IL-KUMMISSJONI EWROPEA

Brussell, 12.4.2022

COM(2022) 250 final

2022/0119(BUD)

Proposta għal

ABBOZZ TA’ BAĠIT EMENDATORJU Nru 2
GĦALL-BAĠIT ĠENERALI 2022

ID-DĦUL TAS-SURPLUS TAS-SENA FINANZJARJA 2021

Wara li kkunsidrat:

–it-Trattat dwar il-Funzjonament tal-Unjoni Ewropea, u b'mod partikolari l-Artikolu 314 tiegħu, flimkien mat-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 106a tiegħu,

–Id-Deċiżjoni tal-Kunsill (UE, Euratom) 2020/2053 tal-14 ta’ Diċembru 2020 dwar is-sistema tar-riżorsi proprji tal-Unjoni Ewropea 1 , daħlet fis-seħħ fl-1 ta’ Ġunju 2021,

–Ir-Regolament (UE, Euratom) Nru 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni (…) 2 , u b’mod partikolari l-Artikolu 44 tiegħu,

–il-baġit ġenerali tal-Unjoni Ewropea għas-sena finanzjarja 2022, kif adottat fl-24 ta’ Novembru 2021 3 ,

–il-baġit emendatorju Nru 1/2022 4 , adottat fil-5 ta’ April 2022,

Il-Kummissjoni Ewropea b’dan tippreżenta l-Abbozz ta’ Baġit Emendatorju Nru 2 tal-baġit tal-2022 lill-Parlament Ewropew u lill-Kunsill.

BIDLIET FIR-RAPPORT TAD-DĦUL U N-NEFQA SKONT IT-TAQSIMA

Il-bidliet fid-dikjarazzjoni ġenerali tad-dħul u fit-Taqsima Individwali III huma disponibbli fil-EUR-Lex( https://eur-lex.europa.eu/budget/www/index-en.htm ).

MEMORANDUM TA’ SPJEGAZZJONI

L-Abbozz ta’ Baġit Emendatorju (ABE) Nru 2/2022 huwa maħsub li jdaħħal is-surplus li rriżulta mill-implimentazzjoni tal-baġit tas-sena 2021 fil-baġit tal-2022. Kif previst fl-Artikolu 18(3) tar-Regolament Finanzjarju applikabbli għall-baġit ġenerali tal-Unjoni 5 (“Ir-Regolament Finanzjarju”), is-surplus huwa l-uniku suġġett ta’ dan l-ABE u jrid jiġi ppreżentat fi żmien 15-il jum mill-preżentazzjoni tal-kontijiet provviżorji fl-aħħar ta’ Marzu 2022.

1.L-implimentazzjoni tas-sena baġitarja 2021 turi surplus ta’ EUR 3,2 biljun, li għalhekk jiddaħħal bħala dħul fil-baġit tal-2022.

(f’EUR)

Tqassim tal-eżitu tal-2021
Surplus tad-Dħul	2 574 755 747
Surplus tan-Nefqa	652 303 060
Surplus totali	3 227 058 807

2.L-ibbaġitjar tas-surplus se jnaqqas il-kontribuzzjoni totali tal-Istati Membri għall-iffinanzjar tal-baġit tal-2022 kif dovut. Il-kontribuzzjonijiet mill-Istati Membri se jkunu influwenzati wkoll mit-tbassir rivedut tar-riżorsi proprji li se jkun disponibbli wara l-laqgħa tal-Kumitat Konsultattiv dwar ir-Riżorsi Proprji aktar tard f’ Mejju 2022 u se jiġu inklużi f’ABE sussegwenti skont l-Artikolu 44(1)(b) tar-Regolament Finanzjarju.

3.It-tabella ta’ hawn taħt tippreżenta t-tqassim tal-eżitu tal-2021 f’termini tal-implimentazzjoni tad-dħul:

(f’EUR)

