IL-KUMMISSJONI EWROPEA

Brussell, 9.12.2020

COM(2020) 796 final

2020/0349(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2016/794, fir-rigward tal-kooperazzjoni tal-Europol ma’ partijiet privati, tal-ipproċessar ta’ data personali mill-Europol b’appoġġ għal investigazzjonijiet kriminali, u tar-rwol tal-Europol fir-riċerka u fl-innovazzjoni

{SEC(2020) 545 final} - {SWD(2020) 543 final} - {SWD(2020) 544 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet għall-proposta u l-objettivi tagħha

L-Ewropa qed taffaċċja sitwazzjoni ta’ sigurtà li ma tiqafx tinbidel, b’theddidiet għas-sigurtà li jevolvu dejjem aktar u dejjem aktar kumplessi. Il-kriminali jisfruttaw il-vantaġġi li jġibu magħhom it-trasformazzjoni diġitali 1 , it-teknoloġiji l-ġodda, il-globalizzazzjoni u l-mobbiltà, inklużi l-interkonnettività u n-nuqqas ta’ ċarezza tal-konfini bejn id-dinja fiżika u diġitali. 2 Avvenimenti riċenti 3 wrew għal darb’oħra li t-terroriżmu għadu theddida sinifikanti għal-libertà u għall-mod ta’ ħajja tal-Unjoni Ewropea u taċ-ċittadini tagħha. Il-kriżi tal-COVID-19 tkompli tgħarraq is-sitwazzjoni, hekk kif il-kriminali malajr ħatfu l-opportunitajiet sabiex jisfruttaw il-kriżi billi jadattaw il-modi ta’ operazzjoni tagħhom jew billi jiżviluppaw attivitajiet kriminali ġodda. 4 Għalkemm l-impatt sħiħ tal-kriżi tal-COVID-19 fuq is-sigurtà għadu mhuwiex evidenti, huwa mistenni li jifforma l-pajsaġġ tal-kriminalità serja u organizzata fl-UE fit-terminu medju u fit-tul. 5

Dawn it-theddidiet għas-sigurtà li qed jevolvu jitolbu appoġġ effettiv fil-livell tal-UE għall-ħidma tal-awtoritajiet nazzjonali tal-infurzar tal-liġi. Dawn it-theddidiet jinfirxu lil hinn mill-fruntieri, jinvolvu varjetà ta’ reati li huma jiffaċilitaw, u jidhru fi gruppi tal-kriminalità organizzata polikriminali 6 li jinvolvu ruħhom f’firxa wiesgħa ta’ attivitajiet kriminali. Peress li l-azzjoni fil-livell nazzjonali biss mhijiex biżżejjed sabiex tindirizza dawn l-isfidi transnazzjonali tas-sigurtà, l-awtoritajiet tal-infurzar tal-liġi tal-Istati Membri saru dejjem jużaw aktar l-appoġġ u l-għarfien espert li l-Europol, l-aġenzija tal-UE għall-kooperazzjoni fl-infurzar tal-liġi, toffri għall-ġlieda kontra l-kriminalità serja u t-terroriżmu. Il-Europol hija ċ-ċentru ewlieni għall-appoġġ fil-livell tal-UE lill-Istati Membri fil-ġlieda kontra l-kriminalità serja u t-terroriżmu. L-aġenzija toffri appoġġ u għarfien espert lill-awtoritajiet nazzjonali tal-infurzar tal-liġi fil-prevenzjoni u fil-ġlieda kontra l-kriminalità serja li taffettwa lil żewġ Stati Membri jew aktar, it-terroriżmu u forom oħra ta’ kriminalità li jaffettwaw interess komuni kopert minn politika tal-Unjoni. Sa mid-dħul fis-seħħ tar-Regolament tal-2016 dwar il-Europol 7 , l-importanza operazzjonali tal-kompiti tal-aġenzija nbidlet b’mod sostanzjali. Pereżempju, l-appoġġ operazzjonali provdut miċ-Ċentru Ewropew għall-Ġlieda Kontra t-Terroriżmu tal-Europol żdied b’ħames darbiet matul dawn l-aħħar snin (minn 127 każ operazzjonali appoġġati fl-2016 għal 632 każ fl-2019). Iċ-Ċentru issa huwa parti minn kważi kull investigazzjoni ewlenija kontra t-terroriżmu fl-UE.

It-theddida mit-terroriżmu fl-Ewropa għadha kbira. 8 F’dikjarazzjoni konġunta mill-Ministri tal-Affarijiet Interni tal-UE tat-13 ta’ Novembru 2020 dwar l-attakki terroristiċi riċenti fl-Ewropa, il-Ministri “[jistiednu] lill-Kummissjoni tippreżenta proposta għar-reviżjoni tal-mandat tal-Europol b’bażi ġuridika b’saħħitha biex tittratta settijiet kbar ta’ data. L-Europol u speċjalment iċ-Ċentru Ewropew għall-Ġlieda Kontra t-Terroriżmu (ECTC) tagħha huma ta’ importanza fundamentali għall-appoġġ effettiv tal-istati membri fil-prevenzjoni u l-prosekuzzjoni tagħhom ta’ reati terroristiċi, u jeħtieġu jissaħħu.” 9

L-ambjent tat-theddidiet ibiddel ukoll it-tip ta’ appoġġ li l-Istati Membri jeħtieġu u jistennew mill-Europol bl-għan li ċ-ċittadini jinżammu sikuri, b’mod li ma kienx prevedibbli meta l-koleġiżlaturi nnegozjaw il-mandat kurrenti tal-Europol. Il-Konklużjonijiet tal-Kunsill ta’ Diċembru 2019 jirrikonoxxu “l-ħtieġa operazzjonali urġenti li l-Europol titlob u tirċievi data direttament mingħand partijiet privati”, filwaqt li jistiednu lill-Kummissjoni tadatta l-iskeda għar-rieżami tar-Regolament dwar il-Europol “fid-dawl tal-ħtieġa li l-awtoritajiet tal-infurzar tal-liġi fl-Ewropa jindirizzaw l-iżviluppi teknoloġiċi kontinwi”. 10 Hemm ħtieġa soċjali urġenti sabiex jiġu miġġielda reati serji mħejjija jew imwettqa bl-użu ta’ servizzi transkonfinali offruti minn partijiet privati 11 , b’mod partikolari reati ċibernetiċi. Filwaqt li din l-isfida hija parzjalment indirizzata mill-pakkett dwar l-evidenza elettronika 12 , hemm sitwazzjonijiet li fihom l-appoġġ tal-Europol ikun meħtieġ sabiex jiġu miġġielda b’mod effettiv it-theddidiet miġjuba miċ-ċiberkriminalità u mir-reati ffaċilitati miċ-ċibernetika, b’mod partikolari meta partijiet privati jfittxu li jirrapportaw tali reati.

Riżoluzzjoni tal-Parlament Ewropew ta’ Lulju 2020 titlob ukoll li l-Europol tissaħħaħ, filwaqt li tiddikjara li “t-tisħiħ tal-kapaċità tal-Europol li jitlob il-ftuħ ta’ investigazzjonijiet transfruntiera, b’mod partikolari f’każijiet ta’ attakki serji kontra l-informaturi u l-ġurnalisti investigattivi li għandhom rwol essenzjali fl-esponiment tal-korruzzjoni, il-frodi, il-ġestjoni ħażina u għemil ħażin ieħor fis-setturi pubbliċi u privati, għandu jkun prijorità.” 13

Minħabba l-isfond tas-sigurtà li qed jinbidel, il-Europol jeħtieġ li jkollha l-kapaċitajiet u l-għodod sabiex tappoġġa lill-Istati Membri b’mod effettiv fil-ġlieda kontra l-kriminalità serja u t-terroriżmu. Bi tweġiba għal ħtiġijiet operazzjonali urġenti u għat-talbiet mill-koleġiżlaturi għal appoġġ aktar b’saħħtu mill-Europol, il-Programm ta’ Ħidma tal-Kummissjoni għall-2020 ħabbar inizjattiva leġiżlattiva sabiex “[jissaħħaħ] ukoll il-mandat tal-Europol biex [tissaħħaħ] il-kooperazzjoni operattiva tal-pulizija”. Din hija wkoll azzjoni importanti tal-Istrateġija dwar l-Unjoni tas-Sigurtà tal-UE ta’ Lulju 2020. 14 F’konformità mas-sejħa tal-Linji Gwida Politiċi 15   sabiex “nagħmlu dak kollu li hu possibbli f’dak li għandu x’jaqsam mal-protezzjoni taċ-ċittadini tagħna”, din l-inizjattiva leġiżlattiva tindirizza dawk l-oqsma li fihom il-partijiet ikkonċernati jitolbu sostenn imsaħħaħ mill-Europol sabiex l-Istati Membri jkunu megħjuna jżommu liċ-ċittadini sikuri.

Għal dak l-għan, din il-proposta tfittex li ssaħħaħ il-mandat tal-Europol fi ħdan il-missjoni u l-kompiti tal-aġenzija kif stabbilit fit-Trattat 16 , b’mod partikolari billi:

·tippermetti lill-Europol tikkoopera b’mod effettiv ma’ partijiet privati, filwaqt li tindirizza n-nuqqas ta’ kooperazzjoni effettiva bejn partijiet privati u awtoritajiet tal-infurzar tal-liġi fil-ġlieda kontra l-użu ta’ servizzi transkonfinali, bħal servizzi ta’ komunikazzjoni, bankarji jew tat-trasport, minn kriminali;

·tippermetti lill-Europol tappoġġa b’mod effettiv lill-Istati Membri u l-investigazzjonijiet tagħhom bl-analiżi ta’ settijiet ta’ data kbar u kumplessi, filwaqt li tindirizza l-isfida tal-big data għall-awtoritajiet tal-infurzar tal-liġi;

·issaħħaħ ir-rwol tal-Europol fir-riċerka u fl-innovazzjoni, filwaqt li tindirizza l-lakuni rilevanti għall-infurzar tal-liġi;

·issaħħaħ il-kooperazzjoni tal-Europol ma’ pajjiżi terzi f’sitwazzjonijiet speċifiċi u fuq bażi ta’ każ b’każ għall-prevenzjoni u għall-ġlieda kontra reati li jaqgħu fil-kamp ta’ applikazzjoni tal-objettivi tal-Europol;

·tiċċara li l-Europol tista’ titlob, f’każijiet speċifiċi li fihom il-Europol tqis li jenħtieġ li tinbeda investigazzjoni kriminali, lill-awtoritajiet kompetenti ta’ Stat Membru sabiex jibdew, imexxu jew jikkoordinaw investigazzjoni ta’ reat li jaffettwa interess komuni kopert minn politika tal-Unjoni, mingħajr ir-rekwiżit ta’ dimensjoni transkonfinali tar-reat ikkonċernat; 17

·issaħħaħ il-kooperazzjoni tal-Europol mal-Uffiċċju tal-Prosekutur Pubbliku Ewropew (UPPE);

·tkompli ssaħħaħ il-qafas tal-protezzjoni tad-data applikabbli għall-Europol;

·tkompli ssaħħaħ is-sorveljanza parlamentari u l-akkontabilità tal-Europol.

Din l-inizjattiva leġiżlattiva hija marbuta ma’ proposta leġiżlattiva li temenda r-Regolament (UE) 2018/1862 dwar l-istabbiliment, it-tħaddim u l-użu tas-Sistema ta’ Informazzjoni ta’ Schengen (SIS) fil-qasam tal-kooperazzjoni tal-pulizija u l-kooperazzjoni ġudizzjarja f’materji kriminali sabiex il-Europol tkun tista’ ddaħħal data fis-SIS. Soġġett għall-konsultazzjoni tal-Istati Membri, dan ikun jippermetti lill-Europol iddaħħal data fis-SIS dwar l-involviment suspettat ta’ ċittadin ta’ pajjiż terz f’reat li fir-rigward tiegħu tkun kompetenti l-Europol.

Din l-inizjattiva leġiżlattiva hija parti minn pakkett ta’ miżuri ppreżentat mill-Kummissjoni fid-9 ta’ Diċembru 2020 sabiex tissaħħaħ ir-reazzjoni tal-Unjoni għat-theddida miġjuba mit-terroriżmu.

•Konsistenza mad-dispożizzjonijiet ta’ politika eżistenti fil-qasam ta’ politika

Din l-inizjattiva leġiżlattiva tqis firxa wiesgħa ta’ politiki tal-UE fil-qasam tas-sigurtà interna li ġew adottati jew li tnedew sa mid-dħul fis-seħħ tar-Regolament tal-2016 dwar il-Europol.

Fir-rigward tal-kooperazzjoni ma’ partijiet privati, din l-inizjattiva leġiżlattiva tqis l-inizjattivi relatati għat-tneħħija ta’ kontenut terroristiku online 18 u sabiex jittejjeb l-aċċess transkonfinali għall-evidenza elettronika. 19 Ladarba jiġi adottat, u fuq il-bażi tal-proposti tal-Kummissjoni, il-pakkett dwar l-evidenza elettronika jipprovdi lill-awtoritajiet nazzjonali tal-infurzar tal-liġi u ġudizzjarji b’Ordnijiet ta’ Produzzjoni Ewropej u b’Ordnijiet ta’ Preservazzjoni Ewropej sabiex jiksbu evidenza diġitali mingħand fornituri tas-servizzi għal investigazzjonijiet kriminali, irrispettivament mill-Istat Membru li fih ikun stabbilit il-fornitur jew tinħażen l-informazzjoni.

Fir-rigward tal-limiti fil-kondiviżjoni ta’ informazzjoni miksuba minn pajjiżi terzi dwar persuni suspettati u kriminali, il-valutazzjoni tal-għażliet sabiex tissaħħaħ din il-kondiviżjoni ta’ informazzjoni tqis il-ħidma li għaddejja favur l-interoperabbiltà 20 tas-sistemi ta’ informazzjoni tal-UE għall-ġestjoni tas-sigurtà, tal-fruntieri u tal-migrazzjoni u l-qafas legali tal-UE dwar sistemi tal-IT fuq skala kbira. Dan jinkludi sistemi ta’ informazzjoni tal-UE eżistenti jew ippjanati, jiġifieri s-Sistema ta’ Informazzjoni ta’ Schengen, 21 is-Sistema ta’ Dħul/Ħruġ tal-UE, 22 is-Sistema Ewropea ta’ Informazzjoni u ta’ Awtorizzazzjoni għall-Ivvjaġġar, 23 u t-titjib propost tas-Sistema ta’ Informazzjoni dwar il-Viża 24 u tas-sistema Eurodac. 25

Din l-inizjattiva leġiżlattiva tqis ukoll il-kooperazzjoni tal-Europol ma’ korpi jew ma’ aġenziji oħra tal-Unjoni, b’mod partikolari l-Uffiċċju tal-Prosekutur Pubbliku Ewropew 26 , il-Eurojust 27 bħala l-aġenzija tal-UE għall-kooperazzjoni fil-ġustizzja kriminali, l-ENISA bħala l-Aġenzija Ewropea għaċ-Ċibersigurtà 28 , l-Uffiċċju Ewropew Kontra l-Frodi (OLAF) 29 , u l-Aġenzija Ewropea għall-Gwardja tal-Fruntiera u tal-Kosta (Frontex). 30

•Konsistenza ma’ politiki oħrajn tal-Unjoni

Din l-inizjattiva leġiżlattiva tqis ukoll politiki rilevanti oħra tal-UE li ġew adottati jew li tnedew sa mid-dħul fis-seħħ tar-Regolament dwar il-Europol.

Din l-inizjattiva leġiżlattiva tqis bis-sħiħ il-leġiżlazzjoni rilevanti tal-UE dwar il-protezzjoni tad-data (ara t-taqsima 3 hawn taħt dwar id-drittijiet fundamentali).

Fir-rigward tal-innovazzjoni, din l-inizjattiva leġiżlattiva tqis il-finanzjament tal-UE relatat mas-sigurtà taħt Orizzont 2020, 31 il-Fond għas-Sigurtà Interna, 32 il-programm propost Orizzont Ewropa 33 u l-programm propost Ewropa Diġitali. 34 Hija tqis ukoll l-istrateġija Ewropea għad-data 35 u l-White Paper dwar l-Intelliġenza Artifiċjali 36 bħala l-ewwel pilastri tal-istrateġija diġitali l-ġdida tal-Kummissjoni, kif ukoll ix-xogħol li għaddej bħalissa bi tħejjija tal-governanza tal-ispazji komuni Ewropej tad-data.

Fir-rigward tal-kooperazzjoni tal-Europol ma’ pajjiżi terzi, din l-inizjattiva leġiżlattiva tqis il-politiki esterni tal-Unjoni, b’mod partikolari l-ħidma tad-delegazzjonijiet tal-UE u tal-esperti fil-ġlieda kontra t-terroriżmu/esperti tas-sigurtà f’pajjiżi terzi u missjonijiet u operazzjonijiet tal-politika ta’ sigurtà u ta’ difiża komuni.

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Sussidjarjetà

Skont il-prinċipju tas-sussidjarjetà stabbilit fl-Artikolu 5(3) tat-TUE, jenħtieġ li tittieħed azzjoni fil-livell tal-Unjoni biss meta l-għanijiet previsti ma jkunux jistgħu jintlaħqu b’mod suffiċjenti mill-Istati Membri waħedhom u, għalhekk, minħabba l-iskala jew l-effetti tal-azzjoni proposta, ikunu jistgħu jinkisbu aħjar mill-UE.

L-Istati Membri huma responsabbli għaż-żamma tal-liġi u tal-ordni u għas-salvagwardja tas-sigurtà interna. 37 Tabilħaqq, l-Unjoni għandha tirrispetta l-funzjonijiet Statali essenzjali tal-Istati Membri, inklużi ż-żamma tal-liġi u tal-ordni u s-salvagwardja tas-sigurtà nazzjonali. 38 Peress li l-kriminalità serja u t-terroriżmu ta’ spiss ikunu ta’ natura transnazzjonali, l-azzjoni fil-livell nazzjonali biss ma tistax tiġġilidhom b’mod effettiv. Din hija r-raġuni għaliex l-Istati Membri jagħżlu li jaħdmu flimkien fil-qafas tal-UE sabiex jindirizzaw it-theddidiet li jirriżultaw mill-kriminalità serja u mit-terroriżmu. Huma jfittxu li jikkoordinaw l-azzjoni tagħhom ta’ infurzar tal-liġi u jikkooperaw fl-indirizzar ta’ sfidi ta’ sigurtà komuni. Huma jiddeċiedu li jiġbru flimkien ir-riżorsi fil-livell tal-UE u jaqsmu l-għarfien espert. Bħala l-aġenzija tal-UE għall-kooperazzjoni fl-infurzar tal-liġi, il-Europol hija espressjoni qawwija ta’ dan l-isforz mill-Istati Membri sabiex iżommu liċ-ċittadini tagħhom sikuri billi jaħdmu flimkien. Il-Europol tipprovdi qafas għall-Istati Membri sabiex jikkoordinaw l-azzjoni tagħhom ta’ infurzar tal-liġi. L-Istati Membri jużaw l-uffiċjali ta’ kollegament tagħhom fil-Europol u l-mezz ta’ skambju ta’ informazzjoni li tipprovdi l-aġenzija għall-iskambju ta’ informazzjoni u jikkooperaw fl-investigazzjonijiet kriminali tagħhom. L-Istati Membri jiġbru flimkien ir-riżorsi billi jagħtu l-kompitu lill-Europol sabiex tipproċessa l-informazzjoni tagħhom fil-bażijiet ta’ data tagħha u tipprovdi analiżi konġunta. Huma jużaw l-għarfien espert dejjem akbar li l-Europol tiġbor flimkien dwar varjetà ta’ aspetti relatati mal-policing. Dan għamel lill-Europol l-aktar komponent viżibbli u effettiv tal-appoġġ fil-livell tal-UE għall-awtoritajiet tal-infurzar tal-liġi tal-Istati Membri.

It-theddidiet għas-sigurtà li qed jevolvu, xprunati mill-mod kif il-kriminali jisfruttaw il-vantaġġi li jġibu t-trasformazzjoni diġitali u t-teknoloġiji l-ġodda, jitolbu wkoll appoġġ effettiv fil-livell tal-UE għall-ħidma tal-awtoritajiet nazzjonali tal-infurzar tal-liġi. Naturalment, hemm differenzi fil-mod kif Stati Membri individwali, ir-reġjuni tagħhom u l-komunitajiet lokali jikkonfrontaw tipi speċifiċi ta’ kriminalità. Din hija r-raġuni għaliex l-awtoritajiet tal-infurzar tal-liġi tagħhom jistgħu jagħżlu fejn għandhom ifittxu appoġġ fil-livell tal-UE mill-Europol u liema inizjattivi konġunti għandhom jipparteċipaw fihom. Fi kwalunkwe każ, l-awtoritajiet tal-infurzar tal-liġi fl-Istati Membri, fir-reġjuni u fil-livelli lokali kollha jaffaċċjaw l-istess theddidiet għas-sigurtà li qed jevolvu. Konsegwentement, hemm il-ħtieġa għal azzjoni tal-UE sabiex iżżid l-appoġġ lill-Istati Membri fil-ġlieda kontra l-kriminalità serja u t-terroriżmu bl-għan li jżommu l-pass ma’ dawn it-theddidiet.

Fil-fatt, l-Istati Membri waħedhom ma jkunux kapaċi jittrattaw b’mod effettiv l-isfidi kollha indirizzati minn din il-proposta:

·Fir-rigward tan-nuqqas ta’ kooperazzjoni effettiva bejn il-partijiet privati u l-awtoritajiet tal-infurzar tal-liġi sabiex jiġi miġġieled l-abbuż tas-servizzi transkonfinali mill-kriminali, l-awtoritajiet nazzjonali waħedhom ma jistgħux janalizzaw b’mod effettiv settijiet ta’ data multiġurisdizzjonali jew mhux attribwibbli, peress li tkun meħtieġa ħidma intensiva ħafna fir-riżorsi sabiex isiru tfittxijiet f’settijiet ta’ data kbar bl-għan li tiġi identifikata d-data rilevanti għall-ġurisdizzjoni jew għall-ġurisdizzjonijiet rispettivi, b’mod partikolari meta l-Istati Membri kkonċernati ma jkunux għadhom ġew identifikati. Inkella, jekk l-awtoritajiet nazzjonali tal-infurzar tal-liġi jiksbu settijiet iżgħar ta’ data mmirati lejn il-ġurisdizzjoni rispettiva tagħhom, ma jkollhomx l-istampa sħiħa tal-intelligence. Barra minn hekk, l-Istati Membri ma jistgħux jindirizzaw dawn il-problemi b’mod effettiv permezz ta’ kooperazzjoni intergovernattiva, li permezz tagħha l-Istat Membru ta’ stabbiliment kellu jirċievi d-data, janalizzaha u mbagħad iqassamha lill-Istati Membri kkonċernati. Dan ma jkunx jinvolvi biss implikazzjonijiet sproporzjonati fuq ir-riżorsi għall-Istati Membri ta’ stabbiliment, iżda anki diffikultajiet legali f’sitwazzjonijiet, li fihom l-attività kriminali ma jkollha l-ebda rabta jew rabta limitata mal-ġurisdizzjoni ta’ dak l-Istat Membru.

·Fir-rigward tal-isfida tal-big data għall-infurzar tal-liġi, l-Istati Membri ma jistgħux jidentifikaw rabtiet transkonfinali bħal dawn permezz tal-analiżi minnhom stess ta’ settijiet ta’ data kbar fil-livell nazzjonali, peress li jkunu niqsin mid-data korrispondenti dwar reati u kriminali oħra fi Stati Membri oħra. Barra minn hekk, xi Stati Membri jaf mhux dejjem ikollhom l-għodod tal-IT, l-għarfien espert u r-riżorsi meħtieġa sabiex janalizzaw settijiet ta’ data kbar u kumplessi.

·Fir-rigward tal-lakuni fir-riċerka u fl-innovazzjoni rilevanti għall-infurzar tal-liġi, mhux l-Istati Membri kollha jistgħu jisfruttaw bis-sħiħ l-opportunitajiet ta’ teknoloġiji ġodda għall-ġlieda kontra l-kriminalità u t-terroriżmu, u sabiex jegħlbu l-isfidi miġjuba mill-użu ta’ dawn it-teknoloġiji minn kriminali u minn terroristi, minħabba l-investiment, ir-riżorsi u l-ħiliet li dan jirrikjedi.

·Fir-rigward tal-limitazzjonijiet fil-kooperazzjoni fl-infurzar tal-liġi ma’ pajjiżi terzi, il-Europol jista’ jkollha rwol importanti fl-espansjoni tal-kooperazzjoni tagħha ma’ pajjiżi terzi fil-ġlieda kontra l-kriminalità u t-terroriżmu filwaqt li tiżgura l-koerenza ma’ politiki esterni u ma’ għodod oħra tal-UE.

·Fir-rigward ta’ reati li jaffettwaw interess komuni kopert minn politika tal-Unjoni, l-Istat Membru jista’ jitlob appoġġ għall-investigazzjoni b’mod effettiv tat-tali reati.

•Proporzjonalità

Skont il-prinċipju tal-proporzjonalità stabbilit fl-Artikolu 5(4) tat-TUE, jeħtieġ li n-natura u l-intensità ta’ miżura partikolari jkunu jaqblu mal-problema identifikata. Il-problemi kollha indirizzati f’din l-inizjattiva leġiżlattiva jitolbu, b’xi mod jew ieħor, appoġġ fil-livell tal-UE għall-Istati Membri sabiex jindirizzaw dawn il-problemi b’mod effettiv:

·Fir-rigward tan-nuqqas ta’ kooperazzjoni effettiva bejn partijiet privati u awtoritajiet tal-infurzar tal-liġi sabiex jegħlbu l-isfidi miġjuba mill-użu ta’ servizzi transkonfinali minn kriminali, bħas-servizzi ta’ komunikazzjoni, bankarji, jew tat-trasport, dawn il-problemi jistgħu jiġu indirizzati b’mod aktar effettiv u effiċjenti fil-livell tal-UE milli fil-livell nazzjonali, billi jiġu analizzati settijiet ta’ data multiġurisdizzjonali jew mhux attribwibbli fil-livell tal-UE sabiex tiġi identifikata d-data rilevanti għall-Istati Membri rispettivi kkonċernati, u billi jinħoloq kanal fil-livell tal-UE għal talbiet li jkun fihom data personali lil partijiet privati.

·Fir-rigward tal-isfida tal-big data għall-infurzar tal-liġi, dawn il-problemi jistgħu jiġu indirizzati b’mod aktar effettiv u effiċjenti fil-livell tal-UE milli fil-livell nazzjonali, billi l-Istati Membri jiġu megħjuna jipproċessaw settijiet ta’ data kbar u kumplessi sabiex isostnu l-investigazzjonijiet kriminali tagħhom bi spunti transkonfinali. Dan jinkludi t-tekniki tal-forensika diġitali sabiex tiġu identifikata l-informazzjoni meħtieġa u jiġu individwati r-rabtiet ma’ reati u ma’ kriminali fi Stati Membri oħra.

