1.   

Fis-27 ta’ Settembru 2021, il-Kummissjoni rċeviet avviż ta’ konċentrazzjoni proposta, skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	CVC Capital Partners SICAV-FIS S.A. (“CVC”, il-Lussemburgu),

—	The Carlyle Group, Inc. (“Carlyle”, l-Istati Uniti),

—	CFGI Eagle Parent, LLC (“CFGI”, l-Istati Uniti), attwalment ikkontrollata minn Carlyle.

CVC u Carlyle jakkwistaw, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ CFGI.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—	għal CVC: maniġer ta’ fondi ta’ investiment u pjattaformi b’interessi f’għadd ta’ kumpaniji f’diversi industriji primarjament fl-Ewropa, l-Istati Uniti u r-reġjun tal-Asja-Paċifiku,

—	għal Carlyle : maniġer ta’ assi alternattivi globali,

—	għal CFGI: ditta ta’ konsulenza finanzjarja attiva fl-Istati Uniti ffokata fuq l-offerta ta’ servizzi tekniċi ta’ konsulenza dwar il-kontabbiltà u l-finanzi.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jitqies għal trattament skont il-proċedura stabbilita fl-Avviż.

4.   

Il-Kummissjoni tistieden lill-partijiet terzi interessati sabiex iressqu l-kummenti li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.10482 — CVC/Carlyle/CFGI Eagle Parent

Il-kummenti jistgħu jintbagħtu lill-Kummissjoni permezz tal-posta elettronika, permezz tal-faks jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË