport ta’ spezzjoni (MOL)	It-Taqsimiet 8 u 11 tal-Att dwar ix-Xogħol, Kap 98:01, it-Taqsima 4 u l-Iskeda tal-Ordni Nazzjonali tax-Xogħol (Paga Minima) Nru. 15 tal-2016	Statiku
H.3.2.4	L-FSO jiżgura li l-faċilitajiet tal-ewwel għajnuna jkunu disponibbli jew fornuti fuq il-post tax-xogħol.	Rapport ta’ spezzjoni (MOL)	It-Taqsima 47(1)(n) tal-Att dwar is-Saħħa u s-Sikurezza Okkupazzjonali, Kap 99:10	Statiku
H.3.2.5	L-FSO jiżgura li l-ħaddiema jiġu pprovduti bil-PPE applikabbli.	Rapport ta’ spezzjoni (MOL)	It-Taqsima 46 tal-Att dwar is-Saħħa u s-Sikurezza Okkupazzjonali, Kap 99:10, it-Taqsima 17 tal-Att dwar il-Foresti Nru 6 tal-2009	Statiku
H.3.2.6	L-FSO jirrapporta u jirreġistra l-inċidenti kollha ta’ aċċidenti u korrimenti fuq il-post tax-xogħol.	Rapport ta’ spezzjoni (MOL)	It-Taqsima 69 tal-Att dwar is-Saħħa u s-Sikurezza Okkupazzjonali, Kap 99:10	Statiku
H.3.2.7	L-FSO jkun konformi mal-leġiżlazzjoni dwar in-nondiskriminazzjoni.	Rapport ta’ spezzjoni (MOL)	It-Taqsimiet 4(2) u 5 tal-Att dwar il-Prevenzjoni tad-Diskriminazzjoni, Kap 99:09	Statiku

4.9    Matriċi tal-legalità I għall-esportazzjoni u l-importazzjoni ta’ prodotti tal-injam

Prinċipju 1	L-FSO jkun konformi mar-rekwiżiti tal-esportazzjoni u l-importazzjoni ta’ prodotti tal-injam
Kriterju 1.1	L-FSO jikkonforma mar-rekwiżiti tal-esportazzjoni u mad-WTS
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
I.1.1.1	L-FSO jkollu liċenzja valida biex jesporta prodotti tal-injam.	Wieħed mill-verifikaturi li ġejjin: (i)    liċenzja ta’ negozjant tal-prodotti tal-foresti (GFC/FMD) (ii)    liċenzja operattiva annwali (GFC/FMD) (iii)    iii) liċenzja ta’ impjant għall-ipproċessar tal-injam (GFC/FMD)	(i)    It-Taqsima 41 tal-Att dwar il-Foresti Nru 6 tal-2009, ir-Regolamenti 32, 33 u 34 tar-Regolamenti dwar il-Foresti tal-2018 (ii)    Ir-Regolament 31(a)(iii) tar-Regolament dwar il-Foresti tal-2018, it-Taqsima 39 tal-Att dwar il-Foresti Nru 6 tal-2009 (iii)    It-Taqsima 40(2) tal-Att dwar il-Foresti Nru 6 tal-2009	Statiku
I.1.1.2	L-FSO jkollu awtorizzazzjoni biex jesporta.	(i)    Ċertifikat tal-esportazzjoni (GFC/FMD) (ii)    Permess tas-CITES (fejn applikabbli) (il-Kummissjoni għall-Konservazzjoni u l-Ġestjoni tal-Organiżmi Selvaġġi, GFC/FMD)	(i)    It-Taqsima 44 tal-Att dwar il-Foresti Nru 6 tal-2009 Il-Linji Gwida dwar is-Sistema ta’ Rintraċċar tal-Injam 14 (ii)    It-Taqsima 29(1) tal-Att dwar il-Konservazzjoni u l-Ġestjoni tal-Organiżmi Selvaġġi tal-2016	Dinamiku
I.1.1.3	L-FSO jkun konformi mar-rekwiżiti tad-WTS.	Rapport ta’ verifika tad-WTS (GFC/FMD)	Ir-Regolamenti 23, 24, 25, 26 u 27 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam	Dinamiku
I.1.1.4	L-FSO jkun konformi mar-rekwiżiti għall-pagamenti tal-imposti fuq l-esportazzjoni.	Irċevuti (GFC/FD)	Ir-Regolament 41 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam	Dinamiku
Kriterju 1.2	L-FSO jikkonforma mar-rekwiżiti tal-importazzjoni u mad-WTS
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
I.1.2.1	L-FSO jkollu liċenzja tal-importazzjoni.	Liċenzja tal-importazzjoni (GFC/FMD)	It-Taqsima 37 tal-Att dwar il-Foresti Nru 6 tal-2009, ir-Regolament 36 tar-Regolamenti dwar il-Foresti tal-2018	Statiku
I.1.2.2	L-FSO jkollu permess tal-importazzjoni.	Permess tal-importazzjoni (NPPO)	It-Taqsima 8 tal-Att dwar il-Foresti Nru 9 tal-2011	Dinamiku
I.1.2.3	L-FSO jeżerċita diliġenza dovuta biex jimminimizza r-riskju tal-importazzjoni ta’ prodotti tal-injam ta’ oriġini illegali.	(i)    Rapport ta’ valutazzjoni tad-diliġenza dovuta (NPPO) (ii)    Permess tas-CITES, fejn applikabbli (il-Kummissjoni għall-Konservazzjoni u l-Ġestjoni tal-Organiżmi Selvaġġi)	(i)    Ir-Regolament 36(3) tar-Regolamenti dwar il-Foresti tal-2018 (ii)    It-Taqsima 29(1) tal-Att dwar il-Konservazzjoni u l-Ġestjoni tal-Organiżmi Selvaġġi, Kap 22 tal-2016	Dinamiku
I.1.2.4	L-FSO jkun konformi mar-rekwiżiti tad-WTS.	Rapport ta’ verifika tad-WTS (GFC/FMD)	Ir-Regolamenti 23, 24, 25, 26 u 27 tar-Regolamenti dwar il-Foresti tal-2018, Il-Linji Gwida dwar is-Sistema ta’ Rintraċċar tal-Injam	Dinamiku
Prinċipju 2	L-FSO jikkonforma mal-obbligi fiskali u soċjali tiegħu (dan japplika biss għall-FSOs li jkunu qegħdin jesportaw u/jew jimportaw u li mhumiex koperti minn matriċijiet oħrajn)
Kriterju 2.1	L-FSO jikkonforma mal-obbligi fiskali meħtieġa
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
I.2.1.1	L-FSO jkun konformi mar-rekwiżiti tat-taxxa tal-iskeda tat-taxxa applikabbli ppubblikata mill-RA.	Wieħed mill-verifikaturi li ġejjin: (i)    ċertifikat validu tan-numru ta’ identifikazzjoni tat-taxxa (għall-FSOs li jkunu ilhom inqas minn sena joperaw) (RA) (ii)    irċevuta ta’ preżentazzjoni (għall-FSOs li jkunu ilhom aktar minn sena joperaw) (RA)	Għaż-żewġ verifikaturi: It-Taqsima 4 tal-Att dwar it-Taxxa Korporattiva, Kap 81:03, Taqsima 60A tal-Att dwar it-Taxxa fuq l-Introjtu, Kap 81:01	Statiku
Kriterju 2.2	L-FSO jikkonforma mal-obbligi tiegħu b’rabta mal-liġi dwar l-impjiegi u r-rekwiżiti tas-sigurtà soċjali
Numru tal-indikatur	Indikatur	Verifikaturi (aġenzija responsabbli)	Referenzi leġiżlattivi/amministrattivi	Tip ta’ verifikatur
I.2.2.1	L-FSO jkollu ċertifikat ta’ konformità.	Ċertifikat ta’ konformità (NIB)	It-Taqsima 16 tal-Att Nazzjonali dwar l-Assigurazzjoni u s-Sigurtà Soċjali, Kap 36:01, Ir-Regolamenti 4, 5, 14, 15 u 19 tar-Regolamenti Nazzjonali dwar l-Assigurazzjoni u s-Sigurtà Soċjali (il-Ġbir ta’ Kontribuzzjonijiet)	Statiku
I.2.2.2	L-FSO jimpjega persuni ’l fuq mill-etajiet statutorji rilevanti f’konformità mal-operazzjonijiet li jkunu qed jitwettqu.	Rapport ta’ spezzjoni (MOL)	It-Taqsima 41 tal-Att dwar is-Saħħa u s-Sikurezza Okkupazzjonali, Kap 99:10, It-Taqsimiet 2 u 3 tal-Att dwar l-Impjieg taż-Żgħażagħ u tat-Tfal, Kap 99:01	Statiku
I.2.2.3	L-FSO jħallas lill-impjegati bil-paga minima statutorja jew ogħla.	Rapport ta’ spezzjoni (MOL)	It-Taqsima 8 u 11 tal-Att dwar ix-Xogħol, Kap 98:01, it-Taqsima 4 u l-Iskeda tal-Ordni Nazzjonali tax-Xogħol (Paga Minima) Nru. 15 tal-2016	Statiku
I.2.2.4	L-FSO jiżgura li l-faċilitajiet tal-ewwel għajnuna jkunu disponibbli jew fornuti fuq il-post tax-xogħol.	Rapport ta’ spezzjoni (MOL)	It-Taqsima 47(1)(n) tal-Att dwar is-Saħħa u s-Sikurezza Okkupazzjonali, Kap 99:10	Statiku
I.2.2.5	L-FSO jiżgura li l-ħaddiema jiġu pprovduti bil-PPE applikabbli.	Rapport ta’ spezzjoni (MOL)	It-Taqsima 46 tal-Att dwar is-Saħħa u s-Sikurezza Okkupazzjonali, Kap 99:10, it-Taqsima 17 tal-Att dwar il-Foresti Nru 6 tal-2009	Statiku
I.2.2.6	L-FSO jirrapporta u jirreġistra l-inċidenti kollha ta’ aċċidenti u korrimenti fuq il-post tax-xogħol.	Rapport ta’ spezzjoni (MOL)	It-Taqsima 69 tal-Att dwar is-Saħħa u s-Sikurezza Okkupazzjonali, Kap 99:10	Statiku
I.2.2.7	L-FSO jkun konformi mal-leġiżlazzjoni dwar in-nondiskriminazzjoni.	Rapport ta’ spezzjoni (MOL)	It-Taqsimiet 4(2) u 5 tal-Att dwar il-Prevenzjoni tad-Diskriminazzjoni, Kap 99:09	Statiku

5.    Glossarju

Amerindjan    “Amerindjan” huwa definit fit-taqsima 2 tal-Att dwar l-Amerindjani, Kap 29:01 bħala kwalunkwe ċittadin tal-Guyana li jappartjeni għal kwalunkwe wieħed mill-popli nattivi jew aboriġinali tal-Guyana jew li huwa dixxendenti ta’ kwalunkwe wieħed mill-popli nattivi jew aboriġinali tal-Guyana.

Kunsill tal-Villaġġ Amerindjan    “Kunsill tal-Villaġġ” huwa definit fit-Taqsima 2 tal-Att dwar l-Amerindjani, Kap. 29:01, bħala li ġie stabbilit taħt l-awtorità tal-Att dwar l-Amerindjani, il-Kunsill tad-Distrett ta’ Annai, il-Kunsill tal-Villaġġ ta’ Konashen, il-Kunsill tal-Villaġġ ta’ Baramita u kwalunkwe Kunsill tal-Villaġġ stabbilit permezz ta’ ordni tal-Ministru responsabbli għall-Affarijiet Amerindjani.

Liċenzja operattiva annwali    Liċenzja operattiva annwali, kif elenkata fit-Taqsima 39 tal-Att dwar il-Foresti Nru 6 tal-2009, mogħtija mill-Kummissjoni tal-Forestrija tal-Guyana għal sergerija użata biex tkisser u tikkonverti zkuk u twavel imċanfrin f’bords, planki, xorok jew prodotti tal-injam adattati għal ipproċessar ulterjuri.

Pjan annwali tal-operat    Dokument li jistabbilixxi l-attivitajiet ewlenin u dettaljati li għandhom jitwettqu mid-detentur tal-liċenzja fis-sena kalendarja li jkun imiss (minn Jannar sa Diċembru). Ikun fih analiżi tal-operazzjonijiet tas-sena preċedenti, u pjanijiet li jiġu implimentati għall-operat tas-sena kurrenti.