·Fir-rigward ta’ lakuni fir-riċerka u fl-innovazzjoni rilevanti għall-infurzar tal-liġi, u minħabba l-investimenti tekniċi u finanzjarji sinifikanti meħtieġa, dawn il-problemi jistgħu jiġu indirizzati b’mod aktar effettiv u effiċjenti fil-livell tal-UE milli fil-livell nazzjonali, billi jinħolqu sinerġiji u jinkisbu ekonomiji ta’ skala. Sabiex dan iġib l-aktar valur miżjud f’termini ta’ finanzjament tal-UE għar-riċerka dwar is-sigurtà, hemm il-ħtieġa li titneħħa l-lakuna fil-koordinazzjoni tal-ħtiġijiet tar-riċerka u tal-innovazzjoni min-naħa tal-infurzar tal-liġi. Barra minn hekk, l-innovazzjoni u l-iżvilupp ta’ teknoloġiji ġodda ta’ spiss jiddependu mid-disponibbiltà ta’ ammonti kbar ta’ data, li jistgħu jinkisbu aħjar fil-livell tal-UE. Billi jippromwovi l-iżvilupp ta’ għodod tal-UE għall-ġlieda kontra l-kriminalità serja u t-terroriżmu, approċċ tal-UE għall-innovazzjoni jqis id-dimensjoni transkonfinali ta’ ħafna mit-theddidiet għas-sigurtà tal-lum, kif ukoll il-ħtieġa għal kooperazzjoni transkonfinali fost l-awtoritajiet tal-infurzar tal-liġi sabiex jindirizzaw dawn it-theddidiet.

·Fir-rigward tal-inċertezzi dwar l-użu ta’ mekkaniżmi mill-Europol għall-iskambju ta’ data personali ma’ pajjiżi terzi, il-limitazzjonijiet fir-Regolament (UE) 2016/794, li jistgħu jipprevjenu kooperazzjoni effettiva ma’ pajjiżi terzi, jistgħu jiġu indirizzati b’mod effettiv fil-livell tal-UE.

·Fir-rigward ta’ reati li jaffettwaw interess komuni kopert minn politika tal-Unjoni, jista’ jkun meħtieġ appoġġ mil-livell tal-UE sabiex dawn ir-reati jiġu investigati b’mod effettiv.

Bħala l-aġenzija tal-UE għall-kooperazzjoni fl-infurzar tal-liġi, il-Europol tkun f’pożizzjoni tajba sabiex tipprovdi dan l-appoġġ fil-livell tal-UE. Fil-fatt, il-Europol uriet li hija effettiv ħafna fl-appoġġ lill-awtoritajiet nazzjonali tal-infurzar tal-liġi fil-ġlieda kontra l-kriminalità serja u t-terroriżmu. Il-konsultazzjoni mal-partijiet ikkonċernati li saret fit-tħejjija tal-valutazzjoni tal-impatt uriet livell għoli ħafna ta’ sodisfazzjon bil-Europol. Hemm sinerġiji u ekonomiji ta’ skala ċari għall-Istati Membri li jirriżultaw, pereżempju, mill-ipproċessar konġunt tal-informazzjoni mill-Europol, jew mill-għarfien espert li ċ-Ċentri speċjalizzati 39 jiġbru u joffru lill-Istati Membri. L-Istati Membri jistennew, u jeħtieġu operazzjonalment, l-istess livell ta’ appoġġ mill-Europol f’dak li għandu x’jaqsam mat-theddidiet għas-sigurtà li qed jevolvu.

•Għażla tal-istrument

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Konsultazzjonijiet mal-partijiet ikkonċernati

·il-konsultazzjoni dwar il-Valutazzjoni tal-Impatt tal-Bidu, li talbiet opinjonijiet mingħand il-partijiet interessati kollha;

·konsultazzjoni mmirata mal-partijiet ikkonċernati permezz ta’ kwestjonarju;

·intervisti ma’ esperti; kif ukoll

·workshops tematiċi mmirati għall-partijiet ikkonċernati li ffokaw fuq esperti fis-suġġett, inklużi prattikanti fil-livell nazzjonali. B’kunsiderazzjoni tat-teknikalitajiet u tal-ispeċifiċitajiet tas-suġġett, is-servizzi tal-Kummissjoni ffokaw fuq konsultazzjonijiet immirati, li jindirizzaw firxa wiesgħa ta’ partijiet ikkonċernati fil-livell nazzjonali u tal-UE.

•Ġbir u użu tal-għarfien espert

•Valutazzjoni tal-impatt

Ġew ikkunsidrati diversi għażliet ta’ politika leġiżlattivi jew mhux leġiżlattivi. Wara preselezzjoni li fiha xi għażliet kellhom jitwarrbu, l-għażliet ta’ politika li ġejjin ġew ivvalutati fid-dettall kollu:

(1)Għażliet ta’ politika li jindirizzaw l-objettiv I: kooperazzjoni effettiva bejn il-partijiet privati u l-infurzar tal-liġi

·għażla ta’ politika 1: il-Europol titħalla tipproċessa data riċevuta direttament mingħand partijiet privati

·għażla ta’ politika 2: il-Europol titħalla tiskambja data personali ma’ partijiet privati sabiex tistabbilixxi l-ġurisdizzjoni

·għażla ta’ politika 3: il-Europol titħalla tfittex direttament f’bażijiet ta’ data ġestiti minn partijiet privati

(2)Għażliet ta’ politika li jindirizzaw l-objettiv II: analiżi ta’ settijiet ta’ data kbar u kumplessi sabiex jiġu individwati rabtiet transkonfinali

·għażla ta’ politika 4: il-Europol tkun tista’ tanalizza settijiet ta’ data kbar u kumplessi

·għażla ta’ politika 5: l-introduzzjoni ta’ kategorija ġdida ta’ suġġetti tad-data (persuni mhux relatati ma’ reat) li d-data tagħhom tista’ tiġi pproċessata mill-Europol

(3)Għażliet ta’ politika li jindirizzaw l-objettiv III: l-użu ta’ teknoloġiji ġodda għall-infurzar tal-liġi

·għażla ta’ politika 6: ir-regolamentazzjoni tal-appoġġ tal-Europol għall-programm ta’ riċerka tal-UE dwar is-sigurtà, il-laboratorju tal-innovazzjoni fil-Europol, u l-appoġġ tal-Europol għaċ-ċentru tal-innovazzjoni tal-UE

·għażla ta’ politika 7: il-Europol tkun tista’ tipproċessa data personali għall-finijiet ta’ innovazzjoni fl-oqsma rilevanti għall-appoġġ tagħha għall-infurzar tal-liġi

Barra minn hekk, l-għażliet ta’ politika li ġejjin, li jwieġbu għas-sejħiet mill-koleġiżlaturi għal rwol imsaħħaħ tal-Europol u jinvolvu għażla ta’ politika ristretta notevolment minħabba restrizzjonijiet legali, ġew analizzati f’annessi separati għall-valutazzjoni tal-impatt, minħabba r-rilevanza tagħhom u għal raġunijiet ta’ kompletezza:

·għażla ta’ politika 8: il-Europol titħalla toħroġ allerti ta’ “verifika diskreta” fis-Sistema ta’ Informazzjoni ta’ Schengen

·għażla ta’ politika 9: l-introduzzjoni ta’ kategorija ġdida ta’ allerti fis-Sistema ta’ Informazzjoni ta’ Schengen li għandha tintuża esklussivament mill-Europol

·għażla ta’ politika 10: reviżjoni mmirata tad-dispożizzjonijiet dwar l-awtovalutazzjoni tal-livell adegwat ta’ salvagwardji

·għażla ta’ politika 11: reviżjoni mmirata li tallinja d-dispożizzjoni dwar it-trasferiment ta’ data personali f’sitwazzjonijiet speċifiċi mad-dispożizzjoni tad-Direttiva dwar il-Protezzjoni tad-Data fl-Infurzar tal-Liġi mill-Pulizija

·għażla ta’ politika 12: it-tiftix tal-aħjar prattiki u ta’ gwida dwar l-applikazzjoni tad-dispożizzjonijiet tar-Regolament dwar il-Europol

·għażla ta’ politika 13: it-tisħiħ tal-mekkaniżmu sabiex jintalab il-bidu ta’ investigazzjonijiet

·għażla ta’ politika 14: il-Europol tkun tista’ titlob il-bidu ta’ investigazzjonijiet kriminali f’każijiet li jaffettwaw biss Stat Membru wieħed li jikkonċernaw forom ta’ kriminalità li jaffettwaw interess komuni kopert minn politika tal-Unjoni, mingħajr ir-rekwiżit ta’ dimensjoni transkonfinali tar-reat ikkonċernat

Il-pakkett tal-għażliet ta’ politika ppreferuti (l-għażla ta’ politika 2, l-għażla ta’ politika 4 u l-għażla ta’ politika 7, l-għażla ta’ politika 9, l-għażla ta’ politika 11, l-għażla ta’ politika 12 u l-għażla ta’ politika 14) iwieġeb b’mod effettiv għall-problemi identifikati u jipprovdi lill-Europol b’għodod u b’kapaċitajiet b’saħħithom sabiex iżżid l-appoġġ tagħha lill-Istati Membri fil-ġlieda kontra t-theddidiet emerġenti, f’konformità sħiħa mad-drittijiet fundamentali.

•Drittijiet fundamentali

Minħabba l-importanza tal-ipproċessar ta’ data personali għax-xogħol tal-infurzar tal-liġi b’mod ġenerali, u għall-attivitajiet ta’ appoġġ ipprovduti mill-Europol b’mod partikolari, din l-inizjattiva leġiżlattiva tiffoka b’mod partikolari fuq il-ħtieġa li tiġi żgurata konformità sħiħa mad-drittijiet fundamentali kif minquxa fil-Karta tad-Drittijiet Fundamentali, u b’mod partikolari mad-drittijiet għall-protezzjoni ta’ data personali 43 u għar-rispett għall-ħajja privata. 44

Peress li kważi l-problemi, l-objettivi u l-għażliet ta’ politika kollha indirizzati fil-valutazzjoni tal-impatt mehmuża jinvolvu l-ipproċessar ta’ data personali, kwalunkwe limitazzjoni li tirriżulta fuq l-eżerċizzju tad-dritt fundamentali għall-protezzjoni ta’ data personali trid tkun limitata għal dak li huwa strettament neċessarju u proporzjonat. Drittijiet fundamentali oħra jistgħu jiġu affettwati wkoll, bħad-dritt fundamentali għan-nondiskriminazzjoni fil-kuntest tar-riċerka u tal-innovazzjoni. Il-kunsiderazzjoni bir-reqqa tad-drittijiet fundamentali fil-valutazzjoni tal-impatt mehmuża, u b’mod partikolari tad-drittijiet għall-protezzjoni ta’ data personali u għar-rispett tal-ħajja privata, hija bbażata fuq valutazzjoni dettaljata tal-għażliet ta’ politika f’termini tal-limitazzjonijiet tagħhom fuq l-eżerċizzju tad-drittijiet fundamentali stipulati fl-anness 5 tal-valutazzjoni tal-impatt li takkumpanja.

Il-valutazzjoni tad-drittijiet fundamentali fl-anness 5 tal-valutazzjoni tal-impatt mehmuża tapplika l-Gwida operazzjonali tal-Kummissjoni dwar il-kunsiderazzjoni tad-drittijiet fundamentali fil-valutazzjonijiet tal-impatt tal-Kummissjoni, 45 il-manwal mill-Aġenzija tad-Drittijiet Fundamentali dwar l-Applikazzjoni tal-Karta tad-Drittijiet Fundamentali, 46 u l-gwida 47 pprovduta mill-Kontrollur Ewropew għall-Protezzjoni tad-Data dwar il-valutazzjoni tan-neċessità u tal-proporzjonalità. Fuq il-bażi ta’ din il-gwida, l-anness 5 tal-valutazzjoni tal-impatt li takkumpanja dwar id-drittijiet fundamentali:

·jiddeskrivi l-għażliet ta’ politika mwarrba fi stadju bikri minħabba l-impatt negattiv serju tagħhom fuq id-drittijiet fundamentali;

·jistabbilixxi valutazzjoni pass pass tan-neċessità u tal-proporzjonalità;

·jiddeskrivi l-għażliet ta’ politika rifjutati jekk tkun disponibbli għażla anqas intrużiva iżda ugwalment effettiva; u

·jipprevedi lista sħiħa ta’ salvagwardji dettaljati għal dawk l-għażliet ta’ politika fejn tkun meħtieġa limitazzjoni fuq l-eżerċizzju tad-drittijiet fundamentali, anki minħabba n-nuqqas ta’ għażla anqas intrużiva iżda ugwalment effettiva.

4.IMPLIKAZZJONIJIET BAĠITARJI

Din l-inizjattiva leġiżlattiva jkollha impatt fuq il-baġit u fuq il-ħtiġijiet tal-persunal tal-Europol. Huwa stmat li baġit addizzjonali ta’ madwar EUR 180 miljun u madwar 160 impjieg addizzjonali jkunu meħtieġa għall-perjodu ġenerali tal-QFP sabiex jiġi żgurat li l-Europol ikollha r-riżorsi meħtieġa sabiex tinforza l-mandat rivedut tagħha. Għalhekk, il-kompiti l-ġodda għall-Europol proposti f’din l-inizjattiva leġiżlattiva jkunu jeħtieġu żieda fir-riżorsi finanzjarji u umani meta mqabbla mar-riżorsi allokati fil-proposta tal-Kummissjoni ta’ Mejju 2020 għall-Qafas Finanzjarju Pluriennali 2021-2027, li jippjana żieda annwali ta’ 2 % fil-kontribuzzjoni tal-UE lill-Europol. Dawn l-istimi kif ukoll il-baġit ġenerali u n-numru ta’ karigi huma soġġetti għall-eżitu tan-negozjati dwar il-Qafas Finanzjarju Pluriennali 2021-2027. Din il-kontribuzzjoni jenħtieġ li tistabbilizza wkoll il-ħtiġijiet tar-riżorsi tal-Europol matul il-perjodu tad-dikjarazzjoni finanzjarja leġiżlattiva. Din l-inizjattiva leġiżlattiva tiftaħ ukoll il-possibbiltà għall-Istati Membri li jikkontribwixxu direttament għall-baġit tal-Europol, meta dan ikun neċessarju u meħtieġ minn kompiti eżistenti jew ġodda.

5.ELEMENTI OĦRAJN

•Pjanijiet ta’ implimentazzjoni u arranġamenti ta’ monitoraġġ, ta’ evalwazzjoni u ta’ rapportar

•Spjegazzjoni dettaljata tad-dispożizzjonijiet speċifiċi tal-proposta

Din l-inizjattiva leġiżlattiva tipproponi l-kompiti l-ġodda li ġejjin għall-Europol:

·Il-Europol tkun tista’ tikkopera b’mod effettiv mal-partijiet privati: l-inizjattiva leġiżlattiva tistabbilixxi regoli għall-Europol sabiex tiskambja data personali ma’ partijiet privati u tanalizza din id-data bil-ħsieb li tidentifika l-Istati Membri kollha kkonċernati u tipprovdilhom l-informazzjoni meħtieġa sabiex jistabbilixxu l-ġurisdizzjoni tagħhom, anki fir-rigward tal-kontenut terroristiku online. Għal dan l-għan, jenħtieġ li l-Europol tkun tista’ tirċievi data personali mingħand partijiet privati, tinforma lit-tali partijiet privati dwar informazzjoni nieqsa, u titlob lill-Istati Membri jitolbu lil partijiet privati oħra sabiex jaqsmu aktar informazzjoni. Dawn ir-regoli jintroduċu wkoll il-possibbiltà li l-Europol taġixxi bħala kanal tekniku għall-iskambji bejn l-Istati Membri u l-partijiet privati. Dawn ir-raġunijiet legali l-ġodda jwieġbu għall-problemi li jaffaċċjaw il-partijiet privati u l-awtoritajiet tal-infurzar tal-liġi meta jikkooperaw dwar reati li fihom l-awtur tar-reat, il-vittmi u l-infrastruttura tal-IT rilevanti jkunu jinsabu taħt diversi ġurisdizzjonijiet fl-UE u lil hinn minnha, u jkunu jippermettu wkoll lill-Europol tappoġġa lill-awtoritajiet tal-infurzar tal-liġi fl-interazzjonijiet tagħhom ma’ partijiet privati dwar it-tneħħija ta’ kontenut terroristiku online u kwistjonijiet rilevanti oħra. [Artikolu 26]

·Il-Europol tkun tista’ tiskambja data personali ma’ partijiet privati b’rabta ma’ rispons għall-kriżijiet: L-inizjattiva leġiżlattiva tistabbilixxi regoli għall-Europol sabiex tappoġġa lill-Istati Membri fil-prevenzjoni tat-tixrid fuq skala kbira, permezz ta’ pjattaformi online, ta’ kontenut terroristiku relatat ma’ avvenimenti kurrenti jew riċenti li seħħew fid-dinja reali li juru ħsara għall-ħajja jew għall-integrità fiżika, jew li jinstigaw ħsara imminenti għall-ħajja jew għall-integrità fiżika. Għal dan l-għan, il-Europol se tkun tista’ tiskambja data personali ma’ partijiet privati, inklużi hashes, indirizzi IP jew URLs relatati ma’ kontenut bħal dan. [Artikolu 26a]

·Il-Europol tkun tista’ tipproċessa settijiet ta’ data kbar u kumplessi: L-inizjattiva leġiżlattiva tistabbilixxi regoli għall-Europol sabiex tivverifika jekk id-data personali riċevuta fil-kuntest tal-prevenzjoni u tal-ġlieda kontra r-reati li jaqgħu fil-kamp ta’ applikazzjoni tal-objettivi tal-Europol tikkonformax mal-kategoriji ta’ suġġetti tad-data li d-data tagħhom tista’ tiġi pproċessata mill-Aġenzija. 48 Għal dak l-għan, l-inizjattiva leġiżlattiva tintroduċi l-possibbiltà li ssir preanaliżi tad-data personali riċevuta bl-uniku skop li jiġi ddeterminat jekk tali data taqax fil-kategoriji tas-suġġetti tad-data. Il-Kummissjoni tipproponi dawn ir-raġunijiet legali l-ġodda wara l-analiżi tagħha tad-Deċiżjoni tal-Kontrollur Ewropew għall-Protezzjoni tad-Data dwar l-isfida tal-big data tal-Europol. 49 [Artikolu 18(5a)]

·Il-Europol tkun tista’ tappoġġa b’mod effettiv investigazzjonijiet kriminali fl-Istati Membri jew mill-UPPE permezz tal-analiżi ta’ settijiet ta’ data kbar u kumplessi: L-inizjattiva leġislattiva tistabbilixxi regoli ġodda li jippermettu lill-Europol, f’każijiet ġustifikati li fihom tkun meħtieġa tappoġġa b’mod effettiv investigazzjoni kriminali speċifika fi Stat Membru jew mill-UPPE, tipproċessa data li l-awtoritajiet nazzjonali jew l-UPPE jkunu kisbu fil-kuntest ta’ dik l-investigazzjoni kriminali f’konformità mar-rekwiżiti u mas-salvagwardji proċedurali applikabbli skont il-liġi kriminali nazzjonali. Għal dak l-għan, u meta Stat Membru jew l-UPPE jitlob l-appoġġ analitiku tal-Europol għal investigazzjoni kriminali speċifika, l-inizjattiva leġiżlattiva tkun tintroduċi l-possibbiltà li l-Europol tipproċessa d-data kollha li tkun tinsab f’fajl ta’ każ investigattiv ipprovdut mill-Istat Membru jew mill-UPPE għal din l-investigazzjoni sakemm l-Europol tappoġġa dik l-investigazzjoni kriminali speċifika. Dan jista’ jinkludi informazzjoni pprovduta minn pajjiż terz fdat 50 fil-kuntest ta’ investigazzjoni kriminali speċifika, dment li din l-informazzjoni tkun meħtieġa għall-appoġġ mill-Europol għall-investigazzjoni kriminali speċifika fi Stat Membru. Barra minn hekk, l-inizjattiva leġislattiva tipprevedi l-possibbiltà li Stat Membru jew l-UPPE jitlob lill-Europol taħżen fajl ta’ każ investigattiv u l-eżitu tal-analiżi operazzjonali tagħha għall-iskop uniku li tiżgura l-veraċità, l-affidabbiltà u t-traċċabbiltà tal-proċess ta’ intelligence kriminali, u biss sakemm il-proċedimenti ġudizzjarji relatati ma’ dik l-investigazzjoni kriminali jkunu għadhom għaddejjin fi Stat Membru. Il-Kummissjoni tipproponi dawn ir-raġunijiet legali l-ġodda wara l-analiżi tagħha tad-Deċiżjoni tal-Kontrollur Ewropew għall-Protezzjoni tad-Data dwar l-isfida tal-big data tal-Europol. 51 [Artikolu 18a]

·It-tisħiħ tar-rwol tal-Europol fir-riċerka u fl-innovazzjoni: (a) Tassisti lill-Kummissjoni fl-identifikazzjoni ta’ temi ewlenin ta’ riċerka, fit-tfassil u fl-implimentazzjoni tal-programmi qafas tal-Unjoni għar-riċerka u għall-innovazzjoni li huma rilevanti għall-objettivi tal-Europol. [Artikolu 4(4a)] (b) Tappoġġa lill-Istati Membri fl-użu ta’ teknoloġiji emerġenti fil-prevenzjoni u fil-ġlieda kontra r-reati li jaqgħu fil-kamp ta’ applikazzjoni tal-objettivi tal-Europol, u fl-implimentazzjoni ta’ attivitajiet ta’ innovazzjoni inkluż bl-ipproċessar ta’ data personali meta jkun meħtieġ. [Artikolu 33a] (c) Tappoġġa l-iskrinjar ta’ każijiet speċifiċi ta’ investimenti diretti barranin fl-Unjoni li jikkonċernaw impriżi li jipprovdu teknoloġiji użati jew li qed jiġu żviluppati mill-Europol jew mill-Istati Membri għall-prevenzjoni u għall-investigazzjoni ta’ reati li jaqgħu fil-kamp ta’ applikazzjoni tal-objettivi tal-Europol. [Artikolu 4(4b)]

·Il-Europol tkun tista’ tidħol fis-Sistema ta’ Informazzjoni ta’ Schengen, soġġetta għal konsultazzjoni mal-Istati Membri, dwar l-involviment suspettat ta’ ċittadin ta’ pajjiż terz f’reat li fir-rigward tiegħu tkun kompetenti l-Europol. [Artikolu 4(1)(r)]

·Issaħħaħ il-kooperazzjoni tal-Europol ma’ pajjiżi terzi fil-prevenzjoni u fil-ġlieda kontra reati li jaqgħu fil-kamp ta’ applikazzjoni tal-objettivi tal-Europol: L-inizjattiva leġiżlattiva tipprevedi l-possibbiltà li d-Direttur Eżekuttiv tal-Europol jawtorizza kategoriji ta’ trasferimenti ta’ data personali lil pajjiżi terzi f’sitwazzjonijiet speċifiċi u fuq bażi ta’ każ b’każ, meta jkunu meħtieġa tali kategoriji ta’ trasferimenti. [Artikolu 25(5)]

·Issaħħaħ il-kooperazzjoni tal-Europol mal-Uffiċċju tal-Prosekutur Pubbliku Ewropew (UPPE), f’konformità mar-regoli dwar it-trażmissjoni ta’ data personali lill-korpi tal-Unjoni li huma applikabbli għall-Europol. [Artikolu 20a]

·Issaħħaħ il-kooperazzjoni tal-Europol mal-Uffiċċju Ewropew Kontra l-Frodi (OLAF) sabiex jiġu identifikati frodi, korruzzjoni u kwalunkwe attività illegali oħra li taffettwa l-interessi finanzjarji tal-Unjoni, f’konformità mar-regoli dwar it-trażmissjoni ta’ data personali lill-korpi tal-Unjoni li huma applikabbli għall-Europol. [Artikolu 21(8)]

·Tkun tista’ ssir analiżi operazzjonali konġunta bejn il-Europol u l-Istati Membri f’investigazzjonijiet speċifiċi. [Artikolu 20(2a)]

·Tkompli ssaħħaħ is-sorveljanza parlamentari u l-akkontabilità tal-Europol billi jiġu introdotti obbligi ġodda ta’ rapportar għall-Europol lill-Grupp Konġunt ta’ Skrutinju Parlamentari. [Artikolu 51]

Sabiex tkompli ssaħħaħ il-qafas tal-protezzjoni tad-data applikabbli għall-Europol, din l-inizjattiva leġiżlattiva:

·tipproponi li l-Artikolu 3 dwar id-definizzjonijiet u l-Kapitolu IX tar-Regolament (UE) 2018/1725 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni jsiru applikabbli għall-Europol, filwaqt li fir-rigward ta’ data personali amministrattiva, kapitoli oħra tar-Regolament 2018/1725 japplikaw għall-Europol. [Artikolu 27a].

