—

wara li kkunsidra l-Konvenzjoni Ewropea dwar id-Drittijiet tal-Bniedem tal-1950,

—

wara li kkunsidra l-Konvenzjoni dwar l-Eliminazzjoni ta' Kull Forma ta' Diskriminazzjoni kontra n-Nisa tal-1979,

—

wara li kkunsidra l-Karta tad-Drittijiet Fundamentali tal-Unjoni Ewropea (Il-“Karta”) tal-2000,

—

wara li kkunsidra r-riżoluzzjoni tiegħu tal-24 ta' Ġunju 2021 dwar is-sitwazzjoni tas-saħħa sesswali u riproduttiva u d-drittijiet relatati fl-UE, fil-kuntest tas-saħħa tan-nisa (1),

—

wara li kkunsidra r-riżoluzzjoni tiegħu tad-9 ta' Ġunju 2022 bit-titolu “Theddid globali għad-dritt għall-abort: il-possibbiltà li l-Qorti Suprema tirrevoka d-dritt għall-abort fl-Istati Uniti” (2),

—

wara li kkunsidra d-deċiżjoni tal-24 ta' Ġunju 2022 tal-Qorti Suprema tal-Istati Uniti, li annullat, b'ħames voti favur u erbgħa kontra, id-deċiżjoni Roe vs Wade, u b'hekk temmet id-dritt kostituzzjonali federali għall-abort,

—

wara li kkunsidra l-Artikolu 132(2) tar-Regoli ta' Proċedura tiegħu,

A.

billi l-Qorti Suprema tal-Istati Uniti stabbiliet preċedent fil-kawża storika Roe vs Wade (1973), li aktar tard ġie affermat fil-kawżi Planned Parenthood vs Casey (1992) u Whole Woman's Health vs Hellerstedt (2016), li jiggarantixxi d-dritt kostituzzjonali għall-abort legali qabel ma l-fetu jsir vijabbli fl-Istati Uniti; billi fl-24 ta' Ġunju 2022 il-Qorti Suprema ddeċidiet li tannulla, b'ħames voti favur u erbgħa kontra, id-deċiżjoni Roe vs Wade, li ttemm id-dritt kostituzzjonali federali għall-abort, li tippermetti lill-Istati jipprojbixxu l-abort fi kwalunkwe punt matul it-tqala u tiftaħ il-possibbiltà ta' projbizzjonijiet sħaħ fuq l-abort;

B.

billi, wara l-adozzjoni ta' din id-deċiżjoni mill-Qorti, tmien Stati diġà pprojbixxew l-abort; billi huwa mistenni li 26 Stat jistgħu jispiċċaw jgħaddu liġijiet li kważi jipprojbixxu kompletament l-abort; billi 13-il Stat għandhom dawk li jissejjħu liġijiet ta' “attivazzjoni”, li daħlu fis-seħħ immedjatament wara li d-deċiżjoni Roe vs Wade ġiet annullata billi minn dak iż-żmien 'l hawn, kien hemm għadd dejjem jikber ta' dimostrazzjonijiet kemm fl-Istati Uniti kif ukoll madwar id-dinja biex jiġi difiż id-dritt għall-abort; billi, sadanittant, ir-reżistenza kontra d-deċiżjoni tal-Qorti qed tikber, b'mod partikolari bil-pubblikazzjoni fl-24 ta' Ġunju 2022 ta' “Impenn Multistatali” mill-Gvernaturi ta' California, Oregon u Washington “biex jiddefendu l-aċċess għall-kura tas-saħħa riproduttiva, inklużi l-abort u l-kontraċettivi, u impenjaw ruħhom li jipproteġu lill-pazjenti u lit-tobba kontra sforzi minn Stati oħra biex jesportaw il-projbizzjonijiet tal-abort tagħhom lill-Istati tagħna” (3);

C.

