IL-KUMMISSJONI EWROPEA

Brussell, 5.7.2021

COM(2021) 356 final

2021/0176(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 f’dak li għandu x’jaqsam mar-restrizzjonijiet għall-aċċess għall-ilmijiet tal-Unjoni

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u għanijiet tal-proposta

L-Artikolu 5(2) tar-Regolament (UE) Nru 1380/2013 dwar il-Politika Komuni tas-Sajd 1 jistabbilixxi deroga għaż-żona ta’ 12-il mil nawtiku tal-Istati Membri (l-ilmijiet territorjali) mir-regola ġenerali tal-aċċess indaqs għall-ilmijiet u għar-riżorsi tal-Unjoni għall-bastimenti tas-sajd tal-Unjoni stabbilit fl-Artikolu 5(1) ta’ dak ir-Regolament. Id-deroga tawtorizza lill-Istati Membri jillimitaw is-sajd fiż-żona ta’ 12-il mil nawtiku għal ċerti bastimenti. Ir-restrizzjonijiet stabbiliti mill-Istati Membri abbażi tad-deroga naqqsu l-pressjoni tas-sajd fiż-żoni li huma l-aktar sensittivi bijoloġikament, u taw kontribut għall-istabbiltà ekonomika għal attivitajiet kostali fuq skala żgħira.

L-Artikolu 5(3) tar-Regolament (UE) Nru 1380/2013 jistabbilixxi deroga simili għall-ilmijiet sa 100 mil nawtiku ’l bogħod mil-linji bażi tar-reġjuni ultraperiferiċi tal-Unjoni msemmijin fl-ewwel paragrafu tal-Artikolu 349 tat-Trattat. Id-deroga tippermetti lill-Istati Membri kkonċernati jillimitaw is-sajd għall-bastimenti tas-sajd irreġistrati fil-portijiet ta’ dawk it-territorji.

Id-derogi jibqgħu fis-seħħ sal-31 ta’ Diċembru 2022, u l-proposta għandha l-għan li tevita t-twaqqif tar-reġim ta’ aċċess speċifiku stabbilit fl-Artikolu 5(2) u 5(3) tar-Regolament. Hija tipproponi emenda għad-dispożizzjonijiet rilevanti tar-Regolament biex jittawwal iż-żmien li fih l-Istati Membri jkunu jistgħu jillimitaw l-aċċess għall-ilmijiet tagħhom skont dawn id-dispożizzjonijiet.

L-objettivi tar-reġim speċifiku għadhom validi daqskemm kienu fid-deċennji preċedenti. Dan huwa minħabba l-istat ta’ konservazzjoni attwali ta’ bosta stokkijiet, minħabba li l-ilmijiet kostali għadhom sensittivi mil-lat tal-konservazzjoni, u minħabba li għadu diffiċli għaż-żoni kostali li jiddependu ħafna mis-sajd li x’aktarx ma jibbenefikawx minn żvilupp ekonomiku ieħor. It-tibdil tal-arranġamenti attwali jġib miegħu riskju kbir li jitfixkel il-bilanċ li żviluppa mill-introduzzjoni ta’ dan ir-reġim speċjali.

Għalhekk il-proposta għandha l-għan li ttawwal iż-żmien tad-derogi attwali għal 10 snin oħra.

