KOMUNIKAZZJONI TAL-KUMMISSJONI

Aġġustament tal-kalkolu għall-pagamenti ta’ somma f’daqqa u ta’ penali proposti mill-Kummissjoni fi proċedimenti ta’ ksur quddiem il-Qorti tal-Ġustizzja tal-Unjoni Ewropea, wara l-ħruġ tar-Renju Unit

(2021/C 129/01)

I.   INTRODUZZJONI

Skont it-Trattat dwar il-Funzjonament tal-Unjoni Ewropea (TFUE), meta l-Kummissjoni tirreferi Stat Membru lill-Qorti tal-Ġustizzja tal-Unjoni Ewropea talli naqas milli jissodisfa obbligu skont it-Trattati, il-Qorti tista’ timponi sanzjonijiet finanzjarji f’żewġ sitwazzjonijiet:

(a)	meta l-Istat Membru ma jkunx ħa l-miżuri meħtieġa biex jikkonforma ma’ sentenza preċedenti tal-Qorti li tkun sabet ksur tal-liġi tal-UE (l-Artikolu 260(2) tat-TFUE);

(b)	meta Stat Membru jkun naqas milli jissodisfa l-obbligu tiegħu li jinnotifika l-miżuri li jittrasponu direttiva adottata skont proċedura leġiżlattiva (l-Artikolu 260(3) TFUE).

Fiż-żewġ każijiet, is-sanzjoni imposta mill-Qorti tal-Ġustizzja tkun magħmula minn ħlas ta’ somma f’daqqa, li tippenalizza l-kontinwazzjoni tal-ksur (1), u ħlas ta’ penali ta’ kuljum, biex timmotiva l-Istat Membru konċernat li jwaqqaf il-ksur malajr kemm jista’ jkun wara l-għoti tas-sentenza (2). Il-Kummissjoni tipproponi ammonti għas-sanzjonijiet finanzjarji lill-Qorti, li tieħu d-deċiżjoni finali.

L-approċċ ġenerali tal-Kummissjoni biex tikkalkula s-sanzjoni proposta tagħha huwa stabbilit sew. Sa mill-1997 (3) u kif stabbilit f’Komunikazzjonijiet suċċessivi (4), hija applikat approċċ li jirrifletti kemm il-kapaċità ta’ ħlas tal-Istat Membru kkonċernat kif ukoll il-piż istituzzjonali tiegħu. Dan huwa applikat permezz tal- fattur“n” (5). Il-fattur ‘n’ jingħaqad ma’ fatturi oħra – is-serjetà tal-ksur, u d-dewmien tiegħu – fil-kalkolu tal-Kummissjoni tas-sanzjoni proposta.

Mill-2019 (6), il-Kummissjoni kkalkulat il-fattur “n” fuq il-bażi ta’ żewġ elementi: Il-Prodott Domestiku Gross (PDG), u n-numru ta’ siġġijiet għar-rappreżentanti fil-Parlament Ewropew allokati lil kull Stat Membru (7). Il-Kummissjoni tiddetermina l-fattur ‘n’ ta’ referenza billi tuża l-medja ta’ kull wieħed miż-żewġ elementi użati, il-PDG u l-għadd ta’ rappreżentanti fil-Parlament Ewropew (8).

Iċ-ċifri bażiċi użati fil-kalkolu huma aġġornati kull sena biex jirriflettu l-iżviluppi ekonomiċi fl-Istati Membri.

L-aħħar aġġornament (9) xorta qies il-PDG tar-Renju Unit u l-għadd ta’ siġġijiet fil-Parlament Ewropew allokati lir-Renju Unit qabel il-ħruġ tiegħu mill-Unjoni. Dan għaliex, skont il-Ftehim dwar il-Ħruġ, il-Kummissjoni xorta tista’ tressaq lir-Renju Unit quddiem il-Qorti tal-Ġustizzja skont l-Artikolu 260 TFUE matul il-perjodu ta’ tranżizzjoni.

Madankollu, issa li l-perjodu ta’ tranżizzjoni ntemm, id-data użata għall-kalkolu tas-sanzjonijiet finanzjarji jeħtieġ li tiġi aġġustata. Il-PDG tar-Renju Unit u l-għadd ta’ siġġijiet fil-Parlament Ewropew li qabel kienu allokati lir-Renju Unit ma għadhomx rilevanti u jenħtieġ li ma jintużawx għall-kalkolu tas-sanzjonijiet finanzjarji li l-Kummissjoni tipproponi fir-rigward tas-27 Stat Membru.

Dan l-aġġustament kien diġà tħabbar fil-Komunikazzjonijiet tal-Kummissjoni ta’ Frar 2019 (10) u Settembru 2020 (11).