CITES    Il-Konvenzjoni dwar il-Kummerċ Internazzjonali ta’ Speċijiet ta’ Fawna u Flora Selvaġġi fil-Periklu (CITES) (irratifikata mill-Guyana fl-1973) hija konvenzjoni li ġiet stabbilita fl-1973 li tirregola jew tipprojbixxi l-kummerċ internazzjonali tal-ispeċijiet ta’ pjanti u annimali li huma maħsuba li ssirilhom ħsara jew li tista’ ssirilhom ħsara mill-kummerċ internazzjonali.

Diliġenza dovuta    Fil-kuntest ta’ dan il-Ftehim, diliġenza dovuta tirreferi għall-miżuri raġonevoli meħuda mill-operaturi biex jimminimizzaw ir-riskju tal-importazzjoni tal-injam li jkun inħasad illegalment, jew li jkun illegali, fil-Guyana.

Esportazzjoni    It-Taqsima 2 tal-Att Doganali, Kap 82:01, tiddefinixxi “esportazzjoni” bħala l-ħruġ jew l-ikkawżar tal-ħruġ mill-Guyana.

Esportatur    It-Taqsima 2 tal-Att Doganali, Kap. 82:01, tiddefinixxi “esportatur” bħala kull persuna li permezz tagħha tiġi esportata kull merkanzija (inkluża merkanzija ttrasferita minn inġenju tal-ajru jew bastiment tal-importazzjoni) mill-Guyana jew fornuta għall-użu bħala mħażen tal-inġenji tal-ajru jew tal-bastimenti, kif ukoll is-sid, jew kull persuna li taġixxi f’ismu, u kull persuna li għal skopijiet doganali tiffirma kwalunkwe dokument relatat mal-merkanzija esportata jew maħsuba għall-provvista bħala mħażen tal-inġenji tal-ajru jew tal-bastimenti kif imsemmi qabel.

Foresta    It-Taqsima 2 tal-Att dwar il-Foresti Nru 6 tal-2009 tiddefinixxi “foresta”

(a)    bħala ekosistema ddominata minn pjanti tal-injam, li tikkonsisti minn:

(i)    formazzjonijiet ta’ foresti magħluqa, fejn is-siġar ta’ diversi sulari u veġetazzjoni taħt is-siġar kbar jgħattu proporzjon kbir tal-art;

(ii)    foresta miftuħa b’kopertura ta’ veġetazzjoni kontinwa fejn il-kopertura tal-qċaċet tas-siġar taqbeż l-10 fil-mija; u

(b)    tinkludi:

(i)    foresti tal-mangrovja u kwalunkwe artijiet mistagħdra jew artijiet miftuħa f’foresta li jifformaw parti integrali mill-ekosistema;

(ii)    prodott mill-foresta fl-ekosistema; u

(iii)    ir-riżorsi bijoloġiċi, tal-ħamrija u tal-ilma tal-ekosistema;

Ftehim ta’ konċessjoni għall-foresti    It-Taqsima 2 tal-Att dwar il-Foresti Nru 6 tal-2009 tiddefinixxi “ftehim ta’ konċessjoni għall-foresti” bħala ftehim ta’ dik id-deżinjazzjoni li permezz tiegħu l-Kummissjoni tagħti konċessjoni skont it-Taqsima 6 tal-Att dwar il-Foresti Nru 6 tal-2009.

Pjan għall-ġestjoni tal-foresti    Il-linji Gwida tal-Pjan ta’ Ġestjoni tal-Foresti (2018) jindikaw li Pjan ta’ Ġestjoni tal-Foresti huwa bbażat fuq valutazzjoni soċjali, ekonomika u ambjentali dettaljata, li tistabbilixxi l-ordni u l-firxa tal-attivitajiet kollha li għandhom jitwettqu f’konċessjoni.

Operati tal-foresti    It-Taqsima 2 tal-Att dwar il-Foresti Nru 6 tal-2009 tiddefinixxi dawn l-operazzjonijiet bħala li jinkludu: il-qtugħ jew it-teħid ta’ prodotti forestali; it-tneħħija jew it-trasport ta’ prodotti forestali minn kwalunkwe żona; it-tħaddim ta’ impjant primarju ta’ konverżjoni; il-bini jew il-manutenzjoni ta’ kwalunkwe passaġġ, triq, struttura, jew installazzjoni, u kwalunkwe attività oħra mwettqa biex tiffaċilita kwalunkwe attività msemmija hawn fuq.

Liċenzja ta’ negozjant tal-prodotti tal-foresti    It-Taqsima 41 tal-Att dwar il-Foresti Nru 6 tal-2009 tesiġi li kwalunkwe persuna li twettaq in-negozju tax-xiri ta’ prodotti tal-injam għall-bejgħ mill-ġdid tkun id-detentur ta’ din il-liċenzja mogħtija mill-GFC.

Importazzjoni    It-Taqsima 2 tal-Att Doganali, Kap 82:01 tiddefinixxi “importazzjoni” bħala li tfisser id-dħul jew l-ikkawżar tad-dħul fil-Guyana.

Importatur    It-Taqsima 2 tal-Kap. 82:01 tal-Att Doganali tiddefinixxi “importatur” bħala s-sid jew kull persuna oħra għaż-żmien li jkollha fil-pussess tagħha, jew tkun interessata b’mod benefiċjarju fi kwalunkwe merkanzija fil-ħin u mill-ħin tal-importazzjoni tagħha sakemm l-istess merkanzija tiġi kkonsenjata u meħuda mill-inkarigu tal-uffiċjal xieraq, kif ukoll kull persuna li tiffirma kwalunkwe dokument relatat ma’ kull merkanzija importata li jeħtieġ li jiġi ffirmat minn importatur skont il-liġijiet doganali.

Liċenzja ta’ impjant għall-ipproċessar tal-injam    Liċenzja, kif elenkata fit-Taqsima 40 tal-Att dwar il-Foresti Nru 6 tal-2009, mogħtija mill-GFC biex persuna tkun tista’ tmexxi n-negozju tax-xiri, tal-ħażna u tal-bejgħ tal-injam fil-bini tagħha.

Impjant primarju ta’ konverżjoni    It-Taqsima 2 tal-Att dwar il-Foresti Nru 6 tal-2009 tiddefinixxi “impjant primarju ta’ konverżjoni” bħala kwalunkwe segerija, jew kwalunkwe impjant, magna jew tagħmir ieħor iddisinjati jew użati biex ikissru jew b’xi mod jikkonverti kwalunkwe tip ta’ prodotti tal-foresta f’forma mhux maħduma fi prodotti għall-bejgħ, għall-użu, jew għal trattament jew ipproċessar ulterjuri u bħala li jinkludi segerija li tista’ tinġarr jew lupa.

Permess għat-tneħħija    It-Taqsima 36 tal-Att dwar il-Foresti Nru 6 tal-2009 tesiġi li FSO jkollu permess validu għat-tneħħija maħruġ mill-GFC biex ineħħi u/jew iwassal prodotti tal-injam fil-Guyana minn kwalunkwe foresta tal-Istat, art pubblika, artijiet tal-Villaġġ, art privata jew kwalunkwe punt ta’ dħul fil-Guyana.

Segerija    It-Taqsima 2 tal-Att dwar il-Foresti Nru 6 tal-2009 tiddefinixxi “segerija” bħala mitħna ddisinjata u użata biex tkisser u tikkonverti zkuk jew twavel imċanfrin f’bords, planki, xorok jew prodotti tal-injam adattati għal ipproċessar ulterjuri; u tinkludi fossa għall-isserrar.

Fossa għall-isserrar    It-Taqsima 2 tal-Att dwar il-Foresti Nru 6 tal-2009 tiddefinixxi “fossa għall-isserrar” bħala żona jew fossa magħmula biex tiffaċilita t-tħaddim ta’ fossa għall-isserrar b’xogħol manwali.

Foresti tal-Istat    Skont it-taqsima 3 tal-Att dwar il-Foresti Nru 6 tal-2009, foresta tal-Istat hija kwalunkwe żona li l-Ministru jista’, permezz ta’ ordni, jiddikjara li hija foresta tal-Istat. Madankollu, l-artijiet ta’ villaġġ Amerindjan, il-foresta pluvali Iwokrama u l-Park Nazzjonali Kaieteur ma jistgħux jiġu ddikjarati bħala Foresta tal-Istat.

Awtorizzazzjoni tal-Istat għall-Foresti    It-Taqsima 2 tal-Att dwar il-Foresti Nru 6 tal-2009 tiddefinixxi “Awtorizzazzjoni Statali għall-foresti” bħala permess esploratorju, konċessjoni, permess għall-użu, ftehim ta’ tisġir, jew ftehim komunitarju dwar il-ġestjoni tal-foresti.

Injam    It-Taqsima 2 tal-Att dwar il-Foresti Nru 6 tal-2009 tiddeskrivi “l-injam” bħala li jinkludi:

(a)    siġra, jew kwalunkwe parti ta’ siġra li fiha l-għuda, kemm jekk mhux maqtugħa, mejta jew imqaċċta u

(b)    kwalunkwe injam, kemm jekk isserrat, maqsum, maqtugħ b’mannara jew maqtugħ b’mod ieħor jew imferrex jew maqtugħ jew ifformat b’mod ieħor jew le, għajr ħatab għan-nar.

Dritt tradizzjonali    “Dritt tradizzjonali” huwa definit fit-Taqsima 2 tal-Att dwar l-Amerindjani, Kap 29:01 bħala kwalunkwe dritt jew privileġġ ta’ sussistenza, li jkun jeżisti fid-data tal-bidu ta’ dan l-Att, li huwa proprjetà legali jew konswetudinarja ta’ Villaġġ Amerindjan jew Komunità Amerindjana u li jiġi eżerċitat b’mod sostenibbli f’konformità mar-relazzjoni spiritwali li l-Villaġġ Amerindjan jew il-Komunità Amerindjana għandhom mal-art, iżda ma jinkludix privileġġ ta’ estrazzjoni tradizzjonali.