·tallinja l-kliem dwar l-ipproċessar ta’ kategoriji speċjali ta’ data personali (data sensittiva) billi żżid id-data bijometrika mal-kategoriji speċjali ta’ data. [Artikolu 30]

·tintroduċi dispożizzjoni ġdida dwar l-ipproċessar ta’ data personali għar-riċerka u għall-innovazzjoni sabiex tqis kif xieraq ir-rwol aktar b’saħħtu li l-Europol se jkollha f’dawn l-oqsma u l-impatt tagħhom fuq l-ipproċessar ta’ data personali u tipprevedi salvagwardji addizzjonali. [Artikolu 33a]

·tintroduċi dispożizzjoni ġdida dwar iż-żamma ta’ rekords ta’ kategoriji ta’ attivitajiet ta’ pproċessar ta’ data sabiex tirrifletti l-prattika attwali. [Artikolu 39a]

·tiddeskrivi f’aktar dettall il-ħatra, il-pożizzjoni u l-kompiti tal-Uffiċjal tal-Protezzjoni tad-Data tal-Europol sabiex tenfasizza l-importanza ta’ din il-funzjoni, f’konformità mal-approċċ meħud matul il-modernizzazzjoni tal-acquis tal-UE dwar il-protezzjoni tad-data, li introduċa l-funzjoni tal-Uffiċjal tal-Protezzjoni tad-Data bħala komponent ewlieni tal-arkitettura tal-UE dwar il-protezzjoni tad-data. [Artikoli 41a sa c]

Din l-inizjattiva leġiżlattiva tipprevedi wkoll il-kjarifiki legali li ġejjin u għall-kodifikazzjoni tal-kompiti eżistenti tal-Europol:

·L-għoti ta’ appoġġ għall-unitajiet ta’ intervent speċjali tal-Istati Membri permezz tan-network ATLAS bħala pjattaforma ta’ kooperazzjoni ta’ 38 unità ta’ intervent speċjali tal-Istati Membri u tal-pajjiżi assoċjati. [Artikolu 4(1)(h)]

·L-għoti ta’ appoġġ lill-Istati Membri permezz tal-koordinazzjoni tar-rispons tal-awtoritajiet tal-infurzar tal-liġi għaċ-ċiberattakki. [Artikolu 4(1)(m)]

·L-għoti ta’ appoġġ lill-Istati Membri f’investigazzjonijiet kontra kriminali ta’ riskju għoli. [Artikolu 4(1)(q)]

·L-għoti ta’ appoġġ għall-mekkaniżmu ta’ evalwazzjoni u ta’ monitoraġġ b’għarfien espert, b’analiżi, b’rapporti u b’informazzjoni rilevanti oħra sabiex tiġi vverifikata l-applikazzjoni tal-acquis ta’ Schengen kif stabbilit mir-Regolament tal-Kunsill (UE) Nru 1053/2013. [Artikolu 4(1)(s)]

·L-iffaċilitar u l-appoġġ ta’ reazzjoni koordinata, koerenti, multidixxiplinari u minn diversi aġenziji għal theddidiet serji ta’ kriminalità permezz tal-Pjattaforma Multidixxiplinari Ewropea Kontra t-Theddidiet Kriminali. [Artikolu 4(2)]

·L-għoti ta’ appoġġ lill-Kummissjoni u lill-Istati Membri fit-twettiq ta’ valutazzjonijiet tar-riskju effettivi permezz tal-għoti ta’ analiżi tal-valutazzjoni tat-theddidiet fuq il-bażi tal-informazzjoni li l-Europol iżżomm dwar fenomeni u xejriet kriminali. [Artikolu 4(3)]

·Jiġi ċċarat li l-persunal tal-Europol jista’ jipprovdi appoġġ operazzjonali lill-awtoritajiet tal-infurzar tal-liġi tal-Istati Membri fuq il-post fl-operazzjonijiet u fl-investigazzjonijiet. [Artikolu 4(5)]

·Il-kjarifika li l-Europol tista’ titlob ukoll, f’każijiet speċifiċi li fihom il-Europol tqis li jenħtieġ li tinbeda investigazzjoni kriminali, lill-awtoritajiet kompetenti ta’ Stat Membru sabiex jibdew, imexxu jew jikkoordinaw investigazzjoni ta’ reat li jaffettwa interess komuni kopert minn politika tal-Unjoni, mingħajr ir-rekwiżit ta’ dimensjoni transkonfinali tar-reat ikkonċernat. [Artikolu 6(1)]

·L-għoti ta’ appoġġ lill-Istati Membri sabiex jinformaw lill-pubbliku dwar individwi mfittxija skont il-liġi nazzjonali fir-rigward ta’ reat kriminali li fir-rigward tiegħu tkun kompetenti l-Europol, permezz tas-sit web tal-Europol dwar l-aktar persuni maħrubin imfittxijin fl-Ewropa. [Artikolu 18(f)]

·Il-kjarifika li l-Istati Membri jistgħu jagħmlu r-riżultat tal-analiżi operazzjonali u forensika pprovduta mill-Europol disponibbli għall-awtoritajiet rilevanti tagħhom, inklużi l-prosekuturi u l-qrati kriminali, matul iċ-ċiklu tal-ħajja kollu tal-proċedimenti kriminali, f’konformità mar-restrizzjonijiet fuq l-użu applikabbli u mal-liġi proċedurali kriminali nazzjonali. [Artikolu 20(3)]

·Il-kjarifika li l-persunal tal-Europol jista’ jixhed fatti, li jkun sar jaf bihom fil-qadi ta’ dmirijietu jew fl-eżerċizzju tal-attivitajiet tiegħu, fi proċedimenti kriminali fl-Istati Membri. [Artikolu 20(5)]

2020/0349 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament (UE) 2016/794, fir-rigward tal-kooperazzjoni tal-Europol ma’ partijiet privati, tal-ipproċessar ta’ data personali mill-Europol b’appoġġ għal investigazzjonijiet kriminali, u tar-rwol tal-Europol fir-riċerka u fl-innovazzjoni

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 88 tiegħu,

Wara li kkunsidraw il-proposta mill-Kummissjoni Ewropea,

Wara t-trażmissjoni tal-abbozz tal-att leġiżlattiv lill-parlamenti nazzjonali,

Waqt li jaġixxu skont il-proċedura leġiżlattiva ordinarja,

Billi:

(1)L-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) twaqqfet permezz tar-Regolament (UE) 2016/794 tal-Parlament Ewropew u tal-Kunsill 52 sabiex tappoġġa u ssaħħaħ l-azzjoni meħuda mill-awtoritajiet kompetenti tal-Istati Membri u l-kooperazzjoni reċiproka tagħhom fil-prevenzjoni u fil-ġlieda kontra l-kriminalità serja li taffettwa żewġ Stati Membri jew aktar, it-terroriżmu u forom oħra ta’ kriminalità li jaffettwaw interess komuni kopert minn politika tal-Unjoni.

(2)L-Ewropa qed taffaċċja sitwazzjoni ta’ sigurtà li ma tiqafx tinbidel, b’theddidiet għas-sigurtà li jevolvu dejjem aktar u dejjem aktar kumplessi. Il-kriminali u t-terroristi jisfruttaw il-vantaġġi li jġibu magħhom it-trasformazzjoni diġitali u t-teknoloġiji l-ġodda, inklużi l-interkonnettività u n-nuqqas ta’ ċarezza tal-konfini bejn id-dinja fiżika u diġitali. Il-kriżi tal-COVID-19 kompliet tgħarraq is-sitwazzjoni, hekk kif il-kriminali malajr ħatfu l-opportunitajiet sabiex jisfruttaw il-kriżi billi jadattaw il-modi ta’ operazzjoni tagħhom jew billi jiżviluppaw attivitajiet kriminali ġodda. It-terroriżmu għadu theddida sinifikanti għal-libertà u għall-mod ta’ ħajja tal-Unjoni u taċ-ċittadini tagħha.

(3)Dawn it-theddidiet jinfirxu lil hinn mill-fruntieri, hekk kif jinvolvu varjetà ta’ reati li huma jiffaċilitaw, u jidhru fi gruppi tal-kriminalità organizzata polikriminali li jinvolvu ruħhom f’firxa wiesgħa ta’ attivitajiet kriminali. Peress li l-azzjoni fil-livell nazzjonali biss mhijiex biżżejjed sabiex tindirizza dawn l-isfidi transnazzjonali tas-sigurtà, l-awtoritajiet tal-infurzar tal-liġi tal-Istati Membri saru dejjem jużaw aktar l-appoġġ u l-għarfien espert li l-Europol toffri għall-ġlieda kontra l-kriminalità serja u t-terroriżmu. Minn meta sar applikabbli r-Regolament (UE) 2016/794, l-importanza operazzjonali tal-kompiti tal-Europol inbidlet b’mod sostanzjali. L-ambjent il-ġdid tat-theddidiet jibdel ukoll l-appoġġ li l-Istati Membri jeħtieġu u jistennew mill-Europol sabiex iżommu liċ-ċittadini sikuri.

(4)Hekk kif l-Ewropa qed taffaċċja theddidiet dejjem akbar minn gruppi ta’ kriminalità organizzata u minn attakki terroristiċi, rispons effettiv tal-infurzar tal-liġi jrid jinkludi d-disponibbiltà ta’ unitajiet ta’ intervent speċjali interoperabbli mħarrġa tajjeb speċjalizzati fil-kontroll ta’ sitwazzjonijiet ta’ kriżi. Fl-Unjoni, l-unitajiet tal-infurzar tal-liġi tal-Istat Membru jikkooperaw abbażi tad-Deċiżjoni tal-Kunsill 2008/617. 53 Il-Europol jenħtieġ li tkun tista’ tipprovdi appoġġ lil dawn l-unitajiet ta’ intervent speċjali, inkluż billi tipprovdi appoġġ operazzjonali, tekniku u finanzjarju.

(5)F’dawn l-aħħar snin, attakki ċibernetiċi fuq skala kbira xeħtu fil-mira tagħhom entitajiet kemm pubbliċi kif ukoll privati f’ħafna ġurisdizzjonijiet fl-Unjoni u lil hinn minnha, u affettwaw diversi setturi inklużi s-servizzi tat-trasport, tas-saħħa u dawk finanzjarji. Iċ-ċiberkriminalità u ċ-ċibersigurtà ma jistgħux ikunu mifruda f’ambjent interkonness. Il-prevenzjoni, l-investigazzjoni u l-prosekuzzjoni ta’ tali attivitajiet huma sostnuti mill-koordinazzjoni u mill-kooperazzjoni bejn l-atturi rilevanti, inklużi l-Aġenzija tal-Unjoni Ewropea għaċ-Ċibersigurtà (“ENISA”), l-awtoritajiet kompetenti għas-sigurtà tan-networks u tas-sistemi tal-informazzjoni (“awtoritajiet tal-NIS”) kif iddefiniti mid-Direttiva (UE) 2016/1148 54 , l-awtoritajiet tal-infurzar tal-liġi u partijiet privati. Sabiex tiġi żgurata l-kooperazzjoni effettiva bejn l-atturi rilevanti kollha fil-livell tal-Unjoni u dak nazzjonali dwar l-attakki ċibernetiċi u t-theddidiet għas-sigurtà, jenħtieġ li l-Europol tikkoopera mal-ENISA permezz tal-iskambju ta’ informazzjoni u billi tipprovdi appoġġ analitiku.

(6)Il-kriminali ta’ riskju għoli għandhom rwol ewlieni fin-networks kriminali u jippreżentaw riskju għoli ta’ kriminalità serja għas-sigurtà interna tal-Unjoni. Sabiex jiġu miġġielda gruppi ta’ kriminalità organizzata b’riskju għoli u l-membri ewlenin tagħhom, jenħtieġ li l-Europol tkun tista’ tappoġġa lill-Istati Membri fl-iffokar tar-rispons investigattiv tagħhom fuq l-identifikazzjoni ta’ dawn il-persuni, l-attivitajiet kriminali tagħhom u l-membri tan-networks kriminali tagħhom.

(7)It-theddidiet ikkawżati minn kriminalità serja jeħtieġu rispons koordinat, koerenti, multidixxiplinari u li jinvolvi diversi aġenziji. Jenħtieġ li l-Europol tkun tista’ tiffaċilita u tappoġġa inizjattivi ta’ sigurtà msejsa fuq l-intelligence mmexxija mill-Istati Membri sabiex jiġu identifikati, jingħataw prijorità u jiġu indirizzati theddidiet tal-kriminalità serja, bħall-Pjattaforma Multidixxiplinari Ewropea Kontra t-Theddid Kriminali. Jenħtieġ li l-Europol tkun tista’ tipprovdi appoġġ amministrattiv, loġistiku, finanzjarju u operazzjonali għal tali attivitajiet, b’appoġġ għall-identifikazzjoni ta’ prijoritajiet trażversali u l-implimentazzjoni ta’ għanijiet strateġiċi orizzontali fil-ġlieda kontra l-kriminalità serja.

(8)Is-Sistema ta’ Informazzjoni ta’ Schengen (SIS), stabbilita fil-qasam tal-kooperazzjoni tal-pulizija u tal-kooperazzjoni ġudizzjarja f’materji kriminali permezz tar-Regolament (UE) 2018/1862 tal-Parlament Ewropew u tal-Kunsill 55 56 , hija għodda essenzjali għaż-żamma ta’ livell għoli ta’ sigurtà fl-ispazju ta’ libertà, sigurtà u ġustizzja. Il-Europol, bħala ċentru għall-iskambju ta’ informazzjoni fl-Unjoni, tirċievi u żżomm informazzjoni siewja mingħand pajjiżi terzi u organizzazzjonijiet internazzjonali dwar persuni ssuspettati li jkunu involuti f’reati li jaqgħu fi ħdan il-kamp ta’ applikazzjoni tal-mandat tal-Europol. Wara konsultazzjoni mal-Istati Membri, jenħtieġ li l-Europol tkun tista’ ddaħħal data dwar dawn il-persuni fis-SIS sabiex din tkun disponibbli direttament u f’ħin reali għall-utenti finali tas-SIS.

(9)Il-Europol għandha rwol importanti fl-appoġġ tal-mekkaniżmu ta’ evalwazzjoni u ta’ monitoraġġ sabiex tivverifika l-applikazzjoni tal-acquis ta’ Schengen kif stabbilit mir-Regolament tal-Kunsill (UE) Nru 1053/2013. Minħabba l-ħtieġa li tissaħħaħ is-sigurtà interna tal-Unjoni, jenħtieġ li l-Europol tikkontribwixxi bl-għarfien espert, bl-analiżi, bir-rapporti u b’informazzjoni rilevanti oħra tagħha għall-proċess kollu ta’ evalwazzjoni u ta’ monitoraġġ, mill-programmazzjoni saż-żjarat fuq il-post u s-segwitu. Jenħtieġ li l-Europol tgħin ukoll fl-iżvilupp u fl-aġġornar tal-għodod ta’ evalwazzjoni u ta’ monitoraġġ.

(10)Il-valutazzjonijiet tar-riskju huma element essenzjali ta’ previżjoni sabiex jiġu antiċipati xejriet ġodda u sabiex jiġu indirizzati theddidiet ġodda fil-kriminalità serja u fit-terroriżmu. Sabiex tappoġġa lill-Kummissjoni u lill-Istati Membri fit-twettiq ta’ valutazzjonijiet effettivi tar-riskju, jenħtieġ li l-Europol tipprovdi analiżi tal-valutazzjoni tat-theddidiet ibbażata fuq l-informazzjoni li jkollha dwar fenomeni u xejriet kriminali, mingħajr preġudizzju għad-dispożizzjonijiet tad-dritt tal-UE dwar il-ġestjoni tar-riskju doganali.

(11)Sabiex il-finanzjament tal-UE għar-riċerka dwar is-sigurtà jiġi megħjun jiżviluppa l-potenzjal sħiħ tiegħu u jindirizza l-ħtiġijiet tal-infurzar tal-liġi, jenħtieġ li l-Europol tassisti lill-Kummissjoni fl-identifikazzjoni ta’ temi ewlenin ta’ riċerka, fit-tfassil u fl-implimentazzjoni tal-programmi qafas tal-Unjoni għar-riċerka u għall-innovazzjoni li huma rilevanti għall-objettivi tal-Europol Meta l-Europol tassisti lill-Kummissjoni fl-identifikazzjoni ta’ temi ewlenin ta’ riċerka, fit-tfassil u fl-implimentazzjoni ta’ programm qafas tal-Unjoni, jenħtieġ li ma tirċivix finanzjament minn dak il-programm f’konformità mal-prinċipju tal-kunflitt ta’ interess.

(12)Huwa possibbli li l-Unjoni u l-Istati Membri jadottaw miżuri restrittivi relatati mal-investiment dirett barrani għal raġunijiet ta’ sigurtà jew ta’ ordni pubbliku. Għal dak l-għan, ir-Regolament (UE) 2019/452 tal-Parlament Ewropew u tal-Kunsill 57 jistabbilixxi qafas għall-iskrinjar tal-investimenti diretti barranin fl-Unjoni li jipprovdi lill-Istati Membri u lill-Kummissjoni bil-mezzi sabiex jindirizzaw ir-riskji għas-sigurtà jew għall-ordni pubbliku b’mod komprensiv. Bħala parti mill-valutazzjoni tal-implikazzjonijiet mistennija għas-sigurtà jew għall-ordni pubbliku, jenħtieġ li l-Europol tappoġġa l-iskrinjar ta’ każijiet speċifiċi ta’ investimenti diretti barranin fl-Unjoni li jikkonċernaw impriżi li jipprovdu teknoloġiji użati jew li qed jiġu żviluppati mill-Europol jew mill-Istati Membri għall-prevenzjoni u għall-investigazzjoni ta’ reati.

(13)Il-Europol tipprovdi għarfien espert speċjalizzat għall-ġlieda kontra l-kriminalità serja u t-terroriżmu. Fuq talba ta’ Stat Membru, jenħtieġ li l-persunal tal-Europol ikun jista’ jipprovdi appoġġ operazzjonali lill-awtoritajiet tal-infurzar tal-liġi ta’ dak l-Istat Membru fuq il-post fl-operazzjonijiet u fl-investigazzjonijiet, b’mod partikolari billi jiffaċilita l-iskambju ta’ informazzjoni transkonfinali u jipprovdi appoġġ forensika u tekniku fl-operazzjonijiet u fl-investigazzjonijiet, inkluż fil-kuntest ta’ skwadri ta’ investigazzjoni konġunti. Fuq talba ta’ Stat Membru, jenħtieġ li l-persunal tal-Europol ikun intitolat li jkun preżenti meta jittieħdu miżuri investigattivi f’dak l-Istat Membru u jassisti fit-teħid ta’ dawn il-miżuri investigattivi. Jenħtieġ li l-persunal tal-Europol ma jkollux is-setgħa li jwettaq miżuri investigattivi.

(14)Wieħed mill-objettivi tal-Europol huwa li tappoġġa u ssaħħaħ l-azzjoni mill-awtoritajiet kompetenti tal-Istati Membri u l-kooperazzjoni reċiproka tagħhom fil-prevenzjoni u fil-ġlieda kontra forom ta’ kriminalità li jaffettwaw interess komuni kopert minn politika tal-Unjoni. Sabiex issaħħaħ dak l-appoġġ, jenħtieġ li l-Europol tkun tista’ titlob lill-awtoritajiet kompetenti ta’ Stat Membru sabiex jibdew, iwettqu jew jikkoordinaw investigazzjoni kriminali ta’ reat, li jaffettwa interess komuni kopert minn politika tal-Unjoni, anki meta r-reat ikkonċernat ma jkunx ta’ natura transkonfinali. Jenħtieġ li l-Europol tinforma lill-Eurojust dwar talbiet bħal dawn.

(15)Il-pubblikazzjoni tal-identità u ta’ ċerta data personali ta’ persuni suspettati jew misjuba ħatja, li jkunu mfittxija fuq il-bażi ta’ deċiżjoni ġudizzjarja ta’ Stat Membru, iżżid il-possibbiltajiet ta’ lokalizzazzjoni u ta’ arrest ta’ dawn l-individwi. Sabiex l-Istati Membri jiġu appoġġati f’dan il-kompitu, jenħtieġ li l-Europol tkun tista’ tippubblika fuq is-sit web tagħha informazzjoni dwar l-aktar persuni maħruba mfittxija fl-Ewropa għal reati kriminali li fir-rigward tagħhom tkun kompetenti l-Europol, u tiffaċilita l-provvista ta’ informazzjoni mill-pubbliku dwar dawn l-individwi.

(16)Sabiex jiġi żgurat li l-ipproċessar ta’ data personali mill-Europol ikun limitat għall-kategoriji ta’ suġġetti tad-data li d-data tagħhom tista’ tiġi pproċessata skont dan ir-Regolament, jenħtieġ li l-Europol tkun tista’ tivverifika jekk id-data personali riċevuta fil-kuntest tal-prevenzjoni u tal-ġlieda kontra r-reati li jaqgħu fi ħdan il-kamp ta’ applikazzjoni tal-objettivi tal-Europol tikkorrispondix għal waħda minn dawk il-kategoriji ta’ suġġetti tad-data. Għal dak l-għan, jenħtieġ li l-Europol tkun tista’ twettaq preanaliżi tad-data personali riċevuta bl-uniku skop li jiġi ddeterminat jekk tali data taqax f’dawk il-kategoriji tas-suġġetti tad-data. Għal dan l-għan, jenħtieġ li l-Europol tkun tista’ tiffiltra d-data billi tivverifikaha ma’ data diġà miżmuma mill-Europol. Din il-preanaliżi jenħtieġ li ssir qabel l-ipproċessar tad-data tal-Europol għall-kontroverifika, għall-analiżi strateġika, għall-analiżi operazzjonali jew għall-iskambju ta’ informazzjoni. Jekk il-preanaliżi tindika li d-data personali ma taqax fi ħdan il-kategoriji tas-suġġetti tad-data li d-data tagħhom tista’ tiġi pproċessata skont dan ir-Regolament, jenħtieġ li l-Europol tħassar dik id-data.

(17)Id-data miġbura fl-investigazzjonijiet kriminali kienet qed tiżdied fid-daqs u saret aktar kumplessa. L-Istati Membri jippreżentaw settijiet ta’ data kbar u kumplessi lill-Europol, u jitolbu l-analiżi operazzjonali tal-Europol sabiex jinstabu rabtiet ma’ reati u ma’ persuni kriminali oħra fi Stati Membri oħra u barra l-Unjoni. L-Istati Membri ma jistgħux jidentifikaw rabtiet transkonfinali bħal dawn permezz ta’ analiżi tagħhom stess tad-data. Jenħtieġ li l-Europol tkun tista’ tappoġġa l-investigazzjonijiet kriminali tal-Istati Membri billi tipproċessa settijiet ta’ data kbar u kumplessi sabiex jiġu individwati tali rabtiet transkonfinali meta jkunu ssodisfati r-rekwiżiti stretti stabbiliti f’dan ir-Regolament. Meta dan ikun meħtieġ sabiex tiġi appoġġata b’mod effettiv investigazzjoni kriminali speċifika fi Stat Membru, jenħtieġ li l-Europol tkun tista’ jipproċessa dawk is-settijiet ta’ data li l-awtoritajiet nazzjonali jkunu kisbu fil-kuntest ta’ dik l-investigazzjoni kriminali f’konformità mar-rekwiżiti u mas-salvagwardji proċedurali applikabbli skont il-liġi kriminali nazzjonali tagħhom u sussegwentement sottomessi lill-Europol. Meta Stat Membru jipprovdi lill-Europol b’fajl ta’ każ investigattiv u jitlob l-appoġġ tal-Europol f’investigazzjoni kriminali speċifika, jenħtieġ li l-Europol tkun tista’ tipproċessa d-data kollha li tinsab f’dak il-fajl sakemm tibqa’ tappoġġa dik l-investigazzjoni kriminali speċifika. Jenħtieġ ukoll li l-Europol tkun tista’ tipproċessa data personali li tkun meħtieġa għall-appoġġ tagħha għal investigazzjoni kriminali speċifika fi Stat Membru jekk dik id-data toriġina minn pajjiż terz, dment li l-pajjiż terz ikun soġġett għal deċiżjoni tal-Kummissjoni li tikkonkludi li l-pajjiż jiżgura livell adegwat ta’ protezzjoni tad-data (“deċiżjoni ta’ adegwatezza”), jew, fin-nuqqas ta’ deċiżjoni ta’ adegwatezza, ftehim internazzjonali konkluż mill-Unjoni skont l-Artikolu 218 tat-TFUE, jew ftehim ta’ kooperazzjoni li jippermetti l-iskambju ta’ data personali konkluż bejn il-Europol u l-pajjiż terz qabel id-dħul fis-seħħ tar-Regolament (UE) 2016/794, u dment li l-pajjiż terz ikun kiseb id-data fil-kuntest ta’ investigazzjoni kriminali f’konformità mar-rekwiżiti u mas-salvagwardji proċedurali applikabbli skont il-liġi kriminali nazzjonali tiegħu.

(18)Sabiex jiġi żgurat li kwalunkwe pproċessar ta’ data jkun meħtieġ u proporzjonat, jenħtieġ li l-Istati Membri jiżguraw konformità mad-dritt nazzjonali u tal-Unjoni meta jippreżentaw fajl ta’ każ investigattiv lill-Europol. Jenħtieġ li l-Europol tivverifika jekk, sabiex tappoġġa investigazzjoni kriminali speċifika, huwiex meħtieġ u proporzjonat li tiġi pproċessata data personali li ma tistax taqa’ fil-kategoriji ta’ suġġetti tad-data li d-data tagħhom tista’ ġeneralment tiġi pproċessata skont l-Anness II tar-Regolament (UE) 2016/794. Jenħtieġ li l-Europol tiddokumenta dik il-valutazzjoni. Jenħtieġ li l-Europol taħżen tali data b’separazzjoni funzjonali minn data oħra u jenħtieġ li tipproċessaha biss meta jkun hemm bżonn għall-appoġġ tagħha għall-investigazzjoni kriminali speċifika, bħal fil-każ ta’ spunt ġdid fl-investigazzjoni.

(19)Sabiex jiġi żgurat li Stat Membru jkun jista’ juża r-rapporti analitiċi tal-Europol bħala parti mill-proċedimenti ġudizzjarji wara investigazzjoni kriminali, jenħtieġ li l-Europol tkun tista’ taħżen il-fajl ta’ każ investigattiv relatat fuq talba ta’ dak l-Istat Membru bl-għan li tiżgura l-veraċità, l-affidabbiltà u t-traċċabbiltà tal-proċess tal-intelligence kriminali. Jenħtieġ li l-Europol iżżomm tali data separatament u biss sakemm il-proċedimenti ġudizzjarji relatati ma’ dik l-investigazzjoni kriminali jkunu għadhom għaddejjin fl-Istat Membru. Hemm il-ħtieġa li jiġi żgurat l-aċċess tal-awtoritajiet ġudizzjarji kompetenti kif ukoll id-drittijiet tad-difiża, b’mod partikolari d-dritt tal-persuni suspettati jew akkużati jew tal-avukati tagħhom li jkollhom aċċess għall-materjal tal-każ.

(20)Każijiet transkonfinali ta’ kriminalità serja jew ta’ terroriżmu jeħtieġu kollaborazzjoni mill-qrib bejn l-awtoritajiet tal-infurzar tal-liġi tal-Istati Membri kkonċernati. Il-Europol tipprovdi għodod sabiex issostni din il-kooperazzjoni fl-investigazzjonijiet, notevolment permezz tal-iskambju ta’ informazzjoni. Sabiex tissaħħaħ aktar din il-kooperazzjoni f’investigazzjonijiet speċifiċi permezz ta’ analiżi operazzjonali konġunta, jenħtieġ li l-Istati Membri jkunu jistgħu jippermettu lil Stati Membri oħra jaċċessaw direttament l-informazzjoni li huma pprovdew lill-Europol, mingħajr preġudizzju għal kwalunkwe restrizzjoni li huma jqiegħdu fuq l-aċċess għal dik l-informazzjoni. Kwalunkwe pproċessar ta’ data personali mill-Istati Membri f’analiżi operazzjonali konġunta jenħtieġ li jsir f’konformità mar-regoli u mas-salvagwardji stabbiliti f’dan ir-Regolament.

(21)Il-Europol tipprovdi appoġġ operazzjonali għall-investigazzjonijiet kriminali tal-awtoritajiet kompetenti tal-Istati Membri, speċjalment billi tipprovdi analiżi operazzjonali u forensika. Jenħtieġ li l-Istati Membri jkunu jistgħu jagħmlu r-riżultati ta’ dawn l-attivitajiet disponibbli għall-awtoritajiet rilevanti l-oħra tagħhom, inklużi l-prosekuturi u l-qrati kriminali, matul iċ-ċiklu kollu tal-ħajja tal-proċedimenti kriminali]. Jenħtieġ li, għal dan l-għan, il-persunal tal-Europol ikun jista’ jixhed dwar il-fatti, li jkun sar jaf bihom fil-qadi ta’ dmirijietu jew fl-eżerċizzju tal-attivitajiet tiegħu, fi proċedimenti kriminali, mingħajr preġudizzju għar-restrizzjonijiet fuq l-użu applikabbli u għal-liġi proċedurali kriminali nazzjonali.

(22)Il-Europol u l-Uffiċċju tal-Prosekutur Pubbliku Ewropew (“UPPE”) stabbilit bir-Regolament tal-Kunsill (UE) 2017/1939 58 , jenħtieġ li jistabbilixxu l-arranġamenti meħtieġa sabiex jottimizzaw il-kooperazzjoni operazzjonali tagħhom, filwaqt li jqisu l-kompiti u l-mandati rispettivi tagħhom. Jenħtieġ li l-Europol taħdem mill-qrib mal-UPPE u ssostni b’mod attiv l-investigazzjonijiet u l-prosekuzzjonijiet tal-UPPE fuq talba tiegħu, inkluż billi tipprovdi appoġġ analitiku u billi tiskambja informazzjoni rilevanti, kif ukoll tikkoopera miegħu, mill-mumentli fih reat suspettat jiġi rrapportat lill-UPPE sal-mument li fih dan jiddetermina jekk ikomplix bil-prosekuzzjoni jew inkella jwaqqax il-każ. Jenħtieġ li l-Europol, mingħajr dewmien żejjed, tirrapporta lill-UPPE kull imġiba kriminali li fir-rigward tagħha l-UPPE jista’ jeżerċita l-kompetenza tiegħu. Sabiex tissaħħaħ il-kooperazzjoni operazzjonali bejn il-Europol u l-UPPE, jenħtieġ li l-Europol tagħti aċċess lill-UPPE, fuq il-bażi ta’ sistema ta’ hit/no hit, għad-data disponibbli għand il-Europol, f’konformità mas-salvagwardji u mal-garanziji dwar il-protezzjoni tad-data pprovduti f’dan ir-Regolament. Ir-regoli dwar it-trażmissjoni lill-korpi tal-Unjoni stabbiliti f’dan ir-Regolament jenħtieġ li japplikaw għall-kooperazzjoni tal-Europol mal-UPPE. Jenħtieġ ukoll li l-Europol tkun tista’ tappoġġa l-investigazzjonijiet kriminali mill-UPPE permezz ta’ analiżi ta’ settijiet ta’ data kbar u kumplessi.

