IL-KUMMISSJONI EWROPEA

Brussell, 9.8.2021

COM(2021) 459 final

RAPPORT TAL-KUMMISSJONI

dwar l-applikazzjoni fl-2020 tar-Regolament (KE) Nru 1049/2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni

Werrej

I.L-aċċess għad-dokumenti

1.Nagħmlu l-informazzjoni u d-dokumenti disponibbli permezz ta’ Reġistri u Siti tal-Internet

2.Qafas legali—żviluppi

3.Analiżi tal-applikazzjonijiet għall-aċċess għad-dokumenti

3.1.L-għadd ta’ applikazzjonijiet (ara l-Anness – Tabelli 3 u 4)

3.2.Proporzjon ta’ applikazzjonijiet għal kull Direttorat Ġenerali/Servizz tal-Kummissjoni Ewropea (ara l-Anness – Tabella 5)

3.3.Profil soċjali u okkupazzjonali tal-applikanti (Anness – Tabella 6)

3.4.L-oriġini ġeografika tal-applikanti (Anness – Tabella 7)

4.L-Applikazzjoni tal-Eċċezzjonijiet għad-Dritt ta’ Aċċess

4.1.Tipi ta’ aċċess ipprovdut (Anness – Tabelli 8 u 9)

4.2.L-eċċezzjonijiet invokati għad-dritt ta’ aċċess (Anness – Tabella 10)

4.2.1.Stadju inizjali

4.2.2.Stadju konfermatorju

5.Ilmenti lill-Ombudsman Ewropew

6.Ġurisprudenza Ġdida dwar l-Aċċess għad-Dokumenti

6.1.Il-Qorti tal-Ġustizzja

6.1.1.Kjarifiki ta’ xi regoli sostantivi

6.1.2.Kjarifiki ta’ xi regoli proċedurali

6.2.Il-Qorti Ġenerali

6.2.1.Kjarifiki ta’ xi regoli sostantivi

6.2.2.Kjarifiki ta’ xi regoli proċedurali

6.3.Kawżi tal-qorti introdotti kontra l-Kummissjoni Ewropea fl-2020

It-trasparenza hija waħda mill-prijoritajiet tal-Kummissjoni ta’ von der Leyen li tirfed l-azzjonijiet kollha. Wieħed mill-elementi essenzjali tagħha huwa d-dritt li wieħed jitlob u jikseb aċċess għad-dokumenti miżmuma mill-istituzzjonijiet Ewropej.

Dan id-dritt taċ-ċittadin jirriżulta min-natura demokratika, miftuħa u indipendenti tal-amministrazzjoni Ewropea. Il-prinċipji tiegħu huma mnaqqxa fl-Artikolu 42 tal-Karta tad-Drittijiet Fundamentali tal-Unjoni Ewropea u fl-Artikolu 15(3) tat-Trattat dwar il-Funzjonament tal-Unjoni Ewropea. Ir-Regolament (KE) Nru 1049/2001 u l-ġurisprudenza tal-Qorti tal-Ġustizzja jagħtuhom effett sħiħ u għandhom rwol ċentrali fl-iżgurar li d-deċiżjonijiet tal-Istituzzjonijiet jittieħdu b’mod kemm jista’ jkun miftuħ u qrib iċ-ċittadin.

Quddiem l-isfidi tal-pandemija fl-2020, il-Kummissjoni stinkat biex tissalvagwardja l-effettività tad-dritt ta’ aċċess taċ-ċittadini għad-dokumenti miżmuma mill-istituzzjonijiet. Ir-rapport annwali attwali, abbozzat f’konformità mal-Artikolu 17(1) tar-Regolament (KE) Nru 1049/2001, jidentifika x-xejriet, l-isfidi u l-karatteristiċi ewlenin tal-politika, tal-azzjoni u tal-prattika tal-Kummissjoni relatati mal-aċċess għad-dokumenti. Huwa jipprovdi wkoll is-sejbiet tal-Ombudsman Ewropew dwar l-implimentazzjoni mill-Kummissjoni Ewropea tar-Regolament u tad-deċiżjonijiet meħuda mill-Qrati tal-UE.

I.L-aċċess għad-dokumenti

Fl-2020, il-Kummissjoni Ewropea pprovdiet aċċess għal firxa wiesgħa ta’ dokumenti fil-pussess tagħha, wara talbiet speċifiċi sottomessi fl-ambitu tar-Regolament. Dan l-aċċess ikkomplementa l-pubblikazzjoni proattiva mill-istituzzjoni ta’ minjiera ta’ informazzjoni u ta’ dokumentazzjoni fuq id-diversi reġistri u paġni web tagħha. Is-sena 2020 kienet waħda mingħajr preċedent għall-Kummissjoni Ewropea. Fil-kuntest tal-pandemija tal-COVID-19, f’konformità mal-miżuri drastiċi ta’ konteniment adottati mill-Istati Membri 1 , fl-2020, il-Kummissjoni Ewropea qiegħdet kważi l-persunal kollu tagħha, ħlief għall-membri tal-persunal li jwettqu kompiti kritiċi/essenzjali, fil-modalità ta’ telexogħol sakemm kellu jingħata avviż ulterjuri.

Dan ir-rapport jagħti ħarsa ġenerali lejn l-implimentazzjoni mill-Kummissjoni Ewropea tar-Regolament fis-sena 2020. Ir-rapport huwa bbażat fuq data statistika li hija miġbura fil-qosor fl-Anness 2 .

L-istatistika tirrifletti l-għadd ta’ applikazzjonijiet li waslu u t-tweġibiet ipprovduti fl-2020. Tipprovdi wkoll data aktar preċiża fir-rigward tal-istatistika miksuba għas-snin preċedenti, wara korrezzjonijiet tal-ikkowdjar regolari sussegwenti 3 . Madankollu, l-istatistika ma tirriflettix l-għadd ta’ dokumenti mitluba jew divulgati (parzjalment), li kienu ferm aktar numerużi. Filwaqt li l-applikanti jistgħu jitolbu aċċess għal dokument wieħed, aktar ta’ spiss jitolbu aċċess għal għadd kbir ta’ dokumenti, jew saħansitra għal fajls sħaħ dwar suġġett jew proċedura speċifiku/a.

Fil-qosor, l-istatistika turi li d-dokumenti mitluba ġew iddivulgati kompletament jew parzjalment f’aktar minn 81 % mit-8 001 kawża fl-istadju inizjali, u ngħata aċċess usa’ jew saħansitra sħiħ f’37,4 % mill-265 kawża eżaminati fl-istadju konfermatorju. Id-data mhux biss tikkonferma l-ftuħ tal-Kummissjoni Ewropea, iżda wkoll l-impenn tal-istituzzjoni għad-dritt ta’ aċċess għad-dokumenti bħala parti mill-politika ta’ trasparenza ġenerali tagħha, fiċ-ċirkostanzi kollha, inkluż fis-sitwazzjoni ta’ pandemija mingħajr preċedent li kkaratterizzat is-sena 2020.

L-impatt tal-COVID-19

Il-pandemija tal-COVID-19 biddlet l-enfasi tal-istituzzjoni għall-koordinazzjoni tar-rispons immedjat tal-Unjoni għall-pandemija u għall-iżvilupp ta’ pjan ta’ rkupru ekonomiku komprensiv.

Il-Kummissjoni Ewropea nnegozjat ma’ kumpaniji tal-prodotti farmaċewtiċi f’isem l-Istati Membri tal-Unjoni Ewropea, u dan wassal għall-iffirmar inizjali ta’ sitt ftehimiet, b’aktar taħditiet esploratorji ma’ manifatturi tal-vaċċini addizzjonali li ġew konklużi fl-2020 u fil-bidu tal-2021.

B’mod parallel, il-Kummissjoni Ewropea ħadet serje ta’ azzjonijiet biex tindirizza d-diżinformazzjoni dwar il-COVID-19 u ħeġġet lill-atturi kollha, inklużi l-postijiet tas-suq online u l-media soċjali, biex jgħinu f’din il-ġlieda 4 .

Fil-qafas ta’ din is-sitwazzjoni ta’ pandemija mingħajr preċedent, il-Kummissjoni Ewropea mxiet mal-prinċipji gwida tagħha għall-funzjonament tagħha, jiġifieri: it-trasparenza, il-kolleġġjalità u l-effiċjenza 5 .

Il-Kummissjoni Ewropea stinkat biex toħloq l-ambjent meħtieġ biex tappoġġa network ta’ manifattura sigur u l-ottimizzazzjoni għall-produzzjoni ta’ vaċċini kontra l-COVID-19. Għal dan il-għan, il-Kummissjoni Ewropea qablet mal-Istati Membri kollha tal-Unjoni Ewropea biex, akkont u f’isem l-Istati Membri, tikkonkludi Ftehimiet ta’ Xiri bil-Quddiem mal-manifatturi tal-vaċċini bil-għan li jiġu akkwistati vaċċini għall-finijiet tal-ġlieda kontra l-pandemija tal-COVID-19 fil-livell tal-Unjoni, għal kulħadd, f’kundizzjonijiet sikuri u bi prezz ġust.

Fi sforz biex tiġi żgurata trasparenza kemm jista’ jkun sħiħa tal-proċess għax-xiri tal-vaċċini kontra l-COVID-19, il-Kummissjoni Ewropea stinkat biex tippubblika informazzjoni f’waqtha dwar l-iffirmar tal-kuntratti u s-sitwazzjoni attwali tan-negozjati mal-manifatturi tal-vaċċini. F’dan l-isfond, il-Kummissjoni kienet involuta f’konsultazzjonijiet mal-manifatturi tal-vaċċini involuti f’dak il-proċess dwar il-possibbiltà li jiġu divulgati kuntratti li jikkonċernaw tali xiri.

B’riżultat ta’ dan, ġew ippubblikati b’mod progressiv verżjonijiet editjati ta’ ftehimiet għax-xiri ta’ vaċċini kontra l-COVID-19 fuq bażi proattiva.

Madankollu, l-objettiv tal-akkwist ta’ vaċċini kontra l-COVID-19 minn manifatturi kummerċjali jirrikjedi li xi interessi leġittimi li jistgħu jiġu mminati permezz tad-divulgazzjoni ta’ dokumenti jkunu protetti kif xieraq, b’mod partikolari informazzjoni kummerċjali sensittiva jew il-kapaċità tal-Kummissjoni li tinnegozja mal-manifatturi kummerċjali portafoll ta’ kuntratti varjat.

Riżorsi

Fil-Kummissjoni Ewropea, it-trattament tal-aċċess inizjali għat-talbiet għal dokumenti jiġi ttrattat fuq bażi deċentralizzata mid-diversi Direttorati Ġenerali u servizzi tal-Kummissjoni. Kull Direttorat Ġenerali u servizz jinnomina mill-anqas espert legali wieħed għal dan il-kompitu, li jaġixxi bħala “koordinatur tal-aċċess għad-dokumenti”.

Skont id-daqs tas-servizz u l-għadd ta’ talbiet li jaslu, il-“koordinaturi tal-aċċess għad-dokumenti” jiġu normalment assistiti minn xi persunal ta’ appoġġ u huma fdati bil-koordinazzjoni tal-abbozz tat-tweġibiet mal-unitajiet inkarigati mill-oqsma ta’ politika sottostanti.

It-talbiet konfermatorji jiġu ttrattati mis-Segretarjat Ġenerali.

Tim speċifiku fi ħdan l-Unità tas-Segretarjat Ġenerali għat-Trasparenza, il-Ġestjoni tad-Dokumenti u l-Aċċess għad-Dokumenti jittratta talbiet konfermatorji, sabiex jiġi żgurat rieżami amministrattiv indipendenti tat-tweġiba mogħtija fl-istadju inizjali. Barra minn hekk, l-Unità tipprovdi gwida, taħriġ u pariri orizzontali lid-Direttorati Ġenerali u lis-servizzi kollha tal-Kummissjoni Ewropea dwar l-implimentazzjoni tar-Regolament, f’kooperazzjoni mill-qrib mas-Servizz Legali, filwaqt li tiżgura l-koordinazzjoni u l-implimentazzjoni uniformi tar-regoli dettaljati għall-applikazzjoni tar-Regolament (KE) Nru 1049/2001.

L-Unità timmaniġġa wkoll is-sistema tal-IT madwar il-Kummissjoni Ewropea kollha li tittratta t-talbiet inizjali u konfermatorji għall-aċċess għad-dokumenti: Gestdem. Fl-2020, il-Kummissjoni kompliet tiżviluppa ulterjorment is-sistema futura tagħha għat-trattament tat-talbiet għal aċċess permezz ta’ portal online elettroniku, jiġifieri l-“Aċċess Elettroniku għad-Dokumenti tal-Kummissjoni Ewropea” (jew l-“EASE”).

L-għan tal-proġett EASE huwa li joħloq soluzzjoni tal-IT ta’ punt uniku ta’ servizz, elettronika u integrata b’mod sħiħ għas-sottomissjoni u għat-trattament ta’ applikazzjonijiet għall-aċċess għal dokumenti tal-Kummissjoni. L-għan aħħari tiegħu huwa li jġib il-proċess tat-teħid ta’ deċiżjonijiet tal-UE eqreb lejn iċ-ċittadini. L-EASE huwa skedat li se jidħol fil-produzzjoni f’nofs l-2021. Huwa jikkonsisti f’żewġ partijiet, jiġifieri:

(1).portal online ġdid li jippermetti liċ-ċittadini (i) jissottomettu u jkollhom stampa ġenerali tal-applikazzjonijiet tagħhom ta’ aċċess għad-dokumenti tal-Kummissjoni, (ii) jikkomunikaw mal-Kummissjoni kif ukoll (iii) ifittxu dokumenti li jkunu diġà ġew iddivulgati; u

(2).sistema ġdida ta’ ġestjoni tal-każijiet li tippermetti lill-persunal tal-Kummissjoni jirreġistra, jattribwixxi u jittratta l-applikazzjonijiet ta’ aċċess għad-dokumenti. Din se tissostitwixxi l-Gestdem, is-sistema attwali tal-IT użata għal dan il-għan.