6.    Appendiċi: Referenzi legali applikabbli

	Atti, Regolamenti	Deskrizzjoni
Forestrija	L-Att dwar il-Foresti Nru. 6 tal-2009	Att li jikkonsolida u jemenda l-liġi relatata mal-foresti.
	Ir-Regolamenti dwar il-Foresti, Regolament Nru. 2 tal-2018	Dawn ir-Regolamenti jappoġġjaw l-implimentazzjoni tal-Att dwar il-Foresti Nru. 6 tal-2009.
	L-Att dwar l-Artijiet tal-Istat, Kap. 62:01	Att li jipprevedi r-regolazzjoni xierqa tal-artijiet tal-Istat, tax-xmajjar u tal-qaliet tal-Istat.
	Il-Kodiċi ta’ Prattika Nru. 1 tal-2018	L-għan ġenerali tiegħu huwa li jippromwovi prattiki ta’ ħsad li jtejbu l-istandards ta’ utilizzazzjoni, inaqqsu l-impatti ambjentali, jgħinu biex jiġi żgurat li l-foresti jkunu sostnuti għall-ġenerazzjonijiet futuri, u jtejbu l-kontribuzzjonijiet ekonomiċi u soċjali tal-forestrija bħala komponent tal-iżvilupp sostenibbli.
	Il-Linji Gwida dwar is-Sistema ta’ Rintraċċar tal-Injam	Is-Sistema ta’ Rintraċċar tal-Injam (WTS) hija sistema ta’ informazzjoni nazzjonali obbligatorja biex tikkontrolla l-katina tal-provvista tal-prodotti tal-injam fil-livell nazzjonali.
Ambjent/ l-użu tal-art	L-Att dwar il-Protezzjoni tal-Ambjent, il-Kap. 20:05	Att li jipprevedi l-ġestjoni, il-konservazzjoni, il-protezzjoni u t-titjib tal-ambjent, il-prevenzjoni jew il-kontroll tat-tniġġis, l-istima tal-impatt tal-iżvilupp ekonomiku fuq l-ambjent, l-użu sostenibbli tar-riżorsi naturali u kwistjonijiet inċidentali għalihom jew konnessi magħhom.
	Regolamenti dwar il-Protezzjoni Ambjentali (Awtorizzazzjonijiet)	Dawn ir-Regolamenti jappoġġjaw l-implimentazzjoni tal-Att dwar il-Protezzjoni tal-Ambjent, Kap. 20:05
	L-Att dwar l-Estrazzjoni, Kap. 65:01	Att li jagħmel dispożizzjonijiet fir-rigward tat-tiftix għal metalli, minerali u ħaġar prezzjuż u l-estrazzjoni tagħhom, għar-regolazzjoni tal-ġarr tagħhom u għal kwistjonijiet konnessi magħhom.
	L-Att dwar il-Protezzjoni tal-Pjanti, l-Att Nru. 9 tal-2011	Att li jirregola l-importazzjoni u l-esportazzjoni ta’ pjanti, materjal għat-tħawwil u oġġetti derivati minnhom, li jipproteġi mill-introduzzjoni ta’ pesti eżostiċi u mard fil-Guyana u li jikkontrolla u jeqred il-mard u l-pesti fil-pajjiż.
	L-Att dwar ir-Reġistru tal-Atti, Kap. 5:01	Att li jirregola l-Uffiċċju tar-Reġistratur tal-Atti tal-Guyana u li jemenda l-liġi li tirrigwardja l-eżekuzzjoni u r-reġistrazzjoni tal-mezzi ta’ trasport, l-ipoteki u atti oħrajn.
	L-Att dwar ir-Reġistru tal-Artijiet, Kap. 5:02	Att li jipprevedi r-reġistrazzjoni tal-art u kwistjonijiet konnessi magħha.
	L-Att dwar l-Enerġija Idroelettrika, Kap. 56:03	Att li jipprevedi l-għoti ta’ liċenzji li jawtorizzaw l-użu tal-ilmijiet tal-Guyana għall-fini tal-ġenerazzjoni tal-enerġija elettrika, u għal kwistjonijiet relatati magħhom.
	L-Att dwar l-Artijiet Pubbliċi (Toroq Privati)t, Kap 62:03	Att li jippermetti lill-Persuni jibnu u jagħmlu l-manutenzjoni tat-toroq għall-estrazzjoni, il-qtugħ tal-injam, u għal skopijiet oħrajn fuq artijiet pubbliċi, u li jimponi u jirkupra, soġġett għal ċerti kundizzjonijiet, pedaġġi għall-użu ta’ tali toroq minn persuni oħrajn.
	Regolamenti dwar l-Artijiet Pubbliċi u t-Toroq Privati (il-Qtugħ tas-Siġar)	Dawn ir-Regolamenti jappoġġjaw l-implimentazzjoni tal-Att dwar l-Artijiet Pubbliċi (Toroq Privati), Kap 62:03.
	L-Att dwar il-Konservazzjoni u l-Ġestjoni tal-Organiżmi Selvaġġi, Att Nru. 14 tal-2016	Att li jipprevedi l-protezzjoni, il-konservazzjoni, il-ġestjoni, l-użu sostenibbli, il-kummerċ intern u estern tal-organiżmi selvaġġi tal-Guyana. Prattiki tax-xogħol, sikuri u mhux diskriminatorji
L-Att dwar l-Impjieg taż-Żgħażagħ u tat-Tfal, il-Kap.	L-Att dwar l-Impjieg ta’ Żgħażagħ u Tfal, Kap 99:01	Att għall-implimentazzjoni ta’ ċerti Konvenzjonijiet li jirrigwardjaw l-impjieg taż-żgħażagħ u tat-tfal
	L-Att dwar ix-Xogħol, Kap. 98:01	Att li jipprevedi l-istabbiliment ta’ Dipartiment tax-Xogħol, għar-regolazzjoni tar-relazzjoni bejn dawk li jħaddmu u l-impjegati u għas-soluzzjoni tad-differenzi bejniethom.
	L-Ordni Nazzjonali dwar ix-Xogħol (il-Paga Minima) Nru. 15 tal-2016	Dawn ir-Regolamenti jappoġġjaw l-implimentazzjoni tal-Att dwar ix-Xogħol, il-Kap. 98:01.
	L-Att dwar il-Prevenzjoni tad-Diskriminazzjoni, Kap. 99:09	Att li jipprevedi l-eliminazzjoni tad-diskriminazzjoni fl-impjiegi, it-taħriġ, ir-reklutaġġ u s-sħubija ta’ korpi professjonali u l-promozzjoni jew ir-rimunerazzjoni ugwali għall-irġiel u n-nisa fl-impjieg li jwettqu xogħol ta’ valur ugwali, u għal kwistjonijiet konnessi magħhom.
	L-Att Nazzjonali dwar l-Assigurazzjoni u s-Sigurtà Soċjali, Kap. 36:01	Att li jistabbilixxi sistema ta’ Assigurazzjoni u Sigurtà Soċjali Nazzjonali li tipprovdi pagamenti pekunarji permezz ta’ benefiċċju marbut mal-età avvanzata, benefiċċju tal-invalidità, benefiċċju tas-superstiti, benefiċċju tal-mard, benefiċċju tal-maternità u benefiċċju tal-funerali, u li jissostitwixxi l-kumpens taħt l-Ordinanza tal-Kumpens għall-Ħaddiema, sistema ta’ assigurazzjoni kontra korriment jew mewt ikkawżata minn inċident li jirriżulta minn u matul l-impjieg jew li jirriżulta minn mard minħabba n-natura tal-impjieg; li jistabbilixxi Fond Nazzjonali tal-Assigurazzjoni; u li jipprevedi kwistjonijiet konnessi magħhom jew inċidentali għalihom.
	Ir-Regolamenti Nazzjonali dwar l-Assigurazzjoni u s-Sigurtà Soċjali (il-Ġbir ta’ Kontribuzzjonijiet)	Dawn ir-Regolamenti jappoġġjaw l-implimentazzjoni tal-Att Nazzjonali dwar l-Assigurazzjoni u s-Sigurtà Soċjali, Kap. 36:01.
Is-saħħa u s-sikurezza okkupazzjonali	L-Att dwar is-Saħħa u s-Sikurezza Okkupazzjonali, Kap. 99:10	Att li jipprevedi r-reġistrazzjoni u r-regolazzjoni tal-istabbilimenti industrijali, għas-saħħa u s-sikurezza okkupazzjonali tal-persuni fuq il-post tax-xogħol, u għall-iskopijiet konnessi magħhom jew materjali għalihom.
Il-finanzi u l-kummerċ	L-Att dwar it-Taxxa fuq l-Introjtu, Kap. 81:01	Att li jimponi taxxa fuq l-introjtu u li jirregola l-ġbir tagħha.
	L-Att dwar it-Taxxa Korporattiva, Kap. 81:03	Att li jimponi taxxa fuq il-profitti tal-kumpaniji u għal skopijiet konnessi magħha.
	L-Att dwar il-Kumpaniji, Kap. 89:01	Att li jirrevedi u jemenda l-liġi li tirrigwardja l-kumpaniji u li jipprevedi kwistjonijiet relatati u konsegwenzjali.
	L-Att dwar ir-Reġistrazzjoni (tal-Ismijiet) tan-Negozju, Kap. 90:05	Att li jipprevedi r-reġistrazzjoni ta’ ditti u persuni li jwettqu negozju taħt ismijiet kummerċjali u għall-iskopijiet konnessi magħhom.
	L-Att dwar is-Sħubija, Kap. 89:02	Att li jiddikjara u jemenda l-Liġi tas-Sħubija.
	L-Att dwar is-Soċjetajiet ta’ Għajnuna Reċiproka, Kap. 36:04	Att li jipprevedi l-istabbiliment, ir-reġistrazzjoni, l-inkorporazzjoni u l-ġestjoni ta’ soċjetajiet ta’ għajnuna reċiproka u soċjetajiet oħrajn.
	L-Att dwar is-Soċjetajiet Kooperattivi, Kap. 88:01	Att li jipprevedi l-formazzjoni u r-regolazzjoni tal-operazzjonijiet għas-soċjetajiet kooperattivi.
Popli indiġeni	L-Att dwar l-Amerindjani, Kap. 29:01	Att li jipprevedi r-rikonoxximent u l-protezzjoni tad-drittijiet kollettivi tal-Villaġġi u l-Komunitajiet Amerindjani, l-għoti ta’ art lill-Villaġġi u l-Komunitajiet Amerindjani u l-promozzjoni ta’ governanza tajba fi ħdan il-Villaġġi u l-Komunitajiet Amerindjani.

Ir-referenzi legali applikabbli għall-implimentazzjoni u l-interpretazzjoni ta’ dan il-Ftehim u l-funzjonament ġenerali tas-Sistema ta’ Garanzija tal-Legalità tal-Injam tal-Guyana:

–    Kostituzzjoni, Kap 1:01

–    Att dwar l-Aċċess għall-Informazzjoni 2011, Att Nru 21 tal-2011

–    Att Doganali, Kap 82:01

–    Att dwar id-Drittijiet Indaqs, Kap. 38:01

–    L-Att dwar il-Kummissjoni tal-Forestrija tal-Guyana, l-Att Nru. 20 tal-2007

–     trattati, konvenzjonijiet, dikjarazzjonijiet u ftehimiet bilaterali internazzjonali applikabbli li għalihom hija parti l-Guyana

Id-dokumenti eżistenti li ġejjin se jiġu aġġornati matul il-fażi ta’ implimentazzjoni tal-GTLAS:

1.    Linji gwida għall-Operazzjonijiet Forestali (Konċessjoni Żgħira)

2.    Linji gwida għall-Operazzjonijiet Forestali (Konċessjoni Kbira)

3.    Manwal tal-Proċeduri tal-FRMD

4.    Manwal tal-Proċeduri tal-FMD

5.    Manwal tal-Proċeduri tad-Diviżjoni tal-Finanzi

6.    Linji Gwida tad-WTS

Id-dokumenti li ġejjin se jinħolqu matul il-fażi ta’ żvilupp tal-GTLAS

1.    Manwal tal-Proċeduri tal-GTLAS għal verifika

2.    Manwal tal-Proċeduri għall-kontroll tal-prodotti tal-injam importati

________________

ANNESS III

IL-KUNDIZZJONIJIET LI JIRREGOLAW IR-RILAXX GĦAL ĊIRKOLAZZJONI LIBERA FL-UNJONI
TA’ PRODOTTI TAL-INJAM ESPORTATI MILL-GUYANA
U KOPERTI MINN LIĊENZJA FLEGT

I.    Il-preżentazzjoni tal-liċenzja

1.    Il-liċenzja għandha tiġi ppreżentata lill-awtoritajiet kompetenti tal-Istat Membru tal-Unjoni li fih il-vjeġġ kopert b’dik il-liċenzja jiġi ddikjarat għar-rilaxx għal ċirkolazzjoni ħielsa 15 . Dan jista’ jsir b’mod elettroniku jew b’mezzi mħaffa oħrajn.

2.    F’konformità mal-proċeduri nazzjonali applikabbli, l-awtoritajiet kompetenti msemmija fil-punt 1 għandhom jinformaw lill-awtoritajiet doganali malli liċenzja tkun ġiet aċċettata.

II.    Kontrolli fuq il-validità tad-dokumentazzjoni tal-liċenzja

1.    Il-liċenzji stampati fuq karta għandhom ikunu konformi mal-mudell deskritt fl-Anness IV. Kwalunkwe liċenzja li ma tissodisfax ir-rekwiżiti u l-ispeċifikazzjonijiet stabbiliti fl-Anness IV għandha tkun invalida.

2.    Liċenzja għandha titqies bħala bla effett jekk tiġi ppreżentata f’data aktar tard mid-data ta’ skadenza indikata fil-liċenzja.

3.    Kwalunkwe tħassir mil-liċenzja jew bidla fiha ma għandhomx jiġu aċċettati, sakemm tali tħassir jew bidla ma jkunux ġew ivvalidati mill-awtorità tal-ħruġ tal-liċenzji.

4.    L-estensjoni tal-validità ta’ liċenzja ma għandhiex tiġi aċċettata, sakemm dik l-estensjoni ma tkunx ġiet ivvalidata mill-awtorità tal-ħruġ tal-liċenzji.

5.    Liċenzja duplikata jew ta’ sostituzzjoni ma għandhiex tiġi aċċettata, sakemm ma tkunx inħarġet u ġiet ivvalidata mill-awtorità tal-ħruġ tal-liċenzji.

III.    Talbiet għal informazzjoni addizzjonali

1.    Fil-każ ta’ dubji dwar il-validità jew l-awtentiċità ta’ liċenzja, liċenzja duplikata jew ta’ sostituzzjoni, l-awtorità kompetenti fl-Unjoni tista’ titlob informazzjoni addizzjonali mill-awtorità tal-ħruġ tal-liċenzji.

2.    Kopja tal-liċenzja, tal-liċenzja duplikata jew ta’ sostituzzjoni inkwistjoni tista’ tintbagħat flimkien mat-talba.

3.    Jekk ikun meħtieġ, l-awtorità tal-ħruġ tal-liċenzji għandha tirtira l-liċenzja u toħroġ kopja kkoreġuta, li għandha tiġi awtentikata bl-approvazzjoni ttimbrata “Duplikata” u għandha tintbagħat lill-awtorità kompetenti.