Barra minn hekk, hija proposta emenda għall-Anness I tar-Regolament (UE) Nru 1380/2013. L-Anness I jistabbilixxi għal kull Stat Membru ż-żoni ġeografiċi fi ħdan il-faxex kostali ta’ Stati Membri oħra fejn jista’ jwettaq attivitajiet tas-sajd u liema speċijiet jista’ jistad għalihom. Din l-emenda tirrifletti l-ħruġ tar-Renju Unit mill-Unjoni Ewropea, kif ukoll komunikazzjoni konġunta lill-Kummissjoni mill-Italja u l-Greċja tad-9 ta’ Ġunju 2020 dwar l-aċċess ta’ bastimenti tas-sajd Taljani għall-ilmijiet territorjali tal-Greċja li jirrifletti l-arranġamenti bilaterali bejn l-Istati Membri kkonċernati. Finalment, wara li ħarġet is-sentenza fil-Kawża C-457/18 2 , jenħtieġ li n-noti f’qiegħ il-paġna li jirreferu għall-Ftehim ta’ Arbitraġġ bejn is-Slovenja u l-Kroazja li ġie ffirmat fi Stokkolma fl-4 ta’ Novembru 2009, jitħassru mill-Anness I minħabba li l-UE ma għandhiex kompetenza fi kwistjonijiet dwar il-fruntieri.

2.BAŻI ĠURIDIKA, SUSSIDJARJETÀ U PROPORZJONALITÀ

Il-bażi ġuridika għal din il-proposta hija l-Artikolu 43(2) tat-Trattat dwar il-Funzjonament tal-Unjoni Ewropea (TFUE).

Skont l-Artikolu 3(1)(d) tat-TFUE, l-UE għandha kompetenza esklużiva fejn jirrigwarda l-konservazzjoni tar-riżorsi bijoloġiċi marini skont il-Politika Komuni tas-Sajd (PKS). Il-proposta tidħol f’din il-kompetenza u għaldaqstant ma japplikax il-prinċipju tas-sussidjarjetà.Billi l-proposta tikkonċerna primarjament estensjoni limitata biż-żmien tal-validità ta’ miżura li diġà teżisti fir-Regolament (UE) Nru 1380/2013, ma hemmx tħassib rigward il-prinċipju tal-proporzjonalità.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Ġbir u użu ta’ għarfien espert

 •Valutazzjoni tal-impatt

4.IMPLIKAZZJONIJIET BAĠITARJI

Din il-miżura ma tinvolvi l-ebda nefqa addizzjonali għall-Unjoni.

2021/0176 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 f’dak li għandu x’jaqsam mar-restrizzjonijiet għall-aċċess għall-ilmijiet tal-Unjoni

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 43(2) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 6 ,

Filwaqt li jaġixxu skont il-proċedura leġiżlattiva ordinarja,

Billi:

(1)Il-Bastimenti tas-sajd tal-Unjoni għandhom aċċess indaqs għall-ilmijiet u r-riżorsi tal-Unjoni soġġett għar-regoli tal-Politika Komuni tas-Sajd.

(2)Ir-Regolament (UE) Nru 1380/2013 tal-Parlament Ewropew u tal-Kunsill 7 jipprevedi derogi għar-regola dwar l-aċċess indaqs fiċ-ċirkostanzi li ġejjin:

(3)L-Istati Membri huma awtorizzati jillimitaw is-sajd għall-bastimenti tas-sajd li jistadu tradizzjonalment f’dawk l-ilmijiet minn portijiet fuq il-kosta maġenb sa 12-il mil nawtiku mil-linji bażi tagħhom.

(4)L-Istati Membri huma awtorizzati wkoll jillimitaw l-aċċess għall-ilmijiet sa 100 mil nawtiku mil-linji bażi tar-reġjuni ultraperiferiċi tal-Unjoni msemmijin fl-Artikolu 349 tat-Trattat, għall-bastimenti li jkunu rreġistrati fil-portijiet ta’ dawk it-territorji.

(5)Ir-regoli eżistenti li jillimitaw l-aċċess għar-riżorsi fi ħdan iż-żoni ta’ 12-il mil nawtiku tal-Istati Membri kienu ta’ benefiċċju għall-konservazzjoni billi llimitaw l-isforz tas-sajd fl-iżjed parti sensittiva tal-ilmijiet tal-Unjoni. Dawk ir-regoli ppreservaw ukoll l-attivitajiet tradizzjonali tas-sajd li minnhom jiddipendi ħafna l-iżvilupp soċjali u ekonomiku ta’ ċerti komunitajiet kostali.