Barra minn hekk, f’kooperazzjoni mad-Direttorat Ġenerali għall-Informatika, fl-2020, it-tim tal-proġett kompla jaħdem fuq l-Istudju dwar l-Intelliġenza Artifiċjali, li l-għan tiegħu huwa li jidentifika “każijiet ta’ użu” li fihom it-tekniki tal-intelliġenza artifiċjali jkunu jistgħu jissimplifikaw it-trattament tal-applikazzjonijiet għall-aċċess għal dokumenti.

Bħala konklużjoni, il-proġett il-ġdid EASE jenħtieġ li jipprovdi aktar trasparenza u jressaq liċ-ċittadini eqreb lejn il-proċess tat-teħid ta’ deċiżjonijiet tal-UE.

1.Nagħmlu l-informazzjoni u d-dokumenti disponibbli permezz ta’ Reġistri u Siti tal-Internet

Il-Kummissjoni tippubblika varjetà wiesgħa ta’ dokumenti legali, ta’ politika, amministrattivi u oħrajn fuq siti web u reġistri differenti. Ħafna huma disponibbli fir-Reġistru tad-Dokumenti tal-Kummissjoni, fir-Reġistru tal-Atti Delegati u f’reġistri korporattivi oħrajn ġestiti mis-Segretarjat Ġenerali, filwaqt li oħrajn jistgħu jinstabu fuq siti web ġestiti mid-Direttorati Ġenerali jew fil-EUR-Lex.

Fl-2020, ġew miżjuda 19 849 dokument ġdid mar-Reġistru tad-Dokumenti tal-Kummissjoni (ara l-Anness – Tabella 1), li jaqgħu fil-Kategorija C, COM, JOIN, ĠU, PV, SEC jew SWD 6 . Dan jirrappreżenta żieda ta’ madwar 8,2 % meta mqabbel mal-2019.

Il-proġett li għaddej bħalissa “Tiġdid tar-Reġistru tad-Dokumenti tal-Kummissjoni” li għandu l-għan li jittrasforma r-Reġistru tad-Dokumenti tal-Kummissjoni fl-għodda ewlenija ta’ pubblikazzjoni tad-dokumenti tal-istituzzjoni baqa’ miexi ’l quddiem 7 .

Fl-2020, l-għadd ta’ viżitaturi tas-sit web “Aċċess għad-Dokumenti” fuq Europa 8 żdied b’aktar mid-doppju, b’14 716-il viżitatur meta mqabbel mas-6 642 fis-sena preċedenti. Bl-istess mod, l-għadd ta’ paġni li ġew ikkonsultati żdied bi kważi 141,6 %, b’24 429 paġna kkonsultata (ara l-Anness – Tabella 2) 9 .

Iż-żewġ pjattaformi għadhom għodod tat-tfittxija utli li jippermettu liċ-ċittadini jipparteċipaw aktar mill-qrib u b’mod attiv fil-proċess tat-teħid ta’ deċiżjonijiet tal-Kummissjoni Ewropea kif ukoll li jippermettu l-politika dwar l-aċċess għad-dokumenti u trasparenza usa’ b’mod ġenerali.

Fl-2020, il-Kummissjoni Ewropea kompliet tippubblika firxa wiesgħa ta’ informazzjoni u dokumenti b’mod proattiv u faċli għall-utent. Fl-istess ħin, l-istituzzjoni fittxet b’mod kostanti li tesplora għodod ġodda mfassla biex ikomplu jżidu t-trasparenza tal-attivitajiet globali tagħha u jinvolvu liċ-ċittadini fil-proċess demokratiku. Minkejja l-pandemija tal-COVID-19, fl-2020 il-Kummissjoni Ewropea rnexxielha tuża sforzi mmirati biex ittejjeb aktar it-trasparenza tal-attivitajiet ewlenin kollha tagħha.

Xi eżempji li juru dan l-isforz huma elenkati hawn taħt.

Pubblikazzjoni tal-ispejjeż tal-missjonijiet tal-Membri tal-Kummissjoni

Fl-2020, il-Kummissjoni kompliet tippubblika fuq is-sit web Europa ħarsa ġenerali lejn l-ispejjeż tal-missjonijiet għal kull Membru tal-Kummissjoni kull xahrejn, li jkopru l-missjonijiet kollha, f’konformità mal-Artikolu 6 tal-Kodiċi ta’ Kondotta għall-Membri tal-Kummissjoni Ewropea.

Tali pubblikazzjoni tipprovdi trasparenza kemm dwar il-kostijiet kif ukoll dwar l-iskop tal-missjonijiet rispettivi. Tista’ tinstab link għall-informazzjoni rilevanti fuq il-paġna web rispettiva ta’ kull Kummissarju.

Brexit

Ir-Renju Unit ħareġ mill-Unjoni Ewropea fil-31 ta’ Jannar 2020, wara r-ratifika tal- Ftehim dwar il-Ħruġ mill-UE u mir-Renju Unit.

Matul il-proċess ta’ negozjar, il-Kummissjoni, bħala negozjatur tal-Unjoni Ewropea, baqgħet impenjata li tiżgura livell massimu ta’ trasparenza. Għal din ir-raġuni, id-dokumenti ta’ negozjar tal-Kummissjoni kondiviżi mal-Istati Membri tal-UE, mal-Kunsill Ewropew, mal-Parlament Ewropew, mal-Kunsill, mal-parlamenti nazzjonali, u mar-Renju Unit, ġew rilaxxati regolarment għall-pubbliku, flimkien ma’ dokumenti oħrajn li jinfurmaw lill-pubbliku dwar is-sitwazzjoni attwali tan-negozjati u l-kwistjonijiet diskussi 10 .

Politika kummerċjali

Il-politika kummerċjali taffettwa liċ-ċittadini kollha tal-UE. Għalhekk, il-Kummissjoni Ewropea tisma’ l-kontribut miċ-ċittadini tal-Unjoni sabiex il-politika tal-UE tkun tirrifletti l-valuri u l-interessi tas-soċjetà tagħna kollha kemm hi. Għaldaqstant, din il-politika tissawwar bil-kontribut taċ-ċittadini tal-UE, li jingħata qabel, matul u wara l-proċess ta’ negozjar.

Fl-2020, it-trasparenza u l-involviment mal-pubbliku komplew ikunu fatturi essenzjali fi ħdan il-politika kummerċjali sabiex jiġu żgurati d-demokrazija, il-fiduċja tal-pubbliku u r-responsabbiltà. L-informazzjoni dwar 84 laqgħa ta’ kumitati u djalogi stabbiliti fil-qafas tal-ftehimiet kummerċjali tagħha ġiet ippubblikata fl-2020, flimkien ma’ 34 rapport ta’ negozjati; u informazzjoni dwar 16-il laqgħa ta’ Gruppi ta’ Esperti 11 .

Barra minn hekk, għall-ewwel darba, ġew ippubblikati 11-il deċiżjoni tal-Kummissjoni dwar it-Trattati Bilaterali fuq l-Investiment tal-Istati Membri, u rekord sommarju mhux sensittiv ta’ kumitat tal-Istrumenti għad-Difiża tal-Kummerċ. Barra minn hekk, ġew organizzati 17-il laqgħa ta’ Djalogu tas-Soċjetà Ċivili biex jiġu aġġornati n-negozjati individwali li għaddejjin bħalissa, jew biex jiġu diskussi abbozzi ta’ rapporti tal-SIAs u l-aġenda kummerċjali ġenerali 12 .

Dawn il-miżuri jibnu fuq l-approċċ trasparenti proattiv tal-politika kummerċjali li diġà ġie segwit mill-Kummissjoni Ewropea.

L-eżempji msemmija hawn fuq ta’ pubblikazzjoni proattiva jikkostitwixxu biss ftit istanzi li juru l-isforzi tal-istituzzjoni biex tagħti spinta lit-trasparenza fit-tifsira wiesgħa tagħha 13 .

2.Qafas legali—żviluppi

Bħalissa hemm żewġ proposti pendenti għall-emendar tar-Regolament (KE) Nru 1049/2001, jiġifieri:

-il-proposta tal-2008 għal Regolament tal-Parlament Ewropew u tal-Kunsill li jemenda r-Regolament (KE) Nru 1049/2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni, COM(2008)229 final 2008/0090 (COD) 14 ; u

-il-Proposta tal-2011 għal Regolament tal-Parlament Ewropew u tal-Kunsill li jemenda r-Regolament (KE) Nru 1049/2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni, COM(2011)137 final 2011/0073(COD) 15 .

L-ewwel proposta tal-2008, magħrufa wkoll bħala l-“Proposta riformulata” peress li kienet tikkonsisti f’riformulazzjoni sostanzjali tar-Regolament, ġiet introdotta mill-Kummissjoni fit-30 ta’ April 2008 wara l-“Inizjattiva Ewropea favur it-Trasparenza” tagħha. Din l-inizjattiva, li tnediet fid-9 ta’ Novembru 2005, kienet tinkludi tabilħaqq rieżami tar-Regolament (KE) Nru 1049/2001 bħala parti mill-isforz tal-Kummissjoni biex toħloq aktar ftuħ.

L-għan tal-Proposta Riformulata huwa li:

-tikseb aktar trasparenza fil-qasam leġiżlattiv;

-tallinja r-Regolament mad-dispożizzjonijiet dwar l-aċċess għall-informazzjoni ambjentali stabbiliti fir-Regolament (KE) Nru 1367/2006;

-tirrifletti l-fehmiet tal-Parlament Ewropew kif stabbiliti fir-Riżoluzzjoni tiegħu tal-4 ta’ April 2006 (fejn il-Parlament Ewropew kien appella lill-Kummissjoni biex tressaq xi proposti għall-emenda tar-Regolament dwar xi punti speċifiċi) u r-riżultati tal-eżerċizzju ta’ konsultazzjoni pubblika mniedi mill-Green Paper tal-Kummissjoni; kif ukoll,

-li tinkorpora l-kjarifiki pprovduti mill-ġurisprudenza tal-Qorti tal-Ġustizzja u l-prattika tal-Ombudsman Ewropew.

It-tieni proposta sottomessa fil-21 ta’ Marzu 2011, immirata lejn “il-Lisbonizzazzjoni” tar-Regolament (KE) Nru 1049/2001, jiġifieri billi jiġi estiż id-dritt ta’ aċċess pubbliku għad-dokumenti tal-istituzzjonijiet, tal-korpi, tal-uffiċċji u tal-aġenziji kollha sabiex ir-Regolament jiġi allinjat mal-Artikolu 15(3) il-ġdid tat-Trattat dwar il-Funzjonament tal-Unjoni Ewropea. Din il-proposta ma kinitx maħsuba biex tippreġudika l-proċedura li għaddejja bħalissa għal riformulazzjoni tar-Regolament (KE) Nru 1049/2001 abbażi tal-proposta tal-Kummissjoni tal-2008, li hija ħalliet intatta.

Fid-29 ta’ Jannar 2020, wara t-talba tal-Parlament Ewropew fil-qafas tad-deċiżjoni tal-Konferenza tal-Presidenti fis-16 ta’ Ottubru 2019, il-Kummissjoni pproponiet l-irtirar taż-żewġ proposti fil-“Programm ta’ Ħidma 2020” tagħha 16 .

Dan tal-aħħar intbagħat lill-Kunsill u lill-Parlament Ewropew għall-konsultazzjoni f’konformità mal-punt 9 tal-Ftehim Interistituzzjonali dwar it-Tfassil Aħjar tal-Liġijiet. Peress li l-Parlament Ewropew oppona l-irtirar tal-proposti, il-Kummissjoni, permezz ta’ ittra tal-14 ta’ Settembru 2020, qablet li ma tirtirahomx u li tappoġġa diskussjoni politika ulterjuri.

Għalhekk, l-att ta’ rtirar li jikkorrispondi mal-Anness IV tal-Programm ta’ Ħidma tal-Kummissjoni tal-2020, li fih il-lista finali ta’ proposti rtirati, ġie ppubblikat fid-29 ta’ Settembru 2020 mingħajr ma ġew inklużi ż-żewġ proposti relatati mar-Regolament (KE) Nru 1049/2001 17 .

Konsegwentement, iż-żewġ proposti għadhom pendenti u jibqgħu l-bażi għal kwalunkwe diskussjoni leġiżlattiva u politika ulterjuri. Minkejja dan, il-Kummissjoni tqis li r-Regolament (KE) Nru 1049/2001 kif interpretat skont il-ġurisprudenza tal-Qorti Ewropea tal-Ġustizzja jkompli jipprovdi qafas legali xieraq u effiċjenti għall-iżgurar tal-aċċess pubbliku għad-dokumenti.

3.Analiżi tal-applikazzjonijiet għall-aċċess għad-dokumenti

3.0.L-għadd ta’ applikazzjonijiet (ara l-Anness – Tabelli 3 u 4)

§Applikazzjonijiet inizjali

Kif muri mill-graff ta’ hawn taħt, fl-2020, l-għadd ta’ applikazzjonijiet inizjali kien laħaq it-8 001 18 . Din iċ-ċifra tirrifletti żieda qawwija ta’ kważi 7,5 % meta mqabbla mal-2019 19 .

Il-Kummissjoni Ewropea ħarġet 9 181 tweġiba inizjali, meta mqabbla ma’ 8 449 fl-2019, li jindika żieda ta’ kważi 8,7 %.

Fost dawn it-tweġibiet inizjali, 8 164 inħarġu fuq il-bażi tar-Regolament (KE) Nru 1049/2001 (meta mqabbel ma’ 7 612 fl-2019) 20 . Dan l-għadd juri żieda ta’ madwar 7,25 % f’sena waħda. 

