1.   

Fis-7 ta’ Ġunju 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	Astorg VII SCSp (rappreżentata minn Astorg Asset Management S. à r. l.) u l-affiljati l-oħra tal-grupp Astorg (“Astorg”, il-Lussemburgu),

—	Bridgepoint Europe VI Fund (“Bridgepoint”, ir-Renju Unit),

—	Fenergo Group Limited (“Fenergo”, l-Irlanda).

Astorg u Bridgepoint jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ Fenergo.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—	Astorg huwa grupp ta’ ekwità privata, li jaħdem ma’ timijiet ta’ ġestjoni intraprenditorjali biex jakkwista kumpaniji u joffri gwida strateġika, governanza u kapital,

—	Bridgepoint huwa grupp internazzjonali alternattiv għall-ġestjoni tal-assi, li jinvesti f’negozji stabbiliti tas-suq medju ffukati fuq l-Ewropa f’firxa wiesgħa ta’ setturi,

—	Fenergo hija fornitur ta’ soluzzjonijiet ta’ software immirati biex jgħinu lill-banek u lill-istituzzjonijiet finanzjarji joperaw b’mod effettiv.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.10303 — Astorg/Bridgepoint/Fenergo

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles / Brussel

BELGIQUE / BELGIË