—

wara li kkunsidra r-Regolament Delegat tal-Kummissjoni (C(2021)00188),

—

wara li kkunsidra l-ittra tal-Kummissjoni tat-22 ta' Jannar 2021, li permezz tagħha hija talbet lill-Parlament jiddikjara li mhux se joġġezzjona għar-regolament delegat,

—

wara li kkunsidra l-ittra tal-Kumitat għall-Agrikoltura u l-Iżvilupp Rurali tat-2 ta' Frar 2021 lill-President tal-Konferenza tal-Presidenti tal-Kumitati,

—

wara li kkunsidra l-Artikolu 290 tat-Trattat dwar il-Funzjonament tal-Unjoni Ewropea,

—

wara li kkunsidra r-Regolament (UE) Nru 1305/2013 tal-Parlament Ewropew u tal-Kunsill (1), u b'mod partikolari l-Artikolu 58(7) u l-Artikolu 83(5) tiegħu,

—

wara li kkunsidra l-Artikolu 111(6) tar-Regoli ta' Proċedura tiegħu,

—

wara li kkunsidra r-rakkomandazzjoni għal deċiżjoni tal-Kumitat għall-Agrikoltura u l-Iżvilupp Rurali,

—

wara li kkunsidra li ma saret ebda oġġezzjoni fil-perjodu previst fit-tielet u r-raba' inċiżi tal-Artikolu 111(6) tar-Regoli ta' Proċedura tiegħu, li skada fid-9 ta' Frar 2021,

A.

billi r-Regolament (UE) 2020/2220 tal-Parlament Ewropew u tal-Kunsill (2) (ir-“Regolament Tranżitorju”), li emenda r-Regolament (UE) Nru 1305/2013 bl-inklużjoni ta' pakketti nazzjonali għas-snin 2021 u 2022, daħal fis-seħħ biss fid-29 ta' Diċembru 2020;

B.

billi l-pakketti stabbiliti jeħtieġu li jiġu aġġustati ladarba l-Istati Membri jinfurmaw lill-Kummissjoni dwar l-ammonti tat-tnaqqis tal-pagamenti li jaqbżu l-EUR 150 000 u dwar l-implimentazzjoni tagħhom tal-flessibbiltà bejn il-pilastri;

C.

billi fis-snin preċedenti tali notifika kienet issir f'Awwissu u l-Kummissjoni kienet tadotta l-att delegat li jemenda l-pakketti fil-ħarifa iżda, minħabba l-adozzjoni tardiva tar-Regolament Tranżitorju, dan ma kienx possibbli fl-2020;

D.

billi, sabiex l-Istati Membri u l-Kummissjoni jkunu jistgħu jibdew l-implimentazzjoni tal-programmi ta' żvilupp rurali għall-2021, huwa ta' importanza assoluta li r-regolament delegat jidħol fis-seħħ malajr kemm jista' jkun;

1.

2.