IL-KUMMISSJONI EWROPEA

Brussell, 5.10.2021

COM(2021) 625 final

2021/0319(NLE)

Proposta għal

DEĊIŻJONI TA’ IMPLIMENTAZZJONI TAL-KUNSILL

dwar l-approvazzjoni tal-valutazzjoni tal-pjan għall-irkupru r-reżiljenza għall-Estonja

{SWD(2021) 285 final}

2021/0319 (NLE)

Proposta għal

DEĊIŻJONI TA’ IMPLIMENTAZZJONI TAL-KUNSILL

dwar l-approvazzjoni tal-valutazzjoni tal-pjan għall-irkupru r-reżiljenza għall-Estonja

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament (UE) 2021/241 tal-Parlament Ewropew u tal-Kunsill tat-12 ta’ Frar 2021 li jistabbilixxi l-Faċilità għall-Irkupru u r-Reżiljenza 1 , u b’mod partikolari l-Artikolu 20 tiegħu,

Wara li kkunsidra l-proposta tal-Kummissjoni Ewropea,

Billi:

(1)It-tifqigħa tal-COVID-19 kellha impatt ta’ tfixkil fuq l-ekonomija tal-Estonja. Fl-2019, il-prodott domestiku gross (PDG) per capita tal-Estonja kien ta’ 67 % tal-medja tal-Unjoni. Skont it-tbassir tas-sajf tal-2021 tal-Kummissjoni, il-PDG reali tal-Estonja naqas bi 2,9 % fl-2020, iżda huwa mistenni li jiżdied b’1,8 % b’mod kumulattiv fl-2020 u l-2021. Aspetti li ilhom jeżistu b’impatt fuq il-prestazzjoni ekonomika fuq terminu medju jinkludu t-tixjiħ tal-popolazzjoni, disparitajiet reġjonali u soċjali, produttività tar-riżorsi relattivament baxxa u intensità għolja ta’ emissjonijiet tal-gassijiet serra.

(2)Fid-9 ta’ Lulju 2019 u fl-20 ta’ Lulju 2020, il-Kunsill indirizza r-rakkomandazzjonijiet lill-Estonja fil-kuntest tas-Semestru Ewropew. B’mod partikolari, il-Kunsill irrakkomanda lill-Estonja biex ittejjeb l-adegwatezza tax-xibka ta’ sikurezza soċjali, inkluż billi twessa’ l-kopertura tal-benefiċċji tal-qgħad, u l-aċċess għal servizzi soċjali affordabbli u integrati, u biex tieħu miżuri biex tnaqqas id-differenza bejn il-pagi tal-irġiel u n-nisa, inkluż billi ttejjeb it-trasparenza fil-pagi. Irrakkomanda wkoll biex issaħħaħ l-aċċessibbiltà u r-reżiljenza tas-sistema tas-saħħa, inkluż billi tindirizza n-nuqqas ta’ ħaddiema tas-saħħa, it-tisħiħ tal-kura tas-saħħa primarja u tiżgura l-provvista ta’ prodotti mediċi kritiċi. Barra minn hekk, huwa rrakkomanda li jiġi indirizzat in-nuqqas ta’ ħiliet u li titrawwem l-innovazzjoni billi jittejbu l-kapaċità u r-rilevanza għas-suq tax-xogħol tas-sistema tal-edukazzjoni u t-taħriġ. L-Estonja ġiet irrakkomandata wkoll biex tiffoka l-investimenti fuq it-tranżizzjoni ekoloġika u diġitali, b’mod partikolari fuq id-diġitalizzazzjoni tal-kumpaniji, ir-riċerka u l-innovazzjoni, inkluż l-appoġġ għall-kapaċità ta’ innovazzjoni tal-intrapriżi żgħar u ta’ daqs medju, il-produzzjoni u l-użu nodfa u effiċjenti tal-enerġija, l-effiċjenza fir-riżorsi u t-trasport sostenibbli, li jikkontribwixxu għal dekarbonizzazzjoni progressiva tal-ekonomija. Barra minn hekk, il-Kunsill irrakkomanda li jiġi żgurat aċċess suffiċjenti għall-finanzjament u li jiżdiedu l-isforzi biex jiġu żgurati s-superviżjoni u l-infurzar effettivi tal-qafas kontra l-ħasil tal-flus. Fl-aħħar nett, biex tindirizza l-kriżi tal-COVID-19, l-Estonja ġiet irrakkomandata tieħu l-miżuri kollha meħtieġa biex tindirizza b’mod effettiv il-pandemija, issostni l-ekonomija u, meta l-kundizzjonijiet ekonomiċi jippermettu, issegwi politiki fiskali mmirati lejn il-kisba ta’ pożizzjonijiet fiskali prudenti fuq terminu medju u tiżgura s-sostenibbiltà tad-dejn, filwaqt li ttejjeb l-investiment. Wara li vvalutat il-progress fl-implimentazzjoni ta’ dawk ir-rakkomandazzjonijiet speċifiċi għall-pajjiż fiż-żmien tal-preżentazzjoni tal-pjan għall-irkupru u r-reżiljenza (“RRP”), il-Kummissjoni ssib li r-rakkomandazzjoni dwar it-teħid tal-miżuri kollha meħtieġa biex tiġi indirizzata b’mod effettiv il-pandemija, tiġi sostnuta l-ekonomija u jiġi appoġġat l-irkupru li jirriżulta ġiet implimentata bis-sħiħ. Barra minn hekk, hija ssib li nkiseb progress sostanzjali fir-rigward tar-rakkomandazzjonijiet biex l-investiment jiġi ffukat fuq l-interkonnessjonijiet tal-enerġija.

(3)Ir-Rakkomandazzjoni tal-Kunsill dwar il-politika ekonomika taż-żona tal-euro rrakkomandat lill-Istati Membri taż-żona tal-euro biex jieħdu azzjoni, inkluż permezz tal-pjanijiet tagħhom għall-irkupru u r-reżiljenza, biex, fost l-oħrajn, jiżguraw pożizzjoni ta’ politika li tappoġġa l-irkupru u biex ikomplu jtejbu l-konverġenza, ir-reżiljenza u t-tkabbir sostenibbli u inklużiv. Ir-Rakkomandazzjoni tal-Kunsill irrakkomandat ukoll lill-Istati Membri taż-żona tal-euro biex isaħħu l-oqfsa istituzzjonali nazzjonali, biex jiżguraw l-istabbiltà makrofinanzjarja, biex jikkompletaw l-unjoni ekonomika u monetarja u biex isaħħu r-rwol internazzjonali tal-euro.

(4)Fit-18 ta’ Ġunju, l-Estonja ppreżentat l-RRP nazzjonali tagħha lill-Kummissjoni, f’konformità mal-Artikolu 18(1) tar-Regolament (UE) 2021/241. Din il-preżentazzjoni segwiet proċess ta’ konsultazzjoni, imwettaq skont il-qafas ġuridiku nazzjonali, li jinvolvi l-awtoritajiet lokali u reġjonali, sħab soċjali, organizzazzjonijiet tas-soċjetà ċivili, organizzazzjonijiet taż-żgħażagħ u partijiet ikkonċernati rilevanti oħra. Is-sjieda nazzjonali tal-RRPs tirfed l-implimentazzjoni b’suċċess tagħhom u l-impatt fit-tul fil-livell nazzjonali u l-kredibbiltà tagħhom fil-livell Ewropew. Skont l-Artikolu 19 tar-Regolament (UE) 2021/241, il-Kummissjoni vvalutat ir-rilevanza, l-effettività, l-effiċjenza u l-koerenza tal-RRP, f’konformità mal-linji gwida tal-valutazzjoni stabbiliti fl-Anness V ta’ dak ir-Regolament.

(5)Jenħtieġ li l-RRPs isegwu l-objettivi ġenerali tal-Faċilità għall-Irkupru u r-Reżiljenza stabbiliti bir-Regolament (UE) 2021/241 (il-“Faċilità”) u tal-Istrument tal-Unjoni Ewropea għall-Irkupru stabbilit bir-Regolament tal-Kunsill (UE) 2020/2094 2 sabiex jiġi appoġġat l-irkupru wara l-kriżi tal-COVID-19. Huma jenħtieġ li jippromwovu l-koeżjoni ekonomika, soċjali u territorjali tal-Unjoni billi jikkontribwixxu għas-sitt pilastri msemmija fl-Artikolu 3 tar-Regolament (UE) 2021/241.

(6)L-implimentazzjoni tal-RRPs tal-Istati Membri se tikkostitwixxi sforz ikkoordinat li jinvolvi riformi u investimenti madwar l-Unjoni. Permezz ta’ implimentazzjoni koordinata u simultanja u l-implimentazzjoni ta’ proġetti transfruntiera u multinazzjonali, riformi u investimenti bħal dawn se jsaħħu lil xulxin b’mod reċiproku u jiġġeneraw effetti konsegwenzjali pożittivi madwar l-Unjoni. Għalhekk, madwar terz tal-impatt tal-Faċilità fuq it-tkabbir u l-ħolqien tal-impjiegi tal-Istati Membri se jiġi minn effetti konsegwenzjali minn Stati Membri oħra.

Rispons ibbilanċjat li jikkontribwixxi għas-sitt pilastri

(7)F’konformità mal-Artikolu 19(3), il-punt (a), u l-Anness V, il-kriterju 2.1, tar-Regolament (UE) 2021/241, l-RRP jirrappreżenta fil-biċċa l-kbira (Klassifikazzjoni A) rispons komprensiv u bbilanċjat b’mod adegwat għas-sitwazzjoni ekonomika u soċjali, u b’hekk jikkontribwixxi b’mod xieraq għas-sitt pilastri kollha msemmija fl-Artikolu 3 ta’ dak ir-Regolament, filwaqt li jqis l-isfidi speċifiċi ffaċċjati mill-Istat Membru kkonċernat u l-allokazzjoni finanzjarja għalih.

(8)L-RRP jinkludi miżuri li jikkontribwixxu għas-sitt pilastri kollha, b’kull wieħed mis-sitt komponenti tal-RRP jindirizza pilastru wieħed jew aktar. Approċċ bħal dan jikkontribwixxi biex jiżgura li kull pilastru jiġi indirizzat b’mod komprensiv u b’mod koerenti. Il-kontribuzzjoni għall-ewwel pilastru, iddedikat għat-tranżizzjoni ħadra, hija mistennija li tkun appoġġata minn miżuri li jinċentivaw l-użu tal-enerġija rinnovabbli, ir-rinnovazzjoni tal-bini biex titjieb l-effiċjenza enerġetika tiegħu, kif ukoll konnettività aħjar tat-trasport pubbliku u l-inċentivar tal-użu tal-idroġenu ekoloġiku u b’mod ġenerali tiġi appoġġata l-aċċellerazzjoni tat-tranżizzjoni ekoloġika fl-intrapriżi, inklużi l-ħiliet meħtieġa għal dik it-tranżizzjoni. L-investimenti u r-riformi mmirati lejn id-diġitalizzazzjoni tas-settur pubbliku u tan-negozji kif ukoll it-titjib tal-livell tal-ħiliet diġitali huma kollha mistennija li jikkontribwixxu għall-kisba tal-objettiv tat-tieni pilastru, li huwa ddedikat għat-trasformazzjoni diġitali.

(9)L-RRP huwa mistenni li jikkontribwixxi għat-titjib tal-prestazzjoni makroekonomika permezz tal-mitigazzjoni tal-impatt ekonomiku u soċjali tal-kriżi tal-COVID-19, filwaqt li jippromwovi l-kompetittività tal-esportazzjonijiet, l-innovazzjoni u l-intraprenditorija, permezz ta’ soluzzjonijiet diġitali u ekoloġiċi, u b’hekk jappoġġa t-tkabbir intelliġenti, sostenibbli u inklużiv kif kopert mit-tielet pilastru. Ir-raba’ pilastru, dwar il-koeżjoni soċjali u territorjali, huwa indirizzat billi s-servizzi pubbliċi jsiru aktar aċċessibbli permezz tad-diġitalizzazzjoni, billi tittejjeb il-konnettività tal-internet b’mod partikolari fiż-żoni rurali, u b’hekk timmira li jitnaqqas id-distakk diġitali, billi tittejjeb il-konnettività tat-trasport, kif ukoll billi jinħolqu impjiegi u ħiliet sostenibbli f’partijiet differenti tal-Estonja.

(10)L-RRP jinkludi miżuri mmirati lejn it-tisħiħ tas-saħħa u r-reżiljenza ekonomika, soċjali u istituzzjonali tal-pajjiż, kif deskritt fil-ħames pilastru. B’mod partikolari, l-RRP jiffoka direttament fuq it-titjib tar-reżiljenza u l-aċċessibbiltà tas-sistema tal-kura tas-saħħa, u jinkludi miżuri mmirati lejn it-titjib tal-aċċess għas-servizzi soċjali fl-Estonja. Is-sitt pilastru, dwar il-politiki għall-ġenerazzjoni li jmiss, huwa appoġġat minn miżuri mmirati biex jgħinu liż-żgħażagħ jidħlu fil-forza tax-xogħol, permezz ta’ sussidju tal-pagi, allowance għat-taħriġ, u bidliet strutturali fis-sistema tal-edukazzjoni u t-taħriġ biex jitrawmu l-ħiliet fit-teknoloġija tal-informazzjoni u l-komunikazzjoni u tiżdied il-parteċipazzjoni u s-sehem tan-nisa f’tali taħriġ u fis-settur inġenerali.

L-indirizzar tal-isfidi kollha jew ta’ subsett sinifikanti ta’ sfidi identifikati fir-rakkomandazzjonijiet speċifiċi għall-pajjiż

(11)F’konformità mal-Artikolu 19(3), il-punt (b), u l-kriterju 2.2 tal-Anness V tar-Regolament (UE) 2021/241, l-RRP huwa mistenni li jikkontribwixxi biex jiġu indirizzati b’mod effettiv l-isfidi kollha jew subsett sinifikanti tagħhom (Klassifikazzjoni A) identifikati fir-rakkomandazzjonijiet rilevanti speċifiċi għall-pajjiż indirizzati lill-Estonja, inklużi l-aspetti fiskali tagħhom, jew l-isfidi identifikati f’dokumenti rilevanti oħra adottati uffiċjalment mill-Kummissjoni fil-kuntest tas-Semestru Ewropew. Ir-rakkomandazzjonijiet relatati mar-rispons immedjat tal-politika fiskali għall-pandemija jistgħu jitqiesu li jaqgħu barra mill-kamp ta’ applikazzjoni tal-RRP tal-Estonja, minkejja l-fatt li l-Estonja ġeneralment wieġbet b’mod adegwat u suffiċjenti għall-ħtieġa immedjata li l-ekonomija tiġi appoġġata permezz ta’ mezzi fiskali fl-2020 u fl-2021, f’konformità mal-klawżola liberatorja ġenerali tal-Patt ta’ Stabbiltà u Tkabbir.

(12)L-RRP jinkludi riformi u investimenti li jsaħħu lil xulxin li jikkontribwixxu għall-indirizzar fi gradi differenti tal-isfidi ekonomiċi u soċjali kollha jew subsett sinifikanti tal-isfidi ekonomiċi u soċjali deskritti fir-rakkomandazzjonijiet speċifiċi għall-pajjiż indirizzati lill-Estonja mill-Kunsill fis-Semestru Ewropew fl-2019 u fl-2020, b’mod partikolari dawk fl-oqsma tat-tranżizzjoni ekoloġika, bħall-effiċjenza fl-enerġija u fir-riżorsi, it-tranżizzjoni diġitali, bħall-ħiliet diġitali u l-appoġġ għad-diġitalizzazzjoni tal-kumpaniji, il-kura tas-saħħa, bħar-reżiljenza u l-aċċessibbiltà tas-sistema tal-kura tas-saħħa, l-inklużjoni soċjali, bħall-aċċess għal servizzi soċjali u tas-saħħa bi prezz raġonevoli u integrati, u kontra l-ħasil tal-flus, bħat-tisħiħ tal-kapaċitajiet analitiċi fi ħdan il-qafas kontra l-ħasil tal-flus.

(13)L-RRP jinkludi miżuri li jappoġġaw l-investimenti fit-tranżizzjonijiet ekoloġiċi u diġitali tal-intrapriżi, u b’hekk jikkontribwixxi għall-indirizzar tar-rakkomandazzjonijiet speċifiċi għall-pajjiż relatati. Dawk jinkludu b’mod partikolari l-iżvilupp ta’ teknoloġiji ekoloġiċi innovattivi, bħall-idroġenu ekoloġiku, il-ħiliet ekoloġiċi u diġitali biex jindirizzaw in-nuqqas ta’ ħiliet u l-iskemi ta’ appoġġ finanzjarju biex jgħinu lill-kumpaniji Estonjani, b’mod partikolari l-intrapriżi żgħar u ta’ daqs medju, biex jagħmlu progress fit-trasformazzjoni diġitali u ekoloġika tagħhom u jtejbu l-aċċess għall-finanzjament. Ir-riformi u l-investimenti fil-qasam tal-enerġija għandhom l-għan li jinċentivaw l-użu tal-enerġija rinnovabbli, li jtejbu l-effiċjenza enerġetika tal-bini u li jiddekarbonizzaw l-ekonomija permezz ta’ miri u azzjonijiet għall-eliminazzjoni gradwali tax-shale bituminuż. Il-miżuri fis-settur tat-trasport huma mistennija li jgħinu biex jitnaqqsu l-emissjonijiet u jinċentivaw l-użu ta’ modi sostenibbli ta’ trasport. Ir-riformi jinkludu l-iżvilupp ta’ mobbiltà interkonnessa u kondiviża fir-reġjun kapitali ta’ Tallinn permezz ta’ sistema komuni tat-trasport pubbliku u l-elettrifikazzjoni tal-ferroviji. L-RRP huwa mistenni li jikkontribwixxi għall-iżvilupp tal-proġett Rail Baltic transfruntier, li jgħaqqad it-tliet bliet kapitali u pajjiżi Baltiċi mal-Polonja u l-bqija tal-Unjoni, permezz ta’ investimenti fil-ferroviji, il-linji tat-tramm, ir-roti u l-passaġġi lejn l-istazzjonijiet u t-terminal multimodali Rail Baltic.

(14)Ir-riformi u l-investimenti fit-tisħiħ tal-kura primarja, l-indirizzar tan-nuqqasijiet fil-forza tax-xogħol fis-settur tas-saħħa, l-immodernizzar tal-governanza tas-saħħa online u t-titjib tal-infrastruttura tas-saħħa, inkluża l-kostruzzjoni tal-Kampus Mediku tat-Tramuntana tal-Estonja għandhom iżidu l-aċċessibbiltà u r-reżiljenza tas-sistema tal-kura tas-saħħa. L-aċċess għas-servizzi soċjali huwa mistenni li jitjieb permezz ta’ miżuri dwar il-kura fit-tul, inklużi dawk li jimmodernizzaw u jissimplifikaw is-sistema ta’ appoġġ għat-tfal bi ħtiġijiet ta’ kura ogħla u permezz tal-pjan ta’ azzjoni dwar l-integrazzjoni tas-servizzi soċjali u tal-kura tas-saħħa. Il-miżuri dwar it-tnaqqis tad-differenza bejn il-pagi tal-irġiel u n-nisa għandhom jikkontribwixxu għall-koeżjoni soċjali. L-investiment fl-appoġġ liż-żgħażagħ biex jiksbu esperjenza ta’ xogħol u jtejbu l-ħiliet tagħhom huwa mistenni li jikkontribwixxi biex jiġi indirizzat in-nuqqas ta’ ħiliet, kif ukoll biex jittaffa l-qgħad fost iż-żgħażagħ. L-estensjoni tad-durata tal-benefiċċju tal-assigurazzjoni tal-qgħad b’60 jum f’każ ta’ kundizzjonijiet ħżiena tas-suq tax-xogħol tikkontribwixxi sa ċertu punt għat-tisħiħ tax-xibka ta’ sikurezza soċjali. Ir-riformi u l-investimenti fl-oqsma tas-saħħa, soċjali u diġitali għandhom jikkontribwixxu wkoll għat-tnaqqis tad-disparitajiet reġjonali.

(15)B’mod komplementari għall-miżuri reċenti kontra l-ħasil tal-flus, l-RRP jinkludi miżura li għandha l-għan li tistabbilixxi ċentru ta’ analiżi strateġika fi ħdan l-Unità tal-Intelligence Finanzjarja biex tippermetti identifikazzjoni aktar operazzjonali tar-riskji tal-ħasil tal-flus, ir-rispons għalihom u l-prevenzjoni tagħhom, u b’hekk tikkontribwixxi għat-tisħiħ tal-qafas kontra l-ħasil tal-flus.

(16)L-RRP jipprovdi bażi għal aktar riformi fil-qasam soċjali u tas-saħħa, biex jiġu indirizzati n-nuqqas ta’ forza tax-xogħol tas-saħħa, jitjiebu l-kwalità u l-aċċess għall-kura fit-tul għall-persuni kollha bi bżonnijiet ta’ kura, titwessa’ l-kopertura tal-benefiċċju tal-qgħad u titnaqqas id-differenza bejn il-pagi tal-irġiel u n-nisa, b’mod partikolari billi żżid it-trasparenza fil-pagi. Il-miżuri inklużi fl-RRP biex tiġi indirizzata d-dekarbonizzazzjoni tal-ekonomija huma prinċipalment relatati mal-investimenti. F’termini ta’ riformi, l-azzjonijiet konkreti għat-tneħħija gradwali tax-shale bituminuż huma mistennija li jiġu stabbiliti fil-Pjan ta’ Żvilupp Nazzjonali tas-Settur tal-Enerġija biss fi tmiem l-2025.

Kontribut għall-potenzjal tat-tkabbir, il-ħolqien tal-impjiegi u r-reżiljenza ekonomika, soċjali u istituzzjonali

(17)F’konformità mal-Artikolu 19(3), il-punt (c), u l-kriterju 2.3 tal-Anness V tar-Regolament (UE) 2021/241, l-RRP huwa mistenni li jkollu impatt għoli (Klassifikazzjoni A) fuq it-tisħiħ tal-potenzjal tat-tkabbir, il-ħolqien tal-impjiegi u r-reżiljenza ekonomika, soċjali u istituzzjonali tal-Estonja, li jikkontribwixxu għall-implimentazzjoni tal-Pilastru Ewropew tad-Drittijiet Soċjali, inkluż permezz tal-promozzjoni ta’ politiki għat-tfal u ż-żgħażagħ, u biex itaffi l-impatt ekonomiku u soċjali tal-kriżi tal-COVID-19, u b’hekk titjieb il-koeżjoni ekonomika, soċjali u territorjali u l-konverġenza fl-Unjoni.

(18)Simulazzjonijiet mis-servizzi tal-Kummissjoni juru li l-RRP, flimkien mal-bqija tal-miżuri tal-Istrument ta’ Rkupru tal-Unjoni Ewropea, għandu l-potenzjal li jżid il-PDG tal-Estonja b’bejn 0,9 % u 1,3 % sal-2026, bl-esklużjoni tal-impatt pożittiv possibbli tar-riformi strutturali, li jista’ jkun sostanzjali.

(19)Ir-riformi u l-investimenti fl-enerġija rinnovabbli, il-mobbiltà sostenibbli u d-diġitalizzazzjoni ulterjuri tas-servizzi pubbliċi huma mistennija li jsaħħu t-tkabbir sostenibbli u l-impjiegi fuq terminu medju sa twil. Il-miżuri mmirati lejn l-iżvilupp ta’ teknoloġiji ekoloġiċi, il-promozzjoni tal-effiċjenza enerġetika u d-dekarbonizzazzjoni tal-industrija, inkluż l-użu ta’ teknoloġiji ġodda emerġenti bħall-idroġenu ekoloġiku, għandhom jikkontribwixxu għad-dekarbonizzazzjoni u b’hekk għar-reżiljenza tal-ekonomija.

(20)Il-miżuri li jappoġġaw it-tranżizzjonijiet ekoloġiċi u diġitali huma mistennija li jżidu l-innovazzjoni tan-negozju u r-riċerka u l-iżvilupp, u b’hekk jipprovdu opportunitajiet għal żieda fil-produttività, il-kompetittività ekonomika u l-ħolqien tal-impjiegi, filwaqt li jikkontribwixxu għall-kisba ta’ bidliet strutturali fl-ekonomija u jwittu t-triq għal aktar reżiljenza, f’konformità mal-istrateġija industrijali Ewropea aġġornata. Il-modernizzazzjoni mistennija tal-istruttura ekonomika jenħtieġ li tkun appoġġata minn miżuri li jippromwovu l-ħiliet ekoloġiċi u diġitali biex jittejbu l-livelli tal-ħiliet tal-forza tax-xogħol u tiġi indirizzata l-isfida twila tal-Estonja dwar l-ispariġġ fil-ħiliet. L-RRP jinkludi appoġġ għall-bini ta’ networks tal-broadband b’kapaċità għolja, li huwa mistenni li jikkontribwixxi biex jitnaqqas id-distakk diġitali bejn iż-żoni rurali u dawk urbani. L-investimenti li jinċentivaw modi sostenibbli ta’ trasport flimkien ma’ interkonnessjonijiet diġitali mtejba għandhom l-għan li jtejbu l-koeżjoni soċjali u territorjali.

(21)L-RRP jinkludi miżuri li jindirizzaw l-isfidi rilevanti fil-qasam tal-impjiegi, soċjali u tas-saħħa u huwa mistenni jikkontribwixxi għall-implimentazzjoni tal-Pilastru Ewropew tad-Drittijiet Soċjali. Miżuri biex tissaħħaħ il-kura tas-saħħa primarja, tiżdied il-forza tax-xogħol tas-saħħa, tittejjeb l-infrastruttura tas-saħħa u s-sistema tas-saħħa online għandhom l-għan li jtejbu l-aċċess għall-kura tas-saħħa, u b’hekk jgħinu biex tiġi indirizzata l-isfida li ilha teżisti tal-ħtiġijiet mediċi mhux issodisfati. Il-miżuri li jindirizzaw l-impjiegi taż-żgħażagħ għandhom l-għan li jappoġġaw liż-żgħażagħ biex jiksbu esperjenza ta’ xogħol, itejbu l-ħiliet tagħhom u jsaħħu l-potenzjal ta’ tkabbir tal-pajjiż. Bħala riżultat tal-miżuri, ir-reżiljenza tas-sistema soċjali u tas-saħħa tal-Estonja hija mistennija li titjieb.

La tagħmilx ħsara sinifikanti

(22)Skont l-Artikolu 19(3), il-punt (d), u l-kriterju 2.4 tal-Anness V tar-Regolament (UE) 2021/241, l-RRP huwa mistenni jiżgura li l-ebda miżura għall-implimentazzjoni tar-riformi u proġetti ta’ investiment inklużi fl-RRP ma tagħmel ħsara sinifikanti lill-objettivi ambjentali (Klassifikazzjoni A) fit-tifsira tal-Artikolu 17 tar-Regolament (UE) 2020/852 tal-Parlament Ewropew u tal-Kunsill 3 (il-prinċipju “la tagħmilx ħsara sinifikanti”).

(23)L-RRP jinkludi valutazzjoni sistematika ta’ kull miżura kontra l-prinċipju “la tagħmilx ħsara sinifikanti” f’konformità mal-Gwida Teknika tal-Kummissjoni Ewropea “La tagħmilx ħsara sinifikanti” (2021/C58/01). L-informazzjoni pprovduta ssostni l-valutazzjoni li l-miżuri jikkonformaw mal-prinċipju “la tagħmilx ħsara sinifikanti”, pereżempju billi jiġu pprovduti spjegazzjonijiet dettaljati dwar kif għandhom jitqiesu l-kunsiderazzjonijiet tal-ekonomija ċirkolari għall-proġetti ta’ kostruzzjoni.

(24)Għal xi miżuri fejn ikunu meħtieġa sejħiet għal proġetti jew sejħiet għal espressjonijiet ta’ interess biex jintgħażlu proġetti speċifiċi fil-futur jew miżuri li jipprevedu strumenti finanzjarji, bħall-Fond Ekoloġiku, il-prinċipju “la tagħmilx ħsara sinifikanti” jenħtieġ li jiġi rispettat billi jiġi żgurat, b’mod partikolari permezz ta’ stadji importanti xierqa assoċjati ma’ dawk il-miżuri, li t-termini ta’ referenza tas-sejħiet għal proġetti jew is-sejħiet għal espressjonijiet ta’ interess jipprevjenu milli jintgħażlu attivitajiet li jistgħu jagħmlu ħsara sinifikanti lill-objettivi ambjentali.

Kontribut għat-tranżizzjoni ekoloġika inkluża l-bijodiversità

(25)Skont l-Artikolu 19(3), il-punt (e), u l-kriterju 2.5 tal-Anness V tar-Regolament (UE) 2021/241, l-RRP fih miżuri li jikkontribwixxu fil-biċċa l-kbira (Klassifikazzjoni A) għat-tranżizzjoni ekoloġika, inkluża l-bijodiversità, jew biex jiġu indirizzati l-isfidi li jirriżultaw minnha. Il-miżuri li jappoġġaw l-objettivi klimatiċi jammontaw għal ammont li jirrappreżenta 41,5 % tal-allokazzjoni totali tal-RRP ikkalkulat skont il-metodoloġija stabbilita fl-Anness VI għal dak ir-Regolament. F’konformità mal-Artikolu 17 ta’ dak ir-Regolament, l-RRP huwa konsistenti mal-informazzjoni inkluża fil-Pjan Nazzjonali għall-Enerġija u l-Klima 2021-2030.

(26)Il-kontribut tal-RRP tal-Estonja għat-tranżizzjoni ekoloġika huwa mibni fuq tliet pilastri: it-tranżizzjoni ekoloġika fl-intrapriżi, l-enerġija sostenibbli u l-effiċjenza enerġetika, u t-trasport sostenibbli. Id-dekarbonizzazzjoni tal-ekonomija hija sfida ewlenija għall-Estonja u l-RRP jimpenja lill-pajjiż għal perkors ċar b’miri u azzjonijiet għat-tneħħija gradwali tax-shale bituminuż fis-settur tal-enerġija li għandu jiġi stabbilit fil-Pjan ta’ Żvilupp Nazzjonali għas-Settur tal-Enerġija. L-RRP jinċentiva l-użu tal-enerġija rinnovabbli billi jneħħi l-ostakli amministrattivi, isaħħaħ il-grilja u jiffaċilita l-konnessjoni magħha, kif ukoll billi jmexxi soluzzjonijiet għall-ħżin tal-enerġija. L-RRP għandu jikkontribwixxi wkoll għall-introduzzjoni ta’ teknoloġiji tal-idroġenu ekoloġiku fil-katina tal-valur kollha mill-produzzjoni sal-konsum. Għandha tinkiseb sostenibbiltà akbar fit-trasport permezz tal-ħolqien ta’ konnessjonijiet ġodda bejn id-diversi modi ta’ trasport sostenibbli b’enfasi fuq il-ferroviji u l-mezzi attivi tat-trasport bħaċ-ċikliżmu. It-tranżizzjoni ekoloġika fis-settur tan-negozju jenħtieġ li tiġi appoġġata permezz tal-iżvilupp ta’ teknoloġiji ekoloġiċi, żieda fil-kapaċitajiet ta’ riċerka u innovazzjoni b’livell baxx ta’ emissjonijiet ta’ karbonju u newtrali għall-klima u l-effiċjenza fl-użu tar-riżorsi, b’appoġġ għall-modernizzazzjoni u l-bidliet fil-mudelli tan-negozju fil-kumpaniji tal-manifattura u ħiliet imtejba relatati mat-tranżizzjoni ekoloġika. L-RRP għandu perspettiva kummerċjali b’saħħitha tal-ekonomija ċirkolari. L-RRP ma fih l-ebda miżura li għandha l-bijodiversità bħala l-objettiv tagħha. Madankollu, uħud mill-miżuri għall-mitigazzjoni tal-klima jistgħu jkunu wkoll ta’ benefiċċju għall-preservazzjoni tal-bijodiversità, peress li t-tibdil fil-klima huwa wieħed mit-theddidiet ewlenin għall-bijodiversità.

(27)L-RRP jappoġġa l-objettivi ta’ dekarbonizzazzjoni u tranżizzjoni tal-enerġija tal-Estonja, kif stabbiliti fil-Pjan Nazzjonali għall-Enerġija u l-Klima għall-2030, kif ukoll għall-2050. Il-miżuri fl-RRP għandhom jappoġġaw l-ilħuq ta’ sehem ta’ 42 % ta’ sorsi rinnovabbli fil-konsum finali gross tal-enerġija, il-mira tal-UE tal-Estonja għall-2030. L-investimenti fil-grilja elettrika u l-ħżin tal-elettriku għandhom jgħinu lill-Estonja tilħaq din il-mira. Barra minn hekk, l-RRP tal-Estonja jappoġġa mill-inqas rinnovazzjonijiet tal-bini ta’ livell medju, li jirrappreżentaw iffrankar tal-enerġija primarja ta’ mill-inqas 30 %, li għandu jikkontribwixxi għall-miri tal-effiċjenza enerġetika tal-Estonja għall-2030 u l-Istrateġija ta’ Rinnovazzjoni fit-Tul. Il-miżuri dwar it-trasport sostenibbli jenħtieġ li jappoġġaw it-tnaqqis tat-tniġġis mill-flotot tal-karozzi tal-passiġġieri, u b’hekk itejbu l-kwalità tal-arja, u jinċentivaw l-użu ta’ mezzi sostenibbli tat-trasport, bħat-trasport bil-ferrovija.

Kontribut għat-tranżizzjoni diġitali

(28)F’konformità mal-Artikolu 19(3), il-punt (f), u l-kriterju 2.6 tal-Anness V tar-Regolament (UE) 2021/241, l-RRP fih miżuri li jikkontribwixxu fil-biċċa l-kbira (Klassifikazzjoni A) għat-tranżizzjoni diġitali jew biex jiġu indirizzati l-isfidi li jirriżultaw minnha. Il-miżuri li jappoġġaw l-objettivi diġitali jammontaw għal ammont li jirrappreżenta 21,5 % tal-allokazzjoni totali tal-RRP ikkalkulat skont il-metodoloġija stabbilita fl-Anness VII għal dak ir-Regolament.

(29)Il-kontribut tal-RRP għat-tranżizzjoni diġitali jiffoka prinċipalment fuq żewġ prijoritajiet: it-trasformazzjoni diġitali tal-intrapriżi u l-modernizzazzjoni ulterjuri tas-servizzi pubbliċi. Sabiex jgħin lill-kumpaniji mis-setturi kollha, b’mod partikolari l-intrapriżi żgħar u ta’ daqs medju, jaħtfu l-opportunitajiet offruti mit-teknoloġiji diġitali, l-RRP jinkludi l-ħolqien ta’ skema ta’ investiment li għandha tipprovdi appoġġ finanzjarju lill-kumpaniji dwar aspetti differenti tat-trasformazzjoni diġitali, mir-riċerka u l-iżvilupp u l-iżvilupp ta’ strateġiji sal-adozzjoni tat-teknoloġiji. Dan l-investiment huwa kkumplimentat minn żewġ miżuri li jimmiraw li jindirizzaw it-trasformazzjoni diġitali ta’ żewġ setturi speċifiċi, il-kostruzzjoni u t-trasport tal-merkanzija bit-triq, fejn il-potenzjal tat-teknoloġiji diġitali baqa’ mhux sfruttat biżżejjed s’issa. Barra minn hekk, l-RRP jindirizza l-kwistjoni ewlenija tal-ħiliet diġitali, permezz ta’ sensibilizzazzjoni għall-maniġers ta’ intrapriżi żgħar u medji u appoġġ għat-titjib tal-ħiliet u t-taħriġ mill-ġdid ta’ speċjalisti tat-teknoloġija tal-informazzjoni u l-komunikazzjoni.

(30)Filwaqt li jibni fuq il-pożizzjoni tal-Estonja bħala minn ta’ quddiem fid-diġitalizzazzjoni tas-servizzi pubbliċi, l-RRP jinkludi sensiela ta’ miżuri li għandhom l-għan li jagħtu impetu ġdid lit-trasformazzjoni diġitali tal-amministrazzjoni. Ir-riformi u l-investimenti proposti jinkludu l-migrazzjoni ta’ parti mis-sistemi ta’ informazzjoni tal-gvern għal cloud sigura, l-iżvilupp ta’ soluzzjonijiet diġitali ġodda li jiżguraw twassil simplifikat u aktar effiċjenti ta’ servizzi pubbliċi kemm liċ-ċittadini kif ukoll lin-negozji, kif ukoll riorganizzazzjoni tal-ġestjoni tas-sistemi tal-informazzjoni u d-data miżmuma mill-istituzzjonijiet pubbliċi. Investiment li jappoġġa l-implimentazzjoni ta’ networks tal-broadband b’kapaċità għolja ħafna f’żoni ta’ falliment tas-suq huwa mistenni wkoll li jnaqqas id-distakk diġitali u jiżgura li ċ-ċittadini kollha jkunu jistgħu jieħdu vantaġġ mill-avvanzi previsti fit-twassil tas-servizzi pubbliċi diġitali fl-Estonja.

Impatt fit-tul

(31)Skont l-Artikolu 19(3) il-punt (g), u l-kriterju 2.7 tal-Anness V tar-Regolament (UE) 2021/241, l-RRP huwa mistenni li jkollu impatt fit-tul fuq l-Estonja fil-biċċa l-kbira (Klassifikazzjoni A).

(32)Huma mistennija bidliet strutturali mill-implimentazzjoni tar-riformi previsti. B’mod partikolari, ir-riformi li għandhom l-għan li jrawmu t-tranżizzjonijiet ekoloġiċi u diġitali huma mistennija li jkollhom impatt pożittiv fuq il-potenzjal tat-tkabbir u t-trasformazzjoni ekonomika, permezz ta’ titjib fl-effiċjenza, il-ħolqien tal-impjiegi u t-tkabbir tal-produttività. L-RRP jinkludi riformi mmirati lejn il-promozzjoni tal-effiċjenza enerġetika u t-tnaqqis tal-ostakli regolatorji għall-investiment fl-enerġija rinnovabbli, li huma mistennija li jtejbu l-funzjonament tas-suq biżżejjed biex jilliberaw l-investimenti privati f’dak il-qasam. Ir-riformi li jiffukaw fuq is-servizzi pubbliċi diġitali huma mistennija li jikkontribwixxu biex itejbu aktar l-effiċjenza tal-amministrazzjoni pubblika u jkunu ta’ benefiċċju kemm għaċ-ċittadini kif ukoll għan-negozji. Ir-riformi mmirati lejn it-trawwim tal-iżvilupp tal-ħiliet diġitali huma mistennija li jkollhom impatt fit-tul fuq it-tnaqqis tan-nuqqas ta’ ħiliet li jiffaċċjaw il-kumpaniji Estonjani. Miżuri addizzjonali għat-tnaqqis tad-differenza bejn il-pagi tal-irġiel u n-nisa huma mistennija li jtejbu l-ugwaljanza bejn il-ġeneri u t-tkabbir ekonomiku.

(33)Il-miżuri relatati mas-saħħa huma mistennija wkoll li jġibu bidla strutturali pożittiva fil-politiki jew fl-istituzzjonijiet. B’mod partikolari, ir-riformi tas-saħħa huma mistennija li jtejbu l-aċċessibbiltà u l-kwalità tas-servizzi tal-kura tas-saħħa u jnaqqsu d-disparitajiet reġjonali fil-forniment tas-servizzi, u b’hekk jikkontribwixxu għal riżultati aħjar tas-saħħa.