(6)Ir-restrizzjonijiet eżistenti li jillimitaw l-aċċess għar-riżorsi bijoloġiċi tal-baħar madwar ir-reġjuni ultraperiferiċi tal-Unjoni msemmijin fl-ewwel paragrafu tal-Artikolu 349 tat-Trattat għenu biex ippriżervaw l-ekonomija lokali ta’ dawk it-territorji, filwaqt li jqisu s-sitwazzjoni strutturali, soċjali u ekonomika tagħhom.

(7)Id-derogi eżistenti li jikkonċernaw ir-restrizzjonijiet għall-aċċess għall-ilmijiet tal-Unjoni se jiskadu fil-31 ta’ Diċembru 2022. Madankollu jenħtieġ li dawk id-derogi jiġġeddu għal għaxar snin oħra biex tkun żgurata l-kontinwità tal-miżuri ta’ protezzjoni attwali u biex ikun evitat it-tfixkil tal-bilanċ li żviluppa minn meta ġie introdott dan ir-reġim speċjali.

(8)Jenħtieġ li l-Anness I tar-Regolament (UE) Nru 1380/2013 jiġi emendat wara l-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u wara talba konġunta mill-Italja u l-Greċja dwar l-aċċess tal-bastimenti Taljani għall-Baħar Jonju, għall-Baħar Eġew u għall-Baħar Libjan.

(9)Għaldaqstant jenħtieġ li r-Regolament (UE) Nru 1380/2013 jiġi emendat skont dan,

ADOTTAW DAN IR-REGOLAMENT:

Artikolu 1

Ir-Regolament (UE) Nru 1380/2013 huwa emendat kif ġej:

(1)Fil-paragrafi 2, 3 u 4 tal-Artikolu 5, il-kliem “il-31 ta’ Diċembru 2022” huma sostitwiti bil-kliem “il-31 ta’ Diċembru 2032”.

(2)L-Anness I huwa sostitwit bit-test stipulat fl-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha mill-1 ta’ Jannar 2023.

Magħmul fi Brussell,

(1)    ĠU L 354, 28.12.2013, p. 22.

(2)    Is-Sentenza tal-Qorti tal-Ġustizzja, tal-31 ta’ Jannar 2020, Ir-Repubblika tas-Slovenja kontra r-Repubblika tal-Kroazja C-457/18, EU:C:2020:65, il-paragrafi 102-104.

(3)     https://stecf.jrc.ec.europa.eu/documents/43805/2672864/STECF+20-14+-+Social+dimension+CFP.pdf/a68c6c42-6b64-41fc-b5a0-b724c71aa78e  

(4)     https://ec.europa.eu/info/law/better-regulation/have-your-say/initiatives/12533-Extension-of-the-access-to-waters-regime-under-the-Common-Fisheries-Policy

(5)    Ir-Regolament (UE) Nru 1152/2012 tal-Parlament Ewropew u tal-Kunsill tal-21 ta’ Novembru 2012 li jemenda r-Regolament tal-Kunsill (KE) Nru 2371/2002 dwar il-konservazzjoni u l-isfruttar sostenibbli ta’ riżorsi tas-sajd skont il-Politika Komuni dwar is-Sajd

(6)    ĠU C , , p. .

(7)    Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).

IL-KUMMISSJONI EWROPEA

Brussell, 5.7.2021

COM(2021) 356 final

ANNESS

tal-Proposta għal

Regolament tal-Parlament Ewropew u tal-Kunsill

li jemenda r-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 f’dak li għandu x’jaqsam mar-restrizzjonijiet għall-aċċess għall-ilmijiet tal-Unjoni

ANNESS

“ANNESS I

AĊĊESS GĦALL-ILMIJIET KOSTALI FIT-TIFSIRA TAL-ARTIKOLU 5(2)