IV.    Verifika tal-konformità tal-liċenzja mal-vjeġġ

1.    Jekk jitqies li tkun meħtieġa verifika ulterjuri tal-vjeġġ qabel ma l-awtorità kompetenti tkun tista’ tiddeċiedi jekk liċenzja tkunx tista’ tiġi aċċettata, jistgħu jitwettqu kontrolli biex jiġi stabbilit jekk il-vjeġġ inkwistjoni jkunx konformi mal-informazzjoni pprovduta fil-liċenzja u mar-rekords relatati mal-liċenzja rilevanti miżmuma mill-awtorità tal-ħruġ tal-liċenzji.

2.    Meta l-volum jew il-piż tal-prodotti tal-injam fil-vjeġġ ippreżentat għar-rilaxx għal ċirkolazzjoni ħielsa ma jiddevjax b’aktar minn 10 % mill-volum jew mill-piż indikat fil-liċenzja korrispondenti, il-vjeġġ għandu jitqies bħala li huwa konformi mal-informazzjoni pprovduta fil-liċenzja safejn huwa kkonċernat il-volum jew il-piż.

3.    Meta jkun hemm dubji dwar jekk il-vjeġġ huwiex konformi mal-liċenzja FLEGT, l-awtorità kompetenti kkonċernata tista’ titlob li tingħata kjarifika ulterjuri mingħand l-awtorità tal-ħruġ tal-liċenzji.

4.    L-awtorità tal-ħruġ tal-liċenzji tista’ titlob lill-awtorità kompetenti tibgħat kopja tal-liċenzja jew tal-liċenzja ta’ sostituzzjoni inkwistjoni.

5.    Jekk ikun meħtieġ, l-awtorità tal-ħruġ tal-liċenzji għandha tirtira l-liċenzja u toħroġ kopja kkoreġuta, li għandha tiġi awtentikata bl-approvazzjoni ttimbrata “Duplikata” u għandha tintbagħat lill-awtorità kompetenti.

6.    Jekk l-awtorità kompetenti ma tirċievi l-ebda risposta fi żmien 21 jum kalendarju mit-talba għal kjarifika ulterjuri, l-awtorità kompetenti ma għandhiex taċċetta l-liċenzja u għandha taġixxi f’konformità mal-leġiżlazzjoni u l-proċeduri applikabbli.

7.    Fejn ikun meħtieġ wara l-għoti ta’ informazzjoni addizzjonali f’konformità mat-taqsima III jew investigazzjoni ulterjuri f’konformità ma’ din it-taqsima, liċenzja ma għandhiex tiġi aċċettata jekk ikun ġie stabbilit li l-liċenzja mhijiex konformi mal-vjeġġ.

V.    Verifika qabel il-wasla tal-vjeġġ

1.    Liċenzja tista’ tkun ippreżentata qabel il-wasla tat-trasportazzjoni koperta minnha.

2.    Liċenzja għandha tkun aċċettata jekk tkun tissodisfa r-rekwiżiti kollha stabbiliti fl-Anness IV u ebda verifika oħra skont it-taqsimiet III u IV ta’ dan l-Anness ma titqies li tkun meħtieġa.

VI.    Kwistjonijiet oħrajn

1.    L-ispejjeż li jiġġarrbu waqt li tkun qed titlesta l-verifika skond it-taqsunuet III u IV ta’ dan l-Anness għandhom jitħallsu mill-importatur, għajr fejn il-leġiżlazzjoni u l-proċeduri applikabbli tal-Istat Membru tal-Unjoni kkonċernat jiddeterminaw mod ieħor.

2.    Fejn ikun hemm nuqqas ta’ ftehim jew diffikultajiet persistenti li jinħolqu mill-verifika tal-liċenzji FLEGT, il-kwistjoni tista’ tiġi rriferita lill-KKMR.

VII.    Rilaxx għal ċirkolazzjoni ħielsa

1.    Fil-kaxxa 44 tad-dokument amministrattiv uniku li fuqu ssir id-dikjarazzjoni doganali għar-rilaxx għal ċirkolazzjoni ħielsa, għandha ssir referenza għan-numru tal-liċenzja li tkopri l-prodotti tal-injam soġġetti għad-dikjarazzjoni.

2.    Meta d-dikjarazzjoni doganali ssir b’mezzi kompjuterizzati, ir-referenza għandha tiġi pprovduta fil-kaxxa x-xierqa.

3.    Il-prodotti tal-injam għandhom jiġu rilaxxati għal ċirkolazzjoni ħielsa biss wara li jitlestew il-proċeduri deskritti f’dan l-Anness.

________________

ANNESS IV

REKWIŻITI U SPEĊIFIKAZZJONIJIET TEKNIĊI GĦAL-LIĊENZJI FLEGT

1.    Rekwiżiti ġenerali relatati mal-liċenzji FLEGT

1.1.    Kwalunkwe vjeġġ ta’ prodotti tal-injam elenkati fl-Anness I għal dan il-Ftehim li jiġi esportat mill-Guyana lejn l-Unjoni jeħtieġ li jkollu liċenzja FLEGT. F’konformità mar-Regolament (KE) Nru 2173/2005 u ma’ dan il-Ftehim, l-Unjoni għandha taċċetta tali vjeġġi mill-Guyana għall-importazzjoni fl-Unjoni biss jekk ikunu koperti b’liċenzji FLEGT.

1.2.    F’konformità mal-punt (c) tal-Artikolu 2 ta’ dan il-Ftehim, liċenzja FLEGT hija dokument maħruġ mill-awtorità tal-ħruġ tal-liċenzji li jikkonferma li vjeġġ ta’ prodotti tal-injam intiż għall-esportazzjoni lejn l-Unjoni kien prodott legalment u vverifikat f’konformità mal-kriterji stipulati f’dan il-Ftehim.

1.3.    Il-liċenzji FLEGT jistgħu jinħarġu f’forma stampata jew elettronika.

1.4.    Liċenzja FLEGT għandha tinħareġ għal vjeġġ uniku ta’ detentur ta’ liċenzja uniku u għall-ewwel punt ta’ dħul fl-Unjoni. Liċenzja FLEGT unika ma għandhiex tiġi ddikjarata lil aktar minn uffiċċju doganali wieħed fl-Unjoni.

1.5.    Il-liċenzji stampati fuq karta kif ukoll dawk elettroniċi għandhom jipprovdu l-informazzjoni speċifikata fl-Appendiċi 1 ta’ dan l-Anness, f’konformità man-noti għal gwida stabbiliti fl-Appendiċi 2 ta’ dan l-Anness.

1.6.    L-applikant għandu jissottometti l-liċenzja FLEGT u ċ-ċertifikat tal-esportazzjoni għall-esportazzjoni lejn l-Unjoni, jew iċ-ċertifikat tal-esportazzjoni biss għall-esportazzjoni lejn destinazzjonijiet oħrajn, u għandu jehmeż id-dokumenti l-oħrajn meħtieġa, lill-Operazzjonijiet tad-Dwana, tas-Sisa u tal-Kummerċ (CETO). Il-proċeduri għall-ħruġ tal-liċenzja FLEGT u taċ-ċertifikat tal-esportazzjoni, u l-artikulazzjoni rispettiva tagħhom mad-dokumenti doganali, għandhom jiġu ffinalizzati matul il-fażi tal-implimentazzjoni tal-GTLAS.

1.7.    Għal vjeġġi kumplessi, inklużi tipi differenti ta’ prodotti tal-injam, li għalihom jista’ ma jkunx possibbli li tiġi inkluża l-informazzjoni kollha meħtieġa msemmija fil-Mudell 1 fl-Appendiċi 1, għandu jiżdied mal-liċenzja dokument awtorizzat mehmuż (deskrizzjoni addizzjonali tal-merkanzija mehmuża mal-liċenzja FLEGT). Id-dokument awtorizzat mehmuż għandu jinkludi informazzjoni kwalitattiva u kwantitattiva relatata mad-deskrizzjoni tal-vjeġġ kif speċifikata fil-Mudell 2 fl-Appendiċi 1. F’dak il-każ, il-kaxxi korrispondenti (il-kaxxi 9 sa 16) fil-liċenzja ma għandhomx jinkludu informazzjoni dwar il-vjeġġ, iżda għandhom jinkludu referenza għad-dokument awtorizzat mehmuż.

1.8.    Ir-rekwiżiti u l-proċeduri dettaljati għall-estensjoni tal-validità u għad-definizzjoni tal-kanċellazzjoni u l-ġestjoni tal-liċenzji FLEGT se jiġu ffinalizzati matul il-fażi tal-implimentazzjoni tal-GTLAS. Il-proċeduri għall-applikazzjoni u l-ħruġ tal-liċenzji FLEGT għandhom jiġu ppubblikati.

1.9.    Il-Guyana għadha tipprovdi lill-Unjoni b’kopja awtentikata tal-liċenzja FLEGT, eżempji ta’ kampjuni tat-timbri tal-awtorità tal-ħruġ tal-liċenzji, u kampjuni tal-firem tal-persunal awtorizzat.

1.10.    Għal-liċenzji FLEGT kollha approvati, għandha tinħareġ l-oriġinali u l-kopji tagħha lid-detentur tal-liċenzja f’konformità ma’ dan il-Ftehim.

1.11.    Il-prodotti tal-injam protetti skont il-Konvenzjoni dwar il-Kummerċ Internazzjonali ta’ Speċijiet ta’ Fawna u Flora Selvaġġi fil-Periklu (CITES) huma soġġetti għall-verifika tal-legalità skont il-GTLAS u għandhom ikunu koperti b’liċenzja FLEGT.

1.12.    L-Awtorità Amministrattiva tas-CITES tal-Guyana għandha, qabel tesporta, tiżgura li l-injam soġġett għad-dispożizzjonijiet tas-CITES jew il-prodotti li jkun fihom dan l-injam jissodisfaw ir-rekwiżiti kollha tal-GTLAS. L-Awtorità Amministrattiva tas-CITES tal-Guyana għandha toħroġ permessi tas-CITES għal vjeġġi fl-Unjoni li jkun fihom biss injam li jkun soġġett għad-dispożizzjonijiet tas-CITES jew prodotti li jkun fihom prodott tal-injam.

2.    Ir-responsabbiltà tal-awtorità tal-ħruġ tal-liċenzji FLEGT

2.1.    L-awtorità tal-ħruġ tal-liċenzji fil-Guyana għandha tkun l-Unità tal-Legalità u l-Kummerċ tal-Injam (TLTU) tal-Kummissjoni tal-Forestrija tal-Guyana.

2.2.    Ir-rekwiżiti tal-kompetenza għall-persunal, l-istrutturi ta’ ġestjoni u l-kontrolli interni tal-awtorità tal-ħruġ tal-liċenzji għandhom jiġu definiti u stabbiliti qabel ma tibda topera s-sistema ta’ ħruġ tal-liċenzji FLEGT.

2.3.    L-awtorità tal-ħruġ tal-liċenzji FLEGT għandha tinforma lill-Unità tas-Sistema ta’ Informazzjoni dwar il-Ġestjoni (MISU) dwar il-formoli tat-talba għall-esportazzjoni li tkun irċeviet u li jkunu ġew irrifjutati u dwar il-liċenzji FLEGT maħruġa.

2.4.    L-awtorità tal-ħruġ tal-liċenzji għandha tiżviluppa sistema ta’ numerazzjoni għal-liċenzji FLEGT li tippermetti li ssir differenzjazzjoni bejn il-liċenzji FLEGT destinati għas-suq tal-Unjoni u d-dokumenti tal-esportazzjoni l-oħrajn kollha meħtieġa mill-istatut.

2.5.    L-awtorità tal-ħruġ tal-liċenzji FLEGT għandha toħroġ biss estensjoni waħda, li se tkun għal perjodu li ta’ mhux aktar minn tliet xhur, fuq talba tad-detentur tal-liċenzja. L-awtorità tal-ħruġ tal-liċenzji għandha tintroduċi u tivvalida d-data ta’ skadenza l-ġdida.

2.6.    Fi kwalunkwe każ, meta testendi l-validità, l-irtirar jew is-sostituzzjoni tal-liċenzja FLEGT, l-awtorità tal-ħruġ tal-liċenzji għandha tinforma lill-awtorità kompetenti tal-Istat Membru rilevanti tal-Unjoni.