(34)Huma mistennija wkoll bidliet strutturali mill-implimentazzjoni tal-investimenti previsti prinċipalment permezz tal-impatt pożittiv mistenni tagħhom fuq il-kompetittività. L-investimenti mmirati lejn l-użu ta’ soluzzjonijiet diġitali fis-setturi tal-kostruzzjoni u tat-trasport tal-merkanzija bit-triq huma mistennija li jkollhom impatt fit-tul. L-investiment fit-tħaddim ta’ networks tal-broadband b’kapaċità għolja ħafna f’żoni ta’ falliment tas-suq għandu jgħin biex jitnaqqas id-distakk diġitali bejn iż-żoni urbani u dawk rurali. L-investimenti fl-infrastruttura tat-trasport, bħall-ferroviji, il-linji tat-tramm, l-istazzjon tal-ferrovija u l-mogħdijiet għaċ-ċikliżmu, huma mistennija wkoll li jkollhom impatt fit-tul fuq il-mobilità billi jiffaċilitaw it-trasferimenti bejn il-modi differenti ta’ trasport sostenibbli.

(35)L-impatt fit-tul tal-RRP jista’ jissaħħaħ ukoll permezz ta’ sinerġiji bejn l-RRP u programmi oħra, inklużi dawk iffinanzjati mill-fondi tal-politika ta’ koeżjoni, b’mod partikolari billi jiġu indirizzati b’mod sostantiv l-isfidi territorjali b’għeruq fondi u jiġi promoss żvilupp ibbilanċjat.

Monitoraġġ u implimentazzjoni

(36)F’konformità mal-Artikolu 19(3), il-punt (h), u l-kriterju 2.8 tal-Anness V tar-Regolament (UE) 2021/241, l-arranġamenti proposti fl-RRP huma adegwati (Klassifikazzjoni A) biex jiżguraw monitoraġġ u implimentazzjoni effettivi tal-RRP, inkluż l-iskeda ta’ żmien prevista, l-istadji importanti u l-miri, u l-indikaturi relatati.

(37)L-RRP jippreżenta organizzazzjoni amministrattiva għall-implimentazzjoni tiegħu f’konformità mal-proċess stabbilit fil-kuntest tal-ġestjoni tal-fondi strutturali. L-RRP jipprovdi ħarsa ġenerali lejn l-arranġamenti ta’ monitoraġġ u rappurtar previsti u jidentifika l-atturi u r-rwoli u r-responsabbiltajiet tagħhom. Iċ-Ċentru ta’ Servizz Kondiviż ta-Istat iservi bħala l-korp maniġerjali u ta’ koordinazzjoni. Flimkien mal-Ministeru għall-Finanzi, dawn huma s-servizzi ċentrali responsabbli għall-koordinazzjoni, il-monitoraġġ u l-evalwazzjoni filwaqt li l-ministeri kompetenti huma inkarigati bl-implimentazzjoni u l-monitoraġġ tar-riformi u l-investimenti fil-qasam rispettiv tagħhom.

(38)L-istadji importanti u l-miri li jakkumpanjaw il-miżuri ta’ riforma u ta’ investiment inklużi fl-RRP huma ċari u realistiċi u l-indikaturi proposti għal dawk l-istadji importanti u l-miri huma rilevanti, aċċettabbli u robusti. Il-miżuri inklużi fl-RRP huma appoġġati minn stadji importanti u miri mifruxa matul il-perjodu ta’ implimentazzjoni, għalkemm l-implimentazzjoni ta’ għadd ta’ proġetti, inkluż l-ikbar investiment, huma ppjanati biss għall-2026. L-istadji importanti u l-miri huma rilevanti wkoll għall-miżuri li diġà tlestew u li huma eliġibbli skont l-Artikolu 17(2) tar-Regolament (UE) 2021/241. It-twettiq sodisfaċenti ta’ dawk l-istadji importanti u l-miri maż-żmien huwa meħtieġ biex tiġi ġġustifikata talba ta’ żborż.

(39)L-Istati Membri jenħtieġ li jiżguraw li l-appoġġ finanzjarju taħt il-Faċilità jiġi kkomunikat u rikonoxxut f’konformità mal-Artikolu 34 tar-Regolament (UE) 2021/241. L-appoġġ tekniku jista’ jintalab taħt l-Istrument ta’ Appoġġ Tekniku stabbilit bir-Regolament (UE) 2021/240 tal-Parlament Ewropew u tal-Kunsill 4 biex jassisti lill-Istati Membri fl-implimentazzjoni tal-RRP tagħhom.

Kostijiet

(40)F’konformità mal-Artikolu 19(3), il-punt (i), u l-kriterju 2.9 tal-Anness V tar-Regolament (UE) 2021/241, il-ġustifikazzjoni pprovduta fl-RRP dwar l-ammont tal-kostijiet totali stmati tal-RRP hija sa ċertu punt medju (Klassifikazzjoni B) raġonevoli u plawsibbli, hija konformi mal-prinċipju tal-kosteffiċjenza u hija proporzjonata għall-impatt ekonomiku u soċjali nazzjonali mistenni.

(41)L-Estonja pprovdiet stimi tal-kostijiet individwali għall-investimenti kollha inklużi fl-RRP. L-istimi tal-kostijiet ġew ivvalidati mill-Unità tal-Ġestjoni tal-Għotjiet tad-Dipartiment tal-Iżvilupp ta’ Appoġġ taċ-Ċentru ta’ Servizz Kondiviż ta-Istat, li huwa korp intern tal-gvern. It-tqassim tal-kostijiet huwa ġeneralment dettaljat u sostanzjat sew. L-iskemi finanzjarji inklużi fl-RRP huma kkunsidrati proporzjonali għad-daqs tas-setturi korrispondenti fl-Estonja, u l-kostijiet tagħhom huma meqjusa raġonevoli u plawsibbli. Għall-miżuri l-oħra, huma pprovduti paraguni ma’ investimenti tal-passat ta’ natura simili. Il-valutazzjoni tal-istimi tal-kostijiet u d-dokumenti ta’ sostenn inerenti juru li l-biċċa l-kbira tal-kostijiet huma ġġustifikati sew u raġonevoli. L-ammonti proposti għall-finanzjament tqiesu xierqa, iżda xi drabi pjuttost għoljin meta mqabbla mal-esperjenza tal-passat jew proġetti komparabbli. Fl-aħħar nett, il-kost totali stmat tal-RRP huwa konformi mal-prinċipju tal-kosteffiċjenza u huwa proporzjonat mal-impatt ekonomiku u soċjali nazzjonali mistenni.

Protezzjoni tal-interessi finanzjarji tal-Unjoni

(42)F’konformità mal-Artikolu 19(3), il-punt (j), u l-kriterju 2.10 tal-Anness V tar-Regolament (UE) 2021/241, l-arranġamenti proposti fl-RRP u l-miżuri addizzjonali li jinsabu f’din id-Deċiżjoni huma adegwati (Klassifikazzjoni A) biex jipprevjenu, jidentifikaw u jikkoreġu l-korruzzjoni, il-frodi u l-kunflitti ta’ interess meta jintużaw il-fondi previsti skont dak ir-Regolament, u l-arranġamenti huma mistennija li jevitaw b’mod effettiv il-finanzjament doppju skont dak ir-Regolament u programmi oħra tal-Unjoni. Dan huwa mingħajr preġudizzju għall-applikazzjoni ta’ strumenti u għodod oħra li jippromwovu u jinfurzaw il-konformità mad-dritt tal-Unjoni, inkluż għall-prevenzjoni, l-identifikazzjoni u l-korrezzjoni tal-korruzzjoni, il-frodi u l-kunflitti ta’ interess, u għall-protezzjoni tal-baġit tal-Unjoni f’konformità mar-Regolament (UE, Euratom) 2020/2092 tal-Parlament Ewropew u tal-Kunsill 5 .

(43)Is-sistema ta’ kontroll u l-arranġamenti proposti fl-RRP tal-Estonja huma bbażati fuq proċessi u strutturi robusti użati fil-qafas nazzjonali eżistenti għall-implimentazzjoni tal-fondi strutturali. L-atturi u r-rwoli u r-responsabbiltajiet tagħhom għat-twettiq tal-kompiti ta’ kontroll intern huma deskritti b’mod ċar fl-RRP. Is-sistema ta’ kontroll u arranġamenti rilevanti oħra, inkluż għall-ġbir u d-disponibbiltà tal-kategoriji standardizzati kollha ta’ data stabbiliti fl-Artikolu 22(2), il-punt (d) tar-Regolament (UE) 2021/241, huma adegwati fir-rigward tal-prevenzjoni, l-identifikazzjoni u l-korrezzjoni tal-korruzzjoni, il-frodi, il-kunflitt ta’ interess meta jintużaw il-fondi u biex jiġi evitat finanzjament doppju skont ir-Regolament (UE) 2021/241 u programmi oħra tal-Unjoni.

(44)L-RRP jipprevedi li s-sistema integrata ta’ informazzjoni eżistenti, jiġifieri s-Sistema Operattiva tal-Fondi Strutturali, għandha tintuża mill-istituzzjonijiet kollha involuti fl-implimentazzjoni tal-RRP u li l-proġetti kollha taħt l-RRP għandhom jiġu rreġistrati f’dik is-sistema ta’ informazzjoni. Informazzjoni relatata ma’ kull proġett, bħad-data tal-applikant, id-data ġenerali tal-proġett, l-objettiv, il-baġit, is-sorsi ta’ finanzjament, l-istadji importanti u l-miri intermedji u finali, l-informazzjoni dwar l-implimentazzjoni, il-pagamenti, il-proċeduri ta’ nuqqas ta’ konformità, jenħtieġ li tinħażen fis-Sistema Operattiva tal-Fondi Strutturali. Jenħtieġ li tirreġistra wkoll l-awditi kollha tal-proġetti u tas-sistemi ta’ ġestjoni u ta’ kontroll u tappoġġa r-rekord tal-awditjar u r-rappurtar meħtieġa skont ir-Regolament (UE) 2021/241 tal-miżuri, l-istadji importanti u l-miri differenti.

(45)Il-kapaċità amministrattiva tas-servizzi ċentrali inkarigati mill-implimentazzjoni u l-koordinazzjoni tal-RRP, jiġifieri l-Ministeru għall-Finanzi u ċ-Ċentru ta’ Servizz Kondiviż ta-Istat, u tal-ministeri settorjali involuti hija adegwata biex twettaq ir-rwoli u l-kompiti previsti tagħhom. Jenħtieġ li jiġi inkluż stadju importanti fir-rigward tal-adozzjoni, qabel l-ewwel talba għall-pagament, tar-regolament li jistabbilixxi l-mandat ġuridiku tal-korpi differenti involuti fl-implimentazzjoni tar-Regolament (UE) 2021/241.

Koerenza tal-RRP

(46)F’konformità mal-Artikolu 19(3), il-punt (k), u l-kriterju 2.11 tal-Anness V tar-Regolament (UE) 2021/241, l-RRP jinkludi sa ċertu punt medju (Klassifikazzjoni B) miżuri għall-implimentazzjoni ta’ riformi u proġetti ta’ investiment pubbliku li jirrappreżentaw azzjonijiet koerenti.

(47)L-RRP juri koerenza fi ħdan kull komponent u juri interkonnessjonijiet tematiċi u sinerġiji bejn il-komponenti differenti, b’mod partikolari dawk relatati mat-trasformazzjoni diġitali u t-tranżizzjoni ekoloġika. Madankollu, f’xi oqsma l-koerenza ma tinkisibx bis-sħiħ. Filwaqt li l-RRP jinkludi investimenti sostanzjali biex titrawwem it-tranżizzjoni ekoloġika u diġitali u jiġi appoġġat it-tkabbir ekonomiku, aktar riformi biex tissaħħaħ ix-xibka ta’ sikurezza soċjali, b’mod partikolari t-twessigħ tal-kopertura tal-benefiċċji tal-assigurazzjoni tal-qgħad, jistgħu jikkontribwixxu biex itaffu l-effetti negattivi possibbli fuq ċerti gruppi. L-investimenti sinifikanti fl-infrastruttura tas-saħħa setgħu kienu akkumpanjati minn miżuri li jwasslu għal żieda akbar fil-forza tax-xogħol tas-saħħa biex jittaffew in-nuqqasijiet. Il-kura fit-tul hija prevista li tiġi indirizzata b’diversi miżuri, iżda l-koerenza u l-interkonnessjoni bejn dawn il-miżuri setgħet ġiet żgurata aħjar b’riformi usa’ biex jittejbu l-aċċess u l-kwalità tal-kura fit-tul. Il-miżuri inklużi fl-RRP biex jindirizzaw id-dekarbonizzazzjoni tal-ekonomija huma prinċipalment relatati ma’ investimenti, filwaqt li l-azzjonijiet konkreti għat-tneħħija gradwali tax-shale bituminuż huma mistennija li jiġu stabbiliti fil-Pjan ta’ Żvilupp Nazzjonali tas-Settur tal-Enerġija biss fi tmiem l-2025 u riformi usa’, bħat-tassazzjoni ekoloġika, mhumiex previsti. B’mod ġenerali, l-RRP huwa aktar b’saħħtu fuq l-investiment milli fuq ir-riformi.

Ugwaljanza

(48)L-RRP fih miżuri li huma mistennija li jgħinu lill-Estonja tindirizza l-isfidi li ġġib magħha l-ugwaljanza bejn il-ġeneri u l-opportunitajiet indaqs għal kulħadd, bħal dawk li direttament u indirettament għandhom l-għan li jnaqqsu d-differenza bejn il-pagi tal-irġiel u n-nisa u jindirizzaw il-bżonnijiet ta’ persuni b’diżabilità bħall-iffaċilitar tal-aċċessibilità tal-ambjent tal-għixien. Il-miżura dwar il-ħiliet diġitali għandha tikkontribwixxi biex jiżdied l-għadd ta’ nisa fit-teknoloġija tal-informazzjoni u tal-komunikazzjoni u b’hekk tiġi indirizzata s-segregazzjoni bejn il-ġeneri fis-suq tax-xogħol. L-investiment li jappoġġa l-impjieg taż-żgħażagħ għandu jgħin liż-żgħażagħ biex isibu impjieg u b’hekk jikkontribwixxi għall-inklużjoni soċjali tagħhom. Ir-riformi u l-investimenti inklużi fl-RRP għandhom inaqqsu d-disparitajiet soċjali, ekonomiċi u territorjali eżistenti. L-RRP jirreferi għal inizjattivi leġiżlattivi u ta’ politika li huma mistennija li jikkomplementaw ir-riformi u l-investimenti inklużi fl-RRP.

Awtovalutazzjoni tas-sigurtà

(49)Ma ġietx ipprovduta awtovalutazzjoni tas-sigurtà peress li ma tqisitx xierqa mill-Estonja, f’konformità mal-Artikolu 18(4), il-punt (g), tar-Regolament (UE) 2021/241.

Proġetti transfruntiera u li jinvolvu aktar minn pajjiż wieħed

(50)L-RRP jinkludi l-kostruzzjoni tat-terminal ferrovjarju Rail Baltic ta’ Tallinn, il-punt tat-tluq ta’ Rail Baltic, proġett transfruntier li jgħaqqad it-tliet bliet kapitali u pajjiżi Baltiċi mal-Polonja u l-bqija tal-Unjoni. Il-kooperazzjoni mal-Finlandja hija ppjanata fil-kuntest tal-implimentazzjoni tal-miżura li għandha l-għan li tiżviluppa assistent virtwali biex jaċċessa s-servizzi pubbliċi diġitali.

Proċess ta’ konsultazzjoni

(51)Fit-tħejjija għall-RRP, l-Estonja wettqet proċess ta’ konsultazzjoni li involva l-partijiet ikkonċernati ewlenin u l-pubbliku ġenerali. Ġew organizzati żewġ sessjonijiet ta’ seminars għall-partijiet ikkonċernati matul it-tħejjija tal-RRP f’Diċembru 2020 u f’April 2021. Is-seminars kienu mmirati tematikament lejn diversi gruppi ta’ partijiet ikkonċernati, bħall-awtoritajiet lokali u reġjonali, is-sħab soċjali, l-organizzazzjonijiet tas-soċjetà ċivili, l-organizzazzjonijiet taż-żgħażagħ u partijiet ikkonċernati rilevanti oħra. F’Mejju 2021 saret konsultazzjoni pubblika tal-abbozz sħiħ tal-RRP.

(52)L-Estonja qed tippjana li tqis il-kontribut miġbur mill-partijiet ikkonċernati matul il-proċess ta’ konsultazzjoni meta timplimenta l-miżuri inklużi fl-RRP. Sabiex tiġi żgurata s-sjieda mill-atturi rilevanti, huwa kruċjali li jiġu involuti l-awtoritajiet lokali u l-partijiet ikkonċernati kollha inkwistjoni, inklużi s-sħab soċjali, matul l-implimentazzjoni tal-investimenti u r-riformi inklużi fl-RRP.

Valutazzjoni pożittiva

(53)Wara l-valutazzjoni pożittiva tal-Kummissjoni dwar l-RRP tal-Estonja bis-sejba li l-RRP jikkonforma b’mod sodisfaċenti mal-kriterji għall-valutazzjoni stabbiliti fir-Regolament (UE) 2021/241, f’konformità mal-Artikolu 20(2) u l-Anness V ta’ dak ir-Regolament, jenħtieġ li din id-Deċiżjoni tistabbilixxi r-riformi u l-proġetti ta’ investiment meħtieġa għall-implimentazzjoni tal-RRP, l-istadji importanti, il-miri u l-indikaturi rilevanti, u l-ammont disponibbli mill-Unjoni għall-implimentazzjoni tal-RRP fil-forma ta’ appoġġ finanzjarju li ma jitħallasx lura.

Kontribuzzjoni finanzjarja

(54)Il-kost totali stmat tal-RRP tal-Estonja huwa ta’ EUR 982 490 000. Billi l-RRP jikkonforma b’mod sodisfaċenti mal-kriterji għall-valutazzjoni stabbiliti fir-Regolament (UE) 2021/241 u, barra minn hekk, billi l-ammont tal-kostijiet totali stmati tal-RRP huwa ogħla mill-kontribuzzjoni finanzjarja massima disponibbli għall-Estonja, il-kontribuzzjoni finanzjarja allokata għall-RRP tal-Estonja jenħtieġ li tkun daqs l-ammont totali tal-kontribuzzjoni finanzjarja disponibbli għall-Estonja.

(55)F’konformità mal-Artikolu 11(2) tar-Regolament (UE) 2021/241, il-kalkolu tal-kontribuzzjoni finanzjarja massima għall-Estonja jrid jiġi aġġornat sat-30 ta’ Ġunju 2022. Bħala tali, f’konformità mal-Artikolu 23(1) ta’ dak ir-Regolament, issa jenħtieġ li ammont għall-Estonja li ma jaqbiżx il-kontribuzzjoni finanzjarja massima msemmija fil-punt (a) tal-Artikolu 11(1) ta’ dak ir-Regolament isir disponibbli għal impenn ġuridiku sal-31 ta’ Diċembru 2022. Fejn meħtieġ wara l-aġġornament tal-kontribuzzjoni finanzjarja massima, il-Kunsill, fuq proposta mill-Kummissjoni, jenħtieġ li jemenda din id-Deċiżjoni biex tinkludi l-kontribuzzjoni finanzjarja massima aġġornata, ikkalkulata skont l-Artikolu 11(2) ta ’dak ir-Regolament, mingħajr dewmien żejjed.

(56)L-appoġġ li għandu jingħata għandu jiġi ffinanzjat mill-għoti b’self mill-Kummissjoni f’isem l-Unjoni abbażi tal-Artikolu 5 tad-Deċiżjoni tal-Kunsill (UE, Euratom) 2020/2053 6 . L-appoġġ jenħtieġ li jitħallas bin-nifs ladarba l-Estonja tkun issodisfat b’mod sodisfaċenti l-istadji importanti rilevanti u l-miri identifikati b’rabta mal-implimentazzjoni tal-RRP.

(57)L-Estonja talbet prefinanzjament ta’ 13 % tal-kontribuzzjoni finanzjarja. Dak l-ammont jenħtieġ li jkun disponibbli għall-Estonja soġġett għad-dħul fis-seħħ tal-ftehim previst fl-Artikolu 23(1) tar-Regolament (UE) 2021/241 (il-“ftehim ta’ finanzjament”) u f’konformità miegħu.

(58)Jenħtieġ li din id-Deċiżjoni tkun mingħajr preġudizzju għall-eżitu ta’ kull proċedura marbuta mal-għoti ta’ fondi tal-Unjoni skont kull programm tal-Unjoni ħlief il-Faċilità jew għal proċeduri marbuta ma’ distorsjonijiet tal-operazzjoni tas-suq intern li jistgħu jitwettqu, b’mod partikolari skont l-Artikoli 107 u 108 tat-Trattat. Din ma twarrabx il-ħtieġa li l-Istati Membri jinnotifikaw każijiet ta’ għajnuna potenzjali mill-Istat lill-Kummissjoni skont l-Artikolu 108 tat-Trattat,

ADOTTA DIN ID-DEĊIŻJONI:

Artikolu 1
Approvazzjoni tal-valutazzjoni tal-RRP

Il-valutazzjoni tal-RRP tal-Estonja fuq il-bażi tal-kriterji previsti fl-Artikolu 19(3) tar-Regolament (UE) 2021/241 hija approvata. Ir-riformi u l-proġetti ta’ investiment skont l-RRP, l-arranġamenti u l-iskeda ta’ żmien għall-monitoraġġ u l-implimentazzjoni tal-RRP, inkluż l-istadji importanti u l-miri rilevanti, l-indikaturi rilevanti marbuta mal-issodisfar tal-istadji importanti u l-miri previsti, u l-arranġamenti biex il-Kummissjoni tagħti aċċess sħiħ għad-data rilevanti sottostanti huma stabbiliti fl-Anness ta’ din id-Deċiżjoni.

Artikolu 2
Kontribuzzjoni finanzjarja

1.L-Unjoni għandha tqiegħed għad-dispożizzjoni tal-Estonja kontribuzzjoni finanzjarja fil-forma ta’ appoġġ li ma jitħallasx lura li jammonta għal EUR 969 299 213 7 . Ammont ta’ EUR 759 545 893 għandu jkun disponibbli biex jiġi impenjat legalment sal-31 ta’ Diċembru 2022. Jekk l-aġġornament previst fl-Artikolu 11(2) tar-Regolament (UE) 2021/241 jirriżulta f’kontribuzzjoni finanzjarja massima aġġornata għall-Estonja li hija ugwali għal jew aktar minn EUR 969 299 213, għandu jkun disponibbli ammont ieħor ta’ EUR 209 753 320 biex jiġi impenjat legalment mill-1 ta’ Jannar 2023 sal-31 ta’ Diċembru 2023. Jekk l-aġġornament previst fl-Artikolu 11(2) tar-Regolament (UE) 2021/241 jirriżulta f’kontribuzzjoni finanzjarja massima aġġornata għall-Estonja li tkun inqas minn EUR 969 299 213, id-differenza bejn il-kontribuzzjoni finanzjarja massima aġġornata u l-ammont ta’ EUR 759 545 893 għandha tkun disponibbli biex tkun legalment impenjata skont il-proċedura stabbilita fl-Artikolu 20(8) tar-Regolament (UE) 2021/241 mill-1 ta’ Jannar 2023 sal-31 ta’ Diċembru 2023.

2.Il-Kummissjoni għandha tagħmel il-kontribuzzjoni finanzjarja tal-Unjoni disponibbli għall-Estonja fi ħlasijiet parzjali f’konformità mal-Anness ta’ din id-Deċiżjoni. Ammont ta’ EUR 126 008 898 għandu jsir disponibbli bħala pagament ta’ prefinanzjament, ugwali għal 13 % tal-kontribuzzjoni finanzjarja. Il-Kummissjoni tista’ tiżborża l-prefinanzjament u l-ħlasijiet parzjali f’segment wieħed jew f’diversi segmenti. Id-daqs tas-segmenti għandu jkun soġġett għad-disponibbiltà tal-finanzjament.

3.Il-prefinanzjament għandu jiġi rilaxxat soġġett għad-dħul fis-seħħ tal-ftehim ta’ finanzjament u f’konformità miegħu. Il-prefinanzjament għandu jitħallas billi jitnaqqas proporzjonalment mill-pagament tal-ħlasijiet parzjali.

4.Ir-rilaxx tal-ħlasijiet parzjali f’konformità mal-ftehim ta’ finanzjament għandu jkun kondizzjonali għall-finanzjament disponibbli u deċiżjoni mill-Kummissjoni, f’konformità mal-Artikolu 24 tar-Regolament (UE) 2021/241, li l-Estonja tkun issodisfat b’mod sodisfaċenti l-istadji importanti u l-miri rilevanti identifikati fir-rigward tal-implimentazzjoni tal-RRP. Sabiex tkun eliġibbli għall-pagament, l-Estonja għandha tlesti l-istadji importanti u l-miri sa mhux aktar tard mill-31 ta’ Awwissu 2026, soġġett għad-dħul fis-seħħ tal-impenji ġuridiċi msemmija fil-paragrafu 1.

Artikolu 3
Destinatarju

Din id-Deċiżjoni hija indirizzata lir-Repubblika tal-Estonja.

Magħmul fi Brussell,

(1)    ĠU L 57, 18.2.2021, p. 17.

(2)    Ir-Regolament tal-Kunsill (UE) 2020/2094 tal-14 ta’ Diċembru 2020 li jistabbilixxi Strument tal-Unjoni Ewropea għall-Irkupru biex jappoġġa l-irkupru wara l-kriżi tal-COVID-19 (ĠU L 433I, 22.12.2020, p. 23).

(3)    Ir-Regolament (UE) 2020/852 tal-Parlament Ewropew u tal-Kunsill tat-18 ta’ Ġunju 2020 dwar l-istabbiliment ta’ qafas biex jiġi ffaċilitat l-investiment sostenibbli, u li jemenda r-Regolament (UE) 2019/2088 (ĠU L 198, 22.6.2020, p. 13).

(4)    Ir-Regolament (UE) 2021/240 tal-Parlament Ewropew u tal-Kunsill tal-10 ta’ Frar 2021 li jistabbilixxi Strument ta’ Appoġġ Tekniku (ĠU L 57, 18.2.2021, p. 1).

(5)    Ir-Regolament (UE, Euratom) 2020/2092 tal-Parlament Ewropew u tal-Kunsill tas-16 ta’ Diċembru 2020 dwar reġim ġenerali ta’ kondizzjonalità għall-protezzjoni tal-baġit tal-Unjoni (ĠU L 433 I , 22.12.2020, p. 1).

(6)    Id-Deċiżjoni tal-Kunsill (UE, Euratom) 2020/2053 tal-14 ta’ Diċembru 2020 dwar is-sistema tar-riżorsi proprji tal-Unjoni Ewropea u li tħassar id-Deċiżjoni 2014/335/UE, Euratom (ĠU L 424, 15.12.2020, p. 1).

(7)    Dan l-ammont jikkorrispondi għall-allokazzjoni finanzjarja wara t-tnaqqis tas-sehem proporzjonali tal-Estonja tal-ispejjeż tal-Artikolu 6(2) tar-Regolament (UE) 2021/241, ikkalkulat skont il-metodoloġija tal-Artikolu 11 ta’ dak ir-Regolament.

IL-KUMMISSJONI EWROPEA

Brussell, 5.10.2021

COM(2021) 625 final

ANNESS

tal-

Proposta għal Deċiżjoni ta’ Implimentazzjoni tal-Kunsill

dwar l-approvazzjoni tal-valutazzjoni tal-pjan għall-irkupru r-reżiljenza għall-Estonja

{SWD(2021) 285 final}

ANNESS

TAQSIMA 1: RIFORMI U INVESTIMENTI SKONT IL-PJAN GĦALL-IRKUPRU U R-REŻILJENZA

1.Deskrizzjoni tar-Riformi u l-Investimenti

   A. KOMPONENT 1: Trasformazzjoni diġitali tal-intrapriżi

L-objettiv ta’ dan il-komponent tal-pjan Estonjan għall-irkupru u r-reżiljenza huwa li jrawwem it-trasformazzjoni diġitali tal-kumpaniji Estonjani u l-kompetittività tagħhom, b’mod partikolari fis-swieq tal-esportazzjoni. Huwa għandu jipprovdi appoġġ finanzjarju lil kumpaniji tas-setturi kollha, b’enfasi fuq l-SMEs u l-mikrointrapriżi, fi stadji differenti tat-trasformazzjoni diġitali tagħhom, kif ukoll kontribuzzjonijiet speċifiċi għall-adozzjoni u l-użu ta’ soluzzjonijiet diġitali fis-setturi tal-kostruzzjoni u tat-trasport tal-merkanzija bit-triq. Barra minn hekk, il-komponent għandu jindirizza l-kwistjoni ewlenija tal-ħiliet diġitali, permezz tas-sensibilizzazzjoni tal-maniġers tal-SMEs u l-appoġġ għat-titjib tal-ħiliet u t-taħriġ mill-ġdid ta’ speċjalisti fit-teknoloġiji tal-informazzjoni u tal-komunikazzjoni (ICT).

L-azzjonijiet immirati biex jappoġġaw l-identifikazzjoni ta’ opportunitajiet ta’ esportazzjoni u l-promozzjoni ta’ kumpaniji Estonjani barra mill-pajjiż għandhom jitwettqu f’sinerġija mal-attivitajiet ta’ Enterprise Estonia.

Il-komponent jappoġġa l-indirizzar tar-Rakkomandazzjonijiet Speċifiċi għall-Pajjiżi dwar l-investiment fit-tranżizzjoni diġitali (ir-Rakkomandazzjoni Speċifika għall-Pajjiż 3 fl-2020) u dwar in-nuqqas ta’ ħiliet (ir-Rakkomandazzjoni Speċifika għall-Pajjiż 2 fl-2019).

Mhuwiex mistenni li xi miżura f’dan il-komponent tagħmel ħsara sinifikanti lill-objettivi ambjentali fis-sens tal-Artikolu 17 tar-Regolament (UE) 2020/852, b’kont meħud tad-deskrizzjoni tal-miżuri u l-passi ta’ mitigazzjoni stabbiliti fil-pjan għall-irkupru u r-reżiljenza f’konformità mal-Gwida Teknika “La tagħmilx ħsara sinifikanti” (2021/C58/01).

A.1.    Deskrizzjoni tar-riformi u l-investimenti għal appoġġ finanzjarju mhux ripagabbli

1.1.Investiment: Trasformazzjoni diġitali fl-intrapriżi

L-objettiv tal-miżura huwa li trawwem it-trasformazzjoni diġitali tan-negozji b’enfasi partikolari fuq l-SMEs u l-mikrointrapriżi.

Il-miżura tikkonsisti fl-għoti ta’ appoġġ finanzjarju lill-SMEs u lill-mikrointrapriżi fl-Estonja mis-setturi kollha għal attivitajiet u investimenti rilevanti għat-trasformazzjoni diġitali tagħhom. Dan l-appoġġ finanzjarju, li għandu jkun ikkomplementat bir-riżorsi proprji tal-kumpaniji, għandu jkopri wieħed jew aktar mill-aspetti li ġejjin:

-l-adozzjoni ta’ teknoloġiji diġitali,

-l-iżvilupp ta’ clouds tad-data industrijali,

-l-attivitajiet ta’ riċerka, żvilupp, ittestjar u pilotaġġ industrijali,

-l-istudji ta’ fattibilità, is-servizzi ta’ konsulenza u appoġġ,

-it-taħriġ tal-persunal.

Il-finanzjament għandu jiġi allokat permezz ta’ sejħiet miftuħa għal proposti.

Sabiex jiġi żgurat li l-miżura tikkonforma mal-Gwida Teknika “La tagħmilx ħsara sinifikanti” (2021/C58/01), il-kriterji tal-eliġibbiltà li jinsabu fit-termini ta’ referenza għas-sejħiet għal proposti għandhom jeskludu l-lista ta’ attivitajiet li ġejjin: (i) attivitajiet relatati mal-karburanti fossili, inkluż l-użu downstream 1 ; (ii) attivitajiet fil-qafas tal-Iskema tal-UE għall-Iskambju ta’ Kwoti tal-Emissjonijiet (ETS), li jiksbu emissjonijiet proġettati tal-gassijiet serra li mhumiex aktar baxxi mill-parametri referenzjarji rilevanti 2 ; (iii) attivitajiet relatati ma’ landfills tal-iskart, inċineraturi 3 u ma’ impjanti tat-trattament mekkaniku u bijoloġiku 4 ; u (iv) attivitajiet fejn ir-rimi tal-iskart fit-tul jista’ jagħmel ħsara lill-ambjent. It-termini ta’ referenza għandhom jirrikjedu wkoll li jintgħażlu biss attivitajiet li jikkonformaw mal-leġiżlazzjoni ambjentali rilevanti tal-UE u nazzjonali.

L-implimentazzjoni tal-miżura għandha titlesta sal-31 ta’ Diċembru 2025.

1.2.Investiment: Żvilupp ta’ kostruzzjoni elettronika

L-objettiv tal-miżura huwa li tikkontribwixxi għall-aċċellerazzjoni tat-trasformazzjoni diġitali tas-settur tal-kostruzzjoni sabiex tiżdied il-produttività tiegħu, titnaqqas l-impronta ambjentali tiegħu u titjieb il-kwalità tal-bini. Dan l-investiment huwa mistenni wkoll li jrawwem kondiviżjoni usa’ u aktar effiċjenti tad-data fost il-partijiet ikkonċernati.

Il-miżura tikkonsisti fi tliet fergħat differenti:

(I)l-iżvilupp ta’ interfaċċi ta’ software bejn il-pjattaforma nazzjonali ta’ kostruzzjoni elettronika (li qed tiġi żviluppata taħt ir-responsabbiltà tad-Dipartiment tal-Kostruzzjoni u d-Djar fil-Ministeru għall-Affarijiet Ekonomiċi u l-Komunikazzjoni) u sistemi ta’ informazzjoni pubbliċi u privati eżistenti użati fis-settur, sabiex, inter alia, jiġu awtomatizzati l-verifiki tal-konformità tal-bini ma’ diversi rekwiżiti regolatorji, kif ukoll il-kunsinna ta’ ċertifikati u awtorizzazzjonijiet; dan jinkludi t-taħriġ tal-utenti tal-pjattaforma ta’ kostruzzjoni elettronika (inkluż l-iżvilupp ta’ materjal ta’ taħriġ);

(II)l-appoġġ għall-introduzzjoni ta’ standards internazzjonali u l-aħjar prattiki fir-rigward tad-diġitalizzazzjoni tal-kostruzzjoni u l-manutenzjoni tal-bini, inkluż permezz tal-introduzzjoni ta’ sistema ta’ klassifikazzjoni tad-data tal-kostruzzjoni, il-ħolqien ta’ bażi tad-data dwar il-materjali tal-kostruzzjoni u l-prodotti tal-kostruzzjoni, l-introduzzjoni ta’ BIM (Immudellar tal-Informazzjoni dwar il-Bini) fil-qasam tal-manutenzjoni tal-proprjetà;

(III) l-appoġġ għal proġetti (magħżula permezz ta’ sejħiet miftuħa għal proposti) li għandhom l-għan li jimplimentaw l-għodod diġitali tal-kostruzzjoni u jiżviluppaw (u jwettqu wkoll prototipi ta’) servizzi privati u pubbliċi innovattivi konnessi mal-pjattaforma nazzjonali ta’ kostruzzjoni elettronika.

L-implimentazzjoni tal-miżura għandha titlesta sal-31 ta’ Diċembru 2025.

1.3.Investiment: Żvilupp ta’ servizzi ta’ poloz tal-vjeġġ diġitali

L-objettiv tal-miżura huwa li tappoġġa d-diġitalizzazzjoni tal-iskambju ta’ informazzjoni fit-trasport tal-merkanzija bit-triq permezz tal-introduzzjoni ta’ poloz tal-vjeġġ diġitali, f’konformità mar-Regolament (UE) 2020/1056 dwar l-informazzjoni elettronika dwar it-trasport tal-merkanzija (eFTI), u b’hekk tikkontribwixxi għall-funzjonament bla xkiel tas-suq intern.

Il-miżura tikkonsisti f’appoġġ:

(I)għall-fornituri tas-servizzi fl-istabbiliment ta’ pjattaformi tal-eFTI biex jippermettu l-użu ta’ poloz tal-vjeġġ diġitali (eCMR — Nota ta’ konsenja elettronika),

(II)għall-intrapriżi tat-trasport u tal-loġistika fl-interfaċċar tas-sistemi u l-proċessi tagħhom mal-pjattaformi tal-eFTI, li jippermettulhom jużaw il-poloz tal-vjeġġ diġitali (eCMR).

Il-proġetti korrispondenti għandhom jintgħażlu permezz ta’ żewġ sejħiet distinti għal proposti.

L-implimentazzjoni tal-miżura għandha titlesta sat-30 ta’ Ġunju 2026.

1.4.Riforma: Riforma tal-ħiliet għat-trasformazzjoni diġitali tan-negozji

L-objettiv tar-riforma huwa li tikkontribwixxi għat-tisħiħ tal-kapaċità tan-negozji fil-livell maniġerjali biex imexxu u jrawmu t-tranżizzjoni diġitali, kif ukoll biex jiżguraw id-disponibbiltà ta’ biżżejjed professjonisti tal-ICT li għandhom ħiliet u għarfien aġġornati, sabiex il-kumpaniji Estonjani jkunu jistgħu jaħtfu bis-sħiħ l-opportunitajiet offruti mit-tranżizzjoni diġitali. Għandha wkoll l-għan li toffri opportunitajiet ġodda ta’ karriera kemm lill-persuni impjegati kif ukoll lil dawk qiegħda permezz tat-titjib tal-ħiliet u t-taħriġ mill-ġdid fl-ICT, kif ukoll permezz ta’ rikonoxximent aħjar tal-ħiliet miksuba barra mit-tagħlim formali. Il-miżura għandha wkoll l-għan li tikkontribwixxi biex tiżdied il-parteċipazzjoni tan-nisa fit-taħriġ tal-ICT u l-professjonijiet tal-ICT.

Il-miżura tikkonsisti fl-erba’ fergħat li ġejjin:

(I)it-taħriġ tal-maniġers fil-kumpaniji (b’mod partikolari l-SMEs), sabiex jiżdiedu l-ħiliet u l-għarfien tal-ICT tagħhom u jiżdied l-għarfien tagħhom dwar il-kisbiet potenzjali mill-użu tal-ICT,

(II)reviżjoni tal-kontenut u l-organizzazzjoni tat-taħriġ tal-esperti tal-ICT, filwaqt li jitqiesu l-aħħar żviluppi teknoloġiċi, l-importanza dejjem akbar taċ-ċibersigurtà u l-ħtiġijiet tal-kumpaniji,

(III) pilota għat-tfassil mill-ġdid tal-qafas tal-kwalifiki għall-ispeċjalisti tal-ICT,

(IV) it-titjib tal-ħiliet u t-taħriġ mill-ġdid tal-ispeċjalisti tal-ICT, inkluż fiċ-ċibersigurtà.

L-implimentazzjoni tal-miżura għandha titlesta sat-30 ta’ Ġunju 2026.

1.5.Riforma: Appoġġ għall-kompetittività tal-intrapriżi fi swieq barranin

L-objettiv tal-miżura huwa li żżid il-kapaċità tal-esportazzjoni u l-kompetittività tal-kumpaniji Estonjani, inklużi b’mod partikolari dawk tas-settur tal-ICT. Il-miżura hija mistennija li tkun partikolarment rilevanti għall-SMEs. Għandha wkoll tieħu vantaġġ mill-possibbiltajiet offruti mill-għodod diġitali.