(23)Jenħtieġ li l-Europol tikkoopera mill-qrib mal-Uffiċċju Ewropew Kontra l-Frodi (OLAF) sabiex jidentifikaw frodi, korruzzjoni u kwalunkwe attività illegali oħra li taffettwa l-interessi finanzjarji tal-Unjoni. Għal dak l-għan, jenħtieġ li l-Europol tittrażmetti lill-OLAF mingħajr dewmien kwalunkwe informazzjoni li fir-rigward tagħha l-OLAF jista’ jeżerċita l-kompetenza tiegħu. Ir-regoli dwar it-trażmissjoni lill-korpi tal-Unjoni stabbiliti f’dan ir-Regolament jenħtieġ li japplikaw għall-kooperazzjoni tal-Europol mal-OLAF.

(24)Il-kriminalità serja u t-terroriżmu spiss ikollhom rabtiet lil hinn mit-territorju tal-Unjoni. Il-Europol tista’ tiskambja data personali ma’ pajjiżi terzi filwaqt li tissalvagwardja l-protezzjoni tal-privatezza u d-drittijiet u l-libertajiet fundamentali tas-suġġetti tad-data. Sabiex tissaħħaħ il-kooperazzjoni ma’ pajjiżi terzi fil-prevenzjoni u fil-ġlieda kontra r-reati li jaqgħu fi ħdan l-ambitu tal-objettivi tal-Europol, jenħtieġ li d-Direttur Eżekuttiv tal-Europol jitħalla jawtorizza kategoriji ta’ trasferimenti ta’ data personali lil pajjiżi terzi f’sitwazzjonijiet speċifiċi u fuq bażi ta’ każ b’każ, meta tali grupp ta’ trasferimenti relatati ma’ sitwazzjoni speċifika jkunu meħtieġa u jissodisfaw ir-rekwiżiti kollha ta’ dan ir-Regolament.

(25)Sabiex tappoġġa lill-Istati Membri f’kooperazzjoni ma’ partijiet privati li jipprovdu servizzi transkonfinali meta dawk il-partijiet privati jkollhom informazzjoni rilevanti għall-prevenzjoni u għall-ġlieda kontra l-kriminalità, jenħtieġ li l-Europol tkun tista’ tirċievi u, f’ċirkostanzi speċifiċi, tiskambja data personali ma’ partijiet privati.

(26)Il-kriminali saru jużaw dejjem aktar servizzi transkonfinali ta’ partijiet privati sabiex jikkomunikaw u jwettqu attivitajiet illegali. L-awturi ta’ reati sesswali jabbużaw mit-tfal u jaqsmu l-istampi u l-filmati madwar id-dinja billi jużaw pjattaformi online fuq l-internet. It-terroristi jabbużaw minn servizzi transkonfinali minn fornituri ta’ servizzi online sabiex jirreklutaw voluntiera, jippjanaw u jikkoordinaw attakki, u jxerrdu l-propaganda. Il-kriminali ċibernetiċi japprofittaw mid-diġitalizzazzjoni tas-soċjetajiet tagħna billi jużaw il-phishing u l-inġinerija soċjali sabiex iwettqu tipi oħra ta’ ċiberkriminalità bħal pereżempju online scams, attakki bi programmi ta’ riskatt jew frodi fil-pagamenti. B’riżultat taż-żieda fl-użu tas-servizzi online mill-kriminali, il-partijiet privati għandhom ammonti dejjem akbar ta’ data personali li tista’ tkun rilevanti għal investigazzjonijiet kriminali.

(27)Minħabba n-natura mingħajr fruntieri tal-internet, dawn is-servizzi spiss ikunu jistgħu jiġu pprovduti minn kwalunkwe post fid-dinja. B’riżultat ta’ dan, il-vittmi, l-awturi tar-reati, u l-infrastruttura diġitali li fiha tinħażen id-data personali u l-fornitur tas-servizz jistgħu lkoll ikunu soġġetti għal ġurisdizzjonijiet nazzjonali differenti, fi ħdan l-Unjoni u lil hinn minnha. Għaldaqstant, il-partijiet privati jista’ jkollhom settijiet ta’ data rilevanti għall-infurzar tal-liġi li jkun fihom data personali b’rabtiet ma’ ġurisdizzjonijiet multipli kif ukoll data personali li ma tkunx tista’ tiġi attribwita faċilment lil xi ġurisdizzjoni speċifika. L-awtoritajiet nazzjonali jsibuha diffiċli sabiex janalizzaw b’mod effettiv settijiet ta’ data multiġurisdizzjonali jew mhux attribwibbli permezz ta’ soluzzjonijiet nazzjonali. Meta l-partijiet privati jiddeċiedu li jaqsmu d-data b’mod legali u volontarju mal-awtoritajiet tal-infurzar tal-liġi, bħalissa ma għandhomx punt uniku ta’ kuntatt li miegħu jistgħu jaqsmu dawn is-settijiet ta’ data fil-livell tal-Unjoni. Barra minn hekk, il-partijiet privati jaffaċċjaw diffikultajiet meta jirċievu diversi talbiet mill-awtoritajiet tal-infurzar tal-liġi ta’ pajjiżi differenti.

(28)Sabiex jiġi żgurat li l-partijiet privati jkollhom punt ta’ kuntatt fil-livell tal-Unjoni sabiex jikkondividu legalment settijiet ta’ data multiġurisdizzjonali jew settijiet ta’ data li ma setgħux jiġu attribwiti faċilment s’issa lil ġurisdizzjoni speċifika waħda jew aktar, jenħtieġ li l-Europol tkun tista’ tirċievi data personali direttament mingħand partijiet privati.

(29)Sabiex jiżguraw li l-Istati Membri jirċievu malajr l-informazzjoni rilevanti meħtieġa bl-għan li jibdew investigazzjonijiet għall-prevenzjoni u għall-ġlieda kontra l-kriminalità serja u t-terroriżmu, jenħtieġ li l-Europol tkun tista’ tipproċessa u tanalizza settijiet ta’ data bħal dawn sabiex tidentifika l-Istati Membri rilevanti u tgħaddi lill-awtoritajiet nazzjonali tal-infurzar tal-liġi kkonċernati l-informazzjoni u l-analiżi meħtieġa sabiex jinvestigaw dawn ir-reati skont il-ġurisdizzjonijiet rispettivi tagħhom.

(30)Sabiex jiġi żgurat li tkun tista’ tidentifika l-awtoritajiet nazzjonali rilevanti kollha tal-infurzar tal-liġi kkonċernati, jenħtieġ li l-Europol tkun tista’ tinforma lill-partijiet privati meta l-informazzjoni riċevuta mingħandhom ma tkunx biżżejjed sabiex tippermetti lill-Europol tidentifika l-awtoritajiet tal-infurzar tal-liġi kkonċernati. Dan ikun jippermetti lill-partijiet privati li jkunu qasmu l-informazzjoni mal-Europol jiddeċiedu jekk ikunx fl-interess tagħhom li jaqsmu informazzjoni addizzjonali mal-Europol u jekk jistgħux jagħmlu dan b’rispett tal-liġi. Għal dan l-għan, il-Europol tista’ tinforma lill-partijiet privati dwar l-informazzjoni nieqsa, sakemm din tkun strettament meħtieġa għall-identifikazzjoni tal-awtoritajiet rilevanti tal-infurzar tal-liġi. Għal trasferimenti bħal dawn jenħtieġ li japplikaw salvagwardji speċjali, b’mod partikolari meta l-parti privata kkonċernata ma tkunx stabbilita fl-Unjoni jew f’pajjiż terz li miegħu l-Europol ikollu ftehim ta’ kooperazzjoni li jippermetti l-iskambju ta’ data personali, jew li miegħu l-Unjoni tkun ikkonkludiet ftehim internazzjonali skont l-Artikolu 218 tat-TFUE li jipprevedi salvagwardji xierqa, jew li jkun is-suġġett ta’ deċiżjoni ta’ adegwatezza mill-Kummissjoni, li ssib li l-pajjiż terz inkwistjoni jiżgura livell adegwat ta’ protezzjoni tad-data.

(31)L-Istati Membri, il-pajjiżi terzi, l-organizzazzjoni internazzjonali, li jinkludu l-Organizzazzjoni Internazzjonali ta’ Pulizija Kriminali (Interpol), jew partijiet privati jistgħu jikkondividu settijiet ta’ data multiġurisdizzjonali jew settijiet ta’ data li ma jistgħux jiġu attribwiti lil ġurisdizzjoni speċifika waħda jew aktar mal-Europol, meta dawk is-settijiet ta’ data jkun fihom rabtiet ma’ data personali miżmuma minn partijiet privati. Meta jkun meħtieġ li tinkiseb informazzjoni addizzjonali mingħand tali partijiet privati sabiex jiġu identifikati l-Istati Membri rilevanti kollha kkonċernati, jenħtieġ li l-Europol tkun tista’ titlob lill-Istati Membri, permezz tal-unitajiet nazzjonali tagħhom, sabiex jitolbu lil partijiet privati li jkunu stabbiliti jew li jkollhom rappreżentant legali fit-territorju tagħhom sabiex jaqsmu data personali mal-Europol f’konformità mal-liġijiet applikabbli ta’ dawk l-Istati Membri. F’ħafna każijiet, dawn l-Istati Membri jaf ma jkunux jistgħu jistabbilixxu rabta mal-ġurisdizzjoni tagħhom ħlief il-fatt li l-parti privata li jkollha d-data rilevanti tkun stabbilita taħt il-ġurisdizzjoni tagħhom. Irrispettivament mill-ġurisdizzjoni tagħhom fir-rigward tal-attività kriminali speċifika soġġetta għat-talba, jenħtieġ li, għalhekk, l-Istati Membri jiżguraw li l-awtoritajiet nazzjonali kompetenti tagħhom ikunu jistgħu jiksbu data personali mingħand partijiet privati bl-għan li jipprovdu lill-Europol bl-informazzjoni meħtieġa sabiex tilħaq l-objettivi tagħha, f’konformità sħiħa mal-garanziji proċedurali skont il-liġijiet nazzjonali tagħhom.

(32)Sabiex jiġi żgurat li l-Europol ma żżommx id-data aktar milli teħtieġ sabiex tidentifika l-Istati Membri kkonċernati, għandhom japplikaw limiti ta’ żmien għall-ħażna ta’ data personali mill-Europol. Ladarba l-Europol tkun eżawriet il-mezzi kollha għad-dispożizzjoni tagħha sabiex tidentifika l-Istati Membri kollha kkonċernati, u raġonevolment ma tkunx tista’ tistenna li tidentifika aktar Stati Membri kkonċernati, il-ħżin ta’ din id-data personali ma jibqax meħtieġ u proporzjonat għall-identifikazzjoni tal-Istati Membri kkonċernati. Jenħtieġ li l-Europol tħassar id-data personali fi żmien erba’ xhur wara li tkun saret l-aħħar trażmissjoni, sakemm unità nazzjonali, punt ta’ kuntatt jew awtorità kkonċernata ma tkunx reġgħet issottomettiet id-data personali bħala d-data tagħha lill-Europol f’dan il-perijodu. Jekk id-data personali ppreżentata mill-ġdid tkun parti minn sett akbar ta’ data personali, jenħtieġ li l-Europol iżżomm id-data personali biss jekk u sa fejn tkun ġiet ippreżentata mill-ġdid minn unità nazzjonali, minn punt ta’ kuntatt jew minn awtorità kkonċernata.

(33)Kwalunkwe kooperazzjoni tal-Europol ma’ partijiet privati la jenħtieġ li tidduplika u lanqas tinterferixxi mal-attivitajiet tal-Unitajiet tal-Intelligence Finanzjarja (“UIF”), u jenħtieġ li tikkonċerna biss informazzjoni li mhux diġà għandha tkun ipprovduta lill-UIF f’konformità mad-Direttiva 2015/849 tal-Parlament Ewropew u tal-Kunsill 59 . Jenħtieġ li l-Europol tkompli tikkoopera mal-UIF b’mod partikolari permezz tal-unitajiet nazzjonali.

(34)Jenħtieġ li l-Europol tkun tista’ tipprovdi l-appoġġ meħtieġ lill-awtoritajiet nazzjonali tal-infurzar tal-liġi sabiex jinteraġixxu ma’ partijiet privati, b’mod partikolari billi tipprovdi l-infrastruttura meħtieġa għal tali interazzjoni, pereżempju, meta l-awtoritajiet nazzjonali jirreferu kontenut terroristiku online lil fornituri ta’ servizzi online jew jiskambjaw informazzjoni ma’ partijiet privati fil-kuntest ta’ attakki ċibernetiċi. Meta l-Istati Membri jużaw l-infrastruttura tal-Europol għal skambji ta’ data personali dwar reati li jaqgħu barra mill-kamp ta’ applikazzjoni tal-objettivi tal-Europol, jenħtieġ li l-Europol ma jkollhiex aċċess għal dik id-data.

(35)L-attakki terroristiċi jikkawżaw it-tixrid fuq skala kbira ta’ kontenut terroristiku permezz ta’ pjattaformi online li juru ħsara għall-ħajja jew għall-integrità fiżika, jew li jinstigaw ħsara imminenti għall-ħajja jew għall-integrità fiżika. Sabiex jiġi żgurat li l-Istati Membri jkunu jistgħu jipprevjenu b’mod effettiv it-tixrid ta’ tali kontenut fil-kuntest ta’ sitwazzjonijiet ta’ kriżi bħal dawn li jirriżultaw minn avvenimenti kurrenti jew riċenti fid-dinja reali, jenħtieġ li l-Europol tkun tista’ tiskambja data personali ma’ partijiet privati, li tinkludi hashes, indirizzi IP jew URLs relatati ma’ tali kontenut, li tkunu meħtieġa sabiex l-Istati Membri jiġu appoġġati fil-prevenzjoni tat-tixrid ta’ kontenut bħal dan, b’mod partikolari meta dan il-kontenut ikollu l-għan jew l-effett li jintimida serjament lil popolazzjoni, u meta jkun hemm potenzjal antiċipat għal multiplikazzjoni u għal viralità esponenzjali bejn diversi fornituri ta’ servizzi online.

(36)Ir-Regolament (UE)  2018/1725 tal-Parlament Ewropew u tal-Kunsill 60   61 jistabbilixxi regoli dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, mill-korpi, mill-uffiċċji u mill-aġenziji tal-Unjoni, iżda ma kienx japplika għall-Europol. Sabiex tiġi żgurata protezzjoni uniformi u konsistenti tal-persuni fiżiċi fir-rigward tal-ipproċessar ta’ data personali, jenħtieġ li r-Regolament (UE) 2018/1725 isir applikabbli għall-Europol f’konformità mal-Artikolu 2(2) ta’ dak ir-Regolament, u jenħtieġ li jkun ikkomplementat minn dispożizzjonijiet speċifiċi għall-operazzjonijiet speċifiċi ta’ pproċessar li l-Europol jenħtieġ li twettaq sabiex teżegwixxi l-kompiti tagħha.

(37)Minħabba l-isfidi li joħloq l-użu ta’ teknoloġiji ġodda mill-kriminali għas-sigurtà tal-Unjoni, l-awtoritajiet tal-infurzar tal-liġi huma meħtieġa jsaħħu l-kapaċitajiet teknoloġiċi tagħhom. Għal dak l-għan, jenħtieġ li l-Europol tappoġġa lill-Istati Membri fl-użu ta’ teknoloġiji emerġenti fil-prevenzjoni u fil-ġlieda kontra r-reati li jaqgħu fil-kamp ta’ applikazzjoni tal-objettivi tal-Europol. Sabiex jiġu esplorati approċċi ġodda u jiġu żviluppati soluzzjonijiet teknoloġiċi komuni għall-Istati Membri għall-prevenzjoni u għall-ġlieda kontra r-reati li jaqgħu fi ħdan l-ambitu tal-objettivi tal-Europol, jenħtieġ li l-Europol tkun tista’ twettaq attivitajiet ta’ riċerka u ta’ innovazzjoni rigward kwistjonijiet koperti minn dan ir-Regolament, inkluż bl-ipproċessar ta’ data personali meta jkun meħtieġ u filwaqt li tiżgura rispett sħiħ għad-drittijiet fundamentali. Jenħtieġ li d-dispożizzjonijiet dwar l-iżvilupp ta’ għodod ġodda mill-Europol ma jikkostitwixxux bażi ġuridika għall-varar tagħhom fil-livell tal-Unjoni jew nazzjonali.

(38)Jenħtieġ li l-Europol ikollha rwol ewlieni fl-assistenza lill-Istati Membri sabiex jiżviluppaw soluzzjonijiet teknoloġiċi ġodda bbażati fuq l-intelliġenza artifiċjali, li jkunu ta’ benefiċċju għall-awtoritajiet nazzjonali tal-infurzar tal-liġi madwar l-Unjoni. Il-Europol jenħtieġ li jkollha rwol importanti fil-promozzjoni ta’ intelliġenza artifiċjali etika, affidabbli u ffokata fuq il-bniedem soġġetta għal salvagwardji b’saħħithom f’termini ta’ sigurtà, ta’ sikurezza u tad-drittijiet fundamentali.

(39)Jenħtieġ li l-Europol tinforma lill-Kontrollur Ewropew għall-Protezzjoni tad-Data qabel it-tnedija tal-proġetti ta’ riċerka u ta’ innovazzjoni tagħha li jinvolvu l-ipproċessar ta’ data personali. Għal kull proġett, jenħtieġ li l-Europol twettaq, qabel l-ipproċessar, valutazzjoni tal-impatt tal-operazzjonijiet previsti ta’ pproċessar fuq il-protezzjoni ta’ data personali u fuq id-drittijiet fundamentali l-oħra kollha, inkluż kwalunkwe preġudizzju fl-eżitu. Jenħtieġ li din tinkludi valutazzjoni tal-adegwatezza tad-data personali li tkun se tiġi pproċessata għall-fini speċifiku tal-proġett. Tali valutazzjoni tkun tiffaċilita r-rwol superviżorju tal-Kontrollur Ewropew għall-Protezzjoni tad-Data, inkluż l-eżerċizzju tas-setgħat korrettivi tiegħu skont dan ir-Regolament li jistgħu jwasslu wkoll għal projbizzjoni fuq l-ipproċessar. Jenħtieġ li l-iżvilupp ta’ għodod ġodda mill-Europol ikun mingħajr preġudizzju għall-bażi ġuridika, li tinkludi r-raġunijiet għall-ipproċessar ta’ data personali kkonċernata, li sussegwentement tkun meħtieġa għall-varar tagħhom fil-livell tal-Unjoni jew f’dak nazzjonali.

(40)L-għoti lill-Europol ta’ għodod u ta’ kapaċitajiet addizzjonali jeħtieġ it-tisħiħ tas-sorveljanza demokratika u tal-akkontabilità tal-Europol. L-iskrutinju parlamentari konġunt jikkostitwixxi element importanti ta’ monitoraġġ politiku tal-attivitajiet tal-Europol. Sabiex ikun jista’ jsir monitoraġġ politiku effettiv tal-mod kif il-Europol tapplika għodod u kapaċitajiet addizzjonali, jenħtieġ li l-Europol tipprovdi informazzjoni annwali lill-Grupp ta’ Skrutinju Parlamentari Konġunt dwar l-użu ta’ dawn l-għodod u l-kapaċitajiet u r-riżultat tagħhom.

(41)Is-servizzi tal-Europol jipprovdu valur miżjud lill-Istati Membri u lill-pajjiżi terzi. Dan jinkludi Stati Membri li ma jiħdux sehem f’miżuri skont it-Titolu V tat-Tielet Parti tat-Trattat dwar il-Funzjonament tal-Unjoni Ewropea. L-Istati Membri u l-pajjiżi terzi jistgħu jikkontribwixxu għall-baġit tal-Europol fuq il-bażi ta’ ftehimiet separati. Għalhekk, jenħtieġ li l-Europol tkun tista’ tirċievi kontribuzzjonijiet mill-Istati Membri u minn pajjiżi terzi fuq il-bażi ta’ ftehimiet finanzjarji fi ħdan l-ambitu tal-objettivi u tal-kompiti tagħha.

(42)Billi l-objettiv ta’ dan ir-Regolament, jiġifieri li jappoġġa u jsaħħaħ l-azzjoni mis-servizzi tal-infurzar tal-liġi tal-Istati Membri u l-kooperazzjoni reċiproka tagħhom fil-prevenzjoni u fil-ġlieda kontra l-kriminalità serja li taffettwa żewġ Stati Membri jew aktar, it-terroriżmu u l-forom ta’ kriminalità li jaffettwaw interess komuni kopert minn politika tal-Unjoni, ma jistax jintlaħaq b’mod suffiċjenti mill-Istati Membri iżda jista’, minflok, minħabba n-natura transkonfinali tal-kriminalità serja u tat-terroriżmu u l-ħtieġa għal rispons koordinat għal theddidiet relatati mas-sigurtà, jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv.

(43)[F’konformità mal-Artikolu 3 tal-Protokoll (Nru 21) dwar il-pożizzjoni tar-Renju Unit u l-Irlanda, fir-rigward tal-ispazju ta’ libertà, sigurtà u ġustizzja, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, l-Irlanda nnotifikat ix-xewqa tagħha li tieħdu sehem fl-adozzjoni u fl-applikazzjoni ta’ dan ir-Regolament.] JEW [F’konformità mal-Artikoli 1 u 2 tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-ispazju ta’ libertà, sigurtà u ġustizzja, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, u mingħajr preġudizzju għall-Artikolu 4 ta’ dak il-Protokoll, l-Irlanda mhijiex se tieħu sehem fl-adozzjoni ta’ dan ir-Regolament u mhijiex marbuta bih jew soġġetta għall-applikazzjoni tiegħu.]

(44)F’konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness għat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex se tieħu sehem fl-adozzjoni ta’ dan ir-Regolament u mhijiex marbuta bih jew soġġetta għall-applikazzjoni tiegħu. 

(45)Il-Kontrollur Ewropew għall-Protezzjoni tad-Data ġie kkonsultat, f’konformità mal-Artikolu 41(2) tar-Regolament (KE) Nru 2018/1725 tal-Parlament Ewropew u tal-Kunsill u ta opinjoni nhar [...].

(46)Dan ir-Regolament jirrispetta d-drittijiet fundamentali u josserva l-prinċipji rikonoxxuti b’mod partikolari mill-Karta tad-Drittijiet Fundamentali tal-Unjoni Ewropea, b’mod partikolari d-dritt għall-protezzjoni ta’ data personali u d-dritt għall-privatezza kif protetti mill-Artikoli 8 u 7 tal-Karta, kif ukoll mill-Artikolu 16 tat-TFUE. Minħabba l-importanza tal-ipproċessar ta’ data personali għall-ħidma tal-infurzar tal-liġi b’mod ġenerali, u għall-appoġġ ipprovdut mill-Europol b’mod partikolari, dan ir-Regolament jinkludi salvagwardji effettivi sabiex tiġi żgurata konformità sħiħa mad-drittijiet fundamentali kif stabbiliti fil-Karta tad-Drittijiet Fundamentali. Kwalunkwe pproċessar ta’ data personali skont dan ir-Regolament huwa limitat għal dak li huwa strettament meħtieġ u proporzjonat, u soġġett għal kundizzjonijiet ċari, għal rekwiżiti stretti u għal superviżjoni effettiva mill-KEPD.

(47)Għaldaqstant, ir-Regolament (UE) 2016/794 jenħtieġ li jiġi emendat skont dan,

ADOTTAW DAN IR-REGOLAMENT:

Artikolu 1

Ir-Regolament (UE) 2016/794 huwa emendat kif ġej:

(1)    L-Artikolu 2 huwa emendat kif ġej:

(a) jitħassru l-punti (h) sa (k) u l-punti (m), (n) u (o);

(b) il-punt (p) huwa ssostitwit b’dan li ġej:

“(p)    “data personali amministrattiva” tfisser id-data personali kollha pproċessata mill-Europol minbarra d-data operazzjonali;”;

(c) jiżdied il-punt (q) li ġej:

“(q)    “fajl ta’ każ investigattiv” tfisser sett ta’ data jew settijiet ta’ data multipli li Stat Membru, l-UPPE jew pajjiż terz jikseb fil-kuntest ta’ investigazzjoni kriminali kurrenti, f’konformità mar-rekwiżiti u mas-salvagwardji proċedurali skont il-liġi kriminali nazzjonali applikabbli, u sottomessi lill-Europol b’appoġġ ta’ dik l-investigazzjoni kriminali.”

(2)    L-Artikolu 4 huwa emendat kif ġej:

(a) il-paragrafu 1 huwa emendat kif ġej:

(ii) il-punt (h) huwa ssostitwit b’dan li ġej:

“(h)    tappoġġa attivitajiet transkonfinali ta’ skambju ta’ informazzjoni, operazzjonijiet u investigazzjonijiet tal-Istati Membri, kif ukoll l-iskwadri ta’ investigazzjoni konġunta, u l-unitajiet ta’ intervent speċjali, inkluż billi tipprovdi appoġġ operazzjonali, tekniku u finanzjarju;”;

(ii) il-punt (j) huwa ssostitwit b’dan li ġej:

“(j)    tikkoopera mal-korpi tal-Unjoni stabbiliti fuq il-bażi tat-Titolu V tat-TFUE u mal-OLAF u mal-ENISA, b’mod partikolari permezz ta’ skambji ta’ informazzjoni u billi tipprovdilhom appoġġ analitiku fl-oqsma li jaqgħu fi ħdan il-kompetenza tagħhom;”;

(iii) il-punt (m) huwa ssostitwit b’dan li ġej:

“(m)    tappoġġa l-azzjonijiet tal-Istati Membri fil-prevenzjoni u fil-ġlieda kontra l-forom ta’ kriminalità elenkati fl-Anness I li huma ffaċilitati, promossi jew li jitwettqu bl-użu tal-internet, inkluż, f’kooperazzjoni mal-Istati Membri, il-koordinazzjoni tar-rispons tal-awtoritajiet tal-infurzar tal-liġi għaċ-ċiberattakki, it-tħasir ta’ kontenut terroristiku online, u s-sottomissjoni ta’ riferimenti għal kontenut tal-internet, li permezz tagħhom dawn jiġu ffaċilitati, promossi jew jitwettqu t-tali forom ta’ kriminalità, lill-fornituri ta’ servizzi online kkonċernati għall-kunsiderazzjoni volontarja tagħhom tal-kompatibbiltà tal-kontenut fuq l-internet imsemmi mat-termini u mal-kundizzjonijiet tagħhom stess;”;

(iv) jiżdiedu l-punti (q) sa (r) li ġejjin:

“(q)    tappoġġa lill-Istati Membri fl-identifikazzjoni ta’ persuni li l-involviment tagħhom f’reati li jaqgħu fi ħdan il-kamp ta’ applikazzjoni tal-mandat tal-Europol, kif elenkati fl-Anness I, jikkostitwixxu riskju għoli għas-sigurtà, u tiffaċilita investigazzjonijiet konġunti, koordinati u prijoritizzati;

(r)    iddaħħal data fis-Sistema ta’ Informazzjoni ta’ Schengen, f’konformità mar-Regolament (UE) 2018/1862 tal-Parlament Ewropew u tal-Kunsill*, wara konsultazzjoni mal-Istati Membri f’konformità mal-Artikolu 7 ta’ dan ir-Regolament, u taħt awtorizzazzjoni mid-Direttur Eżekuttiv tal-Europol, dwar l-involviment suspettat ta’ ċittadin ta’ pajjiż terz f’reat li fir-rigward tiegħu l-Europol tkun kompetenti u li tkun konxja tiegħu fuq il-bażi tal-informazzjoni riċevuta mingħand pajjiżi terzi jew organizzazzjonijiet internazzjonali skont it-tifsira tal-Artikolu 17(1)(b);

(s)    tappoġġa l-implimentazzjoni tal-mekkaniżmu ta’ evalwazzjoni u ta’ monitoraġġ skont ir-Regolament (UE) Nru 1053/2013 fi ħdan il-kamp ta’ applikazzjoni tal-objettivi tal-Europol kif stabbilit fl-Artikolu 3;

(t)    tissorvelja u tikkontribwixxi b’mod proattiv għall-attivitajiet ta’ riċerka u ta’ innovazzjoni rilevanti sabiex jintlaħqu l-objettivi stabbiliti fl-Artikolu 3, tappoġġa l-attivitajiet relatati tal-Istati Membri, u timplimenta l-attivitajiet ta’ riċerka u ta’ innovazzjoni tiegħu rigward kwistjonijiet koperti minn dan ir-Regolament, inklużi l-iżvilupp, it-taħriġ, l-ittestjar u l-validazzjoni tal-algoritmi għall-iżvilupp tal-għodod.