II.   FATTURI “N” AĠĠUSTATI GĦALL-2021

Il-fatturi “n” aġġustati għall-Istati Membri wara t-tneħħija tad-data relatata mar-Renju Unit mill-kalkoli huma kif ġej:

Tabella 1

Fatturi “n” aġġustati għall-2021

	2021 fatturi n
Il-Belġju	0,86
Il-Bulgarija	0,28
Iċ-Ċekja	0,59
Id-Danimarka	0,57
Il-Ġermanja	4,95
L-Estonja	0,12
L-Irlanda	0,59
Il-Greċja	0,54
Spanja	2,33
Franza	3,77
Il-Kroazja	0,22
L-Italja	3,17
Ċipru	0,10
Il-Latvja	0,13
Il-Litwanja	0,20
Il-Lussemburgu	0,17
L-Ungerija	0,47
Malta	0,08
In-Netherlands	1,32
L-Awstrija	0,75
Il-Polonja	1,43
Il-Portugall	0,57
Ir-Rumanija	0,74
Is-Slovenja	0,17
Is-Slovakkja	0,31
Il-Finlandja	0,50
L-Iżvezja	0,86

III.   FATTUR TA’ AĠĠUSTAMENT

1.   Somom f’Daqqa Minimi Aġġustati

Is-somom f’daqqa minimi għal kull Stat Membru jiġu kkalkulati billi tiġi mmultiplikata somma f’daqqa ta’ referenza bil-fattur “n” u l-inflazzjoni medja fis-27 Stat Membru (“UE27”) fis-sena ta’ referenza. Iż-żieda tal-fatturi “n” li jirriżultaw mill-ħruġ tar-Renju Unit mill-Unjoni (ara t-taqsima II) għalhekk tirriżulta f’sanzjonijiet finanzjarji ogħla proposti mill-Kummissjoni lill-Qorti (12).

Sabiex tiġi evitata żieda fis-sanzjonijiet finanzjarji proposti fir-rigward ta’ kwalunkwe wieħed mill-Istati Membri bħala riżultat dirett tal-ħruġ tar-Renju Unit mill-Unjoni, se jiġi applikat fattur ta’ aġġustament ta’ 0,836 għall-formula użata għall-kalkolu tas-somom f’daqqa minimi. Dan il-fattur ta’ aġġustament jikkorrispondi għal sitwazzjoni fejn l-Istat Membru bl-ogħla żieda fil-fattur “n” tiegħu (l-Irlanda) ma jarax is-somma f’daqqa minima tiegħu tiżdied b’aktar milli kieku kien ikun il-każ (jiġifieri, żieda li tikkorrispondi biss għall-inflazzjoni u l-evoluzzjoni tal-PDG, ikkalkulata għal 4,5 %).

Il-formula użata għad-determinazzjoni tas-somom f’daqqa minimi nazzjonali hija għalhekk kif ġej:

Somma f’daqqa minima = somma f’daqqa minima ta’ referenza × inflazzjoni tal-UE27 2019 × fattur “n”× 0,836

Is-somma f’daqqa minima ta’ referenza attwali hija ta’ EUR 2 610 384; aġġustata għall-inflazzjoni (+ 1,7 %), is-somma f’daqqa ta’ referenza użata fl-2021 se tkun ta’ EUR 2 656 000.

Tabella 2

2021 somom f’daqqa minimi b’fattur ta’ aġġustament ta’ 0.836 (sena ta’ referenza: 2019)

	Somma f'daqqa minima (eluf ta' EUR) tal-2020	Somma f'daqqa minima (eluf ta' EUR) tal-2021	Somom f’daqqa minimi evoluzzjoni 2020 => 2021
Il-Belġju	2 088	1 909	-8,6 %
Il-Bulgarija	653	622	-4,7 %
Iċ-Ċekja	1 384	1 310	-5,3 %
Id-Danimarka	1 331	1 266	-4,9 %
Il-Ġermanja	11 982	10 990	-8,3 %
L-Estonja	261	266	+1,9 %
L-Irlanda	1 253	1 310	+4,5 %
Il-Greċja	1 305	1 199	-8,1 %
Spanja	5 377	5 173	-3,8 %
Franza	8 849	8 370	-5,4 %
Il-Kroazja	496	488	-1,6 %
L-Italja	7 596	7 038	-7,3 %
Ċipru	235	222	-5,5 %
Il-Latvja	313	289	-7,7 %
Il-Litwanja	470	444	-5,5 %
Il-Lussemburgu	392	377	-3,8 %
L-Ungerija	1 122	1 044	-7,0 %
Malta	183	178	-2,7 %
In-Netherlands	3 002	2 931	-2,4 %
L-Awstrija	1 749	1 665	-4,8 %
Il-Polonja	3 367	3 175	-5,7 %
Il-Portugall	1 384	1 266	-8,5 %
Ir-Rumanija	1 723	1 643	-4,6 %
Is-Slovenja	392	377	-3,8 %
Is-Slovakkja	731	688	-5,9 %
Il-Finlandja	1 175	1 110	-5,5 %
L-Iżvezja	2 062	1 909	-7,4 %
Il-medja tal-UE			-4,9 %