(1)Ilmijiet kostali tal-Irlanda

(a)AĊĊESS GĦAL FRANZA

Żona ġeografika	Speċijiet	Importanza jew karatteristiċi partikolari
Kosta tal-Irlanda (6 sa 12-il mil nawtiku)
1. Erris-Head Majjistral Sybil Point Punent	Sajd tal-qiegħ	Bla limitu
	Skampi	Bla limitu
2. Mizen Head Nofsinhar Stags Nofsinhar	Sajd tal-qiegħ	Bla limitu
	Skampi	Bla limitu
	Kavalli	Bla limitu
3. Stags Nofsinhar Cork Nofsinhar	Sajd tal-qiegħ	Bla limitu
	Skampi	Bla limitu
	Kavalli	Bla limitu
	Aringa	Bla limitu
4. Cork Nofsinhar, Carnsore Point Nofsinhar	L-ispeċijiet kollha	Bla limitu
5. Carnsore Point Nofsinhar, Haulbowline Xlokk	L-ispeċijiet kollha, ħlief frott il-baħar bil-qoxra	Bla limitu

(b)AĊĊESS GĦAN-NETHERLANDS

Żona ġeografika	Speċijiet	Importanza jew karatteristiċi partikolari
Kosta Irlandiża (6 sa 12-il mil)
1. Stags Nofsinhar Carnsore Point Nofsinhar	Aringa	Bla limitu
	Kavalli	Bla limitu

(c)AĊĊESS GĦALL-ĠERMANJA

Żona ġeografika	Speċijiet	Importanza jew karatteristiċi partikolari
Kosta tal-Irlanda (6 sa 12-il mil nawtiku)
1. Old Head of Kinsale Nofsinhar Carnsore Point Nofsinhar	Aringa	Bla limitu
2. Cork Nofsinhar Carnsore Point Nofsinhar	Kavalli	Bla limitu

(d)AĊĊESS GĦALL-BELĠJU

Żona ġeografika	Speċijiet	Importanza jew karatteristiċi partikolari
Kosta tal-Irlanda (6 sa 12-il mil nawtiku)
1. Cork Nofsinhar Carnsore Point Nofsinhar	Sajd tal-qiegħ	Bla limitu
2. Wicklow Head Lvant Carlingford Lough Xlokk	Sajd tal-qiegħ	Bla limitu

(2)L-ilmijiet kostali tal-Belġju

Żona ġeografika	Stat Membru	Speċijiet	Importanza jew karatteristiċi partikolari
minn 3 sa 12-il mil nawtiku	In-Netherlands	L-ispeċijiet kollha	Bla limitu
	Franza	Aringa	Bla limitu

