27.5.2021 |
MT |
Il-Ġurnal Uffiċjali tal-Unjoni Ewropea |
C 200/1 |
LINJI GWIDA DWAR L-UŻU TA’ GĦAŻLIET TA’ SPEJJEŻ SIMPLIFIKATI FI ĦDAN IL-FONDI STRUTTURALI U TA’ INVESTIMENT EWROPEJ (SIE) — VERŻJONI RIVEDUTA
(2021/C 200/01)
Gwida dwar Għażliet ta’ Spejjeż Simplifikati (SCOs): Finanzjament b’rata fissa, Skali standard ta' spejjeż għal kull unità, Somom f’daqqa
(skont l-Artikoli 67 u 68, 68a u 68b tar-Regolament (UE) Nru 1303/2013, l-Artikolu 14 tar-Regolament (UE) Nru 1304/2013 u l-Artikolu 19 tar-Regolament (UE) Nru 1299/2013)
Edizzjoni riveduta wara d-dħul fis-seħħ tar-Regolament (UE, Euratom) 2018/1046
ĊAĦDA TA’ RESPONSABBILTÀ: “Dan huwa dokument ta’ ħidma mħejji mis-servizzi tal-Kummissjoni. Abbażi tal-liġi applikabbli tal-UE, dan jipprovdi gwida teknika għall-kollegi u għall-korpi involuti fil-monitoraġġ, fil-kontroll jew fl-implimentazzjoni tal-Fondi Strutturali u ta’ Investiment Ewropej. Din il-gwida hija mingħajr preġudizzju għall-interpretazzjoni tal-Qorti tal-Ġustizzja u tal-Qorti Ġenerali.” |
WERREJ
Kapitolu 1 — |
Introduzzjoni | 6 |
1.1. |
Għan | 6 |
1.2. |
Għaliex għandhom jintużaw l-għażliet ta’ spejjeż simplifikati? | 6 |
Kapitolu 2 — |
Prinċipji orizzontali u kamp ta’ applikazzjoni | 7 |
2.1. |
Meta għandhom jintużaw l-ispejjeż simplifikati | 7 |
2.2. |
L-użu ta’ Għażliet ta’ Spejjeż Simplifikati | 7 |
2.2.1. |
Il-prinċipju | 7 |
2.2.2. |
L-eċċezzjoni: każijiet fejn l-użu tal-għażliet ta’ spejjeż simplifikati huwa obbligatorju [taqsima riveduta wara r-Regolament Omnibus] | 7 |
2.2.3. |
Applikazzjoni fil-ħin u dispożizzjonijiet tranżitorji | 10 |
2.3. |
Kombinament ta’ għażliet | 11 |
2.3.1. |
Prinċipji ġenerali | 11 |
2.3.2. |
Eżempji ta’ kombinamenti | 11 |
2.4. |
L-akkwist pubbliku u l-użu tal-għażliet ta’ spejjeż simplifikati | 12 |
2.4.1. |
L-użu tal-għażliet ta’ spejjeż simplifikati fl-akkwist pubbliku | 12 |
2.4.2. |
L-użu tar-rata fissa għall-kalkolu tal-kostijiet diretti tal-persunal f’operazzjonijiet implimentati permezz tal-akkwist pubbliku | 14 |
2.5. |
Il-kompatibbiltà tal-għażliet ta’ spejjeż simplifikati mar-regoli dwar l-għajnuna mill-Istat | 15 |
2.5.1. |
Il-kompatibbiltà tal-għażliet ta’ spejjeż simplifikati mar-Regolament għall-Eżenzjoni Ġenerali Sħiħa u r-Regolament għall-Eżenzjoni Agrikola Sħiħa | 15 |
2.6. |
L-użu ta’ spejjeż simplifikati f’operazzjonijiet li jiġġeneraw dħul nett | 16 |
2.6.1. |
Operazzjonijiet li jiġġeneraw dħul nett wara t-tlestija (l-Artikolu 61 tar-RDK) | 16 |
2.6.2. |
Operazzjonijiet li jiġġeneraw dħul nett matul l-implimentazzjoni u li għalihom il-paragrafi 1 sa 6 tal-Artikolu 61 tar-RDK ma japplikawx | 17 |
2.7. |
Speċifiċi għall-FEŻR u l-FSE: finanzjament reċiproku | 18 |
2.7.1. |
Id-dikjarazzjoni tal-azzjonijiet li jaqgħu taħt l-Artikolu 98(2) tar-RDK b’rabta mal-għażliet ta’ spejjeż simplifikati | 18 |
2.7.2. |
Eżempji | 18 |
2.8. |
Ir-regoli speċifiċi għall-FAEŻR u l-KTE | 19 |
Kapitolu 3 — |
Tipi ta’ Għażliet ta’ Spejjeż Simplifikati | 19 |
3.1. |
Finanzjament b’rata fissa | 19 |
3.1.1. |
Id-definizzjoni tal-kategoriji tal-kostijiet | 19 |
3.1.2. |
Sistemi ta’ finanzjament b’rata fissa speċifiċi għall-kalkolu tal-kategoriji tal-ispejjeż dettaljati fir-RDK u fir-Regolamenti speċifiċi għall-Fondi | 20 |
3.1.2.1. |
Metodi ta’ kalkolu għall-kostijiet indiretti | 21 |
3.1.2.2. |
Rata fissa għad-determinazzjoni tal-kostijiet diretti tal-persunal | 21 |
3.1.2.3. |
Rata fissa għad-determinazzjoni tal-ispejjeż l-oħra kollha tal-operazzjoni minbarra l-kostijiet diretti tal-persunal | 22 |
3.1.2.4. |
Ġustifikazzjoni tar-rati fissi stabbiliti fir-RDK | 23 |
3.1.2.5. |
Applikazzjoni fil-ħin | 23 |
3.2. |
Skali standard ta' spejjeż għal kull unità | 25 |
3.2.1. |
Prinċipji ġenerali | 25 |
3.2.2. |
Il-kostijiet tal-persunal ikkalkulati b’rata fis-siegħa (l-Artikolu 68a(2) sa (4) tar-RDK) | 26 |
3.2.3. |
Id-determinazzjoni tal-kostijiet eliġibbli tal-persunal permezz tar-rata fis-siegħa kkalkulata | 27 |
3.2.4. |
Persunal li jaħdem part-time fuq l-operazzjoni b’ħin fiss fix-xahar | 28 |
3.2.5. |
Applikazzjoni fil-ħin | 28 |
3.3. |
Somom f’daqqa | 29 |
3.3.1. |
Prinċipji ġenerali | 29 |
3.3.2. |
Bidliet introdotti mir-Regolament Omnibus u l-applikazzjoni fil-ħin | 29 |
3.3.3. |
Eżempji ta’ somom f’daqqa | 29 |
3.4. |
Il-każ speċifiku ta’ rati fissi għall-assistenza teknika | 30 |
3.4.1. |
Kamp ta’ applikazzjoni | 30 |
3.4.2. |
Applikazzjonijiet għall-ħlas u rimborżi | 31 |
3.4.3. |
L-impatt tar-rata fissa fuq l-allokazzjoni tat-TA fi ħdan PO/Programm tal-Iżvilupp Rurali | 32 |
3.4.4. |
Rendikont tal-entrati u l-impatt tal-korrezzjonijiet | 32 |
Kapitolu 4 — |
L-istabbiliment ta’ Għażliet ta’ Spejjeż Simplifikati | 32 |
4.1. |
L-għażliet ta’ spejjeż simplifikati jridu jiġu stabbiliti minn qabel | 33 |
4.2. |
Metodu ta’ kalkolu ġust, ekwitabbli u verifikabbli | 33 |
4.2.1. |
Prinċipji ġenerali | 33 |
4.2.1.1. |
Dan irid ikun ġust | 33 |
4.2.1.2. |
Dan irid jkun ekwitabbli | 33 |
4.2.1.3. |
Irid ikun verifikabbli | 33 |
4.2.2. |
Metodoloġiji fil-prattika | 34 |
4.2.2.1. |
L-użu ta’ data“statistika”, ġudizzju espert jew informazzjoni oġġettiva oħra (l-Artikolu 67(5)(a)(i). | 34 |
4.2.2.2. |
L-użu ta’ data speċifika għall-benefiċjarju individwali (l-Artikolu 67(5)(a)(ii) u (iii) tar-RDK) | 34 |
4.3. |
Abbozz ta’ baġit | 35 |
4.3.1. |
L-użu ta’ abbozz ta’ baġit minn Fondi oħra bħala metodu biex jiġu stabbiliti l-ispejjeż unitarji, is-somom f’daqqa u r-rati fissi qabel id-dħul fis-seħħ tar-Regolament Omnibus | 37 |
4.4. |
Bl-użu ta’ skali standard ta' spejjeż għal kull unità, somom f’daqqa u rati fissi minn oqsma oħra | 37 |
Minn politiki oħra tal-Unjoni | 37 |
L-Artikolu 67(5)(b) tar-RDK | 37 |
Artikolu 68, l-ewwel subparagrafu, punt (c) tar-RDK | 38 |
Minn skemi għal għotjiet iffinanzjati kompletament mill-Istati Membri | 38 |
Rati fissi mill-perjodu 2007-2013 | 39 |
Kif għandu jiġi vvalutat jekk it-tipi ta’ operazzjonijiet u l-benefiċjarji humiex simili? | 39 |
4.5. |
L-użu ta’ rati stabbiliti mir-RDK jew mir-regoli speċifiċi għall-Fondi | 39 |
4.6. |
Adattament ta’ rati fissi, somom f’daqqa u skali standard ta' spejjeż għal kull unità fil-ħin | 39 |
4.7. |
Metodi speċifiċi għad-determinazzjoni tal-ammonti stabbiliti f’konformità mar-Regoli speċifiċi għall-fondi | 39 |
Kapitolu 5 — |
Konsegwenzi għall-awditjar u l-kontroll | 40 |
5.1. |
Il-ħtieġa ta’ approċċ komuni għall-awditjar u l-kontroll | 40 |
5.2. |
Ir-rwol tal-awtorità tal-awditjar fit-tfassil tal-SCO | 40 |
5.3. |
Verifiki ġenerali tal-ġestjoni u approċċ tal-awditjar | 40 |
5.3.1 |
Verifika tal-istabbiliment korrett tal-metodu tal-kalkolu għall-għażla ta’ spejjeż simplifikati | 41 |
5.3.2. |
Verifika tal-applikazzjoni korretta tal-metodu | 41 |
5.3.2.1. |
Verifika tal-applikazzjoni korretta tar-rati fissi | 42 |
5.3.2.2. |
Verifika tal-applikazzjoni korretta tal-iskali standard ta' spejjeż għal kull unità | 42 |
5.3.2.3. |
Verifika tal-applikazzjoni korretta ta’ somom f’daqqa | 43 |
5.3.2.4. |
Verifika fil-każ ta’ kombinament ta’ għażliet fl-istess operazzjoni | 43 |
5.3.3. |
Żbalji jew irregolaritajiet potenzjali marbuta mal-użu tal-SCOs | 43 |
Anness I — |
Eżempji ta’ għażliet ta’ spejjeż simplifikati | 45 |
Anness II — |
Eżempju tal-kompatibbiltà tal-SCOs mar-regoli dwar l-għajnuna mill-Istat | 51 |
Anness III — |
Miżuri speċifiċi għall-SCO u għall-FAEŻR | 54 |
Anness IV — |
Miżuri speċifiċi għall-SCO u għall-FEMS | 60 |
KAPITOLU 1
Introduzzjoni
1.1. Għan
Dan id-dokument jipprovdi gwida teknika dwar l-ispejjeż iddikjarati abbażi ta’ rata fissa, somom f’daqqa u skali standard ta' spejjeż għal kull unità (minn hawn ’il quddiem imsejħa Għażliet ta’ Spejjeż Simplifikati) applikabbli għall-Fondi SIE u għandu l-għan li jaqsam prattiki tajbin bil-għan li jħeġġeġ lill-Istati Membri jużawhom. Dan ikopri l-possibbiltajiet offruti mill-qafas legali tal-Fondi SIE għall-perjodu ta’ programmazzjoni 2014-2020.
Wara d-dħul fis-seħħ tar-Regolament (UE, Euratom) 2018/1046 (1) (ir-“Regolament Omnibus”) fit-2 ta’ Awwissu 2018, din l-edizzjoni riveduta tal-gwida tqis l-emendi tar-Regolament (UE) Nru 1303/2013 (2) (ir-Regolament dwar Dispożizzjonijiet Komuni – “RDK”) u r-Regolament (UE) Nru 1304/2013 (3) (ir-Regolament dwar il-Fond Soċjali Ewropew – “Regolament dwar il-FSE”) introdotti mir-Regolament Omnibus. Dawn l-emendi jibnu fuq il-possibbiltajiet introdotti fl-2014 u jestenduhom, filwaqt li jqisu r-rakkomandazzjonijiet tal-Grupp ta’ Livell Għoli dwar is-Simplifikazzjoni (4). Jestendu wkoll għadd ta’ għażliet li qabel kienu previsti fir-regolamenti speċifiċi għall-Fondi biss għall-Fondi SIE kollha.
Din ir-reviżjoni tal-gwida tinkludi wkoll kjarifiki ulterjuri bbażati fuq mistoqsijiet imressqa mill-Istati Membri u mill-partijiet ikkonċernati matul il-perjodu ta’ programmazzjoni attwali.
Din il-gwida ma tkoprix pjanijiet ta’ azzjoni konġunti, għażliet ta’ spejjeż simplifikati li jintużaw fil-qafas tal-Artikolu 14(1) tar-Regolament dwar il-FSE (5), jew finanzjament mhux marbut mal-kostijiet kif imsemmi fl-Artikolu 67(1)(e) tar-RDK.
1.2. Għaliex għandhom jintużaw l-għażliet ta’ spejjeż simplifikati?
Meta jintużaw għażliet ta’ spejjeż simplifikati (SCOs), l-ispejjeż eliġibbli ta’ operazzjoni jiġu kkalkulati skont metodu predefinit ibbażat fuq eżiti, riżultati jew xi kostijiet oħra identifikati b’mod ċar minn qabel jew b’referenza għal ammont għal kull unità jew billi jiġi applikat perċentwal. Għalhekk, l-għażliet ta’ spejjeż simplifikati huma metodu alternattiv biex jiġu kkalkulati l-ispejjeż eliġibbli ta’ operazzjoni għall-kuntrarju tal-metodu tradizzjonali: kalkolu bbażat fuq il-kostijiet imġarrba u mħallsa fil-fatt (l-Artikolu 67(1)(a) tar-RDK, minn hawn ’il quddiem imsejħa “spejjeż reali”). Bl-għażliet ta’ spejjeż simplifikati, it-traċċar ta’ kull euro ta’ nefqa kofinanzjata għal dokumenti ta’ sostenn individwali ma għadux meħtieġ: dan huwa l-punt ewlieni tal-għażliet ta’ spejjeż simplifikati peress li jtaffi b’mod sinifikanti l-piż amministrattiv.
L-użu ta’ għażliet ta’ spejjeż simplifikati jfisser ukoll li r-riżorsi umani u l-isforzi amministrattivi involuti fil-ġestjoni tal-Fondi SIE jistgħu jiffokaw biex jintlaħqu l-objettivi ta’ politika peress li huma meħtieġa inqas riżorsi għall-ġbir u l-verifika ta’ dokumenti (finanzjarji).
Dan se jiffaċilita wkoll l-aċċess ta’ benefiċjarji żgħar għall-Fondi SIE (6) (FSE, FEŻR, FAEŻR, FEMS, FK) bis-saħħa tas-simplifikazzjoni tal-proċess ta’ ġestjoni.
Fl-aħħar nett, l-għażliet ta’ spejjeż simplifikati jikkontribwixxu għal użu aktar effiċjenti u korrett tal-Fondi SIE (rata ta’ żball aktar baxxa). Għal ħafna snin, il-Qorti Ewropea tal-Awdituri rrakkomandat ripetutament lill-Kummissjoni biex tħeġġeġ u testendi l-użu ta’ għażliet ta’ spejjeż simplifikati, speċjalment peress li huma inqas suxxettibbli għall-iżbalji. Fir-rapport Annwali tagħha tal-2017 (7), il-Qorti nnotat li, matul il-ħames snin preċedenti, 135 tranżazzjoni mill-1 437 awditjati użaw l-SCOs. Minn dawn, ma nstab l-ebda żball kwantifikabbli, li wassal lill-Qorti biex tikkonkludi li proġetti li jużaw l-SCOs huma inqas suxxettibbli għall-iżbalji minn proġetti li jużaw spejjeż reali (8). Barra minn hekk, wara r-Rapport Speċjali tal-2018 dwar “Opzjonijiet ġodda għall-finanzjament ta’ proġetti tal-iżvilupp rurali”, il-Qorti kkonkludiet li l-SCOs iġibu simplifikazzjoni sinifikanti u jnaqqsu l-piż amministrattiv kemm għall-benefiċjarji kif ukoll għall-awtoritajiet tal-Istati Membri (9).
KAPITOLU 2
Prinċipji orizzontali u kamp ta’ applikazzjoni
2.1. Meta għandhom jintużaw l-ispejjeż simplifikati
L-ispejjeż simplifikati jistgħu jintużaw biss fil-każ ta’ operazzjonijiet iffinanzjati permezz ta’ għotjiet u għajnuna li titħallas lura (l-Artikolu 67(1) tar-RDK).
Lil hinn mill-każijiet fejn l-użu tal-għażliet ta’ spejjeż simplifikati huwa obbligatorju, huwa rrakkomandat li l-ispejjeż simplifikati jintużaw meta tkun teżisti waħda jew aktar miċ-ċirkostanzi li ġejjin:
— |
jekk l-Istati Membri jkunu jridu li l-ġestjoni tal-Fondi SIE tiffoka aktar fuq l-eżiti u timxi lejn il-kisba tar-riżultati minflok tal-inputs; |
— |
ikun diffiċli li jiġu vverifikati l-ispejjeż reali (ħafna dokumenti ta’ sostenn għal ammonti żgħar bi ftit jew l-ebda impatt uniku fuq l-eżitu mistenni tal-operazzjonijiet, metodi kumplessi ta’ tqassim, eċċ.); |
— |
tkun disponibbli data affidabbli dwar l-implimentazzjoni finanzjarja u kwantitattiva tal-operazzjonijiet (10); |
— |
ġestjoni aktar sempliċi tad-dokumenti; |
— |
l-operazzjonijiet ikunu jappartjenu għal qafas standard; |
— |
ikunu diġà jeżistu metodi SCO għal tipi simili ta’ operazzjonijiet u benefiċjarji taħt skema ffinanzjata fuq livell nazzjonali jew taħt strument ieħor tal-UE. |
N.B. |
L-għażliet ta’ spejjeż simplifikati ma jistgħux jintużaw f’każ li l-appoġġ għal operazzjoni jiġi pprovdut fil-forma ta’ strument finanzjarju jew ta’ premju. Madankollu, f’każ li l-forma ta’ appoġġ għal operazzjoni tkun taħlita ta’ għotja jew għajnuna li titħallas lura ma’ strument finanzjarju jew premju, l-għażliet ta’ spejjeż simplifikati jistgħu jintużaw għall-parti tal-appoġġ li jingħata fil-forma ta’ għotja jew ta' għajnuna li titħallas lura. Soġġetti għal ċerti eċċezzjonijiet, l-għażliet ta’ spejjeż simplifikati mhumiex rilevanti għal operazzjonijiet li l-benefiċjarji jimplimentaw permezz ta’ akkwist. |
2.2. L-użu ta’ Għażliet ta’ Spejjeż Simplifikati
2.2.1. Il-prinċipju
Bl-eċċezzjoni ta’ operazzjonijiet li jaqgħu fil-kamp ta’ applikazzjoni tal-Artikolu 67(2a) tar-RDK (11), l-użu tal-għażliet ta’ spejjeż simplifikati mhuwiex obbligatorju għall-Istati Membri. L-awtorità ta’ ġestjoni jew il-Kumitat ta’ Monitoraġġ tal-programmi tal-KTE, jista’ jiddeċiedi li jagħmel dan l-użu fakultattiv jew obbligatorju għall-kategoriji kollha jew għal ċerti kategoriji ta’ proġetti u attivitajiet u għall-operazzjoni kollha jew parti minnha. Sabiex jiġi żgurat ir-rispett tal-prinċipji tat-trasparenza u tat-trattament ugwali tal-benefiċjarji, il-kamp ta’ applikazzjoni tal-għażliet tal-ispejjeż simplifikati li għandhom jiġu applikati, jiġifieri l-kategorija ta’ proġetti u attivitajiet li għalihom se jkunu disponibbli, jenħtieġ li jiġi speċifikat u ppubblikat fis-sejħa għall-proposti.
2.2.2. L-eċċezzjoni: każijiet fejn l-użu tal-għażliet ta’ spejjeż simplifikati huwa obbligatorju [taqsima riveduta wara r-Regolament Omnibus]
L-Artikolu 67(2a) tar-RDK jiddetermina li għall-operazzjonijiet tal-FSE u tal-FEŻR li għalihom l-appoġġ pubbliku ma jaqbiżx il-EUR 100 000, dawn għandhom ikunu fil-forma ta’ spejjeż unitarji, somom f’daqqa jew finanzjament b’rata fissa. Għalhekk, l-użu tal-għażliet ta’ spejjeż simplifikati huwa obbligatorju.
L-għan ta’ din id-dispożizzjoni huwa li tillimita l-kontrolli fuq l-ispejjeż reali li, meta jitqies il-valur baxx ta’ dawn l-operazzjonijiet, ma jkunux kosteffiċjenti.
L-ammont ta’ EUR 100 000 għandu jitqies bħala l-appoġġ pubbliku massimu li għandu jitħallas lill-benefiċjarju, kif speċifikat fid-dokument li jistabbilixxi l-kundizzjonijiet għall-appoġġ lill-benefiċjarju (finanzjament nazzjonali pubbliku korrispondenti tal-FEŻR u l-FSE+ li għandu jitħallas lill-benefiċjarju bħala l-ammont massimu stabbilit fil-ftehim ta’ finanzjament jew fid-deċiżjoni jekk ikun applikabbli). Dan la jinkludi l-kontribuzzjoni pubblika pprovduta mill-benefiċjarju, jekk ikun hemm, u lanqas l-allokazzjonijiet jew is-salarji żborżati minn parti terza għall-benefiċċji tal-parteċipanti f’operazzjoni. Huwa biss l-appoġġ pubbliku pprogrammat li jiddetermina jekk l-Artikolu 67(2a) għandux jiġi applikat.
F’każ li operazzjoni tirċievi appoġġ kemm mill-FEŻR kif ukoll mill-FSE, l-ammont ta’ appoġġ ipprovdut miż-żewġ Fondi jitqies għall-kalkolu tal-“appoġġ pubbliku” għall-operazzjoni. Barra minn hekk, f’każ li l-ammont totali tal-appoġġ pubbliku ma jkunx ogħla minn EUR 100 000, l-obbligu li jintużaw l-għażliet ta’ spejjeż simplifikati japplika għall-appoġġ ipprovdut minn kull Fond (jiġifieri kemm mill-FEŻR kif ukoll mill-FSE).
Eżempju: L-abbozz tal-baġit ta’ korp pubbliku għal operazzjoni bi spiża totali eliġibbli ta’ EUR 105 000 huwa kif ġej:
Minkejja l-ispejjeż totali eliġibbli ta’ EUR 105 000, din l-operazzjoni xorta taqa’ fil-kategorija ta’ operazzjonijiet li għalihom l-ispejjeż simplifikati huma obbligatorji. L-appoġġ ipprovdut miż-żewġ Fondi u l-finanzjament pubbliku nazzjonali jingħaddu għall-kalkolu tal-appoġġ pubbliku għall-operazzjoni. L-awtofinanzjament (EUR 25 000) ta’ korp pubbliku ma jitqiesx biex jiġi ddeterminat l-appoġġ pubbliku mħallas lill-benefiċjarju. L-allokazzjonijiet tat-trainees imħallsa mis-Servizz Pubbliku tal-Impjiegi (EUR 15 000) lanqas ma jingħaddu peress li jitħallsu minn parti terza lill-parteċipanti. Għalhekk, l-appoġġ pubbliku huwa ta’ EUR 45 000 (FEŻR+FSE) + EUR 20 000 = EUR 65 000, li huwa taħt il-limitu ta’ EUR 100 000. |
Hemm żewġ eċċezzjonijiet għal dan l-obbligu:
— |
Operazzjonijiet jew proġett li jifforma parti minn operazzjoni implimentata esklużivament permezz tal-akkwist pubbliku ta’ xogħlijiet, oġġetti jew servizzi. (Ara l-ewwel sentenza tal-Artikolu 67(4) tar-RDK). |
— |
Operazzjonijiet li jirċievu appoġġ fil-qafas tal-għajnuna mill-Istat, li ma jikkostitwixxix għajnuna de minimis (12) (ara l-ewwel subparagrafu tal-Artikolu 67(2a)). |
Meta japplika l-obbligu li jintużaw l-SCOs, dan ikun relatat mat-totalità tan-nefqa eliġibbli tal-operazzjoni, b’żewġ eċċezzjonijiet abbażi tat-tieni u t-tielet subparagrafi tal-Artikolu 67(2a) tar-RDK:
(1) |
Il-kategoriji tal-kostijiet li għalihom tiġi applikata rata fissa. Dawn il-kategoriji ta' kostijiet li għalihom tiġi applikata rata fissa jistgħu jiġu kkalkulati abbażi ta’ spejjeż reali (eż. fil-każ li tintuża r-rata fissa sa 15 % għall-kostijiet indiretti stabbiliti fil-punt (b) tal-ewwel subparagrafu tal-Artikolu 68 tar-RDK, l-kostijiet diretti tal-persunal eliġibbli tal-persunal jistgħu jiġu ddikjarati abbażi tal-ispejjeż reali). |
(2) |
L-allokazzjonijiet u s-salarji mħallsa lill-parteċipanti f’każ li tintuża r-rata fissa sa 40 % stabbilita fl-Artikolu 68b(1) tar-RDK (13). |
Jekk tintuża r-rata fissa sa 40 % stabbilita fl-Artikolu 68b(1) tar-RDK, l-allokazzjonijiet u s-salarji mħallsa lill-parteċipanti (li huma kostijiet eliġibbli addizzjonali li mhumiex inklużi fir-rata fissa) jistgħu jiġu rimborżati wkoll abbażi ta’ spejjeż reali.
N.B għall-FSE: |
Qabel id-dħul fis-seħħ tar-Regolament Omnibus, l-użu tal-għażliet ta’ spejjeż simplifikati kien diġà obbligatorju għal operazzjonijiet żgħar appoġġati mill-FSE. L-Artikolu 14(4) tar-Regolament dwar il-FSE preċedenti ddetermina li l-għotjiet jew l-għajnuna li titħallas lura għal operazzjonijiet li għalihom l-appoġġ pubbliku ma kienx jaqbeż il-EUR 50 000 kienu obbligati jużaw l-għażliet ta’ spejjeż simplifikati ħlief għal operazzjonijiet li jirċievu appoġġ fil-qafas ta’ skema ta’ għajnuna mill-Istat. |
Għalkemm din id-dispożizzjoni tħassret permezz tar-Regolament Omnibus, din id-dispożizzjoni tkompli tapplika għal operazzjonijiet appoġġati taħt sejħiet għal proposti mnedija qabel id-dħul fis-seħħ tar-Regolament Omnibus (14).
L-obbligu skont l-Artikolu 14(4) ivarja mill-Artikolu 67(2a) tar-RDK fl-oqsma li ġejjin:
(1) |
l-operazzjonijiet li għalihom l-appoġġ jikkostitwixxi għajnuna de minimis huma eżentati mill-obbligu li jintużaw l-għażliet ta’ spejjeż simplifikati (15); |
(2) |
Is-salarji u l-allokazzjonijiet imħallsa lill-parteċipanti ma jistgħux jiġu ddikjarati abbażi tal-kostijiet reali meta tintuża r-rata fissa ta’ 40 % stabbilita fl-Artikolu 14(2) tal-FSE (peress li ma jistgħux jiġu ddikjarati flimkien ma’ dawk il-kostijiet); |
(3) |
huwa biss l-appoġġ tal-FSE u l-finanzjament nazzjonali korrispondenti li għandu jitħallas lill-benefiċjarju kif speċifikat fil-ftehim li jitqiesu għall-kalkolu tal-limitu ta’ EUR 50 000 (peress li l-Artikolu 14(4) tal-FSE japplika biss għall-FSE). |
Stampa: bidliet ewlenin dwar l-użu obbligatorju tal-SCOs introdotti mir-Regolament Omnibus:
(1) |
L-obbligu li jintużaw l-SCOs huwa estiż għall-appoġġ ipprovdut mill-FEŻR. Bl-introduzzjoni tal-paragrafu ġdid 2a fl-Artikolu 67 tar-RDK li japplika kemm għall-FEŻR kif ukoll għall-FSE, l-Artikolu 14(4) tar-Regolament dwar il-FSE ma kienx meħtieġ aktar u għalhekk tħassar. |
(2) |
Il-limitu jiżdied minn EUR 50 000 għal EUR 100 000. |
(3) |
L-operazzjonijiet li għalihom l-appoġġ jikkostitwixxi għajnuna de minimis issa huma koperti mill-obbligu li jużaw l-għażliet ta’ spejjeż simplifikati. |
2.2.3. Applikazzjoni fil-ħin u dispożizzjonijiet tranżitorji
L-Artikolu 67(2a) tar-RDK japplika biss għal operazzjonijiet appoġġati taħt sejħiet għal proposti ppubblikati mid-data li fiha daħal fis-seħħ ir-Regolament Omnibus (jiġifieri mit-2 ta’ Awwissu 2018). Dan ma japplikax għal operazzjonijiet appoġġati taħt sejħiet ippubblikati qabel din id-data, anki jekk id-dokument li jistabbilixxi l-kundizzjonijiet għall-appoġġ (eż. id-deċiżjoni ta’ finanzjament/il-ftehim ta’ għotja) jinħareġ wara d-dħul fis-seħħ tar-Regolament Omnibus. L-operazzjonijiet li huma appoġġati barra mill-kamp ta’ applikazzjoni ta’ sejħa għal proposti (eż. għotja diretta) jeħtieġ li jikkonformaw mar-rekwiżiti tal-Artikolu 67(2a) tar-RDK jekk il-ftehim ta’ għotja jew id-dokument li jistabbilixxi l-kundizzjonijiet għall-appoġġ ikunu ġew iffirmati fit-2 ta’ Awwissu 2018.
F’konformità mal-Artikolu 152(7) tar-RDK, l-awtorità ta’ ġestjoni, jew il-kumitat ta’ monitoraġġ tal-programm tal-KTE, jista’ jiddeċiedi li ma japplikax SCOs obbligatorji għal perjodu massimu ta’ 12-il xahar li jibda mit-2 ta’ Awwissu 2018. Dan il-perjodu jista’ jiġi estiż għal perjodu li jidher xieraq għall-awtorità ta’ ġestjoni (kumitat ta’ monitoraġġ għall-programmi tal-KTE) f’każ li l-applikazzjoni obbligatorja tal-SCOs titqies li toħloq piż amministrattiv sproporzjonat.
Dawn id-dispożizzjonijiet tranżitorji stabbiliti fl-Artikolu 152(7) tar-RDK ma japplikawx għall-għotjiet (u l-għajnuna li titħallas lura) appoġġati mill-FSE li għalihom l-appoġġ pubbliku ma jaqbiżx il-EUR 50 000. Dan minħabba li l-operazzjonijiet appoġġati mill-FSE b’appoġġ pubbliku li ma jaqbiżx il-EUR 50 000 kienu diġà soġġetti għall-obbligu li jintużaw l-għażliet ta’ spejjeż simplifikati qabel id-dħul fis-seħħ tar-Regolament Omnibus (l-Artikolu 14(4) tar-Regolament dwar il-FSE).
Għalhekk, għall-operazzjonijiet appoġġati mill-FSE fejn l-appoġġ pubbliku ma jaqbiżx il-EUR 50 000, l-Artikolu 67(2a) tar-RDK japplika mid-dħul fis-seħħ tar-Regolament Omnibus (jiġifieri għas-sejħiet għal proposti mnedija mid-dħul fis-seħħ tar-Regolament Omnibus).
Dan ikollu implikazzjonijiet kbar f’każ li l-appoġġ mill-FSE jikkostitwixxi għajnuna de minimis.
Skont l-Artikolu 14(4) tar-Regolament dwar il-FSE, l-operazzjonijiet li għalihom l-appoġġ kien jikkostitwixxi għajnuna de minimis ma kinux koperti mill-obbligu li jintużaw l-għażliet ta’ spejjeż simplifikati. Madankollu, l-Artikolu 67(2a) tar-RDK fih biss eċċezzjoni għall-operazzjonijiet li jirċievu appoġġ fil-qafas tal-għajnuna mill-Istat li ma jikkostitwixxix għajnuna de minimis . Dan ifisser li l-operazzjonijiet appoġġati mill-FSE li għalihom l-appoġġ pubbliku ma kienx jaqbeż il-EUR 50 000 qabel it-2 ta’ Awwissu 2018 u li mit-2 ta’ Awwissu 2018 ma jaqbiżx il-EUR 100 000 u jikkostitwixxi għajnuna de minimis ma għadhomx esklużi mill-obbligu li jintużaw l-SCOs. Finalment, il-possibbiltà li tiġi posposta l-applikazzjoni tal-Artikolu 67(2a) tar-RDK ma tistax tintuża għall-operazzjonijiet tal-FSE b’appoġġ pubbliku li ma jaqbiżx il-EUR 50 000 f’konformità mal-aħħar subparagrafu tal-Artikolu 152(7) tar-RDK.
Għall-operazzjonijiet u l-proġetti magħżula skont sejħiet għal proposti mnedija qabel id-dħul fis-seħħ tar-Regolament Omnibus japplika l-Artikolu 14(4) tar-Regolament dwar il-FSE. L-operazzjonijiet appoġġati mill-FSE li jirċievu appoġġ pubbliku (li ma jaqbiżx il-EUR 50 000) huma soġġetti għall-obbligu li jintużaw l-SCOs iżda l-operazzjonijiet li jirċievu appoġġ li jikkostitwixxi għajnuna mill-Istat, inkluża għajnuna de minimis, huma esklużi minn dan l-obbligu.