Il-miżura tikkonsisti fi tliet sottomiżuri:

(I)l-iżvilupp ta’ strateġiji ta’ esportazzjoni mmirati lejn pajjiżi jew reġjuni speċifiċi;

(II)l-istabbiliment ta’ ċentri tan-negozju li jinsabu fi swieq ewlenin tal-esportazzjoni;

(III) il-promozzjoni ta’ prodotti u servizzi Estonjani (b’mod partikolari mis-settur tal-ICT) permezz ta’ missjonijiet u avvenimenti fiżiċi, virtwali jew ibridi.

L-implimentazzjoni tal-miżura għandha titlesta sat-30 ta’ Ġunju 2026.

1.5.1.Sottoriforma: Strateġiji nazzjonali u reġjonali

Din is-sottoriforma tikkonsisti fl-iżvilupp ta’ sensiela ta’ strateġiji ta’ esportazzjoni komprensivi li jindirizzaw pajjiżi u reġjuni fil-mira ewlenin, jiġifieri dawk li jirrappreżentaw potenzjal għoli ta’ tkabbir għall-kumpaniji Estonjani. Huma għandhom jinkludu kapitoli speċifiċi dwar opportunitajiet ta’ esportazzjoni għas-settur tal-ICT u, b’mod aktar ġenerali, soluzzjonijiet diġitali żviluppati f’oqsma ta’ applikazzjoni differenti (bħall-governanza, l-edukazzjoni jew it-trasport).

Dawn l-istrateġiji għandhom l-għan li jipprovdu pariri lill-kumpaniji li jidħlu fis-swieq ikkonċernati jew li diġà joperaw fihom.

Il-pajjiżi u r-reġjuni li għandhom jiġu indirizzati mill-istrateġiji għandhom jiġu identifikati permezz ta’ analiżi li għandha titwettaq bħala parti mill-implimentazzjoni ta’ din is-sottomiżura.

L-implimentazzjoni ta’ din il-miżura għandha titwettaq f’sinerġija mal-attivitajiet ta’ Enterprise Estonia, fost sħab oħra.

1.5.2.Sottoriforma: Ċentri tan-negozju innovattivi fi swieq ewlenin tal-esportazzjoni

Din is-sottoriforma tikkonsisti fl-istabbiliment ta’ ċentri tan-negozju f’seba’ pajjiżi barranin (ġewwa u/jew barra l-Unjoni) meqjusa bħala swieq tal-esportazzjoni importanti. Dawn iċ-ċentri tan-negozju għandu jkun fihom tagħmir adattat għal laqgħat fiżiċi, virtwali kif ukoll ibridi, riċevimenti u preżentazzjonijiet li se jiġu organizzati mill-intrapriżi Estonjani fis-setturi kollha mmirati lejn is-suq partikolari. Dak it-tagħmir jista’ jintuża wkoll, minbarra fl-avvenimenti, għall-introduzzjoni għal kwalunkwe klijent potenzjali ta’ raggruppament jew intrapriża partikolari fl-Estonja. Iċ-ċentri tan-negozju għandhom jikkontribwixxu għall-promozzjoni ta’ kumpaniji Estonjani, jappoġġawhom lokalment fl-attivitajiet ta’ esportazzjoni tagħhom, u jgħinu biex jattiraw investituri barranin. L-attivitajiet taċ-ċentri tan-negozju għandhom jitwettqu f’sinerġija mal-attivitajiet ta’ Enterprise Estonia, fost sħab oħra.

Il-post fejn jinsabu ċ-ċentri tan-negozju għandu jiġi identifikat wara analiżi li għandha titwettaq bħala parti mill-implimentazzjoni ta’ din is-sottomiżura.

1.5.3.Sottoriforma: Gruppi globali tal-impatt tal-esportazzjoni elettronika u stadji virtwali

Din is-sottoriforma tikkonsisti fl-istabbiliment ta’ gruppi ta’ rappreżentanti kemm tal-awtoritajiet pubbliċi kif ukoll ta’ partijiet ikkonċernati oħra, inklużi b’mod partikolari kumpaniji privati, u l-appoġġ għall-promozzjoni ta’ prodotti u servizzi Estonjani (b’mod partikolari mis-settur tal-ICT) minn dawn il-gruppi, permezz ta’ missjonijiet u parteċipazzjoni f’avvenimenti fiżiċi, virtwali jew ibridi.

L-implimentazzjoni ta’ din is-sottoriforma tinkludi wkoll it-tisħiħ tal-promozzjoni tal-prodotti u s-servizzi Estonjani f’avvenimenti ewlenin bl-użu ta’ għodod diġitali. L-hekk imsejħa “stadji virtwali” għandhom joħolqu aktar opportunitajiet ta’ parteċipazzjoni għall-partijiet ikkonċernati Estonjani u juru soluzzjonijiet diġitali Estonjani. Dawn l-“istadji virtwali” għandhom jikkonsistu f’soluzzjonijiet tekniċi li jikkombinaw elementi fiżiċi u diġitali biex jippermettu avveniment relatat mal-esportazzjoni fl-Estonja jilħaq udjenzi globali jew esportaturi Estonjani jipparteċipaw f’avvenimenti globali organizzati barra mill-pajjiż.

L-implimentazzjoni ta’ din il-miżura għandha titwettaq f’sinerġija mal-attivitajiet ta’ Enterprise Estonia, fost sħab oħra.

A.2.    Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju importanti / Mira	Isem	Indikaturi kwalitattivi (għall-istadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Mira	Kwart	Sena
1	1.1 Trasformazzjoni diġitali fl-intrapriżi	Stadju importanti	Sejħa għal proposti bi kriterji għall-għoti u kundizzjonijiet għall-għoti	Pubblikazzjoni tal-avviż tas-sejħa għall-proposti				Q2	2022	Għandha tiġi ppubblikata sejħa għal proposti biex tiġi appoġġata t-trasformazzjoni diġitali tan-negozji, flimkien mal-kriterji tal-għoti, mill-Ministeru għall-Affarijiet Ekonomiċi u l-Komunikazzjonijiet. Il-kriterji ta’ evalwazzjoni u l-kundizzjonijiet tal-għoti ta’ appoġġ għandhom jiġu definiti abbażi ta’ analiżi tal-ħtiġijiet tal-kumpaniji Estonjani u l-impatt mistenni tal-miżura. Il-kriterji tal-eliġibbiltà għandhom jiżguraw ukoll li l-proġetti magħżula jikkonformaw mal-Gwida Teknika “La tagħmilx ħsara sinifikanti” (2021/C58/01) permezz tal-użu ta’ lista ta’ esklużjoni u r-rekwiżit ta’ konformità mal-leġiżlazzjoni ambjentali rilevanti tal-UE u nazzjonali.
2	1.1 Trasformazzjoni diġitali fl-intrapriżi	Mira	Għoti ta’ għotjiet		Għadd ta’ intrapriżi li qed jingħataw għotja	0	110	Q4	2023	Għadd ta’ intrapriżi li lilhom għandhom jingħataw għotjiet mill-Ministeru għall-Affarijiet Ekonomiċi u l-Komunikazzjonijiet biex jappoġġaw it-trasformazzjoni diġitali tagħhom skont is-sejħa għal proposti.
3	1.1 Trasformazzjoni diġitali fl-intrapriżi	Mira	Għoti ta’ għotjiet		Għadd ta’ intrapriżi li qed jingħataw għotja	110	230	Q4	2025	Għadd ta’ intrapriżi li lilhom għandhom jingħataw għotjiet mill-Ministeru għall-Affarijiet Ekonomiċi u l-Komunikazzjonijiet biex jappoġġaw it-trasformazzjoni diġitali tagħhom skont is-sejħa għal proposti.
4	1.2 Żvilupp ta’ kostruzzjoni elettronika	Stadju importanti	Adozzjoni ta’ standards internazzjonali u l-aħjar prattiki għall-użu ta’ teknoloġiji diġitali fil-kostruzzjoni	Adozzjoni ta’ standards internazzjonali u l-aħjar prattiki				Q4	2024	Il-ħidma fuq l-adozzjoni ta’ standards internazzjonali u l-aħjar prattiki għall-użu tat-teknoloġiji diġitali fil-kostruzzjoni u l-ġestjoni tal-bini għandha titmexxa u tkun ikkoordinata mill-Ministeru għall-Affarijiet Ekonomiċi u l-Komunikazzjoni, bl-introduzzjoni ta’ sistema ta’ klassifikazzjoni tad-data dwar il-kostruzzjoni, il-ħolqien ta’ bażi tad-data disponibbli pubblikament għall-materjali tal-kostruzzjoni u l-prodotti tal-kostruzzjoni u l-introduzzjoni tal-immudellar tal-informazzjoni dwar il-bini fil-qasam tal-manutenzjoni tal-proprjetà.
5	1.2 Żvilupp ta’ kostruzzjoni elettronika	Stadju importanti	Disponibbiltà tas-servizzi pubbliċi fuq il-pjattaforma ta’ kostruzzjoni elettronika	Dħul fis-servizz ta’ interfaċċi bejn il-pjattaforma ta’ kostruzzjoni elettronika u s-servizzi pubbliċi relatati				Q4	2025	Is-servizzi pubbliċi previsti fil-pjan ta’ żvilupp ta’ kostruzzjoni elettronika għandhom jiġu żviluppati, operazzjonali u jsiru pubbliċi fuq il-pjattaforma ta’ kostruzzjoni elettronika. Il-materjal ta’ taħriġ għandu jkun disponibbli wkoll għall-utenti. Dan jinkludi servizzi relatati mal-ambjent mibni – bħal permessi għall-bini u l-ippjanar, ir-reġistru (logbook) tal-bini u l-passaport ta’ rinnovazzjoni.
6	1.2 Żvilupp ta’ kostruzzjoni elettronika	Mira	Tlestija ta’ proġetti ta’ żvilupp u prototipi		Għadd ta’ proġetti kompluti	0	120	Q4	2025	Għadd ta’ proġetti kompluti għall-iżvilupp u/jew l-implimentazzjoni ta’ għodod diġitali ta’ kostruzzjoni u prototipi ta’ soluzzjonijiet diġitali innovattivi bbażati fuq il-pjattaforma ta’ kostruzzjoni elettronika.
7	1.3 Żvilupp ta’ servizzi ta’ poloz tal-vjeġġ diġitali	Mira	żvilupp tal-pjattaformi eFTI (Informazzjoni elettronika dwar it-Trasport tal-Merkanzija)		Għadd ta’ proġetti mnedija	0	5	Q2	2023	Għadd ta’ proġetti li jiżviluppaw pjattaforma tal-eFTI li rċevew deċiżjoni ta’ għotja pożittiva.
8	1.3 Żvilupp ta’ servizzi ta’ poloz tal-vjeġġ diġitali	Mira	Żvilupp tal-interfaċċa tal-eCMR (electronic Consignment Note)		Għadd ta’ proġetti mnedija	0	270	Q4	2024	Għadd ta’ proġetti li jippermettu lill-operaturi tat-trasport u tal-loġistika jkunu konnessi mal-pjattaformi tal-eFTI u jużaw l-eCMR li jkunu rċevew deċiżjoni ta’ għotja pożittiva.
9	1.3 Żvilupp ta’ servizzi ta’ poloz tal-vjeġġ diġitali	Mira	L-għadd totali ta’ proġetti lesti		Għadd ta’ proġetti kompluti	0	275	Q4	2025	Għadd ta’ proġetti tal-eFTI u tal-eCMR kompluti, li jikkontribwixxu għall-użu ta’ poloz tal-vjeġġ diġitali.
10	1.3 Żvilupp ta’ servizzi ta’ poloz tal-vjeġġ diġitali	Stadju importanti	Evalwazzjoni ex post tal-iżvilupp u l-varar tal-poloz tal-vjeġġi diġitali	Adozzjoni tar-rapport tal-evalwazzjoni ex post mill-Ministeru għall-Affarijiet Ekonomiċi u l-Komunikazzjonijiet				Q2	2026	Korp estern għandu janalizza l-impatt tal-miżura ta’ appoġġ fuq is-settur tat-trasport tal-merkanzija bit-triq u jippreżenta rapport ta’ evalwazzjoni, li għandu jiġi adottat mill-Ministeru għall-Affarijiet Ekonomiċi u l-Komunikazzjoni.
11	1.4 Riforma tal-ħiliet għat-trasformazzjoni diġitali tan-negozji	Stadju importanti	Dħul fis-seħħ tal-leġiżlazzjoni sekondarja li tistabbilixxi t-termini ta’ appoġġ għall-iżvilupp tal-ħiliet diġitali	Dħul fis-seħħ ta’ leġiżlazzjoni sekondarja				Q2	2022	Il-leġiżlazzjoni sekondarja meħtieġa għall-applikazzjoni u l-allokazzjoni tal-appoġġ għandha tidħol fis-seħħ. Il-kundizzjonijiet għall-appoġġ għandhom jiġu stabbiliti permezz ta’ digriet ministerjali, li għandu jiġi kkoordinat mal-Ministeru għall-Finanzi u ċ-Ċentru ta’ Servizzi Kondiviżi tal-Istat.  Id-digriet ministerjali għandu jkun fih l-elementi li ġejjin: - l-objettiv tal-miżura, - id-deskrizzjoni tal-attivitajiet appoġġati, - il-benefiċjarji u l-gruppi fil-mira, - il-kundizzjonijiet għall-implimentazzjoni, - il-kostijiet eliġibbli u s-simplifikazzjonijiet użati, - il-kundizzjonijiet għall-pagamenti, - il-kundizzjonijiet għar-rappurtar u l-monitoraġġ.
12	1.4 Riforma tal-ħiliet għat-trasformazzjoni diġitali tan-negozji	Mira	Reġistrazzjoni f’attivitajiet ta’ taħriġ		Għadd ta’ parteċipanti	0	500	Q4	2023	Għadd ta’ persuni rreġistrati f’attivitajiet ta’ taħriġ appoġġati skont din il-miżura, li jikkonsistu f’sensibilizzazzjoni għall-maniġers tal-SMEs, u titjib tal-ħiliet u taħriġ mill-ġdid għall-ispeċjalisti tal-ICT. Minimu ta’ 35 % tal-parteċipanti rreġistrati f’dawn l-attivitajiet ta’ taħriġ għandhom ikunu nisa.
13	1.4 Riforma tal-ħiliet għat-trasformazzjoni diġitali tan-negozji	Mira	Tlestija tal-attivitajiet ta’ taħriġ		Għadd ta’ parteċipanti	0	2 000	Q2	2026	Għadd ta’ persuni li jkunu lestew il-kors ta’ taħriġ tagħhom permezz tal-attivitajiet ta’ taħriġ appoġġati skont din il-miżura, inkluż is-sensibilizzazzjoni għall-maniġers tal-SMEs, u t-titjib tal-ħiliet u t-taħriġ mill-ġdid għall-ispeċjalisti tal-ICT. Minimu ta’ 35 % tal-parteċipanti li jkunu lestew dawn l-attivitajiet ta’ taħriġ għandhom ikunu nisa.
14	1.4 Riforma tal-ħiliet għat-trasformazzjoni diġitali tan-negozji	Mira	Għadd ta’ moduli ġodda ta’ titjib tal-ħiliet u ta’ taħriġ mill-ġdid		Għadd ta’ kurrikuli rreġistrati fis-Sistema ta’ Informazzjoni dwar l-Edukazzjoni (EHIS) tal-Estonja.	0	5	Q4	2023	Għadd ta’ moduli ta’ titjib tal-ħiliet u taħriġ mill-ġdid żviluppati b’kontenut dettaljat ta’ taħriġ, struttura u materjali ta’ taħriġ biex jiġi pprovdut taħriġ relatat mal-ħiliet diġitali. Kurrikuli ġodda żviluppati għal dawn il-moduli għandhom jiġu rreġistrati fis-Sistema ta’ Informazzjoni dwar l-Edukazzjoni (EHIS) tal-Estonja.
15	1.4 Riforma tal-ħiliet għat-trasformazzjoni diġitali tan-negozji	Mira	Rieżami tal-istandards tal-kwalifiki għall-ispeċjalisti tal-ICT.		Għadd ta’ standards ta’ kwalifiki analizzati u adattati kif u jekk meħtieġ	0	5	Q4	2024	Għadd ta’ standards ta’ kwalifiki stabbiliti għall-ispeċjalisti tal-ICT mir-reġistru nazzjonali tal-istandards tal-kwalifiki li ġew analizzati u adattati kif u jekk meħtieġ.
16	1.5 Appoġġ għall-kompetittività tal-intrapriżi fi swieq barranin 1.5.1 Strateġiji nazzjonali u reġjonali	Stadju importanti	Tħejjija tal-iżvilupp ta’ strateġiji	Tlestija ta’ kompiti preparatorji				Q2	2022	Il-kompiti preparatorji meħtieġa għat-tfassil ta’ strateġiji ta’ esportazzjoni għandhom jitlestew. Dawn il-kompiti jinkludu: - analiżi ta’ liema swieq esterni huma importanti biex jiġu żviluppati strateġiji, - analiżi tal-interessi tan-negozji, - immappjar tal-ħtiġijiet tal-intrapriżi esportaturi biex tiżdied il-kompetittività tagħhom fis-swieq tal-esportazzjoni, klassifikazzjoni tal-ħtiġijiet.
17	1.5 Appoġġ għall-kompetittività tal-intrapriżi fi swieq barranin 1.5.1 Strateġiji nazzjonali u reġjonali	Stadju importanti	Akkwist pubbliku ta’ studji	Iffirmar tal-kuntratti				Q2	2024	Offerti għat-tfassil ta’ strateġiji u pakketti ta’ prodotti bil-ħsieb li tinkiseb informazzjoni dettaljata tas-suq dwar swieq barranin għandhom isiru mill-Ministeru għall-Affarijiet Barranin. Il-kuntratti korrispondenti għandhom jiġu ffirmati.
18	1.5 Appoġġ għall-kompetittività tal-intrapriżi fi swieq barranin 1.5.1 Strateġiji nazzjonali u reġjonali	Mira	Għadd ta’ strateġiji tal-pajjiż u reġjonali tal-esportazzjoni		Għadd ta’ strateġiji ppubblikati	0	13	Q2	2026	Għadd ta’ strateġiji ta’ esportazzjoni nazzjonali u/jew reġjonali li għandhom jiġu żviluppati. Dawn l-istrateġiji għandhom jinkludu analiżi komprensiva u jipprovdu pariri intelliġenti proattivi għall-kumpaniji li jidħlu u joperaw fi swieq barranin.
19	1.5 Appoġġ għall-kompetittività tal-intrapriżi fi swieq barranin 1.5.2 Ċentri tan-negozju innovattivi fi swieq ewlenin tal-esportazzjoni	Stadju importanti	Analiżi preparatorja biex tiddefinixxi l-kontenut u l-postijiet taċ-ċentri tan-negozju	Twettiq ta’ analiżi preparatorja				Q2	2022	Għandha titħejja analiżi preparatorja li tippermetti d-definizzjoni tal-kontenut u l-postijiet taċ-ċentri tan-negozju mill-Ministeru għall-Affarijiet Barranin. L-analiżi għandha tiżvela fejn għandhom jiġu stabbiliti ċ-ċentri tan-negozju biex tiżdied id-domanda għal prodotti u servizzi magħmula l-Estonja fis-swieq tal-esportazzjoni.
20	1.5 Appoġġ għall-kompetittività tal-intrapriżi fi swieq barranin 1.5.2 Ċentri tan-negozju innovattivi fi swieq ewlenin tal-esportazzjoni	Mira	Għadd ta’ ċentri tan-negozju miftuħa		Għadd ta’ ċentri tan-negozju	0	7	Q2	2026	Għadd ta’ ċentri tan-negozju miftuħa mill-Ministeru għall-Affarijiet Barranin biex jappoġġaw kumpaniji biex jidħlu u joperaw fi swieq importanti tal-esportazzjoni, kif ukoll biex jgħinuhom jippromwovu prodotti u servizzi magħmula l-Estonja b’mod li jqis l-ispeċifiċitajiet tal-ambjent u l-kultura tan-negozju lokali.
21	1.5 Appoġġ għall-kompetittività tal-intrapriżi fi swieq barranin 1.5.3 Gruppi globali tal-impatt tal-esportazzjoni elettronika u stadji virtwali	Stadju importanti	Twaqqif ta’ gruppi ta’ impatt u għażla ta’ destinazzjonijiet għal missjonijiet diġitali globali	Deċiżjonijiet dwar il-kompożizzjoni tal-gruppi tal-impatt u d-destinazzjonijiet tal-missjonijiet diġitali globali				Q2	2022	Abbażi ta’ analiżi, il-Ministeru għall-Affarijiet Barranin għandu jagħżel destinazzjonijiet tal-missjonijiet diġitali globali u gruppi tal-impatt biex iżid il-valur miżjud tal-esportazzjonijiet tas-servizzi diġitali Estonjani, iżid il-kapaċità ta’ esportazzjoni tal-kumpaniji Estonjani, fost il-kumpaniji tal-ICT b’mod partikolari, u jattira investimenti barranin addizzjonali għall-innovazzjoni.
22	1.5 Appoġġ għall-kompetittività tal-intrapriżi fi swieq barranin 1.5.3 Gruppi globali tal-impatt tal-esportazzjoni elettronika u stadji virtwali	Mira	Għadd ta’ missjonijiet imwettqa mill-gruppi tal-impatt globali u għadd ta’ avvenimenti ewlenin li fihom l-Estonja kienet irrappreżentata permezz ta’ “stadji virtwali”		Għadd totali ta’ missjonijiet u avvenimenti mwettqa	0	29	Q2	2026	Mill-inqas 14-il missjoni għandhom jitwettqu mill-gruppi tal-impatt globali stabbiliti mill-Ministeru għall-Affarijiet Barranin biex iżidu l-valur miżjud tal-esportazzjonijiet tas-servizzi diġitali Estonjani, iżidu l-kapaċità ta’ esportazzjoni tal-kumpaniji Estonjani, fost il-kumpaniji tal-ICT b’mod partikolari, u jattiraw investimenti barranin addizzjonali għall-innovazzjoni. L-Estonja għandha tkun rappreżentata permezz ta’ “stadji virtwali” f’mill-inqas 15-il avveniment.

   B. KOMPONENT 2: Aċċelerazzjoni tat-tranżizzjoni ekoloġika fl-intrapriżi

B.1.    Deskrizzjoni tar-riformi u l-investimenti għal appoġġ finanzjarju mhux ripagabbli

L-objettiv tal-komponent tal-pjan Estonjan għall-irkupru u r-reżiljenza huwa li titħaffef it-tranżizzjoni ekoloġika fis-settur tan-negozju fl-Estonja u li jinħatfu l-opportunitajiet ta’ negozju li jirrappreżenta. Il-komponent jikkonsisti f’żewġ riformi u sitt investimenti u għandu l-għan li jappoġġa l-iżvilupp ta’ teknoloġiji ekoloġiċi, iżid ir-riċerka u l-iżvilupp ekoloġiċi u l-kapaċitajiet tal-innovazzjoni u l-effiċjenza fir-riżorsi, jintroduċi mudelli tan-negozju ġodda u jtejjeb il-ħiliet u l-għarfien espert f’oqsma relatati mat-tranżizzjoni ekoloġika. Il-miżuri skont dan il-komponent jimmiraw għal approċċ komprensiv għat-tranżizzjoni ekoloġika li jindirizza l-fallimenti ewlenin tas-suq u jiffaċilita l-avvanzi teknoloġiċi u komportamentali biex tiżdied il-kompetittività tas-settur tan-negozju. Il-miżuri jappoġġaw ukoll l-iżvilupp ulterjuri tas-suq kapitali u l-ambjent tan-negozju.

Il-komponent jappoġġa l-indirizzar tar-Rakkomandazzjonijiet Speċifiċi għall-Pajjiżi dwar l-appoġġ għall-kapaċità tal-innovazzjoni tal-intrapriżi żgħar u ta’ daqs medju u l-iffukar tal-investiment fuq it-tranżizzjoni ekoloġika, l-iżgurar ta’ aċċess suffiċjenti għall-finanzi (ir-Rakkomandazzjoni Speċifika għall-Pajjiż 3 fl-2020), u dwar in-nuqqas ta’ ħiliet (ir-Rakkomandazzjoni Speċifika għall-Pajjiż 2 fl-2019).

Mhuwiex mistenni li xi miżura f’dan il-komponent tagħmel ħsara sinifikanti lill-objettivi ambjentali fis-sens tal-Artikolu 17 tar-Regolament (UE) 2020/852, b’kont meħud tad-deskrizzjoni tal-miżuri u l-passi ta’ mitigazzjoni stabbiliti fil-pjan għall-irkupru u r-reżiljenza f’konformità mal-Gwida Teknika “La tagħmilx ħsara sinifikanti” (2021/C58/01).

2.1.Riforma: Tranżizzjoni ekoloġika tal-intrapriżi

L-objettiv tar-riforma huwa li titjieb it-tranżizzjoni ekoloġika fis-settur tan-negozju, li mistennija li jkollha benefiċċji ekonomiċi, ambjentali u soċjali billi tagħmel in-negozji eżistenti aktar effiċjenti u li jirrispettaw l-ambjent (effiċjenza fir-riżorsi, ċertifikati ġodda ta’ tranżizzjoni ekoloġika u awtorizzazzjonijiet tas-suq għall-prodotti) u billi tappoġġa l-ħolqien ta’ kumpaniji ġodda tat-teknoloġija ekoloġika (l-iżvilupp u l-użu ta’ teknoloġiji ekoloġiċi, opportunitajiet ġodda għall-valorizzazzjoni tal-bijoriżorsi).

Ir-riforma għandha tikkonsisti fl-istabbiliment ta’ Task Force għal Tranżizzjoni Ekoloġika wiesgħa biex trawwem il-kooperazzjoni bejn il-partijiet ikkonċernati tat-teknoloġija ekoloġika u l-adozzjoni tal-leġiżlazzjoni meħtieġa għall-implimentazzjoni tal-ħames investimenti komplementari: 1. Ħiliet ekoloġiċi għall-appoġġ tat-tranżizzjoni ekoloġika tal-kumpaniji; 2. Programmi għall-iżvilupp ta’ teknoloġija ekoloġika; 3. Modernizzazzjoni tal-mudelli tan-negozju fil-kumpaniji tal-manifattura; 4. Użu tat-teknoloġiji ekoloġiċi effiċjenti fir-riżorsi; u 5. Fond Ekoloġiku.

Ir-riforma hija interkonnessa mal-Komponent 1 peress li d-diġitalizzazzjoni u l-awtomatizzazzjoni qed jikkontribwixxu għall-iżvilupp ta’ teknoloġiji ekoloġiċi u tranżizzjoni ekoloġika fis-settur tan-negozju.

L-implimentazzjoni tar-riforma għandha titlesta sal-31 ta’ Diċembru 2022.

2.2.Investiment: Ħiliet ekoloġiċi għall-appoġġ tat-tranżizzjoni ekoloġika tal-intrapriżi

L-objettiv tal-investiment huwa li tiġi żgurata d-disponibbiltà ta’ għarfien espert ta’ kwalità għolja biex tiġi implimentata t-tranżizzjoni ekoloġika fl-intrapriżi. L-investiment jikkonsisti fl-introduzzjoni ta’ programmi aġġornati ta’ titjib tal-ħiliet u taħriġ mill-ġdid għall-adulti u l-modernizzazzjoni ta’ programmi ta’ studju fl-edukazzjoni għolja u vokazzjonali, kif ukoll l-iżvilupp u l-pilotaġġ ta’ programmi ta’ taħriġ aktar flessibbli li joffru mikrokredenzjali, filwaqt li jitqiesu l-ħtiġijiet futuri tal-ekonomija ekoloġika.

Il-ħiliet ekoloġiċi huma definiti bħala ħiliet meħtieġa għall-impjiegi li jikkontribwixxu għat-tnaqqis tal-emissjonijiet tal-gassijiet serra, għat-titjib tal-effiċjenza fl-enerġija u fir-riżorsi u jinkludu introduzzjoni usa’ ta’ prinċipji tal-ekonomija ċirkolari. F’kooperazzjoni mal-partijiet ikkonċernati, l-istandards professjonali u l-profili tal-ħiliet għandhom jiġu aġġornati u, fejn xieraq, għandhom jiġu żviluppati profili ġodda, li jispeċifikaw l-eżiti tat-tagħlim mistennija u jagħżlu oqsma speċifiċi bl-akbar impatt fuq it-tranżizzjoni ekoloġika. Għandhom jiġu pprovduti opportunitajiet ta’ taħriġ mill-ġdid lil persuni li jaħdmu f’setturi diġà affettwati mit-tranżizzjoni ekoloġika (l-enerġija, it-trasport, il-ġestjoni tal-iskart; l-industriji u s-setturi ġodda b’potenzjal għall-ħolqien ta’ impjiegi li ġejjin mit-tranżizzjoni ekoloġika jew li huma marbuta magħha) u lil dawk li jixtiequ jibdlu l-karriera tagħhom.

L-implimentazzjoni tal-investiment għandha titlesta sat-30 ta’ Ġunju 2026.

2.3.Investiment: Programmi għall-iżvilupp ta’ teknoloġija ekoloġika

L-investiment għandu l-għan li jikkontribwixxi għat-tranżizzjoni ekoloġika tal-kumpaniji billi jrawwem l-iżvilupp u t-tixrid ta’ teknoloġiji ekoloġiċi innovattivi. L-investiment huwa mistenni li jżid l-għadd ta’ kumpaniji ta’ teknoloġija ekoloġika intensivi fir-riċerka fis-suq u jappoġġa l-ekosistema ta’ negozji ġodda. L-investiment jikkonsisti f’appoġġ għal negozji ġodda u raggruppamenti ta’ żvilupp b’enfasi fuq soluzzjonijiet integrati ta’ teknoloġija ekoloġika permezz ta’ diversi servizzi ta’ żvilupp (inklużi aċċeleraturi, inkubazzjoni, żvilupp tan-negozju, żvilupp ta’ prototipi, pilotaġġ) u titjib tal-kooperazzjoni bejn tipi differenti ta’ organizzazzjonijiet u atturi li diġà huma attivi fis-suq (akkademja, negozji, partijiet ikkonċernati oħra).

L-enfasi tal-investiment għandha tkun fuq l-effiċjenza fl-enerġija u fir-riżorsi, il-promozzjoni tal-ekonomija ċirkolari, il-mudelli tan-negozju ġodda, id-diġitalizzazzjoni u l-awtomatizzazzjoni. Il-proġetti appoġġati skont l-investiment għandhom jikkontribwixxu għat-tnaqqis tal-emissjonijiet tal-gassijiet serra u għaż-żieda fil-produttività tar-riżorsi fl-Estonja.

L-implimentazzjoni tal-investiment għandha titlesta sat-30 ta’ Ġunju 2026.

2.4.Investiment: Modernizzazzjoni tal-mudelli tan-negozju fil-kumpaniji tal-manifattura

L-objettiv tal-investiment huwa li jappoġġa l-bidla fil-mudelli tan-negozju fil-manifattura biex tiġi żgurata l-konformità tal-prodotti Estonjani mal-objettivi ambjentali u klimatiċi, inkluż mal-prinċipji tal-ekonomija ċirkolari, u tiżdied il-kompetittività tal-kumpaniji tal-manifattura. Il-miżura għandha tappoġġa proġetti li jimmodernizzaw il-mudelli tan-negozju tal-kumpaniji tal-manifattura relatati mal-objettivi klimatiċi u ambjentali. Il-proġetti għandhom jintgħażlu abbażi ta’ sejħa għal proposti.

Sabiex jiġi żgurat li l-miżura tikkonforma mal-Gwida Teknika “La tagħmilx ħsara sinifikanti” (2021/C58/01), il-kriterji tal-eliġibbiltà li jinsabu f’termini ta’ referenza għas-sejħa għal proposti għandhom jeskludu l-lista ta’ attivitajiet li ġejja: (i) attivitajiet relatati mal-karburanti fossili, inkluż l-użu downstream 5 ; (ii) attivitajiet fil-qafas tal-Iskema tal-UE għall-Iskambju ta’ Kwoti tal-Emissjonijiet (ETS) li jiksbu emissjonijiet proġettati tal-gassijiet serra li mhumiex aktar baxxi mill-parametri referenzjarji rilevanti 6 ; (iii) attivitajiet relatati ma’ landfills tal-iskart, inċineraturi 7 u impjanti tat-trattament mekkaniku u bijoloġiku 8 ; u (iv) attivitajiet fejn ir-rimi fit-tul tal-iskart jista’ jagħmel ħsara lill-ambjent. It-termini ta’ referenza għandhom jirrikjedu wkoll li jintgħażlu biss attivitajiet li jikkonformaw mal-leġiżlazzjoni ambjentali rilevanti tal-UE u nazzjonali.

L-implimentazzjoni tal-investiment għandha titlesta sal-31 ta’ Diċembru 2025.

2.5.Investiment: Użu ta’ teknoloġiji ekoloġiċi effiċjenti fir-riżorsi

L-objettiv tal-investiment huwa li jtejjeb l-effiċjenza fir-riżorsi tal-kumpaniji, inkluża l-effiċjenza enerġetika, b’enfasi partikolari fuq il-valorizzazzjoni tal-bijoriżorsi li mhux utilizzati biżżejjed bħal residwi u prodotti sekondarji. L-investiment għandu l-għan li jappoġġa l-innovazzjoni fit-teknoloġija tal-produzzjoni u l-iżvilupp tal-prodotti fl-intrapriżi u jikkontribwixxi għal soluzzjonijiet tal-ekonomija ċirkolari.

Il-miżura għandha tappoġġa żewġ tipi ta’ investimenti:

-il-promozzjoni ta’ teknoloġiji ekoloġiċi effiċjenti fir-riżorsi għall-impjanti industrijali;

-il-valorizzazzjoni tal-bijoriżorsi.

Il-proġetti għandhom jintgħażlu abbażi ta’ sejħa għal proposti. Il-kriterji ewlenin għall-għażla tal-proġetti li jirċievu għotja għandhom jinkludu, skont ir-relevanza, l-effiċjenza fit-tnaqqis tal-emissjonijiet tal-gassijiet serra, l-effiċjenza fir-riżorsi, il-kosteffettività, it-tnaqqis tar-residwi u l-ġenerazzjoni tal-iskart, il-valur miżjud tal-bijoriżorsi u l-innovattività tas-soluzzjonijiet li għandhom jiġu żviluppati.

Sabiex jiġi żgurat li l-miżura tikkonforma mal-Gwida Teknika “La tagħmilx ħsara sinifikanti” (2021/C58/01), il-kriterji tal-eliġibbiltà li jinsabu f’termini ta’ referenza għas-sejħa għal proposti għandhom jeskludu l-lista ta’ attivitajiet li ġejja: (i) attivitajiet relatati mal-karburanti fossili, inkluż l-użu downstream 9 ; (ii) attivitajiet fil-qafas tal-Iskema tal-UE għall-Iskambju ta’ Kwoti tal-Emissjonijiet (ETS) li jiksbu emissjonijiet proġettati tal-gassijiet serra li mhumiex aktar baxxi mill-parametri referenzjarji rilevanti 10 ; (iii) attivitajiet relatati ma’ landfills tal-iskart, inċineraturi 11 u impjanti tat-trattament mekkaniku u bijoloġiku 12 ; u (iv) attivitajiet fejn ir-rimi fit-tul tal-iskart jista’ jagħmel ħsara lill-ambjent. It-termini ta’ referenza għandhom jirrikjedu wkoll li jintgħażlu biss attivitajiet li jikkonformaw mal-leġiżlazzjoni ambjentali rilevanti tal-UE u nazzjonali.

L-implimentazzjoni tal-investiment għandha titlesta sat-30 ta’ Ġunju 2026.

2.6.Investiment: Fond Ekoloġiku

L-objettiv tal-investiment huwa li jipprovdi kapital għall-iżvilupp ta’ teknoloġiji ekoloġiċi ġodda f’oqsma strateġiċi bħall-enerġija, l-agrikoltura, l-industrija tal-ikel, it-trasport u l-loġistika, il-materjali u l-industriji kimiċi. Il-Fond Ekoloġiku għandu jipprovdi finanzjament għal kumpaniji u setturi li l-prodotti, is-servizzi jew il-proċessi tagħhom huma kkaratterizzati minn teknoloġiji ekoloġiċi intensivi fir-riċerka u li l-attivitajiet tagħhom jikkontribwixxu għas-soluzzjoni ta’ problemi ambjentali, għall-iżvilupp ta’ prodotti, servizzi jew teknoloġiji ġodda li jnaqqsu jew jiġbru l-emissjonijiet tal-gassijiet serra jew li huma xprunati mir-rekwiżiti tal-ekodisinn. L-investimenti għandhom isiru fi proġetti sostenibbli, filwaqt li jitqies ir-Regolament dwar it-Tassonomija tal-UE.

Il-miżura għandha tiġi implimentata bħala strument finanzjarju bħala parti minn programm usa’ ta’ investiment f’teknoloġija ekoloġika li jipprovdi investimenti ta’ ekwità lill-kumpaniji fil-forma ta’ investimenti ta’ ekwità diretti u permezz ta’ fondi ta’ kapital ta’ riskju, ġestiti mill-maniġer tal-fond pubbliku SmartCap.

Il-miżura għandha tikkonforma mal-Gwida Teknika “La tagħmilx ħsara sinifikanti” (C2021/C58/01). Il-ftehim legali bejn l-Estonja u SmartCap u l-politika ta’ investiment sussegwenti tal-Fond Ekoloġiku għandu:

I.jirrikjedi l-applikazzjoni tal-gwida teknika tal-Kummissjoni dwar il-verifika tas-sostenibbiltà għall-Fond InvestEU; u

II.jirrikjedi li l-kumpaniji li jkunu kisbu aktar minn 50 % tad-dħul tagħhom matul is-sena finanzjarja preċedenti mill-attivitajiet u/jew l-assi li ġejjin jadottaw u jippubblikaw pjanijiet ta’ tranżizzjoni ekoloġika: (i) attivitajiet u assi relatati mal-karburanti fossili, inkluż l-użu downstream 13 ; (ii) attivitajiet u assi taħt l-Iskema tal-UE għall-Iskambju ta’ Kwoti tal-Emissjonijiet (ETS) li jiksbu emissjonijiet ta’ gassijiet serra proġettati li mhumiex inqas mill-parametri referenzjarji rilevanti 14 ; (iii) attivitajiet u assi relatati ma’ landfills tal-iskart, inċineraturi 15 u impjanti tat-trattament mekkaniku u bijoloġiku 16 ; u (iv) attivitajiet u assi fejn ir-rimi fit-tul tal-iskart jista’ jikkawża ħsara lill-ambjent; u

III.jirrikjedu l-verifika tal-konformità legali mal-leġiżlazzjoni ambjentali rilevanti tal-UE u nazzjonali tal-benefiċjarju minn SmartCap għat-tranżazzjonijiet kollha, inklużi dawk eżentati mill-verifika tas-sostenibbiltà.

L-implimentazzjoni tal-investiment għandha titlesta sat-30 ta’ Ġunju 2026.

2.7.Investiment: Ħolqien ta’ opportunitajiet għall-użu ta’ teknoloġiji tal-idroġenu ekoloġiku bbażati fuq sorsi rinnovabbli

L-objettiv tal-investiment huwa li jappoġġa l-użu u l-pilotaġġ ta’ ktajjen tal-valur integrati tal-idroġenu mill-produzzjoni tal-enerġija u s-soluzzjonijiet tal-provvista sal-konsum finali f’oqsma ta’ applikazzjoni differenti.

Il-proġetti li għandhom jiġu appoġġati għandhom jintgħażlu wara sejħa għal proposti. Is-sejħa għal proposti hija miftuħa għal proġetti mis-setturi ekonomiċi kollha. L-elettriku użat għall-produzzjoni tal-idroġenu għandu jiġi prodott minn enerġija rinnovabbli u l-konsum tal-idroġenu ekoloġiku għandu jsir fl-Estonja.