(u)    tappoġġa l-azzjonijiet tal-Istati Membri fil-prevenzjoni tat-tixrid ta’ kontenut online relatat mat-terroriżmu jew mal-estremiżmu vjolenti f’sitwazzjonijiet ta’ kriżi, li jirriżulta minn avveniment kurrenti jew riċenti fid-dinja reali, juri ħsara għall-ħajja jew għall-integrità fiżika jew jinstiga l-ħsara imminenti għall-ħajja jew għall-integrità fiżika, u li jkollu l-għan jew l-effett li jintimida b’mod serju lil popolazzjoni, u meta jkun hemm potenzjal antiċipat għal multiplikazzjoni u għal viralità esponenzjali bejn diversi fornituri ta’ servizzi online.

_____________

* Ir-Regolament (UE) 2018/1862 tal-Parlament Ewropew u tal-Kunsill tat-28 ta’ Novembru 2018 dwar l-istabbiliment, it-tħaddim u l-użu tas-Sistema ta’ Informazzjoni ta’ Schengen (SIS) fil-qasam tal-kooperazzjoni tal-pulizija u l-kooperazzjoni ġudizzjarja f’materji kriminali, li jemenda u jħassar id-Deċiżjoni tal-Kunsill 2007/533/ĠAI, u jħassar ir-Regolament (KE) Nru 1986/2006 tal-Parlament Ewropew u tal-Kunsill u d-Deċiżjoni tal-Kummissjoni 2010/261/UE (ĠU L 312, 7.12.2018, p. 56).”;

(b) fil-paragrafu 2, it-tieni sentenza hija ssostitwita b’dan li ġej:

“Il-Europol għandha tassisti wkoll fl-implimentazzjoni operazzjonali ta’ dawk il-prijoritajiet, b’mod partikolari fil-Pjattaforma Multidixxiplinari Ewropea Kontra t-Theddid Kriminali, inkluż billi tiffaċilita u tipprovdi appoġġ amministrattiv, loġistiku, finanzjarju u operazzjonali lill-attivitajiet operazzjonali u strateġiċi mmexxija mill-Istati Membri.”;

(c) fil-paragrafu 3, tiżdied is-sentenza li ġejja:

“Il-Europol għandha tipprovdi wkoll analiżi tal-valutazzjoni tat-theddidiet b’appoġġ tal-Kummissjoni u tal-Istati Membri fit-twettiq tal-valutazzjonijiet tar-riskju.”;

(d) jiddaħħlu l-paragrafi 4a u 4b li ġejjin:

“4a.    Il-Europol għandha tassisti lill-Kummissjoni fl-identifikazzjoni tat-temi ewlenin ta’ riċerka, fit-tfassil u fl-implimentazzjoni tal-programmi qafas tal-Unjoni għall-attivitajiet ta’ riċerka u ta’ innovazzjoni li huma rilevanti sabiex jintlaħqu l-objettivi stabbiliti fl-Artikolu 3. Meta l-Europol tassisti lill-Kummissjoni fl-identifikazzjoni ta’ temi ewlenin ta’ riċerka, fit-tfassil u fl-implimentazzjoni ta’ programm qafas tal-Unjoni, l-Aġenzija ma għandhiex tirċievi finanzjament minn dak il-programm.

4b.    Il-Europol għandha tappoġġa l-iskrinjar ta’ każijiet speċifiċi ta’ investimenti diretti barranin fl-Unjoni skont ir-Regolament (UE) 2019/452 tal-Parlament Ewropew u tal-Kunsill* li jikkonċernaw impriżi li jipprovdu teknoloġiji użati jew li qed jiġu żviluppati mill-Europol jew mill-Istati Membri għall-prevenzjoni u għall-investigazzjoni ta’ reati koperti mill-Artikolu 3 dwar l-implikazzjonijiet mistennija għas-sigurtà.

____________

* Ir-Regolament (UE) 2019/452 tal-Parlament Ewropew u tal-Kunsill tad-19 ta’ Marzu 2019 li jistabbilixxi qafas għall-iskrinjar tal-investimenti diretti barranin fl-Unjoni (ĠU L 79I , 21.3.2019, p. 1).”

(e) fil-paragrafu 5 tiżdied is-sentenza li ġejja:

“il-persunal tal-Europol jista’ jassisti lill-awtoritajiet kompetenti ta’ l-Istati Membri, fuq talba tagħhom u f’konformità mal-liġi nazzjonali tagħhom, fit-teħid ta’ miżuri investigattivi.”

(3)    fl-Artikolu 6, il-paragrafu 1 huwa ssostitwit b’dan li ġej:

“1.       F’każijiet speċifiċi li fihom l-Europol tqis li jenħtieġ li tinbeda investigazzjoni kriminali dwar reat li jaqa’ fl-ambitu tal-objettivi tagħha, hija għandha titlob lill-awtoritajiet kompetenti tal-Istat Membru jew tal-Istati Membri kkonċernati permezz tal-unitajiet nazzjonali sabiex jibdew, iwettqu jew jikkoordinaw investigazzjoni kriminali bħal din.”

(4)    Fl-Artikolu 7, il-paragrafu 8 huwa ssostitwit b’dan li ġej:

“8.    L-Istati Membri għandhom jiżguraw li l-unitajiet tal-intelligence finanzjarja tagħhom stabbiliti skont id-Direttiva (UE) 2015/849 tal-Parlament Ewropew u tal-Kunsill* jitħallew jikkooperaw mal-Europol f’konformità mal-Artikolu 12 tad-Direttiva (UE) 2019/1153 tal-Parlament Ewropew u tal-Kunsill**, b’mod partikolari permezz tal-unità nazzjonali tagħhom rigward l-informazzjoni u l-analiżijiet finanzjarji, fi ħdan il-limiti tal-mandat u tal-kompetenza tagħhom.

__________________

* Id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, p. 73).

** Id-Direttiva (UE) 2019/1153 tal-Parlament Ewropew u tal-Kunsill tal-20 ta’ Ġunju 2019 li tistabbilixxi regoli li jiffaċilitaw l-użu ta’ informazzjoni finanzjarja u informazzjoni oħra għall-prevenzjoni, l-identifikazzjoni, l-investigazzjoni jew il-prosekuzzjoni ta’ ċerti reati kriminali, u li tħassar id-Deċiżjoni tal-Kunsill 2000/642/ĠAI (ĠU L 186, 11.7.2019, p. 122).”

(5)    L-Artikolu 18 huwa emendat kif ġej:

(a) il-paragrafu 2 huwa emendat kif ġej:

(i) il-punt (d) huwa ssostitwit bit-test li ġej:

“(d)    jiġi ffaċilitat l-iskambju ta’ informazzjoni bejn l-Istati Membri, il-Europol, korpi oħra tal-Unjoni, pajjiżi terzi, organizzazzjonijiet internazzjonali u partijiet privati;”

(ii) jiżdiedu l-punti (e) u (f) li ġejjin:

“(e)    ir-riċerka u l-innovazzjoni rigward kwistjonijiet koperti minn dan ir-Regolament għall-iżvilupp, għat-taħriġ, għall-ittestjar u għall-validazzjoni tal-algoritmi għall-iżvilupp tal-għodod;

(f)    l-għoti ta’ appoġġ lill-Istati Membri sabiex jinformaw lill-pubbliku dwar persuni suspettati jew misjuba ħatja li jkunu mfittxija fuq il-bażi ta’ deċiżjoni ġudizzjarja nazzjonali relatata ma’ reat kriminali li fir-rigward tiegħu tkun kompetenti l-Europol, u jiġi ffaċilitat l-għoti ta’ informazzjoni mill-pubbliku dwar dawn l-individwi.”

   (b) jiddaħħal il-paragrafu 3a li ġej:

“3a.    L-ipproċessar ta’ data personali għall-finijiet ta’ riċerka u ta’ innovazzjoni kif imsemmi fil-punt (e) tal-paragrafu 2 għandu jitwettaq permezz tal-proġetti ta’ riċerka u ta’ innovazzjoni tal-Europol b’objettivi, b’durata u b’ambitu definiti b’mod ċar tal-ipproċessar ta’ data personali involut, li fir-rigward tagħhom għandhom ikunu japplikaw is-salvagwardji speċifiċi addizzjonali stabbiliti fl-Artikolu 33a.”

(c) il-paragrafu 5 huwa ssostitwit b’dan li ġej:

“5.    Mingħajr preġudizzju għall-Artikolu 8(4) u għall-Artikolu 18a, il-kategoriji ta’ data personali u l-kategoriji tas-suġġetti tad-data li d-data tagħhom tista’ tinġabar u tiġi pproċessata għal kull skop imsemmi fil-paragrafu 2 huma elenkati fl-Anness II.”

(d) jiddaħħal il-paragrafu 5a li ġej:

“5a.    Qabel l-ipproċessar tad-data taħt il-paragrafu 2 ta’ dan l-Artikolu, il-Europol tista’ tipproċessa temporanjament data personali riċevuta skont l-Artikolu 17(1) u (2) sabiex tiddetermina jekk tali data tikkonformax mar-rekwiżiti tal-paragrafu 5 ta’ dan l-Artikolu, inkluż billi tivverifika d-data mad-data kollha li l-Europol diġà qed tipproċessa f’konformità mal-paragrafu 5.

Il-Bord ta’ Amministrazzjoni, li jaġixxi fuq proposta mid-Direttur Eżekuttiv u wara li jikkonsulta lill-KEPD, għandu jispeċifika ulterjorment il-kundizzjonijiet relatati mal-ipproċessar ta’ din id-data.

Il-Europol tista’ tipproċessa data personali biss skont dan il-paragrafu għal perijodu massimu ta’ sena, jew f’każijiet ġustifikati għal perijodu itwal bl-awtorizzazzjoni minn qabel tal-KEPD, meta dan ikun meħtieġ għall-fini ta’ dan l-Artikolu. Meta r-riżultat tal-ipproċessar jindika li d-data personali ma tikkonformax mar-rekwiżiti tal-paragrafu 5 ta’ dan l-Artikolu, il-Europol għandha tħassar dik id-data u tinforma lill-fornitur tad-data dwar dan.”

(6)    Jiddaħħal l-Artikolu 18a li ġej:

“Artikolu 18a

Ipproċessar ta’ informazzjoni b’appoġġ ta’ investigazzjoni kriminali

1.    Meta dan ikun meħtieġ għall-appoġġ ta’ investigazzjoni kriminali speċifika, il-Europol tista’ tipproċessa data personali barra mill-kategoriji tas-suġġetti tad-data elenkati fl-Anness II meta:

(a) Stat Membru jew l-UPPE jipprovdi fajl ta’ każ investigattiv lill-Europol skont il-punt (a) tal-Artikolu 17(1) għall-fini ta’ analiżi operazzjonali b’appoġġ ta’ dik l-investigazzjoni kriminali speċifika fi ħdan il-mandat tal-Europol skont il-punt (c) tal-Artikolu 18(2); u

(b) il-Europol tivvaluta li ma jkunx possibbli li titwettaq l-analiżi operazzjonali tal-fajl ta’ każ investigattiv mingħajr l-ipproċessar ta’ data personali li ma tikkonformax mar-rekwiżiti tal-Artikolu 18(5). Din il-valutazzjoni għandha tiġi rreġistrata.

2.    Il-Europol tista’ tipproċessa data personali li tkun tinsab f’każ investigattiv sakemm din tkun tappoġġa l-investigazzjoni kriminali speċifika kurrenti li għaliha l-fajl ta’ każ investigattiv ikun ġie pprovdut minn Stat Membru jew mill-UPPE f’konformità mal-paragrafu 1, u biss għall-fini ta’ appoġġ ta’ dik l-investigazzjoni.

Il-Bord ta’ Amministrazzjoni, li jaġixxi fuq proposta mid-Direttur Eżekuttiv u wara li jikkonsulta lill-KEPD, għandu jispeċifika ulterjorment il-kundizzjonijiet relatati mal-ipproċessar ta’ din id-data.

Mingħajr preġudizzju għall-ipproċessar ta’ data personali skont l-Artikolu 18(5a), id-data personali barra mill-kategoriji tas-suġġetti tad-data elenkati fl-Anness II għandha tkun funzjonalment separata minn data oħra u jista’ jkun hemm aċċess għaliha biss meta dan ikun meħtieġ għall-appoġġ tal-investigazzjoni kriminali speċifika li għaliha tkun ġiet ipprovduta.

3.    Fuq talba tal-Istat Membru jew tal-UPPE li jkun ipprovda fajl ta’ każ investigattiv lill-Europol skont il-paragrafu 1, il-Europol tista’ taħżen dak il-fajl ta’ każ investigattiv u l-eżitu tal-analiżi operazzjonali tagħha lil hinn mill-perijodu ta’ ħżin stabbilit fil-paragrafu 2, għall-iskop uniku li tiżgura l-veraċità, l-affidabbiltà u t-traċċabbiltà tal-proċess ta’ intelligence kriminali, u biss sakemm il-proċedimenti ġudizzjarji relatati ma’ dik l-investigazzjoni kriminali jkunu għadhom għaddejjin f’dak l-Istat Membru.

Dak l-Istat Membru jista’ jitlob ukoll lill-Europol sabiex taħżen il-fajl ta’ każ investigattiv u l-eżitu tal-analiżi operazzjonali tagħha lil hinn mill-perijodu ta’ ħżin stabbilit fil-paragrafu 2 bl-għan li tiżgura l-veraċità, l-affidabbiltà u t-traċċabbiltà tal-proċess ta’ intelligence kriminali, u biss sakemm il-proċedimenti ġudizzjarji wara investigazzjoni kriminali relatata jkunu għadhom għaddejjin fi Stat Membru ieħor.

Il-Bord ta’ Amministrazzjoni, li jaġixxi fuq proposta mid-Direttur Eżekuttiv u wara li jikkonsulta lill-KEPD, għandu jispeċifika ulterjorment il-kundizzjonijiet relatati mal-ipproċessar ta’ din id-data. Din id-data personali għandha tiġi sseparata funzjonalment minn data oħra u jista’ jkun hemm aċċess għaliha biss meta dan ikun meħtieġ għall-fini li jiġu żgurati l-veraċità, l-affidabbiltà u t-traċċabbiltà tal-proċess tal-intelligence kriminali.

4.    Il-paragrafi 1 sa 3 għandhom japplikaw ukoll meta l-Europol tirċievi data personali mingħand pajjiż terz li miegħu jkun hemm ftehim konkluż jew fuq il-bażi tal-Artikolu 23 tad-Deċiżjoni 2009/371/ĠAI f’konformità mal-punt (c) tal-Artikolu 25(1) ta’ dan ir-Regolament jew fuq il-bażi tal-Artikolu 218 tat-TFUE f’konformità mal-punt (b) tal-Artikolu 25(1) ta’ dan ir-Regolament, jew li jkun is-suġġett ta’ deċiżjoni ta’ adegwatezza kif imsemmija fil-punt (a) tal-Artikolu 25(1) ta’ dan ir-Regolament, u t-tali pajjiż terz jipprovdi fajl ta’ każ investigattiv lill-Europol għal analiżi operazzjonali li tappoġġa l-investigazzjoni kriminali speċifika fi Stat Membru jew fi Stati Membri li l-Europol tappoġġa. Meta pajjiż terz jipprovdi fajl ta’ każ investigattiv lill-Europol, il-KEPD għandu jiġi informat. Il-Europol għandha tivverifika li l-ammont ta’ data personali ma jkunx manifestament sproporzjonat fir-rigward tal-investigazzjoni speċifika fi Stat Membru li l-Europol tappoġġa, u li ma jkun hemm l-ebda element oġġettiv li jindika li l-fajl ta’ każ inkiseb mill-pajjiż terz bi ksur ċar tad-drittijiet fundamentali. Meta l-Europol jew il-KEPD jasal għall-konklużjoni li jkun hemm indikazzjonijiet preliminari li tali data tkun sproporzjonata jew miġbura bi ksur tad-drittijiet fundamentali, il-Europol ma għandhiex tipproċessaha. Id-data pproċessata skont dan il-paragrafu tista’ tiġi aċċessata biss mill-Europol meta dan ikun meħtieġ għall-appoġġ tal-investigazzjoni kriminali speċifika fi Stat Membru jew fi Stati Membri. Din għandha tiġi kondiviża biss fi ħdan l-Unjoni.”;

(7)    L-Artikolu 20 huwa emendat kif ġej:

(a) jiddaħħal il-paragrafu 2a li ġej:

“2a.    Fil-qafas tat-twettiq ta’ proġetti speċifiċi ta’ analiżi operazzjonali kif imsemmi fl-Artikolu 18(3), l-Istati Membri jistgħu jiddeterminaw l-informazzjoni li għandha ssir direttament aċċessibbli mill-Europol għal Stati Membri oħra magħżula għall-fini ta’ kollaborazzjoni msaħħa f’investigazzjonijiet speċifiċi, mingħajr preġudizzju għal kwalunkwe restrizzjoni tal-Artikolu 19(2).”;

(b) fil-paragrafu 3, il-fażi introduttorja hija ssostitwita b’dan li ġej:

“3.    F’konformità mal-liġi nazzjonali, l-informazzjoni msemmija fil-paragrafi 1, 2 u 2a għandha tiġi aċċessata u pproċessata ulterjorment mill-Istati Membri biss għall-fini tal-prevenzjoni u tal-ġlieda kontra dawn li ġejjin, u għall-proċedimenti ġudizzjarji relatati magħhom:”;

(c) jiżdied il-paragrafu 5 li ġej:

“5.    Meta l-liġi nazzjonali tippermetti lill-persunal tal-Europol jixhed fatti li jkun sar jaf bihom fil-qadi ta’ dmirijietu jew fl-eżerċizzju tal-attivitajiet tiegħu, huwa biss il-persunal tal-Europol awtorizzat mid-Direttur Eżekuttiv sabiex jagħmel dan li għandu jkun jista’ jixhed fi proċedimenti ġudizzjarji fl-Istati Membri.”;

(8)    Għandu jiddaħħal l-Artikolu 20a li ġej:

“Artikolu 20a

Relazzjonijiet mal-Uffiċċju tal-Prosekutur Pubbliku Ewropew

1.    Il-Europol għandha tistabbilixxi u żżomm relazzjoni mill-qrib mal-Uffiċċju tal-Prosekutur Pubbliku Ewropew (UPPE). Fil-qafas ta’ dik ir-relazzjoni, il-Europol u l-UPPE għandhom jaġixxu fi ħdan il-mandat u l-kompetenzi rispettivi tagħhom. Għal dan l-għan, huma għandhom jikkonkludu arranġament ta’ ħidma li jistabbilixxi l-modalitajiet tal-kooperazzjoni tagħhom.

2.    Il-Europol għandha tappoġġa b’mod attiv l-investigazzjonijiet u l-prosekuzzjonijiet tal-UPPE u tikkoopera miegħu, b’mod partikolari permezz ta’ skambji ta’ informazzjoni u billi tipprovdi appoġġ analitiku.

3.    Il-Europol għandha tieħu l-miżuri xierqa kollha sabiex tippermetti lill-UPPE jkollu aċċess indirett għall-informazzjoni pprovduta għall-finijiet tal-punti (a), (b) u (c) tal-Artikolu 18(2) fuq il-bażi ta’ sistema ta’ hit/no hit. L-Artikolu 21 għandu japplika mutatis mutandis bl-eċċezzjoni tal-paragrafu 2 tiegħu.

4.    Il-Europol, mingħajr dewmien żejjed, għandha tirrapporta lill-UPPE kull imġiba kriminali li fir-rigward tagħha l-UPPE jista’ jeżerċita l-kompetenza tiegħu.”

(9)    Fl-Artikolu 21, jiżdied il-paragrafu 8 kif ġej:

“8.    Jekk matul l-attivitajiet ta’ pproċessar ta’ informazzjoni fir-rigward ta’ investigazzjoni individwali jew ta’ proġett speċifiku l-Europol tidentifika informazzjoni rilevanti għal attività illegali possibbli li taffettwa l-interess finanzjarju tal-Unjoni, il-Europol għandha fuq inizjattiva tagħha stess, u mingħajr dewmien żejjed, tipprovdi lill-OLAF b’dik l-informazzjoni.”

(10)    L-Artikolu 24 huwa ssostitwit b’dan li ġej:

“Artikolu 24

Trażmissjoni ta’ data personali operazzjonali lill-istituzzjonijiet, lill-korpi, lill-uffiċċji u lill-aġenziji tal-Unjoni

1. Soġġett għal kwalunkwe restrizzjoni ulterjuri skont dan ir-Regolament, b’mod partikolari skont l-Artikolu 19(2) u (3) u mingħajr preġudizzju għall-Artikolu 67, il-Europol għandha tittrażmetti biss data personali operazzjonali lil istituzzjoni, lil korp, lil uffiċċju jew lil aġenzija oħra tal-Unjoni jekk id-data tkun meħtieġa għat-twettiq leġittimu tal-kompiti tal-istituzzjoni, tal-korp, tal-uffiċċju jew tal-aġenzija l-oħra tal-Unjoni.

2. Meta d-data personali operazzjonali tiġi trażmessa wara talba minn istituzzjoni, minn korp, minn uffiċċju jew minn aġenzija oħra tal-Unjoni, kemm il-kontrollur kif ukoll ir-riċevitur għandhom jerfgħu r-responsabbiltà għal-legalità ta’ dik it-trażmissjoni.

Il-Europol għandha tivverifika l-kompetenza tal-istituzzjoni, tal-korp, tal-uffiċċju jew tal-aġenzija l-oħra tal-Unjoni. Jekk jinqalgħu dubji dwar din il-ħtieġa tat-trażmissjoni tad-data personali, il-Europol għandha tfittex aktar informazzjoni mingħand ir-riċevitur.

L-istituzzjoni, il-korp, l-uffiċċju jew l-aġenzija riċevitriċi tal-Unjoni għandhom jiżguraw li n-neċessità tat-trażmissjoni tad-data personali operazzjonali tkun tista’ tiġi vverifikata sussegwentement.

3. L-istituzzjoni, il-korp, l-uffiċċju jew l-aġenzija riċevitriċi tal-Unjoni għandha tipproċessa d-data personali operazzjonali biss għall-finijiet li għalihom tkun ġiet trażmessa.”

(11)    L-Artikolu 25 huwa emendat kif ġej:

(a) Fil-paragrafu 5, il-frażi introduttorja hija ssostitwita b’dan li ġej:

“B’deroga mill-paragrafu 1, id-Direttur Eżekuttiv jista’ jawtorizza t-trasferiment jew il-kategoriji ta’ trasferimenti ta’ data personali lil pajjiżi terzi jew lil organizzazzjonijiet internazzjonali fuq bażi ta’ każ b’każ jekk it-trasferiment ikun, jew jekk it-trasferimenti relatati jkunu:”;

   (b) Fil-paragrafu 8 titħassar is-sentenza li ġejja:

“Meta trasferiment ikun ibbażat fuq il-paragrafu 5, trasferiment bħal dan għandu jkun dokumentat u d-dokumentazzjoni għandha tkun disponibbli għall-KEPD meta jitlobha. Id-dokumentazzjoni għandha tinkludi rekord tad-data u tal-ħin tat-trasferiment, u informazzjoni dwar l-awtorità kompetenti riċevitriċi, dwar il-ġustifikazzjoni għat-trasferiment u dwar id-data personali operazzjonali trasferita.”

(12)    L-Artikolu 26 huwa emendat kif ġej:

(a) il-paragrafu 2 huwa ssostitwit b’dan li ġej:

“2. Il-Europol tista’ tirċievi data personali direttament mingħand partijiet privati u tipproċessa dik id-data personali f’konformità mal-Artikolu 18 sabiex tidentifika l-unitajiet nazzjonali kkonċernati kollha, kif imsemmi fil-punt (a) tal-paragrafu 1. Il-Europol għandha tibgħat id-data personali u kwalunkwe riżultat rilevanti mill-ipproċessar ta’ dik id-data meħtieġa għall-fini li tiġi stabbilita ġurisdizzjoni minnufih għall-unitajiet nazzjonali kkonċernati. Il-Europol tista’ tgħaddi d-data personali u r-riżultati rilevanti mill-ipproċessar ta’ dik id-data meħtieġa għall-fini li tiġi stabbilita ġurisdizzjoni f’konformità mal-Artikolu 25 lill-punti ta’ kuntatt u lill-awtoritajiet ikkonċernati kif imsemmi fil-punti (b) u (c) tal-paragrafu 1. Ladarba l-Europol tkun identifikat u bagħtet id-data personali rilevanti lill-unitajiet nazzjonali rispettivi kkonċernati kollha; jew ma jkunx possibbli li jiġu identifikati aktar unitajiet nazzjonali kkonċernati, hija għandha tħassar id-data, sakemm unità nazzjonali, punt ta’ kuntatt jew awtorità kkonċernata ma tissottomettix mill-ġdid id-data personali lill-Europol f’konformità mal-Artikolu 19(1) fi żmien erba’ xhur minn meta jseħħ it-trasferiment.”

(b) il-paragrafu 4 huwa ssostitwit b’dan li ġej:

“4. Jekk il-Europol tirċievi data personali minn parti privata f’pajjiż terz, il-Europol tista’ tgħaddi dik id-data biss lil Stat Membru, jew lil pajjiż terz ikkonċernat li miegħu jkun ġie konkluż ftehim fuq il-bażi tal-Artikolu 23 tad-Deċiżjoni 2009/371/ĠAI jew fuq il-bażi tal-Artikolu 218 tat-TFUE jew li jkun is-suġġett ta’ deċiżjoni ta’ adegwatezza kif imsemmija fil-punt (a) tal-Artikolu 25(1) ta’ dan Regolament. Meta jkunu ssodisfati l-kundizzjonijiet stabbiliti fil-paragrafi 5 u 6 tal-Artikolu 25, il-Europol tista’ tittrasferixxi r-riżultat tal-analiżi u tal-verifika tagħha ta’ din id-data lill-pajjiż terz ikkonċernat.”