Implikazzjonijiet oħra tar-Regolament Omnibus Appoġġ konġunt mill-FSE u l-FEŻR F’każ li operazzjoni tkun appoġġata kemm mill-FSE kif ukoll mill-FEŻR u din l-operazzjoni tintgħażel taħt sejħa għal proposti mnedija qabel id-dħul fis-seħħ tar-Regolament Omnibus: l-appoġġ mill-FEŻR ma jitqiesx biex tiġi ddeterminata l-kisba tal-limitu għall-obbligu li jintużaw l-SCOs, iżda jitqies biss l-appoġġ mill-FSE kif ukoll l-appoġġ nazzjonali pubbliku korrispondenti. Hija biss il-parti tal-operazzjoni appoġġata mill-FSE (u l-appoġġ pubbliku nazzjonali korrispondenti) li hija soġġetta għall-obbligu li jintużaw l-SCOs, peress li l-Artikolu 14(4) tar-Regolament dwar il-FSE kien japplika biss għall-FSE u ma kien hemm l-ebda dispożizzjoni li tirrikjedi li l-appoġġ tal-FEŻR għal tali operazzjoni jieħu l-forma ta’ SCOs. Għall-operazzjonijiet u l-proġetti taħt sejħiet għal proposti mnedija wara d-dħul fis-seħħ tar-Regolament Omnibus, l-appoġġ kemm mill-FSE kif ukoll mill-FEŻR jitqies għall-kalkolu tal-appoġġ pubbliku, sakemm l-awtorità ta’ ġestjoni (jew il-kumitat ta’ monitoraġġ tal-programmi tal-KTE) tagħmel użu mid-dispożizzjonijiet tranżitorji. Finanzjament reċiproku F’każijiet ta’ finanzjament reċiproku f’konformità mal-Artikolu 98(2) tar-RDK, pereżempju għall-operazzjonijiet appoġġati mill-FSE – jiġifieri l-FSE jintuża biex jipprovdi wkoll appoġġ għan-nefqa eliġibbli taħt il-FEŻR – l-ammont sħiħ tal-appoġġ mill-FSE kif ukoll l-appoġġ nazzjonali pubbliku korrispondenti jitqiesu biex jiġi ddeterminat jekk l-ammont ta’ appoġġ pubbliku huwiex kopert mill-obbligu li jintużaw l-SCOs (peress li huwa appoġġ pubbliku għal operazzjoni li mhijiex appoġġata mill-FEŻR, iżda mill-FSE biss.). L-operazzjonijiet u l-proġetti taħt sejħiet għal proposti mnedija qabel id-dħul fis-seħħ tar-Regolament Omnibus, jeħtieġ li jiġu vvalutati fid-dawl tal-Artikolu 14(4) tar-Regolament dwar il-FSE (16). Għalkemm l-ammont sħiħ ipprovdut mill-FSE kif ukoll il-finanzjament nazzjonali pubbliku korrispondenti jitqiesu biex jiġi ddeterminat jekk l-operazzjoni hijiex soġġetta għall-obbligu li jintużaw l-SCOs skont din id-dispożizzjoni, l-obbligu japplika biss għall-parti tal-appoġġ soġġetta għar-regoli tal-FSE, jiġifieri l-parti tal-appoġġ soġġetta għar-regoli applikabbli għall-FEŻR mhijiex soġġetta għall-obbligu li jintużaw l-SCOs. Fil-każ ta’ operazzjonijiet u proġetti appoġġati taħt sejħa għal proposti mnedija wara d-dħul fis-seħħ tar-Regolament Omnibus, il-parti tal-appoġġ soġġetta għar-regoli applikabbli għall-FEŻR hija soġġetta wkoll għall-użu obbligatorju tal-għażliet ta’ spejjeż simplifikati, f’każ li l-awtorità ta’ ġestjoni (jew il-kumitat ta’ monitoraġġ għall-programmi tal-KTE) ma tkunx għamlet użu mid-dispożizzjonijiet tranżitorji fl-Artikolu 152(7) tar-RDK. |
2.3. Kombinament ta’ għażliet
2.3.1. Prinċipji ġenerali
L-Artikolu 67(1) tar-RDK joħloq il-possibbiltà li l-awtorità ta’ ġestjoni tagħżel bejn ħames għażliet għall-ġestjoni tal-għotjiet u tal-għajnuna li titħallas lura kkofinanzjati mill-Fondi SIE.
F’konformità mal-Artikolu 67(3) tar-RDK, dawn l-għażliet jistgħu jiġu kkombinati biss fil-każijiet li ġejjin, sabiex jiġi evitat kwalunkwe finanzjament doppju tal-istess nefqa:
(1) |
Kull wieħed irid ikopri kategoriji differenti ta’ spejjeż eliġibbli; Jew |
(2) |
iridu jintużaw għal proġetti differenti fl-istess operazzjoni; Jew |
(3) |
iridu jintużaw għal fażijiet suċċessivi ta’ operazzjoni. |
2.3.2. Eżempji ta’ kombinamenti
Eżempju 1: Finanzjament ta’ proġetti differenti li jiffurmaw parti mill-istess operazzjoni (FSE) Eżempju ta’ operazzjoni li tinvolvi proġett ta’ taħriġ għaż-żgħażagħ qiegħda, segwit minn seminar għal impjegaturi potenzjali tar-reġjun: Il-kostijiet relatati mat-taħriġ jistgħu jitħallsu abbażi ta’ skali standard ta' spejjeż għal kull unità (pereżempju EUR 1 000/jum ta’ taħriġ). Is-seminar jitħallas abbażi ta’ somom f’daqqa. Minħabba li hemm żewġ proġetti differenti li jiffurmaw parti mill-istess operazzjoni, ma hemm l-ebda riskju ta’ finanzjament doppju peress li l-kostijiet ta’ kull proġett huma sseparati b’mod ċar. |
Eżempju 2: Fażijiet suċċessivi ta’ operazzjoni (FSE) – f’konformità mal-Artikolu 67(3) tar-RDK Eżempju ta’ operazzjoni diġà mibdija ġestita abbażi ta’ spejjeż reali li l-awtorità ta’ ġestjoni trid tkompli tiġġestixxi abbażi ta’ spejjeż simplifikati. Se jkollhom jiġu ddefiniti b’mod ċar żewġ fażijiet. L-ewwel fażi tista’ tiġi kkalkulata abbażi tal-ispejjeż reali sa data partikolari. It-tieni fażi, għan-nefqa futura, tista’ tiġi kkalkulata abbażi ta’ skali standard ta' spejjeż għal kull unità sakemm l-ispiża għal kull unità ma tkopri l-ebda nefqa appoġġata qabel. Jekk tiġi applikata tali possibbiltà, din jenħtieġ li tikkonċerna lill-benefiċjarji kollha fl-istess sitwazzjoni (trasparenza u trattament ugwali). Dan jista’ joħloq piż amministrattiv minħabba l-ħtieġa li jiġi emendat id-dokument li jistabbilixxi l-kundizzjonijiet għall-appoġġ, jekk dan ma jkunx ġie antiċipat. L-awtoritajiet tal-Istat Membru jridu jfasslu deskrizzjoni dettaljata tal-operazzjoni b’mod ċar għal kull fażi. L-operazzjoni jenħtieġ li tinqasam f’mill-inqas żewġ stadji distinti, finanzjarjament identifikabbli u idealment stadji fiżiċi jew ta’ żvilupp li jikkorrispondu għall-fażijiet ikkonċernati. Dan għandu jsir bil-għan li jiġu żgurati implimentazzjoni u monitoraġġ trasparenti u biex jiġu ffaċilitati l-kontrolli. |
Eżempju 3: Kategoriji differenti ta’ spejjeż eliġibbli (FSE) Eżempju ta’ sessjoni ta’ taħriġ li tikkombina:
Fi tmiem it-taħriġ, jekk ikunu ġew iġġustifikati 200 jum ta’ ħarrieġa, l-għotja se titħallas fuq il-bażi li ġejja: Kostijiet diretti (tip 1 (17)):
Kostijiet indiretti (tip 2): 10 % tal-kostijiet diretti = 10 % × EUR 99 600 = EUR 9 960 Nefqa eliġibbli: (EUR 90 000 + EUR 9 600) + EUR 9 960 = EUR 109 560 F’dak il-każ, huma kkonċernati kategoriji differenti ta’ kostijiet: il-pagi tal-ħarrieġa, l-ispejjeż tal-kera għall-kamra, il-kostijiet indiretti. Madankollu, sabiex jiġi vverifikat in-nuqqas ta’ finanzjament doppju, l-awtoritajiet iridu jiżguraw li l-ispiża għal kull unità bi skala standard ma tirrelata mal-ebda spiża marbuta mal-kiri tal-kamra jew mal-kostijiet indiretti (is-salarju tal-persunal amministrattiv jew tal-kontabilist, pereżempju). Reċiprokament l-istess japplika għad-definizzjoni ta’ kostijiet indiretti li jenħtieġ li ma jkunux relatati ma’ kostijiet koperti mill-iskali standard ta' spejjeż għal kull unità jew mill-ispejjeż reali tal-kiri tal-kamra. Jekk ikun hemm riskju ta’ trikkib jew ikun impossibbli li jintwera li ma hemm l-ebda trikkib, l-awtorità ta’ ġestjoni jkollha tagħżel l-aktar għażla xierqa sabiex tevita kwalunkwe (riskju ta’) finanzjament doppju. |
2.4. L-akkwist pubbliku u l-użu tal-għażliet ta’ spejjeż simplifikati
2.4.1. L-użu tal-għażliet ta’ spejjeż simplifikati fl-akkwist pubbliku
Skont l-ewwel sentenza tal-Artikolu 67(4) tar-RDK meta operazzjoni kif definita fl-Artikolu 2(9) tar-RDK jew proġett li jifforma parti minn operazzjoni (li fiha nnifisha hija appoġġata fil-forma ta’ għotja jew għajnuna li titħallas lura) jiġi implimentat mill-benefiċjarju esklużivament permezz tal-akkwist ta’ xogħlijiet, oġġetti jew servizzi, l-għażliet ta’ spejjeż simplifikati ma jistgħux jintużaw. Madankollu, f’konformità mat-tieni sentenza tal-Artikolu 67(4), meta, l-akkwist pubbliku fi ħdan operazzjoni jew proġett li jifforma parti minn operazzjoni huwa limitat għal ċerti kategoriji ta’ kostijiet, l-għażliet ta’ spejjeż simplifikati jistgħu jiġu applikati “għall-operazzjoni kollha jew il-proġett li jifforma parti minn operazzjoni”. Din is-sentenza ġiet introdotta mir-Regolament Omnibus biex jiġi ċċarat it-test preċedenti tal-Artikolu 67(4) tar-RDK. Din tiċċara li għall-każijiet fejn fi proġett jew operazzjoni, xi oġġetti jew servizzi jkunu ġew esternalizzati permezz tal-akkwist pubbliku, l-SCOs jistgħu jintużaw biex jiġu kkalkulati l-kostijiet kollha tal-operazzjoni, inkluż għall-kostijiet li kienu soġġetti għall-akkwist pubbliku.
L-operazzjonijiet soġġetti għal kuntratti ta’ akkwist pubbliku jitqiesu mill-Kummissjoni bħala operazzjonijiet implimentati permezz tal-għoti ta’ kuntratti pubbliċi f’konformità mad-Direttiva 2004/18/KE (inklużi l-annessi tagħha), id-Direttiva 2009/81/KE u d-Direttiva 2014/24/UE, li ħassret id-Direttiva 2004/18/KE, jew permezz tal-għoti ta’ kuntratti pubbliċi taħt il-limiti tal-istess Direttivi.
Jekk operazzjoni jew proġett jiġix implimentat esklużivament permezz ta’ akkwist pubbliku jew le jiddependi mill-kamp ta’ applikazzjoni tal-operazzjoni jew tal-proġett, kif definit mill-Istati Membri.
Sabiex dan jiġi vvalutat, huwa meħtieġ li jiġu ddefiniti l-proġetti li jikkostitwixxu l-operazzjoni fl-aktar livell baxx possibbli. Jekk l-akkwist pubbliku jkun ikopri l-kategoriji kollha tal-kostijiet ta’ proġett, l-għażliet ta’ spejjeż simplifikati ma jistgħux jiġu applikati għal dak il-proġett.
F’xi każijiet, benefiċjarju jista’ jesternalizza permezz ta’ akkwist pubbliku kważi l-operazzjoni jew il-proġett kollu jew il-maġġoranza l-kbira tagħhom, filwaqt li forsi jibqgħu biss attivitajiet relatati mal-“ġestjoni tal-proġett” jew mal-“komunikazzjonijiet” f’idejn il-benefiċjarju. F’dawn il-każijiet, huwa ċar li l-operazzjoni jew il-proġett ma jiġix implimentat “esklużivament” permezz tal-akkwist pubbliku u l-ispejjeż simplifikati jistgħu jiġu applikati għall-proġett jew l-operazzjoni kollha. Madankollu, fil-prattika, meta l-biċċa l-kbira tal-proġett jiġi implimentat permezz tal-akkwist pubbliku, it-tfassil ta’ SCO għal kategoriji ta’ kostijiet koperti minn akkwist jista’ ma jkunx użu effiċjenti tar-riżorsi, peress li l-maġġoranza tal-kostijiet diġà jkunu koperti mill-akkwist. Madankollu, għalkemm mhuwiex irrakkomandat, hija r-responsabbiltà tal-awtoritajiet ta’ ġestjoni li jivvalutaw jekk jużawx kostijiet simplifikati għall-proġett kollu jekk dan ma jiġix implimentat esklużivament permezz tal-akkwist pubbliku.
Eżempju (FSE): Għotja ta’ EUR 20 000 000 hija allokata lil servizz pubbliku tal-impjiegi (“benefiċjarju”) biex matul sentejn, jorganizza r-riintegrazzjoni ta’ 5 000 persuna qiegħda fit-tul (“l-operazzjoni”): din l-operazzjoni se tiġi implimentata permezz ta’ diversi proġetti: EUR 7 000 000 ta’ proġetti ta’ appoġġ personalizzat implimentati internament, proġetti ta’ taħriġ implimentati internament mill-benefiċjarju għal EUR 5 000 000 u esternalizzati esklużivament permezz ta’ kuntratti ta’ akkwist pubbliku għall-parti li jifdal (EUR 8 000 000). Peress li l-benefiċjarju huwa entità pubblika, istituzzjonijiet ta’ taħriġ għall-proġetti esternalizzati se jkollhom jintgħażlu esklużivament permezz ta’ proċeduri ta’ akkwist pubbliku, u l-għażliet ta’ spejjeż simplifikati ma jistgħux jintużaw għal dawn il-proġetti li jiffurmaw parti mill-operazzjoni. L-għażliet ta’ spejjeż simplifikati jistgħu jintużaw biss għal ammont ta’ EUR 12 000 000. Għall-proġetti ta’ taħriġ li l-benefiċjarju jimplimenta bil-mezzi tiegħu stess, huwa aċċettat li wħud mill-partiti tan-nefqa jiġu esternalizzati permezz ta’ akkwist pubbliku u jiġu inklużi fl-għażliet ta’ spejjeż simplifikati (esperti esterni, servizzi tat-tindif, eċċ.).
Eżempju (FEŻR): Muniċipalità tirċievi għotja għal ammont massimu ta’ EUR 1 000 000 tal-kostijiet eliġibbli għall-kostruzzjoni ta’ triq. Għal dan, il-muniċipalità għandha tagħti kuntratt ta’ xogħlijiet pubbliċi ta’ valur stmat ta’ EUR 700 000. Barra minn hekk, il-muniċipalità ġġarrab ċerti kostijiet relatati ta’ EUR 300 000 (esproprjazzjoni, spejjeż ta’ litigazzjoni (18), monitoraġġ tal-progress fil-prattika, studji ambjentali mwettqa mill-persunal tagħha stess, kampanji, testijiet għall-aċċettazzjoni tat-triq, eċċ.). Għall-ammont ta’ EUR 300 000 ta’ kostijiet diretti u sa fejn dawn l-ispejjeż ikunu eliġibbli skont id-dispożizzjonijiet nazzjonali u tal-Unjoni, jistgħu japplikaw l-ispejjeż simplifikati (eż. kostijiet indiretti abbażi ta’ rata fissa).
Eżempju (FEŻR): Benefiċjarju (muniċipalità) jirċievi għotja għal ammont massimu ta’ EUR 1 000 000 tal-ispejjeż eliġibbli għall-kostruzzjoni ta’ triq.
Għal din l-operazzjoni li ma tiġix akkwistata kompletament pubblikament, l-awtorità ta’ ġestjoni tixtieq tagħmel użu mill-Artikolu 68(1)(b) tar-RDK biex tikkalkula l-kostijiet indiretti. Madankollu, l-awtorità ta’ ġestjoni tixtieq tnaqqas l-impatt tal-użu ta’ persunal sottokuntrattat fuq il-livell tal-kostijiet indiretti. Din tiddeċiedi li teskludi l-kostijiet diretti tal-persunal sottokuntrattat mill-kostijiet diretti tal-persunal li għalihom tiġi applikata r-rata fissa.
L-abbozz tal-baġit għall-operazzjoni huwa kif ġej:
Proġett 1: xogħol (proċedura ta’ akkwist pubbliku) |
EUR 700 000 |
Proġett 2: spejjeż oħra: |
EUR 298 500 |
Kostijiet diretti tal-persunal |
EUR 50 000 |
Li minnhom il-kostijiet diretti tal-persunal sottokuntrattat |
EUR 10 000 |
Kostijiet diretti oħra |
EUR 242 500 |
Kostijiet indiretti |
(kostijiet diretti tal-persunal – kostijiet diretti tal-persunal sottokuntrattat) X 15 % = EUR 40 000 × 15 % = EUR 6 000 |
Kostijiet totali ddikjarati |
EUR 998 500 |
Meta l-operazzjonijiet jiġu implimentati permezz ta’ proċeduri tal-akkwist pubbliku, il-prezz fl-avviż tal-kuntratt huwa, skont id-definizzjoni tiegħu stess, spiża unitarja jew somma f’daqqa li tikkostitwixxi l-bażi tal-pagamenti mill-benefiċjarju lill-kuntrattur. Madankollu, għall-finijiet tal-Artikolu 67 tar-RDK, il-kostijiet determinati u mħallsa mill-benefiċjarju abbażi tal-ammonti stabbiliti permezz tal-proċeduri tal-akkwist pubbliku jikkostitwixxu spejjeż reali mġarrba u mħallsa attwalment skont l-Artikolu 67(1)(a) tar-RDK (19).
Eżempju (FSE): Jekk benefiċjarju jimplimenta kors ta’ taħriġ permezz ta’ akkwist pubbliku, huwa possibbli li fis-sejħa għall-offerti l-benefiċjarju jitlob lill-offerenti jagħmlu offerta ta’ prezz għal kull trainee li jikseb ċertifikazzjoni fi tmiem il-kors. Għalhekk, it-termini tal-kuntratt jistgħu jkunu: trainee wieħed iċċertifikat = EUR 1 000. Jekk, fi tmiem il-kors, jiġu ċċertifikati 10 trainees, il-benefiċjarju jista’ jiddikjara EUR 10 000 tan-nefqa eliġibbli lill-awtorità ta’ ġestjoni. Dawn l-EUR 10 000 se jitqiesu bħala bbażati fuq l-ispiża reali. Għalhekk, kontroll jew awditu ta’ din in-nefqa se jikkonsisti f’verifika tal-proċedura tal-akkwist pubbliku u fl-osservanza tat-termini tal-kuntratt (f’dan l-eżempju, li hemm prova ta’ trainee ċċertifikat għal kull spiża unitarja mħallsa). Il-kostijiet sottostanti tat-taħriġ (kiri ta’ faċilitajiet, kostijiet tal-persunal…) mhumiex se jiġu vverifikati peress li l-kuntratt ma jipprevedix rimborż fuq din il-bażi. |
2.4.2. L-użu tar-rata fissa għall-kalkolu tal-kostijiet diretti tal-persunal f’operazzjonijiet implimentati permezz tal-akkwist pubbliku
Kif previst fl-Artikolu 68a tar-RDK, il-kalkolu tal-kostijiet diretti tal-persunal ta’ operazzjoni b’rata fissa sa 20 % tal-kostijiet diretti minbarra l-kostijiet tal-persunal mhux se jirrikjedi kalkolu biex tiġi ddeterminata l-metodoloġija sakemm l-operazzjoni ma tinkludix kuntratti ta’ xogħlijiet pubbliċi li jaqbżu l-limitu stabbilit fil-punt (a) tal-Artikolu 4 tad-Direttiva 2014/24/UE. Dan ifisser, li jekk il-kostijiet diretti tal-operazzjoni jkunu saħansitra parzjalment koperti minn tali kuntratt ta’ xogħlijiet pubbliċi li jaqbeż il-limitu stabbilit fil-punt (a) tal-Artikolu 4 tad-Direttiva 2014/24/UE, l-użu tar-rata fissa ta’ 20 % ddefinita fir-Regolament huwa possibbli iżda jkun jirrikjedi l-istabbiliment ta’ metodoloġija biex tiġi ddeterminata r-rata applikabbli.
2.5. Il-kompatibbiltà tal-għażliet ta’ spejjeż simplifikati mar-regoli dwar l-għajnuna mill-Istat
Jenħtieġ li jiġi enfasizzat li r-regoli dwar l-għajnuna mill-Istat stabbiliti fit-Trattat huma ta’ applikazzjoni ġenerali. Barra minn hekk, f’konformità mal-Artikolu 6 tar-RDK, l-operazzjonijiet għandhom jikkonformaw mal-liġi applikabbli tal-Unjoni u mal-liġi nazzjonali relatata mal-applikazzjoni tagħhom. Dan jinkludi l-konformità mar-regoli dwar l-għajnuna mill-Istat. Għalhekk, kull meta l-finanzjament jikkostitwixxi għajnuna mill-Istat skont it-tifsira tal-Artikolu 107 tat-TFUE, dawk ir-regoli jridu jiġu rrispettati fil-kalkolu u fl-amministrazzjoni tal-għażliet ta’ spejjeż simplifikati kif previst fl-Artikolu 67 tar-RDK. Għalhekk, l-awtoritajiet ta’ ġestjoni jridu jiżguraw li l-kategoriji ta’ kostijiet li għalihom huma stabbiliti l-għażliet ta’ spejjeż simplifikati jkunu eliġibbli kemm skont ir-regoli tal-Fondi SIE kif ukoll skont ir-regoli dwar l-għajnuna mill-Istat. Dawn iridu jiżguraw ukoll li l-intensitajiet massimi tal-għajnuna stabbiliti fir-regoli dwar l-għajnuna mill-Istat jiġu rrispettati.
Ir-regolamenti ta’ eżenzjoni ta’ kategorija, jiġifieri r-Regolament tal-Kummissjoni għall-Eżenzjoni Ġenerali Sħiħa (UE) Nru 651/2014 (20) (GBER), ir-Regolament għall-Eżenzjoni Agrikola Sħiħa (UE) Nru 702/2014 (ABER) u r-Regolament għall-Eżenzjoni Sħiħa tas-Sajd (UE) Nru 1388/2014 (FBER) jipprevedu eżenzjonijiet mill-obbligu tal-Istati Membri li jinnotifikaw skemi ta’ għajnuna u għajnuna ad hoc li jissodisfaw il-kundizzjonijiet stipulati fihom.
Madankollu, jenħtieġ li jiġi nnotat li mhux l-appoġġ kollu mogħti mill-awtoritajiet pubbliċi huwa soġġett għar-regoli dwar l-għajnuna mill-Istat. L-ewwel nett, jenħtieġ li jiġi vvalutat jekk l-appoġġ mogħti lil operazzjoni jitqiesx bħala għajnuna mill-Istat skont it-tifsira tal-Artikolu 107(1) tat-TFUE. Aktar informazzjoni dwar il-kunċett ta’ għajnuna mill-Istat tista’ tinstab fl-avviż tal-Kummissjoni (21) li jiċċara l-fehim tal-Kummissjoni tal-Artikolu 107(1) tat-Trattat, kif interpretat mill-Qorti tal-Ġustizzja u mill-Qorti Ġenerali. Jenħtieġ li jitqiesu wkoll id-dispożizzjonijiet tar-Regolamenti (22) dwar l-għajnuna “de minimis”. Għajnuna li tikkostitwixxi għajnuna “de minimis” ma tikkostitwixxix għajnuna mill-Istat skont it-tifsira tal-Artikolu 107 tat-Trattat. Għalhekk, f’każ li operazzjoni ffinanzjata mill-Fondi SIE taqa’ fil-kamp ta’ applikazzjoni tar-Regolament de minimis rilevanti, dan ifisser li l-kontribuzzjoni mill-Fondi SIE ma tikkostitwixxix għajnuna mill-Istat. Għalhekk, fil-każ ta’ għajnuna de minimis ma hemmx bżonn li tiġi vvalutata l-konformità mar-regoli dwar l-għajnuna mill-Istat, iżda tar-regoli relatati mal-Fondi SIE biss u l-kundizzjonijiet għall-kunsiderazzjoni tal-appoġġ bħala għajnuna de minimis.
Sabiex operazzjoni tibbenefika mir-Regolament de minimis rilevanti, għandhom jiġu ssodisfati l-kundizzjonijiet (stabbiliti f’dak ir-regolament).
(1) |
l-għajnuna mogħtija taqa’ fil-kamp ta’ applikazzjoni tal-Artikolu 1 tar-Regolament “de minimis” rilevanti; |
(2) |
l-għajnuna mogħtija tikkonforma mal-limiti massimi kif stabbiliti fl-Artikolu 3 tar-Regolament “de minimis” rilevanti; |
(3) |
l-għajnuna mogħtija tikkonforma mar-rekwiżiti dwar il-kalkolu tal-ekwivalenti tal-għotja gross kif stabbilit fl-Artikolu 4 tar-Regolament “de minimis” rilevanti; |
(4) |
l-għajnuna mogħtija tikkonforma mar-regoli tal-akkumulazzjoni stabbiliti fl-Artikolu 5 tar-Regolament “de minimis” rilevanti; |
(5) |
l-għajnuna mogħtija tikkonforma mar-rekwiżit ta’ monitoraġġ stabbilit fl-Artikolu 6 tar-Regolament “de minimis” rilevanti. |
2.5.1. Il-kompatibbiltà tal-għażliet ta’ spejjeż simplifikati mar-Regolament għall-Eżenzjoni Ġenerali Sħiħa u r-Regolament għall-Eżenzjoni Agrikola Sħiħa
Il-verifika tal-konformità tal-operazzjonijiet tal-Fondi SIE mal-GBER jew mal-ABER jenħtieġ li tinkludi l-passi li ġejjin:
— |
L-eliġibbiltà ta’ kostijiet skont il-GBER jew l-ABER u r-regoli dwar il-Fondi SIE L-ewwel nett, meta l-awtorità ta’ ġestjoni tkun trid tagħti appoġġ li jitqies li jikkostitwixxi għajnuna mill-Istat, il-kundizzjonijiet għall-għoti tal-għajnuna jenħtieġ li jiġu vverifikati skont il-kategorija rilevanti ta’ għajnuna/dispożizzjoni ta’ eżenzjoni skont il-GBER jew l-ABER. Imbagħad, l-awtorità ta’ ġestjoni jenħtieġ li tivverifika jekk, fil-qafas ta’ din il-kategorija ta’ għajnuna, l-ispejjeż previsti għal operazzjoni humiex eliġibbli, kemm abbażi tad-dispożizzjonijiet ta’ eżenzjoni rilevanti skont il-GBER jew l-ABER u r-regoli dwar il-Fondi SIE. F’dan ir-rigward, l-Artikolu 7(1) tal-GBER u l-Artikolu 7(1) tal-ABER, it-tnejn li huma kif emendati mir-Regolament (UE) 2017/1084 tal-14 ta’ Ġunju 2017, jippermettu li l-ispejjeż eliġibbli skont il-GBER u l-ABER jiġu kkalkulati f’konformità mal-għażliet ta’ spejjeż simplifikati stabbiliti fir-RDK, diment li l-operazzjoni tkun tal-inqas parzjalment iffinanzjata permezz ta’ fond tal-Unjoni li jippermetti l-użu ta’ dawk l-għażliet ta’ spejjeż simplifikati u li l-kategorija tal-ispejjeż tkun eliġibbli skont l-eżenzjoni fil-GBER jew fl-ABER rilevanti. Dan ifisser li meta tkun ġiet stabbilita għażla ta’ spejjeż simplifikati f’konformità mar-RDK jew ir-regolamenti speċifiċi għall-Fondi, dan l-ammont bħala regola se jintuża għall-finijiet tal-kontroll tal-konformità mar-regoli dwar l-għajnuna mill-Istat, dment li l-kategorija tal-ispejjeż bħala tali tkun eliġibbli skont ir-regoli dwar l-għajnuna mill-Istat u li l-għajnuna tissodisfa l-kundizzjonijiet kollha tal-GBER jew tal-ABER. Meta jintużaw għażliet ta’ spejjeż simplifikati, il-kategoriji ta’ kostijiet ikkalkulati abbażi tal-SCOs jenħtieġ li jiġu identifikati fil-metodoloġija li tintuża biex jiġi stabbilit l-ammont tal-ispiża ssimplifikata. Meta jintużaw għażliet ta’ spejjeż simplifikati definiti fir-RDK jew regoli oħra speċifiċi għall-fondi, dan jenħtieġ li jiġi żgurat mill-awtorità ta’ ġestjoni, meta toħroġ sejħiet għal proposti għall-operazzjonijiet li jistgħu jkunu soġġetti għal regoli dwar l-għajnuna mill-Istat, billi tistipula l-kategoriji ta’ spejjeż li se jiġu ffinanzjati mill-Fondi SIE għal dik l-operazzjoni u li huma wkoll konformi mal-GBER jew mal-ABER. Fid-dokument li jistabbilixxi l-kundizzjonijiet għall-appoġġ għall-operazzjoni jenħtieġ li jiġi ddikjarat ukoll liema kategoriji ta’ kostijiet jitqiesu eliġibbli għal dik l-operazzjoni. Għall-fini tal-verifika ta’ jekk il-kostijiet indiretti (fil-kuntest tal-Fondi SIE) humiex eliġibbli skont il-GBER, jenħtieġ li jiġi nnotat li l-kostijiet indiretti spiss jikkostitwixxu spejjeż operatorji kif definit fl-Artikolu 2(39) tal-GBER (“L-ispejjeż operatorji jinkludu spejjeż bħal spejjeż marbuta mal-persunal, materjali, kuntratti ta’ servizz, komunikazzjoni, enerġija, manutenzjoni, kera, amministrazzjoni”). Għalhekk, f’każ li l-ispejjeż operatorji jkunu eliġibbli skont il-GBER, dan ifisser li anki l-kostijiet indiretti fil-kuntest tal-Fondi SIE jistgħu jitqiesu bħala spejjeż eliġibbli tal-GBER. Għar-rata fissa ta’ 40 % (l-Artikolu 68b(1) tar-RDK), id-dokument li jistabbilixxi l-kundizzjonijiet għall-appoġġ jenħtieġ li jiddikjara b’mod ċar il-kategoriji tal-kostijiet li huma koperti mill-40 %. |
— |
Verifika tal-intensità massima tal-għajnuna Meta tkun ġiet stabbilita għażla ta’ spejjeż simplifikati f’konformità mad-dispożizzjonijiet tal-Artikolu 67, 68, 68a u 68b tar-RDK jew id-dispożizzjonijiet rilevanti fir-regolamenti speċifiċi għall-Fondi, dan l-ammont jista’ jintuża għall-finijiet tal-kontroll tal-konformità mal-GBER jew mal-ABER, inkluża l-intensità tal-għajnuna. Għalhekk, b’mod simili għal dak li jenħtieġ li jsir meta jintużaw l-ispejjeż reali skont il-GBER (jew l-ABER), l-ammont li jirriżulta mill-metodoloġija li tintuża għall-kalkolu tal-SCOs jista’ jintuża biex tiġi vverifikata l-konformità mal-intensità massima tal-għajnuna skont il-kategorija rilevanti tal-għajnuna mill-Istat. Peress li l-metodoloġija li tintuża trid tikkonforma ma’ ġestjoni finanzjarja tajba, l-awtoritajiet ta’ ġestjoni jridu jużaw ipoteżi raġonevoli u prudenti sabiex jiżguraw li l-ispejjeż simplifikati jirrappreżentaw indikatur affidabbli għall-ispejjeż reali. Dan jippermetti li l-ammont stabbilit fl-ispiża ssimplifikata jintuża biex jiffaċilita l-wiri tal-konformità mal-intensità massima tal-għajnuna, mal-ammonti massimi tal-għajnuna jew mal-limiti ta’ notifika skont il-GBER jew l-ABER. Il-metodoloġija se tkun soġġetta għal awditjar biex jiġi żgurat li tkun konformi mar-regoli applikabbli dwar il-Fondi SIE u l-għajnuna mill-Istat. Għal eżempju, jekk jogħġbok irreferi għall-Anness 2. |
2.6. L-użu ta’ spejjeż simplifikati f’operazzjonijiet li jiġġeneraw dħul nett
L-għażliet ta’ spejjeż simplifikati huma mod kif jiġu kkalkulati il-kostijiet, in-“naħa tan-nefqa” ta’ operazzjoni. Għalhekk, fit-teorija, l-użu ta’ għażliet ta’ spejjeż simplifikati jenħtieġ li jkun indipendenti minn jekk operazzjoni tiġġenerax dħul jew le. Madankollu, sabiex jiġi ppreservat l-impatt tas-simplifikazzjoni, ir-RDK jintroduċi xi speċifiċità għal operazzjoni li tiġġenera dħul li tuża somom f’daqqa jew skali standard ta' spejjeż għal kull unità.
2.6.1. Operazzjonijiet li jiġġeneraw dħul nett wara t-tlestija (l-Artikolu 61 tar-RDK)
L-Artikolu 61 tar-RDK japplika għal operazzjonijiet, li jiġġeneraw dħul nett:
a) |
wara t-tlestija tagħhom biss jew |
b) |
matul l-implimentazzjoni tagħhom u wara t-tlestija tagħhom. |
F’konformità mal-Artikolu 61(7)(f) tar-RDK, għal operazzjonijiet li jiġġeneraw dħul nett wara t-tlestija li jkunu użaw somom f’daqqa jew skali standard ta' spejjeż għal kull unità, il-paragrafi 1 sa 6 tal-Artikolu 61 tar-RDK ma japplikawx. F’każ li l-operazzjonijiet jiġġeneraw dħul nett matul l-implimentazzjoni u wara t-tlestija, jiġifieri, meta japplika l-Artikolu 61 tar-RDK, kif iddikjarat fl-Artikolu 61(7)(f) tar-RDK, id-dħul nett ma għandux għalfejn jitqies fil-każ ta’ operazzjonijiet li għalihom l-appoġġ pubbliku jkun fil-forma ta’ somom f’daqqa jew skali standard ta' spejjeż għal kull unità. Fil-każ tal-użu ta’ rati fissi, id-dħul nett iġġenerat mill-operazzjoni jenħtieġ li jiġi ddeterminat minn qabel u jitnaqqas min-nefqa eliġibbli tal-proġett.