Sabiex jiġi żgurat li l-miżura tikkonforma mal-Gwida Teknika “La tagħmilx ħsara sinifikanti” (2021/C58/01), il-kriterji tal-eliġibbiltà li jinsabu f’termini ta’ referenza għas-sejħa għal proposti għandhom jeskludu l-lista ta’ attivitajiet li ġejja: (i) attivitajiet relatati mal-karburanti fossili, inkluż l-użu downstream 17 ; (ii) attivitajiet fil-qafas tal-Iskema tal-UE għall-Iskambju ta’ Kwoti tal-Emissjonijiet (ETS) li jiksbu emissjonijiet proġettati tal-gassijiet serra li mhumiex aktar baxxi mill-parametri referenzjarji rilevanti 18 ; (iii) attivitajiet relatati ma’ landfills tal-iskart, inċineraturi 19 u impjanti tat-trattament mekkaniku u bijoloġiku 20 ; u (iv) attivitajiet fejn ir-rimi fit-tul tal-iskart jista’ jagħmel ħsara lill-ambjent. It-termini ta’ referenza għandhom jirrikjedu wkoll li jintgħażlu biss attivitajiet li jikkonformaw mal-leġiżlazzjoni ambjentali rilevanti tal-UE u nazzjonali.

L-implimentazzjoni tal-investiment għandha titlesta sat-30 ta’ Ġunju 2026.

B.2.    Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju importanti / Mira	Isem	Indikaturi kwalitattivi (għall-istadji importanti)	Unità ta’ kejl	Indikaturi kwantitattivi (għall-miri)		Skeda ta’ żmien indikattiva għat-tlestija		Deskrizzjoni ta’ kull stadju importanti u mira
						Linja bażi	Mira	Kwart	Sena
23	2.1 Tranżizzjoni ekoloġika tal-intrapriżi	Stadju importanti	Ħolqien ta’ Task Force għal Tranżizzjoni Ekoloġika għall-implimentazzjoni u l-monitoraġġ tat-tranżizzjoni ekoloġika	Stabbiliment ta’ task force u gruppi ta’ ħidma			<<<<<<<<<<<<<<<<<	Q4	2021	Il-Ministeru għall-Ambjent għandu jirriforma l-Grupp ta’ Ħidma eżistenti dwar it-Teknoloġija Ekoloġika (stabbilit fl-2020) fit-Task Force għal Tranżizzjoni Ekoloġika tal-RRP biex jikkoordina l-miżuri dwar it-tranżizzjoni ekoloġika tal-kumpaniji, u jtejjeb il-kooperazzjoni u l-iskambju ta’ informazzjoni fost is-settur pubbliku, il-partijiet ikkonċernati u l-gruppi ta’ interess. Il-gruppi ta’ ħidma meħtieġa għandhom jiġu stabbiliti għal miżuri speċifiċi.
24	2.1 Tranżizzjoni ekoloġika tal-intrapriżi	Stadju importanti	Adozzjoni tal-Pjan ta’ Azzjoni għal Ekonomija Ċirkolari mit-Task Force għal Tranżizzjoni Ekoloġika	Pjan ta’ Azzjoni għal Ekonomija Ċirkolari adottat				Q4	2022	It-Task Force għal Tranżizzjoni Ekoloġika għandha tirrieżamina l-attivitajiet eżistenti tal-Ekonomija Ċirkolari u l-pjanijiet ta’ azzjoni differenti fi Pjan ta’ Azzjoni uniku għal Ekonomija Ċirkolari li se jmexxi t-tranżizzjoni Estonjana lejn Ekonomija Ċirkolari.
25	2.2 Ħiliet ekoloġiċi għall-appoġġ tat-tranżizzjoni ekoloġika tal-intrapriżi	Stadju importanti	Dħul fis-seħħ tal-leġiżlazzjoni sekondarja li tistabbilixxi t-termini ta’ appoġġ għall-iżvilupp tal-ħiliet ekoloġiċi	Dħul fis-seħħ ta’ leġiżlazzjoni sekondarja				Q2	2022	Il-leġiżlazzjoni sekondarja meħtieġa għall-applikazzjoni u l-allokazzjoni tal-appoġġ għandha tidħol fis-seħħ. Għandu jkun fiha dispożizzjonijiet li jiżguraw li kwalunkwe azzjoni appoġġata skont din il-miżura tkun iffukata fuq oqsma li jikkontribwixxu għat-tnaqqis tal-emissjonijiet ta’ gassijiet serra jew l-adattament għat-tibdil fil-klima.
26	2.2 Ħiliet ekoloġiċi għall-appoġġ tat-tranżizzjoni ekoloġika tal-intrapriżi	Mira	Għadd ta’ moduli ta’ titjib tal-ħiliet u ta’ taħriġ mill-ġdid		Għadd ta’ moduli	0	5	Q4	2023	Għadd ta’ moduli ta’ titjib tal-ħiliet u ta’ taħriġ mill-ġdid żviluppati inkluż kontenut dettaljat ta’ taħriġ, struttura u materjali ta’ taħriġ biex jiġi pprovdut taħriġ relatat mal-ħiliet ekoloġiċi.
27	2.2 Ħiliet ekoloġiċi għall-appoġġ tat-tranżizzjoni ekoloġika tal-intrapriżi	Mira	Nies li qed jieħdu sehem fi programmi ta’ titjib tal-ħiliet u ta’ taħriġ mill-ġdid		Għadd ta’ parteċipanti	0	2 830	Q2	2026	Għadd ta’ persuni li lestew wieħed mill-korsijiet ta’ taħriġ appoġġati permezz ta’ din il-miżura.
28	2.3 Programm għall-iżvilupp ta’ teknoloġiji ekoloġiċi	Stadju importanti	Stabbiliment ta’ grupp ta’ ħidma biex jippjana u jwaqqaf il-programm ta’ żvilupp	Reklutaġġ ta’ maniġer tal-proġett u stabbiliment ta’ grupp ta’ ħidma				Q4	2021	Għandu jiġi rreklutat maniġer tal-proġett u għandu jiġi stabbilit grupp wiesa’ ta’ partijiet ikkonċernati biex jikkoordina l-ippjanar u l-implimentazzjoni tal-investiment. Ir-rwol tal-maniġer tal-proġett għandu jiġi stabbilit biex jiġbor informazzjoni mill-parteċipanti fis-suq u jfassal il-miżuri ta’ appoġġ u l-akkwist meħtieġa. Il-grupp ta’ ħidma għandu jkun magħmul minn partijiet involuti fl-iżvilupp tal-intraprenditorija u għandu jimpenja ruħu li jiltaqa’ mill-inqas tliet darbiet fis-sena biex jevalwa l-iżviluppi f’attivitajiet relatati mal-investiment u jipprovdi rakkomandazzjonijiet għal aktar azzjoni. Il-grupp ta’ ħidma għandu jfassal dispożizzjonijiet relatati mal-għażla ta’ azzjonijiet li għandhom jiġu appoġġati skont il-programm għall-iżvilupp b’tali mod li jiġi żgurat li kull azzjoni tikkontribwixxi direttament għat-tnaqqis tal-emissjonijiet ta’ gassijiet serra jew għall-appoġġ tal-adattament għat-tibdil fil-klima.
29	2.3 Programm għall-iżvilupp ta’ teknoloġiji ekoloġiċi	Stadju importanti	Stabbiliment tal-Programm ta’ Żvilupp tat-Teknoloġiji Ekoloġiċi	Kuntratti ffirmati għar-raggruppamenti tal-iżvilupp u l-miżuri ta’ appoġġ kollha mfassla u miftuħa				Q2	2024	Il-proċessi tal-akkwist pubbliku għal mill-inqas ħames raggruppamenti tal-iżvilupp għandhom jitlestew u l-kuntratti għandhom jingħataw lill-partijiet rebbieħa. Il-miżuri ta’ appoġġ għandhom jitfasslu u l-ewwel ċikli tagħhom għandhom jinfetħu għal mill-inqas 10 negozji ġodda. Il-proċessi tal-għażla għandhom jiżguraw li kull azzjoni appoġġata tikkontribwixxi direttament għat-tnaqqis tal-emissjonijiet tal-gassijiet serra jew għall-appoġġ tal-adattament għat-tibdil fil-klima.
30	2.3 Programm għall-iżvilupp ta’ teknoloġiji ekoloġiċi	Mira	Għadd ta’ clusters appoġġati permezz tal-Programm ta’ Żvilupp tat-Teknoloġija Ekoloġika		Għadd ta’ raggruppamenti	0	5	Q2	2026	Għadd ta’ raggruppamenti appoġġati mill-programm għall-iżvilupp.
31	2.3 Programm għall-iżvilupp ta’ teknoloġiji ekoloġiċi	Mira	Għadd ta’ negozji ġodda appoġġati permezz tal-Programm ta’ Żvilupp tat-Teknoloġija Ekoloġika u li rċevew investiment privat		Għadd ta’ negozji ġodda	0	10	Q2	2026	Għadd ta’ negozji ġodda appoġġati mill-programm għall-iżvilupp u li rċevew riżorsi minn investituri privati matul jew wara l-programm għall-iżvilupp.
32	2.4 Modernizzazzjoni tal-mudelli tan-negozju fil-kumpaniji tal-manifattura	Stadju importanti	Dħul fis-seħħ tal-ordni ministerjali li jistabbilixxi t-termini u l-kundizzjonijiet tal-eliġibbiltà tal-għotja	Dħul fis-seħħ tad-digriet ministerjali				Q2	2022	Il-kundizzjonijiet għall-għoti tal-appoġġ għandhom jiġu ppromulgati permezz ta’ digriet tal-ministru responsabbli. Ir-rekwiżiti stabbiliti għandhom jinkludu kriterji tal-eliġibbiltà biex jiġi żgurat li l-proġetti magħżula jikkonformaw mal-Gwida Teknika “La tagħmilx ħsara sinifikanti” (2021/C58/01) permezz ta’ lista ta’ esklużjoni u konformità mal-leġiżlazzjoni ambjentali rilevanti tal-UE u nazzjonali. Il-kriterji tal-għażla/eliġibbiltà għandhom jispeċifikaw li l-attivitajiet u/jew l-intrapriżi appoġġati jikkontribwixxu għall-ekonomija newtrali għall-klima, ir-reżiljenza u l-adattament għat-tibdil fil-klima inklużi l-objettivi tal-ekonomija ċirkolari bħall-implimentazzjoni interna tal-prinċipji tal-ekonomija ċirkolari, it-trasferiment tat-trasport u l-ħżin ta’ kumpaniji lil fondazzjonijiet ġodda.
33	2.4 Modernizzazzjoni tal-mudelli tan-negozju fil-kumpaniji tal-manifattura	Mira	Għadd ta’ proġetti appoġġati		Għadd ta’ proġetti	0	70	Q4	2025	Proġetti li jkunu rċevew żborż tal-għotja f’konformità mal-kundizzjonijiet tal-eliġibbiltà stabbiliti fis-sejħa għal proposti biex jiġu introdotti mudelli ta’ negozju li jappoġġaw it-tranżizzjoni lejn ekonomija newtrali għall-klima, ir-reżiljenza u l-adattament għat-tibdil fil-klima, inklużi l-objettivi tal-ekonomija ċirkolari.
34	2.5 Użu ta’ teknoloġiji ekoloġiċi effiċjenti fir-riżorsi	Stadju importanti	Pubblikazzjoni ta’ sejħa għal proposti għall-għotjiet	Pubblikazzjoni tal-avviż għal sejħiet għal proposti għal għotjiet				Q2	2022	Is-sejħa għal proposti għall-appoġġ ta’ teknoloġiji ekoloġiċi effiċjenti fir-riżorsi u l-valorizzazzjoni tal-bijoriżorsi għandha tiġi ppubblikata u miftuħa għall-applikazzjonijiet, inklużi l-kriterji tal-eliġibbiltà biex jiġi żgurat li l-proġetti magħżula jikkonformaw mal-Gwida Teknika “La tagħmilx ħsara sinifikanti” (2021/C58/01) permezz ta’ lista ta’ esklużjoni u konformità mal-leġiżlazzjoni ambjentali rilevanti tal-UE u nazzjonali. Il-kriterji tal-għażla/eliġibbiltà għandhom jispeċifikaw li l-attivitajiet u/jew l-intrapriżi appoġġati jikkontribwixxu għall-ekonomija newtrali għall-klima, ir-reżiljenza u l-adattament għat-tibdil fil-klima
35	2.5 Użu ta’ teknoloġiji ekoloġiċi effiċjenti fir-riżorsi	Mira	Għadd ta’ kuntratti mogħtija wara s-sejħa għall-proposti		Kuntratti mogħtija	0	25	Q4	2023	Għoti tal-kuntratti lil mill-inqas 25 proġett magħżula skont is-sejħa kompetittiva għall-proposti, għat-teknoloġiji ekoloġiċi għall-impjanti industrijali u għall-valorizzazzjoni tal-bijoriżorsi, f’konformità mat-termini ta’ referenza
36	2.5 Użu ta’ teknoloġiji ekoloġiċi effiċjenti fir-riżorsi	Mira	Għadd ta’ proġetti lesti		Għadd ta’ proġetti	0	25	Q2	2026	Għadd ta’ proġetti kompluti biex titjieb l-effiċjenza fir-riżorsi permezz tat-tisħiħ tat-teknoloġiji ekoloġiċi u l-bijoriżorsi, abbażi ta’ sejħiet għal proposti u kriterji tal-eliġibbiltà stabbiliti.
37	2.6 Fond Ekoloġiku	Stadju importanti	Iffirmar ta’ ftehim kuntrattwali bejn il-Ministeru għall-Affarijiet Ekonomiċi u l-Komunikazzjoni u s-SmartCap	Iffirmar tal-ftehim kuntrattwali				Q4	2021	Għandu jiġi ffirmat ftehim kuntrattwali bejn il-Ministeru għall-Affarijiet Ekonomiċi u l-Komunikazzjonijiet u SmartCap għall-ġestjoni tal-Fond Ekoloġiku, li għandu jinkludi: - Objettivi ta’ investiment għall-investiment f’intrapriżi u attivitajiet li jikkontribwixxu għal ekonomija newtrali għall-klima u għat-titjib tar-reżiljenza għat-tibdil fil-klima, inklużi miżuri ta’ sensibilizzazzjoni, - Kriterji tal-eliġibbiltà għall-konformità mal-Gwida Teknika “La tagħmilx ħsara sinifikanti” (2021/C58/01) għal benefiċjarji appoġġati permezz tal-użu ta’ verifika tas-sostenibbiltà, lista ta’ esklużjoni u r-rekwiżit ta’ konformità mal-leġiżlazzjoni ambjentali rilevanti tal-UE u nazzjonali.
38	2.6 Fond Ekoloġiku	Stadju importanti	Adozzjoni tad-dokument ta’ politika ta’ investiment minn SmartCap	Dokument dwar il-politika tal-investiment adottat minn SmartCap				Q4	2021	SmartCap għandu jadotta l-politika ta’ investiment għall-Fond Ekoloġiku, f’konformità mal-ftehim kuntrattwali ffirmat bejn il-Ministeru għall-Affarijiet Ekonomiċi u l-Komunikazzjonijiet u SmartCap, inklużi l-objettivi ta’ investiment u l-kriterji tal-eliġibbiltà biex tiġi żgurata l-konformità mal-Gwida Teknika “La tagħmilx ħsara sinifikanti” (2021/C58/01) tal-benefiċjarji appoġġati skont din il-miżura permezz tal-użu ta’ verifika tas-sostenibbiltà, ir-rekwiżit ta’ konformità mal-leġiżlazzjoni ambjentali rilevanti tal-UE u nazzjonali, u r-rekwiżit għall-benefiċjarji li jkunu kisbu aktar minn 50 % tad-dħul tagħhom matul is-sena finanzjarja preċedenti minn attivitajiet jew assi fil-lista ta’ esklużjoni biex jadottaw u jippubblikaw pjanijiet ta’ tranżizzjoni ekoloġika.
39	2.6 Fond Ekoloġiku	Mira	Volum tal-investimenti f’fondi ta’ kapital ta’ riskju jew investimenti fl-ekwità f’intrapriżi		Volum ta’ kapital investit (f’EUR)	0	60 000 000	Q4	2024	Mill-inqas EUR 60 miljun għandhom jiġu investiti mill-Fond Ekoloġiku f’fondi ta’ kapital ta’ riskju jew intrapriżi f’konformità mal-politika ta’ investiment.
40	2.6 Fond Ekoloġiku	Mira	Volum tal-investimenti f’fondi ta’ kapital ta’ riskju jew investimenti fl-ekwità f’intrapriżi		Volum ta’ kapital investit (f’EUR)	60 000 000	100 000 000	Q2	2026	Mill-inqas EUR 100 miljun għandhom jiġu investiti mill-Fond Ekoloġiku f’fondi ta’ kapital ta’ riskju jew intrapriżi f’konformità mal-politika ta’ investiment.
41	2.7 Ħolqien ta’ opportunitajiet għall-adozzjoni ta’ teknoloġiji tal-idroġenu ekoloġiku bbażati fuq sorsi rinnovabbli	Stadju importanti	Dħul fis-seħħ tal-ordni ministerjali li jistabbilixxi t-termini u l-kundizzjonijiet għall-għoti ta’ għajnuna	Dħul fis-seħħ tad-digriet ministerjali				Q4	2022	Żvilupp tal-kriterji tal-għażla tal-proġetti, u dħul fis-seħħ tad-digriet ministerjali dwar il-kundizzjonijiet għall-għoti ta’ appoġġ lil proġetti relatati ma’ teknoloġiji integrati ta’ idroġenu ekoloġiku. It-termini ta’ referenza għal dan l-appoġġ għandhom jinkludu kriterji tal-eliġibbiltà li jiżguraw li l-objettivi tal-proġetti magħżula jikkonformaw mal-Gwida Teknika “La tagħmilx ħsara sinifikanti” (2021/C58/01) permezz tal-użu ta’ lista ta’ esklużjoni u r-rekwiżit ta’ konformità mal-leġiżlazzjoni ambjentali rilevanti tal-UE u nazzjonali.
42	2.7 Ħolqien ta’ opportunitajiet għall-adozzjoni ta’ teknoloġiji tal-idroġenu ekoloġiku bbażati fuq sorsi rinnovabbli	Stadju importanti	Teknoloġiji u tagħmir biex jinħolqu ktajjen tal-valur tal-valur tal-idroġenu ekoloġiku kompluti	Akkwist, installazzjoni u bidu tat-tħaddim ta’ teknoloġiji u tagħmir				Q1	2025	It-tagħmir meħtieġ għall-produzzjoni tal-idroġenu ekoloġiku għandu jinxtara, jiġi installat u jitħaddem mill-promoturi tal-proġetti magħżula fis-sejħa għal proposti.
43	2.7 Ħolqien ta’ opportunitajiet għall-adozzjoni ta’ teknoloġiji tal-idroġenu ekoloġiku bbażati fuq sorsi rinnovabbli	Mira	Għotjiet allokati għal teknoloġiji tal-idroġenu ekoloġiku bbażat fuq sorsi rinnovabbli li jirrappreżentaw mill-inqas EUR 49,49 miljun		EUR	0	49 490 000	Q2	2026	L-għotjiet għandhom jiġu allokati għal investimenti f’teknoloġiji tal-idroġenu ekoloġiku bbażati fuq sorsi rinnovabbli f’konformità mal-politika ta’ investiment, li jirrappreżentaw mill-inqas EUR 49,49 miljun

   C. KOMPONENT 3: Stat Diġitali

Filwaqt li jibni fuq l-użu b’suċċess tat-teknoloġiji diġitali għall-għoti tas-servizzi pubbliċi fl-Estonja matul l-aħħar snin, dan il-komponent tal-pjan Estonjan għall-irkupru u r-reżiljenza għandu l-għan li jkompli jaġġorna s-servizzi diġitali tal-gvern, b’mod partikolari f’termini ta’ ffukar fuq l-utent u reżiljenza (inkluż fid-dawl tat-theddid ċibernetiku dejjem akbar). Il-komponent fih miżuri li jippermettu li jittieħed vantaġġ mill-opportunitajiet offruti mill-aħħar teknoloġiji, speċjalment l-intelliġenza artifiċjali, iżda wkoll ifassal mill-ġdid b’mod sinifikanti s-servizzi kemm front-end kif ukoll back-end. Dawn għandhom ikunu ta’ benefiċċju kemm għaċ-ċittadini kif ukoll għan-negozji. Huma previsti azzjonijiet speċifiċi sabiex jissaħħu l-kapaċitajiet tal-pajjiż fil-ġlieda kontra l-ħasil tal-flus. L-appoġġ għall-iskjerament ta’ networks b’kapaċità għolja ħafna f’żoni rurali huwa mistenni wkoll li jiżgura aċċess usa’ għas-servizzi online u, b’mod aktar ġenerali, jikkontribwixxi għal aktar trasformazzjoni diġitali tal-pajjiż.

Il-komponent jappoġġa l-indirizzar tar-Rakkomandazzjonijiet Speċifiċi għall-Pajjiż dwar l-investiment fit-tranżizzjoni diġitali (ir-Rakkomandazzjoni Speċifika għall-Pajjiż 3 fl-2020) u dwar il-qafas kontra l-ħasil tal-flus (ir-Rakkomandazzjoni Speċifika għall-Pajjiż 1 fl-2019 u r-Rakkomandazzjoni Speċifika għall-Pajjiż 4 fl-2020).

Mhuwiex mistenni li xi miżura f’dan il-komponent tagħmel ħsara sinifikanti lill-objettivi ambjentali fis-sens tal-Artikolu 17 tar-Regolament (UE) 2020/852, b’kont meħud tad-deskrizzjoni tal-miżuri u l-passi ta’ mitigazzjoni stabbiliti fil-pjan għall-irkupru u r-reżiljenza f’konformità mal-Gwida Teknika “La tagħmilx ħsara sinifikanti” (2021/C58/01).

C.1.    Deskrizzjoni tar-riformi u l-investimenti għal appoġġ finanzjarju mhux ripagabbli

3.1.Riforma: Ħolqien u żvilupp ta’ ċentru ta’ eċċellenza għall-governanza tad-data u d-data miftuħa

L-objettiv tal-miżura huwa li trawwem ġestjoni aħjar tad-data miġbura u miżmuma mill-awtoritajiet pubbliċi Estonjani. Għandha l-għan li ttejjeb il-kwalità tad-data, iżżid l-użu tagħha għat-teħid tad-deċiżjonijiet kif ukoll id-disponibbiltà tagħha bħala data miftuħa, sabiex tkun tista’ terġa’ tintuża wkoll minn partijiet ikkonċernati oħra.

Il-miżura tikkonsisti minn:

-il-ħolqien ta’ ċentru ta’ eċċellenza fi Statistics Estonia (l-aġenzija tal-gvern Estonjan responsabbli għall-produzzjoni tal-istatistika uffiċjali) biex jikkoordina u jappoġġa l-iżvilupp tal-governanza tad-data f’awtoritajiet pubbliċi oħra,

-l-iżvilupp ta’ għodod/sistemi ta’ informazzjoni ta’ governanza tad-data u ta’ kondiviżjoni tad-data,

-l-implimentazzjoni ta’ proġetti li għandhom l-għan li jtejbu l-kwalità tad-data miżmuma mill-awtoritajiet pubbliċi u li jżidu d-disponibbiltà tad-data miftuħa.

L-implimentazzjoni tal-miżura għandha titlesta sal-31 ta’ Diċembru 2025.

3.2.Riforma: Żvilupp ta’ servizzi ta’ avveniment u servizzi pubbliċi diġitali proattivi għall-individwi

L-objettiv tal-miżura huwa li titjieb l-effiċjenza tal-għoti tas-servizzi pubbliċi u tnaqqas il-piż amministrattiv għaċ-ċittadini.

Il-miżura tikkonsisti fit-tfassil mill-ġdid ta’ serje ta’ servizzi pubbliċi (u s-sistemi tal-IT sottostanti) sabiex jippermettu l-għoti awtomatiku u proattiv tagħhom abbażi ta’ avvenimenti tal-ħajja jew tan-negozju esperjenzati miċ-ċittadini (bħal żwieġ, it-twelid ta’ wild jew il-ħolqien ta’ intrapriża). B’mod partikolari għandha tippermetti integrazzjoni aħjar tas-sistemi tal-IT f’awtoritajiet pubbliċi differenti u tikkontribwixxi għall-implimentazzjoni tal-prinċipju ta’ darba biss.

L-implimentazzjoni tal-miżura għandha titlesta sal-31 ta’ Diċembru 2025.

3.3.Riforma: Żvilupp ta’ servizzi ta’ avvenimenti u gateway diġitali għall-imprendituri

L-objettivi tal-miżura huma li titjieb l-effiċjenza u l-kwalità tal-għoti tas-servizzi pubbliċi u tnaqqas il-piż amministrattiv għall-imprendituri.

Il-miżura tikkonsisti fl-istabbiliment ta’ gateway diġitali unika għall-għoti ta’ servizzi pubbliċi lill-imprendituri u t-tfassil mill-ġdid ta’ serje ta’ servizzi (u s-sistemi tal-IT sottostanti) sabiex dawn jiġu interkonnessi mal-gateway, l-appoġġ tal-iffaċilitar tal-użu għall-utenti tas-servizzi, l-implimentazzjoni tal-prinċipju ta’ darba biss u, kull meta jkun possibbli, li tippermetti l-għoti proattiv ta’ informazzjoni abbażi ta’ avvenimenti esperjenzati min-negozji.

Hija għandha tqis is-soluzzjonijiet żviluppati fil-kuntest tal-implimentazzjoni tar-Regolament (UE) 2018/1724 li jistabbilixxi gateway diġitali unika li tipprovdi informazzjoni, proċeduri, assistenza u servizzi ta’ soluzzjoni tal-problemi.

L-implimentazzjoni tal-miżura għandha titlesta sal-31 ta’ Diċembru 2025.

3.4.Investiment: Programm #Bürokratt (ekosistema u pjattaforma nazzjonali ta’ assistent virtwali)

L-objettiv tal-miżura huwa li titjieb il-faċilità tal-użu għall-utenti u l-aċċessibbiltà tas-servizzi pubbliċi fl-Estonja.

Il-miżura tikkonsisti fl-iżvilupp ta’ assistent virtwali tal-IA bbażat fuq it-taħdit u fuq it-test għall-aċċess għal servizzi pubbliċi online. Il-ħidma għandha tibni fuq proġetti pilota li diġà twettqu fl-2020 u l-2021.

L-implimentazzjoni tal-miżura għandha titlesta sal-31 ta’ Diċembru 2025.

3.5.Investiment: Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura tal-cloud

L-objettiv tal-miżura huwa li żżid ir-reżiljenza, is-sigurtà u l-affidabbiltà tas-sistemi u s-servizzi tal-IT tal-awtoritajiet pubbliċi Estonjani permezz tal-migrazzjoni tagħhom lejn cloud privata u permezz ta’ ttestjar tas-sigurtà komprensiv.

Il-miżura tikkonsisti mill-elementi li ġejjin:

-il-ħolqien ta’ korp pubbliku ġdid inkarigat mill-ġestjoni ċentrali tas-servizzi u l-infrastrutturi bażiċi tal-IT tal-istituzzjonijiet pubbliċi,

-l-istabbiliment ta’ kapaċità ġdida għall-ittestjar tas-sigurtà fl-Awtorità Estonjana tas-Sistema ta’ Informazzjoni (RIA),

-l-akkwist ta’ riżorsi privati tal-infrastruttura tal-cloud,

-il-migrazzjoni ta’ sistemi ta’ informazzjoni eżistenti lejn il-cloud privata,

-l-ittestjar komprensiv tas-sigurtà ta’ sistemi ġodda ta’ informazzjoni bbażati fuq il-cloud użati mill-awtoritajiet pubbliċi, kif ukoll ta’ sistemi ta’ informazzjoni eżistenti,

-l-iżvilupp tal-kapaċità tal-ambaxxata tad-data (jiġifieri l-kapaċitajiet ta’ hosting tal-IT stabbiliti barra mill-pajjiż biex tiġi żgurata l-kontinwità tad-disponibbiltà tal-bażijiet tad-data kritiċi f’każ ta’ diżastru), li jibni fuq il-proġett pilota mwettaq bejn l-2017 u l-2020 fil-Lussemburgu,

-l-estensjoni tal-cloud privata għall-ambaxxata tad-data, sabiex is-sistemi mmigrati lejn il-cloud ikunu jistgħu jiġu ospitati u operati mill-ambaxxata tad-data,

-il-migrazzjoni ta’ sistemi kritiċi lejn l-infrastruttura tal-ambaxxata tad-data.

L-implimentazzjoni tal-miżura għandha titlesta sal-31 ta’ Diċembru 2024.

3.6.Riforma: Stabbiliment tal-analiżi strateġika tal-ħasil tal-flus u l-finanzjament tat-terroriżmu fl-Estonja

L-objettiv tar-riforma huwa li ssaħħaħ il-kapaċità tal-Unità tal-Intelligence Finanzjarja biex tidentifika skemi u mezzi ta’ ħasil tal-flus fi stadju bikri.

Il-miżura tikkonsisti fl-istabbiliment ta’ Ċentru għall-Analiżi Strateġika fl-Unità tal-Intelligence Finanzjarja. Dan iċ-Ċentru għall-Analiżi Strateġika huwa mistenni li jippermetti prevenzjoni u detezzjoni aktar operazzjonali u aktar effiċjenti tal-ħasil tal-flus u l-finanzjament tat-terroriżmu. It-tim taċ-Ċentru għall-Analiżi Strateġika għandu jkun inkarigat b’mod partikolari mill-iżvilupp ta’ speċifikazzjonijiet għal għodda ġdida tal-IT abbażi ta’ data disponibbli minn sorsi differenti. Iċ-Ċentru għall-Analiżi Strateġika jista’ jidentifika wkoll il-bidliet leġiżlattivi meħtieġa.

L-implimentazzjoni tal-miżura għandha titlesta sal-31 ta’ Diċembru 2024.

3.7.Investiment: Sistema ta’ informazzjoni għall-analiżi strateġika f’ħin reali tal-ħasil tal-flus u l-finanzjament tat-terroriżmu

Filwaqt li jibni fuq l-analiżi mwettqa bħala parti mill-implimentazzjoni tar-riforma tal-3.6, l-investiment għandu l-għan li jipprovdi lill-Unità tal-Intelligence Finanzjarja b’sistema tal-IT dedikata ġdida li tippermetti l-isfruttament tad-data disponibbli minn awtoritajiet differenti u l-identifikazzjoni ta’ skemi u mezzi possibbli tal-ħasil tal-flus f’ħin reali. Il-miżura tikkonsisti fl-iżvilupp tas-sistema l-ġdida tal-IT.

L-implimentazzjoni tal-miżura għandha titlesta sat-30 ta’ Ġunju 2026.

3.8.Investiment: Kostruzzjoni ta’ networks tal-broadband b’kapaċità għolja ħafna

L-objettiv tal-investiment huwa li jtejjeb l-aċċess għal networks tal-broadband b’kapaċità għolja ħafna (VHCN), li joffru konnessjoni ta’ mill-inqas 100 Mbps, għal unitajiet domestiċi u istituzzjonijiet soċjoekonomikament importanti bħal sptarijiet, skejjel, servizzi pubbliċi u negozji.

Il-miżura tikkonsisti fl-għoti ta’ appoġġ finanzjarju għall-implimentazzjoni ta’ networks tal-broadband b’kapaċità għolja ħafna f’oqsma ta’ falliment tas-suq (f’konformità mad-dispożizzjonijiet tal-Artikolu 52 tar-Regolament tal-Kummissjoni 651/2014). Il-kriterji tal-eliġibbiltà u tal-għażla użati biex jiġi allokat il-finanzjament għandhom jiżguraw bilanċ reġjonali xieraq.

L-implimentazzjoni tal-miżura għandha titlesta sal-31 ta’ Diċembru 2025.

C.2.    Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju importanti / Mira	Isem	Indikaturi kwalitattivi (għall-istadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Mira	Kwart	Sena
44	3.1 Ħolqien u żvilupp ta’ ċentru ta’ eċċellenza għall-governanza tad-data u d-data miftuħa	Stadju importanti	Twaqqif ta’ tim għall-ġestjoni tad-data fl-Uffiċċju tal-Istatistika, fil-Ministeru għall-Affarijiet Ekonomiċi u l-Komunikazzjonijiet u l-Awtorità Statali tas-Sistema ta’ Informazzjoni	Stabbiliment tal-istruttura organizzazzjonali meħtieġa għall-koordinazzjoni tal-ġestjoni tad-data				Q4	2021	Ħolqien ta’ Tim għall-Ġestjoni tad-Data fi Statistics Estonia permezz tar-reklutaġġ ta’ persunal espert bil-kompitu li jikkoordina l-qafas tal-governanza tad-data u jappoġġa awtoritajiet pubbliċi oħra. Barra minn hekk, għandhom jinħolqu karigi fil-Ministeru għall-Affarijiet Ekonomiċi u l-Komunikazzjoni u fl-Aġenzija għas-Sistema tal-Informazzjoni tal-Istat għat-twettiq tal-iżvilupp ta’ proġetti. Sa tmien l-2021, mill-inqas ħames persuni għandhom jiġu reklutati fi tliet entitajiet.
45	3.1 Ħolqien u żvilupp ta’ ċentru ta’ eċċellenza għall-governanza tad-data u d-data miftuħa	Mira	Tlestija tal-proġetti għat-titjib tal-kwalità tad-data		Għadd ta’ proġetti	0	430	Q2	2025	Għadd ta’ proġetti kompluti li jikkontribwixxu għall-iżgurar ta’ użu mill-ġdid imtejjeb tad-data minn istituzzjonijiet pubbliċi, b’deskrizzjonijiet aġġornati u preċiżi ta’ bażijiet tad-data u settijiet tad-data.
46	3.1 Ħolqien u żvilupp ta’ ċentru ta’ eċċellenza għall-governanza tad-data u d-data miftuħa	Mira	Pubblikazzjoni tal-ġabriet ta’ data fil-portal tad-data miftuħa nazzjonali		Għadd ta’ settijiet tad-data ppubblikati	707	2 600	Q4	2025	L-għadd ta’ settijiet tad-data ppubblikati fuq il-Portal Nazzjonali tad-Data Miftuħa u għalhekk disponibbli mill-portal tad-Data Miftuħa tal-UE għandu jiżdied minn 707 fit-13 ta’ Awwissu 2021 għal 2 600.
47	3.2 Żvilupp ta’ servizzi ta’ avvenimenti u servizzi pubbliċi diġitali proattivi għall-individwi	Mira	Tnedija ta’ servizzi ta’ avvenimenti tal-ħajja personali u/jew servizzi proattivi		Għadd ta’ servizzi li huma operazzjonali	0	2	Q4	2022	Għadd ta’ servizzi ta’ avvenimenti tal-ħajja taċ-ċittadini u/jew servizzi proattivi mnedija online. Is-soluzzjonijiet tal-IT korrispondenti li jippermettu l-forniment tas-servizzi għandhom ikunu operattivi mill-inqas fil-partijiet bażiċi ta’ servizz partikolari u jkunu soġġetti għal aktar żvilupp matul l-implimentazzjoni tal-miżura. L-għażla tas-servizzi kkonċernati għandha tkun ibbażata fuq il-pjan ta’ żvilupp għas-servizzi ta’ avvenimenti tal-ħajja personali u s-servizzi proattivi.
48	3.2 Żvilupp ta’ servizzi ta’ avvenimenti u servizzi pubbliċi diġitali proattivi għall-individwi	Mira	Tnedija ta’ servizzi ta’ avvenimenti tal-ħajja personali u/jew servizzi proattivi		Għadd ta’ servizzi li huma operazzjonali	2	10	Q4	2025	Għadd ta’ servizzi ta’ avvenimenti tal-ħajja taċ-ċittadini u/jew servizzi proattivi mnedija online. Is-soluzzjonijiet tal-IT korrispondenti li jippermettu l-forniment tas-servizzi għandhom ikunu operattivi mill-inqas fil-partijiet bażiċi ta’ servizz partikolari u jkunu soġġetti għal aktar żvilupp matul l-implimentazzjoni tal-miżura. L-għażla tas-servizzi kkonċernati għandha tkun ibbażata fuq il-pjan ta’ żvilupp għas-servizzi ta’ avvenimenti tal-ħajja personali u s-servizzi proattivi.
49	3.3 Żvilupp ta’ servizzi ta’ avvenimenti u gateway diġitali għall-imprendituri	Mira	Varar ta’ żviluppi tal-IT li jikkontribwixxu għall-implimentazzjoni ta’ avvenimenti tan-negozju u tal-portal		Għadd ta’ proġetti li nedew b’suċċess żviluppi ġodda online	0	1	Q4	2022	Għadd ta’ proġetti ta’ żvilupp tal-IT li jikkontribwixxu għall-implimentazzjoni tas-servizzi u l-gateway tal-avveniment tan-negozju li nedew b’suċċess żviluppi ġodda online. Dawn il-proġetti ta’ żvilupp għandhom ikunu direttament relatati mal-iżvilupp tal-gateway diġitali għall-imprendituri jew mal-iżvilupp tas-servizzi ta’ avvenimenti tan-negozju, li barra minn hekk jinkludu l-iżvilupp ta’ diversi sistemi relatati għall-interfaċċa mal-gateway diġitali. Bħala riżultat ta’ kull proġett ta’ żvilupp, għandha titlesta mill-inqas soluzzjoni tal-IT li tiffunzjona b’mod minimu (jiġifieri s-soluzzjoni tal-IT għandha tkun operazzjonali mill-inqas fil-partijiet bażiċi għall-utenti aħħarin (imprendituri) u għandha tkun tista’ tipprovdi feedback għal aktar ħtiġijiet ta’ żvilupp matul il-perjodu ta’ implimentazzjoni tar-riforma jew wara).
50	3.3 Żvilupp ta’ servizzi ta’ avvenimenti u gateway diġitali għall-imprendituri	Mira	Varar ta’ żviluppi tal-IT li jikkontribwixxu għall-implimentazzjoni ta’ avvenimenti tan-negozju u tal-portal		Għadd ta’ proġetti li nedew b’suċċess żviluppi ġodda online	1	10	Q4	2025	Għadd ta’ proġetti ta’ żvilupp tal-IT li jikkontribwixxu għall-implimentazzjoni tas-servizzi u l-gateway tal-avveniment tan-negozju li nedew b’suċċess żviluppi ġodda online. Dawn il-proġetti ta’ żvilupp għandhom ikunu direttament relatati mal-iżvilupp tal-gateway diġitali għall-imprendituri jew mal-iżvilupp tas-servizzi ta’ avvenimenti tan-negozju, li barra minn hekk jinkludu l-iżvilupp ta’ diversi sistemi relatati għall-interfaċċa mal-gateway diġitali. Bħala riżultat ta’ kull proġett ta’ żvilupp, għandha titlesta mill-inqas soluzzjoni tal-IT li tiffunzjona b’mod minimu (jiġifieri s-soluzzjoni tal-IT għandha tkun operazzjonali mill-inqas fil-partijiet bażiċi għall-utenti aħħarin (imprendituri) u għandha tkun tista’ tipprovdi feedback għal aktar ħtiġijiet ta’ żvilupp matul il-perjodu ta’ implimentazzjoni tar-riforma jew wara).
51	3.4 Programm #Bürokratt (ekosistema u pjattaforma nazzjonali ta’ assistent virtwali)	Mira	Aċċess għas-servizzi pubbliċi diġitali permezz tal-pjattaforma tal-assistent virtwali		Għadd ta’ servizzi diġitali pubbliċi aċċessibbli permezz tal-assistent virtwali	0	1	Q2	2022	Għadd ta’ servizzi pubbliċi diġitali disponibbli permezz tal-pjattaforma tal-assistent virtwali.
52	3.4 Programm #Bürokratt (ekosistema u pjattaforma nazzjonali ta’ assistent virtwali)	Mira	Introduzzjoni tal-assistent virtwali Bürokratt fl-ambjenti tas-servizzi pubbliċi diġitali		Għadd ta’ ambjenti tas-servizz	0	18	Q4	2025	Għadd ta’ ambjenti tas-servizz li fihom l-assistent virtwali għandu jkun operazzjonali. “Ambjent tas-servizz” jirreferi għal sit web ta’ awtoritajiet pubbliċi.
53	3.4 Programm #Bürokratt (ekosistema u pjattaforma nazzjonali ta’ assistent virtwali)	Mira	Aċċess għas-servizzi pubbliċi diġitali permezz tal-pjattaforma tal-assistent virtwali		Għadd ta’ servizzi diġitali pubbliċi aċċessibbli permezz tal-assistent virtwali	1	20	Q4	2025	Għadd ta’ servizzi pubbliċi diġitali disponibbli permezz tal-pjattaforma tal-assistent virtwali.
54	3.5 Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura tal-cloud	Stadju importanti	Żvilupp ta’ servizzi bażi tal-IT ipprovduti ċentralment/kondiviżi	Ftuħ ta’ servizzi kondiviżi ta’ server hosting u ta’ workstation tal-kompjuter għall-awtoritajiet pubbliċi				Q3	2022	Servizzi bażiċi tal-IT ipprovduti/kondiviżi ċentralment għandhom jinfetħu għal abbonament minn utenti ġodda (ministeri u awtoritajiet oħra).
55	3.5 Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura tal-cloud	Mira	Varar tal-infrastruttura privata nazzjonali tal-cloud mill-awtoritajiet pubbliċi		Għadd ta’ sistemi ta’ informazzjoni mmigrati lejn il-cloud privata nazzjonali	0	10	Q4	2023	Għadd ta’ sistemi ta’ informazzjoni li għalihom għandha titlesta l-migrazzjoni għall-infrastruttura tal-cloud privata.
56	3.5 Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura tal-cloud	Stadju importanti	Estensjoni tal-infrastruttura tal-cloud għall-ambaxxata tad-data	Tlestija tal-estensjoni tal-cloud privata nazzjonali għall-infrastruttura tal-ambaxxata tad-data tal-Estonja				Q4	2023	Għandu jkun possibbli li jiġu ospitati u operati sistemi ta’ informazzjoni mmigrati lejn il-cloud privata mill-ambaxxata tad-data. Għandhom jinkisbu u jiġu stabbiliti hardware u liċenzji ġodda għal dan il-għan.
57	3.5 Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura tal-cloud	Mira	Migrazzjoni ta’ sistemi kritiċi għall-infrastruttura tal-cloud nazzjonali tal-ambaxxata tad-data		Għadd ta’ sistemi kritiċi	0	10	Q4	2024	Għadd ta’ sistemi kritiċi emigraw lejn l-infrastruttura u l-pjattaforma tal-Ambaxxata Nazzjonali tad-Data tal-Cloud. Sistemi kritiċi huma sistemi li huma vitali għas-sostenibbiltà tal-istat.
58	3.5 Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura tal-cloud	Mira	Ittestjar tas-sigurtà ċentrali tas-sistemi ta’ informazzjoni tal-awtoritajiet pubbliċi		Għadd ta’ testijiet imwettqa	0	16	Q4	2024	Għadd ta’ testijiet tas-sigurtà komprensivi mwettqa mill-Awtorità tas-Sistema ta’ Informazzjoni – ir-riżultati tat-testijiet għandhom ikunu miġbura fil-qosor fir-rapporti.
59	3.6 Stabbiliment tal-analiżi strateġika tal-ħasil tal-flus u l-finanzjament tat-terroriżmu fl-Estonja	Stadju importanti	Dħul fis-seħħ tal-emenda tal-Att dwar il-Ħasil tal-Flus u l-Prevenzjoni tal-Finanzjament tat-Terroriżmu u ta’ bidliet leġiżlattivi, amministrattivi u kuntrattwali oħra meħtieġa għaċ-Ċentru għall-Analiżi Strateġika	Dispożizzjoni fil-liġi li tindika d-data tad-dħul fis-seħħ tal-att emendat u dħul fis-seħħ ta’ atti leġiżlattivi, amministrattivi u kuntrattwali oħra				Q4	2024	Il-passi li ġejjin għandhom jitlestew biex iċ-Ċentru għall-Analiżi Strateġika jkun jista’ jaċċessa u jipproċessa data rilevanti għad-detezzjoni u l-prevenzjoni tal-ħasil tal-flus u l-finanzjament tat-terroriżmu:  (1) emenda tal-Att dwar il-Prevenzjoni tal-Ħasil tal-Flus u l-Finanzjament tat-Terroriżmu għandha tiġi ppubblikata fir-Riigi Teataja u tidħol fis-seħħ, (2) emendi għall-istatuti tas-settijiet tad-data nazzjonali rilevanti għandhom jidħlu fis-seħħ, (3) emendi għat-termini u l-kundizzjonijiet tal-kuntratti tal-iskambju tad-data tal-Unità tal-Intelligence Finanzjarja għandhom jiġu ffirmati mill-partijiet kontraenti.
60	3.7 Sistema ta’ informazzjoni għall-analiżi strateġika f’ħin reali tal-ħasil tal-flus u l-finanzjament tat-terroriżmu	Stadju importanti	Żvilupp ta’ sistema ġdida ta’ analiżi tal-ICT f’ħin reali għaċ-Ċentru għall-Analiżi Strateġika, u t-twassil lill-Unità tal-Intelligence Finanzjarja	Kunsinna tas-sistema l-ġdida tal-ICT lill-Unità tal-Intelligence Finanzjarja				Q2	2026	Għandu jitlesta l-iżvilupp tas-sistema tal-ICT li jippermetti analiżi f’ħin reali għad-detezzjoni u l-prevenzjoni tal-ħasil tal-flus. Is-sistema għandha tkun operazzjonali u użata mill-Unità tal-Intelligence Finanzjarja.
61	3.8 Kostruzzjoni ta’ networks tal-broadband b’kapaċità għolja ħafna	Mira	Introduzzjoni ta’ networks tal-broadband b’kapaċità għolja ħafna f’siti ġodda		Għadd ta’ siti	0	4000	Q4	2023	Għadd ta’ siti ġodda (residenzjali, kumpaniji, stabbilimenti) koperti mill-VHCN (u li għalhekk għandhom il-possibbiltà li jkollhom konnessjoni ta’ mill-inqas 100 Mbps) bis-saħħa tal-miżura.
62	3.8 Kostruzzjoni ta’ networks tal-broadband b’kapaċità għolja ħafna	Mira	Introduzzjoni ta’ networks tal-broadband b’kapaċità għolja ħafna f’siti ġodda		Għadd ta’ siti	4000	8097	Q4	2025	Għadd ta’ siti addizzjonali (residenzjali, kumpaniji, stabbilimenti) koperti mill-VHCN (u li għalhekk għandhom il-possibbiltà li jkollhom konnessjoni ta’ mill-inqas 100 Mbps) bis-saħħa tal-miżura.

