17.9.2021 |
MT |
Il-Ġurnal Uffiċjali tal-Unjoni Ewropea |
C 379/27 |
Dikjarazzjoni tar-raġunijiet tal-Kunsill: Pożizzjoni (UE) Nru 34/2021 tal-Kunsill fl-ewwel qari bil-ħsieb tal-adozzjoni ta’ Regolament tal-Parlament Ewropew u tal-Kunsill li jistabbilixxi l-Istrument għall-Assistenza ta’ Qabel l-Adeżjoni (IPA III)
(2021/C 379/02)
I. INTRODUZZJONI
1. |
Fl-14 ta’ Ġunju 2018, il-Kummissjoni ressqet proposta għal Regolament tal-Parlament Ewropew u tal-Kunsill li jistabbilixxi l-Istrument għall-Assistenza ta’ Qabel l-Adeżjoni (IPA III) (1) taħt l-Intestatura 6 ("Viċinat u d-Dinja") tal-Qafas Finanzjarju Pluriennali (QFP) 2021-2027. |
2. |
Fil-Parlament Ewropew, il-fajl huwa assenjat lill-Kumitat għall-Affarijiet Barranin (AFET). Il-Parlament Ewropew adotta l-pożizzjoni tiegħu fis-27 ta’ Marzu 2019 (2). |
3. |
Il-Kumitat Ekonomiku u Soċjali Ewropew adotta opinjoni fis-sessjoni plenarja fit-12 ta’ Diċembru 2018 (3), u l-Kumitat tar-Reġjuni fis-sessjoni plenarja fil-5 u s-6 ta’ Diċembru 2018 (4). |
4. |
Il-proposta ġiet eżaminata mill-Grupp ta’ Ħidma dwar it-Tkabbir u l-Pajjiżi li qed Jinnegozjaw l-Adeżjoni mal-UE matul il-Presidenza Awstrijaka (5) u dik Rumena, u fid-19 ta’ Marzu 2019 il-Kunsill laħaq qbil dwar l-approċċ ġenerali parzjali (6). |
5. |
Il-konklużjonijiet tal-Kunsill Ewropew tal-21 ta’ Lulju 2020 ippermettew il-finalizzazzjoni tal-mandat għal negozjati tal-Kunsill mill-Kumitat tar-Rappreżentanti Permanenti fis-sessjoni tiegħu tat-28 ta’ Ottubru 2020 (7) wara diskussjonijiet ulterjuri fil-Grupp ta’ Ħidma dwar it-Tkabbir u l-Pajjiżi li qed Jinnegozjaw l-Adeżjoni mal-UE taħt il-Presidenza Ġermaniża. |
6. |
In-negozjati interistituzzjonali mal-Parlament Ewropew dwar l-Istrument propost bdew taħt il-Presidenza Finlandiża, u komplew taħt il-Presidenza Kroata, il-Presidenza Ġermaniża u dik Portugiża. |
7. |
It-trilogu informali finali sar fit-2 ta’ Ġunju 2021 u rriżulta fi qbil politiku dwar il-kwistjonijiet pendenti. Kienu meħtieġa aktar laqgħat tekniċi f’Ġunju 2021 biex il-ftehim jissawwar f’test leġiżlattiv u jiġu solvuti għadd ta’ dettalji pendenti, li sussegwentement ġew ikkonfermati bil-miktub bejn il-koleġiżlaturi. |
8. |
Fl-14 ta’ Ġunju 2021, il-ftehim proviżorju ġie ppreżentat lill-membri tal-Grupp ta’ Ħidma dwar it-Tkabbir u l-Pajjiżi li qed Jinnegozjaw l-Adeżjoni mal-UE, li ma kellu ebda oġġezzjoni għat-test. |
9. |
Il-Kumitat tar-Rappreżentanti Permanenti kkonferma t-test ta’ kompromess finali fit-28 ta’ Ġunju 2021 (8). |
10. |
Dak it-test tressaq għall-vot ta’ konferma mill-Kumitat għall-Affarijiet Barranin (AFET) tal-Parlament Ewropew fl-1 ta’ Lulju 2021. Fil-15 ta’ Lulju 2021, il-President tal-AFET iffirma ittra lill-President tal-Kumitat tar-Rappreżentanti Permanenti (Parti 2) li ssemmi li, jekk il-Kunsill jibgħat il-pożizzjoni tiegħu formalment lill-Parlament Ewropew fil-forma kif tinsab fl-anness għal dik l-ittra, huma kienu jirrakkomandaw lill-plenarja tal-Parlament Ewropew li l-pożizzjoni tal-Kunsill tiġi aċċettata mingħajr emendi, soġġett għal verifika mill-ġuristi lingwisti, fit-tieni qari tal-Parlament Ewropew. |
II. OBJETTIV
11. |
L-IPA III għandu l-għan li jappoġġa l-benefiċjarji fl-adozzjoni u fl-implimentazzjoni tar-riformi politiċi, istituzzjonali, ġuridiċi, amministrattivi, soċjali u ekonomiċi meħtieġa minn dawk il-benefiċjarji biex jikkonformaw mal-valuri tal-Unjoni u biex progressivament jallinjaw ruħhom mar-regoli, l-istandards, il-politiki u l-prattiki (l-"acquis") tal-Unjoni bil-ħsieb ta’ sħubija futura mal-Unjoni u b’hekk jikkontribwixxi għall-istabbiltà, is-sigurtà, il-paċi u l-prosperità reċiproka. L-IPA III jiżgura l-kontinwità mal-IPA II (li jkopri l-perijodu 2014-2020) u l-komplementarjetà ma’ strumenti (b’mod partikolari l-Istrument ta’ Viċinat, ta’ Kooperazzjoni għall-Iżvilupp u ta’ Kooperazzjoni Internazzjonali - Ewropa Globali) u ma’ politiki oħra (eż. dwar it-tibdil fil-klima) tal-Unjoni. |
III. ANALIŻI TAL-POŻIZZJONI TAL-KUNSILL FL-EWWEL QARI
12. |
Il-Parlament Ewropew u l-Kunsill kellhom negozjati bil-għan li jikkonkludu ftehim fl-istadju tal-pożizzjoni tal-Kunsill fl-ewwel qari ("ftehim bikri fit-tieni qari"). |
13. |
It-test tal-pożizzjoni tal-Kunsill fl-ewwel qari jirrifletti l-kompromess ġust milħuq fin-negozjati bejn il-Parlament Ewropew u l-Kunsill, iffaċilitat mill-Kummissjoni. |
14. |
Il-ftehim jiffoka fuq l-elementi li ġejjin:
|
IV. KONKLUŻJONI
15. |
Il-Kunsill jemmen li l-pożizzjoni tiegħu fl-ewwel qari hija rappreżentazzjoni bilanċjata tal-eżitu tan-negozjati informali bejn il-Kunsill u l-Parlament Ewropew bl-appoġġ tal-Kummissjoni, u li, ladarba jiġi adottat, ir-Regolament il-ġdid ser jissodisfa l-objettiv li jiġi żgurat finanzjament effiċjenti, koerenti u komprensiv għall-Assistenza ta’ Qabel l-Adeżjoni. |
(1) 10184/18 + ADD 1 + ADD 2
(2) 7802/19
(3) 15601/18
(4) 15622/18
(5) 15532/18
(6) 7539/19
(7) 12373/20
(8) 9890/21 + ADD1