2.6.2. Operazzjonijiet li jiġġeneraw dħul nett matul l-implimentazzjoni u li għalihom il-paragrafi 1 sa 6 tal-Artikolu 61 tar-RDK ma japplikawx (23)
Għal somom f’daqqa jew skali standard ta' spejjeż għal kull unità li jintużaw f’operazzjonijiet li jiġġeneraw dħul nett matul l-implimentazzjoni tagħhom, dak id-dħul nett ma għandux għalfejn jitnaqqas min-nefqa eliġibbli sakemm dan ikun tqies ex ante fil-kalkolu tas-somma f’daqqa jew tal-iskali standard ta' spejjeż għal kull unità (skont l-Artikolu 65(8)(f) tar-RDK).
Jekk id-dħul nett ma kienx tqies ex-ante fil-kalkolu tas-somom f’daqqa jew tal-iskali standard ta' spejjeż għal kull unità, imbagħad in-nefqa eliġibbli kofinanzjata mill-Fondi SIE jkollha titnaqqas mid-dħul nett iġġenerat matul l-implimentazzjoni sa mhux aktar tard mit-talba għal pagament finali sottomessa mill-benefiċjarju, pro rata tal-partijiet eliġibbli u mhux eliġibbli tal-ispiża (it-tieni subparagrafu tal-Artikolu 65(8) tar-RDK.
Meta jintgħażel finanzjament b’rata fissa, kwalunkwe dħul nett li ma jitqiesx fiż-żmien tal-approvazzjoni tal-operazzjoni u ġġenerat direttament matul l-implimentazzjoni tal-operazzjoni għandu jitnaqqas min-nefqa eliġibbli kofinanzjata mill-Fondi SIE (wara li tiġi applikata r-rata fissa) sa mhux aktar tard mit-talba għal pagament finali sottomessa mill-benefiċjarju, pro rata tal-partijiet eliġibbli u mhux eliġibbli tal-ispiża (it-tieni subparagrafu tal-Artikolu 65(8) tar-RDK).
Eżempju (FSE) Tiġi organizzata konferenza biex tiġi promossa l-intraprenditorija. Abbozz ta’ baġit jiġi ppreżentat mill-benefiċjarju li jiddikjara li l-ispejjeż totali eliġibbli jenħtieġ li jammontaw għal EUR 70 000. Il-konferenza se titlob tariffa għad-dħul ta’ EUR 3. L-organizzatur jistenna li jattira 200 viżitatur. Id-dħul mistenni li għandu jiġi ġġenerat huwa ta’ EUR 3 x 200 = EUR 600. Il-konferenza tkun ta’ suċċess kbir u l-għadd ta’ viżitaturi jaqbeż l-aspettattivi (300 persuna). Peress li din l-operazzjoni hija kofinanzjata mill-FSE biss u d-dħul nett ma jiġix iġġenerat wara t-tlestija, l-Artikolu 61 tar-RDK ma japplikax, minħabba li d-dħul nett ma jiġix iġġenerat wara t-tlestija. Madankollu, japplika l-Artikolu 65(8) tar-RDK.
Is-somma f’daqqa definita hija li jekk issir il-konferenza, l-ispiża totali eliġibbli tal-operazzjoni tkun ta’ EUR 70 000 – EUR 600 = EUR 69 400. L-appoġġ pubbliku ta’ din l-operazzjoni jieħu l-forma ta’ somma f’daqqa u d-dħul ikun tqies fid-definizzjoni tas-somma f’daqqa. L-għadd attwali ta’ viżitaturi ma jkollux impatt fuq l-ammont eliġibbli (somma f’daqqa). Ir-rendikont tal-entrati se jirrikjedi prova tal-implimentazzjoni tal-konferenza u l-prezz tal-biljett tad-dħul.
Is-somma f’daqqa definita hija li jekk issir il-konferenza, l-ispiża totali eliġibbli tal-operazzjoni tkun ta’ EUR 70 000 – EUR 600 = EUR 69 400. L-appoġġ pubbliku ta’ din l-operazzjoni jieħu l-forma ta’ somma f’daqqa u d-dħul ikun tqies fid-definizzjoni tas-somma f’daqqa. Madankollu, fl-aħħar l-organizzatur jiddeċiedi li jistabbilixxi l-prezz tal-biljett tad-dħul għal EUR 5 minflok EUR 3. F’dan il-każ, id-diskrepanza fil-finanzjament jenħtieġ li titnaqqas ((EUR 5 x 300) – EUR 600 = EUR 900). L-ispejjeż totali eliġibbli se jkunu ta’ EUR 69 400 – EUR 900 = EUR 68 500
Is-somma f’daqqa definita hija li jekk issir il-konferenza, l-ispiża totali eliġibbli tal-operazzjoni tkun ta’ EUR 70 000. L-appoġġ pubbliku ta’ din l-operazzjoni jieħu l-forma ta’ somma f’daqqa u d-dħul ma jkunx tqies fid-definizzjoni tas-somma f’daqqa. Ladarba l-benefiċjarju jitlob rimborż (EUR 70 000), jeħtieġ li jipprovdi evidenza li l-konferenza tkun saret. Se jkun meħtieġ ukoll li jitnaqqas id-dħul reali ġġenerat matul l-implimentazzjoni (EUR 3 x 300 = EUR 900). F’dan il-każ, is-somma f’daqqa se tkun ta’ EUR 70 000 – EUR 900 = EUR 69 100. |
2.7. Speċifiċi għall-FEŻR u l-FSE: finanzjament reċiproku
2.7.1. Id-dikjarazzjoni tal-azzjonijiet li jaqgħu taħt l-Artikolu 98(2) tar-RDK b’rabta mal-għażliet ta’ spejjeż simplifikati
Skont l-Artikolu 98(2) tar-RDK, meta l-FEŻR jew il-FSE jipprovdi appoġġ lil parti minn operazzjoni li għaliha l-kostijiet huma eliġibbli għal sostenn mill-Fond l-ieħor (“finanzjament reċiproku”), japplikaw ir-regoli (24) tal-Fond l-ieħor għal dik il-parti tal-operazzjoni. Il-finanzjament reċiproku jista’ jintuża sa limitu ta’ 10 % tal-finanzjament tal-Unjoni għal kull assi prijoritarju.
Bl-eċċezzjoni ta’ rati fissi, tista’ tintuża SCO waħda fir-rigward tan-nefqa eliġibbli taħt Fond wieħed jew l-ieħor.
L-applikazzjoni tal-għażliet ta’ spejjeż simplifikati għadha tirrikjedi li l-Istati Membri jirrispettaw il-limitu massimu ta’ 10 % għal kull assi prijoritarju (skont il-Fond u l-kategorija tar-reġjun fejn rilevanti). L-ammont “iffinanzjat b’mod reċiproku” jenħtieġ li jiġi rreġistrat u mmonitorjat, operazzjoni b’operazzjoni, abbażi tad-data użata biex jiġu ddefiniti l-għażliet ta’ spejjeż simplifikati.
B’mod speċifiku, għall-finanzjament b’rata fissa f’każijiet ta’ finanzjament reċiproku, jenħtieġ li japplikaw rati fissi separati għal kull parti tal-operazzjoni “FSE” u “FEŻR”. Ir-rati fissi tal-FSE u tal-FEŻR għal operazzjonijiet simili se jiġu applikati rispettivament għall-partijiet tal-FSE u tal-FEŻR. L-użu ta’ medja taż-żewġ rati mhuwiex possibbli peress li n-nefqa jeħtieġ li tkun traċċabbli biex jiġi żgurat ir-rispett tal-limitu massimu globali ta’ 10 % għall-finanzjament reċiproku. Fejn ma tkun teżisti l-ebda rata għall-Fond l-ieħor għal tip simili ta’ operazzjoni (pereżempju minħabba li r-regola ma tiġix applikata għall-Fond l-ieħor (25) jew minħabba li ma jkun hemm l-ebda operazzjoni simili ffinanzjata mill-Fond l-ieħor), l-awtorità ta’ ġestjoni għandha tiddeċiedi dwar ir-rata applikabbli skont il-prinċipji legali ġenerali stabbiliti fl-Artikoli 67(5) u l-ewwel subparagrafu tal-Artikolu 68 tar-RDK.
2.7.2. Eżempji
Eżempju ta’ finanzjament reċiproku tal-FSE-FEŻR bi spejjeż unitarji jew somom f’daqqa Jekk, għal operazzjoni tal-FSE, l-iskala standard ta’ EUR 6 / siegħa × trainee tinkludi x-xiri ta’ infrastruttura għal EUR 0,50 / siegħa eliġibbli taħt il-FEŻR, l-ammont iffinanzjat b’mod reċiproku se jkun ta’ EUR 0,50 x l-għadd ta’ “sigħat × trainee” realizzat. L-istess prinċipju japplika għas-somom f’daqqa: jekk l-abbozz tal-baġit dettaljat ikun jinkludi xi “nefqa ffinanzjata b’mod reċiproku”, dan jiġi kontabilizzat u mmonitorjat b’mod separat. Pereżempju, fi ħdan somma f’daqqa ta’ EUR 20 000 iffinanzjata minn programm tal-FSE, in-nefqa tat-tip tal-FEŻR tirrappreżenta EUR 5 000. Fi tmiem l-operazzjoni, l-ammont iffinanzjat b’mod reċiproku se jkun l-ammont definit ex-ante (EUR 5 000 mill-EUR 20 000) jew “żero” jekk l-għotja ma titħallasx minħabba li l-eżitu definit minn qabel ma jkunx intlaħaq. Il-prinċipju binarju ta’ somom f’daqqa, jekk ma jiġix immitigat bl-istabbiliment ta’ stadji importanti, se japplika wkoll għal nefqa ffinanzjata b’mod reċiproku. |
Eżempju ta’ finanzjament reċiproku tal-FSE-FEŻR b’finanzjament b’rata fissa Fil-każ ta’ rata fissa għall-kostijiet indiretti, l-ammont iffinanzjat b’mod reċiproku se jkun l-ammont ta’ “kostijiet diretti ffinanzjati b’mod reċiproku”, miżjud mal-kostijiet indiretti kkalkulati bir-rata fissa applikabbli għal dawn l-“kostijiet diretti ffinanzjati b’mod reċiproku”. Pereżempju, fi ħdan operazzjoni ta’ EUR 15 000 iffinanzjata minn programm tal-FEŻR, l-kostijiet diretti “tat-tip FSE” jirrappreżentaw EUR 3 000 u l-kostijiet indiretti jiġu kkalkulati bħala 10 % tal-kostijiet diretti (EUR 300). Għalhekk, l-ammont iffinanzjat b’mod reċiproku jkun ta’ EUR 3 300. Jekk fi tmiem l-operazzjoni l-kostijiet diretti jitnaqqsu, l-ammont iffinanzjat b’mod reċiproku (inkluż għall-kostijiet indiretti) jitnaqqas skont l-istess formula. |
2.8. Ir-regoli speċifiċi għall-FAEŻR u l-KTE
Speċifiċi għall-FAEŻR
Jekk jogħġbok irreferi għall-Anness III ta’ din il-gwida għal lista ta’ miżuri tal-FAEŻR li jaqgħu taħt il-kamp ta’ applikazzjoni tal-SCOs.
Speċifiċi għall-KTE Regoli speċifiċi dwar l-eliġibbiltà tan-nefqa għall-programmi ta’ kooperazzjoni fir-rigward tal-kostijiet tal-persunal, in-nefqa tal-uffiċċju u dik amministrattiva, l-ispejjeż tal-ivvjaġġar u tal-akkomodazzjoni, l-ispejjeż tal-għarfien espert estern u tas-servizz, u n-nefqa tat-tagħmir huma stabbiliti fil-livell tal-UE. Mingħajr preġudizzju għar-regoli ta’ eliġibbiltà stabbiliti fir-RDK, fir-regolament tal-KTE u fir-regoli speċifiċi ta’ eliġibbiltà għall-programm ta’ kooperazzjoni, il-Kumitat ta’ Monitoraġġ jistabbilixxi regoli addizzjonali dwar l-eliġibbiltà tan-nefqa għall-programm ta’ kooperazzjoni kollu kemm hu. Għal kwistjonijiet mhux koperti mir-regoli msemmija hawn fuq, japplikaw ir-regoli nazzjonali tal-Istat Membru li fih issir in-nefqa. |
KAPITOLU 3
Tipi ta’ Għażliet ta’ Spejjeż Simplifikati
3.1. Finanzjament b’rata fissa
Fil-każ ta’ finanzjament b’rata fissa, kategoriji speċifiċi ta’ spejjeż eliġibbli li huma identifikati b’mod ċar minn qabel jiġu kkalkulati bl-applikazzjoni ta’ perċentwal, fiss ex-ante għal kategorija waħda jew bosta kategoriji oħrajn ta’ spejjeż eliġibbli.
3.1.1. Id-definizzjoni tal-kategoriji tal-kostijiet
F’sistema ta’ finanzjament b’rata fissa, hemm massimu ta’ tliet tipi ta’ spejjeż:
— |
Tip 1: kategoriji ta’ kostijiet eliġibbli li abbażi tagħhom għandha tiġi applikata r-rata fissa biex jiġu kkalkulati l-ammonti eliġibbli; |
— |
Tip 2: kategoriji ta’ kostijiet eliġibbli li se jiġu kkalkulati bir-rata fissa; |
— |
Tip 3: fejn rilevanti, kategoriji oħra ta’ kostijiet eliġibbli: ir-rata ma tiġix applikata għalihom u dawn ma jiġux ikkalkulati bir-rata fissa. |
Meta tuża sistema ta’ finanzjament b’rata fissa, l-awtorità ta’ ġestjoni trid tiddefinixxi l-kategoriji tal-ispejjeż li jaqgħu taħt kull tip: kwalunkwe kategorija ta’ nefqa hija inkluża b’mod ċar f’wieħed — u wieħed biss — mit-tliet tipi. Kun af li f’xi każijiet, tip wieħed jista’ jiġi ddefinit minn oppożizzjoni għal tip ieħor jew it-tipi l-oħra (pereżempju, f’sistema fejn hemm biss kostijiet diretti (tip 1) u indiretti (tip 2), l-kostijiet indiretti jistgħu jitqiesu bħala l-kostijiet eliġibbli kollha li mhumiex kostijiet diretti eliġibbli).
Ir-RDK ma jqiegħed l-ebda restrizzjoni fuq kategoriji ta’ kostijiet eliġibbli li jistgħu jintużaw għal finanzjament b’rata fissa. Madankollu, l-objettiv ewlieni li jintużaw rati fissi jenħtieġ li jkun is-simplifikazzjoni u t-tnaqqis tar-rata ta’ żball. Għalhekk, ir-rati fissi huma l-aktar adattati għall-ispejjeż li huma relattivament baxxi u li għalihom il-verifika hija għalja.
Meta operazzjoni (26) tkopri aktar minn proġett wieħed, ir-rata fissa tista’ tapplika fil-livell ta’ proġett, dment li l-attivitajiet u l-ispejjeż bejn il-proġetti jkunu distinti b’mod ċar.
3.1.2. Sistemi ta’ finanzjament b’rata fissa speċifiċi għall-kalkolu tal-kategoriji tal-ispejjeż dettaljati fir-RDK u fir-Regolamenti speċifiċi għall-Fondi
Ċerti sistemi speċifiċi ta’ finanzjament b’rata fissa huma definiti fil-livell leġiżlattiv. Ħafna minnhom jistgħu jintużaw mingħajr ma l-awtorità ta’ ġestjoni tkun meħtieġa tistabbilixxi metodu ta’ kalkolu biex tiddetermina r-rata applikabbli. Dawn ir-rati fissi huma stabbiliti fl-Artikoli 68 (bl-eċċezzjoni tal-punt (a) fejn ma jkun disponibbli l-ebda metodu nazzjonali għal operazzjonijiet simili), 68a u 68b. Skont dawn id-dispożizzjonijiet, rata fissa tiġi applikata għal ċerta kategorija ta’ kostijiet (kostijiet diretti, kostijiet diretti minbarra kostijiet tal-persunal jew kostijiet diretti tal-persunal), biex jiġu kkalkulati kategoriji oħra ta’ kostijiet (kostijiet indiretti, kostijiet diretti tal-persunal u kostijiet eliġibbli li jifdal ta’ operazzjoni, rispettivament).
Bl-użu ta’ kwalunkwe waħda minn dawn is-sistemi stabbiliti hawn fuq, l-awtorità ta’ ġestjoni (jew il-kumitat ta’ monitoraġġ għall-programm tal-KTE) għandha tiddefinixxi l-kategoriji ta’ kostijiet koperti mir-rata fissa, jiġifieri l-kostijiet diretti u indiretti u l-kostijiet diretti tal-persunal. Hija r-responsabbiltà unika tal-Istati Membri li jiddefinixxu l-kategoriji differenti ta’ spejjeż b’mod konsistenti, mhux ambigwu u mhux diskriminatorju. Dan huwa partikolarment rilevanti għad-definizzjoni tal-kostijiet diretti tal-persunal li għalihom tiġi applikata rata fissa għal spejjeż oħra.
Dan jenħtieġ li jiġi stabbilit b’mod ċar fir-regoli nazzjonali dwar l-eliġibbiltà jew fir-regoli tal-programmi fil-programmi tal-KTE.
Bħala gwida ġenerali, id-definizzjonijiet li ġejjin huma mogħtija hawn taħt:
— |
Il-kostijiet diretti huma dawk l-ispejjeż li huma direttament relatati mal-implimentazzjoni tal-operazzjoni jew tal-proġett fejn tista’ tintwera r-rabta diretta ma’ din l-operazzjoni jew proġett individwali. |
— |
Il-kostijiet indiretti, min-naħa l-oħra, normalment huma kostijiet, li mhumiex jew ma jistgħux jiġu konnessi direttament mal-implimentazzjoni tal-operazzjoni inkwistjoni. Tali spejjeż jistgħu jinkludu spejjeż amministrattivi, li għalihom huwa diffiċli li jiġi ddeterminat b’mod preċiż l-ammont attribwibbli għal operazzjoni jew proġett speċifiku (nefqa amministrattiva/tal-persunal tipika, bħal: spejjeż ta’ ġestjoni, nefqa ta’ reklutaġġ, spejjeż għall-kontabilist jew għall-cleaner, eċċ.; spejjeż tat-telefown, tal-ilma jew tal-elettriku, u oħrajn). |
— |
L-ispejjeż tal-persunal (27) huma ddefiniti fir-regoli nazzjonali u normalment huma l-ispejjeż li jirriżultaw minn ftehim bejn l-impjegatur u l-kuntratti tal-impjegati jew tas-servizzi għall-persunal estern (dment li dawn l-ispejjeż ikunu identifikabbli b’mod ċar). Pereżempju, jekk benefiċjarju jikkuntratta s-servizzi ta’ ħarrieġ estern għas-sessjonijiet ta’ taħriġ intern tiegħu, il-fattura jeħtieġ li tidentifika t-tipi differenti ta’ spejjeż. Is-salarju tal-ħarrieġ se jitqies bħala spiża tal-persunal estern. Jekk l-ispiża tal-persunal tal-ħarrieġ ma tkunx identifikabbli bħala kategorija distinta minn kategoriji oħra ta’ spejjeż, pereżempju materjali tat-tagħlim, allura dawn ma jistgħux jintużaw bħala l-bażi ta’ rati fissi, pereżempju r-rata fissa ta’ 40 % kif stabbilita fl-Artikolu 68b(1) tar-RDK. L-ispejjeż tal-persunal jiġu ddefiniti mir-regoli nazzjonali u normalment jinkludu r-remunerazzjoni totali, inklużi benefiċċji in natura f’konformità mal-ftehimiet kollettivi, imħallsa lil persuni bi skambju għal xogħol relatat mal-operazzjoni. Dawn jinkludu wkoll taxxi u kontribuzzjonijiet tas-sigurtà soċjali tal-impjegati (l-ewwel u t-tieni pilastru, it-tielet pilastru biss jekk stabbilit fi ftehim kollettiv jew fil-ftehim dwar l-impjieg) kif ukoll il-kontribuzzjonijiet soċjali obbligatorji u volontarji tal-impjegatur. Il-kostijiet tal-persunal jistgħu jkunu spejjeż diretti jew indiretti, skont analiżi ta’ każ b’każ. |
Għalhekk, għall-fini tal-applikazzjoni tar-rati fissi tal -punt (b) tal-ewwel subparagrafu tal-Artikolu 68 tar-RDK u tal-Artikolu 68b(1) tar-RDK (jew rata fissa oħra stabbilita mill-awtorità ta’ ġestjoni abbażi tal-Artikolu 67(5) tar-RDK li għandha tiġi applikata għall-kostijiet diretti tal-persunal), il-valur totali tar-remunerazzjoni kif definit mir-regoli nazzjonali jista’ jitqies bħala spejjeż tal-persunal peress li jirrappreżentaw ir-remunerazzjoni attwali għax-xogħol ta’ dik il-persuna fl-operazzjoni u għalhekk jenħtieġ li jitqies biex jiġu ddeterminati tipi oħra ta’ spejjeż tal-operazzjoni (ikkalkulati bl-applikazzjoni ta’ rata fissa għall-kostijiet diretti tal-persunal). Dan japplika wkoll għall-każijiet fejn is-salarju jiġi (parzjalment) rimborżat jew iffinanzjat minn partijiet terzi (eż. persunal dirett ġie rreklutat b’sussidju ta’ reklutaġġ; ir-rata fissa tiġi applikata għall-valur totali tar-remunerazzjoni anki jekk parti minnha titħallas minn parti terza).
Madankollu, l-ispejjeż tal-ivvjaġġar ma jitqisux bħala spejjeż tal-persunal, apparti l-ispejjeż għall-ivvjaġġar lejn il-post tax-xogħol jekk ir-regoli nazzjonali jiddeterminaw li kienu parti mill-ispejjeż gross tal-impjieg. L-allokazzjonijiet jew is-salarji żborżati għall-benefiċċju tal-parteċipanti fl-operazzjonijiet tal-FSE lanqas ma jitqiesu bħala spejjeż tal-persunal.
3.1.2.1.
L-ewwel subparagrafu tal -Artikolu 68 tar-RDK jiddetermina li meta l-implimentazzjoni ta’ operazzjoni twassal għal kostijiet indiretti, dawn jistgħu jiġu kkalkulati abbażi ta’ waħda mir-rati fissi stabbiliti fil-punti (a), (b) u (c). L-użu ta’ dawn ir-rati fissi għall-kalkolu tal-kostijiet indiretti huwa fakultattiv, jiġifieri huwa f’idejn l-awtorità ta’ ġestjoni li tiddeċiedi jekk tużax dawn ir-rati fissi, tużax spejjeż reali jew għażliet ta’ spejjeż simplifikati oħrajn, stabbiliti abbażi tal-Artikolu 67(5) tar-RDK (pereżempju, l-kostijiet indiretti jistgħu jiġu inklużi f’somma f’daqqa jew fi spiża unitarja stabbilita abbażi ta’ wieħed mill-metodi stabbiliti fl-Artikolu 67(5) tar-RDK).
— |
Il-punt (a) jistabbilixxi s-sistema ġenerali ta’ finanzjament b’rata fissa għall-kostijiet indiretti b’rata sa 25 % tal-kostijiet diretti eliġibbli. L-għan ta’ din id-dispożizzjoni huwa li tintroduċi limitu massimu għall-ammont ta’ kostijiet indiretti li jistgħu jiġu kkalkulati abbażi ta’ rata fissa. Għall-kuntrarju tal-każ tal-punt (b) tal-ewwel subparagrafu tal-Artikolu 68 tar-RDK, ir-rata li għandha tintuża għandha tiġi ġġustifikata skont wieħed mill-metodi ta’ kalkolu fl-Artikolu 67(5)(a) jew (c) tar-RDK (jiġifieri metodu ta’ kalkolu ġust, verifikabbli u ekwitabbli jew metodu applikat fl-ambitu ta’ skemi għal għotjiet iffinanzjati kompletament mill-Istat Membru għal tip simili ta’ operazzjoni). Din is-sistema hija flessibbli. Din tista’ tkun ibbażata:
|
— |
Il-punt (b) jintroduċi rata fissa sa 15 % tal-kostijiet diretti tal-persunal biex jiġu kkalkulati l-kostijiet indiretti. Din ir-rata fissa tista’ tintuża direttament mill-awtorità ta’ ġestjoni, mingħajr l-ebda ġustifikazzjoni. Dan huwa eżempju ta’ sistema fejn ikun hemm tliet kategoriji ta’ spejjeż: (Tip 1) Kostijiet diretti tal-persunal, (Tip 2) kostijiet indiretti, (Tip 3) kostijiet diretti minbarra l-kostijiet tal-persunal (ara l-Anness I għal eżempju). |
— |
Fil-punt (c) huwa possibbli li tintuża rata fissa għal skemi ta’ kostijiet indiretti li jeżistu fil-politiki tal-Unjoni, bħal dawk li jintużaw fl-ambitu ta’ Orizzont 2020, LIFE, eċċ. L-Artikoli 20 u 21 tar-Regolament Delegat tal-Kummissjoni (UE) Nru 480/2014 tat-3 ta’ Marzu 2014 (28) jipprevedu dispożizzjonijiet supplimentari dwar ir-rati fissi applikabbli għall-metodi tal-kostijiet indiretti applikati f’politiki oħra tal-Unjoni u l-kamp ta’ applikazzjoni għall-applikazzjoni tagħhom għall-Fondi SIE (ara t-taqsima 4.4). |
3.1.2.2.
L-Artikolu 68a(1) tar-RDK jiddikjara li l-kostijiet diretti tal-persunal ta’ operazzjoni jistgħu jiġu kkalkulati b’rata fissa sa massimu ta' 20 % tal-kostijiet diretti minbarra l-kostijiet tal-persunal ta’ dik l-operazzjoni. Dan ifisser li l-kostijiet diretti tal-persunal biss jistgħu jiġu kkalkulati bħala rata fissa (applikata għall-kostijiet diretti minbarra l-kostijiet tal-persunal) mingħajr ma jkun hemm rekwiżit għall-Istat Membru biex iwettaq kalkolu biex jiddetermina r-rata applikabbli.
Madankollu, meta l-kostijiet diretti ta’ dik l-operazzjoni jkunu jinkludu kuntratti pubbliċi ta’ xogħlijiet li jaqbżu l-limitu stabbilit fil-punt (a) tal-Artikolu 4 tad-Direttiva 2014/24/UE, l-applikazzjoni tar-rata fissa msemmija hawn fuq tirrikjedi li jsir kalkolu biex tiġi ddeterminata r-rata applikabbli.
Il-kostijiet diretti tal-persunal iddeterminati b’tali mod jistgħu jiffurmaw il-bażi biex tiġi applikata rata fissa skont il-punt (b) tal-ewwel subparagrafu tal-Artikolu 68 tar-RDK (rata fissa sa massimu ta' 15 % tal-kostijiet diretti tal-persunal eliġibbli biex jiġu kkalkulati l-kostijiet indiretti). Għall-kuntrarju ta’ dan, il-kostijiet diretti tal-persunal ikkalkulati abbażi ta’ din ir-rata fissa ma jistgħux iservu bħala bażi għar-rata fissa skont l-Artikolu 68b(1) tar-RDK (rata fissa sa massimu ta' 40 % tal-kostijiet diretti tal-persunal eliġibbli biex jiġu kkalkulati l-kostijiet eliġibbli li jifdal tal-operazzjoni), ara l-Artikolu 68b(2) tar-RDK.
L-użu ta’ din ir-rata fissa biex jiġu kkalkulati l-kostijiet diretti tal-persunal huwa fakultattiv, jiġifieri huwa f’idejn l-awtorità ta’ ġestjoni li tiddeċiedi jekk tużax din ir-rata fissa, tużax spejjeż reali jew għażliet ta’ spejjeż simplifikati oħrajn, stabbiliti abbażi tal-Artikolu 67(5) tar-RDK.
3.1.2.3.
L-Artikolu 68b(1) tar-RDK jippermetti li l-kostijiet diretti tal-persunal jistgħu jintużaw biex jiġu kkalkulati l-kostijiet eliġibbli l-oħra kollha li jifdal tal-operazzjoni, abbażi ta’ rata fissa sa 40 % tal-kostijiet diretti tal-persunal eliġibbli. “Il-kostijiet eliġibbli l-oħra kollha li jifdal” tal-operazzjoni jinkludu l-kostijiet diretti eliġibbli l-oħra kollha (ħlief il-kostijiet diretti tal-persunal), il-kostijiet indiretti u, għall-FEŻR, l-FSE u l-FAEŻR, il-kostijiet imsemmija fit-tieni subparagrafu tal-Artikolu 68b(1) tar-RDK.
— |
Il-kostijiet eliġibbli li jifdal u l-allokazzjonijiet u s-salarji mħallsa lill-parteċipanti L-Artikolu 68b, introdott mir-Regolament Omnibus, huwa ispirat mill-Artikolu 14(2) tar-Regolament dwar il-FSE (qabel ma ġie emendat mir-Regolament Omnibus), li diġà pprovda din ir-rata fissa għall-operazzjonijiet appoġġati mill-FSE. Ir-Regolament Omnibus jestendi l-użu ta’ din ir-rata fissa għall-Fondi SIE kollha. Madankollu, hemm differenza importanti bejn iż-żewġ dispożizzjonijiet. L-Artikolu 14(2) tar-Regolament dwar il-FSE ma kienx fih eċċezzjoni għas-salarji u l-allokazzjonijiet imħallsa lill-parteċipanti. Għalhekk, dawn tqiesu bħala parti mill-“kostijiet eliġibbli li jifdal tal-operazzjonijiet”. Dan ifisser li l-Artikolu 14(2) tar-Regolament dwar il-FSE ma ppermettiex lill-benefiċjarji jiddikjaraw is-salarji u l-allokazzjonijiet imħallsa lill-parteċipanti flimkien mal-kostijiet ikkalkulati abbażi tar-rata fissa u l-kostijiet diretti tal-persunal. Dan għamel l-użu tal-Artikolu 14(2) tar-Regolament dwar il-FSE mhux attraenti peress li l-applikazzjoni ta’ rata fissa ta’ 40 % għall-kostijiet diretti eliġibbli tal-persunal spiss ma tkunx biżżejjed biex tkopri l-kostijiet tal-allokazzjonijiet u tas-salarji mħallsa lill-parteċipanti. Għalhekk, ir-Regolament Omnibus, minbarra li jestendi din ir-rata fissa għall-Fondi SIE kollha, jippermetti wkoll, fil-każ ta’ operazzjonijiet implimentati taħt l-FSE, il-FEŻR jew il-FAEŻR, li s-salarji u l-allokazzjonijiet imħallsa lill-parteċipanti jitqiesu bħala kostijiet eliġibbli addizzjonali mhux inklużi fir-rata fissa (it-tieni subparagrafu tal-Artikolu 68b(1) tar-RDK). Dan ifisser li wara d-dħul fis-seħħ tar-Regolament Omnibus, tali salarji (jiġifieri salarji gross (ta’ kull xahar) tal-impjegati) u allokazzjonijiet (bħall-benefiċċji tal-qgħad; li mhumiex allokazzjonijiet ta’ sussistenza jew tal-ivvjaġġar) jistgħu jintalbu minbarra l-kostijiet diretti tal-persunal u r-rata fissa applikata għall-operazzjonijiet bl-użu tal-Artikolu 68b(1) tar-RDK. Jenħtieġ li jiġi nnotat li “l-allokazzjonijiet u s-salarji mħallsa lill-parteċipanti” ma jinkludux biss il-każ ta’ salarji u allokazzjonijiet imħallsa mill-benefiċjarju iżda wkoll il-każijiet meta dawn is-salarji jew l-allokazzjonijiet jitħallsu minn parti terza, meta jitqiesu bħala spiża eliġibbli. Dan huwa l-każ, pereżempju, għall-FSE, meta dawn jissodisfaw il-kundizzjonijiet stabbiliti fl-Artikolu 13(5) tar-Regolament dwar il-FSE (29). |
— |
L-użu tar-rata fissa ta’ 40 % Din id-dispożizzjoni tippermetti lill-awtorità ta’ ġestjoni tuża rata fissa sa 40 % mingħajr rekwiżit li teżegwixxi kwalunkwe kalkolu biex tiddetermina r-rata applikabbli. Dan ifisser li l-awtorità ta’ ġestjoni tista’ tuża kwalunkwe rata li ma tkunx ogħla minn 40 % mingħajr l-ebda rekwiżit li jiġġustifikaha. Dan huwa mingħajr preġudizzju għall-ħtieġa li jiġi żgurat trattament ugwali bejn il-benefiċjarji. Madankollu, l-awtorità ta’ ġestjoni tista’ tistabbilixxi rata ogħla minn 40 % abbażi ta’ wieħed mill-metodi stabbiliti fl-Artikolu 67(5) tar-RDK (jiġifieri barra mill-kamp ta’ applikazzjoni tal-Artikolu 68b). Finalment, kif spjegat fit-taqsima 3.1.2.2., f’konformità mal-Artikolu 68b(2), din ir-rata fissa sa 40 % ma tistax tintuża f’operazzjoni meta l-kostijiet diretti totali tal-persunal ta’ dik l-operazzjoni jiġu kkalkolati fuq il-bażi ta’ rata fissa (pereżempju r-rata fissa skont l-Artikolu 68a(1) tar-RDK). |
Eżempju Il-kostijiet stmati ta’ kors ta’ taħriġ huma:
L-awtorità ta’ ġestjoni tista’ tiddeċiedi li tapplika l-Artikolu 68b(1) tar-RDK għal dan il-proġett. F’dan il-każ, il-ftehim ta’ għotja jkollu bħala allokazzjoni massima: Kostijiet diretti tal-persunal: EUR 30 000 Kostijiet oħra: 30 000 × 40 % = EUR 12 000 Peress li l-allokazzjonijiet imħallsa lit-trainee mis-Servizzi Pubbliċi tal-Impjiegi jistgħu jiġu ddikjarati flimkien mal-kostijiet diretti tal-persunal u r-rata fissa, il-kostijiet totali eliġibbli jkunu: Kostijiet totali: 30 000 + 12 000 + 10 000 = EUR 52 000 |
3.1.2.4.
