|
27.10.2022 |
MT |
Il-Ġurnal Uffiċjali tal-Unjoni Ewropea |
C 412/14 |
Notifika minn qabel ta’ konċentrazzjoni
(Il-Każ M.10953 – ADD / TOTALENERGIES / TOTAL EGYPT)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2022/C 412/11)
1.
Fid-19 ta’ Ottubru 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Abu Dhabi National Oil Company for Distribution PJSC (“ADD”, l-Emirati Għarab Magħquda), proprjetà ta’ Abu Dhabi National Oil Company PJSC (“ADNOC”), |
|
— |
TotalEnergies Marketing Afrique SAS (“TotalEnergies”, Franza), sussidjarja kollha kemm hi proprjetà ta’ TotalEnergies S.E., |
|
— |
TotalEnergies Marketing Egypt LLC (“Total Egypt”, l-Eġittu), sussidjarja ta’ TotalEnergies. |
ADD u TotalEnergies jakkwistaw, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ Total Egypt.
Il-konċentrazzjoni hija mwettqa permezz ta’ xiri ta’ kwoti (2).
2.
L-attivitajiet kummerċjali tal-impriżi kkonċernati huma dawn li ġejjin:|
— |
ADD tikkummerċjalizza u tiddistribwixxi l-prodotti petroliferi f’firxa varjata ta’ setturi tan-negozju, |
|
— |
TotalEnergies hija attiva fir-riċerka, l-industrija u l-kummerċ tal-idrokarburi u d-derivattivi tagħhom fil-forom kollha tagħhom u, b’mod aktar ġenerali, f’attivitajiet simili fil-qasam tal-enerġija madwar id-dinja u b’mod partikolari fil-kontinent Afrikan. |
3.
Total Egypt hija attiva fil-bejgħ bl-imnut tal-fjuwil, bejgħ ta’ prodotti li mhux fjuwil (bejgħ bl-imnut tal-ikel u servizzi tal-ħasil tal-karozzi), lubrikanti, fjuwil tal-avjazzjoni, u distribuzzjoni tal-fjuwil bl-ingrossa fl-Eġittu.
4.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont in-Notifika tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (3) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fin-Notifika.
5.
Il-Kummissjoni tistieden lil partijiet terzi interessati jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.10953 – ADD / TOTALENERGIES / TOTAL EGYPT
Il-kummenti jistgħu jintbagħtu lill-Kummissjoni permezz tal-posta elettronika, bil-fax jew bil-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (“ir-Regolament dwar l-Għaqdiet”).
(2) TotalEnergies hija proprjetà permezz ta’ kwoti, għall-kuntrarju ta’ ishma u, b’riżultat ta’ dan, l-akkwiżizzjoni proposta tinvolvi l-akkwist ta’ kwoti, pjuttost milli ishma.