(c) il-paragrafi 5 u 6 huma ssostitwiti b’dan li ġej:

“5.   Il-Europol tista’ tittrażmetti jew tittrasferixxi data personali lil partijiet privati fuq bażi ta’ każ b’każ, meta dan ikun strettament meħtieġ, u soġġetta għal kwalunkwe restrizzjoni possibbli stipulata skont l-Artikolu 19(2) jew (3) u mingħajr preġudizzju għall-Artikolu 67, fil-każijiet li ġejjin:

(a) it-trażmissjoni jew it-trasferiment ikun bla dubju fl-interess tas-suġġett tad-data, u jew is-suġġett tad-data jkun ta l-kunsens tiegħu; jew

(b) it-trasmissjoni jew it-trasferiment ikun assolutament meħtieġ fl-interess tal-prevenzjoni tat-twettiq imminenti ta’ reat, li jinkludi terroriżmu, li għalih tkun kompetenti l-Europol; jew

(c) it-trażmissjoni jew it-trasferiment ta’ data personali li tkun disponibbli pubblikament tkun strettament meħtieġa għat-twettiq tal-kompitu stabbilit fil-punt (m) tal-Artikolu 4(1) u jkunu ssodisfati l-kundizzjonijiet li ġejjin:

(i)    it-trażmissjoni jew it-trasferiment jikkonċerna każ individwali u speċifiku;

(ii)    ma jkunx hemm drittijiet u libertajiet fundamentali tas-suġġetti tad-data kkonċernati prevalenti fuq l-interess pubbliku li jkunu jeħtieġu t-trażmissjoni jew it-trasferiment fil-każ inkwistjoni; jew

(d) it-trażmissjoni jew it-trasferiment ta’ data personali jkun strettament meħtieġ għall-Europol sabiex tinforma lil dik il-parti privata li l-informazzjoni riċevuta ma tkunx biżżejjed sabiex il-Europol tkun tista’ tidentifika l-unitajiet nazzjonali kkonċernati, u jkunu ssodisfati l-kundizzjonijiet li ġejjin:

6. Fir-rigward tal-punti (a), (b) u (d) tal-paragrafu 5 ta’ dan l-Artikolu, jekk il-parti privata kkonċernata ma tkunx stabbilita fi ħdan l-Unjoni jew f’pajjiż li miegħu l-Europol ikollha ftehim ta’ kooperazzjoni li jippermetti l-iskambju ta’ data personali, li miegħu l-Unjoni tkun ikkonkludiet ftehim internazzjonali skont l-Artikolu 218 tat-TFUE jew li jkun is-suġġett ta’ deċiżjoni ta’ adegwatezza kif imsemmija fil-punt (a) tal-Artikolu 25(1) ta’ dan ir-Regolament, it-trasferiment għandu jiġi awtorizzat biss mid-Direttur Eżekuttiv jekk it-trasferiment ikun:

(a) meħtieġ sabiex ikunu protetti l-interessi vitali tas-suġġett tad-data jew ta’ persuna oħra; jew

(b) meħtieġ sabiex jitħarsu l-interessi leġittimi tas-suġġett tad-data; jew

(c) essenzjali għall-prevenzjoni ta’ theddida immedjata u serja għas-sigurtà pubblika ta’ Stat Membru jew ta’ pajjiż terz; jew

(d) meħtieġ f’każijiet individwali għall-finijiet tal-prevenzjoni, tal-investigazzjoni, tad-detezzjoni jew tal-prosekuzzjoni ta’ reati kriminali li għalihom tkun kompetenti l-Europol; jew

(e) meħtieġ f’każijiet individwali għall-istabbiliment, għall-eżerċizzju jew għad-difiża ta’ talbiet legali relatati mal-prevenzjoni, mal-investigazzjoni, mad-detezzjoni jew mal-prosekuzzjoni ta’ reat kriminali speċifiku li għalih tkun kompetenti l-Europol.

Id-data personali ma għandhiex tiġi ttrasferita jekk id-Direttur Eżekuttiv jiddetermina li d-drittijiet u l-libertajiet fundamentali tas-suġġett tad-data kkonċernat ikunu prevalenti fuq l-interess pubbliku fit-trasferiment imsemmi fil-punti (d) u (e).

It-trasferimenti ma għandhomx ikunu sistematiċi, massivi jew strutturali.”

(d) jiddaħħlu l-paragrafi 6a u 6b li ġejjin:

“6a.   Il-Europol tista’ titlob lill-Istati Membri, permezz tal-unitajiet nazzjonali tagħhom, sabiex jiksbu data personali mingħand partijiet privati, li huma stabbiliti jew li għandhom rappreżentant legali fit-territorju tagħhom, skont il-liġijiet applikabbli tagħhom, għall-fini li jikkondividu mal-Europol, bl-kundizzjoni li d-data personali mitluba tkun strettament limitata għal dik li tkun meħtieġa għall-Europol bl-għan li tidentifika l-unitajiet nazzjonali kkonċernati.

Irrispettivament mill-ġurisdizzjoni tagħhom fuq ir-reat speċifiku li fir-rigward tiegħu l-Europol tfittex li tidentifika l-unitajiet nazzjonali kkonċernati, l-Istati Membri għandhom jiżguraw li l-awtoritajiet nazzjonali kompetenti tagħhom ikunu jistgħu jipproċessaw tali talbiet b’mod legali f’konformità mal-liġijiet nazzjonali tagħhom bl-għan li l-Europol tiġi pprovduta bl-informazzjoni meħtieġa sabiex tkun tista’ tilħaq l-objettivi tagħha.

 6b.   L-infrastruttura tal-Europol tista’ tintuża għal skambji bejn l-awtoritajiet kompetenti tal-Istati Membri u l-partijiet privati f’konformità mal-liġijiet nazzjonali rispettivi tal-Istati Membri. F’każijiet li fihom l-Istati Membri jużaw din l-infrastruttura għal skambji ta’ data personali dwar reati li jaqgħu barra mill-kamp ta’ applikazzjoni tal-objettivi tal-Europol, il-Europol ma għandux ikollha aċċess għal dik id-data.”

(e) jitħassru l-paragrafi 9 u 10;

(13) jiddaħħal l-Artikolu 26a li ġej:

“Artikolu 26a

Skambji ta’ data personali ma’ partijiet privati f’sitwazzjonijiet ta’ kriżi

1. Il-Europol tista’ tirċievi data personali direttament mingħand partijiet privati u tipproċessa dik id-data personali f’konformità mal-Artikolu 18 sabiex tipprevjeni t-tixrid ta’ kontenut online relatat mat-terroriżmu jew mal-estremiżmu vjolenti f’sitwazzjonijiet ta’ kriżi kif stabbilit fil-punt (u) tal-Artikolu 4(1).

2. Jekk il-Europol tirċievi data personali minn parti privata f’pajjiż terz, il-Europol tista’ tgħaddi dik id-data biss lil Stat Membru, jew lil pajjiż terz ikkonċernat li miegħu jkun ġie konkluż ftehim fuq il-bażi tal-Artikolu 23 tad-Deċiżjoni 2009/371/ĠAI jew fuq il-bażi tal-Artikolu 218 tat-TFUE jew li jkun is-suġġett ta’ deċiżjoni ta’ adegwatezza kif imsemmi fil-punt (a) tal-Artikolu 25(1) ta’ dan Regolament. Meta jkunu ssodisfati l-kundizzjonijiet stabbiliti fil-paragrafi 5 u 6 tal-Artikolu 25, il-Europol tista’ tittrasferixxi r-riżultat tal-analiżi u tal-verifika tagħha ta’ din id-data lill-pajjiż terz ikkonċernat.

3. Il-Europol tista’ tittrażmetti jew tittrasferixxi data personali lil partijiet privati, fuq bażi ta’ każ b’każ, soġġetta għal kwalunkwe restrizzjoni possibbli stipulata skont l-Artikolu 19(2) jew (3) u mingħajr preġudizzju għall-Artikolu 67, meta t-trażmissjoni jew it-trasferiment ta’ tali data jkun strettament meħtieġ għall-prevenzjoni tat-tixrid ta’ kontenut online relatat mat-terroriżmu jew mal-estremiżmu vjolenti kif stabbilit fil-punt (u) tal-Artikolu 4(1), u ma jkunx hemm drittijiet u libertajiet fundamentali tas-suġġetti tad-data kkonċernati prevalenti fuq l-interess pubbliku li jkunu jeħtieġu t-trażmissjoni jew it-trasferiment fil-każ inkwistjoni.

4. Jekk il-parti privata kkonċernata ma tkunx stabbilita fi ħdan l-Unjoni jew f’pajjiż li miegħu l-Europol ikollha ftehim ta’ kooperazzjoni li jippermetti l-iskambju ta’ data personali, li miegħu l-Unjoni tkun ikkonkludiet ftehim internazzjonali skont l-Artikolu 218 tat-TFUE jew li jkun is-suġġett ta’ deċiżjoni ta’ adegwatezza kif imsemmi fil-punt (a) tal-Artikolu 25(1) ta’ dan ir-Regolament, it-trasferiment għandu jiġi awtorizzat mid-Direttur Eżekuttiv.

5. Il-Europol tista’ titlob lill-Istati Membri, permezz tal-unitajiet nazzjonali tagħhom, sabiex jiksbu data personali mingħand partijiet privati, li huma stabbiliti jew li għandhom rappreżentant legali fit-territorju tagħhom, skont il-liġijiet applikabbli tagħhom, għall-fini li jikkondividu mal-Europol, bl-kundizzjoni li d-data personali mitluba tkun strettament limitata għal dik li tkun meħtieġa għall-Europol bl-għan li tipprevjeni t-tixrid ta’ kontenut online relatat mat-terroriżmu jew mal-estremiżmu vjolenti kif stabbilit fil-punt (u) tal-Artikolu 4(1). Irrispettivament mill-ġurisdizzjoni tagħhom marbuta mat-tixrid tal-kontenut li fir-rigward tiegħu l-Europol titlob id-data personali, l-Istati Membri għandhom jiżguraw li l-awtoritajiet nazzjonali kompetenti jkunu jistgħu jipproċessaw tali talbiet b’mod legali f’konformità mal-liġijiet nazzjonali tagħhom bl-għan li l-Europol tiġi pprovduta bl-informazzjoni meħtieġa sabiex tkun tista’ tilħaq l-objettivi tagħha.

6. Il-Europol għandha tiżgura li r-rekords dettaljati tat-trasferimenti kollha ta’ data personali u r-raġunijiet għal tali trasferimenti jiġu rreġistrati f’konformità ma’ dan ir-Regolament u kkomunikati fuq talba lill-KEPD skont l-Artikolu 40.

7. Jekk id-data personali riċevuta jew li tkun se tiġi ttrasferita taffettwa l-interessi ta’ Stat Membru, il-Europol għandha tinforma minnufih lill-unità nazzjonali tal-Istat Membru kkonċernat.”

(14)    jiddaħħal l-Artikolu 27a li ġej:

 “Artikolu 27a

Ipproċessar ta’ data personali mill-Europol

1. Dan ir-Regolament, l-Artikolu 3 u l-Kapitolu IX tar-Regolament (UE) 2018/1725 tal-Parlament Ewropew u tal-Kunsill* għandhom japplikaw għall-ipproċessar ta’ data personali operazzjonali mill-Europol.

Ir-Regolament (UE) 2018/1725, bl-eċċezzjoni tal-Kapitolu IX tiegħu, għandu japplika għall-ipproċessar ta’ data personali amministrattiva mill-Europol.

2. Ir-referenzi għar-“regoli applikabbli dwar il-protezzjoni tad-data” f’dan ir-Regolament għandhom jinftiehmu bħala referenzi għad-dispożizzjonijiet dwar il-protezzjoni tad-data stabbiliti f’dan ir-Regolament u fir-Regolament (UE) 2018/1725.

3. Ir-referenzi għal “data personali” f’dan ir-Regolament għandhom jinftiehmu bħala referenzi għal “data personali operazzjonali”, sakemm ma jiġix indikat mod ieħor.

4. Il-Europol għandha tistabbilixxi l-limiti ta’ żmien għall-ħżin ta’ data personali amministrattiva fir-regoli ta’ proċedura tagħha.

____________

* Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).”

(15)    jitħassar l-Artikolu 28;

(16)    L-Artikolu 30 huwa emendat kif ġej:

(a) fil-paragrafu 2, l-ewwel sentenza hija ssostitwita b’dan li ġej:

“2. L-ipproċessar ta’ data personali, b’mezzi awtomatizzati jew b’mezzi oħra, li jiżvela l-oriġini razzjali jew etnika, l-opinjonijiet politiċi, it-twemmin reliġjuż jew filosofiku jew is-sħubija fi trade union u l-ipproċessar ta’ data ġenetika u ta’ data bijometrika sabiex tiġi identifikata b’mod uniku persuna fiżika jew data dwar is-saħħa jew il-ħajja sesswali jew l-orjentazzjoni sesswali ta’ persuna għandhom ikunu permessi biss meta jkunu strettament meħtieġa u proporzjonati għall-prevenzjoni jew għall-ġlieda kontra reat li jaqa’ fi ħdan l-objettivi tal-Europol u jekk dik id-data tissupplimenta data personali oħra pproċessata mill-Europol.”;

(b) fil-paragrafu 3, l-ewwel sentenza hija ssostitwita b’dan li ġej:

“Il-Europol biss għandu jkollha aċċess dirett għad-data personali kif imsemmi fil-paragrafi 1 u 2, ħlief għall-każijiet deskritti fl-Artikolu 20(2a).”

(c) jitħassar il-paragrafu 4;

(d) il-paragrafu 5 huwa ssostitwit b’dan li ġej:

“5. Id-data personali kif imsemmija fil-paragrafi 1 u 2 ma għandhiex tiġi trażmessa lill-Istati Membri, lill-korpi tal-Unjoni, jew ittrasferita lil pajjiżi terzi u lil organizzazzjonijiet internazzjonali sakemm tali trażmissjoni jew trasferiment ma jkunx strettament meħtieġ u proporzjonat f’każijiet individwali li jikkonċernaw reati li jaqgħu fi ħdan l-objettivi tal-Europol u f’konformità mal-Kapitolu V.”;

(17)    L-Artikolu 32 huwa ssostitwit b’dan li ġej:

“Artikolu 32

Sigurtà tal-ipproċessar

Il-Europol u l-Istati Membri għandhom jistabbilixxu mekkaniżmi sabiex jiżguraw li l-miżuri ta’ sigurtà msemmija fl-Artikolu 91 tar-Regolament (UE) 2018/1725 jiġu indirizzati bejn il-fruntieri tas-sistema tal-informazzjoni.”;

(18)    jitħassar l-Artikolu 33;

(19)    jiddaħħal l-Artikolu 33a li ġej:

“Artikolu 33a

L-ipproċessar ta’ data personali għar-riċerka u għall-innovazzjoni

1.        Għall-ipproċessar ta’ data personali mwettaq permezz tal-proġetti ta’ riċerka u ta’ innovazzjoni tal-Europol kif imsemmi fil-punt (e) tal-Artikolu 18(2), għandhom ikunu japplikaw is-salvagwardji addizzjonali li ġejjin:

(a)kwalunkwe proġett għandu jkun soġġett għal awtorizzazzjoni minn qabel mid-Direttur Eżekuttiv, fuq il-bażi ta’ deskrizzjoni tal-attività prevista ta’ pproċessar li tistabbilixxi l-ħtieġa li tiġi pproċessata data personali, bħal pereżempju għall-esplorazzjoni u għall-ittestjar ta’ soluzzjonijiet innovattivi u għall-iżgurar tal-akkuratezza tar-riżultati tal-proġetti; deskrizzjoni tad-data personali li għandha tiġi pproċessata, deskrizzjoni tal-perijodu ta’ żamma u tal-kundizzjonijiet ta’ aċċess għad-data personali, valutazzjoni tal-impatt fuq il-protezzjoni tad-data tar-riskji għad-drittijiet u għall-libertajiet kollha tas-suġġetti tad-data, inkluż kwalunkwe preġudizzju fl-eżitu, u l-miżuri previsti sabiex jiġu indirizzati dawk ir-riskji;

(b)(b) il-Bord ta’ Amministrazzjoni u l-KEPD għandhom jiġu informati qabel it-tnedija tal-proġett; (c) kwalunkwe data personali li għandha tiġi pproċessata fil-kuntest tal-proġett għandha tiġi kkupjata temporanjament għal ambjent ta’ pproċessar ta’ data separat, iżolat u protett fi ħdan il-Europol għall-iskop uniku li jitwettaq dak il-proġett u l-persunal awtorizzat biss tal-Europol għandu jkollu aċċess għal dik id-data;

(c)(d) kwalunkwe data personali pproċessata fil-kuntest tal-proġett ma għandhiex tiġi trażmessa, ittrasferita jew aċċessata b’xi mod ieħor minn partijiet oħra;

(d)(e) kwalunkwe pproċessar ta’ data personali fil-kuntest tal-proġett ma għandux iwassal għal miżuri jew deċiżjonijiet li jaffettwaw is-suġġetti tad-data;

(e)(f) kwalunkwe data personali pproċessata fil-kuntest tal-proġett għandha titħassar ladarba l-proġett jiġi konkluż jew id-data personali tkun waslet fi tmiem il-perjodu taż-żamma tagħha f’konformità mal-Artikolu 31;

(f)(g) ir-reġistri tal-ipproċessar ta’ data personali fil-kuntest tal-proġett għandhom jinżammu għat-tul tal-proġett u sena (1) wara li jkun ġie konkluż il-proġett, għall-iskop biss u sakemm ikunu meħtieġa biss għall-verifika tal-akkuratezza tal-eżitu tal-ipproċessar tad-data.

3.    Il-Europol għandha żżomm deskrizzjoni sħiħa u dettaljata tal-proċess u tar-raġunament wara t-taħriġ, l-ittestjar u l-validazzjoni tal-algoritmi sabiex tiġi żgurata t-trasparenza u għall-verifika tal-akkuratezza tar-riżultati.”;

(20) L-Artikolu 34 huwa emendat kif ġej:

(a) il-paragrafu 1 huwa ssostitwit b’dan li ġej:

“1. Fil-każ ta’ ksur ta’ data personali, il-Europol għandha tinnotifika mingħajr dewmien lill-awtoritajiet kompetenti tal-Istati Membri kkonċernati dwar dak il-ksur, f’konformità mal-kundizzjonijiet stabbiliti fl-Artikolu 7(5), kif ukoll lill-fornitur tad-data kkonċernata sakemm il-ksur ta’ data personali ma jkunx probabbli li jirriżulta f’riskju għad-drittijiet u għal-libertajiet tal-persuni fiżiċi.”;

(b) jitħassar il-paragrafu 3;

(21)    L-Artikolu 35 huwa emendat kif ġej:

(a) jitħassru l-paragrafi 1 u 2;

(b) fil-paragrafu 3, l-ewwel sentenza hija ssostitwita b’dan li ġej:

“Mingħajr preġudizzju għall-Artikolu 93 tar-Regolament 2018/1725, jekk il-Europol ma jkollhiex id-dettalji ta’ kuntatt tas-suġġett tad-data kkonċernat, hija għandha titlob lill-fornitur tad-data sabiex jikkomunika l-ksur ta’ data personali lis-suġġett tad-data kkonċernat u sabiex jinforma lill-Europol dwar id-deċiżjoni meħuda.”;

(b)jitħassru l-paragrafi 4 u 5.”;

(22) L-Artikolu 36 huwa emendat kif ġej:

(a) jitħassru l-paragrafi 1 u 2;

(b) il-paragrafu 3 huwa ssostitwit b’dan li ġej:

“3. Kwalunkwe suġġett tad-data li jixtieq jeżerċita d-dritt ta’ aċċess imsemmi fl-Artikolu 80 tar-Regolament (UE) 2018/1725 għad-data personali relatata mas-suġġett tad-data jista’ jagħmel talba għal dak l-għan, mingħajr ma jġarrab spejjeż eċċessivi, lill-awtorità maħtura għal dak l-għan fl-Istat Membru tal-għażla tiegħu, jew lill-Europol. Meta t-talba ssir lill-awtorità tal-Istat Membru, dik l-awtorità għandha tirreferi t-talba lill-Europol mingħajr dewmien, u fi kwalunkwe każ fi żmien xahar minn meta tirċiviha.”;

(c) jitħassru l-paragrafi 6 u 7(1);

(23) L-Artikolu 37 huwa emendat kif ġej:

(a) il-paragrafu 1 huwa ssostitwit b’dan li ġej:

“1. Kwalunkwe suġġett tad-data li jixtieq jeżerċita d-dritt ta’ rettifika jew ta’ tħassir ta’ data personali jew ta’ restrizzjoni tal-ipproċessar imsemmi fl-Artikolu 82 tar-Regolament (UE) 2018/1725 ta’ data personali relatata miegħu jista’ jagħmel talba għal dak l-għan, permezz tal-awtorità maħtura għal dak l-għan fl-Istat Membru tal-għażla tiegħu, jew lill-Europol. Meta t-talba ssir lill-awtorità tal-Istat Membru, dik l-awtorità għandha tirreferi t-talba lill-Europol mingħajr dewmien, u fi kwalunkwe każ fi żmien xahar minn meta tirċiviha.”;

(b) jitħassar il-paragrafu 2;

(c) fil-paragrafu 3, l-ewwel sentenza hija ssostitwita b’dan li ġej:

“Mingħajr preġudizzju għall-Artikolu 82(3) tar-Regolament 2018/1725, il-Europol għandha tillimita minflok ma tħassar id-data personali kif imsemmi fil-paragrafu 2 jekk ikun hemm motivi raġonevoli sabiex temmen li t-tħassir jista’ jaffettwa l-interessi leġittimi tas-suġġett tad-data.”;

(d) jitħassru l-paragrafi 8 u 9.”;

(24) jiddaħħal l-Artikolu 37a li ġej:

“Artikolu 37a

Dritt għal restrizzjoni tal-ipproċessar

Meta l-ipproċessar ta’ data personali jkun ġie ristrett skont l-Artikolu 82(3) tar-Regolament (UE) 2018/1725, tali data personali għandha tiġi pproċessata biss għall-protezzjoni tad-drittijiet tas-suġġett tad-data jew ta’ persuna fiżika jew ġuridika oħra jew għall-finijiet stabbiliti fl-Artikolu 82(3) ta’ dak ir-Regolament.”;

(25)    L-Artikolu 38 huwa emendat kif ġej:

(a) il-paragrafu 4 huwa ssostitwit b’dan li ġej:

“4. Ir-responsabbiltà għall-konformità mar-Regolament (UE) 2018/1725 fir-rigward ta’ data personali amministrattiva u għall-konformità ma’ dan ir-Regolament u mal-Artikolu 3 u mal-Kapitolu IX tar-Regolament (UE) 2018/1725 fir-rigward ta’ data personali operazzjonali għandha tkun tal-Europol.”;

(b) fil-paragrafu 7, it-tielet sentenza hija ssostitwita b’dan li ġej:

“Is-sigurtà tat-tali skambji għandha tiġi żgurata f’konformità mal-Artikolu 91 tar-Regolament (UE) 2018/1725”;

(26) L-Artikolu 39 huwa emendat kif ġej:

(a) il-paragrafu 1 huwa ssostitwit b’dan li ġej:

“1. Mingħajr preġudizzju għall-Artikolu 90 tar-Regolament (UE) 2018/1725, kwalunkwe tip ġdid ta’ operazzjonijiet ta’ pproċessar li jkunu se jitwettqu għandu jkun soġġett għal konsultazzjoni minn qabel mal-KEPD meta jkunu se jiġu pproċessati kategoriji speċjali ta’ data kif imsemmi fl-Artikolu 30(2) ta’ dan ir-Regolament.”;

(b) jitħassru l-paragrafi 2 u 3;

(27) Jiddaħħal l-Artikolu 39a li ġej:

“Artikolu 39a

Rekords tal-kategoriji ta’ attivitajiet ta’ pproċessar

1. Il-Europol għandha żżomm rekords tal-kategoriji kollha ta’ attivitajiet ta’ pproċessar taħt ir-responsabbiltà tagħha. Dak ir-rekord għandu jinkludi l-informazzjoni li ġejja:

(a) id-dettalji ta’ kuntatt tal-Europol u l-isem u d-dettalji ta’ kuntatt tal-Uffiċjal tal-Protezzjoni tad-Data tagħha;

(b) il-finijiet tal-ipproċessar;

(c) id-deskrizzjoni tal-kategoriji ta’ suġġetti tad-data u tal-kategoriji ta’ data personali;

(d) il-kategoriji ta’ riċevituri li lilhom tkun ġiet żvelata jew se tiġi żvelata d-data personali inklużi riċevituri f’pajjiżi terzi jew f’organizzazzjonijiet internazzjonali;

(e) fejn applikabbli, trasferimenti ta’ data personali operazzjonali lil pajjiż terz, lil organizzazzjoni internazzjonali, jew lil parti privata inkluża l-identifikazzjoni ta’ dak il-pajjiż terz, dik l-organizzazzjoni internazzjonali jew dik il-parti privata;

(f) fejn ikun possibbli, il-limiti ta’ żmien previsti għat-tħassir tal-kategoriji ta’ data differenti;

(g) fejn ikun possibbli, deskrizzjoni ġenerali tal-miżuri tekniċi u organizzazzjonali ta’ sigurtà msemmija fl-Artikolu 91tar-Regolament (UE) 2018/1725.

2. Ir-rekords imsemmija fil-paragrafu 1 għandhom ikunu bil-miktub, inkluż f’forma elettronika.

3. Il-Europol għandha tagħmel ir-rekords imsemmija fil-paragrafu 1 disponibbli għall-KEPD fuq talba.”;

(28)    L-Artikolu 40 huwa emendat kif ġej:

(a) it-titolu huwa ssostitwit b’dan li ġej:

“Reġistrazzjoni”

(b) il-paragrafu 1 huwa ssostitwit b’dan li ġej:

“1. F’konformità mal-Artikolu 88 tar-Regolament (UE) 2018/1725, il-Europol għandha żżomm reġistri tal-operazzjonijiet ta’ pproċessar tagħha. Ma għandu jkun hemm l-ebda possibbiltà li r-reġistrazzjonijiet jiġu mmodifikati.”;

(c) fil-paragrafu 2, l-ewwel sentenza hija ssostitwita b’dan li ġej:

“Mingħajr preġudizzju għall-Artikolu 88 tar-Regolament (UE) 2018/1725, ir-reġistri mħejjija skont il-paragrafu 1, jekk meħtieġa għal investigazzjoni speċifika relatata mal-konformità mar-regoli dwar il-protezzjoni tad-data, għandhom jiġu kkomunikati lill-unità nazzjonali kkonċernata.”;

(29)    L-Artikolu 41 huwa ssostitwit b’dan li ġej:

“Artikolu 41

Ħatra tal-Uffiċjal tal-Protezzjoni tad-Data

1.    Il-Bord ta’ Amministrazzjoni għandu jaħtar Uffiċjal tal-Protezzjoni tad-Data, li għandu jkun membru tal-persunal maħtur speċifikament għal dan l-għan. Fil-qadi ta’ dmirijietu, huwa għandu jaġixxi b’mod indipendenti u ma jista’ jirċievi l-ebda struzzjoni.