Ir-rati fissi msemmija fil-punt (b) tal-ewwel subparagrafu tal-Artikolu 68, l-Artikolu 68b(1) u l-Artikolu 68a(1) tar-RDK jippermettu li rata “sa” ir-rata stabbilita fl-artikolu rilevanti tista’ tintuża mingħajr il-ħtieġa li l-Istat Membru jwettaq kalkolu biex jiddetermina dik ir-rata. Dan ifisser li l-awtorità ta’ ġestjoni tista’ tuża kwalunkwe rata sar-rata msemmija fl-artikolu rilevanti, u mhux se jkollha tiġġustifika għaliex intgħażlet din ir-rata, anki jekk tkun inqas mir-rata speċifikata fir-Regolament. Jekk tintgħażel rata aktar baxxa, ma hemm l-ebda rekwiżit biex isir xi kalkolu.
Meta tittieħed deċiżjoni dwar ir-rata fissa li għandha tiġi applikata, il-prinċipju tat-trattament ugwali tal-benefiċjarji jeħtieġ li jiġi rrispettat.
3.1.2.5.
Il-bidliet introdotti mir-Regolament Omnibus għall-Artikolu 68 tar-RDK u l-Artikolu 68a ġdid tar-RDK u l-Artikolu 68b tar-RDK huma applikabbli mid-dħul fis-seħħ tar-regolament, jiġifieri mit-2 ta’ Awwissu 2018 (30).
Dawn id-dispożizzjonijiet jistgħu jintużaw għal operazzjonijiet li fihom għadhom ma ntgħażlux il-benefiċjarji potenzjali (jiġifieri s-sejħa għadha miftuħa jew titnieda sejħa ġdida). Peress li dawn id-dispożizzjonijiet iġibu aktar benefiċċji għall-benefiċjarji, dawn jistgħu jintużaw ukoll għal operazzjonijiet li diġà qed jiġu implimentati, soġġetti għall-kundizzjonijiet kumulattivi li ġejjin:
— |
Jiġu introdotti għall-futur il-kundizzjonijiet għall-appoġġ (abbażi tad-dispożizzjonijiet il-ġodda), jiġifieri għall-implimentazzjoni futura tal-operazzjoni. |
— |
Jiġi rrispettat il-prinċipju ta’ trattament ugwali bejn il-benefiċjarji. |
— |
Għall-operazzjonijiet li diġà qed jiġu implimentati, li l-benefiċjarju jaqbel li l-kundizzjonijiet jinbidlu u li r-rimborż isir abbażi ta’ SCO. |
— |
Hemm separazzjoni ċara bejn il-perjodu ta’ rimborż abbażi tal-ispejjeż reali (jew dispożizzjonijiet preċedenti marbuta mal-SCOs) u l-perjodu bbażat fuq l-SCOs introdott mar-Regolament Omnibus. Pereżempju, f’każ li tiġi introdotta rata fissa ta’ 15 % għall-kostijiet indiretti abbażi tal-kostijiet diretti eliġibbli tal-persunal (il-punt (b) tal-ewwel subparagrafu tal-Artikolu 68 tar-RDK), imbagħad jenħtieġ li jiġi ddeterminat li minn ċerta data (“data x”, mhux qabel it-2 ta’ Awwissu 2018) l-kostijiet indiretti se jiġu kkalkulati u rimborżati abbażi ta’ dik ir-rata fissa, jiġifieri din ir-rata fissa għall-kostijiet indiretti tiġi applikata għall-kostijiet kollha tal-persunal imġarrba mill-istess data (“data x”). L-istess prinċipju japplika għar-rata fissa ta’ 40 % stabbilita fl-Artikolu 68b(1) tar-RDK, inkluż għall-possibbiltà li jiġu ddikjarati l-allokazzjonijiet u s-salarji mħallsa lill-parteċipanti. Pereżempju, għall-operazzjonijiet tal-FSE, li jkunu rċevew appoġġ abbażi tal-Artikolu 14(2) tar-Regolament dwar il-FSE qabel id-dħul fis-seħħ tar-Regolament Omnibus, huma biss l-allokazzjonijiet u s-salarji mħallsa lill-parteċipanti mid-“data x” li jistgħu jiġu ddikjarati bħala kostijiet eliġibbli addizzjonali). |
Eżempju Awtorità ta’ ġestjoni tixtieq tikkalkula l-kostijiet eliġibbli kollha li jifdal ta’ operazzjoni billi tapplika rata fissa għall-kostijiet diretti eliġibbli tal-persunal tal-operazzjoni ta’ EUR 150 000. F’konformità mal-Artikolu 68b(1) tar-RDK, l-awtorità ta’ ġestjoni tiddeċiedi li tapplika rata ta’ 35 %. Dan ifisser li l-kostijiet eliġibbli totali tal-operazzjoni se jkunu EUR 150 000 + (EUR 150 000 x 0.35) = EUR 202 500. |
Eżempju (Fondi SIE): Żvilupp lokali mmexxi mill-komunità (CLLD) L-awtorità ta’ ġestjoni vvalutat, abbażi tal-esperjenza preċedenti, is-sehem tipiku tal-ispejjeż operattivi u l-animazzjoni ta’ Grupp ta’ Azzjoni lokali (GAL) partikolari meta mqabbel man-nefqa mġarrba għall-implimentazzjoni ta’ operazzjonijiet lokali skont l-istrateġija tas-CLLD, u t-tħejjija u l-implimentazzjoni tal-attivitajiet ta’ kooperazzjoni tal-GAL. Minkejja li l-appoġġ mill-Fondi SIE għall-ispejjeż operazzjonali u ta’ animazzjoni ma jistax jaqbeż il-limitu massimu ta’ 25 % tan-nefqa pubblika totali mġarrba fi ħdan l-istrateġija tas-CLLD skont l-Artikolu 35(2) tar-RDK, l-esperjenza turi li dan il-perċentwal fil-fatt huwa aktar baxx fil-biċċa l-kbira tal-każijiet. L-awtorità ta’ ġestjoni tistabbilixxi rata fissa ta’ 17 % tal-ispejjeż tal-implimentazzjoni (abbażi ta’ metodoloġija ġusta, ekwa u verifikabbli f’konformità mal-Artikolu 67(1)(d) u 67(5)(a) tar-RDK iżda mhux l-Artikolu 68(a) tar-RDK peress li r-rata fissa skont l-Artikolu 35(2) tar-RDK ma tkoprix biss il-kostijiet indiretti) tan-nefqa mġarrba għall-implimentazzjoni ta’ operazzjonijiet skont l-istrateġija tas-CLLD u t-tħejjija u l-implimentazzjoni tal-attivitajiet ta’ kooperazzjoni tal-GAL, biex jiġu koperti l-ispejjeż li ġejjin:
Għalhekk, jekk il-baġit allokat lill-GAL għall-implimentazzjoni tal-operazzjonijiet skont l-istrateġija tas-CLLD u t-tħejjija u l-implimentazzjoni tal-attivitajiet ta’ kooperazzjoni tal-GAL għall-perjodu 2014-2020 ikun ta’ EUR 1,5 miljun (tip 1), il-baġit massimu li jikkorrispondi għall-ispejjeż operattivi u ta’ animazzjoni jkun ta’ EUR 1,5 miljun × 17 % = EUR 255 000 (tip 2). B’konsegwenza ta’ dan, l-allokazzjoni totali tal-baġit għall-GAL hija ta’ EUR 1,755 miljun. Fil-fażi tal-implimentazzjoni, dan ifisser li kull meta benefiċjarju jitlob rimborż tan-nefqa mġarrba fuq proġett, il-GAL se jkun jista’ jitlob ukoll 17 % ta’ dik is-somma għall-ispejjeż operattivi u ta’ animazzjoni tiegħu. Pereżempju, jekk in-nefqa mġarrba ta’ proġett tkun ekwivalenti għal EUR 1 000 (tip 1), il-GAL jista’ jiddikjara lill-awtorità ta’ ġestjoni EUR 1 000 × 17 % = EUR 170 (tip 2) għall-ispejjeż operattivi u ta’ animazzjoni tiegħu. Il-GAL mhux se jkollu bżonn jipprovdi dokumenti ta’ sostenn għall-ispejjeż operattivi u ta’ animazzjoni tiegħu ddikjarati abbażi tar-rata fissa, iżda l-metodoloġija għad-determinazzjoni tas-17 % għandha tkun verifikabbli. Ta’ min jinnota li r-rata fissa tista’ tiġi stabbilita separatament għall-ispejjeż operattivi jew ta’ animazzjoni biss.
|
3.2. Skali standard ta' spejjeż għal kull unità
3.2.1. Prinċipji ġenerali
Fil-każ ta’ skali standard ta' spejjeż għal kull unità, il-kostijiet eliġibbli kollha jew parti minnhom ta’ operazzjoni se jiġu kkalkulati abbażi ta’ attivitajiet ikkwantifikati, input, eżiti jew riżultati mmultiplikat bi skali standard ta' spejjeż għal kull unità stabbiliti minn qabel. Din il-possibbiltà tista’ tintuża għal kwalunkwe tip ta’ operazzjoni, proġett jew parti minn proġett, meta jkun possibbli li jiġu ddefiniti kwantitajiet relatati ma’ attività u skali standard ta' spejjeż għal kull unità. L-iskali standard ta' spejjeż għal kull unità japplikaw tipikament għal kwantitajiet faċilment identifikabbli.
L-ispejjeż unitarji jistgħu jkunu bbażati fuq il-proċess, bil-għan li jkopru permezz tal-aħjar approssimazzjoni l-ispejjeż reali tat-twettiq ta’ operazzjoni. Dawn jistgħu jkunu wkoll ibbażati fuq l-eżitu (ouput jew riżultat) jew definiti kemm fuq il-proċess kif ukoll fuq l-eżitu. Barra minn hekk, jistgħu jiġu ddefiniti spejjeż unitarji differenti għal attivitajiet differenti fi ħdan operazzjoni.
L-awtoritajiet ta’ ġestjoni jenħtieġ li jqisu r-rendikont tal-entrati meta jagħżlu bejn l-ispejjeż unitarji bbażati fuq il-proċess u dawk ibbażati fuq l-output.
Eżempju (FSE)
|
Eżempju (ibbażat fuq l-output tal-FEŻR): Il-benefiċjarju, Kamra reġjonali, jorganizza servizz ta’ konsulenza għall-SMEs tar-reġjun. Dan is-servizz jiġi pprovdut mill-konsulenti tal-Kamra reġjonali. Abbażi tal-kontijiet preċedenti tad-dipartiment “konsultattiv” tal-Kamra, jum ta’ parir huwa stmat għal EUR 350/jum. L-assistenza se tiġi kkalkulata abbażi tal-formula li ġejja: għadd ta’ jiem × EUR 350. Se jkun għad hemm bżonn ta’ skedi ta’ żmien preċiżi li jispjegaw fid-dettall l-attività konsultattiva u l-preżenza ta’ konsulenti.
Eżempju (ibbażat fuq ir-riżultati tal-FSE): programm ta’ għajnuna għat-tfittix ta’ impjieg li jdum 6 xhur (“l-operazzjoni”) jista’ jiġi ffinanzjat abbażi ta’ skali standard ta' spejjeż għal kull unità (pereżempju EUR 2 000/persuna) għal kull wieħed mill-20 parteċipant fl-operazzjoni li jikseb impjieg u jżommu għal perjodu stabbilit minn qabel, pereżempju sitt xhur. L-ispiża unitarja ta’ EUR 2 000 għal kull parteċipant li kellu suċċess ġiet stabbilita filwaqt li tqiesu l-ispejjeż għall-parteċipanti kollha. Għalhekk, l-ammont ikopri wkoll l-ispejjeż għall-parteċipanti li ma kellhomx suċċess.
Kalkolu tal-għotja massima allokata lill-operazzjoni: 20 persuna × EUR 2 000 /kollokament = EUR 40 000.
Il-kostijiet eliġibbli finali jiġu kkalkulati abbażi tal-output reali tal-operazzjoni: jekk 17-il persuna biss tqiegħdu fis-suq tax-xogħol u żammew l-impjiegi tagħhom għall-perjodu mitlub, il-kostijiet eliġibbli finali li abbażi tagħhom se titħallas l-għotja lill-benefiċjarju jkunu ta’ 17 x EUR 2 000 = EUR 34 000.
Eżempju (ibbażat fuq l-output tal-FAEŻR): “Investimenti fl-iżvilupp taż-żoni forestali u titjib tal-vijabbiltà tal-foresti (l-Artikolu 21 tar-Regolament (UE) Nru 1305/2013)
Detentur ta’ foresta se jirċievi appoġġ għall-afforestazzjoni u ż-żamma ta’ 3 ettari ta’ foresta għal 7 snin. L-ispejjeż (afforestazzjoni u żamma) ġew iddefiniti minn qabel mill-awtorità ta’ ġestjoni skont it-tip ta’ foresta. Din il-metodoloġija se tiġi inkluża fil-Programm tal-Iżvilupp Rurali. L-ispejjeż unitarji huma kif ġej: EUR 2 000/ettaru għall-istabbiliment tal-foresta u, għaż-żamma, EUR 600/ettaru għall-ewwel sena u EUR 500/ettaru għas-snin sussegwenti.
Għalhekk, il-kostijiet eliġibbli totali jkunu:
3 ettari × EUR 2 000/ettaru + 3 ettari × EUR 600/ettaru + (3 ettari × EUR 500/ettaru) × 6 snin = EUR 16 800
Eżempju (ibbażat fuq il-proċess tal-FEMS): Ġbir ta’ data (spejjeż tal-bastimenti)
Ir-rati ta’ kuljum għall-użu tal-bastimenti jiġu kkalkulati abbażi ta’ data storika (valuri medji mis-snin ta’ qabel). L-għadd ta’ jiem allokati għall-proġett imbagħad jiġi evidenzjat permezz ta’ ġurnali ta’ abbord.
3.2.2. Il-kostijiet tal-persunal ikkalkulati b’rata fis-siegħa (l-Artikolu 68a(2) sa (4) tar-RDK)
Il-kalkolu tar-rata fis-siegħa
L-Artikolu 68a(2) sa (4) tar-RDK jipprevedi metodu speċifiku biex jiġu kkalkulati l-kostijiet tal-persunal (31). F’konformità ma’ dan l-Artikolu, l-kostijiet tal-persunal jistgħu jiġu ddeterminati billi tiġi kkalkulata rata fis-siegħa kkalkulata kif ġej:
Qabel ma daħal fis-seħħ ir-Regolament Omnibus, dan il-metodu biex jiġu kkalkulati l-kostijiet tal-persunal kien diġà previst fl-Artikolu 68(2) tar-RDK. Madankollu, ir-Regolament Omnibus introduċa aktar bidliet f’din id-dispożizzjoni (issa tmexxiet għall-Artikolu 68a(2) sa (4) ġdid tar-RDK) sabiex tiġi ċċarata l-applikazzjoni tagħha u biex jiġi permess l-użu tagħha għal persuni li jaħdmu part-time.
Il-kostjiet tal-persunal ikkalkulati kif imsemmi hawn fuq huma relatati mal-implimentazzjoni ta’ operazzjoni. “Implimentazzjoni ta’ operazzjoni” għandha tinftiehem bħala li tkopri l-passi kollha ta’ operazzjoni. Ma hemm l-ebda intenzjoni li jiġu esklużi xi kostijiet tal-persunal relatati ma’ passi speċifiċi ta’ operazzjoni.
Id-denominatur, jiġifieri 1 720 siegħa, huwa “ħin tax-xogħol” annwali standard li jista’ jintuża direttament, mingħajr ma jkun hemm rekwiżit għall-Istat Membru biex iwettaq kwalunkwe kalkolu. Din iċ-ċifra hija bbażata fuq l-ammont medju ta’ sigħat ta’ xogħol fil-ġimgħa mmultiplikat bi 52 ġimgħa u li minnu tnaqqsu l-liv annwali bi ħlas u l-medja annwali tal-btajjel pubbliċi.
Madankollu, in-numeratur jeħtieġ li jiġi ġġustifikat. Ir-RDK jirreferi għall-“aħħar kostijiet ta’ impjieg gross annwali dokumentati”. Madankollu, l-kost tal-impjiegi gross annwali mhux definit fir-RDK. F’konformità mal-Artikolu 65(1), ir-regoli nazzjonali dwar l-eliġibbiltà tar-RDK jeħtieġ li jiddefinixxu x’inhu kopert mill-kostijiet tal-impjiegi gross annwali, filwaqt li jitqiesu l-prattiki kontabilistiċi normali (ara t-taqsima 4.2.2.) (32) u r-regoli nazzjonali (eż. ir-regoli nazzjonali jistgħu jiddeterminaw li n-nefqiet għall-ivvjaġġar lejn il-post tax-xogħol huma parti mill-kostijiet gross tal-impjieg).
Ir-Regolament jirreferi għall-kalkolu tar-rata fis-siegħa permezz tal-“aħħar” kostijiet tal-impjiegi gross annwali ddokumentati. Dan ifisser li d-data użata trid tkun l-aktar data disponibbli reċentement. Għalhekk, metodu ta’ kalkolu bbażat fuq data storika tal-benefiċjarju normalment mhuwiex rilevanti. L-intenzjoni wara t-terminu “l-aħħar” fl-Artikolu 68a(2) tar-RDK hija li jiġi żgurat li d-data użata tkun reċenti biżżejjed, u b’hekk tkun indikattiva tal-ispejjeż reali tal-persunal.
Il-kost tal-impjiegi gross annwali ma għandux għalfejn ikun relatat ma’ sena kalendarja jew finanzjarja (pereżempju, tista’ tkun data relatata mal-perjodu bejn Ottubru 2015 u Settembru 2016). Dak li huwa importanti huwa li l-kost tal-impjiegi gross ikun ikopri perjodu sħiħ ta’ 12-il xahar. Dan jista’ jkun il-perjodu ta’ 12-il xahar qabel it-tmiem ta’ perjodu ta’ rapportar (tal-operazzjoni jew tal-programm), 12-il xahar qabel il-ftehim tal-għotja jew 12-il xahar tas-sena kalendarja preċedenti. F’konformità mal-Artikolu 68a tar-RDK, meta d-data għal perjodu sħiħ ta’ 12-il xahar ma tkunx disponibbli, din
— |
tista’ tiġi dderivata mill-kostijiet tal-impjiegi gross dokumentati disponibbli (pereżempju, awtorità ta’ ġestjoni tista’ tieħu d-data relatata ma’ impjegat li għalih teżisti 4 xhur ta’ data, u testrapola din għall-kost tal-impjieg gross annwali, filwaqt li tqis, fejn rilevanti, kwistjonijiet bħal pagamenti statutorji ta’ btajjel jew l-hekk imsejħa pagamenti tat-13-il xahar). |
— |
tista’ tiġi estrapolata mill-kuntratt tal-impjieg, filwaqt li jitqiesu l-kontribuzzjonijiet soċjali tal-impjegaturi eliġibbli u kwalunkwe pagament obbligatorju ieħor. |
— |
tista’ tiġi dderivata minn ftehimiet kollettivi. |
Il-kostijiet tal-impjiegi gross annwali jistgħu jkunu bbażati fuq l-ispejjeż reali tal-impjieg ta’ din il-persuna. Għal xhur b’data mhux kompluta, jistgħu jittieħdu valuri estrapolati biex jiġi konkluż indikatur tajjeb għall-ispejjeż reali ta’ perjodu ta’ 12-il xahar.
Il-kostijiet tal-impjiegi gross annwali jistgħu jkunu bbażati wkoll fuq il-medja tal-kostijiet tal-impjiegi ta’ total akbar ta’ impjegati, pereżempju, dawk tal-istess grad jew xi miżuri simili, li jikkorrelataw bejn wieħed u ieħor mal-livell tal-kost tal-impjieg.
L-aħħar kostijiet tal-impjiegi gross annwali jeħtieġ li jiġu ddokumentati: dan jista’ jsir permezz ta’ kontijiet, rapporti dwar il-pagi, referenzi għal ftehimiet jew dokumenti disponibbli għall-pubbliku, eċċ. Ma għandhomx għalfejn jiġu awditjati ex-ante iżda għandhom ikunu jistgħu jiġu awditajti.
F’sitwazzjonijiet speċifiċi, l-ammont tar-rata fis-siegħa jista’ jiġi stabbilit ukoll wara l-bidu tal-proġett. Dan jista’ jiġi ddeterminat, pereżempju, meta persuna impjegata tkun involuta fil-proġett (firma tal-kuntratt ta’ impjieg jew bidla fl-assenjazzjoni għal impjegat) jew meta l-benefiċjarju jirrapporta l-kostijiet tiegħu lill-awtorità ta’ ġestjoni. Madankollu, f’dan il-każ, id-dokument li jistabbilixxi l-kundizzjonijiet għall-appoġġ jeħtieġ li jispeċifika wkoll l-użu ta’ din il-metodoloġija.
3.2.3. Id-determinazzjoni tal-kostijiet eliġibbli tal-persunal permezz tar-rata fis-siegħa kkalkulata
L-għadd ta’ sigħat maħduma jeħtieġ li jiġi ddeterminat f’konformità mar-regoli dwar l-eliġibbiltà tal-programm operazzjonali rispettiv. Is-sigħat maħduma biss jenħtieġ li jintużaw għall-kalkolu u għad-dikjarazzjoni tal-kostijiet eliġibbli tal-persunal. Pereżempju, il-liv annwali diġà huwa inkluż fil-kalkolu tal-kostijiet tal-persunal fis-siegħa. Il-liv minħabba mard jista’ jiġi ddikjarat bħala spejjeż tal-persunal jekk l-ispejjeż relatati jitħallsu mill-benefiċjarju (jiġifieri jiġġarrbu mill-benefiċjarju). Jekk il-kostijiet ikunu koperti minn parti terza (eż. liv fit-tul minħabba mard li għalih il-kostijiet huma koperti mis-sistema tas-sigurtà soċjali) jew fil-każ ta’ liv jew assenzi bla ħlas (eż. assenzi mhux ġustifikati) li għalihom ma jkun hemm l-ebda spiża mġarrba mill-benefiċjarju, is-sigħat/jiem korrispondenti mhux maħduma jenħtieġ li ma jitqisux biex jiġu ddeterminati l-kostijiet eliġibbli tal-persunal li jistgħu jiġu ddikjarati. Dan għaliex f’dawn il-każijiet, ma hemm l-ebda kost imġarrab mill-benefiċjarju. Madankollu, f’każ li jkun hemm kostijiet tal-persunal għal persunal addizzjonali li jissostitwixxi l-persuna fuq liv minħabba mard (jew tip ieħor ta’ liv) dawn l-kostijiet tal-persunal huma eliġibbli (jiġifieri s-sigħat korrispondenti maħduma jingħaddu biex imbagħad jiġu kkalkulati l-kostijiet eliġibbli tal-persunal).
F’konformità mal-Artikolu 68a(3) tar-RDK, meta jiġu ddikjarati s-sigħat attwalment maħduma, dawn ma jistgħux jaqbżu s-sigħat użati fil-metodu tal-kalkolu bbażat fuq l-Artikolu 68a(2) tar-RDK. Dan ifisser li, meta 1 720 ikun intuża bħala d-denominatur, is-sigħat iddikjarati ma jistgħux jaqbżu l-1 720. 1 720 siegħa, għalhekk, jikkostitwixxu massimu ta’ sigħat li jistgħu jiġu ddikjarati għax-xogħol f’operazzjoni għal perjodu ta’ 12-il xahar. Jekk pro rata ta’ 1 720 tkun intużat bħala denominatur, japplika l-istess prinċipju (eż. għall-persunal b’kuntratt part-time ta’ 50 % id-denominatur ikun ta’ 860 siegħa; għalhekk, 860 huwa l-għadd massimu ta’ sigħat li jista’ jiġi ddikjarat għall-persunal ikkonċernat. Għall-persunal assenjat għal diversi operazzjonijiet, il-limitu massimu japplika pro-rata għal kull operazzjoni, rispettivament).
Kif iddikjarat b’mod speċifiku fit-tieni subparagrafu tal-Artikolu 68a(3), dan ma japplikax għall-KTE għal assenjamenti part-time fuq operazzjoni fejn ir-rata fis-siegħa tista’ tiġi mmultiplikata bis-sigħat attwalment maħduma u għalhekk, jistgħu jinqabżu l-1 720 siegħa.
Meta tintuża r-regola tal-1 720 siegħa, l-ammont li jirriżulta għar-rata fis-siegħa għandu jitqies bħala spiża unitarja. Din l-ispiża unitarja tista’ tintuża għar-rimborż tan-nefqa għall-kostijiet tal-persunal, jew tista’ tintuża wkoll biex jiġu kkalkulati l-kostijiet indiretti kollha (pereżempju billi tiġi applikata r-rata fissa ta’ 15 % f’konformità mal-punt (b) tal-ewwel subparagrafu tal-Artikolu 68) jew anke biex jiġu kkalkulati l-kostijiet eliġibbli l-oħra kollha li jifdal (billi tiġi applikata r-rata fissa ta’ 40 % f’konformità mal-Artikolu 68b(1)). L-ammont globali definit wara l-applikazzjoni ta’ tali rati fissi għandu jitqies ukoll bħala spiża unitarja.
Fil-każ ta’ proġett implimentat fuq diversi snin, l-awtorità ta’ ġestjoni tista’ tagħżel li taġġorna r-rata fis-siegħa għall-ispiża tal-persunal ladarba tkun disponibbli data ġdida jew li tuża l-istess waħda għall-perjodu ta’ implimentazzjoni kollu. Jekk il-perjodu ta’ implimentazzjoni jkun partikolarment twil, prattika tajba tkun li jiġu stabbiliti passi intermedjarji fir-rigward ta’ meta u kif ir-rata fis-siegħa għall-ispiża tal-persunal tista’ tiġi riveduta.
3.2.4. Persunal li jaħdem part-time fuq l-operazzjoni b’ħin fiss fix-xahar
Meta l-impjegati jaħdmu part-time fuq assenjament iżda b’perċentwal fiss ta’ ħin fix-xahar, l-Artikolu 68a(5) tar-RDK jipprovdi li ma hemm l-ebda rekwiżit għal sistema ta’ reġistrazzjoni tal-ħin tax-xogħol sabiex jiġi vverifikat l-għadd ta’ sigħat maħduma. Madankollu, l-impjegatur jenħtieġ li joħroġ dokument li jistabbilixxi l-perċentwal fiss ta’ ħin maħdum fuq l-operazzjoni fix-xahar u dan il-perċentwal jista’ jintuża biex jiġu kkalkulati l-kostijiet eliġibbli tal-persunal. Dan il-perċentwal jista’ jiġi stabbilit ukoll fil-kuntratt tal-impjieg. Pereżempju, jekk persuna taħdem 60 % tal-ħin tagħha fuq proġett, l-kostijiet diretti eliġibbli tal-persunal għal dik il-persuna jistgħu jiġu kkalkulati billi l-kostijiet tal-impjieg gross jiġu mmultiplikati (abbażi jew ta’ spejjeż reali jew ta’ spiża unitarja kkalkulata) b’60 %.
3.2.5. Applikazzjoni fil-ħin
Il-bidliet introdotti mir-Regolament Omnibus għall-metodoloġija ta’ 1 720 siegħa huma applikabbli mid-data tad-dħul fis-seħħ tar-Regolament, jiġifieri t-2 ta’ Awwissu 2018. Madankollu, l-awtorità ta’ ġestjoni tista’ tapplikaha għal operazzjonijiet kontinwi sakemm jiġu rrispettati ċerti kundizzjonijiet (ara 3.1.2.5).
Eżempju (FEŻR): Ċerti tipi ta’ proġetti mmirati lejn l-SMEs fil-qasam tar-R&Ż u l-innovazzjoni spiss jinvolvu kostijiet tal-persunal bħala element ewlieni. L-applikazzjoni ta’ skali standard ta' spejjeż għal kull unità bħala għażla hija simplifikazzjoni milqugħa għal dawn l-SMEs. F’dan il-każ, l-ispiża unitarja għall-attivitajiet tiġi espressa bħala rata fis-siegħa applikata għal sigħat effettivament maħduma mill-persunal. Dan huwa ddefinit minn qabel fid-dokument li jistabbilixxi l-kundizzjonijiet għall-appoġġ li jistabbilixxi l-ammont massimu ta’ assistenza finanzjarja bħala s-sigħat massimi maħduma permessi mmultiplikat bl-ispiża unitarja (il-kostijiet ikkalkulati tal-persunal involut).
Bil-għan li jiġu koperti l-ispejjeż reali permezz tal-aħjar approssimazzjoni u sabiex jitqiesu d-distinzjonijiet bejn ir-reġjuni u l-fergħat, il-kost għal unità standard tiġi ddefinita bħala kost tal-persunal fis-siegħa skont il-formula li ġejja:
Kost tal-persunal fis-siegħa = salarju gross annwali (inklużi l-imposti legali) diviż bil-medja tas-sigħat tax-xogħol legali (b’kunsiderazzjoni tal-liv annwali).
Pereżempju: Kost tal-persunal fis-siegħa = EUR 60 000 / (1 980 siegħa – 190 siegħa ta’ liv annwali) = 60 000/1 790 = EUR 33.52/siegħa.
L-assistenza finanzjarja mogħtija lill-operazzjoni tiġi kkalkulata bħala r-rata fis-siegħa immultiplikata bl-għadd reali u vverifikat ta’ sigħat maħduma. Dan jirrikjedi li l-SMEs iżommu d-dokumenti ta’ sostenn kollha għal sigħat maħduma mill-persunal fuq il-proġett u l-awtorità ta’ ġestjoni trid iżżomm id-dokumenti kollha li jiġġustifikaw l-kost tal-persunal fis-siegħa. Fil-prinċipju, tnaqqis fis-sigħat tax-xogħol ivverifikati jirriżulta fi tnaqqis fl-ammont finali li għandu jitħallas.
Eżempju alternattiv: L-istess bħal hawn fuq iżda l-kost tal-persunal fis-siegħa hija bbażata fuq l-Artikolu 68a(2) tar-RDK.
Kost tal-persunal fis-siegħa = l-aħħar salarju annwali gross dokumentat (inklużi l-imposti legali) diviż b’1 720 siegħa.
Pereżempju: Rata fis-siegħa = EUR 60 000 / 1 720 siegħa = 60 000/1 720 = 34.88 EUR/siegħa.
3.3. Somom f’daqqa
3.3.1. Prinċipji ġenerali
Fil-każ ta’ somom f’daqqa, l-kostijiet eliġibbli kollha jew parti mill-kostijiet eliġibbli ta’ operazzjoni jew ta’ proġett jiġu kkalkulati abbażi ta’ ammont stabbilit minn qabel iġġustifikat kif xieraq mill-awtorità ta’ ġestjoni (33), li jitħallas jekk l-attivitajiet u/jew l-outputs predefiniti jitlestew.
Somom f’daqqa jistgħu jkunu xierqa fil-każ ta’ għotjiet meta skali standard ta' spejjeż għal kull unità ma jkunux soluzzjoni xierqa, pereżempju l-produzzjoni ta’ sett ta’ għodod, l-organizzazzjoni ta’ seminar lokali żgħir, eċċ.
F’xi każijiet, l-awtoritajiet ta’ ġestjoni jistgħu jiġu skoraġġuti milli jużaw somom f’daqqa minħabba l-fatt li r-riżultat normalment jitqies bħala miksub jew mhux miksub, li jwassal għal sitwazzjoni binarja ta’ pagament jew l-ebda pagament skont il-kisba sħiħa. Madankollu, dan jista’ jiġi mmitigat billi jiġu inklużi pagamenti fi stadji relatati mal-kisba ta’ ċerti stadji importanti definiti minn qabel.
3.3.2. Bidliet introdotti mir-Regolament Omnibus u l-applikazzjoni fil-ħin
Qabel ir-Regolament Omnibus, l-użu ta’ somom f’daqqa kien ristrett għal ammonti ta’ inqas minn EUR 100 000 ta’ kontribuzzjoni pubblika. Sabiex jiġi ffaċilitat l-użu ta’ somom f’daqqa, ir-Regolament Omnibus ħassar din il-limitazzjoni. Dan ifisser li mid-dħul fis-seħħ tar-Regolament Omnibus, l-awtorità ta’ ġestjoni tista’ tistabbilixxi somom f’daqqa fejn l-appoġġ pubbliku jkun ogħla minn EUR 100 000.
3.3.3. Eżempji ta’ somom f’daqqa
Eżempju (FEŻR): Sabiex jiġu promossi prodotti lokali, grupp ta’ intrapriżi żgħar jixtieq jipparteċipa b’mod konġunt f’fiera kummerċjali.
Minħabba l-ispiża baxxa tal-operazzjoni, l-awtorità ta’ ġestjoni tiddeċiedi li tuża somma f’daqqa għall-kalkolu tal-appoġġ pubbliku. Għal dan, il-grupp ta’ intrapriżi huwa mistieden jipproponi baġit għall-ispejjeż tal-kiri, l-istabbiliment u t-tmexxija tal-istand. Abbażi ta’ din il-proposta, ġiet stabbilita somma f’daqqa ta’ EUR 20 000. Il-pagament lill-benefiċjarju se jsir abbażi ta’ prova tal-parteċipazzjoni fil-fiera. Il-baġit miftiehem ta’ EUR 20 000 jenħtieġ li jinżamm għall-awditi (verifika tal-kalkolu ex-ante tas-somma f’daqqa).
Eżempju (FSE): NGO li tiġġestixxi s-servizzi tal-indukrar tat-tfal tirrikjedi appoġġ biex tniedi attività ġdida. Din tinkludi somma f’daqqa fil-proposta tagħha billi tippreżenta abbozz ta’ baġit dettaljat biex tibda l-attività u tmexxiha fuq perjodu ta’ sena. L-attività tinżamm b’mod indipendenti wara s-sena inizjali. Pereżempju, is-somma f’daqqa tkopri n-nefqa relatata mas-salarju ta’ persuna waħda inkarigata biex tieħu ħsieb it-tfal matul sena waħda, id-deprezzament ta’ tagħmir ġdid, l-ispejjeż tal-pubbliċità marbuta ma’ din l-attività ġdida u l-kostijiet indiretti relatati mal-kostijiet tal-ġestjoni u tal-kontabbiltà tagħha, l-ilma, l-elettriku, it-tisħin, l-ispejjeż tal-kiri, eċċ.).
Abbażi ta’ abbozz ta’ baġit dettaljat, l-awtorità ta’ ġestjoni tagħti somma f’daqqa ta’ EUR 47 500 li tkopri dawn il-kostijiet kollha. Fi tmiem l-operazzjoni, dan l-ammont jitħallas lill-NGO fuq il-bażi tal-output; jekk għadd konvenzjonali ta’ tfal addizzjonali (10) ikunu ġew indokrati. Għalhekk ma jkunx meħtieġ li jiġu ġġustifikati l-ispejjeż reali mġarrba fir-rigward ta’ din l-attività.