billi l-ħajjiet tan-nisa u l-bniet madwar l-Istati Uniti se tkun affettwata mid-deċiżjoni tal-Qorti Suprema, u l-konsegwenzi dannużi tagħha se jiġu esperjenzati bl-aktar mod akut minn individwi f'sitwazzjonijiet vulnerabbli; billi s-saħħa sesswali u riproduttiva u d-drittijiet relatati (SRHR) oħra jistgħu jiġu affettwati wkoll b'mod negattiv; billi restrizzjonijiet jew projbizzjoni fuq id-dritt għall-abort fl-Istati Uniti, fl-UE u madwar id-dinja se jkollhom impatt sproporzjonat fuq in-nisa fqar, b'mod partikolari n-nisa razzjalizzati, inklużi n-nisa Suwed, in-nisa Ispaniċi u n-nisa Indiġeni, kif ukoll in-nisa minn inħawi rurali, il-persuni LGBTIQ, in-nisa b'diżabilità, l-adolexxenti, in-nisa migranti, inklużi l-migranti irregolari, u l-unitajiet domestiċi b'ġenitur wieħed immexxija minn nisa; billi s-servizzi ta' abort pubbliku jistgħu jipprovdu aċċess universali għal abort sikur u legali għan-nisa kollha, inklużi dawk f'sitwazzjonijiet soċjoekonomiċi vulnerabbli;

D.

billi l-SRHR, inkluż il-kura sikura u legali f'każ ta' abort, jikkostitwixxu dritt fundamentali; billi l-kriminalizzazzjoni, id-dewmien u ċ-ċaħda tal-aċċess għall-SRHR jikkostitwixxu forma ta' vjolenza fuq in-nisa u l-bniet; billi dawn ir-restrizzjonijiet u l-projbizzjonijiet ma jnaqqsux l-għadd tal-każijiet ta' abort, iżda jġiegħlu biss lin-nies jivvjaġġaw distanzi twal jew jirrikorru għal abort mhux sikur, u jagħmluhom ukoll vulnerabbli għall-investigazzjoni u l-prosekuzzjoni kriminali, u jaffettwaw lill-persuni li għandhom l-aktar nuqqas ta' riżorsi u informazzjoni; billi kważi l-imwiet kollha li jirriżultaw minn abort mhux sikur iseħħu f'pajjiżi fejn l-abort huwa ristrett ħafna; billi huwa stmat li l-għadd annwali ta' mwiet relatati mat-tqala fl-Istati Uniti minħabba abort mhux sikur jiżdied b'21 % (4) sat-tieni sena wara li tidħol fis-seħħ il-projbizzjoni; billi tali mwiet jistgħu jiġu evitati għalkollox; billi l-projbizzjonijiet tal-abort se jwasslu wkoll għal żieda fl-imwiet relatati mat-tqala furzata;

E.

billi fost it-tfajliet adolexxenti ta' bejn il-15 u d-19-il sena, il-kumplikazzjonijiet fit-tqala u fit-twelid huma l-kawża ewlenija tal-mewt globalment; billi l-ommijiet adolexxenti huma ferm aktar probabbli li jwaqqfu l-istudji tagħhom u jiffaċċjaw il-qgħad, u b'hekk jaggrava ċ-ċiklu tal-faqar;

F.

billi hemm tħassib dejjem akbar dwar il-protezzjoni tad-data fil-kuntest tal-possibbiltà li d-deċiżjoni Roe vs Wade tiġi annullata; billi permezz ta' apps ta' traċċar mestrwali jew għodod ta' ġeolokalizzazzjoni u magni tat-tiftix, tista' tinġabar data dwar persuni li jkunu kkuntattjaw klinika tal-abort, xtraw pillola għall-abort jew fittxew għall-informazzjoni; billi n-nies jistgħu potenzjalment jiġu individwati jew l-informazzjoni miġbura tista' tiġi użata kontrihom; billi fi Stati li pprojbixxew l-abort jew li se jagħmlu dan, id-data diġitali dwar dawk li qed ifittxu, jipprovdu jew jiffaċilitaw l-abort tista' tintuża mill-awtoritajiet ġudizzjarji;