L-għadd ta’ “tweġibiet mogħtija”, kif estratt mill-bażi tad-data, jinkludi t-tipi kollha ta’ segwitu pprovduti mill-Kummissjoni Ewropea, li jestendu minn:

-it-tweġibiet mogħtija fl-ambitu tar-Regolament (KE) Nru 1049/2001 (inkluż fejn ma jinżammux dokumenti); sa

-it-tweġibiet ipprovduti fl-ambitu ta’ oqfsa legali differenti (minħabba l-kontenut tal-applikazzjoni jew l-istatus tal-applikant 21 , eċċ.); jew saħansitra

-għeluq wara nuqqas mill-applikanti li jipprovdu l-kjarifiki mitluba jew li jissodisfaw ir-rekwiżiti proċedurali. 

§Applikazzjonijiet konfermatorji

Fir-rigward tal-applikazzjonijiet konfermatorji li jitolbu rieżami mill-Kummissjoni Ewropea ta’ tweġibiet inizjali li jirrifjutaw l-aċċess kompletament jew parzjalment, l-għadd tagħhom kien jammonta għal 309 fl-2020, li jirrifletti tnaqqis ta’ kważi 7,5 % meta mqabbel mal-2019. Din hija l-ewwel darba li jista’ jiġi osservat tnaqqis fl-għadd ta’ applikazzjonijiet konfermatorji mill-2015.

Il-Kummissjoni Ewropea ħarġet 298 tweġiba, li fosthom 265 kienu bbażati fuq ir-Regolament (KE) Nru 1049/2001. Dan l-aħħar numru jirrifletti tnaqqis ta’ kważi 10,5 % meta mqabbel mal-2019 kif muri mill-graff ta’ hawn taħt.

3.1.Proporzjon ta’ applikazzjonijiet għal kull Direttorat Ġenerali/Servizz tal-Kummissjoni Ewropea (ara l-Anness – Tabella 5) 

§Aċċess għad-dokumenti tal-Uffiċċju Ewropew ta’ Kontra l-Frodi u s-Servizz Ewropew għall-Azzjoni Esterna

Ta’ min jinnota li d-data li tappartjeni għall-Uffiċċju Ewropew ta’ Kontra l-Frodi (“OLAF”) indikata hawn taħt, tikkonċerna esklussivament applikazzjonijiet għall-aċċess għal dokumenti relatati mal-attivitajiet amministrattivi tiegħu, li huma rreġistrati f’Gestdem.

Applikazzjonijiet għall-aċċess għal dokumenti li jikkonċernaw l-attivitajiet investigattivi tal-Uffiċċju Ewropew ta’ Kontra l-Frodi, minħabba s-sensittività partikolari ta’ dawn tal-aħħar, huma soġġetti għal proċedura speċifika f’konformità mal-Artikolu 3(3) u mal-Artikolu 4 tar-Regoli dettaljati għall-applikazzjoni tar-Regolament (KE) Nru 1049/2001 tal-Parlament Ewropew u tal-Kunsill dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni 22 .

Fl-2020, l-Uffiċċju Ewropew ta’ Kontra l-Frodi rċieva 16-il applikazzjoni inizjali u tliet applikazzjonijiet konfermatorji fir-rigward tal-attivitajiet investigattivi tiegħu, li għalhekk ma humiex koperti minn dan ir-rapport.

Barra minn hekk, fir-rigward tas-Servizz Ewropew għall-Azzjoni Esterna (“SEAE”), jenħtieġ li jiġi enfasizzat li l-Kummissjoni żżomm biss dokumenti tas-Servizz tal-Istrumenti tal-Politika Barranija. Għalhekk, id-data li tappartjeni għas-Servizz Ewropew għall-Azzjoni Esterna f’dan ir-rapport tikkonċerna biss applikazzjonijiet għall-aċċess għal tali dokumenti.

§Applikazzjonijiet inizjali

Fl-2020, is-Segretarjat Ġenerali 23 rċieva l-ogħla proporzjon ta’ applikazzjonijiet inizjali (10,2 %).

Dan kien segwit mill-qrib mid-Direttorat Ġenerali għas-Saħħa u s-Sikurezza Alimentari 24 , li kien jirrappreżenta kważi 7,7 % tal-applikazzjonijiet inizjali. Din iċ-ċifra turi l-interess kbir kostanti tal-applikanti fi kwistjonijiet relatati mas-saħħa, li kien prevalenti anke qabel il-pandemija tal-Covid-19 25 .

Dan kien segwit mid-Direttorat Ġenerali għall-Kooperazzjoni u l-Iżvilupp Internazzjonali 26  (7,3 %), mid-Direttorat Ġenerali għas-Suq Intern, l-Industrija, l-Intraprenditorija u l-SMEs 27 (7,1 %), mid-Direttorat Ġenerali għall-Kompetizzjoni 28 (6,2 %), mid-Direttorat Ġenerali għall-Migrazzjoni u l-Affarijiet Interni 29 (4,8 %), mid-Direttorat Ġenerali għat-Tassazzjoni u l-Unjoni Doganali 30  (4,7 %) mid-Direttorat Ġenerali għall-Mobilità u t-Trasport 31 (4,5 %), u mid-Direttorat Ġenerali għall-Istabilità Finanzjarja, is-Servizzi finanzjarji u l-Unjoni tas-Swieq Kapitali 32  (4 %).

Il-bqija tad-dipartimenti u tas-servizzi tal-Kummissjoni Ewropea kull wieħed kienu jirrappreżentaw anqas minn 4 % tal-applikazzjonijiet inizjali kollha.

§Applikazzjonijiet konfermatorji

L-ogħla proporzjon ta’ applikazzjonijiet konfermatorji li waslu fl-2020 mis-Segretarjat Ġenerali oriġinaw mit-tweġibiet inizjali pprovduti mid-Direttorat Ġenerali għall-Kompetizzjoni (15,2 %).

Dan tal-aħħar ġie segwit mid-Direttorat Ġenerali għas-Saħħa u s-Sikurezza Alimentari (8,7 %), mid-Direttorat Ġenerali għall-Enerġija 33 (8,1 %), mis-Segretarjat Ġenerali (7,8 %), mid-Direttorat Ġenerali għall-Kummerċ (5,2 %), mid-Direttorat Ġenerali għas-Suq Intern, l-Industrija, l-Intraprenditorija u l-SMEs (4,9 %) u mis-Servizz Legali 34 (4,5 %). It-tweġibiet inizjali pprovduti mill-bqija tad-dipartimenti u tas-servizzi tal-Kummissjoni Ewropea kull wieħed kienu jirrappreżentaw anqas mill-4 % tat-talbiet għal rieżami konfermatorju.

3.2.Profil soċjali u okkupazzjonali tal-applikanti (Anness – Tabella 6)

L-applikanti jistgħu jindikaw fuq il-formola ta’ applikazzjoni tas-sit web Europa, il-profil soċjali/okkupazzjonali tagħhom billi jagħżlu waħda mid-disa’ kategoriji li ġejjin: ċittadin, akkademiku, avukat, ġurnalista, organizzazzjoni mhux governattiva, kumpanija, Membru tal-Parlament Ewropew, awtoritajiet subnazzjonali jew tal-Istati Membri 35 .

Għal finijiet ta’ statistika, il-profil ta’ “ċittadini” jkopri l-applikanti li indikaw il-profil tagħhom bħala tali, u jikkostitwixxi l-opzjoni prestabbilita li tkopri lil dawk li ma jkunu għażlu l-ebda kategorija soċjali/okkupazzjonali.

§Applikazzjonijiet inizjali

Fl-2020, il-biċċa l-kbira tal-applikazzjonijiet inizjali, bħal fis-snin preċedenti, oriġinaw miċ-ċittadini. Din il-kategorija ta’ applikant fil-fatt issottomettiet madwar 51,3 % tat-talbiet.

It-tieni post fost l-aktar applikanti prolifiċi, li kien okkupat minn istituzzjonijiet akkademiċi u minn gruppi ta’ riflessjoni fl-2019, fl-2020 inkiseb lura mill-kumpaniji (bħal fl-2018) li kienu jirrappreżentaw 11,7 % tal-applikazzjonijiet inizjali. Madankollu, l-istituzzjonijiet akkademiċi u l-gruppi ta’ riflessjoni segwew mill-qrib b’madwar 10,7 % tal-applikazzjonijiet inizjali. Il-professjonisti legali u l-ġurnalisti (bi 8,9 % u b’7,9 % rispettivament) għadhom applikanti ewlenin, bħal fis-snin preċedenti. L-organizzazzjonijiet mhux governattivi (bi kważi 6 %) jirrappreżentaw l-unika kategorija li jifdal ta’ applikanti li tirrappreżenta aktar minn 5 % tal-applikazzjonijiet inizjali. Dawn kienu segwiti bi ftit distanza mill-bqija tal-kategoriji, li kull waħda minnhom kienet tirrappreżenta anqas minn 2 % tal-applikazzjonijiet inizjali.

§Applikazzjonijiet konfermatorji

Il-maġġoranza tal-applikazzjonijiet konfermatorji fl-2020 oriġinaw minn ċittadini, li kienu jirrappreżentaw 39,8 % ta’ tali applikazzjonijiet (meta mqabbla ma’ 51,5 % fl-2019 u 36,2 % fl-2018).

Il-ġurnalisti kienu fit-tieni pożizzjoni, u ppreżentaw għadd kbir ta’ applikazzjonijiet konfermatorji, li jammontaw għal mhux anqas minn 15,5 %.

It-tielet pożizzjoni hija okkupata minn organizzazzjonijiet mhux governattivi li ppreżentaw 14,9 % tal-applikazzjonijiet konfermatorji, segwiti mill-qrib mill-professjonisti legali, li kienu jirrappreżentaw madwar 12,9 % tal-applikazzjonijiet konfermatorji.

Dawn kienu segwiti bi ftit distanza mill-kumpaniji (7,1 %), mill-istituzzjonijiet akkademiċi u mill-gruppi ta’ riflessjoni (6,2 %) u l-bqija tal-kategoriji kienu jirrappreżentaw anqas minn 4 % tal-applikazzjonijiet konfermatorji.

3.3.L-oriġini ġeografika tal-applikanti (Anness – Tabella 7)

§Applikazzjonijiet inizjali

Fir-rigward tat-tqassim ġeografiku tal-applikazzjonijiet inizjali fl-2020, jidher li dawk ippreżentati minn applikanti mill-Belġju (30,6 %), mill-Ġermanja (11,9 %) u minn Franza (8,8 %) flimkien jammontaw għal aktar minn nofs l-għadd totali ta’ applikazzjonijiet li rċeviet il-Kummissjoni. L-Italja ġiet ir-raba’ bi kważi 7,7 % tal-applikazzjonijiet inizjali, segwita min-Netherlands (5,9 %) u minn Spanja (5,2 %). L-applikazzjonijiet li oriġinaw mill-Istati Membri li jifdal kienu jirrappreżentaw anqas minn 2 % għal kull Stat Membru.

Huwa nnutat tnaqqis kbir fl-għadd ta’ applikazzjonijiet mir-Renju Unit u dan huwa impressjonanti. Fil-fatt, fl-2020, anqas minn 0,5 % tal-applikazzjonijiet inizjali oriġinaw mir-Renju Unit, meta mqabbla ma’ 7,8 % fl-2019, 9,2 % fl-2018 u 15,2 % fl-2017. Il-fatt li r-Renju Unit ħareġ mill-Unjoni Ewropea fil-31 ta’ Jannar 2020, wara r-ratifika tal- Ftehim dwar il-Ħruġ mill-UE u mir-Renju Unit kellu impatt ċar fuq din id-data.

Fl-2020, id-dritt ta’ aċċess għad-dokumenti kompla jiġi eżerċitat ukoll minn applikanti li jirrisjedu jew li għandhom l-uffiċċji rreġistrati tagħhom f’pajjiżi terzi. L-applikazzjonijiet inizjali tagħhom ikkonfermaw iż-żieda żgħira iżda kostanti osservata fis-snin preċedenti, li tammonta għal madwar 11,2 % meta mqabbla ma’ 6,6 % fl-2019, ma’ 5,3 % fl-2018 u ma’ kważi 5 % fl-2017.

§Applikazzjonijiet konfermatorji

Fir-rigward tat-tqassim ġeografiku tal-applikazzjonijiet konfermatorji, l-akbar proporzjon oriġina, bħal fis-snin preċedenti, minn applikanti residenti/stabbiliti fil-Belġju li kienu jirrappreżentaw 27,5 % tal-applikanti kollha, għalkemm jikkonfermaw it-tnaqqis nett li diġà ġie osservat mill-2019.

It-tieni l-akbar kategorija ta’ applikanti oriġinat, bħal fl-2019, mill-Ġermanja (15,5 %), segwita min-Netherlands (8,4 %), minn Spanja u mill-Italja (6,8 % kull wieħed), u minn Franza (6,5 %). Għall-bqija tal-Istati Membri, din iċ-ċifra ma taqbiżx l-4 %.

Fl-aħħar nett, l-għadd ta’ applikazzjonijiet konfermatorji minn applikanti li jirrisjedu jew li għandhom l-uffiċċju rreġistrat tagħhom f’pajjiżi terzi, u li kienu jirrappreżentaw mhux anqas minn 8,3 %, osserva żieda netta (meta mqabbla ma’ kważi 1,5 % fl-2019, 2,2 % fl-2018 u 3,6 % fl-2017). 

4.L-Applikazzjoni tal-Eċċezzjonijiet għad-Dritt ta’ Aċċess

Id-dritt ta’ aċċess previst fir-Regolament (KE) Nru 1049/2001 huwa soġġett għal numru ta’ eċċezzjonijiet speċifiċi, li huma stipulati fl-Artikolu 4 tar-Regolament. Kull rifjut, kemm jekk sħiħ kif ukoll jekk parzjali, irid ikun ġustifikat fl-ambitu ta’ mill-anqas waħda minn dawn l-eċċezzjonijiet.

4.0.Tipi ta’ aċċess ipprovdut (Anness – Tabelli 8 u 9)

§Stadju inizjali

Fl-2020, ingħata aċċess sħiħ jew parzjali għal dokumenti f’81 % tal-każijiet fl-istadju inizjali (li wera żieda mill-2019, fejn kien laħaq 77,6 %).

Il-perċentwal ta’ tweġibiet kompletament pożittivi żdied b’mod ċar minn 52,8 % fl-2019 għal 55,7 % fl-2020.