   D. KOMPONENT 4: Enerġija u effiċjenza fl-użu tal-enerġija

Dan il-komponent tal-pjan Estonjan għall-irkupru u r-reżiljenza jindirizza l-isfida tad-dekarbonizzazzjoni tas-settur tal-enerġija. L-objettivi tal-komponent huma li jnaqqas id-dipendenza fuq ix-shale bituminuż, jinċentiva l-użu tal-enerġija rinnovabbli u jtejjeb l-effiċjenza enerġetika tal-bini.

Il-komponent jappoġġa l-indirizzar tar-Rakkomandazzjoni Speċifika għall-Pajjiż biex l-investimenti jiġu ffukati fuq l-infrastruttura tal-enerġija u fuq l-effiċjenza tar-riżorsi u tal-enerġija, b’kontribuzzjoni għad-dekarbonizzazzjoni progressiva tal-ekonomija (ir-Rakkomandazzjoni Speċifika għall-Pajjiż 3 fl-2019 u fl-2020).

Mhuwiex mistenni li xi miżura f’dan il-komponent tagħmel ħsara sinifikanti lill-objettivi ambjentali fis-sens tal-Artikolu 17 tar-Regolament (UE) 2020/852, b’kont meħud tad-deskrizzjoni tal-miżuri u tal-passi ta’ mitigazzjoni stabbiliti fil-pjan għall-irkupru u r-reżiljenza f’konformità mal-Gwida Teknika “La tagħmilx ħsara sinifikanti” (2021/C58/01).

D.1.    Deskrizzjoni tar-riformi u l-investimenti għal appoġġ finanzjarju mhux ripagabbli

4.1.Riforma: Promozzjoni tal-effiċjenza fl-enerġija

L-objettiv tar-riforma huwa li tnaqqas l-ostakli amministrattivi għar-rinnovazzjonijiet effiċjenti fl-enerġija billi jingħataw pariri lill-assoċjazzjonijiet tal-appartamenti, lill-unitajiet domestiċi privati u lill-gvernijiet lokali dwar il-leġiżlazzjoni, l-aspetti tekniċi u l-finanzjament tar-rinnovazzjonijiet. Ir-riforma tappoġġa wkoll l-użu ta’ soluzzjonijiet innovattivi, bħar-rinnovazzjoni bl-użu ta’ elementi prefabbrikati biex tiżdied il-kapaċità tar-rinnovazzjoni u titnaqqas l-impronta tal-karbonju tal-bini eżistenti (l-ekonomija fuq il-materjali u l-iżgurar tal-kwalità). Ir-riforma għandha l-għan li żżid ir-rati ta’ rinnovazzjoni f’żoni b’valur aktar baxx tal-proprjetà.

Il-miżura tikkonsisti fit-twaqqif ta’ network ta’ konsulenza reġjonali u taħriġ ta’ konsulenti tekniċi sabiex jipprovdu l-informazzjoni meħtieġa u jinċentivaw ir-rinnovazzjonijiet. L-aċċess għall-informazzjoni relatata mar-rinnovazzjonijiet effiċjenti fl-enerġija għandu jiġi żgurat aktar bit-twaqqif ta’ sit web iddedikat u għodod diġitali li jiffaċilitaw il-fehim tar-riżultat, tal-kost u tal-benefiċċji tar-rinnovazzjoni. Il-komponent huwa marbut ma’ miżura dwar id-diġitalizzazzjoni tad-data tal-kostruzzjoni fil-qafas tal-komponent 1 tal-Pjan Estonjan għall-Irkupru u r-Reżiljenza.

L-implimentazzjoni tar-riforma għandha titlesta sal-31 ta’ Diċembru 2024.

4.2.Investiment: Appoġġ għar-rinnovazzjoni ta’ bini ta’ appartamenti

L-objettiv tal-miżura huwa li tingħata spinta lir-rinnovazzjonijiet profondi ta’ binjiet ta’ appartamenti sabiex tiżdied l-effiċjenza enerġetika, jonqos il-konsum tal-enerġija u jitjiebu l-kundizzjonijiet tal-għajxien tar-residenti tagħhom. L-objettiv huwa wkoll li jiżdiedu r-rati ta’ rinnovazzjoni f’żoni b’valur aktar baxx tal-proprjetà.

Għandu jingħata appoġġ lill-assoċjazzjonijiet tal-appartamenti għal rinnovazzjonijiet li jiksbu titjib ta’ mill-inqas klassi waħda tal-effiċjenza enerġetika jew, f’każ ta’ rinnovazzjonijiet kompleti, mill-inqas il-klassi tal-effiċjenza enerġetika C. Ir-rinnovazzjonijiet għandhom jikkorrispondu mill-inqas għal rinnovazzjoni ta’ profondità medja li tirrappreżenta livell medju ta’ ffrankar tal-enerġija ta’ mill-inqas 30 %. Għandhom jiġu applikati rati ta’ appoġġ reġjonali differenzjati: 30 % f’Tallinn u Tartu, 40 % f’żoni madwar Tallinn u Tartu abbażi tal-prezz tal-proprjetà immobbli u 50 % fiż-żoni l-oħra kollha. Barra minn Tallinn u Tartu, l-assoċjazzjonijiet tal-appartamenti jistgħu jwettqu xogħol ta’ rikostruzzjoni parzjali għall-prevenzjoni tad-deterjorament tal-kundizzjoni teknika tal-bini; f’dan il-każ ir-rata ta’ appoġġ għandha tkun iktar baxxa. Barra minn hekk, bħala parti mill-istrateġiji nazzjonali fit-tul tagħha, l-Estonja qed tippjana li tiffinanzja miżuri ta’ rinnovazzjoni komplementari mill-Fond Ewropew għall-Iżvilupp Reġjonali u minn REACT-EU.

L-implimentazzjoni tal-investiment għandha titlesta sat-30 ta’ Ġunju 2026.

4.3.Investiment: Appoġġ għar-rinnovazzjoni ta’ bini residenzjali żgħir

L-objettiv tal-miżura huwa li tingħata spinta lir-rinnovazzjonijiet profondi ta’ abitazzjonijiet privati sabiex tiżdied l-effiċjenza enerġetika, jonqos il-konsum tal-enerġija u jitjiebu l-kundizzjonijiet tal-għajxien tar-residenti tagħhom. L-objettiv huwa wkoll li jiżdiedu r-rati ta’ rinnovazzjoni f’żoni b’valur aktar baxx tal-proprjetà.

Għandu jingħata appoġġ lis-sidien privati għal rinnovazzjonijiet li jiksbu titjib ta’ mill-inqas klassi waħda tal-effiċjenza enerġetika jew, f’każ ta’ rinnovazzjonijiet kompleti, mill-inqas il-klassi C tat-tikketta tal-enerġija, u jikkorrispondu mill-inqas għal rinnovazzjoni ta’ profondità medja li tirrappreżenta livell medju ta’ ffrankar tal-enerġija ta’ mill-inqas 30 %. Għandhom jiġu applikati rati ta’ appoġġ reġjonali differenzjati: 30 % f’Tallinn u Tartu, 40 % f’żoni madwar Tallinn u Tartu abbażi tal-prezz tal-proprjetà immobbli u 50 % fiż-żoni l-oħra kollha. Għall-fini tal-miżura, l-akkomodazzjoni (l-abitazzjoni) hija definita bħala “abitazzjoni jew abitazzjonijiet f’binja waħda jew f’binjiet separati maħsuba għal unità domestika waħda għall-għajxien matul is-sena” (f’konformità mal-Eurostat).

L-implimentazzjoni tal-investiment għandha titlesta sal-31 ta’ Diċembru 2024.

4.4.Riforma: Spinta lit-tranżizzjoni ekoloġika fis-settur tal-enerġija

L-għan ta’ din il-miżura huwa li tikkontribwixxi għad-dekarbonizzazzjoni tal-produzzjoni u tal-konsum tal-enerġija fl-Estonja billi jiġu aġġornati l-miri u azzjonijiet tal-politika tal-enerġija Estonjana (inklużi dawk relatati mat-twaqqif gradwali tax-shale bituminuż) u billi jitneħħew l-ostakli amministrattivi għall-installazzjonijiet tal-enerġija rinnovabbli.

Għandu jiġi aġġornat il-Pjan ta’ Żvilupp Nazzjonali tas-Settur tal-Enerġija u għandu jinkludi miri dwar il-produzzjoni tal-enerġija rinnovabbli, l-effiċjenza enerġetika u s-sigurtà tal-provvista tal-enerġija. Il-pjan se jinkludi wkoll azzjonijiet għat-tnaqqis tad-dipendenza fuq ix-shale bituminuż fis-settur tal-enerġija Estonjan u miri għat-twaqqif gradwali tax-shale bituminuż fis-settur tal-enerġija kollu kemm hu.

Ir-riforma għandha tikkonsisti wkoll fl-adozzjoni tal-leġiżlazzjoni u fil-kompilazzjoni tal-materjali ta’ gwida meħtieġa għall-aċċellerazzjoni tal-installazzjoni tal-kapaċità tal-produzzjoni tal-elettriku rinnovabbli u azzjonijiet għat-taffija tar-restrizzjonijiet tal-għoli relatati mad-difiża f’parks eoliċi. 

L-implimentazzjoni tar-riforma għandha titlesta sal-31 ta’ Diċembru 2025.

4.5.Investiment: Programm għat-tisħiħ tal-grilja elettrika biex tiżdied il-kapaċità tal-produzzjoni tal-enerġija rinnovabbli u biex ikun hemm adattament għat-tibdil fil-klima (bħall-protezzjoni kontra l-maltempati)

L-għan ta’ din il-miżura huwa li tikkontribwixxi għad-dekarbonizzazzjoni tal-produzzjoni tal-elettriku Estonjana billi żżid il-kapaċitajiet tal-konnessjoni disponibbli għall-produzzjoni tal-enerġija rinnovabbli.

B’din il-miżura, l-investimenti tal-operatur tas-sistema ta’ trażmissjoni fil-grilja tat-trażmissjoni għandhom jiġu kofinanzjati bl-għan li jiżdiedu mill-inqas 310 MW addizzjonali ta’ kapaċità tal-konnessjoni.

L-implimentazzjoni tal-miżura għandha titlesta sat-30 ta’ Ġunju 2026.

4.6.Investiment: Programm biex tingħata spinta lill-produzzjoni tal-enerġija fiż-żoni industrijali

Il-miżura għandha l-għan li tagħmel is-sistema tal-elettriku aktar effettiva billi tinċentiva l-produzzjoni tal-elettriku qrib il-konsum. Il-miżura għandha sservi ta’ inċentiv għall-produzzjoni tal-elettriku rinnovabbli f’żoni industrijali jew qrib tagħhom permezz tal-kofinanzjament tal-konnessjoni meħtieġa tal-grilja. Permezz ta’ din il-miżura, l-investimenti magħmula mill-kumpaniji għall-konnessjoni tal-kapaċitajiet tal-produzzjoni tal-elettriku fil-grilja għandhom jiġu appoġġati permezz ta’ għotjiet. Sabiex jiġi żgurat li l-miżura tikkonforma mal-Gwida Teknika “La tagħmilx ħsara sinifikanti” (2021/C58/01), il-kriterji ta’ eliġibbiltà li jinsabu fit-termini ta’ referenza għas-sejħiet għall-proġetti għandhom jeskludu l-lista ta’ attivitajiet li ġejja: (i) attivitajiet relatati mal-karburanti fossili, inkluż l-użu downstream 21 ; (ii) attivitajiet fil-qafas tal-Iskema tal-UE għall-Iskambju ta’ Kwoti tal-Emissjonijiet (ETS) li jiksbu emissjonijiet proġettati tal-gassijiet serra li mhumiex aktar baxxi mill-parametri referenzjarji rilevanti 22 ; (iii) attivitajiet relatati ma’ landfills tal-iskart, inċineraturi 23 u impjanti tat-trattament mekkaniku u bijoloġiku 24 ; u (iv) attivitajiet fejn ir-rimi fit-tul tal-iskart jista’ jagħmel ħsara lill-ambjent. It-termini ta’ referenza għandhom jirrikjedu wkoll li jintgħażlu biss attivitajiet li jikkonformaw mal-leġiżlazzjoni ambjentali rilevanti tal-UE u nazzjonali.

L-implimentazzjoni tal-investiment għandha titlesta sat-30 ta’ Ġunju 2026.

4.7.Investiment: Programm Pilota dwar il-Ħżin tal-Enerġija

Sabiex jiġu kkomplementati l-miżuri ta’ hawn fuq, il-waqfien gradwali tax-shale bituminuż u ż-żieda fil-produzzjoni tal-enerġija rinnovabbli, għandhom jiġu appoġġati proġetti pilota dwar il-ħżin tal-enerġija rinnovabbli.

L-objettiv tal-miżura huwa li jkun hemm proġett pilota għall-ħżin tal-enerġija rinnovabbli fl-Estonja. L-għarfien akkwistat f’dan il-proġett pilota huwa mistenni li jipprovdi bażi għall-investimenti futuri ta’ żero sussidji fil-faċilitajiet tal-ħżin. B’din il-miżura għandhom jingħataw għotjiet lill-kumpaniji li jinvestu f’faċilitajiet tal-ħżin tal-enerġija rinnovabbli.

L-implimentazzjoni tal-investiment għandha titlesta sat-30 ta’ Ġunju 2026.

D.2.    Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju importanti / Mira	Isem	Indikaturi kwalitattivi (għall-istadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Mira	Kwart	Sena
63	4.1 Promozzjoni tal-effiċjenza fl-enerġija	Stadju importanti	Konklużjoni ta’ ftehim ta’ kooperazzjoni li jistipula l-kundizzjonijiet għall-kooperazzjoni bejn SA Kredex/Enterprise Estonia u ċ-ċentri ta’ żvilupp tal-kontea	Konklużjoni ta’ ftehim ta’ kooperazzjoni bejn SA KredEx/Enterprise Estonia u ċ-ċentri ta’ żvilupp tal-kontea				Q4	2022	Konklużjoni ta’ ftehim ta’ kooperazzjoni bejn SA KredEx/Enterprise Estonia maċ-ċentri ta’ żvilupp tal-kontea, li skontu kull kontea ta’ SA KredEx/Enterprise Estonia tal-Estonja għandha tipprovdi mill-inqas speċjalista mħarreġ wieħed fiċ-ċentru tal-iżvilupp tal-kontea li għandu jipprovdi pariri dwar ir-rinnovazzjoni.
64	4.1 Promozzjoni tal-effiċjenza fl-enerġija	Stadju importanti	Għodod diġitali għall-faċilitazzjoni tal-aċċess għal informazzjoni dwar ir-rinnovazzjoni inkluż il-viżwalizzazzjoni tar-riżultati tar-rinnovazzjoni u l-istima tal-kost tar-rinnovazzjoni saru operazzjonali	Sit web tar-rinnovazzjoni faċli għall-utent u mudelli tal-ipprezzar li huma operazzjonali				Q4	2024	SA KredEx/Enterprise Estonia għandhom jaġġornaw is-sit dwar l-akkomodazzjoni biex jiżguraw informazzjoni rapida, aġġornata u operazzjonali għal dawk interessati fir-rinnovazzjoni u għall-applikanti. Għandhom ikunu disponibbli għodod diġitali online biex il-partijiet interessati fir-rinnovazzjoni jkunu jistgħu jivviżwalizzaw l-eżitu possibbli u jikkalkulaw il-kostijiet potenzjali bl-iskemi ta’ appoġġ u mingħajrhom meta jżidu l-parametri tal-bini tagħhom.
65	4.2 Appoġġ għar-rinnovazzjoni ta’ bini ta’ appartamenti	Stadju importanti	Pubblikazzjoni ta’ sejħiet għal applikazzjonijiet għal għotjiet għar-rinnovazzjoni ta’ binjiet ta’ appartamenti residenzjali	Pubblikazzjoni ta’ sejħiet għall-għotjiet għar-rinnovazzjoni tad-djar				Q2	2022	SA KredEx/Enterprise Estonia għandhom jippubblikaw sejħiet għal applikazzjonijiet immirati lejn it-titjib tal-effiċjenza enerġetika ta’ bini ta’ appartamenti residenzjali. L-appoġġ għandu jkun differenzjat bejn ir-reġjuni fuq il-bażi tal-valur tal-proprjetà immobbli, b’rata ogħla ta’ appoġġ f’reġjuni b’valur medju baxx tal-proprjetà. Għandu jingħata appoġġ lill-proġetti ta’ rinnovazzjoni li jiksbu titjib ta’ mill-inqas klassi waħda tal-effiċjenza enerġetika jew, f’każ ta’ rinnovazzjonijiet kompleti, mill-inqas il-klassi tal-effiċjenza enerġetika C. Ir-rinnovazzjonijiet għandhom jikkorrispondu mill-inqas għal rinnovazzjonijiet ta’ profondità medja li jirrappreżentaw livell medju ta’ ffrankar tal-enerġija ta’ mill-inqas 30 %, kif stabbilit fir-Rakkomandazzjoni tal-Kummissjoni Ewropea (UE) 2019/786. Ir-riżultati għandhom jiġu ċċertifikati permezz ta’ Ċertifikati tar-Rendiment fl-Użu tal-Enerġija ex ante u ex post.
66	4.2 Appoġġ għar-rinnovazzjoni ta’ bini ta’ appartamenti	Mira	Abitazzjonijiet bi prestazzjoni mtejba fl-użu tal-enerġija		Għadd ta’ abitazzjonijiet	0	2600	Q4	2024	Għandhom jiġu rinnovati mill-inqas 2 600 abitazzjoni u jiksbu titjib ta’ mill-inqas klassi waħda tal-effiċjenza enerġetika jew, f’każ ta’ rinnovazzjonijiet kompleti, mill-inqas il-klassi tal-effiċjenza enerġetika C. Ir-rinnovazzjonijiet għandhom jikkorrispondu mill-inqas għal rinnovazzjonijiet ta’ profondità medja li jirrappreżentaw livell medju ta’ ffrankar tal-enerġija ta’ mill-inqas 30 %, kif stabbilit fir-Rakkomandazzjoni tal-Kummissjoni Ewropea (UE) 2019/786. Ir-riżultati għandhom jiġu ċċertifikati permezz ta’ Ċertifikati tar-Rendiment fl-Użu tal-Enerġija ex ante u ex post.
67	4.2 Appoġġ għar-rinnovazzjoni ta’ bini ta’ appartamenti	Mira	Tnaqqis annwali stmat ta’ emissjonijiet tal-gassijiet serra	Mhux Applikabbli	tunnellati ta’ CO2ek/sena	0	2200	Q2	2026	Ġew iffrankati emissjonijiet annwali ta’ mill-inqas 2 200 tunnellata ta’ ekwivalenti ta’ CO2. Il-mira għandha titkejjel bħala t-tnaqqis tal-emissjonijiet tal-gassijiet serra bħala somma tal-proġetti kollha ta’ rinnovazzjoni li jitlestew sal-2024. Il-klassi tal-effiċjenza enerġetika għal kull binja rinnovata għandha titkejjel mhux aktar tard mill-2025; u l-emissjonijiet tal-gassijiet serra annwali tagħhom jiġu stmati fuq din il-bażi. Ix-xenarju bażi għandu jirreferi għall-emissjonijiet tal-gassijiet serra stmati tal-bini qabel ir-rinnovazzjoni. Għandu jiġi vvalutat jekk l-attivitajiet tal-miżura ta’ appoġġ ikunux twettqu u jekk ikunux ġew ippreżentati d-dokumenti meħtieġa kollha mill-assoċjazzjonijiet tal-appartamenti (bħaċ-Ċertifikat tar-Rendiment fl-Użu tal-Enerġija, l-awditu). Il-kalkolu tar-riżultat tal-iffrankar tal-emissjonijiet tal-gassijiet serra għandu jkun ibbażat fuq il-mudell ta’ SA Kredex/Enterprise Estonia għall-konsum tal-enerġija u data rilevanti oħra. Ir-riżultati miksuba għandhom jingħataw fi tmiem l-attivitajiet ta’ appoġġ.
68	4.3 Appoġġ għar-rinnovazzjoni ta’ bini residenzjali żgħir	Stadju importanti	Sejħiet ippubblikati għal għotja ta’ rinnovazzjoni	Pubblikazzjoni ta’ sejħiet				Q2	2022	SA KredEx/Enterprise Estonia għandhom jippubblikaw sejħiet għal applikazzjonijiet immirati lejn it-titjib tal-effiċjenza enerġetika ta’ bini residenzjali privat. L-appoġġ għandu jkun differenzjat bejn ir-reġjuni fuq il-bażi tal-valur tal-proprjetà immobbli, b’rata ogħla ta’ appoġġ f’reġjuni b’valur medju baxx tal-proprjetà. Għandu jingħata appoġġ lill-proġetti ta’ rinnovazzjoni li jiksbu titjib fl-effiċjenza enerġetika jew, fil-każ ta’ rinnovazzjonijiet kompleti, mill-inqas il-klassi tal-effiċjenza enerġetika C. Ir-riżultati għandhom jiġu ċċertifikati permezz ta’ kalkoli ex ante u ex post ta’ SA KredEx dwar il-prestazzjoni enerġetika.
69	4.3 Appoġġ għar-rinnovazzjoni ta’ bini residenzjali żgħir	Mira	Abitazzjonijiet bi prestazzjoni mtejba fl-użu tal-enerġija		Għadd ta’ abitazzjonijiet	0	80	Q4	2024	Għandhom jiġu rinnovati mill-inqas 80 abitazzjoni u jiksbu titjib fl-effiċjenza enerġetika jew, fil-każ ta’ rinnovazzjonijiet kompleti, mill-inqas il-klassi tal-effiċjenza enerġetika C. Ir-riżultati għandhom jiġu ċċertifikati permezz ta’ kalkoli ex ante u ex post ta’ SA KredEx dwar il-prestazzjoni enerġetika.
70	4.4 Spinta lit-tranżizzjoni ekoloġika fis-settur tal-enerġija	Stadju importanti	Deċiżjoni tal-Gvern dwar l-investimenti meħtieġa għat-taffija tar-restrizzjonijiet fuq l-għoli relatati mad-difiża fil-parks eoliċi	Adozzjoni tad-deċiżjoni tal-Gvern				Q2	2021	Il-Gvern għandu jadotta deċiżjoni dwar it-twettiq tal-investimenti meħtieġa biex itaffi r-restrizzjonijiet tal-għoli relatati mad-difiża fuq parks eoliċi.
71	4.4 Spinta lit-tranżizzjoni ekoloġika fis-settur tal-enerġija	Stadju importanti	Adozzjoni tad-deċiżjoni tal-Gvern dwar l-inizjazzjoni tal-proċess ta’ tħejjija tal-Pjan ta’ Żvilupp Nazzjonali tas-Settur tal-Enerġija, id-deżinjazzjoni ta’ dawk responsabbli u l-iskadenzi	Adozzjoni tad-deċiżjoni tal-Gvern				Q4	2021	Id-deċiżjoni tal-Gvern dwar l-inizjazzjoni tal-proċess ta’ tħejjija tal-Pjan ta’ Żvilupp Nazzjonali tas-Settur tal-Enerġija għandha tiġi approvata, b’definizzjoni tal-entità/tal-entitajiet responsabbli u bl-iffissar tal-iskadenzi rilevanti. Il-pjan ta’ żvilupp għandu jindirizza, fost l-oħrajn, l-objettivi taż-żieda fil-produzzjoni tal-enerġija rinnovabbli, tal-effiċjenza enerġetika u taż-żamma u tat-titjib tas-sigurtà tal-provvista tal-enerġija, kif ukoll il-waqfien tal-użu tax-shale bituminuż għall-produzzjoni tal-elettriku fl-2035 u l-eliminazzjoni tal-produzzjoni taż-żejt tax-shale sal-2040.
72	4.4 Spinta lit-tranżizzjoni ekoloġika fis-settur tal-enerġija	Stadju importanti	Dħul fis-seħħ tal-leġiżlazzjoni primarja u/jew sekondarja rilevanti u l-pubblikazzjoni ta’ materjal ta’ gwida biex jittaffew l-ostakli għall-installazzjoni ta’ installazzjonijiet tal-ġenerazzjoni tal-enerġija rinnovabbli u faċilitajiet għall-ħżin tal-enerġija	Dispożizzjoni fil-liġi li tindika d-dħul fis-seħħ tal-leġiżlazzjoni primarja u/jew sekondarja rilevanti u l-pubblikazzjoni ta’ materjal ta’ gwida				Q4	2024	Materjali ta’ gwida meħtieġa għall-iffaċilitar u l-inċentivar tal-installazzjoni ta’ installazzjonijiet tal-ġenerazzjoni tal-enerġija rinnovabbli u faċilitajiet tal-ħżin tal-enerġija għandhom jiġu ppubblikati u għandha tidħol fis-seħħ leġiżlazzjoni primarja u/jew sekondarja rilevanti għall-eliminazzjoni tal-ostakli għall-installazzjoni ta’ faċilitajiet tal-enerġija rinnovabbli, bħas-simplifikazzjoni tal-proċeduri tal-permessi u ostakli oħra identifikati.
73	4.4 Spinta lit-tranżizzjoni ekoloġika fis-settur tal-enerġija	Stadju importanti	Adozzjoni mill-Gvern tal-Pjan ta’ Żvilupp Nazzjonali tas-Settur tal-Enerġija	Dokument adottat mill-Gvern				Q4	2025	Il-Pjan ta’ Żvilupp Nazzjonali tas-Settur tal-Enerġija għandu jiġi approvat mill-Gvern. Il-pjan għandu jinkludi l-azzjonijiet relatati mal-waqfien gradwali tal-użu tax-shale bituminuż għall-produzzjoni tal-elettriku fl-2035 u tal-produzzjoni taż-żejt tax-shale sal-2040. Għandu jinkludi wkoll miri għall-kapaċità tal-ġenerazzjoni tal-elettriku li trid tiġi sostitwita b’enerġija rinnovabbli.
74	4.5 Programm għat-tisħiħ tal-grilja elettrika biex tiżdied il-kapaċità tal-produzzjoni tal-enerġija rinnovabbli u biex ikun hemm adattament għat-tibdil fil-klima (bħall-protezzjoni kontra l-maltempati)	Stadju importanti	Iffirmar tal-kuntratt ta’ kofinanzjament tal-investiment fin-network mal-operatur tas-sistema ta’ trażmissjoni	Iffirmar ta’ kuntratt mal-operatur tas-sistema ta’ trażmissjoni				Q1	2022	Għandu jiġi konkluż ftehim ta’ kofinanzjament għall-investimenti fin-networks tal-elettriku bejn il-Ministeru għall-Affarijiet Ekonomiċi u l-Komunikazzjoni u Elering AS. Il-kuntratt għandu jistabbilixxi r-riżultati u l-iskadenzi mistennija.
75	4.5 Programm għat-tisħiħ tal-grilja elettrika biex tiżdied il-kapaċità tal-produzzjoni tal-enerġija rinnovabbli u biex ikun hemm adattament għat-tibdil fil-klima (bħar-reżiljenza mtejba kontra l-maltempati)	Mira	Kapaċità addizzjonali ta’ konnessjoni tal-enerġija rinnovabbli permezz ta’ investimenti fin-network ta’ trażmissjoni		Kapaċità addizzjonali ta’ konnessjoni (MW)	0	310	Q2	2026	Żieda fil-kapaċitajiet tal-konnessjoni għall-installazzjonijiet tal-enerġija rinnovabbli fin-network ta’ trażmissjoni tal-elettriku Estonjan b’mill-inqas 310 MW.
76	4.6 Programm biex tingħata spinta lill-produzzjoni tal-enerġija f’żoni industrijali	Stadju importanti	Pubblikazzjoni ta’ sejħa għal proposti għal proġetti li jżidu l-produzzjoni tal-enerġija f’siti industrijali	Sejħa għal proposti ppubblikata				Q4	2022	Għandha tiġi ppubblikata sejħa miftuħa miċ-Ċentru tal-Investiment Ambjentali insostenn tal-kostijiet tal-konnessjoni tal-grilja ta’ kumpaniji li jipproduċu l-elettriku minn sorsi rinnovabbli f’siti industrijali. Is-sejħa għandha tkun ibbażata fuq il-kriterji tal-għażla u l-kundizzjonijiet tal-għoti tal-proġett li jiżguraw li l-proġetti magħżula jikkonformaw mal-Gwida Teknika “La tagħmilx ħsara sinifikanti” (2021/C58/01) permezz tal-użu ta’ lista ta’ esklużjoni u r-rekwiżit ta’ konformità mal-leġiżlazzjoni ambjentali rilevanti tal-UE u nazzjonali.
77	4.6 Programm biex tingħata spinta lill-produzzjoni tal-enerġija f’żoni industrijali	Mira	Kapaċità addizzjonali ta’ konnessjoni għall-produzzjoni tal-elettriku rinnovabbli fi jew qrib żoni industrijali konnessi mal-grilja		Kapaċità ta’ konnessjoni maħluqa (MW)	0	28	Q2	2026	Kapaċità addizzjonali ta’ konnessjoni għall-produzzjoni tal-elettriku rinnovabbli fi jew qrib żoni industrijali mibnija għal mill-inqas 28 MW.
78	4.7 Programm Pilota dwar il-Ħżin tal-Enerġija	Stadju importanti	Pubblikazzjoni ta’ sejħa għal proposti għal programm pilota għall-ħżin tal-enerġija	Sejħa għal proposti ppubblikata				Q4	2022	Iċ-Ċentru tal-Investiment Ambjentali għandu jippubblika sejħa miftuħa għal proposti insostenn ta’ programmi pilota għall-ħżin tal-enerġija. Is-sejħa għandha tkun ibbażata fuq il-kriterji tal-għażla u l-kundizzjonijiet tal-għoti tal-proġett li jiżguraw li l-proġetti magħżula jikkonformaw mal-Gwida Teknika “La tagħmilx ħsara sinifikanti” (2021/C58/01) permezz tal-użu ta’ lista ta’ esklużjoni u r-rekwiżit ta’ konformità mal-leġiżlazzjoni ambjentali rilevanti tal-UE u nazzjonali. Il-kriterji ta’ għażla/eliġibbiltà għandhom jispeċifikaw li l-attivitajiet appoġġati u/jew l-impriżi jikkontribwixxu għall-ekonomija newtrali għall-klima, għal reżiljenza għall-klima u adattament għat-tibdil fil-klima, inklużi l-objettivi tal-ekonomija ċirkolari.
79	4.7 Programm Pilota dwar il-Ħżin tal-Enerġija	Mira	Kapaċità addizzjonali ta’ ħżin tas-sħana li tirriżulta mill-appoġġ fil-forma ta’ investiment		Kapaċità installata (m³)	0	35 000	Q2	2026	L-iskema ta’ appoġġ b’investiment għandha tirriżulta fl-installazzjoni ta’ ħżin tas-sħana b’mill-inqas 35 000 m³ f’sistemi ta’ tisħin distrettwali.
80	4.7 Programm Pilota dwar il-Ħżin tal-Enerġija	Mira	Kapaċità addizzjonali ta’ ħżin tal-elettriku li tirriżulta mill-appoġġ fil-forma ta’ investiment		Kapaċità installata (MW)	0	4 MW	Q2	2026	L-iskema ta’ sostenn b’investiment għandha tirriżulta fl-installazzjoni ta’ mill-inqas 4 MW ta’ kapaċità ta’ ħżin tal-elettriku.

   E. KOMPONENT 5: Trasport sostenibbli

Il-komponent tal-pjan Estonjan għall-irkupru u r-reżiljenza jimmira li jindirizza l-isfida tad-dekarbonizzazzjoni tas-settur tat-trasport. L-objettivi tal-komponent huma li jitnaqqsu l-emissjonijiet u jiġi inċentivat l-użu ta’ modi sostenibbli tat-trasport.

Ir-riforma u l-investimenti tal-komponent jappoġġaw l-iżvilupp tal-proġett transfruntier Rail Baltic, li jgħaqqad it-tliet bliet kapitali u pajjiżi Baltiċi mal-Polonja u mal-bqija tal-Unjoni. Il-miżuri fil-komponent għandhom l-għan li jgħaqqdu r-Rail Baltic ma’ ferroviji nazzjonali oħra u ċentri oħra TEN-T (l-ajruport ta’ Tallinn u l-Port Antik) u li jiffaċilitaw l-aċċess għall-waqfiet lokali tagħhom bil-mixi jew bir-rota.