(3)L-ilmijiet kostali tad-Danimarka

Żona ġeografika	Stat Membru	Speċijiet	Importanza jew karatteristiċi partikolari
Il-kosta tal-Baħar tat-Tramuntana (il-fruntiera Daniża/Ġermaniża sa Hanstholm) (6 sa 12-il mil nawtiku)
Il-fruntiera Daniża/Ġermaniża sa Blåvands Huk	Il-Ġermanja	Pixxiċatt	Bla limitu
		Gambli	Bla limitu
	In-Netherlands	Pixxiċatt	Bla limitu
		Ħuta tonda	Bla limitu
Blåvands Huk sa Bovbjerg	Il-Belġju	Bakkaljaw	Bla limitu mill-1 ta’ Ġunju sal-31 ta’ Lulju biss
		Merluzz tal-linja sewda	Bla limitu mill-1 ta’ Ġunju sal-31 ta’ Lulju biss
	Il-Ġermanja	Pixxiċatt	Bla limitu
	In-Netherlands	Barbun tat-tbajja’	Bla limitu
		Lingwata komuni	Bla limitu
Thyborøn sa Hanstholm	Il-Belġju	Merlangu	Bla limitu mill-1 ta’ Ġunju sal-31 ta’ Lulju biss
		Barbun tat-tbajja’	Bla limitu mill-1 ta’ Ġunju sal-31 ta’ Lulju biss
	Il-Ġermanja	Pixxiċatt	Bla limitu
		Laċċa kaħla	Bla limitu
		Bakkaljaw	Bla limitu
		Pollakkju iswed	Bla limitu
		Merluzz tal-linja sewda	Bla limitu
		Kavalli	Bla limitu
		Aringa	Bla limitu
		Merlangu	Bla limitu
	In-Netherlands	Bakkaljaw	Bla limitu
		Barbun tat-tbajja’	Bla limitu
		Lingwata komuni	Bla limitu
Skagerrak (Hanstholm to Skagen) (minn 4 sa 12-il mil nawtiku)	Il-Belġju	Barbun tat-tbajja’	Bla limitu mill-1 ta’ Ġunju sal-31 ta’ Lulju biss
	Il-Ġermanja	Pixxiċatt	Bla limitu
		Laċċa kaħla	Bla limitu
		Bakkaljaw	Bla limitu
		Pollakkju iswed	Bla limitu
		Merluzz tal-linja sewda	Bla limitu
		Kavalli	Bla limitu
		Aringa	Bla limitu
		Merlangu	Bla limitu
	In-Netherlands	Bakkaljaw	Bla limitu
		Barbun tat-tbajja’	Bla limitu
		Lingwata komuni	Bla limitu
Kattegat (3 sa 12-il mil)	Il-Ġermanja	Bakkaljaw	Bla limitu
		Pixxiċatt	Bla limitu
		Skampi	Bla limitu
		Aringa	Bla limitu
Tramuntana ta' Zeeland sal-parallel tal-latitudni li tgħaddi minn ġol-fanal ta' Forsnæs	Il-Ġermanja	Laċċa kaħla	Bla limitu
Il-Baħar Baltiku (inklużi Belts, Sound, Bornholm) (minn 3 sa 12-il mil nawtiku)	Il-Ġermanja	Pixxiċatt	Bla limitu
		Bakkaljaw	Bla limitu
		Aringa	Bla limitu
		Laċċa kaħla	Bla limitu
		Sallura	Bla limitu
		Salamun	Bla limitu
		Merlangu	Bla limitu
		Kavalli	Bla limitu
Skagerrak (minn 4 sa 12-il mil)	L-Iżvezja	L-ispeċijiet kollha	Bla limitu
Kattegat (minn 3 sa 12-il mil 1 )	L-Iżvezja	L-ispeċijiet kollha	Bla limitu
Il-Baħar Baltiku (minn 3 sa 12-il mil)	L-Iżvezja	L-ispeċijiet kollha	Bla limitu

(4)L-ilmijiet kostali tal-Ġermanja

Żona ġeografika	Stat Membru	Speċijiet	Importanza jew karatteristiċi partikolari
Il-kosta tal-Baħar tat-Tramuntana (minn 3 sa 12-il mil nawtiku) il-kosta kollha	Id-Danimarka	Sajd tal-qiegħ	Bla limitu
		Laċċa kaħla	Bla limitu
		Ċiċċirell	Bla limitu
	In-Netherlands	Sajd tal-qiegħ	Bla limitu
		Gambli	Bla limitu
Il-fruntiera Daniża/Ġermaniża sal-ponta tat-Tramuntana ta’ Amrum fil-koordinati 54°43′ N	Id-Danimarka	Gambli	Bla limitu
Il-kosta Baltika (minn 3 sa 12-il mil)	Id-Danimarka	Bakkaljaw	Bla limitu
		Barbun tat-tbajja’	Bla limitu
		Aringa	Bla limitu
		Laċċa kaħla	Bla limitu
		Sallura	Bla limitu
		Merlangu	Bla limitu
		Kavalli	Bla limitu