Barra minn hekk, il-perċentwal ta’ tweġibiet parzjalment pożittivi kompla jikkonferma x-xejra ta’ żieda kostanti osservata mill-2017 (minn 20,3 % fl-2017, għal 20,8 % fl-2018, 24,8 % fl-2019 u 25,3% fl-2020).

B’mod parallel, it-tnaqqis kostanti fil-perċentwal ta’ aċċess irrifjutat kompletament, li ilu jiġi osservat mill-2016, kompla, u kien jirrappreżenta biss 10,2 % tal-applikazzjonijiet totali inizjali (meta mqabbel ma’ 12,9 % fl-2019, 15,8 % fl-2018; u 18 % u 18,7 %, fl-2017 u fl-2016 rispettivament).

Barra minn hekk, l-2020 irriflettiet tnaqqis żgħir fl-għadd ta’ każijiet li fihom id-dokumenti mitluba jew ma kinux jeżistu jew ma kinux miżmuma mill-istituzzjoni (8,8 % tal-applikazzjonijiet inizjali, meta mqabbla ma’ 9,5 % fl-2019).

§Stadju konfermatorju

Fl-2020, 49,4 % tat-tweġibiet inizjali kkontestati minn applikazzjonijiet konfermatorji ġew ikkonfermati kompletament fl-istadju konfermatorju (meta mqabbel ma’ 30,1 % fl-2019, 41,7 % fl-2018 u 52,9 % fl-2017). 37,4 % tal-applikazzjonijiet konfermatorji treġġgħu lura kompletament jew parzjalment (meta mqabbla ma’ 53,4 % fl-2019).

4.1.L-eċċezzjonijiet invokati għad-dritt ta’ aċċess 36 (Anness – Tabella 10)

4.1.0.Stadju inizjali

Fl-2020, il-protezzjoni tal-privatezza u l-integrità tal-individwu 37 , bħal fi snin preċedenti, baqgħet l-aktar eċċezzjoni użata ta’ spiss mill-Kummissjoni Ewropea għal rifjut (sħiħ jew parzjali) tal-aċċess fl-istadju inizjali. Din ġiet invokata f’mhux anqas minn 44,1 % tar-rifjuti, meta mqabbla ma’ 41,1 % fl-2019 u kważi 34,5 % fl-2018.

Bħal fis-snin preċedenti, għadd kbir minn dawk ir-rifjuti rriżultaw mill-ħtieġa li jiġu redatti l-ismijiet tal-membri tal-persunal mhux superjuri jew tar-rappreżentanti tal-partijiet terzi li jidhru fid-dokumenti, f’konformità mal-leġiżlazzjoni applikabbli tal-protezzjoni tad-data.

It-tieni eċċezzjoni l-aktar invokata tikkonċerna l-protezzjoni tal-interessi kummerċjali 38 . Din l-eċċezzjoni ntużat f’aktar minn 14,2 % tar-rifjuti (parzjali jew sħaħ) 39 .

L-eċċezzjoni relatata mal-protezzjoni tal-iskop tal-ispezzjonijiet, l-investigazzjonijiet u l-awditi 40  kkonfermat il-post tagħha bħala t-tielet l-aktar li ġiet użata, u tammonta għal 11,6 % tar-rifjuti 41 .

Segwiet l-eċċezzjoni mmirata biex tipproteġi l-proċess ta’ teħid ta’ deċiżjonijiet li għaddej bħalissa 42 , b’perċentwal ta’ użu ta’ 9,7 % 43 .

L-użu relattiv tal-eċċezzjoni li tipproteġi s-sigurtà pubblika 44 ra tnaqqis żgħir (minn 9,2 % fl-2019 għal 6,4 % fl-2020).

Minbarra l-eċċezzjoni li tipprovdi għall-protezzjoni tar-relazzjonijiet internazzjonali 45 li kienet tirrappreżenta 5,4 % tal-każijiet 46 , il-bqija tal-eċċezzjonijiet stipulati mir-Regolament (KE) Nru 1049/2001, ġew invokati mill-istituzzjoni f’anqas minn 4 % tal-każijiet kull waħda, għar-rifjut tal-aċċess parzjali jew sħiħ għad-dokumenti mitluba fl-istadju inizjali.

4.1.1.Stadju konfermatorju

Minkejja ċertu tnaqqis fl-użu tagħha, il-protezzjoni tal-iskop ta’ spezzjonijiet, investigazzjonijiet u awditi kompliet tkun fl-2019, bħal fis-snin preċedenti, l-aktar raġuni ewlenija invokata ta’ spiss għall-konferma ta’ rifjut (sħiħ jew parzjali) ta’ aċċess, u tirrappreżenta 33 % tal-każijiet (meta mqabbel ma’ 24,3 % fl-2019 u kważi 30,6 % fl-2018).

L-eċċezzjoni li tipproteġi l-privatezza u l-integrità tal-individwu ġiet fit-tieni post (26,5 % meta mqabbel ma’ 22,2 % fl-2019 u 25 % fl-2018).

L-eċċezzjoni li tipproteġi l-interess pubbliku fir-rigward tal-interessi kummerċjali ġiet fit-tielet post fl-2020 b’14,4 %, u b’hekk waqqfet it-tnaqqis kostanti preċedenti fl-użu tagħha osservat mill-2016 sal-2019 inkluża.

Din ġiet segwita mill-eċċezzjoni li tipproteġi r-relazzjonijiet internazzjonali, li ġiet invokata f’7,8 % tar-rifjuti, meta mqabbel ma’ 18,4 % fl-2019.

L-eċċezzjoni li tipproteġi l-proċess magħluq tat-teħid ta’ deċiżjonijiet tal-istituzzjoni ġiet fil-ħames pożizzjoni b’perċentwal ta’ dipendenza ta’ 5,2 %, u b’hekk uriet żieda żgħira meta mqabbla mal-2019 fejn kienet tirrappreżenta biss 4,2 % tar-rifjuti.

Il-bqija tal-eċċezzjonijiet kienu jirrappreżentaw kull waħda anqas minn 5 % tar-raġunijiet għar-rifjut fl-istadju konfermatorju.

5.Ilmenti lill-Ombudsman Ewropew

Fl-2020, l-Ombudsman Ewropew fetħet 28 inkjesta ġdida li fihom l-aċċess għad-dokumenti kien jew il-parti prinċipali jew il-parti sussidjarja tal-ilment, meta mqabbel ma’ 32 fl-2019 u 29 fl-2018, u għalqet 23 ilment, meta mqabbel ma’ 42 fl-2019 47 .

Minkejja l-fatt li r-rakkomandazzjonijiet tal-Ombudsman Ewropew ma humiex legalment vinkolanti, il-Kummissjoni tagħtihom importanza awtorevoli kbira, b’mod partikolari fir-rigward tal-applikazzjoni tad-dispożizzjonijiet dwar l-aċċess għad-dokumenti. F’konformità mar-regoli stabbiliti fir-Regolament (KE) Nru 1049/2001 u l-ġurisprudenza tal-Qorti tal-Ġustizzja, il-Kummissjoni tieħu passi biex tallinja l-prattika tagħha mar-rakkomandazzjonijiet tal-Ombudsman Ewropew u tilqa’ l-kooperazzjoni pożittiva ma’ tal-aħħar.

F’dan l-isfond, fl-2020, fi tnejn biss mit-23 każ magħluqa, l-Ombudsman Ewropew sabet istanzi ta’ amministrazzjoni ħażina 48 . Il-21 każ li jifdal kollha ngħalqu mingħajr rimarki jew suġġerimenti għal titjib mill-Ombudsman Ewropew 49 .

6. Ġurisprudenza Ġdida dwar l-Aċċess għad-Dokumenti

Fl-2020, il-Qrati tal-UE komplew jiżviluppaw, fil-qafas ta’ diversi proċedimenti ġudizzjarji, il-korp ta’ ġurisprudenza diġà konsiderevoli li jikkonċerna l-aċċess għad-dokumenti tal-istituzzjonijiet tal-UE. Din il-ġurisprudenza ġġenerata reċentement ikkonfermat fil-biċċa l-kbira l-prassi tal-Kummissjoni Ewropea fl-ambitu tar-Regolament (KE) Nru 1049/2001 u se tkompli tiggwidaha aktar.

6.0.Il-Qorti tal-Ġustizzja

Fl-2020, il-Qorti tal-Ġustizzja tat biss żewġ sentenzi ewlenin fuq id-dritt ta’ aċċess pubbliku għad-dokumenti fl-ambitu tar-Regolament (KE) Nru 1049/2001, li fihom il-Kummissjoni Ewropea kienet parti fil-proċedimenti, meta mqabbel ma’ ħamsa fl-2019 50 .

Fiż-żewġ sentenzi, il-Qorti tal-Ġustizzja ċaħdet l-appelli. F’waħda minn dawn il-kawżi (jiġifieri l-Kawża C-612/18 P), is-sentenza tal-Qorti Ġenerali li ċaħdet ir-rikors għal annullament introdott kontra d-deċiżjoni tal-Kummissjoni ġiet ikkonfermata.

Barra minn hekk, fiż-żewġ kawżi, il-Qorti tal-Ġustizzja ċċarat kwistjonijiet li jvarjaw minn aspetti proċedurali għal punti aktar sostantivi li jirriżultaw mill-implimentazzjoni tar-Regolament (KE) Nru 1049/2001.

6.0.0.Kjarifiki ta’ xi regoli sostantivi

Miż-żewġ sentenzi mogħtija mill-Qorti tal-Ġustizzja fl-2020 fir-rigward tal-implimentazzjoni tar-Regolament (KE) Nru 1049/2001, waħda minnhom, jiġifieri l-kawża ClientEarth vs Il-Kummissjoni Ewropea  51 , tat lill-Qorti l-opportunità li tiċċara l-kamp ta’ applikazzjoni tal-eċċezzjoni għall-protezzjoni tar-relazzjonijiet internazzjonali pprovduta fl-ambitu tat-tielet inċiż tal-Artikolu 4(1)(a) tar-Regolament.

Il-Qorti tal-Ġustizzja sostniet li ċerti partijiet ta’ dokumenti relatati mal-kompatibbiltà mad-dritt tal-Unjoni tas-Soluzzjoni ta’ Tilwim bejn Investituri u Stati u s-Sistema ta’ Qorti tal-Investiment fil-ftehimiet kummerċjali tal-UE, jistgħu ma jiġux żvelati mill-Kummissjoni abbażi tat-tielet inċiż tal-Artikolu 4(1)(a) tar-Regolament (KE) Nru 1049/2001, peress li kienu għadhom qed jiġu nnegozjati fil-qafas tal-ftehim ikkonċernat (is-Sħubija Trans-Atlantika ta’ Kummerċ u ta’ Investiment). 

Fit-tieni sentenza, jiġifieri fil-Kawża Izba vs Il-Kummissjoni Ewropea, il-Qorti tal-Ġustizzja ċċarat li fil-valutazzjoni tal-interess legali tal-applikanti fil-kontinwazzjoni tal-proċedimenti, kellu jitqies il-fatt li d-deċiżjoni kkontestata kienet ġiet adottata abbażi tal-implimentazzjoni ta’ preżunzjoni ġenerali ta’ kunfidenzjalità, li tkopri dokumenti relatati ma’ proċedura ta’ ksur, diġà aċċettata mill-Qorti tal-Ġustizzja 52 .

6.0.1.Kjarifiki ta’ xi regoli proċedurali

Il-Qorti tal-Ġustizzja kkonfermat li applikant, li t-talba tiegħu għall-aċċess għad-dokumenti kienet inizjalment ġiet miċħuda, jista’ jitlob deċiżjoni kontra l-istituzzjoni kkonċernata mit-talba inkwistjoni, anke jekk it-talba tiegħu tkun ġiet issodisfata wara li jkun ippreżenta rikors quddiem il-Qrati tal-UE, biss meta l-applikant ikun jista’ juri li l-allegata illegalità aktarx li terġa’ sseħħ fil-futur, irrispettivament miċ-ċirkostanzi partikolari tal-każ 53 .

6.1.Il-Qorti Ġenerali

Fl-2020, il-Qorti Ġenerali tat 10 sentenzi 54 li jinvolvu l-Kummissjoni Ewropea fir-rigward tad-dritt ta’ aċċess għad-dokumenti fl-ambitu tar-Regolament (KE) Nru 1049/2001 55 .

Fost dawn l-għaxar sentenzi, sitta minnhom ċaħdu r-rikorsi għal annullament kontra d-deċiżjonijiet tal-Kummissjoni 56 .

F’kawża oħra, hija ddeċidiet li ma kienx hemm bżonn li tittieħed deċiżjoni dwar ir-rikors kontra deċiżjoni negattiva implikata li ma kellhiex skop minħabba l-adozzjoni ta’ deċiżjoni konfermatorja pożittiva espressa 57 .

Fi tlieta minn dawk is-sentenzi, il-Qorti Ġenerali ordnat l-annullament tad-deċiżjoni tal-Kummissjoni 58 .

Fil-qafas ta’ dan il-korp ta’ ġurisprudenza żviluppat fl-2020, il-Qorti Ġenerali kellha l-opportunità tiċċara kwistjonijiet li jvarjaw minn punti sostantivi għal aspetti aktar proċedurali li jirriżultaw mill-implimentazzjoni tar-Regolament (KE) Nru 1049/2001.

6.1.0.Kjarifiki ta’ xi regoli sostantivi

Fl-2020, il-kjarifiki sostantivi maħruġa mill-Qorti Ġenerali essenzjalment kienu jduru madwar l-applikazzjoni tal-eċċezzjonijiet ta’ hawn taħt.