2.    L-Uffiċjal tal-Protezzjoni tad-Data għandu jingħażel fuq il-bażi tal-kwalitajiet personali u professjonali tiegħu u, b’mod partikolari, tal-għarfien espert dwar il-protezzjoni tad-data u tal-prattiki u tal-ħila li jwettaq il-kompiti tiegħu msemmija f’dan ir-Regolament.

3. L-għażla tal-Uffiċjal tal-Protezzjoni tad-Data ma għandhiex tkun soġġetta għal kunflitt ta’ interessi bejn id-dmir tiegħu bħala Uffiċjal tal-Protezzjoni tad-Data u kwalunkwe dmir uffiċjali ieħor li jista’ jkollu, b’mod partikolari fir-rigward tal-applikazzjoni ta’ dan ir-Regolament.

4.    L-Uffiċjal tal-Protezzjoni tad-Data għandu jinħatar għal terminu ta’ erba’ snin u għandu jkun eliġibbli għall-ħatra mill-ġdid. L-Uffiċjal tal-Protezzjoni tad-Data jista’ jitneħħa mill-kariga tiegħu mill-Bord Eżekuttiv biss bil-qbil tal-KEPD, jekk huwa ma jibqax jissodisfa l-kundizzjonijiet meħtieġa għat-twettiq ta’ dmirijietu

5.    Wara l-ħatra tiegħu, l-Uffiċjal tal-Protezzjoni tad-Data għandu jiġi rreġistrat mal-Kontrollur Ewropew għall-Protezzjoni tad-Data mill-Bord ta’ Amministrazzjoni

6. Il-Europol għandha tippubblika d-dettalji ta’ kuntatt tal-Uffiċjal tal-Protezzjoni tad-Data u tikkomunikahom lill-KEPD.”;

(30) jiddaħħlu l-Artikoli 41a u 41b li ġejjin:

“Artikolu 41a

Pożizzjoni tal-Uffiċjal tal-Protezzjoni tad-Data

1. Il-Europol għandha tiżgura li l-Uffiċjal tal-Protezzjoni tad-Data jkun involut kif xieraq u mingħajr dewmien fil-kwistjonijiet kollha li jikkonċernaw il-protezzjoni ta’ data personali.

2. Il-Europol għandha tappoġġa lill-Uffiċjal tal-Protezzjoni tad-Data fit-twettiq tal-kompiti msemmija fl-Artikolu 41c billi tipprovdilu r-riżorsi u l-persunal meħtieġa sabiex iwettaq dawk il-kompiti u billi tipprovdi aċċess għad-data personali u għall-operazzjonijiet ta’ pproċessar, u sabiex iżomm l-għarfien espert tiegħu. Il-persunal relatat jista’ jiġi ssupplimentat minn assistent UPD fil-qasam tal-ipproċessar operazzjonali u amministrattiv tad-data personali.

3. Il-Europol għandha tiżgura li l-Uffiċjal tal-Protezzjoni tad-Data ma jirċievi l-ebda struzzjoni dwar l-eżerċizzju ta’ dawk il-kompiti. L-Uffiċjal tal-Protezzjoni tad-Data għandu jirrapporta direttament lill-Bord ta’ Amministrazzjoni. L-Uffiċjal tal-Protezzjoni tad-Data ma għandux jitkeċċa jew jiġi ppenalizzat mill-Bord ta’ Amministrazzjoni għat-twettiq tal-kompiti tiegħu.

4. Is-suġġetti tad-data jistgħu jikkuntattjaw lill-Uffiċjal tal-Protezzjoni tad-Data fir-rigward tal-kwistjonijiet kollha marbuta mal-ipproċessar ta’ data personali tagħhom u għall-eżerċitar tad-drittijiet tagħhom skont ir-Regolament (UE) 2018/1725. L-ebda persuna ma għandha ġġarrab preġudizzju minħabba kwistjoni miġjuba għall-attenzjoni tal-Uffiċjal tal-Protezzjoni tad-Data li tallega li jkun seħħ ksur ta’ dan ir-Regolament jew tar-Regolament (UE) 2018/1725.

5. Il-Bord ta’ Amministrazzjoni għandu jadotta regoli ta’ implimentazzjoni ulterjuri dwar l-Uffiċjal tal-Protezzjoni tad-Data. Dawk ir-regoli ta’ implimentazzjoni għandhom jikkonċernaw b’mod partikolari l-proċedura tal-għażla għall-kariga tal-Uffiċjal tal-Protezzjoni tad-Data, it-tkeċċija, il-kompiti, id-dmirijiet u s-setgħat tiegħu, u s-salvagwardji għall-indipendenza tal-Uffiċjal tal-Protezzjoni tad-Data.

6. L-Uffiċjal tal-Protezzjoni tad-Data u l-persunal tiegħu għandhom ikunu marbuta bl-obbligu ta’ kunfidenzjalità f’konformità mal-Artikolu 67(1).

Artikolu 41b

Kompiti tal-Uffiċjal tal-Protezzjoni tad-Data

1.    L-Uffiċjal tal-Protezzjoni tad-Data għandu, b’mod partikolari, ikollu l-kompiti li ġejjin fir-rigward tal-ipproċessar ta’ data personali:

(a)    jiżgura b’mod indipendenti l-konformità tal-Europol mad-dispożizzjonijiet dwar il-protezzjoni tad-data ta’ dan ir-Regolament u tar-Regolament (UE) 2018/1725 u mad-dispożizzjonijiet rilevanti dwar il-protezzjoni tad-data fir-regoli ta’ proċedura tal-Europol; dan jinkludi l-monitoraġġ tal-konformità ma’ dan ir-Regolament, mar-Regolament 2018/1725, ma’ dispożizzjonijiet oħra tal-Unjoni jew nazzjonali dwar il-protezzjoni tad-data u mal-politiki tal-Europol b’rabta mal-protezzjoni ta’ data personali, inklużi l-assenjazzjoni tar-responsabbiltajiet, is-sensibilizzazzjoni u t-taħriġ tal-persunal involut fl-attivitajiet ta’ pproċessar, u l-awditi relatati.;

b) jinfurma u jagħti pariri lill-Europol u lill-persunal li jipproċessa data personali dwar l-obbligi tagħhom skont dan ir-Regolament, ir-Regolament (UE) 2018/1725 u dispożizzjonijiet oħra tal-Unjoni jew nazzjonali dwar il-protezzjoni tad-data;

c) jipprovdi pariri meta mitlub fir-rigward tal-valutazzjoni tal-impatt fuq il-protezzjoni tad-data u jissorvelja l-prestazzjoni tagħha skont l-Artikolu 89 tar-Regolament (UE) 2018/1725;

d) iżomm reġistru ta’ ksur ta’ data personali u jipprovdi pariri meta mitlub fir-rigward tal-ħtieġa ta’ notifika jew ta’ komunikazzjoni ta’ ksur ta’ data personali skont l-Artikoli 92 u 93 tar-Regolament (UE) 2018/1725;

(e) jiżgura li jinżamm rekord tat-trasferiment u tar-riċevuta ta’ data personali f’konformità ma’ dan ir-Regolament;

(f) jiżgura li s-suġġetti tad-data jiġu informati bid-drittijiet tagħhom skont dan ir-Regolament u r-Regolament (UE) 2018/1725 fuq talba tagħhom;

(g) il-kooperazzjoni mal-persunal tal-Europol responsabbli għall-proċeduri, għat-taħriġ u għall-pariri dwar l-ipproċessar tad-data;

(h) jikkoopera mal-KEPD;

(i) jikkoopera mal-awtoritajiet nazzjonali kompetenti, b’mod partikolari mal-Uffiċjali tal-Protezzjoni tad-Data maħtura tal-awtoritajiet kompetenti tal-Istati Membri u mal-awtoritajiet superviżorji nazzjonali dwar kwistjonijiet ta’ protezzjoni tad-data fil-qasam tal-infurzar tal-liġi;

(j) jaġixxi bħala l-punt ta’ kuntatt għall-Kontrollur Ewropew għall-Protezzjoni tad-Data dwar kwistjonijiet relatati mal-ipproċessar, inkluża l-konsultazzjoni minn qabel skont l-Artikoli 39 u 90 tar-Regolament (UE) 2018/1725, u jikkonsulta, fejn xieraq, fir-rigward ta’ kwalunkwe kwistjoni oħra;

(k) iħejji rapport annwali u jikkomunika dak ir-rapport lill-Bord ta’ Amministrazzjoni u lill-KEPD;

2.    L-Uffiċjal tal-Protezzjoni tad-Data għandu jwettaq il-funzjonijiet previsti fir-Regolament (UE) 2018/1725 fir-rigward tad-data personali amministrattiva.

3.    Fit-twettiq tal-kompiti tiegħu, l-Uffiċjal tal-Protezzjoni tad-Data u l-membri tal-persunal tal-Europol li jassistu lill-Uffiċjal tal-Protezzjoni tad-Data fit-twettiq ta’ dmirijietu għandu jkollhom aċċess għad-data kollha pproċessata mill-Europol u għall-bini kollu tal-Europol.

4.    Jekk l-Uffiċjal tal-Protezzjoni tad-Data jqis li d-dispożizzjonijiet ta’ dan ir-Regolament, tar-Regolament (UE) 2018/1725 b’rabta mal-ipproċessar ta’ data personali amministrattiva jew id-dispożizzjonijiet ta’ dan ir-Regolament jew tal-Artikolu 3 u tal-Kapitolu IX tar-Regolament (UE) 2018/1725 dwar l-ipproċessar ta’ data personali operazzjonali ma jkunux ġew irrispettati, huwa għandu jinforma lid-Direttur Eżekuttiv u għandu jitolbu li jsolvi n-nuqqas ta’ konformità fi ħdan żmien speċifikat.

Jekk id-Direttur Eżekuttiv ma jsolvix in-nuqqas ta’ konformità tal-ipproċessar fiż-żmien speċifikat, l-Uffiċjal tal-Protezzjoni tad-Data għandu jinforma lill-Bord ta’ Amministrazzjoni. Il-Bord ta’ Amministrazzjoni għandu jwieġeb fi ħdan limitu ta’ żmien speċifikat miftiehem mal-Uffiċjal tal-Protezzjoni tad-Data. Jekk il-Bord ta’ Amministrazzjoni ma jsolvix in-nuqqas ta’ konformità fi ħdan iż-żmien speċifikat, l-Uffiċjal tal-Protezzjoni tad-Data għandu jirreferi l-kwistjoni lill-KEPD.”;

(31)    Fl-Artikolu 42, il-paragrafi 1 u 2 huma ssostitwiti b’dan li ġej:

“1. Għall-fini tal-eżerċizzju tal-funzjoni ta’ sorveljanza tagħha, l-awtorità superviżorja nazzjonali għandu jkollha aċċess, fl-unità nazzjonali jew fil-bini tal-uffiċjali ta’ kollegament, għad-data sottomessa mill-Istat Membru tagħha lill-Europol f’konformità mal-proċeduri nazzjonali rilevanti u għar-reġistri kif imsemmi fl-Artikolu 40.

 2.   L-awtoritajiet superviżorji nazzjonali għandu jkollhom aċċess għall-uffiċċji u għad-dokumenti tal-uffiċjali ta’ kollegament rispettivi tagħhom fil-Europol.”;”.

(32)    L-Artikolu 43 huwa emendat kif ġej:

(a) fil-paragrafu 1, l-ewwel sentenza hija ssostitwita b’dan li ġej:

“Il-KEPD għandu jkun responsabbli għall-monitoraġġ u għall-iżgurar tal-applikazzjoni tad-dispożizzjonijiet ta’ dan ir-Regolament u tar-Regolament (UE) 2018/1725 dwar il-protezzjoni tad-drittijiet u tal-libertajiet fundamentali ta’ persuni fiżiċi fir-rigward tal-ipproċessar ta’ data personali mill-Europol, u għall-għoti ta’ pariri lill-Europol u lis-suġġetti tad-data dwar il-materji kollha li jikkonċernaw l-ipproċessar tad-data”;

(b) il-paragrafu 5 huwa ssostitwit b’dan li ġej:

“5. Il-KEPD għandu jfassal rapport annwali dwar l-attivitajiet superviżorji tiegħu fir-rigward tal-Europol. Dak ir-rapport għandu jkun parti mir-rapport annwali tal-KEPD imsemmi fl-Artikolu 60 tar-Regolament (UE) 2018/1725. L-awtoritajiet superviżorji nazzjonali għandhom jiġu mistiedna jagħmlu osservazzjonijiet dwar dan ir-rapport qabel ma dan isir parti mir-rapport annwali. Il-KEPD għandu jieħu kont sħiħ tal-osservazzjonijiet magħmula mill-awtoritajiet superviżorji nazzjonali u, fi kwalunkwe każ, għandu jirreferihom fir-rapport annwali.

Ir-rapport għandu jinkludi informazzjoni statistika dwar ilmenti, inkjesti, u investigazzjonijiet, kif ukoll dwar trasferimenti ta’ data personali lil pajjiżi terzi u lil organizzazzjonijiet internazzjonali, każijiet ta’ konsultazzjoni minn qabel, u l-użu tas-setgħat stipulati fil-paragrafu 3.”;

(33)    fl-Artikolu 44, il-paragrafu 2 huwa ssostitwit b’dan li ġej:

“2.    Fl-każijiet imsemmija fil-paragrafu 1, is-superviżjoni koordinata għandha tiġi żgurata f’konformità mal-Artikolu 62 tar-Regolament (UE) 2018/1725. Il-KEPD għandu juża l-għarfien espert u l-esperjenza tal-awtoritajiet superviżorji nazzjonali fit-twettiq ta’ dmirijietu kif stabbilit fl-Artikolu 43(2). Fit-twettiq ta’ spezzjonijiet konġunti flimkien mal-KEPD, il-membri u l-persunal tal-awtoritajiet superviżorji nazzjonali għandhom, b’kont meħud tal-prinċipji tas-sussidjarjetà u tal-proporzjonalità, ikollhom setgħat ekwivalenti għal dawk stabbiliti fl-Artikolu 43(4) u jkunu marbuta b’obbligu ekwivalenti għal dak stabbilit fl-Artikolu 43(6).”;

(34)    Jitħassru l-Artikoli 45 u 46;

(35)    L-Artikolu 47 huwa emendat kif ġej:

(a) il-paragrafu 1 huwa ssostitwit b’dan li ġej:

“ 1.   Kwalunkwe suġġett tad-data għandu jkollu d-dritt li jressaq ilment mal-KEPD jekk huwa jqis li l-ipproċessar mill-Europol ta’ data personali relatata miegħu ma jikkonformax ma’ dan ir-Regolament jew mar-Regolament (UE) 2018/1725.”;

(b) fil-paragrafu 2, l-ewwel sentenza hija ssostitwita b’dan li ġej:

“Meta lment ikollu x’jaqsam ma’ deċiżjoni kif imsemmi fl-Artikolu 36, 37 jew 37a ta’ dan ir-Regolament jew fl-Artikolu 80, 81 jew 82 tar-Regolament (UE) 2018/1725, il-KEPD għandu jikkonsulta lill-awtoritajiet superviżorji nazzjonali tal-Istat Membru li pprovda d-data jew tal-Istat Membru kkonċernat direttament.”;

(c) jiżdied il-paragrafu 5 li ġej:

“5. Il-KEPD għandu jinforma lis-suġġett tad-data dwar il-progress u l-eżitu tal-ilment, kif ukoll dwar il-possibbiltà ta’ rimedju ġudizzjarju skont l-Artikolu 48.”;

(36)    L-Artikolu 50 huwa emendat kif ġej:

(a) it-titolu huwa ssostitwit b’dan li ġej:

“Dritt għal kumpens”;

(b) jitħassar il-paragrafu 1;

(c) il-paragrafu 2 huwa ssostitwit b’dan li ġej:

“2.   Kwalunkwe tilwima bejn il-Europol u l-Istati Membri dwar ir-responsabbiltà finali għall-kumpens mogħti lil persuna li tkun ġarrbet dannu materjali jew mhux materjali f’konformità mal-Artikolu 65 tar-Regolament (UE) 2018/1725 u mal-liġijiet nazzjonali li jittrasponu l-Artikolu 56 tad-Direttiva (UE) 2016/680 għandha tiġi riferita lill-Bord ta’ Amministrazzjoni, li għandu jiddeċiedi b’maġġoranza ta’ żewġ terzi tal-membri tiegħu, mingħajr preġudizzju għad-dritt ta’ kontestazzjoni ta’ dik id-deċiżjoni f’konformità mal-Artikolu 263 tat-TFUE.”;.”

(37)    L-Artikolu 51 huwa emendat kif ġej:

   (a) fil-paragrafu 3 jiżdiedu l-punti (f) sa (i) li ġejjin:

“(f)    informazzjoni annwali dwar in-numru ta’ każijiet li fihom il-Europol tkun ħarġet talbiet ta’ segwitu lil partijiet privati jew talbiet fuq inizjattiva proprja lill-Istati Membri ta’ stabbiliment għat-trażmissjoni ta’ data personali f’konformità mal-Artikolu 26, inklużi eżempji speċifiċi ta’ każijiet li juru għaliex dawn it-talbiet kienu meħtieġa sabiex il-Europol tilħaq l-objettivi u twettaq il-kompiti tagħha;

(g)    informazzjoni annwali dwar in-numru ta’ każijiet li fihom kien meħtieġ li l-Europol tipproċessa data personali barra mill-kategoriji tas-suġġetti tad-data elenkati fl-Anness II sabiex tappoġġa lill-Istati Membri f’investigazzjoni kriminali speċifika f’konformità mal-Artikolu 18a, inklużi eżempji ta’ każijiet bħal dawn li juru għaliex dan l-ipproċessar tad-data kien meħtieġ;

(h)    informazzjoni annwali dwar in-numru ta’ każijiet li fihom il-Europol ħarġet allerti fis-Sistema ta’ Informazzjoni ta’ Schengen f’konformità mal-Artikolu 4(1)(r), u n-numru ta’ “hits” li ġġeneraw dawn l-allerti, inklużi eżempji speċifiċi ta’ każijiet li juru għaliex dawn l-allerti kienu meħtieġa għall-Europol sabiex tilħaq l-objettivi u twettaq il-kompiti tagħha;

(i)    informazzjoni annwali dwar in-numru ta’ proġetti pilota li fihom il-Europol ipproċessat data personali sabiex tħarreġ, tittestja u tivvalida algoritmi għall-iżvilupp ta’ għodod, li jinkludu għodod ibbażati fuq l-AI, għall-infurzar tal-liġi f’konformità mal-Artikolu 33a, inkluża informazzjoni dwar l-iskopijiet ta’ dawn il-proġetti u l-ħtiġijiet ta’ infurzar tal-liġi li huma jfittxu li jindirizzaw.”;

(38)    fl-Artikolu 57, il-paragrafu 4 huwa ssostitwit b’dan li ġej:

“4.   Il-Europol tista’ tibbenefika minn finanzjament tal-Unjoni fil-forma ta’ ftehimiet ta’ kontribuzzjoni jew ta’ ftehimiet ta’ għotja f’konformità mar-regoli finanzjarji tagħha msemmija fl-Artikolu 61 u mad-dispożizzjonijiet tal-istrumenti rilevanti li jappoġġaw il-politiki tal-Unjoni. Jistgħu jiġu riċevuti kontribuzzjonijiet mingħand pajjiżi li magħhom il-Europol jew l-Unjoni jkollha ftehim li jipprovdi għal kontribuzzjonijiet finanzjarji lill-Europol fi ħdan il-kamp ta’ applikazzjoni tal-objettivi u tal-kompiti tal-Europol. L-ammont tal-kontribuzzjoni għandu jiġi ddeterminat fil-ftehim rispettiv.”;

(39)    L-Artikolu 61 huwa emendat kif ġej:

(a) Il-paragrafu 1 huwa ssostitwit b’dan li ġej:

“1.    Ir-regoli finanzjarji applikabbli għall-Europol għandhom jiġu adottati mill-Bord tat-Tmexxija wara konsultazzjoni mal-Kummissjoni. Dawn ma għandhomx jiddevjaw mir-Regolament Delegat tal-Kummissjoni (UE) Nru 2019/715, ħlief jekk tali devjazzjoni tkun mitluba speċifikament għall-operat tal-Europol u l-Kummissjoni ma tkun tat il-kunsens tagħha minn qabel.”

(b) il-paragrafi 2 u 3 huma ssostitwiti b’dawn li ġejjin:

“2.   Il-Europol tista’ tagħti għotjiet relatati mal-ilħuq tal-objettivi u mat-twettiq tal-kompiti tagħha kif imsemmi fl-Artikoli 3 u 4.”;

3.   Il-Europol tista’ tagħti għotjiet mingħajr sejħa għal proposti lill-Istati Membri għat-twettiq ta’ attivitajiet li jaqgħu taħt l-objettivi u l-kompiti tal-Europol.”;

(c) jiddaħħal il-paragrafu 3a li ġej:

“3a. Meta jkun debitament ġustifikat għal skopijiet operazzjonali, l-appoġġ finanzjarju jista’ jkopri l-ispejjeż kollha ta’ investiment tat-tagħmir, tal-infrastruttura jew ta’ assi oħra.”;

(40)    L-Artikolu 67 huwa ssostitwit b’dan li ġej:

“Artikolu 67

Regoli ta’ sigurtà dwar il-protezzjoni ta’ informazzjoni klassifikata u ta’ informazzjoni sensittiva mhux klassifikata

1. Il-Europol għandha tadotta r-regoli ta’ sigurtà tagħha stess li għandhom ikunu bbażati fuq il-prinċipji u r-regoli stabbiliti fir-regoli ta’ sigurtà tal-Kummissjoni għall-protezzjoni ta’ informazzjoni klassifikata tal-Unjoni Ewropea (EUCI) u ta’ informazzjoni sensittiva mhux klassifikata, inklużi, fost l-oħrajn, dispożizzjonijiet għall-iskambju ta’ tali informazzjoni ma’ pajjiżi terzi, għall-ipproċessar u għall-ħżin ta’ tali informazzjoni kif stabbilit fid-Deċiżjonijiet tal-Kummissjoni (UE, Euratom) 2015/443 (44) u (UE, Euratom) 2015/444 (45). Kwalunkwe arranġament amministrattiv dwar l-iskambju ta’ informazzjoni klassifikata mal-awtoritajiet rilevanti ta’ pajjiż terz jew, fin-nuqqas ta’ tali arranġament, kwalunkwe rilaxx ad hoc eċċezzjonali ta’ EUCI lil dawk l-awtoritajiet, għandu jkun soġġett għall-approvazzjoni minn qabel tal-Kummissjoni.

2. Il-Bord ta’ Amministrazzjoni għandu jadotta r-regoli ta’ sigurtà tal-Europol wara l-approvazzjoni mill-Kummissjoni. Meta tivvaluta r-regoli ta’ sigurtà proposti, il-Kummissjoni għandha tiżgura li dawn ikunu kompatibbli mad-Deċiżjonijiet (UE, Euratom) 2015/443 u (UE, Euratom) 2015/444.”

(41)    fl-Artikolu 68, jiżdied il-paragrafu 3 li ġej:

“3.    Il-Kummissjoni għandha, sa [tliet snin wara d-dħul fis-seħħ ta’ dan ir-Regolament], tippreżenta rapport lill-Parlament Ewropew u lill-Kunsill, li jivvaluta l-benefiċċji operazzjonali tal-implimentazzjoni tal-kompetenzi previsti fl-Artikolu 18(2)(e) u (5a), fl-Artikolu 18a, fl-Artikolu 26 u fl-Artikolu 26a fir-rigward tal-objettivi tal-Europol. Ir-rapport għandu jkopri l-impatt ta’ dawk il-kompetenzi fuq id-drittijiet u fuq il-libertajiet fundamentali kif minquxa fil-Karta tad-Drittijiet Fundamentali.”.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri f’konformità mat-Trattati.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.Artikolu QAFAS TAL-INIZJATTIVA LEĠIŻLATTIVA

1.1.Titolu tal-inizjattiva leġiżlattiva

1.2.Qasam/oqsma ta’ politika kkonċernat(i)

1.3.Il-proposta hija marbuta ma’

◻ azzjoni ġdida

◻ azzjoni ġdida li ssegwi proġett pilota/azzjoni preparatorja 62  

⌧ l-estensjoni ta’ azzjoni eżistenti 

◻ fużjoni ta’ azzjoni waħda jew aktar f’azzjoni oħra/f’azzjoni ġdida 

1.4.Objettiv(i)

1.4.1.Objettiv(i) ġenerali

1.4.2.Objettiv(i) speċifiku/speċifiċi

1.4.3.Riżultat(i) u impatt mistennija

Speċifika l-effetti li jenħtieġ li jkollha l-inizjattiva leġiżlattiva fuq il-benefiċjarji/gruppi fil-mira.

1.4.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.5.Raġunijiet għall-inizjattiva leġiżlattiva

1.5.1.Rekwiżit(i) li għandu/għandhom jiġi/u ssodisfat(i) fuq terminu qasir jew fit-tul inkluża kronoloġija dettaljata għall-prosegwiment tal-implimentazzjoni tal-inizjattiva leġiżlattiva

1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, eż. titjib fil-koordinazzjoni, ċertezza tad-dritt, effettività jew kumplimentarjetajiet akbar). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li inkella kien jinħoloq mill-Istati Membri weħidhom.

1.5.3.Tagħlimiet meħuda minn esperjenzi simili fil-passat

1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħrajn

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata u impatt finanzjarju tal-inizjattiva leġiżlattiva

◻ durata limitata

◻    Proposta/inizjattiva b’effett minn [JJ/XX]SSSS sa [JJ/XX]SSSS

◻ Impatt finanzjarju mill-SSSS sal-SSSS

⌧ durata mhux limitata

Implimentazzjoni b’perjodu tal-bidu mill-2022 sal-2027

segwita minn operazzjoni fuq skala sħiħa.

1.7.Mod(i) ta’ ġestjoni ppjanat(i) 75  

◻ Ġestjoni diretta mill-Kummissjoni permezz ta’

◻    aġenziji eżekuttivi

◻ Ġestjoni kondiviża mal-Istati Membri

⌧ Ġestjoni indiretta billi l-kompiti tal-implimentazzjoni baġitarja jiġu fdati lil:

◻ organizzazzjonijiet internazzjonali u l-aġenziji tagħhom (li jridu jiġu speċifikati);

◻il-BEI u l-Fond Ewropew tal-Investiment;

⌧ il-korpi msemmija fl-Artikoli 70 u 71;

◻ korpi rregolati bil-liġi pubblika;

◻ korpi rregolati bil-liġi privata b’missjoni ta’ servizz pubbliku sa fejn jipprovdu garanziji finanzjarji adegwati;

◻ korpi rregolati bil-liġi privata ta’ Stat Membru li huma fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE u li huma identifikati fl-att bażiku rilevanti.

Kummenti

2.MIŻURI TA’ ĠESTJONI

2.1.Regoli dwar il-monitoraġġ u r-rapportar

Speċifika l-frekwenza u l-kundizzjonijiet.

2.2.Sistema/i ta’ ġestjoni u ta’ kontroll

2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“ispejjeż tal-kontroll ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)

2.3.Miżuri għall-prevenzjoni tal-frodi u tal-irregolaritajiet

Speċifikazzjoni ta’ miżuri protettivi u ta’ prevenzjoni eżistenti jew maħsuba, eż. mill-Istrateġija Kontra l-Frodi.