Tqassim tal-eżitu tal-2021		Baġit 2021 (inkl. AB1-6)	Eżitu	Varjazzjoni
Subtotal tad-Dħul		168 010 982 854	170 585 738 601	2 574 755 747
—	Titolu 1 - Riżorsi proprji	156 993 359 980	158 632 143 890	1 638 783 910
	Imposti u dazji oħra fis-settur taz-zokkor	0	883 297	883 297
	Dazji doganali	17 348 140 020	19 036 802 611	1 688 662 591
	Riżorsi proprji ġejjin mill-VAT	17 940 791 850	17 933 927 671	-6 864 179
	Riżorsi proprji bbażati fuq l-ING	115 857 763 230	115 819 165 638	-38 597 592
	Korrezzjoni tal-iżbilanċi tal-baġit mogħtija lir-Renju Unit	0	0	0
	Tnaqqis gross fil-kontribuzzjoni annwali bbażata fuq l-ING konċess lil xi SM	0	10 862 017	10 862 017
	Riżorsi proprji bbażati fuq l-iskart tal-imballaġġ tal-plastik mhux riċiklat	5 846 664 880	5 830 502 655	-16 162 225
—	Titolu 2 - Surpluses, bilanċi u aġġustamenti	1 768 617 610	1 772 041 495	3 423 885
—	Titolu 3: Dħul Amministrattiv	1 725 783 332	1 582 329 661	-143 453 671
—	Titolu 4: Dħul Finanzjarju, imgħax ta’ inadempjenza u multi	515 233 376	1 626 004 706	1 110 771 330
—	Titolu 5: Garanziji baġitarji, operazzjonijiet ta’ għoti u teħid b’self	0	0	0
—	Titolu 6: Dħul, kontribuzzjonijiet u refużjonijiet relatati ma’ politiki tal-Unjoni	7 007 988 556	6 973 218 850	-34 769 706

4.Il-varjazzjonijiet netti kkombinati fit-Titolu 1 (Riżorsi Proprji) u fit-Titolu 2 (Surpluses, bilanċi u aġġustamenti) jammontaw għal EUR 1 642 miljun. Din id-differenza pożittiva hija xprunata b’mod predominanti minn ammont ogħla milli mistenni ta’ dazji doganali disponibbli għall-baġit tal-UE fl-aħħar xhur tas-sena.

5.Il-varjazzjonijiet fit-Titolu 4 (Dħul finanzjarju, imgħax ta’ inadempjenza u multi) jammontaw għal EUR 1 111 miljun, li jinkludu multi tal-kompetizzjoni u mgħax ta’ inadempjenza, pagamenti ta’ penali oħra u mgħax marbut ma’ multi u pagamenti ta’ penali. Din id-differenza pożittiva hija xprunata b’mod predominanti minn ammont ogħla milli previst ta’ multi tal-kompetizzjoni (b’EUR 957 miljun) li finalment jissarrfu fl-aħħar xhur tas-sena.

6.It-tabella ta’ hawn taħt tippreżenta t-tqassim tal-eżitu tal-2021 f’termini tal-implimentazzjoni baġitarja tan-nefqa għall-istituzzjonijiet kollha:

(f’EUR)