§Eċċezzjoni relatata mal-protezzjoni tar-relazzjonijiet internazzjonali

Fir-rigward tal-kunċett ta’ relazzjonijiet internazzjonali li jsejsu l-eċċezzjoni pprovduta fl-ambitu tat-tielet inċiż tal-Artikolu 4(1)(a) tar-Regolament (KE) Nru 1049/2001, il-Qorti Ġenerali ddeċidiet li tinkludi mhux biss il-fażijiet tan-negozjati iżda wkoll il-fażijiet ta’ implimentazzjoni tal-ftehimiet internazzjonali 59 u li għad-dokumenti li joriġinaw minn pajjiż terz li d-divulgazzjoni tagħhom tista’ ddgħajjef l-interess li jipproteġi r-relazzjonijiet internazzjonali, l-oppożizzjoni tal-pajjiż terz għad-divulgazzjoni hija waħda miċ-ċirkostanzi li jridu jitqiesu fil-valutazzjoni tar-riskju għall-interess protett 60 .

§Eċċezzjoni relatata mal-protezzjoni tal-interessi kummerċjali

Il-Qorti Ġenerali nnotat li għall-finijiet tal-applikazzjoni tal-eċċezzjoni għall-protezzjoni tal-interessi kummerċjali prevista fl-ewwel inċiż tal-Artikolu 4(2) tar-Regolament (KE) Nru 1049/2001, ir-regola li skontha l-informazzjoni kummerċjalment sensittiva ta’ ħames snin jew aktar trid titqies bħala storika, tikkostitwixxi indikazzjoni utli 61 .

Madankollu, jibqa’ miftuħ għall-istituzzjoni kkonċernata li turi li dik l-informazzjoni dejjem fiha wieħed mill-elementi essenzjali tal-pożizzjoni kummerċjali tal-impriża kkonċernata, fejn xieraq wara konsultazzjoni ma’ din tal-aħħar f’konformità mal-Artikolu 4(4) ta’ dak ir-regolament 62 . L-oneru tal-prova f’dan ir-rigward jaqa’ fuq l-istituzzjoni 63 .

§Eċċezzjoni relatata mal-protezzjoni tal-proċedimenti tal-qorti

Il-Qorti Ġenerali saħqet li l-eċċezzjoni stabbilita fit-tieni inċiż tal-Artikolu 4(2) tar-Regolament (KE) Nru 1049/2001, tipprekludi d-divulgazzjoni ta’: il-kontenut ta’ dokumenti mħejjija biss għall-finijiet ta’ proċedimenti speċifiċi tal-qorti, inklużi sottomissjonijiet jew dokumenti oħrajn ippreżentati matul il-proċedimenti tal-qorti, dokumenti interni dwar l-investigazzjoni tal-kawża quddiem il-qorti u korrispondenza dwar il-kawża bejn id-Direttorat Ġenerali kkonċernat u s-servizz legali jew l-uffiċċju tal-avukati 64 . Dan jikkonċerna wkoll dokumenti li d-divulgazzjoni tagħhom tista’, fil-kuntest ta’ proċedimenti speċifiċi, tikkomprometti l-prinċipju ta’ opportunitajiet ugwali għall-partijiet, minħabba r-rabta rilevanti tagħhom fiż-żmien tal-adozzjoni tad-deċiżjoni li tirrifjuta l-aċċess, jew ma' tilwima pendenti quddiem il-Qrati tal-Unjoni Ewropea, jew ma' proċedimenti pendenti quddiem qorti nazzjonali, li x’aktarx ikunu jirrikjedu referenza għal deċiżjoni preliminari 65 .

§Eċċezzjoni relatata mal-protezzjoni tal-għan tal-ispezzjonijiet, tal-investigazzjonijiet u tal-awditi

Il-Qorti Ġenerali ddeċidiet li proċedura tal-Kummissjoni strutturata u formalizzata li għandha l-għan li tiġbor u li tanalizza l-informazzjoni sabiex l-istituzzjoni tkun tista’ tieħu pożizzjoni fil-kuntest tal-funzjonijiet tagħha previsti mit-Trattati trid titqies bħala investigazzjoni. Dan il-kunċett jista’ jkopri l-attività tal-Kummissjoni maħsuba biex tistabbilixxi fatti sabiex tiġi vvalutata sitwazzjoni partikolari 66 .

Barra minn hekk, sabiex proċedura tiġi kklassifikata bħala “investigazzjoni”, il-pożizzjoni tal-Kummissjoni fit-twettiq tal-funzjonijiet tagħha ma hijiex meħtieġa li tieħu l-forma ta’ deċiżjoni skont it-tifsira tar-raba’ paragrafu tal-Artikolu 288 tat-TFUE, u, tista’ tikkonsisti minn, fost l-oħrajn, rapport jew rakkomandazzjoni 67 .

Barra minn hekk, il-kunċett ta’ investigazzjonijiet skont it-tifsira tal-Artikolu 4(2) tar-Regolament (KE) Nru 1049/2001 ma huwiex ristrett għal attivitajiet investigattivi mwettqa minn istituzzjoni tal-UE u jinkludi dawk imwettqa mill-awtoritajiet pubbliċi tal-Istati Membri għall-protezzjoni tal-interessi speċifiċi tagħha 68 .

§Il-kunċett ta’ interess pubbliku prevalenti

Il-Qorti Ġenerali ħadet l-opportunità biex tisħaq fuq il-limiti tal-kunċett ta’ “raġunijiet ta’ interess pubbliku prevalenti” fis-sens tal-Artikolu 4 tar-Regolament (KE) Nru 1049/2001.

Skont il-ġurisprudenza stabbilita, l-interessi privati, inkluż l-eżerċitar tad-drittijiet tad-difiża tal-applikant fi proċess, huma irrilevanti għall-finijiet li tiġi stabbilita l-eżistenza ta’ interess pubbliku prevalenti skont it-tifsira tar-Regolament (KE) Nru 1049/2001 69 .

Bl-istess mod, kunsiderazzjonijiet ġenerali li jikkonċernaw l-interess tal-applikant li jikseb kumpens għad-dannu mġarrab bħala riżultat ta’ ksur tar-regoli tal-kompetizzjoni, fil-prinċipju, ma humiex suffiċjenti biex jiġi stabbilit interess pubbliku prevalenti 70 . Minkejja dan, kwalunkwe persuna li tfittex kumpens għal dannu mġarrab bħala riżultat ta’ ksur tar-regoli tal-kompetizzjoni tista’ tistabbilixxi l-ħtieġa li jkollha aċċess għal kwalunkwe dokument fil-fajl tal-Kummissjoni, sabiex l-istituzzjoni tkun tista’, fuq bażi ta’ każ każ, tibbilanċja l-interessi li jiġġustifikaw id-divulgazzjoni ta’ tali dokumenti u l-protezzjoni tagħhom, filwaqt li tqis il-fatti rilevanti kollha tal-kawża 71 .

§Preżunzjoni ġenerali tal-kunfidenzjalità

Skont il-ġurisprudenza stabbilita, l-istituzzjonijiet tal-UE jistgħu jibbażaw id-deċiżjonijiet tagħhom ta’ nuqqas ta’ divulgazzjoni tad-dokumenti mitluba fuq preżunzjonijiet ġenerali, li japplikaw għal ċerti kategoriji ta’ dokumenti 72 .

Il-Qorti Ġenerali ddeċidiet li l-Kummissjoni, biex tapplika l-preżunzjoni fir-rigward ta’ dokumenti mitluba li huma parti minn proċedura Pilota tal-UE, hija mitluba li fid-deċiżjoni kkontestata tidentifika d-dokumenti koperti mit-talba għal aċċess, imbagħad li tikklassifikahom skont il-kategorija jew bħala parti minn fajl amministrattiv partikolari 73 .

Skont il-Qorti Ġenerali, fin-nuqqas ta’ tali identifikazzjoni, il-preżunzjoni tal-kunfidenzjalità ma tkunx konfutabbli 74 u l-Qorti ma tkunx fil-pożizzjoni li teżerċita s-setgħa tagħha ta’ rimedju ġudizzjarju dwar jekk il-Kummissjoni kinitx iġġustifikata meta tqis li d-dokumenti mitluba kienu parti minn proċedura Pilota tal-UE 75 .

Għall-finijiet tal-identifikazzjoni tad-dokumenti rilevanti li jaqgħu fil-kamp ta’ applikazzjoni ta’ preżunzjoni ġenerali ta’ kunfidenzjalità, l-istituzzjoni tista’ madankollu tillimita ruħha li tindika, pereżempju: it-“tipi jew il-kategoriji ta’ dokumenti [..] identifikati mis-servizzi tagħha, jew in-numru jew id-data tagħhom” 76 ; jew, “in-natura tagħhom u l-istituzzjoni jew l-amministrazzjoni li abbozzawhom, mingħajr ma tiddivulga l-kontenut tagħhom” 77 .

6.1.1.Kjarifiki ta’ xi regoli proċedurali

Il-kwistjonijiet proċedurali ewlenin indirizzati fl-2020 mill-Qorti Ġenerali kienu jikkonċernaw ir-restrizzjoni unilaterali ta’ talba għal kamp ta’ applikazzjoni wiesa’ u n-natura obbligatorja tal-limiti ta’ żmien tar-Regolament (KE) Nru 1049/2001.

§Restrizzjoni unilaterali ta’ talba għal kamp ta’ applikazzjoni wiesa’

Skont il-ġurisprudenza stabbilita, l-istituzzjonijiet jistgħu, f’ċirkostanzi speċifiċi, jirrestrinġu b’mod unilaterali l-kamp ta’ applikazzjoni ta’ talba għal kamp ta’ applikazzjoni wiesa’ 78 .

F’dan ir-rigward, il-Qorti Ġenerali nnutat li n-natura u l-kontenut tad-dokumenti, u mhux biss in-numru ta’ paġni, huma rilevanti 79 . Għalhekk, is-sempliċi referenza għal għadd ta’ paġni ma hijiex biżżejjed biex jiġi vvalutat l-ammont ta’ xogħol meħtieġ mill-eżami speċifiku u individwali tad-dokumenti mitluba 80 .

Barra minn hekk, istituzzjoni jeħtiġilha tkun eżaminat b’mod ġenwin l-opzjonijiet l-oħrajn kollha possibbli u spjegat fid-dettall, fid-deċiżjoni tagħha, ir-raġunijiet għaliex dawk l-opzjonijiet varji jinvolvu wkoll ammont ta’ xogħol mhux raġonevoli 81 .

L-istituzzjoni li tiddependi fuq l-irrazzjonalità tal-kompitu involut mit-talba għandha l-oneru tal-prova f’dan ir-rigward 82 .

Għażla aleatorja mwettqa mill-istituzzjoni ma tistax tikkostitwixxi bażi xierqa għall-identifikazzjoni ta’ dokumenti li jistgħu jiġu vvalutati fil-qafas tar-restrizzjoni unilaterali tal-kamp ta’ applikazzjoni ta’ talba sproporzjonata, anke fin-nuqqas ta’ kwalunkwe indikazzjoni min-naħa tal-applikant dwar grupp ta’ dokumenti li jistgħu jkunu ta’ rilevanza partikolari għalih 83 . Tali għażla trid tirriżulta minn valutazzjoni oġġettiva fir-rigward tal-ammont massimu ta’ xogħol li l-istituzzjoni tista’ twettaq fil-limiti ta’ żmien tar-Regolament 84 .

F’dan l-isfond, l-ammont ta’ xogħol li jista’ jkun rilevanti għall-valutazzjoni taż-żmien meħtieġ għall-ipproċessar ta’ applikazzjoni għall-aċċess ma jistax jirriżulta minn eċċess marbut mat-tfittxija u mal-irkupru ta’ dokumenti fl-arkivji tal-istituzzjoni, iżda l-aktar minn tagħbija eċċessiva tad-dritt li jiġu eżaminati dawk id-dokumenti 85 .

§In-natura mandatorja tal-limiti ta’ żmien tar-Regolament

Il-Qorti Ġenerali tenniet li l-possibbiltà ta’ konsultazzjoni prevista fl-Artikolu 6(3) tar-Regolament (KE) Nru 1049/2001, sabiex tinstab soluzzjoni ġusta, tista’ tirrigwarda biss il-kontenut jew in-numru ta’ dokumenti iżda mhux il-limiti ta’ żmien stabbiliti fl-Artikoli 7 u 8 ta’ dak ir-regolament 86 . Għalhekk, l-istituzzjonijiet ma jistgħux jinjoraw dawk il-limiti ta’ żmien sabiex jirrispondu b’mod favorevoli għar-rieda tal-applikant li jirċievi tweġibiet differiti f’lottijiet 87 .

6.2.Kawżi tal-qorti introdotti kontra l-Kummissjoni Ewropea fl-2020 88

Fl-2020, tressqu seba’ kawżi li jinvolvu lill-Kummissjoni Ewropea quddiem il-Qrati Ewropej.

Sitta minnhom jikkonċernaw rikorsi introdotti quddiem il-Qorti Ġenerali 89 , li wieħed minnhom kien diġà magħluq matul l-2020 b’deċiżjoni li kkonkludiet li ma kienx hemm bżonn ta’ aġġudikazzjoni 90 .

B’mod parallel, ġie introdott appell wieħed quddiem il-Qorti tal-Ġustizzja kontra sentenza tal-Qorti Ġenerali, f’kawża li fiha l-Kummissjoni Ewropea kienet parti fil-proċedimenti 91 .

Il-Kummissjoni Ewropea segwiet b’attenzjoni l-iżviluppi msemmija hawn fuq tal-ġurisprudenza tal-Qrati Ewropej fl-2020.

Tabilħaqq, sebgħa mit-12-il kawża kollha aġġudikati kemm mill-Qorti tal-Ġustizzja kif ukoll mill-Qorti Ġenerali fl-2020 irriżultaw fiċ-ċaħda sħiħa tar-rikorsi għal annullament kontra d-deċiżjonijiet tal-Kummissjoni Ewropea 92 , u għalhekk ipprevaliet il-pożizzjoni tal-istituzzjoni. Barra minn hekk ġiet konkluża kawża addizzjonali mingħajr ebda ħtieġa ta’ aġġudikazzjoni 93 .

Il-Kummissjoni Ewropea qieset sew ukoll il-kjarifiki kollha sostantivi u proċedurali msemmija hawn fuq ipprovduti mill-Qrati Ewropej fl-2020 fir-rigward tar-Regolament (KE) Nru 1049/2001.