G.

billi minkejja l-progress ġenerali fil-protezzjoni tal-SRHR madwar id-dinja, inkluż fl-Ewropa, ir-rigress tad-dritt ta' aċċess għal abort sikur u legali huwa ta' tħassib serju; billi l-annullament tad-deċiżjoni Roe vs Wade jista' jsaħħaħ il-moviment kontra l-abort fl-Unjoni Ewropea; billi l-Polonja hija l-uniku Stat Membru tal-UE li neħħiet motiv għall-abort mil-liġijiet tagħha, peress li t-Tribunal Kostituzzjonali illeġittimu ddeċieda fit-22 ta' Ottubru 2020 li jreġġa' lura d-drittijiet li ilhom stabbiliti tan-nisa Pollakki u din id-deċiżjoni wasslet għal projbizzjoni de facto tal-abort; billi l-abort huwa pprojbit f'Malta; billi l-abort mediku fil-bidu tat-tqala mhuwiex legali fis-Slovakkja u mhuwiex disponibbli fl-Ungerija; billi fl-Italja qed jonqos l-aċċess għall-abort ukoll (5); billi l-aċċess għall-kura relatata mal-abort qed jiġi miċħud fi Stati Membri oħra tal-UE, bħal dan l-aħħar fil-Kroazja (6); billi huwa imperattiv li l-UE u l-Istati Membri tagħha jiddefendu l-SRHR u jenfasizzaw li d-drittijiet tan-nisa huma inaljenabbli, u li ma jistgħux jitneħħew jew jiddgħajfu; billi huwa kruċjali għall-UE u l-Istati Membri tagħha li jkomplu jagħmlu progress biex jiżguraw l-aċċess għal kura relatata mal-abort sikura, legali u f'waqtha f'konformità mar-rakkomandazzjonijiet u l-evidenza tal-Organizzazzjoni Dinjija tas-Saħħa;

H.

billi fl-Ewropa, in-nisa għadhom qed jiffaċċjaw ostakli li jżommuhom milli jgawdu d-drittijiet u l-libertajiet tagħhom, minħabba restrizzjonijiet legali, li jittraskuraw id-drittijiet tan-nisa u jpoġġu ħajjithom f'riskju bla bżonn; billi f'każ reċenti Andrea Prudente, turista Amerikana, ġiet ipprojbita milli jkollha abort f'Malta minkejja li ħajjitha kienet tinsab f'periklu; billi d-difensur tad-drittijiet tal-bniedem tan-nisa, Justyna Wydrzyńska, ġiet akkużata skont il-liġi drakonjana kontra l-abort tal-Polonja talli pprovdiet pilloli tal-abort mediku lil mara oħra;

I.

billi l-Karta tnaqqax id-drittijiet fundamentali u l-libertajiet ewlenin għall-persuni li jgħixu fl-UE; billi l-protezzjoni tal-abort sikur u legali għandha implikazzjonijiet diretti għall-eżerċizzju effettiv tad-drittijiet rikonoxxuti fil-Karta, bħad-dinjità tal-bniedem, l-awtonomija personali, l-ugwaljanza u l-integrità fiżika;

J.

billi fid-9 ta' Ġunju 2022, il-Parlament adotta riżoluzzjoni b'saħħitha bit-titolu “Theddid globali għad-dritt għall-abort: il-possibbiltà li l-Qorti Suprema tirrevoka d-dritt għall-abort fl-Istati Uniti”; billi r-rakkomandazzjonijiet ta' din ir-riżoluzzjoni jibqgħu rilevanti u għandhom jiġu applikati (7);

1.

2.

3.

4.

5.

6.

7.

8.

9.

10.

11.

12.

13.

14.

15.