(5)L-ilmijiet kostali ta’ Franza u d-dipartimenti extra-Ewropej

Żona ġeografika	Stat Membru	Speċijiet	Importanza jew karatteristiċi partikolari
Il-kosta tal-Grigal tal-Atlantiku (minn 6 sa 12-il mil nawtiku)
Il-fruntiera Belġjana/Franċiża sal-Lvant ta’ Departement Manche (l-estwarju ta’ Vire-Grandcamp les Bains fil-koordinati 49° 23' 30" N-1° 2’ WNNE)	Il-Belġju	Sajd tal-qiegħ	Bla limitu
		Arzelli	Bla limitu
	In-Netherlands	L-ispeċijiet kollha	Bla limitu
Dunkerque (2° 20' E) sa Cap d’Antifer (0° 10' E)	Il-Ġermanja	Aringa	Bla limitu mill-1 ta’ Ottubru sal-31 ta’ Diċembru biss

Żona ġeografika	Stat Membru	Speċijiet	Importanza jew karatteristiċi partikolari
Il-kosta Atlantika (minn 6 sa 12-il mil nawtiku)
Il-fruntiera Spanjola/Franċiża sa 46° 08′ N	Spanja	Inċova	Sajd dirett, bla limitu mill-1
			ta’ Marzu sat-30 ta’ Ġunju biss
			Sajd għal-lixka ħajja
			mill-1 ta’ Lulju sal-31
			ta’ Ottubru biss
		Sardina	Bla limitu mill-1
			ta’ Jannar sat-28 ta’ Frar
			u mill-1 ta’ Lulju sal-31
			ta’ Diċembru
			Barra minn hekk, l-attivitajiet
			marbutin mal-ispeċijiet
			imsemmijin hawn fuq
			iridu jitwettqu
			f’konformità mal-attivitajiet
			li twettqu matul l-1984
			u fil-limiti
			tagħhom
Il-kosta Mediterranja (minn 6 sa 12-il mil nawtiku)
Il-fruntiera Spanjola Cap Leucate	Spanja	L-ispeċijiet kollha	Bla limitu

(6)L-ilmijiet kostali ta’ spanja

Żona ġeografika	Stat Membru	Speċijiet	Importanza jew karatteristiċi partikolari
Il-kosta Atlantika (minn 6 sa 12-il mil nawtiku)
Il-fruntiera Franċiża/Spanjola sal-fanal ta’ Cap Mayor (3° 47' W)	Franza	Pelaġiċi	Bla limitu b’konformità mal-attivitajiet segwiti matul l-1984 u fil-limiti tagħhom
Il-kosta Mediterranja (minn 6 sa 12-il mil nawtiku)
Il-fruntiera Franċiża/Cap Creus	Franza	L-ispeċijiet kollha	Bla limitu

(7)Ilmijiet tal-kosta tal-Kroazja

Żona ġeografika	Stat Membru	Speċijiet	Importanza jew karatteristiċi partikolari
12-il mil limitati għaż-żona tal-baħar taħt is-sovranità tal-Kroazja li jinsabu n-naħa tat-Tramuntana tal-latitudni parallela tat-Tramuntana tal-45 grad u 10 minuti tul il-kosta tal-Punent ta’ Istria, mil-limitu ta’ barra tal-baħar territorjali tal-Kroazja, fejn dan il-parallel imiss mal-art tal-kosta tal-Punent ta’ Istria (il-kap Grgatov rt Funtana)	Is-Slovenja	Speċijiet demersali u speċijiet pelaġiċi żgħar, fosthom is-sardina u l-inċova	100 tunnellata għal numru massimu ta' 25 bastiment tas-sajd li jinkludi 5 bastimenti tas-sajd mgħammra bi xbieki tat-tkarkir

(8)L-ilmijiet kostali tan-Netherlands

Żona ġeografika	Stat Membru	Speċijiet	Importanza jew karatteristiċi partikolari
(minn 3 sa 12-il mil nawtiku) il-kosta kollha	Il-Belġju	L-ispeċijiet kollha	Bla limitu
	Id-Danimarka	Sajd tal-qiegħ	Bla limitu
		Laċċa kaħla	Bla limitu
		Ċiċċirell	Bla limitu
		Sawrell	Bla limitu
	Il-Ġermanja	Bakkaljaw	Bla limitu
		Gambli	Bla limitu
(minn 6 sa 12-il mil nawtiku) il-kosta kollha	Franza	L-ispeċijiet kollha	Bla limitu