2.   Ammonti Standard Aġġustati b’Rata Fissa

L-ammont standard attwali b’rata fissa għall-pagamenti ta’ penali ta’ kuljum huwa (13) ta’ EUR 3 154 (14). Għall-2021, mingħajr ebda fattur ta’ aġġustament u meta titqies biss l-inflazzjoni, l-ammont standard b’rata fissa għall-pagamenti ta’ penali ta’ kuljum ikun ta’ EUR 3 209.

Wara li jiġi applikat il-fattur ta’ aġġustament ta’ 0.836 għal dik iċ-ċifra, l-ammont standard aġġustat b’rata fissa għall-pagamenti ta’ penali ta’ kuljum għall-2021 huwa ta’ EUR 2 683.

L-ammont standard attwali b’rata fissa għall-pagamenti ta’ penali f’daqqa huwa (15) ta’ EUR 1 052 (16). Għall-2021, mingħajr ebda fattur ta’ aġġustament u meta titqies biss l-inflazzjoni, l-ammont standard b’rata fissa għall-pagamenti ta’ penali f’daqqa ikun ta’ EUR 1 070.

Wara li jiġi applikat il-fattur ta’ aġġustament ta’ 0.836 għal dik iċ-ċifra, l-ammont standard aġġustat b’rata fissa għall-pagamenti ta’ somma f'daqqa għall-2021 huwa ta’ EUR 895.

IV.   AĠĠUSTAMENT TAS-SANZJONIJIET FINANZJARJI PROPOSTI GĦAR-RENJU UNIT

Iċ-ċifri stabbiliti fit-Taqsima II japplikaw biss għall-Istati Membri.

Skont l-Artikolu 12(4) tal-Protokoll dwar l-Irlanda/l-Irlanda ta’ Fuq u l-Artikolu 12 tal-Protokoll dwar Żoni ta' Bażi Sovrana tar-Renju Unit tal-Gran Brittanja u l-Irlanda ta' Fuq f'Ċipru, il-Kummissjoni u l-Qorti tal-Ġustizzja jżommu s-setgħat mogħtija lilhom mit-Trattati b’rabta mal-applikazzjoni tad-dritt tal-Unjoni li sar applikabbli għar-Renju Unit skont dawk il-Protokolli. Barra minn hekk, skont l-Artikolu 160 tal-Ftehim dwar il-Ħruġ, il-Qorti tal-Ġustizzja żżomm il-ġurisdizzjoni skont l-Artikoli 258, 260 u 267 tat-TFUE fir-rigward tal-interpretazzjoni u l-applikazzjoni ta’ ċerti dispożizzjonijiet tal-Ħames Parti tal-Ftehim dwar il-Ħruġ.

Huwa għalhekk possibbli għall-Kummissjoni li tressaq lir-Renju Unit quddiem il-Qorti tal-Ġustizzja b’talba għal sanzjonijiet finanzjarji, wara l-31 ta’ Diċembru 2020, skont dawk id-dispożizzjonijiet.

Jekk il-Kummissjoni tagħmel dan, hija ma tistax tibqa’ tibbaża ruħha fuq il-formula użata qabel biex tikkalkula l-fattur “n” (17), peress li r-Renju Unit m’għadx għandu siġġijiet fil-Parlament Ewropew. Għal din ir-raġuni, fil-formula tal-fattur “n” li għandha tintuża għall-kalkolu tas-sanzjonijiet finanzjarji li għandhom jiġu imposti fuq ir-Renju Unit, in-numru ta’ siġġijiet fil-Parlament Ewropew huwa sostitwit b’fattur numeriku fiss ta’ 2,8, li jikkorrispondi għas-sehem tas-siġġijiet allokati lir-Renju Unit fil-Parlament Ewropew fl-2018 meta mqabbel mal-medja tal-Unjoni (18).