Madankollu, dan ifisser li jekk jiġu indokrati 9 itfal biss, l-kostijiet eliġibbli jkunu żero u l-ammont tas-somma f’daqqa ma jitħallasx. Biex dan jiġi mmitigat, jista’ jiġi ddikjarat stadju importanti fid-dokument li jistabbilixxi l-kundizzjonijiet għall-appoġġ li jekk jiġu indokrati 5 itfal, jitħallas nofs l-ammont totali (EUR 23 750).
Eżempju (FSE): NGO tfittex li torganizza seminar lokali u li tipproduċi sett ta’ għodod dwar il-kundizzjoni soċjoekonomika tal-komunità Rom f’reġjun ta’ Stat Membru. Id-dokument li jistabbilixxi l-kundizzjonijiet għall-appoġġ se jkun fih abbozz ta’ baġit dettaljat u l-objettivi tal-għotja, (1) l-organizzazzjoni tas-seminar u (2) il-produzzjoni ta’ sett ta’ għodod biex tinġibed l-attenzjoni tal-impjegaturi fir-reġjun għall-problemi speċifiċi li jiffaċċjaw ir-Rom.
Minħabba d-daqs u l-objettiv tal-operazzjoni (operazzjoni żgħira b'kostijiet li ma jistgħux jiġu kkwantifikati faċilment permezz ta’ skali standard ta' spejjeż għal kull unità) u n-natura tal-benefiċjarju (NGO lokali), l-awtorità ta’ ġestjoni tiddeċiedi li tuża l-arranġament ta’ somma f’daqqa.
Sabiex jiġi kkalkulat l-ammont tas-somma f’daqqa, l-awtorità ta’ ġestjoni tirrikjedi abbozz ta’ baġit dettaljat għal kull waħda mill-operazzjonijiet: wara negozjati dwar l-abbozz tal-baġit dettaljat, is-somma f’daqqa hija stabbilita fuq: EUR 45 000 li jinqasmu f’żewġ proġetti li jirrikjedu EUR 25 000 għas-seminar u EUR 20 000 għas-sett ta’ għodod.
Jekk il-kundizzjonijiet tad-dokument li jistabbilixxi l-kundizzjonijiet għall-appoġġ jiġu rrispettati (l-organizzazzjoni tas-seminar, il-produzzjoni tas-sett ta’ għodod), EUR 45 000 se jitqiesu bħala kostijiet eliġibbli fil-mument tal-għeluq. Id-dokument ta’ sostenn meħtieġ biex titħallas l-għotja (u mbagħad jiġi arkivjat) se jkun il-prova li s-seminar ġie organizzat u li ġie prodott l-aħħar sett ta’ għodod komplut.
Jekk jitwettaq wieħed biss mill-proġetti (pereżempju s-seminar), l-għotja titnaqqas għal din il-parti (EUR 25 000), skont dak li jkun ġie miftiehem fid-dokument li jistabbilixxi l-kundizzjonijiet għall-appoġġ.
Eżempju (FAEŻR):“Skemi tal-kwalità għal prodotti agrikoli u oġġetti tal-ikel” (l-Artikolu 16 tar-Regolament (UE) Nru 1305/2013)
Grupp ta’ bdiewa li rċevew appoġġ biex ikopru parteċipazzjoni ġdida fi skema ta’ kwalità rikonoxxuta jrid jorganizza attività promozzjonali għall-prodotti tiegħu. L-awtorità ta’ ġestjoni kkalkulat l-ispiża tal-attività bħala somma f’daqqa (p.eż EUR 15 000 / seminar min. 50 parteċipant). Il-grupp ta’ bdiewa għandu jipprovdi evidenza tat-twettiq tal-attività u l-għadd ta’ parteċipanti (mill-inqas ugwali għal 50).
Eżempju (FEMS): Appoġġ għat-tħejjija ta’ pjanijiet ta’ produzzjoni u kummerċjalizzazzjoni ta’ Organizzazzjonijiet tal-produtturi (OP).
Is-somma f’daqqa (pagabbli meta jiġi approvat il-pjan) hija bbażata fuq data storika (sottomissjonijiet riċenti ta’ sigħat tal-OP u kostijiet oħra). It-tħejjija tal-programm hija maqsuma f’diversi attivitajiet biex tiġi prodotta kost medju, li mbagħad tiġi mmultiplikata bl-intensità tal-għajnuna applikabbli.
3.4. Il-każ speċifiku ta’ rati fissi għall-assistenza teknika
3.4.1. Kamp ta’ applikazzjoni
Wara d-dħul fis-seħħ tar-Regolament Omnibus, il-Kummissjoni għamlet użu mis-setgħa l-ġdida skont l-Artikolu 67(5a) tar-RDK biex tiddefinixxi finanzjament b’rata fissa għar-rimborż mill-awtoritajiet ta’ ġestjoni lil benefiċjarju wieħed jew aktar tal-kostijiet tal-operazzjonijiet iffinanzjati skont l-assi prijoritarju tal-assistenza teknika (TA). Ir-Regolament Delegat tal-Kummissjoni (UE) 2019/1867 (34) rispettiv daħal fis-seħħ fit-9 ta’ Novembru 2019.
Għall-FSE, il-FEŻR, il-Fond ta’ Koeżjoni u l-FAEŻR, ir-rata fissa għall-kalkolu tan-nefqa relatata mal-assistenza teknika hija stabbilita għal 4 % tat-tipi l-oħra ta’ nefqa. Għall-programmi tal-FEŻR taħt il-KTE u l-FEMS, ir-rata fissa hija stabbilita għal 6 %. Dawn ir-rati fissi jistgħu jiġu applikati biss għan-nefqa tal-operazzjonijiet taħt l-assi prijoritarji ta’ programm li mhuwiex assistenza teknika, li kien soġġett għal verifiki ta’ ġestjoni jew, fil-każ tal-FAEŻR, abbażi tan-nefqa tal-operazzjonijiet taħt il-miżuri tal-iżvilupp rurali minbarra l-assistenza teknika, li kien soġġett għall-verifiki amministrattivi rilevanti u huwa ddikjarat mis-sena finanzjarja agrikola li tibda fis-16 ta’ Ottubru 2019 jew minn kwalunkwe sena finanzjarja agrikola sussegwenti. Konsegwentement, il-programmi operazzjonali li jikkonsistu esklużivament minn assistenza teknika huma esklużi mill-kamp ta’ applikazzjoni ta’ dak ir-Regolament Delegat.
Jenħtieġ li jiġi nnotat li n-nefqa li tista’ tiġi inkluża fil-bażi għall-kalkolu tar-rata fissa tirreferi għall-valur totali tat-talbiet għal pagamenti eliġibbli anki jekk mhux il-fatturi kollha kienu koperti mill-verifiki amministrattivi, f’konformità mal-punt 1.7 tal-Gwida għall-Istati Membri dwar il-Verifiki tal-Ġestjoni (EGFSIE 14-0012 <s> LW<s> AT<s> 02) li tippermetti l-verifika ta’ applikazzjoni għal rimborż mill-benefiċjarju abbażi ta’ kampjun ta’ oġġetti tan-nefqa.
Ir-rata fissa tista’ tiġi applikata mis-sena ta’ kontabbiltà li tibda fl-1 ta’ Lulju 2019 ’il quddiem jew, fil-każ tal-FAEŻR, fis-sena finanzjarja agrikola li tibda fis-16 ta’ Ottubru 2019 jew fi kwalunkwe sena finanzjarja agrikola sussegwenti. L-applikazzjoni tar-rata fissa ma teħtieġx emenda fil-programm, ħlief fil-każ tal-FAEŻR, fejn din l-informazzjoni għandha tiġi inkluża fi kwalunkwe modifika sussegwenti fil-programm
L-għażla li jintuża l-finanzjament b’rata fissa hija fid-diskrezzjoni tal-Istat Membru. Madankollu, biex jiġi evitat ir-riskju ta’ finanzjament doppju tal-istess nefqa, ladarba jiġi applikat, dan il-metodu għandu jkun l-unika forma biex tiġi rimborżata l-assistenza teknika sal-għeluq tal-programm (35). Għalhekk, l-Istati Membri jenħtieġ li jinnotifikaw lill-Kummissjoni dwar l-għażla tagħhom li jużaw din il-formola ta’ rimborż flimkien, fejn rilevanti, mal-ewwel applikazzjoni ta’ pagament tagħhom fejn tiġi applikata din ir-rata fissa.
3.4.2. Applikazzjonijiet għall-ħlas u rimborżi
Il-bażi għall-applikazzjoni ta’ din ir-rata fissa hija n-nefqa li kienet soġġetta għal verifiki ta’ ġestjoni wara d-dħul fis-seħħ tar-Regolament Delegat (UE) 2019/1867 (jiġifieri wara d-9 ta’ Novembru 2019) u mis-sena ta’ kontabbiltà li tibda fl-1 ta’ Lulju 2019. In-nefqa, li għaliha tlestew verifiki ta’ ġestjoni qabel id-9 ta’ Novembru 2019 hija eskluża minn din il-bażi. Din id-data ta’ skadenza (9 ta’ Novembru 2019) ma tirreferix għad-data tal-preżentazzjoni ta’ applikazzjoni għall-ħlas lill-Kummissjoni. Fil-każ tal-FAEŻR, il-bażi għall-applikazzjoni ta’ din ir-rata fissa hija n-nefqa li kienet soġġetta għal verifiki amministrattivi u ddikjarata lill-Kummissjoni mis-sena finanzjarja agrikola li tibda fis-16 ta’ Ottubru 2019 jew minn kwalunkwe sena finanzjarja agrikola sussegwenti.
Meta l-ammonti jkunu ġew esklużi mill-kontijiet minħabba l-valutazzjoni kontinwa tagħhom f’konformità mal-Artikolu 137(2) tar-RDK, dawn jistgħu jiġu inklużi f’applikazzjoni għal pagament sussegwenti u jiġu inklużi fil-bażi għall-kalkolu tar-rata fissa jekk il-valutazzjoni tkun pożittiva u jkunu saru verifiki ta’ ġestjoni (addizzjonali) wara d-9 ta’ Novembru 2019.
L-Istati Membri jeħtieġ li jkunu jistgħu juru li r-rata fissa tiġi applikata biss għan-nefqa li tissodisfa dawn il-kundizzjonijiet. Dan jista’ jsir fi ħdan is-sistema tal-IT tal-awtorità ta’ ġestjoni u/jew tal-Aġenzija tal-Pagamenti.
Jista’ jiġri li applikazzjoni waħda għal pagament jkun fiha nefqa li kienet ġiet soġġetta għal verifiki ta’ ġestjoni wara d-9 ta’ Novembru 2019 (bażi għall-applikazzjoni tar-rata fissa għat-TA) u nefqa li għaliha l-verifiki ta’ ġestjoni kienu diġà tlestew sa dik id-data. Ma hemm l-ebda differenzjazzjoni ta’ tali nefqa fl-SFC. Hija r-responsabbiltà tal-Istat Membru li jiżgura li r-rata fissa tiġi applikata biss għall-bażi stabbilita b’mod korrett, jimmonitorja l-ammonti ta’ TA inklużi fit-talba għall-pagament u jiżgura li ma jkun hemm l-ebda finanzjament doppju. Soluzzjoni possibbli tkun li jiġu ppreżentati żewġ applikazzjonijiet separati għall-pagamenti biex jiġi żgurat rendikont ċar tal-entrati.
Il-Kummissjoni se tirrimborża l-applikazzjonijiet għall-pagamenti inklużi l-ammonti li l-awtorità ta’ ġestjoni jew l-Aġenzija tal-Pagamenti kkalkulat bl-applikazzjoni tar-rata stabbilita (4 % jew 6 %, rispettivament) bl-istess mod bħal kwalunkwe applikazzjoni oħra għall-pagament.
L-ammont globali jista’ jitħallas lil benefiċjarju uniku wieħed jew jinqasam bejn diversi benefiċjarji, skont l-arranġamenti fil-livell nazzjonali. Madankollu, dan ma jistax jaqbeż il-limitu ta’ 4 % (jew 6 %, rispettivament). Ma hemm l-ebda rekwiżit biex jiġi ġġustifikat il-qsim skont ir-regoli tal-Unjoni.
Il-metodu ta’ rimborż jista’ jiġi applikat ukoll fi programmi b’diversi fondi, anki jekk il-prijorità jew il-prijoritajiet li jipprovdu l-bażi tan-nefqa jiksbu appoġġ minn fond li mhuwiex il-fond li jappoġġa l-prijorità tal-assistenza teknika.
3.4.3. L-impatt tar-rata fissa fuq l-allokazzjoni tat-TA fi ħdan PO/Programm tal-Iżvilupp Rurali
Ir-rata stabbilita fir-Regolament Delegat 2019/1867 se tiġi applikata fil-limiti tal-allokazzjoni tal-assistenza teknika tal-programm. Dan ifisser li l-użu tar-rimborż tat-TA abbażi tar-rata fissa ma għandux impatt fuq l-allokazzjonijiet tal-assistenza teknika kif stabbilit fil-programmi. F’dan ir-rigward, meta jiddeċiedu dwar l-adegwatezza tar-rimborż b’rata fissa tat-TA għall-programm tagħhom, l-awtoritajiet tal-programm jenħtieġ li jqisu kif xieraq kemm l-allokazzjoni disponibbli ta’ prijoritajiet li mhumiex ta’ TA li jiffurmaw il-bażi għall-applikazzjoni tar-rata fissa kif ukoll l-allokazzjoni disponibbli tal-prijorità ta’ TA. Għalhekk, jekk:
— |
l-ammont ta’ assistenza teknika allokat u li għadu ma ġiex inkluż f’applikazzjoni għal pagament tal-programm jirrappreżenta inqas minn 4 % (6 % rispettivament) tal-allokazzjoni li jifdal li mhijiex ta’ TA tal-programm:
|
— |
l-ammont ta’ assistenza teknika allokat u li għadu ma ġiex inkluż f’applikazzjoni għal pagament tal-programm jirrappreżenta aktar minn 4 % (6 % rispettivament) tal-allokazzjoni li jifdal li mhijiex ta’ AT tal-programm:
|
3.4.4. Rendikont tal-entrati u l-impatt tal-korrezzjonijiet
Japplikaw l-Artikolu 125(4)(a) tar-RDK u l-Artikolu 59 tar-Regolament (UE) Nru 1306/2013. L-awtorità ta’ ġestjoni jew l-Aġenzija tal-Pagamenti (fil-każ tal-FAEŻR) jeħtieġ li:
— |
tiżgura li n-nefqa kollha mhux marbuta mat-TA li titqies għall-applikazzjoni tar-rata fissa tkun ġiet soġġetta għal verifiki ta’ ġestjoni wara d-9 ta’ Novembru 2019 u fil-każ tal-FAEŻR li n-nefqa kienet soġġetta għal verifiki amministrattivi u ma ġietx iddikjarata minn qabel lill-Kummissjoni, |
— |
u tiżgura li r-rata fissa tiġi applikata b’mod korrett. |
Fil-każ tal-FAEŻR, l-eliġibbiltà tal-benefiċjarju tal-assistenza teknika jenħtieġ li dejjem tiġi kkontrollata skont l-Artikolu 48(2)(a) tar-Regolament 809/2014, bil-għan li tiġi żgurata wkoll il-konformità mat-tieni subparagrafu tal-Artikolu 51(2) tar-Regolament (UE) Nru 1305/2013.
Il-verifiki u l-awditi tal-ġestjoni mhux se jivverifikaw in-nefqa mġarrba jew imħallsa mill-benefiċjarji matul l-implimentazzjoni tal-operazzjonijiet rimborżati skont dan il-metodu.
Sabiex l-awtoritajiet ta’ ġestjoni jkunu jistgħu jimmonitorjaw li l-assistenza teknika tiġi implimentata f’konformità mar-regoli tal-programm u l-indikaturi tal-issodisfar inklużi fil-programm, l-informazzjoni dwar l-implimentazzjoni tal-assistenza teknika se tkompli tiġi inkluża fir-rapporti annwali ta’ implimentazzjoni u tista’ tiġi diskussa fil-kumitati ta’ monitoraġġ.
It-tnaqqis fin-nefqa li tifforma l-bażi tal-kalkolu tar-rata fissa wara l-applikazzjoni tal-korrezzjonijiet finanzjarji se jaffettwa l-kalkolu tar-rata fissa, li jirriżulta fi tnaqqis proporzjonali tal-appoġġ għat-TA.
KAPITOLU 4
L-istabbiliment ta’ Għażliet ta’ Spejjeż Simplifikati
L-Artikolu 67(5) tar-RDK jintroduċi diversi metodi biex jiġu kkalkulati l-ispejjeż simplifikati: uħud minnhom huma bbażati fuq data statistika jew storika, oħrajn fuq data tal-benefiċjarji jew elementi inklużi fir-regolament. Wara li ġie emendat ir-RDK mir-Regolament Omnibus, ġie pprovdut mod ġdid biex jiġu stabbiliti għażliet ta’ spejjeż simplifikati għall-Fondi SIE: abbozz ta’ baġit. Dan il-metodu huwa bbażat fuq l-Artikolu 14(3) tar-Regolament dwar il-FSE li, qabel id-dħul fis-seħħ tar-Regolament Omnibus, diġà ppermetta lill-awtoritajiet ta’ ġestjoni jistabbilixxu għażliet ta’ spejjeż simplifikati fuq bażi ta’ każ b’każ (għal operazzjoni individwali appoġġata mill-FSE) b’referenza għal abbozz ta’ baġit (36).
Huwa importanti li tiġi żgurata dokumentazzjoni xierqa tal-metodoloġija applikata meta jiġu stabbiliti għażliet ta’ spejjeż simplifikati.
4.1. L-għażliet ta’ spejjeż simplifikati jridu jiġu stabbiliti minn qabel (37)
F’konformità mal-Artikolu 125(3)(c) tar-RDK, l-awtorità ta’ ġestjoni trid tiżgura li l-benefiċjarju jiġi pprovdut b’dokument li jistabbilixxi l-kundizzjonijiet għall-appoġġ għal kull operazzjoni. F’dan id-dokument, huwa importanti li jiġu kkomunikati lill-benefiċjarji r-rekwiżiti preċiżi biex tiġi ssostanzjata n-nefqa ddikjarata u l-output jew l-eżitu speċifiku li għandu jintlaħaq.
Għalhekk, l-għażliet ta’ spejjeż simplifikati jridu jiġu definiti ex ante. Kif iddikjarat fl-Artikolu 67(6) tar-RDK, il-metodu li għandu jiġi applikat li jistabbilixxi l-ispejjeż simplifikati jrid jiġi inkluż l-aktar tard fid-dokument li jistabbilixxi l-kundizzjonijiet għall-appoġġ. Il-metodi u l-kundizzjonijiet rilevanti jenħtieġ li jiġu inkorporati fir-regoli dwar l-eliġibbiltà tal-programm.
L-għażliet ta’ spejjeż simplifikati għandhom jiġu ddefiniti minn qabel u l-użu ta’ għażliet ta’ spejjeż simplifikati jenħtieġ li jissemma’ fis-sejħiet għal proposti indirizzati lill-benefiċjarji potenzjali sabiex jiġi żgurat ir-rispett tal-prinċipju tat-trasparenza u tat-trattament ugwali. Barra minn hekk, applikazzjoni retroattiva għal operazzjonijiet li diġà qed jiġu implimentati abbażi ta’ spejjeż reali jenħtieġ li tiġi evitata peress li jista’ ma jiġix żgurat trattament ugwali bejn il-benefiċjarji.
Ladarba jiġu stabbiliti l-iskali standard ta' spejjeż għal kull unità u r-rata fissa jew l-ammont (fil-każ ta’ somom f’daqqa), l-ammonti ma jistgħux jinbidlu matul jew wara l-implimentazzjoni ta’ operazzjoni biex jikkumpensaw għal żieda fil-kostijiet jew nuqqas ta’ użu tal-baġit disponibbli, sakemm ma jiġix espress b’mod ċar aġġustament maż-żmien fis-sejħa għal proposti (38) (eż. operazzjonijiet pluriennali jistgħu jipprevedu aġġustament maż-żmien marbut mal-inflazzjoni).
B’mod eċċezzjonali, fil-każ ta’ operazzjonijiet pluriennali, huwa possibbli li jiġu saldati l-kontijiet u l-attivitajiet korrispondenti tal-operazzjoni wara li tkun twettqet l-ewwel parti tal-operazzjoni u mbagħad tiġi introdotta l-għażla ta’ finanzjament b’rata fissa, skali standard ta' spejjeż għal kull unità jew somom f’daqqa għall-parti/perjodu li jifdal tal-operazzjoni. F’każijiet bħal dawn, il-perjodu li għalih jiġu ddikjarati l-ispejjeż reali jenħtieġ li jiġi sseparat b’mod ċar mill-perjodu li għalih jiġu ddikjarati l-kostijiet abbażi ta’ għażliet ta’ spejjeż simplifikati, sabiex jiġi evitat li l-kostijiet tal-proġett jiġu ddikjarati darbtejn.
4.2. Metodu ta’ kalkolu ġust, ekwitabbli u verifikabbli (39)
4.2.1. Prinċipji ġenerali
4.2.1.1.
Il-kalkolu għandu jkun raġonevoli, jiġifieri bbażat fuq ir-realtà, mhux eċċessiv jew estrem. Jekk fil-passat l-iskali standard ta' spejjeż għal kull unità kienu fil-livell ta’ bejn EUR 1 u EUR 2, il-Kummissjoni ma tistenniex li tara skala ta’ EUR 7. Minn din il-perspettiva, il-metodu użat għall-identifikazzjoni tal-ispiża unitarja, ir-rata fissa, jew is-somma f’daqqa se jkun tal-akbar importanza. L-awtorità ta’ ġestjoni trid tkun tista’ tispjega u tiġġustifika l-għażliet tagħha. Metodu ta’ kalkolu ġust “ideali” jista’ jadatta r-rati għal kundizzjonijiet jew ħtiġijiet speċifiċi. Pereżempju, l-eżekuzzjoni ta’ proġett tista’ tiswa aktar f’reġjun remot milli f’reġjun ċentrali minħabba spejjeż ogħla tat-trasport; dan l-element jenħtieġ li jitqies meta tittieħed deċiżjoni dwar somma f’daqqa jew rata li għandha titħallas għal proġetti simili fiż-żewġ reġjuni.
4.2.1.2.
Il-kunċett ewlieni li huwa l-bażi tat-terminu “ekwitabbli” huwa li dan ma jiffavorixxix lil xi benefiċjarji jew operazzjonijiet fuq oħrajn. Il-kalkolu tal-iiskali standard ta' spejjeż għal kull unità, is-somma f’daqqa jew ir-rata fissa għandu jiżgura trattament ugwali tal-benefiċjarji u/jew tal-operazzjonijiet. Kwalunkwe differenza fl-ammonti jew fir-rati jenħtieġ li tkun ibbażata fuq ġustifikazzjonijiet oġġettivi, jiġifieri karatteristiċi oġġettivi tal-benefiċjarji jew tal-operazzjonijiet.
4.2.1.3.
Id-determinazzjoni ta’ rati fissi, l-iskali standard ta' spejjeż għal kull unità jew is-somom f’daqqa jenħtieġ li tkun ibbażata fuq evidenza dokumentarja li tista’ tiġi vverifikata (40). L-awtorità ta’ ġestjoni trid tkun tista’ turi l-bażi li fuqha tkun ġiet stabbilita l-għażla ta’ spiża ssimplifikata. Din hija kwistjoni ewlenija biex tiġi żgurata l-konformità mal-prinċipju ta’ ġestjoni finanzjarja tajba.
Il-korp li jiddetermina l-metodu tal-għażla ta’ spejjeż simplifikati jenħtieġ li jiddokumenta bħala minimu:
— |
Id-deskrizzjoni tal-metodu ta’ kalkolu, inklużi l-passi ewlenin tal-kalkolu; |
— |
Is-sorsi tad-data użati għall-analiżi u l-kalkoli, inkluża valutazzjoni tar-rilevanza tad-data għall-operazzjonijiet previsti, u valutazzjoni tal-kwalità tad-data; |
— |
Il-kalkolu nnifsu biex jiġi ddeterminat il-valur tal-għażla ta’ spiża ssimplifikata. |
4.2.2. Metodoloġiji fil-prattika
Ir-RDK jispeċifika diversi possibbiltajiet li jissodisfaw il-kriterji ġusti, ekwi u verifikabbli:
4.2.2.1.
— |
Id-data statistika tista’ tiġi minn uffiċċji nazzjonali tal-istatistika, il-EUROSTAT jew sorsi affidabbli oħra. |
— |
Sors komuni ieħor għad-data statistika huwa l-analiżi statistika tad-data storika (kemm dwar proġetti jew operazzjonijiet iffinanzjati minn Fond SIE kif ukoll minn sorsi differenti). |
— |
Informazzjoni oġġettiva oħra tista’, pereżempju, tieħu l-forma ta’
|
— |
Ġudizzju espert: dan se jkun ibbażat fuq sett speċifiku ta’ kriterji u/jew għarfien espert li jkun inkiseb f’qasam speċifiku ta’ għarfien, applikazzjoni jew qasam ta’ prodott, dixxiplina partikolari, industrija, eċċ. Jeħtieġ li jkun iddokumentat sew u speċifiku għaċ-ċirkostanzi partikolari ta’ kull każ. Ir-RDK ma jiddefinixxix il-ġudizzju espert. Se jkun f’idejn l-awtoritajiet ta’ ġestjoni li jispeċifikaw ir-rekwiżiti għal ġudizzju biex jikkwalifika bħala espert u biex jiżguraw li ma jkun hemm l-ebda kunflitt ta’ interessi. |
— |
Il-valuri massimi, bħal-limiti jew il-limiti massimi stabbiliti fir-regoli nazzjonali, ma jistgħux jintużaw fil-prinċipju meta jiġi stabbilit metodu bbażat fuq l-Artikolu 67(5)(a) tar-RDK (jew meta jiġi stabbilit abbozz tal-baġit – ara l-kapitolu 4.3), sakemm ma jkunx jista’ jintwera li dawn jirrappreżentaw valur ġust. |
Ir-riżultat ta’ dawn il-metodoloġiji jista’ jiġi applikat għal grupp ta’ operazzjonijiet u benefiċjarji.
4.2.2.2. (41)
Il-metodoloġiji ppreżentati hawn taħt se jiġu applikati għall-benefiċjarji individwali. Madankollu, minħabba r-rekwiżiti involuti fl-użu ta’ data speċifika għall-benefiċjarji, dawn il-metodoloġiji huma simplifikazzjonijiet għall-benefiċjarji li se jimplimentaw ħafna proġetti matul il-perjodu ta’ programmazzjoni.
a) |
Id-data storika vverifikata ta’ benefiċjarji individwali: Dan il-metodu huwa bbażat fuq il-ġbir ta’ data tal-kontabbiltà tal-passat mill-benefiċjarju, għall-kostijiet attwali mġarrba għall-kategoriji ta’ kostijiet eliġibbli koperti mill-għażla ta’ spejjeż simplifikati definita. Fejn meħtieġ, din id-data jenħtieġ li tkopri biss iċ-ċentru jew id-dipartiment tal-ispejjeż tal-benefiċjarju li huma relatati mal-operazzjoni. Dan, fil-fatt, jippresupponi l-eżistenza ta’ sistema ta’ kontabbiltà analitika fil-livell tal-benefiċjarju. Barra minn hekk, dan jimplika li kwalunkwe nefqa ineliġibbli tiġi ffiltrata minn kwalunkwe kalkolu li jappoġġa l-għażliet ta’ spejjeż simplifikati. Meta awtorità ta’ ġestjoni tiddeċiedi li tuża dan il-metodu, din jenħtieġ li tiddeskrivi
|
b) |
L-applikazzjoni tal-prattiki kontabilistiċi normali tal-kostijiet ta’ benefiċjarji individwali: Il-prattiki kontabilistiċi normali huma prattiki li juża l-benefiċjarju biex jieħu rendikont tal-attivitajiet u l-finanzi kollha normali tiegħu ta’ kuljum (inklużi dawk mhux marbuta mal-appoġġ tal-UE). Dawn il-metodi jridu jikkonformaw mar-regoli u l-istandards nazzjonali tal-kontabbiltà. It-tul tal-użu mhuwiex kritiku. Metodu kontabilistiku mhuwiex “normali” jekk ikun ġie ppersonalizzat għal operazzjoni jew għal sett ta’ operazzjonijiet partikolari, pereżempju dawk li jirċievu appoġġ mill-UE, u jvarja mill-metodu/i kontabilistiċi użati f’każijiet oħra. Huwa importanti li ssir distinzjoni bejn l-ispejjeż attwali u l-ispejjeż determinati skont il-prattiki kontabilistiċi normali tal-kostijiet tal-benefiċjarji individwali. B’hekk, l-ispejjeż attwali jfissru l-ispejjeż ikkalkulati bl-aktar mod preċiż possibbli (“l-ispejjeż attwalment imġarrba mill-benefiċjarju”) għall-perjodu ta’ żmien tal-operazzjoni. Pereżempju, għall-kostijiet tal-persunal fis-siegħa, l-użu ta’ sigħat standard bħala denominatur huwa aċċettat (ara pereżempju l-1 720 siegħa fit-taqsima 3.2.2), iżda n-numeratur għall-fini tal-kalkolu tal-“ispejjeż attwali” huwa l-kostijiet totali eliġibbli tal-persunal għal kull persuna partikolari assenjata għall-azzjoni.” Il-kost fis-siegħa bbażat fuq il-prattiki kontabilistiċi tal-ispejjeż tal-benefiċjarju jista’ jiġi kkalkulat abbażi ta’ medja tal-kostijiet tar-remunerazzjoni ta’ total akbar ta’ impjegati. Din il-medja normalment hija grad jew xi miżura simili, li tikkorrelata mal-kostijiet tal-impjiegi gross, iżda t-tqabbil jista’ jkun ukoll ċentru jew dipartiment tal-kostijiet (relatat mal-operazzjoni) fejn il-kostijiet tal-impjiegi gross jistgħu jvarjaw b’mod konsiderevoli fi ħdan il-grupp aggregat ta’ impjegati. Għalhekk, biex jiġi żgurat trattament ugwali fost il-benefiċjarji u li l-għotja ma tkoprix kostijiet ineliġibbli, id-dokument li jistabbilixxi l-kundizzjonijiet għall-appoġġ li jawtorizza lill-benefiċjarji jużaw il-prattiki kontabilistiċi tal-kostijiet tagħhom irid jipprevedi kundizzjonijiet minimi. Dawk il-kundizzjonijiet minimi għandhom l-għan li jiżguraw li l-prattiki kontabilistiċi tal-kostijiet jirriżultaw teoretikament u prattikament f’sistema ġusta u ekwitabbli. Dan jimplika l-eżistenza ta’ sistema kontabilistika analitika aċċettabbli fil-livell tal-benefiċjarju. Barra minn hekk, dan jimplika li kwalunkwe nefqa ineliġibbli tiġi ffiltrata mill-kalkolu. |
c) |
Rekwiżiti komuni għall-użu ta’ data speċifika għall-benefiċjarji individwali: L-awtorità ta’ ġestjoni se jkollha tivverifika data speċifika għall-benefiċjarji individwali permezz ta’ approċċ ta’ każ b’każ. Dan jeħtieġ li jsir l-aktar tard meta jiġi stabbilit id-dokument li jistabbilixxi l-kundizzjonijiet għall-appoġġ lill-benefiċjarju. Skont l-assigurazzjoni miksuba mis-sistema interna ta’ ġestjoni u kontroll tal-benefiċjarju mill-awtorità ta’ ġestjoni, jista’ jkun meħtieġ li d-data speċifika għall-benefiċjarju tiġi ċċertifikata minn awditur estern jew, fil-każ ta’ korpi pubbliċi, minn uffiċjal tal-kontabbiltà kompetenti u indipendenti, sabiex tiġi żgurata l-affidabbiltà tad-data ta’ referenza użata mill-awtorità ta’ ġestjoni. Iċ-ċertifikazzjoni ta’ data storika tista’ ssir bħala parti minn awditi statutorji jew awditi kuntrattwali. Kwalunkwe ċertifikazzjoni mwettqa b’dan il-mod tirrikjedi għarfien fil-fond, mill-awditur estern jew mill-uffiċjal tal-kontabbiltà indipendenti, tar-Regolamenti dwar il-Fondi SIE fir-rigward ta’ eż. ir-rendikont tal-entrati, l-eliġibbiltà tal-kostijiet sottostanti u l-liġi applikabbli. Għalhekk, l-awtorità tal-awditjar tista’ tiġi mistiedna biex tappoġġa dan il-proċess. Meta r-riskju ta’ żball jew irregolarità fid-data tal-kontabbiltà preċedenti użata jitqies baxx, pereżempju, il-metodu ta’ kalkolu jista’ jkun ibbażat ukoll fuq data mhux iċċertifikata minn awditur ex-ante. Jeħtieġ li l-awtorità ta’ ġestjoni tkun tista’ turi, b’mod oġġettiv, li r-riskju huwa tabilħaqq baxx u għaliex hija tqis li s-sistema kontabilistika tal-benefiċjarju hija affidabbli, kompluta u preċiża. |
4.3. Abbozz ta’ baġit
Kif stabbilit fl-Artikolu 67(5)(aa) tar-RDK mid-dħul fis-seħħ tar-Regolament Omnibus u fl-Artikolu 14(3) tar-Regolament dwar il-FSE fil-verżjoni applikabbli sad-dħul fis-seħħ tar-Regolament Omnibus, mod alternattiv kif jiġu stabbiliti għażliet ta’ spejjeż simplifikati huwa abbozz ta’ baġit. L-awtorità ta’ ġestjoni jew il-kumitat ta’ monitoraġġ tal-programmi tal-KTE jistgħu jużaw abbozz ta’ baġit biex jistabbilixxu spejjeż unitarji, somom f’daqqa jew rati fissi biex jiġu rimborżati l-benefiċjarji.
Jeħtieġ li jiġi stabbilit fuq bażi ta’ każ b’każ u miftiehem minn qabel mill-awtorità ta’ ġestjoni għal operazzjonijiet meta l-appoġġ pubbliku ma jaqbiżx il-EUR 100 000. Dan l-ammont irid jitqies bħala l-appoġġ pubbliku massimu li għandu jitħallas lill-benefiċjarju għall-operazzjoni kollha, kif speċifikat fid-dokument li jistabbilixxi l-kundizzjonijiet għall-appoġġ lill-benefiċjarju.