Il-komponent jappoġġa l-indirizzar tar-Rakkomandazzjoni Speċifika għall-Pajjiż biex l-investimenti jiġu ffukati fuq l-effiċjenza fir-riżorsi u t-trasport sostenibbli, b’kontribuzzjoni għad-dekarbonizzazzjoni tal-ekonomija (ir-Rakkomandazzjoni Speċifika għall-Pajjiż 3 fl-2019 u fl-2020).

Mhuwiex mistenni li xi miżura f’dan il-komponent tagħmel ħsara sinifikanti lill-objettivi ambjentali fis-sens tal-Artikolu 17 tar-Regolament (UE) 2020/852, b’kont meħud tad-deskrizzjoni tal-miżuri u tal-passi ta’ mitigazzjoni stabbiliti fil-pjan għall-irkupru u r-reżiljenza f’konformità mal-Gwida Teknika “La tagħmilx ħsara sinifikanti” (2021/C58/01).

E.1.    Deskrizzjoni tar-riformi u l-investimenti għal appoġġ finanzjarju mhux ripagabbli

5.1.Riforma: Varar ta’ infrastruttura tat-trasport u tal-enerġija sigura, ekoloġika, kompetittiva, ibbażata fuq il-ħtiġijiet u sostenibbli

L-objettiv tar-riforma huwa li tnaqqas l-emissjonijiet tas-CO2 tas-settur tat-trasport u jiġi inċentivat l-użu ta’ modi sostenibbli tat-trasport.

Il-miżura tikkonsisti fl-adozzjoni u fl-implimentazzjoni tal-Pjan ta’ Żvilupp għat-Trasport u l-Mobbiltà ġdid u fil-Pjan ta’ Implimentazzjoni relatat. Il-Pjan jiffoka fuq it-tnaqqis tal-impronta ambjentali tas-sistemi tat-trasport u għandu jinkludi miżuri għall-iżvilupp ta’ mobbiltà interkonnessa u kondiviża f’żoni urbani għad-detriment tal-karozzi privati u l-promozzjoni ta’ qafas komprensiv ta’ mobbiltà ħafifa (bil-mixi jew bir-rota) f’żoni barra miċ-ċentri urbani ewlenin. Il-Pjan għandu jinkludi investimenti ferrovjarji li għandhom ikunu diretti lejn iż-żieda tal-veloċità u s-sikurezza tal-vjaġġi u lejn żieda ta’ konnessjonijiet kemm għat-trasport tal-passiġġieri kif ukoll għat-trasport tal-merkanzija. L-azzjonijiet ewlenin fil-qafas ta’ dan il-Pjan li jridu jiġu implimentati matul l-iskeda tal-Faċilità għall-Irkupru u r-Reżiljenza jinkludu l-bini u l-estensjoni tal-ferrovija elettrifikata minn Tallinn sa Tartu u l-armonizzazzjoni tas-sistema tat-trasport pubbliku fir-reġjun kapitali ta’ Tallinn (sistemi ta’ ħruġ ta’ biljetti u prezzijiet).

L-implimentazzjoni tar-riforma għandha titlesta sat-30 ta’ Ġunju 2026.

5.2.Investiment: Kostruzzjoni ta’ sezzjoni tal-linja ferrovjarja Tallinn-Rohuküla fid-direzzjoni tal-Punent

L-investiment jimmira li jgħaqqad bil-ferrovija r-reġjun tal-Punent ta’ Läänemaa ma’ Tallinn u mal-ġunzjonijiet internazzjonali tat-TEN-T, bħall-ajruport ta’ Tallinn, ir-Rail Baltic u l-konnessjonijiet bil-vapur mill-Port Antik ta’ Tallinn.

Għandha tingħata għajnuna lill-maniġer tal-infrastruttura ferrovjarja nazzjonali Eesti Raudtee biex tibni sezzjoni ta’ 15-il km ta’ ferrovija elettrifikata fuq binarju wieħed bejn l-istazzjonijiet ta’ Turba (fejn tispiċċa l-konnessjoni attwali) u Risti. Il-bqija tal-linja tal-ferrovija sal-istazzjon ta’ Rohuküla — port tal-vapuri b’konnessjonijiet mal-gżejjer ta’ Hiiumaa u Vormsi — mistennija li tiġi ffinanzjata mill-FEŻR u mill-baġit nazzjonali u mistennija li tkun lesta fl-2026. It-tlestija tat-tul totali tal-ferrovija Tallinn-Rohuküla għandha tgħaqqad ir-reġjun tal-Punent maċ-ċentri internazzjonali tat-TEN-T f’Tallinn.

L-implimentazzjoni tal-investiment għandha titlesta sal-31 ta’ Diċembru 2024.

5.3.Investiment: Kostruzzjoni tat-terminal ta’ ġonta multimodali ta’ Rail Baltic f’Tallinn

L-objettiv tal-miżura huwa li jiżdied is-sehem tal-mobbiltà sostenibbli fir-reġjun ta’ Tallinn.

It-terminal ta’ Tallinn mistenni li jkun il-punt tat-tluq ta’ Rail Baltic. It-terminal għandu jikkonsisti minn bini ta’ terminal, infrastruttura ferrovjarja u l-infrastruttura tal-madwar, u l-binja tat-terminal għandha tiġi ffinanzjata mill-Faċilità għall-Irkupru u r-Reżiljenza. Il-bqija huwa mistenni li jiġi ffinanzjat mill-Faċilità Nikkollegaw l-Ewropa.

L-implimentazzjoni tal-investiment għandha titlesta sal-31 ta’ Marzu 2026.

5.4.Investiment: Kostruzzjoni tal-linja tat-tramm tal-Port Antik ta’ Tallinn

L-objettiv tal-miżura huwa li jiżdied is-sehem tal-mobbiltà sostenibbli fir-reġjun ta’ Tallinn. Għal dan il-għan, il-miżura timmira li tgħaqqad ir-Rail Baltic mal-konnessjonijiet tal-baħar mal-pajjiżi Nordiċi permezz tal-Port Antik ta’ Tallinn.

Għandha tingħata għajnuna lill-Awtorità tat-Trasport tal-Belt ta’ Tallinn li hija responsabbli għall-operat tat-trasport pubbliku f’Tallinn, għall-kostruzzjoni ta’ linja tat-tramm ġdida ta’ madwar 2 km li għandha tgħaqqad l-Ajruport ta’ Tallinn, iċ-ċentru ta’ Rail Baltic, iċ-ċentru tal-belt, il-Port Antik u l-istazzjon tal-ferrovija reġjonali.

L-implimentazzjoni tal-investiment għandha titlesta sat-30 ta’ Ġunju 2024.

5.5.Investiment: Investimenti tal-muniċipalitajiet f’passaġġi tar-roti u tal-mixi

L-objettiv tal-miżura huwa li titnaqqas id-dipendenza fuq il-karozzi u li tiżdied il-mobbiltà sostenibbli f’żoni barra t-tliet ċentri urbani ewlenin (Tallinn, Tartu, Pärnu), fejn il-kapaċità finanzjarja tal-muniċipalitajiet hija ostaklu għall-iżvilupp ta’ kurituri tar-roti u tal-persuni bil-mixi sikuri u li ma jagħmlux ħsara lill-klima.

Għandha tingħata għajnuna lill-muniċipalitajiet għall-kostruzzjoni ta’ 24 km ta’ infrastruttura għaċ-ċikliżmu u/jew għall-persuni bil-mixi, biex jiġi żgurat aċċess sikur u sostenibbli għas-servizzi pubbliċi, inkluż it-trasport pubbliku, u għall-postijiet tax-xogħol. Se tingħata wkoll attenzjoni lill-waqfiet lokali ta’ Rail Baltic u lill-konnessjoni man-network eżistenti taċ-ċikliżmu u tal-persuni bil-mixi.

Il-miżura tikkomplementa miżura simili li mistennija tiġi ffinanzjata mill-FEŻR, li tgħin biex iżżid il-mobbiltà bir-rota fit-tliet ċentri urbani ewlenin ta’ Tallinn, Tartu u Pärnu.

L-implimentazzjoni tal-investiment għandha titlesta sal-31 ta’ Diċembru 2025.

E.2.    Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju importanti/Mira	Isem	Indikaturi kwalitattivi (għall-istadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Mira	Kwart	Sena
81	5.1 Varar ta’ infrastruttura tat-trasport u tal-enerġija sigura, ekoloġika, kompetittiva, ibbażata fuq il-ħtiġijiet u sostenibbli	Stadju importanti	Adozzjoni tal-Pjan ta’ Żvilupp tat-Trasport u l-Mobbiltà 2021–2035 mill-Gvern	Adozzjoni tal-Pjan ta’ Żvilupp tat-Trasport u l-Mobbiltà 2021–2035				Q1	2022	Il-Pjan ta’ Żvilupp tat-Trasport u l-Mobbiltà 2021–2035 għandu jiġi approvat mill-Gvern. Huwa għandu jinkludi l-ħolqien tas-sistema tat-trasport komuni fir-reġjun kapitali ta’ Tallinn, azzjonijiet għall-faċilitazzjoni tal-użu tal-bijometan lokali, azzjonijiet għall-iżvilupp tal-mobbiltà urbana sostenibbli u attiva f’irħula kbar skont il-loġika tal-kurituri tat-trasport integrat, l-ippjanar ta’ infrastruttura multimodali, żieda fil-konnessjonijiet, fil-veloċità u fis-sikurezza tal-ferroviji, settur tat-trasport marittimu aktar kompetittiv u ekoloġiku u b’konnessjonijiet multimodali, l-iżvilupp ta’ trasport bit-triq aktar veloċi u sikur. Il-pjan għandu jinkludi mira biex jitnaqqsu l-emissjonijiet tas-CO2 b’700 000 tunnellata (jew 30 %) meta mqabbla mal-livelli tal-2018 u biex jintlaħaq sehem ta’ 24 % tal-enerġija rinnovabbli fl-enerġija kkunsmata fis-settur tat-trasport sal-2035.
82	5.1 Varar ta’ infrastruttura tat-trasport u tal-enerġija sigura, ekoloġika, kompetittiva, ibbażata fuq il-ħtiġijiet u sostenibbli	Stadju importanti	Adozzjoni tal-pjan ta’ implimentazzjoni għall-iżvilupp tat-trasport pubbliku sostenibbli u ekoloġiku tal-Pjan ta’ Żvilupp tat-Trasport u l-Mobbiltà 2021–2035	Adozzjoni tal-pjan ta’ implimentazzjoni				Q4	2022	Il-pjan ta’ implimentazzjoni għandu jiġi approvat mill-Kumitat ta’ Tmexxija tal-Pjan ta’ Żvilupp tat-Trasport u l-Mobbiltà 2021–2035. Huwa għandu jinkludi l-ħolqien tas-sistema tat-trasport komuni fir-reġjun kapitali ta’ Tallinn, azzjonijiet għall-faċilitazzjoni tal-użu tal-bijometan lokali, azzjonijiet għall-iżvilupp tal-mobbiltà urbana sostenibbli u attiva f’irħula kbar skont il-loġika tal-kurituri tat-trasport integrat, l-ippjanar ta’ infrastruttura multimodali, żieda fil-konnessjonijiet, fil-veloċità u fis-sikurezza tal-ferroviji, settur tat-trasport marittimu aktar kompetittiv u ekoloġiku u b’konnessjonijiet multimodali, l-iżvilupp ta’ trasport bit-triq aktar veloċi u sikur. Il-pjan ta’ implimentazzjoni għandu jinkludi obbligu ta’ rappurtar annwali mill-ministru responsabbli lill-Gvern.
83	5.1 Varar ta’ infrastruttura tat-trasport u tal-enerġija sigura, ekoloġika, kompetittiva, ibbażata fuq il-ħtiġijiet u sostenibbli	Stadju importanti	Implimentazzjoni tal-Pjan ta’ Żvilupp tat-Trasport u l-Mobbiltà 2021–2035	Implimentazzjoni ta’ bosta miżuri ewlenin tal-Pjan ta’ Żvilupp tat-Trasport u l-Mobbiltà 2021–2035 hija kompleta				Q2	2026	L-implimentazzjoni tal-miżuri ewlenin tal-Pjan ta’ Żvilupp għat-Trasport u l-Mobbiltà għandu jitlesta, inkluż il-bini u l-estensjoni tal-linji tal-ferrovija elettrifikata minn Tallinn sa Tartu u l-armonizzazzjoni tas-sistema tat-trasport pubbliku fir-reġjun kapitali ta’ Tallinn (inklużi sistemi ta’ ħruġ ta’ biljetti u prezzijiet komuni).
84	5.2 Kostruzzjoni ta’ sezzjoni tal-linja ferrovjarja Tallinn-Rohuküla fid-direzzjoni tal-Punent	Stadju importanti	Għoti ta’ kuntratt ta’ kostruzzjoni ferrovjarja għall-kostruzzjoni ta’ linja tal-ferrovija fuq is-sezzjonijiet ta’ Turba-Ellamaa u Ellamaa-Risti	Kuntratt iffirmat				Q2	2022	Għandu jingħata kuntratt għall-kostruzzjoni ta’ linja tal-ferrovija elettrifikata fuq is-sezzjonijiet ta’ Turba-Ellamaa u Ellamaa-Risti fuq it-tul totali tagħhom.
85	5.2 Kostruzzjoni ta’ sezzjoni tal-linja ferrovjarja Tallinn-Rohuküla fid-direzzjoni tal-Punent	Mira	Tlestija ta’ linja ferrovjarja ġdida (lesta għat-traffiku)		Km ta’ linja ferrovjarja	0	15	Q4	2024	Tlestija ta’ linja tal-ferrovija elettrifikata, lesta għat-traffiku tal-passiġġieri, bejn Turba u Risti fuq il-linja Tallinn-Rohuküla, li tgħaqqad il-ferroviji tal-Punent tal-Estonja mal-Port Antik ta’ Tallinn u l-ajruport ta’ Tallinn.
86	5.3 Kostruzzjoni tat-terminal ta’ ġonta multimodali ta’ Rail Baltic f’Tallinn	Stadju importanti	Għoti tal-kuntratt għall-kostruzzjoni tal-binja tat-terminal multimodali ta’ Rail Baltic f’Tallinn	Kuntratt iffirmat				Q1	2022	Id-disinn arkitettoniku u tal-inġinerija tat-terminal multimodali Ülemiste ta’ Rail Baltic għandu jitlesta u jiġi aċċettat mill-awtorità kontraenti Rail Baltic Estonia OÜ u l-kuntratt tax-xogħlijiet għandu jiġi ffirmat mal-kostruttur tal-binja tat-terminal.
87	5.3 Kostruzzjoni tat-terminal ta’ ġonta multimodali ta’ Rail Baltic f’Tallinn	Stadju importanti	Tlestija tal-passaġġ tat-terminal	Awtorizzazzjoni tal-mina tat-traffiku ħafif taħt it-terminal				Q4	2024	L-Awtorità għall-Protezzjoni tal-Konsumatur u s-Sorveljanza Teknika għandha toħroġ permess għall-użu tal-mina, li tgħaqqad it-triq ta’ San Pietruburgu mal-Ajruport ta’ Tallinn taħt it-terminal ta’ Ülemiste.
88	5.3 Kostruzzjoni tat-terminal ta’ ġonta multimodali ta’ Rail Baltic f’Tallinn	Stadju importanti	Tlestija tal-istazzjon ferrovjarju l-ġdid	Xogħlijiet ta’ kostruzzjoni lesti				Q1	2026	Ix-xogħlijiet ta’ kostruzzjoni għat-terminal multimodali Ülemiste ta’ Rail Baltic għandhom ikunu lesti u l-awtorizzazzjonijiet kollha meħtieġa għall-użu għandhom ikunu nkisbu.
89	5.4 Kostruzzjoni tal-linja tat-tramm tal-Port Antik ta’ Tallinn	Stadju importanti	Tlestija tad-disinn tal-proġett ta’ kostruzzjoni tal-linja tat-tramm	Approvazzjoni tad-disinn tal-proġett				Q4	2021	Il-Bord tal-Ippjanar Urban u l-Utilitajiet ta’ Tallinn għandu jadotta d-disinn tal-proġett ta’ kostruzzjoni tal-linja tat-tramm.
90	5.4 Kostruzzjoni tal-linja tat-tramm tal-Port Antik ta’ Tallinn	Stadju importanti	Għoti tal-kuntratt pubbliku ta’ xogħlijiet	Kuntratt iffirmat għall-kostruzzjoni tal-linja tat-tramm				Q2	2022	Kuntratt pubbliku ta’ xogħlijiet konkluż bejn il-Bord tal-Ippjanar Urban u l-Utilitajiet ta’ Tallinn u l-kuntrattur għall-kostruzzjoni tal-linja tat-tramm bejn Gonsiori street u Põhja Puiestee
91	5.4 Kostruzzjoni tal-linja tat-tramm tal-Port Antik ta’ Tallinn	Mira	Linja ġdida tat-tramm qed topera		Metri tal-linja tat-tramm	0	2500	Q2	2024	Għandha titlesta t-taqsima tat-tramm b’tul ta’ 2 500 metru u tibda titħaddem f’konformità mal-awtorizzazzjoni b’ittra maħruġa mill-Belt ta’ Tallinn
92	5.5 Investimenti tal-muniċipalitajiet f’passaġġi tar-roti u tal-mixi	Stadju importanti	Sejħa għal proposti għall-għotjiet	Pubblikazzjoni tal-avviż għas-sejħa għal proposti għall-għotjiet				Q4	2022	Għandha tiġi ppubblikata sejħa miftuħa għall-investiment mill-muniċipalitajiet fil-passaġġi tar-roti u/jew tal-mixi.
93	5.5 Investimenti tal-muniċipalitajiet f’passaġġi tar-roti u tal-mixi	Mira	Infrastruttura tar-roti u tal-mixi lesta		Km ta’ passaġġi tar-roti u tal-mixi	0	24	Q4	2025	Għandhom jinbnew mill-inqas 24 kilometru ta’ passaġġi tar-roti u/jew tal-mixi b’riżultat tal-iskema ta’ sostenn. Ġeneralment dawn għandhom ikunu passaġġi ġodda. F’każijiet ġustifikati għandha tkun permessa r-rikostruzzjoni tal-passaġġi tar-roti u/jew tal-mixi eżistenti, pereżempju jekk il-wisa’ tal-passaġġ eżistenti ma tissodisfax l-istandards, u tagħmilha impossibbli li min ikun miexi u ċ-ċiklisti jiċċaqilqu b’mod simultanju b’mod sikur u mingħajr interferenza.

   F. KOMPONENT 6: Kura tas-saħħa u protezzjoni soċjali

Dan il-komponent tal-pjan Estonjan għall-irkupru u r-reżiljenza jimmira li jindirizza l-isfidi relatati mar-reżiljenza tas-sistema tal-kura tas-saħħa u l-aċċess għaliha, l-adegwatezza tax-xibka ta’ sikurezza soċjali, l-aċċessibbiltà għas-servizzi soċjali u l-qgħad fost iż-żgħażagħ. L-objettivi tal-miżuri inklużi fil-komponent huma li: jiġi indirizzat in-nuqqas ta’ ħaddiema fis-settur tas-saħħa, tissaħħaħ il-kura primarja u fl-isptar, tiġi estiża d-durata tal-benefiċċju tal-assigurazzjoni tal-qgħad f’perjodi ta’ qgħad qawwi, jitjieb l-aċċess għas-servizzi soċjali, jiġi indirizzat il-qgħad fost iż-żgħażagħ u tonqos id-differenza bejn il-pagi tal-irġiel u n-nisa.

Permezz tal-komponent tiġi indirizzata wkoll ir-Rakkomandazzjoni Speċifika għall-Pajjiż dwar it-titjib tal-aċċessibbiltà u tar-reżiljenza tas-sistema tas-saħħa, inkluż billi jiġu indirizzati n-nuqqasijiet ta’ ħaddiema tas-saħħa, b’titjib tal-kura primarja u l-iżgurar tal-provvista ta’ prodotti mediċi kritiċi (Rakkomandazzjoni Speċifika għall-Pajjiż 1 fl-2020), dwar it-titjib tax-xibka ta’ sikurezza soċjali, jiżdied l-aċċess għas-servizzi soċjali b’mod integrat (Rakkomandazzjoni Speċifika għall-Pajjiż 2 fl-2019 u r-Rakkomandazzjoni Speċifika għall-Pajjiż 2 fl-2020) u dwar it-tnaqqis tad-differenza bejn il-pagi tal-irġiel u n-nisa billi titjieb it-trasparenza fil-pagi (Rakkomandazzjoni Speċifika għall-Pajjiż 2 fl-2019).

Mhuwiex mistenni li xi miżura f’dan il-komponent tagħmel ħsara sinifikanti lill-objettivi ambjentali fis-sens tal-Artikolu 17 tar-Regolament (UE) 2020/852, b’kont meħud tad-deskrizzjoni tal-miżuri u tal-passi ta’ mitigazzjoni stabbiliti fil-pjan għall-irkupru u r-reżiljenza f’konformità mal-Gwida Teknika “La tagħmilx ħsara sinifikanti” (2021/C58/01).

F.1.    Deskrizzjoni tar-riformi u l-investimenti għal appoġġ finanzjarju mhux ripagabbli

6.1.Riforma: Bidla komprensiva fl-organizzazzjoni tal-kura tas-saħħa fl-Estonja

L-objettiv tar-riforma huwa li ttejjeb ir-reżiljenza tas-sistema tas-saħħa Estonjana, fosthom biex tkampa fi kriżijiet, biex jiġi żgurat li n-nies ikollhom aċċess għal kura tas-saħħa integrata u ta’ kwalità għolja fl-Estonja kollha. Ir-riforma tikkonsisti mill-elementi li ġejjin:

(I)Sal-31 ta’ Diċembru 2024 għandu jiġi adottat Pjan ta’ Żvilupp għall-Isptarijiet li għandu jiddeskrivi n-network ikkonsolidat tal-isptarijiet biex titjieb l-effiċjenza u l-infrastruttura, u tiġi definita l-ispeċjalizzazzjoni tal-isptarijiet biex titnaqqas ir-rata għolja ta’ ħtieġa mhux issodisfata għall-kura medika.

(II)In-nuqqas ta’ forza tax-xogħol tas-saħħa għandu jiġi indirizzat bi tliet miżuri:

a.Sal-31 ta’ Diċembru 2022 għandu jiġi adottat qafas strateġiku li għandu jiddeskrivi l-forniment ta’ servizzi tas-saħħa fid-diversi setturi tas-saħħa, b’mod partikolari l-kura speċjalizzata, l-allokazzjoni ta’ riżorsi fiżiċi u umani, u l-mekkaniżmu ta’ finanzjament biex tiġi żgurata l-provvista ta’ kura tas-saħħa ta’ kwalità tajba fil-pajjiż kollu. Sal-2023, l-ammissjoni għat-tħarriġ tal-infermerija għandha tiżdied b’5 % meta mqabbla mal-2020.

b.L-iskema ta’ rimborż għat-tobba, għall-infermiera u l-ispiżjara għandha tiġi emendata sal-31 ta’ Marzu 2023 biex il-forza tax-xogħol tas-saħħa tiġi inċentivata taħdem f’żoni remoti.

c.Il-ftehim bejn il-Ministeru għall-Affarijiet Soċjali u l-Università ta’ Tartu għandu jiġi emendat biex jistabbilixxi r-rekwiżiti għaż-żieda gradwali fl-ammissjoni f’ċerti professjonijiet li qed jaraw skarsezza, b’mod partikolari tobba tal-familja, psikjatri u tobba tal-mard intern. L-emenda għandha tidħol fis-seħħ fit-30 ta’ Ġunju 2026.

6.2.Investiment: Ftuħ tal-Kampus Mediku tat-Tramuntana tal-Estonja

L-investiment jimmira li jikkontribwixxi għall-ottimizzazzjoni tan-network tal-isptarijiet Estonjani, iżid l-effiċjenza u jikkontribwixxi għat-tnaqqis tal-ħtieġa mhux issodisfata għal kura speċjalizzata, li hija fost l-ogħla fl-Unjoni. L-investiment jikkonsisti fil-bini tal-Kampus Mediku tat-Tramuntana tal-Estonja bħala ċentru ta’ eċċellenza fl-Estonja, fejn tiġi pprovduta kura tas-saħħa ta’ kwalità għolja f’ambjent modern u sikur għal żewġ terzi tal-popolazzjoni Estonjana. Il-Kampus Mediku tat-Tramuntana tal-Estonja għandu jiġi stabbilit permezz tal-konsolidazzjoni ta’ żewġ sptarijiet eżistenti ta’ Tallinn, b’mod partikolari l-Isptarijiet Ċentrali tal-Lvant u tal-Punent ta’ Tallinn. It-tnaqqis tal-binjiet tal-isptarijiet huwa mistenni li jtejjeb is-servizzi pprovduti u faċilità moderna ġdida hija mistennija li tgħin biex tonqos il-pressjoni kkawżata mill-għadd dejjem jikber ta’ pazjenti u tiżdied id-disponibbiltà u l-kwalità tas-servizzi tal-kura tas-saħħa kif ukoll tgħin biex il-forza tax-xogħol tas-saħħa tibqa’ fl-Estonja. Il-Faċilità għall-Irkupru u r-Reżiljenza tiffinanzja l-kostruzzjoni tal-Kampus parzjalment biss.

L-implimentazzjoni tal-investiment għandha titlesta sat-30 ta’ Ġunju 2026.

6.3.Riforma: Tisħiħ tal-kura tas-saħħa primarja

L-objettiv tar-riforma huwa li tiżgura l-aċċess għall-kura medika ġenerali, ittejjeb il-kontinwità tat-trattament u tagħmel il-provvista tal-kura tas-saħħa primarja aktar flessibbli u ffukata fuq il-bniedem. Ir-riforma tikkonsisti minn tliet sottomiżuri. L-ewwel nett, sabiex jittejjeb l-aċċess għall-kura speċjalizzata, l-użu tal-konsultazzjoni elettronika fil-kura primarja ġie estiż sat-30 ta’ Settembru 2020, biex il-pazjenti jkunu jistgħu jaraw speċjalista mingħajr ma jkollhom għaliex jiltaqgħu miegħu wiċċ imb wiċċ. It-tieni, fil-31 ta’ Marzu 2021 daħlet fis-seħħ leġiżlazzjoni li ttejjeb l-aċċess għall-kura tas-saħħa billi żżid l-għajnuna għall-prattikanti ġenerali u billi timmodifika l-mudell ta’ finanzjament għall-kura medika ġenerali bil-għan li x-xogħol fiċ-ċentri tas-saħħa primarja f’żoni remoti jsir aktar attraenti. It-tielet, l-Att dwar l-Organizzazzjoni tas-Servizzi tas-Saħħa għandu jiġi emendat fir-rigward tal-ġestjoni tal-lista ta’ pazjenti, biex tkun żgurata l-kontinwità tal-kura primarja u jiġu estiżi d-drittijiet tal-infermiera li jippreskrivu mediċini lill-pazjenti.

L-implimentazzjoni tar-riforma għandha titlesta sal-31 ta’ Marzu 2023.

6.4.Riforma: Tiġdid tal-governanza tas-saħħa online

L-objettiv tar-riforma huwa li taġġorna l-qafas ta’ governanza għas-saħħa online bil-għan li jkun hemm rispons imtejjeb għall-ħtiġijiet tas-sistema tas-saħħa u tiżgura l-iżvilupp ta’ soluzzjonijiet diġitali insostenn ta’ sistema tas-saħħa sostenibbli fl-Estonja. Ir-riforma tikkonsisti fl-adozzjoni ta’ mudell ta’ governanza nazzjonali rivedut għat-teknoloġija tal-informazzjoni u tal-komunikazzjoni tas-sistema tas-saħħa attwali biex jipprovdi mudell ġdid ta’ governanza tas-saħħa online li jħares ’il quddiem u jiġi promoss fehim komuni fost l-imsieħba tad-diviżjoni tar-rwoli u tar-responsabbiltajiet fis-saħħa online.

L-implimentazzjoni tar-riforma għandha titlesta sat-30 ta’ Ġunju 2023.

6.5.Investiment: Bini tal-kapaċitajiet għal ħelikopters mediċi bi skopijiet multipli

L-objettiv tal-investiment huwa li jiġi żgurat li — f’każ ta’ avvenimenti li jeħtieġu assistenza medika urġenti (bħal inċidenti kbar tat-traffiku, avvenimenti ta’ salvataġġ tal-massa, assistenza medika abbord il-vapuri) — ikun disponibbli aċċess rapidu għas-servizzi tal-kura tas-saħħa għal dawk li jgħixu f’żoni periferiċi, speċjalment fuq il-gżejjer, permezz ta’ ħelikopters speċjalizzati. L-investiment jikkonsisti fix-xiri ta’ żewġ ħelikopters mediċi multifunzjonali, inkluż tagħmir anċillari, provvisti ta’ manutenzjoni u taħriġ inizjali għall-persunal meħtieġ biex jopera l-ħelikopters, kif ukoll il-kostruzzjoni ta’ bażijiet għall-inżul u siti ta’ nżul f’ċentri mediċi ta’ emerġenza. Mhuwiex mistenni li din il-miżura tagħmel ħsara sinifikanti lill-objettivi ambjentali fis-sens tal-Artikolu 17 tar-Regolament (UE) 2020/852, b’kont meħud tad-deskrizzjoni tal-miżura u tal-passi ta’ mitigazzjoni stabbiliti fil-pjan għall-irkupru u r-reżiljenza f’konformità mal-Gwida Teknika “La tagħmilx ħsara sinifikanti” (2021/C58/01). B’mod partikolari, il-ħelikopters multifunzjonali għandu jkollhom l-aqwa teknoloġija disponibbli u bl-inqas impatti ambjentali fis-settur. 

L-implimentazzjoni tal-investiment għandha titlesta sat-30 ta’ Ġunju 2026.

6.6.Investiment: Provvediment ta’ miżuri tas-suq tax-xogħol biex jonqos il-qgħad fost iż-żgħażagħ

L-objettiv tal-investiment huwa li jgħin liż-żgħażagħ bi ftit esperjenza ta’ xogħol biex isibu impjieg. Il-leġiżlazzjoni dwar l-iskema mġedda “L-Ewwel Impjieg Tiegħi” (M1T) għandu jkollha żewġ komponenti: sussidju tal-paga mħallas lil min iħaddem u r-rimborż tal-kostijiet tat-taħriġ ta’ persuna żagħżugħa. Sussidju tal-paga u allowance għat-taħriġ (sa EUR 2 500) għandhom jitħallsu lil min jimpjega persuna żagħżugħa li għandha bejn 16 u 29 sena li hija rreġistrata bħala qiegħda u li ma għandhiex esperjenza ta’ xogħol jew b’esperjenza ta’ xogħol qasira biss. Il-miżura M1T għandha tiġi integrata ma’ servizzi oħra, b’mod partikolari mal-appoġġ ta’ segwitu għaż-żgħażagħ u għall-impjegaturi wara li tibda r-relazzjoni ta’ impjieg. L-għan huwa b’mod partikolari l-prevenzjoni tat-tmiem prematur tar-relazzjoni ta’ impjieg u li jiġu identifikati, f’kooperazzjoni ma’ min iħaddem u mal-persuna żagħżugħa, il-bżonnijiet ta’ taħriġ tagħha. Sat-30 ta’ Ġunju 2022 għandu jiġi ppreżentat Pjan ta’ Azzjoni rinfurzat għall-Garanzija għaż-Żgħażagħ, li għandu jappoġġa l-implimentazzjoni tal-investiment b’miżuri addizzjonali li jappoġġaw liż-żgħażagħ qiegħda. B’mod partikolari, għandu jinkludi miżuri għat-titjib tal-ħiliet taż-żgħażagħ, jiddefinixxi azzjonijiet għall-prevenzjoni u l-indirizzar tal-qgħad fost iż-żgħażagħ, inkluż ħidma biex jintlaħqu n-nies u l-prevenzjoni ta’ sitwazzjoni NEET u jiddefinixxi l-partijiet ewlenin u r-rwoli tagħhom għall-prevenzjoni u l-indirizzar tal-qgħad fost iż-żgħażagħ.

L-implimentazzjoni tal-investiment għandha titlesta sal-31 ta’ Diċembru 2025.

6.7.Riforma: Estensjoni tat-tul ta’ żmien tal-benefiċċji tal-assigurazzjoni tal-qgħad

L-objettiv tar-riforma huwa li tindirizza l-isfida fit-tul tat-titjib tal-adegwatezza tax-xibka ta’ sikurezza soċjali. Ir-riforma tikkonsisti fl-istabbiliment ta’ mekkaniżmu għall-attivazzjoni tal-estensjoni tal-perjodu tal-benefiċċji tal-assigurazzjoni tal-qgħad b’60 ġurnata, b’mod partikolari meta r-rata rreġistrata tal-qgħad taqbeż ir-rata tal-qgħad li ma taċċellerax l-inflazzjoni/il-pagi (NAIRU/NAWRU) b’marġni sinifikanti. Il-mekkaniżmu ta’ estensjoni u l-marġni, li ma għandux ikun ogħla minn 2 %, għandu jiġi miftiehem fi djalogu mas-sħab soċjali. Il-miżura għandha l-għan li tgħin lin-nies isostnu lilhom infushom waqt perjodu twil ta’ qgħad u f’kundizzjonijiet diffiċli tas-suq tax-xogħol.

Ir-riforma għandha tiġi implimentata sat-30 ta’ Ġunju 2023.

6.8.Riforma: Kura fit-tul

L-objettiv tar-riforma huwa li ttejjeb il-provvista tal-kura fit-tul. Ir-riforma tikkonsisti mill-elementi li ġejjin:

(i) l-emendi fl-Att dwar is-Sigurtà Soċjali għandhom jistabbilixxu d-definizzjoni tal-kura fit-tul u jeżiġu li l-awtoritajiet lokali jqisu l-prinċipju li persuna trid tkun tista’ tgħix kemm jista’ jkun fid-dar tagħha, fl-ambjent tas-soltu tagħha, u jkollha biżżejjed servizzi ta’ kwalità. L-emendi għandhom jidħlu fis-seħħ fit-30 ta’ Ġunju 2022.

(ii) Pjan ta’ Azzjoni dwar il-provvista ta’ kura soċjali u tas-saħħa b’mod integrat għandu jipprevedi l-istabbiliment ta’ mudell integrat tal-kura fl-Estonja, jistipula r-rwoli u r-responsabbiltajiet tal-atturi involuti u jiddefinixxi l-finanzjament tas-sistema. Il-Pjan ta’ Azzjoni għandu jiġi adottat sal-31 ta’ Diċembru 2022.

(iii) Digriet tal-Ministru għall-Protezzjoni Soċjali għandu jiddefinixxi d-disinn u l-karatteristiċi tas-servizzi tal-kura mill-awtoritajiet lokali lill-persuni b’eżiġenzi mnaqqsa ta’ kura, kif ukoll il-kundizzjonijiet għall-implimentazzjoni tagħhom. B’mod partikolari, għandu jinkludi investimenti adegwati u żvilupp ta’ servizzi mill-awtoritajiet lokali biex jipprovdu għajxien indipendenti għall-anzjani b’eżiġenzi mnaqqsa ta’ kura u persuni b’diżabilità insostenn ta’ għajxien indipendenti. Id-Digriet tal-Ministru għall-Protezzjoni Soċjali għandu jidħol fis-seħħ sal-31 ta’ Diċembru 2024.

(iv) Emendi leġiżlattivi li għandhom l-għan li jtejbu s-sistema ta’ appoġġ għat-tfal bi bżonnijiet ta’ kura ogħla għandhom jipprovdu għall-modernizzazzjoni u għall-integrazzjoni tas-servizzi għat-tfal bi bżonnijiet ta’ kura ogħla. B’mod partikolari għandhom jiġu integrati s-servizzi fis-saħħa, fl-edukazzjoni, tal-protezzjoni soċjali u tal-impjieg biex jingħata appoġġ komprensiv lill-familji li għandhom il-piż tal-kura fuqhom. Is-sistema ta’ appoġġ attwali għandha tiġi simplifikata u l-valutazzjonijiet tal-eżiġenzi ta’ kura jiġu kkonsolidati biex il-ġenituri jkollhom punt sigur ta’ kuntatt għal parir u appoġġ inizjali. L-emendi leġiżlattivi għandhom jidħlu fis-seħħ sal-31 ta’ Marzu 2025.

6.9.Riforma: Tnaqqis tad-differenza bejn il-pagi tal-irġiel u n-nisa

L-objettiv tar-riforma huwa li titnaqqas id-differenza bejn il-pagi tal-irġiel u n-nisa. Ir-riforma tikkonsisti fl-adozzjoni tal-Pjan ta’ Żvilupp tas-Sigurtà Soċjali għall-perjodu 2023–2030 u l-implimentazzjoni tiegħu kif ukoll il-varar ta’ għodda diġitali rigward id-differenza bejn il-pagi tal-irġiel u n-nisa.

Il-Pjan ta’ Żvilupp tas-Sigurtà Soċjali għandu jiġi adottat sal-31 ta’ Marzu 2024 u għandu jistabbilixxi l-objettivi strateġiċi tat-tnaqqis tal-inugwaljanzi soċjali u l-faqar, tal-iżgurar tal-ugwaljanza bejn il-ġeneri u inklużjoni soċjali akbar, u tal-promozzjoni tat-trattament ugwali ta’ persuni li jappartjenu għal gruppi minoritarji. Il-Pjan ta’ Żvilupp għandu jispjega l-miżuri għat-tnaqqis tad-differenza bejn il-pagi tal-irġiel u n-nisa, b’mod partikolari billi jżid it-trasparenza fil-pagi, inaqqas il-prevalenza u l-impatt negattiv tal-isterjotipi marbuta mal-ġeneru rigward il-ħajjiet u d-deċiżjonijiet tan-nisa u l-irġiel, inkluż rigward għażliet ta’ edukazzjoni u karriera u l-piż tal-indukrar, u jappoġġa implimentazzjoni aktar effettiva tal-Att dwar l-Ugwaljanza bejn il-Ġeneri.

Sal-31 ta’ Marzu 2024 għandha tiġi varata għodda diġitali dwar id-differenza bejn il-pagi tal-irġiel u n-nisa, li għandha toffri għodda sempliċi u ħafifa għall-impjegaturi biex jirċievu u janalizzaw id-data u l-informazzjoni dwar id-differenza bejn il-pagi tal-irġiel u n-nisa u r-raġunijiet possibbli għaliha fl-organizzazzjoni tagħhom, u b’hekk jingħataw għajnuna biex jieħdu deċiżjonijiet informati u azzjonijiet effettivi biex jimplimentaw il-prinċipju ta’ paga ugwali u jnaqqsu d-differenza bejn il-pagi tal-irġiel u n-nisa.

L-implimentazzjoni tar-riforma għandha titlesta sal-31 ta’ Marzu 2024.