Dan jirriżulta fiċ-ċifri li ġejjin għall-2021:

—	Fattur “n” tar-Renju Unit: 3,70

—	Somma f’daqqa minima tar-Renju Unit: EUR 8 215 000

V.   APPLIKAZZJONI

Il-Kummissjoni se tapplika ċ-ċifri aġġornati stabbiliti f’din il-Komunikazzjoni fid-deċiżjonijiet li tieħu biex tressaq każijiet quddiem il-Qorti tal-Ġustizzja mid-data tal-pubblikazzjoni ta’ din il-Komunikazzjoni f’Il-Ġurnal Uffiċjali tal-Unjoni Ewropea.

---

(1)  Komunikazzjoni mill-President: Riformulazzjoni tal-Komunikazzjoni dwar l-applikazzjoni tal-Artikolu 228 tat-Trattat tal-KE (SEC (2005) 1658), punt 10.3.

(2)  SEC(2005) 1658, punt 14.

(3)  Metodu ta’ kalkolu tal-ħlasijiet ta’ penali previsti skont l-Artikolu 171 tat-Trattat tal-KE (ĠU C 63, 28.2.1997, p. 2).

(4)  Ara b’mod partikolari l-Komunikazzjoni mill-Kummissjoni — Implimentazzjoni tal-Artikolu 260(3) tat-Trattat (ĠU C 12, 15.1.2011, p. 1) u l-Komunikazzjoni mill-Kummissjoni — Id-Dritt tal-UE: Riżultati aħjar permezz ta’ applikazzjoni aħjar( ĠU C 18, 19.1.2017, p. 10).

(5)  SEC(2005) 1658, punt 14.

(6)  Komunikazzjoni tal-Kummissjoni — Modifika tal-metodu ta’ kalkolu għal ħlasijiet ta’ somom f’daqqa u ħlasijiet ta’ penali ta’ kuljum proposta mill-Kummissjoni fi proċedimenti ta’ ksur quddiem il-Qorti tal-Ġustizzja tal-Unjoni Ewropea C(2019) 1396 finali (ĠU C 70, 25.2.2019, p. 1).

(7)  Ara l-Artikolu 3(1) tad-Deċiżjoni tal-Kunsill Ewropew (UE) 2018/937 tat-28 ta' Ġunju 2018 li tistabbilixxi l-kompożizzjoni tal-Parlament Ewropew (ĠU L 165 I, 2.7.2018, p. 1).

(8)  Il-medja hija kkalkulata kif ġej: il-fattur ‘n’ hu medja ġeometrika kkalkulata billi jittieħed l-għerq kwadrat tal-prodott tal-fatturi abbażi tal-PDG tal-Istati Membri u l-għadd ta’ siġġijiet fil-Parlament Ewropew. Jinkiseb permezz tal-formula li ġejja Fejn PDG n = il-PDG tal-Istat Membru kkonċernat, f’miljuni ta’ euro; PDG avg = medja tal-PDG tal-Istati Membri kollha; Siġġu n = l-għadd ta’ siġġijiet tal-Istat Membru kkonċernat fil-Parlament Ewropew; Siġġu medju = il-medja tan-numru ta’ siġġijiet fil-Parlament Ewropew tal-Istati Membri kollha.

(9)  Komunikazzjoni tal-Kummissjoni - L-aġġornament tad-data użata biex jiġu kkalkolati s-somma f’daqqa u l-penali li l-Kummissjoni se tipproponi lill-Qorti tal-Ġustizzja fi proċedimenti ta’ ksur C(2020)6043 final (ĠU C 301, 11.9.2020, p. 1).

(10)  C(2019)1396 final.

(11)  C(2020)6043 final.

(12)  Mingħajr ebda aġġustament, is-somom f’daqqa minimi għall-Istati Membri kollha jiżdiedu b’medja ta’ 13,7 %. Il-firxa tvarja minn +9,4 % (il-Belġju u l-Portugall) għal +25,1 % (l-Irlanda).

(13)  L-ammont tal-pagamenti ta’ penali ta’ kuljum huwa kkalkulat billi jiġi multiplikat l-ammont ta’ rata fissa standard, l-ewwel bil-fatturi għas-serjetà u dewmien imbagħad bil-fattur ‘n’.

(14)  C(2020)6043 final.

(15)  L-ammont tal-pagament f’daqqa huwa kkalkulat billi jiġi multiplikat l-ammont ta’ rata fissa standard, (differenti minn dik għall-pagamenti ta’ penali ta’ kuljum) bil-fattur għas-serjetà u l-fattur ‘n’ u n-numru ta’ ġranet li ppersista l-ksur (sakemm ikun hemm konformità mas-sentenza).

(16)  C(2020)6043 final.

(17)  Ara n-nota 8 f’qiegħ il-paġna.

(18)  Formula speċifika tal-fattur “n” tar-Renju Unit: