Notifika minn qabel ta’ konċentrazzjoni

(Il-Każ M.9604 — NENT/Telenor/JV)

(Test b’rilevanza għaż-ŻEE)

(2020/C 108/04)

Fit-23 ta’ Marzu 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Nordic Entertainment Group AB (“NENT”, l-Iżvezja),

—	Telenor ASA (“Telenor”, in-Norveġja),

—	il-Joint Venture (“JV”, l-Iżvezja).

NENT u Telenor jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab tal-JV.

Il-konċentrazzjoni hija mwettqa permezz ta’ xiri ta’ ishma f’kumpanija maħluqa ġdida li tikkostitwixxi f’impriża bi sħab (joint venture, JV).

L-attivitajiet kummerċjali tal-impriżi kkonċernati huma:

—

NENT: (i) il-provvista ta’ servizzi ta’ distribuzzjoni tat-televiżjoni u kanali televiżivi fin-Norveġja, l-Iżvezja, id-Danimarka u l-Finlandja, u l-ħolqien, il-produzzjoni u d-distribuzzjoni ta’ varjetà televiżiva, reklami, feature films u kontenut kummerċjali, u (ii) barra r-reġjun Nordiku, it-tħaddim ta’ kumpaniji tal-produzzjoni f’pajjiżi oħra Ewropej, u l-bejgħ ta’ kontenut lil klijenti madwar id-dinja,

—	Telenor: il-provvista ta’ servizzi ta’ telekomunikazzjonijiet ċellulari u fissi u servizzi ta’ distribuzzjoni tat-televiżjoni fin-Norveġja, l-Iżvezja, id-Danimarka u l-Finlandja, u l-provvista ta’ servizzi ta’ telekomunikazzjonijiet ċellulari fl-Asja,

—	il-JV: il-provvista ta’ servizzi ta’ distribuzzjoni tat-televiżjoni fin-Norveġja, l-Iżvezja, id-Danimarka u l-Finlandja.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9604 — NENT/Telenor/JV

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).