F.2.    Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju importanti / Mira	Isem	Indikaturi kwalitattivi (għall-istadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Mira	Kwart	Sena
94	6.1 Bidla komprensiva fl-organizzazzjoni tal-kura tas-saħħa fl-Estonja	Stadju importanti	Dħul fis-seħħ tar-Regolament tal-Gvern dwar il-pjan ta’ żvilupp tan-network tal-isptarijiet	Dħul fis-seħħ tar-Regolament				Q4	2024	Dħul fis-seħħ tar-Regolament li għandu: -jistipula l-lista ta’ sptarijiet reġjonali, ċentrali, lokali u ta’ riabilitazzjoni biex jiġi żgurat aċċess ugwali għas-servizzi tal-kura tas-saħħa; -jistipula r-rekwiżiti, l-objettivi u l-passi li għandhom jittieħdu għall-konsolidazzjoni tan-network tal-isptarijiet; -jistipula l-investimenti meħtieġa għall-kostruzzjoni, għar-rinnovazzjoni u għat-tfassil ta’ profil mill-ġdid tal-isptarijiet inklużi fil-lista ta’ sptarijiet.
95	6.1 Bidla komprensiva fl-organizzazzjoni tal-kura tas-saħħa fl-Estonja	Stadju importanti	Approvazzjoni tal-Qafas Strateġiku biex jiġi indirizzat in-nuqqas tal-forza tax-xogħol tas-saħħa	Approvazzjoni mill-Ministru għas-Saħħa u għax-Xogħol tal-Qafas Strateġiku biex jiġi indirizzat in-nuqqas tal-forza tax-xogħol tas-saħħa				Q4	2022	Il-Qafas Strateġiku biex jiġi indirizzat in-nuqqas tal-forza tax-xogħol tas-saħħa għandu jispjega: - il-miżuri dwar l-organizzazzjoni tas-servizzi tal-kura tas-saħħa fis-setturi differenti tas-saħħa, b’mod partikolari l-kura speċjalizzata, - l-allokazzjoni tar-riżorsi fiżiċi u umani biex tkun żgurata l-provvista tal-kura tas-saħħa fit-territorju kollu, - il-mekkaniżmi ta’ finanzjament, governanza u skambju ta’ informazzjoni li jiżguraw il-prestazzjoni fil-pajjiż kollu.
96	6.1 Bidla komprensiva fl-organizzazzjoni tal-kura tas-saħħa fl-Estonja	Stadju importanti	Dħul fis-seħħ tad-Digriet tal-Ministru għas-Saħħa u x-Xogħol dwar l-Att tal-Organizzazzjoni tas-Servizzi li jemenda s-sistema ta’ rimborż għat-tobba, għall-infermiera u għall-ispiżjara	Dħul fis-seħħ tad-Digriet tal-Ministru għas-Saħħa u x-Xogħol dwar l-Att tal-Organizzazzjoni tas-Servizzi				Q1	2023	Dħul fis-seħħ tad-Digriet tal-Ministru għas-Saħħa u x-Xogħol dwar l-Att tal-Organizzazzjoni tas-Servizzi li għandu jtejjeb is-sistema ta’ rimborż għat-tobba, għall-infermiera u għall-ispiżjara biex il-forza tax-xogħol tas-saħħa tkun inċentivata taħdem f’reġjuni remoti.
97	6.1 Bidla komprensiva fl-organizzazzjoni tal-kura tas-saħħa fl-Estonja	Mira	Ammissjoni għat-tħarriġ tal-infermerija		Żieda perċentwali fl-għadd ta’ persuni ammessi għat-tħarriġ tal-infermerija	0	5	Q4	2023	L-ammissjoni tal-persuni fit-tħarriġ tal-infermerija żdiedet b’5 % meta mqabbla mal-2020.
98	6.1 Bidla komprensiva fl-organizzazzjoni tal-kura tas-saħħa fl-Estonja	Stadju importanti	Dħul fis-seħħ tar-Regolament Ministerjali li jemenda l-ftehim bejn il-Ministeru għall-Affarijiet Soċjali u l-Università ta’ Tartu dwar in-nuqqas ta’ tobba f’ċerti oqsma ta’ speċjalizzazzjoni	Dħul fis-seħħ tar-Regolament Ministerjali u l-ftehim bejn il-Ministeru għall-Affarijiet Soċjali u l-Università ta’ Tartu				Q2	2026	Id-dħul fis-seħħ tar-Regolament Ministerjali li jemenda l-ftehim bejn il-Ministeru għall-Affarijiet Soċjali u l-Università ta’ Tartu li għandu jistabbilixxi r-rekwiżiti għaż-żieda gradwali fl-ammissjoni f’ċerti professjonijiet li qed jaraw skarsezza, b’mod partikolari tobba tal-familja, psikjatri u tobba tal-mard intern.
99	6.2 Ftuħ tal-Kampus Mediku tat-Tramuntana tal-Estonja	Stadju importanti	Iffirmar tal-kuntratt tad-disinn tal-Kampus Mediku tat-Tramuntana tal-Estonja	Firma tal-kuntratt tad-disinn				Q4	2021	L-awtorità kontraenti, li hija s-sid tal-isptar, għandha tiffirma l-kuntratt għad-disinn tal-Kampus Mediku tat-Tramuntana tal-Estonja. Il-kuntratt għandu jinkludi l-ksib tal-permessi meħtieġa għall-kostruzzjoni
100	6.2 Ftuħ tal-Kampus Mediku tat-Tramuntana tal-Estonja	Stadju importanti	Iffirmar tal-kuntratti għat-tħaffir u għall-provvista tal-ilma u tal-elettriku, u għall-istrutturi tal-konkrit rinforzat tal-Kampus Mediku tat-Tramuntana tal-Estonja	Iffirmar tal-kuntratti				Q4	2023	L-awtorità kontraenti, li hija s-sid tal-isptar, għandha tiffirma kuntratti: - għax-xogħlijiet ta’ tħaffir u l-konnessjonijiet mal-provvista tal-ilma, mal-infrastruttura tal-ġbir tal-ilma mormi u l-elettriku; u - għall-istrutturi tal-konkrit rinforzat.
101	6.2 Ftuħ tal-Kampus Mediku tat-Tramuntana tal-Estonja	Stadju importanti	Iffirmar tal-kuntratt għall-kostruzzjoni tal-Kampus Mediku tat-Tramuntana tal-Estonja	Firma tal-kuntratt				Q1	2024	L-awtorità kontraenti, li hija s-sid tal-isptar, għandha tiffirma kuntratt għall-kostruzzjoni tal-Kampus Mediku tat-Tramuntana tal-Estonja, inkluża l-installazzjoni tas-sistemi tekniċi tal-bini b’mod partikolari t-tagħmir tekniku għat-tisħin, għat-tkessiħ, għall-ventilazzjoni, għall-ilma sħun, għad-dawl u l-produzzjoni tal-elettriku, għas-sistemi tal-kejl, tal-monitoraġġ u tal-kontroll u għax-xogħlijiet interni.
102	6.2 Ftuħ tal-Kampus Mediku tat-Tramuntana tal-Estonja	Mira	Ikunu lesti 10 % tal-volum tal-kuntratt tal-kostruzzjoni		Progress fil-kostruzzjoni	0 %	10 %	Q4	2024	Ikunu tlestew 10 % tal-kuntratt tal-kostruzzjoni msemmi fl-istadju importanti 101 meta l-bennej ikun ikkonferma t-tlestija ta’ 10 % tax-xogħol ta’ kostruzzjoni kif iddefinit fil-kuntratt, l-awtorità kontraenti tkun aċċettat ix-xogħol u jkunu ġew identifikati nuqqasijiet possibbli flimkien ma’ skadenza għar-riżoluzzjoni tagħhom.
103	6.2 Ftuħ tal-Kampus Mediku tat-Tramuntana tal-Estonja	Mira	Ikunu lesti 50 % tal-volum tal-kuntratt tal-kostruzzjoni		Progress fil-kostruzzjoni	10 %	50 %	Q4	2025	Ikunu tlestew 50 % tal-kuntratt tal-kostruzzjoni msemmi fl-istadju importanti 101 meta l-bennej ikun ikkonferma t-tlestija ta’ 50 % tax-xogħol ta’ kostruzzjoni kif iddefinit fil-kuntratt, l-awtorità kontraenti tkun aċċettat ix-xogħol u jkunu ġew identifikati nuqqasijiet possibbli flimkien ma’ skadenza għar-riżoluzzjoni tagħhom.
104	6.2 Ftuħ tal-Kampus Mediku tat-Tramuntana tal-Estonja	Stadju importanti	Iffirmar tal-kuntratt għall-attrezzar tal-Kampus Mediku tat-Tramuntana tal-Estonja biex isir kompletament operazzjonali	Firma tal-kuntratt				Q2	2025	L-awtorità kontraenti, li hija s-sid tal-isptar, għandha tiffirma kuntratt għall-forniment tal-isptar bit-tagħmir kollu meħtieġ biex l-isptar ikun operazzjonali għalkollox (bħas-sodod tal-isptar, tagħmir mediku) wara li jkun tlesta x-xogħol ta’ kostruzzjoni.
105	6.2 Ftuħ tal-Kampus Mediku tat-Tramuntana tal-Estonja	Stadju importanti	Tlestija tax-xogħlijiet ta’ kostruzzjoni	Ċertifikat li jattesta t-tlestija tax-xogħlijiet ta’ kostruzzjoni				Q2	2026	L-awtorità kontraenti, li hija s-sid tal-isptar, għandha tirċievi ċertifikat mill-kuntrattur li jiċċertifika t-tlestija tax-xogħlijiet ta’ kostruzzjoni. L-awtorità kontraenti għandha turi li tkun tat bidu għall-proċedura għall-ħruġ ta’ ċertifikat li l-bini jkun tlesta u jikkonforma mar-regolamenti rilevanti. .
106	6.3 Tisħiħ tal-kura tas-saħħa primarja	Stadju importanti	Dħul fis-seħħ tad-Digriet tal-Gvern li jemenda l-lista tas-servizzi tal-kura tas-saħħa tal-Fond ta’ Assigurazzjoni tas-Saħħa Estonjan dwar l-aċċess għall-kura medika speċjalizzata	Dħul fis-seħħ tal-emendi leġiżlattivi tad-Digriet tal-Gvern				Q3	2020	Id-dħul fis-seħħ tal-emendi leġiżlattivi li għandhom itejbu l-aċċess għall-kura speċjalizzata billi jiġi estiż l-użu tal-konsultazzjonijiet online fil-kura primarja, biex il-pazjenti jkunu jistgħu jaraw speċjalista mingħajr ma jkollhom għaliex jiltaqgħu miegħu wiċċ imb wiċċ.
107	6.3 Tisħiħ tal-kura tas-saħħa primarja	Stadju importanti	Dħul fis-seħħ tal-emendi tad-Digriet tal-Gvern li jemenda l-lista tas-servizzi tal-kura tas-saħħa tal-Fond ta’ Assigurazzjoni tas-Saħħa Estonjan dwar il-kostijiet u s-servizzi tal-prattikanti ġenerali	Dħul fis-seħħ tal-emendi leġiżlattivi tad-Digriet tal-Gvern				Q1	2021	Għandhom jidħlu fis-seħħ emendi leġiżlattivi li jipprevedu l-finanzjament ta’ spejjeż fissi u servizzi għall-prattikanti ġenerali biex tiżdied l-allokazzjoni tar-riżorsi għall-prattika medika primarja barra miż-żoni metropolitani, speċjalment f’żoni remoti, u biex jiżdied l-aċċess tal-pazjenti għal servizzi dijanjostiċi u ta’ skrinjar.
108	6.3 Tisħiħ tal-kura tas-saħħa primarja	Stadju importanti	Dħul fis-seħħ tal-emendi għall-Att dwar l-Organizzazzjoni tas-Servizzi tas-Saħħa	Dispożizzjoni fil-liġi li tindika d-dħul fis-seħħ tal-liġi				Q1	2023	Id-dħul fis-seħħ tal-emendi tal-Att dwar l-Organizzazzjoni tas-Servizzi tas-Saħħa li għandhom jemendaw il-ġestjoni tal-lista ta’ pazjenti, jiżguraw il-kontinwità tal-kura primarja u jestendu d-drittijiet tal-infermiera li jippreskrivu mediċini lill-pazjenti.
109	6.4 Tiġdid tal-governanza tas-saħħa online	Stadju importanti	Approvazzjoni tal-Qafas ta’ Governanza tas-Saħħa Online u l-pjan direzzjonali tal-implimentazzjoni tiegħu	Approvazzjoni tal-proposta dwar il-Qafas ta’ Governanza tas-Saħħa Online u l-pjan direzzjonali tal-implimentazzjoni tiegħu mill-Kumitat ta’ Tmexxija ta’ “Eesti tervise IKT juhtimise raamistik”				Q2	2023	Approvazzjoni tal-proposta dwar il-Qafas ta’ Governanza u l-pjan direzzjonali ta’ implimentazzjoni li għandha taġġorna l-qafas ta’ governanza għas-saħħa online u l-koordinazzjoni tal-iżvilupp tas-servizzi tas-saħħa online.
110	6.5 Bini tal-kapaċitajiet għal ħelikopters mediċi bi skopijiet multipli	Stadju importanti	Għoti ta’ kuntratti għal ħelikopters mediċi b’abbiltajiet multifunzjonali	Għoti tal-kuntratti ta’ akkwist pubbliku				Q4	2023	Kuntratti ffirmati mill-Bord Estonjan tal-Pulizija u l-Gwardji tal-Fruntiera dwar ix-xiri ta’ ħelikopters ta’ emerġenza medika u dwar il-bini ta’ bażijiet tal-ajru u siti ta’ nżul għas-servizz b’ħelikopter ta’ ambulanza. Għax-xiri tal-ħelikopters bi skopijiet speċjali għandha tiġi identifikata l-aqwa teknoloġija li tippermetti l-konformità mal-Gwida Teknika “La tagħmilx ħsara sinifikanti” (2021/C58/01).
111	6.5 Bini tal-kapaċitajiet għal ħelikopters mediċi bi skopijiet multipli	Mira	Riċeviment tal-ħelikopters		Għadd ta’ ħelikopters	0	2	Q1	2025	Kunsinna ta’ żewġ ħelikopters aċċettata mill-Bord Estonjan tal-Pulizija u l-Gwardji tal-Fruntiera
112	6.5 Bini tal-kapaċitajiet għal ħelikopters mediċi bi skopijiet multipli	Mira	Tlestija ta’ bażijiet tal-ajru mibnija jew imwessgħin		Għadd ta’ bażijiet tal-ħelikopters	0	2	Q2	2026	Għandhom jinbnew/jitwessgħu żewġ bażijiet tal-ajru/siti ta’ nżul tal-ħelikopters u għandhom ikunu lesti għall-użu, kif jidher fl-aċċettazzjoni formali tat-twettiq tal-kuntratt mill-Bord Estonjan tal-Pulizija u tal-Gwardja tal-Fruntieri.
113	6.6 Provvediment ta’ miżuri tas-suq tax-xogħol biex jonqos il-qgħad fost iż-żgħażagħ	Stadju importanti	Dħul fis-seħħ tad-Digriet tal-Ministru għas-Saħħa u x-Xogħol biex tissaħħaħ l-iskema “L-Ewwel Impjieg Tiegħi”	Dħul fis-seħħ tad-Digriet tal-Ministru għas-Saħħa u x-Xogħol				Q1	2022	Dħul fis-seħħ tad-Digriet tal-Ministru għas-Saħħa u x-Xogħol li għandu jiddefinixxi l-karatteristiċi tal-iskema u l-kundizzjonijiet għall-implimentazzjoni tagħha, inkluż il-finanzjament u l-grupp fil-mira. L-għan tal-iskema għandu jkun li tippermetti liż-żgħażagħ bla esperjenza ta’ xogħol jew bi ftit esperjenza ta’ xogħol jiksbu esperjenza ta’ xogħol u jtejbu l-ħiliet tagħhom biex jipparteċipaw fis-suq tax-xogħol.
114	6.6 – Provvediment ta’ miżuri tas-suq tax-xogħol biex jonqos il-qgħad fost iż-żgħażagħ	Stadju importanti	Pjan ta’ Azzjoni għall-Garanzija għaż-Żgħażagħ	Adozzjoni tal-Pjan ta’ Azzjoni rinforzat għall-Garanzija għaż-Żgħażagħ mill-Gvern				Q2	2022	Il-Gvern għandu jadotta Pjan ta’ Azzjoni emendat għall-Garanzija għaż-Żgħażagħ biex jappoġġa l-impjiegi taż-żgħażagħ. Dan il-pjan ta’ azzjoni għandu - jinkludi miżuri għat-titjib tal-ħiliet taż-żgħażagħ, - jiddefinixxi azzjonijiet għall-prevenzjoni u l-indirizzar tal-qgħad fost iż-żgħażagħ., inkluża ħidma biex jintlaħqu n-nies u l-prevenzjoni ta’ sitwazzjoni NEET - jiddefinixxi l-partijiet ewlenin u r-rwoli tagħhom fil-prevenzjoni u fl-indirizzar tal-qgħad fost iż-żgħażagħ.
115	6.6 – Provvediment ta’ miżuri tas-suq tax-xogħol biex jonqos il-qgħad fost iż-żgħażagħ	Mira	Għadd ta’ żgħażagħ li jipparteċipaw fl-iskema “L-Ewwel Impjieg Tiegħi”		Għadd ta’ parteċipanti	0	3178	Q4	2025	Mill-inqas 3 178 żagħżugħ u żagħżugħa ta’ bejn is-16 u d-29 sena jkunu pparteċipaw fl-iskema “L-Ewwel Impjieg Tiegħi” (għadd kumulattiv ta’ parteċipanti).
116	6.7 Estensjoni tat-tul ta’ żmien tal-benefiċċji tal-assigurazzjoni tal-qgħad	Stadju importanti	Dħul fis-seħħ tal-emendi għall-Att dwar is-Servizzi u l-Benefiċċji tal-Qgħad u l-Att dwar l-Assigurazzjoni kontra l-Qgħad	Dħul fis-seħħ tal-emendi leġiżlattivi				Q2	2023	Dħul fis-seħħ tal-emendi għall-Att li għandhom jistabbilixxu l-mekkaniżmu permanenti għall-attivazzjoni tal-estensjoni tad-durata tal-benefiċċji tal-assigurazzjoni tal-qgħad b’60 ġurnata, b’mod partikolari meta r-rata rreġistrata tal-qgħad teċċedi r-rata tal-qgħad li ma taċċellerax l-inflazzjoni/il-pagi b’marġni sinifikanti. Il-mekkaniżmu ta’ estensjoni u l-marġni, li ma għandux ikun ogħla minn 2 %, għandu jiġi miftiehem fi djalogu mas-sħab soċjali.
117	6.8 Kura fit-tul	Stadju importanti	Dħul fis-seħħ tal-emendi għall-Att dwar is-Sigurtà Soċjali	Dħul fis-seħħ tal-emendi leġiżlattivi				Q2	2022	Dħul fis-seħħ tal-emendi leġiżlattivi fl-Att dwar is-Sigurtà Soċjali, li għandhom jistabbilixxu l-kunċett tal-kura fit-tul u jeżiġu li l-awtoritajiet lokali jqisu l-prinċipju li persuna trid tkun tista’ tgħix kemm jista’ jkun fid-dar tagħha, fl-ambjent tas-soltu tagħha, u jkollha biżżejjed servizzi ta’ kwalità.
118	6.8 Kura fit-tul	Stadju importanti	Pjan ta’ Azzjoni dwar mudell ta’ kura integrata	Adozzjoni tal-Pjan ta’ Azzjoni				Q4	2022	Il-Ministeru għall-Affarijiet Soċjali għandu jadotta Pjan ta’ Azzjoni li jipprevedi l-istabbiliment ta’ mudell ta’ kura integrata fl-Estonja kollha u r-rwoli u r-responsabbiltajiet tal-atturi involuti fil-mudell futur tal-finanzjament tas-sistema.
119	6.8 Kura fit-tul	Stadju importanti	Dħul fis-seħħ tad-digriet tal-Ministru għall-Protezzjoni Soċjali	Dħul fis-seħħ tad-digriet tal-Ministru għall-Protezzjoni Soċjali				Q4	2024	Id-Digriet tal-Ministru għall-Protezzjoni Soċjali għandu jiddefinixxi d-disinn u l-karatteristiċi tas-servizzi mill-awtoritajiet lokali lill-persuni b’eżiġenzi mnaqqsa ta’ kura, kif ukoll il-kundizzjonijiet għall-implimentazzjoni tagħhom. B’mod partikolari, għandu jinkludi investimenti u żvilupp ta’ servizzi mill-awtoritajiet lokali biex jipprovdu għajxien indipendenti għall-anzjani b’eżiġenzi mnaqqsa ta’ kura u persuni b’diżabilità insostenn ta’ għajxien indipendenti.
120	6.8 Kura fit-tul	Stadju importanti	Dħul fis-seħħ tal-emendi leġiżlattivi tas-sistema ta’ appoġġ għat-tfal bi bżonn kbir ta’ kura	Dħul fis-seħħ tal-emendi leġiżlattivi				Q1	2025	Id-dħul fis-seħħ tal-emendi leġiżlattivi li għandhom jipprevedu l-modernizzazzjoni u l-integrazzjoni tas-servizzi għat-tfal li jeħtieġu aktar kura min-normal. B’mod partikolari, - għandhom jiġu integrati s-servizzi fis-saħħa, fl-edukazzjoni, tal-protezzjoni soċjali u tal-impjieg biex jingħata appoġġ komprensiv lill-familji li għandhom il-piż tal-kura fuqhom, u - is-sistema ta’ appoġġ attwali għandha tiġi simplifikata u l-valutazzjoni tal-eżiġenzi ta’ kura jiġu kkonsolidati biex il-ġenituri jkollhom punt sigur ta’ kuntatt għal parir u appoġġ inizjali.
121	6.9 Tnaqqis tad-diskrepanza bejn il-pagi tal-irġiel u n-nisa	Stadju importanti	Adozzjoni tal-Pjan ta’ Żvilupp tas-Sigurtà Soċjali 2023-2030 mill-Gvern	Adozzjoni tal-Pjan ta’ Żvilupp tas-Sigurtà Soċjali				Q1	2024	Il-Pjan għandu jispjega l-miżuri biex tonqos id-differenza bejn il-pagi tal-irġiel u n-nisa.
122	6.9 Tnaqqis tad-diskrepanza bejn il-pagi tal-irġiel u n-nisa	Stadju importanti	Għodda diġitali dwar id-differenza bejn il-pagi tal-irġiel u n-nisa	Żvilupp ta’ prototip ta’ għodda dwar id-differenza bejn il-pagi tal-irġiel u n-nisa				Q4	2022	Għandu jiġi żviluppat prototip ta’ għodda dwar id-differenza bejn il-pagi tal-irġiel u n-nisa għall-impjegaturi bil-għan li tipprovdilhom id-data u l-informazzjoni dwar id-differenza bejn il-pagi tal-irġiel u n-nisa u r-raġunijiet possibbli għaliha fl-organizzazzjoni tagħhom, u b’hekk jingħataw għajnuna biex jieħdu deċiżjonijiet informati u azzjonijiet effettivi biex jimplimentaw il-prinċipju ta’ paga ugwali u jnaqqsu d-differenza bejn il-pagi tal-irġiel u n-nisa.
123	6.9 Tnaqqis tad-differenza bejn il-pagi tal-irġiel u n-nisa	Stadju importanti	Għodda diġitali dwar id-differenza bejn il-pagi tal-irġiel u n-nisa	Varar ta’ għodda diġitali dwar id-differenza bejn il-pagi tal-irġiel u n-nisa				Q1	2024	L-għodda diġitali dwar id-differenza bejn il-pagi tal-irġiel u n-nisa għandha tkun disponibbli għall-impjegaturi bil-għan li tipprovdilhom id-data u l-informazzjoni dwar id-differenza bejn il-pagi tal-irġiel u n-nisa u r-raġunijiet possibbli għaliha fl-organizzazzjoni tagħhom, u b’hekk jingħataw għajnuna biex jieħdu deċiżjonijiet informati u azzjonijiet effettivi biex jimplimentaw il-prinċipju ta’ paga ugwali u jnaqqsu d-differenza fid-dħul tal-irġiel u tan-nisa.

G. Awditjar u Kontroll

G.1.    Deskrizzjoni tar-riformi u l-investimenti għal appoġġ finanzjarju mhux ripagabbli

L-objettiv tar-riforma huwa li tistabbilixxi l-qafas legali għall-implimentazzjoni u l-monitoraġġ tal-pjan għall-irkupru u r-reżiljenza. Għandu jiddefinixxi r-rwoli li jaqdu l-entitajiet pubbliċi rilevanti fl-implimentazzjoni tal-pjan u kif dawn il-korpi għandhom iwettqu l-kompiti tagħhom.

L-implimentazzjoni tar-riforma għandha titlesta sal-31 ta’ Diċembru 2021.

G.2.    Stadji importanti, miri, indikaturi, u skeda ta’ żmien għall-monitoraġġ u l-implimentazzjoni għall-appoġġ finanzjarju mhux ripagabbli

Numru Sekwenzjali	Miżura Relatata (Riforma jew Investiment)	Stadju importanti / Mira	Isem	Indikaturi kwalitattivi (għall-istadji importanti)	Indikaturi kwantitattivi (għall-miri)			Skeda ta’ żmien indikattiva għat-tlestija		Deskrizzjoni ta’ kull stadju importanti u mira
					Unità ta’ kejl	Linja bażi	Mira	Kwart	Sena
124	Monitoraġġ u implimentazzjoni tal-pjan	Stadju importanti	Id-dħul fis-seħħ tar-Regolament tal-Gvern dwar il-qafas legali għall-implimentazzjoni u l-monitoraġġ tal-pjan tal-Estonja għall-irkupru u r-reżiljenza.	Dħul fis-seħħ tar-Regolament tal-Gvern				Q4	2021	Id-dħul fis-seħħ tar-Regolament li jistabbilixxi l-qafas legali għall-implimentazzjoni u l-monitoraġġ tal-pjan tal-Estonja għall-irkupru u r-reżiljenza qabel issir l-ewwel talba għall-ħlas. Ir-regolament għandu tal-anqas jiddefinixxi l-awtoritajiet involuti fl-implimentazzjoni tal-pjan għall-irkupru u r-reżiljenza tal-Estonja u l-kompiti tagħhom inklużi l-kompiti tal-Ministeru għall-Finanzi, tal-ministeri settorjali u ċ-Ċentru tas-Servizzi Kondiviżi tal-Istat.

2.Kost totali stmat tal-pjan għall-irkupru u r-reżiljenza

Il-kost totali stmat tal-pjan għall-irkupru u r-reżiljenza tal-Estonja huwa EUR 982 490 000.

TAQSIMA 2: APPOĠĠ FINANZJARJU

1.Kontribuzzjoni finanzjarja

Il-ħlasijiet parzjali msemmija fl-Artikolu 2(2) għandhom jiġu organizzati kif ġej:

L-Ewwel Ħlas Parzjali (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
23	2.1. Tranżizzjoni ekoloġika tal-intrapriżi	Stadju importanti	Ħolqien ta’ Task Force għal Tranżizzjoni Ekoloġika għall-implimentazzjoni u l-monitoraġġ tat-tranżizzjoni ekoloġika
28	2.3. Programmi għall-iżvilupp tat-teknoloġija ekoloġika	Stadju importanti	Stabbiliment ta’ grupp ta’ ħidma biex jippjana u jwaqqaf il-programm ta’ żvilupp
37	2.6. Fond Ekoloġiku	Stadju importanti	Iffirmar ta’ ftehim kuntrattwali bejn il-Ministeru għall-Affarijiet Ekonomiċi u l-Komunikazzjoni u s-SmartCap
38	2.6. Fond Ekoloġiku	Stadju importanti	Adozzjoni tad-dokument ta’ politika ta’ investiment minn SmartCap
44	3.1. Ħolqien u żvilupp ta’ ċentru ta’ eċċellenza għall-governanza tad-data u d-data miftuħa	Stadju importanti	Twaqqif ta’ tim għall-ġestjoni tad-data fl-Uffiċċju tal-Istatistika, fil-Ministeru għall-Affarijiet Ekonomiċi u l-Komunikazzjonijiet u l-Awtorità Statali tas-Sistema ta’ Informazzjoni
70	4.4. Spinta lit-tranżizzjoni ekoloġika fis-settur tal-enerġija	Stadju importanti	Deċiżjoni tal-Gvern dwar l-investimenti meħtieġa għat-taffija tar-restrizzjonijiet fuq l-għoli relatati mad-difiża fil-parks eoliċi
71	4.4. Spinta lit-tranżizzjoni ekoloġika fis-settur tal-enerġija	Stadju importanti	Adozzjoni tad-deċiżjoni tal-Gvern dwar l-inizjazzjoni tal-proċess ta’ tħejjija tal-Pjan ta’ Żvilupp Nazzjonali tas-Settur tal-Enerġija, id-deżinjazzjoni ta’ dawk responsabbli u l-iskadenzi
74	4.5. Programm għat-tisħiħ tal-grilja elettrika biex tiżdied il-kapaċità tal-produzzjoni tal-enerġija rinnovabbli u biex ikun hemm adattament għat-tibdil fil-klima (bħall-protezzjoni kontra l-maltempati)	Stadju importanti	Iffirmar tal-kuntratt ta’ kofinanzjament tal-investiment fin-network mal-operatur tas-sistema ta’ trażmissjoni
81	5.1. Varar ta’ infrastruttura tat-trasport u tal-enerġija sigura, ekoloġika, kompetittiva, ibbażata fuq il-ħtiġijiet u sostenibbli	Stadju importanti	Adozzjoni tal-Pjan ta’ Żvilupp tat-Trasport u l-Mobbiltà 2021–2035 mill-Gvern
86	5.3. Kostruzzjoni tat-terminal ta’ ġonta multimodali ta’ Rail Baltic f’Tallinn	Stadju importanti	Għoti tal-kuntratt għall-kostruzzjoni tal-binja tat-terminal multimodali ta’ Rail Baltic f’Tallinn
89	5.4. Kostruzzjoni tal-linja tat-tramm tal-Port Antik ta’ Tallinn	Stadju importanti	Tlestija tad-disinn tal-proġett ta’ kostruzzjoni tal-linja tat-tramm
99	6.2. Ftuħ tal-Kampus Mediku tat-Tramuntana tal-Estonja	Stadju importanti	Iffirmar tal-kuntratt tad-disinn tal-Kampus Mediku tat-Tramuntana tal-Estonja
106	6.3. Tisħiħ tal-kura tas-saħħa primarja	Stadju importanti	Dħul fis-seħħ tad-Digriet tal-Gvern li jemenda l-lista tas-servizzi tal-kura tas-saħħa tal-Fond ta’ Assigurazzjoni tas-Saħħa Estonjan dwar l-aċċess għall-kura medika speċjalizzata
107	6.3. Tisħiħ tal-kura tas-saħħa primarja	Stadju importanti	Dħul fis-seħħ tal-emendi tad-Digriet tal-Gvern li jemenda l-lista tas-servizzi tal-kura tas-saħħa tal-Fond ta’ Assigurazzjoni tas-Saħħa Estonjan dwar il-kostijiet u s-servizzi tal-prattikanti ġenerali
113	6.6. Provvediment ta’ miżuri tas-suq tax-xogħol biex jonqos il-qgħad fost iż-żgħażagħ	Stadju importanti	Dħul fis-seħħ tad-Digriet tal-Ministru għas-Saħħa u x-Xogħol biex tissaħħaħ l-iskema “L-Ewwel Impjieg Tiegħi”
124	Awditjar u Kontroll	Stadju importanti	Id-dħul fis-seħħ tar-Regolament tal-Gvern dwar il-qafas legali għall-implimentazzjoni u l-monitoraġġ tal-pjan tal-Estonja għall-irkupru u r-reżiljenza.
		Ammont tal-ħlas parzjali	EUR 145 394 882

It-Tieni Ħlas Parzjali (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
1	1.1. Trasformazzjoni diġitali fl-intrapriżi	Stadju importanti	Sejħa għal proposti bi kriterji għall-għoti u kundizzjonijiet għall-għoti
11	1.4. Riforma tal-ħiliet għat-trasformazzjoni diġitali tan-negozji	Stadju importanti	Dħul fis-seħħ tal-leġiżlazzjoni sekondarja li tistabbilixxi t-termini ta’ appoġġ għall-iżvilupp tal-ħiliet diġitali
16	1.5.1. Appoġġ għall-kompetittività tal-intrapriżi fis-swieq barranin — Strateġiji nazzjonali u reġjonali	Stadju importanti	Tħejjija tal-iżvilupp ta’ strateġiji
19	1.5.2. Appoġġ għall-kompetittività tal-intrapriżi fis-swieq barranin — Ċentri tan-negozju innovattivi fi swieq tal-esportazzjoni ewlenin	Stadju importanti	Analiżi preparatorja biex tiddefinixxi l-kontenut u l-postijiet taċ-ċentri tan-negozju
21	1.5.3. Appoġġ għall-kompetittività tal-intrapriżi fis-swieq barranin — Gruppi globali b’impatt fuq l-esportazzjoni elettronika u stadji virtwali	Stadju importanti	Twaqqif ta’ gruppi ta’ impatt u għażla ta’ destinazzjonijiet għal missjonijiet diġitali globali
25	2.2. Ħiliet ekoloġiċi insostenn tat-tranżizzjoni ekoloġika tal-intrapriżi	Stadju importanti	Dħul fis-seħħ tal-leġiżlazzjoni sekondarja li tistabbilixxi t-termini ta’ appoġġ għall-iżvilupp tal-ħiliet ekoloġiċi
32	2.4. Modernizzazzjoni tal-mudelli kummerċjali fil-kumpaniji tal-manifattura	Stadju importanti	Dħul fis-seħħ tal-ordni ministerjali li jistabbilixxi t-termini u l-kundizzjonijiet tal-eliġibbiltà tal-għotja
34	2.5. Varar tat-teknoloġiji ekoloġiċi effiċjenti fl-użu tar-riżorsi	Stadju importanti	Pubblikazzjoni ta’ sejħa għal proposti għall-għotjiet
51	3.4. Programm Bürokratt (pjattaforma ta’ assistenza virtwali nazzjonali u ekosistema)	Mira	Aċċess għas-servizzi pubbliċi diġitali permezz tal-pjattaforma tal-assistent virtwali
54	3.5. Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura cloud	Stadju importanti	Żvilupp ta’ servizzi bażi tal-IT ipprovduti ċentralment/kondiviżi
65	4.2. Appoġġ għar-rinnovazzjoni ta’ bini ta’ appartamenti	Stadju importanti	Pubblikazzjoni ta’ sejħiet għal applikazzjonijiet għal għotjiet għar-rinnovazzjoni ta’ binjiet ta’ appartamenti residenzjali
68	4.3. Appoġġ għar-rinnovazzjoni ta’ bini residenzjali żgħir	Stadju importanti	Sejħiet ippubblikati għal għotja ta’ rinnovazzjoni
84	5.2. Kostruzzjoni ta’ sezzjoni tal-linja ferrovjarja Tallinn-Rohuküla fid-direzzjoni tal-Punent	Stadju importanti	Għoti ta’ kuntratt ta’ kostruzzjoni ferrovjarja għall-kostruzzjoni ta’ linja tal-ferrovija fuq is-sezzjonijiet ta’ Turba-Ellamaa u Ellamaa-Risti
90	5.4. Kostruzzjoni tal-linja tat-tramm tal-Port Antik ta’ Tallinn	Stadju importanti	Għoti tal-kuntratt pubbliku ta’ xogħlijiet
114	6.6. Provvediment ta’ miżuri tas-suq tax-xogħol biex jonqos il-qgħad fost iż-żgħażagħ	Stadju importanti	Pjan ta’ Azzjoni għall-Garanzija għaż-Żgħażagħ
117	6.8. Kura fit-tul	Stadju importanti	Dħul fis-seħħ tal-emendi għall-Att dwar is-Sigurtà Soċjali
		Ammont tal-ħlas parzjali	EUR 145 394 882

It-Tielet Ħlas Parzjali (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
7	1.3. Żvilupp ta’ servizzi ta’ poloz tal-vjeġġi diġitali	Mira	żvilupp tal-pjattaformi eFTI (Informazzjoni elettronika dwar it-Trasport tal-Merkanzija)
24	2.1. Tranżizzjoni ekoloġika tal-intrapriżi	Stadju importanti	Adozzjoni tal-Pjan ta’ Azzjoni għal Ekonomija Ċirkolari mit-Task Force għal Tranżizzjoni Ekoloġika
41	2.7. Ħolqien ta’ opportunitajiet għall-adozzjoni ta’ teknoloġiji tal-idroġenu ekoloġiku bbażati fuq sorsi rinnovabbli	Stadju importanti	Dħul fis-seħħ tal-ordni ministerjali li jistabbilixxi t-termini u l-kundizzjonijiet għall-għoti ta’ għajnuna
47	3.2. Żvilupp ta’ servizzi ta’ avvenimenti u servizzi pubbliċi diġitali proattivi għall-individwi	Mira	Tnedija ta’ servizzi ta’ avvenimenti tal-ħajja personali u/jew servizzi proattivi
49	3.3. Żvilupp ta’ servizzi ta’ avvenimenti u portal diġitali għall-imprendituri	Mira	Varar ta’ żviluppi tal-IT li jikkontribwixxu għall-implimentazzjoni ta’ avvenimenti tan-negozju u tal-portal
63	4.1. Promozzjoni tal-effiċjenza fl-enerġija	Stadju importanti	Konklużjoni ta’ ftehim ta’ kooperazzjoni li jistipula l-kundizzjonijiet għall-kooperazzjoni bejn SA Kredex/Enterprise Estonia u ċ-ċentri ta’ żvilupp tal-kontea
76	4.6. Programm biex tingħata spinta lill-produzzjoni tal-enerġija fiż-żoni industrijali	Stadju importanti	Pubblikazzjoni ta’ sejħa għal proposti għal proġetti li jżidu l-produzzjoni tal-enerġija f’siti industrijali
78	4.7. Programm Pilota dwar il-Ħżin tal-Enerġija	Stadju importanti	Pubblikazzjoni ta’ sejħa għal proposti għal programm pilota għall-ħżin tal-enerġija
82	5.1. Varar ta’ infrastruttura tat-trasport u tal-enerġija sigura, ekoloġika, kompetittiva, ibbażata fuq il-ħtiġijiet u sostenibbli	Stadju importanti	Adozzjoni tal-pjan ta’ implimentazzjoni għall-iżvilupp tat-trasport pubbliku sostenibbli u ekoloġiku tal-Pjan ta’ Żvilupp tat-Trasport u l-Mobbiltà 2021–2035
92	5.5. Investimenti tal-muniċipalitajiet f’passaġġi tar-roti u tal-mixi	Stadju importanti	Sejħa għal proposti għall-għotjiet
95	6.1. Bidla komprensiva fl-organizzazzjoni tal-kura tas-saħħa fl-Estonja	Stadju importanti	Approvazzjoni tal-Qafas Strateġiku biex jiġi indirizzat in-nuqqas tal-forza tax-xogħol tas-saħħa
96	6.1. Bidla komprensiva fl-organizzazzjoni tal-kura tas-saħħa fl-Estonja	Stadju importanti	Dħul fis-seħħ tad-Digriet tal-Ministru għas-Saħħa u x-Xogħol dwar l-Att tal-Organizzazzjoni tas-Servizzi li jemenda s-sistema ta’ rimborż għat-tobba, għall-infermiera u għall-ispiżjara
108	6.3. Tisħiħ tal-kura tas-saħħa primarja	Stadju importanti	Dħul fis-seħħ tal-emendi għall-Att dwar l-Organizzazzjoni tas-Servizzi tas-Saħħa
109	6.4. Tiġdid tal-governanza tas-saħħa online	Stadju importanti	Approvazzjoni tal-Qafas ta’ Governanza tas-Saħħa Online u l-pjan direzzjonali tal-implimentazzjoni tiegħu
116	6.7. Estensjoni tat-tul ta’ żmien tal-benefiċċji tal-assigurazzjoni tal-qgħad	Stadju importanti	Dħul fis-seħħ tal-emendi għall-Att dwar is-Servizzi u l-Benefiċċji tal-Qgħad u l-Att dwar l-Assigurazzjoni kontra l-Qgħad
118	6.8. Kura fit-tul	Stadju importanti	Pjan ta’ Azzjoni dwar mudell ta’ kura integrata
122	6.9. Tnaqqis tad-differenza bejn il-pagi tal-irġiel u n-nisa	Stadju importanti	Għodda diġitali dwar id-differenza bejn il-pagi tal-irġiel u n-nisa
		Ammont tal-ħlas parzjali	EUR 145 394 882

