Notifika minn qabel ta’ konċentrazzjoni

(M.10535 — GIP / APG / AUSTRALIANSUPER / PEEL GROUP / PEEL PORTS)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2021/C 520/08)

Fl-14 ta’ Diċembru 2021, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Global Infrastructure Management, LLC permezz tal-fond tagħha Global Infrastructure Partners (“GIP”, l-Istati Uniti tal-Amerika),

—	APG Asset Management N.V. (“APG”, in-Netherlands),

—	AS Infra PP Pty Ltd, li taġixxi bħala fiduċjarja għal AS Infra PP Trust (“AS”, l-Awstralja),

—	Peel Holdings Group Limited (“PG”, ir-Renju Unit),

—	Peel Ports Group Limited (“il-Mira”, ir-Renju Unit).

GIP, APG, AS u PG jakkwistaw, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt tal-Mira (“it-Tranżazzjoni”).

Il-konċentrazzjoni hija mwettqa permezz tax-xiri ta’ ishma.

L-attivitajiet kummerċjali tal-impriżi kkonċernati huma:

—

għal GIP: fondi li jinvestu globalment f’investimenti relatati mal-ekwità u mal-ekwità fl-infrastruttura u assi relatati mal-infrastruttura fis-setturi tat-trasport, l-enerġija, l-ilma, l-iskart u servizzi pubbliċi oħra. Waħda mill-kumpanija tal-portafoll tal-GIP ikkontrollata b’mod konġunt, Terminal Investment Limited Sarl (“TIL”) tinvesti f’terminals tal-kontejners, tiżviluppahom u tamministrahom f’27 pajjiż madwar id-dinja, inkluż terminal tal-kontejners fil-port ta’ Liverpool (it-Terminal L2) li hija tikkontrolla b’mod konġunt mal-Mira,

—	għal APG: sussidjarja ta’ APG Groep N.V., waħda mill-akbar fornituri tal-pensjonijiet Netherlandiżi, attiva globalment fil-ġestjoni tal-assi għall-fondi tal-pensjonijiet f’diversi setturi, inklużi l-edukazzjoni, il-gvern, il-kostruzzjoni, l-enerġija u l-kumpaniji tal-utilitajiet,

—	għal AS: L-akbar fond ta’ superannwazzjoni (tal-pensjoni) tal-Awstralja u wieħed mill-aqwa 25 fond tal-pensjoni globalment, li jinvestu globalment f’assi mhux elenkati, jiġifieri l-infrastruttura, il-proprjetà, id-djun u l-ekwità privata,

—	għal PG: kumpanija ta’ investiment b’interessi f’portafoll divers ta’ assi ta’ proprjetà immobbli, trasport u infrastruttura, primarjament attiva fir-Renju Unit,

—

għall-Mira: fornitur ta’ servizzi portwarji madwar ir-Renju Unit u l-Irlanda u t-tbaħħir madwar ir-Renju Unit, l-Irlanda u l-Ewropa. L-operazzjonijiet portwarji tagħha jinkludu attivitajiet fil-Port ta’ Liverpool, il-Kanal tal-Bastimenti ta’ Manchester, il-Port ta’ Heysham, il-London Medway, il-Port ta’ Great Yarmouth, Clydeport, kif ukoll Dublin Marine Terminals fl-Irlanda. Il-Mira għandha sussidjarja, BG Freight Line (“BG”), li tipprovdi servizzi ta’ trasport marittimu tal-kontejners fuq distanzi qosra.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

Il-Kummissjoni tistieden lill-partijiet terzi interessati sabiex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.10535 — GIP / APG / AUSTRALIANSUPER / PEEL GROUP / PEEL PORTS

Il-kummenti jistgħu jintbagħtu lill-Kummissjoni permezz tal-posta elettronika, permezz tal-faks jew bil-posta. Uża d-dettalji ta’ kuntatt ta’ hawn taħt:

Indirizz Elettroniku: COMP-MERGER-REGISTRY@ec.europa.eu

Faks +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.