Bħal fis-snin preċedenti, is-Segretarjat Ġenerali, flimkien mas-Servizz Legali, organizza b’mod regolari seminars biex jaġġorna lill-persunal tal-Kummissjoni Ewropea dwar l-iżviluppi riċenti fil-ġurisprudenza.

(1)    Fil-Belġju, il-Gvern esiġa li organizzazzjonijiet bħall-Kummissjoni Ewropea jimplimentaw politiki stretti ta’ telexogħol, ara “Arrêté ministériel portant des mesures d’urgence pour limiter la propagation du coronavirus COVID-19” tat-28 ta’ Ottubru 2020 (aġġornat sussegwentement): http://www.ejustice.just.fgov.be/cgi_loi/change_lg.pl?language=fr&la=F&table_name=loi&cn=2020102801 .

(2)    Sakemm ma jkunx indikat mod ieħor, l-istatistika ppreżentata f’dan ir-Rapport hija bbażata fuq ċifri estratti mill-applikazzjonijiet tal-IT tal-Kummissjoni Ewropea fil-31 ta’ Diċembru 2019, kif aġġornati wara korrezzjonijiet tal-ikkowdjar sussegwenti. Il-perċentwali fil-parti narrattiva tar-Rapport huma ttondjati għall-eqreb deċimali.

(3)    Għal din ir-raġuni, iċ-ċifri pprovduti f’dan ir-rapport u f’dawk preċedenti jistgħu jvarjaw xi ftit.

(4)     Nindirizzaw id-diżinformazzjoni dwar il-coronavirus | Il-Kummissjoni Ewropea (europa.eu) .

(5)    Ara l-Komunikazzjoni tal-President lill-Kummissjoni tal-1 ta’ Diċembru 2019, “Il-Metodi ta’ Ħidma tal-Kummissjoni Ewropea”, P (2019) 2, disponibbli fuq: https://ec.europa.eu/info/sites/info/files/working-methods.pdf .

(6)    Jiġifieri, C: Atti awtonomi tal-Kummissjoni; COM: Proposti leġiżlattivi tal-Kummissjoni u dokumenti oħrajn ikkomunikati lil istituzzjonijiet oħrajn, bid-dokumenti preparatorji tagħhom; JOIN: Atti Konġunti tal-Kummissjoni u tar-Rappreżentant Għoli; ĠU: Aġendi tal-laqgħat tal-Kummissjoni; PV: Minuti tal-laqgħat tal-Kummissjoni; SEC: Dokumenti tal-Kummissjoni li ma jistgħux jiġu kklassifikati f’xi waħda mis-sensiliet l-oħrajn; SWD: Dokumenti ta’ ħidma tal-persunal tal-Kummissjoni.

(7)    Fiż-żmien tal-abbozzar ta’ dan ir-Rapport, il-verżjoni aġġornata tar-Reġistru saret operazzjonali mis-17 ta’ Mejju 2021 u wessgħet il-kamp ta’ applikazzjoni tagħha sabiex id-dokumenti disponibbli f’postijiet oħra jkunu jistgħu jiġu mfittxija permezz tagħha wkoll.

(8)    Aċċess għad-dokumenti: http://ec.europa.eu/transparency/access_documents/index_en.htm .

(9)    Din id-data tirriżulta mill-użu mill-2018 ta’ algoritmu ġdid, li jipprovdi statistika aktar preċiża. Għalhekk, din ma hijiex komparabbli ma’ dik miġbura għas-snin qabel l-2018.

(10)     https://wayback.archive-it.org/11980/20201223015019/https://ec.europa.eu/info/european-union-and-united-kingdom-forging-new-partnership/publications-and-news/documents-related-work-task-force-relations-united-kingdom_mt

(11)     https://trade.ec.europa.eu/doclib/docs/2021/february/tradoc_159448.pdf .

(12)    Ibid.

(13)    Barra minn hekk, l-Istituzzjoni tiżgura t-trasparenza (i) tal-kuntatti tal-Membri tal-Kummissjoni mal-partijiet ikkonċernati u mas-soċjetà ċivili. (Għal aktar informazzjoni, ara https://ec.europa.eu/transparencyregister/public/staticPage/displayStaticPage.do?locale=mt&reference=ANNUAL_REPORT ); (ii) impjiegi tat-terminu tal-kariga tal-eks Membri tal-Kummissjoni. Barra minn hekk, il-Kummissjoni Ewropea tippubblika rapporti annwali dwar l-applikazzjoni tal-Kodiċi ta’ Kondotta għall-Membri tal-Kummissjoni Ewropea (it-tieni rapport annwali huwa disponibbli fuq: https://ec.europa.eu/info/sites/default/files/sec2020344_en.pdf ); u trawwem sistema ta’ “regolamentazzjoni aħjar” li hija rikonoxxuta bħala wieħed mill-aktar approċċi regolatorji avvanzati fid-dinja (Ara OECD Regulatory Policy Outlook 2018 (Pubblikazzjoni tal-OECD, Pariġi). Fil-bidu tal-2020, l-istituzzjoni segwiet l-eżerċizzju tagħha li tieħu rendikont tal-Aġenda ta’ “Regolamentazzjoni Aħjar” tal-2015, sabiex tivvaluta kemm l-aspetti pożittivi tagħha kif ukoll dawk fejn jista’ jsir titjib. Il-ħidma ġiet konkluża bl-adozzjoni tal-Komunikazzjoni dwar ir-Regolamentazzjoni Aħjar fit-28 ta’ April 2021 (ara better_regulation_joining_forces_to_make_better_laws_en_0.pdf (europa.eu) . Barra minn hekk, minkejja l-pandemija tal-COVID-19, il-Kummissjoni Ewropea kompliet timplimenta permezz ta’ diversi inizjattivi u azzjonijiet, il-programm tagħha “L-Ewropa għaċ-Ċittadini” li ġie stabbilit għall-perjodu ta’ bejn l-2014 u l-2020 u li tfassal biex iħeġġeġ liċ-ċittadini tal-UE biex ikunu infurmati aħjar, jipparteċipaw fid-dibattitu u jkollhom rwol aktar b’saħħtu fl-iżvilupp tal-UE. (Ara https://ec.europa.eu/info/departments/justice-and-consumers/justice-and-consumers-funding-tenders/funding-programs/europe-citizens-efc-0_mt#documents ) . Fl-aħħar nett, f’dan il-kuntest mingħajr preċedent tal-pandemija tal-COVID-19, fid-19 ta’ Mejju 2020, il-Kummissjoni Ewropea adottat proposta għal regolament li jestendi l-limiti ta’ żmien għall-fażijiet tal-ġbir, tal-verifika u tal-eżami applikabbli għall-inizjattivi taċ-ċittadini Ewropej. It-test finali ta’ dan ir-Regolament ġie adottat mill-Parlament Ewropew u mill-Kunsill fil-15 ta’ Lulju 2020 (Ara r- Regolament (UE) 2020/1042 tal-Parlament Ewropew u tal-Kunsill tal-15 ta’ Lulju 2020 li jistabbilixxi miżuri temporanji dwar il-limiti ta’ żmien għall-istadji tal-ġbir, tal-verifika u tal-eżami previsti fir-Regolament (UE) 2019/788 dwar l-inizjattiva taċ-ċittadini Ewropej fid-dawl tat-tifqigħa tal-COVID-19 , ĠU L 231, 17.7.2020, p. 7–11).

(14)    Ara https://ec.europa.eu/transparency/regdoc/rep/1/2008/MT/1-2008-229-MT-F1-1.Pdf .

(15)    Ara https://www.europarl.europa.eu/meetdocs/2009_2014/documents/com/com_com(2011)0137_/com_com(2011)0137_mt.pdf .

(16)    Ara n-Nru 31 tal-Anness IV tal-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, Programm ta’ Ħidma tal-Kummissjoni 2020, Unjoni li tirsisti għal aktar, COM(2020) 37 final, id-29 ta’ Jannar 2020, disponibbli fuq: https://eur-lex.europa.eu/resource.html?uri=cellar%3A7ae642ea-4340-11ea-b81b-01aa75ed71a1.0002.02/DOC_2&format=PDF

(17)     https://eur-lex.europa.eu/legal-content/mt/TXT/?uri=CELEX%3A52020XC0929%2802%29

(18)    Ta’ min jinnota li talba waħda tista’ tikkonċerna diversi dokumenti u konsegwentement tista’ twassal għal diversi risposti differenti. Min-naħa l-oħra, f’xi każijiet, diversi talbiet jistgħu jinġabru flimkien u jirriżultaw f’risposta waħda biss.

(19)    Fl-2019, l-għadd ta’ applikazzjonijiet inizjali kien jammonta għal 7 445.

(20)    Skont il-kontenut tat-talbiet jew l-istatus tal-applikanti, il-bqija tat-tweġibiet irriżultaw fi tweġibiet ittrattati f’konformità ma’ oqfsa legali oħra (bħall-Kodiċi ta’ Mġiba Amministrattiva Tajba jew il-prinċipju ta’ kooperazzjoni sinċiera, eċċ.).

(21)    Pereżempju, it-tweġibiet mogħtija fl-ambitu tal-prinċipju ta’ kooperazzjoni sinċiera mal-Istati Membri jew ma’ istituzzjonijiet oħrajn; jew it-tweġibiet fuq il-bażi tal-Kodiċi ta’ Mġiba Amministrattiva Tajba, eċċ.

(22)    Id-Deċiżjoni tal-Kummissjoni tal-5 ta’ Diċembru 2001 li temenda r-regoli ta’ proċedura tagħha, ĠU L 345 29.12.2001, p.94.

(23)    Issir referenza għalih bħala “SG” fil-graffs ta’ hawn taħt.

(24)    Issir referenza għalih bħala “SANTE” fil-graffs ta’ hawn taħt.

(25)    Ara r-Rapporti Annwali preċedenti, disponibbli fuq: https://ec.europa.eu/info/publications/reports-public-access-european-parliament-council-and-commission-documents_en .

(26)    Issir referenza għalih bħala “DEVCO” fil-graffs ta’ hawn taħt.

(27)    Issir referenza għalih bħala “GROW” fil-graffs ta’ hawn taħt.

(28)    Issir referenza għalih bħala “COMP” fil-graffs ta’ hawn taħt.

(29)    Issir referenza għalih bħala “HOME” fil-graffs ta’ hawn taħt.

(30)    Issir referenza għalih bħala “TAXUD” fil-graffs ta’ hawn taħt.

(31)    Issir referenza għalih bħala “MOVE” fil-graffs ta’ hawn taħt.

(32)    Issir referenza għalih bħala “FISMA” fil-graffs ta’ hawn taħt.

(33)    Issir referenza għalih bħala “ENER” fil-graffs ta’ hawn fuq u ta’ hawn taħt.

(34)    Issir referenza għalih bħala “SJ” fil-graffs ta’ hawn fuq u ta’ hawn taħt.

(35)    Din tal-aħħar hija kategorija ġdida introdotta fl-2018, sabiex tirrifletti l-fatt li l-awtoritajiet nazzjonali tal-Istati Membri huma intitolati li jissottomettu applikazzjonijiet għall-aċċess għad-dokumenti fil-qafas tar-Regolament (KE) Nru 1049/2001.

(36)    Abbażi tal-Artikolu 4 tar-Regolament (KE) Nru 1049/2001.

(37)    Din l-eċċezzjoni hija pprovduta fl-ambitu tal-Artikolu 4(1)(b) tar-Regolament (KE) Nru 1049/2001.

(38)    Din l-eċċezzjoni hija pprovduta fl-ambitu tal-ewwel inċiż tal-Artikolu 4(2) tar-Regolament (KE) Nru 1049/2001.

(39)    Meta mqabbel ma’ 15 % fl-2019 u ma’ 15,4 % fl-2018.

(40)    Din l-eċċezzjoni hija pprovduta fl-ambitu tat-tielet inċiż tal-Artikolu 4(2) tar-Regolament (KE) Nru 1049/2001.

(41)    Meta mqabbel ma’ 13,4 fl-2019 u 12,7 % fl-2018.

(42)    Din l-eċċezzjoni hija pprovduta fl-ambitu tal-ewwel subparagrafu tal-Artikolu 4(3) tar-Regolament (KE) Nru 1049/2001.

(43)    Meta mqabbel ma’ 10,2 % fl-2019 u 15,1 % fl-2018.

(44)    Din l-eċċezzjoni hija pprovduta fl-ambitu tal-ewwel inċiż tal-Artikolu 4(1) tar-Regolament (KE) Nru 1049/2001.

(45)    Din l-eċċezzjoni hija pprovduta fl-ambitu tat-tielet inċiż tal-Artikolu 4(1) tar-Regolament (KE) Nru 1049/2001.

(46)    Meta mqabbla ma’ 5,3 % fl-2019.

(47)    L-istatistika tikkonċerna l-każijiet tal-Ombudsman Ewropew għad-dipartimenti tal-Kummissjoni Ewropea kollha ħlief għall-Uffiċċju Ewropew ta’ Kontra l-Frodi.

(48)    Fil-kawża 1050/2018, l-Ombudsman Ewropew ikkonkludiet li n-nuqqas mill-Kummissjoni li titlob lil uffiċjal biex jidentifika u jirkupra emails fl-inbox tal-email tax-xogħol tal-uffiċjal, għall-finijiet ta’ valutazzjoni dwar jekk dawn jistgħux jiġu ddivulgati, hija amministrazzjoni ħażina. Istanza oħra ta’ amministrazzjoni ħażina ġiet identifikata fil-kawża 1794/2019 li fiha l-Kummissjoni rrifjutat li tipprovdi lill-ilmentatur b’kopja tad-dokumenti mitluba mingħajr ma għamlet redazzjoni tal-isem tal-eks kap tal-unità.

(49)    Il-kwistjoni ġiet solvuta f’sebgħa minn dawk il-każijiet.