Din il-possibbiltà hija mfassla biex tiffaċilita l-implimentazzjoni tal-użu obbligatorju ta’ għażliet ta’ spejjeż simplifikati għal operazzjonijiet żgħar (ara wkoll l-Artikolu 67(2a) tar-RDK). Fil-fatt, dan il-metodu jippermetti li jiġu kkalkulati xi spejjeż simplifikati jekk l-operazzjoni tkun speċifika ħafna. L-abbozz tal-baġit se jintuża biex jiġu kkalkulati l-għażliet ta’ spejjeż simplifikati speċifiċi relatati ma’ din l-operazzjoni jew proġett. Id-dokument li fih il-baġit għandu jiġi arkivjat mill-awtorità ta’ ġestjoni bħala dokument ta’ sostenn biex jiġġustifika l-għażliet ta’ spejjeż simplifikati użati. Il-verifika tal-ġestjoni tal-operazzjoni jew tal-proġett se tkun ibbażata biss fuq it-tip tal-għażliet ta’ spejjeż simplifikati applikati, u mhux fuq il-baġit innifsu.
Il-baġit jenħtieġ li jiġi vvalutat mill-awtorità ta’ ġestjoni ex ante fuq l-istess bażi li jiġi vvalutat meta jintużaw spejjeż reali. F’dan ir-rigward, huwa rrakkomandat ħafna li l-awtoritajiet ta’ ġestjoni jistabbilixxu parametri jew livelli massimi ta’ spejjeż li jintużaw biex mill-inqas jitqabblu l-aktar spejjeż importanti bbaġitjati skont dawn il-parametri. In-nuqqas ta’ tali parametri jew livelli massimi ta’ kostijiet jagħmilha diffiċli għal kwalunkwe awtorità ta’ ġestjoni biex tiżgura l-ugwaljanza tat-trattament u l-osservanza ta’ ġestjoni finanzjarja tajba. Anki jekk jiġi rrakkomandat, meta jiġi vvalutat il-baġit, mhux se jkun meħtieġ li l-awtorità ta’ ġestjoni tqabbel l-abbozz tal-baġit dettaljat propost mill-benefiċjarju potenzjali ma’ operazzjonijiet komparabbli.
L-awtorità ta’ ġestjoni tista’ tistabbilixxi wkoll parametri referenzjarji minimi dwar il-kwalità tal-eżitu jew tar-riżultati mistennija.
L-awtorità ta’ ġestjoni jenħtieġ li turi u tarkivja l-valutazzjoni tagħha tal-abbozz ta’ baġit u d-dokumenti ta’ sostenn relatati. L-abbozz ta’ baġit mhuwiex parti mid-dokument imfassal bejn l-awtorità ta’ ġestjoni u l-benefiċjarju li jistabbilixxi l-kundizzjonijiet għall-appoġġ (ftehim ta’ għotja).
Meta jiġi appoġġat l-istess benefiċjarju diversi drabi, huwa rrakkomandat li l-abbozz ta’ baġit dettaljat jitqabbel ma’ operazzjonijiet appoġġati qabel.
Eżempju tal-użu tal-abbozz ta’ baġit: Benefiċjarju beħsiebu jorganizza seminar għal 50 parteċipant biex jippreżenta għodod ta’ implimentazzjoni ġodda. Il-persunal iqatta’ ħin jippjana u jorganizza l-avveniment, jinkera post, xi kelliema jiġu minn barra l-pajjiż, u l-minuti tal-avveniment se jkollhom jiġu ppubblikati. Hemm ukoll kostijiet indiretti relatati mal-persunal (spejjeż tal-kontkontabbiltà, id-direttur, eċċ.) u l-elettriku, il-kontijiet tat-telefown, l-appoġġ tal-IT, eċċ. L-abbozz ta’ baġit huwa kif ġej (42):
Dan l-abbozz ta’ baġit huwa diskuss u miftiehem bejn l-awtorità ta’ ġestjoni u l-benefiċjarju. Il-kalkolu tal-għażla ta’ spejjeż simplifikati se jkun ibbażat fuq din id-data. L-awtorità ta’ ġestjoni tista’ tiddeċiedi li tikkalkula l-għotja abbażi ta’ spiża unitarja, ibbażata fuq l-għadd ta’ parteċipanti fis-seminar: spiża unitarja = EUR 52 000/50 = EUR 1 040 / parteċipant. Id-dokument imfassal bejn l-awtorità ta’ ġestjoni u l-benefiċjarju li jistabbilixxi l-kundizzjonijiet għall-appoġġ irid jispeċifika d-definizzjoni tal-iskali standard ta' spejjeż għal kull unità (dak li huwa parteċipant), l-għadd massimu (minimu) ta’ parteċipanti, kif jenħtieġ li jiġi ġġustifikat u l-ispiża unitarja tiegħu (EUR 1 040). Barra minn hekk, ir-rati fissi stabbiliti fl-Artikoli 68, 68a u 68b tar-RDK jistgħu jiġu applikati biex jiġu stabbiliti l-kategoriji rilevanti ta’ kostijiet ta’ abbozz ta’ baġit. Referenza għall-Artikolu 14(3) tal-FSE (għal ftehimiet ta’ għotja ffirmati qabel id-dħul fis-seħħ tar-Regolament omnibus) jew l-Artikolu 67(5)(aa) tar-RDK (għal ftehimiet ta’ għotja ffirmati wara d-dħul fis-seħħ tar-regolament) issir fid-dokument li jistabbilixxi l-kundizzjonijiet għall-appoġġ. |
Eżempju FAEŻR: L-użu tal-abbozz ta’ baġit fil-każ ta' LEADER Grupp ta’ azzjoni lokali (GAL) jagħżel proġett ta’ bijoekonomija ppreżentat minn NGO bil-għan li l-iskart tal-injam jintuża biex tiġi ġġenerata l-enerġija fil-bini tal-komunità. L-għotja se tkopri l-azzjonijiet li ġejjin: (1) sensibilizzazzjoni (bħal laqgħat, materjali promozzjonali), (2) studju tal-fattibbiltà, (3) proġett pilota inkluż investiment f’apparat tal-bijogass, u (4) koordinazzjoni tal-proġetti. Minħabba n-natura tal-operazzjoni (proġett integrat li jikkonsisti f’firxa wiesgħa ta’ attivitajiet bi spejjeż li mhumiex faċilment kwantifikabbli permezz ta’ skali standard ta' spejjeż għal kull unità), il-GAL jiddeċiedi li juża arranġament ta’ somma f’daqqa. Sabiex jiġi kkalkulat l-ammont tas-somma f’daqqa, il-GAL se jiċċekkja l-abbozz dettaljat tal-baġit ippreżentat mill-NGO bl-applikazzjoni tiegħu. Dan l-abbozz tal-baġit se juri il-kostijiet stmati għall-kategoriji kollha tal-kostijiet meħtieġa għall-implimentazzjoni tal-erba’ azzjonijiet tal-proġett. Il-GAL se jivvaluta r-raġonevolezza ta’ dawn l-ammonti (jew l-aggregati tagħhom) abbażi ta’ metodi disponibbli (eż. tqabbil ma’ data storika mill-programm jew mill-benefiċjarju, stħarriġ tas-suq, ġudizzju espert tal-GAL) u jadattahom jekk ikun meħtieġ, qabel ma jistabbilixxi somma f’daqqa (fl-eżempju tagħna EUR 45 000). Il-GAL jista’ jiddeċiedi li jinkorpora stadju importanti u b’hekk ikollu żewġ pagamenti: EUR 25 000 għall-azzjonijiet dwar is-sensibilizzazzjoni, l-istudju u EUR 20 000 għall-proġett pilota. Id-dokument li jistabbilixxi l-kundizzjonijiet għall-appoġġ jenħtieġ li jindika b’mod ċar l-azzjonijiet meħtieġa għal kull pagament u dokumenti ta’ sostenn (eż. listi ta’ parteċipanti, eżiti tal-istudju, ritratt tal-apparat tal-bijogass, eċċ.). Jekk dawn jiġu rrispettati, EUR 45 000 se jitqiesu bħala kostijiet eliġibbli fil-mument tal-għeluq. Id-dokument ta’ sostenn meħtieġ biex titħallas l-għotja (u mbagħad jiġi arkivjat) se jkun il-prova li jkunu twettqu l-azzjonijiet biex titqajjem sensibilizzazzjoni, l-istudju u l-proġett pilota. Jekk titwettaq waħda biss mill-fażijiet tal-proġett (pereżempju s-sensibilizzazzjoni u l-istudju), l-għotja titnaqqas għal din il-parti (EUR 25 000), skont dak li kien miftiehem fid-dokument li jistabbilixxi l-kundizzjonijiet għall-appoġġ. |
4.3.1. L-użu ta’ abbozz ta’ baġit minn Fondi oħra bħala metodu biex jiġu stabbiliti l-ispejjeż unitarji, is-somom f’daqqa u r-rati fissi qabel id-dħul fis-seħħ tar-Regolament Omnibus
Qabel id-dħul fis-seħħ tar-Regolament Omnibus, l-użu ta’ abbozz ta’ baġit bħala metodu speċifiku kien ipprovdut biss għall-FSE għal operazzjonijiet b’appoġġ pubbliku li ma jaqbiżx il-EUR 100 000 (l-Artikolu 14(3) tar-Regolament dwar il-FSE).
Madankollu, Fondi SIE oħra jistgħu wkoll jagħmlu użu minn abbozz ta’ baġit biex jiġġustifikaw l-għażliet ta’ spejjeż simplifikati tagħhom f’każ li l-abbozz tal-baġit jitqies bħala informazzjoni oġġettiva għall-finijiet tal-Artikolu 67(5)(a)(i) tar-RDK u dment li jkunu ġew osservati r-regoli rilevanti speċifiċi għall-Fondi.
Bid-dħul fis-seħħ tar-Regolament Omnibus, l-użu ta’ abbozz ta’ baġit issa huwa stabbilit bħala metodu fl-Artikolu 67(5)(aa) għall-Fondi SIE kollha għal operazzjonijiet b’appoġġ pubbliku li ma jaqbżux il-EUR 100 000.
4.4. Bl-użu ta’ skali standard ta' spejjeż għal kull unità, somom f’daqqa u rati fissi minn oqsma oħra
Minn politiki oħra tal-Unjoni
L-Artikolu 67(5)(b) tar-RDK
L-għan ewlieni ta’ dan il-metodu huwa li jiġu armonizzati r-regoli bejn il-politiki tal-Unjoni. L-intenzjoni hija li jiġi ċċarat li meta l-Kummissjoni tkun diġà żviluppat spejjeż simplifikati għal tip partikolari ta’ benefiċjarju u operazzjoni taħt politika tal-UE, l-Istat Membru ma għandux għalfejn jidduplika dan l-isforz skont il-politiki tal-Fondi SIE u jista’ jerġa’ juża l-metodu u r-riżultati tiegħu ta’ għażliet ta’ spejjeż simplifikati skont politiki oħra tal-Unjoni.
Il-metodi applikabbli kollha taħt politiki oħra tal-Unjoni jistgħu jintużaw għal operazzjonijiet u benefiċjarji simili. Il-metodi li ntużaw qabel iżda li ma tkomplewx mhumiex aċċettabbli. Jekk il-metodu taħt politiki oħra tal-Unjoni jiġi mmodifikat matul il-perjodu ta’ programmazzjoni, l-istess modifika jenħtieġ li tapplika għall-proġetti tal-Fondi SIE magħżula wara l-modifika.
Meta tuża metodu eżistenti tal-UE, l-awtorità ta’ ġestjoni jenħtieġ li tiżgura u tiddokumenta:
— |
li l-metodu jintuża mill-ġdid fl-intier tiegħu (pereżempju d-definizzjoni ta’ kostijiet diretti / indiretti, nefqa eliġibbli, kamp ta’ applikazzjoni, aġġornamenti) u mhux biss ir-riżultat tiegħu (ir-rata ta’ X %); |
— |
li l-metodu jiġi applikat għal tipi simili ta’ operazzjonijiet u benefiċjarji; |
— |
ir-referenza għall-metodu użat f’politiki oħra tal-UE. |
Artikolu 68, l-ewwel subparagrafu, punt (c) tar-RDK
L-Artikoli 20 u 21 tar-Regolament ta’ Delega tal-Kummissjoni (UE) Nru 480/2014 (43) jipprevedu regoli ulterjuri dwar l-użu ta’ rati fissi għall-kalkolu tal-ispiża indiretta abbażi tal-metodi applikati f’politiki oħra tal-Unjoni u jiddefinixxu l-kamp ta’ applikazzjoni tagħhom mill-Fondi SIE skont ir-RDK:
— |
Għal operazzjonijiet fl-oqsma tar-riċerka u l-innovazzjoni: Ir-Regolament ta’ Delega jiddefinixxi l-operazzjonijiet li għalihom tista’ tiġi applikata r-rata fissa ta’ 25 % għall-kostijiet indiretti offruti f’Orizzont 2020 (44). Dan jimplika li jridu jiġu applikati l-elementi rilevanti kollha tal-metodoloġija għall-applikazzjoni tar-rata fissa għal Orizzont 2020. Il-kostijiet diretti għas-sottokuntrattar u l-kostijiet tar-riżorsi magħmula disponibbli minn partijiet terzi li ma jintużawx fil-bini tal-benefiċjarju, kif ukoll l-appoġġ finanzjarju lil partijiet terzi jridu jiġu esklużi mill-kostijiet li abbażi tagħhom għandha tiġi applikata r-rata biex jiġu kkalkulati l-ammonti eliġibbli (esklużi mill-kostijiet tat-tip 1). Peress li r-rata fissa stabbilita għal Orizzont 2020 hija rata fissa ta’ 25 % (u mhux sa 25 %) mhuwiex possibbli li l-awtorità ta’ ġestjoni tapplika rata fissa aktar baxxa minn 25 % (u lanqas ogħla) abbażi tal-punt (c) tal-ewwel subparagrafu tal-Artikolu 68 tar-RDK. |
— |
Ir-Regolament ta’ Delega jelenka wkoll operazzjonijiet simili għal dawk taħt il-programm LIFE li jistgħu jużaw ir-rata fissa ta’ 7 % tal-kostijiet diretti kif stabbilit fl-Artikolu 124(4) tar-Regolament (UE, Euratom) Nru 966/2012 (45). |
Fiż-żewġ każijiet, jenħtieġ li ssir referenza għar-Regolament Delegat u għall-artikolu rilevanti fid-dokument li jistabbilixxi l-kundizzjonijiet għall-appoġġ. Barra minn hekk, politiki oħra tal-Unjoni mhux imsemmija fir-Regolament Delegat jistgħu jservu wkoll bħala bażi għall-applikazzjoni tal-SCOs skont l-Artikolu 68(c) tar-RDK.
Minn skemi għal għotjiet iffinanzjati kompletament mill-Istati Membri (46)
Il-prinċipju huwa l-istess bħal fil-każ tal-għażliet użati fil-politiki tal-Unjoni (ara hawn fuq). Madankollu, minflok ma jiġu applikati l-metodi tal-politiki tal-Unjoni, jiġu applikati metodi nazzjonali għall-għażliet ta’ spejjeż simplifikati. Għażliet ta’ spejjeż simplifikati użati taħt skemi ta’ appoġġ nazzjonali (bħal boroż ta’ studju, allokazzjonijiet ta’ kuljum) jistgħu jintużaw mingħajr kalkoli addizzjonali. Il-metodi nazzjonali użati mhux se jkunu soġġetti għal awditi; l-awditi se jivvalutaw biss jekk il-metodu magħżul huwiex iġġustifikat sew u kif jiġi applikat.
Il-metodi nazzjonali applikabbli kollha jistgħu jintużaw għal operazzjonijiet u benefiċjarji simili appoġġati mill-Fondi SIE bil-kundizzjoni li dawn il-metodi jintużaw ukoll għal operazzjonijiet appoġġati kompletament minn fondi nazzjonali. Pereżempju, operazzjoni li tappoġġa apprendistati ffinanzjati kompletament minn riżorsi nazzjonali/reġjonali tista’ titqies bħala skema nazzjonali.
Jekk il-metodu jiġi mmodifikat matul il-perjodu ta’ programmazzjoni, jenħtieġ li tapplika l-istess modifika iżda biss għall-proġetti tal-Fondi SIE magħżula skont sejħiet imnedija wara l-modifika.
Barra minn hekk, metodi nazzjonali li ma tkomplewx jistgħu ma jintużawx. Jekk il-metodu jiġi mmodifikat / jitwaqqaf matul il-perjodu ta’ programmazzjoni, imbagħad l-istess modifika jenħtieġ li tapplika iżda biss għall-proġetti tal-Fondi SIE magħżula skont sejħiet imnedija wara l-modifika / il-waqfien. Madankollu, jekk il-metodu jitwaqqaf matul il-perjodu ta’ programmazzjoni, il-metodu jista’ japplika biss għall-proġetti tal-Fondi SIE magħżula taħt sejħiet imnedija qabel il-waqfien.
Jistgħu jintużaw ukoll metodi ta’ kalkolu reġjonali jew lokali oħra iżda normalment għandhom jiġu applikati għaż-żona ġeografika li fiha jkunu qed jintużaw.
Meta terġa’ tuża metodu nazzjonali eżistenti, l-awtorità ta’ ġestjoni jenħtieġ li tiżgura u tiddokumenta l-istess informazzjoni li hija meħtieġa għall-użu mill-ġdid ta’ metodu tal-UE:
— |
il-metodu jintuża mill-ġdid fl-intier tiegħu (pereżempju u fejn applikabbli, in-nefqa eliġibbli, il-kamp ta’ applikazzjoni) u mhux biss ir-riżultat tiegħu (somma f’daqqa ta’ EUR X); |
— |
normalment dan japplika għall-istess żona ġeografika jew waħda iżgħar (għaldaqstant, jekk metodoloġija tiġi applikata f’reġjun wieħed biss, din tista’ terġa’ tintuża mir-reġjun ikkonċernat iżda mhux minn reġjun ieħor ta’ dan l-Istat Membru fejn il-metodoloġija nazzjonali ma tkunx applikabbli); |
— |
il-metodu jiġi applikat għal tipi simili ta’ operazzjonijiet u benefiċjarji; |
— |
referenza għall-metodu u ġustifikazzjoni li dan il-metodu qed jintuża għal operazzjonijiet appoġġati minn sorsi nazzjonali. |
Rati fissi mill-perjodu 2007-2013
Rati fissi għall-kalkolu tal-kostijiet indiretti stabbiliti fil-perjodu 2007-2013 li ġew ivvalutati u approvati mis-servizzi tal-Kummissjoni jistgħu jkomplu jiġu applikati matul il-perjodu 2014-2020. Meta l-programm attwali tal-FSE jew tal-FEŻR juża l-istess sistema u jkompli jappoġġa l-istess tipi ta’ operazzjonijiet, fl-istess żona ġeografika, imbagħad is-servizzi tal-Kummissjoni se jqisu l-approvazzjoni ex ante mogħtija għall-perjodu 2007-2013, permezz ta’ ittra ffirmata mid-Direttorat Ġenerali rilevanti, bħala valida għall-perjodu 2014-2020. Kwalunkwe emenda tal-metodoloġija approvata tkun ir-responsabbiltà tal-Istat Membru.
Kif għandu jiġi vvalutat jekk it-tipi ta’ operazzjonijiet u l-benefiċjarji humiex simili?
L-Artikolu 67(5) (b) u (c) tar-RDK jipprovdi l-possibbiltà li Stat Membru juża mill-ġdid metodi ta’ kalkolu eżistenti u l-ispejjeż unitarji korrispondenti, is-somom f’daqqa u r-rati fissi applikabbli għal tipi simili ta’ operazzjonijiet u benefiċjarji. Fir-RDK ma hemm l-ebda indikazzjoni ta’ x’inhu mifhum bis-similarità tal-operazzjonijiet u/jew tal-benefiċjarji. Huwa f’idejn l-awtorità ta’ ġestjoni li tivvaluta jekk f’każ partikolari l-kundizzjoni ta’ similarità hijiex issodisfata. Bħala eżempju, operazzjoni u l-benefiċjarju tagħha diġà eliġibbli taħt skema jistgħu jitqiesu bħala simili għall-operazzjoni u l-benefiċjarju inkwistjoni u l-metodu ta’ kalkolu u l-ispejjeż unitarji / ir-rati fissi / is-somom f’daqqa korrispondenti ta’ dik l-iskema jistgħu jerġgħu jintużaw fl-operazzjoni inkwistjoni. Bħala prinċipju ġenerali, jenħtieġ li jitqiesu l-elementi kollha tal-metodu li jista’ jkollhom impatt fuq l-ispiża unitarja / is-somma f’daqqa / ir-rata fissa. Huwa meħtieġ eżami każ b’każ.
4.5. L-użu ta’ rati stabbiliti mir-RDK jew mir-regoli speċifiċi għall-Fondi
L-Artikolu 67(5)(d) tar-RDK
Ir-RDK u r-regolamenti speċifiċi għall-Fondi jispeċifikaw għadd ta’ rati fissi speċifiċi. L-intenzjoni hija li tingħata ċertezza legali u li jitnaqqas l-ammont ta’ xogħol inizjali jew il-ħtieġa ta’ data disponibbli biex tiġi stabbilita sistema b’rata fissa minħabba li ma hemm l-ebda rekwiżit biex isir kalkolu biex jiġu ddeterminati r-rati applikabbli. Madankollu, dawn il-metodi mhumiex adattati għat-tipi kollha ta’ operazzjonijiet.
Ir-rata fissa stabbilita skont il-punt (b) tal-ewwel subparagrafu tal-Artikolu 68 tar-RDK li tapplika għall-ħames Fondi SIE hija rata massima. L-Istati Membri jistgħu jużaw din ir-rata jew rata aktar baxxa, mingħajr ma jkollhom għalfejn jagħmlu kalkolu speċifiku. Madankollu, jekk l-awtorità ta’ ġestjoni tiddeċiedi li ma tapplikax l-istess rata għall-benefiċjarji kollha ta’ sejħa għal proposti, din jenħtieġ li tkun tista’ turi li l-prinċipju ta’ trattament ugwali u ta’ nondiskriminazzjoni ġie rrispettat.
4.6. Adattament ta’ rati fissi, somom f’daqqa u skali standard ta' spejjeż għal kull unità fil-ħin
L-Artikolu 67 tar-RDK ma jinkludi l-ebda dispożizzjoni dwar l-adattament tal-għażliet ta’ spejjeż simplifikati. Għalhekk, l-adattament mhuwiex obbligatorju. Madankollu, huwa rrakkomandat li l-awtorità ta’ ġestjoni tadatta l-għażliet ta’ spejjeż simplifikati meta tniedi sejħa ġdida għal proposti jew tagħmel dan perjodikament sabiex tqis indiċjar jew bidliet ekonomiċi eż. fl-ispejjeż tal-enerġija, il-livelli ta’ salarji, eċċ. Il-Kummissjoni tissuġġerixxi li fil-metodoloġija jiġu stabbiliti xi adattamenti awtomatiċi (pereżempju abbażi tal-inflazzjoni, jew l-evoluzzjoni tas-salarji). Għalhekk, l-għażla ta’ spiża ssimplifikata tibqa’ indikatur affidabbli tal-ispejjeż reali.
Ammonti adattati jenħtieġ li japplikaw biss għal proġetti jew għall-fażijiet ta’ proġetti li se jiġu implimentati fil-futur, mhux b’mod retrospettiv. Għall-operazzjonijiet pluriennali, jista’ jiġi previst adattament annwali fid-dokument li jistabbilixxi l-kundizzjonijiet għall-appoġġ.
Għal kwalunkwe reviżjoni li ssir, jenħtieġ li jkun hemm dokumentazzjoni ta’ sostenn adegwata biex jiġu ġġustifikati r-rati jew l-ammonti adattati disponibbli fl-awtorità ta’ ġestjoni.
4.7. Metodi speċifiċi għad-determinazzjoni tal-ammonti stabbiliti f’konformità mar-Regoli speċifiċi għall-fondi
L-Artikolu 67(5)(e) tar-RDK
Jistgħu jiġu stabbiliti metodi addizzjonali mir-Regolamenti speċifiċi għall-fondi. Qabel id-dħul fis-seħħ tar-Regolament Omnibus, l-Artikolu 14(2) tal-FSE ddefinixxa rata fissa sa 40 % tal-kostijiet diretti eliġibbli tal-persunal biex ikopri l-kostijiet eliġibbli li jifdal ta’ operazzjoni. Dan l-artikolu tħassar bir-Regolament Omnibus u ġie ssostitwit bl-Artikolu 68b tar-RDK (ara t-taqsima 3.1.2.3).
KAPITOLU 5
Konsegwenzi għall-awditjar u l-kontroll
5.1. Il-ħtieġa ta’ approċċ komuni għall-awditjar u l-kontroll
Għażliet ta’ spejjeż simplifikati jirrikjedu approssimazzjoni ex ante tal-ispejjeż ibbażata fuq, pereżempju, data storika jew statistika. Peress li huma ammonti medji jew medjani, jew ir-riżultat ta’ metodoloġiji oħra statistikament tajba, huwa inerenti li l-SCOs jistgħu jikkumpensaw iżżejjed jew jikkumpensaw b’mod insuffiċjenti sa punt limitat l-ispejjeż attwali mġarrba u mħallsa mill-benefiċjarji. Madankollu, dan jitqies aċċettabbli skont ir-regoli applikabbli peress li l-SCOs stabbiliti fuq metodoloġija korretta jitqiesu bħala indikatur affidabbli għall-ispejjeż reali; kwalunkwe kumpens żejjed bħal dan ma jikkostitwixxix profitt.
Meta jiġu applikati l-SCOs, il-kontrolli u l-awditi ma jivverifikawx ex post il-fatturi u l-ammonti mħallsa mill-benefiċjarji; dawn se jivverifikaw li l-metodoloġija li tistabbilixxi l-SCO ex ante hija konformi mar-regoli applikabbli u li hija applikata b’mod korrett.
Dan il-kapitolu jiddeskrivi l-approċċ għall-verifiki tal-ġestjoni u l-awditi tal-għażliet ta’ spejjeż simplifikati. L-Istati Membri huma mħeġġa wkoll iqisu r-rekwiżiti ewlenin żviluppati b’mod konġunt mill-QEA u mis-servizzi tal-Kummissjoni responsabbli għall-FSIE u li huma rilevanti għall-korpi kollha li jużaw u jikkontrollaw l-SCOs (47).
Meta jivverifikaw u jawditjaw l-għażliet ta’ spejjeż simplifikati, l-awtoritajiet nazzjonali huma mħeġġa jżommu approċċ komuni sabiex jiżguraw trattament uniformi meta jfasslu konklużjonijiet dwar il-legalità u r-regolarità tan-nefqa ddikjarata.
5.2. Ir-rwol tal-awtorità tal-awditjar fit-tfassil tal-SCO
Huwa rrakkomandat ħafna li l-awdituri nazzjonali jwettqu valutazzjoni ex-ante tat-tfassil tal-għażliet ta’ spejjeż simplifikati u jipprovdu r-riżultat tal-valutazzjoni tagħhom qabel l-implimentazzjoni. Hija r-responsabbiltà unika tal-awtorità ta’ ġestjoni li tiddefinixxi l-metodoloġija tal-SCO u l-parametri tagħha; madankollu, valutazzjoni u validazzjoni ex-ante ta’ din il-metodoloġija u l-kalkolu tagħha mill-awtorità tal-awditjar jew mill-korp taċ-ċertifikazzjoni (għall-FAEŻR) iżidu b’mod sinifikanti l-kwalità tal-SCOs, soġġett għall-konformità mal-prinċipju tas-separazzjoni tal-funzjonijiet stabbilit fl-Artikolu 72(b) tar-RDK.
Meta jipprovdu tali valutazzjoni, l-awdituri jwettqu servizz ta’ konsulenza li ma jfixkilx l-imparzjalità tagħhom meta l-ispejjeż tal-awditjar iddikjarati fuq il-bażi ta’ SCO matul l-implimentazzjoni aktar tard. Jekk il-valutazzjoni tal-konformità ex ante titwettaq f’biżżejjed dettall u f’qafas definit sew u l-awtorità tal-awditjar jew il-korp taċ-ċertifikazzjoni jasal għal konklużjoni pożittiva (jiġifieri validazzjoni formali tal-metodoloġija SCO), l-awtorità tal-awditjar jew il-korp taċ-ċertifikazzjoni jista’ juża r-riżultat tal-valutazzjoni tiegħu għall-awditi (tal-assigurazzjoni) futuri, meta l-operazzjonijiet jiġu inklużi fil-kampjun fejn jiġu applikati l-SCOs.
Għall-programm, dan l-approċċ għandu l-vantaġġ li jipprovdi ċ-ċertezza legali mixtieqa u jgħin fil-prevenzjoni ta’ żbalji sistemiċi li jista’ jkollhom konsegwenzi finanzjarji jekk jiġu identifikati biss matul l-implimentazzjoni.
5.3. Verifiki ġenerali tal-ġestjoni u approċċ tal-awditjar
Meta jintużaw spejjeż simplifikati, għall-finijiet tad-determinazzjoni tal-legalità u tar-regolarità tan-nefqa, kemm l-awditi u l-kontrolli tal-Kummissjoni kif ukoll dawk nazzjonali se jivverifikaw it-tfassil korrett tal-metodoloġija, il-kalkolu tar-rati jew tal-ammonti (jekk applikabbli) u l-applikazzjoni korretta tagħhom.
Ir-Regolament Omnibus ċċara, fl-emendi tiegħu għall-Artikolu 125(4)(a) tar-RDK, il-kamp ta’ applikazzjoni tal-verifiki li għandhom jitwettqu mill-awtorità ta’ ġestjoni fir-rigward tal-ispejjeż rimborżati skont l-għażliet ta’ spejjeż simplifikati. Għalhekk, l-Artikolu 125(4)(a) tar-RDK jiddikjara li l-awtorità ta’ ġestjoni għandha tivverifika li l-prodotti u s-servizzi kofinanzjati jkunu twasslu […], li [l-operazzjoni] tikkonforma mal-liġi applikabbli, il-programm operazzjonali u l-kundizzjonijiet għas-sostenn tal-operazzjoni.
Barra minn hekk, l-Artikolu 125(4)(a)(ii) tar-RDK jiddikjara li għall-ispejjeż rimborżati abbażi ta’ għażliet ta’ spejjeż simplifikati, verifiki ta’ ġestjoni (u, bħala konsegwenza, awditi) għandu jkollhom l-għan li jivverifikaw li l-kundizzjonijiet għar-rimborż tan-nefqa lill-benefiċjarju jkunu ġew issodisfati (pereżempju, kif stabbilit fil-ftehim ta’ għotja).
Għan-nefqa rimborżata abbażi tal-SCOs, ir-rekwiżit tal-Artikolu 125(4) tar-RDK li l-prodotti u s-servizzi kofinanzjati jkunu twasslu ma jimplikax li l-awditi jenħtieġ li jivverifikaw jew jitolbu dokumentazzjoni tal-ispejjeż sottostanti.
Għall-FAEŻR, l-Artikolu 48(2)(d) tar-Regolament ta’ Implimentazzjoni (UE) Nru 809/2014 jispeċifika li l-kontrolli amministrattivi għandhom jivverifikaw l-eliġibbiltà tal-ispejjeż tal-operazzjoni, inkluża l-konformità mal-kategorija tal-ispejjeż jew mal-metodu ta’ kalkolu li għandu jintuża meta l-operazzjoni tkun parti mill-Artikolu 67(1)(b), (c) u (d) tar-RDK jew tkun taqa’ taħtu. Barra minn hekk, skont il-paragrafu (3)(b) tal-istess dispożizzjoni, l-ispejjeż imġarrba u l-pagamenti magħmula ma għandhomx jiġu vverifikati meta tiġi applikata formola jew metodu kif imsemmi fl-Artikolu 67(1)(b), (c) u (d) tar-RDK.
Għalhekk, il-kamp ta’ applikazzjoni tal-verifiki ta’ ġestjoni u tal-awditi dwar in-nefqa għar-rimborż abbażi ta’ metodoloġija tal-SCO se jkopri l-outputs/ir-riżultati tanġibbli għall-ispejjeż unitarji u għas-somom f’daqqa, u l-ispejjeż bażi fil-każ ta’ finanzjament b’rata fissa. Il-verifiki u l-awditi tal-ġestjoni mhumiex se jkopru l-fatturi individwali u l-proċeduri speċifiċi tal-akkwist pubbliku li huma l-bażi tan-nefqa rimborżata abbażi ta’ għażliet ta’ spejjeż simplifikati. B’konsegwenza ta’ dan, dawn id-dokumenti finanzjarji jew tal-akkwist sottostanti ma għandhomx jintalbu bil-għan li jiġu vverifikati l-ammonti (nefqa) imġarrba u mħallsa mill-benefiċjarju.
L-awditjar u l-kontroll se jitwettqu f’żewġ livelli:
1) |
Verifika tal-istabbiliment korrett tal-metodu tal-kalkolu għall-istabbiliment tal-għażla ta’ spejjeż simplifikati, u |
2) |
Verifika tal-applikazzjoni korretta tar-rata/i u l-ammont(i) stabbiliti. |
5.3.1 Verifika tal-istabbiliment korrett tal-metodu tal-kalkolu għall-għażla ta’ spejjeż simplifikati
Il-verifika tal-metodu tal-kalkolu ġeneralment titwettaq għal programm (jew partijiet minnu) jew diversi programmi taħt ir-responsabbiltà ta’ awtorità ta’ ġestjoni jew ta’ korp intermedjarju. Għall-SCOs ibbażati fuq id-data tal-benefiċjarji stess f’konformità mal-Artikolu 67(5)(a)(ii) u (iii) u (aa) tar-RDK, dik il-verifika ssir għal benefiċjarji speċifiċi.
Fil-prattika, l-awtorità tal-awditjar tivverifika jekk l-għażla ta’ spejjeż simplifikati ġietx stabbilita f’konformità mar-rekwiżiti għall-metodi ta’ kalkolu speċifikati fl-Artikolu 67(5) tar-RDK u d-dispożizzjonijiet rilevanti ddefiniti mill-awtoritajiet tal-programm għal tali għażla ta’ spejjeż simplifikati.