(9)L-ilmijiet kostali tas-Slovenja

Żona ġeografika	Stat Membru	Speċijiet	Importanza jew karatteristiċi partikolari
12-il mil limitati għaż-żona tal-baħar taħt is-sovranità tas-Slovenja li jinsabu n-naħa tat-Tramuntana tal-latitudni parallela tat-Tramuntana tal-45 grad u 10 minuti tul il-kosta tal-Punent ta’ Istria, mil-limitu ta’ barra tal-baħar territorjali tal-Kroazja, fejn dan il-parallel imiss mal-art tal-kosta tal-Punent ta’ Istria (il-kap Grgatov rt Funtana)	Il-Kroazja	Speċijiet demersali u speċijiet pelaġiċi żgħar, fosthom is-sardina u l-inċova	100 tunnellata għal numru massimu ta' 25 bastiment tas-sajd li jinkludi 5 bastimenti tas-sajd mgħammra bi xbieki tat-tkarkir

(10)L-ilmijiet kostali tal-Finlandja

Żona ġeografika	Stat Membru	Speċijiet	Importanza jew karatteristiċi partikolari
Il-Baħar Baltiku (minn 4 sa 12-il mil) 2	L-Iżvezja	L-ispeċijiet kollha	Bla limitu

(11)L-ilmijiet kostali tal-Iżvezja

Żona ġeografika	Stat Membru	Speċijiet	Importanza jew karatteristiċi partikolari
Skagerrak (minn 4 sa 12-il mil nawtiku)	Id-Danimarka	L-ispeċijiet kollha	Bla limitu
Kattegat (minn 3 sa 12-il mil 3 )	Id-Danimarka	L-ispeċijiet kollha	Bla limitu
Baħar Baltiku (minn 4 sa 12-il mil)	Id-Danimarka	L-ispeċijiet kollha	Bla limitu
	Il-Finlandja	L-ispeċijiet kollha	Bla limitu

(12)L-ilmijiet kostali tal-Greċja

Żona ġeografika	Stat Membru	Speċijiet	Importanza jew karatteristiċi partikolari
Il-Baħar Jonju minn 6 sa 12-il mil nawtiku fl-ilmijiet territorjali Griegi	L-Italja	Ċefalopodi Krustaċji Sajd tal-qiegħ Speċijiet pelaġiċi kbar.	Għadd massimu ta’ 68 bastiment
Fin-Nofsinhar ix-Xlokk tal-gżira ta’ Kreta (aktar lejn l-Ilvant minn 26˚00’00” E) minn 6 sa 12-il mil nawtiku fiż-ŻEE tal-Greċja
Fin-Nofsinhar ix-Xlokk tal-gżira ta’ Koufonisi minn 6 sa 12-il mil nawtiku fiż-ŻEE tal-Greċja
Fin-Nofsinhar ix-Xlokk tal-gżira ta’ Kasos minn 6 sa 12-il mil nawtiku fiż-ŻEE tal-Greċja
Fin-Nofsinhar ix-Xlokk tal-gżira ta’ Karpathos minn 6 sa 12-il mil nawtiku fiż-ŻEE tal-Greċja
Fin-Nofsinhar ix-Xlokk (aktar lejn il-Punent minn 27˚59’02.00” E) tal-gżira ta’ Rodi minn 6 sa 12-il mil nawtiku fiż-ŻEE tal-Greċja

”

(1)    Imkejla mil-linja tal-kosta.

(2)    minn 3 sa 12-il mil madwar il-gżejjer Bogskär.

(3)    Imkejla mil-linja tal-kosta.