(50)    Jiġifieri: Is-Sentenzi tad-19 ta’ Marzu 2020, ClientEarth vs Il-Kummissjoni Ewropea, C-612/18P, EU:C:2020:223 ; u tat-30 ta’ April 2020, Izba Gospodarcza Producentów i Operatorów Urządzeń Rozrywkowych vs Il-Kummissjoni Ewropea, C-560/18P, EU:C:2020:330.

(51)    Is-sentenza tad-19 ta’ Marzu 2020 , ClientEarth vs Il-Kummissjoni Ewropea, C-612/18P, op.cit.

(52)    Is-sentenza Izba vs Il-Kummissjoni Ewropea, C-560/18P , op.cit. 49.

(53)    Ibid. paragrafu 50.

(54)    Meta mqabbel ma’ disgħa fl-2019.

(55)    Digrieti tal-14 ta’ Diċembru 2020, ClientEarth AISBL vs Il-Kummissjoni Ewropea, T-255/20, EU:T:2020:642 , tas-27 ta’ Novembru 2020, PL vs Il-Kummissjoni Ewropea, T-728/19, EU:T:2020:575 ; u s-sentenzi tat-23 ta’ Settembru 2020, Giorgio Basaglia vs Il-Kummissjoni Ewropea, T-727/19, EU:T:2020:446 ; tal-25 ta’ Novembru 2020, Marco Bronckers vs Il-Kummissjoni Ewropea, T-166/19, EU:T:2020:557 ; tat-28 ta’ Mejju 2020, Liam Campbell vs Il-Kummissjoni Ewropea, T-701/18, EU:T:2020:224 ; tas-26 ta’ Marzu 2020, Laurence Bonnafous vs Il-Kummissjoni Ewropea, T-646/18, EU:T:2020:120 ; tas-6 ta’ Frar 2020, Compañía de Tranvías de La Coruña, SA vs Il-Kummissjoni Ewropea, T-485/18, EU:T:2020:35 ; tas-26 ta’ Marzu 2020 ViaSat, Inc. vs Il-Kummissjoni Ewropea, T-734/17, EU:T:2020:123 ; tat-28 ta’ Mejju 2020, ViaSat, Inc. vs Il-Kummissjoni Ewropea, T-649/17, EU:T:2020:235 , u tat-30 ta’ Jannar 2020, CBA Spielapparate- und Restaurantbetriebs GmbH vs Il-Kummissjoni Ewropea, T-168/17, EU:T:2020:20 .

(56)    Jiġifieri, id-Digriet PL vs Il-Kummissjoni Ewropea, T-728/19, op. cit.; u s-sentenzi Marco Bronckers vs Il-Kummissjoni Ewropea, T-166/19, op.cit.; Laurence Bonnafous vs Il-Kummissjoni Ewropea, T-646/18, op.cit.; ViaSat, Inc. vs Il-Kummissjoni Ewropea, T-734/17, op.cit.; ViaSat, Inc. vs Il-Kummissjoni Ewropea, T-649/17, op.cit.; u CBA Spielapparate- und Restaurantbetriebs GmbH vs Il-Kummissjoni Ewropea, T-168/17, op.cit.

(57)    Jiġifieri, id-digriet fi ClientEarth AISBL vs Il-Kummissjoni Ewropea, T-255/20, op. cit.

(58)    Jiġifieri, is-sentenzi f’Giorgio Basaglia vs Il-Kummissjoni Ewropea, T-727/19 op.cit.; Liam Campbell vs Il-Kummissjoni Ewropea, T-701/18, op.cit.; u Compañía de Tranvías de La Coruña, SA vs Il-Kummissjoni Ewropea, T-485/18, op.cit.

(59)    Is-sentenza f’Marco Bronckers vs Il-Kummissjoni Ewropea, T-166/19, op. cit. Il-paragrafu 70.

(60)    Ibid. Il-paragrafu 59.

(61)    Is-sentenza f’Giorgio Basaglia vs Il-Kummissjoni Ewropea, T-727/19, op. cit. Il-paragrafu 82.

(62)    Is-sentenza f’Giorgio Basaglia vs Il-Kummissjoni Ewropea, T-727/19, op.cit. ibid.

(63)    Is-sentenza f’Giorgio Basaglia vs Il-Kummissjoni Ewropea, T-727/19, op.cit. ibid.

(64)    Is-sentenza f’Compañía de Tranvías de La Coruña, SA vs Il-Kummissjoni Ewropea, T-485/18, op. cit. Il-paragrafu 41.

(65)    Is-sentenza f’Compañía de Tranvías de La Coruña, SA vs Il-Kummissjoni Ewropea, T-485/18, op. cit. Il-paragrafu 42.

(66)    Is-sentenza f’Viasat, Inc. vs Il-Kummissjoni Ewropea, T-649/17, EU:T:2020:235, op.cit. Il-paragrafu 66.

(67)    Is-sentenza f’ViaSat, Inc. vs il-Kummissjoni Ewropea, T-649/17, EU:T:2020:235, op. cit. Il-paragrafu 67.

(68)    Is-sentenza f’ViaSat, Inc. vs il-Kummissjoni Ewropea, T-649/17, EU:T:2020:235, op. cit. Il-paragrafu 70.

(69)    Is-sentenza f’Giorgio Basaglia vs Il-Kummissjoni Ewropea, T-727/19, op. cit. Paragrafi 84 sa 87.

(70)    Is-sentenza f’CBA Spielapparate- und Restaurantbetriebs GmbH vs Il-Kummissjoni Ewropea, T-168/17, op.cit. Il-paragrafu 55.

(71)    Ibid. 

(72)    Ara fost l-oħrajn, is-sentenzi tas-27 ta’ Frar 2014, Il-Kummissjoni vs EnBW, C‑365/12 P, EU:C:2014:112, il-paragrafu 65 u l-ġurisprudenza ċċitata, tat-22 ta’ Jannar 2020, MSD Animal Health Innovation u Intervet International vs EMA, C‑178/18 P, EU:C:2020:24, il-paragrafu 55 u l-ġurisprudenza ċċitata, u tal-5 ta’ Diċembru 2018, Campbell vs il-Kummissjoni, T‑312/17, EU:T:2018:876, il-paragrafu 28 u l-ġurisprudenza ċċitata.

(73)    Is-sentenza f’Liam Campbell vs il-Kummissjoni Ewropea, T-701/18, op. cit. il-Paragrafu 63.

(74)    Is-sentenza f’Liam Campbell vs Il-Kummissjoni Ewropea, T-701/18, op. cit. il-paragrafu 46.

(75)    Is-sentenza f’Liam Campbell vs Il-Kummissjoni Ewropea, T-701/18, op. cit. il-paragrafu 66.

(76)    Is-sentenza f’Liam Campbell vs Il-Kummissjoni Ewropea, T-701/18, op. cit. Il-paragrafu 48.

(77)    Is-sentenza f’Liam Campbell vs Il-Kummissjoni Ewropea, T-701/18, op. cit. Il-paragrafu 52.

(78)    Is-sentenza f’Giorgio Basaglia vs Il-Kummissjoni Ewropea, T-727/19, op. cit. Il-paragrafi 41 et seq.

(79)    Is-sentenza f’Giorgio Basaglia vs Il-Kummissjoni Ewropea, T-727/19, op. cit. Il-paragrafu 52.

(80)    Is-sentenza f’Giorgio Basaglia vs Il-Kummissjoni Ewropea, T-727/19, op.cit. ibid.

(81)    Is-sentenza f’Giorgio Basaglia vs Il-Kummissjoni Ewropea, T-727/19, op. cit. Il-paragrafu 44.

(82)    Is-sentenza f’Giorgio Basaglia vs Il-Kummissjoni Ewropea, T-727/19, op. cit. Il-paragrafu 43.

(83)    Is-sentenza f’Giorgio Basaglia vs Il-Kummissjoni Ewropea, T-727/19, op. cit. Ibid.

(84)    Is-sentenza f’Giorgio Basaglia vs Il-Kummissjoni Ewropea, T-727/19, op. cit. Il-paragrafu 55.

(85)    Is-sentenza f’Giorgio Basaglia vs Il-Kummissjoni Ewropea, T-727/19, op. cit. Il-paragrafu 54.

(86)    Ibid. Il-paragrafu 37.

(87)    Ibid. Il-paragrafu 38.

(88)    Mill-31 ta’ Diċembru 2019.

(89)    Jiġifieri l-kawżi Validity vs Il-Kummissjoni Ewropea, T-640/20 op. cit.; Pollinis France vs Il-Kummissjoni Ewropea, T-554/20, op.cit.; Pollinis France vs Il-Kummissjoni Ewropea, T-371/20, op.cit.; ClientEarth AISBL vs Il-Kummissjoni Ewropea, T-255/20, op.cit.; JP vs Il-Kummissjoni Ewropea, T-247/20, op. cit.; kif ukoll Huhtamaki vs Il-Kummissjoni Ewropea, T-134/20, op.cit.

(90)    Jiġifieri d-Digriet tal-14 ta’ Diċembru 2020, ClientEarth AISBL vs Il-Kummissjoni Ewropea, T-255/20 , op. cit.

(91)    Jiġifieri l-kawża ViaSat Inc. vs Il-Kummissjoni Ewropea, C-235/20P , op. cit.

(92)    Jiġifieri s-sentenzi fi ClientEarth vs Il-Kummissjoni Ewropea, C-612/18P op.cit.,  , PL vs Il-Kummissjoni Ewropea, T-728/19, op. cit.; Marco Bronckers vs Il-Kummissjoni Ewropea, T-166/19, op.cit.; Laurence Bonnafous vs Il-Kummissjoni Ewropea, T-646/18, op.cit.; ViaSat, Inc. vs Il-Kummissjoni Ewropea, T-734/17, op.cit.; ViaSat, Inc. vs Il-Kummissjoni Ewropea, T-649/17, op.cit.; u CBA Spielapparate- und Restaurantbetriebs GmbH vs Il-Kummissjoni Ewropea, T-168/17, op.cit.

(93)    Jiġifieri d-Digriet tal-14 ta’ Diċembru 2020, ClientEarth AISBL vs Il-Kummissjoni Ewropea, T-255/20 , op. cit.

IL-KUMMISSJONI EWROPEA

Brussell, 9.8.2021

COM(2021) 459 final

ANNESS

tar-

RAPPORT TAL-KUMMISSJONI

dwar l-applikazzjoni fl-2020 tar-Regolament (KE) Nru 1049/2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni

Statistika marbuta mal-applikazzjoni tar-Regolament (KE) Nru 1049/2001

1.L-għadd ta’ dokumenti mniżżla fir-reġistru

	C	COM	JOIN	ĠU	P	PV	SEC	SWD	Total
2019	14 796	1 436	44	127	/	83	1 324	522	18 337
2020	15 726	1 839	50	119	5	79	1 553	478	19 849

2.Il-Konsultazzjoni tas-sit web dwar l-aċċess għad-dokumenti fuq is-server Europa

	VIŻITATURI	PAĠNI KONSULTATI
2019 1	6 642	10 112
2020	14 716	24 429

3.L-Għadd ta’ applikazzjonijiet inizjali riċevuti u ttrattati

	2016	2017	2018	2019	2020
Applikazzjonijiet irreġistrati	6 077	6 255	6 912	7 445	8 001
Tweġibiet mogħtija 2	7 139	6 716	7 257	8 449	9 181
Ir-risposti mogħtija abbażi tar-Regolament (KE) 1049/2001	5 945	5 181	6 117	7 612	8 164

4.L-Għadd ta’ applikazzjonijiet ta’ konferma riċevuti u ttrattati

	2016	2017	2018	2019	2020
Applikazzjonijiet irreġistrati	295	299	318	334	309
Tweġibiet mogħtija	258	300	326	319	298
Ir-risposti mogħtija abbażi tar-Regolament (KE) 1049/2001	220	259	288	296	265