2.7.    L-awtorità tal-ħruġ tal-liċenzji FLEGT għandha tagħmel ħilitha biex tiggarantixxi l-awtentiċità tal-liċenzji FLEGT u biex tipprevjeni li jkun hemm tħassir jew bidliet.

2.8.    Is-sistema ta’ liċenzjar FLEGT għandha tkun marbuta progressivament mas-Sistema ta’ Tieqa Unika tal-Guyana (Guyana Single Window System) stabbilita skont l-Att dwar is-Sistema ta’ Tieqa Unika Doganali u Kummerċjali, Nru 15 tal-2019, għall-esportazzjoni mill-Guyana, meta l-kundizzjonijiet jippermettu.

2.9.    L-awtorità tal-ħruġ tal-liċenzji FLEGT hija responsabbli għall-iskambju meħtieġ ta’ informazzjoni bejn il-Guyana u l-awtoritajiet kompetenti FLEGT tal-Istati Membri tal-Unjoni, kif ukoll awtoritajiet kompetenti oħrajn tal-Guyana dwar kwistjonijiet relatati mal-liċenzji FLEGT.

3.    Il-proċedura għall-ħruġ tal-liċenzji FLEGT

Il-passi li ġejjin huma kkunsidrati għall-ġestjoni tal-liċenzji FLEGT.

3.1.    Għal kull vjeġġ, id-Diviżjoni għall-Monitoraġġ tal-Foresti (FMD) għandha tissottometti formola ta’ talba għall-esportazzjoni lill-awtorità tal-ħruġ tal-liċenzji FLEGT, filwaqt li tinnotifika lill-awtorità tal-ħruġ tal-liċenzji li l-FSO għamel talba għall-esportazzjoni tal-prodott tal-injam u ssodisfa r-rekwiżiti tal-esportazzjoni tal-FMD.

3.2.    Malli tirċievi l-formola ta’ talba għall-esportazzjoni, l-awtorità tal-ħruġ tal-liċenzji FLEGT għandha tivverifika l-Bażi tad-Data ta’ Informazzjoni Ċentrali (CID) biex tiżgura l-konformità tal-FSO mar-rekwiżiti tal-GTLAS.

3.3.    Wara li tanalizza l-formola ta’ talba għall-esportazzjoni u tivverifika s-CID, u ladarba jiġi kkonfermat li l-FSO huwa konformi mar-rekwiżiti tas-Sistema ta’ Garanzija tal-Legalità tal-Injam tal-Guyana (GTLAS), l-awtorità tal-ħruġ tal-liċenzji FLEGT għandha toħroġ il-liċenzja FLEGT għall-vjeġġ korrispondenti

3.4.    Jekk l-FSO ma jkunx konformi mal-GTLAS, l-awtorità tal-ħruġ tal-liċenzji FLEGT għandha tinforma lill-FSO bil-każijiet ta’ nuqqas ta’ konformità identifikati u l-FSO għandu jingħata opportunità li jindirizzahom. Jekk l-FSO ma jkunx jista’ jindirizza dawn il-każijiet ta’ nuqqas ta’ konformità, l-awtorità tal-ħruġ tal-liċenzji għandha mbagħad tirrifjuta l-formola t t-talba għall-esportazzjoni għall-vjeġġ korrispondenti.

3.5.    Liċenzja FLEGT għandha tinħareġ qabel l-iżdoganar tal-vjeġġ mis-CETO.

3.6.    Kwalunkwe injam elenkat fl-Anness I għall-finijiet ta’ kampjuni u dimostrazzjoni huwa soġġett ukoll għall-iskema ta’ liċenzjar FLEGT meta jiġi esportat lejn is-suq tal-Unjoni.

3.7.    Għal-liċenzji FLEGT kollha approvati, l-awtorità tal-ħruġ tal-liċenzji FLEGT għandha tipprovdi kopji elettroniċi lill-awtorità doganali rilevanti tal-Unjoni u lill-awtorità kompetenti.

3.8.    Ir-rekords kollha relatati mal-ħruġ ta’ liċenzji FLEGT għandhom jinżammu fis-CID, inklużi dawk li ġew irrifjutati.

3.9.    Il-formoli u l-proċeduri rilevanti għall-applikazzjoni għal liċenzja FLEGT għandhom jiġu żviluppati u magħmula pubbliċi qabel ma tibda topera l-iskema ta’ liċenzjar FLEGT.

Dijagramma tal-fluss ta’ informazzjoni

4.    Speċifikazzjonijiet tekniċi fir-rigward ta’ liċenzji FLEGT f’format stampat

4.1.    Il-liċenzji f’format stampat għandhom ikunu konformi mal-format stabbilit fl-Appendiċi 1.

4.2.    Id-daqs tal-karta għandu jkun dak standard ta’ A4 u għandha jkollha marki tal-ilma li juru l-logo u s-siġill tal-Kummissjoni tal-Forestrija tal-Guyana (GFC).

4.3.    Il-liċenzji għandhom jimtlew permezz ta’ tajprajter jew kompjuter, u jekk meħtieġ, jistgħu jimtlew bl-idejn.

4.4.    L-awtorità tal-ħruġ tal-liċenzji għandha tuża timbru tal-metall, preferibbilment magħmul mill-azzar.

4.5.    L-awtorità tal-ħruġ tal-liċenzji għandha tuża metodu li ma jħallix li jkun hemm tbagħbis biex tiġi rreġistrata l-kwantità allokata b’tali mod li jagħmilha impossibbli li jiddaħħlu figuri jew referenzi.

4.6.    Il-formola ma għandux ikun fiha tħassir jew bidliet, sakemm tali tħassir jew bidliet ma jkunux ġew awtentikati bit-timbru u l-firma tal-awtorità tal-ħruġ tal-liċenzji.

4.7.    Il-liċenzji għandhom jiġu stampati u mimlija bl-Ingliż.

5.    Speċifikazzjonijiet tekniċi fir-rigward ta’ liċenzji FLEGT f’format elettroniku

5.1.    Il-liċenzji FLEGT jistgħu jinħarġu u jiġu pproċessati bl-użu ta’ sistemi elettroniċi żviluppati fil-kuntest tal-GTLAS.

5.2.    Fl-Istati Membri tal-Unjoni li ma jkunux konnessi ma’ sistema elettronika, għandha tkun disponibbli liċenzja bbażata fuq karta.

6.    Kopji ta’ liċenzji FLEGT

6.1.    Liċenzja FLEGT għandha titfassal f’liċenzja oriġinali waħda u erba’ kopji, kif ġej:

(i)    “Liċenzja oriġinali” għall-awtorità kompetenti;

(ii)    “Kopja għad-dwana fid-destinazzjoni”;

(iii)    “Kopja għall-importatur”;

(iv)    “Kopja għall-awtorità tal-ħruġ tal-liċenzji”;

(v)    “Kopja għad-detentur tal-liċenza”.

6.2.    Il-liċenzji FLEGT immarkati “Liċenzja oriġinali għall-awtorità kompetenti”, “Kopja għall-Importatur” u “Kopja għad-Dwana fid-destinazzjoni” għandhom jingħataw lid-detentur tal-liċenzja, li min-naħa tiegħu għandu jibgħathom lill-importatur.

6.3.    L-importatur għandu jippreżenta l-Oriġinali lill-awtorità kompetenti u l-kopja rilevanti lill-awtorità doganali tal-Istat Membru tal-Unjoni li fih it-trasportazzjoni koperta minn dik il-liċenzja tkun iddikjarata għal rilaxx għal ċirkolazzjoni libera. Il-kopja mmarkata “Kopja għall-Importatur” għandha tinżamm mill-importatur għar-rekords tal-importatur.

6.4.    Il-kopja mmarkata “Kopja għall-Awtorità tal-ħruġ tal-Liċenzji” għandha tinżamm mill-awtorità tal-ħruġ tal-liċenzji għar-rekords tagħha u għal verifika futura possibbli tal-liċenzji maħruġa.

6.5.    Il-kopja mmarkata “Kopja għad-detentur tal-liċenzja” għandha tingħata lid-detentur tal-liċenzja għar-rekords tad-detentur tal-liċenzja.

6.6.    Se jiġu pprovduti wkoll kopji elettroniċi tal-liċenzja FLEGT lill-awtorità doganali rilevanti tal-Unjoni u lill-awtorità kompetenti.

6.7.    L-awtorità tal-ħruġ tal-liċenzji se tarkivja kopja tal-liċenzja FLEGT u se tinħażen kopja elettronika mill-Unità tas-Sistema ta’ Informazzjoni dwar il-Ġestjoni fis-CID.

7.    Il-validità, l-irtirar u s-sostituzzjoni tal-liċenzji FLEGT

7.1.    Il-validità u t-telf tal-validità tal-liċenzji FLEGT

Il-liċenzji FLEGT għandhom ikunu validi minn dakinhar li jinħarġu u għandu jkollhom validità ta’ sitt xhur mid-data tal-ħruġ. Id-data ta’ skadenza se tkun indikata fuq il-liċenzji FLEGT.

Il-liċenzji FLEGT ma għandhomx jibqgħu validi u għandhom jintbagħtu lura lill-awtorità tal-ħruġ tal-liċenzji jekk il-prodotti tal-injam koperti bil-liċenzja jintilfu jew jinqerdu matul il-vjeġġ qabel ma jaslu fl-Unjoni jew meta l-esportazzjoni ma tkunx saret u d-detentur tal-liċenzja ma jkunx talab estensjoni.

7.2.    Irtirar tal-liċenzja FLEGT

Il-liċenzja FLEGT tiġi rtirata fis-sitwazzjonijiet li ġejjin:

−    fejn ikun hemm xi ksur imwettaq mid-detentur tal-liċenzja b’rabta mal-vjeġġ li jiġi identifikat wara l-ħruġ tal-liċenzja FLEGT.

−    fejn id-detentur tal-liċenzja jirritorna l-liċenzja b’mod volontarju wara li jiddeċiedi li ma jużahiex.

7.3.    Sostituzzjoni tal-liċenzja FLEGT

Fil-każ ta’ telf, serq jew qerda tal-liċenzja FLEGT, id-detentur tal-liċenzja jew rappreżentant awtorizzat jista’ japplika għal sostituzzjoni, wara li jipprovdi ġustifikazzjoni għat-telf, għas-serq jew għall-qerda tal-liċenzja oriġinali u/jew tal-kopja.

Ladarba l-awtorità tal-ħruġ tal-liċenzji tkun sodisfatta bil-ġustifikazzjoni għas-sostituzzjoni tal-liċenzja, hija għandha toħroġ sostituzzjoni wara li tirċievi t-talba mingħand id-detentur tal-liċenzja.

Il-liċenzji FLEGT ta’ sostituzzjoni għandhom jinkludu l-informazzjoni u d-dettalji li jinsabu fil-liċenzja FLEGT oriġinali, inkluż in-numru tal-liċenzja FLEGT u l-liċenzja FLEGT ta’ sostituzzjoni għandu jkollhom il-kliem “Liċenzja ta’ Sostituzzjoni”.

Fil-każ li l-liċenzja mitlufa jew misruqa tinstab, din ma għandhiex terġa’ tintuża u għandha tintbagħat lura lill-awtorità tal-ħruġ tal-liċenzji.

7.4.    Applikazzjoni mill-ġdid għal liċenzja FLEGT

Għandha tintalab liċenzja FLEGT ġdida mill-esportatur kull meta jkun hemm bidla fil-prodott tal-injam, fil-kodiċi SA, fl-ispeċi jew fl-għadd ta’ unitajiet, jew kwalunkwe devjazzjoni fil-piż jew fil-volum tal-vjeġġ b’aktar minn 10 % meta mqabbel mal-liċenzja FLEGT.

8.    Il-ġestjoni ta’ nuqqas ta’ konformità relatat mal-liċenzji FLEGT

Fil-każ ta’ kwalunkwe ksur jew informazzjoni qarrieqa relatati mal-prodotti tal-injam, jew falsifikazzjoni, bidla jew modifika tal-informazzjoni dwar il-liċenzja FLEGT jew il-ksur tar-regolamenti dwar il-liċenzji FLEGT, l-awtorità tal-ħruġ tal-liċenzji għandha tapplika penali kif preskritt mil-liġijiet tal-Guyana.

9.    It-trattament tad-dubji rigward il-validità ta’ liċenzja

9.1.    Fil-każ ta’ dubji dwar il-validità jew l-awtentiċità ta’ liċenzja, liċenzja duplikata jew ta’ sostituzzjoni, l-awtorità kompetenti fl-Unjoni tista’ titlob informazzjoni addizzjonali mill-awtorità tal-ħruġ tal-liċenzji.