Ir-raba’ Ħlas Parzjali (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
2	1.1. Trasformazzjoni diġitali fl-intrapriżi	Mira	Għoti ta’ għotjiet
12	1.4. Riforma tal-ħiliet għat-trasformazzjoni diġitali tan-negozji	Mira	Reġistrazzjoni f’attivitajiet ta’ taħriġ
14	1.4. Riforma tal-ħiliet għat-trasformazzjoni diġitali tan-negozji	Mira	Għadd ta’ moduli ġodda ta’ titjib tal-ħiliet u ta’ taħriġ mill-ġdid
17	1.5.1. Appoġġ għall-kompetittività tal-intrapriżi fis-swieq barranin — Strateġiji nazzjonali u reġjonali	Stadju importanti	Akkwist pubbliku ta’ studji
26	2.2. Ħiliet ekoloġiċi insostenn tat-tranżizzjoni ekoloġika tal-intrapriżi	Mira	Għadd ta’ moduli ta’ titjib tal-ħiliet u ta’ taħriġ mill-ġdid
29	2.3. Programmi għall-iżvilupp tat-teknoloġija ekoloġika	Stadju importanti	Stabbiliment tal-Programm ta’ Żvilupp tat-Teknoloġiji Ekoloġiċi
35	2.5. Varar tat-teknoloġiji ekoloġiċi effiċjenti fl-użu tar-riżorsi	Mira	Għadd ta’ kuntratti mogħtija wara s-sejħa għall-proposti
55	3.5. Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura cloud	Mira	Varar tal-infrastruttura privata nazzjonali tal-cloud mill-awtoritajiet pubbliċi
56	3.5. Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura cloud	Stadju importanti	Estensjoni tal-infrastruttura tal-cloud għall-ambaxxata tad-data
61	3.8. Kostruzzjoni ta’ networks tal-broadband b’kapaċità għolja ħafna	Mira	Introduzzjoni ta’ networks tal-broadband b’kapaċità għolja ħafna f’siti ġodda
91	5.4. Kostruzzjoni tal-linja tat-tramm tal-Port Antik ta’ Tallinn	Mira	Linja ġdida tat-tramm qed topera
97	6.1. Bidla komprensiva fl-organizzazzjoni tal-kura tas-saħħa fl-Estonja	Mira	Ammissjoni għat-tħarriġ tal-infermerija
100	6.2. Ftuħ tal-Kampus Mediku tat-Tramuntana tal-Estonja	Stadju importanti	Iffirmar tal-kuntratti għat-tħaffir u għall-provvista tal-ilma u tal-elettriku, u għall-istrutturi tal-konkrit rinforzat tal-Kampus Mediku tat-Tramuntana tal-Estonja
101	6.2. Ftuħ tal-Kampus Mediku tat-Tramuntana tal-Estonja	Stadju importanti	Iffirmar tal-kuntratt għall-kostruzzjoni tal-Kampus Mediku tat-Tramuntana tal-Estonja
110	6.5. Bini tal-kapaċitajiet għal ħelikopters mediċi bi skopijiet multipli	Stadju importanti	Għoti ta’ kuntratti għal ħelikopters mediċi b’abbiltajiet multifunzjonali
121	6.9. Tnaqqis tad-differenza bejn il-pagi tal-irġiel u n-nisa	Stadju importanti	Adozzjoni tal-Pjan ta’ Żvilupp tas-Sigurtà Soċjali 2023-2030 mill-Gvern
123	6.9. Tnaqqis tad-differenza bejn il-pagi tal-irġiel u n-nisa	Stadju importanti	Għodda diġitali dwar id-differenza bejn il-pagi tal-irġiel u n-nisa
		Ammont tal-ħlas parzjali	EUR 145 394 882

Il-ħames Ħlas Parzjali (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
4	1.2. Żvilupp ta’ kostruzzjoni elettronika	Stadju importanti	Adozzjoni ta’ standards internazzjonali u l-aħjar prattiki għall-użu ta’ teknoloġiji diġitali fil-kostruzzjoni
8	1.3. Żvilupp ta’ servizzi ta’ poloz tal-vjeġġi diġitali	Mira	Żvilupp tal-interfaċċa tal-eCMR (electronic Consignment Note)
15	1.4. Riforma tal-ħiliet għat-trasformazzjoni diġitali tan-negozji	Mira	Rieżami tal-istandards tal-kwalifiki għall-ispeċjalisti tal-ICT.
39	2.6. Fond Ekoloġiku	Mira	Volum tal-investimenti f’fondi ta’ kapital ta’ riskju jew investimenti fl-ekwità f’intrapriżi
42	2.7. Ħolqien ta’ opportunitajiet għall-adozzjoni ta’ teknoloġiji tal-idroġenu ekoloġiku bbażati fuq sorsi rinnovabbli	Stadju importanti	Teknoloġiji u tagħmir biex jinħolqu ktajjen tal-valur tal-valur tal-idroġenu ekoloġiku kompluti
57	3.5. Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura cloud	Mira	Migrazzjoni ta’ sistemi kritiċi għall-infrastruttura tal-cloud nazzjonali tal-ambaxxata tad-data
58	3.5. Rikonfigurazzjoni ta’ servizzi diġitali bażiċi u tranżizzjoni sikura għall-infrastruttura cloud	Mira	Ittestjar tas-sigurtà ċentrali tas-sistemi ta’ informazzjoni tal-awtoritajiet pubbliċi
59	3.6. Stabbiliment tal-analiżi strateġika tal-ħasil tal-flus u l-finanzjament tat-terroriżmu fl-Estonja	Stadju importanti	Dħul fis-seħħ tal-emenda tal-Att dwar il-Ħasil tal-Flus u l-Prevenzjoni tal-Finanzjament tat-Terroriżmu u ta’ bidliet leġiżlattivi, amministrattivi u kuntrattwali oħra meħtieġa għaċ-Ċentru għall-Analiżi Strateġika
64	4.1. Promozzjoni tal-effiċjenza fl-enerġija	Stadju importanti	Għodod diġitali għall-faċilitazzjoni tal-aċċess għal informazzjoni dwar ir-rinnovazzjoni inkluż il-viżwalizzazzjoni tar-riżultati tar-rinnovazzjoni u l-istima tal-kost tar-rinnovazzjoni saru operazzjonali
66	4.2. Appoġġ għar-rinnovazzjoni ta’ bini ta’ appartamenti	Mira	Abitazzjonijiet bi prestazzjoni mtejba fl-użu tal-enerġija
69	4.3. Appoġġ għar-rinnovazzjoni ta’ bini residenzjali żgħir	Mira	Abitazzjonijiet bi prestazzjoni mtejba fl-użu tal-enerġija
72	4.4. Spinta lit-tranżizzjoni ekoloġika fis-settur tal-enerġija	Stadju importanti	Dħul fis-seħħ tal-leġiżlazzjoni primarja u/jew sekondarja rilevanti u l-pubblikazzjoni ta’ materjal ta’ gwida biex jittaffew l-ostakli għall-installazzjoni ta’ installazzjonijiet tal-ġenerazzjoni tal-enerġija rinnovabbli u faċilitajiet għall-ħżin tal-enerġija
85	5.2. Kostruzzjoni ta’ sezzjoni tal-linja ferrovjarja Tallinn-Rohuküla fid-direzzjoni tal-Punent	Mira	Tlestija ta’ linja ferrovjarja ġdida (lesta għat-traffiku)
87	5.3. Kostruzzjoni tat-terminal ta’ ġonta multimodali ta’ Rail Baltic f’Tallinn	Stadju importanti	Tlestija tal-passaġġ tat-terminal
94	6.1. Bidla komprensiva fl-organizzazzjoni tal-kura tas-saħħa fl-Estonja	Stadju importanti	Dħul fis-seħħ tar-Regolament tal-Gvern dwar il-pjan ta’ żvilupp tan-network tal-isptarijiet
102	6.2. Ftuħ tal-Kampus Mediku tat-Tramuntana tal-Estonja	Mira	Ikunu lesti 10 % tal-volum tal-kuntratt tal-kostruzzjoni
111	6.5. Bini tal-kapaċitajiet għal ħelikopters mediċi bi skopijiet multipli	Mira	Riċeviment tal-ħelikopters
119	6.8. Kura fit-tul	Stadju importanti	Dħul fis-seħħ tad-digriet tal-Ministru għall-Protezzjoni Soċjali
120	6.8. Kura fit-tul	Stadju importanti	Dħul fis-seħħ tal-emendi leġiżlattivi tas-sistema ta’ appoġġ għat-tfal bi bżonn kbir ta’ kura
		Ammont tal-ħlas parzjali	EUR 145 394 882

Is-sitt Ħlas Parzjali (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
3	1.1. Trasformazzjoni diġitali fl-intrapriżi	Mira	Għoti ta’ għotjiet
5	1.2. Żvilupp ta’ kostruzzjoni elettronika	Stadju importanti	Disponibbiltà tas-servizzi pubbliċi fuq il-pjattaforma ta’ kostruzzjoni elettronika
6	1.2. Żvilupp ta’ kostruzzjoni elettronika	Mira	Tlestija ta’ proġetti ta’ żvilupp u prototipi
9	1.3. Żvilupp ta’ servizzi ta’ poloz tal-vjeġġi diġitali	Mira	L-għadd totali ta’ proġetti lesti
33	2.4. Modernizzazzjoni tal-mudelli kummerċjali fil-kumpaniji tal-manifattura	Mira	Għadd ta’ proġetti appoġġati
45	3.1. Ħolqien u żvilupp ta’ ċentru ta’ eċċellenza għall-governanza tad-data u d-data miftuħa	Mira	Tlestija tal-proġetti għat-titjib tal-kwalità tad-data
46	3.1. Ħolqien u żvilupp ta’ ċentru ta’ eċċellenza għall-governanza tad-data u d-data miftuħa	Mira	Pubblikazzjoni tal-ġabriet ta’ data fil-portal tad-data miftuħa nazzjonali
48	3.2. Żvilupp ta’ servizzi ta’ avvenimenti u servizzi pubbliċi diġitali proattivi għall-individwi	Mira	Tnedija ta’ servizzi ta’ avvenimenti personali u servizzi proattivi
50	3.3. Żvilupp ta’ servizzi ta’ avvenimenti u portal diġitali għall-imprendituri	Mira	Varar ta’ żviluppi tal-IT li jikkontribwixxu għall-implimentazzjoni ta’ avvenimenti tan-negozju u tal-portal
52	3.4. Programm Bürokratt (pjattaforma ta’ assistenza virtwali nazzjonali u ekosistema)	Mira	Introduzzjoni tal-assistent virtwali Bürokratt fl-ambjenti tas-servizzi pubbliċi diġitali
53	3.4. Programm Bürokratt (pjattaforma ta’ assistenza virtwali nazzjonali u ekosistema)	Mira	Aċċess għas-servizzi pubbliċi diġitali permezz tal-pjattaforma tal-assistent virtwali
62	3.8. Kostruzzjoni ta’ networks tal-broadband b’kapaċità għolja ħafna	Mira	Introduzzjoni ta’ networks tal-broadband b’kapaċità għolja ħafna f’siti ġodda
73	4.4. Spinta lit-tranżizzjoni ekoloġika fis-settur tal-enerġija	Stadju importanti	Adozzjoni mill-Gvern tal-Pjan ta’ Żvilupp Nazzjonali tas-Settur tal-Enerġija
93	5.5. Investimenti tal-muniċipalitajiet f’passaġġi tar-roti u tal-mixi	Mira	Infrastruttura tar-roti u tal-mixi lesta
103	6.2. Ftuħ tal-Kampus Mediku tat-Tramuntana tal-Estonja	Mira	Ikunu lesti 50 % tal-volum tal-kuntratt tal-kostruzzjoni
104	6.2. Ftuħ tal-Kampus Mediku tat-Tramuntana tal-Estonja	Stadju importanti	Iffirmar tal-kuntratt għall-attrezzar tal-Kampus Mediku tat-Tramuntana tal-Estonja biex isir kompletament operazzjonali
115	6.6. Provvediment ta’ miżuri tas-suq tax-xogħol biex jonqos il-qgħad fost iż-żgħażagħ	Mira	Għadd ta’ żgħażagħ li jipparteċipaw fl-iskema “L-Ewwel Impjieg Tiegħi”
		Ammont tal-ħlas parzjali	EUR 145 394 882

Is-seba’ Ħlas Parzjali (appoġġ mhux ripagabbli):

Numru Sekwenzjali	Miżura Relatata (Riforma jew Investiment)	Stadju importanti / Mira	Isem
10	1.3. Żvilupp ta’ servizzi ta’ poloz tal-vjeġġi diġitali	Stadju importanti	Evalwazzjoni ex post tal-iżvilupp u l-varar tal-poloz tal-vjeġġi diġitali
13	1.4. Riforma tal-ħiliet għat-trasformazzjoni diġitali tan-negozji	Mira	Tlestija tal-attivitajiet ta’ taħriġ
18	1.5.1. Appoġġ għall-kompetittività tal-intrapriżi fis-swieq barranin — Strateġiji nazzjonali u reġjonali	Mira	Għadd ta’ strateġiji tal-pajjiż u reġjonali tal-esportazzjoni
20	1.5.2. Appoġġ għall-kompetittività tal-intrapriżi fis-swieq barranin — Ċentri tan-negozju innovattivi fi swieq tal-esportazzjoni ewlenin	Mira	Għadd ta’ ċentri tan-negozju miftuħa
22	1.5.3. Appoġġ għall-kompetittività tal-intrapriżi fis-swieq barranin — Gruppi globali b’impatt fuq l-esportazzjoni elettronika u stadji virtwali	Mira	Għadd ta’ missjonijiet imwettqa mill-gruppi tal-impatt globali u għadd ta’ avvenimenti ewlenin li fihom l-Estonja kienet irrappreżentata permezz ta’ “stadji virtwali”
27	2.2. Ħiliet ekoloġiċi insostenn tat-tranżizzjoni ekoloġika tal-intrapriżi	Mira	Nies li qed jieħdu sehem fi programmi ta’ titjib tal-ħiliet u ta’ taħriġ mill-ġdid
30	2.3. Programmi għall-iżvilupp tat-teknoloġija ekoloġika	Mira	Għadd ta’ clusters appoġġati permezz tal-Programm ta’ Żvilupp tat-Teknoloġija Ekoloġika
31	2.3. Programmi għall-iżvilupp tat-teknoloġija ekoloġika	Mira	Għadd ta’ negozji ġodda appoġġati permezz tal-Programm ta’ Żvilupp tat-Teknoloġija Ekoloġika u li rċevew investiment privat
36	2.5. Varar tat-teknoloġiji ekoloġiċi effiċjenti fl-użu tar-riżorsi	Mira	Għadd ta’ proġetti lesti
40	2.6. Fond Ekoloġiku	Mira	Volum tal-investimenti f’fondi ta’ kapital ta’ riskju jew investimenti fl-ekwità f’intrapriżi
43	2.7. Ħolqien ta’ opportunitajiet għall-adozzjoni ta’ teknoloġiji tal-idroġenu ekoloġiku bbażati fuq sorsi rinnovabbli	Mira	Għotjiet allokati għal teknoloġiji tal-idroġenu ekoloġiku bbażat fuq sorsi rinnovabbli li jirrappreżentaw mill-inqas EUR 49,49 miljun
60	3.7. Sistema ta’ informazzjoni għall-analiżi strateġika f’ħin reali tal-ħasil tal-flus u l-finanzjament tat-terroriżmu	Stadju importanti	Żvilupp ta’ sistema ġdida ta’ analiżi tal-ICT f’ħin reali għaċ-Ċentru għall-Analiżi Strateġika, u t-twassil lill-Unità tal-Intelligence Finanzjarja
67	4.2. Appoġġ għar-rinnovazzjoni ta’ bini ta’ appartamenti	Mira	Tnaqqis annwali stmat ta’ emissjonijiet tal-gassijiet serra
75	4.5. Programm għat-tisħiħ tal-grilja elettrika biex tiżdied il-kapaċità tal-produzzjoni tal-enerġija rinnovabbli u biex ikun hemm adattament għat-tibdil fil-klima (bħall-protezzjoni kontra l-maltempati)	Mira	Kapaċità addizzjonali ta’ konnessjoni tal-enerġija rinnovabbli permezz ta’ investimenti fin-network ta’ trażmissjoni
77	4.6. Programm biex tingħata spinta lill-produzzjoni tal-enerġija fiż-żoni industrijali	Mira	Kapaċità addizzjonali ta’ konnessjoni għall-produzzjoni tal-elettriku rinnovabbli fi jew qrib żoni industrijali konnessi mal-grilja
79	4.7. Programm Pilota dwar il-Ħżin tal-Enerġija	Mira	Kapaċità addizzjonali ta’ ħżin tas-sħana li tirriżulta mill-appoġġ fil-forma ta’ investiment
80	4.7. Programm Pilota dwar il-Ħżin tal-Enerġija	Mira	Kapaċità addizzjonali ta’ ħżin tal-elettriku li tirriżulta mill-appoġġ fil-forma ta’ investiment
83	5.1. Varar ta’ infrastruttura tat-trasport u tal-enerġija sigura, ekoloġika, kompetittiva, ibbażata fuq il-ħtiġijiet u sostenibbli	Stadju importanti	Implimentazzjoni tal-Pjan ta’ Żvilupp tat-Trasport u l-Mobbiltà 2021–2035
88	5.3. Kostruzzjoni tat-terminal ta’ ġonta multimodali ta’ Rail Baltic f’Tallinn	Stadju importanti	Tlestija tal-istazzjon ferrovjarju l-ġdid
98	6.1. Bidla komprensiva fl-organizzazzjoni tal-kura tas-saħħa fl-Estonja	Stadju importanti	Dħul fis-seħħ tar-Regolament Ministerjali li jemenda l-ftehim bejn il-Ministeru għall-Affarijiet Soċjali u l-Università ta’ Tartu dwar in-nuqqas ta’ tobba f’ċerti oqsma ta’ speċjalizzazzjoni
105	6.2. Ftuħ tal-Kampus Mediku tat-Tramuntana tal-Estonja	Stadju importanti	Tlestija tax-xogħlijiet ta’ kostruzzjoni
112	6.5. Bini tal-kapaċitajiet għal ħelikopters mediċi bi skopijiet multipli	Mira	Tlestija ta’ bażijiet tal-ajru mibnija jew imwessgħin
		Ammont tal-ħlas parzjali	EUR 96 929 921

TAQSIMA 3: ARRANĠAMENTI ADDIZZJONALI

1.Arranġamenti għall-monitoraġġ u l-implimentazzjoni tal-pjan għall-irkupru u r-reżiljenza

Il-monitoraġġ u l-implimentazzjoni tal-pjan tal-Estonja għall-irkupru u r-reżiljenza għandhom isiru f’konformità mal-arranġamenti li ġejjin:

Il-Ministeru għall-Finanzi bħala l-ministeru ewlieni u ċ-Ċentru tas-Servizzi Kondiviżi tal-Istat għandhom jiżguraw il-koordinazzjoni, il-monitoraġġ u l-implimentazzjoni globali tal-pjan għall-irkupru u r-reżiljenza. Iċ-Ċentru tas-Servizzi Kondiviżi tal-Istat għandu jwettaq il-funzjonijiet tal-awtorità ta’ ġestjoni. Id-Dipartiment tal-Baġit tal-Istat fil-Ministeru għall-Finanzi, f’kooperazzjoni maċ-Ċentru tas-Servizzi Kondiviżi ta’ Appoġġ tal-Istat, għandu jwettaq il-kompiti relatati mal-monitoraġġ u mal-evalwazzjoni.

Il-ministeri u l-aġenziji settorjali għandhom iwettqu r-responsabbiltajiet assenjati lilhom, relatati mal-implimentazzjoni tal-pjan. Is-servizzi tagħhom għandhom jappoġġaw ukoll il-monitoraġġ tal-progress tal-proġetti taħt il-kompetenza tagħhom u jżommu kooperazzjoni mill-qrib maċ-Ċentru tas-Servizzi Kondiviżi tal-Istat u l-Ministeru għall-Finanzi. Għal dan il-għan għandha tintuża s-Sistema Operattiva tal-Fondi Strutturali eżistenti biex tiġi rreġistrata d-data kollha relatata mal-implimentazzjoni u l-monitoraġġ tal-pjan.

Id-Dipartiment tal-Kontroll Finanzjarju tal-Ministeru għall-Finanzi, l-awtorità tal-awditjar, għandu jwettaq verifiki regolari tas-sistemi ta’ ġestjoni u kontroll stabbiliti. Huwa għandu jħejji wkoll sommarju tal-awditi mwettqa għal talbiet għall-ħlas. L-awtorità tal-awditjar għandha tospita wkoll is-Servizz ta’ Koordinazzjoni Kontra l-Frodi.

Is-sorsi nazzjonali u esterni kollha għandhom jiġu bbaġitjati flimkien fi programmi speċifiċi għas-settur li jippermettu l-monitoraġġ trasparenti tal-finanzjament settorjali u jippermettu l-identifikazzjoni tar-riskji u l-prevenzjoni tal-finanzjament doppju.

2.Arranġamenti għall-għoti ta’ aċċess sħiħ mill-Kummissjoni għad-data sottostanti

Bħala l-awtorità ta’ ġestjoni, iċ-Ċentru tas-Servizzi Kondiviżi tal-Istat għandu jkun responsabbli għall-preżentazzjoni ta’ talbiet għall-ħlas lill-Kummissjoni Ewropea u għat-tfassil tad-dikjarazzjoni ta’ ġestjoni li biha jiċċertifika li l-fondi jkunu ntużaw għall-iskop maħsub tagħhom, li l-informazzjoni hija kompluta, preċiża u affidabbli u li s-sistema ta’ kontroll tipprovdi l-assigurazzjoni meħtieġa. Barra minn hekk, il-Ministeru għall-Finanzi f’kooperazzjoni maċ-Ċentru tas-Servizzi Kondiviżi tal-Istat għandu jiżgura wkoll il-monitoraġġ u l-evalwazzjoni. 

Id-data relatata mal-implimentazzjoni u l-monitoraġġ tal-pjan għandha tinħażen fis-sistema integrata ta’ informazzjoni eżistenti, is-Sistema Operattiva tal-Fondi Strutturali (Structural Funds Operating System, SFOS). L-SFOS tiġi adattata għar-rekwiżiti skont ir-Regolament (UE) 2021/241 għall-ġbir tad-data, għar-rapporti dwar il-progress u t-talbiet għall-ħlas, inkluż għall-ġbir ta’ indikaturi u informazzjoni oħra meħtieġa biex jintwerew u jiġu rrapportati l-istadji importanti u l-miri. L-SFOS għandha tintuża mill-atturi kollha involuti fl-implimentazzjoni tal-pjan. L-informazzjoni fl-SFOS għandha tiġi aġġornata kontinwament dwar il-progress u r-riżultati tal-pjan inklużi n-nuqqasijiet identifikati u l-azzjonijiet korrettivi kollha meħuda.

F’konformità mal-Artikolu 24(2) tar-Regolament (UE) 2021/241, malli jitlestew l-istadji importanti u l-miri rilevanti maqbula fit-Taqsima 2.1 ta’ dan l-Anness, l-Estonja għandha tissottometti lill-Kummissjoni talba debitament ġustifikata għall-ħlas tal-kontribuzzjoni finanzjarja. L-Estonja għandha tiżgura li, wara talba, il-Kummissjoni jkollha aċċess sħiħ għad-data sottostanti rilevanti li tappoġġa l-ġustifikazzjoni dovuta tat-talba għall-ħlas, kemm għall-valutazzjoni tat-talba għall-ħlas f’konformità mal-Artikolu 24(3) tar-Regolament (UE) 2021/241 kif ukoll għal finijiet ta’ awditjar u kontroll.

(1)      Minbarra proġetti fil-qafas ta’ din il-miżura fil-ġenerazzjoni tal-enerġija u/jew tas-sħana, kif ukoll l-infrastruttura tat-trażmissjoni u tad-distribuzzjoni relatata, bl-użu tal-gass naturali, li huma konformi mal-kundizzjonijiet stabbiliti fl-Anness III tal-Gwida Teknika “La tagħmilx ħsara sinifikanti” (2021/C58/01).

(2)      Meta l-attività appoġġata tilħaq emissjonijiet tal-gassijiet serra proġettati li mhumiex ferm anqas mill-parametri referenzjarji rilevanti, jenħtieġ li tiġi pprovduta spjegazzjoni għaliex dan mhuwiex possibbli. Il-parametri referenzjarji stabbiliti għall-allokazzjoni bla ħlas għall-attivitajiet li jaqgħu fil-kamp ta’ applikazzjoni tal-Iskema għall-Iskambju ta’ Kwoti tal-Emissjonijiet, skont ir-Regolament ta’ Implimentazzjoni tal-Kummissjoni (UE) 2021/447.

(3)      Din l-esklużjoni ma tapplikax għal azzjonijiet koperti mill-miżura f’impjanti esklussivament iddedikati għat-trattament ta’ skart perikoluż mhux riċiklabbli, u għal impjanti eżistenti fejn l-azzjonijiet skont din il-miżura jżidu l-effiċjenza fl-enerġija, jaqbdu l-gassijiet tal-egżost għall-ħżin jew għall-użu, jew l-irkupru ta’ materjali mill-irmied tal-inċinerazzjoni, dment li l-azzjonijiet skont din il-miżura ma jwasslux għal żieda fil-kapaċità tal-ipproċessar tal-iskart tal-impjanti jew f’estensjoni tat-tul tal-ħajja tal-impjanti; li għalihom tkun ipprovduta evidenza fil-livell tal-impjant.

(4)      Din l-esklużjoni ma tapplikax għal azzjonijiet koperti minn din il-miżura f’impjanti eżistenti tat-trattament mekkaniku u bijoloġiku fejn l-azzjonijiet skont din il-miżura jżidu l-effiċjenza fl-enerġija jew bl-iskop tal-modifika retroattiva tal-operazzjonijiet ta’ riċiklaġġ ta’ skart separat għall-kompostar tal-bijoskart u għad-diġestjoni anaerobika tal-bijoskart, dment li l-azzjonijiet skont din il-miżura ma jwasslux għal żieda fil-kapaċità tal-ipproċessar tal-iskart tal-impjanti jew f’estensjoni tat-tul tal-ħajja tal-impjanti; li għalihom tkun ipprovduta evidenza fil-livell tal-impjant.

(5)    Minbarra proġetti fil-qafas ta’ din il-miżura fil-ġenerazzjoni tal-enerġija u/jew tas-sħana, kif ukoll l-infrastruttura tat-trażmissjoni u tad-distribuzzjoni relatata, bl-użu tal-gass naturali, li huma konformi mal-kundizzjonijiet stabbiliti fl-Anness III tal-Gwida Teknika “La tagħmilx ħsara sinifikanti” (2021/C58/01).

(6)    Meta l-attività appoġġata tilħaq emissjonijiet tal-gassijiet serra proġettati li mhumiex ferm anqas mill-parametri referenzjarji rilevanti, jenħtieġ li tiġi pprovduta spjegazzjoni għaliex dan mhuwiex possibbli. Il-parametri referenzjarji stabbiliti għall-allokazzjoni bla ħlas għall-attivitajiet li jaqgħu fil-kamp ta’ applikazzjoni tal-Iskema għall-Iskambju ta’ Kwoti tal-Emissjonijiet, skont ir-Regolament ta’ Implimentazzjoni tal-Kummissjoni (UE) 2021/447.

(7)    Din l-esklużjoni ma tapplikax għal azzjonijiet koperti mill-miżura f’impjanti esklussivament iddedikati għat-trattament ta’ skart perikoluż mhux riċiklabbli, u għal impjanti eżistenti, fejn l-azzjonijiet skont din il-miżura jżidu l-effiċjenza fl-enerġija, jaqbdu l-gassijiet tal-egżost għall-ħżin jew għall-użu, jew l-irkupru ta’ materjali mill-irmied tal-inċinerazzjoni dment li l-azzjonijiet skont din il-miżura ma jwasslux għal żieda fil-kapaċità tal-ipproċessar tal-iskart tal-impjanti jew f’estensjoni tat-tul tal-ħajja tal-impjanti; li għalihom tkun ipprovduta evidenza fil-livell tal-impjant.

(8)    Din l-esklużjoni ma tapplikax għal azzjonijiet skont din il-miżura f’impjanti eżistenti ta’ trattament mekkaniku u bijoloġiku, fejn l-azzjonijiet skont din il-miżura jkunu għal skop ta’ żieda fl-effiċjenza enerġetika jew għal modifika retroattiva ta’ operazzjonijiet ta’ riċiklaġġ ta’ skart separat għall-kompost tal-bijoskart u d-diġestjoni anaerobika tal-bijoskart, dment li tali azzjonijiet skont din il-miżura ma jirriżultawx f’żieda tal-kapaċità tal-ipproċessar tal-iskart tal-impjanti jew f’estensjoni tal-ħajja tal-impjanti; li għalihom tkun ipprovduta evidenza fil-livell tal-impjant.

(9)    Minbarra proġetti fil-qafas ta’ din il-miżura fil-ġenerazzjoni tal-enerġija u/jew tas-sħana, kif ukoll l-infrastruttura tat-trażmissjoni u tad-distribuzzjoni relatata, bl-użu tal-gass naturali, li huma konformi mal-kundizzjonijiet stabbiliti fl-Anness III tal-Gwida Teknika “La tagħmilx ħsara sinifikanti” (2021/C58/01).

(10)    Meta l-attività appoġġata tilħaq emissjonijiet tal-gassijiet serra proġettati li mhumiex ferm anqas mill-parametri referenzjarji rilevanti, jenħtieġ li tiġi pprovduta spjegazzjoni għaliex dan mhuwiex possibbli. Il-parametri referenzjarji stabbiliti għall-allokazzjoni bla ħlas għall-attivitajiet li jaqgħu fil-kamp ta’ applikazzjoni tal-Iskema għall-Iskambju ta’ Kwoti tal-Emissjonijiet, skont ir-Regolament ta’ Implimentazzjoni tal-Kummissjoni (UE) 2021/447.

(11)

     Din l-esklużjoni ma tapplikax għal azzjonijiet koperti mill-miżura f’impjanti esklussivament iddedikati għat-trattament ta’ skart perikoluż mhux riċiklabbli, u għal impjanti eżistenti fejn l-azzjonijiet skont din il-miżura jżidu l-effiċjenza fl-enerġija, jaqbdu l-gassijiet tal-egżost għall-ħżin jew għall-użu, jew l-irkupru ta’ materjali mill-irmied tal-inċinerazzjoni, dment li l-azzjonijiet skont din il-miżura ma jwasslux għal żieda fil-kapaċità tal-ipproċessar tal-iskart tal-impjanti jew f’estensjoni tat-tul tal-ħajja tal-impjanti; li għalihom tkun ipprovduta evidenza fil-livell tal-impjant.

(12)    Din l-esklużjoni ma tapplikax għal azzjonijiet skont din il-miżura f’impjanti eżistenti ta’ trattament mekkaniku u bijoloġiku, fejn l-azzjonijiet skont din il-miżura jkunu għal skop ta’ żieda fl-effiċjenza enerġetika jew għal modifika retroattiva ta’ operazzjonijiet ta’ riċiklaġġ ta’ skart separat għall-kompost tal-bijoskart u d-diġestjoni anaerobika tal-bijoskart, dment li tali azzjonijiet skont din il-miżura ma jirriżultawx f’żieda tal-kapaċità tal-ipproċessar tal-iskart tal-impjanti jew f’estensjoni tal-ħajja tal-impjanti; li għalihom tkun ipprovduta evidenza fil-livell tal-impjant.

(13)    Minbarra proġetti fil-qafas ta’ din il-miżura fil-ġenerazzjoni tal-enerġija u/jew tas-sħana, kif ukoll l-infrastruttura tat-trażmissjoni u tad-distribuzzjoni relatata, bl-użu tal-gass naturali, li huma konformi mal-kundizzjonijiet stabbiliti fl-Anness III tal-Gwida Teknika “La tagħmilx ħsara sinifikanti” (2021/C58/01).

(14)    Meta l-attività appoġġata tilħaq emissjonijiet tal-gassijiet serra proġettati li mhumiex ferm anqas mill-parametri referenzjarji rilevanti, jenħtieġ li tiġi pprovduta spjegazzjoni għaliex dan mhuwiex possibbli. Il-parametri referenzjarji stabbiliti għall-allokazzjoni bla ħlas għall-attivitajiet li jaqgħu fil-kamp ta’ applikazzjoni tal-Iskema għall-Iskambju ta’ Kwoti tal-Emissjonijiet, skont ir-Regolament ta’ Implimentazzjoni tal-Kummissjoni (UE) 2021/447.

(15)    Din l-esklużjoni ma tapplikax għal azzjonijiet koperti mill-miżura f’impjanti esklussivament iddedikati għat-trattament ta’ skart perikoluż mhux riċiklabbli, u għal impjanti eżistenti, fejn l-azzjonijiet skont din il-miżura jżidu l-effiċjenza fl-enerġija, jaqbdu l-gassijiet tal-egżost għall-ħżin jew għall-użu, jew l-irkupru ta’ materjali mill-irmied tal-inċinerazzjoni dment li l-azzjonijiet skont din il-miżura ma jwasslux għal żieda fil-kapaċità tal-ipproċessar tal-iskart tal-impjanti jew f’estensjoni tat-tul tal-ħajja tal-impjanti; li għalihom tkun ipprovduta evidenza fil-livell tal-impjant.

(16)    Din l-esklużjoni ma tapplikax għal azzjonijiet skont din il-miżura f’impjanti eżistenti ta’ trattament mekkaniku u bijoloġiku, fejn l-azzjonijiet skont din il-miżura jkunu għal skop ta’ żieda fl-effiċjenza enerġetika jew għal modifika retroattiva ta’ operazzjonijiet ta’ riċiklaġġ ta’ skart separat għall-kompost tal-bijoskart u d-diġestjoni anaerobika tal-bijoskart, dment li tali azzjonijiet skont din il-miżura ma jirriżultawx f’żieda tal-kapaċità tal-ipproċessar tal-iskart tal-impjanti jew f’estensjoni tal-ħajja tal-impjanti; li għalihom tkun ipprovduta evidenza fil-livell tal-impjant.

(17)    Minbarra proġetti fil-qafas ta’ din il-miżura fil-ġenerazzjoni tal-enerġija u/jew tas-sħana, kif ukoll l-infrastruttura tat-trażmissjoni u tad-distribuzzjoni relatata, bl-użu tal-gass naturali, li huma konformi mal-kundizzjonijiet stabbiliti fl-Anness III tal-Gwida Teknika “La tagħmilx ħsara sinifikanti” (2021/C58/01).

(18)    Meta l-attività appoġġata tilħaq emissjonijiet tal-gassijiet serra proġettati li mhumiex ferm anqas mill-parametri referenzjarji rilevanti, jenħtieġ li tiġi pprovduta spjegazzjoni għaliex dan mhuwiex possibbli. Il-parametri referenzjarji stabbiliti għall-allokazzjoni bla ħlas għall-attivitajiet li jaqgħu fil-kamp ta’ applikazzjoni tal-Iskema għall-Iskambju ta’ Kwoti tal-Emissjonijiet, skont ir-Regolament ta’ Implimentazzjoni tal-Kummissjoni (UE) 2021/447.

(19)    Din l-esklużjoni ma tapplikax għal azzjonijiet koperti mill-miżura f’impjanti esklussivament iddedikati għat-trattament ta’ skart perikoluż mhux riċiklabbli, u għal impjanti eżistenti, fejn l-azzjonijiet skont din il-miżura jżidu l-effiċjenza fl-enerġija, jaqbdu l-gassijiet tal-egżost għall-ħżin jew għall-użu, jew l-irkupru ta’ materjali mill-irmied tal-inċinerazzjoni dment li l-azzjonijiet skont din il-miżura ma jwasslux għal żieda fil-kapaċità tal-ipproċessar tal-iskart tal-impjanti jew f’estensjoni tat-tul tal-ħajja tal-impjanti; li għalihom tkun ipprovduta evidenza fil-livell tal-impjant.

(20)    Din l-esklużjoni ma tapplikax għal azzjonijiet skont din il-miżura f’impjanti eżistenti ta’ trattament mekkaniku u bijoloġiku, fejn l-azzjonijiet skont din il-miżura jkunu għal skop ta’ żieda fl-effiċjenza enerġetika jew għal modifika retroattiva ta’ operazzjonijiet ta’ riċiklaġġ ta’ skart separat għall-kompost tal-bijoskart u d-diġestjoni anaerobika tal-bijoskart, dment li tali azzjonijiet skont din il-miżura ma jirriżultawx f’żieda tal-kapaċità tal-ipproċessar tal-iskart tal-impjanti jew f’estensjoni tal-ħajja tal-impjanti; li għalihom tkun ipprovduta evidenza fil-livell tal-impjant.

(21)    Minbarra proġetti fil-qafas ta’ din il-miżura fil-ġenerazzjoni tal-enerġija u/jew tas-sħana, kif ukoll l-infrastruttura tat-trażmissjoni u tad-distribuzzjoni relatata, bl-użu tal-gass naturali, li huma konformi mal-kundizzjonijiet stabbiliti fl-Anness III tal-Gwida Teknika “La tagħmilx ħsara sinifikanti” (2021/C58/01).

(22)    Meta l-attività appoġġata tilħaq emissjonijiet tal-gassijiet serra proġettati li mhumiex ferm anqas mill-parametri referenzjarji rilevanti, jenħtieġ li tiġi pprovduta spjegazzjoni għaliex dan mhuwiex possibbli. Il-parametri referenzjarji stabbiliti għall-allokazzjoni bla ħlas għall-attivitajiet li jaqgħu fil-kamp ta’ applikazzjoni tal-Iskema għall-Iskambju ta’ Kwoti tal-Emissjonijiet, skont ir-Regolament ta’ Implimentazzjoni tal-Kummissjoni (UE) 2021/447.

(23)      Din l-esklużjoni ma tapplikax għal azzjonijiet koperti mill-miżura f’impjanti esklussivament iddedikati għat-trattament ta’ skart perikoluż mhux riċiklabbli, u għal impjanti eżistenti, fejn l-azzjonijiet skont din il-miżura jżidu l-effiċjenza fl-enerġija, jaqbdu l-gassijiet tal-egżost għall-ħżin jew għall-użu, jew l-irkupru ta’ materjali mill-irmied tal-inċinerazzjoni dment li l-azzjonijiet skont din il-miżura ma jwasslux għal żieda fil-kapaċità tal-ipproċessar tal-iskart tal-impjanti jew f’estensjoni tat-tul tal-ħajja tal-impjanti; li għalihom tkun ipprovduta evidenza fil-livell tal-impjant.

(24)      Din l-esklużjoni ma tapplikax għal azzjonijiet skont din il-miżura f’impjanti eżistenti ta’ trattament mekkaniku u bijoloġiku, fejn l-azzjonijiet skont din il-miżura jkunu għal skop ta’ żieda fl-effiċjenza enerġetika jew għal modifika retroattiva ta’ operazzjonijiet ta’ riċiklaġġ ta’ skart separat għall-kompost tal-bijoskart u d-diġestjoni anaerobika tal-bijoskart, dment li tali azzjonijiet skont din il-miżura ma jirriżultawx f’żieda tal-kapaċità tal-ipproċessar tal-iskart tal-impjanti jew f’estensjoni tal-ħajja tal-impjanti; li għalihom tkun ipprovduta evidenza fil-livell tal-impjant.