3.IMPATT FINANZJARJU STMAT TAL-INIZJATTIVA LEĠIŻLATTIVA

3.1.Intestatura/i tal-qafas finanzjarju pluriennali u tal-linja/i baġitarja/i tan-nefqa affettwata/i

L-intestaturi baġitarji eżistenti

Fl-ordni tal-intestaturi tal-qafas finanzjarju pluriennali u tal-linji baġitarji.

Linji baġitarji ġodda mitluba

Fl-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt stmat fuq in-nefqa

3.2.1.Sommarju tal-impatt stmat fuq in-nefqa

Fin-nuqqas ta’ votazzjonijiet li jgħaddu l-QFP 2021-2027 u l-Baġit 2021, l-impatt finanzjarju stmat tal-inizjattiva leġiżlattiva jinkludi biss ir-riżorsi meħtieġa minbarra l-kontribuzzjoni tal-linja bażi tal-UE tal-Europol (kostijiet addizzjonali meta mqabbla mal-linja bażi – Skeda nru 68).

f’miljuni ta’ EUR (sa tliet ċifri wara l-punt deċimali)

f’miljuni ta’ EUR (sa tliet ċifri wara l-punt deċimali)

f’miljuni ta’ EUR (sa tliet ċifri wara l-punt deċimali)

3.2.2.Impatt stmat fuq l-approprjazzjonijiet tal-Europol

◻    Il-proposta/L-inizjattiva ma teħtieġx l-użu ta’ approprjazzjonijiet operazzjonali

⌧    Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

Fin-nuqqas ta’ votazzjonijiet li jgħaddu l-QFP 2021-2027 u l-Baġit 2021, l-impatt finanzjarju stmat tal-inizjattiva leġiżlattiva jinkludi biss ir-riżorsi meħtieġa minbarra l-kontribuzzjoni tal-linja bażi tal-UE tal-Europol (kostijiet addizzjonali meta mqabbla mal-linja bażi – Skeda nru 68).

Approprjazzjonijiet ta’ impenn f’miljuni ta’ EUR (sa tliet ċifri wara l-punt deċimali)

3.2.3.Impatt stmat fuq ir-riżorsi umani tal-Europol

3.2.3.1.Sommarju

◻    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

⌧    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

f’miljuni ta’ EUR (sa tliet ċifri wara l-punt deċimali)

Rekwiżiti tal-persunal (FTE):

Id-dati ta’ reklutaġġ huma ppjanati għal nofs is-sena. L-ammonti ġew adattati kif xieraq: il-kostijiet tal-persunal reklutat ġdid ġew stmati għal 50 % tal-kostijiet medji għas-sena tar-reklutaġġ tagħhom.

Ir-riżorsi umani meħtieġa għall-implimentazzjoni tal-objettivi tal-mandat il-ġdid ġew stmati f’kooperazzjoni mal-Europol. L-istimi jqisu ż-żieda mistennija fl-ammont ta’ xogħol hekk kif il-partijiet ikkonċernati jagħmlu aktar użu mis-servizzi tal-Europol maż-żmien, kif ukoll iż-żmien meħtieġ għall-Europol sabiex tassorbi r-riżorsi bl-għan li tevita sitwazzjoni li fiha l-aġenzija ma tkunx tista’ timplimenta bis-sħiħ il-kontribuzzjoni tal-UE u l-approprjazzjonijiet ta’ impenn fil-ħin.

Fl-LFS ma hija prevista l-ebda żieda f’aġenti bil-kuntratt. Il-Kummissjoni biħsiebha tipproponi li żżid ir-rakkomandazzjoni tagħha għal-livell ta’ aġenti bil-kuntratt minn 191 għal 235 sabiex jingħata appoġġ tal-IT u amministrattiv għall-attivitajiet operazzjonali. Il-livell massimu ta’ aġenti bil-kuntratt se jiġi stabbilit għal 235 fl-2021 u jenħtieġ li jiġi stabbilizzat f’dan il-livell għall-QFP 2021-2027 kollu.

Dettalji taż-żieda fil-persunal

3.2.3.2.Stima tar-rekwiżiti tar-riżorsi umani għad-DĠ prinċipali

◻    Il-proposta/l-inizjattiva ma tirrikjedix l-użu tar-riżorsi umani.

⌧    Il-proposta/l-inizjattiva tirrikjedi l-użu tar-riżorsi umani, kif spjegat hawn taħt:

L-istima trid tiġi espressa f’ammonti sħaħ (jew sa massimu ta’ punt deċimali wieħed)

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa se jiġu ssodisfati minn persunal tad-DĠ li diġà huwa assenjat għall-ġestjoni tal-azzjoni u/jew ġie riallokat fid-DĠ, jekk ikun hemm bżonn flimkien ma’ kwalunkwe allokazzjoni addizzjonali li tista’ tingħata lid-DĠ amministrattiv taħt il-proċedura ta’ allokazzjoni annwali u fid-dawl ta’ limitazzjonijiet baġitarji.

Deskrizzjoni tal-kompiti li għandhom jitwettqu:

Id-deskrizzjoni tal-kalkolu tal-kost għall-unitajiet FTE jenħtieġ li titniżżel fit-taqsima 3 tal-Anness V.

3.2.4.Kompatibbiltà mal-qafas finanzjarju pluriennali kurrenti

◻    Il-proposta/l-inizjattiva hija kompatibbli mal-qafas finanzjarju pluriennali attwali.

◻    Il-proposta/l-inizjattiva se tirrikjedi riprogrammazzjoni tal-intestatura rilevanti fil-qafas finanzjarju pluriennali.

◻    Il-proposta/inizjattiva teħtieġ applikazzjoni tal-istrument ta’ flessibbiltà jew reviżjoni tal-qafas finanzjarju pluriennali 92 .

3.2.5.Kontribuzzjonijiet ta’ partijiet terzi

Il-proposta/l-inizjattiva ma tipprevedix kofinanzjament minn partijiet terzi.

Il-proposta/l-inizjattiva tipprevedi l-kofinanzjament stmat hawn taħt:

f’miljuni ta’ EUR (aġġustati ’l fuq għal tliet pożizzjonijiet deċimali)

3.3.L-impatt stmat fuq id-dħul

⌧    Il-proposta/inizjattiva ma għandha l-ebda impatt finanzjarju fuq id-dħul.

◻    Il-proposta/l-inizjattiva għandha l-impatt finanzjarju li ġej:

◻    fuq ir-riżorsi proprji

◻    fuq dħul ieħor

◻ jekk jogħġbok indika, jekk id-dħul huwa assenjat għal-linji tan-nefqa

f’miljuni ta’ EUR (sa tliet ċifri wara l-punt deċimali)

Għad-dħul mixxellanju “assenjat”, speċifika l-linja/i baġitarja/i tan-nefqa affettwata/i.

Speċifika l-metodu għall-kalkolu tal-impatt fuq id-dħul.

(1)    Dan jinkludi żviluppi bħan-networks mobbli tal-5G, l-intelliġenza artifiċjali, l-internet tal-oġġetti, id-droni, l-anonimizzazzjoni u l-kriptaġġ, l-istampar 3D u l-bijoteknoloġija. Pereżempju, f’Lulju 2020, l-awtoritajiet ġudizzjarji u tal-infurzar tal-liġi Franċiżi u Olandiżi, flimkien mal-Europol u mal-Eurojust, ippreżentaw l-investigazzjoni konġunta sabiex iżarmaw l-EncroChat, network telefoniku kriptat użat minn networks kriminali involuti f’attakki vjolenti, f’korruzzjoni, f’attentati ta’ qtil u fi trasport ta’ drogi fuq skala kbira ( https://www.europol.europa.eu/newsroom/news/dismantling-of-encrypted-network-sends-shockwaves-through-organised-crime-groups-across-europe ).

(2)    L-integrazzjoni tas-sistemi diġitali f’ħafna attivitajiet kriminali u l-espansjoni tal-kummerċ online f’oġġetti u f’servizzi illeċiti qed jittrasformaw il-kriminalità serja u organizzata. Ara l-Europol, Serious and Organised Threat Assessments 2017.

(3)    L -attakk f’Pariġi fil-25.09.2020, l-attakk f’Conflans-Sainte-Honorine fis-16.10.2020, l-attakk f’Nizza fid-29.10.2020 u l-attakk fi Vjenna fit-02.11.2020.

(4)     www.europol.europa.eu/publications-documents/pandemic-profiteering-how-criminals-exploit-covid-19-crisis . Dan huwa partikolarment il-każ b’rabta maċ-ċiberkriminalità, mal-frodi, mal-falsifikazzjoni u mal-kriminalità organizzata fil-proprjetà.

(5)     https://www.europol.europa.eu/publications-documents/beyond-pandemic-how-covid-19-will-shape-serious-and-organised-crime-landscape-in-eu .

(6)    Aktar minn 5 000 grupp tal-kriminalità organizzata kienu qed jiġu investigati fl-Ewropa fl-2017 – żieda ta’ 50 % meta mqabbla mal-2013. 45 % tal-gruppi tal-kriminalità organizzata kienu involuti f’aktar minn attività kriminali waħda. Is-sehem ta’ dawn il-gruppi polikriminali żdied drastikament. Il-gruppi tal-kriminalità organizzata ta’ spiss ikunu involuti f’aktar minn attività kriminali waħda. Huma flessibbli ħafna u jistgħu jaqilbu minn attività kriminali għal oħra. Europol, Serious and Organised Threat Assessments 2017.

(7)    Ir-Regolament (UE) 2016/794 (11.5.2016).

(8)    13-il Stat Membru tal-UE irrapportaw total ta’ 119-il attakk terroristiku mwettqa, li fallew u li twaqqfu, b’10 imwiet u b’27 korriment (Europol, European Union Terrorism Situation and Trend Report, 2020).

(9)     https://www.consilium.europa.eu/mt/press/press-releases/2020/11/13/joint-statement-by-the-eu-home-affairs-ministers-on-the-recent-terrorist-attacks-in-europe/ .

(10)     https://www.consilium.europa.eu/media/41586/st14755-en19.pdf . Ir-Regolament (UE) 2016/794 jipprevedi evalwazzjoni li tivvaluta l-impatt, l-effettività u l-effiċjenza tal-Europol sa Mejju 2022.

(11)    It-terminu “partijiet privati” jirreferi għal organizzazzjonijiet b’personalità ġuridika għajr l-awtoritajiet pubbliċi. Dan jinkludi, iżda mhuwiex limitat għal, impriżi stabbiliti skont il-liġi ċivili, anki jekk ikunu proprjetà ta’ awtorità pubblika jew ikkontrollati minnha.

(12)    Fis-17 ta’ April 2018, il-Kummissjoni adottat l-hekk imsejjaħ “pakkett dwar l-evidenza elettronika” li jikkonsisti f’Regolament (COM(2018) 225 final) u f’Direttiva (COM(2018) 226 final). Il-pakkett qed jiġi nnegozjat mill-koleġiżlaturi.

(13)    Ir-Riżoluzzjoni tal-Parlament Ewropew tal-10 ta’ Lulju 2020 dwar politika komprensiva tal-Unjoni dwar il-prevenzjoni tal-ħasil tal-flus u tal-finanzjament tat-terroriżmu (2020/2686(RSP)).

(14)    COM(2020) 605 final (24.7.2020).

(15)     https://ec.europa.eu/commission/sites/beta-political/files/political-guidelines-next-commission_mt.pdf .

(16)    Ara l-Artikolu 88 tat-Trattat dwar il-Funzjonament tal-Unjoni Ewropea.

(17)    Skont l-Artikolu 3(1) tar-Regolament (UE) 2016/794, wieħed mill-objettivi tal-Europol huwa li tappoġġa u ssaħħaħ l-azzjoni mill-awtoritajiet kompetenti tal-Istati Membri u l-kooperazzjoni reċiproka tagħhom fil-prevenzjoni u fil-ġlieda kontra forom ta’ kriminalità li jaffettwaw interess komuni kopert minn politika tal-Unjoni. Dan jikkorrispondi għall-missjoni tal-Europol kif stabbilit fl-Artikolu 88 tat-TFUE. L-Artikolu 6(1) tar-Regolament (UE) 2016/794 jistipula li “f’każijiet speċifiċi fejn il-Europol tqis li investigazzjoni kriminali għandha tinbeda fir-rigward ta’ reat li jaqa’ fl-ambitu tal-objettivi tagħha, hija għandha titlob lill-awtoritajiet kompetenti tal-Istati Membri kkonċernati permezz tal-unitajiet nazzjonali sabiex jibdew, iwettqu jew jikkoordinaw tali investigazzjoni kriminali.”

(18)    COM(2018) 640 final (12.9.2018).

(19)    COM(2018) 225 final u COM(2018) 226 final (17.4.2018) (“pakkett dwar l-evidenza elettronika”).

(20)    Ir-Regolament (UE) Nru 2019/818 (20.5.2020).

(21)    Ir-Regolament (UE) Nru 2018/1862 (28.11.2018).

(22)    Ir-Regolament (UE) Nru 2017/2226 (30.11.2017).

(23)    Ir-Regolament (UE) Nru 2018/1240 (12.9.2018).

(24)    COM(2018) 302 final (16.5.2018).

(25)    COM(2020) 614 final (23.9.2020).

(26)    Ir-Regolament tal-Kunsill (UE) Nru 2017/1939 (12.10.2017).

(27)    Ir-Regolament (UE) Nru 2018/1727 (14.11.2018).

(28)    Ir-Regolament (UE) Nru 2019/881 (17.4.2019).

(29)    Ir-Regolament (UE, Euratom) Nru 883/2013 (11.9.2013).

(30)    Ir-Regolament (UE) 2019/1896 (13.11.2019).

(31)    Ir-Regolament (UE) Nru 1291/2013 (11.12.2013).

(32)    Ir-Regolament (UE) Nru 513/2014 (16.4.2014). Ara wkoll il-proposta tal-Kummissjoni għall-Fond għas-Sigurtà Interna għall-qafas finanzjarju pluriennali li jmiss (COM(2018) 472 final (13.6.2018)).

(33)    COM(2018) 435 final (7.6.2018).

(34)    COM(2018) 434 final (6.6.2018).

(35)    COM(2020) 66 final (19.2.2020).

(36)    COM(2020) 65 final (19.2.2020).

(37)    L-Artikolu 72 tat-TFUE.

(38)    L-Artikolu 4(2) tat-TEU.

(39)    Iċ-Ċentru Ewropew taċ-Ċiberkriminalità, iċ-Ċentru Ewropew kontra l-Faċilitazzjoni ta’ Dħul Klandestin ta’ Migranti, iċ-Ċentru Ewropew għall-Ġlieda Kontra t-Terroriżmu u ċ-Ċentru Ewropew għall-Kriminalità Finanzjarja u Ekonomika.

(40)    L-Artikolu 67(1) tat-TFEU.

(41)     https://ec.europa.eu/home-affairs/news/commission-publishes-study-practice-direct-exchanges-personal-data-between-europol-and-private_en .

(42)    [żid il-links għall-iskeda tas-sommarju u għall-opinjoni tal-Bord tal-Iskrutinju Regolatorju].

(43)    L-Artikolu 8 tal-Karta tad-Drittijiet Fundamentali tal-Unjoni Ewropea (minn hawn ’il quddiem “il-Karta”).

(44)    L-Artikolu 7 tal-Karta.

(45)    SEC(2011) 567 final (6.5.2011).

(46)    L-Aġenzija tal-Unjoni Ewropea għad-Drittijiet Fundamentali: Applying the Charter of Fundamental Rights of the European Union in law and policymaking at national level (2018).

(47)    Il-Kontrollur Ewropew għall-Protezzjoni tad-Data: Assessing the necessity of measures that limit the fundamental right to the protection of personal data: A toolkit (11.4.2017); Il-Kontrollur Ewropew għall-Protezzjoni tad-Data: EDPS Guidelines on assessing the proportionality of measures that limit the fundamental rights to privacy and to the protection of personal data (19.12.2019).

(48)    L-Artikolu 18(5) tar-Regolament (UE) 2016/794 jillimita l-ipproċessar ta’ data personali mill-Europol għall-kategoriji tas-suġġetti tad-data elenkati fl-anness II ta’ dak ir-Regolament. Il-kategoriji tas-suġġetti tad-data jkopru: (1) persuni suspettati, (2) persuni misjuba ħatja, (3) persuni li dwarhom ikun hemm indikazzjonijiet fattwali jew motivi raġonevoli sabiex wieħed jemmen li se jwettqu reat, (4) persuni li jistgħu jintalbu jixhdu f’investigazzjonijiet jew fi proċedimenti kriminali sussegwenti, (5) vittmi, (6) kuntatti u assoċjati ta’ persuna kriminali, u (7) persuni li jistgħu jipprovdu informazzjoni dwar reat.

(49)    Ara d-Deċiżjoni tal-KEPD dwar l-inkjesta fuq inizjattiva proprja dwar l-isfida tal-big data tal-Europol: https://edps.europa.eu/sites/edp/files/publication/20-09-18_edps_decision_on_the_own_initiative_inquiry_on_europols_big_data_challenge_en.pdf .

(50)    Pajjiż terz li miegħu jkun hemm ftehim konkluż fuq il-bażi tal-Artikolu 23 tad-Deċiżjoni 2009/371/ĠAI f’konformità mal-punt (c) tal-Artikolu 25(1) tar-Regolament (UE) 2016/794 jew inkella fuq il-bażi tal-Artikolu 218 tat-TFUE f’konformità mal-punt (b) tal-Artikolu 25(1) tar-Regolament (UE) 2016/794, jew li jkun is-suġġett ta’ deċiżjoni ta’ adegwatezza kif imsemmija fil-punt (a) tal-Artikolu 25(1) tar-Regolament (UE) 2016/794.

(51)    Ara d-Deċiżjoni tal-KEPD dwar l-inkjesta fuq inizjattiva proprja dwar l-isfida tal-big data tal-Europol: https://edps.europa.eu/sites/edp/files/publication/20-09-18_edps_decision_on_the_own_initiative_inquiry_on_europols_big_data_challenge_en.pdf .

(52)    Ir-Regolament (UE) 2016/794 tal-Parlament Ewropew u tal-Kunsill tal-11 ta’ Mejju 2016 dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u li jissostitwixxi u jħassar id-Deċiżjonijiet tal-Kunsill 2009/371/ĠAI, 2009/934/ĠAI, 2009/935/ĠAI, 2009/936/ĠAI u 2009/968/ĠAI (ĠU L 135, 24.5.2016, p. 53).

(53)    Id-Deċiżjoni tal-Kunsill 2008/617/ĠAI tat-23 ta’ Ġunju 2008 dwar it-titjib tal-koperazzjoni bejn l-unitajiet ta’ intervent speċjali tal-Istati Membri tal-Unjoni Ewropea f’sitwazzjonijiet ta’ kriżi (ĠU L 210, 6.8.2008).

(54)    Id-Direttiva (UE) 2016/1148 tal-Parlament Ewropew u tal-Kunsill tas-6 ta’ Lulju 2016 dwar miżuri għal livell għoli komuni ta’ sigurtà tan-netwerks u tas-sistemi tal-informazzjoni madwar l-Unjoni (ĠU L 194, 19.7.2016, p. 1–30).

(55)    Ir-Regolament (UE) 2018/1862 tal-Parlament Ewropew u tal-Kunsill tat-28 ta’ Novembru 2018 dwar l-istabbiliment, it-tħaddim u l-użu tas-Sistema ta’ Informazzjoni ta’ Schengen (SIS) fil-qasam tal-kooperazzjoni tal-pulizija u l-kooperazzjoni ġudizzjarja f’materji kriminali, li jemenda u jħassar id-Deċiżjoni tal-Kunsill 2007/533/ĠAI, u jħassar ir-Regolament (KE) Nru 1986/2006 tal-Parlament Ewropew u tal-Kunsill u d-Deċiżjoni tal-Kummissjoni 2010/261/UE (ĠU L 312, 7.12.2018, p. 56–106).

(56)    Ir-Regolament (UE) 2018/1862 tal-Parlament Ewropew u tal-Kunsill tat-28 ta’ Novembru 2018 dwar l-istabbiliment, it-tħaddim u l-użu tas-Sistema ta’ Informazzjoni ta’ Schengen (SIS) fil-qasam tal-kooperazzjoni tal-pulizija u l-kooperazzjoni ġudizzjarja f’materji kriminali, li jemenda u jħassar id-Deċiżjoni tal-Kunsill 2007/533/ĠAI, u jħassar ir-Regolament (KE) Nru 1986/2006 tal-Parlament Ewropew u tal-Kunsill u d-Deċiżjoni tal-Kummissjoni 2010/261/UE (ĠU L 312, 7.12.2018, p. 56–106).

(57)    Ir-Regolament (UE) 2019/452 tal-Parlament Ewropew u tal-Kunsill tad-19 ta’ Marzu 2019 li jistabbilixxi qafas għall-iskrinjar tal-investimenti diretti barranin fl-Unjoni (ĠU L 79I , 21.3.2019, p. 1–14).

(58)    Ir-Regolament tal-Kunsill (UE) 2017/1939 tat-12 ta’ Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”) (ĠU L 283, 31.10.2017, p. 1–71).

(59)    Id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, p. 73).

(60)    Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

(61)    Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

(62)    Kif imsemmi fl-Artikolu 58(2)(a) jew (b) tar-Regolament Finanzjarju.

(63)    L-Artikolu 88 tat-TFUE.

(64)    L-Artikolu 67 tat-TFUE.

(65)    Skwadra ta’ Investigazzjoni Konġunta (SIK) hija għodda ta’ koperazzjoni internazzjonali bbażata fuq ftehim bejn l-awtoritajiet kompetenti - kemm ġudizzjarji (imħallfin, prosekuturi, imħallfin investigattivi) kif ukoll tal-infurzar tal-liġi - ta’ żewġ Stati jew aktar, stabbilita għal durata limitata u għal skop speċifiku, sabiex twettaq investigazzjonijiet kriminali f’wieħed jew aktar mill-Istati involuti. L-SIK huma għodda effettiva ta’ kooperazzjoni li tiffaċilita l-koordinazzjoni ta’ investigazzjonijiet u ta’ prosekuzzjonijiet immexxija b’mod parallel f’diversi Stati Membri jew f’każijiet b’dimensjoni transkonfinali.

(66)    It-Task Force Operazzjonali (OTF) hija grupp temporanju ta’ rappreżentanti tal-Istati Membri, ta’ Partijiet terzi u tal-Europol u proġett multinazzjonali/multidixxiplinari speċifiku li jikkonsisti f’attivitajiet ta’ intelligence u investigattivi fir-rigward ta’ Miri speċifiċi ta’ Valur Għoli. Mira ta’ Valur Għoli (HVT) hija persuna li l-attività kriminali tagħha tissodisfa kriterji speċifiċi ta’ riskju u, għalhekk, tikkostitwixxi riskju għoli ta’ kriminalità serja u organizzata għal żewġ Stati Membri jew aktar.

(67)    COM(2020) 456 (27.5.2020)

(68)    COM(2020) 440 final – Annessi 1 sa 2 (27.5.2020)

(69)    COM(2020) 605 final (24.7.2020).

(70)     https://ec.europa.eu/commission/sites/beta-political/files/political-guidelines-next-commission_mt.pdf .

(71)    COM(2018) 640 final (12.9.2018).

(72)    COM(2020) 66 final (19.2.2020).

(73)    COM(2020) 65 final (19.2.2020).

(74)    L-indikaturi operazzjonali tal-Europol għall-2019 juru li: in-numru ta’ operazzjonijiet ittriplika mill-2014; l-użu tal-uffiċċju mobbli fuq il-post żdied b’aktar mid-doppju; in-numru ta’ messaġġi skambjati permezz tan-network SIENA żdied bi 300 %; in-numru ta’ oġġetti mdaħħla fis-Sistema ta’ Informazzjoni tal-Europol żdied b’aktar minn 500 %.

(75)    Id-dettalji tal-modi ta’ ġestjoni u r-referenzi għar-Regolament Finanzjarju jinsabu fuq is-sit BudgWeb: https://myintracomm.ec.europa.eu/budgweb/MT/man/budgmanag/Pages/budgmanag.aspx .

(76)    Dokument ta’ ħidma tas-servizzi tal-kummissjoni – Decentralised agencies and EPPO.

(77)    Ir-Regolament (UE) 2016/794

(78)     https://www.europol.europa.eu/sites/default/files/documents/decision_of_the_europol_management_board_on_the_adoption_of_the_financial_regulation_applicable_to_europol_.pdf  

(79)     https://europa.eu/european-union/sites/europaeu/files/docs/body/joint_statement_and_common_approach_2012_mt.pdf

(80)    L-Artikolu 30 tar-Regolament Finanzjarju tal-Europol.

(81)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(82)    EFTA: Assoċjazzjoni Ewropea tal-Kummerċ Ħieles.

(83)    Pajjiżi kandidati u, fejn ikun applikabbli, pajjiżi potenzjalment kandidati mill-Balkani tal-Punent.

(84)    Minħabba n-natura operazzjonali speċifika tagħhom, mhuwiex possibbli li jiġu identifikati kostijiet unitarji preċiżi għal kull riżultat, u lanqas volum mistenni eżatt ta’ riżultati, b’mod partikolari minħabba li xi outputs huma relatati ma’ attivitajiet tal-infurzar tal-liġi reattivi għal attivitajiet kriminali imprevedibbli.

(85)    Il-livelli tal-persunal indikati fl-Abbozz tal-Baġit tal-2021, ikkalkolati fuq il-bażi tal-kostijiet unitarji medji tal-persunal li għandhom jintużaw għal-LFS, indiċjati għall-koeffiċjent tal-korrezzjoni għan-Netherlands (111,5 %).

(86)    F’dan l-istadju għadu mhuwiex possibbli li tiġi pprovduta l-allokazzjoni dettaljata bejn l-aġent temporanju – AD u l-aġenti temporanji – AST. L-istimi tal-kostijiet għall-persunal saru fuq il-bażi tal-kostijiet medji għall-aġent temporanju, indiċjati għall-koeffiċjent tal-korrezzjoni għan-Netherlands (111,5 %).

(87)    Il-livelli awtorizzati tal-persunal bil-kuntratt se jissaħħu fil-kontribuzzjoni tal-UE tal-2021 għall-Europol u se jibqgħu stabbli f’dan il-livell għall-QFP 2021-2027 kollu. Fl-LFS ma hija prevista l-ebda żieda f’aġenti bil-kuntratt.

(88)    Il-livelli tal-persunal indikati fl-Abbozz tal-Baġit tal-2021, ikkalkolati fuq il-bażi tal-kostijiet unitarji medji tal-persunal li għandhom jintużaw għal-LFS, indiċjati għall-koeffiċjent tal-korrezzjoni għan-Netherlands (111,5 %).

(89)    AC= Persunal bil-Kuntratt; AL = Persunal Lokali; END= Espert Nazzjonali Sekondat; INT = persunal tal-aġenzija; JPD = Esperti Żgħażagħ fid-Delegazzjonijiet.

(90)    Sottolimitu għall-persunal estern kopert mill-approprjazzjonijiet operazzjonali (li qabel kienu l-linji “BA”).

(91)    Prinċipalment għall-Fondi Strutturali, għall-Fond Agrikolu Ewropew għall-Iżvilupp Rurali (FAEŻR) u għall-Fond Ewropew għas-Sajd (FES).

(92)    Ara l-Artikoli 11 u 17 tar-Regolament tal-Kunsill (UE, Euratom) Nru 1311/2013 li jistabbilixxi l-qafas finanzjarju pluriennali għas-snin 2014-2020.

(93)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri l-ammonti gross wara t-tnaqqis ta’ 20 % għall-kostijiet tal-ġbir.