9.2.    Jekk meqjus meħtieġ, l-awtorità tal-ħruġ tal-liċenzji tista’ titlob lill-awtorità kompetenti tibgħat kopja tal-liċenzja jew tal-liċenzja ta’ sostituzzjoni inkwistjoni.

9.3.    Jekk l-awtorità tal-ħruġ tal-liċenzji tqis li huwa meħtieġ, hija għandha tirtira l-liċenzja u toħroġ liċenzja oriġinali kkoreġuta, li għandha tiġi awtentikata bl-approvazzjoni ttimbrata “Duplikata” u għandha tintbagħat lill-awtorità kompetenti.

9.4.    Jekk il-validità tal-liċenzja tiġi kkonfermata, l-awtorità tal-ħruġ tal-liċenzji għandha tinnotifika lill-awtorità kompetenti minnufih, preferibbilment b’mezzi elettroniċi. Kwalunkwe kopja li tintbagħat lura mill-awtorità kompetenti għandha tiġi awtentikata bl-approvazzjoni ttimbrata “Ivvalidata fi”.

9.5.    Fil-każ li l-liċenzja inkwistjoni ma tkunx valida, l-awtorità tal-ħruġ tal-liċenzji għandha tinnotifika lill-awtorità kompetenti minnufih, preferibbilment b’mezzi elettroniċi u ż-żewġ Awtoritajiet għandhom jieħdu azzjoni xierqa.

APPENDIĊIJIET

1.    Formola tal-liċenzja (il-Mudelli 1 u 2).

2.    Noti ta' Gwida

Appendiċi 1

Mudell 1: Format tal-Liċenzja FLEGT

L-Unjoni Ewropea    FLEGT

Mudell 2: Informazzjoni addizzjonali għal vjeġġ kumpless

L-INFORMAZZJONI LI ĠEJJA HIJA RELATATA MAL-LIĊENZJA FLEGT: Nru. tal-Liċenzja ....... Data ta’ skadenza:......... Isem tad-detentur tal-liċenzja:........ Isem l-importatur:........
Nru. tal-Oġġett	Deskrizzjoni kummerċjali tal-prodotti tal-injam	Intestatura SA	Ismijiet komuni u xjentifiċi	Pajjiżi tal-ħsad	Kodiċi ISO tal-pajjiż tal-ħsad	Volum (m3)	Piż nett (kg)*	Għadd ta’ unitajiet
1
2
3
4
5
6
7
8
9
10
*Il-volum jew il-piż huwa meħtieġ
Post tal-ħruġ		Data (JJ/XX/SSSS):		Il-firma u t-timbru tal-awtorità tal-ħruġ

Appendiċi 2

Noti ta' Gwida

Ġenerali:

−    Imla b'ittri kbar.

−    Il-kodiċijiet ISO jirreferu għall-kodiċi tal-pajjiż standard internazzjonali b’żewġ ittri.

−    Ir-referenza għal “ORIĠINALI” fil-Mudell 1 jeħtieġ li tiġi sostitwita b’waħda minn dawn li ġejjin skont ir-riċevitur tal-kopja tal-liċenzja: “KOPJA GĦAD-DWANA FID-DESTINAZZJONI”, “KOPJA GĦALL-IMPORTATUR”, “KOPJA GĦALL-AWTORITÀ TAL-LIĊENZJI”, “KOPJA GĦAL-LIĊENZJA”

Kaxxa 1	Awtorità tal-ħruġ	Indika l-isem u l-indirizz tal-awtorità tal-ħruġ tal-liċenzji.
Kaxxa 2	Importatur	Indika l-isem sħiħ u l-indirizz ta’ l-importatur;
Kaxxa 3	Numru tal-liċenzja FLEGT	Indika b’mod ċar in-numru tal-liċenzja fil-format meħtieġ.
Kaxxa 4	Data tal-Iskadenza	Indika b’mod ċar id-data ta’ skadenza tal-liċenzja.
Kaxxa 5	Pajjiż tal-esportazzjoni	Dan ifisser il-pajjiż sieħeb (il-Guyana) minn fejn il-prodotti tal-injam ġew esportati lejn l-Unjoni.
Kaxxa 6	Kodiċi ISO	Indika l-kodiċi b’żewġ ittri għall-Guyana.
Kaxxa 7	Mezz ta’ trasport	Indika l-mezzi tat-trasport fil-punt ta’ esportazzjoni.
Kaxxa 8	Liċenzja	Indika l-isem u l-indirizz tal-esportatur.
Kaxxa 9	Deskrizzjoni kummerċjali tal-prodotti tal-injam	Indika d-deskrizzjoni kummerċjali tal-prodott(i) tal-injam.
Kaxxa 10	Intestatura SA	Il-kodiċi tal-merkanzija b’erba’ jew sitt figuri stabbilit skont is-Sistema Armonizzata għad-Deskrizzjoni u l-Kodifikazzjoni tal-Merkanzija u deskritt fl-Anness I għal dan il-Ftehim.
Kaxxa 11	Ismijiet komuni u xjentifiċi	Indika l-ismijiet komuni u xjentifiċi tal-ispeċijiet ta’ injam użati fil-prodott. Fejn ikun hemm aktar minn speċi waħda inklużi fi prodott kompost, uża linji separati. Tista’ titħalla barra għal prodott kompost jew komponent li jkun fih speċijiet multipli li l-identità tagħhom intilfet (eż. bord tal-partikoli).
Kaxxa 12	Pajjiżi tal-ħsad	Indika l-pajjiżi fejn l-ispeċijiet ta’ injam imsemmija fil-kaxxa 10 jkunu nħasdu. Meta prodott ikun kompost inkludi s-sorsi kollha ta’ injam użat. Tista’ titħalla barra għal prodott kompost jew komponent li jkun fih speċijiet multipli li l-identità tagħhom intilfet (eż. bord tal-partikoli).
Kaxxa 13	Kodiċijiet ISO	Indika l-kodiċi ISO tal-pajjiżi msemmija fil-kaxxa 12. Tista’ titħalla barra għal prodott kompost jew komponent li jkun fih speċijiet multipli li l-identità tagħhom intilfet (eż. bord tal-partikoli).
Kaxxa 14	Volum (m3)	Agħti l-volum totali f’m3. Tista’ titħalla barra, sakemm ma tkunx tħalliet barra l-informazzjoni msemmija fil-kaxxa 15.
Kaxxa 15	Piż nett (kg)	Agħti l-piż nett f'kg. Dan huwa definit bħala l-massa netta tal-prodotti tal-injam mingħajr kontenituri immedjati jew kwalunkwe imballaġġ, għajr l-irfid, l-ispazjaturi, l-istikers, eċċ. Tista’ titħalla barra, sakemm ma tkunx tħalliet barra l-informazzjoni msemmija fil-kaxxa 14.
Kaxxa 16	Għadd ta’ unitajiet	Indika l-għadd ta’ unitajiet, jekk dan huwa l-aħjar mod biex tikkwantifika prodott manifatturat. Tista’ titħalla barra.
Kaxxa 17	Marki distintivi	Indika kwalunkwe marka distintiva, fejn xieraq, eż. in-numru tal-lott jew in-numru tal-polza ta’ kargu. Tista’ titħalla barra.
Kaxxa 18	Il-firma u t-timbru tal-awtorità tal-ħruġ	Din il-kaxxa trid tiġi ffirmata mill-uffiċjal awtorizzat u ttimbrata bit-timbru uffiċjali tal-awtorità tal-ħruġ tal-liċenzji. Iridu jiġu indikati wkoll l-isem tal-firmatarju, kif ukoll il-post u d-data.

________________

ANNESS V

Is-SISTEMA TA’ GARANZIJA TAL-LEGALITÀ TAL-INJAM TAL-GUYANA (GTLAS)

1    INTRODUZZJONI

2    IL-KAMP TA’ APPLIKAZZJONI TAL-GTLAS

2.1    Prodotti tal-injam koperti mill-GTLAS

2.2    Sorsi tal-injam

2.3    Operaturi tas-settur tal-foresti koperti mill-GTLAS

2.4    Il-leġiżlazzjoni u l-proċeduri applikabbli

2.5    Ir-rwoli u r-responsabbiltajiet tal-entitajiet involuti fl-implimentazzjoni tal-GTLAS

2.6    Strutturi ta’ implimentazzjoni biex tiġi żgurata koordinazzjoni effettiva

3    DESKRIZZAJONI TAL-GTLAS

3.1    Id-drittijiet tal-allokazzjoni u l-ħsad tal-foresti

3.2    Id-Definizzjoni tal-Legalità

3.3    Ir-rekwiżiti tad-WTS

3.4    Verifika tal-konformità mal-proċess tal-allokazzjoni għall-konċessjonijiet, id-Definizzjoni tal-Legalità u r-rekwiżiti tad-WTS.

3.5    Ġestjoni tan-nuqqas ta’ konformità

3.6    Verifika kkonsolidata

3.7    Il-ġbir u l-ġestjoni tad-data u tal-informazzjoni

3.8    Skema ta’ liċenzjar FLEGT

3.9. Awditur indipendenti

3.10    Mekkaniżmu tal-ilmenti għall-GTLAS

3.11    Il-monitoraġġ tal-implimentazzjoni tal-GTLAS

4    IT-TITJIB TAS-SISTEMI LI JAPPOĠĠJAW L-IMPLIMENTAZZJONI TAL-GTLAS

5    APPENDIĊI

1    INTRODUZZJONI

Bħala parti mill-isforzi internazzjonali biex jiġu indirizzati l-qtugħ illegali tas-siġar għall-injam u l-kummerċ assoċjat miegħu, għadd dejjem jikber ta’ pajjiżi adottaw miżuri biex jipprevjenu l-kummerċ ta’ prodotti tal-injam illegali. Dan il-Ftehim jikkomplementa l-Istrateġija ta’ Żvilupp tal-Istat Ekoloġiku tal-Guyana. Fl-implimentazzjoni ta’ dan il-Ftehim, il-Guyana se tibni fuq is-sistema ta’ garanzija tal-legalità eżistenti tagħha biex tkompli ssaħħaħ il-ġlieda kontra l-qtugħ illegali tas-siġar għall-injam u l-kummerċ assoċjat, u żżomm rata baxxa ta’ deforestazzjoni u degradazzjoni tal-foresti.

Is-Sistema ta’ Garanzija tal-Legalità tal-Injam tal-Guyana (GTLAS) hija bbażata fuq il-qafas ġurdiku nazzjonali u għandha l-għan li tiżgura li l-prodotti tal-injam tal-Guyana jkunu legali. Għal dak l-għan, il-GTLAS se tistabbilixxi sistema kredibbli ta’ garanzija tal-legalità li tiggarantixxi l-legalità tal-ħsad, it-trasport u l-ipproċessar, kif ukoll l-esportazzjonijiet u l-importazzjonijiet ta’ prodotti tal-injam. Hija se tinkludi kontrolli tal-konformità biex tiġi pprovduta garanzija li l-prodotti tal-injam ikunu ġew prodotti legalment, irrispettivament mis-suq tad-destinazzjoni maħsub. Hija se tiżgura li l-liċenzji FLEGT u ċ-ċertifikati tal-esportazzjoni jinħarġu għal vjeġġi lejn is-suq tal-Unjoni ta’ prodotti tal-injam li jkunu legali u li jinħarġu biss ċertifikati tal-esportazzjoni għal dawk destinati għas-swieq l-oħrajn kollha. Barra minn hekk, il-GTLAS se tivverifika l-legalità tal-prodotti tal-injam importati.

Il-Guyana se tibni u tespandi fuq is-Sistema ta’ Rintraċċar tal-Injam (WTS) attwali tagħha u fuq sistemi oħrajn ta’ kontroll tal-Gvern biex tiżgura l-legalità tal-prodotti tal-injam tagħha. Id-WTS attwali hija sistema bbażata fuq it-tikketti u l-karti li tippermetti monitoraġġ effiċjenti tal-fluss tal-prodotti tal-injam għall-kummerċ domestiku u internazzjonali. Id-WTS se tkun marbuta mad-Definizzjoni tal-Legalità tal-Guyana, li hija bbażata fuq il-qafas ġuridiku nazzjonali, u se tifforma komponent ewlieni tal-GTLAS.

Evalwazzjoni tad-WTS attwali u tal-proċeduri ta’ verifika vvalutat il-prattiċità u l-operabbiltà tar-rekwiżiti tal-GTLAS. Hija identifikat ukoll il-miżuri u l-lakuni li għandhom jiġu indirizzati matul il-fażi ta’ implimentazzjoni biex tiġi żgurata l-legalità tal-injam permezz ta’ proċeduri robusti ta’ kontrolli, verifika u validazzjoni.