5.It-Tweġibiet mogħtija skont id-direttorat ġenerali jew servizz

	STADJU INIZJALI (%)			STADJU TA’ KONFERMA (%)
	2019	2020		2019	2020
Is-Segretarjat Ġenerali – SG	8,61	10,22		7,19	7,77
Is-Servizz Legali – SJ	4,12	2,71		2,40	4,53
Id-Direttorat Ġenerali għall-Komunikazzjoni – DĠ COMM	0,55	0,24		0,90	0,65
Ispira, iddibatti, involvi ruħek u aċċellera l-azzjoni – IDEA	0,08	0,02		0,60	0
Task Force għar-Relazzjonijiet mar-Renju Unit – UKTF	0,54	0,37		0,60	0,97
Id-Direttorat Ġenerali għall-Baġit – DĠ BUDG	0,94	1,01		0,90	0,97
Id-Direttorat Ġenerali tar-Riżorsi Umani u tas-Sigurtà inkluż l-Uffiċċju għall-Infrastruttura u l-Loġistika fil-Lussemburgu u l-Uffiċċji għall-Amministrazzjoni u l-Pagament ta’ Intitolamenti Individwali – DĠ HR OIL PMO	2,40	2,77		4,79	3,24
Id-Direttorat Ġenerali għall-Informatika – DĠ DIGIT	0,43	0,32		0	0,32
Is-Servizz tal-Awditjar Intern – IAS	0,07	0,04		0,30	0,32
L-Uffiċċju Ewropew Kontra l-Frodi 3  – OLAF	0,24	0,20		0,00	0
Id-Direttorat Ġenerali għall-Affarijiet Ekonomiċi u Finanzjarji – DĠ ECFIN	1,25	1,69		1,80	2,91
Id-Direttorat Ġenerali għas-Suq Intern, l-Industrija, l-Intraprenditorija u l-SMEs – DĠ GROW	6,93	7,14		5,39	4,85
Id-Direttorat Ġenerali għall-Industrija tad-Difiża u l-Ispazju DĠ DEFIS	0,03	0,61		0,00	0,65
Id-Direttorat Ġenerali għall-Kompetizzjoni – DĠ COMP	5,70	6,17		8,68	15,21
Id-Direttorat Ġenerali tal-Impjiegi, l-Affarijiet Soċjali u l-Inklużjoni – DĠ EMPL	2,34	2,56		2,10	3,56
Id-Direttorat Ġenerali għall-Agrikoltura u l-Iżvilupp Rurali – DĠ AGRI	3,13	2,50		2,40	1,62
Id-Direttorat Ġenerali għall-Mobbiltà u t-Trasport – DĠ MOVE	4,74	4,50		1,80	0,97
Id-Direttorat Ġenerali għall-Enerġija – DĠ ENER	3,16	3,84		1,80	8,09
Id-Direttorat Ġenerali għall-Ambjent – DĠ ENV	3,87	3,31		3,89	3,88
Id-Direttorat Ġenerali għall-Azzjoni dwar il-Klima – DĠ CLIMA	1,67	1,99		1,20	0,65
Id-Direttorat Ġenerali għar-Riċerka u l-Innovazzjoni – DĠ RTD	2,07	1,36		2,10	0,97
Id-Direttorat Ġenerali għan-Netwerks, il-Kontenut u t-Teknoloġija tal-Komunikazzjoni – DĠ CNECT	2,26	2,71		6,29	1,62
Iċ-Ċentru Konġunt tar-Riċerka – JRC	0,32	0,21		0,30	0,65
Id-Direttorat Ġenerali għall-Affarijiet Marittimi u s-Sajd – DĠ MARE	1,37	0,69		1,20	0,97
Id-Direttorat Ġenerali għall-Istabbiltà Finanzjarja, is-Servizzi Finanzjarji u l-Unjoni tas-Swieq Kapitali – DĠ FISMA	3,41	4,00		2,40	1,29
Id-Direttorat Ġenerali għall-Politika Reġjonali u Urbana – DĠ REGIO	3,76	1,75		1,50	0,65
Id-Direttorat Ġenerali għall-Appoġġ tar-Riforma Strutturali – DĠ REFORM	0,00	0,10		0,00	0,32
Id-Direttorat Ġenerali għat-Tassazzjoni u l-Unjoni Doganali – DĠ TAXUD	4,02	4,70		4,19	3,24
Id-Direttorat Ġenerali għall-Edukazzjoni, iż-Żgħażagħ l-Isport u l-Kultura – DĠ EAC	0,82	0,61		1,80	0
Id-Direttorat Ġenerali għas-Saħħa u s-Sikurezza Alimentari – DĠ SANTE	8,38	7,69		2,69	8,74
Id-Direttorat Ġenerali għall-Migrazzjoni u l-Affarijiet Interni – DĠ HOME	4,26	4,81		5,99	3,56
Id-Direttorat Ġenerali għall-Ġustizzja u l-Konsumaturi – DĠ JUST	3,13	3,01		3,59	3,88
Id-Direttorat Ġenerali għall-Kummerċ – DĠ TRADE	6,02	3,81		10,18	5,18
Id-Direttorat Ġenerali għall-Politika tal-Viċinat u n-Negozjati għat-Tkabbir – DĠ NEAR	2,46	2,25		2,99	2,27
Id-Direttorat Ġenerali għall-Kooperazzjoni Internazzjonali u l-Iżvilupp – DĠ DEVCO	3,85	7,29		2,40	1,62
Id-Direttorat Ġenerali għall-Protezzjoni Ċivili u l-Operazzjonijiet tal-Għajnuna Umanitarja Ewropea – DĠ ECHO	0,44	0,72		0	0,65
Eurostat – ESTAT	0,23	0,26		0,30	0,97
Id-Direttorat Ġenerali għall-Interpretazzjoni – DĠ SCIC	0,08	0,02		0	0
Id-Direttorat Ġenerali għat-Traduzzjoni – DĠ DGT	0,23	0,06		0	0,32
L-Uffiċċju tal-Pubblikazzjonijiet tal-Unjoni Ewropea – OP	0,04	0,04		0,30	0
Is-Servizz għall-Istrumenti tal-Politika Barranija 4 – FPI	1,54	1,49		1,80	0,65
L-Uffiċċju tal-Infrastruttura u l-Loġistika fi Brussell – OIB	0,26	0,02		0,30	0
L-Uffiċċju Ewropew għas-Selezzjoni tal-Persunal – EPSO	0,30	0,15		2,99	1,29
Total (%)	100	100		100	100

6.Il-profil soċjali u professjonali tal-applikanti

	STADJU INIZJALI (%)			STADJU TA’ KONFERMA (%)
	2019	2020		2019	2020
Istituzzjoni akkademika/Grupp ta’ riflessjoni	12,18	10,69		4,79	6,15
Kumpanija/assoċjazzjoni ta’ Negozju	10,42	11,72		4,49	7,12
Ġurnalista	8,14	7,90		11,08	15,53
Kumpanija ġuridika/avukat indipendenti	9,36	8,92		14,37	12,94
MEP/assistent MEP	0,73	1,30		0,30	3,24
Organizzazzjoni mhux governattiva (NGO)	5,75	5,96		12,57	14,89
Stati Membri taħt ir-Regolament (KE) Nru 1049/2001	1,69	1,50		0,60	0,32
Awtorità (sub)nazzjonali	0,63	0,66		0,30	0
Mhux speċifikat (Ċittadini)	51,09	51,34		51,50	39,81
Total (%)	100	100		100	100

7.L-oriġini ġeografika tal-applikanti

	STADJU INIZJALI (%)			STADJU TA’ KONFERMA (%)
	2019	2020		2019	2020
L-Istati Membri tal- UE
Il-Belġju	30,95	30,63		33,23	27,51
Il-Bulgarija	0,93	0,49		0,30	0,97
Iċ-Ċekja	0,98	1,12		2,10	1,29
Id-Danimarka	1,88	1,71		1,50	0,32
Il-Ġermanja	11,91	11,91		14,07	15,53
L-Estonja	0,13	0,25		0	0
L-Irlanda	1,53	1,51		2,69	1,94
Il-Greċja	1,18	1,34		2,99	3,56
Spanja	5,94	5,16		12,87	6,80
Franza	8,01	8,81		5,09	6,47
Il-Kroazja	0,52	0,19		1,80	0,32
L-Italja	5,52	7,65		5,09	6,80
Ċipru	0,11	0,12		0,30	0
Il-Latvja	0,04	0,14		0	0,65
Il-Litwanja	0,46	0,50		0	0,65
Il-Lussemburgu	1,45	1,06		0	0,32
L-Ungerija	0,66	0,79		0	1,29
Malta	0,26	0,32		0	0,32
In-Netherlands	4,97	5,85		4,19	8,41
L-Awstrija	1,48	1,94		0,90	1,29
Il-Polonja	2,22	1,97		0,60	2,27
Il-Portugall	1,21	0,61		0,30	0,32
Ir-Rumanija	0,75	0,79		0	0,32
Is-Slovenja	0,30	0,31		0,60	0,32
Is-Slovakkja	0,38	0,50		0,60	0,32
Il-Finlandja	0,86	1,14		0,30	1,29
L-Iżvezja	0,99	1,46		0	0,32
Ir-Renju Unit	7,78	0,49		8,98	1,94
Pajjiżi terzi
Pajjiżi Ewropej li mhumiex fl-UE	3,88	9,36		0,90	7,77
L-Afrika	0,24	0,11		0	0
L-Asja	1,02	0,75		0,30	0,32
L-Awstralja u n-New Zealand	0,50	0,12		0	0
L-Amerika ta’ Fuq	0,95	0,75		0,30	0,32
L-Amerka t’Isfel	0,03	0,12		0	0
Mhux speċifikat 5	0	0		0	0
Total (%)	100	100		100	100

8.It-tip ta’ tweġibiet mogħtija fl-istadju inizjali

	2016		2017		2018		2019		2020
	Nru	%	Nru	%	Nru	%	Nru	%	Nru	%
Mogħti aċċess sħiħ	3 622	60,93	3 201	61,78	3 633	59,39	4018	52,79	4549	55,72
Mogħti aċċess parzjali	1 214	20,42	1 050	20,27	1 274	20,83	1888	24,80	2062	25,26
Aċċess irrifjutat	1 109	18,65	930	17,95	969	15,84	980	12,87	834	10,22
L-ebda dokumenti miżmuma	0	0	0	0	241	3,94	726	9,54	719	8,81
Total	5 944	100	5 181	100	6117	100	7612	100	8164	100

9.It-tip ta’ tweġibiet mogħtija fl-istadju ta’ konferma

	2016		2017		2018		2019		2020
	Nru	%	Nru	%	Nru	%	Nru	%	Nru	%
Reviżjoni sħiħa – Mogħti aċċess sħiħ	11	5,00	14	5,40	19	6,60	22	7,43	8	3,02
Reviżjoni parzjali – Mogħti aċċess parzjali	104	47,27	108	41,70	98	34,03	136	45,95	91	34,34
Konferma tar-risposta inizjali – Aċċess irrifjutat	105	47,73	137	52,90	120	41,67	89	30,07	131	49,43
L-ebda dokumenti miżmuma	0	0	0	0	51	17,70	49	16,55	35	13,21
Total	220	100	259	100	288	100	296	100	265	100

10.Ir-rifjut tal-aċċess skont l-eċċezzjoni applikata

Eċċezzjonijiet kif stabbiliti fl-Artikolu 4 tar-Regolament (KE) 1049/2001	STADJU INIZJALI (%)			STADJU TA’ KONFERMA (%)
	2019	2020		2019	2020
4.1(a) l-ewwel inċiż – Protezzjoni tal-interess pubbliku f’dak li jikkonċerna s-sigurtà pubblika	9,20	6,40		5,02	3,91
4.1(a) it-tieni inċiż – Protezzjoni tal-interess pubbliku f’dak li jikkonċerna d-difiża u l-kwistjonijiet militari	0,10	0,23		0	0
4.1(a) it-tielet inċiż – Protezzjoni tal-interess pubbliku f’dak li jikkonċerna r-relazzjonijiet internazzjonali	5,28	5,35		18,41	7,83
4.1(a) ir-raba’ inċiż – Protezzjoni tal-interess pubbliku f’dak li jikkonċerna l-politika finanzjarja, monetarja jew ekonomika tal-UE jew ta’ Stat Membru	0,66	1,74		0,84	1,74
4.1(b) – Protezzjoni tal-privatezza u tal-integrità tal-individwu	41,05	44,08		22,18	26,52
4.2, l-ewwel inċiż – Protezzjoni tal-interessi kummerċjali	15,01	14,24		12,13	14,35
4.2, it-tieni inċiż – Protezzjoni tal-proċedimenti fil-qrati u tal-pariri ġuridiċi	3,79	3,77		4,60	2,61
4.2, it-tielet inċiż – Protezzjoni tal-iskop tal-ispezzjonijiet, tal-investigazzjonijiet u tal-awditi	13,42	11,59		24,27	33,04
4.3, l-ewwel subparagrafu – Proċess ta’ teħid ta’ deċiżjonijiet fejn ma tkunx għadha ttieħdet deċiżjoni	10,16	9,71		8,37	4,78
4.3, it-tieni subparagrafu – Proċess ta’ teħid ta’deċiżjonijiet fejn diġà ttieħdet id-deċiżjoni (opinjonijiet għal użu intern bħala parti mid-deliberazzjonijiet u l-konsultazzjonijiet preliminari)	0,90	2,53		4,18	5,22
4.4 u 4.5, – Rifjut minn Stat Membru jew minn parti terza 6	0,43	0,36		/	/
Total (%)	100	100		100	100

(1)  Minħabba l-għażla ta’ algoritmu ġdid fl-2018 biex tkun tista’ tinġabar statistika aktar preċiża id-data miksuba mhijiex komparabbli ma’ dik tas-snin ta’ qabel.

(2)  Rikjesta waħda tista’ tikkonċerna diversi dokumenti u tista’ konsegwentement twassal għal diversi risposti differenti. Min-naħa l-oħra f’xi każijiet, diversi rikjesti jistgħu jinġabru flimkien u jagħtu lok għal risposta waħda biss. Dan l-għadd jikkomprendi t-tipi kollha ta’ segwiti provduti mill-Kummissjoni Ewropea li jestendu minn tweġibiet ipprovduti skont ir-Regolament (KE) Nru 1049/2001 (inklużi tweġibiet meta ma jkun qed jinżamm l-ebda dokument); għal reazzjonijiet ipprovduti skont oqsfa legali differenti (minħabba l-kontenut tal-applikazzjoni jew l-istatus tal-applikant eċċ); jew għeluq wara n-nuqqas tal-applikanti li jipprovdu l-kjarifiki mitluba jew li jwettqu rekwiżiti proċedurali.

(3)  Id-data dwar l-Uffiċċju Ewropew Kontra l-Frodi (OLAF) tikkonċerna l-applikazzjonijiet għall-aċċess għad-dokumenti marbuta mal-attivitajiet amministrattivi tiegħu li huma rreġistrati fl-istess sistema tal-IT użata minn dipartimenti oħra tal-Kummissjoni Ewropea (GestDem). L-applikazzjonijiet għall-aċċess għad-dokumenti marbuta mal-attivitajiet investigattivi tal-OLAF mhumiex is-suġġett ta’ dan ir-rapport.

(4)  Mill-ħolqien tas-Servizz Ewropew għall-Azzjoni Esterna (is-SEAE), id-dokumenti tas-Servizz tal-Istrumenti tal-Politika Barranija biss qed jinżammu fil-Kummissjoni Ewropea.

(5)  Din il-kategorija tidher fl-istatistika billi f’każijiet fejn l-applikazzjoni inizjali ma kinitx ippreżentata permezz tal-għodda onlajn ġiet ikkodifikata b’mod manwali u f’ċerti każijiet minħabba żball klerikali il-pajjiż tal-applikant ma kienx indikat fis-sistema tal-IT użata għall-ġestjoni tal-aċċess għad-dokumenti (GestDem).

(6)  Din il-kategorija ma għadhiex tintuża billi ma tikkostitwixxix eċċezzjoni fis-sens tal-Artikolu 4 tar-Regolament 1049/2001. Madankollu għadha tidher peress li d-data mhux ipproċessata disponibbli mhux dejjem ippermettiet ventilazzjoni skont l-eċċezzjoni tal-Artikolu 4 tar-Regolament 1049/2001.