|
8.8.2022 |
MT |
Il-Ġurnal Uffiċjali tal-Unjoni Ewropea |
C 302/2 |
Avviż minn qabel ta’ konċentrazzjoni
(Il-Każ M.10803 - ELKEM / HYDRO ENERGI INVEST / ALTOR FUND MANAGER / VIANODE)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2022/C 302/02)
1.
Fid-29 ta’ Lulju 2022, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Elkem ASA (“Elkem”, in-Norveġja), ikkontrollata mill-Kummissjoni għas-Superviżjoni u l-Amministrazzjoni tal-Assi tal-Istat tal-Kunsill tal-Istat tar-Repubblika tal-Poplu taċ-Ċina (iċ-Ċina), |
|
— |
Hydro Energi Invest AS (“Hydro”, in-Norveġja), li tappartjeni għall-Hydro Group (in-Norveġja), |
|
— |
Altor Fund Manager AB (“Altor”, l-Iżvezja), |
|
— |
Vianode AS (“Vianode”, in-Norveġja), ikkontrollata minn Elkem. |
Elkem, Hydro u Altor se jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ Vianode.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
Elkem hija attiva fil-produzzjoni, il-bejgħ, il-kummerċjalizzazzjoni u r-riċerka u l-iżvilupp tas-siliċju, il-ferrosiliċju, il-karbonju, il-mikrosilika u l-ligi speċjalizzati bbażati fuq il-ferrosiliċju għall-industriji tal-funderiji tal-ħadid u tal-azzar, madwar id-dinja; |
|
— |
Hydro hija kumpanija tal-aluminju integrata bis-sħiħ, u għandha attivitajiet tul il-katina tal-valur tal-aluminju mill-ġenerazzjoni tal-boksajt, tal-alumina u tal-enerġija sal-produzzjoni tal-aluminju primarju, prodotti estrużi tal-aluminju u r-riċiklaġġ tal-aluminju, madwar id-dinja; |
|
— |
Altor hija l-maniġer tal-fond ta’ grupp ta’ fondi ta’ ekwità privata, inkluż Altor Fund V li huwa l-fond ta’ Altor li jagħmel l-investiment f’Iyuno; Altor Fund IV huwa fond ta’ ekwità privata li jiffoka fuq l-investimenti fis-segment tas-suq medju tar-reġjun Nordiku. |
3.
Vianode hija attiva fl-iżvilupp ta’ materjali tal-anodu għall-produzzjoni ta’ materjali tal-batteriji.
4.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
5.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10803 - ELKEM / HYDRO ENERGI INVEST / ALTOR FUND MANAGER / VIANODE
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).