Uħud minn dawn il-miżuri jinkludu: it-tisħiħ tal-koordinazzjoni bejn l-aġenziji tas-settur pubbliku, b’mod partikolari bejn il-Kummissjoni tal-Forestrija tal-Guyana (GFC) u aġenziji oħrajn għall-immaniġġjar tal-art biex ikomplu jittejbu l-proċessi tal-allokazzjoni tal-art u jiġu indirizzati l-kwistjonijiet relatati; it-tisħiħ tal-aċċess pubbliku għall-informazzjoni dwar is-settur tal-foresti; it-tisħiħ tal-qafas ġuridiku; it-titjib tas-sistema ta’ komunikazzjoni u informazzjoni dwar il-ġestjoni tad-data tal-GFC; u l-iżvilupp ta’ proċeduri aktar robusti ta’ verifika u validazzjoni. Il-mili ta’ wħud mil-lakuni identifikati jinkludi: l-iżvilupp ta’ sistemi għall-identifikazzjoni, ir-reġistrazzjoni u l-ġestjoni ta’ każijiet ta’ nuqqas ta’ konformità; l-istabbiliment ta’ awditi perjodiċi minn parti terza għall-valutazzjoni u t-titjib tal-GTLAS; u l-ħolqien ta’ unità tal-ħruġ tal-liċenzji FLEGT għall-esportazzjonijiet tal-injam. Sabiex jiġi żgurat it-tisħiħ ta’ dawk l-oqsma li ġew identifikati bħala li jeħtieġ li jissaħħu, se jiġu stabbiliti strutturi ta’ implimentazzjoni.

Il-GTLAS ġiet żviluppata permezz ta’ proċess parteċipattiv b’diversi partijiet interessati kkoordinat mill-Grupp ta’ Ħidma Tekniku Nazzjonali. Dan il-proċess involva maġġoranza kbira ta’ partijiet interessati ewlenin fis-settur tal-forestrija tal-Guyana u gruppi ta’ interess oħrajn. Matul bosta laqgħat mal-pajjiż kollu, il-partijiet interessati ewlenin ingħataw informazzjoni u ġew ikkonsultati dwar il-proċess tal-FSV. Id-dettalji tad-diversi elementi tal-GTLAS inklużi f’dan l-Anness ġew miftiehma b’kunsens ma’ dawn il-partijiet interessati.

Il-partijiet involuti fl-iżvilupp tal-GTLAS kienu jinklusu: il-persuni li jaqtgħu s-siġar, il-persuni li jisserraw l-injam, il-manifatturi, in-negozjanti tal-injam, l-esportaturi, l-importaturi u t-trasportaturi, u s-sensara doganali, kif ukoll ir-rappreżentanti tal-assoċjazzjonijiet tal-qtugħ tas-siġar, il-villaġġi u l-komunitajiet Amerindjani, l-organizzazzjonijiet mhux governattivi indiġeni, u l-Ministeri u l-Aġenziji Governattivi.

2    IL-KAMP TA’ APPLIKAZZJONI TAL-GTLAS

2.1    Prodotti tal-injam koperti mill-GTLAS

Il-prodotti tal-injam koperti mill-GTLAS u s-Sistema Armonizzata għad-Deskrizzjoni u l-Kodifikazzjoni tal-Merkanzija korrispondenti tagħhom huma inklużi fl-Anness I. Il-Partijiet għandhom jikkunsidraw li jinkludu aktar prodotti fl-Anness I sentejn wara l-bidu tal-ħruġ tal-liċenzji FLEGT.

2.2    Sorsi tal-injam

Is-sorsi tal-injam jinqasmu f’sitt (6) kategoriji ewlenin;

(a)    Konċessjonijiet żgħar huma żoni ta’ 8097 ettaru jew inqas. L-FSOs ta’ konċessjonijiet żgħar irid ikollhom awtorizzazzjoni Statali għall-foresti, li tista’ tkun jew permess mill-Istat għall-foresti jew ftehim komunitarju dwar il-ġestjoni tal-foresti. Dawn l-awtorizzazzjonijiet Statali għall-foresti jingħataw mill-GFC għal massimu ta’ sentejn, soġġetti għal tiġdid kundizzjonali u jinkludu kwota approvata. Il-konċessjonijiet żgħar iridu jkunu konformi mal-Kodiċi ta’ Prattika Nru. 1 tal-2018 u mal-Linji Gwida għall-Operazzjonijiet Forestali (Konċessjoni Żgħira). L-inventarju ta’ qabel il-ħsad mhuwiex rekwiżit għall-konċessjonijiet żgħar.

(b)    Konċessjonijiet kbar huma żoni akbar minn 8097 ettaru. L-FSOs ta’ konċessjonijiet kbar irid ikollhom awtorizzazzjoni Statali tal-foresti mogħtija mill-GFC. Dawn l-awtorizzazzjonijiet Statali għall-foresti jistgħu jkunu jew ftehim ta’ konċessjoni għall-foresti jew permess esploratorju. Il-ftehimiet ta’ konċessjoni għall-foresti jistgħu jkunu jew ftehimiet għall-bejgħ tal-injam jew lokazzjonijiet għall-qtugħ tal-injam. Dawn l-SFAs jinħarġu wara li l-FSO jkun kiseb permess esploratorju, b’kuntratt ta’ mhux aktar minn 40 sena, li jkun soġġett għal tiġdid kundizzjonali. Il-konċessjonijiet kbar iridu jkunu konformi mal-Kodiċi ta’ Prattika Nru. 1 tal-2018 u mal-Linji Gwida għall-Operazzjonijiet Forestali (Konċessjoni Kbira). Il-Kodiċi se jinkludi dispożizzjonijiet dwar it-tħejjija ta’ pjan għall-ġestjoni tal-foresti, pjan tal-operat annwali u t-twettiq ta’ inventarju ta’ qabel il-ħsad mill-FSO, kif speċifikat fil-Linji Gwida dwar il-Pjan għall-Ġestjoni tal-Foresti.

(c)    Villaġġ Amerindjan – L-Att dwar l-Amerindjani, Kap 29:01 jiddefinixxi “artijiet tal-Villaġġ” bħala “grupp ta’ Amerindjani li jokkupaw jew li jużaw l-artijiet tal-Villaġġ” u tiddefinixxi l-artijiet tal-Villaġġ bħala “artijiet li huma proprjetà komunali ta’ Villaġġ taħt titolu mogħtija lill-Kunsill tal-Villaġġ (KV) biex jinżammu għall-benefiċċju tal-Villaġġ”. Tingħata għotja assoluta jew ċertifikat ta’ titolu lil Kunsill tal-Villaġġ biex tintwera s-sjieda tal-art. Villaġġ Amerindjan isir FSO meta jidħol f’kuntratt mal-GFC biex iwettaq ħsad kummerċjali fil-konfini tal-Villaġġ Amerindjan.

(d)    Art privata– L-Att dwar il-Foresti Nru 6 tal-2009 jiddefinixxi “art privata” bħala “art li la hija art pubblika u lanqas art tal-Villaġġ”. Art privata hija legalment miżmuma minn individwu jew korp korporattiv b’titolu rreġistrat, trasport jew għotja assoluta. Sid tal-art privata jsir FSO meta jidħol f’kuntratt mal-GFC biex iwettaq ħsad kummerċjali fil-konfini tal-art privata.

(e)    Artijiet tal-Istat 16 f’konverżjoni – Il-prodotti tal-injam jistgħu jiġu salvati mill-artijiet tal-Istat li huma approvati mill-Ministeri u l-Aġenziji Governattivi rilevanti biex jiġu kkonvertiti għal użi ta’ art mhux forestali taħt l-awtorizzazzjonijiet li ġejjin:

I.    Liċenzja jew permess għall-estrazzjoni – liċenzja jew permess għall-estrazzjoni jinħarġu mill-Kummissjoni tal-Ġeoloġija u l-Minjieri tal-Guyana fuq żona fl-artijiet tal-Istat għat-tiftix, l-estrazzjoni, it-teħid u l-approprjazzjoni ta’ kwalunkwe minerali. Detentur ta’ liċenzja jew permess għall-estrazzjoni jsir FSO meta jkun awtorizzat mill-GFC biex isalva l-prodotti tal-injam fil-konfini ta’ dik iż-żona.

II.    Lokazzjonijiet – lokazzjoni tinħareġ mill-Kummissjoni tal-Artijiet u l-Istħarriġ tal-Guyana fuq żona fi ħdan l-artijiet tal-Istat għall-finijiet tal-agrikoltura jew ta’ attivitajiet oħrajn. Detentur ta’ lokazzjoni jsir FSO meta jkun awtorizzat mill-GFC biex isalva l-prodotti tal-injam fil-konfini ta’ dik iż-żona.

III.    Infrastruttura (toroq, impjanti idroelettriċi, digi, eċċ.) – tingħata approvazzjoni mill-Uffiċċju tal-President għall-kostruzzjoni ta’ impjanti idroelettriċi. Il-Ministeru tax-Xogħlijiet Pubbliċi jagħti awtorizzazzjonijiet biex imexxi x-xogħlijiet infrastrutturali l-oħrajn kollha, bħal toroq u pontijiet. Detentur ta’ approvazzjoni infrastrutturali jsir FSO meta jiġi awtorizzat mill-GFC biex isalva l-prodotti tal-injam fil-konfini ta’ dik iż-żona.

Sabiex isalva l-injam miż-żona f’konverżjoni (għal użu kummerċjali), id-detentur ta’ kwalunkwe waħda mill-awtorizzazzjonijiet ta’ hawn fuq irid l-ewwel jirreġistra mal-GFC biex isir FSO u jsegwi r-regoli stabbiliti fit-Taqsima 3.3.3 fil-GTLAS. Jekk id-detentur ta’ kwalunkwe waħda mill-awtorizzazzjonijiet imsemmija hawn fuq ma jkollux l-intenzjoni li juża l-injam għal skopijiet kummerċjali jew għal kwalunkwe użu fiż-żona approvata, id-detentur ma għandux bżonn ikun irreġistrat mal-GFC u ma jsirx FSO. F’dawn il-każijiet, l-injam jitqies bħala abbandunat (ara t-Taqsima 3.3.10).

(f)    Prodotti tal-injam importati - Importatur isir FSO meta tinħareġ liċenzja tal-importazzjoni mill-GFC biex jimporta l-prodotti tal-injam elenkati fl-Anness I.

(g)    Prodotti tal-injam sekwestrati – Il-prodotti tal-injam jinqabdu meta jkun hemm suspett ta’ reat imwettaq bi ksur tal-Att dwar il-Foresti Nru 6 tal-2009. Il-prodotti tal-injam sekwestrati jistgħu jerġgħu jidħlu fil-katina tal-provvista skont il-proċeduri deskritti fit-Taqsima 3.3.10.

2.3    Operaturi tas-settur tal-foresti koperti mill-GTLAS

L-FSOs huma kkategorizzati abbażi tat-tipi ta’ operazzjonijiet li ġejjin, li jinvolvu l-ħsad tal-injam, u l-importazzjoni, it-trasport, l-ipproċessar, il-kummerċ u l-esportazzjoni ta’ prodotti tal-injam:

−    SFAs (konċessjonijiet żgħar u kbar)

−    Villaġġi Amerindjani

−    Artijiet privati

−    Artijiet tal-Istat f’konverżjoni

−    L-ipproċessar u/jew il-bejgħ ta’ prodotti tal-injam

−    L-esportazzjoni u/jew l-importazzjoni ta’ prodotti tal-injam

2.4    Leġiżlazzjoni u proċeduri applikabbli

Id-Definizzjoni tal-Legalità tistabbilixxi l-leġiżlazzjoni applikabbli (inklużi regolamenti) li tirfed il-GTLAS (ara l-Appendiċi tal-Anness II). Dawn il-biċċiet ta’ leġiżlazzjoni jifformaw il-qafas applikabbli għas-settur forestali tal-Guyana u jappoġġjaw l-isforzi tal-pajjiż lejn il-ġestjoni sostenibbli tal-foresti (SFM). Huma għandhom l-għan li jindirizzaw il-qtugħ illegali tas-siġar għall-injam u l-kummerċ assoċjat miegħu. L-implimentazzjoni effettiva tal-qafas ġuridiku nazzjonali f’dan il-Ftehim tfittex li tippromwovi governanza tajba tal-foresti u tiżgura l-kredibbiltà tal-GTLAS.