Valutazzjoni dwar jekk il-metodoloġija żviluppata mill-awtorità ta’ ġestjoni kinitx ir-riżultat ta’ proċess analitiku lest b’mod diliġenti se tinkludi:
— |
il-verifika li l-informazzjoni dwar il-metodu ta’ kalkolu tiġi ddokumentata kif suppost, traċċabbli faċilment u tiġi applikata b’mod konsistenti; |
— |
il-verifika li l-kostijiet inklużi fil-kalkoli huma rilevanti u huma kostijiet eliġibbli, |
— |
il-verifika tal-affidabbiltà/il-preċiżjoni tad-data, |
— |
il-verifika li jeżistu l-kategoriji kollha ta’ spejjeż li huma koperti mill-SCO, u |
— |
il-valutazzjoni tad-deskrizzjoni dettaljata tal-passi mwettqa meta tiġi stabbilita l-għażla ta’ spejjeż simplifikati. |
L-awditjar tal-metodu ta’ kalkolu jiffoka fuq il-verifika tal-issodisfar tal-kundizzjonijiet biex tiġi stabbilita metodoloġija u ma jitfax dubju fuq ir-raġunijiet għall-għażla ta’ metodoloġija speċifika fuq oħra. L-għażla tal-metodu tibqa’ r-responsabbiltà unika tal-awtorità ta’ ġestjoni. L-awtorità ta’ ġestjoni jenħtieġ li żżomm rekords adegwati tal-metodu tal-kalkolu stabbilit u jenħtieġ li tkun tista’ turi l-bażi li fuqha ġew stabbiliti r-rati fissi, skali standard ta' spejjeż għal kull unità jew is-somom f’daqqa. Ir-rekords miżmuma għad-dokumentazzjoni tal-metodu tal-kalkolu se jkunu soġġetti għar-rekwiżiti tar-Regolamenti fis-seħħ (l-Artikoli 82, 87 u 88 tar-Regolament (UE) Nru 1306/2013 għall-FAEŻR u l-Artikolu 140 tar-RDK għall-Fondi SIE l-oħra).
Għar-rati fissi, is-somom f’daqqa u l-ispejjeż unitarji li huma stabbiliti fir-RDK jew regolamenti speċifiċi għall-Fond li ma jirrikjedux kalkolu biex tiġi ddeterminata r-rata applikabbli, l-awditi se jiffokaw fuq id-definizzjoni ta’ kategoriji ta’ spejjeż (eż. spiża diretta, spiża indiretta, spiża diretta tal-persunal). Ma hemm l-ebda bażi ġuridika biex jintalbu dokumenti sottostanti għall-SCOs stabbiliti fir-RDK (eż. l-awdituri ma jistgħux jitolbu lill-benefiċjarji biex jipprovdu fatturi għall-ispejjeż reali biex jivverifikaw jekk tabilħaqq il-benefiċjarju kienx ġarrab kostijiet indiretti ta’ 15 % meta ġie applikat il-punt (b) tal-ewwel subparagrafu tal-Artikolu 68 tar-RDK).
5.3.2. Verifika tal-applikazzjoni korretta tal-metodu
— |
Meta tintuża rata fissa, spiża unitarja jew somma f’daqqa ma hemmx bżonn li jiġu ġġustifikati l-ispejjeż reali tal-kategoriji tan-nefqa koperti mill-għażliet ta’ spejjeż simplifikati inkluż, fejn applikabbli, id-deprezzament u l-kontribuzzjonijiet in natura. Il-kontribuzzjonijiet in natura msemmija fl-Artikolu 69(1) tar-RDK jistgħu jitqiesu għall-kalkolu tal-valur ta’ rata fissa, spiża għal kull unità bi skala standard jew somma f’daqqa. Madankollu, meta tiġi applikata l-għażla ta’ spejjeż simplifikati, ma hemmx bżonn li tiġi vverifikata l-eżistenza tal-kontribuzzjonijiet in natura, u, b’konsegwenza ta’ dan, li d-dispożizzjonijiet tal-Artikolu 69(1) tar-RDK huma ssodisfati. |
— |
Kif iddikjarat hawn fuq, il-verifiki tal-metodu ta’ kalkolu ġeneralment jitwettqu fil-livell tal-awtorità ta’ ġestjoni (skont il-metodi użati) jew tal-korp intermedjarju, filwaqt li l-verifika tal-applikazzjoni korretta tal-metodu stabbilit issir fil-livell tal-benefiċjarju. |
5.3.2.1.
Il-verifika tal-applikazzjoni korretta tas-sistema ta’ finanzjament b’rata fissa se tinvolvi verifika tal-kategoriji tal-ispejjeż tal-operazzjoni li għalihom tiġi applikata r-rata fissa, jiġifieri, l-hekk imsejħa “spejjeż bażi”, jew tal-kalkolu tagħhom meta jintużaw għażliet oħrajn ta’ spejjeż simplifikati biex dawn jiġu stabbiliti. Fejn rilevanti, din se tinvolvi wkoll verifika ta’ kategoriji oħra ta’ kostijiet eliġibbli li ma jitqisux fis-sistema ta’ finanzjament b’rata fissa (jiġifieri, kostijiet eliġibbli li għalihom ma tiġix applikata r-rata fissa). Madankollu, ma hemm l-ebda verifika fuq l-ispejjeż attwali mġarrba mill-benefiċjarju jew dokumenti ta’ sostenn (finanzjarji) relatati għall-ammonti rimborżati abbażi ta’ rata fissa.
Is-sistemi nazzjonali jenħtieġ li jipprovdu definizzjoni ċara u inekwivokabbli tal-kategoriji tal-kostijiet jew lista stabbilita minn qabel tal-kategoriji kollha ta’ kostijiet eliġibbli li fuqhom hija bbażata r-rata fissa (u fejn rilevanti l-kategoriji l-oħra ta’ spejjeż eliġibbli).
Il-kompitu tal-awdituri meta jivverifikaw l-applikazzjoni korretta tar-rati fissi huwa:
— |
Li jeżaminaw ir-regoli tal-programm dwar din l-għażla u l-ftehimiet li jsiru mal-benefiċjarju, sabiex jiġi vverifikat li:
|
— |
Biex jiġu kkontrollati l-“ispejjeż bażi”, pereżempju n-nefqa ddikjarata abbażi tal-ispiża reali, li għaliha tiġi applikata r-rata fissa, sabiex jiġi vverifikat li:
|
5.3.2.2.
Il-verifika tal-applikazzjoni korretta tal-iskali standard ta' spejjeż għal kull unità se tinkludi valutazzjoni biex jiġi aċċertat jekk ġewx issodisfati l-kundizzjonijiet stabbiliti f’termini ta’ proċess, ta’ outputs u/jew ta’ riżultati għar-rimborż tal-ispejjeż.
Il-kompitu tal-awditur se jinkludi kontrolli:
— |
li l-unitajiet mogħtija mill-proġett fis-sens ta’ inputs, outputs ikkwantifikati, jew riżultati koperti mill-ispiża unitarja jiġu ddokumentati u għalhekk verifikabbli u huma reali; kif ukoll |
— |
li l-ammont iddikjarat huwa daqs l-ispiża unitarja stabbilita mmultiplikata bl-unitajiet attwali kkonsenjati mill-proġett. |
— |
Jekk jiġu stabbiliti kundizzjonijiet oħra fid-dokument li jistabbilixxi l-kundizzjonijiet għall-appoġġ, l-awdituri se jivverifikaw ukoll l-issodisfar ta’ dawk il-kundizzjonijiet. |
L-awdituri u l-kontrolluri ma jenħtiġux jaċċettaw spejjeż unitarji li jkunu tħallsu u ġew iddikjarati lill-Kummissjoni minn qabel, mingħajr l-implimentazzjoni minn qabel tal-parti korrispondenti tal-proġett. Il-benefiċjarju huwa obbligat biss li jirrapporta u jagħti prova tal-għadd ta’ unitajiet ikkonsenjati, u mhux tal-ispiża attwali sottostanti.
5.3.2.3.
Fil-każ ta’ somom f’daqqa, ir-realizzazzjoni tal-operazzjoni hija essenzjali biex il-pagament jitwaqqaf. Għalhekk huwa essenzjali li tinkiseb assigurazzjoni li l-outputs / ir-riżultati rrapportati huma reali. Għalhekk, il-kontroll jikkonsisti fil-verifika ta’ jekk il-passi miftiehma (stadji importanti, jekk applikabbli) tal-proġett ikunux tlestew bis-sħiħ u li l-outputs/ir-riżultati jkunu ngħataw f’konformità mal-kundizzjonijiet stabbiliti mill-awtoritajiet tal-programm (l-outputs/ir-riżultati jeħtieġ li jiġu ddokumentati). L-ispejjeż attwali mġarrba mill-benefiċjarju fir-rigward tal-outputs/tar-riżultati mogħtija mhux se jiġu vverifikati.
5.3.2.4.
Fil-każ ta’ kombinament ta’ SCOs, minbarra l-kontrolli meħtieġa għat-tipi individwali ta’ spejjeż simplifikati deskritti hawn fuq, l-awditu u l-kontroll jeħtieġ li jikkonfermaw li l-ispejjeż kollha tal-operazzjoni jiġu ddikjarati darba biss. Dan jinkludi l-verifika li l-metodoloġiji applikati jiżguraw li l-ebda nefqa ta’ operazzjoni ma tista’ titħallas taħt aktar minn tip wieħed ta’ SCO u, jekk applikabbli, kostijiet diretti (dikjarazzjoni doppja tal-kostijiet, pereżempju kemm bħala kostijiet diretti kif ukoll indiretti).
5.3.3. Żbalji jew irregolaritajiet potenzjali marbuta mal-użu tal-SCOs
Is-sejbiet li jistgħu jitqiesu bħala żbalji jew irregolaritajiet jinkludu dan li ġej:
— |
Il-metodoloġija użata għall-kalkolu tal-SCOs ma tirrispettax il-kundizzjonijiet regolatorji; |
— |
Ir-riżultati tal-metodu ta’ kalkolu ma ġewx irrispettati meta ġew stabbiliti u applikati r-rati; |
— |
Benefiċjarju ma jkunx osserva r-rati stabbiliti jew ikun iddikjara kostijiet ineliġibbli mhux inklużi fil-kategoriji tal-kostijiet eliġibbli stabbiliti mill-awtorità ta’ ġestjoni; |
— |
Dikjarazzjoni doppja tal-istess element ta’ spiża: bħala kost “bażi” (ikkalkulata abbażi tal-prinċipju tal-ispiża reali, somma f’daqqa jew spiża unitarja) u bħala kostijiet eliġibbli “kkalkulati” (inklużi fir-rata fissa); |
— |
Meta l-“kostijiet bażi” jitnaqqsu mingħajr tnaqqis proporzjonali tal-kostijiet eliġibbli “kkalkulati” (inklużi fir-rata fissa); |
— |
Nuqqas ta’ dokumenti ta’ sostenn biex jiġġustifikaw l-eżiti, jew l-eżiti jkunu biss parzjalment iġġustifikati iżda mħallsa kompletament. |
Jekk irregolarità fil-kategoriji tal-kostijiet eliġibbli li għalihom tiġi applikata rata fissa tiġi identifikata f’awditu jew matul il-verifika tal-ġestjoni, l-kostijiet eliġibbli kkalkulati jeħtieġ li jitnaqqsu wkoll.
Eżempju (FEŻR): Muniċipalità tirċievi għotja għal ammont massimu ta’ EUR 1 000 000 tal-kostijiet eliġibbli għall-kostruzzjoni ta’ triq.
It-talba għall-pagament għall-proġett hija kif ġej:
Proġett 1: xogħol (proċedura ta’ akkwist pubbliku) |
EUR 700 000 |
Proġett 2: spejjeż oħra: |
EUR 300 000 |
Kostijiet diretti tal-persunal (tip 1) |
EUR 50 000 |
Kostijiet diretti oħra (tip 3) |
EUR 242 500 |
Kostijiet indiretti (tip 2) |
Kostijiet diretti tal-persunal × 15 % = EUR 7 500 |
Kostijiet totali ddikjarati |
EUR 1 000 000 |
In-nefqa ddikjarata mill-benefiċjarju tiġi vverifikata mill-awtorità ta’ ġestjoni. In-nefqa ineliġibbli tinstab fil-kostijiet diretti tal-persunal iddikjarati.
It-talba għall-pagament aċċettata hija kif ġej:
Proġett 1: xogħol (proċedura ta’ akkwist pubbliku) |
EUR 700 000 |
Proġett 2: spejjeż oħra: |
EUR 300 000 288 500 |
Kostijiet diretti tal-persunal (tip 1) |
EUR 50 000 40 000 |
Kostijiet diretti oħra (tip 3) |
EUR 242 500 |
Kostijiet indiretti (tip 2) |
Kostijiet diretti tal-persunal × 15 % = EUR 7 500 6 000 |
Kostijiet eliġibbli totali wara tnaqqis pro rata: |
EUR 1 000 000 988 500 |
Eżempju (FSE): Titħallas spiża unitarja ta’ EUR 5 000 għal kull trainee li jlesti t-taħriġ.
It-taħriġ jibda f’Jannar, jispiċċa f’Ġunju u 20 persuna huma mistennija jattendu. L-ammont tan-nefqa eliġibbli mistennija huwa ta’ 20 × EUR 5 000 = EUR 100 000. Kull xahar, il-fornitur tat-taħriġ jibgħat fattura li tikkorrispondi għal 10 % tal-għotja: EUR 10 000 fl-aħħar ta’ Jannar, EUR 10 000 fl-aħħar ta’ Frar, eċċ.
Madankollu, minħabba li l-ebda trainee ma jkun temm it-taħriġ qabel l-aħħar ta’ Ġunju, dawn il-pagamenti kollha jitqiesu bħala avvanzi u ma jistgħux jiġu ddikjarati lill-Kummissjoni. Huwa biss wara li jintwera li xi persuni lestew it-taħriġ li ammont jista’ jiġi ċċertifikat lill-Kummissjoni: pereżempju, jekk 15-il persuna jkunu temmew it-taħriġ, imbagħad 15 × EUR 5 000 = EUR 75 000 jistgħu jiġu ċċertifikati lill-Kummissjoni.
(1) Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni
(2) Ir-Regolament (UE) Nru 1303/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni, il-Fond Agrikolu Ewropew għall-Iżvilupp Rurali u l-Fond Ewropew għall-Affarijiet Marittimi u s-Sajd u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006
(3) Ir-Regolament (UE) Nru 1304/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Soċjali Ewropew u li jħassar ir-Regolament tal-Kunsill (KE) Nru 1081/2006
(4) It-tieni laqgħa tal-Grupp ta’ Esperti ta’ livell Għoli dwar il-Monitoraġġ tas-Simplifikazzjoni għall-Benefiċjarji tal-Fondi SIE
(5) Nota ta’ gwida ddedikata tkopri dawn iż-żewġ strumenti.
(6) Il-Fond Soċjali Ewropew (FSE), il-Fond Ewropew għall-Iżvilupp Reġjonali (FEŻR), il-Fond Agrikolu Ewropew għall-Iżvilupp Rurali (FAEŻR), il-Fond Ewropew għall-Affarijiet Marittimi u s-Sajd (FEMS), il-Fond ta’ Koeżjoni (FK).
(7) Disponibbli hawn: https://www.eca.europa.eu/mt/Pages/DocItem.aspx?did=46515
(8) Ir-Rapport annwali dwar l-implimentazzjoni tal-baġit, (2017)C 332/01, il-Qorti Ewropea tal-Awdituri.
(9) Disponibbli hawn: https://www.eca.europa.eu/Lists/ECADocuments/SR18_11/SR_SCO_MT.pdf
(10) Jenħtieġ li jiġi nnotat li l-RDK jipprevedi wkoll għażliet ta’ spejjeż simplifikati li jistgħu jintużaw mill-awtorità ta’ ġestjoni mingħajr il-ħtieġa li jsir xi kalkolu. Għalhekk, f’dawn il-każijiet, dawn jistgħu jintużaw anki jekk ma jkun hemm l-ebda data affidabbli disponibbli għal ċertu tip ta’ operazzjonijiet.
(11) U l-Artikolu 14(4) tar-Regolament dwar il-FSE qabel id-dħul fis-seħħ tar-Regolament Omnibus
(12) Għall-FSE din hija bidla importanti meta mqabbla mar-regola stabbilita fl-Artikolu 14(4) tar-Regolament dwar il-FSE, qabel ir-Regolament Omnibus.
(13) Din ir-rata fissa - li issa hija applikabbli għall-Fondi SIE kollha - hija ispirata mill-Artikolu 14(2) tar-Regolament dwar il-FSE preċedenti, li kien applikabbli biss għall-FSE u li tħassar permezz tar-Regolament Omnibus. Għall-kuntrarju tal-Artikolu 14(2) tar-Regolament dwar il-FSE, skont l-Artikolu 68b(1) tar-RDK, għal operazzjonijiet appoġġati mill-FSE, mill-FEŻR u mill-FAEŻR, li issa huma applikabbli għall-Fondi SIE kollha, l-allokazzjonijiet u s-salarji mħallsa lill-parteċipanti jitqiesu bħala spejjeż eliġibbli addizzjonali għall-kostijiet ikkalkulati abbażi tar-rata fissa. Dawn mhumiex inklużi fil-“kostijiet eliġibbli li jifdal” li jiġu kkalkulati abbażi ta’ rata fissa ta’ 40 % tal-kostijiet diretti tal-persunal eliġibbli stabbiliti fl-Artikolu 68b (ara t-taqsima 3.1.2.3. dwar l-Artikolu 68b).
(14) Ara t-taqsima 2.2.3. li tipprovdi aktar gwida dwar l-applikazzjoni fiż-żmien tal-emendi introdotti mir-Regolament Omnibus.
(15) L-Artikolu 2(13) tar-RDK jiddefinixxi “Għajnuna mill-Istat” bħala għajnuna li taqa’ taħt l-Artikolu 107(1) tat-TFUE u li għall-finijiet ta’ dan ir-Regolament għandha titqies li tinkludi wkoll għajnuna de minimis fit-tifsira tar-Regolament tal-Kummissjoni (KE) Nru 1998/2006, ir-Regolament tal-Kummissjoni (KE) Nru 1535/2007 u r-Regolament tal-Kummissjoni (KE) Nru 875/2007. Ir-referenza għall-għajnuna mill-Istat fir-Regolament dwar il-FSE għandha tinftiehem bħal dik definita fir-RDK.
(16) Fil-verżjoni emendata bir-Regolament (UE) 2015/779 tal-Parlament Ewropew u tal-Kunsill.
(17) Għal spjegazzjoni dwar it-tipi differenti ta’ kostijiet fir-rigward tal-finanzjament b’rata fissa, ara t-taqsima 3.1.1.
(18) L-ispejjeż tal-litigazzjoni mhumiex eliġibbli fil-qafas tal-programmi tal-KTE flimkien mal-Artikolu 2(2) tar-Regolament Delegat tal-Kummissjoni (UE) Nru 481/2014.
(19) Ara d-dikjarazzjoni konġunta mill-Kunsill u mill-Kummissjoni dwar l-Artikolu 67 tar-RDK (li tinsab fil-COREPER/dokument tal-Kunsill 8207/12, ADD7 REV 1).
(20) Ir-Regolament tal-Kummissjoni (UE) Nru 651/2014 tas-17 ta’ Ġunju 2014 li jiddikjara li ċerti kategoriji ta' għajnuna huma kompatibbli mas-suq intern skont l-Artikoli 107 u 108 tat-Trattat (ĠU L 187, 26.6.2014, p. 1).
(21) L-Avviż tal-Kummissjoni dwar il-kunċett ta’ għajnuna mill-Istat kif imsemmi fl-Artikolu 107(1) tat-Trattat dwar il-Funzjonament tal-Unjoni Ewropea, ĠU C 262, 19.07.2016, p. 1.
(22) Ir-Regolament (UE) Nru 1407/2013 tat-18 ta’ Diċembru 2013 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis, ir-Regolament (UE) Nru 1408/2013 tat-18 ta’ Diċembru 2013 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis fis-settur tal-agrikoltura u r-Regolament (UE) Nru 717/2014 tas-27 ta’ Ġunju 2014 dwar l-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea għall-għajnuna de minimis fis-settur tas-sajd u tal-akkwakultura.
(23) L-Artikolu 65(8) tar-RDK.
(24) L-Artikolu 98(2) tar-RDK ġie emendat mir-Regolament Omnibus sabiex jiġi ċċarat li r-regoli kollha applikabbli għall-Fond l-ieħor japplikaw għall-FSE jew għall-FEŻR meta jintuża l-finanzjament reċiproku.
(25) Dan kien partikolarment rilevanti qabel id-dħul fis-seħħ tar-Regolament Omnibus peress li l-Artikolu 14(2) u (3) tal-FSE ppreveda dispożizzjonijiet speċifiċi dwar l-għażliet ta’ spejjeż simplifikati li kienu applikabbli biss għall-FSE (u li jistgħu japplikaw ukoll għal parti minn operazzjoni appoġġata mill-FEŻR f’konformità mal-Artikolu 98(2) tar-RDK, jiġifieri meta l-FEŻR ipprovda appoġġ għal attivitajiet tat-tip FSE. Bir-Regolament Omnibus, dawn id-dispożizzjonijiet ġew trasposti fir-RDK u issa huma applikabbli wkoll għall-FEŻR.
(26) Operazzjoni, f’konformità mal-Artikolu 2(9) tar-RDK, tfisser proġett, kuntratt, azzjoni jew grupp ta’ proġetti magħżula mill-awtorità ta’ ġestjoni.
(27) Din id-definizzjoni mhijiex applikabbli għall-KTE. Għal definizzjoni tal-KTE tal-ispejjeż tal-persunal, jekk jogħġbok irreferi għar-Regolament Delegat tal-Kummissjoni (UE) 481/2014.
(28) Ir-Regolament ta’ Delega tal-Kummissjoni (UE) Nru 480/2014, tat-3 ta’ Marzu 2014, li jissupplimenta r-Regolament (UE) Nru 1303/2013 (ĠU L 138, 13.5.2014, p.5).
(29) Il-kontribuzzjonijiet in natura fil-forma ta’ allokazzjonijiet jew salarji żborżati minn parti terza (għall-benefiċċju tal-parteċipanti f’operazzjoni) huma eliġibbli għal kontribuzzjoni mill-FSE dment li jiġu ssodisfati l-kundizzjonijiet stabbiliti f’dik id-dispożizzjoni, jiġifieri l-kontribuzzjonijiet in natura jsiru f’konformità mar-regoli nazzjonali, inklużi r-regoli tal-kontabbiltà, u ma jaqbżux l-ispiża mġarrba mill-parti terza.
(30) L-Artikolu 282(1) u (2) tar-Regolament (UE, Euratom) 2018/1046
(31) Il-kostijiet tal-persunal jistgħu jiġu stabbiliti wkoll b’metodoloġija differenti stabbilita fir-RDK, eż. spejjeż unitarji b’denominatur differenti minn 1 720 siegħa jistgħu jiġu stabbiliti abbażi tal-Artikolu 67(1)(b) u l-Artikolu 67(5) tar-RDK.
(32) Abbażi tal-Artikolu 18(1) tar-Regolament 1299/2013 dwar il-KTE, l-Artikolu 3 tar-Regolament Delegat tal-Kummissjoni (UE) 481/2014 jistabbilixxi regoli speċifiċi dwar l-eliġibbiltà tan-nefqa fuq il-kostijiet tal-persunal biex jiġi delimitat il-kontenut tal-kostijiet tal-impjiegi gross tal-persunal impjegat mill-benefiċjarju.
(33) Kumitat ta’ monitoraġġ fil-każ ta’ KTE.
(34) Ir-Regolament Delegat tal-Kummissjoni (UE) 2019/1867 tat-28 ta’ Awwissu 2019 li jissupplimenta r-Regolament (UE) Nru 1303/2013 tal-Parlament Ewropew u tal-Kunsill fir-rigward tal-istabbiliment ta’ finanzjament b’rata fissa - http://data.europa.eu/eli/reg_del/2019/1867/oj
(35) Għall-FAEŻR, il-metodoloġija jeħtieġ li tiġi applikata matul is-sena finanzjarja rispettiva.
(36) Din l-għażla kienet possibbli għal operazzjonijiet b’appoġġ pubbliku mhux ogħla minn EUR 100 000.
(37) L-Artikolu 67(6) tar-RDK.
(38) Għal appoġġ li ma jingħatax permezz ta’ sejħa għal proposti, dan jenħtieġ li jiġi ddikjarat fid-dokument ġenerali li jispeċifika l-metodoloġija tal-appoġġ.
(39) L-Artikolu 67(5) (a) tar-RDK.
(40) Irrispettivament minn meta l-metodoloġija tkun ġiet stabbilita skont l-Artikolu 67(5)(a) tar-RDK, sakemm tkun qed tintuża, din trid tkun verifikabbli.
(41) Il-metodi koperti minn din it-taqsima huma dawk stabbiliti fl-Artikolu 67(5)(a)(ii) u (iii) fir-RDK. L-abbozz tal-baġit imsemmi fl-Artikolu 14(3) tal-FSE (qabel ir-Regolament Omnibus) u l-Artikolu 67(5)(aa) tar-RDK ma jaqgħux taħt dawk ir-rekwiżiti.
(42) Dan l-abbozz ta’ baġit għandu skop illustrattiv biss. Jenħtieġ li dan ma jitqiesx bħala abbozz ta’ baġit dettaljat biżżejjed.
(43) Ir-Regolament ta’ Delega tal-Kummissjoni (UE) Nru 480/2014 tat-3 ta’ Marzu 2014 li jissupplimenta r-Regolament (UE) Nru 1303/2013 (ĠU L 138, 13.5.2014, p.5).
(44) L-Artikolu 29(1) tar-Regolament (UE) Nru 1290/2013 li jistabbilixxi r-regoli għall-parteċipazzjoni u t-tixrid f’“Orizzont 2020 - il-Programm Qafas għar-Riċerka u l-Innovazzjoni (2014-2020)”.
(45) L-Artikolu 124 tar-Regolament Nru 966/2012 ġie ssostitwit bl-Artikolu 181 tar-Regolament Omnibus:
6. L-uffiċjal awtorizzanti responsabbli jista’ jawtorizza jew jimponi, fil-forma ta’ rati fissi, finanzjament tal-kostijiet indiretti tal-benefiċjarju sa massimu ta’ 7 % tal-kostijiet diretti eliġibbli totali għall-azzjoni. Rata fissa ogħla tista’ tiġi awtorizzata b’deċiżjoni motivata tal-Kummissjoni. (…)
(46) L-Artikolu 67(5)(c) tar-RDK.
(47) https://www.eca.europa.eu/Lists/ECADocuments/SR18_11/SR_SCO_MT.pdf (Anness II - 1. Assigurazzjoni fuq l-SCOs u 2. Prestazzjoni tal-SCOs)
ANNESS I
Eżempji ta’ għażliet ta’ spejjeż simplifikati
Dan l-anness jipprovdi l-eżempju ta’ għotja lil benefiċjarju li beħsiebu jorganizza seminar għal 50 parteċipant biex jippreżenta għodod ta’ implimentazzjoni ġodda. Il-persunal iqatta’ ħin jippjana u jorganizza l-avveniment, jinkera post, xi kelliema jiġu minn barra l-pajjiż, u l-minuti tal-avveniment se jkollhom jiġu ppubblikati. Hemm ukoll kostijiet indiretti relatati mal-persunal (kostijiet tal-kontabbiltà, id-direttur, eċċ.) u l-elettriku, il-kontijiet tat-telefown, l-appoġġ tal-IT, eċċ.
L-abbozz tal-baġit fi “spejjeż reali” huwa kif ġej, u l-forma tiegħu se tinżamm għall-possibbiltajiet u l-għażliet kollha sabiex id-differenzi jkunu jistgħu jidhru b’mod aktar ċar:
Kostijiet Diretti totali |
135 000 |
|
Kostijiet Indiretti totali |
15 000 |
Kostijiet Diretti tal-persunal |
90 000 |
Kostijiet Indiretti tal-persunal |
12 000 |
|
Spejjeż tal-kamra |
12 000 |
Elettriku, telefown, eċċ. |
3 000 |
|
Kostijiet tal-ivvjaġġar |
15 000 |
|
|
|
Ikliet |
3 000 |
|
|
|
Informazzjoni / Pubbliċità |
15 000 |
|
|
Id-diversi modi kif dan il-proġett jiġi ttrattat, skont l-għażla ta’ spejjeż simplifikati magħżula, huma deskritti hawn taħt.
Possibbiltà 1: Skali standard ta' spejjeż għal kull unità (l-Artikolu 67(1)(b) tar-RDK)
Prinċipju: in-nefqa eliġibbli kollha jew parti minnha tiġi kkalkulata abbażi ta’ inputs, eżiti jew riżultati kkwantifikati mmultiplikati bi spiża unitarja definita minn qabel.
Għas-seminar, tista’ tiġi stabbilita spiża unitarja ta’ EUR 3 000 għal kull persuna li tattendi s-seminar (abbażi ta’ wieħed mill-metodi ta’ kalkolu tal-Artikolu 67(5) tar-RDK).
L-abbozz ta’ baġit isir:
Għadd massimu ta’ persuni li jattendu s-seminar = 50
Spiża unitarja / persuna li tattendi s-seminar = EUR 3 000
Kostijiet totali eliġibbli = 50 × EUR 3 000 = EUR 150 000.
Jekk 48 persuna jattendu s-seminar, il-kost eliġibbli huwa: 48 × EUR 3 000 = EUR 144 000
Rendikont tal-entrati:
— |
il-metodoloġija użata biex jiġi ddeterminat il-valur tal-ispiża għal kull unità bi skala standard jenħtieġ li tiġi ddokumentata u maħżuna; |
— |
id-dokument li jistabbilixxi l-kundizzjonijiet għall-appoġġ jeħtieġ li jkun ċar dwar l-ispiża għal kull unità bi skala standard u l-fatturi li jiskattaw il-pagament; |
— |
prova ta’ attendenza fis-seminar (skedi ta’ attendenza). |
Nota: |
F’dan il-każ, l-eliġibbiltà tal-parteċipanti ma għandhiex għalfejn tiġi vverifikata. Kull meta l-parteċipanti fil-mira jkollhom jikkonformaw ma’ profil speċifiku, l-eliġibbiltà tagħhom jenħtieġ li tiġi vverifikata. |
Possibbiltà 2: Somom f’daqqa (l-Artikolu 67(1) (c) tar-RDK)
Prinċipju: in-nefqa eliġibbli kollha jew parti minnha ta’ operazzjoni tiġi rimborżata abbażi ta’ ammont wieħed stabbilit minn qabel, f’konformità mat-termini definiti minn qabel ta’ ftehim dwar l-attivitajiet u/jew l-outputs (li jikkorrispondu għal unità waħda). L-għotja titħallas jekk it-termini ddefiniti minn qabel tal-ftehim dwar l-attivitajiet u/jew l-eżiti jitlestew.
Somma f’daqqa ta’ EUR 150 000 tista’ tiġi stabbilita għall -organizzazzjoni tas-seminar (indipendentement mill-għadd ta’ parteċipanti) biex jiġu ppreżentati għodod ta’ implimentazzjoni ġodda, ikkalkulati abbażi tal-metodi ta’ kalkolu speċifikati fl-Artikolu 67(5) tar-RDK.
L-abbozz ta’ baġit isir:
L-objettiv tas-somma f’daqqa = l-organizzazzjoni ta’ seminar biex jiġu ppreżentati għodod ta’ implimentazzjoni ġodda
Kost totali eliġibbli = EUR 150 000
Jekk is-seminar jiġi organizzat u jiġu ppreżentati għodod ta’ implimentazzjoni ġodda, is-somma f’daqqa ta’ EUR 150 000 hija eliġibbli. Jekk is-seminar ma jiġix organizzat jew ma jiġux ippreżentati għodod ta’ implimentazzjoni ġodda, ma jitħallas xejn.
Rendikont tal-entrati:
— |
il-metodoloġija użata biex jiġi ddeterminat il-valur tas-somma f’daqqa jenħtieġ li tiġi ddokumentata u maħżuna; |
— |
id-dokument li jistabbilixxi l-kundizzjonijiet għall-appoġġ jeħtieġ li jkun ċar dwar is-somom f’daqqa u l-fatturi li jiskattaw il-pagament; |
— |
hija meħtieġa prova tal-kunsinna tas-seminar u tal-kontenut tiegħu (artikli tal-gazzetti, stedina u programm, ritratti...). |
Possibbiltà 3: Finanzjament b’rata fissa (l-Artikolu 67(1) (d) tar-RDK)
N.B: |
l-ammonti li jirriżultaw mill-kalkoli huma arrotondati. |
Prinċipju ġenerali: Kategoriji speċifiċi ta’ kostijiet eliġibbli, li huma identifikati b’mod ċar minn qabel, huma kkalkulati bl-applikazzjoni ta’ perċentwal stabbilit ex-ante għal kategorija waħda jew aktar ta’ kostijiet eliġibbli.
Meta tqabbel sistemi ta’ finanzjament b’rata fissa, dejjem qabbel l-elementi kollha ta’ hawn taħt tal-metodu u mhux biss ir-rati fissi:
— |
kategoriji ta’ kostijiet eliġibbli li għalihom se tiġi applikata r-rata fissa (il-“bażi”); |
— |
ir-rata fissa nnifisha; |
— |
kategoriji ta’ kostijiet eliġibbli kkalkulati bir-rata fissa; |
— |
fejn rilevanti, il-kategoriji ta’ kostijiet eliġibbli li għalihom ma tiġix applikata r-rata fissa u li mhumiex ikkalkulati bir-rata fissa. |
Għażla 1: Regola ġenerali ta’ “finanzjament b’rata fissa”
L-Istat Membru juża wieħed mill-metodi stipulati fl-Artikolu 67(5) tar-RDK (1) biex jiddefinixxi rata fissa ta’ 47 %, li se tiġi applikata għall-ispejjeż kollha tal-persunal (kemm diretti kif ukoll indiretti) biex jiġu kkalkulati l-ispejjeż l-oħra (2) tal-operazzjoni:
Kategoriji ta’ kostijiet eliġibbli li għalihom għandha tiġi kkalkulata r-rata biex jiġu kkalkulati l-ammonti għal kostijiet eliġibbli oħra (tip 1) |
Spejjeż tal-persunal = 90 000 + 12 000 = EUR 102 000 |
Ir-rata fissa nnifisha |
47 % |
Kategoriji oħra ta’ kostijiet eliġibbli li se jiġu kkalkulati bir-rata fissa (tip 2) |
Kostijiet oħra = 47 % tal-kostijiet tal-persunal = 47 % × 102 000 = EUR 47 940 |
Kategoriji oħra ta’ kostijiet eliġibbli li għalihom ma tiġix applikata r-rata u li ma jiġux ikkalkulati bir-rata fissa (tip 3) |
Mhux rilevanti |
=> Kostijiet totali eliġibbli = 102 000 + 47 940 = EUR 149 940.