Tqassim tal-eżitu tal-2021		Baġit 2021 (inkl. AB1-6)	Eżitu	Varjazzjoni
Subtotal tan-Nefqa		168 010 982 854	167 358 679 794	-652 303 060
Approprjazzjonijiet tal-eżitu awtorizzati fil-baġit		168 010 982 854	167 812 011 433	-198 971 421
—	Il-Kummissjoni Ewropea	163 703 947 487	163 622 385 683	-81 561 804
	Intestatura 1 - Suq Uniku, Innovazzjoni u l-Qasam Diġitali	16 670 488 767	16 645 756 020	-24 732 747
	Intestatura 2a – Koeżjoni ekonomika, soċjali u territorjali	63 855 086 295	63 852 305 111	-2 781 184
	Intestatura 2b — Reżiljenza u Valuri	3 758 497 873	3 751 692 278	-6 805 595
	Intestatura 3 – Riżorsi Naturali u Ambjent	56 021 071 987	56 004 511 158	-16 560 829
	Intestatura 4 - Migrazzjoni u Ġestjoni tal-Fruntieri	2 519 397 533	2 517 772 210	-1 625 322
	Intestatura 5 – Sigurtà u Difiża	714 020 119	708 160 481	-5 859 638
	Intestatura 6 - Il-Viċinat u d-Dinja	11 454 658 856	11 451 911 273	-2 747 583
	Intestatura 7 - Amministrazzjoni Pubblika Ewropea	6 137 143 724	6 116 694 818	-20 448 906
	Strumenti speċjali tematiċi	2 573 582 334	2 573 582 334	0
—	Istituzzjonijiet oħra	4 307 035 367	4 189 625 749	-117 409 618
	Il-Parlament Ewropew	2 063 521 135	2 051 903 263	-11 617 872
	Il-Kunsill u l-Kunsill Ewropew	594 386 954	522 990 866	-71 396 088
	Il-Qorti tal-Ġustizzja tal-Unjoni Ewropea	444 049 000	438 236 491	-5 812 509
	Il-Qorti Ewropea tal-Awdituri	153 721 727	148 565 360	-5 156 367
	Il-Kumitat Ekonomiku u Soċjali Ewropew	145 024 938	131 688 018	-13 336 920
	Il-Kumitat tar-Reġjuni	106 740 880	105 596 831	-1 144 049
	L-Ombudsman Ewropew	12 501 836	11 107 040	-1 394 796
	Il-Kontrollur Ewropew għall-Protezzjoni tad-Data	19 463 193	16 761 285	-2 701 908
	Is-Servizz Ewropew għall-Azzjoni Esterna	767 625 704	762 776 595	-4 849 109
Kanċellament ta’ approprjazzjonijiet ittrasferiti ’l quddiem mis-snin preċedenti		0	-327 465 673	-327 465 673
—	Il-Kummissjoni Ewropea	0	-249 983 942	-249 983 942
	Kanċellament ta’ approprjazzjonijiet mhux użati ittrasferiti ’l quddiem mis-snin preċedenti (b’mod awtomatiku)		-52 538 699	-52 538 699
	Kanċellament ta’ approprjazzjonijiet mhux użati ittrasferiti ’l quddiem mis-snin preċedenti (permezz ta’ deċiżjoni)		-197 445 243	-197 445 243
—	Istituzzjonijiet oħra	0	-77 481 731	-77 481 731
	Il-Parlament Ewropew		-38 279 705	-38 279 705
	Il-Kunsill u l-Kunsill Ewropew		-10 065 860	-10 065 860
	Il-Qorti tal-Ġustizzja tal-Unjoni Ewropea		-3 331 060	-3 331 060
	Il-Qorti Ewropea tal-Awdituri		-711 148	-711 148
	Il-Kumitat Ekonomiku u Soċjali Ewropew		-2 682 342	-2 682 342
	Il-Kumitat tar-Reġjuni		-1 204 696	-1 204 696
	L-Ombudsman Ewropew		-31 534	-31 534
	Il-Kontrollur Ewropew għall-Protezzjoni tad-Data		-124 247	-124 247
	Is-Servizz Ewropew għall-Azzjoni Esterna		-21 051 141	-21 051 141
Varjazzjonijiet tar-rata tal-kambju fuq in-nefqa		0	-125 865 965	-125 865 965

7.L-ammont mhux implimentat mill-istituzzjonijiet kollha flimkien kien ta’ EUR 652 miljun. Il-Kummissjoni implimentat 99,95 % tal-approprjazzjonijiet ta’ pagament awtorizzati. Is-sottoimplimentazzjoni tal-Kummissjoni kienet tikkonċerna ammont ta’ EUR 81 miljun ta’ approprjazzjonijiet ivvotati u ta’ EUR 250 miljun ta’ approprjazzjonijiet riportati mill-2020. Minn dan l-ammont, EUR 183 miljun kienu relatati mal-Istrument għall-Appoġġ ta’ Emerġenza, li għalih ix-xiri tad-dożi tal-vaċċin għal pajjiżi bi dħul baxx se jitlesta fl-2022.

8.Is-sottoimplimentazzjoni tal-istituzzjonijiet l-oħra ta’ EUR 117 miljun u l-kanċellazzjoni ta’ approprjazzjonijiet ta’ EUR 77 miljun hija simili għal-livelli tas-snin preċedenti.

(1) Id-Deċiżjoni tal-Kunsill (UE, Euratom) 2020/2053 tal-14 ta’ Diċembru 2020 dwar is-sistema tar-riżorsi proprji tal-Unjoni Ewropea u li tħassar id-Deċiżjoni Nru 2014/335/UE, Euratom, ĠU L 424, 15.12.2020.

(2) Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012, ĠU L 193, 30.7.2018.

(3) ĠU L 45, 24.2.2022.

(4) ĠU L xx, 05.4.2022.

(5) ĠU L 193, 30.7.2018, p. 1.