2.5    Ir-rwoli u r-responsabbiltajiet tal-entitajiet involuti fl-implimentazzjoni tal-GTLAS

Il-Ministeri u/jew l-Aġenziji Governattivi li se jkunu involuti fil-verifika tal-konformità mad-Definizzjoni tal-Legalità u l-kontroll tal-katina tal-provvista huma elenkati hawn taħt:

−     GFC

−    l-Awtorità tad-Dħul

−    Il-Ministeru tal-Affarijiet Amerindjani

−    Il-Ministeru tax-Xogħol

−    Il-Bord Nazzjonali tal-Assikurazzjoni

−    Il- Kummissjoni tal-Artijiet u l-Istħarriġ tal-Guyana

−    Il-Kummissjoni tal-Ġeoloġija u l-Minjieri tal-Guyana

−    L-Aġenzija għall-Protezzjoni tal-Ambjent

−    L-Awtorità tal-Atti u r-Reġistri Kummerċjali

−    Ir-Reġistru tas-Soċjetajiet ta’ għajnuna reċiproka

−    Id-Dipartiment tas-Soċjetajiet Kooperattivi

−    Ir-Reġistru tal-Atti

−    Ir-Reġistru tal-Artijiet

−    L-Organizzazzjoni Nazzjonali għall-Protezzjoni tal-Pjanti

−    Il-Kummissjoni għall-Konservazzjoni u l-Ġestjoni tal-Organiżmi Selvaġġi

−    Il-Ministru tax-Xogħlijiet Pubbliċi

−    L-Uffiċċju tal-President

Il-Ministeri u l-Aġenziji Governattivi kollha se jkunu responsabbli mill-verifika tal-konformità tal-FSOs mad-Definizzjoni tal-Legalità skont il-mandat tagħhom u se jkunu meħtieġa jipprovdu data u informazzjoni lill-Unità tas-Sistema ta’ Informazzjoni dwar il-Ġestjoni (MISU) biex jiġġestixxu u jżommu l-fajls elettroniċi tad-data tal-FSOs. Matul il-fażi ta’ implimentazzjoni tal-GTLAS, ir-rwoli u r-responsabbiltajiet tal-Ministeri u tal-Aġenziji Governattivi fit-twettiq ta’ verifika tal-GTLAS se jiġu żviluppati aktar u miġbura f’Manwal ta’ Proċeduri tal-GTLAS għal verifika.

Id-deskrizzjonijiet fil-qosor tal-Ministeri u tal-Aġenziji Governattivi involuti fil-GTLAS, li se jivverifikaw il-konformità u jipprovdu data u informazzjoni lill-MISU, huma elenkati hawn taħt:

1.    Il-GFC għandha l-mandat statutorju li tamministra u tirregola l-foresta tal-Istat tal-Guyana. Il-GFC se tkun responsabbli mill-implimentazzjoni tal-Ftehim f’isem il-Guyana, inkluża l-ġestjoni tal-GTLAS f’koordinazzjoni ma’ Ministeri u/jew Aġenziji Governattivi oħrajn. Fi ħdan il-GFC, id-diviżjonijiet jew l-unitajiet li ġejjin se jkunu involuti fl-implimentazzjoni tal-GTLAS:

−    Id-Diviżjoni għall-Ġestjoni tar-Riżorsi tal-Foresti (FRMD) hija responsabbli biex tistabbilixxi l-istatus legali tal-FSOs rilevanti għas-sorsi kollha tal-prodotti tal-injam koperti mill-Anness I. L-FRMD twettaq, tanalizza u tapprova l-inventarji ta’ qabel il-ħsad għal konċessjonijiet kbar u twettaq spezzjonijiet ta’ qabel il-ħsad fuq l-artijiet tal-Istat f’konverżjoni. Id-Diviżjoni tanalizza u tapprova wkoll pjani ta’ ġestjoni u ta’ operazzjoni tal-FSO, fejn ikun applikabbli. Barra minn dan, l-FRMD tagħti pariri lid-Diviżjoni tal-Monitoraġġ tal-Foresti (FMD) dwar l-approvazzjoni tal-FSO biex jibda l-ħsad. Imbagħad, l-FMD toħroġ tikketti tar-rintraċċar tal-GFC u d-dokumenti tat-trasport rilevanti (ara t-Taqsima 3.3.4).

−    Id-Diviżjoni għall-Monitoraġġ tal-Foresti (FMD) hija responsabbli mill-ġestjoni u l-monitoraġġ tal-punti kritiċi ta’ kontroll kollha tad-WTS. L-FMD toħroġ ukoll tikketti tar-rintraċċar u dokumenti tat-trasport tal-GFC lill-FSOs u tissorvelja l-użu tagħhom (ara t-Taqsima 3.3.4). Hija tagħmel dan billi tuża informazzjoni stampata u diġitali fil-katina tal-provvista kollha. Jekk l-FSO jkollu l-ħsieb li jagħti kuntratt lil parti terza għall-ħsad u/jew l-estrazzjoni fi ħdan il-konċessjoni żgħira jew kbira tal-FSO, l-FMD tapprova l-ftehim ta’ kiri ta’ parti terza bejn l-FSO u l-parti terza. L-FSO għadu responsabbli għall-konformità mal-indikaturi rilevanti tad-Definizzjoni tal-Legalità.

−    Id-Diviżjoni tal-Finanzi (DF) hija responsabbli mis-sorveljanza tal-konformità tal-FSOs mal-obbligi finanzjarji lill-GFC.

−    L-Unità ta’ Sistemi ta’ Informazzjoni dwar il-Ġestjoni (MISU) hija unità fi ħdan id-Diviżjoni tal-Finanzi u hija responsabbli mill-ġestjoni ġenerali tal-Bażi tad-Data ta’ Informazzjoni Ċentrali (CID). Is-CID se jkun fiha d-data u l-informazzjoni użati mill-MISU għall-valutazzjoni tal-konformità legali tal-FSOs u l-operazzjonijiet tagħhom. Il-MISU tirċievi, tivverifika u tarkivja d-data u l-informazzjoni relatati mal-funzjonament tal-GTLAS, li jiġu pprovduti mid-diviżjonijiet tal-GFC, mill-Ministeri u/jew l-Aġenziji Governattivi, u mill-FSOs għall-inklużjoni fil-fajls elettroniċi tad-data tal-FSOs fis-CID. Fil-każ ta’ nuqqas ta’ konformità, il-MISU tinforma lill-FSO jew lill-persuna responsabbli għan-nuqqas ta’ konformità, u taġġorna t-taqsima dwar in-nuqqas ta’ konformità tas-CID abbażi tal-informazzjoni li tasal mill-Ministeri u/jew l-Aġenziji Governattivi rilevanti. Il-MISU se tivverifika din id-data u l-informazzjoni permezz ta’ analiżijiet mhux fuq il-post, komunikazzjoni regolari mal-FSOs kollha involuti u analiżi tad-data. Il-MISU se tiżgura wkoll l-affidabbiltà u d-disponibbiltà tal-informazzjoni tas-CID, b’mod partikolari li l-fajls elettroniċi tad-data tal-FSOs ikunu aġġornati. Hija se taħdem ukoll ma’ Ministeri u/jew Aġenziji Governattivi oħrajn biex ittejjeb il-komunikazzjoni u l-kondiviżjoni regolari tad-data.

−    L-Unità tal-Legalità u l-Kummerċ tal-Injam (TLTU) se tkun l-awtorità tal-ħruġ tal-liċenzji FLEGT tal-Guyana. It-TLTU u l-MISU se joperaw b’mod awtonomu biex jiġu evitati kunflitti ta’ interess bejn l-attivitajiet ta’ verifika tal-MISU u l-attivitajiet ta’ ħruġ tal-liċenzji tat-TLTU. It-TLTU se tirċievi u tipproċessa l-formoli ta’ talba għall-esportazzjoni mill-FMD. It-TLTU se tivverifika s-CID biex tiddetermina jekk l-FSO ssodisfax ir-rekwiżiti legali tal-GTLAS. Meta jkun ġew issodisfati r-rekwiżiti tal-GTLAS, it-TLTU toħroġ ċertifikati tal-esportazzjoni għas-swieq kollha, kif ukoll liċenzji FLEGT għall-prodotti elenkati fl-Anness I destinati għall-Unjoni. It-TLTU se tkun responsabbli wkoll mill-ħruġ ta’ liċenzji tal-importazzjoni għall-prodotti tal-injam.

−    L-Unità tal-Awditjar Intern (IAU) hija responsabbli mill-awditi interni skont il-mandat tal-GFC. L-IAU twettaq kontroll tal-kwalità fuq id-data u l-informazzjoni relatati mal-GTLAS. Fuq talba, l-IAU se tipprovdi wkoll rapport lill-Awditur Indipendenti dwar il-funzjonament tal-operazzjonijiet tal-GFC fi ħdan il-GTLAS.

2.    L-Awtorità tad-Dħul hija l-awtorità doganali u tat-taxxa fil-Guyana. L-unità tal-Operazzjonijiet tad-Dwana, tas-Sisa u tal-Kummerċ (CETO) tal-Awtorità tad-Dħul għandha tiżgura li l-prodotti tal-injam kollha esportati mill-Guyana u importati fiha jissodisfaw ir-rekwiżiti tal-GTLAS relatati mal-funzjonijiet tad-dwana u tas-sisa. Is-CETO tiżgura li l-prodotti tal-injam kollha li għandhom jiġu esportati jkollhom liċenzja FLEGT valida u ċertifikat tal-esportazzjoni għas-suq tal-Unjoni, jew ċertifikat tal-esportazzjoni għal swieq oħrajn. Hija tissorvelja wkoll il-fluss tat-tranżitu tal-injam mill-punt tad-dħul sal-ħruġ mill-Guyana.

3.    Il-Ministeru tal-Affarijiet Amerindjani huwa responsabbli mill-verifika tal-elezzjonijiet tal-Kunsilli tal-Villaġġi Amerindjani involuti fil-ħsad tal-injam għal skopijiet kummerċjali.

4.    Il-Ministeru tax-Xogħol huwa responsabbli mill-verifika tal-konformità tal-FSOs mal-obbligi soċjali u tax-xogħol tagħhom skont id-Definizzjoni tal-Legalità.

5.    Il-Bord Nazzjonali tal-Assigurazzjoni huwa responsabbli mis-superviżjoni u l-kontroll tar-reġistrazzjoni tal-FSOs u l-ħlas tal-kontribuzzjonijiet tas-sigurtà soċjali tagħhom. Il-Bord Nazzjonali tal-Assigurazzjoni huwa responsabbli wkoll mill-verifika tal-konformità tal-FSOs mal-indikatur rilevanti fid-Definizzjoni tal-Legalità.

6.    Il-Kummissjoni tal-Artijiet u l-Istħarriġ tal-Guyana hija responsabbli mill-ħruġ ta’ għotjiet assoluti u lokazzjonijiet fuq l-artijiet tal-Istat. Hija tikkollabora mal-Ministeri u/jew l-Aġenziji Governattivi kollha involuti fir-reġistrazzjoni u l-ħażna tar-rekords relatati mal-artijiet tal-Istat.

7.    Il-Kummissjoni tal-Ġeoloġija u l-Minjieri tal-Guyana hija responsabbli mill-ħruġ u l-ġestjoni ta’ liċenzji jew permessi għall-estrazzjoni.

8.    L-Aġenzija għall-Protezzjoni tal-Ambjent (EPA) hija responsabbli mill-ħruġ u l-ġestjoni ta’ awtorizzazzjonijiet ambjentali.

9.    L-Awtorità tal-Atti u r-Reġistri Kummerċjali hija responsabbli mir-reġistrazzjoni tal-kumpaniji inkorporati jew entitajiet korporattivi.

10.    Ir-Reġistru tas-Soċjetajiet ta’ għajnuna reċiproka huwa responsabbli mir-reġistrazzjoni tal-FSOs minn assoċjazzjonijiet tal-foresti għall-ġestjoni tal-komunità li huma kkategorizzati taħt ir-Reġistru tas-Soċjetajiet ta’ għajnuna reċiproka.

11.    Id-Dipartiment tas-Soċjetajiet Kooperattivi huwa responsabbli mir-reġistrazzjoni tal-FSOs mill-assoċjazzjonijiet tal-foresti għall-ġestjoni tal-komunità li huma kkategorizzati taħt is-soċjetajiet kooperattivi.

12.    Ir-Reġistru tal-Atti huwa responsabbli mir-reġistrazzjoni u l-intitolar ta’ art ikkonvertita minn sjieda tal-Gvern għal sjieda privata.