L-abbozz tal-baġit jieħu l-forma li ġejja:
Kostijiet tal-persunal (tip 1): |
102 000 |
|
Kostijiet oħra (tip 2) = 47 % kostijiet tal-persunal |
47 940 |
Kostijiet diretti tal-persunal |
90 000 |
(ikkalkulati) |
|
|
Kostijiet Indiretti tal-persunal |
12 000 |
Kostijiet eliġibbli totali |
149 940 |
|
(Ġeneralment ibbażati fuq spejjeż reali) |
Rendikont tal-entrati:
Kategoriji ta’ kostijiet eliġibbli li għalihom għandha tiġi applikata r-rata biex jiġu kkalkulati l-ammonti ta’ kostijiet eliġibbli oħra |
Kostijiet diretti =
|
||||||||
Ir-rata fissa |
Referenza għall-metodu magħżul għar-rata fissa, u:
|
||||||||
Kategoriji oħra ta’ kostijiet eliġibbli li se jiġu kkalkulati bir-rata fissa |
Ma hija meħtieġa l-ebda ġustifikazzjoni. |
Għażla 2: Finanzjament b’rata fissa għall-kostijiet indiretti ( il-punt (a) tal-ewwel subparagrafu tal-Artikolu 68 tar-RDK)
Skont il-punt (a) tal-ewwel subparagrafu tal-Artikolu 68 tar-RDK, l-Istat Membru jfassal sistema b’rata fissa fejn rata fissa ta’ 11,1 % — ikkalkulata skont wieħed mill-metodi tal-Artikolu 67(5)(a) jew (c) tar-RDK — tiġi applikata għall-kostijiet diretti eliġibbli. Din ir-rata hija kkalkulata abbażi ta’ metodu ta’ kalkolu ġust, ekwitabbli u verifikabbli jew metodu applikat taħt skemi għal għotjiet iffinanzjati kompletament mill-Istat Membru għal tip simili ta’ operazzjoni u benefiċjarju:
Kategoriji ta’ kostijiet eliġibbli li għalihom għandha tiġi applikata r-rata biex jiġu kkalkulati l-ammonti għall-kostijiet indiretti eliġibbli (tip 1) |
Kostijiet diretti eliġibbli = EUR 135 000 |
Ir-rata fissa |
11,1 % (tista’ ma tkunx ogħla minn 25 % u jeħtieġ li tiġi ġġustifikata) |
Kategoriji ta’ kostijiet eliġibbli li se jiġu kkalkulati bir-rata fissa (tip 2) |
Kostijiet indiretti (ikkalkulati) = 11,1 % tal-kostijiet diretti eliġibbli = 11,1 % × 135 000 = EUR 14 500 |
Kategoriji ta’ kostijiet eliġibbli li għalihom ma tiġix applikata r-rata u li ma jiġux ikkalkulati bir-rata fissa (tip 3) |
Mhux applikabbli peress li ma hemm l-ebda kost eliġibbli ieħor. |
=> Kostijiet totali eliġibbli = 135 000 + 14 500 = EUR 149 500
L-abbozz tal-baġit jieħu l-forma li ġejja:
Kostijiet diretti (tip 1) |
135 000 |
|
Kostijiet indiretti (tip 2) = 11,1 % tal-kostijiet diretti |
14 500 |
Kostijiet diretti tal-persunal |
90 000 |
(ikkalkulati) |
||
Spejjeż tal-kamra |
12 000 |
|
||
Kostijiet tal-ivvjaġġar |
15 000 |
Kostijiet eliġibbli totali |
149 500 |
|
Ikliet |
3 000 |
|
||
Informazzjoni / Pubbliċità |
15 000 |
|
||
(Ġeneralment ibbażati fuq spejjeż reali) |
|
Rendikont tal-entrati:
Kategoriji ta’ kostijiet eliġibbli li għalihom għandha tiġi applikata r-rata fissa biex jiġu kkalkulati l-ammonti eliġibbli |
Kostijiet diretti =
|
||||||
Ir-rata fissa |
Referenza għall-metodu magħżul għar-rata fissa, u:
|
||||||
Kategoriji ta’ kostijiet eliġibbli li se jiġu kkalkulati bir-rata fissa |
Ma hija meħtieġa l-ebda ġustifikazzjoni. |
Għażla 3: Finanzjament b’rata fissa għall-kostijiet indiretti (il-punt (b) tal-ewwel subparagrafu tal-Artikolu 68 tar-RDK)
L-Istat Membru jista’ jiddeċiedi li jagħżel is-sistema b’rata fissa tal-punt (b) tal-ewwel subparagrafu tal-Artikolu 68 tar-RDK: rata fissa sa massimu ta’ 15 % biex jiġi kkalkulat il-kost indirett hija applikabbli biss għall-kostijiet diretti eliġibbli tal-persunal. Ma hemmx bżonn li tiġi ġġustifikata r-rata nnifisha minħabba li hija speċifikata mir-Regolament.
Kategoriji ta’ kostijiet eliġibbli li għalihom għandha tiġi applikata r-rata fissa biex jiġu kkalkulati l-ammonti eliġibbli (tip 1) |
Kostijiet diretti tal-persunal = EUR 90 000 |
Ir-rata fissa |
15 % (l-ebda ġustifikazzjoni meħtieġa) |
Kategoriji ta’ kostijiet eliġibbli li se jiġu kkalkulati bir-rata fissa (tip 2) |
Kostijiet indiretti (ikkalkulati) = 15 % tal-kostijiet diretti = 15 % × 90 000 = EUR 13 500 |
Kategoriji ta’ kostijiet eliġibbli li għalihom ma tiġix applikata r-rata u li ma jiġux ikkalkulati bir-rata fissa (tip 3) |
Kostijiet diretti oħra (kostijiet tal-kamra, kostijiet tal-ivvjaġġar, ikliet, info, pubbliċità) = EUR 45 000 |
Kostijiet eliġibbli totali = Kostijiet diretti tal-persunal + kostijiet indiretti kkalkulati + kostijiet diretti oħrajn = 90 000 + 13 500 + 45 000 = EUR 148 500
L-abbozz tal-baġit jieħu l-forma li ġejja:
Kostijiet diretti tal-persunal (tip 1) |
90 000 |
=> |
Kostijiet indiretti (tip 2) = 15 % Kostijiet diretti tal-persunal |
13 500 |
|
(ikkalkulati) |
|||
Kostijiet diretti oħra (tip 3): |
|
|||
Spejjeż tal-kamra |
12 000 |
|
||
Kostijiet tal-ivvjaġġar |
15 000 |
Kostijiet eliġibbli totali |
148 500 |
|
Ikliet |
3 000 |
|
||
Informazzjoni / Pubbliċità |
15 000 |
|
||
(Ġeneralment ibbażati fuq spejjeż reali) |
|
Rendikont tal-entrati:
Kategoriji ta’ kostijiet eliġibbli li għalihom għandha tiġi applikata r-rata fissa biex jiġu kkalkulati l-ammonti eliġibbli |
Kostijiet diretti tal-persunal =
|
||||
Ir-rata fissa |
Referenza għall-punt (b) tal-ewwel subparagrafu tal-Artikolu 68 tar-RDK hija meħtieġa fid-dokument li jistabbilixxi l-kundizzjonijiet għall-appoġġ. |
||||
Kategoriji ta’ kostijiet eliġibbli li se jiġu kkalkulati bir-rata fissa |
Ma hija meħtieġa l-ebda ġustifikazzjoni. |
||||
Kategoriji ta’ kostijiet eliġibbli li għalihom ma tiġix applikata r-rata u li ma jiġux ikkalkulati bir-rata fissa |
Kostijiet diretti oħra bħall-ispejjeż tal-kamra, il-kostijiet tal-ivvjaġġar, l-ikliet, l-informazzjoni u l-pubbliċità jenħtieġ li jiġu ġġustifikati b’fatturi rilevanti u prova tal-għoti tas-servizz jekk ikun meħtieġ. |
Għażla 4: finanzjament b’rata fissa tal-Artikolu 68b(1) tar-RDK
L-Istat Membru jista’ jiddeċiedi li jagħżel is-sistema b’rata fissa tal-Artikolu 68b(1) tar-RDK: rata fissa sa massimu ta' 40 % tiġi applikata biss għall-kostijiet diretti tal-persunal biex jiġu kkalkulati l-ispejjeż l-oħra kollha tal-operazzjoni (3). Ma hemmx bżonn li tiġi ġġustifikata r-rata nnifisha minħabba li hija speċifikata mir-Regolament (4).
Kategoriji ta’ kostijiet eliġibbli li għalihom għandha tiġi applikata r-rata fissa biex jiġu kkalkulati l-ammonti eliġibbli (tip 1) |
Kostijiet diretti tal-persunal eliġibbli = EUR 90 000 |
Ir-rata fissa |
40 % (l-ebda ġustifikazzjoni meħtieġa) |
Kategoriji ta’ kostijiet eliġibbli li se jiġu kkalkulati bir-rata fissa (tip 2) |
Il-kostijiet l-oħra kollha = 40 % tal-kostijiet diretti tal-persunal eliġibbli = 40 % × 90 000 = EUR 36 000 |
Kategoriji ta’ kostijiet eliġibbli li għalihom ma tiġix applikata r-rata u li ma jiġux ikkalkulati bir-rata fissa (tip 3) |
Mid-dħul fis-seħħ tar-Regolament Omnibus, is-salarji u l-allokazzjoni għall-parteċipanti jistgħu jiġu ddikjarati flimkien mar-rata fissa ta’ 40 % u l-kostijiet diretti tal-persunal (l-Artikolu 68b(2) tar-RDK). |
Kostijiet eliġibbli totali = Kostijiet diretti tal-persunal + il-kostijiet l-oħra kollha kkalkulati = 90 000 + 36 000 = EUR 126 000
L-abbozz tal-baġit jieħu l-forma li ġejja:
Kostijiet diretti tal-persunal (tip 1) |
90 000 |
=> |
Il-kostijiet l-oħra kollha (tip 2) = 40 % tal-kostijiet diretti tal-persunal |
36 000 |
(Ġeneralment ibbażati fuq spejjeż reali) |
|
|||
|
(ikkalkulati) |
|||
|
Kostijiet eliġibbli totali |
126 000 |
Rendikont tal-entrati:
Kategoriji ta’ kostijiet eliġibbli li għalihom għandha tiġi applikata r-rata fissa biex jiġu kkalkulati l-ammonti eliġibbli |
Kostijiet diretti tal-persunal =
|
||||
Ir-rata fissa |
Fid-dokument li jistabbilixxi l-kundizzjonijiet għall-appoġġ, hija meħtieġa referenza għall-Artikolu 68b tar-RDK. |
||||
Kategoriji ta’ kostijiet eliġibbli li se jiġu kkalkulati bir-rata fissa (tip 2) |
Ma hija meħtieġa l-ebda ġustifikazzjoni. Madankollu, huwa rrakkomandat li jiġi speċifikat liema tip ta’ kategoriji ta’ spejjeż huma koperti minn din ir-rata fissa sabiex tintwera l-konformità mar-regoli dwar l-għajnuna mill-Istat, jekk applikabbli. |
||||
Kategoriji ta’ kostijiet eliġibbli li għalihom ma tiġix applikata r-rata u li ma jiġux ikkalkulati bir-rata fissa (tip 3) |
Prova tas-salarji u tal-allokazzjoni mħallsa lill-parteċipanti. |
(1) Skont il-paragrafi (a) (b) (c) jew (d)
(2) Jekk jogħġbok innota li jekk il-kategoriji tal-kostijiet eliġibbli kkalkulati bir-rata fissa kienu kostijiet indiretti, imbagħad skont il-punt (a) tal-ewwel subparagrafu tal-Artikolu 68 tar-RDK ir-rata fissa jenħtieġ li tkun limitata għal 25 %.
(3) Minbarra s-salarji u l-allokazzjonijiet għall-parteċipanti (l-Artikolu 68b(2) tar-RDK).
(4) Tkun meħtieġa ġustifikazzjoni li kieku r-rata kienet ogħla minn 40 %. Madankollu, rata ta’ aktar minn 40 % tista’ tintuża biss f’qafas minbarra l-Artikolu 14(2) tal-FSE.
ANNESS II
Eżempju tal-kompatibbiltà tal-SCOs mar-regoli dwar l-għajnuna mill-Istat
Kumpanija tikseb għotja taħt skema ta’ għajnuna mill-Istat biex timplimenta proġett ta’ taħriġ għall-persunal tagħha. L-appoġġ pubbliku jammonta għal EUR 387 000. Din l-għajnuna hija taħt il-limitu ta’ EUR 2 miljun stabbilit fl-Artikolu 4(1)(n) tar-Regolament tal-Kummissjoni (UE) Nru 651/2014 (1) u għalhekk japplika l-GBER.
Il-benefiċjarju u l-awtorità ta’ ġestjoni jaqblu li jużaw skali standard ta' spejjeż għal kull unità biex jiddeterminaw l-ispiża tal-kors għal kull parteċipant.
L-Artikolu 31 tal-GBER jiddikjara dan li ġej rigward l-għajnuna għat-taħriġ:
1. |
L-għajnuna għat-taħriġ għandha tkun kompatibbli mas-suq intern skont it-tifsira tal-Artikolu 107(3) tat-Trattat u għandha tkun eżentata mir-rekwiżit ta’ notifika tal-Artikolu 108(3) tat-Trattat, sakemm il-kundizzjonijiet stabbiliti f’dan l-Artikolu u fil-Kapitolu I jiġu ssodisfati. |
2. |
L-għajnuna ma għandhiex tingħata għal taħriġ li l-impriżi jwettqu biex jikkonformaw mal-istandards obbligatorji nazzjonali dwar it-taħriġ. |
3. |
Il-kostijiet eliġibbli għandhom ikunu dawn li ġejjin:
|
4. |
L-intensità tal-għajnuna ma għandhiex taqbeż il-50 % tal-kostijiet eliġibbli. Din tista’ tiżdied, sa intensità massima ta’ għajnuna ta’ 70 % tal-kostijiet eliġibbli, kif ġej:
|
5. |
Meta l-għajnuna tingħata fis-settur tat-trasport marittimu, l-intensità tal-għajnuna tista’ tiżdied għal 100 % tal-kostijiet eliġibbli sakemm jiġu ssodisfati l-kundizzjonijiet li ġejjin:
|
L-awtorità ta’ ġestjoni tiddeċiedi li tistabbilixxi skali standard ta' spejjeż għal kull unità biex tiddetermina n-nefqa eliġibbli tal-proġetti. Din qed tuża data statistika (skont l-Artikolu 67(5)(a)(i) tar-RDK) dwar tip simili ta’ taħriġ f’żona ġeografika partikolari.
Wara t-trattament xieraq tad-data statistika, l-ispejjeż medji li jirriżultaw għal kull element ta’ nefqa għal dan it-tip ta’ kors b’għadd simili ta’ parteċipanti huma:
(EUR) |
|
(EUR) |
||
Kostijiet diretti |
|
Kostijiet indiretti |
||
Ħarrieġ — remunerazzjoni |
100 000 |
Kostijiet amministrattivi |
17 500 |
|
Ħarrieġ — spejjeż tal-ivvjaġġar |
10 000 |
Kera |
15 000 |
|
Trainees — remunerazzjoni |
140 000 |
Spejjeż ġenerali |
12 500 |
|
Trainees — akkomodazzjoni |
55 000 |
Kostijiet indiretti totali |
45 000 |
|
Trainees — spejjeż tal-ivvjaġġar |
25 000 |
|
||
Oġġetti ta’ konsum mhux deprezzabbli |
5 000 |
|
||
Pubbliċità |
2 000 |
|
||
Kostijiet tal-organizzazzjoni |
5 000 |
|
||
Kostijiet diretti totali |
342 000 |
|
Meta tipproċessa d-data, l-awtorità ta’ ġestjoni telimina l-kostijiet kollha mhux eliġibbli.
L-Artikolu 31 tal-GBER rivedut (2) kien jinkludi l-kategorija ta’ spejjeż li ġejja bħala kostijiet eliġibbli:
— |
L-ispejjeż tal-akkomodazzjoni tat-trainees għal trainees b’diżabbiltà jew mingħajrha. |
Għalhekk, l-ispiża għal kull unità bi skala standard issa tista’ tinkludi l-ispejjeż tal-akkomodazzjoni tat-trainees. Il-kalkolu huwa kif ġej:
Il-kostijiet eliġibbli totali tat-taħriġ (kostijiet totali – kostijiet ineliġibbli) |
EUR 387 000 – 0 = EUR 387 000 |
Għadd mistenni ta’ parteċipanti li jlestu t-taħriġ |
300 |
Spejjeż għal kull parteċipant li jlesti t-taħriġ (spiża għal kull unità bi skala standard) |
EUR 387 000 / 300 parteċipant = EUR 1 290 / parteċipant |
Il-finanzjament provviżorju tal-proġett ta’ taħriġ huwa kif ġej:
Finanzjament pubbliku (nazzjonali + FSE) |
EUR 193 500 |
Finanzjament privat (awtofinanzjament) |
EUR 193 500 |
Intensità tal-għajnuna mill-Istat |
50 % |
L-Artikolu 31(4) tar-Regolament tal-Kummissjoni (UE) Nru 651/2014 jillimita l-intensità tal-għajnuna għal 50 % tal-kostijiet eliġibbli definiti fid-dokument li jistabbilixxi l-kundizzjoni għall-appoġġ tal-proġett. Il-baġit provviżorju huwa konformi ma’ dan ir-rekwiżit.
Wara l-implimentazzjoni tal-proġett, il-kost eliġibbli se tkun ibbażata fuq l-għadd reali ta’ parteċipanti li jlestu t-taħriġ. Jekk 200 parteċipant biss ilestu t-taħriġ, l-għajnuna se tkun kif ġej:
Il-kostijiet totali eliġibbli li għandhom jiġu ddikjarati lill-Kummissjoni |
EUR 1 290 × 200 = EUR 258 000 |
Finanzjament pubbliku (nazzjonali + FSE) |
EUR 129 000 |
Finanzjament privat (awtofinanzjament) |
EUR 129 000 |
Intensità tal-għajnuna mill-Istat |
50 % |
(1) Kif emendat mir-Regolament tal-Kummissjoni (UE) 2017/1084 tal-14 ta’ Ġunju 2017. Qabel id-dħul fis-seħħ ta’ dan ir-regolament li jemenda l-GBER, l-ispejjeż tal-akkomodazzjoni ġew esklużi bħala kostijiet eliġibbli ħlief għall-kostijiet minimi meħtieġa tal-akkomodazzjoni għat-trainees li huma ħaddiema b’diżabbiltà.
(2) Ir-Regolament tal-Kummissjoni (UE) Nru 651/2014.
ANNESS III
Miżuri speċifiċi għall-SCO u għall-FAEŻR
Abbażi tal-gwida mogħtija, lista ta’ miżuri li jistgħu jaqgħu taħt il-kamp ta’ applikazzjoni tal-SCOs hija ppreżentata hawn taħt. Din il-lista mhijiex maħsuba li tkun eżawrjenti iżda hija biss approċċ indikattiv biex jiġu mmirati b’mod xieraq il-programmi għall-iżvilupp rurali. Il-pagamenti stabbiliti fir-Regolament li diġà jużaw spiża għal kull unità bi skala standard (jiġifieri għal kull ettaru jew għal kull unità ta’ bhejjem) ġew esklużi.
Miżura taħt Ir-Regolament (UE) Nru 1305/2013 jew ir-Regolament (UE) Nru 1303/2013 |
Kodiċi |
Submiżura għall-finijiet ta’ programmazzjoni (meta rilevanti) |
SCO (Iva/Le) |
Kummenti |
|
Artikolu 14 |
trasferiment tal-għarfien u azzjonijiet ta’ informazzjoni |
1 |
appoġġ għat-taħriġ vokazzjonali u l-kisba tal-ħiliet |
Iva |
Mhux permess jekk il-miżura tiġi implimentata permezz tal-akkwist pubbliku Permess fl-ambitu tal-appoġġ tal-fornitur intern |
għall-attivitajiet ta’ wiri u azzjonijiet ta’ informazzjoni |
Iva |
||||
appoġġ għall-iskambju ta’ ġestjoni tal-foresti u tal-impriżi agrikoli għal perjodu ta’ żmien qasir, kif ukoll żjarat fil-foresti u fl-azjendi agrikoli |
Iva |
||||
Artikolu 15 |
servizzi ta’ konsulenza, servizzi ta’ ġestjoni tal-azjendi agrikoli u servizzi ta’ għajnuna lill-azjendi agrikoli |
2 |
appoġġ għall-għajnuna sabiex wieħed jibbenefika mill-użu tas-servizzi ta’ konsulenza |
Le |
|
appoġġ għall-istabbiliment ta’ immaniġġjar ta’ azjendi agrikoli, għajnuna lill-azjendi agrikoli u servizzi ta’ konsulenza dwar l-azjendi agrikoli kif ukoll ta’ servizzi ta’ konsultazzjoni dwar il-forestrija |
Le |
||||
appoġġ għat-taħriġ tal-konsulenti |
Le |
||||
Artikolu 16 |
skemi ta’ kwalità għall-prodotti u l-oġġetti tal-ikel agrikoli |
3 |
appoġġ għall-parteċipazzjoni ġdida fi skemi ta’ kwalità |
Iva |
|
appoġġ għall-attivitajiet ta’ informazzjoni u promozzjoni implimentati minn gruppi ta’ produtturi fis-suq intern |
Iva |
|
|||
Artikolu 17 |
investimenti f’assi fiżiċi |
4 |
appoġġ għal investimenti f’impriżi agrikoli |
Iva |
|
appoġġ għal investimenti fl-ipproċessar/il-kummerċjalizzazzjoni u/jew fl-iżvilupp ta’ prodotti agrikoli |
Iva |
|
|||
appoġġ għal investimenti f’infrastruttura relatata mal-iżvilupp, l-immodernizzar jew l-adattament tal-agrikoltura u l-forestrija |
Iva |
|
|||
appoġġ għal investimenti mhux produttivi marbuta mal-ilħuq tal-għanijiet agrikoli, ambjentali u klimatiċi |
Iva |
|
|||
Artikolu 18 |
ir-restawr tal-ħsara potenzjali tal-produzzjoni agrikola minn diżastri naturali u l-introduzzjoni ta’ prevenzjoni xierqa |
5 |
appoġġ għall-investimenti f’azzjonijiet ta’ prevenzjoni mmirati biex inaqqsu l-konsegwenzi tad-diżastri naturali probabbli, l-avvenimenti klimatiċi avversi u l-avvenimenti katastrofiċi |
Iva |
|
appoġġ għall-investimenti fir-restawr ta’ art agrikola u fil-produzzjoni li potenzjalment saritilha ħsara minn diżastri naturali, avvenimenti klimatiċi avversi u avvenimenti katastrofiċi |
Iva |
|
|||
Artikolu 19 |
żvilupp ta’ azjenda agrikola u ta’ negozju |
6 |
għajnuna lill-bdiewa żgħażagħ biex jibdew negozju |
Le |
|
għajnuna biex wieħed jibda negozju għal attivitajiet mhux agrikoli f’żoni rurali |
Le |
|
|||
għajnuna biex wieħed jibda negozju għall-iżvilupp ta’ azjendi agrikoli żgħar |
Le |
|
|||
appoġġ għal investimenti fil-ħolqien u l-iżvilupp ta’ attivitajiet mhux agrikoli |
Iva |
|
|||
pagamenti lill-bdiewa eliġibbli għall-iskema għall-bdiewa żgħar li jittrasferixxu l-impriża tagħhom b’mod permanenti lil bidwi ieħor |
Le |
|
|||
Artikolu 20 |
servizzi bażiċi u t-tiġdid tal-villaġġi f’żoni rurali |
7 |
appoġġ għat-tfassil u l-aġġornament ta’ pjanijiet għall-iżvilupp ta’ muniċipalitajiet u villaġġi f’żoni rurali u s-servizzi bażiċi tagħhom u ta’ pjanijiet ta’ protezzjoni u ta’ ġestjoni li għandhom x’jaqsmu ma’ siti ta’ Natura 2000 u oqsma oħra ta’ valur naturali għoli |
Iva |
|
appoġġ għal investimenti fil-ħolqien, fit-titjib jew fl-espansjoni tat-tipi kollha ta’ infrastruttura fuq skala żgħira, inklużi investimenti fl-enerġija rinnovabbli u fl-iffrankar tal-enerġija |
Iva |
|
|||
appoġġ għal investimenti fl-infrastruttura tal-broadband, inklużi l-ħolqien, it-titjib u l-espansjoni tagħha, l-infrastruttura passiva tal-broadband u l-provvediment ta’ aċċess għall-broadband u għall-gvern elettroniku pubbliku |
Iva |
|
|||
appoġġ għal investimenti fil-ħolqien, fit-titjib jew fl-espansjoni ta’ servizzi bażiċi lokali għall-popolazzjoni rurali, inkluż għad-divertiment u l-kultura, kif ukoll għall-infrastruttura relatata |
Iva |
|
|||
appoġġ għal investimenti għall-użu tal-pubbliku fl-infrastruttura rikreattiva, fl-informazzjoni għat-turisti u fl-infrastruttura turistika fuq skala żgħira |
Iva |
|
|||
appoġġ għal studji/investimenti assoċjati mal-manutenzjoni, mar-restawr u mat-titjib tal-wirt kulturali u naturali tal-villaġġi, tal-pajsaġġi rurali u tas-siti b’valur naturali għoli inklużi l-aspetti soċjoekonomiċi relatati, kif ukoll azzjonijiet ta’ sensibilizzazzjoni ambjentali |
Iva |
|
|||
appoġġ għal investimenti mmirati lejn ir-rilokazzjoni tal-attivitajiet u l-konverżjoni tal-bini u ta’ faċilitajiet oħrajn li jinsabu ġewwa jew qrib insedjamenti rurali, bil-għan li jtejbu l-kwalità tal-ħajja jew iżidu l-prestazzjoni ambjentali tal-insedjament |
Iva |
|
|||
oħrajn |
Iva |
|
|||
Artikolu 21 |
investimenti fl-iżvilupp ta’ żona ta’ foresti u titjib tal-vijabbiltà tal-foresti |
8 |
appoġġ għall-afforestazzjoni/il-ħolqien u ż-żamma ta’ msaġar |
Iva |
Ħlief għall-manutenzjoni |
appoġġ għat-twaqqif u l-manutenzjoni ta’ sistemi agroforestali |
Iva |
||||
appoġġ għall-prevenzjoni ta’ ħsara lill-foresti minn nirien forestali u minn diżastri naturali u avvenimenti katastrofiċi |
Iva |
|
|||
appoġġ għar-restawr tal-ħsara lill-foresti minn nirien tal-foresti u diżastri naturali u avvenimenti katastrofiċi |
Iva |
|
|||
appoġġ għal investimenti li jtejbu r-reżiljenza u l-valur ambjentali tal-ekosistemi forestali |
Iva |
|
|||
appoġġ għal investimenti f’teknoloġiji tal-forestrija u fl-ipproċessar, il-mobilizzazzjoni u l-kummerċjalizzazzjoni ta’ prodotti tal-foresti |
Iva |
|
|||
Artikolu 27 |
l-istabbiliment ta’ gruppi u organizzazzjonijiet tal-produtturi |
9 |
it-twaqqif ta’ gruppi ta’ produtturi u organizzazzjonijiet fis-settur agrikolu u tal-forestrija |
Le |
|
Artikolu 28 |
klima agroambjentali |
10 |
pagament għal impenji agroambjentali klimatiċi |
Le |
|
appoġġ għal konservazzjoni u użu sostenibbli u żvilupp ta’ riżorsi ġenetiċi fl-agrikoltura |
Iva |
|
|||
Artikolu 29 |
biedja organika |
11 |
pagament għall-konverżjoni għal prattiki u metodi tal-biedja organika |
Le |
|
pagament għaż-żamma tal-prattiki u l-metodi tal-biedja organika |
Le |
|
|||
Artikolu 30 |
Natura 2000 u pagamenti skont id-Direttiva Qafas dwar l-Ilma |
12 |
pagamenti ta’ kumpens għaż-żoni agrikoli ta’ Natura 2000 |
Le |
|
pagament ta’ kumpens għaż-żoni forestali ta’ Natura 2000 |
Le |
|
|||
pagament ta’ kumpens għal żoni agrikoli inklużi fil-pjanijiet għall-ġestjoni tal-baċini tax-xmajjar |
Le |
|
|||
Artikolu 31 |
pagamenti lil żoni li jiffaċċjaw limitazzjonijiet naturali jew speċifiċi oħrajn |
13 |
pagament ta’ kumpens f’żoni muntanjużi |
Le |
|
pagament ta’ kumpens għal żoni oħrajn li jaffaċċjaw restrizzjonijiet naturali sinifikanti |
Le |
|
|||
pagament ta’ kumpens għal żoni oħrajn affettwati minn restrizzjonijiet speċifiċi |
Le |
|
|||
Artikolu 33 |
benessri tal-annimali |
14 |
pagament għall-benessri tal-annimali |
Le |
|
Artikolu 34 |
servizzi ambjentali u klimatiċi tal-foresti u l-konservazzjoni tal-foresti |
15 |
pagament għal impenji ambjentali tal-foresti |
Le |
|
appoġġ għall-konservazzjoni u l-promozzjoni ta’ riżorsi ġenetiċi forestali |
Iva |
|
|||
Artikolu 35 |
kooperazzjoni |
16 |
appoġġ għall-istabbiliment ta’ gruppi operazzjonali tas-Sħubija Ewropea għall-Innovazzjoni għall-produttività u s-sostenibbiltà agrikoli |
Iva |
|
appoġġ għal proġetti pilota u għall-iżvilupp ta’ prodotti, prattiki, proċessi u teknoloġiji ġodda |
Iva |
|
|||
kooperazzjoni fost l-operaturi żgħar fl-organizzazzjoni ta’ proċessi tax-xogħol konġunti u l-iskambju tal-faċilitajiet u r-riżorsi, kif ukoll għall-iżvilupp/kummerċjalizzazzjoni tat-turiżmu |
Iva |
|
|||
appoġġ għal kooperazzjoni orizzontali u vertikali fost l-atturi tal-katina tal-provvista għall-istabbiliment u l-iżvilupp ta’ katini qosra tal-provvista u swieq lokali, u għal attivitajiet ta’ promozzjoni fil-kuntest lokali li jirrelataw mal-iżvilupp tal-katina qasira tal-provvista |
Iva |
|
|||
appoġġ għal azzjoni konġunta mwettqa għall-finijiet tal-mitigazzjoni jew l-adattament għat-tibdil fil-klima, u appoġġ għal approċċi konġunti għal proġetti ambjentali u prattiki ambjentali kontinwi |
Iva |
|
|||
appoġġ għal kooperazzjoni fost l-atturi fil-katina tal-provvista sostenibbli tal-bijomassa għall-użu fil-produzzjoni tal-ikel u tal-enerġija u fil-proċessi industrijali |
Iva |
|
|||
appoġġ għal strateġiji mhux tas-CLLD |
Iva |
|
|||
appoġġ għat-tfassil ta’ pjanijiet għall-ġestjoni tal-foresti jew strumenti ekwivalenti |
Iva |
|
|||
appoġġ għad-diversifikazzjoni tal-attivitajiet agrikoli f’attivitajiet li jikkonċernaw il-kura tas-saħħa, l-integrazzjoni soċjali, l-agrikoltura appoġġata mill-komunità u l-edukazzjoni dwar l-ambjent u l-ikel |
Iva |
|
|||
oħrajn |
Iva |
|
|||
Artikolu 36 |
ġestjoni tar-riskju |
17 |
primjum tal-assigurazzjoni għall-prodotti agrikoli, l-annimali u l-pjanti |
Le |
L-ebda simplifikazzjoni (kostijiet amministrattivi biss għall-istabbiliment tal-fond reċiproku) |
fondi reċiproċi għal avvenimenti klimatiċi negattivi, mard tal-annimali u tal-pjanti, infestazzjonijiet ta’ annimali u insetti li jagħmlu ħsara lill-pjanti u inċidenti ambjentali |
Le |
||||
għodda ta’ stabbilizzazzjoni tal-introjtu |
Le |
||||
Artikolu 40 |
finanzjament ta’ pagamenti nazzjonali kumplimentari diretti għall-Kroazja |
18 |
finanzjament ta’ pagamenti nazzjonali kumplimentari diretti għall-Kroazja |
Le |
|
Artikolu 35 |
appoġġ għall-iżvilupp lokali LEADER (CLLD) |
19 |
appoġġ preparatorju |
Iva |
|
appoġġ għall-implimentazzjoni ta’ operazzjonijiet taħt l-istrateġija tas-CLLD |
Iva |
|
|||
it-tħejjija u l-implimentazzjoni ta’ attivitajiet ta’ kooperazzjoni tal-grupp ta’ azzjoni lokali |
Iva |
|
|||
appoġġ għall-ispejjeż operattivi u tal-animazzjoni |
Iva |
|
|||
Artikoli 51 sa 54 |
assistenza teknika |
20 |
Appoġġ għall-assistenza teknika (minbarra n-Network Rurali Nazzjonali (NRN)) |
Iva |
|
appoġġ għat-twaqqif u l-operat tal-NRN |
Iva |
|
ANNESS IV
Miżuri speċifiċi għall-SCO u għall-FEMS
Lista ta’ miżuri ta’ kumpens tal-FEMS li l-karatteristiċi tagħhom jindikaw similaritajiet mal-SCOs u għalhekk l-adegwatezza possibbli għalihom tidher hawn taħt. Din il-lista mhijiex maħsuba li tkun eżawrjenti. L-Artikoli elenkati huma dawk fir-Regolament (UE) Nru 508/2014 (kif emendat).
Artikolu |
Skema ta’ kumpens |
Tip(i) ta’ SCO possibbli |
33 u 34(3) |
Waqfien temporanju u permanenti tal-attivitajiet tas-sajd |
Somma f’daqqa/spejjeż unitarji |
40(1)(h) |
Għall-ħsara lill-qabdiet ikkawżati minn mammiferi u għasafar protetti |
Spejjeż unitarji |
53(3) |
Konverżjoni għall-akkwakultura organika (kumpens għal kostijiet addizzjonali/telf ta’ dħul) |
Spejjeż unitarji |
54(2) |
Rekwiżiti speċifiċi għall-akkwakultura fir-rigward ta’ NATURA 2000 (kumpens għal spejjeż addizzjonali/telf ta’ dħul) |
Spejjeż unitarji |
55 |
Is-saħħa pubblika – sospensjoni temporanja ta’ molluski mrobbija |
Rata fissa (% tal-fatturat skont l-Artikolu 55(2)(b)) |
70-72 |
Kumpens għal kostijiet addizzjonali fir-reġjuni ultraperiferiċi |
Determinat fil-pjan ta’ kumpens approvat mill-Kummissjoni (l-Artikolu 72) |
Minbarra l-miżuri ta’ kumpens tal-FEMS, dwar l-appoġġ tal-FEMS għall-ġbir tad-data (l-Artikolu 77), l-awtoritajiet ta’ ġestjoni huma mħeġġa jużaw l-SCOs.